(1)

Il-pandemija tal-COVID-19 wasslet għal tnaqqis kbir fit-traffiku ferrovjarju minħabba tnaqqis sinifikanti fid-domanda u l-miżuri diretti meħuda mill-Istati Membri biex irażżnu l-pandemija.

(2)

Dawk iċ-ċirkostanzi huma lil hinn mill-kontroll tal-impriżi ferrovjarji, li kontinwament kellhom jiffaċċjaw problemi konsiderevoli ta’ likwidità, telf kbir u f’xi każijiet, qed jirriskjaw l-insolvenza.

(3)

Sabiex ikunu jistgħu jiġġieldu l-effetti ekonomiċi negattivi tal-pandemija tal-COVID-19 u jappoġġaw lill-impriżi ferrovjarji, ir-Regolament (UE) 2020/1429 jippermetti lill-Istati Membri jawtorizzaw lill-maniġers tal-infrastruttura biex inaqqsu, jirrinunzjaw jew jiddifferixxu l-imposti għall-aċċess għall-infrastruttura ferrovjarja. Dik il-possibbiltà kienet ingħatat mill-1 ta’ Marzu 2020 sal-31 ta’ Diċembru 2020 u ġiet estiża mir-Regolament Delegat tal-Kummissjoni (UE) 2020/2180 (2) sat-30 ta’ Ġunju 2021 (“il-perjodu ta’ referenza”).

(4)

Il-limitazzjonijiet imposti fuq il-mobilità matul il-perjodu tal-pandemija kellhom impatt sinifikanti fuq l-użu tas-servizzi ferrovjarji tal-passiġġieri. Is-servizzi tal-merkanzija bil-ferrovija ntlaqtu wkoll iżda b’mod aktar limitat. Abbażi tad-data pprovduta mill-maniġers tal-infrastruttura ferrovjarja tal-Unjoni, il-pandemija laqtet aktar ħażin lit-taqsima tas-servizz tal-passiġġieri u, b’mod partikolari t-taqsima tas-servizz tal-passiġġieri kummerċjali, bi tnaqqis sinifikanti fl-offerta tagħha madwar l-Istati Membri kollha, li għadu ma ġiex lura għal-livelli tal-2019 tagħha. Bejn Marzu 2020 u Frar 2021, is-servizzi tal-passiġġieri espressi f’km ta’ ferrovija naqsu bi 11,5 % meta mqabbla mal-istess perjodu tal-2019-2020, filwaqt li s-servizzi tal-merkanzija naqsu b’6,1 %. Bejn Marzu 2020 u Frar 2021, is-servizzi tal-passiġġieri taħt l-obbligi tas-servizz pubbliku espressi f’km ta’ ferrovija naqsu b’5,9 % meta mqabbla mal-istess perjodu tal-2019-2020, filwaqt li s-servizzi tal-passiġġieri kummerċjali naqsu bi 33,1 %. Fir-raba’ trimestru tal-2020, it-traffiku tal-passiġġieri f’kilometri tal-passiġġieri naqas b’56 % u l-għadd ta’ passiġġieri naqas bin-nofs meta mqabbel mal-istess perjodu fl-2019. Dik ix-xejra jista’ jkollha impatt sinifikanti fuq il-kompetizzjoni fis-swieq ferrovjarji tal-passiġġieri, ir-realizzazzjoni ta’ żona ferrovjarja Ewropea tassew unika u, fl-aħħar mill-aħħar, it-tranżizzjoni lejn settur tat-trasport aktar sostenibbli b’aktar persuni u merkanzija jiċċaqilqu bil-ferrovija. It-traffiku tal-merkanzija f’tunnellati-km żdied b’5 % fir-raba’ trimestru tal-2020 meta mqabbel mal-2019 u l-ammont ta’ tunnellati mċaqalqa bil-ferrovija żdied bi 3 %.

