20.4.2018   

MT

Il-Ġurnal Uffiċjali tal-Unjoni Ewropea

L 101/1

(1)

It-Trattat li jistabbilixxi l-Komunità Ewropea tal-Faħam u l-Azzar skada fit-23 ta' Lulju 2002 f'konformità mal-Artikolu 97 ta' dak it-Trattat. L-assi u l-obbligazzjonijiet kollha tal-Komunità Ewropea tal-Faħam u l-Azzar (KEFA) ġew ittrasferiti lill-Unjoni fl-24 ta' Lulju 2002.

(2)

Il-Protokoll Nru 37 jieħu kont tar-rieda li l-fondi tal-KEFA jintużaw għar-riċerka f'setturi relatati mal-industrija tal-faħam u l-azzar u, għalhekk, il-ħtieġa li jiġu previsti ċerti regoli speċjali f'dak ir-rigward. L-Artikolu 1(1) tal-Protokoll Nru 37 jistabbilixxi li l-valur nett tal-assi u l-obbligazzjonijiet, kif jidhru fil-karta tal-bilanċ tal-KEFA tat-23 ta' Lulju 2002, għandu jkun meqjus bħala assi intiżi għar-riċerka fis-setturi relatati mal-industrija tal-faħam u l-azzar, imsejħa “KEFA f'likwidazzjoni”. Meta tintemm il-likwidazzjoni, dawn għandhom jissejħu “l-assi tal-Fond ta' Riċerka tal-Faħam u l-Azzar”.

(3)

Il-Protokoll Nru 37 jipprevedi wkoll li d-dħul minn dawk l-assi, imsejħa “Fond ta' Riċerka tal-Faħam u l-Azzar”, għandu jintuża esklużivament għar-riċerka, 'il barra mill-programm qafas ta' riċerka, fis-setturi relatati mal-industrija tal-faħam u l-azzar skont id-dispożizzjonijiet tal-Protokoll Nru 37 u tal-atti adottati abbażi tiegħu.

(4)

Fl-1 ta' Frar 2003 il-Kunsill adotta d-Deċiżjoni 2003/76/KE (2), li tistabbilixxi l-miżuri neċessarji għall-implimentazzjoni tal-Protokoll Nru 37.

(5)

Fid-dawl tat-tnaqqis eċċezzjonali, minħabba l-kuntest ta' mgħax baxx fis-swieq kapitali fis-snin reċenti, fid-dħul mill-assi tal-KEFA f'likwidazzjoni ddedikat għar-riċerka fis-setturi relatati mal-industrija tal-faħam u l-azzar, huwa neċessarju li jiġu riveduti r-regoli dwar il-kanċellament tal-impenji li saru taħt il-programm ta' riċerka tal-Fond ta' Riċerka tal-Faħam u tal-Azzar (“il-Programm”) sabiex l-ammonti li jikkorrispondu għal tali kanċellamenti jkunu disponibbli għall-programm. Barra minn hekk, l-ammonti li jikkorrispondu għall-kanċellamenti ta' impenji li jkunu seħħew mill-24 ta' Lulju 2002 għandhom ukoll ikunu disponibbli għall-Fond ta' Riċerka tal-Faħam u l-Azzar.

(6)

Għall-istess raġuni, huwa neċessarju wkoll li jiġu riveduti r-regoli dwar l-ammonti rkuprati taħt il-programm sabiex dawn jiġu riportati għall-programm taħt id-dispożizzjonijiet rilevanti dwar id-dħul assenjat tar-Regolament (UE, Euratom) Nru 966/2012 tal-Parlament Ewropew u tal-Kunsill (3).

(7)

Għaldaqstant jenħtieġ li d-Deċiżjoni 2003/76/KE tiġi emendata skont dan,

(1)

fl-Artikolu 4, il-paragrafi 4 u 5 huma sostitwiti b'dan li ġej:

“4.   Id-dħul mhux użat u l-approprjazzjonijiet li ġejjin minn dan id-dħul li jkunu għadhom disponibbli fil-31 ta' Diċembru ta' xi sena partikolari, kif ukoll l-ammonti rkuprati, għandhom jiġu riportati awtomatikament għas-sena ta' wara. Dawk l-approprjazzjonijiet ma jistgħux jiġu ttrasferiti għal partiti oħra tal-baġit.

5.   L-approprjazzjonijiet baġitarji li jikkorrispondu għall-kanċellamenti ta' impenji għandhom jiskadu b'mod awtomatiku fi tmiem kull sena finanzjarja. Il-provvedimenti għal impenji rilaxxati minħabba kanċellamenti għandhom ikunu disponibbli għall-Fond ta' Riċerka tal-Faħam u l-Azzar.”;

(2)

jiddaħħal l-Artikolu li ġej:

“Artikolu 4a

L-ammont li jikkorrispondi għall-kanċellamenti ta' impenji li jkunu saru mill-24 ta' Lulju 2002 skont l-Artikolu 4(5) għandu jsir disponibbli għall-Fond ta' Riċerka tal-Faħam u l-Azzar fl-10 ta' Mejju 2018.”.

20.4.2018   

MT

Il-Ġurnal Uffiċjali tal-Unjoni Ewropea

L 101/3

(1)

Fit-22 ta' Lulju 2013, il-Kunsill awtorizza lill-Kummissjoni biex tiftaħ negozjati ma' New Zealand bil-għan li jiġi konkluż Ftehim bejn l-Unjoni Ewropea u New Zealand dwar il-kooperazzjoni u l-assistenza amministrattiva reċiproka f'materji doganali (“Il-Ftehim”). In-negozjati ġew konklużi b'suċċess bl-inizjalar tal-Ftehim fit-23 ta' Settembru 2015.

(2)

L-għan tal- Ftehim huwa li jistabbilixxi l-bażi legali għal qafas ta' kooperazzjoni li jimmira li jiżgura l-katina tal-provvista u li jiffaċilita l-kummerċ leġittimu, kif ukoll li jippermetti l-iskambju ta' informazzjoni biex tkun żgurata l-applikazzjoni xierqa tal-leġiżlazzjoni doganali u l-prevenzjoni, l-investigazzjoni u l-ġlieda kontra l-ksur tal-leġiżlazzjoni doganali.

(3)

Il-Ftehim għandu jiġi ffirmat,

20.4.2018   

MT

Il-Ġurnal Uffiċjali tal-Unjoni Ewropea

L 101/5

(1)

Fit-22 ta' Lulju 2013, il-Kunsill awtorizza lill-Kummissjoni biex tiftaħ negozjati ma' New Zealand bil-għan li jiġi konkluż Ftehim bejn l-Unjoni Ewropea u New Zealand dwar il-kooperazzjoni u l-assistenza amministrattiva reċiproka f'materji doganali (“il-Ftehim”). In-negozjati ġew konklużi b'suċċess bl-inizjalar tal-Ftehim fit-23 ta' Settembru 2015. Skont id-Deċiżjoni tal-Kunsill (UE) 2018/600 (2), il-Ftehim ġie ffirmat fit-3 ta' Lulju 2017.

(2)

L-għan tal-Ftehim huwa li jistabbilixxi l-bażi legali għal qafas ta' kooperazzjoni li jimmira li jiżgura l-katina tal-provvista u li jiffaċilita l-kummerċ leġittimu, kif ukoll li jippermetti l-iskambju ta' informazzjoni biex tkun żgurata l-applikazzjoni xierqa tal-leġiżlazzjoni doganali u l-prevenzjoni, l-investgazzjoni u l-ġlieda kontra l-ksur tal-leġiżlazzjoni doganali.

(3)

Il-Ftehim għandu jiġi approvat,

20.4.2018   

MT

Il-Ġurnal Uffiċjali tal-Unjoni Ewropea

L 101/6

(a)

“leġislazzjoni doganali” tfisser kwalunkwe liġi u regolament tal-Unjoni jew ta' New Zealand li jirregolaw l-importazzjoni, l-esportazzjoni u t-tranżitu ta' merkanzija u t-tqegħid tagħha taħt kwalunkwe sistema jew proċedura doganali, inklużi miżuri ta' projbizzjoni, ta' restrizzjoni u ta' kontroll, u amministrati, applikati jew infurzati mill-awtoritajiet doganali tal-Partijiet Kontraenti fit-territorji rispettivi tagħhom;

(b)

“liġijiet u regolamenti tal-Parti Kontraenti”, “liġijiet u regolamenti ta' dik il-Parti Kontraenti” u “liġijiet u regolamenti ta' kull Parti Kontraenti” jfissru l-liġijiet u r-regolamenti applikabbli fl-Unjoni fiċ-ċirkustanzi, jew il-liġijiet u r-regolamenti applikabbli fi New Zealand, skont kif jeħtieġ il-kuntest;

(c)

“awtorità doganali” tfisser, fl-Unjoni, is-servizzi kompetenti tal-Kummissjoni Ewropea (minn hawn 'il quddiem imsejħa “il-Kummissjoni”) li huma responsabbli għal materji doganali u l-awtoritajiet doganali tal-Istati Membri tal-Unjoni u, fi New Zealand, New Zealand Customs Service;

(d)

“awtorità applikanti” tfisser awtorità amministrattiva kompetenti li tkun ġiet innominata minn Parti Kontraenti għal dan il-għan u li tagħmel talba għall-assistenza fuq il-bażi ta' dan il-Ftehim;

(e)

“awtorità li ssirilha t-talba” tfisser awtorità amministrattiva kompetenti li tkun ġiet innominata minn Parti Kontraenti għal dan il-għan u li tirċievi talba għall-assistenza fuq il-bażi ta' dan il-Ftehim;

(f)

“persuna” tfisser kwalunkwe persuna fiżika, kwalunkwe persuna ġuridika, jew kwalunkwe entità oħra mingħajr personalità ġuridika kostitwita jew organizzata skont il-liġijiet u r-regolamenti ta' kull Parti Kontraenti, li twettaq l-importazzjoni, l-esportazzjoni, jew it-tranżitu ta' merkanzija;

(g)

“informazzjoni” tfisser data, inkluża data personali, dokumenti, rapporti, u komunikazzjonijiet oħra fi kwalunkwe format, inklużi l-kopji elettroniċi tagħhom;

(h)

“data personali” tfisser kwalunkwe informazzjoni relatata ma' persuna fiżika identifikata jew identifikabbli;

(i)

“operazzjoni bi ksur tal-leġislazzjoni doganali” tfisser kwalunkwe ksur jew tentattiv ta' ksur tal-leġislazzjoni doganali.

(a)

jipproteġu l-kummerċ leġittimu permezz tal-infurzar effettiv tar-rekwiżiti leġislattivi u l-konformità magħhom;

(b)

jiżguraw il-katina tal-provvista sabiex ikun iffaċilitat il-moviment sikur ta' merkanzija bejn l-Unjoni u New Zealand;

(c)

jimmassimizzaw il-kontribut tagħhom għall-ħidma tad-WCO, id-WTO u organizzazzjonijiet internazzjonali rilevanti oħra biex itejbu t-tekniki doganali u biex isolvu l-problemi ta' proċeduri doganali, ta' infurzar doganali u tal-iffaċilitar tal-kummerċ; jeliminaw il-piżijiet bla bżonn fuq operaturi ekonomiċi; jipprovdu għall-iffaċilitar ta' operaturi b'livelli għolja ta' konformità; u biex jiżguraw salvagwardji kontra l-frodi u l-attivitajiet illeċiti jew ta' ħsara;

(d)

jimplimentaw l-istrumenti u l-istandards internazzjonali applikabbli fil-qasam tad-dwana u l-kummerċ, li l-Partijiet Kontraenti rispettivi jkunu aċċettaw, inklużi l-elementi sostantivi tal-Konvenzjoni Internazzjonali dwar is-simplifikazzjoni u l-armonizzazzjoni tal-proċeduri doganali (kif rivedut), u l-Konvenzjoni Internazzjonali dwar is-Sistema Armonizzata għad-Deskrizzjoni u l-Kodifikazzjoni ta' Merkanzija;

(e)

jimplimentaw il-Ftehim tad-WTO dwar il-Faċilitazzjoni tal-Kummerċ mad-dħul fis-seħħ tiegħu;

(f)

jikkooperaw fir-riċerka, fl-iżvilupp, fl-ittestjar u fl-evalwazzjoni ta' proċeduri ġodda doganali, u fit-taħriġ u fl-iskambju tal-persunal u fl-għoti ta' assistenza;

(g)

jiskambjaw informazzjoni li tikkonċerna l-leġislazzjoni doganali, l-implimentazzjoni tagħha, u l-proċeduri doganali, b'mod partikolari fl-oqsma tas-simplifikazzjoni u tal-immodernizzar tal-proċeduri doganali; u

(h)

jiżviluppaw inizjattivi konġunti marbuta mal-importazzjoni, mal-esportazzjoni u ma' proċeduri doganali oħrajn, kif ukoll biex jiżguraw servizz effettiv għall-komunità tan-negozju.

(a)

isaħħu l-aspetti relatati mad-dwana għas-sigurtà tal-katina loġistika tal-kummerċ internazzjonali filwaqt li jiffaċilitaw il-kummerċ leġittimu;

(b)

jistabbilixxu standards minimi, safejn huwa prattikabbli, għal tekniki tal-ġestjoni tar-riskji u għal rekwiżiti u programmi relatati;

(c)

jistabbilixxu, fejn xieraq, rikonoxximent reċiproku ta' tekniki tal-ġestjoni tar-riskju, ta' standards tar-riskju, ta' kontrolli tas-sigurtà, ta' programmi ta' sigurtà tal-katina tal-provvista u ta' sħubija kummerċjali, inklużi miżuri ekwivalenti tal-iffaċilitar tal-kummerċ;

(d)

jiskambjaw informazzjoni għas-sigurtà tal-katina tal-provvista u għall-ġestjoni tar-riskju;

(e)

jistabbilixxu punti ta' kuntatt għall-iskambju tal-informazzjoni għas-sigurtà tal-katina tal-provvista u għall-ġestjoni tar-riskju;

(f)

jintroduċu, fejn xieraq, interfaċċja għall-iskambju tal-informazzjoni, inkluż għad-data ta' qabel il-wasla jew ta' qabel it-tluq;

(g)

jikkollaboraw f'fora multilaterali fejn jistgħu jitqajmu u jiġu diskussi b'mod xieraq kwistjonijiet relatati mas-sigurtà tal-katina tal-provvista.

(a)

jekk il-merkanzija esportata minn waħda mill-Partijiet Kontraenti ġietx importata b'mod korrett fil-Parti l-oħra, u għandha tispeċifika, fejn xieraq, il-proċeduri doganali applikati għall-merkanzija; u

(b)

jekk il-merkanzija importata f'waħda mill-Partijiet Kontraenti ġietx esportata b'mod korrett mill-Parti l-oħra, u tispeċifika, fejn xieraq, il-proċeduri doganali applikati għall-merkanzija.

(a)

persuni li fir-rigward tagħhom jeżistu bażi raġonevoli sabiex wieħed jemmen li dawn huma jew kienu involuti f'operazzjonijiet li jiksru l-leġislazzjoni doganali;

(b)

postijiet fejn ħażniet ta' merkanzija kienu jew li jistgħu jkunu maħżuna jew miġbura b'tali mod li jkun hemm bażi raġonevoli sabiex wieħed jemmen li dik il-merkanzija li hija maħsuba biex tintuża f'operazzjonijiet li jiksru l-leġislazzjoni doganali;

(c)

merkanzija li hija jew li tista' tiġi ttrasportata b'tali mod li jkun hemm raġunijiet xierqa sabiex wieħed jemmen li hija maħsuba biex tintuża f'operazzjonijiet li jiksru l-leġislazzjoni doganali; u

(d)

mezzi ta' trasport li huma jew li jistgħu jkunu użati b'tali mod li jkun hemm bażi raġonevoli sabiex wieħed jemmen li huma maħsuba biex jintużaw f'operazzjonijiet li jiksru l-leġislazzjoni doganali.

(a)

attivitajiet li huma jew li jidhru li huma operazzjonijiet li jiksru l-leġislazzjoni doganali u li jistgħu jkunu ta' interess għall-Parti Kontraenti l-oħra;

(b)

mezzi jew metodi ġodda użati fit-twettiq ta' operazzjonijiet li jiksru l-leġislazzjoni doganali;

(c)

merkanzija magħrufa li hija soġġetta għal operazzjonijiet li jiksru l-leġislazzjoni doganali;

(d)

persuni li fir-rigward tagħhom hemm bażi raġjonevoli sabiex wieħed jemmen li huma involuti jew li kienu involuti f'operazzjonijiet li jiksru l-leġislazzjoni doganali; u

(e)

mezzi ta' trasport li fir-rigward tagħhom hemm bażi raġonevoli sabiex wieħed jemmen li kienu, li huma jew li jistgħu jkunu involuti f'operazzjonijiet li jiksru l-leġislazzjoni doganali.

(a)

tibgħat kwalunkwe dokument; jew

(b)

tinnotifika kwalunkwe deċiżjoni, li toħroġ mill-awtorità applikanti u li taqa' fil-kamp ta' applikazzjoni ta' dan il-Ftehim, lil destinatarju li jkun residenti jew stabbilit fil-ġuriżdizzjoni tal-awtorità li ssirilha t-talba.

(a)

l-awtorità applikanti;

(b)

il-miżura mitluba;

(c)

il-fini u r-raġuni għat-talba;

(d)

il-liġijiet u r-regolamenti rilevanti;

(e)

indikazzjonijiet kemm jista' jkun preċiżi u komprensivi dwar il-merkanzija jew il-persuni li jkunu fil-mira tal-investigazzjonijiet; u

(f)

sommarju tal-fatti rilevanti u tal-istħarriġ diġà mwettaq.

(a)

x'aktarx tippreġudika s-sovranità ta' New Zealand jew dik ta' Stat Membru tal-Unjoni li l-awtorità kompetenti tiegħu tkun irċeviet talba biex tipprovdi assistenza skont dan il-Ftehim;

(b)

x'aktarx li tippreġudika l-ordni pubblika, is-sigurtà jew interessi essenzjali oħra;

(c)

tikser sigriet kummerċjali jew tippreġudika l-interessi kummerċjali leġittimi; jew

(d)

tkun inkompatibbli mal-liġijiet u r-regolamenti applikabbli inkluż, iżda mhux limitat għal, dawk tal-protezzjoni tal-privatezza personali jew il-kwistjonijiet u l-kontijiet finanzjarji ta' individwi.

(a)

jieħu l-miżuri meħtieġa għall-kooperazzjoni u l-assistenza doganali f'konformità mal-għanijiet ta' dan il-Ftehim, b'mod partikolari billi:

(b)

jaġixxi bħala l-korp kompetenti biex jindirizza kull kwistjoni li tqum fir-rigward tal-implimentazzjoni tat-Titolu III;

(c)

jingħata s-setgħa li jadotta deċiżjonijiet li jimplimentaw dan il-Ftehim, inkluż dwar it-trażmissjoni tad-data u ta' benefiċċji miftiehma reċiprokament ta' rikonoxximent reċiproku ta' tekniki tal-ġestjoni tar-riskji, standards tar-riskji, kontrolli tas-sigurtà u programmi ta' sħubija kummerċjali kif ukoll miżuri oħra tal-iffaċilitar tal-kummerċ;

(d)

iwettaq skambju ta' opinjonijiet dwar kwalunkwe punt ta' interess komuni li għandu x'jaqsam mal-kooperazzjoni doganali, inklużi miżuri futuri u r-riżorsi għalihom; u

(e)

jadotta r-regoli ta' proċedura interni tiegħu.

