(1)

Il-kriterji li skonthom l-awtoritajiet kompetenti jistgħu jirrikjedu bidliet fid-dikjarazzjoni ta’ konformità msemmija fl-Artikolu 26(3) ta’ dan ir-Regolament jenħtieġ li jqisu n-natura tad-dispożizzjonijiet tar-Regolament (UE) 2016/1011 li l-amministraturi tal-parametri referenzjarji mhux sinifikanti, skont l-Artikolu 26(1) ta’ dan ir-Regolament, jistgħu jagħżlu li ma japplikawx. Peress li xi wħud mir-rekwiżiti stabbiliti f’dawn id-dispożizzjonijiet jikkonċernaw l-istruttura organizzattiva tal-amministratur, filwaqt li oħrajn jikkonċernaw il-parametru referenzjarju jew il-familja ta’ parametri referenzjarji kkonċernati, l-istess distinzjoni tapplika għall-kriterji li skonthom l-awtoritajiet kompetenti jistgħu jirrikjedu bidliet fid-dikjarazzjoni ta’ konformità.

(2)

Fir-rigward tar-rekwiżiti li jikkonċernaw l-istruttura organizzattiva tal-amministratur, l-awtoritajiet kompetenti jenħtieġ li jkunu jistgħu jitolbu bidliet fid-dikjarazzjoni ta’ konformità ta’ parametru referenzjarju mhux sinifikanti meta jidhrilhom li d-dikjarazzjoni ta’ konformità ma tkunx ċara dwar l-għaliex l-amministratur ikkonċernat jenħtieġ li jitħalla ma jikkonformax mar-rekwiżiti stabbiliti fl-Artikoli 4, 5 u 6 tar-Regolament (UE) 2016/1011. Dan jenħtieġ li jkun partikolarment il-każ meta jkun hemm nuqqas ta’ ċarezza dwar l-istruttura organizzattiva tal-amministratur ikkonċernat, dwar l-identifikazzjoni ta’ kunflitti ta’ interess potenzjali li jistgħu jinqalgħu bejn il-persuni involuti fl-għoti tal-parametru referenzjarju u l-impjegati l-oħra jew partijiet mill-organizzazzjoni tal-amministratur, dwar il-proċess ta’ sorveljanza tal-għoti tal-parametru referenzjarju mhux sinifikanti, jew il-qafas ta’ kontroll għall-għoti jew il-pubblikazzjoni ta’ parametru referenzjarju mhux sinifikanti jew biex isir disponibbli.

(3)

Fir-rigward tar-rekwiżiti li jikkonċernaw il-parametru referenzjarju jew il-familja ta’ parametri referenzjarji, l-awtoritajiet kompetenti jenħtieġ li jkunu jistgħu jitolbu bidliet fid-dikjarazzjoni ta’ konformità ta’ parametru referenzjarju mhux sinifikanti meta jqisu li d-dikjarazzjoni ta’ konformità ma tkunx ċara dwar l-għaliex l-amministratur ikkonċernat jenħtieġ li jitħalla ma jikkonformax mar-rekwiżiti stabbiliti fl-Artikolu 11 u l-Artikoli minn 13 sa 16 tar-Regolament (UE) 2016/1011. Dan jenħtieġ li jkun partikolarment il-każ meta jkun hemm nuqqas ta’ ċarezza dwar il-livell ta’ kontroll għall-għoti tad-data tal-input, it-trasparenza tal-proċeduri għall-konsultazzjoni dwar kwalunkwe bidla materjali fil-metodoloġija tal-parametru referenzjarju mhux sinifikanti, il-proċess ta’ rapportar ta’ każijiet ta’ manipulazzjoni jew tat-tentattiv ta’ manipulazzjoni tal-parametru referenzjarju mhux sinifikanti, il-kodiċi ta’ kondotta meta l-parametru referenzjarju mhux sinifikanti jkun ibbażat fuq data tal-input minn kontributuri, il-kapaċità tal-amministratur li jirrieżamina u jirrapporta dwar il-konformità tiegħu mal-metodoloġija tal-parametru referenzjarju mhux sinifikanti u mar-Regolament (UE) 2016/1011, u meta d-data tal-input tingħata minn kontributur taħt superviżjoni, jekk dan isirx skont kontrolli xierqa sabiex jiġu żgurati l-preċiżjoni, l-integrità u l-affidabilità tad-data tal-input.

(4)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Ewropea tat-Titoli u s-Swieq (ESMA, European Securities and Markets Authority).

(5)

L-ESMA wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(6)

Sabiex tiġi żgurata konformità mad-data tal-applikazzjoni tal-Artikolu 5 tar-Regolament (UE) 2019/2175 tal-Parlament Ewropew u tal-Kunsill (3), li fir-Regolament (UE) 2016/1011 daħħal l-Artikolu 26(6) ta’ dak ir-Regolament, dan ir-Regolament jenħtieġ li japplika mill-1 ta’ Jannar 2022,

(a)

l-istruttura organizzattiva tal-amministratur ikkonċernat u l-kunflitti ta’ interess li jistgħu jirriżultaw mill-istruttura tagħha;

(b)

l-identifikazzjoni u l-ġestjoni tal-kunflitti ta’ interess relatati mal-impjegati tal-amministratur ikkonċernat, il-persuni li s-servizzi tagħhom jitqiegħdu għad-dispożizzjoni tiegħu jew taħt il-kontroll tiegħu u l-persuni direttament involuti fl-għoti tal-parametru referenzjarju mhux sinifikanti;

(c)

il-proċess ta’ sorveljanza tal-għoti ta’ parametru referenzjarju mhux sinifikanti, filwaqt li titqies il-vulnerabbiltà tal-parametru referenzjarju kkonċernat u l-iskala tal-organizzazzjoni tal-amministratur;

(d)

il-qafas ta’ kontroll għall-għoti jew il-pubblikazzjoni ta’ parametru referenzjarju mhux sinifikanti jew biex isir disponibbli, inkluż l-esponiment tal-amministratur għal riskju operazzjonali, riskju ta’ kontinwità tan-negozju jew għar-riskju ta’ tfixkil fil-proċess ta’ għoti ta’ parametru referenzjarju.

