ISSN 1977-074X |
||
Il-Ġurnal Uffiċjali tal-Unjoni Ewropea |
L 281 |
|
Edizzjoni bil-Malti |
Leġiżlazzjoni |
Volum 62 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
31.10.2019 |
MT |
Il-Ġurnal Uffiċjali tal-Unjoni Ewropea |
L 281/1 |
REGOLAMENT TAL-KUNSILL (UE) 2019/1838
tad-30 ta’ Ottubru 2019
li jistabbilixxi għall-2020 l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut applikabbli fil-Baħar Baltiku u li jemenda r-Regolament (UE) 2019/124 fir-rigward ta’ ċerti opportunitajiet ta’ sajd f’ilmijiet oħra
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Ir-Regolament (UE) Nru 1380/2013 tal-Parlament Ewropew u tal-Kunsill (1) jeżiġi li jiġu adottati miżuri ta’ konservazzjoni li jqisu l-pariri xjentifiċi, tekniċi u ekonomiċi disponibbli, inkluż, meta rilevanti, ir-rapporti mfassla mill-Kumitat Xjentifiku, Tekniku u Ekonomiku għas-Sajd u minn korpi konsultattivi oħra, kif ukoll pariri mogħtija minn Kunsilli Konsultattivi stabbiliti għaż-żoni ġeografiċi jew l-oqsma ta’ kompetenza u rakkomandazzjonijiet konġunti li jsiru mill-Istati Membri. |
(2) |
Hija r-responsabbiltà tal-Kunsill li jadotta miżuri dwar l-istabbiliment u l-allokazzjoni tal-opportunitajiet tas-sajd, fosthom ċerti kundizzjonijiet li huma marbutin magħhom b’mod funzjonali, kif xieraq. L-opportunitajiet tas-sajd jenħtieġ li jiġu allokati lill-Istati Membri b’tali mod li tkun żgurata l-istabbiltà relattiva tal-attivitajiet tas-sajd ta’ kull Stat Membru għal kull stokk jew attività tas-sajd filwaqt li jitqiesu kif inhu xieraq l-objettivi tal-Politika Komuni tas-Sajd (PKS) stipulati fir-Regolament (UE) Nru 1380/2013. |
(3) |
Ir-Regolament (UE) Nru 1380/2013 jipprevedi li l-objettiv tal-PKS huwa li sal-2015 tinkiseb ir-rata ta’ sfruttament tar-rendiment massimu sostenibbli (MSY) fejn ikun possibbli u, b’mod progressiv u inkrementali, sa mhux aktar tard mill-2020 għall-istokkijiet kollha. |
(4) |
Għalhekk, il-qabdiet totali permissibbli (TACs) jenħtieġ li jiġu stabbiliti, f’konformità mar-Regolament (UE) Nru 1380/2013, abbażi tal-pariri xjentifiċi disponibbli, filwaqt li jitqiesu aspetti bijoloġiċi u soċjoekonomiċi u filwaqt li jkun żgurat trattament ġust bejn is-setturi tas-sajd, kif ukoll wara li jitqiesu l-opinjonijiet espressi waqt il-konsultazzjoni mal-partijiet ikkonċernati. |
(5) |
Ir-Regolament (UE) 2016/1139 tal-Parlament Ewropew u tal-Kunsill (2) jistabbilixxi pjan pluriennali għall-istokkijiet tal-bakkaljaw, l-aringi u l-laċċ ikħal fil-Baħar Baltiku u għas-sajd li jisfrutta dawk l-istokkijiet (“il-pjan”). Il-pjan għandu l-għan li jiżgura li l-isfruttament tar-riżorsi bijoloġiċi ħajjin tal-baħar ireġġa’ lura u jżomm il-popolazzjonijiet tal-ispeċijiet maqbuda f’livelli ’l fuq minn dawk li jistgħu jipproduċu MSY. Għal dak il-għan, il-mortalità mis-sajd fil-mira għall-istokkijiet ikkonċernati, espressa fil-meded, għandha tintlaħaq kemm jista’ jkun malajr u, b’mod progressiv u inkrementali sal-2020. Jixraq li l-limiti tal-qbid applikabbli fl-2020 għall-istokkijiet tal-bakkaljaw, tal-aringi u tal-laċċ ikħal fil-Baħar Baltiku jiġu stabbiliti f’konformità mal-objettivi tal-pjan. |
(6) |
Il-Kunsill Internazzjonali għall-Esplorazzjoni tal-Baħar (l-ICES) indika li l-bijomassa tal-aringa tal-Baltiku tal-Punent fis-sub-diviżjoni tal-ICES 2024 kompliet tkun inqas mil-limitu tal-punt ta’ referenza tal-bijomassa riproduttiva li taħtu jista’ jkun hemm tnaqqis fil-kapaċità riproduttiva (Blim). Għalhekk, fil-parir annwali tiegħu dwar l-istokkijiet tad-29 ta’ Mejju 2019, l-ICES ħareġ parir xjentifiku biex ma jsirux qabdiet. Għaldaqstant, f’konformità mal-Artikolu 5(2) tar-Regolament (UE) 2016/1139, jenħtieġ li jiġu adottati l-miżuri ta’ rimedju xierqa kollha biex jiżguraw li l-istokk ikkonċernat jitreġġa’ lura malajr għal livelli ogħla minn dak li kapaċi jipproduċi l-MSY. Barra minn hekk, dik id-dispożizzjoni teħtieġ li jiġu adottati miżuri ta’ rimedju ulterjuri. Għal dak il-għan, hemm bżonn titqies l-iskeda taż-żmien għall-kisba tal-objettivi tal-PKS b’mod ġenerali, u dik tal-pjan b’mod partikolari, minħabba l-effett mistenni tal-miżuri ta’ rimedju adottata, filwaqt li fl-istess ħin jiġu rrispettati l-objettivi għall-kisba tal-benefiċċji ekonomiċi, soċjali u tal-impjiegi kif stipulati fl-Artikolu 2 tar-Regolament (UE) Nru 1380/2013. Għaldaqstant, u f’konformità mal-Artikolu 4(4) u 5(2) tar-Regolament (UE) 2016/1139, jixraq li l-opportunitajiet tas-sajd għall-aringi tal-Baltiku tal-punent jiġu stabbiliti taħt il-meded tal-mortalità mis-sajd, biex jitqies it-tnaqqis fil-bijomassa. |
