(1)

Ir-Regolament (UE) 2015/2283 jipprevedi li l-ikel ġdid awtorizzat imniżżel fil-lista tal-Unjoni biss jista' jitqiegħed fis-suq fl-Unjoni. L-ikel tradizzjonali minn pajjiż terz huwa ikel ġdid iddefinit fl-Artikolu 3 tar-Regolament (UE) 2015/2283.

(2)

Bi qbil mal-Artikolu 8 tar-Regolament (UE) 2015/2283, ġie adottat ir-Regolament ta' Implimentazzjoni tal-Kummissjoni (UE) 2017/2470 (2) li jistabbilixxi l-lista tal-Unjoni tal-ikel ġdid awtorizzat.

(3)

Skont l-Artikolu 15(4) tar-Regolament (UE) 2015/2283, il-Kummissjoni trid tiddeċiedi dwar l-awtorizzazzjoni u dwar it-tqegħid fis-suq tal-Unjoni ta' ikel tradizzjonali minn pajjiż terz.

(4)

Fit-23 ta' Jannar 2018, il-kumpanija Obà Food Srl. (“l-applikant”) ippreżentat notifika lill-Kummissjoni li kienet biħsiebha tqiegħed iż-żerriegħa mqaxxra tad-Digitaria exilis (Kippist) Stapf (“Fonio”) fis-suq tal-Unjoni bħala ikel tradizzjonali minn pajjiż terz skont it-tifsira tal-Artikolu 14 tar-Regolament (UE) 2015/2283. L-applikant qed jitlob li ż-żerriegħa mqaxxra tad-Digitaria exilis (Kippist) Stapf tiġi kkunsmata mill-popolazzjoni ġenerali fil-forma naturali tagħha, inkella bħala ingredjent tal-ikel.

(5)

Id-data ddokumentata ppreżentata mill-applikant turi li ż-żerriegħa mqaxxra tad-Digitaria exilis (Kippist) Stapf fl-istorja hija ikel sikur fil-pajjiżi fl-Afrika tal-Punent, b'mod partikolari fil-Ginea, fin-Niġerja, u fil-Mali.

(6)

Bi qbil mal-Artikolu 15(1) tar-Regolament (UE) 2015/2283, fit-28 ta' Frar 2018, il-Kummissjoni bagħtet in-notifika valida lill-Istati Membri u lill-Awtorità Ewropea dwar is-Sigurtà fl-Ikel (“l-Awtorità”).

(7)

Ma tressqux oġġezzjonijiet debitament motivati b'rabta mas-sigurtà għat-tqegħid taż-żerriegħa mqaxxra tad-Digitaria exilis (Kippist) Stapf fis-suq fl-Unjoni lill-Kummissjoni mill-Istati Membri jew mill-Awtorità fil-perjodu ta' erba' xhur stabbilit fl-Artikolu 15(2) tar-Regolament (UE) 2015/2283.

(8)

Għaldaqstant, jenħtieġ li l-Kummissjoni tawtorizza t-tqegħid fis-suq fl-Unjoni taż-żerriegħa mqaxxra tad-Digitaria exilis (Kippist) Stapf u taġġorna l-lista tal-Unjoni tal-ikel ġdid.

(9)

Għalhekk, jenħtieġ li r-Regolament ta' Implimentazzjoni (UE) 2017/2470 jiġi emendat skont dan,

(1)

Ir-Regolament (UE) 2015/2283 jipprevedi li l-ikel ġdid awtorizzat imniżżel fil-lista tal-Unjoni biss jista' jitqiegħed fis-suq fl-Unjoni. L-ikel tradizzjonali minn pajjiż terz huwa ikel ġdid iddefinit fl-Artikolu 3 tar-Regolament (UE) 2015/2283.

(2)

Bi qbil mal-Artikolu 8 tar-Regolament (UE) 2015/2283, ġie adottat ir-Regolament ta' Implimentazzjoni tal-Kummissjoni (UE) 2017/2470 (2) li jistabbilixxi l-lista tal-Unjoni tal-ikel ġdid awtorizzat.

(3)

Skont l-Artikolu 15(4) tar-Regolament (UE) 2015/2283, il-Kummissjoni trid tiddeċiedi dwar l-awtorizzazzjoni u dwar it-tqegħid fis-suq tal-Unjoni ta' ikel tradizzjonali minn pajjiż terz. Fil-5 ta' April 2018, il-kumpanija Sorghum Zrt. (“l-applikant”) ippreżentat notifika lill-Kummissjoni li kienet biħsiebha tqiegħed il-ġulepp tas-Sorghum bicolor (L.) Moench fis-suq tal-Unjoni bħala ikel tradizzjonali minn pajjiż terz skont it-tifsira tal-Artikolu 14 tar-Regolament (UE) 2015/2283. L-applikant qed jitlob li l-ġulepp tas-Sorghum bicolor (L.) Moench jiġi kkunsmat mill-popolazzjoni ġenerali fil-forma naturali tiegħu, inkella bħala ingredjent tal-ikel.

(4)

Id-data ddokumentata ppreżentata mill-applikant turi li l-ġulepp tas-Sorghum bicolor (L.) Moench għandu storja ta' użu sikur bħala ikel fl-Istati Uniti.

(5)

Bi qbil mal-Artikolu 15(1) tar-Regolament (UE) 2015/2283, fit-30 ta' April 2018, il-Kummissjoni bagħtet in-notifika valida lill-Istati Membri u lill-Awtorità Ewropea dwar is-Sigurtà fl-Ikel (“l-Awtorità”).

(6)

Ma tressqux oġġezzjonijiet debitament motivati b'rabta mas-sigurtà għat-tqegħid tal-ġulepp tas-Sorghum bicolor (L.) Moench fis-suq fl-Unjoni lill-Kummissjoni mill-Istati Membri jew mill-Awtorità fil-perjodu ta' erba' xhur stabbilit fl-Artikolu 15(2) tar-Regolament (UE) 2015/2283.

