16.8.2018

Il-Ġurnal Uffiċjali tal-Unjoni Ewropea

L 207/2

REGOLAMENT TAL-KUMMISSJONI (UE) 2018/1142

tal-14 ta' Awwissu 2018

li jemenda r-Regolament (UE) Nru 1321/2014 fir-rigward tal-introduzzjoni ta' ċerti kategoriji ta' liċenzji għall-manutenzjoni ta' inġenji tal-ajru, tal-modifika tal-proċedura ta' aċċettazzjoni ta' komponenti minn fornituri esterni u tal-modifika tal-privileġġi ta' organizzazzjonijiet ta' taħriġ fil-manutenzjoni

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 216/2008 tal-Parlament Ewropew u tal-Kunsill tal-20 ta' Frar 2008 dwar regoli komuni fil-kamp tal-avjazzjoni ċivili u li jistabbilixxi Aġenzija Ewropea tas-Sikurezza tal-Avjazzjoni, u li jħassar id-Direttiva tal-Kunsill 91/670/KEE, ir-Regolament (KE) Nru 1592/2002 u d-Direttiva 2004/36/KE (1), u b'mod partikolari l-Artikoli 5(5) u 6(3) tiegħu,

Billi:

(1)	Ir-Regolament (UE) Nru 1321/2014 (2) jistabbilixxi regoli ta' implimentazzjoni dwar il-kontinwità tal-ajrunavigabbiltà ta' inġenji tal-ajru u prodotti, partijiet u tagħmir ajrunwatiċi u dwar l-approvazzjoni tal-organizzazzjonijiet u persunal involuti f'dan ix-xogħol.

(2)

Sabiex jiġi żgurat livell għoli u uniformi ta' sikurezza tal-avjazzjoni, hemm bżonn ta' sistema, stabbilita fil-livell tal-Unjoni, għall-ħruġ ta' liċenzji għall-persunal li jiċċertifika, involut fil-manutenzjoni ta' ajruplani ELA1 u ta' inġenji tal-ajru oħra għajr ajruplani u ħelikopters. Dik is-sistema għandha tkun sempliċi u proporzjonata. Għalhekk, għandhom jittieħdu miżuri xierqa issa biex tiġi stabbilita sistema ta' dan it-tip.

(3)

Ir-rekwiżiti eżistenti relatati ma' liċenzja għall-persunal li jiċċertifika involut fil-manutenzjoni ta' sistemi avjoniċi u elettriċi ta' inġenji tal-ajru għajr dawk fil-grupp ta' inġenji tal-ajru kumplessi mhumiex proporzjonati għall-kumplessità aktar baxxa ta' dawk l-inġenji tal-ajru, b'mod partikolari minħabba li ammont sinifikanti ta' rekwiżiti ta' għarfien bażiku huma rilevanti biss fir-rigward ta' inġenji tal-ajru kumplessi. Għalhekk jenħtieġ li tiġi introdotta liċenzja ġdida għal tali persunal. Ir-rekwiżiti għal dik il-liċenzja ġdida għandhom jiżguraw li l-livell ta' sikurezza ma jitnaqqasx meta mqabbel ma' dak miksub bl-użu tal-liċenzja eżistenti. L-introduzzjoni ta' dik il-liċenzja ġdida għandha tnaqqas ir-riskji potenzjali għas-sikurezza li jistgħu jinqalgħu bħala konsegwenza tan-nuqqas ta' persunal bi kwalifiki adegwati u bil-liċenzja disponibbli għall-kompiti ta' manutenzjoni kkonċernati.

(4)

Waqt it-twettiq tal-manutenzjoni, huwa komuni li l-persuni jew l-organizzazzjonijiet jużaw komponenti, partijiet jew materjal ipprovduti minn partijiet terzi. Jenħtieġ li jittaffu r-riskji assoċjati mal-aċċettazzjoni ta' tali komponenti, partijiet jew materjal u, b'mod partikolari, li jiġi żgurat li l-persuni u l-organizzazzjonijiet ikkonċernati jieħdu l-miżuri neċessarji biex jiżguraw l-aċċettazzjoni, il-klassifikazzjoni u s-segregazzjoni xierqa tagħhom.

(5)

Għadd sinifikanti ta' każijiet ta' frodi, li jixhdu ksur deliberat tal-istandards ta' eżamijiet stabbiliti skont ir-Regolament (UE) Nru 1321/2014, ġew irrapportati lill-Aġenzija Ewropea tas-Sikurezza tal-Avjazzjoni (l-“Aġenzija”) Dawn il-każijiet kienu relatati ma' eżamijiet ta' għarfien bażiku mwettqa minn organizzazzjonijiet approvati ta' taħriġ fil-manutenzjoni għal studenti li ma attendewx il-kors tat-taħriġ bażiku. Din is-sitwazzjoni wasslet għal tħassib serju dwar is-sikurezza, b'mod partikolari fid-dawl tar-riskju li xi detenturi tal-liċenzja jirrilaxxaw inġenji tal-ajru għas-servizz wara l-manutenzjoni mingħajr ma jkollhom l-għarfien bażiku meħtieġ. Għalhekk, għandhom jittieħdu miżuri issa biex jiġi indirizzat dan it-tħassib dwar is-sikurezza.

(6)

Skont ir-Regolament (UE) Nru 1321/2014, l-operaturi ta' inġenji tal-ajru kumplessi li jaħdmu bil-magni, f'operazzjonijiet kummerċjali jew mhux kummerċjali, għandhom jiżguraw li l-kompiti assoċjati mal-kontinwità tal-ajrunavigabbiltà jitwettqu minn organizzazzjoni approvata tal-ġestjoni tal-kontinwità tal-ajrunavigabbiltà u li l-manutenzjoni tal-inġenju tal-ajru u tal-komponenti li jiġu installati fuqu titwettaq minn organizzazzjoni ta' manutenzjoni approvata. Madankollu, f'ċerti każijiet, bħal fil-każ ta' operazzjoni mhux kummerċjali ta' ajruplani eħfef b'magni twin-turboprop, l-isforz tal-konformità meħtieġ minn dawn l-operaturi huwa sproporzjonat meta mqabbel mal-benefiċċji miksuba għas-sikurezza tal-operazzjonijiet tagħhom bl-implimentazzjoni ta' dawk ir-rekwiżiti. Għalhekk, ir-rekwiżiti applikabbli f'dawk il-każijiet għandhom jiġu adattati. Meta wieħed iqis dawk l-isforzi ta' konformità sproporzjonati, iż-żmien meħtieġ għall-adattament ta' dawk ir-rekwiżiti u l-fatt li jekk ma jiġux applikati f'dawk il-każijiet sakemm jiġu adattati mhux meqjus li joħloq xi riskji sinifikanti għas-sikurezza tal-avjazzjoni, jenħtieġ li dawk ir-rekwiżiti jieqfu japplikaw għalissa u li japplikaw biss minn data xierqa aktar 'il quddiem.

(7)	Xi regoli dettaljati dwar l-użu tal-Appendiċi VI tal-Anness III tar-Regolament (UE) Nru 1321/2014 tħassru bi żball meta r-Regolament (UE) Nru 1321/2014 ġie emendat bir-Regolament (UE) 2015/1536 (3). Dak l-iżball jenħtieġ li jiġi kkorreġut.

(8)	Fl-Anness Va tar-Regolament (UE) Nru 1321/2014 ġew identifikati ċerti żbalji editorjali li wasslu għal diffikultajiet fl-implimentazzjoni. Dawk l-iżbalji jenħtieġ li jiġu kkoreġuti.

(9)

Jenħtieġ li jingħata żmien biżżejjed lill-partijiet kollha kkonċernati biex jadattaw għall-qafas regolatorju emendat maħluq b'segwitu tal-miżuri stipulati f'dan ir-Regolament. Għalhekk, dawk il-miżuri jenħtieġ li jsiru applikabbli sitt xhur wara d-data tad-dħul fis-seħħ tiegħu. Madankollu, minħabba l-għan tagħhom u l-fatt li ma jeħtiġux sforzi sinifikanti biex jiġu adattati mill-partijiet ikkonċernati, jenħtieġ li ċerti miżuri japplikaw mingħajr dewmien. Ċerti miżuri oħra, madankollu, jeħtieġu aktar sforzi biex jiġu adattati u għaldaqstant għandhom japplikaw minn data xierqa aktar 'il quddiem, minħabba li jinvolvu t-tranżizzjoni minn regolament primarjament fl-ambitu tal-liġi nazzjonali għall-qafas regolatorju emendat skont il-liġi tal-Unjoni stabbilit f'dan ir-Regolament.

(10)	Għalhekk, ir-Regolament (UE) Nru 1321/2014 jenħtieġ li jiġi emendat skont dan.

(11)	Il-miżuri previsti f'dan ir-Regolament huma konformi mal-opinjonijiet tal-Aġenzija ppreżentati skont l-Artikolu 19(1) tar-Regolament (KE) Nru 216/2008.

(12)	Il-miżuri previsti f'dan ir-Regolament huma skont l-opinjoni tal-Kumitat stabbilit bl-Artikolu 65 tar-Regolament (KE) Nru 216/2008,

ADOTTAT DAN IR-REGOLAMENT:

Artikolu 1

Ir-Regolament (UE) Nru 1321/2014 huwa emendat kif ġej:

(1)

fl-Artikolu 5, il-paragrafu 6 huwa sostitwit b'dan li ġej:

“6. Sakemm rekwiżiti speċifiċi għall-persunal li jiċċertifika l-komponenti jiġu miżjuda ma' dan ir-Regolament, ir-rekwiżiti stabbiliti fil-liġijiet nazzjonali fis-seħħ fl-Istati Membri rilevanti għandhom jibqgħu japplikaw, minbarra fil-każ ta' organizzazzjonijiet tal-manutenzjoni li jinsabu barra l-Unjoni Ewropea, f'liema każ, ir-rekwiżiti jenħtieġ li jiġu approvati mill-Aġenzija.”;

(2)

L-Artikolu 8 huwa emendat kif ġej:

(a)	fil-paragrafu 2, il-punt (b) jitħassar;

(b)	il-paragrafu 5 jitħassar;

(c)

jiddaħħal il-paragrafu 7 li ġej:

“7. B'deroga mill-paragrafu 1, għall-ajruplani b'MTOM ta' 5 700 kg jew inqas li jkunu mgħammra b'magni turboprop multipli u li ma jkunux involuti f'operazzjonijiet kummerċjali, il-punti M.A.201(g)(2) u (g)(3) tal-Anness I (Parti-M) għandhom japplikaw mill-1 ta' Jannar 2025.”;

(3)	L-Anness I (Parti-M) huwa emendat skont l-Anness I ta' dan ir-Regolament.

(4)	L-Anness II (Parti-145) huwa emendat skont l-Anness II ta' dan ir-Regolament.

(5)	L-Anness III (Parti-66) huwa emendat skont fl-Anness III ta' dan ir-Regolament.

(6)	L-Anness IV (Parti-147) huwa emendat skont l-Anness IV ta' dan ir-Regolament.

(7)	L-Anness Va (Parti-T) huwa emendat skont l-Anness V ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Japplika mill-5 ta' Marzu 2019.

Madankollu,

(1)	L-Artikolu 1(2)(c), l-Artikolu 1(7) and l-punt (1) tal-Anness IV għandhom japplikaw mill-5 ta' Settembru 2018;

(2)

għall-manutenzjoni ta' ajruplani ELA1 li mhumiex involuti f'operazzjonijiet CAT u ta' inġenji tal-ajru għajr ajruplani u ħelikopters:

(a)	ir-rekwiżit li l-awtorità kompetenti toħroġ liċenzji għall-manutenzjoni ta' inġenji tal-ajru f'konformità mal-Anness III (Parti-66), bħala ġodda jew mibdula, skont il-punt 66.A.70 ta' dak l-Anness, għandu japplika mill-1 ta' Ottubru 2019;

(b)	ir-rekwiżit li l-persunal li jiċċertifika għandu jkun ikkwalifikat skont l-Anness III (Parti-66) stabbilit fil-punti M.A.606(g) u M.A.801(b)(2) tal-Anness I (Parti-M) u fil-punt 145.A.30(g) u (h) tal-Anness II (Parti-145) għandu japplika mill-1 ta' Ottubru 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta' Awwissu 2018.

Għall-Kummissjoni

Il-President

Jean-Claude JUNCKER

(1) ĠU L 79, 19.3.2008, p. 1.

(2) Ir-Regolament tal-Kummissjoni (UE) Nru 1321/2014 tas-26 ta' Novembru 2014 dwar il-kontinwità tal-ajrunavigabbiltà ta' inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta' organizzazzjonijiet u persunal involuti f'dan ix-xogħol (ĠU L 362, 17.12.2014, p. 1).

(3) Ir-Regolament tal-Kummissjoni (UE) 2015/1536 tas-16 ta' Settembru 2015 li jemenda r-Regolament (UE) Nru 1321/2014 fir-rigward tal-allinjament tar-regoli għall-kontinwità tal-ajrunavigabbiltà mar-Regolament (KE) Nru 216/2008, l-impenji tal-manutenzjoni kritika u l-monitoraġġ tal-kontinwità (ĠU L 241, 17.9.2015, p. 16)

ANNESS I

L-Anness I huwa emendat kif ġej:

(1)

il-werrej huwa emendat kif ġej:

(a)

Il-Punt M.A.501 jinbidel b'dan li ġej:

“M.A.501

Klassifikazzjoni u installazzjoni”

(b)

Il-Punt M.A.504 jinbidel b'dan li ġej:

“M.A.504

Segregazzjoni tal-komponenti”;

(2)

Il-Punt M.A.501 jinbidel b'dan li ġej:

“M.A.501 Klassifikazzjoni u installazzjoni

(a)

Il-komponenti kollha għandhom jiġu kklassifikati u ssegregati kif xieraq fil-kategoriji li ġejjin:

(1)

Komponenti li huma f'kundizzjoni sodifaċenti, maħruġa fuq Formula 1 tal-EASA jew ekwivalenti, u mmarkati skont is-Subparti Q tal-Anness I (Parti 21) tar-Regolament (UE) Nru 748/2012, sakemm ma jkunx speċifikat mod ieħor fl-Anness I (Parti 21) tar-Regolament (UE) Nru 748/2012 jew f'dan l-Anness (Parti M).

(2)	Il-manutenzjoni fuq komponenti li ma jistax isir servizz fuqhom għandha ssir skont dan ir-Regolament.

(3)	Komponenti li jiġu kkategorizzati li ma humiex salvabbli minħabba li jkunu laħqu l-limitu ta' żmien iċċertifikat tagħhom jew minħabba li jkollhom difett li ma jissewwiex.

(4)	Partijiet standard użati fuq inġenju tal-ajru, magna, skrun jew xi komponent ieħor ta' inġenju tal-ajru meta jkunu speċifikati fid-dejta tal-manutenzjoni u akkumpanjati b'evidenza ta' konformità traċċabbli mal-istandard applikabbli.

(5)

Materjal, bażiku jew konsumabbli, użat matul il-manutenzjoni meta l-organizzazzjoni tkun issodisfata li l-materjal huwa skont l-ispeċifikazzjoni meħtieġa u għandu t-traċċabbiltà xierqa. Il-materjal kollu għandu jkun akkumpanjat minn dokumenti relatati b'mod ċar mal-materjal partikolari u li jinkludu dikjarazzjoni ta' konformità mal-ispeċifikazzjonijiet flimkien mal-oriġini tal-manifattur u tal-fornitur.

(b)

Il-komponenti, il-partijiet standard u l-materjal għandhom jiġu installati biss fuq inġenju tal-ajru jew komponent jekk ikunu f'kundizzjoni sodisfaċenti, jekk jappartjenu għal waħda mill-kategoriji elenkati fil-punt (a) u jekk id-dejta tal-manutenzjoni applikabbli tispeċifika l-komponent, parti standard jew materjal partikolari.”

(3)

fil-punt M.A.502, il-punt (d) jinbidel b'dan li ġej:

“(d)

B'deroga mill-punt (a) u l-punt M.A.801(b)2, il-persunal li jiċċertifika msemmi fil-punt M.A.801(b)2 jista' jwettaq, skont id-dejta tal-manutenzjoni tal-komponent, dan li ġej:

(1)	Manutenzjoni li ma tkunx reviżjoni (overhaul) tal-komponenti, waqt li l-komponent jkun installat jew imneħħi temporanjament mill-inġenju tal-ajru ELA1 li ma jintużax fit-trasport kummerċjali bl-ajru;

(2)	Reviżjoni ta' magni u skrejjen waqt li jkunu installati jew imneħħija temporanjament minn inġenji tal-ajru CS-VLA, CS-22 u LSA li ma jintużawx fit-trasport kummerċjali bl-ajru.

Il-manutenzjoni tal-komponenti mwettqa skont dan il-punt (d) mhijiex eliġibbli għall-ħruġ ta' Formola 1 tal-EASA u għandha tkun suġġetta għar-rekwiżiti ta' rilaxx għas-servizz ta' inġenju tal-ajru skont il-punt M.A.801.”

(4)

il-Punt M.A.504 jinbidel b'dan li ġej:

“M.A.504 Segregazzjoni tal-komponenti

(a)	Il-komponenti li ma jistax isir servizz fuqhom u dawk li ma humiex salvabbli għandhom jiġu ssegregati minn komponenti, partijiet standard u materjali li jista' jsir servizz fuqhom.

(b)	Il-komponenti li ma humiex salvabbli ma għandhomx jitħallew jidħlu mill-ġdid fis-sistema tal-forniment tal-komponenti sakemm il-limiti ta' żmien iċċertifikat tagħhom ma jkunux ġew estiżi jew sakemm ma tkunx ġiet approvata soluzzjoni ta' tiswija skont ir-Regolament (UE) Nru 748/2012.”

(5)

fil-punt M.A.606, il-punt (g) jinbidel b'dan li ġej:

“(g)

L-organizzazzjoni tal-manutenzjoni għandu jkollha biżżejjed persunal li jiċċertifika biex jinħarġu ċ-ċertifikati tar-rilaxx għas-servizz lil inġenji tal-ajru u komponenti kif previst fil-punti M.A.612 u M.A.613. Il-persunal għandu jkun konformi ma' dawn ir-rekwiżiti:

1.	L-Anness III (Parti-66) fil-każ ta' inġenji tal-ajru;

2.	L-Artikolu 5(6) ta' dan ir-Regolament fil-każ ta' komponenti.”;

(6)

fil-punt M.A.608, il-punt (c) jinbidel b'dan li ġej:

“(c)	L-organizzazzjoni għandha tispezzjona, tikklassifika u tissegrega b'mod xieraq il-komponeneti, il-partijiet standard u l-materjali kollha li jkunu qed jaslu.”;

(7)	fl-Appendiċi VII, l-ewwel sentenza għandha tinbidel b'dan li ġej: “Dan li ġej jikkostitwixxi l-kompiti ta' manutenzjoni kumplessi msemmija fil-punti M.A.801(b)2 u M.A.801(c)”.

ANNESS II

L-Anness II huwa emendat kif gej:

(1)

il-werrej huwa emendat kif ġej:

(a)	il-Punt 145.A.40 jinbidel b'dan li ġej: “145.A.40 Tagħmir u għodod”;

(b)	il-Punt 145.A.42 jinbidel b'dan li ġej: “145.A.42 Komponenti”;

(2)

fil-punt 145.A.30, il-punti (f), (g), (h) u (i) jinbidlu b'dan li ġej:

“(f)

L-organizzazzjoni għandha tiżgura li l-persunal li jwettaq jew li jikkontrolla test mhux distruttiv tal-kontinwità tal-ajrunavigabbiltà tal-istrutturi u/jew tal-komponenti tal-inġenju tal-ajru jkun ikkwalifikat kif xieraq għat-test mhux distruttiv partikolari f'konformità mal-istandard Ewropew jew ma' standard ekwivalenti rikonoxxut mill-Aġenzija. Il-persunal li jwettaq kwalunkwe kompitu speċjalizzat ieħor għandu jkun kwalifikat kif xieraq f'konformità mal-istandards rikonoxxuti uffiċjalment. B'deroga minn dan il-punt, il-persunal imsemmi fil-punt (g) u fil-punti (h)(1) u (h)(2), ikkwalifikat fil-kategorija B1, B3 jew L skont l-Anness III (Parti-66) jista' jwettaq u/jew jikkontrolla t-testijiet b'kuntrast tal-kulur ta' kulurant penetrant.

(g)

Kwalunkwe organizzazzjoni li tagħmel manutenzjoni fuq inġenji tal-ajru, għajr fejn iddikjarat mod ieħor fil-punt (j), għandha fil-każ ta' manutenzjoni ta' linja ta' inġenji tal-ajru, ikollha persunal li jiċċertifika kkwalifikat b'mod xieraq għat-tip ta' inġenju tal-ajru fil-kategoriji B1, B2, B2L, B3 u L, skont l-Anness III (Parti-66) u l-punt 145.A.35.

Barra minn hekk, dawn l-organizzazzjonijiet jistgħu jużaw ukoll persunal li jiċċertifika mħarreġ fuq il-kompitu b'mod xieraq, li jkollu l-privileġġi stipulati fil-punti 66.A.20(a)(1) u 66.A.20(a)(3)(ii) u kkwalifikat skont l-Anness III (Parti-66) u l-punt 145.A.35 sabiex iwettaq manutenzjoni tal-linja skedata minuri u korrezzjoni ta' difetti sempliċi. Id-disponibbiltà ta' dan il-persunal li jiċċertifika ma għandhiex tissostitwixxi l-ħtieġa għal persunal li jiċċertifika fil-kategorija B1, B2, B2L, B3 u L, kif xieraq.

