(1)

L-Uffiċċju tal-Prosekutur Pubbliku Ewropew (“l-UPPE”) ġie stabbilit biex jinvestiga, jagħmel prosekuzzjoni u jressaq quddiem il-ġustizzja l-awturi u l-kompliċi ta’ reati kriminali li jaffettwaw l-interessi finanzjarji tal-Unjoni.

(2)

Is-sistema ta’ ġestjoni tal-każijiet tinkludi indiċi tal-fajls tal-każijiet kollha. Id-data personali operazzjonali fl-indiċi hija limitata għad-data meħtieġa biex jiġu identifikati każijiet jew biex jiġu stabbiliti rabtiet bejn il-fajls tal-każijiet differenti.

(3)

Jenħtieġ li jiġu identifikati l-kategoriji ta’ data personali operazzjonali u l-kategoriji ta’ suġġetti tad-data li d-data personali operazzjonali tagħhom tista’ tiġi pproċessata fl-indiċi.

(4)

Jenħtieġ li r-Regolament (UE) 2017/1939 jiġi emendat skont dan.

(5)

Il-grupp ta’ esperti msemmi fl-Artikolu 20(4) tar-Regolament (UE) 2017/1939 ġie kkonsultat fit-8 ta’ Mejju 2020.

(6)

Il-Kontrollur Ewropew għall-Protezzjoni tad-Data ta l-opinjoni tiegħu fil-31 ta’ Lulju 2020,

(1)

Ir-Regolament (UE) 2016/429 jistabbilixxi regoli li jikkonċernaw, inter alia, il-produzzjoni, l-ipproċessar u d-distribuzzjoni fl-Unjoni ta’ prodotti ġejjin mill-annimali terrestri. Jipprevedi wkoll li l-Kummissjoni tadotta atti delegati dwar rekwiżiti dettaljati li jissupplimentaw ir-regoli diġà stabbiliti f’dak ir-Regolament u, b’mod partikolari, dwar miżuri preventivi, inkluż miżuri għall-mitigazzjoni tar-riskju, u restrizzjonijiet fuq movimenti ta’ konsenji ta’ prodotti ġejjin mill-annimali terrestri, kif ukoll notifika antiċipata dwar tali movimenti, sabiex jiġi żgurat li tali prodotti ma jikkawżawx it-tixrid tal-mard elenkat jew ta’ mard emerġenti fl-Unjoni.

(2)

Barra minn hekk, ir-regoli stabbiliti f’dan l-att jenħtieġ li jqisu r-regoli tal-Unjoni dwar il-movimenti tal-konsenji ta’ prodotti ġejjin mill-annimali terrestri fl-Unjoni stabbiliti f’atti tal-Unjoni adottati qabel ir-Regolament (UE) 2016/429, u b’mod partikolari fid-Direttiva tal-Kunsill 2002/99/KE (2), peress li dawn urew li huma effettivi fil-ġlieda kontra t-tixrid ta’ mard tal-annimali. Ir-regoli stabbiliti f’dan l-att jenħtieġ ukoll li jqisu l-esperjenza miksuba fl-applikazzjoni tar-regoli stabbiliti f’dawk l-atti preċedenti, u jenħtieġ li r-regoli jiġu adattati għall-qafas leġiżlattiv il-ġdid għas-saħħa tal-annimali stabbilit fir-Regolament (UE) 2016/429.

(3)

L-Artikolu 166 tar-Regolament (UE) 2016/429 jistabbilixxi l-obbligi ġenerali relatati mas-saħħa tal-annimali imposti fuq l-operaturi fl-istadji kollha tal-produzzjoni, tal-ipproċessar u tad-distribuzzjoni ta’ prodotti ġejjin mill-annimali terrestri, inkluż il-movimenti tal-konsenji ta’ dawk il-prodotti fl-Unjoni. B’mod partikolari, jistabbilixxi r-responsabbiltajiet tal-operaturi fir-rigward tat-tixrid tal-mard elenkat u ta’ mard emerġenti, u b’mod aktar partikolari meta l-awtorità kompetenti tkun qiegħdet fis-seħħ miżuri ta’ emerġenza jew restrizzjonijiet tal-moviment fil-post tal-produzzjoni jew tal-ipproċessar ta’ dawk il-prodotti. Għalhekk, il-kontroll tat-tixrid tal-mard elenkat u ta’ mard emerġenti mhuwiex biss ir-responsabbiltà tal-operaturi, iżda wkoll ir-responsabbiltà tal-awtorità kompetenti. Għalhekk jenħtieġ li dan ir-Regolament jistabbilixxi obbligu ċar fuq l-operaturi biex iċaqilqu konsenji ta’ tali prodotti, prodotti jew ipproċessati f’postijiet soġġetti għal miżuri ta’ emerġenza jew restrizzjonijiet tal-moviment, wara li jkunu kisbu l-awtorizzazzjoni tal-awtorità kompetenti u soġġetti għal kwalunkwe kundizzjoni imposta għal dik l-awtorizzazzjoni.

(4)

L-Artikolu 168 tar-Regolament (UE) 2016/429 jistabbilixxi ċerti rekwiżiti ta’ informazzjoni fir-rigward taċ-ċertifikat tas-saħħa tal-annimali li jrid jakkumpanja l-movimenti tal-konsenji ta’ prodotti ġejjin mill-annimali terrestri, u jagħti s-setgħa lill-Kummissjoni li tadotta atti delegati li jissupplimentaw dik l-informazzjoni. Għalhekk jenħtieġ li dan ir-Regolament jistabbilixxi rekwiżiti ta’ informazzjoni fir-rigward taċ-ċertifikat tas-saħħa tal-annimali li jrid jakkumpanja l-konsenji ta’ tali prodotti, prodotti u pproċessati f’postijiet soġġetti għal miżuri ta’ emerġenza jew restrizzjonijiet tal-moviment kif imsemmi fl-Artikolu 166(2) tar-Regolament (UE) 2016/429. Jenħtieġ li dan jinkludi informazzjoni dwar il-konformità ma’ kwalunkwe kundizzjoni stabbilita mill-awtorità kompetenti fir-rigward tal-movimenti ta’ dawk il-konsenji. Ir-rekwiżiti ta’ informazzjoni li jridu jiġu stabbiliti f’dan ir-Regolament iridu jitqiesu fil-mudell taċ-ċertifikat tas-saħħa tal-annimali għall-prodotti ġejjin mill-annimali stabbilit f’att ta’ implimentazzjoni separat li jistabbilixxi r-regoli għall-applikazzjoni uniformi tar-Regolament (UE) 2017/625 tal-Parlament Ewropew u tal-Kunsill (3) u tar-Regolament dwar il-Liġi dwar is-Saħħa tal-Annimali (UE) 2016/429 dwar il-mudelli taċ-ċertifikati uffiċjali, l-attestazzjonijiet uffiċjali u l-mudelli tad-dikjarazzjonijiet għal ċerti kategoriji ta’ annimali terrestri u prodotti ġerminali ġejjin minnhom.

(5)

L-Artikolu 169 tar-Regolament (UE) 2016/429 jistabbilixxi r-regoli għan-notifikat antiċipata tal-movimenti tal prodotti ġejjin mill-annimali terrestri lejn Stati Membri oħrajn u jagħti s-setgħa lill-Kummissjoni biex tadotta atti delegati dwar ir-rekwiżiti ta’ informazzjoni għal tali notifika antiċipata u għal proċeduri ta’ emerġenza għan-notifika antiċipata fil-każ ta’ qtugħ tal-elettriku u tfixkil ieħor fis-sistema “TRACES”. Għalhekk jenħtieġ li dan ir-Regolament jistabbilixxi l-obbligi ta’ informazzjoni imposti fuq l-operaturi għan-notifika antiċipata. Sabiex tiġi armonizzata l-informazzjoni pprovduta fin-notifika antiċipata biex jiġi żgurat li l-awtorità kompetenti fid-destinazzjoni tirċievi d-dettalji kollha meħtieġa dwar il-konsenja, jenħtieġ li dan ir-Regolament jistabbilixxi wkoll ir-rekwiżiti dwar il-kontenut tan-notifika antiċipata abbażi tas-sitwazzjonijiet fejn dan ikun meħtieġ f’konformità mar-Regolament (UE) 2016/429, u l-kundizzjonijiet li jenħtieġ li jikkonformaw magħhom il-prodotti ġejjin mill-annimali biex jitħallew jiċċaqilqu lejn Stati Membri oħrajn u d-dettalji dwar il-proċeduri ta’ emerġenza għal tali notifiki.

(6)

Peress li s-sistema “TRACES” hija komponent integrat tas-sistema kompjuterizzata bl-isem Sistema ta’ Ġestjoni tal-Informazzjoni għall-Kontrolli Uffiċjali (IMSOC) kif imsemmi fl-Artikoli 131 sa 136 tar-Regolament (UE) 2017/625, jenħtieġ li japplikaw l-arranġamenti ta’ kontinġenza stabbiliti għall-IMSOC skont ir-regoli stabbiliti fir-Regolament ta’ Implimentazzjoni tal-Kummissjoni (UE) 2019/1715 (4).

(7)

Dan ir-Regolament jistabbilixxi sett komplut ta’ regoli li jirregolaw l-aspetti tas-saħħa tal-annimali tal-movimenti ta’ konsenji ta’ prodotti ġejjin mill-annimali terrestri fl-Unjoni, il-kontenut taċ-ċertifikat tas-saħħa tal-annimali li jrid jakkumpanja tali konsenji u l-obbligi ta’ notifika antiċipata. Peress li dawn ir-regoli jridu jiġu applikati flimkien u huma interkonnessi, jenħtieġ li jiġu stabbiliti f’att uniku aktar milli f’atti separati b’bosta kontroreferenzi, sabiex tiġi ffaċilitata l-applikazzjoni tagħhom, fl-interess tat-trasparenza, u biex tiġi evitata duplikazzjoni tar-regoli. Dan huwa wkoll konformi mal-approċċ adottat mir-Regolament (UE) 2016/429.

(8)

Jenħtieġ li dan ir-Regolament jibda japplika mill-21 ta’ April 2021 f’konformità mad-data tal-applikazzjoni tar-Regolament (UE) 2016/429,

(1)

Id-Direttiva 2010/31/UE hi l-leġiżlazzjoni ewlenija, flimkien mad-Direttiva 2009/125/KE tal-Parlament Ewropew u tal-Kunsill (2), u mar-Regolament (UE) 2017/1369 tal-Parlament Ewropew u tal-Kunsill (3), li jindirizza l-effiċjenza enerġetika fil-bini fil-kuntest tal-miri tal-effiċjenza fl-enerġija tal-2030. Id-Direttiva 2010/31/UE għandha żewġ objettivi kumplimentari, jiġifieri li tħaffef ir-rinnovazzjoni tal-bini eżistenti sal-2050 u li tappoġġa l-modernizzazzjoni tal-bini kollu b’teknoloġiji intelliġenti, bħal dawk li jużaw l-intelliġenza artifiċjali u servizzi bbażati fuq il-cloud, u b’rabta aktar ċara mal-mobbiltà nadifa.

(2)

Biex tiġi appoġġata klassifikazzjoni konsistenti u trasparenti tal-potenzjal ta’ intelliġenza tal-bini fl-Unjoni, jenħtieġ tiġi stabbilita definizzjoni komuni tal-indikatur tal-potenzjal ta’ intelliġenza u metodoloġija komuni għall-kalkolu tiegħu.

(3)

Biex ikunu żgurati l-aċċettabbiltà, l-użabbiltà u l-konsistenza tal-iskema tal-indikaturi tal-potenzjal ta’ intelliġenza, il-Kummissjoni żviluppat metodoloġija, b’kollaborazzjoni ma’ firxa wiesgħa ta’ partijiet ikkonċernati u id f’id mal-Istati Membri, għall-klassifikazzjoni tal-potenzjal ta’ intelliġenza tal-bini skont l-Artikolu 8(10) tad-Direttiva 2010/31/UE u l-Anness IA tagħha.

(4)

Dik il-metodoloġija għall-klassifikazzjoni tal-potenzjal ta’ intelliġenza tal-bini tiżgura grad ta’ konsistenza u komparabbiltà fil-klassifikazzjoni tal-potenzjal ta’ intelliġenza tal-bini madwar l-UE, filwaqt li tħalli biżżejjed flessibbiltà biex il-kalkolu jkun adattat għal kundizzjonijiet speċifiċi.

(5)

Jenħtieġ jiġu stabbiliti mekkaniżmi adegwati tal-kontroll b’rabta mal-implimentazzjoni tal-iskema tal-indikaturi tal-potenzjal ta’ intelliġenza.

(6)

Meta rilevanti, jenħtieġ tkun possibbli awtovalutazzjoni tal-potenzjal ta’ intelliġenza mis-sid, mill-maniġer tal-faċilità jew minn xi parti kkonċernata oħra marbuta mal-bini, appoġġata bi gwida u għodod miftuħa.

(7)

Biex tkun evitata d-duplikazzjoni tal-isforzi u tal-ispejjeż bejn l-iskema tal-indikaturi tal-potenzjal ta’ intelliġenza u l-iskemi obbligatorji eżistenti, il-metodoloġija għall-klassifikazzjoni tal-potenzjal ta’ intelliġenza tal-bini jenħtieġ tippermetti lill-Istati Membri, jekk ikunu jixtiequ, li jorbtu jew jintegraw l-iskema tal-indikaturi tal-potenzjal ta’ intelliġenza ma’ skemi nazzjonali taċ-ċertifikazzjoni tar-rendiment fl-użu tal-enerġija u ma’ skemi oħra stabbiliti skont id-Direttiva 2010/31/UE.

(8)

L-indikatur tal-potenzjal ta’ intelliġenza jenħtieġ ikun imfassal b’mod li jirrifletti l-potenzjal ta’ intelliġenza tal-bini u s-sistemi tagħhom u jenħtieġ jintuża biex jikkumplimenta – u mhux biex jieħu post – l-għodod li jivvalutaw aspetti oħra tal-bini, bħal pereżempju r-rendiment fl-użu tal-enerġija jew is-sostenibbiltà.

