14.1.2020

Il-Ġurnal Uffiċjali tal-Unjoni Ewropea

L 8/2

REGOLAMENT DELEGAT TAL-KUMMISSJONI (UE) 2020/22

tal-31 ta’ Ottubru 2019

li jemenda l-Annessi I u III tar-Regolament (UE) 2019/631 tal-Parlament Ewropew u tal-Kunsill fir-rigward tal-monitoraġġ tal-emissjonijiet ta’ CO2 minn vetturi kummerċjali ħfief ġodda li jirċievu l-approvazzjoni tat-tip fi proċess b’diversi stadji

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (1), u b’mod partikolari l-Artikoli 7(8) u 15(8) tiegħu,

Billi:

(1)

Mill-1 ta’ Settembru 2019, il-vetturi kummerċjali ħfief kollha huma soġġetti għal proċedura tat-test regolatorja ġdida għall-kejl tal-emissjonijiet ta’ CO2 u tal-konsum tal-fjuwil, il-Proċedura ta’ Ttestjar Armonizzata fuq Livell Dinji għall-Vetturi Ħfief (WLTP) stabbilita fir-Regolament tal-Kummissjoni (UE) 2017/1151 (2), li tissostitwixxi ċ-Ċiklu ta’ Sewqan Ewropew Ġdid (NEDC) stabbilit fir-Regolament tal-Kummissjoni (KE) Nru 692/2008 (3). Għaldaqstant, sabiex jiġu ddeterminati l-emissjonijiet ta’ CO2 u l-konsum tal-fjuwil mill-vetturi tal-kategorija N1 li jriċievu l-approvazzjoni tat-tip fi proċess b’diversi stadji, ġiet stabbilita metodoloġija ġdida li hi stipulata fl-Annessi I u II tar-Regolament (UE) Nru 510/2011 tal-Parlament Ewropew u tal-Kunsill (4).

(2)	Fid-dawl tat-tħassir tar-Regolament (UE) Nru 510/2011 mill-1 ta’ Jannar 2020, jeħtieġ li jiġi żgurat li l-istess metodoloġija tiġi stabbilita fir-Regolament (UE) 2019/631.

(3)

F’konformità mal-punt 2 tal-Parti B tal-Anness III tar-Regolament (UE) 2019/631, l-emissjonijiet speċifiċi ta’ CO2 tal-vetturi kkompletati jridu jkunu allokati lill-manifattur tal-vettura bażi. Sabiex il-manifattur tal-vettura bażi jkun jista’ jippjana b’mod effettiv u b’ċertezza suffiċjenti l-konformità tiegħu mal-miri tal-emissjonijiet speċifiċi tiegħu, jenħtieġ li tiġi stabbilita metodoloġija li tiżgura li l-emissjonijiet ta’ CO2 u l-massa tal-vetturi kompletati li se jiġu allokati lil dak il-manifattur ikunu magħrufa fil-mument tal-produzzjoni u l-bejgħ tal-vettura bażi, sew dik kompluta kif ukoll dik inkompleta, u mhux biss fil-mument meta l-manifattur tal-istadju finali jqiegħed il-vettura kompletata fis-suq.

(4)

Għaldaqstant, hi pprovduta metodoloġija speċifika biex jiġu ddeterminati l-emissjonijiet ta’ CO2 ta’ vettura bażi inkompleta, li skontha jenħtieġ li jintuża l-metodu ta’ interpolazzjoni previst fir-Regolament (UE) 2017/1151. L-emissjonijiet ta’ CO2 u l-valuri tal-massa ddeterminati b’dan il-mod jenħtieġ li jkunu kemm jista’ jkun rappreżentattivi tal-emissjonijiet speċifiċi ta’ CO2 u tal-massa fi stat ta’ tħaddim li se jiġu ddeterminati għall-vettura kompletata. Sabiex tiġi żgurata l-konsistenza, il-kalkolu tal-mira tal-emissjonijiet speċifiċi tal-manifattur tal-vettura bażi jenħtieġ għalhekk li jqis il-valuri tal-massa ddeterminati skont din il-metodoloġija.

(5)

Il-manifattur tal-vettura bażi jenħtieġ li jirrapporta lill-Kummissjoni l-valuri tal-input li jkunu ntużaw għall-metodu ta’ interpolazzjoni kif ukoll l-emissjonijiet ta’ CO2 li jirriżultaw u l-massa tal-vetturi bażi inkompleti. Fl-istess waqt, l-Istati Membri jenħtieġ li jkomplu jirrapportaw lill-Kummissjoni l-emissjonijiet speċifiċi ta’ CO2 u l-massa fi stat ta’ tħaddim tal-vetturi kompletati.

(6)

Fuq il-bażi ta’ dik id-data rrapportata, il-Kummissjoni jenħtieġ li tivvaluta kontinwament ir-rappreżentattività tal-emissjonijiet ta’ CO2 ta’ monitoraġġ tal-vettura bażi u tgħarraf lill-manifatturi bi kwalunkwe diverġenza misjuba. Fil-każ ta’ diverġenza sinifikanti u kontinwa bejn il-medja tal-valuri ta’ CO2 ta’ monitoraġġ tal-vetturi bażi u l-medja tal-emissjonijiet speċifiċi ta’ CO2 tal-vetturi kkompletati, il-valuri għall-vetturi kompletati jenħtieġ li jintużaw bl-iskop li jiġi ddeterminat jekk il-manifatturi jikkonformawx mal-miri tal-emissjonijiet speċifiċi tagħhom.

(7)	Sabiex jitqies li r-Regolament (UE) Nru 510/2011 huwa mħassar b’effett mill-1 ta’ Jannar 2020, huwa xieraq li jiġi żgurat li dan ir-Regolament jidħol fis-seħħ kemm jista’ jkun qrib dik id-data.

(8)	Għaldaqstant, jenħtieġ li l-Annessi I u III tar-Regolament (UE) 2019/631 jiġu emendati kif xieraq,

ADOTTAT DAN IR-REGOLAMENT:

Artikolu 1

L-Annessi I u III tar-Regolament (UE) 2019/631 huma emendati f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-31 ta’ Ottubru 2019.

Għall-Kummissjoni

Il-President

Jean-Claude JUNCKER

(1) ĠU L 111, 25.4.2019, p. 13.

(2) Ir-Regolament tal-Kummissjoni (UE) 2017/1151 tal-1 ta’ Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).

(3) Ir-Regolament tal-Kummissjoni (KE) Nru 692/2008 tat-18 ta’ Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).

(4) Ir-Regolament (UE) Nru 510/2011 tal-Parlament Ewropew u tal-Kunsill tal-11 ta’ Mejju 2011 li jistabbilixxi standards ta’ rendiment fir-rigward tal-emissjonijiet tal-vetturi kummerċjali ħfief ġodda bħala parti mill-approċċ integrat tal-Unjoni biex jitnaqqsu l-emissjonijiet tas-CO2 minn vetturi ħfief (ĠU L 145, 31.5.2011, p. 1).

ANNESS

L-Annessi I u III tar-Regolament (UE) 2019/631 huma emendati kif ġej:

(1)

Fil-punt 4 tal-Parti B tal-Anness I, id-definizzjoni ta’ “Mø” hi sostitwita b’dan li ġej:

“Mø	hija l-massa (M) medja għall-vetturi kummerċjali ħfief ġodda tal-manifattur irreġistrati fis-sena ta’ mira rilevanti, f’kilogrammi (kg);

Fejn,

—	fil-każ ta’ vettura kompluta, M hija l-massa fi stat operattiv ta’ dik il-vettura

—	fil-każ ta’ vettura bażi kompluta relatata ma’ vettura kompletata, M hija l-massa fi stat operattiv ta’ dik il-vettura bażi

—	fil-każ ta’ vettura bażi inkompleta relatata ma’ vettura kompletata, M hija l-massa ta’ monitoraġġ (Mmon) ta’ dik il-vettura bażi, determinata f’konformità mal-formula li ġejja:

Mmon = MRObase x B0

Fejn,

MRObase	hija l-massa fi stat operattiv tal-vettura bażi kkonċernata
B0	hija kif definita fil-punt 1.2.4(a) tal-Parti A tal-Anness III.”;

(2)

Fl-Anness III, il-Parti A hija emendata kif ġej:

(a)

il-punt 1.2 huwa sostitwit b’dan li ġej:

“1.2.

Vetturi kompletati rreġistrati bħala vetturi N1

1.2.1.

Rappurtar mill-Istati Membri

Il-format stabbilit fit-Taqsima 2 tal-Parti C għandu jintuża għar-rappurtar tad-data relatata mal-vetturi N1 kompletati.

In-numru ta’ identifikazzjoni tal-vettura msemmi fil-punt (o) tal-punt 1.1 ma għandux jiġi ppubblikat.

1.2.1.1.

1.2.1.1.Vetturi kompletati li jkollhom l-approvazzjoni tat-tip f’koformità mar-Regolament (KE) Nru 692/2008

Għas-sena kalendarja 2020, l-Istati Membri għandhom jirreġistraw id-data dettaljata li ġejja fir-rigward ta’:

(a)

il-vettura bażi inkompleta: id-data speċifikata fil-punti (a), (b), (c), (d), (e), (g), (h), (i), (n) u (o) tal-punt 1.1, jew, minflok id-data speċifikata fil-punti (h) u (i), il-massa miżjuda prestabbilita pprovduta bħala parti mill-informazzjoni tal-approvazzjoni tat-tip speċifikata fil-punt 2.17.2 tal-Anness I tad-Direttiva 2007/46/KE;

(b)	il-vettura bażi kompluta: id-data speċifikata fil-punti (a), (b), (c), (d), (e), (g), (h), (i), (n) u (o) tal-punt 1.1;

(c)	il-vettura kompletata: id-data speċifikata fil-punti (a), (f), (g), (h), (j), (k), (l), (m) u (o) tal-punt 1.1.

Jekk id-data msemmija fil-punt (a) u (b) tal-ewwel subparagrafu ma tkunx tista’ tiġi pprovduta għall-vettura bażi, l-Istati Membri għandhom minflok jipprovdu d-data dwar il-vettura kompletata.

1.2.1.2.

1.2.1.2.Vetturi kompletati tal-kategorija N1 li jkollhom l-approvazzjoni tat-tip f’konformità mal-Anness XXI tar-Regolament (UE) 2017/1151

Għal kull vettura kompletata ġdida rreġistrata fl-2020 u fis-snin kalendarji sussegwenti, l-Istati Membri għandhom bħala minimu jirrappurtaw id-data dettaljata speċifikata fil-punti (a), (f), (g), (h), (o), (p) u (r) tal-punt 1.1.

1.2.2.

1.2.2.Rappurtar mill-manifatturi

Għal kull vettura kompletata ġdida tal-kategorija N1, li jkollha l-approvazzjoni tat-tip f’konformità mal-Anness XXI tar-Regolament (UE) 2017/1151 u rreġistrata fl-2020 u fis-snin kalendarji sussegwenti, il-manifattur tal-vettura bażi relatata għandu jirrapporta lill-Kummissjoni sat-28 ta’ Frar ta’ kull sena, mill-2021’il quddiem, id-data li ġejja relatata mal-vettura bażi:

(a)

fejn il-vettura kompletata tkun ibbażata fuq vettura bażi inkompleta:

(i)	in-numru ta’ identifikazzjoni tal-vettura;

(ii)	l-identifikatur tal-familja tal-vettura kif imsemmi fil-paragrafu 5.0 tal-Anness XXI tar-Regolament (UE) 2017/1151;

(iii)

l-emissjonijiet ta’ CO2 ta’ monitoraġġ iddeterminati f’konformità mal-punt 1.2.4;

(iv)	l-erja ta’ quddiem, u tiġi speċifikata l-għażla applikabbli kif imsemmija fil-punt 1.2.4(c);

(v)	ir-reżistenza għad-dawrien, kif imsemmi fil-punt 1.2.4 (b);

(vi)	il-massa ta’ monitoraġġ, iddeterminata f’konformità mal-punt 4.1 tal-Parti B tal-Anness I;

(vii)

il-massa fi stat operattiv;

(viii)

il-massa rappreżentattiva tat-tagħbija tal-vettura kif definita fil-punt 1.2.4(a).

(b)

fejn il-vettura kompletata tkun ibbażata fuq vettura bażi kompluta:

(i)	in-numru ta’ identifikazzjoni tal-vettura;

(ii)	l-identifikatur tal-familja tal-vettura kif imsemmi fil-punt (a)(ii) ta’ dan il-paragrafu;

(iii)

l-emissjonijiet speċifiċi ta’ CO2 tal-vettura bażi;

(iv)	il-massa fi stat operattiv.

1.2.3.

Kalkolu tal-emissjonijiet speċifiċi medji ta’ CO2 u l-mira tal-emissjonijiet speċifiċi

Il-Kummissjoni għandha tuża l-valuri rrappurtati mill-manifattur tal-vettura bażi f’konformità mal-punt 1.2.2 biex tikkalkula l-emissjonijiet speċifiċi medji tagħha ta’ CO2 u l-mira tal-emissjonijiet speċifiċi fis-sena kalendarja li fiha tkun irreġistrata l-vettura kompletata relatata, ħlief meta l-kundizzjonijiet imsemmija fil-punt 1.2.5 jiġu ssodisfati, f’liema każ għandha tintuża d-data għall-vetturi kompletati.

Meta d-data msemmija fil-punt 1.2.2 ma tkunx ġiet irrappurtata mill-manifattur tal-vettura bażi, l-emissjonijiet speċifiċi ta’ CO2 irrappurtati mill-Istati Membri f’konformità mal-punt 1.2.1 fir-rigward tal-vettura kompletata relatata għandhom jintużaw biex jiġu kkalkolati l-emissjonijiet speċifiċi medji ta’ CO2 u l-mira għall-emissjonijiet speċifiċi tal-manifattur ikkonċernat.

1.2.4.