(h)

Kwalunkwe organizzazzjoni li tagħmel il-manutenzjoni tal-inġenji tal-ajru, ħlief fejn hu ddikjarat mod ieħor fil-punt (j), għandha:

fil-każ ta' manutenzjoni bażika ta' inġenji tal-ajru kumplessi li jaħdmu bil-magni, jkollha persunal li jiċċertifika kkwalifikat b'mod xieraq għat-tip ta' inġenju tal-ajru fil-kategorija C skont l-Anness III (Parti-66) u l-punt 145.A.35. Barra minn hekk, l-organizzazzjoni għandu jkollha biżżejjed persunal ikkwalifikat b'mod xieraq għat-tip ta' inġenju tal-ajru fil-kategoriji B1 u B2, kif xieraq, skont l-Anness III (Parti-66) u l-punt 145.A.35 biex jappoġġja lill-persunal li jiċċertifika fil-kategorija C.

(i)	Il-persunal ta' appoġġ għall-kategoriji B1 u B2 għandu jiżgura li l-kompiti jew spezzjonijiet rilevanti kollha jkunu twettqu skont l-istandard meħtieġ qabel ma l-persunal li jiċċertifika fil-kategorija C joħroġ iċ-ċertifikat tar-rilaxx għas-servizz.

(ii)	L-organizzazzjoni għandha żżomm reġistru ta' tali persunal ta' appoġġ fil-kategoriji B1 u B2.

(iii)

Il-persunal li jiċċertifika fil-kategorija C għandu jiżgura li tinkiseb il-konformità mal-punt (i) u li x-xogħol kollu meħtieġ mill-klijent ikun twettaq matul il-kontroll li jsir jew il-pakkett ta' xogħol ta' manutenzjoni bażika partikolari, u għandu wkoll jivvaluta l-impatt ta' kwalunkwe xogħol mhux imwettaq, bil-ħsieb jew li jenħtieġ li x-xogħol jitwettaq jew li jilħaq qbil mal-operatur biex dan ix-xogħol jiġi diferit għal kontroll speċifiku ieħor jew għal limitu ta' żmien ieħor.

fil-każ tal-manutenzjoni bażi ta' inġenji tal-ajru għajr inġenji tal-ajru kumplessi li jaħdmu bil-magni, dawn għandu jkollhom wieħed minn dawn:

(i)	persunal li jiċċertifika kkwalifikat b'mod xieraq għat-tip ta' inġenju tal-ajru fil-kategoriji B1, B2, B2L, B3 u L, skont l-Anness III (Parti-66) u l-punt 145.A.35;

(ii)	persunal li jiċċertifika kkwalifikat għat-tip ta' inġenju tal-ajru kklassifikat xieraq fil-kategorija C megħjun minn persunal ta' appoġġ, kif stipulat fil-punt 145.A.35(a)(i).

(i)	Il-persunal li jiċċertifika l-komponenti għandu jkun ikkwalifikat skont l-Artikolu 5(6) u l-punt 145.A.35.”;

(3)

il-punti 145.A.35(a) u (b) jinbidlu b'dan li ġej:

“(a)

Minbarra r-rekwiżiti tal-punti 145.A.30(g) u (h), l-organizzazzjoni għandha tiżgura li l-persunal li jiċċertifika u l-persunal ta' appoġġ ikollhom fehim adegwat tal-inġenji tal-ajru u/jew tal-komponenti rilevanti li għandha ssirilhom manutenzjoni u tal-proċeduri tal-organizzazzjoni assoċjati. Fil-każ tal-persunal li jiċċertifika, dan għandu jseħħ qabel il-ħruġ jew il-ħruġ mill-ġdid tal-awtorizzazzjoni taċ-ċertifikazzjoni.

“Persunal ta' appoġġ” tfisser dak il-persunal li jkollu liċenzja għall-manutenzjoni ta' inġenji tal-ajru skont l-Anness III (Parti-66) fil-kategorija B1, B2, B2L, B3 u/jew L bil-klassifikazzjonijiet tal-inġenju tal-ajru xierqa, li jaħdem fl-ambjent tal-manutenzjoni bażika filwaqt li mhux neċessarjament ikollu l-privileġġi taċ-ċertifikazzjoni.

2.	“Inġenji tal-ajru u/jew komponenti rilevanti”, tfisser dawk l-inġenji tal-ajru jew komponenti speċifikati fl-awtorizzazzjoni taċ-ċertifikazzjoni partikolari.

“Awtorizzazzjoni taċ-ċertifikazzjoni” tfisser l-awtorizzazzjoni maħruġa mill-organizzazzjoni lill-persunal li jiċċertifika u li tispeċifika l-fatt li dak il-persunal jista' jiffirma ċ-ċertifikati ta' rilaxx għas-servizz fil-limitazzjonijiet iddikjarati f'tali awtorizzazzjoni f'isem l-organizzazzjoni approvata.

(b)

Għajr għall-każijiet elenkati fil-punti 145.A.30(j) u 66.A.20(a)3(ii), l-organizzazzjoni tista' toħroġ biss awtorizzazzjoni taċ-ċertifikazzjoni lill-persunal li jiċċertifika fir-rigward tal-kategoriji jew tas-subkategoriji bażiċi u, għajr għal-liċenzji tal-kategorija A, kwalunkwe klassifikazzjoni tat-tip elenkata fuq il-liċenzja għall-manutenzjoni ta' inġenji tal-ajru meħtieġa mill-Anness III (Parti-66), bil-kundizzjoni li l-liċenzja tibqa' valida tul il-perjodu ta' validità kollu tal-awtorizzazzjoni u li l-persunal ta' ċertifikazzjoni jibqa' konformi mal-Anness III (Parti-66).”;

(4)

il-punt 145.A.40 huwa emendat kif ġej:

(a)	it-titolu jinbidel b'dan li ġej: “145.A.40 Tagħmir u għodod”;

(b)

il-punt (a) huwa sostitwit b'dan li ġej:

“(a)

L-organizzazzjoni għandu jkollha disponibbli u tuża t-tagħmir u l-għodod meħtieġa biex twettaq l-ambitu tax-xogħol approvat.

(i)	Meta l-manifattur jispeċifika għodda jew tagħmir partikolari, l-organizzazzjoni għandha tuża dik l-għodda jew tagħmir, sakemm l-awtorità kompetenti ma tkunx ftiehmet dwar l-użu ta' għodda jew tagħmir alternattiv permezz ta' proċeduri speċifikati fl-espożizzjoni (manwal).

(ii)	It-tagħmir u l-għodda għandhom ikunu disponibbli b'mod permanenti, għajr fil-każ ta' kwalunkwe għodda jew tagħmir li tant ma jintużax li d-disponibbiltà permanenti tiegħu ma tkunx meħtieġa. Tali każijiet għandhom ikunu ddettaljati fi proċedura tal-manwal.

(iii)

Organizzazzjoni approvata għall-manutenzjoni bażika għandu jkollha tagħmir suffiċjenti għall-aċċess ta' inġenji tal-ajru u pjattaformi/dokks ta' spezzjoni sabiex l-inġenju tal-ajru jkun jista' jiġi spezzjonat kif xieraq.”;

(5)

il-Punt 145.A.42 jinbidel b'dan li ġej:

“145.A.42 Komponenti

“(a)

Klassifikazzjoni tal-komponenti. Il-komponenti kollha għandhom jiġu kklassifikati u ssegregati kif xieraq fil-kategoriji li ġejjin:

(i)

Komponenti li huma f'kundizzjoni sodisfaċenti, maħruġa fuq Formula 1 tal-EASA jew ekwivalenti, u mmarkati skont is-Subparti Q tal-Anness I (Parti 21) tar-Regolament (UE) Nru 748/2012, sakemm ma jkunx speċifikat mod ieħor fl-Anness I (Parti 21) tar-Regolament (UE) Nru 748/2012, jew f'dan l-Anness II (Parti 145).

(ii)	Komponenti li ma jistax isir servizz fuqhom li l-manutenzjoni tagħhom għandha ssir skont dan ir-Regolament.

(iii)

Komponenti kkategorizzati li ma humiex salvabbli minħabba li jkunu laħqu l-limitu ta' żmien iċċertifikat tagħhom jew ikollhom difett li ma jissewwiex.

(iv)	Partijiet standard użati fuq inġenju tal-ajru, magna, skrun jew xi komponent ieħor ta' inġenju tal-ajru meta jkunu speċifikati fid-dejta tal-manutenzjoni u akkumpanjati b'evidenza ta' konformità traċċabbli mal-istandard applikabbli.

(v)

Materjal, bażiku jew konsumabbli, użat matul il-manutenzjoni meta l-organizzazzjoni tkun issodisfata li l-materjal huwa skont l-ispeċifikazzjoni meħtieġa u għandu t-traċċabbiltà xierqa. Il-materjal kollu għandu jkun akkumpanjat minn dokumenti relatati b'mod ċar mal-materjal partikolari u li jinkludu dikjarazzjoni ta' konformità mal-ispeċifikazzjonijiet kif ukoll l-oriġini tal-manifattur u tal-fornitur.

(b)

Komponenti, partijiet standard u materjali għall-installazzjoni

(i)

L-organizzazzjoni għandha tistabbilixxi proċeduri għall-aċċettazzjoni tal-komponenti, tal-partijiet standard u tal-materjali għall-installazzjoni sabiex jiġi żgurat li l-komponenti, il-partijiet standard u l-materjali jkunu f'kundizzjoni sodisfaċenti u jissodisfaw ir-rekwiżiti applikabbli tal-punt (a).

(ii)

L-organizzazzjoni għandha tistabbilixxi proċeduri sabiex tiżgura li komponenti, partijiet standard u materjali jiġu installati fuq inġenju tal-ajru jew komponent biss jekk ikunu f'kundizzjoni sodisfaċenti, jekk jissodisfaw ir-rekwiżiti applikabbli tal-punt (a) u jekk id-dejta tal-manutenzjoni applikabbli tispeċifika l-komponent, parti standard jew materjal partikolari.

(iii)

L-organizzazzjoni tista' tiffabrika firxa ristretta ta' partijiet biex jintużaw waqt ix-xogħol li jkun għaddej fil-faċilitajiet tagħha, dejjem jekk il-proċeduri jkunu identifikati fl-espożizzjoni (manwal).

(iv)	Il-komponenti msemmija fil-punt 21.A.307(c) tal-Anness I (Parti 21) tar-Regolament (UE) Nru 748/2012 għandhom jiġu installati biss jekk jitqiesu eliġibbli għall-installazzjoni minn sid l-inġenju tal-ajru fl-inġenju tal-ajru tiegħu stess.

(c)

Segregazzjoni tal-komponenti

(i)	Il-komponenti li ma jistax isir servizz fuqhom u dawk li ma humiex salvabbli għandhom jiġu ssegregati minn komponenti, partijiet standard u materjali li jista' jsir servizz fuqhom.

(ii)	Il-komponenti li ma humiex salvabbli ma għandhomx jitħallew jidħlu mill-ġdid fis-sistema tal-forniment tal-komponenti sakemm il-limiti ta' żmien iċċertifikat tagħhom ma jkunux ġew estiżi jew sakemm ma tkunx ġiet approvata soluzzjoni ta' tiswija skont ir-Regolament (UE) Nru 748/2012.”.

ANNESS III

L-Anness III huwa emendat kif gej:

(1)

fil-werrej, dawn ir-referenzi li ġejjin għall-Appendiċi VII u VIII huma miżjudin:

—	“Appendiċi VII — Rekwiżiti ta' għarfien bażiku għal liċenzja għall-manutenzjoni ta' inġenji tal-ajru tal-kategorija L

—	Appendiċi VIII — Standards ta' eżami bażiku għal-liċenzja għall-manutenzjoni ta' inġenji tal-ajru tal-kategorija L”;

(2)

il-Punt 66.A.3 jinbidel b'dan li ġej:

“66.A.3 Kategoriji u subkategoriji ta' liċenzji

Il-liċenzji għall-manutenzjoni ta' inġenji tal-ajru jinkludu dawn il-kategoriji li ġejjin u, fejn ikun applikabbli, is-subkategoriji u l-klassifikazzjonijiet ta' sistemi:

(a)

Kategorija A, maqsuma fis-subkategoriji li ġejjin:

—	A1 Ajruplani bit-Turbini;

—	A2 Ajruplani bil-Pistuni;

—	A3 Ħelikopters bit-Turbini;

—	A4 Ħelikopters bil-Pistuni.

(b)

Kategorija B1, maqsuma fis-subkategoriji li ġejjin:

—	B1.1 Ajruplani bit-Turbini;

—	B1.2 Ajruplani bil-Pistuni;

—	B1.3 Ħelikopters bit-Turbini;

—	B1.4 Ħelikopters bil-Pistuni.

(c)	Kategorija B2 Il-liċenzja B2 hija applikabbli għall-inġenji tal-ajru kollha.

(d)

Kategorija B2L

Il-liċenzja B2L hija applikabbli għall-inġenji tal-ajru kollha għajr dawk tal-Grupp 1 kif stipulat fil-Punt 66.A.5(1) u hija maqsuma fil-“klassifikazzjonijiet ta' sistemi” li ġejjin:

—	komunikazzjoni/navigazzjoni (com/nav),

—	strumenti,

—	awtotitjir,

—	sorveljanza,

—	sistemi ta' qafas tal-inġenju tal-ajru.

Liċenzja B2L għandu jkollha, bħala minimu, klassifikazzjoni ta' sistemi waħda.

(e)	Kategorija B3 Il-liċenzja B3 hija applikabbli għall-ajruplani mhux pressurizzati b'magni bil-pistuni u b'Massa Massima tat-Tluq (MTOM) ta' 2 000 kg u inqas.

(f)

Kategorija L, maqsuma fis-subkategoriji li ġejjin:

—	L1C: glajders komposti,

—	L1: glajders,

—	L2C: glajders komposti li jaħdmu bil-magni u ajruplani ELA1 komposti,

—	L2: glajders li jaħdmu bil-magni u ajruplani ELA1,

—	L3H: blalen tal-arja sħuna,

—	L3G: blalen tal-gass,

—	L4H: iġfna tal-ajru tal-arja sħuna,

—	L4G: iġfna tal-ajru tal-gass ELA2,

—	L5: iġfna tal-ajru tal-gass għajr ELA2.

(g)	Kategorija C Il-liċenzja C hija applikabbli għall-ajruplani u l-ħelikopters.”;

(3)

il-Punt 66.A.5 jinbidel b'dan li ġej:

“66.A.5 Gruppi ta' inġenji tal-ajru

Għall-fini tal-klassifikazzjoni tal-liċenzji għall-manutenzjoni ta' inġenji tal-ajru, l-inġenji tal-ajru għandhom jiġu kklassifikati fil-gruppi li ġejjin:

(1)

Grupp 1: inġenji tal-ajru kumplessi li jaħdmu bil-magni, ħelikopters b'magni multipli, ajruplani b'altitudni massima ta' tħaddim iċċertifikata ta' aktar minn FL290, inġenju tal-ajru mgħammar b'sistemi fly-by-wire, iġfna tal-ajru tal-gass għajr ELA2 u inġenji tal-ajru oħrajn li jeħtieġu klassifikazzjoni tat-tip ta' inġenju tal-ajru meta definiti tali mill-Aġenzija.

L-Aġenzija tista' tiddeċiedi li tikklassifika fi Grupp 2, Grupp 3 jew Grupp 4, kif ikun xieraq, inġenju tal-ajru li jissodisfa l-kundizzjonijiet stipulati fl-ewwel subparagrafu, jekk hija tqis li l-kumplessità aktar baxxa tal-inġenju partikolari tiġġustifika li jsir hekk.

(2)

Grupp 2: inġenji tal-ajru għajr dawk fi Grupp 1 li jappartjenu għas-subgruppi li ġejjin:

(i)

subgrupp 2a:

—	ajruplani b'magna waħda turboprop,

—	dawk l-ajruplani turbojet u multiple-turboprop ikklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(ii)

subgrupp 2b:

—	ħelikopters b'magna waħda bit-turbini,

—	dawk il-ħelikopters b'magni multipli bit-turbini kklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(iii)

subgrupp 2c:

—	ħelikopters b'magna waħda bil-pistuni,

—	dawk il-ħelikopters b'magni multipli bil-pistuni ikklassifikati mill-Aġenzija f'dan is-subgrupp minnħabba l-kumplessità aktar baxxa tagħhom.

(3)	Grupp 3: ajruplani b'magna bil-pistuni għajr dawk fil-Grupp 1.

(4)	Grupp 4: glajders, glajders li jaħdmu bil-magni, blalen u iġfna tal-ajru, għajr dawk fil-Grupp 1.”;

(4)

il-punt 66.A.20(a) huwa emendat kif ġej:

(a)

il-punti (4) u (5) jinbidlu b'dan li ġej:

“4.

Liċenzja għall-manutenzjoni ta' inġenji tal-ajru ta' kategorija B2L għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija B1 għal:

—	manutenzjoni mwettqa fuq sistemi elettriċi;

—	manutenzjoni mwettqa fuq sistemi tal-avjonika fil-limiti tal-klassifikazzjonijiet tas-sistemi approvati speċifikament fuq il-liċenzja, u

—	meta jkunu qed jitwettqu l-klassifikazzjoni tas-‘sistema ta' qafas tal-inġenju tal-ajru’, it-twettiq tal-kompiti elettriċi u tal-avjonika fis-sistema tal-powerplant u s-sistema mekkanika, li jeħtieġu biss testijiet sempliċi sabiex tintwera s-servizzibbiltà tagħhom.

Liċenzja għall-manutenzjoni ta' inġenji tal-ajru ta' kategorija B3 għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija B1 għal:

—	manutenzjoni mwettqa fuq l-istruttura, powerplant u sistemi mekkaniċi u elettriċi ta' ajruplan; kif ukoll

—	xogħol fuq sistemi tal-avjonika li jirrikjedu biss testijiet sempliċi sabiex tintwera s-servizzibbiltà tagħhom u li ma jirrikjedux l-identifikazzjoni ta' problemi u soluzzjonijiet.”;

(b)

jiżdiedu l-punti (6) u (7) li ġejjin:

“6.

Liċenzja għall-manutenzjoni ta' inġenji tal-ajru ta' kategorija L għandha tippermetti lid-detentur sabiex joħroġ ċertifikati ta' rilaxx għas-servizz u sabiex jaġixxi bħala persunal ta' appoġġ tal-kategorija L għal:

—	manutenzjoni mwettqa fuq l-istruttura, il-powerplant u s-sistemi mekkaniċi u elettriċi ta' inġenju tal-ajru;

—	xogħol fuq radju, Transmitter għas-Sejbien waqt Emerġenza (Emergency Locator Transmitters /ELT) u sistemi tat-transponder; kif ukoll

—	xogħol fuq sistemi tal-avjonika oħra li jirrikjedu biss testijiet sempliċi sabiex tintwera s-servizzibbiltà tagħhom.

Is-subkategorija L2 tinkludi s-subkategorija L1. Kwalunkwe limitazzjoni għas-subkategorija L2 skont il-punt 66.A.45(h) issir applikabbli wkoll għas-subkategorija L1.

Is-subkategorija L2C tinkludi s-subkategorija L1C.

7.	Liċenzja għall-manutenzjoni ta' inġenji tal-ajru ta' kategorija C għandha tippermetti lid-detentur sabiex joħroġ ċertifikati ta' rilaxx għas-servizz wara manutenzjoni bażika fuq l-inġenju tal-ajru. Il-privileġġi japplikaw għall-inġenju tal-ajru kollu kemm hu.”;

(5)

fil-punt 66.A.25, il-punt (a) jinbidel b'dan li ġej:

“(a)

Għal liċenzji oħra għajr dawk tal-kategoriji B2L u L, applikant għal liċenzja għall-manutenzjoni ta' inġenji tal-ajru, jew għaż-żieda ta' kategorija jew ta' subkategorija f'tali liċenzja, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi I tal-Anness III (Parti-66). L-eżami għandu jkun konformi mal-istandard stipulat fl-Appendiċi II tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti.”;

(6)

il-punt 66.A.25 huwa emendat kif ġej:

(a)

il-punti (b) u (c) jinbidlu b'dan li ġej:

“(b)

Applikant għal liċenzja għall-manutenzjoni ta' inġenji tal-ajru fil-kategorija L li jkun f'subkategorija partikolari, jew għaż-żieda ta' subkategorija differenti, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi VII tal-Anness III (Parti-66). L-eżami għandu jkun konformi mal-istandard stipulat fl-Appendiċi VIII tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti jew kif ikun miftiehem bi qbil mal-awtorità kompetenti.

Id-detentur ta' liċenzja għall-manutenzjoni ta' inġenji tal-ajru fis-subkategorija B1.2 jew fil-kategorija B3 huwa meqjus li jissodisfa r-rekwiżiti ta' għarfien bażiku għal liċenzja fis-subkategoriji L1C, L1, L2C u L2.

Ir-rekwiżiti ta' għarfien bażiku għas-subkategorija L4H jinkludu r-rekwiżiti ta' għarfien bażiku għas-subkategorija L3H.

Ir-rekwiżiti ta' għarfien bażiku għas-subkategorija L4G jinkludu r-rekwiżiti ta' għarfien bażiku għas-subkategorija L3G.