(9)

Jenħtieġ li l-indikatur tal-potenzjal ta’ intelliġenza ma jkunx indikatur għar-rendiment fl-użu tal-enerġija tal-bini. Is-sidien tal-bini jenħtieġ ikunu infurmati li l-potenzjal ta’ intelliġenza kif rifless fl-indikatur tal-potenzjal ta’ intelliġenza, u r-rendiment fl-użu tal-enerġija tal-bini kif espress fiċ-ċertifikati tar-rendiment fl-użu tal-enerġija huma kwistjonijiet differenti, li għalhekk iridu jiġu indirizzati minn tipi differenti ta’ miżuri; iżda l-potenzjal ta’ intelliġenza jenħtieġ jgħin biex jitjieb ir-rendiment fl-użu tal-enerġija.

(10)

Il-benefiċċji għall-konsumaturi, għall-utenti tal-bini u għas-sidien se jiġu massimizzati meta l-istrumenti disponibbli għall-klassifikazzjoni tal-bini jintużaw flimkien, filwaqt li jiġi żgurat li l-konsumaturi, l-utenti tal-bini u s-sidien ikunu jistgħu jiksbu fehim komprensiv tal-bini tagħhom u dwar kif jistgħu jtejbu r-rendiment ġenerali.

(11)

L-indikatur tal-potenzjal ta’ intelliġenza jenħtieġ ikun disponibbli kemm għall-bini eżistenti kif anki għall-proġetti ġodda tal-bini. Il-mudelli diġitali tal-bini, inkluż il-mudelli ta’ informazzjoni dwar il-bini jew it-tewmin diġitali, jenħtieġ jitħallew jintużaw biex jeħfief il-kalkolu tal-punteġġi għall-potenzjal ta’ intelliġenza.

(12)

Jenħtieġ li l-qafas għall-kalkolu tal-potenzjal ta’ intelliġenza jitħalla jintuża għat-tipi kollha ta’ bini u ta’ unitajiet tal-bini koperti bid-Direttiva 2010/31/UE.

(13)

L-indikatur tal-potenzjal ta’ intelliġenza jenħtieġ jippermetti l-enfasi tal-benefiċċji addizzjonali minn teknoloġiji intelliġenti avvanzati għas-sidien u l-utenti tal-bini, pereżempju mil-lat ta’ ffrankar fl-enerġija u tħejjija għat-tibdil fil-klima, jew mil-lat ta’ aktar inklużività u aċċessibbiltà, kumdità u benesseri.

(14)

Jenħtieġ li l-valutazzjoni tal-potenzjal ta’ intelliġenza tal-bini u tal-unitajiet tal-bini bħala parti mill-iskema tal-indikaturi tal-potenzjal ta’ intelliġenza għall-fini ta’ ħruġ ta’ ċertifikat tal-indikaturi tal-potenzjal ta’ intelliġenza, issir minn esperti kwalifikati jew akkreditati.

(15)

Meta l-Istati Membri jidhrilhom li hu xieraq, jenħtieġ li l-esperti akkreditati għaċ-ċertifikazzjoni tar-rendiment fl-użu tal-enerġija għall-bini, jew għall-ispezzjoni tat-tisħin, tal-arja kkundizzjonata u tas-sistemi kkombinati tat-tisħin jew tal-arja kkondizzjonata u tal-ventilazzjoni skont id-Direttiva 2010/31/UE, jew għat-twettiq tal-awditi tal-enerġija skont id-Direttiva 2012/27/UE tal-Parlament Ewropew u tal-Kunsill (4), jitħallew jitqiesu kompetenti wkoll biex jivvalutaw il-potenzjal ta’ intelliġenza tal-bini jew tal-unitajiet tal-bini.

(16)

B’aktar diġitizzazzjoni u konnettività fil-bini jiżdiedu r-riskji taċ-ċibersigurtà u tal-protezzjoni tad-data, filwaqt li l-bini u s-sistemi tagħhom isiru aktar vulnerabbli għat-theddid ċibernetiku u l-użu ħażin tad-data personali. Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725. L-indikatur tal-potenzjal ta’ intelliġenza jenħtieġ jgħin biex is-sidien u l-utenti tal-bini jiġu infurmati dwar dawk ir-riskji.

(1)

Ir-Regolament Delegat tal-Kummissjoni (UE) 2020/2155 (2) jistabbilixxi skema komuni fakultattiva tal-Unjoni għall-klassifikazzjoni tal-potenzjal ta’ intelliġenza tal-bini, jiġifieri d-definizzjoni tal-indikatur tal-potenzjal ta’ intelliġenza u ta’ metodoloġija komuni li permezz tagħha tali indikatur irid jiġi kkalkulat.

(2)

Dik l-iskema hija fakultattiva għall-Istati Membri. Dawk l-Istati Membri li jagħżlu li jissieħbu fl-iskema komuni jenħtieġ li jimplimentawha f’konformità ma’ dan ir-Regolament u mar-Regolament Delegat 2020/2155.

(3)

Il-modalitajiet tekniċi għall-implimentazzjoni effettiva ta’ dik l-iskema komuni fakultattiva tal-Unjoni jridu jiġu spjegati fid-dettall f’att ta’ implimentazzjoni.

(4)

Jenħtieġ li l-valutazzjoni tal-potenzjal ta’ intelliġenza tal-bini u tal-unitajiet tal-bini bħala parti mill-iskema tal-indikatur tal-potenzjal ta’ intelliġenza għall-fini li jinħareġ ċertifikat tal-indikatur tal-potenzjal ta’ intelliġenza ssir minn esperti li jkunu kkwalifikati jew akkreditati, li joperaw għal rashom jew li jkunu impjegati minn korpi pubbliċi jew minn impriżi privati.

(5)

Meta l-Istati Membri jqisu li jkun xieraq, l-esperti akkreditati għaċ-ċertifikazzjoni tar-rendiment tal-bini fl-użu tal-enerġija, għall-ispezzjoni tas-sistema tat-tisħin, tas-sistema tal-arja kkundizzjonata u tas-sistemi kkombinati tat-tisħin jew tal-arja kkundizzjonata u tal-ventilazzjoni skont id-Direttiva 2010/31/UE, u għat-twettiq ta’ verifiki tal-enerġija skont id-Direttiva 2012/27/UE tal-Parlament Ewropew u tal-Kunsill (3), jenħtieġ li jitħallew jiġu kkunsidrati bħala kompetenti biex jivvalutaw ukoll il-potenzjal ta’ intelliġenza tal-bini jew tal-unitajiet tal-bini.

(6)

L-Istati Membri li jiddeċiedu li jimplimentaw l-iskema tal-indikatur tal-potenzjal ta’ intelliġenza jenħtieġ li jitħallew jimplimentaw fażi tal-ittestjar f’konformità mad-dettalji pprovduti f’dan ir-Regolament. L-ebda leġiżlazzjoni mhi kkunsidrata bħala neċessarja għal tali fażi tal-ittestjar, sakemm Stat Membru ma jqisx li l-kuntest nazzjonali tiegħu jirrikjedi leġiżlazzjoni bħal din. Matul din il-fażi tal-ittestjar jenħtieġ li jkun jista’ jinġabar il-feedback sabiex jiġu aġġustati l-modalitajiet ta’ implimentazzjoni tal-iskema u jitħejja r-rieżami ta’ dan ir-Regolament u tar-Regolament Delegat (UE) 2020/2155.

(7)

L-implimentazzjoni tal-iskema tal-indikatur tal-potenzjal ta’ intelliġenza jenħtieġ li tagħmilha possibbli għas-sidien tal-bini jew tal-unitajiet tal-bini, jew għal partijiet ikkonċernati oħra marbuta mal-bini jew mal-unità tal-bini, pereżempju l-maniġers tal-faċilitajiet, biex jevalwaw il-potenzjal ta’ intelliġenza tal-bini tagħhom jew tal-unitajiet tal-bini tagħhom. Madankollu, jenħtieġ li ċertifikat tal-indikatur tal-potenzjal ta’ intelliġenza jinħareġ biss abbażi ta’ tali valutazzjoni meta titwettaq minn espert kwalifikat jew akkreditat.

(8)

Il-miżuri previsti f’dan ir-Regolament huma skont l-opinjoni tal-Kumitat imsemmi fl-Artikolu 26 tad-Direttiva 2010/31/UE,

(1)

Il-Kummissjoni eżaminat l-applikazzjoni għall-approvazzjoni ta’ emendi tal-Unjoni fl-Ispeċifikazzjoni tal-Prodott għad-Denominazzjoni ta’ Oriġini Protetta “Montello - Colli Asolani”, imressqa mill-Italja f’konformità mal-Artikolu 105 tar-Regolament (UE) Nru 1308/2013 tal-Parlament Ewropew u tal-Kunsill (2) flimkien mal-Artikolu 15 tar-Regolament Delegat (UE) 2019/33. L-emendi jipprevedu bidla fl-isem minn “Montello - Colli Asolani” għal “Asolo Montello”/“Montello Asolo”.

(2)

Il-Kummissjoni ppubblikat l-applikazzjoni għall-approvazzjoni tal-emendi tal-Unjoni fl-Ispeċifikazzjoni tal-Prodott f’Il-Ġurnal Uffiċjali tal-Unjoni Ewropea (3), kif meħtieġ mill-Artikolu 97(3) tar-Regolament (UE) Nru 1308/2013.

(3)

Il-Kummissjoni ma rċeviet ebda dikjarazzjoni ta’ oġġezzjoni skont l-Artikolu 98 tar-Regolament (UE) Nru 1308/2013.

(4)

Għalhekk, jenħtieġ li l-emendi tal-Unjoni fl-Ispeċifikazzjoni tal-Prodott jiġu approvati f’konformità mal-Artikolu 99 tar-Regolament (UE) Nru 1308/2013 flimkien mal-Artikolu 15(2) tar-Regolament Delegat (UE) 2019/33,

(1)

Skont l-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni ta’ Franza għall-approvazzjoni ta’ modifika fl-ispeċifikazzjoni tad-denominazzjoni ta’ oriġini protetta “Chabichou du Poitou”, irreġistrata skont ir-Regolament tal-Kummissjoni (KE) Nru 1107/96 (2), hekk kif emendat mir-Regolament tal-Kummissjoni (KE) Nru 159/2009 (3).

(2)

Permezz tal-ittra tal-4 ta’ Diċembru 2018, l-awtoritajiet Franċiżi informaw lill-Kummissjoni li kienu ingħataw perjodi tranżitorji skont l-Artikolu 15(4) tar-Regolament (UE) Nru 1151/2012, ta’ tul ta’ żmien limitat ta’ bejn sentejn u ħames snin, lil operaturi stabbiliti fit-territorju tagħhom li jissodisfaw il-kundizzjonijiet tal-Artikolu msemmi f’konformità mad-Digriet tas-7 ta’ Novembru 2018 dwar l-emenda tal-Ispeċifikazzjoni tal-Prodott tad-Denominazzjoni ta’ Oriġini Protetta “Chabichou du Poitou” ippubblikat fl-14 ta’ Novembru 2018 fil-Journal Officiel de la République française (4). Permezz tal-ittra tat-28 ta’ Jannar 2020, l-istess awtoritajiet ikkomunikaw it-test ta’ Digriet ġdid tal-24 ta’ Diċembru 2019 ippubblikat fl-10 ta’ Jannar 2020 fil-Journal Officiel de la République française (5) li jemenda d-Digriet tas-7 ta’ Novembru 2018 u l-ismijiet tal-operaturi li jibbenefikaw minn dan il-perijodu tranżitorju. Il-lista tal-operaturi hija annessa mal-Ispeċifikazzjoni tal-Prodott. Matul il-proċedura nazzjonali ta’ oppożizzjoni, dawn l-operaturi li kienu kkummerċjalizzaw legalment il-“Chabichou du Poitou” b’mod kontinwu għal mill-inqas ħames snin qabel is-sottomissjoni tal-applikazzjoni, kienu ressqu oppożizzjonijiet. Żewġ operaturi ressqu oppożizzjoni dwar id-dispożizzjoni li ġejja: Intestatura “Metodu ta’ produzzjoni”: “It-taqtir minn qabel tal-baqta huwa pprojbit.”. Żewġ operaturi ressqu oppożizzjoni dwar id-dispożizzjoni li ġejja: L-intestatura “Deskrizzjoni tal-prodott”: “Il- “Chabichou du Poitou” huwa magħmul esklussivament mill-ħalib [tal-mogħoż] mhux ipproċessat [u sħiħ]” u l-intestatura “Metodu ta’ produzzjoni”: “Il-ħalib użat huwa ħalib tal-mogħoż mhux ipproċessat. ”. Mitt operatur ressqu oppożizzjoni dwar id-dispożizzjoni li ġejja: Intestatura “Metodu ta’ produzzjoni”: “Tal-anqas 75 % tar-razzjon annwali tal-mogħoż għandu jiġi miż-żona ġeografika, jiġifieri 825 kg ta’ materja niexfa għal kull mogħża fis-sena.”. Tmintax il-operatur ressqu oppożizzjoni dwar id-dispożizzjoni li ġejja: Intestatura “Metodu ta’ produzzjoni”: “Ir-razzjon huwa magħmul minn tal-anqas 55 % foraġġ jiġifieri 605 kilogramma ta’ materja niexfa għal kull mogħża fis-sena”. Sitta u tmenin operatur ressqu oġġezzjoni dwar id-dispożizzjonijiet li ġejjin tal-intestatura “Metodu ta’ produzzjoni”: “Ir-razzjon supplimentari għandu jkun fih mill-inqas 150 kilogramma jew 30 % ta’ ċereali u/jew żrieragħ żejtnin u/jew għelejjel li fihom il-proteini miż-żona ġeografika.”, u “Ir-razzjon għal kull mogħża fis-sena għandu jkun fih tal-anqas 200 kilogramma ta’ materja niexfa f’forma ta’ nifel jew għelejjel tal-legumi, li jkunu ġejjin miż-żona ġeografika.” u “Il-foraġġi jiġu prodotti kollha fiż-żona ġeografika.”.