(7)

Għaldaqstant, jenħtieġ li l-Kummissjoni tawtorizza t-tqegħid fis-suq fl-Unjoni tal-ġulepp tas-Sorghum bicolor (L.) Moench u taġġorna l-lista tal-Unjoni tal-ikel ġdid.

(8)

Għalhekk, jenħtieġ li r-Regolament ta' Implimentazzjoni (UE) 2017/2470 jiġi emendat skont dan,

(1)

Jenħtieġ li jiġu stabbiliti regoli li jiżguraw li l-valutazzjoni tar-riskju msemmija fl-Artikolu 42(4) tar-Regolament (UE) 2016/2031 titwettaq f'perjodu ta' żmien raġonevoli u abbażi tal-ipproċessar fil-waqt tad-dossiers tekniċi.

(2)

Sabiex dik il-valutazzjoni tar-riskju titwettaq, jenħtieġ li titressaq applikazzjoni lill-Kummissjoni biss mill-Organizzazzjoni Nazzjonali għall-Protezzjoni tal-Pjanti, fis-sens tal-Konvenzjoni Internazzjonali għall-Protezzjoni tal-Pjanti, tal-pajjiż terz. Dan huwa meħtieġ biex jiġi żgurat li l-elementi kollha meħtieġa għall-valutazzjoni tar-riskju assoċjat mal-pjanti, il-prodotti tal-pjanti jew oġġetti oħra li jridu jiġu introdotti fit-territorju tal-Unjoni, huma ċertifikati mill-awtorità uffiċjali tal-pajjiż terz. Dan ikun meħtieġ għall-kredibbiltà u għall-ġustifikazzjoni tal-valutazzjoni tar-riskju bħala bażi tal-miżuri meħuda skont l-Artikolu 42(4) tar-Regolament (UE) 2016/2031. Dawn id-dispożizzjonijiet jenħtieġ li japplikaw mingħajr preġudizzju għad-dritt tal-Kummissjoni li tissottometti talbiet lill-Awtorità Ewropea dwar is-Sigurtà fl-Ikel (EFSA) li toħroġ opinjonijiet xjentifiċi skont l-Artikoli 29 u tipprovdi għajnuna xjentifika jew teknika skont l-Artikolu 31 tar-Regolament (KE) Nru 178/2002 tal-Parlament Ewopew u tal-Kunsill (2).

(3)

Id-dossier tekniku jenħtieġ ikun fih id-data dwar il-prodotti li jridu jiġu introdotti fit-territorju tal-Unjoni, kif ukoll d-data dwar l-identifikazzjoni tal-pesti li huma potenzjalment assoċjati mal-komodità fil-pajjiż esportatur, id-data dwar miżuri nazzjonali ta' mitigazzjoni fitosanitarji, spezzjonijiet u trattamenti u pproċessar tal-komodità bażika u d-dettalji ta' kuntatt tal-persuna fiżika responsabbli milli tikkomunika mal-Kummissjoni u l-EFSA. Dan it-tip ta' data hu indispensabbli sabiex titwettaq valutazzjoni tar-riskju tal-komodità u biex tiġi identifikata l-ispeċi tal-pesti li għaliha jista' jkun hemm il-ħtieġa ta' miżuri ta' mitigazzjoni fitosanitarji.

(4)

Sabiex l-EFSA jingħatawlha l-elementi neċessarji kollha biex twettaq il-valutazzjoni tar-riskju, jenħtieġ li d-dossier tekniku jkun fih l-informazzjoni speċifikata fid-dokument tal-EFSA intitolat “Information required for dossiers to support demands for import of high risk plants, plant products and other objects as foreseen in Article 42 of Regulation (UE) 2016/2031 (3)”.

(5)

Huwa xieraq li, wara li tirrikonoxxi li tkun irċeviet id-dossier tekniku, il-Kummissjoni teżamina jekk ikunx fih l-informazzjoni meħtieġa u, fejn meħtieġ, tista' titlob għal aktar informazzjoni jew kjarifiki sabiex jiġi żgurat li l-applikazzjoni jkun fiha l-elementi kollha meħtieġa u xierqa għall-valutazzjoni tar-riskju.

(6)

Jenħtieġ li jiġu stabbiliti regoli dwar it-twettiq ta' valutazzjoni tar-riskju mill-EFSA, il-komunikazzjoni tagħha mal-applikant u l-pubblikazzjoni ta' dik il-valutazzjoni, sabiex tiġi żgurata proċedura trasparenti, effiċjenti u proċess tal-valutazzjoni tar-riskju f'waqtu.

(7)

Sabiex jiġi evitat li l-iżvelar ta' ċerta informazzjoni jagħmel ħsara lill-pożizzjoni kompetittiva ta' ċerti partijiet terzi, jenħtieġ li d-dispożizzjonijiet dwar il-kunfidenzjalità tar-Regolament (KE) Nru 178/2002 japplikaw kif meħtieġ.

(8)

Għal raġunijiet ta' ċertezza legali, dan ir-Regolament jenħtieġ li japplika mill-istess data bħar-Regolament (UE) 2016/2031.

(9)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont l-Artikolu 42(3) tar-Regolament (UE) 2016/2031, fuq il-bażi ta' valutazzjoni preliminari, il-Kummissjoni għandha tadotta atti ta' implimentazzjoni li jelenkaw b'mod proviżorju pjanti, prodotti tal-pjanti jew oġġetti oħra b'riskju għoli li jippreżentaw riskju ta' pesti ta' livell inaċċettabbli għat-territorju tal-Unjoni.

