ISSN 1977-074X |
||
Il-Ġurnal Uffiċjali tal-Unjoni Ewropea |
L 326 |
|
Edizzjoni bil-Malti |
Leġiżlazzjoni |
Volum 61 |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
20.12.2018 |
MT |
Il-Ġurnal Uffiċjali tal-Unjoni Ewropea |
L 326/1 |
REGOLAMENT TA' IMPLIMENTAZZJONI TAL-KUMMISSJONI (UE) 2018/1974
tal-14 ta' Diċembru 2018
li jemenda r-Regolament (UE) Nru 1178/2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (UE) 2018/1139 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b'mod partikolari l-Artikolu 23 tiegħu,
Billi:
(1) |
Ir-Regolament tal-Kummissjoni (UE) Nru 1178/2011 (2) jistabbilixxi r-rekwiżiti tekniċi għaċ-ċertifikazzjoni tal-apparat ta' taħriġ ta' simulazzjoni tat-titjir, għaċ-ċertifikazzjoni tal-piloti involuti fit-tħaddim ta' ċerti inġenji tal-ajru u għaċ-ċertifikazzjoni tal-persuni u tal-organizzazzjonijiet involuti fit-taħriġ, fit-testijiet u fil-kontrolli tal-piloti. |
(2) |
Għal dawn l-aħħar għaxar snin, l-instabbiltà jew it-telf tal-kontroll tal-ajruplani ġew identifikati bħala fost il-fatturi ta' riskju ewlenin li jistgħu jwasslu għal aċċidenti fatali f'operazzjonijiet tat-trasport kummerċjali bl-ajru, u l-prevenzjoni tagħhom saret prijorità strateġika kemm fl-Ewropa (3) kif ukoll f'livell globali. Dan kien jinkludi rekwiżiti ġodda ta' taħriġ biex il-piloti jiġu ppreparati aħjar għal sitwazzjonijiet avversi ta' instabbiltà jew ta' telf tal-kontroll ta' inġenji tal-ajru. |
(3) |
Bir-Regolament tal-Kummissjoni (UE) 2015/445 (4), ir-rekwiżiti eżistenti ta' taħriġ għall-piloti kummerċjali ġew aġġornati biex jinkludi taħriġ għall-prevenzjoni ta' instabbiltà u għall-irkuprar tal-pożizzjonament tal-inġenju tal-ajru (UPRT) bħala kostitwent obbligatorju tal-għarfien teoretiku tal-piloti. Hemm bżonn ta' elementi ta' taħriġ u ta' objettivi ta' taħriġ aktar dettaljati biex jittejbu l-kompetenzi tal-piloti kemm fil-prevenzjoni ta' instabbiltà kif ukoll fl-irkuprar tal-pożizzjonament tal-ajruplan li jistgħu jwasslu għal telf ta' kontroll u, eventwalment, għal inċidenti fatali. |
(4) |
Il-UPRT għandu jiġi integrat f'diversi stadji tal-karriera ta' pilota professjonali u għandu jkun rifless fil-privileġġi ddikjarati fil-liċenzja tal-pilota individwali. Għandha tiġi żgurata kompetenza żviluppata u miżmuma sew tal-piloti professjonali fil-prevenzjoni ta' instabbiltà u fl-irkuprar tal-pożizzjonament tal-ajruplan. Il-UPRT għandu jsir parti obbligatorja mill-kors ta' taħriġ għal-liċenzja għal ekwipaġġ b'aktar minn membru wieħed (MPL) u mill-kors ta' taħriġ integrat għall-piloti tat-trasport tal-linji tal-ajru għall-ajruplani (ATP(A)) u minn kors ta' taħriġ għal-liċenzja ta' pilota kummerċjali għall-ajruplani (CPL(A)), kif ukoll għall-klassifikazzjoni tal-klassi jew tat-tip għal ajruplani b'pilota wieħed li jitħaddmu f'operazzjonijiet b'aktar minn pilota wieħed, ajruplani kumplessi mhux ta' prestazzjoni għolja b'pilota wieħed, ajruplani kumplessi ta' prestazzjoni għolja b'pilota wieħed u klassifikazzjonijiet ta' ajruplani b'aktar minn pilota wieħed. Sabiex il-piloti jkunu jistgħu jiżviluppaw kompetenzi avvanzati fil-prevenzjoni ta' instabbiltà u fl-irkuprar tal-pożizzjonament, il-kors rilevanti ta' taħriġ għandu jinkludi eżerċizzji relatati fl-ajru, fl-ajruplan. |
(5) |
Wara l-introduzzjoni tal-kors il-ġdid dwar l-iżvilupp ta' kompetenzi avvanzati tal-piloti b'rabta mal-prevenzjoni ta' instabbiltà u l-irkuprar tal-pożizzjonament, ir-rekwiżiti għal ċertifikati ta' għalliem għandhom jiġu riveduti sabiex jiġi żgurat li persuni li jgħallmu waqt dan il-kors ikunu kwalifikati b'mod xieraq. |
(6) |
Dan ir-Regolament jirrifletti d-dispożizzjonijiet li ġew adottati mill-Organizzazzjoni tal-Avjazzjoni Ċivili Internazzjonali (ICAO) fl-2014 rigward il-UPRT għal liċenzji għal ekwipaġġ b'aktar minn membru wieħed u klassifikazzjonijiet ta' ajruplani b'aktar minn pilota wieħed permezz tal-emenda għall-Anness 1 tal-Konvenzjoni ta' Chicago dwar il-Liċenzji tal-Persunal. |
(7) |
Huwa fl-interess tas-sikurezza tal-avjazzjoni li l-elementi ġodda tal-UPRT jiġu implimentati mill-aktar fis possibbli. Għandhom jiddaħħlu fis-seħħ dispożizzjonijiet tranżitorji, sabiex il-korsijiet ta' taħriġ li jkunu bdew qabel isiru effettivi dawn l-emendi relatati mal-UPRT ikunu jistgħu jitlestew mingħajr aktar adattament. F'dan il-kuntest, għandu jiġi kkunsidrat li l-piloti li jtiru għal operaturi tat-trasport kummerċjali bl-ajru skont ir-Regolament tal-Kummissjoni (UE) Nru 965/2012 (5) jeħtieġ li jgħaddu minn taħriġ għal operatur regolari li llum diġà jinkludi elementi ta' UPRT. Barra minn hekk, l-organizzazzjonijiet ta' taħriġ tal-piloti għandhom jingħataw perjodu ta' tranżizzjoni biex jadattaw il-programmi ta' taħriġ tagħhom b'mod li jikkonformaw mar-rekwiżiti l-ġodda tal-UPRT. Fi tmiem dak il-perijodu ta' tranżizzjoni, il-korsijiet ta' taħriġ rilevanti kollha għandhom jitwettqu skont ir-rekwiżiti l-ġodda tal-UPRT. |
(8) |
Bħalissa għadhom għaddejjin negozjati bejn l-Unjoni u ċerti pajjiżi terzi, inkluż rigward il-konverżjoni tal-liċenzji tal-piloti u taċ-ċertifikati mediċi assoċjati. Sabiex jiġi żgurat li l-Istati Membri jkunu jistgħu jkomplu jirrikonoxxu liċenzji u ċertifikati mediċi minn pajjiżi terzi għal perjodu interim fid-dawl ta' dawk in-negozjati, jeħtieġ li jittawwal il-perjodu li matulu l-Istati Membri jistgħu jiddeċiedu li ma japplikawx id-dispożizzjonijiet tar-Regolament (UE) Nru 1178/2011 fit-territorju tagħhom għall-piloti li jkollhom liċenzja u ċertifikat mediku assoċjat maħruġa minn pajjiż terz li jkun involut fl-operazzjoni mhux kummerċjali ta' ċerti inġenji tal-ajru. |
(9) |
L-Aġenzija tal-Unjoni Ewropea għas-Sikurezza tal-Avjazzjoni bagħtet abbozz ta' regoli ta' implimentazzjoni lill-Kummissjoni Ewropea flimkien mal-Opinjoni tagħha Nru 06/2017. |
(10) |
Il-miżuri stipulati f'dan ir-Regolament huma konformi mal-opinjoni tal-Kumitat stabbilit bl-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 1178/2011 huwa emendat kif ġej:
(1) |
Wara l-Artikolu 4a għandu jiddaħħal l-Artikolu 4b li ġej: “Artikolu 4b Taħriġ għall-prevenzjoni ta' instabbiltà u għall-irkuprar tal-pożizzjonament 1. It-taħriġ għall-prevenzjoni ta' instabbiltà u għall-irkuprar tal-pożizzjonament għandu jsir parti obbligatorja minn kors ta' taħriġ għal-liċenzja għal ekwipaġġ b'aktar minn membru wieħed (MPL), kors ta' taħriġ integrat għall-piloti tat-trasport tal-linji tal-ajru għall-ajruplani (ATP(A)), kors ta' taħriġ għal-liċenzja ta' pilota kummerċjali għall-ajruplani (CPL(A)) u korsijiet ta' taħriġ għal klassifikazzjoni tal-klassi jew tat-tip għal:
skont l-Anness I (il-Parti-FCL). 2. Għall-korsijiet ta' taħriġ imsemmija fil-paragrafu 1 li jibdew qabel l-20 ta' Diċembru 2019 f'organizzazzjoni tat-taħriġ approvata (ATO), it-taħriġ għall-prevenzjoni ta' instabbiltà u għall-irkuprar tal-pożizzjonament m'għandux ikun obbligatorju sakemm:
Għall-finijiet tal-paragrafu 1 l-awtorità kompetenti tista', fuq l-evalwazzjoni tagħha stess u skont rakkomandazzjoni minn ATO, tagħti kreditu għal kull taħriġ għall-prevenzjoni ta' instabbiltà u għall-irkuprar tal-pożizzjonament li jkun tlesta qabel l-20 ta' Diċembru 2019 u li jkun sar skont ir-rekwiżiti nazzjonali tat-taħriġ.” |
(2) |
fl-Artikolu 12, il-paragrafu 4 huwa sostitwit b'dan li ġej: “4. B'deroga mill-paragrafu 1, sal-20 ta' Ġunju 2020 l-Istati Membri jistgħu jiddeċiedu li ma japplikawx id-dispożizzjonijiet ta' dan ir-Regolament għall-piloti li jkollhom liċenzja u ċertifikat mediku assoċjat maħruġa minn pajjiż terz li jkun involut fl-operat mhux kummerċjali ta' inġenji tal-ajru kif speċifikat fl-Artikolu 2(1)(b), il-punti (i) jew (ii), tar-Regolament (UE) 2018/1139. L-Istati Membri għandhom jippubblikaw dawk id-deċiżjonijiet.”; |
(3) |
Il-paragrafu 8 tal-Artikolu 12 huwa sostitwit b'dan li ġej: “8. B'deroga mill-paragrafu 1, il-punt FCL.315.A, it-tieni sentenza tal-paragrafu (a) tal-punt FCL.410.A u l-paragrafu (c) tal-punt FCL.725.A tal-Anness I (il-Parti-FCL) għandhom japplikaw mill-20 ta' Diċembru 2019.” |
(4) |
L-Anness I tar-Regolament (UE) Nru 1178/2011 huwa emendat skont l-Anness ta' dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Madankollu:
(a) |
L-Artikolu 1(1) għandu japplika mill-20 ta' Diċembru 2019. |
(b) |
L-Artikolu 1(4) għandu japplika mill-20 ta' Diċembru 2019. |
(c) |
Minkejja l-punt (b) ta' hawn fuq, il-punti (2), (4), (5) u (12) tal-Anness ta' dan ir-Regolament għandhom japplikaw mill-31 ta' Jannar 2022. |
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Diċembru 2018.
Għall-Kummissjoni
Violeta BULC
Membru tal-Kummissjoni
(1) Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal- Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal- Kunsill (KEE) Nru 3922/91 (ĠU L 212, 22.8.2018, p. 1).
(2) Ir-Regolament tal-Kummissjoni (UE) Nru 1178/2011 tat-3 ta' Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, p. 1).
(3) Pjan Ewropew għas-Sikurezza tal-Avjazzjoni 2018-2022, pt. 5.3.1, p. 33.
(4) Ir-Regolament tal-Kummissjoni (UE) 2015/445 tas-17 ta' Marzu 2015 li jemenda r-Regolament (UE) Nru 1178/2011 fir-rigward tar-rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili (ĠU L 74, 18.3.2015, p. 1).
