(1)

Wieħed mill-għanijiet tal-Komunità Ewropea tal-Enerġija Atomika (il-“Komunità”) huwa li tikkontribwixxi biex jiżdied l-istandard ta' għajxien fl-Istati Membri, inkluż billi tippromwovi u tiffaċilita riċerka nukleari fl-Istati Membri u tikkumplementaha billi twettaq programm ta' riċerka u taħriġ tal-Komunità.

(2)

Ir-riċerka nukleari tista' tikkontribwixxi għall-prosperità soċjali u ekonomika u għas-sostenibbiltà ambjentali billi ttejjeb is-sikurezza u s-sigurtà nukleari u l-protezzjoni mir-radjazzjoni. Tal-istess importanza huwa l-kontribut potenzjali tar-riċerka nukleari għad-dekarbonizzazzjoni fit-tul tas-sistema tal-enerġija b'mod sikur, effiċjenti u sigur.

(3)

L-evalwazzjoni interim tal-Programm ta' Riċerka u Taħriġ tal-Komunità 2014–2018 stabbilit permezz tar-Regolament tal-Kunsill (Euratom) Nru 1314/2013 (2) (il-“Programm 2014–2018”) ikkonkludiet li l-azzjoni hija rilevanti u tkompli tkun strumentali biex tindirizza l-isfidi fis-sikurezza, is-sigurtà u s-salvagwardji nukleari, l-immaniġġjar ta' skart radjuattiv, il-protezzjoni mir-radjazzjoni u l-enerġija mill-fużjoni.

(4)

Sabiex tkun żgurata l-kontinwità tar-riċerka nukleari fil-livell tal-Komunità, hemm bżonn li jiġi stabbilit il-Programm ta' Riċerka u Taħriġ tal-Komunità għall-perijodu mill-1 ta' Jannar 2019 sal-31 ta' Diċembru 2020 (il-“Programm 2019–2020”). Il-Programm 2019–2020 jenħtieġ li jkollu l-istess objettivi bħall-Programm 2014–2018, jappoġġa l-istess attivitajiet u juża l-istess mod ta' implimentazzjoni li wera li kien effiċjenti u adatt għall-għan li jinkisbu l-objettivi tal-Programm 2014–2018.

(5)

Billi jappoġġa r-riċerka nukleari, il-Programm 2019–2020 se jikkontribwixxi għall-ksib tal-objettivi tal-Programm Qafas għar-Riċerka u l-Innovazzjoni Orizzont 2020 (il-“Programm Qafas Orizzont 2020”) stabbilit permezz tar-Regolament (UE) Nru 1291/2013 tal-Parlament Ewropew u tal-Kunsill (3) u se jiffaċilita l-implimentazzjoni tal-istrateġija Ewropa 2020 u l-ħolqien u l-operat taż-Żona Ewropea tar-Riċerka.

(6)

Minkejja l-impatt potenzjali tal-enerġija nukleari fuq il-provvista tal-enerġija u l-iżvilupp ekonomiku, aċċidenti nukleari serji jistgħu jagħmlu ħsara lis-saħħa tal-bniedem. Għalhekk, is-sikurezza nukleari u, fejn adatt, l-aspetti tas-sigurtà ttrattati miċ-Ċentru Konġunt tar-Riċerka (il-“JRC”) jenħtieġ li jingħataw l-ikbar attenzjoni possibbli fil-Programm 2019–2020.

(7)

Il-Pjan Strateġiku Ewropew għat-Teknoloġija tal-Enerġija (il-“Pjan SET”), stabbilit fil-konklużjonijiet tal-laqgħa tal-Kunsill tat-28 ta' Frar 2008 fi Brussell, qed jaċċelera l-iżvilupp ta' portafoll ta' teknoloġiji b'livell baxx ta' emissjoni ta' karbonju. Il-Kunsill Ewropew qabel, fil-laqgħa tiegħu tal-4 ta' Frar 2011, li l-Unjoni u l-Istati Membri tagħha se jippromwovu l-investiment fis-sorsi ta' enerġija rinnovabbli, u f'teknoloġiji sikuri u sostenibbli b'livell baxx ta' emissjoni ta' karbonju u jiffukaw fuq l-implimentazzjoni tal-prijoritajiet tat-teknoloġija stabbiliti fil-Pjan SET. Kull Stat Membru jibqa' ħieles li jagħżel it-tipi ta' teknoloġija li jappoġġa.

(8)

Peress li l-Istati Membri kollha għandhom installazzjonijiet nukleari jew jagħmlu użu minn materjali radjuattivi, b'mod partikolari għal skopijiet mediċi, il-Kunsill fil-konklużjonijiet tal-laqgħa tiegħu fi Brussell fl-1 u t-2 ta' Diċembru 2008, irrikonoxxa l-ħtieġa kontinwa għall-ħiliet fil-qasam nukleari, b'mod partikolari permezz tal-edukazzjoni u t-taħriġ adatti marbutin mar-riċerka u koordinati fil-livell tal-Komunità.

(9)

Filwaqt li hija l-għażla individwali ta' kull Stat Membru jekk għandux jagħmel użu mill-enerġija nukleari jew le, huwa rikonoxxut ukoll li l-enerġija nukleari taqdi rwoli differenti fi Stati Membri differenti.

(10)

Billi ffirmat il-Ftehim dwar l-Istabbiliment tal-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER (4), il-Komunità impenjat ruħha li tipparteċipa fil-kostruzzjoni tal-Proġett ITER (“ITER”) u fl-isfruttar tiegħu fil-futur. Il-kontribuzzjoni tal-Komunità hija ġestita permezz tal-Impriża Konġunta Ewropea għall-ITER u l-Iżvilupp tal-Enerġija mill-Fużjoni (Fużjoni għall-Enerġija), stabbilita permezz tad-Deċiżjoni tal-Kunsill 2007/198/Euratom (5).

(11)

Biex il-fużjoni ssir għażla kredibbli għall-produzzjoni kummerċjali tal-enerġija, l-ewwel nett jeħtieġ li l-kostruzzjoni tal-ITER titlesta b'suċċess u fil-ħin u jibda l-operat tiegħu. It-tieni nett jeħtieġ li jiġi stabbilit pjan direzzjonali ambizzjuż iżda realistiku għall-produzzjoni tal-elettriku sal-2050. Biex jintlaħqu dawk il-miri jeħtieġ li l-programm Ewropew ta' fużjoni li għandu jiġi dirett lejn programm konġunt ta' attivitajiet li jimplimentaw dak il-pjan direzzjonali. Sabiex jiġu żgurati l-kisbiet ta' attivitajiet li għaddejjin fir-riċerka dwar il-fużjoni, kif ukoll l-impenn fit-tul tal-partijiet ikkonċernati fil-fużjoni kif ukoll il-kollaborazzjoni bejniethom, jenħtieġ li tiġi żgurata l-kontinwità tal-appoġġ tal-Komunità. Jenħtieġ li jkun hemm fokus aktar b'saħħtu primarjament fuq l-attivitajiet b'appoġġ għall-ITER, iżda wkoll fuq l-iżviluppi lejn ir-reattur ta' dimostrazzjoni, inkluż l-involviment aktar qawwi, kif adatt, tas-settur privat. Tali razzjonalizzazzjoni u ffukar mill-ġdid jenħtieġ li jinkisbu mingħajr ma jkun hemm tfixkil fit-tmexxija Ewropea tal-komunità xjentifika tal-fużjoni.

(12)

Il-JRC jenħtieġ li jkompli jipprovdi appoġġ xjentifiku u teknoloġiku indipendenti u xprunat mill-konsumatur għall-formulazzjoni, l-iżvilupp, l-implimentazzjoni u l-monitoraġġ tal-politiki tal-Komunità, b'mod partikolari fil-qasam tar-riċerka u taħriġ fis-sikurezza u s-sigurtà nukleari. Sabiex jiġu ottimizzati r-riżorsi umani u jiġi żgurat li ma jkun hemm ebda duplikazzjoni tar-riċerka fl-Unjoni, kull attività ġdida mwettqa mill-JRC jenħtieġ li tkun analizzata sabiex tiġi ċċekkjata l-konsistenza tagħha ma' attivitajiet eżistenti fl-Istati Membri. L-aspetti ta' sigurtà tal-Programm Qafas Orizzont 2020 jenħtieġ li jkunu limitati għall-azzjonijiet diretti tal-JRC.

(13)

Jenħtieġ li l-JRC jkompli jiġġenera riżorsi addizzjonali permezz ta' attivitajiet kompetittivi, inkluż il-parteċipazzjoni f'azzjonijiet indiretti tal-Programm 2019–2020-, il-ħidma tal-parti terza u, fuq livell inqas, l-isfruttar tal-proprjetà intellettwali.

(14)

Fl-interess tal-Istati Membri kollha tagħha, ir-rwol tal-Unjoni huwa li tiżviluppa qafas biex tappoġġa riċerka konġunta mill-aktar avvanzata, il-ħolqien tal-għarfien u l-preservazzjoni tal-għarfien dwar it-teknoloġiji tal-fissjoni nukleari, b'enfasi speċjali fuq is-sikurezza, is-sigurtà, il-protezzjoni mir-radjazzjoni u n-nonproliferazzjoni. Dak jirrikjedi evidenza xjentifika indipendenti, li għaliha l-JRC jista' jagħti kontribut ewlieni. Dak ġie rikonoxxut fil-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, datata s-6 ta' Ottubru 2010, intitolata “Inizjattiva Ewlenija Ewropa 2020 Unjoni tal-Innovazzjoni”, li fiha l-Kummissjoni ddikjarat l-intenzjoni tagħha li ssaħħaħ l-evidenza xjentifika għat-tfassil tal-politika permezz tal-JRC. Il-JRC jipproponi li jwieġeb għal dik l-isfida billi jiffoka r-riċerka tiegħu dwar is-sikurezza u s-sigurtà nukleari fuq il-prijoritajiet tal-politika tal-Unjoni.

(15)

Bil-għan li tiġi approfondita r-relazzjoni bejn ix-xjenza u s-soċjetà u tissaħħaħ il-fiduċja tal-pubbliku fix-xjenza, jenħtieġ li l-Programm 2019–2020- jiffavorixxi involviment infurmat taċ-ċittadini u s-soċjetà ċivili dwar kwistjonijiet ta' riċerka u innovazzjoni permezz tal-promozzjoni tal-edukazzjoni tax-xjenza, billi l-għarfien xjentifiku jkun iktar aċċessibbli, bl-iżvilupp ta' aġendi ta' riċerka u innovazzjoni responsabbli li jissodisfaw it-tħassib u l-aspettattivi taċ-ċittadini u tas-soċjetà ċivili, u bl-iffaċilitar tal-parteċipazzjoni tagħhom fl-attivitajiet taħt il-Programm 2019–2020-.

(16)

L-implimentazzjoni tal-Programm 2019–2020 jenħtieġ li twieġeb għall-opportunitajiet u l-ħtiġijiet li qed jevolvu relatati max-xjenza u t-teknoloġija, l-industrija, il-politiki u s-soċjetà. Għalhekk jenħtieġ li -aġendi jiġu stabbiliti f'kooperazzjoni mill-qrib mal-partijiet ikkonċernati mis-setturi kollha konċernati, u jenħtieġ li tkun permessa flessibbiltà suffiċjenti għal żviluppi ġodda. Il-konsultazzjoni esterna tista' tiġi mfittxija matul il-Programm 2019–2020, anke permezz tal-użu ta' strutturi rilevanti bħall-pjattaformi Ewropej tat-teknoloġija.

(17)

Il-ħtieġa li titkompla r-riċerka nukleari fil-livell Ewropew ġiet rikonoxxuta fl-eżiti tad-dibattiti li saru fis-Simpożju dwar “Il-vantaġġi u l-limitazzjonijiet tar-riċerka dwar il-fissjoni nukleari għal ekonomija b'livell baxx ta' emissjoni ta' karbonju” mħejji minn studju interdixxiplinari li fih kienu involuti, fost l-oħrajn, esperti mill-oqsma tal-enerġija, l-ekonomija u x-xjenzi soċjali, u organizzat flimkien mill-Kummissjoni u l-Kumitat Ekonomiku u Soċjali Ewropew fi Brussell fis-26 u s-27 ta' Frar 2013.

(18)

Jenħtieġ li l-Programm 2019–2020 jikkontribwixxi għall-attraenza tal-professjoni tar-riċerka fl-Unjoni. Jenħtieġ li tingħata attenzjoni adegwata lir-Rakkomandazzjoni tal-Kummissjoni tal-11 ta' Marzu 2005 dwar il-Karta Ewropea għar-Riċerkaturi u dwar Kodiċi ta' Kondotta għar-Reklutaġġ tar-Riċerkaturi (6), flimkien ma' oqfsa ta' referenza rilevanti oħrajn definiti fil-kuntest taż-Żona Ewropea tar-Riċerka, filwaqt li tkun rispettata n-natura volontarja tagħhom.

(19)

L-attivitajiet żviluppati taħt il-Programm 2019–2020 jenħtieġ li jimmiraw li jippromwovu l-ugwaljanza bejn in-nisa u l-irġiel fir-riċerka u l-innovazzjoni, billi jindirizzaw b'mod partikolari l-kawżi sottostanti fl-iżbilanċ tas-sessi, billi jisfruttaw il-potenzjal kollu kemm tar-riċerkaturi nisa kif ukoll tal-irġiel u billi jintegraw id-dimensjoni tas-sessi fil-kontenut tal-proġetti sabiex itejbu l-kwalità tar-riċerka u jistimulaw l-innovazzjoni. L-attivitajiet jenħtieġ li jkunu mmirati wkoll lejn l-implimentazzjoni tal-prinċipji relatati mal-ugwaljanza bejn in-nisa u l-irġiel kif stipulat fl-Artikolu 2 u 3 tat-Trattat dwar l-Unjoni Ewropa u l-Artikolu 8 tat-Trattat dwar il-Funzjonament tal-Unjoni Ewropea (TFUE).

(20)

L-attivitajiet ta' riċerka u innovazzjoni appoġġati mill-Programm 2019–2020 jenħtieġ li jirrispettaw il-prinċipji etiċi fundamentali. Jenħtieġ li jitqiesu fejn xieraq l-opinjonijiet dwar il-kwistjonijiet tal-enerġija tal-Grupp Ewropew dwar l-Etika fix-Xjenza u t-Teknoloġiji l-Ġodda. Jenħtieġ li l-attivitajiet ta' riċerka jqisu wkoll l-Artikolu 13 TFUE u jnaqqsu l-użu tal-annimali fir-riċerka u l-ittestjar, bil-ħsieb li fl-aħħar mill-aħħar jiġi sostitwit l-użu tal-annimali. L-attivitajiet kollha jenħtieġ li jitwettqu filwaqt li jiżguraw livell għoli ta' protezzjoni tas-saħħa tal-bniedem.

(21)

Jenħtieġ li jinkiseb ukoll impatt ikbar bil-kombinament tal-Programm 2019–2020 u l-fondi tas-settur privat fi sħubiji pubbliċi-privati f'oqsma ewlenin fejn ir-riċerka u l-innovazzjoni jistgħu jikkontribwixxu għall-miri kompetittivi usa' tal-Unjoni. Jenħtieġ li tingħata attenzjoni partikolari lill-involviment tal-impriżi żgħar u medji.

(22)

Jenħtieġ li l-Programm 2019–2020 jippromwovi l-kooperazzjoni, b'mod partikolari fil-qasam tas-sikurezza, ma' pajjiżi terzi bbażata fuq l-interess komuni u l-benefiċċju reċiproku, b'mod partikolari biex jippromwovi titjib kontinwu tas-sikurezza nukleari.

(23)

Sabiex jinżammu kundizzjonijiet ekwi għall-impriżi kollha li huma attivi fis-suq intern, il-finanzjament ipprovdut mill-Programm 2019–2020 jenħtieġ li jkun imfassal skont ir-regoli dwar l-għajnuna mill-istat sabiex jiżgura l-effettività tan-nefqa pubblika u ma jippermettix distorsjonijiet tas-suq bħall-imblokk għall-aċċess tal-finanzjament privat, il-ħolqien ta' strutturi tas-suq ineffettivi jew il-preservazzjoni ta' kumpanniji ineffiċjenti.

(24)

Il-ħtieġa għal approċċ ġdid għall-ġestjoni tal-kontroll u r-riskju fil-finanzjament tar-riċerka tal-Unjoni ġie rikonoxxut mill-Kunsill Ewropew fil-konklużjonijiet tiegħu tal-4 ta' Frar 2011, li appellaw għal bilanċ ġdid bejn il-fiduċja u l-kontroll u bejn it-teħid u l-evitar tar-riskju. Il-Parlament Ewropew, fir-riżoluzzjoni tiegħu tal-11 ta' Novembru 2010 dwar is-simplifikazzjoni tal-implimentazzjoni tal-Programmi Qafas tar-Riċerka (7), talab għal bidla prammatika lejn simplifikazzjoni amministrattiva u finanzjarja u ddikjara li l-ġestjoni tal-finanzjament tar-riċerka tal-Unjoni jenħtieġ li tkun ibbażata aktar fuq il-fiduċja u tkun tolleranti għar-riskju lejn il-parteċipanti.

(25)

L-interessi finanzjarji tal-Unjoni jenħtieġ li jkunu protetti permezz ta' miżuri proporzjonati matul iċ-ċiklu kollu tan-nefqa, inkluż il-prevenzjoni, l-identifikazzjoni u l-investigazzjoni tal-irregolaritajiet, l-irkupru tal-finanzjamenti mitlufa, imħallsin ħażin jew użati b'mod skorrett u, fejn adatt, pieni. Jenħtieġ li strateġija tal-kontroll riveduta, li tibdel il-fokus minn minimizzazzjoni tar-rati tal-iżbalji għal kontroll ibbażat fuq ir-riskju u l-identifikazzjoni tal-frodi, tnaqqas il-piż tal-kontroll għall-parteċipanti.

(26)

Huwa importanti li tiġi żgurata ġestjoni finanzjarja soda tal-Programm 2019–2020 u l-implimentazzjoni tiegħu bl-iktar mod effettiv u faċli possibbli għall-utent, filwaqt li jkunu żgurati wkoll iċ-ċertezza legali u l-aċċessibbiltà tal-Programm 2019–2020 għall-parteċipanti kollha. Jeħtieġ li tkun żgurata l-konformità mad-dispożizzjonijiet rilevanti tar-Regolament (UE, Euratom) 2018/1046 tal-Parlament Ewropew u tal-Kunsill (ir-“Regolament Finanzjarju”) (8) u mar-rekwiżiti tas-simplifikazzjoni u regolamentazzjoni aħjar.

(27)

Sabiex tkun żgurata l-iktar implimentazzjoni effiċjenti possibbli, u aċċess faċli għall-parteċipanti kollha permezz ta' proċeduri simplifikati, u biex jinkiseb qafas koerenti, komprensiv u trasparenti għall-parteċipanti, il-parteċipazzjoni fil-Programm 2019–2020 u d-disseminazzjoni tar-riżultati tar-riċerka jenħtieġ li jkunu soġġetti għar-regoli applikabbli fil-Programm Qafas Orizzont 2020, kif stipulat fir-Regolament (UE) Nru 1291/2013 b'ċerti adattamenti jew eċċezzjonijiet.

(28)

Sabiex ikun possibbli l-użu l-aktar effettiv tal-istrumenti finanzjarji ta' dejn u ta' ekwità stabbiliti taħt il-Programm Qafas Orizzont 2020, waqt li tkun ippreservata n-natura distinta tal-azzjonijiet taħt il-Programm 2019–2020 u jsir użu sħiħ mill-baġit disponibbli, ripagamenti li jirriżultaw minn kwalunkwe wieħed minn dawk l-istrumenti finanzjarji minħabba nonutilizzazzjoni ta' fondi mqiegħda għad-dispożizzjoni taħt il-Programm 2019–2020 jew il-Programm 2014–2018 jenħtieġ li jibbenifikaw b'mod dirett lill-Programm 2019–2020.

(29)

Huwa importanti li jkompli jiġi ffaċilitat l-isfruttar tal-proprjetà intelletwali żviluppata mill-parteċipanti filwaqt li jiġu protetti l-interessi leġittimi ta' parteċipanti oħrajn u tal-Komunità f'konformità mal-Kapitolu 2 tat-Trattat li jistabbilixxi l-Komunità Ewropea għall-Enerġija Atomika (it-“Trattat Euratom”).

(30)

Il-fondi ta' garanzija għall-parteċipanti, ġestiti mill-Kummissjoni u stabbiliti skont ir-Regolament tal-Kunsill (Euratom) Nru 1908/2006 (9) u r-Regolament tal-Kunsill (Euratom) Nru 139/2012 (10), taw prova li huma mekkaniżmu ta' salvagwardja importanti li jtaffi r-riskji assoċjati mal-ammonti dovuti u mhux rimborżati minn parteċipanti inadempjenti. Il-fondi ta' garanzija għall-parteċipanti stabbilit skont ir-Regolament (UE) Nru 1290/2013 tal-Parlament Ewropew u l-Kunsill (11) jenħtieġ li jkopri wkoll azzjonijiet taħt dan ir-Regolament.

(31)

Sabiex jiġu żgurati kundizzjonijiet uniformi għall-implimentazzjoni tal-azzjonijiet indiretti taħt il-Programm 2019–2020, il-Kummissjoni jenħtieġ li tingħata setgħat ta' implimentazzjoni biex tadotta programmi ta' ħidma u d-deċiżjoni dwar l-approvazzjoni tal-finanzjament ta' azzjonijiet indiretti. Dawk l-atti ta' implimentazzjoni jenħtieġ li jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (12).