(a)

il-livell ta’ kontroll fuq l-għoti tad-data tal-input u jekk, filwaqt li titqies in-natura tad-data tal-input, dan il-livell ta’ kontroll huwiex suffiċjenti biex jiżgura l-preċiżjoni, l-integrità u l-affidabbiltà tad-data tal-input;

(b)

it-trasparenza tal-proċeduri għall-konsultazzjoni dwar kwalunkwe bidla materjali fil-metodoloġija tal-parametru referenzjarju mhux sinifikanti, filwaqt li titqies il-kumplessità ta’ din il-metodoloġija u n-natura tad-data tal-input użata;

(c)

il-proċess ta’ rapportar ta’ każijiet ta’ manipulazzjoni jew tat-tentattiv ta’ manipulazzjoni tal-parametru referenzjarju mhux sinifikanti, b’mod partikolari fir-rigward tal-monitoraġġ tad-data tal-input u l-kontributuri;

(d)

meta l-parametru referenzjarju mhux sinifikanti jkun ibbażat fuq data tal-input minn kontributuri, il-kodiċi ta’ kondotta u jekk, filwaqt li titqies in-natura tad-data tal-input, din tinkludix salvagwardji għall-integrità tad-data tal-input użata;

(e)

il-kapaċità tal-amministratur li jirrieżamina u jirrapporta dwar il-konformità tiegħu mal-metodoloġija tal-parametru referenzjarju mhux sinifikanti u mar-Regolament (UE) 2016/1011;

(f)

meta d-data tal-input tingħata minn kontributur taħt superviżjoni, jekk dan isirx b’kontrolli xierqa biex jiġu żgurati l-preċiżjoni, l-integrità u l-affidabilità tad-data tal-input.

(1)

Il-valutazzjoni tal-awtoritajiet kompetenti msemmija fl-Artikolu 21(2), il-punt (b) tar-Regolament (UE) 2016/1011 tirrigwarda jew kif parametru referenzjarju ta’ importanza kritika għandu jiġi ttrasferit lill-amministratur il-ġdid jew kif dan il-parametru referenzjarju għandu jieqaf milli jingħata. Għalhekk huwa xieraq li jiġu speċifikati żewġ settijiet ta’ kriterji li għandhom jiġu kkunsidrati mill-awtoritajiet kompetenti, skont liema xenarju jkunu qed jivvalutaw.

(2)

Meta parametru referenzjarju ta’ importanza kritika jkun se jiġi ttrasferit lil amministratur ġdid, jenħtieġ li l-amministratur il-ġdid ikun jista’ jiżgura li l-parametru referenzjarju ta’ importanza kritika jkompli jingħata b’tali mod li l-entitajiet taħt superviżjoni jkunu jistgħu jkomplu jużawh mingħajr interruzzjoni u f’konformità mar-Regolament (UE) 2016/1011. Għalhekk hemm bżonn li jiġu speċifikati l-kriterji li awtorità kompetenti jenħtieġ li tikkunsidra meta tivvaluta jekk l-amministratur il-ġdid jistax jiżgura din il-kontinwità.

(3)

Is-superviżjoni ta’ parametru referenzjarju ta’ importanza kritika jenħtieġ li tiġi żgurata matul it-tranżizzjoni ta’ dan il-parametru referenzjarju għal amministratur ġdid. Hemm riskju ogħla ta’ diskontinwità fis-superviżjoni ta’ dan il-parametru referenzjarju meta l-amministratur il-ġdid ikun jinsab fi Stat Membru differenti minn dak tal-awtorità kompetenti li tagħmel il-valutazzjoni dwar kif il-parametru referenzjarju ta’ importanza kritika għandu jiġi ttrasferit lil dak l-amministratur il-ġdid. Jenħtieġ li l-awtoritajiet kompetenti kkonċernati jikkooperaw biex jiżguraw li l-awtorità kompetenti li tagħmel il-valutazzjoni tirċievi l-informazzjoni kollha meħtieġa biex tiddetermina jekk il-kontinwazzjoni tas-superviżjoni tal-parametru referenzjarju hijiex se tiġi żgurata matul din it-tranżizzjoni, inkluża analiżi li tiffoka fuq il-post tal-amministratur il-ġdid u l-istatus ta’ awtorizzazzjoni tiegħu.

(4)

Jenħtieġ li l-awtorità kompetenti, meta tivvaluta kif parametru referenzjarju ta’ importanza kritika għandu jiġi ttrasferit lil amministratur il-ġdid, tanalizza minn perspettiva operazzjonali kif l-għoti ta’ parametru referenzjarju ta’ importanza kritika se jiġi ttrasferit mill-amministratur attwali għall-amministratur il-ġdid. Jenħtieġ li l-awtorità kompetenti kkonċernata tqis b’mod partikolari l-pubblikazzjoni mingħajr interruzzjoni tal-parametru referenzjarju, id-disponibbiltà tad-data tal-input, il-metodoloġija għall-kalkolu tal-parametru referenzjarju u kwalunkwe involviment meħtieġ ma’ kwalunkwe kontributur, utent u parti kkonċernata oħra.