(7) |
Fir-rigward tal-istokk tal-bakkaljaw tal-Baltiku tal-lvant, l-ICES kien kapaċi jipprovdi valutazzjoni analitika għall-ewwel darba f’diversi snin. Skont stima tal-ICES, il-bijomassa kienet inqas mill-Blim u kienet ser tibqa’ inqas mill-Blim fiż-żmien medju anke jekk ma jsir l-ebda sajd. Għalhekk l-ICES ħareġ parir xjentifiku li jirrakkomanda li fl-2020 ma jkun hemm l-ebda qabda. Madankollu, l-ICES ma kienx f’pożizzjoni li jiddetermina l-valuri tal-meded tal-mortalità mis-sajd. Abbażi tal-valutazzjoni tal-istokk u biex tirreaġixxi malajr kemm jista’ jkun, il-Kummissjoni adottat ir-Regolament ta’ Implimentazzjoni (UE) 2019/1248 (3) li jistabbilixxi miżuri ta’ emerġenza biex tittaffa theddida serja għall-konservazzjoni tal-istokk tal-bakkaljaw tal-Baltiku tal-lvant (Gadus morhua). Skont l-Artikolu 5(2) tar-Regolament (UE) 2016/1139, l-opportunitajiet tas-sajd għall-2020 jeħtieġ li jiġu stabbiliti b’mod li jiżgura li l-istokk jitreġġa’ lura malajr għal livell ogħla mil-livell li kapaċi jipproduċi l-MSY. |
(8) |
Jekk l-opportunitajiet tas-sajd għall-bakkaljaw tal-Baltiku tal-lvant kellhom ikunu stabbiliti fil-livell indikat fil-parir xjentifiku, l-obbligu ta’ ħatt l-art tal-qabdiet kollha f’sajd imħallat b’qabdiet aċċessorji tal-bakkaljaw tal-Baltiku tal-lvant iwassal għall-fenomenu ta’ “speċijiet bi kwota limitanti”. Sabiex jinstab il-bilanċ it-tajjeb bejn il-kontinwazzjoni tas-sajd fid-dawl tal-implikazzjonijiet soċjoekonomiċi potenzjalment severi, u, min-naħa l-oħra, il-ħtieġa li jinkiseb status bijoloġiku tajjeb għall-istokk, filwaqt li titqies id-diffikultà tas-sajd tal-istokkijiet kollha f’sajd imħallat b’MSY fl-istess ħin, jixraq jiġi stabbilit TAC speċifiku għall-qabdiet aċċessorji tal-bakkaljaw tal-Baltiku tal-lvant. Madankollu, l-operazzjonijiet tas-sajd imwettqa għall-fini esklussiv ta’ investigazzjonijiet xjentifiċi u f’konformità sħiħa mal-kundizzjonijiet stipulati fl-Artikolu 25 tar-Regolament (UE) 2019/1241 tal-Parlament Ewropew u tal-Kunsill (4) jenħtieġ li jitħallew jistadu għall-bakkaljaw. Jenħtieġ li l-livell tat-TAC ikun tali li l-mortalità ma tiżdiedx u li dan jipprovdi inċentivi għal titjib fis-selettività u fl-evitar. |
(9) |
F’Novembru 2019, l-ICES mistenni joħroġ parir dwar il-livell ta’ qabdiet aċċessorji inevitabbli tal-bakkaljaw tal-Baltiku tal-lvant fis-sajd li mhux għall-bakkaljaw tal-Baltiku tal-lvant. Jekk skont il-parir tal-ICES il-livell ikun differenti mil-livell stabbilit f’dan ir-Regolament, it-TAC għall-bakkaljaw tal-Baltiku tal-lvant jenħtieġ li jiġi emendat biex jiġi żgurat li jiġi stabbilit f’konformità mal-parir tal-ICES u jkopri biss qabdiet aċċessorji inevitabbli minn dak l-istokk f’sajd ieħor. |
(10) |
Barra minn hekk, l-Artikolu 5(2) tar-Regolament (UE) 2016/1139 jiddikjara li għandhom jittieħdu miżuri ta’ rimedju ulterjuri biex ikun żgurat li l-istokk jitreġġa’ lura malajr għal livelli ogħla minn dak li hu kapaċi jipproduċi l-MSY. Il-parir xjentifiku jindika li l-għeluq fiż-żmien riproduttiv, b’mod partikolari, jista’ jkollu benefiċċji addizzjonali għall-istokk li ma jistax jinkiseb bit-TAC waħdu, per eżempju żieda fir-reklutaġġ permezz ta’ riproduzzjoni bla xkiel. Minħabba l-istatus tal-istokk tal-bakkaljaw tal-Baltiku tal-lvant, jixraq li jiġu estiżi l-ambitu u l-iskeda taż-żmien tal-għeluq fiż-żmien riproduttiv tas-sajf eżistenti għall-bakkaljaw tal-Baltiku tal-lvant. Barra minn hekk, pariri xjentifiċi jindikaw li l-importanza relattiva tas-sajd rikreattiv tal-bakkaljaw tal-Baltiku tal-lvant tiddependi fuq il-livell tat-TAC. Minħabba t-tnaqqis verament sostanzjali tat-TAC, il-kwantitajiet li jinqabdu fis-sajd rikreattiv jitqiesu bħala sostanzjali. Għalhekk jixraq li jiġi pprojbit is-sajd rikreattiv tal-bakkaljaw fis-sub-diviżjonijiet 25 u 26 tal-ICES fejn il-bakkaljaw tal-Baltiku tal-lvant hu l-aktar abbundanti. |