(5)

Id-data tal-Organizzazzjoni Dinjija tas-Saħħa turi li l-għadd ta’ każijiet irreġistrati ta’ kuljum tal-COVID-19 fl-Ewropa għadu għoli ħafna peress li l-każijiet irrapportati fid-9 ta’ Mejju 2021 kienu fil-livell ta’ 107 253 f’dak il-jum biss.

(6)

Fl-aħħar ta’ April 2021, iċ-Ċentru Ewropew għall-Kontroll tal-Mard enfasizza li “L-Ewropa tinsab f’mument kritiku fil-ġlieda tagħha kontra l-COVID-19. Ħafna pajjiżi bħalissa qed jillaxkaw ir-restrizzjonijiet, xi wħud fi sfond ta’ għadd dejjem akbar ta’ każijiet u b’varjanti ġodda li qed jitfaċċaw, filwaqt li għadhom qed iniedu programmi nazzjonali ta’ tilqim.”

(7)

It-tnaqqis fil-livell tat-traffiku ferrovjarju meta mqabbel mal-livell fil-perjodu korrispondenti fis-snin preċedenti għadu jippersisti u x’aktarx li jkompli tal-inqas sal-konklużjoni tal-proċess tat-tilqim. Li din is-sitwazzjoni hija r-riżultat tal-impatt tat-tifqigħa tal-COVID-19.

(8)

Għalhekk, huwa meħtieġ li l-perjodu ta’ referenza stabbilit fl-Artikolu 1 tar-Regolament (UE) 2020/1429 jiġi estiż sal-aħħar ta’ Diċembru 2021.

(9)

Kieku l-Parlament Ewropew u l-Kunsill kellhom jiskrutinizzaw dan ir-Regolament għall-perjodu sħiħ ta’ oġġezzjoni previst fl-Artikolu 6(6) tar-Regolament (UE) 2020/1429, dan ir-Regolament jidħol fis-seħħ biss wara t-tmiem tal-perjodu ta’ referenza attwalment previst fl-Artikolu 1 tar-Regolament (UE) 2020/1429. Sabiex tiġi evitata l-inċertezza legali, jenħtieġ li dan ir-Regolament jiġi adottat skont il-proċedura ta’ urġenza prevista fl-Artikolu 7 tar-Regolament (UE) 2020/1429, u jenħtieġ li jidħol fis-seħħ bħala kwistjoni ta’ urġenza fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

Il-verżjoni bil-lingwa Żvediża tar-Regolament tal-Kummissjoni (UE) Nru 965/2012 (2) fiha żbalji fl-Anness VII [Il-Parti-NCO], is-subparti E, it-taqsima 6, il-punti NCO.SPEC.MCF.100, NCO.SPEC.MCF.110, NCO.SPEC.MCF.120 u NCO.SPEC.MCF.125 u fl-Anness VIII [Parti-SPO], is-subparti E, it-taqsima 5, il-punti SPO.SPEC.MCF.100 u SPO.SPEC.MCF.125 fir-rigward ta’ intestaturi mhux korretti u referenza mhux korretta.

(2)

Għalhekk, jenħtieġ li l-verżjoni bil-lingwa Żvediża tar-Regolament (UE) Nru 965/2012 tiġi kkoreġuta skont dan. Il-verżjonijiet bil-lingwi l-oħra mhumiex affettwati.

(3)

Il-miżuri previsti f’dan ir-Regolament huma konformi mal-opinjoni tal-Kumitat imsemmi fl-Artikolu 127 tar-Regolament (UE) 2018/1139,

(1)

Ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista tas-sustanzi attivi eżistenti li riedu jiġu evalwati biex possibbilment jiġu approvati għall-użu fil-prodotti bijoċidali. Dik il-lista tinkludi l-alkyl (C12-16) dimethylbenzyl ammonium chloride (ADBAC/BKC (C12-C16)) li għandu jingħata isem ġdid għall-finijiet ta’ dan ir-Regolament bħala alkil (C12-16) klorur tal-ammonju tad-dimetilbenżil bħala riżultat tal-evalwazzjoni tiegħu.

