ISSN 1977-074X
Il-Ġurnal Uffiċjali
tal-Unjoni Ewropea
L 84
Edizzjoni bil-Malti
Leġiżlazzjoni
Volum 61
28 ta' Marzu 2018
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 84 |
|
|
|
||
|
Edizzjoni bil-Malti |
Leġiżlazzjoni |
Volum 61 |
|
|
|
|
|
(1) Test b'rilevanza għaż-ŻEE. |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/1 |
REGOLAMENT TAL-KUNSILL (UE) 2018/511
tat-23 ta' Marzu 2018
li jemenda r-Regolament (UE) 2018/120 fir-rigward ta' ċerti opportunitajiet tas-sajd
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Ir-Regolament tal-Kunsill (UE) 2018/120 (1) jistabbilixxi l-opportunitajiet tas-sajd għall-2018 għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tal-Unjoni, f'ċerti ilmijiet mhux tal-Unjoni. |
|
(2) |
Jenħtieġ li ċerti kodiċijiet ta' rappurtar jiġu mmodifikati sabiex ir-rappurtar tal-qabdiet ikun jista' jsir b'mod preċiż. Jenħtieġ li ċerti referenzi għan-noti f'qiegħ il-paġna u l-formulazzjoni tagħhom jiġu kkoreġuti. |
|
(3) |
Fir-Regolament (UE) 2018/120, il-qabda totali permissibbli (TAC) għaċ-ċiċċirell fid-diviżjonijiet 2a u 3a tal-ICES u fis-subżona 4 tal-ICES kienet stabbilita għal żero. Iċ-ċiċċirell huwa speċi b'ħajja qasira u l-parir xjentifiku rilevanti jkun disponibbli fit-tieni nofs ta' Frar, filwaqt li l-attivitajiet tas-sajd jibdew f'April. |
|
(4) |
Jenħtieġ li l-limiti ta' qbid għaċ-ċiċċirell fid-diviżjonijiet 2a u 3a tal-ICES u fis-subżona 4 tal-ICES issa jiġu emendati f'konformità mal-aħħar parir xjentifiku mill-Kunsill Internazzjonali għall-Esplorazzjoni tal-Baħar (ICES), maħruġ fit-23 ta' Frar 2018. |
|
(5) |
Għas-sajd taċ-ċiċċirell, id-diviżjonijiet 2a u 3a tal-ICES u s-subżona 4 tal-ICES huma maqsuma f'żoni ta' ġestjoni, abbażi ta' parir xjentifiku. Iż-żona ta' ġestjoni 3r tinsab prinċipalment fl-ilmijiet Norveġiżi. Madankollu, din tinkludi wkoll l-ilmijiet tal-Unjoni, u xi sikek tas-sajd importanti transżonali bejn iż-żoni ta' ġestjoni 2r u 3r. Il-parir tal-ICES jindika li, bħala medja, 8 % tal-qabdiet fiż-żona ta' ġestjoni 3r jinqabdu f'ilmijiet tal-Unjoni. Jenħtieġ li l-limiti ta' qbid fl-ilmijiet tal-Unjoni taż-żona ta' ġestjoni 3r jiġu stabbiliti skont dak il-parir. |
|
(6) |
Jenħtieġ li t- TAC għall-bakkaljaw fis-subżona 1 u d-diviżjoni 2b tal-ICES tiġi emendata biex tirrifletti korrettament l-opportunitajiet tas-sajd disponibbli għall-bastimenti tal-Unjoni f'dik iż-żona. |
|
(7) |
Jenħtieġ li jiġi emendat l-għadd massimu ta' bastimenti tas-sajd bil-konz permessi għal Malta fiż-żona tal-Konvenzjoni ICCAT li jistgħu jiġu awtorizzati biex jistadu għat-tonn, iżommuh abbord, jittrasbordawh, jittrasportawh, jew iħottuh l-art, biex jittieħed kont tal-għadd akbar ta' bastimenti li huma awtorizzati jagħmlu dan. |
|
(8) |
Għalhekk jenħtieġ li r-Regolament (UE) 2018/120 jiġi emendat skont dan. |
|
(9) |
Il-limiti tal-qbid previsti fir-Regolament (UE) 2018/120 japplikaw mill-1 ta' Jannar 2018. Għalhekk jenħtieġ li d-dispożizzjonijiet introdotti minn dan ir-Regolament dwar il-limiti tal-qbid japplikaw ukoll minn dik id-data. Tali applikazzjoni retroattiva hija mingħajr preġudizzju għall-prinċipji taċ-ċertezza legali u tal-protezzjoni ta' aspettattivi leġittimi billi l-opportunitajiet tas-sajd ikkonċernati għadhom ma ġewx eżawriti, |
ADOTTA DAN IR-REGOLAMENT:
Artikolu 1
L-Annessi IA, IB u IV għar-Regolament (UE) 2018/120 huma emendati f'konformità mal-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2018.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Marzu 2018.