(32)

Il-kisba tal-objettivi tal-Programm 2019–2020 f'oqsma rilevanti tirrikjedi appoġġ għall-attivitajiet trasversali, kemm fi ħdan il-Programm 2019–2020 kif ukoll b'mod konġunt mal-attivitajiet tal-Programm Qafas Orizzont 2020.

(33)

Il-ġestjoni effettiva tal-prestazzjoni, inkluż l-evalwazzjoni u l-monitoraġġ, tirrikjedi l-iżvilupp ta' indikaturi speċifiċi tal-prestazzjoni li jistgħu jitkejlu matul iż-żmien, li huma realistiċi, li jirriflettu l-loġika tal-intervent u li huma rilevanti għall-ġerarkija adatta tal-objettivi u l-attivitajiet. Jenħtieġ li jiddaħħlu fis-seħħ mekkaniżmi ta' koordinazzjoni adatti bejn l-implimentazzjoni u l-monitoraġġ tal-Programm 2019–2020, min-naħa waħda, u l-monitoraġġ tal-progress, il-kisbiet u l-funzjonament taż-Żona Ewropea tar-Riċerka, min-naħa l-oħra.

(34)

Il-Bord tal-Gvernaturi tal-JRC, stabbilit permezz tad-Deċiżjoni tal-Kummissjoni 96/282/Euratom (13), ġie kkonsultat dwar il-kontenut xjentifiku u teknoloġiku tal-azzjonijiet diretti tal-JRC.

(35)

Għal raġunijiet ta' ċertezza legali, jenħtieġ li r-Regolament (Euratom) Nru 1314/2013 jitħassar.

(36)

Il-Parlament Ewropew ġie kkonsultat fuq bażi volontarja u ta opinjoni (14),

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' preparazzjoni tad-dolomit-manjeżit. Ma' dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni ta' preparazzjoni tad-dolomit-manjeżit bħala addittiv tal-għalf għall-ispeċijiet kollha tal-annimali, li jrid jiġi kklassifikat fil-kategorija tal-addittivi “addittivi teknoloġiċi”.

(4)

Il-preparat tad-dolomit-manjeżit li tifforma parti mill-kategorija ta' “addittivi teknoloġiċi”, kien awtorizzat preċedentement għal għaxar snin bħala addittiv tal-għalf għall-baqar tal-ħalib u għal ruminanti oħrajn għall-produzzjoni tal-prodotti tal-ħalib, għall-ħnienes tal-fatma u għall-ħnieżer għat-tismin bir-Regolament ta' Implimentazzjoni tal-Kummissjoni (UE) 2016/1964 (2).

(5)

Fl-opinjonijiet tagħha tas-17 ta' April 2018 (3) u tal-25 ta' Jannar 2017 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-preparazzjoni tad-dolomit-manjeżit ma tħallix effett negattiv fuq is-saħħa tal-annimali, is-saħħa tal-bniedem jew l-ambjent. L-Awtorità kkonkludiet ukoll li din hija effettiva bħala antiagglomerant. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Hija vverifikat ukoll ir-rapport dwar il-metodu tal-analiżi tal-addittiv tal-għalf fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(6)

Il-valutazzjoni tal-preparazzjoni tad-dolomit-manjeżit turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' din il-preparazzjoni jiġi awtorizzat, kif speċifikat fl-Anness ta' dan ir-Regolament.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni ta' preparazzjoni ta' endo-1,4-beta-mannanażi prodotta mill-Paenibacillus lentus (DSM 28088). Ma' dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni ta' preparazzjoni ta' endo-1,4-beta-mannanażi prodotta mill-Paenibacillus lentus (DSM 28088) bħala addittiv fl-għalf għat-tiġieġ tat-tismin, għat-tiġieġ imrobbi għall-bajd u għal speċijiet minuri ta' pollam għajr għasafar għall-bajd; dundjani għat-tismin, dundjani mrobbija għat-tgħammir, ħnienes miftuma, ħnieżer għat-tismin u speċijiet porċini minuri li jridu jiġu kklassifikati fil-kategorija tal-addittivi “addittivi żootekniċi”.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjonijiet tagħha tas-7 ta' Diċembru 2016 (2) tas-17 ta' April 2018 (3) li, skont il-kundizzjonijiet proposti tal-użu, il-preparazzjoni ta' endo-1,4-beta-mannanażi prodotta mill-Paenibacillus lentus (DSM 28088) ma għandhiex effett avvers fuq saħħet l-annimali, fuq saħħet il-bniedem jew fuq l-ambjent. L-Awtorità kkonkludiet ukoll li l-addittiv jitqies effikaċi għat-tiġieġ għat-tismin, għad-dundjani għat-tismin u għall-ħnienes miftuma, għall-ħnieżer għat-tismin u għal speċijiet porċini minuri. L-Awtorità kkunsidrat li dawn il-konklużjonijiet jistgħu jiġu estiżi għat-tiġieġ imrobbi għall-bajd u għad-dundjani mrobbija għat-tgħammir u li jistgħu jiġu estrapolati għal speċijiet minuri ta' pollam għat-tismin jew imrobbija għat-tgħammir jew imrobbija għall-bajd. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni ta' endo-1,4-beta-mannanażi prodotta mill-Paenibacillus lentus (DSM 28088) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dak il-preparat jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni. L-Artikolu 10 ta' dak ir-Regolament jipprevedi l-evalwazzjoni mill-ġdid ta' addittivi awtorizzati skont id-Direttiva tal-Kunsill 70/524/KEE (2).

(2)

Il-preparat ta' endo-1,3(4)-beta-glukanażi u ta' endo-1,4-beta-ksilanażi prodott mill-Aspergillus niger (NRRL 25541) u ta' alfa-amilażi prodott mill-Aspergillus niger (ATCC 66222) ġie awtorizzat skont id-Direttiva 70/524/KEE mingħajr limitu ta' żmien bħala addittiv tal-għalf għall-ħnienes miftuma bir-Regolament tal-Kummissjoni (KE) Nru 1453/2004 (3). Sussegwentement dak il-preparat iddaħħal fir-Reġistru tal-addittivi tal-ikel bħala prodott eżistenti, b'konformità mal-Artikolu 10(1)(b) tar-Regolament (KE) Nru 1831/2003.

(3)

B'konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 ta' dak ir-Regolament, ġiet ippreżentata applikazzjoni għall-evalwazzjoni mill-ġdid tal-preparat ta' endo-1,3(4)-beta-glukanażi u ta' endo-1,4-beta-ksilanażi prodott mill-Aspergillus niger (NRRL 25541) u ta' alfa-amilażi prodott mill-Aspergillus niger (ATCC 66222) bħala addittiv tal-għalf għall-ħnienes miftuma u għall-ispeċijiet porċini minuri (miftuma). L-applikant talab biex dak l-addittiv jiġi kklassifikat fil-kategorija tal-addittivi “addittivi żootekniċi”. Flimkien ma' dik l-applikazzjoni ngħataw id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjonijiet tagħha tat-8 ta' Ottubru 2013 (4), tas-16 ta' Mejju 2017 (5) u tas-17 ta' April 2018 (6) li, skont il-kundizzjonijiet proposti tal-użu, il-preparazzjoni ta' endo-1,3(4)-beta-glukanażi u ta' endo-1,4-beta-ksilanażi prodott mill-Aspergillus niger (NRRL 25541) u ta' alfa-amilażi prodott mill-Aspergillus niger (ATCC 66222) ma għandhiex effett avvers fuq saħħet l-annimali, fuq saħħet il-bniedem jew fuq l-ambjent. L-Awtorità kkonkludiet ukoll li l-użu ta' dak il-preparat għandu l-potenzjal li jtejjeb il-piż tal-ġisem finali u l-proporzjon tal-għalf maż-żieda fil-piż tal-ħnienes miftuma u dik il-konklużjoni tista' tiġi estrapolata għall-ispeċijiet porċini minuri (miftuma). L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni ta' endo-1,3(4)-beta-glukanażi u ta' endo-1,4-beta-ksilanażi prodott mill-Aspergillus niger (NRRL 25541) u ta' alfa-amilażi prodott mill-Aspergillus niger (ATCC 66222) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dak il-preparat jiġi awtorizzat kif speċifikat fl-Anness ta' dan ir-Regolament.

(6)

Bħala konsegwenza tal-għoti tal-awtorizzazzjoni għall-preparazzjoni, jenħtieġ li r-Regolament (KE) Nru 1453/2004 jiġi emendat kif xieraq.

(7)

Minħabba li ma hemm l-ebda tħassib dwar is-sikurezza li jirrikjedi l-applikazzjoni immedjata tal-modifiki fir-rigward tal-kundizzjonijiet ta' awtorizzazzjoni, jixraq li jkun hemm perjodu tranżizzjonali għall-partijiet interessati sabiex ikunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni.

(8)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament ta' Implimentazzjoni tal-Kummissjoni (UE) 2018/249 (2) jawtorizza ċerti addittivi tal-għalf bħala ħwawar, inklużi l-gliċina, il-L-ċisteina u l-monoidrat tal-idroklorur tal-L-ċisteina.

(2)

Jidher żball fl-Anness tar-Regolament (UE) 2018/249 fl-annotazzjoni għall-gliċina fil-post fejn, fil-kolonna “Dispożizzjonijiet oħra”, huwa ppreċiżat li fuq it-tikketta tal-addittiv għandu jiġi indikat li l-kontenut massimu rakkomandat tas-sustanza attiva ta' għalf komplet b'kontenut ta' ndewwa ta' 12 % għal kull speċi u kategorija oħra, huwa ta' 25 g/kg. Skont l-opinjoni tal-Awtorità Ewropea għas-Sigurtà fl-Ikel (3) maħruġa għall-awtorizzazzjoni ta' dan l-addittiv tal-għalf, l-ammont korrett huwa ta' 25 mg/kg.

(3)

Jidhru xi żbalji fl-Anness tar-Regolament (UE) 2018/249, fl-annotazzjonijiet għal L-ċisteina u għal idroklorur tal-L-ċisteina rigward il-proċess tal-manifattura tas-sustanza attiva. B'mod partikolari, huwa indikat fil-kolonna “Kompożizzjoni, formula kimika, deskrizzjoni, metodu analitiku” li s-sustanza attiva hija prodotta bis-sinteżi kimika jew bl-idroliżi tal-proteini. F'din il-parti, ma hemmx indikat li l-idroliżi tal-proteini hija magħmula minn proteini mill-annimali jew mill-ħxejjex, u għalhekk mhuwiex permess l-użu tax-xagħar tal-bniedem li jista' jintuża bħala sors għall-idroliżi biex jipproduċu dan l-addittiv speċifiku.

(4)

Id-dispożizzjonijiet żbaljati taw lok għal konfużjoni għall-operaturi tan-negozju tal-għalf fir-rigward tad-dispożizzjonijiet effettivi għat-tqegħid fis-suq tal-addittivi kkonċernati. Din is-sitwazzjoni ħolqot inċertezza legali rigward il-qafas regolatorju applikabbli. Dawk l-iżbalji għalhekk irriżultaw f'xi tfixkil fis-suq marbut mal-mistoqsijiet li tqajmu dwar l-awtorizzazzjoni għat-tqegħid fis-suq u mal-użu tal-gliċina, tal-L-ċisteina u tal-monoidrat tal-idroklorur tal-L-ċisteina. Għalhekk jenħtieġ li l-korrezzjonijiet tar-Regolament ta' Implimentazzjoni (UE) 2018/249 japplikaw b'mod retroattiv fil-jum tad-dħul fis-seħħ ta' dak ir-Regolament ta' Implimentazzjoni, sabiex jerġa' jkun hemm iċ-ċertezza legali fir-rigward tal-istatus regolatorju tal-addittivi soġġetti għall-iżbalji, sabiex tiġu evitata kwalunkwe konsegwenza detrimentali għall-operaturi kkonċernati u hekk tinġieb lura l-istabbiltà fis-suq.

(5)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni.

(2)

B'konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni ta' preparazzjoni ta' esterażi tal-fumoniżina prodotta mill-Komagataella phaffii (DSM 32159). Flimkien ma' dik l-applikazzjoni ngħataw id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni ta' preparazzjoni ta' esterażi tal-fumoniżina prodotta mill-Komagataella phaffii (DSM 32159) bħala addittiv tal-għalf għall-ħnieżer u għall-pollam, li trid tiġi kklassifikata fil-kategorija tal-addittivi “addittivi teknoloġiċi”.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tas-17 ta' April 2018 (2) li, skont il-kundizzjonijiet proposti tal-użu, il-preparazzjoni ta' esterażi tal-fumoniżina prodotta mill-Komagataella phaffii (DSM 32159) ma għandhiex effett avvers fuq saħħet l-annimali, fuq saħħet il-bniedem jew fuq l-ambjent. Ikkonkludiet ukoll li l-preparazzjoni għandha l-kapaċità li twettaq degradazzjoni tal-fumoniżini fl-għalf. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni tal-esterażi tal-fumoniżina prodotta mill-Komagataella phaffii (DSM 32159) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dak il-preparat jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni.

(2)

L-użu tal-preparazzjoni ta' endo-1,4-beta-ksilanażi prodotta mit-Trichoderma reesei (CBS 114044) ġie awtorizzat bħala addittiv fl-għalf għat-tiġieġ li jbidu, għall-ispeċi minuri ta' tjur u għall-ħnieżer għat-tismin bir-Regolament ta' Implimentazzjoni tal-Kummissjoni (UE) Nru 1110/2011 (2).

(3)

B'konformità mal-Artikolu 13(3) tar-Regolament (KE) Nru 1831/2003, id-detentur tal-awtorizzazzjoni ppropona li jimmodifika l-kontenut minimu tal-addittiv għat-tiġieġ li jbidu u għall-ħnieżer għat-tismin. Mal-applikazzjoni intbagħtet ukoll id-data ta' sostenn rilevanti. Il-Kummissjoni bagħtet din l-applikazzjoni lill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”).

(4)

L-Awtorità kkonkludiet fl-opinjonijiet tagħha tas-6 ta' Marzu 2018 (3) li t-tnaqqis ta' kontenut minimu minn 24 000 BXU għal 12 000 BXU għat-tiġieġ li jbidu u minn 24 000 BXU għal 20 000 BXU għall-ħnieżer għat-tismin ma għandux effett avvers fuq saħħet l-annimali, fuq saħħet il-bniedem jew fuq l-ambjent u li d-dożi ġodda proposti huma effikaċi għall-ispeċijiet fil-mira.

(5)

Il-valutazzjoni tad-dożi ġodda proposti turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati.

(6)

Għalhekk, jenħtieġ li r-Regolament ta' Implimentazzjoni (UE) Nru 1110/2011 jiġi emendat skont dan.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-28 ta' Mejju 2013, il-Kummissjoni imponiet, permezz tar-Regolament (UE) Nru 490/2013, dazju antidumping provviżorju fuq importazzjonijiet ta' bijodiżil li joriġinaw mill-Arġentina u l-Indoneżja (“ir-Regolament provviżorju”) (3).

(2)

Fid-19 ta' Novembru 2013, il-Kunsill impona, permezz tar-Regolament ta' Implimentazzjoni (UE) Nru 1194/2013 dazju antidumping provviżorju fuq l-importazzjonijiet ta' bijodiżil li joriġinaw mill-Arġentina u l-Indoneżja (“ir-Regolament definittiv”) (4).

(3)

Fil-15 ta' Settembru 2016, il-Qorti Ġenerali tal-Unjoni Ewropea (“il-Qorti Ġenerali”) tat sentenzi fil-kawżi T-80/14, T-111/14 sa T-121/14 (5) u T-139/14 (6) (iktar 'il quddiem “is-sentenzi”) li annullaw l-Artikoli 1 u 2 tar-Regolament definittiv safejn japplikaw għar-rikorrenti f'dawk il-kawżi (iktar 'il quddiem “il-produtturi esportaturi kkonċernati”) (7).

(4)

Il-Kunsill tal-Unjoni Ewropea inizjalment kien appella s-sentenzi. Madankollu, wara d-deċiżjoni tal-Kunsill li jirtira l-appelli tiegħu, il-każijiet tneħħew mir-Reġistru tal-Qorti tal-Ġustizzja tal-Unjoni Ewropea fit-2 u l-5 ta' Marzu 2018 (8). Konsegwentement, is-sentenzi saru definittivi u vinkolanti mid-data li fiha ngħataw.

(5)

Il-Qorti Ġenerali ddeċidiet li l-istituzzjonijiet naqsu milli jistabbilixxu skont ir-rekwiżiti tal-liġi li kien hemm distorsjoni sinifikanti fil-prezzijiet tal-materji primi ewlenin użati għall-produzzjoni tal-bijodiżil fl-Arġentina u fl-Indoneżja bħala riżultat tas-sistema ta' Taxxa tal-Esportazzjoni Differenzjali li tapplika rati tat-taxxa differenti fuq il-materja prima u fuq il-bijodiżil. Hija kkonkludiet li l-istituzzjonijiet ma kellhomx iqisu li l-prezz tal-materja prima ma kienx rifless b'mod raġonevoli fir-rekords tal-produtturi esportaturi Arġentini u Indoneżjani u ma kellhomx jinjoraw dawn ir-rekords meta ħadmu l-valur normali tal-bijodiżil prodott fl-Arġentina u fl-Indoneżja.

(6)

Fis-26 ta' Ottubru 2016 il-Korp għas-Soluzzjoni tat-Tilwim tad-WTO (DSB - Dispute Settlement Body) adotta r-rapport tal-bord, kif immodifikat mir-rapport tal-Korp tal-Appell (“ir-Rapporti tal-Arġentina”), (9) fit-tilwima tal-Unjoni Ewropea — il-Miżuri Antidumping fuq il-Bijodiżil mill-Arġentina (DS473).

(7)

Fit-28 ta' Frar 2018, id-DSB adotta wkoll ir-rapport tal-bord fl-Unjoni Ewropea — il-Miżuri Antidumping fit-tilwima dwar il-bijodiżil mill-Indoneżja (DS480), (“ir-Rapport tal-Indoneżja”). (10). Kemm l-Indoneżja kif ukoll l-UE ma appellawx dan ir-rapport.

(8)

Fir-Rapporti tal-Arġentina u tal-Indoneżja (“ir-Rapporti”), instab, inter alia, li l-UE aġixxiet b'mod inkonsistenti ma':

(9)

Fir-Rapport tal-Indoneżja il-bord sab, barra minn hekk, li l-UE kienet aġixxiet b'mod inkonsistenti ma':

(10)

Il-Bord irrakkomanda li d-DSB jitlob lill-UE tressaq il-miżuri tagħha f'konformità mal-ADA u l-GATT 1994.

(11)

Wara r-Rapporti tal-Arġentina, il-Kummissjoni bdiet rieżami (11) skont l-Artikolu 1(3) tar-Regolament (UE) 2015/476 tal-Parlament Ewropew u tal-Kunsill (12) (“ir-rieżami”). Fil-bidu tar-rieżami, il-Kummissjoni ħabbret li hija tqis xieraq li teżamina l-konsegwenzi tal-konstatazzjonijiet tar-Rapporti tal-Arġentina anki għall-miżuri imposti fuq il-bijodiżil mill-Indoneżja, peress li l-interpretazzjonijiet legali li jinsabu fir-Rapporti tal-Arġentina jidhru li huma wkoll rilevanti għall-investigazzjoni li tirrigwarda lill-Indoneżja.

(12)

Madankollu, matul ir-rieżami, il-Kummissjoni rċeviet għadd ta' kummenti minn partijiet interessati dwar, b'mod partikolari, l-applikabbiltà tal-interpretazzjoni tar-Rapporti tal-Arġentina għall-miżuri fuq il-bijodiżil mill-Indoneżja. Il-Kummissjoni kkunsidrat li l-analiżi tal-kummenti fir-rigward tal-Indoneżja kellha bżonn iktar żmien u ddeċiediet li ma tinkludix eżami tal-Indoneżja fir-Regolament emendatorju, iżda minflok iżżomm ir-rieżami miftuħ minħabba li kien jikkonċerna lill-Indoneżja.

(13)

Fit-18 ta' Settembru 2017, il-Kummissjoni adottat Regolament ta' Implimentazzjoni (UE) 2017/1578 li jemenda r-Regolament definittiv (“ir-Regolament emendatorju”) safejn kienu kkonċernati l-produtturi ta' esportazzjoni Arġentinjani (13).

(14)

L-annullament mill-Qorti Ġenerali tal-partijiet operattivi tar-Regolament definittiv fir-rigward tal-produtturi esportaturi kkonċernati jaffettwa wkoll il-validità tar-Regolament emendatorju. Peress li r-Regolament emendatorju emenda r-Regolament li l-partijiet operattivi tiegħu ġew annullati, huwa nnifsu wkoll sar null u mhux applikabbli fir-rigward tal-produtturi esportaturi kkonċernati.

(15)

Fit-28 ta' Mejju 2018 ġie ppubblikat Avviż (14) li reġa' fetaħ l-investigazzjoni oriġinali dwar importazzjonijiet ta' bijodiżil li joriġina mill-Arġentina u l-Indoneżja li wasslu għall-adozzjoni tar-Regolament definittiv (“l-Avviż”). Fl-istess ħin, ir-rieżami pendenti fir-rigward tal-Indoneżja ngħalaq.