(5)

Awtorità kompetenti li tivvaluta kif parametru referenzjarju ta’ importanza kritika għandu jitwaqqaf milli jingħata jenħtieġ li tkun sodisfatta li l-parametru referenzjarju jista’ jitwaqqaf milli jingħata b’mod ordnat, filwaqt li tqis, fost l-oħrajn, il-proċedura għall-waqfien tal-parametru referenzjarju stabbilita mill-amministratur tiegħu, skont l-Artikolu 28(1) tar-Regolament (UE) 2016/1011. Għalhekk hemm bżonn li jiġu speċifikati l-kriterji li awtorità kompetenti jenħtieġ li tikkunsidra biex tiddetermina jekk dan huwiex il-każ.

(6)

Awtorità kompetenti li tivvaluta kif parametru referenzjarju ta’ importanza kritika għandu jieqaf milli jingħata jenħtieġ li tikkunsidra wkoll il-pjanijiet bil-miktub għall-waqfien tal-parametru referenzjarju msemmi fl-Artikolu 28(2) tar-Regolament (UE) 2016/1011. Dawn il-pjanijiet bil-miktub ta’ utenti differenti ta’ parametru referenzjarju ta’ importanza kritika mhux dejjem jistgħu jkunu allinjati u jistgħu ma jkunux konsistenti jekk jiġu applikati fl-istess ħin. Għalhekk huwa importanti li l-awtoritajiet kompetenti jikkunsidraw sa liema punt dawn il-pjanijiet bil-miktub huma kompatibbli bejn l-utenti differenti tal-parametru referenzjarju, inkluż fir-rigward tas-sitwazzjonijiet li jixprunaw il-waqfien tal-parametru referenzjarju li dawn il-pjanijiet bil-miktub jipprevedu, u kif dawn il-pjanijiet bil-miktub jistgħu jintużaw biex jiġi żgurat il-waqfien tal-parametru referenzjarju ta’ importanza kritika b’mod ordnat.

(7)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Ewropea tat-Titoli u s-Swieq (ESMA, European Securities and Markets Authority).

(8)

L-ESMA wettqet konsultazzjonijiet pubbliċi bil-miftuħ dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(9)

Sabiex tiġi żgurata konformità mad-data tal-applikazzjoni tal-Artikolu 5 tar-Regolament (UE) 2019/2175 tal-Parlament Ewropew u tal-Kunsill (3), li daħħal fir-Regolament (UE) 2016/1011 l-Artikolu 21(5) ta’ dak ir-Regolament, dan ir-Regolament jenħtieġ li japplika mill-1 ta’ Jannar 2022.

(a)

jekk l-amministratur il-ġdid propost fil-valutazzjoni sottomessa mill-amministratur attwali, skont l-Artikolu 21(1), il-punt (b)(i), tar-Regolament (UE) 2016/1011:

(b)

jekk l-amministratur attwali tal-parametru referenzjarju ta’ importanza kritika infurmax lil xi kontributur, xi utent u xi partijiet ikkonċernati oħra, jew jekk wettaqx konsultazzjonijiet pubbliċi dwar il-possibilità ta’ tranżizzjoni tal-parametru referenzjarju ta’ importanza kritika għall-amministratur il-ġdid;

(c)

il-mod li bih l-amministratur il-ġdid biħsiebu jikkalkula l-parametru referenzjarju ta’ importanza kritika u jekk dan l-amministratur għandux l-intenzjoni li jemenda xi wieħed mill-elementi li ġejjin relatati mal-parametru referenzjarju ta’ importanza kritika u, jekk iva, kif l-amministratur se jiżgura l-konformità ta’ dawk l-elementi mar-Regolament (UE) 2016/1011:

(d)

jekk l-amministratur il-ġdid ikollux aċċess għall-istess data tal-input bħall-amministratur attwali, inkluża d-data tal-input storika miżmuma mill-amministratur attwali

(e)

jekk l-infrastrutturi tal-IT tal-amministratur il-ġdid ġewx ittestjati b’mod adegwat biex jingħata l-parametru referenzjarju ta’ importanza kritika;

(f)

meta l-parametru referenzjarju ta’ importanza kritika jkun ibbażat fuq data tal-input li tingħata minn panel ta’ kontributuri, kif l-amministratur il-ġdid biħsiebu jissodisfa r-rekwiżit stabbilit fl-Artikolu 11(1), il-punt (d), tar-Regolament (UE) 2016/1011 u jekk il-kontributuri attwali humiex se jkomplu jkunu parti mill-panel wara t-tranżizzjoni tal-parametru referenzjarju għall-amministratur il-ġdid;

(g)

il-mod li bih l-amministratur il-ġdid biħsiebu jippubblika l-parametru referenzjarju ta’ importanza kritika, inklużi l-arranġamenti standard ta’ pubblikazzjoni ta’ kuljum, il-frekwenza tal-pubblikazzjoni, l-indirizz tas-sit web u jekk il-parametru referenzjarju ta’ importanza kritika hux se jkun aċċessibbli mal-pagament ta’ tariffa jew hux se jkun mingħajr ħlas;

(h)

jekk hemmx pjan dettaljat għad-data ta’ tranżizzjoni, u jekk iva, jekk dan il-pjan jittrattax il-kwistjonijiet kollha possibbli, inklużi kwistjonijiet kuntrattwali, li jirriżultaw mit-tranżizzjoni tal-parametru referenzjarju ta’ importanza kritika għall-amministratur il-ġdid;

(i)

ir-riskji legali involuti fit-tranżizzjoni, inkluż ir-riskju ta’ kuntratt li ma jitwettaqx;

(j)

l-implikazzjonijiet tal-kontabbiltà u tat-taxxa tal-parametru referenzjarju ta’ importanza kritika li jingħata minn amministratur ġdid;

(k)

l-impatt tat-tranżizzjoni fuq l-infrastrutturi tas-swieq finanzjarji, inklużi l-kmamar tal-ikklerjar.