(c)

Applikant għal liċenzja għall-manutenzjoni ta' inġenji tal-ajru fil-kategorija B2L għal ‘klassifikazzjoni ta' sistemi’ partikolari, jew għaż-żieda ta' ‘klassifikazzjoni ta' sistemi’ oħra, għandu juri, b'eżami, livell ta' għarfien fil-moduli tas-suġġetti xierqa f'konformità mal-Appendiċi I tal-Anness III (Parti-66). L-eżami għandu jkun konformi mal-istandard stipulat fl-Appendiċi II tal-Anness III (Parti-66) u għandu jitwettaq jew minn organizzazzjoni tat-taħriġ approvata b'mod xieraq skont l-Anness IV (Parti-147), jew mill-awtorità kompotenti.”

(b)

il-punti (d), (e) u (f) li ġejjin huma miżjuda:

“(d)

L-applikant għandu jkun għamel il-korsijiet ta' taħriġ u għadda mill-eżamijiet sa minn għaxar snin qabel l-applikazzjoni għal liċenzja għall-manutenzjoni ta' inġenji tal-ajru jew għaż-żieda ta' kategorija jew ta' subkategorija fit-tali liċenzja. Jekk dan ma jkunx il-każ, il-kredits tal-eżami jistgħu jinkisbu skont il-punt (e).

(e)

L-applikant jista' japplika għand l-awtorità kompetenti għal kredits tal-eżami, sħaħ jew parzjali, għar-rekwiżiti ta' għarfien bażiku għal:

(i)	eżamijiet ta' għarfien bażiku li ma jissodisfawx ir-rekwiżit stipulat fil-punt (d) ta' hawn fuq;

(ii)	kwalunkwe kwalifika teknika oħra meqjusa mill-awtorità kompetenti bħala ekwivalenti għall-istandard ta' għarfien tal-Anness III (Parti-66).

Il-kredits għandhom jingħataw skont is-Subparti E tas-Sezzjoni B ta' dan l-Anness (Parti-66).

(f)	Il-kredits jiskadu 10 snin wara li jingħataw lill-applikant mill-awtorità kompetenti. L-applikant jista' japplika għal kredits ġodda wara li jiskadu.”;

(7)

fil-punt 66.A.30(a), jiddaħlu l-punti (2a) u (2b) li ġejjin:

“2a.

għall-kategorija B2L:

(i)	tliet (3) snin esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, jekk l-applikant ma għandu l-ebda taħriġ tekniku rilevanti preċedenti; jew

(ii)	sentejn (2) esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, u taħriġ komplut meqjus bħala rilevanti mill-awtorità kompetenti bħala ħaddiem tas-sengħa, f'sengħa teknika; jew

(iii)

sena (1) esperjenza ta' manutenzjoni prattika fuq inġenji tal-ajru operattivi, li tkopri l-klassifikazzjoni(jiet) ta' sistemi korrispondenti, u kors ta' taħriġ bażiku komplut approvat skont il-Parti-147.

Għaż-żieda ta' klassifikazzjoni(jiet) ta' sistemi ġodda f'liċenzja B2L eżistenti, tliet (3) xhur esperjenza ta' manutenzjoni prattika rilevanti għall-klassifikazzjoni(jiet) ta' sistemi ġodda għandha tkun meħtieġa għal kull klassifikazzjoni ta' sistemi miżjuda.

2b.

għall-kategorija L:

(i)	sentejn (2) esperjenza ta' manutenzjoni prattika fuq inġenji tal-ajru operattivi li tkopri parti rappreżentattiva tal-attivitajiet ta' manutenzjoni fis-subkategorija korrispondenti;

(ii)	b'deroga mill-punt (i), sena (1) esperjenza ta' manutenzjoni prattika fuq inġenji tal-ajru operattivi li tkopri parti rappreżentattiva tal-attivitajiet ta' manutenzjoni fis-subkategorija korrispondenti, suġġett għall-introduzzjoni tal-limitazzjoni prevista fil-punt 66.A.45(h)(ii)(3).

Għall-inklużjoni ta' subkategorija addizzjonali f'liċenzja L eżistenti, l-esperjenza meħtieġa skont il-punti (i) u (ii) għandha tkun ta' 12-il xahar u 6 xhur rispettivament.

Id-detentur ta' liċenzja għall-manutenzjoni ta' inġenji tal-ajru fil-kategorija/subkategorija B1.2 jew B3 huwa meqjus li jissodisfa r-rekwiżiti ta' għarfien bażiku għal liċenzja fis-subkategoriji L1C, L1, L2C u L2.”;

(8)

il-Punt 66.A.45 jinbidel b'dan li ġej:

“66.A.45 Approvazzjoni bi klassifikazzjonijiet tal-inġenji tal-ajru

(a)

Sabiex ikun intitolat jeżerċita privileġġi ta' ċertifikazzjoni fuq tip ta' inġenju tal-ajru speċifiku, id-detentur ta' liċenzja għall-manutenzjoni ta' inġenji tal-ajru jeħtieġ li jkollu l-liċenzja tiegħu approvata bil-klassifikazzjonijiet rilevanti tal-inġenju tal-ajru:

—

Għall-kategorija B1, B2 jew C, il-klassifikazzjonijiet rilevanti tal-inġenju tal-ajru huma kif ġej:

(i)	għal inġenji tal-ajru tal-Grupp 1, il-klassifikazzjoni tat-tip ta' inġenju tal-ajru x-xierqa.

(ii)	għal inġenji tal-ajru tal-Grupp 2, il-klassifikazzjonixierqa tat-tip ta' inġenju tal-ajru, tas-subgrupp tal-manifattur jew tas-subgrupp sħiħ;

(iii)

għal inġenji tal-ajru tal-Grupp 3, il-klassifikazzjoni xierqa tat-tip ta' inġenju tal-ajru jew tal-grupp sħiħ;

(iv)	għal inġenji tal-ajru tal-Grupp 4, għal-liċenzja tal-kategorija B2, il-klassifikazzjoni tal-grupp sħiħ.

—

Għall-kategorija B2L, il-klassifikazzjonijiet rilevanti tal-inġenju tal-ajru huma kif ġej:

(i)	għal inġenji tal-ajru tal-Grupp 2, il-klassifikazzjoni xierqa tas-subgrupp tal-manifattur jew tal-grupp sħiħ;

(ii)	għal inġenji tal-ajru tal-Grupp 3, il-klassifikazzjoni tal-grupp sħiħ;

(iii)

għal inġenji tal-ajru tal-Grupp 4, il-klassifikazzjoni tal-grupp sħiħ.

—	Għall-kategorija B3, il-klassifikazzjoni rilevanti hija “ajruplani mhux pressurizzati b'magni bil-pistuni b'MTOM ta' 2 000 kg u inqas”.

—

Għall-kategorija L, il-klassifikazzjonijiet rilevanti tal-inġenji tal-ajru huma kif ġej:

(i)	għas-subkategorija L1C, il-klassifikazzjoni “glajders komposti”;

(ii)	għas-subkategorija L1, il-klassifikazzjoni “glajders”;

(iii)

għas-subkategorija L2C, il-klassifikazzjoni “glajders li jaħdmu bil-magni komposti”;

(iv)	għas-subkategorija L2, il-klassifikazzjoni “glajders li jaħdmu bil-magni u ajruplani ELA1”;

(v)	għas-subkategorija L3H, il-klassifikazzjoni “blalen tal-arja sħuna”;

(vi)	għas-subkategorija L3G, il-klassifikazzjoni “blalen tal-gass”;

(vii)

għas-subkategorija L4H, il-klassifikazzjoni “iġfna tal-ajru tal-arja sħuna”;

(viii)

għas-subkategorija L4G, il-klassifikazzjoni “iġfna tal-ajru tal-gass”;

(ix)	għas-subkategorija L5, il-klassifikazzjoni xierqa tal-iġfna tal-ajru.

—	Għall-kategorija A, l-ebda klassifikazzjoni ma hija meħtieġa, suġġett għall-konformità mar-rekwiżiti tal-punt 145.A.35 tal-Anness II (Parti-145).

(b)

L-approvazzjoni tal-klassifikazzjonijiet tat-tip ta' inġenju tal-ajru teħtieġ li jiġi komplut wieħed minn dawn it-tipi ta' taħriġ:

—	it-taħriġ rilevanti dwar it-tip ta' inġenji tal-ajru tal-kategorija B1, B2 jew C f'konformità mal-Appendiċi III tal-Anness III (Parti-66);

—	fil-każ ta' klassifikazzjonijiet tat-tip ta' iġfna tal-ajru tal-gass f'liċenzja B2 jew L5, taħriġ dwar it-tip approvat mill-awtorità kompetenti skont il-punt 66.B.130.

(c)

Għal-liċenzji għajr dawk tal-kategorija C, minbarra r-rekwiżiti tal-punt (b), l-approvazzjoni tal-ewwel klassifikazzjoni tat-tip ta' inġenju tal-ajru f' kategorija/subkategorija partikolari teħtieġ it-taħriġ komplet fuq il-post tax-xogħol korrispondenti. Dan it-taħriġ fuq il-post tax-xogħol għandu jkun konformi mal-Appendiċi III tal-Anness III (Parti-66), għajr fil-każ ta' iġfna tal-ajru tal-gass, fejn għandu jiġi approvat direttament mill-awtorità kompetenti.

(d)

B'deroga mill-punti (b) u (c), għal inġenji tal-ajru tal-Grupp 2 u 3, il-klassifikazzjonijiet tat-tip ta' inġenju tal-ajru jistgħu jiġu approvati fil-liċenzja wara:

—	it-twettiq sodisfaċenti tal-eżami tat-tip ta' inġenju tal-ajru tal-kategorija B1, B2 jew C rilevanti f'konformità mal-Appendiċi III ta' dan l-Anness (Parti-66);

—	fil-każ ta' kategorija B1 u B2, it-turija ta' esperjenza prattika fuq it-tip ta' inġenju tal-ajru. F'dak il-każ, l-esperjenza prattika għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja.

Fil-każ ta' klassifikazzjoni ta' kategorija C, għal persuna kkwalifikata b'lawrja akkademika kif speċifikat fil-punt 66.A.30(a)(7), l-ewwel eżami tat-tip ta' inġenju tal-ajru rilevanti għandu jkun fil-livell tal-kategorija B1 jew B2.

(e)

Għall-inġenji tal-ajru tal-Grupp 2:

(i)

l-approvazzjoni tal-klassifikazzjonijiet ta' subgrupp tal-manifattur għad-detenturi ta' liċenzja tal-kategorija B1 u C teħtieġ il-konformità mar-rekwiżiti ta' klassifikazzjoni tat-tip ta' inġenju tal-ajru ta' mill-inqas żewġ tipi ta' inġenji tal-ajru mill-istess manifattur, li flimkien huma rappreżentattivi tas-subgrupp tal-manifattur applikabbli;

(ii)

l-approvazzjoni tal-klassifikazzjonijiet ta' subgrupp sħiħ għad-detenturi ta' liċenzji tal-kategorija B1 u C teħtieġ il-konformità mar-rekwiżiti ta' klassifikazzjoni tat-tip ta' inġenju tal-ajru ta' mill-inqas tliet tipi ta' inġenji tal-ajru minn manifatturi differenti, li flimkien huma rappreżentattivi tas-subgrupp applikabbli;

(iii)

l-approvazzjoni ta' klassifikazzjonijiet ta' subgrupp tal-manifatturi u ta' subgrupp sħiħ għad-detenturi ta' liċenzji tal-kategorija B2 u B2L teħtieġ it-turija ta' esperjenza prattika li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja u għas-subgrupp ta' inġenji tal-ajru applikabbli u, fil-każ tal-liċenzja B2L, rilevanti għall-klassifikazzjoni(jiet) ta' sistemi applikabbli;

(iv)	b'deroga mill-punt (e)(iii), id-detentur ta' liċenzja B2 jew B2L, approvata b'subgrupp 2b sħiħ, huwa intitolat li jiġi approvat b'subgrupp 2c sħiħ.

(f)

Għall-inġenji tal-ajru tal-Gruppi 3 u 4:

(i)

l-approvazzjoni tal-klassifikazzjoni tal-Grupp 3 sħiħ għad-detenturi ta' liċenzji ta' kategorija B1, B2, B2L u C u l-approvazzjoni tal-klassifikazzjoni tal-Grupp 4 sħiħ għad-detenturi ta' liċenzji ta' kategorija B2 u B2L teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja u għall-Grupp 3 jew 4, kif ikun applikabbli;

(ii)

għall-kategorija B1, sakemm l-applikant ma jipprovdix evidenza ta' esperjenza xierqa, il-klassifikazzjoni tal-Grupp 3 għandha tiġi suġġetta għal-limitazzjonijiet li ġejjin, li għandhom ikunu approvati fuq il-liċenzja:

—	ajruplani bi pressjoni,

—	ajruplani bi struttura tal-metall,

—	ajruplani bi struttura komposta,

—	ajruplani bi struttura tal-injam,

—	ajruplani bi struttura ta' tubi tal-metall miksijin bit-tessuti;

(iii)

b'deroga mill-punt (f)(i), id-detentur ta' liċenzja B2L, approvata b'subgrupp 2a jew 2b sħiħ, huwa intitolat li jiġi approvat bil-Gruppi 3 u 4.

(g)

Għal-liċenzja B3:

(i)	l-approvazzjoni tal-klassifikazzjoni “ajruplani mhux pressurizzati b'magni bil-pistuni b'MTOM ta' 2 000 kg u inqas” teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għall-kategorija tal-liċenzja;

(ii)

sakemm l-applikant ma jipprovdix evidenza ta' esperjenza xierqa, il-klassifikazzjoni msemmija fil-punt (i) għandha tiġi suġġetta għal-limitazzjonijiet li ġejjin, li għandhom ikunu approvati fuq il-liċenzja:

—	ajruplani bi struttura tal-injam,

—	ajruplani bi struttura ta' tubi tal-metall miksijin bit-tessuti,

—	ajruplani bi struttura tal-metall,

—	ajruplani bi struttura komposta.

(h)

Għas-subkategoriji tal-liċenzja L kollha, għajr għal L5:

(i)	l-approvazzjoni tal-klassifikazzjonijiet teħtieġ it-turija ta' esperjenza prattika, li għandha tinkludi parti rappreżentattiva tal-attivitajiet ta' manutenzjoni rilevanti għas-subkategorija tal-liċenzja;

(ii)

sakemm l-applikant ma jipprovdix evidenza ta' esperjenza xierqa, il-klassifikazzjonijiet għandhom jiġu suġġetti għal-limitazzjonijiet li ġejjin, li għandhom ikunu approvati fuq il-liċenzja:

(1)

għall-klassifikazzjonijiet “glajders” u “glajders li jaħdmu bil-magni u ajruplani ELA1”;

—	inġenji tal-ajru bi struttura tal-injam miksi bit-tessuti,

—	inġenji tal-ajru bi struttura ta' tubi tal-metall miksijin bit-tessuti,

—	inġenji tal-ajru bi struttura tal-metall,

—	inġenji tal-ajru bi struttura komposta,

(2)

għall-klassifikazzjoni “blalen tal-gass”:

—	għajr blalen tal-gass ELA1; kif ukoll

(3)

f'każ li l-applikant jipprovdi evidenza ta' esperjenza ta' sena skont id-deroga inkluża fil-punt 66.A.30(a)(2b)(ii), din il-limitazzjoni ta' hawn taħt għandha tkun approvata fuq il-liċenzja:

“kompiti ta' manutenzjoni kumplessi previsti fl-Appendiċi VII tal-Anness I (Parti-M), tibdil standard previst fil-punt 21.A.90B tal-Anness I (Parti-21) tar-Regolament (UE) Nru 748/2012 u tiswijiet standard previsti fil-punt 21.A.431B tal-Anness I (Parti-21) tar-Regolament (UE) Nru 748/2012.”

Id-detentur ta' liċenzja għall-manutenzjoni ta' inġenji tal-ajru tas-subkategorija B1.2 approvata bil-klassifikazzjoni ta' Grupp 3, jew fil-kategorija B3 approvata bil-klassifikazzjoni “ajruplani mhux pressurizzati b'magni bil-pistuni b'MTOM ta' 2 000 kg u inqas”, huwa meqjus li jissodisfa r-rekwiżti għall-ħruġ ta' liċenzja fis-subkategoriji L1 u L2 bil-klassifikazzjonijiet sħaħ korrispondenti u bl-istess limitazzjonijiet tal-liċenzja B1.2/B3 fil-pussess tiegħu.”;

(9)

fil-punt 66.A.50, il-punt (a) jinbidel b'dan li ġej:

“(a)	Il-limitazzjonijiet introdotti fuq liċenzja għall-manutenzjoni ta' inġenji tal-ajru huma esklużjonijiet mill-privileġġi ta' ċertifikazzjoni u, fil-każ tal-limitazzjonijiet imsemmija fil-punt 66.A.45, jaffettwaw lill-inġenju tal-ajru kollu kemm hu.”;

(10)

fil-punt 66.A.70, il-punti (c) u (d) jinbidlu b'dan li ġej:

“(c)

Fejn meħtieġ, il-liċenzja għall-manutenzjoni ta' inġenji tal-ajru għandha tinkludi limitazzjonijiet skont il-punt 66.A.50 li jirriflettu d-differenzi bejn:

(i)	l-ambitu tal-kwalifikazzjoni tal-persunal li jiċċertifika valida fl-Istat Membru qabel id-dħul fis-seħħ tal-kategorija jew tas-subkategorija tal-liċenzja applikabbli prevista f'dan l-Anness (Parti-66);

(ii)	ir-rekwiżiti ta' għarfien bażiku u l-istandards tal-eżami bażiku stipulati fl-Appendiċi I u II ta' dan l-Anness (Parti-66).

(d)

B'deroga mill-punt (c), għall-inġenji tal-ajru li ma jintużawx minn trasportaturi tal-ajru liċenzjati skont ir-Regolament (KE) Nru 1008/2008, għajr għal inġenji tal-ajru kumplessi li jaħdmu bil-magni, u għal blalen, glajders u glajders u iġfna tal-ajru li jaħdmu bil-magni, il-liċenzja tal-manutenzjoni ta' inġenji tal-ajru għandu jkun fiha limitazzjonijiet skont il-punt 66.A.50 sabiex ikun żgurat li l-privileġġi tal-persunal li jiċċertifika validi fl-Istat Membru qabel id-dħul fis-seħħ tal-kategorija/subkategorija ta' liċenzja applikabbli skont il-Parti-66 u l-privileġġi tal-liċenzja għall-manutenzjoni ta' inġenju tal-ajru skont il-Parti-66 maqluba jibqgħu l-istess.”;

(11)

il-punt 66.B.100(b),huwa mibdul b'li ġej:

“(b)

L-awtorità kompetenti għandha tivverifika l-istatus tal-eżamijiet ta' applikant u/jew tikkonferma l-validità ta' kwalunkwe kredit biex tiżgura li r-rekwiżiti tal-moduli kollha tal-Appendiċi I jew tal-Appendiċi VII, kif ikun applikabbli, ikunu ġew issodisfati kif meħtieġ minn dan l-Anness (Parti-66).”;

(12)

il-Punt 66.B.110 jinbidel b'dan li ġej:

“66.B.110 Proċedura għat-tibdil ta' liċenzja għall-manutenzjoni ta' inġenji tal-ajru sabiex tinkludi kategorija jew subkategorija bażika addizzjonali

(a)

Mat-tlestija tal-proċeduri speċifikati fil-punti 66.B.100 jew 66.B.105, l-awtorità kompetenti għandha tapprova l-kategorija jew subkategorija bażika addizzjonali, jew, għall-kategorija B2L, il-klassifikazzjoni(jiet) ta' sistemi, fuq il-liċenzja għall-manutenzjoni ta' inġenji tal-ajru permezz ta' timbru u firma jew għandha toħroġ il-liċenzja mill-ġdid.

(b)	Is-sistema ta' reġistrazzjonijiet tal-awtorità kompotenti għandha tinbidel skont dan.

(c)

Fuq talba mill-applikant, l-awtorità kompotenti għandha tibdel liċenzja fil-kategorija B2L b'liċenzja fil-kategorija B2 approvata bl-istess klassifikazzjoni(jiet) tal-inġenji tal-ajru meta d-detentur ikun wera dawn iż-żewġ elementi:

(i)	b'eżami, id-differenzi bejn l-għarfien bażiku korrispondenti għal-liċenzja B2L fil-pussess tiegħu u l-għarfien bażiku tal-liċenzja B2, kif stipulat fl-Appendiċi I;

(ii)	l-esperjenza prattika meħtieġa fl-Anness IV.