(3)

Billi l-emenda kkonċernata mhijiex minuri skont it-tifsira tal-Artikolu 53(2) tar-Regolament (UE) Nru 1151/2012, il-Kummissjoni ppubblikat l-applikazzjoni għal emenda, kif meħtieġ skont l-Artikolu 50(2)(a) tal-istess Regolament, f’Il-Ġurnal Uffiċjali tal-Unjoni Ewropea (6).

(4)

Billi l-Kummissjoni ma rċeviet ebda dikjarazzjoni ta’ oppożizzjoni skont l-Artikolu 51 tar-Regolament (UE) Nru 1151/2012, jenħtieġ li l-emenda fl-Ispeċifikazzjoni tal-Prodott tiġi approvata,

(1)

Ir-Regolament (KEE) Nru 2658/87 jistabbilixxi nomenklatura għall-merkanzija (“Nomenklatura Magħquda” jew “NM”), biex fl-istess waqt jissodisfa r-rekwiżiti tat-Tariffa Doganali Komuni, tal-istatistika tal-kummerċ estern tal-Unjoni, u tal-politiki oħrajn tal-Unjoni li jikkonċernaw l-importazzjoni jew l-esportazzjoni tal-merkanzija.

(2)

Ir-Regolament (KEE) Nru 2658/87 jistabbilixxi wkoll Tariffa Integrata tal-Unjoni Ewropea (“TARIC”), li tissodisfa r-rekwiżiti tat-Tariffa Doganali Komuni, l-istatistika tal-kummerċ estern, il-politika kummerċjali, il-politika agrikola u politiki oħrajn tal-Unjoni li jikkonċernaw l-importazzjoni jew l-esportazzjoni tal-oġġetti.

(3)

Sabiex l-Unjoni timmonitorja l-istatistika relatata biss mal-importazzjoni ta’ oġġetti speċifiċi, il-ħolqien ta’ subintestaturi statistiċi fit-TARIC huwa l-aktar għodda xierqa; tali kodiċijiet statistiċi TARIC huma stabbiliti fl-Anness 10 “Kodiċijiet Statistiċi TARIC” tat-Tielet Parti “Annessi għat-Tariffa” tal-Anness I tar-Regolament (KEE) Nru 2658/87.

(4)

Ir-Regolament ta’ Implimentazzjoni tal-Kummissjoni (UE) 2020/1369 (2) introduċa subintestaturi TARIC ġodda għall-maskri protettivi tal-wiċċ fl-Anness 10 tal-Parti Tlieta tal-Anness I tar-Regolament (KEE) Nru 2658/87. Sabiex jiġi żgurat li dawk il-kodiċijiet il-ġodda jiġu introdotti mill-ġdid fin-Nomenklatura Magħquda applikabbli mill-1 ta’ Jannar 2021, jeħtieġ li jiġi emendat l-Anness I tar-Regolament (KEE) Nru 2658/87, billi dan irid jiġi emendat, b’effett mill-1 ta’ Jannar 2021, permezz tar-Regolament ta’ Implimentazzjoni tal-Kummissjoni (UE) 2020/1577 (3).

(5)

Is-sitwazzjoni tal-pandemija tal-COVID-19 għadha għaddejja fl-Unjoni u l-Istati Membri qed ibatu biex iwaqqfu t-tixrid tal-COVID-19. Għalhekk, id-domanda għal ċerti oġġetti mediċi u l-użu tagħhom fl-Istati Membri, b’mod partikolari l-maskri protettivi tal-wiċċ, ir-reaġenti dijanjostiċi u l-kits dijanjostiċi, huma għoljin u qed jiżdiedu u x’aktarx jibqgħu għoljin fil-futur. L-importazzjonijiet ta’ tali oġġetti jġibu magħhom sfidi addizzjonali għall-awtoritajiet doganali.

(6)

Sabiex jiġu ffaċilitati u armonizzati l-kontrolli doganali fl-Istati Membri fil-livell tal-Unjoni, huwa xieraq li jinħolqu subintestaturi TARIC addizzjonali, li jippermettu li l-prodotti kkonċernati jiġu distinti aktar malajr minn oħrajn taħt l-istess subintestatura, u b’hekk jittaffa l-impatt ta’ dewmien possibbli fil-katina tal-provvista matul il-pandemija tal-COVID-19.

(7)

Meta titqies l-importanza tal-vaċċini tas-SARS-CoV-2, il-ħolqien ta’ kodiċi NM ikun xieraq, sabiex tiġi mmonitorjata wkoll l-esportazzjoni tagħhom.

(8)

Jenħtieġ li jinħolqu subintestaturi TARIC addizzjonali sabiex jiġi żgurat monitoraġġ aħjar tal-flussi kummerċjali ta’ maskri protettivi tal-wiċċ, ir-reaġenti dijanjostiċi u l-kits dijanjostiċi.

(9)

Tali subintestaturi addizzjonali tat-TARIC jiffaċilitaw ukoll l-implimentazzjoni mill-Istati Membri tad-Deċiżjoni tal-Kummissjoni (UE) 2020/491 (4). Peress li l-maskri protettivi tal-wiċċ huma fost il-prodotti l-aktar importati, l-identifikazzjoni speċifika tagħhom fit-TARIC tippermetti proċess ta’ dikjarazzjoni aktar mgħaġġel billi ssir distinzjoni bejn dawn il-prodotti u prodotti oħrajn li bħalissa huma kklassifikati taħt l-istess subintestatura.

(10)

Għalhekk, jenħtieġ li l-Anness I tar-Regolament (KEE) Nru 2658/87 jiġi emendat skont dan.

(11)

Jenħtieġ li l-awtoritajiet doganali u l-operaturi ekonomiċi jkunu jistgħu japplikaw l-emendi għan-Nomenklatura Magħquda stabbiliti f’dan ir-Regolament mid-data tal-applikazzjoni tar-Regolament ta’ Implimentazzjoni (UE) 2020/1577, sabiex jiżguraw il-kontinwità tal-ġbir tad-data statistika għall-oġġetti rilevanti. Għalhekk, jenħtieġ li dan ir-Regolament jidħol fis-seħħ b’urġenza u japplika mill-1 ta’ Jannar 2021.

(12)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

(1)

Il-marda tal-coronavirus (COVID-19) hija marda li tittieħed, ikkaġunata minn coronavirus li għadu kemm ġie skopert. Fit-30 ta’ Jannar 2020, l-Organizzazzjoni Dinjija tas-Saħħa ddikjarat it-tifqigħa tal-COVID-19 bħala emerġenza tas-saħħa pubblika ta’ rilevanza internazzjonali u, fil-11 ta’ Marzu 2020, ikklassifikat il-COVID-19 bħala pandemija.

(2)

Il-grupp ta’ sustanzi 4-(1,1,3,3-Tetrametilbutil)fenol, etossilati (li jkopru sustanzi definiti sew u sustanzi ta’ kompożizzjoni mhux magħrufa jew varjabbli, prodotti kumplessi ta’ reazzjoni jew materjali bijoloġiċi, polimeri u omologi) (“il-grupp ta’ sustanzi”) jissodisfa l-kriterji stabbiliti fl-Artikolu 57(f) tar-Regolament (KE) Nru 1907/2006 u huwa elenkat fl-Anness XIV ta’ dak ir-Regolament.

(3)

L-aħħar data tal-applikazzjoni għall-grupp ta’ sustanzi kienet l-4 ta’ Lulju 2019 u d-data tat-terminazzjoni hija stabbilita għall-4 ta’ Jannar 2021. F’konformità mal-Artikolu 56(1) tar-Regolament (KE) Nru 1907/2006, l-użi tal-grupp ta’ sustanzi mhumiex permessi wara d-data tat-terminazzjoni sakemm ma tkunx ingħatat awtorizzazzjoni għal użu partikolari, ma tkunx ġiet sottomessa applikazzjoni għall-awtorizzazzjoni għal użu partikolari qabel l-aħħar data tal-applikazzjoni iżda ma tkunx għadha ttieħdet deċiżjoni dwar l-applikazzjoni jew sakemm l-użu ma jkunx kopert minn eżenzjoni f’konformità ma’ dak ir-Regolament.

(4)

Il-pandemija tal-COVID-19 ħolqot emerġenza tas-saħħa pubblika bla preċedent. Barra minn hekk, il-miżuri li l-Istati Membri kellhom jadottaw biex irażżnu l-firxa tal-COVID-19 ħolqu tfixkil maġġuri għall-ekonomiji nazzjonali u għall-Unjoni kollha.

(5)

Qed jiġu żviluppati trattamenti u vaċċini potenzjali biex jiġġieldu kontra l-COVID-19. Il-grupp ta’ sustanzi jintuża fid-dijanjożi tal-COVID-19 u fil-produzzjoni ta’ għodod għal dak l-iskop. Bħalissa qed jintuża għall-produzzjoni ta’ kits dijanjostiċi in vitro. Il-grupp ta’ sustanzi jintuża wkoll fl-iżvilupp ta’ vaċċini għall-ġlieda kontra l-COVID-19 u mistenni li jintuża fil-produzzjoni tagħhom. Barra minn hekk, ma jistax jiġi eskluż li l-grupp ta’ sustanzi jintuża għall-iżvilupp u għall-produzzjoni ta’ ingredjenti farmaċewtiċi attivi u ta’ forom ta’ dożaġġ lesti għall-ġlieda kontra l-COVID-19.

(6)

F’din is-sitwazzjoni ta’ emerġenza tas-saħħa pubblika, huwa ta’ interess kbir għall-Unjoni li jkunu jistgħu jiġu żviluppati, jiġu prodotti, magħmula disponibbli u użati fl-Unjoni malajr kemm jista’ jkun prodotti mediċinali sikuri u effikaċi, apparat mediku sikur kif ukoll aċċessorji tal-apparat mediku sikuri, adatti għad-dijanjożi, għat-trattament jew għall-prevenzjoni tal-COVID-19.

(7)

Madankollu, peress li l-aħħar data tal-applikazzjoni tal-4 ta’ Lulju 2019 għaddiet qabel bdiet tal-pandemija tal-COVID-19, l-applikazzjonijiet għall-awtorizzazzjoni għall-użu tal-grupp ta’ sustanzi għad-dijanjożi, għat-trattament jew għall-prevenzjoni tal-COVID-19 ma setgħux jiġu sottomessi qabel dik id-data u għalhekk dawn l-użi ma jistgħux ikomplu legalment wara d-data tat-terminazzjoni.

(8)

Għalhekk huwa ta’ importanza kbira li jiġi żgurat li l-użu tal-grupp ta’ sustanzi ma jiġix ostakolat għar-riċerka, għall-iżvilupp u għall-produzzjoni ta’ prodotti mediċinali, apparat mediku jew aċċessorji tal-apparat mediku, inkluż apparat mediku dijanjostiku in vitro, u għall-użu fit-tali apparat mediku jew aċċessorji fid-dawl tal-użu tagħhom għad-dijanjożi, għat-trattament jew għall-prevenzjoni tal-COVID-19 wara d-data tat-terminazzjoni kif stabbilita bħalissa fl-Anness XIV tar-Regolament (KE) Nru 1907/2006, bħala miżura eċċezzjonali għall-protezzjoni tas-saħħa pubblika.

(9)

Barra minn hekk, jekk ikun permess li jitkompla l-użu tal-grupp ta’ sustanzi għal dawk il-finijiet speċifiċi wara l-4 ta’ Jannar 2021, dan jista’ jikkontribwixxi għall-ilħuq tal-objettivi tal-“Istrateġija tal-UE għall-vaċċini kontra l-COVID-19” (2).

(10)

Għalhekk huwa xieraq li tiġi posposta l-aħħar data tal-applikazzjoni u d-data tat-terminazzjoni stabbiliti għall-grupp ta’ sustanzi fir-rigward tal-użi għar-riċerka, għall-iżvilupp u għall-produzzjoni ta’ prodotti mediċinali, apparat mediku jew aċċessorji tal-apparat mediku, inkluż apparat mediku dijanjostiku in vitro għad-dijanjożi, għat-trattament jew għall-prevenzjoni tal-COVID-19 u l-użu fit-tali apparat mediku jew aċċessorji. Huwa meħtieġ posponiment tal-aħħar data tal-applikazzjoni sa 18-il xahar wara d-dħul fis-seħħ ta’ dan ir-Regolament sabiex ikunu jistgħu jitħejjew l-applikazzjonijiet għall-awtorizzazzjoni ta’ dawk l-użi u għaldaqstant, huwa xieraq li tiġi posposta d-data tat-terminazzjoni sa 36 xahar wara d-dħul fis-seħħ tiegħu.

(11)

Għalhekk jenħtieġ li r-Regolament (KE) Nru 1907/2006 jiġi emendat skont dan.

(12)

Peress li l-aħħar data tal-applikazzjoni għall-grupp ta’ sustanzi diġà għaddiet qabel it-tifqigħa tal-COVID-19, sabiex jiġi evitat li jkun hemm lakuna fil-perjodu li matulu l-applikazzjonijiet għall-użi għar-riċerka, għall-iżvilupp u għall-produzzjoni ta’ prodotti mediċinali, apparat mediku jew aċċessorji tal-apparat mediku, inkluż apparat mediku dijanjostiku in vitro, fid-dawl tal-użu tagħhom għad-dijanjożi, għat-trattament jew għall-prevenzjoni ta’ dik il-marda u l-użu fit-tali apparat mediku jew aċċessorji jkunu jistgħu jiġu sottomessi b’mod validu sabiex l-użu tagħhom ikun kopert mill-punt (d) tal-Artikolu 56(1) tar-Regolament (KE) Nru 1907/2006, huwa meħtieġ li jiġi previst dħul fis-seħħ urġenti ta’ dan ir-Regolament u applikazzjoni retroattiva tiegħu mill-4 ta’ Lulju 2019. Barra minn hekk, jenħtieġ li dan ir-Regolament jidħol fis-seħħ b’urġenza u jenħtieġ li japplika b’mod retroattiv sabiex tiġi żgurata t-tkomplija tal-użu tal-grupp ta’ sustanzi wara l-4 ta’ Jannar 2021 għall-istess użi.