(16)

Skont il-ġurisprudenza tal-Qorti, il-proċedura biex ikun sostitwit att annullat tista' titkompla mill-punt stess li fih tkun seħħet l-illegalità. L-Istituzzjonijiet tal-Unjoni, biex jikkonformaw mas-sentenzi, għandhom il-possibbiltà li jirrimedjaw l-aspetti tar-Regolament definittiv li wasslu għall-annullament tiegħu fir-rigward tal-produtturi esportaturi kkonċernati (15).

(17)

Il-Kummissjoni jenħtieġ li tosserva mhux biss il-parti operattiva tas-sentenzi iżda wkoll ir-raġunijiet li wasslu għal dawk is-sentenzi u li kienu jikkostitwixxu l-bażi essenzjali tagħhom, sa tali punt li huma neċessarji biex tkun determinata t-tifsira eżatta ta' dak li ntqal fil-parti operattiva. Konstatazzjonijiet oħrajn magħmulin fir-Regolament definittiv, li ma kinux ikkontestati fil-perjodi preskrittivi għall-kontestazzjoni, jew li ġew miċħuda mis-sentenzi tal-Qorti Ġenerali u għalhekk ma wasslux għall-annullament tar-Regolament definittiv, jibqgħu validi (16).

(18)

Sabiex tikkonforma mal-obbligi tagħha, il-Kummissjoni ddeċidiet li tkompli bil-proċediment antidumping preżenti mill-punt li fih seħħet l-illegalità u għalhekk li terġa' teżamina l-metodoloġija użata sabiex jiġi kkalkulat valur normali.

(19)

L-Avviż kien jinkludi fl-ambitu tiegħu r-raġunament tas-sentenzi tal-Qorti Ġenerali għall-produtturi esportaturi kkonċernati u l-possibbiltà li l-konstatazzjonijiet jiġu estiżi għall-produtturi esportaturi kollha mill-Arġentina u l-Indoneżja. Barra minn hekk, huwa qies il-konstatazzjonijiet tal-bordijiet tad-WTO u tal-Korp tal-Appell, kemm fir-rigward tal-Arġentina kif ukoll tal-Indoneżja, sabiex il-miżuri li nstabu inkonsistenti mad-WTO jinġiebu f'konformità sħiħa mal-Ftehimiet tad-WTO, skont l-Artikolu 19.1 tal-Qbil dwar is-Soluzzjoni tat-Tilwim.

(20)

Fl-Avviż, il-Kummissjoni stiednet lill-produtturi esportaturi kkonċernati u lill-industrija tal-Unjoni sabiex jesprimu l-opinjonijiet tagħhom bil-miktub u sabiex jitolbu seduta fil-limitu ta' żmien stipulat fl-Avviż.

(21)

Il-partijiet kollha li għamlu tali talba f'dak il-limitu ta' żmien, u li wrew li kien hemm raġunijiet partikolari sabiex jinstemgħu, ingħataw l-opportunità li jagħmlu dan.

(22)

Waslu rappreżentazzjonijiet mill-Bord Ewropew tal-Bijodiżil (EBB - European Biodiesel Board), minn ħames produtturi esportaturi fl-Indoneżja u mill-awtoritajiet tal-Indoneżja.

(23)

Il-Kummissjoni għandha l-possibbiltà li tirrimedja l-aspetti tar-Regolament definittiv li wasslu għall-annullament tiegħu, filwaqt li ma tbiddilx il-partijiet tal-valutazzjoni li mhumiex affettwati mis-sentenzi (17).

(24)

Kif indikat fl-Avviż, barra minn hekk, il-Kummissjoni vvalutat mill-ġdid il-konstatazzjonijiet definittivi tal-investigazzjoni oriġinali billi qieset il-konstatazzjonijiet tal-bordijiet tad-WTO u tal-Korp tal-Appell kemm fir-rigward tal-Arġentina kif ukoll tal-Indoneżja. Il-Kummissjoni ddeċidiet li testendi l-konstatazzjonijiet lill-produtturi esportaturi kollha mill-Arġentina u l-Indoneżja. Dik ir-rivalutazzjoni kienet ibbażata fuq informazzjoni miġbura fl-investigazzjoni oriġinali u r-rieżami, kif ukoll fuq l-informazzjoni li waslet mill-partijiet interessati wara l-pubblikazzjoni tal-Avviż.

(25)

Produttur esportatur Indoneżjan, Wilmar, insista qabel u wara d-divulgazzjoni li ma' hemm l-ebda bażi ġuridika sabiex terġa' tinfetaħ l-investigazzjoni fir-rigward ta' Wilmar peress li l-Qorti Ġenerali annullat ir-Regolament definittiv fl-intier tiegħu għal dik il-kumpanija. Madankollu, l-Artikolu 266 TFUE jipprevedi li istituzzjoni li l-att tagħha ġie ddikjarat null għandha tieħu l-miżuri meħtieġa sabiex tikkonforma mas-sentenza tal-Qorti. Barra minn hekk, l-UE għandha ġġib il-miżuri antidumping imposti fuq l-importazzjonijiet tal-bijodiżil mill-Indoneżja f'konformità mar-rakkomandazzjonijiet u d-deċiżjonijiet li jinsabu fir-Rapporti tad-WTO. Sabiex jiġi eżaminat liema miżuri jenħtieġ li jittieħdu għall-konformità mas-sentenzi tal-Qorti u tad-WTO, kien meħtieġ li terġa' tinfetaħ l-investigazzjoni fiż-żmien meta l-illegalità nstabet għaż-żewġ pajjiżi u għall-produtturi esportaturi kollha kkonċernati. Jekk miżura tiġix annullata kompletament jew parzjalment huwa irrilevanti għall-finijiet li jiġi ddeterminat jekk il-Kummissjoni għandhiex konsegwentement tinvestiga mill-ġdid l-aspetti kollha tal-investigazzjoni li ġew qabel il-miżura annullata. Għaldaqstant, il-Kummissjoni ċaħdet din it-talba.

(26)

L-investigazzjoni oriġinali dwar id-dumping u d-dannu kopriet il-perjodu mill-1 ta' Lulju 2011 sat-30 ta' Ġunju 2012 (“il-perjodu ta' investigazzjoni”). Dwar il-parametri rilevanti fil-kuntest tal-valutazzjoni tal-ħsara, ġiet analizzata data li tkopri l-perjodu mill-1 ta' Jannar 2009 sal-aħħar tal-perjodu ta' investigazzjoni (“il-perjodu kkunsidrat”).

(27)

Il-prodott ikkonċernat huwa esteri monoalkiliċi ta' aċidi xaħmin u/jew żjut tal-gass paraffiniċi li jinkisbu minn sinteżi u/jew minn trattament idriku, ta' oriġini mhux fossili, f'forma pura jew f'taħlita, li joriġinaw mill-Arġentina u mill-Indoneżja, li attwalment jaqgħu fil-kodiċi NM ex 1516 20 98, ex 1518 00 91, ex 1518 00 95, ex 1518 00 99, ex 2710 19 43, ex 2710 19 46, ex 2710 19 47, 2710 20 11, 2710 20 15, 2710 20 17, ex 3824 99 92, 3826 00 10 u ex 3826 00 90 (“il-prodott ikkonċernat”, komunement imsejjaħ “bijodiżil”).

(28)

La s-sentenzi tal-Qorti u lanqas ir-Rapporti ma jaffettwaw il-konstatazzjonijiet stabbiliti fil-premessi 16 sa 27 tar-Regolament definittiv dwar il-prodott ikkonċernat u l-prodott simili.

(29)

Il-Kummissjoni vvalutat mill-ġdid il-konstatazzjonijiet tal-investigazzjoni oriġinali dwar il-kwistjonijiet tal-aġġustament tal-ispejjeż, il-limitu tal-profitt u l-għadd doppju.

(30)

Is-sentenzi tal-Qorti Ġenerali u l-konstatazzjonijiet tad-WTO msemmija fil-premessa (8) kollha huma relatati mal-aġġustament tal-ispejjeż li saru mill-istituzzjonijiet tal-UE fir-Regolament definittiv.

(31)

Kif imsemmi fil-premessa (28) tar-Regolament definittiv, il-Kummissjoni kienet iddeterminat li l-valur normali kellu jiġi maħdum peress li l-bejgħ domestiku ma kienx meqjus parti mill-perkors normali tal-kummerċ. Din il-konstatazzjoni ma ġietx ikkontestata u tibqa' valida. L-ebda parti interessata ma kkontestat din il-konstatazzjoni lanqas matul dan ir-rieżami.

(32)

Fil-premessi (29) sa (34) tar-Regolament definittiv, il-Kummissjoni stabbiliet li d-differenza fit-taxxi tal-esportazzjoni imposti mill-Indoneżja fuq l-input tal-materja prima prinċipali (iż-żejt tal-palm mhux raffinat fl-Indoneżja u ż-żejt tal-fażola tas-sojja u l-fażola tas-sojja fl-Arġentina) u dawk imposti fuq il-prodott finali (il-bijodiżil) niżżlet il-prezzijiet domestiċi fl-Indoneżja u fl-Arġentina, u b'hekk jenħtieġ li dan jitqies fil-kalkolu tal-valur normali.

(33)

B'hekk, meta ħadmet il-valur normali, il-Kummissjoni biddlet il-kostijiet tal-materja prima prinċipali rrapurtati fir-reġistri tal-produtturi esportaturi bi prezzijiet ta' referenza ppubblikati mill-awtoritajiet rilevanti tal-pajjiżi kkonċernati.

(34)

Il-Kummissjoni bbażat il-konklużjonijiet tagħha wkoll fl-investigazzjoni oriġinali fuq l-interpretazzjoni li l-Artikolu 2.2.1.1 tal-ADA jippermetti lill-awtorità nkarigata mill-investigazzjoni biex tirrifjuta li tuża r-reġistri tal-produtturi esportaturi jekk tiddetermina li huma jew (i) inkonsistenti mal-GAAP jew (ii) ma jirriflettux b'mod raġonevoli l-kostijiet marbuta mal-produzzjoni u l-bejgħ tal-prodott taħt kunsiderazzjoni (il-premessi (42) u (72) tar-Regolament definittiv).

(35)

Il-Bord u l-Korp tal-Appell, fir-Rapporti kemm għall-Arġentina kif ukoll għall-Indoneżja, huma tal-fehma li l-Kummissjoni ma pprovdietx bażi legalment suffiċjenti skont l-Artikolu 2.2.1.1 sabiex tikkonkludi li r-rekords tal-produtturi Indoneżjani u Arġentini ma kinux jirriflettu b'mod raġonevoli l-ispejjeż assoċjati mal-produzzjoni u l-bejgħ tal-bijodiżil, jew sabiex tinjora l-ispejjeż rilevanti f'dawk ir-rekords meta jinħadem il-valur normali tal-bijodiżil.

(36)

Wara r-Rapporti tal-Arġentina, il-Kummissjoni kienet ikkalkulat mill-ġdid il-valur normali għall-produtturi esportaturi fl-Arġentina billi użat il-metodoloġija spjegata fil-premessi (40) sa (49) għall-Arġentina tar-Regolament provviżorju (18). Kif spjegat hawn fuq fil-premessi (11) u (12) il-Kummissjoni inizjalment kienet ikkalkulat mill-ġdid ukoll il-valur normali għall-produtturi esportaturi fl-Indoneżja, billi użat il-metodoloġija spjegata fil-premessi (60) sa (65) għall-Indoneżja tar-Regolament provviżorju (18). Il-Kummissjoni issa applikat mill-ġdid din il-metodoloġija għaż-żewġ pajjiżi.

(37)

Fis-sottomissjonijiet tiegħu magħmula wara l-ftuħ mill-ġdid ta' dan il-każ, l-EBB iddikjara li r-Rapporti ma jipprekludux ir-rikors għal aġġustament tal-ispejjeż għall-ispejjeż tal-materja prima meta jinħadem il-valur normali, sakemm ikun spjegat sewwa. L-istess talba saret matul ir-Rieżami wara r-Rapporti tal-Arġentina, u ġiet miċħuda mill-Kummissjoni billi aċċettat li din ma tkunx konformi mal-konstatazzjonijiet tar-Rapporti, kif spjegat fil-premessi (43) sa (53) tar-Regolament emendatorju. Peress li dik l-ispjegazzjoni tibqa' valida wara r-Rapport tal-Indoneżja, il-Kummissjoni kompliet tiċħad din it-talba.

(38)

Għar-raġunijiet spjegati fil-premessi (44) u (64) tar-Regolament provviżorju, il-bejgħ domestiku fi kwalunkwe pajjiż ma kienx ikkunsidrat li sar fil-perkors normali tal-kummerċ u l-valur normali tal-prodott simili kellu jiġi maħdum skont l-Artikolu 2(3) u (6) tar-Regolament bażiku. Dan sar billi mal-kostijiet tal-produzzjoni aġġustati matul il-perjodu ta' investigazzjoni, ġew miżjuda l-ispejjeż imġarrba tal-bejgħ, l-ispejjeż ġenerali u l-ispejjeż amministrattivi (“SG&A”) u marġni ta' profitt raġonevoli.

(39)

Kif spjegat fil-premessi (46) u (65) tar-Regolament provviżorju, il-Kummissjoni qieset li l-ammont ta' profitt ma setax ikun ibbażat fuq id-data attwali tal-kumpaniji li fuqhom sar il-kampjunar fl-Indoneżja. Għaldaqstant, l-ammont ta' profitt użat meta nħadem il-valur normali kien iddeterminat skont l-Artikolu 2(6)(c) tar-Regolament bażiku fuq il-bażi tal-ammont raġonevoli ta' profitt li industrija żagħżugħa u innovattiva ta' kapital intensiv ta' dan it-tip tista' tikseb taħt il-kundizzjonijiet normali tal-kompetizzjoni f'suq ħieles u miftuħ, jiġifieri 15 % ibbażat fuq il-fatturat.

(40)

Fil-każijiet tad-WTO tal-Arġentina u l-Indoneżja, id-determinazzjoni ta' ammont ta' profitt ta' 15 % ġiet ikkontestata miż-żewġ pajjiżi li ddikjaraw li l-ammont għall-profitt ma kienx ibbażat fuq “metodu raġonevoli” kif meħtieġ mill-Artikolu 2.2.2 (iii) ADA. Fiż-żewġ każijiet, il-korpi tal-arbitraġġ tad-WTO kkonkludew li l-UE ma aġixxietx b'mod inkonsistenti mal-ADA f'dan ir-rigward. Għalhekk, l-ammont għall-profitt użat biex jinħadem il-valur normali jibqa' 15 %.

(41)

Produttur esportatur mill-Indoneżja, PT Cermerlang Energi Perkasa, qal li l-Kummissjoni għandha tibbaża l-kalkolu tagħha fuq id-data tal-produtturi inklużi fil-kampjun, jew, fi kwalunkwe każ, ma tirrikorrix awtomatikament għall-Artikolu 2(6)(c) tar-Regolament bażiku. Wara d-divulgazzjoni, huwa rrepeta l-istess ħaġa. Madankollu, kif spjegat fil-premessa (40), id-WTO fir-Rapporti kienet diġà kkonkludiet li r-rikors mill-Kummissjoni għal dan l-Artikolu u l-applikazzjoni tiegħu ma kienx inkonsistenti mar-regoli tad-WTO. Għaldaqstant, il-Kummissjoni ċaħdet din it-talba.

(42)

Għalkemm il-bord tad-WTO kien ikkonferma d-determinazzjoni tal-UE tal-ammont ta' profitt skont l-Artikolu 2.2.2(iii) ADA, huwa kkonkluda fir-Rapport Indoneżjan li meta awtorità tiddetermina l-profitt abbażi ta' xi metodu raġonevoli ieħor skont l-Artikolu 2(6)(c) tar-Regolament bażiku, l-ADA jimponi fuqha li tiżgura li dak il-profitt ma jkunx jaqbeż il-profitt li normalment jagħmlu esportaturi oħrajn tal-istess kategorija ġenerali ta' prodotti fil-pajjiż. Fil-fehma tal-bord, l-UE naqset milli tistabbilixxi tali limitu ta' profitt.

(43)

Sabiex jiġi stabbilit il-limitu tal-profitt meħtieġ skont l-Artikolu 2.2.2(iii) ADA, kien meħtieġ li jiġi ddeterminat liema kumpaniji jipproduċu prodotti li jikkwalifikaw bħala li jaqgħu taħt “l-istess kategorija ġenerali” bħall-bijodiżil.

(44)

Fir-Rapport tal-Indoneżja, il-Bord innota fil-par. 7.62 li “l-Artikolu 2.2.2 (iii) ADA ma jispeċifikax rekwiżit partikolari fuq awtorità investigattiva dwar kif jiġi ddefinit liema prodotti jaqgħu fl-istess kategorija ġenerali ta' prodotti, sabiex jiġi determinat “il-profitt normalment imwettaq”. Naqblu mal-Unjoni Ewropea li ma' hemm l-ebda obbligu li l-ambitu tal-prodotti fl-istess kategorija ġenerali jinftiehem b'mod wiesa“. Fil-par. 7.63 hija żiedet” fil-fehma tagħna, awtorità raġonevoli u oġġettiva tista' tikkonkludi li l-istess kategorija ġenerali ta' prodotti hija kategorija iktar stretta”.

(45)

Skont il-konstatazzjonijiet tar-rapport tal-Indoneżja, il-Kummissjoni eżaminat mill-ġdid id-data disponibbli għaliha li tista' tintuża sabiex tiddetermina limitu ta' profitt, kemm għall-Arġentina kif ukoll għall-Indoneżja. Hija qieset li hemm żewġ settijiet ta' data disponibbli għaliha li jaqgħu fl-istess kategorija ġenerali ta' prodotti.

(46)

L-ewwel sett ta' data ġie pprovdut mill-kumpaniji fil-kampjun matul l-investigazzjoni oriġinali. L-Artikolu 2.2.2 ADA jgħid li l-ammont għal profitt għall-“esportatur jew il-produttur taħt investigazzjoni” huwa limitat skont l-Artikolu 2.2.2(iii) bl-ammont ta' profitt normalment imwettaq minn “esportaturi jew produtturi oħrajn fuq bejgħ ta' prodotti tal-istess kategorija ġenerali”. L-iktar interpretazzjoni stretta tal-istess kategorija ġenerali ta' prodotti skont dan l-artikolu tkun limitata għall-istess prodott eżatt, jiġifieri l-bijodiżil. Id-data meħtieġa sabiex jiġi kkalkulat il-limitu tal-profitt ibbażat fuq il-profitti magħmula mill-produtturi tal-bijodiżil fl-Indoneżja u l-Arġentina huma faċilment disponibbli għall-Kummissjoni, peress li ġew ipprovduti lill-Kummissjoni mill-kumpaniji inklużi fil-kampjun matul l-investigazzjoni oriġinali.

(47)

Il-fatt li l-profitti attwalment magħmula mill-kumpaniji fil-kampjun ma ntużawx sabiex jiġi stabbilit marġni ta' profitt għal kull wieħed minn dawn il-produtturi skont l-Artikolu 2(6)(c) tar-Regolament bażiku ma jwaqqafx lill-Kummissjoni milli tuża din id-data sabiex tistabbilixxi l-limitu tal-profitt skont l-Artikolu 2(6)(c). Dan jirriżulta mit-test tal-Bord fir-Rapport tal-Indoneżja fil-par. 7.65 fejn il-Bord ma jaqbilx mal-argument li “profitt normalment magħmul” fl-Artikolu 2.2.2(iii) ADA jfisser li investigatur jista' jinjora l-profitt magħmul fuq bejgħ li huwa kkunsidrat bħala mhux kompatibbli mal-prattika kummerċjali normali. Produttur esportatur Indoneżjan, PT Cermerlang Energi Perkasa, sostna wkoll fit-talba tiegħu li abbażi tar-Rapport tal-Indoneżja, fil-kalkolu tal-limitu tal-profitt, il-Kummissjoni mhix permessa li tinjora l-profitt relatat mal-bejgħ domestiku tal-bijodiżil fl-Indoneżja fuq il-bażi li dan tal-aħħar mhuwiex meqjus bħala magħmul fil-perkors normali tal-kummerċ.

(48)

Wara din l-interpretazzjoni stretta tal-kategorija ta' prodotti, il-bijodiżil, il-Kummissjoni kkalkulat il-limitu ta' profitt għal produttur individwali billi użat l-ammont ta' profitt magħmul mill-produtturi l-oħrajn taħt investigazzjoni. Pereżempju, sabiex jiġi kkalkulat l-ammont ta' profitt għall-produttur Indoneżjan Wilmar, intużat il-medja ponderata tal-profitti magħmula mill-produtturi Indoneżjani investigati u vverifikati oħrajn P.T. Ciliandra, P.T. Musim Mas u P.T. Pelita. Għall-kuntrarju, għal P.T. Ciliandra, intużat il-medja ponderata tal-profitti magħmula minn Wilmar, P.T. Musim Mas u P.T. Pelita. L-istess metodoloġija ntużat sabiex jiġi kkalkulat il-limitu massimu ta' profitt għall-produtturi Arġentini investigati u vverifikati.