(11) |
Fir-rigward tal-istokk tal-bakkaljaw tal-Baltiku tal-punent, pariri xjentifiċi jindikaw li l-kontribut tas-sajd rikreattiv huwa sinifikanti għall-mortalità mis-sajd ġenerali ta’ dak l-istokk. Filwaqt li jitqies l-istatus attwali ta’ dak l-istokk u t-tnaqqis tat-TAC, jixraq li jitnaqqas il-limitu tal-qabda ta’ kuljum għal kull sajjied. Dan hu mingħajr preġudizzju għall-prinċipju tal-istabbiltà relattiva applikabbli għall-attivitajiet tas-sajd kummerċjali. Barra minn hekk, il-parir xjentifiku jindika li l-istokkijiet tal-bakkaljaw tal-punent u tal-lvant jitħalltu fis-sub-diviżjoni 24 tal-ICES. Sabiex jiġi protett l-istokk tal-bakkaljaw tal-lvant u jiġu żgurati kundizzjonijiet ekwivalenti ta’ kompetizzjoni maż-żona ta’ ġestjoni tal-bakkaljaw tal-Baltiku tal-lvant, huwa xieraq li l-użu tat-TAC fis-sub-diviżjoni 24 tal-ICES jiġi limitat għal qabdiet aċċessorji tal-bakkaljaw ħlief għal operazzjonijiet tas-sajd imwettqa għall-fini esklussiv ta’ investigazzjonijiet xjentifiċi u b’konformità sħiħa mal-kondizzjonijiet stabbiliti fl-Artikolu 25 tar-Regolament (UE) 2019/1241. Barra minn hekk, jenħtieġ li jkun hemm eżenzjoni għas-sajjieda kostali fuq skala żgħira li jistadu b’irkaptu passiv f’żoni sa sitt mili nawtiċi mkejla mil-linji bażi fejn il-fond tal-ilma huwa inqas minn 20 metru billi l-bakkaljaw tal-punent huwa predominanti f’dawk iż-żoni kostali baxxi. Għaldaqstant, u biex ikunu żgurati kondizzjonijiet ekwivalenti ta’ kompetizzjoni mas-sub-diviżjonijiet 25 u 26 tal-ICES, jenħtieġ li s-sajd rikreattiv tal-bakkaljaw fis-sub-diviżjoni 24 tal-ICES jiġi pprojbit lil hinn minn sitt mili nawtiċi mkejla mil-linji bażi. Fl-aħħar nett, minħabba l-istatus fraġli tal-istokk u l-fatt li l-parir xjentifiku jindika li l-għeluq fiż-żmien riproduttiv, b’mod partikolari, jista’ jkollu benefiċċji addizzjonali għal stokk li ma jistax jinkiseb bit-TAC waħdu, per eżempju żieda fir-reklutaġġ permezz ta’ riproduzzjoni bla xkiel, jixraq li jerġa’ jiddaħħal għeluq riproduttiv tax-xitwa għal attivitajiet tas-sajd kummerċjali. |
(12) |
Biex ikun żgurat l-użu sħiħ tal-opportunitajiet tas-sajd kostali, jixraq li tiġi introdotta flessibbiltà limitata bejn iż-żoni għas-salamun mis-sub-diviżjonijiet 22-31 tal-ICES sas-sub-diviżjoni 32 tal-ICES għall-Istat Membru li talab dik il-flessibbiltà. |
(13) |
Skont parir tal-ICES, 32 % tal-qabdiet fejn jidħol is-sajd tas-salamun huma rrapportati ħażin, b’mod partikolari bħala qabdiet tat-trota tal-baħar. Il-biċċa l-kbira tat-trota tal-baħar fil-Baħar Baltiku hija sfruttata fiż-żoni kostali, u għalhekk jixraq li jiġi pprojbit is-sajd għat-trota tal-baħar lil hinn minn erba’ mili nawtiċi u li jiġu limitati l-qabdiet aċċessorji tat-trota tal-baħar għal 3 % tal-qabdiet ikkombinati tat-trota tal-baħar u tas-salamun, biex dan jikkontribwixxi għall-prevenzjoni tar-rappurtar ħażin tal-qabdiet tas-salamun bħala qabdiet tat-trota tal-baħar. |
(14) |
Minħabba li l-bijomassa tal-istokk riproduttiv tal-laċċa kaħla hija ogħla mil-livell tal-MSY Btrigger (bijomassa ta’ stokk riproduttiva), huwa xieraq li t-TAC tiġi ffissata skont il-medda l-għolja tal-Fmsy sabiex jiġu limitati l-varjazzjonijiet fl-opportunitajiet tas-sajd bejn is-snin konsekuttivi skont il-punt (c) tal-Artikolu 4(5) tar-Regolament (UE) 2016/1139. |
(15) |
L-użu tal-opportunitajiet tas-sajd stipulat f’dan ir-Regolament huwa soġġett għar-Regolament tal-Kunsill (KE) Nru 1224/2009 (5), u b’mod partikolari għall-Artikoli 33 u 34 tiegħu li jikkonċernaw id-dokumentazzjoni tal-qabdiet u l-isforz tas-sajd, u soġġett ukoll għat-trażmissjoni tad-data dwar l-eżawriment tal-opportunitajiet tas-sajd lill-Kummissjoni. Għalhekk, jenħtieġ li dan ir-Regolament jispeċifika l-kodiċijiet marbuta ma’ ħatt l-art tal-istokkijiet soġġetti għal dan ir-Regolament li jridu jużaw l-Istati Membri meta jibagħtu d-data lill-Kummissjoni. |
(16) |