(1)

Sabiex ikunu b’saħħithom, l-arranġamenti ta’ governanza tal-amministraturi tal-parametri referenzjarji jenħtieġ li jipprevedu struttura organizzattiva li b’mod ċar u ddokumentat tispeċifika l-proċeduri għat-teħid tad-deċiżjonijiet tal-maniġment, il-linji ġerarkiċi interni u t-tqassim tal-funzjonijiet u r-responsabbiltajiet tal-persuni involuti fl-għoti ta’ parametru referenzjarju.

(2)

Jenħtieġ li l-arranġamenti ta’ governanza b’saħħithom jippermettu l-identifikazzjoni u l-ġestjoni ta’ kunflitti ta’ interess possibbli li jistgħu jinqalgħu fl-istruttura organizzattiva tal-amministraturi tal-parametri referenzjarji. Għaldaqstant jenħtieġ li, l-arranġamenti ta’ governanza tal-amministraturi tal-parametri referenzjarji jispeċifikaw b’mod partikolari l-istruttura tal-korp maniġerjali u r-rwoli u r-responsabbiltajiet tiegħu.

(3)

Ċirkustanza li tista’ twassal għal kunflitt ta’ interess ma teskludix awtomatikament lill-persuna involuta f’dan il-kunflitt ta’ interess milli tkun involuta fl-għoti ta’ parametru referenzjarju. Madankollu jenħtieġ li l-amministraturi tal-parametri referenzjarji jidentifikaw iċ-ċirkostanzi kollha li jistgħu jwasslu għal kunflitt ta’ interess potenzjali jew reali, jivvalutawhom u jiddeċiedu, fejn xieraq, dwar miżuri ta’ mitigazzjoni.

(4)

L-amministraturi tal-parametri referenzjarji li huma parti minn grupp jenħtieġ li jivvalutaw kif xieraq kwalunkwe implikazzjoni tal-istruttura tal-grupp marbuta mal-arranġamenti ta’ governanza tagħhom stess. Tali valutazzjoni jenħtieġ li tqis jekk il-kunflitti ta’ interess li jirriżultaw jistgħux jikkompromettu l-kapaċità tagħhom li jissodisfaw l-obbligi regolatorji tagħhom. Jenħtieġ li tivvaluta wkoll jekk l-indipendenza tal-amministraturi tistax tiġi kompromessa mill-istruttura tal-grupp jew mill-fatt li membru tal-korp maniġerjali tal-amministraturi jkun ukoll membru tal-bord ta’ entitajiet l-oħra tal-istess grupp. Dawn l-amministraturi tal-parametri referenzjarji jenħtieġ li jadottaw proċeduri speċifiċi għall-prevenzjoni u l-ġestjoni tal-kunflitti ta’ interess li jistgħu jirriżultaw minn din l-istruttura tal-grupp.

(5)

Jenħtieġ li l-amministraturi li joperaw bħala parti minn grupp ikunu jistgħu jfittxu sinerġiji fil-livell tal-grupp. Madankollu, il-funzjonijiet li jiġu esternalizzati fi ħdan il-grupp jenħtieġ li jikkonformaw mal-Artikolu 10 tar-Regolament (UE) 2016/1011 u ma’ kull dispożizzjoni oħra rilevanti ta’ dan ir-Regolament.

(6)

Skont il-prinċipju tal-proporzjonalità, jenħtieġ li l-amministraturi ta’ parametri referenzjarji mhux sinifikanti ma jkunux soġġetti għal piż amministrattiv eċċessiv. Fir-rigward tal-parametri referenzjarji mhux sinifikanti tagħhom, jenħtieġ li għaldaqstant dawn l-amministraturi jkunu jistgħu jagħżlu li ma jipparteċipawx f’ċerti rekwiżiti li jirrigwardaw l-istruttura organizzattiva tagħhom. Barra minn hekk, meta jkun iġġustifikat, fid-dawl tan-natura, l-iskala u l-kumplessità tal-attivitajiet tagħhom, il-probabbiltà ta’ kunflitt ta’ interess li jirriżulta bejn l-għoti ta’ parametru referenzjarju u kwalunkwe attività oħra tal-amministratur, u l-livell ta’ diskrezzjoni involut fil-proċess tal-għoti tal-parametru referenzjarju, jenħtieġ li ċerti amministraturi tal-parametri referenzjarji jkunu jistgħu jagħżlu li ma japplikawx ir-rekwiżit li jispeċifikaw il-proċedura għall-ħatra tal-korp maniġerjali fl-arranġamenti ta’ governanza tagħhom.

(7)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Ewropea tat-Titoli u s-Swieq (ESMA, European Securities and Markets Authority).

(8)

L-ESMA wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(9)

Sabiex tiġi żgurata konformità mad-data tal-applikazzjoni tal-Artikolu 5 tar-Regolament (UE) 2019/2175 tal-Parlament Ewropew u tal-Kunsill (3), li daħħal fir-Regolament (UE) 2016/1011 l-Artikolu 4(9) ta’ dak ir-Regolament, dan ir-Regolament jenħtieġ li japplika mill-1 ta’ Jannar 2022.

