(1)

Ir-Regolament (UE) Nru 98/2013 tal-Parlament Ewropew u tal-Kunsill (3) stabbilixxa regoli armonizzati dwar it-tqegħid għad-dispożizzjoni, l-introduzzjoni, il-pussess u l-użu ta’ sustanzi jew taħlitiet li jistgħu jiġu użati ħażin għall-manifattura illeċita tal-isplussivi, bil-għan li tiġi limitata d-disponibbiltà tagħhom għall-pubbliku ġenerali, u jiġi żgurat rapportar adegwat ta’ tranżazzjonijiet suspettużi tul il-katina tal-provvista.

(2)

Għalkemm ir-Regolament (UE) Nru 98/2013 ikkontribwixxa għat-tnaqqis tat-theddida ppreżentata mill-prekursuri tal-isplussivi fl-Unjoni, hemm bżonn li tissaħħaħ is-sistema ta’ kontrolli fuq prekursuri li jistgħu jintużaw għall-manifattura ta’ splussivi artiġjanali. Minħabba l-għadd ta’ tibdiliet meħtieġa, huwa xieraq li r-Regolament (UE) Nru 98/2013 jiġi sostitwit għal raġunijiet ta’ ċarezza.

(3)

Ir-Regolament (UE) Nru 98/2013 illimita l-aċċess u l-użu ta’ prekursuri tal-isplussivi mill-membri tal-pubbliku ġenerali. Minkejja dik il-limitazzjoni, l-Istati Membri xorta setgħu jiddeċiedu li jagħtu lill-membri tal-pubbliku ġenerali aċċess għal dawn is-sustanzi permezz ta’ sistema ta’ liċenzji u ta’ reġistrazzjoni. Għalhekk ir-restrizzjonijiet u l-kontrolli fuq il-prekursuri tal-isplussivi fl-Istati Membri kienu diverġenti u setgħu jikkawżaw ostakli għall-kummerċ fi ħdan l-Unjoni, u b’hekk jostakolaw il-funzjonament tas-suq intern. Barra minn hekk, ir-restrizzjonijiet u l-kontrolli eżistenti ma żgurawx livelli suffiċjenti ta’ sigurtà pubblika, peress li ma waqqfux b’mod adegwat lill-kriminali milli jakkwistaw prekursuri tal-isplussivi. It-theddid ippreżentat minn splussivi artiġjanali baqa’ għoli u qed ikompli jevolvi.

(4)

Għalhekk jenħtieġ li s-sistema għall-prevenzjoni tal-manifattura illeċita tal-isplussivi tkompli tiġi msaħħa u armonizzata fid-dawl tat-theddida li qed tevolvi għas-sigurtà pubblika kkawżata mit-terroriżmu u minn attivitajiet kriminali serji oħra. Jenħtieġ li tali tisħiħ u armonizzazzjoni jiżguraw ukoll il-moviment liberu ta’ prekursuri tal-isplussivi fis-suq intern u jenħtieġ li jippromwovu ukoll il-kompetizzjoni bejn l-operaturi ekonomiċi u jħeġġeġ l-innovazzjoni, pereżempju, billi jiġi ffaċilitat l-iżvilupp ta’ sustanzi kimiċi aktar siguri sabiex jieħdu post il-prekursuri tal-isplussivi.

(5)

Il-kriterji għad-determinazzjoni ta’ liema miżuri jenħtieġ li japplikaw għal liema prekursuri tal-isplussivi jinkludu l-livell ta’ theddida assoċjat mal-prekursur tal-isplussivi kkonċernat, il-volum ta’ kummerċ fil-prekursur tal-isplussivi kkonċernat, u jekk ikunx possibbli li jiġi stabbilit livell ta’ konċentrazzjoni li taħtu l-prekursur tal-isplussivi jista’ xorta jintuża għall-għanijiet leġittimi li għalihom ikun disponibbli filwaqt li jiżgura li jkun ferm inqas probabbli li dak il-prekursur jintuża għall-manifattura illeċita ta’ splussivi.

(6)

Jenħtieġ li l-membri tal-pubbliku ġenerali ma jitħallewx jakkwistaw, jintroduċu, jippossjedu jew jużaw ċerti prekursuri tal-isplussivi f’konċentrazzjonijiet li jaqbżu ċerti valuri limitu, espressi bħala perċentwal skont il-piż (w/w). Madankollu, jenħtieġ li l-membri tal-pubbliku ġenerali jitħallew jakkwistaw, jintroduċu, jippossjedu jew jużaw xi prekursuri tal-isplussivi f’konċentrazzjonijiet li jaqbżu dawk il-valuri limitu għal finijiet leġittimi, sakemm ikollhom liċenzja biex jagħmlu dan. Meta l-applikant ikun persuna ġuridika, jenħtieġ li l-awtorità kompetenti tal-Istat Membru tqis il-kuntest tal-persuna ġuridika u ta’ kwalunkwe persuna, li taġixxi individwalment jew bħala parti minn organu tal-persuna ġuridika li jkollha pożizzjoni ta’ tmexxija fi ħdan il-persuna ġuridika, abbażi ta’ setgħa ta’ rappreżentanza tal-persuna ġuridika, awtorità li tieħu deċiżjonijiet f’isem il-persuna ġuridika jew awtorità li teżerċita kontroll fi ħdan il-persuna ġuridika.

(7)

Għal xi prekursuri tal-isplussivi ristretti f’konċentrazzjonijiet li jaqbżu l-valuri limitu previst f’dan ir-Regolament, ma jeżisti l-ebda użu leġittimu minn membri tal-pubbliku ġenerali. Għalhekk, jenħtieġ li jitwaqqaf il-liċenzjar tal-klorat tal-potassju, tal-perklorat tal-potassju, tal-klorat tas-sodju u tal-perklorat tas-sodju. Jenħtieġ li l-liċenzjar jitħalla biss għal għadd limitat ta’ prekursuri tal-isplussivi ristretti li għalihom jeżisti użu leġittimu minn membri tal-pubbliku ġenerali. Jenħtieġ li tali liċenzjar ikun limitat għal konċentrazzjonijiet li ma jaqbżux l-ogħla valur limitu previst f’dan ir-Regolament. Meta jinqabeż dak l-ogħla valur limitu r-riskju tal-manifattura illeċita tal-isplussivi jegħleb l-użu leġittimu negliġibbli ta’ dawk il-prekursuri tal-isplussivi mill-membri tal-pubbliku ġenerali, fid-dawl tal-fatt li għal dawk il-prekursuri jeżistu alternattivi jew konċentrazzjonijiet aktar baxxi li jistgħu jilħqu l-istess effett. Jenħtieġ li dan ir-Regolament jiddetermina wkoll iċ-ċirkostanzi li l-awtoritajiet kompetenti, bħala minimu, jieħdu inkunsiderazzjoni meta jkunu qed jikkunsidraw jekk joħorġux liċenzja. Flimkien mal-format ta’ liċenzja li jinsab fl-Anness III, jenħtieġ li dan jiffaċilita r-rikonoxximent tal-liċenzji li jinħarġu minn Stati Membri oħra.

(8)

Jenħtieġ li jkun possibbli li r-rikonoxximent reċiproku tal-liċenzji li jinħargu minn Stati Membri oħra jsir b’mod bilaterali jew multilaterali, sabiex jintlaħqu l-objettivi tas-suq uniku.

(9)

Sabiex japplikaw ir-restrizzjonijiet u l-kontrolli ta’ dan ir-Regolament, jenħtieġ li dawk l-operaturi ekonomiċi li jbiegħu lil utenti professjonali jew lil membri tal-pubbliku ġenerali li jkollhom liċenzja jkunu jistgħu joqogħdu fuq l-informazzjoni li tkun disponibbli aktar ‘il fuq fil-katina tal-provvista. Għalhekk jenħtieġ li kull operatur ekonomiku fil-katina tal-provvista jinforma lir-riċevitur ta’ dawk il-prekursuri tal-isplussivi regolati li t-tqegħid għad-dispożizzjoni, l-introduzzjoni, il-pussess jew l-użu ta’ dak il-prekursur tal-isplussivi minn membri tal-pubbliku ġenerali huwa soġġett għal dan ir-Regolament, pereżempju, billi titwaħħal tikketta adatta mal-imballaġġ, billi jiġi verifikat li tkun twaħħlet tikketta adatta mal-imballaġġ, jew billi dik l-informazzjoni tiġi inkluża fl-iskeda ta’ data ta’ sigurtà kkompilata skont l-Anness II tar-Regolament (KE) Nru 1907/2006 tal-Parlament Ewropew u tal-Kunsill (4).

(10)

Id-differenza bejn operatur ekonomiku u utent professjonali hija li l-operaturi ekonomiċi jagħmlu prekursur tal-isplussivi disponibbli għal persuna oħra, filwaqt li utenti professjonali jakkwistaw jew jintroduċu prekursur tal-isplussivi unikament għall-użu propju. Jenħtieġ li l-operaturi ekonomiċi li jbiegħu lill-utenti professjonali, lil operaturi ekonomiċi oħra jew lil membri tal-pubbliku ġenerali li jkollhom liċenzja jiżguraw li l-persunal tagħhom involut fil-bejgħ tal-prekursuri tal-isplussivi jkunu jafu liema mill-prodotti li huma jqiegħdu għad-dispożizzjoni fihom prekursuri tal-isplussivi, pereżempju billi jinkludu informazzjoni li prodott ikun fih prekursur tal-isplussivi fil-barcode tal-prodott.

(11)

Id-distinzjoni bejn utenti professjonali, li fir-rigward tagħhom jenħtieġ li jkun possibbli li prekursuri tal-isplussivi ristretti jkunu disponibbli, u membri tal-pubbliku ġenerali li fir-rigward tagħhom jenħtieġ li ma jkunux disponibbli, tiddependi fuq jekk il-persuna għandhiex l-intenzjoni li tuża l-prekursur tal-isplussivi kkonċernat għal skopijiet marbuta mal-kummerċ, man-negozju jew mal-professjoni speċifikata’ dik il-persuna, inkluż il-forestrija, l-ortikultura u attività agrikola, kemm jekk titwettaq fuq bażi full-time jew fuq bażi part-time u mhux neċessarjament relatat mad-daqs tal-medda tal-art li fuqha titwettaq dik l-attività. Għalhekk jenħtieġ li l-operaturi ekonomiċi ma jqiegħdux prekursur tal-isplussivi ristrett għad-dispożizzjoni ta’ persuni fiżiċi jew ġuridiċi li jkunu professjonalment attivi f’oqsma fejn hemm it-tendenza li l-prekursuri tal-isplussivi ristretti speċifiċi ma jintużawx għal skopijiet professjonali, jew għad-dispożizzjoni ta’ persuni fiżiċi jew ġuridiċi li jkunu involuti f’attivitajiet li ma jkunux marbuta ma’ xi skop professjonali.

(12)

Jenħtieġ li l-persunal tal-operaturi ekonomiċi li jkun involut fit-tqegħid għad-dispożizzjoni ta’ prekursuri tal-isplussivi ikun soġġett għall-istess regoli taħt dan ir-Regolament li japplikaw għall-membri tal-pubbliku ġenerali meta juża tali prekursuri ta’ splussivi fil-kapaċità personali tiegħu.

(13)

Jenħtieġ li l-operaturi ekonomiċi jżommu d-data dwar it-tranżazzjonijiet sabiex jassistu lill-awtoritajiet b’mod sostanzjali fil-prevenzjoni, l-identifikazzjoni, l-investigazzjoni, u l-prosekuzzjoni ta’ reati serji li jitwettqu b’apparat splussiv artiġjanali kif ukoll fil-verifika tal-konformità ma’ dan ir-Regolament. L-identifikazzjoni tal-atturi kollha fil-katina tal-provvista u tal-klijenti kollha hija essenzjali għal dan il-għan, sew jekk ikunu membri tal-pubbliku ġenerali, utenti professjonali jew operaturi ekonomiċi. Billi l-manifattura u l-użu illeċiti ta’ splussivi artiġjanali jistgħu jseħħu biss ammont ta’ żmien sinifikanti wara l-bejgħ tal-prekursur ta’ splussivi, jenħtieġ li d-data dwar it-tranżazzjonijiet tinżamm għal dak iż-żmien kollu li jkun neċessarju, proporzjonali u xieraq biex jiġu ffaċilitati l-investigazzjonijiet b’kont meħud tal-perijodi ta’ spezzjoni medji.

(14)

Jenħtieġ li dan ir-Regolament japplika wkoll għall-operaturi ekonomiċi li joperaw online, inkluż dawk li joperaw fi swieq online. Għalhekk, jenħtieġ li l-operaturi ekonomiċi li joperaw online jħarrġu wkoll lill-persunal tagħhom u jenħtieġ ukoll li jkollhom proċeduri xierqa fis-seħħ biex jiġu identifikati tranżazzjonijiet suspettużi. Barra minn hekk, jenħtieġ li jqiegħdu prekursuri tal-isplussivi ristretti biss għad-dispożizzjoni ta’ membru tal-pubbliku ġenerali fl-Istati Membri li jżommu jew li jistabbilixxu reġim ta’ liċenzjar f’konformità ma’ dan ir-Regolament, u biss wara li jkunu vverifikaw li dak il-membru tal-pubbliku ġenerali għandu liċenzja valida. Wara li jkun ivverifika l-identità tal-klijent prospettiv, pereżempju permezz tal-mekkaniżmi previsti fir-Regolament (UE) Nru 910/2014 tal-Parlament Ewropew u tal-Kunsill (5), jenħtieġ li l-operatur ekonomiku jivverifika li l-liċenzja li tkun inħarġet tkopri t-tranżazzjoni intenzjonata, pereżempju permezz ta’ spezzjoni fiżika tal-liċenzja fil-ħin tal-kunsinna tal-prekursur tal-isplussivi jew, bil-kunsens tal-klijent prospettiv, billi jikkuntattja lill-awtorità kompetenti tal-Istat Membru li jkun ħareġ il-liċenzja. Jenħtieġ ukoll li l-operaturi ekonomiċi li joperaw online, bl-istess mod ta’ dawk li joperaw offline, jitolbu l-utenti professjonali jipprovdu dikjarazzjonijiet dwar l-użu finali.

(15)

Is-swieq online jaġixxu bħala sempliċi intermedjarji bejn l-operaturi ekonomiċi fuq naħa waħda, u l-membri tal-pubbliku ġenerali, jew utenti professjonali jew operaturi ekonomiċi oħra, fuq in-naħa l-oħra. Għalhekk, jenħtieġ li s-swieq online ma jaqgħux taħt id-definizzjoni ta’ operatur ekonomiku u ma jkunux meħtieġa li jagħtu struzzjonijiet lill-persunal tagħhom involut fil-bejgħ ta’ prekursuri tal-isplussivi ristretti rigward l-obbligi tagħhom taħt dan ir-Regolament jew li jivverifikaw l-identità u, fejn xieraq, il-liċenzja tal-klijent prospettiv, jew li jitolbu informazzjoni oħra mingħand il-klijent prospettiv. Madankollu, minħabba r-rwol ċentrali li għandhom is-swieq online fit-tranżazzjonijiet online, inkluż fir-rigward tal-bejgħ ta’ prekursuri tal-isplussivi regolati, jenħtieġ li dawn jinformaw lill-utenti tagħhom li jkollhom l-għan li jrendu disponibbli prekursuri tal-isplussivi regolati permezz tal-użu tas-servizzi tagħhom dwar l-obbligi taħt dan ir-Regolament, b’mod ċar u effettiv. Barra minn hekk, jenħtieġ li s-swieq online jieħdu miżuri biex jgħinu sabiex jiġi żgurat li l-utenti tagħhom jikkonformaw mal-obbligi proprji tagħhom fir-rigward tal-verifika, pereżempju billi joffru għodod biex tiġi ffaċilitata l-verifika tal-liċenzji. Fid-dawl tas-sinifikat dejjem akbar tas-swieq online għal kull tip ta’ provvista u l-importanza ta’ dan il-mezz ta’ akkwist, inkluż għal finijiet ta’ terroriżmu, jenħtieġ li s-swieq online ikunu soġġetti għall-istess obbligi ta’ identifikazzjoni u rappurtar bħall-operaturi ekonomiċi, għalkemm jenħtieġ li l-proċeduri biex jiġu identifikati tranżazzjonijiet suspettużi jiġu adattati kif suppost għall-ambjent online speċifiku.

(16)

Jenħtieġ li l-obbligi fuq is-swieq online skont dan ir-Regolament ma jwasslux għal obbligu ġenerali ta’ monitoraġġ. Jenħtieġ li dan ir-Regolament jistabbilixxi biss obbligi speċifiċi għal swieq online fir-rigward tal-identifikazzjoni u r-rappurtar ta’ tranżazzjonijiet suspettużi li jsiru fuq is-siti web tagħhom jew li jużaw is-servizzi tal-informatika tagħhom. Jenħtieġ li s-swieq online ma jinżammux responsabbli, abbażi ta’ dan ir-Regolament, għal tranżazzjonijiet li ma kinux identifikati minkejja li s-suq online kellu fis-seħħ proċeduri xierqa, raġonevoli u proporzjonati biex tiġi identifikata tali tranżazzjonijiet suspettużi.

(17)

Dan ir-Regolament jeżiġi li l-operaturi ekonomiċi jirrapportaw tranżazzjonijiet suspettużi, irrispettivament minn jekk il-klijent prospettiv huwiex membru tal-pubbliku ġenerali, utent professjonali jew operatur ekonomiku. Jenħtieġ li l-obbligi li jirrigwardaw prekursuri tal-isplussivi regolati, inkluż l-obbligu tar-rappurtar ta’ tranżazzjonijiet suspettużi, japplikaw għas-sustanzi kollha elenkati tal-Annessi I u II, irrispettivament mill-konċentrazzjoni tagħhom. Madankollu, il-prodotti li ma fihomx prekursuri tal-isplussivi ħlief għal limitu tant baxx u f’taħlitiet tant kumplessi li l-estrazzjoni tal-prekursuri tal-isplussivi hija teknikament ferm diffiċli jenħtieġ li jiġu esklużi mill-kamp ta’ applikazzjoni ta’ dan ir-Regolament.

(18)

Biex titjieb l-applikazzjoni ta’ dan ir-Regolament, jenħtieġ li kemm l-operaturi ekonomiċi kif ukoll l-awtoritajiet pubbliċi jipprovdu taħriġ adegwat rigward l-obbligi taħt dan ir-Regolament. Jenħtieġ li l-Istati Membri jistabbilixxu awtoritajiet ta’ spezzjoni u jenħtieġ li jorganizzaw azzjonijiet regolari biex jiżdied l-għarfien li jkunu adattati għall-ispeċifiċitajiet ta’ kull wieħed mis-setturi differenti, u jenħtieġ li jżommu djalogu permanenti mal-operaturi ekonomiċi f’kull livell tal-katina tal-provvista, inkluż l-operaturi ekonomiċi li joperaw online.

(19)

L-għażla tas-sustanzi li jintużaw mill-kriminali għall-manifattura illeċita tal-isplussivi tista’ tinbidel malajr. Għalhekk, jenħtieġ li jkun possibbli li jiddaħħlu sustanzi addizzjonali taħt l-obbligu ta’ rappurtar previst minn dan ir-Regolament, fejn ikun meħtieġ b’urġenza. Sabiex jiġu akkomodati l-iżviluppi possibbli fl-użu ħażin ta’ sustanzi bħala prekursuri tal-isplussivi, jenħtieġ li s-setgħa li tal-adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea tiġi ddelegata lill-Kummissjoni fir-rigward tal-emendar ta’ dan ir-Regolament bil-modifika tal-valuri limitu ta’ ċerti sustanzi li huma ristretti taħt dan ir-Regolament li meta jinqabżu ma għandhomx jitqiegħdu għad-dispożizzjoni tal-membri tal-pubbliku ġenerali, u tal-elenkar ta’ sustanzi addizzjonali li fir-rigward tagħhom għandhom jiġu rapportati tranżazzjonijiet suspettużi. Huwa ta’ importanza partikolari li waqt il-ħidma preparatorja tagħha, il-Kummissjoni twettaq konsultazzjonijiet xierqa anke fil-livell tal-esperti, u li dawk il-konsultazzjonijiet jsiru f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (6). B’mod partikolari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin bħall-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija ta’ atti delegati.

(20)

Sabiex jiġu indirizzati s-sustanzi li mhumiex diġà elenkati fl-Anness I jew II, iżda li fir-rigward tagħhom Stat Membru jiskopri raġunijiet tajbin biex jemmen li dawn jistgħu jintużaw għall-manifattura illeċita tal-isplussivi, jenħtieġ li tiġi pprovduta klawżola ta’ salvagwardja għal proċedura adegwata tal-Unjoni. Barra minn hekk, fid-dawl tar-riskji speċifiċi li għandhom jiġu indirizzati f’dan ir-Regolament, huwa opportun li jkun permess li l-Istati Membri, f’ċerti ċirkostanzi, jadottaw miżuri ta’ salvagwardja, inkluż fir-rigward ta’ sustanzi li jkunu diġà soġġetti għal miżuri taħt dan ir-Regolament. Barra minn hekk, jenħtieġ li l-Istati Membri jkunu jistgħu jżommu miżuri nazzjonali li ikunu diġà infurmaw jew innotifikaw lill-Kummissjoni dwarhom f’konformità mal-Artikolu 13 tar-Regolament (UE) Nru 98/2013.

(21)

Il-qafas regolatorju jiġi ssimplifikat permezz tal-integrazzjoni tar-restrizzjonijiet rilevanti orjentati lejn is-sigurtà dwar it-tqegħid għad-dispożizzjoni tan-nitrat tal-ammonju mir-Regolament (KE) Nru 1907/2006 f’dan ir-Regolament. Għal dik ir-raġuni, jenħtieġ li l-Anness XVII għar-Regolament (KE) Nru 1907/2006 jiġi emendat skont dan.

(22)

Dan ir-Regolament jirrikjedi l-ipproċessar ta’ data personali u l-iżvelar ulterjuri tagħha lil persuni terzi fil-każ ta’ tranżazzjonijiet suspettużi. Tali pproċessar u żvelar jimplikaw interferenza mad-drittijiet fundamentali għar-rispett tal-ħajja privata tal-individwu u d-dritt għall-protezzjoni tad-data personali. Għaldaqstant, jenħtieġ li jiġi żgurat li d-dritt fundamentali għall-protezzjoni tad-data personali ta’ individwi li d-data personali tagħhom tiġi pproċessata fl-applikazzjoni ta’ dan ir-Regolament ikun debitament protett. Ir-Regolament (UE) 2016/679 tal-Parlament Ewropew u tal-Kunsill (7) jirregola l-ipproċessar ta’ data personali li jsir fil-qafas ta’ dan ir-Regolament. Għalhekk, jenħtieġ li l-ipproċessar ta’ data personali involuta fil-liċenzjar u ta’ rapportar ta’ tranżazzjonijiet suspettużi jsir skont ir-Regolament (UE) 2016/679, inklużi l-prinċipji ġenerali relatati mal-protezzjoni tad-data ta’ legalità, ġustizzja u trasparenza, limitazzjoni tal-iskop, minimizzazzjoni tad-data, preċiżjoni, limitazzjoni tal-ħżin, integrità u kunfidenzjalità u r-rekwiżit li jintwera rispett dovut lejn id-drittijiet tas-suġġett tad-data.

(23)

Jenħtieġ li l-Kummissjoni twettaq evalwazzjoni ta’ dan ir-Regolament ibbażata fuq il-kriterji ta’ effikaċja, effettività, rilevanza, koerenza u valur miżjud tal-UE, Jenħtieġ li dik l-evalwazzjoni tipprovdi l-bażi għall-valutazzjonijiet tal-impatt ta’ miżuri oħra possibbli. Jenħtieġ li l-informazzjoni tinġabar fuq bażi regolari għall-finijiet tal-evalwazzjoni ta’ dan ir-Regolament.

(24)

Minħabba li l-objettiv ta’ dan ir-Regolament, jiġifieri l-limitazzjoni tal-aċċess tal-membri tal-pubbliku ġenerali għal prekursuri tal-isplussivi, ma jistax jinkiseb b’mod suffiċjenti mill-Istati Membri iżda jista’, minħabba l-iskala u l-effetti tal-limitazzjoni, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(25)

Jenħtieġ li r-Regolament (UE) Nru 98/2013 jitħassar,

(1)

Il-moviment liberu tal-ħaddiema, il-libertà ta’ stabbiliment u l-libertà tal-forniment ta’ servizzi huma prinċipji fundamentali tas-suq intern tal-Unjoni, minquxa fit-Trattat dwar il-Funzjonament tal-Unjoni Ewropea (TFUE).