Għall-Kunsill
Il-President
E. ZAHARIEVA
(1) Ir-Regolament tal-Kunsill (UE) 2018/120 tat-23 ta' Jannar 2018 li jistabbilixxi l-opportunitajiet tas-sajd għall-2018 għal ċerti stokkijiet tal-ħut u ċerti gruppi ta' stokkijiet tal-ħut, applikabbli fl-ilmijiet tal-Unjoni u, għal bastimenti tal-Unjoni, f'ċerti ilmijiet mhux tal-Unjoni, u li jemenda r-Regolament (UE) 2017/127 (ĠU L 27, 31.1.2018, p. 1).
ANNESS
|
1. |
L-Anness IA huwa emendat kif ġej:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
2. |
L-Anness IB huwa emendat kif ġej:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
3. |
Fl-Anness IV, punt 4, it-tabella A hija ssostitwita b'dan li ġej: “Tabella A
|
||||||||||||||||||||||||||||||||||||||||||||||||||||||||||||||||
(1) Għajr l-ilmijiet sa sitt mili nawtiċi mil-linji bażi tar-Renju Unit f'Shetland, Fair Isle u Foula.
(2) Sa 2 % tal-kwota tista' tkun qabdiet aċċessorji tal-merlangu u tal-kavalli (OT1/*2A3A4). Il-qabdiet aċċessorji tal-merlangu u tal-kavalli magħduda mal-kwota skont din id-dispożizzjoni u l-qabdiet aċċessorji tal-ispeċijiet magħduda mal-kwota skont l-Artikolu 15(8) tar-Regolament (UE) Nru 1380/2013, flimkien, ma għandhomx jaqbżu d-9 % tal-kwota.
Kondizzjoni speċjali:
fi ħdan il-limiti tal-kwoti msemmija hawn fuq, ma jistgħux jinqabdu aktar mill-kwantitajiet mogħtija hawn taħt fiż-żoni ta' ġestjoni taċ-ċiċċirell, kif definit fl-Anness IID:
|
||||||||||
|
|
1r |
2r (3) |
3r |
4 |
5r |
6 |
7r |
|||
|
|
(SAN/234_1R) |
(SAN/234_2R) |
(SAN/234_3R) |
(SAN/234_4) |
(SAN/234_5R) |
(SAN/234_6) |
(SAN/234_7R) |
|||
|
Danimarka |
126 837 |
4 717 |
8 177 |
55 979 |
0 |
165 |
0 |
|||
|
Renju Unit |
2 772 |
103 |
179 |
1 224 |
0 |
4 |
0 |
|||
|
Ġermanja |
194 |
7 |
13 |
86 |
0 |
0 |
0 |
|||
|
Żvezja |
4 658 |
173 |
300 |
2 056 |
0 |
6 |
0 |
|||
|
L-Unjoni |
134 461 |
5 000 |
8 669 |
59 345 |
0 |
175 |
0 |
|||
|
Total |
134 461 |
5 000 |
8 669 |
59 345 |
0 |
175 |
0 |
|||
(3) Fiż-żona ta' ġestjoni 2r it-TAC tista' tiġi mistada biss bħala TAC ta' monitoraġġ bi protokoll assoċjata ta' kampjunar għall-attività tas-sajd.”