Ir-Regolament tal-Kunsill (KE) Nru 847/96 (6) introduċa kondizzjonijiet addizzjonali għall-ġestjoni minn sena għal sena tat-TACs, fosthom, skont l-Artikoli 3 u 4, dispożizzjonijiet dwar il-flessibbiltà għat-TACs prekawzjonarji u analitiċi. Skont l-Artikolu 2 ta’ dak ir-Regolament, meta jiġi biex jiffissa t-TACs, il-Kunsill irid jiddeċiedi liema huma l-istokkijiet li għalihom ma għandhomx japplikaw l-Artikoli 3 jew 4, b’mod partikolari abbażi tal-istatus bijoloġiku tal-istokkijiet. Aktar reċentement, l-Artikolu 15(9) tar-Regolament (UE) Nru 1380/2013 daħħal il-mekkaniżmu tal-flessibbiltà minn sena għal sena għall-istokkijiet kollha li huma soġġetti għall-obbligu ta’ ħatt l-art. Għalhekk, sabiex tkun evitata l-flessibbiltà eċċessiva li ddgħajjef il-prinċipju tal-isfruttament razzjonali u responsabbli tar-riżorsi bijoloġiċi ħajjin tal-baħar, tfixkel il-kisba tal-objettivi tal-PKS u tikkawża d-deterjorament fl-istatus bijoloġiku tal-istokkijiet, jenħtieġ li jiġi stabbilit li l-Artikoli 3 u 4 tar-Regolament (KE) Nru 847/96 ikunu japplikaw biss għat-TACs analitiċi meta ma tintużax il-flessibbiltà minn sena għal sena prevista fl-Artikolu 15(9) tar-Regolament (UE) Nru 1380/2013. |
(17) |
Barra minn hekk peress li l-bijomassa tal-istokk tal-bakkaljaw tal-Baltiku tal-lvant tinsab taħt il-Blim u peress li s-sajd aċċessorju u xjentifiku biss huwa permess fl-2020, l-Istati Membri ntrabtu li ma japplikawx l-Artikolu 15(9) tar-Regolament (UE) Nru 1380/2013 għal dan l-istokk fl-2020 sabiex il-qabdiet fl-2020 ma jaqbżux it-TAC stabbilita. |
(18) |
Skont parir xjentifiku ġdid, jenħtieġ li tiġi stabbilita TAC preliminari għall-merluzz tan-Norveġja fid-diviżjoni 3a tal-ICES u fl-ilmijiet tal-Unjoni fid-diviżjoni 2a tal-ICES u s-subżona 4 tal-ICES għall-perijodu mill-1 ta’ Novembru 2019 sal-31 ta’ Ottubru 2020. |
(19) |
Fl-1 ta’ Ottubru 2019, l-ICES ħareġ parir rivedut għal-lingwata komuni (Solea solea) fit-taqsimiet 7f u 7 g tal-ICES (il-Kanal ta’ Bristol, il-Baħar Ċeltiku). Abbażi ta’ dak il-parir, it-TAC għal dak l-istokk tista’ tiżdied. Jenħtieġ li ż-żieda tkun limitata għal 20 %, sabiex titqies il-kapaċità tas-sajd għal dak l-istokk sa tmiem l-2019. |
(20) |
Fit-tabella tal-opportunitajiet tas-sajd għall-pixxisinna fiż-Żona tal-Konvenzjoni tal-SPRFMO skont ir-Regolament tal-Kunsill (UE) 2019/124 (7), jenħtieġ li l-kodiċi tar-rapportar jiġi kkoreġut. |
(21) |
Biex tkun evitata l-interruzzjoni tal-attivitajiet tas-sajd u biex ikun żgurat l-għajxien tas-sajjieda tal-Unjoni, jenħtieġ li dan ir-Regolament ikun japplika mill-1 ta’ Jannar 2020. Madankollu, jenħtieġ li dan ir-Regolament japplika għall-merluzz tan-Norveġja fid-diviżjoni 3a tal-ICES u l-ilmijiet tal-Unjoni fid-diviżjoni 2a tal-ICES u s-subżona 4 tal-ICES mill-1 ta’ Novembru 2019 sal-31 ta’ Ottubru 2020. It-TAC għal-lingwata komuni fid-diviżjonijiet 7f u 7 g tal-ICES u t-TAC għall-pixxisinna fiż-żona tal-Konvenzjoni tal-SPRFMO skont ir-Regolament (UE) 2019/124 japplikaw mill-1 ta’ Jannar 2019. Għalhekk, jenħtieġ li ż-żieda fit-TAC għal-lingwata komuni u l-bidla fil-kodiċi tar-rapportar għall-pixxisinna japplikaw b’effett minn dik id-data. Tali applikazzjoni retroattiva hija mingħajr preġudizzju għall-prinċipji taċ-ċertezza legali u l-protezzjoni tal-aspettattivi leġittimi peress li l-opportunitajiet tas-sajd jeċċedu lil dawk stabbiliti inizjalment skont ir-Regolament (UE) 2019/124. Minħabba l-urġenza, jenħtieġ li dan ir-Regolament jidħol fis-seħħ minnufih wara l-pubblikazzjoni tiegħu, |
ADOTTA DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Suġġett
Dan ir-Regolament jistabbilixxi l-opportunitajiet tas-sajd għal ċerti stokkijiet ta’ ħut u gruppi ta’ stokkijiet ta’ ħut fil-Baħar Baltiku għall-2020 u jemenda ċerti opportunitajiet ta’ sajd f’ilmijiet oħra stabbiliti bir-Regolament (UE) 2019/124.
Artikolu 2
Kamp ta’ applikazzjoni
1. Dan ir-Regolament għandu japplika għall-bastimenti tas-sajd tal-Unjoni li joperaw fil-Baħar Baltiku.
2. Dan ir-Regolament għandu japplika wkoll għas-sajd rikreattiv fejn jiġi msemmi b’mod ċar fid-dispożizzjonijiet rilevanti.
Artikolu 3
Definizzjonijiet
Għall-finijiet ta’ dan ir-Regolament, japplikaw id-definizzjonijiet imsemmija fl-Artikolu 4 tar-Regolament (KE) Nru 1380/2013.
