Artikolu 1

Fl-Anness I tar-Regolament (UE) 2016/1076 jiddaħħal dan li ġej wara l-kliem “IR-REPUBBLIKA TAL-BOTSWANA”:

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Artikolu 1

Emendi għar-Regolament ta’ Implimentazzjoni (UE) Nru 481/2012

Ir-Regolament ta’ Implimentazzjoni (UE) Nru 481/2012 huwa emendat kif ġej:

(1)

fl-Artikolu 1, il-paragrafu 1 huwa sostitwit b’dan li ġej: “1.   Dan ir-Regolament jistipula regoli għall-ġestjoni ta’ kwota tariffarja annwali tal-Unjoni għall-importazzjoni taċ-ċanga ta’ kwalità għolja, ipprovduta fir-Regolament (KE) Nru 617/2009, minn hawn ’il quddiem “il-kwota tariffarja”. Il-perjodu tal-kwota tariffarja, il-pajjiż ta’ oriġini, il-volum u d-dazju huma stabbiliti fl-Anness I ta’ dan ir-Regolament.”;

(2)

fl-Artikolu 2, il-paragrafi 1 u 2 jiġu sostitwiti b’dan li ġej: “1.   Il-kwota tariffarja għandha tkun ġestita fuq bażi ta’ min jiġi l-ewwel jinqeda l-ewwel skont l-Artikoli 49 sa 52 u l-Artikolu 53(1) tar-Regolament ta’ Implimentazzjoni tal-Kummissjoni (UE) 2015/2447 (*1). Ma għandha tkun meħtieġa l-ebda liċenzja tal-importazzjoni. 2.   Il-kwota tariffarja għandha tiġi ġestita bħala kwota tariffarja prinċipali b’volum ta’ 45 000 tunnellata metrika taħt in-numru tal-ordni 09.2201, b’dawn li ġejjin: (a) erba’ kwoti subtariffarji trimestrali taħt in-numru tal-ordni 09.2202; (b) żewġ kwoti subtariffarji trimestrali taħt in-numru tal-ordni 09.2203 mill-1 ta’ Jannar 2020 sal-30 ta’ Ġunju 2020; (c) erba’ kwoti subtariffarji trimestrali taħt in-numru tal-ordni 09.2203 mill-1 ta’ Lulju 2020. Il-benefiċċju mill-kwota tariffarja jista’ jingħata biss billi wieħed japplika għan-numri tal-ordni 09.2202 u 09.2203 li jirreferu għall-kwoti subtariffarji. (*1)  Ir-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558).”;"

(3)	L-Anness I jiġi sostitwit bit-test stipulat fl-Anness ta’ dan ir-Regolament.

Artikolu 2

Derogi mir-Regolament ta’ Implimentazzjoni (UE) Nru 481/2012 għas-sena ta’ kwota 2019/2020

B’deroga mill-Artikolu 2(3) tar-Regolament ta’ Implimentazzjoni (UE) Nru 481/2012, il-bilanċi mhux użati fil-31 ta’ Diċembru 2019 għandhom jiżdiedu fil-proporzjon stabbilit kif ġej għall-kwantitajiet għall-kwoti subtariffarji trimestrali li jibdew fl-1 ta’ Jannar 2020:

(a)	għall-kwota 09.2202: 58,89 %;

(b)	għall-kwota 09.2203: 41,11 %.

Artikolu 3

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2020.

ANNESS

Artikolu 1

Suġġett

Dan ir-Regolament jistabbilixxi l-arranġamenti dettaljati tar-rapporti tal-kwalità u l-kontenut meħtieġ tagħhom, fosthom deskrizzjoni tal-metodi għall-valutazzjoni tal-konformità mar-rekwiżiti tal-preċiżjoni, fuq id-data li l-Istati Membri jeħtieġ jittrażmettu lill-Kummissjoni (il-Eurostat) skont ir-Regolament (UE) 2019/1700.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)	“intervista bi prokura” tfisser intervista ma’ persuna li mhix l-istess persuna li mingħandha qed tintalab l-informazzjoni skont regoli speċifiċi stabbiliti minn kull stħarriġ li jispeċifika f’liema każijiet jistgħu jiġu aċċettati intervisti bi prokura;

(2)

“nonrispons” tfisser li stħarriġ ma rnexxilux jiġbor data għall-punti kollha tad-data fil-kwestjonarju tal-istħarriġ jew mill-unitajiet kollha tal-popolazzjoni deżinjata għall-ġbir tad-data, jew it-tnejn li huma, speċifikament: (a) “nonrispons ta’ unità” hu tip ta’ nuqqas ta’ rispons meta ma tinġabar l-ebda data dwar unità tal-popolazzjoni deżinjata għall-ġbir tad-data; (b) “nonrispons ta’ punt” hu tip ta’ nuqqas ta’ rispons meta ma tinġabar l-ebda data dwar varjabbli tal-istħarriġ b’rabta ma’ unità tal-popolazzjoni deżinjata;

(3)	“errur tal-kampjunar” tfisser parti mid-differenza bejn valur tal-popolazzjoni u stima ta’ dak il-valur derivat minn kampjun aleatorju, li tirriżulta mill-fatt li subsett biss tal-popolazzjoni hu enumerat;

(4)	“errur mhux tal-kampjunar” tfisser errur fl-istimi tal-istħarriġ li mhux attribwibbli għal flutwazzjonijiet tal-kampjunar;

(5)	“sostituzzjoni” fir-rigward tar-rispondenti tfisser is-sostituzzjoni ta’ unità li oriġinarjament ġiet ikkampjunata minn unità oħra, inkluż sostituzzjoni bejn jew fost unitajiet domestiċi;

(6)	“unitajiet eliġibbli” tfisser is-sett ta’ unitajiet tal-popolazzjoni magħżula mill-qafas tal-kampjunar li huma parti mill-popolazzjoni fil-mira;

(7)	“unitajiet ineliġibbli” tfisser unitajiet fil-kampjun li mhumiex parti mill-popolazzjoni fil-mira;

(8)	“kampjun nett”, imsejħa wkoll “kampjun miksub”, tfisser is-sett ta’ unitajiet tal-popolazzjoni (inkluż l-unitajiet tas-sostituzzjoni) magħżula mill-qafas tal-kampjunar, li minnhom inkisbet informazzjoni biżżejjed biex tinkludi l-unità fl-istimi tal-istħarriġ;

(9)	“kampjun gross”, imsejħa wkoll “kampjun inizjali”, tfisser is-sett ta’ unitajiet tal-popolazzjoni li ntgħażlu inizjalment mill-qafas tal-kampjunar. Il-kampjun gross jinkludi l-unitajiet eliġibbli (il-kampjun nett u l-unitajiet tan-nuqqas ta’ rispons) kif ukoll l-unitajiet ineliġibbli;

(10)	“imputazzjoni” tfisser proċedura għad-dħul ta’ valur għal punt speċifiku tad-data, fejn l-ebda rispons ma jkun disponibbli.

Artikolu 3

Rapporti tal-kwalità

Ir-rapporti tal-kwalità għandu jkun fihom data u metadata relatati mal-kwalità f’konformità mal-kriterji tal-kwalità u l-kunċetti statistiċi stabbiliti fl-Anness. Dawn ir-rapporti għandhom jirreferu wkoll għall-każijiet meta ma nkisbitx konformità mal-kriterji xierqa tal-kwalità jew meta ma ġewx applikati sew il-kunċetti statistiċi, jew it-tnejn li huma.

Artikolu 4

Deskrizzjoni tal-metodi għall-valutazzjoni tal-konformità mar-rekwiżiti tal-preċiżjoni

Il-Kummissjoni (il-Eurostat) għandha tivvaluta sa fejn id-data trażmessa mill-Istati Membri skont l-Anness II għar-Regolament (UE) 2019/1700 tissodisfa r-rekwiżiti tal-preċiżjoni. Meta l-Kummissjoni (il-Eurostat) tidentifika nuqqas ta’ konformità mar-rekwiżiti tal-preċiżjoni, din għandha tiġi vvalutata skont:

—	l-importanza u l-frekwenza tiegħu u l-impatt li dan iħalli fuq il-kwalità tal-indikaturi ewlenin, speċjalment il-komparabbiltà tagħhom;

—	jekk dan jistax jiġi rettifikat minnufih u jekk l-Istati Membri jagħmlux il-korrezzjonijiet meħtieġa b’mod effettiv;

—	jekk in-nuqqas ta’ konformità jistax jittaffa indirettament, b’mod partikolari b’tekniki ta’ stima, u jekk l-Istati Membri humiex qed jieħdu miżuri xierqa ta’ mitigazzjoni;

—	sa fejn l-Istati Membri jeżerċitaw kontroll fuq in-nuqqas ta’ konformità, li jista’ jirriżulta għal raġunijiet lil hinn mill-kontroll tagħhom;

—	l-estent sa fejn in-nuqqas ta’ konformità jippersisti tul is-sessjonijiet suċċessivi tal-ġbir tad-data;

—

jekk hemmx pjan ta’ azzjoni korrettiva approvat mill-Kummissjoni (il-Eurostat) u jekk hux implimentat b’mod effettiv; il-valutazzjoni ta’ pjan bħal dan se tqis it-tul taż-żmien meħtieġ biex jiġu rettifikati l-każijiet ta’ nuqqas ta’ konformità, b’mod partikolari fil-każ tal-ġbir tad-data lonġitudinali.

Artikolu 5

Standards tekniċi għat-trażmissjoni tar-rapporti tal-kwalità

Artikolu 6

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS

Kriterji tal-kwalità u kunċetti statistiċi

Ir-rapport tal-kwalità għandu jkun fih data u metadata relatati mal-kwalità f’konformità mal-kriterji tal-kwalità u l-kunċetti statistiċi li ġejjin.

Jekk kunċett statistiku partikolari ma jkunx rilevanti għal operazzjoni statistika, dak il-kunċett jenħtieġ jibqa’ fir-rapport tal-kwalità, akkumpanjat mill-kliem “Mhux applikabbli”.

1.   KUNTATTI

Punti tal-kuntatt individwali jew organizzazzjonali għal data jew metadata, inkluż dettalji tal-kuntatt.

2.   PREŻENTAZZJONI STATISTIKA

Deskrizzjoni tad-data disseminata, li tista’ tintwera lill-utenti bħala tabelli, graffs jew mapep.

2.1.   Deskrizzjoni tad-data

Deskrizzjoni tal-karatteristiċi ewlenin tas-sett tad-data.

2.2.   Sistemi tal-klassifikazzjoni

Meta applikabbli, il-lista tal-klassifikazzjonijiet u tat-tqassimiet użati għad-data, u kull devjazzjoni mill-istandards Ewropej tal-istatistika jew l-istandards internazzjonali.

2.3.   Kopertura tas-settur

Deskrizzjoni tat-temi ewlenin koperti mis-sett tad-data.

2.4.   Kunċetti statistiċi u definizzjonijiet, inkluż il-perjodu ta’ referenza

Il-lista tal-varjabbli kollha li jiddevjaw mid-definizzjoni standard, li ssemmi l-kunċetti nazzjonali użati u kull differenza bejn il-kunċetti nazzjonali u l-ġabriet tad-data rispettivi.

2.5.   Unitajiet statistiċi

Deskrizzjoni tal-unitajiet tal-osservazzjoni.

2.6.   Popolazzjoni statistika

Deskrizzjoni tal-popolazzjoni jew tal-popolazzjonijiet statistiċi fil-mira li għalihom jirreferi s-sett tad-data, jiġifieri l-popolazzjoni li dwarha trid tinġabar l-informazzjoni.

2.6.1.   Popolazzjoni(jiet) mhux koperta

Informazzjoni dwar kull sottopopolazzjoni mhux koperta mill-ġbir tad-data (eż. il-persuni mingħajr saqaf fuq rashom jew il-persuni li jgħixu fl-istituzzjonijiet), inkluż deskrizzjoni ta’ kull waħda minn dawn il-popolazzjonijiet u l-aħjar stima kwantitattiva tagħha.

2.7.   Żona ta’ referenza

Deskrizzjoni taż-żona ġeografika li magħha jkun relatat il-fenomenu statistiku mkejjel: iż-żona ġeografika koperta u lista tar-reġjuni esklużi.

2.8.   Kopertura taż-żmien

Il-perjodi jew il-punti fiż-żmien li tirreferi għalihom l-osservazzjoni.

3.   IPPROĊESSAR TAL-ISTATISTIKA

L-operazzjonijiet imwettqa fuq id-data biex tinkiseb informazzjoni ġdida dwar sett partikolari ta’ regoli.

3.1.    Data tas-sors

Deskrizzjoni tas-sors tad-data statistika mhux ipproċessata (eż. intervisti, data amministrattiva, kwalunkwe sors ieħor). Jekk jintużaw reġistri amministrattivi, dawn jenħtieġ jiġu deskritti b’mod ċar (is-sors, l-iskop primarju, nuqqasijiet possibbli, eċċ.)

3.1.1.   Qafas tal-kampjunar

Deskrizzjoni tal-metodi użati għall-kisba jew il-ħolqien tal-qafas tal-kampjunar.

3.1.2.   Disinn tal-kampjun

Deskrizzjoni tal-aspetti li ġejjin:

—	Tip ta’ disinn tal-kampjun (stratifikat, b’multistadji, raggruppat, bi stadju wieħed, b’żewġ stadji)

—	Kriterji tal-istratifikazzjoni u tas-substratifikazzjoni

—	Daqs tal-kampjun

3.2.   Frekwenza tal-ġbir tad-data

Informazzjoni dwar il-frekwenza tal-ġbir tad-data.

3.3.   Ġbir tad-data

Deskrizzjoni tal-metodi użati għall-ġbir tad-data (CAPI, CAWI, CATI, eċċ.). Jenħtieġ jinhemeż il-kwestjonarju nazzjonali użat għall-ġbir tad-data, flimkien ma’ traduzzjoni tiegħu bl-Ingliż.

3.4.   Validazzjoni tad-data

Deskrizzjoni tal-proċeduri użati għall-kontroll u l-validazzjoni tad-data tas-sors u tal-output, inkluż l-ispjegazzjoni ta’ kif ir-riżultati ta’ dawn il-validazzjonijiet huma monitorjati u użati.

3.5.   Kompilazzjoni tad-data

Deskrizzjoni tal-proċess tal-kompilazzjoni tad-data (eż. l-editjar tad-data, l-imputazzjoni, il-ponderazzjoni, l-aġġustament għan-nuqqas ta’ rispons, il-kalibrazzjoni, il-mudell użat, eċċ). Jenħtieġ li kull pass tal-ponderazzjoni jiġi deskritt separatament: il-kalkolu tal-ponderazzjonijiet tad-disinn; l-aġġustament tan-nuqqas ta’ rispons (kif tiġi kkoreġuta l-ponderazzjoni tad-disinn, filwaqt li jitqiesu d-differenzi fir-rati tar-rispons); il-kalibrazzjoni (il-livell u l-varjabbli użati fl-aġġustament, il-metodu applikat); il-kalkolu tal-ponderazzjonijiet tad-disinn.

4.   ĠESTJONI TAL-KWALITÀ

Is-sistemi u l-oqfsa fis-seħħ fi ħdan organizzazzjoni biex tkun ġestita l-kwalità tal-prodotti u l-proċessi statistiċi.

4.1.   Aċċertament tal-kwalità

Deskrizzjoni tal-qafas tal-aċċertament tal-kwalità u/jew tas-sistema tal-ġestjoni tal-kwalità (eż. EFQM, ISO 9000) użati fl-organizzazzjoni.

4.2.   Valutazzjoni tal-kwalità

Deskrizzjoni tal-kwalità ġenerali tal-outputs statistiċi, li jiġbru fil-qosor il-punti b’saħħithom ewlenin u kull nuqqas ta’ kwalità fil-kriterji standard tal-kwalità: ir-rilevanza, l-akkuratezza, l-affidabbiltà, it-tempestività, il-puntwalità, il-komparabbiltà u l-koerenza. Kwalunkwe kompromess bejn l-aspetti tal-kwalità u kwalunkwe titjib fil-kwalità previst jista’ jissemma.

5.   RILEVANZA

5.1.   Ħtiġijiet tal-utenti

Informazzjoni (jekk disponibbli) fuq (kwalunkwe) ħtiġijiet tal-utenti fir-rigward tad-data miġbura.

5.2.   Sodisfazzjon tal-utenti

Informazzjoni (jekk disponibbli) fuq il-livell ta’ sodisfazzjon tal-utenti tad-data fir-rigward tad-data miġbura u disponibbli.

5.3.   Kompletezza

Deskrizzjoni ta’ kull nuqqas ta’ konformità f’termini ta’ varjabbli li ma jiġux trażmessi.

6.   AKKURATEZZA U AFFIDABBILTÀ

6.1.   Akkuratezza ġenerali

Sommarju tad-diversi komponenti ta’ valutazzjoni tal-akkuratezza, marbuta ma’ sett tad-data jew dominju partikolari:

—	Deskrizzjoni tas-sorsi ewlenin ta’ erruri aleatorji u sistematiċi fl-outputs statistiċi, b’valutazzjoni fil-qosor tal-erruri kollha u b’enfasi partikolari fuq l-impatt fuq stimi ewlenin.

—	Jekk rilevanti, aspetti ta’ reviżjoni tad-data.

6.2.   Errur tal-kampjunar

—	Deskrizzjoni tal-metodoloġija użata għall-kalkolu tal-istimi tal-preċiżjoni.

—	Il-miżuri tal-preċiżjoni tal-istimi skont l-ispeċifikazzjonijiet tekniċi tas-settijiet tad-data individwali.

—	L-erruri standard fil-livell nazzjonali u, meta meħtieġ, fil-livell reġjonali (NUTS 2) għall-indikaturi ewlenin kif imsemmi fl-Anness II tar-Regolament (UE) 2019/1700.

6.3.   Errur mhux tal-kampjunar

6.3.1.   Errur tal-kopertura

Deskrizzjoni tad-diverġenza bejn il-popolazzjoni tal-qafas u l-popolazzjoni fil-mira.

—	Il-frekwenza u ż-żmien tal-aġġornamenti tal-qafas.

—	Erruri minħabba diskrepanzi bejn il-qafas tal-kampjunar u l-popolazzjoni u s-subpopolazzjonijiet fil-mira (kopertura żejda, kopertura nieqsa, klassifikazzjonijiet ħżiena).

6.3.2.   Errur fil-kejl

Deskrizzjoni tal-erruri li jseħħu waqt il-ġbir tad-data, u li jwasslu biex il-valuri rreġistrati tal-varjabbli jvarjaw mill-valuri reali.

—	Deskrizzjoni tal-isforzi magħmula fid-disinn u fl-ittestjar tal-kwestjonarju (inkluż l-indirizzar tal-erruri li jirriżultaw minn ġbir tad-data b’diversi modi u/jew b’diversi sorsi).

—	Deskrizzjoni tat-taħriġ tal-intervistatur.

—	Rati tal-intervisti bi prokura.

6.3.3.   Erruri minħabba nuqqas ta’ rispons

Deskrizzjoni ta’:

—	Il-karatteristiċi disponibbli tan-nonrispondenti

—	Ir-rati tan-nonrispons għall-unitajiet u għall-punti.

—	Ir-rati tas-sostituzzjoni.

—	Id-daqs gross tal-kampjun (id-daqs inizjali tal-kampjun), l-għadd ta’ unitajiet eliġibbli u d-daqs tal-kampjun nett, inkluż l-unitajiet tas-sostituzzjoni (id-daqs tal-kampjun miksub)

6.3.4.   Erruri tal-ipproċessar

Deskrizzjoni ta’ kull errur fl-ipproċessar u l-impatt tiegħu fuq ir-riżultati tal-ġbir tad-data finali, li jirriżultaw minn implimentazzjoni żbaljata ta’ metodi tal-implimentazzjoni li jkunu ppjanati b’mod korrett.

—	Deskrizzjoni tal-verifiki tal-kwalità u tal-proċess tal-editjar tad-data.

—	Deskrizzjoni tal-proċeduri tal-imputazzjoni.

—	Rati tal-imputazzjoni.

6.3.5.   Errur fil-preżunzjoni tal-mudell

Meta applikabbli: deskrizzjoni tal-errur li jirriżulta minn mudelli speċifiċi għad-dominju li huma meħtieġa biex tiġi definita l-mira tal-istima.

6.4.   Aġġustament staġunali (fejn applikabbli)

Deskrizzjoni tat-tekniki statistiċi użati biex jitneħħew l-effetti staġunali li jinfluwenzaw serje tad-data.

6.5.   Reviżjoni tad-data — politika

Deskrizzjoni tal-politika mmirata biex tiżgura t-trasparenza tad-data disseminata, bid-data preliminari tiġi riveduta wara l-kompilazzjoni.

6.6.   Reviżjoni tad-data — prattiki

Informazzjoni dwar il-prattiki tar-reviżjoni tad-data.

7.   TEMPESTIVITÀ U PUNTWALITÀ

Informazzjoni dwar:

—	Id-data tad-disseminazzjoni tar-riżultati nazzjonali.

—	L-għadd ta’ ġranet bejn tmiem il-ħidma fuq il-post u l-ewwel trażmissjoni validata għalkollox tad-data lill-Kummissjoni (il-Eurostat).

—	Id-data tal-ewwel trażmissjoni sħiħa tad-data lill-Kummissjoni (il-Eurostat). Jekk it-trażmissjoni tad-data ma tissodisfax l-iskadenza stabbilita fir-Regolament (UE) 2019/1700, jenħtieġ tingħata raġuni għad-dewmien.

8.   KOERENZA U KOMPARABBILTÀ

Deskrizzjoni ta’ kif ġew issodisfati r-rekwiżiti stabbiliti fid-dominju speċifiku, inkluż, meta rilevanti, l-impatt ta’ kwalunkwe devjazzjoni mill-kwestjonarju u d-definizzjonijiet.

8.1.   Komparabbiltà — ġeografika

Deskrizzjoni ta’ kull problema ta’ komparabilità bejn ir-reġjuni differenti tal-pajjiż.

8.2.   Komparabilità — tul iż-żmien

Informazzjoni dwar it-tul tas-serje taż-żmien komparabbli, inkluż is-snin meta kien hemm xi intervalli fis-serje, u r-raġunijiet għalihom.

8.3.   Koerenza — trażversali bejn id-dominji

Tqabbil ma’ sorsi esterni għall-varjabbli rilevanti kollha, meta l-Istati Membri kkonċernati jidhrilhom li din id-data esterna tkun affidabbli biżżejjed.

8.4.   Koerenza — statistika subannwali u annwali

Jekk applikabbli.

8.5.   Koerenza — Kontijiet nazzjonali

Jekk applikabbli.

8.6.   Koerenza — interna

Informazzjoni dwar kwalunkwe nuqqas ta’ koerenza fl-output tal-proċess statistiku.

9.   AĊĊESSIBBILTÀ U ĊAREZZA:

Informazzjoni dwar:

—	Il-formati tad-disseminazzjoni.