(2)

Skont l-Artikolu 3 tat-Trattat dwar l-Unjoni Ewropea (TUE), l-Unjoni trid taħdem għal ekonomija tas-suq soċjali kompetittiva ħafna, fejn timmira għal impjiegi għal kulħadd u progress soċjali, u tippromwovi l-ġustizzja u protezzjoni soċjali, l-ugwaljanza bejn in-nisa u l-irġiel, is-solidarjetà bejn il-ġenerazzjonijiet u l-ġlieda kontra d-diskriminazzjoni. F’konformità mal-Artikolu 9 tat-TFUE, l-Unjoni, fid-definizzjoni u l-implimentazzjoni tal-politiki u tal-attivitajiet tagħha, trid tqis ir-rekwiżiti marbuta mal-promozzjoni ta’ livell għoli ta’ impjiegi, il-garanzija ta’ protezzjoni soċjali adegwata, il-ġlieda kontra l-esklużjoni soċjali, u l-promozzjoni ta’ livell għoli ta’ edukazzjoni, taħriġ u l-protezzjoni tas-saħħa tal-bniedem.

(3)

Il-Pilastru Ewropew tad-Drittijiet Soċjali kien is-suġġett ta’ proklamazzjoni konġunta mill-Parlament Ewropew, mill-Kunsill u mill-Kummissjoni fis-Summit Soċjali għall-Impjiegi Ġusti u t-Tkabbir f’Gothenburg fis-17 ta’ Novembru 2017. Dak is-Summit enfasizza l-ħtieġa li l-persuni jiġu l-ewwel, sabiex inkomplu niżviluppaw id-dimensjoni soċjali tal-Unjoni, u li nippromwovu l-konverġenza permezz ta’ sforzi fil-livelli kollha, kif ġie konfermat fil-konklużjonijiet tal-Kunsill Ewropew wara l-laqgħa tiegħu tal-14 u l-15 ta’ Diċembru 2017.

(4)

Fid-Dikjarazzjoni Konġunta tagħhom dwar il-prijoritajiet leġiżlattivi tal-UE għall-2018 sa 2019, il-Parlament Ewropew, il-Kunsill u l-Kummissjoni impenjaw rwieħhom li jieħdu azzjoni biex jirrinfurzaw id-dimensjoni soċjali tal-Unjoni, billi jaħdmu biex itejbu l-koordinazzjoni tas-sistemi tas-sigurtà soċjali, billi jipproteġu lill-ħaddiema mir-riskji tas-saħħa fuq il-post tax-xogħol, billi jiżguraw trattament ġust għal kulħadd fis-suq tax-xogħol tal-Unjoni permezz ta’ regoli modernizzati dwar l-istazzjonar tal-ħaddiema, u billi jkomplu jtejbu l-infurzar transfruntier tal-liġi tal-Unjoni.

(5)

Sabiex jiġu protetti d-drittijiet tal-ħaddiema mobbli u titrawwem kompetizzjoni ġusta bejn il-kumpaniji, b’mod partikolari l-intrapriżi żgħar u ta’ daqs medju (SMEs). Huwa kruċjali li jittejjeb l-infurzar transfruntier tal-liġi tal-Unjoni fil-qasam tal-mobbiltà tal-ħaddiema u li jiġi indirizzat l-abbuż.

(6)

Jenħtieġ li tiġi stabbilita Awtorità Ewropea tax-Xogħol (l-"Awtorità") sabiex tgħin issaħħaħ il-ġustizzja u l-fiduċja fis-suq intern. L-għanijiet tal-Awtorità jenħtieġ li jiġu definiti b’mod ċar b’konċentrazzjoni qawwija fuq għadd limitat ta’ kompiti, sabiex jiżguraw li l-mezzi disponibbli jintużaw bl-aktar mod effiċjenti possibbli f’oqsma li fihom l-Awtorità tista’ tipprovdi l-akbar valur miżjud. Għal dak l-għan, l-Awtorità jenħtieġ li tassisti lill-Istati Membri u lill-Kummissjoni fit-tisħiħ tal-aċċess għall-informazzjoni, jenħtieġ li tappoġġa l-konformità u l-kooperazzjoni bejn l-Istati Membri fl-applikazzjoni u l-infurzar konsistenti, effiċjenti u effettiva tal-liġi tal-Unjoni relatat mal-mobbiltà tal-ħaddiema fl-Unjoni kollha, u l-koordinazzjoni tas-sistemi tas-sigurtà soċjali fl-Unjoni, u jenħtieġ li timmedja u tiffaċilita soluzzjoni fil-każ ta’ tilwim.

(7)

It-titjib tal-aċċess għall-informazzjoni għall-individwi u għal min iħaddem, partikolarment l-SMEs dwar id-drittijiet u l-obbligi tagħhom fl-oqsma tal-mobbiltà tal-ħaddiema, il-moviment liberu tas-servizzi u l-koordinazzjoni tas-sigurtà soċjali, huwa essenzjali sabiex ikunu jistgħu jibbenefikaw mill-potenzjal sħiħ tas-suq intern.

(8)

L-Awtorità jenħtieġ li twettaq l-attivitajiet tagħha fl-oqsma tal-mobbiltà tal-ħaddiema fl-Unjoni kollha u tal-koordinazzjoni tas-sigurtà soċjali transfruntiera, inkluż il-moviment liberu tal-ħaddiema, l-istazzjonar tal-ħaddiema u servizzi mobbli ħafna. Jenħtieġ li ttejjeb ukoll il-kooperazzjoni bejn l-Istati Membri fl-indirizzar tax-xogħol mhux dikjarat u sitwazzjonijiet oħra li jipperikolaw il-funzjonament xieraq tas-suq intern, bħall-entitajiet kaxxa tal-ittri u l-impjiegi indipendenti fittizji, mingħajr preġudizzju għall-kompetenza tal-Istati Membri li jiddeċiedu dwar miżuri nazzjonali. Fejn waqt li tkun qed twettaq l-attivitajiet tagħha, l-Awtorità ssir konxja ta’ irregolaritajiet suspettati f’oqsma tal-liġi tal-Unjoni, bħal ksur tal-kundizzjonijiet tax-xogħol jew tar-regoli tas-saħħa u tas-sikurezza, jew l-isfruttament ta’ ħaddiema, jenħtieġ li tkun tista’ tirrapportahom u tikkoopera dwar dawk il-kwistjonijiet mal-awtoritajiet nazzjonali tal-Istati Membri kkonċernati u, fejn ikun xieraq, mal-Kummissjoni u ma’ korpi oħra kompetenti tal-Unjoni.

(9)

Il-kamp ta’ applikazzjoni tal-attivitajiet tal-Awtorità jenħtieġ li jkopri atti ġuridiċi speċifiċi tal-Unjoni elenkati f’dan ir-Regolament, inkluż emendi għal dawk l-atti. Dik il-lista jenħtieġ li tiġi estiża fil-każ ta’ atti ġuridiċi ulterjuri tal-Unjoni li qed jiġu adottati fil-qasam tal-mobbiltà tal-ħaddiema madwar l-Unjoni.

(10)

L-Awtorità jenħtieġ li tikkontribwixxi b’mod proattiv għall-isforzi tal-Unjoni u nazzjonali fil-qasam tal-mobbiltà tal-ħaddiema madwar l-Unjoni u l-koordinazzjoni tas-sigurtà soċjali, billi twettaq il-kompiti tagħha b’kooperazzjoni sħiħa mal-istituzzjonijiet u l-korpi tal-Unjoni u l-Istati Membri, filwaqt li tevita kwalunkwe xogħol doppju u tippromwovi s-sinerġija u l-komplementarjetà.

(11)

L-Awtorità jenħtieġ li tikkontribwixxi għall-iffaċilitar tal-applikazzjoni u l-infurzar tal-liġi tal-Unjoni fi ħdan il-kamp ta’ applikazzjoni ta’ dan ir-Regolament u li tappoġġa l-infurzar ta’ dawk id-dispożizzjonijiet implimentati permezz ta’ ftehimiet kollettivi applikabbli b’mod universali f’konformità mal-prattiki tal-Istati Membri. Għal dak il-għan, l-Awtorità jenħtieġ li tistabbilixxi sit web tal-Unjoni uniku għall-fini ta’ aċċess għas-siti web rilevanti kollha tal-Unjoni, u s-siti web nazzjonali stabbiliti skont id-Direttiva 2014/67/UE tal-Parlament Ewropew u tal-Kunsill (4) u skont id-Direttiva 2014/54/UE tal-Parlament Ewropew u tal-Kunsill (5). Mingħajr preġudizzju għall-kompiti u l-attivitajiet tal-Kummissjoni Amministrattiva għall-Koordinazzjoni tas-Sistemi tas-Sigurtà Soċjali stabbilita bir-Regolament (KE) Nru 883/2004 tal-Parlament Ewropew u tal-Kunsill (6) ("il-Kummissjoni Amministrattiva"), l-Awtorità jenħtieġ li tgħin ukoll fil-koordinazzjoni tas-sistemi tas-sigurtà soċjali.

(12)

F’ċerti każijiet, il-liġi tal-Unjoni speċifiku skont is-settur ġie adottat sabiex iwieġeb għall-ħtiġijiet speċifiċi f’dak is-settur, bħall-qasam tat-trasport internazzjonali, inkluż it-trasport bit-triq, ferrovjarju, marittimu, il-passaġġi fuq l-ilma intern u l-avjazzjoni. Fil-kamp ta’ applikazzjoni ta’ dan ir-Regolament, l-Awtorità jenħtieġ li tittratta wkoll l-aspetti transfruntiera tal-mobbiltà tal-ħaddiema u tas-sigurtà soċjali tal-applikazzjoni tal-liġi tal-Unjoni speċifika skont is-settur. Il-kamp ta’ applikazzjoni tal-attivitajiet tal-Awtorità, b’mod partikolari jekk l-attivitajiet tiegħu għandhomx jiġu estiżi għal atti ġuridiċi oħra tal-Unjoni li jkopru l-ħtiġijiet speċifiċi tas-settur fil-qasam tat-trasport internazzjonali, jenħtieġ li jkun suġġett għal evalwazzjoni u, jekk xieraq, rieżami perjodiċi.

(13)

L-attivitajiet tal-Unjoni jenħtieġ li jkopru lill-individwi li jkunu soġġetti għal-liġi tal-Unjoni fi ħdan il-kamp ta’ applikazzjoni ta’ dan ir-Regolament, inkluż ħaddiema, persuni li jaħdmu għal rashom u persuni li qed ifittxu x-xogħol. Tali individwi jenħtieġ li jinkludu ċittadini tal-Unjoni kif ukoll ċittadini ta’ pajjiżi terzi li huma residenti legalment fl-Unjoni, bħal ħaddiema stazzjonati, trasferimenti intrakorporattivi jew residenti fit-tul, kif ukoll il-membri tal-familja tagħhom f’konformità mal-liġi tal-Unjoni li jirregola l-mobbiltà tagħhom fi ħdan l-Unjoni.

(14)

L-istabbiliment tal-Awtorità jenħtieġ li ma joħloqx drittijiet jew obbligi ġodda għall-individwi jew għal min iħaddem, inkluż għall-operaturi ekonomiċi jew għall-organizzazzjonijiet mingħajr skop ta’ qligħ minħabba li l-attivitajiet tal-Awtorità jenħtieġ li jqisu tali individwi u min iħaddem sal-punt li jkunu koperti mil-liġi tal-Unjoni fi ħdan il-kamp ta’ applikazzjoni tar-Regolament. Jenħtieġ li aktar kooperazzjoni fil-qasam tal-infurzar ma tpoġġix piż amministrattiv eċċessiv fuq il-ħaddiema mobbli jew fuq min iħaddem, b’mod partikolari l-SMEs, u lanqas ma tiskoraġġixxi l-mobbiltà tal-ħaddiema.

(15)

Sabiex ikun żgurat li l-individwi u min iħaddem ikunu jistgħu jibbenefikaw minn suq intern ġust u effettiv, l-Awtorità jenħtieġ li tappoġġa lill-Istati Membri fil-promozzjoni ta’ opportunitajiet għall-mobbiltà tal-ħaddiema jew il-provvediment ta’ servizzi u reklutaġġ f’kull post fl-Unjoni, inklużi opportunitajiet ta’ aċċess għal mobbiltà transfruntiera, bħat-tqabbil tal-impjiegi, tat-traineeships u tal-apprendistati transfruntiera u l-iskemi tal-mobbiltà bħal L-ewwel impjieg EURES tiegħek jew ErasmusPRO. L-Awtorità jenħtieġ li tikkontribwixxi wkoll għat-titjib tat-trasparenza tal-informazzjoni, inkluż dwar id-drittijiet u l-obbligi previstifil-liġi tal-Unjoni, u l-aċċess għal servizzi għall-individwi u min iħaddem, f’kooperazzjoni ma’ servizzi ta’ informazzjoni tal-Unjoni oħrajn, bħall-Pariri tal-Ewropa Tiegħek, u li tieħu vantaġġ sħiħ u tiżgura konsistenza mal-Portal l-Ewropa Tiegħek, li jenħtieġ li jifforma s-sinsla tal-gateway diġitali unika stabbilit mir-Regolament (UE) 2018/1724 tal-Parlament Ewropew u tal-Kunsill (7).

(16)

Għal dawk il-għan, l-Awtorità jenħtieġ li tikkoopera ma’ inizjattivi u netwerks rilevanti oħrajn tal-Unjoni, b’mod partikolari in-Netwerk Ewropew tas-Servizzi Pubbliċi tal-Impjiegi, in-Netwerk Enterprise Europe, il-Punt Fokali tal-Fruntieri SOLVIT, u l-Kumitat tal-Ispetturi Għolja tax-Xogħol, kif ukoll mas-servizzi nazzjonali rilevanti bħall-korpi biex tippromwovi trattament ekwu u biex tappoġġa lill-ħaddiema tal-Unjoni u l-membri tal-familja tagħhom, maħtura mill-Istati Membri skont id-Direttiva 2014/54/UE. L-Awtorità jenħtieġ li tieħu post il-Kummissjoni fil-ġestjoni tal-uffiċċju Ewropew għall-Koordinazzjoni tan-Netwerk tas-Servizzi Ewropej tax-Xogħol (EURES) stabbilit mir-Regolament (UE) 2016/589 tal-Parlament Ewropew u tal-Kunsill (8), inkluż l-istabbiliment tal-ħtiġijiet tal-utent u tar-rekwiżiti tan-negozju għall-effettività tal-portal EURES u tas-servizzi tat-teknoloġija tal-informazzjoni (IT) relatati, iżda teskludi l-forniment tal-IT, u l-operat u l-iżvilupp tal-infrastruttura tal-IT, li se tkompli tkun żgurata mill-Kummissjoni.

(17)

Bil-ħsieb li tiżgura l-applikazzjoni ġusta, sempliċi u effettiva u l-infurzar tal-liġi tal-Unjoni, l-Awtorità jenħtieġ li tappoġġa l-kooperazzjoni u l-iskambju f’waqtu tal-informazzjoni bejn l-Istati Membri. Flimkien ma’ persunal ieħor, l-Uffiċjali Nazzjonali ta’ Kollegament li jaħdmu fi ħdan l-Awtorità jenħtieġ li jappoġġaw il-konformità tal-Istati Membri mal-obbligi ta’ kooperazzjoni, iħaffu l-iskambji bejniethom permezz ta’ proċeduri dedikati biex inaqqsu d-dewmien, u jiżguraw rabtiet ma’ uffiċċji nazzjonali ta’ kollegament, korpi u punti ta’ kuntatt taħt il-liġi tal-Unjoni. L-Awtorità jenħtieġ li tħeġġeġ l-użu ta’ approċċi innovattivi għal kooperazzjoni transfruntiera effettiva u effiċjenti, inkluż għodod tal-iskambju tad-data elettronika bħas-sistema ta’ Skambju Elettroniku ta’ Informazzjoni dwar is-Sigurtà Soċjali (EESSI) u s-sistema ta’ Informazzjoni tas-Suq Intern (IMI), u jenħtieġ li tikkontribwixxi biex tkompli tiddiġitalizza l-proċeduri u ttejjeb l-għodod tal-IT użati għall-iskambju tal-messaġġi bejn l-awtoritajiet nazzjonali.

(18)

Sabiex tiżdied il-kapaċità tal-Istati membri li jiżguraw il-protezzjoni tal-persuni li jeżerċitaw id-dritt tagħhom għall-moviment liberu u li jindirizzaw l-irregolaritajiet b’dimensjoni transfruntiera f’rabta mal-liġi tal-Unjoni fil-kamp tal-applikazzjoni ta’ dan ir-Regolament, l-Awtorità jenħtieġ li tappoġġa l-awtoritajiet nazzjonali fit-twettiq ta’ spezzjonijiet miftiehma u konġunti, inkluż billi tiffaċilita l-ispezzjonijiet f’konformità mal-Artikolu 10 tad-Direttiva 2014/67/UE. Dawk l-ispezzjonijiet jenħtieġ li jseħħu fuq talba tal-Istati Membri jew fuq il-qbil tagħhom mas-suġġeriment tal-Awtorità. L-Awtorità jenħtieġ li tipprovdi appoġġ strateġiku, loġistiku u tekniku lill-Istati Membri li jipparteċipaw fl-ispezzjonijiet miftiehma jew konġunti b’rispett komplut lejn ir-rekwiżiti tal-kunfidenzjalità. L-ispezzjonijiet jenħtieġ li jitwettqu fi qbil mal-Istati Membri kkonċernati u jeħtieġ li jseħħu fi ħdan il-qafas ġuridiku tal-liġi jew il-prattika nazzjonali tal-Istati Membri li fihom huma jsiru. L-Istati Membri jenħtieġ li jagħtu segwitu lill-eżiti tal-ispezzjonijiet miftiehma u konġunti skont il-liġi jew il-prattika nazzjonali.

(19)

L-ispezzjonijiet miftiehma u konġunti la għandhom jissostitwixxu u lanqas jimminaw il-kompetenzi nazzjonali. L-awtoritajiet nazzjonali jenħtieġ li jkunu wkoll assoċjati bis-sħiħ fil-proċess ta’ tali spezzjonijiet u jenħtieġ li jkollhom awtorità sħiħa. Meta t-trade unions ikunu responsabbli għall-ispezzjonijiet fil-livell nazzjonali, jenħtieġ li jsiru spezzjonijiet miftiehma u konġunti wara ftehim mas-sħab soċjali u b’kooperazzjoni magħhom.

(20)

Sabiex iżżomm kont tax-xejriet, tal-isfidi jew tal-lakuni emerġenti fl-oqsma tal-mobbiltà tal-ħaddiema u tal-koordinazzjoni tas-sigurtà soċjali, l-Awtorità jenħtieġ li tiżviluppa, f’kooperazzjoni mal-Istati Membri u, fejn ikun xieraq, mas-sħab soċjali kapaċità analitika u ta’ valutazzjoni tar-riskju. Din jenħtieġ li tinvolvi t-twettiq ta’ analiżi u studji tas-suq tax-xogħol, kif ukoll reviżjonijiet bejn il-pari. L-Awtorità jenħtieġ li timmonitorja l-iżbilanċi potenzjali f’termini tal-ħiliet u tal-flussi tax-xogħol transfruntiera, inkluż l-impatt possibbli tagħhom fuq il-koeżjoni territorjali. L-Awtorità jenħtieġ li tappoġġa wkoll il-valutazzjoni tar-riskju msemmija fl-Artikolu 10 tad-Direttiva 2014/67/UE. L-Awtorità jenħtieġ li tiżgura sinerġiji u komplementarjetà ma’ aġenziji tal-Unjoni, servizzi jew netwerks. Dan jenħtieġ li jinkludi t-tfittix ta’ input minn SOLVIT u servizzi simili dwar l-isfidi speċifiċi għas-settur u l-problemi rikorrenti dwar il-mobbiltà tal-ħaddiema fi ħdan il-kamp ta’ applikazzjoni ta’ dan ir-Regolament. L-Awtorità jenħtieġ li tiffaċilita wkoll u tissimplifika l-attivitajiet tal-ġbir tad-data previsti mil-liġi tal-Unjoni fil-kamp ta’ applikazzjoni ta’ dan ir-Regolament. Dan ma jinvolvix il-ħolqien ta’ obbligi ta’ rapportar ġodda għall-Istati Membri.

(21)

Biex issaħħaħ il-kapaċità tal-awtoritajiet nazzjonali fl-oqsma tal-mobbiltà tal-ħaddiema u l-koordinazzjoni tas-sigurtà soċjali u ttejjeb il-konsistenza fl-applikazzjoni mal-liġi tal-Unjoni fi ħdan il-kamp ta’ applikazzjoni ta’ dan ir-Regolament, l-Awtorità jenħtieġ li tipprovdi assistenza operattiva lill-awtoritajiet nazzjonali, inkluż l-iżvilupp ta’ linji gwida prattiċi, l-istabbiliment ta’ programmi ta’ taħriġ u tagħlim bejn il-pari, inkluż għall-ispettorati tax-xogħol biex jindirizzaw l-isfidi bħall-impjiegi indipendenti fittizji u l-abbużi tal-istazzjonar, il-promozzjoni ta’ proġetti ta’ assistenza reċiproka, l-iffaċilitar tal-iskambji tal-persunal bħal dawk msemmija fl-Artikolu 8 tad-Direttiva 2014/67/UE, u appoġġ għall-Istati Membri fl-organizzazzjoni ta’ kampanji ta’ sensibilizzazzjoni li jinformaw lill-individwi u lil min iħaddem dwar id-drittijiet u l-obbligi tagħhom. L-Awtorità jenħtieġ li tippromwovi l-iskambju, id-disseminazzjoni u l-użu ta’ prattiki tajbin u ta’ għarfien, u tippromwovi l-fehim reċiproku ta’ sistemi u prattiki nazzjonali differenti.

(22)

L-Awtorità jenħtieġ li tiżviluppa sinerġiji bejn il-kompitu tagħha li tiżgura mobbiltà ġusta tal-ħaddiema u li tindirizza x-xogħol mhux dikjarat. Għall-finijiet ta’ dan ir-Regolament, l-’indirizzar’ ta’ xogħol mhux dikjarat tfisser il-prevenzjoni, l-iskoraġġiment u l-ġlieda kontra x-xogħol mhux dikjarat kif ukoll il-promozzjoni tad-dikjarazzjoni tiegħu. Filwaqt li tibni fuq l-għarfien u l-metodi ta’ ħidma tal-Pjattaforma Ewropea biex issaħħaħ il-kooperazzjoni fl-indirizzar ta’ xogħol mhux dikjarat, stabbilit bid-Deċiżjoni (UE) 2016/344 tal-Parlament Ewropew u tal-Kunsill (9) l-Awtorità jenħtieġ li tistabbilixxi, bl-involviment tas-sħab soċjali, grupp ta’ ħidma permanenti msejjaħ ukoll Pjattaforma biex issaħħaħ il-kooperazzjoni fl-indirizzar ta’ xogħol mhux dikjarat. L-Awtorità jenħtieġ li tiżgura tranżizzjoni bla xkiel tal-attivitajiet eżistenti tal-pjattaforma stabbilita bid-Deċiżjoni (UE) 2016/344 għall-grupp ta’ ħidma fi ħdan l-Awtorità.

(23)

L-Awtorità jenħtieġ li jkollha rwol ta’ medjazzjoni. L-Istati Membri jenħtieġ li jkunu jistgħu jirreferu każijiet individwali kkontestati lill-Awtorità għall-medjazzjoni wara li jonqsu milli jsolvuhom permezz ta’ 'kuntatt dirett u bi djalogu. Il-medjazzjoni jenħtieġ li tikkonċerna biss tilwim bejn l-Istati Membri, filwaqt li l-individwi u min iħaddem li jkunu qed jaffaċċaw diffikultajiet fl-eżerċitar tad-drittijiet tal-Unjoni tagħhom jenħtieġ li jibqa' jkollhom għad-dispożizzjoni tagħhom is-servizzi nazzjonali u tal-Unjoni dedikati biex jittrattaw każijiet bħal dawn, bħan-netwerk SOLVIT, li lilu l-Awtorità jenħtieġ li tirreferi tali każijiet. In-netwerk SOLVIT jenħtieġ li jkun jista’ wkoll jirreferi lill-Awtorità għall-konsiderazzjoni tagħha każijiet fejn il-problema ma tistax tissolva minħabba differenzi bejn l-amministrazzjonijiet nazzjonali. L-Awtorità jenħtieġ li twettaq ir-rwol tagħha ta’ medjazzjoni mingħajr preġudizzju għall-kompetenza tal-Qorti tal-Ġustizzja tal-Unjoni Ewropea (il-Qorti tal-Ġustizzja) fir-rigward tal-interpretazzjoni mal-liġi tal-Unjoni u mingħajr preġudizzju għall-kompetenza tal-Kummissjoni Amministrattiva.