Kalkolu tal-emissjonijiet ta’ monitoraġġ ta’ CO2 fil-każ ta’ vetturi bażi inkompleti

Sa mill-bidu tas-sena kalendarja 2020, il-manifattur għandu jikkalkula l-emissjonijiet ta’ CO2 ta’ monitoraġġ għal kull waħda mill-vetturi bażi inkompleti individwali tiegħu, f’konformità mal-metodu ta’ interpolazzjoni msemmi fil-punti 3.2.3.2 jew 3.2.4 tas-Sub-Anness 7 tal-Anness XXI tar-Regolament (UE) 2017/1151, billi juża l-istess metodu bħal dak applikat għall-approvazzjoni tat-tip tal-KE tal-vettura bażi fir-rigward tal-emissjonijiet tagħha, fejn it-termini għandhom ikunu kif definiti f’dawk il-punti bl-eċċezzjonijiet li ġejjin:

(a)

Massa tal-vettura individwali

It-terminu “TMin d” imsemmi fil-punti 3.2.3.2.2.1. jew 3.2.4.1.1.1 tas-Sub-Anness 7 tal-Anness XXI tar-Regolament (UE) 2017/1151 għandu jiġi sostitwit bil-massa prestabbilita tal-vettura bażi, DMbase. Meta d-DMbase tkun aktar baxxa mill-massa tat-test tal-vehicle low, it-TML tal-familja ta’ interpolazzjoni, it-terminu TMind għandu jiġi sostitwit b’TML. Meta d-DMbase tkun ogħla mill-massa tat-test tal-vehicle high, it-TMH tal-familja ta’ interpolazzjoni, it-terminu TM ind għandu jiġi sostitwit b’TMH.

Id-DMbase għandha tiġi ddeterminata f’konformità mal-formula li ġejja:

DMbase = MRObase × B0 + 25 kg + MVL

Fejn,

MRObase	hija l-massa fi stat operattiv tal-vettura bażi kif definita fil-punt 3.2.5 tal-Anness XXI tar-Regolament (UE) 2017/1151;
B0	hija l-valur tal-massa tal-karozzerija ta’ 1,375;
MVL	hija l-massa rappreżentattiva tat-tagħbija tal-vettura, li tfisser 28 fil-mija tat-tagħbija massima tal-vettura fejn it-tagħbija massima tal-vettura hija definita bħala l-massa massima mgħobbija teknikament permissibbli mnaqqsa bil-massa fi stat operattiv tal-vettura bażi mmultiplikata b’B0, u mnaqqsa b’25 kg.

Il-valur ta’ B0 għandu jiġi aġġustat sal-31 ta’ Ottubru 2021 fuq il-bażi tal-massa fi stat operattiv tal-vetturi bażi inkompleti għall-vetturi kompletati kollha rreġistrati fis-snin kalendarji 2018, 2019 u 2020, ikkalkulat f’konformità mal-formuli ta’ hawn taħt. Il-valur il-ġdid ta’ M0 għandu japplika mill-1 ta’ Jannar 2022 sal-31 ta’ Diċembru 2024.

Il-Formula 1:

Fejn,

Ai	hija l-valur Ay kif ikkalkulat fil-Formula 2 għas-sena kalendarja rilevanti
ni	hija l-għadd ta’ vetturi bażi inkompleti relatati mal-vetturi kompletati rreġistrati fis-sena kalendarja

Il-Formula numru 2:

Fejn,

Ay	hija l-medja tal-proporzjon bejn Mfi u Mbi għal kull waħda mis-snin kalendarji 2018 sal-2020;
Mfi	hija l-massa tal-vettura ta’ bażi mhux kompluta lesta biex taħdem biż-żieda tal-massa speċifika miżjuda, kif definita fit-Taqsima 5 tal-Anness XII tar-Regolament (KE) Nru 692/2008;
Mbi	hija l-massa fi stat operattiv tal-vettura bażi inkompleta;
n	hija l-għadd ta’ vetturi bażi inkompleti relatati mal-vetturi kompletati rreġistrati fis-sena kalendarja.

(b)	Ir-reżistenza għad-dawrien tal-vettura individwali Ir-reżistenza għad-dawrien tal-vettura bażi għandha tintuża għall-finijiet tal-punt 3.2.3.2.2.2 jew 3.2.4.1.1.2 tas-Sub-Anness 7 tal-Anness XXI tar-Regolament (UE) 2017/1151.

(c)

Erja ta’ quddiem

Fil-każ ta’ vettura bażi inkompleta li tappartjeni għal familja tal-matriċi tat-tagħbija fit-triq, il-manifattur għandu jiddetermina t-terminu “Af” imsemmi fil-punt 3.2.3.2.2.3 tas-Sub-Anness 7 tal-Anness XXI tar-Regolament (UE) 2017/1151 f’konformità ma’ waħda mill-għażliet li ġejjin:

(i)	l-erja ta’ quddiem tal-vettura rappreżentattiva tal-familja tal-matriċi tat-tagħbija fit-triq, f’m2;

(ii)	il-medja tal-erja ta’ quddiem tal-vehicle high u tal-vehicle low tal-familja ta’ interpolazzjoni, f’m2;

(iii)

l-erja ta’ quddiem tal-vehicle high tal-familja ta’ interpolazzjoni, f’każ li ma jintużax il-metodu ta’ interpolazzjoni, f’m2.

Fil-każ ta’ vettura bażi inkompleta li ma tappartjenix għal familja tal-matriċi tat-tagħbija fit-triq, għandu jintuża l-valur tal-erja ta’ quddiem tal-vehicle high tal-familja ta’ interpolazzjoni.

1.2.5.

Rappreżentattività tal-valur tas-CO2 ta’ monitoraġġ

Kull sena, il-Kummissjoni għandha tivvaluta r-rappreżentanza tal-medja tal-emissjonijiet ta’ CO2 ta’ monitoraġġ irrapportati mill-manifattur tal-vettura bażi kif imqabbla mal-medja tal-emissjonijiet speċifiċi ta’ CO2 tal-vetturi kompletati relatati rreġistrati fis-sena kalendarja rilevanti. Il-Kummissjoni għandha tinforma lill-manifattur tal-vettura bażi bid-diverġenza li nstabet bejn dawk il-valuri.

F’każ li tinstab diverġenza ta’ 4 % jew aktar matul kull waħda minn sentejn kalendarji konsekuttivi, il-Kummissjoni għandha tuża l-medja tal-emissjonijiet speċifiċi ta’ CO2 tal-vetturi kompletati fis-sena kalendarja sussegwenti biex tikkalkula l-emissjonijiet speċifiċi medji ta’ CO2 tal-manifattur tal-vettura bażi jew tal-konsorzju f’dik is-sena.”

(b)

il-punt 2 huwa sostitwit b’dan li ġej:

“2.

Id-dettalji msemmija fil-punt 1 għandhom jittieħdu miċ-ċertifikat ta’ konformità maħruġ mill-manifattur tal-vettura kummerċjali ħafifa rilevanti jew ikunu konsistenti miegħu. Għal dawk id-dettalji li mhumiex disponibbli fiċ-ċertifikat ta’ konformità, għandhom jittieħdu d-dettalji mid-dokumentazzjoni tal-approvazzjoni tat-tip jew mill-informazzjoni rrapportata mill-manifattur tal-vettura bażi skont il-punt 1.2.3. L-Istati Membri għandhom jimplimentaw il-miżuri meħtieġa biex jiżguraw akkuratezza adegwata fil-proċedura ta’ monitoraġġ. Meta ċ-ċertifikat ta’ konformità jispeċifika kemm il-massa minima kif ukoll dik massima għal vettura kummerċjali ħafifa, l-Istati Membri għandhom jużaw iċ-ċifra massima biss għall-fini ta’ dan ir-Regolament. Fil-każ ta’ vetturi li jaħdmu b’żewġ tipi ta’ fjuwil (petrol/gass), li ċ-ċertifikati ta’ konformità tagħhom ikollhom ċifri speċifiċi tal-emissjonijiet ta’ CO2 għaż-żewġ tipi ta’ fjuwil, l-Istati Membri għandhom jużaw biss iċ-ċifra mkejla għall-gass.”

14.1.2020

Il-Ġurnal Uffiċjali tal-Unjoni Ewropea

L 8/12

REGOLAMENT TA’ IMPLIMENTAZZJONI TAL-KUMMISSJONI (UE) 2020/24

tat-13 ta’ Jannar 2020

li jawtorizza estensjoni tal-użu taż-żrieragħ taċ-chia (Salvia hispanica) bħala ikel ġdid u l-bidla tal-kundizzjonijiet tal-użu u r-rekwiżiti speċifiċi tat-tikkettar taż-żrieragħ taċ-chia (Salvia hispanica) skont ir-Regolament (UE) 2015/2283 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2017/2470

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari l-Artikolu 12 tiegħu,

Billi:

(1)	Ir-Regolament (UE) 2015/2283 jipprevedi li l-ikel ġdid awtorizzat u inkluż fil-lista tal-Unjoni biss jista’ jitqiegħed fis-suq fl-Unjoni.

(2)	Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat.

(3)	Skont l-Artikolu 12 tar-Regolament (UE) 2015/2283, il-Kummissjoni trid tissottometti abbozz ta’ att ta’ implimentazzjoni li jawtorizza t-tqegħid fis-suq tal-Unjoni ta’ ikel ġdid u li jaġġorna l-lista tal-Unjoni.

(4)	Id-Deċiżjoni tal-Kummissjoni 2009/827/KE (3) awtorizzat, f’konformità mar-Regolament (KE) Nru 258/97, it-tqegħid taż-żrieragħ taċ-chia (Salvia hispanica) fis-suq tal-Unjoni bħala ingredjent tal-ikel ġdid biex jintuża fi prodotti tal-ħobż.

(5)

Id-Deċiżjoni ta’ Implimentazzjoni tal-Kummissjoni 2013/50/UE (4) awtorizzat, f’konformità mar-Regolament (KE) Nru 258/97, l-estensjoni tal-użu taż-żrieragħ taċ-chia (Salvia hispanica) bħala ikel ġdid biex jintuża fil-kategoriji tal-ikel addizzjonali kif ġej: prodotti moħmija; ċereali tal-kolazzjon; taħlitiet tal-frott, tal-ġewż u taż-żrieragħ, u żrieragħ taċ-chia ppakkjati minn qabel.

(6)

Fit-18 ta’ Settembru 2015, inħarġet ittra ta’ awtorizzazzjoni mill-awtorità kompetenti tal-Irlanda (5), f’konformità mar-Regolament (KE) Nru 258/97 tal-Parlament Ewropew u tal-Kunsill (6), għal estensjoni tal-użu taż-żrieragħ taċ-chia (Salvia hispanica) bħala ikel ġdid biex jintuża f’kategoriji addizzjonali ta’ ikel, speċifikament, f’xorb magħmul minn taħlita ta’ meraq tal-frott u xorb magħmul minn taħlita ta’ frott/ħaxix.

(7)

Fis-17 ta’ Ottubru 2017, inħarġet ittra ta’ awtorizzazzjoni mill-awtorità kompetenti tal-Awstrija (7), f’konformità mar-Regolament (KE) Nru 258/97, għal estensjoni tal-użu taż-żrieragħ taċ-chia (Salvia hispanica) bħala ikel ġdid biex jintużaw f’kategorija addizzjonali tal-ikel, speċifikament, pejsts tal-frott.

(8)

Fit-2 ta’ Novembru 2017, inħarġet ittra ta’ awtorizzazzjoni mill-awtorità kompetenti ta’ Spanja (8), f’konformità mar-Regolament (KE) Nru 258/97, għal estensjoni tal-użu taż-żrieragħ taċ-chia (Salvia hispanica) bħala ikel ġdid biex jintużaw f’kategoriji addizzjonali tal-ikel, speċifikament, platti ppreparati sterilizzati abbażi ta’ ħbub taċ-ċereali, ħbub psewdoċerealiċi u/jew bus u ħemes.

(9)	Id-Deċiżjoni ta’ Implimentazzjoni tal-Kummissjoni (UE) 2017/2354 (9) awtorizzat, f’konformità mar-Regolament (KE) Nru 258/97, estensjoni tal-użu taż-żrieragħ taċ-chia (Salvia hispanica) bħala ikel ġdid biex jintużaw f’kategorija addizzjonali tal-ikel, speċifikament, fil-jogurt.

(10)

Fit-13 ta’ April 2017, il-kumpanija Zentis GmbH & Co. KG ressqet talba f’konformità mal-Artikolu 4 tar-Regolament (KE) Nru 258/97 lill-awtorità kompetenti tal-Ġermanja biex tbiddel il-kundizzjonijiet tal-użu taż-żrieragħ taċ-chia bħala ikel ġdid (Salvia hispanica). L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategoriji addizzjonali tal-ikel, speċifikament, deżerti tal-frott, frott imħallat mal-ħalib tal-ġewż tal-Indi li jinsabu f’kontenitur b’żewġ kompartimenti, preparazzjonijiet tal-frott li jservu ta’ bażi għall-prodotti tal-ħalib u preparazzjonijiet tal-frott li jiġu mħallta ma’ prodotti tal-ħalib, u biex jiżdied il-livell tal-użu massimu ta’ żrieragħ taċ-chia (Salvia hispanica) f’kategorija tal-ikel diġà awtorizzata, speċifikament il-pejsts tal-frott.

(11)

Fit-12 ta’ Settembru 2017, il-kumpanija Sanchis Mira S.A. ressqet talba f’konformità mal-Artikolu 4 tar-Regolament (KE) Nru 258/97 lill-awtorità kompetenti ta’ Spanja għal estensjoni tal-użu taż-żrieragħ taċ-chia (Salvia hispanica) bħala ikel ġdid fiċ-ċikkulata. Fil-25 ta’ Settembru 2017, l-awtorità kompetenti ta’ Spanja ħarġet ir-rapport ta’ valutazzjoni inizjali tagħha. F’dak ir-rapport, l-awtorità kkonkludiet li l-estensjoni tal-użu u l-livell tal-użu massimu propost taż-żrieragħ taċ-chia (Salvia hispanica) jissodisfaw il-kriterji għal ikel ġdid stabbiliti fl-Artikolu 3(1) tar-Regolament (KE) Nru 258/97.

