ISSN 1977-074X |
||
Il-Ġurnal Uffiċjali tal-Unjoni Ewropea |
L 225 |
|
Edizzjoni bil-Malti |
Leġiżlazzjoni |
Volum 62 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
29.8.2019 |
MT |
Il-Ġurnal Uffiċjali tal-Unjoni Ewropea |
L 225/1 |
REGOLAMENT TA' IMPLIMENTAZZJONI TAL-KUMMISSJONI (UE) 2019/1379
tat-28 ta' Awwissu 2019
li jimponi dazju anti-dumping definittiv fuq l-importazzjonijiet ta' roti li joriġinaw mir-Repubblika tal-Poplu taċ-Ċina kif estiż għall-importazzjonijiet ta' roti kkunsinjati mill-Indoneżja, mill-Malasja, mis-Sri Lanka, mit-Tuneżija, mill-Kambodja, mill-Pakistan u mill-Filippini, kemm jekk iddikjarati bħala li joriġinaw minn dawn il-pajjiżi kif ukoll jekk le, wara rieżami tal-iskadenza skont l-Artikolu 11(2) tar-Regolament (UE) 2016/1036
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1) (minn hawn 'il quddiem imsejjaħ “ir-Regolament bażiku”) u, b'mod partikolari, l-Artikolu 11(2) tiegħu,
Billi:
1. PROĊEDURA
1.1. Miżuri fis-seħħ
(1) |
Permezz tar-Regolament (KEE) Nru 2474/93 (2) (“l-investigazzjoni oriġinali”), il-Kunsill impona dazju anti-dumping definittiv ta' 30,6 % fuq l-importazzjonijiet ta' biċikletti li joriġinaw mir-Repubblika tal-Poplu taċ-Ċina (minn hawn 'il quddiem imsejħa “r-RPĊ” jew “il-pajjiż ikkonċernat”). Wara investigazzjoni kontra ċ-ċirkomvenzjoni, dan id-dazju ġie estiż permezz tar-Regolament tal-Kunsill (KE) Nru 71/97 (3) għall-importazzjonijiet ta' ċerti parts ta' roti li joriġinaw mir-RPĊ. Ġiet introdotta “skema ta' eżenzjoni” għal ċerti parts ta' roti permezz tar-Regolament tal-Kummissjoni (KE) Nru 88/97 (4). Minn dak iż-żmien segwew diversi investigazzjonijiet li emendaw il-miżuri inizjali. |
(2) |
Il-miżuri li bħalissa huma fis-seħħ huma dazji anti-dumping definittivi imposti bir-Regolament tal-Kunsill (UE) Nru 502/2013 (5). Id-dazji anti-dumping li hemm fis-seħħ bħalissa jvarjaw minn 0 % sa 48,5 % (“il-miżuri fis-seħħ”). L-investigazzjoni li wasslet għall-impożizzjoni tal-miżuri fis-seħħ minn hawn 'il quddiem se ssir referenza għaliha bħala “l-investigazzjoni tar-rieżami preċedenti”. |
(3) |
Il-Kunsill, permezz tar-Regolament ta' Implimentazzjoni (UE) Nru 501/2013 (6), estenda wkoll il-miżuri fuq l-importazzjonijiet ta' roti kkunsinjati mir-RPĊ għal importazzjonijiet ta' roti kkunsinjati mill-Indoneżja, mill-Malasja, mis-Sri Lanka u mit-Tuneżija, kemm jekk iddikjarati bħala li joriġinaw mill-Indoneżja, mill-Malasja, mis-Sri Lanka u mit-Tuneżija kif ukoll jekk le. Ingħataw diversi eżenzjonijiet għal produtturi esportaturi ġenwini f'dawn il-pajjiżi fil-qafas ta' din l-investigazzjoni. |
(4) |
Il-Kummissjoni, permezz tar-Regolament ta' Implimentazzjoni (UE) 2015/776 (7), estendiet il-miżuri fuq l-importazzjonijiet ta' roti li joriġinaw mir-RPĊ għal importazzjonijiet ta' roti kkunsinjati mill-Kambodja, mill-Pakistan u mill-Filippini, kemm jekk iddikjarati li joriġinaw mill-Kambodja, mill-Pakistan u mill-Filippini kif ukoll jekk le. Ingħataw diversi eżenzjonijiet għal produtturi esportaturi ġenwini f'dawn il-pajjiżi fil-qafas ta' din l-investigazzjoni. |
(5) |
Fl-14 ta' Diċembru 2017 (8), il-Qorti tal-Ġustizzja tal-Unjoni Ewropea kkonfermat is-sentenza tal-Qorti Ġenerali tal-Unjoni Ewropea li annullat ir-Regolament li jimponi l-miżuri anti-dumping sa fejn kien ikkonċernat l-applikant, Giant Co. Ltd. Għalhekk Giant Co. Ltd. huwa barra mill-kamp ta' applikazzjoni tal-miżuri u ma jaqax taħt il-kamp ta' applikazzjoni ta' din l-investigazzjoni. |
(6) |
Il-Kummissjoni, permezz tar-Regolament ta' Implimentazzjoni (UE) 2018/49 (9), emendat il-miżuri fuq l-importazzjonijiet ta' roti li joriġinaw mir-RPĊ wara rieżami ta' esportatur ġdid skont l-Artikoli 11(4) u 13(4) tar-Regolament bażiku. |
1.2. Il-bidu ta' rieżami ta' skadenza
(7) |
Wara l-pubblikazzjoni ta' notifika ta' skadenza imminenti tal-miżuri anti-dumping definittivi fis-seħħ (10), l-Assoċjazzjoni Ewropea tal-Manifatturi tar-Roti (“EBMA” jew “l-applikant”) ippreżentat talba għal bidu ta' rieżami ta' skadenza ta' dawn il-miżuri skont l-Artikolu 11(2) tar-Regolament bażiku. It-talba ġiet ippreżentata fil-5 ta' Marzu 2018. L-applikant jaġixxi f'isem il-produtturi tar-roti tal-UE li jirrappreżentaw aktar minn 45 % mill-produzzjoni totali tar-roti tal-Unjoni. Din it-talba kienet ibbażata fuq ir-raġuni li l-iskadenza tal-miżuri x'aktarx tirriżulta f'kontinwazzjoni jew rikorrenza ta' dumping u dannu għall-Industija tal-Unjoni. |
(8) |
Fl-4 ta' Ġunju 2018, permezz ta' notifika ippubblikata f'Il-Ġurnal Uffiċjali tal-Unjoni Ewropea (11) (“in-Notifika ta' Bidu”), il-Kummissjoni ħabbret it-tnedija ta' rieżami ta' skadenza tal-miżuri anti-dumping li japplikaw għall-importazzjonijiet ta' roti li joriġinaw mir-Repubblika tal-Poplu taċ-Ċina skont l-Artikolu 11(2) tar-Regolament bażiku. |
1.3. Investigazzjoni
1.3.1. Il-perjodu ta' investigazzjoni tar-rieżami u l-perjodu kkunsidrat
(9) |
L-investigazzjoni dwar probabbiltà ta' kontinwazzjoni jew ta' rikorrenza ta' dumping kopriet il-perjodu bejn l-1 ta' April 2017 u l-31 ta' Marzu 2018 (il-“perjodu ta' investigazzjoni tar-rieżami” jew “PIR”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew ta' rikorrenza tad-dannu kien ikopri l-perjodu mill-1 ta' Jannar 2014 sa tmiem il-perjodu ta' investigazzjoni tar-rieżami (“il-perjodu kkunsidrat”). |
1.3.2. Il-partijiet interessati
(10) |
Fin-Notifika ta' Bidu, il-Kummissjoni stiednet lill-partijiet interessati kollha biex jipparteċipaw fl-investigazzjoni. Barra minn hekk, il-Kummissjoni informat uffiċjalment lill-partijiet li ġejjin dwar il-bidu tar-rieżami ta' skadenza: l-applikant, il-produtturi magħrufa fl-Unjoni u l-assoċjazzjonijiet rilevanti tagħhom, il-produtturi esportaturi magħrufa fir-RPĊ, l-importaturi mhux relatati magħrufa fl-Unjoni, il-fornituri tal-parts u l-assoċjazzjoni tal-utenti fl-Unjoni magħrufa li huma kkonċernati u l-awtoritajiet fir-RPĊ. |
(11) |
Il-partijiet interessati kollha ġew mistiedna jippreżentaw il-fehmiet tagħhom, jissottomettu l-informazzjoni u jipprovdu evidenza ta' sostenn fi żmien l-iskadenzi stabbiliti fin-Notifika ta' Bidu. Il-partijiet interessati ngħataw ukoll l-opportunità li jitolbu bil-miktub għal seduta ta' smigħ mis-servizzi ta' investigazzjoni tal-Kummissjoni u/jew mill-Uffiċjal tas-Seduta fil-proċedimenti kummerċjali. |
1.3.3. Teħid ta' kampjun
(12) |
Fin-Notifika ta' Bidu, il-Kummissjoni ddikjarat li hi tista' tieħu kampjun tal-partijiet interessati, f'konformità mal-Artikolu 17 tar-Regolament bażiku. |
1.3.3.1.
(13) |
Fin-Notifika ta' Bidu, il-Kummissjoni ddikjarat li hija kienet għażlet b'mod provviżorju kampjun ta' produtturi tal-Unjoni, skont l-Artikolu 17(1) tar-Regolament bażiku. Qabel il-bidu, aktar minn 70 produttur tal-Unjoni kienu pprovdew l-informazzjoni mitluba għall-għażla tal-kampjun u esprimew ir-rieda tagħhom li jikkooperaw mal-Kummissjoni. Abbażi ta' dan, il-Kummissjoni kienet għażlet b'mod proviżorju kampjun ta' tliet produtturi, li nstab li kienu rappreżentattivi tal-industrija tal-Unjoni f'termini tal-volum tal-bejgħ u tal-produzzjoni tal-prodott simili fl-Unjoni. Il-produtturi tal-Unjoni inklużi fil-kampjun kienu jirrappreżentaw 22 % mill-produzzjoni totali stmata tal-industrija tal-Unjoni u 21 % mill-volum ta' bejgħ totali tal-industrija tal-Unjoni lil klijenti mhux relatati fl-Unjoni matul il-perjodu bejn l-1 ta' Jannar 2017 sal-31 ta' Diċembru 2017. Il-Kummissjoni stiednet lill-partijiet interessati biex jikkummentaw dwar il-kampjun provviżorju. Ma wasal l-ebda kumment. |
(14) |
Minbarra l-bidu tal-każ, deher li numru ta' produtturi tal-Unjoni kienu qed jissottokuntrattaw b'mod parzjali jew bis-sħiħ il-proċess tal-produzzjoni lil kumpaniji terzi li joperaw taħt ftehimiet ta' tolling (“tollers”). Għal din ir-raġuni, il-Kummissjoni talbet informazzjoni addizzjonali mill-akbar għaxar produtturi tal-Unjoni rigward il-mudelli tan-negozju u l-volumi tal-produzzjoni tagħhom. Fid-dawl tal-informazzjoni l-ġdida riċevuta, il-Kummissjoni ddeċidiet li tinkludi żewġ produtturi oħra tal-Unjoni fil-kampjun sabiex tkopri d-diversi mudelli tan-negozju applikabbli fl-UE. Il-kampjun finali kopra 27 % tal-volum totali stmat tal-produzzjoni u 26 % tal-volum totali stmat tal-bejgħ lil klijenti mhux relatati fl-Unjoni, matul l-2017. Ma waslu ebda kummenti ulterjuri. Il-kampjun tqies li kien rappreżentattiv għall-industrija tal-Unjoni. |
1.3.3.2.
(15) |
Bl-għan li l-Kummissjoni tkun tista' tiddeċiedi jekk il-kampjunar huwiex meħtieġ u, jekk ikun il-każ, sabiex tagħżel kampjun, l-importaturi mhux relatati kollha ġew mistiedna jipparteċipaw f'din l-investigazzjoni. Dawn intalbu jippreżentaw ruħhom billi jipprovdu lill-Kummissjoni bl-informazzjoni dwar il-kumpaniji tagħhom li hija elenkata fl-Anness II tan-Notifika ta' Bidu. |
(16) |
Barra minn hekk, fl-istadju tal-bidu, il-Kummissjoni kkuntattjat lil 75 importatur identifikati fit-talba għal rieżami, u dawn ġew mistiedna jispjegaw l-attività tagħhom u jimlew l-Anness II tan-Notifika ta' Bidu. Ħadd minnhom ma wieġeb. |
1.3.3.3.
(17) |
Biex tiddeċiedi jekk il-kampjunar huwiex meħtieġ u, jekk iva, sabiex tagħżel kampjun, il-Kummissjoni talbet lill-produtturi esportaturi kollha tal-prodott soġġett għal rieżami fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni staqsiet lill-Missjoni tar-Repubblika tal-Poplu taċ-Ċina għall-Unjoni Ewropea biex tidentifika u/jew tikkuntattja lil produtturi oħra, jekk hemm minnhom, li jistgħu jkunu interessati li jipparteċipaw fl-investigazzjoni. |
(18) |
Sitt produtturi esportaturi/produtturi wieġbu wara l-bidu tal-proċediment, li fosthom wieħed sussegwentement irtira l-kooperazzjoni tiegħu. Tnejn biss mill-ħames produtturi esportaturi/produtturi li kkooperaw kienu esportaw roti lejn l-Unjoni matul il-perjodu ta' investigazzjoni tar-rieżami. |
(19) |
F'konformità mal-Artikolu 17(1) tar-Regolament bażiku, il-Kummissjoni għażlet kampjun ta' tliet gruppi ta' produtturi esportaturi/produtturi abbażi tal-akbar volum iddikjarat ta' esportazzjonijiet, kemm lejn l-UE kif ukoll lejn pajjiżi terzi, u abbażi tal-produzzjoni tal-prodott soġġett għal rieżami matul il-perjodu ta' investigazzjoni tar-rieżami. |
(20) |
Fuq din il-bażi, it-tliet gruppi ta' produtturi esportaturi/produtturi Ċiniżi inklużi fil-kampjun jirrappreżentaw madwar 89 % mill-produzzjoni u mill-bejgħ totali ddikjarati tal-ħames kumpaniji/gruppi ta' kumpaniji li kkooperaw. F'termini ġenerali, it-tliet gruppi inklużi fil-kampjun jirrappreżentaw 18 % mill-bejgħ ta' roti mir-RPĊ lejn l-UE u 1 % mill-produzzjoni ta' roti fir-RPĊ matul il-perjodu ta' investigazzjoni tar-rieżami. |
(21) |
Il-partijiet ingħataw l-opportunità li jikkummentaw dwar il-kampjun propost. Il-Kummissjoni rċeviet kummenti mingħand l-applikant biss. L-ewwel nett, l-applikant iddikjara li l-produtturi li ppreżentaw ruħhom ma kinux produtturi Ċiniżi ta' roti, peress li dawn huma relatati ma' kumpaniji mit-Tajwan. It-tieni, l-applikant argumenta li l-kumpaniji inklużi fil-kampjun u l-kumpaniji li ppreżentaw ruħhom ma kinux produtturi Ċiniżi tipiċi ta' roti, peress li ma jinsabux fit-tliet ċentri ewlenin tal-industrija tar-roti taċ-Ċina. It-tielet, l-applikant argumenta li l-kumpaniji inklużi fil-kampjun u l-kumpaniji li ppreżentaw ruhom ma jipproduċux roti ta' livell bażiku. Ir-raba', l-applikant argumenta li tnejn mill-kumpaniji fil-kampjun huma soġġetti għal dazju anti-dumping ad valorem ta' żero fil-mija. |
(22) |
Il-Kummissjoni nnotat li l-applikant ma pprovda ebda evidenza li l-post jagħmel differenza fit-tipi jew fil-kostijiet tal-produzzjoni u lanqas ma pprovda evidenza li l-kumpaniji magħżula ma jipproduċux roti ta' livell bażiku. Barra minn hekk, il-Kummissjoni tista' taċċerta li l-produtturi esportaturi fil-kampjun jimmanifatturaw ukoll roti tal-livell tad-dħul. |
(23) |
Addizzjonalment, meta għażlet il-kampjun, il-Kummissjoni kienet marbuta bid-dispożizzjonijiet tal-Artikolu 17 tar-Regolament bażiku sabiex tagħżel kampjun rappreżentattiv mill-kumpaniji li ppreżentaw ruħhom. Fil-kumpaniji li kkooperaw, il-Kummissjoni ċċarat li minkejja s-sjieda, il-post u l-medda ta' prodotti tal-kumpaniji, il-kumpaniji kollha li ntgħażlu għall-kampjun ipproduċew roti fir-RPĊ matul il-perjodu ta' investigazzjoni tar-rieżami. |
(24) |
Għalhekk, il-pretensjonijiet dwar il-kampjunar li saru minn EBMA ma ntlaqgħux. |
1.3.3.4.
(25) |
Il-Kummissjoni bagħtet kwestjonarji lill-ħames produtturi tal-Unjoni inklużi fil-kampjun, lit-tliet produtturi esportaturi fil-kampjun, lill-applikant u lill-Gvern taċ-Ċina (“GTĊ”). Il-ħames produtturi tal-Unjoni inklużi fil-kampjun, flimkien mal-għaxar tollers tagħhom, it-tliet produtturi esportaturi inklużi fil-kampjun u l-applikant wieġbu għall-kwestjonarju. |
(26) |
Il-Kummissjoni vverifikat l-informazzjoni kollha li qieset bħala meħtieġa għad-determinazzjoni tal-probabbiltà ta' kontinwazzjoni jew rikorrenza ta' dumping u dannu u tal-interess tal-Unjoni. Saru żjarat ta' verifika fil-bini tal-partijiet interessati li ġejjin:
|
1.3.4. Il-proċedura għad-determinazzjoni tal-valur normali skont l-Artikolu 2(6a) tar-Regolament bażiku
(27) |
Fid-dawl tal-evidenza suffiċjenti disponibbli fil-bidu tal-investigazzjoni li għandha t-tendenza li turi l-eżistenza ta' distorsjonijiet sinifikanti fis-sens tal-punt (b) tal-Artikolu 2(6a) tar-Regolament bażiku, il-Kummissjoni qieset li huwa xieraq li tiftaħ investigazzjoni abbażi tal-Artikolu 2(6a) tar-Regolament bażiku. |
(28) |
Konsegwentement, sabiex tiġbor id-data meħtieġa għall-applikazzjoni eventwali tal-Artikolu 2(6a) tar-Regolament bażiku, fin-Notifika ta' Bidu l-Kummissjoni stiednet lill-produtturi esportaturi tal-pajjiż ikkonċernat sabiex jipprovdu l-informazzjoni mitluba fl-Anness III għan-Notifika ta' Bidu rigward l-inputs użati għall-produzzjoni tal-prodott soġġett għal rieżami. L-istess sitt produtturi esportaturi/produtturi li bagħtu tweġibiet għall-kampjunar issottomettew ukoll l-informazzjoni mitluba fl-Anness III. |
(29) |
Biex tikseb l-informazzjoni neċessarja għall-investigazzjoni tagħha, il-Kummissjoni bagħtet ukoll kwestjonarju lill-GTĊ fir-rigward tad-distorsjonijiet sinifikanti allegati fis-sens tal-punt (b) tal-Artikolu 2(6a) tar-Regolament bażiku. Il-GTĊ ma weġibx għall-kwestjonarju. |
(30) |
Fin-Notifika ta' Bidu, il-Kummissjoni stiednet ukoll lill-partijiet interessati kollha jressqu l-fehmiet tagħhom, jippreżentaw informazzjoni u jipprovdu evidenza ta' sostenn fir-rigward tal-adegwatezza tal-applikazzjoni tal-Artikolu 2(6a) tar-Regolament bażiku fi żmien 37 jum mid-data tal-pubblikazzjoni ta' din in-Notifika f'Il-Ġurnal Uffiċjali tal-Unjoni Ewropea. Ma waslet ebda sottomissjoni jew evidenza addizzjonali f'dan ir-rigward. |
(31) |
Fin-Notifika ta' Bidu, il-Kummissjoni speċifikat ukoll li, fid-dawl tal-evidenza disponibbli, jista' jkollha bżonn tagħżel pajjiż rappreżentattiv xieraq skont l-Artikolu 2(6a)(a) tar-Regolament bażiku sabiex jiġi ddeterminat il-valur normali abbażi ta' prezzijiet jew valuri referenzjarji mingħajr distorsjoni. |
(32) |
Fl-4 ta' Lulju 2018, il-Kummissjoni ppubblikat l-ewwel nota għall-fajl (“l-ewwel nota dwar il-fatturi ta' produzzjoni”) li fittxet il-fehmiet tal-partijiet interessati dwar is-sorsi rilevanti li tista' tuża l-Kummissjoni għad-determinazzjoni tal-valur normali, f'konformità mat-tieni inċiż tal-Artikolu 2(6a)(e) tar-Regolament bażiku. F'din in-nota, il-Kummissjoni pprovdiet lista tal-fatturi kollha tal-produzzjoni, bħall-materjali, l-enerġija u x-xogħol użati fil-produzzjoni tal-prodott soġġett għal rieżami mill-produtturi esportaturi. Barra minn hekk, abbażi tal-kriterji li jiggwidaw l-għażla tal-prezzijiet jew tal-valuri referenzjarji mingħajr distorsjoni, il-Kummissjoni identifikat sitt pajjiżi rappreżentattivi possibbli: il-Brażil, il-Messiku, ir-Russja, is-Serbja, it-Tajlandja u t-Turkija. |
(33) |
Il-Kummissjoni tat lill-partijiet interessati kollha l-opportunità li jikkummentaw. Il-Kummissjoni rċeviet kummenti mingħand produttur esportatur wieħed u mingħand produttur wieħed, kif ukoll mingħand l-applikant, filwaqt li l-awtoritajiet tal-pajjiż ikkonċernat ma pprovdewx kummenti. |
(34) |
Fit-tieni nota tad-9 ta' Awwissu 2018 (“it-tieni nota dwar il-fatturi ta' produzzjoni”), il-Kummissjoni indirizzat il-kummenti riċevuti fl-ewwel nota dwar il-fatturi ta' produzzjoni. Il-Kummissjoni stabbilixxiet ukoll il-lista ta' fatturi ta' produzzjoni u kkonkludiet li, f'dak l-istadju, is-Serbja kienet l-aktar pajjiż rappreżentattiv xieraq skont l-ewwel inċiż tal-Artikolu 2(6a)(a) tar-Regolament bażiku. Il-Kummissjoni stiednet lill-partijiet interessati jikkummentaw. Il-Kummissjoni ma rċeviet l-ebda kumment. |
1.3.5. Proċedura sussegwenti
(35) |
Fis-7 ta' Ġunju 2019, il-Kummissjoni għamlet id-divulgazzjoni tal-fatti u l-kunsiderazzjonijiet essenzjali li abbażi tagħhom kien maħsub li jiġu imposti dazji anti-dumping (“divulgazzjoni finali”). Il-partijiet kollha ngħataw perjodu li fih setgħu jikkummentaw dwar id-divulgazzjoni. |
(36) |
Il-Kummissjoni rċeviet kummenti mill-applikant u mingħand il-Kamra tal-Kummerċ taċ-Ċina għall-Importazzjoni u l-Esportazzjoni ta' Makkinarju u Prodotti Elettroniċi (“CCCME”) |
2. IL-PRODOTT SOĠĠETT GĦAL RIEŻAMI U L-PRODOTT SIMILI
2.1. Il-prodott soġġett għal rieżami
(37) |
Il-prodott soġġett għal dan ir-rieżami huwa roti u ċikletti oħra (inklużi triċikli għall-kunsinni, iżda esklużi l-uniċikli), mingħajr mutur, li jaqgħu taħt il-kodiċi NM 8712 00 30 u ex 8712 00 70 (kodiċijiet TARIC 8712007091, 8712007092 u 8712007099) (“il-prodott soġġett għal rieżami” jew “roti”). |
(38) |
Il-Kummissjoni nnotat li saru xi tibdiliet fis-settur mill-investigazzjoni tar-rieżami ta' qabel. Kien hemm diversi żviluppi teknoloġiċi, speċjalment rigward il-materja prima użata. Barra minn hekk, is-suq inbidel b'mod sinifikanti, u kategoriji speċifiċi ta' roti saru aktar popolari u kisbu sehem mis-suq sinifikanti. Biex tirrifletti dawn l-iżviluppi, il-Kummissjoni ddeċidiet li taġġusta l-kategoriji ta' roti użati fl-investigazzjoni ta' rieżami ta' qabel. Il-partijiet interessati kollha ġew informati dwar din id-deċiżjoni u mistiedna jikkummentaw. Ma wasal l-ebda kumment. |
(39) |
Għaldaqstant, ir-roti ġew klassifikati taħt it-tipi ewlenin li ġejjin:
|
(40) |
Kull tip ta' rota kif definit hawn fuq għandha l-istess karatteristiċi fiżiċi u tekniċi bażiċi. Barra minn hekk, dawn jinbiegħu permezz ta' kanali ta' distribuzzjoni simili fis-suq tal-Unjoni, bħal bejjiegħa bl-imnut, ktajjen ta' negozji sportivi, bejjiegħa tal-massa u negozjanti indipendenti tar-roti. L-applikazzjoni u l-użu bażiċi tar-roti huma identiċi, u b'hekk ċerti mudelli minn tipi differenti jistgħu jkunu interkambjabbli u jikkompetu ma' xulxin. |
(41) |
Fuq din il-bażi, ġie konkluż li t-tipi kollha ta' roti jifformaw prodott wieħed uniku. |
2.2. Prodott simili
(42) |
Din l-investigazzjoni tar-rieżami ta' skadenza kkonfermat li r-roti manifatturati u mibjugħa fis-swieq domestiċi tar-RPĊ u tal-pajjiż rappreżentattiv, is-Serbja, u l-prodott manifatturat u mibjugħ fl-Unjoni mill-produtturi tal-Unjoni għandhom l-istess karatteristiċi fiżiċi u tekniċi bażiċi u użi finali. Dawn huma meqjusa bħala prodotti identiċi, l-istess f'kull aspett tagħhom, fis-sens tal-Artikolu 1(4) tar-Regolament bażiku. |
3. PROBABBILTÀ TA' KONTINWAZZJONI JEW RIKORRENZA TA' DUMPING
3.1. Rimarki preliminari
(43) |
F'konformità mal-Artikolu 11(2) tar-Regolament bażiku, il-Kummissjoni eżaminat jekk huwiex probabbli li l-iskadenza tal-miżuri fis-seħħ twassal għal kontinwazzjoni jew rikorrenza ta' dumping mir-RPĊ. |
3.2. Kooperazzjoni mir-RPĊ
(44) |
Sitt kumpaniji/gruppi ta' kumpaniji pprovdew it-tweġiba għall-formola ta' kampjunar; waħda/wieħed minn dawn il-kumpaniji/gruppi ta' kumpaniji aktar tard irtira(t) il-kooperazzjoni tiegħu/tagħha. Il-volum totali ddikjarat ta' esportazzjonijiet ta' roti lejn l-Unjoni mill-ħames kumpaniji li kkooperaw kien ta' [120 000 sa 150 000] unità fil-perjodu ta' investigazzjoni tar-rieżami, li jikkorrispondi għal 18 % mill-volumi totali ta' importazzjonijiet tal-prodott soġġett għal rieżami mir-RPĊ irreġistrati mill-Eurostat għall-istess perjodu. Il-kapaċità totali ddikjarata ta' produzzjoni tal-kumpaniji/gruppi ta' kumpaniji li kkooperaw kienet tammonta għal madwar miljun unità, li huwa bejn wieħed u ieħor 1 % mill-kapaċità totali stmata ta' produzzjoni taċ-Ċina (117-il miljun unità). |
(45) |
Fid-dawl tal-livell baxx ta' kooperazzjoni, il-Kummissjoni applikat l-Artikolu 18 u bbażat il-konstatazzjonijiet tagħha dwar is-suq Ċiniż tar-roti, inklużi l-produzzjoni, il-kapaċità u l-kapaċità ta' riżerva, fuq il-fatti disponibbli. |
(46) |
Barra minn hekk, il-Grupp Ideal, wieħed mill-gruppi inklużi fil-kampjun, ma pprovdiex lill-Kummissjoni l-prezzijiet tal-bejgħ tiegħu għall-bejgħ li sar permezz ta' negozjant relatat lill-ewwel klijent indipendenti kemm għall-bejgħ lejn l-Unjoni kif ukoll il-bejgħ lejn il-bqija tad-dinja. Għaldaqstant, il-Kummissjoni applikat l-Artikolu 18 tar-Regolament bażiku u użat l-aqwa fatti disponibbli għal din il-parti tal-bejgħ ta' esportazzjoni ta' dan il-grupp. |
3.3. Il-kontinwazzjoni ta' dumping ta' importazzjonijiet matul il-perjodu ta' investigazzjoni tar-rieżami
(47) |
Għall-perjodu ta' investigazzjoni tar-rieżami, id-data statistika mill-Eurostat turi li ġew importati 747 313-il rota fl-Unjoni mir-RPĊ, li jikkostitwixxu madwar 4 % mill-konsum totali tal-Unjoni. Konsegwentement, il-Kummissjoni kkonkludiet li l-importazzjonijiet attwali fil-perjodu ta' investigazzjoni tar-rieżami kienu rappreżentattivi biżżejjed sabiex jiġi eżaminat jekk id-dumping kompliex matul il-perjodu ta' investigazzjoni tar-rieżami. |
3.3.1. Il-valur normali
(48) |
Skont l-Artikolu 2(1) tar-Regolament bażiku, “il-valur normali għandu normalment ikun ibbażat fuq il-prezzijiet imħallsa jew pagabbli, fil-kors ordinarju tal-kummerċ, minn klijenti indipendenti fil-pajjiż esportatur”. |
(49) |
Madankollu, skont l-Artikolu 2(6a)(a) tar-Regolament bażiku, “(f)'każ li jiġi stabbilit […] li mhuwiex xieraq li jintużaw prezzijiet u kostijiet domestiċi fil-pajjiż esportatur minħabba l-eżistenza ta' distorsjonijiet sinifikanti f'dak il-pajjiż skont it-tifsira tal-punt (b), il-valur normali għandu jinħadem b'mod esklużiv abbażi tal-kostijiet tal-produzzjoni u tal-bejgħ li jirrifletti prezzijiet jew valuri referenzjarji mhux distorti”, u “għandu jinkludi ammont mhux distort u raġonevoli ta' kostijiet amministrattivi, tal-bejgħ u ġenerali u għall-profitti”. Kif spjegat aktar fid-dettall hawn taħt, fl-investigazzjoni preżenti l-Kummissjoni kkonkludiet li, abbażi tal-evidenza disponibbli, u fid-dawl tan-nuqqas ta' kooperazzjoni tal-GTĊ u l-assenza ta' pretensjonijiet mill-produtturi esportaturi, l-applikazzjoni tal-Artikolu 2(6a) tar-Regolament bażiku kienet xierqa. |
3.3.2. L-eżistenza ta' distorsjonijiet sinifikanti
3.3.2.1.