(24)

Il-Qafas Ewropew għall-Interoperabbiltà (EIF) joffri prinċipji u rakkomandazzjonijiet dwar kif titjib il-governanza tal-attivitajiet tal-interoperabbiltà u t-twettiq tas-servizzi pubbliċi, l-istabbiliment ta’ relazzjonijiet bejn l-organizzazzjonijiet u transfruntiera, is-simplifikazzjoni tal-proċessi li jappoġġaw l-iskambji diġitali minn tarf sa tarf, u l-iżgurar li kemm il-leġiżlazzjoni eżistenti kif ukoll dik ġdida jappoġġaw il-prinċipji tal-interoperabbiltà. L-Arkitettura Ewropea ta’ Referenza għall-Interoperabbiltà (EIRA) hija struttura ġenerika, magħmula minn prinċipji u linji gwida li japplikaw għall-implimentazzjoni ta’ soluzzjonijiet tal-interoperabbiltà, imsemmija fid-Deċiżjoni (UE) 2015/2240 tal-Parlament Ewropew u tal-Kunsill (10). Kemm l-EIF u l-EIRA jenħtieġ li jiggwidaw u jappoġġaw lill-Awtorità meta tikkunsidra kwistjonijiet tal-interoperabbiltà.

(25)

L-Awtorità jenħtieġ li jkollha l-għan li tipprovdi aċċess aħjar għal informazzjoni u servizzi online għal partijiet ikkonċernati nazzjonali u tal-Unjoni u tiffaċilita l-iskambju ta’ informazzjoni bejniethom. Għalhekk, l-użu ta’ għodod diġitali jenħtieġ li jitħeġġeġ mill-Awtorità, kull meta jkun possibbli. Apparti s-sistemi tal-IT u s-siti web, għodod diġitali bħalma huma l-pjattaformi online u l-bażijiet tad-data qed jaqdu rwol dejjem aktar ċentrali fis-suq tal-mobbiltà tax-xogħol transfruntier. B’hekk, dawn l-għodod huma utli biex jipprovdu aċċess faċli għal informazzjoni online rilevanti u jiffaċilitaw l-iskambju ta’ informazzjoni għal partijiet ikkonċernati nazzjonali u tal-Unjoni rigward l-attivitajiet transfruntiera tagħhom.

(26)

L-Awtorità jenħtieġ li tistinka għas-siti web u applikazzjonijiet mobbli stabbiliti għall-implimentazzjoni tal-kompiti stipulati f’dan ir-Regolament biex ikunu konformi mar-rekwiżiti ta’ aċċessibbiltà rilevanti tal-Unjoni. Id-Direttiva (UE) 2016/2102 tal-Parlament Ewropew u tal-Kunsill (11) teħtieġ li l-Istati Membri jiżguraw li s-siti elettroniċi tal-entitajiet pubbliċi tagħhom ikunu aċċessibbli skont il-prinċipji ta’ perċezzjoni, operabbiltà, komprensibbiltà u robustezza u li dawn jikkonformaw mar-rekwiżiti ta’ dik id-Direttiva. Dik id-Direttiva ma tapplikax għal siti web jew applikazzjonijiet mobbli ta’ istituzzjonijiet, korpi, uffiċċji u aġenziji tal-Unjoni. Madankollu, l-Awtorità jenħtieġ li tagħmel ħilitha biex tikkonforma mal-prinċipji stabbiliti f’dik id-Direttiva.

(27)

L-Awtorità jenħtieġ li tkun amministrata u operata f’konformità mal-prinċipji tad-Dikjarazzjoni Konġunta tal-Parlament Ewropew, tal-Kunsill u tal-Kummissjoni dwar l-aġenziji deċentralizzati tad-19 ta’ Lulju 2012.

(28)

Il-prinċipju tal-ugwaljanza huwa prinċipju fundamentali tal-liġi tal-Unjoni. L-ugwaljanza bejn in-nisa u l-irġiel hija żgurata fl-oqsma kollha, inkluż fl-impjieg, ix-xogħol u l-paga. Il-partijiet kollha jenħtieġ li jimmiraw biex jiksbu rappreżentanza bilanċjata bejn in-nisa u l-irġiel fuq il-Bord tat-Tmexxija u l-Grupp tal-Partijiet Ikkonċernati. Dak l-għan jenħtieġ li jiġi segwit ukoll mill-Bord tat-Tmexxija fir-rigward tal-President u l-Viċi Presidenti tiegħu.

(29)

L-Istati Membri u l-Kummissjoni jenħtieġ li jkunu rappreżentati fuq Bord tat-Tmexxija, sabiex ikun żgurat il-funzjonament effettiv tal-Awtorità. Il-Parlament Ewropew kif ukoll l-organizzazzjonijiet tas-sħab soċjali transindustrijali fil-livell tal-Unjoni, b’rappreżentazzjoni ugwali ta’ trade union u l-organizzazzjonijiet ta’ min iħaddem u b’rappreżentanza adegwata tal-SMEs, jistgħu wkoll jinnominaw rappreżentanti għall-Bord tat-Tmexxija. Il-kompożizzjoni tal-Bord tat-Tmexxija, inkluż l-għażla tal-President u tal-Viċi President, jenħtieġ li tirrispetta l-prinċipji tal-bilanċ bejn is-sessi, l-esperjenza u l-kwalifiki. Fid-dawl tal-funzjonament effettiv u effiċjenti tal-Awtorità, il-Bord tat-Tmexxija, b’mod partikolari, jenħtieġ li jadotta programm ta’ ħidma annwali, iwettaq il-funzjonijiet tiegħu marbuta mal-baġit tal-Awtorità, jadotta r-regoli finanzjarji applikabbli għall-Awtorità, jaħtar Direttur Eżekuttiv, u jistabbilixxi proċeduri għat-teħid tad-deċiżjonijiet marbuta mal-kompiti operattivi tal-Awtorità mid-Direttur Eżekuttiv. Rappreżentanti minn pajjiżi terzi li japplikaw ir-regoli tal-Unjoni fi ħdan il-kamp ta’ applikazzjoni ta’ dan ir-Regolament, jenħtieġ li jkunu jistgħu jipparteċipaw fil-laqgħat tal-Bord tat-Tmexxija bħala osservaturi.

(30)

F’każijiet eċċezzjonali, fejn meħtieġ li jinżamm il-livell massimu ta’ kunfidenzjalità, l-espert indipendenti maħtur mill-Parlament Ewropew u r-rappreżentanti tal-organizzazzjonijiet tas-sħab soċjali transindustrijali fil-livell tal-Unjoni jenħtieġ li ma jipparteċipawx fid-deliberazzjonijiet tal-Bord tat-Tmexxija. Tali dispożizzjoni jenħtieġ li tiġi speċifikata b’mod ċar fir-regoli ta’ proċedura tal-Bord tat-Tmexxija u jenħtieġ li tkun limitata għal informazzjoni sensittiva dwar każijiet individwali, sabiex jiġi żgurat li l-parteċipazzjoni effettiva tal-espert u r-rappreżentanti fil-ħidma tal-Bord tat-Tmexxija ma tkunx limitata b’mod mhux xieraq.

(31)

Jenħtieġ li jinħatar Direttur Eżekuttiv biex jiżgura l-ġestjoni amministrattiva ġenerali tal-Awtorità u l-implimentazzjoni tal-kompiti assenjati lill-Awtorità. Membri oħra tal-persunal jistgħu jissostitwixxu lid-Direttur Eżekuttiv meta dan ikun meqjus li hu meħtieġ sabiex tiġi żgurata l-ġestjoni ta’ kuljum tal-Awtorità, f’konformità mar-regoli interni tal-Awtorità, mingħajr ma jinħolqu pożizzjonijiet maniġerjali addizzjonali.

(32)

Mingħajr preġudizzju għas-setgħat tal-Kummissjoni, il-Bord tat-Tmexxija u d-Direttur Eżekuttiv jenħtieġ li jkunu indipendenti fil-prestazzjoni ta’ dmirijiethom u jaġixxu fl-interess pubbliku.

(33)

L-Awtorità jenħtieġ li tiddependi direttament fuq l-għarfien espert tal-partijiet ikkonċernati rilevanti fl-oqsma fi ħdan il-kamp ta’ applikazzjoni ta’ dan ir-Regolament permezz ta’ Grupp tal-Partijiet Ikkonċernati dedikat. Il-membri jenħtieġ li jkunu rappreżentanti tas-sħab soċjali fil-livell tal-Unjoni, inklużi sħab soċjali settorjali rikonoxxuti tal-Unjoni li jirrappreżentaw setturi differenti partikolarment ikkonċernati minn kwistjonijiet tal-mobbiltà tal-ħaddiema. Jenħtieġ li l-Grupp tal-Partijiet Ikkonċernati jirċievi tgħarrif minn qabel u jkun jista’ jressaq l-opinjonijiet tiegħu lill-Awtorità, fuq talba jew fuq inizjattiva proprja. Fit-twettiq tal-attivitajiet tiegħu, il-Grupp tal-Partijiet Ikkonċernati se jqis debitament l-opinjonijiet u jieħu mill-għarfien espert tal-Kumitat ta’ Konsulenza għall-Kordinazzjoni tas-Sistemi ta’ Sigurtà Soċjali stabbilit permezz tar-Regolament (KE) Nru 883/2004 u l-Kumitat Konsultattiv dwar il-Libertà ta’ Moviment għall-Ħaddiema skont ir-Regolament (UE) Nru 492/2011 tal-Parlament Ewropew u tal-Kunsill (12).

(34)

Sabiex tiggarantixxi l-awtonomija u l-indipendenza kompluta tagħha, l-Awtorità jenħtieġ li tingħata baġit awtonomu, bi dħul li ġej mill-baġit ġenerali tal-Unjoni, kwalunkwe kontribuzzjoni finanzjarja volontarja mill-Istati Membri u kwalunkwe kontribuzzjoni minn pajjiżi terzi li jkunu qed jipparteċipaw fil-ħidma tal-Awtorità. F’każijiet eċċezzjonali u debitament ġustifikati jenħtieġ li tkun ukoll f’pożizzjoni li tirċievi ftehimiet ta’ delega jew għotjiet ad hoc, u li titlob ħlas għall-pubblikazzjonijiet u kwalunkwe servizz fornut mill-Awtorità.

(35)

Is-servizzi tat-traduzzjoni meħtieġa għall-funzjonament tal-Awtorità jenħtieġ li jiġu pprovduti miċ-Ċentru tat-Traduzzjoni għall-Korpi tal-Unjoni Ewropea (Ċentru tat-Traduzzjoni). L-Awtorità jenħtieġ li taħdem flimkien maċ-Ċentru tat-Traduzzjoni biex tistabbilixxi indikaturi għall-kwalità, il-puntwalità u l-kunfidenzjalità, biex tidentifika b’mod ċar il-ħtiġijiet u l-prijoritajiet tal-Awtorità, u toħloq proċeduri trasparenti u oġġettivi għall-proċess tat-traduzzjoni.

(36)

L-ipproċessar tad-data personali mwettaq fil-kuntest ta’ dan ir-Regolament jenħtieġ li jitwettaq f’konformità mar-Regolament (UE) 2016/679 (13), jew (UE) 2018/1725 (14) tal-Parlament Ewropew u tal-Kunsill, kif applikabbli. Dan jinkludi t-tqegħid fis-seħħ tal-miżuri tekniċi u organizzattivi xierqa għall-konformità mal-obbligi imposti minn dawk ir-Regolamenti, b’mod partikolari miżuri marbuta mal-legalità tal-ipproċessar, is-sigurtà tal-attivitajiet tal-ipproċessar, il-forniment tal-informazzjoni u d-drittijiet tas-suġġetti tad-data.

(37)

Sabiex ikun żgurat l-operat trasparenti tal-Awtorità, ir-Regolament (KE) Nru 1049/2001 tal-Parlament Ewropew u tal-Kunsill (15) jenħtieġ li japplika għall-Awtorità. L-attivitajiet tal-Awtorità jenħtieġ li jkunu soġġetti għall-iskrutinju tal-Ombudsman Ewropew f’konformità mal-Artikolu 228 tat-TFUE.

(38)

Ir-Regolament (UE, Euratom) Nru 883/2013 tal-Parlament Ewropew u tal-Kunsill (16) jenħtieġ li japplika għall-Awtorità, li jenħtieġ li taderixxi mal-Ftehim Interistituzzjonali tal-25 ta’ Mejju 1999 bejn il-Parlament Ewropew, il-Kunsill tal-Unjoni Ewropea u l-Kummissjoni tal-Komunitajiet Ewropej li jikkonċerna l-investigazzjonijiet interni mill-Uffiċċju Ewropew Kontra l-Frodi (OLAF).

(39)

L-Istat Membru ospitanti tal-Awtorità jenħtieġ li jipprovdi l-aħjar kundizzjonijiet possibbli biex jiżgura l-funzjonament kif suppost tal-Awtorità.

(40)

Sabiex ikunu żgurati kundizzjonijiet tal-impjieg miftuħa u trasparenti u trattament ekwu tal-persunal, ir-Regolamenti tal-Persunal tal-Uffiċjali tal-Unjoni Ewropea u l-Kondizzjonijiet ta’ Impjieg ta’ Uffiċjali Oħra tal-Unjoni stipulati fir-Regolament tal-Kunsill (KEE, Euratom, KEFA) Nru 259/68 (17) (magħrufa bħala r-"Regolamenti tal-Persunal" u l-"Kondizzjonijiet ta’ Impjieg", rispettivament), jenħtieġ li japplikaw għall-persunal u għad-Direttur Eżekuttiv tal-Awtorità, inkluż ir-regoli tas-segretezza professjonali jew funzjonijiet ekwivalenti oħrajn tal-kunfidenzjalità.

(41)

Fi ħdan il-qafas tal-kompetenzi rispettivi tagħhom, l-Awtorità jenħtieġ li tikkoopera ma’ aġenziji tal-Unjoni, b’mod partikolari dawk stabbiliti fil-qasam tal-impjieg u tal-politika soċjali, fejn tibni fuq l-għarfien espert tagħhom u timmassimizza s-sinerġiji: il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (Eurofound), iċ-Ċentru Ewropew għall-Iżvilupp ta’ Taħriġ Vokazzjonali (Cedefop), l-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA) u l-Fondazzjoni Ewropea għat-Taħriġ (ETF), kif ukoll, fir-rigward tal-ġlieda kontra l-kriminalità u t-traffikar tal-bnedmin, mal-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust). Tali kooperazzjoni jenħtieġ li tiżgura l-koordinazzjoni, tippromwovi s-sinerġiji u tevita kwalunkwe duplikazzjoni fl-attivitajiet tagħhom.

(42)

Fil-qasam tal-koordinazzjoni tas-sigurtà soċjali, l-Awtorità u l-Kummissjoni Amministrattiva jenħtieġ li jikkooperaw mill-qrib bil-għan li jiksbu sinerġiji u jevitaw kwalunkwe duplikazzjoni.

(43)

Sabiex iġib dimensjoni operattiva għall-attivitajiet tal-korpi eżistenti fl-oqsma fi ħdan il-kamp ta’ applikazzjoni ta’ dan ir-Regolament, l-Awtorità jenħtieġ li twettaq il-kompiti tal-Kumitat Tekniku dwar il-Libertà ta’ Moviment għall-Ħaddiema stabbilit permezz tar-Regolament (UE) Nru 492/2011, il-Kumitat ta’ Esperti dwar l-Istazzjonar tal-Ħaddiema stabbilit permezz tad-Deċiżjoni tal-Kummissjoni 2009/17/KE (18), inkluż l-iskambju ta’ informazzjoni dwar kooperazzjoni amministrattiva, l-assistenza fi kwistjonijiet dwar l-implimentazzjoni kif ukoll l-infurzar transfruntier, u l-pjattaforma stabbilita permezz tad-Deċiżjoni (UE) 2016/344. Ladarba l-Awtorità tkun operattiva, dawk il-korpi jenħtieġ li ma jibqgħux jeżistu. Il-Bord tat-Tmexxija jista’ jiddeċiedi li jistabbilixxi gruppi ta’ ħidma jew panels ta’ esperti dedikati.

(44)

Il-Kumitat ta’ Konsulenza għall-Kordinazzjoni tas-Sistemi ta’ Sigurtà Soċjali u l-Kumitat Konsultattiv dwar il-Libertà ta’ Moviment għall-Ħaddiema jipprovdu forum għall-konsultazzjoni tas-sħab soċjali u tar-rappreżentanti governattivi fil-livell nazzjonali. L-Awtorità jenħtieġ li tikkontribwixxi għal xogħolhom u tista’ tipparteċipa fil-laqgħat tagħhom.

(45)

Sabiex jirriflettu s-sistema istituzzjonali ġdida, ir-Regolamenti (KE) Nru 883/2004, (UE) Nru 492/2011, u (UE) 2016/589 jenħtieġ li jiġu emendati, u d-Deċiżjoni (UE) 2016/344 jenħtieġ li titħassar ladarba l-Awtorità tkun operattiva.

(46)

L-Awtorità jenħtieġ li tirrispetta d-diversità tas-sistemi nazzjonali tar-relazzjonijiet industrijali kif ukoll l-awtonomija tas-sħab soċjali kif espliċitament rikonoxxut mit-TFUE. Il-parteċipazzjoni fl-attivitajiet tal-Awtorità hija mingħajr preġudizzju għall-kompetenzi, l-obbligi u r-responsabbiltajiet tal-Istati Membri, taħt, fost l-oħrajn, konvenzjonijiet rilevanti u applikabbli tal-Organizzazzjoni Internazzjonali tax-Xogħol (ILO), bħall-Konvenzjoni Nru 81 dwar l-Ispezzjoni tax-Xogħol fl-Industrija u fil-Kummerċ, u għas-setgħat tal-Istati Membri li jirregolaw, jimmedjaw jew jimmonitorjaw relazzjonijiet nazzjonali industrijali, b’mod partikolari dwar l-eżerċizzju tad-dritt ta’ negozjar kollettiv u li tittieħed azzjoni kollettiva.

(47)

Minħabba li l-għanijiet ta’ dan ir-Regolament, jiġifieri li jingħata kontribut, fi ħdan il-kamp ta’ applikazzjoni tiegħu, għall-iżgurar ta’ mobbiltà tax-xogħol ġusta madwar l-Unjoni u li tingħata assistenza lill-Istati Membri u lill-Kummissjoni fil-koordinazzjoni tas-sistemi tas-sigurtà soċjali fl-Unjoni ma jistgħux jintlaħqu b’mod suffiċjenti mill-Istati Membri li jaġixxu b’mod mhux ikkoordinat, iżda jistgħu, minħabba r-raġuni tan-natura transfruntiera ta’ dawk l-attivitajiet u l-ħtieġa għal żieda fil-kooperazzjoni bejn l-Istati Membri, jintlaħqu aħjar fil-livell tal-Unjoni, l-Unjoni tista’ tadotta miżuri f’konformità mal-prinċipju tas-sussidjarjetà kif stabbilit fl-Artikolu 5 tat-TUE. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkisbu dawk l-għanijiet.

(48)

Dan ir-Regolament jirrispetta d-drittijiet fundamentali u josserva l-prinċipji approvati, b’mod partikolari mill-Karta tad-Drittijiet Fundamentali tal-Unjoni Ewropea, kif rikonoxxut fl-Artikolu 6 tat-TUE,

(1)

Is-servizzi tal-intermedjazzjoni online huma faċilitaturi ewlenin tal-intraprenditorija u ta mudelli kummerċjali ġodda, tal-kummerċ u tal-innovazzjoni, li jistgħu wkoll itejbu l-benesseri tal-konsumaturi u li kulma jmur qed jintużaw dejjem aktar mis-settur privat u mis-settur pubbliku. Dawn joffru aċċess għal swieq ġodda u opportunitajiet kummerċjali li jippermettu lill-impriżi jaħsdu l-benefiċċji tas-suq intern. Dawn jippermettu lill-konsumaturi fl-Unjoni jisfruttaw dawk il-benefiċċji, l-aktar għax tiżdied l-għażla tagħhom tal-prodotti u tas-servizzi, kif ukoll għax jiġu offruti prezzijiet kompetittivi online, iżda huma jżidu wkoll l-isfidi li jeħtieġ jiġu indirizzati sabiex tiġi żgurata ċ-ċertezza legali.

(2)

Is-servizzi tal-intermedjazzjoni online jistgħu jkunu kruċjali għas-suċċess kummerċjali tal-impriżi li jużaw dawn is-servizzi biex jaslu għand il-konsumaturi. Biex jitgawdew bmod sħiħ il-benefiċċji tal-ekonomija tal-pjattaformi online, huwa għalhekk importanti li l-impriżi jkunu jistgħu jafdaw lis-servizzi tal-intermedjazzjoni online li magħhom jidħlu frelazzjonijiet kummerċjali. Dan huwa importanti l-iktar għaliex l-intermedjazzjoni dejjem akbar tat-tranżazzjonijiet permezz ta servizzi tal-intermedjazzjoni online, xprunata minn effetti tan-netwerk qawwija u indiretti mmexxija mid-data, twassal biex tiżdied id-dipendenza ta dawn l-utenti kummerċjali, b’mod partikolari tal-intrapriżi mikro, żgħar u ta daqs medju (SMEs), fuq dawn is-servizzi biex ikunu jistgħu jaslu għand il-konsumaturi. Peress li d-dipendenza qed dejjem tiżdied, il-fornituri ta dawk is-servizzi ta spiss ikollhom superjorità fil-poter tan-negozjar li jippermettilhom biex, fil-fatt, iġibu ruħhom bmod unilaterali bmod li jista jkun inġust u li jista jagħmel ħsara lill-interessi leġittimi tal-utenti kummerċjali tagħhom u, indirettament, anki tal-konsumaturi fl-Unjoni. Pereżempju, bmod unilaterali, jistgħu jimponu prattiki fuq l-utenti kummerċjali li jitbiegħdu ħafna minn imġiba kummerċjali tajba, jew imorru kontra l-bona fide u n-negozjar ġust. Dan ir-Regolament jindirizza tensjonijiet potenzjali bħal dawn fl-ekonomija tal-pjattaforma online.

(3)

Il-konsumaturi laqgħu tajjeb l-użu tas-servizzi tal-intermedjazzjoni online. Huwa essenzjali li jkun hemm ekosistema online li tkun kompetittiva, ġusta u trasparenti, li fiha l-kumpaniji jġibu ruħhom bmod responsabbli, għal finijiet tal-benesseri tal-konsumaturi. L-iżgurar tat-trasparenza ta u l-fiduċja fl-ekonomija tal-pjattaformi online frelazzjonijiet bejn negozju u ieħor, jista wkoll jgħin bmod indirett biex titjieb il-fiduċja tal-konsumaturi fl-ekonomija tal-pjattaformi online. Madankollu, l-impatti diretti tal-iżvilupp tal-ekonomija tal-pjattaformi online fuq il-konsumaturi huma indirizzati minn liġi oħra tal-Unjoni, speċjalment l-acquis tal-konsumatur.

(4)

Bl-istess mod, il-magni tat-tiftix online jistgħu jkunu sorsi importanti ta traffiku tal-Internet għan-negozji li joffru prodotti u servizzi lill-konsumaturi permezz tas-siti web u li għalhekk jistgħu jaffettwaw ferm is-suċċess kummerċjali ta dawn l-utenti ta siti web korporattivi li joffru l-prodotti jew is-servizzi tagħhom online fis-suq intern. Fdan ir-rigward, l-ikklassifikar tas-siti web mill-fornituri tal-magni tat-tiftix online, inkluż ta dawk is-siti web li fihom l-utenti ta siti web korporattivi joffru l-prodotti u s-servizzi tagħhom lill-konsumaturi, iħalli impatt importanti fuq l-għażla tal-konsumaturi u fuq is-suċċess kummerċjali ta dawk l-utenti ta siti web korporattivi. Għalhekk, anki fin-nuqqas ta relazzjoni kuntrattwali mal-utenti ta siti web korporattivi, il-fornituri tal-magni tat-tiftix online jistgħu, fil-fatt, iġibu ruħhom bmod unilaterali bmod li jista jkun inġust u li jista jagħmel ħsara lill-interessi leġittimi tal-utenti ta siti web korporattivi u, indirettament, anki tal-konsumaturi fl-Unjoni.

(5)

Barra minn hekk, in-natura tar-relazzjoni bejn il-fornituri tas-servizzi tal-intermedjazzjoni online u l-utenti kummerċjali tista twassal ukoll għal sitwazzjonijiet li fihom l-utenti kummerċjali ta spiss ikollhom possibbiltajiet limitati biex ifittxu rimedju meta l-azzjonijiet unilaterali tal-fornituri ta dawk is-servizzi jwasslu għal tilwima. Fħafna każijiet, dawk il-fornituri ma joffrux sistemi interni tat-trattament tal-ilmenti li jkunu aċċessibbli u effettivi. Il-mekkaniżmi alternattivi eżistenti tar-riżoluzzjoni tat-tilwim barra l-qorti jistgħu jkunu ineffettivi wkoll għal bosta raġunijiet varji, fosthom in-nuqqas ta medjaturi speċjalizzati u l-biża ta ritaljazzjoni li jkollhom l-utenti kummerċjali.

