(1)

L-Istrument ta’ Flessibbiltà huwa maħsub biex jippermetti l-finanzjament ta’ nefqa identifikata b’mod ċar li ma setgħetx tiġi ffinanzjata fil-limiti disponibbli ta’ intestatura jew intestaturi oħra.

(2)

Il-limitu massimu tal-ammont annwali disponibbli għall-Istrument ta’ Flessibilità jlaħħaq EUR 600 000 000 (prezzijiet tal-2011), kif stipulat fl-Artikolu 11 tar-Regolament tal-Kunsill (UE, Euratom) Nru 1311/2013 (2), żdied, fejn applikabbli mill-ammonti skaduti li saru disponibbli skont it-tieni subparagrafu tal-paragrafu 1 ta’ dak l-Artikolu.

(3)

Sabiex jiġu indirizzati l-isfidi fil-kuntest tat-tifqigħa ta’ COVID-19, jenħtieġ li jiġu mobilizzati ammonti għall-finanzjament ta’ miżuri xierqa bħala kwistjoni ta’ urġenza. Huwa wkoll meħtieġ li jiġi previst il-finanzjament għat-tisħiħ meħtieġ tal-Uffiċċju tal-Prosekutur Pubbliku Ewropew.

(4)

Wara li eżaminaw il-possibilitajiet kollha għar-riallokazzjoni tal-approprjazzjonijiet taħt illimitu massimu tan-nefqa għall-intestatura 3 (Sigurtà u ċittadinanza), huwa meħtieġ li jiġi mobilizzat l-Istrument ta’ Flessibilità biex jissupplimenta l-finanzjament fil-baġit ġenerali talUnjoni għas-sena finanzjarja 2020 lil hinn mil-limitu massimu tal-intestatura 3 bl-ammont ta’ EUR 73 300 000, biex jiġu ffinanzjati miżuri immedjati fil-kuntest tat-tifqigħa ta’ COVID-19 u t-tisħiħ tal-Uffiċċju tal-Prosekutur Pubbliku Ewropew.

(5)

Abbażi tal-profil tal-pagament mistenni, l-approprjazzjonijiet ta’ pagament li jikkorrispondu għall-mobilizzazzjoni tal-Istrument ta’ Flessibilità jenħtieġ li jiġu mqassma fuq sentejn finanzjarji.

(6)

Din id-Deċiżjoni hija marbuta mal-finanzjament inkluż fil-baġit emendatorju Nru 1 għallbaġit ġenerali tal-Unjoni Ewropea għall-2020. Sabiex tiġi żgurata l-koerenza ma’ dak il-baġit emendatorju, jenħtieġ li din id-Deċiżjoni tapplika mid-data tal-adozzjoni tagħha.

(1)

L-Istrument ta’ Flessibbiltà huwa maħsub biex jippermetti l-finanzjament ta’ nefqa identifikata b’mod ċar li ma setgħetx tiġi ffinanzjata fil-limiti disponibbli ta’ intestatura jew intestaturi oħra.

(2)

Il-limitu massimu tal-ammont annwali disponibbli għall-Istrument ta’ Flessibilità jlaħħaq EUR 600 000 000 (prezzijiet tal-2011), kif stipulat fl-Artikolu 11 tar-Regolament tal-Kunsill (UE, Euratom) Nru 1311/2013 (2), żdied, fejn applikabbli mill-ammonti skaduti li saru disponibbli skont it-tieni subparagrafu tal-paragrafu 1 ta’ dak l-Artikolu.

(3)

Sabiex jiġu indirizzati l-isfidi fil-kuntest tat-tifqigħa tal-COVID-19, jenħtieġ li jiġu mobilizzati ammonti għall-finanzjament ta’ miżuri xierqa bħala kwistjoni ta’ urġenza.

(4)

Wara li eżaminaw il-possibilitajiet kollha għar-riallokazzjoni tal-approprjazzjonijiet taħt illimitu massimu tan-nefqa għall-intestatura 3 (Sigurtà u Ċittadinanza), huwa meħtieġ li jiġi mobilizzat l-Istrument ta’ Flessibilità biex jissupplimenta l-finanzjament fil-baġit ġenerali talUnjoni għas-sena finanzjarja 2020 lil hinn mil-limitu massimu tal-intestatura 3 bl-ammont ta’ EUR 243 039 699, biex jiġu ffinanzjati miżuri immedjati fil-kuntest tat-tifqigħa tal-COVID-19. Dan l-ammont jikkomplementa l-finanzjament mill-Istrument ta’ Flessibbiltà mobilizzat fil-kuntest tal-Baġit Emendatorju Nru 1 tal-baġit ġenerali tal-Unjoni 2020.

(5)

Abbażi tal-profil tal-pagament mistenni, l-approprjazzjonijiet ta’ pagament li jikkorrispondu għall-mobilizzazzjoni tal-Istrument ta’ Flessibilità jenħtieġ li jiġu mqassma fuq bosta snin finanzjarji.

(6)

Din id-Deċiżjoni hija marbuta mal-finanzjament inkluż fil-baġit emendatorju Nru 2 tal-baġit ġenerali tal-Unjoni 2020. Sabiex tiġi żgurata l-koerenza ma’ dak il-baġit emendatorju, jenħtieġ li din id-Deċiżjoni tapplika mid-data tal-adozzjoni tagħha,

(1)

L-Artikolu 13 tar-Regolament tal-Kunsill (UE, Euratom) Nru 1311/2013 (2) stabbilixxa Marġni ta’ Kontinġenza sa massimu ta’ 0,03 % tal-Introjtu Nazzjonali Gross tal-Unjoni,

(2)

Skont l-Artikolu 6 tar-Regolament (UE, Euratom) Nru 1311/2013, il-Kummissjoni kkalkulat l-ammont assolut tal-Marġni ta’ Kontinġenża għall-2020 (3).

(3)

Wara li jkunu eżaminaw il-possibbiltajiet finanzjarji l-oħra kollha li jirreaġixxu għal ċirkostanzi mhux previsti fi ħdan il-limitu massimu ta’ impenn tal-2020 għall-intestatura 3 (Sigurtà u ċittadinanza) tal-qafas finanzjarju pluriennali (QFP), u wara li kkunsidraw il-mobilizzazzjoni tal-Marġni Globali għall-Impenji għall-ammont sħiħ ta’ 2 392 402 163 disponibbli fl-2020 u tal-Istrument ta’ Flessibbiltà għall-ammont sħiħ ta’ EUR 1 094 414 188 disponibbli fl-2020, huwa meħtieġ li jiġi mmobilizzat il-Marġni ta’ Kontinġenza biex jiġu indirizzati l-ħtiġijiet li jirriżultaw mit-tifqigħa tal-COVID-19 billi jiżdiedu l-approprjazzjonijiet ta’ impenn fil-baġit ġenerali tal-Unjoni għas-sena finanzjarja 2020, lil hinn mil-limitu massimu tal-intestatura 3 tal-QFP.

(4)

Wara li kkunsidraw din is-sitwazzjoni partikolari ħafna, il-kundizzjoni tal-aħħar għażla fl-Artikolu 13(1) tar-Regolament (UE, Euratom) Nru 1311/2013 hija ssodisfata.

(5)

Din id-Deċiżjoni hija marbuta mal-finanzjament inkluż fil-baġit emendatorju Nru 2 tal-baġit ġenerali tal-Unjoni Ewropea 2020. Sabiex tiġi żgurata l-koerenza ma’ dak il-baġit emendatorju, din id-Deċiżjoni għandha tapplika mid-data tal-adozzjoni tagħha,