20.4.2018   

MT

Il-Ġurnal Uffiċjali tal-Unjoni Ewropea

L 101/16

(1)

Fit-30 ta' Awwissu 2017, il-Kunsill adotta r-Regolament (UE) 2017/1509.

(2)

Ir-Repubblika Demokratika tal-Poplu tal-Korea (RDPK) qed tkompli l-programmi nukleari u ballistiċi tagħha bi ksur tal-obbligi tagħha kif jinsabu f'għadd ta' Riżoluzzjonijiet tal-Kunsill tas-Sigurtà tan-Nazzjonijiet Uniti. Dawk il-programmi jiġu ffinanzjati parzjalment minn trasferimenti illeċiti ta' fondi u riżorsi ekonomiċi.

(3)

Jenħtieġ li erba' persuni li pprovdew għat-trasferiment ta' assi jew riżorsi li setgħu finanzjarjament jikkontribwixxu għall-programmi relatati mal-armi nukleari, mal-missili ballistiċi jew ma' armi oħrajn tal-qerda massiva jiżdiedu mal-lista ta' persuni u entitajiet fl-Anness XV għar-Regolament (UE) 2017/1509.

(4)

Jenħtieġ għalhekk li l-Anness XV għar-Regolament (UE) 2017/1509 jiġi emendat kif meħtieġ,

20.4.2018   

MT

Il-Ġurnal Uffiċjali tal-Unjoni Ewropea

L 101/18

(1)

Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata fuqha b'mod parzjali jew bis-sħiħ, jew li żżid xi suddiviżjoni magħha u li hija stabbilita permezz ta' dispożizzjonijiet speċifiċi tal-Unjoni, bl-għan li jiġu applikati t-tariffi u miżuri oħra relatati mal-kummerċ tal-prodotti.

(3)

Skont dawk ir-regoli ġenerali, il-prodotti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

(4)

Jixraq li jiġi stipulat li l-informazzjoni vinkolanti dwar it-tariffi maħruġa għall-prodotti kkonċernati minn dan ir-Regolament u li ma tikkonformax ma' dan ir-Regolament, tkun tista' tibqa' tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta' tliet xhur.

(5)

Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

20.4.2018   

MT

Il-Ġurnal Uffiċjali tal-Unjoni Ewropea

L 101/22

(1)

Ir-Regolament ta' Implimentazzjoni tal-Kummissjoni (UE) 2015/2447 (2) fost l-oħrajn jistabbilixxi regoli proċedurali, imsemmija fl-Artikolu 64(1) tar-Regolament (UE) Nru 952/2013 (“il-Kodiċi”), li jiffaċilitaw it-twaqqif tal-oriġini preferenzjali tal-merkanzija fl-Unjoni.

(2)

L-aħħar sentenza tal-Artikolu 68(1) tar-Regolament ta' Implimentazzjoni tal-Kummissjoni (UE) 2015/2447 bħalissa tirreferi għal applikazzjoni mutatis mutandis tas-Subtaqsimiet 2 sa 9 tat-Taqsima 2 ta' dak ir-Regolament, li jikkonċernaw ir-regoli tal-oriġini għall-iskema tas-Sistema Ġeneralizzata ta' Preferenzi (GSP) tal-Unjoni. Iżda wħud biss mid-dispożizzjonijiet ta' dawn is-subtaqsimiet huma rilevanti fil-kuntest tar-reġistrazzjoni tal-esportaturi barra mill-qafas tal-iskema tal-GSP tal-Unjoni. Għaldaqstant dawk id-dispożizzjonijiet jixraq jiġu speċifikati. Peress li l-obbligu tal-Kummissjoni li lill-pajjiżi terzi li l-Unjoni jkollha arranġament preferenzjali magħhom tipprovdilhom l-indirizzi tal-awtoritajiet doganali responsabbli għall-verifika ta' dokument tal-orġini mimli minn esportatur irreġistrat joħroġ, fi kwalunkwe każ, mid-dispożizzjonijiet tal-arranġament ikkonċernat, jenħtieġ li dan ma jibqax jiġi stabbilit fir-Regolament ta' Implimentazzjoni tal-Kummissjoni (UE) 2015/2447. Il-perjodu ta' tranżizzjoni stabbilit fir-Regolament ta' Implimentazzjoni tal-Kummissjoni (UE) 2015/2447 li jippermetti b'mod proviżorju li esportatur approvat fl-Unjoni li ma jkunx irreġistrat jimla dokument tal-orġini sar obsolit u jenħtieġ jitneħħa. Għal raġunijiet ta' simplifikazzjoni u konsistenza fost l-arranġamenti preferenzjali, jenħtieġ li l-merkanzija żgħira li ma tiġix importata bil-kummerċ tkun eżentata mill-preżentazzjoni ta' dokument tal-oriġini meta din l-eżenzjoni tkun permessa iżda ma tkunx stabbilita direttament fl-arranġament preferenzjali. Meta wieħed iqis li hemm modi oħra li jidentifikaw l-esportatur u li l-firma fl-Unjoni ma tikkontribwix għall-istatus ġuridiku ta' dokument tal-oriġini, jenħtieġ li l-esportaturi ma jintalbux jiffirmaw dan id-dokument, meta dan ikun permess iżda ma jkunx stabbilit direttament fl-arranġament preferenzjali.

(3)

Jenħtieġ li r-regoli stabbiliti fl-Artikolu 69 tar-Regolament ta' Implimentazzjoni tal-Kummissjoni (UE) 2015/2447 dwar is-sostituzzjoni tal-provi tal-oriġini preferenzjali maħruġa jew magħmula barra mill-qafas tal-iskema tal-GSP tal-Unjoni japplikaw b'mod usa' għad-dokumenti tal-oriġini. Barra minn hekk, jenħtieġ tiġi ċċarata l-forma kif dokument ta' sostituzzjoni tal-oriġini jista' jinħareġ jew isir.

(4)

Jenħtieġ jiġu stabbiliti regoli bil-għan li jiffaċilitaw it-twaqqif tal-oriġini preferenzjali fl-Unjoni ta' prodotti pproċessati miksuba minn oġġetti bi status ta' oriġini preferenzjali. Peress li dawk ir-regoli għandhom l-għan li jevitaw li l-operaturi ekonomiċi kkonċernati jġarrbu konsegwenzi negattivi u mhux intenzjonati minħabba li fil-Kodiċi l-proċedura ta' proċessar bil-kontroll doganali titwaħħad mal-proċedura ta' proċessar attiv, dawn jenħtieġ japplikaw b'mod retroattiv mid-data tal-applikazzjoni tal-Kodiċi.

(5)

L-Artikolu 80(2) tar-Regolament ta' Implimentazzjoni tal-Kummissjoni (UE) 2015/2447 jenħtieġ jinkludi referenza għal Anness 22-06 A ġdid li jkun fih il-formola tal-applikazzjoni li jridu jużaw l-esportaturi tal-Istati Membri biex jirreġistraw fis-sistema REX, ħalli l-Anness 22-06 jitħalla għar-reġistrazzjoni tal-esportaturi fil-pajjiżi benefiċjarji tal-GSP. Għaldaqstant, dan l-Anness 22-06 A il-ġdid jenħtieġ jiddaħħal fir-Regolament ta' Implimentazzjoni tal-Kummissjoni (UE) 2015/2447, filwaqt li l-Anness 22-06 ta' dak ir-Regolament jenħtieġ jiġi emendat skont dan. Anki l-Artikoli 82, 83 u 86 tar-Regolament ta' Implimentazzjoni tal-Kummissjoni (UE) 2015/2447 jenħtieġ jiġu emendati minħabba l-introduzzjoni tal-Anness 22-06 A il-ġdid. Meta wieħed iqis li hemm modi oħra li jidentifikaw l-esportatur u li l-firma fl-Unjoni ma tikkontribwix għall-istatus ġuridiku tad-dokument, jenħtieġ li l-esportaturi ma jintalbux jiffirmaw id-dikjarazzjoni tal-oriġini msemmija fl-Artikolu 92 tar-Regolament ta' Implimentazzjoni tal-Kummissjoni (UE) 2015/2447. Jenħtieġ li l-paragrafi 1, 2 u 3 ta' dak l-Artikolu japplikaw mutatis mutandis għad-dikjarazzjonijiet tal-oriġini magħmula mill-esportaturi fl-Unjoni, mhux biss għall-finijiet tal-akkumulazzjoni bilaterali msemmija fl-Artikolu 53 tar-Regolament Delegat tal-Kummissjoni (UE) 2015/2446 (3), iżda anki biex tiġi dikjarata l-oriġini tal-merkanzija esportata lejn pajjiż benefiċjarju tal-iskemi tal-GSP tan-Norveġja, tal-Iżvizzera jew tat-Turkija għall-finijiet tal-akkumulazzjoni ma' materjali li joriġinaw fl-Unjoni. Għalhekk jenħtieġ li l-Artikolu 92 tar-Regolament ta' Implimentazzjoni tal-Kummissjoni (UE) 2015/2447 jiġi emendat skont dan.

(6)

Jenħtieġ li l-Anness 22-07 tar-Regolament ta' Implimentazzjoni tal-Kummissjoni (UE) 2015/2447 jiġi emendat biex jispeċifika s-simbolu li għandu juri l-esportatur meta d-dikjarazzjoni tal-oriġini jkollha x'taqsam ma' prodotti li joriġinaw f'Ceuta u Melilla. Jenħtieġ jiġi emendat ukoll biex ikun jirrifletti li meta d-dikjarazzjoni tal-oriġini jkollha x'taqsam ma' prodotti li joriġinaw fl-Unjoni, l-esportatur għandu jindika l-oriġini bis-simbolu “EU”.

(7)

Ir-Regolament tal-Kummissjoni (KEE) Nru 3510/80 (4) sar obsolit għax id-dispożizzjonijiet previsti f'dak ir-Regolament inbidlu b'dispożizzjonijiet previsti fir-Regolament Delegat (UE) 2015/2446 u fir-Regolament ta' Implimentazzjoni (UE) 2015/2447. Għalhekk jenħtieġ li dan jitħassar għal raġunijiet ta' ċertezza tad-dritt u trasparenza.

(8)

Ir-Regolament tal-Kummissjoni (KE) Nru 209/2005 (5) jagħti derogi mill-obbligu stabbilit skont ir-Regolament tal-Kunsill (KE) Nru 1541/98 (6) li tiġi ppreżentata l-prova tal-oriġini għall-prodotti tat-tessuti li jidħlu fit-Taqsima XI tan-Nomenklatura Magħquda. Ir-Regolament tal-Kunsill (KE) Nru 1541/98 inbidel bir-Regolament (UE) Nru 955/2011 tal-Parlament Ewropew u tal-Kunsill (7). Għalhekk ir-Regolament tal-Kummissjoni (KE) Nru 209/2005 sar obsolit u jenħtieġ jitħassar għal raġunijiet ta' ċertezza tad-dritt u trasparenza.

(9)

Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

(1)

L-Artikolu 68 hu emendat kif ġej:

(2)

L-Artikolu 69 jinbidel b'dan li ġej:

“Artikolu 69

Is-sostituzzjoni tad-dokumenti tal-oriġini maħruġa jew magħmula barra mill-qafas tal-iskema tal-GSP tal-Unjoni

(l-Artikolu 64(1) tal-Kodiċi)

1.   Meta l-prodotti oriġinarji koperti b'dokument tal-oriġini maħruġ jew magħmul preċedentement għall-finijiet ta' miżura ta' tariffa preferenzjali kif imsemmi fl-Artikolu 56(2)(d) jew (e) tal-Kodiċi, għajr l-iskema tal-GSP tal-Unjoni, ikunu għadhom ma ġewx rilaxxati fiċ-ċirkolazzjoni libera u jitqiegħdu fil-kontroll ta' uffiċċju doganali fl-Unjoni, id-dokument inizjali tal-oriġini jista' jinbidel b'dokument wieħed jew aktar ta' sostituzzjoni tal-oriġini għall-finijiet biex dawk il-prodotti kollha jew uħud minnhom jintbagħtu band'oħra fl-Unjoni.

2.   Id-dokument ta' sostituzzjoni tal-oriġini msemmi fil-paragrafu 1 jista' jinħareġ jew isir b'xi waħda minn dawn li ġejjin, bl-istess għamla tad-dokument inizjali tal-oriġini jew bl-għamla ta' dokument ta' sostituzzjoni tal-oriġini, imfassal mutatis mutandis skont l-Artikolu 101 u l-Anness 22-20:

Meta s-sostituzzjoni tad-dokument inizjali tal-oriġini ma tkunx tista' ssir skont l-ewwel subparagrafu, id-dokument ta' sostituzzjoni tal-oriġini msemmi fil-paragrafu 1 jista' jinħareġ jew isir bil-għamla ta' ċertifikat tal-moviment EUR.1 mill-uffiċċju doganali li fil-kontroll tiegħu jitqiegħdu l-oġġetti.

3.   Meta d-dokument ta' sostituzzjoni tal-oriġini jkun ċertifikat tal-moviment EUR.1, l-approvazzjoni tal-uffiċċju doganali li joħroġ iċ-ċertifikat tal-moviment ta' sostituzzjoni EUR.1 għandha titqiegħed fil-kaxxa 11 taċ-ċertifikat. Id-dettalji fil-kaxxa 4 taċ-ċertifikat dwar il-pajjiż tal-oriġini għandhom ikunu l-istess bħad-dettalji fid-dokument inizjali tal-oriġini. Il-kaxxa 12 għandha tiġi ffirmata mir-rikonsenjatur. Ir-rikonsenjatur li jiffirma l-kaxxa 12 b'bona fede ma għandux ikun responsabbli għall-preċiżjoni tad-dettalji mniżżla fid-dokument inizjali tal-oriġini.

L-uffiċċju doganali li jintalab joħroġ iċ-ċertifikat tal-moviment ta' sostituzzjoni EUR.1 għandu jniżżel fid-dokument inizjali tal-oriġini jew fuq dokument mehmuż miegħu, il-piżijiet, l-għadd, in-natura tal-prodotti kkonsenjati u l-pajjiż tad-destinazzjoni tagħhom u jindika fuqhom in-numri tas-serje taċ-ċertifikat jew ċertifikati ta' sostituzzjoni korrispondenti. Dan għandu jżomm id-dokument inizjali tal-oriġini għal mill-inqas 3 snin.”

(3)

Għandu jiddaħħal dan l-Artikolu 69a.

“Artikolu 69a

L-oriġini preferenzjali ta' prodotti pproċessati miksuba minn oġġetti bi status ta' oriġini preferenzjali

(l-Artikolu 64(1) tal-Kodiċi)

1.   Meta merkanzija li mhix tal-Unjoni u li jkollha status ta' oriġini preferenzjali fil-qafas ta' arranġament preferenzjali bejn l-Unjoni u pajjiżi terzi, titqiegħed fil-proċedura ta' proċessar attiv, il-prodotti pproċessati miksuba minnha għandhom jitqiesu, meta jiġu rilaxxati għaċ-ċirkolazzjoni libera, li għandhom l-istess status ta' oriġini preferenzjali bħal dawk l-oġġetti.

2.   Il-paragrafu 1 ma għandux japplika fi kwalunkwe wieħed minn dawn il-każijiet li ġejjin:

3.   Meta jkun japplika l-paragrafu 1, id-dokument tal-oriġini maħruġ jew magħmul għal merkanzija mqiegħda fil-proċedura ta' proċessar attiv għandu jitqies bħala dokument tal-oriġini maħruġ jew magħmul għall-prodotti proċessati.”;

(4)

Il-paragrafu 2 tal-Artikolu 80 jinbidel b'dan li ġej:

“2.   Mal-wasla tal-formola tal-applikazzjoni mimlija li tissemma fl-Anness 22-06, l-awtoritajiet kompetenti tal-pajjiżi benefiċjarji għandhom jassenjaw mingħajr dewmien in-numru tal-esportatur reġistrat lill-esportatur, u fis-sistema REX iniżżlu n-numru tal-esportatur reġistrat, id-dejta tar-reġistrazzjoni u d-data minn meta r-reġistrazzjoni tkun valida skont l-Artikolu 86(4).

Mal-wasla tal-formola tal-applikazzjoni mimlija li tissemma fl-Anness 22-06 A, l-awtoritajiet doganali tal-Istati Membri għandhom jassenjaw mingħajr dewmien in-numru tal-esportatur reġistrat lill-esportatur jew, meta xieraq, lir-rikonsenjatur tal-merkanzija, u fis-sistema REX iniżżlu n-numru tal-esportatur reġistrat, id-dejta tar-reġistrazzjoni u d-data minn meta r-reġistrazzjoni tkun valida skont l-Artikolu 86(4).

L-awtoritajiet kompetenti ta' pajjiż benefiċjarju jew l-awtoritajiet doganali ta' Stat Membru għandhom jgħarrfu lill-esportatur jew, meta xieraq, lir-rikonsenjatur tal-merkanzija dwar in-numru tal-esportatur reġistrat assenjat lil dak l-esportatur jew ir-rikunsinnant tal-merkanzija u dwar id-data minn meta r-reġistrazzjoni tkun valida.”

(5)

L-Artikolu 82 hu emendat kif ġej:

(6)

L-Artikolu 83 hu emendat kif ġej:

(7)

Fl-Artikolu 86(2), il-kliem “fl-Anness 22-06” jinbidel bil-kliem “fl-Anness 22-06 A”.

(8)

L-Artikolu 92 hu emendat kif ġej:

(9)

L-Anness 22-06 jinbidel bit-test stabbilit fl-Anness I ta' dan ir-Regolament.

(10)

Wara l-Anness 22-06, jiddaħħal Anness 22-06 A ġdid kif stabbilit fl-Anness II ta' dan ir-Regolament;

(11)

Fl-Anness 22-07, in-nota 5 ta' qiegħ il-paġna tinbidel b'dan li ġej:

20.4.2018   

MT

Il-Ġurnal Uffiċjali tal-Unjoni Ewropea

L 101/33

(1)

Jenħtieġ li jiġu żviluppati l-kriterji xjentifiċi biex jiġu ddeterminati l-proprjetajiet li jfixklu s-sistema endokrinali tas-sustanzi attivi, tal-aġenti protettivi u tas-sinerġisti, billi jitqiesu l-għanijiet tar-Regolament (KE) Nru 1107/2009, li huma maħsuba biex jiżguraw livell għoli ta' protezzjoni tas-saħħa tal-bnedmin u tal-annimali kif ukoll l-ambjent, b'mod partikolari biex jiżguraw li sustanzi jew prodotti li jitqiegħdu fis-suq ma jkollhomx effett negattiv fuq is-saħħa tal-bnedmin jew tal-annimali jew effetti inaċċettabbli fuq l-ambjent, u biex itejbu l-funzjonament tas-suq intern filwaqt li jtejbu l-produzzjoni agrikola.