(2)

L-alkil (C12-16) klorur tal-ammonju tad-dimetilbenżil ġie evalwat għall-użu fil-prodotti bijoċidali għall-prodotti tat-tip 3, prodotti bijoċidali għall-iġjene veterinarja u prodotti tat-tip 4, diżinfettanti taż-żoni tal-ikel u tal-għalf, kif iddefiniti fl-Anness V tad-Direttiva 98/8/KE tal-Parlament Ewropew u tal-Kunsill (3), li jikkorrispondu rispettivament mal-prodotti tat-tipi 3 u 4 kif iddefiniti fl-Anness V tar-Regolament (UE) Nru 528/2012.

(3)

L-Italja nħatret bħala l-Istat Membru relatur u l-awtorità kompetenti tagħha għall-evalwazzjoni ppreżentat ir-rapporti tal-valutazzjoni flimkien mal-konklużjonijiet tagħha lill-Kummissjoni fl-10 ta’ Settembru 2012.

(4)

F’konformità mal-Artikolu 7(2) tar-Regolament ta’ Delega (UE) Nru 1062/2014, il-Kumitat dwar il-Prodotti Bijoċidali adotta l-opinjonijiet tal-Aġenzija Ewropea għas-Sustanzi Kimiċi (4) (“l-Aġenzija”) fis-6 ta’ Ottubru 2020, wara li kkunsidra l-konklużjonijiet tal-awtorità kompetenti għall-evalwazzjoni.

(5)

Skont dawk l-opinjonijiet, wieħed jista' jissopponi li l-prodotti bijoċidali għall-prodotti tat-tipi 3 u 4 li fihom l-alkil (C12-16) klorur tal-ammonju tad-dimetilbenżil jissodisfaw ir-rekwiżiti stabbiliti fl-Artikolu 5(1)(b), (c) u (d) tad-Direttiva 98/8/KE, sakemm ikun hemm konformità ma' ċerti speċifikazzjonijiet u kundizzjonijiet dwar l-użu tagħhom.

(6)

Filwaqt li jitqiesu l-opinjonijiet tal-Aġenzija, jixraq li jiġi approvat l-alkil (C12-16) klorur tal-ammonju tad-dimetilbenżil bħala sustanza attiv għall-użu fil-prodotti bijoċidali tat-tipi tal-prodotti 3 u 4, soġġett għall-konformità ma’ ċerti speċifikazzjonijiet u kundizzjonijiet.

(7)

Qabel ma tiġi approvata sustanza attiva, jenħtieġ li jitħalla jgħaddi perjodu ta’ żmien raġonevoli li jippermetti lill-partijiet interessati jlestu l-miżuri ta’ tħejjija li jeħtieġu biex jissodisfaw ir-rekwiżiti l-ġodda.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Bijoċidali,

(1)

Ir-Regolament (UE) 2016/429 jistabbilixxi regoli għall-prevenzjoni u l-kontroll tal-mard tal-annimali li huwa trażmissibbli lill-annimali jew lill-bnedmin. Il-Kapitoli 1 u 2 tat-Titolu I tal-Parti IV ta’ dak ir-Regolament jipprevedu r-regoli għall-istabbilimenti li jżommu l-annimali terrestri u l-imfaqas, u għat-traċċabbiltà ta’ ċerti annimali terrestri miżmuma u tal-bajd għat-tifqis fl-Unjoni. Ir-Regolament (UE) 2016/429 jagħti wkoll is-setgħa lill-Kummissjoni li tadotta r-regoli li jissupplimentaw ċerti elementi mhux essenzjali ta’ dak ir-Regolament permezz ta’ atti delegati.