—	Id-dokumentazzjoni dwar il-metodoloġija u l-kwalità.

10.   KOST U PIŻ

Il-piż fuq ir-rispondenti u, jekk disponibbli, il-kost assoċjat mal-ġbir u l-produzzjoni tal-prodott statistiku. Jenħtieġ jiġi ddikjarat it-tul taż-żmien medju tal-intervisti tal-unitajiet domestiċi. Jekk possibbli u rilevanti, it-tul taż-żmien ta’ intervista tal-unità domestika jenħtieġ jiġi rrappurtat skont il-metodu tal-ġbir tad-data.

11.   KUNFIDENZJALITÀ

Informazzjoni dwar is-sjieda tad-data li tindika sa fejn l-iżvelar mhux awtorizzat tagħha jista’ jkun preġudizzjali jew dannuż għall-interess tas-sors jew ta’ xi parti rilevanti oħra.

—	Politika ta’ kunfidenzjalità — deskrizzjoni ta’ xi dispożizzjoni flimkien mal-leġiżlazzjoni Ewropea li huma rilevanti għall-kunfidenzjalità statistika applikata għad-data.

—	Kunfidenzjalità — trattament tad-data: deskrizzjoni ġenerali tar-regoli applikati għat-trattament tal-mikrodata u tal-makrodata (inkluż id-data tabulari) fir-rigward tal-kunfidenzjalità statistika.

12.   KUMMENT

Test deskrittiv supplimentari li jista’ jiġi inkluż fir-rapport tal-kwalità.

Artikolu 1

Suġġett

Dan ir-Regolament jistabbilixxi l-karatteristiċi tekniċi tal-popolazzjonijiet statistiċi u l-unitajiet tal-osservazzjoni, kif ukoll deskrizzjonijiet tal-varjabbli u tal-klassifikazzjonijiet statistiċi, għall-punti komuni għal diversi settijiet tad-data koperti mir-Regolament (UE) 2019/1700.

Artikolu 2

Definizzjonijiet użati biex jiġu speċifikati l-karatteristiċi tekniċi tas-settijiet tad-data

Għall-finijiet ta’ dan ir-Regolament, japplikaw id-definizzjonijiet li ġejjin:

(1)

“abitazzjoni” jew “unità residenzjali” tfisser binja, parti minnha, stabbiliment ieħor jew post tal-abitazzjoni użat għall-abitazzjoni tal-bnedmin, u tinkludi “abitazzjonijiet konvenzjonali” u “unitajiet oħra tal-akkomodazzjoni” kif definiti fl-Anness tar-Regolament tal-Kummissjoni (KE) Nru 1201/2009 (5);

(2)

“unità domestika ta’ persuna waħda” tfisser unità domestika privata li fiha tgħix waħedha f’unità residenzjali separata, jew li tokkupa, bħala kerrej, xi kamra (jew kmamar) separata/i iżda li ma tikkondividix ma’ xi wieħed mill-okkupanti l-oħra tal-unità residenzjali biex tifforma parti minn unità domestika ta’ diversi persuni;

(3)	“unità domestika privata ta’ diversi persuni” tfisser unità domestika privata li fiha normalment jgħix grupp ta’ żewġ persuni jew aktar ġo unità residenzjali jew ġo parti minn unità residenzjali u li jikkondividi l-introjtu jew l-ispejjeż tal-unità domestika mal-membri l-oħra tal-unità domestika;

(4)	“membru tal-unità domestika” tfisser ir-residenza abitwali ta’ unità domestika privata;

(5)

“dar tal-familja” tfisser unità residenzjali okkupata mill-membri ta’ unità domestika ta’ diversi persuni, u minn persuna li tqatta’ xi ħin band’oħra iżda li żżomm rabtiet mill-qrib mal-membri tal-unità domestika privata ta’ diversi persuni, speċjalment permezz ta’ relazzjonijiet familjari jew soġġorni regolari;

(6)	“kondiviżjoni tal-introjtu tal-unità domestika” tfisser li persuna tikkontribwixxi għall-introjtu ta’ unità domestika privata jew li tibbenefika minn introjtu ta’ unità domestika privata, jew it-tnejn li huma;

(7)

“spejjeż tal-unità domestika” tfisser l-ispejjeż imġarrba minn membri ta’ unità domestika privata biex ikollhom l-essenzjali għall-għajxien. Dawn jinkludu l-ispejjeż relatati mad-dar (jiġifieri l-kera, l-imposti tad-dar jew tal-appartament, u l-assigurazzjoni residenzjali) kif ukoll spejjeż oħra relatati mal-ħajja ta’ kuljum, fosthom ħtiġijiet bħall-ikel, il-ħwejjeġ, il-prodotti sanitarji, l-għamara, it-tagħmir u l-utensili, l-ivvjaġġar minn post għall-ieħor u trasport ieħor, il-kura medika u l-assigurazzjoni, l-edukazzjoni u t-taħriġ, l-attivitajiet sportivi u divertenti u l-vaganzi;

(8)

“istituzzjoni” tfisser korp jew stabbiliment ġuridiku li jipprovdu akkomodazzjoni fit-tul lil grupp ta’ persuni u l-faċilitajiet u s-servizzi meħtieġa għall-ħajja ta’ kuljum. Il-maġġoranza tal-istituzzjonijiet jaqgħu fil-kategoriji li ġejjin: — sptarijiet, djar għall-konvalexxenza, stabbilimenti għall-persuni b’diżabbiltà, istituzzjonijiet psikjatriċi, djar tal-anzjani u djar tal-kura; — faċilitajiet tal-għajxien assistit u istituzzjonijiet tal-assistenza soċjali, inkluż dawk għall-persuni mingħajr saqaf, dawk li jitolbu l-ażil jew ir-refuġjati; — kampijiet militari u każermi; — istituzzjonijiet korrettivi u penali, ċentri taż-żamma u ta’ kustodja, ħabsijiet; — istituzzjonijiet reliġjużi; — dormitorji tal-istudenti terzjarji (skont arranġamenti speċifiċi).

Artikolu 3

Karatteristiċi tekniċi tal-popolazzjonijiet statistiċi u tal-unitajiet tal-osservazzjoni

Artikolu 4

Każijiet partikolari waqt l-applikazzjoni tal-kunċett ta’ residenza abitwali

Artikolu 5

Deskrizzjoni tal-varjabbli u l-klassifikazzjonijiet statistiċi

L-Anness ta’ dan ir-Regolament jistabbilixxi deskrizzjonijiet u klassifikazzjonijiet għall-varjabbli komuni għal diversi settijiet tad-data.

Artikolu 6

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS

Id-deskrizzjonijiet u l-klassifikazzjonijiet għall-varjabbli komuni għal diversi settijiet tad-data skont ir-Regolament (UE) 2019/1700