(2)

Fl-2002, l-Organizzazzjoni Dinjija tas-Saħħa (WHO) permezz tal-Programm Internazzjonali dwar is-Sigurtà tas-Sustanzi Kimiċi tagħha, ipproponiet definizzjoni għall-interferenti endokrinali (2) u fl-2009 definizzjoni tal-effetti avversi (3). Dawk id-definizzjonijiet s'issa laħqu l-iktar kunsens mifrux fost ix-xjenzati. L-Awtorità Ewropea dwar is-Sigurtà fl-Ikel (“l-Awtorità”) approvat dawk id-definizzjonijiet fl-Opinjoni Xjentifika tagħha dwar is-sustanzi li jfixklu s-sistema endokrinali, adottata fit-28 ta' Frar 2013 (4) (minn hawn 'il quddiem “l-Opinjoni Xjentifika tal-Awtorità”). Din hija wkoll il-fehma tal-Kumitat Xjentifiku dwar is-Sikurezza tal-Konsumatur (5). Għaldaqstant huwa xieraq li l-kriterji biex jiġu ddeterminati l-proprjetajiet li jfixklu s-sistema endokrinali jkunu bbażati fuq dawk id-definizzjonijiet tad-WHO.

(3)

Sabiex jiġu implimentati dawk il-kriterji, jenħtieġ li jiġi applikat il-piż tal-evidenza b'mod partikolari billi jitqies, l-approċċ previst fir-Regolament (KE) Nru 1272/2008 tal-Parlament Ewropew u tal-Kunsill (6) dwar il-piż tal-evidenza. Għandha tiġi kkunsidrata wkoll l-esperjenza preċedenti marbuta mal-applikazzjoni tad-dokument ta' Gwida dwar il-linji gwida tat-testijiet standardizzati għall-evalwazzjoni tas-sustanzi kimiċi li jfixklu s-sistema endokrinali tal-OECD (7). Barra dan, jenħtieġ li l-implimentazzjoni tal-kriterji tkun ibbażata fuq l-evidenza xjentifika rilevanti kollha, inkluż l-istudji ppreżentati skont ir-rekwiżiti tad-dejta regolatorji attwali tar-Regolament (KE) Nru 1107/2009. Dawn l-istudji huma fil-biċċa l-kbira bbażati fuq il-protokolli ta' studju miftiehma internazzjonalment.

(4)

Id-determinazzjoni tal-proprjetajiet li jfixklu s-sistema endokrinali fir-rigward tas-saħħa tal-bniedem jenħtieġ li tkun ibbażata fuq evidenza tal-bniedem u/jew tal-annimali, biex b'hekk ikunu jistgħu jiġu identifikati s-sustanzi, kemm dawk magħrufa kif ukoll dawk preżunti, li jfixklu s-sistema endokrinali.

(5)

Billi l-kriterji xjentifiċi stabbiliti f'dan ir-Regolament jirriflettu l-għarfien xjentifiku u tekniku attwali u jridu jiġu applikati minflok il-kriterji li bħalissa huma stabbiliti fil-punt 3.6.5 tal-Anness II tar-Regolament (KE) Nru 1107/2009, jenħtieġ li dawn jiġu stipulati f'dak l-Anness.

(6)

Sabiex jitqies l-għarfien xjentifiku u tekniku attwali, jenħtieġ li jiġu speċifikati wkoll kriterji xjentifiċi speċifiċi sabiex jiġu identifikati s-sustanzi attivi, l-aġenti protettivi jew is-sinerġisti li jkollhom proprjetajiet li jfixklu s-sistema endokrinali u li jistgħu jikkawżaw effetti negattivi fuq organiżmi mhux fil-mira. Għaldaqstant jenħtieġ li l-punt 3.8.2 tal-Anness II tar-Regolament (KE) Nru 1107/2009 jiġi emendat biex jiġu introdotti dawn il-kriterji speċifiċi.

(7)

Jenħtieġ li l-Kummissjoni tivvaluta, fid-dawl tal-għanijiet tar-Regolament (KE) Nru 1107/2009, l-esperjenza miksuba permezz tal-applikazzjoni tal-kriterji xjentifiċi biex jiġu ddeterminati l-proprjetajiet li jfixklu s-sistema endokrinali introdotti mir-Regolament preżenti.

(8)

Il-kriterji biex jiġu ddeterminati l-proprjetajiet li jfixklu s-sistema endokrinali jirriflettu l-istat attwali tal-għarfien xjentifiku u tekniku u jippermettu identifikazzjoni iktar korretta tas-sustanzi attivi li għandhom proprjetajiet li jfixklu s-sistema endokrinali. Għaldaqstant, jenħtieġ li l-kriterji l-ġodda japplikaw kemm jista' jkun malajr, filwaqt li jitqies iż-żmien meħtieġ għall-Istati Membri u għall-Awtorità biex jippreparaw għall-applikazzjoni ta' dawk il-kriterji. Għalhekk, jenħtieġ li dawk il-kriterji japplikaw mill-20 ta' Ottubru 2018, għajr meta l-Kumitat rilevanti jkun ivvota fuq abbozz ta' Regolament sal-20 ta' Ottubru 2018. Il-Kummissjoni se tqis l-implikazzjonijiet għal kull proċedura pendenti skont ir-Regolament (KE) Nru 1107/2009 u, fejn meħtieġ, tieħu miżuri xierqa bir-rispett dovut għad-drittijiet tal-applikanti. Dan jista' jinkludi talba għal informazzjoni addizzjonali mingħand l-applikant u/jew għal input xjentifiku addizzjonali mill-Istat Membru relatur u mill-Awtorità.

(9)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

20.4.2018   

MT

Il-Ġurnal Uffiċjali tal-Unjoni Ewropea

L 101/37

(1)

Skont l-Artikolu 97(2) u (3) tar-Regolament (UE) Nru 1308/2013, il-Kummissjoni eżaminat l-applikazzjoni li bagħtet id-Danimarka biex l-isem “Dons” jiġi rreġistrat bħala denominazzjoni ta' oriġini protetta (DOP) u ppubblikatha f'Il-Ġurnal Uffiċjali tal-Unjoni Ewropea  (2).

(2)

Il-Ministeru Taljan għall-Agrikoltura, il-Konfederazzjoni nazzjonali tal-konsorzji volontarji għall-protezzjoni tad-denominazzjonijiet tal-inbejjed Taljani msejħa “Confederazione Nazionale dei Consorzi Volontari per la Tutela delle Denominazioni dei Vini Italiani” (FEDERDOC) u l-Alleanza tal-kooperattivi Taljani agroalimentari msejħa “L'Alleanza delle Cooperative Italiane-Agroalimentare” oġġezzjonaw għal din l-applikazzjoni, skont l-Artikolu 98 tar-Regolament (UE) Nru 1308/2013 u l-Artikolu 14 tar-Regolament tal-Kummissjoni (KE) Nru 607/2009 (3), permezz ta' ittri elettroniċi li bagħtu fl-4 ta' Frar 2016, fil-5 ta' Frar 2016 u fit-8 ta' Frar 2016 rispettivament. Il-Kummissjoni qieset li dawn it-tliet oġġezzjonijiet kollha kienu ammissibbli skont l-Artikolu 15 tar-Regolament tal-Kummissjoni (KE) Nru 607/2009.

(3)

Permezz ta' ittra tal-24 ta' Mejju 2016, il-Kummissjoni bagħtet dawn l-oġġezzjonijiet lill-awtoritajiet Daniżi u stednithom jibagħtu l-kummenti tagħhom dwarhom fi żmien xahrejn skont l-Artikolu 16(1) tar-Regolament tal-Kummissjoni (KE) Nru 607/2009. Id-Danimarka bagħtet il-kummenti tagħha dwarhom fiż-żmien meħtieġ, eżattament fl-4 ta' Lulju 2016.

(4)

Kif previst fl-Artikolu 16(1) tar-Regolament tal-Kummissjoni (KE) Nru 607/2009, permezz ta' ittra tat-12 ta' Jannar 2017, il-Kummissjoni bagħtet il-kummenti tal-awtoritajiet Daniżi lit-tliet persuni li oġġezzjonaw u dawn ingħataw xahrejn biex jibagħtu l-kummenti li jista' jkollhom dwarhom. Bi tweġiba għal dan, fl-10 ta' Marzu 2017 il-Kummissjoni rċeviet ittra oħra mingħand il-Ministeru Taljan għall-Agrikoltura li fiha l-Ministeru tenna li huwa jopponi li tingħata din il-protezzjoni.

(5)

Skont l-Artikolu 16(3) tar-Regolament tal-Kummissjoni (KE) Nru 607/2009, jenħtieġ li l-Kummissjoni tiddeċiedi dwar dan abbażi tal-evidenza li jkollha għad-dispożizzjoni tagħha.

(6)

It-tliet persuni li oġġezzjonaw kollha qalu li jenħtieġ li ċerti varjetajiet tal-għeneb li jintużaw għall-produzzjoni tal-prodott imsejjaħ “Dons”, jiġifieri l-varjetajiet “Cabernet Cortis”, “Orion”, “Regent”, “Rondo” u “Solaris”, li huma jqisu li huma varjetajiet ibridi li nħolqu permezz tat-tlaqqim tal-ispeċi Vitis vinifera ma' speċijiet oħrajn tal-ġeneru Vitis, ma jintużawx għall-produzzjoni ta' denominazzjoni ta' oriġini protetta skont l-Artikolu 93(1)(a)(iv) tar-Regolament (UE) Nru 1308/2013. Huma qalu wkoll li varjetà li tkun inħolqot permezz tat-tlaqqim bejn l-ispeċijiet qatt ma tista' titqies bħala varjetà tal-ispeċi Vitis vinifera. Skont il-Ministeru Taljan għall-Agrikoltura u l-FEDERDOC, fi kwalunkwe pajjiż tal-Unjoni Ewropea, mill-analiżi tal-ġenoma wieħed ikun jista' jistabbilixxi jekk varjetà tkunx varjetà tal-ispeċi Vitis vinifera jew jekk din tkunx varjetà mħallta ma' speċi oħra tal-ġeneru Vitis.

(7)

Il-Ministeru Taljan għall-Agrikoltura jsostni wkoll li r-referenza għall-fatturi umani, ir-rabta kawżali bejn il-fatturi naturali u dawk umani u l-informazzjoni dwar il-kwalità u l-karatteristiċi tal-prodott li jistgħu jiġu attribwiti għall-ambjent ġeografiku mhumiex iddettaljati biżżejjed. Barra minn hekk, il-Ministeru jsostni wkoll li m'hemm l-ebda bażi teknika u xjentifika għall-istqarrija li l-profil tal-aċidità tal-prodott ġej “mill-għażla ta' varjetajiet li jifilħu pjuttost tajjeb”, meta wieħed iqis li l-għażla tal-varjetajiet huwa proċess li jieħu fit-tul li ma jistax jirreferi għall-varjetajiet ibridi ta' bejn l-ispeċijiet.

(8)

Fl-aħħar nett, il-Ministeru Taljan għall-Agrikoltura jqis li m'hemmx bżonn jingħataw ir-rekwiżiti dwar it-tikkettar tal-varjetajiet tal-għeneb u tas-sena tal-produzzjoni tal-inbid, minħabba li t-tali rekwiżiti huma stabbiliti fl-Artikolu 61 u fl-Artikolu 62 tar-Regolament tal-Kummissjoni (KE) Nru 607/2009.

(9)

Il-Kummissjoni vvalutat l-argumenti u l-provi li bagħtu dawk li oġġezzjonaw u li bagħat l-applikant u kkonkludiet li jenħtieġ li l-isem “Dons” jiġi rreġistrat bħala denominazzjoni ta' oriġini protetta għar-raġunijiet li ġejjin.

(10)

Diversi elementi jridu jitqiesu b'rabta mal-allegazzjonijiet li l-prodott mhux ġej minn varjetajiet tal-għeneb li huma varjetajiet tal-ispeċi Vitis vinifera. L-ewwel nett, fil-livell tal-UE ma hemm l-ebda klassifikazzjoni armonizzata ta' varjetà tal-għeneb li tkun varjetà tal-ispeċi Vitis vinifera. Barra minn hekk, ma hemm l-ebda lista ta' referenza jew dokument xjentifiku disponibbli mingħand korp kompetenti uffiċjali, bħall-Organizzazzjoni Internazzjonali tad-Dielja u l-Inbid (l-OIV), li dal-ħin jippermetti li wieħed jikklassifika speċi bħala varjetà tal-ispeċi Vitis vinifera jew bħala taħlita tal-ispeċi Vitis vinifera ma' speċijiet oħrajn tal-ġeneru Vitis, jew li wieħed jiddistingwi bejniethom mingħajr ebda dubju. F'dan il-kuntest, jenħtieġ li l-kwistjoni tad-definizzjoni xjentifika tiġi ttrattata b'mod ewlieni fil-valutazzjoni nazzjonali preliminari li l-Istati Membri jwettqu skont l-Artikolu 96 tar-Regolament (UE) Nru 1308/2013. Id-Danimarka tiddependi fuq il-klassifikazzjoni Ġermaniża, li fiha l-ħames varjetajiet tal-għeneb tal-inbid ikkonċernati kollha huma kklassifikati bħala varjetajiet tal-ispeċi Vitis vinifera. It-tieni nett, skont l-Artikolu 16(3) tar-Regolament tal-Kummissjoni (KE) Nru 607/2009 dwar l-iskrutinju ta' oġġezzjoni, il-Kummissjoni trid tiddeċiedi li tirrifjuta jew li tirreġistra d-denominazzjoni tal-oriġini abbażi tal-evidenza li jkollha għad-dispożizzjoni tagħha. F'dan il-każ, dawk li oġġezzjonaw ma pprovdewx dejta jew evidenza xjentifika soda li turi li l-prodott mhux ġej minn varjetajiet tal-għeneb li huma varjetajiet tal-ispeċi Vitis vinifera. Fl-aħħar nett, il-Kummissjoni tinnota li diversi Stati Membri oħrajn jużaw il-varjetajiet tal-għeneb tal-inbid ikkonċernati fil-produzzjoni tal-inbejjed tagħhom li għandhom denominazzjoni ta' oriġini protetta.

(11)

Minħabba r-raġunijiet mogħtija hawn fuq, wieħed ma jistax jikkonkludi li l-prodott imsejjaħ “Dons” ġej minn varjetajiet tal-għeneb li mhumiex varjetajiet tal-ispeċi Vitis vinifera. Għalhekk l-oġġezzjonijiet li saru abbażi ta' dan iridu jiġu rrifjutati.

(12)

F'dak li għandu x'jaqsam mal-allegazzjonijiet li m'hemmx biżżejjed informazzjoni dwar ir-rabta, il-Kummissjoni tinnota li ngħatat deskrizzjoni tal-fatturi naturali rilevanti tal-ambjent ġeografiku, kif ukoll tar-rabta tagħhom mal-kwalità tal-prodott u mal-karatteristiċi speċifiċi tiegħu, b'mod partikulari l-ammont ogħla ta' aċidu lattiku fil-prodott meta mqabbel ma' nbejjed frizzanti klassiċi, li jiddistingwih minnhom. Għalhekk wieħed irid jikkonkludi li l-elementi meħtieġa marbutin mar-rabta ġew inklużi fl-applikazzjoni skont l-Artikolu 7 tar-Regolament tal-Kummissjoni (KE) Nru 607/2009. F'dak li għandu x'jaqsam mal-fatturi umani, il-profil tal-aċidità tal-prodott jitqies li ġej mill-għażla ta' varjetajiet li jifilħu pjuttost tajjeb, f'konformità mal-Artikolu 93(1)(a)(i) tar-Regolament (UE) Nru 1308/2013.

(13)

F'dak li għandu x'jaqsam mal-allegazzjonijiet li m'hemmx bżonn jingħataw ir-rekwiżiti li huma preskritti mir-Regolament (KE) Nru 607/2009, minħabba li partijiet mir-rekwiżiti jmorru lil hinn mil-liġijiet tal-Unjoni, jidher li huwa xieraq li dawn jiġu inklużi fl-applikazzjoni għal raġunijiet taċ-ċarezza u biex il-produtturi potenzjalment eliġibbli jifhmuhom sewwa.

(14)

Fid-dawl ta' dan ta' hawn fuq u skont l-Artikolu 99 tar-Regolament (UE) Nru 1308/2013, il-Kummissjoni tqis li l-applikazzjoni tissodisfa l-kundizzjonijiet stabbiliti f'dak ir-Regolament u li jenħtieġ li l-isem “Dons” jiġi protett u jiddaħħal fir-reġistru msemmi fl-Artikolu 104 ta' dak ir-Regolament.

(15)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

20.4.2018   

MT

Il-Ġurnal Uffiċjali tal-Unjoni Ewropea

L 101/40

(1)

Permezz tar-Regolament (KE) Nru 1796/1999 (2), il-Kunsill impona dazju antidumping fuq l-importazzjonijiet ta' ħbula u kejbils tal-azzar li joriġinaw mir-Repubblika tal-Poplu taċ-Ċina (“ir-RPĊ”), l-Ungerija, l-Indja, il-Messiku, il-Polonja, l-Afrika t'Isfel u l-Ukrajna. Dawn il-miżuri minn issa 'l quddiem se jissejħu “il-miżuri oriġinali” u l-investigazzjoni li wasslet għall-impożizzjoni tal-miżuri mir-Regolament (KE) Nru 1796/1999 minn issa 'l quddiem se tissejjaħ “l-investigazzjoni oriġinali”.

(2)

Minn hemm 'il quddiem, instab li ċ-ċirkomvenzjoni tal-miżuri oriġinali fir-rigward tal-importazzjonijiet mill-Ukrajna u r-RPĊ saret permezz tal-Moldova u l-Marokk rispettivament wara investigazzjonijiet li saru skont l-Artikolu 13 tar-Regolament tal-Kunsill (KE) Nru 384/96 (3). Għalhekk, permezz tar-Regolament (KE) Nru 760/2004 (4), il-Kunsill estenda d-dazju antidumping definittiv impost fuq importazzjonijiet ta' ħbula u kejbils tal-azzar li joriġinaw mill-Ukrajna għall-importazzjonijiet tal-istess prodotti kkonsenjati mill-Moldova. Bl-istess mod, id-dazju antidumping impost fuq l-importazzjonijiet ta' ħbula u kejbils tal-azzar li joriġinaw mir-RPĊ ġie estiż, permezz tar-Regolament tal-Kunsill (KE) Nru 1886/2004 (5), għall-importazzjonijiet tal-istess prodotti kkonsenjati mill-Marokk.

(3)

Permezz tar-Regolament (KE) Nru 1858/2005 (6), il-Kunsill, wara rieżami ta' skadenza skont l-Artikolu 11(2) tar-Regolament (KE) Nru 384/96, żamm il-miżuri oriġinali imposti fuq l-importazzjonijiet ta' ħbula u kejbils tal-azzar li joriġinaw mir-RPĊ, l-Indja, l-Afrika t'Isfel u l-Ukrajna. Il-miżuri applikabbli għall-importazzjonijiet li joriġinaw mill-Messiku skadew fit-18 ta' Awwissu 2004 (7). Peress li l-Ungerija u l-Polonja saru membri tal-Unjoni Ewropea fl-1 ta' Mejju 2004, il-miżuri intemmu f'din id-data.