(5) Ir-Regolament tal-Kummissjoni (UE) Nru 965/2012 tal-5 ta' Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
ANNESS
L-Anness I tar-Regolament (UE) Nru 1178/2011 (il-Parti-FCL) huwa emendat kif ġej:
(1) |
Il-punt FCL.010 huwa emendat kif ġej:
|
(2) |
Il-punt FCL.310 huwa sostitwit b'dan li ġej: “FCL.310 CPL — Eżamijiet tal-għarfien teoretiku L-applikanti għall-ħruġ ta' CPL għandhom juru livell ta' għarfien adattat għall-privileġġi mogħtija fis-suġġetti li ġejjin:
|
(3) |
Il-punt FCL.410.A huwa sostitwit b'dan li ġej: “FCL.410.A MPL – Kors ta' taħriġ u eżamijiet tal-għarfien teoretiku (a) Rotta L-applikanti għall-ħruġ ta' MPL għandhom ikunu lestew kors ta' taħriġ tal-għarfien teoretiku u tat-tagħlim fit-titjir f'ATO skont l-Appendiċi 5 ta' dan l-Anness (il-Parti-FCL). (b) Eżaminazzjoni L-applikanti għall-ħruġ ta' MPL għandhom juru livell ta' għarfien teoretiku adattat għad-detenturi ta' ATPL(A), skont FCL.515, u għall-klassifikazzjoni tat-tip b'aktar minn pilota wieħed.”; |
(4) |
Il-punt FCL.515 huwa sostitwit b'dan li ġej: “FCL.515 ATPL – Kors ta' taħriġ u eżamijiet tal-għarfien teoretiku (a) Rotta L-applikanti għal ATPL għandhom ikunu lestew kors ta' taħriġ f'ATO. Il-kors għandu jkun kors ta' taħriġ integrat jew kors modulari, skont l-Appendiċi 3 ta' dan l-Anness (il-Parti-FCL). (b) Eżaminazzjoni L-applikanti għall-ħruġ ta' ATPL għandhom juru livell ta' għarfien adattat għall-privileġġi mogħtija fis-suġġetti li ġejjin:
|
(5) |
Il-punt FCL.615 huwa sostitwit b'dan li ġej: “FCL.615 IR — Għarfien teoretiku u tagħlim fit-titjir (a) Rotta L-applikanti għal IR għandhom ikunu lestew kors ta' għarfien teoretiku u ta' tagħlim fit-titjir f'ATO. Il-kors għandu jkun:
(b) Eżaminazzjoni L-applikanti għandhom juru livell ta' għarfien teoretiku xieraq skont il-privileġġi mogħtija fis-suġġetti li ġejjin:
|
(6) |
Il-paragrafu (d) tal-punt FCL.725 huwa sostitwit b'dan li ġej:
|
(7) |
Il-punt FCL.720.A huwa sostitwit b'dan li ġej: “FCL.720.A Rekwiżiti tal-esperjenza u prerekwiżiti għall-ħruġ ta' klassifikazzjonijiet tal-klassi jew tat-tip — ajruplani Sakemm ma jiġix stabbilit mod ieħor mid-data tal-adegwatezza operattiva stabbilita skont l-Anness I (il-Parti 21) tar-Regolament (UE) Nru 748/2012 (OSD), l-applikanti għall-ħruġ ta' klassifikazzjoni tal-klassi jew tat-tip għandhom jikkonformaw mar-rekwiżiti tal-esperjenza u l-prerekwiżiti għall-ħruġ tal-klassifikazzjoni rilevanti li ġejjin: (a) Ajruplani b'pilota wieħed L-applikanti għall-ħruġ tal-ewwel klassifikazzjoni tal-klassi jew tat-tip fuq ajruplan b'pilota wieħed li jkunu qed ifittxu li jiksbu l-privileġġ li jħaddmu l-ajruplan f'operazzjonjiet b'aktar minn pilota wieħed għandhom jissodisfaw ir-rekwiżiti tal-punti (b)(4) u (b)(5). Barra minn hekk, għal: (1) Ajruplani b'aktar minn magna waħda u b'pilota wieħed. L-applikanti għall-ħruġ tal-ewwel klassifikazzjoni tal-klassi jew tat-tip fuq ajruplan b'pilota wieħed u b'aktar minn magna waħda għandhom ikunu għamlu mill-inqas 70 siegħa bħala PIC fuq l-ajruplani. (2) Ajruplani mhux kumplessi ta' prestazzjoni għolja b'pilota wieħed. Qabel jibdew it-taħriġ fit-titjir, l-applikanti għall-ħruġ tal-ewwel klassifikazzjoni tal-klassi jew tat-tip għal ajruplan b'pilota wieħed klassifikat bħala ajruplan ta' prestazzjoni għolja:
(3) Ajruplani kumplessi ta' prestazzjoni għolja b'pilota wieħed. L-applikanti għall-ħruġ ta' klassifikazzjoni tat-tip għal ajruplan kumpless b'pilota wieħed klassifikat bħala ajruplan ta' prestazzjoni għolja, minbarra li jridu jissodisfaw ir-rekwiżiti tal-punt (2), irid ikollhom jew irid ikun kellhom IR(A) għal ajruplani b'magna waħda jew b'aktar minn magna waħda, skont kif xieraq u kif stabbilit fis-Subparti G, u għandhom jissodisfaw ir-rekwiżiti tal-punt (b)(5). (b) Ajruplani b'aktar minn pilota wieħed. L-applikanti għall-ħruġ tal-ewwel kors ta' klassifikazzjoni tat-tip għal ajruplan b'aktar minn pilota wieħed għandhom ikunu piloti studenti li attwalment ikunu qed iwettqu taħriġ f'kors ta' taħriġ tal-MPL, jew li jikkonformaw mar-rekwiżiti li ġejjin:
(c) Minkejja l-punt (b), Stat Membru jista' joħroġ klassifikazzjoni tat-tip bi privileġġi limitati għal ajruplan b'aktar minn pilota wieħed li tippermetti li d-detenturi ta' klassifikazzjoni bħal din jaġixxu bħala kopiloti għal cruise relief 'il fuq mil-Livell tat-Titjira FL 200, sakemm żewġ membri oħra tal-ekwipaġġ ikollhom klassifikazzjoni tat-tip skont il-punt (b). (d) Meta jiġi stabbilit hekk fl-OSD, l-eżerċitar tal-privileġġi ta' klassifikazzjoni tat-tip jista' inizjalment ikun limitat għal titjiriet taħt is-sorveljanza ta' għalliem. Is-sigħat ta' titjir taħt sorveljanza għandhom jitniżżlu fil-ġurnal ta' abbord jew f'rekord ekwivalenti tal-pilota, u dan għandu jiġi ffirmat mill-għalliem. Il-limitazzjoni għandha titneħħa meta l-piloti juru li jkunu għamlu s-sigħat ta' titjir taħt sorveljanza meħtieġa mill-OSD.”; |
(8) |
Il-punt FCL.725.A huwa sostitwit b'dan li ġej: “FCL.725.A Għarfien teoretiku u tagħlim fit-titjir għall-ħruġ ta' klassifikazzjonijiet tal-klassi u tat-tip — ajruplani Sakemm ma jiġix stabbilit mod ieħor fid-data tal-adegwatezza operattiva stabbilita skont l-Anness I (il-Parti 21) tar-Regolament (UE) Nru 748/2012:
|
(9) |
Jiddaħħal punt FCL.745.A ġdid, kif ġej: “FCL.745.A Kors ta' livell avvanzat fil-UPRT — ajruplani
|
(10) |
Il-punt (b)(1) tal-punt FCL.900 huwa sostitwit b'dan li ġej:
Tali ċertifikat għandu jkun limitat għat-titjiriet ta' taħriġ meħtieġa għall-introduzzjoni tat-tip ġdid ta' inġenju tal-ajru jew tal-kors ta' taħriġ il-ġdid, u l-validità tiegħu m'għandhiex, fi kwalunkwe każ, tkun ta' aktar minn sena.”; |
(11) |
Il-punt FCL.915 huwa emendat kif ġej: “FCL.915 Rekwiżiti u prerekwiżiti ġenerali għall-għalliema (a) Elementi ġenerali L-applikanti għall-ħruġ ta' ċertifikat ta' għalliem għandu jkollhom mill-inqas 18-il sena. (b) Rekwiżiti addizzjonali għall-għalliema li jipprovdu tagħlim fit-titjir fl-inġenji tal-ajru L-applikanti għall-ħruġ ta' ċertifikat ta' għalliem, jew id-detenturi tagħhom bil-privileġġi li jipprovdu tagħlim fit-titjir f'inġenju tal-ajru:
(c) Kreditu biex jinkisbu aktar klassifikazzjonijiet u għal validazzjoni mill-ġdid
(d) Il-kreditu għal estensjoni għal tipi oħra għandu jqis l-elementi rilevanti kif definiti fid-data tal-adegwatezza operattiva stabbilita skont l-Anness I (il-Parti-21) tar-Regolament (UE) Nru 748/2012 (OSD). (e) Rekwiżiti addizzjonali għat-tagħlim waqt kors ta' taħriġ skont FCL.745.A:
|
(12) |
L-Appendiċi 1 hija sostitwita b'dan li ġej: “Appendiċi 1 Ikkreditar tal-għarfien teoretiku IKKREDITAR TAL-GĦARFIEN TEORETIKU FL-ISTESS KATEGORIJA JEW F'KATEGORIJA OĦRA TA' INĠENJU TAL-AJRU — TAGĦLIM TA' INTEGRAZZJONI U R-REKWIŻITI TAL-EŻAMI 1. LAPL, PPL, BPL u SPL 1.1. Għall-ħruġ ta' LAPL, id-detenturi ta' LAPL f'kategorija oħra ta' inġenju tal-ajru għandhom ikunu ikkreditati bis-sħiħ bl-għarfien teoretiku dwar is-suġġetti komuni stabbiliti f'FCL.120(a). 1.2. Mingħajr preġudizzju għall-paragrafu 1.1., għall-ħruġ ta' LAPL, PPL, BPL jew SPL, id-detenturi ta' liċenzja f'kategorija oħra ta' inġenju tal-ajru għandhom jingħataw tagħlim fl-għarfien teoretiku u għandhom jgħaddu mill-eżamijiet tal-għarfien teoretiku fil-livell adattat fis-suġġetti li ġejjin:
1.3. Għall-ħruġ ta' PPL, BPL jew SPL, id-detenturi ta' LAPL fl-istess kategorija ta' inġenju tal-ajru għandhom jiġu ikkreditati bis-sħiħ bl-għan li jissodisfaw ir-rekwiżiti tat-tagħlim u l-eżami tal-għarfien teoretiku. 1.4. Minkejja l-punt 1.2, għall-ħruġ ta' LAPL(A), id-detenturi ta' LAPL(S) b'estensjoni għal TMG għandu jkollhom livell xieraq ta' għarfien teoretiku għall-klassi SEP(tal-art) skont FCL.135.A(a)(2). 2. CPL 2.1. L-applikanti għall-ħruġ ta' CPL li jkollhom CPL f'kategorija oħra ta' inġenju tal-ajru għandhom ikunu ngħataw tagħlim ta' integrazzjoni fl-għarfien teoretiku waqt kors approvat f'ATO skont id-differenzi identifikati bejn is-sillabi tas-CPL għal kategoriji differenti ta' inġenji tal-ajru. 2.2. L-applikanti għandhom jgħaddu mill-eżamijiet tal-għarfien teoretiku kif definit f'dan l-Anness (il-Parti-FCL) għas-suġġetti li ġejjin fil-kategorija xierqa ta' inġenju tal-ajru:
2.3. L-applikanti għall-ħruġ ta' CPL li jkunu għaddew mill-eżamijiet rilevanti tal-għarfien teoretiku għal IR fl-istess kategorija ta' inġenju tal-ajru jiġu ikkreditati fir-rigward tar-rekwiżiti tal-għarfien teoretiku fil-prestazzjoni umana u l-meteoroloġija, sakemm ma jkunux lestew il-kors ta' taħriġ għal IR skont l-Appendiċi 6, it-Taqsima A, ta' dan l-Anness (il-Parti-FCL). 2.4. L-applikanti għal CPL li jkunu għaddew mill-eżamijiet rilevanti tal-għarfien teoretiku għal IR jew EIR fl-istess kategorija ta' inġenju tal-ajru jiġu kkreditati fir-rigward tar-rekwiżiti tal-għarfien teoretiku fis-suġġett tal-komunikazzjonijiet. 3. ATPL 3.1. L-applikanti għall-ħruġ ta' ATPL li jkollhom ATPL f'kategorija oħra ta' inġenju tal-ajru għandhom ikunu ngħataw tagħlim ta' integrazzjoni fl-għarfien teoretiku waqt kors approvat f'ATO skont id-differenzi identifikati bejn is-sillabi tal-ATPL għal kategoriji differenti ta' inġenji tal-ajru. 3.2. L-applikanti għandhom jgħaddu mill-eżamijiet tal-għarfien teoretiku kif definit f'dan l-Anness (il-Parti-FCL) għas-suġġetti li ġejjin fil-kategorija xierqa ta' inġenju tal-ajru:
3.3. L-applikanti għall-ħruġ ta' ATPL(A) li jkunu għaddew mill-eżami teoretiku rilevanti għal CPL(A) jiġu kkreditati fir-rigward tar-rekwiżiti tal-għarfien teoretiku fis-suġġett tal-komunikazzjonijiet. 3.4. L-applikanti għall-ħruġ ta' ATPL(H) li jkunu għaddew mill-eżamijiet teoretiċi rilevanti għal CPL(H) jiġu kkreditati fir-rigward tar-rekwiżiti tal-għarfien teoretiku fis-suġġetti li ġejjin:
3.5. L-applikanti għall-ħruġ ta' ATPL(A) li jkunu għaddew mill-eżami teoretiku rilevanti għal IR(A) jiġu kkreditati fir-rigward tar-rekwiżiti tal-għarfien teoretiku fis-suġġett tal-komunikazzjonijiet. 3.6. L-applikanti għall-ħruġ ta' ATPL(H) b'IR(H) li jkunu għaddew mill-eżamijiet teoretiċi rilevanti għal CPL(H) jiġu kkreditati fir-rigward tar-rekwiżiti tal-għarfien teoretiku fis-suġġetti li ġejjin:
4. IR 4.1. L-applikanti għall-ħruġ ta' IR jew EIR li jkunu għaddew mill-eżamijiet teoretiċi rilevanti għal CPL fl-istess kategorija ta' inġenju tal-ajru jiġu kkreditatifir-rigward tar-rekwiżiti tal-għarfien teoretiku fis-suġġetti li ġejjin:
4.2. Applikanti għall-ħruġ ta' IR(H) li jkunu għaddew mill-eżamijiet teoretiċi rilevanti għal ATPL(H) VFR huma meħtieġa jgħaddu minn eżami fis-suġġetti li ġejjin:
|
(13) |
It-Taqsima A tal-Appendiċi 3 hija emendata kif ġej:
|
(14) |
L-Appendiċi 5 hija emendata kif ġej:
|
(15) |
L-Appendiċi 9 hija sostitwita b'dan li ġej: “Appendiċi 9 Taħriġ, test tal-aptitudni u kontroll tal-profiċjenza għal klassifikazzjonijiet tat-tip jew tal-klassi MPL, ATPL, u kontroll tal-profiċjenza għal IRs A. Elementi ġenerali 1. L-applikanti għal test tal-aptitudni għandhom ikunu ngħataw tagħlim fuq l-istess klassi jew tip ta' inġenju tal-ajru li għandu jintuża fit-test. It-taħriġ għal klassifikazzjonijiet tat-tip jew tal-klassi MPA u PL għandu jsir f'FFS, jew f'kombinament ta' FSTD(s) u FFS. It-test tal-aptitudni jew il-kontroll tal-profiċjenza għal klassifikazzjonijiet tat-tip MPA u PL u għall-ħruġ ta' ATPL u MPL għandu jsir f'FFS, jekk ikun disponibbli. It-taħriġ, it-test tal-aptitudni jew il-kontroll tal-profiċjenza għall-klassifikazzjonijiet tal-klassi jew tat-tip għal SPA u ħelikopters għandhom jitwettqu:
Jekk jintużaw FSTDs waqt it-taħriġ, l-ittestjar jew il-kontrolli, l-adegwatezza tal-FSTDs użati għandha tiġi verifikata billi tiġi mqabbla mat-“Tabella tal-funzjonijiet u tat-testijiet suġġettivi” applikabbli u mat-“Tabella tat-testijiet ta' validazzjoni tal-FSTD” li tinsab fid-dokument ta' referenza primarja applikabbli għall-apparat użat. Għandhom jiġu kkunsidrati r-restrizzjonijiet u l-limitazzjonijiet kollha indikati fuq iċ-ċertifikat ta' kwalifika tal-apparat. 2. Fil-każ li l-applikant ma jgħaddix mit-taqsimiet kollha tat-test f'żewġ tentattivi, dan ikollu jieħu taħriġ ulterjuri. 3. Ma hemm l-ebda limitu fuq in-numru ta' testijiet tal-aptitudni li jistgħu jsiru. KONTENUT TAT-TAĦRIĠ/TEST TAL-APTITUDNI/KONTROLL TAL-PROFIĊJENZA 4. Sakemm ma jiġix stabbilit mod ieħor fid-data tal-adegwatezza operattiva stabbilita skont l-Anness I (il-Parti 21) tar-Regolament (UE) Nru 748/2012 (OSD), is-sillabu tat-tagħlim fit-titjir, it-test tal-aptitudni u l-kontroll tal-profiċjenza għandhom ikunu konformi ma' din l-Appendiċi. Is-sillabu, it-test tal-aptitudni u l-kontroll tal-profiċjenza jistgħu jitnaqqsu biex jingħata kkreditar għal esperjenza preċedenti fuq tipi simili ta' inġenji tal-ajru, kif determinat fl-OSD. 5. Għajr fil-każ ta' testijiet tal-aptitudni għall-ħruġ ta' ATPL, meta jkun definit b'dan il-mod fl-OSD għall-inġenju tal-ajru speċifiku, jista' jingħata kreditu għal punti tat-test tal-aptitudni li huma komuni għal tipi oħrajn jew għal varjanti oħrajn meta l-pilota jkun kwalifikat. TWETTIQ TAT-TEST/TAL-KONTROLL 6. L-eżaminatur jista' jagħżel bejn xenarji differenti ta' testijiet tal-aptitudni jew ta' kontrolli tal-profiċjenza li jinkludu operazzjonijiet rilevanti simulati. Għandhom jintużaw simulaturi ta' titjira sħiħa u apparat ieħor tat-taħriġ, kif stabbilit f'dan l-Anness (il-Parti-FCL). 7. Matul il-kontroll tal-profiċjenza, l-eżaminatur għandu jivverifika li d-detenturi tal-klassifikazzjoni tal-klassi jew tat-tip iżommu livell adgewat ta' għarfien teoretiku. 8. Jekk l-applikanti jagħżlu li jtemmu test tal-aptitudni għal raġunijiet meqjusin bħala mhux xierqa mill-eżaminatur, l-applikanti għandhom jerġgħu jagħmlu t-test tal-aptitudni kollu. Jekk it-test jiġi terminat għal raġunijiet meqjusin xierqa mill-eżaminatur, dawk it-taqsimiet li ma jkunux ġew terminati biss għandhom jiġu ttestjati f'titjira oħra. 9. Għad-diskrezzjoni tal-eżaminatur, kull manuvra jew proċedura tat-test tista' tiġi ripetuta darba mill-applikanti. L-eżaminatur jista' jwaqqaf it-test fi kwalunkwe stadju jekk iqis li l-ħiliet tat-titjir tal-applikant jeħtieġu li jsir test sħiħ mill-ġdid. 10. L-applikanti għandhom ikunu meħtieġa jtajru l-inġenju tal-ajru minn pożizzjoni fejn jistgħu jitwettqu l-funzjonijiet tal-PIC jew tal-kopilota, kif rilevanti. Taħt kundizzjonijiet ta' pilota wieħed, it-test għandu jitwettaq bħallikieku ma kien hemm l-ebda membru ieħor tal-ekwipaġġ preżenti. 11. Matul it-tħejjija ta' qabel it-titjira għat-test, l-applikanti huma meħtieġa jistabbilixxu l-parametri tal-potenza u l-veloċitajiet. L-applikanti għandhom jindikaw lill-eżaminatur il-kontrolli u l-kompiti mwettqa, inkluża l-identifikazzjoni tal-faċilitajiet tar-radju. Il-kontrolli għandhom jiġu kkompletati skont il-lista ta' kontroll awtorizzata għall-inġenju tal-ajru li fih ikun qed isir it-test u, jekk applikabbli, skont il-kunċett tal-MCC. Id-data tal-prestazzjoni għall-qtugħ mill-art, l-avviċinament u l-illandjar għandha tiġi kkalkulata mill-applikanti skont il-manwal tal-operazzjonijiet jew skont il-manwal tat-titjira għall-inġenju tal-ajru użat. L-għoli/altitudnijiet deċiżjonali, l-għoli/altitudnijiet ta' nżul minimi u l-punt ta' avviċinamenti mingħajr suċċess għandhom jiġu stabbiliti bi qbil mal-eżaminatur. 12. L-eżaminatur m'għandux jieħu sehem fit-tħaddim tal-ajruplan, għajr meta jkun meħtieġ intervent fl-interess tas-sigurtà jew sabiex jiġi evitat dewmien mhux aċċettabbli għal traffiku ieħor. REKWIŻITI SPEĊIFIĊI GĦAT-TEST TAL-APTITUDNI/GĦALL-KONTROLL TAL-PROFIĊJENZA GĦAL KLASSIFIKAZZJONIJIET TAT-TIP TA' INĠENJU TAL-AJRU B'AKTAR MINN PILOTA WIEĦED, GĦAL KLASSIFIKAZZJONIJIET TAT-TIP TA' INĠENJU TAL-AJRU B'PILOTA WIEĦED, META MĦADDMA F'OPERAZZJONIJIET B'AKTAR MINN PILOTA WIEĦED, GĦAL MPL U ATPL 13. It-test tal-aptitudni għal inġenju tal-ajru b'aktar minn pilota wieħed jew għal inġenju tal-ajru b'pilota wieħed meta mħaddem f'operazzjonijiet b'aktar minn pilota wieħed għandu jsir f'ambjent b'ekwipaġġ b'aktar minn membru wieħed. Applikant ieħor jew pilota ikkwalifikat bi klassifikazzjoni tat-tip oħra jista' joqgħod bħala t-tieni pilota. Jekk jintuża inġenju tal-ajru, it-tieni pilota għandu jkun l-eżaminatur jew għalliem. 14. L-applikanti għandhom jaġixxu bħala PF matul it-taqsimiet kollha tat-test tal-aptitudni, għajr għal proċeduri anormali u ta' emerġenza, li jistgħu jsiru bħala PF jew PM skont l-MCC. L-applikanti għall-ħruġ inizjali ta' klassifikazzjoni tat-tip ta' inġenju tal-ajru b'aktar minn pilota wieħed jew ATPL għandhom juru wkoll il-kapaċità li jaġixxu bħala PM. L-applikanti jistgħu jagħżlu jew il-post fuq in-naħa tal-lemin jew dak fuq in-naħa tax-xellug għat-test tal-aptitudni jekk il-punti kollha jkunu jistgħu jitwettqu mill-post magħżul. 15. Il-kwistjonijiet li ġejjin jistgħu jiġu kkontrollati speċifikament mill-eżaminatur għall-applikanti għall-ATPL jew għal klassifikazzjoni tat-tip għal inġenju tal-ajru b'aktar minn pilota wieħed jew għal operazzjonijiet b'aktar minn pilota wieħed f'ajruplan b'pilota wieħed li jestendu għad-dmirijiet ta' PIC, irrispettivament minn jekk l-applikanti jaġixxux bħala PF jew PM:
16. It-test jew il-kontroll għandu jsir taħt IFR, jekk il-klassifikazzjoni tal-IR tkun inkluża, u kemm jista' jkun għandu jitwettaq f'ambjent tat-trasport tal-ajru kummerċjali simulat. Element essenzjali li għandu jiġi kkontrollat huwa l-kapaċità li wieħed jippjana u jwettaq it-titjira minn materjal ta' briefing ta' rutina. 17. Meta l-kors tal-klassifikazzjoni tat-tip ikun inkluda inqas minn sagħtejn ta' taħriġ fit-titjir fuq l-inġenju tal-ajru, it-test tal-aptitudni jista' jsir f'FFS u jista' jitlesta qabel it-taħriġ fit-titjir fuq l-inġenju tal-ajru. It-taħriġ fit-titjir approvat għandu jitwettaq minn għalliem kwalifikat taħt ir-responsabbiltà ta':
Ċertifikat ta' tlestija tal-kors tal-klassifikazzjoni tat-tip, inkluż it-taħriġ tat-titjir fuq l-inġenju tal-ajru, għandu jiġi ppreżentat lill-awtorità kompetenti qabel il-klassifikazzjoni tat-tip ġdida tiddaħħal fil-liċenzja tal-applikanti. 18. Għat-taħriġ għall-irkuprar tal-pożizzjonament tal-ajruplan waqt instabbiltà, “avveniment ta' waqfien” tfisser jew avviċinament għal waqfien, jew waqfien. L-ATO tista' tuża FFS biex tħarreġ fl-irkupru minn waqfien, jew biex jintwerew il-karatteristiċi speċifiċi għat-tip ta' waqfien, jew it-tnejn li huma, sakemm:
B. Rekwiżiti speċifiċi għall-kategorija tal-ajruplan MARKI MINIMI MEĦTIEĠA 1. Fil-każ ta' ajruplani b'pilota wieħed, bl-eċċezzjoni ta' ajruplani ta' prestazzjoni għolja ta' pilota wieħed, l-applikanti għandhom jgħaddu mit-taqsimiet kollha tat-test tal-aptitudni jew tal-kontroll tal-profiċjenza. Jekk l-applikanti ma jiksbux il-marki minimi meħtieġa fi kwalunkwe punt fit-taqsima, dan ifisser li jeħlu mit-taqsima kollha. Jekk jeħlu biss minn taqsima waħda, għandhom jirrepetu dik it-taqsima biss. Applikanti li ma jgħaddux minn aktar minn taqsima waħda jkollhom jerġgħu jagħmlu t-test jew il-kontroll kollu. Jekk jeħlu minn kwalunkwe taqsima fil-każ ta' ttestjar mill-ġdid jew kontroll mill-ġdid, inklużi dawk it-taqsimiet li jkunu għaddew minnhom fit-test preċedenti, l-applikanti jkollhom jerġgħu jagħmlu t-test jew il-kontroll kollu. Għal ajruplani b'aktar minn magna waħda u b'pilota wieħed, l-applikant għandu jgħaddi mit-Taqsima 6 tat-test jew tal-kontroll rilevanti, li tindirizza t-titjir asimmetriku. 2. Fil-każ ta' ajruplani kumplessi ta' prestazzjoni għolja b'aktar minn pilota wieħed u dawk b'pilota wieħed, l-applikanti għandhom jgħaddu mit-taqsimiet kollha tat-test tal-aptitudni jew tal-kontroll tal-profiċjenza. Applikanti li ma jgħaddux minn aktar minn ħames punti jkollhom jerġgħu jagħmlu t-test jew il-kontroll kollu. Applikanti li ma jgħaddux minn 5 punti jew inqas għandhom jerġgħu jagħmlu l-punti li ma jkunux għaddew minnhom. Jekk jeħlu minn kwalunkwe punt fil-każ ta' ttestjar mill-ġdid jew kontroll mill-ġdid, inklużi dawk il-punti li jkunu għaddew minnhom fit-test preċedenti, l-applikanti jkollhom jerġgħu jagħmlu t-test jew il-kontroll kollu. It-Taqsima 6 mhijiex parti mit-test tal-aptitudni tal-ATPL jew MPL. Jekk l-applikanti ma jgħaddux mit-Taqsima 6 biss, jew ma jagħmluhiex, il-klassifikazzjoni tat-tip tinħareġ mingħajr privileġġi ta' CAT II jew CAT III. Biex il-privileġġi tal-klassifikazzjoni tat-tip jiġu estiżi għal CAT II jew CAT III, l-applikanti għandhom jgħaddu mit-Taqsima 6 fuq it-tip ta' inġenju tal-ajru xieraq. TOLLERANZA WAQT IT-TEST TAT-TITJIRA 3. L-applikanti għandhom juru l-kapaċità li:
4. Il-limiti li ġejjin għandhom japplikaw, hekk kif inhuma kkoreġuti sabiex jiġu kkunsidrati l-kundizzjonijiet turbulenti u l-kwalitajiet tal-immaniġġjar u l-prestazzjoni tal-ajruplan użat:
KONTENUT TAT-TAĦRIĠ/TEST TAL-APTITUDNI/KONTROLL TAL-PROFIĊJENZA 5. Ajruplani b'pilota wieħed, għajr għal ajruplani kumplessi ta' prestazzjoni għolja
6. Ajruplani b'aktar minn pilota wieħed u ajruplani kumplessi ta' prestazzjoni għolja b'pilota wieħed
7. Klassifikazzjoni tal-klassi — baħar It-Taqsima 6 għandha tiġi kompluta għall-validazzjoni mill-ġdid ta' ajruplani b'iktar minn magna waħda bi klassifikazzjoni tal-klassi tal-baħar, VFR biss, fejn l-esperjenza meħtieġa ta' 10 setturi tar-rotot fit-12-il xahar preċedenti ma tkunx tlestiet.