(d)

Fil-każ ta' detentur ta' liċenzja għall-manutenzjoni ta' inġenji tal-ajru tas-subkategorija B1.2 approvata bil-klassifikazzjoni ta' Grupp 3, jew fil-kategorija B3 approvata bil-klassifikazzjoni “ajruplani mhux pressurizzati b'magni bil-pistuni b'MTOM ta' 2 000 kg u inqas”, l-awtorità kompetenti għandha toħroġ, meta ssir applikazzjoni, liċenzja bil-klassifikazzjonijiet kompluti fis-subkategoriji L1 u L2, u bl-istess limitazzjonijiet tal-liċenzja B1.2/B3 fil-pussess tiegħu.”;

(13)

fil-punt 66.B.115, il-punt (f) jinbidel b'dan li ġej:

“(f)

L-awtorità kompetenti għandha tiżgura li l-konformità mal-elementi prattiċi tat-taħriġ dwar it-tip tintwera permezz ta' waħda minn dawn l-alternattivi:

(i)	permezz tal-provvista ta' rekords dettaljati ta' taħriġ prattiku jew ġurnal ta' abbord ipprovdut mill-organizzazzjoni li tkun tat il-kors bl-approvazzjoni diretta tal-awtorità kompetenti skont il-punt 66.B.130;

(ii)	fejn applikabbli, permezz ta' ċertifikat tat-taħriġ li jkopri l-element ta' taħriġ prattiku, maħruġ minn organizzazzjoni ta' taħriġ fil-manutenzjoni approvata kif xieraq skont l-Anness IV (Parti-147).”;

(14)

fil-punt 66.B.125(b), il-punt (1) jinbidel b'dan li ġej:

“(1)

għall-kategorija B1 jew C:

—	magna bil-pistuni ta' ħelikopter, grupp sħiħ: maqluba għal “subgrupp 2c sħiħ” flimkien mal-klassifikazzjonijiet tat-tip ta' inġenju tal-ajru għal dawk il-ħelikopters b'magna waħda bil-pistuni li huma fil-Grupp1;

—	magna bil-pistuni ta' ħelikopter, grupp tal-manifattur: maqluba għas-“subgrupp 2b sħiħ” korrispondenti flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bil-pistuni ta' dak il-manifattur li huma fil-Grupp 1;

—	magna bit-turbini ta' ħelikopter, grupp sħiħ: maqluba għal “subgrupp 2b sħiħ” flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bit-turbini li huma fil-Grupp 1;

—	magna bit-turbini ta' ħelikopter, grupp tal-manifattur: maqluba għas-“subgrupp 2b tal-manifattur” korrispondenti flimkien mal-klassifikazzjonijiet tat-tip tal-inġenji tal-ajru għal dawk il-ħelikopters b'magna waħda bit-turbini ta' dak il-manifattur li huma fil-Grupp 1.

—

magna waħda bil-pistuni ta' ajruplan — struttura tal-metall, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi struttura komposta, ajruplani bi struttura tal-injam, u ajruplani bi struttura ta' tubi tal-metall miksijin bit-tessuti;

—

ajruplani b'magni multipli bil-pistuni — struttura tal-metall, grupp sħiħ jew grupp tal-manifattur: maqluba għal “subgrupp 3 sħiħ” flimkien mal-klassifikazzjonijiet tat-tip ta' inġenju tal-ajru għal dawk l-ajruplani b'magni multipli bil-pistuni tal-grupp sħiħ/tal-manifattur korrispondenti li huma fil-Grupp1. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi struttura komposta, ajruplani bi struttura tal-injam, u ajruplani bi struttura ta' tubi tal-metall miksijin bit-tessuti;

—

ajruplani b'magna waħda bil-pistuni — struttura tal-injam, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura komposta u ajruplani bi struttura ta' tubi tal-metall miksijin bit-tessuti;

—

ajruplani b'magni multipli bil-pistuni — struttura tal-injam, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura komposta u ajruplani bi struttura ta' tubi tal-metall miksijin bit-tessuti;

—

ajruplani b'magna waħda bil-pistuni — struttura komposta, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura tal-injam u ajruplani bi struttura ta' tubi tal-metall miksijin bit-tessuti;

—

ajruplani b'magni multipli bil-pistuni — struttura komposta, grupp sħiħ jew grupp tal-manifattur: maqluba għal “grupp 3 sħiħ”. Għal-liċenzja B1, għandhom jiġu inklużi l-limitazzjonijiet li ġejjin: ajruplani bi pressjoni, ajruplani bi struttura tal-metall, u ajruplani bi struttura tal-injam u ajruplani bi struttura ta' tubi tal-metall miksijin bit-tessuti;

—

ajruplani bit-turbini — b'magna waħda, grupp sħiħ: maqluba għal “subgrupp 2a sħiħ” flimkien mal-klassifikazzjonijiet tat-tip tal-inġenji tal-ajru għal dawk l-ajruplani b'magna waħda turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-Grupp 1;

—

ajruplani bit-turbini — b'magna waħda, grupp tal-manifattur: maqluba għas-“subgrupp 2a tal-manifattur” korrispondenti flimkien mal-klassifikazzjonijiet tat-tip tal-inġenji tal-ajru għal dawk l-ajruplani b'magna waħda turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti u huma fil-Grupp 1;

—	ajruplani bit-turbini — b'magni multipli, grupp sħiħ: maqluba għall-klassifikazzjonijiet tat-tip tal-inġenji tal-ajru għal dawk l-ajruplani b'magni multipli turboprop li ma kinux jirrikjedu klassifikazzjoni tat-tip tal-inġenji tal-ajru fis-sistema preċedenti.”

(15)

il-Punt 66.B.130 jinbidel b'dan li ġej:

“66.B.130 Proċedura għall-approvazzjoni diretta ta' taħriġ skont it-tip ta' inġenji tal-ajru

(a)

Fil-każ tat-taħriġ skont it-tip għall-inġenji tal-ajru għajr iġfna tal-ajru, l-awtorità kompetenti tista' tapprova taħriġ skont it-tip ta' inġenji tal-ajru li ma jitwettaqx minn organizzazzjoni ta' taħriġ fil-manutenzjoni approvata skont l-Anness IV (Parti-147), skont il-punt 1 tal-Appendiċi III ta' dan l-Anness (Parti-66). F'tali każ, l-awtorità kompetenti għandu jkollha proċedura fis-seħħ biex tiżgura li t-taħriġ skont it-tip ta' inġenji tal-ajru jkun konformi mal-Appendiċi III ta' dan l-Anness (Parti-66).

(b)

Fil-każ ta' taħriġ skont it-tip għal iġfna tal-ajru tal-Grupp 1, il-korsijiet għandhom ikunu dejjem approvati direttament mill-awtorità kompetenti. L-awtorità kompetenti għandu jkollha proċedura sabiex tiżgura li s-sillabu tat-taħriġ dskont it-tip għall-iġfna tal-ajru jkopri l-elementi kollha inklużi fid-dejta tal-manutenzjoni mid-Detentur tal-Approvazzjoni tad-Disinn (Design Approval Holder/DAH).”;

(16)

fil-punt 66.B.200, il-punt (c) jinbidel b'dan li ġej:

“(c)	L-eżamijiet bażiċi għandhom isegwu l-istandard speċifikat fl-Appendiċi I u II jew fl-Appendiċi VII u VIII ta' dan l-Anness (Parti-66), kif applikabbli.”;

(17)	Fil-punt 66.B.305(b), il-kelma “Appendiċi III” tinbidel bil-kelma “Appendiċi I”;

(18)

il-Punt 66.B.405 jinbidel b'dan li ġej:

“66.B.405 Rapport tal-kredits tal-eżami

(a)

Ir-rapport tal-kredits għandu jinkludi paragun bejn:

(i)	il-moduli, is-submoduli, is-suġġetti u l-livelli ta' għarfien inklużi fl-Appendiċi I jew VII ta' dan l-Anness (Parti-66), kif applikabbli;

(ii)	is-sillabu tal-kwalifika teknika konċernata, rilevanti għall-kategorija partikolari li trid tinkiseb.

Dan il-paragun għandu jiddikjara jekk hijiex qiegħda tintwera konformità u għandu jinkludi l-ġustifikazzjonijiet għal kull dikjarazzjoni.

(b)

Il-kredits għall-eżamijiet, għajr għall-eżamijiet ta' għarfien bażiku mwettqa fl-organizzazzjonijiet ta' taħriġ fil-manutenzjoni approvati skont l-Anness IV (Parti-147), jistgħu jingħataw biss mill-awtorità kompetenti tal-Istat Membru fejn tkun inkisbet il-kwalifika, sakemm ma jkunx jeżisti xi ftehim formali ma' dik l-awtorità kompetenti li jgħid mod ieħor.

(c)	Ma jista' jingħata l-ebda kredit sakemm ma jkunx hemm dikjarazzjoni tal-konformità għal kull modulu u submodulu, li tindika fejn l-istandard ekwivalenti jista' jinstab fil-kwalifika teknika.

(d)

L-awtorità kompetenti għandha tiċċekkja, fuq bażi regolari, jekk dawn l-elementi li ġejjin ikunux inbidlu:

(i)	l-istandard tal-kwalifiki nazzjonali;

(ii)	l-Appendiċi I jew VII ta' dan l-Anness (Parti-66), kif applikabbli.

L-awtorità kompetenti għandha tevalwa wkoll jekk ikunx meħtieġ tibdil konsegwenti fir-rapport tal-kredits. Dan it-tibdil għandu jiġi ddokumentat, iddatat u rreġistrat.”;

(19)

fil-punt 66.B.410, il-punt (c) jinbidel b'dan li ġej:

“(c)

Malli l-kredits jiskadu, l-applikant jista' japplika għal kredits ġodda. L-awtorità kompetenti għandha testendi l-validità tal-kredits għal perjodu addizzjonali ta' għaxar snin mingħajr aktar kunsiderazzjoni jekk ir-rekwiżiti ta' għarfien bażiku definiti fl-Appendiċi I jew VII ta' dan l-Anness (Parti-66), kif applikabbli, ma jkunux inbidlu.”;

(20)

L-Appendiċi I hija emendata kif ġej:

(a)

fil-punt 1, it-titolu u l-ewwel subparagrafu jinbidlu b'dan li ġej:

“

Appendiċi I

Rekwiżiti ta' Għarfien Bażiku

(għajr għal liċenzja tal-kategorija L)

1. Livelli ta' għarfien għal-liċenzja għall-manutenzjoni ta' inġenji tal-ajru tal-kategorija A, B1, B2, B2L, B3 u C

L-għarfien bażiku għall-kategoriji A, B1, B2, B2L u B3 huwa indikat permezz tal-livelli ta' għarfien (1, 2 jew 3) għal kull suġġett applikabbli. L-applikanti tal-kategorija C għandhom jilħqu l-livelli ta' għarfien bażiku tal-kategorija B1 jew tal-kategorija B2.

”;

(b)

fil-punt 2, it-titolu, l-ewwel subparagrafu u l-ewwel tabella jinbidlu b'dan li ġej:

“2. Modularizzazzjoni

Il-kwalifikazzjoni fir-rigward ta' suġġetti bażiċi għal kull kategorija jew subkategorija tal-liċenzja għall-manutenzjoni ta' inġenji tal-ajru għandha tkun skont il-matriċi li ġejja, fejn is-suġġetti applikabbli jkunu indikati b'“X”:

Għall-kategoriji A, B1 u B3:

Modulu tas-suġġett	Ajruplan A jew B1 li jkollu:		Ħelikopter A jew B1 li jkollu:		B3
	Magna/i bit-turbini	Magna/i bil-pistuni	Magna/i bit-turbini	Magna/i bil-pistuni	Ajruplani mhux pressurizzati b'magni bil-pistuni b'MTOM ta' 2 000 kg u inqas
1	X	X	X	X	X
2	X	X	X	X	X
3	X	X	X	X	X
4	X	X	X	X	X
5	X	X	X	X	X
6	X	X	X	X	X
7A	X	X	X	X
7B					X
8	X	X	X	X	X
9A	X	X	X	X
9B					X
10	X	X	X	X	X
11 A	X
11 B		X
11C					X
12			X	X
13
14
15	X		X
16		X		X	X
17 A	X	X
17 B					X

Għall-kategoriji B2 u B2L:

Modulu/submoduli tas-suġġett	B2	B2L
1	X	X
2	X	X
3	X	X
4	X	X
5	X	X
6	X	X
7A	X	X
7B
8	X	X
9A	X	X
9B
10	X	X
11A
11B
11C
12
13.1 u 13.2	X	X
13.3(a)	X	X (għall-klassifikazzjoni ta' sistemi “Awtotitjir”)
13.3(b)	X
13.4(a)	X	X (għall-klassifikazzjoni ta' sistemi “Com/Nav”)
13.4(b)	X	X (għall-klassifikazzjoni ta' sistemi “Sorveljanza”)
13.4(c)	X
13.5	X	X
13.6	X
13.7	X	X (għall-klassifikazzjoni ta' sistemi “Awtotitjir”)
13.8	X	X (għall-klassifikazzjoni ta' sistemi “Strumenti”)
13.9	X	X
13.10	X
13.11 sa 13.18	X	X (għall-klassifikazzjoni ta' sistemi “Sistemi ta' qafas tal-inġenju tal-ajru”)
13.19 sa 13.22	X
14	X	X (għall-klassifikazzjonijiet ta' sistemi “Strumenti” u “Sistemi ta' qafas tal-inġenju tal-ajru”)”
15
16
17A
17B

(c)

fit-tabelli l-moduli 1, 2, 3, 4, 5, 6, 7A, 8, 9A, 10 u 14, il-kontenut tal-kaxxa

IL-LIVELL

jinbidel b'dan li ġej:

IL-LIVELL

B2L

(d)	fit-tabella tal-modulu 5, “1” jinbidel bi “—” mis-submodulu 5.5(a) għal-liċenzja B3;

(e)	fit-tabella tal-modulu 7B, “—” jinbidel bi “1” mis-submodulu 7.4 għal-liċenzja B3;

(f)	fit-tabella tal-modulu 7B submodulu 7.10, “1” jinbidel bi “2” għal-liċenzja B3;

(g)	fit-tabella tal-modulu 11A submodulu 11.8 punt (b), “1” jinbidel bi “2” għal-liċenzja B1.1;

(h)

fit-tabella tal-modulu 11A, il-kaxxa tal-kontenut tal-ewwel kolonna tas-submodulu 11.16 tinbidel b'dan li ġej:

“11.16 Pnewmatiku/Vakwu (ATA 36)

It-tqassim tas-sistema;

Sorsi: il-magna/APU (l-unità ta' potenza awżiljarja), il-kompressuri, ir-reservoirs, il-forniment mill-art;

Pompi tal-pressjoni u tal-vakwu;

Kontroll tal-pressjoni;

Distribuzzjoni;

Indikazzjonijiet u twissijiet;

Interfaċċi ma' sistemi oħra.”;

(i)

fit-tabella tal-modulu 11A, il-kaxxa tal-kontenut tal-ewwel kolonna tas-submodulu 11.20 tinbidel b'dan li ġej:

“11.20 Sistemi tal-Kabina (ATA44)

L-unitajiet u l-komponenti li jipprovdu apparati għad-divertiment tal-passiġġieri u għall-komunikazzjoni fl-inġenju tal-ajru (is-Sistema ta' Dejta ta' Interkomunikazzjoni tal-Kabina (CIDS)) kif ukoll bejn il-kabina tal-inġenju tal-ajru u l-istazzjonijiet tal-art (is-Servizz ta' Netwerk tal-Kabina (CNS)). Dawn jinkludu trażmissjonijiet tal-vuċi, dejta, mużika u vidjo.

Is-CIDS tipprovdi konnessjoni elettronika bejn l-ekwipaġġ tal-kokpit/tal-kabina u s-sistemi tal-kabina. Dawn is-sistemi jsostnu l-iskambju ta' dejta tal-Unitajiet Sostitwibbli fil-Post (LRUs) differenti u relatati, u normalment jiġu mħaddma mill-Panils tal-Flight Attendants (FAPs).

Normalment, is-CNS ikun magħmul minn server li jkollu interfaċċa ma', fost oħrajn, dawn is-sistemi li ġejjin:

—	Komunikazzjoni ta' dejta/radju;

—	Sistema Ewlenija tal-Kabina (CSS);

—	Sistema ta' Divertiment Abbord (IFES);

—	Sistema ta' Komunikazzjoni Esterna (ECS);

—	Sistema ta' Memorja ta' Massa tal-Kabina (CMMS);

—	Sistema ta' Monitoraġġ tal-Kabina (CMS);

—	Sistemi Mixxelanji tal-Kabina (MCSs).

Is-CNS jista' jkollha funzjonijiet bħal:

—	aċċess għal rapporti ta' qabel it-tluq/tat-tluq;

—	aċċess għall-posta elettronika/l-intranet/l-internet; bażi ta' dejta tal-passiġġiera.”;

(j)	fit-tabella tal-modulu 11B, submodulu 11.8 punt (b), “3” jinbidel bi “2” għal-liċenzja B1.2;

(k)

fit-tabella tal-modulu 11B, il-kaxxa tal-kontenut tal-ewwel kolonna tas-submodulu 11.16 tinbidel b'dan li ġej:

“11.16 Pnewmatiku/Vakwu (ATA 36)

It-tqassim tas-sistema;

Sorsi: il-magna/APU, il-kompressuri, ir-reservoirs, il-forniment mill-art;

Pompi tal-pressjoni u tal-vakwu;

Kontroll tal-pressjoni;

Distribuzzjoni;

Indikazzjonijiet u twissijiet;

Interfaċċi ma' sistemi oħra.”;

(l)

fit-tabella tal-modulu 12, il-kaxxa tal-kontenut tal-ewwel kolonna tas-submodulu 12.16 tinbidel b'dan li ġej:

“12.16 Pnewmatiku/Vakwu (ATA 36)

It-tqassim tas-sistema;

Sorsi: il-magna/APU, il-kompressuri, ir-reservoirs, il-forniment mill-art;

Pompi tal-pressjoni u tal-vakwu;

Kontroll tal-pressjoni;

Distribuzzjoni;

Indikazzjonijiet u twissijiet;

Interfaċċi ma' sistemi oħra.”;

(m)

il-modulu 13 jinbidel b'dan li ġej:

“MODULU 13 - AJRUDINAMIKA, STRUTTURI U SISTEMI TAL-INĠENJI TAL-AJRU

IL-LIVELL

B2L

13.1	Teorija tat-Titjir

(a)	L-Ajrudinamika u l-Kontrolli tat-Titjir ta' Ajruplan

It-tħaddim u l-effetti ta':

—	il-kontroll tar-roll: l-ailerons u t-tmun;

—	il-kontroll tal-pitch: l-elevaturi, l-istabbilaturi, l-istabbilizzaturi tal-inċidenza varjabbli u l-canards; kif ukoll

—	il-kontroll tal-yaw: il-limitaturi tat-tmun;

Il-kontroll permezz ta' elevons, ruddervators;

L-istrumenti tal-irfigħ għoli: is-slots, is-slats, il-flaps;

It-tagħmir li jnissel id-drag: it-tmun, id-dumpers tal-irfigħ, il-brejkijiet tal-veloċità; kif ukoll

It-tħaddim u l-effetti tat-trim tabs, is-servo tabs u l-control surface bias.

(b)	Titjir b'Veloċità Għolja

Veloċità tal-ħoss, titjir subsoniku, titjir transoniku, titjir supersoniku;

Numru Mach, numru Mach kritiku.

(c)	Ajrudinamika tal-Ġwienaħ Rotanti

Terminoloġija;

It-tħaddim u l-effett ta' kontrolli ċikliċi, kollettivi u anti-torque.

13.2	Strutturi — Kunċetti Ġenerali

Il-prinċipji fundamentali tas-Sistemi Strutturali

Is-Sistemi ta' Identifikazzjoni taż-Żona u tal-Istazzjonijiet

Metalizzazzjoni (bonding) elettrika

Id-dispożizzjoni tal-protezzjoni minn impatt ta' sajjetta.

13.3	Awtotitjir (ATA 22)

(a)

Il-prinċipji fundamentali tal-kontroll tat-titjir awtomatiku inklużi l-prinċipji tat-tħaddim u t-terminoloġija attwali;

L-ipproċessar ta' sinjali ta' ordnijiet;

Modi ta' tħaddim: kanali roll, pitch u yaw;

Ristretturi tal-yaw;

Sistema għat-Titjib fl-Istabbiltà tal-ħelikopters;

Kontroll awtomatiku tat-trim;

Interfaċċa ta' għajnuna għan-nagivazzjoni awtopilota;

(b)

Sistemi ta' autothrottle;

Sistemi ta' nżul awtomatiku: il-prinċipji u kategoriji, il-modi ta' tħaddim, l-approċċ, il-glideslope, l-art, il-go-around, il-moniters tas-sistema u l-kundizzjonijiet ta' ħsara.

13.4	Komunikazzjoni/Navigazzjoni (ATA 23/34)

(a)

Il-prinċipji fundamentali ta' propagazzjoni ta' radio waves, antenni, linji ta' trasmissjoni, komunikazzjoni, receiver u transmitter;

Prinċipji tat-tħaddim tas-sistemi li ġejjin:

—	Komunikazzjoni bi Frekwenza Għolja Ħafna (VHF);

—	Komunikazzjoni bi Frekwenza Għolja (HF);

—

Awdjo;

—	Transmitters għas-Sejbien waqt Emerġenza (ELTs);

—	Reġistratur tal-vuċi fil-kabina tal-pilota (CVR);

—	Medda Omnidirezzjonali bi Frekwenza Għolja Ħafna (VOR);

—	Sejbien Awtomatiku tad-Direzzjoni (ADF);

—	Sistema ta' Nżul bl-Istrumenti (ILS);

—	Sistemi ta' Flight Director (FDSs), Tagħmir għall-Kejl tad-Distanza (DME);

—	Navigazzjoni taż-żona, sistemi RNAV;

—	Sistemi ta' Ġestjoni tat-Titjira (FMSs);

—	Sistema ta' Pożizzjonament Globali (GPS), Sistemi ta' Navigazzjoni Globali bis-Satellita (GNSSs);

—	Kollegament tad-Dejta.

(b)

—	Transponder ta' Kontroll tat-Traffiku tal-Ajru, radar sekondarju għas-sorveljanza;

—	Sistema ta' Twissija tat-Traffiku u Prevenzjoni ta' Kolliżjonijiet (TCAS);

—	Radar għall-evitar tal-maltemp;

—	Altimetru tar-Radju;

—	Sorveljanza Dipendenti Awtomatika — Xandir (ADS-B).

(c)

—	Sistema ta' Nżul bil-Microwave (MLS);

—	Navigazzjoni bi Frekwenza Baxxa Ħafna u iperbolika (VLF/Omega);

—	Navigazzjoni Doppler;

—	Sistema ta' Navigazzjoni Inerzjali (INS);

—	Komunikazzjoni u rapportar ARINC (Aircraft Radio Incorporated).