Barra minn hekk, japplikaw id-definizzjonijiet li ġejjin:
(1) |
“sub-diviżjoni” tfisser sub-diviżjoni tal-ICES tal-Baħar Baltiku kif definit fl-Anness III għar-Regolament tal-Kunsill (KE) Nru 218/2009 (8); |
(2) |
“qabda permissibbli totali” (TAC) tfisser il-kwantità ta’ kull stokk li tista’ tinqabad fuq perijodu ta’ sena; |
(3) |
“kwota” tfisser proporzjon mit-TAC allokata lill-Unjoni, lil Stat Membru jew lil pajjiż terz; |
(4) |
“sajd rikreattiv” tfisser attivitajiet tas-sajd mhux kummerċjali li jisfruttaw ir-riżorsi bijoloġiċi tal-baħar għal rikreazzjoni, turiżmu jew sport. |
KAPITOLU II
OPPORTUNITAJIET TAS-SAJD
Artikolu 4
TACs u allokazzjonijiet
It-TACs, il-kwoti u l-kondizzjonijiet marbutin b’mod funzjonali magħhom, fejn xieraq, huma stipulati fl-Anness.
Artikolu 5
Dispożizzjonijiet speċjali dwar l-allokazzjonijiet tal-opportunitajiet tas-sajd
L-allokazzjoni tal-opportunitajiet tas-sajd fost l-Istati Membri, kif stipulat f’dan ir-Regolament, għandha tkun mingħajr preġudizzju għal:
(a) |
skambji li jsiru skont l-Artikolu 16(8) tar-Regolament (UE) Nru 1380/2013; |
(b) |
tnaqqis u riallokazzjonijiet magħmula skont l-Artikolu 37 tar-Regolament (KE) Nru 1224/2009; |
(c) |
ħatt l-art addizzjonali permess skont l-Artikolu 3 tar-Regolament (KE) Nru 847/96 jew skont l-Artikolu 15(9) tar-Regolament (UE) Nru 1380/2013; |
(d) |
kwantitajiet miżmuma f’konformità mal-Artikolu 4 tar-Regolament (KE) Nru 847/96 jew trasferiti skont l-Artikolu 15(9) tar-Regolament (UE) Nru 1380/2013; |
(e) |
tnaqqis li jsir skont l-Artikoli 105 u 107 tar-Regolament (KE) Nru 1224/2009. |
Artikolu 6
Kundizzjonijiet għall-ħatt l-art ta’ qabdiet u ta’ qabdiet aċċessorji
L-istokkijiet ta’ speċijiet mhux fil-mira fil-limiti bijoloġiċi sikuri msemmija fl-Artikolu 15(8) tar-Regolament (UE) Nru 1380/2013 u li jikkwalifikaw għad-deroga mill-obbligu li l-qabdiet jingħaddu skont il-kwoti rilevanti, huma identifikati fl-Anness għal dan ir-Regolament.
Artikolu 7
Miżuri dwar is-sajd rikreattiv għall-bakkaljaw fis-sub-diviżjonijiet 22-26 tal-ICES
1. Fis-sajd rikreattiv, jistgħu jinżammu mhux aktar minn […] ħames kampjuni ta’ bakkaljaw għal kull sajjied kuljum fis-sub-diviżjonijiet 22 u 23 u fis-sub-diviżjoni 24 stal-ICES a sitt mili nawtiċi mkejla mil-linji bażi.
2. B’deroga mill-paragrafu 1, mhux aktar minn żewġ kampjuni ta’ bakkaljaw jistgħu jinżammu għal kull sajjied kuljum fis-sub-diviżjonijiet 22 u 23 tal-ICES u fis-sub-diviżjoni 24 tal-ICES sa sitt mili nawtiċi mkejla mil-linji ta’ bażi fil-perijodu mill-1 ta’ Frar sal-31 ta’ Marzu 2020.
3. Is-sajd rikreattiv għall-bakkaljaw għandu jkun ipprojbit fis-sub-diviżjoni 24 tal-ICES lil hinn minn sitt mili nawtiċi mkejla mil-linji bażi, u fis-sub-diviżjonijiet 25 u 26 tal-ICES.
4. Il-paragrafi 1, 2 u 3 huma mingħajr preġudizzju għal miżuri nazzjonali aktar stretti.
Artikolu 8
Miżuri dwar is-sajd għat-trota tal-baħar u s-salamun fis-sub-diviżjonijiet 22-32 tal-ICES
1. Is-sajd għat-trota tal-baħar lil hinn minn erba’ mili nawtiċi mkejla mil-linji bażi fis-sub-diviżjonijiet 22-32 tal-ICES huwa pprojbit għall-bastimenti tas-sajd mill-1 ta’ Jannar sal-31 ta’ Diċembru 2020. Meta jsir is-sajd għas-salamun f’dawk l-ilmijiet, il-qabdiet aċċessorji tat-trota tal-baħar ma jistgħux jaqbżu t-3 % tal-qabda totali tas-salamun u tat-trota tal-baħar fi kwalunkwe mument abbord jew meta jinħattu l-art wara kull vjaġġ tas-sajd.
2. Il-paragrafu 1 huwa mingħajr preġudizzju għal miżuri nazzjonali aktar stretti.
Artikolu 9
Flessibbiltà
1. Ħlief meta jkun speċifikat mod ieħor fl-Anness għal dan ir-Regolament, l-Artikolu 3 tar-Regolament (KE) Nru 847/96 għandu japplika għall-istokkijiet soġġetti għal TACs prekawzjonarji u l-Artikolu 3(2) u (3) u l-Artikolu 4 ta’ dak ir-Regolament għandhom japplikaw għall-istokkijiet soġġetti għal TAC analitika.
2. L-Artikolu 3(2) u (3) u l-Artikolu 4 tar-Regolament (KE) Nru 847/96 ma għandhomx japplikaw meta Stat Membru juża l-flessibbiltà ta’ sena b’sena prevista fl-Artikolu 15(9) tar-Regolament (UE) Nru 1380/2013.