(49)

It-tieni sett ta' data jinkludi d-data tal-produtturi, għajr dawk investigati, li ġiet ipprovduta lill-Kummissjoni matul l-investigazzjoni oriġinali. Wieħed mill-produtturi Indoneżjani li kien qed jiġi investigat dak iż-żmien ippreżenta data minn kumpanija relatata dwar bejgħ ta' taħlitiet ta' bijodiżil u diżil minerali, kif ukoll bejgħ ta' fjuwil tad-diżil u żejt tal-fjuwil marin (“fjuwils oħrajn”). Il-marġni ta' profitt relatat ma' dan il-bejgħ kien irrappurtat li kien 10,2 %. Jekk jintuża bħala profitt massimu, dan il-marġni ta' profitt x'aktarx ma jwassal għall-ebda marġnijiet tad-dumping jew marġnijiet tad-dumping de minimis għall-kumpaniji kollha fl-Indoneżja. Madankollu, din id-data mhux verifikata ġiet ipprovduta għal produttur wieħed biss fl-Indoneżja, filwaqt li data simili ma kinitx magħmula disponibbli għall-Kummissjoni minn produtturi oħrajn fl-Indoneżja jew fl-Arġentina. Peress li d-data disponibbli għalhekk ma tistax tiġi applikata b'mod konsistenti għaż-żewġ pajjiżi, il-Kummissjoni kkunsidrat li ma kienx xieraq li tintuża d-data minn produttur wieħed biss f'pajjiż wieħed sabiex jiġi stabbilit limitu tal-profitt. Barra minn dan, fiż-żmien disponibbli għall-Kummissjoni wara l-ftuħ mill-ġdid tal-investigazzjoni, ma kienx fattibbli li tiġi vverifikata l-eżattezza tad-data pprovduta u l-kalkoli sottostanti. Fi kwalunkwe każ, peress li kif ġie kkonstatat fil-premessa (62) l-ammont ta' dumping għall-pajjiż kollu kemm hu jinstab li jkun de minimis u, għaldaqstant, l-investigazzjoni tintemm għall-kumpaniji kollha, il-Kummissjoni ddeċidiet li ma kienx neċessarju li tuża data mhux verifikata rrapportata tal-profitt fuq il-bejgħ ta' taħlitiet ta' bijodiżil ma' diżil minerali għall-fini tal-istabbiliment ta' profitt massimu. Il-Kummissjoni minflok qieset li kien aktar xieraq tistrieħ fuq id-data li ġiet ipprovduta u vverifikata matul l-investigazzjoni oriġinali.

(50)

Żewġ produtturi esportaturi fl-Indoneżja, Wilmar u PT Pelita Agung Agrindustri, kif ukoll l-awtoritajiet tal-Indoneżja ddikjaraw li d-diskrezzjoni tal-Kummissjoni fl-għażla tad-data sabiex jiġi ddeterminat limitu ta' profitt hija limitata mill-konstatazzjonijiet tal-Bord fir-Rapport tal-Indoneżja. Wara d-divulgazzjoni, Wilmar tenna dan il-punt. Skont dawn il-partijiet interessati, il-Kummissjoni għandha tuża jew l-ammonti ta' profitt fuq bejgħ ta' taħlit ta' bijodiżil ma' diżil minerali jew inkella l-profitti miksuba fuq il-bejgħ ta' fjuwils tad-diżil u żejt tal-fjuwil marin. Madankollu, ma hemm xejn fir-Rapport tal-Indoneżja li jwaqqaf lill-Kummissjoni milli tuża data rilevanti disponibbli oħra. Fil-par. 7.70, il-Bord jiddikjara li “l-awtoritajiet tal-UE setgħu kkunsidraw dan il-bejgħ għad-determinazzjoni tal-limitu tal-profitt” u fil-par. 7.72, jiddikjara li “l-awtoritajiet tal-UE kellhom iqisu bejgħ tal-fjuwils tad-diżil u żejt tal-fjuwil marin sa [[***]] sabiex jiddeterminaw il-limitu tal-profitt.” L-użu tal-kliem “setgħu” u “kellhom” mill-Bord fir-Rapport tal-Indoneżja jindika li l-Bord jemmen li l-Kummissjoni kellha tikkunsidra jekk din id-data setgħetx tintuża sabiex jiġi stabbilit limitu ta' profitt jew le, pjuttost milli tinjora dik l-informazzjoni fuq il-bażi ta' interpretazzjoni żbaljata tal-frażi “profitti normalment magħmula”. Il-kunsiderazzjoni ta' dan il-bejgħ issa saret fil-premessa (49), u l-użu ta' dan il-bejgħ partikolari ma ġiex meqjus xieraq u lanqas meħtieġ.

(51)

Fis-sottomissjonijiet tiegħu, l-EBB ipprovda sett alternattiv ta' data li l-Kummissjoni tista' tuża sabiex tikkalkula limitu tal-profitt. Din id-data kienet tikkonċerna tliet kumpaniji li ma pproduċewx jew ma biegħux il-prodott ikkonċernat f'wieħed mill-pajjiżi investigati matul il-perjodu ta' investigazzjoni. Fuq il-bażi ta' informazzjoni pubblikament disponibbli u informazzjoni pprovduta minn żewġ produtturi esportaturi fl-Indoneżja, deher ċar li t-tliet kumpaniji kollha mhumiex ibbażati fl-Indoneżja iżda minflok fil-Malasja u Singapore. Id-data pprovduta mill-EBB kienet data aggregata meħuda mir-rapporti annwali u/jew mit-tħabbira tar-riżultati tal-kumpaniji rilevanti u tirrappreżenta marġni ta' profitt għal possibilment firxa wiesgħa ta' prodotti u kumpaniji relatati.

(52)

Il-Kummissjoni ma qablitx li din id-data hija xierqa sabiex jiġi ddeterminat limitu tal-profitt. Il-prodotti ewlenin ta' dawn il-kumpaniji huma żejt tal-palm u prodotti bħal aċidi xaħmin, gliċerina, fertilizzanti, zokkor u melassa, stearina, butir tal-kawkaw jew kimiċi oleo. Xi kumpaniji jipprovdu wkoll servizzi mhux relatati bħall-ġestjoni ta' proprjetajiet residenzjali, ġestjoni tat-teżor jew manutenzjoni tal-ferroviji. Il-prodotti ta' dawn il-kumpaniji ma jistgħux jitqiesu li jaqgħu fl-istess kategorija ġenerali ta' prodotti bħall-prodott ikkonċernat, il-bijodiżil. Dan huwa speċjalment il-każ għaż-żejt tal-palm tal-prodott, minħabba li dan huwa l-materja prima użata bħala input prinċipali għall-produzzjoni tal-bijodiżil. Il-Kummissjoni tqis li l-inklużjoni ta' dan il-prodott fl-istess kategorija ġenerali bħall-bijodiżil tkun tinvolvi interpretazzjoni wiesgħa wisq ta' dik il-kategorija. Il-Kummissjoni għalhekk ċaħdet l-użu tad-data proposta.

(53)

F'investigazzjoni antidumping konkluża riċentement dwar l-importazzjonijiet tal-bijodiżil mill-Indoneżja lejn l-Istati Uniti, l-awtoritajiet tal-Istati Uniti kienu kkalkulaw marġni ta' profitt ta' 6,15 % (19). Il-Kummissjoni eżaminat jekk din iċ-ċifra tistax tintuża bħala limitu ta' profitt. Madankollu, minħabba li din kienet ġejja mir-rapporti finanzjarji ta' produttur ibbażat fil-Ġermanja, lanqas ma setgħet tuża din id-data.

(54)

Bħala konklużjoni, il-metodoloġija stabbilita fil-premessi (46) sa (48) issegwi l-loġika tal-Artikolu 2.2.2(iii) ADA u tuża d-data magħrufa u disponibbli fil-fajl lill-Kummissjoni, mingħajr il-ħtieġa għal investigazzjoni ulterjuri. Għalhekk huwa kkunsidrat li din il-metodoloġija hija l-iktar xierqa f'dan il-każ.

(55)

L-użu ta' din il-metodoloġija jagħti r-riżultati li ġejjin. Għall-Arġentina, il-produtturi kollha involuti kellhom marġni ta' profitt attwali 'l fuq mill-15 % li, kif spjegat fil-premessi (39) u (40), intuża fl-investigazzjoni oriġinali. Medja ponderata ta' kull kombinament ta' dawn il-marġnijiet ta' profitt għalhekk dejjem twassal għal limitu ta' profitt ta' iktar minn 15 %. Dan ifisser li l-marġni ta' profitt ta' 15 % li kien iddeterminat fl-investigazzjoni oriġinali huwa taħt il-limiti ta' profitt individwali u għalhekk huwa l-marġni ta' profitt li għandu jintuża għall-kalkoli tal-marġini tad-dumping.

(56)

Għall-Indoneżja, il-marġini ta' profitt attwalment milħuqa mill-produtturi taħt investigazzjoni kienu wkoll 'il fuq minn 15 % għal kulħadd ħlief għal kumpanija waħda. Peress li medja ponderata tintuża sabiex jiġu kkalkulati l-limiti ta' profitt individwali, dan il-marġni ta' profitt ta' inqas minn 15 % iwassal għal limiti ta' profitt għal xi produtturi li huma inqas minn 15 %, u għalhekk jeħtieġu aġġustament 'l isfel ta' xi wħud mill-marġni ta' profitt użati għall-kalkolu tal-marġnijiet tad-dumping. Għal kumpanija waħda, il-limitu ta' profitt kien iktar minn 15 %, li jfisser li l-marġni ta' profitt ta' 15 % għadu jrid jintuża. It-tliet kumpaniji l-oħrajn għandhom limiti ta' profitt ta' inqas minn 15 %, li jfisser li l-marġni ta' profitt użati sabiex jiġi kkalkulat il-valur normali ma jistgħux ikunu ogħla minn dak il-limitu. L-applikazzjoni tal-metodoloġija twassal għar-riżultati li ġejjin:

Tabella 1

(57)

Fir-Rapport tal-Indoneżja tiegħu, il-bord ikkonstata li l-UE kienet naqset milli tikkalkula l-prezz tal-esportazzjoni ta' produttur esportatur Indoneżjan, P.T. Musim Mas, fuq il-bażi tal-prezz li bih il-bijodiżil importat prodott minn P.T. Musim Mas l-ewwel ġie mibjugħ mill-ġdid lil xerrejja indipendenti fl-UE kif meħtieġ skont l-Artikolu 2.3 ADA.

(58)

Ċertu tip ta' bijodiżil (bijodiżil ibbażat fuq id-distillat tal-aċidu xaħmi tal-palm) huwa eliġibbli sabiex isir “għadd doppju” tiegħu għall-iskop tal-konformità mal-miri obbligatorji tal-UE għat-taħlit tal-bijodiżil. Minħabba dan, it-tagħmir għat-taħlit tal-UE għandu juża biss nofs dan it-tip ta' bijodiżil sabiex ikun hemm konformità mal-miri obbligatorji tal-UE għat-taħlit tal-bijodiżil. Peress li dan it-tip ta' bijodiżil għalhekk għandu valur ikbar għall-klijenti, produttur ta' dan il-bijodiżil jista' jitlob primjum lill-klijent. F'dan il-każ speċifiku, il-kwistjoni ta' għadd doppju tikkonċerna ċerti esportazzjonijiet ta' P.T. Musim Mas lil klijenti fl-Italja. Fl-investigazzjoni oriġinali, l-UE kienet injorat dan il-primjum meta ħadmet il-prezz tal-esportazzjoni tal-bijodiżil.

(59)

Fid-dawl tal-konstatazzjoni tad-WTO li l-UE kienet injorat b'mod żbaljat dan il-primjum imħallas mill-klijenti fl-Italja, il-Kummissjoni vvalutat mill-ġdid il-kalkoli tagħha u aġġustat il-prezz tal-esportazzjoni għal P.T. Musim Mas kif xieraq.

(60)

Ir-rati ta' dazju riveduti fir-rigward tal-esportaturi Indoneżjani u Arġentini kollha fid-dawl tas-sentenzi tal-Qorti Ġenerali tal-UE kif ukoll il-konstatazzjonijiet u r-rakkomandazzjonijiet fir-Rapporti tal-Indoneżja u tal-Arġentina, espressi fuq il-prezz CIF tal-fruntieri tal-Unjoni, bid-dazju doganali mhux imħallas, huma kif ġej:

Tabella 2

(61)

Fid-dawl tal-marġnijiet negattivi għoljin ta' dumping għal tnejn mill-erba' kumpaniji Indoneżjani fil-kampjun, il-Kummissjoni vverifikat jekk il-marġni ta' dumping medju ponderat mal-pajjiż kollu li qies il-marġnijiet negattivi kienx ogħla de minimis kif previst fl-Artikolu 9(3) tar-Regolament bażiku.

(62)

L-ammont ta' dumping fil-kampjun Indoneżjan, espress bħala perċentwal tal-valur CIF tal-esportazzjonijiet tal-kampjun kien 1,6 %, jiġifieri, taħt il-limitu de minimis ta' 2 %.

(63)

Fid-dawl tal-marġni tad-dumping de minimis mal-pajjiż kollu, l-investigazzjoni jenħtieġ li tintemm fir-rigward tal-importazzjonijiet tal-bijodiżil mill-Indoneżja mingħajr miżuri.

(64)

Fir-Rapporti tal-Arġentina ġie kkonstatat, inter alia, li l-UE aġixxiet b'mod inkonsistenti mal-Artikoli 3.1 u 3.4 tal-ADA meta eżaminat l-impatt tal-importazzjonijiet oġġett ta' dumping fuq l-industrija domestika, sa fejn dan l-eżami kien jirrigwarda l-kapaċità tal-produzzjoni u l-użu tal-kapaċità.

(65)

Fir-Regolament emendatorju li ġie adottat wara r-Rapporti tal-Arġentina, din il-kwistjoni ġiet indirizzata fil-premessi (87) sa (123) (20). La s-sentenzi tal-Qorti Ġenerali u lanqas ir-Rapport tal-Indoneżja ma għandhom konstatazzjonijiet li jenħtieġu rivalutazzjoni ta' din l-analiżi li għalhekk għadha applikabbli.

(66)

Matul l-investigazzjoni oriġinali, ġie meqjus xieraq li ssir valutazzjoni kumulattiva tal-importazzjonijiet mill-Arġentina u l-Indoneżja, peress li f'dak iż-żmien ġew issodisfati l-kundizzjonijiet stipulati fl-Artikolu 3(4) tar-Regolament bażiku. Il-konklużjonijiet dwar id-dannu u l-kawżalità għalhekk kienu bbażati fuq l-effett kombinat tal-importazzjonijiet tal-bijodiżil miż-żewġ pajjiżi. Madankollu, dawn il-kundizzjonijiet issa ma' għadhomx issodisfati minħabba li ġie stabbilit li l-livell ta' dumping fil-pajjiż kollu għall-Indoneżja kien taħt il-livell de minimis ta' 2 %.

(67)

Għalhekk, għandu jiġi ddeterminat jekk analiżi tal-kawżalità limitata għall-importazzjonijiet ta' bijodiżil mill-Arġentina li kienu l-oġġett ta' dumping twassalx għall-konklużjoni ta' rabta kawżali bejn l-importazzjonijiet li huma l-oġġett ta' dumping u d-dannu mġarrab mill-industrija tal-Unjoni.

(68)

Il-metodoloġija li hija l-bażi tal-analiżi tad-dannu magħmula fir-Regolament definittiv mhijiex affettwata mill-konstatazzjonijiet tas-sentenzi tal-Qorti u lanqas mir-Rapport tal-Indoneżja, safejn jirrigwarda l-Arġentina. Il-konstatazzjonijiet rilevanti tar-Regolament definittiv għalhekk jibqgħu validi.

(69)

Il-produzzjoni totali tal-Unjoni kienet ta' madwar 9 052 871 tunnellata matul il-perjodu kkunsidrat, filwaqt li l-konsum tal-Unjoni tal-bijodiżil żdied b'5 %. Il-volumi ta' importazzjoni mill-Arġentina żdiedu b'total ta' 41 % matul il-perjodu kkunsidrat, filwaqt li s-sehem mis-suq żdied minn 7,7 % għal 10,8 % matul l-istess perjodu. Għalkemm il-prezzijiet tal-importazzjoni tal-bijodiżil mill-Arġentina żdiedu matul il-perjodu kkunsidrat, xorta kienu għadhom inqas mill-prezzijiet tal-industrija tal-Unjoni matul l-istess perjodu. Id-differenza bejn il-prezzijiet mill-Arġentina u l-prezzijiet tal-Unjoni, espressa bħala perċentwal tal-prezz medju ponderat ta' kif joħroġ mill-fabbrika tal-industrija tal-Unjoni, jiġifieri l-marġni tat-twaqqigħ tal-prezz, kienet tvarja minn 4,5 % sa 9,1 %. Filwaqt li l-profittabilità tal-industrija tal-Unjoni kienet ta' 3,5 % fl-2009, hija sussegwentement naqset għal telf u laħqet – 3,5 % matul il-perjodu ta' investigazzjoni oriġinali (1 ta' Lulju 2011–30 ta' Ġunju 2012).

(70)

L-analiżi fir-Regolament definittiv uriet li l-industrija tal-Unjoni sofriet dannu materjali kif definit fl-Artikolu 3(5) tar-Regolament bażiku. Għalkemm il-konsum żdied, l-industrija tal-Unjoni tilfet mis-sehem mis-suq u mill-profittabilità. Fl-istess ħin, l-importazzjonijiet kisbu sehem mis-suq u waqqgħu l-prezzijiet tal-produtturi tal-Unjoni.

(71)

Kif spjegat fil-punt 5.1, ġie kkonstatat li l-importazzjonijiet kollha mill-Arġentina għall-Unjoni kienu l-oġġett ta' dumping matul il-perjodu ta' investigazzjoni. Il-konstatazzjonijiet tar-Regolament definittiv urew ukoll li l-importazzjonijiet li huma l-oġġett ta' dumping bi prezzijiet baxxi mill-Arġentina żdiedu b'mod sinifikanti f'termini ta' volum (41 % matul il-perjodu kkonċernat) li rriżulta f'żieda fis-sehem tas-suq bi 3 punti perċentwali sat-tmiem tal-perjodu kkonċernat.

(72)

Minkejja żieda ta' 5 % fil-konsum, l-industrija tal-Unjoni tilfet 5,5 punti perċentwali tas-sehem tas-suq matul il-perjodu kkunsidrat. Għalkemm il-prezzijiet medji tal-importazzjonijiet li kienu l-oġġett ta' dumping mill-Arġentina żdiedu b'54 % matul il-perjodu kkunsidrat, kienu għadhom sew iktar baxxi minn dawk tal-industrija tal-Unjoni matul l-istess perjodu. L-importazzjonijiet li kienu l-oġġett ta' dumping waqqgħu l-prezzijiet tal-industrija tal-Unjoni b'marġni medju ta' twaqqigħ ta' 8 % matul il-perjodu tal-investigazzjoni.

(73)

Peress li l-investigazzjoni ntemmet fir-rigward tal-Indoneżja kif spjegat fil-premessi (60) sa (63), l-importazzjonijiet mill-Indoneżja għandhom jiġu vvalutati separatament, bħala fattur ieħor li jista' jkun ikkawża dannu wkoll.

(74)

Iċ-ċifri riveduti tal-importazzjonijiet minn pajjiżi terzi (inkluża l-Indoneżja) jagħtu l-prospett li ġej:

Tabella 3

(75)

Kien hemm tnaqqis sinifikanti fl-importazzjonijiet mill-Istati Uniti (l-Istati Uniti tal-Amerika), in-Norveġja u l-Korea t'Isfel wara l-impożizzjoni ta' miżuri fuq importazzjonijiet mill-Istati Uniti tal-Amerka fl-2009 u investigazzjoni antiċirkomvenzjoni kontra importazzjonijiet ikkonsenjati mill-Kanada fl-2010. Min-naħa l-oħra, l-importazzjonijiet mill-Indoneżja żiedu s-sehem tagħhom minn 1,4 % għal 8,5 %, li rrappreżenta żieda ta' 500 % matul il-perjodu kkunsidrat. Fl-istess ħin, l-industrija tal-Unjoni esperjenzat tnaqqis fis-sehem mis-suq minn 84,7 % għal 79,2 %.

(76)

B'mod simili, l-importazzjonijiet mill-Indoneżja żdiedu b'iktar minn ħames darbiet matul il-perjodu kkonċernat, filwaqt li l-industrija tal-Unjoni tilfet il-bejgħ. Ħarsa iktar mill-qrib turi li fl-2010 il-volumi ta' bejgħ ta' importazzjonijiet mill-Indoneżja żdiedu b'214 %. F'dik l-istess sena, madankollu, il-volumi tal-bejgħ tal-industrija tal-Unjoni żdiedu bi 2 %. Huwa biss fis-sena ta' wara li l-volumi tal-bejgħ tal-industrija tal-Unjoni naqsu drastikament, li kkoinċida ma' żieda oħra ta' 119 % fl-importazzjonijiet mill-Indoneżja mill-2010 sal-2011.

Tabella 4

(77)

Barra minn hekk, il-prezzijiet medji tal-importazzjonijiet mill-Indoneżja kienu ħafna inqas minn dawk tal-industrija tal-Unjoni u tal-importazzjonijiet Arġentini matul il-perjodu kkunsidrat. Madankollu, minħabba li hemm ċerti differenzi bejn il-prodott mill-Indoneżja u l-prodott fis-suq tal-Unjoni, dan il-prezz tal-esportazzjoni għandu jiġi aġġustat sabiex jirrifletti r-relazzjoni kompetittiva bejn it-tnejn li huma.