(50) |
L-Artikolu 2(6a)(b) tar-Regolament bażiku jiddefinixxi “d-distorsjonijiet sinifikanti huma dawk id-distorsjonijiet li jseħħ u meta prezzijiet jew kostijiet irrappurtati, inklużi l-kostijiet ta' materji primi u ta' enerġija, ma jkunux ir-riżultat ta' forzi tas-suq ħieles għax ikunu affettwati minn intervent sostanzjali tal-gvern. Meta tkun valutata l-eżistenza ta' distorsjonijiet sinifikanti għandha tingħata attenzjoni, inter alia, lill-impatt potenzjali ta' element wieħed jew aktar mis-segwenti:
|
(51) |
Skont l-Artikolu 2(6a)(b) tar-Regolament bażiku, il-valutazzjoni tal-eżistenza ta' distorsjonijiet sinifikanti fis-sens tal-Artikolu 2(6a)(a) għandha tqis, fost l-oħrajn, il-lista mhux eżawrjenti ta' elementi fid-dispożizzjoni ta' qabel. Skont l-Artikolu 2(6a)(b) tar-Regolament bażiku, fil-valutazzjoni tal-eżistenza tad-distorsjonijiet sinifikanti, għandu jitqies l-impatt potenzjali ta' wieħed jew aktar minn dawn l-elementi fuq il-prezzijiet u l-kostijiet fil-pajjiż esportatur tal-prodott soġġett għal rieżami. Fil-fatt, peress li dik il-lista mhijiex kumulattiva, mhux l-elementi kollha jeħtieġ li jitqiesu għas-sejba ta' distorsjonijiet sinifikanti. Barra minn hekk, l-istess ċirkostanzi fattwali jistgħu jintużaw biex juru l-eżistenza ta' element wieħed jew aktar tal-lista. Madankollu, kwalunkwe konklużjoni dwar distorsjonijiet sinifikanti fis-sens tal-Artikolu 2 (6a) (a) trid issir fuq il-bażi tal-evidenza kollha disponibbli. Il-valutazzjoni ġenerali dwar l-eżistenza tad-distorsjonijiet tista' tqis ukoll il-kuntest u s-sitwazzjoni ġenerali fil-pajjiż esportatur, b'mod partikolari meta l-elementi fundamentali tal-istruttura ekonomika u amministrattiva tal-pajjiż esportatur tagħti lill-gvern setgħat sostantivi biex jintervjeni f'forzi tas-suq u li għalhekk tindika l-fatt li l-prezzijiet u l-kostijiet mhumiex ir-riżultat ta' forzi tas-suq ħieles. |
(52) |
L-Artikolu 2(6a)(c) tar-Regolament bażiku jipprevedi li “[f]ejn il-Kummissjoni jkollha indikazzjonijiet fondati sew tal-eżistenza potenzjali ta' distorsjonijiet sinifikanti kif imsemmija fil-punt (b) f'ċertu pajjiż jew f'ċertu settur f'dak il-pajjiż, u fejn ikun xieraq għall-applikazzjoni effettiva ta' dan ir-Regolament, il-Kummissjoni għandha tipproduċi, tippubblika u taġġorna regolarment rapport li jiddeskrivi ċ-ċirkostanzi tas-suq imsemmija fil-punt (b) f'dak il-pajjiż jew settur.” |
(53) |
Skont din id-dispożizzjoni, il-Kummissjoni ħarġet rapport dwar il-pajjiż rigward ir-RPĊ (“ir-Rapport”) (12). Il-partijiet interessati kienu mistiedna jirribattu, jikkummentaw jew jissupplimentaw l-evidenza li kienet fil-fajl tal-investigazzjoni fil-mument tal-bidu. F'dan ir-rigward, u minħabba nuqqas ta' kooperazzjoni f'dan il-każ, il-Kummissjoni bbażat fuq ir-Rapport li juri l-eżistenza ta' intervent sostanzjali tal-gvern f'ħafna livelli tal-ekonomija, inklużi distorsjonijiet speċifiċi f'fatturi ewlenin tal-produzzjoni (bħall-art, l-enerġija, il-kapital, il-materja prima u l-ħidma), kif ukoll f'setturi speċifiċi (bħall-aluminju, l-azzar u s-sustanzi kimiċi). Ir-Rapport tqiegħed fil-fajl tal-investigazzjoni fl-istadju tal-bidu. |
(54) |
It-talba ssostni wkoll l-allegazzjonijiet dwar distorsjonijiet sinifikanti skont it-tifsira tal-Artikolu 2(6a)(b) imsemmi aktar 'il fuq, li jikkomplimentaw ir-Rapport. |
(55) |
L-ewwel nett, l-applikant jirreferi għad-dispożizzjonijiet inklużi fit-13-il Pjan fuq Ħames Snin għall-Industrija tar-Roti u tar-Roti Elettriċi (minn hawn 'il quddiem imsejjaħ “it-13-il Pjan dwar ir-Roti”). Id-dispożizzjonijiet speċifiċi ta' dak il-pjan huma msemmija fit-Taqsima 5.1 tat-talba. Barra minn hekk, l-applikant jirreferi għall-eżistenza ta' intrapriżi tal-Istat ((State-owned enterprises) “SOEs”) fl-industrija tar-roti (Taqsima 5.2 tat-talba) kif ukoll il-pressjoni kbira eżerċitata fuq il-produtturi iżgħar għall-konsolidazzjoni skont il-mandat tat-13-il Pjan dwar ir-Roti (it-Taqsima 5.2 tat-talba). |
(56) |
Il-Kummissjoni eżaminat jekk kienx xieraq li jintużaw prezzijiet u kostijiet domestiċi fir-RPĊ, minħabba l-eżistenza ta' distorsjonijiet sinifikanti fis-sens tal-punt (b) tal-Artikolu 2(6a) tar-Regolament bażiku. Il-Kummissjoni għamlet dan abbażi tal-evidenza disponibbli dwar il-fajl, inkluża l-evidenza fir-Rapport, li jibbaża fuq sorsi disponibbli għall-pubbliku, b'mod partikolari fuq il-leġiżlazzjoni Ċiżina, id-dokumenti ta' politika uffiċjali ppubblikati Ċiniżi, ir-rapporti ppubblikati minn organizzazzjonijiet internazzjonali u studji/artikli ta' akkademiċi magħrufin, identifikati b'mod speċjali fir-Rapport. Dik l-analiżi kopriet l-eżami tal-interventi sostanzjali tal-gvern fl-ekonomija tiegħu b'mod ġenerali, iżda wkoll is-sitwazzjoni speċifika tas-suq fis-settur rilevanti, inklużi l-prodott soġġett għal rieżami. |
(57) |
Kif speċifikat fil-premessa (29), il-GTĊ ma pprovdiex tweġiba għall-kwestjonarju li rċieva. Il-produtturi esportaturi li wieġbu għall-kwestjonarju ma kkummentawx u lanqas ma pprovdew evidenza li ssostni jew tirribatti l-evidenza eżistenti fil-fajl tal-każ, inkluż ir-Rapport, u l-evidenza addizzjonali li ġiet ipprovduta mill-applikant, dwar l-eżistenza ta' distorsjonijiet sinifikanti u/jew l-adegwatezza tal-applikazzjoni tal-Artikolu 2(6a) tar-Regolament bażiku fil-każ inkwistjoni. |
3.3.2.2.
(58) |
Is-sistema ekonomika Ċiniża hija bbażata fuq il-kunċett ta' “ekonomija tas-suq soċjalista”. Dak il-kunċett huwa inkorporat fil-Kostituzzjoni Ċiniża u jiddetermina l-governanza ekonomika tar-RPĊ. Il-prinċipju ewlieni huwa s-“sjieda pubblika soċjalista tal-mezzi tal-produzzjoni, jiġifieri s-sjieda min-nies kollha u s-sjieda kollettiva mill-persuni li jaħdmu”. L-ekonomija tal-Istat titqies bħala l-“forza mexxejja tal-ekonomija nazzjonali” u l-Istat għandu l-mandat “li jiżgura l-konsolidazzjoni u t-tkabbir tagħha” (13). Konsegwentement, l-istruttura ġenerali tal-ekonomija Ċiniża mhux biss tippermetti interventi sostanzjali tal-gvern fl-ekonomija, iżda tali interventi huma mogħtija mandat espliċitu. Il-kunċett tas-supremazija tas-sjieda pubblika fuq dik privata jinfirex fis-sistema legali kollha u huwa enfasizzat bħala prinċipju ġenerali fil-partijiet fundamentali kollha tal-leġiżlazzjonijiet. Il-liġi tal-proprjetà Ċiniża hija eżempju ewlieni: hija tirreferi għall-istadju primarju tas-soċjaliżmu u tafda lill-Istat bit-tħaddin tas-sistema ekonomika bażika li taħtha s-sjieda pubblika għandha rwol dominanti. Huma ttollerati forom oħrajn ta' sjieda, bil-liġi tippermettilhom jiżviluppaw flimkien mas-sjieda tal-Istat (14). |
(59) |
Barra minn hekk, skont il-leġiżlazzjoni Ċiniża, l-ekonomija tas-suq soċjalista hija żviluppata taħt it-tmexxija tal-Partit Komunista Ċiniż ((Chinese Communist Party),“CCP”). L-istruttura tal-Istat Ċiniż u tas-CCP huma marbutin ma' xulxin f'kull livell (legali, istituzzjonali, personali), u jiffurmaw superstruttura li fiha ma tkunx tista' ssir distinzjoni bejn ir-rwoli tas-CCP u tal-Istat. Wara emenda tal-Kostituzzjoni Ċiniża f'Marzu 2018, ir-rwol ewlieni tas-CCP ingħata prominenza saħansitra akbar billi ġie affermat mill-ġdid fit-test tal-Artikolu 1 tal-Kostituzzjoni. Wara l-ewwel sentenza eżistenti tad-dispożizzjoni: “is-sistema soċjalista hija s-sistema bażika tar-Repubblika Popolari taċ-Ċina”, iddaħħlet it-tieni sentenza ġdida li taqra: “il-karatteristika definittiva tas-soċjaliżmu b'karatteristiċi Ċiniżi hija t-tmexxija tal-Partit Komunista taċ-Ċina.” (15) Dan juri l-kontroll tas-CCP fuq is-sistema ekonomika tar-RPĊ. Dan il-kontroll huwa inerenti għas-sistema Ċiniża u jmur lil hinn mis-sitwazzjoni abitwali fil-pajjiżi l-oħra fejn il-gvernijiet jeżerċitaw kontroll makroekonomiku mifrux li fil-limitazzjonijiet tiegħu hemm forzi tas-suq ħieles. |
(60) |
L-Istat Ċiniż jimpenja ruħu f'politika ekonomika ta' intervent skont l-għanijiet, li jikkoinċidu mal-aġenda politika stabbilita mis-CCP aktar milli jirriflettu l-kundizzjonijiet ekonomiċi prevalenti f'suq ħieles (16). L-għodod ekonomiċi intervenzjonisti użati mill-awtoritajiet Ċiniżi jinqasmu f'diversi friegħi, inkluż is-sistema tal-ippjanar industrijali, is-sistema finanzjarja, kif ukoll fil-livell tal-ambjent regolatorju. |
(61) |
L-ewwel nett, fil-livell ta' kontroll amministrattiv globali, id-direzzjoni tal-ekonomija Ċiniżi hija regolata minn sistema kumplessa ta' ppjanar industrijali li taffettwa l-attivitajiet ekonomiċi kollha fil-pajjiż. It-totalità ta' dawn il-pjanijiet tkopri matriċi komprensiva u kumplessa ta' setturi u politiki trażversali u hija preżenti fil-livelli kollha tal-gvern. Il-pjanijiet fil-livell provinċjali huma ddettaljati, filwaqt li l-pjanijiet nazzjonali jistabbilixxu miri usa'. Il-pjanijiet jispeċifikaw ukoll il-mezzi sabiex jiġu appoġġjati l-industriji/is-setturi rilevanti kif ukoll il-perjodi ta' żmien li fihom jeħtieġ li jintlaħqu l-objettivi. Xi pjanijiet jinkludu miri tal-output espliċiti. Skont il-pjanijiet, setturi industrijali u/jew proġetti individwali huma identifikati bħala prijoritajiet (pożittivi jew negattivi) skont il-prijoritajiet tal-gvern u huma attribwiti lilhom għanijiet speċifiċi ta' żvilupp (titjib industrijali, espansjoni internazzjonali, eċċ.). L-operaturi ekonomiċi, privati u tal-Istat bl-istess mod iridu jaġġustaw b'mod effettiv l-attivitajiet kummerċjali tagħhom skont ir-realtajiet imposti mis-sistema tal-ippjanar. Mhux biss minħabba n-natura vinkolanti tal-pjanijiet iżda wkoll minħabba li l-awtoritajiet Ċiniżi rilevanti fil-livelli kollha tal-gvern jaderixxu mas-sistema ta' pjanijiet u jużaw is-setgħat mogħtija lilhom skont kif ikun meħtieġ, u b'hekk jisfurzaw lill-operaturi jikkonformaw mal-prijoritajiet stabbiliti fil-pjanijiet (ara wkoll it-Taqsima 3.3.2.5 hawn taħt) (17). |
(62) |
It-tieni nett, fuq il-livell tal-allokazzjoni tar-riżorsi finanzjarji, is-sistema finanzjarja taċ-Ċina hija ddominata mill-banek kummerċjali tal-Istat. Dawn il-banek, meta jkunu qed jistabbilixxu u jimplementaw il-politika tas-self tagħhom, iridu jallinjaw ruħhom mal-objettivi tal-politika industrijali tal-gvern minflok ma jivvalutaw qabel kollox il-merti ekonomiċi ta' proġett partikolari (ara wkoll it-Taqsima 3.3.2.9 hawn taħt) (18). L-istess japplika għall-komponenti l-oħrajn tas-sistema finanzjarja Ċiniża, bħas-swieq tal-istokks, is-swieq tal-bonds, is-swieq tal-ekwità privata, eċċ. Anki jekk għandhom inqas sinifikat mis-settur bankarju, dawn il-partijiet tas-settur finanzjarju huma stabbiliti f'livell istituzzjonali u operazzjonali b'mod mhux immirat lejn il-massimizzazzjoni tal-funzjonament effiċjenti tas-swieq finanzjarji, iżda lejn l-iżgurar ta' kontroll u l-permess ta' intervent mill-Istat u mis-CCP (19). |
(63) |
It-tielet, fil-livell tal-ambjent regolatorju, l-interventi mill-Istat fl-ekonomija jieħdu għadd ta' forom. Pereżempju, ir-regoli tal-akkwist pubbliku jintużaw regolarment sabiex jintlaħqu għanijiet ta' politika għajr l-effiċjenza ekonomika, u b'hekk idgħajfu l-prinċipji bbażati fuq is-suq fil-qasam. Il-leġiżlazzjoni applikabbli tipprevedi b'mod speċifiku li l-akkwist pubbliku għandu jsir sabiex tiġi ffaċilitata l-kisba tal-għanijiet imfassla mill-politiki tal-Istat. Madankollu, in-natura ta' dawn l-għanijiet għadha mhix definita, li b'hekk tħalli marġni wiesa' ta' apprezzament għall-korpi tat-teħid ta' deċiżjonijiet (20). Bl-istess mod, fil-qasam tal-investiment, il-GTĊ jżomm kontroll u influwenza sinifikanti fuq id-destinazzjoni u l-kobor tal-investiment kemm tal-Istat kif ukoll dak privat. L-iskrinjar tal-investiment, kif ukoll diversi inċentivi, restrizzjonijiet, u projbizzjonijiet relatati mal-investiment jintużaw mill-awtoritajiet bħala għodda importanti biex jiġu appoġġjati l-għanijiet tal-politika industrijali bħaż-żamma tal-kontroll tal-Istat fuq setturi ewlenin jew it-tisħiħ tal-industrija domestika (21). |
(64) |
Fil-qosor, il-mudell ekonomiku Ċiniż huwa bbażat fuq ċerti azzjonijiet bażiċi li jipprevedu u jħeġġu interventi tal-gvern li jinqasmu f'diversi friegħi. Tali interventi sostanzjali tal-gvern jinsabu f'kunflitt mal-azzjoni libera tal-forzi tas-suq, u dan jirriżulta fid-distorsjoni tal-allokazzjoni effettiva tar-riżorsi f'konformità mal-prinċipji tas-suq (22). |
3.3.2.3.
(65) |
Fir-RPĊ, l-intrapriżi li joperaw taħt is-sjieda, il-kontroll u/jew is-superviżjoni jew il-gwida tal-politika mill-Istat jirrappreżentaw parti essenzjali mill-ekonomija. |
(66) |
Fir-rigward tas-sjieda tal-Istat, fis-settur tar-roti għadu jippersisti ċertu grad ta' sjieda tal-Istat mill-GTĊ. Minkejja li l-industrija tar-roti fir-RPĊ hija frammentata ħafna b'għadd kbir ta' produtturi żgħar, il-produtturi l-kbar ta' roti inkluż Flying Pidgeon u Phoenix huma SOEs, madankollu mhuwiex possibbli li jiġu stmati ċ-ċifri preċiżi abbażi tal-informazzjoni li waslet mingħand il-produtturi esportaturi li kkooperaw. |
(67) |
Fir-rigward tal-kontroll mill-Istat, il-gvern u s-CCP iħaddnu strutturi li jiżguraw l-influwenza kontinwa tagħhom fuq l-intrapriżi. L-Istat (u f'ħafna aspetti anke s-CCP) mhux biss jifformula u jissorvelja b'mod attiv l-implimentazzjoni tal-politiki ekonomiċi ġenerali minn intrapriżi individwali, iżda jiddikjara wkoll id-drittijiet tiegħu li jipparteċipa fit-teħid ta' deċiżjonijiet operazzjonali tagħhom. L-elementi li jindikaw l-eżistenza ta' kontroll mill-gvern fuq l-intrapriżi fis-settur tal-azzar u tal-ħadid huma żviluppati ulterjorment fit-Taqsima 3.3.2.4 aktar 'il quddiem. |
(68) |
Fir-rigward tas-superviżjoni u tal-gwida tal-politika mill-Istat fis-settur, l-analiżi hija stabbilita fit-Taqsimiet 3.3.2.4 u 3.3.2.5 ta' hawn taħt. Bil-livell għoli ta' kontroll u l-intervent mill-gvern fis-settur tar-roti kif deskritt hawn taħt, anki l-produtturi bi sjieda privata huma mwaqqfa milli joperaw skont il-kundizzjonijiet tas-suq. |
(69) |
Il-kontroll, is-superviżjoni tal-politika u l-gwida tas-settur mill-awtoritajiet Ċiniżi jirriżultaw b'mod ulterjuri mill-objettivi tal-assoċazzjoni tal-industrija settorjali ewlenija, l-Organizzazzjoni taċ-Ċina tar-Roti (“CBA”), li għandha rabta b'saħħitha mal-GTĊ u mas-CCP. Skont is-sit web tas-CBA, l-assoċjazzjoni tilqa' fiha 650 membru li jirrappreżentaw 80 % mill-volum tal-produzzjoni u mill-volum ta' esportazzjoni annwali totali tal-industrija. L-iskopijiet tal-assoċjazzjoni huma: li tikkonċentra l-forzi tal-industrija, timmaniġġja l-affarijiet tal-industrija, isservi lill-industrija u trawwem l-iżvilupp tal-industrija (23). L-Istatut ta' Assoċjazzjoni tas-CBA jindika rabta sħiħa mal-GTĊ u mas-CCP, inkluż l-Artikolu 2: “L-iskopijiet tal-assoċjazzjoni huma: Skont it-teorija ta' soċjaliżmu ta' Xi Jinping b'karatteristiċi Ċiniżi għal era ġdida u bl-ispirtu tad-19-il Kungress Nazzjonali tas-CPC, li timplimenta bis-sħiħ il-politiki nazzjonali rilevanti tal-industrija, tappoġġja l-amministrazzjoni governattiva sabiex issaħħaħ il-ġestjoni tal-industrija […] L-assoċjazzjoni għandha tirrispetta l-kostituzzjoni, il-liġi u r-regolamenti kif ukoll il-politiki nazzjonali, skont il-valuri ċentrali tas-soċjaliżmu” (24). Barra minn hekk, is-CBA ppubblikat it-13-il Pjan dwar ir-Roti u f'investigazzjoni reċenti tal-Kummissjoni Ewropea sabet li hija kienet għamlet dan filwaqt li kellha rabta b'saħħitha mal-GTĊ (25). |
(70) |
Abbażi ta' dan ta' hawn fuq, huwa konkluż li s-suq għar-roti fir-RPĊ kien jikkostitwixxi b'mod sinifikanti mill-intrapriżi soġġetti għas-sjieda, għall-kontroll jew għas-superviżjoni jew għall-gwida tal-politika mill-GTĊ. |
3.3.2.4.
(71) |
Il-GTĊ huwa f'pożizzjoni li jinterferixxi fir-rigward tal-prezzijiet u tal-kostijiet permezz tal-preżenza tal-Istat fid-ditti. Filwaqt li d-dritt għall-ħatra u t-tneħħija tal-persunal maniġerjali ewlieni fl-SOEs mill-awtoritajiet Statali rilevanti, kif previst fil-leġiżlazzjoni Ċiniża, jista' jitqies bħala li jirrifletti d-drittijiet ta' sjieda korrispondenti, (26) iċ-ċelloli tas-CCP fl-intrapriżi, kemm dawk tal-Istat kif ukoll dawk privati, jirrappreżentaw mezz ieħor li permezz tiegħu l-Istat jista' jinterferixxi fid-deċiżjonijiet tan-negozju. Skont il-liġi tal-kumpaniji taċ-Ċina, f'kull kumpanija għandha tiġi stabbilita organizzazzjoni tas-CCP (li jkollha mill-anqas tliet membri tas-CCP kif speċifikat fil-Kostituzzjoni tas-CCP (27)) u l-kumpanija trid tipprovdi l-kundizzjonijiet meħtieġa għall-attivitajiet tal-organizzazzjoni tal-partit. Fil-passat, dan ir-rekwiżit jidher li mhux dejjem ġie segwit jew infurzat strettament. Madankollu, mill-inqas sa mill-2016, is-CCP saħħaħ it-talbiet tiegħu sabiex jikkontrolla d-deċiżjoni tan-negozju fl-SOEs bħala kwistjoni ta' prinċipju politiku. Huwa rrapportat ukoll li s-CCP jeżerċita pressjoni fuq il-kumpaniji privati biex iqiegħdu l-“patrijottiżmu” bħala prijorità u jsegwu d-dixxiplina tal-partit (28). Fl-2017, kien irrapportat li ċ-ċelloli tal-partit kienu jeżistu f'70 % ta' madwar 1,86 miljun kumpanija privata, bi pressjoni dejjem tikber għall-organizzazzjonijiet tas-CCP sabiex ikollhom il-fehma finali fuq id-deċiżjoni tan-negozju fil-kumpaniji rispettivi tagħhom (29). Dawn ir-regoli għandhom applikazzjoni ġenerali fl-ekonomija Ċiniża kollha, inkluż fis-settur tal-ħadid u tal-azzar. B'hekk, huwa ddeterminat li dawn ir-regoli japplikaw ukoll għall-produtturi tar-roti u għall-fornituri tal-inputs tagħhom. |
(72) |
B'mod speċifiku fis-settur tar-rota, jeżistu rabtiet mill-qrib bejn il-proċessi tat-teħid ta' deċiżjonijiet tal-intrapriżi attivi fis-settur u l-Istat, b'mod partikolari s-CCP. L-istrutturi tal-partit jikkoinċidu b'mod personali mal-korpi maniġerjali f'numru ta' produtturi Ċiniżi tar-roti. Bħala eżempju, il-President tax-Shanghai Phoenix Enterprise serva wkoll bħala s-segretarju tal-Partit f'din il-kumpanija mill-2012 (30). B'mod simili, id-Deputat Segretarju tal-Kumitat tal-Partit f'Shanghai Zhonglu kien fl-istess ħin membru tal-Kumitat ta' Sorveljanza (31). |
(73) |
Il-preżenza u l-intervent tal-Istat fis-swieq finanzjarji (ara wkoll it-Taqsima 3.3.2.8 hawn taħt) kif ukoll fil-provvista ta' materja prima u inputs iħallu wkoll effett ta' distorsjoni ulterjuri fuq is-suq (32). |
(74) |
Abbażi ta' dawn ta' hawn fuq kollha, qed jiġi konkluż li l-preżenza tal-Istat fid-ditti fis-settur tar-rota, kif ukoll fis-settur finanzjarju u setturi oħra tal-input, flimkien mal-qafas deskritt fit-Taqsima 3.3.2.3 u fit-taqsimiet sussegwenti, tippermetti lill-GTĊ jinterferixxi fir-rigward tal-prezzijiet u tal-kostijiet. |
3.3.2.5.