(6)

Is-servizzi tal-intermedjazzjoni online u l-magni tat-tiftix online, kif ukoll it-tranżazzjonijiet iffaċilitati minn dawk is-servizzi, għandhom potenzjal intrinsiku transfruntier u għandhom importanza partikolari għall-funzjonament xieraq tas-suq intern tal-Unjoni fl-ekonomija ta żmienna. Il-prattiki kummerċjali potenzjalment inġusti u dannużi ta ċerti fornituri ta dawk is-servizzi, u n-nuqqas ta mekkaniżmi ta rimedju effettivi, ixekklu l-ħatfa sħiħa ta dak il-potenzjal u jaffettwaw bmod negattiv il-funzjonament xieraq tas-suq intern.

(7)

Jenħtieġ li jiġu stabbiliti sett ta regoli obbligatorji fil-livell ta Unjoni biex jiżguraw ambjent ta negozju online ġust, prevedibbli, sostenibbli u affidabbli fis-suq intern. Bmod partikolari, l-utenti kummerċjali tas-servizzi tal-intermedjazzjoni online jenħtieġ li jkollhom it-trasparenza xierqa, kif ukoll il-possibbiltajiet ta rimedju effettiv, mal-Unjoni kollha sabiex jiġi ffaċilitat in-negozju transfruntier fi ħdan l-Unjoni u bhekk jittejjeb il-funzjonament tajjeb tas-suq intern u sabiex tiġi indirizzata l-frammentazzjoni emerġenti possibbli fl-oqsma speċifiċi koperti b’dan ir-Regolament.

(8)

Dawk ir-regoli jenħtieġ li jipprovdu wkoll inċentivi xierqa biex jiġu promossi l-korrettezza u t-trasparenza, speċjalment fejn jidħol l-ikklassifikar tal-utenti ta siti web korporattivi fir-riżultati ta’ tiftix iġġenerati mill-magni tat-tiftix online. Fl-istess ħin, dawk ir-regoli jenħtieġ li jirrikonoxxu u jissalvagwardjaw il-potenzjal importanti tal-innovazzjoni fl-ekonomija usa tal-pjattaformi online u jippermettu li jkun hemm kompetizzjoni tajba li twassal għal għażla akbar għall-konsumaturi. Huwa xieraq li jiġi ċċarat li dan ir-Regolament jenħtieġ li ma jaffettwax il-liġi ċivili nazzjonali, bmod partikolari l-liġi kuntrattwali, bħar-regoli dwar il-validità, il-formazzjoni, l-effetti jew it-terminazzjoni ta kuntratt, sa fejn ir-regoli tal-liġi ċivili nazzjonali jkunu konformi mal-liġi tal-Unjoni u sa fejn l-aspetti rilevanti ma jkunux koperti b’dan ir-Regolament. L-Istati Membri jenħtieġ li jibqgħu liberi li japplikaw il-liġijiet nazzjonali li jipprojbixxu jew jissanzjonaw imġiba unilaterali jew prattiki kummerċjali inġusti sal-punt li l-aspetti rilevanti ma jkunux koperti minn dan ir-Regolament.

(9)

Peress li s-servizzi tal-intermedjazzjoni online u l-magni tat-tiftix online tipikament ikollhom dimensjoni globali, dan ir-Regolament jenħtieġ li jkun japplika għall-fornituri ta dawk is-servizzi irrispettivament minn jekk ikunux stabbiliti fxi Stat Membru jew barra mill-Unjoni, diment li jiġu ssodisfati żewġ kundizzjonijiet kumulattivi. L-ewwel nett, l-utenti kummerċjali jew l-utenti ta siti web korporattivi jenħtieġ li jkunu stabbiliti fl-Unjoni. It-tieni nett, permezz tal-forniment ta dawk is-servizzi, l-utenti kummerċjali jew l-utenti ta siti web korporattivi jenħtieġ li joffru l-prodotti jew is-servizzi tagħhom lil konsumaturi li jinsabu fl-Unjoni mill-inqas għal parti mit-tranżazzjoni. Sabiex jiġi ddeterminat jekk utenti kummerċjali jew utenti ta siti web korporattivi humiex qed joffru prodotti jew servizzi lil konsumaturi li jinsabu fl-Unjoni, jenħtieġ li jiġi aċċertat jekk huwiex evidenti li l-utenti kummerċjali jew l-utenti ta siti web korporattivi jidderieġux l-attivitajiet tagħhom lejn il-konsumaturi li jinsabu fi Stat Membru wieħed jew aktar. Dan il-kriterju jenħtieġ li jiġi interpretat bkonformità mal-ġurisprudenza rilevanti tal-Qorti tal-Ġustizzja tal-Unjoni Ewropea dwar il-punt (c) tal-Artikolu 17(1) tar-Regolament (KE) Nru 1215/2012 tal-Parlament Ewropew u tal-Kunsill (3) u l-punt (b) tal-Artikolu 6(1) tar-Regolament (KE) Nru 593/2008 tal-Parlament Ewropew u tal-Kunsill (4). Dawn il-konsumaturi jenħtieġ li jkunu jinsabu fl-Unjoni, iżda la hu meħtieġ li jkollhom il-post tar-residenza tagħhom fl-Unjoni u lanqas ma jeħtieġ ikollhom iċ-ċittadinanza ta xi Stat Membru. Għaldaqstant, jenħtieġ li dan ir-Regolament ma jkunx japplika meta utenti kummerċjali jew utenti ta siti web korporattivi ma jkunux stabbiliti fl-Unjoni, jew meta jkunu stabbiliti fl-Unjoni iżda jużaw servizzi tal-intermedjazzjoni online jew magni tat-tiftix online li joffru prodotti jew servizzi esklussivament għal konsumaturi li jinsabu barra l-Unjoni jew għal persuni li mhumiex konsumaturi. Barra minn hekk, jenħtieġ li dan ir-Regolament japplika irrispettivament mil-liġi li altrimenti tkun applikabbli għal kuntratt.

(10)

Varjetà wiesgħa ta relazzjonijiet bejn in-negozji u l-konsumaturi huma intermedjati online minn fornituri li joperaw servizzi bdiversi naħat li essenzjalment huma bbażati fuq l-istess mudell tan-negozju tal-bini ta ekosistemi. Biex ikopru s-servizzi rilevanti, is-servizzi tal-intermedjazzjoni online jenħtieġ li jiġu definiti bmod preċiż u teknoloġikament newtrali. Bmod partikolari, is-servizzi jenħtieġ li jkunu jikkonsistu fservizzi tas-soċjetà tal-informazzjoni, li huma kkaratterizzati mill-fatt li għandhom l-għan li jiffaċilitaw il-bidu ta tranżazzjonijiet diretti bejn l-utenti kummerċjali u l-konsumaturi, irrispettivament minn jekk it-tranżazzjonijiet ikunux finalment konklużi online, fuq il-portal online tal-fornitur tas-servizzi tal-intermedjazzjoni online inkwistjoni jew fuq dak tal-utent kummerċjali, offline jew fuq l-ebda wieħed minnhom, li jfisser li jenħtieġ li ma hemm l-ebda rekwiżit għal kwalunkwe relazzjoni kuntrattwali bejn l-utenti kummerċjali u l-konsumaturi bħala prekundizzjoni għal servizzi tal-intermedjazzjoni online fi ħdan il-kamp ta applikazzjoni ta dan ir-Regolament. Is-sempliċi inklużjoni ta servizz ta natura marġinali biss jenħtieġ li ma titqiesx li tagħmel l-għan ta sit web jew servizz li jiffaċilita t-tranżazzjonijiet fis-sens tas-servizzi tal-intermedjazzjoni online. Barra minn hekk, is-servizzi jenħtieġ li jingħataw abbażi ta relazzjonijiet kuntrattwali bejn il-fornituri u l-utenti kummerċjali li joffru prodotti jew servizzi lill-konsumaturi. Din ir-relazzjoni kuntrattwali jenħtieġ li titqies li teżisti meta ż-żewġ partijiet konċernati jesprimu l-intenzjoni tagħhom li jintrabtu bmod inekwivokabbli fuq mezz durabbli, mingħajr ma jkun bilfors meħtieġ xi ftehim espress bil-miktub.

(11)

Għalhekk eżempji ta servizzi tal-intermedjazzjoni online li jkopri dan ir-Regolament jenħtieġ li jinkludu swieq tal-kummerċ elettroniku online, fosthom dawk kollaborattivi li fihom l-utenti kummerċjali jkunu attivi, servizzi tal-applikazzjonijiet online bħall-ħwienet tal-applikazzjonijiet, u s-servizzi online tal-midja soċjali, irrispettivament mit-teknoloġija li tintuża biex jingħataw tali servizzi. Fdan is-sens, is-servizzi tal-intermedjazzjoni online jistgħu jingħataw ukoll permezz tat-teknoloġija ta assistenza vokali. Jenħtieġ ukoll li ma jkunx rilevanti jekk dawk it-tranżazzjonijiet bejn l-utenti kummerċjali u l-konsumaturi jinvolvux kwalunkwe ħlas monetarju jew jekk huma jiġux konklużi parzjalment offline. Madankollu, jenħtieġ li dan ir-Regolament ma jkunx japplika għas-servizzi tal-intermedjazzjoni online bejn il-pari mingħajr il-preżenza ta utenti kummerċjali, servizzi tal-intermedjazzjoni online purament minn negozju għal negozju li mhumiex offruti lill-konsumaturi, għodod tar-reklamar online u skambji tar-reklamar online li mhumiex provduti bil-għan li jiffaċilitaw il-bidu ta tranżazzjonijiet diretti u li ma jinvolvux relazzjoni kuntrattwali mal-konsumaturi. Għall-istess raġuni, is-servizzi tas-software għall-ottimizzazzjoni tal-magni tat-tiftix kif ukoll servizzi li jduru madwar software li jimblokka r-reklamar jenħtieġ li ma jkunux koperti minn dan ir-Regolament. Il-funzjonalitajiet u l-interfaċċji teknoloġiċi li jorbtu biss il-hardware u l-applikazzjonijiet jenħtieġ li ma jkunux koperti minn dan ir-Regolament, peress li normalment ma jissodisfawx ir-rekwiżiti għas-servizzi tal-intermedjazzjoni online. Madankollu, tali funzjonalitajiet jew interfaċċi jistgħu jkunu direttament konnessi jew anċillari għal ċerti servizzi tal-intermedjazzjoni online u fejn dan ikun il-każ, il-fornituri rilevanti tas-servizzi tal-intermedjazzjoni online jenħtieġ li jkunu soġġetti għal rekwiżiti ta trasparenza relatati mat-trattament differenzjat abbażi ta dawn il-funzjonalitajiet u l-interfaċċi. Jenħtieġ li dan ir-Regolament lanqas ma jkun japplika għas-servizzi tal-pagament online għax dawn minnhom infushom ma jissodisfawx ir-rekwiżiti applikabbli, iżda huma awżiljarji bmod inerenti għat-tranżazzjoni għall-forniment ta prodotti u servizzi lill-konsumaturi kkonċernati.

(12)

Bkonformità mal-ġurisprudenza rilevanti tal-Qorti tal-Ġustizzja tal-Unjoni Ewropea u fid-dawl tal-fatt li l-pożizzjoni dipendenti tal-utenti kummerċjali ġiet osservata prinċipalment fir-rigward tas-servizzi tal-intermedjazzjoni online li jservu ta portal għall-konsumaturi bl-għamla ta persuni fiżiċi, il-kunċett ta konsumatur użati biex jiddelinja l-kamp ta applikazzjoni ta dan ir-Regolament jenħtieġ li jinftiehem bħala li jirreferi biss għall-persuni fiżiċi, li jkunu qed jaġixxu għal finijiet li huma barra mill-kummerċ, min-negozju, mis-sengħa jew mill-professjoni tagħhom.

(13)

Meta wieħed iqis il-pass mgħaġġel tal-innovazzjoni, id-definizzjoni ta magna tat-tiftix online użata fdan ir-Regolament jenħtieġ li tkun teknoloġikament newtrali. Bmod partikolari, id-definizzjoni jenħtieġ li tinftiehem fis-sens li tħaddan ukoll ir-rikjesti vokali.

(14)

Il-fornituri tas-servizzi tal-intermedjazzjoni online għandhom it-tendenza li jużaw termini u kundizzjonijiet ifformulati minn qabel u biex jipproteġi bmod effettiv lill-utenti kummerċjali meta meħtieġ, dan ir-Regolament jenħtieġ li japplika meta t-termini u l-kundizzjonijiet ta relazzjoni kuntrattwali, irrispettivament mill-isem jew l-għamla tagħhom, huma determinati bmod unilaterali mill-fornitur tas-servizzi tal-intermedjazzjoni online. Jekk it-termini u l-kundizzjonijiet ikunux iddeterminati bmod unilaterali jenħtieġ li jiġi evalwat każ b’każ abbażi ta valutazzjoni ġenerali. Għal dik il-valutazzjoni ġenerali, id-daqs relattiv tal-partijiet ikkonċernati, il-fatt li negozjati seħħu, jew li ċerti dispożizzjonijiet tagħhom setgħu kienu soġġetti għal tali negozjati u ddeterminati flimkien mill-fornituri rilevanti u l-utent kummerċjali jenħtieġ li, minnu nnifsu, ma jkunx deċiżiv. Barra minn hekk, l-obbligu għall-fornituri tas-servizzi tal-intermedjazzjoni online li jagħmlu t-termini u l-kundizzjonijiet tagħhom faċilment disponibbli għall-utenti kummerċjali, inkluż fl-istadju prekuntrattwali tar-relazzjoni kummerċjali tagħhom, ifisser li l-utenti kummerċjali mhux se jiġu mċaħħda mit-trasparenza li tirriżulta minn dan ir-Regolament minħabba li jistgħu bxi mod jinnegozjaw bsuċċess.

(15)

Biex jiżguraw li t-termini u l-kundizzjonijiet ġenerali ta relazzjoni kuntrattwali jkunu jippermettu li l-utenti kummerċjali jiddeterminaw il-kundizzjonijiet għall-użu, it-terminazzjoni u s-sospensjoni tas-servizzi tal-intermedjazzjoni online, u jiksbu l-prevedibbiltà fir-rigward tar-relazzjonijiet kummerċjali tagħhom, dawk it-termini u l-kundizzjonijiet jenħtieġ li jitfasslu blingwaġġ sempliċi u intelliġibbli. Jenħtieġ li t-termini u l-kundizzjonijiet ma jitqisux li tfasslu blingwaġġ sempliċi u intelliġibbli meta dawn ikunu vagi, mhux speċifiċi jew mingħajr ċertu dettall dwar kwistjonijiet kummerċjali importanti u għalhekk jonqsu milli jagħtu livell raġonevoli ta prevedibbiltà lill-utenti kummerċjali fejn jidħlu l-aktar aspetti importanti tar-relazzjoni kuntrattwali. Barra minn hekk, lingwaġġ qarrieqi jenħtieġ li ma jitqiesx sempliċi u intelliġibbli.

(16)

Bil-għan li jkun żgurat li l-utenti kummerċjali jkollhom biżżejjed ċarezza fir-rigward tal-post fejn l-oġġetti jew is-servizzi tagħhom qegħdin jiġu kkummerċjalizzati u dwar min huma d-destinatarji ta tali kummerċjalizzazzjoni, jenħtieġ li l-fornituri tas-servizzi tal-intermedjazzjoni online jiżguraw, fil-konfront tal-utenti kummerċjali tagħhom, it-trasparenza fir-rigward ta kwalunkwe mezz ta’ distribuzzjoni i u programm affiljat potenzjali addizzjonali li huma jistgħu jużaw biex jikkummerċjalizzaw dawk l-prodotti jew is-servizzi. Mezzi u programmi affiljati addizzjonali jenħtieġ li jinftiehmu bmod teknoloġikament newtrali iżda jistgħu, fost l-oħrajn, jinkludu siti web, apps jew servizzi oħrajn tal-intermedjazzjoni online użati biex jikkummerċjalizzaw il-prodotti jew is-servizzi offruti mill-utent kummerċjali.

(17)

Is-sjieda u l-kontroll tad-drittijiet tal-proprjetà intellettwali online jista jkollhom importanza ekonomika sinifikanti kemm għall-fornituri tas-servizzi tal-intermedjazzjoni online kif ukoll għall-utenti kummerċjali tagħhom. Sabiex jiġu żgurati ċ-ċarezza u t-trasparenza għall-utenti kummerċjali u għall-fehim aħjar tagħhom, il-fornituri tas-servizzi tal-intermedjazzjoni online jenħtieġ li jinkludu, fit-termini u l-kundizzjonijiet tagħhom, informazzjoni ġenerali, jew aktar dettaljata, jekk ikunu jixtiequ, rigward l-effetti globali, jekk ikun hemm, ta’ dawk it-termini u l-kundizzjonijiet dwar is-sjieda u l-kontroll tad-drittijiet tal-proprjetà intellettwali tal-utent kummerċjali. Tali informazzjoni tista, inter alia, tinkludi informazzjoni bħall-użu ġenerali ta logos, trademarks jew ismijiet ta ditti.

(18)

Li tkun żgurata t-trasparenza fit-termini u l-kundizzjonijiet ġenerali tista tkun essenzjali biex jiġu promossi relazzjonijiet kummerċjali sostenibbli u biex tkun evitata l-imġiba inġusta għad-detriment tal-utenti kummerċjali. Għalhekk jenħtieġ li l-fornituri tas-servizzi tal-intermedjazzjoni online jiżguraw li t-termini u l-kundizzjonijiet ikunu disponibbli faċilment fl-istadji kollha tar-relazzjoni kummerċjali, inkluż għall-utenti kummerċjali prospettivi fil-fażi prekuntrattwali, u li kwalunkwe bidla fdawk it-termini tiġi notifikata lill-utenti kummerċjali kkonċernati fuq mezz durabbli u fi żmien perijodu ta notifika stabbilit li jkun raġonevoli u proporzjonat fid-dawl taċ-ċirkostanzi speċifiċi u ta mill-inqas 15-il jum. Perijodi ta avviż proporzjonati itwal ta aktar minn 15-il jum jenħtieġ li jingħataw meta l-bidliet proposti għat-termini u l-kundizzjonijiet jirrikjedu li l-utenti kummerċjali jagħmlu adattamenti tekniċi jew kummerċjali sabiex jikkonformaw mal-bidla, pereżempju billi jitolbuhom jagħmlu aġġustamenti tekniċi sinifikanti għall-prodotti u s-servizzi tagħhom. Jenħtieġ li dak il-perijodu ta notifika ma jkunx japplika jekk, u sa fejn, dan jiġi rinunzjat bmod mhux ambigwu mill-utent kummerċjali kkonċernat jew meta, u sa fejn, il-ħtieġa li tiġi implimentata l-bidla mingħajr rispett għall-perijodu ta notifika tkun toħroġ minn obbligu legali jew regolatorju impost fuq il-fornitur tas-servizzi skont il-liġi tal-Unjoni jew nazzjonali. Madankollu, tibdiliet editorjali proposti jenħtieġ li ma jkunux koperti mit-terminu "bidla" sakemm dawn ma jbiddlux il-kontenut jew it-tifsira tat-termini u l-kundizzjonijiet. Ir-rekwiżit li jiġu nnotifikati l-bidliet proposti fuq mezz durabbli jenħtieġ li jippermetti lill-utenti kummerċjali biex jirrieżaminaw bmod effettiv dawn il-bidliet fi stadju aktar tard. L-utenti kummerċjali jenħtieġ li jkollhom id-dritt li jtemmu l-kuntratt tagħhom fi żmien 15-il jum mill-wasla ta-notifika ta’ kwalunkwe bidla, dment li ma japplikax perijodu iqsar tal-kuntratt, pereżempju li jirriżulta mil-liġi ċivili nazzjonali.

(19)

Bmod ġenerali, is-sottomissjoni ta prodtti jew servizzi ġodda, inklużi applikazzjonijiet ta software, għas-servizzi tal-intermedjazzjoni online jenħtieġ li tiġi kkunsidrata bħala azzjoni affermattiva ċara, li tirriżulta fir-rinunzja, mill-utent kummerċjali, tal-perijodu ta notifika meħtieġ għall-bidliet fit-termini u l-kundizzjonijiet. Madankollu, meta l-perijodu ta notifika raġonevoli u proporzjonat huwa ta aktar minn 15-il jum għax il-bidliet fit-termini u l-kundizzjonijiet jirrikjedu lill-utent kummerċjali jagħmel aġġustamenti tekniċi sinifikanti lill-prodotti jew lis-servizzi tiegħu, il-fatt li l-utent kummerċjali jippreżenta prodotti u servizzi ġodda jenħtieġ li ma jitqiesx bħala rinunzja awtomatika għall-perijodu ta notifika. Jenħtieġ li l-fornitur tas-servizzi tal-intermedjazzjoni online jistenna li l-bidliet fit-termini u l-kundizzjonijiet jirrikjedu lill-utent kummerċjali jagħmel aġġustamenti tekniċi sinifikanti meta, pereżempju, jitneħħew jew jiżdiedu karatteristiċi sħaħ tas-servizzi tal-intermedjazzjoni online li għalihom l-utenti kummerċjali kellhom aċċess, jew meta l-utenti kummerċjali jistgħu jkollhom bżonn jadattaw il-prodotti tagħhom jew jagħmlu riprogrammazzjoni tas-servizzi tagħhom biex ikunu jistgħu jkomplu joperaw permezz tas-servizzi tal-intermedjazzjoni online.

(20)

Biex jitħarsu l-utenti kummerċjali u biex tiġi pprovduta ċertezza legali għaż-żewġ naħat, termini u kundizzjonijiet li ma jkunux konformi jenħtieġ li jkunu nulli u bla effett, jiġifieri, daqslikieku qatt ma eżistew, beffetti erga omnes u ex tunc. Jenħtieġ li dan madankollu jikkonċerna biss id-dispożizzjonijiet speċifiċi tat-termini u l-kundizzjonijiet li ma jkunux konformi. Il-bqija tad-dispożizzjonijiet jenħtieġ li jibqgħu validi u infurzabbli, sakemm dawn ikunu jistgħu jinfirdu mid-dispożizzjonijiet li mhumiex konformi. Kull bidla li ssir ħesrem fit-termini u l-kundizzjonijiet eżistenti tista tfixkel bmod sinifikanti l-operazzjonijiet tal-utenti kummerċjali. Għaldaqstant, biex jiġu limitati dawn l-effetti negattivi fuq l-utenti kummerċjali u jkun skoraġġit dan it-tip ta aġir, il-bidliet li jsiru bi ksur tal-obbligu li jingħata perijodu ta notifika stabbilit jenħtieġ li jkunu nulli u bla effett, jiġifieri, daqslikieku qatt ma eżistew, beffetti erga omnes u ex tunc.

(21)

Sabiex jiġi żgurat li l-utenti kummerċjali jkunu jistgħu jisfruttaw bis-sħiħ l-opportunitajiet kummerċjali offruti mis-servizzi tal-intermedjazzjoni online, il-fornituri ta dawn is-servizzi jenħtieġ li ma jipprevenux kompletament lill-utenti kummerċjali tagħhom milli juru l-identità tan-negozjar tagħhom bħala parti mill-offerta jew mill-preżenza tagħhom għas-servizzi tal-intermedjazzjoni online rilevanti. Madankollu, din il-projbizzjoni ta interferenza jenħtieġ li ma tinftiehemx bħala dritt li l-utenti kummerċjali jiddeterminaw bmod unilaterali l-preżentazzjoni tal-offerta jew tal-preżenza tagħhom fuq is-servizzi tal-intermedjazzjoni online rilevanti.

(22)

Fornitur tas-servizzi tal-intermedjazzjoni online jista jkollu raġunijiet leġittimi biex jiddeċiedi li jirrestrinġi, jissospendi jew itemm il-forniment tas-servizzi tiegħu lil xi utent kummerċjali partikolari, inkluż billi jneħħi mil-lista xi prodotti jew servizzi individwali ta utent kummerċjali partikolari jew effettivament billi jneħħi r-riżultati ġġenerati mit-tiftix. Jekk ma jkunux sospiżi, il-fornituri tas-servizzi tal-intermedjazzjoni online jistgħu wkoll jirrestrinġu l-elenki individwali ta utenti kummerċjali; pereżempju, billi jitniżżlu l-isfel fil-klassifika jew billi tiġi affettwata b’mod negattiv l-apparenza tal-utenti kummerċjali (“dimming”) li tista tinkludi t-tniżżil l-isfel fl-ikklassifikar. Madankollu, minħabba li dawn id-deċiżjonijiet jistgħu jaffettwaw ferm l-interessi tal-utent kummerċjali kkonċernat, dawn jenħtieġ li, qabel jew fil-ħin li r-restrizzjoni jew is-sospensjoni jkollha effett, jiġu pprovduti bdikjarazzjoni tar-raġunijiet għal dik id-deċiżjoni fuq mezz durabbli. Sabiex jiġi minimizzat l-impatt negattiv ta tali deċiżjonijiet fuq l-utenti kummerċjali, il-fornituri tas-servizzi tal-intermedjazzjoni online jenħtieġ li jippermettu wkoll li jiġu ċċarati l-fatti li wasslu għal dik id-deċiżjoni fil-qafas tal-proċess intern tat-trattament tal-ilmenti, li se jgħinu lill-utent kummerċjali, fejn dan ikun possibbli, biex tiġi stabbilita l-konformità mill-ġdid. Barra minn hekk, meta l-fornitur tas-servizzi tal-intermedjazzjoni online jirrevoka d-deċiżjoni li tirrestrinġi, tissospendi jew ittemm, pereżempju minħabba li d-deċiżjoni tkun saret bi żball jew il-ksur tat-termini u l-kundizzjonijiet li wasslu għal din id-deċiżjoni ma jkunx twettaq in mala fede u jkun ġie rimedjat bmod sodisfaċenti, il-fornitur jenħtieġ li jintegra mill-ġdid l-utent kummerċjali kkonċernat mingħajr dewmien żejjed, inkluż jipprovdi lill-utenti kummerċjali bi kwalunkwe aċċess għad-data personali jew data oħra, jew it-tnejn, disponibbli qabel id-deċiżjoni.