Isem il-varjabbli	Deskrizzjoni tal-varjabbli	Kategoriji (klassifikazzjonijiet) tal-varjabbli għat-trażmissjoni tad-data lill-Kummissjoni (il-Eurostat)
Ġeneru	Il-ġeneru hu l-kombinazzjoni ta’ karatteristiċi bijoloġiċi u fiżjoloġiċi li jiddefinixxu persuna bħala maskili jew femminili. Meta l-ġeneru bijoloġiku ta’ persuna ma jkunx magħruf, l-informazzjoni tista’ tinbidel b’informazzjoni mid-data amministrattiva jew il-ġeneru awtodikjarat (data tal-istħarriġ).	— Raġel — Mara
Età fi snin magħluqa	L-età fi snin magħluqa hi l-età tal-persuna fl-aħħar għeluq sninha qabel id-data ta’ referenza tal-ġbir tad-data jew tal-intervista, jiġifieri l-intervall taż-żmien bejn id-data tat-twelid u d-data ta’ referenza, espress fi snin magħluqa. L-informazzjoni li ġejja għandha tingħata għal dan il-varjabbli: — Sena tat-twelid — Jekk id-data ta’ għeluq is-snin tkunx għaddiet fid-data ta’ referenza jew le — Data ta’ referenza Id-data ta’ referenza hi speċifika għal kull ġbir tad-data (dominju) kif speċifikat fil-leġiżlazzjoni korrispondenti ta’ implimentazzjoni. Iżda fil-każ ta’ pajjiżi li jużaw sistema integrata ta’ stħarriġijiet tal-unitajiet domestiċi b’ġimgħa ta’ referenza fissa, id-data ta’ referenza tkun l-aħħar jum tal-ġimgħa ta’ referenza.	— Sena tat-twelid (4 ċifri) — Id-data ta’ għeluq is-snin tkunx għaddiet fid-data ta’ referenza jew le — Data ta’ referenza (JJ/XX/SSSS)
Sħab li jgħixu fl-istess unità domestika	Sħab li jgħixu fl-istess unità domestika privata huma persuni li jgħixu ma’ persuna oħra meqjusa bħala sieħeb/sieħba abbażi tal-arranġamenti tal-għajxien attwali tagħhom fl-unità domestika privata, irrispettivament minn jekk ir-relazzjoni mas-sieħeb/sieħba tkunx irreġistrata legalment (eż. żwieġ jew unjoni ċivili) jew relazzjoni de facto. “Sieħeb/sieħba” jista’ jiġi definit skont l-istatus tar-relazzjoni legali (ir-raġel jew il-mara jew is-sieħeb/sieħba ċivili) jew de facto (is-sieħeb/sieħba jew il-konkubin(a)) tar-relazzjoni.	— Persuna li tgħix ma’ sieħeb/sieħba legali jew de facto — Persuna li ma tgħixx ma’ sieħeb/sieħba legali jew de facto — Ebda risposta  (1) — Mhux applikabbli  (2)
Tip ta’ unità domestika	It-tip ta’ unità domestika hu definit minn kompożizzjoni ta’ unità domestika privata, fejn: — “Ġenitur waħdu” hu ġenitur li ma jgħixx ma’ sieħeb/sieħba (legali jew de facto) fl-istess unità domestika privata li jkollu ħafna mir-responsabilitajiet ta’ kuljum fit-trobbija tal-ulied. — It-termini “wild” jew “ulied/tfal” jirreferu għall-preżenza ta’ iben tifel jew subien jew ta’ bint tifla jew bniet fl-unità domestika, ta’ iben jew bint naturali jew adottati, jew ta’ iben jew bint il-mara jew ir-raġel. “Iben jew bint naturali jew adottati jew iben jew bint il-mara jew ir-raġel” tirreferi għal membru (bijoloġiku) naturali, adottat jew miż-żwieġ preċedenti tal-familja, irrispettivament mill-età jew mill-istatus tas-sħubija jew tar-relazzjoni, li jkollu r-residenza abitwali tiegħu fl-unità domestika privata ta’ mill-anqas wieħed mill-ġenituri. “Adozzjoni” tfisser it-teħid u t-trattament ta’ wild bijoloġiku ta’ ġenituri oħra daqslikieku kienu tal-persuna stess kif previst mil-liġijiet tal-pajjiż fejn permezz ta’ proċess ġudizzjarju l-wild adottat — kemm jekk relatat jew le ma’ min jadottah — jikseb id-drittijiet u l-istatus ta’ wild bijoloġiku mwieled mill-ġenituri li jadottawh. “Iben jew bint il-mara jew ir-raġel” tirreferi għal sitwazzjoni meta ġenitur bi żwieġ ieħor jittratta wild is-sieħeb/sieħba tiegħu daqslikieku tiegħu sa fejn previst mil-liġijiet tal-pajjiż, mingħajr ma jadottah; it-tfal fosterjati u t-tfal tar-rispett mhumiex koperti minn din il-kategorija. — “Koppja” hi definita bħala par individwi meqjusa bħala sħab f’termini tal-arranġamenti tal-għajxien attwali tagħhom fl-unità domestika, irrispettivament minn jekk ir-relazzjoni mas-sieħeb/sieħba tkunx relazzjoni rreġistrata legalment (eż. żwieġ jew unjoni ċivili) jew de facto (konkubini). — Tipi oħra ta’ unitajiet domestiċi huma dawk li ma jaqgħux f’xi waħda mill-kategoriji ta’ hawn fuq	— Unità domestika b’persuna waħda — Ġenitur waħdu b’mill-inqas wild wieħed li għandu inqas minn 25 sena — Ġenitur waħdu bit-tfal li lkoll għandhom 25 sena jew aktar — Koppja mingħajr tfal — Koppja b’mill-inqas wild wieħed li għandu inqas minn 25 sena — Koppja bit-tfal li lkoll għandhom 25 sena jew aktar — Tip ieħor ta’ unità domestika — Ebda risposta (1)
Status tal-attività ewlenija (awtodefinit)	L-istatus awtodefinit tal-attività ewlenija hu l-perċezzjoni proprja tal-persuna tal-aktar attività attwali importanti li tiddeskrivi kif il-persuna tipperċepixxi primarjament lilha nnifisha. Filwaqt li għal persuna partikolari jaf ikun japplika aktar minn status ta’ attività wieħed, l-aktar wieħed importanti hu dak meqjus mill-perċezzjoni tal-persuna stess u li jirreferi għas-sitwazzjoni attwali. Il-kategorija “servizz militari jew ċivili obbligatorju” jaf ma tkunx tapplika f’xi pajjiżi, u f’dan il-każ għandha titneħħa.	— Impjegata — Qiegħda — Irtirata — Inkapaċi taħdem minħabba problemi ta’ saħħa dejjiema — Studenta — Twettaq kompiti domestiċi — Servizz militari jew ċivili obbligatorju (jekk applikabbli) — Oħrajn — Ebda risposta (1) — Mhux applikabbli (2)
Impjieg ewlieni full-time jew part-time (awtodefinit)	Il-varjabbli jiddeskrivi l-involviment tas-soltu tal-ħin fl-impjieg ewlieni ta’ persuna b’impjieg, abbażi tal-perċezzjoni tal-persuna stess (jiġifieri, awtodefinit) tas-sigħat tas-soltu maħduma fl-impjieg ewlieni. Il-varjabbli jiddistingwi bejn impjiegi full-time jew part-time. It-terminu “impjieg” jintuża b’referenza għall-impjieg. Persuna li taħdem f’impjieg part-time normalment taħdem anqas sigħat minn ħaddiem full-time paragunabbli. Id-distinzjoni tirreferi għas-sigħat li persuna taħdem normalment fl-impjieg ewlieni tul perjodu ta’ referenza itwal u dan jiġi awtodefinit, jiġifieri l-persuna trid tiddeċiedi jekk l-impjieg ewlieni tagħha fil-kuntest tal-professjoni jew tal-intrapriża tagħha hux part-time jew full-time.	— Impjieg full-time — Impjieg part-time — Ebda risposta (1) — Mhux applikabbli (2)
Status tal-impjieg fl-impjieg ewlieni	Il-varjabbli hu bbażat fuq il-Klassifikazzjoni Internazzjonali tal-Istatus fl-Impjieg (l-ICSE) u jirreferi għall-impjieg ewlieni ta’ persuna fl-impjieg, kif ġej: — Persuni li jaħdmu għal rashom bl-impjegati — persuni li jaħdmu fin-negozju, fil-prattika professjonali jew fl-azjenda agrikola tagħhom stess għall-fini li jagħmlu qligħ permezz tal-oġġetti jew tas-servizzi prodotti, u li jimpjegaw tal-anqas persuna waħda oħra. — Persuni li jaħdmu għal rashom mingħajr impjegati — persuni li jaħdmu fin-negozju, fil-prattika professjonali jew fl-azjenda agrikola tagħhom stess għall-fini li jagħmlu qligħ permezz tal-oġġetti jew tas-servizzi prodotti, u li ma jimpjegawx persuni oħra. — Impjegati — persuni li jaħdmu għal impjegatur pubbliku jew privat abbażi ta’ kuntratt bil-miktub jew verbali u li jirċievu pagament ta’ flus kontanti jew in natura. — Ħaddiema tal-familja (bla ħlas) — persuni li jgħinu lil membru ieħor tal-familja fit-tmexxija ta’ azjenda agrikola jew negozju ieħor tal-familja, diment li dawn ma jkunux jitqiesu bħala impjegati fis-sens li ma jistgħux jirċievu ħlas għal xogħolhom.	— Persuna li taħdem għal rasha bl-impjegati — Persuna li taħdem għal rasha mingħajr impjegati — Impjegata — Ħaddiema tal-familja (bla ħlas) — Ebda risposta (1) — Mhux applikabbli (2)
Attività ekonomika tal-unità lokali għall-impjieg ewlieni	Il-varjabbli jiddetermina s-settur jew l-attività ekonomiċi tal-unità lokali (l-intrapriża) li fiha jinsab l-impjieg ewlieni — ta’ persuna fl-impjieg — skont il-kategoriji stabbiliti mill-Klassifikazzjoni Statistika tal-Attivitajiet Ekonomiċi (NACE  (3) Rev. 2).	Il-livell ta’ dettall meħtieġ (livell ta’ 1, 2 jew 3 ċifri) hu speċifiku għall-kuntest għal kull ġbir tal-mikrodata: — NACE Rev. 2 — Ebda risposta (1) — Mhux applikabbli (2)
Okkupazzjoni fl-impjieg ewlieni	Il-varjabbli jiddetermina l-okkupazzjoni fl-impjieg ewlieni ta’ persuna fl-impjieg, klassifikata skont il-kategoriji stabbiliti mill-Klassifika Internazzjonali Standard tal-Impjiegi, il-verżjoni tal-2008 (ISCO-08)  (4).	Il-livell ta’ dettall meħtieġ (livell ta’ 2 jew 4 ċifri) hu speċifiku għall-kuntest għal kull ġbir tal-mikrodata: — ISCO-08 — Ebda risposta (1) — Mhux applikabbli (2)
Livell edukattiv milħuq	Il-livell edukattiv milħuq ta’ individwu hu l-ogħla livell ISCED (Klassifikazzjoni Standard Internazzjonali tal-Edukazzjoni 2011  (5)) li ntemm b’suċċess. It-tlestija b’suċċess ta’ programm edukattiv hi vvalidata bi kwalifika rikonoxxuta uffiċjalment mill-awtoritajiet edukattivi nazzjonali rilevanti jew rikonoxxuta bħala ekwivalenti għal kwalifika oħra tal-edukazzjoni formali. Għall-pajjiżi li l-programmi edukattivi tagħhom, b’mod partikolari dawk li jappartjenu għal-livelli 1 u 2 tal-ISCED, ma jwasslux għal kwalifika, jista’ jintuża l-kriterju ta’ attendenza sħiħa tal-programm u ta’ kisba normali tal-aċċess għal livell edukattiv ogħla. Meta jiġi ddeterminat l-ogħla livell, jenħtieġ jitqiesu kemm l-edukazzjoni ġenerali kif ukoll dik vokazzjonali. Il-kunċett ta’ “tlestija b’suċċess ta’ programm tal-edukazzjoni” tipikament jikkorrispondi għas-sitwazzjoni meta student jattendi korsijiet jew klassijiet u jikseb il-kwalifika finali relatata ma’ programm tal-edukazzjoni formali. F’dan ir-rigward, il-livell edukattiv milħuq jikkorrispondi għall-ogħla livell li ntemm b’suċċess fil-ġerarkija tal-ISCED. Il-livell edukattiv milħuq hu ddefinit skont l-ISCED. Il-kategorija “Mhux applikabbli” trid tintuża biex jingħaddu l-unitajiet statistiċi li huma parti mill-popolazzjoni tas-sors tad-data iżda li għalihom b’mod sistematiku ma tirrapporta l-ebda informazzjoni dwar il-varjabbli (eż. persuni taħt ċerta età).	Il-livell ta’ dettall tal-informazzjoni hu speċifiku għall-kuntest għal kull ġbir tad-data (id-dominju). Għal kull kategorija hemm indikati kodiċijiet ISCED-A fejn ikun hemm relazzjoni ta’ wieħed ma’ wieħed bejn kategorija u l-kodiċi Kategoriji addizzjonali huma speċifikati għal sitwazzjonijiet ta’ informazzjoni mhux kompluta dwar l-aċċess għall-edukazzjoni terzjarja jew l-orjentazzjoni kkunsidrati:
		L-ebda edukazzjoni formali jew anqas mill-ISCED 1	0
		ISCED 1 — Edukazzjoni primarja	1
		ISCED 2 — Edukazzjoni sekondarja bażika	2
		ISCED 3 — Edukazzjoni sekondarja għolja	3
		ISCED 3 — Edukazzjoni sekondarja għolja — ġenerali	34
		ISCED 3 — Edukazzjoni sekondarja għolja (ġenerali) — tlestija parzjali tal-livell, mingħajr aċċess dirett għall-edukazzjoni terzjarja	342
		ISCED 3 — Edukazzjoni sekondarja għolja (ġenerali) — tlestija tal-livell, mingħajr aċċess dirett għall-edukazzjoni terzjarja	343
		ISCED 3 — Edukazzjoni sekondarja ġenerali (ġenerali) — tlestija tal-livell, b’aċċess dirett għall-edukazzjoni terzjarja	344
		ISCED 3 — Edukazzjoni sekondarja għolja (ġenerali) — mingħajr distinzjoni possibbli tal-aċċess għall-edukazzjoni terzjarja	-
		ISCED 3 — Edukazzjoni sekondarja għolja — vokazzjonali	35
		ISCED 3dukazzjoni sekondarja għolja (vokazzjonali) — tlestija parzjali tal-livell, mingħajr aċċess dirett għall-edukazzjoni terzjarja	352
		ISCED 3 — Edukazzjoni sekondarja għaolja (vokazzjonali) — tlestija tal-livell, mingħajr aċċess dirett għall-edukazzjoni terzjarja	353
		ISCED 3 — Edukazzjoni sekondarja għolja (vokazzjonali) — tlestija tal-livell, b’aċċess dirett għall-edukazzjoni terzjarja	354
		ISCED 3 — Edukazzjoni sekondarja għolja (vokazzjonali) — mingħajr distinzjoni possibbli tal-aċċess għall-edukazzjoni terzjarja	-
		ISCED 3 — Edukazzjoni sekondarja għolja — orjentazzjoni mhux magħrufa	-
		ISCED 3 — Edukazzjoni sekondarja għolja (orjentazzjoni mhux magħrufa) — tlestija parzjali tal-livell, mingħajr aċċess dirett għall-edukazzjoni terzjarja	-
		ISCED 3 — Edukazzjoni sekondarja għolja (orjentazzjoni mhux magħrufa) — tlestija tal-livell, mingħajr aċċess dirett għall-edukazzjoni terzjarja	-
		ISCED 3 — Edukazzjoni sekondarja għolja (orjentazzjoni mhux magħrufa) — tlestija tal-livell, b’aċċess dirett għall-edukazzjoni terzjarja	-
		ISCED 3 — Edukazzjoni sekondarja għolja (orjentazzjoni mhux magħrufa) — mingħajr distinzjoni possibbli tal-aċċess għall-edukazzjoni terzjarja	-
		ISCED 4 — Edukazzjoni postsekondarja mhux terzjarja	4
		ISCED 4 — Edukazzjoni postsekondarja mhux terzjarja — ġenerali	44
		ISCED 4 — Edukazzjoni postsekondarja mhux terzjarja — vokazzjonali	45
		ISCED 4 — Edukazzjoni postsekondarja mhux terzjarja — orjentazzjoni mhux magħrufa	-
		ISCED 5 — Edukazzjoni terzjarja f’ċikli qosra	5
		ISCED 5 — Edukazzjoni terzjarja f’ċikli qosra — ġenerali	54
		ISCED 5 — Edukazzjoni terzjarja f’ċikli qosra — vokazzjonali	55
		ISCED 5 — Edukazzjoni terzjarja f’ċikli qosra — orjentazzjoni mhux magħrufa	-
		ISCED 6 — Baċellerat jew livell ekwivalenti	6
		ISCED 7 — Masters jew livell ekwivalenti	7
		ISCED 8 — Dottorat jew livell ekwivalenti	8
		Ebda risposta
		Mhux applikabbli
Pajjiż tat-twelid	Il-pajjiż tat-twelid ta’ individwu hu ddefinit bħala l-pajjiż tar-residenza abitwali ta’ omm l-individwu fil-ħin tal-ħlas, skont il-fruntieri nazzjonali attwali (u mhux skont il-fruntieri fis-seħħ fil-ħin tat-twelid). Jekk l-informazzjoni dwar il-post tar-residenza abitwali tal-omm fil-ħin tal-ħlas ma tkunx disponibbli, għandu jiġi rrappurtat il-post fejn ikun seħħ it-twelid. Il-lista tal-pajjiżi u l-kodiċijiet korrispondenti hi ddefinita skont il-lista tal-Kodiċi Standard tal-Eurostat (SCL) GEO  (6)	— Pajjiż tat-twelid (Kodiċi tal-SCL GEO) — Twelid barra mill-pajjiż iżda l-pajjiż tat-twelid mhux magħruf — Ebda risposta (1) — Mhux applikabbli (2)
Pajjiż taċ-ċittadinanza ewlenija	Il-varjabbli jirrapporta dwar il-pajjiż taċ-ċittadinanza ewlenija tal-persuna, definita bħala r-rabta legali partikolari bejn individwu u l-Istat tiegħu, miksuba bit-twelid jew b’naturalizzazzjoni, kemm jekk permezz ta’ dikjarazzjoni, għażla, żwieġ jew mezzi oħra skont il-leġiżlazzjoni nazzjonali. Persuna li jkollha żewġ ċittadinanzi jew aktar għandha tiġi allokata lil pajjiż wieħed biss taċ-ċittadinanza, li jrid jiġi determinat skont din l-ordni ta’ prijorità: — il-pajjiż rapportatur, — jekk il-persuna ma jkollhiex iċ-ċittadinanza tal-pajjiż rapportatur: Stat Membru ieħor, — jekk il-persuna ma jkollhiex iċ-ċittadinanza ta’ Stat Membru: pajjiż ieħor barra l-Unjoni. F’każijiet oħra (eż. ċittadinanza doppja fejn iż-żewġ pajjiżi jkunu fl-Unjoni iżda l-ebda wieħed minnhom ma jkun il-pajjiż rapportatur), il-persuna tista’ tagħżel liema pajjiż taċ-ċittadinanza għandu jiġi rreġistrat jew, jekk din l-informazzjoni ma tkunx disponibbli, il-pajjiż rapportatur jista’ jiddetermina liema pajjiż taċ-ċittadinanza għandu jiġi allokat. Il-lista tal-pajjiżi u l-kodiċijiet korrispondenti hi ddefinita skont il-lista tal-Kodiċi Standard tal-Eurostat (SCL) GEO (6). Il-kategorija “Apolidi” tikkorrispondi għal persuna mingħajr ċittadinanza rikonoxxuta ta’ stat.	— Pajjiż taċ-ċittadinanza ewlenija (il-kodiċi tal-SCL GEO) — Apolidi — Ċittadinanza barranija iżda l-pajjiż mhux magħruf — Ebda risposta (1) — Mhux applikabbli (2)
Pajjiż tat-twelid tal-missier	Il-varjabbli jirrapporta dwar il-pajjiż tat-twelid ta’ missier il-persuna, jiġifieri l-pajjiż tar-residenza abitwali (bil-fruntieri attwali tiegħu, jekk l-informazzjoni tkun disponibbli) ta’ omm il-missier il-persuna fil-ħin tal-ħlas tiegħu, jew, fin-nuqqas ta’ dan, il-pajjiż (bil-fruntieri attwali tiegħu, jekk l-informazzjoni tkun disponibbli) li fih seħħ it-twelid ta’ missier il-persuna. L-informazzjoni dwar il-pajjiż tat-twelid tal-missier trid tinkiseb skont l-istess regoli kif previsti għall-varjabbli “Pajjiż tat-twelid”. Il-“missier” hu ġenitur maskili ta’ “iben jew bint”, li jkun (bijoloġiku) naturali, adottiv jew ir-raġel tal-omm/tal-missier bi żwieġ ieħor. Jekk il-persuna jkollha mhux biss missier (bijoloġiku) naturali iżda anki eż. missier adottiv jew ir-raġel tal-omm/tal-missier bi żwieġ ieħor, il-pajjiż tat-twelid jenħtieġ jirreferi għal min tabilħaqq rabba lill-persuna u aġixxa bħala l-missier f’sens affettiv jew legali, eż. il-gwardjan raġel. Jekk il-persuna jkollha ġenituri tal-istess ġeneru, li t-tnejn ikunu nisa, dan il-varjabbli jista’ jintuża biex jiġi rrappurtat il-pajjiż tat-twelid ta’ waħda mill-ommijiet. Il-lista tal-pajjiżi u l-kodiċijiet korrispondenti hi ddefinita skont il-lista tal-Kodiċi Standard tal-Eurostat (SCL) GEO (6).	— Pajjiż tat-twelid tal-missier (il-kodiċi tal-SCL GEO) — Missier twieled barra mill-pajjiż iżda l-pajjiż tat-twelid tal-missier mhux magħruf — Ebda risposta (1) — Mhux applikabbli (2)
Pajjiż tat-twelid tal-omm	Il-varjabbli jirrapporta dwar il-pajjiż tat-twelid ta’ omm il-persuna, jiġifieri l-pajjiż tar-residenza abitwali (bil-fruntieri attwali tiegħu, jekk l-informazzjoni tkun disponibbli) ta’ omm l-omm il-persuna fil-ħin tal-ħlas tagħha jew, fin-nuqqas ta’ dan, il-pajjiż (bil-fruntieri attwali tiegħu, jekk l-informazzjoni tkun disponibbli) li fih seħħ it-twelid ta’ omm il-persuna. L-informazzjoni dwar il-pajjiż tat-twelid tal-omm trid tinkiseb skont l-istess regoli kif previsti għall-varjabbli “Pajjiż tat-twelid”. L-“omm” hi ġenitur mara ta’ “iben jew bint”, jew (bijoloġika) naturali, adottiva jew il-mara tal-missier/tal-omm bi żwieġ ieħor. Jekk il-persuna jkollha mhux biss omm (bijoloġika) naturali iżda anki eż. missier adottiv jew il-mara tal-missier/tal-omm, il-pajjiż tat-twelid għandu jirreferi għal min tabilħaqq rabba lill-persuna u aġixxa bħala omm f’sens affettiv jew legali, eż. il-gwardjana mara. Jekk il-persuna jkollha ġenituri tal-istess ġeneru, li t-tnejn ikunu rġiel, dan il-varjabbli jista’ jintuża biex jiġi rrappurtat il-pajjiż tat-twelid ta’ wieħed mill-missirijiet. Il-lista tal-pajjiżi u l-kodiċijiet korrispondenti hi ddefinita skont il-lista tal-Kodiċi Standard tal-Eurostat (SCL) GEO (6).	— Pajjiż tat-twelid tal-omm (Kodiċi tal-SCL GEO) — Omm twieldet barra mill-pajjiż iżda l-pajjiż tat-twelid tal-omm mhux magħruf — Ebda risposta (1) — Mhux applikabbli (2)
Pajjiż ta’ residenza	Il-pajjiż ta’ residenza hu l-pajjiż li fih il-persuna jew l-unità domestika għandha r-residenza abitwali tagħha, skont il-fruntieri nazzjonali kurrenti. Il-lista tal-pajjiżi u l-kodiċijiet korrispondenti hi ddefinita skont il-lista tal-Kodiċi Standard tal-Eurostat (SCL) GEO (6).	— Pajjiż ta’ residenza (il-kodiċi tal-SCL GEO)
Reġjun ta’ residenza	Ir-reġjun ta’ residenza hu r-reġjun, fil-pajjiż ta’ residenza li fih il-persuna jew l-unità domestika għandha r-residenza abitwali tagħha, definit għall-Istati Membri abbażi tan-Nomenklatura tal-Unitajiet Territorjali għall-Istatistika (NUTS) imsemmija fl-Artikolu 3 tar-Regolament (KE) Nru 1059/2003 u fl-Anness I tiegħu.	Il-livell ta’ dettall (NUTS 1, 2 jew 3) hu speċifiku għall-kuntest għal kull ġbir tal-mikrodata: — Reġjun ta’ residenza (il-kodiċi NUTS)
Grad ta’ urbanizzazzjoni	Il-varjabbli jirrapporta dwar il-grad ta’ urbanizzazzjoni taż-żona li fiha l-persuna jew l-unità domestika għandha r-residenza abitwali tagħha, permezz tal-klassifikazzjoni tal-Unitajiet Amministrattivi Lokali (LAU) f’wieħed mit-tliet tipi ta’ żona: 1. “Bliet”— żoni b’densità għolja ta’ popolazzjoni fejn tal-anqas 50 % tal-popolazzjoni tgħix f’ċentru urban. 2. “Bliet żgħar u subborgi”— żoni b’densità intermedja fejn tal-anqas 50 % tal-popolazzjoni tgħix f’raggruppamenti urbani, iżda li mhumiex “bliet”. 3. “Żoni rurali”— żoni b’popolazzjoni sparsa fejn aktar minn 50 % tal-popolazzjoni tgħix f’ċelloli tal-grilja rurali.	— Bliet — Bliet żgħar u subborgi — Żoni rurali
Grilja tal-unitajiet domestiċi	Il-grilja tal-unitajiet domestiċi tirrapporta dwar il-kompożizzjoni tal-unitajiet domestiċi privati u r-relazzjonijiet intra-familjari bejn il-membri tal-unitajiet domestiċi. Il-grilja tal-unitajiet domestiċi għandha tkun fil-forma ta’ matriċi li jkun fiha r-relazzjonijiet bejn kull wieħed mill-membri kollha tal-unità domestika, fejn kull ringiela u kolonna tkun tikkorrispondi għal membru wieħed tal-unità domestika, u fejn ir-relazzjoni bejn il-membri tkun indikata mill-kategoriji standard fiċ-ċelloli fejn jiltaqgħu r-ringiela u l-kolonna tal-membri rispettivi, kif ġej: — “Sieħeb/sieħba” għandu jiġi definit skont l-istatus tas-sħubija jew tar-relazzjoni legali jew de facto. — Ir-“raġel” jew il-“mara” jew is-“sieħeb/sieħba ċivili” għandhom jiġu identifikati skont l-istat ċivili legali, jiġifieri l-istatus konjugali (legali) ta’ kull individwu fir-rigward tal-liġijiet taż-żwieġ (jew l-użanzi) tal-pajjiż (jiġifieri l-istatus de jure), inkluż is-sħab ċivili. Il-membri ta’ koppji tal-istess ġeneru jistgħu jkunu r-“raġel” jew il-“mara” jew is-“sieħeb/sieħba ċivili” jekk dan jiġi konkluż skont il-liġijiet taż-żwieġ (jew l-użanzi) tal-pajjiż. — “Sieħeb/sieħba” jew “konkubin” hu identifikat skont ir-relazzjoni de facto, jiġifieri l-istatus tas-sħubija jew tar-relazzjoni ta’ kull individwu f’termini tal-arranġamenti tal-għajxien attwali tiegħu fl-unità domestika. — “Iben” jew “bint”, kemm jekk naturali jew adottati jew iben jew bint miż-żwieġ ta’ qabel. — “Iben jew bint naturali naturali jew adottati” jew “iben jew bint il-mara jew ir-raġel” tirreferi għal membru (bijoloġiku) naturali, adottat jew miż-żwieġ ta’ qabel tal-familja (irrispettivament mill-età jew mill-istatus tas-sħubija jew tar-relazzjoni) li jkollu r-residenza abitwali fl-unità domestika ta’ mill-anqas wieħed mill-ġenituri. “Adozzjoni” tfisser it-teħid u t-trattament ta’ wild bijoloġiku ta’ ġenituri oħra daqslikieku tal-persuna adottiva stess sa fejn dan ikun previst mil-liġijiet tal-pajjiż. Permezz ta’ proċess ġudizzjarju, sew jekk relatat mal-adottatur u sew jekk le, il-wild adottat jikseb id-drittijiet u l-istatus ta’ wild bijoloġiku mwieled għall-ġenituri adottivi. — “Iben jew bint miż-żwieġ ta’ qabel” tirreferi għal sitwazzjoni meta ġenitur bi żwieġ ieħor jittratta lil wild is-sieħeb/sieħba tiegħu daqslikieku tiegħu sa fejn dan ikun previst mil-liġijiet tal-pajjiż, mingħajr ma jadottah. — “Iben jew bint tar-rispett” hi persuna li tkun is-sieħeb/sieħba legali jew de facto ta’ wild persuna. — “Neputi(ja)” tfisser il-wild ta’ wild ta’ persuna, inkluż it-tfal naturali, adottati u tar-rispett. — “Ġenitur” hu l-kontroparti tal-“iben jew bint naturali jew adottati” (ġenitur naturali jew adottiv) jew “iben jew bint miż-żwieġ ta’ qabel” (ġenitur bi żwieġ ieħor). — “Ġenitur tar-rispett” hi persuna li tkun ġenitur tas-sieħeb/sieħba legali jew de facto ta’ persuna. — “Nannu/a” tfisser ġenitur ta’ ġenitur ta’ persuna, inkluż il-ġenitur naturali, adottiv u bi żwieġ ieħor. — “Aħwa” tirreferi għal aħwa rġiel u nisa bijoloġiċi, adottivi jew bi żwieġ ieħor. — “Qarib ieħor” tirreferi għal qraba oħra mhux inklużi fil-lista msemmija fuq, bħall-kuġini, iz-zijiet jew in-neputijiet eċċ. u tkopri wkoll lin-neputijiet tar-rispett, in-nanniet tar-rispett u l-aħwa tar-rispett. — “Persuna oħra mhux qariba” tirreferi għal persuni mhux qraba, bħall-aupairs, il-ħbieb jew l-istudenti konkubini, eċċ. Anki t-tfal iffosterjati għandhom jiġu inklużi f’din il-kategorija.	Il-livell ta’ dettall tal-informazzjoni hu speċifiku għall-kuntest għal kull ġbir tal-mikrodata. — Sieħeb/sieħba — Ir-raġel jew il-mara jew is-sieħeb/sieħba ċivili — Sieħeb/sieħba jew konkubin(a) — Iben jew bint — Iben jew bint naturali jew adottati — Iben jew bint il-mara jew ir-raġel — Tifel jew tifla tar-rispett — Neputi(ja) — Ġenitur — Ġenitur naturali jew adottiv — Ġenitur bi żwieġ ieħor — Ġenitur tar-rispett — Nannu/a — Aħwa — Aħwa naturali — Aħwa tar-rispett — Qarib ieħor — Persuna oħra mhux qariba — Ebda risposta (1)
Daqs tal-unità domestika	Id-daqs tad-dar domestika hu definit bħala n-numru totali ta’ membri ta’ unità domestika privata. Il-varjabbli jipprovdi informazzjoni dwar in-numru eżatt tal-membri tal-unità domestika.	— Numru totali tal-membri tal-unità domestika — Ebda risposta
Stat tal-pussess tal-unità domestika	Il-varjabbli jirreferi għall-arranġamenti li skont dawn unità domestika privata tokkupa unità tal-abitazzjoni kollha jew parti minnha, fejn: Il-kategoriji “Sid b’ipoteka pendenti” u “Sid mingħajr ipoteka pendenti” iridu jintużaw għall-unitajiet domestiċi privati fejn tal-anqas membru wieħed ta’ dik l-unità domestika jkun is-sid tal-unità tal-abitazzjoni fejn tgħix l-unità domestika, irrispettivament minn jekk xi membru ieħor tal-unità domestika hux inkwilin tal-unità tal-abitazzjoni kollha jew ta’ parti minnha. Persuna hi sid jekk ikollha titolu, indipendentement minn jekk id-dar tkunx tħallset kollha jew le. Sid tar-riverżjoni għandu jitqies bħala s-sid. Il-kategorija “Sid b’ipoteka pendenti” tapplika għas-sitwazzjonijiet meta s-sid ikollu jħallas tal-anqas ipoteka pendenti waħda jew l-imgħax pendenti fuq l-ipoteka, jew it-tnejn, meħuda biex jixtri din l-unità tal-abitazzjoni. Il-kategorija “Sid mingħajr ipoteka pendenti” tapplika għas-sitwazzjonijiet meta la hemm ipoteka pendenti u lanqas imgħax li għandu jitħallas lura fuq l-ipoteka. Il-ħlas ta’ ipoteki jew ta’ self fuq id-djar, jew it-tnejn, għal xi unità tal-abitazzjoni oħra (eż. għal abitazzjoni oħra) jew għal tiswijiet, għal rinnovazzjoni, għal manutenzjoni, jew għal xi skop mhux tal-abitazzjoni ma jikkwalifikax. Il-kategoriji “inkwilin, kera bil-prezz tas-suq” jew “inkwilin, kera bi prezz imnaqqas” iridu jintużaw għall-unitajiet domestiċi li tagħhom tal-anqas membru wieħed ikun il-kerrej (unità tal-abitazzjoni mikrija mingħand is-sid) jew is-subinkwilin (unità tal-abitazzjoni sottomikrija mingħand xi ħadd li hu stess ikun inkwilin) tal-unità tal-abitazzjoni fejn ikun joqgħod, u fejn l-ebda membru ma jkun is-sid ta’ dik l-unità tal-abitazzjoni. Il-kategorija “inkwilin, kera bil-prezz tas-suq” tapplika għall-unitajiet domestiċi li minnhom tal-anqas membru wieħed hu l-inkwilin jew is-subinkwilin li jħallas il-kera bi prezzijiet prevalenti jew tas-suq. Il-kategorija tapplika wkoll meta titħallas kera bil-prezz tas-suq iżda din tiġi rkuprata parzjalment jew kollha minn benefiċċji tal-akkomodazzjoni jew minn sorsi oħra, inkluż sorsi pubbliċi, tal-karità jew privati. Il-kategorija “inkwilin, kera bi prezz imnaqqas” tkopri l-unitajiet domestiċi li jgħixu f’unitajiet tal-abitazzjoni bi prezz imnaqqas, jiġifieri bi prezz li jkun anqas mill-prezz tas-suq (iżda mhux mingħajr kera), u tinkludi l-każijiet meta t-tnaqqis fil-prezz jingħata: (a) bil-liġi (b) minħabba skema ta’ abitazzjoni soċjali (c) għal raġunijiet privati (d) minn impjegatur Il-kategorija “inkwilin, mingħajr kera” tkopri l-unitajiet domestiċi li jgħixu f’unitajiet tal-abitazzjoni mingħajr kera, jiġifieri meta ma titħallas l-ebda kera, u tinkludi l-każijiet meta l-kera mingħajr ħlas tingħata (a) bil-liġi (b) minħabba skema ta’ abitazzjoni soċjali (c) għal raġunijiet privati (d) minn impjegatur Il-kategorija “Mhux applikabbli” tkopri l-unitajiet domestiċi privati kollha li ma jgħixux f’abitazzjonijiet konvenzjonali kif definit fir-Regolament tal-Kummissjoni (KE) Nru 1201/2009.	— Sid mingħajr ipoteka pendenti — Sid b’ipoteka pendenti — Inkwilin, kera bil-prezz tas-suq — Inkwilin, kera bi prezz imnaqqas — Inkwilin, mingħajr kera — Ebda risposta (1) — Mhux applikabbli