(2)

Ir-Regolament Delegat tal-Kummissjoni (UE) 2019/2035 (2) jissupplimenta r-Regolament (UE) 2016/429 billi jipprovdi r-regoli għal stabbilimenti rreġistrati u approvati għal annimali terrestri miżmuma u għal bajd għat-tifqis, u għat-traċċabbiltà ta’ ċerti annimali terrestri miżmuma u tal-bajd għat-tifqis. Il-Parti III ta’ dak ir-Regolament Delegat tinkludi regoli għat-traċċabbiltà tal-annimali terrestri miżmuma, u b’mod aktar speċifiku t-Titoli I u II tal-Parti III, jistabbilixxu regoli għat-traċċabbiltà tal-annimali bovini, ovini u kaprini miżmuma.

(3)

Sabiex tiġi żgurata l-applikazzjoni uniformi fl-Unjoni tar-regoli dwar it-traċċabbiltà stabbiliti fir-Regolament (UE) 2016/429 u fir-Regolament Delegat (UE) 2019/2035, ir-regoli ta’ implimentazzjoni dwar it-traċċabbiltà ta’ ċerti annimali terrestri miżmuma huma stabbiliti fir-Regolament ta’ Implimentazzjoni tal-Kummissjoni (UE) Nru 2021/520 (3).

(4)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“Ftehim dwar il-Ħruġ”), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, ir-Regolament (UE) 2016/429, kif ukoll l-atti tal-Kummissjoni bbażati fuqu, japplikaw għar-Renju Unit u fir-Renju Unit fir-rigward tal-Irlanda ta’ Fuq wara tmiem il-perjodu ta’ tranżizzjoni previst fil-Ftehim dwar il-Ħruġ. Konsegwentement, ir-regoli stabbiliti fir-Regolament ta’ Implimentazzjoni (UE) 2021/520 japplikaw fir-Renju Unit fir-rigward tal-Irlanda ta’ Fuq. Għal raġunijiet ta’ ċarezza, jixraq li ssir referenza għall-Ftehim dwar il-Ħruġ fl-Artikolu 1 ta’ dak ir-Regolament ta’ Implimentazzjoni.

(5)

Barra minn hekk, il-punt (a) tal-Artikolu 12 tar-Regolament ta’ Implimentazzjoni (UE) 2021/520 jistabbilixxi regoli għall-konfigurazzjoni tal-kodiċi ta’ identifikazzjoni tal-annimali bovini, ovini, kaprini, kamelidi u ċervidi miżmuma. L-ewwel element tal-kodiċi ta’ identifikazzjoni huwa l-kodiċi tal-pajjiż tal-Istat Membru fejn il-mezz ta’ identifikazzjoni ġie applikat għall-ewwel darba għall-annimali, fil-format jew ta’ kodiċi b’żewġ ittri f’konformità mal-istandard 3166–1 alpha-2 tal-Organizzazzjoni Internazzjonali għall-Istandardizzazzjoni (ISO), ħlief għall-Greċja, li għaliha għandu jintuża l-kodiċi b’żewġ ittri “EL”, jew il-kodiċi tal-pajjiż bi tliet ċifri f’konformità mal-istandard ISO 3166–1 numeriku. Billi ma hemm l-ebda subdiviżjoni għar-Renju Unit fir-rigward tal-Irlanda ta’ Fuq fl-istandards ISO msemmija fl-Artikolu 12 tar-Regolament (UE) 2021/520, jenħtieġ li dak ir-Regolament jiġi emendat sabiex jistabbilixxi liema kodiċi tal-pajjiż għandu jkun l-ewwel element tal-kodiċi ta’ identifikazzjoni tal-annimali bovini, ovini, kaprini, kamelidi u ċervidi miżmuma identifikati f’dak ir-reġjun tar-Renju Unit.

(6)

L-Anness I tar-Regolament ta’ Implimentazzjoni tal-Kummissjoni (UE) Nru 2020/1470 (4) jistabbilixxi n-nomenklatura tal-pajjiżi u t-territorji għall-Istatistika Ewropea dwar il-kummerċ internazzjonali tal-merkanzija, u jistipula li “XI” huwa l-kodiċi b’żewġ ittri li għandu jintuża jekk ikun hemm bżonn li r-Renju Uniti jiġi distint fir-rigward tal-Irlanda ta’ Fuq skont il-kundizzjonijiet stabbiliti fid-dispożizzjonijiet rilevanti tal-Unjoni. Għalhekk jenħtieġ li dak il-kodiċi jissemma fl-Artikolu 12(a)(i) tar-Regolament ta’ Implimentazzjoni (UE) 2021/520 għar-Renju Unit fir-rigward tal-Irlanda ta’ Fuq.