C. Rekwiżiti speċifiċi għall-kategorija tal-ħelikopters 1. Fil-każ ta' test tal-aptitudni jew ta' kontroll tal-profiċjenza għal klassifikazzjoni tat-tip u għall-ATPL, l-applikanti għandhom jgħaddu mit-Taqsimiet 1 sa 4 u 6 (skont il-każ) tat-test tal-aptitudni jew tal-kontroll tal-profiċjenza. L-applikanti li ma jgħaddux minn aktar minn ħames punti jkollhom jerġgħu jagħmlu t-test jew il-kontroll kollu. L-applikanti li ma jgħaddux minn ħames punti jew inqas ikollhom jerġgħu jagħmlu l-punti li ma jkunux għaddew minnhom. Jekk applikant ma jgħaddix minn punt wieħed meta jerġa' jagħmel it-test jew meta jsir kontroll mill-ġdid f'punti oħra li jkun diġà għadda minnhom, l-applikant ikollu jerġa' jagħmel it-test jew il-kontroll kollu. It-taqsimiet kollha tat-test tal-aptitudni jew tal-kontroll tal-profiċjenza għandhom jiġu kkompletati fi żmien 6 xhur. 2. Fil-każ ta' kontroll tal-profiċjenza għal IR, l-applikanti għandhom jgħaddu mit-Taqsima 5 tal-kontroll tal-profiċjenza. Jekk l-applikanti ma jgħaddux minn aktar minn 3 punti, ikollhom jerġgħu jagħmlu t-Taqsima 5 kollha. L-applikanti li ma jgħaddux minn 3 punti jew inqas ikollhom jerġgħu jagħmlu l-punti li ma jkunux għaddew minnhom. Jekk l-applikanti ma jgħaddux minn punt wieħed meta jerġa' jsir il-kontroll mill-ġdid, jew jekk ma jgħaddux minn kwalunkwe punti oħra tat-Taqsima 5 li jkunu diġà għaddew minnhom, l-applikanti jkollhom jerġgħu jagħmlu t-test jew il-kontroll kollu. TOLLERANZA WAQT IT-TEST TAT-TITJIRA 3. L-applikanti għandhom juru l-kapaċità li:
4. Il-limiti li ġejjin għandhom japplikaw, hekk kif inhuma kkoreġuti sabiex jiġu kkunsidrati l-kundizzjonijiet turbulenti u l-kwalitajiet tat-trattament u tal-prestazzjoni tal-ħelikopter użat.
KONTENUT TAT-TAĦRIĠ/TEST TAL-APTITUDNI/KONTROLL TAL-PROFIĊJENZA ĠENERALI 5. Is-simboli li ġejjin ifissru:
6. It-taħriġ prattiku għandu jsir mill-inqas fil-livell ta' tagħmir ta' taħriġ muri bħala (P), jew jista' jsir sa kull livell ta' tagħmir ogħla muri bil-vleġġa (---->). It-taqsiriet li ġejjin jintużaw biex jiġi indikat it-tagħmir ta' taħriġ użat:
7. Il-punti li għandhom stilla (*) magħhom għandhom jittajru f'IMC proprja jew simulat, minn applikanti li jixtiequ jġeddu jew jerġgħu jivvalidaw IR(H), jew jestendu l-privileġġi ta' dik il-klassifikazzjoni għal tip ieħor biss. 8. Il-proċeduri ta' titjir bl-istrumenti (Taqsima 5) għandhom jitwettqu minn biss applikanti li jixtiequ jġeddu jew jerġgħu jivvalidaw IR(H) jew jestendu l-privileġġi ta' dik il-klassifikazzjoni għal tip ieħor. Għal dan l-għan jistgħu jintużaw FFS jew FTD 2/3. 9. Fejn tidher l-ittra “M” fil-kolonna tat-test tal-aptitudni jew tal-kontroll tal-profiċjenza, din tindika eżerċizzju obbligatorju. 10. Għandu jintuża FSTD għal taħriġ prattiku u ttestjar jekk l-FSTD jagħmel parti minn kors ta' klassifikazzjoni tat-tip. Il-kunsiderazzjonijiet li ġejjin għandhom japplikaw għall-kors:
ĦELIKOPTERS B'AKTAR MINN pilota WIEĦED 11. L-applikanti għat-test tal-aptitudni għall-ħruġ ta' klassifikazzjoni tat-tip ta' ħelikopter b'aktar minn pilota wieħed u ATPL(H) għandhom jgħaddu mit-Taqsimiet 1 sa 4 biss u, jekk applikabbli, mit-Taqsima 6. 12. L-applikanti għall-validazzjoni mill-ġdid jew it-tiġdid tal-kontroll tal-profiċjenza għal klassifikazzjoni tat-tip ta' ħelikopter b'aktar minn pilota wieħed għandhom jgħaddu mit-Taqsimiet 1 sa 4 biss u, jekk applikabbli, mit-Taqsima 6.
D. Rekwiżiti speċifiċi għall-kategorija ta' inġenji tal-ajru bil-powered-lift 1. Fil-każ ta' testijiet tal-aptitudni jew kontrolli tal-profiċjenza għal klassifikazzjoni tat-tip ta' inġenji tal-ajru bil-powered-lift, l-applikanti għandhom jgħaddu mit-Taqsimiet 1 sa 5 u 6 (jekk applikabbli) tat-test tal-aptitudni jew tal-kontroll tal-profiċjenza. L-applikanti li ma jgħaddux minn aktar minn ħames punti jkollhom jerġgħu jagħmlu t-test jew il-kontroll kollu. L-applikanti li ma jgħaddux minn ħames punti jew inqas ikollhom jerġgħu jagħmlu l-punti li ma jkunux għaddew minnhom. Jekk l-applikanti ma jgħaddux minn punt wieħed fil-każ ta' ttestjar mill-ġdid jew meta jerġa' jsir il-kontroll mill-ġdid, jew jekk ma jgħaddux minn kwalunkwe punti oħra li jkunu diġà għaddew minnhom, l-applikanti jkollhom jerġgħu jagħmlu t-test jew il-kontroll kollu. It-taqsimiet kollha tat-test tal-aptitudni jew tal-kontroll tal-profiċjenza għandhom jiġu kkompletati fi żmien 6 xhur. TOLLERANZA WAQT IT-TEST TAT-TITJIRA 2. L-applikanti għandhom juru l-kapaċità li:
3. Dawn il-limiti għandhom japplikaw, hekk kif inhuma kkoreġuti biex jikkunsidraw il-kundizzjonijiet ta' turbulenza u l-kwalitajiet ta' mmaniġġjar u prestazzjoni tal-inġenju tal-ajru bil-powered-lift użat.
KONTENUT TAT-TAĦRIĠ/TEST TAL-APTITUDNI/KONTROLL TAL-PROFIĊJENZA 4. Is-simboli li ġejjin ifissru:
5. It-taħriġ prattiku għandu jsir mill-inqas fil-livell ta' tagħmir ta' taħriġ muri bħala (P), jew jista' jsir sa kull livell ta' tagħmir ogħla muri bil-vleġġa (---->). 6. It-taqsiriet li ġejjin jintużaw biex jiġi indikat it-tagħmir ta' taħriġ użat:
7. Fejn tidher l-ittra “M” fil-kolonna tat-test tal-aptitudni jew tal-kontroll tal-profiċjenza, din tindika eżerċizzju obbligatorju. 8. FSTDs għandhom jintużaw għal taħriġ u għal ittestjar prattiku jekk jagħmlu parti minn kors approvat ta' klassifikazzjoni tat-tip. Il-kunsiderazzjonijiet li ġejjin għandhom japplikaw għall-approvazzjoni tal-kors:
E. Rekwiżiti speċifiċi għall-kategorija ta' ġifen tal-ajru 1. Fil-każ ta' testijiet ta' ħila jew kontrolli tal-profiċjenza għal klassifikazzjoni tat-tip ta' ġifen tal-ajru, l-applikanti għandhom jgħaddu mit-Taqsimiet 1 sa 5 u 6 (jekk applikabbli) tat-test tal-aptitudni jew tal-kontroll tal-profiċjenza. L-applikanti li ma jgħaddux minn aktar minn ħames punti jkollhom jerġgħu jagħmlu t-test jew il-kontroll kollu. L-applikanti li ma jgħaddux minn ħames punti jew inqas ikollhom jerġgħu jagħmlu l-punti li ma jkunux għaddew minnhom. Jekk l-applikanti ma jgħaddux minn punt wieħed fil-każ ta' ttestjar mill-ġdid jew meta jerġa' jsir il-kontroll mill-ġdid, jew jekk ma jgħaddux minn kwalunkwe punti oħra li jkunu diġà għaddew minnhom, l-applikanti jkollhom jerġgħu jagħmlu t-test jew il-kontroll kollu. It-taqsimiet kollha tat-test tal-aptitudni jew tal-kontroll tal-profiċjenza għandhom jiġu kkompletati fi żmien 6 xhur. TOLLERANZA WAQT IT-TEST TAT-TITJIRA 2. L-applikanti għandhom juru l-kapaċità li:
3. Il-limiti li ġejjin għandhom japplikaw, hekk kif inhuma kkoreġuti sabiex jiġu kkunsidrati l-kundizzjonijiet turbulenti u l-kwalitajiet tat-trattament u tal-prestazzjoni tal-ġifen tal-ajru użat.