Artikolu 10
Trażmissjoni tad- data
Meta, skont l-Artikoli 33 u 34 tar-Regolament (KE) Nru 1224/2009, l-Istati Membri jibagħtu lill-Kummissjoni d-data dwar il-kwantitajiet tal-istokkijiet maqbuda jew li nħattu l-art, huma għandhom jużaw il-kodiċijiet tal-istokkijiet stabbiliti fl-Anness għal dan ir-Regolament.
KAPITOLU III
DISPOŻIZZJONIJIET FINALI
Artikolu 11
Emend i għar-Regolament (UE) 2019/124
1. l-Anness IA għar-Regolament (UE) 2019/124 huwa emendat kif ġej:
(1) |
it-tabella tal-opportunitajiet tas-sajd għal-lingwata komuni fid-diviżjonijiet 7f u 7 g tal-ICES hija sostitwita b’dan li ġej:
|
(2) |
l-opportunitajiet tas-sajd għall-merluzz tan-Norveġja u l-qabdiet aċċessorji assoċjati fid-diviżjoni 3a tal-ICES u fl-ilmijiet tal-Unjoni tad-diviżjoni 2a tal-ICES u s-subżona 4 tal-ICES huma sostitwiti b’dan li ġej:
|
2. Fl-Anness IJ, fit-tabella tal-opportunitajiet tas-sajd għall-pixxisinna fiż-Żona tal-Konvenzjoni tal-SPRFMO, il-kodiċi tar-rapportar “TOP/SPRFMO” huwa sostitwit b’”TOT/SPR-AE”.
Artikolu 12
Dħul fis-seħħ
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2020, bl-eċċezzjoni tal-punt (2) tal-Artikolu 11(1), li għandu japplika mill-1 ta’ Novembru 2019 sal-31 ta’ Ottubru 2020, u tal-punt (1) tal-Artikolu 11(1) u l-Artikolu 11(2), li għandu japplika mill-1 ta’ Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-30 ta’ Ottubru 2019.
Għall-Kunsill
Il-President
T. TUPPURAINEN
(1) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(2) Ir-Regolament (UE) 2016/1139 tal-Parlament Ewropew u tal-Kunsill tas-6 ta’ Lulju 2016 li jistabbilixxi pjan pluriennali għall-istokkijiet tal-bakkaljaw, l-aringi u l-laċċ ikħal fil-Baħar Baltiku u s-sajd li jisfrutta dawk l-istokkijiet, li jemenda r-Regolament tal-Kunsill (KE) Nru 2187/2005 u li jirrevoka r-Regolament tal-Kunsill (KE) Nru 1098/2007 (ĠU L 191, 15.7.2016, p. 1).
(3) Ir-Regolament ta’ Implimentazzjoni tal-Kummissjoni (UE) 2019/1248 tat-22 ta’ Lulju 2019 li jistabbilixxi l-miżuri li jnaqqsu t-theddida serja għall-konservazzjoni tal-istokk tal-Bakkaljaw tal-Lvant tal-Baltiku (Gadus morhua) (ĠU L 195, 23.7.2019, p. 2).
(4) Ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (ĠU L 198, 25.7.2019, p. 105).
(5) Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).
(6) Ir-Regolament tal-Kunsill (KE) Nru 847/96 tas-6 ta’ Mejju 1996 li jintroduċi kondizzjonijiet addizzjonali għal tmexxija minn sena għal sena tat-TAC u l-kwoti (ĠU L 115, 9.5.1996, p. 3).
(7) Ir-Regolament tal-Kunsill (UE) 2019/124 tat-30 ta’ Jannar 2019 li jistabbilixxi għall-2019 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni (ĠU L 29, 31.1.2019, p. 1).
(8) Ir-Regolament (KE) Nru 218/2009 tal-Parlament Ewropew u tal-Kunsill tal-11 ta’ Marzu 2009 dwar il-preżentazzjoni ta’ statistiċi ta’ qbid nominali mill-Istati Membri li jistadu fil-grigal tal-Atlantiku (ĠU L 87, 31.3.2009, p. 70).
(9) Sa 5 % tal-kwota jistgħu jkunu qabdiet aċċessorji tal-merluzz tal-linja sewda u tal-merlangu (OT2/*2A3A4). Magħduda flimkien, il-qabdiet aċċessorji tal-merluzz tal-linja sewda u tal-merlangu li jinqatgħu mill-kwota skont din id-dispożizzjoni u l-qabdiet aċċessorji ta’ dawk l-ispeċijiet li jinqatgħu mill-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu d-9 % tal-kwota.
(10) Il-kwota tista’ tinqabad biss fl-ilmijiet tal-Unjoni taż-żoni 2a, 3a u 4 tal-ICES.
(11) Il-kwota tal-Unjoni tista’ tinqabad biss mill-1 ta’ Novembru 2018 sal-31 ta’ Ottubru 2019.
(12) Għandu jintuża għarbiel.
(13) Għandu jintuża għarbiel. Din il-kwota tinkludi ammont massimu ta’ 15 % ta’ qabdiet aċċessorji li ma jistgħux jiġu evitati (NOP/*2A3A4), u li jridu jinqatgħu minn din il-kwota.
(14) Il-kwota tal-Unjoni tista’ tiġi mistada mill-1 ta’ Novembru 2019 sal-31 ta’ Ottubru 2020.”
ANNESS
TACs APPLIKABBLI GĦALL-BASTIMENTI TAS-SAJD TAL-UNJONI FIŻ-ŻONI LI GĦALIHOM JEŻISTU T-TACs SKONT L-ISPEĊI U SKONT IŻ-ŻONA
It-tabelli li ġejjin jistabbilixxu t-TACs u l-kwoti (f’tunnellati ta’ piż ħaj, ħlief fejn ikun speċifikat mod ieħor) skont l-istokk u l-kondizzjonijiet funzjonalment marbuta magħhom.
Ir-referenzi għaż-żoni tas-sajd huma referenzi għaż-żoni tal-ICES, dment li ma jkunx speċifikat mod ieħor.