(13)

Il-miżuri stipulati f’dan ir-Regolament huma f’konformità mal-opinjoni tal-Kumitat stabbilit mill-Artikolu 133 tar-Regolament (KE) Nru 1907/2006,

(1)

Il-Kummissjoni Ewropea (“il-Kummissjoni”) irċeviet talba skont l-Artikoli 13(3) u 14(5) ir-Regolament bażiku, biex tinvestiga l-possibbiltà ta’ ċirkomvenzjoni tal-miżuri anti-dumping imposti fuq importazzjonijiet ta’ ċertu foil tal-aluminju f’rombli li joriġina mir-Repubblika tal-Poplu taċ-Ċina u biex tissoġġetta għar-reġistrazzjoni l-importazzjonijiet ta’ ċertu foil tal-aluminju f’rombli ikkonsenjat mit-Tajlandja, kemm jekk ikunu ddikjarati li joriġinaw mit-Tajlandja kif ukoll jekk le.

(2)

It-talba ġiet ippreżentata fid-9 ta’ Novembru 2020. L-applikant talab l-anonimità u ssostanzjaha kif xieraq fit-talba. Il-Kummissjoni tikkunsidra li hemm raġunijiet suffiċjenti biex tingħata l-kunfidenzjalità tal-identità tal-applikant.

(3)

Il-prodott ikkonċernat miċ-ċirkomvenzjoni possibbli huwa foil tal-aluminju ta’ ħxuna ta’ 0,007 mm jew aktar iżda inqas minn 0,021 mm, mingħajr rinforz, mhux maħdum aktar ħlief irrumblat, sew jekk ibbuzzat kif ukoll jekk le, f’rombli ta’ piż baxx ta’ mhux aktar minn 10 kg, ikklassifikat fid-data tad-dħul fis-seħħ tar-Regolament ta’ Implimentazzjoni tal-Kummissjoni (UE) 2019/915 (2) taħt il-kodiċijiet NM ex 7607 11 11 u ex 7607 19 10 (il-kodiċijiet TARIC 7607111110 u 7607191010) u li joriġina mir-Repubblika tal-Poplu taċ-Ċina (“il-prodott ikkonċernat”). Dan huwa l-prodott li għalih japplikaw il-miżuri fis-seħħ bħalissa.

(4)

Il-prodott li qed jiġi investigat huwa l-istess bħal dak definit fil-premessa preċedenti, li attwalment jaqa’ taħt il-kodiċijiet NM ex 7607 11 11 u ex 7607 19 10, iżda li huwa kkonsenjat mit-Tajlanda, kemm jekk iddikjarat li joriġina mit-Tajlandja kif ukoll jekk le (il-kodiċijiet TARIC 7607111111 u 7607191011 (“il-prodott li qed jiġi investigat”).

(5)

Il-miżuri li bħalissa huma fis-seħħ u li possibbilment qiegħed ikun hemm ċirkomvenzjoni tagħhom huma miżuri anti-dumping imposti mir-Regolament ta’ Implimentazzjoni (UE) 2019/915 (“il-miżuri eżistenti”).

(6)

It-talba fiha biżżejjed evidenza li l-miżuri anti-dumping eżistenti fuq l-importazzjonijiet tal-prodott ikkonċernat qegħdin qiegħed ikun hemm ċirkomvenzjoni tagħhom permezz ta’ importazzjonijiet tal-prodott li qed jiġi investigat.

(7)

L-evidenza fit-talba turi dan li ġej.

(8)

Kien hemm bidla fix-xejra tal-kummerċ li jinvolvi l-esportazzjonijiet mir-Repubblika tal-Poplu taċ-Ċina u mit-Tajlandja lejn l-Unjoni wara l-impożizzjoni tal-miżuri fuq il-prodott kkonċernat.

(9)

Jidher li din il-bidla ġejja mill-kunsinna tal-prodott ikkonċernat permezz tat-Tajlandja lejn l-Unjoni wara operazzjonijiet ta’ assemblaġġ fit-Tajlandja. L-evidenza turi li dawn l-operazzjonijiet ta’ assemblaġġ jikkostitwixxu ċirkomvenzjoni billi l-operazzjonijiet bdew jew żdiedu sostanzjalment minn meta bdiet, jew eżatt qabel, l-investigazzjoni anti-dumping. Barra minn hekk, il-partijiet mir-Repubblika tal-Poplu taċ-Ċina użati f’dawn l-operazzjonijiet ta’ assemblaġġ jikkostitwixxu aktar minn 60 % tal-valur totali tal-prodott assemblat filwaqt li l-valur miżjud matul l-operazzjonijiet ta’ assemblaġġ huwa inqas minn 25 % tal-kost tal-manifattura.

(10)

Barra minn hekk, l-evidenza turi li, minħabba l-prattiki deskritti hawn fuq, l-effetti ta’ rimedju tal-miżuri anti-dumping eżistenti fuq il-prodott ikkonċernat qed jiddgħajfu kemm f’termini ta’ kwantità kif ukoll f’termini ta’ prezz. Jidher li daħlu volumi sinifikanti ta’ importazzjonijiet tal-prodott li qed jiġi investigat fis-suq tal-UE. Barra minn hekk, hemm biżżejjed evidenza li l-importazzjonijiet tal-prodott li qed jiġi investigat qed isiru bi prezzijiet dannużi.

(11)

Fl-aħħar nett, l-evidenza turi li l-prezzijiet tal-prodott li qed jiġi investigat huma oġġett ta’ dumping fir-rigward tal-valur normali stabbilit preċedentment għall-prodott ikkonċernat.

(12)

Jekk il-prattiki ta’ ċirkomvenzjoni li huma koperti bl-Artikolu 13 tar-Regolament bażiku, għajr dawk imsemmija hawn fuq, jiġu identifikati fl-andament tal-investigazzjoni, l-investigazzjoni tista’ tkopri wkoll dawn il-prattiki.

(13)

Fid-dawl ta’ dan ta’ hawn fuq, il-Kummissjoni kkonkludiet li teżisti biżżejjed evidenza biex tiġġustifika l-bidu ta’ investigazzjoni skont l-Artikolu 13(3) tar-Regolament bażiku u li tagħmel l-importazzjonijiet tal-prodott li qed jiġi investigat soġġetti għal reġistrazzjoni, f’konformità mal-Artikolu 14(5) tar-Regolament bażiku.

(14)

Sabiex tikseb l-informazzjoni meħtieġa għal din l-investigazzjoni, jenħtieġ li l-partijiet kollha interessati jikkuntattjaw lill-Kummissjoni minnufih, iżda mhux aktar tard mil-limitu taż-żmien stabbilit fl-Artikolu 3(2) ta’ dan ir-Regolament. Il-limitu taż-żmien stabbilit fl-Artikolu 3(2) ta’ dan ir-Regolament japplika għall-partijiet interessati kollha. Jekk ikun meħtieġ, tista’ wkoll tintalab informazzjoni mingħand l-industrija tal-Unjoni.

(15)

L-awtoritajiet tat-Tajlandja u tar-Repubblika tal-Poplu taċ-Ċina se jiġu nnotifikati bil-bidu tal-investigazzjoni.

(16)

Il-partijiet interessati kollha inkluż l-industrija tal-Unjoni, l-importaturi u kwalunkwe assoċjazzjoni rilevanti huma mistiedna jippreżentaw l-opinjonijiet tagħhom bil-miktub u jipprovdu evidenza ta’ sostenn dment li dawn is-sottomissjonijiet isiru fi żmien l-iskadenza prevista fl-Artikolu 3(2). Barra minn hekk, il-Kummissjoni tista’ tisma’ lill-partijiet interessati, bil-kundizzjoni li dawn jagħmlu talba bil-miktub u juru li hemm raġunijiet partikolari għalfejn jenħtieġ li jinstemgħu.

(17)

F’konformità mal-Artikolu 13(4) tar-Regolament bażiku, l-importazzjonijiet tal-prodott li qed jiġi investigat jistgħu jiġu eżentati mill-miżuri jekk l-importazzjoni ma tkunx tikkostitwixxi ċirkomvenzjoni.

(18)

Billi ċ-ċirkomvenzjoni possibbli sseħħ barra mill-Unjoni, jistgħu jingħataw eżenzjonijiet, f’konformità mal-Artikolu 13(4) tar-Regolament bażiku, lill-produtturi tal-prodott li qed jiġi investigat fit-Tajlandja li jistgħu juru li mhumiex involuti fi prattiki ta’ ċirkomvenzjoni kif definit fl-Artikoli 13(1) u 13(2) tar-Regolament bażiku. Jekk ikun hemm produtturi li jixtiequ jiksbu eżenzjoni, jenħtieġ li dawn jippreżentaw ruħhom fil-limitu ta’ żmien indikat fl-Artikolu 3(1) ta’ dan ir-Regolament. Kopji tal-kwestjonarju għall-produtturi esportaturi fir-Repubblika tal-Poplu taċ-Ċina, il-formola tat-talba għall-eżenzjoni għall-produtturi esportaturi fit-Tajlandja u l-kwestjonarji għall-importaturi fl-UE jinsabu fil-fajl għall-ispezzjoni mill-partijiet interessati u fuq is-sit web tad-DĠ Kummerċ: https://trade.ec.europa.eu/tdi/case_details.cfm?id=2503. Il-kwestjonarji jridu jiġu ppreżentati fil-limitu ta’ żmien indikat fl-Artikolu 3(2) ta’ dan ir-Regolament.

(19)

Skont l-Artikolu 14(5) tar-Regolament bażiku, l-importazzjonijiet tal-prodott li qed jiġi investigat għandhom ikunu soġġetti għal reġistrazzjoni sabiex ikun żgurat li, jekk l-investigazzjoni tirriżulta li jkun hemm ċirkomvenzjoni, ikun jista’ jiġi impost ammont xieraq ta’ dazji anti-dumping, li ma jaqbiżx id-dazju residwu impost bir-Regolament ta’ Implimentazzjoni tal-Kummissjoni (UE) 2019/915, mid-data li fiha tkun ġiet imposta r-reġistrazzjoni ta’ dawn l-importazzjonijiet.

(20)

Sabiex ikun hemm amministrazzjoni tajba, jenħtieġ li jiġu ddikjarati l-limiti ta’ żmien li fihom:

(21)

Ta’ min jiġbed l-attenzjoni għall-fatt li l-eżerċitar tad-drittijiet proċedurali stipulati fir-Regolament bażiku jiddependi mill-fatt li l-partijiet jippreżentaw lilhom infushom fil-limiti ta’ żmien stipulati fl-Artikolu 3 ta’ dan ir-Regolament.

(22)

Jekk xi parti interessata tirrifjuta l-aċċess jew ma tipprovdix l-informazzjoni meħtieġa fil-limiti ta’ żmien stipulati, jew tfixkel b’mod sinifikanti l-investigazzjoni, is-sejbiet, pożittivi jew negattivi, jistgħu jsiru fuq il-bażi tal-fatti disponibbli f’konformità mal-Artikolu 18 tar-Regolament bażiku.

(23)

Jekk jinstab li xi parti interessata tkun ipprovdiet informazzjoni falza jew qarrieqa, l-informazzjoni ma għandhiex titqies u jista’ jsir użu mill-fatti disponibbli f’konformità mal-Artikolu 18 tar-Regolament bażiku.

(24)

Jekk parti interessata ma tikkooperax jew tikkoopera parzjalment biss u, għaldaqstant, is-sejbiet ikunu bbażati fuq il-fatti disponibbli f’konformità mal-Artikolu 18 tar-Regolament bażiku, ir-riżultat jista’ jkun inqas favorevoli għal dik il-parti milli kieku tkun ikkooperat.

(25)

L-investigazzjoni se tintemm, skont l-Artikolu 13(3) tar-Regolament bażiku, fi żmien disa’ xhur mid-data li fiha jidħol fis-seħħ dan ir-Regolament.

(26)

Ta’ min jinnota li kull data personali miġbura f’din l-investigazzjoni se tiġi trattata f’konformità mar-Regolament (UE) 2018/1725 tal-Parlament Ewropew u tal-Kunsill (3).

(27)

Avviż dwar il-protezzjoni tad-data li jinforma lill-individwi kollha dwar l-ipproċessar tad-data personali fil-qafas tal-attivitajiet tad-difiża tal-kummerċ tal-Kummissjoni huwa disponibbli fuq is-sit web tad-DĠ Kummerċ: http://ec.europa.eu/trade/policy/accessing-markets/trade-defence/.

(28)

Il-partijiet interessati jistgħu jitolbu l-intervent tal-Uffiċjal tas-Seduta għal proċedimenti kummerċjali. L-Uffiċjal tas-Seduta jirrieżamina t-talbiet għall-aċċess għall-fajl, it-tilwim dwar il-kunfidenzjalità tad-dokumenti, it-talbiet għal estensjoni tal-limiti ta’ żmien u kwalunkwe talba oħra dwar id-drittijiet tad-difiża ta’ partijiet interessati u partijiet terzi kif dawn jinqalgħu dwar il-proċediment.

(29)

L-Uffiċjal tas-Seduta jista’ jorganizza seduti ta’ smigħ u jagħmilha ta’ medjatur bejn il-parti interessata/partijiet interessati u s-servizzi tal-Kummissjoni sabiex jiżgura li d-drittijiet tad-difiża tal-partijiet interessati jkunu qed jiġu eżerċitati bis-sħiħ. Jenħtieġ li t-talba għal seduta ta’ smigħ mal-Uffiċjal tas-Seduta ssir bil-miktub u jenħtieġ li tispeċifika r-raġunijiet għat-talba. L-Uffiċjal tas-Seduta jeżamina r-raġunijiet għat-talbiet. Jenħtieġ li dawn is-seduti ta’ smigħ isiru biss jekk il-kwistjonijiet ma jkunux ġew solvuti mas-servizzi tal-Kummissjoni fi żmien debitu.