KONTENUT TAT-TAĦRIĠ/TEST TAL-APTITUDNI/KONTROLL TAL-PROFIĊJENZA 4. Is-simboli li ġejjin ifissru:
5. It-taħriġ prattiku għandu jsir mill-inqas fil-livell ta' tagħmir ta' taħriġ muri bħala (P), jew jista' jsir sa kull livell ta' tagħmir ogħla muri bil-vleġġa (---->). 6. It-taqsiriet li ġejjin jintużaw biex jiġi indikat it-tagħmir ta' taħriġ użat:
7. Fejn tidher l-ittra “M” fil-kolonna tat-test tal-aptitudni jew tal-kontroll tal-profiċjenza, din tindika eżerċizzju obbligatorju. 8. FSTDs għandhom jintużaw għal taħriġ u għal ittestjar prattiku jekk jagħmlu parti minn kors ta' klassifikazzjoni tat-tip. Il-kunsiderazzjonijiet li ġejjin għandhom japplikaw għall-kors:
|
20.12.2018 |
MT |
Il-Ġurnal Uffiċjali tal-Unjoni Ewropea |
L 326/53 |
REGOLAMENT TA' IMPLIMENTAZZJONI TAL-KUMMISSJONI (UE) 2018/1975
tal-14 ta' Diċembru 2018
li jemenda r-Regolament (UE) Nru 965/2012 fir-rigward tar-rekwiżiti tal-operazzjonijiet bl-ajru għall-gliders u l-electronic flight bags
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1) u b'mod partikolari l-Artikolu 31 tiegħu,
Billi:
(1) |
Ir-Regolament tal-Kummissjoni (UE) Nru 965/2012 (2) jistabbilixxi l-kundizzjonijiet għas-sikurezza ta' bosta tipi ta' operazzjonijiet bl-ajru b'kategoriji differenti ta' inġenji tal-ajru, inklużi l-operazzjonijiet bil-gliders. |
(2) |
L-operaturi involuti fl-operat tal-inġenji tal-ajru msemmija fil-punti (b) (i) u (ii) tal-Artikolu 2(1) tar-Regolament (UE) 2018/1139 huma meħtieġa jikkonformaw mar-rekwiżiti essenzjali rilevanti stabbiliti fl-Anness V ta' dak ir-Regolament. |
(3) |
Ir-Regolament ta' Implimentazzjoni tal-Kummissjoni (UE) 2018/1976 (3) li jistabbilixxi regoli speċifiċi rigward l-operat ta' gliders. Mid-data tal-applikazzjoni ta' dak ir-Regolament, jenħtieġ li dawn l-operazzjonijiet ma jibqgħux soġġetti għar-regoli ġenerali għall-operazzjonijiet bl-ajru stabbiliti fir-Regolament (UE) Nru 965/2012. Madankollu, ir-regoli relatati mas-sorveljanza tal-operazzjonijiet bl-ajru mill-awtoritajiet kompetenti tal-Istati Membri, kif stipulat fl-Artikolu 3 tar-Regolament (UE) Nru 965/2012 u fl-Anness II tiegħu, jenħtieġ li jkomplu japplikaw fir-rigward tal-operazzjonijiet bl-ajru bil-gliders, peress li dawk ir-rekwiżiti mhumiex speċifiċi għal xi attività partikolari ta' operazzjoni bl-ajru, iżda japplikaw b'mod orizzontali fir-rigward tal-attivitajiet kollha bħal dawn. |
(4) |
Għalhekk, jenħtieġ li r-Regolament (UE) Nru 965/2012 jiġi emendat skont dan, sabiex jitqiesu r-regoli l-ġodda applikabbli għall-operazzjonijiet bil-gliders u biex jiġu ċċarati liema mid-dispożizzjonijiet ta' dak ir-Regolament se jkomplu japplikaw għall-gliders. |
(5) |
Minħabba r-rabta mill-qrib bejn id-dispożizzjonijiet tar-Regolament ta' Implimentazzjoni (UE) 2018/1976 u d-dispożizzjonijiet ta' dan ir-Regolament, jenħtieġ li d-data tal-applikazzjoni tagħhom tiġi allinjata. |
(6) |
Fl-2014, l-ICAO introduċiet fl-Anness 6, fil-Parti I u fil-Parti III, it-Taqsima II, dispożizzjonijiet għall-użu tal-electronic flight bags għal operazzjonijiet tat-trasport kummerċjali bl-ajru. Dawk id-dispożizzjonijiet jinkludu rekwiżiti ġeneriċi għall-użu tal-electronic flight bags u wkoll rekwiżit għal approvazzjoni operattiva għall-użu ta' applikazzjonijiet tal-electronic flight bags użati għat-tħaddim sikur tal-inġenji tal-ajru. Għalhekk jeħtieġ li r-Regolament (UE) Nru 965/2012 jiġi allinjat mad-dispożizzjonijiet tal-ICAO billi tiġi introdotta regola ġdida li fiha rekwiżiti ġeneriċi għall-użu tal-electronic flight bags għat-trasport kummerċjali bl-ajru u dispożizzjonijiet ġodda li jappoġġaw approvazzjoni operattiva għall-użu ta' applikazzjonijiet tal-electronic flight bags li għandhom kundizzjoni ta' ħsara kklassifikata bħala minuri jew inqas. |
(7) |
Fl-2014, l-ICAO introduċiet ukoll fl-Anness 6, fil-Parti II u fil-Parti III, it-Taqsima III, dispożizzjonijiet għall-użu tal-electronic flight bags fl-avjazzjoni ġenerali. Dawk id-dispożizzjonijiet jinkludu rekwiżiti ġeneriċi għall-użu tal-electronic flight bags u wkoll rekwiżit għall-Istati Kontraenti biex jistabbilixxu kriterji għall-użu ta' applikazzjonijiet tal-electronic flight bags użati għat-tħaddim sikur tal-inġenji tal-ajru. Għalhekk jeħtieġ li r-Regolament (UE) Nru 965/2012 jiġi allinjat mad-dispożizzjonijiet tal-ICAO billi jiġu introdotti, għal operazzjonijiet mhux kummerċjali b'inġenji tal-ajru kumplessi u li jaħdmu bil-magni u għal operazzjonijiet mhux kummerċjali speċjalizzati b'inġenji tal-ajru kumplessi li jaħdmu bil-magni regoli ġodda li fihom rekwiżiti ġeneriċi għall-użu tal-electronic flight bags u rekwiżiti għall-użu tal-applikazzjonijiet tal-electronic flight bags b'kundizzjoni ta' ħsara kklassifikata bħala minuri jew inqas. Barra minn hekk, dan ir-Regolament jemenda r-Regolament (UE) Nru 965/2012 billi jallinja r-rekwiżiti għal tagħmir elettroniku li jista' jinġarr għal operazzjonijiet mhux kummerċjali b'inġenji tal-ajru ħlief inġenji tal-ajru kumplessi li jaħdmu bil-magni mad-dispożizzjonijiet ġeneriċi tal-ICAO għat-tagħmir tal-electronic flight bags. |
(8) |
L-Aġenzija tas-Sikurezza tal-Avjazzjoni tal-Unjoni Ewropea ħejjiet abbozz ta' regoli ta' implimentazzjoni b'rabta mar-regoli speċifiċi għall-operat tal-gliders u ressqitu bħala opinjoni (4) lill-Kummissjoni f'konformità mal-punti (b) u (c) tal-Artikolu 75(2) u l-Artikolu 76(1) tar-Regolament (UE) 2018/1139. |
(9) |
L-Aġenzija tas-Sikurezza tal-Avjazzjoni tal-Unjoni Ewropea ħejjiet abbozz tar-regoli ta' implimentazzjoni dwar l-użu tal-electronic flight bags u ressqitu bħala opinjoni (5) lill-Kummissjoni f'konformità mal-punti (b) u (c) tal-Artikolu 75(2) u l-Artikolu 76(1) tar-Regolament (UE) 2018/1139. |
(10) |
Il-miżuri stipulati f'dan ir-Regolament huma konformi mal-opinjoni tal-Kumitat stabbilit bl-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
L-emendi għar-Regolament (UE) Nru 965/2012
Ir-Regolament (UE) Nru 965/2012 huwa emendat kif ġej:
(1) |
L-Artikolu 1 huwa emendat kif ġej:
|
(2) |
L-Artikolu 2 huwa emendat kif ġej:
|
(3) |
L-Artikolu 5 huwa emendat kif ġej:
|
(4) |
l-Artikolu 6 huwa emendat kif ġej:
|
(5) |
L-Artikolu 10 huwa emendat kif ġej:
|
(6) |
L-Annessi I, II, III, IV, V, VI, VII u VIII huma emendati skont l-Anness ta' dan ir-Regolament. |
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mid-9 ta' Lulju 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Diċembru 2018.
Għall-Kummissjoni
Il-President
Jean-Claude JUNCKER
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) Nru 965/2012 tal-5 ta' Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
(3) Ir-Regolament ta' Implimentazzjoni tal-Kummissjoni (UE) 2018/1976 tal-14 ta' Diċembru 2018 li jistabbilixxi regoli dettaljati għall-operat ta' gliders skont ir-Regolament (UE) 2018/1139 (ara l-paġna 64 ta' dan il-Ġurnal Uffiċjali).
(4) L-Opinjoni Nru 07/2017 tal-Aġenzija Ewropea tas-Sikurezza tal-Avjazzjoni tat-23 ta' Awwissu 2017 għal abbozz ta' Regolament tal-Kummissjoni dwar ir-reviżjoni tar-regoli operattivi għall-gliders.
(5) L-Opinjoni Nru 10/2017 tal-Aġenzija Ewropea tas-Sikurezza tal-Avjazzjoni tat-18 ta' Diċembru 2017 għal abbozz ta' Regolament tal-Kummissjoni li jemenda r-Regolament tal-Kummissjoni (UE) Nru 965/2012.
ANNESS
L-Annessi I, II, III, IV, V, VI, VII u VIII tar-Regolament (UE) Nru 965/2012 huma emendati kif ġej:
(1) |
L-Anness I huwa emendat kif ġej:
|
(2) |
L-Anness II huwa emendat kif ġej:
|
(3) |
L-Anness III huwa emendat kif ġej:
|
(4) |
L-Anness IV huwa emendat kif ġej:
|
(5) |
Fl-Anness V, tiddaħħal is-Subparti M li ġejja: “SUBPARTI M ELECTRONIC FLIGHT BAGS (EFBs) SPA.FB.100 Użu tal-electronic flight bags (EFBs) — approvazzjoni operattiva
|
(6) |
L-Anness VI huwa emendat kif ġej:
|
(7) |
L-Anness VII huwa emendat kif ġej:
|
(8) |
L-Anness VIII huwa emendat kif ġej:
|
(*1) Ir-Regolament tal-Kummissjoni (UE) 2018/395 tat-13 ta' Marzu 2018 li jistabbilixxi regoli dettaljati għall-operat tal-blalen tal-arja skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 71, 14.3.2018, p. 10).
(*2) Ir-Regolament ta' Implimentazzjoni tal-Kummissjoni (UE) 2018/1976 tal-14 ta' Diċembru 2018 li jistabbilixxi regoli dettaljati għall-operat ta' gliders skont ir-Regolament (UE) 2018/1139 tal-Parlament Ewropew u tal-Kunsill (ĠU L 326, 20.12.2018, p. 64)”;”
20.12.2018 |
MT |
Il-Ġurnal Uffiċjali tal-Unjoni Ewropea |
L 326/64 |
REGOLAMENT TA' IMPLIMENTAZZJONI TAL-KUMMISSJONI (UE) 2018/1976
tal-14 ta' Diċembru 2018
li jistabbilixxi regoli dettaljati għall-operat tal-gliders skont ir-Regolament (UE) 2018/1139 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b'mod partikolari l-Artikolu 31 tiegħu,
Billi:
(1) |
Il-Kummissjoni jeħtieġ li tadotta r-regoli ta' implimentazzjoni neċessarji biex jiġu stabbiliti l-kundizzjonijiet għall-operat sikur tal-gliders skont ir-Regolament (UE) 2018/1139, meta inġenji tal-ajru bħal dawn ikunu jissodisfaw il-kundizzjonijiet speċifikati fil-punti (b)(i) u (ii) tal-Artikolu 2(1) ta' dak ir-Regolament. |
(2) |
Fid-dawl tan-natura speċifika tal-operazzjonijiet bil-gliders, hemm il-ħtieġa ta' regoli operattivi speċifiċi, stabbiliti f'Regolament awtonomu. Dawn ir-regoli jenħtieġ li jkunu bbażati fuq ir-regoli ġenerali għall-operazzjonijiet bl-ajru stabbiliti fir-Regolament tal-Kummissjoni (UE) Nru 965/2012 (2), iżda jenħtieġ li jiġu ristrutturati u ssimplifikati, sabiex ikun żgurat li dawn ikunu proporzjonati u msejsa fuq approċċ ibbażat fuq ir-riskju, waqt li jkun żgurat li l-operazzjonijiet bil-gliders jitwettqu b'mod sikur. |
(3) |
Għalhekk, fir-rigward tas-sorveljanza, ir-rekwiżiti stabbiliti fl-Artikolu 3 tar-Regolament (UE) Nru 965/2012 u fl-Anness II ta' dak ir-Regolament jenħtieġ li jkomplu japplikaw anki fir-rigward tal-operazzjonijiet tal-ajru bil-gliders. |
(4) |
Fl-interess tas-sikurezza u bil-għan li tiġi żgurata l-konformità mar-rekwiżiti essenzjali stabbiliti fl-Anness V tar-Regolament (UE) 2018/1139, l-operaturi kollha tal-gliders koperti minn dan ir-Regolament, bl-eċċezzjoni tal-organizzazzjonijiet tad-disinn jew tal-produzzjoni li jwettqu ċerti operazzjonijiet, jenħtieġ li jkunu soġġetti għal serje ta' rekwiżiti bażiċi. |
(5) |
Filwaqt li jitqiesu n-natura anqas kumplessa u l-iskala iżgħar tal-operazzjonijiet kummerċjali bil-gliders meta mqabbla ma' forom oħra ta' avjazzjoni kummerċjali u billi jiġi segwit approċċ ibbażat fuq ir-riskju, jixraq li l-operazzjonijiet kummerċjali bil-gliders ikunu jeħtieġu biss dikjarazzjoni minn qabel lill-awtorità kompetenti, kif stipulat fil-punt (a) tal-Artikolu 30(1) tar-Regolament (UE) 2018/1139. Dan ir-Regolament jistabbilixxi r-regoli dettaljati għal dikjarazzjonijiet bħal dawn. |
(6) |
Jekk titqies in-natura speċifika ta' ċerti operazzjonijiet u billi jiġi segwit approċċ ibbażat fuq ir-riskju, ikun xieraq li ċerti operazzjonijiet bil-gliders jiġu eżentati mir-rekwiżit ta' dikjarazzjoni minn qabel. |
(7) |
Sabiex tiġi żgurata t-tranżizzjoni bla xkiel u sabiex il-partijiet kollha kkonċernati jingħataw żmien biżżejjed biex jippreparaw għall-applikazzjoni ta' dak ir-reġim il-ġdid, jenħtieġ li dan ir-Regolament jibda japplika biss sitt xhur qabel id-dħul fis-seħħ. |
(8) |
L-Aġenzija tas-Sikurezza tal-Avjazzjoni tal-Unjoni Ewropea ħejjiet abbozz ta' regoli ta' implimentazzjoni u ressqitu lill-Kummissjoni bħala opinjoni (3) f'konformità mal-punti (b) u (c) tal-Artikolu 75(2) u l-Artikolu 76(1) tar-Regolament (UE) 2018/1139. |
(9) |
Il-miżuri stipulati f'dan ir-Regolament huma konformi mal-opinjoni tal-Kumitat stabbilit bl-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
Suġġett u kamp ta' applikazzjoni
Dan ir-Regolament jistabbilixxi regoli dettaljati għall-operazzjonijiet tal-ajru bil-gliders, meta inġenji tal-ajru bħal dawn ikunu jissodisfaw il-kundizzjonijiet stabbiliti fil-punti (b)(i) u (ii) tal-Artikolu 2(1) tar-Regolament (UE) 2018/1139.