(4)

F'Mejju 2010, permezz tar-Regolament ta' Implimentazzjoni (UE) Nru 400/2010 (8) il-Kunsill estenda d-dazju antidumping definittiv impost permezz tar-Regolament (KE) Nru 1858/2005 fuq l-importazzjonijiet ta' ħbula u kejbils tal-azzar, li joriġinaw mir-RPĊ, għall-importazzjonijiet ta' ħbula u kejbils tal-azzar ikkonsenjati mir-Repubblika tal-Korea, sew jekk iddikjarati bħala li joriġinaw mir-Repubblika tal-Korea u sew jekk le, bħala riżultat ta' investigazzjoni kontra ċ-ċirkomvenzjoni skont l-Artikolu 13 tar-Regolament bażiku. Ċerti produtturi esportaturi Koreani kienu mogħtija eżenzjoni mid-dazju estiż peress li ma nstabux li kienu qed jevadu d-dazji antidumping definittivi.

(5)

Il-miżuri applikabbli għall-importazzjonijiet li joriġinaw mill-Indja skadew fis-17 ta' Novembru 2010 (9).

(6)

F'Jannar 2012, permezz tar-Regolament ta' Implimentazzjoni (UE) Nru 102/2012 (10), il-Kunsill, wara rieżami ta' skadenza skont l-Artikolu 11(2) tar-Regolament (KE) Nru 1225/2009 (11), żamm id-dazju antidumping fir-rigward tar-RPĊ kif estiż għall-Marokk u għar-Repubblika tal-Korea u fl-Ukrajna kif estiż għall-Moldova. Dawn il-miżuri minn issa 'l quddiem se jissejħu “il-miżuri fis-seħħ” u l-investigazzjoni tar-rieżami tal-iskadenza, konkluża permezz tar-Regolament ta' Implimentazzjoni (UE) Nru 102/2012, minn hawn' il quddiem se tissejjaħ “ir-rieżami preċedenti tal-iskadenza”.

(7)

Permezz tal-istess Regolament, il-Kunsill temm ukoll il-proċediment fir-rigward tal-Afrika t'Isfel. Il-miżuri applikabbli għall-importazzjonijiet li joriġinaw mill-Afrika t'Isfel skadew fid-9 ta' Frar 2012.

(8)

Wara l-pubblikazzjoni ta' avviż ta' skadenza imminenti (12), il-Kummissjoni rċeviet talba għal rieżami skont l-Artikolu 11(2) tar-Regolament bażiku (“it-talba għal rieżami”).

(9)

It-talba għal rieżami saret fis-7 ta' Novembru 2016 mill-Kumitat ta' Kuntatt tal-E.U. Wire Rope Industries (“l-applikant”) f'isem il-produtturi li jirrappreżentaw aktar minn 25 % tal-produzzjoni totali tal-Unjoni ta' ħbula u kejbils tal-azzar (“SRC”). It-talba kienet ibbażata fuq ir-raġunijiet li l-iskadenza tal-miżuri fir-rigward tar-RPĊ x'aktarx li tirriżulta f'kontinwazzjoni ta' dumping u għal rikorrenza ta' ħsara għall-industrija tal-Unjoni. L-applikant ma pprovdiex biżżejjed evidenza li l-iskadenza tal-miżuri fis-seħħ kontra l-Ukrajna x'aktarx li tirriżulta f'kontinwazzjoni jew rikorrenza ta' dumping u ħsara.

(10)

Il-Kumissjoni, wara li ddeterminat u li kkonsultat mal-Kumitat stabbilit bl-Artikolu 15(1) tar-Regolament bażiku li kien hemm biżżejjed evidenza għall-bidu ta' rieżami ta' skadenza fit-8 ta' Frar 2017, ħabbret permezz ta' avviż ippubblikat f'Il-Ġurnal Uffiċjali tal-Unjoni Ewropea  (13) (“Notifika ta' bidu”), il-bidu ta' rieżami ta' skadenza skont l-Artikolu 11(2) tar-Regolament bażiku.

(11)

Fin-nuqqas ta' talba debitament sostanzjata għal rieżami ta' skadenza li tikkonċerna l-importazzjonijiet tal-SRC li joriġinaw mill-Ukrajna, il-Kummissjoni tat avviż li l-miżura antidumping fir-rigward tal-Ukrajna se tiskadi. Konsegwentement, id-dazju antidumping impost fuq l-importazzjonijiet ta' ħbula u kejbils tal-azzar li joriġinaw mill-Ukrajna skada fl-10 ta' Frar 2017 (14).

(12)

L-investigazzjoni tal-kontinwazzjoni jew tar-rikorrenza tad-dumping kopriet il-perjodu mill-1 ta' Jannar 2016 sal-31 ta' Diċembru 2016 (“il-perjodu ta' investigazzjoni tar-rieżami” jew “l-RIP”). L-eżami tax-xejriet rilevanti għall-valutazzjoni tal-probabbiltà ta' kontinwazzjoni jew rikorrenza ta' ħsara kopra l-perjodu mill-1 ta' Jannar 2013 sa tmiem il-perjodu tal-investigazzjoni tar-rieżami - il-31 ta' Diċembru 2016 (“il-perjodu kkunsidrat”).

(13)

Fin-Notifika ta' bidu, il-Kummissjoni stiednet lill-partijiet interessati kollha biex jipparteċipaw fl-investigazzjoni. Barra minn hekk, il-Kummissjoni avżat uffiċjalment lill-applikant, lill-produtturi l-oħra magħrufa tal-Unjoni, lill-produtturi esportaturi fir-RPĊ, lill-importaturi/utenti li kienu magħrufa li urew tħassib, kif ukoll lill-awtoritajiet tar-RPĊ dwar il-bidu tar-rieżami tal-iskadenza.

(14)

Il-partijiet interessati kollha ġew mistiedna jressqu l-fehmiet tagħhom, jissottomettu l-informazzjoni u jipprovdu evidenza ta' sostenn fi żmien l-iskadenzi stabbiliti fin-Notifika ta' bidu. Il-partijiet interessati ngħataw ukoll l-opportunità li jitolbu bil-miktub għal seduta ta' smigħ mis-servizzi ta' investigazzjoni tal-Kummissjoni u/jew l-Uffiċjal tas-Seduta fil-proċedimenti kummerċjali.

(15)

Fin-Notifika ta' bidu tagħha, il-Kummissjoni ddikjarat li tista' tieħu kampjun tal-partijiet interessati skont l-Artikolu 17 tar-Regolament bażiku.

(16)

Minħabba li jidher li hemm għadd kbir ta' produtturi esportaturi fir-RPĊ, il-kampjunar kien previst fin-Notifika ta' bidu.

(17)

Biex tiddeċiedi jekk il-kampjunar kienx meħtieġ u, jekk iva, biex tagħżel kampjun, il-Kummissjoni talbet lill-21 produttur esportatur magħruf fir-RPĊ sabiex jipprovdu l-informazzjoni speċifikata fin-Notifika ta' bidu. L-informazzjoni mitluba kienet tinkludi l-volum tal-produzzjoni u l-kapaċità tal-produzzjoni. Barra minn hekk, il-Kummissjoni talbet lill-Missjoni tar-RPĊ għall-Unjoni Ewropea biex tidentifika u/jew tikkuntattja produtturi esportaturi oħra, jekk ikun hemm, li jistgħu jkunu interessati li jipparteċipaw fl-investigazzjoni.

(18)

Grupp ta' produtturi esportaturi wieħed biss wieġeb li kien lest li jikkoopera. Dan il-grupp, filwaqt li jkopri 100 % tal-esportazzjonijiet tal-SRC kollha mir-RPĊ lejn l-Unjoni, jirrappreżenta biss inqas minn 2 % tat-total tal-produzzjoni tal-SRC Ċiniża. Minħabba li grupp wieħed biss ta' produtturi esportaturi kien lest jikkoopera, ma kienx hemm bżonn li jiġi applikat il-kampjunar.

(19)

Fin-Notifika ta' bidu, il-Kummissjoni ħabbret li hija kienet għażlet provviżorjament kampjun tal-produtturi tal-Unjoni. Skont l-Artikolu 17 tar-Regolament bażiku, il-kampjun intgħażel fuq il-bażi tal-volum ta' bejgħ tal-prodott simili. Il-kampjun kien jikkonsisti f'sitt produtturi tal-Unjoni. Il-produtturi tal-Unjoni fil-kampjun kienu jirrappreżentaw 50,5 % tal-produzzjoni totali tal-industrija tal-Unjoni matul l-RIP. Il-Kummissjoni stiednet lill-partijiet interessati biex jagħtu l-kummenti tagħhom dwar dan il-kampjun provviżorju. Ma wasal l-ebda kumment sad-data ta' skadenza u għaldaqstant il-kampjun provviżorju kien ikkonfermat. Il-kampjun ġie kkunsidrat bħala rappreżentattiv tal-industrija tal-Unjoni.

(20)

Sabiex il-Kummissjoni tkun tista' tiddeċiedi jekk il-kampjunar huwiex meħtieġ u, jekk ikun il-każ, biex tagħżel kampjun, l-importaturi kollha mhux relatati, jew ir-rappreżentanti li jaġixxu f'isimhom, kienu mistiedna biex jipparteċipaw f'din l-investigazzjoni. Dawn il-partijiet intalbu jippreżentaw irwieħhom billi jipprovdu lill-Kummissjoni bl-informazzjoni dwar il-kumpanija/kumpaniji tagħhom, kif mitlub fl-Anness II tan-Notifika ta' bidu.

(21)

Barra minn hekk, 44 importatur identifikati fit-talba ta' rieżami ġew ikkuntattjati mill-Kummissjoni fl-istadju tal-bidu u ġew mistiedna jispjegaw l-attività tagħhom u biex jimlew l-Anness imsemmi hawn fuq.

(22)

Seba' importaturi biss ippreżentaw ruħhom, iżda skont it-tweġibiet tagħhom sitta minnhom ma impurtawx SRC matul l-RIP. Għalhekk, ma kien meħtieġ l-ebda kampjunar.

(23)

Il-Kummissjoni bagħtet kwestjonarji lill-grupp ta' produtturi esportaturi li kkoopera u li wieġeb għall-formola ta' kampjunar, lis-sitt produtturi tal-Unjoni fil-kampjun, lil importatur wieħed, lill-għaxar utenti li ppreżentaw ruħhom wara l-bidu tal-investigazzjoni u lil 50 produttur magħruf f'pajjiżi terzi b'ekonomija tas-suq potenzjali (il-Kanada, l-Indja, il-Ġappun, il-Malasja, il-Messiku, ir-Russja, l-Afrika t'Isfel, il-Korea t'Isfel, l-Iżvizzera, it-Tajlandja, it-Turkija, l-Ukrajna u l-Istati Uniti tal-Amerika (minn hawn 'il quddiem “l-Istati Uniti”)).

(24)

Il-grupp ta' produtturi esportaturi u ħames produtturi tal-Unjoni ssottomettew tweġiba għall-kwestjonarju. L-ebda importatur u l-ebda utent ma pprovda tweġiba għall-kwestjonarju.

(25)

Żewġ produtturi f'pajjiżi terzi b'ekonomija tas-suq wieġbu għall-kwestjonarju, wieħed minhom jinsab fit-Turkija u l-ieħor fl-Istati Uniti.

(26)

Il-Kummissjoni fittxet u vverifikat l-informazzjoni kollha li qieset meħtieġa għad-determinazzjoni tal-probabbiltà ta' kontinwazzjoni jew rikorrenza ta' dumping u ħsara u l-interessi tal-Unjoni. Żjarat ta' verifika skont l-Artikolu 16 tar-Regolament bażiku saru fil-bini tal-kumpaniji li ġejjin:

(27)

Il-prodott soġġett għal dan ir-rieżami huma l-ħbula u l-kejbils tal-azzar inklużi l-ħbula mibrumin issiġillati, esklużi l-ħbula u kejbils magħmula mill-azzar inossidabbli, b'dimensjoni trasversali massima ta' aktar minn 3 mm, li joriġinaw mir-Repubblika tal-Poplu taċ-Ċina (“l-SRC” jew “il-prodott soġġett għal rieżami”), li bħalissa jaqgħu taħt il-kodiċijiet NM ex 7312 10 81, ex 7312 10 83, ex 7312 10 85, ex 7312 10 89 u ex 7312 10 98.

(28)

L-SRC prodotti fir-RPĊ u esportati lejn l-Unjoni, l-SRC prodotti u mibjugħa fis-suq domestiku tal-pajjiż terz b'ekonomija tas-suq, l-Istati Uniti, u l-SRC immanifatturati u mibjugħa fl-Unjoni mill-produtturi tal-Unjoni għandhom l-istess użi finali kif ukoll karatteristiċi fiżiċi u tekniċi bażiċi, u għalhekk jitqiesu bħala prodotti simili skont it-tifsira tal-Artikolu 1(4) tar-Regolament bażiku.

(29)

Skont l-Artikolu 11(2) tar-Regolament bażiku, il-Kummissjoni eżaminat jekk l-iskadenza tal-miżuri fis-seħħ probabbilment twassalx għal kontinwazzjoni jew rikorrenza ta' dumping mir-RPĊ.

(30)

Skont l-Artikolu 11(2) tar-Regolament bażiku, il-Kummissjoni eżaminat jekk l-iskadenza tal-miżuri fis-seħħ x'aktarx li twassal għal kontinwazzjoni jew rikorrenza ta' dumping mir-RPĊ.

(31)

Kif indikat fil-premessa (18), grupp wieħed biss ta' produtturi esportaturi li jirrappreżentaw inqas minn 2 % tal-produzzjoni totali tal-SRC fir-RPĊ ikkoopera f'din l-investigazzjoni. Dan il-grupp huwa magħmul minn seba' kumpaniji relatati involuti fil-produzzjoni u fil-bejgħ tal-SCR. Peress li dan il-grupp kopra 100 % tal-esportazzjonijiet tal-SRC mir-RPĊ lejn l-Unjoni matul l-RIP, il-Kummissjoni kkunsidrat li hija għandha biżżejjed informazzjoni biex tivvaluta l-prezz tal-esportazzjoni u l-marġni tad-dumping matul l-RIP (Taqsima 3.2.).

(32)

Madankollu, id-data pprovduta mill-uniku grupp ta' produtturi esportaturi li kkoopera fir-rigward tal-bejgħ għall-esportazzjoni lejn pajjiżi terzi oħra, instabet li għandha xi nuqqasijiet: erba' kumpaniji relatati mal-grupp u li kienu involuti fil-produzzjoni u fil-bejgħ tal-SRC ma kinux ipprovdew kwestjonarju separat kif meħtieġ. Billi naqsu milli jwieġbu kif meħtieġ dawn ma pprovdew l-ebda informazzjoni dwar il-bejgħ tagħhom għall-esportazzjoni lejn pajjiżi terzi oħra. Barra minn hekk, kumpanija relatata waħda mill-grupp, għalkemm hija kienet ipprovdiet tweġiba għall-kwestjonarju, naqset milli tirrapporta l-bejgħ tagħha għall-esportazzjoni lil pajjiżi terzi oħra fuq bażi tat-tip ta' prodott għal kull tranżazzjoni.

(33)

B'riżultat ta' dan, il-Kummissjoni infurmat lill-uniku grupp ta' produtturi esportaturi li kkoopera bl-intenzjoni tagħha li tapplika l-Artikolu 18 tar-Regolament bażiku fir-rigward tal-bejgħ għall-esportazzjoni lejn pajjiżi terzi u dak il-grupp ingħata l-opportunità li jagħti l-kummenti tiegħu skont l-Artikolu 18(4) ta' dak ir-Regolament.

(34)

Fil-kummenti tiegħu, il-grupp ta' produtturi esportaturi li kkoopera ma ċaħadx li kien naqas milli jipprovdi tweġiba għall-kwestjonarju għall-erba' kumpaniji relatati tiegħu. Madankollu, huwa sostna li ma kienx raġonevoli li jirrikjedi informazzjoni dwar il-bejgħ għall-esportazzjoni lejn pajjiżi terzi fuq il-bażi ta' kull tranżazzjoni skont in-Numru ta' Kontroll tal-Prodott (“PCN”). Dan l-argument ma jistax jiġi aċċettat. L-informazzjoni mitluba kienet ikkunsidrata meħtieġa, għaliex, sabiex wieħed ibassar l-imġiba futura tal-produtturi fir-RPĊ, jekk il-miżuri jiskadu, huwa importanti li jkun hemm għarfien preċiż u sħiħ tal-imġiba attwali tagħhom meta jesportaw l-SRC lejn pajjiżi terzi oħra. Meta, bħal f'dan il-każ, parti ma tagħmilx l-akbar sforz possibbli biex tipprovdi s-sett sħiħ ta' data mitlub iżda tipprovdi biss parti minnu, li barra minn hekk mhuwiex dettaljat biżżejjed u ma jistax jiġi vverifikat, tali informazzjoni parzjali ma tistax titqies li hija preċiża u kompleta biżżejjed biex il-Kummissjoni tkun tista' tivvaluta kif xieraq, bl-għarfien sħiħ, l-imġiba tal-produtturi Ċiniżi meta jesportaw l-SRC lejn pajjiżi terzi oħra.

(35)

Għalhekk, is-sejbiet fit-Taqsima 3.3.2 kienu bbażati fuq il-fatti disponibbli. Għal dan il-għan, intużat l-informazzjoni pprovduta mill-uniku grupp ta' produtturi esportaturi li kkooperaw ħlief għall-bejgħ lejn pajjiżi terzi, it-talba għar-rieżami tal-iskadenza, is-sottomissjoni magħmula mill-applikanti, fuq l-informazzjoni mill-Istatistika Ċiniża dwar l-Esportazzjoni (15) (“bażi tad-data tar-RPĊ”), fuq informazzjoni mill-Bank Dinji u fuq informazzjoni oħra disponibbli għall-pubbliku sabiex tingħata stampa sħiħa tal-miżuri antidumping fis-seħħ fi swieq ta' pajjiżi terzi importanti oħra għall-SRC kif spjegat fil-premessa (68).

(36)

Dumping matul l-RIP għal esportazzjonijiet mir-RPĊ kien stabbilit fuq l-informazzjoni pprovduta mill-uniku grupp ta' produtturi esportaturi li kkoopera li kien jirrappreżenta l-esportazzjonijiet kollha tal-SRC mir-RPĊ lejn l-Unjoni matul l-RIP (ara l-premessa (18)).

(37)

L-ebda wieħed mill-produtturi esportaturi mir-RPĊ ma ngħata trattament ta' ekonomija tas-suq fl-investigazzjoni oriġinali. Skont l-Artikolu 2(7)(a) u (b) tar-Regolament bażiku, il-valur normali għall-produtturi esportaturi kollha għandu għalhekk jiġi ddeterminat fuq il-bażi tal-prezz jew tal-valur maħdum f'pajjiż terz b'ekonomija tas-suq. Għal dan il-għan, kellu jintgħażel pajjiż terz b'ekonomija tas-suq.

(38)

Fin-Notifika ta' bidu, il-Kummissjoni kellha l-ħsieb li tuża lit-Turkija bħala pajjiż terz b'ekonomija tas-suq. In-Notifika ta' bidu indikat wkoll li jista' jkun hemm produzzjoni tal-prodott simili f'pajjiżi terzi oħra b'ekonomija tas-suq bħat-Tajlandja, il-Vjetnam u l-Malasja. Il-Kummissjoni stiednet lill-partijiet interessati kollha biex jagħtu l-kummenti tagħhom dwar l-għażla ta' pajjiż terz b'ekonomija tas-suq għall-fini li jiġi stabbilit il-valur normali fir-rigward tar-RPĊ. Ma wasal l-ebda kumment fiż-żmien speċifikat fin-Notifika ta' bidu.