13.5	Enerġija Elettrika (ATA 24)

L-installazzjoni u t-tħaddim tal-batteriji;

Il-ġenerazzjoni tal-enerġija b'Kurrent Dirett (DC);

Il-ġenerazzjoni tal-enerġija b'Kurrent Alternat (AC);

Il-ġenerazzjoni tal-enerġija (power) tal-emerġenza;

Ir-regolazzjoni tal-vultaġġ;

Distribuzzjoni tal-enerġija;

L-invertituri, it-trasformaturi, ir-rettifikaturi;

Il-protezzjoni taċ-ċirkwiti;

Enerġija Esterna / tal-Art.

13.6 Tagħmir u Attrezzaturi (ATA 25)

Ir-rekwiżiti ta' tagħmir elettroniku ta' emerġenza;

Tagħmir ta' divertiment fil-kabina.

13.7	Kontrolli tat-Titjir (ATA 27)

(a)

Kontrolli primarji: l-aileron, l-elevaturi, it-tmun;

Il-kontroll tat-trim;

Kontroll tat-tagħbija attiva;

L-istrumenti tal-irfigħ għoli;

Id-dumpers tal-irfigħ, il-brejkijiet tal-veloċità;

Tħaddim tas-sistema: manwali, idroliku, pnewmatiku;

Is-sensazzjoni artifiċjali, ir-ristrettur tal-yaw, it-trim tal-Mach, il-limitaturi tat-tmun, il-gust locks;

Is-sistema ta' protezzjoni mill-waqfien tal-magni.

(b)

Tħaddim tas-sistema: elettriku, fly-by-wire.

13.8	Strumenti (ATA 31)

Il-klassifikazzjoni;

L-atmosfera;

Terminoloġija;

Apparati u sistemi għall-kejl tal-pressjoni;

Sistemi pitotstatiċi;

Altimetri;

Indikaturi tal-veloċità vertikali;

Indikaturi tal-veloċità ajrudinamika;

Machmiters;

Sistemi ta' rapportar/twissija dwar l-altitudni;

Kompjuters ta' dejta tal-arja;

Sistemi pnewmatiċi tal-istrumenti;

Qari dirett tal-gauges tal-pressjoni u tat-temperatura;

Sistemi li jindikaw it-temperatura;

Sistemi li jindikaw il-kwantità tal-fjuwil;

Prinċipji ġiroskopiċi;

Orizzonti artifiċjali;

Indikaturi tas-slip;

Ġiroskopji direzzjonali;

Sistemi ta' Twissija dwar il-Prossimità tal-Art (GPWSs);

Sistemi tal-boxxla;

Sistemi ta' reġistrazzjoni tad-Dejta tat-Titjir (FDRSs);

Sistemi tal-Istrumenti Elettroniċi tat-Titjir (EFISs);

Sistemi ta' twissija bi strument inklużi sistemi ta' twissija prinċipali u panils ta' twissija;

Sistemi ta' twissija tal-waqfien tal-magni u sistemi ta' indikazzjoni tal-angolu tal-attakk;

Kejl u indikazzjoni tal-vibrazzjoni;

Kokpit tal-ħġieġ.

13.9	Dwal (ATA 33)

Esterni: tan-navigazzjoni, tal-inżul, tat-taxiing, tas-silġ;

Interni: tal-kabina, tal-kokpit, tat-tagħbija;

Ta' emerġenza.

13.10

Sistemi ta' Manutenzjoni Abbord (ATA 45)

Kompjuters ta' manutenzjoni ċentrali;

Sistema tat-tagħbija ta' dejta;

Sistema ta' librerija elettronika;

Sistema tal-istampar;

Sistema tal-monitoraġġ tal-istruttura (monitoraġġ tat-tolleranza ta' ħsara).

13.11

Kondizzjonament tal-Arja u Pressurizzazzjoni tal-Kabina (ATA 21)

13.11.1

Provvista tal-Arja

Sorsi ta' provvista tal-arja inklużi t-teħid tal-arja mill-magna, l-APU u l-karru tal-art.

13.11.2

Kondizzjonament tal-Arja

Sistemi tal-arja kundizzjonata;

Maġni li jiċċirkolaw l-arja u magni li jiċċirkolaw il-fwar;

Sistemi ta' distribuzzjoni;

Sistema ta' kontroll tal-fluss, tat-temperatura u tal-umdità.

13.11.3

Pressurizzazzjoni

Sistemi ta' pressurizzazzjoni;

Kontroll u indikazzjoni inklużi l-valvi ta' kontroll u ta' sikurezza;

Kontrolluri tal-pressjoni fil-kabina.

13.11.4

Apparati ta' Sikurezza u ta' Twissija

Apparati ta' protezzjoni u ta' twissija.

13.12

Protezzjoni min-Nar (ATA 26)

(a)

Sistemi ta' detezzjoni u ta' twissija ta' nar u duħħan;

Sistemi tat-tifi tan-nar;

Ittestjar tas-sistemi.

(b)

Apparat tat-tifi tan-nar portabbli.

13.13

Sistemi ta' Fjuwil (ATA 28)

Tqassim tas-sistema;

Tankijiet tal-fjuwil;

Sistemi tal-forniment;

Tneħħija, ivventjar u żvujtar;

Cross feed u trasferiment;

Indikazzjonijiet u twissijiet;

Riforniment tal-fjuwil u tneħħija tal-fjuwil;

Sistemi tal-Fjuwil ta' bilanċ lonġitudinali.

13.14

Enerġija Idrawlika (ATA 29)

Tqassim tas-sistema;

Fluwidi idrawliċi;

Reservoirs u akkumulaturi idrawliċi;

Ġenerazzjoni tal-pressjoni: elettrika, mekkanika, pnewmatika;

Ġenerazzjoni tal-pressjoni ta' emerġenza;

Filtri;

Kontroll tal-pressjoni;

Distribuzzjoni tal-enerġija;

Sistemi ta' indikazzjoni u ta' twissija;

Interfaċċa ma' sistemi oħra.

13.15

Protezzjoni mis-Silġ u x-Xita (ATA 30)

Formazzjoni, klassifikazzjoni u detezzjoni tas-silġ;

Sistemi kontra l-formazzjoni s-silġ: tal-elettriku, tal-arja sħuna u kimiċi;

Sistemi li jneħħu s-silġ: tal-elettriku, tal-arja sħuna, pnmatiċi u kimiċi;

Impenetrabbli għall-ilma tax-xita;

Tisħin tas-sonda u tad-drain;

Sistemi tal-wajpers.

13.16

Apparat tal-Inżul (ATA 32)

Kostruzzjoni, assorbiment tax-xokkijiet;

Sistemi ta' estensjoni u retrazzjoni: normali u ta' emerġenza;

Indikazzjonijiet u twissijiet;

Roti, brejkijiet, sistemi antiskid u tal-ibbrejkjar awtomatiku;

Tajers;

Steering

Detezzjoni arja-art.

13.17

Ossiġnu (ATA 35)

Tqassim tas-sistema: kokpit, kabina;

Is-sorsi, il-ħażna, l-iċċarġjar u d-distribuzzjoni;

Regolazzjoni tal-forniment;

Indikazzjonijiet u twissijiet.

13.18

Pnewmatiku/Vakwu (ATA 36)

Tqassim tas-sistema;

Sorsi: il-magna/APU, il-kompressuri, ir-reservoirs, il-forniment mill-art;

Kontroll tal-pressjoni;

Distribuzzjoni;

Indikazzjonijiet u twissijiet;

Interfaċċi ma' sistemi oħra.

13.19

Ilma/Skart (ATA 38)

It-tqassim, il-forniment, id-distribuzzjoni, il-manutenzjoni u l-iżvujtar tas-sistema tal-ilma;

It-tqassim, l-iflaxxjar u l-manutenzjoni tas-sistema tat-tojlits.

13.20

Avjonika Modulari Integrata (IMA) (ATA 42)

Sistema Ewlenija;

Komponenti tan-Netwerk.

Nota: Il-funzjonijiet li normalment jistgħu jiġu integrati fil-moduli tal-Avjonika Modulari Integrata (IMA) jinkludu, fost oħrajn:

—	l-immaniġġjar tat-teħid tal-arja;

—	il-kontroll tal-pressjoni tal-arja;

—	il-ventilazzjoni u l-kontroll tal-arja;

—	il-kontroll tal-ventilazzjoni avjonika u tal-kokpit, il-kontroll tat-temperatura;

—	il-komunikazzjoni tat-traffiku tal-ajru;

—	router ta' komunikazzjoni avjonika;

—	l-immaniġġjar tat-tagħbija elettrika;

—	il-monitoraġġ tas-circuit breaker;

—	is-sistema elettrika Built-in Test Equipment (BITE);

—	l-immaniġġjar tal-fjuwil;

—	il-kontroll tal-brejkijiet;

—	il-kontroll tal-isteering;

—	l-estensjoni u r-retrazzjoni tat-tagħmir għall-inżul;

—	l-indikazzjoni tal-pressjoni tat-tajers;

—	l-indikazzjoni tal-pressjoni oleodinamika;

—	il-monitoraġġ tat-temperatura tal-brejkijiet.

13.21

Sistemi tal-Kabina (ATA 44)

Normalment, is-CNS ikun magħmul minn server li jkollu interfaċċa ma', fost oħrajn, dawn is-sistemi li ġejjin:

—	Komunikazzjoni ta' dejta/radju;

—	Sistema Ewlenija tal-Kabina (CSS);

—	Sistema ta' Divertiment Abbord (IFES);

—	Sistema ta' Komunikazzjoni Esterna (ECS);

—	Sistema ta' Memorja ta' Massa tal-Kabina (CMMS);

—	Sistema ta' Monitoraġġ tal-Kabina (CMS);

—	Sistemi Mixxelanji tal-Kabina (MCSs).

Is-CNS jista' jkollha funzjonijiet bħal:

—	aċċess għal rapporti ta' qabel it-tluq/tat-tluq;

—	aċċess għall-posta elettronika/l-intranet/l-internet;

—	bażi ta' dejta tal-passiġġiera.

13.22

Sistemi tal-Informazzjoni (ATA 46)

L-unitajiet u l-komponenti li jipprovdu mezz ta' ħżin, aġġornar u rkupru ta' informazzjoni diġitali li normalment tkun ipprovduta fuq karta, mikrofilm jew mikrofixx. Dawn jinkludu unitajiet li huma ddedikati għall-funzjonijiet ta' ħżin u rkupru tal-informazzjoni bħall-memorja ta' massa u l-kontrollur tal-librerija elettronika, iżda ma jinkludux unitajiet jew komponenti installati għal użi oħra u maqsuma ma' sistemi oħra, bħall-istampatur tal-ekwipaġġ tal-kabina jew għall-wiri ta' użu ġenerali.

Eżempji tipiċi jinkludu:

—	Sistemi tal-Immaniġġjar tal-Informazzjoni u tat-Traffiku tal-Ajru u Sistemi ta' Server tan-Netwerks;

—	Sistema ta' informazzjoni ġenerali dwar l-inġenji tal-ajru;

—	Sistema ta' informazzjoni dwar il-kabina tal-ekwipaġġ;

—	Sistema ta' informazzjoni dwar il-manutenzjoni;

—	Sistema ta' informazzjoni dwar il-kabina tal-passiġġiera;

—	Sistemi ta' informazzjoni mixxelanja.”

(21)

L-Appendiċi II huwa emendat kif ġej:

(a)	it-titolu jinbidel b'dan li ġej: “Appendiċi II Standard tal-Eżami Bażiku (għajr għal liċenzja tal-kategorija L)”;

(b)	fil-punti 2.2.1 sa 2.2.10, il-kliem “Kategorija B2” jinbidlu bil-kliem “Kategorija B2 u B2L”;

(c)

il-punti 2.2.13 u 2.2.14 jinbidlu b'dan li ġej:

“2.13. MODULU 13 — AJRUDINAMIKA, STRUTTURI U SISTEMI TAL-INĠENJI TAL-AJRU

Kategorija B2: 180 mistoqsija b'għażla ta' tweġibiet u 0 mistoqsijijiet ta' test liberu. Ħin permess: 225 minuta. Il-mistoqsijiet u l-ħin permess jistgħu jinqasmu f'żewġ eżamijiet, kif ikun xieraq.

Kategorija B2L:

Klassifikazzjoni ta' sistemi	Numru ta' mistoqsijiet b'għażla ta' tweġibiet	Ħin permess (minuti)
Rekwiżiti bażiċi (Submoduli 13.1, 13.2, 13.5 u 13.9)	28	35
COM/NAV (Submodulu 13.4(a))	24	30
STRUMENTI (Submodulu 13.8)	20	25
AWTOTITJIR (Submoduli 13.3(a) u 13.7)	28	35
SORVELJANZA (Submodulu 13.4(b))	8	10
SISTEMI TA' QAFAS TAL-INĠENJU TAL-AJRU (Submoduli 13.11 sa 13.18)	32	40

2.14. MODULU 14 — PROPULSJONI

Kategorija B2 u B2L: 24 mistoqsija b'għażla ta' tweġibiet u 0 mistoqsijijiet ta' test liberu. Ħin permess: 30 minuta.

NOTA: L-eżami ta' B2L għall-modulu 14 huwa applikabbli biss għall-klassifikazzjonijiet “Strumenti” u “Sistemi ta' qafas tal-inġenju tal-ajru.”;”

(22)

L-Appendiċi III hu emendat kif ġej:

(a)

fil-punt 1.(a), il-punt (ii) jinbidel b'dan li ġej:

“(ii)

Għandu jikkonforma, għajr kif permess mit-taħriġ dwar id-differenzi previst fil-punt (c), mal-istandard stipulat fil-punt 3.1 ta' dan l-Appendiċi u, jekk disponibbli, mal-elementi rilevanti definiti fil-parti obbligatorja tad-dejta tal-adegwatezza operattiva stabbilita skont ir-Regolament (UE) Nru 748/2012.”;

(b)

fil-punt 1.(b), il-punt (ii) jinbidel b'dan li ġej:

“(ii)

Għandu jikkonforma, għajr kif permess mit-taħriġ dwar id-differenzi deskritt fil-punt (c), mal-istandard stipulat fil-punt 3.2 ta' dan l-Appendiċi u, jekk disponibbli, mal-elementi rilevanti definiti fil-parti obbligatorja tad-dejta tal-adegwatezza operattiva stabbilita skont ir-Regolament (UE) Nru 748/2012.”;

(c)

fil-punt 3.1(c), in-noti tal-qiegħ fit-tabella jinbidlu b'dan li ġej:

“(1)	Għal ajruplani mhux pressurizzati b'magni bil-pistuni b'MTOM ta' inqas minn 2 000 kg, id-durata minima tista' titnaqqas b'50 %.

(2)	Għal ħelikopters fil-Grupp 2 (kif definit fil-punt 66.A.5), id-durata minima tista' titnaqqas bi 30 %.”;

(d)

fil-punt 3.1(e), il-livell ta' taħriġ għas-sistema ta' qafas tal-inġenju tal-ajru 21A “Provvista tal-Arja”, korrispondenti għall-kolonna “Ħelikopters bit-Turbini”, jinbidel b'dan li ġej:

“3

1”;

(e)

fil-punt 3.1(e), il-livell ta' taħriġ għas-sistema ta' qafas tal-inġenju tal-ajru 31A “Sistemi tal-Istrumenti”, korrispondenti għall-kolonna “Ħelikopters bil-pistuni”, jinbidel b'dan li ġej:

“3

1”;

(23)

L-Appendiċi IV jinbidel b'dan li ġej:

“

Appendiċi IV

Rekwiżiti tal-esperjenza għall-estensjoni ta' liċenzja għall-manutenzjoni ta' inġenji tal-ajru skont il-Parti-66.

It-tabella ta' hawn taħt turi r-rekwiżiti tal-esperjenza għaż-żieda ta' kategorija jew subkategorija ġdida mal-liċenzja eżistenti skont il-Parti-66.

L-esperjenza għandha tkun esperjenza ta' manutenzjoni prattika fuq inġenji tal-ajru operattiv fis-subkategorija rilevanti għall-applikazzjoni.

Ir-rekwiżit tal-esperjenza għandu jitnaqqas b'50 % jekk l-applikant ikun lesta kors approvat skont il-Parti-147 rilevanti għas-subkategorija.

Għal Minn	A1	A2	A3	A4	B1.1	B1.2	B1.3	B1.4	B2	B2L	B3
A1	—	6 xhur	6 xhur	6 xhur	Sentejn (2)	6 xhur	Sentejn (2)	Sena (1)	Sentejn (2)	Sena (1)	6 xhur
A2	6 xhur	—	6 xhur	6 xhur	Sentejn (2)	6 xhur	Sentejn (2)	Sena (1)	Sentejn (2)	Sena (1)	6 xhur
A3	6 xhur	6 xhur	—	6 xhur	Sentejn (2)	Sena (1)	Sentejn (2)	6 xhur	Sentejn (2)	Sena (1)	Sena (1)
A4	6 xhur	6 xhur	6 xhur	—	Sentejn (2)	Sena (1)	Sentejn (2)	6 xhur	Sentejn (2)	Sena (1)	Sena (1)
B1.1	Xejn	6 xhur	6 xhur	6 xhur	—	6 xhur	6 xhur	6 xhur	Sena (1)	Sena (1)	6 xhur
B1.2	6 xhur	Xejn	6 xhur	6 xhur	Sentejn (2)	—	Sentejn (2)	6 xhur	Sentejn (2)	Sena (1)	Xejn
B1.3	6 xhur	6 xhur	Xejn	6 xhur	6 xhur	6 xhur	—	6 xhur	Sena (1)	Sena (1)	6 xhur
B1.4	6 xhur	6 xhur	6 xhur	Xejn	Sentejn (2)	6 xhur	Sentejn (2)	—	Sentejn (2)	Sena (1)	6 xhur
B2	6 xhur	6 xhur	6 xhur	6 xhur	Sena (1)	Sena (1)	Sena (1)	Sena (1)	—	—	Sena (1)
B2L	6 xhur	6 xhur	6 xhur	6 xhur	Sena (1)	Sena (1)	Sena (1)	Sena (1)	Sena (1)	—	Sena (1)
B3	6 xhur	Xejn	6 xhur	6 xhur	Sentejn (2)	6 xhur	Sentejn (2)	Sena (1)	Sentejn (2)	Sena (1)	—

”;

(24)

L-Appendiċi V jinbidel b'dan li ġej:

“

Appendiċi V

Formola tal-Applikazzjoni — Formola 19 tal-EASA

Dan l-Appendiċi fih eżempju tal-formola użata għall-applikazzjoni tal-liċenzja għall-manutenzjoni ta' inġenji tal-ajru msemmija fl-Anness III (Parti-66).

L-awtorità kompetenti tal-Istat Membru tista' timmodifika l-Formola 19 tal-EASA biex tinkludi informazzjoni addizzjonali meħtieġa biex ikun appoġġjat il-każ fejn ir-rekwiżiti nazzjonali jippermettu jew jirrikjedu li l-liċenzja għall-manutenzjoni ta' inġenji tal-ajru maħruġa skont l-Anness III (Parti-66) tiġi użata barra mill-kuntest tar-rekwiżiti tal-Anness I (Parti-M) u l-Anness II (Parti-145).

Test ta 'immaġni

”;

(25)

L-Appendiċi VI hu emendat kif ġej:

(a)	it-titolu jinbidel b'dan li ġej: “Appendiċi VI – Liċenzja għall-Manutenzjoni ta' Inġenji tal-Ajru msemmija fl-Anness III (Parti-66) – Formola 26 tal-EASA”;

(b)

fil-bidu tal-Appendiċi VI u qabel il-Formola 26 eżistenti tal-EASA jiddaħħal it-test li ġej:

“1.	Eżempju tal-liċenzja għall-manutenzjoni ta' inġenji tal-ajru li hemm referenza għaliha fl-Anness III (Parti-66) jista' jinstab fil-paġni li ġejjin.

Id-dokument irid ikun stampat fil-forma standardizzata murija, iżda jista' jiċċekken fid-daqs biex ikun jista' jiġi ġġenerat bil-kompjuter. Meta jiċċekken id-daqs, dan irid isir bil-galbu biex ikun żgurat li jkun hemm biżżejjed spazju disponibbli f'dawk il-postijiet fejn huma meħtieġa s-siġilli jew it-timbri uffiċjali. Id-dokumenti ġġenerati bil-kompjuter mhemmx bżonn li jkollhom il-kaxxi kollha inkorporati meta kwalunkwe tali kaxxa tibqa' vojta sakemm id-dokument ikun jista' jiġi rikonoxxut b'mod ċar bħala l-liċenzja għall-manutenzjoni ta' inġenji tal-ajru maħruġa skont l-Anness III (Parti-66).

Id-dokument jista' jimtela jew bl-Ingliż jew bil-lingwa uffiċjali tal-Istat Membru tal-awtorità kompetenti. F'dan il-każ, it-tieni kopja bl-Ingliż għandha tiġi mehmuża mad-dokument sabiex jiġi żgurat li jinftiehem b'mod reċiproku meta kwalunkwe detentur ta' liċenzja jkun jeħtieġ li juża l-liċenzja barra dak l-Istat Membru.

4.	Kull detentur ta' liċenzja jrid ikollu numru ta' detentur ta' liċenzja uniku, stabbilit abbażi ta' identifikatur nazzjonali u deżinjatur alfa-numeriku.