Artikolu 2
Definizzjonijiet
Għall-finijiet ta' dan ir-Regolament, għandhom japplikaw id-definizzjonijiet fl-Anness I u d-definizzjonijiet li ġejjin:
(1) |
“glider” tfisser inġenju tal-ajru itqal mill-ajru li waqt it-titjir ikun sostnut mir-reazzjoni dinamika tal-arja mas-superfiċji fissi tar-refgħa tiegħu, li t-titjir ħieles tiegħu ma jiddependix minn magna; |
(2) |
“magna” tfisser apparat użat jew maħsub biex jintuża għal glider bil-magna ta' propulsjoni; |
(3) |
“glider bil-mutur” tfisser inġenju tal-ajru mgħammar b'magna waħda jew aktar li, meta l-magna jew magni ma jkunux qed jaħdmu, ikollu l-karatteristiċi ta' glider; |
(4) |
“operazzjoni kummerċjali” tfisser kwalunkwe operazzjoni ta' glider, bi ħlas jew xi kunsiderazzjoni oħra ta' valur, li tkun disponibbli għall-pubbliku jew, meta ma tkunx disponibbli għall-pubbliku, li tkun imwettqa b'kuntratt bejn operatur u klijent, meta dan tal-aħħar ma għandu l-ebda kontroll fuq l-operatur; |
(5) |
“titjira ta' kompetizzjoni” tfisser kwalunkwe operazzjoni tal-ajru mwettqa b'glider għall-finijiet tal-parteċipazzjoni fi tlielaq jew kompetizzjonijiet tal-ajru, inkluża l-prattika għal dawn l-operazzjonijiet u t-titjiriet minn fejn isiru t-tlielaq jew il-kompetizzjonijiet tal-ajru u lejhom; |
(6) |
“wirja tat-titjir” tfisser kwalunkwe operazzjoni tal-ajru mwettqa b'glider għall-finijiet tal-wiri jew id-divertiment f'avveniment irreklamat miftuħ għall-pubbliku, inkluż it-taħriġ għal dawn l-operazzjonijiet u t-titjiriet mill-avveniment irreklamat u lejh; |
(7) |
“titjira introduttorja” tfisser kwalunkwe operazzjoni tal-ajru mwettqa b'glider bi ħlas jew xi kunsiderazzjoni oħra ta' valur li tikkonsisti f'mawra bl-ajru b'tul ta' żmien qasir, bil-għan li jiġu attirati apprendisti jew membri ġodda, imwettqa minn organizzazzjoni ta' taħriġ imsemmija fl-Artikolu 10a tar-Regolament tal-Kummissjoni (UE) Nru 1178/2011 (4) jew minn organizzazzjoni maħluqa bil-għan li jiġu promossi l-isport tal-ajru jew l-avjazzjoni ta' divertiment; |
(8) |
“titjira ajrubatika” tfisser manuvra intenzjonali li tinvolvi bidla f'daqqa fil-pożizzjonament, fil-pożizzjonament anormali, jew fl-aċċellerazzjoni anormali tal-glider, li mhix meħtieġa għal titjir normali jew għal tagħlim għal liċenzji jew klassifikazzjonijiet għajr il-klassifikazzjoni ajrubatika; |
(9) |
“post prinċipali tan-negozju” tfisser l-uffiċċju ewlieni jew l-uffiċċju rreġistrat tal-operatur tal-glider li fih jitwettqu l-funzjonijiet finanzjarji prinċipali u l-kontroll operattiv tal-attivitajiet imsemmija f'dan ir-Regolament; |
(10) |
“ftehim ta' kiri mingħajr ekwipaġġ” tfisser ftehim bejn impriżi li permezz tiegħu l-glider jiġi operat taħt ir-responsabbiltà tal-kerrej. |
Artikolu 3
Operazzjonijiet tal-ajru
1. L-operaturi tal-gliders għandhom joperaw il-glider skont ir-rekwiżiti stipulati fl-Anness II.
Madankollu, l-ewwel subparagrafu ma għandux japplika għall-organizzazzjonijiet relatati mad-disinn jew mal-produzzjoni li jikkonformaw mal-Artikoli 8 u 9, rispettivament, tar-Regolament tal-Kummissjoni (UE) Nru 748/2012 (5) u li joperaw il-glider, fi ħdan il-kamp ta' applikazzjoni tal-privileġġi tagħhom, għall-finijiet tal-introduzzjoni jew tal-modifika tat-tipi ta' gliders.
2. F'konformità mal-punt (a) tal-Artikolu 30(1) tar-Regolament (UE) 2018/1139, l-operaturi ta' gliders għandhom jinvolvu ruħhom f'operazzjonijiet kummerċjali biss wara li jkunu ddikjaraw lill-awtorità kompetenti l-kapaċità tagħhom u l-mezzi sabiex jaqdu r-responsabbiltajiet assoċjati mal-operat tal-glider.
L-ewwel subparagrafu ma għandux japplika għal operazzjonijiet bi gliders li ġejjin:
(a) |
operazzjonijiet bi spejjeż maqsuma, diment li l-ispejjeż diretti tat-titjira tal-glider u parti proporzjonali tal-ispejjeż annwali mġarrba għall-ħażna, l-assigurazzjoni u l-manutenzjoni tal-glider jinqasmu bejn l-individwi abbord; |
(b) |
titjiriet ta' kompetizzjoni jew wirjiet ta' titjir, diment li l-ħlas jew kwalunkwe kunsiderazzjoni oħra ta' valur għal titjiriet bħal dawn ikunu limitati għall-irkupru tal-ispejjeż diretti tat-titjira tal-glider u ta' parti proporzjonali tal-ispejjeż annwali mġarrba għall-ħażna, l-assigurazzjoni u l-manutenzjoni tal-glider u li kwalunkwe premju miksub ma jaqbiżx il-valur speċifikat mill-awtorità kompetenti; |
(c) |
titjiriet introduttorji, titjiriet għall-finijiet ta' qbiż bil-paraxut, ta' ġbid tal-glider jew ta' titjiriet ajrubatiċi mwettqa minn organizzazzjoni ta' taħriġ bil-post prinċipali tan-negozju tagħha fi Stat Membru li tkun imsemmija fl-Artikolu 10a tar-Regolament (UE) Nru 1178/2011, jew minn organizzazzjoni maħluqa għall-finijiet li jiġi promoss l-isport tal-ajru jew l-avjazzjoni ta' divertiment, diment li l-glider ikun operat mill-organizzazzjoni abbażi ta' sjieda jew ta' ftehim ta' kiri mingħajr ekwipaġġ, li t-titjira ma tiġġenerax profitti distribwiti barra mill-organizzazzjoni, u li titjiriet bħal dawn ikunu jirrappreżentaw biss attività marġinali tal-organizzazzjoni; |
(d) |
titjiriet ta' taħriġ, imwettqa minn organizzazzjoni ta' taħriġ li jkollha l-post prinċipali tan-negozju tagħha fi Stat Membru li tkun imsemmija fl-Artikolu 10a tar-Regolament (UE) Nru 1178/2011. |
Artikolu 4
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan għandu japplika mid-9 ta' Lulju 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Diċembru 2018.
Għall-Kummissjoni
Il-President
Jean-Claude JUNCKER
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) Nru 965/2012 tal-5 ta' Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
(3) L-Opinjoni Nru 07/2017 tal-Aġenzija Ewropea tas-Sikurezza tal-Avjazzjoni tat-23 ta' Awwissu 2017 għal Regolament tal-Kummissjoni dwar ir-reviżjoni tar-regoli operazzjonali għall-gliders.
(4) Ir-Regolament tal-Kummissjoni (UE) Nru 1178/2011 tat-3 ta' Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, p. 1).
(5) Ir-Regolament tal-Kummissjoni (UE) Nru 748/2012 tat-3 ta' Awwissu 2012 li jistabbilixxi regoli ta' implimentazzjoni għaċ-ċertifikazzjoni tal-airworthiness u ambjentali ta' inġenji tal-ajru u ta' prodotti, partijiet u tagħmir relatati, kif ukoll għaċ-ċertifikazzjoni ta' organizzazzjonijiet relatati mad-disinn u l-produzzjoni (ĠU L 224, 21.8.2012, p. 1).
ANNESS I
DEFINIZZJONIJIET
[PARTI-DEF]
Għall-finijiet tal-Anness II, għandhom japplikaw id-definizzjonijiet li ġejjin:
1. |
“mezzi aċċettabbli ta' konformità (AMC)” tfisser standards mhux vinkolanti adottati mill-Aġenzija sabiex juru l-mezzi li bihom tiġi stabbilita l-konformità mar-Regolament (UE) 2018/1139 u mal-atti delegati u ta' implimentazzjoni tiegħu; |
2. |
“mezzi alternattivi ta' konformità (AltMoC)” tfisser dawk il-mezzi ta' konformità li jipproponu alternattiva għal AMC eżistenti jew dawk li jipproponu mezzi ġodda sabiex tiġi stabbilita l-konformità mar-Regolament (UE) 2018/1139 u mal-atti delegati u ta' implimentazzjoni tiegħu li għalihom ma ġie adottat l-ebda AMC assoċjat mill-Aġenzija; |
3. |
“bdot fil-kmand” (PIC) tfisser il-bdot maħtur biex ikun fil-kmand u li huwa inkarigat iwettaq it-titjira b'mod sikur; |
4. |
“manwal tat-titjira tal-inġenju tal-ajru (AFM)” tfisser id-dokument li fih il-limitazzjonijiet operattivi applikabbli u approvati u l-informazzjoni fir-rigward tal-glider; |
5. |
“sustanzi psikoattivi” tfisser alkoħol, opjojdi, kannabinojdi, sedattivi u ipnotiċi, kokaina, psikostimulanti oħrajn, alluċinoġeni u solventi volatili, bl-eċċezzjoni tal-kafeina u t-tabakk; |
6. |
“fażijiet kritiċi tat-titjira” tfisser il-ġirja tat-tlugħ, il-passaġġ tat-titjira tat-tlugħ, l-avviċinament finali, l-avviċinament mhux milħuq, l-inżul inkluż il-ġirja u kwalunkwe fażi oħra tat-titjira li l-bdot fil-kmand jiddetermina bħala kritika għall-operat sikur tal-glider; |
7. |
“sit tal-operat” tfisser sit, minbarra ajrudrom, magħżul mill-bdot fil-kmand jew mill-operatur għall-inżul jew għat-tlugħ; |
8. |
“membru tal-ekwipaġġ” tfisser persuna assenjata minn operatur biex twettaq dmirijiet abbord il-glider, meta ma jkunx il-bdot fil-kmand hu nnifsu, taħt l-awtorità tal-bdot fil-kmand; |
9. |
“electronic flight bag (EFB)” tfisser sistema ta' informazzjoni elettronika, li tikkonsisti mit-tagħmir u l-applikazzjonijiet għall-ekwipaġġ tat-titjira, li tippermetti l-ħażna, l-aġġornament, il-wiri u l-ipproċessar tal-funzjonijiet tal-EFB b'appoġġ għall-operazzjonijiet jew id-dmirijiet tat-titjira; |
10. |
“oġġetti perikolużi” tfisser oġġetti jew sustanzi li jistgħu joħolqu riskju għas-saħħa, għas-sikurezza, għall-proprjetà jew għall-ambjent u li huma inklużi fil-lista ta' oġġetti perikolużi fl-istruzzjonijiet tekniċi jew li huma kklassifikati skont dawk l-istruzzjonijiet; |
11. |
“struzzjonijiet tekniċi” tfisser l-aħħar edizzjoni applikabbli tal-“Istruzzjonijiet Tekniċi għat-trasport sikur ta' oġġetti perikolużi bl-ajru”, inkluż is-suppliment u kwalunkwe addenda, ippubblikati mill-ICAO fid-dokument 9284-AN/905; |
12. |
“operazzjoni speċjalizzata bil-glider” tfisser kwalunkwe operazzjoni, li tista' tkun kummerċjali jew le, bi glider li l-għan ewlieni tagħha mhuwiex assoċjati ma' operazzjonijiet sportivi u rikreattivi tipiċi, iżda operazzjonijiet bil-paraxut, titjiriet tal-midja tal-aħbarijiet, titjiriet televiżivi jew tal-films, wirja tat-titjir jew attivitajiet speċjalizzati simili; |
13. |
“lejl” tfisser is-sigħat bejn it-tmiem tal-għabex ċivili ta' filgħaxija u l-bidu tas-sebħ ċivili ta' filgħodu. L-għabex ċivili jintemm filgħaxija meta ċ-ċentru ta' wiċċ ix-xemx ikun 6 gradi taħt l-orizzont u jibda filgħodu meta ċ-ċentru ta' wiċċ ix-xemx ikun 6 gradi taħt l-orizzont. |
ANNESS II
OPERAZZJONIJIET TAL-AJRU BIL-GLIDER
[PARTI-SAO]
SUBPARTI GEN
REKWIŻITI ĠENERALI
SAO.GEN.100 Kamp ta' applikazzjoni
F'konformità mal-Artikolu 3, din is-Subparti tistabbilixxi r-rekwiżiti li għandhom jiġu ssodisfati minn kwalunkwe operatur tal-gliders, ħlief l-organizzazzjonijiet tad-disinn jew tal-produzzjoni msemmija fit-tieni subparagrafu tal-Artikolu 3(1).