(78)

Fil-premessi (93) sa (97) tar-Regolament provviżorju, il-Kummissjoni kienet ħadmet aġġustament tal-prezz billi ħadet id-differenza fil-prezz fis-suq tal-Unjoni bejn il-bejgħ tal-bijodiżil fil-Punt Limitu tal-Filtrabbiltà fil-Ksieħ (CFPP - “Cold Filter Plugging Point”) (13 (li jirrifletti l-kwalità Indoneżjana) u l-bejgħ tal-bijodiżil fis-CFPP 0 (li jirrifletti l-kwalità tal-UE). Anki wara dan l-aġġustament, il-prezzijiet tal-esportazzjoni Indoneżjani xorta waqqgħu l-prezzijiet tal-Unjoni b'4 %.

(79)

Madankollu, il-bord fir-rapport tal-Indoneżja ikkonstata fil-par. 7.158-159 li dan l-aġġustament tal-prezz ma kienx jirrifletti b'mod xieraq il-“kumplessitajiet f'relazzjonijiet kompetittivi” bejn il-bijodiżil Indoneżjan importat u l-prodott imħallat mibjugħ mill-industrija tal-Unjoni. Il-bord ma offriex iktar gwida preċiża dwar il-metodoloġija sabiex titkejjel din ir-relazzjoni.

(80)

Il-Kummissjoni nnotat li hemm firxa wiesgħa ħafna ta' possibbiltajiet għat-taħlit ta' tipi differenti ta' bijodiżil mal-bijodiżil Indoneżjan sabiex jinkiseb prodott komparabbli tal-UE. Għalhekk mhux prattiku li tiġi kkalkulata d-data tal-prezz dwar dawn it-tipi varji ta' taħlitiet ta' bijodiżil għall-perjodu ta' investigazzjoni. Barra minn hekk, il-produtturi Ewropej tal-bijodiżil jikkunsidraw li l-aġġustament tal-prezz oriġinali, li jwassal għal twaqqigħ ta' 4 % fil-prezz, irrifletta tajjeb ir-relazzjoni kompetittiva. Fl-aħħarnett, il-bord innifsu indika fil-par. 7.159 li analiżi iktar kumplessa xorta setgħet ġġustifikat konstatazzjoni li l-importazzjonijiet mill-Indoneżja kellhom effett sinifikanti ta' twaqqigħ tal-prezz fuq il-prezz tal-prodott imħallat tal-industrija tal-Unjoni. Il-Kummissjoni għalhekk ikkonkludiet li l-esportazzjonijiet Indoneżjani matul il-perjodu ta' investigazzjoni waqqgħu l-prezzijiet tal-UE b'mill-inqas 4 %.

(81)

Sabiex tiġi stabbilita rabta kawżali bejn l-importazzjonijiet li huma l-oġġett ta' dumping u d-dannu lill-industrija tal-Unjoni, għandu jintwera, skont l-Artikolu 3(6) u (7) tar-Regolament bażiku, li l-importazzjonijiet oġġett ta' dumping ikkawżaw dannu materjali lill-industrija tal-Unjoni, filwaqt li d-dannu kkawżat minn fatturi magħrufa oħrajn mhuwiex attribwit għall-importazzjonijiet li huma l-oġġett ta' dumping. Il-kunċett ta' rabta kawżali huwa interpretat b'mod kompatibbli mad-WTO, li jfisser li jenħtieġ li jiġi stabbilit jekk hemmx relazzjoni kawżali ġenwina u sostanzjali bejn l-importazzjonijiet li huma l-oġġett ta' dumping u d-dannu lill-industrija domestika (21). Fil-premessa (189) tar-Regolament definittiv intlaħqet il-konklużjoni li ma ġiet ipprovduta l-ebda evidenza li l-effett ta' fatturi oħrajn, ikkunsidrati individwalment jew kollettivament, ma kienx tali li jkisser ir-rabta kawżali bejn l-importazzjonijiet li huma l-oġġett ta' dumping mill-Arġentina u mill-Indoneżja u d-dannu mġarrab mill-Industrija tal-Unjoni.

(82)

Madankollu, fid-dawl tal-fatti u l-analiżi riveduta stabbiliti fil-premessi (71) sa (80) wara l-limitazzjoni tal-analiżi għall-importazzjonijiet mill-Arġentina biss, din il-konklużjoni wkoll kellha tiġi riveduta.

(83)

Matul il-perjodu ta' investigazzjoni kważi nofs l-importazzjonijiet kollha fl-Unjoni ġew mill-Indoneżja bi prezz iktar baxx mill-prezzijiet tal-Unjoni kif ukoll minn dawk tal-Arġentina. B'mod iktar importanti, iż-żieda esponenzjali fuq il-volumi ta' importazzjonijiet mill-Indoneżja kif ukoll is-sehem tas-suq tagħhom ikkontribwew b'mod sinifikanti għad-dannu materjali mġarrab mill-industrija tal-Unjoni.

(84)

L-impatt tal-esportazzjonijiet Indoneżjani żied mal-fatturi l-oħrajn identifikati fir-Regolament provviżorju, fost oħrajn il-kapaċità żejda tal-industrija tal-Unjoni u d-dannu li sar minnha stess (premessi 132-140 tar-Regolament provviżorju).

(85)

Fuq din il-bażi, il-Kummissjoni kkonkludiet li l-effett tal-importazzjonijiet tal-bijodiżil mill-Indoneżja lejn l-Unjoni u l-fatturi l-oħrajn identifikati fil-premessa ta' qabel kellhom sehem fil-ħsara li sofriet l-industrija tal-Unjoni b'tali mod li ma jistax jiġi stabbilit iktar li hemm relazzjoni kawżali ġenwina u sostanzjali bejn l-importazzjonijiet li huma l-oġġett ta' dumping mill-Arġentina u d-dannu materjali mġarrab mill-industrija tal-Unjoni.

(86)

Wara d-divulgazzjoni, l-EBB sostna li n-natura ta' ħsara kkawżata minn fatturi oħra, inklużi l-importazzjonijiet Indoneżjani, ma jnaqqasx ir-rabta kawżali bejn id-dannu materjali mġarrab mill-industrija tal-Unjoni u l-importazzjonijiet mill-Arġentina. Huwa sostna wkoll li l-Kummissjoni applikat kriterju żbaljat fl-analiżi tagħha, allegatament ibbażata fuq is-suppożizzjoni li l-importazzjonijiet oġġett ta' dumping mill-Arġentina kellu jkunu kawża prinċipali, jew l-uniku kawża, ta' dannu materjali u mhux biss waħda mill-kawżi ta' ħsara. Skont l-EBB, ikun suffiċjenti biex jintwera li l-importazzjonijiet mill-Arġentina kellhom impatt negattiv fuq l-industrija tal-Unjoni mingħajr ma dawn ikunu l-unika jew l-aktar fattur importanti li kkawża d-dannu mġarrab. Peress li l-volum ta' importazzjonijiet mill-Arġentina fil-perjodu kkunsidrat (2009 — nofs l-2012) kien ogħla minn importazzjonijiet mill-Indoneżja, u minħabba li t-twaqqigħ Arġentin ta' 8 % inqas mill-prezzijiet tal-industrija tal-Unjoni kien ogħla mit-twaqqigħ Indoneżjan ta' 4 %, l-importazzjonijiet mill-Arġentina kellhom, fil-fehma tal-EBB, b'mod ċar impatt negattiv fuq is-sitwazzjoni tal-industrija tal-Unjoni, li huwa biżżejjed biex tiġi stabbilita rabta kawżali bejn l-importazzjonijiet oġġett ta' dumping mill-Arġentina u d-dannu materjali mġarrab mill-industrija tal-Unjoni.

(87)

F'dan ir-rigward, il-Kummissjoni tenfasizza l-ewwel nett li hija diġà spjegat l-istandard legali applikat fil-premessa (81). F'din il-premessa ma jissemma l-ebda kunċett ta' kawża “prinċipali” jew inkella “ewlenija” għall-analiżi tal-kawżalità. L-istandard legali huwa bbażat fuq l-Artikolu 3(6) u 3(7) tar-Regolament bażiku, li jgħid li għandu jintwera li l-importazzjonijiet oġġett ta' dumping qegħdin jikkawżaw ħsara, filwaqt li fatturi magħrufin oħrajn għandhom ukoll jiġu eżaminati sabiex jiżguraw li l-ħsara kkawżata minn dawn il-fatturi l-oħra ma tiġix attribwita għall-importazzjonijiet li huma l-oġġett ta' dumping. It-tieni, dak li qed jgħid l-EBB jiġifieri li l-kriterju rilevanti huwa jekk “l-importazzjonijiet iddampjati kellhomx impatt negattiv fuq l-industrija tal-Unjoni” ma għandux bażi fil-qafas legali. Tabilħaqq, t-test legali rilevanti huwa li jiġi stabbilit jekk kienx hemm “relazzjoni” ġenwina u sostanzjali bejn importazzjonijiet li kienu l-oġġett ta' dumping mill-Arġentina u d-dannu materjali mġarrab mill-industrija tal-Unjoni.

(88)

Il-Kummissjoni hija tal-fehma li l-fatti fil-fajl ma jippermettux li tintlaħaq tali konklużjoni. Fil-fatt, fl-2009, meta l-industrija tal-Unjoni diġà kienet iffaċċjat importazzjonijiet sinifikanti mill-Arġentina iżda biss kwantitajiet baxxi mill-Indoneżja, il-profittabbiltà tagħha kienet ta' 3,5 %. Meta l-importazzjonijiet Indoneżjani żdiedu sostanzjalment, il-profittabilità saret negattiva u kien ta' – 2,5 % fil-perjodu tal-investigazzjoni oriġinali. F'dan ir-rigward, huwa importanti li jiġi nnotat li l-importazzjonijiet mill-Indoneżja matul dak il-perjodu żdiedu b'mod sinifikanti b'rata aktar għolja mill-importazzjonijiet Arġentini (ara t-Tabella 3 hawn fuq). Għalhekk, il-Kummissjoni hija tal-fehma li d-dipendenza sħiħa tal-EBB fuq paragun bejn il-marġnijiet tat-twaqqigħ tal-prezzijiet tal-importazzjonijiet mill-Indoneżja (kif aġġustat għad-differenzi fil-kwalità) u mill-Arġentina tonqos milli kompletament u adegwatament tirrifletti l-impatt li kellhom l-esportazzjonijiet ta' kull pajjiż li jesporta, fuq is-sitwazzjoni tal-industrija tal-Unjoni, b'mod partikolari fir-rigward tal-profitabbiltà.

(89)

Il-Kummissjoni tikkonkludi li mhux possibbli li tiġi stabbilita relazzjoni kawżali ġenwina u sostanzjali bejn importazzjonijiet li kienu l-oġġett ta' dumping mill-Arġentina u d-dannu materjali mġarrab mill-industrija tal-Unjoni minħabba l-importanza ta' fatturi magħrufa oħra li jikkontribwixxu għal dan id-dannu.

(90)

Kumpanija waħda, COFCO Argentina S.A., ippreżentat lilha nnifisha wara l-pubblikazzjoni tar-Regolament ta' Implimentazzjoni (UE) 2017/1578 fejn sostniet li hija ssodisfat it-tliet kriterji kollha għal produtturi esportaturi ġodda stabbiliti fl-Artikolu 3 tar-Regolament definittiv u pprovdiet evidenza ta' sostenn. Il-Kummissjoni analizzat it-talba u l-evidenza. Madankollu, fid-dawl tar-riżultati tal-investigazzjoni li nfetħet mill-ġdid, it-talba saret irrilevanti.

(91)

L-investigazzjoni jenħtieġ li tintemm (i) minħabba li l-marġnijiet ta' dumping mill-Indoneżja huma de minimis u (ii) minħabba l-fatt li ma jistax jiġi stabbilit li hemm relazzjoni kawżali ġenwina u sostanzjali bejn l-importazzjonijiet li huma l-oġġett ta' dumping mill-Arġentina u d-dannu materjali mġarrab mill-industrija tal-Unjoni kif meħtieġ skont l-Artikolu 3(7) tar-Regolament bażiku. Dan ifisser li l-miżuri eżistenti li għadhom fis-seħħ għal dawk il-produtturi esportaturi mill-Arġentina u l-Indoneżja li ma kkontestawx il-miżuri antidumping b'suċċess quddiem il-Qorti Ġenerali għandhom jiġu mħassra. Għal raġunijiet ta' ċarezza u ċertezza tad-dritt, ir-Regolament ta' Implimentazzjoni (UE) Nru 1194/2013 għalhekk jenħtieġ li jiġi mħassar.

(92)

Id-dazji antidumping definittivi mħallsa skont ir-Regolament ta' Implimentazzjoni (UE) Nru 1194/2013 rigward importazzjonijiet ta' bijodiżil mill-Arġentina u mill-Indoneżja u d-dazji provviżorji miġbura definittivament skont l-Artikolu 2 ta' dan ir-Regolament, jenħtieġ li jiġu rimborżati jew jitnaqqsu sal-punt li huma relatati ma' importazzjonijiet ta' bijodiżil mibjugħ għal esportazzjoni lejn l-Unjoni mill-kumpaniji li kkontestaw b'suċċess dan ir-Regolament fil-qorti, jiġifieri, il-produtturi esportaturi Arġentini Unitec Bio SA, Molinos Rio de la Plata SA, Oleaginosa Moreno Hermanos SACIFI y A, Vicentin SAIC, Aceitera General Deheza SA, Bunge Argentina SA, Cargill SACI, Louis Dreyfus Commodities S.A. (LDC Argentina SA), u l-produtturi esportaturi Indoneżjani PT Pelita Agung Agrindustri, PT Ciliandra Perkasa, PT Wilmar Bioenergi Indonesia, PT Wilmar Nabati Indonesia, PT Perindustrian dan Perdagangan Musim Semi Mas (PT Musim Mas). Ir-rimborż jew tnaqqis għandu jintalab mill-awtoritajiet doganali nazzjonali skont il-leġiżlazzjoni doganali applikabbli.

(93)

Wara d-divulgazzjoni, PT Cermerlang Energi Perkasa, sostniet li l-ħlas lura u r-remissjoni ta' dazji ta' antidumping għandha tkun disponibbli għall-kumpaniji kollha li kienu sofrew dawn id-dazji u mhux biss għal dawk il-kumpaniji li kkontestaw b'suċċess ir-Regolament definittiv quddiem il-Qorti. Hija ssostni wkoll li mhux biss ir-Regolament ta' Implimentazzjoni (UE) Nru 1194/2013 iżda wkoll ir-Regolament emendatorju 2017/1578 għandu jiġi revokat.

(94)

L-ewwel nett, il-Kummissjoni fakkret li r-Regolament 2017/1578 biss emenda r-Regolament ta' Implimentazzjoni (UE) Nru 1194/2013. Peress li r-regolament tal-aħħar huwa mħassar ir-Regolament emendatorju jsir null minn kwalunkwe effett legali. Għalhekk, m'hemmx għalfejn li tħassar ukoll b'mod espliċitu dak ir-regolament. Fit-tieni, l-annullament tal-Qorti Ġenerali tar-Regolament ta' Implimentazzjoni (UE) Nru 1194/2013 japplika biss għal dawk il-kumpaniji li kkontestaw dak ir-regolament quddiem il-Qorti Ġenerali. Għaldaqstant, id-dazji antidumping li ġew imposti fuq kumpaniji oħra ġew legalment miġbura skont il-liġi tal-Unjoni. Sa fejn ir-rapport tad-WTO Indoneżjan sab li l-miżuri antidumping fuq l-importazzjonijiet mill-Indoneżja għandhom jinġiebu f'konformità mal-obbligi tad-WTO tal-Unjoni, il-Kummissjoni ftiehmet mal-Indoneżja biex timplimenta dawk il-konstatazzjonijiet sa Ottubru 2018. F'konformità mal-prinċipji ġenerali ta' soluzzjoni tad-WTO, tali implimentazzjoni se jkollha effett biss mid-data tal-implimentazzjoni. Għalhekk, il-Kummissjoni ma laqgħetx it-talba li anki dawk id-dazji għandhom jitħallsu lura jew jiġu rimessi.

(95)

Fid-dawl tal-ġurisprudenza riċenti tal-Qorti tal-Ġustizzja (22), huwa xieraq ukoll li tiġi prevista rata tal-imgħax ta' inadempjenza li għandu jitħallas f'każ ta' rimborż ta' dazji definittivi, għax id-dispożizzjonijiet rilevanti fis-seħħ li jikkonċernaw id-dazji doganali ma jipprovdix għal din ir-rata tal-imgħax, u l-applikazzjoni tar-regoli nazzjonali twassal għal distorsjonijiet mhux dovuti bejn l-operaturi ekonomiċi skont liema Stat Membru jintgħażel għall-iżdoganar tal-merkanzija.

(96)

Il-partijiet kollha ġew infurmati dwar il-konstatazzjonijiet tal-Kummissjoni u ngħataw perjodu li fih setgħu jippreżentaw il-kummenti.

(97)

Il-Kumitat stabbilit bl-Artikolu 15(1) tar-Regolament bażiku ma tax opinjoni.

(1)

Ir-Regolament ta' Implimentazzjoni tal-Kummissjoni (UE) 2016/2080 (3) fetaħ il-bejgħ tat-trab tal-ħalib xkumat permezz ta' proċedura ta' sejħa għall-offerti.

(2)

Fid-dawl tal-offerti li waslulhom b'risposta għas-sitta u għoxrin stedina għall-offerti parzjali, għandu jiġi ffissat prezz minimu tal-bejgħ.

(3)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

(1)

Bid-Deċiżjoni tal-Kunsill 97/836/KE (1), l-Unjoni ssieħbet fil-Ftehim tal-Kummissjoni Ekonomika għall-Ewropa tan-Nazzjonijiet Uniti li jikkonċerna l-adozzjoni tal-preskrizzjonijiet tekniċi uniformi għal vetturi bir-roti, tagħmir u partijiet li jistgħu jkunu ffittjati u/jew ikunu użati ma' vetturi bir-roti u l-kundizzjonijiet għar-rikonoxximent reċiproku tal-approvazzjonijiet mogħtija fuq il-bażi ta' dawn il-preskrizzjonijiet (2) (il-“Ftehim Rivedut tal-1958”).

(2)

Ir-rekwiżiti armonizzati tar-Regolament Nru 9 tal-Kummissjoni Ekonomika għall-Ewropa tan-Nazzjonijiet Uniti (NU/KEE) dwar Dispożizzjonijiet uniformi li jikkonċernaw l-approvazzjoni ta' vetturi tal-kategoriji L2, L4 u L5 fir-rigward tal-emissjoni tal-ħoss, ir-Regolament Nru 63 tan-NU/KEE dwar Dispożizzjonijiet uniformi li jikkonċernaw l-approvazzjoni ta' vetturi tal-kategorija L1 fir-rigward tal-emissjoni tal-ħossu r-Regolament Nru 92 tan-NU/KEE dwar Dispożizzjonijiet uniformi li jikkonċernaw l-approvazzjoni ta' sistemi tas-silencers tal-egżozt mhux oriġinali għas-sostituzzjoni (NORESS) għal vetturi tal-kategoriji L1, L2, L3, L4 u L5 fir-rigward tal-emissjoni tal-ħoss (“Ir-Regolamenti tan-NU Nri 9, 63 u 92”) huma maħsuba biex ineħħu l-ostakli tekniċi għall-kummerċ fil-vetturi bil-mutur bejn il-Partijiet Kontraenti tal-Ftehim Revedut tal-1958 u sabiex jiżguraw li t-tali vetturi joffru livell għoli ta' sikurezza u protezzjoni. Il-vetturi tal-kategorija L jikkonsistu f'vetturi ħfief bħal roti motorizzati, mopeds b'żewġ jew tliet roti, muturi b'sidecar u mingħajru, triċikli u kwadriċikli.

(3)

Ir-Regolament (UE) Nru 168/2013 tal-Parlament Ewropew u tal-Kunsill (3) u r-Regolament ta' Delega tal-Kummissjoni (UE) Nru 134/2014 (4) jagħtu mandat għall-adozzjoni ta' livelli permissibbli tal-ħoss, rekwiżiti għas-sistemi tal-egżost ta' sostituzzjoni u proċeduri għall-ittestjar ta' vetturi bil-mutur b'żewġ jew tliet roti u kwadriċikli.

(4)

L-Annessi IV, V u VI għar-Regolament (UE) Nru 168/2013 u l-Anness IX għar-Regolament (UE) Nru 134/2014 fihom rekwiżiti għall-approvazzjoni tat-tip ta' vetturi tal-kategorija L fir-rigward tal-livell permissibbli tal-ħoss u s-sistema tal-egżost.

(5)

Fid-data tal-adeżjoni tagħha mal-Ftehim Rivedut tal-1958, l-Unjoni aderixxiet ma' numru ta' Regolamenti tan-NU elenkati fl-Anness II għad-Deċiżjoni 97/836/KE; ir-Regolamenti tan-NU Nri 9, 63 u 92 ma ġewx inklużi f'dik il-lista.

(6)

Kif previst fl-Artikolu 3(3) tad-Deċiżjoni 97/836/KE, u bis-saħħa tal-Artikolu 1(7) tal-Ftehim tal-1958 Rivedut, l-Unjoni tista' tiddeċiedi li tapplika wieħed, xi wħud jew kull wieħed mir-Regolamenti tan-NU li ma kinitx għadha aderixxiet għalih fiż-żmien tal-adeżjoni tagħha għall-Ftehim tal-1958 Rivedut.