(12)

Fis-17 ta’ Ottubru 2017, il-Kummissjoni għaddiet ir-rapport ta’ valutazzjoni inizjali lill-Istati Membri l-oħra. Stat Membru wieħed qajjem oġġezzjonijiet, u qajjem dubji dwar is-sikurezza ġenerali tal-ikel ġdid fid-dawl tal-valutazzjoni mill-Bord tal-NDA tal-Awtorità Ewropea dwar is-Sigurtà fl-Ikel (“l-Awtorità”) tal-2009 (10), li saret minħabba li l-konsum djetetiku taż-żrieragħ taċ-chia (Salvia hispanica) dejjem qiegħed jiżdied mill-għadd dejjem jikber ta’ użi awtorizzati. L-Istat Membru li qed joġġezzjona enfasizza li filwaqt li l-użi individwali, inkluż l-użu propost fiċ-ċikkulata għal 3 %, jista’ jkun sikur, hemm bżonn li jiġi vvalutat il-konsum djetetiku ġenerali mill-użi awtorizzati kollha sa mill-2009, inkluża t-talba attwali għall-estensjoni tal-użu, u jekk hemm bżonn, tiġi riveduta l-valutazzjoni tas-sikurezza tal-Bord NDA tal-2009.

(13)

Skont l-Artikolu 35(1) tar-Regolament (UE) 2015/2283, kwalunkwe talba għat-tqegħid ta’ ikel ġdid fis-suq tal-Unjoni li titressaq lil Stat Membru f’konformità mal-Artikolu 4 tar-Regolament (KE) Nru 258/97, u li dwarha ma tkunx ittieħdet id-deċiżjoni finali qabel l-1 ta’ Jannar 2018, għandha tiġi ttrattata bħala applikazzjoni li tressqet skont ir-Regolament (UE) 2015/2283.

(14)	Filwaqt li t-talbiet għall-estensjoni tal-użu taż-żrieragħ taċ-chia (Salvia hispanica) tressqu lill-Istati Membri f’konformità mal-Artikolu 4 tar-Regolament (KE) Nru 258/97, l-applikazzjonijiet jissodisfaw ukoll ir-rekwiżiti stabbiliti fir-Regolament (UE) 2015/2283.

(15)

Fit-2 ta’ Frar 2018, il-kumpanija Parry’s Pots Limited (PPL) talbet lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiżdied il-livell ta’ użu massimu taż-żrieragħ taċ-chia (Salvia hispanica) f’kategorija tal-ikel diġà awtorizzata, speċifikament, il-pejsts tal-frott.

(16)

Fit-12 ta’ Ġunju 2018, il-kumpanija Naturkost Übelhör GmbH & Co. KG talbet lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategoriji addizzjonali tal-ikel, speċifikament, iċ-ċikkulata u l-prodotti taċ-ċikkulata.

(17)

Fil-15 ta’ Ġunju 2018, il-kumpanija Majami Sp.zo.o.Sp.k. talbet lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategorija tal-ikel addizzjonali, speċifikament, il-prodotti tal-ħelu.

(18)

Fis-16 ta’ Lulju 2018, il-kumpanija The Chia Co talbet lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategoriji addizzjonali tal-ikel kif ġej: prodotti tal-ħelu, ħlief chewing gums; prodotti tal-ħalib u analogi; silġ li jittiekel; prodotti tal-frott u tal-ħxejjex; ċereali u prodotti taċ-ċereali; oġġetti moħmija; ħxejjex aromatiċi, ħwawar, sopop u brodi, zlazi, insalati, pejsts mielħa għal mal-ħobż u prodotti tal-proteina; ikel sostitut tad-dieta kollha għall-kontroll tal-piż; ikel li fih dikjarazzjonijiet dwar in-nuqqas jew il-preżenza mnaqqsa tal-glutina; xarbiet mhux alkoħoliċi; oġġetti melħin u ikliet ħfief lesti biex jittieklu; u deżerti.

(19)

Fit-3 ta’ Awwissu 2018, il-kumpanija Materne SAS ressqet talba lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategoriji addizzjonali tal-ikel, speċifikament, compotes tal-frott u/jew tal-ħxejjex u/jew biċ-ċereali.

(20)

Fid-9 ta’ Jannar 2019, il-kumpanija RFH Produktion AB ressqet talba lill-Kummissjoni biex jinbidlu l-kundizzjonijiet tal-użu taż-żrieragħ taċ-chia (Salvia hispanica) bħala ikel ġdid, fis-sens tal-Artikolu 10(1) tar-Regolament (UE) 2015/2283. L-applikazzjoni talbet li jiġi estiż l-użu taż-żrieragħ taċ-chia (Salvia hispanica) f’kategorija tal-ikel addizzjonali, speċifikament, il-pudini.

(21)

F’konformità mal-Artikolu 10(3) tar-Regolament (UE) 2015/2283 u fid-dawl tal-għadd dejjem jikber ta’ talbiet għall-awtorizzazzjoni ta’ diversi użi estiżi ta’ żrieragħ taċ-chia (Salvia hispanica), l-użi awtorizzati ġodda f’dawn l-aħħar snin, u ż-żieda potenzjali li tirriżulta mill-konsum djetetiku taż-żrieragħ taċ-chia (Salvia hispanica), il-Kummissjoni kkonsultat lill-Awtorità fis-16 ta’ Lulju 2018, fejn talbitha twettaq valutazzjoni dwar l-esponiment djetetiku ġenerali għall-estensjonijiet potenzjali kollha tal-użu taż-żrieragħ taċ-chia (Salvia hispanica) bħala ikel ġdid.

(22)	Fl-14 ta’ Marzu 2019, l-Awtorità adottat l-opinjoni xjentifika “Is-sikurezza taż-żrieragħ taċ-chia (Salvia hispanica L.) bħala ikel ġdid għal użi estiżi skont ir-Regolament (UE) 2015/2283” (11). Dik l-opinjoni hija konformi mar-rekwiżiti tal-Artikolu 11 tar-Regolament (UE) 2015/2283.

(23)

F’dik l-opinjoni, l-Awtorità kkonkludiet, bi tweġiba għat-talba tal-Kummissjoni għal valutazzjoni ġenerali tas-sigurtà mingħajr restrizzjonijiet jew prekawzjonijiet rigward il-livelli tal-użu, li l-użu taż-żrieragħ taċ-chia (Salvia hispanica) f’ikel li waqt il-manifattura, l-ipproċessar jew il-preparazzjoni tiegħu, ma jirrikjedix trattament bis-sħana ta’ 120 °C jew iktar, inkluż ikel bhaċ-ċikkulata, il-pejsts tal-frott, id-deżerti tal-frott, il-frott imħallat mal-ħalib tal-ġewż tal-Indi f’kontenitur b’żewġ kompartimenti, il-preparazzjonijiet tal-frott li jkunu ta’ bażi għall-prodotti tal-ħalib, il-preparazzjonijiet tal-frott biex jitħalltu ma’ prodotti tal-ħalib, il-prodotti tal-ħelu (li ma jinkludux iċ-chewing gum), il-prodotti tal-ħalib u analogi, is-silġ li jittiekel, il-prodotti tal-frott u tal-ħxejjex, ix-xorb mhux alkoħoliku u l-compotes minn frott u/jew ħaxix u/jew biċ-ċereali, huma sikuri mingħajr restrizzjonijiet u prekawzjonijiet speċifiċi rigward il-livelli tal-użu tagħhom. Għaldaqstant, dik l-opinjoni xjentifika tagħti raġunijiet suffiċjenti biex tistabbilixxi li l-użi msemmija hawn fuq taż-żrieragħ taċ-chia (Salvia hispanica) huma konformi mar-rekwiżiti tal-Artikolu 12(1) tar-Regolament (UE) 2015/2283. B’hekk huwa xieraq li l-kundizzjonijiet tal-użu taż-żrieragħ taċ-chia (Salvia hispanica), kif inhuma elenkati fil-lista tal-Unjoni ta’ ikel ġdid li huwa awtorizzat, jiġu emendati sabiex jinkludu l-kategoriji tal-ikel kollha msemmija hawn fuq, u biex jitneħħa l-issettjar tal-livelli massimi kif ukoll ir-rekwiżit ta’ tikkettar speċifiku korrispondenti relatat mal-konsum massimu ta’ kuljum. Barra minn hekk, għalkemm l-użu taż-żrieragħ taċ-chia (Salvia hispanica) fil-pudini ma ġiex inkluż b’mod espliċitu fil-valutazzjoni tal-Awtorità, l-opinjoni tagħti raġunijiet suffiċjenti biex tiġi awtorizzata wkoll l-estensjoni tal-użu taż-żrieragħ taċ-chia (Salvia hispanica) għall-pudini li fil-manifattura, fl-ipproċessar jew fil-preparazzjoni tagħhom ma jirrikjedux trattament bis-sħana ta’ 120 °C jew iktar. Il-pudini jridu jitqiesu bħala subkategorija ta’ prodotti normalment magħrufa bħala deżerti, li s-soltu jingħataw togħma u jkunu ħelwin.

(24)

Fl-istess opinjoni, l-Awtorità qieset studju wieħed, li l-Awtorità sabet hi stess mid-dokumentazzjoni xjentifika disponibbli pubblikament, u li ma kienx parti mill-evidenza mressqa mill-applikanti bħala sostenn għall-estensjonijiet proposti tal-użu taż-żrieragħ taċ-chia (Salvia hispanica), li indikaw il-formazzjoni possibbli tal-akrilammid meta ż-żrieragħ taċ-chia (Salvia hispanica) jintużaw f’ikel li fil-manifattura, fl-ipproċessar jew fil-preparazzjoni tagħhom jirrikjedu trattament bis-sħana ta’ 120 °C jew iktar.

(25)

F’dik l-opinjoni, l-Awtorità qieset li hija meħtieġa informazzjoni addizzjonali mingħand l-applikanti u/jew mid-dominju pubbliku, biex jiġi indirizzat il-potenzjal għall-formazzjoni tal-akrilammid meta ikel li jkun fih iż-żrieragħ taċ-chia (Salvia hispanica) jingħata trattament bis-sħana ta’ 120 °C jew iktar. F’konformità mal-Artikolu 11(4) tar-Regolament (UE) 2015/2283, l-Awtorità talbet informazzjoni addizzjonali mingħand l-applikant rilevanti dwar il-formazzjoni potenzjali tal-kontaminanti tal-proċess li tista’ tiġi ffurmata matul l-ipproċessar u l-produzzjoni ta’ ikel (fil-livell tal-manifattur) u/jew meta ikel li tiżdiedlu ż-żrieragħ taċ-chia (Salvia hispanica) huwa suġġett għal tisjir (trattament bis-sħana fil-livell tal-konsumatur). Il-perjodu stabbilit għall-provvediment tal-informazzjoni addizzjonali jispiċċa f’Marzu 2020. Fin-nuqqas ta’ informazzjoni ta’ din it-tip fl-applikazzjonijiet ippreżentati, l-Awtorità ddifferiet l-evalwazzjoni ta’ dawk l-estensjonijiet tal-użu ta’ żrieragħ taċ-chia (Salvia hispanica) f’ikel li fil-manifattura, fl-ipproċessar jew fil-preparazzjoni tiegħu jirrikjedi trattament bis-sħana ta’ 120 °C jew iktar (prodotti tal-forn, ċereali u prodotti taċ-ċereali, ħxejjex aromatiċi, ħwawar, taħwir tal-ikel, sopop u brodijiet, zlazi, insalati, pejsts mielħa għal mal-ħobż, prodotti tal-proteina, ikel maħsub bħala sostitut tad-dieta kollha għall-kontroll tal-piż kif definit fir-Regolament (UE) Nru 609/2013 tal-Parlament Ewropew u tal-Kunsill (12), ikel li juri dikjarazzjonijiet dwar in-nuqqas jew il-preżenza mnaqqsa ta’ glutina f’konformità mar-rekwiżiti tar-Regolament ta’ Implimentazzjoni tal-Kummissjoni (UE) Nru 828/2014 (13), ikel ħafif u mielaħ jew deżerti lesti biex jittieklu) sa meta l-informazzjoni addizzjonali ssir disponibbli. Dan wara li l-Kummissjoni, f’dan l-istadju, ma għandhiex għad-dispożizzjoni tagħha l-opinjoni tal-Awtorità meħtieġa skont l-Artikolu 12(1) (a) u (c) tar-Regolament (UE) 2015/2283 għall-approvazzjoni tal-estensjoni tal-użi li jinvolvu t-trattament taż-żrieragħ taċ-chia (Salvia hispanica) ta’ 120 °C jew aktar. B’hekk, se tittieħed deċiżjoni oħra dwar dawn l-użi wara l-pubblikazzjoni tal-opinjoni rilevanti tal-Awtorità.

(26)

L-opinjoni tal-Awtorità identifikat ukoll żewġ rapporti ta’ każijiet, mid-dokumentazzjoni xjentifika disponibbli, ta’ rabta bejn il-konsum ta’ żrieragħ taċ-chia (Salvia hispanica) u reazzjonijiet allerġiċi, u abbażi ta’ din l-evidenza kkonkludiet li l-konsum taż-żrieragħ taċ-chia (Salvia hispanica) jista’ jipprovoka reazzjonijiet allerġiċi. Meta wieħed iqis li, sal-lum, ġew irrapportati biss dawk iż-żewġ każijiet ta’ allerġiji, fid-dawl tal-konsum vast taż-żrieragħ taċ-chia (Salvia hispanica) u l-preżenza tagħhom fl-Unjoni kif ukoll fis-suq globali għal ħafna snin, il-Kummissjoni tqis li l-ebda rekwiżit ta’ tikkettar speċifiku dwar ir-reazzjonijiet allerġiċi potenzjali mal-konsum ta’ żrieragħ taċ-chia (Salvia hispanica) ma jenħtieġ li jiġi inkluż fil-lista tal-Unjoni ta’ ikel ġdid awtorizzat, sakemm tinkiseb aktar evidenza xjentifika dwar il-potenzjal allerġeniku taż-żrieragħ taċ-chia (Salvia hispanica) li tinkiseb u tiġi vvalutata mill-Awtorità.

(27)	Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

1. L-entrata fil-lista tal-Unjoni ta’ ikel ġdid awtorizzat, kif previst fl-Artikolu 6 tar-Regolament (UE) 2015/2283, u inkluża fir-Regolament ta’ Implimentazzjoni (UE) 2017/2470, li tirreferi għaż-żrieragħ taċ-chia (Salvia hispanica) bħala ikel ġdid, hija emendata kif speċifikat fl-Anness ta’ dan ir-Regolament.