Id-dokument jista' jkollu l-paġni f'ordni differenti minn dik ta' dan l-eżempju u jista' ma jkunx fih linji diviżorji, jew xi wħud minnhom, sakemm l-informazzjoni li jkun fih tkun ippożizzjonata b'tali mod li kull tifsila tal-paġna tkun tista' tiġi identifikata b'mod ċar mal-format tal-eżempju tal-liċenzja għall-manutenzjoni ta' inġenji tal-ajru li hawn hawnhekk.

Id-dokument għandu jiġi preparat mill-awtorità kompetenti. Madankollu, jista' jiġi preparat ukoll minn kwalunkwe organizzazzjoni tal-manutenzjoni approvata skont l-Anness II (Parti-145) jekk l-awtorità kompetenti taqbel ma' dan u l-preparazzjoni ssir skont proċedura stabbilita fil-manwal tal-organizzazzjonu tal-manutenzjoni msemmi fil-punt 145.A.70 tal-Anness II (Parti-145). F'kull każ, l-awtorità kompetenti għandha toħroġ id-dokument.

Il-preparazzjoni ta' kwalunkwe bidla f'liċenzja eżistenti għall-manutenzjoni ta' inġenji tal-ajru għandha titwettaq mill-awtorità kompetenti. Madankollu, tista' tiġi preparata wkoll minn kwalunkwe organizzazzjoni tal-manutenzjoni approvata skont l-Anness II (Parti-145) jekk l-awtorità kompetenti taqbel ma' dan u l-preparazzjoni ssir skont proċedura stabbilita fil-manwal tal-organizzazzjoni tal-manutenzjoni msemmi fil-punt 145.A.70 tal-Anness II (Parti-145). F'kull każ, l-awtorità kompetenti għandha tibdel id-dokument.

Id-detentur tal-liċenzja għall-manutenzjoni ta' inġenji tal-ajru għandu jżommha f'kundizzjoni tajba u għandu jiżgura li fiha ma tiddaħħal ebda annotazzjoni mhux awtorizzata. In-nuqqas ta' konformità ma' din ir-regola jista' jtellef il-validità tal-liċenzja jew iwassal biex id-detentur ma jitħalla jżomm ebda privileġġ ta' ċertifikazzjoni. Dan jista' wkoll iwassal għat-teħid ta' proċeduri kriminali skont il-liġi nazzjonali.

9.	Il-liċenzja għall-manutenzjoni ta' inġenji tal-ajru maħruġa skont l-Anness III (Parti-66) għandha tiġi rikonoxxuta fl-Istati Membri kollha u l-iskambju tad-dokument mhux meħtieġ meta wieħed jaħdem fi Stat Membru ieħor.

10.	L-Anness għall-Formola 26 tal-EASA huwa fakultattiv u jista' jintuża biss biex jinkludi l-privileġġi nazzjonali, fejn tali privileġġi jkunu koperti mil-liġi nazzjonali li tmur lil hinn mill-ambitu tal-Anness III (Parti-66).

11.

Fir-rigward tal-paġna tal-klassifikazzjoni tat-tip tal-inġenji tal-ajru tal-liċenzja għall-manutenzjoni ta' inġenji tal-ajru, l-awtorità kompetenti tista' tiddeċiedi li ma toħroġx din il-paġna sakemm l-ewwel klassifikazzjoni tat-tip tal-inġenji tal-ajru tkun teħtieġ li tiġi approvata, u jista' jseħħ li tkun trid toħroġ aktar minn paġna waħda tal-klassifikazzjoni tat-tip tal-inġenji tal-ajru skont in-numru ta' klassifikazzjonijiet tat-tip li jridu jiġu elenkati.

12.	Minkejja l-punt 11, kull paġna maħruġa għandha tkun fil-format ta' dan l-eżempju u għandu jkun fiha l-informazzjoni speċifikata għal dik il-paġna.

13.	Il-liċenzja għall-manutenzjoni ta' inġenji tal-ajru għandha tindika b'mod ċar li l-limitazzjonijiet huma esklużjonijiet mill-privileġġi taċ-ċertifikazzjoni. Jekk mhemmx limitazzjonijiet applikabbli, fil-paġna tal-LIMITAZZJONIJIET għandu jiġi indikat “L-ebda limitazzjoni”.

14.

Meta jintuża format stampat minn qabel għall-ħruġ ta' liċenzja għall-manutenzjoni ta' inġenji tal-ajru, kwalunkwe kaxxa tal-klassifikazzjoni ta' kategorija, subkategorija jew tip li ma jkunx fiha annotazzjoni ta' klassifikazzjoni għandha tkun immarkata biex turi li l-klassifikazzjoni mhijiex miżmuma.”;

(c)

il-Formola 26 tinbidel b'dan li ġej:

“

Test ta 'immaġni

Test ta 'immaġni ”

(26)

Dawn l-Appendiċi VII u VIII li ġejjin huma miżjudin:

“

Appendiċi VII

Rekwiżiti ta' għarfien bażiku għal liċenzja għall-manutenzjoni ta' inġenji tal-ajru tal-kategorija L

Id-definizzjonijiet tal-livelli differenti ta' għarfien meħtieġa fl-Appendiċi huma l-istess bħal dawk inklużi fil-punt 1 tal-Appendiċi I tal-Anness III (Parti-66).

Subkategoriji	Moduli meħtieġa għal kull subkategorija (ara t-tabella tas-sillabu ta' hawn taħt)
L1C: glajders komposti	1L, 2L, 3L, 5L, 7L u 12L
L1: glajders	1L, 2L, 3L, 4L, 5L, 6L, 7L u 12L
L2C: glajders komposti li jaħdmu bil-magni u ajruplani ELA1 komposti	1L, 2L, 3L, 5L, 7L, 8L u 12L
L2: glajders li jaħdmu bil-magni u ajruplani ELA1	1L, 2L, 3L, 4L, 5L, 6L, 7L, 8L u 12L
L3H: blalen tal-arja sħuna	1L, 2L, 3L, 9L u 12L
L3G: blalen tal-gass	1L, 2L, 3L, 10L u 12L
L4H: iġfna tal-ajru tal-arja sħuna	1L, 2L, 3L, 8L, 9L, 11L u 12L
L4G: iġfna tal-ajru tal-gass ELA2	1L, 2L, 3L, 8L, 10L, 11L u 12L
L5: iġfna tal-ajru tal-gass ta' klassifikazzjoni ogħla minn ELA2	Rekwiżiti ta' għarfien bażiku għal kwalunkwe subkategorija B1 kif ukoll 8L (għal B1.1 u B1.3), 10L, 11L u 12L

WERREJ:

Deżinjazzjoni tal-modulu

“Għarfien bażiku”

“Fatturi umani”

“Leġiżlazzjoni tal-avjazzjoni”

“Qafas tal-inġenju tal-ajru tal-injam/tubi tal-metall miksijin bit-tessuti”

“Qafas tal-inġenju tal-ajru kompost”

“Il-metall tal-qafas tal-inġenju tal-ajru”

“Qafas tal-inġenju tal-ajru ġenerali”

“Powerplant”

“Ballun/Ġifen tal-ajru tal-arja sħuna”

10L

“Ballun/Ġifen tal-ajru tal-gass (liberu/irmiġġat)”

11L

“Iġfna tal-ajru tal-arja sħuna/tal-gass”

12L

“Radio Com/ELT/Transponder/Strumenti”

MODULU 1L — GĦARFIEN BAŻIKU

Livell

1L.1 Matematika

Aritmetika

—	Temini u sinjali aritmetiċi;

—	Metodi ta' multiplikazzjoni u diviżjoni;

—	Frazzjonijiet u deċimali;

—	Fatturi u multipli;

—	Piżijiet, qisien u fatturi ta' konverżjoni;

—	Proporzjon;

—	Medji u perċentwali;

—	Erjas u volumi, kwadrati, kubi.

Alġebra

—	Valutazzjoni ta' espressjonijiet alġebrajċi sempliċi: addizzjoni, tnaqqis, multiplikazzjoni u diviżjoni;

—	Użu tal-parentesi;

—	Frazzjonijiet alġebrajċi sempliċi.

Ġeometrija

—	Kostruzzjonijiet ġeometriċi sempliċi;

—	Rappreżentazzjoni grafika: natura u użi tal-graffs.

1L.2 Fiżika

Materja

—	Natura tal-materja: l-elementi kimiċi;

—	Komposti kimiċi;

—	Stati: solidi, likwidi u gassużi;

—	Tibdil minn stat għal ieħor.

Mekkanika

—	Forzi, moments u couples, rappreżentazzjoni bħala vektors;

—	Ċentru tal-gravità;

—	Tensjoni, kompressjoni, shear u torsjoni;

—	Natura u karatteristiċi ta' solidi, fluwidi u gassijiet.

Temperatura

—	Termometri u skali tat-temperatura: Celsius, Fahrenheit u Kelvin;

—	Definizzjoni tas-sħana.

1L.3 Elettriku

Ċirkwiti DC

—	Ir-regola ta' Ohm, ir-regoli ta' Kirchoff dwar il-vultaġġ u l-kurrent;

—	Sinifikat tar-reżistenza interna tal-provvista;

—	Reżistenza/reżister;

—	Kodiċi bil-kulur tar-reżisters, valuri u tolleranzi, valuri preferuti, klassifikazzjonijiet tal-wattage;

—	Reżisters imqabbda f'serje u b'mod parallel.

1L.4 Ajrudinamika/ajrustatika

Atmosfera Standard Internazzjonali (ISA), applikazzjoni għall-ajrudinamika u l-ajrustatika.

Ajrudinamika

—	Fluss tal-arja madwar korp;

—	Saff limitu (boundary layer), fluss laminari u turbulenti;

—	Thrust, piż, riżultant ajrudinamiku;

—	Ġenerazzjoni tal-irfigħ u tad-drag; angolu ta' inċidenza, kurva polari, stall tal-kurva.

Ajrustatika

Effetti fuq l-envelopes, effetti tar-riħ, tal-altitudni u tat-temperatura.

1L.5 Sikurezza fuq il-post tax-xogħol u protezzjoni ambjentali

—	Prattiċi tax-xogħol sikuri u prekawzjonijiet li għandhom jittieħdu meta jsir xogħol bl-użu ta' elettriku, gassijiet (speċjalment l-ossiġnu), żjut u kimiċi;

—	Tikkettar, ħżin u rimi ta' materjali perikolużi (għas-sikurezza u għall-ambjent);

—	Azzjoni rimedjali fil-każ ta' nirien jew xi aċċident ieħor b'wieħed jew aktar minn dawn il-perikli li tinkludi l-għarfien dwar l-aġenti tat-tifi.

MODULU 2L - FATTURI UMANI

Livell

2L.1 Ġenerali

—	Il-ħtieġa li jitqiesu l-fatturi umani;

—	Inċidenti attribwibbli għall-fatturi umani/żbalji umani;

—	Ir-Regola ta' Murphy.

2L.2 Prestazzjoni u limitazzjonijiet umani

Vista, smigħ, proċessar tal-informazzjoni, attenzjoni u perċezzjoni, memorja.

2L.3 Psikoloġija soċjali

Responsabbiltà, motivazzjoni, pressjoni mill-pari, ħidma f'tim.

2L.4 Fatturi li jaffettwaw il-prestazzjoni

Saħħa, stress, irqad, għeja, alkoħol, mediċini, abbuż mid-droġi.

2L.5 Ambjent fiżiku

Ambjent tax-xogħol (klima, storbju, dawl).

MODULU 3 - LEĠIŻLAZZJONI TAL-AVJAZZJONI

Livell

3L.1 Qafas regolatorju

—	Rwol tal-Kummissjoni Ewropea, tal-EASA u tal-Awtoritajiet Nazzjonali tal-Avjazzjoni (NAAs);

—	Partijiet applikabbli tal-Parti-M u tal-Parti-66.

3L.2 Tiswijiet u modifiki

—	Approvazzjoni ta' tibdil (tiswijiet u modifiki);

—	Tibdil standard u tiswijiet standard.

3L.3 Dejta tal-manutenzjoni

—	Direttivi dwar l-Ajrunavigabbiltà (ADs), Struzzjonijiet għall-kontinwità tal-ajrunavigabbiltà (ICA) (AMM, IPC, eċċ.);

—	Manwal tat-Titjira;

—	Reġistrazzjoni tal-manutenzjoni.

MODULU 4L — QAFAS TAL-INĠENJU TAL-AJRU TAL-INJAM/TUBI TAL-METALL MIKSIJIN BIT-TESSUTI

Livell

4L.1 Qafas tal-inġenju tal-ajru tal-injam/kombinazzjoni ta' tubi tal-metall miksijin bit-tessuti

—	Injam, plywood, adeżivi, preservazzjoni, power line, proprjetajiet, tiswir bl-għodda (machining);

—	Kisi (materjali ta' kisi, adeżivi u finituri, materjali u adeżivi ta' kisi naturali u sintetiċi);

—	Proċessi ta' żebgħa, assemblaġġ u tiswija;

—	Rikonoxximent ta' ħsarat minn stress żejjed fuq strutturi tal-injam/tubi tal-metall miksijin bit-tessuti;

—	Deterjorament ta' komponenti u kisi tal-injam;

—	Test tat-tixqiq (proċedura ottika, eż., lenti) ta' komponenti tal-metall. Korrużjoni u metodi ta' prevenzjoni. Protezzjoni għas-saħħa u sigurtà min-nirien.

4L.2 Materjal

—	Tipi ta' njam, stabbiltà, u proprjetajiet ta' machining;

—	Tubi u fittings magħmulin mill-azzar u minn liga ħafifa, spezzjonijiet għall-qsim ta' fissuri wweldjati;

—	Materjali tal-plastik (ħarsa ġenerali, fehim tal-proprjetajiet);

—	Żebgħa u tneħħija taż-żebgħa;

—	Kolol, adeżivi;

—	Materjali u teknoloġiji tal-kisi (polimeri naturali u sintetiċi).

4L.3 Identifikazzjoni tal-ħsara

—	Stress żejjed fuq strutturi tal-injam/tubi tal-metall miksijin bit-tessuti;

—	Trasferimenti ta' tagħbija;

—	Testijiet tar-reżistenza għar-reħja u tat-tixqiq.

4L.4 Twettiq tal-attivitajiet prattiċi

—	Illokkjar tal-pins, viti, skorfini kastellati, tensuri (turnbuckles);

—	Thimble splice;

—	Tiswijiet ta' Nicopress u Talurit;

—	Tiswija ta' kisjiet;

—	Tiswija ta' trasparenzi;

—	Eżerċizji ta' tiswija (plywood, vireg, poġġamani, qxur);

—	Rigging tal-Inġenji tal-Ajru. Kalkolu tal-bilanċ tal-massa tas-superfiċe ta' kontroll u tal-medda ta' moviment tas-superfiċji ta' kontroll, kejl tal-forzi operattivi;

—	Twettiq ta' spezzjonijiet ta' 100 siegħa/sena fuq qafas tal-inġenju tal-ajru tal-injam jew ta' kombinazzjoni ta' tubi tal-metall miksijin bit-tessuti.

MODULU 5L — QAFAS TAL-INĠENJU TAL-AJRU KOMPOST

Livell

5L.1 Qafas tal-inġenju tal-ajru tal-plastik rinfurzat bil-fibri (FRP)

—	Prinċipji bażiċi għall-kostruzzjoni bl-FRP;

—	Reżini (reżina epossida, reżina tal-poliesteru, reżina fenolika, reżini tal-vinil-esteru);

—	Materjali ta' rinfurzar, ħġieġ, fibri aramidi u fibri tal-karbonju, aspetti karatteristiċi;

—

Mili;

—	Mili ta' appoġġ (balsa, honeycombs, foamed plastics);

—	Kostruzzjonijiet, trasferimenti ta' tagħbija (qoxra solida tal-FRP, sandwiches);

—	Identifikazzjoni ta' ħsara waqt li jkun hemm stress żejjed fuq il-komponenti;

—	Proċedura għall-proġetti FRP (skont il-Manwal tal-Organizzazzjoni tal-Manutenzjoni), inkluż il-kundizzjonijiet tal-ħżin tal-materjal.

5L.2 Materjal

—	Sustanzi termoplastiċi, polimeri termoplastiċi, katalizzaturi;

—	Fehim tal-proprjetajiet, teknoloġiji ta' machining, detaching, bonding, welding;

—	Reżini għall-FRP: reżini epossidi, reżini tal-poliesteru, reżini tal-vinil-esteru, reżini fenoliċi;

—	Materjali tar-rinfurzar:

—	Minn fibri elementari sa filamenti (aġent ta' rilaxx, finituri), nisġiet;

—	Proprjetajiet tal-materjali tar-rinfurzar individwali (fibri tal-ħġieġ-E, fibri aramidi, fibri tal-karbonju);

—	Problema b'sistemi ta' materjali multipli, matriċi;

—	Adeżjoni/koeżjoni, imġiba varja tal-materjali tal-fibra;

—	Materjali tal-mili u pigmenti;

—	Rekwiżiti tekniċi għall-materjali tal-mili;

—	Tibdil fil-proprjetajiet tal-kompożizzjoni tar-reżina minħabba l-użu ta' ħġieġ-E, micro balloon, aerosols, qoton, minerali, trab tal-metall, sustanzi organiċi;

—	Teknoloġiji taż-żebgħa, l-assemblaġġ u t-tiswija;

—	Materjali tal-irfid;

—	Honeycombs (tal-karta, tal-FRP, tal-metall), injam balsa, Divinycell (Contizell), tendenzi ta' żvilupp ġdid.

5L.3 Assemblaġġ ta' oqfsa tal-inġenji tal-ajru bi struttura komposta rinfurzati bil-fibri

—	Qoxra solida;

—	Sandwiches;

—	Assemblaġġ tal-ajrufojls, tal-fuselages tal-ajruplan, tas-superfiċe ta' kontroll.

5L.4 Identifikazzjoni tal-ħsara

—	L-imġiba tal-komponenti tal-FRP f'każ li jiġu stressjati ż-żejjed;

—	Identifikazzjoni ta' delaminazzjonijiet, bonds laxki;

—	Frekwenza tal-vibrazzjoni tal-liwi fl-ajrufojls;

—	Trasferiment ta' tagħbija;

—	Konnessjoni frizzjonali u llokkjar pożittiv;

—	Reżistenza għar-reħja u korrużjoni ta' partijiet tal-metall;

—	Bonding tal-metall, finitura tas-superfiċe ta' komponenti tal-azzar u tal-aluminju waqt il-bonding mal-FRP.

5L.5 Produzzjoni tal-forom

—	Forom tal-ġibs, forom taċ-ċeramika;

—	Forom tal-GFK, Gel-coat, materjali tar-rinfurzar, problemi ta' riġidità;

—	Forom tal-metall;

—	Forom maskili u femminili (jiġifieri, li jidħlu f'xulxin).

5L.6 Twettiq tal-attivitajiet prattiċi

—	Illokkjar tal-pins, viti, skorfini kastellati, tensuri (turnbuckles);

—	Thimble splice;

—	Tiswijiet ta' Nicopress u Talurit;

—	Tiswija ta' kisjiet;

—	Tiswija ta' qxur tal-FRP solidi;

—	Fabrikazzjoni/formazzjoni tal-forom ta' komponent (eż., il-ponta taż-żaqq tal-ajruplan, il-landing gear fairing, il-ponta tal-ġewnaħ u t-tarf tal-ġewnaħ);

—	Tiswija tal-qoxra sandwich meta jkun hemm ħsara fis-saff intern jew estern;

—	Tiswija tal-qoxra sandwich billi tiġi ppressata b'borza tal-vakwu;

—	Tiswija ta' trasparenzi (PMMA) b'adeżiv ta' komponent wieħed jew ta' żewġ komponenti;

—	Bonding tat-trasparenza mal-qafas tal-canopy

—	Temprar ta' trasparenzi u komponenti oħra;

—	Twettiq ta' tiswija fuq qoxra sandwich (tiswija żgħira ta' inqas minn 20 cm);

—	Rigging tal-Inġenji tal-Ajru. Kalkolu tal-bilanċ tal-massa tas-superfiċe ta' kontroll u tal-medda ta' moviment tas-superfiċji ta' kontroll, kejl tal-forzi operattivi;

—	Twettiq ta' spezzjonijiet ta' 100 siegħa/sena fuq qafas tal-inġenju tal-ajru tal-FRP.

MODULU 6L — IL-METALL TAL-QAFAS TAL-INĠENJU TAL-AJRU

Livell

6L.1 Il-metall tal-qafas tal-inġenju tal-ajru

—	Materjali tal-metall u prodotti nofshom maħduma, metodi ta' machining;

—	Testijiet tar-reżistenza għar-reħja u tat-tixqiq;

—	Assemblaġġ ta' komponenti tal-metall, ġonot rivitjati, ġonot adeżivi;

—	Identifikazzjoni ta' ħsara fuq komponenti stressjati ż-żejjed, effetti ta' korrużjoni;

—	Protezzjoni għas-saħħa u min-nirien.

6L.2 Materjal

—	Azzar u l-ligi tiegħu;

—	Metalli ħfief u l-ligi tagħhom;

—	Materjali tar-rivits;

—

Plastiks;

—	Kuluri u żebgħa;

—	Adeżivi tal-metall;

—	Tipi ta' korrużjoni;

—	Materjali u teknoloġiji tal-kisi (naturali u sintetiċi).

6L.3 Identifikazzjoni tal-ħsara

—	Oqfsa tal-inġenji tal-ajru tal-metall stressjati ż-żejjed, livellar, kejl tas-simmetrija;

—	Trasferimenti ta' tagħbija;

—	Testijiet tar-reżistenza għar-reħja u tat-tixqiq;

—	Identifikazzjoni ta' ġonot rivitjati laxki.