(2)

Minn meta ġie adottat ir-Regolament (UE) 2016/2031, twettqu diversi valutazzjonijiet preliminari rigward jekk pjanti u prodotti tal-pjanti li joriġinaw minn pajjiżi terzi jippreżentawx xi riskju ta' pesti ta' livell inaċċettabbli għat-territorju tal-Unjoni. Dawk il-valutazzjonijiet ikkonkludew li billi ċerti pjanti u prodotti tal-pjanti jissodisfaw wieħed jew aktar mill-kriterji stabbiliti fl-Anness III ta' dak ir-Regolament, dawn jistgħu jikkwalifikaw bħala “pjanti b'riskju għoli” jew “prodotti tal-pjanti b'riskju għoli” fis-sens tal-Artikolu 42 ta' dak ir-Regolament. L-istess valutazzjonijiet preliminari tar-riskju kkonkludew ukoll li ż-żrieragħ u l-materjal in vitro ta' dawk il-“pjanti b'riskju għoli” jenħtieġ li jiġu esklużi mill-kamp ta' applikazzjoni ta' dan ir-Regolament billi l-livell ta' riskju ta' pesti jinsab f'livell aċċettabbli. Barra minn hekk, jenħtieġ li pjanti tal-injam imċekkna b'mod naturali jew artifiċjali intiżi għat-tħawwil jiġu esklużi wkoll mill-kamp ta' applikazzjoni ta' dan ir-Regolament billi l-importazzjoni tagħhom hija soġġetta għal rekwiżiti speċifiċi skont id-Direttiva tal-Kunsill 2000/29/KE (2) li jnaqqsu r-riskju ta' pesti għal livell aċċettabbli u hija suġġetta wkoll għar-rekwiżiti speċjali tal-Artikolu 41 tar-Regolament (UE) 2016/2031 mill-14 ta' Diċembru 2019.

(3)

Il-pjanti għat-tħawwil, minbarra ż-żrieragħ, il-materjal in-vitro u l-pjanti tal-injam imċekkna b'mod naturali jew artifiċjali għat-tħawwil tal-Acacia Mill., Acer L., Albizia Durazz., Alnus Mill., Annona L., Bauhinia L., Berberis L., Betula L., Caesalpinia L., Cassia L., Castanea Mill., Cornus L., Corylus L., Crataegus L., Diospyros L., Fagus L., Fraxinus L., Hamamelis L., Jasminum L., Juglans L., Ligustrum L., Lonicera L., Malus Mill., Nerium L., Persea Mill., Populus L., Prunus L., Quercus L., Robinia L., Salix L., Sorbus L., Taxus L., Tilia L., Ulmus L., u l-pjanti ta' Ullucus tuberosus Loz., huma magħrufa li jospitaw pesti ospitati komunement magħrufa li jkollhom impatt kbir ħafna fuq speċijiet ta' pjanti li għandhom importanza ekonomika, soċjali jew ambjentali maġġuri għall-Unjoni. Dawk il-pjanti huma wkoll magħrufa li komunement jospitaw il-pesti mingħajr ma juru sinjali ta' infezzjoni, jew li jkollhom perjodu qabel jibdew jidhru dawn is-sinjali. Dan inaqqas il-possibbiltà li tiġi skoperta l-preżenza ta' dawn il-pesti matul l-ispezzjonijiet imwettqa meta dawn il-pjanti jiġu introdotti fit-territorju tal-Unjoni. Barra minn hekk, dawk il-pjanti għat-tħawwil normalment jiġu introdotti fl-Unjoni fil-forma ta' arbuxelli jew siġar u ġeneralment ikunu preżenti fl-Unjoni fit-tali forma. Fid-dawl ta' dan, il-miżuri eżistenti li jirregolaw l-introduzzjoni tal-pjanti għat-tħawwil elenkati fl-Anness I ta' dan ir-Regolament u tal-pjanti tal-Ullucus tuberosus Loz. li ġejjin minn pajjiżi terzi mhumiex meqjusa suffiċjenti biex jipprevjenu d-dħul tal-pesti. Għalhekk il-pjanti għat-tħawwil elenkati fl-Anness I u l-pjanti tal-Ullucus tuberosus Loz. jenħtieġ li jiġu elenkati bħala pjanti b'riskju għoli fis-sens tal-Artikolu 42(1) tar-Regolament (UE) 2016/2031, u l-introduzzjoni tagħhom fit-territorju tal-Unjoni jenħtieġ li jiġi pprojbit proviżorjament.

(4)

Il-frott tal-Momordica L. huwa magħruf li jospita u jipprovdi mogħdija sinifikanti għall-introduzzjoni u għall-istabbiliment tal-pest Thrips palmi Karny, li huwa magħruf li għandu l-potenzjal li jkollu impatt kbir ħafna fuq l-ispeċijiet ta' pjanti li għandhom importanza ekonomika, soċjali jew ambjentali maġġuri għat-territorju tal-Unjoni. Madankollu, dan il-pest ma jinsabx fil-pajjiżi terzi kollha u lanqas ma jinsab fiż-żoni kollha fi ħdan pajjiż terz fejn huwa magħruf li jeżisti. Ċerti pajjiżi terzi għandhom ukoll miżuri effettivi ta' mitigazzjoni fis-seħħ għal dak il-pest. Fid-dawl ta' dan, il-frott tal-Momordica L. li joriġina minn pajjiżi terzi jew minn partijiet minnhom fejn il-pest huwa magħruf li jeżisti u li m'għandhomx miżuri effettivi ta' mitigazzjoni għal dak il-pest, jikkwalifika bħala pjanta b'riskju għoli, fis-sens tal-Artikolu 42(1) tar-Regolament (UE) 2016/2031, u għalhekk, l-introduzzjoni fl-Unjoni ta' dik il-pjanta għandha tiġi pprojbita proviżorjament.