(7)

B'segwitu għall-emendi reċenti tar-Regolamenti tan-NU Nri 9, 63 u 92 li allinjawhom mad-dispożizzjonijiet tekniċi rilevanti tar-Regolamenti (UE) Nru 168/2013 u (UE) Nru 134/2014, issa huwa xieraq li l-Unjoni tapplika r-Regolamenti tan-NU Nri 9, 63 u 92 sabiex tipprevedi rekwiżiti armonizzati komuni fuq livell internazzjonali. Jenħtieġ li dan jippermetti lill-kumpaniji tal-Unjoni li jsegwu sett wieħed ta' rekwiżiti rikonoxxuti madwar id-dinja, b'mod partikolari fil-Partijiet Kontraenti għall-Ftehim Rivedut tal-1958,

(1)

Il-Ftehim ġie ffirmat f'isem l-Unjoni fit-28 ta' Lulju 2016 skont id-Deċiżjoni tal-Kunsill (UE) 2016/1850 (2) u ilu jiġi applikat fuq bażi provviżorja mill-15 ta' Diċembru 2016.

(2)

It-Trattat dwar l-adeżjoni tar-Repubblika tal-Kroazja mal-Unjoni Ewropea (l-“Unjoni”) ġie ffirmat fid-9 ta' Diċembru 2011 u daħal fis-seħħ fl-1 ta' Lulju 2013.

(3)

Ir-Repubblika tal-Kroazja aderixxiet mal-Ftehim fit-8 ta' Novembru 2017 billi ddepożitat l-Att ta' Adeżjoni tagħha.

(4)

Skont l-Artikolu 77 tal-Ftehim, il-Kumitat tal-EPA (European Partnership Agreement) jista' jiddeċiedi dwar kull miżura emendatorja li tista' tkun meħtieġa wara l-adeżjoni ta' Stati Membri ġodda mal-Unjoni.

(5)

Jenħtieġ li tiġi stabbilita l-pożizzjoni li għandha tittieħed f'isem l-Unjoni fir-rigward tal-adozzjoni ta' Deċiżjoni tal-Kumitat tal-EPA, fil-laqgħa annwali tiegħu, fir-rigward tal-emendi għall-Ftehim li huma meħtieġa wara l-adeżjoni tar-Repubblika tal-Kroazja mal-Unjoni,

(1)

Fis-26 ta' Jannar 2015, fil-5 ta' Frar 2015 u fit-23 ta' Ġunju 2015, il-Kunsill adotta d-Deċiżjonijiet (UE) 2015/116 (1), (UE) 2015/190 (2) u (UE) 2015/994 (3) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta' Jannar 2015 sal-25 ta' Jannar 2020.

(2)

Konsegwentement għal tmiem il-mandat tas-Sur Luciano D'ALFONSO, sar vakanti s-siġġu ta' membru fil-Kumitat tar-Reġjuni,

(1)

Fit-8 ta' Lulju 2009, il-Konsorzju Loutraki SA – Club Hotel Loutraki SA (2) (“l-ilmentatur” jew “Casino Loutraki”) ressaq ilment quddiem il-Kummissjoni Ewropea (“il-Kummissjoni”) dwar leġiżlazzjoni Griega li tirrigwarda sistema ta' imposti fuq ammissjonijiet għall-każinojiet, fejn allega li din is-sistema tikkostitwixxi għajnuna mill-Istat għal ċerti operaturi tal-każinojiet. Bl-ittra elettronika tas-7 ta' Ottubru 2009, l-ilmentatur iddikjara li ma kienx qed joġġezzjona għall-iżvelar tal-identità tiegħu. Fl-14 ta' Ottubru 2009, is-servizzi tal-Kummissjoni ltaqgħu mar-rappreżentanti tal-ilmentatur. Permezz tal-ittra tas-26 ta' Ottubru 2009, l-ilmentatur ipprovda aktar elementi biex isostni l-ilment tiegħu.

(2)

Fil-21 ta' Ottubru 2009, il-Kummissjoni kkomunikat l-ilment lill-Greċja u stiednet lill-Greċja biex tiċċara l-kwistjonijiet li tqajmu fih. Fis-27 ta' Novembru 2009, il-Greċja wieġbet lill-Kummissjoni.

(3)

Fil-15 ta' Diċembru 2009, il-Kummissjoni bagħtet it-tweġiba tal-Greċja lill-ilmentatur. Fid-29 ta' Diċembru 2009, l-ilmentatur wieġeb bl-osservazzjonijiet dwar it-tweġiba tal-Greċja.

(4)

Fil-25 ta' Frar, fl-4 u fit-23 ta' Marzu u fit-13 ta' April 2010, il-Kummissjoni talbet aktar informazzjoni mill-Greċja, u l-Greċja wieġbet fl-10 ta' Marzu u fl-1 u fil-21 ta' April 2010.

(5)

Permezz tad-Deċiżjoni tas-6 ta' Lulju 2010 (“id-Deċiżjoni tal-Ftuħ”), il-Kummissjoni infurmat lill-Greċja li hija bdiet il-proċedura ta' investigazzjoni formali stabbilita fl-Artikolu 108(2) tat-Trattat dwar il-Funzjonament tal-Unjoni Ewropea (TFUE) fir-rigward tal-miżura implimentata mill-Greċja, speċifikament l-impożizzjoni ta' taxxa aktar baxxa fuq l-ammissjonijiet għal ċerti każinojiet (“il-miżura”). Id-Deċiżjoni tal-Ftuħ ġiet ippubblikata f'Il-Ġurnal Uffiċjali tal-Unjoni Ewropea (1), u stiednet lill-partijiet interessati biex jissottomettu l-kummenti tagħhom.

(6)

Fl-4 ta' Awwissu 2010, il-Kummissjoni rċeviet osservazzjonijiet dwar id-Deċiżjoni ta' Ftuħ minn żewġ benefiċjarji allegati tal-miżura: Casino Mont Parnès (3) u Casino Thessaloniki (4).

(7)

Permezz tal-ittra tas-6 ta' Ottubru 2010, il-Kummissjoni rċeviet il-kummenti tal-Greċja dwar id-Deċiżjoni tal-Ftuħ. Fit-12 ta' Ottubru 2010, l-awtoritajiet Griegi ssottomettew informazzjoni addizzjonali rigward il-miżura kkuntestata.

(8)

Permezz tal-ittri tat-8 u tal-25 ta' Ottubru 2010, l-ilmentatur issottometta l-kummenti tiegħu dwar id-Deċiżjoni ta' Ftuħ.

(9)

Permezz tal-ittra tad-29 ta' Ottubru 2010, il-Kummissjoni bagħtet l-osservazzjonijiet tal- Casino Mont Parnès u Casino Thessaloniki lill-awtoritajiet Griegi. Permezz tal-ittra tas-6 ta' Diċembru 2010, l-awtoritajiet Griegi ppreżentaw il-kummenti tagħhom dwar l-osservazzjonijiet tal-partijiet terzi.

(10)

Fl-24 ta' Mejju 2011, il-Kummissjoni adottat id-Deċiżjoni 2011/716/UE (5) (“id-Deċiżjoni Finali tal-2011”), li tikkonkludi li l-miżura kienet tikkostitwixxi għajnuna illegali inkompatibbli mill-Istat u li tordna l-irkupru tal-għajnuna.

(11)

Permezz ta' rikors ippreżentat fir-Reġistru tal-Qorti Ġenerali fit-3 ta' Awwissu 2011, ir-Repubblika Ellenika ressqet rikors għal annullament kontra d-Deċiżjoni Finali tal-2011 (il-Kawża T-425/11). Etaireia Abiniton Dimosiou AE (Każ T-419/11), Casino Thessaloniki (Kawża T-635/11), Casino Mont Parnès (Każ T-14/12) u Athens Resort Casino AE Symmetochon (Kawża T-36/12), azzjonista f'Casino Thessaloniki u f'Casino Mont Parnès, ukoll ressqu rikorsi għal annulament.

(12)

Permezz tas-sentenza tal-11 ta' Settembru 2014 fil-kawża T-425/11, il-Greċja vs il-Kummissjoni (6), (“is-sentenza tal-2014”), il-Qorti Ġenerali annullat id-Deċiżjoni Finali tal-2011, wara li kkonkludiet li l-Kummissjoni kienet naqset milli tipprova l-eżistenza ta' għajnuna mill-Istat skont it-tifsira tal-Artikolu 107(1)TFUE.

(13)

Fit-22 ta' Novembru 2014, il-Kummissjoni appellat is-sentenza tal-2014. Permezz tal-inġunzjoni tat-22 ta' Ottubru 2015 fil-kawża C-530/14 P, il-Kummissjoni vs il-Greċja (7), (“l-inġunzjoni tal-2015”), il-Qorti tal-Ġustizzja rrifjuata l-appell tal-Kummissjoni u kkonfermat is-sentenza tal-2014. B'riżultat ta' dan, il-Qorti Ġenerali ddikjarat ir-rikors għal annullament imressaq minn Etaireia Abmosiou AE, Casino Thessaloniki, Casino Mont Parnès u Athens Resort Casino AE Symmetochon kontra d-Deċiżjoni Finali tal-2011 mingħajr skop mingħajr il-bżonn li tingħata deċiżjoni dwaru.

(14)

Konsegwentement, il-Kummissjoni kellha teżamina mill-ġdid il-miżura u tadotta deċiżjoni finali ġdida dwarha.

(15)

Fl-14 ta' April 2017, Casino Loutraki ressaq ilment ġdid li jitlob lill-Kummissjoni biex tadotta deċiżjoni finali ġdida li tistabbilixxi li l-miżura tikser l-Artikolu 108(3) TFUE u hija inkompatibbli mas-suq intern, u li tordna l-irkupru tal-għajnuna.

(16)

Fis-17 ta' Novembru 2017, il-Kummissjoni kkomunikat l-ilment il-ġdid lill-Greċja u stiednet lill-Greċja biex tikkummenta. Bi tweġiba għal talba mill-Greċja għal traduzzjonijiet bil-Grieg, il-Kummissjoni bgħatet id-dokumenti mill-ġdid fil-lingwa Griega fl-20 ta' Diċembru 2017. Fis-26 ta' Jannar 2018, il-Greċja wieġbet lill-Kummissjoni.

(17)

Il-miżura li qed tiġi vvalutata hija s-sistema ta' imposti fuq l-ammissjonijiet għall-każinojiet fil-Greċja li kienu jeżistu sa Novembru 2012. Skont din is-sistema, ġiet imposta taxxa differenzjata fuq l-ammissjonijiet għall-każinojiet fil-Greċja bbażata fuq jekk każinò kienx pubbliku jew privat.

(18)

Mill-1995 'l hawn, il-każinojiet kollha fil-Greċja huma obbligati jiġbru tariffi tad-dħul ta' EUR 15 mingħand kull konsumatur. Huma mbagħad obbligati li jħallsu 80 % ta' dak l-ammont (EUR 12) lill-Istat Grieg bħala taxxa fuq l-ammissjonijiet. Huma intitolati li jżommu l-bqija tal-20 % tat-tariffa (EUR 3), li hija meqjusa li tikkostitwixxi rimunerazzjoni għall-ħruġ tal-biljett u l-kopertura tal-ispejjeż tagħhom.

(19)

Fil-prattika, kienet ġiet applikata eċċezzjoni fir-rigward tal-livell tat-tariffi tad-dħul mitluba mill-każinojiet, għall-każinojiet li kienu proprjetà tal-Istat (“każinojiet pubbliċi”) u għal Casino Thessaloniki li huwa ta' proprjetà privata. Dawk il-każinojiet huma meħtieġa jiġbru EUR 6 minn kull konsumatur ammess. Huma mbagħad obbligati li jħallsu 80 % ta' dak l-ammont (EUR 4,80) lill-Istat Grieg bħala taxxa fuq l-ammissjonijiet. Huma intitolati li jżommu l-bqija tal-20 % tat-tariffa (EUR 1,20), li hija meqjusa li tikkostitwixxi rimunerazzjoni għall-ħruġ tal-biljett u l-kopertura tal-ispejjeż tagħhom.

(20)

B'riżultat tal-miżura, il-każinojiet privati jittrasferixxu lill-Istat ammont ta' EUR 12 għal kull konsumatur, filwaqt li l-każinojiet pubbliċi u Casino Thessaloniki jittrasferixxu lill-Istat EUR 4,80 għal kull konsumatur ammess. Il-liġi tippermetti wkoll lill-każinojiet li jammettu konsumaturi mingħajr ħlas f'ċerti ċirkostanzi, f'liema każ xorta jkunu obbligati li jħallsu lill-Istat taxxa mad-dħul ta' EUR 12 jew EUR 4,80 għal kull konsumatur ammess, għalkemm huma ma jkunux ġabru t-tariffa ta' dħul.

(21)

Qabel il-ftuħ tas-suq tal-każinojiet Grieg fl-1994, kienu biss tliet każinojiet li joperaw fil-Greċja, li humaCasino Mont Parnès, Casino Corfù, u Casino Rhodes. F'dak iż-żmien, dawk il-każinojiet kienu impriżi pubbliċi u kienu joperaw bħala klabbs tas-servizzi li huma proprjetà tal-Istat tal-Organizzazzjoni tat-Turiżmu Nazzjonali Griega (“EOT”) (8). Il-prezz tal-biljetti tad-dħul mitluba mill-każinojiet kien ġie stabbilit permezz ta' deċiżjoni tas-Segretarju Ġenerali tal-EOT (9) għal 1 500 (madwar EUR 4,50) jew 2 000 drakma (madwar EUR 6). Wara l-adozzjoni tal-euro fil-Greċja fl-2002, EUR 6 saru t-tariffa rregolata għall-ammissjoni għall-każinojiet pubbliċi.

(22)

Is-suq tal-każinojiet Grieg infetaħ fl-1994, minħabba l-adozzjoni tal-Liġi 2206/1994 (10), fejn sitt każinojiet privati ġodda ngħaqdu mat-tliet każinojiet li huma proprjetà tal-Istat. L-Artikolu 2(10) tal-Liġi 2206/1994 jistipula li l-prezz ta' dħul għall-każinojiet f'ċerti oqsma jiġi stabbilit permezz ta' Deċiżjoni Ministerjali, li tiddetermina wkoll il-persentaġġ tal-prezz li jirrappreżenta d-dħul tal-Istat Grieg. Bid-Deċiżjoni Ministerjali (11) tas-16 ta' Novembru 1995 (“id-Deċiżjoni Ministerjali tal-1995”), il-Ministru tal-Finanzi stabbilixxa li, mill-15 ta' Diċembru 1995 'il quddiem, l-operaturi kollha tal-każinojiet skont il-Liġi 2206/1994 (12) għandhom jitolbu tariffa tad-dħul ta' 5 000 drakma (13) (madwar EUR 15). Skont id-Deċiżjoni Ministerjali tal-1995, l-intrapriżi tal-każinojiet kienu suġġetti għal obbligu legali li jżommu 20 % tal-prezz, inkluża l-VAT adegwata, bħala kumpens għall-ħruġ tal-biljett u biex ikopru l-ispejjeż tagħhom, filwaqt li l-ammont li jifdal jitqies bħala ħlas pubbliku (14). Id-Deċiżjoni Ministerjali tal-1995 pprovdiet li l-każinojiet jistgħu jagħtu dħul bla ħlas f'każijiet speċifiċi (15). Anki f'dawk il-każijiet, 80 % tat-tariffa tad-dħul irregolata kellha tingħadda mill-każinojiet lill-Istat, minkejja l-fatt li f'dawn il-każijiet ma rċevietx tariffa tad-dħul (16). Skont id-Deċiżjoni Ministerjali tal-1995, il-pagamenti ta' tariffi pubbliċi twettqu minn kull każinò fuq bażi mensili (17). Id-Deċiżjoni Ministerjali pprovdiet ukoll skontijiet speċifikati għal biljetti validi għal 15 jew 30 jum (18). Mal-adozzjoni tal-Euro mill-Greċja fl-2002, il-prezz irregolat standard għad-dħul fil-każinojiet kien ta' EUR 15.

(23)

Għalkemm l-operazzjoni tal-każinojiet fil-Greċja hija rregolata, b'mod ġenerali, bil-Liġi 2206/1994 u bid-Deċiżjoni Ministerjali tal-1995, il-każinojiet li huma proprjetà pubblika ta' Mont Parnès, Korfù u Rodi kienu eżentati mill-applikazzjoni ta' din il-liġi u mid-deċiżjoni qabel ma ngħatatilhom liċenzja mill-Kumitat tal-Każinò. B'mod aktar speċifiku, il-Liġi 2160/1993 pprovdiet li dawk il-każinojiet jibqgħu joperaw bħala klabbs tas-servizzi tal-EOT, ibbażati fuq id-dispożizzjonijiet rilevanti tal-EOT - jiġifieri, il-Liġi 1624/1951 (19), id-Digriet 4109/1960 (20) u l-Liġi 2160/1993 (21). B'riżultat ta' dan, Casino Mont Parnès, Casino Corfu u Casino Rodi, komplew japplikaw tariffa tad-dħul ta' EUR 6.

(24)

B'kuntrast ma' dan, il-każinojiet privati ġodda kollha maħluqa mill-adozzjoni tal-Liġi 2206/1994 implimentaw id-Deċiżjoni Ministerjali tal-1995 u applikaw il-prezz ta' EUR 15 għall-biljetti ta' ammissjoni, bl-eċċezzjoni ta' Casino Thessaloniki. Minkejja li kienu inkorporati u liċenzjati fl-1995 skont il-Liġi 2206/1994, Casino Thessaloniki applika t-tariffa mnaqqsa ta' dħul ta' EUR 6 applikata mill-każinojiet li huma proprjetà tal-Istat sa Novembru 2012 billi qgħad fuq il-Liġi 2687/1953 (22), li pprovdiet li intrapriżi kostitwiti b' investiment barrani jgawdu minn trattament li huwa tal-anqas favorevoli daqs dak applikabbli għal intrapriżi simili oħra fil-pajjiż (23). Ir-rekwiżit li 80 % tal-valur nominali tal-biljetti ta' ammissjoni jingħata lill-Istat kien applikabbli għal Casino Thessaloniki minħabba l-ħruġ tal-liċenzja tiegħu fl-1995 (24).

(25)

Skont il-Greċja, id-dispożizzjonijiet speċjali applikabbli għall-każinojiet pubbliċi li kienu jeżistu qabel il-Liġi 2206/1994 għandhom jitqiesu eċċezzjonijiet għall-applikazzjoni tad-dispożizzjonijiet ġenerali ta' dik il-Liġi 2206/1994 u tad-Deċiżjoni Ministerjali tal-1995. Konsegwentement, id-Deċiżjoni Ministerjali tal-1995 ma kinitx meqjusa li tapplika għall-każinojiet pubbliċi sad-data li fiha ngħataw liċenzja skont il-Liġi 2206/1994, jew f'dak li jirrigwarda t-tariffa ta' dħul standard ta' EUR 15 jew f'dak li għandu x'jaqsam mar-rekwiżit ta' ħlas ta' 80 % ta' dik it-tariffa lill-Istat. Madankollu, minħabba li fil-każ tal-każinojiet pubbliċi t-tariffa tad-dħul baqgħet eċċezzjonalment fil-livell ta' EUR 6 fuq il-bażi tad-deċiżjonijiet tal-EOT li diġà kienu applikabbli, li tqiesu bħala dispożizzjonijiet derogatorji speċjali (lex specialis preeżistenti) li mhumiex affettwati mid-dispożizzjonijiet ġenerali tal-Liġi 2206/1994 u mid-Deċiżjoni Ministerjali tal-1995, il-każinojiet pubbliċi ħallsu biss 80 % ta' EUR 6. Id-deċiżjonijiet tal-EOT kienu meqjusa bħala mhux applikabbli biss meta l-każinojiet, wara l-privatizzazzjoni tagħhom, ma kinux għadhom kollha kemm huma proprjetà tal-Istat. Kien biss wara l-privatizzazzjoni tagħhom li dawk il-każinojiet bdew jiċċarġjaw il-prezz standard tal-biljett ta' Dħul ta' EUR 15 u kienu obbligati li jħallsu 80 % ta' EUR 15 bħala imposta lill-Istat.

(26)

Eċċezzjoni oħra għall-applikazzjoni tad-dispożizzjonijiet ġenerali tal-Liġi 2206/1994 u għad-Deċiżjoni Ministerjali tal-1995 kienet tapplika favur Casino Mont Parnès, wara l-privatizzazzjoni parzjali tiegħu, ibbażata fuq il-Liġi 3139/2003 li stipulat b'mod espliċitu li l-prezz tal-biljett ta' dħul għal Casino Mont Parnès jibqa' ta' EUR 6.

(27)

Fl-2000, l-EOT kien sostitwit fl-operat ta' Casino Mont Parnès u ta' Casino Corfu minn Ellinika Touristika Akinita AE (“ETA”), li huwa kompletament proprjetà tal-Istat Grieg. Minn tmiem is-sena 2000 u sal-liċenzjar ta' dawk il-każinojiet skont il-Liġi 2206/1994 fl-2003, l-ETA bdiet (25), b'mod volontarju fil-bidu u aktar tard skont l-Artikolu 24 tal-Liġi 2919/2001, tadatta gradwalment għall-obbligi stabbiliti għall-każinojiet fil-Liġi 2206/1994, sabiex tħejji kemm lil dawk li qabel kienu klabbs tal-każinojiet li qabel kienu proprjetà tal-Istat, isiru każinojiet liċenzjati kompletament u jiġu privatizzati. Matul dan il-perjodu ta' tranżizzjoni, l-ETA bagħtet lill-Istat 80 % tal-prezz ta' EUR 6 mill-biljetti ta' dħul miġbura minn Casino Mont Parnès u minn Casino Corfu. Skont l-informazzjoni pprovduta lill-Kummissjoni, l-ebda deċiżjoni ministerjali ġdida ma nħarġet u Casino Corfu kompla jimponi ħlas għad-dħul ta' EUR 6 sakemm ġie pprivatizzat f'Awwissu 2010 (26), meta beda japplika tariffa ta' dħul ta' EUR 15.