6L.4 Assemblaġġ ta' oqfsa tal-inġenji tal-ajru tal-metall u ta' kompożizzjoni komposta

—

Qxur;

—

Oqfsa;

—	Stringers u longerons;

—	Kostruzzjoni tal-qafas;

—	Problemi f'sistemi ta' materjali multipli.

6L.5 Qfiel

—	Klassifikazzjonijiet ta' fits u clearances;

—	Sistemi ta' kejl metriku u ta' kejl imperjali;

—	Bolt kbir wisq.

6L.6 Twettiq tal-attivitajiet prattiċi

—	Illokkjar tal-pins, viti, skorfini kastellati, tensuri (turnbuckles);

—	Thimble splice;

—	Tiswijiet ta' Nicopress u Talurit;

—	Tiswija ta' kisjiet, ħsara fis-superfiċe, waqfien ta' tekniki ta' perforazzjoni;

—	Tiswija ta' trasparenzi;

—	Qtugħ ta' folji tal-metall (aluminju u legi ħfief, azzar u legi tiegħu);

—	Liwi, tgħawwiġ, iffurmar ta' burduri, iċċattjar, illixxjar, dekorazzjoni;

—	Tiswija ta' rivitjar tal-oqfsa tal-inġenji tal-ajru tal-metall skont l-istruzzjonijiet u l-illustrazzjonijiet tat-tiswija;

—	Evalwazzjoni ta' rivitjar ħażin;

—	Rigging tal-Inġenji tal-Ajru. Kalkolu tal-bilanċ tal-massa tas-superfiċe ta' kontroll u tal-medda ta' moviment tas-superfiċji ta' kontroll, kejl tal-forzi operattivi;

—	Twettiq ta' spezzjonijiet ta' 100 siegħa/sena fuq qafas tal-inġenju tal-ajru tal-metall.

MODULU 7L — QAFAS TAL-INĠENJU TAL-AJRU ĠENERALI

Livell

7L.1 Sistema tal-kontroll tat-titjira

—	Kontrolli tal-kokpit: kontrolli fil-kokpit, immarkar bil-kuluri, forom tal-iswiċċis;

—	Superfiċji tal-kontrolli tat-titjira, flaps, superfiċji tal-air brakes, kontrolli, berings, brackets, tubi push-pull, bell cranks, horns, poleġġi, kejbils, ktajjen, tubi, rollers, tracks, jack screws, superfiċji, movementi, lubrikazzjoni, stabbilizzaturi, bilanċ tal-kontrolli;

—	Kombinazzjoni ta' kontrolli: flap ailerons, flap air brakes;

—	Sistemi tal-finitura.

7L.2 Qafas tal-inġenju tal-ajru

—	Tagħmir tal-inżul: karatteristiċi tat-tagħmir tal-inżul u tax-shock absorber strut, estensjoni, brejkijiet, drum, diski, roti, tajers, mekkaniżmu ta' retrazzjoni, retrazzjoni elettrika, emerġenza;

—	Mill-ġewnaħ sal-punti tal-immuntar taż-żaqq tal-ajruplan, mis-sistema tal-assemblaġġ tad-denb (stabilizzatur u denb) sal-punti tal-immuntar taż-żaqq tal-ajruplan, il-punti tal-immuntar tas-superfiċji ta' kontroll;

—	Miżuri ta' manutenzjoni permissibbli;

—	Irmonk: tagħmir/mekkaniżmu ta' rmonk/irfigħ;

—	Kabina: seats u harness tas-sigurtà, arranġament tal-kabina, windskrins, twieqi, pjanċi, kompartiment tal-bagoll, sistema tal-arja tal-kabina, blower;

—	Saborra tal-ilma reservoirs tal-ilma, linji, valvi, drains, ventijiet, testijiet;

—	Sistema tal-fjuwil: tankijiet, linji, filtri, ventijiet, drains, mili, valv selettur, pompi, indikazzjoni, testijiet, bonding;

—	Sistemi idrawliċi: tqassim tas-sistema, akkumulaturi, distribuzzjoni tal-pressjoni u tal-enerġija, indikazzjoni;

—	Sistemi ta' likwidu u ta' gass: fluwidu idrawliku, fluwidi oħra, livelli, reservoir, linji, valvi, filtru;

—	Sistemi ta' protezzjoni; firewalls, protezzjoni min-nirien, bonding għall-protezzjoni minn impatt ta' sajjetta, tensuri, apparati tal-illokkjar, dischargers.

7L.3 Qfiel

—	Affidabbiltà tal-pins, rivits, viti;

—	Kejbils tal-kontroll, tensuri;

—	Couplings li jinħallu malajr (L'Hotellier, SZD, Poland).

7L.4 Tagħmir tal-illokkjar

—	Ammissibilità ta' metodi tal-illokkjar, locking pins, pins b'molla tal-azzar, locking wire, stop nuts, żebgħa;

—	Couplings li jinħallu malajr.

7L.5	Livellar tal-massa u tal-bilanċ

7L.6	Sistemi ta' salvataġġ

7L.7 Moduli abbord

—	Sistema Pitot-statika, sistema tal-vakwu/dinamika, test idrostatiku;

—	Strumenti tat-titjir: indikatur tal-veloċità ajrudinamika, altimetru, indikatur tal-veloċità vertikali, konnessjoni u funzjonament, immarkar;

—	Arranġament u display, panil, wajers tal-elettriku;

—	Ġiroskopi, filtri, strumenti ta' indikazzjoni; ittestjar tal-funzjoni;

—	Boxxla manjetika; installazzjoni u kumpens tal-boxxla;

—	Glajders: indikatur akustiku tal-veloċità vertikali, reġistratur tat-titjira;

—	Sistema tal-ossiġnu.

7L.8 Installazzjoni u konnessjonijiet ta' moduli abbord

—	Strumenti tat-titjir, rekwiżiti ta' mmuntar (kundizzjonijiet ta' nżul ta' emerġenza skont CS-22);

—	Wajers tal-elettriku, sorsi ta' enerġija, tipi ta' akkumulaturi, parametri elettriċi, ġeneratur elettriku, circuit breaker, bilanċ tal-enerġija, earth/ground, konnetturi, terminali, twissijiet, fusijiet, fanali, tidwil, swiċċis, voltometri, amperometri, gauges tal-elettriku.

7L.9 Propulsjoni b'magna bil-pistuni

Interfaċċa bejn il-powerplant u l-qafas tal-inġenju tal-ajru.

7L.10 Skrun

—	Spezzjoni;

—	Sostituzzjoni;

—	Bilanċjar.

7L.11 Sistema ta' retrazzjoni

—	Kontroll tal-pożizzjoni tal-iskrun;

—	Sistema ta' retrazzjoni tal-magna u/jew ta' retrazzjoni tal-iskrun

7L.12 Proċeduri tal-ispezzjoni fiżika

—	Tindif, użu ta' tidwil u mirja;

—	Strumenti tal-kejl;

—	Kejl tad-deflessjoni tal-kontrolli;

—	Torque tal-viti u tal-boltijiet;

—	Tekil tal-berings;

—	Tagħmir tal-ispezzjoni;

—	Kalibrazzjoni tal-istrumenti tal-kejl.

MODULU 8L — POWERPLANT

Livell

8L.1 Limiti tal-istorbju

—	Spjegazzjoni tal-kunċett ta' “livell tal-istorbju”;

—	Ċertifikat tal-istorbju;

—	Iżolament tal-ħsejjes imtejjeb;

—	Tnaqqis possibbli tal-emissjonijiet tal-ħsejjes.

8L.2 Magni bil-pistuni

—	Magna ta' ignition bl-ispark four-stroke, magna mkessħa bl-arja, magna mkessħa bi fluwidu;

—	Magna two-stroke;

—	Magna bil-pistuni rotanti;

—	effiċjenza u fatturi li jinfluwenza (dijagramma ta' pressjoni–volum, kurva tal-potenza);

—	Apparati ta' kontroll tal-istorbju.

8L.3 Skrun

—	Pala, spinner, kontrapjanċa, pressjoni tal-akkumulatur, hub;

—	Tħaddim tal-iskrejjen;

—	Skrejjen bil-pitch varjabbli, skrejjen aġġustabbli fl-art jew waqt it-titjira, b'mod mekkaniku, elettriku jew idrawliku;

—	Bilanċjar (statiku, dinamiku);

—	Problemi tal-istorbju.

8L.4 Apparati ta' kontroll tal-magna

—	Apparati ta' kontroll mekkaniku;

—	Apparati ta' kontroll elettriku;

—	Displays tat-tank;

—	Funzjonijiet, karatteristiċi, żbalji tipiċi u indikazzjonijiet ta' żbalji.

8L.5 Hosepipes

—	Materjal u machining tal-hoses tal-fjuwil u taż-żejt;

—	Kontroll tal-limitu ta' żmien.

8L.6 Aċċessorji

—	Tħaddim tal-magneto ignition;

—	Kontroll tal-limiti tal-manutenzjoni;

—	Tħaddim tal-karburaturi;

—	Struzzjonijiet tal-manutenzjoni dwar aspetti karatteristiċi;

—	Pompi tal-fjuwil elettriċi;

—	Tħaddim tal-kontrolli tal-iskrun;

—	Kontroll tal-iskrun imħaddem b'mod elettriku;

—	Kontroll tal-iskrun imħaddem b'mod idrawliku;

8L.7 Sistema tal-ignition

—	Kostruzzjonijiet: coil ignition, magneto ignition, u thyristor ignition;

—	Effiċjenza tas-sistema tal-ignition u preheating;

—	Moduli tas-sistema tal-ignition u preheating;

—	Spezzjoni u ttestjar tal-ispark plug.

8L.8 Sistemi tal-induzzjoni u tal-egżost

—	Tħaddim u assemblaġġ;

—	Installazzjonijiet ta' silencers u heaters;

—	Gondoli u cowlings;

—	Spezzjoni u test;

—	Test tal-emissjoni ta' CO.

8L.9 Fjuwils u lubrikanti

—	Karatteristiċi tal-fjuwil;

—	Tikkettar, ħżin li ma jagħmlux ħsara lill-ambjent;

—	Żjut lubrikanti minerali u sintetiċi u l-parametri tagħhom: tikkettar u karatteristiċi, applikazzjoni;

—	Ħżin li ma jagħmlux ħsara lill-ambjent u rimi xieraq ta' żejt użat.

8L.10 Dokumentazzjoni

—	Dokumenti tal-manifattur għall-magna u l-iskrun;

—	Struzzjonijiet għall-Ajrunavigabbiltà Kontinwa (ICA);

—	Manwali tat-Titjira tal-Inġenju tal-Ajru (AFMs) u Manwali tal-Manutenzjoni tal-Inġenju tal-Ajru (AMMs);

—	Intervall taż-Żmien bejn kull Tiġdid Maġġuri (TBO);

—	Direttivi dwar l-Ajrunavigabbiltà (ADs), noti tekniċi u bulletini tas-servizz.

8L.11 Materjal illustrattiv

—	Unità ta' ċilindru b'valv;

—	Karburatur;

—	High-tension magneto;

—	Differential-compression tester għaċ-ċilindri;

—	Pistuni sħan iż-żejjed/bi ħsara;

—	Spark plugs ta' magni li tħaddmu b'mod differenti.

8L.12 Esperjenza prattika

—	Sikurezza tax-xogħol/prevenzjoni ta' aċċidenti (immaniġġjar ta' fjuwils u lubrikanti, tqabbid ta' magni);

—	Vireg tal-kontroll għar-regolazzjoni tal-magna u Bowden cables;

—	Issettjar tal-veloċità mingħajr tagħbija;

—	Verifika u ssettjar tal-ignition point;

—	Test tat-taħaddim ta' magnetos;

—	Verifika tas-sistema tat-tqabbid;

—	Ittestjar u tindif tal-ispark plugs;

—	Twettiq tal-kompiti tal-magna fl-ispezzjoni ta' 100 siegħa/sena fuq ajruplan;

—	Test tal-kompressjoni taċ-ċilindru;

—	Test statiku u evalwazzjoni tal-prova tal-magna;

—	Dokumentazzjoni tax-xogħol tal-manutenzjoni, inkluż is-sostituzzjoni ta' komponenti.

8L.13 Skambju tal-gass f'magni b'kombustjoni interna

—	Magna bil-pistuni b'moviment rotattiv four-stroke u unitajiet ta' kontroll;

—	Telf ta' enerġija;

—	Timing tal-ignition;

—	Imġiba ta' fluss dirett tal-unitajiet ta' kontroll;

—	Magna Wankel u unitajiet ta' kontroll;

—	Magna two-stroke u unitajiet ta' kontroll;

—	Scavenging

—	Scavenging blower;

—	Medda tat-tħaddim tal-magna mhux ingranata u medda tal-potenza.

8L.14 Ignition, kombustjoni u karburazzjoni

—

Ignition;

—	Spark plugs;

—	Sistema tal-Ignition;

—	Proċess ta' kombustjoni;

—	Kombustjoni normali;

—	Effiċjenza u pressjoni medja;

—	Indiċi tad-detonazzjoni u indiċi tal-ottan tal-magna;

—	Forom tal-kompartiment tal-kombustjoni;

—	Taħlita ta' fjuwil/arja fil-karburatur;

—	Prinċipju tal-karburatur, ekwazzjoni tal-karburatur;

—	Karburatur sempliċi;

—	Problemi tal-karburatur sempliċi u s-soluzzjonijiet tagħhom;

—	Mudelli tal-karburatur;

—	Taħlita ta' fjuwil/arja waqt l-injezzjoni;

—	Injezzjoni kontrollata mekkanikament;

—	Injezzjoni kontrollata elettronikament;

—	Injezzjoni kontinwa;

—	Paragun karburatur-injezzjoni.

8L.15 Strumenti tat-titjira f'inġenji tal-ajru b'magni bl-injezzjoni

—	Strumenti tat-titjira speċjali (magna bl-injezzjoni);

—	Interpretazzjoni tal-indikazzjonijiet f'test statiku;

—	Interpretazzjoni tal-indikazzjonijiet f'titjira f'diversi livelli ta' titjir.

8L.16 Manutenzjoni ta' inġenji tal-ajru b'magni bl-injezzjoni

—	Dokumentazzjoni, dokumenti tal-manifattur, eċċ.;

—	Struzzjonijiet tal-manutenzjoni ġenerali (spezzjonijiet ta' kull siegħa);

—	Testijiet funzjonali;

—	Prova fl-art;

—	Titjira ta' prova;

—	Individwazzjoni ta' soluzzjoni f'każ ta' ħsarat fis-sistema tal-injezzjoni u t-tiswija tagħhom.

8L.17 Sikurezza fuq il-post tax-xogħol u dispożizzjonijiet tas-sikurezza

Sikurezza tax-xogħol u dispożizzjonijiet tas-sikurezza għal xogħol fuq sistemi tal-injezzjoni.

8L.18 Għajnuniet viżwali::

—	Karburatur;

—	Komponenti tas-sistema tal-injezzjoni;

—	Inġenji tal-ajru b'magna bl-injezzjoni;

—	Għadda għal xogħol fuq sistemi tal-injezzjoni.

8L.19 Propulsjoni elettrika

—	Sistema tal-eneġija, akkumulaturi, installazzjoni;

—	Mutur elettriku;

—	Verifiki tas-sħana, storbju u vibrazzjoni;

—	Windings tal-ittestjar;

—	Wiring elettriku u sistemi ta' kontroll;

—	Pylon, sistemi ta' estensjoni u retrazzjoni;

—	Sistemi tal-ibbrejkjar tal-mutur/skrun;

—	Sistemi tal-ventilazzjoni tal-mutur;

—	Esperjenza prattika ta' spezzjonijiet ta' 100 siegħa/sena.

8L.20 Propulsjoni ġett

—	Installazzjoni tal-magna;

—	Pylon, sistemi ta' estensjoni u retrazzjoni;

—	Protezzjoni min-nirien;

—	Sistemi tal-fjuwil, inkluż lubrikazzjoni;

—	Sistemi tat-tqabbid tal-magna, gas assist;

—	Valutazzjoni tal-ħsara lill-magna;

—	Servizz lill-magna;

—	Tneħħija / refit u ttestjar tal-magna;

—	Esperjenza prattika ta' spezzjonijiet tal-kundizzjoni / tal-ħin tat-tħaddim / annwali;

—	Spezzjonijiet tal-kundizzjoni

8L.21

Kontroll diġitali tal-magna b'awtorità sħiħa (FADEC - Full Authority Digital Engine Control)

MODULU 9L — BALLUN/AIRSHIP TAL-ARJA SĦUNA

Livell

9L.1 Prinċipji bażiċi u assemblaġġ ta' blalen/iġfna tal-ajru tal-arja sħuna

—	Assemblaġġ u partijiet individwali;

—	Envelopes;

—	Materjali tal-Envelopes;

—	Sistemi tal-Envelopes;

—	Forom konvenzjonali u speċjali;

—	Sistema tal-Fjuwil;

—	Berner, qafas tal-berner u vireg riffieda tal-berner;

—	Ċilindri u pajpijiet flessibbli tal-gass ikkumpressat;

—	Basket u apparati alternattivi (seats);

—	Aċċessorji tal-irbit;

—	Kompiti ta' manutenzjoni u servizz;

—	Spezzjoni ta' 100 siegħa/sena;

—	Ġurnali ta' Abbord:

—	Manwali tat-Titjira tal-Inġenju tal-Ajru (AFMs) u Manwali tal-Manutenzjoni tal-Inġenju tal-Ajru (AMMs);

—	Irbit u tħejjija tal-varar (restrizzjoni tal-varar);

—

Varar:

9L.2 Taħriġ prattiku

Kontrolli tat-tħaddim, manutenzjoni u xogħol ta' servizz (skont il-manwal tat-titjira).

9L.3 Envelope

—

Tessuti;

—

Ħjatat;

—	Load tapes, rip stoppers;

—	Crown rings;

—	Valv tal-paraxut u sistema ta' deflazzjoni rapida;

—	Ripping panel;

—	Turning vent;

—	Dijaframmi/katenarji (forom speċjali u iġfna tal-ajru);

—	Rombli, poleġġi;

—	Kejbils ta' kontroll u ta' sospensjoni;

—

Għoqod;

—	Tikketta li tindika t-temperatura, indikatur bandiera tat-temperatura, termometru tal-envelope;

—	Flying wires;

—	Fittings, karabiners.

9L.4 Berner u sistema tal-fjuwil

—	Kojls tal-berner;

—	Valvi tal-blast, tal-likwidu jew tal-immanuvrar;

—	Berners/ġettijiet;

—	Dwal tal-immanuvrar/vaporizzaturi/ġettijiet;

—	Qafas tal-berner;

—	Linji/pajpijiet flessibbli tal-fjuwil;

—	Ċilindri tal-fjuwil, valvi u fittings.

9L.5 Basket u sospensjoni tal-basket (inklużi, apparati alternattivi)

—	Tipi ta' basktijiet (inklużi, apparati alternattivi);

—	Materjali tal-basket: qasab u għeruq taż-żafżafa, ġilda, materjali tal-finitura, kejbils tas-sospensjoni;

—	Seats, roller berings;

—	Karabiner, xikel u pinnijiet;

—	Vireg riffieda tal-berner;

—	Ċineg li jorbtu ċ-ċilindru tal-fjuwil;

—	Aċċessorji.

9L.6 Tagħmir

—	Apparat tat-tifi tan-nar, kutra ta' protezzjoni min-nar;

—	Strumenti (singoli jew ikkombinati).

9L.7 Tiswijiet żgħar

—	Ponti meħjutin;

—

Bonding;

—	Tiswijiet tal-ġilda/finitura tal-basket

9L.8 Proċeduri għall-ispezzjoni fiżika

—	Tindif, użu ta' tidwil u mirja;

—	Strumenti tal-kejl;

—	Kejl tad-deflessjoni tal-kontrolli (iġfna tal-ajru biss);

—	Torque tal-viti u tal-boltijiet;

—	Tekil tal-berings (iġfna tal-ajru biss);

—	Tagħmir tal-ispezzjoni;

—	Kalibrazzjoni tal-istrumenti tal-kejl;

—	Fabric Grab Test.

MODULI 10L — BALLUN/AIRSHIP TAL-GASS (LIBERU/IRMIĠĠAT)

Livell

10L.1 Prinċipji bażiċi u assemblaġġ ta' blalen/iġfna tal-ajru tal-gass

—	Assemblaġġ ta' partijiet individwali;

—	Materjal tal-envelope u tan-netting;

—	Envelope, ripping panel, ftuħ ta' emerġenza, kordi u ċinturini;

—	Valv tal-gass riġidu;

—	Valv tal-gass flessibbli (paraxut);

—

Netting;

—	Load ring;

—	Basket u aċċessorji (inklużi, apparati alternattivi);

—	Mogħdijiet tad-disċarġ elettrostatiku;

—	Ħabel tal-irmiġġ u tranja;

—	Manutenzjoni u servizz;

—	Spezzjoni annwali;

—	Dokumenti tat-titjira;

—	Manwali tat-Titjira tal-Inġenju tal-Ajru (AFMs) u Manwali tal-Manutenzjoni tal-Inġenju tal-Ajru (AMMs);

—	Tħejjija tal-irbit u tal-varar;

—

Varar.

10L.2 Taħriġ prattiku

—	Kontrolli tat-tħaddim;

—	Xogħolijiet ta' manutenzjoni u servizz (skont l-AMM u l-AFM);

—	Regoli tas-sikurezza meta jintuża l-idroġenu jew xi gass tat-tlugħ.