2. L-entrata fil-lista tal-Unjoni msemmija fil-paragrafu 1 għandha tinkludi l-kundizzjonijiet tal-użu u r-rekwiżiti tat-tikkettar stipulati fl-Anness ta’ dan ir-Regolament.

Artikolu 2

L-Anness tar-Regolament ta’ Implimentazzjoni (UE) 2017/2470 huwa emendat f’konformità mal-Anness ta’ dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Jannar 2020.

Għall-Kummissjoni

Il-President

Ursula VON DER LEYEN

(1) ĠU L 327, 11.12.2015, p. 1.

(2) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).

(3) Id-Deċiżjoni tal-Kummissjoni 2009/827/KE tat-13 ta’ Ottubru 2009 li tawtorizza t-tqegħid fis-suq taż-żrieragħ tal-Chia (Salvia hispanica) bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill (ĠU L 294, 11.11.2009, p. 14).

(4) Id-Deċiżjoni ta’ Implimentazzjoni tal-Kummissjoni 2013/50/UE tat-22 ta’ Jannar 2013 li tawtorizza estensjoni tal-użu taż-żerriegħa tal-Chia (Salvia hispanica) bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (ĠU L 21, 24.1.2013, p. 34).

(5) Ittra tat-18 ta’ Settembru 2015 (https://ec.europa.eu/food/sites/food/files/safety/docs/novel-food_authorisation_2015_auth-letter_chia-seeds-2_mt.pdf).

(6) Ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (ĠU L 43, 14.2.1997, p. 1).

(7) Ittra tas-17 ta’ Ottubru 2017 (https://ec.europa.eu/food/sites/food/files/safety/docs/novel-food_authorisation_2017_auth-letter_chia-seeds_mt.pdf).

(8) Ittra tat-2 ta’ Novembru 2017 (https://ec.europa.eu/food/sites/food/files/safety/docs/novel-food_authorisation_2017_auth-letter_chia-seeds-ext-steri_mt.pdf).

(9) Id-Deċiżjoni ta’ Implimentazzjoni tal-Kummissjoni (UE) 2017/2354 tal-14 ta’ Diċembru 2017 li tawtorizza l-estensjoni tal-użu taż-żrieragħ taċ-Chia (Salvia hispanica) bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (ĠU L 336, 16.12.2017, p. 49).

(10) EFSA Journal 2009; 7(4):996.

(11) EFSA Journal 2019; 17(4):5657.

(12) Ir-Regolament (UE) Nru 609/2013 tal-Parlament Ewropew u tal-Kunsill tat-12 ta’ Ġunju 2013 dwar ikel maħsub għat-trabi u t-tfal żgħar, ikel għal skopijiet mediċi speċjali, u bħala sostitut tad-dieta kollha għall-kontroll tal-piż u li jħassar id-Direttiva tal-Kunsill 92/52/KEE, id-Direttivi tal-Kummissjoni 96/8/KE, 1999/21/KE, 2006/125/KE u 2006/141/KE, id-Direttiva 2009/39/KE tal-Parlament Ewropew u tal-Kunsill u r-Regolamenti tal-Kummissjoni (KE) Nru 41/2009 u (KE) Nru 953/2009 (ĠU L 181, 29.6.2013, p. 35).

(13) Ir-Regolament ta’ Implimentazzjoni tal-Kummissjoni (UE) Nru 828/2014 tat-30 ta’ Lulju 2014 dwar ir-rekwiżiti għall-għoti ta’ informazzjoni lill-konsumaturi rigward in-nuqqas jew il-preżenza mnaqqsa ta’ glutina fl-ikel (ĠU L 228, 31.7.2014, p. 5).

ANNESS

L-entrata għal “Żerriegħa taċ-chia (Salvia hispanica)” fit-Tabella 1 (Ikel ġdid awtorizzat) fl-Anness tar-Regolament ta’ Implimentazzjoni (UE) 2017/2470 hija sostitwita b’dan li ġej:

Ikel ġdid awtorizzat	Kundizzjonijiet fejn jista’ jintuża l-ikel ġdid		Rekwiżiti addizzjonali tat-tikkettar speċifiku	Rekwiżiti oħrajn
“Żrieragħ taċ-chia (Salvia hispanica)	Kategorija tal-ikel speċifikat	Livelli massimi	Id-denominazzjoni tal-ikel ġdid fuq it-tikkettar tal-oġġetti tal-ikel li fihom minn dan l-ikel għandha tkun ‘Żrieragħ taċ-chia (Salvia hispanica)’”
	Prodotti mill-ħobż	5 % (żrieragħ taċ-chia sħaħ jew mitħuna)
	Prodotti moħmija	10 % żrieragħ taċ-chia sħaħ
	Ċereali tal-kolazzjon	10 % żrieragħ taċ-chia sħaħ
	Ikliet sterilizzati lesti biex jittieklu magħmulin mill-ħbub taċ-ċereali, mill-ħbub psewdoċerealiċi u/jew mill-bus u mill-ħemes	5 % żrieragħ taċ-chia sħaħ
	Taħlitiet tal-frott, tal-ġewż u taż-żrieragħ
	Żrieragħ taċ-chia preimballata kif inhi
	Prodotti tal-ħelu (inklużi ċikkulata u prodotti taċ-ċikkulata), esklużi chewing gums
	Prodotti tal-ħalib (inkluż il-jogurt) u analogi
	Silġ li jittiekel
	Prodotti tal-frott u tal-ħaxix (inklużi pejsts tal-frott, compotes biċ-ċereali jew mingħajr, preparazzjonijiet tal-frott li jservu ta’ bażi jew biex jitħalltu ma’ prodotti tal-ħalib, deżerti tal-frott, frott imħallat mal-ħalib tal-ġewż tal-Indi għal kontenitur b’żewġ kompartimenti)
	Xarbiet mhux alkoħoliċi (inkluż meraq tal-frott u xorb b’taħlita ta’ frott/ħaxix)
	Pudini li ma jeħtiġux trattament bis-sħana ta’ 120 °C jew aktar fil-manifattura, fl-ipproċessar jew fil-preparazzjoni tagħhom

14.1.2020

Il-Ġurnal Uffiċjali tal-Unjoni Ewropea

L 8/18

REGOLAMENT TA’ IMPLIMENTAZZJONI TAL-KUMMISSJONI (UE) 2020/25

tat-13 ta’ Jannar 2020

li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta’ prodotti organiċi u li jħassar ir-Regolament (KEE) Nru 2092/91 (1), u b’mod partikolari l-Artikolu 33(2) u (3) u l-Artikolu 38(d) tiegħu,

Billi:

(1)

Ir-Regolament (UE) 2018/848 tal-Parlament Ewropew u tal-Kunsill (2) jistabbilixxi li l-iskema ta’ korpi ta’ kontroll u awtoritajiet ta’ kontroll rikonoxxuti mill-Kummissjoni abbażi tal-Artikolu 33(3) tar-Regolament (KE) Nru 834/2007, li jwettqu kontrolli u li joħorġu ċertifikati f’pajjiżi terzi għall-iskop ta’ importazzjoni ta’ prodotti b’garanziji ekwivalenti, se tiġi sostitwita minn skema ta’ korpi ta’ kontroll u awtoritajiet ta’ kontroll rikonoxxuti mill-Kummissjoni għall-iskop ta’ importazzjoni ta’ prodotti konformi. L-iskema l-ġdida ta’ importazzjoni prevista fir-Regolament (UE) 2018/848 se tapplika mill-1 ta’ Jannar 2021. Sabiex jiġi żgurat li l-kapaċitajiet amministrattivi meħtieġa jkunu disponibbli biex ikun hemm rikonoxximent f’waqtu tal-korpi ta’ kontroll u tal-awtoritajiet ta’ kontroll taħt l-iskema l-ġdida, jixraq li tiġi introdotta data finali biex jintlaqgħu talbiet ġodda għar-rikonoxximent tal-korpi ta’ kontroll u tal-awtoritajiet ta’ kontroll għall-iskop ta’ ekwivalenza skont l-Artikolu 10 tar-Regolament tal-Kummissjoni (KE) Nru 1235/2008 (3), u l-inklużjoni ta’ tali korpi ta’ kontroll u awtoritajiet ta’ kontroll fil-lista stabbilita fl-Anness IV ta’ dak ir-Regolament. It-talbiet li jaslu wara dik id-data jenħtieġ li ma jibqgħux ikunu ammissibbli.

(2)

Il-prodotti importati minn pajjiż terz jistgħu jitqiegħdu fis-suq tal-Unjoni bħala prodotti organiċi jekk ikunu koperti minn ċertifikat ta’ spezzjoni maħruġ mill-awtoritajiet kompetenti, mill-awtoritajiet ta’ kontroll jew mill-korpi ta’ kontroll ta’ pajjiż terz rikonoxxut jew minn awtorità ta’ kontroll rikonoxxuta jew minn korp ta’ kontroll rikonoxxut. Sabiex tiġi żgurata l-konformità mat-tieni subparagrafu tal-Artikolu 33(1) tar-Regolament (KE) Nru 834/2007, li jirrikjedi li jkun hemm iċ-ċertifikat ta’ spezzjoni mal-oġġetti fi triqthom lejn il-bini tal-ewwel destinatarju, u bil-ħsieb li tiġi żgurata t-traċċabbiltà tal-prodotti importati matul id-distribuzzjoni, inkluż it-trasport minn pajjiżi terzi, jenħtieġ li jiġi ċċarat li ċ-ċertifikat ta’ spezzjoni għandu jinħareġ mill-awtorità ta’ kontroll jew mill-korp ta’ kontroll rilevanti fil-mument li l-kunsinna titlaq mill-pajjiż terz tal-esportazzjoni jew tal-oriġini.

(3)

L-Anness III tar-Regolament tal-Kummissjoni (KE) Nru 1235/2008 jistabbilixxi l-lista ta’ pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika tal-prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(4)	Il-Ġappun informa lill-Kummissjoni li l-awtorità kompetenti tiegħu żiedet il-korp ta’ kontroll “Akatonbo” mal-lista ta’ korpi ta’ kontroll rikonoxxuti mill-Ġappun.

(5)

Ir-Repubblika tal-Korea infurmat lill-Kummissjoni li l-awtorità kompetenti tagħha bidlet l-isem ta’ “Neo environmentally-friendly” u l-isem u l-indirizz tal-Internet tal-“Association for Agricultural Products Quality Evaluation”. Ir-Repubblika tal-Korea infurmat ukoll lill-Kummissjoni li r-rikonoxximent tal-korp ta’ kontroll “Korea Agricultural Product and Food Certification” ġie rtirat.

(6)

L-Istati Uniti infurmaw lill-Kummissjoni li l-awtorità kompetenti tagħha żiedet seba’ korpi ta’ kontroll mal-lista ta’ korpi ta’ kontroll rikonoxxuti mill-Istati Uniti għall-fini tal-ekwivalenza skont l-Artikolu 33(2) tar-Regolament (KE) Nru 834/2007, speċifikament “CERES”, “EcoLOGICA S.A”, “Food Safety S.A.”, “IBD Certifications”, “Istituto per la Certificazione Etica e Ambientale (ICEA)”, “OnMark” u “Perry Johnson Registrar Food Safety, Inc.”. L-Istati Uniti talbet ukoll li “Global Culture”, “Global Organic Certification Services”, “Stellar Certification Services, Inc.”, “Institute for Marketecology (IMO)”, u “Basin and Range Organics (BARO)” jitneħħew mil-lista fl-Anness III tar-Regolament (KE) Nru 1235/2008.

(7)	L-Anness IV tar-Regolament (KE) Nru 1235/2008 jistabbilixxi l-lista tal-awtoritajiet ta’ kontroll u tal-korpi ta’ kontroll li għandhom il-kompetenza jwettqu kontrolli u joħorġu ċertifikati f’pajjiżi terzi għall-fini tal-ekwivalenza.

(8)

Il-Kummissjoni rċeviet u eżaminat talba minn “A CERT European Organization for Certification S.A.” sabiex ikunu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-kategoriji tal-prodotti A u D għall-Armenja, il-Ghana, il-Kosovo (4), il-Kuwajt, l-Oman, il-Perù, is-Sudan, l-Emirati Għarab Magħquda, l-Użbekistan u l-Vjetnam.

(9)	Il-Kummissjoni rċeviet u eżaminat talba minn “Argencert SA”, biex titneħħa mil-lista tal-Anness IV tar-Regolament (KE) Nru 1235/2008. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitneħħa dak il-korp ta’ kontroll minn dik il-lista.

(10)	Il-Kummissjoni rċeviet u eżaminat talba mingħand “Balkan Biocert Skopje” biex jiġi emendat l-istatus legali tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li l-isem ta’ dak il-korp ta’ kontroll jiġi sostitwit bi “Balkan Biocert Macedonia DOOEL Skopje”.

(11)	Il-Kummissjoni rċeviet talba minn “Başak Ekolojik Ürünler Kontrol ve Sertifikasyon Hizmetleri Tic. Ltd” biex jiġi emendat l-indirizz tiegħu.

(12)

Il-Kummissjoni rċeviet u eżaminat talba mingħand “Bioagricert S.r.l.” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż l-ambitu tar-rikonoxximent tagħha għall-kategoriji tal-prodotti A, B, D u E għall-Paragwaj u l-Urugwaj, għall-kategoriji tal-prodotti A, B u D għall-Bolivja u s-Sri Lanka, għall-kategoriji tal-prodotti A, D u E għall-Kamerun, u għall-kategoriji tal-prodotti A u D għal Fiġi.

(13)

Il-Kummissjoni rċeviet u eżaminat talba minn “Biocert International Pvt Ltd” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Afganistan, il-Bangladesh, il-Bhutan, il-Myanmar/Burma, l-Eġittu, il-Malasja, Mauritius, in-Nepal, l-Oman, il-Pakistan, il-Filippini, it-Tanzanija, it-Tajlandja, l-Emirati Għarab Magħquda u l-Vjetnam għall-kategoriji ta’ prodotti A u D; għall-Benin, l-Etjopja, il-Mozambique, in-Niġerja, il-Qatar, ir-Russja, is-Sudan, it-Togo, l-Uganda u l-Ukrajna għall-kategoriji tal-prodotti A, D u E; u lill-Georgia għall-kategoriji tal-prodotti D u E; kif ukoll li jiġi estiż ir-rikonoxximent tagħha għas-Sri Lanka għall-kategorija tal-prodotti E.