(75) |
Id-direzzjoni tal-ekonomija Ċiniża hija ddeterminata f'livell sinifikanti minn sistema elaborata ta' ppjanar li tistabbilixxi prijoritajiet u tippreskrivi l-għanijiet li l-gvernijiet ċentrali u lokali jridu jiffokaw fuqhom. Jeżistu pjanijiet rilevanti fil-livelli kollha tal-gvern u dawn ikopru virtwalment is-setturi ekonomiċi kollha, l-objettivi stabbiliti mill-istrumenti tal-ippjanar huma ta' natura vinkolanti u l-awtoritajiet f'kull livell amministrattiv jimmonitorjaw l-implimentazzjoni tal-pjanijiet mil-livell korrispondenti aktar baxx tal-gvern. B'mod ġenerali, is-sistema tal-ippjanar fir-RPĊ tirriżulta f'sitwazzjoni fejn ir-riżorsi jintbagħtu lejn setturi mfassla bħala strateġiċi jew inkella politikament importanti mill-gvern, minflok ma jiġu allokati skont il-forzi tas-suq (33). |
(76) |
Il-Pjan ta' Żvilupp tal-Industrija tal-Manifattura Fuq Skala Żgħira (2016-2020), (“Il-Pjan ta' Żvilupp tal-Industrija Fuq Skala Żgħira”), imħejji mill-GTĊ sabiex jimplimenta t-13-il Pjan ta' Ħames Snin u Made in China 2025, jidentifika l-industrija tar-roti, fost oħrajn, bħala waħda mill-industriji ewlenin. Huwa jirrakkomanda wkoll “Il-promozzjoni tal-industrija tar-roti sabiex tiżviluppa f'direzzjoni ħafifa, diversifikata, tal-moda u intelliġenti. It-tħaffif tar-RuŻ u l-applikazzjoni ta' materjal ħafif iżda b'saħħtu, trażmissjoni, sistema tas-sewqan, teknoloġija intelliġenti ta' sensuri u teknoloġija tal-Internet tal-Oġġetti. L-enfasi fuq l-iżvilupp ta' roti diversifikati adattati għal skopijiet ta' moda u każwali, eżerċizzju u saħħa tajba, qsim tal-pajjiż fuq distanza twila u tiwi ta' prestazzjoni għolja […].” |
(77) |
Il-Pjan ta' Żvilupp tal-Industrija Ħafifa jelenka wkoll xi miżuri konkreti tal-politika sabiex jippromwovi l-industriji ewlenin. L-ewwel sett ta' miżuri jikkonċerna r-riforma taż-żieda tal-aċċess għas-suq, prinċipalment permezz ta' simplifikazzjoni tal-passi amministrattivi (jiġifieri l-kanċellazzjoni tal-approvazzjonijiet mhux meħtieġa, it-tnaqqis u l-istandardizzazzjoni tal-miżati u l-proċess ta' approvazzjoni). It-tieni sett ta' miżuri jikkonċerna ż-żieda tal-appoġġ għall-politika tat-tassazzjoni finanzjarja:
|
(78) |
It-tielet sett ta' miżuri jikkonċerna ż-żieda tal-appoġġ għall-politika finanzjarja, b'mod partikolari:
|
(79) |
Il-pjanijiet ta' Żvilupp tal-Industrija Ħafifa huma żviluppati wkoll fil-livell lokali. Dan huwa l-każ għall-Pjan Muniċipali ta' Tianjin dwar l-Iżvilupp tal-Industrija Ħafifa u tat-Tessuti għat-12-il Pjan ta' Ħames Snin (2011-2015), li rrakkomanda l-ħolqien ta' erba' bażijiet industrijali Ħfief f'Livell Nazzjonali fil-Provinċja: “Il-Belt ta' Tianjin għandha tibni bażi ta' produzzjoni u esportazzjoni tar-roti f'livell nazzjonali. Billi l-park industrijali ta' ‘China bicycle kingdom’ fid-distrett ta' Wuqing, u l-park industrijali tar-roti (elettriċi) fid-distrett ta' Binhai jitqiesu bħala l-qofol, aħna għandha niżviluppaw b'mod intensiv l-industriji tal-manifattura ta' roti (elettriċi), spare parts, eċċ.”. |
(80) |
Bl-istess mod, it-13-il Pjan ta' Ħames Snin ta' Tianjin għall-Iżvilupp Ekonomiku tal-Industrija jistabbilixxi għanijiet ċari ta' appoġġ għall-industriji tar-roti u tar-roti elettriċi, inklużi l-industriji tal-parts, bħal:
|
(81) |
Barra minn hekk, it-13-il Pjan ta' Ħames Snin għall-Industrija tar-Roti u r-Roti Elettriċi (“it-13-il Pjan dwar ir-Roti”), maħruġ mill-Assoċjazzjoni Ċiniża tar-Roti (“China Bicycle Association” - CBA) jinkludi r-roti fost l-“industriji emerġenti”: “l-industriji emerġenti ġew promossi għal-livell ta' strateġija nazzjonali, bħalma huma enerġija ġdida, materjal ġdid, l-Internet, il-konservazzjoni tal-enerġija u l-ħarsien tal-ambjent, u t-teknoloġija tal-informatika, għalhekk, saret xejra inevitabbli għall-industriji tradizzjonali li jidħlu fil-komunità ta' livell medju u livell għoli. Speċjalment wara li l-Ħames Sessjoni Plenarja intervjeniet sabiex ‘tippromwovi l-iżvilupp ta' traffiku u trasport b'livell baxx ta' karbonju u tinkoraġġixxi l-ivvjaġġar ekoloġiku bir-rota’, l-industrija tar-roti ċertament se tgawdi mill-opportunitajiet storiċi ġodda għall-iżvilupp.” |
(82) |
It-13-il Pjan dwar ir-Roti jistabbilixxi miri li jistgħu jitkejlu u li għandhom jintlaħqu mill-GTĊ sal-2020 fl-industrija tar-roti: “id-dħul minn negozji ewlenin tal-intrapriżi 'l fuq mill-iskala fl-industrija kollha se jikseb ir-rata medja annwali ta' tkabbir ta' 6 % u jaqbeż il-RMB 200 biljun sal-2020. L-iskala tal-esportazzjoni tar-roti u l-ispare parts se tibqa' stabbli u l-esportazzjoni tar-roti elettriċi se tiżdied b'mod drammatiku. L-integrazzjoni tal-industrija se tissaħħaħ aktar u l-kontribut tal-intrapriżi ewlenin għall-volum tal-produzzjoni se jaqbeż il-50 %. L-industrija se trawwem, tibni b'mod konġunt u ttejjeb 3-5 raggruppamenti tal-industrija u reġjuni karatteristiċi. Il-proporzjon ta' roti ta' livell medju u ta' livell għoli u roti elettriċi b'batterija tal-litju se jiżdied kull sena”. Barra minn hekk, it-13-il Pjan dwar ir-Roti jipprevedi li tissaħħaħ il-marka kummerċjali u li jsiru sforzi biex jinħolqu marki internazzjonali. |
(83) |
Kif muri aktar 'il fuq, l-industrija tar-roti hija ssorveljata u sostnuta mill-qrib mill-GTĊ. L-implimentazzjoni tal-għanijiet differenti stabbiliti fid-diversi pjanijiet teħtieġ involviment b'saħħtu tal-GTĊ fl-industrija tar-roti. |
(84) |
Il-Kummissjoni qieset li l-korp ta' evidenza msemmi hawn fuq rigward is-settur tar-roti kien suffiċjenti sabiex jiġi kkunsidrat li l-politiċi jew il-miżuri pubbliċi jinfluwenzaw il-forzi tas-suq ħieles f'dan is-settur. |
(85) |
Madankollu, il-Kummissjoni sabet ukoll li hemm intervent sinifikanti mill-gvern fil-materja prima użata għall-produzzjoni tar-roti. Ħafna mill-komponenti użati għall-produzzjoni tar-roti huma magħmula minn materja prima b'intervent qawwi mill-gvern Ċiniż, (34) inkluż l-aluminju u l-azzar (li jistgħu jintużaw sabiex isiru oqfsa, frieket, manubriji, roti u spokes, ktajjen, derailleurs, gerijiet, kejbils, carriers), u l-lastiku (għall-produzzjoni tar-roti) u sustanzi kimiċi (elementi tal-plastik u żebgħat). |
(86) |
Bħala eżempju, l-aluminju huwa kopert mill-Pjan ta' Żvilupp tal-Industrija tal-Metall Mhux Ferruż 2016-2020 (it-13-il FYP għall-Industrija tal-Metalli Mhux Ferrużi), li jipprovdi miri kwantitattivi u kwalitattivi stretti u miżuri ta' appoġġ estensivi lill-industrija mmirati lejn l-iżvilupp tal-industrija. L-azzar huwa kopert mill-Pjan ta' Aġġustament u ta' Aġġornament tal-Industrija tal-Azzar għall-2016-2020 (it-13-il FYP għall-Azzar), li virtwalment ikopri l-aspetti kollha tal-iżvilupp tal-industrija, inklużi l-għanijiet tal-kapaċità tal-produzzjoni, l-aġġornament u l-iżgurar ta' provvista effettiva, ir-ristrutturar tal-industrija, l-appoġġ finanzjarju, miri kwantitattivi, il-post ġeografiku tal-fabbriki tal-azzar. B'mod simili, it-13-il FYP għall-Industrija Petrokimika u Kimika (2016 - 2020) jipprevedi regolamentazzjoni stretta tas-settur kimiku, filwaqt li jkopri l-materja prima użata għall-produzzjoni tal-elementi tar-roti, bħal-lasktu, iż-żebgħat u l-plastiks. |
(87) |
Barra minn hekk, is-settur tal-azzar huwa kkaratterizzat mill-preżenza kbira ta' SOEs. Numru minn fost il-produtturi ewlenin huma proprjetà tal-Istat, b'uħud minnhom li huma speċifikament imsemmija fil-“Pjan ta' Aġġustament u Ammeljorament tal-Industrija tal-Azzar għall-2016-2020” (35) bħala eżempji tal-kisbiet tat-12-il perjodu ta' ppjanar ta' ħames snin (bħal Baosteel, Anshan Iron and Steel, Wuhan Iron and Steel, eċċ.). L-azzar huwa rregolat mill-qrib minn bosta pjanijiet, direttivi u dokumenti oħrajn iffokati fuq l-azzar, li jinħarġu fil-livell nazzjonali, reġjonali u muniċipali, bħall-“Pjan ta' Aġġustament u Ammeljorament tal-Industrija tal-Azzar għas-snin 2016-2020”. Dan il-Pjan jiddikjara li l-industrija tal-azzar hi “settur importanti u fundamentali tal-ekonomija Ċiniża, pedament nazzjonali” (36). |
(88) |
It-13-il Pjan fuq Ħames Snin dwar l-Iżvilupp Ekonomiku u Soċjali (37) jipprevedi appoġġ għall-intrapriżi li jipproduċu tipi ta' prodotti tal-azzar ta' livell avvanzat (38). Jiffoka wkoll fuq il-kisba ta' kwalità, ta' durabbiltà u ta' affidabbiltà tal-prodotti billi jsostni lill-kumpaniji li jużaw teknoloġiji relatati mal-produzzjoni tal-azzar nadif, tal-irromblar bi preċiżjoni u tat-titjib tal-kwalità (39). |
(89) |
Il-“Katalogu għall-Iggwidar tar-Ristrutturar tal-Industrija (Verżjoni tal-2011) (Emenda tal-2013)” (40) (“il-Katalogu”) jelenka l-ħadid u l-azzar bħala industriji mħeġġa. B'mod partikolari l-Katalogu jħeġġeġ “l-iżvilupp u l-applikazzjoni ta' teknoloġiji għal prodotti tal-azzar bi prestazzjoni aħjar, bi kwalità għolja u għall-aġġornar ta' dawn, inklużi iżda mhux limitati għal folji awtomobilistiċi b'saħħithom ħafna ta' mhux anqas minn 600 MPa, azzar għall-pipelines bi prestazzjoni għolja għat-trażmissjoni taż-żejt u tal-gass, pjanċi wesgħin u ħoxnin b'saħħithom ħafna għall-bastimenti, azzar għall-inġinerija marina, pjanċi bi ħxuna moderata ta' mhux anqas minn 420 MPa għal binjiet, għal pontijiet u għal strutturi oħra, azzar għal binarji ferrovjarji b'veloċità għolja u għal merkanzija tqila, azzar tas-siliċju b'livell baxx ta' telf ta' ħadid u b'induzzjoni manjetika għolja, azzar li jiflaħ għall-korrużjoni u għall-użu, azzar inossidabbli li jiffranka r-riżorsi tal-liga (azzar inossidabbli ferritiku modern, azzar inossidabbli dupleks, u azzar inossidabbli tan-nitroġenu), żbarri speċjali tal-azzar u vireg tal-fildiferru għal parts bażiċi bi prestazzjoni għolja (skorfini u boltijiet bi prestazzjoni għolja bi Grad ta' 12.9 jew aktar, molol b'saħħithom ħafna, u berings b'ħajja twila), u materjali fonduti tal-azzar speċjali ta' kwalità għolja (azzar tal-għodda u tal-forom, azzar inossidabbli, u azzar għall-makkinarju, fost l-oħrajn)”. L-applikabbiltà tal-Katalogu ġiet ikkonfermata mill -investigazzjoni kontra s-sussidji riċenti ta' ċerti prodotti ċatti rromblati bis-sħana tal-ħadid, tal-azzar mhux illigat jew ta' azzar ieħor (“HRF”) li joriġinaw mir-RPĊ (41). |
(90) |
L-aluminju huwa soġġett ukoll għal intervent qawwi mill-Istat fir-RPĊ. L-ewwel nett, is-settur tal-aluminju huwa kkaratterizzat mid-dominju tal-SOEs. Skont l-istimi, l-SOEs jammontaw għal aktar minn 50 % tal-output totali tal-aluminju primarju fir-RPĊ. (42) Studju riċenti dwar l-industrija tal-metall mhux ferruż fir-RPĊ ukoll jindika lejn id-direzzjoni li l-SOEs jammontaw għal sehem dominanti tas-suq domestiku (43). Filwaqt li żieda fil-kapaċità fis-snin riċenti hija parzjalment attribwita lil kumpaniji bi sjieda privata, tali żieda fil-kapaċità normalment tinvolvi wkoll diversi forom ta' involviment tal-gvern (lokali), bħat-tolleranza tal-espansjoni illegali tal-kapaċità (44). Barra minn hekk, żdiedet ukoll il-kapaċità tal-produzzjoni tal-aluminju fost l-SOEs ewlenin, minkejja li f'livell inqas (45). |
(91) |
It-13-il FYP għall-Industrija tal-Metalli Mhux Ferrużi għandu l-għan li jammeljora l-firxa tat-tipi ta' prodotti li jiġu prodotti mill-industrija Ċiniża tal-aluminju, fost l-oħrajn permezz tas-sostenn tal-innovazzjoni. Dan jitlob li jkun hemm żvilupp rapidu tas-sistema ta' sjieda mħallta u li tingħata spinta lill-vitalità tal-SOEs. Din tkompli tipprevedi l-possibbiltà tal-ħażna tal-metalli mhux ferrużi, it-titjib tas-sigurtà tar-riżorsi, inkluż l-aluminju, u tistabbilixxi miri kwantitattivi biex jitnaqqas il-konsum tal-enerġija, jiżdied il-proporzjon ta' aluminju li jiġi rriċiklat fil-produzzjoni u jiżdied l-użu tal-kapaċità (46). |
(92) |
Dan il-Pjan jipprevedi wkoll aġġustamenti strutturali b'kontroll aktar strett fuq faċilitajiet ġodda tat-tidwib u l-eliminazzjoni tal-kapaċità li tkun skadiet. Jipprevedi d-distribuzzjoni ġeografika tal-impjanti tal-ipproċessar, jiffoka fuq proġetti biex jiżdied l-isfruttament tar-riżorsi tal-boksajt u tal-alumina u jkopri l-politika tal-provvista u tal-ipprezzar tal-elettriku (47). |
(93) |
Dokumenti oħra tal-politika mmirati lejn is-settur tal-aluminju huma l-Kundizzjonijiet Standard applikabbli għall-Industrija tal-Aluminju maħruġa mill-Ministeru tal-Industrija u tat-Teknoloġija tal-Informazzjoni (“MIIT”); Il-Kundizzjonijiet tad-Dħul Applikabbli għall-Industrija tal-Aluminju, maħruġa mill-Kummissjoni Nazzjonali għall-Iżvilupp u għar-Riforma (“NDRC”) u l-Linji Gwida għall-Aċċellerazzjoni tar-Ristrutturar tal-Industrija tal-Aluminju (48), maħruġa mill-NDRC. |
(94) |
Għalhekk, id-diversi pjanijiet, direttivi u dokumenti oħrajn li jappartjenu għall-aluminju, maħruġa fil-livell nazzjonali, reġjonali u muniċipali, juru b'mod ċar il-grad għoli ta' intervent tal-gvern Ċiniż fis-settur tal-aluminju (49). |
(95) |
Għaldaqstant huwa stabbilit li l-GTĊ għandu numru ta' politiki pubbliċi fis-seħħ li jinfluwenzaw il-forzi tas-suq ħieles li jikkonċernaw il-produzzjoni ta' roti, inkluża l-materja prima użata f'dak is-settur. Tali miżuri jimpedixxu lill-forzi tas-suq milli joperaw b'mod normali. |
3.3.2.6.
(96) |
Skont l-informazzjoni dwar il-fajl, jidher li s-sistema Ċiniża tal-falliment mhijiex adegwata biex tilħaq l-objettivi ewlenin tagħha stess, bħal dak li tħallas il-pretensjonijiet u d-djun b'mod ġust u li tissalvagwardja d-drittijiet u l-interessi legali tal-kredituri u tad-debituri. Dan jidher li huwa msejjes fil-fatt li filwaqt li l-liġi Ċiniża dwar il-falliment tiddependi b'mod formali fuq prinċipji simili għal-liġijiet korrispondenti f'pajjiżi oħra, is-sistema Ċiniża hija kkaratterizzata minn nuqqas ta' infurzar sistematiku. L-għadd ta' fallimenti jibqa' notorjament baxx fir-rigward tad-daqs tal-ekonomija tal-pajjiż, mhux l-inqas minħabba li l-proċedimenti ta' insolvenza jbatu minn għadd ta' nuqqasijiet, li effettivament jiffunzjonaw bħala diżinċentiv għall-preżentazzjonijiet ta' fallimenti. Barra minn hekk, ir-rwol tal-Istat fil-proċedimenti ta' insolvenza għadu wieħed b'saħħtu u attiv, li spiss ikollu influwenza diretta fuq l-eżitu tal-proċedimenti (50). |
(97) |
Barra minn hekk, in-nuqqasijiet tas-sistema tad-drittijiet tal-proprjetà huma partikolarment ovvji fir-rigward tas-sjieda tad-drittijiet tal-art u tal-użu tal-art fiċ-Ċina (51). L-art kollha hija proprjetà tal-Istat Ċiniż (art rurali bi proprjetà kollettiva u art urbana tal-Istat). L-allokazzjoni tagħha tibqa' dipendenti biss fuq l-Istat. Hemm dispożizzjonijiet legali li għandhom l-għan li jallokaw id-drittijiet għall-użu tal-art b'mod trasparenti u li huma mmirati lejn il-prezzijiet tas-suq, pereżempju bl-introduzzjoni ta' proċeduri ta' offerti. Madankollu, dawn id-dispożizzjonijiet ta' spiss ma jiġux irrispettati, b'ċerti akkwirenti jiksbu l-art tagħhom mingħajr ħlas jew taħt ir-rati tas-suq (52). Barra minn dan, l-awtoritajiet spiss isegwu għanijiet politiċi speċifiċi, inkluża l-implimentazzjoni tal-pjanijiet ekonomiċi, meta jkunu qed jallokaw l-art (53). |
(98) |
Għalhekk, jidher li l-liġijiet Ċiniżi dwar il-fallimenti u l-proprjetà ma jaħdmux kif suppost, li jirriżulta f'distorsjonijiet meta ditti insolventi jkunu qed jinżammu attivi u fir-rigward tal-provvista u l-akkwist tal-art fir-RPĊ. Dawn il-liġijiet japplikaw ukoll fir-rigward tar-roti, inklużi l-produtturi esportaturi tal-prodott soġġett għal rieżami. B'mod partikolari, f'investigazzjoni preċedenti l-Kummissjoni stabbilixxiet li l-produtturi tar-roti elettriċi, settur irregolat b'mod wiesa' mill-istess strumenti ta' politika bħar-roti (pereżempju t-13-il Pjan ta' Ħames Snin għall-Industrija tar-Roti u l-Industrija tar-Roti Elettriċi), ibbenefika mill-għoti ta' drittijiet tal-użu tal-art għal remunerazzjoni inqas minn adegwata (54). Investigazzjonijiet riċenti f'setturi oħra kkonfermaw ukoll il-forniment ta' drittijiet għall-użu tal-art għal remunerazzjoni inqas minn adegwata (55). |
(99) |
Fid-dawl ta' dan ta' hawn fuq, il-Kummissjoni kkonkludiet li kien hemm applikazzjoni diskriminatorja jew infurzar inadegwat tal-liġijiet dwar il-falliment u l-proprjetà fis-settur tar-roti, inkluż fir-rigward tal-prodott soġġett għal rieżami. |
3.3.2.7.
(100) |
Sistema ta' pagi bbażati fuq is-suq ma tistax tiżviluppa kompletament fir-RPĊ billi l-ħaddiema u l-impjegaturi huma mxekkla fid-drittijiet tagħhom għal organizzazzjoni kollettiva. Ir-RPĊ ma rratifikatx għadd ta' konvenzjonijiet essenzjali tal-Organizzazzjoni Internazzjonali tax-Xogħol (“ILO”), b'mod partikolari dawk dwar il-libertà ta' assoċjazzjoni u dwar in-negozjar kollettiv (56). Skont il-liġi nazzjonali, hemm organizzazzjoni tat-Trade Unions waħda biss li hija attiva. Madankollu, din l-organizzazzjoni mhijiex indipendenti mill-awtoritajiet tal-Istat u l-involviment tagħha fin-negozjar kollettiv u fil-protezzjoni tad-drittijiet tal-ħaddiema għadu fi stadju rudimentarju (57). Barra minn dan, il-mobbiltà tal-forza tax-xogħol Ċiniża hija ristretta mis-sistema tar-reġistrazzjoni tal-unitajiet domestiċi, li tillimita l-aċċess għall-firxa sħiħa tal-benefiċċji tas-sigurtà soċjali u oħrajn għar-residenti lokali ta' żona amministrattiva partikolari. Dan tipikament jirriżulta f'ħaddiema li ma jkollhomx ir-reġistrazzjoni tar-residenza lokali li jsibu ruħhom f'pożizzjoni ta' impjieg vulnerabbli u jirċievu introjtu aktar baxx mid-detenturi b'reġistrazzjoni ta' residenza (58). Dawk is-sejbiet iwasslu għad-distorsjoni tal-kostijiet tal-pagi fir-RPĊ. |
(101) |
Xejn fil-fajl ta' din l-investigazzjoni ma żvela li s-settur tar-roti mhuwiex soġġett għas-sistema tal-liġi tax-xogħol Ċiniża deskritta. Għaldaqstant, is-settur tar-roti huwa affettwat mid-distorsjonijiet tal-kostijiet tal-pagi kemm direttament (meta jkun qed jagħmel il-prodott soġġett għal rieżami) kif ukoll indirettament (meta jkollu aċċess għall-kapital jew inputs minn kumpaniji soġġetti għall-istess sistema tax-xogħol fir-RPĊ). |
(102) |
Fuq il-bażi ta' dan ta' hawn fuq, il-Kummissjoni kkonkludiet li l-kostijiet tal-pagi kienu distorti fis-settur tar-roti, inkluż fir-rigward tal-prodott soġġett għal rieżami. |
3.3.2.8.
(103) |
L-aċċess għal kapital għal atturi korporattivi fir-RPĊ huwa soġġett għal diversi distorsjonijiet. |
(104) |
L-ewwel nett, is-sistema finanzjarja Ċiniża hija kkaratterizzata mill-pożizzjoni b'saħħitha tal-banek tal-Istat (59), li, meta jagħtu aċċess għall-finanzi, jikkunsidraw kriterji oħrajn għajr il-vijabbiltà ekonomika ta' proġett. B'mod simili għall-SOEs mhux finanzjarji, il-banek jibqgħu marbutin mal-Istat mhux biss permezz tas-sjieda iżda wkoll permezz ta' relazzjonijiet personali (l-ogħla eżekuttivi tal-istituzzjonijiet finanzjarji tal-Istat fl-aħħar mill-aħħar jinħatru mis-CCP) (60) u, għal darb'oħra eżatt bħal fil-każ tal-SOEs mhux finanzjarji, il-banek jimplimentaw b'mod regolari ordnijiet pubbliċi mfassla mill-gvern. Meta jagħmlu dan, il-banek jikkonformaw ma' obbligu legali li jmexxu n-negozju tagħhom f'konformità mal-ħtiġijiet tal-iżvilupp ekonomiku u soċjali nazzjonali u skont il-gwida tal-politiki industrijali tal-Istat (61). Dan jiġi amplifikat permezz ta' regoli eżistenti addizzjonali, li jmexxu l-finanzi f'setturi li l-gvern jagħżel li jinċentivahom jew li b'xi mod ieħor huma importanti (62). |
(105) |
Filwaqt li huwa rikonoxxut li jista' jkun hemm diversi strumenti legali li jirreferu għall-ħtieġa li jiġu rrispettati l-imġiba bankarja normali u r-regoli prudenzjali bħall-ħtieġa li tiġi eżaminata l-affidabbiltà kreditizja tal-mutwatarju, l-evidenza relevanti turi li dawn id-dispożizzjonijiet jaqdu biss rwol sekondarju fl-applikazzjoni tad-diversi strumenti legali (63). Is-sejbiet li saru f'investigazzjonijiet preċedenti dwar id-difiża tal-kummerċ waslu wkoll għall-istess konklużjoni (64). |
(106) |
Barra minn hekk, il-klassifikazzjonijiet tal-bonds u tal-kreditu ta' spiss huma distorti għal diversi raġunijiet, inkluż il-fatt li l-valutazzjoni tar-riskju tiġi influwenzata mill-importanza strateġika tad-ditta għall-gvern Ċiniż u mis-saħħa ta' kull garanzija impliċita mill-gvern. L-istimi jissuġġerixxu b'mod qawwi li l-klassifikazzjonijiet tal-kreditu Ċiniżi jikkorrispondu għal klassifikazzjonijiet internazzjonali aktar baxxi (65). |
(107) |
Dan jirriżulta fi preġudizzju għas-self lil SOEs, lil ditti privati kbar u konnessi tajjeb u ditti f'setturi industrijali ewlenin, li jimplika li d-disponibbiltà u l-kost tal-kapital mhumiex ugwali għall-atturi kollha fis-suq. |
(108) |
It-tieni, il-kostijiet tas-self inżammu baxxi b'mod artifiċjali biex jiġi stimolat it-tkabbir tal-investiment. Dan wassal għall-użu eċċessiv tal-investiment kapitali b'redditi dejjem aktar baxxi fuq l-investiment. Dan jintwera mit-tkabbir riċenti fl-ingranaġġ korporattiv fis-settur tal-istat minkejja tnaqqis kbir fil-profittabbiltà, li jissuġġerixxi li l-mekkaniżmi li jitħaddmu fis-sistema bankarja ma jsegwux tweġibiet kummerċjali normali. |
(109) |
It-tielet, minkejja li f'Ottubru 2015 inkisbet liberalizzazzjoni tar-rata tal-imgħax nominali, is-sinjali tal-prezzijiet għadhom mhumiex ir-riżultat ta' forzi tas-suq ħieles, iżda huma influwenzati minn distorsjonijiet ikkawżati mill-gvern. Tabilħaqq, is-sehem ta' self bir-rata ta' referenza jew taħtha għadu jirrappreżenta 45 % tas-self kollu u r-rikors għal kreditu immirat jidher li żdied, billi dan is-sehem żdied notevolment mill-2015, minkejja l-kundizzjonijiet ekonomiċi li sejrin għall-agħar. Rati tal-imgħax baxxi b'mod artifiċjali jirriżultaw fi prezz aktar baxx, u sussegwentement fl-użu eċċessiv tal-kapital. |
(110) |
It-tkabbir tal-kreditu ġenerali fir-RPĊ jindika effiċjenza tal-allokazzjoni tal-kapital li sejra għall-agħar mingħajr ebda sinjal ta' restrizzjoni ta' kreditu li tkun mistennija f'ambjent tas-suq mhux distort. Bħala riżultat, is-self improduttiv żdied b'mod rapidu tul dawn l-aħħar snin. Quddiem sitwazzjoni ta' żieda tad-dejn f'riskju, il-GTĊ għażel li jevita l-inadempjenzi. Konsegwentement, il-kwistjonijiet ta' dejn irrekuperabbli ġew ittrattati permezz ta' dejn ta' riportament, sabiex b'hekk inħolqu l-hekk imsejħa kumpaniji “zombie”, jew permezz tat-trasferiment tas-sjieda tad-dejn (pereżempju permezz ta' fużjonijiet jew swaps ta' dejn għall-ekwità), mingħajr ma neċessarjament titneħħa l-problema kumplessiva tad-dejn jew jiġu indirizzati l-kawżi ewlenin tagħha. |
(111) |
Essenzjalment, minkejja l-passi riċenti li ttieħdu biex is-suq jiġi liberalizzat, is-sistema tal-kreditu korporattiva fir-RPĊ hija affettwata minn kwistjonijiet sistemiċi sinifikanti u distorsjonijiet li jirriżultaw mir-rwol mifrux kontinwu tal-istat fis-swieq kapitali. |
(112) |
Xejn fil-fajl ta' din l-investigazzjoni ma żvela li l-produtturi tar-roti u/jew il-fornituri ta' materja prima u ta' inputs oħra wkoll ma jibbenefikawx minn din is-sistema finanzjarja. Tabilħaqq, l-investigazzjoni reċenti tal-produtturi tar-roti elettriċi, koperta mill-istess strumenti politiċi bħal tal-produtturi tar-roti (ara l-premessi (80)-(81)) wriet li huma bbenefikaw minn self preferenzjali (66), minn finanzjament u assigurazzjoni preferenzjali (assigurazzjoni ta' kreditu għall-esportazzjoni) (67), minn eżenzjoni mit-taxxa tal-introjtu mid-dividendi bejn intrapriżi residenti kkwalifikati (68) u minn programmi ta' għotjiet (69). Barra minn hekk, l-evidenza tal-fajl fl-investigazzjoni attwali turi li xi produtturi li kkooperaw irċevew self matul il-perjodu ta' investigazzjoni. Għalhekk, l-appoġġ imsemmi l-aħħar u l-intervent sostanzjali ġenerali tal-gvern fis-sistema finanzjarja deskritta hawn fuq iwasslu sabiex il-kundizzjonijiet tas-suq jiġu affettwati serjament fil-livelli kollha. |
(113) |
Fid-dawl ta' dan ta' hawn fuq, il-Kummissjoni kkonkludiet li l-produtturi tar-roti kellhom aċċess għall-finanzi mogħtija mill-istituzzjonijiet li jimplimentaw l-objettivi tal-ordni pubbliku jew li b'mod ieħor ma jaġixxux b'mod indipendenti mill-istat. |
3.3.2.9.
(114) |
Il-Kummissjoni nnotat li d-distorsjonijiet deskritti fir-Rapport mhumiex limitati għal xi settur tal-industrija partikolari. Għall-kuntrarju, l-evidenza disponibbli turi li l-fatti u l-karatteristiċi tas-sistema Ċiniża kif deskritt hawn fuq fit-Taqsimiet 3.3.2.1-3.3.2.5 kif ukoll fil-Parti A tar-Rapport japplikaw fil-pajjiż kollu u fis-setturi kollha tal-ekonomija. L-istess japplika għad-deskrizzjoni tal-fatturi tal-produzzjoni kif stabbilit hawn fuq fit-Taqsimiet 3.3.2.6-3.3.2.8 u fil-Parti B tar-Rapport. |
(115) |
Sabiex jiġu prodotti r-roti, hemm bżonn firxa wiesgħa ta' inputs. Meta l-produtturi tar-roti jixtru/jikkuntrattaw dawn l-inputs, il-prezzijiet li jħallsu (u li huma rreġistrati bħala l-kostijiet tagħhom) jiġu esposti b'mod ċar għall-istess distorsjonijiet sistemiċi msemmija qabel. Pereżempju, il-fornituri tal-inputs jimpjegaw xogħol li huwa soġġett għad-distorsjonijiet. Huma jistgħu jissellfu flus li jkunu soġġetti għad-distorsjonijiet fuq is-settur finanzjarju jew l-allokazzjoni tal-kapital. Barra minn hekk, huma soġġetti għas-sistema tal-ippjanar li tapplika fil-livelli kollha tal-gvern u s-setturi. |
(116) |
Bħala konsegwenza, mhux biss ma jistgħux jintużaw il-prezzijiet domestiċi tal-bejgħtar-roti, iżda l-kostijiet tal-input kollha (inklużi l-materja prima, l-enerġija, l-art, il-finanzjament, il-manodopera, eċċ) huma wkoll ivvizzjati minħabba li l-formazzjoni tal-prezzijiet tagħhom hija affettwata minn intervent sostanzjali tal-gvern, kif deskritt fil-Partijiet A u B tar-Rapport. Tabilħaqq, l-interventi tal-gvern deskritti fir-rigward tal-allokazzjoni tal-kapital, l-art, il-manodopera, l-enerġija u l-materja prima huma preżenti fir-RPĊ kollha. Dan ifisser, pereżempju, li input li minnu nnifsu kien prodott fir-RPĊ permezz tal-kombinazzjoni ta' firxa ta' fatturi tal-produzzjoni huwa espost għal distorsjonijiet sinifikanti. L-istess japplika għall-input, lejn l-input u l-bqija. |
3.3.2.10.