(1)

Jenħtieġ li jiġi żgurat li l-manipulazzjoni jew it-tentattiv ta’ manipulazzjoni ta’ parametru referenzjarju tkun effettiva u adegwata. Għaldaqstant huwa meħtieġ li s-sistemi u l-kontrolli ta’ amministratur ta’ parametru referenzjarju jkunu proporzjonati għan-natura, il-kumplessità u r-riskju ta’ manipulazzjoni tal-parametru referenzjarju pprovdut u li r-riskju ta’ manipulazzjoni jiġi evalwat abbażi ta’ valutazzjoni oġġettiva li tqis l-oriġini, in-natura, il-pekuljarità u s-severità ta’ tali riskju.

(2)

Sabiex jiġi żgurat li d-detezzjoni ta’ kwalunkwe mġiba li tista’ tinvolvi manipulazzjoni jew tentattiv ta’ manipulazzjoni ta’ parametru referenzjarju tkun effettiva, huwa meħtieġ li jiġu previsti sistemi awtomatizzati xierqa għall-monitoraġġ tad-data tal-input. Madankollu, is-sistemi awtomatizzati waħedhom mhumiex biżżejjed biex jiżguraw li l-imġiba manipulattiva tiġi identifikata b’mod effettiv. Għaldaqstant is-sistemi awtomatizzati jenħtieġ li jiġu kkumplimentati b’livell adegwat ta’ analiżi umana li għandha titwettaq minn persunal imħarreġ b’mod xieraq.

(3)

Sabiex jiġi żgurat li l-awtoritajiet kompetenti jkunu jistgħu jivvalutaw b’mod effettiv il-miżuri meħuda biex jidentifikaw u jirrappurtaw mġiba ħażina, jenħtieġ li l-amministraturi, fuq talba, jipprovdu lill-awtorità kompetenti b’informazzjoni dwar in-natura, il-kumplessità u r-riskju ta’ manipulazzjoni tal-parametru referenzjarju kkonċernat, u jissostanzjaw l-adegwatezza tal-livell ta’ awtomatizzazzjoni u tal-analiżi umana magħżulin.

(4)

L-impjegati ta’ amministratur ta’ parametru referenzjarju li huma responsabbli mit-tħaddim tas-sistemi u l-kontrolli tal-amministratur jenħtieġ li jirċievu taħriġ xieraq biex ikunu jistgħu janalizzaw jekk l-input ta’ data partikolari huwiex suspettuż jew le. Tali taħriġ jenħtieġ li jiżgura li dawn l-impjegati jkunu konxji mill-karatteristiċi tas-sottomissjoni korretta tad-data tal-input, u tad-diskrepanzi fid-data tal-input li potenzjalment jkunu kkawżati minn manipulazzjoni jew minn tentattiv ta’ manipulazzjoni. It-taħriġ jenħtieġ li jitfassal b’mod effettiv skont in-natura, il-kumplessità u r-riskju ta’ manipulazzjoni tal-parametru referenzjarju pprovdut.

(5)

L-amministraturi jistgħu jippreferu li jesternalizzaw il-funzjonijiet relatati mas-sistemi u l-kontrolli. Din l-esternalizzazzjoni jenħtieġ li tkun possibbli biss dment li ma tfixkilx materjalment il-kontroll tal-amministratur fuq l-għoti tal-parametru referenzjarju jew il-kapaċità tal-awtorità kompetenti rilevanti li tissorvelja l-parametru referenzjarju, u hija f’kull każ soġġetta għar-rekwiżiti tal-Artikolu 10 tar-Regolament (UE) 2016/1011.

(6)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Ewropea tat-Titoli u s-Swieq (ESMA, European Securities and Markets Authority).

(7)

L-ESMA wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(8)

Sabiex tiġi żgurata konformità mad-data tal-applikazzjoni tal-Artikolu 5 tar-Regolament (UE) 2019/2175 tal-Parlament Ewropew u tal-Kunsill (3), li daħħal fir-Regolament (UE) 2016/1011 l-Artikolu 14(4) ta’ dak ir-Regolament, dan ir-Regolament jenħtieġ li japplika mill-1 ta’ Jannar 2022.

(a)

ir-riskju ta’ manipulazzjoni tal-parametru referenzjarju

(b)

deskrizzjoni ġenerali tas-sistemi adegwati u tal-kontrolli effettivi, inkluża l-konformità tagħhom mar-rekwiżiti stabbiliti fl-Artikolu 1;

(c)

deskrizzjoni ġenerali tat-taħriġ tal-impjegati tal-amministratur involut fit-tħaddim ta’ sistemi adegwati u ta’ kontrolli effettivi, kif imsemmi fl-Artikolu 2;

(d)

l-isem u d-dettalji ta’ kuntatt tal-persuni responsabbli mis-sistemi adegwati u l-kontrolli effettivi.

(1)

Biex il-metodoloġija għad-determinazzjoni ta’ parametru referenzjarju tkun robusta u affidabbli jenħtieġ li din il-metodoloġija tispeċifika n-natura tad-data tal-input użata u kwalunkwe kriterju li għandu jkun applikabbli f’ċirkostanzi li fihom il-kwantità jew il-kwalità tad-data tal-input taqa’ taħt l-istandards meħtieġa għall-metodoloġija biex jiġi ddeterminat il-parametru referenzjarju b’mod preċiż u affidabbli, jenħtieġ li tkun soġġetta għal valutazzjoni tar-relazzjoni bejn is-suppożizzjonijiet ewlenin użati u s-sensittività tal-parametru referenzjarju komputat minn din il-metodoloġija, jenħtieġ li tkun kapaċi tirrappreżenta s-suq sottostanti jew ir-realtà ekonomika li qed tkejjel, u jenħtieġ li tinkorpora fatturi, inklużi l-parametri u d-data tal-input, li huma l-aktar relevanti biex jitkejjel is-suq sottostanti.