(5)

L-injam tal-Ulmus L. huwa magħruf li jospita u jipprovdi mogħdija sinifikanti għall-introduzzjoni u għall-istabbiliment tal-pest Saperda tridentata Olivier. Dak il-pest huwa magħruf li għandu impatt kbir ħafna fuq l-ispeċijiet ta' pjanti li għandhom importanza maġġuri ekonomika, soċjali jew ambjentali għat-territorju tal-Unjoni. Madankollu, dan il-pest ma jinsabx f'kull pajjiż terz, u lanqas f'ċerti żoni f'pajjiż terz fejn huwa magħruf li jeżisti. Fid-dawl ta' dan, l-injam tal-Ulmus L. li joriġina minn pajjiżi terzi jew minn żoni ta' pajjiżi terzi fejn is-Saperda tridentata Olivier huwa magħruf li jeżisti, jikkwalifika bħala prodott tal-pjanti ta' riskju għoli, fis-sens tal-Artikolu 42(1) tar-Regolament (UE) 2016/2031. Għalhekk, l-introduzzjoni ta' dak l-injam fl-Unjoni jenħtieġ li jiġi pprojbit proviżorjament.

(6)

Dawk il-pjanti u l-prodotti tal-pjanti msemmija fil-premessi (3), (4) u (5) mhumiex elenkati skont l-Artikolu 40 tar-Regolament (UE) 2016/2031, jew huma elenkati biss fir-rigward ta' ċerti pajjiżi terzi. Barra minn hekk, u skont il-valutazzjonijiet preliminari rispettivi, dawn mhumiex koperti biżżejjed bir-rekwiżiti msemmija fl-Artikolu 41 ta' dak ir-Regolament fir-rigward tal-pajjiżi terzi kollha, u mhumiex soġġetti għall-miżuri temporanji tal-Artikolu 49 ta' dak ir-Regolament.

(7)

Dawk il-pjanti u l-prodotti tal-pjanti msemmija fil-premessi (3), (4) u (5) għadhom mhumiex soġġetti għal valutazzjoni tar-riskju sħiħa li hija meħtieġa biex jiġi konkluż jekk dawn joħolqux riskju ta' livell inaċċettabbli minħabba l-probabbiltà li dawn jospitaw pest tal-kwarantina fl-Unjoni, jew jekk dak ir-riskju jistax jitnaqqas għal livell aċċettabbli permezz tal-applikazzjoni ta' ċerti miżuri. Meta tiġi identifikata d-domanda għall-importazzjoni ta' dawn il-pjanti u l-prodotti tal-pjanti, huma għandhom ikunu soġġetti għal valutazzjoni tar-riskju li ssir skont att ta' implimentazzjoni li għandu jiġi adottat skont l-Artikolu 42(6) tar-Regolament (UE) 2016/2031.

(8)

Skont l-Artikolu 73 tar-Regolament (UE) 2016/2031, il-Kummissjoni trid tipprevedi, permezz ta' atti ta' implimentazzjoni, li pjanti oħra għajr il-pjanti inklużi fil-lista msemmija fl-Artikolu 72(1), ikunu jeħtieġu ċertifikat fitosanitarju għall-introduzzjoni tagħhom fit-territorju tal-Unjoni.

(9)

Madankollu, dawk l-atti ta' implimentazzjoni jridu jipprevedu li mhuwiex meħtieġ ċertifikat fitosanitarju għal dawk il-pjanti fejn valutazzjoni li tkun ibbażata fuq evidenza dwar ir-riskji ta' pesti u esperjenza fil-kummerċ, turi li tali ċertifikat ma jkunx meħtieġ.

(10)

Minn meta ġie adottat dak ir-Regolament, twettqu diversi valutazzjonijiet fir-rigward tar-riskju tal-pesti u tal-esperjenza fil-kummerċ ta' diversi pjanti, għajr pjanti għat-tħawwil, li joriġinaw minn pajjiżi terzi.

(11)

Skont dawk il-valutazzjonijiet, il-frott tal-Ananas comosus (L.) Merrill, Cocos nucifera L., Durio zibethinus Murray, Musa L. u Phoenix dactylifera L. ma jospitax pesti ta' kwarantina tal-Unjoni jew pesti soġġetti għall-miżuri adottati skont l-Artikolu 30 tar-Regolament (UE) 2016/2031, jew pesti komunement ospitati li jista' jkollhom impatt fuq speċijiet ta' pjanti mkabbra fl-Unjoni. Barra minn hekk, ma kien hemm l-ebda tifqigħa ta' pesti marbuta mal-introduzzjoni ta' dak il-frott minn pajjiż terz wieħed jew aktar. Tul l-introduzzjoni tiegħu fit-territorju tal-Unjoni dak il-frott ma ġiex soġġett għal interċezzjonijiet ripetuti minħabba l-preżenza ta' pesti tal-kwarantina tal-Unjoni jew ta' pesti soġġetti għall-miżuri adottati skont l-Artikolu 30 ta' dak ir-Regolament.

(12)

Fid-dawl tal-fatt li dak il-frott jissodisfa l-kriterji kollha tal-Anness VI tar-Regolament (UE) 2016/2031, ma għandu jenħtieġ l-ebda ċertifikat fitosanitarju għall-introduzzjoni tiegħu fit-territorju tal-Unjoni.

(13)

Il-listi li jridu jiġu stabbiliti skont l-Artikolu 42(3) u l-Artikolu 73 tar-Regolament (UE) 2016/2031 it-tnejn jikkonċernaw ir-regoli tal-importazzjoni li huma bbażati fuq kriterji simili għall-valutazzjoni tar-riskju, kif stabbilit fl-Annessi III u VI ta' dak ir-Regolament. Dawn huma ffokati fuq ir-riskji ppreżentati mill-pjanti u mill-prodotti tal-pjanti rispettivi, minflok fuq ir-riskji ta' pesti speċifiċi. Dawn ġew elaborati b'metodoloġija komuni tal-valutazzjoni tar-riskju u għandhom jiġu aġġornati skont l-istess metodoloġija, fuq il-bażi tal-evidenza teknika u xjentifika disponibbli. Għalhekk huwa xieraq li dawn jiġu integrati f'Regolament wieħed.