(4) Esklużivament għall-qabdiet aċċessorji. F'din il-kwota mhuwiex permess sajd dirett.
(5) Iridu jiġu mistada fl-ilmijiet tal-Unjoni ta' 2a, 4, 5b, 6 u 7 (USK/*24X7C).
(6) Kondizzjoni speċjali: li biha tkun awtorizzata qabda inċidentali ta' speċijiet oħra ta' 25 % għal kull bastiment, fi kwalunkwe waqt, f'5b, 6 u 7. Madankollu, dan il-perċentwal jista' jinqabeż fl-ewwel 24 siegħa wara li jibda s-sajd għal xi raġuni speċifika. Il-qabda inċidentali totali ta' speċijiet oħra f'5b, 6 u 7 ma għandhiex taqbeż l-ammont li ġej, ta' f'tunnellati (OTH/*5B67-): 3 000. Il-qabda aċċessorja tal-bakkaljaw skont din id-dispożizzjoni fiż-żona 6a ma tistax tkun iktar minn 5 %.
(7) Inkluż il-lipp. Dawn il-kwoti tan-Norveġja għandhom jiġu mistada biss bil-konzijiet f'5b, 6 u 7:
|
Lipp (LIN/*5B67-) |
7 500 |
|
Tusk (USK/*5B67-) |
2 923 |
(8) Il-kwoti tat-tusk u tal-lipp tan-Norveġja jistgħu jiġu skambjati sa dan l-ammont f'tunnellati: 2 000.”
(9) Jistgħu jsiru trasferimenti ta' din il-kwota lejn l-ilmijiet tal-Unjoni ta' 2a u 4. Madankollu, dawn it-trasferimenti għandhom jiġu notifikati lill-Kummissjoni minn qabel.
(10) Fi ħdan din it-TAC ġenerali għall-istokk tat-Tramuntana tal-merluzz: 111 785.”
(11) Kondizzjoni speċjali: fil-limitu ta' kwantità totali tal-aċċess ta' 21 500 tunnellata għall-Unjoni, l-Istati Membri jistgħu jaqbdu sa mhux iżjed minn dan il-perċentwal tal-kwoti tagħhom fl-ilmijiet tal-Gżejjer Faeroe (WHB/*05-F.): 9,2 %.
(12) Jistgħu jsiru trasferimenti ta' din il-kwota lejn 8c, 9 u 10; L-ilmijiet tal-Unjoni tas-CECAF 34.1.1. Madankollu, dawn it-trasferimenti għandhom jiġu nnotifikati lill-Kummissjoni minn qabel.
(13) Kondizzjoni speċjali: mill-kwoti tal-UE fl-ilmijiet tal-Unjoni u internazzjonali ta' 1, 2, 3, 4, 5, 6, 7, 8a, 8b, 8d, 8e, 12 u 14 (WHB/*NZJM1) u f'8c, 9 u 10; l-ilmijiet tal-Unjoni tas-CECAF 34.1.1 (WHB/*NZJM2), tista' tiġi mistada l-kwantità li ġejja fiż-Żona Ekonomika tan-Norveġja jew fiż-żona tas-sajd ta' madwar Jan Mayen: 227 975.”
(14) Kondizzjoni speċjali: mhux aktar minn 15 % ta' din il-kwota tista' tiġi mistada fl-ilmijiet tal-Unjoni ta' 4 (LIN/*04-C.).