(30)

Kwalunkwe talba trid tiġi ppreżentata fi żmien raġonevoli u f’qasir żmien sabiex ma xxekkilx l-andament tajjeb tal-proċedimenti. Għal dan il-għan, jenħtieġ li l-partijiet interessati jitolbu l-intervent tal-Uffiċjal tas-Seduta minn kmieni kemm jista’ jkun wara li jseħħ il-każ li jiġġustifika dan l-intervent. Fil-prinċipju, l-oqfsa ta’ żmien stabbiliti fl-Artikolu 3(3) ta’ dan ir-Regolament sabiex jintalbu seduti ta’ smigħ mas-servizzi tal-Kummissjoni japplikaw mutatis mutandis għal talbiet għal seduti ta’ smigħ mal-Uffiċjal tas-Seduta. Meta t-talbiet għal seduti ta’ smigħ jiġu ppreżentati lil hinn mill-iskedi ta’ żmien rilevanti, l-Uffiċjal tas-Seduta jeżamina wkoll ir-raġunijiet għalfejn dawn it-talbiet ikunu saru daqshekk tard, in-natura tal-kwistjonijiet imqajma u l-impatt ta’ dawk il-kwistjonijiet fuq id-drittijiet tad-difiża, filwaqt li debitament iqis l-interessi ta’ amministrazzjoni tajba u t-tlestija f’waqtha tal-investigazzjoni.

(31)

Għal aktar informazzjoni u għad-dettalji ta’ kuntatt, il-partijiet interessati jistgħu jikkonsultaw il-paġni web tal-Uffiċjal tas-Seduta fuq is-sit web tad-DĠ KUMMERĊ: http://ec.europa.eu/trade/trade-policy-and-you/contacts/hearing-officer/.

(1)

Il-Kummissjoni Ewropea (“il-Kummissjoni”) rċeviet talba skont l-Artikoli 13(3) u 14(5) tar-Regolament bażiku biex tinvestiga l-possibbiltà ta’ ċirkomvenzjoni tal-miżuri tal-anti-dumping imposti fuq importazzjonijiet ta’ ċertu foil tal-aluminju li joriġinaw mir-Repubblika tal-Poplu taċ-Ċina u biex tagħmel l-importazzjonijiet ta’ ċertu foil tal-aluminju mibgħuta mit-Tajlandja soġġetti għar-reġistrazzjoni, kemm jekk dawn ikunu ddikjarati li joriġinaw mit-Tajlandja u kemm jekk le.

(2)

It-talba ġiet ippreżentata fid-9 ta’ Novembru 2020. L-applikant talab l-anonimità u ssostanzjaha kif xieraq fit-talba. Il-Kummissjoni tikkunsidra li hemm raġunijiet suffiċjenti biex tingħata l-kunfidenzjalità tal-identità tal-applikant.

(3)

Il-prodott ikkonċernat miċ-ċirkomvenzjoni possibbli huwa foil tal-aluminju ta’ ħxuna ta’ mhux inqas minn 0,008 mm u mhux aktar minn 0,018 mm, mingħajr rinforz, mhux maħdum aktar milli rrumblat, f’rombli ta’ wisa’ li ma taqbiżx 650 mm u ta’ piż li jaqbeż l-10 kg, ikklassifikat fid-data tad-dħul fis-seħħ tar-Regolament ta’ Implimentazzjoni tal-Kummissjoni (UE) 2015/2384 (2) taħt il-kodiċi NM ex 7607 11 19 (kodiċi TARIC 7607111910), foil tal-aluminju ta’ ħxuna ta’ mhux inqas minn 0,007 mm u inqas minn 0,008 mm, irrispettivament mill-wisgħa tar-rombli, sew jekk ittemprat u sew jekk le, ikklassifikat fid-data tad-dħul fis-seħħ tar-Regolament ta’ Implimentazzjoni tal-Kummissjoni (UE) 2017/271 (3) taħt il-kodiċi NM ex 7607 11 19 (kodiċi TARIC 7607111930), foil tal-aluminju ta’ ħxuna ta’ mhux inqas minn 0,008 mm u mhux aktar minn 0,018 mm u f’rombli ta’ wisa’ li taqbeż is-650 mm, kemm jekk ittemprat u kemm jekk le, ikklassifikat fid-data tad-dħul fis-seħħ tar-Regolament (UE) 2017/271 taħt il-kodiċi NM ex 7607 11 19 (kodiċi TARIC 7607111940), foil tal-aluminju ta’ ħxuna ta’ aktar minn 0,018 mm u inqas minn 0,021 mm, irrispettivament mill-wisa’ tar-rombli, kemm jekk ittemprat u kemm jekk le, ikklassifikat fid-data tad-dħul fis-seħħ tar-Regolament ta’ Implimentazzjoni (UE) 2017/271 taħt kodiċi NM ex 7607 11 19 (kodiċi TARIC 7607111950), u/jew foil tal-aluminju ta’ ħxuna ta’ mhux inqas minn 0,021 mm u mhux aktar minn 0,045 mm, meta ppreżentat b’mill-inqas żewġ saffi, irrispettivament mill-wisa’ tar-rombli, kemm jekk ittemprat u kemm jekk le, ikklassifikat fid-data tad-dħul fis-seħħ tar-Regolament ta’ Implimentazzjoni (UE) 2017/271 taħt kodiċi NM ex 7607 11 90 (kodiċijiet TARIC 7607119045 u 7607119080) u li joriġinaw fir-Repubblika tal-Poplu taċ-Ċina (“il-prodott ikkonċernat”) Dan huwa l-prodott li għalih japplikaw il-miżuri fis-seħħ bħalissa.

(4)

Il-prodott taħt investigazzjoni huwa l-istess bħal dak definit fil-premessa preċedenti, li bħalissa jaqa’ taħt il-kodiċi NM ex 7607 11 19 (kodiċi TARIC 7607111910, 7607111930, 7607111940, 7607111950) u ex 7607 11 90 (kodiċi TARIC 7607119044, 7607119046, 7607119071, 7607119072), iżda kkunsinnat mit-Tajlandja, kemm jekk iddikjarat li joriġina mit-Tajlandja kif ukoll jekk le (kodiċi addizzjonali TARIC C601), (“il-prodott taħt investigazzjoni”).

(5)

Il-miżuri attwalment fis-seħħ u li possibbilment qed jiġu evitati huma miżuri anti-dumping imposti mir-Regolament ta’ Implimentazzjoni (UE) 2015/2384 u estiżi bir-Regolament ta’ Implimentazzjoni (UE) 2017/271 kif emendat l-aħħar bir-Regolament ta’ Implimentazzjoni (UE) 2017/2213 (“il-miżuri eżistenti”).

(6)

It-talba fiha biżżejjed evidenza li l-miżuri anti-dumping eżistenti fuq l-importazzjonijiet tal-prodott ikkonċernat qegħdin jiġu evitati bl-importazzjonijiet tal-prodott li qed jiġi investigat.

(7)

L-evidenza fit-talba turi dan li ġej.

(8)

Sar kambjament fix-xejra tal-kummerċ li tinvolvi l-esportazzjonijiet mir-Repubblika tal-Poplu taċ-Ċina u t-Tajlandja lejn l-Unjoni wara l-imposizzjoni tal-miżuri fuq il-prodotti kkonċernati.

(9)

Jidher li din il-bidla ġejja mill-kunsinna tal-prodott ikkonċernat mit-Tajlandja lejn l-Unjoni wara l-operazzjonijiet ta’ assemblaġġ fit-Tajlandja. L-evidenza turi li tali operazzjonijiet ta’ assemblaġġ jikkostitwixxu ċirkomvenzjoni peress li l-operazzjonijiet bdew jew żdiedu sostanzjalment minn meta, jew eżatt qabel, il-bidu tal-investigazzjoni anti-dumping. Barra minn hekk, il-partijiet mir-Repubblika tal-Poplu taċ-Ċina użati waqt dawn l-operazzjonijiet ta’ assemblaġġ jikkostitwixxu aktar minn 60 % tal-valur totali tal-prodott assemblat u l-valur miżjud matul l-operazzjoni ta’ assemblaġġ huwa inqas minn 25 % tal-kost tal-manifattura.

(10)

Barra minn hekk, l-evidenza turi li minħabba dawn il-prattiki deskritti hawn fuq l-effetti ta’ rimedju tal-miżuri anti-dumping eżistenti fuq il-prodott ikkonċernat qegħdin jiddgħajfu kemm f’termini ta’ kwantità kif ukoll f’termini ta’ prezzijiet. L-importazzjonijiet ta’ volumi sinifikanti tal-prodott investigat jidher li daħlu fis-suq tal-Unjoni. Barra minn hekk, hemm biżżejjed evidenza li l-importazzjonijiet tal-prodott investigat qed isiru bi prezzijiet dannużi.

(11)

Fl-aħħar nett, l-evidenza turi li l-prezzijiet tal-prodott taħt investigazzjoni huma oġġett ta’ dumping fir-rigward tal-valur normali stabbilit qabel għall-prodott ikkonċernat.

(12)

Jekk il-prattiki ta’ ċirkomvenzjoni li huma koperti bl-Artikolu 13 tar-Regolament bażiku, għajr dawk imsemmija hawn fuq, jiġu identifikati fl-andament tal-investigazzjoni, l-investigazzjoni tista’ tkopri wkoll dawn il-prattiki.

(13)

Fid-dawl ta’ dan ta’ hawn fuq, il-Kummissjoni kkonkludiet li teżisti biżżejjed evidenza biex tiġġustifika l-bidu ta’ investigazzjoni skont l-Artikolu 13(3) tar-Regolament bażiku u li tagħmel l-importazzjonijiet tal-prodott li qed jiġi investigat soġġetti għal reġistrazzjoni, b’konformità mal-Artikolu 14(5) tar-Regolament bażiku.

(14)

Fi kwalunkwe każ, jenħtieġ li l-partijiet kollha interessati jikkuntattjaw lill-Kummissjoni minnufih, iżda mhux aktar tard mil-limitu taż-żmien stabbilit fl-Artikolu 3(2) ta’ dan ir-Regolament. Il-limitu taż-żmien stabbilit fl-Artikolu 3(2) ta’ dan ir-Regolament japplika għall-partijiet interessati kollha. Jekk ikun meħtieġ, jista’ wkoll jintalab tagħrif mingħand l-industrija tal-Unjoni.

(15)

L-awtoritajiet tat-Tajlandja u tar-Repubblika tal-Poplu taċ-Ċina se jiġu nnotifikati bil-bidu tal-investigazzjoni.

(16)

Il-partijiet interessati kollha inkluż l-industrija tal-Unjoni, l-importaturi u kwalunkwe assoċjazzjoni rilevanti huma mistiedna jippreżentaw l-opinjonijiet tagħhom bil-miktub u jipprovdu evidenza ta’ sostenn dment li dawn is-sottomissjonijiet isiru fi żmien l-iskadenza prevista fl-Artikolu 3(2). Barra minn hekk, il-Kummissjoni tista’ tisma’ lill-partijiet interessati, bil-kundizzjoni li jagħmlu talba bil-miktub u juru li hemm raġunijiet partikolari għalfejn jenħtieġ li jinstemgħu.

(17)

F’konformità mal-Artikolu 13(4) tar-Regolament bażiku, l-importazzjonijiet tal-prodott investigat jistgħu jiġu eżentati mill-miżuri jekk l-importazzjoni ma tkunx tikkostitwixxi ċirkomvenzjoni.

(18)

Peress li ċ-ċirkomvenzjoni possibbli sseħħ barra mill-Unjoni, jistgħu jingħataw eżenzjonijiet, skont l-Artikolu 13(4) tar-Regolament bażiku, lill-produtturi tal-prodott investigat fit-Tajlandja li jistgħu juru li mhumiex involuti fi prattiki ta’ ċirkomvenzjoni kif definit fl-Artikoli 13(1) u 13(2) tar-Regolament bażiku. Jekk ikun hemm produtturi jixtiequ jiksbu eżenzjoni għandhom jippreżentaw ruħhom fil-limitu ta’ żmien indikat fl-Artikolu 3(1) ta’ dan ir-Regolament. Kopji tal-kwestjonarju għall-produtturi esportaturi fir-Repubblika tal-Poplu taċ-Ċina, il-kwestjonarju tal-formola tat-talba għall-eżenzjoni għall-produtturi esportaturi fit-Tajlandja u l-kwestjonarji għall-importaturi fl-UE huma disponibbli fil-fajl għall-ispezzjoni mill-partijiet interessati u fuq is-sit web tad-DĠ Kummerċ: https://trade.ec.europa.eu/tdi/case_details.cfm?id=2502. Il-kwestjonarji għandhom jiġu ppreżentati fil-limitu ta’ żmien indikat fl-Artikolu 3(2) ta’ dan ir-Regolament.

(19)

Skont l-Artikolu 14(5) tar-Regolament bażiku, l-importazzjonijiet tal-prodott li qed jiġi investigat għandhom ikunu soġġetti għal reġistrazzjoni sabiex ikun żgurat li, jekk l-investigazzjoni tikkonkludi li jkun hemm ċirkomvenzjoni, ikun jista’ jiġi impost ammont xieraq, li ma jaqbiżx id-dazju residwu impost mir-Regolament ta’ Implimentazzjoni (UE) 2015/2384 u estiż bir-Regolament ta’ Implimentazzjoni (UE) 2017/271 kif emendat l-aħħar bir-Regolament ta’ Implimentazzjoni (UE) 2017/2213 ta’ dazji anti-dumping mid-data li fiha tkun ġiet imposta r-reġistrazzjoni ta’ importazzjonijiet bħal dawn.

(20)

Sabiex ikun hemm amministrazzjoni tajba, jenħtieġ li jiġu ddikjarati l-limiti ta’ żmien li fihom:

(21)

Ta’ min jiġbed l-attenzjoni għall-fatt li l-eżerċitar tad-drittijiet proċedurali stipulati fir-Regolament bażiku jiddependi mill-fatt li l-partijiet jippreżentaw lilhom infushom fil-limiti ta’ żmien indikati fl-Artikolu 3 ta’ dan ir-Regolament.