Introjtu kurrenti nett fix-xahar tal-unità domestika	Il-varjabbli jirrapporta dwar l-introjtu kurrenti nett fix-xahar ta’ unità domestika privata, jiġifieri t-total tal-introjtu tal-membri kollha tal-unità domestika riċevut individwalment jew kollha f’daqqa — inkluż l-introjtu minn impjieg, minn benefiċċji soċjali, u introjtu ieħor fi flus, u wara t-tnaqqis ta’ trasferimenti ta’ flus imħallsa lil unitajiet domestiċi oħra — wara t-taxxi u l-kontribuzzjonijiet tal-assigurazzjoni soċjali. Il-varjabbli għandu l-għan li jipprovdi informazzjoni dwar l-introjtu tal-unità domestika li jibqa’ disponibbli biex jintefaq jew jiġġemma’ kull xahar bħala medja. Jekk l-introjtu tal-unità domestika jvarja sostanzjalment minn xahar għal xahar, trid tingħata stima tal-introjtu nett tipiku jew tas-soltu fix-xahar li tkun tirrifletti s-sitwazzjoni tal-introjtu kurrenti tal-unità domestika. Jekk l-introjtu tal-unità domestika fix-xahar ivarja sostanzjalment tul is-sena bħal fil-każ ta’ attività staġunali, trid tingħata l-medja fix-xahar tal-introjtu annwali. L-introjtu kurrenti nett fix-xahar irid jingħata bħala introjtu kurrenti nett totali tal-unità domestika jew bħala wieħed mill-ħames gruppi ta’ introjtu ekwivalizzat. Il-limiti bejn il-ħames gruppi ta’ introjtu ekwivalizzat huma determinati mill-kwintili tad-distribuzzjoni tal-varjabbli u huma definiti kif ġej: — “Grupp ta’ introjtu kurrenti nett ekwivalizzat fix-xahar aktar baxx” jikkorrispondi għall-unitajiet domestiċi b’livell ta’ introjtu ekwivalizzat anqas mill-ewwel kwintil. — “Grupp ta’ introjtu kurrenti nett ekwivalizzat fix-xahar baxx sa medju” jikkorrispondi għall-unitajiet domestiċi b’livell ta’ introjtu ekwivalizzat daqs jew akbar mill-ewwel kwintil u inqas mit-tieni kwintil. — “Grupp ta’ introjtu kurrenti nett ekwivalizzat fix-xahar medju” jikkorrispondi għall-unitajiet domestiċi b’livell ta’ introjtu ekwivalizzat daqs jew akbar mit-tieni kwintil u anqas mit-tielet kwintil. — “Grupp ta’ introjtu kurrenti nett ekwivalizzat fix-xahar medju sa għoli” jikkorrispondi għall-unitajiet domestiċi b’livell ta’ introjtu ekwivalizzat daqs jew akbar mit-tielet kwintil u anqas mir-raba’ kwintil. — “Grupp ta’ introjtu kurrenti nett ekwivalizzat fix-xahar għoli” jikkorrispondi għall-unitajiet domestiċi b’livell ta’ introjtu ekwivalizzat daqs jew akbar mir-raba’ kwintil. L-ekwivalizzazzjoni tikkonsisti fl-applikazzjoni ta’ ponderazzjonijiet għall-membri tal-unitajiet domestiċi li jirriflettu d-differenzi fid-daqs u fil-kompożizzjoni tal-unità domestika, kif ġej: ponderazzjoni ta’ 1,0 tiġi applikata għall-ewwel membru tal-unità domestika li għandu 14-il sena jew aktar; 0,5 għat-tieni u għal kull membru sussegwenti li għandu 14-il sena jew aktar, u 0,3 għal kull wild li għandu anqas minn 14-il sena.	— Grupp ta’ introjtu kurrenti nett ekwivalizzat fix-xahar aktar baxx — Grupp ta’ introjtu kurrenti nett ekwivalizzat fix-xahar baxx sa medju — Grupp ta’ introjtu kurrenti nett ekwivalizzat fix-xahar medju — Grupp ta’ introjtu kurrenti nett ekwivalizzat fix-xahar medju sa għoli — Grupp ta’ introjtu kurrenti nett ekwivalizzat fix-xahar ogħla — Introjtu kurrenti nett totali fix-xahar tal-unità domestika (numru espress bil-munita nazzjonali) — Ebda risposta (1)
Permanenza tal-impjieg ewlieni	Il-varjabbli jiddistingwi jekk l-impjieg ewlieni għandux durata limitata (jiġifieri l-impjieg jew il-kuntratt jintemmx wara perjodu predefinit), jew hux ibbażat fuq kuntratt permanenti mingħajr tmiem fiss. Il-varjabbli jirreferi għall-impjieg ewlieni ta’ persuna fl-impjieg li tkun qed taħdem bħala impjegata. It-terminu “impjieg” jintuża b’referenza għall-impjieg. Il-kriterju li jiddetermina jekk persuna tkunx fl-impjieg hu speċifiku għall-kuntest għal kull ġbir tal-mikrodata. Impjieg wieħed hu sett ta’ kompiti u dmirijiet imwettqa għal unità ekonomika waħda. Il-persuni jista’ jkollhom impjieg wieħed jew aktar. Għall-impjegati, kull kuntratt jista’ jitqies bħala sett separat ta’ kompiti u dmirijiet, u għaldaqstant bħala impjieg separat. F’każijiet ta’ involviment f’diversi impjiegi, l-impjieg ewlieni jkun dak bl-itwal sigħat normalment maħduma, kif definit fl-istandards statistiċi internazzjonali fuq il-ħin tax-xogħol. Impjieg b’kuntratt għal terminu fiss jintemm wara perjodu ta’ żmien predeterminat (b’data magħrufa), jew wara perjodu mhux prestabbilit, iżda xorta definit bi kriterji oġġettivi, bħat-tlestija ta’ kompitu jew il-perjodu ta’ assenza ta’ impjegat sostitwit temporanjament. Impjieg b’kuntratt li ma għandux tmiem predefinit bħal dan, jitqies permanenti. Dak li jgħodd bħala impjieg hu l-ftehim kuntrattwali jew dak informali jew verbali tar-relazzjoni tal-impjieg, u mhux l-istennija li r-rispondent jaf jitlef l-impjieg tiegħu, il-pjan tiegħu li jitlaq mill-impjieg, ix-xewqa tiegħu li jibqa’ fl-impjieg jew il-probabbiltà li jibqa’ fl-impjieg b’mod permanenti.	Il-livell ta’ dettall tal-informazzjoni hu speċifiku għall-kuntest għal kull ġbir tal-mikrodata. — Kuntratt għal terminu fiss — kuntratt bil-miktub għal terminu fiss — ftehim verbali għal terminu fiss — Impjieg permanenti — kuntratt bil-miktub permanenti — ftehim verbali permanenti — Ebda risposta (1) — Mhux applikabbli (2)
Responsabbiltajiet superviżorji	Il-varjabbli jirreferi għall-impjieg ewlieni attwali ta’ persuna fl-impjieg li tkun impjegata u jiddistingwi bejn impjegati b’kompiti superviżorji u dawk mingħajrhom. Persuna titqies li għandha responsabbiltajiet superviżorji jekk formalment tkun twettaq superviżjoni tax-xogħol ta’ mill-anqas persuna oħra. Ir-responsabbiltajiet lejn l-apprendisti u t-trainees ma jgħoddux bħala superviżjoni u lanqas il-kontrolli tal-kwalità (verifika tal-output tas-servizzi iżda mhux il-ħidma li jagħmlu persuni oħrajn) jew il-konsulenzi.	— Iva — Le — Ebda risposta (1) — Mhux applikabbli (2)
Sena meta l-persuna bdiet taħdem għall-impjegatur tagħha jew għal rasha	Il-varjabbli jirreferi għall-impjieg ewlieni attwali ta’ persuna fl-impjieg u jirrapporta dwar is-sena meta l-persuna bdiet taħdem għall-impjegatur attwali tagħha jew għal rasha fin-negozju attwali.	— Sena meta l-persuna bdiet taħdem għall-impjegatur attwali jew għal rasha fl-impjieg ewlieni (espressa f’erba’ ċifri) — Ebda risposta (1) — Mhux applikabbli (2)
Daqs tal-unità lokali għall-impjieg ewlieni	Il-varjabbli jirreferi għall-impjieg ewlieni ta’ persuna fl-impjieg u jirrapporta dwar in-numru ta’ persuni li jaħdmu għall-unità lokali inkluż dawk li jaħdmu fil-post tal-unità, u dawk li jaħdmu barra u li organizzazzjonalment jappartjenu għaliha u li jitħallsu minnha. Tinkludi wkoll lis-sidien tax-xogħol u lis-sħab li jaħdmu regolarment fl-unità u lill-ħaddiema bla ħlas tal-familja, kif ukoll lill-ħaddiema part-time li jitħallsu. Anki l-ħaddiema staġunali, l-apprendisti, it-trainees u l-ħaddiema mid-dar li jitħallsu huma inklużi. L-unità lokali hi intrapriża jew parti minnha li tkun tinsab f’post identifikat ġeografikament.	— Numru eżatt ta’ persuni, jekk bejn 1 u 9 — Minn 10 sa 19-il persuna — Minn 20 sa 49 persuna — Minn 50 sa 249 persuna — 250 persuna jew aktar — Mhux magħruf iżda anqas minn 10 persuni — Mhux magħruf iżda 10 persuni jew aktar — Ebda risposta (1) — Mhux applikabbli (2)
Eżistenza ta’ esperjenza preċedenti tal-impjieg	Il-varjabbli jipprovdi informazzjoni dwar jekk persuna — li mhix fl-impjieg — kinitx fl-impjieg qabel (skont id-definizzjoni ta’ impjieg  (7) tal-Organizzazzjoni Internazzjonali tax-Xogħol), u dwar jekk l-esperjenza preċedenti tal-impjieg kinitx limitata jew le għal xogħol purament okkażjonali. Il-kategorija “Il-persuna qatt ma kienet fl-impjieg” tkopri lill-persuni li qatt ma kellhom esperjenza tal-impjieg. Il-kategorija “Il-persuna għandha esperjenza tal-impjieg limitata għal xogħol purament okkażjonali” tkopri lill-persuni li għandhom esperjenza tal-impjieg, u din l-esperjenza hi limitata għal xogħol purament okkażjonali. Għall-finijiet ta’ dan il-varjabbli, jenħtieġ li x-xogħol ta’ koskritt ma jitqiesx bħala esperjenza tal-impjieg. Il-kategorija “Il-persuna għandha esperjenza tal-impjieg li mhux xogħol purament okkażjonali” tkopri lill-persuni li għandhom esperjenza tal-impjieg, għajr il-każijiet meta din l-esperjenza hi limitata għal xogħol purament okkażjonali.	— Il-persuna qatt ma kienet fl-impjieg — Il-persuna għandha esperjenza tal-impjieg limitata għal xogħol purament okkażjonali — Il-persuna għandha esperjenza tal-impjieg li mhux xogħol purament okkażjonali — Ebda risposta (1) — Mhux applikabbli (2)
Parteċipazzjoni fl-edukazzjoni u t-taħriġ formali (student jew apprendist) fil-perjodu ta’ referenza	Il-varjabbli jkejjel il-parteċipazzjoni ta’ persuna fl-edukazzjoni u t-taħriġ formali billi jistabbilixxi jekk il-persuna hix reġistrata bħala student jew apprendist fi programm tal-edukazzjoni formali tul il-perjodu ta’ referenza (li jrid jiġi definit għal kull ġbir tal-mikrodata).	— Iva — Le — Ebda risposta (1) — Mhux applikabbli (2)
Livell tal-attività attwali jew l-aktar edukazzjoni jew taħriġ formali riċenti	Il-varjabbli jkejjel il-livell tal-aktar attività riċenti tal-edukazzjoni jew t-taħriġ formali — li persuna pparteċipat fiha tul perjodu ta’ referenza partikolari (li jrid jiġi definit għal kull ġbir tal-mikrodata) — skont il-kategoriji tal-Istandard Internazzjonali tal-Klassifikazzjoni Standard Internazzjonali tal-Edukazzjoni għall-Programmi tal-Edukazzjoni 2011 (5) (ISCED-P 2011).	Il-livell ta’ dettall tal-informazzjoni hu speċifiku għall-kuntest għal kull ġbir tad-data (id-dominju). Għal kull kategorija hemm indikati kodiċijiet ISCED-P fejn ikun hemm relazzjoni ta’ wieħed ma’ wieħed bejn kategorija u l-kodiċi
		ISCED 0 — Edukazzjoni bikrija	0
		ISCED 1 — Edukazzjoni primarja	1
		ISCED 2 — Edukazzjoni sekondarja bażika	2
		ISCED 3 — Edukazzjoni sekondarja għolja	3
		ISCED 3 — Edukazzjoni sekondarja għolja — ġenerali	34
		ISCED 3 — Edukazzjoni sekondarja għolja — vokazzjonali	35
		ISCED 3 — Edukazzjoni sekondarja għolja — orjentazzjoni mhux magħrufa (8)	-
		ISCED 4 — Edukazzjoni postsekondarja mhux terzjarja	4
		ISCED 4 — Edukazzjoni postsekondarja mhux terzjarja — ġenerali	44
		ISCED 4 — Edukazzjoni postsekondarja mhux terzjarja — vokazzjonali	45
		ISCED 4 — Edukazzjoni postsekondarja mhux terzjarja — orjentazzjoni mhux magħrufa (8)	-
		ISCED 5 — Edukazzjoni terzjarja f’ċikli qosra	5
		ISCED 5 — Edukazzjoni terzjarja f’ċikli qosra — ġenerali	54
		ISCED 5 — Edukazzjoni terzjarja f’ċikli qosra — vokazzjonali	55
		ISCED 5 — Edukazzjoni terzjarja f’ċikli qosra — orjentazzjoni mhux magħrufa (8)	-
		ISCED 6 — Baċellerat jew livell ekwivalenti	6
		ISCED 7 — Masters jew livell ekwivalenti	7
		ISCED 8 — Dottorat jew livell ekwivalenti	8
		Ebda risposta (1)
		Mhux applikabbli (2)
Sena meta ntlaħaq b’suċċess l-ogħla livell edukattiv	Is-sena meta ntlaħaq b’suċċess l-ogħla livell edukattiv (espressa b’erba’ ċifri) Il-varjabbli jirreferi għas-sena meta ntlaħaq b’suċċess l-ogħla livell edukattiv u jikkonċerna lil persuni li ħalqu livell edukattiv tal-edukazzjoni primarja (ISCED 1) jew ogħla. Il-kategorija “Mhux applikabbli” tkopri individwi mingħajr edukazzjoni formali jew li laħqu livell edukattiv anqas mill-edukazzjoni primarja (ISCED 1). Il-kategorija “Mhux applikabbli” trid tintuża wkoll biex jingħaddu l-unitajiet statistiċi li huma parti mill-popolazzjoni tas-sors tad-data iżda li għalihom b’mod sistematiku ma tirrapporta l-ebda informazzjoni dwar il-varjabbli (eż. persuni taħt ċerta età).	— Sena meta ntemm b’suċċess l-ogħla livell edukattiv (4 ċifri) — Ebda risposta (1) — Mhux applikabbli (2)
Qasam tal-ogħla livell edukattiv milħuq b’suċċess	Il-qasam tal-ogħla livell edukattiv milħuq b’suċċess minn persuni li laħqu livell edukattiv tal-ISCED 3 jew ogħla. Il-qasam tal-ogħla livell edukattiv milħuq b’suċċess hu bbażat fuq “Oqsma tal-Edukazzjoni u tat-Taħriġ ISCED” (ISCED-F 2013)  (8) Il-qasam hu d-dominju wiesa’, il-fergħa jew is-suġġett tal-kontenut kopert minn programm edukattiv jew kwalifika. Il-kategorija “Mhux applikabbli” tkopri lil individwi mingħajr edukazzjoni formali jew li laħqu livell edukattiv anqas mill-ISCED 3.	Il-livell ta’ dettall tal-informazzjoni hu speċifiku għall-kuntest għal kull ġbir tad-data (id-dominju). Għal kull kategorija hemm indikati kodiċijiet ISCED-F fejn ikun hemm relazzjoni ta’ wieħed ma’ wieħed bejn kategorija u l-kodiċi  (9):
		Programmi u kwalifiki ġeneriċi	00
		Programmi u kwalifiki bażiċi	001
		Litteriżmu u numeriżmu	002
		Ħiliet u żvilupp personali	003
		Programmi u kwalifiki ġeneriċi mhux definiti aktar	(009)
		Edukazzjoni	01
		Edukazzjoni	011
		Programmi u kwalifiki interdixxiplinari li jinvolvu l-edukazzjoni	018
		Arti u studji umanistiċi	02
		Arti	021
		Studji umanistiċi (għajr il-lingwi)	022
		Lingwi	023
		Programmi u kwalifiki interdixxiplinari li jinvolvu l-arti u l-istudji umanistiċi	028
		Arti u studji umanistiċi mhux definiti aktar	(029)
		Xjenzi soċjali, ġurnaliżmu u informazzjoni	03
		Xjenzi soċjali u komportamentali	031
		Ġurnaliżmu u informazzjoni	032
		Programmi u kwalifiki interdixxiplinari li jinvolvu xjenzi soċjali, ġurnaliżmu u informazzjoni	038
		Xjenzi soċjali, ġurnaliżmu u informazzjoni mhux definiti aktar	(039)
		Negozju, amministrazzjoni u liġi	04
		Negozju u amministrazzjoni	041
		Liġi	042
		Programmi u kwalifiki interdixxiplinari li jinvolvu negozju, amministrazzjoni u liġi	048
		Negozju, amministrazzjoni u liġi mhux definiti aktar	(049)
		Xjenzi naturali, matematika, statistiki	05
		Xjenzi bijoloġiċi u relatati	051
		Ambjent	052
		Xjenzi fiżiċi	053
		Matematika u statistika	054
		Programmi u kwalifiki interdixxiplinari li jinvolvu xjenzi naturali, matematika u statistiki	058
		Xjenzi naturali, matematika u statistiki mhux definiti aktar	(059)
		Teknoloġiji tal-Informazzjoni u tal-Komunikazzjoni (ICTs)	06
		Teknoloġiji tal-Informazzjoni u tal-Komunikazzjoni	061
		Programmi u kwalifiki interdixxiplinari li jinvolvu t-Teknoloġiji tal-Informazzjoni u tal-Komunikazzjoni (ICTs)	068
		Inġinerija, manifattura u kostruzzjoni	07
		Inġinerija u snajja’ tal-inġinerija	071
		Manifattura u pproċessar	072
		Arkitettura u kostruzzjoni	073
		Programmi u kwalifiki interdixxiplinari li jinvolvu inġinerija, manifattura u kostruzzjoni	078
		Inġinerija, manifattura u kostruzzjoni mhux definiti aktar	(079)
		Agrikoltura, forestrija, sajd u studji veterinarji	08
		Agrikoltura	081
		Forestrija	082
		Sajd	083
		Studji veterinarji	084
		Programmi u kwalifiki interdixxiplinari li jinvolvu agrikoltura, forestrija, sajd u studji veterinarji	088
		Agrikoltura, forestrija, sajd u studji veterinarji mhux definiti aktar	(089)
		Saħħa u benesseri	09
		Saħħa	091
		Benesseri	092
		Programmi u kwalifiki interdixxiplinari li jinvolvu s-saħħa u l-benesseri	098
		Saħħa u benesseri mhux definiti aktar	(099)
		Servizzi	10
		Servizzi personali	101
		Servizzi tal-iġjene u tas-saħħa okkupazzjonali	102
		Servizzi tas-sigurtà	103
		Servizzi tat-trasport	104
		Programmi u kwalifiki interdixxiplinari li jinvolvu servizzi	108
		Servizzi mhux definiti aktar	(109)
		Ebda risposta
		Mhux applikabbli
Durata tas-soġġorn fil-pajjiż ta’ residenza fi snin sħaħ	Id-durata tas-soġġorn fil-pajjiż ta’ residenza fi snin sħaħ tiddeskrivi l-intervall taż-żmien minn meta persuna tkun stabbiliet l-aktar residenza abitwali riċenti tagħha fil-pajjiż rapportatur, espress fi snin sħaħ, bħala waħda minn dawn li ġejjin: — Imwielda f’dan il-pajjiż u qatt ma għexet barra mill-pajjiż għal perjodu minimu ta’ sena, u tkopri lil dawk il-persuni li twieldu fil-pajjiż rapportatur u li qatt ma kellhom ir-residenza abitwali tagħhom f’pajjiż ieħor għajr il-pajjiż rapportatur għal tal-anqas sena. — Numru ta’ snin fil-pajjiż minn meta ġiet stabbilita l-aħħar ir-residenza abitwali f’dan il-pajjiż — numru sħiħ li jiddeskrivi l-perjodu taż-żmien minn meta persuna tkun stabbiliet l-aktar residenza abitwali riċenti tagħha sad-data ta’ referenza (speċifika għal kull ġabra ta’ mikrodata soċjali) fi snin sħaħ.	— Imwielda f’dan il-pajjiż u qatt ma għexet barra mill-pajjiż għal perjodu minimu ta’ sena — Numru ta’ snin f’dan il-pajjiż (mill-aħħar stabbiliment tal-post ta’ residenza abitwali f’dan il-pajjiż) (2 ċifri) — Ebda risposta (1) — Mhux applikabbli (2)
Saħħa ġenerali awtoperċepita	Is-saħħa ġenerali awtoperċepita hi valutazzjoni soġġettiva mill-individwu dwar is-saħħa tal-persuna b’mod ġenerali (aktar milli l-istat attwali tas-saħħa jew xi problemi temporanji possibbli tas-saħħa), inkluż dimensjonijiet differenti tas-saħħa, jiġifieri l-funzjonament fiżiku u emozzjonali, is-saħħa mentali (li tkopri l-benesseri psikoloġiku u d-disturbi mentali), u sinjali u sintomi bijomediċi.	— Tajba ħafna — Tajba — Passabbli (la tajba u lanqas ħażina) — Ħażina — Ħażina ħafna — Ebda risposta (1) — Mhux applikabbli (2)
Problema ta’ saħħa dejjema	Il-varjabbli “problemi ta’ saħħa dejjiema” hu valutazzjoni soġġettiva mill-individwu rigward il-problemi tas-saħħa kroniċi ta’ persuna li tkopri dimensjonijiet fiżiċi, emozzjonali, komportamentali u mentali differenti tas-saħħa, tal-mard u tad-disturbi, kif ukoll uġigħ, nuqqas ta’ saħħa minħabba aċċidenti u korrimenti jew kundizzjonijiet konġenitali. Il-karatteristiċi ta’ kundizzjoni li ilha teżisti jew kronika huma li din tkun permanenti u tista’ tkun mistennija li teżiġi perjodu twil ta’ superviżjoni, ta’ osservazzjoni jew ta’ kura. Jenħtieġ li l-mard jew l-problemi ta’ saħħa dejjiema jkunu ilhom (jew kienu rikorrenti) jew ikunu mistennija jdumu (jirrikorru) għal 6 xhur jew aktar. Il-kategorija “Iva” tirreferi għall-okkorrenza ta’ problema ta’ saħħa dejjiema jew kronika waħda jew aktar, u “Le” tirreferi għan-nuqqas ta’ xi problema ta’ saħħa dejjiema jew kronika kif perċepita mir-rispondent.	— Iva — Le — Ebda risposta (1) — Mhux applikabbli (2)
Limitazzjoni fl-attivitajiet minħabba problemi tas-saħħa	Il-varjabbli jkejjel il-livell awtovalutat individwali ta’ limitazzjoni jew limitazzjonijiet kontinwi dejjiema (ta’ mill-anqas 6 xhur) minħabba problema jew problemi ta’ saħħa (kemm jekk fiżiċi, mentali jew emozzjonali, inkluż indeboliment jew limitazzjonijiet minħabba xjuħija) fil-parteċipazzjoni fl-attivitajiet li l-persuna normalment kienet twettaq. Attività hi definita bħala t-twettiq ta’ kompitu jew ta’ azzjoni minn individwu. Il-limitazzjonijiet ta’ attività huma definiti bħala diffikultajiet minn individwu fit-twettiq ta’ attività, ivvalutati skont standard tal-popolazzjoni ġeneralment aċċettat, fir-rigward tal-aspettattivi kulturali u soċjali b’rabta mal-attivitajiet li normalment jagħmlu n-nies, li jkopru l-firxa kollha tax-xogħol jew tal-attivitajiet fl-iskola, fid-dar u fil-ħin liberu. Jenħtieġ li l-persuni b’kundizzjonijiet tas-saħħa rikorrenti jew li jvarjaw ikunu jirreferu għall-aktar sitwazzjoni frekwenti li taffettwa l-attivitajiet tas-soltu tagħhom: — “Limitazzjoni serja” tfisser li t-twettiq jew l-eżekuzzjoni ta’ attività ma jistgħux isiru jew isiru biss b’diffikultà estrema u normalment bl-għajnuna ta’ persuni oħra. — “Limitazzjoni iżda mhux serja” tfisser li t-twettiq jew l-eżekuzzjoni ta’ attività tas-soltu tista’ ssir b’xi diffikultajiet, iżda normalment mingħajr il-ħtieġa ta’ għajnuna ta’ persuni oħra (jew normalment l-għajnuna ma tkunx ta’ kuljum). — “Ebda limitazzjoni affattu” tfisser li t-twettiq jew l-eżekuzzjoni ta’ attivitajiet tas-soltu jistgħu jsiru mingħajr diffikultà, jew li kull limitazzjoni possibbli tal-attività ma tkunx damet aktar mill-aħħar 6 xhur.	— Limitatazzjoni serja — Limitatazzjoni iżda mhux serja — Ebda limitazzjoni affattu — Ebda risposta (1) — Mhux applikabbli (2)
Modi tal-intervista użata	Il-varjabbli jirrapporta dwar il-metodu użat biex tinġabar l-informazzjoni mingħand ir-rispondent. Jekk id-data mingħand rispondent tinġabar b’diversi modi, il-varjabbli jirrapporta dwar l-aktar mod użat b’mod predominanti. Fil-PAPI, il-CAPI u l-CATI, ikun hemm preżenti intervistatur. Il-CAWI hu awtoamministrat u r-rispondent isegwi skritt mogħti fuq is-sit web. Il-kategorija “Oħrajn” tapplika meta l-mod użat tal-intervista ma jkunx kopert mill-kategoriji l-oħra, eż. intervista awtoamministrata assistita bil-karti (PASI) jew intervista awtoamministrata assistita b’kompjuter mhux ibbażat fuq il-web (CASI). Il-kategorija “Mhux applikabbli” trid tintuża biex jingħaddu l-unitajiet statistiċi — li huma parti mill-popolazzjoni tas-sors tad-data— li għalihom ma tiġi rrappurtata l-ebda informazzjoni dwar dan il-varjabbli, eż. fil-każ ta’ persuni taħt ċerta età, kif ukoll fil-każ li l-informazzjoni kollha tkun inkisbet minn reġistri (jiġifieri data amministrattiva) jew imputata, jew it-tnejn, u ma tkun saret l-ebda intervista.	— Intervista personali assistita bil-karti (PAPI) — Intervista personali assistita b’kompjuter (CAPI) — Intervista tat-telefown assistita b’kompjuter (CATI) — Intervista fuq il-web assistita b’kompjuter (CAWI) — Oħrajn — Mhux applikabbli
Tip ta’ parteċipazzjoni fl-istħarriġ	Il-varjabbli jirrapporta dwar jekk l-informazzjoni mitluba ġietx mogħtija mir-rispondent magħżul, jew permezz ta’ persuna oħra (rispondent bi prokura). Ir-rispondent magħżul hu l-persuna indikata fid-dispożizzjonijiet għal kull ġbir tal-mikrodata, li tintalab tagħti l-informazzjoni. “Parteċipazzjoni diretta” tirreferi għal sitwazzjoni meta r-rispondent magħżul jagħti l-informazzjoni mitluba waħdu hu stess. Il-parteċipazzjoni diretta tinkludi wkoll każijiet meta r-rispondent magħżul ikun ta l-informazzjoni mitluba bl-għajnuna ta’ persuna oħra (eż. traduzzjoni, assistenza fiżika) u jkun ivvalida t-tweġibiet mogħtija. “Parteċipazzjoni indiretta” tirreferi għal sitwazzjoni meta l-informazzjoni mitluba lir-rispondent magħżul tkun tatha persuna terza (jiġifieri rispondent bi prokura) mingħajr ma tkun ġiet validata mir-rispondent magħżul. Il-kategorija “Mhux applikabbli” trid tintuża biex jingħaddu l-unitajiet statistiċi — li huma parti mill-popolazzjoni tas-sors tad-data— li għalihom ma tiġi rrappurtata l-ebda informazzjoni dwar dan il-varjabbli kif ukoll fil-każ li l-informazzjoni kollha tkun inkisbet minn reġistri (jiġifieri data amministrattiva) jew imputata, jew it-tnejn, u ma tkun saret l-ebda intervista.	— Parteċipazzjoni diretta — Parteċipazzjoni indiretta — Ebda risposta (1) — Mhux applikabbli
Strat	L-istrat primarju li jikkorrispondi għal kull unità tal-osservazzjoni (persuna individwali jew unità domestika) jekk il-popolazzjoni fil-mira (jew parti minnha) tkun stratifikata fl-ewwel stadju tad-disinn tal-kampjun, filwaqt li jipprovdi kodiċijiet tal-identifikazzjoni għall-istrati differenti (identifikatur tal-istrat). Stratifikazzjoni ta’ popolazzjoni tfisser li din tinqasam f’subpopolazzjonijiet li ma jirkbux fuq xulxin, imsejħa strati. Imbagħad jintgħażlu kampjuni indipendenti f’kull strat. L-informazzjoni rreġistrata tirreferi dejjem għas-sitwazzjoni fil-mument tal-għażla tal-unità statistika kkonċernata (persuna individwali jew unità domestika). Il-kategorija “Identifikatur tal-istrat” tipprovdi l-kodiċi tal-identifikazzjoni tal-istrat li tappartjeni għalih kull unità tal-osservazzjoni (individwu jew unità domestika). Il-kodiċijiet tal-identifikazzjoni tal-istrat iridu jintużaw jekk il-popolazzjoni fil-mira tkun ġiet stratifikata, jew jekk ikunu tqiesu l-unitajiet primarji tal-kampjunar awtorappreżentattivi (il-PSUs). Il-kategorija “Mhux applikabbli” trid tintuża jekk il-popolazzjoni fil-mira ma tkunx ġiet stratifikata fl-ewwel stadju tal-proċess tal-kampjunar (eż. meta l-kampjun ikun ittieħed b’kampjunar aleatorju sempliċi jew b’kampjunar aleatorju minn raggruppamenti), u ma jkunux tqiesu l-PSUs awtorappreżentattivi.	— Identifikatur tal-istrat — Mhux applikabbli
Unità Primarja tal-Kampjunar (PSU)	Il-varjabbli jirrapporta dwar l-unità primarja tal-kampjunar (il-PSU) li tikkorrispondi għal kull unità tal-osservazzjoni (persuna individwali jew unità domestika) jekk il-popolazzjoni fil-mira tinqasam f’raggruppamenti, filwaqt li jipprovdi l-kodiċijiet tal-identifikazzjoni għar-raggruppamenti jew il-PSUs. Popolazzjoni tinqasam f’raggruppamenti (jiġifieri f’subpopolazzjonijiet mhux konġunti) jekk il-kampjunar ta’ elementi diretti jkun impossibbli (minħabba nuqqas ta’ qafas tal-kampjunar) jew inkella l-implimentazzjoni tiegħu tkun għalja wisq (il-popolazzjoni jkollha distribuzzjoni ġeografika wiesgħa). Imbagħad jintgħażel kampjun tar-raggruppamenti (PSUs) fl-ewwel stadju tal-proċess tal-kampjunar. L-informazzjoni rreġistrata dejjem tirreferi għas-sitwazzjoni fil-mument tal-għażla tal-unità kkonċernata (individwu jew unità domestika). Il-kategorija “Identifikatur primarju tal-unità tal-kampjunar” tipprovdi l-kodiċi tal-identifikazzjoni tal-PSU (fost il-PSUs magħżula) li tappartjeni għalih kull unità tal-osservazzjoni (individwu jew domestika), jekk il-popolazzjoni fil-mira tkun inqasmet f’raggruppamenti fl-ewwel stadju tal-kampjunar. Il-kategorija “Mhux applikabbli” trid tintuża meta l-popolazzjoni fil-mira ma tkunx ġiet raggruppata fl-ewwel stadju tal-proċess tal-kampjunar, eż. meta l-kampjun ikun ittieħed b’kampjunar aleatorju sempliċi jew b’kampjunar aleatorju stratifikat.	— Identifikatur primarju tal-unità tal-kampjunar — Mhux applikabbli