L-istokkijiet tal-ħut huma msemmija skont l-ordni alfabetika tal-ismijiet bil-Latin tal-ispeċijiet.
Għall-finijiet ta’ dan ir-Regolament, qed tingħata t-tabella komparattiva li ġejja bl-ismijiet bil-Latin u bl-ismijiet komuni:
Isem xjentifiku |
Kodiċi Alfa-3 |
Isem komuni |
Clupea harengus |
HER |
Aringa |
Gadus morhua |
COD |
Bakkaljaw |
Pleuronectes platessa |
PLE |
Barbun tat-tbajja’ |
Salmo salar |
SAL |
Salamun tal-Atlantiku |
Sprattus sprattus |
SPR |
Laċċa kaħla |
Speċi: |
Aringa Clupea harengus |
Żona: |
Sub-diviżjonijiet 30-31 (HER/30/31.) |
Finlandja |
53 306 |
|
|
Żvezja |
11 712 |
|
|
|
|
|
|
Unjoni |
65 018 |
|
|
|
|
|
|
TAC |
65 018 |
TAC prekawzjonarja |
Speċi: |
Aringa Clupea harengus |
Żona: |
Sub-diviżjonijiet 22-24 (HER/3BC+24) |
Danimarka |
442 |
|
|
Ġermanja |
1 738 |
|
|
Finlandja |
0 |
|
|
Polonja |
410 |
|
|
Żvezja |
560 |
|
|
|
|
|
|
Unjoni |
3 150 |
|
|
|
|
|
|
TAC |
3 150 |
TAC analitika L-Artikolu 3(2) u (3) tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
Speċi: |
Aringa Clupea harengus |
Żona: |
Ilmijiet tal-Unjoni tas-Sub-diviżjonijiet 25-27, 28.2, 29 u 32 (HER/3D-R30) |
Danimarka |
3 374 |
|
|
Ġermanja |
895 |
|
|
Estonja |
17 232 |
|
|
Finlandja |
33 637 |
|
|
Latvja |
4 253 |
|
|
Litwanja |
4 478 |
|
|
Polonja |
38 215 |
|
|
Żvezja |
51 300 |
|
|
|
|
|
|
Unjoni |
153 384 |
|
|
|
|
|
|
TAC |
Mhux rilevanti |
TAC analitika L-Artikolu 6 ta’ dan ir-Regolament għandu japplika. |
Speċi: |
Aringa Clupea harengus |
Żona: |
Sub-diviżjoni 28.1 (HER/03D.RG) |
Estonja |
15 906 |
|
|
Latvja |
18 539 |
|
|
|
|
|
|
Unjoni |
34 445 |
|
|
|
|
|
|
TAC |
34 445 |
TAC analitika L-Artikolu 6 ta’ dan ir-Regolament għandu japplika. |
Speċi: |
Bakkaljaw Gadus morhua |
Żona: |
Ilmijiet tal-Unjoni tas-Sub-diviżjonijiet 25-32 (COD/3DX32.) |
|
Danimarka |
459 |
|
||
Ġermanja |
183 |
|
||
Estonja |
45 |
|
||
Finlandja |
35 |
|
||
Latvja |
171 |
|
||
Litwanja |
113 |
|
||
Polonja |
529 |
|
||
Żvezja |
465 |
|
||
|
|
|
|
|
Unjoni |
2 000 |
|
||
|
|
|
|
|
TAC |
Mhux rilevanti |
TAC analitika L-Artikolu 3(2) u (3) tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
Speċi: |
Bakkaljaw Gadus morhua |
Żona: |
Sub-diviżjonijiet 22-24 (COD/3BC+24) |
|
Danimarka |
1 662 |
|
||
Ġermanja |
812 |
|
||
Estonja |
37 |
|
||
Finlandja |
33 |
|
||
Latvja |
137 |
|
||
Litwanja |
89 |
|
||
Polonja |
444 |
|
||
Żvezja |
592 |
|
||
|
|
|
|
|
Unjoni |
3 806 |
|
||
|
|
|
|
|
TAC |
3 806 |
TAC analitika L-Artikolu 3(2) u (3) tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
Speċi: |
Barbun tat-tbajja’ Pleuronectes platessa |
Żona: |
Ilmijiet tal-Unjoni tas-Sub-diviżjonijiet 22-32 (PLE/3BCD-C) |
Danimarka |
4 939 |
|
|
Ġermanja |
549 |
|
|
Polonja |
1 034 |
|
|
Żvezja |
372 |
|
|
|
|
|
|
Unjoni |
6 894 |
|
|
|
|
|
|
TAC |
6 894 |
TAC analitika L-Artikolu 6 ta’ dan ir-Regolament għandu japplika. |
Speċi: |
Salamun tal-Atlantiku Salmo salar |
Żona: |
Ilmijiet tal-Unjoni tas-Sub-diviżjonijiet 22-31 (SAL/3BCD-F) |
|
Danimarka |
17 940 |
|
||
Ġermanja |
1 996 |
|
||
Estonja |
1 823 |
|
||
Finlandja |
22 370 |
|
||
Latvja |
11 411 |
|
||
Litwanja |
1 341 |
|
||
Polonja |
5 442 |
|
||
Żvezja |
24 252 |
|
||
|
|
|
|
|
Unjoni |
86 575 |
|
||
|
|
|
|
|
TAC |
Mhux rilevanti |
TAC analitika L-Artikolu 3(2) u (3) tar-Regolament (KE) Nru 847/96 ma għandux japplika. L-Artikolu 4 tar-Regolament (KE) Nru 847/96 ma għandux japplika. |
Speċi: |
Salamun tal-Atlantiku Salmo salar |
Żona: |
Ilmijiet tal-Unjoni tas-Sub-diviżjoni 32 (SAL/3D32.) |
|
Estonja |
995 |
|
||
Finlandja |
8 708 |
|
||
|
|
|
|
|
Unjoni |
9 703 |
|
||
|
|
|
|
|
TAC |
Mhux rilevanti |
TAC prekawzjonarja |
Speċi: |
Laċċa kaħla Sprattus sprattus |
Żona: |
Ilmijiet tal-Unjoni tas-Sub-diviżjonijiet 22-32 (SPR/3BCD-C) |
Danimarka |
20 730 |
|
|
Ġermanja |
13 133 |
|
|
Estonja |
24 072 |
|
|
Finlandja |
10 851 |
|
|
Latvja |
29 073 |
|
|
Litwanja |
10 517 |
|
|
Polonja |
61 697 |
|
|
Żvezja |
40 074 |
|
|
|
|
|
|
Unjoni |
40 074 |
|
|
|
|
|
|
TAC |
Mhux rilevanti |
TAC analitika L-Artikolu 6 ta’ dan ir-Regolament għandu japplika. |
(1) Għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota.