(28)

Fil-każ ta' Casino Rhodes, il-liċenzja skont il-Liġi 2206/1994 inħarġet fl-1996 (27). Madankollu, il-każinò kompla japplika l-prezz ta' dħul imnaqqas sal-1999 u qaleb għal EUR 15 biss wara l-privatizzazzjoni tiegħu li saret f'April 1999.

(29)

F'Novembru 2012, il-Greċja introduċiet leġiżlazzjoni ġdida (28) li tistabbilixxi tariffa ta' dħul ugwali għall-każinojiet kollha, pubbliċi jew privati, li tammonta għal EUR 6, soġġetta għall-obbligu tal-każinojiet kollha li jżommu 20 % (EUR 1,20) tal-prezz ta' dħul bħala tariffi għall-ħruġ tal-biljett u li jkopru l-ispejjeż u jgħaddu lill-Istat kull xahar, il-bqija 80 % (EUR 4,80) jikkostitwixxu tariffi pubbliċi. Il-Greċja kkonfermat li bħalissa din il-leġiżlazzjoni għadha fis-seħħ.

(30)

Il-Kummissjoni bdiet il-proċedura ta' investigazzjoni formali stabbilita fl-Artikolu 108(2) TFUE li tesprimi dubji dwar it-trattament fiskali diskriminatorju favur diversi każinojiet identifikati speċifikament fil-Greċja, li jibbenefikaw minn tassazzjoni aktar vantaġġuża minn dik li għaliha huma soġġetti l-bqija tal-każinojiet.

(31)

Il-Kummissjoni kkunsidrat li l-miżura kkontestata ma kinitx konformi mar-regoli legali ġenerali li jistabbilixxu l-livell normali ta' imposti fuq dħul fil-każinojiet, u b'hekk tejbet il-pożizzjoni kompetittiva tal-benefiċjarji.

(32)

Il-miżura kkontestata dehret li kienet tikkostitwixxi telf ta' dħul pubbliku lill-Istat Grieg, u tat vantaġġ lill-każinojiet bi prezz orħos. Bi tweġiba għall-argument tal-awtoritajiet Griegi li l-benefiċjarju dirett ta' prezz orħos ta' dħul huwa l-klijent, il-Kummissjoni osservat li s-sussidji għall-konsumaturi jistgħu jikkostitwixxu għajnuna mill-Istat lill-intrapriżi meta s-sussidju jkun kondizzjonali fuq l-użu ta' oġġett jew servizz partikolari minn impriża partikolari (29).

(33)

Il-Kummissjoni osservat ukoll li l-livell ta' tassazzjoni ma kienx jidher li ġie stabbilit skont iċ-ċirkostanzi ta' kull każinò individwali (30), u hija kkonkludiet provviżorjament li l-miżura kienet selettiva (31).

(34)

Il-Kummissjoni sabet li l-miżura kkuntestata kienet twassal għal distorsjoni tal-kompetizzjoni bejn il-każinojiet fil-Greċja, kif ukoll fis-suq tal-akkwiżizzjoni tan-negozju Ewropew. Il-Kummissjoni nnotat li hija tirrispetta bis-sħiħ id-dritt tal-Istati Membri li jirregolaw il-logħob tal-azzard fit-territorju tagħhom soġġetti għal-liġi tal-Unjoni, iżda ma setgħetx taċċetta li dawn l-argumenti jċaħħdu l-miżura inkwistjoni minn kwalunkwe effett ta' distorsjoni tal-kompetizzjoni jew fuq il-kummerċ bejn l-Istati Membri. L-operaturi fis-settur kienu ta' spiss gruppi ta' lukandi internazzjonali, li d-deċiżjoni tagħhom li jinvestu tista' tiġi affettwata mill-miżura, u l-każinojiet jistgħu jaġixxu bħala attrazzjoni għat-turisti biex iżuru l-Greċja. Il-Kummissjoni għalhekk ikkonkludiet li l-miżura setgħet tfixkel il-kompetizzjoni u taffettwa l-kummerċ bejn l-Istati Membri (32).

(35)

Il-Kummissjoni waslet għall-konklużjoni preliminari li l-miżura kienet tikkostitwixxi għajnuna illegali, peress li kienet ġiet implimentata mill-awtoritajiet Griegi mingħajr l-approvazzjoni minn qabel tal-Kummissjoni, u li għalhekk kienet soġġetta għall-applikazzjoni tal-Artikolu 15 tar-Regolament Proċedurali li kienet applikabbli dakinhar (ir-Regolament tal-Kunsill (KE) Nru 659/1999 (33)) fir-rigward tal-irkupru (34).

(36)

Il-Kummissjoni ma identifikatx raġunijiet biex tikkunsidra l-miżura kkuntestata kompatibbli mas-suq intern minħabba li kienet meqjusa li tirrappreżenta għajnuna operatorja mhux dovuta lill-każinojiet benefiċjarji (35).

(37)

Il-Kummissjoni fl-aħħar osservat li jekk id-dubji tagħha li l-miżura tinkludi għajnuna mill-Istat inkompatibbli kienu kkonfermati, allura skont l-Artikolu 14(1) tar-Regolament Proċedurali hija tkun obbligata tordna l-irkupru tagħha mill-Greċja mingħand il-benefiċjarji, sakemm dan ma jmurx kontra prinċipju ġenerali tal-liġi (36).

(38)

Matul il-proċedura ta' investigazzjoni formali, il-Kummissjoni rċeviet kummenti mill-Greċja, minn Casino Mont Parnès, minn Casino Thessaloniki u minn Casino Loutraki.

(39)

Peress li l-kummenti ppreżentati mir-rappreżentant tal-każinojiet benefiċjarji ta' Mont Parnès u Tessaloniki huma essenzjalment l-istess bħall-kummenti mressqa mill-awtoritajiet Griegi, is-sommarju tagħhom huwa ppreżentat flimkien f'din it-Taqsima.

(40)

Kemm il-Greċja kif ukoll il-każinojiet Mont Parnès u Tessaloniki jikkontestaw l-eżistenza ta' għajnuna mill-Istat, għar-raġuni li l-Istat ma jitlef ebda dħul jew li, anki jekk jagħmel dan, il-każinojiet ma jiksbu l-ebda vantaġġ.

(41)

L-awtoritajiet Griegi jargumentaw li d-differenzazzjoni fil-prezz hija biss kwistjoni ta' regolamentazzjoni tal-prezzijiet biss, peress li t-taxxa miġbura hija fi proporzjon uniformi mal-prezz rispettiv tal-biljetti ta' dħul maħruġa.

(42)

Skont l-awtoritajiet Griegi, l-objettiv segwit fl-iffissar ta' prezz ta' dħul u fil-ħtieġa li jsir ħlas lill-Istat mhuwiex biex jiġbor dħul għall-Istat iżda biex jiskoraġġixxi lil persuni b'introjtu baxx mil-logħob tal-azzard. Il-fatt li l-prassi tal-biljetti ta' ammissjoni tipproduċi wkoll dħul pubbliku ma jibdilx in-natura tagħha bħala miżura ta' kontroll. Għalhekk, l-impożizzjoni ta' prezz tal-biljetti ta' ammissjoni għal klijenti tal-każinojiet li jidħlu fiż-żona tal-logħob tal-każinojiet hija meqjusa mill-awtoritajiet Griegi li tikkostitwixxi miżura ta' kontroll amministrattiv oneruża, li madankollu ma għandhiex natura ta' taxxa u ma tistax titqies bħala piż fiskali skont is-Sentenza Nru 4027/1998 tal-Kunsill tal-Istat (il-qorti amministrattiva suprema tal-Greċja).

(43)

Fir-rigward tad-differenzi bejn il-prezzijiet tal-każinojiet differenti, il-Greċja ssostni li ċ-ċirkustanzi ekonomiċi u soċjali tal-każinojiet varji huma differenti u mhumiex paragunabbli. L-awtoritajiet Griegi jsostnu li d-distinzjoni bejn it-tariffi hija ġustifikata minħabba raġunijiet ta' politika pubblika, inkluża dik li l-“kundizzjonijiet li japplikaw għal kull każinò, jiġġustifikaw u huma f'konformità sħiħa mal-prattika tal-istabbiliment ta' prezz tal-biljett differenti għall-każinojiet li jinsabu qrib ċentri urbani kbar […] u għall-każinojiet fil-kampanja […], li prinċipalment jgħixu f'popolazzjonijiet rurali li - fil-maġġoranza tagħhom - għandhom dħul u livelli ta' edukazzjoni aktar baxxi u aktar jeħtieġu li jiġu skoraġġiti milli jilagħbu logħob tal-azzard mill-abitanti taż-żoni urbani”.

(44)

Dwar l-osservazzjoni tal-ilmentatur (Casino Loutraki) li l-prezz ta' dħul għall-każinò ta' Korfù nbidel minn EUR 6 għal EUR 15 meta ġie pprivatizzat fl-2010, l-awtoritajiet Griegi wieġbu li l-lokazzjoni ġeografika remota tal-gżira ta' Korfù ma kinitx kompetittiva meta mqabbla mal-każinojiet Griegi l-oħra kollha (għalhekk ma toħloqx distorsjoni fil-kompetizzjoni). L-awtoritajiet Griegi jsostnu wkoll li huwa imperattiv li l-prezz ta' dħul isir dissważiv sabiex jiġu protetti l-abitanti ta' Korfù, peress li l-bidla fil-kundizzjonijiet operatorji tal-każinò wara l-privatizzazzjoni inevitabbilment se twassal għal żieda drammatika fil-ħinijiet ta' ħidma tiegħu, il-livell ġenerali ta' attività tiegħu u l-attraenza tiegħu.

(45)

L-awtoritajiet Griegi u l-każinojiet ta' Mont Parnès u ta' Tessaloniki jargumentaw li, anke jekk kien hemm vantaġġ għal każinojiet bi prezz orħos (għax jattiraw aktar klijenti), imbagħad bl-istess mod ma kien hemm l-ebda telf ta' riżorsi tal-Istat. Barra minn hekk, ma hemmx ċertezza li bi prezz ogħla għall-biljett ta' dħul dawn il-benefiċjarji allegati kienu jiġġeneraw aktar dħul għall-Istat, u għalhekk it-telf allegat tad-dħul huwa ipotetiku. L-awtoritajiet Griegi u l-każinojiet ta' Mont Parnès u ta' Tessaloniki jfakkru wkoll li huwa l-klijent jibbenefika mill-prezz orħos ta' biljetti ta' ammissjoni, u li l-proporzjon tal-prezz miżmum mill-każinò huwa ammont ogħla fil-każinojiet bi dħul ta' EUR 15, li għalhekk huwa ta' benefiċċju għalihom.

(46)

L-awtoritajiet Griegi u l-każinojiet ta' Mont Parnès u ta' Tessaloniki wkoll isostnu li ma hemm l-ebda effett fuq il-kompetizzjoni u l-kummerċ fuq il-bażi li kull każinò jservi suq lokali. Huma jikkontestaw il-possibbiltà ta' kompetizzjoni ma' forom oħra ta' logħob tal-azzard imsemmija fid-Deċiżjoni ta' Ftuħ, u jinnotaw li l-logħob tal-azzard fuq l-Internet bħalissa huwa illegali fil-Greċja.

(47)

L-awtoritajiet Griegi u l-każinojiet ta' Mont Parnès u ta' Tessaloniki jargumentaw li anke jekk wieħed iqis li l-prezz imnaqqas tad-dħul ta' EUR 6 seta' influwenza jew jista' jinfluwenza d-deċiżjoni ta' kumpanija barranija li tinvesti f'każinò fil-Greċja, il-kumpanija barranija dejjem setgħet tuża l-Liġi 2687/1953, kif għamlet il-kumpanija Hyatt Regency Hotels and Tourism (Thessaloniki) S.A. fil-każ tal-każinò ta' Tessaloniki.

(48)

Fir-rigward tal-allegazzjonijiet tal-ilmentatur li l-benefiċjarji jistgħu jagħtu d-dħul b'xejn, filwaqt li l-kontribuzzjoni ta' 80 % xorta trid titħallas u li għalhekk turi b'mod ċar ħafna l-karattru tal-għajnuna tal-miżura, l-awtoritajiet Griegi jsostnu li l-prattika hija “eċċezzjonali”, peress li l-każinojiet allegatament jagħmlu użu minn din l-eċċezzjoni biex joffru dħul mingħajr ħlas (bħala korteżija) prinċipalment għal VIPs jew klijenti famużi u peress li din il-prattika tmur kontra l-liġi tat-taxxa (il-Liġi 2238/1994), billi n-nefqa mill-ħlas ta' 80 % tal-prezz tal-biljett lill-Istat mir-riżorsi proprji mhijiex rikonoxxuta bħala nefqa produttiva u ma tistax tiġi mnaqqsa mid-dħul tal-kumpanija (li jesponi lill-kumpanija li tapplika din il-prattika għal piżijiet fiskali sostanzjali).

(49)

L-awtoritajiet Griegi u l-każinojiet ta' Mont Parnès u ta' Tessaloniki jiġbdu l-attenzjoni tal-Kummissjoni għal differenzi oħra bejn il-każinojiet f'termini ta' diversi miżuri fiskali/regolatorji. Għalhekk, dawn id-differenzi li allegatament jiffavorixxu lil Casino Loutraki (“l-ilmentatur”) jikkontrobilanċaw il-vantaġġi li jgawdu l-benefiċjarji minħabba l-prezz orħos ta' dħul. Il-miżura ewlenija invokata hija li kull każinò jħallas proporzjon tal-qligħ gross annwali lill-Istat iżda skont il-liġi l-proporzjon huwa inqas għal Casino Loutraki milli għal oħrajn. Madankollu, fuq dan il-punt, il-Kummissjoni tinnota l-ewwel nett li dawn il-miżuri l-oħra invokati mill-awtoritajiet Griegi u mill-każinojiet ta' Mont Parnès u ta' Tessaloniki, fil-każ tal-eżistenza tagħhom, jistgħu jikkostitwixxu miżura ta' għajnuna separata favur Casino Loutraki, jekk il-kundizzjonijiet kollha pprovduti mil-liġi applikabbli tal-Unjoni dwar l-għajnuna mill-Istat jiġu ssodisfati. Fi kwalunkwe każ dawn il-miżuri huma distinti mill-miżuri li qed ikunu vvalutati u għalhekk mhumiex koperti mid-Deċiżjoni preżenti.

(50)

L-awtoritajiet Griegi u l-każinojiet ta' Mont Parnès u ta' Tessaloniki ma ressqu l-ebda osservazzjoni dwar il-kompatibbiltà u l-legalità tal-għajnuna.

(51)

B'reazzjoni għas-sottomissjoni l-ġdida tal-ilmentatur tal-14 ta' April 2017 u, b'mod partikolari, l-allegazzjoni li l-attraenza ogħla tal-każinojiet benefiċjarji, b'riżultat tat-tariffi għad-dħul aktar baxxi u l-prattika estensiva tal-għoti ta' biljetti b'xejn, wasslet għal devjazzjoni tad-domanda u żieda fl-introjtu totali u għalhekk tat vantaġġ (ara l-premessa (56) hawn taħt), l-awtoritajiet Griegi jsostnu li la t-tariffi ta' dħul baxxi u lanqas l-għoti ta' biljetti b'xejn ma huma korrelati maż-żieda fl-introjtu totali tal-każinojiet ikkonċernati.

(52)

Casino Loutraki jargumenta li l-miżuri pprovduti minn dispożizzjonijiet legali nazzjonali jikkostitwixxu diskriminazzjoni fiskali favur ċerti każinojiet, minħabba li r-rekwiżit li jingħata 80 % tal-imposta lill-Istat fuq l-ammissjoni fil-każinojiet japplika għal bażi ta' taxxa differenti - iż-żewġ prezzijiet ta' dħul differenti stabbiliti mill-Istat. Il-prezz ta' dħul għall-każinojiet benefiċjarji huwa ferm inqas mill-prezz fil-każinojiet l-oħra (EUR 6 minflok EUR 15), li jirrappreżenta telf ta' dħul għall-Istat, u għaldaqstant, minħabba d-distorsjoni tal-kompetizzjoni li dan jikkawża, huwa jammonta għal għajnuna mill-Istat.

(53)

Casino Loutraki jargumenta wkoll li l-miżura mhix ġustifikata oġġettivament, minħabba li l-impożizzjoni ta' prezz orħos tal-ammissjoni għall-każinojiet benefiċjarji fil-fatt tmur kontra l-objettiv soċjali u l-ġustifikazzjoni u l-karatteristiċi tal-istabbiliment ta' prezz għall-biljetti ta' dħul għall-każinojiet kif deskritt mis-Sentenza Nru 4027/1998 tal-Kunsill Grieg tal-Istat. Casino Loutraki jsostni li ma jistax ikun argumentat b'mod raġonevoli li l-kontroll amministrattiv u l-protezzjoni soċjali setgħu jinkisbu permezz ta' prezzijiet differenti tal-biljetti ta' ammissjoni – f'Casino Mont Parnès, madwar 20 km biss miċ-ċentru tal-belt ta' Ateni, b'biljett ta' EUR 6 filwaqt li Casino Loutraki, madwar 85 km 'l bogħod miċ-ċentru tal-belt ta' Ateni, b'biljett ta' EUR 15, jew rispettivament, f'Casino Thessaloniki, madwar 8 km biss miċ-ċentru tal-belt ta' Tessaloniki (ukoll EUR 6), meta mqabbel ma' Casino Chalcidice, madwar 120 km 'l bogħod miċ-ċentru tal-belt ta' Tessaloniki (EUR 15).

(54)

Casino Loutraki josserva li, għalkemm il-Greċja qabel kienet argumentat li l-prezz imnaqqas tal-ammissjoni ta' EUR 6 huwa ġġustifikat minħabba ċirkostanzi speċjali applikabbli għal kull każinò benefiċjarju (li jiddetermina ċerti speċifiċitajiet ekonomiċi, soċjali, demografiċi u oħrajn), madankollu, f'Awwissu 2010, Casino Korfù għadda għal EUR 15 mal-privatizzazzjoni tiegħu, mingħajr ebda spjegazzjoni dwar ir-raġuni għaliex iċ-ċirkostanzi speċjali msemmija hawn fuq ma għadhomx japplikaw.

(55)

F'dak li għandu x'jaqsam mal-miżuri separati invokati mill-Greċja u minn Mont Parnès, li allegatament kienu jiffavorixxu lil Casino Loutraki (prinċipalment li Casino Loutraki jħallas proporzjon inqas tal-profitti gross annwali lill-Istat meta mqabbel ma' każinojiet oħra), Casino Loutraki jafferma li, fil-prattika, huwa ħallas l-istess ammont bħall-kompetituri tiegħu skont ftehim separat mal-awtoritajiet.

(56)

Fis-sottomissjoni l-ġdida tagħha tal-14 ta' April 2017, wara l-annullament tad-Deċiżjoni Finali tal-2011 mill-Qorti Ġenerali, Casino Loutraki jenfasizza li l-vantaġġ mogħti mill-miżura inkwistjoni jikkonsisti fl-attrazzjoni ogħla tal-każinojiet benefiċjarji, kif ukoll l-inflazzjoni li rriżultat mill-introjtu totali tal-benefiċjarji. Skont Casino Loutraki, il-Kummissjoni għandha tistabbilixxi tali vantaġġ u tadotta deċiżjoni finali ġdida li tikkonkludi li l-miżura kkonċernata tat tali vantaġġ lill-benefiċjarji, filwaqt li tqis l-informazzjoni kollha ppreżentata mill-awtoritajiet Griegi matul il-proċedura qabel id-Deċiżjoni Finali tal-2011.

(57)

Barra minn hekk, Casino Loutraki jsostni li l-prattika estensiva tal-każinojiet benefiċjarji li jagħtu biljetti b'xejn hija t-tielet element indipendenti tal-vantaġġ mogħti. Fir-rigward ta' dak l-element, Casino Loutraki jitlob lill-Kummissjoni biex tipprovdi l-informazzjoni u l-evidenza kollha meħtieġa sabiex tistabbilixxi li l-prattika tal-għoti ta' biljetti b'xejn kienet komuni u estensiva u marret lil hinn mill-objettivi ta' eċċezzjoni previsti fid-Deċiżjoni Ministerjali tal-1995.

(58)

Casino Loutraki jsostni li l-miżura tissodisfa wkoll il-kriterji l-oħra ta' għajnuna mill-Istat u li, għalhekk, il-Kummissjoni għandha tadotta deċiżjoni finali ġdida li tikkonkludi li l-miżura ġiet implimentata illegalment bi ksur tal-Artikolu 108(3) TFUE u tordna l-irkupru tal-vantaġġ.