---

(1)  Il-kategorija “Ebda risposta” trid tintuża għall-każijiet ta’ nonrisponsività, eż. ir-rispondent ma jafx it-tweġiba jew jirrifjuta li jwieġeb.

(2)  Il-kategorija “Mhux applikabbli” trid tintuża għall-każijiet barra mill-ambitu ta’ varjabbli speċifiku, jiġifieri bħala riżultat tal-applikazzjoni ta’ filtru għal dak il-varjabbli, u trid tintuża wkoll biex jingħaddu l-unitajiet statistiċi – li huma parti mill-popolazzjoni tas-sors tad-data – li għalihom ma tiġi rrapportata b’mod sistematiku l-ebda informazzjoni dwar dan il-varjabbli, eż. fil-każ ta’ persuni taħt ċerta età.

(3)  Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90, kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).

(4)  http://ec.europa.eu/eurostat/documents/1978984/6037342/ISCO-08.pdf (il-verżjoni bl-Ingliż, disponibbli wkoll bil-Franċiż u bil-Ġermaniż).

(5)  http://uis.unesco.org/sites/default/files/documents/international-standard-classification-of-education-isced-2011-en.pdf (disponibbli bl-Ingliż u bil-Franċiż).

(6)  http://uis.unesco.org/sites/default/files/documents/international-standard-classification-of-education-isced-2011-en.pdf (disponibbli bl-Ingliż u bil-Franċiż).

(7)  Dawk li qatt ma kellhom esperjenza tal-impjieg f’impjieg bi ħlas jew qligħ, b’mill-anqas siegħa xogħol fil-ġimgħa.

(8)  http://uis.unesco.org/sites/default/files/documents/isced-fields-of-education-and-training-2013-en.pdf (disponibbli bl-Ingliż u bil-Franċiż).

(9)  Il-kodiċijiet (009), (029), (039), (049), (059), (079), (089), (099), (109) huma kodiċijiet mhux tal-ISCED.

Artikolu 1

L-isem “Pan Galego”/“Pan Gallego” (IĠP) huwa rreġistrat.

L-isem imsemmi fl-ewwel paragrafu jidentifika prodott tal-klassi 2.3. Ħobż, għaġina, kejkijiet, ħelu, gallettini u prodotti oħra tal-furnara tal-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-emenda fl-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea, li tikkonċerna l-isem “Cordero Manchego” (IĠP), hija b’dan approvata.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-emenda fl-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea li tikkonċerna l-isem “Riso del Delta del Po” (IĠP), hija b’dan approvata.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-emenda fl-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea dwar l-isem “Bleu du Vercors-Sassenage” (DOP) hija approvata.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-Anness I tar-Regolament (KE) Nru 1484/95 huwa sostitwit bit-test li jinsab fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS

---

(1)  In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta’ Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma’ pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7).»

Artikolu 1

Għall-offerti sottomessi fi ħdan il-proċedura tas-sejħa għall-offerti miftuħa bir-Regolament ta’ Implimentazzjoni (UE) 2019/1882 matul is-subperjodu li jintemm fis-17 ta’ Diċembru 2019, l-ammont massimu ta’ għajnuna għall-ħżin privat taż-żejt taż-żebbuġa għandu jkun:

(a)	EUR 0,00 għal kull tunnellata kull jum ta’ żejt taż-żebbuġ extra verġni;

(b)	EUR 1,10 għal kull tunnellata kull jum ta’ żejt taż-żebbuġ verġni;

(c)	EUR 1,10 għal kull tunnellata kull jum ta’ żejt taż-żebbuġ lampante.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Artikolu 1

Is-Sur Christoph BUIK huwa b’dan maħtur bħala Kap tal-Missjoni ta’ Konsulenza tal-Unjoni Ewropea b’appoġġ għar-Riforma tas-Settur tas-Sigurtà fl-Iraq (EUAM Iraq) mill-1 ta’ Jannar 2020 sas-17 ta’ April 2020.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Għandha tapplika mill-1 ta’ Jannar 2020.

Artikolu 1

Is-Sur Paulo SOARES huwa b’dan maħtur Kap tal-Missjoni għall-Missjoni ta’ Konsulenza tal-PSDK tal-Unjoni Ewropea fir-Repubblika Ċentru-Afrikana (EUAM RCA) mid-9 ta’ Diċembru 2019 sat-8 ta’ Diċembru 2020.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Għandha tapplika mid-9 ta’ Diċembru 2019.

Artikolu 1

Huma b'dan maħturin membri tal-Bord Eżekuttiv tal-Bank Ċentrali Ewropew għal mandat ta' tmien snin mill-1 ta' Jannar 2020:

—	Is-Sur Fabio PANETTA,

—	Is-Sa Isabel SCHNABEL.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Artikolu 1

Artikolu 2

Artikolu 3

Artikolu 4

Artikolu 5

ANNESS

PROĠETT B’APPOĠĠ GĦAL MEKKANIŻMU TA’ RAPPURTAR GLOBALI DWAR ARMI KONVENZJONALI U L-MUNIZZJON ILLEĊITI TAGĦHOM BIEX JITNAQQAS IR-RISKJU TAD-DEVJAZZJONI U T-TRASFERIMENT ILLEĊITU TAGĦHOM

(“iTrace IV”)

1.   Informazzjoni ġenerali u raġunijiet li jiġġustifikaw l-appoġġ tal-PESK

1.1.

Din id-Deċiżjoni tibni fuq Deċiżjonijiet suċċessivi tal-Kunsill fil-ġlieda kontra l-impatt destabbilizzanti tad-devjazzjoni u t-traffikar ta’ armi konvenzjonali u l-munizzjon tagħhom f’żoni milquta mill-kunflitt, b’mod partikolari d-Deċiżjonijiet 2013/698/PESK, (PESK) 2015/1908, u (PESK) 2017/2283, li stabbilixxew u tejbu l-mekkaniżmu ta’ rappurtar globali iTrace dwar armi konvenzjonali u l-munizzjon tagħhom. Il-proliferazzjoni illeċita ta’ armi konvenzjonali u l-munizzjon tagħhom hija fattur maġġuri li jdgħajjef l-istabbiltà tal-Istat u li jaggrava l-kunflitti, li joħloq theddida serja għall-paċi u s-sigurtà. Kif iddikjarat fl-Istrateġija tal-UE dwar is-SALW, l-armi tan-nar illeċiti u s-SALW qed ikomplu jikkontribwixxu għall-instabbiltà u l-vjolenza fl-Unjoni, fil‐viċinat immedjat tagħha, u fil-bqija tad-dinja. Armi ta’ kalibru żgħir illeċiti qed jistimulaw it‐terroriżmu u l-kunflitti madwar id-dinja, ifixklu l-iżvilupp u l-ġestjoni tal-kriżijiet tal-Unjoni, kif ukoll sforzi umanitarji u ta’ stabilizzazzjoni f’partijiet fil-viċinat tal-Unjoni u fl-Afrika. Fi ħdan l-Unjoni, l-armi tan‐nar illeċiti għandhom impatt ċar fuq is-sigurtà interna, billi jistimulaw il-kriminalità organizzata u jipprovdu lit-terroristi bil-mezzi biex iwettqu attakki fit-territorju Ewropew. Sejbiet reċenti mill-proġett iTrace fl-Afganistan, l-Iraq, il-Jemen, il-Libja, is-Sirja u l-Ukrajna, u kunflitti oħra qrib il-fruntieri esterni tal-Unjoni, jikkonfermaw id-dikjarazzjonijiet tal-Istrateġija tal-UE dwar is-SALW. L-attivitajiet imwettqa skont id-Deċiżjoni (PESK) 2015/1908 ikkonfermaw lil iTrace bħala inizjattiva ta’ monitoraġġ tal-armi fil-kunflitti globali. Il-Proġett iTrace opera f’aktar minn 40 stat affettwati mill-kunflitt, inkluż fl-Afrika, il-Lvant Nofsani, l-Asja Ċentrali, u n-Nofsinhar u l‐Lvant tal-Asja, u ħoloq l-akbar repożitorju pubbliku fid-dinja ta’ armi konvenzjonali ddevjati u l‐munizzjon tagħhom biex jappoġġa lill-Istati fl-isforzi tagħhom biex jidentifikaw u jindirizzaw id‐devjazzjoni skont l-impenji għall-Kriterju 7 tal-Pożizzjoni Komuni 2008/944/PESK u l-Artikolu 11 tat-TKA . Huwa jipprevedi rappurtar preċiż dwar id-devjazzjoni ta’ armi u l-munizzjon tagħhom li tirriżulta minn ribelli armati u forzi terroristiċi li huma ta’ theddida għas-sigurtà tal-Unjoni, inkluż Al Qaeda fil-Magreb Iżlamiku u d-Daesh/Stat Iżlamiku, u jwissi b’mod kunfidenzjali u rapidu, lill‐awtoritajiet tal-kontroll tal-esportazzjonijiet tal-Istati Membri rigward ir-riskji tad‐devjazzjoni wara l-esportazzjoni, jipprovdi informazzjoni kritika u f’ħin reali dwar id-dinamika tat-traffikar tal-armi u tal-kunflitt lid-Delegazzjonijiet tal-UE u lill-missjonijiet diplomatiċi tal-Istati Membri fir-reġjuni milquta mill-kunflitt. Huwa jintegra s-sensibilizzazzjoni tal-kontroll tal-armi u tal‐miżuri kontra d-devjazzjoni permezz ta’ impenn bilanċjat u responsabbli tal-media globali.

1.2

Il-proġett iTrace, madankollu, qed jaffaċċa talbiet sostnuti mill-Istati Membri biex jagħti informazzjoni diretta, wiċċ imb wiċċ lill-awtoritajiet nazzjonali tal-liċenzjar tal-esportazzjoni tal‐armi (inkluż żjarat frekwenti fl-ibliet kapitali) u biex jagħti b’mod bilaterali firxa akbar ta’ riżorsi lil dawk li jfasslu l-politika dwar il-kontroll tal-esportazzjoni tal-armi tal-Istati Membri. Din id-Deċiżjoni għandha għalhekk l-għan li tkompli u ttejjeb il-ħidma tal-proġett fil-qafas tad‐Deċiżjoni (PESK) 2017/2283 billi tkompli tipprovdi lill-persuni li jfasslu l-politika tal-Unjoni, l-esperti tal-kontroll tal-armi u l-uffiċjali tal-kontroll tal-esportazzjoni tal-armi informazzjoni sistematikament miġbura u rilevanti, li tappoġġahom fl-iżvilupp ta’ strateġiji effikaċi u bbażati fuq l-evidenza kontra d-devjazzjoni u t-tixrid illeċitu ta’ armi konvenzjonali u l-munizzjon tagħhom sabiex titjieb is-sigurtà internazzjonali u reġjonali. B’hekk, hija ser tkompli tappoġġahom biex jikkombinaw strateġija reattiva ta’ suċċess ma’ azzjoni preventiva adegwata biex jiġu indirizzati l-forniment u d-domanda illegali, u biex jiġi żgurat il-kontroll effettiv ta’ armi konvenzjonali f’pajjiżi terzi.

1.3.

Din id-Deċiżjoni tipprevedi l-manutenzjoni kontinwa u aktar titjib tas-Sistema ta’ Rappurtar Globali iTrace dwar Armi aċċessibbli pubblikament. Il-proġetti elenkati fid-Deċiżjoni (PESK) 2017/2283 ser jissaħħu permezz ta’: 1) il-frekwenza u t-tul ta’ żmien miżjuda tal-missjonijiet biex tinġabar data dwar provvisti illeċiti ta’ armi konvenzjonali f’reġjuni milquta mill-kunflitt; 2) pakketti ta’ appoġġ imfassla apposta pprovduti lill-Istati Membri li jinkludu konsultazzjoni diretta, data u rapporti personalizzati, help desk ta’ 24 siegħa, u l-għoti tal-kompitu tal-verifika ta’ wara t‐trasportazzjoni; u 3) it-taħriġ u l-mentoraġġ tal-awtoritajiet nazzjonali fl-Istati milquta mill-kunflitt biex jintraċċaw armi konvenzjonali illeċiti li nstabu jew li nqabdu fil-ġurisdizzjoni territorjali tagħhom, biex jibnu kapaċità kontra d-devjazzjoni, inkluż kapaċitajiet ta’ traċċar fil-qafas tal-Istrument Internazzjonali tat-Traċċar (ITI), biex itejbu l-ġestjoni tal-armi, inkluż iż-żamma ta’ rekords, u biex jagħtu spinta lill-ġbir tad-data tal-iTrace.

2.   Objettivi ġenerali

L-Azzjoni deskritta fit-Taqsima 4 ser tappoġġa ulterjorment lill-komunità internazzjonali fil-ġlieda kontra l-impatt destabbilizzanti tad-devjazzjoni u t-traffikar ta’ armi konvenzjonali u l-munizzjon tagħhom. Hija ser tkompli tipprovdi lil dawk li jfasslu l-politika, l-esperti ta’ kontroll tal-armi u l‐uffiċjali ta’ kontroll tal-esportazzjoni tal-armi informazzjoni rilevanti, li tappoġġahom fl-iżvilupp ta’ strateġiji effikaċi u bbażati fuq l-evidenza kontra d-devjazzjoni u t-tixrid illeċitu ta’ armi konvenzjonali u l-munizzjon tagħhom sabiex titjieb is-sigurtà internazzjonali u reġjonali. B’mod speċifiku, l-Azzjoni ser:

(a)	tipprovdi informazzjoni konkreta dwar id-devjazzjoni u t-traffikar ta’ armi konvenzjonali u l‐munizzjon tagħhom, biex tappoġġa l-implimentazzjoni effettiva tal-Pożizzjoni Komuni 2008/944/PESK, it-TKA, il-Programm ta’ Azzjoni tan-NU u l-ITI;

(b)	tagħti appoġġ imfassal lill-Istati Membri biex tgħinhom fil-valutazzjoni u fil‐mitigazzjoni tar-riskju ta’ devjazzjoni;

(c)

tikxef rotot u entitajiet involuti fid-devjazzjoni ta’ armi konvenzjonali u l-munizzjon tagħhom lejn ir-reġjuni milquta mill-kunflitt jew lill-organizzazzjonijiet terroristiċi internazzjonali u biex tipprovdi evidenza ta’ gruppi u individwi attivi fil-kummerċ illeċitu, b’appoġġ tal-proċedimenti legali nazzjonali;

(d)

ittejjeb il-kooperazzjoni bejn organi, missjonijiet u organizzazzjonijiet internazzjonali oħra rilevanti tan-NU, fil-qasam tat-traċċar ta’ armi konvenzjonali u l-munizzjon tagħhom, u tal‐forniment ta’ informazzjoni direttament b’appoġġ għall-mekkaniżmi ta’ monitoraġġ eżistenti, inkluż l-iARMS tal-INTERPOL, u l-EUROPOL, fejn din tal-aħħar ikkonkludiet memorandum ta’ skambju ta’ informazzjoni mal-CAR fl-2019;

(e)

tipprovdi informazzjoni rilevanti biex jiġu identifikati oqsma ta’ prijorità għall-kooperazzjoni u l-assistenza internazzjonali fil-ġlieda effettiva kontra d-devjazzjoni u t-traffikar ta’ armi konvenzjonali u l-munizzjon tagħhom, bħall-finanzjament għal proġetti fir-rigward tas-sigurtà ta’ ħażniet u/jew il-ġestjoni tal-fruntieri; u

(f)

toffri mekkaniżmu għall-assistenza fil-monitoraġġ tal-implimentazzjoni tat-TKA, speċifikament għall-identifikazzjoni tad-devjazzjoni ta’ armi konvenzjonali trasferiti kif ukoll għall-assistenza lill-gvernijiet fil-valutazzjoni tar-riskju ta’ devjazzjoni qabel l-esportazzjoni ta’ armi konvenzjonali, speċifikament ir-riskju ta’ devjazzjoni fil-pajjiż li jirċievi jew ta’ esportazzjoni mill-ġdid taħt kondizzjonijiet mhux mixtieqa.