(2)

Parametru referenzjarju jiġi kkalkulat bl-użu ta’ formula jew metodu ieħor ta’ kalkolu bbażat fuq il-valuri sottostanti. L-amministraturi għandhom grad ta’ diskrezzjoni fit-tfassil tal-formula, fit-twettiq tal-kalkolu meħtieġ u fid-determinazzjoni tad-data tal-input. Dan il-grad ta’ diskrezzjoni joħloq riskju ta’ manipulazzjoni. Għalhekk, jenħtieġ li l-amministraturi jiżguraw li meta tintuża din id-diskrezzjoni, ikun hemm fis-seħħ sistema ta’ kontroll xierqa. Ir-Regolament (UE) 2016/1011 jirrikonoxxi li t-tfassil ta’ metodoloġija tal-parametru referenzjarju jista’ jinkorpora setgħa diskrezzjonali li tkun eżerċitata minn kull amministratur. Huwa importanti li l-metodoloġija tinkludi regoli ċari li jidentifikaw kif u meta din id-diskrezzjoni tkun tista’ tiġi eżerċitata u b’mod partikolari jekk din id-diskrezzjoni hijiex ibbażata fuq algoritmu jew metodoloġija definita minn qabel. Barra minn hekk jenħtieġ li l-metodoloġija tiċċara f’liema ċirkostanzi d-data tat-tranżazzjonijiet fis-suq sottostanti titqies bħala mhux suffiċjenti.

(3)

Huwa importanti li amministratur ikun jista’ jibni metodoloġija tal-parametru referenzjarju li tkun reżiljenti għal kundizzjonijiet tas-suq differenti u li tippermetti l-kalkolu tal-parametru referenzjarju fl-aktar ġabra wiesa’ ta’ ċirkostanzi tas-suq possibbli. Il-metodoloġija tal-parametru referenzjarju użata għandha għaldaqstant tiddependi fuq valuri storiċi adegwati u xierqa tal-parametru referenzjarju. Għall-istess raġuni, u b’mod partikolari biex jiġi vvalidat il-kalkolu tal-parametru referenzjarju u biex tiġi evalwata l-prestazzjoni tal-metodoloġija ex post, il-metodoloġija tal-parametru referenzjarju jenħtieġ li tiġi ttestjata retrospettivament mad-data tat-tranżazzjonijiet disponibbli. Tali ttestjar retrospettiv għandu jkun eżerċizzju ex post, li jew juża data disponibbli addizzjonali li ma ntużatx għall-kalkolu tal-parametru referenzjarju jew juża sorsi oħra ta’ data tat-tranżazzjonijiet, jew li jibni mill-ġdid il-valuri storiċi tal-parametru referenzjarju. Sabiex jiġi żgurat li l-metodoloġija tal-parametru referenzjarju tkun kapaċi għall-validazzjoni, huwa importanti li l-ittestjar retrospettiv jitwettaq f’kull rieżami annwali tal-metodoloġija tal-parametru referenzjarju, u skont it-tip ta’ parametru referenzjarju li jkun, jew wara kull bidla materjali ta’ din il-metodoloġija, fuq bażi kontinwa, jew meta jingħata l-ewwel parametru referenzjarju. Is-sejbiet mill-ittestjar retrospettiv għandhom jiġu riflessi fil-metodoloġija.

(4)

Metodoloġija tal-parametru referenzjarju li hija reżiljenti jenħtieġ li tkun tista’ tintuża għall-kalkolu tal-parametru referenzjarju fl-aktar ġabra wiesa’ ta’ ċirkostanzi possibbli, inkluż f’kundizzjonijiet tas-suq taħt stress. Għalhekk huwa importanti li l-amministraturi jivvalutaw l-impatt ta’ diversi kundizzjonijiet tas-suq fuq il-metodoloġija bl-użu ta’ data storika minn kundizzjonijiet tas-suq taħt stress reali, u li għall-parametri referenzjarji kritiċi tintuża data ipotetika għal kundizzjonijiet tas-suq taħt stress mhux reali.

(5)

Metodoloġija tal-parametru referenzjarju li hija traċċabbli u verifikabbli jenħtieġ li tippermetti kontroll kontinwu u kontroll ta’ kull kalkolu tal-parametru referenzjarju. It-traċċabbiltà jenħtieġ li tinkludi d-dokumentazzjoni tal-passi differenti tal-metodoloġija u jenħtieġ li tkun il-bażi għall-verifikazzjoni, jiġifieri l-kapaċità li jiġu mibnija mill-ġdid il-valuri storiċi tal-parametru referenzjarju.

(6)

Skont il-prinċipju tal-proporzjonalità, jenħtieġ li l-amministraturi ta’ parametri referenzjarji mhux sinifikanti u ta’ parametri referenzjarji tad-data regolata ma jkunux soġġetti għal piż amministrattiv eċċessiv. Għalhekk huwa xieraq li tali amministraturi jkunu jistgħu jagħżlu li ma jipparteċipawx f’ċerti rekwiżiti ta’ kwalità għal dawn il-parametri referenzjarji. Barra minn hekk, meta jkun iġġustifikat fid-dawl tan-natura, l-iskala u l-kumplessità tal-attivitajiet tagħhom, il-probabbiltà ta’ kunflitt ta’ interess li jirriżulta bejn l-għoti ta’ parametru referenzjarju u kwalunkwe attività oħra tal-amministratur, u l-livell ta’ diskrezzjoni involut fil-proċess tal-għoti tal-parametru referenzjarju, jenħtieġ li ċerti amministraturi tal-parametri referenzjarji jkunu jistgħu jagħżlu li ma jipparteċipawx f’ċerti rekwiżiti fir-rigward tar-reżiljenza tal-metodoloġija tal-parametru referenzjarju.