Id-dikjarazzjoni tar-raġunijiet rigward id-deċiżjoni li tirrestrinġi, tissospendi jew ittemm il-forniment tas-servizzi tal-intermedjazzjoni online jenħtieġ li tippermetti li l-utenti kummerċjali jaċċertaw jekk hemmx lok għal kontestazzjoni tad-deċiżjoni, u bhekk jitjiebu l-possibbiltajiet tal-utenti kummerċjali li jfittxu rimedju effettiv meta meħtieġ. Id-dikjarazzjoni tar-raġunijiet jenħtieġ li tidentifika r-raġunijiet tad-deċiżjoni, abbażi tar-raġunijiet li l-fornitur kien stabbilixxa minn qabel fit-termini u l-kundizzjonijiet tiegħu, u jenħtieġ li tirreferi bmod proporzjonat għaċ-ċirkostanzi speċifiċi rilevanti, inklużi notifiki ta partijiet terzi, li wasslu għal dik id-deċiżjoni. Madankollu, l-fornitur tas-servizzi tal-intermedjazzjoni online jenħtieġ li ma jkunx obbligat li jipprovdi dikjarazzjoni tar-raġunijiet għal restrizzjonijiet, sospensjonijiet jew terminazzjonijiet jekk ikun qed jikser obbligu legali jew regolatorju. Barra minn hekk, jenħtieġ li dikjarazzjoni tar-raġunijiet ma tkunx meħtieġa fejn fornitur tas-servizzi tal-intermedjazzjoni online jista juri li l-utent kummerċjali kkonċernat ikun ripetutament kiser it-termini u l-kundizzjonijiet applikabbli, li jirriżulta fit-terminazzjoni tal-forniment tas-servizzi ta’ intermedjazzjoni online kollha inkwistjoni.

(23)

It-terminazzjoni tas-servizzi kollha tal-intermedjazzjoni online u t-tħassir ta data relatat ipprovdut għall-użu jew iġġenerat permezz tal-forniment ta servizzi tal-intermedjazzjoni online jirrappreżentaw telf ta informazzjoni essenzjali li jista jkollu impatt sinifikanti fuq l-utenti kummerċjali u jista jfixkel ukoll il-kapaċità tagħhom li jeżerċitaw kif jixraq id-drittijiet l-oħra mogħtija lilhom minn dan ir-Regolament. Għalhekk, il-fornitur tas-servizzi tal-intermedjazzjoni online jenħtieġ li jipprovdi lill-utent kummerċjali kkonċernat dikjarazzjoni tar-raġunijiet fuq mezz durabbli, mill-inqas 30 jum qabel ma tidħol fis-seħħ it-terminazzjoni tal-forniment tas-servizzi tal-intermedjazzjoni online kollha tiegħu. Madankollu, fkażijiet fejn obbligu legali jew regolatorju jirrikjedi li fornitur ta servizzi tal-intermedjazzjoni online jtemm il-forniment tas-servizzi tal-intermedjazzjoni online kollha tiegħu lil utent kummerċjali partikolari, dan il-perijodu ta notifika jenħtieġ li ma japplikax. Bl-istess mod, il-perijodu ta notifika ta 30 jum jenħtieġ li ma japplikax fejn fornitur ta servizzi tal-intermedjazzjoni online jinvoka d-drittijiet ta terminazzjoni skont il-liġi nazzjonali bkonformità mal-liġi tal-Unjoni li jippermettu t-terminazzjoni immedjata fejn, meta jitqiesu ċ-ċirkostanzi kollha tal-każ speċifiku u filwaqt li jiġu kkunsidrati l-interessi taż-żewġ partijiet, ma jistax jiġi raġonevolment mistenni li jkompli r-relazzjoni kuntrattwali sat-tmiem miftiehem jew sal-iskadenza ta perijodu ta notifika. Fl-aħħar nett, il-perijodu ta notifika ta 30 jum jenħtieġ li ma japplikax fejn fornitur tas-servizzi tal-intermedjazzjoni online jista juri ksur ripetut tat-termini u l-kundizzjonijiet. Id-diversi eċċezzjonijiet għall-perijodu ta notifika ta 30 jum jistgħu bmod partikolari jinħolqu brabta mal-kontenut illeċitu jew mhux xieraq, is-sikurezza ta prodott jew servizz, il-falsifikazzjoni, il-frodi, il-malware, l-ispam, il-ksur tad-data, riskji oħra ta ċibersigurtà jew l-adegwatezza tal-prodott jew is-servizz għall-minorenni. Sabiex tiġi żgurata l-proporzjonalità, il-fornituri tas-servizzi tal-intermedjazzjoni online jenħtieġ li, fejn ikun raġonevoli u teknikament fattibbli, ineħħu biss prodotti jew servizzi individwali ta utent kummerċjali. It-terminazzjoni tas-servizzi tal-intermedjazzjoni online kollha tikkostitwixxi l-aktar miżura severa.

(24)

L-ikklassifikar tal-prodotti u s-servizzi mill-fornituri tas-servizzi tal-intermedjazzjoni online iħalli impatt importanti fuq l-għażla tal-konsumaturi u, għaldaqstant, fuq is-suċċess kummerċjali tal-utenti kummerċjali li joffru dawk il-prodotti u s-servizzi lill-konsumaturi. L-ikklassifikar jirreferi għall-prominenza relattiva tal-offerti tal-utenti kummerċjali jew ir-rilevanza li tingħata lir-riżultati ġġenerati mit-tiftix kif ippreżentati, organizzati jew ikkomunikati mill-fornituri ta servizzi tal-intermedjazzjoni online jew mill-fornituri tal-magni tat-tiftix online, li jirriżultaw mill-użu ta sekwenzar algoritmiku, mekkaniżmi tal-ikklassifikar jew tar-riċensjoni, prominenza viżwali jew għodod oħra li jagħtu prominenza, jew kombinamenti ta dawn. Il-prevedibbiltà tinvolvi li l-fornituri tas-servizzi tal-intermedjazzjoni online jiddeterminaw l-ikklassifikar bmod mhux arbitrarju. Għalhekk, il-fornituri jenħtieġ li jiddeskrivu l-parametri prinċipali li jiddeterminaw l-ikklassifikar minn qabel, biex titjieb il-prevedibbiltà għall-utenti kummerċjali, biex ikunu jistgħu jifhmu aħjar il-funzjonament tal-mekkaniżmu tal-ikklassifikar u biex dawn ikunu jistgħu jqabblu l-prattiki tal-ikklassifikar ta fornituri differenti. Id-disinn speċifiku ta dan l-obbligu ta trasparenza huwa importanti għall-utenti kummerċjali peress li jimplika l-identifikazzjoni ta sett limitat ta parametri li huma l-aktar rilevanti għal għadd possibbilment ferm akbar ta parametri li jkollhom xi impatt fuq l-ikklassifikar. Din id-deskrizzjoni motivata jenħtieġ li tgħin lill-utenti kummerċjali biex itejbu l-preżentazzjoni tal-prodotti u s-servizzi tagħhom, jew xi karatteristiċi inerenti ta dawk il-prodotti jew is-servizzi. Il-kunċett ta parametri prinċipali jenħtieġ li jinftiehem li qed jirreferi għal kwalunkwe kriterji ġenerali, proċessi, sinjali speċifiċi inkorporati fl-algoritmi jew mekkaniżmi oħra ta aġġustament jew tnaqqis fil-klassifika użati fil-kuntest tal-ikklassifikar.

(25)

Jenħtieġ li d-deskrizzjoni tal-parametri prinċipali li jiddeterminaw l-ikklassifikar tkun tinkludi wkoll spjegazzjoni ta kwalunkwe possibbiltà li jkollhom l-utenti kummerċjali biex jinfluwenzaw bmod attiv l-ikklassifikar mar-rimunerazzjoni, kif ukoll spjegazzjoni tal-effetti relattivi tagħhom. Fdan ir-rigward, ir-rimunerazzjoni tista tirreferi għal ħlasijiet magħmula bil-għan ewlieni jew uniku li jittejjeb l-ikklassifikar, kif ukoll għal rimunerazzjoni indiretta fl-għamla tal-aċċettazzjoni minn utent kummerċjali ta obbligi addizzjonali ta kwalunkwe tip li jista jkollhom dan it-titjib bħala l-effett prattiku tagħhom, bħall-użu ta servizzi li huma anċillari jew ta’ kwalunkwe karatteristiċi primjum. Il-kontenut tad-deskrizzjoni, inkluż l-għadd u t-tip tal-parametri prinċipali, jista għaldaqstant ivarja ħafna skont is-servizzi speċifiċi tal-intermedjazzjoni online, iżda jenħtieġ li din id-deskrizzjoni tipprovdi lill-utenti kummerċjali fehim sew ta kif il-mekkaniżmu tal-ikklassifikar ikun qed iqis il-karatteristiċi tal-prodotti jew is-servizzi proprja li joffri l-utent kummerċjali, u r-rilevanza tagħhom għall-konsumaturi tas-servizzi speċifiċi tal-intermedjazzjoni online. L-indikaturi li jintużaw biex titkejjel il-kwalità tal-prodotti jew is-servizzi tal-utenti kummerċjali, l-użu ta edituri u l-kapaċità tagħhom li jinfluwenzaw l-ikklassifikar ta dawk il-prodotti jew servizzi, l-ilħuq tal-impatt tar-rimunerazzjoni fuq l-ikklassifikar kif ukoll l-elementi li mhumiex relatati, jew inkella huma biss relatati bmod remot mal-prodott jew is-servizz innifsu, bħall-karatteristiċi tal-preżentazzjoni tal-offerta online, jistgħu jkunu eżempji ta parametri prinċipali li, meta jiġu inklużi fdeskrizzjoni ġenerali tal-mekkaniżmu tal-ikklassifikar blingwaġġ sempliċi u intelliġibbli, jenħtieġ li jgħinu lill-utenti kummerċjali jiksbu l-fehim adegwat meħtieġ tal-funzjonament tiegħu.

(26)

Bl-istess mod, l-ikklassifikar tas-siti web mill-fornituri tal-magni tat-tiftix online, notevolment ta dawk is-siti web li permezz tagħhom l-impriżi joffru prodotti u servizzi lill-konsumaturi, iħalli impatt importanti fuq l-għażla tal-konsumaturi u fuq is-suċċess kummerċjali tal-utenti ta siti web korporattivi. Għalhekk jenħtieġ li l-fornituri tal-magni tat-tiftix online jipprovdu deskrizzjoni tal-parametri prinċipali li jiddeterminaw l-ikklassifikar tas-siti web, kollha indiċjati, u l-importanza relattiva ta dawk il-parametri prinċipali fil-konfront ta parametri oħrajn, inkluż dawk tal-utenti ta siti web korporattivi kif ukoll ta siti web oħrajn. Minbarra l-karatteristiċi tal-prodotti u tas-servizzi u r-rilevanza tagħhom għall-konsumaturi, fil-każ tal-magni tat-tiftix online, din id-deskrizzjoni jenħtieġ li tippermetti li l-utenti ta siti web korporattivi jiksbu fehim adegwat jekk humiex qed jitqiesu ċerti karatteristiċi tad-disinn tas-sit web użat, bħalma huma l-ottimizzazzjoni tagħhom biex jidhru fuq it-tagħmir tat-telekomunikazzjoni mobbli, u jekk iva kif u sa liema punt. Jenħtieġ li tinkludi wkoll spjegazzjoni ta kwalunkwe possibbiltà li l-utenti ta’ siti web korporattivi jinfluwenzaw bmod attiv l-ikklassifikar permezz ta rimunerazzjoni, kif ukoll spjegazzjoni tal-effetti relattivi ta dan. Fin-nuqqas ta relazzjoni kuntrattwali bejn il-fornituri tal-magni tat-tiftix online u l-utenti ta siti web korporattivi, dik id-deskrizzjoni jenħtieġ li tkun aċċessibbli għall-pubbliku bmod viżibbli u faċilment aċċessibbli fuq il-magna tat-tiftix online rilevanti. Jenħtieġ li ma jinftiehemx li ż-żoni tas-siti web li jirrikjedu lill-utenti biex jilloggjaw jew jirreġistraw huma faċilment u pubblikament disponibbli fdan is-sens.

Biex tkun żgurata l-prevedibbiltà tal-utenti ta siti web korporattivi, id-deskrizzjoni jenħtieġ li tinżamm ukoll aġġornata, inkluż il-possibbiltà li kwalunkwe bidla fil-parametri prinċipali jenħtieġ li tkun identifikabbli faċilment. L-eżistenza ta deskrizzjoni aġġornata tal-parametri prinċipali tkun ukoll ta ġid tal-utenti tal-magna tat-tiftix online li mhumiex utenti ta siti web korporattivi. Fxi każijiet, il-fornituri tal-magni tat-tiftix online jistgħu jiddeċiedu li jinfluwenzaw l-ikklassifikar fkaż speċifiku jew ineħħu sit web partikolari minn ikklassifikar abbażi ta notifika minn parti terza. Għall-kuntrarju tal-fornituri tas-servizzi tal-intermedjazzjoni online, minħabba n-nuqqas ta kwalunkwe relazzjoni kuntrattwali bejn il-partijiet, il-fornituri tal-magni tat-tiftix online ma jistgħux ikunu mistennija jinnotifikaw lil utent ta siti web korporattivi direttament dwar tibdil fl-ordni tal-ikklassifikar jew tneħħija mil-lista minħabba notifika minn parti terza. Madankollu, utent ta sit web korporattiv jenħtieġ li jkun jista jispezzjona l-kontenut tan-notifika li tkun wasslet għat-tibdil fl-ordni tal-ikklassifikar f’każ speċifiku jew għat-tneħħija mil-lista ta’ sit web partikolari, billi jinvestiga l-kontenut tan-notifika bħal pereżempju fbażi tad-data online aċċessibbli pubblikament. Dan jista jgħin inaqqas l-abbużi potenzjali, mill-kompetituri, ta’ notifiki li jistgħu jwasslu għal tneħħija mil-lista.

(27)

Il-fornituri ta servizzi tal-intermedjazzjoni online jew ta magni tat-tiftix online jenħtieġ li ma jkunux meħtieġa jiżvelaw id-dettalji tal-funzjonament tal-mekkaniżmi tal-ikklassifikar tagħhom, inkluż l-algoritmi, taħt dan ir-Regolament. Il-kapaċità tagħhom li jaġixxu kontra l-manipulazzjoni bmala fede tal-ikklassifikar minn partijiet terzi, inkluż fl-interess tal-konsumaturi, jenħtieġ li daqstant ieħor ma tiddgħajjifx. Deskrizzjoni ġenerali tal-parametri prinċipali tal-ikklassifikar jenħtieġ li tissalvagwardja dawk l-interessi, filwaqt li tipprovdi lill-utenti kummerċjali u lill-utenti ta siti web korporattivi fehim adegwat tal-funzjonament tal-ikklassifikar fil-kuntest tal-użu tagħhom ta servizzi speċifiċi tal-intermedjazzjoni online jew ta magni ta tiftix online. Biex jiġi żgurat li jintlaħaq l-objettiv ta dan ir-Regolament jenħtieġ li l-kunsiderazzjoni tal-interessi kummerċjali tal-fornituri ta servizzi tal-intermedjazzjoni online jew ta magni tat-tiftix online ma għandha, għalhekk, qatt twassal għal rifjut li jiġu żvelati l-parametri prinċipali li jiddeterminaw l-ikklassifikar. Fdan ir-rigward, filwaqt li dan ir-Regolament huwa mingħajr preġudizzju għad-Direttiva (UE) 2016/943 tal-Parlament Ewropew u tal-Kunsill (5), id-deskrizzjoni mogħtija jenħtieġ li, tal-inqas tkun ibbażata fuq data reali dwar ir-rilevanza tal-parametri ta kklassifikar użati.

(28)

Jenħtieġ li l-Kummissjoni tiżviluppa linji gwida biex tassisti lill-fornituri tas-servizzi tal-intermedjazzjoni online u lill-fornituri tal-magni tat-tiftix online fl-applikazzjoni tar-rekwiżiti tat-trasparenza tal-ikklassifikar stabbiliti minn dan ir-Regolament. Jenħtieġ li dan l-isforz jgħin biex jiġi ottimizzat il-mod li bih il-parametri ewlenin li jiddeterminaw l-ikklassifikar jiġu identifikati u ppreżentati lill-utenti kummerċjali u lill-utenti ta siti web korporattivi.

(29)

Jenħtieġ li t-terminu ta’ prodotti u servizzi anċillari jinftiehem bħala prodotti u servizzi offruti lill-konsumaturi immedjatament qabel it-twettiq tat-tranżazzjoni li bdiet fuq is-servizzi tal-intermedjazzjoni online sabiex jikkomplementaw il-prodott jew is-servizz primarju offrut mill-utent kummerċjali. Prodotti u servizzi anċillari jirreferu għall-prodotti li tipikament jiddependu fuq, u huma direttament relatati mal-prodott jew servizz primarju sabiex ikunu jistgħu jiffunzjonaw. Għalhekk, it-terminu jenħtieġ li jeskludi prodotti u servizzi li huma biss qed jinbiegħu addizzjonalment għall-prodott jew servizz inkwistjoni iżda mingħajr ma jkunu komplementari fin-natura tagħhom. Eżempji ta’ servizzi anċillari jinkludu servizzi ta’ tiswija għal prodott speċifiku jew għal prodotti finanzjarji bħal assigurazzjoni għall-kiri tal-karozza offruti sabiex jikkomplimentaw il-prodotti jew is-servizzi speċifiċi offruti mill-utent kummerċjali. Bl-istess mod, prodotti anċillari jistgħu jinkludu prodotti li jikkomplimentaw il-prodott speċifiku li qed jiġi offrut mill-utent kummerċjali billi jikkostitwixxu “upgrade” jew għodda ta’ personalizzazzjoni marbuta ma’ dak il-prodott speċifiku. Fornituri ta’ servizzi tal-intermedjazzjoni online li joffru prodotti u servizzi lill-konsumaturi li huma anċillari għal prodott jew servizz li qiegħed jinbiegħ minn utent kummerċjali, permezz tas-servizzi tal-intermedjazzjoni online tagħhom, jenħtieġ li jistabbilixxu fit-termini u l-kundizzjonijiet tagħhom deskrizzjoni tat-tip ta’ prodotti u servizzi anċillari li qed jiġu offruti. Tali deskrizzjoni jenħtieġ li tkun disponibbli fit-termini u l-kundizzjonijiet sew jekk il-prodott jew servizz anċillari qiegħed jiġi pprovdut mill-fornitur tas-servizzi tal-intermedjazzjoni online nnifsu sew jekk minn parti terza. Tali deskrizzjoni jenħtieġ li tinftiehem biżżejjed sabiex utent kummerċjali jkun jista’ jifhem jekk kwalunkwe prodott jew servizz huwiex qiegħed jinbiegħ bħala anċillari għal prodott jew servizz tal-utent kummerċjali. Dik id-deskrizzjoni jenħtieġ li mhux neċessarjament tinkludi l-prodott jew is-servizz speċifiku, iżda pjuttost it-tip tal-prodott li qed jiġi offrut bħala komplimentari għall-prodott primarju tal-utent kummerċjali. Barra minn hekk, din id-deskrizzjoni jenħtieġ li tinkludi fiċ-ċirkustanzi kollha jekk u taħt liema kundizzjonijiet utent kummerċjali jista’ joffri l-prodott jew s-servizz anċillari tiegħu stess flimkien mal-prodott jew servizz primarju li huwa qiegħed joffri permezz tas-servizzi tal-intermedjazzjoni online.

(30)

Meta fornitur tas-servizzi tal-intermedjazzjoni online joffri ċerti prodotti jew servizzi lill-konsumaturi permezz tas-servizzi tal-intermedjazzjoni online tiegħu stess, jew inkella jagħmel dan permezz ta utent kummerċjali kkontrollat minnu, dak il-fornitur jista jikkompeti direttament ma utenti kummerċjali oħrajn tas-servizzi tal-intermedjazzjoni online tiegħu li mhumiex ikkontrollati mill-fornitur, li jista jagħti lill-fornitur inċentiv ekonomiku u l-kapaċità li juża l-kontroll tiegħu fuq is-servizzi tal-intermedjazzjoni online biex jiggarantixxi lill-offerti tiegħu stess, jew lil dawk ta utent kummerċjali kkontrollat minnu, vantaġġi tekniċi jew ekonomiċi li jista jiċħad lill-utenti kummerċjali li jikkompetu miegħu. Din l-imġiba tista tikkomprometti l-kompetizzjoni ġusta u tillimita l-possibbiltajiet ta għażla tal-konsumaturi. Fdawn is-sitwazzjonijiet bmod partikolari, hu importanti li l-fornitur tas-servizzi tal-intermedjazzjoni online jaġixxi bmod trasparenti u jipprovdi deskrizzjoni xierqa u jistabbilixxi l-kunsiderazzjonijiet għal kwalunkwe trattament differenzjat, permezz ta mezzi ġuridiċi, kummerċjali jew tekniċi, bħal funzjonalitajiet li jinvolvu sistemi operattivi li jaf ikun jagħti brabta mal-prodotti u s-servizzi li joffri hu stess, meta mqabbla ma dawk offruti mill-utenti kummerċjali. Biex tkun żgurata l-proporzjonalità, dan l-obbligu jenħtieġ li jkun japplika fil-livell tas-servizzi tal-intermedjazzjoni online ġenerali, u mhux fil-livell ta prodotti jew servizzi individwali offruti permezz ta dawk is-servizzi.

(31)

Meta fornitur ta’ magna tat-tiftix online nnifsu joffri ċerti prodotti jew servizzi lill-konsumaturi permezz tal-magna tat-tiftix online tiegħu stess, jew inkella jagħmel dan permezz ta utent ta siti web korporattivi li hu jikkontrolla, dak il-fornitur jista jikkompeti direttament ma utenti ta siti web korporattivi oħra tal-magna tat-tiftix online li mhumiex ikkontrollati mill-fornitur. Fdawn is-sitwazzjonijiet bmod partikolari, hu importanti li l-fornitur tal-magna tat-tiftix online jaġixxi bmod trasparenti u jipprovdi deskrizzjoni ta kwalunkwe trattament differenzjat, permezz ta mezzi ġuridiċi, kummerċjali jew tekniċi, li jaf ikun jagħti brabta mal-prodotti u s-servizzi li joffri hu stess jew permezz ta’ utent ta sit web korporattiv li huwa jikkontrolla, meta mqabbla ma dawk offruti mill-utenti ta siti web korporattivi li qed jikkompetu miegħu. Biex tkun żgurata l-proporzjonalità, dan l-obbligu jenħtieġ li jkun japplika fil-livell tal-magni tat-tiftix online ġenerali, u mhux fil-livell ta prodotti jew servizzi individwali offruti permezz ta dawk is-servizzi.

(32)

Jenħtieġ li fdan ir-Regolament jiġu indirizzati termini kuntrattwali speċifiċi, bmod partikolari fsitwazzjonijiet ta setgħa ta negozjar żbilanċjata, sabiex jiġi żgurat li r-relazzjonijiet kuntrattwali jitwettqu in bona fide u abbażi ta negozjar ġust. Il-prevedibbiltà u t-trasparenza jirrikjedu li l-utenti kummerċjali jingħataw opportunità reali biex isiru familjari mal-bidliet fit-termini u l-kundizzjonijiet, li allura jenħtieġ li ma jiġux imposti beffett retroattiv sakemm ma jkunux ibbażati fuq obbligu legali jew regolatorju jew ikunu ta benefiċċju għal dawk l-utenti kummerċjali. L-utenti kummerċjali jenħtieġ li, barra minn hekk, ikunu offruti ċarezza dwar il-kundizzjonijiet li taħthom ir-relazzjoni kummerċjali tagħhom mal-fornituri tas-servizzi tal-intermedjazzjoni online tista tintemm. Il-fornituri tas-servizzi tal-intermedjazzjoni online jenħtieġ li jiżguraw li l-kundizzjonijiet għat-terminazzjoni huma dejjem proporzjonati u jistgħu jiġu eżerċitati mingħajr diffikultà bla bżonn. Fl-aħħar nett, l-utenti kummerċjali jenħtieġ li jkunu infurmati bmod sħiħ dwar kwalunkwe aċċess li l-fornituri tas-servizzi tal-intermedjazzjoni online iżommu, wara l-iskadenza tal-kuntratt, għall-informazzjoni li l-utenti kummerċjali jipprovdu jew jiġġeneraw fil-kuntest tal-użu tagħhom tas-servizzi tal-intermedjazzjoni online.