(39)

Kif indikat fin-Notifika ta' bidu, il-Kummissjoni eżaminat jekk hemmx produzzjoni u bejgħ tal-prodott simili f'dawk il-pajjiżi terzi b'ekonomija tas-suq li għalihom kien hemm indikazzjonijiet li qiegħda ssir il-produzzjoni. Barra minn hekk, abbażi tal-informazzjoni tat-talba għal rieżami u l-informazzjoni statistika disponibbli (Eurostat), il-Kummissjoni identifikat pajjiżi terzi oħra b'ekonomija tas-suq potenzjali: Il-Kanada, l-Indja, il-Ġappun, il-Korea t'Isfel, il-Malasja, il-Messiku, ir-Russja, l-Afrika t'Isfel, l-Iżvizzera, it-Tajlandja, l-Ukrajna u l-Istati Uniti. Il-Kummissjoni identifikat 50 produttur potenzjali f'dawn il-pajjiżi, li ġew ikkuntattjati u mistiedna jipprovdu l-informazzjoni meħtieġa.

(40)

Madankollu, produttur wieħed biss fit-Turkija u ieħor fl-Istati Uniti ppreżentaw ruħhom u pprovdew l-informazzjoni mitluba.

(41)

B'kollox, kien hemm 15-il produttur potenzjali tal-prodott simili fl-Istati Uniti. Is-suq tal-Istati Uniti nstab ukoll li huwa suq miftuħ b'volumi ta' importazzjoni u ta' esportazzjoni sinifikanti tal-SRC matul l-RIP. Ma kien hemm l-ebda dazju fuq l-importazzjoni jew dazju antidumping/kompensatorju fuq l-importazzjonijiet fis-seħħ fuq l-importazzjonijiet tal-SRC fl-Istati Uniti. Il-volum ta' produzzjoni tal-produttur li kkoopera fl-Istati Uniti kien sostanzjali meta mqabbel mal-produzzjoni totali stmata fl-Istati Uniti (li tammonta għal madwar 15 % sa 25 % tat-total stmat tal-produzzjoni domestika tal-Istati Uniti).

(42)

Kien għalhekk ikkunsidrat li l-Istati Uniti kienu suq miftuħ u kbir, b'ħafna produtturi domestiċi u importazzjonijiet li jikkompetu ma' xulxin. Il-grad ta' kompetizzjoni nstab li huwa ogħla fl-Istati Uniti milli fit-Turkija. Barra minn hekk, kien hemm nuqqasijiet konsiderevoli fid-data pprovduta mill-produttur fit-Turkija u elementi essenzjali għad-determinazzjoni tal-valur normali kienu neqsin filwaqt li l-kwalità tat-tweġiba tal-produttur fl-Istati Uniti kienet kompluta biżżejjed biex jiġi stabbilit valur normali affidabbli fuq din il-bażi. Għalhekk, il-Kummissjoni għażlet lill-Istati Uniti bħala pajjiż terz b'ekonomija tas-suq xierqa.

(43)

Il-partijiet interessati ngħataw l-opportunità li jagħtu l-kummenti tagħhom dwar l-adegwatezza tal-għażla tal-Istati Uniti bħala pajjiż terz b'ekonomija tas-suq. Ma wasal l-ebda kumment sad-data ta' skadenza.

(44)

Fuq din il-bażi, il-Kummissjoni ddeċidiet li tagħżel l-Istati Uniti bħala pajjiż terz b'ekonomija tas-suq għal dan ir-rieżami.

(45)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-volum totali ta' bejgħ tal-produttur tal-pajjiż terz b'ekonomija tas-suq tal-prodott simili fis-suq domestiku kienx rappreżentattiv matul il-perjodu ta' investigazzjoni tar-rieżami. Instab li l-bejgħ tal-prodott simili mill-produttur tal-Istati Uniti kooperanti kien qed isir fi kwantitajiet rappreżentattivi fis-suq domestiku meta mqabbel mal-prodott taħt rieżami esportat lejn l-Unjoni mill-produttur esportatur Ċiniż.

(46)

Sussegwentement, il-Kummissjoni eżaminat jekk dan il-bejgħ jistax jitqies bħala li sar fil-perkors normali tal-kummerċ skont l-Artikolu 2(4) tar-Regolament bażiku. Dan sar billi ġie stabbilit il-proporzjon ta' bejgħ profittabbli lil klijenti indipendenti. It-tranżazzjonijiet tal-bejgħ ġew ikkunsidrati bħala profittabbli meta l-prezz unitarju kien ugwali jew ogħla mill-kost tal-produzzjoni tal-produttur Amerikan matul il-perjodu ta' investigazzjoni.

(47)

Il-Kummissjoni identifikat dawk it-tipi ta' prodotti li għalihom aktar minn 80 % tal-volum tal-bejgħ fis-suq domestiku kien ogħla mill-kost u l-prezz tal-bejgħ medju ppeżat ta' dan it-tip kien ugwali jew ogħla mill-kost tal-produzzjoni għal kull unità. F'dawn il-każijiet, il-valur normali, skont it-tip ta' prodott, ġie kkalkulat bħala l-medja ppeżata tal-prezzijiet domestiċi reali tal-bejgħ kollu tat-tip ikkonċernat, irrispettivament minn jekk dak il-bejgħ kienx profittabbli jew le. Dan kien il-każ għal madwar 50 % tat-tipi ta' prodotti esportati lejn l-Unjoni.

(48)

Fejn il-volum ta' bejgħ profittabbli ta' tip ta' prodott kien jirrappreżenta 80 % jew inqas mill-volum ta' bejgħ totali ta' dak it-tip, il-valur normali kien ibbażat fuq il-prezz domestiku attwali, li ġie kkalkulat bħala prezz medju ppeżat tal-bejgħ domestiku profittabbli biss ta' dak it-tip magħmul matul il-perjodu ta' investigazzjoni. Dan kien il-każ għal madwar 50 % tat-tipi ta' prodotti esportati lejn l-UE.

(49)

Għalhekk, għal kull tip ta' prodott, il-valur normali kien stabbilit abbażi tal-prezzijiet tal-bejgħ domestiku.

(50)

Il-valur normali kien stabbilit fuq il-bażi tal-prezzijiet ta' bejgħ tal-SRC tal-produttur li kkoopera fl-Istati Uniti skont l-Artikolu 2(7)(a) u (b) kif ukoll l-Artikoli 2(1) sa 2(6) tar-Regolament bażiku.

(51)

Il-prezz tal-esportazzjoni kien ibbażat fuq l-informazzjoni pprovduta mill-grupp ta' produtturi esportaturi li kkooperaw mir-RPĊ skont l-Artikolu 2(8) tar-Regolament bażiku, jiġifieri fuq il-bażi tal-prezzijiet tal-esportazzjoni li effettivament tћallsu jew li jistgћu jitћallsu lill-ewwel klijent indipendenti fl-Unjoni, li kien importatur mhux relatat.

(52)

Peress li ma setax jitqabbel il-PCN fil-livell kollu bejn it-tipi ta' prodotti esportati mill-grupp ta' produtturi esportaturi li kkooperaw u l-bejgħ domestiku fil-pajjiż terz b'ekonomija tas-suq, il-valur normali ġie ddeterminat abbażi tal-prezz domestiku f'dak il-pajjiż terz b'ekonomija tas-suq b'tip ta' prodott li l-aktar jixbhu. Sabiex jiġu riflessi d-differenzi bejn it-tipi ta' prodotti, fid-determinazzjoni tal-valur normali tqiesu l-karatteristiċi tat-tip ta' prodott kif definit mill-PCN: il-kategorija tal-prodott, il-karatteristiċi tal-wajer, it-tip ta' ħabel, id-dijametru ta' barra u r-reżistenza għat-tensjoni. Saru aġġustamenti fil-firxa ta' minn 5 % sa 15 % sabiex jittieħdu inkunsiderazzjoni d-differenzi bejn it-tipi ta' prodotti skont l-Artikolu 2(10)(a) tar-Regolament bażiku.

(53)

L-esportazzjonijiet mir-RPĊ huma soġġetti għal rifużjoni parzjali tat-taxxa fuq il-valur miżjud (VAT) fuq l-esportazzjoni, filwaqt li fl-Istati Uniti t-taxxi kollha relatati mal-bejgħ domestiku huma rimborżati. Għalhekk, il-Kummissjoni għamlet aġġustament skont l-Artikolu 2(10)(b) tar-Regolament bażiku għad-differenza fil-VAT bejn il-bejgħ għall-esportazzjoni mir-RPĊ lejn l-Unjoni (fejn hija imposta rata ta' VAT ta' 17 % fuq l-esportazzjoni u li mbagħad 5 % minnha tiġi rimborżata) biex jiġi żgurat tqabbil ġust u f'konformità mal-ġurisprudenza stabbilita (16).

(54)

Barra minn hekk, saru wkoll aġġustamenti fil-valur normali għal differenzi fl-ispejjeż tal-imballaġġ (inqas minn 2 %) u l-merkanzija domestika (f'firxa ta' minn 2 % sa 10 %) skont l-Artikolu 2(10)(e) u (f) tar-Regolament bażiku. Saru wkoll aġġustamenti fil-prezz tal-esportazzjoni għall-immaniġġar u t-tagħbija (inqas minn 1 %), il-merkanzija domestika fir-RPĊ (f'firxa ta' minn 1 % sa 5 %, l-ispejjeż għat-trasport tal-merkanzija bil-baħar (f'firxa ta' minn 1 % sa 5 %) u l-assigurazzjoni (inqas minn 1 %), skont l-Artikolu 2(10)(e) tar-Regolament bażiku. Barra minn hekk, l-ispejjeż ta' kreditu (inqas minn 1 %) u t-tariffi bankarji (inqas minn 1 %) kienu wkoll imnaqqsa mill-prezz tal-esportazzjoni skont l-Artikolu 2(10)(g) u (k) tar-Regolament bażiku.

(55)

Fl-aħħar nett, il-bejgħ għall-esportazzjoni lejn l-Unjoni sar permezz ta' kumpaniji relatati ta' bejgħ fiċ-Ċina. Il-Kummissjoni ma eżaminatx jekk għal dan il-bejgħ kienx iġġustifikat aġġustament skont l-Artikolu 2(10)(i) tar-Regolament bażiku. Ir-raġuni għal dan kienet li l-għan ta' rieżami ta' skadenza mhuwiex li jiġu stabbiliti marġnijiet ta' dumping preċiżi, iżda li jiġi stabbilit jekk id-dumping kompliex matul il-perjodu ta' investigazzjoni tar-rieżami.

(56)

Il-Kummissjoni qabblet il-valur normali u l-prezzijiet tal-esportazzjoni, kif ikkalkulati fil-premessi minn (45) sa (51) sabiex tiġi żgurata l-komparabbiltà tal-prezzijiet, għal kull tip ta' prodott. Kif previst fl-Artikolu 2(11) u (12) tar-Regolament bażiku, il-valur normali medju ppeżat ta' kull tip ta' prodott simili fil-pajjiż terz b'ekonomija tas-suq kien imqabbel mal-prezz medju ppeżat tal-esportazzjoni tat-tip ta' prodott korrispondenti tal-prodott soġġett għal rieżami.

(57)

Fuq din il-bażi, il-marġni tad-dumping medju ppeżat espress bħala perċentwal tal-prezz CIF (Kost, Assigurazzjoni, Nol) fil-fruntiera tal-Unjoni, bid-dazju mhux imħallas, kien ta' 16,7 %.

(58)

Wara li rriżulta dumping matul il-perjodu ta' investigazzjoni tar-rieżami, il-Kummissjoni analizzat il-probabbiltà ta' kontinwazzjoni ta' dumping jekk il-miżuri jiġu revokati. Ġew analizzati l-elementi li ġejjin: il-produzzjoni, il-kapaċità tal-produzzjoni u l-kapaċità ta' riżerva fir-RPĊ, l-imġiba tal-esportazzjonijiet Ċiniżi f'pajjiżi terzi oħra, il-prattiki ta' ċirkomvenzjoni u l-attrattività tas-suq tal-Unjoni.

(59)

L-uniku grupp li kkoopera ta' produtturi esportaturi kien jirrappreżenta inqas minn 3 % tal-kapaċità ta' produzzjoni totali u inqas minn 2 % tal-produzzjoni totali ta' SRC fir-RPĊ. Minħabba li l-ebda produttur ieħor tal-SRC fir-RPĊ ma kkoopera, l-eżami tal-probabbiltà ta' kontinwazzjoni jew rikorrenza ta' dumping sabiex jiġi vvalutat l-iżvilupp tal-importazzjonijiet f'każ li l-miżuri jiġu revokati, kien ibbażat fuq l-informazzjoni disponibbli għall-Kummissjoni, jiġifieri l-informazzjoni pprovduta mill-uniku grupp ta' produtturi esportaturi li kkoopera, it-talba għal rieżami ta' skadenza, l-informazzjoni mill-bażi tad-data tar-RPĊ, l-informazzjoni mill-Bank Dinji u informazzjoni oħra disponibbli għall-pubbliku kif spjegat fil-premessa (68) sabiex tingħata stampa sħiħa tal-miżuri antidumping fis-seħħ fi swieq importanti oħra għall-SRC.

(60)

Fin-nuqqas ta' kwalunkwe informazzjoni oħra fil-fajl, il-Kummissjoni bbażat is-sejbiet tagħha fuq it-talba għal rieżami tal-iskadenza li kienet tinkludi studju li janalizza “L-Iżviluppi min-naħa tal-Provvista u tad-Domanda fl-Industrija Ċiniża tal-Ħbula tal-Wajer tal-Azzar għall-2012-2016 anki fil-Futur Qarib” (“l-istudju”). Abbażi ta' din l-informazzjoni, il-kapaċità tal-produzzjoni għall-SRC fir-RPĊ kienet stmata għal 5,8 miljun tunnellata fis-sena, il-produzzjoni reali kienet stmata għal madwar 4,0 miljun tunnellata fis-sena u, b'riżultat ta' dan, il-kapaċità ta' riżerva fir-RPĊ kienet stmata għal madwar 1,8 miljun tunnellata fl-2016, li jaqbżu sew il-konsum totali tal-Unjoni tal-SRC matul l-RIP kif muri fil-premessa (75) b'aktar minn għaxar darbiet.

(61)

L-istudju indika li l-konsum domestiku fir-RPĊ ammonta għal madwar 3,8 miljun tunnellata fis-sena. L-investigazzjoni ma żvelat l-ebda element li jista' jindika kwalunkwe żieda sinifikanti fid-domanda domestika fiċ-Ċina fil-futur qrib. L-istess jgħodd għall-esportazzjonijiet Ċiniżi lejn pajjiżi terzi oħra, peress li m'hemm l-ebda informazzjoni disponibbli li tindika kwalunkwe żieda sinifikanti fid-domanda għall-SRC madwar id-dinja.

(62)

Fir-rigward tat-talba għal rieżami ta' skadenza u b'mod aktar speċifiku tal-istudju, jenħtieġ li jiġi nnotat li l-informazzjoni inkluża fih ma ġiet ikkontestata mill-ebda parti interessata. Barra minn hekk, kif indikat fil-premessi (17) u (18), huwa mfakkar ukoll li l-parti l-kbira tal-produtturi esportaturi Ċiniżi tal-SRC ma pprovdewx l-informazzjoni meħtieġa kif mitlub u li l-uniku grupp ta' produtturi esportaturi li kkoopera, li jirrappreżenta inqas minn 3 % tat-total tal-kapaċità ta' produzzjoni Ċiniża, ikoopera u pprovda l-informazzjoni rilevanti kif mitlub.

(63)

Għalhekk, fin-nuqqas ta' kwalunkwe informazzjoni oħra, tqies li la d-domanda domestika, u lanqas d-domanda dinjija tal-SRC mhu se jkunu jistgħu jassorbu l-kapaċità ta' riżerva sinifikanti disponibbli fiċ-Ċina.

(64)

Kif spjegat fil-premessi minn (32) sa (35), l-informazzjoni sottomessa mill-uniku grupp ta' produtturi esportaturi li kkoopera ma setgħetx tintuża biex tiġi vvalutata kif xieraq l-imġiba tal-esportazzjonijiet Ċiniżi lejn pajjiżi terzi oħra. Għalhekk, il-Kummissjoni kellha toqgħod fuq il-fatti disponibbli skont l-Artikolu 18 tar-Regolament bażiku sabiex tivvaluta din l-imġiba. Biex tagħmel dan, il-Kummissjoni użat il-bażi tad-data tar-RPĊ kif sar fir-rieżami ta' skadenza preċedenti (17).

(65)

Madankollu, jenħtieġ li jiġi nnutat li l-bażi tad-data tar-RPĊ tkopri kamp ta' applikazzjoni usa' tal-prodott milli mill-prodott soġġett għal rieżami peress li jinkludi wkoll wajers bis-swiegli, ħbula u kejbils tal-azzar inossidabbli kif ukoll ħbula u kejbils tal-azzar b'dimensjoni trasversali massima li ma taqbiżx it-3 mm. Għalhekk, ma setgħet issir l-ebda analiżi sinifikanti tal-kwantitajiet esportati lejn swieq oħra fuq il-bażi tal-informazzjoni misjuba fil-bażi tad-data tar-RPĊ. Madankollu, xorta setgħet tintuża l-bażi tad-data tar-RPĊ għall-analiżi tal-prezzijiet. L-analiżi tal-prezzijiet hija bbażata fuq stimi raġonevoli minħabba l-karatteristiċi simili tal-prodotti l-oħra li possibbilment kienu inklużi fl-analiżi.

(66)

Fuq din il-bażi, il-Kummissjoni sabet li meta wieħed iqabbel il-prezzijiet tal-esportazzjonijiet Ċiniżi lejn il-ħames swieq tal-esportazzjoni ewlenin tagħhom għajr l-Unjoni (li huma l-Indja, il-Korea t'Isfel, it-Tajlandja, l-Istati Uniti u l-Vjetnam), mal-valur normali stabbilit fil-pajjiż terz b'ekonomija tas-suq kif deskritt fil-premessi minn (45) sa (50), il-marġnijiet tad-dumping kienu jvarjaw bejn 129 % u 314 % matul l-RIP. L-esportazzjonijiet Ċiniżi tal-SRC lejn dawn il-ħames swieq oħra jammontaw għal madwar 40 % tal-esportazzjonijiet totali Ċiniżi tal-SRC madwar id-dinja. Fuq l-istess bażi, il-marġni tad-dumping għal bejgħ lejn l-Unjoni ammonta għal 97 %.

(67)

Għalhekk, l-esportazzjonijiet tal-SRC lejn pajjiżi terzi oħra mir-RPĊ x'aktarx li kienu oġġett ta' dumping f'livelli saħansitra ogħla mill-bejgħ għall-esportazzjoni lejn l-Unjoni matul l-RIP. Fin-nuqqas ta' kwalunkwe informazzjoni oħra, il-livell tal-prezzijiet tal-esportazzjoni lejn pajjiżi terzi oħra jista' jitqies bħala indikatur tal-livell tal-prezzijiet probabbli għall-bejgħ tal-esportazzjonijiet lejn l-Unjoni jekk il-miżuri jiġu revokati. Fid-dawl tal-livelli baxxi ta' prezzijiet għas-swieq ta' pajjiżi terzi, ġie konkluż li hemm marġni konsiderevoli biex jitnaqqsu l-prezzijiet tal-esportazzjoni lejn l-Unjoni, li potenzjalment iwassal għal żieda fid-dumping.