(7)

Dan ir-Regolament huwa bbażat fuq l-abbozz ta’ standards tekniċi regolatorji ppreżentat lill-Kummissjoni mill-Awtorità Ewropea tat-Titoli u s-Swieq (ESMA, European Securities and Markets Authority).

(8)

L-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2).

(9)

Sabiex tiġi żgurata konformità mad-data tal-applikazzjoni tal-Artikolu 5 tar-Regolament (UE) 2019/2175 tal-Parlament Ewropew u tal-Kunsill (3), li daħħal fir-Regolament (UE) 2016/1011 l-Artikolu 12(4) ta’ dak ir-Regolament, dan ir-Regolament jenħtieġ li japplika mill-1 ta’ Jannar 2022.

(a)

l-istadju tal-kalkolu tal-parametru referenzjarju li fih titwettaq id-diskrezzjoni;

(b)

il-kriterji li għandhom jintużaw meta tiġi eżerċitata d-diskrezzjoni;

(c)

id-data tal-input li għandha tiġi kkunsidrata;

(d)

fejn applikabbli, lista mhux eżawrjenti tal-kundizzjonijiet li taħthom:

(e)

it-tip ta’ swieq relatati li għandhom jitqiesu xierqa għall-finijiet tal-punt (d)(i).

(1)

Ir-Regolament (UE) 2017/625 jistipula li l-analiżi, it-testijiet u d-dijanjożi tal-laboratorju fuq kampjuni meħuda matul il-kontrolli uffiċjali u attivitajiet uffiċjali oħra għandhom jitwettqu minn laboratorji uffiċjali, li jkunu nħatru bħala tali mill-awtoritajiet kompetenti tal-Istati Membri.

(2)

F’konformità mal-punt (e) tal-Artikolu 37(4) tar-Regolament (UE) 2017/625, jeħtieġ li l-laboratorji uffiċjali jikkonformaw, fost l-oħrajn, ma’ ċerti kriterji ta’ akkreditazzjoni bbażati fuq standards internazzjonali. L-Artikolu 37(5) jipprevedi li l-kamp ta’ applikazzjoni ta’ din l-akkreditazzjoni għandu jinkludi l-metodi ta’ analiżi, ittestjar jew dijanjożi tal-laboratorju meħtieġa li jintużaw matul l-operazzjonijiet uffiċjali tal-laboratorju.

(3)

L-għan tal-obbligu li jkun hemm laboratorji u metodi akkreditati huwa li tiġi żgurata l-kompetenza tal-laboratorji uffiċjali biex jipproduċu riżultati affidabbli u riproduċibbli bħala bażi għall-kontrolli uffiċjali armonizzati u attivitajiet uffiċjali oħra fi ħdan l-Unjoni.

(4)

Fl-istess ħin, il-proċess ta’ akkreditazzjoni jeħtieġ żmien u riżorsi konsiderevoli.

(5)

Għalhekk, l-Artikolu 41 tar-Regolament (UE) 2017/625 jagħti s-setgħa lill-Kummissjoni biex tadotta atti delegati li jispeċifikaw il-każijiet fejn u l-kundizzjonijiet li skonthom l-awtoritajiet kompetenti jistgħu jaħtru bħala laboratorji uffiċjali, laboratorji li ma jissodisfawx il-kundizzjonijiet tal-punt (e) tal-Artikolu 37(4) ta’ dak ir-Regolament fir-rigward tal-metodi kollha li jużaw għall-kontrolli uffiċjali u attivitajiet uffiċjali oħra. Tali laboratorji jistgħu jinħatru skont il-kundizzjonijiet stipulati taħt dik is-setgħa sakemm jissodisfaw il-kriterji stabbiliti fil-punti (a) u (b) tal-Artikolu 41 tar-Regolament (UE) 2017/625.

(6)

Fl-oqsma tas-saħħa tal-pjanti, il-materjali li jiġu f’kuntatt mal-ikel, l-addittivi tal-ikel, l-enzimi tal-ikel, l-aromatizzanti u l-addittivi tal-għalf huma meħtieġa aktar sforzi biex jitlesta l-proċess ta’ akkreditazzjoni. Il-kompiti relatati huma kumplessi peress li l-għadd potenzjali ta’ sustanzi li jridu jiġu vverifikati f’matriċi partikolari jew fid-diversi kombinazzjonijiet ta’ matriċi/analiti jimplika firxa wiesgħa u għadd kbir ta’ metodi ta’ ttestjar. L-akkreditazzjoni tal-kombinazzjonijiet potenzjali kollha toħloq piż sproporzjonat f’termini ta’ żmien u riżorsi fuq il-laboratorji f’dawn l-oqsma.

(7)

Għalhekk jenħtieġ li l-awtoritajiet kompetenti jkunu jistgħu jaħtru bħala laboratorji uffiċjali dawk il-laboratorji li mhumiex akkreditati għall-metodi kollha li jużaw għall-kontrolli uffiċjali u attivitajiet uffiċjali oħra dment li dawn il-laboratorji jkollhom skema ta’ assigurazzjoni tal-kwalità fis-seħħ u jużaw metodi kkaratterizzati mill-kriterji rilevanti stabbiliti fl-Anness III tar-Regolament (UE) 2017/625, kif ukoll mill-modalitajiet għall-applikazzjoni ta’ dawk il-kriterji.