SAO.GEN.105 Awtorità kompetenti
L-awtorità kompetenti għandha tkun l-awtorità maħtura mill-Istat Membru li fih l-operatur għandu l-post prinċipali tan-negozju tiegħu jew, fejn l-operatur ma għandux post prinċipali tan-negozju, il-post fejn l-operatur huwa stabbilit jew huwa residenti. Dik l-awtorità għandha tkun soġġetta għar-rekwiżiti tal-Artikolu 3 tar-Regolament (UE) Nru 965/2012 skont l-Artikolu 1(7) ta' dak ir-Regolament.
SAO.GEN.110 Turija ta' konformità
(a) |
L-operatur għandu juri l-konformità mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta' dan ir-Regolament, meta jintalab jagħmel dan mill-awtorità kompetenti li tkun qed tivverifika l-konformità kontinwa mill-operatur skont il-punt ARO.GEN.300(a)(2) tal-Anness II tar-Regolament (UE) Nru 965/2012. |
(b) |
Sabiex juri t-tali konformità, l-operatur jista' jirreferi għall-mezzi li ġejjin:
|
SAO.GEN.115 Titjiriet introduttorji
It-titjiriet introduttorji għandhom jiġu:
(a) |
operati skont regoli tat-titjir viżwali (VFR) binhar; u |
(b) |
sorveljati fir-rigward tas-sikurezza tagħhom minn persuna li tkun ġiet maħtura mill-organizzazzjoni li twettaq it-titjiriet introduttorji. |
SAO.GEN.120 Reazzjoni immedjata għal problema ta' sikurezza
L-operatur għandu jimplimenta:
(a) |
il-miżuri ta' sikurezza ordnati mill-awtorità kompetenti f'konformità mal-punt (c) tal-punt ARO.GEN.135 tal-Anness II tar-Regolament (UE) Nru 965/2012; u |
(b) |
id-direttivi dwar l-ajrunavigabbiltà u informazzjoni oħra obbligatorja maħruġa mill-Aġenzija f'konformità mal-punt (h) tal-Artikolu 77(1) tar-Regolament (UE) 2018/1139. |
SAO.GEN.125 Ħatra tal-bdot fil-kmand
L-operatur għandu jaħtar bdot fil-kmand li jkun kwalifikat biex jaġixxi bħala bdot fil-kmand f'konformità mal-Anness I tar-Regolament (UE) Nru 1178/2011.
SAO.GEN.130 Responsabbiltajiet tal-bdot fil-kmand
Il-bdot fil-kmand għandu:
(a) |
ikun responsabbli għas-sikurezza tal-glider u ta' kwalunkwe persuna jew proprjetà li jkun hemm fih matul l-operazzjonijiet bil-glider; |
(b) |
ikun responsabbli għall-bidu, għall-kontinwazzjoni jew għat-tmiem ta' titjira fl-interess tas-sikurezza; |
(c) |
jiżgura li jkun hemm konformità mal-proċeduri operattivi kollha applikabbli u mal-listi tal-kontroll; |
(d) |
jibda titjira biss jekk ikun sodisfatt li l-limitazzjonijiet operattivi kollha huma mħarsa, kif ġej:
|
(e) |
jiżgura li l-ispezzjoni ta' qabel it-titjira twettqet kif speċifikat fl-AFM; |
(f) |
ma jwettaqx dmirijiet fuq glider f'waħda mis-sitwazzjonijiet li ġejjin:
|
(g) |
jirrifjuta l-imbarkazzjoni jew il-ġarr ta' kwalunkwe persuna jew bagalja li jistgħu jirrappreżentaw periklu potenzjali għas-sikurezza tal-glider jew tal-persuni jew tal-proprjetà li jkunu qed jinġarru fih; |
(h) |
ma jħallix li tittella' fil-glider persuna li tidher li tkun taħt l-influwenza ta' sustanzi psikoattivi sal-punt li aktarx din tkun ta' periklu għas-sikurezza tal-glider jew tal-persuni li jkunu fih; |
(i) |
jiżgura li matul il-fażijiet kritiċi tat-titjira jew kull meta jitqies neċessarju fl-interess tas-sikurezza, il-persuni kollha abbord huma bilqiegħda u marbutin biċ-ċinturin tas-sikurezza tagħhom; |
(j) |
waqt titjira:
|
(k) |
jieћu kwalunkwe azzjoni f'każ ta' sitwazzjoni ta' emerġenza li tirrikjedi deċiżjoni u azzjoni immedjata li huwa jqis meћtieġa fiċ-ċirkostanzi. F'dawn il-każijiet, huwa jista' jiddevja mir-regoli u mill-proċeduri operattivi u mill-metodi stabbiliti sa fejn ikun neċessarju fl-interess tas-sikurezza; |
(l) |
ma jkomplix b'titjira li tmur lil hinn mill-eqreb ajrudrom jew sit tal-operat li jista' jintlaħaq fil-kundizzjonijiet tat-temp attwali, meta l-kapaċità tiegħu biex iwettaq il-kompiti tkun imnaqqsa b'mod sinifikanti minħabba mard, għeja, nuqqas ta' ossiġenu jew kwalunkwe kawża oħra; |
(m) |
jirreġistra d-data tal-utilizzazzjoni u tad-difetti kollha magħrufa jew suspettati fil-glider fit-tmiem tat-titjira, jew serje ta' titjiriet, fir-reġistru tekniku jew fil-ġurnal tal-vjaġġ tal-inġenju tal-ajru; |
(n) |
jinnotifika mingħajr dewmien lill-awtorità għall-investigazzjoni tas-sikurezza tal-Istat li fit-territorju tiegħu seħħet l-okkorrenza u lis-servizzi ta' emerġenza ta' dak l-Istat permezz tal-mezzi l-aktar rapidi disponibbli dwar kwalunkwe inċident serju jew aċċident li jinvolvi l-glider; |
(o) |
jissottometti mingħajr dewmien rapport ta' att ta' interferenza illegali lill-awtorità kompetenti u jinforma lill-awtorità lokali maħtura mill-Istat li fit-territorju tiegħu seħħet l-interferenza illegali; u |
(p) |
jirrapporta mingħajr dewmien lill-unità xierqa tas-servizzi tat-traffiku tal-ajru (ATS) dwar kwalunkwe kundizzjoni perikoluża tat-temp jew kwalunkwe kundizzjoni tat-titjira li ltaqa' magħha u li tista' taffettwa s-sikurezza tal-inġenji tal-ajru oħrajn. |
SAO.GEN.135 Responsabbiltajiet tal-membri tal-ekwipaġġ
(a) |
Kull membru tal-ekwipaġġ għandu jkun responsabbli għat-twettiq xieraq tad-dmirijiet tiegħu fir-rigward tal-operat tal-glider. |
(b) |
Kull membru tal-ekwipaġġ ma għandux iwettaq dmirijiet fuq il-glider jekk ma jkunx jista' għal kwalunkwe raġuni, bħal korriment, mard, medikazzjoni, għeja jew minħabba l-effetti ta' xi sustanza psikoattiva, jew jekk ma jkunx jiflaħ. |
(c) |
Kull membru tal-ekwipaġġ għandu jirrapporta dawn li ġejjin lill-bdot fil-kmand:
|
SAO.GEN.140 Konformità mal-liġijiet, mar-regolamenti u mal-proċeduri
(a) |
Il-bdot fil-kmand u kull membru ieħor tal-ekwipaġġ għandhom ikunu konformi mal-liġijiet, mar-regolamenti u mal-proċeduri ta' dawk l-Istati fejn isiru l-operazzjonijiet. |
(b) |
Il-bdot fil-kmand għandu jkun familjari mal-liġijiet, mar-regolamenti u mal-proċeduri, rilevanti għat-twettiq ta' dmirijietu, preskritti għaż-żoni li jridu jiġu ttraversati, l-ajrudromi jew is-siti tal-operat li għandhom jintużaw u l-faċilitajiet relatati ta' navigazzjoni fl-ajru. |
SAO.GEN.145 Tagħmir elettroniku portabbli
Il-bdot fil-kmand ma għandu jippermetti l-ebda persuna milli tuża tagħmir elettroniku portabbli (portable electronic device/PED) abbord glider, inkluża electronic flight bag (EFB), li jaffettwa b'mod negattiv il-prestazzjoni tas-sistemi u t-tagħmir tal-glider jew il-kapaċità biex iħaddmuh.
SAO.GEN.150 Oġġetti perikolużi
(a) |
Il-bdot fil-kmand ma għandu jippermetti l-ebda persuna milli ġġorr oġġetti perikolużi abbord. |
(b) |
Għandhom jitqiesu awtorizzati, kwantitajiet raġonevoli ta' oġġetti u sustanzi li f'ċirkostanzi oħrajn ikunu kklassifikati bħala oġġetti perikolużi iżda li jintużaw biex tiġi ffaċilitata s-sikurezza tat-titjira, meta l-ġarr abbord il-glider ikun rakkomandat sabiex tiġi żgurata d-disponibbiltà f'waqtha tagħhom għal skopijiet operattivi. |
SAO.GEN.155 Dokumenti, manwali u informazzjoni li għandhom jinġarru
(a) |
Id-dokumenti, il-manwali u l-informazzjoni kollha li ġejjin għandhom jinġarru abbord waqt kull titjira, bħala oriġinali jew kopji:
|
(b) |
Barra minn hekk, meta dikjarazzjoni ma tkunx meħtieġa skont il-punt SAO.DEC.100, għandha tinġarr kopja tad-dikjarazzjoni abbord kull titjira. |
(c) |
Meta ma jinġarrux abbord, id-dokumenti kollha li ġejjin, il-manwali u l-informazzjoni għandhom jibqgħu disponibbli fl-ajrudrom jew fis-sit tal-operat, bħala oriġinali jew kopji:
|
(d) |
Permezz ta' deroga mill-punti (a) u (b), id-dokumenti, il-manwali u l-informazzjoni speċifikati hemm jistgħu jinżammu fl-ajrudrom jew fis-sit tal-operat għat-titjiriet:
|
(e) |
Meta mitluba mill-awtorità kompetenti, il-bdot fil-kmand jew l-operatur għandu jagħmel disponibbli lil dik l-awtorità d-dokumentazzjoni oriġinali fil-perjodu ta' żmien speċifikat mill-awtorità li ma għandux ikun inqas minn 24 siegħa. |
SAO.GEN.160 Ġurnal tal-vjaġġ
Għal kull titjira, jew serje ta' titjiriet, għandhom jinżammu d-dettalji tal-glider, tal-ekwipaġġ tiegħu u ta' kull vjaġġ fil-forma ta' ġurnal tal-vjaġġ jew ta' dokument ekwivalenti.
SUBPARTI OP
PROĊEDURI OPERATTIVI
SAO.OP.100 Użu ta' ajrudromi u ta' siti tal-operat
Il-bdot fil-kmand gћandu juża biss ajrudromi u siti tal-operat li jkunu xierqa gћat-tip ta' glider u ta' operazzjoni kkonċernata.
SAO.OP.105 Proċeduri għat-tnaqqis tal-istorbju — gliders bil-mutur
Il-bdot fil-kmand għandu jqis il-proċeduri operattivi sabiex jiġi minimizzat l-effett tal-istorbju mill-glider bil-mutur filwaqt li jiżgura li s-sikurezza jkollha prijorità fuq it-tnaqqis tal-istorbju.
SAO.OP.110 Għoti ta' informazzjoni lill-passiġġieri
Il-bdot fil-kmand għandu jiżgura li qabel it-titjira, u meta jkun xieraq, matul it-titjira, il-passiġġieri jingħataw informazzjoni dwar il-proċeduri normali, anormali u ta' emerġenza.
SAO.OP.115 Ġarr ta' kategoriji speċjali ta' passiġġieri
Il-bdot fil-kmand għandu jiżgura li l-persuni li jeħtieġu kundizzjonijiet, assistenza jew apparati speċjali meta jinġarru abbord glider, jinġarru f'kundizzjonijiet li jiżguraw is-sikurezza tal-glider u ta' kwalunkwe persuna jew propjetà li jinġarru fih.