(15) Kondizzjoni speċjali: li biha tkun awtorizzata qabda inċidentali ta' speċijiet oħra ta' 25 % għal kull bastiment, fi kwalunkwe waqt, f'5b, 6 u 7. Madankollu, dan il-perċentwal jista' jinqabeż fl-ewwel 24 siegħa wara li jibda s-sajd għal xi raġuni speċifika. Il-qabda inċidentali totali ta' speċijiet oħra f'5b, 6 u 7 ma għandhiex taqbeż l-ammont li ġej, f'tunnellati (OTH/*6X14.): 3 000. Il-qabda aċċessorja tal-bakkaljaw skont din id-dispożizzjoni fiż-żona 6a ma tistax tkun iktar minn 5 %.
(16) Inkluż it-tusk. Il-kwoti għan-Norveġja għandhom jiġu mistada biss bil-konzijiet f'5b, 6 u 7, u jammontaw għal:
|
Lipp (LIN/*5B67-) |
7 500 |
|
Tusk (USK/*5B67-) |
2 923 |
(17) Il-kwoti tal-lipp u tat-tusk għan-Norveġja jistgħu jiġu skambjati sal-ammont li ġej, f'tunnellati: 2 000
(18) Inkluż it-tusk. Iridu jiġu mistada f'6b u 6a fit-tramuntana ta' 56° 30′ N (LIN/*6BAN.).
(19) Kondizzjoni speċjali: li biha tkun awtorizzata qabda inċidentali ta' speċijiet oħra ta' 20 % għal kull bastiment, fi kwalunkwe waqt, f'6a u 6b. Madankollu, dan il-perċentwal jista' jinqabeż fl-ewwel 24 siegħa wara li jibda s-sajd għal xi raġuni speċifika. Il-qabda inċidentali totali ta' speċijiet oħra f'6a u 6b ma għandhiex taqbeż dan l-ammont, f'tunnellati (OTH/*6AB.): 75.”
(20) Il-kwota tista' tiġi mistada biss fl-ilmijiet tal-Unjoni ta' 3a, is-Sottodiviżjonijiet 22-24.”
(21) Sa 5 % tal-kwota tista' tkun qabdiet aċċessorji tal-minfaħ, tal-merluzz tal-linja sewda, tal-merlangu u tal-kavall (OTH/*4BC7D). Il-qabdiet aċċessorji tal-minfaħ, tal-merluzz tal-linja sewda, tal-merlangu u tal-kavall magħduda mal-kwota skont din id-dispożizzjoni u l-qabdiet aċċessorji tal-ispeċijiet magħduda mal-kwota skont l-Artikolu 15(8) tar-Regolament (UE) Nru 1380/2013, flimkien, ma għandhomx jaqbżu d-9 % tal-kwota.
(22) Kondizzjoni speċjali: sa 5 % ta' din il-kwota mistada fid-diviżjoni 7d tista' tingħadd bħala li kienet mistada taħt il-kwota li tikkonċerna ż-żona li ġejja: ilmijiet tal-Unjoni ta' 2a, 4a, 6, 7a-c, 7e-k, 8a, 8b, 8d u 8e; ilmijiet tal-Unjoni u internazzjonali ta' 5b; ilmijiet internazzjonali ta' 12 u 14 (JAX/*2 A-14).
(23) Jistgħu jiġu mistada fl-ilmijiet tal-Unjoni ta' 4a iżda ma jistgħux jiġu mistada fl-ilmijiet tal-Unjoni ta' 7d (JAX/*04-C.).”
(24) Ħlief il-Ġermanja, Spanja, Franza, il-Polonja, il-Portugall u r-Renju Unit.
(25) L-allokazzjoni tas-sehem tal-istokk tal-bakkaljaw disponibbli għall-Unjoni fiż-żona ta' Spitzbergen u l-Gżira Bear u l-qabdiet aċċessorji assoċjati tal-merluzz tal-linja sewda huma kompletament mingħajr preġudizzju għad-drittijiet u l-obbligi li ġejjin mit-Trattat ta' Pariġi tal-1920.