(117) |
L-analiżi stabbilita fit-Taqsimiet 3.3.2.2 sa 3.3.2.9, li tinkludi eżami tal-evidenza kollha disponibbli relatata mal-intervent tar-RPĊ fl-ekonomija tagħha b'mod ġenerali, kif ukoll fis-settur tar-roti (inkluż il-prodott soġġett għal rieżami), uriet li l-prezzijiet jew il-kostijiet, inklużi l-kostijiet tal-materja prima, tal-enerġija u tal-manodopera, mhumiex ir-riżultat ta' forzi tas-suq ħieles minħabba li huma affettwati minn intervent sostanzjali tal-gvern fis-sens tal-Artikolu 2(6a)(b) tar-Regolament bażiku. Fuq din il-bażi, u fin-nuqqas ta' kwalunkwe kooperazzjoni mill-GTĊ u l-informazzjoni limitata dwar dawn il-kwistjonijiet ipprovduta mill-produtturi esportaturi fir-RPĊ, il-Kummissjoni kkonkludiet li mhuwiex xieraq li jintużaw prezzijiet u kostijiet domestiċi sabiex jiġi stabbilit il-valur normali f'dan il-każ. |
(118) |
Konsegwentement, il-Kummissjoni ddeċidiet li tfassal il-valur normali b'mod esklużiv abbażi tal-kostijiet tal-produzzjoni u tal-bejgħ li jirrifletti prezzijiet jew valuri referenzjarji mingħajr distorsjoni, jiġifieri, f'dan il-każ, abbażi tal-kostijiet korrispondenti tal-produzzjoni u tal-bejgħ f'pajjiż rappreżentattiv xieraq, f'konformità mal-Artikolu 2(6a)(a) tar-Regolament bażiku, kif diskuss fit-taqsima li ġejja. Il-Kummissjoni fakkret li ma ġiet ippreżentata l-ebda pretensjoni li xi kostijiet domestiċi kienu se jkunu mingħajr distorsjoni skont it-tielet inċiż tal-Artikolu 2(6a)(a) tar-Regolament bażiku. |
3.3.2.11.
(119) |
Fil-kummenti tagħha dwar id-divulgazzjoni finali, is-CCCME affermat li l-analiżi tal-Kummissjoni dwar distorsjonijiet sinifikanti kienet makroskopika u ġenerali. L-ewwel nett, is-CCCME ikkunsidrat li ekonomija tas-suq soċjalista hija essenzjalment ekonomija tas-suq b'karatteristiċi ta' ekonomija tas-suq komuni, li tagħti lill-intrapriżi awtonomija s-sħiħa biex jieħdu deċiżjonijiet operazzjonali, inkluż l-ipprezzar. Is-CCCME ssoktat targumenta li l-GTĊ jimplimenta l-makrokontroll biex jiżgura ekonomija nazzjonali stabbli, madankollu, jenħtieġ li l-makrokontroll ma jiġix interpretat ħażin bħala intervent min-naħa tal-gvern f'intrapriżi individwali, u ma għandu l-ebda influwenza fuq il-kostijiet jew il-prezzijiet tal-prodotti tagħhom. |
(120) |
It-tieni, is-CCCME ma qablitx li hemm intervent qawwi mill-GTĊ fis-suq tal-aluminju, l-azzar, il-lastiku u l-kimiki. Anki jekk jeżistu d-distorsjonijiet f'dawn is-swieq, iżda dawn mhumiex preżenti fis-suq tal-komponenti tar-roti, billi dawn jinvolvu diversi stadji ta' pproċessar ta' din il-materja prima u l-prezz tagħhom hija influwenzata minn fatturi oħra bħall-fatturi tekniċi speċifiċi tar-roti u d-domanda tal-konsumaturi individwali. Għalhekk, kull distorsjoni fis-swieq tal-aluminju, tal-azzar, tal-lastiku u tal-kimiki ma jkollhiex influwenza fuq il-prezzijiet tal-komponenti tar-roti. |
(121) |
It-tielet, is-CCCME qieset li l-eżistenza ta' sussidju jenħtieġ li ma tintużax bħala evidenza tal-eżistenza ta' distorsjoni tas-suq, billi s-sussidji huma preżenti f'ħafna pajjiżi oħra ikkunsidrati bħala swieq b'ekonomija tas-suq b'mod sħiħ. Is-CCCME tiġbed l-attenzjoni lejn il-fatt li s-sejbiet fir-rigward tas-sussidji fil-każ tar-roti elettriċi (70) huma irraġonevoli. |
(122) |
Fil-preżentazzjoni tagħhom, is-CCCME komplew jargumentaw li kemm is-swieq tar-roti kif ukoll dawk tal-parts tar-roti huma swieq ħielsa mingħajr intervent min-naħa tal-istat, billi ħafna produtturi tar-roti u tal-parts tar-roti huma proprjetà privata jew kumpaniji b'investiment barrani. Is-CCCME żiedet tgħid li anki jekk hemm xi kumpaniji li huma proprjetà tal-Istat jew investiti mill-Istat, ma hemmx differenza bejn dawn u kumpaniji oħra, li jista' jkollha influwenza fuq il-prezzijiet tar-roti jew fuq il-parts tar-roti, billi l-operaturi ekonomiċi kollha jridu josservaw l-istess regoli u regolamenti inklużi l-pagamenti tal-VAT, tas-saħħa u tal-irtirar eċċ. |
(123) |
Mill-bidu nett, il-Kummissjoni osservat li s-CCCME ma appoġġjat il-pretensjonijiet tagħha b'ebda evidenza biex tirribatti l-evidenza preżenti f'din it-taqsima u li tipprova l-eżistenza ta' distorsjonijiet sinifikanti fir-RPĊ b'mod ġenerali u speċifikament fis-settur tar-roti u fis-setturi tal-industriji tal-fornituri tagħha. Għalhekk, il-pretensjonijiet tas-CCCME jistgħu jiġu miċħuda definittivament bħala li ma kinux sostanzjati. |
(124) |
Fi kwalunkwe każ, il-Kummissjoni fakkret li, skont l-Artikolu 2(6a)(b) tar-Regolament bażiku, fil-valutazzjoni tal-eżistenza tad-distorsjonijiet sinifikanti, għandu jitqies l-impatt potenzjali ta' wieħed minn dawn l-elementi jew aktar imsemmija fih, fuq il-prezzijiet u l-kostijiet fil-pajjiż esportatur tal-prodott ikkonċernat. Kwalunkwe konklużjoni dwar distorsjonijiet sinifikanti fis-sens tal-Artikolu 2(6a)(a) trid issir fuq il-bażi tal-evidenza kollha disponibbli li turi li dawn l-elementi għandhom impatt potenzjali fuq il-prezzijiet u l-kostijiet. Il-Kummissjoni ġibdet l-attenzjoni li s-CCCME nnifisha kkonfermat li l-GTĊ jeżerċita l-kontroll biex jiżgura ekonomija nazzjonali stabbli. Kif spjegat fid-dettall fit-Taqsimiet minn 3.3.2.1 sa 3.3.2.9, in-natura intervenzjonista tal-GTĊ għandha impatt dirett u indirett fuq l-istruttura tal-ispejjeż tal-intrapriżi u fuq il-prezzijiet finali. Huwa ċar mill-firxa tal-interventi tal-GTĊ fis-settur tar-roti li kien hemm minn tal-anqas impatt potenzjali fuq is-suq tar-roti u/jew tal-komponenti tagħhom. |
(125) |
Rigward id-distorsjonijiet fuq il-materja prima, il-Kummissjoni pprovdiet diversi eżempji fit-Taqsima 3.3.2.5 dwar l-intervent speċifiku tal-istat f'dawn is-swieq u li juri l-eżistenza ta' distorsjoni sinifikanti. Il-Kummissjoni għal darb' oħra reġgħet ġibdet l-attenzjoni li s-CCCME ma pprovdiet l-ebda evidenza li turi l-kuntrarju. Barra minn hekk, il-Kummissjoni ġibdet l-attenzjoni li l-eżistenza ta' elementi li jxekklu l-prezzijiet fis-swieq tal-aluminju, tal-azzar, tal-lastiku u tal-kimiċi twassal għal mill-inqas trasferiment potenzjali ta' dawn id-distorsjonijiet fil-prezzijiet fil-provvista tal-komponenti tar-roti pproċessati magħmula minn din il-materja prima u għalhekk ma taffettwax il-prezzijiet jew il-kostijiet tar-roti. Barra mill-allegazzjoni tagħha li d-distorsjonijiet mhux ikkontestati fil-materja prima ma għandhom l-ebda effetti fuq l-industrija downstream, is-CCCME ma wriet l-ebda evidenza li l-industrija tar-roti mhijiex affettwata minn dawn id-distorsjonijiet. |
(126) |
Rigward il-pretensjoni ta' CCCME dwar is-sussidji, il-Kummissjoni enfasizzat li s-sussidji huma wieħed minn għadd ta' indikaturi ta' distorsjonijiet fil-prezz u fil-kost f'ekonomija, billi għandhom impatt dirett jew indirett, attwali jew potenzjali fuq tali kostijiet u prezzijiet, li normalment jonqsu għall-intrapriżi reċepjenti u/jew għall-klijenti tagħhom. Sussidji bħall-għoti ta' drittijiet għall-użu tal-art għal remunerazzjoni inqas minn dik adegwata jew disponibbiltà ta' self u finanzjament preferenzjali f'settur partikolari jbaxxu l-kostijiet tal-produttur u għalhekk jaffettwaw il-kost tal-produzzjoni u/jew il-prezzijiet tal-prodotti tagħhom (71). Il-Kummissjoni nnutat ukoll li l-fatt li s-sejbiet fil-każ tar-roti elettriċi jitqiesu bħala mhux raġonevoli mis-CCCME għandu rilevanza limitata, billi l-eżistenza tas-sussidji fl-għoti ta' drittijiet għall-użu tal-art u s-self preferenzjarju kienet ikkonfirmata b'mod konsistenti f'għadd ta' investigazzjonijiet reċenti, mhux biss limitata għar-roti elettriċi iżda tapplika għall-ekonomija Ċiniża kollha (ara l-premessa (98)). L-argument tas-CCCME li l-intrapriżi f'ekonomiji oħra għandhom mnejn jibbenifikaw minn sussidji huwa rrelevanti fil-kuntest ta' din l-investigazzjoni, li tittratta s-sitwazzjoni tal-prodott fir-RPĊ taħt rieżami u mhux, f'astratt, is-sitwazzjoni ta' sussidju f'pajjiżi oħra. |
(127) |
Finalment, rigward l-argument li għadd kbir ta' produtturi ta' roti huma privati u l-kumpaniji kollha fir-RPĊ huma soġġetti għal kundizzjonijiet tas-suq liberu u li l-istess regoli huma applikabbli kemm għal intrapriżi privati u kif ukoll għall-SOEs, il-Kummissjoni osservat li wieħed mill-elementi tal-Artikolu 2(6a)(b) tar-Regolament bażiku, li huwa indikazzjoni ta' distorsjonijiet sinifikanti f'ekonomija, huwa l-fatt li “s-suq inkwistjoni huwa servut f'miżura sinifikanti, minn intrapriżi li joperaw taħt is-sjieda, kontroll jew superviżjoni politika jew gwida tal-awtorijitajiet tal-pajjiż esportatur”. Kif spjegat fil-premessa (66), kien impossibbli li jiġi stabbilit il-proporzjon eżatt ta' SOEs u l-produtturi tar-roti privati fir-RPĊ minħabba n-nuqqas ta' biżżejjed data mis-suq. Madankollu, anki jekk ma hemmx predominanza ta' SOEs f'settur partikolari, is-sjieda Statali hija biss indikatur wieħed ta' distorsjoni sinifikanti. Is-sjieda Statali u s-superviżjoni politika jew gwida huma indikaturi oħra elenkati fl-Artikolu 2(6a)(b) u billi huma komuni ħafna fis-settur tar-roti (ara t-Taqsima 3.3.2.3), il-Kummissjoni stabbiliet li s-settur kollu tar-roti fir-RPĊ huwa soġġett għal distorsjonijiet sinifikanti. It-tieni, il-fatt li kemm l-intrapriżi tal-Istat kif ukoll dawk privati huma soġġetti għall-istess regoli u regolamenti bħall-pagamenti tal-VAT, tas-saħħa u tal-irtirar eċċ., ma jipprekludix li dawn l-intrapriżi kollha joperaw f'ambjent karatterizzat minn distorsjonijiet sinifikanti, li jaffettwa l-kostijiet u l-prezzijiet ta' dawn l-intrapriżi. |
(128) |
Abbażi ta' dan ta' hawn fuq, il-pretensjonijiet ta' CCCME rigward l-eżistenza ta' distorsjonijiet sinifikanti ma ntlaqgħux. |
3.3.3. Il-pajjiż rappreżentattiv
3.3.3.1.
(129) |
L-għażla tal-pajjiż rappreżentattiv kienet ibbażata fuq il-kriterji li ġejjin:
|
(130) |
Fl-ewwel nota dwar il-fatturi ta' produzzjoni, il-Kummissjoni għarrfet lill-partijiet interessati li hija kienet identifikat sitt pajjiżi rappreżentattivi possibbli: il-Brażil, il-Messiku, ir-Russja, is-Serbja, it-Tajlandja u t-Turkija, u stiednet lill-partijiet interessati jikkummentaw u jissuġġerixxu pajjiżi oħrajn. Fit-tieni nota dwar il-fatturi ta' produzzjoni, il-Kummissjoni għarrfet lill-partijiet interessati li s-Serbja kien il-pajjiż rappreżentattiv xieraq. |
3.3.3.2.
(131) |
Il-Brażil, il-Messiku, ir-Russja, is-Serbja, it-Tajlandja u t-Turkija huma meqjusa mill-Bank Dinji bħala pajjiżi b'livell simili ta' żvilupp ekonomiku bħar-RPĊ, jiġifieri lkoll huma kklassifikati bħala pajjiżi b'“introjtu medju superjuri” fuq bażi ta' introjtu nazzjonali gross. |
(132) |
Fil-kummenti tiegħu dwar l-ewwel nota fuq il-fatturi ta' produzzjoni, l-applikant wissa li l-kriżi ekonomika serja esperjenzata mill-Brażil fil-passat riċenti jaf tħalli impatt fuq l-importazzjonijiet tal-komponenti tar-roti u għarrqet il-prestazzjoni tal-produtturi tar-roti fis-suq domestiku tagħhom. |
(133) |
Il-Kummissjoni nnotat li l-applikant ma pprovdiex evidenza li l-importazzjonijiet fil-Brażil kienu affettwati u lanqas li t-tgħarriq tal-prestazzjoni domestika tal-produtturi Brażiljani kienet sistematika. Għad li l-Kummissjoni għarfet li l-unika kumpanija magħrufa li tipproduċi r-roti u li għandha data pubblikament disponibbli kellha profitt operatorju negattiv, din ma setgħetx testrapola din il-konstatazzjoni għall-pajjiż sħiħ. |
3.3.3.3.
(134) |
Fis-sitt pajjiżi kollha kemm huma identifikati fit-Taqsima 3.3.3.2, il-Kummissjoni identifikat diversi produtturi li jipproduċu output skont il-kodiċi NACE 3092 (Nomenklatura tal-attivitajiet ekonomiċi tal-Unjoni) b'rabta mal-manifattura tar-roti (74). |
(135) |
Fil-kummenti tiegħu dwar l-ewwel nota fuq il-fatturi ta' produzzjoni, l-applikant indika li fir-Russja hemm fis-seħħ sussidji għall-enerġija u li dawn jistgħu jħallu impatt fuq il-produzzjoni ta' materjal intensiv fl-użu tal-enerġija, bħall-aluminju, li jintuża fil-manifattura tar-roti. |
(136) |
Il-Kummissjoni nnotat li l-applikant ma pprovdiex evidenza fuq dawn is-sussidji u lanqas fuq l-impatt materjali tagħhom fuq il-produzzjoni tar-roti. Għalhekk din il-pretensjoni ma ntlaqgħetx. |
(137) |
L-applikant asserixxa li l-produtturi Serbi jġibu parts għar-roti mill-Unjoni (madwar 30 %), mir-RPĊ (madwar 30 %), minn pajjiżi Asjatiċi oħra (madwar 30 %), u domestikament (madwar 10 %) u li l-produtturi Torok iġibu parts għar-roti mill-Unjoni (madwar 15 %), mir-RPĊ (madwar 30 %), minn pajjiżi Asjatiċi oħra (madwar 30 %), domestikament (madwar 20 %) u minn pajjiżi oħra (madwar 5 %). |
(138) |
Il-Kummissjoni vverifikat u kkonfermat din l-informazzjoni fuq il-bażi ta' data (75) tal-Global Trade Atlas u qieset li din hija indikazzjoni ta' swieq miftuħin b'sorsi tal-provvista diversifikati. |
(139) |
L-applikant innota li l-Unjoni żiedet id-dazji doganali fuq l-importazzjonijiet tar-roti mit-Tajlandja (billi rtirat il-preferenzi tal-SĠP fl-2015 (76)), u dan wassal għal tnaqqis fl-esportazzjonijiet Tajlandiżi ta' roti fl-Unjoni. L-applikant iddikjara li dan ħalla impatt serju fuq il-prestazzjoni tal-produtturi Tajlandiżi, li fil-parti l-kbira jesportaw lejn l-Unjoni. L-applikant iddikjara wkoll li l-produtturi Tajlandiżi bdew jagħmlu t-telf. Madankollu, ma pprovdiex data dwar il-profittabbiltà tal-produtturi Tajlandiżi u lanqas dwar il-firxa tal-esportazzjonijiet tagħhom. |
(140) |
Il-Kummissjoni sabet li l-profittabbiltà taż-żewġ produtturi Tajlandiżi elenkati fin-Nota tal-4 ta' Lulju kienet pożittiva fl-2016. Il-Kummissjoni investigat ukoll kumpaniji fit-Tajlandja li jipproduċu r-roti bħala negozju sekondarju (jiġifieri kodiċi NACE 3092 sekondarju) u sabet li minn 93 kumpanija li għalihom kien hemm rapporti tal-introjtu disponibbli fl-2017 jew fl-2016 fil-bażi ta' data Orbis, 76 kienu qed jagħmlu l-profitt (77). Għalhekk, it-talba ma ntlaqgħetx. |
3.3.3.4.
(141) |
Għas-sitt pajjiżi kollha identifikati fil-premessa (130), id-disponibbiltà ta' data pubblika (u b'mod partikolari data finanzjarja pubblika mill-produtturi tal-prodott soġġett għal rieżami) ġiet ivverifikata b'mod ulterjuri mill-Kummissjoni. |
(142) |
Il-Kummissjoni fittxet produtturi tar-roti b'data finanzjarja disponibbli pubblikament li setgħet isservi sabiex jiġu stabbiliti ammonti mhux distorti u raġonevoli għall-ispejjeż tal-bejgħ, ġenerali u amministrattivi (“selling, general and administrative expenses”“SG&A”) u l-profitt. Kif intqal fl-ewwel u fit-tieni noti dwar il-fatturi ta' produzzjoni, il-Kummissjoni bbażat fuq il-bażi ta' data Orbis (78) bħala s-sors ta' data u għażlet kumpaniji bil-kodiċi primarju NACE 3092, sabiex tillimita l-analiżi għal produtturi li għandhom ir-roti bħala n-negozju ewlieni tagħhom. Barra minn hekk, il-Kummissjoni rrestrinġiet it-tiftix ta' kumpaniji b'rapporti tal-introjtu disponibbli pubblikament għall-aktar perjodu riċenti (2016 u 2017). Dan iffoka t-tiftixa fuq kumpanija waħda fil-Brażil, fuq disgħa u għoxrin fir-Russja u fuq sitta fis-Serbja. Imbagħad il-Kummissjoni għażlet il-kumpaniji li kienu qed jagħmlu l-profitt. Dan wassal sabiex jiġu esklużi kumpanija waħda fil-Brażil u għaxar kumpaniji fir-Russja, li kellhom profittabilità negattiva fl-2016 u fl-2017. |
(143) |
Il-Kummissjoni finalment innotat li s-sitt kumpaniji Serbi kellhom data disponibbli pubblikament għall-2017, filwaqt li d-dsatax-il kumpanija Russa li kien fadal kellhom data disponibbli pubblikament sal-2016 biss. Peress li l-perjodu ta' investigazzjoni tar-rieżami jikkonsisti fl-aħħar tliet trimestri tal-2017 u fl-ewwel trimestru tal-2018, il-Kummissjoni qieset li s-Serbja kienet pajjiż rappreżentattiv xieraq. |
(144) |
Għaldaqstant, il-Kummissjoni ħabbret l-intenzjoni tagħha lill-partijiet interessati kollha fit-tieni nota dwar il-fatturi ta' produzzjoni, li tuża lis-Serbja bħala pajjiż rappreżentattiv xieraq jekk kemm-il darba hija tikkonkludi li l-kundizzjonijiet kollha biex tiġi applikata l-metodoloġija prevista fl-Artikolu 2(6a)(a) tar-Regolament bażiku jkunu ssodisfati. Filwaqt li qieset l-elementi kollha msemmija hawn fuq u l-kummenti mill-partijiet, il-Kummissjoni ddeċidiet li l-għażla finali ta' pajjiż rappreżentattiv xieraq kienet is-Serbja u għażlet is-sitt kumpaniji li ġejjin b'data finanzjarja disponibbli pubblikament li setgħet tintuża biex tistabbilixxi ammonti mhux distorti u raġonevoli għall-SG&A u l-profitti skont l-aħħar paragrafu tal-Artikolu 2(6a)(a) tar-regolament bażiku:
|
3.3.3.5.
(145) |
Peress li ġie stabbilit li s-Serbja kienet pajjiż rappreżentattiv xieraq fuq il-bażi ta' dawn l-elementi, ma kienx hemm bżonn li ssir valutazzjoni tal-livell ta' protezzjoni soċjali u ambjentali skont l-aħħar sentenza tal-ewwel inċiż tal-Artikolu 2(6a)(a) tar-Regolament bażiku. |
3.3.3.6.
(146) |
Fid-dawl tal-analiżi ta' hawn fuq, is-Serbja ssodisfat il-kriterji kollha stabbiliti fl-ewwel inċiż tal-Artikolu 2(6a)(a) tar-Regolament bażiku biex titqies bħala pajjiż rappreżentattiv xieraq. B'mod partikolari, is-Serbja kellha produzzjoni sostanzjali tal-prodott soġġett għal rieżami u sett komplut ta' data disponibbli għall-fatturi kollha tal-produzzjoni, għall-SG&A u għall-profitt. |
3.3.4. Il-kostijiet ġenerali tal-manifattura, l-SG&A u l-profitti
(147) |
Għall-bini tal-valur normali, il-Kummissjoni segwiet il-metodoloġija spjegata fit-tieni nota dwar il-fatti ta' produzzjoni u inkludiet il-kostijiet SG&A u l-profitti mis-sitt kumpaniji fis-Serbja kif imsemmija fil-Premessa (144), skont ir-raba' paragrafu tal-Artikolu 2(6a)(a) tar-Regolament bażiku. |
(148) |
Barra minn hekk, il-Kummissjoni inkludiet valur għall-kostijiet ġenerali tal-manifattura sabiex tkopri l-kostijiet mhux inklużi fil-fatturi ta' produzzjoni msemmija hawn fuq. Dan kien stmat bl-użu tal-proporzjon tal-ispejjeż ġenerali tal-manifattura fuq il-kost tal-manifattura rrapportat mill-produtturi esportaturi li kkooperaw għall-kostijiet mhux distorti rispettivi tal-manifattura (li koprew il-konsum ta' materjali, il-manodopera, l-enerġija u l-ilma) determinati skont il-metodoloġija deskritta fit-Taqsima 3.3.8. |
3.3.5. Is-sorsi li ntużaw biex jiġu stabbiliti kostijiet mhux distorti
(149) |
Fit-tieni nota dwar il-fatturi ta' produzzjoni, il-Kummissjoni ddikjarat li, sabiex tibni l-valur normali skont l-Artikolu 2(6a)(a) tar-Regolament bażiku, hija kienet se tuża l-Global Trade Atlas (“GTA”) sabiex tistabbilixxi l-kost mhux distort ta' ħafna mill-fatturi ta' produzzjoni. Madankollu, wara t-tieni nota dwar il-fatturi ta' produzzjoni, il-Kummissjoni nnotat li għall-perjodu ta' investigazzjoni tar-rieżami, l-informazzjoni rapportata mill-GTA dwar l-importazzjoni tal-parts tar-roti lejn is-Serbja ma kinitx kompluta. Għaldaqstant, il-Kummissjoni użat il-Eurostat sabiex tistabbilixxi l-kost tal-materjal (79), tal-elettriku u tal-gass naturali (80), estrazzjoni tad-data ta' Bloomberg mill-Uffiċċju Statistiku tar-Repubblika tas-Serbja għall-kost tal-ilma (81), u d-data finanzjarja mis-sitt kumpaniji Serbi elenkati fil-premessa (144) sabiex tistabbilixxi l-kostijiet SG&A u l-profitti. |
(150) |
Kif spjegat fil-premessa 3.3.5, l-ispejjeż ġenerali tal-manifattura żdiedu mal-SG&A u mal-profitt u ġew ibbażati fuq il-proporzjon tal-ispejjeż ġenerali tal-manifattura fuq il-kost tal-manifattura rapportat mill-produtturi esportaturi li kkooperaw għall-kostijiet mhux distorti rispettivi tal-manifattura. |
3.3.6. Fatturi tal-produzzjoni
(151) |
Permezz tal-ewwel u tat-tieni nota dwar il-fatturi ta' produzzjoni, il-Kummissjoni fittxet li tistabbilixxi lista inizjali ta' fatturi ta' produzzjoni u sorsi maħsuba sabiex jintużaw għall-fatturi kollha tal-produzzjoni, bħal materjali, l-enerġija u l-manodopera użati fil-produzzjoni tal-prodott soġġett għal rieżami mill-produtturi fir-RPĊ. |
(152) |
Il-Kummissjoni bbażat fuq id-data pprovduta mill-applikant u fuq it-tweġibiet għall-Anness III tan-Notifika ta' Bidu pprovduti mis-sitt produtturi oriġinali li kkooperaw fir-RPĊ (82) sabiex tistabbilixxi lista kompluta tal-fatturi ta' produzzjoni tar-roti. |
(153) |
Għall-finijiet ta' komparabbiltà bejn in-nomenklatura Ċiniża u dik Serbjana, il-Kummissjoni, għal kull fattur ta' produzzjoni, identifikat il-kodiċi korrispondenti tas-Sistema Armonizzata (SA) b'6 ċifri fil-livell tas-subintestatura tas-SA (sitt ċifri), fuq il-bażi tal-informazzjoni pprovduta kemm mill-applikant kif ukoll mill-produtturi li kkooperaw fir-RPĊ. Ir-RPĊ, is-Serbja u l-Unjoni lkoll jużaw is-Sistema Armonizzata u, għalhekk, il-kodiċijiet tariffarji tat-tlieta li huma jaqblu. |
(154) |
Meta titqies l-informazzjoni kollha sottomessa mill-applikant u mill-produtturi li kkooperaw fir-RPĊ, ġew identifikati l-fatturi ta' produzzjoni u l-kodiċijiet SA li ġejjin, fejn applikabbli: Tabella 1
|
3.3.6.1.
(155) |
Sabiex tistabbilixxi l-prezz mingħajr distorsjoni tal-materjali mwasslin sal-bieb tal-fabbrika tal-produttur, kif stabbilit fl-ewwel inċiż tal-Artikolu 2(6a)(a), il-Kummissjoni użat il-prezzijiet ta' importazzjoni fil-pajjiż rappreżentattiv, ta' kull materjal użat mill-produtturi li kkooperaw fir-RPĊ. |
(156) |
Sabiex tistabbilixxi l-valur normali, skont il-metodoloġija tal-Kummissjoni d-dazji tal-importazzjoni tal-fatturi ta' produzzjoni u l-materjali importati fis-Serbja, kif ukoll il-kostijiet tat-trasport domestiku jenħtieġ li jiżdiedu ma' dawn il-prezzijiet ta' importazzjoni. Dan jirriżulta f'valur normali ogħla peress li d-dazji tal-importazzjoni jkomplu jżidu l-prezzijiet tal-importazzjoni tal-parts tar-roti. Konsegwentement, marġni saħansitra ogħla ta' dumping. Fid-dawl tal-konstatazzjoni fil-premessa (178) kif ukoll tan-natura ta' din l-investigazzjoni tar-rieżami ta' skadenza, li tiffoka fuq il-fini li jiġi stabbilit jekk id-dumping kompliex matul il-perjodu ta' investigazzjoni tar-rieżami aktar milli fuq il-kobor preċiż tiegħu, il-Kummissjoni ddeċidiet li l-aġġustamenti għad-dazji tal-importazzjoni u għat-trasport domestiku ma kinux neċessarji. |
3.3.6.2.
(157) |
L-istatistiki tal-Organizzazzjoni Internazzjonali tax-Xogħol (“ILO”) ipprovdew informazzjoni dwar il-pagi ta' kull xahar fis-settur tal-manifattura u s-sigħat ta' kull ġimgħa maħduma fis-Serbja għall-perjodu ta' investigazzjoni tar-rieżami. Għal Ideal, li rrapportat il-paga totali tal-persunal għall-perjodu ta' investigazzjoni tar-rieżami, il-Kummissjoni estrapolat il-paga medja individwali ta' kull xahar u biddlitha mal-paga medja ta' kull xahar tal-ILO. Għal Oyama, li rrapportat il-pagi għas-sigħat ta' xogħol, il-Kummissjoni l-ewwel estrapolat is-sigħat tax-xogħol fix-xahar mid-data tal-ILO dwar is-sigħat tax-xogħol fil-ġimgħa mbagħad qasmet il-paga medja ta' kull xahar bis-sigħat medji tax-xogħol, u b'hekk kisbet il-paga medja fis-siegħa li finalment intużat sabiex tieħu post l-informazzjoni pprovduta mill-kumpanija. |
3.3.6.3.
(158) |
Għas-Serbja l-prezzijiet tal-elettriku u tal-gass naturali għas-sena 2017 għal konsumaturi li mhumiex unitajiet domestiċi u, b'mod partikolari, għall-industrija ta' daqs medju, kienu disponibbli bil-lest fuq il-Eurostat (83). Il-prezz tal-elettriku ġie rrapportat f'Euro għal kull kWh u l-prezz tal-gass f'Euro għal kull gigajoule. Dan tal-aħħar għandu rata tal-kambju fissa bil-metri kubi, li kienet il-kejl użat mill-produtturi li kkooperaw fir-RPĊ sabiex jirrapportaw il-konsum tal-gass tagħhom. |
3.3.6.4.