(68)

Barra minn hekk, skont id-data pubblikament disponibbli (18), il-miżuri antidumping fuq importzzjonijiet tal-SRC li joriġinaw mir-RPĊ huma wkoll fis-seħħ fit-Turkija (19), il-Messiku (20) u l-Brażil (21). Il-Kolombja reċentament bdiet investigazzjoni antidumping fuq importazzjonijiet tal-SRC li joriġinaw miċ-Ċina (22) u f'Diċembru 2017 imponiet miżuri antidumping provviżorji ta' 15 %. Dan jindika b'mod ċar li SRC mingħand produtturi esportaturi Ċiniżi ġew esportati wkoll lejn swieq oħra bi prezzijiet li huma oġġett ta' dumping. Dan jindika wkoll li l-prezzijiet tal-esportazzjonijiet tal-SRC Ċiniżi lejn dawn is-swieq huma jew se jkunu ristretti u li l-produtturi esportaturi tal-SRC Ċiniżi jkollhom isibu swieq alternattivi għall-kapaċità ta' riżerva tagћhom.

(69)

Fuq il-bażi tal-informazzjoni disponibbli, kif spjegat fil-premessa (66), instab li l-produtturi esportaturi mir-RPĊ jistgħu jiksbu prezzijiet ogħla fis-suq tal-Unjoni milli f'pajjiżi terzi oħra. Skont il-bażi tad-data tar-RPĊ, fl-RIP il-medja tal-prezz tal-esportazzjoni FOB (frank abbord) lejn l-Unjoni kienet ta' EUR 1 688/tunnellata filwaqt li din kienet tammonta biss bħala medja għal EUR 1 191/tunnellata meta d-destinazzjoni tagħha kienet lejn is-swieq tal-ħames pajjiżi terzi ewlenin. Għalhekk, il-prezzijiet tal-esportazzjonijiet Ċiniżi lejn pajjiżi terzi kienu madwar 30 % aktar baxxi mill-prezzijiet tal-esportazzjoni lejn l-Unjoni (meta ma jiġux ikkunsidrati d-dazji antidumping imħallsa fis-suq tal-Unjoni). Dan jindika li s-suq tal-Unjoni huwa suq attraenti minħabba li l-produtturi esportaturi Ċiniżi jistgħu jiġġeneraw profitti akbar mill-bejgħ lejn l-Unjoni milli mill-bejgħ lejn swieq oħra tal-esportazzjoni.

(70)

Bħala konklużjoni, il-marġni tad-dumping stabbilit waqt l-RIP, il-kapaċità ta' riżerva sinifikanti disponibbli fir-RPĊ, l-attrattività stabbilita tas-suq tal-Unjoni u l-imġiba tal-esportazzjoni lejn pajjiżi terzi oħra, jindikaw li revoka tal-miżuri x'aktarx tirriżulta f'kontinwazzjoni ta' dumping, u li l-esportazzjonijiet oġġett ta' dumping jidħlu fis-suq tal-Unjoni fi kwantitajiet sinifikanti. Għalhekk huwa kkunsidrat li hemm probabbiltà ta' kontinwazzjoni ta' dumping jekk il-miżuri antidumping attwali jitħallew jiskadu.

(71)

Fl-Unjoni, l-SRC kienu mmanifatturati minn aktar minn 22 produttur/grupp ta' produtturi matul l-RIP. Dawn jikkostitwixxu l-“industrija tal-Unjoni” skont it-tifsira tal-Artikoli 4(1) u 5(4) tar-Regolament bażiku.

(72)

Il-produzzjoni totali tal-Unjoni matul l-RIP ġiet stabbilita fil-livell ta' 168 701 tunnellata fuq il-bażi tat-talba għal rieżami, id-data addizzjonali pprovduta mill-applikant u t-tweġibiet għall-kwestjonarju tal-produtturi tal-Unjoni fil-kampjun.

(73)

Kif indikat fil-premessa (19), intgħażel kampjun li jikkonsisti minn sitt produtturi/gruppi ta' produtturi. Il-Kummissjoni rċeviet u vverifikat it-tweġibiet għall-kwestjonarju minn ħames produtturi tal-Unjoni. Il-ħames produtturi kienu jirrappreżentaw 43 % tal-produzzjoni totali tal-Unjoni matul l-RIP. Għalhekk, il-kampjun xorta kien ikkunsidrat bħala rappreżentattiv biżżejjed għall-industrija tal-Unjoni.

(74)

Il-konsum tal-Unjoni ġie stabbilit fuq il-bażi tal-volum ta' bejgħ tal-industrija tal-Unjoni fis-suq tal-Unjoni u l-volum tal-importazzjonijiet minn pajjiżi terzi lejn l-Unjoni fuq il-bażi tad-data rrapportata lill-Kummissjoni mill-Istati Membri skont l-Artikolu 14(6) tar-Regolament bażiku (“il-bażi tad-data tal-Artikolu 14(6)”) u d-data vverifikata mill-grupp ta' produtturi esportaturi Ċiniżi li kkoopera.

(75)

It-Tabella 1 turi kif il-konsum tal-Unjoni żviluppa matul il-perjodu kkunsidrat.

Tabella 1

Konsum tal-Unjoni

(76)

Il-konsum tal-Unjoni baqa' stabbli mill-2013 sal-2014 u naqas b'6 % bejn l-2014 u l-RIP.

(77)

Il-Kummissjoni stabbiliet il-volum tal-importazzjonijiet mir-RPĊ fuq il-bażi tat-tweġiba vverifikata għall-kwestjonarju mill-grupp ta' produtturi esportaturi li kkoopera u d-data mill-bażi tad-data tal-Artikolu 14(6) matul il-perjodu kkunsidrat.

(78)

Fuq din il-bażi, l-importazzjonijiet fl-Unjoni mir-RPĊ u s-sehem mis-suq tagħha żviluppaw kif ġej:

Tabella 2

Il-volum tal-importazzjonijiet u s-Sehem mis-suq

(79)

Matul il-perjodu kkunsidrat, il-volum tal-importazzjonijiet tal-SRC mir-RPĊ varja minn sena għal sena. It-tnaqqis ta' 34 % bejn is-snin 2013-2014 kien segwit minn żieda ta' 80 % matul is-snin 2014-2015 (23). Fl-aħħar nett fl-RIP, il-volum tal-importazzjonijiet naqas minn 2 697 fl-2013 għal 2 005 tunnellati. B'mod ġenerali, il-volum tal-importazzjonijiet naqas b'26 % matul il-perjodu kkunsidrat.

(80)

Is-sehem mis-suq tal-importazzjonijiet mir-RPĊ segwa xejra simili. B'mod ġenerali, dan naqas minn 1,5 % għal 1,2 % matul il-perjodu kkunsidrat.

(81)

Il-Kummissjoni stabbiliet il-prezzijiet tal-importazzjonijiet fuq il-bażi tat-tweġiba vverifikata għall-kwestjonarju tal-grupp ta' produtturi esportaturi Ċiniżi li koopera u d-data mill-bażi tad-data tal-Artikolu 14(6) matul il-perjodu kkunsidrat. Il-prezz medju tal-importazzjonijiet fl-Unjoni mir-RPĊ żviluppa kif ġej:

Tabella 3

Il-prezz medju tal-importazzjonijiet mir-RPĊ

(82)

Matul il-perjodu kkunsidrat, il-prezz medju tal-prodott importat mir-RPĊ varja minn sena għal sena. Fil-bidu, il-prezz naqas b'21 % fl-2014. Fl-2015, il-prezzijiet żdiedu, billi kważi laħqu l-livell tal-2013 u komplew jiżdiedu fl-RIP. B'mod ġenerali, il-prezzijiet żdiedu b'45 % matul il-perjodu kkunsidrat.

(83)

Il-Kummissjoni ddeterminat it-twaqqigħ tal-prezz matul il-perjodu ta' investigazzjoni billi qabblet:

(84)

Ir-riżultat tat-tqabbil kien espress bħala perċentwal tal-prezz medju ppeżat tal-industrija tal-Unjoni matul l-RIP. In-nuqqas ta' twaqqigħ tal-prezz jindika l-effettività tal-miżuri. Jekk il-miżuri jitħallew jiskadu u l-produtturi esportaturi tal-SRC Ċiniżi jżommu l-prezzijiet tal-esportazzjoni tagħhom f'livell simili, il-marġni tat-twaqqigħ jista' jiġi kkalkulat billi jitnaqqas id-dazju antidumping mill-prezz tal-importazzjoni. Il-marġni tat-twaqqigħ tal-prezz stabbilit b'dan il-mod jammonta għal 36,3 %. Dan huwa kkunsidrat bħala indikazzjoni raġonevoli tal-livelli tal-prezzijiet tal-esportazzjoni possibbli fil-ġejjieni lejn l-Unjoni jekk il-miżuri jitħallew jiskadu.

(85)

L-importazzjonijiet minn pajjiżi terzi għajr ir-RPĊ prinċipalment ġejjin mir-Repubblika tal-Korea, it-Turkija, it-Tajlandja, ir-Russja u l-Malasja.

(86)

Il-volum tal-importazzjonijiet fl-Unjoni ta' dawn l-importazzjonijiet huwa muri fit-Tabella 4 kif ukoll is-sehem mis-suq tagħhom u l-prezzijiet medji:

Tabella 4

Importazzjonijiet minn pajjiżi terzi ħlief ir-RPĊ

(87)

Kollox ma' kollox il-volum tal-importazzjonijiet minn pajjiżi terzi oħra baqa' pjuttost stabbli matul il-perjodu kkunsidrat, b'żieda żgħira ta' 1 %.

(88)

Peress li l-konsum totali tal-Unjoni naqas matul il-perjodu kkunsidrat, din iż-żieda ssarrfet f'żieda fis-sehem mis-suq tagħhom minn 36,1 % għal 38,8 % matul dan il-perjodu.

(89)

Matul il-perjodu kkunsidrat, il-prezz medju tal-prodott importat minn pajjiżi terzi għajr ir-RPĊ varja minn sena għal sena. Fil-bidu, il-prezz naqas b'7 % fl-2014. Fl-2015, il-prezzijiet żdiedu bi 2 %, biex reġgħu naqsu bi 8 % matul l-RIP. B'mod ġenerali, il-prezzijiet naqsu bi 13 % matul il-perjodu kkunsidrat.

(90)

Ir-Repubblika tal-Korea għandha t-tieni l-akbar sehem mis-suq fis-suq tal-Unjoni wara l-industrija tal-Unjoni matul il-perjodu kkunsidrat.

(91)

Kif imsemmi fil-premessa (4), iċ-ċirkomvenzjoni tal-miżuri oriġinali fuq l-importazzjonijiet tal-SRC mir-RPĊ seħħet permezz tar-Repubblika tal-Korea. Konsegwentement, fl-2010, id-dazju antidumping impost fuq importazzjonijiet li joriġinaw mir-RPĊ ġie estiż għall-importazzjonijiet tal-istess prodott ikkonsenjat mir-Repubblika tal-Korea, bl-eċċezzjoni ta' dawk immanifatturati minn 15-il produttur esportatur Korean ġenwin.

(92)

Prattikament l-importazzjonijiet kollha tal-SRC mir-Repubblika tal-Korea lejn l-Unjoni matul l-RIP kienu qed joriġinaw mill-produtturi esportaturi eżentati mid-dazju antidumping estiż, jiġifieri 99,98 % tal-importazzjonijiet Koreani kollha.

(93)

It-Tabella 5 turi kif il-volum, is-sehem mis-suq u l-prezzijiet medji tal-importazzjonijiet Koreani lejn l-Unjoni żviluppaw matul il-perjodu kkunsidrat:

Tabella 5

Il-volum tal-importazzjonijiet, is-sehem mis-suq u l-prezz medju mill-Korea

(94)

Il-volum tal-importazzjonijiet mir-Repubblika tal-Korea naqas bi 11 % matul il-perjodu kkunsidrat, b'rata kemm kemm ogħla mix-xejra 'l isfel tal-konsum.

(95)

Peress li t-tnaqqis fir-rata tal-volum tal-importazzjonijiet kien ogħla mit-tnaqqis fir-rata tal-konsum, is-sehem mis-suq naqas biss bi ftit minn 21,0 % għal 20,0 % matul il-perjodu kkunsidrat.

(96)

Il-prezz medju tal-importazzjonijiet żdied b'6 % bejn l-2013 u l-2015 u mbagħad naqas b'9 % matul l-RIP, li jirrappreżenta tnaqqis globali ta' 3 % matul il-perjodu kkunsidrat. Il-prezz medju (CIF, l-ebda dazju inkluż) kien ta' 48 % aktar baxx mill-prezz medju (EXW) tal-industrija tal-Unjoni.

(97)

L-importazzjonijiet li joriġinaw mill-Marokk jew ikkonsenjati mill-Marokk nstabu li kienu qrib iż-żero matul il-perjodu kkunsidrat. Għalhekk, l-ebda analiżi oħra ma tqieset li kienet meħtieġa.

(98)

Matul il-perjodu kkunsidrat, kien għadu fis-seħħ dazju antidumping ta' 51,8 %, fuq l-importazzjonijiet tal-SRC li joriġinaw mill-Ukrajna kif kien estiż għall-importazzjonijiet tal-istess prodott ikkonsenjati mill-Moldova, sew jekk iddikjarati bħala li joriġinaw mill-Moldova u sew jekk le.

(99)

Dawn il-miżuri skadew fl-10 ta' Frar 2017, kif spjegat fil-premessa (11).

(100)

L-importazzjonijiet li joriġinaw jew li jiġu kkonsenjati mill-Ukrajna u mill-Moldova nstabu li kienu qrib iż-żero matul il-perjodu kkunsidrat. Għalhekk, l-ebda analiżi oħra ma tqieset li kienet meħtieġa għall-perjodu kkunsidrat.

(101)

L-importazzjonijiet mill-pajjiżi terzi li jifdal kienu prinċipalment mit-Turkija, mit-Tajlandja, mir-Russja u mill-Malasja. It-Tabella 6 turi kif dawn l-importazzjonijiet żviluppaw:

Tabella 6

Importazzjonijiet minn pajjiżi terzi oħra

(102)

It-total ta' importazzjonijiet minn pajjiżi terzi oħra żdied b'27 % matul il-perjodu 2013-2015. Fl-RIP, l-importazzjonijiet naqsu b'10 %. B'mod ġenerali, l-importazzjonijiet żdiedu bi 17 % matul il-perjodu kkunsidrat. Billi kien hemm tnaqqis fil-konsum matul il-perjodu kkunsidrat kif deskritt fil-premessa (76), is-sehem mis-suq tal-pajjiżi terzi l-oħra żdied minn 15 % għal 19 % matul l-istess perjodu.

(103)

L-importazzjonijiet mit-Turkija varjaw matul il-perjodu kkunsidrat, iżda fl-RIP laħqu livell simili bħal fl-2013 (fil-bidu tal-perjodu kkunsidrat), jiġifieri 7 028 tunnellata. Kollox ma' kollox is-sehem mis-suq tagħhom baqa' pjuttost stabbli b'żieda żgħira ta' 0,4 punti perċentwali matul il-perjodu kunsidrat, jiġifieri minn 3,9 % fl-2013 għal 4,3 % matul l-RIP. Il-prezz medju naqas b'9 %.

(104)

L-importazzjonijiet mit-Tajlandja żdiedu b'25 % bejn l-2013 u l-2014, iżda sussegwentement raw tnaqqis kontinwu u laħqu s-6 122 tunnellata fl-RIP, żieda minn 5 206 fl-2013. B'mod ġenerali, l-importazzjonijiet naqsu bi 18 % fil-perjodu kkunsidrat. Is-sehem mis-suq żdied ukoll fl-2014 u baqa' stabbli sal-RIP. Il-prezz medju tal-importazzjoni varja matul il-perjodu 2014-2015 (– 4 %, + 15 %) u fl-RIP laħaq livell ta' 2 % 'l fuq mil-livell tal-2013.

(105)

L-importazzjonijiet mir-Russja żdiedu b'mod sinifikanti matul il-perjodu kkunsidrat, iżda baqgħu f'livelli relattivament baxxi matul il-perjodu kkunsidrat. Is-sehem mis-suq żdied ukoll, minn 0,9 % għal 2,9 %. Il-prezz medju naqas b'21 % matul il-perjodu kkunsidrat.

(106)

L-importazzjonijiet mill-Malasja varjaw sa mill-bidu tal-perjodu kkunsidrat iżda fl-RIP laħqu kważi l-istess livell bħal fl-2013, jiġifieri 4 530 tunnellata. B'mod ġenerali, matul il-perjodu kkunsidrat, minkejja l-fluttwazzjoni, is-sehem mis-suq tal-importazzjonijiet Malasjani tal-SRC żdied biss bi ftit, jiġifieri b'0,2 punti perċentwali. Il-medja tal-prezz tal-importazzjoni naqset bi 13 % matul il-perjodu kkunsidrat.

(107)

Matul l-RIP, il-prezzijiet tal-importazzjonijiet tal-SRC mit-Turkija, mit-Tajlandja, mir-Russja u mill-Malasja kienu bħala medja aktar baxxi mill-prezz medju tal-industrija tal-Unjoni (b'minn 49 % sa 63 %). Huma kienu wkoll aktar baxxi mill-prezzijiet tal-importazzjoni mir-RPĊ (b'41 %-57 %).

(108)

Skont l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indiċijiet kollha rilevanti li għandhom effett fuq l-istat tal-industrija tal-Unjoni matul il-perjodu kkunsidrat.

(109)

Biex tiddetermina l-ħsara, il-Kummissjoni għamlet distinzjoni bejn l-indikaturi tal-ħsara makroekonomiċi u l-indikaturi tal-ħsara mikroekonomiċi. Il-Kummissjoni vvalutat l-indikaturi makroekonomiċi relatati mal-industrija kollha tal-Unjoni fuq il-bażi tad-data miksuba mill-applikant, kontroverifikata mal-informazzjoni pprovduta minn għadd ta' produtturi tal-Unjoni fl-istadju ta' qabel il-bidu u mat-tweġibiet ivverifikati tal-kwestjonarju mill-produtturi tal-Unjoni fil-kampjun. Il-Kummissjoni vvalutat l-indikaturi mikroekonomiċi fuq il-bażi tad-data li tinsab fit-tweġibiet għall-kwestjonarju mill-produtturi tal-Unjoni fil-kampjun, li kienu vverifikati. Iż-żewġ settijiet ta' data nstabu li huma rappreżentattivi tas-sitwazzjoni ekonomika tal-industrija tal-Unjoni.

(110)

L-indikaturi makroekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, it-tkabbir, l-impjiegi, il-produttività u d-daqs tal-marġni tad-dumping.

(111)

L-indikaturi mikroekonomiċi huma: il-prezzijiet unitarji medji, il-kost unitarju medju, il-kostijiet lavorattivi, l-inventarji, il-profittabbiltà, il-fluss tal-flus, l-investimenti, ir-redditu fuq l-investiment, u l-kapaċità li jiġi ġġenerat il-kapital.