(26) Il-qabdiet aċċessorji tal-merluzz tal-linja sewda jistgħu jirrappreżentaw sa 14 % għal kull qabda. Il-kwantitajiet tal-qabdiet aċċessorji tal-merluzz tal-linja sewda huma b'żieda mal-kwota għall-bakkaljaw.”
(27) Jistgħu jiġu mistada biss mill-10 ta' Mejju sal-31 ta' Diċembru.
(28) Jistgħu jiġu mistada biss fl-ilmijiet ta' Greenland fiż-Żona ta' Konservazzjoni tar-Redfish li hija kkonfinata mil-linji li jgħaqqdu l-koordinati li ġejjin:
|
Punt |
Latitudni |
Lonġitudni |
|
1 |
64° 45′ N |
28° 30′ W |
|
2 |
62° 50′ N |
25° 45′ W |
|
3 |
61° 55′ N |
26° 45′ W |
|
4 |
61° 00′ N |
26° 30′ W |
|
5 |
59° 00′ N |
30° 00′ W |
|
6 |
59° 00′ N |
34° 00′ W |
|
7 |
61° 30′ N |
34° 00′ W |
|
8 |
62° 50′ N |
36° 00′ W |
|
9 |
64° 45′ N |
28° 30′ W |
(29) Kondizzjoni speċjali: din il-kwota tista' tiġi mistada wkoll fl-ilmijiet internazzjonali taż-Żona ta' Konservazzjoni tar-Redfish imsemmija hawn fuq (RED/*5-14P).
(30) Jistgħu jiġu mistada biss fl-ilmijiet ta' Greenland ta' 5 u 14 (RED/*514GN).”
(31) In-numri li jidhru fit-taqsimiet 1, 2 u 3 jistgħu jonqsu sabiex ikunu konformi mal-obbligi internazzjonali tal-Unjoni.
(32) Bastiment tas-sajd bit-tartaruni tal-borża ta' daqs medju jista' jiġi ssostitwit b'mhux aktar minn 10 bastimenti tas-sajd bil-konzijiet jew b'bastiment tas-sajd bit-tartaruni tal-borża żgħir wieħed flimkien ma' mhux aktar minn tliet bastimenti tas-sajd bil-konzijiet.
(33) Bastiment tas-sajd bit-tartaruni tal-borża ta' daqs medju jista' jiġi ssostitwit b'mhux aktar minn 10 bastimenti tas-sajd bil-konz jew b'bastiment tas-sajd bit-tartaruni tal-borża wieħed żgħir u tliet bastimenti oħra tas-sajd artiġjanali.
(34) Bastiment tas-sajd bit-tartaruni tal-borża ta' daqs medju jista' jiġi sostitwit b'mhux aktar minn 10 bastimenti tas-sajd bil-konzijiet.
(35) Bastimenti polivalenti, li jużaw tagħmir b'iktar minn irkaptu wieħed.
(36) Bastimenti tas-sajd bix-xolfa li joperaw fl-Atlantiku.
(37) Bastimenti polivalenti, li jużaw tagħmir b'iżjed minn irkaptu wieħed (konz, xlief, xlief bir-rixa).”