10L.3 Envelope

—

Tessuti;

—	Arbli u r-rinforzament tal-arbli;

—	Ripping panel u kordi;

—	Kejbils tal-paraxut u tas-sospensjoni;

—	valvi u kordi;

—	Għonq tat-tank, Poeschel-ring u kordi;

—	Mogħdijiet tad-disċarġ elettrostatiku.

10L.4 Valv

—

Molol;

—

Gaskits;

—	Ġonot rivitjati;

—	Linji tal-kontroll;

—	Mogħdijiet tad-disċarġ elettrostatiku.

10L.5 Netting jew irbit (mingħajr netting)

—	Tipi ta' netting u linji oħra;

—	Daqsijiet u angoli tal-malji tan-netting;

—	Ċirku tan-netting;

—	Metodi tal-iffurmar tal-għoqod;

—	Mogħdijiet tad-disċarġ elettrostatiku.

10L.6

Load ring

10L.7 Basket (inklużi, apparati alternattivi)

—	Tipi ta' basktijiet (inklużi, apparati alternattivi);

—	Stroppi u kavilji;

—	Sistema ta' saborra (boroż u rfid);

—	Mogħdijiet tad-disċarġ elettrostatiku.

10L.8

Ripping cord u kordi tal-valv

10L.9

Ħabel tal-irmiġġ u tranja

10L.10 Tiswijiet żgħar

—

Bonding;

—	Ħbula tal-qanneb għall-impalellar.

10L.11 Tagħmir

Strumenti (singoli jew ikkombinati).

10L.12 Kejbil tal-irmiġġ (blalen tal-gass irmiġġati (TGB) biss)

—	Tipi ta' kejbils;

—	Ħsara ta' kejbil aċċettabbli;

—	Tornikett tal-kejbil;

—	Klamps tal-kejbil.

10L.13 Vinċ (blalen tal-gass irmiġġati biss)

—	Tipi ta' ċinċijiet;

—	Sistema mekkanika;

—	Sistema elettrika;

—	Sistema ta' emerġenza;

—	Ankrar mal-art/ballast tal-vinċ.

10L.14 Proċeduri għall-ispezzjoni fiżika

—	Tindif, użu ta' tidwil u mirja;

—	Strumenti tal-kejl;

—	Kejl tad-deflessjoni tal-kontrolli (iġfna tal-ajru biss);

—	Torque tal-viti u tal-boltijiet;

—	Tekil tal-berings (iġfna tal-ajru biss);

—	Tagħmir tal-ispezzjoni;

—	Kalibrazzjoni tal-istrumenti tal-kejl;

—	Fabric Grab Test.

MODULI 11L — AIRSHIPS TAL-ARJA SĦUNA/TAL-GASS'

Livell

11L.1 Prinċipji bażiċi u assemblaġġ ta' iġfna tal-ajru żgħar

—	Envelope, ballonnets (blalen ta' kumpens);

—	Valvi, ftuħ;

—

Gondola;

—	Propulsjoni;

—	Manwali tat-Titjira tal-Inġenju tal-Ajru (AFMs) u Manwali tal-Manutenzjoni tal-Inġenju tal-Ajru (AMMs);

—	Tħejjija tal-irbit u tal-varar.

11L.2 Taħriġ prattiku

—	Kontrolli tat-tħaddim;

—	Xogħolijiet ta' manutenzjoni u servizz (skont l-AMM u l-AFM).

11L.3 Envelope

—

Tessuti;

—	Ripping panel u ripping cords;

—

Valvi;

—	Sistema katenarja.

11L.4 Gondola (inklużi, apparati alternattivi)

—	Tipi ta' gondoli (inklużi, apparati alternattivi);

—	Tipi u materjali tal-qafas tal-inġenju tal-ajru;

—	Identifikazzjoni tal-ħsara.

11L.5 Sistema elettrika

—	Kunċetti bażiċi dwar iċ-ċirkwiti abbord;

—	Sorsi tal-elettriku (akkumulaturi, twaħħil, ventilazzjoni, korrużjoni);

—	Akkumulaturi taċ-ċomb, tan-nikil-kadmju (NiCd) u akkumulaturi oħra, batteriji mingħajr likwidi;

—	Ġeneraturi;

—	Wiring, konnessjonijiet elettriċi;

—	Fjusijiet;

—	Sors tal-enerġija estern;

—	Bilanċ tal-enerġija.

11L.6 Propulsjoni

—	Sistema tal-fjuwil: tankijiet, linji, filtri, ventijiet, drains, mili, valv selettur, pompi, indikazzjoni, testijiet, bonding;

—	Strumenti tal-propulsjoni;

—	Kunċetti bażiċi dwar il-kejl u l-istrumenti;

—	Kejl ta' revoluzzjonijiet;

—	Kejl tal-pressjoni;

—	Kejl tat-temperatura;

—	Kejn ta' fjuwil/enerġija disponibbli.

11L.7 Tagħmir

—	Apparat tat-tifi tan-nar, kutra ta' protezzjoni min-nar;

—	Strumenti (singoli jew ikkombinati).

MODULU 12L — RADIO COM/ELT/TRANSPONDER/STRUMENTI

Livell

12L.1 Radio Com/ELT

—	Spazjar tal-kanali;

—	Test funzjonali bażiku;

—	Batteriji;

—	Rekwiżiti tal-ittestjar u tal-manutenzjoni.

12L.2 Transponder

—	Tħaddim bażiku;

—	Konfigurazzjoni portabbli tipika, inkluż l-antenna;

—	Spjegazzjoni tal-Moduli A, C, S;

—	Rekwiżiti tal-ittestjar u tal-manutenzjoni.

12L.3 Strumenti

—	Altimetri/varjometri;

—	Batteriji;

—	Test funzjonali bażiku.

Appendiċi VIII

Standard ta' eżami bażiku għal liċenzja għall-manutenzjoni ta' inġenji tal-ajru tal-kategorija L

(a)

Il-bażi tal-istandardazzjoni għall-eżamijiet relatati mar-rekwiżiti ta' għarfien bażiku tal-Appendiċi VII għandha tkun kif ġej:

(i)

l-eżamijiet kollha għandhom jitwettqu bl-użu tal-format ta' mistoqsijiet b'għażla ta' tweġibiet kif speċifikat fil-punt (ii). L-alternattivi li mhumiex korretti jridu jidhru ugwalment plawsibbli għal kull min ma jkunx jaf is-suġġett. L-alternattivi kollha għandhom ikunu relatati b'mod ċar mal-mistoqsija u jkollhom vokabularju, kostruzzjoni grammatikali u tul simili. F'mistoqsijiet numeriċi, it-tweġibiet li mhumiex korretti għandhom jikkorrispondu għal żbalji proċedurali bħal korrezzjonijiet applikati fis-sens żbaljat jew konverżjonijiet ta' unitajiet li mhumiex korretti: dawn ma għandhomx ikunu sempliċiment numri aleatorji.

(ii)	kull mistoqsija b'għażla ta' tweġibiet għandu jkollha tliet tweġibiet alternattivi li minnhom waħda biss trid tkun it-tweġiba t-tajba u l-kandidat irid jingħata ħin għal kull modulu abbażi ta' medja nominali ta' 75 sekonda għal kull mistoqsija.

(iii)

il-marka minima meħtieġa għal kull modulu hija ta' 75 %;

(iv)	ma għandux jintuża mmarkar b'penali (punti negattivi għal tweġibiet żbaljati);

(v)	il-livell ta' għarfien meħtieġ mill-mistoqsijiet għandu jkun proporzjonali għal-livell tat-teknoloġija tal-kategorija tal-inġenju tal-ajru.

(b)

L-għadd ta' mistoqsijiet għal kull modulu għandu jkun kif ġej:

(i)	modulu 1L “Għarfien bażiku”: 12-il mistoqsija. Ħin permess: 15-il minuta;

(ii)	modulu 2L “Fatturi umani”: 8 mistoqsijiet. Ħin permess: 10 minuti;

(iii)

modulu 3L “Leġiżlazzjoni tal-avjazzjoni”: 24 mistoqsija. Ħin permess: 30 minuta;

(iv)	modulu 4L “Qafas tal-inġenju tal-ajru tal-injam/tubi tal-metall miksijin bit-tessuti”: 32 mistoqsija. Ħin permess: 40 minuta;

(v)	modulu 5L “Qafas tal-inġenju tal-ajru kompost”:32 mistoqsija. Ħin permess: 40 minuta;

(vi)	modulu 6L “Il-metall tal-qafas tal-inġenju tal-ajru”: 32 mistoqsija. Ħin permess: 40 minuta;

(vii)

modulu 7L “Qafas tal-inġenju tal-ajru ġenerali”: 64 mistoqsija. Ħin permess: 80 minuta;

(viii)

modulu 8L “Powerplant”: 48 mistoqsija. Ħin permess: 60 minuta;

(ix)	modulu 9L “Ballun/Ġifen tal-ajru tal-arja sħuna”: 36 mistoqsija. Ħin permess: 45 minuta;

(x)	modulu 10L “Ballun/Ġifen tal-ajru tal-gass (liberu/irmiġġat)”: 40 mistoqsija. Ħin permess: 50 minuta;

(xi)	modulu 11L “Iġfna tal-ajru tal-arja sħuna/tal-gass”: 36 mistoqsija. Ħin permess: 45 minuta;

(xii)

Modulu12L “Radio Com/ELT/transponder/strumenti”: 16-il mistoqsija. Ħin permess: 20 minuta.

”

ANNESS IV

L-Anness IV huwa emendat kif ġej:

(1)

fil-punt 147.A.145, il-punt (a) jinbidel b'dan li ġej:

“(a)

L-organizzazzjoni ta' taħriġ tal-manutenzjoni tista' twettaq dan li ġej, kif permess minn u skont l-espożizzjoni tal-organizzazzjoni ta' taħriġ fil-manutenzjoni:

(i)	korsijiet ta' taħriġ bażiku għas-sillabu tal-Anness III (Parti-66), jew parti minnu;

(ii)	korsijiet ta' taħriġ tat-tipi/tal-kompiti tal-inġenju tal-ajru skont l-Anness III (Parti-66);

(iii)

l-eżaminażżjoni ta' studenti li attendew il-kors tat-taħriġ bażiku jew tat-tip tal-inġenju tal-ajru fl-organizzazzjoni ta' taħriġ fil-manutenzjoni;

(iv)	l-eżaminażżjoni ta' studenti li ma attendewx il-kors tat-taħriġ tat-tip tal-inġenju tal-ajru fl-organizzazzjoni ta' taħriġ fil-manutenzjoni.

(v)

l-eżaminażżjoni ta' studenti li ma attendewx il-kors tat-taħriġ bażiku fl-organizzazzjoni ta' taħriġ fil-manutenzjoni, sakemm:

(1)	l-eżaminazzjoni ssir f'wieħed mill-postijiet identifikati fiċ-ċertifikat tal-approvazzjoni, jew

(2)

jekk issir f'postijiet mhux identifikati fiċ-ċertifikat tal-approvazzjoni, kif permess skont il-punti (b) u (c), jew

—	l-eżaminazzjoni għandha ssir permezz ta' Bank Ċentrali Ewropew tal-Mistoqsijiet (ECQB), jew

—	fin-nuqqas ta' ECQB, l-awtorità kompetenti għandha tagħżel il-mistoqsijiet għall-eżami;

(vi)	il-ħruġ ta' ċertifikati skont l-Appendiċi III wara t-tlestija b'suċċess tal-korsijiet ta' taħriġ bażiku jew tat-tip ta' inġenju tal-ajru approvati u l-eżamijiet speċifikati fil-punti (a)(i), (a)(ii), (a)(iii), (a)(iv) u (a)(v), kif applikabbli.”;

(2)

L-Appendiċi I u II jinbidlu b'dan li ġej:

“

Appendiċi I

Durata tal-kors ta' taħriġ bażiku

Id-durata minima ta' kors sħiħ ta' taħriġ bażiku għandha tkun kif ġej:

Kors Bażiku	Durata (sigħat)	Proporzjon ta' Taħriġ Teoretiku (f'%)
A1	800	30–35
A2	650	30–35
A3	800	30–35
A4	800	30–35
B1.1	2 400	50-60
B1.2	2 000	50-60
B1.3	2 400	50-60
B1.4	2 400	50-60
B2	2 400	50-60
B2L	1 500 (*1)	50-60
B3	1 000	50-60

Appendiċi II

Approvazzjoni tal-Organizzazzjoni ta' Taħriġ fil-Manutenzjoni msemmija fl-Anness IV (Parti-147) — Formola 11 tal-EASA

Test ta 'immaġni

Paġna 1 minn 2

[STAT MEMBRU (*)]

Membru tal-Unjoni Ewropea (**)

ĊERTIFIKAT TA’ APPROVAZZJONI TAL-ORGANIZZAZZJONI TAL-EŻAMIJIET U T-TAĦRIĠ FIL-MANUTENZJONI

Referenza: [IL-KODIĊI TAL-ISTAT MEMBRU (*)].147.[XXXX]

Skont ir-Regolament (KE) Nru 216/2008 tal-Parlament Ewropew u tal-Kunsill u skont ir-Regolament tal-Kummissjoni (UE) Nru 1321/2014, għalissa jinsab fis-seħħ u suġġett għall-kundizzjonijiet speċifikati hawn taħt, il-[L-AWTORITÀ KOMPETENTI TAL-ISTAT MEMBRU (*)] hawn tiċċertifika:

[L-ISEM U L-INDIRIZZ TAL-KUMPANIJA]

bħala organizzazzjoni tat-taħriġ fil-manutenzjoni f’konformità mat-Taqsima A tal-Anness IV (Parti-147) tar-Regolament (KE) Nru 1321/2014, approvata biex tipprovdi taħriġ u twettaq l-eżamijiet elenkati fl-iskeda tal-approvazzjoni mehmuża u biex toħroġ ċertifikati ta’ rikonoxximent relatati lil studenti li jużaw ir-referenzi msemmija hawn fuq.

KUNDIZZJONIJIET:

1. Din l-approvazzjoni hija limitata għal dak li hemm speċifikat fl-ambitu tat-taqsima tal-attività tal-manwal tal-organizzazzjoni ta’ taħriġ fil-manutenzjoni approvata kif imsemmi fit-Taqsima A tal-Anness IV (Parti-147); kif ukoll

2. din l-approvazzjoni teħtieġ konformità mal-proċeduri speċifikati fl-espożizzjoni tal-organizzazzjoni ta’ taħriġ fil-manutenzjoni; kif ukoll

3. din l-approvazzjoni hi valida sakemm l-organizzazzjoni ta’ taħriġ fil-manutenzjoni approvata tibqa’ f’konformità mal-Anness IV (Parti-147) tar-Regolament (UE) Nru 1321/2014; kif ukoll

4. din l-approvazzjoni, li hija soġġetta għal konformità mal-kundizzjonijiet imsemmija qabel, għandha tibqa’ valida għal żmien bla limitu sakemm l-approvazzjoni ma tkunx preċedentement ġiet ċeduta, sostitwita, sospiża jew irrevokata.

Id-data tal-ħruġ oriġinali:

Id-data ta’ din ir-reviżjoni:

In-Numru tar-Reviżjoni:

Iffirmata:

Għall-awtorità kompetenti: [AWTORITÀ KOMPETENTI TAL-ISTAT MEMBRU (*)]

Formola 11 tal-EASA Ħarġa 5

(*) jew l-EASA, jekk l-EASA hija l-awtorità kompetenti

(**) Ħassar meta l-Istat ma jkunx Stat Membru tal-UE jew l-EASA.

Test ta 'immaġni

”;

(3)

Il-Formola 149 tal-EASA, Ħarġa 2, li tinsab fl-Appendiċi III tinbidel b'dan li ġej:

Test ta 'immaġni

Paġna 1 minn 2

[STAT MEMBRU (*)]

Membru tal-Unjoni Ewropea (**)

ĊERTIFIKAT TA’ APPROVAZZJONI TAL-ORGANIZZAZZJONI TAL-EŻAMIJIET U T-TAĦRIĠ FIL-MANUTENZJONI

Referenza: [IL-KODIĊI TAL-ISTAT MEMBRU (*)].147.[XXXX]

[L-ISEM U L-INDIRIZZ TAL-KUMPANIJA]

KUNDIZZJONIJIET:

2. din l-approvazzjoni teħtieġ konformità mal-proċeduri speċifikati fl-espożizzjoni tal-organizzazzjoni ta’ taħriġ fil-manutenzjoni; kif ukoll

3. din l-approvazzjoni hi valida sakemm l-organizzazzjoni ta’ taħriġ fil-manutenzjoni approvata tibqa’ f’konformità mal-Anness IV (Parti-147) tar-Regolament (UE) Nru 1321/2014; kif ukoll

Id-data tal-ħruġ oriġinali:

Id-data ta’ din ir-reviżjoni:

In-Numru tar-Reviżjoni:

Iffirmata:

Għall-awtorità kompetenti: [AWTORITÀ KOMPETENTI TAL-ISTAT MEMBRU (*)]

Formola 11 tal-EASA Ħarġa 5

(*) jew l-EASA, jekk l-EASA hija l-awtorità kompetenti

(**) Ħassar meta l-Istat ma jkunx Stat Membru tal-UE jew l-EASA.

(*1) Dan in-numru ta' sigħat għandu jiġi miżjud kif ġej, skont il-klassifikazzjonijiet ta' sistemi addizzjonali magħżula:

Klassifikazzjoni ta' Sistemi	Durata (sigħat)	Proporzjon ta' Taħriġ Teoretiku (f'%)
COM/NAV	90	50-60
STRUMENTI	55
AWTOTITJIR	80
SORVELJANZA	40
SISTEMI TA' QAFAS TAL-INĠENJU TAL-AJRU	100

ANNESS V

L-Anness Va huwa emendat kif ġej:

(1)	fil-werrej, il-punt T.A.501 li ġej jiddaħħal wara l-annotazzjoni “Subparti E Organizzazzjoni tal-Manutenzjoni”: “T.A.501 Organizzazzjoni tal-Manutenzjoni”;

(2)

fil-punt T.A.201, il-punt 3 jinbidel b'dan li ġej:

“(3)

L-organizzazzjoni ta' ġestjoni tal-ajrunavigabbiltà kontinwa msemmija fil-punt (2) għandha tiżgura li l-manutenzjoni u r-rilaxx tal-inġenju tal-ajru jiġu mwettqa minn organizzazzjoni tal-manutenzjoni li tissodisfa r-rekwiżiti tas-Subparti E ta' dan l-Anness (Parti-T). Għal din il-fini, meta l-organizzazzjoni ta' ġestjoni tal-ajrunavigabbiltà kontinwa ma tissodisfax dawk ir-rekwiżiti hija stess, din għandha tistabbilixxi kuntratt ma' organizzazzjoni tal-manutenzjoni li tissodisfa dawk ir-rekwiżiti.”;

(3)	it-titolu li ġej jiżdied mad-dispożizzjonijiet tas-Subparti E Organizzazzjoni tal-Manutenzjoni: “T.A. 501 Organizzazzjoni tal-Manutenzjoni”;

(4)

Il-punt T.A.716 jinbidel b'dan li ġej:

“T.A.716 Sejbiet

Wara l-wasla ta' notifika tas-sejbiet skont T.B.705, l-organizzazzjoni ta' ġestjoni tal-ajrunavigabbiltà kontinwa għandha tiddefinixxi pjan ta' azzjoni korrettiva u turi azzjoni korrettiva għas-sodisfazzjon tal-awtorità kompetenti f'perjodu miftiehem ma' din l-awtorità.”.

Werrej		II Atti mhux leġiżlattivi	Paġna
		FTEHIMIET INTERNAZZJONALI
	*	Avviż dwar id-dħul fis-seħħ tal-Ftehim ta' Sħubija u Kooperazzjoni bejn l-Unjoni Ewropea u l-Istati Membri tagħha min-naħa l-waħda, u r-Repubblika tal-Iraq, min-naħa l-oħra	1
		REGOLAMENTI
	*	Regolament tal-Kummissjoni (UE) 2018/1142 tal-14 ta' Awwissu 2018 li jemenda r-Regolament (UE) Nru 1321/2014 fir-rigward tal-introduzzjoni ta' ċerti kategoriji ta' liċenzji għall-manutenzjoni ta' inġenji tal-ajru, tal-modifika tal-proċedura ta' aċċettazzjoni ta' komponenti minn fornituri esterni u tal-modifika tal-privileġġi ta' organizzazzjonijiet ta' taħriġ fil-manutenzjoni ( 1 )	2
		DEĊIŻJONIJIET
	*	Deċiżjoni ta' Implimentazzjoni tal-Kummissjoni (UE) 2018/1143 tal-10 ta' Awwissu 2018 li temenda d-Deċiżjonijiet 92/260/KEE u 93/197/KEE fir-rigward tal-ittestjar għall-arterite virali ekwina (notifikata bid-dokument C(2018) 5071) ( 1 )	58
		ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
	*	Deċiżjoni Nru 1/2017 tal-Kumitat tal-FSE stabbilita mill-Ftehim Interim li jistabbilixxi qafas għal ftehim ta' sħubija ekonomika bejn l-Istati tal-Afrika tal-Lvant u tan-Nofsinhar, min-naħa, u l-Komunità Ewropea u l-Istati Membri tagħha, min-naħa l-oħra, tat-3 ta' Ottubru 2017 dwar l-adeżjoni tar-Repubblika tal-Kroazja mal-Unjoni Ewropea u t-tibdil fil-lista tal-pajjiżi u t-territorji assoċjati mal-Unjoni Ewropea [2018/1144]	65

		ISSN 1977-074X
Il-Ġurnal Uffiċjali tal-Unjoni Ewropea		L 207

Edizzjoni bil-Malti	Leġiżlazzjoni	Volum 61 16 ta' Awwissu 2018