(112)

It-Tabella 7 turi l-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppati matul il-perjodu kkunsidrat:

Tabella 7

Il-produzzjoni, il-kapaċità tal-produzzjoni u l-użu tal-kapaċità

(113)

Il-volum totali tal-produzzjoni baqa' relattivament stabbli matul il-perjodu 2013-2014 u naqas b'5 % fl-2015. Madankollu fl-RIP, il-volum tal-produzzjoni naqas aktar bi 12 %. B'mod ġenerali, il-volum tal-produzzjoni naqas bi 18 % matul il-perjodu kkunsidrat.

(114)

Il-kapaċità tal-produzzjoni żdiedet ftit matul il-perjodu kkunsidrat u globalment b'5 % biss.

(115)

Konsegwentement, ir-rata tal-użu tal-kapaċità naqset minn 71 % fl-2013 għal 55 % fl-RIP. B'mod ġenerali, ir-rata tal-użu tal-kapaċità naqset bi 22 % matul il-perjodu kkunsidrat, wara t-tnaqqis fil-volum tal-produzzjoni.

(116)

Il-volum tal-bejgħ u s-sehem mis-suq tal-industrija tal-Unjoni żviluppaw kif ġej matul il-perjodu kkunsidrat:

Tabella 8

Volum tal-bejgħ u sehem mis-suq

(117)

Il-volum tal-bejgħ segwa x-xejra tal-volum tal-produzzjoni. Dan baqa' relattivament stabbli matul il-perjodu 2013-2014 u naqas b'5 % fl-2015. Fl-RIP, il-volum tal-produzzjoni kompla jonqos b'5 %. B'mod ġenerali, il-volum tal-bejgħ naqas b'10 % matul il-perjodu kkunsidrat.

(118)

Is-sehem mis-suq tal-industrija tal-Unjoni naqas bi 2,4 punti perċentwali, minn 62,4 % għal 60,0 % matul il-perjodu kkunsidrat.

(119)

Matul il-perjodu kkunsidrat, il-konsum tal-Unjoni naqas b'6 %. Il-volum tal-bejgħ tal-industrija tal-Unjoni naqas b'livell saħansitra ogħla, jiġifieri b'10 %. B'konsegwenza ta' dan, l-industrija tal-Unjoni ġarrbet telf ta' 2,4 punti perċentwali fis-sehem mis-suq. It-tnaqqis fil-volum tal-bejgħ ġie rifless ukoll fl-użu tal-kapaċità li naqas bi 22 %.

(120)

L-impjiegi u l-produttività żviluppaw matul il-perjodu kkunsidrat kif ġej:

Tabella 9

Impjiegi u produttività

(121)

L-għadd ta' impjegati fl-industrija tal-Unjoni naqas b'9 % matul il-perjodu kkunsidrat, it-tnaqqis ewlieni seħħ matul l-RIP. Dan segwa t-tnaqqis fil-produzzjoni u l-volum tal-bejgħ kif deskritt fil-premessi (113) u (117).

(122)

Bħala riżultat ta' rata ogħla ta' tnaqqis fil-produzzjoni meta mqabbel mat-tnaqqis fl-għadd ta' impjegati, il-produttività naqset b'10 % matul il-perjodu kkunsidrat.

(123)

L-investigazzjoni stabbiliet fil-premessa (57) li l-importazzjonijiet tal-prodott taħt rieżami mir-RPĊ baqgħu oġġett ta' dumping fis-suq tal-Unjoni b'rata ta' dumping ta' 16,7 %. Il-volum tal-importazzjonijiet kien baxx minħabba l-effikaċja tal-miżuri antidumping fis-seħħ. Madankollu, iċ-Ċiniżi baqgħu preżenti fis-suq tal-Unjoni billi żammew sehem mis-suq ta' 1,2 % matul l-RIP (ara t-Tabella 2).

(124)

Fir-rieżami tal-iskadenza preċedenti, l-industrija tal-Unjoni wriet sinjali ta' rkupru mill-effetti ta' dumping fil-passat. Matul il-perjodu kkunsidrat, kien hemm tnaqqis fir-ritmu tal-proċess ta' rkupru, bl-indikaturi prinċipali tal-ħsara juru xejra ta' tnaqqis. Barra minn hekk, domanda aktar baxxa għal komoditajiet bl-ingrossa u tnaqqis fil-prezz taż-żejt wasslu għal anqas attività fis-setturi tal-minjieri kif ukoll taż-żejt u l-gass. Sussegwentement, kien hemm impatt negattiv fid-domanda għall-SRC, li kkawża tnaqqis fil-konsum ta' 6 % matul il-perjodu kkunsidrat (ara t-Tabella 1).

(125)

Minħabba tnaqqis gradwali fil-prezzijiet tal-Unjoni matul il-perjodu kkunsidrat, l-industrija tal-Unjoni ma setgħetx tkompli tirkupra mill-effetti ta' dumping fil-passat.

(126)

Matul il-perjodu kkunsidat, il-prezzijiet medji tal-bejgħ tal-industrija tal-Unjoni lil klijenti mhux relatati fl-Unjoni żviluppaw kif ġej:

Tabella 10

Prezzijiet medji tal-bejgħ u l-kostijiet unitarji

(127)

Il-prezz medju tal-bejgħ ta' unità tal-industrija tal-Unjoni lil klijenti mhux relatati fl-Unjoni naqas bi 12 % matul il-perjodu kkunsidrat.

(128)

Fl-istess ħin il-kost medju ta' produzzjoni għal kull unità żdied bi 13 % matul il-perjodu kkunsidrat. Din iż-żieda fil-kost unitarju kienet dovuta prinċipalment għat-tnaqqis fil-produzzjoni u l-volum tal-bejgħ (18 % u 10 % rispettivament matul il-perjodu kkunsidrat fil-premessi (113) (ara t-Tabella 7) u (117) (ara t-Tabella 8). Ta' min jinnota li din iż-żieda fil-kost unitarju seħħet minkejja tnaqqis fil-kost ta' produzzjoni totali matul il-perjodu kkunsidrat. Għalhekk, għalkemm l-industrija tal-Unjoni rnexxielha tnaqqas il-kost totali tal-produzzjoni, din ma kinitx kapaċi tnaqqas il-kost għal kull unità minħabba t-tnaqqis estensiv fil-produzzjoni u fil-volum tal-bejgħ.

(129)

Matul il-perjodu kkunsidrat il-kost lavorattiv medju tal-produtturi tal-Unjoni żviluppa kif ġej:

Tabella 11

Kostijiet lavorattivi medji għal kull impjegat

(130)

B'mod ġenerali, il-kostijiet lavorattivi medji żdiedu ftit bi 3 % matul il-perjodu kkunsidrat wara fluttwazzjonijiet żgħar matul il-perjodu kkunsidrat.

(131)

Il-livelli tal-istokk tal-produtturi tal-Unjoni żviluppaw kif ġej matul il-perjodu kkunsidrat:

Tabella 12

Inventarji

(132)

Il-livell tal-inventarji naqas ftit bi 3 % matul il-perjodu kkunsidrat. Billi l-industrija tal-Unjoni trid iżżomm stokk minimu tal-aktar tipi komuni ta' SRC għal kopertura immedjata tad-domanda, l-inventarji ma setgħux jitnaqqsu aktar u b'riżultat ta' dan il-valur tagħhom bħala perċentwal tal-produzzjoni żdied bi 38 %.

(133)

Il-profittabbiltà, il-fluss tal-flus, l-investimenti u r-redditu fuq l-investimenti tal-industrija tal-Unjoni żviluppaw kif ġej matul il-perjodu kkunsidrat:

Tabella 13

Il-profittabbiltà, il-fluss tal-flus, l-investimenti u r-redditu fuq l-investimenti

(134)

Il-profittabbiltà tal-industrija tal-Unjoni naqset matul il-perjodu kkunsidrat, fl-2013 bdiet b'7,5 % profitt u fil-PIR spiċċat b'telf ta' 1,6 %.

(135)

Il-fluss tal-flus naqas b'mod drastiku matul il-perjodu kkunsidrat b'79 %. Dan huwa indikatur addizzjonali tal-prestazzjoni ħażina tal-industrija tal-Unjoni fl-attivitajiet operattivi u n-nuqqas ta' likwidità li hija kellha tiffaċċja.

(136)

Sussegwentement, l-investimenti naqsu għal 50 % matul il-perjodu kkunsidrat. Minħabba t-tnaqqis fil-marġnijiet ta' profitt u l-pressjoni għolja fuq il-prezzijiet, l-investimenti kienu fil-biċċa l-kbira limitati għal dawk ikkawżati mir-rekwiżiti ambjentali jew ta' sigurtà. Fl-istess ħin, kien hemm biss ftit investimenti għall-operat u t-teknoloġija tal-produzzjoni sabiex tittejjeb l-effiċjenza u l-produttività matul il-perjodu ta' investigazzjoni.

(137)

Ir-redditu fuq l-investimenti jkejjel il-qligħ jew it-telf iġġenerat fuq investiment meta mqabbel mal-ammont ta' flus investiti. Matul il-perjodu kkunsidrat naqas minn 33,3 % għal – 5,2 % fin-negattiv.

(138)

Minħabba d-dazji antidumping fis-seħħ, l-industrija tal-Unjoni kompliet tirkupra mill-effetti ta' dumping ta' ħsara fil-passat għall-ewwel sentejn bejn l-2013-2014 tal-perjodu kkunsidrat, u rnexxielha żżomm marġni ta' profitt li jaqbeż il-profitt fil-mira ta' 5 %.

(139)

Madankollu, domanda aktar baxxa għall-komoditajiet bl-ingrossa u tnaqqis fil-prezz taż-żejt wasslu għal tnaqqis fl-attività fis-setturi tal-minjieri kif ukoll taż-żejt u l-gass. Konsegwentement, id-domanda għall-SRC naqset matul il-perjodu kkunsidrat. L-industrija tal-Unjoni kienet milquta direttament minn dan it-tnaqqis fid-domanda li fisser tnaqqis fil-produzzjoni u l-volum tal-bejgħ tagħha kif ukoll fis-sehem mis-suq tagħha. Fl-istess ħin, is-sehem tal-SRC bi prezz baxx żdied, u dan wassal għal tnaqqis fil-prezzijiet tal-Unjoni u aktar deterjorament tal-prestazzjoni finanzjarja tagħha. Għalhekk, kważi l-indikaturi tal-ħsara kollha ddeterjoraw. Fuq din il-bażi, qed jiġi konkluż li l-industrija tal-Unjoni sofriet ħsara materjali.

(140)

L-importazzjonijiet tal-SRC mir-RPĊ kellhom impatt negattiv limitat fuq il-qagħda dannuża tal-industrija tal-Unjoni. Minħabba l-miżuri fis-seħħ, is-sehem mis-suq tagħha kien baxx matul il-perjodu kkunsidrat. Madankollu, l-importazzjonijiet tal-SRC Ċiniżi baqgħu preżenti fis-suq tal-Unjoni.

(141)

Fl-istess ħin l-importazzjonijiet minn pajjiżi terzi oħra kellhom sehem kumplessiv mis-suq ta' 38,8 %, b'tendenza li jiżdiedu ftit matul il-perjodu kkunsidrat (ara t-Tabella 4). Il-prezzijiet medji tal-importazzjonijiet minn pajjiżi terzi oħra kellhom xejra ta' tnaqqis b'livelli fil-biċċa l-kbira taħt il-livell tal-prezz tal-bejgħ tal-industrija tal-Unjoni fis-suq tal-Unjoni. Għalhekk, dawn l-importazzjonijiet affettwaw il-qagħda dannuża tal-industrija tal-Unjoni b'mod konsiderevoli. Kif diġà ġie analizzat fil-premessi (85)-(89), matul il-perjodu kkunsidrat, dawn irnexxielhom mhux biss iżommu s-sehem mis-suq tagħhom iżda saħansitra jżiduh. Barra minn hekk, matul l-istess perjodu, il-prezz medju tal-importazzjonijiet naqas (il-premessa (89)) u dan kkawża aktar pressjoni 'l isfel fuq il-prezzijiet tal-Unjoni, biex matul il-perjodu kkunsidrat (ara l-premessa (127)) wassal għal tnaqqis fil-prezzijiet tal-Unjoni ta' 12 % u għal aktar deterjorament fil-prestazzjoni finanzjarja tagħha.

(142)

Għalhekk, il-Kummissjoni kkonkludiet li l-Industrija tal-Unjoni bbenefikat mill-miżuri oriġinali, peress li kompliet tirkupra mill-effetti ta' dumping ta' ħsara tal-passat għall-ewwel sentejn (2013-2014) tal-perjodu kkunsidrat. Madankollu, il-proċess ta' rkupru staġna minħabba l-fatturi msemmija hawn fuq.

(143)

Skont l-Artikolu 11(2) tar-Regolament bażiku, il-Kummissjoni eżaminat jekk il-ħsara materjali mill-importazzjonijiet Ċiniżi terġax isseħħ, jekk il-miżuri kontra r-RPĊ jitħallew jiskadu. L-investigazzjoni wriet li l-importazzjonijiet mir-RPĊ saru f'livelli ta' prezzijiet oġġett ta' dumping matul l-RIP (il-premessa (57)) u li probabbilment id-dumping kien ikompli jekk il-miżuri jitħallew jiskadu (il-premessa (70)).

(144)

Sabiex tkun stabbilita l-probabbiltà ta' rikorrenza ta' ħsara, ġew analizzati l-elementi li ġejjin: (i) il-kapaċità tal-produzzjoni u l-kapaċità ta' riżerva disponibbli fir-RPĊ, (ii) il-livelli possibbli tal-prezzijiet tal-importazzjonijiet Ċiniżi jekk il-miżuri jitħallew jiskadu, (iii) l-imġiba tal-produtturi esportaturi Ċiniżi f'pajjiżi terzi oħra, (iv) l-attrattività tas-suq tal-Unjoni u (v) l-impatt tal-importazzjonijiet Ċiniżi fuq is-sitwazzjoni tal-industrija tal-Unjoni jekk il-miżuri jitħallew jiskadu.

(145)

Kif spjegat fil-premessa (60), il-produtturi mir-RPĊ għandhom kapaċità ta' produzzjoni sinifikanti fiċ-Ċina u, bħala riżultat ta' dan għandhom kapaċità ta' riżerva li taqbeż bil-kbir mhux biss il-kwantità tal-esportazzjonijiet lejn l-Unjoni matul l-RIP iżda t-total tal-konsum tal-Unjoni matul l-RIP.

(146)

Barra minn hekk, kif intqal fil-premessa (63) ma kien hemm l-ebda element li jista' jindika xi żieda sinifikanti fid-domanda domestika tal-SRC fir-RPĊ jew fi kwalunkwe suq ta' pajjiż terz ieħor fil-futur qrib. Għalhekk, il-Kummissjoni kkonkludiet li d-domanda domestika fiċ-Ċina jew fi swieq ta' pajjiżi terzi oħra ma setgħetx tassorbi l-kapaċità ta' riżerva disponibbli.

(147)

Madankollu, kif imsemmi fil-premessa (18), l-uniku grupp ta' produtturi esportaturi li kkoopera fir-RPĊ ma rrappurtax il-bejgħ tiegħu mill-esportazzjoni lejn swieq ta' pajjiżi terzi oħra. Għalhekk, fin-nuqqas ta' kwalunkwe informazzjoni oħra, il-bażi tad-data tar-RPĊ intużat biex jiġu stabbiliti l-prezzijiet tal-esportazzjoni Ċiniżi lejn swieq ta' pajjiżi terzi oħra.

(148)

Il-livelli tal-prezzijiet ta' dawn l-esportazzjonijiet kienu kkunsidrati wkoll bħala stima raġonevoli dwar il-livelli ta' prezzijiet futuri possibbli lejn l-Unjoni jekk il-miżuri jitħallew jiskadu.

(149)

Kif spjegat fil-premessa (69), il-prezzijiet tal-esportazzjoni mir-RPĊ lejn swieq tal-esportazzjoni oħra kienu, bħala medja, ferm aktar baxxi mill-prezzijiet tal-esportazzjoni lejn l-Unjoni, jiġifieri b'madwar 30 %. Fuq din il-bażi, ġie konkluż li hemm marġni konsiderevoli għall-produtturi fir-RPĊ biex inaqqsu l-prezzijiet tal-esportazzjoni lejn l-Unjoni.

(150)

Barra minn hekk, il-prezz tal-importazzjoni tal-grupp ta' produtturi esportaturi li kkoopera, mingħajr ma wieħed iqis id-dazji antidumping, waqqa' l-prezzijiet tal-bejgħ tal-industrija tal-Unjoni b'36,3 % matul l-RIP, kif imsemmi fil-premessa (84). Dan huwa kkunsidrat bħala indikazzjoni raġonevoli tal-livelli tal-prezzijiet futuri possibbli għall-Unjoni jekk il-miżuri jitħallew jiskadu.

(151)

Fin-nuqqas ta' informazzjoni oħra disponibbli, il-bażi tad-data tar-RPĊ intużat biex jiġu stabbiliti l-prezzijiet tal-esportazzjoni Ċiniżi lejn swieq terzi oħra, kif spjegat fil-premessi (64) u (65).

(152)

Skont din l-informazzjoni l-prezzijiet tal-esportazzjoni tal-SRC Ċiniżi lejn swieq terzi oħra kienu bħala medja bejn madwar 40 % sa madwar 80 % aktar baxxi mill-prezzijiet tal-bejgħ tal-industrija tal-Unjoni skont is-suq tal-esportazzjoni.

(153)

L-aqwa tliet destinazzjonijiet tal-esportazzjonijiet tal-SRC Ċiniżi f'termini ta' volum matul l-RIP kienu r-Repubblika tal-Korea (123 891 tunnellata jew 11 % mit-total tal-esportazzjonijiet tagħhom), l-Istati Uniti (97 936 tunnellata jew 9 % mit-total tal-esportazzjonijiet tagħhom) u l-Vjetnam (76 344 tunnellata jew 7 % mit-total tal-esportazzjonijiet tagħhom). Il-prezzijiet medji tal-esportazzjoni lejn dawn is-swieq kienu ta' EUR 1 107/tunnellata, EUR 1 444/tunnellata u EUR 781/tunnellata rispettivament. Għalhekk, il-prezzijiet medji għal dawk il-pajjiżi kienu bejn 50 % sa madwar 80 % aktar baxxi mill-prezz medju tal-industrija tal-Unjoni.

(154)

Filwaqt li tiġi kkunsidrata l-analiżi tal-prezzijiet fil-premessa preċedenti, jekk il-miżuri jitħallew jiskadu, il-produtturi esportaturi Ċiniżi jkollhom kapaċità sinifikanti biex inaqqsu l-prezzijiet tal-importazzjoni tagħhom lejn is-suq tal-Unjoni filwaqt li xorta jilħqu prezzijiet ogħla fis-suq tal-Unjoni milli fi swieq oħra ta' pajjiżi terzi. Għalhekk hemm inċentiv kbir għall-produtturi esportaturi Ċiniżi biex idawru l-esportazzjonijiet tagħhom lejn l-Unjoni fejn dawn jistgħu jiksbu prezzijiet ogħla, filwaqt li xorta jkunu jistgħu jwaqqgħu b'mod sinifikanti l-prezzijiet tal-bejgħ tal-industrija tal-Unjoni. Barra minn hekk, huma jkollhom inċentiv biex jesportaw tal-inqas sehem mill-kapaċitajiet ta' riżerva tagħhom bi prezzijiet baxxi lejn is-suq tal-Unjoni.