B’deroga mill-ewwel paragrafu, l-operazzjonijiet tas-sajd imwettqa għall-fini esklużiv ta’ investigazzjonijiet xjentifiċi jistgħu jiġu diretti għall-bakkaljaw sakemm dawk l-investigazzjonijiet jitwettqu f’konformità sħiħa mal-kondizzjonijiet stipulati fl-Artikolu 25 tar-Regolament (UE) 2019/1241.
(2) Fis-sub-diviżjonijiet 25 u 26, għandu jiġi pprojbit is-sajd ta’ din il-kwota mill-1 ta’ Mejju sal-31 ta’ Awwissu.
B’deroga mill-ewwel paragrafu, dak il-perijodu tal-għeluq ma għandux japplika għall-bastimenti tas-sajd tal-Unjoni b’tul totali ta’ anqas minn 12-il metru li jistadu bl-għeżula, bl-għeżula tat-tħabbil tal-qiegħ jew bil-pariti, inkella bil-konzijiet tal-qiegħ, bil-konzijiet (għajr il-konzijiet tal-wiċċ), bix-xlief u bl-irkaptu tat-trejjix jew bi rkaptu passiv […] ieħor f’żoni fejn il-fond tal-baħar ikun inqas minn 20 metru skont il-koordinati fil-mappa nawtika uffiċjali li tinħareġ mill-awtoritajiet kompetenti nazzjonali. Il-kaptani ta’ dawk il-bastimenti tas-sajd għandhom jiżguraw li l-attività tas-sajd tagħhom tkun tista’ tiġi mmonitorjata f’kull ħin mill-awtoritajiet ta’ kontroll tal-Istat Membru.
(3) Fis-sub-diviżjoni 24 għall-qabdiet aċċessorji biss. Mhu permess l-ebda sajd dirett fil-kuntest ta’ din il-kwota fis-sub-diviżjoni 24.
B’deroga mill-ewwel paragrafu, l-operazzjonijiet tas-sajd imwettqa għall-fini esklużiv ta’ investigazzjonijiet xjentifiċi jistgħu jiġu diretti għall-bakkaljaw sakemm dawn l-investigazzjonijiet jitwettqu f’konformità sħiħa mal-kondizzjonijiet stipulati fl-Artikolu 25 tar-Regolament (UE) 2019/1241.
B’deroga mill-ewwel paragrafu, is-sajd ta’ din il-kwota fis-sub-diviżjoni 24 għandu jkun permess għall-bastimenti tas-sajd tal-Unjoni b’tul totali ta’ anqas minn 12-il metru li jistadu bl-għeżula, bl-għeżula tat-tħabbil tal-qiegħ jew bil-pariti, inkella bil-konzijiet tal-qiegħ, bil-konzijiet (għajr il-konzijiet tal-wiċċ), bix-xlief u bl-irkaptu tat-trejjix jew bi rkaptu passiv ieħor f’żoni sa sitt mili nawtiċi mkejla mil-linji bażi fejn il-fond tal-baħar ikun inqas minn 20 metru skont il-koordinati fil-mappa nawtika uffiċjali li tinħareġ mill-awtoritajiet kompetenti nazzjonali. Il-kaptani ta’ dawk il-bastimenti tas-sajd għandhom jiżguraw li l-attività tas-sajd tagħhom tkun tista’ tiġi mmonitorjata f’kull ħin mill-awtoritajiet ta’ kontroll tal-Istat Membru.
(4) Għandu jkun ipprojbit sajd għal din il-kwota fis-sub-diviżjonijiet 22 u 23 mill-1 ta’ Frar sal-31 ta’ Marzu u fis-sub-diviżjoni 24 mill-1 ta’ Ġunju sal-31 ta’ Lulju.
B’deroga mill-ewwel paragrafu, dak il-perijodu tal-għeluq ma għandux japplika għall-bastimenti tas-sajd tal-Unjoni b’tul totali ta’ anqas minn 12-il metru li jistadu bl-għeżula, bl-għeżula tat-tħabbil tal-qiegħ jew bil-pariti, inkella bil-konzijiet tal-qiegħ, bil-konzijiet (għajr il-konzijiet tal-wiċċ), bix-xlief u bl-irkaptu tat-trejjix jew bi rkaptu passiv ieħor f’żoni fejn il-fond tal-baħar ikun inqas minn 20 metru skont il-koordinati fil-mappa nawtika uffiċjali li tinħareġ mill-awtoritajiet kompetenti nazzjonali. Il-kaptani ta’ dawk il-bastimenti tas-sajd għandhom jiżguraw li l-attività tas-sajd tagħhom tkun tista’ tiġi mmonitorjata f’kull ħin mill-awtoritajiet ta’ kontroll tal-Istat Membru.
(5) Espress f’għadd ta’ ħut individwali.
(6) Kondizzjoni speċjali: sa 20 % u mhux aktar minn 400 kampjun ta’ din il-kwota jistgħu jiġu mistada fl-ilmijiet tal-Unjoni tas-sub-diviżjoni 32 (SAL/*3D32).
(7) Espress f’għadd ta’ ħut individwali.