(22)

Jekk xi parti interessata tirrifjuta l-aċċess jew ma tipprovdix it-tagħrif meħtieġ fil-limiti ta’ skadenza stipulati, jew tfixkel b’mod sinifikanti l-investigazzjoni, is-sejbiet, pożittivi jew negattivi, jistgħu jsiru fuq il-bażi tal-fatti disponibbli, skont l-Artikolu 18 tar-Regolament bażiku.

(23)

Jekk jinstab li xi parti interessata tkun ipprovdiet tagħrif falz jew qarrieq, it-tagħrif ma għandux jitqies u jista’ jsir użu mill-fatti disponibbli b’mod konformi mal-Artikolu 18 tar-Regolament bażiku.

(24)

Jekk parti interessata ma tikkooperax jew tikkoopera parzjalment biss u s-sejbiet għalhekk ikunu bbażati fuq il-fatti disponibbli skont l-Artikolu 18 tar-Regolament bażiku, ir-riżultat jista’ jkun anqas favorevoli għal dik il-parti milli kieku tkun ikkooperat.

(25)

L-investigazzjoni se tintemm, skont l-Artikolu 13(3) tar-Regolament bażiku, fi żmien disa’ xhur mid-data li fiha jidħol fis-seħħ dan ir-Regolament.

(26)

Ta’ min jinnota li kull data personali miġbura f’din l-investigazzjoni se tiġi trattata skont ir-Regolament (UE) 2018/1725 tal-Parlament Ewropew u tal-Kunsill (4).

(27)

Notifika dwar il-protezzjoni tad-data li tinforma lill-individwi kollha dwar l-ipproċessar tad-data personali fil-qafas tal-attivitajiet tad-difiża tal-kummerċ tal-Kummissjoni hija disponibbli fis-sit web tad-DĠ Kummerċ: http://ec.europa.eu/trade/policy/accessing-markets/trade-defence/.

(28)

Il-partijiet interessati jistgħu jitolbu l-intervent tal-Uffiċjal tas-Seduta għal proċedimenti kummerċjali. L-Uffiċjal tas-Seduta jirrieżamina t-talbiet għall-aċċess għall-fajl, it-tilwim dwar il-kunfidenzjalità tad-dokumenti, it-talbiet għal estensjoni tal-limiti ta’ żmien u kwalunkwe talba oħra dwar id-drittijiet tad-difiża ta’ partijiet interessati u partijiet terzi kif dawn jinqalgħu dwar il-proċediment.

(29)

L-Uffiċjal tas-Seduta jista’ jorganizza seduti ta’ smigħ u jagħmilha ta’ medjatur bejn il-parti(jiet) interessata/i u s-servizzi tal-Kummissjoni sabiex jiżgura li d-drittijiet tad-difiża tal-partijiet interessati jkunu qed jiġu eżerċitati bis-sħiħ. Talba għal seduta ta’ smigħ mal-Uffiċjal tas-Seduta jenħtieġ li ssir bil-miktub u jenħtieġ li tispeċifika r-raġunijiet għat-talba. L-Uffiċjal tas-Seduta jeżamina r-raġunijiet għat-talbiet. Jenħtieġ li dawn is-seduti ta’ smigħ isiru biss jekk il-kwistjonijiet ma jkunux ġew solvuti mas-servizzi tal-Kummissjoni fi żmien debitu.

(30)

Kwalunkwe talba trid tiġi ppreżentata fi żmien raġonevoli u f’qasir żmien sabiex ma xxekkilx l-andament tajjeb tal-proċedimenti. Għal dan il-għan, il-partijiet interessati jenħtieġ li jitolbu l-intervent tal-Uffiċjal tas-Seduta minn kmieni kemm jista’ jkun wara li jseħħ il-każ li jiġġustifika tali intervent. Fil-prinċipju, l-oqfsa ta’ żmien stabbiliti fl-Artikolu 3(3) ta’ dan ir-Regolament sabiex jintalbu seduti ta’ smigħ mas-servizzi tal-Kummissjoni japplikaw mutatis mutandis għal talbiet għal seduti ta’ smigħ mal-Uffiċjal tas-Seduta. Meta t-talbiet għal seduti ta’ smigħ jiġu ppreżentati barra mill-iskedi ta’ żmien rilevanti, l-Uffiċjal tas-Seduta jeżamina wkoll ir-raġunijiet għalfejn tali talbiet saru daqshekk tard, in-natura tal-kwistjonijiet imqajma u l-impatt ta’ dawn il-kwistjonijiet fuq id-drittijiet tad-difiża, filwaqt li jqis kif dovut l-interessi ta’ amministrazzjoni tajba u t-tlestija tal-investigazzjoni fil-ħin.

(31)

Għal aktar informazzjoni u għad-dettalji ta’ kuntatt, il-partijiet interessati jistgħu jikkonsultaw il-paġni web tal-Uffiċjal tas-Seduta fuq il-website tad-DĠ KUMMERĊ: http://ec.europa.eu/trade/trade-policy-and-you/contacts/hearing-officer/.

(1)

Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“il-Ftehim dwar il-Ħruġ”) ġie konkluż mill-Unjoni permezz tad-Deċiżjoni tal-Kunsill (UE) 2020/135 (2) u daħal fis-seħħ fl-1 ta’ Frar 2020.

(2)

L-Artikolu 4 tal-Protokoll dwar l-Irlanda/l-Irlanda ta’ Fuq anness mal-Ftehim dwar il-Ħruġ (“il-Protokoll”) itenni li l-Irlanda ta’ Fuq hija parti mit-territorju doganali tar-Renju Unit, u li xejn fil-Protokoll ma jipprevjeni lir-Renju Unit milli jinkludi l-Irlanda ta’ Fuq fil-kamp ta’ applikazzjoni territorjali tal-Iskedi ta’ Konċessjonijiet tagħha annessi mal-Ftehim Ġenerali dwar it-Tariffi u l-Kummerċ tal-1994 (“GATT 1994”). Għalhekk għall-fini tal-applikazzjoni tal-arranġamenti kummerċjali preferenzjali, il-pajjiżi terzi jew gruppi ta’ pajjiżi terzi li magħhom l-Unjoni għandha arranġamenti kummerċjali preferenzjali ma jistgħux iqisu lill-Irlanda ta’ Fuq bħala parti mill-Unjoni. B’mod partikolari, għall-fini tal-applikazzjoni tad-dispożizzjonijiet dwar il-kumulazzjoni, il-merkanzija li toriġina jew li tiġu proċessata fl-Irlanda ta’ Fuq m’għandhiex titqies bħala merkanzija li toriġina jew li tiġi proċessata fl-Unjoni.

(3)

Madankollu, l-Artikolu 13(1) tal-Protokoll jipprevedi li kwalunkwe referenza għat-territorju doganali tal-Unjoni fil-Protokoll, kif ukoll fid-dispożizzjonijiet tad-dritt tal-Unjoni magħmula applikabbli għar-Renju Unit fir-rigward tal-Irlanda ta’ Fuq permezz tal-Protokoll, tapplika għat-territorju tal-art tal-Irlanda ta’ Fuq. F’konformità mal-Artikolu 5 tal-Protokoll, ir-Regolament (UE) Nru 952/2013 u obbligazzjonijiet li jirriżultaw minn ftehimiet internazzjonali konklużi mill-Unjoni, jew mill-Istati Membri tagħha b’ħidma konġunta, sakemm dawn ikollhom x’jaqsmu ma’ kummerċ f’merkanzija bejn l-Unjoni u pajjiżi terzi, japplikaw għar-Renju Unit u fih, fir-rigward tal-Irlanda ta’ Fuq.

(4)

L-arranġamenti bilaterali bejn l-Unjoni u r-Renju Unit taħt il-Protokoll ma jagħtux lok għal drittijiet u obbligi għal pajjiżi terzi oħra.

(5)

Skont l-Artikolu 5(2) u l-Artikolu 56(2)(d) u (e) tar-Regolament (UE) Nru 952/2013, il-liġi doganali tal-Unjoni tinkludi miżuri ta’ tariffi preferenzjali skont l-arranġamenti li l-Unjoni kkonkludiet ma’ jew adottat b’mod unilaterali mir-rigward ta’ ċerti pajjiżi jew territorji barra t-territorju doganali tagħha jew gruppi ta’ pajjiżi jew territorji bħal dawn.

(6)

Skont l-Artikolu 64(1) tar-Regolament (UE) Nru 952/2013, sabiex jibbenefikaw min miżuri ta’ tariffi preferenzjali fl-Artikolu 56(2)(d) u (e) ta’ dak ir-Regolament, l-merkanzija jridu jikkonformaw mar-regoli dwar l-oriġini preferenzjali msemmija fl-Artikolu tiegħu 64(2) sa (5). Ir-Regolament ta’ Implimentazzjoni tal-Kummissjoni (UE) 2015/2447 (3) jistabbilixxi regoli proċedurali, imsemmija fl-Artikolu 64(1) li jiffaċilitaw it-twaqqif tal-oriġini preferenzjali tal-merkanzija fl-Unjoni.

(7)

Meta titqies is-sitwazzjoni speċjali relatata mad-dwana tar-Renju Unit fir-rigward tal-Irlanda ta’ Fuq, u biex japplikaw il-miżuri ta’ tariffi preferenzjali u biex tiġi żgurata konformità mar-regoli rilevanti ta’ oriġini wara t-tmiem tal-perjodu ta’ tranżizzjoni previst fil-Ftehim dwar il-Ħruġ, jeħtieġ li jiġu adottati regoli proċedurali speċifiċi biex jiġi ffaċilitat l-istabbiliment fl-Irlanda ta’ Fuq tal-oriġini preferenzjali tal-merkanzija.

(8)

Il-miżuri stabbiliti f’dan ir-Regolament jirrigwardaw il-provi preferenzjali tal-oriġini li għandhom jintużaw għall-merkanzija importata fir-Renju Unit fir-rigward tal-Irlanda ta’ Fuq, il-verifika tal-oriġini preferenzjali tal-merkanzija u l-kundizzjonijiet għall-għoti u s-sospensjoni tal-miżuri tariffarji preferenzjali.

(9)

Hekk kif il-perjodu ta’ tranżizzjoni previst fil-Ftehim dwar il-Ħruġ jintemm fil-31 ta’ Diċembru 2020, dan ir-Regolament għandu jidħol fis-seħħ b’urġenza u japplika mill-1 ta’ Jannar 2021.

(10)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

(1)

Skont l-Artikolu 9(1) tad-Deċiżjoni 2012/389/PESK, il-Kumitat Politiku u ta' Sigurtà (KPS) huwa awtorizzat, f'konformità mat-tielet paragrafu tal-Artikolu 38 tat-Trattat, jieħu d-deċiżjonijiet rilevanti għall-fini tal-eżerċizzju tal-kontroll politiku u tad-direzzjoni strateġika tal-Missjoni tal-Unjoni Ewropea ta' Bini tal-Kapaċità fis-Somalja (EUCAP Somalia), inkluż id-deċiżjoni li jinħatar Kap tal-Missjoni.

(2)

Fid-19 ta' Settembru 2019, il-KPS adotta d-Deċiżjoni (PESK) 2019/1591 (2), li taħtar lis-Sur Christopher REYNOLDS bħala Kap tal-Missjoni ta' EUCAP Somalia mill-10 ta' Settembru 2019 sal-31 ta' Diċembru 2020.

(3)

Fl-10 ta’ Diċembru 2020, il-Kunsill adotta d-Deċiżjoni (PESK) 2020/2031 (3) , li testendi l-mandat ta' EUCAP Somalia sal-31 ta' Diċembru 2022,

(4)

Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà ppropona li l-mandat tas-Sur Christopher REYNOLDS bħala Kap tal-Missjoni EUCAP Somalia jiġi estiż mill-1 ta' Jannar 2021 sal-31 ta' Diċembru 2021,

(1)

Is-Sistema ta’ Informazzjoni ta’ Schengen (“SIS”) fil-qasam tal-verifiki fil-fruntieri u tar-ritorn fiha allerti dwar persuni għall-finijiet ta’ rifjut ta’ dħul u soġġorn fit-territorju tal-Istati Membri jew ta’ verifika tal-konformità ma’ deċiżjoni ta’ ritorn, u b’hekk issaħħaħ il-politika tal-migrazzjoni tal-Unjoni u tikkontribwixxi għal livell għoli ta’ sigurtà fl-ispazju ta’ libertà, sigurtà u ġustizzja.

(2)

Skont l-Artikolu 20(2) tar-Regolament (UE) 2018/1861 u l-Artikolu 4(1) tar-Regolament (UE) 2018/1860 tal-Parlament Ewropew u tal-Kunsill (2), il-kategoriji ta’ data li jistgħu jiddaħħlu fi twissija fis-SIS jinkludu ritratti, immaġnijiet tal-wiċċ u data dattiloskopika (din tal-aħħar tinkludi l-marki tas-swaba’ kif ukoll il-marki tal-pala tal-id). Skont l-Artikolu 22(1) tar-Regolament (UE) 2018/1861 u l-Artikolu 4(2) tar-Regolament (UE) 2018/1860, tali data jenħtieġ li tiddaħħal fis-SIS, jekk tkun disponibbli.

(3)

L-Artikolu 32(1) tar-Regolament (UE) 2018/1861, li japplika wkoll għat-tħaddim tas-SIS fil-qasam tar-ritorn skont l-Artikolu 19 tar-Regolament (UE) 2018/1860, jistipula li ritratti, immaġnijiet tal-wiċċ u data dattiloskopika mdaħħla f’allert fis-SIS huma soġġetti għal verifika tal-kwalità sabiex jiġi żgurat li jissodisfaw l-istandards minimi tal-kwalità tad-data u l-ispeċifikazzjonijiet tekniċi.