(59)

Skont l-Artikolu 107(1) TFUE, kull għajnuna, ta' kwalunkwe forma, mogħtija minn Stat Membru jew permezz ta' riżorsi tal-Istat, li twassal għal distorsjoni jew theddida ta' distorsjoni għall-kompetizzjoni billi tiffavorixxi ċerti impriżi jew ċerti produtturi għandha, sa fejn tolqot il-kummerċ bejn l-Istati Membri, tkun inkompatibbli mas-suq intern. Sabiex miżura tiġi kkategorizzata bħala għajnuna skont it-tifsira ta' din id-dispożizzjoni, għandhom jiġu ssodisfati l-kundizzjonijiet kollha stabbiliti f'dik id-dispożizzjoni. L-ewwel, irid ikun hemm intervent mill-Istat jew permezz ta' riżorsi tal-Istat. It-tieni, l-intervent għandu jkollu effett fuq il-kummerċ bejn l-Istati Membri. It-tielet, irid jagħti vantaġġ selettiv lir-riċevitur. Ir-raba', għandu jfixkel jew jhedded li jfixkel il-kompetizzjoni (37).

(60)

Fir-rigward tat-tielet kundizzjoni sabiex ikun konkluż li kien hemm għajnuna, issir distinzjoni bejn il-kundizzjonijiet tal-vantaġġ u s-selettività sabiex jiġi żgurat li mhux il-miżuri kollha tal-Istat li jagħtu vantaġġ (jiġifieri li jtejbu l-pożizzjoni finanzjarja netta tal-impriża) jikkostitwixxu għajnuna mill-Istat, iżda huma biss dawk li jagħtu dan il-vantaġġ b'mod selettiv lil ċerti impriżi jew ċerti kategoriji ta' impriżi jew lil ċerti setturi ekonomiċi (38).

(61)

Vantaġġ huwa kwalunkwe benefiċċju ekonomiku li impriża ma setgħetx tikseb f'kndizzjonijiet normali tas-suq, jiġifieri fin-nuqqas ta' intervent mill-Istat (39). L-effett tal-miżura fuq l-impriża biss huwa rilevanti, u mhux il-kawża jew l-objettiv tal-intervent tal-Istat (40). Kull meta s-sitwazzjoni finanzjarja ta' impriża tittejjeb bħala riżultat ta' intervent mill-Istat fuq termini li jkunu differenti mill-kundizzjonijiet tas-suq normali, ikun hemm vantaġġ. Biex jiġi vvalutat dan, is-sitwazzjoni finanzjarja tal-impriża wara l-miżura għandha tiġi mqabbla mas-sitwazzjoni finanzjarja kieku l-miżura ma tkunx ittieħdet (40). Minħabba li l-effett tal-miżura fuq l-impriża biss huwa importanti, huwa irrilevanti jekk il-vantaġġ huwiex obbligatorju għall-impriża jiġifieri ma setgħetx tevitah jew tiċħdu (41).

(62)

Il-forma preċiża tal-miżura hija irrelevanti wkoll biex jiġi stabbilit jekk din tagħtix vantaġġ lill-impriża (42). L-għoti ta' vantaġġi ekonomiċi pożittivi mhux biss huwa rilevanti għall-kunċett ta' għajnuna mill-Istat, iżda anki t-titfija tal-piżijiet ekonomiċi tista' tikkostitwixxi vantaġġ. Din tal-aħħar hija kategorija wiesgħa li tinkludi kull mitigazzjoni tal-imposti normalment inklużi fil-baġit ta' impriża (43). Dan ikopri s-sitwazzjonijiet kollha li fihom l-operaturi ekonomiċi jinħelsu mill-kostijiet inerenti tal-attivitajiet ekonomiċi tagħhom (44).

(63)

Fis-sentenza tal-2014, il-Qorti Ġenerali ddeċidiet li t-taxxa differenzjata imposta fuq l-ammissjoni għall-każinojiet pubbliċi u għall-każinojiet privati fil-Greċja ma kinitx tikkostitwixxi tnaqqis fit-taxxa għall-benefiċċju tal-każinojiet pubbliċi li qed jagħtu lok għal vantaġġ għall-finijiet tal-Artikolu 107(1) TFUE. Skont il-Qorti Ġenerali, “mill-miżura inkwistjoni jirriżulta li l-ammonti mħallsa lill-Istat mill-każinojiet bħala taxxa ta' din tal-aħħar fuq il-biljetti ta' ammissjoni huma biss il-prorata ta' dak li kull każinò jirċievi bħala taxxi fuq l-ammissjoni. B'hekk, […] il-miżura ineżami ma tikkorrispondix għal tnaqqis tal-bażi tat-taxxa, peress li s-somom li għandhom jitħallsu għal kull każinò huma ekwivalenti għal prorata ta' 80 % tat-taxxi kollha fuq l-ammissjoni li huwa effettivament ġabar. […] [S]a fejn il-piż ta' 80 % mħallas lill-Istat mill-każinojiet kollha huwa kkalkolat prorata minn dak li huma effettivament irċevew bħala taxxi fuq l-ammissjoni fuq il-biljetti mibjugħa. (45), il-fatt li, bl-effett tal-miżura eżaminata, l-każinojiet li għalihom tapplika taxxa fuq l-ammissjoni ta' EUR 6 jħallsu lill-Istat somom iżgħar minn dak imħallas lil dan tal-aħħar mill-każinojiet li għalihom tapplika taxxa fuq l-ammissjoni ta' EUR 15 ma huwiex suffiċjenti sabiex tiġi stabbilita l-eżistenza ta' vantaġġ fir-rigward tal-każinojiet li jaqgħu taħt l-ewwel kategorija.” (46).

(64)

Fl-inġunzjoni tal-2015, il-Qorti tal-Ġustizzja kkonfermat dan ir-raġunament li jgħid li “il-Qorti Ġenerali kienet iġġustifikata li toqgħod fuq il-fatt li d-differenza bejn iż-żewġ ammonti assoluti li kellhom jitħallsu lura lill-Istat Grieg tikkorrispondi għall-istess perċentwal tal-ammonti differenti riċevuti miż-żewġ kategoriji ta' każinojiet” (47).

(65)

Fid-dawl ta' dak li ntqal hawn fuq, il-Kummissjoni tikkonkludi li l-miżura inkwistjoni ma tagħtix vantaġġ għall-finijiet tal-Artikolu 107(1)TFUE.

(66)

Fir-rigward tal-prattika tal-għoti ta' biljetti b'xejn, fis-sentenza tal-2014 il-Qorti Ġenerali sostniet li “il-każinojiet li għalihom tapplika taxxa fuq l-ammissjoni ta' EUR 6 huma vvantaġġati, sa fejn, fuq taxxa fuq l-ammissjoni identika riċevuta (ugwali għal żero), huma jħallsu lill-Istat taxxa iktar baxxa minn dak imħallas mill-każinojiet li għalihom tapplika taxxa fuq l-ammissjoni ta' EUR 15.” (48). Madankollu, hija sostniet ukoll li peress li s-sistema ta' tariffi ta' dħul għall-każinojiet fil-Greċja ma tagħtix vantaġġ lill-każinojiet li jitolbu ħlas għad-dħul ta' EUR 6, is-sistema ta' biljetti b'xejn ma tistax titqies li ssaħħaħ il-vantaġġ mogħti minn din is-sistema (49). Imbagħad hija ddikjarat li “peress li s-sistema tat-taxxi fuq l-ammissjoni għall-każinojiet ma tagħtix vantaġġ fis-sens tal-Artikolu 107(1) TFUE f'dak li jirrigwarda l-biljetti ta' ammissjoni mibjugħa u li l-Istat Membru kkonċernat jista' jippermetti l-ħruġ ta' biljetti mingħajr ħlas għal raġunijiet preċiżi u ġustifikati, bħal promozzjonijiet u l-obbligi soċjali, huwa raġonevoli għal dan l-Istat Membru li jpoġġi bħala kundizzjoni supplimentari li t-taxxi li kienu altrimenti jkunu tħallsu, fil-fatt jitħallsu fil-każ fejn jinħarġu biljetti mingħajr ħlas.” (50). Konsegwentement, il-Qorti Ġenerali eskludiet l-eżistenza ta' vantaġġ separat u speċifiku li jirriżulta mill-prattika tal-għoti ta' biljetti b'xejn (51).

(67)

Fis-sentenza tal-2015, il-Qorti tal-Ġustizzja kkonfermat li, peress li “il-Qorti Ġenerali sostniet b'mod korrett li l-unika differenza bejn is-somom imħallsa lill-Istat għal kull biljett ta' dħul ma tagħti l-ebda vantaġġ lill-każinojiet li għalihom tapplika tariffa tad-dħul ta' EUR 6”, il-prattika tal-għoti ta' biljetti b'xejn ma tistax issaħħaħ dan il-vantaġġ (52).

(68)

Fid-dawl ta' dak li ntqal hawn fuq, il-Kummissjoni tikkonkludi li l-prattika tal-għoti ta' biljetti b'xejn ma tagħtix vantaġġ għall-finijiet tal-Artikolu 107(1) TFUE.

(69)

Fl-aħħar nett, l-ilmentatur isostni li s-sistema ta' tariffu ta' dħul għall-każinojiet fil-Greċja twassal għall-attrattività ogħla għall-każinojiet pubbliċi bħala riżultat tat-tariffa ta' dħul aktar baxxa u introjtu totali ogħla (jiġifieri l-ġenerazzjoni ta' sorsi oħra ta' introjtu, bħall-logħob tal-azzard, l-akkomodazzjoni, is-servizzi ta' bars u ristoranti) li jirriżultaw mill-klijenti addizzjonali miġbuda permezz tat-tariffa ta' dħul aktar baxxa. L-istess bħall-biljetti b'xejn, peress li s-sistema tat-tariffi ta' dħul għall-każinojiet fil-Greċja fiha nfisha ma tagħtix vantaġġ lill-każinojiet pubbliċi, kwalunkwe żieda fl-attratività jew dħul addizzjonali minn klijenti addizzjonali miġbuda mit-tariffa ta' dħul aktar baxxa ma jistax jingħad li qed jagħti lok għal vantaġġ. Fi kwalunkwe każ, anki jekk jista' jintwera li jeżisti tali vantaġġ, huma biss vantaġġi mogħtija direttament jew indirettament permezz ta' riżorsi tal-Istat li jistgħu jikkostitwixxu għajnuna skont it-tifsira tal-Artikolu 107(1) TFUE (53). Skont il-Qorti tal-Ġustizzja, effett negattiv indirett fuq id-dħul tal-Istat li jirriżulta minn miżuri regolatorji ma jikkostitwixxix trasferiment ta' riżorsi tal-Istat fejn huwa karatteristika inerenti tal-miżura (54). Pereżempju, ir-regolamentazzjoni nazzjonali li tistabbilixxi prezz minimu għal ċerti prodotti ma tinvolvix it-trasferiment ta' riżorsi tal-Istat (55). Filwaqt li t-telf ta' riżorsi tal-Istat huwa involut fit-taxxa differenzjata mogħtija lill-Istat Grieg minn każinojiet pubbliċi u privati, in-nuqqas ta' riżorsi tal-Istat huwa involut biss meta l-każinojiet pubbliċi setgħu jħallsu tariffa ta' dħul aktar baxxa minn dik tal-każinojiet privati. Konsegwentement, il-Kummissjoni tikkonkludi li l-vantaġġ iddikjarat mill-ilmentatur, anki jekk intwera li jeżisti, ma ngħatax mir-riżorsi tal-Istat skont it-tifsira tal-Artikolu 107(1) TFUE.

(70)

Minħabba li miżura teħtieġ li tissodisfa l-erba' kundizzjonijiet kumulattivi kollha stabbiliti fl-Artikolu 107(1) TFUE biex tikkostitwixxi għajnuna mill-Istat, ma hemmx bżonn li jiġi eżaminat jekk il-kundizzjonijiet l-oħra humiex issodisfati fil-każ preżenti.

(71)

Fid-dawl ta' dak li ntqal qabel, il-Kummissjoni tikkonkludi li s-sistema tal-imposti fuq l-ammissjoni għall-każinojiet fil-Greċja li kienu jeżistu sa Novembru 2012 ma tikkostitwixxix għajnuna skont it-tifsira tal-Artikolu 107(1) TFUE,

(a)

Erbgħinfil-mija (40 %) tal-valur totali ta' ħmistax-il biljett għal jum wieħed għall-biljetti validi għal ħmistax-il jum. F'każ li dawn il-biljetti jinħarġu għal perjodu kalendarju ta' ġimagħtejn, l-aħħar ġimagħtejn ta' kull xahar ikopru l-perjodu mis-16 sal-aħħar tax-xahar.

(b)

Ħamsin fil-mija (50 %) tal-valur totali ta' tletin biljett ta' għal jum wieħed għall-biljetti validi għal tletin jum jew xahar”.

(1)

Id-Deċiżjoni ta' Implimentazzjoni tal-Kummissjoni 2014/709/UE (4) tistabbilixxi miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċertu Stati Membri, fejn kien hemm każijiet ikkonfermati ta' dik il-marda fi ħnieżer domestiċi jew selvaġġi (l-Istati Membri kkonċernati). Fil-Partijiet I sa IV tiegħu, l-Anness ta' dik id-Deċiżjoni ta' Implimentazzjoni jiddemarka u jelenka ċerti żoni tal-Istati Membri kkonċernati, skont il-livell tar-riskju abbażi tas-sitwazzjoni epidemjoloġika fir-rigward ta' dik il-marda. L-Anness tad-Deċiżjoni ta' Implimentazzjoni 2014/709/UE ġie emendat diversi drabi biex jitqiesu l-bidliet fis-sitwazzjoni epidemjoloġika fl-Unjoni fir-rigward tad-deni Afrikan tal-ħnieżer li jeħtieġ li jiġu riflessi f'dak l-Anness. L-Anness tad-Deċiżjoni ta' Implimentazzjoni 2014/709/UE ġie emendat l-aħħar bid-Deċiżjoni ta' Implimentazzjoni tal-Kummissjoni (UE) 2018/1512 (5), wara l-okkorrenzi reċenti tad-deni Afrikan tal-ħnieżer li seħħew fl-Ungerija u fil-Polonja.

(2)

Ir-riskju tat-tixrid tad-deni Afrikan tal-ħnieżer fl-organiżmi selvaġġi huwa marbut mat-tixrid naturali bil-mod ta' dik il-marda fost il-popolazzjonijiet tal-ħnieżer selvaġġi, kif ukoll ir-riskji marbutin mal-attività umana, kif intwera bl-evoluzzjoni epidemjoloġika reċenti ta' dik il-marda fl-Unjoni, u kif iddokumentat mill-Awtorità Ewropea dwar is-Sigurtà fl-Ikel (EFSA) fl-Opinjoni Xjentifika tal-Bord dwar is-Saħħa u l-Welfare tal-Annimali, ippubblikata fl-14 ta' Lulju 2015; fir-Rapport Xjentifiku tal-EFSA dwar l-analiżijiet epidemjoloġiċi fir-rigward tad-deni Afrikan tal-ħnieżer fil-pajjiżi Baltiċi u fil-Polonja, ippubblikat fit-23 ta' Marzu 2017; u fir-Rapport Xjentifiku tal-EFSA dwar l-analiżijiet epidemjoloġiċi fir-rigward tad-deni Afrikan tal-ħnieżer fil-pajjiżi Baltiċi u fil-Polonja, ippubblikat fit-8 ta' Novembru 2017 (6).

(3)

Id-Direttiva tal-Kunsill 2002/60/KE (7) tistabbilixxi l-miżuri minimi tal-Unjoni li għandhom jittieħdu għall-kontroll tad-deni Afrikan tal-ħnieżer. B'mod partikolari, l-Artikolu 9 tad-Direttiva 2002/60/KE jipprevedi l-istabbiliment ta' żona ta' protezzjoni u sorveljanza meta d-deni Afrikan tal-ħnieżer jiġi kkonfermat uffiċjalment f'azjenda agrikola tal-ħnieżer, u l-Artikoli 10 u 11 ta' dik id-Direttiva jistabbilixxu l-miżuri li għandhom jittieħdu f'żoni ta' protezzjoni u ta' sorveljanza sabiex jiġi evitat it-tixrid ta' dik il-marda. Barra minn hekk, l-Artikolu 15 tad-Direttiva 2002/60/KE jipprevedi l-miżuri li għandhom jittieħdu meta d-deni Afrikan tal-ħnieżer ikun konfermat fi ħnieżer selvaġġi, inkluż it-tqegħid ta' azjendi agrikoli tal-ħnieżer taħt sorveljanza uffiċjali fiż-żona ddefinita bħala infettata. L-esperjenza reċenti wriet li l-miżuri stipulati fid-Direttiva 2002/60/KE huma effettivi fil-kontroll tat-tixrid ta' dik il-marda, b'mod partikolari l-miżuri li jipprovdu għat-tindif u d-diżinfettar tal-azjendi infettati.

(4)

Filwaqt li tiġi meqjusa l-effikaċja tal-miżuri li jiġu applikati fl-Istati Membri kkonċernati skont id-Direttiva 2002/60/KE, u b'mod partikolari dawk stabbiliti fl-Artikolu 10(4)(b), l-Artikolu 10(5) u l-Artikolu 15 tagħha, u skont il-miżuri ta' mitigazzjoni tar-riskju fir-rigward tad-deni Afrikan tal-ħnieżer stabbiliti fil-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali, ċerti żoni fil-Latvja, fil-Litwanja u fil-Polonja li bħalissa huma elenkati fil-Parti III tal-Anness tad-Deċiżjoni ta' Implimentazzjoni 2014/709/UE għandhom issa jiġu elenkati fil-Parti II jew fil-Parti I ta' dak l-Anness, fid-dawl tal-iskadenza tal-perjodu ta' tliet xhur mid-data tal-aħħar tindifa u diżinfettazzjoni tal-istabbilimenti infettati. Peress li l-Parti III tal-Anness tad-Deċiżjoni ta' Implimentazzjoni 2014/709/UE telenka ż-żoni fejn is-sitwazzjoni għadha qed tevolvi, meta ssir kwalunkwe emenda taż-żoni elenkati f'dik il-Parti, dejjem irid jitqies b'mod partikolari l-effett fuq l-inħawi tal-madwar.

(5)

Barra minn hekk, mid-data tal-adozzjoni tad-Deċiżjoni ta' Implimentazzjoni (UE) 2018/1512, is-sitwazzjoni epidemjoloġika fl-Unjoni evolviet fir-rigward tad-deni Afrikan tal-ħnieżer, u kien hemm okkorrenzi oħra ta' dik il-marda li jridu jiġu riflessi fl-Anness tad-Deċiżjoni ta' Implimentazzjoni 2014/709/UE.

(6)

F'Settembru tal-2018, ġie osservat każ tad-deni Afrikan tal-ħnieżer f'ħanżir selvaġġ fil-kontea ta' Tauragė fil-Litwanja. Dan il-każ ta' deni Afrikan tal-ħnieżer f'ħanżir salvaġġ jikkostitwixxi żieda fil-livell tar-riskju, li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li din iż-żona tal-Litwanja affettwata mid-deni Afrikan tal-ħnieżer issa tiġi elenkata fil-Parti II minflok fil-Parti I ta' dak l-Anness.

(7)

F'Ottubru tal-2018, ġie osservat każ ta' deni Afrikan tal-ħnieżer fil-ħnieżer selvaġġi fil-kontea ta' Puławy fil-Polonja. Dan il-każ ta' deni Afrikan tal-ħnieżer f'ħanżir salvaġġ jikkostitwixxi żieda fil-livell tar-riskju, li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li din iż-żona tal-Polonja affettwata mid-deni Afrikan tal-ħnieżer issa tiġi elenkata fil-Parti II minflok fil-Parti I ta' dak l-Anness.

(8)

F'Ottubru tal-2018, ġiet osservata tifqigħa ta' deni Afrikan tal-ħnieżer fi ħnieżer domestiċi fil-kontea ta' Teleorman fir-Rumanija. Din it-tifqigħa ta' deni Afrikan tal-ħnieżer fi ħnieżer domestiċi tikkostitwixxi żieda fil-livell tar-riskju, li jenħtieġ li tiġi riflessa fl-Anness tad-Deċiżjoni ta' Implimentazzjoni 2014/709/UE. Għaldaqstant, jenħtieġ li din iż-żona tar-Rumanija affettwata mid-deni Afrikan tal-ħnieżer issa tiġi elenkata fil-Parti III minflok fil-Parti I ta' dak l-Anness.

(9)

Sabiex jitqiesu l-iżviluppi reċenti fl-evoluzzjoni epidemjoloġika tad-deni Afrikan tal-ħnieżer fl-Unjoni, u sabiex ir-riskji marbuta mat-tixrid ta' dik il-marda jiġu miġġielda b'mod proattiv, jenħtieġ li fil-każ tal-Latvja, il-Litwanja u l-Polonja jiġu demarkati ż-żoni l-ġodda ta' daqs suffiċjenti li huma l-aktar fir-riskju u jiġu elenkati skont kif meħtieġ fil-Partijiet I u II tal-Anness tad-Deċiżjoni ta' Implimentazzjoni 2014/709/UE, kif ukoll it-trasferiment ta' ċerti żoni mill-Parti III għall-Parti I jew II tagħha, wara li jgħaddi perjodu ta' tliet xhur mid-data tal-aħħar tindifa u diżinfettazzjoni tal-istabbilimenti infettati. Għaldaqstant, jenħtieġ li l-Anness tad-Deċiżjoni ta' Implimentazzjoni 2014/709/UE jiġi emendat skont dan.

(10)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,