(33)

L-abbiltà ta aċċess għad-data, u tal-użu tagħha, inkluż tad-data personali, tista tippermetti l-ħolqien ta valur importanti fl-ekonomija tal-pjattaformi online, kemm bmod ġenerali kif ukoll għall-utenti kummerċjali u s-servizzi tal-intermedjazzjoni involuti. Għaldaqstant, hu importanti li l-fornituri tas-servizzi tal-intermedjazzjoni online jipprovdu lill-utenti kummerċjali deskrizzjoni ċara tal-ambitu, in-natura u l-kundizzjonijiet tal-aċċess tagħhom għal ċerti kategoriji tad-data, u l-użu tagħha. Jenħtieġ li d-deskrizzjoni tkun proporzjonata u tista tkun tirreferi għal kundizzjonijiet tal-aċċess ġenerali, minflok identifikazzjoni eżawrjenti tad-data attwali, jew ta kategoriji tad-data. Madankollu, l-identifikazzjoni u l-aċċess għal kundizzjonijiet speċifiċi għal ċerti tipi ta data attwali li tista tkun rilevanti ħafna għall-utenti kummerċjali jistgħu jiġu inklużi wkoll fid-deskrizzjoni. Tali data tista tinkludi kklassifikar u riċensjonijiet akkumulati minn utenti kummerċjali dwar is-servizzi tal-intermedjazzjoni online. Kollox ma kollox, jenħtieġ li d-deskrizzjoni tippermetti l-utenti kummerċjali jkunu jistgħu jifhmu jekk jistgħux jużaw id-data biex itejbu l-ħolqien tal-valur, inkluż billi possibbilment iżommu servizzi tad-data minn parti terza.

(34)

Fl-istess linja, huwa importanti għall-utenti kummerċjali li jifhmu jekk il-fornitur jikkondividix ma partijiet terzi xi data ġġenerata permezz tal-użu tas-servizz tal-intermedjazzjoni mill-utent kummerċjali. Jenħtieġ li, bmod partikolari, l-utenti kummerċjali jiġu mgħarrfa dwar kwalunkwe kondiviżjoni ta data ma partijiet terzi li sseħħ għal finijiet li mhumiex meħtieġa għall-funzjonament adatt tas-servizzi tal-intermedjazzjoni online; pereżempju fejn il-fornitur irendi d-data fi flus taħt kunsiderazzjonijiet kummerċjali. Sabiex l-utenti kummerċjali jkunu jistgħu jeżerċitaw bis-sħiħ id-drittijiet disponibbli biex jinfluwenzaw tali kondiviżjoni tad-data, il-fornituri tas-servizzi tal-intermedjazzjoni online jenħtieġ li jkunu espliċiti wkoll dwar kwalunkwe possibbiltà li ma jipparteċipawx fil-kondiviżjoni tad-data meta dawn ikunu jeżistu taħt ir-relazzjoni kuntrattwali tagħhom mal-utent kummerċjali.

(35)

Dawk ir-rekwiżiti jenħtieġ li ma jinftiehmux bħala kwalunkwe obbligu għall-fornituri tas-servizzi tal-intermedjazzjoni online li jxerrdu jew li ma jxerrdux data personali jew mhux personali lill-utenti kummerċjali tagħhom. Madankollu, il-miżuri ta trasparenza jistgħu jikkontribwixxu biex tiżdied il-kondiviżjoni tad-data u jissaħħu, bħala sors ewlieni ta innovazzjoni u tkabbir, l-għanijiet li jinħoloq spazju komuni Ewropew tad-data. Jenħtieġ li l-ipproċessar tad-data personali jkun konformi mal-qafas ġuridiku tal-Unjoni dwar il-protezzjoni tal-persuni fiżiċi fir-rigward tal-ipproċessar tad-data personali u r-rispett tal-ħajja privata u l-protezzjoni tad-data personali fil-komunikazzjonijiet elettroniċi, partikolarment ir-Regolament (UE) 2016/679 (6), id-Direttiva (UE) 2016/680 (7) u d-Direttiva 2002/58/KE (8) tal-Parlament Ewropew u tal-Kunsill.

(36)

Fċerti każijiet, fit-termini u l-kundizzjonijiet tagħhom, il-fornituri tas-servizzi tal-intermedjazzjoni online jistgħu jirrestrinġu l-abbiltà tal-utenti kummerċjali li joffru prodotti jew servizzi lill-konsumaturi bkundizzjonijiet aktar favorevoli permezz ta mezzi oħra apparti permezz ta’ dawk is-servizzi tal-intermedjazzjoni online. Fdawk il-każijiet, il-fornituri kkonċernati jenħtieġ li jistabbilixxu r-raġunijiet għal dan, bmod partikolari breferenza għall-kunsiderazzjonijiet ekonomiċi, kummerċjali jew ġuridiċi ewlenin għar-restrizzjonijiet. Iżda jenħtieġ li dan l-obbligu tat-trasparenza ma jkunx jinftiehem li jaffettwa l-valutazzjoni tal-legalità ta dawn ir-restrizzjonijiet skont atti oħrajn tal-liġi tal-Unjoni jew il-liġi tal-Istati Membri li hija skont il-liġi tal-Unjoni, inkluż fl-oqsma tal-kompetizzjoni u prattiki kummerċjali inġusti, u l-applikazzjoni ta dawn il-liġijiet.

(37)

Biex l-utenti kummerċjali, inkluż dawk li ġarrbu restrizzjoni, sospensjoni jew terminazzjoni tal-użu tas-servizzi tal-intermedjazzjoni online rilevanti, ikollhom aċċess għal possibbiltajiet ta rimedju immedjat, xieraq u effettiv, jenħtieġ li l-fornituri tas-servizzi tal-intermedjazzjoni online jipprovdu għal sistema interna tat-trattament tal-ilmenti. Dik is-sistema interna tat-trattament tal-ilmenti jenħtieġ li tkun ibbażata fuq il-prinċipji ta’ trasparenza u ta’ trattament ugwali applikati għal sitwazzjonijiet ekwivalenti, bil-għan li tiżgura li proporzjon sinifikanti tal-ilmenti jkunu jistgħu jissolvew bmod bilaterali mill-fornitur tas-servizzi tal-intermedjazzjoni online u l-utenti kummerċjali rilevanti fperijodu ta żmien raġonevoli. Il-fornituri tas-servizzi tal-intermedjazzjoni online jistgħu jżommu fis-seħħ matul il-perijodu tal-ilment id-deċiżjoni li jkunu ħadu. Kwalunkwe tentattiv biex jintlaħaq ftehim permezz tal-proċess intern tat-trattament tal-ilmenti ma jippreġudikax id-drittijiet tal-fornituri tas-servizzi tal-intermedjazzjoni online jew tal-utenti kummerċjali kkonċernati li jibdew proċedimenti ġudizzjarji fi kwalunkwe ħin matul jew wara l-proċess intern tat-trattament tal-ilment. Barra minn hekk, il-fornituri tas-servizzi tal-intermedjazzjoni online jenħtieġ li jippubblikaw u, tal-inqas darba fis-sena, jivverifikaw informazzjoni dwar il-funzjonament u l-effikaċja tas-sistema interna tat-trattament tal-ilmenti tagħhom biex jgħinu lill-utenti kummerċjali biex jifhmu t-tipi ewlenin ta kwistjonijiet li jistgħu jinqalgħu fil-kuntest tal-forniment ta servizzi tal-intermedjazzjoni online differenti u l-possibbiltà li tinstab riżoluzzjoni bilaterali malajr u effettiva.

(38)

Ir-rekwiżiti ta dan ir-Regolament brabta mas-sistemi interni tat-trattament tal-ilmenti għandhom l-għan li l-fornituri tas-servizzi tal-intermedjazzjoni online jiksbu livell raġonevoli ta flessibbiltà meta joperaw dawk is-sistemi u jindirizzaw ilmenti individwali, ħalli jonqos kemm jista jkun il-piż amministrattiv. Barra minn hekk, is-sistemi interni tat-trattament tal-ilmenti jenħtieġ li jippermettu lill-fornituri tas-servizzi tal-intermedjazzjoni online biex jindirizzaw, meta meħtieġ, bmod proporzjonat kwalunkwe użu in mala fede ta dawk is-sistemi min-naħa ta ċerti utenti kummerċjali. Fid-dawl tal-ispejjeż biex jinħolqu u jitħaddmu dawn is-sistemi, jixraq li jiġi eżentat minn dawk l-obbligi kwalunkwe fornitur tas-servizzi tal-intermedjazzjoni online li jikkostitwixxi intrapriża żgħira, skont id-dispożizzjonijiet rilevanti tar-Rakkomandazzjoni tal-Kummissjoni 2003/361/KE (9). Ir-regoli ta konsolidazzjoni stipulati fdik ir-Rakkomandazzjoni jiżguraw li tiġi prevenuta kwalunkwe evażjoni. Dik l-eżenzjoni jenħtieġ li ma taffettwax id-dritt ta tali impriżi li jistabbilixxu, fuq bażi volontarja, sistema interna tat-trattament tal-ilmenti li tikkonforma mal-kriterji stabbiliti fdan ir-Regolament.

(39)

L-użu tal-kelma "interna" jenħtieġ li ma tinftiehemx bħala li tipprevjeni d-delega tas-sistema interna tat-trattament tal-ilmenti lil fornitur ta servizzi estern jew lil struttura korporattiva oħra, dment li tali fornitur jew struttura korporattiva oħra jkollu awtorità sħiħa u l-kapaċità li jiżgura l-konformità tas-sistema interna tat-trattament tal-ilmenti mar-rekwiżiti ta dan ir-Regolament.

(40)

Permezz tal-medjazzjoni, il-fornituri tas-servizzi tal-intermedjazzjoni online u l-utenti kummerċjali tagħhom jistgħu jiksbu mezz għar-riżoluzzjoni tat-tilwim bmod sodisfaċenti, mingħajr il-bżonn li jintużaw proċedimenti ġudizzjarji li jistgħu jkunu twal u għaljin. Għalhekk, il-fornituri tas-servizzi tal-intermedjazzjoni online jenħtieġ li jiffaċilitaw il-medjazzjoni, bmod partikolari, billi jidentifikaw minn tal-inqas żewġ medjaturi pubbliċi jew privati li magħhom ikunu lesti jimpenjaw ruħhom. L-għan li tiġi rikjesta l-identifikazzjoni ta’ għadd minimu ta medjaturi huwa sabiex tiġi ssalvagwardjata n-newtralità tal-medjaturi. Il-medjaturi li jipprovdu s-servizzi tagħhom minn post barra mill-Unjoni jenħtieġ li jiġu identifikati biss meta jkun żgurat li l-użu ta dawn is-servizzi bl-ebda mod ma jċaħħdu lill-utenti kummerċjali kkonċernati minn xi protezzjoni legali offruta lilhom skont il-liġi tal-Unjoni jew il-liġi tal-Istati Membri, inkluż ir-rekwiżiti ta dan ir-Regolament u l-liġi applikabbli dwar il-protezzjoni tad-data personali u s-sigrieti kummerċjali. Biex ikunu aċċessibbli, ġusti, u kemm jista jkun rapidi, effiċjenti u effettivi, dawn il-medjaturi jenħtieġ jissodisfaw ċerti kriterji stabbiliti. Madankollu, il-fornituri tas-servizzi tal-intermedjazzjoni online u l-utenti kummerċjali tagħhom jenħtieġ li jibqgħu liberi biex jidentifikaw bmod konġunt kwalunkwe medjatur tal-għażla tagħhom wara li tkun inqalgħet tilwima bejniethom. F’konformità mad-Direttiva 2008/52/KE tal-Parlament Ewropew u tal-Kunsill (10), il-medjazzjoni prevista fdan ir-Regolament jenħtieġ li tkun proċess volontarju fis-sens li l-partijiet stess ikunu inkarigati mill-proċess u jkunu jistgħu jibdew u jitterminaw fi kwalunkwe ħin. Minkejja n-natura volontarja tagħha, il-fornituri ta servizzi tal-intermedjazzjoni online jenħtieġ li jeżaminaw in bona fide t-talbiet għal involviment fil-medjazzjoni prevista fdan ir-Regolament.

(41)

Il-fornituri tas-servizzi tal-intermedjazzjoni online jenħtieġ li jġarrbu proporzjon raġonevoli tal-ispejjeż totali tal-medjazzjoni, filwaqt li jitqiesu l-elementi rilevanti kollha tal-każ inkwistjoni. Għal dan il-għan, il-medjatur jenħtieġ li jissuġġerixxi liema proporzjon hu raġonevoli fdak il-każ individwali. Fid-dawl tal-ispejjeż u tal-piż amministrattiv assoċjati mal-ħtieġa li jiġu identifikati medjaturi fit-termini u l-kundizzjonijiet, jixraq li jiġi eżentat minn dak l-obbligu kwalunkwe fornitur ta servizzi tal-intermedjazzjoni online li huwa intrapriża żgħira, skont id-dispożizzjonijiet rilevanti tar-Rakkomandazzjoni 2003/361/KE. Ir-regoli ta konsolidazzjoni stipulati fdik ir-Rakkomandazzjoni jiżguraw li tiġi prevenuta kwalunkwe evażjoni ta’ dak l-obbligu. Madankollu, dan jenħtieġ li ma jaffettwax id-dritt ta tali intrapriżi li jidentifikaw medjaturi fit-termini u l-kundizzjonijiet tagħhom li jikkonformaw mal-kriterji stipulati fdan ir-Regolament.

(42)

Peress li jenħtieġ li l-fornituri tas-servizzi tal-intermedjazzjoni online jkunu dejjem meħtieġa jidentifikaw il-medjaturi li magħhom huma disposti jimpenjaw ruħhom, u jenħtieġ li jkunu obbligati jidħlu in bona fide fkwalunkwe tentattiv ta medjazzjoni mwettaq skont dan ir-Regolament, dawn l-obbligi jenħtieġ li jkun stabbilit btali mod li jimpedixxi l-abbuż tas-sistema ta medjazzjoni min-naħa tal-utenti kummerċjali. Jenħtieġ li l-utenti kummerċjali jkunu obbligati wkoll jidħlu fmedjazzjoni in bona fide. Il-fornituri tas-servizzi tal-intermedjazzjoni online jenħtieġ li ma jkunux obbligati jidħlu fmedjazzjoni meta utent kummerċjali jippreżenta każ dwar suġġett li fir-rigward tiegħu tali utent kummerċjali jkun preċedentement ippreżenta każ għal medjazzjoni u fejn il-medjatur ikun iddetermina fdak il-każ li l-utent kummerċjali ma jkunx aġixxa in bona fide. Barra minn hekk, il-fornituri tas-servizzi tal-intermedjazzjoni online jenħtieġ li ma jkollhomx l-obbligu li jidħlu fmedjazzjoni mal-utenti kummerċjali li jkunu għamlu tentattivi ta medjazzjoni ripetuti li fallew. Dawn is-sitwazzjonijiet eċċezzjonali jenħtieġ li ma jillimitawx il-kapaċità tal-utent kummerċjali li jippreżenta każ għal medjazzjoni meta, kif iddeterminat mill-medjatur, is-suġġett tal-medjazzjoni mhuwiex relatat mal-każijiet preċedenti.

(43)

Biex teħfief ir-riżoluzzjoni tat-tilwim relatat mal-forniment tas-servizzi tal-intermedjazzjoni online li jużaw il-medjazzjoni fl-Unjoni, il-Kummissjoni jenħtieġ li, fkooperazzjoni mill-qrib mal-Istati Membri, tinkoraġġixxi t-twaqqif ta organizzazzjonijiet speċjalizzati tal-medjazzjoni, li bħalissa huma neqsin. Jenħtieġ li l-involviment tal-medjaturi bgħarfien speċjalizzat fis-servizzi tal-intermedjazzjoni online kif ukoll fis-setturi speċifiċi tal-industrija li fi ħdanhom jiġu pprovduti dawk is-servizzi, iżid il-fiduċja taż-żewġ partijiet fil-proċess tal-medjazzjoni u jżid il-probabbiltà li l-proċess iwassal għal eżitu mingħajr dewmien, ġust u sodisfaċenti.

(44)

Diversi fatturi, bħal mezzi finanzjarji limitati, il-biża ta ritaljazzjoni u l-għażla esklussiva ta liġijiet u d-dispożizzjonijiet tal-forum fit-termini u l-kundizzjonijiet, jistgħu jillimitaw l-effikaċja tal-possibbiltajiet eżistenti ta rimedju ġudizzjarju, bmod partikolari dawk li jirrikjedu li l-utenti kummerċjali jew l-utenti ta siti web korporattivi jaġixxu individwalment u bmod identifikabbli. Biex tkun żgurata applikazzjoni effettiva ta dan ir-Regolament, l-organizzazzjonijiet, l-assoċjazzjonijiet li jirrappreżentaw lill-utenti kummerċjali jew lill-utenti ta siti web korporattivi, kif ukoll il-korpi pubbliċi stabbiliti fl-Istati Membri jenħtieġ li jingħataw il-possibbiltà li jieħdu azzjoni quddiem il-qrati nazzjonali skont il-liġi nazzjonali, inklużi r-rekwiżiti proċedurali nazzjonali. Jenħtieġ li azzjoni bħal din quddiem il-qrati nazzjonali jkollha l-għan li twaqqaf jew tipprojbixxi każijiet ta ksur tar-regoli stabbiliti fdan ir-Regolament u li tevita dannu futur li jista jxekkel ir-relazzjonijiet kummerċjali sostenibbli fl-ekonomija tal-pjattaformi online. Biex ikun żgurat li tali organizzazzjonijiet jew assoċjazzjonijiet jeżerċitaw dak id-dritt bmod effettiv u kif xieraq, dawn jenħtieġ li jissodisfaw ċerti kriterji. Bmod partikolari, huma jeħtiġilhom jiġu debitament stabbiliti skont il-liġi ta Stat Membru, ikunu ta natura mingħajr skop ta qligħ u jilħqu l-objettivi tagħhom fuq bażi sostenibbli. Dawk ir-rekwiżiti jenħtieġ li jipprevjenu kwalunkwe stabbiliment ta organizzazzjonijiet jew assoċjazzjonijiet ad hoc għall-fini ta azzjoni speċifika jew azzjonijiet speċifiċi, jew għall-fini ta profitti.

Barra minn hekk, jenħtieġ li jiġi żgurat li ma jkun hemm l-ebda influwenza mhux dovuta minn kwalunkwe fornitur ta parti terza ta finanzjament fuq it-teħid ta deċiżjonijiet minn dawk l-organizzazzjonijiet jew l-assoċjazzjonijiet. Sabiex jiġi evitat kunflitt ta interess, jenħtieġ li, bmod partikolari, jiġi evitat li l-organizzazzjonijiet jew l-assoċjazzjonijiet li jirrappreżentaw l-utenti kummerċjali jew l-utenti ta siti web korporattivi jkunu soġġetti għal influwenza mhux xierqa minn kwalunkwe fornitur tas-servizzi tal-intermedjazzjoni online jew ta kwalunkwe magna tat-tiftix online. L-iżvelar sħiħ u pubbliku tal-informazzjoni dwar is-sħubija u s-sors tal-finanzjament jenħtieġ li jiffaċilita l-qrati nazzjonali fli jivvalutaw jekk dawn il-kriterji ta eliġibbiltà humiex issodisfati. Meta jitqies l-istatus partikolari tal-korpi pubbliċi rilevanti fl-Istati Membri fejn dawn il-korpi jkunu ġew stabbiliti, jenħtieġ jintalab biss li dawn ikunu speċifikament responsabbli, skont ir-regoli rilevanti tal-liġi nazzjonali, biex iressqu dawn l-azzjonijiet fl-interess kollettiv tal-partijiet konċernati jew fl-interess ġenerali, mingħajr ma jkun hemm bżonn li jiġu applikati dawk il-kriterji għal dawn il-korpi pubbliċi. Jenħtieġ li kwalunkwe azzjoni bħal din bl-ebda mod ma taffettwa d-drittijiet tal-utenti kummerċjali u tal-utenti ta siti web korporattivi li jieħdu azzjoni ġudizzjarja fuq bażi individwali.

(45)

L-identità ta’ organizzazzjonijiet, assoċjazzjonijiet u korpi pubbliċi li, fil-fehma tal-Istati Membri, jenħtieġ li jkunu kwalifikati li jieħdu azzjoni taħt dan ir-Regolament, jenħtieġ li jiġu kkomunikati lill-Kummissjoni. Jenħtieġ li, matul komunikazzjoni bħal din, l-Istati Membri jirreferu speċifikament għad-dispożizzjonijiet nazzjonali rilevanti li permezz tagħhom l-organizzazzjoni, l-assoċjazzjoni jew il-korp pubbliku jkun ġie stabbilit u, fejn xieraq, jirreferu għar-reġistru pubbliku rilevanti fejn tkun reġistrata l-organizzazzjoni jew l-assoċjazzjoni. Din l-opzjoni addizzjonali ta ħatra mill-Istati Membri jenħtieġ li tipprovdi ċertu livell ta ċertezza legali u prevedibbiltà li l-utenti kummerċjali u l-utenti ta siti web korporattivi jistgħu jiddependu fuqhom. Fl-istess ħin, għandha l-għan li tirrendi l-proċeduri ġudizzjarji aktar effiċjenti u iqsar, li jidher xieraq fdan il-kuntest. Il-Kummissjoni jenħtieġ li tiżgura l-pubblikazzjoni ta lista ta dawk l-organizzazzjonijiet, l-assoċjazzjonijiet u l-korpi pubbliċi fIl-Ġurnal Uffiċjali tal-Unjoni Ewropea. Inklużjoni f’dik il-lista jenħtieġ li sservi bħala prova li tkun tista’ tiġi kkonfutata tal-kapaċità legali tal-organizzazzjoni, tal-assoċjazzjoni jew tal-korp pubbliku li jkunu qed jieħdu l-azzjoni. Fejn ikun hemm kwalunkwe tħassib dwar ħatra, jenħtieġ li l-Istat Membru li jkun ħatar organizzazzjoni, assoċjazzjoni jew korp pubbliku jinvestiga dak it-tħassib. Organizzazzjonijiet, assoċjazzjonijiet u korpi pubbliċi li mhumiex maħtura minn Stat Membru jenħtieġ li jkollhom il-possibbiltà li jressqu azzjoni quddiem il-qrati nazzjonali soġġett għal eżami tal-kapaċità legali skont il-kriterji stabbiliti fdan ir-Regolament.

(46)

L-Istati Membri jenħtieġ li jkunu meħtieġa jiżguraw infurzar adegwat u effikaċji ta dan ir-Regolament. Diġà jeżistu sistemi differenti ta infurzar fl-Istati Membri, u jenħtieġ li dawn ma jkunux obbligati jistabbilixxu korpi nazzjonali ġodda tal-infurzar. Jenħtieġ li l-Istati Membri jkollhom l-opzjoni li jinkarigaw l-awtoritajiet eżistenti, inkluż il-qrati, bl-infurzar ta dan ir-Regolament. Jenħtieġ li dan ir-Regolament ma jobbligax lill-Istati Membri jipprevedu infurzar ex officio jew li jimponu multi.

(47)

Jenħtieġ li l-Kummissjoni timmonitorja kontinwament l-applikazzjoni ta dan ir-Regolament fkooperazzjoni mill-qrib mal-Istati Membri. Fdan il-kuntest, il-Kummissjoni jenħtieġ li timmira li tistabbilixxi netwerk ta skambju tal-informazzjoni wiesa billi tħeġġeġ korpi ta esperti, ċentri tal-eċċellenza kif ukoll l-Osservatorju dwar l-Ekonomija tal-Pjattaformi Online. Fl-istess ħin, l-Istati Membri jenħtieġ li jipprovdu, fuq talba, kwalunkwe informazzjoni rilevanti li jkollhom fdan il-kuntest lill-Kummissjoni. Fl-aħħar nett, dan l-eżerċizzju jenħtieġ li jibbenefika mit-trasparenza mtejba ġenerali fir-relazzjonijiet kummerċjali bejn l-utenti kummerċjali u l-fornituri tas-servizzi tal-intermedjazzjoni online u bejn l-utenti ta’ siti web korporattivi u l-magni tat-tiftix online li dan ir-Regolament għandu l-għan li jikseb. Sabiex twettaq id-dmirijiet tagħha ta’ monitoraġġ u rieżami bmod effettiv skont dan ir-Regolament, il-Kummissjoni jenħtieġ li tagħmel ħilitha biex tiġbor informazzjoni mingħand il-fornituri tas-servizzi tal-intermedjazzjoni online. Il-fornituri tas-servizzi tal-intermedjazzjoni online jenħtieġ li jikkooperaw in bona fide biex jiffaċilitaw il-ġbir ta tali data, fejn applikabbli.