(14)

Minħabba li r-Regolament (UE) 2016/2031 japplika mill-14 ta' Diċembru 2019, u sabiex tiġi żgurata applikazzjoni konsistenti tar-regoli kollha fir-rigward tal-introduzzjoni tal-pjanti, tal-prodotti tal-pjanti u ta' oġġetti oħra fl-Unjoni, jenħtieġ li dan ir-Regolament japplika mill-istess data.

(15)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-22 ta' Ġunju 2018, il-Kunsill iddeċieda b'konformità mal-Artikolu 121(4) tat-Trattat dwar il-Funzjonament tal-Unjoni Ewropea (“TFUE”) li fir-Rumanija teżisti devjazzjoni osservata sinifikanti mill-perkors ta' aġġustament lejn l-objettiv baġitarju ta' terminu medju ta' -1 % tal-PDG.

(2)

Fid-dawl tad-devjazzjoni sinifikanti stabbilita, fit-22 ta' Ġunju 2018 il-Kunsill ħareġ Rakkomandazzjoni (2) biex ir-Rumanija tieħu l-miżuri meħtieġa sabiex tiggarantixxi li r-rata ta' tkabbir nominali tal-infiq pubbliku primarju nett (3) ma taqbiżx it-3,3 % fl-2018 u l-5,1 % fl-2019, li tikkorrispondi għal aġġustament strutturali annwali ta' 0,8 % tal-PDG għal kull sena. Huwa rrakkomanda wkoll li r-Rumanija tuża kull qligħ mhux mistenni għat-tnaqqis tad-defiċit, filwaqt li jenħtieġ li l-miżuri ta' konsolidazzjoni baġitarja jiżguraw titjib dejjiemi fil-bilanċ strutturali tal-amministrazzjoni pubblika b'mod li jiffavorixxi t-tkabbir. Il-Kunsill stabbilixxa skadenża tal-15 ta' Ottubru 2018 biex ir-Rumanija tirrapporta dwar l-azzjoni li tkun ħadet b'reazzjoni għal dik ir-Rakkomandazzjoni.

(3)

Fis-27 u t-28 ta' Settembru 2018, il-Kummissjoni wettqet missjoni ta' sorveljanza msaħħa fir-Rumanija għall-fini ta' monitoraġġ fuq il-post skont l-Artikolu -11(2) tar-Regolament (KE) Nru 1466/97. Wara li s-sejbiet provviżorji ġew trażmessi lill-awtoritajiet Rumeni għall-kummenti tagħhom, il-Kummissjoni rrapportat is-sejbiet tagħha lill-Kunsill fil-21 ta' Novembru 2018. Dawk is-sejbiet sussegwentement saru pubbliċi. Ir-rapport tal-Kummissjoni jikkonstata li l-awtoritajiet Rumeni iżommu l-mira tad-defiċit nominali tal-2018 ta' ftit inqas minn 3 % tal-PDG u għalhekk ma għandhomx l-intenzjoni li jieħdu azzjoni fuq ir-rakkomandazzjoni tal-Kunsill tat-22 ta' Ġunju 2018. Fl-2019, il-Gvern qed jippjana li jnaqqas id-defiċit nominali għal 2,38 % tal-PDG, iżda l-miżuri għad iridu jiġu speċifikati.

(4)

Fis-16 ta' Ottubru 2018, l-awtoritajiet Rumeni preżentaw rapport dwar l-azzjoni meħuda b'reazzjoni għar-Rakkomandazzjoni tal-Kunsill tat-22 ta' Ġunju 2018 (4). Fir-rapport, l-awtoritajiet tennew li l-mira tagħhom għall-2018 jibqa' defiċit nominali ta' 2,96 % tal-PDG. Għall-2019, l-awtoritajiet qed jimmiraw għal defiċit ta' 2,38 % tal-PDG. Ir-rapport ma jsemmix miżuri ġodda għall-2018. Għall-2019, ir-rapport iserraħ fqu trażżin fl-infiq fuq il-kumpens għall-impjegati u l-merkanzija u servizzi, mingħajr ma huwa appoġjjat b'miżuri suffiċjentement dettaljati u adottati jew mill-anqas imħabbra b'mod kredibbli. Fuq in-naħa tad-dħul, ir-rapport isemmi prolungament ta' miżuri diġà eżistenti u xi azzjonijiet intiżi biex tiżdied il-konformità mar-regoli tat-taxxa. B'mod ġenerali, l-impatt fiskali tal-miżuri rrappurtati ma jissodisfawx ir-rekwiżit iddikjarat fir-Rakkomandazzjoni tal-Kunsill tat-22 ta' Ġunju 2018.