(8)

Fil-qasam tas-saħħa tal-pjanti, jenħtieġ li l-awtoritajiet kompetenti jkunu jistgħu jaħtru bħala laboratorji uffiċjali dawk il-laboratorji li jixtiequ jużaw metodu li għalih ma għandhomx akkreditazzjoni u li diġà huma akkreditati għal mill-inqas metodu wieħed għall-użu fuq pest mill-istess grupp ta’ organiżmi, jiġifieri n-nematodi, il-batterji, il-fungi u l-oomiċeti, il-viruses, il-virojdi u l-fitoplażmi, l-insetti u d-dud, bħala l-pest li għalih jintuża l-metodu mhux akkreditat.

(9)

F’konformità mal-Artikolu 167(2) tar-Regolament (UE) 2017/625, fil-qasam tas-saħħa tal-pjanti, il-punt (e) tal-Artikolu 37(4) u l-Artikolu 37(5) ta’ dak ir-Regolament japplikaw mid-29 ta’ April 2022. Għalhekk, fir-rigward tal-ħatra ta’ laboratorji uffiċjali fil-qasam tas-saħħa tal-pjanti, dan ir-Regolament jenħtieġ li japplika wkoll mid-29 ta’ April 2022,

(a)

dawk il-laboratorji jkollhom sistema ta’ assigurazzjoni tal-kwalità fis-seħħ biex jiġi żgurat li jinkisbu riżultati affidabbli mill-użu ta’ metodi ta’ analiżi, ittestjar jew dijanjożi tal-laboratorju barra mill-kamp ta’ applikazzjoni tal-akkreditazzjoni tagħhom u

(b)

il-metodi mhux akkreditati użati minn dawk il-laboratorji jkunu kkaratterizzati mill-kriterji rilevanti għall-oqsma koperti minn dan l-Artikolu stabbiliti fl-Anness III tar-Regolament (UE) 2017/625.

(a)

dawk il-laboratorji jkollhom sistema ta’ assigurazzjoni tal-kwalità fis-seħħ biex jiġi żgurat li jinkisbu riżultati affidabbli mill-użu ta’ metodi ta’ analiżi, ittestjar jew dijanjożi tal-laboratorju barra mill-kamp ta’ applikazzjoni tal-akkreditazzjoni tagħhom;

(b)

il-metodi mhux akkreditati użati minn dawk il-laboratorji jkunu kkaratterizzati mill-kriterji rilevanti għall-qasam tas-saħħa tal-pjanti kif stabbiliti fl-Anness III tar-Regolament (UE) 2017/625, u

(c)

il-laboratorju jkun diġà akkreditat għal mill-inqas wieħed mill-metodi elenkati fil-kategoriji msemmija fl-Anness għall-użu fuq pest mill-istess grupp ta’ organiżmi bħall-pest li għalih jintuża l-metodu mhux akkreditat.

(1)

Sabiex jiġu żgurati kundizzjonijiet uniformi għall-kalkolu tal-provvedimenti tekniċi u tal-fondi proprji bażiċi mill-impriżi tal-assigurazzjoni u tar-riassigurazzjoni, għall-finijiet tad-Direttiva 2009/138/KE, jenħtieġ li għal kull data ta’ referenza tiġi stipulata l-informazzjoni teknika dwar l-istrutturi rilevanti tat-terminu tar-rati tal-imgħax mingħajr riskju, il-firxiet fundamentali għall-kalkolu tal-aġġustament ta’ korrispondenza u tal-aġġustamenti tal-volatilità.

(2)

Jenħtieġ li l-impriżi tal-assigurazzjoni u tar-riassigurazzjoni jużaw l-informazzjoni teknika, li hija bbażata fuq data tas-suq marbuta ma’ tmiem l-aħħar xahar qabel l-ewwel data ta’ referenza ta’ rapportar li għaliha japplika dan ir-Regolament. Fil-5 ta’ Lulju 2021, l-Awtorità Ewropea tal-Assigurazzjoni u l-Pensjonijiet tax-Xogħol ipprovdiet lill-Kummissjoni l-informazzjoni teknika marbuta mad-data tas-suq tal-aħħar ta’ Ġunju 2021. Din l-informazzjoni ġiet ippubblikata fil-5 ta’ Lulju 2021 f’konformità mal-Artikolu 77e(1) tad-Direttiva 2009/138/KE.

(3)

Minħabba l-ħtieġa li l-informazzjoni teknika tkun disponibbli minnufih, huwa importanti li dan ir-Regolament jidħol fis-seħħ b’urġenza.

(4)

Għal raġunijiet prudenzjali huwa neċessarju li l-impriżi tal-assigurazzjoni u tar-riassigurazzjoni jużaw l-istess informazzjoni teknika għall-kalkolu tal-provvedimenti tekniċi u tal-fondi proprji bażiċi irrispettivament mid-data meta dawn jirrapportaw lill-awtoritajiet kompetenti tagħhom. Għaldaqstant, jenħtieġ li dan ir-Regolament japplika mill-ewwel data ta’ referenza tar-rapportar li għaliha japplika dan ir-Regolament.

(5)

Sabiex ikun hemm ċertezza tad-dritt kemm jista’ jkun malajr, huwa debitament ġustifikat għal raġunijiet imperattivi ta’ urġenza marbuta mad-disponibbiltà tal-istrutturi rilevanti tat-terminu tar-rati tal-imgħax mingħajr riskju, li l-miżuri previsti f’dan ir-Regolament jiġu adottati f’konformità mal-Artikolu 8, flimkien mal-Artikolu 4, tar-Regolament (UE) Nru 182/2011 tal-Parlament Ewropew u tal-Kunsill (2),