(48)

Il-kodiċijiet ta kondotta, imfassla mill-fornituri tas-servizzi kkonċernati jew mill-organizzazzjonijiet jew l-assoċjazzjonijiet li jirrappreżentawhom, jistgħu jikkontribwixxu għall-applikazzjoni xierqa ta dan ir-Regolament u għalhekk jenħtieġ li jkunu mħeġġa. Meta jkunu qed jitfasslu dawn il-kodiċijiet ta kondotta, bkonsultazzjoni mal-partijiet konċernati rilevanti kollha, jenħtieġ li jitqiesu l-karatteristiċi speċifiċi tas-setturi kkonċernati u l-karatteristiċi speċifiċi tal-SMEs. Dawn il-kodiċijiet ta kondotta jenħtieġ li jiġu fformulati bmod oġġettiv u nondiskriminatorju.

(49)

Jenħtieġ li l-Kummissjoni tevalwa dan ir-Regolament minn żmien għal żmien u timmonitorja mill-qrib l-effetti tiegħu fuq l-ekonomija tal-pjattaformi online, bmod partikolari bil-għan li tiddetermina l-ħtieġa għal tibdil fid-dawl ta żviluppi teknoloġiċi jew kummerċjali rilevanti. Din l-evalwazzjoni jenħtieġ li tinkludi l-effetti fuq l-utenti kummerċjali li jistgħu jirriżultaw mill-użu ġenerali tal-għażla esklużiva ta dispożizzjonijiet tal-liġi u tal-forum ftermini u kundizzjonijiet li huma unilateralment determinati mill-fornitur tas-servizzi tal-intermedjazzjoni online. Sabiex tinkiseb stampa wiesgħa tal-iżviluppi fis-settur, l-evalwazzjoni jenħtieġ li tqis l-esperjenzi tal-Istati Membri u l-partijiet interessati rilevanti. Il-grupp ta esperti għall-Osservatorju dwar l-Ekonomija tal-Pjattaformi Online stabbilit skont id-Deċiżjoni tal-Kummissjoni C(2018)2393 għandu rwol ewlieni biex jinforma l-evalwazzjoni ta dan ir-Regolament mill-Kummissjoni. Jenħtieġ li l-Kummissjoni, għalhekk, tikkunsidra bmod dovut l-opinjonijiet u r-rapporti ppreżentati lilha mill-grupp. Wara l-evalwazzjoni, il-Kummissjoni jenħtieġ li tieħu l-miżuri xierqa. Miżuri ulterjuri, inklużi ta natura leġislattiva, jistgħu jkunu xierqa jekk u fejn id-dispożizzjonijiet stabbiliti fdan ir-Regolament ikunu insuffiċjenti biex jindirizzaw bmod adegwat l-iżbilanċi u l-prattiki kummerċjali inġusti li jippersistu fis-settur.

(50)

Meta tingħata l-informazzjoni meħtieġa skont dan ir-Regolament, jenħtieġ li jitqiesu kemm jista jkun il-ħtiġijiet partikolari tal-persuni bdiżabbiltà, bkonformità mal-għanijiet tal-Konvenzjoni tan-Nazzjonijiet Uniti dwar id-Drittijiet tal-Persuni bDiżabbiltà (11).

(51)

Minħabba li l-għan ta dan ir-Regolament, jiġifieri li jkun żgurat ambjent ta’ negozju online ġust, prevedibbli, sostenibbli u affidabbli fi ħdan is-suq intern, ma jistax jinkiseb b’mod suffiċjenti mill-Istati Membri iżda, minħabba l-iskala u l-effetti tiegħu, jista jinkiseb aħjar fil-livell tal-Unjoni, l-Unjoni tista tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit fdak l-Artikolu, dan ir-Regolament ma jmurx lil hinn minn dak li hu meħtieġ sabiex jinkiseb dak l-għan.

(52)

Dan ir-Regolament għandu l-għan li jiżgura r-rispett sħiħ tad-dritt għal rimedju effettiv u għal proċess ġust kif stabbilit fl-Artikolu 47 tal-Karta tad-Drittijiet Fundamentali tal-Unjoni Ewropea u jippromwovi l-applikazzjoni tal-libertà ta’ intrapriża kif stabbilit fl-Artikolu 16 tal-Karta,

(1)

Id-Direttiva (UE) 2017/1132 tal-Parlament Ewropew u tal-Kunsill (3) tistabbilixxi, inter alia, regoli dwar l-iżvelar u l-interkonnessjoni tar-reġistri ċentrali, kummerċjali u tal-kumpaniji tal-Istati Membri.

(2)

L-użu ta’ għodod u proċessi diġitali biex attività ekonomika tinbeda b'mod aktar faċli, rapidu, effiċjenti fil-ħin u kosteffettiv billi tiġi stabbilita kumpanija jew tinfetaħ fergħa ta’ dik il-kumpanija fi Stat Membru ieħor, u biex tiġi provduta informazzjoni komprensiva u aċċessibbli dwar il-kumpaniji, huwa wieħed mill-prerekwiżiti għall-funzjonament effettiv, il-modernizzazzjoni u t-tneħħija tal-burokrazija żejda ta’ suq intern kompetittiv u biex tiġi żgurata l-kompetittività u l-affidabbiltà tal-kumpaniji.

(3)

L-iżgurar ta’ ambjent legali u amministrattiv ugwali għall-isfidi soċjali u ekonomiċi ġodda tal-globalizzazzjoni u d-diġitalizzazzjoni li jeżistu huwa essenzjali, minn naħa, sabiex jiġu pprovduti s-salvagwardji neċessarji kontra l-abbuż u l-frodi u, min-naħa l-oħra, biex jiġu segwiti objettivi bħall-promozzjoni tat-tkabbir ekonomiku, il-ħolqien tal-impjiegi u l-attirar tal-investiment lejn l-Unjoni Ewropea, li kollha joffru benefiċċji ekonomiċi u soċjali lis-soċjetà kollha kemm hi.

(4)

Bħalissa jeżistu differenzi sinifikanti bejn l-Istati Membri fir-rigward tad-disponibbiltà ta’ għodod online għall-imprendituri u għall-kumpaniji sabiex ikunu jistgħu jikkomunikaw mal-awtoritajiet dwar kwistjonijiet tal-liġi dwar il-kumpaniji. Is-servizzi tal-Gvern elettroniku jvarjaw bejn Stat Membru u ieħor. Uħud mill-Istati Membri jipprovdu servizzi komprensivi u faċli għall-utenti li huma disponibbli għalkollox online, filwaqt li oħrajn mhumiex f'pożizzjoni li jipprovdu soluzzjonijiet online f'ċerti stadji ewlenin taċ-ċiklu tal-ħajja ta’ kumpanija. Pereżempju, xi Stati Membri jippermettu li biss l-iffurmar tal-kumpaniji, jew il-preżentazzjoni ta’ bidliet għal dokumenti u informazzjoni mar-reġistru, isir fiżikament, oħrajn jippermettu li dawk l-azzjonijiet isiru jew fiżikament jew online, u f’xi Stati Membri oħra dawn jistgħu jsiru biss online.

(5)

Barra minn hekk, fir-rigward tal-aċċess għall-informazzjoni tal-kumpaniji, il-liġi tal-Unjoni tistipula li sett minimu ta’ data dejjem irid jiġi pprovdut mingħajr ħlas. Madankollu, l-ambitu ta’ tali informazzjoni jibqa’ limitat. L-aċċess għal tali informazzjoni jvarja, b'aktar informazzjoni disponibbli mingħajr ħlas f'xi Stati Membri milli f'oħrajn, u b'hekk tinħoloq sitwazzjoni ta’ żbilanċ fl-Unjoni.

(6)

Il-Kummissjoni, fil-Komunikazzjoni tagħha “Strateġija ta’ Suq Diġitali Uniku għall-Ewropa” u fil-Komunikazzjoni tagħha “Pjan ta’ Azzjoni għal Gvern elettroniku tal-UE 2016-2020: L-aċċellerazzjoni tat-trasformazzjoni diġitali tal-gvern”, enfasizzat ir-rwol tal-amministrazzjonijiet pubbliċi biex jgħinu lin-negozji biex jibdew l-attivitajiet tagħhom faċilment, joperaw online u jespandu bejn fruntiera u oħra. Il-Pjan ta’ Azzjoni tal-UE dwar il-Gvern elettroniku rrikonoxxa b'mod speċifiku l-importanza ta’ titjib fl-użu tal-għodod diġitali fil-konformità mar-rekwiżiti relatati mal-liġi dwar il-kumpaniji. Barra minn hekk, fid-dikjarazzjoni ta’ Tallinn dwar il-Gvern elettroniku tas-6 ta’ Ottubru 2017, l-Istati Membri għamlu talba b'saħħitha biex jiżdiedu l-isforzi għall-provvediment ta’ proċeduri elettroniċi effiċjenti u li jirrivolvu madwar l-utent fl-Unjoni.

(7)

f'Ġunju 2017 bdiet topera l-interkonnessjoni tar-reġistri ċentrali, kummerċjali u tal-kumpaniji tal-Istati Membri, u b'hekk ġie ffaċilitat bil-kbir l-aċċess transfruntier għall-informazzjoni tal-kumpaniji fl-Unjoni u jippermetti lir-reġistri fl-Istati Membri jikkomunikaw ma’ xulxin b'mod elettroniku rigward ċerti operazzjonijiet transfruntiera li jaffettwaw lill-kumpaniji.

(8)

Sabiex jiġu faċilitati l-formazzjoni tal-kumpaniji u r-reġistrazzjoni tal-fergħat, u sabiex jitnaqqsu l-ispejjeż, il-ħin u l-piżijiet amministrattivi assoċjati ma’ dawk il-proċessi, b'mod partikolari fil-każ ta’ intrapriżi mikro, żgħar u ta’ daqs medju (“SMEs”) kif definiti fir-Rakkomandazzjoni tal-Kummissjoni 2003/361/KE (4), jenħtieġ li jitpoġġew fis-seħħ proċeduri li jippermettu li l-formazzjoni tal-kumpaniji u r-reġistrazzjoni tal-fergħat jitwettqu għalkollox online. Din id-Direttiva jenħtieġ li ma tobbligax lill-kumpaniji jużaw dan it-tip ta’ proċeduri. Jenħtieġ madankollu li l-Istati Membri jkunu jistgħu jiddeċiedu li jagħmlu l-proċeduri online kollha, jew wħud minnhom, mandatorji. L-ispejjeż u l-piżijiet attwali assoċjati mal-proċeduri ta’ formazzjoni u reġistrazzjoni jirriżultaw mhux biss mit-tariffi amministrattivi imposti biex tiġi ffurmata kumpanija jew rreġistrata fergħa, iżda wkoll minn rekwiżiti oħrajn li jtawlu l-proċess kollu, b'mod partikolari meta tkun meħtieġa l-preżenza fiżika tal-applikant. Barra minn hekk, jenħtieġ li l-informazzjoni dwar tali proċeduri tkun disponibbli online u mingħajr ħlas.

(9)

Ir-Regolament (UE) 2018/1724 tal-Parlament Ewropew u tal-Kunsill (5), li jistabbilixxi gateway diġitali unika jipprevedi regoli ġenerali għall-aċċess online għal informazzjoni, proċeduri u servizzi ta’ assistenza rilevanti għall-funzjonament tas-suq intern. Din id-Direttiva tistabbilixxi regoli speċifiċi relatati mal-formazzjoni online ta’ kumpanijib' responsabbiltà limitati, reġistrazzjoni tal-fergħat, u preżentazzjoni ta’ dokumenti u informazzjoni minn kumpaniji u fergħat (“proċeduri online”), li mhumiex koperti minn dan ir-Regolament. b'mod partikolari, jenħtieġ li l-Istati Membri jipprovdu informazzjoni speċifika dwar proċeduri online previsti f'din id-Direttiva u mudelli tal-istrumenti tal-kostituzzjoni (“mudelli”) fuq is-siti web aċċessibbli permezz tal-Gateway Diġitali Unika.

(10)

Il-possibbiltà li l-formazzjoni tal-kumpaniji, ir-reġistrazzjoni tal-fergħat u l-preżentazzjoni tad-dokumenti u tal-informazzjoni jsiru kompletament online tippermetti lill-kumpaniji jużaw għodod diġitali avvanzati fil-kuntatti tagħhom mal-awtoritajiet kompetenti tal-Istati Membri. Sabiex isaħħu l-fiduċja, jenħtieġ li l-Istati Membri jiżguraw li identifikazzjoni elettronika sigura u l-użu ta’ servizzi fiduċjarji jkunu possibbli għal utenti nazzjonali kif ukoll għal utenti transfruntiera skont ir-Regolament (UE) Nru 910/2014 tal-Parlament Ewropew u tal-Kunsill (6). Barra minn hekk, sabiex tkun permessa l-identifikazzjoni elettronika transfruntiera, jenħtieġ li l-Istati Membri jistabbilixxu skemi ta’ identifikazzjoni elettronika li jipprevedu mezzi awtentikati ta’ identifikazzjoni elettronika. Tali skemi nazzjonali se jintużaw bħala bażi għar-rikonoxximent ta’ mezzi ta’ identifikazzjoni elettronika maħruġa fi Stat Membru ieħor. Sabiex jiġi żgurat livell għoli ta’ fiduċja f'sitwazzjonijiet transfruntiera, jenħtieġ li jiġu rikonoxxuti biss il-mezzi ta’ identifikazzjoni elettronika li jikkonformaw mal-Artikolu 6 tar-Regolament (UE) Nru 910/2014. f'kull każ, jenħtieġ li din id-Direttiva tobbliga biss lill-Istati Membri sabiex jagħmlu possibbli l-formazzjonita’ kumpaniji u r-reġistrazzjoni tal-fergħat tagħhom online u l-preżentazzjoni tad-dokumenti u l-informazzjoni online minn applikanti li huma ċittadini tal-Unjoni permezz tar-rikonoxximent tal-mezzi tagħhom ta’ identifikazzjoni elettronika. L-Istati Membri jenħtieġ li jiddeċiedu l-mod li bih il-mezzi ta’ identifikazzjoni li huma jirrikonoxxu, inklużi dawk li ma jaqgħux taħt ir-Regolament (UE) Nru 910/2014, isiru disponibbli għall-pubbliku.

(11)

Jenħtieġ li l-Istati Membri jibqgħu liberi li jiddeċiedu liema persuna jew persuni jiġu kkunsidrati taħt il-liġi nazzjonali bħala applikanti fir-rigward tal-proċeduri online tal-kumpaniji, dment li dan ma jillimitax il-kamp ta’ applikazzjoni u l-objettiv ta’ din id-Direttiva.

(12)

Sabiex jiġu faċilitati proċeduri online għall-kumpaniji, jenħtieġ li r-reġistri tal-Istati Membri jiżguraw li r-regoli dwar it-tariffi applikabbli għall-proċeduri online previsti f'din id-Direttiva jkunu trasparenti u jiġu applikati b'mod mhux diskriminatorju. Madankollu, ir-rekwiżit tat-trasparenza tar-regoli dwar it-tariffi jenħtieġ li jkun mingħajr preġudizzju għal-libertà kuntrattwali, fejn tapplika, bejn l-applikanti u l-persuni li jgħinuhom fi kwalunkwe parti tal-proċeduri online, inkluża l-libertà li jinnegozjaw prezz xieraq għal servizzi bħal dawn.

(13)

It-tariffi imposti mill-reġistri jenħtieġ li jiġu kkalkulati abbażi tal-ispejjeż tas-servizzi konċernati. Tali tariffi jistgħu, inter alia, ikopru wkoll l-ispejjeż ta’ servizzi minuri mwettqa mingħajr ħlas. Fil-kalkolu tal-ammont tagħhom, l-Istati Membri jenħtieġ li jkunu intitolati jqisu l-ispejjeż kollha li għandhom x'jaqsmu mat-twettiq tal-proċeduri online, inkluż il-proporzjon tal-ispejjeż ġenerali li jista’ jiġi attribwit lilha. Barra minn hekk, jenħtieġ li Stati Membri jkunu permessi jimponu tariffi b'rata fissa u jiffissa l-ammont ta’ tali tariffi għal perjodu indefinit, bil-kundizzjoni li jivverifika f'intervalli regolari li tali tariffi jibqgħu ma jeċċedux l-ispiża medja tas-servizzi kkonċernati. Jenħtieġ li kwalunkwe tariffa għal proċeduri online imposta mir-reġistru fl-Istati Membri ma taqbiżx l-ispiża tal-irkupru tal-forniment ta’ servizzi bħal dawn. Barra minn hekk, fejn it-tlestija għalkollox tal-proċedura teħtieġ pagament, jenħtieġ li jkun possibbli li l-ħlas ikun jista’ jsir permezz ta’ servizzi ta’ pagament transfruntiera disponibbli b'mod wiesa’, bħall-karti ta’ kreditu u t-trasferimenti bankarji.

(14)

Jenħtieġ li l-Istati Membri jassistu lill-persuni li jfittxu li jiffurmaw kumpanija jew jirreġistraw fergħa billi jipprovdu ċerta informazzjoni permezz tal-Gateway Diġitali Unika u, meta huwa applikabbli, fuq il-Portal tal-Ġustizzja Elettronika, b'mod konċiż u faċli għall-utent, rigward il-proċeduri u r-rekwiżiti relatati mal-formazzjoni ta’ kumpaniji b'responsabbiltà limitata, ir-reġistrazzjoni tal-fergħat tagħhom, u l-preżentazzjoni ta’ dokumenti u informazzjoni, ir-regoli relatati mal-iskwalifika tad-diretturi u ħarsa ġenerali dwar is-setgħat u r-responsabbiltajiet tal-korpi amministrattivi, maniġerjali u superviżorji tal-kumpaniji.

(15)

Jenħtieġ li jkun possibbli li l-kumpaniji jiġu ffurmati kompletament online. Madankollu, jenħtieġ li l-Istati Membri jkunu permessi jillimitaw il-formazzjoni online għal ċerti tipi ta’ kumpaniji b'responsabbiltà limitata, kif speċifikat f'din id-Direttiva, minħabba l-kumplessità tal-formazzjoni ta’ tipi oħra ta’ kumpaniji fil-liġijiet nazzjonali online. Fi kwalunkwe każ, jenħtieġ li l-Istati Membri jistabbilixxu regoli dettaljati tal-formazzjoni. Jenħtieġ li jkun possibbli li l-formazzjoni online titwettaq bil-preżentazzjoni tad-dokumenti jew informazzjoni f'forma elettronika, mingħajr preġudizzju materjali u r-rekwiżiti proċedurali tal-Istati Membri, inklużi dawk relatati mal-proċeduri legali għat-tfassil tal-istrumenti tal-kostituzzjoni, u l-awtentiċità, il-preċiżjoni, l-affidabbiltà u l-forma ġuridika xierqa ta’ dokumenti jew informazzjoni li huma preżentati. Madankollu, dawk ir-rekwiżiti materjali u proċedurali jenħtieġ li ma jagħmlux impossibbli l-proċeduri online, b'mod partikolari dawk għall-formazzjoni online ta’ kumpanija u r-reġistrazzjoni online ta’ fergħa. Fejn il-ksib ta’ kopji elettroniċi ta’ dokumenti li jissodisfaw ir-rekwiżiti tal-Istati Membri mhux teknikament possibbli, jaf ikunu meħtieġa, eċċezzjonalment, id-dokumenti f’forma stampata.

(16)

Fejn ikunu twettqu l-formalitajiet kollha meħtieġa għall-formazzjoni online ta’ kumpanija, inkluż r-rekwiżit li d-dokumenti u l-informazzjoni kollha jiġu pprovduti b'mod korrett mill-kumpanija, il-formazzjoni online quddiem kwalunkwe awtorità jew kwalunkwe persuna jew korp responsabbli taħt il-liġi nazzjonali biex jittrattaw kwalunkwe aspett tal-proċeduri online, jenħtieġ li tkun rapida. Madankollu, f'każijiet fejn ikun hemm dubji dwar it-twettiq tal-formalitajiet neċessarji, inkluża l-identità kkonċernata ta’ applikant, il-legalità tal-isem tal-kumpanija, l-iskwalifika ta’ direttur jew il-konformità ta’ kwalunkwe informazzjoni jew dokument oħra b'rekwiżiti legali, jew f'każijiet ta’ suspett ta’ frodi jew abbuż, il-formazzjoni online tista’ tieħu aktar żmien, u l-iskadenza għall-awtoritajiet jenħtieġ li ma tibdiex qabel ma jkun hemm konformità ma’ tali formalitajiet. Fi kwalunkwe każ, meta ma jkunx possibbli li l-proċedura titwettaq għalkollox sal-iskadenzi, l-Istati Membri jenħtieġ li jiżguraw li l-applikant jiġi notifikat dwar ir-raġunijiet għal kwalunkwe dewmien.

(17)

Sabiex tiġi żgurata l-formazzjoni online f'ħinha ta’ kumpanija jew r-reġistrazzjoni online ta’fergħa, jenħtieġ li l-Istati Membri ma jagħmlux il-formazzjoni jew ir-reġistrazzjoni kundizzjonali fuq il-kisba ta’ kwalunkwe liċenzja jew awtorizzazzjoni qabel ma tkun tista’ titlesta għalkollox dik il-formazzjoni jew ir-reġistrazzjoni ħlief meta dan ikun ipprovdut fil-liġi nazzjonali għall-fini tal-iżgurar ta’ sorveljanza xierqa ta’ ċerti attivitajiet. Wara l-formazzjoni jew ir-reġistrazzjoni, jenħtieġ li l-liġi nazzjonali tirregola s-sitwazzjonijiet fejn kumpaniji jew fergħat ma jistgħux iwettqu ċerti attivitajiet mingħajr ma jiksbu liċenzja jew awtorizzazzjoni.

(18)

Sabiex jiġu assistiti n-negozji, u b'mod partikolari l-SMEs, fl-istabbiliment tan-negozju, jenħtieġ li jkun possibbli li tiġi iffurmata kumpanija privata b'responsabbiltà limitata bl-użu ta’ mudelli li jenħtieġ li jkunu disponibbli online. L-Istati Membri jenħtieġ li jiżguraw li tali mudelli jkunu jistgħu jintużaw għal formazzjonijiet online, u jenħtieġ li jibqgħu liberi li jiddeterminaw il-valur legali tagħhom. Tali mudelli jistgħu jinkludu sett definit minn qabel ta’ għażliet skont il-liġi nazzjonali. Jenħtieġ li l-applikanti jkunu jistgħu jagħżlu bejn l-użu ta’ dan il-mudell jew il-formazzjoni ta’ kumpanija bi strumenti tal-kostituzzjoni mfassla apposta, u l-Istati Membri jenħtieġ li jkollhom l-għażla li jipprovdu wkoll mudelli għal tipi oħra ta’ kumpaniji.

(19)

Sabiex jiġu rispettati t-tradizzjonijiet eżistenti rigward il-liġi dwar il-kumpaniji tal-Istati Membri, huwa importanti li tkun permessa flessibbiltà fir-rigward tal-mod li bih jipprovdu sistema kompletament online tal-formazzjoni ta’ kumpaniji, tar-reġistrazzjoni ta’ fergħat u tal-preżentazzjoni ta’ dokumenti u informazzjoni, inkluż fir-rigward tar-rwol tan-nutara jew l-avukati fi kwalunkwe parti minn tali proċeduri online. Jenħtieġ li kwistjonijiet li jikkonċernaw proċeduri online li mhumiex regolati f'din id-Direttiva jkomplu jkunu regolati mil-liġi nazzjonali.

(20)

Barra minn hekk, sabiex jiġu indirizzati l-frodi u l-ħtif tal-kumpaniji u jiġu pprovduti salvagwardji għall-affidabbiltà ta’ dokumenti u informazzjoni li tinsab f'reġistri nazzjonali, id-dispożizzjonijiet li jikkonċernaw il-proċeduri online previsti f’din id-Direttiva jenħtieġ li jinkludu wkoll verifiki tal-identità u l-kapaċità ġuridika ta’ persuni li qegħdin ifittxu li jiffurmaw kumpanija jew jirreġistraw fergħa jew li jippreżentaw dokumenti u informazzjoni. Dawk il-kontrolli jistgħu jkunu parti mill-verifika tal-legalità meħtieġa minn xi Stati Membri. L-iżvilupp u l-adozzjoni tal-mezzi u l-metodi għat-twettieq ta’ dawn il-kontrolli jenħtieġ li jitħallew f'idejn l-Istati Membri. Għal dak il-għan, jenħtieġ li l-Istati Membri jkunu jistgħu jirrikjedu l-involviment ta’ nutara jew avukati fi kwalunkwe parti mill-proċeduri online. Madankollu, dan it-tip ta’ involviment jenħtieġ li ma jipprevjenix it-tlestija tal-proċedura online mill-bidu sal-aħħar.