(14)

Il-Kummissjoni rċeviet u eżaminat talba minn “Bio.inspecta AG” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Montenegro, il-Maċedonja ta’ Fuq u s-Serbja għall-kategoriji tal-prodotti A, B, D, E u F; u li jiġi estiż il-kamp ta’ applikazzjoni tar-rikonoxximent tagħha għall-Albanija, il-Bożnija-Ħerzegovina, il-Georgia, l-Iran, il-Każakistan, il-Kosovo (5), il-Moldova, ir-Russja, it-Taġikistan, l-Ukrajna, l-Użbekistan u l-Vjetnam għall-kategoriji ta’ prodotti B, E u F; għall-Armenja, il-Libanu u t-Tanzanija għall-kategoriji tal-prodotti B u E; għall-Alġerija u l-Kirgiżistan għall-kategorija ta’ prodotti B; għat-Turkija għall-kategoriji tal-prodotti E u F; u għall-Ażerbajġan għall-kategorija tal-prodotti E.

(15)

Il-Kummissjoni rċeviet u eżaminat talba minn “Bureau Veritas Certification France SAS” biex jiġu emendati l-indirizz tal-Internet u l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li hu ġġustifikat li tirtira r-rikonoxximent tagħha għall-kategoriji tal-prodotti E għal Mauritius.

(16)

Il-Kummissjoni rċeviet u eżaminat talba mingħand “CCPB Srl” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Burkina Faso, il-Kamerun, Comoros u Madagascar għall-kategoriji tal-prodotti A, C u D; u li jiġi estiż il-kamp ta’ applikazzjoni tar-rikonoxximent tagħha għall-Kosta tal-Avorju għall-kategoriji tal-prodotti C u D.

(17)

Il-Kummissjoni rċeviet u eżaminat talba minn “CERES Certification of Environmental Standards GmbH” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Istati Uniti għall-kategorija tal-prodotti C; u li jiġi estiż il-kamp ta’ applikazzjoni tar-rikonoxximent tagħha għall-Emirati Għarab Magħquda għall-kategorija tal-prodotti A; għaċ-Ċilì għall-kategorija tal-prodotti C; u għall-Afrika t’Isfel għall-kategorija ta’ prodotti F.

(18)

Il-Kummissjoni rċeviet u eżaminat talba minn “DQS Polska sp. z o.o.”, biex jiġi inkluż fil-lista tal-Anness IV tar-Regolament (KE) Nru 1235/2008. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi rikonoxxut li l-korp ta’ kontroll għall-Bosnja-Ħerzegovina, iċ-Ċina u Madagascar għall-kategoriji tal-prodotti A, B u D.

(19)

Il-Kummissjoni rċeviet u eżaminat talba mingħand “Ecocert SA” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Emirati Għarab Magħquda, Kuba, il-Kuwajt u l-Malawi għall-kategorija tal-prodotti B; għas-Serbja u ż-Żimbabwe għall-kategorija tal-prodotti E; u għall-Moldova għall-kategorija tal-prodotti F.

(20)

Il-Kummissjoni rċeviet u eżaminat talba mingħand “FairCert Certification Services Pvt Ltd” biex tiġi inkluża fil-lista tal-Anness IV tar-Regolament (KE) Nru 1235/2008. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi rikonoxxut li l-korp ta’ kontroll għall-Bhutan u n-Nepal għall-kategoriji tal-prodotti A, B, D u E, u għall-Indja għall-kategoriji tal-prodotti B, D u E.

(21)

Il-Kummissjoni rċeviet u eżaminat talba mingħand “IBD Certificações Ltda.” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Bolivja u l-Paragwaj għall-kategoriji tal-prodotti A u D, u għall-kategoriji tal-prodotti A u E għall-Mongolja.

(22)

Il-Kummissjoni rċeviet u eżaminat talba minn “Kiwa BCS Öko-Garantie GmbH” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għas-Seychelles għall-kategoriji tal-prodotti A u D; u għall-Istati Uniti għall-kategorija tal-prodotti C; kif ukoll li jiġi estiż il-kamp ta’ applikazzjoni tar-rikonoxximent tagħha għall-Armenja, il-Georgia, it-Taġikistan, l-Użbekistan u ż-Żambja għall-kategorija tal-prodotti B; għall-Gwatemala għall-kategoriji tal-prodotti C u F; u għar-Repubblika Dominicana, l-Ekwador, il-Honduras, il-Paragwaj, il-Perù, is-Serbja u t-Turkija għall-kategorija ta’ prodotti F.

(23)

Il-Kummissjoni rċeviet u eżaminat talba minn “Mayacert” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Panama u s-Sri Lanka għall-kategoriji tal-prodotti A u D.

(24)

Il-Kummissjoni rċeviet u eżaminat talba minn “OneCert International PVT Ltd” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Eġittu, il-Ġordan, il-Malasja u l-Qatar għall-kategoriji tal-prodotti A u D; u li jiġi estiż il-kamp ta’ applikazzjoni tar-rikonoxximent tagħha għall-Emirati Għarab Magħquda għall-kategorija tal-prodotti A; u għall-Etjopja, l-Indja, il-Mozambique, it-Tanzanija u l-Uganda għall-kategorija tal-prodotti E.

(25)

Il-Kummissjoni rċeviet u eżaminat talba mingħand “Organización Internacional Agropecuaria” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Kolombja għall-kategoriji tal-prodotti A u D; u li jiġi estiż il-kamp ta’ applikazzjoni tar-rikonoxximent tagħha għaċ-Ċilì u l-Urugwaj għall-kategorija tal-prodotti E, ħlief għal dawk il-prodotti li huma diġà koperti mill-Anness III tar-Regolament (KE) Nru 1235/2008.

(26)

Il-Kummissjoni rċeviet u eżaminat talba mingħand “Servicio de Certificación CAAE S.L.U” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Kolombja, ir-Repubblika Dominicana, El Salvador, il-Gwatemala, il-Honduras, in-Nikaragwa u l-Panama għall-kategoriji tal-prodotti A u D.

(27)

Il-Kummissjoni rċeviet u eżaminat talba minn “Suolo e Salute srl” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Eġittu għall-kategorija tal-prodotti D.

(28)

Il-Kummissjoni rċeviet u eżaminat talba minn “Tse-Xin Organic Certification Corporation” sabiex ikunu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għar-Repubblika tal-Korea għall-kategorija tal-prodotti A; għal Hong Kong u għal Singapore għall-kategorija tal-prodotti D, u għall-Kambodja, l-Indoneżja, il-Laos, il-Malasja, il-Myanmar/Burma, il-Filippini, it-Tajlandja u l-Vjetnam għall-kategoriji ta’ prodotti A u D.

(29)

Il-Kummissjoni rċeviet u eżaminat talba mingħand “Valsts SIA “Sertifikācijas un testēšanas centrs” biex jiġi emendat l-istatus legali tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li l-isem ta’ dak il-korp ta’ kontroll jiġi sostitwit bi “SIA Sertifikācijas un testēšanas centrs”. Minbarra dan, il-Kummissjoni rċeviet u eżaminat talba mingħand minn korp ta’ kontroll biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Belarussja għall-kategoriji tal-prodotti B, D, E u F; u għall-Użbekistan għall-kategoriji tal-prodotti D, E u F; kif ukoll li jiġi estiż il-kamp ta’ applikazzjoni tar-rikonoxximent tagħha għall-Każakistan, il-Moldova u t-Taġikistan għall-kategoriji ta’ prodotti A, B, D, E u F; u għall-Kirgiżistan għall-kategoriji ta’ prodotti A, B, D u E.

(30)

Abbażi tad-dossier ippreżentat minn “Agricert - Certificação de Produtos Alimentares lda”, il-kamp ta’ applikazzjoni tar-rikonoxximent tagħha ġie estiż għall-Guinea għall-kategoriji tal-prodotti A u D bir-Regolament ta’ Implimentazzjoni tal-Kummissjoni (UE) 2019/39 (6). Madankollu, f’dak id-dossier il-korp ta’ kontroll talab b’mod żbaljat għall-estensjoni għall-Guinea minflok għall-Guinea-Bissau. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li tikkoreġi l-Anness IV għar-Regolament (KE) Nru 1235/2008 skont kif meħtieġ. Għaċ-ċarezza u ċ-ċertezza legali, din il-korrezzjoni jenħtieġ li tapplika mid-data tad-dħul fis-seħħ tar-Regolament ta’ Implimentazzjoni (UE) 2019/39.

(31)	Għalhekk, jenħtieġ li r-Regolament (KE) Nru 1235/2008 jiġi emendat u kkoreġut skont kif meħtieġ.

(32)	Il-miżuri previsti f’dan ir-Regolament huma skont l-opinjoni tal-Kumitat dwar il-produzzjoni organika,

ADOTTAT DAN IR-REGOLAMENT:

Artikolu 1

Emendi għar-Regolament (KE) Nru 1235/2008

Ir-Regolament (KE) Nru 1235/2008 hu emendat kif ġej:

(1)

fl-Artikolu 11, il-paragrafu 1 huwa sostitwit b’dan li ġej:

“1. Il-Kummissjoni għandha tikkunsidra jekk għandhiex tinkludi korp ta’ kontroll jew awtorità ta’ kontroll fil-lista pprovduta fl-Artikolu 10 malli tirċievi talba għall-inklużjoni minn rappreżentant tal-korp ta’ kontroll jew tal-awtorità ta’ kontroll ikkonċernati fuq il-bażi tal-mudell ta’ applikazzjoni disponibbli mill-Kummissjoni skont l-Artikolu 17(2). Għall-aġġornament tal-lista, għandhom jitqiesu biss dawk it-talbiet kompluti li jkunu ġew ippreżentati sat-30 ta’ Ġunju 2020.”;

(2)

fl-Artikolu 13(2), l-ewwel subparagrafu huwa sostitwit b’dan li ġej:

“Iċ-ċertifikat ta’ spezzjoni għandu jinħareġ mill-awtorità ta’ kontroll jew mill-korp ta’ kontroll rilevanti qabel ma l-kunsinna titlaq mill-pajjiż terz ta’ esportazzjoni jew ta’ oriġini. Iċ-ċertifikat għandu jkun approvat mill-awtorità kompetenti rilevanti tal-Istat Membru, u għandu jimtela mill-ewwel destinatarju abbażi tal-mudell u tan-noti stabbiliti fl-Anness V u bl-użu tas-Sistema tal-Kontroll tal-Kummerċ u tal-Esperti veterinarji (TRACES) stabbilita bid-Deċiżjoni tal-Kummissjoni 2003/24/KE (*1).

(*1) Id-Deċiżjoni tal-Kummissjoni 2003/24/KE tat-30 ta’ Diċembru 2002 li tirrigwarda l-iżvilupp ta’ sistema veterinarja integrata u kompjuterizzata (ĠU L 8, 14.1.2003, p. 44).”;"

(3)	l-Anness III huwa emendat skont l-Anness I ta’ dan ir-Regolament;

(4)	l-Anness IV huwa emendat skont l-Anness II ta’ dan ir-Regolament.

Artikolu 2

Korrezzjoni tar-Regolament (KE) Nru 1235/2008

L-Anness IV tar-Regolament (KE) Nru 1235/2008 huwa kkoreġut skont l-Anness III ta’ dan ir-Regolament.

Artikolu 3

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

L-Artikolu 2 għandu japplika mill-31 ta’ Jannar 2019.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Jannar 2020.

Għall-Kummissjoni

Il-President

Ursula VON DER LEYEN

(1) ĠU L 189, 20.7.2007, p. 1.

(2) Ir-Regolament (UE) 2018/848 tal-Parlament Ewropew u tal-Kunsill tat-30 ta’ Mejju 2018 dwar il-produzzjoni organika u t-tikkettar ta’ prodotti organiċi u li jħassar ir-Regolament tal-Kunsill (KE) Nru 834/2007 (ĠU L 150, 14.6.2018, p. 1).

(3) Ir-Regolament tal-Kummissjoni (KE) Nru 1235/2008 tat-8 ta’ Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi (ĠU L 334, 12.12.2008, p. 25).

(4) Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u mal-Opinjoni tal-QIĠ dwar id-dikjarazzjoni tal-indipendenza tal-Kosovo

(5) Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u mal-Opinjoni tal-QIĠ dwar id-dikjarazzjoni tal-indipendenza tal-Kosovo.

(6) Ir-Regolament ta’ Implimentazzjoni tal-Kummissjoni (UE) 2019/39 tal-10 ta’ Jannar 2019 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi (ĠU L 9, 11.1.2019, p. 106).

ANNESS I

L-Anness III tar-Regolament (KE) Nru 1235/2008 huwa emendat kif ġej:

(1)

fl-entrata dwar il-Ġappun, tiżdied ir-ringiela li ġejja:

“JP-BIO-038

Akatonbo

http://www.akatonbo.or.jp/”

(2)

fl-entrata dwar ir-Repubblika tal-Korea, il-punt 5 huwa emendat kif ġej:

(a)

ir-ringieli li jikkonċernaw in-numri tal-kodiċi KR-ORG-019 u KR-ORG-026 huma sostitwiti b’dan li ġej:

“KR-ORG-019	Neo environmentally-friendly Certification Center	http://neoefcc.modoo.at
KR-ORG-026	Agricultural Products Quality Service	http://apqs.kr}”

(b)	titħassar ir-ringiela tan-numru tal-kodiċi KR-ORG-001;

(3)

fl-entrata dwar l-Istati Uniti, il-punt 5 huwa emendat kif ġej:

(a)

jiżdiedu r-ringieli li ġejjin:

“US-ORG-62	CERES	http://www.ceres-cert.com/
US-ORG-63	EcoLOGICA S.A.	http://www.eco-logica.com/
US-ORG-64	Food Safety S.A.	http://www.foodsafety.com.ar/
US-ORG-65	IBD Certifications	http://www.ibd.com.br/
US-ORG-66	Istituto per la Certificazione Etica e Ambientale (ICEA)	http://www.icea.info/
US-ORG-67	OnMark	http://onmarkcertification.com/
US-ORG-68	Perry Johnson Registrar Food Safety, Inc.	http://www.pjrfsi.com/”

(b)	ir-ringieli tan-numri tal-kodiċi US-ORG-12, US-ORG-14, US-ORG-54, US-ORG-60 u US-ORG-61 huma mħassra.