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/13 |
REGOLAMENT TA' IMPLIMENTAZZJONI TAL-KUNSILL (UE) 2018/512
tas-27 ta' Marzu 2018
li jimplimenta l-Artikolu 15(3) tar-Regolament (UE) Nru 747/2014 dwar miżuri restrittivi fid-dawl tas-sitwazzjoni fis-Sudan
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 747/2014 tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan u li jħassar ir-Regolamenti (KE) Nru 131/2004 u (KE) Nru 1184/2005 (1), u b'mod partikolari l-Artikolu 15(3) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
|
(1) |
Fl-10 ta' Lulju 2014, il-Kunsill adotta r-Regolament (UE) Nru 747/2014. |
|
(2) |
Fl-14 ta' Marzu 2018, il-Kumitat tal-Kunsill tas-Sigurtà tan-Nazzjonijiet Uniti stabbilit bis-saħħa tal-paragrafu 5 tar-Riżoluzzjoni tal-Kunsill tas-Sigurtà tan-Nazzjonijiet Uniti 1591 (2005) aġġorna l-informazzjoni relattiva għal tliet persuni soġġetti għal miżuri restrittivi. |
|
(3) |
Għalhekk jenħtieġ li l -Anness I għar-Regolament (UE) Nru 747/2014 jiġi emendat skont dan, |
ADOTTA DAN IR-REGOLAMENT:
Artikolu 1
L-Anness I għar-Regolament (UE) Nru 747/2014 huwa b'dan emendat kif indikat fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Marzu 2018.
Għall-Kunsill
Il-President
E. ZAHARIEVA
(1) ĠU L 203, 11.7.2014, p. 1.
ANNESS
L-entrati li jikkonċernaw il-persuni elenkati hawn taħt huma sostitwiti bl-entrati li ġejjin:
“2. ALNSIEM, Musa Hilal Abdalla
Psewdonimu: a) Sheikh Musa Hilal; b) Abd Allah; c) Abdallah; d) AlNasim; e) Al Nasim; f) AlNaseem; g) Al Naseem; h) AlNasseem; i) Al Nasseem
Nomina: a) eks-Membru tal-Assemblea Nazzjonali tas-Sudan mid-distrett ta' Al-Waha, b) eks-konsulent speċjali tal-Ministeru għall-Affarijiet Federali, c) Kap Suprem tat-Tribù ta' Mahamid fit-Tramuntana tad-Darfur
Data tat-twelid: a) 1 ta' Jannar 1964; b) 1959;
Post tat-twelid: Kutum;
Indirizz: a) Kabkabiya, is-Sudan; b) Kutum, is-Sudan (Residenti f'Kabkabiya u l-belt ta' Kutum, fit-Tramuntana ta' Darfur u għex f'Khartoum).
Nazzjonalità: Is-Sudan
Passaport: a) Passaport Diplomatiku D014433, maħruġ fil-21 ta' Frar 2013 (Skada fil-21 ta' Frar 2015);
b) Passaport Diplomatiku D009889, maħruġ fis-17 ta' Frar 2011 (Skada fis-17 ta' Frar 2013)
Nru ta' identifikazzjoni nazzjonali: Ċertifikat ta' Nazzjonalità A0680623.
Data tan-nomina min-NU: 25 ta' April 2006.
Informazzjoni oħra: Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5795065
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Rapport mill-Human Rights Watch jiddikjara li għandhom memorandum iddatat it-13 ta' Frar 2004 minn uffiċċju tal-gvern lokali fit-Tramuntana ta' Darfur li jordna lill-“unitajiet tas-sigurtà fil-lokalità” biex “jippermettu li l-attivitajiet tal-mujahideen u l-voluntiera taħt il-kmand tax-Xejk Musa Hilal jipproċedu fiż-żoni tat-[Tramuntana ta' Darfur] u jiżguraw il-ħtiġijiet vitali tagħhom”. Fit-28 ta' Settembru 2005, 400 milizzja Għarbija attakkaw il-villaġġi ta' Aro Sharrow (inkluż il-kamp tiegħu ta' persuni spostati f'pajjiżhom (IDP)), Acho, u Gozmena f'Darfur tal-Punent. Aħna nemmnu wkoll li Musa Hilal kien preżenti waqt l-attakk fuq il-kamp tal-IDP ta' Aro Sharrow: ibnu kien inqatel waqt l-attakk tal-Armata tal-Liberazzjoni Sudaniża (SLA) fuq Shareia, jiġifieri issa kien involut fi ġlieda personali marbuta mal-familja. Hemm raġunijiet validi biex wieħed jemmen li bħala l-Kap Suprem huwa kellu responsabbiltà diretta għal dawn l-azzjonijiet u huwa responsabbli għal ksur tad-dritt internazzjonali umanitarju u dwar id-drittijiet tal-bniedem u għal atroċitajiet oħra.