(159) |
Id-data użata għad-determinazzjoni tal-prezz tal-ilma ġiet estratta mill-bażi ta' data ta' Bloomberg fis-serje tal-Indiċi tal-Provvista tal-Ilma tas-CPI (Prezzijiet tal-Konsumatur) tas-Serbja, filwaqt li ġie rrapportat ammont ta' 269,1 RSD għal Jannar 2019. |
3.3.7. Kalkoli
(160) |
Biex jiġi stabbilit il-valur normali mfassal, il-Kummissjoni segwiet iż-żewġ passi li ġejjin. |
(161) |
L-ewwel nett, il-Kummissjoni stabbilixxiet il-kostijiet mhux distorti tal-manifattura. Dan sar bil-moltiplikazzjoni tal-fattur ta' użu ta' kull fattur ta' produzzjoni bil-kost mhux distort ta' kull wieħed għal kull unità. Il-fatturi ta' użu għal materjali, għall-manodopera, għall-enerġija u għall-ilma ġew ipprovduti mill-produtturi esportaturi li kkooperaw. Il-kostijiet mhux distorti għal kull unità kienu dawk osservati fil-pajjiż rappreżentattiv. |
(162) |
It-tieni, il-Kummissjoni stabbiliet l-ispejjeż ġenerali tal-manifattura. Dawn ġew ikkalkolati billi ġie applikat il-proporzjon tal-ispejjeż ġenerali tal-manifattura fuq il-kost tal-manifattura rrapportat mill-produtturi esportaturi li kkooperaw għall-kostijiet mhux distorti rispettivi tal-manifattura (li koprew il-konsum ta' materjali, tal-manodopera, tal-enerġija u tal-ilma) determinati skont il-metodoloġija deskritta fit-Taqsima 3.3.6. |
(163) |
It-tielet, għall-kostijiet tal-manifattura identifikati hawn fuq il-Kummissjoni applikat il-kostijiet SG&A u l-profitti medji mis-sitt kumpaniji fis-Serbja (Capriolo, Planet bike, Venera bike, Kripton, Crossbike u Cassini Wheels). Dawn ġew identifikati fuq il-bażi tal-informazzjoni disponibbli pubblikament fil-kontijiet annwali tal-kumpaniji tal-2017 (84) u ġew espressi bħala l-perċentwali li ġejjin:
|
(164) |
Fuq din il-bażi, il-Kummissjoni fasslet il-valur normali għal kull tip ta' prodott fuq bażi ta' kif joħroġ mill-fabbrika, f'konformità mal-Artikolu 2(6a)(a) tar-Regolament bażiku. Ġie stabbilit valur normali differenti għal kull produttur esportatur. |
(165) |
Fil-kummenti tagħha dwar id-divulgazzjoni finali, is-CCCME argumentat li l-Kummissjoni ma użat l-ebda data pprovduta mill-produtturi esportaturi li kooperaw meta stabbiliet il-valur normali mingħajr distorsjoni. Is-CCCME argumentat li, billi l-RPĊ ma għadhiex titqies bħala ekonomija mhux tas-suq, jenħtieġ li l-fatturi bħall-kostijiet tal-enerġija, il-kostijiet ġenerali tal-manifattura, l-SG&A u l-profitti ma jiġux sostitwiti minn valuri referenzjarji. Is-CCCME argumentat ukoll li fatturi oħra ta' produzzjoni bħall-oqfsa magħmula mill-karbonju, ma għandhomx jiġu sostitwiti billi l-karbonju użat f'dawn l-oqfsa ma kienx imsemmi bħala materjal soġġett għal distorsjonijiet sinifikanti fir-RPĊ. |
(166) |
Il-Kummissjoni nnotat li l-istqarrija li ma użat ebda data pprovduta mill-produtturi esportaturi li kkooperaw meta stabbiliet il-valur normali mingħajr distorsjoni, hija fattwalment skorretta. Kif imsemmi fil-premessi (150) u (161), il-Kummissjoni użat il-fatturi tal-użu għall-materjali, għall-manodopera, għall-enerġija u għall-ilma, kif ukoll il-proporzjon tal-ispejjeż ġenerali tal-manifattura, kollha rrapportati mill-produtturi esportaturi li kooperaw u vverifikati mill-Kummissjoni. |
(167) |
Il-Kummissjoni nnotat ukoll li l-argument tas-CCCME li l-RPĊ ma għadhiex titqies bħala ekonomija mhux tas-suq, huwa wkoll irrilevanti. Il-Kummissjoni tfakkar li fil-premessa (2) tal-leġiżlazzjoni l-ġdida anti-dumping jingħad biċ-ċar li “dan ir-Regolament huwa mingħajr preġudizzju għad-determinazzjoni dwar jekk Membru tad-WTO huwiex ekonomija tas-suq jew għat-termini u l-kundizzjonijiet stabbiliti fil-protokolli u fi strumenti oħrajn li skonthom il-pajjiżi aderew mal-Ftehim ta' Marrakexx li Jistabbilixxi l-Organizzazzjoni Dinjija tal-Kummerċ li ntlaħaq fil-15 ta' April 1994.” (87) Billi l-leġiżlazzjoni l-ġdida anti-dumping ma tiddistingwix aktar bejn l-ekonomiji tas-suq u l-ekonomiji mhux tas-suq, dan l-argument mis-CCCME hu nieqes minn kull bażi legali applikabbli għal din l-investigazzjoni. L-applikazzjoni tal-Artikolu 2(6a) tar-Regolament bażiku hija magħmula fuq bażi ta' każ b'każ, b'kunsiderazzjoni tal-evidenza kollha disponibbli fir-rigward tal-pajjiż esportatur. |
(168) |
Barra minn hekk, il-Kummissjoni nnotat li l-Artikolu 2(6a)(a) tar-Regolament bażiku jistabbilixxi li l-eżistenza ta' distorsjonijiet sinifikanti tas-suq tirrendi l-użu ta' kostijiet u prezzijiet domestiċi inadegwati u għalhekk il-valur normali jrid jinħadem b'mod esklużiv abbażi tal-kostijiet tal-produzzjoni u tal-bejgħ li jirrifletti prezzijiet jew valuri referenzjarji mingħajr distorsjoni. Jipprevedi wkoll li l-valur normali jrid jinkudi ammont mingħajr distorsjoni u raġonevoli għall-SG&A u għall-profitti. L-użu tal-kostijiet domestiċi f'dak il-kuntest huwa disponibbli biss sa fejn tali kostijiet ikunu stabbiliti b'mod pożittiv eżenti minn distorsjonijiet, abbażi ta' evidenza preċiża u xierqa, b'mod partikolari abbażi ta' evidenza pprovduta minn partijiet interessati skont l-Artikolu 2(6a)(c). Is-CCCME ma ppreżentat l-ebda evidenza f'dan is-sens. |
(169) |
Fl-aħħar, il-Kummissjoni nnotat ukoll li l-ebda wieħed mit-tliet produtturi fil-kampjun li kooperaw fir-RPĊ ma stqarr li xi fatturi tal-produzzjoni nxtraw b'valuri mingħajr distorsjoni. |
(170) |
Għalhekk din it-talba ma ntlaqgħetx. |
3.3.8. Il-prezz tal-esportazzjoni
(171) |
Miż-żewġ produtturi/gruppi ta' produtturi inklużi fil-kampjun fir-RPĊ li jbigħu l-prodott soġġett għal rieżami fl-Unjoni matul il-perjodu ta' investigazzjoni tar-rieżami, wieħed kien qed ibigħ direttament lil klijenti indipendenti u l-ieħor kien qed ibigħ permezz ta' negozjanti relatati. |
(172) |
Il-produtturi esportaturi esportaw il-prodott soġġett għal rieżami jew direttament lil klijenti indipendenti fl-Unjoni permezz ta' negozjant. Għalhekk, il-prezz tal-esportazzjoni kien abbażi tal-prezz attwalment imħallas jew li jista' jitħallas għall-prodott ikkonċernat meta mibjugħ għall-esportazzjoni lejn l-Unjoni, skont l-Artikolu 2(8) tar-Regolament bażiku. |
(173) |
Kif intqal fil-premessa (46), wieħed mill-gruppi ta' produtturi esportaturi inklużi fil-kampjun ma pprovdiex lill-Kummissjoni l-prezzijiet tal-bejgħ tiegħu għall-bejgħ li sar permezz ta' negozjant relatat lill-ewwel klijent indipendenti kemm għall-bejgħ lejn l-Unjoni kif ukoll il-bejgħ lejn il-bqija tad-dinja. Għaldaqstant, billi użat l-aħjar fatti disponibbli skont l-Artikolu 18 tar-Regolament bażiku, il-Kummissjoni użat biss tranżazzjonijiet li għalihom il-prezz għal klijent indipendenti seta' jiġi identifikat sabiex jiġi stabbilit il-prezz tal-esportazzjoni għal dak il-grupp ta' produtturi esportaturi. |
3.3.9. Tqabbil
(174) |
Il-Kummissjoni qabblet il-valur normali mibni f'konformità mal-Artikolu 2(6a)(a) tar-Regolament bażiku mal-prezz tal-esportazzjoni fuq bażi ex-works. |
(175) |
Meta dan kien iġġustifikat mill-ħtieġa li jiġi żgurat tqabbil ġust, il-Kummissjoni aġġustat il-prezz tal-esportazzjoni għad-differenzi li jaffettwaw il-paragunabbiltà tal-prezzijiet skont l-Artikolu 2(10) tar-Regolament bażiku. Saru aġġustamenti għall-kostijiet tat-trasport intern, għall-ġarr, għat-tagħbija u għall-ispejjeż anċillari, għall-ispiża tal-kreditu, għall-ispejjeż bankarji. |
(176) |
Barra minn hekk, għal wieħed mill-produtturi esportaturi l-prezz tal-esportazzjoni ġie aġġustat skont l-Artikolu 2(10)(i) tar-Regolament bażiku billi tnaqqsu l-kummissjonijiet fuq il-kont tal-bejgħ permezz ta' negozjant. Il-kalkolu tal-kummissjonijiet kien ibbażat fuq l-SG & A u marġni ta' profitt raġonevoli tal-kummerċjant. Meta aġġustat għall-profitt, il-Kummissjoni użat il-livell stabbilit fl-investigazzjoni li stabbilixxiet il-livell kurrenti ta' dazji. |
3.3.9.1.
(177) |
Il-Kummissjoni qabblet il-valur normali medju ponderat ta' kull tip ta' prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, skont l-Artikoli 2(11) u (12) tar-Regolament bażiku. |
(178) |
Fuq din il-bażi, il-marġni medju ponderat tad-dumping, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, kien ta' 2,56 % għal Ideal u ta' 49,82 % għal Oyama. |
3.3.9.2.
(179) |
Il-Kummissjoni kkalkolat ukoll il-marġni tad-dumping medju għall-produtturi esportaturi li ma kkooperawx. Fid-dawl tal-livell baxx ta' kooperazzjoni mir-RPĊ diskuss fit-Taqsima 3.2, il-Kummissjoni użat il-fatti disponibbli skont l-Artikolu 18 tar-Regolament bażiku. |
(180) |
L-ewwel nett, sabiex tistabbilixxi l-valur normali, il-Kummissjoni użat il-valur normali medju taż-żewġ produtturi/gruppi ta' produtturi esportaturi li kkooperaw. |
(181) |
It-tieni, sabiex tistabbilixxi l-prezz tal-esportazzjoni, il-Kummissjoni użat data tal-Eurostat wara li naqqset l-esportazzjonijiet taż-żewġ produtturi esportaturi li kkooperaw. Għall-fini tat-tqabbil, il-Kummissjoni aġġustat il-prezz tal-esportazzjoni għal-livell ta' kif joħroġ mill-fabbrika billi użat il-provvedimenti verifikati medji taż-żewġ produtturi esportaturi li kkooperaw. |
(182) |
Abbażi ta' dan, il-marġni ta' dumping medju ponderat, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, kien ta' 206 %. Dan il-marġni ta' dumping ikun ogħla li kieku l-valur normali tal-produtturi esportaturi li kkooperaw ġie aġġustat għall-ispejjeż tat-trasport domestiku u d-dazji tal-importazzjoni fis-Serbja, kif imsemmi fil-premessa (156). |
(183) |
Bħala alternattiva, sabiex tuża l-aħjar fatti disponibbli kollha skont l-Artikolu 18 tar-Regolament bażiku, il-Kummissjoni kkalkolat il-marġni tad-dumping billi użat il-valur normali mibni medju pprovdut fl-ilment. Dan kien ibbażat fuq it-Turkija bħala l-pajjiż rappreżentattiv. Minkejja l-fatt li dan il-valur normali alternattiv kien jinkludi l-fatturi ewlenin ta' produzzjoni biss (15 sa 20, skont it-tipi ta' roti), il-marġni tad-dumping li rriżulta kien ta' 86 %. |
(184) |
Għalhekk, ma hemm ebda dubju li d-dumping tkompla matul il-perjodu ta' investigazzjoni tar-rieżami. |
3.3.9.3.
(185) |
Għalhekk, il-Kummissjoni kkonkludiet li d-dumping tkompla matul il-perjodu ta' investigazzjoni tar-rieżami. |
3.4. Probabbiltà ta' kontinwazzjoni tad-dumping mir-RPĊ
(186) |
Sabiex teżamina l-probabbiltà ta' kontinwazzjoni tad-dumping, il-Kummissjoni analizzat l-elementi li ġejjin: il-kapaċità tal-produzzjoni u l-kapaċità żejda fir-RPĊ u l-attraenza tas-suq tal-Unjoni. |
3.4.1. Il-kapaċità tal-produzzjoni u l-kapaċità żejda fir-RPĊ
(187) |
Skont l-Assoċjazzjoni Ċiniża tar-Roti, il-produzzjoni totali tar-roti kienet ta' 80 miljun unità fl-2017. |
(188) |
Barra minn hekk, il-ħames kumpaniji li kkooperaw irrapportaw rata ta' użu ta' bejn 38 % u 96 % matul il-perjodu ta' investigazzjoni tar-rieżami (jiġifieri medja ponderata ta' 68 %). Bl-applikazzjoni tal-aħjar fatti disponibbli u skont l-Artikolu 18 tar-Regolament bażiku fid-dawl tal-kooperazzjoni batuta, il-Kummissjoni stmat kapaċità totali ta' 117-il miljun rota (88). Fuq din il-bażi, il-kapaċità żejda tal-industrija Ċiniża tkun ta' madwar 37 miljiun rota, li hija aktar mid-doppju tal-konsum totali fl-Unjoni (jiġifieri 18-il miljun unità). |
(189) |
Barra minn hekk, kif stabbilit fir-Regolament tal-Kunsill (UE) Nru 502/2013 (89) u kkonfermat matul l-investigazzjoni, il-produzzjoni tar-roti essenzjalment hija operazzjoni ta' assemblaġġ li faċilment tista' tiżdied billi jiżdied in-numru tal-persunal. Għaldaqstant, il-produtturi Ċiniżi malajr jistgħu jibnu kapaċità ġdida billi jaħtru persunal ġdid. |
(190) |
Fuq il-bażi ta' dak imsemmi hawn fuq, il-Kummissjoni kkonkludiet li l-produtturi esportaturi Ċiniżi għandhom kapaċità żejda sinifikanti li huma jistgħu jużaw sabiex jipproduċu r-roti għall-esportazzjoni lejn is-suq tal-Unjoni jekk il-miżuri jitħallew jiskadu. |
(191) |
Fil-kummenti ta' divulgazzjoni finali tagħha, is-CCCME argumentat li l-Kummissjoni tat stima ta' bejn wieħed u ieħor tal-kapaċità żejda tal-industrija Ċiniża u naqqset milli tipprovdi xi evidenza biex tappoġġja l-istima tagħha. |
(192) |
Il-Kummissjoni fakkret li minħabba fil-livell baxx ta' kooperazzjoni mir-RPĊ, l-Artikolu 18 tar-Regolament bażiku ġie applikat biex jagħti stima tal-kapaċità żejda. Barra minn hekk, kif spjegat fil-premessi (187) u (188) il-Kummissjoni bbażat l-istima tagħha fuq iċ-ċifri tal-output totali previsti mill-Assoċjażżjoni Ċiniża tar-Roti. Barra minn hekk, għajr dikjarazzjoni, is-CCCME ma pprovdiet l-ebda evidenza biex tirribatti l-pretensjoni li l-Kummissjoni kkalkolat b'mod żbaljat il-kapaċitajiet żejda fir-RPĊ. Għalhekk din it-talba ma ntlaqgħetx. |
3.4.2. L-attraenza tas-suq tal-Unjoni
3.4.2.1.
(193) |
L-ewwel element ta' appoġġ għall-attraenza tas-Suq tal-Unjoni huwa l-atteġġjament fil-prezzijiet tal-produtturi Ċiniżi meta jbigħu lis-suq tal-Unjoni meta mqabbla ma' swieq tal-esportazzjoni oħra. Jekk jiġu kkunsidrati l-esportazzjonijiet ġenerali miċ-Ċina ta' roti matul il-perjodu ta' investigazzjoni tar-rieżami (90), dawn kienu jammontaw għal madwar 58 miljun biċċa li 15-il miljun minnhom inbiegħu lill-Istati Uniti (jiġifieri 26 % mill-esportazzjonijiet totali Ċiniżi ta' roti). Il-prezz medju tal-esportazzjoni miċ-Ċina lejn l-Istati Uniti huwa ta' 50 EUR/unità li huwa anqas minn dak lejn l-UE (64 EUR/unità) u ferm anqas mill-prezz medju tal-bejgħ tal-produtturi tal-Unjoni matul il-perjodu ta' investigazzjoni tar-rieżami (jiġifieri 129 EUR/unità). Barra minn hekk, l-impożizzjoni ta' rata ta' dazju ad valorem ta' 10 % addizzjonali fuq ir-roti Ċiniżi fl-Istati Uniti tal-Amerka mill-1 ta' Jannar 2019, skont it-Taqsima 301 tal-Att dwar il-Kummerċ tal-Istati Uniti (91), x'aktarx taffettwa b'mod sostanzjali l-esportazzjonijiet Ċiniżi ta' roti lejn dan il-pajjiż. B'żieda ma' dan, fl-10 ta' Mejju 2019, l-Istati Uniti tal-Amerka komplew iżidu d-dazju tal-importazzjoni ad-valorem addizzjonali għal 25 % (92). B'hekk, l-impatt fuq l-esportazzjonijiet Ċiniżi tar-roti lejn l-Istati Uniti huwa mistenni li jkun saħansitra aktar sinifikanti. Bħala riżultat ta' dan, l-Unjoni ssir aktar attraenti mill-akbar suq kurrenti għar-roti Ċiniżi, li kieku l-miżuri eżistenti jiskadu. |
(194) |
B'mod ġenerali, l-Unjoni hija attraenti f'termini ta' prezzijiet għall-produtturi tar-roti Ċiniżi. L-esportaturi Ċiniżi biegħu f'149 pajjiż (li jirrappreżentaw 71 % tal-valur totali tagħhom ta' esportazzjoni tar-roti) fejn, bħala medja, il-prezzijiet kienu aktar baxxi milli fl-Unjoni. Huwa biss f'24 pajjiż (li jirrappreżentaw 25 % tal-valur totali tagħhom tal-esportazzjoni tar-roti) li huma biegħu bi prezzijiet li bħala medja kienu ogħla minn dawk tal-Unjoni. |
(195) |
Bħala konklużjoni, l-esportazzjoni lejn l-Unjoni tkun aktar attraenti għall-esportaturi Ċiniżi milli l-esportazzjoni lejn il-biċċa l-kbira tal-pajjiżi l-oħra, li jirrappreżentaw il-maġġoranza tal-esportazzjonijiet tagħhom. |
3.4.2.2.
(196) |
It-tieni element b'appoġġ tal-attraenza tas-Suq tal-Unjoni huwa l-eżistenza ta' difiża kummerċjali u ta' miżuri tal-importazzjoni restrittivi oħra kontra roti Ċiniżi f'numru għoli ta' swieq tal-esportazzjoni. Miżuri bħal dawn jeżistu fil-Messiku u fl-Arġentina. Dawn il-pajjiżi jirrappreżentaw 4 % mill-volum totali esportat fil-bqija tad-dinja mill-produtturi esportaturi fil-kampjun u 1 % mill-esportazzjonijiet totali Ċiniżi fil-perjodu ta' investigazzjoni tar-rieżami (93). |
(197) |
Kif intqal fil-premessa (193), l-impożizzjoni ta' rata ad valorem ta' 10 % addizzjonali tad-dazju tal-importazzjoni fuq ir-roti Ċiniżi fl-Istati Uniti mill-1 ta' Jannar 2019 se taffettwa b'mod sostanzjali l-esportazzjonijiet tar-roti miċ-Ċina. Tabilħaqq, l-Istati Uniti tal-Amerka waħedhom jirrappreżentaw 58 % mill-volum tal-esportazzjoni lejn il-bqija tad-dinja għall-produtturi esportaturi fil-kampjun u 26 % meta jitqiesu l-esportazzjonijiet kollha miċ-Ċina. Diġà fl-ewwel trimestru tal-2019, l-esportazzjonijiet ta' roti miċ-Ċina lejn l-Istati Uniti kienu 54 % anqas milli fl-ewwel trimestru tal-2018 (jew madwar 1,4 miljun unità anqas). Dan l-impatt huwa mistenni jkun saħansitra ogħla wara d-deċiżjoni tal-Istati Uniti li tkompli żżid ir-rata ad valorem addizzjonali tad-dazju tal-importazzjoni għal 25 % mill-10 ta' Mejju 2019 (94). |
(198) |
Dawn id-dazji addizzjonali fuq l-akbar suq ta' esportazzjoni għar-roti Ċiniżi akkumpanjati mir-revoka tal-miżuri eżistenti fis-suq tal-UE aktarx li jirriżultaw f'ridirezzjoni tal-esportazzjonijiet Ċiniżi mill-Istati Uniti tal-Amerka lejn l-UE. |
(199) |
Fil-kummenti tagħha dwar id-divulgazzjoni finali, is-CCCME argumentat li l-Kummissjoni naqqset milli tipprovdi xi evidenza biex tapprova li l-kapaċità żejda fir-RPĊ qed timmira s-suq tal-Unjoni. |
(200) |
Il-Kummissjoni nnotat li din ma argumentatx li l-kapaċità żejda qed timmira s-suq tal-Unjoni iżda li x'aktarx tagħmel dan, jekk il-miżuri jitħallew jiskadu. Fil-premessi minn (193) sa (198) il-Kummissjoni elenkat għadd ta' ċirkostanzi li jindikaw din il-possibbiltà b'mod qawwi. Notevolment, l-ebda waħda minn dawn iċ-ċirkostanzi ma ġew ikkontestati mis-CCCME. |
(201) |
Għalhekk din it-talba ma ntlaqgħetx. |
3.4.3. Konklużjoni dwar il-probabbiltà tal-kontinwazzjoni ta' dumping
(202) |
Fid-dawl ta' dan ta' hawn fuq, il-Kummissjoni kkonkludiet li hemm probabbiltà kbira li d-dumping ikompli jekk il-miżuri jiskadu. |
3.5. Konklużjonijiet ġenerali dwar il-probabbiltà tal-kontinwazzjoni ta' dumping
(203) |
L-investigazzjoni wriet li matul il-perjodu ta' investigazzjoni tar-rieżami l-importazzjonijiet Ċiniżi komplew jidħlu fis-suq tal-Unjoni bi prezzijiet li huma l-oġġett ta' dumping. |
(204) |
Il-Kummissjoni sabet ukoll evidenza li d-dumping aktarx li jkompli jekk jiskadu l-miżuri. Il-kapaċità żejda fir-RPĊ kienet sinifikanti meta mqabbla mal-konsum fl-Unjoni matul il-perjodu ta' investigazzjoni tar-rieżami. Barra minn hekk, din il-politika tal-ipprezzar tal-produtturi esportaturi Ċiniżi fi swieq terzi, li turi li l-prezzijiet tal-esportazzjoni għall-maġġoranza ta' dawn is-swieq huma aktar baxxi minn dawk lejn l-Unjoni, tindika l-probabbiltà ta' kontinwazzjoni ta' dumping lejn l-Unjoni, jekk il-miżuri jitħallew jiskadu. Fl-aħħar nett, l-attraenza tas-suq tal-Unjoni f'termini tad-daqs u tal-prezzijiet, u l-fatt li swieq oħrajn għadhom protetti b'miżuri kummerċjali, b'mod partikolari l-Istati Uniti, indikaw li huwa probabbli li l-esportazzjonijiet Ċiniżi u l-kapaċità żejda jkunu diretti lejn is-suq tal-Unjoni, jekk il-miżuri jitħallew jiskadu. Konsegwentement, il-Kummissjoni kkonkludiet li kien hemm probabbiltà qawwija li t-tħassir tal-miżuri anti-dumping jirriżulta f'żieda fl-esportazzjonijiet tar-roti mir-RPĊ lejn l-Unjoni bi prezzijiet oġġett ta' dumping. |
(205) |
Fid-dawl ta' dak li ntqal hawn fuq, il-Kummissjoni kkonkludiet li l-iskadenza tal-miżuri anti-dumping x'aktarx li twassal għal kontinwazzjoni u, fi kwalunkwe każ, rikorrenza ta' dumping. |
4. PROBABBILTÀ TA' TKOMPLIJA JEW TA' RIKORRENZA TAD-DANNU
4.1. Definizzjoni tal-Industrija tal-Unjoni u tal-produzzjoni tal-Unjoni
(206) |
Kien hemm aktar minn 400 produttur magħruf fl-Unjoni li jimmanifatturaw roti matul il-perjodu ta' investigazzjoni tar-rieżami. Kif intqal fil-premessa (14), uħud minnhom kienu qed jissottokuntrattaw parti mill-proċess ta' produzzjoni jew il-proċess ta' produzzjoni sħiħ lil kumpaniji terzi li joperaw permezz ta' ftehimiet ta' tolling (minn hawn 'il quddiem “tollers”). L-400 produttur u toller jikkostitwixxu “l-industrija tal-Unjoni” fis-sens tal-Artikolu 4(1) tar-Regolament bażiku. Parti mill-industrija tal-Unjoni timmanifattura roti elettriċi wkoll, billi tuża, sa ċertu punt, l-istess tagħmir tal-produzzjoni bħal dak użat għall-prodott soġġett għal rieżami. |
(207) |
Il-produzzjoni totali tal-Unjoni kienet stabbilita għal 11,2 miljun biċċa matul il-perjodu ta' investigazzjoni tar-rieżami. Din iċ-ċifra hija bbażata fuq id-data miġbura mill-Konfederazzjoni tal-Industrija Ewropea tar-Roti (“CONEBI”). |
4.2. Il-konsum fl-Unjoni
(208) |
Il-Kummissjoni stmat il-konsum fl-Unjoni fuq il-bażi tal-informazzjoni sottomessa mill-applikant u minn CONEBI. |
(209) |
Matul il-perjodu kkunsidrat, il-konsum tal-Unjoni żviluppa kif ġej: Tabella 2 Il-konsum tal-Unjoni
|
(210) |
Il-konsum fl-Unjoni naqas b'5 % matul il-perjodu kkunsidrat, minn 18,3 miljun biċċa fil-perjodu ta' investigazzjoni tar-rieżami. It-tnaqqis fil-konsum huwa primarjament spjegat mit-tkabbir parallel fis-suq tar-roti elettriċi li żdied minn 1 139 000 għal 1 982 269 biċċa matul il-perjodu Jannar 2014 – Settembru 2017 (95). |
4.3. Importazzjonijiet fl-Unjoni mir-RPĊ
(211) |
Il-Kummissjoni stabbiliet il-volum tal-importazzjonijiet u l-prezzijiet fuq il-bażi tal-istatistiki dwar l-importazzjonijiet fil-livell TARIC mill-Eurostat. Imbagħad is-sehem mis-suq tal-importazzjonijiet ġie stabbilit billi tqabblu l-volumi tal-importazzjonijiet mal-konsum fl-Unjoni kif jidher fit-Tabella 2. |
4.3.1. Volum u sehem mis-suq
(212) |
Matul il-perjodu kkunsidrat, l-importazzjonijiet mir-RPĊ lejn l-Unjoni żviluppaw kif ġej: Tabella 3 Volum tal-importazzjoni u s-sehem mis-suq
|
(213) |
Il-volum tal-importazzjonijiet Ċiniżi baqa' baxx u qrib il-livell tal-investigazzjoni tar-reżami preċedenti. Madankollu, it-tendenza –żieda ta' 51 % fuq il-perjodu kkunsidrat — tindika rivitalizzazzjoni tal-interess fis-suq tal-Unjoni. |
(214) |
It-tnaqqis kombinat fil-konsum u ż-żieda fil-volum tal-importazzjonijiet wassal għal żieda fis-sehem mis-suq minn 2,6 % fl-2014 għal 4,1 % fil-perjodu ta' investigazzjoni ta' rieżami. |
4.3.2. Prezzijiet tal-importazzjonijiet u twaqqigħ tal-prezzijiet
(215) |
Matul il-perjodu kkunsidrat, il-prezz tal-importazzjonijiet mir-RPĊ lejn l-Unjoni żviluppa kif ġej: Tabella 4 Prezzijiet tal-importazzjonijiet
|
(216) |
Matul il-perjodu kkunsidrat, il-prezzijiet tal-importazzjonijiet Ċiniżi żdied b'64 %. Il-prezzijiet tal-importazzjonijiet ibbażati fuq id-data tal-Eurostat ma jikkunsidrawx it-tipi varji tal-prodott u d-differenzi fil-prezzijiet fost it-tipi varji tal-prodott soġġett għal rieżami. Madankollu, minħabba l-livell baxx ta' kooperazzjoni mill-esportaturi Ċiniżi, kif spjegat fil-premessa (45), il-Kummissjoni kellha tibbaża fuq il-fatti disponibbli skont l-Artikolu 18 tar-Regolament bażiku. |
(217) |
Fuq din il-bażi, il-prezzijiet tal-bejgħ medji tal-produtturi tal-Unjoni li kkooperaw lil klijenti mhux relatati fis-suq tal-Unjoni tqabblu mal-prezzijiet medji tal-importazzjonijiet mir-RPĊ. Instab li l-prezzijiet ta' aktar minn 80 % tal-importazzjonijiet (l-importazzjonijiet kollha ħlief dawk miż-żewġ produtturi esportaturi Ċiniżi li kkooperaw) kienu qed iwaqqgħu l-prezzijiet tal-industrija tal-Unjoni b'19,1 %. Meta jitnaqqsu d-dazji anti-dumping fis-seħħ, il-marġni tat-twaqqigħ tal-prezzijiet ammonta għal 43,0 %. |
(218) |
Fir-rigward taż-żewġ produtturi esportaturi Ċiniżi, it-tqabbil sar fil-livell tal-prezz tal-Fabbrikant tat-Tagħmir Oriġinali (“OEM”) peress li t-tnejn li huma kienu jesportaw mudelli OEM b'mod esklużiv lejn is-suq tal-UE. It-twaqqigħ tal-prezz instab ukoll għal wieħed miż-żewġ esportaturi u kien jammonta għal 6,4 %. |
4.4. L-importazzjonijiet fl-Unjoni minn pajjiżi terzi oħra
4.4.1. L-importazzjonijiet fl-Unjoni minn pajjiżi oħra
(219) |
Il-volum tal-importazzjonijiet, is-sehem mis-suq u l-prezzijiet tal-importazzjonijiet relatati mal-importazzjonijiet minn pajjiżi terzi oħra żviluppaw kif ġej: Tabella 5 Il-volum tal-importazzjonijiet, is-sehem mis-suq u l-prezzijiet tal-importazzjonijiet mill-pajjiżi l-oħra kollha ħlief ir-RPĊ
|
(220) |
Matul il-perjodu kkunsidrat, il-volum tal-importazzjonijiet minn pajjiżi terzi oħra naqas bi 15 %. Is-sehem mis-suq tagħhom naqas minn 38,3 % għal 34,1 % matul il-perjodu kkunsidrat. |
(221) |
Il-prezzijiet medji tal-importazzjonijiet minn pajjiżi terzi kienu sistematikament ogħla mill-prezzijiet medji tal-importazzjonijiet mir-RPĊ matul il-perjodu ta' investigazzjoni tar-rieżami. Id-differenza varjat minn 92 għal 142 EUR/unità matul il-perjodu kkunsidrat. |
(222) |
Il-prezzijiet medji tal-importazzjonijiet minn pajjiżi terzi kienu sistematikament ogħla mill-prezzijiet tal-produtturi tal-Unjoni rrapportati fit-Tabella 12, fil-premessa(250). Skont is-sena, id-differenza varjat minn 30 sa 58 EUR/unità. |
4.4.2. L-importazzjonijiet fl-Unjoni minn pajjiżi oħra soġġetti għal miżuri anti-dumping
(223) |
L-importazzjonijiet fl-Unjoni minn pajjiżi oħra soġġetti għal miżuri anti-dumping wara l-investigazzjonijiet kontra ċ-ċirkomvenzjoni msemmija fil-premessi (3) u (4) żviluppaw kif ġej: Tabella 6 Il-volum tal-importazzjonijiet, is-sehem mis-suq u l-prezzijiet tal-importazzjonijiet minn pajjiżi oħra soġġetti għal miżuri anti-dumping
|
(224) |
Matul il-perjodu kkunsidrat, il-volum tal-importazzjonijiet mill-pajjiżi terzi l-oħra soġġetti għal miżuri anti-dumping naqas b'7 %. |
(225) |
Is-sehem mis-suq totali segwa tendenza simili u naqas minn 17,3 % għal 16,9 % matul il-perjodu kkunsidrat, hekk kif il-pajjiżi kollha ħlief il-Kambodja tilfu s-sehem mis-suq. |
(226) |
Il-prezz medju tal-importazzjonijiet żdied matul il-perjodu kkunsidrat minn 105 għal 130 EUR/unità. |
(227) |
Ta' min jinnota li l-maġġoranza assoluta tal-importazzjonijiet mill-pajjiżi l-oħra soġġetti għal miżuri anti-dumping kienet ġejja minn produtturi ġenwini li kienu eżentati mill-estensjoni tal-miżuri (96). |
4.4.3. L-importazzjonijiet fl-Unjoni minn pajjiżi oħra mhux soġġetti għal miżuri anti-dumping
(228) |
L-importazzjonijiet fl-Unjoni minn pajjiżi oħra mhux soġġetti għal dazji anti-dumping żviluppaw kif ġej: Tabella 7 Il-volum tal-importazzjonijiet, is-sehem mis-suq u l-prezzijiet tal-importazzjonijiet minn pajjiżi oħra mhux soġġetti għal miżuri anti-dumping
|
(229) |
L-importazzjonijiet minn pajjiżi oħra li ma kinux soġġetti għal miżuri anti-dumping naqsu bi 22 %. F'termini ta' volum, l-ewwel tliet pajjiżi kienu t-Tajwan, il-Bangladesh u t-Tajlandja. |
(230) |
Konsegwentement, is-sehem mis-suq ta' dawn il-pajjiżi naqas minn 21 % għal 17,3 % matul il-perjodu kkunsidrat. L-ishma mis-suq tal-importazzjonijiet mit-Tajwan u mit-Tajlandja naqsu bi 3 u b'1,8 punti perċentwali rispettivament, filwaqt li s-sehem mis-suq tal-importazzjonijiet mill-Bangladesh żdied b'1,1 punt perċentwali. |
(231) |
Matul il-perjodu kkunsidrat, il-prezzijiet medji tal-importazzjonijiet minn pajjiżi oħra mhux soġġetti għal miżuri anti-dumping kienu ogħla mill-prezzijiet medji tal-importazzjonijiet miċ-Ċina. Il-prezzijiet tal-importazzjonijiet minn pajjiżi oħra mhux soġġetti għall-miżuri varjaw minn 78 sa 320 EUR/unità. |
4.5. Is-sitwazzjoni ekonomika tal-industrija tal-Unjoni
(232) |
Skont l-Artikolu 3(5) tar-Regolament bażiku, l-eżami tal-impatt tal-importazzjonijiet li huma l-oġġett ta' dumping fuq l-industrija tal-Unjoni kien jinkludi evalwazzjoni tal-fatturi u l-indiċijiet ekonomiċi kollha li affettwaw l-istat tal-industrija tal-Unjoni matul il-perjodu kkunsidrat. |
(233) |
Kif intqal fil-premessi (13) u (14), il-kampjunar intuża għad-determinazzjoni tad-dannu possibbli mġarrab mill-industrija tal-Unjoni. Biex tiddetermina d-dannu, il-Kummissjoni għamlet distinzjoni bejn l-indikaturi tad-dannu makroekonomiċi u dawk mikroekonomiċi. |
(234) |
L-indikaturi makroekonomiċi (il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, l-impjiegi, il-produttività, it-tkabbir, il-kobor tal-marġini tad-dumping u l-irkupru mill-effetti tad-dumping tal-passat) ġew ivvalutati fil-livell tal-industrija kollha tal-Unjoni. Il-valutazzjoni kienet ibbażata fuq l-informazzjoni pprovduta mill-applikant u minn CONEBI. |
(235) |
L-analiżi tal-indikaturi mikroekonomiċi (inventarji, prezz tal-bejgħ u kost, kostijiet lavorattivi, profittabilità, fluss tal-flus, investimenti, redditu fuq l-investimenti u kapaċità ta' ġenerazzjoni tal-kapital) twettqet fil-livell tal-produtturi tal-Unjoni inklużi fil-kampjun. Il-valutazzjoni kienet ibbażata fuq l-informazzjoni tagħhom, li ġiet debitament ivverifikata matul żjara ta' verifika fuq il-post. |
(236) |
Analiżi addizzjonali ta' ċerti indikaturi mikroekonomiċi (kost lavorattiv, investimenti u redditu fuq l-investimenti) tqieset neċessarja minħabba s-singolarità ta' wħud mill-produtturi tar-roti fis-sottokuntrattar ta' ċerti proċessi tal-produzzjoni għat-tollers kif imsemmi fil-premessa (206). Din il-valutazzjoni twettqet fil-livell tat-tollers li joperaw skont il-ftehimiet ta' tolling għal tnejn mill-produtturi tal-Unjoni inklużi fil-kampjun matul il-perjodu kkunsidrat. Il-valutazzjoni kienet ibbażata fuq l-informazzjoni tagħhom, li ġiet debitament ivverifikata matul żjara ta' verifika fuq il-post għall-ħames l-akbar tollers f'termini tal-volum tal-produzzjoni. |
4.5.1. Indikaturi makroekonomiċi
4.5.1.1.