(5)

Fl-2018, abbażi tat-tbassir tal-Kummissjoni tal-ħarifa 2018, it-tkabbir tal-infiq pubbliku primarju nett huwa mistenni jammonta għal 11,3 %, 'il fuq sew mill-parametru referenzjarju għall-infiq ta' 3,3 %. Il-bilanċ strutturali huwa mistenni li jibqa' stabbli b'mod ġenerali fl-2018, għal 3,3 % tal-PDG. Għalhekk, iż-żewġ pilastri jindikaw riskju ta' devjazzjoni mill-aġġustament rakkomandat. Il-parametru referenzjarju tal-infiq jindika devjazzjoni ta' 2,3 % tal-PDG. Il-bilanċ strutturali jikkonferma din l-interpretazzjoni, u jindika devjazzjoni iżgħar ta' 0,8 % tal-PDG. Il-bilanċ strutturali huwa milqut b'mod pożittiv minn deflatur tal-PDG ogħla b'mod sinifikanti u b'punt aktar għoli fl-istima għat-tkabbir tal-PDG potenzjali meta mqabbla mal-medja fuq terminu medju sottostanti għall-valur referenzjarju tan-nefqa. Dan huwa kkumpensat parzjalment mill-impatt ta' żieda tal-investiment pubbliku, li hija msqassma fil-parametru referenzjarju tan-nefqa. Għalhekk, il-valutazzjoni ġenerali tikkonferma d-devjazzjoni b'marġni wiesa' mill-aġġustament rakkomandat mill-Kunsill.

(6)

Fl-2019, abbażi tat-tbassir tal-Kummissjoni tal-ħarifa tal-2018, it-tkabbir nominali tan-nefqa tal-gvern, nett tal-miżuri diskrezjonarji tad-dħul u ta' darba huwa mistenni li jammonta għal 7,5 %,'il fuq sew mill-parametru referenzjarju għall-infiq ta' 5,1 % (devjazzjoni ta' 0,7 % tal-PDG mill-perkors ta' aġġustament rakkomandat). Il-bilanċ strutturali huwa mistenni li jonqos b' 0,1 % tal-PDG, u jilħaq defiċit ta' 3,4 % (distakk ta' 0,9 % tal-PDG). Għalhekk, peress li ż-żewġ pilastri jindikaw devjazzjoni mill-aġġustament meħtieġ b'marġini simili fl-2019, il-valutazzjoni kumplessiva tikkonferma d-devjazzjoni mill-pjan ta' aġġustament rakkomandat mill-Kunsill.

(7)

Aktar minn hekk, it-tbassir tal-Kummissjoni tal-ħarifa tal-2018 jipproġetta defiċit pubbliku ta' 3,3 % fl-2018 u 3,4 % fl-2019, li hu ogħla mill-valur referenzjarju tat-Trattat ta' 3 % tal-PDG.

(8)

Is-sejbiet ta' hawn fuq iwasslu għall-konklużjoni li r-reazzjoni tar-Rumanija għar-Rakkomandazzjoni tal-Kunsill tat-22 ta' Ġunju 2018 ma kinitx biżżejjed. L-isforz fiskali ma jiżgurax li r-rata ta' tkabbir nominali tal-infiq pubbliku primarju nett ma teċċedix 3,3 % fl-2018 u 5,1 % fl-2019, li jikkorrispondi għal aġġustament strutturali annwali ta' 0,8 % tal-PDG għal kull sena,

(1)

Skont ir-Regolament (KE) Nru 549/2004, l-Istati Membri jridu jadottaw pjanijiet nazzjonali jew pjanijiet għal blokok tal-ispazju tal-ajru funzjonali (“FABs”), fosthom miri nazzjonali vinkolanti jew miri fil-livell tal-blokok tal-ispazju tal-ajru funzjonali, li jiżguraw il-konsistenza mal-miri ta' prestazzjoni għall-Unjoni kollha. Ir-Regolament (KE) Nru 549/2004 jistipula wkoll li l-Kummissjoni trid tivvaluta l-konsistenza ta' dawk il-miri abbażi tal-kriterji ta' valutazzjoni msemmija fl-Artikolu 11(6)(d) ta' dak ir-Regolament. Fir-Regolament ta' Implimentazzjoni tal-Kummissjoni (UE) Nru 390/2013 ġew stabbiliti regoli dettaljati dwar dan.

(2)

Wara li vvalutat il-pjanijiet tal-prestazzjoni, il-Kummissjoni adottat id-Deċiżjoni ta' Implimentazzjoni (UE) 2015/348 (3) li, fost l-oħrajn, stabbiliet li l-miri fil-qasam ewlieni tal-prestazzjoni tal-kosteffiċjenza tal-Portugall u tar-Rumanija li kienu inklużi fil-pjan tal-prestazzjoni tal-FAB tal-Lbiċ u tal-FAB tad-Danubju, rispettivament, kienu konsistenti mal-miri ta' prestazzjoni għall-Unjoni kollha għat-tieni perjodu ta' referenza (mill-2015 sal-2019).

(3)

Il-Kummissjoni sussegwentement adottat id-Deċiżjoni ta' Implimentazzjoni (UE) 2018/1782 (4) li tippermetti li jiġu reveduti l-miri fil-qasam ewlieni tal-prestazzjoni tal-kosteffiċjenza għall-2018 u għall-2019 għas-servizzi tan-navigazzjoni bl-ajru tal-Portugall u tar-Rumanija skont l-Artikolu 17(1) tar-Regolament ta' Implimentazzjoni (UE) Nru 390/2013.

(4)

Fuq dik il-bażi, il-Portugall u r-Rumanija rrevedew dawk il-miri u emendaw il-pjanijiet tal-prestazzjoni tagħhom kif xieraq.

(5)

Il-Korp ta' Analiżi tal-Prestazzjoni (“PRB”) li, skont l-Artikolu 3 tar-Regolament ta' Implimentazzjoni (UE) Nru 390/2013, jgħin lill-Kummissjoni fl-implimentazzjoni tal-iskema ta' prestazzjoni, ivvaluta d-dokumentazzjoni ppreżentata mill-Portugall u mir-Rumanija. Ir-rapport mill-PRB dwar il-valutazzjoni tal-miri reveduti għall-Portugall ġie ppreżentat lill-Kummissjoni fl-20 ta' Settembru 2018 u ġie aġġornat fit-12 ta' Ottubru 2018.