(7)

Barra minn hekk, kodiċi bi tliet ċifri korrispondenti ma ġiex definit għall-użu meta jkun hemm bżonn li r-Renju Uniti jiġi distint fir-rigward tal-Irlanda ta’ Fuq. Il-kodiċi bi tliet ċifri “899” mhuwiex assenjat fl-istandard ISO 3166–1 numeriku. Għalhekk jenħtieġ li dak il-kodiċi jissemma fl-Artikolu 12(a)(ii) tar-Regolament ta’ Implimentazzjoni (UE) 2021/520 għar-Renju Unit fir-rigward tal-Irlanda ta’ Fuq.

(8)

Għalhekk, jenħtieġ li r-Regolament ta’ Implimentazzjoni (UE) 2021/520 jiġi emendat skont dan.

(9)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-12 ta’ Diċembru 2005, il-Kunsill adotta l-Azzjoni Konġunta 2005/889/PESK (1), li stabbiliet Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EU BAM Rafah).

(2)

Fit-30 ta’ Ġunju 2020, il-Kunsill adotta d-Deċiżjoni (PESK) 2020/955 (2), li emendat l-Azzjoni Konġunta 2005/889/PESK u estendietha sat-30 ta’ Ġunju 2021.

(3)

Fl-4 ta’ Marzu 2021, fil-kuntest tar-Reviżjoni Strateġika tal-EU BAM Rafah, il-Kumitat Politiku u ta’ Sigurtà (KPS) qabel li l-EU BAM Rafah għandha tiġi estiża għal perijodu ulterjuri ta’ 24 xahar, sat-30 ta’ Ġunju 2023.

(4)

Fl-1 ta’ Ġunju 2021, il-KPS innota wkoll li, b’kont meħud tal-informazzjoni pprovduta minn Iżrael u l-Awtorità Palestinjana, l-EU BAM Rafah għandha f’dan l-istadju tiġi estiża b’sena, sat-30 ta’ Ġunju 2022.

(5)

Għalhekk l-Azzjoni Konġunta 2005/889/PESK jenħtieġ li tiġi emendata skont dan.

(6)

L-EU BAM Rafah ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

(1)

Fit-3 ta’ Lulju 2013, il-Kunsill adotta d-Deċiżjoni 2013/354/PESK (1), li kompliet l-EUPOL COPPS mill-1 ta’ Lulju 2013.

(2)

Fid-29 ta’ Ġunju 2020, il-Kunsill adotta d-Deċiżjoni (PESK) 2020/902 (2), li emendat id-Deċiżjoni 2013/354/PESK u li estendietha mill-1 ta’ Lulju 2020 sat-30 ta’ Ġunju 2021.

(3)

Fl-4 ta’ Marzu 2021, fil-kuntest tar-Reviżjoni Strateġika tal-EUPOL COPPS, il-Kumitat Politiku u ta’ Sigurtà (KPS) qabel li l-EUPOL COPPS għandha tiġi estiża għal perijodu ulterjuri ta’ 24 xahar, sat-30 ta’ Ġunju 2023.

(4)

Fl-1 ta’ Ġunju 2021, il-KPS innota wkoll li, b’kont meħud tal-informazzjoni pprovduta minn Iżrael u l-Awtorità Palestinjana, l-EUPOL COPPS għandha f’dan l-istadju tiġi estiża b’sena, sat-30 ta’ Ġunju 2022.

(5)

Għalhekk id-Deċiżjoni 2013/354/PESK jenħtieġ li tiġi emendata skont dan.

(6)

L-EUPOL COPPS ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,