(237) |
Matul il-perjodu kkunsidrat, il-produzzjoni, il-kapaċità tal-produzzjoni u l-użu tal-kapaċità tal-industrija tal-Unjoni żviluppaw kif ġej: Tabella 8 Produzzjoni, kapaċità tal-produzzjoni u użu tal-kapaċità
|
(238) |
Wara żieda fl-2015, il-produzzjoni naqset b'mod progressiv u ntemmet fil-perjodu ta' investigazzjoni tar-rieżami f'livell ftit anqas milli fl-2014, jiġifieri 11,2 miljun rota. Il-kapaċità segwiet tendenzi simili, hekk kif għall-ewwel żdiedet imbagħad naqset, iżda rreġistrat żieda ġenerali ta' 2 % matul il-perjodu kkunsidrat. Konsegwentement, l-użu tal-kapaċità naqas b'2,9 punti perċentwali sabiex laħaq l-74,1 % fil-perjodu ta' investigazzjoni tar-rieżami. |
(239) |
Il-kapaċità tirreferi għall-għadd teoriku ta' roti li jistgħu jiġu mmanifatturati fil-linji ta' produzzjoni disponibbli. Il-kapaċità tista' tiżdied billi jiddaħħlu xiftijiet addizzjonali, skont id-domanda u d-disponibbiltà tal-persunal u tal-parts. Barra minn hekk, l-istess linji ta' produzzjoni jistgħu jintużaw ukoll għall-produzzjoni ta' roti elettriċi mingħajr kost addizzjonali. Fid-dawl tal-adattabilità tat-tali parametri, l-indikaturi għall-kapaċità u għall-użu tal-kapaċità jenħtieġ li jiġu analizzati b'attenzjoni u ma jingħatawx rilevanza estensiva fl-analiżi tad-dannu. |
4.5.1.2.
(240) |
Matul il-perjodu kkunsidrat, il-bejgħ fl-UE mill-industrija tal-Unjoni u s-sehem mis-suq tagħha b'rabta mal-konsum, żviluppaw kif ġej: Tabella 9 Il-volum tal-bejgħ u s-sehem mis-suq
|
(241) |
Il-bejgħ mill-industrija tal-Unjoni fis-suq tal-UE baqa' stabbli matul il-perjodu kkunsidrat, għal madwar 11,3 miljun rota |
(242) |
Minħabba l-konsum li ċkien, kif ippreżentat fit-Tabella 2, fil-premessa (209), is-sehem mis-suq tal-industrija tal-Unjoni żdied b'2,6 punti perċentwali sabiex laħaq il-61,8 % fil-perjodu ta' investigazzjoni tar-rieżami. |
4.5.1.3.
(243) |
Matul il-perjodu kkunsidrat, l-impjiegi u l-produttività tal-industrija tal-Unjoni żviluppaw kif ġej: Tabella 10 L-impjiegi u l-produttività
|
(244) |
Matul il-perjodu kkunsidrat, l-impjiegi żdiedu bi 17 % filwaqt li l-produttività segwiet tendenza opposta. It-tnaqqis fil-produttività huwa spjegat f'parti minnu mill-fatt li ċerti produtturi tal-Unjoni rripatrijaw il-produzzjoni ta' ċerti parts jew integraw ċerti proċessi bħall-għoti taż-żebgħa fl-attivitajiet tagħhom. Konsegwentement, dawn żiedu n-numru ta' impjegati mingħajr ma żiedu l-volum tal-produzzjoni. Għalhekk il-produttività segwiet tendenza ta' tnaqqis. Fl-investigazzjoni tar-rieżami preċedenti, l-impjiegi kienu stabbiliti f'livell aktar baxx. Fit-tabella ta' hawn fuq, iċ-ċifri rrapportati dwar l-impjiegi huma bbażati fuq l-aktar data aġġornata riċentement ipprovduta mill-EBMA u jinkludu l-manodopera diretta jew indiretta kollha involuta fil-produzzjoni ta' roti. |
4.5.1.4.
(245) |
Peress li l-bejgħ tagħha baqa' stabbli filwaqt li l-konsum naqas matul il-perjodu kkunsidrat, l-industrija tal-Unjoni rnexxielha tikkonsolida l-pożizzjoni tagħha fis-suq u dan wassal għal żieda fis-sehem mis-suq matul il-perjodu kkunsidrat (+ 2,6 punti perċentwali). |
4.5.1.5.
(246) |
Id-dumping kompla matul il-perjodu ta' investigazzjoni tar-rieżami f'livell sinifikanti, kif spjegat fit-Taqsima 3 aktar 'il fuq, u l-prezzijiet tal-produtturi esportaturi Ċiniżi komplew iwaqqgħu l-prezzijiet tal-bejgħ tal-industrija tal-Unjoni sa livell sinifikanti. |
(247) |
L-impatt kombinat tal-volum dejjem akbar ta' importazzjonijiet bi prezz baxx oġġett ta' dumping mir-RPĊ u l-marġnijiet attwali tad-dumping ma ppermettewx lill-industrija tal-Unjoni tirkupra bis-sħiħ mid-dumping tal-passat. |
4.5.2. Indikaturi mikroekonomiċi
4.5.2.1.
(248) |
Matul il-perjodu kkunsidrat, il-livelli tal-istokks tal-produtturi tal-Unjoni inklużi fil-kampjun żviluppaw kif ġej: Tabella 11 Inventarji
|
(249) |
L-istokks tal-għeluq żdiedu b'mod progressiv bi 15 % bejn l-2014 u l-2017. Meta mqabbla mal-volum tal-produzzjonijiet, dawn ma jurux xi żieda sinifikanti matul il-perjodu 2014 – 2017. Peress li r-roti huma prodott staġunali, l-industrija tal-Unjoni trid iżżid il-livelli tal-istokks tagħha qabel l-istaġun tal-bejgħ. Dan huwa rifless fil-perjodu ta' investigazzjoni tar-rieżami fejn it-tmiem tal-perjodu ta' investigazzjoni tar-rieżami jaħbat mal-bidu tal-istaġun tal-bejgħ, li jirriżulta f'żieda sinifikanti fil-livell ta' stokks. |
4.5.2.2.
(250) |
Matul il-perjodu kkunsidrat, il-prezz ta' unità medju tal-bejgħ lil klijenti mhux relatati fl-Unjoni u l-kost unitarju medju tal-produzzjoni tal-produtturi tal-Unjoni inklużi fil-kampjun żviluppaw kif ġej: Tabella 12 Il-prezz tal-bejgħ u l-kost fl-Unjoni
|
(251) |
Matul il-perjodu kkunsidrat, l-industrija tal-Unjoni rnexxielha żżid il-prezzijiet medji tal-bejgħ tagħha b'9 %. Il-kost medju tal-produzzjoni żdied bi ftit bi 3 %. |
4.5.2.3.
(252) |
Il-kostijiet lavorattivi medji tal-ħames produtturi tal-Unjoni inklużi fil-kampjun żviluppaw kif ġej matul il-perjodu kkunsidrat: Tabella 13 Il-kostijiet lavorattivi medji
|
(253) |
Il-kost lavorattiv medju għal kull impjegat żdiedu b'33 % matul il-perjodu kkunsidrat. Dan l-indikatur kien primarjament affettwat miż-żieda sinifikanti fil-pagi fil-Bulgarija, fejn tinsab kumpanija waħda inkluża fil-kampjun. Il-pagi żdiedu bi kważi 50 % f'dan l-Istat Membru matul il-perjodu kkunsidrat (97). |
(254) |
Barra minn hekk, ġew analizzati wkoll il-kostijiet lavorattivi medji tat-tollers li jaħdmu għall-ħames produtturi inklużi fil-kampjun matul il-perjodu kkunsidrat. Dan żviluppa kif ġej: Tabella 14 Il-kostijiet lavorattivi medji tat-tollers
|
(255) |
Il-kost lavorattiv medju għal kull impjegat żdiedu b'9 % matul il-perjodu kkunsidrat. |
4.5.2.4.
(256) |
Matul il-perjodu kkunsidrat, il-profittabilità u l-fluss tal-flus żviluppaw kif ġej: Tabella 15 Profitabbiltà
|
(257) |
Il-Kummissjoni stabbilixxiet il-profittabbiltà tal-produtturi tal-Unjoni fil-kampjun billi esprimiet il-profitt nett qabel it-taxxa tal-prodott simili lil konsumaturi mhux relatati fl-Unjoni bħala perċentwal tal-fatturat ta' dak il-bejgħ. Matul il-perjodu kkunsidrat, il-produtturi tal-Unjoni inklużi fil-kampjun irnexxielhom iżidu l-profittabilità tagħhom. Wara li żdiedet għal 5 % fl-2015, il-profittabilità naqset b'mod progressiv għal 2,8 % fil-perjodu ta' investigazzjoni tar-rieżami. Filwaqt li l-industrija tal-Unjoni kienet tagħmel il-profitt matul il-perjodu kkunsidrat, il-livell tal-profitt tagħha baqa' anqas mill-profitt fil-mira (8 %) li ġie stabbilit fl-investigazzjoni tar-rieżami preċedenti. |
(258) |
Il-fluss tal-flus nett jindika l-kapaċità tal-industrija tal-Unjoni li tiffinanzja l-attivitajiet tagħha stess. Dan żviluppa kif ġej matul il-perjodu kkunsidrat: Tabella 16 Fluss ta' flus
|
(259) |
L-evoluzzjoni tal-fluss tal-flus tirrifletti primarjament l-iżvilupp tal-profittabbiltà ġenerali tal-industrija tal-Unjoni. Is-sitwazzjoni tal-fluss tal-flus fil-perjodu ta' investigazzjoni tar-rieżami hija primarjament spjegata miż-żieda sinifikanti fl-inventarju analizzata fil-premessa (249). |
4.5.2.5.
(260) |
Matul il-perjodu kkunsidrat, l-investiment u r-redditu fuq l-investimenti tal-industrija tal-Unjoni żviluppaw kif ġej: Tabella 17 Investiment u dħul mill-investiment
|
(261) |
L-investimenti żdiedu b'mod sinifikanti b'87 % fil-perjodu 2014-2016. Mill-2017 'il quddiem l-investimenti naqsu hekk kif segwew it-tendenza tal-profittabilità. B'mod ġenerali, l-investimenti naqsu b'32 % matul il-perjodu kkunsidrat. |
(262) |
Il-produtturi tal-Unjoni għamlu diversi investimenti rigward il-modernizzazzjoni u l-awtomatizzazzjoni tal-linji ta' produzzjoni. Ċerti kumpaniji ottimizzaw ukoll il-kapaċità tagħhom billi kabbru l-ispazju tal-imħażen. |
(263) |
Ir-redditu fuq l-investiment huwa l-profitt f'perċentwal tal-valur kontabilistiku nett tal-investimenti. Ir-redditu fuq l-investimenti matul il-perjodu kkunsidrat segwa t-tendenza tal-profittabilità hekk kif żdied b'mod sinifikanti fl-2015 qabel ma naqas b'mod gradwali iżda baqa' f'livell ogħla minn dak tal-2014. |
(264) |
L-investimenti u r-redditu fuq l-investimenti għat-tollers ġew analizzati wkoll. Dawn żviluppaw kif ġej: Tabella 18 L-investimenti u r-redditu fuq l-investimenti tat-tollers
|
(265) |
It-tollers għamlu investimenti regolari matul il-perjodu kkunsidrat. It-tendenza turi żieda ta' 20 % fl-investimenti matul il-perjodu kkunsidrat. |
(266) |
L-investimenti kienu jikkonsistu f'linji ta' produzzjoni ġodda, fl-awtomatizzazzjoni tal-linji eżistenti u fir-ripatrijazzjoni ta' ċerti parts. |
(267) |
Matul il-perjodu kkunsidrat, ir-redditu fuq l-investimenti varja bejn 23 % u 31 % u juri żieda ħafifa ġenerali minn 26 % fl-2014 għal 27 % fil-perjodu ta' investigazzjoni tar-rieżami. |
(268) |
It-titjib ġenerali tal-profittabilità u tal-fluss tal-flus kellu effett pożittiv fuq il-ħila tal-produtturi tal-Unjoni u tat-tollers tagħhom li jiġġeneraw kapital, hekk kif ħafna minnhom ibbażaw fuq ir-riżorsi tagħhom stess sabiex jiffinanzjaw l-attivitajiet u l-investimenti tagħhom. Uħud mill-kumpaniji sfruttaw programmi Ewropej jew Nazzjonali ta' żvilupp filwaqt li oħrajn irrikorrew għal finanzjament mill-banek. |
4.5.3. Konklużjoni
(269) |
L-investigazzjoni wriet li s-sitwazzjoni tal-industrija tal-Unjoni fuq livell makro baqgħet relattivament stabbli matul il-perjodu kkunsidrat, li matulu l-industrija tar-roti tal-Unjoni tinsab għaddejja minn trasformazzjoni minħabba li s-suq tar-roti elettriċi fl-Unjoni qiegħed dejjem ikompli jikber. Filwaqt li l-konsum naqas matul il-perjodu kkunsidrat, il-bejgħ u l-volumi tal-produzzjoni baqgħu stabbli sabiex b'hekk l-industrija tal-Unjoni setgħet iżżid is-sehem mis-suq tagħha. |
(270) |
L-investigazzjoni wriet ukoll li s-sitwazzjoni tal-industrija fuq livell mikro tjiebet matul il-perjodu kkunsidrat minħabba żieda inferjuri fil-kostijiet meta mqabbla mal-prezzijiet, li wasslet għal profittabilità mtejba, u anki minħabba investimenti li bdew irendu. Madankollu, il-profitt miksub baqa' anqas mill-profitt fil-mira stabbilit fl-investigazzjoni oriġinali matul il-perjodu kkunsidrat. Is-sitwazzjoni tat-tollers hija simili. |
(271) |
Fid-dawl ta' dan li ntqal hawn fuq, huwa konkluż li l-industrija tal-Unjoni ma ġarrbitx dannu materjali matul il-perjodu ta' investigazzjoni tar-rieżami fis-sens tal-Artikolu 3 tar-Regolament bażiku. |
(272) |
Madankollu, anki jekk is-sitwazzjoni tal-industrija tal-Unjoni stabbilizzat, din għadha fraġli, kif muri mill-profitt miksub matul il-perjodu kkunsidrat. |
(273) |
Fil-kummenti tagħhom dwar id-divulgazzjoni finali, EBMA iddikjarat li l-Kummissjoni ma qisitx l-aspetti kollha tas-sitwazzjoni tas-suq fl-analiżi tal-prestazzjoni tal-industrija tal-Unjoni, speċjalment fir-rigward tal-importazzjonijiet ta' roti dockless għal bike sharing mir-RPĊ u l-effett tagħhom fuq is-sitwazzjoni tal-industrija tal-Unjoni fil-perjodu bejn l-2016 sal-perjodu ta' investigazzjoni tar-rieżami. EBMA saħqet ukoll li l-analiżi tal-impjiegi u l-produttività fil-premessi minn (243) sa (244) setgħet kienet suxxettibbli għal miżinterpretazzjoni. |
(274) |
Il-Kummissjoni fakkret li l-indikaturi makroekonomiċi fit-Taqsima 4.5 kienu evalwati fil-livell tal-industrija tal-Unjoni kollha kemm hi u għat-tipi ta' prodotti kollha kumplessivament. Ma ngħatat l-ebda evidenza li tistabbilixxi rabta bejn l-importazzjonijiet ta' roti dockless għal bike sharing u d-deterjorazzjoni ta' dawn l-indikaturi li setgħu jiġġustrifikaw analiżi ta' tip ta' prodott speċifiku. Barra minn hekk, l-eżami tax-xejriet rilevanti għall-valutazzjoni tal-probabbiltà ta' kontinwazzjoni jew ta' rikorrenza tad-dannu kien ikopri l-perjodu mill-2014 sal-perjodu ta' investigazzjoni tar-rieżami, li matulu xi wħud mill-indikaturi wrew titjib. Rigward il-livell u x-xejriet tal-importazzjonijiet Ċiniżi, il-Kummissjoni nnotat li kienet diġà analizzat u indikat ir-revitalizzazzjoni tal-interess fil-premessa (213). |
(275) |
Rigward l-impjieg u l-produttività, il-Kummissjoni nnotat li ma hemmx post għall-miżinterpretazzjoni, billi fil-premessi minn (243) sa (244) hija diġà pprovdiet analiżi dettaljata tad-data dwar l-impjiegi, ix-xejra osservata tal-produttività u l-kawżi ta' din ix-xejra. L-għadd totali tal-impjegati għandu mnejn żdied iżda ħafna minnhom kienu qed ikopru r-rilokalizzazzjoni ta' ċerti attivitajiet, bħall-produzzjoni ta' ċerti parts jew l-għoti taż-żebgħa. Għalhekk, il-volum ta' produzzjoni tar-roti ma żdiedx bl-istess rata u l-produttività segwiet xejra 'l isfel. |
(276) |
Għalhekk, iż-żewġ pretensjonijiet ta' EBMA ma ntlaqgħux. |
(277) |
Fil-kummenti tagħha dwar id-divulgazzjoni finali, is-CCCME affermat ukoll li l-industrija tal-Unjoni rkuprat minn dannu preċedenti, li jiġġustifika d-diskontinwazzjoni tal-miżuri. |
(278) |
Il-Kummissjoni tenniet is-sejbiet fil-premessi minn (269) sa (272), fejn ikkonkludiet ukoll li s-sitwazzjoni tal-industrija tal-Unjoni għandha fraġli. Dan jintwera l-aktar fost l-oħrajn, mill-profitt miksub matul il-perjodu kkunsidrat, li baqa' aktar 'l isfel mill-mira tal-profitt li ġiet stabbilita fl-investigazzjoni oriġinali u ma jistax jinbidel fl-investigazzjoni preżenti. |
(279) |
Għalhekk, il-pretensjoni tas-CCCME ma ntlaqgħetx. |
(280) |
Peress li l-industrija tal-Unjoni ma ġarrbitx dannu materjali matul il-perjodu ta' investigazzjoni tar-rieżami, il-Kummissjoni kompliet teżamina, skont l-Artikolu 11(2) tar-Regolament bażiku, jekk id-dannu materjali mill-importazzjonijiet Ċiniżi jkunx probabbli li jerġa jseħħ jekk il-miżuri kontra r-RPĊ jitħallew jiskadu. |
4.6. Probabbiltà ta' rikorrenza tad-dannu
4.6.1. Kumment preliminari
(281) |
Il-Kummissjoni analizzat l-elementi li ġejjin sabiex tistabbilixxi l-probabbiltà ta' rikorrenza tad-dannu jekk il-miżuri jiġu rrevokati: (a) il-livelli tal-prezzijiet probabbli tal-importazzjonijiet mir-RPĊ fin-nuqqas tal-miżuri anti-dumping, (b) l-attraenza tas-suq tal-Unjoni, (c) il-kapaċità tal-produzzjoni u l-kapaċità ta' riżerva fir-RPĊ u (d) l-eżistenza ta' miżuri restrittivi tal-kummerċ f'pajjiżi terzi oħra fuq l-esportazzjonijiet ta' roti mir-RPĊ. |
4.6.2. Il-livelli tal-prezz probabbli tal-importazzjonijiet mir-RPĊ fin-nuqqas ta' miżuri anti-dumping
(282) |
L-investigazzjoni wriet li l-importazzjonijiet mir-RPĊ saru bi prezzijiet oġġett ta' dumping matul il-perjodu ta' investigazzjoni tar-rieżami (premessa (185)) u li kien ikun hemm probabbiltà ta' kontinwazzjoni tad-dumping jekk il-miżuri jitħallew jiskadu (premessa (202)). |
(283) |
Kif spjegat fil-premessi minn (215) sa (218), il-prezzijiet tal-importazzjonijiet Ċiniżi kienu sostanzjalment anqas mill-prezzijiet tal-bejgħ tal-industrija tal-Unjoni minkejja l-miżuri anti-dumping fis-seħħ matul il-perjodu kkunsidrat. Il-prezz medju tal-bejgħ tal-industrija tal-Unjoni fis-suq tal-UE matul il-perjodu ta' investigazzjoni tar-rieżami kien ta' 129 EUR/unità, filwaqt li l-prezz medju tal-importazzjonijiet mir-RPĊ kien kważi n-nofs, ta' 77 EUR/unità. Fuq din il-bażi, ġie konkluż li l-esportazzjonijiet Ċiniżi ta' roti lejn l-UE jsir bi prezzijiet oġġett ta' dumping u dannużi, li jwaqqgħu l-prezz tal-bejgħ tal-industrija tal-Unjoni, jekk il-miżuri jitħallew jiskadu. |
(284) |
Fil-kummenti tagħha dwar id-divulgazzjoni finali, is-CCCME affermat li d-differenza fil-prezzijiet tal-importazzjonijiet Ċiniżi u l-bejgħ tal-industrija tal-Unjoni kienet minħabba d-differenza bejn il-prodotti mqabbla u mhux minħabba l-prezz tal-importazzjoni oġġett ta' dumping u dannuż, u li l-Kummissjoni naqqset milli tqabbel il-prezz abbażi ta' tipi ta' prodotti. Is-CCCME affermat ukoll li anki jekk il-miżuri jiskadu, l-esportaturi Ċiniżi jistgħu jżommu l-livell attwali tal-prezz u ma kinux se jesportaw ir-roti lejn l-Unjoni bi prezzijiet oġġett ta' dumping u dannużi. |
(285) |
Il-Kummissjoni nnotat ukoll li minħabba kooperazzjni baxxa min-naħa tal-esportaturi Ċiniżi, ma kienx possibbli jsir tqabbil tal-prezz ibbażat fuq it-tipi ta' prodotti. Id-dannu kien evalwat għat-tipi kollha ta' prodotti kumplessivament u l-ebda preferenza ma ngħatat lit-tipi ta' livell avvanzat. Dan kien żgurat permezz tal-ikkampjunar tal-produtturi tal-Unjoni, li l-għażla tagħhom ma tat lok għal ebda kummenti. Il-produtturi ntgħażlu abbażi tal-akbar volum rappreżentattiv tal-bejgħ u l-produzzjoni, konsegwentement il-produzzjoni tagħhom kopriet it-tipi kollha ta' prodotti u mhux biss dawk ta' livell avvanzat. Rigward it-tieni pretensjoni, il-Kummissjoni ġibdet l-attenzjoni lejn il-premessa (185) u li d-dumping mill-esportaturi Ċiniżi kien diġà nstab fil-perjodu ta' investigazzjoni tar-rieżami. |
(286) |
Għalhekk, iż-żewġ pretensjonijiet tas-CCCME ma ntlaqgħux. |
4.6.3. L-attraenza tas-suq tal-Unjoni
(287) |
Is-suq tal-Unjoni huwa attraenti fir-rigward tad-daqs u l-prezzijiet tiegħu. Skont l-informazzjoni disponibbli pprovduta mill-applikant (98), is-suq tal-Unjoni huwa l-akbar suq fid-dinja f'termini ta' domanda. |
(288) |
Kif elaborat fil-premessa (193), instab li dan huwa attraenti f'dak li għandu x'jaqsam ma' prezzijiet, billi l-prezzijiet tal-esportazzjoni lejn l-UE bħala medja huma ogħla minn dawk applikabbli għal pajjiżi oħra. |
(289) |
L-istatistika tal-esportazzjoni Ċiniża turi wkoll li l-prezzijiet tal-esportazzjoni Ċiniża lejn is-swieq ewlenin tal-esportazzjoni tagħha; jiġifieri lejn l-Istati Uniti, l-Indoneżja u l-Ġappun, kienu bħala medja anqas (50 EUR/unità) minn dawk lejn l-UE (64 EUR/unità) matul il-perjodu ta' investigazzjoni tar-rieżami. |
(290) |
L-attraenza tas-suq tal-Unjoni hija kkonfermata wkoll mix-xejra fl-importazzjonijiet mir-RPĊ, li, minkejja l-miżuri fis-seħħ, turi żieda sinifikanti matul il-perjodu kkunsidrat (+ 51 %). |
(291) |
Fil-kummenti tagħha dwar id-divulgazzjoni finali, is-CCCME affermat li anki jekk il-miżuri jitħassru, huwa diffiċli għall-esportaturi Ċiniżi li jerġgħu jiksbu l-klijenti tal-Unjoni f'terminu ta' żmien qasir. Barra minn hekk, in-netwerk stabbilit f'pajjiżi oħra, id-domanda li qed tonqos fl-Unjoni u l-kompetizzjoni tal-manifatturi tal-Unjoni rkuprati jaġixxu bħala deterrent għall-esportaturi Ċiniżi. |
(292) |
Il-Kummissjoni fakkret is-sejbiet fil-premessa (212), b'mod partikolari li f'perjodu ta' 27 xahar (mill-2016 sal-perjodu ta' investigazzjoni tar-rieżami), l-importazzjonijiet Ċiniżi żdiedu b'59 %. Barra minn hekk, il-prattiki ta' ċirkomvenzjni msemmija fil-premessi (3) u (4) jinkonfirmaw li l-esportaturi Ċiniżi għandhom interessati ħafna fis-suq tal-Unjoni u jistgħu jidħlu fis-suq pjuttost malajr. |
(293) |
Din il-pretensjoni tas-CCCME ma ntlaqgħetx. |
4.6.4. Il-kapaċità tal-produzzjoni u l-kapaċità żejda fir-RPĊ
(294) |
Kif spjegat fil-premessi minn (187) sa (190), il-kapaċità tal-produzzjoni tar-roti Ċiniżi ġiet stabbilita b'mod konservattiv għal 117-il miljun rota fil-perjodu ta' investigazzjoni tar-rieżami. Għalhekk, fuq il-bażi ta' volum tal-produzzjoni ta' 80 miljun biċċa, il-kapaċità żejda disponibbli kienet ta' 37 miljun rota fil-perjodu ta' investigazzjoni tar-rieżami. Kapaċità bħal din tkun biżżejjed sabiex tkopri l-konsum tas-suq tal-Unjoni għal darbtejn. |
(295) |
Barra minn hekk, kif ikkonfermat mill-Assoċjazzjoni Ċiniża tar-Roti, il-produtturi esportaturi Ċiniżi huma primarjament orjentati lejn l-esportazzjonijiet peress li 75 % mill-produzzjoni tagħhom tiġi esportata ta' kull sena (99). |
(296) |
Fuq din il-bażi, ġie konkluż li l-produtturi esportaturi Ċiniżi kienu orjentati lejn l-esportazzjonijiet u li dawn ikollhom biżżejjed kapaċità żejda disponibbli sabiex iżidu b'mod sostanzjali l-esportazzjonijiet tagħhom lejn l-UE, jekk il-miżuri jitħassru. |
4.6.5. L-eżistenza ta' miżuri restrittivi tal-kummerċ f'pajjiżi terzi oħra fuq l-esportazzjonijiet ta' roti mir-RPĊ
(297) |
Kif imsemmi fil-premessa (196), jeżistu diversi ostakoli għall-kummerċ f'uħud mis-swieq tal-esportazzjoni ewlenin tar-RPĊ għar-roti, bħall-Arġentina u l-Messiku, fejn hemm miżuri anti-dumping fis-seħħ. |