ANNESS II

L-Anness IV tar-Regolament (KE) Nru 1235/2008 huwa emendat kif ġej:

(1)

Fl-entrata dwar “A CERT European Organization for Certification S.A .”, fil-punt 3, jiddaħħlu r-ringieli li ġejjin fl-ordni tan-numri tal-kodiċi:

“AE-BIO-171	L-Emirati Għarab Magħquda	x	-	-	x	-	-
AM-BIO-171	L-Armenja	x	-	-	x	-	-
GH-BIO-171	Il-Ghana	x	-	-	x	-	-
KW-BIO-171	Il-Kuwajt	x	-	-	x	-	-
OM-BIO-171	L-Oman	x	-	-	x	-	-
PE-BIO-171	Il-Perù	x	-	-	x	-	-
SD-BIO-171	Is-Sudan	x	-	-	x	-	-
UZ-BIO-171	L-Użbekistan	x	-	-	x	-	-
VN-BIO-171	Il-Vjetnam	x	-	-	x	-	-
XK-BIO-171	Il-Kosovo (*)	x	-	-	x	-	-

(2)	titneħħa l-entrata dwar “Argencert S A”;

(3)	fl-entrata dwar “Balkan Biocert Skopj e”, l-isem tal-korp ta’ kontroll huwa sostitwit bi “Balkan Biocert Macedonia DOOEL Skopj e”;

(4)

fl-entrata dwar “Başak Ekolojik Ürünler Kontrol ve Sertifikasyon Hizmetleri Tic. Lt d”, il-punt 1 huwa sostitwit b’dan li ġej:

“1.	Indirizz: Çinarli Mahallesi Şehit Polis Fethi Sekin Cad. No:3/1006 Konak/İZMİR, Turkey”;

(5)

fl-entrata dwar “Bioagricert S.r.l.”, fil-punt 3, jiddaħħlu r-ringieli li ġejjin skont l-ordni tan-numri tal kodiċi:

“BO-BIO-132	Il-Bolivja	x	x	-	x	-	-
CM-BIO-132	Il-Kamerun	x	-	-	x	x	-
FJ-BIO-132	Fiġi	x	-	-	x	-	-
LK-BIO-132	Is-Sri Lanka	x	x	-	x	-	-
PY-BIO-132	Il-Paragwaj	x	x	-	x	x	-
UY-BIO-132	L-Urugwaj	x	x	-	x	x	-”

(6)

fl-entrata dwar “Biocert International Pvt Lt d”, il-punt 3 huwa emendat kif ġej:

(a)

ir-ringieli li ġejjin jiddaħħlu fl-ordni tan-numru tal-kodiċi:

“AE-BIO-177	L-Emirati Għarab Magħquda	x	-	-	x	-	-
AF-BIO-177	L-Afganistan	x	-	-	x	-	-
BD-BIO-177	Il-Bangladesh	x	-	-	x	-	-
BJ-BIO-177	Il-Benin	x	-	-	x	x	-
BT-BIO-177	Il-Bhutan	x	-	-	x	-	-
EG-BIO-177	L-Eġittu	x	-	-	x	-	-
ET-BIO-177	L-Etjopja	x	-	-	x	x	-
GE-BIO-177	Il-Georgia	-	-	-	x	x	-
MM-BIO-177	Il-Myanmar/Burma	x	-	-	x	-	-
MU-BIO-177	Mauritius	x	-	-	x	-	-
MY-BIO-177	Il-Malasja	x	-	-	x	-	-
MZ-BIO-177	Il-Mozambique	x	-	-	x	x	-
NP-BIO-177	In-Nepal	x	-	-	x	-	-
NG-BIO-177	In-Niġerja	x	-	-	x	x	-
OM-BIO-177	L-Oman	x	-	-	x	-	-
PH-BIO-177	Il-Filippini	x	-	-	x	-	-
PK-BIO-177	Il-Pakistan	x	-	-	x	-	-
QA-BIO-177	Il-Qatar	x	-	-	x	x	-
RU-BIO-177	Ir-Russja	x	-	-	x	x	-
SD-BIO-177	Is-Sudan	x	-	-	x	x	-
TG-BIO-177	It-Togo	x	-	-	x	x	-
TH-BIO-177	It-Tajlandja	x	-	-	x	-	-
TZ-BIO-177	It-Tanzanija	x	-	-	x	-	-
UA-BIO-177	L-Ukrajna	x	-	-	x	x	-
UG-BIO-177	L-Uganda	x	-	-	x	x	-
VN-BIO-177	Il-Vjetnam	x	-	-	x	-	-”

(b)

ir-ringiela dwar is-Sri Lanka hija sostitwita b’din li ġejja:

“LK-BIO-177

Is-Sri Lanka

-”

(7)

fl-entrata dwar “Bio.inspecta A G”, il-punt 3 huwa emendat kif ġej:

(a)

ir-ringieli li ġejjin jiddaħħlu fl-ordni tan-numru tal-kodiċi:

“ME-BIO-161	Il-Montenegro	x	x	—	x	x	x
MK-BIO-161	Il-Maċedonja ta’ Fuq	x	x	—	x	x	x
RS-BIO-161	Is-Serbja	x	x	—	x	x	x”

(b)

ir-ringieli relatati mal-Albanija, l-Alġerija, l-Armenja, l-Azerbajġan, il-Bosnija-Ħerzegovina, il-Georgia, l-Iran, il-Każakistan, il-Kosovo, il-Kirgiżistan, il-Libanu, il-Moldova, ir-Russja, it-Taġikistan, it-Tanzanija, it-Turkija, l-Ukrajna, l-Użbekistan u l-Vjetnam huma sostitwiti b’dan li ġej:

“AL-BIO-161	L-Albanija	x	x	—	x	x	x
AM-BIO-161	L-Armenja	x	x	—	x	x	—
AZ-BIO-161	L-Ażerbajġan	x		—	x	x	—
BA-BIO-161	Il-Bożnija-Ħerzegovina	x	x	—	x	x	x
DZ-BIO-161	L-Alġerija	x	x	—	x	—	—
GE-BIO-161	Il-Georgia	x	x	—	x	x	x
IR-BIO-161	L-Iran	x	x	—	x	x	x
KG-BIO-161	Il-Kirgiżistan	x	x	—	x	—	—
KZ-BIO-161	Il-Każakistan	x	x	—	x	x	x
LB-BIO-161	Il-Libanu	x	x	—	x	x	—
MD-BIO-161	Il-Moldova	x	x	—	x	x	x
RU-BIO-161	Ir-Russja	x	x	—	x	x	x
TJ-BIO-161	It-Taġikistan	x	x	—	x	x	x
TR-BIO-161	It-Turkija	x	—	—	x	x	x
TZ-BIO-161	It-Tanzanija	x	x	—	x	x	—
UA-BIO-161	L-Ukrajna	x	x	—	x	x	x
UZ-BIO-161	L-Użbekistan	x	x	—	x	x	x
VN-BIO-161	Il-Vjetnam	x	x	—	x	x	x
XK-BIO-161	Il-Kosovo (*)	x	x	-	x	x	x

(8)

l-entrata dwar “Bureau Veritas Certification France SA S” hija emendata kif ġej:

(a)	fil-punt 2, l-indirizz tal-Internet huwa sostitwit b’dan li ġej:https://filiereagro.bureauveritas.fr}”;

(b)

fil-punt 3, ir-ringiela dwar Mauritius hija sostitwita b’din li ġejja:

“MU-BIO-165

Mauritius

—

—”

(9)

fl-entrata dwar “CCPB Srl”, il-punt 3 huwa emendat kif ġej:

(a)

ir-ringieli li ġejjin jiddaħħlu fl-ordni tan-numru tal-kodiċi:

“BF-BIO-102	Il-Burkina Faso	x	-	x	x	-	-
CM-BIO-102	Il-Kamerun	x	-	x	x	-	-
KM-BIO-102	Comoros	x	-	x	x	-	-
MG-BIO-102	Madagascar	x	-	x	x	-	-”

(b)

ir-ringiela dwar il-Kosta tal-Avorju hija sostitwita b’din li ġejja:

“CI-BIO-102

Il-Kosta tal-Avorju

-”

(10)

fl-entrata dwar “CERES Certification of Environmental Standards GmbH”, il-punt 3 huwa emendat kif ġej:

(a)

tiddaħħal ir-ringiela li ġejja skont l-ordni tan-numri tal kodiċi:

“US-BIO-140

L-Istati Uniti

—

—”

(b)

ir-ringieli dwar iċ-Ċilì, l-Afrika t’Isfel u l-Emirati Għarab Magħquda huma sostitwiti b’dan li ġej:

“AE-BIO-140	L-Emirati Għarab Magħquda	x	—	—	x	—	—
CL-BIO-140	Iċ-Ċilì	x	x	x	x	—	—
ZA-BIO-140	L-Afrika t’Isfel	x	x	—	x	—	x”

(11)

wara l-entrata dwar “Control Union Certification”, tiddaħħal l-entrata li ġejja:

““DQS Polska sp. z o.o.”

1.	Indirizz: ul. Domaniewska 45, 02-672 Warszawa, Poland

2.	Indirizz tal-Internet: www.dqs.pl

In-numri tal-kodiċi, il-pajjiżi terzi u l-kategoriji ta’ prodott ikkonċernati:

Numru tal-kodiċi	Pajjiż terz	Kategorija ta’ prodotti
Numru tal-kodiċi	Pajjiż terz	A	B	C	D	E	F
BA-BIO-181	Il-Bożnija-Ħerzegovina	x	x	-	x	-	-
CN-BIO-181	Iċ-Ċina	x	x	-	x	-	-
MG-BIO-181	Madagascar	x	x	-	x	-	-

4.	Eċċezzjonijiet: prodotti fil-fażi tal-konverżjoni u nbid

5.	It-tul taż-żmien tal-inklużjoni: sat-30 ta’ Ġunju 2021”

(12)

fl-entrata dwar “Ecocert SA”, fil-punt 3, ir-ringieli relatati ma’ Kuba, il-Kuwajt, il-Malawi, il-Moldova, is-Serbja, l-Emirati Għarab Magħquda u ż-Żimbabwe huma sostitwiti b’dan li ġej:

“AE-BIO-154	L-Emirati Għarab Magħquda	x	x	—	x	x	—
CU-BIO-154	Kuba	x	x	—	x	x	—
KW-BIO-154	Il-Kuwajt	x	x	—	x	—	—
MD-BIO-154	Il-Moldova	x	x	—	x	—	x
MW-BIO-154	Il-Malawi	x	x	—	x	—	—
RS-BIO-154	Is-Serbja	x	x	—	x	x	x
ZW-BIO-154	Iż-Żimbabwe	x	x	—	x	x	x”

(13)

wara l-entrata dwar “Ekoagros”, tiddaħħal l-entrata l-ġdida li ġejja:

““FairCert Certification Services Pvt Ltd”

1.	Indirizz: C 122, GAURIDHAM COLONY, 451001-KHARGONE, India

2.	Indirizz tal-Internet: www.faircert.com

In-numri tal-kodiċi, il-pajjiżi terzi u l-kategoriji ta’ prodott ikkonċernati:

Numru tal-kodiċi	Pajjiż terz	Kategorija ta’ prodotti
Numru tal-kodiċi	Pajjiż terz	A	B	C	D	E	F
BT-BIO-180	Il-Bhutan	x	x	-	x	x	-
IN-BIO-180	L-Indja	-	x	-	x	x	-
NP-BIO-180	In-Nepal	x	x	-	x	x	-

4.	Eċċezzjonijiet: prodotti fil-fażi tal-konverżjoni u nbid

5.	It-tul taż-żmien tal-inklużjoni: sat-30 ta’ Ġunju 2021”

(14)

fl-entrata għal “IBD Certificações Ltda.”, fil-punt 3 jiddaħħlu r-ringieli li ġejjin skont l-ordni tan-numri tal kodiċi:

“BO-BIO-122	Il-Bolivja	x	-	-	x	-	-
MN-BIO-122	Il-Mongolja	x	-	-	-	x	-
PY-BIO-122	Il-Paragwaj	x	-	-	x	-	-”

(15)

fl-entrata dwar “Kiwa BCS Öko-Garantie GmbH”, il-punt 3 huwa emendat kif ġej:

(a)

jiddaħħlu r-ringieli li ġejjin fl-ordni tan-numri tal-kodiċi:

“SC-BIO-141	Is-Seychelles	x	—	—	x	—	—
US-BIO-141	L-Istati Uniti	—	—	x	—	—	—”

(b)

ir-ringieli dwar l-Armenja, ir-Repubblika Dominikana, l-Ekwador, il-Georgia, il-Gwatemala, il-Honduras, il-Paragwaj, il-Perù, is-Serbja, it-Taġikistan, it-Turkija, l-Użbekistan u ż-Żambja jiġu sostitwiti b’dan li ġej:

“AM-BIO-141	L-Armenja	x	x	—	x	—	—
DO-BIO-141	Ir-Repubblika Dominicana	x	—	—	x	—	x
EC-BIO-141	L-Ekwador	x	x	x	x	x	x
GE-BIO-141	Il-Georgia	x	x	—	x	x	—
GT-BIO-141	Il-Gwatemala	x	x	x	x	x	x
HN-BIO-141	Il-Honduras	x	—	—	x	x	x
PE-BIO-141	Il-Perù	x	x	—	x	x	x
PY-BIO-141	Il-Paragwaj	x	x	—	x	x	x
RS-BIO-141	Is-Serbja	x	—	—	x	—	x
TJ-BIO-141	It-Taġikistan	x	x	—	x	—	—
TR-BIO-141	It-Turkija	x	x	—	x	x	x
UZ-BIO-141	L-Użbekistan	x	x	—	x	—	—
ZM-BIO-141	Iż-Żambja	x	x	—	x	—	—”

(16)

fl-entrata dwar “Mayacert”, fil-punt 3, jiddaħħlu r-ringieli li ġejjin fl-ordni tan-numri tal-kodiċi:

“LK-BIO-169	Is-Sri Lanka	x	-	-	x	-	-
PA-BIO-169	Il-Panama	x	-	-	x	-	-”

(17)

fl-entrata dwar “OneCert International PVT Ltd”, il-punt 3 huwa emendat kif ġej:

(a)

ir-ringieli li ġejjin jiddaħħlu fl-ordni tan-numru tal-kodiċi:

“EG-BIO-152	L-Eġittu	x	-	-	x	-	-
JO-BIO-152	Il-Ġordan	x	-	-	x	-	-
MY-BIO-152	Il-Malasja	x	-	-	x	-	-
QA-BIO-152	Il-Qatar	x	-	-	x	-	-”

(b)

ir-ringieli dwar l-Emirati Għarab Magħquda, l-Etjopja, l-Indja, il-Mozambique, it-Tanzanija u l-Uganda jiġu sostitwiti b’dan li ġej:

“AE-BIO-152	L-Emirati Għarab Magħquda	x	-	-	x	-	-
ET-BIO-152	L-Etjopja	x	-	-	x	x	-
IN-BIO-152	L-Indja	-	-	-	x	x	-
MZ-BIO-152	Il-Mozambique	x	-	-	x	x	-
TZ-BIO-152	It-Tanzanija	x	-	-	x	x	-
UG-BIO-152	L-Uganda	x	-	-	x	x	-”

(18)

fl-entrata dwar “Organización International Agropecuaria”, il-punt 3 huwa emendat kif ġej:

(a)

tiddaħħal ir-ringiela li ġejja skont l-ordni tan-numri tal kodiċi:

“CO-BIO-110

Il-Kolombja

-”

(b)

ir-ringiela dwar iċ-Ċilì u l-Urugwaj hija sostitwita b’dan li ġej:

“CL-BIO-110	Iċ-Ċilì	x	-	x	x	x	-
UY-BIO-110	L-Urugwaj	x	x	x	x	x	-”

(19)

fl-entrata dwar “Servicio de Certificación CAAE S.L.U”, fil-punt 3, jiddaħħlu l-entrati li ġejjin skont l-ordni tan-numri tal kodiċi:

“CO-BIO-178	Il-Kolombja	x	-	-	x	-	-
DO-BIO-178	Ir-Repubblika Dominicana	x	-	-	x	-	-
GT-BIO-178	Il-Gwatemala	x	-	-	x	-	-
HN-BIO-178	Il-Honduras	x	-	-	x	-	-
NI-BIO-178	In-Nikaragwa	x	-	-	x	-	-
PA-BIO-178	Il-Panama	x	-	-	x	-	-
SV-BIO-178	El Salvador	x	-	-	x	-	-”

(20)

fl-entrata dwar “Suolo e Salute srl”, fil-punt 3, ir-ringiela dwar l-Eġittu hija sostitwita b’dan li ġej:

“EG-BIO-150

L-Eġittu

-”

(21)

fl-entrata dwar “Tse-Xin Organic Certification Corporation”, fil-punt 3, ir-ringieli li ġejjin jiddaħħlu fl-ordni tan-numri tal-kodiċi:

“HK-BIO-174	Hong Kong	-	-	-	x	-	-
ID-BIO-174	L-Indoneżja	x	-	-	x	-	-
“KH-BIO-174	Il-Kambodja	x	-	-	x	-	-
KR-BIO-174	Ir-Repubblika tal-Korea	x	-	-	-	-	-
LA-BIO-174	Il-Laos	x	-	-	x	-	-
MM-BIO-174	Il-Myanmar/Burma	x	-	-	x	-	-
MY-BIO-174	Il-Malasja	x	-	-	x	-	-
PH-BIO-174	Il-Filippini	x	-	-	x	-	-
SG-BIO-174	Singapore	-	-	-	x	-	-
TH-BIO-174	It-Tajlandja	x	-	-	x	-	-
VN-BIO-174	Il-Vjetnam	x	-	-	x	-	-”

(22)

l-entrata dwar “Valsts SIA ‘Sertifikācijas un testēšanas centrs’” hija emendata kif ġej:

(a)	l-isem tal-korp ta’ kontroll huwa sostitwit bi “SIA ‘Sertifikācijas un testēšanas centrs’”;

(b)

il-punt 3 huwa emendat kif ġej:

(i)

ir-ringieli li ġejjin jiddaħħlu fl-ordni tan-numru tal-kodiċi:

“KG-BIO-173	Il-Kirgiżistan	x	x	—	x	x	—
KZ-BIO-173	Il-Każakistan	x	x	—	x	x	x
MD-BIO-173	Il-Moldova	x	x	—	x	x	x
TJ-BIO-173	It-Taġikistan	x	x	—	x	x	x”

(ii)

ir-ringieli dwar il-Belarussja u l-Użbekistan huma sostitwiti b’dan li ġej:

“BY-BIO-173	Il-Belarussja	x	x	—	x	x	x
UZ-BIO-173	L-Użbekistan	x	x	—	x	x	x”

(*) Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/1999 u l-Opinjoni tal-QIĠ dwar id-dikjarazzjoni tal-indipendenza tal-Kosovo.”

ANNESS III

Fl-Anness IV tar-Regolament (KE) Nru 1235/2008, fl-entrata dwar “Agricert - Certificação de Produtos Alimentares lda”, fil-punt 3, ir-ringiela marbuta mal-Guinea hija sostitwita b’dan li ġej:

“GW-BIO-172

Il-Guinea-Bissau

—

—”

14.1.2020

Il-Ġurnal Uffiċjali tal-Unjoni Ewropea

L 8/32

DEĊIŻJONI TAL-KUMMISSJONI (UE) 2020/26

tat-13 ta’ Jannar 2020

li temenda l-Anness A tal-Ftehim Monetarju bejn l-Unjoni Ewropea u l-Prinċipat ta’ Monaco

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat il-Ftehim Monetarju tad-29 ta’ Novembru 2011 bejn l-Unjoni Ewropea u l-Prinċipat ta’ Monaco (1), u b’mod partikolari l-Artikolu 11(3) tiegħu,

Billi:

(1)

L-Artikolu 11(2) tal-Ftehim Monetarju bejn l-Unjoni Ewropea u l-Prinċipat ta’ Monaco (minn hawn ’il quddiem “il-Ftehim Monetarju”) jeżiġi li l-Prinċipat ta’ Monaco japplika l-istess regoli bħal dawk stabbiliti fir-Repubblika Franċiża għall-finijiet tat-traspożizzjoni tal-atti legali Ewropej li jikkonċernaw l-attivitajiet u r-regolamentazzjoni prudenzjali tal-istituzzjonijiet ta’ kreditu u l-prevenzjoni tar-riskji sistemiċi fis-sistemi tal-pagament u tas-saldu tat-titoli li jinsabu fl-Anness A.

(2)	L-Anness A huwa emendat skont l-Artikolu 11(3) tal-Ftehim Monetarju, li jipprevedi li l-Anness A jrid jiġi aġġornat mill-Kummissjoni għal kull emenda li ssir fit-testi rilevanti kif ukoll kull darba li jiġi adottat test ġdid mill-Unjoni Ewropea.

(3)	Ġew adottati testi ġodda mill-Unjoni Ewropea u saru emendi għal testi diġà eżistenti fl-Anness A,

(4)	Jenħtieġ għalhekk, li l-Anness A tal-Ftehim Monetarju jiġi emendat skont dan,

ADOTTAT DIN ID-DEĊIŻJONI:

Artikolu Uniku

L-Anness A tal-Ftehim Monetarju bejn l-Unjoni Ewropea u l-Prinċipat ta’ Monaco jinbidel bl-Anness ta’ din id-Deċiżjoni.

Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-13 ta’ Jannar 2020.

Għall-Kummissjoni

Il-President

Ursula VON DER LEYEN

(1) ĠU C 23, 28.1.2012, p. 13.