3.   Sostenibbiltà u eżiti tal-proġett fit-tul

L-Azzjoni ser tipprovdi qafas sostenibbli għall-monitoraġġ sostnut tat-tixrid illeċitu ta’ armi konvenzjonali u l-munizzjon tagħhom. Mistennija li ssaħħaħ b’mod sostanzjali l-informazzjoni eżistenti relatata mal-armi u li tappoġġa b’mod sinifikanti l-iżvilupp immirat tal-kontroll effettiv tal‐armi konvenzjonali u l-linji ta’ politika ta’ kontroll tal-esportazzjoni tal-armi. B’mod speċifiku, il‐proġett ser:

(a)	idaħħal aktar informazzjoni fis-sistema ta’ ġestjoni ta’ informazzjoni li ser tiżgura l-ġbir u l‐analiżi fit-tul tad-data dwar armi konvenzjonali illeċiti;

(b)

jipprovdi lil dawk li jfasslu l-politika u lill-esperti għodda biex jiġu definiti strateġiji aktar effettivi u oqsma ta’ prijorità ta’ assistenza u kooperazzjoni, pereżempju, billi jiġu identifikati l‐kooperazzjoni subreġjonali jew reġjonali, il-koordinazzjoni u l-mekkaniżmi ta’ kondiviżjoni ta’ informazzjoni li jeħtieġ li jiġu stabbiliti jew imsaħħa, billi jiġu identifikati ħażniet nazzjonali li mhumiex siguri, ġestjoni mhux adegwata ta’ inventarji, rotot ta’ trasferiment illegali, kontrolli dgħajfa tal-fruntieri, u kapaċitajiet insuffiċjenti tal-infurzar tal-liġi;

(c)	ikun fih il-flessibbiltà integrali biex jiġġenera l-informazzjoni rilevanti ta’ politika, irrispettivament mir-rekwiżiti ta’ politika li jinbidlu rapidament;

(d)	iżid sostanzjalment l-effikaċja ta’ organizzazzjonijiet u individwi internazzjonali li jimmonitorjaw l-armi billi jipprovdi mekkaniżmu ta’ kondiviżjoni tal-informazzjoni ta’ ambitu dejjem jespandi; u

(e)	isawwar kapaċità nazzjonali sostenibbli fl-Istati milquta mill-kunflitt fl-identifikazzjoni u t‐traċċar ta’ armi konvenzjonali illeċiti u jinvolvi ruħu b’mod aktar effikaċi fil-kontroll internazzjonali tal-armi u fil-proċessi tal-infurzar tal-liġi.

4.   Deskrizzjoni tal-Azzjoni

4.1.   Proġett 1: Taħriġ u mentoraġġ tal-awtoritajiet nazzjonali fl-istati milquta mill-kunflitt fl‐identifikazzjoni tal-armi u fit-traċċar internazzjonali.

4.1.1.   Objettiv tal-proġett

Il-programmi iTrace ta’ taħriġ u ta’ mentoraġġ jipprovdu lill-awtoritajiet nazzjonali fl-istati milquta minn kunflitt il-metodi u l-ħiliet biex jagħmlu awtodijanjosi u jindirizzaw id-devjazzjoni ta’ armi konvenzjonali. It-taħriġ għandu l-għan li jtejjeb il-kapaċità li spiss tkun ineżistenti li jidentifikaw u jittraċċaw armi konvenzjonali illeċiti, filwaqt li l-mentoraġġ jippermetti lill-persunal tal-proġett iTrace jidentifika lakuni ta’ kapaċità kritiċi f’ħin reali u immedjatament ifassal soluzzjonijiet biex jindirizzawhom. Barra minn hekk, il-programmi iTrace ta’ taħriġ u ta’ konsulenza, jissudaw ir‐relazzjonijiet bejn il-proġett iTrace u l-awtoritajiet nazzjonali, li jippermetti li t-timijiet investigattivi tiegħu fuq il-post ikollhom aċċess akbar għal armi konvenzjonali maqbuda u rkuprati — biex b’hekk tissaħħaħ il-firxa sħiħa ta’ ġbir, analiżi u rappurtar tad-data tal-iTrace.

4.1.2.   Benefiċċju għal inizjattivi tal-UE dwar il-kontroll tal-armi

Il-programmi iTrace ta’ taħriġ u ta’ mentoraġġ iwieġbu għal azzjonijiet indirizzati fl-Istrateġija tal‐UE dwar is-SALW - biex jappoġġaw il-kapaċitajiet nazzjonali għat-“traċċar u r‐rintraċċar tal-oriġini ta’ SALW illeċiti u munizzjon f’żoni ta’ kunflitt” - u direttament u indirettament isaħħu firxa wiesgħa ta’ inizjattivi ta’ kontroll tal-armi appoġġati mill-Istat Membru. L-impatti diretti jinkludu l-appoġġ għall-awtoritajiet nazzjonali tal-infurzar tal-liġi biex jiġu traċċati s-SALW skont l-Istrument Internazzjonali tat-Traċċar, it-titjib tal‐kapaċità nazzjonali biex tinġabar data dwar armi traċċati fil-qafas tal-indikatur 16.4.2 tal-Għan ta’ Żvilupp Sostenibbli (SDG), u l-appoġġ għal programmi ta’ ġestjoni ta’ armi u munizzjon fuq l-inizjattiva tal-Istati Membri. L-impatti indiretti jinkludu l-“”ġbir lura“” tal-informazzjoni miġbura fuq il-post, bħat-twissija lill-Istati Membri dwar ir-riskji ta’ devjazzjoni li jiltaqgħu magħhom f’pajjiżi sħab u l-identifikazzjoni ta’ devjazzjoni minn ħażniet nazzjonali u l-għoti ta’ din l-informazzjoni lill-programmi ta’ PSSM) appoġġati mill-Unjoni.

4.1.3.   Attivitajiet tal-proġett

Fl-2018, il-CAR stabbiliet l-Unità ta’ Appoġġ Tekniku (TSU), unità ffurmata biex twassal attivitajiet ta’ taħriġ u ta’ mentoraġġ lill-awtoritajiet nazzjonali fl-istati milquta minn kunflitt li fihom jopera l-proġett iTrace. Dawk l-attivitajiet ta’ taħriġ u ta’ mentoraġġ huma mfassla biex jagħtu spinta lil inizjattivi nazzjonali kontra d-devjazzjoni fl-oqsma kollha billi jipprovdu żvilupp ta’ struzzjonijiet u kapaċitajiet dwar it-traċċar ta’ armi konvenzjonali, l-immarkar u ż-żamma ta’ rekords, li jsegwu l-proċeduri stabbiliti tal-ITI, ta’ armi konvenzjonali illeċiti maqbuda, u valutazzjonijiet tal‐PSSM li huma mfassla biex jidentifikaw u jindirizzaw ir-riskji ta’ devjazzjoni fis-sors. Il-CAR ser tipprovdi taħriġ speċjalizzat u bbażat fuq il-ħtiġijiet dwar l-ispettru sħiħ ta’ attivitajiet elenkati hawn fuq lis-sħab lokali u, fejn meħtieġ, lill-persunal ta’ appoġġ għall-paċi, inkluż il-Missjonijiet tan-NU u tal-UE u l-gruppi/panels ta’ monitoraġġ tas-sanzjonijiet tan-NU. F’dan ir-rigward, il‐Proġett iTrace ser ikompli jwieġeb direttament għall-azzjoni elenkata fl-Istrateġija tal-UE dwar is-SALW, li tappella għall-appoġġ tal-UE biex “bordijiet tan-NU li jimmonitorjaw l‐embargi tal-armi” u tikkunsidra ta’ “modi kif ittejjeb l-aċċess għas-sejbiet tagħhom dwar id‐devjazzjoni u l-armi tan-nar u s-SALW illeċiti għal finijiet ta’ kontroll tal-esportazzjoni tal-armi”. It-taħriġ taħt il-Proġett iTrace ser jibni fuq firxa ta’ servizzi offruti mill-CAR mill-2014, li wera li kien kritiku fl-appoġġ tas-sħab lokali fi stati affettwati minn kunflitt, ta l-għajnuna lil bordijiet tan‐NU, kif ukoll żgura aċċess akbar għal timijiet investigattivi tal-iTrace fuq il-post. Il-proġett ser jibgħat persunal mit-timijiet investigattivi tiegħu fuq il-post u t-TSU biex jagħtu struzzjonijiet, f’livelli progressivament aktar tekniċi, fir-rigward ta’:

(a)	introduzzjoni għall-ġbir tad-data dwar l-armi konvenzjonali, b’referenza għal każijiet speċifiċi;

(b)	identifikazzjoni bażika ta’ armi konvenzjonali u tekniki ta’ dokumentazzjoni effettivi;

(c)	proċeduri operattivi standard għall-ġbir tad-data u l-katina evidenzjarja tal-kustodja;

(d)	ir-rekwiżiti tal-investigazzjonijiet fuq distanza twila, reġjonali u internazzjonali;

(e)	l-implimentazzjoni tal-Istrument Internazzjonali tat-Traċċar; fejn xieraq, l-awtoritajiet f’pajjiżi sħab ser jitħarrġu u jiġu mħeġġa jibdew talbiet ta’ traċċar;

(f)	it-traċċar internazzjonali tal-armi u s-sistemi tat-traċċar tal-armi (b’mod partikolari Interpol u Europol);

(g)	l-użu ta’ “big data” u tal-analiżi tax-xejriet; u

(h)	modi għall-assistenza teknika (internazzjonali) u l-intervent tal-infurzar tal-liġi.

Dawk l-attivitajiet ser isiru flimkien mal-investigazzjonijiet fuq il-post ta’ iTrace — inkluż (il‐mentoraġġ) tal-investigazzjonijiet konġunti li jsiru mill-awtoritajiet tal-gvern nazzjonali.

4.1.4.   Riżultati tal-proġett

Il-proġett ser:

(a)

jinkoraġġixxi lill-awtoritajiet nazzjonali biex jagħtu aċċess akbar lit-timijiet investigattivi tal‐iTrace fuq il-post, billi jirrispondu għal sejħiet ripetuti biex tiġi pprovduta kapaċità ta’ assistenza teknika u investigazzjoni konġunta u li jkun ekwivalenti għal żieda fil-kapaċità ta’ ġbir tad-data tal-iTrace;

(b)

jipprovdi assistenza konkreta għall-kapaċità lill-gvernijiet nazzjonali li, filwaqt li jsofru l‐impatti tad-devjazzjoni tal-armi konvenzjonali, huma nieqsa mill-għodod biex jidentifikaw u jirrappurtaw dwar armi konvenzjonali iddevjati; dan spiss ikun prekursur għal ġestjoni aktar effettiva tal-armi konvenzjonali domestiċi u, bħala tali, jappoġġa l-implimentazzjoni tat-TKA, tal-ITI, tal-Programm ta’ Azzjoni tan-NU, u tal-SDG 16.4.2 u tal-programmar u l-kollegament tal-PSSM mal-korpi internazzjonali tal-infurzar tal-liġi, inkluż l-Interpol (iARMS) u l-Europol.

(c)

jappoġġa djalogu msaħħaħ, b’mod partikolari billi jidentifika partijiet ikkonċernati ewlenin għal inizjattivi oħra appoġġati mill-Unjoni, pereżempju r-relazzjonijiet tal-Missjonijiet tal-UE mal‐gvernijiet ospitanti, u jagħti bidu lil inizjattivi, bħall-ipprogrammar tal-PSSM, pereżempju proġetti appoġġati mill-Unjoni għall-ġestjoni tal-ħażniet.

4.1.5.   Indikaturi tal-implimentazzjoni tal-proġett

Sa 40 żjara fuq il-post ta’ taħriġ u ta’ mentoraġġ, b’enfasi fuq żjarat ripetuti biex l-awtoritajiet nazzjonali jiġu appoġġati fil-bini ta’ kapaċità ta’ traċċar.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.1.6.   Benefiċjarji tal-proġett

L-attivitajiet ta’ taħriġ u ta’ mentoraġġ iTrace ser ikollhom benefiċċji diretti għall-partijiet nazzjonali kkonċernati fi stati milquta mill-kunflitt, inkluż korpi ta’ infurzar tal-liġi u prosekuturi. Il-programm ser joffri appoġġ indirett għad-djalogi nazzjonali ma’ inizjattivi ffinanzjati mill-Unjoni u dawk oħrajn ta’ kontroll tal-armi, li jinkoraġġixxu l-użu ta’ mekkaniżmi internazzjonali ta’ traċċar, inkluż is‐sistema iARMS tal-Interpol u l-Europol, u li jiffaċilitaw l-involviment ma’ proġetti appoġġati mill-Unjoni dwar il-ġestjoni ta’ ħażniet u proġetti oħra ta’ kontroll tas-SALW.

4.2.   Proġett 2: Investigazzjonijiet imsaħħa fuq il-post meħtieġa biex ifornu aktar lis-sistema iTrace b’evidenza dokumentarja dak il-ħin dwar id-devjazzjoni u t-traffikar ta’ armi konvenzjonali oħrajn u munizzjon, u informazzjoni rilevanti oħra.

4.2.1.   Objettiv tal-proġett

Il-proġett ser isaħħaħ il-frekwenza u d-durata tar-riċerka fuq il-post ta’ armi konvenzjonali oħra u munizzjon li jiċċirkolaw fiż-żoni milquta minn kunflitt. Il-proġett ser jagħti prijorità lill-pajjiżi ta’ tħassib partikolari għall-Istati Membri, inkluż, fost l-oħrajn, l-Afganistan, l-Iraq, il-Jemen, il-Libja, il‐Mali, is-Sirja, is-Somalja, is-Sudan t’Isfel u l-Ukrajna. Dawn l-investigazzjonijiet fuq il‐post ser jipprovdu evidenza konkreta ta’ armi konvenzjonali ddevjati f’idejn forzi ribelli u terroristiċi, li inkella jkunu inviżibbli għall-osservaturi esterni (inkluż l-Istati Membri li jesportaw l-armi). Il-CAR ser titlob l-approvazzjoni minn qabel tal‐Grupp ta’ Ħidma tal-UE dwar l-Esportazzjoni ta’ Armi Konvenzjonali (COARM) qabel ma jsir involviment sostantiv fil-pajjiżi kollha li preċedentement ma kinux soġġetti għal investigazzjonijiet iTrace fuq il-post jew programmi iTrace ta’ taħriġ u ta’ mentoraġġ.

Bl-użu ta’ teknoloġiji ġodda u tekniki forensiċi avvanzati, il-CAR ser timplimenta firxa ta’ attivitajiet fuq il-post, inkluż dokumentazzjoni fotografika msaħħa, sfruttament forensiku, u rkupru ta’ marki mħassra. Il-CAR uriet li dawn il-metodi jiżvelaw informazzjoni traċċabbli dwar armi, munizzjon u materjal relatat li qabel ma kinux traċċabbli, li jippermettu investigazzjonijiet f’firxa dejjem akbar ta’ materjal illeċitu, li l-informazzjoni ta’ identifikazzjoni tiegħu tneħħiet biex tinħeba l-provenjenza.

Id-data li tirriżulta ser ittejjeb il-fehim kollettiv tal-Istati Membri dwar id-devjazzjoni u t‐trasferimenti illeċiti, il-metodi użati mit-traffikanti biex jaħbuhom, u ttejjeb b’mod sostanzjali l‐kapaċitajiet tagħhom li jfixklu l-kummerċ illeċitu.

4.2.2.   Benefiċċju għal inizjattivi tal-UE dwar il-kontroll tal-armi

L-investigazzjonijiet iTrace fuq il-post jipprovdu linja bażi dinamika ta’ armi konvenzjonali ddevjati fi stati milquta mill-kunflitt. Din il-linja bażi tipprovdi kejl kontinwu tal-effikaċja tal-Pożizzjoni Komuni 2008/944/PESK u tal-ftehimiet dwar il-kontroll tal-armi li l-Istati Membri impenjaw ruħhom għalihom, fost l-oħrajn, it-TKA, il‐Programm ta’ Azzjoni tan-NU u l‐Istrateġija tal-UE dwar is-SALW . Id-dokumentazzjoni dettaljata ta’ armi ta’ kunflitt isservi wkoll bħala pjattaforma ta’ tnedija għal traċċi formali ta’ armi konvenzjonali u għal investigazzjonijiet komprensivi fil-finanzjament ta’ kunflitti u n-netwerks tal-provvista tal-armi.

4.2.3.   Attivitajiet tal-proġett

L-attivitajiet li ġejjin ser jitwettqu fil-qafas ta’ dan il-proġett:

(a)	l-istazzjonament ta’ esperti kwalifikati tal-armi biex iwettqu analiżi fuq il-post ta’ armi konvenzjonali illeċiti u l-munizzjon tagħhom, irkuprati minn stati milquta mill-kunflitt;

(b)

l-analiżi, ir-rieżami u l-verifika ta’ evidenza dokumentata dwar l-armi konvenzjonali, il‐munizzjon tagħhom u l-utenti tagħhom, inkluż, fost l-oħrajn, id-dokumentazzjoni fotografika, l‐isfruttar forensiku, u l-irkupru ta’ marki mħassra ta’ armi, il-partijiet komponenti u l-immarkar intern u estern tagħhom, l-ippakkjar u d-dokumentazzjoni tat-trasport marittimu assoċjata, flimkien mar-riżultati ta’ investigazzjonijiet fuq il-post (l-utenti, il-fornituri u r-rotot ta’ trasferiment);

(c)	l-introduzzjoni tal-evidenza kollha miġbura u riveduta fis-sistema ta’ ġestjoni ta’ informazzjoni iTrace u, ladarba tiġi verifikata, fil-portal tal-immappjar online tal-iTrace;

(d)	l-identifikazzjoni u l-appoġġ tas-sħab lokali biex tiġi żgurata l-ġabra sostnuta ta’ data b’appoġġ għall-iTrace matul u lil hinn mid-durata tal-Azzjoni proposta;

(e)	il-kuntatt li jitkompla mal-Gvernijiet tal-Istati Membri biex jintgħażlu punti ta’ kuntatt nazzjonali minn qabel, u mekkaniżmu ta’ koordinazzjoni, sabiex jiġi ċċarat l-ambitu tal-investigazzjonijiet tal‐CAR, u jittaffew kunflitti possibbli ta’ interess, qabel l-investigazzjonijiet tagħha.

Il-proġett ser jiġi implimentat b’mod inkrementali matul il-perijodu sħiħ ta’ tliet snin tal-proġett iTrace.

4.2.4.   Riżultati tal-proġett

Il-proġett ser:

(a)	jiddokumenta, in situ, l-evidenza fiżika ta’ armi konvenzjonali u l-munizzjon tagħhom iddevjati jew traffikati fir-reġjuni milquta minn kunflitt;

(b)

jivverifika u jiżviluppa każijiet ta’ traffikar illeċitu minn evidenza miġbura mill-CAR, minn organizzazzjonijiet li għandhom ftehimiet permanenti għall-kondiviżjoni ta’ informazzjoni mal‐CAR u, kif xieraq, minn organizzazzjonijiet oħrajn, dwar l-armi konvenzjonali u l-munizzjon tagħhom iddevjati jew traffikati fir-reġjuni kollha;

(c)

jipprovdi evidenza viżwali u fiżika konkreti ta’ armi konvenzjonali u l-munizzjoni tagħhom iddevjati jew traffikati, inkluż ritratti ta’ oġġetti, numri ta’ serje, marki tal-fabbrika, kaxxi, listi tal-ippakkjar, dokumenti tat-trasport, u dokumentazzjoni u informazzjoni tal-utent finali u miksuba permezz ta’ sfruttament forensiku u rkupru ta’ marki mħassra;

(d)

jiġġenera rapporti testwali ta’ attività illeċita, inkluż ir-rotot ta’ traffikar, l-atturi u n-netwerks finanzjarji u ta’ appoġġ involuti fid-devjazzjoni jew it-trasferiment illeċitu u l-valutazzjonijiet ta’ fatturi kontribwenti (inkluż il-ġestjoni u s-sigurtà ineffettivi ta’ ħażniet u n-netwerks ta’ forniment illeċitu u deliberatament orkestrati mill-istat);

(e)	itella’ l-evidenza msemmija qabel fis-sistema ta’ ġestjoni tal-informazzjoni tal-iTrace u, ladarba tiġi verifikata, fil-portal tal-immappjar online għad-disseminazzjoni sħiħa lill-pubbliku u lill‐Istati Membri permezz ta’ pjattaformi siguri għad-desktops u s-sistemi operatorji mobbli.

4.2.5.   Indikaturi tal-implimentazzjoni tal-proġett

Sa 75 stazzjonament fuq il-post (inkluż stazzjonament estiż fejn meħtieġ) matul il-perijodu ta’ tliet snin biex tiġi ġġenerata evidenza li tittella’ fis-sistema ta’ ġestjoni ta’ informazzjoni u l-portal tal‐immappjar online tal-iTrace.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.2.6.   Benefiċjarji tal-proġett

L-iTrace ser ikompli jipprovdi informazzjoni dejjem aktar komprensiva mmirata espliċitament l‐ewwel u qabel kollox lejn dawk li jfasslu l-politika ta’ kontroll tal-armi nazzjonali tal-UE, u l‐awtoritajiet ta’ liċenzjar tal-esportazzjoni ta’ armi kif ukoll l-istituzzjonijiet, l-aġenziji u missjonijiet tal-Unjoni. Dawn il-benefiċċjarji tal-Unjoni ser ikollhom ukoll aċċess għal informazzjoni kunfidenzjali permezz ta’ pjattaformi siguri għad-desktops u s-sistemi operatorji mobbli pprovduti minn iTrace.

L-informazzjoni pubblika ser tkompli tkun aċċessibbli wkoll għall-benefiċjarji kollha tal-Unjoni, kif ukoll għall-benefiċjarji li mhumiex mill-Unjoni, bħal dawk li jfasslu l-politika dwar il-kontroll tal‐armi u l-awtoritajiet tal-liċenzjar tal-esportazzjoni tal-armi f’pajjiżi terzi, organizzazzjonijiet ta’ riċerka mhux governattivi, organizzazzjonijiet ta’ promozzjoni u l-mezzi tax-xandir tal-aħbarijiet internazzjonali.

4.3.   Proġett 3: Appoġġ imfassal apposta lill-awtoritajiet għall-kontroll tal-esportazzjoni tal-armi u dawk li jfasslu l-politika ta’ kontroll tal-armi tal-Istati Membri.