(4)

Huwa meħtieġ li jiġu stabbiliti miżuri ta’ implimentazzjoni li jispeċifikaw l-istandards minimi tal-kwalità tad-data u l-ispeċifikazzjonijiet tekniċi għad-dħul u l-ħżin ta’ tali data fis-SIS.

(5)

Jenħtieġ li l-ispeċifikazzjonijiet jistabbilixxu biss il-livell tal-kwalità meħtieġ għad-dħul u l-ħżin tar-ritratti fis-SIS li għandhom jintużaw biex tiġi kkonfermata l-identità ta’ persuna f’konformità mal-Artikolu 33(1) ta’ dak ir-Regolament. Jenħtieġ li l-livell tal-kwalità meħtieġ biex jiddaħħlu u jinħażnu ritratti u immaġnijiet tal-wiċċ fis-SIS biex jintużaw għall-identifikazzjoni ta’ persuna skont l-Artikolu 33(4) jiġi stabbilit fi stadju aktar tard, meta l-kondizzjonijiet stabbiliti f’dak l-Artikolu jkunu ġew issodisfati.

(6)

Jenħtieġ li l-eu-LISA, f’konsultazzjoni mal-Grupp Konsultattiv tas-SIS II, tiżviluppa u tiddokumenta d-dettalji tekniċi tal-istandards u l-ispeċifikazzjonijiet stabbiliti f’din id-Deċiżjoni, fid-Dokument ta’ Kontroll tal-Interface tas-SIS u fl-Ispeċifikazzjonijiet Tekniċi Dettaljati. Jenħtieġ li l-Istati Membri, l-Aġenzija tal-Unjoni Ewropea għall-Kooperazzjoni fl-Infurzar tal-Liġi (“Europol”) u l-Aġenzija Ewropea għall-Gwardja tal-Fruntiera u tal-Kosta jiżviluppaw is-sistemi tagħhom f’konformità mal-ispeċifikazzjonijiet stabbiliti f’dawn id-dokumenti.

(7)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni tar-Regolament (UE) 2018/1861 u mhijiex marbuta bih jew suġġetta għall-applikazzjoni tiegħu. Madankollu, minħabba li r-Regolament (UE) 2018/1861 jibni fuq l-acquis ta’ Schengen, id-Danimarka, f’konformità mal-Artikolu 4 ta’ dak il-Protokoll, fis-26 ta’ April 2019 innotifikat id-deċiżjoni tagħha li timplimenta r-Regolament (UE) 2018/1861 fil-liġi nazzjonali tagħha. Għaldaqstant, id-Danimarka hija marbuta bid-dritt internazzjonali li timplimenta din id-Deċiżjoni.

(8)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li fihom l-Irlanda mhix qed tieħu sehem, f’konformità mad-Deċiżjoni tal-Kunsill 2002/192/KE (3); għaldaqstant l-Irlanda mhix qed tieħu sehem fl-adozzjoni ta’ din id-Deċiżjoni u mhix marbuta biha jew suġġetta għall-applikazzjoni tagħha.

(9)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li r-Renju Unit ma jiħux sehem fihom, skont id-Deċiżjoni tal-Kunsill 2000/365/KE (4); għaldaqstant ir-Renju Unit mhuwiex marbut biha jew soġġett għall-applikazzjoni tagħha.

(10)

Fir-rigward tal-Iżlanda u n-Norveġja, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawk iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen (5), li jaqgħu fil-qasam imsemmi fl-Artikolu 1, punt (G), tad-Deċiżjoni tal-Kunsill 1999/437/KE (6).

(11)

Fir-rigward tal-Iżvizzera, din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen (7), li jaqgħu fil-qasam imsemmi fl-Artikolu 1, punt (G), tad-Deċiżjoni tal-Kunsill 1999/437/KE, moqri flimkien mal-Artikolu 3 tad-Deċiżjoni tal-Kunsill 2008/146/KE (8).

(12)

Fir-rigward tal-Liechtenstein, din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen (9), li jaqgħu fil-qasam imsemmi fl-Artikolu 1, punt (G) tad-Deċiżjoni 1999/437/KE, moqri flimkien mal-Artikolu 3 tad-Deċiżjoni tal-Kunsill 2011/350/UE (10).

(13)

Fir-rigward tal-Bulgarija u r-Rumanija, din id-Deċiżjoni tikkostitwixxi att li jibni fuq l-acquis ta’ Schengen jew li huwa b’xi mod ieħor relatat miegħu fis-sens tal-Artikolu 4(2) tal-Att tal-Adeżjoni tal-2005, u jenħtieġ li jinqara flimkien mad-Deċiżjonijiet tal-Kunsill 2010/365/UE (11) u (UE) 2018/934 (12).

(14)

Fir-rigward tal-Kroazja, din id-Deċiżjoni tikkostitwixxi att li jibni fuq l-acquis ta’ Schengen jew li huwa b’xi mod ieħor relatat miegħu fis-sens tal-Artikolu 4(2) tal-Att ta' Adeżjoni tal-2011 u jenħtieġ li jinqara flimkien mad-Deċiżjoni tal-Kunsill (UE) 2017/733 (13).

(15)

Fir-rigward ta’ Ċipru, din id-Deċiżjoni tikkostitwixxi att li jibni fuq l-acquis ta’ Schengen jew li b’xi mod ieħor huwa relatat miegħu fis-sens tal-Artikolu 3(2) tal-Att ta' Adeżjoni tal-2003.

(16)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (14) u ta l-opinjoni tiegħu fis-26 ta’ Awwissu 2020.

(17)

Il-miżuri previsti f’din id-Deċiżjoni huma skont l-opinjoni tal-Kumitat tal-Fruntieri SIS-SIRENE,

(1)

Fir-rigward tal-irkantar tal-kwoti, id-Direttiva (UE) 2018/410 tal-Parlament Ewropew u tal-Kunsill (2) emendat l-Artikolu 10(2) u l-Anness IIa tad-Direttiva 2003/87/KE, għall-perjodu li jibda fl-1 ta’ Jannar 2021. F’konformità mal-Artikolu 10(2)(a) tad-Direttiva 2003/87/KE, 90 % tal-kwantità totali ta’ kwoti maħruġa skont il-Kapitolu III tad-Direttiva 2003/87/KE (“kwoti ġenerali”) li għandhom jiġu rkantati jitqassmu fost l-Istati Membri f’ishma li huma identiċi għas-sehem tal-emissjonijiet ivverifikati skont l-EU ETS għall-2005 jew għall-medja tal-perjodu mill-2005 sal-2007, skont liema waħda tkun l-ogħla. Skont l-Artikolu 10(2)(b) tad-Direttiva 2003/87/KE, l-10 % li jifdal tal-kwantità totali tal-kwoti ġenerali li jridu jiġu rkantati huma distribwiti fost ċerti Stati Membri għall-finijiet tas-solidarjetà, tat-tkabbir u tal-interkonnessjonijiet fl-Unjoni, u b’hekk jiżdied l-ammont ta’ kwoti li dawk l-Istati Membri jirkantaw bil-perċentwali speċifikati fl-Anness IIa tad-Direttiva 2003/87/KE.

(2)

Fl-1 ta’ Frar 2020, daħal fi-seħħ il-Ftehim dwar il-ħruġ tar-Renju Unit tal-Gran Brittanja u tal-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (3). Barra minn hekk, minn tmiem il-perjodu ta’ tranżizzjoni stabbilit fl-Artikolu 126 ta’ dak il-Ftehim, japplika l-Protokoll dwar l-Irlanda/l-Irlanda ta’ Fuq għal dak il-Ftehim. Jenħtieġ li l-ishma tal-irkant tal-Istati Membri jiġu stabbiliti sabiex jitqiesu l-ħruġ tar-Renju Unit mill-Unjoni Ewropea u l-Protokoll dwar l-Irlanda/l-Irlanda ta’ Fuq.

(3)

L-ishma tal-kwoti ġenerali tal-Istati Membri skont l-Artikolu 10(2)(a) tad-Direttiva 2003/87/KE matul il-perjodu 2021–2030 huma ddeterminati abbażi tal-istess data użata għall-perjodu 2013–2020, bl-eċċezzjoni tal-korrezzjonijiet li saru għall-emissjonijiet ivverifikati tal-Istati Membri għall-2005 jew għall-medja tal-perjodu mill-2005 sal-2007, irreġistrati fir-Reġistru tal-Unjoni u disponibbli fir-Reġistru tat-Tranżazzjonijiet tal-Unjoni Ewropea (EUTL) mit-30 ta’ Ġunju 2020 (4). F’konformità mar-Regolament ta’ Implimentazzjoni tal-Kummissjoni (UE) Nru 2018/2066 (5), il-monitoraġġ u r-rapportar kompluti, konsistenti, trasparenti u preċiżi tal-emissjonijiet tal-gassijiet serra huma fundamentali għall-funzjonament tal-EU ETS. Għalhekk, jixraq li tintuża l-aktar data riċenti rreġistrata fir-Reġistru tal-Unjoni u disponibbli fl-EUTL għad-determinazzjoni tal-ishma tal-irkant tal-Istati Membri tal-kwoti ġenerali. Skont l-Artikolu 35(6) tar-Regolament tal-Kummissjoni (UE) Nru 389/2013 (6), l-emissjonijiet annwali vverifikati għal installazzjoni jew għal operatur tal-inġenji tal-ajru fir-Reġistru tal-Unjoni jistgħu jiġu kkoreġuti retroattivament sabiex tiġi żgurata l-konformità mal-Artikoli 14 u 15 tad-Direttiva 2003/87/KE. Mill-2012, billi ġiet irreġistrata data aktar preċiża mill-operaturi tal-EU ETS fir-Reġistru tal-Unjoni u din issa hija disponibbli fl-EUTL, tali korrezzjonijiet saru għall-emissjonijiet ivverifikati fil-perjodu mill-2005 sal-2007.

(4)

Skont l-Artikolu 3d(3) tad-Direttiva 2003/87/KE, l-għadd ta’ kwoti maħruġa skont il-Kapitolu II tad-Direttiva 2003/87/KE (“kwoti tal-avjazzjoni”) li jridu jiġu rkantati minn kull Stat Membru jenħtieġ li jkun proporzjonat mas-sehem tiegħu tal-emissjonijiet totali attribwiti għall-avjazzjoni għall-Istati Membri kollha għas-sena ta’ referenza rilevanti. Għall-perjodu mill-2021 sal-2030, is-sena ta’ referenza rilevanti hija l-2018 u l-kamp ta’ applikazzjoni rilevanti huwa dak stabbilit bir-Regolament (UE) 2017/2392 tal-Parlament Ewropew u tal-Kunsill (7). Il-Kummissjoni ġabret id-data dwar l-emissjonijiet tal-avjazzjoni fl-2018 mill-Eurocontrol sabiex tistabbilixxi l-ishma tal-irkant tal-Istati Membri tal-kwoti tal-avjazzjoni,

(1)

Ir-Regolament (KE) Nru 999/2001 jistabbilixxi r-regoli għall-prevenzjoni, għall-kontroll u għall-eradikazzjoni tal-enċefalopatiji sponġiformi li jinxterdu (transmissible spongiform encephalopathies, TSEs) fl-Unjoni. Dan japplika għall-produzzjoni u għall-kummerċjalizzazzjoni tal-annimali ħajjin u tal-prodotti li joriġinaw mill-annimali u, f’ċerti każijiet speċifiċi, għall-esportazzjonijiet tagħhom. Jipprovdi wkoll, inter alia, għall-adozzjoni ta’ miżuri ta’ salvagwardja fil-każ ta’ tifqigħat ta’ TSEs.

(2)

Id-Deċiżjoni ta’ Implimentazzjoni tal-Kummissjoni (UE) 2016/1918 (2) tistabbilixxi miżuri ta’ salvagwardja temporanji b’konnessjoni mal-marda tat-tnewwin kroniku (chronic wasting disease, CWD). Din ġiet adottata wara d-detezzjoni fl-2016 ta’ ħames każijiet tas-CWD fiċ-ċervidi fin-Norveġja: erbgħa fir-renni u tnejn fil-moose. Dik kienet l-ewwel detezzjoni tas-CWD fl-Ewropa u l-ewwel każijiet naturali fir-renna fid-dinja.

(3)

Bejn Jannar 2017 u Settembru 2020, in-Norveġja infurmat lill-Kummissjoni u lill-Istati Membri dwar sittax-il każ addizzjonali tas-CWD fir-renni selvaġġi, ħames każijiet addizzjonali tas-CWD fil-moose selvaġġ, u każ wieħed tas-CWD f’ċerv aħmar. Fl-2018, il-Finlandja kellha d-detezzjoni tal-ewwel każ tas-CWD fl-Unjoni u każ ieħor f’Novembru 2020. L-Iżvezja sabet tliet każijiet fl-2019 u każ ieħor f’Settembru 2020. Il-każijiet kollha tas-CWD identifikati fil-Finlandja u fl-Iżvezja nstabu f’moose salvaġġ.

(4)

Il-punt A tal-Parti III tal-Kapitolu A tal-Anness III tar-Regolament (KE) Nru 999/2001 jipprevedi programm ta’ monitoraġġ ta’ tliet snin għas-CWD, li jkopri perjodu mill-1 ta’ Jannar 2018 sal-31 ta’ Diċembru 2020. Madankollu, il-ġbir tad-data se jkompli parzjalment matul l-2021 f’konformità mal-ispeċifikazzjonijiet tekniċi tal-programm ta’ monitoraġġ, bil-ħsieb li, eventwalment, jinġabar dataset akbar. B’riżultat ta’ dan, il-valutazzjoni xjentifika tar-riżultati tal-programm ta’ monitoraġġ, li se tkun meħtieġa biex jiġu żviluppati għażliet ta’ politika futuri dwar is-CWD, mhijiex mistennija li tkun disponibbli sal-2022.

(5)

Fil-11 ta’ Novembru 2019, l-Awtorità Ewropea dwar is-Sigurtà fl-Ikel ippubblikat Opinjoni Xjentifika dwar l-Aġġornament tal-Mard Kroniku tal-Iskart (CWD) III (3) (Opinjoni tal-EFSA). Madankollu, jeħtieġ aktar żmien biex wieħed iqis kif il-konklużjonijiet u r-rakkomandazzjonijiet stabbiliti fl-Opinjoni tal-EFSA għandhom jiġu riflessi fir-regoli tal-Unjoni.