ANNESS

“ANNESS A

	Il-leġiżlazzjoni applikabbli għall-attività u għall-kontroll tal-istituzzjonijiet ta’ kreditu u għall-prevenzjoni tar-riskji sistemiċi għas-sistemi ta’ pagament u s-sistemi ta’ saldu ta’ pagamenti u titoli
1	Għal dak li jirrigwarda d-dispożizzjonijiet applikabbli għall-istituzzjonijiet ta’ kreditu Id-Direttiva tal-Kunsill Nru 86/635/KEE tat-8 ta’ Diċembru 1986 dwar il-kontijiet annwali u l-kontijiet konsolidati ta’ banek u istituzzjonijiet finanzjarji oħrajn (ĠU L 372, 31.12.1986, p. 1)
	emendata bi:
2	Id-Direttiva 2001/65/KE tal-Parlament Ewropew u tal-Kunsill tas-27 ta’ Settembru 2001 li temenda d-Direttivi 78/660/KEE, 83/349/KEE u 86/635/KEE fir-rigward tar-regoli ta’ valutazzjoni għall-kontijiet annwali u kkonsolidati ta’ ċerti tipi ta’ kumpaniji kif ukoll ta’ banek u istituzzjonijiet finanzjarji oħra (ĠU L 283, 27.10.2001, p. 28)
3	Id-Direttiva 2003/51/KE tal-Parlament Ewropew u tal-Kunsill tat-18 ta’ Ġunju 2003 li temenda d-Direttivi 78/660/KEE, 83/349/KEE, 86/635/KEE u 91/674/KEE fuq il-bilanċ ta’ kontijiet annwali u konsolidati ta’ ċerti kumpaniji, banek u istituzzjonijiet finanzjarji u impriżi tal-assigurazzjoni (ĠU L 178, 17.7.2003, p. 16)
4	Id-Direttiva 2006/46/KE tal-Parlament Ewropew u tal-Kunsill tal-14 ta’ Ġunju 2006 li temenda d-Direttivi tal-Kunsill 78/660/KEE dwar il-kontijiet annwali ta’ ċerti tipi ta’ kumpaniji, 83/349/KEE dwar kontijiet konsolidati, 86/635/KEE dwar il-kontijiet annwali u l-kontijiet konsolidati ta’ banek u istituzzjonijiet finanzjarji oħrajn u 91/674/KEE dwar il-kontijiet annwali u l-kontijiet konsolidati ta’ intrapriżi tal-assigurazzjoni (ĠU L 224, 16.8.2006, p. 1)
5	Id-Direttiva tal-Kunsill 89/117/KEE tat-13 ta’ Frar 1989 dwar l-obbligi ta’ fergħat stabbiliti fi Stat Membru ta’ istituzzjonijiet ta’ kreditu u istituzzjonijiet finanzjarji li jkollhom l-uffiċċji ewlenin tagħhom barra dak l-Istat Membru rigward il-pubblikazzjoni tad-dokumenti tal-kontijiet annwali (ĠU L 44, 16.2.1989, p. 40)
6	Id-Direttiva 98/26/KE tal-Parlament Ewropew u tal-Kunsill tad-19 ta’ Mejju 1998 dwar finalista ta’ settlement fis-sistemi ta’ settlement ta’ pagamenti u titoli (ĠU L 166, 11.6.1998, p. 45).
	emendata bi:
7	Id-Direttiva 2009/44/KE tal-Parlament Ewropew u tal-Kunsill tas-6 ta’ Mejju 2009 li temenda d-Direttiva 98/26/KE dwar il-finalista ta’ settlement fis-sistemi ta’ settlement ta’ pagamenti u titoli u d-Direttiva 2002/47/KE dwar arranġamenti finanzjarji kollaterali rigward sistemi konnessi u talbiet għal kreditu (ĠU L 146, 10.6.2009, p. 37)
8	Id-Direttiva 2010/78/UE tal-Parlament Ewropew u tal-Kunsill tal-24 ta’ Novembru 2010 li temenda d-Direttivi 98/26/KE, 2002/87/KE, 2003/6/KE, 2003/41/KE, 2003/71/KE, 2004/39/KE, 2004/109/KE, 2005/60/KE, 2006/48/KE, 2006/49/KE, u 2009/65/KE fir-rigward tas-setgħat tal-Awtorità Superviżorja Ewropea (Awtorità Bankarja Ewropea), l-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol) u l-Awtorità Superviżorja Ewropea (Awtorità Ewropea tat-Titoli u s-Swieq) (ĠU L 331, 15.12.2010, p. 120)
9	Ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1)
10	Ir-Regolament (UE) Nru 909/2014 tal-Parlament Ewropew u tal-Kunsill tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014, p. 1)
11	Id-Direttiva 2001/24/KE tal-Parlament Ewropew u tal-Kunsill tal-4 ta’ April 2001 fuq ir-riorganizzazzjoni u l-istralċ ta’ istituzzjonijiet ta’ kreditu (ĠU L 125, 5.5.2001, p. 15)
	emendata bi:
12	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190)
13	Id-Direttiva 2002/47/KE tal-Parlament Ewropew u tal-Kunsill tas-6 ta’ Ġunju 2002 dwar arranġamenti finanzjarji kollaterali (ĠU L 168, 27.6.2002, p. 43)
	emendata bi:
14	Id-Direttiva 2009/44/KE tal-Parlament Ewropew u tal-Kunsill tas-6 ta’ Mejju 2009 li temenda d-Direttiva 98/26/KE dwar il-finalista ta’ settlement fis-sistemi ta’ settlement ta’ pagamenti u titoli u d-Direttiva 2002/47/KE dwar arranġamenti finanzjarji kollaterali rigward sistemi konnessi u talbiet għal kreditu (ĠU L 146, 10.6.2009, p. 37)
15	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190)
16	Id-Direttiva 2002/87/KE tal-Parlament Ewropew u tal-Kunsill tas-16 ta’ Diċembru 2002 dwar is-superviżjoni supplementari ta’ istituzzjonijiet ta’ kreditu dwar impriżi ta’ assigurazzjoni u ditti tal-investiment f’konglomerat finanzjarju u li temenda d-Direttivi tal-Kunsill 73/239/KEE, 79/267/KEE, 92/49/KEE, 92/96/KEE, 93/6/KEE u 93/22/KEE, u d-Direttivi 98/78/KE u 2000/12/KE tal-Parlament Ewropew u tal-Kunsill (ĠU L 35, 11.2.2003, p. 1), u fejn applikabbli, il-miżuri relatati tal-livell 2
	emendata bi:
17	Id-Direttiva 2005/1/KE tal-Parlament Ewropew u tal-Kunsill tad-9 ta’ Marzu 2005 li temenda d-Direttivi tal-Kunsill 73/239/KEE, 85/611/KEE, 91/675/KEE, 92/49/KEE u 93/6/KEE u d-Direttivi 94/19/KE, 98/78/KE, 2000/12/KE, 2001/34/KE, 2002/83/KE u 2002/87/KE tal-Parlament Ewropew u tal-Kunsill, sabiex tiġi stabbilita struttura organizzattiva ġdida għall-kumitati dwar is-servizzi finanzjarji (ĠU L 79, 24.3.2005, p. 9)
18	Id-Direttiva 2008/25/KE tal-Parlament Ewropew u tal-Kunsill tal-11 ta’ Marzu 2008 li temenda d-Direttiva 2002/87/KE dwar is-superviżjoni supplementari ta’ istituzzjonijiet ta’ kreditu, impriżi ta’ assigurazzjoni u ditti tal-investiment f’konglomerat finanzjarju, fir-rigward tas-setgħat ta’ implimentazzjoni konferiti lill-Kummissjoni (ĠU L 81, 20.3.2008, p. 40)
19	Id-Direttiva 2010/78/UE tal-Parlament Ewropew u tal-Kunsill tal-24 ta’ Novembru 2010 li temenda d-Direttivi 98/26/KE, 2002/87/KE, 2003/6/KE, 2003/41/KE, 2003/71/KE, 2004/39/KE, 2004/109/KE, 2005/60/KE, 2006/48/KE, 2006/49/KE, u 2009/65/KE fir-rigward tas-setgħat tal-Awtorità Superviżorja Ewropea (Awtorità Bankarja Ewropea), l-Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol) u l-Awtorità Superviżorja Ewropea
	(Awtorità Ewropea tat-Titoli u s-Swieq) (ĠU L 331, 15.12.2010, p. 120)
20	Id-Direttiva 2011/89/UE tal-Parlament Ewropew u tal-Kunsill tas-16 ta’ Novembru 2011 li temenda d-Direttivi 98/78/KE, 2002/87/KE, 2006/48/KE u 2009/138/KE fir-rigward tas-superviżjoni supplimentari tal-entitajiet finanzjarji f’konglomerati finanzjarji (ĠU L 326, 8.12.2011, p. 113)
21	Ħlief għat-Titolu V tagħha: Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338)
22	Id-Direttiva 2009/110/KE tal-Parlament Ewropew u tal-Kunsill tas-16 ta’ Settembru 2009 dwar il-bidu, l-eżerċizzju u s-superviżjoni prudenzjali tan-negozju tal-istituzzjonijiet tal-flus elettroniċi li temenda d-Direttivi 2005/60/KE u 2006/48/KE u li tħassar id-Direttiva 2000/46/KE (ĠU L 267, 10.10.2009, p. 7)
	emendata bi:
23	Ħlief għat-Titolu V tagħha: Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338)
24	Bl-eċċezzjoni tat-Titoli III u IV tagħha: Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (ĠU L 337, 23.12.2015, p. 35)
25	Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12)
	emendat bi:
26	Ir-Regolament (UE) Nru 1022/2013 tal-Parlament Ewropew u tal-Kunsill tat-22 ta’ Ottubru 2013 li jemenda r-Regolament (UE) Nru 1093/2010 li jistabbilixxi Awtorità Superviżorja Ewropea (Awtorità Bankarja Ewropea) fir-rigward tal-konferiment ta’ kompiti speċifiċi lill-Bank Ċentrali Ewropew skont ir-Regolament tal-Kunsill (UE) Nru 1024/2013 (ĠU L 287, 29.10.2013, p. 5)
27	Id-Direttiva 2014/17/UE tal-Parlament Ewropew u tal-Kunsill tal-4 ta’ Frar 2014 dwar kuntratti ta’ kreditu għall-konsumaturi marbutin ma’ proprjetà immobbli residenzjali u li temenda d-Direttivi 2008/48/KE u 2013/36/UE u r-Regolament (UE) Nru 1093/2010 (ĠU L 60, 28.2.2014, p. 34)
28	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190)
29	Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni, u li jemenda r-Regolament (UE) Nru 1093/2010 (ĠU L 225, 30.7.2014, p. 1)
30	Bl-eċċezzjoni tat-Titoli III u IV tagħha: Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (ĠU L 337, 23.12.2015, p. 35)
31	Ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1) u fejn applikabbli, il-miżuri relatati tal-livell 2.
	emendat bi:
32	Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1)
33	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190)
34	Ir-Regolament (UE) Nru 600/2014 tal-Parlament Ewropew u tal-Kunsill tal-15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84) u, fejn applikabbli, il-miżuri relatati tal-livell 2
	emendat bi:
35	Ir-Regolament (UE) 2016/1033 tal-Parlament Ewropew u tal-Kunsill tat-23 ta’ Ġunju 2016 li jemenda r-Regolament (UE) Nru 600/2014 dwar is-swieq tal-istrumenti finanzjarji, ir-Regolament (UE) Nru 596/2014 dwar l-abbuż tas-suq u r-Regolament (UE) Nru 909/2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli (ĠU L 175, 30.6.2016, p. 1)
36	Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73)
37	Ir-Regolament (UE) 2015/2365 tal-Parlament Ewropew u tal-Kunsill tal-25 ta’ Novembru 2015 dwar it-trasparenza ta’ tranżazzjonijiet ta’ finanzjament tat-titoli u l-użu mill-ġdid u li jemenda r-Regolament (UE) Nru 648/2012 (ĠU L 337, 23.12.2015, p. 1) f’dak li jirrigwarda l-istituzzjonijiet ta’ kreditu
38	Ir-Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1), u fejn applikabbli, il-miżuri relatati tal-livell 2
	emendat bi:
39	Ir-Regolament (UE) 2017/2395 tal-Parlament Ewropew u tal-Kunsill tat-12 ta’ Diċembru 2017 li jemenda r-Regolament (UE) Nru 575/2013 fir-rigward ta’ arranġamenti transizzjonali biex jittaffa l-impatt tal-introduzzjoni tal-IFRS 9 fuq il-fondi proprji u għat-trattament tal-iskoperturi l-kbar ta’ ċerti skoperturi fis-settur pubbliku denominati fil-munita domestika ta’ kwalunkwe Stat Membru (ĠU L 345, 27.12.2017, p. 27)
40	Ir-Regolament (UE) 2017/2401 tal-Parlament Ewropew u tal-Kunsill tat-12 ta’ Diċembru 2017 li jemenda r-Regolament (UE) Nru 575/2013 dwar ir-rekwiżiti prudenzjali għall-istituzzjonijiet ta’ kreditu u għad-ditti ta’ investiment (ĠU L 347, 28.12.2017, p. 1)
41	Ir-Regolament (UE) 2019/630 tal-Parlament Ewropew u tal-Kunsill tas-17 ta’ April 2019 li jemenda r-Regolament (UE) Nru 575/2013 fir-rigward tal-kopertura minima għat-telf għal skoperturi improduttivi (ĠU L 11, 25.4.2019, p. 4)
42	Ħlief għat-Titolu V tagħha: Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338), u fejn applikabbli, il-miżuri relatati tal-livell 2
	emendata bi:
43	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190)
44	Id-Direttiva 2014/49/UE tal-Parlament Ewropew u tal-Kunsill tas-16 ta’ April 2014 dwar skemi ta’ garanzija tad-depożiti (riformulazzjoni) (ĠU L 173, 12.6.2014, p. 149)
45	Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190) u fejn applikabbli, il-miżuri relatati tal-livell 2
	emendata bi:
46	Id-Direttiva (UE) 2017/2399 tal-Parlament Ewropew u tal-Kunsill tat-12 ta’ Diċembru 2017 li jemenda d-Direttiva (UE) 2014/59/UE fir-rigward tal-klassifikazzjoni tal-istrumenti ta’ dejn mhux garantiti fil-ġerarkija tal-insolvenza (ĠU L 345, 27.12.2017, p. 96)
47	F’dak li jirrigwarda d-dispożizzjonijiet applikabbli għall-istituzzjonijiet ta’ kreditu u ħlief għall-Artikoli minn 34 sa 36 u għat-Titolu III tagħha: Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349) u fejn applikabbli, il-miżuri relatati tal-livell 2
	emendata bi:
48	Ir-Regolament (UE) Nru 909/2014 tal-Parlament Ewropew u tal-Kunsill tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014, p. 1)
49	Id-Direttiva (UE) 2016/1034 tal-Parlament Ewropew u tal-Kunsill tat-23 ta’ Ġunju 2016 li temenda d-Direttiva 2014/65/UE dwar is-swieq fl-istrumenti finanzjarji (ĠU L 175, 30.6.2016, p. 8)
50	Ir-Regolament (UE) Nru 909/2014 tal-Parlament Ewropew u tal-Kunsill tat-23 ta’ Lulju 2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014, p. 1)
	emendat bi:
51	Ir-Regolament (UE) 2016/1033 tal-Parlament Ewropew u tal-Kunsill tat-23 ta’ Ġunju 2016 li jemenda r-Regolament (UE) Nru 600/2014 dwar is-swieq tal-istrumenti finanzjarji, ir-Regolament (UE) Nru 596/2014 dwar l-abbuż tas-suq u r-Regolament (UE) Nru 909/2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli (ĠU L 175, 30.6.2016, p. 1)
52	Għal dak li jirrigwarda d-dispożizzjonijiet applikabbli għall-istituzzjonijiet ta’ kreditu Ir-Regolament (UE) Nru 600/2014 tal-Parlament Ewropew u tal-Kunsill tal-15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84)
	emendat bi:
53	Ir-Regolament (UE) 2016/1033 tal-Parlament Ewropew u tal-Kunsill tat-23 ta’ Ġunju 2016 li jemenda r-Regolament (UE) Nru 600/2014 dwar is-swieq tal-istrumenti finanzjarji, ir-Regolament (UE) Nru 596/2014 dwar l-abbuż tas-suq u r-Regolament (UE) Nru 909/2014 dwar titjib fis-saldu tat-titoli fl-Unjoni Ewropea u dwar depożitarji ċentrali tat-titoli (ĠU L 175, 30.6.2016, p. 1)
54	Ir-Regolament (UE) 2015/2365 tal-Parlament Ewropew u tal-Kunsill tal-25 ta’ Novembru 2015 dwar it-trasparenza ta’ tranżazzjonijiet ta’ finanzjament tat-titoli u l-użu mill-ġdid u li jemenda r-Regolament (UE) Nru 648/2012 (ĠU L 337, 23.12.2015, p. 1) f’dak li jirrigwarda l-istituzzjonijiet ta’ kreditu
55	Bl-eċċezzjoni tat-Titoli III u IV tagħha: Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE u 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (ĠU L 337, 23.12.2015, p. 35) u fejn applikabbli, il-miżuri relatati tal-livell 2

”

		ISSN 1977-074X
Il-Ġurnal Uffiċjali tal-Unjoni Ewropea		L 8

Edizzjoni bil-Malti	Leġiżlazzjoni	Volum 63 14ta' Jannar 2020

Werrej		II Atti mhux leġiżlattivi	Paġna
		FTEHIMIET INTERNAZZJONALI
	*	Informazzjoni dwar id-dħul fis-seħħ tal-Ftehim bejn il-Komunità Ewropea u l-Gvern tal-Awstralja dwar ċerti aspetti tas-servizzi tal-ajru	1
		REGOLAMENTI
	*	Regolament Delegat tal-Kummissjoni (UE) 2020/22 tal-31 ta’ Ottubru 2019 li jemenda l-Annessi I u III tar-Regolament (UE) 2019/631 tal-Parlament Ewropew u tal-Kunsill fir-rigward tal-monitoraġġ tal-emissjonijiet ta’ CO2 minn vetturi kummerċjali ħfief ġodda li jirċievu l-approvazzjoni tat-tip fi proċess b’diversi stadji ( 1 )	2
	*	Regolament ta’ Implimentazzjoni tal-Kummissjoni (UE) 2020/23 tat-13 ta’ Jannar 2020 li jikkonċerna n-nuqqas ta’ tiġdid tal-approvazzjoni tas-sustanza attiva thiacloprid, f’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 ( 1 )	8
	*	Regolament ta’ Implimentazzjoni tal-Kummissjoni (UE) 2020/24 tat-13 ta’ Jannar 2020 li jawtorizza estensjoni tal-użu taż-żrieragħ taċ-chia (Salvia hispanica) bħala ikel ġdid u l-bidla tal-kundizzjonijiet tal-użu u r-rekwiżiti speċifiċi tat-tikkettar taż-żrieragħ taċ-chia (Salvia hispanica) skont ir-Regolament (UE) 2015/2283 tal-Parlament Ewropew u tal-Kunsill u li jemenda r-Regolament ta’ Implimentazzjoni tal-Kummissjoni (UE) 2017/2470 ( 1 )	12
	*	Regolament ta’ Implimentazzjoni tal-Kummissjoni (UE) 2020/25 tat-13 ta’ Jannar 2020 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi ( 1 )	18
		DEĊIŻJONIJIET
	*	Deċiżjoni tal-Kummissjoni (UE) 2020/26 tat-13 ta’ Jannar 2020 li temenda l-Anness A tal-Ftehim Monetarju bejn l-Unjoni Ewropea u l-Prinċipat ta’ Monaco	32
	*	Deċiżjoni ta’ Implimentazzjoni tal-Kummissjoni (UE) 2020/27 tat-13 ta’ Jannar 2020 li tipposponi d-data tal-iskadenza tal-approvazzjoni tal-propikonażol għall-użu fi prodotti bijoċidali tat-tip ta’ prodott 8 ( 1 )	39


	(1) Test b’rilevanza għaż-ŻEE.