(298) |
Barra minn hekk, kif intqal fil-premessa (197), iż-żieda fid-dazji tal-importazzjoni ad valorem fl-Istati Uniti (25 %) fuq l-importazzjonijiet ta' roti li joriġinaw mir-RPĊ għamlu s-suq tal-Istati Uniti anqas attraenti. |
(299) |
Minbarra l-attraenza tas-suq tal-UE msemmija fil-premessi (287) u (290), il-limitazzjonijiet f'dawn is-swieq tal-esportazzjoni għar-RPĊ huma indikatur ieħor li s-suq tal-Unjoni aktarx li jisfa fil-mira jekk il-miżuri jitħallew jiskadu. |
4.6.6. Analiżi tal-industrija tal-Unjoni u l-probabbiltà ta' rikorrenza tad-dannu
(300) |
L-investigazzjoni wriet li l-importazzjonijiet mir-RPĊ komplew isiru bi prezzijiet oġġett ta' dumping u li m'hemm l-ebda indikazzjoni li t-tali prattiki ta' dumping se jieqfu fil-futur. |
(301) |
Barra minn hekk, jekk il-miżuri jitħassru, jista' jkun raġonevolment mistenni li, bħala konsegwenza tal-attraenza tas-suq tal-Unjoni, il-kapaċità żejda disponibbli fir-RPĊ u l-eżistenza ta' ostakoli kummerċjali fi swieq oħra, ikun hemm żieda sostanzjali fl-importazzjonijiet lejn l-UE li jsiru bi prezzijiet dannużi oġġett ta' dumping li jwaqqgħu l-prezz tal-bejgħ tal-industrija tal-Unjoni. |
(302) |
F'xenarju bħal dan, l-esportazzjonijiet miċ-Ċina lejn l-UE jirbħu sehem mis-suq mingħand l-industrija tal-Unjoni li taffaċċja tnaqqis immedjat fil-volumi tal-bejgħ tagħha u żieda fil-kostijiet fissi għal kull unità tagħha. |
(303) |
Barra minn hekk, fid-dawl tas-sensittività tal-prezzijiet ta' ċerti mezzi ta' distribuzzjoni u tal-livell probabbli tal-prezz tal-importazzjonijiet Ċiniżi, l-industrija tal-Unjoni aktarx li tkun imġiegħla tnaqqas il-prezzijiet tagħha sabiex tiddefendi s-sehem mis-suq tagħha. Iż-żieda fil-kostijiet fissi flimkien ma' tnaqqis fil-prezzijiet tal-bejgħ taffettwa b'mod negattiv immedjat il-profittabilità tal-industrija tal-Unjoni, li baqgħet ferm anqas mill-profitt fil-mira matul il-perjodu kkunsidrat. Konsegwentement, l-industrija tal-Unjoni tibda tagħmel it-telf, is-sitwazzjoni ekonomika ġenerali tal-industrija tal-Unjoni tkun affettwata b'mod negattiv u jerġa' jseħħ dannu materjali. |
(304) |
Fid-dawl tar-rabtiet industrijali tagħhom, is-sitwazzjoni tat-tollers daqstant ieħor tkun affettwata b'mod negattiv bi tnaqqis fil-volum tal-produzzjoni u b'żieda fil-kostijiet fissi. Fit-tul, l-attività tal-industrija tal-Unjoni, b'mod ġenerali, tkun f'riskju li jwassal għall-għeluq ta' diversi siti tal-produzzjoni. |
(305) |
Abbażi ta' dak li ssemma hawn fuq, il-Kummissjoni kkonkludiet li hemm probabbiltà kbira ta' rikorrenza tad-dannu mill-importazzjonijiet li joriġinaw mir-RPĊ f'każ li jitħassru l-miżuri. |
5. L-INTERESS TAL-UNJONI
5.1. Introduzzjoni
(306) |
F'konformità mal-Artikolu 21 tar-Regolament bażiku, ġie eżaminat jekk iż-żamma tal-miżuri anti-dumping eżistenti tmurx kontra l-interess tal-Unjoni b'mod ġenerali. |
(307) |
Ta' min ifakkar li, fl-investigazzjonijiet preċedenti, l-adozzjoni tal-miżuri ma kinitx ikkunsidrata li tmur kontra l-interess tal-Unjoni. |
(308) |
Il-partijiet interessati kollha ngħataw l-opportunità li jesprimu l-fehmiet tagħhom skont l-Artikolu 21(2) tar-Regolament bażiku. |
(309) |
Fuq il-bażi ta' dan il-Kummissjoni eżaminat jekk, minkejja l-konklużjonijiet dwar il-probabbiltà ta' rikorrenza tad-dumping u tad-dannu, kinux jeżistu raġunijiet konvinċenti li jwasslu għall-konklużjoni li ma kienx fl-interess tal-Unjoni li jinżammu l-miżuri eżistenti. |
5.2. L-interess tal-industrija tal-Unjoni
(310) |
L-investigazzjoni wriet li l-industrija tal-Unjoni għadha f'sitwazzjoni fraġili. Jekk il-miżuri jiskadu, is-sitwazzjoni tal-industrija tal-Unjoni malajr tiddeterjora u mill-ġdid tirriżulta f'telf fit-terminu qasir u fl-eliminazzjoni gradwali tal-industrija sħiħa fit-tul. |
(311) |
Kif intqal fil-premessa (14), huwa mfakkar li sehem sinifikanti mill-produzzjoni jiġi sottokuntrattat lil tollers, li għamlu investimenti sinifikanti fil-prodott soġġett għal rieżami matul il-perjodu kkunsidrat. Peress li t-tollers huma dipendenti ħafna mil-livell ta' attività tas-sħab kummerċjali tagħhom, is-sitwazzjoni tagħhom tkun affettwata b'mod negattiv ukoll, jekk il-miżuri jitħassru. |
(312) |
Fuq din il-bażi, ġie konkluż li l-kontinwazzjoni tal-miżuri fuq l-importazzjonijiet mir-RPĊ kienet fl-interess tal-industrija tal-Unjoni peress li tkun tippermettilha tistabbilizza ulterjorment il-pożizzjoni tagħha fis-suq u tissalvagwardja l-impjiegi tagħha. Tkun tippermetti lill-industrija tal-Unjoni tisfrutta wkoll il-benefiċċji mill-investimenti sinifikanti li saru matul il-perjodu kkunsidrat sabiex tiżgura l-iżvilupp tagħha fil-ġejjieni. |
5.3. L-interess tal-produtturi tar-roti elettriċi
(313) |
F'Jannar 2019, il-Kummissjoni, permezz tar-Regolament ta' Implimentazzjoni (UE) 2019/72 (100) u 2019/73 (101), imponiet miżuri kompensatorji u anti-dumping fuq l-importazzjonijiet ta' roti elettriċi li joriġinaw mir-RPĊ. |
(314) |
Kif intqal fil-premessa (206), parti mill-industrija tal-Unjoni hija involuta wkoll fil-produzzjoni ta' roti elettriċi, li għaliha jintużaw, fil-parti l-kbira, l-istess makkinarju, manodopera u linji ta' assemblaġġ li jintużaw għall-prodott soġġett għal rieżami. F'dan ir-rigward, kull tnaqqis fil-produzzjoni u fil-volumi ta' bejgħ ta' roti konvenzjonali wara r-revoka tal-miżuri jkollu effett negattiv ta' tifrix fuq l-attività tar-roti elettriċi fl-Unjoni. Fil-fatt, il-kostijiet fissi jkollhom jiġu assorbiti fuq volum ta' produzzjoni inferjuri, u b'hekk iżidu l-kostijiet u jaffettwaw b'mod negattiv is-sitwazzjoni finanzjarja ta' din l-industrija interkonnessa. |
(315) |
Fil-kummenti tagħha dwar id-divulgazzjoni finali, is-CCCME affermat li r-roti Ċiniżi ma kinux se jinvadu s-suq tal-Unjoni u li l-produzzjoni totali ta' roti u ta' roti elettriċi kien se jiżdied b'mod definittiv. Skont is-CCCME, il-possibbiltà allegata ta' kostijiet fissi li jridu jiġu assorbiti fuq volum ta' produzzjoni aktar baxx, bl-ebda mod ma kienet se sseħħ. |
(316) |
Il-Kummissjoni diġà analizzat hawn fuq fil-premessi (301) u (302) l-evoluzzjoni mistennija tal-importazzjonijiet Ċiniżi fil-każ li l-miżuri jitħallew jiskadu u l-effett negattiv estensiv fuq il-produzzjoni tar-roti. Meta jitqies li l-produzzjoni tar-roti elettriċi hija pjuttost limitata (10 darbiet inqas mill-produzzjoni ta' roti konvenzjonali fl-2016), huwa improbabbli li żieda fil-produzzjoni ta' roti elettriċi tkun tista' tpatti għall-effetti negattivi fuq il-kostijiet fissi kkawżati min-nuqqas fil-produzzjoni ta' roti konvenzjonali. |
(317) |
Għalhekk, il-pretensjoni tas-CCCME ma ntlaqgħetx. |
(318) |
Barra minn hekk, fid-dawl tas-similarità bejn roti konvenzjonali u elettriċi, ir-revoka tal-miżuri fuq il-prodott soġġett għal rieżami tkun tinċentiva d-dikjarazzjoni żbaljata ta' roti elettriċi bħala roti konvenzjonali malli jiġu importati fl-UE, li twassal għal frodi rigward il-miżuri applikabbli għal roti elettriċi. F'ċirkustanzi bħal dawn, l-effettività tal-miżuri anti-dumping u kompensatorji għar-roti elettriċi tkun serjament imxekkla u l-industrija tal-Unjoni ta' roti elettriċi tkun affettwata b'mod negattiv. |
(319) |
Fil-kummenti tagħha dwar id-divulgazzjoni finali, is-CCCME affermat li r-roti konvenzjonali u elettriċi huma prodotti totalment differenti u li l-prezz tar-roti elettriċi huwa normalment ħafna ogħla minn dak tar-roti konvenzjonali. Taħt din iċ-ċirkostanza, huwa faċli għad-Dwana tal-Istati Membri li tiddistingwi bejn iż-żewġ prodotti, u għalhekk ma tantx se jkun hemm possibbiltà ta' dikjarazzjoni falza fir-rigward tad-dwana. |
(320) |
Il-Kummissjoni tinnota li, fil-biċċa l-kbira, ir-roti elettriċi huma simili għar-roti konvenzjonali f'dak li għandu x'jaqsam ma' komponenti u prezzijiet. Id-differenza ewlenija hija l-magna u l-batterija, li jistgħu jiġu integrati fi stadju aktar tard. Għalhekk, dikjarazzjoni doganali falza ma tistax tiġi eskluża. Il-fatt li teżisti storja twila f'dan is-settur biex jiġu evitati d-dazji anti-dumping, kif imsemmi fil-premessi (1), (3) u (4), ikompli jikkonferma din il-konklużjoni. |
(321) |
Għalhekk, il-Kummissjoni ma laqgħetx il-pretensjoni msemmija hawn fuq. |
(322) |
Konsegwentement, ġie konkluż li ż-żamma tal-miżuri fis-seħħ għall-prodott soġġett għal rieżami tkun anki fl-interess tal-produtturi ta' roti elettriċi. |
5.4. Interess tal-produtturi fil-parts tar-roti
(323) |
Skont riċerka riċenti (102) mwettqa b'mod konġunt mill-EBMA u mis-CONEBI, fl-2018 aktar minn 400 kumpanija kienu qed jimmanifatturaw parts tar-roti u komponenti għal roti konvenzjonali kif ukoll elettriċi f'20 Stat Membru differenti. B'kollox, dawn il-kumpaniji kienu qed iħaddmu aktar minn 22 000 ruħ. |
(324) |
Ta' min ifakkar li, kif spjegat fil-premessa (1), il-miżuri anti-dumping ġew estiżi għal importazzjonijiet ta' ċerti parts tar-roti li joriġinaw mir-RPĊ wara investigazzjoni kontra ċ-ċirkomvenzjoni. Wara t-tali investigazzjoni, ġiet introdotta skema ta' eżenzjoni sabiex titħeġġeġ il-produzzjoni lokali ta' parts tar-roti bir-restrizzjoni tal-kontenut Ċiniż ta' parts tar-roti użati għal inqas minn 60 % mill-valur totali. Konsegwentement, il-manifatturi tar-roti għandhom inċentiv sabiex jixtru l-parts tagħhom barra mir-RPĊ u jixtruhom lokalment sa livell sinifikanti, li jiżgura wkoll żmien qasir tal-konsenja u jnaqqas il-livell tal-istokkijiet tagħhom. Konsegwentement, il-produtturi tal-parts tar-roti jibbenefikaw ukoll mill-estensjoni tal-miżuri eżistenti għal parts essenzjali tar-roti. |
(325) |
Barra minn hekk, matul il-perjodu kkunsidrat, il-fornituri tal-parts wettqu sforzi sinifikanti fir-“ripatrijazzjoni” tal-produzzjoni ta' parts u ta' komponenti lura lejn l-UE billi għamlu investimenti sinifikanti fir-riċerka u l-iżvilupp u fil-makkinarju. Fid-dawl tal-ispeċifiċità tat-tali investimenti u tar-relazzjoni dejjiema bejn iż-żewġ industriji, is-sostenibbiltà tal-industrija tal-parts tar-roti hija marbuta mill-qrib mal-eżistenza ta' industrija tar-roti tal-Unjoni vijabbli. Kwalunkwe tnaqqis fil-produzzjoni u fil-volum tal-bejgħ għall-industrija tar-roti tal-Unjoni jkollu effett detrimentali fuq l-industrija tal-parts tar-roti. |
(326) |
Fil-kummenti tagħha dwar id-divulgazzjoi finali, is-CCCME affermat li jekk il-miżuri jitħallew jiskadu, ma jkunx hemm konsegwenzi negattivi għall-produtturi tal-parts tar-roti, billi l-produzzjoni u l-volum tal-bejgħ għall-industrija tar-roti tal-Unjoni mhux se tonqos. Barra minn hekk, il-parts se jintużaw fil-produzzjoni ta' roti elettriċi, li se tiżdied. |
(327) |
Il-Kummissjoni tenniet l-argumenti msemmija fil-premessa (316). It-tħassir tal-miżuri x'aktarx tikkawża effet negattiv estensiv fuq il-produzzjoni tar-roti li ma tistax tiġi kkompensata b'żieda fil-produzzjoni ta' roti elettriċi. L-industrija tal-parts tar-roti hija marbuta mill-qrib mal-produzzjoni tar-roti elettriċi, u għalhekk tkun affettwata minnufih. |
(328) |
Għalhekk din it-talba ma ntlaqgħetx. |
(329) |
Fuq din il-bażi, ġie stabbilit li, jekk il-miżuri jiġu rrevokati, l-industrija tal-parts tar-roti fl-UE tbati konsegwenzi negattivi hija wkoll. Għaldaqstant ġie konkluż li l-impożizzjoni ta' miżuri anti-dumping tkun fl-interess tal-industrija tal-parts tar-roti. |
5.5. Interess ta' importaturi mhux relatati
(330) |
Kif intqal fil-premessa (15) u (16), il-Kummissjoni stiednet lill-importaturi mhux relatati kollha sabiex jieħdu sehem fl-investigazzjoni u kkuntattjat direttament lil 75 importatur. Bħal fl-aħħar investigazzjoni tar-rieżami, l-ebda minnhom ma daħal f'kuntatt jew ikkoopera b'xi mod fl-investigazzjoni. |
(331) |
Ta' min ifakkar li l-għan tal-miżuri anti-dumping mhuwiex li jipprevjenu l-importazzjonijiet, iżda li jġibu lura kummerċ ġust u jiżguraw li l-importazzjonijiet ma jsirux bi prezzijiet oġġett ta' dumping u dannużi. |
(332) |
L-investigazzjoni sabet li volum sinifikanti ta' importazzjonijiet, li jirrappreżenta sehem mis-suq ta' aktar minn 17 % fil-perjodu ta' investigazzjoni tar-rieżami, kien ġej minn pajjiżi li ma kinux soġġetti għal miżuri anti-dumping. Barra minn hekk, kif intqal fil-premessa (227), ħafna mill-importazzjonijiet minn pajjiżi oħra soġġetti għall-miżuri, li jirrappreżentaw sehem mis-suq ta' aktar minn 15 % fil-perjodu ta' investigazzjoni tar-rieżami, kienu ġejjin mingħand produtturi ġenwini li kienu eżentati mill-estensjonijiet tal-miżuri. Bħala konsegwenza, bl-importazzjonijiet mhux soġġetti għal miżuri li kienu jirrappreżentaw aktar minn 32 % mis-sehem mis-suq fil-perjodu ta' investigazzjoni tar-rieżami, tqies li l-importaturi xorta waħda setgħu jġibu roti minn firxa wiesgħa ta' pajjiżi. |
(333) |
Fuq il-bażi ta' dan ta' hawn fuq, ġie konkluż li l-miżuri fis-seħħ bħalissa ma kellhom l-ebda effett negattiv sinifikanti fuq is-sitwazzjoni finanzjarja tal-importaturi u li l-kontinwazzjoni tal-miżuri ma tkunx taffettwahom indebitament. |
5.6. L-interess tal-utenti
(334) |
L-ewwel ta' min ifakkar li, fl-investigazzjonijiet preċedenti, instab li l-impatt tal-miżuri ma jkunx sinifikanti għall-utenti/konsumaturi. |
(335) |
Il-Federazzjoni Ewropea taċ-Ċiklisti (l-“ECF”), li tirrappreżenta assoċjazzjonijiet u federazzjonijiet ta' ċiklisti, u Cykelfrämjandet, l-organizzazzjoni għaċ-ċiklisti fl-Iżvezja, it-tnejn esprimew l-appoġġ tagħhom għaż-żamma tal-miżuri. Dawn iddikjaraw li ċ-ċiklisti jibbenefikaw mill-provvista ta' prodotti bi standards għoljin tal-kwalità u tas-sikurezza, filwaqt li roti rħas ħafna ma jkunux jissodisfaw l-istandards tas-sikurezza u jiskoraġġixxu l-użu tar-roti għaliex għandhom rikba skomda, mhumiex affidabbli u huma neqsin mill-aċċessorji meħtieġa għall-użu ta' kuljum. Dawn semmew ukoll il-prijoritizzazzjoni fost il-konsumaturi għall-kwalità fuq il-prezz u li r-roti bi prezz u kwalità baxxi jxekklu l-esperjenza u s-sikurezza taċ-ċiklisti. |
(336) |
L-impatt tad-dazji anti-dumping fuq il-prezz għall-konsumatur kien stmat li mhuwiex sinifikanti peress li ċerti produtturi Ċiniżi jgawdu minn dazju żero filwaqt li jeżistu sorsi oħra tal-provvista u dawn huma preżenti fis-suq tal-UE. Barra minn hekk, il-maġġoranza tal-produtturi tar-roti joperaw taħt l-iskema ta' eżenzjonijiet li skont din, il-parts essenzjali tar-roti jistgħu jiġu importati mir-RPĊ mingħajr ebda dazju sa 60 % tal-valur totali tal-parts użati. Filwaqt li jiżgura kundizzjonijiet ekwi u ġusti, dan isaħħaħ il-kompetizzjoni fis-suq bejn ir-roti mmanifatturati fl-UE u r-roti importati. |
(337) |
Fil-kummenti tagħha dwar id-divulgazzjoni finali, is-CCCME affermat li l-kost tax-xiri ta' roti għall-konsumaturi tal-Unjoni żdied u li l-persuni b'introjtu baxx ma jistgħux jixtru rota minħabba l-miżuri anti-dumping. Is-CCCME żiedet li n-natura tal-miżuri anti-dumping hija li tipproteġi l-interessi ta' minoranza ta' produtturi ta' roti ta' livell avvanzat, għad-detriment tal-ambjent u s-saħħa pubblika. |
(338) |
Il-Kummissjoni nnotat li l-kontinwazzjoni tal-miżuri żiedet id-diversità tal-fornituri u sussegwentement id-diversità tal-prezzijiet. Kif ippreżentat fit-Tabelli 6 u 7 fil-premessi (223) u (228), il-prezzijiet ta' importazzjoni medji minn pajjiżi oħra ta' sikwit kienu aktar baxxi mill-prezzijiet tal-importazzjoni mir-RPĊ. Għaldaqstant, il-konsumaturi tal-Unjoni ma ntlaqtux ħażin mill-miżuri. |
(339) |
Rigward it-tieni pretensjoni tas-CCCME, il-Kummissjoni tenniet it-tweġiba tagħha fil-premezza (268) u rreferiet għat-Tabella 12 fil-premessa (250) li fiha l-prezz ta' bejgħ medju fl-Unjoni kien ivarja minn 118 sa 129 EUR/biċċa u għalhekk ma setax jitqies bħala prezz indikattiv ta' rota ta' livell avvanzat. |
(340) |
Iż-żewġ pretensjonijiet ma ntlaqgħux. |
(341) |
Fuq il-bażi ta' dan ta' hawn fuq, ġie konkluż li l-miżuri fis-seħħ bħalissa ma kellhom l-ebda effett negattiv fuq is-sitwazzjoni tal-utenti u li l-kontinwazzjoni tal-miżuri ma tkunx taffettwahom indebitament. |
5.7. L-interess ta' partijiet oħrajn
(342) |
L-industrija tar-roti tal-Unjoni tikkonsisti f'madwar 400 kumpanija, primarjament SMEs, u kienet timpjega b'mod dirett lil aktar minn 20 000 ruħ fis-suq tal-Unjoni matul il-perjodu ta' investigazzjoni tar-rieżami. It-Trade Union Ewropea IndustriAll, federazzjoni ta' trade unions indipendenti li jirrappreżentaw lil ħaddiema manwali u mhux manwali f'diversi setturi, esprimiet l-appoġġ tagħha għall-kontinwazzjoni tal-miżuri. Hija ddikjarat li l-miżuri jkunu qed isaħħu t-tkabbir ta' din l-industrija li, fis-sħuħija tagħha, hija mistennija li tkun qed timpjega 200 000 ruħ sa ħames (5) snin oħra. Din iddikjarat ukoll li l-miżuri jkunu jippermettu lill-industrija tindirizza l-isfidi strateġiċi tat-trasformazzjoni tar-roti f'roti intelliġenti jew tal-organizzazzjoni ta' ekonomija ċirkolari għar-roti (riċiklaġġ, użu mill-ġdid, manifattura mill-ġdid). |
(343) |
AEGIS Europe, li tiġbor fiha 25 assoċjazzjoni Ewropea tal-industriji, esprimiet ukoll l-appoġġ tagħha għall-miżuri filwaqt li ddikjarat li dawn jiżguraw kundizzjonijiet ekwi u jindirizzaw distorsjonijiet tas-suq maħluqa fix-xena kummerċjali internazzjonali minn mudell ekonomiku mmexxi mill-istati u li jtellef il-kummerċ. |
5.8. Konklużjoni
(344) |
Fuq il-bażi tal-informazzjoni disponibbli rigward l-interess tal-Unjoni, il-Kummissjoni kkonkludiet li ma hemmx raġunijiet konvinċenti kontra ż-żamma tal-miżuri anti-dumping definittivi fuq l-importazzjonijiet ta' roti li joriġinaw mir-RPĊ. |
6. MIŻURI ANTI-DUMPING
(345) |
Il-partijiet kollha interessati kienu infurmati bil-fatti u bil-kunsiderazzjonijiet essenzjali li fuq il-bażi tagħhom kien maħsub li jinżammu fis-seħħ il-miżuri anti-dumping applikabbli għal importazzjonijiet ta' roti li joriġinaw mir-RPĊ. Huma ngħataw ukoll perjodu li matulu setgħu jressqu kummenti wara din id-divulgazzjoni. Is-sottomissjonijiet u l-kummenti ngħataw il-kunsiderazzjoni dovuta. |
(346) |
Mill-kunsiderazzjonijiet ta' hawn fuq jirriżulta li, skont l-Artikolu 11(2) tar-Regolament bażiku, il-miżuri anti-dumping applikabbli għall-importazzjonijiet ta' roti li joriġinaw mir-RPĊ imposti bir-Regolament tal-Kunsill (UE) Nru 502/2013, kif emendat bir-Regolament ta' Implimentazzjoni (UE) 2018/49, u bl-estensjonijiet tiegħu kif previsti fir-Regolament ta' Implimentazzjoni (UE) Nru 501/2013 u fir-Regolament ta' Implimentazzjoni (UE) 2015/776, jenħtieġ li jinżammu. |
(347) |
Kull dikjarazzjoni li titlob l-applikazzjoni ta' dawn ir-rati ta' dazju anti-dumping individwali (eż. wara bidla fl-isem tal-entità jew wara t-twaqqif ta' entitajiet ġodda tal-produzzjoni jew tal-bejgħ) jenħtieġ li tiġi indirizzata lill-Kummissjoni (103) flimkien mal-informazzjoni rilevanti kollha, b'mod partikolari kull bidla fl-attivitajiet tal-kumpanija b'rabta mal-produzzjoni, mal-bejgħ domestiku u tal-esportazzjoni assoċjat, pereżempju, ma' dik il-bidla fl-isem jew dik il-bidla fl-entitajiet tal-produzzjoni jew tal-bejgħ. Jekk ikun xieraq, ir-Regolament għandu jiġi emendat kif xieraq billi tiġi aġġornata l-lista ta' kumpaniji li jibbenifikaw minn rati tad-dazju individwali. |
(348) |
Fid-dawl tal-Artikolu 109 tar-Regolament 2018/1046 (104), meta ammont jiġi rimborżat wara sentenza tal-Qorti tal-Ġustizzja tal-Unjoni Ewropea, l-imgħax li jrid jitħallas jenħtieġ li jkun ir-rata applikata mill-Bank Ċentrali Ewropew għall-operazzjonijiet ta' rifinanzjament ewlenin tiegħu, kif ippubblikata fis-serje C ta' Il-Ġurnal Uffiċjali tal-Unjoni Ewropea, fl-ewwel jum kalendarju ta' kull xahar. |
(349) |
Il-miżuri previsti f'dan ir-Regolament huma skont l-opinjoni tal-Kumitat stabbilit bl-Artikolu 15(1) tar-Regolament bażiku, |
ADOTTAT DAN IR-REGOLAMENT:
Artikolu 1
1. B'dan qed jiġi impost dazju anti-dumping definittiv fuq l-importazzjonijiet ta' roti u ta' ċikletti oħra (inklużi triċikli għall-ġarr tal-prodotti, iżda esklużi l-uniċikli), mhux motorizzati, li jaqgħu taħt il-kodiċijiet NM 8712 00 30 u ex 8712 00 70 (kodiċijiet TARIC 8712007091, 8712007092 u 8712007099), li joriġinaw mir-Repubblika tal-Poplu taċ-Ċina.