(6)

Meta jitqies li d-detezzjoni ta’ każijiet ġodda tas-CWD fin-Norveġja, fil-Finlandja u fl-Iżvezja, u sakemm joħroġ ir-riżultat tal-programm ta’ monitoraġġ ta’ tliet snin għas-CWD, u sakemm issir il-valutazzjoni xjentifika tar-riżultati tal-programm ta’ monitoraġġ li hija mistennija fl-2022, u meta jitqies li hemm bżonn ta’ żmien addizzjonali għar-riflessjoni dwar l-opinjoni tal-EFSA, jenħtieġ li l-perjodu ta’ applikazzjoni tad-Deċiżjoni ta’ Implimentazzjoni (UE) 2016/1918 jiġi estiż sal-31 ta’ Diċembru 2022.

(7)

Għalhekk jenħtieġ li d-Deċiżjoni ta’ Implimentazzjoni (UE) 2016/1918 tiġi emendata skont dan.

(8)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

F’konformità mal-Artikolu 5(5) tar-Regolament (UE) Nru 913/2010, il-ministeri responsabbli għat-trasport ferrovjarju fil-Belġju, fiċ-Ċekja, fil-Ġermanja, fl-Estonja, fil-Latvja, fil-Litwanja, fin-Netherlands u fil-Polonja bagħtu żewġ ittri ta’ intenzjoni lill-Kummissjoni bid-data tas-6 ta’ Diċembru 2019. Dawn kienu jinkludu proposti dwar l-estensjoni tal-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku għall-fruntiera bejn il-Polonja u l-Ukraina f’Medyka minn naħa, u għall-portijiet ta’ Zeebrugge u Ghent/Terneuzen min-naħa l-oħra.

(2)

L-Istati Membri msemmija hawn fuq kienu diġà pproponew lill-Kummissjoni biex testendi l-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku għall-fruntiera bejn il-Polonja u l-Ukraina f’Medyka. Il-Kummissjoni kkonfermat il-konformità tal-proposta mal-Artikolu 5 tar-Regolament (UE) Nru 913/2010 u adottat id-Deċiżjoni ta’ Implimentazzjoni tal-Kummissjoni (UE) 2015/1111 (2). Madankollu, dik id-Deċiżjoni ta’ Implimentazzjoni ġiet emendata bid-Deċiżjoni ta’ Implimentazzjoni tal-Kummissjoni (UE) 2017/178 (3), li neħħiet ir-referenza għall-estensjoni tal-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku għal Medyka. L-emenda rriflettiet il-fatt li l-infrastruttura ferrovjarja bejn Katowice u Medyka ma kinitx se tkun operattiva qabel l-2020. Peress li l-infrastruttura issa hija operattiva, huwa xieraq li terġa’ titqies l-estensjoni tal-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku għal Medyka.

(3)

Il-Kummissjoni eżaminat il-proposti biex testendi l-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku għal Medyka u għall-portijiet ta’ Ghent/Terneuzen u Zeebrugge skont l-Artikolu 5(6) tar-Regolament (UE) Nru 913/2010, u tqishom konformi mal-Artikolu 5 ta’ dak ir-Regolament.

(4)

Fir-rigward tal-estensjoni tal-kuritur tat-trasport ferrovjarju tal-merkanzija għal Medyka, il-kunsiderazzjonijiet stabbiliti fid-Deċiżjoni ta’ Implimentazzjoni (UE) 2015/1111 jibqgħu validi.

(5)

Fir-rigward tal-estensjoni għall-portijiet ta’ Zeebrugge u Ghent/Terneuzen, il-linji proposti għall-estensjoni diġà huma parti mill-kuritur tat-trasport ferrovjarju tal-merkanzija bejn il-Baħar tat-Tramuntana u l-Mediterran. Jiffurmaw parti min-network ewlieni tan-network tat-trasport trans-Ewropew (Antwerp-Ghent-Zeebrugge) u min-network komprensiv (Ghent-Terneuzen), bir-rekwiżiti infrastrutturali ewlenin bħall-elettrifikazzjoni, tagħbija fuq il-fus ta’ 22,5 t, veloċità ta’ 100 km/h u tul tal-ferrovija ta’ 740 m diġà ssodisfati parzjalment jew kompletament mill-infrastruttura eżistenti.

(6)

Il-portijiet ta’ Zeebrugge, Ghent u Terneuzen huma l-oriġini jew id-destinazzjoni ta’ għadd ta’ servizzi regolari eżistenti ta’ trasport ferrovjarju tal-merkanzija tul ir-rotta tal-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku b’oriġini jew destinazzjoni fil-Ġermanja, fiċ-Ċekja u fl-Iskandinavja (inkluż permezz tal-kuritur tat-trasport ferrovjarju tal-merkanzija bejn l-Iskandinavja u l-Mediterran). Il-port ta’ Zeebrugge irrapporta traffiku tat-trasport ferrovjarju tal-merkanzija lejn bosta destinazzjonijiet fl-Unjoni, li huwa sostnut mill-fatt li waħda mill-komoditajiet ewlenin tal-port hija vetturi ġodda. L-awtoritajiet tal-port ta’ Ghent u Terneuzen identifikaw ukoll il-potenzjal għal traffiku ġdid ta’ trasport ferrovjarju tal-merkanzija lejn Schkopau (il-Ġermanja) u Outokumpu (il-Finlandja), kif ukoll lejn pajjiżi terzi, b’mod partikolari ċ-Ċina, li jgħaddu minn Šeštokai, il-Litwanja.

(7)

Barra minn hekk, l-estensjoni proposta toffri l-vantaġġ li s-servizzi pprovduti mill-punt uniku ta’ servizz eżistenti tal-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku kif imsemmi fl-Artikolu 13 tar-Regolament (UE) Nru 913/2010, inkluż mogħdijiet ferrovjarji stabbiliti minn qabel, isiru disponibbli għall-operaturi tal-kurituri tat-trasport ferrovjarju tal-merkanzija li jaqdu l-portijiet ta’ Zeebrugge u Ghent/Terneuzen. Dan se jipprovdi aktar trasparenza lill-applikanti u jista’ jissimplifika l-proċess tal-allokazzjoni tal-kapaċità billi jneħħi l-ħtieġa li xi mogħdijiet ferrovjarji jiġu kkoordinati ma’ punti uniċi ta’ servizz ta’ kurituri oħra tat-trasport ferrovjarju tal-merkanzija. L-estensjoni għal Zeebrugge se tipprovdi aċċess dirett għall-port, li huwa punt importanti ta’ trasbord għall-industrija tal-karozzi tal-Istati Membri kollha tul il-kuritur, b’mod partikolari ċ-Ċekja, il-Ġermanja u l-Polonja.

(8)

L-estensjoni se tikkontribwixxi għat-titjib tat-trasport ferrovjarju tal-merkanzija fuq il-kuritur tat-trasport ferrovjarju tal-merkanzija bejn il-Baħar tat-Tramuntana u l-Baltiku b’interkonnessjonijiet mat-trasport marittimu.

(9)

F’konformità mal-paragrafi 5 u 6 tal-Artikolu 5 tar-Regolament (UE) Nru 913/2010, il-valutazzjoni tal-Kummissjoni qieset il-kriterji rilevanti għall-estensjonijiet tal-kurituri tat-trasport ferrovjarju tal-merkanzija stabbiliti fl-Artikolu 4 tiegħu.

(10)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 62 tad-Direttiva 2012/34/UE tal-Parlament Ewropew u tal-Kunsill (4),

(1)

Fit-30 ta’ Ġunju 2020, il-Kunsill adotta Rakkomandazzjoni dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (1) (“Rakkomandazzjoni tal-Kunsill”). Fis-16 ta’ Lulju 2020, il-Kunsill adotta r-Rakkomandazzjoni (UE) 2020/1052 tas-16 ta’ Lulju 2020 li temenda r-Rakkomandazzjoni tal-Kunsill (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (2). Fit-30 ta’ Lulju 2020, il-Kunsill adotta r-Rakkomandazzjoni (UE) 2020/1144 tat-30 ta’ Lulju 2020 li temenda r-Rakkomandazzjoni tal-Kunsill (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (3). Fis-7 ta’ Awwissu 2020, il-Kunsill adotta r-Rakkomandazzjoni (UE) 2020/1186 tas-7 ta’ Awwissu 2020 li temenda r-Rakkomandazzjoni tal-Kunsill (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (4) Fit-22 ta’ Ottubru 2020, il-Kunsill adotta r-Rakkomandazzjoni (UE) 2020/1551 tat-22 ta’ Ottubru 2020 li temenda r-Rakkomandazzjoni tal-Kunsill (UE) 2020/912 dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni (5).

(2)

Ir-Rakkomandazzjoni tal-Kunsill tipprevedi li jenħtieġ li l-Istati Membri jneħħu gradwalment ir-restrizzjoni temporanja fuq vjaġġar mhux essenzjali lejn l-UE mill-1 ta’ Lulju 2020 b’mod ikkoordinat fir-rigward tar-residenti tal-pajjiżi terzi elenkati fl-Anness I għar-Rakkomandazzjoni tal-Kunsill. Jenħtieġ li l-lista tal-pajjiżi terzi msemmija fl-Anness I tkun riveduta kull ġimagħtejn u, jekk meħtieġ, aġġornata mill-Kunsill, wara konsultazzjoni mill-qrib mal-Kummissjoni u l-aġenziji u s-servizzi rilevanti tal-UE wara valutazzjoni ġenerali bbażata fuq il-metodoloġija, il-kriterji u l-informazzjoni msemmija fir-Rakkomandazzjoni tal-Kunsill.

(3)

Minn dak iż-żmien ’l hawn saru diskussjonijiet fi ħdan il-Kunsill, f’konsultazzjoni mill-qrib mal-Kummissjoni u l-aġenziji u s-servizzi rilevanti tal-UE, dwar ir-rieżami tal-lista ta’ pajjiżi terzi stabbilita fl-Anness I għar-Rakkomandazzjoni tal-Kunsill u fl-applikazzjoni tal-kriterji u l-metodoloġija stabbiliti fir-Rakkomandazzjoni tal-Kunsill. Bħala riżultat ta’ dawn id-diskussjonijiet, il-lista ta’ pajjiżi terzi stabbilita fl-Anness I jenħtieġ li tiġi emendata. B’mod partikolari, l-Urugwaj jenħtieġ li jitneħħa mil-lista.

(4)

Il-kontrolli fuq il-fruntieri mhumiex biss fl-interess tal-Istat Membru li fil-fruntieri esterni tiegħu jsiru dawn il-kontrolli, iżda tal-Istati Membri kollha li abolixxew il-kontrolli fil-fruntieri interni. Għalhekk jenħtieġ li l-Istati Membri jiżguraw li l-miżuri meħuda fil-fruntieri esterni jkunu kkoordinati sabiex jiżguraw żona Schengen li tiffunzjona tajjeb. Għal dak il-għan, mis-16 ta’ Diċembru 2020, jenħtieġ li l-Istati Membri jkomplu jneħħu r-restrizzjoni temporanja fuq vjaġġar mhux essenzjali lejn l-UE b’mod ikkoordinat fir-rigward tar-residenti tal-pajjiżi terzi elenkati fl-Anness I għar-Rakkomandazzjoni tal-Kunsill kif emendat b’din ir-Rakkomandazzjoni.

(5)

F’konformità mal-Artikoli 1 u 2 tal-Protokoll Nru 22 dwar il-Pożizzjoni tad-Danimarka, anness għat-Trattat dwar l-Unjoni Ewropea u għat-TFUE, id-Danimarka mhijiex qed tieħu sehem fl-adozzjoni ta’ din ir-Rakkomandazzjoni u mhijiex marbuta biha jew suġġetta għall-applikazzjoni tagħha. Ladarba din ir-Rakkomandazzjoni tibni fuq l-acquis ta’ Schengen, id-Danimarka għandha, f’konformità mal-Artikolu 4 ta’ dak il-Protokoll, tiddeċiedi, fi żmien sitt xhur wara li l-Kunsill ikun iddeċieda dwar din ir-Rakkomandazzjoni jekk hijiex ser timplimentaha.

(6)

Din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen li fihom l-Irlanda mhix qed tieħu sehem, f’konformità mad-Deċiżjoni tal-Kunsill 2002/192/KE (6); Għaldaqstant l-Irlanda mhix qed tieħu sehem fl-adozzjoni tagħha u mhix marbuta biha jew soġġetta għall-applikazzjoni tagħha.

(7)

Fir-rigward tal-Iżlanda u n-Norveġja, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawk iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen, li jaqgħu fil-qasam imsemmi fl-Artikolu 1, punt A, tad-Deċiżjoni tal-Kunsill 1999/437/KE (7).

(8)

Fir-rigward tal-Iżvizzera, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen, fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen li jaqgħu fil-qasam imsemmi fl-Artikolu 1, punt A, tad-Deċiżjoni 1999/437/KE (8) moqri flimkien mal-Artikolu 3 tad-Deċiżjoni tal-Kunsill 2008/146/KE (9).

(9)

Fir-rigward tal-Liechtenstein, din ir-Rakkomandazzjoni tikkostitwixxi żvilupp tad-dispożizzjonijiet tal-acquis ta’ Schengen fis-sens tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-adeżjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen li jaqgħu fil-qasam imsemmi fil-punt A tal-Artikolu 1 tad-Deċiżjoni 1999/437/KE (10), moqri flimkien mal-Artikolu 3 tad-Deċiżjoni 2011/350/UE (11).

(1)

L-ewwel paragrafu tal-punt 1 tar-Rakkomandazzjoni tal-Kunsill huwa sostitwit b’dan li ġej:

(2)

L-Anness I għar-Rakkomandazzjoni huwa sostitwit b’dan li ġej: