(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ din l-awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, tressqu tliet applikazzjonijiet għall-awtorizzazzjoni tal-L-istidina monokloridrat monoidrat. Ma’ dawn l-applikazzjonijiet kien hemm ukoll id-dettalji u d-dokumenti meħtieġa skont l-Artikolu 7(3) ta’ dan ir-Regolament.

(3)

L-applikazzjonijiet jikkonċernaw l-awtorizzazzjoni tal-L-istidina monokloridrat monoidrat prodott mill-Escherichia coli NITE BP-02526, mill-Corynebacterium glutamicum KCCM 80172 jew mill-Corynebacterium glutamicum KCCM 80179 bħala addittiv tal-għalf għall-ispeċijiet kollha tal-annimali, li jrid jiġi kklassifikat fil-kategorija tal-addittivi “addittivi nutrittivi”. Il-L-istidina monokloridrat monoidrat prodott mill-Escherichia coli NITE BP-02526 u mill-Corynebacterium glutamicum KCCM 80179 huwa applikat ukoll għall-kategorija ta’ addittivi “addittivi sensorji”.

(4)

L-Awtorità Ewropea dwar is-Sigurtà fl-Ikel (“l-Awtorità”) fl-opinjoni tagħha tat-2 ta’ Lulju 2019 (2) , (3) , (4) ikkonkludiet li, skont il-kundizzjonijiet tal-użu proposti, il-L-istidina monokloridrat monoidrat prodott mill-Escherichia coli NITE BP-02526 u mill-Corynebacterium glutamicum KCCM 80172 jew mill-Corynebacterium glutamicum KCCM 80179, meta jkun issupplimentat b’livelli xierqa skont il-ħtiġijiet tal-ispeċi fil-mira, ma għandux effett avvers fuq is-saħħa tal-annimali, fuq is-sikurezza tal-konsumatur jew fuq l-ambjent. Din il-konklużjoni tkopri wkoll l-użu tal-L-istidina monokloridrat monoidrat prodott mill-Escherichia coli NITE BP-02526 jew mill-Corynebacterium glutamicum KCCM 80179 bħala addittiv sensorju fil-livell ta’ użu intenzjonat. Fir-rigward tas-sikurezza tal-utent tal-addittiv, l-Awtorità ddikjarat biss riskju ta’ irritazzjoni ħafifa lill-għajnejn għal-L-istidina monokloridrat monoidrat prodott mill-Corynebacterium glutamicum KCCM 80172 jew mill-Corynebacterium glutamicum KCCM 80179. Għal-L-istidina monokloridrat monoidrat prodott permezz tal-fermentazzjoni bl-Escherichia coli NITE BP-02526, l-Awtorità ddikjarat li hemm riskju mill-inalazzjoni. Għalhekk, jenħtieġ li jittieħdu miżuri protettivi xierqa biex jipprevjenu effetti avversi fuq is-saħħa tal-bniedem, partikolarment għall-utenti tal-addittiv. Barra minn hekk, l-Awtorità kkonkludiet li l-L-istidina monokloridrat monoidrat prodott mill-Escherichia coli NITE BP-02526, mill-Corynebacterium glutamicum KCCM 80172 jew mill-Corynebacterium glutamicum KCCM 80179 huwa sors effikaċi ta’ aċidu amminiku essenzjali L-istidina għall-għalf tal-annimali u li sabiex ikun effikaċi fir-ruminanti, l-addittiv jenħtieġ li jiġi protett mid-degradazzjoni fil-kirxa. Barra minn hekk, l-Awtorità kkonkludiet li l-L-istidina monokloridrat monoidrat prodott mill-Escherichia coli NITE BP-02526 jew mill-Corynebacterium glutamicum KCCM 80179 huwa effikaċi bħala kompost tat-togħma fl-għalf.

(5)

L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodu tal-analiżi tal-addittiv tal-għalf fl-għalf li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003.

(6)

Jenħtieġ li jiġu previsti restrizzjonijiet u kundizzjonijiet biex ikun hemm kontroll aħjar għal dawk l-addittivi meta jintużaw bħala sustanzi li jagħtu t-togħma. Għal dawn l-addittivi użati bħala sustanzi li jagħtu t-togħma jenħtieġ li il-kontenut rakkomandat ikun indikat fuq it-tikketta. Meta tali kontenut jinqabeż, jenħtieġ li ċertu informazzjoni tiġi indikata fuq it-tikketta tat-taħlitiet lesti minn qabel. L-użu tal-L-istidina monokloridrat monoidrat bħala kompost tat-togħma mhuwiex awtorizzat fl-ilma għax-xorb. Il-fatt li l-L-istidina monokloridrat monoidrat mhuwiex awtorizzat għall-użu bħala sustanza għat-togħma fl-ilma għax-xorb, ma jipprekludix l-użu tiegħu fl-għalf kompost, li jiġi amministrat permezz tal-ilma.

(7)

Il-valutazzjoni ta’ dik is-sustanza turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, jenħtieġ li jiġi awtorizzat l-użu ta’ dik is-sustanza kif speċifikat fl-Anness ta’ dan ir-Regolament.

(8)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta’ din l-awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni tal-L-treonina prodotta mill-Escherichia coli CGMCC 11473 bħala addittiv tal-għalf għall-użu fl-għalf għall-ispeċijiet kollha tal-annimali. Ma’ din l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) ta’ dak ir-Regolament.

(3)

Dik l-applikazzjoni tikkonċerna l-awtorizzazzjoni tal-L-treonina prodotta mill- Escherichia coli CGMCC 11473 bħala addittiv tal-għalf għall-ispeċijiet kollha tal-annimali, biex tiġi kklassifikata fil-kategorija tal-addittivi “addittivi nutrizzjonali”.

(4)

Fl-opinjoni tagħha tal-5 ta’ Lulju 2017 (2) flimkien mal-opinjoni tal-4 ta’ Ottubru 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-L-treonina prodotta mill-Escherichia coli CGMCC 11473 ma għandhiex effett negattiv fuq is-saħħa tal-annimali, is-saħħa tal-konsumatur jew l-ambjent. Barra dan, ma setgħetx tilħaq konklużjoni dwar l-effetti tal-L-treonina prodotta mill-Escherichia coli CGMCC 11473 bħala sensitizzatur tal-ġilda u irritant tal-ġilda u l-għajnejn, u ddikjarat riskju ta’ inalazzjoni għall-endotossini għall-utenti tal-addittiv. Għalhekk, jenħtieġ li jittieħdu miżuri protettivi xierqa biex jiġu evitati effetti avversi fuq is-saħħa tal-bniedem, partikolarment għall-utenti tal-addittiv. L-Awtorità kkonkludiet ukoll li l-addittiv huwa sors effikaċi tal-amminoaċidu L-treonina għall-ispeċijiet kollha tal-annimali u li sabiex ikun effikaċi fir-ruminanti daqs kemm huwa effikaċi fl-ispeċijiet mhux ruminanti, jenħtieġ li l-addittiv jiġi protett mid-degradazzjoni fil-kirxa. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodu tal-analiżi tal-addittiv tal-għalf fl-għalf li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003.

(5)

Il-valutazzjoni tal-L-treonina prodotta mill-Escherichia coli CGMCC 11473 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ dan l-addittiv jenħtieġ li jiġi awtorizzat kif speċifikat fl-Anness ta’ dan ir-Regolament.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti jew għall-modifika ta’ tali awtorizzazzjoni.

(2)

L-użu tal-Lactococcus lactis (NCIMB 30160) bħala addittiv tal-għalf ġie awtorizzat għall-ispeċijiet kollha tal-annimali bir-Regolament ta’ Implimentazzjoni tal-Kummissjoni (UE) Nru 1263/2011 (2).

(3)

F’konformità mal-Artikolu 13(1) tar-Regolament (KE) Nru 1831/2003, il-Kummissjoni talbet lill-Awtorità Ewropea dwar is-Sigurtà fl-Ikel (“l-Awtorità”) biex toħroġ opinjoni dwar jekk l-awtorizzazzjoni tal-Lactococcus lactis (NCIMB 30160) bħala addittiv tal-għalf tibqax tissodisfa l-kundizzjonijiet stabbiliti fl-Artikolu 5 tar-Regolament (KE) Nru 1831/2003, meta wieħed iqis il-modifika li saret fir-rigward tat-termini ta’ dik l-awtorizzazzjoni. Il-modifika tirrigwarda l-formulazzjoni tal-addittiv, u tikkonsisti mill-inklużjoni tal-polietilenglikol (PEG 4000) fil-lista ta’ krijoprotetturi li jistgħu jintużaw għall-manifattura tal-addittiv. Flimkien mat-talba, intbagħtet id-data ta’ sostenn rilevanti.

(4)

L-Awtorità kkonkludiet fl-opinjonijiet tagħha tas-6 ta’ Marzu 2018 (3) u tas-7 ta’ Ottubru 2019 (4) li, skont il-kundizzjonijiet tal-użu proposti, il-preparazzjonijiet tal-PEG 4000 bħala eċċipjent fil-formulazzjonijiet bil-Lactococcus lactis (NCIMB 30160) ma jimmodifikawx il-konklużjonijiet preċedenti li l-addittiv ma għandux effett avvers fuq is-saħħa tal-annimali, is-saħħa tal-bniedem jew l-ambjent u li huwa effikaċi bħala addittiv tas-silaġġ. Għalhekk, mhux mistenni li jkun hemm tħassib rigward is-sikurezza meta jintuża l-PEG 4000 bħala krijoprotettur fl-addittiv Lactococcus lactis (NCIMB 30160) b’konċentrazzjoni massima ta’ 0,025 mg ta’ PEG 4000 għal kull kg ta’ silaġġ. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq.

(5)

Il-valutazzjoni tal-modifika proposta għall-awtorizzazzjoni turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati.

(6)

Jenħtieġ li r-Regolament ta’ Implimentazzjoni (UE) Nru 1263/2011 jiġi emendat skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament ta’ Implimentazzjoni tal-Kummissjoni (UE) Nru 686/2012 (2) jalloka l-evalwazzjoni tas-sustanzi attivi lil Stat Membru relatur u lil Stat Membru korelatur, għall-finijiet tal-proċedura ta’ tiġdid. Billi l-evalwazzjoni tas-sustanzi attivi li l-approvazzjoni tagħhom tiskadi bejn il-31 ta’ Marzu 2025 u s-27 ta’ Diċembru 2028 għadha ma ġietx allokata lil Stat Membru relatur jew lil Stat Membru korelatur, jixraq li din l-allokazzjoni ssir.

(2)

Jenħtieġ li dik l-allokazzjoni ssir b’tali mod li jinkiseb bilanċ fir-rigward tad-distribuzzjoni tar-responsabbiltajiet u tal-ħidma bejn l-Istati Membri.

(3)

Għalhekk, jenħtieġ li r-Regolament ta’ Implimentazzjoni (UE) Nru 686/2012 jiġi emendat skont dan.

(4)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti u għat-tiġdid ta’ tali awtorizzazzjoni.

(2)

Il-preparazzjoni tas-Saccharomyces cerevisiae MUCL 39885 kienet awtorizzata għal 10 snin bħala addittiv tal-għalf għall-ħnieżer nisa bir-Regolament tal-Kummissjoni (KE) Nru 896/2009 (2).

(3)

F’konformità mal-Artikolu 14(1) tar-Regolament (KE) Nru 1831/2003, ġiet ippreżentata applikazzjoni mid-detentur ta’ dik l-awtorizzazzjoni għat-tiġdid tal-awtorizzazzjoni tal-preparazzjoni tas-Saccharomyces cerevisiae MUCL 39885 bħala addittiv tal-għalf għall-ħnieżer nisa, li titlob li dak l-addittiv jiġi kklassifikat fil-kategorija tal-addittivi “addittivi żootekniċi”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) tar-Regolament (KE) Nru 1831/2003.

(4)

Fl-opinjoni tagħha tal-14 ta’ Mejju 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-applikant ipprovda d-data li turi li l-addittiv jikkonforma mal-kundizzjonijiet tal-awtorizzazzjoni. L-Awtorità kkonkludiet li s-Saccharomyces cerevisiae MUCL 39885 ma għandux effett avvers skont il-kundizzjonijiet tal-użu awtorizzati għas-saħħa tal-annimali, għall-konsumaturi, jew għall-ambjent. L-Awtorità kkonkludiet ukoll li l-addittiv huwa kkunsidrat bħala irritant potenzjali tal-ġilda u tal-għajnejn u bħala sensitizzatur respiratorju. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv.

(5)

Il-valutazzjoni tas-Saccharomyces cerevisiae MUCL 39885 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-awtorizzazzjoni ta’ dak l-addittiv jenħtieġ li tiġġedded kif speċifikat fl-Anness ta’ dan ir-Regolament.

(6)

Bħala konsegwenza tat-tiġdid tal-awtorizzazzjoni tas-Saccharomyces cerevisiae MUCL 39885 bħala addittiv tal-għalf skont il-kundizzjonijiet stabbiliti fl-Anness ta’ dan ir-Regolament, jenħtieġ li r-Regolament (KE) Nru 896/2009 jitħassar.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Preparazzjoni ta’ Saccharomyces cerevisiae NCYC R404 ġiet awtorizzata bħala addittiv fl-għalf għall-baqar tal-ħalib bir-Regolament ta’ Implimentazzjoni tal-Kummissjoni (UE) 2015/502, f’konformità mar-Regolament (KE) Nru 1831/2003 (2).

(2)

Ir-Regolament ta’ Implimentazzjoni (UE) 2015/502 ġie emendat bir-Regolament ta’ Implimentazzjoni tal-Kummissjoni (UE) Nru 2019/146 (3).

(3)

Fit-8 ta’ Jannar 2020, id-detentur tal-awtorizzazzjoni, Micron Bio-systems Ltd ippreżenta applikazzjoni skont l-Artikolu 13(3) tar-Regolament (KE) Nru 1831/2003 li biha ppropona li mal-awtorizzazzjoni jiżdied isem ir-rappreżentant tiegħu. L-applikant jissottometti li FF Chemicals BV se taġixxi bħala r-rappreżentant tagħha fl-Unjoni għall-addittiv fl-għalf ikkonċernat. Mal-applikazzjoni intbagħtet ukoll id-data ġustifikattiva rilevanti.

(4)

Il-bidla proposta fit-termini tal-awtorizzazzjoni hija ta’ natura purament amministrattiva u ma tinvolvix valutazzjoni ġdida tal-addittiv ikkonċernat. L-Awtorità Ewropea dwar is-Sigurtà fl-Ikel tgħarrfet bl-applikazzjoni.

(5)

Biex jiġi previst li FF Chemicals BV taġixxi bħala r-rappreżentant tad-detentur tal-awtorizzazzjoni, jenħtieġ li jinbidlu t-termini tal-awtorizzazzjoni kkonċernata. Għalhekk, jenħtieġ li jiżdied l-isem tar-rappreżentant fit-titolu tar-Regolament ta’ Implimentazzjoni (UE) 2015/502 u fl-Anness ta’ dak ir-Regolament.

(6)

Għalhekk jenħtieġ li r-Regolament ta’ Implimentazzjoni (UE) 2015/502 jiġi emendat skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

fit-titolu, il-kliem “Micron Bio-Systems Ltd, represented by FeedVision BV” huma sostitwiti bil-kliem “Micron Bio-Systems Ltd, irrappreżentata minn FF Chemicals BV”.

(2)

fit-tieni kolonna tal-Anness, taħt l-intestatura “Isem id-detentur tal-awtorizzazzjoni” il-kliem “Micron Bio-Systems Ltd, represented by FeedVision BV” huma sostitwiti bil-kliem “Micron Bio-Systems Ltd, irrappreżentata minn FF Chemicals BV.”.

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti u għat-tiġdid ta’ tali awtorizzazzjoni.

(2)

Il-preparazzjoni tas-Saccharomyces cerevisiae MUCL 39885 kienet awtorizzata għal 10 snin bħala addittiv tal-għalf għall-baqar tal-ħalib u għaż-żwiemel bir-Regolament tal-Kummissjoni (UE) Nru 1119/2010 (2).

(3)

F’konformità mal-Artikolu 14(1) tar-Regolament (KE) Nru 1831/2003, ġiet ippreżentata applikazzjoni mid-detentur ta’ dik l-awtorizzazzjoni għat-tiġdid tal-awtorizzazzjoni tas-Saccharomyces cerevisiae MUCL 39885 bħala addittiv tal-għalf għall-baqar tal-ħalib u għaż-żwiemel, li titlob li dak l-addittiv jiġi kklassifikat fil-kategorija tal-addittivi “addittivi żootekniċi”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) tar-Regolament (KE) Nru 1831/2003.

(4)

Fl-opinjoni tagħha tal-12 ta’ Novembru 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-applikant ipprovda d-data li turi li l-addittiv jikkonforma mal-kundizzjonijiet tal-awtorizzazzjoni. L-Awtorità kkonkludiet li s-Saccharomyces cerevisiae MUCL 39885 ma għandux effett avvers skont il-kundizzjonijiet tal-użu awtorizzati għas-saħħa tal-annimali, għall-konsumaturi u għall-ambjent. L-Awtorità kkonkludiet ukoll li l-addittiv huwa kkunsidrat bħala irritant potenzjali tal-ġilda u tal-għajnejn u bħala sensitizzatur respiratorju/tal-ġilda. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv.

(5)

Il-valutazzjoni tas-Saccharomyces cerevisiae MUCL 39885 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-awtorizzazzjoni ta’ dak l-addittiv jenħtieġ li tiġġedded kif speċifikat fl-Anness ta’ dan ir-Regolament.

(6)

Bħala konsegwenza tat-tiġdid tal-awtorizzazzjoni tas-Saccharomyces cerevisiae MUCL 39885 bħala addittiv tal-għalf skont il-kundizzjonijiet stabbiliti fl-Anness ta’ dan ir-Regolament, jenħtieġ li r-Regolament (UE) Nru 1119/2010 jitħassar.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ tali awtorizzazzjoni. L-Artikolu 10(2) tar-Regolament (KE) Nru 1831/2003 jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2) u l-Artikolu 4 għall-awtorizzazzjoni ta’ użu ġdid ta’ addittiv.

(2)

L-estratti rikki tal-luteina u tal-luteina/taż-żeaksantina ġew awtorizzati mingħajr limitu ta’ żmien f’konformità mad-Direttiva 70/524/KEE bħala addittivi tal-għalf għall-pollam li jiffurmaw parti mill-grupp “koloranti, inkluż pigmenti”, taħt l-intestatura “karotenojdi u ksantofilli”. Dawn iż-żewġ estratti ġew awtorizzati bl-isem komuni “luteina” u “żeaksantina” mingħajr ebda speċifikazzjoni u għaldaqstant it-talba għal dawn iż-żewġ forom ta’ estratti rikki tal-luteina u tal-luteina/taż-żeaksantina kienu jaqgħu taħt l-entrati ġeneriċi “luteina” u “żeaksantina”. Sussegwentement l-addittivi ddaħħlu fir-Reġistru tal-addittivi tal-għalf bħala prodotti eżistenti, f’konformità mal-Artikolu 10(1)(b) tar-Regolament (KE) Nru 1831/2003.

(3)

F’konformità mal-Artikoli 4 u 10(2) tar-Regolament (KE) Nru 1831/2003 flimkien mal-Artikolu 7 tiegħu, ġiet ippreżentata applikazzjoni għall-awtorizzazzjoni tal-estratti rikki tal-luteina u tal-luteina/taż-żeaksantina mit-Tagetes erecta fl-ilma tax-xorb u għall-evalwazzjoni mill-ġdid tal-estratti rikki tal-luteina u tal-luteina/taż-żeaksantina mit-Tagetes erecta bħala addittivi tal-għalf għall-pollam (għajr dundjani) tas-simna u tal-bajd u għall-ispeċijiet ta’ pollam minuri tas-simna u tal-bajd. L-applikant talab biex l-addittivi jiġu kklassifikati fil-kategorija tal-addittivi “addittivi sensorjali” u fil-grupp funzjonali “koloranti”: (ii) sustanzi li, meta jiġu mitmugħa lill-annimali, iżidu l-kulur lill-ikel li joriġina mill-annimali”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

Fl-opinjoni tagħha tat-3 ta’ April 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, l-estratti rikki tal-luteina u tal-luteina/taż-żeaksantina mit-Tagetes erecta ma għandhomx effett avvers fuq is-saħħa tal-annimali, is-sikurezza tal-konsumatur jew l-ambjent. L-Awtorità ddikjarat li l-konklużjoni dwar is-sikurezza u l-effikaċja tal-estratti rikki tal-luteina u tal-luteina/taż-żeaksantina mit-Tagetes erecta għall-pollam (għajr dundjani) tas-simna u tal-bajd tista’ tiġi estrapolata għall-pollam minuri tas-simna u tal-bajd. Ikkonkludiet ukoll li s-sustanzi attivi huma sustanzi viskużi, għaldaqstant l-operaturi mhumiex se jkunu esposti bl-inalazzjoni. L-applikant jirrikonoxxi li s-sustanzi attivi jistgħu jirritaw il-ġilda u l-għajnejn. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv, inkluż l-użu tal-addittivi fil-forma ta’ preparazzjoni, fejn it-tossiċità bl-inalazzjoni jew minħabba n-natura irritanti potenzjali għall-ġilda/għajnejn tas-sustanzi ma tistax tiġi eskluża. L-Awtorità kkonkludiet ukoll li l-addittivi kkonċernati huma effettivi biex iżidu l-kulur lill-ikel li joriġina mill-annimali. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodu ta’ analiżi tal-addittiv tal-għalf fl-għalf li ġie ppreżentat mil-Laboratorju ta’ Referenza tal-Unjoni Ewropea stabbilit bir-Regolament (KE) Nru 1831/2003.

(5)

Fir-rigward tal-użu fl-ilma tax-xorb, il-Kummissjoni tqis li l-użu simultanju tal-addittivi fl-ilma tax-xorb u fl-għalf diffiċli jiġi ġestit, peress li hemm livelli massimi stabbiliti għal raġunijiet ta’ sikurezza u hemm ukoll addittivi oħra li fihom ksantofilli u karotenojdi li jistgħu jintużaw fl-għalf. L-użu simultanju tal-estratti rikki tal-luteina u tal-luteina/taż-żeaksantina mit-Tagetes erecta fl-ilma tax-xorb u fl-għalf iżid il-modi kif jingħataw u r-riskju li jinqabżu l-livelli massimi awtorizzati għall-addittivi li fihom il-karotenojdi u il-ksantofilli (għall-estratti rikki tal-luteina waħedhom, 80 mg/kg, u għall-estratti tal-luteina/taż-żeaksantina waħedhom, 50 mg/kg, jew ma’ karotenojdi jew ksantofilli). B’konsegwenza ta’ dan, l-użu fl-ilma tax-xorb mhux awtorizzat.

(6)

Il-valutazzjoni turi li l-kundizzjonijiet tal-awtorizzazzjoni għall-estratti rikki tal-luteina u tal-luteina/taż-żeaksantina mit-Tagetes erecta, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ dawk l-addittivi jenħtieġ li jiġi awtorizzat kif speċifikat fl-Anness ta’ dan ir-Regolament.

(7)

Peress li r-raġunijiet ta’ sikurezza ma jirrikjedux l-applikazzjoni immedjata tal-modifiki fil-kundizzjonijiet tal-awtorizzazzjoni għas-sustanzi kkonċernati, jixraq li jingħata perjodu tranżizzjonali biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni.

(8)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ tali awtorizzazzjoni. L-Artikolu 10(2) tar-Regolament (KE) Nru 1831/2003 jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2).

(2)

Iż-żejt tal-kardamomu mill-Elettaria cardamomum (L.) Maton ġie awtorizzat mingħajr limitu ta’ żmien f’konformità mad-Direttiva 70/524/KEE bħala addittiv tal-għalf għall-ispeċijiet kollha tal-annimali fil-grupp “Sustanzi aromatizzanti u palatabbli”. Sussegwentement il-prodott iddaħħal fir-Reġistru tal-addittivi tal-għalf bħala prodott eżistenti, f’konformità mal-Artikolu 10(1)(b) tar-Regolament (KE) Nru 1831/2003.

(3)

F’konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, ġiet ippreżentata applikazzjoni għall-evalwazzjoni mill-ġdid taż-żejt tal-kardamomu mill-Elettaria cardamomum (L.) Maton bħala addittiv tal-għalf għall-ispeċijiet kollha tal-annimali. L-applikant talab biex l-addittiv jiġi kklassifikat fil-kategorija tal-addittivi “addittivi sensorjali” u fil-grupp funzjonali “komposti aromatizzanti”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

Fl-opinjoni tagħha tal-14 ta’ Mejju 2019 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, iż-żejt tal-kardamomu mill-Elettaria cardamomum (L.) Maton ma għandux effett avvers fuq is-saħħa tal-annimali, is-sikurezza tal-konsumatur jew l-ambjent. Fin-nuqqas ta’ studji li jivvalutaw is-sikurezza għall-utenti, l-Awtorità ma setgħetx tagħmel konklużjoni dwar is-sikurezza għall-utenti meta jużaw l-addittiv. Skont l-opinjoni, l-applikant ipproduċa skeda tad-data tas-sikurezza għaż-żejt tal-kardamomu, fejn ġew identifikati xi perikli. Il-perikli deskritti fl-iskeda tad-data tas-sikurezza huma, b’mod partikolari l-irritazzjoni tal-ġilda, l-irritazzjoni tal-għajnejn, reazzjoni allerġika tal-ġilda u jaf ikun fatali jekk jinbela’. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv.

(5)

L-Awtorità kkonkludiet ukoll li ladarba s-sustanza kkonċernata tintuża fl-ikel bħala aromatizzant u l-funzjoni tagħha fl-għalf hija l-istess bħal dik fl-ikel, mhi meħtieġa l-ebda turija ulterjuri ta’ effikaċità fl-għalf. L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodu ta’ analiżi tal-addittiv tal-għalf fl-għalf li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003.

(6)

Ir-restrizzjonijiet u l-kundizzjonijiet jenħtieġ li jiġu previsti sabiex ikun jista’ jsir kontroll aħjar ta’ din is-sustanza. Għall-addittiv tal-għalf ikkonċernat, il-kontenut rakkomandat jenħtieġ jiġi indikat fuq it-tikketta. Meta tali kontenut jinqabeż, ċertu informazzjoni jenħtieġ li tkun indikata fuq it-tikketta tat-taħlitiet lesti minn qabel li jkun fihom l-addittiv tal-għalf.

(7)

Il-valutazzjoni taż-żejt essenzjali tal-kardamomu mill-Elettaria cardamomum (L.) Maton turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ dak l-addittiv jenħtieġ li jiġi awtorizzat kif speċifikat fl-Anness ta’ dan ir-Regolament.

(8)

Peress li r-raġunijiet ta’ sikurezza ma jirrikjedux l-applikazzjoni immedjata tal-modifiki fil-kundizzjonijiet tal-awtorizzazzjoni għas-sustanza kkonċernata, jixraq li jingħata perjodu tranżizzjonali biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw minn din l-awtorizzazzjoni.

(9)

Il-fatt li ż-żejt essenzjali tal-kardamomu mill-Elettaria cardamomum (L.) Maton mhuwiex awtorizzat biex jintuża bħala aromatizzant fl-ilma tax-xorb, ma jipprekludix l-użu tiegħu fl-għalf kompost, li jingħata permezz tal-ilma.

(10)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Taħt l-Artikolu 11(2) tal-Azzjoni Konġunta 2004/570/PESK, il-Kunsill awtorizza lill-Kumitat Politiku u ta’ Sigurtà biex jieħu d-deċiżjonijiet rilevanti dwar l-aċċettazzjoni tal-kontributi proposti minn Stati terzi għall-operazzjoni militari tal-Unjoni Ewropea fil-Bożnija-Ħerzegovina.

(2)

Wara r-rakkomandazzjonijiet fir-rigward ta’ kontribut mill-Ukrajna mill-Kmandant tal-Operazzjoni tal-UE u mill-Kumitat Militari tal-Unjoni Ewropea, jenħtieġ li l-kontribut mill-Ukrajna jiġi aċċettat u jitqies bħala sinifikanti.

(3)

F’konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u l-implimentazzjoni ta’ deċiżjonijiet u azzjonijiet tal-Unjoni li għandhom implikazzjonijiet ta’ difiża. Konsegwentement, id-Danimarka ma tipparteċipax fl-adozzjoni ta’ din id-Deċiżjoni u la hija marbuta biha u lanqas hija soġġetta għall-applikazzjoni tagħha.

(4)

Fit-12 u t-13 ta’ Diċembru 2002, il-Kunsill Ewropew ta’ Copenhagen adotta dikjarazzjoni li tgħid li l-arranġamenti ‘Berlin Plus’ u l-implimentazzjoni tagħhom ser japplikaw biss għal dawk l-Istati Membri tal-Unjoni li huma wkoll jew membri tan-NATO jew membri fil-programm ‘Sħubija għall-Paċi’, u li konsegwentement ikkonkludew ftehimiet bilaterali dwar is-sigurtà man-NATO,

(1)

L-Artikolu 8(2) tar-Regolament (UE) Nru 1073/2013 (BĊE/2013/38) jipprovdi li jistgħu jingħataw derogi mir-rekwiżiti dwar ir-rappurtar statistiku lill-fondi ta’ investiment (IFs) li jkunu suġġetti għal regoli ta’ kontabbiltà nazzjonali li jippermettu l-valutazzjoni tal-assi tagħhom b’mod inqas frekwenti minn kull trimestru. Jipprovdi wkoll li l-kategoriji IF li lilhom il-banek ċentrali nazzjonali (BĊNi) ikollhom id-diskrezzjoni li jagħtu derogi, għandhom jiġu deċiżi mill-Kunsill Governattiv. Il-lista ta’ dawk il-kategoriji IF tinsab f’Deċiżjoni adottata mill-Kunsill Governattiv.

(2)

Waqt ir-reviżjoni stipulata mill-Artikolu 1 tad-Deċiżjoni (UE) 2015/32 tal-Bank Ċentrali Ewropew (BĊE/2014/62) (2), il-Kunsill Governattiv iddetermina li huwa neċessarju li jiġu inklużi iktar kategoriji ta’ fondi ta’ investiment li għalihom jistgħu jingħataw derogi skont l-Artikolu 8(2) tar-Regolament (UE) Nru 1073/2013 (BĊE/2013/38) lill-Awstrija, il-Latvja, il-Litwanja u il-Portugall, li jitneħħew kategoriji ta’ fondi ta’ investiment li m’għadhomx japplikaw għal Franza, u li jsiru emendi minuri li jirriżultaw minn tibdiliet għal ċerti atti legali nazzjonali.

(3)

Għaldaqstant, id-Deċiżjoni (UE) 2015/32 (BĊE/2014/62) għandha tiġi emendata kif meħtieġ,

(1)

Id-Deċiżjoni tal-Kummissjoni (UE) 2020/491 (3) teżenta mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 sal-31 ta’ Lulju 2020.

(2)

Fil-11 ta’ Ġunju 2020, il-Kummissjoni kkonsultat lill-Istati Membri f’konformità mal-premessa (5) tad-Deċiżjoni (UE) 2020/491 dwar jekk kinitx meħtieġa estensjoni u wara dan l-Istati Membri talbu l-estensjoni tal-eżenzjoni.

(3)

L-importazzjonijiet li jsiru mill-Istati Membri skont id-Deċiżjoni (UE) 2020/491 kienu ta’ benefiċċju biex l-organizzazzjonijiet tal-Istat jew l-organizzazzjonijiet approvati mill-awtoritajiet kompetenti fl-Istati Membri jingħataw aċċess għall-apparat mediku u għat-tagħmir protettiv personali li hemm nuqqas tiegħu. L-istatistika dwar il-kummerċ għal din il-merkanzija indikat li l-importazzjonijiet għadhom ħafna. Minħabba li l-għadd ta’ infezzjonijiet tal-COVID-19 fl-Istati Membri għadu jippreżenta riskji għas-saħħa pubblika u minħabba li fl-Istati Membri għadu jiġi rrapportat nuqqas ta’ merkanzija meħtieġa biex tiġi miġġielda l-pandemija tal-COVID-19, huwa neċessarju li l-perjodu ta’ applikazzjoni previst fid-Deċiżjoni (UE) 2020/491 jiġi estiż bi tliet xhur.

(4)

Sabiex l-Istati Membri jkunu jistgħu jirrappurtaw b’mod xieraq l-obbligi li joħorġu mid-Deċiżjoni (UE) 2020/491, jixraq li tiġi estiża l-iskadenza prevista fl-Artikolu 2 tad-Deċiżjoni (UE) 2020/491.

(5)

Fl-24 ta’ Ġunju 2020, l-Istati Membri ġew ikkonsultati dwar l-estensjoni mitluba f’konformità mal-Artikolu 76 tar-Regolament (KE) Nru 1186/2009 u l-Artikolu 53 tad-Direttiva 2009/132/KE.

(6)

Id-Deċiżjoni (UE) 2020/491 jenħtieġ li għalhekk tiġi emendata skont dan,

(1)

Fl-Artikolu 2, il-parti introduttorja hija sostitwita b’dan li ġej:

“L-Istati Membri għandhom jikkomunikaw l-informazzjoni li ġejja lill-Kummissjoni, sa mhux aktar tard mill-31 ta’ Diċembru 2020:”;

(2)

L-Artikolu 3 huwa sostitwit b’dan li ġej:

(1)

Fl-24 ta’ Ottubru 2019, il-manifatturi Audi AG, Bayerische Motoren Werke AG, Daimler AG, FCA Italy S.p.A, Ford-Werke GmbH, Honda Motor Europe Ltd, Hyundai Motor Europe Technical Center GmbH, Jaguar Land Rover LTD, Renault, Volkswagen AG, Volkswagen Nutzfahrzeuge u l-fornituri Valeo Electrical systems u Mitsubishi Electric Corporation ressqu applikazzjoni konġunta (“l-ewwel applikazzjoni”) għall-approvazzjoni, bħala teknoloġija innovattiva, tat-teknoloġija użata f’mutur ġeneratur effiċjenti ta’ 48 Volt ikkombinat flimkien ma’ konvertitur ta’ 48 Volt/12 Volt DC/DC għall-użu f’karozzi tal-passiġġieri u f’vetturi kummerċjali ħfief b’sistema ta’ motopropulsjoni ta’ magna b’kombustjoni interna li taħdem bil-petrol jew bid-diżil (sistema tal-motopropulsjoni ICE konvenzjonali) u f’ċerti vetturi elettriċi ibridi b’iċċarġjar fuq il-vettura (NOVC-HEVs) ta’ dawk il-kategoriji.

(2)

Fit-8 ta’ Novembru 2019, il-fornitur Valeo Electrical systems ressaq applikazzjoni (“it-tieni applikazzjoni”) għall-approvazzjoni tal-istess teknoloġija, jiġifieri t-teknoloġija użata f’mutur ġeneratur effiċjenti ta’ 48 Volt ikkombinat flimkien ma’ konvertitur ta’ 48 Volt/12 Volt DC/DC għall-użu f’vetturi tal-istess kategoriji u sistemi tal-motopropulsjoni.

(3)

Iż-żewġ applikazzjonijiet ġew ivvalutati skont l-Artikolu 11 tar-Regolament (UE) 2019/631, ir-Regolamenti ta’ Implimentazzjoni tal-Kummissjoni (UE) Nru 725/2011 (2) u (UE) Nru 427/2014 (3) u l-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009 tal-Parlament Ewropew u tal-Kunsill (4) u (UE) Nru 510/2011 tal-Parlament Ewropew u tal-Kunsill (5) (il-verżjoni ta’ Lulju 2018 (6)). F’konformità mal-Artikolu 11(3) tar-Regolament (UE) 2019/631, l-applikazzjonijiet kienu akkumpanjati minn rapport ta’ verifika mwettaq minn korp indipendenti u ċċertifikat.

(4)

Iż-żewġ applikazzjonijiet jirreferu għal iffrankar tal-emissjonijiet ta’ CO2 li ma jintweriex bil-kejl imwettaq skont iċ-Ċiklu l-Ġdid tas-Sewqan Ewropew (NEDC) kif stabbilit fir-Regolament tal-Kummissjoni (KE) Nru 692/2008 (7).

(5)

Meta jitqies li ż-żewġ applikazzjonijiet jirreferu għall-istess teknoloġija innovattiva u li jenħtieġ li japplikaw l-istess kundizzjonijiet għall-użu tagħha fil-vetturi kkonċernati, jixraq li ż-żewġ applikazzjonijiet jiġu indirizzati f’deċiżjoni waħda.

(6)

Mutur ġeneratur ta’ 48 Volt jista’ jopera jew bħala mutur elettriku li jikkonverti l-enerġija elettrika f’enerġija mekkanika, jew bħala ġeneratur li jikkonverti l-enerġija mekkanika f’enerġija elettrika, jiġifieri bħal alternatur standard. Il-konvertitur ta’ 48 Volt/12 Volt DC/DC jippermetti lill-mutur ġeneratur ta’ 48 Volt jipprovdi l-enerġija elettrika bil-vultaġġ meħtieġ biex titħaddem il-power board elettrika ta’ 12 V tal-vettura u/jew biex tiġi ċċarġjata l-batterija ta’ 12 Volt.

(7)

Il-Kummissjoni diġà approvat il-mutur ġeneratur ta’ effiċjenza għolja ta’ 48 Volt ikkombinat ma’ konvertitur ta’ 48 Volt/12 Volt DC/DC fornut minn SEG Automotive Germany GmbH bħala teknoloġija innovattiva għall-użu f’karozzi tal-passiġġieri li jaħdmu b’ICE konvenzjonali u f’vetturi kummerċjali ħfief u f’ċerti NOVC-HEVs ta’ dawk il-kategoriji permezz tad-Deċiżjonijiet ta’ Implimentazzjoni (UE) 2019/313 (8) u (UE) 2019/314 (9) tagħha.

(8)

Abbażi tal-esperjenza miksuba mill-valutazzjoni tal-applikazzjonijiet imressqa minn SEG Automotive Germany GmbH, flimkien mal-informazzjoni pprovduta mal-applikazzjonijiet preżenti, intwera b’mod sodisfaċenti u konklużiv li mutur ġeneratur effiċjenti ta’ 48 Volt ikkombinat ma’ konvertitur ta’ 48 Volt/12 Volt DC/DC jissodisfa l-kriterji msemmija fl-Artikolu 11(2) tar-Regolament (UE) 2019/631 u l-kriterji ta’ eliġibbiltà speċifikati fl-Artikolu 9(1)(a) tar-Regolamenti ta’ Implimentazzjoni (UE) Nru 725/2011 u (UE) Nru 427/2014.

(9)

Jenħtieġ li t-teknoloġija innovattiva tintuża f’karozzi tal-passiġġieri b’ICE konvenzjonali jew f’vetturi kummerċjali ħfief, jew biss f’NOVC-HEVs bħal dawn minn kategoriji li għalihom jistgħu jintużaw valuri mkejla tal-konsum tal-fjuwil u valuri tal-emissjonijiet ta’ CO2 mhux ikkoreġuti skont l-Anness 8 tar-Regolament Nru 101 tal-Kummissjoni Ekonomika għall-Ewropa tan-Nazzjonijiet Uniti (10).

(10)

Iż-żewġ applikazzjonijiet jipproponu metodoloġija tal-ittestjar ibbażata fuq il-“metodu separat” stabbilit fil-punt 3 tal-Anness tad-Deċiżjonijiet ta’ Implimentazzjoni rispettivi (UE) 2019/313 u (UE) 2019/314.

(11)

Il-metodoloġija proposta fl-ewwel applikazzjoni hija differenti mill-“metodu separat” stabbilit f’dawk id-Deċiżjonijiet fir-rigward tal-livell ta’ vultaġġ li jrid jintuża għall-kejl tal-effiċjenza tal-mutur ġeneratur ta’ 48 Volt, li huwa propost li jiġi ffissat għal 48 Volt minflok għal 52 Volt. Flimkien ma’ dan, fiż-żewġ applikazzjonijiet huwa propost li jiġi modifikat il-kurrent tal-output għall-kejl tal-effiċjenza tal-konvertitur ta’ 48 Volt/12 Volt DC/DC biex il-kurrent tal-output ikun definit bħala nofs il-potenza nominali tal-konvertitur DC/DC diviż b’14,3 Volt, minflok il-potenza nominali tal-konvertitur DC/DC diviż b’14,3 V. Barra minn hekk, fiż-żewġ applikazzjonijiet huwa propost li tiġi introdotta proċedura ta’ run-in għall-mutur ġeneratur ta’ 48 Volt.

(12)

Fir-rigward tal-bidliet proposti għall-“metodu separat” stabbilit fid-Deċiżjonijiet ta’ Implimentazzjoni (UE) 2019/313 u (UE) 2019/314 fir-rigward tal-livell tal-vultaġġ tal-kejl tal-effiċjenza tal-mutur ġeneratur ta’ 48 Volt u tal-kurrent tal-output tal-kejl tal-effiċjenza tal-konvertitur 48 Volt/12 Volt DC/DC, jinstab li dawk il-bidliet jistgħu jwasslu għal riżultati inqas konservattivi f’termini ta’ ffrankar ta’ CO2. L-applikanti sostnew li l-bidliet huma ġġustifikati peress li jkunu aktar rappreżentattivi tal-kundizzjonijiet tas-sewqan fid-dinja reali. Madankollu, l-evidenza ppreżentata insostenn ta’ dik il-pretensjoni ma tistax titqies suffiċjenti, b’mod partikolari minħabba l-istudji limitati mwettqa insostenn tal-applikazzjoni u n-nuqqas ta’ evidenza li tappoġġja l-bidla fil-kurrent tal-output tal-kejl tal-effiċjenza tal-konvertitur 48 Volt/12 Volt DC/DC. F’dan l-isfond, jitqies li dawn l-aspetti tal-“metodu separat” stabbilit fil-punt 3 tal-Anness tad-Deċiżjonijiet ta’ Implimentazzjoni rispettivi (UE) 2019/313 u (UE) 2019/314 jenħtieġ li ma jinbidlux abbażi tal-informazzjoni pprovduta fl-applikazzjonijiet.

(13)

Fir-rigward taż-żieda proposta ta’ proċedura ta’ run-in mal-metodoloġija tal-ittestjar għall-mutur ġeneratur, l-ebda waħda miż-żewġ applikazzjonijiet ma tistabbilixxi bi preċiżjoni biżżejjed id-dettalji ta’ kif jenħtieġ li titwettaq tali proċedura ta’ run-in u lanqas kif jenħtieġ li jitqies l-effett tar-run-in. Billi l-effiċjenza tal-funzjoni ta’ mutur ġeneratur effiċjenti ta’ 48 Volt ikkombinat ma’ konvertitur ta’ 48 Volt/12 Volt tiġi ddeterminata abbażi tal-medja tar-riżultati tal-kejl, kwalunkwe effett ta’ run-in, pożittiv jew negattiv, jista’ jitqies b’mod adegwat fid-determinazzjoni tal-effiċjenza finali, billi jiżdied, fejn meħtieġ, l-għadd ta’ drabi li jsir il-kejl. F’dak l-isfond, mhuwiex xieraq li l-metodoloġija tal-ittestjar tiġi kkomplementata bi proċedura ta’ prova speċifika addizzjonali bħal dawk proposti fl-applikazzjonijiet.

(14)

F’dak l-isfond, jitqies xieraq li l-“metodu separat” stabbilit fil-punt 3 tal-Anness tad-Deċiżjonijiet ta’ Implimentazzjoni rispettivi (UE) 2019/313 u (UE) 2019/314 jenħtieġ li japplika wkoll għall-iskop ta’ din id-Deċiżjoni.

(15)

Jenħtieġ li l-manifatturi jkollhom il-possibbiltà li japplikaw, għand awtorità tal-approvazzjoni tat-tip, għaċ-ċertifikazzjoni tal-iffrankar ta’ CO2 mill-użu tat-teknoloġija innovattiva meta jkunu ssodisfati l-kundizzjonijiet stabbiliti f’din id-Deċiżjoni. Jenħtieġ li, għal dak il-għan, il-manifatturi jiżguraw li l-applikazzjoni għaċ-ċertifikazzjoni tkun akkumpanjata minn rapport ta’ verifika minn korp indipendenti u ċċertifikat li jikkonferma li t-teknoloġija innovattiva tikkonforma mal-kundizzjonijiet stabbiliti f’din id-Deċiżjoni u li l-iffrankar ġie ddeterminat skont il-metodoloġija tal-ittestjar imsemmija f’din id-Deċiżjoni.

(16)

Sabiex tiġi ffaċilitata introduzzjoni usa’ tat-teknoloġija innovattiva f’vetturi ġodda, il-manifattur jenħtieġ li jkollu wkoll il-possibbiltà li jissottometti applikazzjoni waħda biss għaċ-ċertifikazzjoni tal-iffrankar ta’ CO2 minn diversi muturi ġeneraturi effiċjenti ta’ 48 Volt ikkombinati ma’ konvertituri ta’ 48 Volt/12 Volt DC/DC. Madankollu, huwa xieraq li jiġi żgurat li, meta tintuża dik il-possibbiltà, jiġi applikat mekkaniżmu li jinċentiva biss l-użu ta’ dawk l-ekoinnovazzjonijiet li joffru l-ogħla ffrankar ta’ CO2.

(17)

Hija r-responsabbiltà tal-awtorità tal-approvazzjoni tat-tip li tivverifika bir-reqqa li jkunu ġew issodisfati l-kundizzjonijiet għaċ-ċertifikazzjoni tal-iffrankar ta’ CO2 mill-użu ta’ teknoloġija innovattiva kif speċifikat f’din id-Deċiżjoni. Jekk tinħareġ iċ-ċertifikazzjoni, jenħtieġ li l-awtorità responsabbli tal-approvazzjoni tat-tip tiżgura li l-elementi kollha meqjusa għaċ-ċertifikazzjoni jiġu rreġistrati f’rapport tat-test u li dan jinżamm flimkien mar-rapport ta’ verifika u li din l-informazzjoni tkun disponibbli għall-Kummissjoni fuq talba.

(18)

Għall-finijiet tad-determinazzjoni tal-kodiċi tal-ekoinnovazzjoni ġenerali li jrid jintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (11), hemm bżonn li jiġi attribwit kodiċi individwali għat-teknoloġija innovattiva.

(19)

Mill-2021, il-konformità tal-manifatturi mal-miri tal-emissjonijiet ta’ CO2 speċifiċi tagħhom skont ir-Regolament (UE) 2019/631 għandha tiġi stabbilita fuq il-bażi tal-emissjonijiet ta’ CO2 iddeterminati skont il-Proċedura ta’ Ttestjar Armonizzata fuq Livell Dinji għall-Vetturi Ħfief (WLTP) stabbilita fir-Regolament tal-Kummissjoni (UE) 2017/1151 (12). L-iffrankar ta’ CO2 mit-teknoloġija innovattiva ċċertifikata b’referenza għal din id-Deċiżjoni jista’ għalhekk jitqies għall-kalkolu tal-emissjonijiet speċifiċi medji ta’ CO2 tal-manifatturi għas-sena kalendarja 2020 biss,

(a)

Tkun installata f’karozzi tal-passiġġieri (M1) jew f’vetturi kummerċjali ħfief (N1) b’magni tal-kombustjoni interna li jaħdmu bil-petrol jew bid-diżil (vetturi M1 u N1 li jaħdmu b’ICE konvenzjonali) jew f’vetturi elettriċi ibridi b’iċċarġjar fuq il-vettura tal-kategorija M1 jew N1 li għalihom jistgħu jintużaw valuri mkejla tal-konsum tal-fjuwil u valuri tal-emissjonijiet ta’ CO2 mhux ikkoreġuti skont l-Anness 8 tar-Regolament Nru 101 tal-Kummissjoni Ekonomika għall-Ewropa tan-Nazzjonijiet Uniti;

(b)

L-effiċjenza tagħha, li hija l-prodott tal-effiċjenza tal-mutur ġeneratur ta’ 48 Volt u l-effiċjenza tal-konvertitur ta’ 48 Volt/12 Volt DC/DC, iddeterminata skont il-punt 3.3 tal-Anness tad-Deċiżjoni ta’ Implimentazzjoni (UE) 2019/313 jew il-punt 3.3 tal-Anness tad-Deċiżjoni ta’ Implimentazzjoni (UE) 2019/314, tkun mill-inqas

(1)

Il-kompożizzjoni tal-Kumitat ta’ Tmexxija tal-Bord Superviżorju ssegwi sistema ta’ rotazzjoni li biha r-rappreżentanti tal-awtoritajiet kompetenti nazzjonali jinħatru għal wieħed mill-erba’ gruppi, kif stabbilit fl-Anness għar-Regoli tal-Proċedura tal-Bord Superviżorju tal-Bank Ċentrali Ewropew (3) (iktar ’il quddiem ir-“Regoli tal-Proċedura”). Peress li l-Kunsill Governattiv tal-Bank Ċentrali Ewropew (BĊE) adotta deċiżjoni li jistabbilixxi kooperazzjoni mill-qrib bejn il-Bank Ċentrali Ewropew u l-Hrvatska narodna banka (il-Bank Nazzjonali Kroat) (4) u Българска народна банка (il-Bank Nazzjonali Bulgaru) (5), rispettivament, ir-rappreżentanti ta’ dawk l-awtoritajiet nazzjonali kompetenti għandhom jiġu inklużi fil-gruppi f’konformità mar-regoli stabbiliti fit-tieni u l-ħames sentenzi tal-Artikolu 11.3 tar-Regoli tal-Proċedura.

(2)

Barra minn hekk, għandhom isiru ċerti aġġustamenti tekniċi biex jiġu ċċarati l-proċeduri għall-votazzjoni u għall-preżentazzjoni ta’ kummenti fi proċeduri bil-miktub, kif ukoll għas-sottomissjoni ta’ dokumenti tal-Kumitat ta’ Tmexxija lill-membri tal-Bord Superviżorju.

(3)

Għalhekk, ir-Regoli tal-Proċedura għandhom jiġu emendati kif meħtieġ,

1.

L-Artikolu 6 huwa emendat skont kif ġej:

2.

L-Artikolu 12.3 huwa ssostitwit b’li ġej:

3.

L-Anness għar-Regoli tal-Proċedura huwa ssostitwit bl-Anness għal dan.