2. Ir-rata tad-dazju anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, tal-prodott deskritt fil-paragrafu 1 u manifatturat mill-kumpaniji elenkati hawn taħt, għandha tkun din li ġejja:
Kumpanija |
Dazju definittiv |
Kodiċi addizzjonali TARIC |
Zhejiang Baoguilai Vehicle Co. Ltd |
19,2 % |
B772 |
Oyama Bicycles (Taicang) Co. Ltd. |
0 % |
B773 |
Ideal (Dongguan) Bike Co., Ltd. |
0 % |
B774 |
Il-kumpaniji l-oħrajn kollha (minbarra Giant (China) Co. Ltd - kodiċi addizzjonali TARIC C329 ) |
48,5 % |
B999 |
3. Id-dazju anti-dumping definittiv applikabbli għall-importazzjonijiet li joriġinaw mir-Repubblika tal-Poplu taċ-Ċina, kif stipulat fil-paragrafu 2, b'dan huwa estiż ukoll għall-importazzjonijiet tal-istess roti u ta' ċikletti oħra kkunsinjati mill-Indoneżja, mill-Malasja, mis-Sri Lanka (105) u mit-Tuneżija, kemm jekk iddikjarati bħala li joriġinaw mill-Indoneżja, mill-Malasja, mis-Sri Lanka u mit-Tuneżija kif ukoll jekk le, li bħalissa jaqgħu taħt il-kodiċijiet NM ex 8712 00 30 u ex 8712 00 70 (kodiċijiet TARIC 8712003010 u 8712007091) bl-eċċezzjoni ta' dawk immanifatturati mill-kumpaniji elenkati hawn taħt:
Pajjiż |
Kumpanija |
Kodiċi addizzjonali TARIC |
L-Indoneżja |
P.T. Insera Sena, 393 Jawa Street, Buduran, Sidoarjo 61252, l-Indoneżja |
B765 |
|
PT Wijaya Indonesia Makmur Bicycle Industries (Wim Cycle), Raya Bambe KM. 20, Driyorejo, Gresik 61177, Jawa Timur, l-Indoneżja |
B766 |
|
P.T. Terang Dunia Internusa, (United Bike), Jl. Anggrek Neli Murni 114 Slipi, 11480, Jakarta Barat, l-Indoneżja |
B767 |
Is-Sri Lanka |
Asiabike Industrial Limited, No 114, Galle Road, Henamulla, Panadura, is-Sri Lanka |
B768 |
|
84, Campbell Place, Colombo-10, is-Sri Lanka |
B769 |
|
Samson Bikes (Pvt) Ltd, No 110, Kumaran Rathnam Road, Colombo 02, is-Sri Lanka |
B770 |
It-Tuneżija |
Euro Cycles SA, Zone Industrielle Kelaa Kebira, 4060, Sousse, it-Tuneżija |
B771 |
|
Look Design System Route de Tunis Km6 — BP 18, 8020 Soliman, it-Tuneżija |
C206 |
4. Id-dazju anti-dumping definittiv applikabbli għall-importazzjonijiet li joriġinaw mir-Repubblika tal-Poplu taċ-Ċina, kif stipulat fil-paragrafu 2, b'dan huwa estiż ukoll għall-importazzjonijiet tal-istess roti u ċikletti oħra kkunsinjati mill-Kambodja, mill-Pakistan u mill-Filippini, kemm jekk iddikjarati bħala li joriġinaw mill-Kambodja, mill-Pakistan u mill-Filippini kif ukoll jekk le, li bħalissa jaqgħu fil-kodiċijiet NM ex 8712 00 30 u ex 8712 00 70 (kodiċijiet TARIC 8712003020 u 8712007092) bl-eċċezzjoni ta' dawk immanifatturati mill-kumpaniji elenkati hawn taħt:
Pajjiż |
Kumpanija |
Kodiċi addizzjonali TARIC |
Il-Kambodja |
A and J (il-Kambodja) Co., Ltd., iż-Żona Ekonomika Speċjali Tai Seng Bavet, Sangkar Bavet, Krong Baver, Ket Svay Rieng, il-Kambodja |
C035 |
|
Smart Tech (il-Kambodja) Co., Ltd, iż-Żona Ekonomika Speċjali Tai Seng Bavet, National Road No 1, Bavet City, Svay Rieng, il-Kambodja |
C036 |
|
Speedtech Industrial Co. Ltd, iż-Żona Ekonomika Speċjali Manhattan (Svay Rieng), National Road No 1, Sangkat Bavet, Krong Bavet, il-Provinċja ta' Svay Rieng, il-Kambodja |
C037 |
|
Bestway Industrial Co., Ltd., iż-Żona Ekonomika Speċjali Manhattan (Svay Rieng), National Road No. 1, Sangkat Bavet, Krong Bavet, il-Provinċja ta' Svay Rieng, il-Kambodja |
C037 |
Il-Filippini |
Procycle Industrial Inc., Hong Chang Compound, Brgy. Lantic, Carmona, Cavite, il-Filippini |
C038 |
5. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali
6. L-applikazzjoni tar-rati individwali tad-dazju anti-dumping jew tal-eżenzjonijiet speċifikati gћall-kumpaniji elenkati fil-paragrafi 2, 3 u 4 għandha sseћћ bil-kundizzjoni li tkun ippreżentata fattura kummerċjali valida lill-awtoritajiet doganali tal-Istati Membri, li fuqha għandha tidher dikjarazzjoni ddatata u ffirmata minn uffiċjal tal-entità li toħroġ din il-fattura, identifikat b'ismu u bil-kariga tiegħu, abbozzata kif ġej:
“Jien, is-sottoskritt, niċċertifika li l-(volum) tar-roti mibjugħa għall-esportazzjoni lejn l-Unjoni Ewropea koperti minn din il-fattura ġew immanifatturati minn (isem il-kumpanija u l-indirizz) (kodiċi addizzjonali TARIC) fi [pajjiż ikkonċernat]. Jiena niddikjara li t-tagħrif mogħti f'din il-fattura huwa sħiħ u korrett.”
Jekk din il-fattura ma tiġix ippreżentata, għandha tapplika r-rata ta' dazju applikabbli għall-“kumpaniji l-oħrajn kollha”.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f' Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Awwissu 2019.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Ir-Regolament tal-Kunsill (KEE) Nru 2474/93 tat-8 ta' Settembru 1993 li jimponi dazju definittiv anti-dumping lejn il-Komunità ta' biċikletti li joriġinaw fir-Repubblika Popolari taċ-Ċina u jiġbor definittivament id-dazju proviżorju anti-dumping (ĠU L 228, 9.9.1993, p. 1).
(3) Ir-Regolament tal-Kunsill (KE) Nru 71/97 tal-10 ta' Jannar 1997, li jestendi d-dazju definittiv anti-dumping impost bir-Regolament (KEE) Nru 2474/93 fuq roti li joriġinaw mir-Repubblika tal-Poplu taċ-Ċina għal importazzjoni ta' ċerti parts tar-roti mir-Repubblika tal-Poplu taċ-Ċina, u l-impożizzjoni ta' dazju estiż fuq dawn l-importazzjonijiet rreġistrati skont ir-Regolament (KE) Nru 703/96 (ĠU L 16, 18.1.1997, p. 55).
(4) Ir-Regolament tal-Kummissjoni (KE) Nru 88/97 tal-20 ta' Jannar 1997 dwar l-awtorizzazzjoni għall-eżenzjoni tal-importazzjoni ta' wħud mill-parts tar-rota li joriġinaw mir-Repubblika Popolari taċ-Ċina mill-estensjoni permezz tar-Regolament (KE) Nru 71/97 tal-Kunsill, tad-dazju anti-dumping impost mir-Regolament (KEE) Nru 2474/93 tal-Kunsill (ĠU L 17, 21.1.1997, p. 17).
(5) Ir-Regolament tal-Kunsill (UE) Nru 502/2013 tad-29 ta' Mejju 2013 li jemenda r-Regolament ta' Implimentazzjoni tal-Kunsill (UE) Nru 990/2011 li jimponi dazju anti-dumping definittiv fuq importazzjonijiet ta' roti li joriġinaw mir-Repubblika Popolari taċ-Ċina wara rieżami interim skont l-Artikolu 11(3) tar-Regolament (KE) Nru 1225/2009 (ĠU L 153, 5.6.2013, p. 17).
(6) Ir-Regolament ta' Implimentazzjoni tal-Kunsill (UE) Nru 501/2013 tad-29 ta' Mejju 2013 li jestendi d-dazju anti-dumping definittiv impost mir-Regolament ta' Implimentazzjoni (UE) Nru 990/2011 fuq importazzjonijiet ta' biċikletti li joriġinaw mir-Repubblika Popolari taċ-Ċina għal importazzjonijiet ta' biċikletti kkunsinjati mill-Indoneżja, mill-Malasja, mis-Sri Lanka u mit-Tuneżija, kemm jekk iddikjarati bħala li joriġinaw fl-Indoneżja, il-Malasja, is-Sri Lanka u t-Tuneżija kif ukoll jekk le (ĠU L 153, 5.6.2013, p. 1).
(7) Ir-Regolament ta' Implimentazzjoni tal-Kummissjoni (UE) 2015/776 tat-18 ta' Mejju 2015 li jestendi d-dazju anti-dumping definittiv impost mir-Regolament tal-Kunsill (UE) Nru 502/2013 fuq importazzjonijiet ta' roti li joriġinaw mir-Repubblika tal-Poplu taċ-Ċina għal fuq importazzjonijiet ta' roti kkunsinjati mill-Kambodja, mill-Pakistan u mill-Filippini, kemm jekk iddikjarati li joriġinaw mill-Kambodja, mill-Pakistan u mill-Filippini kif ukoll jekk le (ĠU L 122, 19.5.2015, p. 4).
(8) Is-sentenza tal-Qorti tal-Ġustizzja tal-Unjoni Ewropea tal-14 ta' Diċembru 2017 fil-Kawża C-61/16 P, EBMA v Giant (iċ-Ċina), ECLI:EU:C:2017:968.
(9) Ir-Regolament ta' Implimentazzjoni tal-Kummissjoni (UE) 2018/49 tal-11 ta' Jannar 2018 li jemenda r-Regolament ta' Implimentazzjoni tal-Kunsill (UE) Nru 501/2013 li jestendi d-dazju anti-dumping definittiv impost mir-Regolament ta' Implimentazzjoni (UE) Nru 990/2011 fuq importazzjonijiet ta' biċikletti li joriġinaw mir-Repubblika Popolari taċ-Ċina għal importazzjonijiet ta' biċikletti kkunsinjati, fost l-oħrajn, mit-Tuneżija, kemm jekk iddikjarati bħala li joriġinaw, fost l-oħrajn, mit-Tuneżija kif ukoll jekk le, wara rieżami ta' “esportatur ġdid” skont l-Artikolu 11(4) u 13(4) tar-Regolament (UE) 2016/1036 tal-Parlament Ewropew u tal-Kunsill (ĠU L 7, 12.1.2018, p. 31).
(10) ĠU C 294, 5.9.2017, p. 3.
(11) ĠU C 189, 4.6.2018, p. 18.
(12) Id-Dokument ta' Ħidma tal-Persunal tal-Kummissjoni dwar Distorsjonijiet Sinifikanti fl-Ekonomija tar-Repubblika tal-Poplu taċ-Ċina għall-Finijiet tal-Investigazzjonijiet għad-Difiża tal-Kummerċ, l-20 ta' Diċembru 2017, SWD (2017) 483 final/2.
(13) Ir-Rapport – Kapitolu 2, p. 6-7.
(14) Ir-Rapport – Kapitolu 2, p. 10.
(15) http://en.pkulaw.cn/display.aspx?cgid=311950&lib=law.
(16) Ir-Rapport – Kapitolu 2, p. 20-21.
(17) Ir-Rapport – Kapitolu 3, p. 41, 73-74.
(18) Ir-Rapport – Kapitolu 6, p. 120-121.
(19) Ir-Rapport – Kapitolu 6, p. 122 -135.
(20) Ir-Rapport – Kapitolu 7, p. 167-168.
(21) Ir-Rapport – Kapitolu 8, p. 169-170, 200-201.
(22) Ir-Rapport – Kapitolu 2, p. 15-16, Ir-Rapport – Kapitolu 4, p. 50, p. 84, Ir-Rapport – Kapitolu 5, p. 108-9.
(23) Sit web tas-CBA: http://www.china-bicycle.com/information/?cid=11 (aċċessat fis-26 ta' Marzu 2019).
(24) Ara l-Istatut ta' Assoċjazzjoni tas-CBA: http://www.china-bicycle.com/information/?cid=33 (aċċessat fis-27 ta' Marzu 2019).
(25) Ara l-premessi (136)-(138) tar-Regolament ta' Implimentazzjoni tal-Kummissjoni (UE) 2019/72 tas-17 ta' Jannar 2019 li jimponi dazji kompensatorji definittivi fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina.
(26) Ir-Rapport – Kapitolu 5, p. 100-1.
(27) Ir-Rapport – Kapitolu 2, p. 26.
(28) Ir-Rapport – Kapitolu 2, p. 31-2.
(29) Ara https://www.reuters.com/article/us-china-congress-companies-idUSKCN1B40JU.
(30) http://money.finance.sina.com.cn/corp/view/vCI_CorpManagerInfo.php?stockid=600679&Name=%D6%DC%CE%C0%D6%D0
(31) http://www.600818.cn/about.asp?id=5 and http://money.finance.sina.com.cn/corp/view/vCI_CorpManagerInfo.php?stockid=600818&Name=%B9%CB%BE%F5%D0%C2.
(32) Ir-Rapport – minn Kapitolu 14.1 sa 14.3.
(33) Ir-Rapport – Kapitolu 4, p. 41-42, 83.
(34) Ara r-Rapport fil-Kapitolu 14 dwar l-azzar, fil-Kapitolu 15 dwar l-aluminju, fil-Kapitolu 16 dwar is-settur kimiku (li jkopri b'mod parzjali l-lasktu) u fil-Kapitolu 12 dwar il-materja prima (sabiex tiġi pprovduta informazzjoni addizzjonali dwar il-lasktu).
(35) It-test sħiħ tal-pjan huwa disponibbli fuq is-sit web ta' MIIT: http://www.miit.gov.cn/n1146295/n1652858/n1652930/n3757016/c5353943/content.html.
(36) L-Introduzzjoni għall-Pjan għall-Aġġustament u ta' Ammeljorament tal-Industrija tal-Azzar.
(37) It-13-il Pjan fuq Ħames Snin dwar l-Iżvilupp Ekonomiku u Soċjali tar-Repubblika tal-Poplu taċ-Ċina (2016-2020), http://en.ndrc.gov.cn/newsrelease/201612/P020161207645765233498.pdf.
(38) Ir-Rapport – Kapitolu 14, p. 349.
(39) Ir-Rapport – Kapitolu 14, p. 352.
(40) Il-Katalogu għall-Iggwidar tar-Ristrutturar tal-Industrija (Verżjoni tal-2011) (Emenda tal-2013) maħruġ bl-Ordni Nru 9 tal-Kummissjoni Nazzjonali għall-Iżvilupp u għar-Riforma fis-27 ta' Marzu 2011, u emendat skont id-Deċiżjoni tal-Kummissjoni Nazzjonali għall-Iżvilupp u għar-Riforma dwar l-Emendar tal-Klawżoli Rilevanti tal-Katalogu għall-Iggwidar tar-Ristrutturar tal-Industrija (Verżjoni tal-2011) maħruġa bl-Ordni Nru 21 tal-Kummissjoni Nazzjonali għall-Iżvilupp u għar-Riforma fis-16 ta' Frar 2013.
(41) Ara l-Premessa (56) tar-Regolament ta' Implimentazzjoni tal-Kummissjoni (UE) 2017/969 tat-8 ta' Ġunju 2017 li jimponi dazji kumpensatorji definittivi fuq importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mir-Repubblika tal-Poplu taċ-Ċina u li jemenda r-Regolament ta' Implimentazzjoni tal-Kummissjoni (UE) 2017/649 li jimponi dazju anti-dumping definittiv fuq importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mir-Repubblika tal-Poplu taċ-Ċina, ĠU [2017] L 146/17.
(42) Il-Kummissjoni Awstraljana Anti-Dumping, Aluminium Extrusions from China, (Estrużjonijiet tal-Aluminju miċ-Ċina), REP 248, p. 79 (it-13 ta' Lulju 2015).
(43) Taube, M. (2017). Analysis of Market Distortions in the Chinese Non-Ferrous Metals Industry (Analiżi tad-Distorsjonijiet tas-Suq fl-Industrija Ċiniża tal-Metalli Mhux Ferrużi), Think!Desk, l-24 ta' April 2017, p. 51.
(44) Ara pereżempju r-rapport li jikkonċerna n-nuqqas tal-gvern provinċjali ta' Shandong li jrażżan l-espansjoni tal-kapaċità tal-aluminju: https://mp.weixin.qq.com/s?__biz=MzI2OTUyMzA0Nw==&mid=2247494318&idx=1&sn=9690ca50845c19f38eafff659516817a&chksm=eaddaba6ddaa22b071a5e2588aa787ed6f6a1a964ccae55c4d85c6f7ccbfcb5cedd3cdceac9d&scene=0&pass_ticket=JFplYZoDqNTFmOPYUGJbMwF0XlC1N3hAJ3EYPpsKx6rkt4fSeZ4TwIvB5BffX4du#rd (ikkonsultat fit-22 ta' Frar 2019).
(45) Ir-Rapport – Kapitolu 15, p. 387-388.
(46) Ir-Rapport – Kapitolu 12, p. 275 – 282.
(47) Ir-Rapport – Kapitolu 15, p. 378-382, 390.
(48) Ir-Rapport – Kapitolu 15, p. 386.
(49) Ir-Rapport – Kapitolu 15, pp. 377 - 387.
(50) Ir-Rapport – Kapitolu 6, p. 138-149.
(51) Ir-Rapport – Kapitolu 9, p. 216.
(52) Ir-Rapport – Kapitolu 9, p. 213-215.
(53) Ir-Rapport – Kapitolu 9, p. 209-211.
(54) Ara l-premessi 503-515 tar-Regolament ta' Implimentazzjoni tal-Kummissjoni (UE) 2019/72 tas-17 ta' Jannar 2019 li jimponi dazji kompensatorji definittivi fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina (ĠU L 16, 18.1.2019, p. 5) (C/2019/43).
(55) Ara l-premessi 478-493 tar-Regolament ta' Implimentazzjoni tal-Kummissjoni (UE) 2018/1690 tad-9 ta' Novembru 2018 li jimponi dazji kumpensatorji definittivi fuq l-importazzjonijiet ta' ċerti tajers pnewmatiċi ġodda jew b'wiċċ ġdid, ta' tip użat għall-karozzi tal-linja jew għat-trakkijiet u b'indiċi tat-tagħbija li jaqbeż il-121, li joriġinaw mir-Repubblika tal-Poplu taċ-Ċina u li jemenda r-Regolament ta' Implimentazzjoni tal-Kummissjoni (UE) 2018/1579 li jimponi dazju anti-dumping definittiv u jiġbor definittivament id-dazju proviżorju impost fuq l-importazzjonijiet ta' ċerti tajers pnewmatiċi, ġodda jew b'wiċċ ġdid, tal-lastiku, tat-tip użat għall-karozzi tal-linja jew għat-trakkijiet, b'indiċi tat-tagħbija li jaqbeż il-121, li joriġinaw mir-Repubblika tal-Poplu taċ-Ċina u li jħassar ir-Regolament ta' Implimentazzjoni (UE) 2018/163 (ĠU L 283, 12.11.2018, p. 1) (C/2018/7349).
(56) Ir-Rapport – Kapitolu 13, p. 332-337.
(57) Ir-Rapport – Kapitolu 13, p. 336.
(58) Ir-Rapport – Kapitolu 13, p. 337-341.
(59) Ir-Rapport – Kapitolu 6, p. 114-117.
(60) Ir-Rapport – Kapitolu 6, p. 119.
(61) Ir-Rapport – Kapitolu 6, p. 120.
(62) Ir-Rapport – Kapitolu 6, p. 121-122, 126-128, 133-135.
(63) Ir-Rapport, ibid.
(64) Ir-Rapport – Kapitolu 14, p. 362-3, li jelenka l-investigazzjonijiet tad-difiża tal-kummerċ tal-UE (dwar ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mir-Repubblika tal-Poplu taċ-Ċina u dwar ċerti prodotti tal-azzar miksija b'materjal organiku li joriġinaw mir-Repubblika tal-Poplu taċ-Ċina), kif ukoll l-investigazzjonijiet tad-difiża tal-kummerċ imwettqa mill-awtoritajiet Awstraljani, Kanadiżi, Indjani jew tal-Istati Uniti.
(65) Ir-Rapport — Kapitolu 6, p. 127, b'mod partikolari fir-rigward tal-istima tal-FMI.
(66) Ara l-paragrafi 175-346 tar-Regolament ta' Implimentazzjoni tal-Kummissjoni (UE) 2019/72 tas-17 ta' Jannar 2019 li jimponi dazji kompensatorji definittivi fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina, C/2019/43 ĠU L 16, 18.1.2019, p. 5.
(67) Ara l-paragrafi 347–367, ibid.
(68) Ara l-paragrafi 551-557, ibid.
(69) Ara l-paragrafi 562-575, ibid.
(70) Ir-Regolament ta' Implimentazzjoni tal-Kummissjoni (UE) 2019/72 tas-17 ta' Jannar 2019 li jimponi dazji kompensatorji definittivi fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina.
(71) Ara s-Sentenza tal-Qorti tat-28 ta' Frar 2018 fil-Kawża C-301/16 P.
(72) Data Miftuħa tal-Bank Dinji – Introjtu Medju Superjuri, https://data.worldbank.org/income-level/upper-middle-income.
(73) Jekk ma jkun hemm l-ebda produzzjoni tal-prodott soġġett għal rieżami f'pajjiż li jkollu livell simili ta' żvilupp, tista' titqies il-produzzjoni ta' prodott fl-istess kategorija u/jew settur ġenerali tal-prodott soġġett għal rieżami.
(74) Sors: Bażi ta' data Orbis, ipprovduta minn Bureau Van Dick (https://orbis.bvdinfo.com/version-2019228/home.serv?product=OrbisNeo).
(75) Global Trade Atlas – GTA (https://www.gtis.com/gta/secure/htscty_wta.cfm).
(76) It-Tajlandja tneħħiet mil-lista ta' pajjiżi benefiċjarji tal-SĠP elenkati fl-Anness II għar-Regolament (UE) Nru 978/2012 b'effett mill-1 ta' Jannar 2015 skont ir-Regolament ta' Delega tal-Kummissjoni (UE) Nru 1421/2013.
(77) Sors: Bażi ta' data Orbis, ipprovduta minn Bureau Van Dick (https://orbis.bvdinfo.com/version-2019228/home.serv?product=OrbisNeo).
(78) Sors: Bażi ta' data Orbis, ipprovduta minn Bureau Van Dick (https://orbis.bvdinfo.com/version-2019228/home.serv?product=OrbisNeo).
(79) http://comext.eurostat.ec.europa.eu/ANALYTICAL_S10_V17_ECAS/Analytical.html.
(80) https://ec.europa.eu/eurostat/web/energy/data/main-tables.
(81) https://www.bloomberg.com/.
(82) Fl-4 ta' Lulju 2018, il-kumpanija Yong Yi kienet għadha ma rtiratx il-kooperazzjoni tagħha mill-investigazzjoni u, għaldaqstant, l-informazzjoni pprovduta fl-Anness III intużat bħala sors.
(83) https://ec.europa.eu/eurostat/web/energy/data/database.
(84) Sors: Bażi ta' data Orbis, ipprovduta minn Bureau Van Dick (https://orbis.bvdinfo.com/version-2019228/home.serv?product=OrbisNeo).
(85) Ikkalkolati bħala l-medja tad-dħul operatorju, nieqes il-profitt operatorju, nieqes il-profitt finanzjarju, nieqes il-kost tal-oġġetti mibjugħa (il-kostijiet materjali, il-kostijiet tal-impjegati, id-deprezzament u l-amortizzament).
(86) Ikkalkolat bħala l-profitt qabel it-taxxi fuq il-kost tal-oġġetti mibjugħa (il-kostijiet materjali, il-kostijiet tal-impjegati, id-deprezzament u l-amortizzament).
(87) Ir-Regolament (UE) 2017/2321 tal-Parlament Ewropew u tal-Kunsill tat-12 ta' Diċembru 2017 li jemenda r-Regolament (UE) 2016/1036 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea u r-Regolament (UE) 2016/1037 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (ĠU L 338 tad-19.12.2017, p. 1).
(88) Din ġiet ikkalkolata b'estrapolazzjoni, jekk wieħed jassumi li l-produzzjoni totali ta' 80 miljun unità tirrappreżenta 68 % mill-kapaċità totali, li għalhekk tkun ekwivalenti għal 117-il miljun unità.
(89) Ir-Regolament tal-Kunsill (UE) Nru 502/2013 tad-29 ta' Mejju 2013 li jemenda r-Regolament ta' Implimentazzjoni tal-Kunsill (UE) Nru 990/2011 li jimponi dazju anti-dumping definittiv fuq importazzjonijiet ta' roti li joriġinaw mir-Repubblika Popolari taċ-Ċina wara rieżami interim skont l-Artikolu 11(3) tar-Regolament (KE) Nru 1225/2009 (ĠU L 153, 5.6.2013, p. 17).
(90) Sors: Global Trade Atlas – GTA (https://www.gtis.com/gta/secure/htscty_wta.cfm), data statistika disponibbli fil-livell tal-kodiċi tas-SA 8712 00 (Prodott ikkonċernat: Kodiċi NM 8712 00 30 & 8712 00 70).
(91) https://www.usitc.gov/tata/hts/index.htm, Il-Kummissjoni tal-Istati Uniti għall-Kummerċ Internazzjonali - Official Harmonized Tariff Schedule 2019.
(92) https://www.federalregister.gov/documents/2019/05/09/2019-09681/notice-of-modification-of-section-301-action-chinas-acts-policies-and-practices-related-to.
(93) Sors: Global Trade Atlas – GTA.
(94) https://www.federalregister.gov/documents/2019/05/09/2019-09681/notice-of-modification-of-section-301-action-chinas-acts-policies-and-practices-related-to.
(95) Ir-Regolament ta' Implimentazzjoni tal-Kummissjoni (UE) 2019/73 tas-17 ta' Jannar 2019 li jimponi dazju anti-dumping definittiv u jiġbor b'mod definittiv id-dazju proviżorju impost fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina (ĠU L 16, 18.1.2019, p. 108).
(96) Sors: statistika abbażi tad-data rrapportata lill-Kummissjoni mill-Istati Membri skont l-Artikolu 14(6) tar-Regolament bażiku.
(97) https://ec.europa.eu/eurostat/en/web/products-datasets/-/EARN_MW_CUR.
(98) Il-preżentazzjoni ta' EBMA tal-1 ta' Mejju 2019.
(99) http://www.china-bicycle.com/information/?cid=11.
(100) Ir-Regolament ta' Implimentazzjoni tal-Kummissjoni (UE) 2019/72 tas-17 ta' Jannar 2019 li jimponi dazji kompensatorji definittivi fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina (ĠU L 16, 18.1.2019, p. 5).
(101) Ir-Regolament ta' Implimentazzjoni tal-Kummissjoni (UE) 2019/73 tas-17 ta' Jannar 2019 li jimponi dazju anti-dumping definittiv u jiġbor b'mod definittiv id-dazju proviżorju impost fuq l-importazzjonijiet ta' roti elettriċi li joriġinaw mir-Repubblika tal-Poplu taċ-Ċina (ĠU L 16, 18.1.2019, p. 108).
(102) “European bicycle market - Employment and Investment figures in 2018” (“Is-suq Ewropew tar-roti - Ċifri tal-Impjiegi u tal-Investimenti fl-2018”), Aġġornament ta' Marzu 2019, p. 5.
(103) Il-Kummissjoni Ewropea, id-Direttorat Ġenerali għall-Kummerċ, Direttorat H, B-1049 Brussell, il-Belġju.
(104) Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta' Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE, u li jħassar ir-Regolament (UE, Euratom) Nru 966/2012 (ĠU L 193, 30.7.2018, p. 1).
(105) Inkluża City Cycle Industries — kodiċi addizzjonali TARIC B131 (Ir-Regolament ta' Implimentazzjoni tal-Kummissjoni (UE) 2018/28 tad-9 ta' Jannar 2018 li jimponi mill-ġdid dazju definittiv tal-anti-dumping fuq l-importazzjonijiet ta' roti, kemm jekk dawn ikunu ddikjarati li joriġinaw mis-Sri Lanka jew le minn City Cycle Industries (ĠU L 5, 10.1.2018, p. 27).