(6)

Ir-rapport mill-PRB dwar il-valutazzjoni tal-miri reveduti għar-Rumanija ġie ppreżentat lill-Kummissjoni fis-16 ta' Ottubru 2018.

(7)

Il-Kummissjoni vvalutat dawk il-pjanijiet emendati u b'mod partikolari l-miri reveduti, skont l-Artikolu 14 tar-Regolament ta' Implimentazzjoni (UE) Nru 390/2013, u kkunsidrat id-dokumentazzjoni li rċeviet u r-rapporti mill-PRB. Il-konsistenza tal-miri fil-qasam ewlieni tal-prestazzjoni tal-kosteffiċjenza, mogħtija fi spejjeż determinati għal kull unità en route jew tat-terminal, mal-miri ta' prestazzjoni għall-Unjoni kollha, ġiet ivvalutata skont il-prinċipji stabbiliti fil-punt 5 tal-Anness IV tar-Regolament ta' Implimentazzjoni (UE) Nru 390/2013 flimkien mal-punt 1 tiegħu. Il-Kummissjoni kkunsidrat b'mod partikolari x-xejra tal-ispejjeż determinati għal kull unità en route tul it-tieni perjodu ta' referenza meta mqabbla mal-mira ta' tnaqqis ta' 3,3 % fis-sena, bħala medja, u tul il-perjodu kkombinat tal-ewwel u tat-tieni perjodu ta' referenza (mill-2012 sal-2019) meta mqabbla mal-mira ta' tnaqqis ta' 1,7 % fis-sena, bħala medja. Barra minn hekk, ikkunsidrat il-livell tal-ispejjeż determinati għal kull unità en route meta mqabbla ma' dawk ta' Stati Membri b'ambjent ekonomiku u operazzjonali simili.

(8)

Fir-rigward tal-Portugall, il-valutazzjoni wriet li l-miri reveduti huma bbażati fuq tnaqqis ippjanat ta' 2 % fis-sena, bħala medja, tal-ispejjeż tagħha determinati għal kull unità en route tul it-tieni perjodu ta' referenza. Dan huwa inqas mill-mira ta' tnaqqis għall-ispejjeż medji determinati għal kull unità en route għall-Unjoni kollha tul dak il-perjodu. Madankollu, il-mira reveduta tal-Portugall għall-2019 hija bbażata fuq spejjeż determinati għal kull unità en route ppjanati li huma ferm inqas (– 30 %) mill-ispejjeż medji determinati għal kull unità en route ta' Stati Membri b'ambjent ekonomiku u operazzjonali simili għal dak tal-Portugall. Tul il-perjodu kkombinat tal-ewwel u tat-tieni perjodu ta' referenza, l-ispejjeż determinati għal kull unità en route ppjanati jonqsu b'rata ferm ogħla (– 4 %) mill-mira għall-Unjoni kollha. Għalhekk, il-Kummissjoni tikkunsidra li l-miri reveduti tal-Portugall għall-2018 u għall-2019 huma konsistenti mal-miri għall-Unjoni kollha fil-qasam ewlieni tal-prestazzjoni tal-kosteffiċjenza għat-tieni perjodu ta' referenza.

(9)

Fir-rigward tar-Rumanija, il-valutazzjoni wriet li l-miri reveduti huma bbażati fuq tnaqqis ippjanat ta' 3,2 % fis-sena, bħala medja, tal-ispejjeż tagħha determinati għal kull unità en route tul it-tieni perjodu ta' referenza. Dan huwa kemm kemm inqas mill-mira ta' tnaqqis għall-ispejjeż medji determinati għal kull unità en route għall-Unjoni kollha tul dak il-perjodu. Il-mira reveduta tar-Rumanija għall-2019 hija bbażata fuq spejjeż determinati għal kull unità en route ppjanati li huma inqas (– 1,5 %) mill-ispejjeż medji determinati għal kull unità en route ta' Stati Membri b'ambjent ekonomiku u operazzjonali simili għal dak tar-Rumanija. Tul il-perjodu kkombinat tal-ewwel u tat-tieni perjodu ta' referenza, l-ispejjeż determinati għal kull unità en route ppjanati jonqsu bl-istess rata (– 1,7 %) meta mqabbla mal-mira għall-Unjoni kollha. Għalhekk, il-Kummissjoni tikkunsidra li l-miri reveduti tar-Rumanija għall-2018 u għall-2019 huma konsistenti mal-miri għall-Unjoni kollha fil-qasam ewlieni tal-prestazzjoni tal-kosteffiċjenza għat-tieni perjodu ta' referenza.

(10)

Għaldaqstant jenħtieġ li d-Deċiżjoni ta' Implimentazzjoni (UE) 2015/348 tiġi emendata sabiex jitqiesu l-miri reveduti tal-Portugall u tar-Rumanija.

(1)

Ir-Regolament (UE) 2016/796 jagħti s-setgħa lill-Aġenzija tal-Unjoni Ewropea għall-Ferroviji (“l-Aġenzija”) li tieħu deċiżjonijiet individwali fl-oqsma tal-awtorizzazzjoni tal-vetturi, taċ-ċertifikazzjoni tas-sikurezza u tal-iżgurar tal-implimentazzjoni armonizzata maġenb il-binarji tas-Sistema Ewropea tal-Ġestjoni tat-Traffiku Ferrovjarju (“ERTMS”). Jistabbilixxi wkoll il-Bordijiet tal-Appell li quddiemhom jistgħu jiġu appellati tali deċiżjonijiet individwali tal-Aġenzija.

(2)

Il-Kummissjoni ppubblikat sejħa għal espressjonijiet ta' interess fil-25 ta' Mejju 2018 fuq is-sit web tad-Direttorat Ġenerali għall-Mobbiltà u t-Trasport, bi skadenza għall-preżentazzjoni tal-applikazzjonijiet stabbilita għat-30 ta' Ġunju 2018. Il-Kummissjoni rċeviet applikazzjonijiet minn 46 kandidat.