4.3.1.   Objettiv tal-proġett

Il-proġett ser jipprovdi lill-Istati Membri appoġġ bilaterali konsistenti, inkluż żjarat wiċċ imb’ wiċċ regolari u rapportar personalizzat, li jitfassal skont l-oqsma ta’ interess speċifiċi għall‐kontroll tal-armi u r-rekwiżiti ta’ informazzjoni ta’ kull Stat Membru. L-informazzjoni pprovduta mill-awtoritajiet ta’ liċenzjar tal-esportazzjoni tal-armi tal-Istati Membri ser tiġi ttrattata bir-rispett u l-kunfidenzjalità dovuti. Il-CAR ser tkompli wkoll tkun f’kuntatt ma’ firxa ta’ awtoritajiet ta’ liċenzjar tal-esportazzjoni tal-armi nazzjonali ta’ pajjiżi terzi. Dawn ir-relazzjonijiet ser jappoġġaw diversi aspetti kritiċi tal-isforzi internazzjonali biex jiġu indirizzati d-devjazzjoni u t‐traffikar ta’ armi konvenzjonali u ser isaħħu l-miżuri kontra d-devjazzjoni internazzjonali, inkluż:

(a)	l-għoti ta’ informazzjoni u evidenza dettaljata dwar devjazzjoni dokumentata lill-awtoritajiet ta’ liċenzjar tal-esportazzjoni tal-armi; u

(b)	l-appoġġ jew l-għoti, fuq talba uffiċjali minn awtoritajiet ta’ liċenzjar tal-esportazzjoni tal-armi nazzjonali tal-UE, il-kapaċità ta’ verifika wara t-trasportazzjoni/wara l-kunsinna lejn Stati Membri.

4.3.2   Benefiċċju għal inizjattivi tal-UE dwar il-kontroll tal-armi

Iż-żjarat regolari tat-Timijiet tal-Proġett iTrace fl-ibliet kapitali tal-Istati Membri jippermettu diskussjonijiet bilaterali dwar suġġetti sensittivi (jiġifieri d-devjazzjoni ta’ wara l-esportazzjoni), jippermettu lill-Istati Membri jagħtu kontribut dirett fit-tfassil tal-iTrace u r-riżultati tiegħu (id‐direzzjoni u l-kamp ta’ applikazzjoni tal-investigazzjonijiet u t-tipi ta’ rappurtar), u jgħinu fl‐iżvilupp ta’ miżuri tal-bini ta’ fiduċja (jiġifieri n-“notifika minn qabel” u d-“dritt ta’ tweġiba” tal‐iTrace). B’mod kritiku, il-ħidma ta’ sensibilizzazzjoni tal-iTrace favur l-Istati Membri tipprovdi forum għal diskussjoni spiss sfumata dwar sfidi u opportunitajiet nazzjonali relatati mal-impenji taħt il-Kriterju 7 tal‐Pożizzjoni Komuni tal-Kunsill 2008/944/PESK u mal-impenji taħt l-Artikolu 11 tat-TKA. Skont il-Proġetti iTrace tal-passat (I, II u III), iż-żjarat ta’ ħidma ta’ sensibilizzazzjoni kienu kritiċi għal fehim tar-rekwiżiti ta’ informazzjoni tal-Istati Membri, kemm ta’ natura ġenerali (jiġifieri ’x’inhi l-valutazzjoni ta’ theddida tiegħek rigward l-armi li jidħlu f’teatru partikolari ta kunflitt armat’”) kif ukoll dawk li huma speċifiċi għall-Proġett iTrace (jiġifieri ’neħtieġu tabella operattiva li twissina immedjatament dwar kull arma prodotta domestikament li jiddokumentaw it-timijiet tal‐iTrace fuq il-post”).

4.3.3.   Attivitajiet tal-proġett

L-attivitajiet li ġejjin ser jitwettqu fil-qafas ta’ dan il-proġett:

(a)	it-timijiet tal-iTrace jintbagħtu fuq żjarat ripetuti għand l-awtoritajiet rilevanti fil-bliet kapitali tal-Istati Membri biex jipprovdu informazzjoni dwar il-kwistjonijiet kontra d‐devjazzjoni, u jirrappurtaw dwar l-investigazzjonijiet tagħhom;

(b)	it-tkomplija ta’ help desk ta’ 24 siegħa biex jagħti pariri immedjati dwar allegazzjonijiet fl‐istampa kontra d-devjazzjoni jew potenzjalment negattivi li jirriżultaw minn rappurtar mhux verifikat ta’ partijiet terzi;

(c)

iż-żamma għall-awtoritajiet ta’ liċenzjar tal-esportazzjoni ta’ dashboards online, li jagħmlu streaming ta’ data kriptata mis-sistema ta’ ġestjoni tad-data iTrace, billi jimmarkaw bi ’twissija ħamra’ l-partijiet bi storja ta’ devjazzjoni tal-armi konvenzjonali, ifasslu profili ta’ destinazzjonijiet ta’ riskju kbir, u jirrappurtaw, dak il-ħin, id-devjazzjoni ta’ armi mmanifatturati domestikament; u

(d)	l-appoġġ jew il-forniment, fuq talba uffiċjali mill-awtoritajiet ta’ liċenzjar tal-esportazzjoni tal‐armi tal-Istati Membri, tal-kontrolli tal-użu aħħari (verifika) wara l-kunsinna lill-Istati Membri minn timijiet investigattivi tal-iTrace fuq il-post.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.3.4.   Riżultati tal-proġett

Il-proġett ser:

(a)	jassisti lill-awtoritajiet ta’ liċenzjar tal-esportazzjoni tal-armi tal-Istat Membru, fuq talba tagħhom fl‐identifikazzjoni ta’ devjazzjoni ta’ wara l-esportazzjoni;

(b)	jipprovdi informazzjoni b’appoġġ għall-analiżi tar-riskju tad-devjazzjoni mill-awtoritajiet ta’ liċenzjar tal-esportazzjoni tal-armi tal-Istat Membru, f’konformità mal-Pożizzjoni Komuni 2008/944/PESK u t-TKA, qabel ma jingħataw il-liċenzji ta’ esportazzjoni;

(c)	jipprovdi lill-awtoritajiet ta’ liċenzjar tal-esportazzjoni tal-armi tal-Istat Membru b’kapaċità ta’ verifika ta’ wara l-kunsinna fuq talba tagħhom;

(d)	jappoġġa lil dawk li jfasslu l-politika ta’ kontroll tal-armi tal-Istat Membru b’informazzjoni dak il-ħin dwar id-devjazzjoni u x-xejriet tat-traffikar b’appoġġ għall-impenn nazzjonali fil-proċessi ta’ politika internazzjonali; u

(e)	jassisti lill-aġenziji tal-infurzar tal-liġi nazzjonali tal-Istat Membru fl-appoġġ ta’ investigazzjonijiet kriminali, fejn applikabbli u fuq talba tagħhom.

4.3.5.   Indikaturi tal-implimentazzjoni tal-proġett

Iż-żamma ta’ dashboards apposta għad-desktops u s-sistemi operatorji mobbli, li ser jagħmlu streaming live tal-informazzjoni minn kompartimenti siguri fis-sistema iTrace lill-awtoritajiet nazzjonali tal-Istati Membri. Help desk, li ser ikun immexxi minn persunal tal-proġett iTrace, li jipprovdi appoġġ sħiħ lill-awtoritajiet tal-kontroll tal-esportazzjoni tal-armi u lill-persuni li jfasslu l-politika dwar il-kontroll tal-armi tal-Istati Membri. Sa 45 żjara fil-bliet kapitali tal‐Istati Membri fuq talba.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.3.6.   Benefiċjarji tal-proġett

L-Istati Membri interessati kollha , bi żjarat fil-bliet kapitali u missjonijiet ta’ verifika ta’ wara l-kunsinna mwettqa fuq talba.

4.4.   Proġett 4: Sensibilizzazzjoni tal-partijiet interessati u koordinazzjoni internazzjonali

4.4.1.   Objettiv tal-proġett

Il-proġett ser juri l-benefiċċji ta’ iTrace lil dawk li jfasslu l-politika internazzjonali u nazzjonali, l‐esperti ta’ kontroll ta’ armi konvenzjonali, u l-awtoritajiet tal-liċenzji tal-esportazzjoni ta’ armi. Ser jitfasslu wkoll inizjattivi ta’ sensibilizzazzjoni għal aktar koordinazzjoni tal-qsim ta’ informazzjoni u l-bini ta’ sħubiji sostenibbli ma’ individwi u organizzazzjonijiet li jistgħu jiġġeneraw informazzjoni li tista’ tittella’ fis-sistema iTrace.

4.4.2.   Benefiċċju għal inizjattivi tal-Unjoni dwar il-kontroll tal-armi

Il-proġett ser juri, f’diversi konferenzi, avvenimenti u proċessi, appoġġ mill-Unjoni għall-Proġett iTrace u juri r-rwol tal-proġett fl-għoti ta’ informazzjoni konkreta b’appoġġ għal inizjattivi internazzjonali ta’ kontroll tal-armi. Proġetti suċċessivi tal-iTrace (I, II u III) urew li s-sensibilizzazzjoni internazzjonali taqdi rwol kritiku fi: 1) it-tiswir tal-aġenda internazzjonali rigward il-proċessi internazzjonali ta’ kontroll tal-armi; u 2) il-ħolqien ta’ opportunitajiet għal kooperazzjoni mill-Istat mhux tal-UE mal‐proġett iTrace u b’mod aktar ġenerali tal-inizjattivi tal-Unjoni dwar il-kontroll tal-armi.

4.4.3.   Attivitajiet tal-proġett

L-attivitajiet li ġejjin, b’attenzjoni dovuta mogħtija biex tiġi evitata sovrapożizzjoni ma’ impriżi oħra pereżempju fuq il-komunikazzjoni tat-TKA, ser jitwettqu fil-qafas ta’ dan il-proġett:

(a)

preżentazzjonijiet mill-persunal tal-proġett iTRACE lil konferenzi internazzjonali rilevanti dwar il-kummerċ illeċitu f’armi konvenzjonali fl-aspetti kollha tiegħu. Il-preżentazzjonijiet tal‐persunal ser jitfasslu biex juru l-iTrace, b’enfasi fuq: 1) il-benefiċċji konkreti tagħha għall‐assistenza fil-monitoraġġ tal-implimentazzjoni tat-TKA, il-Programm ta’ Azzjoni tan-NU , u strumenti internazzjonali rilevanti oħra; 2) l-utilità tagħha fl-identifikazzjoni ta’ oqsma ta’ prijorità għall‐assistenza u l-kooperazzjoni internazzjonali; u 3) l-utilità tagħha bħala mekkaniżmu ta’ tfassil ta’ profil ta’ valutazzjoni tar-riskju għall-awtoritajiet tal-liċenzji tal-esportazzjoni ta’ armi;

(b)

preżentazzjonijiet tal-persunal tal-proġett iTrace lil gvernijiet nazzjonali u operazzjonijiet ta’ żamma tal-paċi. Il-preżentazzjonijiet tal-persunal ser jitfasslu biex juru l-iTrace lil dipartimenti ta’ missjonijiet rilevanti, jinkoraġġixxu u jiżviluppaw ftehimiet formali għall-kondiviżjoni ta’ informazzjoni li jistgħu jiġġeneraw informazzjoni li tista’ tiġi introdotta fis-sistema iTrace, kif ukoll biex jgħinu lil dawk li jfasslu l-politika fl-identifikazzjoni ta’ oqsma ta’ prijorità għall‐assistenza u l-kooperazzjoni internazzjonali.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.4.4.   Riżultati tal-proġett

Il-proġett ser:

(a)

juri l-utilità tal-iTrace u l-kunċett tad-dokumentazzjoni, il-ġbir u l-kondiviżjoni tad-data dwar id-devjazzjoni lil dawk li jfasslu l-politika nazzjonali u internazzjonali li jaħdmu fl‐implimentazzjoni tal-ftehimiet dwar il-kontroll ta’ armi konvenzjonali u l-kontroll tal‐esportazzjoni ta’ armi (it-TKA, il-Programm ta’ Azzjoni tan-NU, u strumenti internazzjonali oħra rilevanti) u jappoġġaw l‐implimentazzjoni tagħhom;

(b)	jipprovdi informazzjoni rilevanti biex jassisti lil dawk li jfasslu l-politika u l-esperti ta’ kontroll ta’ armi fl-identifikazzjoni ta’ oqsma ta’ prijorità għall-assistenza u l-kooperazzjoni internazzjonali u fit-tfassil ta’ strateġiji effettivi kontra d-devjazzjoni;

(c)	jipprovdi lill-awtoritajiet tal-liċenzji tal-esportazzjoni ta’ armi b’informazzjoni dettaljata dwar iTrace u l-utilità tagħha għall-valutazzjoni tar-riskju, minbarra li jipprovdi mezz għal aktar feedback u tisħiħ tas-sistema;

(d)	jiffaċilita l-kondiviżjoni ta’ informazzjoni bejn gvernijiet nazzjonali u operazzjonijiet għaż‐żamma tal-paċi u għall-monitoraġġ tas-sanzjonijiet tan-NU, inkluż l-ipproċessar tad-data u analiżi bl-użu tas-sistema tal-iTrace;

(e)	jiffaċilita n-networking fost grupp dejjem jikber ta’ esperti ta’ kontroll ta’ armi konvenzjonali involuti fit-twettiq ta’ investigazzjonijiet in situ dwar id-devjazzjoni u t-traffikar ta’ armi konvenzjonali u l-munizzjon tagħhom;

(f)

itejjeb il-profil pubbliku tat-traċċar ta’ armi konvenzjonali u l-munizzjon tagħhom bħala mezz ta’ assistenza fil-monitoraġġ tal-implimentazzjoni tat-TKA, il-Programm ta’ Azzjoni tan-NU, l-ITI u strumenti internazzjonali u reġjonali oħra tal-kontroll ta’ armi u l-kontroll ta’ esportazzjoni ta’ armi.

4.4.5.   Indikaturi tal-implimentazzjoni tal-proġett

Sa 30 konferenza ta’ sensibilizzazzjoni li attendew il-persunal tal-iTrace. Il-konferenzi kollha ser jinkludu preżentazzjonijiet tal-iTrace. L-aġendi u sommarji fil-qosor tal-konferenzi ser jiġu inklużi fir-rapport tan-narrattiva trimestrali.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.4.6.   Benefiċjarji tal-proġett

Jekk jogħġbok ara t-Taqsima 4.2.6 hawn fuq għal lista sħiħa ta’ benefiċjarji, li hija identika għall‐benefiċjarji ta’ dan il-proġett.

4.5.   Proġett 5: rapporti ta’ politika tal-iTrace

4.5.1.   Objettiv tal-proġett

Il-proġett ser jipprovdi rapporti ta’ kwistjonijiet ta’ politika ewlenin, meħuda mid-data ġġenerata mill-investigazzjonijiet fuq il-post u ppreżentata fuq is-sistema iTrace. Ir-rapporti ser ikunu maħsuba biex jenfasizzaw oqsma speċifiċi ta’ interess internazzjonali, inklużi tendenzi maġġuri fit‐traffikar ta’ armi u munizzjon konvenzjonali, id-distribuzzjoni reġjonali ta’ armi konvenzjonali traffikati u l-munizzjon tagħhom, u oqsma ta’ prijorità għall-attenzjoni internazzjonali.

4.5.2   Benefiċċju għal inizjattivi tal-Unjoni dwar il-kontroll tal-armi

Ir-rapporti ta’ politika tal-iTrace jiffokaw l-attenzjoni internazzjonali fuq il-komprensività tal‐inizjattivi tal-Unjoni dwar il-kontroll tal-armi u l-impenji meħuda mill-Istati Membri biex jindirizzaw id-devjazzjoni ta’ armi konvenzjonali u l-munizzjon tagħhom. Mill-2013 sa issa, dawn ir-rapporti kisbu kopertura importanti f’ħafna mill-kanali tal-aħbarijiet ewlenin fid-dinja, u wasslu għal azzjoni nazzjonali mill-gvernijiet, il-membri parlamentari u s-soċjetà ċivili. Minħabba li r‐rapporti tal-iTrace ma joqogħdux lura milli jidentifikaw armi konvenzjonali illeċiti li joriġinaw fl‐Unjoni, huma juru l-attitudni progressiva tal-Istati Membri lejn il-kontroll tal-armi. Dan, possibbilment, jinkoraġġixxi t-trasparenza u l-espansjoni tas-sħubija u l-universalizzazzjoni ta’ trattati u reġimi multilaterali ta’ diżarm, nonproliferazzjoni, u kontroll tal-armi mitluba fl-Istrateġija Globali tal-UE, jiġifieri l-prinċipju “immexxu bl-eżempju”.

4.5.3.   Attivitajiet tal-proġett

Analiżi fil-fond li twassal għall-ġbir, ir-rieżami, l-editjar u l-pubblikazzjoni, inkluż stampar u distribuzzjoni ta’ massimu ta’ 20 rapport ta’ politika tal-iTrace.

4.5.4.   Riżultati tal-proġett

Il-proġett ser:

(a)	jipproduċi massimu ta’ 20 rapport, kull wieħed bi profil ta’ kwistjoni separata ta’ interess internazzjonali;

(b)	jiżgura d-distribuzzjoni ta’ rapporti ta’ politika tal-iTrace lill-Istati Membri kollha;

(c)	ifassal strateġija ta’ sensibilizzazzjoni mmirata biex tiżgura kopertura globali massima;

(d)

isostni l-viżibbiltà tal-Azzjoni fl-arena politika u l-mezzi tax-xandir tal-aħbarijiet internazzjonali billi, fost affarijiet oħra, jippreżenta informazzjoni dwar armi konvenzjonali illeċiti ta’ interess topiku, jipprovdi analiżi rilevanti ta’ politika b’appoġġ għal proċessi li għaddejjin ta’ kontroll tal-armi, u jfassal rapporti li jipprovdu l-akbar interess għall-aħbarijiet tal-media internazzjonali.

4.5.5.   Indikaturi tal-implimentazzjoni tal-proġett

Massimu ta’ 20 rapport online disponibbli għall-pubbliku dwar il-politika tal-iTrace, prodotti matul iż-żmien tal-Azzjoni proposta.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.5.6.   Benefiċjarji tal-proġett

Jekk jogħġbok ara t-Taqsima 4.2.6 hawn fuq għal lista sħiħa ta’ benefiċjarji, li hija identika għall‐benefiċjarji ta’ dan il-proġett.

4.6.   Proġett 6: Traċċar u investigazzjoni msaħħa ta’ armi konvenzjonali illeċiti u l-munizzjon tagħhom

4.6.1.   Objettiv tal-proġett

Il-proġett ser ikompli jibgħat talbiet formali għat-traċċar lill-gvernijiet nazzjonali, għal armi konvenzjonali illeċiti u l-munizzjon tagħhom, li r-reazzjonijiet għalihom jipprovdu informazzjoni komprensiva dwar il-ktajjen ta’ provvista tagħhom u jidentifikaw il-post u ċ-ċirkostanzi li fihom ġew iddevjati lejn utenti mhux awtorizzati. Dawn l-attivitajiet għandhom l-għan li jistabbilixxu l‐mekkaniżmi tad-devjazzjoni ta’ armi konvenzjonali u l-munizzjon tagħhom, fuq bażi ta’ każ b’każ u bl-appoġġ tal-Istati esportaturi, b’mod partikolari l-awtoritajiet ta’ kontroll tal-esportazzjoni tal‐armi tal-Istati Membri. It-traċċi jagħtu informazzjoni dettaljata dwar netwerks ta’ provvista ta’ armi konvenzjonali illeċiti, jidentifikaw każijiet ta’ trasferiment mill-ġdid mhux awtorizzat bi ksur ta’ ftehim tal-utenti aħħarin, jissenjalaw ksur ta’ embargos fuq l-armi tan-NU u tal-Unjoni, u jiġbdu l-attenzjoni tal-Istati għad-devjazzjoni wara l-esportazzjoni. Fuq kollox, minħabba li l-gvernijiet nazzjonali nfushom jipprovdu informazzjoni dwar it-traċċar, il-proċess tat-traċċar jipprovdi bażi għat-tfassil tal-politika dwar il-kontroll tal-armi.

4.6.2   Benefiċċju għal inizjattivi tal-Unjoni dwar il-kontroll tal-armi

It-talbiet għat-traċċar ippermettew li l-proġett iTrace jipprovdi kontribut b’appoġġ għal diversi interventi ta’ infurzar tal-liġi ta’ Stati Membri (u Stati mhux membri), li jinkludu l‐prosekuzzjoni u l-kundanna ta’ individwi involuti fit-traffikar ta’ armi konvenzjonali u l‐munizzjon tagħhom, u materjal relatat.

It-talbiet għat-traċċar jiġbdu l-attenzjoni wkoll tal-Istati Membri għal każijiet ta’ devjazzjoni wara l-esportazzjoni, u jipprovdu informazzjoni essenzjali għal valutazzjonijiet effettivi tar-riskju fl-għoti ta’ liċenzji għall-esportazzjoni tal-armi. Bħala tali, l-iTrace jikkontribwixxi direttament informazzjoni li tassisti lill-Istati Membri fl-implimentazzjoni tal-Kriterju 7 tal-Pożizzjoni Komuni 2008/944/PESK u l-Artikolu 11 tat-TKA. L-informazzjoni miksuba permezz tal-proċess tat-traċċar tidentifika wkoll utenti aħħarin mhux awtorizzati, devjaturi ta’ armi konvenzjonali, partijiet illegali fil-katina ta’ provvista, u sorsi finanzjarji illeċiti. Dan jipprovdi lill‐Istati Membri data kritika b’rabta mal-profili tar-riskju tal-esportazzjoni.

4.6.3.   Attivitajiet tal-proġett

Sensiela kostanti ta’ talbiet ta’ traċċar, u komunikazzjonijiet assoċjati u investigazzjonijiet ta’ segwitu, tul iż-żmien kollu tal-proġett.

4.6.4.   Riżultati tal-proġett

Il-proġett ser:

(a)

jittraċċa armi konvenzjonali illeċiti u l-munizzjon tagħhom misjuba f’żoni milquta minn kunflitti b’rata mingħajr paragun. L-irfinar fil-proċeduri operattivi standard tal-CAR matul l-iTrace III, wara konsultazzjoni estensiva mal-Istati Membri, ser jiżgura li l‐informazzjoni miġbura mill-Unità tat-Traċċar tal-CAR ser tiġi eżaminata mill-gvernijiet nazzjonali qabel ma tiġi rilaxxata u tikkontribwixxi għall-ikbar ħażna fid-dinja ta’ armi ta’ kunflitt traċċati;

(b)

l-Unità tal-Investigazzjoni Msaħħa (EIU) li għadha kemm twaqqfet ser tieħu informazzjoni miġbura minn traċċi ta’ armi konvenzjonali illeċiti u l-munizzjon tagħhom biex tistabbilixxi b’mod aktar ċar il-“min, kif, xiex, meta u kif” tad-devjazzjoni u toħloq mappa tal-ktajjen ta’ provvista, iffukata fuq tliet pilastri ta’ investigazzjoni: netwerks umani, finanzjament ta’ armi illeċiti, u loġistika tal-provvista. L-EIU ser tkun tista’ titħaddem madwar id-dinja u taħdem biex tikseb testimonjanzi mhux pubbliċi, informazzjoni finanzjarja, u dokumenti ġewwa u barra ż‐żoni ta’ kunflitt; u

(c)

fl-aħħar mill-aħħar, l-EIU ser tipprovdi lil dawk li jfasslu l-politiki firxa ġdida ta’ għażliet biex jindirizzaw trasferimenti illeċiti ta’ armi konvenzjonali u l-munizzjon tagħhom u n-netwerks finanzjarji u loġistiċi warajhom, li jissupplimentaw miżuri bħal embargos fuq l-armi u kontrolli diretti fuq l-esportazzjoni, b’għażliet ta’ “tħarbit tan-netwerk” li jvarjaw minn diliġenza dovuta bankarja sa spezzjonijiet immirati ta’ kontejners, u twissijiet ħomor dwar intermedjarji kummerċjali.