(155)

Indikazzjoni oħra tal-attrazzjoni tas-suq tal-Unjoni huwa l-fatt li minn mindu ġew imposti l-miżuri, kien hemm tentattivi għal ċirkomvenzjoni mill-esportaturi Ċiniżi li kienu identifikati u newtralizzati kif spjegat fil-premessi (2) u (4).

(156)

Barra minn hekk, il-preżenza tal-importazzjonijiet li kienu oġġett ta' dumping mir-RPĊ minkejja l-miżuri fis-seħħ mill-1999 tikkonferma l-attrazzjoni tas-suq tal-Unjoni.

(157)

Għaldaqstant il-konklużjoni hija li l-produtturi esportaturi fir-RPĊ għandhom il-potenzjal u l-inċentiv li jżidu b'mod sostanzjali l-volum tal-esportazzjonijiet tagħhom tal-SRC lejn l-Unjoni bi prezzijiet li huma oġġett ta' dumping li jwaqqgħu b'mod sostanzjali l-prezzijiet tal-industrija tal-Unjoni, jekk il-miżuri jitħallew jiskadu.

(158)

L-industrija tal-Unjoni, f'każ li din iżżomm il-livell tal-prezzijiet attwali, mhux se tkun tista' żżomm il-volum tal-bejgħ u s-sehem mis-suq tagħha apparagun tal-importazzjonijiet bi prezzijiet baxxi miċ-Ċina. Huwa probabbli ħafna li s-sehem mis-suq Ċiniż se jiżdied b'mod rapidu jekk il-miżuri jitħallew jiskadu. Dan probabbilment ikun għad-detriment tal-industrija tal-Unjoni minħabba li l-livell tal-prezzijiet tagħha huwa l-ogħla. It-telf ta' volum tal-bejgħ iwassal għal livell saħansitra aktar baxx tar-rata ta' użu u żieda fil-medja tal-kost tal-produzzjoni. Dan iwassal għal deterjorament ulterjuri tas-sitwazzjoni finanzjarja tal-industrija tal-Unjoni u tas-sitwazzjoni ta' telf li diġà mmaterjalizzat matul l-RIP.

(159)

Madankollu, jekk l-industrija tal-Unjoni tiddeċiedi li tnaqqas il-livelli tal-prezzijiet tagħha f'tentattiv biex iżżomm il-volum tal-bejgħ u s-sehem mis-suq tagħha, id-deterjorament tas-sitwazzjoni finanzjarja tagħha se jseħħ kważi immedjatament u s-sitwazzjoni ta' telf osservata matul l-RIP tmur għall-agħar b'mod sinifikanti.

(160)

Fiż-żewġ xenarji, l-impatt tal-iskadenza tal-miżuri x'aktarx li jkollu impatt negattiv fuq l-industrija tal-Unjoni, speċjalment fuq l-impjiegi. Matul il-perjodu kkunsidrat, l-industrija tal-Unjoni kienet imġiegħla tnaqqas l-impjiegi relatati mal-prodott b'9 % (ara t-Tabella 9). Deterjorament ulterjuri tas-sitwazzjoni tal-industrija tal-Unjoni jista' jikkawża l-għeluq tal-unitajiet tal-produzzjoni kollha.

(161)

Għalhekk, jista' jiġi konkluż li hemm probabbiltà kbira li l-iskadenza tal-miżuri eżistenti twassal għal rikorrenza tal-ħsara mill-importazzjonijiet Ċiniżi tal-SRC u li l-qagħda diġà dannuża tal-industrija tal-Unjoni x'aktarx li tkompli tmur għall-agħar.

(162)

Matul il-perjodu tar-rieżami tal-iskadenza preċedenti kkunsidrat, bejn l-2007 u l-2010, is-sitwazzjoni ekonomika tal-industrija tal-Unjoni żviluppat b'mod pożittiv. Hija rnexxielha żżomm il-profittabbiltà tagħha qrib il-profitt fil-mira ta' 5 % anki matul l-ewwel sentejn tal-perjodu kkunsidrat attwali għall-2013-2014. Għalhekk, l-industrija tal-Unjoni tat prova li hija industrija strutturalment vijabbli u kapaċi treġġa' lura sitwazzjoni ta' telf. Madankollu, matul il-perjodu kkunsidrat waqt ir-rieżami tal-iskadenza attwali, l-industrija tal-Unjoni reġgħet lura għal qagħda finanzjarja fraġli li hija mistennija li tkompli tmur għall-agħar jekk il-miżuri jiskadu. Din imbagħad ma tkunx kapaċi tirkupra mill-qagħda dannuża attwali u minflok, issofri aktar ħsara minħabba żieda wisq probabbli fl-importazzjonijiet tal-SRC Ċiniżi bi prezzijiet li huma oġġett ta' dumping.

(163)

Huwa rikonoxxut li l-importazzjonijiet tal-SRC mir-Repubblika tal-Korea u minn pajjiżi terzi oħra, minħabba l-volum u l-livelli tal-prezzijiet baxxi tagħhom, huma fatturi li jikkontribwixxu għall-ħsara mġarrba mill-industrija tal-Unjoni. Madankollu, din l-investigazzjoni kienet, skont l-Artikolu 11(2) tar-Regolament bażiku, limitata biex jiġi vvalutat jekk teżistix il-probabbiltà ta' rikorrenza ta' ħsara mill-importazzjonijiet tal-SRC Ċiniżi bi prezz li jagħmel ħsara jekk il-miżuri antidumping attwali jiskadu. Fid-dawl tas-sitwazzjoni fraġli tal-industrija tal-Unjoni, kwalunkwe żieda sinifikanti fl-importazzjonijiet Ċiniżi se taggrava din is-sitwazzjoni minħabba kapaċitajiet ta' riżerva sinifikanti fir-RPĊ, l-attrattività tas-suq tal-Unjoni u l-livelli tal-prezzijiet baxxi possibbli tal-SRC Ċiniżi lejn l-Unjoni.

(164)

Il-fatt li bħalissa l-importazzjonijiet tal-SRC Ċiniżi jidħlu fis-suq tal-Unjoni f'numri ferm inqas milli qabel l-impożizzjoni ta' miżuri juri li d-dazji antidumping attwali rnexxielhom jistabbilixxu mill-ġdid kundizzjonijiet ta' kompetizzjoni mingħajr distorsjoni fost l-esportaturi Ċiniżi tal-prodott soġġett għal rieżami u l-industrija tal-Unjoni. Il-fatt li l-importazzjonijiet mir-Repubblika tal-Korea u pajjiżi terzi oħra waqqgħu l-prezzijiet tal-importazzjonijiet Ċiniżi, ma jdgħajjifx l-obbligi tal-Kummissjoni li tibqa' fi ħdan il-qafas ta' din l-investigazzjoni. Kif stipulat fil-premessa (165), il-Kummissjoni wriet li huwa probabbli ħafna li l-iskadenza tal-miżuri twassal għal rikorrenza ta' ħsara.

(165)

Il-Kummissjoni kkonkludiet li l-irtirar tal-miżuri probabbilment jirriżulta f'żieda sinifikanti ta' importazzjonijiet tal-SRC Ċiniżi oġġett ta' dumping bi prezzijiet li jwaqqgħu l-prezzijiet tal-industrija tal-Unjoni, u b'hekk tkompli taggrava l-ħsara mġarrba mill-industrija tal-Unjoni. Bħala konsegwenza, il-vijabbiltà tal-industrija tal-Unjoni tkun f'riskju serju.

(166)

Skont l-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri antidumping eżistenti tmurx kontra l-interessi tal-Unjoni kollha kemm hi. Id-determinazzjoni tal-interessi tal-Unjoni kienet ibbażata fuq il-valutazzjoni tal-interessi kollha involuti, inklużi dawk tal-industrija tal-Unjoni, tal-importaturi u tal-utenti.

(167)

Il-partijiet interessati kollha ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.

(168)

Ta' min ifakkar li, fir-rieżami tal-iskadenza preċedenti, l-adozzjoni tal-miżuri kienet ikkunsidrata li ma tmurx kontra l-interess tal-Unjoni. Barra minn hekk, il-fatt li din l-investigazzjoni hija rieżami ta' skadenza, u b'hekk tanalizza sitwazzjoni li fiha l-miżuri antidumping diġà kienu fis-seħħ, tippermetti l-valutazzjoni ta' kwalunkwe impatt negattiv mhux dovut fuq il-partijiet ikkonċernati mill-miżuri antidumping attwali.

(169)

Fuq din il-bażi, ġie eżaminat jekk, minkejja l-konklużjonijiet dwar il-probabbiltà ta' kontinwazzjoni ta' dumping u rikorrenza ta' ħsara, kienx hemm raġunijiet konvinċenti li jwasslu għall-konklużjoni li mhuwiex fl-interess tal-Unjoni li jinżammu l-miżuri f'dan il-każ partikolari.

(170)

L-investigazzjoni wriet ukoll li jekk il-miżuri jiskadu, dan x'aktarx ikollu effett negattiv sinifikanti fuq l-industrija tal-Unjoni u s-sitwazzjoni finanzjarja fraġli attwali tagħha tkompli tmur għall-agħar. L-iskadenza tal-miżuri tkun ta' theddida serja għall-vijabbiltà tal-industrija tal-Unjoni, peress li ġġiegħel lill-produtturi tal-Unjoni jagħlqu l-operazzjonijiet tagħhom u dan jagħmel is-suq tal-Unjoni dipendenti għalkollox fuq l-importazzjonijiet tal-SRC.

(171)

Fil-passat, l-industrija tal-Unjoni tat prova li hija industrija vijabbli b'riżultati ekonomiċi u finanzjarji pożittivi. Hija rnexxielha tibqa' profittabbli b'marġni ta' profitt li jaqbeż il-profitt fil-mira.

(172)

Għalhekk, iż-żamma tal-miżuri antidumping fis-seħħ tkun fl-interess tal-industrija tal-Unjoni.

(173)

Kif indikat fil-premessi (20) sa (22) u (24), l-ebda importatur ma kkoopera f'din l-investigazzjoni jew ipprovda l-informazzjoni mitluba. Ta' min jiftakar li fl-investigazzjonijiet preċedenti nstab li l-impatt tal-impożizzjoni tal-miżuri fuq l-importaturi m'għandux ikun sinifikanti. Fin-nuqqas ta' evidenza li tissuġġerixxi mod ieħor, jista' għalhekk jiġi kkonfermat li l-miżuri fis-seħħ bħalissa ma kellhom l-ebda effett negattiv sostanzjali fuq is-sitwazzjoni finanzjarja tagħhom u li l-kontinwità tal-miżuri ma taffettwax b'mod mhux dovut lill-importaturi.

(174)

L-SRC jintużaw f'varjetà wiesgħa ta' applikazzjonijiet, bħas-sajd, l-industrija marittima/tat-trasport marittimu, l-industriji taż-żejt u tal-gass, fil-minjieri, għall-forestrija, għat-trasport bl-ajru, fl-inġinerija ċivili, fil-bini u fil-liftijiet.

(175)

Kif indikat fil-premessi (23) u (24), l-ebda utent ma kkoopera f'din l-investigazzjoni jew ipprovda l-informazzjoni mitluba. Xi utenti li ppreżentaw ruħhom iddikjaraw li jużaw l-SRC b'mod marġinali biss. Għalhekk ġie konkluż, bħal fl-investigazzjonijiet preċedenti, li l-miżuri attwalment fis-seħħ ma kellhom ebda effett sostanzjali negattiv fuq is-sitwazzjoni ekonomika tal-utenti, u li għalhekk il-kontinwazzjoni tal-miżuri ma taffettwax b'mod mhux dovut il-qagħda tal-industriji tal-utent.

(176)

Għalhekk, il-Kummissjoni kkonkludiet li m'hemmx raġunijiet konvinċenti marbuta mal-interessi tal-Unjoni kontra ż-żamma tal-miżuri antidumping definittivi fuq l-importazzjonijiet tal-SRC li joriġinaw mir-RPĊ.

(177)

Il-partijiet interessati kollha ġew mgħarrfa bil-fatti u l-kunsiderazzjonijiet essenzjali li abbażi tagħhom kien maħsub li jiġi rrakkomandat li jinżammu l-miżuri eżistenti fuq l-importazzjonijiet tal-SRC li joriġinaw mir-RPĊ. Ingħataw ukoll perjodu biex jagħmlu rappreżentazzjonijiet wara din id-divulgazzjoni. Ma waslet l-ebda osservazzjoni mingħand l-ebda parti.

(178)

Kif spjegat fil-premessa (6), id-dazji antidumping fis-seħħ fuq importazzjonijiet tal-SRC mir-RPĊ ġew estiżi biex ikopru wkoll l-importazzjonijiet tal-SRC ikkonsenjati mill-Marokk u mir-Repubblika tal-Korea, sew jekk iddikjarati bħala li joriġinaw mill-Marokk jew mir-Repubblika tal-Korea u sew jekk le. Id-dazju antidumping li jrid jinżamm fuq l-importazzjonijiet tal-SRC li joriġinaw mir-RPĊ jenħtieġ li jkompli jiġi estiżi għal importazzjonijiet tal-SRC ikkonsenjati mill-Marokk u mir-Repubblika tal-Korea, sew jekk iddikjarati bħala li joriġinaw mill-Marokk jew mir-Repubblika tal-Korea u sew jekk le. Il-produttur esportatur fil-Marokk eżentat mill-miżuri kif estiżi mir-Regolament (KE) Nru 1886/2004 jenħtieġ li jkun eżentat ukoll mill-miżuri imposti b'dan ir-Regolament. Il-15-il produttur esportatur fir-Repubblika tal-Korea eżentati mill-miżuri kif estiżi mir-Regolament ta' Implimentazzjoni (UE) Nru 400/2010 jenħtieġ li jkunu eżentati wkoll mill-miżuri imposti b'dan ir-Regolament.

(179)

Fid-dawl tal-ġurisprudenza riċenti tal-Qorti tal-Ġustizzja (26) huwa xieraq li tiġi prevista r-rata tal-imgħax ta' inadempjenza li trid titħallas f'każ ta' rimborż tad-dazji definittivi, għax id-dispożizzjonijiet rilevanti fis-seħħ li jikkonċernaw id-dazji doganali ma jipprevedux din ir-rata tal-imgħax, u l-applikazzjoni tar-regoli nazzjonali twassal għal distorsjonijiet mhux dovuti bejn l-operaturi ekonomiċi skont liema Stat Membru jintgħażel għall-ikklerjar doganali.

(180)

Il-miżuri previsti f'dan ir-Regolament huma konformi mal-opinjoni tal-Kumitat stabbilit bl-Artikolu 15(1) tar-Regolament (UE) 2016/1036,

20.4.2018   

MT

Il-Ġurnal Uffiċjali tal-Unjoni Ewropea

L 101/64

(1)

Id-Direttiva 2014/90/UE tagħti setgħat ta' implimentazzjoni lill-Kummissjoni biex tistabbilixxi kriterji tekniċi adattati rigward id-disinn, il-prestazzjoni, it-twaħħil u l-użu ta' dawk it-tikketti elettroniċi.

(2)

Saret analiżi tal-ispejjeż u l-benefiċċji (2) li tat valutazzjoni pożittiva dwar l-użu tat-tikketti elettroniċi bħala suppliment għall-marka tat-tmun.

(3)

It-tikkettar elettroniku tat-tagħmir tal-baħar ma jeħtieġx investiment qawwi iżda joħloq benefiċċji għall-manifatturi, għas-sidien u l-operaturi tal-bastimenti u għall-awtoritajiet tas-sorveljanza tas-suq.

(4)

L-ispeċifikazzjonijiet stipulati f'dan ir-Regolament jibbażaw fuq paragun bejn it-teknoloġiji disponibbli li hemm fil-qafas tal-analiżi tal-ispejjeż u l-benefiċċji, u fuq is-suġġerimenti tagħha għal struttura xierqa tal-kodiċijiet użati għall-identifikazzjoni tat-tagħmir tal-baħar.

(5)

Il-paragun tal-portaturi tad-dejta eżistenti u l-arkitetturi għall-iskambju tad-dejta fil-qafas tal-analiżi tal-ispejjeż u l-benefiċċji wasslu għar-rakkomandazzjoni biex jintużaw il-kodiċijiet tal-matriċi tad-dejta u l-identifikazzjoni bil-frekwenza tar-radju (l-“RFID”) bħala l-aktar teknoloġiji xierqa.

(6)

L-analiżi tal-ispejjeż u l-benefiċċji turi wkoll li n-nuqqas ta' kapaċità ta' ħażna tad-dejta fuq it-tikketta elettronika jimplika li l-informazzjoni fuq it-tikketta elettronika trid tagħti link għall-bażijiet tad-dejta fejn tista' tinstab aktar informazzjoni dettaljata. Il-kodiċijiet tal-matriċi tad-dejta u l-identifikazzjoni bil-frekwenza tar-radju (l-“RFID”) speċifikati minn dan ir-Regolament ikun fihom l-informazzjoni ewlenija li tista' tagħti dan il-link.

(7)

Għaldaqstant għandha tintuża identifikazzjoni unika tat-tagħmir tal-baħar, abbażi ta' struttura ta' kodiċijiet standardizzati li tkun indipendenti mit-tip tat-tikketta elettronika. Din l-identifikazzjoni għandha tkun flessibbli biżżejjed biex l-utenti jkunu jistgħu jiksbu aċċess dirett għall-aktar bażijiet tad-dejta rilevanti għat-tagħmir tal-baħar.

(8)

Il-format ta' kodifikazzjoni tal-informazzjoni meħtieġa dwar tal-portatur tad-dejta jenħtieġ ikun ibbażat fuq l-istandards ISO. Il-format jippermetti wkoll il-possibbiltà ta' kodifikazzjoni ta' informazzjoni addizzjonali biex tintuża mill-manifatturi, b'mod partikolari għax il-manifatturi jenħtieġ ikunu kapaċi jinkorporaw karatteristiċi addizzjonali tas-sigurtà fil-portatur tad-dejta biex jiġu identifikati aħjar il-prodotti ffalsifikati.

(9)

Sabiex ikun jista' jinstab faċilment bi spezzjoni viżwali, it-tagħmir tal-baħar b'tikketti elettroniċi li jieħdu post il-marka tat-tmun jenħtieġ li juri simbolu xieraq.

(10)

Il-miżuri stipulati f'dan ir-Regolament huma skont l-opinjoni tal-Kumitat dwar l-Ibħra Protetti u l-Prevenzjoni ta' Tniġġis minn Bastimenti (“COSS”),

(1)

“tikketta elettronika” tfisser indikatur b'identifikazzjoni bil-frekwenza tar-radju (“RFID”) jew b'kodiċi tal-matriċi tad-dejta;

(2)

“identifikatur tal-applikazzjoni” tfisser prefiss numeriku li jintuża biex jiddefinixxi t-tifsira u l-format ta' elementi tad-dejta kodifikata.

(a)

tikketti tal-RFID imwaħħlin b'mod permanenti fuq tagħmir tal-baħar;

(b)

tikketti li jistgħu jinqraw b'mod ottiku, li jkun fihom kodiċijiet tal-matriċi tad-dejta u li jkunu mwaħħlin b'mod permanenti fuq tagħmir tal-baħar; jew

(c)

tikketti li jistgħu jinqraw b'mod ottiku, li jkun fihom kodiċijiet tal-matriċi tad-dejta u li jkunu mmarkati b'mod permanenti fuq tagħmir tal-baħar;