3. SHAREIF Adam
Psewdonimu: a) Adam Yacub Shant; b) Adam Yacoub
Nomina: Kmandant tal-Armata għal-Liberazzjoni tas-Sudan (ALS).
Data tat-twelid: 1 ta' Jannar 1970
Post tat-twelid: El-Fasher
Nazzjonalità: Is-Sudan
Nru tal-passaport: P00182993, maħruġ fid-19 ta' Lulju 2010 (skada fit-18 ta' Lulju 2015)
Nru ta' identifikazzjoni nazzjonali: 103-0037-6235 (kif imsemmi fil-passaport)
Data tan-nomina min-NU: 25 ta' April 2006.
Informazzjoni oħra: Allegatament deċedut fis-7 ta' Ġunju 2012. Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5283783
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Suldati tal-ALS taħt il-kmand ta' Adam Yacub Shant kisru l-ftehim ta' waqfien mill-ġlied billi attakkaw kontinġent militari tal-Gvern tas-Sudan li kien qed jakkumpanja konvoj ta' trakkijiet qrib Abu Hamra, f'Darfur tat-Tramuntana fit-23 ta' Lulju 2005, fejn qatlu tliet suldati. Wara l-attakk insterqu armi u munizzjoni militari tal-Gvern. Il-Grupp ta' Esperti għandu informazzjoni li tistabbilixxi li l-attakk mis-suldati tas-SLA sar u kien organizzat b'mod ċar; konsegwentement, dan kien ippjanat sew. Huwa għalhekk raġonevoli li wieħed jassumi li, kif ikkonkluda l-Grupp, li Shant, bħala l-Kmandant konfermat tas-SLA fiż-żona, bilfors kellu għarfien ta' u approva/jew ordna l-attakk. Għalhekk, huwa direttament responsabbli mill-attakk u jilħaq il-kriterji biex jitniżżel fil-lista.
4. MAYU, Jibril Abdulkarim Ibrahim
Psewdonimu: a) General Gibril Abdul Kareem Barey; b) ‘Tek’; c) Gabril Abdul Kareem Badri
Nomina: Kmandant Operattiv tal-Moviment Nazzjonali għar-Riforma u l-Iżvilupp (NMRD)
Data tat-twelid: 1 ta' Jannar 1967
Post tat-twelid: El-Fasher, it-Tramuntana tad-Darfur
Nazzjonalità: Sudaniż mit-twelid
Indirizz: Tine, Sudan (Residenti f'Tine, fuq in-naħa Sudaniża tal-fruntiera maċ-Chad)
Numru ta' Identifikazzjoni Nazzjonali: a) 192-3238459-9, b) Ċertifikat ta' nazzjonalità akkwistat permezz tat-twelid 302581
Data tan-nomina min-NU: 25 ta' April 2006.
Informazzjoni oħra: Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5795071
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Mayu huwa responsabbli għall-ħtif ta' persunal tal-Missjoni tal-Unjoni Afrikana fis-Sudan (AMIS) f'Darfur matul Ottubru 2005. Mayu jagħmel tentattiv bil-miftuħ li jisfratta l-missjoni tal-AMIS permezz ta' intimidazzjoni; pereżempju huwa hedded li jispara fuq ħelikopters tal-Unjoni Afrikana (UA) u jwaqqagħhom fiż-żona ta' Jebel Moon f'Novembru 2005. Permezz ta' tali azzjonijiet Mayu kiser biċ-ċar SCR 1591 billi huwa jikkostitwixxi theddida għall-istabbiltà f'Darfur u jissodisfa l-kriterji biex jiġi nominat mill-Kumitat biex ikun soġġett għal sanzjonijiet.”