(21)

Fejn ikun ġustifikat għal raġunijiet ta’ interess pubbliku li jiġi pprevenut l-użu ħażin jew l-alterazzjoni tal-identità, jew li jiġi żgurat li r-regoli dwar il-kapaċità ġuridika u dwar l-awtorità tal-applikanti li jirrappreżentaw kumpanija jitħarsu, jenħtieġ li l-Istati Membri jitħallew jieħdu miżuri, f'konformità mal-liġi nazzjonali, li jistgħu jirrikjedu l-preżenza fiżika tal-applikant quddiem kwalunkwe awtorità jew persuna jew korp responsabbli taħt il-liġi nazzjonali biex jittrattaw kwalunkwe aspett tal-proċeduri online tal-Istati Membri fejn il-kumpanija u fergħa għandha tiġi ffurmata u fejn fergħa għandha tiġi rreġistrata. Madankollu, preżenza fiżika bħal din jenħtieġ li ma tkunx meħtieġa b'mod sistematiku, iżda biss fuq bażi ta’ każ b'każ, fejn ikun hemm raġunijiet li jqajmu suspett ta’ falsifikazzjoni tal-identità tal-applikant, jew nuqqas ta’ konformità mar-regoli dwar il-kapaċità ġuridika u l-awtorità tal-applikanti li jirrappreżentaw kumpanija. Jenħtieġ li tali suspett ikun ibbażat fuq informazzjoni disponibbli għall-awtoritajiet jew persuni jew korpi responsabbli taħt il-liġi nazzjonali biex iwettqu dawn it-tipi ta’ kontrolli. f'każ li tkun meħtieġa preżenza fiżika, l-Istati Membri jenħtieġ li jiżguraw li kwalunkwe pass ieħor tal-proċedura jista’ jitwettaq online. Jenħtieġ li l-kunċett tal-kapaċità ġuridika jinftiehem li jinkludi l-kapaċità li tittieħed azzjoni.

(22)

L-Istati Membri għandhom ikunu jistgħu wkoll jippermettu lill-awtoritajiet kompetenti, persuni jew korpi tagħhom jivverifikaw, permezz ta’ kontrolli elettroniċi komplementari tal-identità, il-kapaċità ġuridika u l-legalità, jekk ġewx issodisfati l-kundizzjonijiet kollha meħtieġa għall-formazzjoni tal-kumpaniji. Tali kontrolli jistgħu jinkludu, inter alia, vidjokonferenzi jew mezzi oħra online li jipprovdu konnessjoni awdjoviżiva f'ħin reali.

(23)

Sabiex jiżguraw li l-persuni kollha li jinteraġixxu mal-kumpaniji huma mħarsa, jenħtieġ li l-Istati Membri jkunu kapaċi jipprevjenu mġiba frodolenti jew imġiba abbużiva oħra billi jirrifjutaw il-ħatra ta’ persuna bħala direttur ta’ kumpanija, filwaqt li titqies mhux biss l-imġiba preċedenti ta’ dik il-persuna fit-territorju tagħha stess, iżda fejn stabbiliti taħt il-liġi nazzjonali, anke informazzjoni pprovduta minn Stati Membri oħra. L-Istati Membri jenħtieġ għalhekk, li jkunu permessi jitolbu informazzjoni mingħand Stati Membri oħra. It-tweġiba tista’ tikkonsisti jew f'informazzjoni dwar skwalifika fis-seħħ jew informazzjoni oħra li tkun rilevanti għal skwalifika fl-Istat Membru li rċieva t-talba. Jenħtieġ li tali talbiet għall-informazzjoni jkunu possibbli permezz tas-sistema ta’ interkonnessjoni tar-reġistri. f'dak ir-rigward, l-Istati Membri jenħtieġ li jkunu ħielsa li jagħżlu l-aħjar mod biex jiġbru din l-informazzjoni, bħala pereżempju billi jiġbru l-informazzjoni rilevanti minn kwalunkwe reġistru jew postijiet oħra fejn tkun maħżuna f’konformità mar-regoli nazzjonali tagħhom jew billi joħolqu reġistri apposta jew taqsimiet apposta f'reġistri kummerċjali. Fejn tkun meħtieġa aktar informazzjoni, pereżempju dwar il-perjodu ta’ skwalifika jew ir-raġunijiet għaliha, l-Istati Membri għandhom ikunu permessi jipprovdu l-informazzjoni permezz tas-sistemi kollha disponibbli tal-iskambju ta’ informazzjoni, f'konformità mal-liġijiet nazzjonali. Madankollu, din id-Direttiva jenħtieġ li ma toħloqx obbligu li tintalab informazzjoni bħal din f'kull każ. Barra minn hekk, il-possibbiltà li titqies l-informazzjoni dwar skwalifika fi Stat Membru ieħor jenħtieġ li ma tobbligax lill-Istati Membri jirrikonoxxu skwalifiki fis-seħħ fi Stati Membri oħra.

(24)

Sabiex ikun żgurat li l-persuni kollha li jinteraġixxu ma’ kumpaniji jew fergħat huma mħarsa u li tiġi pprevenuta mġiba frodulenti jew imġiba abbużiva oħra, huwa importanti li l-awtoritajiet kompetenti fl-Istati Membri jkunu jistgħu jivverifikaw jekk il-persuna li għandha tiġi maħtura bħala direttur tkunx ipprojbita milli twettaq id-dmirijiet ta’ direttur. Għal dak il-għan, l-awtoritajiet kompetenti jenħtieġ li jkunu jafu wkoll jekk il-persuna konċernata hijiex inkluża f'xi wieħed mir-reġistri rilevanti għall-iskwalifika ta’ diretturi fi Stati Membri oħra, permezz tas-sistema tal-interkonnessjoni tar-reġistri kummerċjali. Ir-reġistri, l-awtoritajiet jew persuni jew korpi responsabbli taħt il-liġi nazzjonali li jittrattaw kwalunkwe aspett tal-proċeduri online jenħtieġ li ma jaħżnux data personali ta’ dan it-tip għal żmien itwal minn dak li hu neċessarju biex jivvalutaw l-eliġibbiltà tal-persuna li għandha tiġi maħtura bħala direttur. Madankollu, tali entitajiet jista’ jkollhom bżonn jaħżnu tali informazzjoni għal perjodu ta’ żmien itwal għall-fini tar-rieżami possibbli ta’ deċiżjoni negattiva. Fi kwalunkwe każ, il-perjodu taż-żamma jenħtieġ li ma jeċċedix il-perjodu stipulat fir-regoli nazzjonali dwar iż-żamma ta’ kwalunkwe data personali relatata mal-formazzjoni ta’ kumpanija jew ir-reġistrazzjoni ta’ fergħa jew il-preżentazzjoni relatata ta’ dokumenti u informazzjoni.

(25)

L-obbligi previsti f’din id-Direttiva relatati mal-formazzjoni online tal-kumpaniji u mar-reġistrazzjoni online tal-fergħat jenħtieġ li jkunu mingħajr preġudizzju għal kwalunkwe formalità oħra mhux relatata mal-liġi dwar il-kumpaniji li dik il-kumpanija trid twettaq sabiex tibda topera skont il-liġi tal-Unjoni u l-liġi nazzjonali.

(26)

Bħal b’formazzjoni online tal-kumpaniji u tar-reġistrazzjoni online tal-fergħat, sabiex jitnaqqsu l-ispejjeż u l-piżijiet fuq il-kumpaniji, jenħtieġ li jkun possibbli wkoll, matul iċ-ċiklu tal-ħajja tal-kumpaniji, li jiġu preżentati dokumenti u informazzjoni kompletament online lir-reġistri nazzjonali. Fl-istess ħin, jenħtieġ li l-Istati Membri jkunu liberi biex jippermettu li d-dokumenti u l-informazzjoni jiġu ppreżentati b'mezzi oħra, inkluż f'format stampat. Barra minn hekk, jenħtieġ li l-iżvelar ta’ dik l-informazzjoni ta’ kumpanija jsir ladarba l-informazzjoni ssir disponibbli pubblikament f'dawk ir-reġistri nazzjonali, peress li issa dawn ikunu interkonnessi u jipprovdu punt ta’ referenza komprensiv għall-utenti. Sabiex jiġi evitat tfixkil fis-sistemi eżistenti tal-iżvelar, jenħtieġ li l-Istati Membri jkollhom l-għażla li jippubblikaw ukoll l-informazzjoni kollha ta’ kumpanija jew parti minnha f'gazzetta nazzjonali, filwaqt li fl-istess ħin jiżguraw li l-informazzjoni tintbagħat b'mod elettroniku mir-reġistru lil dik il-gazzetta nazzjonali. Din id-Direttiva jenħtieġ li ma tolqotx ir-regoli nazzjonali relatati mal-valur legali tar-reġistru u r-rwol tal-gazzetta nazzjonali.

(27)

Sabiex jiġi faċilitat il-mod kif jista’ jsir tiftix fl-informazzjoni maħżuna mir-reġistri nazzjonali u tiġi skambjata ma’ sistemi oħra, jenħtieġ li l-Istati Membri jiżguraw li wara li jkun skada l-perjodu ta’ tranżizzjoni rilevanti, id-dokumenti u l-informazzjoni kollha pprovduti lil kwalunkwe awtorità jew persuna jew korp responsabbli skont il-liġi nazzjonali biex jittrattaw kwalunkwe aspett tal-proċeduri online bħala parti mill-proċeduri online previsti f’din id-Direttiva, li jistgħu jinħażnu mir-reġistri f'format li jinqara mill-magni u li tista’ ssir tfittxija fih, jew inkella bħala data strutturata. Dak ifisser li l-format tal-fajl jenħtieġ li jkun strutturat b'tali mod li l-applikazzjonijiet tas-softwer ikunu jistgħu jidentifikaw, jirrikonoxxu u jisiltu faċilment id-data speċifika u l-istruttura interna tagħha. Ir-rekwiżit biex jiġi żgurat li l-format ta’ dokumenti u informazzjoni jippermetti t-tiftix jenħtieġ li ma jinkludix firem skennjati jew data oħra li mhix adatta biex tinqara mill-magni. Peress li dan jista’ jirrikjedi bidliet fis-sistemi ta’ informazzjoni eżistenti tal-Istati Membri, jenħtieġ li jkun hemm perjodu itwal ta’ traspożizzjoni għal dan ir-rekwiżit.

(28)

Sabiex inaqqsu l-ispejjeż u l-piż amministrattiv u t-tul tal-proċeduri fuq il-kumpaniji, jenħtieġ li l-Istati Membri japplikaw il-prinċipju ta’ “darba biss” fil-qasam tal-liġi dwar il-kumpaniji, li huwa stabbilit fl-Unjoni, kif evidenzjat, inter alia, mir-Regolament (UE) 2018/1724, il-Pjan ta’ Azzjoni dwar il-Gvern Elettroniku tal-Kummissjoni Ewropea u d-Dikjarazzjoni ta’ Tallinn dwar il-Gvern Elettroniku. L-applikazzjoni tal-prinċipju ta’ “darba biss” timplika li l-kumpaniji ma jiġux mitluba jippreżentaw l-istess informazzjoni lill-awtoritajiet pubbliċi iktar minn darba. Pereżempju, jenħtieġ li l-kumpaniji ma jkollhomx għalfejn jippreżentaw l-istess informazzjoni lir-reġistru nazzjonali u lill-gazzetta nazzjonali. Minflok, jenħtieġ li r-reġistru jipprovdi l-informazzjoni diġà ppreżentata direttament lill-gazzetta nazzjonali. Bl-istess mod, meta kumpanija tkun iffurmata fi Stat Membru u tkun trid tirreġistra fergħa fi Stat Membru ieħor, jenħtieġ li jkun possibbli għall-kumpanija li tagħmel użu mid-dokumenti jew l-informazzjoni ppreżentati qabel lil reġistru. Barra minn hekk, meta kumpanija tkun iffurmata fi Stat Membru iżda jkollha fergħa fi Stat Membru ieħor, jenħtieġ li jkun possibbli li l-kumpanija tippreżenta ċerti bidliet fl-informazzjoni tal-kumpanija tagħha lir-reġistru ta’ fejn hi reġistrata biss, mingħajr il-bżonn li tippreżenta l-istess informazzjoni lir-reġistru ta’ fejn hi reġistrata l-fergħa. Minflok, informazzjoni bħal bidla f'isem il-kumpanija jew bidla fl-uffiċċju reġistrat tal-kumpanija jenħtieġ li tiġi skambjata b'mod elettroniku, bejn ir-reġistru ta’ fejn hi reġistrata l-kumpanija u r-reġistru ta’ fejn hi reġistrata l-fergħa bl-użu tas-sistema ta’ interkonnessjoni tar-reġistri.

(29)

Sabiex jiġi żgurat li tkun disponibbli informazzjoni konsistenti u aġġornata dwar il-kumpaniji fl-Unjoni u biex tkompli tiżdied it-trasparenza, jenħtieġ li jkun possibbli li tintuża l-interkonnessjoni tar-reġistri biex tiġi skambjata informazzjoni dwar kwalunkwe tip ta’ kumpanija preżenti fir-reġistri tal-Istati Membri, f'konformità mal-liġi nazzjonali. Jenħtieġ li l-Istati Membri jkollhom l-għażla li jagħmlu l-kopji elettroniċi tad-dokumenti u tal-informazzjoni ta’ dawk it-tipi ta’ kumpaniji oħrajn disponibbli anke permezz ta’ dik is-sistema ta’ interkonnessjoni tar-reġistri.

(30)

Fl-interess tat-trasparenza u l-protezzjoni tal-interessi tal-ħaddiema, tal-kredituri u tal-azzjonisti minoritarji u biex jippromwovu l-fiduċja fi tranżazzjonijiet ta’ negozju, inkluż dawk ta’ natura transfruntiera fi ħdan is-suq intern, huwa importanti li investituri, partijiet ikkonċernati, imsieħba fin-negozju u awtoritajiet ikunu jistgħu jaċċessaw b'mod faċli l-informazzjoni ta’ kumpanija. Biex titjieb l-aċċessibbiltà ta’ dik l-informazzjoni, jenħtieġ li aktar informazzjoni tkun disponibbli mingħajr ħlas fl-Istati Membri kollha. Jenħtieġ li tali informazzjoni tinkludi l-istatus tal-kumpanija u informazzjoni dwar il-fergħat tagħha fi Stati Membri oħra, kif ukoll informazzjoni dwar il-persuni li, jew bħala korp jew bħala membri ta’ kwalunkwe korp ta’ dan it-tip, huma awtorizzati li jirrappreżentaw il-kumpanija. Barra minn hekk, il-prezz biex tinkiseb kopja ta’ kull dokument u informazzjoni, jew ta’ parti minnhom, li jkunu ġew żvelati mill-kumpanija, f'forma stampata jew f'forma elettronika, jenħtieġ li ma jkunx ogħla mill-ispiża amministrattiva tagħhom, inklużi l-ispejjeż tal-iżvilupp u l-manutenzjoni tar-reġistri, sakemm il-prezz ma jkunx sproporzjonat fir-rigward tal-informazzjoni mitluba.

(31)

Fil-preżent huwa possibbli li l-Istati Membri jistabbilixxu punti ta’ aċċess fakultattivi fir-rigward tas-sistema ta’ interkonnessjoni tar-reġistri. Madankollu, mhuwiex possibbli li l-Kummissjoni tikkonnettja partijiet ikkonċernati oħrajn mas-sistema tal-interkonnessjoni tar-reġistri. Sabiex partijiet ikkonċernati oħrajn jibbenifikaw mill-interkonnessjoni tar-reġistri u jiżguraw li s-sistemi tagħhom iżommu informazzjoni preċiża, aġġornata u affidabbli dwar il-kumpaniji, jenħtieġ li l-Kummissjoni tkun awtorizzata tistabbilixxi punti ta’ aċċess addizzjonali. Jenħtieġ li tali punti ta’ aċċess jirreferu għal sistemi żviluppati u operati mill-Kummissjoni jew istituzzjonijiet, korpi, uffiċċji jew aġenziji oħra tal-Unjoni sabiex iwettqu l-funzjonijiet amministrattivi jew biex tikkonforma mad-dispożizzjonijiet tal-liġi tal-Unjoni.

(32)

Sabiex il-kumpaniji stabbiliti fis-suq intern jiġu megħjuna jespandu l-attività kummerċjali tagħhom b'mod transfruntier u b'mod aktar faċli, jenħtieġ li jkun possibbli għalihom li jiftħu u jirreġistraw fergħat fi Stat Membru ieħor online. Jenħtieġ għalhekk li l-Istati Membri jagħmlu possibbli, b'mod simili għall-kumpaniji, ir-reġistrazzjoni online tal-fergħat u l-preżentazzjoni online tad-dokumenti u l-informazzjoni, biex b'hekk jgħinu biex jitnaqqsu l-ispejjeż, filwaqt li jonqsu l-piż amministrattiv u t-tul ta’ żmien tal-formalitajiet relatati ma’ espansjoni transfruntiera.

(33)

Meta tkun qed tiġi reġistrata fergħa ta’ kumpanija reġistrata fi Stat Membru ieħor, jenħtieġ li l-Istati Membri jkunu jistgħu jivverifikaw ukoll ċerta informazzjoni dwar il-kumpanija permezz ta’ sistema ta’ interkonnessjoni tar-reġistri. Barra minn hekk, fejn fergħa tingħalaq fi Stat Membru wieħed, jenħtieġ li r-reġistru ta’ dak l-Istat Membru jinforma lill-Istat Membru fejn tkun reġistrata l-kumpanija dwar tali għeluq permezz tas-sistema tal-interkonnessjoni tar-reġistri, u ż-żewġ reġistri jenħtieġ li jirrekordjaw din l-informazzjoni.

(34)

Biex tiġi żgurata l-konsistenza mal-liġi tal-Unjoni u dik nazzjonali, huwa neċessarju li titħassar id-dispożizzjoni relatata mal-Kumitat ta’ Kuntatt li m’għadux jeżisti, u li jiġu aġġornati t-tipi ta’ kumpaniji stabbiliti fl-Annessi I u II tad-Direttiva (UE) 2017/1132.

(35)

Sabiex jiġu akkomodati bidliet futuri fil-liġijiet tal-Istati Membri u fil-leġiżlazzjoni tal-Unjoni rigward tipi ta’ kumpaniji, jenħtieġ li is-setgħa ta’ adozzjoni ta’ atti f'konformità mal-Artikolu 290 tat-Trattat dwar il-Funzjonament tal-Unjoni Ewropea tiġi delegata lill-Kummissjoni biex taġġorna l-lista tat-tipi ta’ kumpaniji inkluża fl-Annessi I, II u IIA tad-Direttiva (UE) 2017/1132. Huwa partikolarment importanti li waqt il-ħidma preparatorja tagħha, il-Kummissjoni twettaq il-konsultazzjonijiet xierqa, inkluż fil-livell ta’ esperti, u li dawk il-konsultazzjonijiet jitwettqu f'konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (7). b'mod partikulari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom għandhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija tal-atti delegati.

(36)

Id-dispożizzjonijiet ta’ din id-Direttiva, inklużi l-obbligi għar-reġistrazzjoni tal-kumpaniji, ma jaffettwawx il-liġijiet nazzjonali li jirrigwardaw miżuri tat-taxxa tal-Istati Membri, jew tas-subdiviżjonijiet territorjali u amministrattivi tagħhom.

(37)

Jenħtieġ li s-setgħa tal-Istati Membri li jiċħdu applikazzjonijiet għall-formazzjoni ta’ kumpaniji u r-reġistrazzjoni ta’ fergħat f’każ ta’ frodi jew abbuż, u l-azzjonijiet ta’ investigazzjoni u ta’ nfurzar mill-Istati Membri, inkluż mill-pulizija jew minn awtoritajiet kompetenti oħra, ma jiġux affettwati minn din id-Direttiva. Obbligi oħra taħt il-liġi nazzjonali u tal-Unjoni, inklużi dawk li jirriżultaw minn regoli kontra l-ħasil tal-flus, il-finanzjament tat-terroriżmu u s-sjieda benefiċjarja, jenħtieġ ukoll li jibqgħu mhux milquta. Din id-Direttiva ma tolqotx id-dispożizzjonijiet tad-Direttiva (UE) 2015/849 tal-Parlament Ewropew u tal-Kunsill (8) li tindirizza r-riskji tal-ħasil tal-flus u l-finanzjament tat-terroriżmu, b'mod partikulari l-obbligi relatati mat-twettiq tal-miżuri xierqa ta’ diliġenza dovuta fir-rigward tal-klijent abbażi ta’ sensittività għar-riskju u mal-identifikazzjoni u r-reġistrazzjoni tas-sid benefiċjarju ta’ kwalunkwe entità li tkun għadha kemm inħolqot fl-Istat Membru tal-inkorporazzjoni tagħha.

(38)

Jenħtieġ li din id-Direttiva tiġi applikata b'mod konformi mal-liġi tal-Unjoni dwar il-protezzjoni tad-data u dwar il-protezzjoni tal-privatezza u tad-data personali kif stabbilit fl-Artikoli 7 u 8 tal-Karta tad-Drittijiet Fundamentali tal-Unjoni Ewropea. Kwalunkwe pproċessar ta’ data personali ta’ persuni fiżiċi skont din id-Direttiva għandu jsir f'konformità mar-Regolament (UE) 2016/679 tal-Parlament Ewropew u tal-Kunsill (9).

(39)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill (10) u ta opinjoni fis-26 ta’ Lulju 2018.

(40)

Minħabba li l-għan ta’ din id-Direttiva, jiġifieri li jiġu pprovduti aktar soluzzjonijiet diġitali għall-kumpaniji fis-suq intern, ma jistax jinkiseb b'mod suffiċjenti mill-Istati Membri iżda jista’, minħabba l-iskala u l-effetti tiegħu, jinkiseb aħjar fil-livell tal-Unjoni, l-Unjoni tista’ tadotta miżuri, skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. f'konformità mal-prinċipju tal-proporzjonalità, kif stabbilit f'dak l-Artikolu, din id-Direttiva ma tmurx lil hinn minn dak li hu meħtieġ biex jilħaq dak il-għan.

(41)

f'konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni (11), l-Istati Membri ntrabtu li, f'każijiet ġustifikati, jakkumpanjaw in-notifika tal-miżuri ta’ traspożizzjoni tagħhom b'dokument wieħed jew aktar li jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti ta’ traspożizzjoni nazzjonali. Fir-rigward ta’ din id-Direttiva, il-leġislatur iqis li t-trażmissjoni ta’ dan it-tip ta’ dokumenti hi ġustifikata.

(42)

Minħabba l-kumplessità tal-bidliet meħtieġa fis-sistemi nazzjonali sabiex ikun hemm konformità mad-dispożizzjonijiet ta’ din id-Direttiva, u d-differenzi sostanzjali attwali bejn l-Istati Membri fir-rigward tal-użu ta’ għodod u proċessi diġitali f'il-qasam tal-liġi dwar il-kumpaniji, huwa xieraq li jiġi stipulat li jenħtieġ li l-Istati Membri li jiltaqgħu ma’ diffikultajiet partikolari fit-traspożizzjoni ta’ ċerti dispożizzjonijiet ta’ din id-Direttiva jkunu jistgħu jinnotifikaw lill-Kummissjoni dwar il-ħtieġa tagħhom li jibbenefikaw minn estensjoni ta’ mhux aktar minn sena tal-perjodu ta’ implimentazzjoni rilevanti. L-Istati Membri jenħtieġ li jiddikjaraw ir-raġunijiet oġġettivi tagħhom għalfejn applikaw għal tali estensjoni.

(43)

Il-Kummissjoni jenħtieġ li twettaq evalwazzjoni ta’ din id-Direttiva. Skont il-paragrafu 22 tal-Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar it-Tfassil Aħjar tal-Liġijiet, tat-13 ta’ April 2016, jenħtieġ li din l-evalwazzjoni tkun ibbażata fuq il-ħames kriterji ta’ effiċjenza, effettività, rilevanza, koerenza u valur miżjud, u jenħtieġ li tipprovdi l-bażi għal valutazzjonijiet tal-impatt ta’ miżuri ulterjuri possibbli. L-Istati Membri jenħtieġ li jgħinu fit-twettiq ta’ din l-evalwazzjoni billi jipprovdu lill-Kummissjoni d-data li jkunu disponibbli għalihom dwar kif qed taħdem fil-prattika l-formazzjoni online, pereżempju data dwar l-għadd ta’ formazzjonijiet online, l-għadd ta’ każijiet li fihom intużaw il-mudelli, jew fejn kienet meħtieġa l-preżenza fiżika, u t-tul ta’ żmien u l-ispejjeż medji tal-formazzjonijiet online.

(44)

L-informazzjoni jenħtieġ li tinġabar sabiex tiġi vvalutata l-prestazzjoni ta’ din id-Direttiva apparagun tal-objettiv li trid tilħaq, u sabiex twettaq evalwazzjoni skont il-paragrafu 22 tal-Ftehim Interistituzzjonali tat-13 ta’ April 2016 dwar Tfassil Aħjar tal-Liġijiet.

(45)

Jenħtieġ għalhekk li d-Direttiva (UE) 2017/1132 tiġi emendata skont dan,