SAO.OP.120 Preparazzjoni tat-titjira
Qabel ma jibda b'titjira, il-bdot fil-kmand għandu jiżgura dan kollu li ġej:
(a) |
il-faċilitajiet meħtieġa għat-tħaddim sikur tal-glider huma adegwati għat-tip ta' operazzjoni li għaliha se titwettaq it-titjira; |
(b) |
il-kundizzjonijiet meteoroloġiċi jippermettu li t-titjira titwettaq b'mod sikur; |
(c) |
fil-każ ta' glider bil-mutur u meta jkun maħsub li tintuża l-magna, il-kwantità ta' fjuwil jew enerġija oħra hija suffiċjenti sabiex tippermetti li t-titjira titwettaq b'mod sikur. |
SAO.OP.125 Fjuwil u ċċarġjar mill-ġdid jew sostituzzjoni ta' batteriji b'persuni abbord — gliders bil-mutur
Meta passiġġier ikun abbord glider bil-mutur:
(a) |
il-glider ma għandux jingħata fjuwil mill-ġdid; u |
(b) |
il-batteriji użati għall-propulsjoni ma għandhomx jiġu ċċarġjati mill-ġdid jew jiġu sostitwiti. |
SAO.OP.130 Tipjip abbord
L-ebda persuna ma għandha tpejjep abbord glider waqt kwalunkwe fażi tat-titjira.
SAO.OP.135 Kundizzjonijiet meteoroloġiċi
Il-bdot fil-kmand għandu jibda jew ikompli b'titjira biss jekk l-aħħar informazzjoni meteoroloġika disponibbli tindika li għad hemm għażla disponibbli għall-inżul bla periklu.
SAO.OP.140 Silġ u kontaminanti oћrajn — il-proċeduri ta' fuq l-art
Il-bdot fil-kmand gћandu jagћti bidu gћat-tlugħ biss jekk il-glider ma jkollu l-ebda depożitu fuqu li jista' jaffettwa b'mod ħażin il-prestazzjoni tal-glider jew il-kapaċità tal-kontroll tiegħu, ħlief hekk kif inhu permess skont l-AFM.
SAO.OP.145 Ġestjoni tal-fjuwil waqt it-titjira jew ta' enerġija oħra — gliders bil-mutur
Għal gliders bil-mutur, il-bdot fil-kmand għandu jivverifika f'intervalli regolari waqt it-titjira li l-ammont ta' fjuwil li jista' jintuża jew enerġija oħra disponibbli ma tkunx inqas minn dak meħtieġ biex ikun żgurat inżul sikur.
SAO.OP.150 Użu ta' ossiġnu supplimentari
Il-bdot fil-kmand għandu jiżgura li l-persuni kollha abbord jużaw ossiġenu supplimentari kull meta jiddetermina li fl-altitudni tat-titjira ppjanata, in-nuqqas ta' ossiġenu jista' jirriżulta f'indeboliment tal-fakultajiet tagħhom jew jaffettwahom ħażin.
SAO.OP.155 Operazzjonijiet speċjalizzati bil-glider
(a) |
Qabel ma jibda operazzjoni speċjalizzata bil-glider, il-bdot fil-kmand għandu jwettaq valutazzjoni tar-riskji, li fiha jivvaluta l-kumplessità tal-attività sabiex jiddetermina l-perikli u r-riskji assoċjati tal-operazzjoni ppjanata u jistabbilixxi miżuri ta' mitigazzjoni fejn meħtieġ. |
(b) |
Operazzjoni speċjalizzata bil-glider għandha ssir skont lista tal-kontroll. Il-bdot fil-kmand għandu jistabbilixxi dik il-lista tal-kontroll u jiżgura li din tkun xierqa għall-attività speċjalizzata u għall-glider użat, abbażi tal-valutazzjoni tar-riskji u b'kont meħud tar-rekwiżiti kollha stabbiliti f'dan l-Anness. Meta l-lista tal-kontroll hija rilevanti għall-qadi tad-dmirijiet tal-bdot fil-kmand u ta' kull membru ieħor tal-ekwipaġġ, din għandha tkun disponibbli fil-pront fuq kull titjira. |
(c) |
Fejn meħtieġ, il-bdot fil-kmand għandu jirrieżamina u jaġġorna b'mod regolari l-lista tal-kontroll sabiex iqis b'mod adegwat il-valutazzjoni tar-riskji. |
SUBPARTI POL
PRESTAZZJONI U LIMITAZZJONIJIET OPERATTIVI
SAO.POL.100 Użin
(a) |
L-użin tal-glider għandu jsir mill-manifattur tal-glider jew skont l-Anness I tar-Regolament (UE) Nru 1321/2014 (2). |
(b) |
L-operatur għandu jiżgura li l-massa tal-glider tkun ġiet stabbilita permezz ta' użin reali qabel ma' jintuża għas-servizz għall-ewwel darba. L-effetti akkumulati tal-modifiki u t-tiswijiet fuq il-massa għandhom jitqiesu u jiġu ddokumentati kif xieraq. Din l-informazzjoni għandha ssir disponibbli għall-bdot fil-kmand. Il-glider għandu jerġa' jintiżen jekk l-effetti tal-modifiki jew tat-tiswijiet fuq il-massa ma jkunux magħrufa. |
SAO.POL.105 Prestazzjoni — punti ġenerali
Il-bdot fil-kmand għandu jopera l-glider biss jekk il-prestazzjoni tal-glider tkun xierqa sabiex tkun konformi mar-rekwiżiti stipulati fl-Anness tar-Regolament ta' Implimentazzjoni (UE) Nru 923/2012 u ma' kwalunkwe restrizzjoni oħra applikabbli għat-titjira, l-ispazju tal-ajru, l-ajrudromi jew is-siti tal-operat użati, filwaqt li jiżgura li kwalunkwe ċart jew mappa użata jkunu l-aħħar edizzjoni disponibbli.
SUBPARTI IDE
STRUMENTI, DATA U TAGĦMIR
SAO.IDE.100 Strumenti u tagħmir — punti ġenerali
(a) |
L-istrumenti u t-tagħmir li huma meħtieġa skont din is-Subparti għandhom jiġu approvati skont l-Anness I tar-Regolament (UE) Nru 748/2012 jew, meta jkun ġie rreġistrat f'pajjiż terz, mar-rekwiżiti tal-ajrunavigabbiltà tal-Istat tar-reġistru, jekk tkun issodisfata waħda mill-kundizzjonijiet li ġejjin:
|
(b) |
Permezz ta' deroga mill-punt (a), l-istrumenti kollha jew it-tagħmir kollu li ġejjin, meta jkun meħtieġ minn din it-Taqsima, ma għandhomx jeħtieġu approvazzjoni:
|
(c) |
L-istrumenti u t-tagħmir għandhom ikunu operabbli jew aċċessibbli fil-pront minn dak il-post fejn il-bdot fil kmand jew kull membru ieħor tal-ekwipaġġ li jeħtieġ li jużah, jinsab bilqiegħda. |
SAO.IDE.105 L-istrumenti tat-titjir u tan-navigazzjoni
(a) |
Il-gliders għandhom ikunu mgħammra b'mezz għall-kejl u għall-wiri ta' dawn kollha li ġejjin:
|
(b) |
Minbarra (a), meta joperaw f'kundizzjonijiet li fihom il-glider ma jkunx jista' jinżamm fil-passaġġ tat-titjira mixtieq mingħajr referenza għal strument addizzjonali wieħed jew aktar, meta jwettqu titjir fil-livell tas-sħab jew meta joperaw billejl, il-gliders għandhom ikunu mgħammra b'mezz għall-kejl u għall-wiri ta' dawn kollha li ġejjin:
|
SAO.IDE.110 Dwal operattivi
Il-gliders li jitħaddmu billejl għandhom ikunu mgħammra b'dawn kollha li ġejjin:
(a) |
b'sistema ta' dwal għal kontra l-ħabtiet; |
(b) |
bi dwal tan-navigazzjoni/tal-pożizzjoni; |
(c) |
b'dawl għall-inżul; |
(d) |
bi dwal fornuti mis-sistema tal-elettriku tal-glider biex jipprovdu dawl xieraq għall-istrumenti kollha u t-tagħmir kollu li huma essenzjali għat-tħaddim sikur tal-ajruplan; |
(e) |
b'dawl portabbli indipendenti għall-bdot fil-kmand u għal kwalunkwe stazzjon tal-membri tal-ekwipaġġ. |
SAO.IDE.115 Ossiġenu supplimentari
Gliders li jiġu operati meta tkun meħtieġa provvista tal-ossiġenu skont il-punt SAO.OP.150, għandhom ikunu mgħammra b'sistema li kapaċi taħżen u tqassam il-provvisti tal-ossiġenu meħtieġa.
SAO.IDE.120 Tagħmir tas-sopravivenza u tas-sinjalar — Titjiriet fuq l-ilma
Il-bdot fil-kmand ta' glider li jiġi operat fuq l-ilma għandu jiddetermina, qabel il-bidu tat-titjira, ir-riskji għas-sopravivenza ta' kull persuna ttrasportata fuq il-glider fil-każ ta' nżul ta' emerġenza. Fid-dawl ta' dawk ir-riskji, il-bdot fil-kmand għandu jiddetermina jekk hemmx bżonn li jinġarr tagħmir tas-sopravivenza u tas-sinjalar.
SAO.IDE.125 Tagħmir tas-sopravivenza u tas-sinjalar — diffikultajiet fit-tiftix u s-salvataġġ
Il-gliders li jiġu operati fuq żoni li fihom it-tiftix u s-salvataġġ (SAR) ikunu partikolarment diffiċli, għandhom ikunu mgħammra b'tagħmir tas-sopravivenza u tas-sinjalar, skont kif ikun xieraq għaż-żona li fuqha se titwettaq it-titjira.
SAO.IDE.130 Tagħmir għall-komunikazzjoni bir-radju
Il-gliders għandu jkollhom tagħmir għall-komunikazzjoni bir-radju li jippermetti l-komunikazzjoni meħtieġa skont l-appendiċi 4 tal-Anness tar-Regolament ta' Implimentazzjoni (UE) Nru 923/2012 u, jekk it-titjira ssir fl-ispazju tal-ajru ta' pajjiż terz, skont il-liġi ta' dak il-pajjiż terz.
SAO.IDE.135 Transponder
Il-gliders għandhom ikunu mgħammra bi transponder tar-radar sekondarju ta' sorveljanza (SSR) bil-kapaċitajiet kollha meħtieġa skont il-punt (b) tal-punt SERA.6005 tal-Anness tar-Regolament ta' Implimentazzjoni (UE) Nru 923/2012 u, jekk it-titjira ssir fl-ispazju tal-ajru ta' pajjiż terz, skont il-liġi ta' dak il-pajjiż terz.
SUBPARTI DEC
DIKJARAZZJONI
SAO.DEC.100 Dikjarazzjoni
(a) |
Fid-dikjarazzjoni msemmija fl-Artikolu 3(2) l-operatur għandu jikkonferma li huwa jikkonforma u se jkompli jikkonforma mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta' dan ir-Regolament. |
(b) |
L-operatur għandu jinkludi fid-dikjarazzjoni l-informazzjoni kollha li ġejja:
|
(c) |
Meta jagħmel id-dikjarazzjoni, l-operatur għandu jinnotifika lill-awtorità kompetenti bil-lista tal-AltMoC biex juri l-konformità meta mitlub skont il-punt SAO.GEN.110. Dik il-lista għandu jkun fiha referenzi għall-AMC assoċjati. |
(d) |
Meta jagħmel id-dikjarazzjoni, l-operatur għandu juża l-formola li tinsab fl-Appendiċi ta' dan l-Anness. |
SAO.DEC.105 Bdil fid-dikjarazzjoni u l-waqfien tal-operazzjonijiet kummerċjali
(a) |
L-operatur għandu jinnotifika lill-awtorità kompetenti mingħajr dewmien b'kwalunkwe bidla fiċ-ċirkostanzi li taffettwa l-konformità tiegħu mar-rekwiżiti essenzjali stabbiliti fl-Anness V tar-Regolament (UE) 2018/1139 u mar-rekwiżiti ta' dan ir-Regolament, kif iddikjarat lill-awtorità kompetenti, u b'kwalunkwe bidla fir-rigward tal-informazzjoni msemmija fil-punt SAO.DEC.100(b) u tal-lista tal-AltMOC imsemmija fil-punt SAO.DEC.100(c), inklużi fid-dikjarazzjoni jew mehmużin magħha. |
(b) |
L-operatur għandu mingħajr dewmien jinnotifika lill-awtorità kompetenti meta ma jibqax aktar involut fl-operazzjonijiet kummerċjali bil-gliders. |
(1) Ir-Regolament ta' Implimentazzjoni tal-Kummissjoni (UE) Nru 923/2012 tas-26 ta' Settembru 2012 li jistabbilixxi regoli komuni tal-ajru u dispożizzjonijiet operattivi dwar is-servizzi u l-proċeduri fin-navigazzjoni bl-ajru u li jemenda r-Regolament ta' Implimentazzjoni (UE) Nru 1035/2011 u r-Regolamenti (KE) Nru 1265/2007, (KE) Nru 1794/2006, (KE) Nru 730/2006, (KE) Nru 1033/2006 u (UE) Nru 255/2010 (ĠU L 281, 13.10.2012, p. 1).
(2) Ir-Regolament tal-Kummissjoni (UE) Nru 1321/2014 tas-26 ta' Novembru 2014 dwar il-kontinwità tal-ajrunavigabbiltà ta' inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta' organizzazzjonijiet u persunal involut f'dan ix-xogħol (ĠU L 362, 17.12.2014, p. 1).
Appendiċi
Test ta 'immaġni