(3)

Il-Kummissjoni vvalutat dawk l-applikazzjonijiet mal-kriterji speċifikati fis-sejħa għal espressjonijiet ta' interess. Dawk kienu jinkludu l-kriterji tal-eliġibbiltà, il-kriterji marbuta mal-kapaċità teknika u professjonali, ir-rekwiżiti tal-għarfien u l-kriterji għad-dixxiplini soġġetti għad-deċiżjoni tal-Aġenzija, jiġifieri l-awtorizzazzjoni tal-vetturi, iċ-ċertifikazzjoni unika tas-sikurezza u l-ERTMS. Sabiex jiġu evitati kunflitti potenzjali ta' interess, il-kandidati li ħadmu fl-Aġenzija fis-sentejn ta' qabel kienu esklużi mill-proċedura tal-għażla. Wara l-valutazzjoni tal-applikazzjonijiet, 40 kandidat ġew magħżula bħala esperti kwalifikati għall-Bordijiet tal-Appell u tqiegħdu fuq il-lista,

(1)

B'konformità mar-Regolament (UE) Nru 517/2014, it-tqegħid fis-suq tal-Unjoni ta' minn tal-inqas 100 tunnellata ta' ekwivalenti ta' CO2 ta' idrofluworokarburi (“HFCs”) fis-sena mill-produtturi jew mill-importaturi huwa soġġett għal limiti kwantitattivi sabiex jiġi żgurat it-tnaqqis gradwali tagħhom.

(2)

Skont l-Artikolu 16 tar-Regolament (UE) Nru 517/2014, il-limiti kwantitattivi – il-kwoti – jiġu kkalkulati abbażi ta' valuri ta' referenza ddeterminati mill-Kummissjoni abbażi tal-medja annwali tal-kwantitajiet ta' HFCs li l-produtturi jew l-importaturi rrappurtaw skont l-Artikolu 19 tar-Regolament (UE) Nru 517/2014 li qiegħdu legalment fis-suq mill-1 ta' Jannar 2015 'il quddiem, filwaqt li jiġu esklużi l-kwantitajiet ta' HFCs għall-użi msemmija fl-Artikolu 15(2) tar-Regolament (UE) Nru 517/2014 matul l-istess perjodu, abbażi tad-data disponibbli, b'konformità mal-Anness V ta' dak ir-Regolament.

(3)

B'konformità mal-Artikolu 16(5) tar-Regolament (UE) Nru 517/2014, jiġu allokati kwoti ta' HFCs lill-produtturi jew lill-importaturi kif elenkat fl-Anness tad-Deċiżjoni ta' Implimentazzjoni tal-Kummissjoni (UE) 2017/1984 (2) li huma stabbiliti fl-Unjoni jew lill-importaturi minn pajjiżi terzi li jaħtru rappreżentant uniku stabbilit fl-Unjoni kif elenkat fl-Anness tad-Deċiżjoni ta' Implimentazzjoni (UE) 2017/1984.

(4)

Fid-dawl tan-notifika skont l-Artikolu 50 tat-Trattat tal-Unjoni Ewropea mir-Renju Unit u sabiex jiġi żgurat li l-valuri ta' referenza u l-kwoti mill-produtturi u mill-importaturi stabbiliti fir-Renju Unit jirriflettu t-tqegħid tal-HFCs legalment fis-suq fl-Unjoni ta' 27 Stat Membru wara l-ħruġ tar-Renju Unit, jenħtieġ li l-valuri ta' referenza għal dawn il-kumpaniji jiġu kkalkulati mill-ġdid għall-2019 għall-perjodu wara l-ħruġ tar-Renju Unit fit-30 ta' Marzu 2019.

(5)

Għall-perjodu mill-1 ta' Jannar sad-29 ta' Marzu 2019, jenħtieġ li l-valuri ta' referenza ddeterminati fid-Deċiżjoni ta' Implimentazzjoni (UE) 2017/1984 jibqgħu validi u applikabbli. Għad-determinazzjoni tal-kwoti għall-produtturi u għall-importaturi stabbiliti fir-Renju Unit, il-valuri ta' referenza għall-perjodu sad-29 ta' Marzu, inkluż dakinhar, u għall-perjodu wara dakinhar, se jiġu pponderati bin-numru ta' jiem li r-Renju Unit ikun Stat Membru tal-Unjoni fl-2019.

(6)

Għall-kumpaniji stabbiliti fir-Renju Unit, il-valuri ta' referenza li jiġu kkalkulati mill-ġdid kif iddeterminat f'din id-Deċiżjoni huma bbażati fuq data vverifikata addizzjonali ppreżentata minn dawn il-kumpaniji lill-Kummissjoni u li tikkumplementa r-rapportar li diġà sar skont l-Artikolu 19 tar-Regolament (UE) Nru 517/2014 billi ssir distinzjoni bejn l-HFCs li tqiegħdu fis-suq fir-Renju Unit u fl-Unjoni ta' 27 Stat Membru. Għall-kumpaniji li ma ppreżentawx data addizzjonali, jenħtieġ li wieħed jassumi li l-HFCs kollha tqiegħdu fis-suq fir-Renju Unit u jenħtieġ li ma jiġi ddeterminat l-ebda valur ta' referenza.

(7)

Il-valuri ta' referenza kkalkulati mill-ġdid jiġu stabbiliti fil-każ li fit-30 ta' Marzu 2019 id-dritt tal-Unjoni ma jibqax japplika għar-Renju Unit u fih.

(8)

Il-miżuri previsti f'din id-Deċiżjoni huma skont l-opinjoni tal-Kumitat stabbilit permezz tal-Artikolu 24 tar-Regolament (UE) Nru 517/2014,