4.6.5.   Indikaturi tal-implimentazzjoni tal-proġett

Il-volum u s-suċċess tat-talbiet ta’ traċċar ser jiġu rreġistrati u vvalutati kontinwament matul iż‐żmien kollu tal-Azzjoni.

Il-proġett ser jiġi implimentat matul il-perijodu sħiħ ta’ tliet snin tal-proġett iTrace.

4.6.6.   Benefiċjarji tal-proġett

Jekk jogħġbok ara t-Taqsima 4.2.6 hawn fuq għal lista sħiħa ta’ benefiċjarji, li hija identika għall-benefiċjarji ta’ dan il-proġett.

5.   Postijiet

Il-proġetti 1, 2 u 6 ser jeħtieġu stazzjonament estensiv fuq il-post ta’ esperti ta’ armi konvenzjonali fir-reġjuni milquta minn kunflitt. Dawn l-istazzjonamenti ser jiġu vvalutati skont il-każ, b’referenza għas-sigurtà, l-aċċess u d-disponibbiltà ta’ informazzjoni. Il-CAR diġà għandha kuntatti stabbiliti jew proġetti għaddejjin f’bosta mill-pajjiżi kkonċernati. Il-proġett 3 ser jitmexxa fil-bliet kapitali ta’ Stati Membri (bi vjaġġi oħrajn ġewwa l-pajjiżi soġġett għall-ħtiġijiet tal-Istati Membri). Il‐proġett 4 ser jitwettaq f’konferenzi internazzjonali, u f’koordinament ma’ gvernijiet nazzjonali u organizzazzjonijiet rilevanti, fid-dinja kollha biex tiġi żgurata l-viżibbiltà tal-proġett. Il-proġett 5 ser jiġi kkompilat fil-Belġju, l-Italja, Franza u r-Renju Unit.

6.   Tul ta’ żmien

Iż-żmien totali għall-proġetti kollha f’daqqa huwa stmata li jkun ta’ 36 xahar.

7.   Entità ta’ implimentazzjoni u viżibbiltà tal-Unjoni

Il-CAR tqiegħed fil-post timijiet ta’ investigazzjoni żgħar mal-forzi lokali ta’ difiża u ta’ sigurtà, il-persunal taż-żamma tal-paċi/tal-appoġġ għall-paċi, u atturi oħra b’mandati ta’ sigurtà. Kull meta dawn il-forzi jew missjonijiet jassiguraw armi illeċiti jew siti ta’ ġbir tal-evidenza, it-timijiet tal‐CAR jirkupraw kull evidenza disponibbli dwarhom u dwar il-gruppi li jużawhom. Il-CAR imbagħad tipproċedi biex jittraċċa l-oġġetti kollha identifikabbli b’mod uniku u jwettaq investigazzjonijiet dwar it-trasferimenti illeċiti tagħhom, il-ktajjen ta’ provvista, u l-appoġġ lill‐partijiet li jheddu l-paċi u l-istabbiltà.

Filwaqt li taħdem mal-awtoritajiet ta’ liċenzjar nazzjonali tal-esportazzjoni, il-CAR issib il-ktajjen ta’ provvista li huma responsabbli għall-forniment tal-armi fil-kunflitti armati, billi tidentifika l‐attività illeċita u d-devjazzjoni tal-armi mis-swieq legali għal dawk illeċiti. Il-CAR tirreġistra l‐informazzjoni miġbura fuq is-sistema iTrace tagħha ta’ monitoraġġ globali tal-armi, li b’aktar minn 500,000 arma ta’ kunflitt, munizzjon, u materjal relatat, hija l-akbar ħażna ta’ data ta’ armi ta’ kunflitt madwar id-dinja.

Il-CAR tuża din l-informazzjoni biex: a) twissi lill-Istati Membri dwar id-devjazzjoni ta’ armi konvenzjonali u l-munizzjon tagħhom; u b) tagħti lok għal inizjattivi mmirati kontra d-devjazzjoni, inkluż miżuri ta’ kontroll tal-esportazzjoni riveduti u azzjoni diplomatika internazzjonali.

Din il-metodoloġija wriet bil-provi li tidentifika d-devjazzjonijiet kważi immedjatament, wara li t‐timijiet fuq il-post tal-CAR ikunu infurmaw lill-Istati Membri b’armi ddevjati waqt li jkunu għadhom stazzjonati f’żoni milquta minn konflitti, pereżempju filwaqt li jkunu fuq il-post f’Mosul, l-Iraq. F’xi każijiet, it-timijiet tal-CAR skoprew trasferimenti mill-ġdid mhux awtorizzati fi żmien xahrejn minn meta l-armi jkunu ħallew il-bieb tal-fabbrika.

Id-Deċiżjoni (PESK) 2017/2283 tappoġġa lill-CAR biex tkompli u tkabbar il-proġett iTrace stabbilit bid-Deċiżjoni 2013/698/PESK u mġedda bid-Deċiżjoni (PESK) 2015/1908 5. Il-proġetti, imsejħa iTrace I, II u III, rispettivament, stabbilixxew sew lil iTrace bħala inizjattiva sinifikattiva ta’ monitoraġġ tal-armi ta’ konflitt madwar id-dinja u pprovdew appoġġ dirett lill‐awtoritajiet ta’ liċenzjar tal-esportazzjoni u dawk li jfasslu l-politika ta’ kontroll tal-armi tal-UE.

Barra minn hekk, fit-2 ta’ Diċembru 2015, pjan ta’ azzjoni tal-UE kontra t-traffikar u l-użu illeċitu tal-armi tan-nar u l-isplussivi talab għal “estensjoni tal-użu tal-iTrace” u rrakkomanda li kwalunkwe awtorità nazzjonali tal-infurzar tal-liġi li tindividwa d-devjazzjoni ta’ armi u munizzjon tal-kontroll tivverifika dawn is-sejbiet mar-rekords fl-iTrace. Fl-2019, il-CAR ikkonkludiet memorandum ta’ qbil mal-Europol biex tassisti f’dawn l-attivitajiet. Barra minn hekk, il-CAR ipprovdiet data tal‐iTrace lis-sistema iARMS tal-Interpol u għenet lill-Interpol fl-identifikazzjoni ta’ armi mtella’ fl-iARMS mill-Istati Membri.

Il-CAR ser tieħu l-miżuri kollha adatti biex tippubbliċizza l-fatt li l-Azzjoni ġiet iffinanzjata mill-Unjoni. Tali miżuri ser jitwettqu skont il-Manwal dwar il-Komunikazzjoni u l‐Viżibbiltà għall-Azzjonijiet Esterni tal-Unjoni Ewropea stipulat u ppubblikat mill-Kummissjoni Ewropea.

B’dan il-mod, il-CAR ser tiżgura l-viżibbiltà tal-kontribut tal-Unjoni b’kummerċjalizzazzjoni u pubbliċità adatti, li jenfasizzaw ir-rwol tal-Unjoni, jiżguraw it-trasparenza tal-azzjonijiet tagħha, u s-sensibilizzazzjoni dwar ir-raġunijiet għal din id-Deċiżjoni, kif ukoll l-appoġġ tal-Unjoni għal din id-Deċiżjoni u r-riżultati ta’ dan l-appoġġ. Il-materjal prodott mill-proġett ser juri b’mod prominenti l-bandiera tal-Unjoni f’konformità mal-linji gwida tal-Unjoni għall-użu u r-riproduzzjoni preċiżi tal-bandiera.

8.   Metodoloġija u salvagwardji għas-sħab nazzjonali tal-gvern

L-Azzjoni iTrace ser iżżomm rappurtar politikament ibbilanċjat. F’konformità mal-prinċipji ċentrali tal-CAR, l-Azzjoni ser tirrapporta dwar armi konvenzjonali illeċiti u l-munizzjon tagħhom, li timijiet ta’ investigazzjoni fil-post tal-CAR jiddokumentaw fi Stati milquta minn kunflitt, mingħajr preġudizzju għat-tip jew il-provenjenza tagħhom u irrispettivament mill-parti li jkollha dawk l-armi. Il-CAR tirrikonoxxi li l-Istati Membri li jiżvelaw informazzjoni fl-interess tat-trasparenza jistgħu jesponu l-esportazzjonijiet tagħhom tal-armi għal skrutinju pubbliku akbar. Għalhekk, sa fejn ikun fattibbli, il-CAR ser:

(a)	tirrikonoxxi, fir-rappurtar pubbliku tagħha, l-Istati Membri li pprovdew informazzjoni lill-Azzjoni iTrace fl-interess tat-trasparenza pubblika; u

(b)	tiżgura li r-rappurtar pubbliku tal-iTrace jiddifferenzja sew lill-Istati Membri msemmija fil-punt (a) minn stati li konsistentement ma jiżvelawx informazzjoni b’appoġġ għall-investigazzjonijiet tal-iTrace.

8.1   Ċarezza operazzjonali

Il-CAR ser titlob l-approvazzjoni minn qabel tal-COARM qabel ma jsir involviment sostantiv fil-pajjiżi kollha li preċedentement ma kinux soġġetti għal investigazzjonijiet iTrace fuq il-post jew programmi iTrace ta’ taħriġ u mentoraġġ. Kwalunkwe talba bħal din ser tippreżenta l-enfasi ġenerali tal‐investigazzjonijiet u l-metodoloġija prevista mill-CAR għall-pajjiż prospettiv. Fil-mument tal‐adozzjoni ta’ din id-Deċiżjoni, programmi tal-iTrace kienu operaw preċedentement fil-pajjiżi li ġejjin: l-Afganistan; l-Arabja Sawdija; il-Bahrain; il-Benin; il-Burkina Faso; ir-Repubblika Ċentru‐Afrikana; iċ-Chad; l-Eġittu; l-Emirati Għarab Magħquda; l-Etjopja; il-Filippini; il-Ġordan; il-Gambja; il-Ghana; l-Indja; l-Iraq; Iżrael; il-Jemen; il-Kenja; ir-Repubblika tal-Kongo; il-Kosta tal-Avorju; il-Libanu; il-Libja; il-Mali; il-Marokk; il‐Mauritania; il-Myanmar; in-Nepal; in-Niġer; in-Niġerja; is-Senegal; is-Sirja; is-Somalja; is-Sudan; is-Sudan t’Isfel; it-Tuneżija; it‐Turkija; l-Uganda; u l-Ukrajna.

8.2.   Mitigazzjoni tal-preġudizzju

Il-CAR tirrikonoxxi li l-livell ta’ dettall ipprovdut mill-gvernijiet nazzjonali bi tweġiba għat-talbiet ta’ traċċar, li jvarja minn ebda rispons għall-iżvelar sħiħ u l-forniment ta’ dokumenti ta’ trasferiment, jista’ jirriżulta fi Stati Membri jġarrbu livelli differenti ta’ esponiment pubbliku. Il-CAR tintrabat li ttaffi kwalunkwe preġudizzju impliċitu li disparità bħal din fit‐tweġibiet dwar it-traċċar tista’ tintroduċi fir-rappurtar tal-iTrace, billi:

(a)

iżżid introduzzjoni espliċita testwali quddiem il-każijiet kollha rrappurtati mill-Azzjoni tal‐iTrace fejn l-Istati Membri jkunu wieġbu b’mod trasparenti għal talbiet ta’ traċċar b’mod li, fejn ikun applikabbli, tafferma mingħajr ambigwità l-legalità tat-trasferimenti soġġetti għal dawk it-talbiet tat-traċċar;

(b)

iżidu introduzzjoni espliċita testwali quddiem il-każijiet kollha rrappurtati mill-Azzjoni tal‐iTrace fejn l-Istati ma jkunux wieġbu għal talbiet ta’ traċċar, li tiddikjara li “minħabba n‐nuqqas ta’ tweġiba dwar it-traċċar, il-CAR ma tistax tippronunzja ruħha dwar il-legalità tat‐trasferiment inkwistjoni” (dan mhux ser japplika għal każijiet fejn l-Istati Membri jkunu pprovdew, bi tweġiba għal talbiet speċifiċi ta’ traċċar, raġunijiet li ma jħalluhomx iwieġbu minnufih jew b’mod sħiħ); u

(c)

l-għoti ta’ rapport skedat lis-Servizz Ewropew għall-Azzjoni Esterna dwar il-każijiet kollha fejn il-CAR ma tkunx irċeviet mingħand l-Istati rikonoxximent tal-fatt li jkunu rċevew talba għat-traċċar fi żmien 28 jum minn meta jirċevuha. Il-CAR ser tirreġistra r-rikonoxximenti kollha li tirċievi fil-forma ta’ ittri, faksimili, posta elettronika, jew telefonati.

8.3.   Il-proċess tat-traċċar

L-Istati Membri jwieġbu għal talbiet ta’ traċċar maħruġa mill-CAR fil-qafas tal-Proġett iTrace kompletament għad-diskrezzjoni tagħhom, skont il-leġislazzjoni nazzjonali tagħhom dwar il‐kontrolli fuq l-esportazzjoni u l-kunfidenzjalità tad-data.

Għall-bidu l-CAR tibgħat talbiet għat-traċċar elettronikament lil Missjoni Permanenti tal-gvern għan-Nazzjonijiet Uniti fi New York, għalkemm tħeġġeġ lill-gvernijiet nazzjonali, għal raġunijiet amministrattivi, biex jassenjaw punt ta’ kuntatt fil-belt kapitali għal komunikazzjonijiet futuri mal‐Azzjoni tal-iTrace.

Il-proċess ta’ traċċar isegwi l-proċedura operattiva standard interna tal-CAR 02.02 u jinkludi l-passi li ġejjin:

(a)	fil-mument tal-ġbir tad-data, timijiet ta’ investigazzjoni fuq il-post li jeħtieġ li jittraċċaw armi konvenzjonali u l-munizzjon tagħhom, jimmarkawhom għat-traċċar fis-Sistema Globali ta’ Rappurtar dwar l-Armi, iTrace;

(b)	l-Unità tat-Traċċar tal-CAR teżamina d-data l-oħra kollha miġbura fuq il-post u, flimkien mal‐Unità tal-Analitika tal-CAR, toħroġ kwalunkwe talba oħra li tista’ tqis rilevanti;

(c)

għal elementi magħżula għat-traċċar, is-sistema awtomatikament: i) tassenja numru tat-talba għat-traċċar għal kull element; ii) tħejji lista tat-talbiet għat-traċċar għal element wieħed jew aktar, li joriġinaw minn pajjiż wieħed, f’komunikazzjoni ta’ traċċar waħda; u iii) tassenja numru ta’ korrispondenza lil kull komunikazzjoni ta’ traċċar;

(d)	meta tintbagħat talba għat-traċċar jibda perijodu ta’ stennija ta’ 28 jum, li jqis il-proċeduri nazzjonali, pereżempju fl-Istati Membri. Matul il-perijodu ta’ stennija, l-element ma jista’ jiġi ppubblikat jew ikun hemm referenza għalih f’ebda produzzjoni mill-CAR;

(e)	jekk, fi tmiem il-perijodu ta’ 28 jum, l-Unità tat-Traċċar ma tkunx irċeviet tweġiba għat-traċċar, hija tista’ toħroġ tfakkira (permezz ta’ email jew telefonata, filwaqt li żżomm noti tal-komunikazzjonijiet kollha). It-tfakkira ma tagħtix bidu għal perijodu ieħor ta’ 28 jum;

(f)

meta l-Unità tat-Traċċar tirċievi tweġiba għal xi talba ta’ traċċar, hija tinnotifika lill-persunal kollu rilevanti. Il-persunal rilevanti jiddiskuti t-tweġiba mal-Unità tat-Traċċar u jiddeċiedi x’azzjoni tittieħed (jiġifieri: il-parti rispondenti wieġbet il-mistoqsijiet tal-CAR? Jenħtieġ segwitu jew li tintalab kjarifika mill-CAR? Il-CAR tista’ toħroġ dritt ta’ tweġiba?);

(g)

ladarba jkunu waslu l-kjarifiki kollha, l-Unità tat-Traċċar tikkompila notifika ta’ dritt ta’ tweġiba. Dan huwa sommarju konċiż tal-informazzjoni pprovduta bħala tweġiba għat-talba tal‐CAR u jinkludi twissijiet li jirrispondu għal informazzjoni nieqsa jew inkonklużiva. It-test huwa mfassal biex jiġi replikat verbatim fl-iTrace u fi produzzjonijiet oħra tal-CAR u jrid jagħti l-informazzjoni kollha pprovduta mir-rispondent għat-talba ta’ traċċar. L-unità tat-Traċċar tibgħat l-abbozz tat-test lit-tim responsabbli biex jitlob it-traċċar biex jeżaminah. Mal‐aċċettazzjoni tat-test, it-tim jinnotifika lill-Unità tat-Traċċar bil-miktub u lill-Unità tat-Traċċar tibgħat id-dritt ta’ tweġiba;

(h)	meta jintbagħat dritt ta’ tweġiba jibda perijodu ta’ stennija ieħor ta’ 28 jum, li matulu l-CAR tistieden lill-parti rispondenti biex tissuġġerixxi żidiet jew emendi għat-test tad-dritt ta’ tweġiba;

(i)

jekk il-parti rispondenti tissuġġerixxi emendi għat-test tad-dritt ta’ tweġiba, il-CAR temenda t‐test u terġa’ toħroġ id-dritt ta’ tweġiba. Kull darba li l-Unità tat-Traċċar toħroġ mill-ġdid dritt ta’ tweġiba, jerġa’ jibda perijodu ieħor ta’ stennija ta’ 28 jum. Dan il-proċess jista’ jiġi ripetut sakemm il-CAR tqis li jkun ġie konkluż skambju kostruttiv. Il-CAR mhix marbuta li taċċetta emendi għad-dritt ta’ tweġiba ad infinitum;

(j)

il-proċess tad-dritt ta’ tweġiba jikkonkludi jew meta l-gvern ikkonċernat jinnotifika lill-CAR li t-test huwa aċċettabbli, jew inkella meta l-CAR tqis li modifiki ulterjuri ssuġġeriti mill-gvern ikkonċernat ikunu invalidi jew superfluwi. Jekk il-gvern jikkomunika n-nuqqas ta’ qbil tiegħu mal-CAR, u l-CAR tqis li l-punti mqajma jkunu invalidi jew superfluwi, il-CAR għandha tirreferi l-oġġezzjonijiet fit-test tad-dritt ta’ tweġiba;

(k)	f’każijiet fejn il-proċess tad-dritt ta’ tweġiba jkun għaddej u l-pubblikazzjoni tkun imminenti, ġimagħtejn qabel l-“imblukkar tat-test”, il-CAR tikkomunika lill-parti rispondenti li bidliet ulterjuri mhux ser jiddaħħlu fil-pubblikazzjoni rilevanti wara d-data tal-imblukkar tat-test;

(l)

meta l-Unità tat-Traċċar tkun inkorporat l-emendi u ż-żidiet kollha fit-test tad-dritt ta’ tweġiba, hija tibgħat l-abbozz tat-test lit-tim li kien responsabbli biex jitlob it-traċċa biex jeżaminaha. Mal-aċċettazzjoni tat-test, it-tim tal-CAR jinnotifika lill-Unità tat-Traċċar bil-miktub. Wara l‐approvazzjoni, it-test tad-dritt ta’ tweġiba jkun “imblukkat” u ma jkunx jista’ jsir aktar tibdil fit-test tad-dritt ta’ tweġiba. Minn hemm ’il quddiem, dan it-test irid jiġi replikat verbatim f’kull produzzjoni pubblika jew mhux pubblika li tirreferi għall-każ. Għalhekk, huwa imperattiv li l‐Unità tat-Traċċar u t-timijiet rilevanti jaqblu fuq test verbatim kollu kemm hu qabel ma joħorġu drittijiet ta’ tweġiba; u

(m)	jekk gvern, fit-tweġiba tiegħu għal talbiet ta’ traċċar tal-CAR, jidentifika l-punt li jmiss fil‐katina ta’ provvista, il-CAR toħroġ talba ġdida għal traċċar lil dik il-parti, u l-proċess tat‐traċċar jerġa’ jibda mill-punt (a).

8.4.   Notifika bil-quddiem

Il-CAR tibgħat notifika bil-quddiem lill-partijiet kollha li jkun hemm referenza sostantiva dwarhom f’pubblikazzjonijiet tal-iTrace. Din tieħu l-forma ta’ komunikazzjoni formali, li titħejja mill-awtur tal-pubblikazzjoni li jkun imiss u tintbagħat mill-Unità tat-Traċċar. In-notifika bil-quddiem tiddeskrivi kif ir-rapport ser jirreferi għar-relazzjoni bejn il-gvern jew entità oħra msemmija u l-każ ikkonċernat u tkun imfassla biex tiżgura li:

(a)	il-CAR wettqet id-diliġenza dovuta fuq kwalunkwe allegazzjoni jew referenza magħmula għal entitajiet fil-produzzjonijiet tagħha; u

(b)	l-informazzjoni ppreżentata fir-rapporti tal-CAR tkun preċiża u ġusta.

Ladarba tintbagħat, notifika minn qabel tagħti bidu għal perijodu ta’ stennija ta’ 28 jum, li matulu l‐CAR tistieden lil min jirċeviha biex jivverifika l-eżattezza tal-informazzjoni pprovduta u jippreżenta kwalunkwe oġġezzjoni. L-element ma jista’ jiġi ppubblikat jew ikun hemm referenza għalih f’ebda produzzjoni mill-CAR matul dan il-perijodu ta’ 28 jum.

9.   Rappurtar

Il-CAR ser tħejji rapporti narrattivi kull tliet xhur. Dawn ser jinkludu, fost affarijiet oħra, informazzjoni dettaljata dwar l-attivitajiet imwettqa matul il-perijodu ta’ rappurtar, proġett bi proġett, inkluż id-dati u l-istituzzjonijiet nazzjonali. Ir-rappurtar ser ikopri wkoll l-għadd ta’ konsultazzjonijiet minn iTRACE mal-Istati Membri.

L-ambitu ġeografiku tal-attivitajiet ta’ riċerka, l-ammont u l-kategorija tas-sejbiet, kif ukoll l-oriġini tagħhom ser ikunu disponibbli fuq is-sit elettroniku tal-iTRACE fil-ħin reali.

Artikolu 1

L-ewwel subparagrafu tal-Artikolu 9(1) tad-Deċiżjoni 2014/512/PESK huwa sostitwit b’dan li ġej:

Artikolu 2

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.