DEĊIŻJONIJIET
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/16 |
DEĊIŻJONI (UE) 2018/513 TAL-PARLAMENT EWROPEW U TAL-KUNSILL
tal-14 ta' Marzu 2018
dwar il-mobilizzazzjoni tal-Fond Ewropew ta' Aġġustament għall-Globalizzazzjoni wara applikazzjoni ppreżentata mill-Ġermanja — EGF/2017/008 DE/Goodyear
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta' Diċembru 2013 dwar il-Fond Ewropew ta' Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 (1), u b'mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (2), u b'mod partikolari l-punt 13 tiegħu,
Wara li kkunsidraw il-proposta tal-Kummissjoni Ewropea,
Billi:
|
(1) |
Il-Fond Ewropew ta' Aġġustament għall-Globalizzazzjoni (FEG) għandu l-għan li jipprovdi appoġġ lill-ħaddiema li jkunu ngħataw is-sensja u fil-każ ta' persuni li jaħdmu għal rashom meta l-attività tagħhom tkun intemmet b'riżultat ta' bidliet strutturali kbar fl-andament tal-kummerċ dinji minħabba l-globalizzazzjoni, b'riżultat ta' kontinwazzjoni tal-kriżi finanzjarja u ekonomika globali, jew b'riżultat ta' kriżi ekonomika u finanzjarja globali ġdida, u biex jgħinhom fl-integrazzjoni mill-ġdid tagħhom fis-suq tax-xogħol. |
|
(2) |
Il-FEG ma għandux jaqbeż l-ammont massimu annwali ta' EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013 (3). |
|
(3) |
Fis-6 ta' Ottubru 2017, il-Ġermanja ressqet applikazzjoni għall-mobilizzazzjoni tal-FEG, fir-rigward tas-sensji fil-Goodyear Dunlop Tires Germany GmbH fil-Ġermanja. Din ġiet issupplimentata b'informazzjoni addizzjonali pprovduta skont l-Artikolu 8(3) tar-Regolament (UE) Nru 1309/2013. Dik l-applikazzjoni tikkonforma mar-rekwiżiti għad-determinazzjoni ta' kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013. |
|
(4) |
Għalhekk, jenħtieġ li l-FEG jiġi mmobilizzat sabiex jipprovdi kontribuzzjoni finanzjarja ta' EUR 2 165 231 fir-rigward tal-applikazzjoni sottomessa mill-Ġermanja. |
|
(5) |
Biex jitnaqqas kemm jista' jkun iż-żmien għall-mobilizzazzjoni tal-FEG, jenħtieġ li din id-Deċiżjoni tapplika mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2018, il-Fond Ewropew ta' Aġġustament għall-Globalizzazzjoni għandu jiġi mmobilizzat biex jipprovdi l-ammont ta' EUR 2 165 231 f'approprjazzjonijiet ta' impenn u ta' pagament.
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Din għandha tapplika mill-14 ta' Marzu 2018.
Magħmul fi Strasburgu, l-14 ta' Marzu 2018.
Għall-Parlament Ewropew
Il-President
A. TAJANI
Għall-Kunsill
Il-President
L. PAVLOVA
(1) ĠU L 347, 20.12.2013, p. 855.
(2) ĠU C 373, 20.12.2013, p. 1.
(3) Ir-Regolament tal-Kunsill (UE, Euratom) Nru 1311/2013 tat-2 ta' Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/18 |
DEĊIŻJONI (UE) 2018/514 TAL-PARLAMENT EWROPEW U TAL-KUNSILL
tal-14 ta' Marzu 2018
dwar il-mobilizzazzjoni tal-Fond Ewropew ta' Aġġustament għall-Globalizzazzjoni wara applikazzjoni mill-Iżvezja — EGF/2017/007 SE/Ericsson
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta' Diċembru 2013 dwar il-Fond Ewropew ta' Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 (1), u b'mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (2), u b'mod partikolari l-punt 13 tiegħu,
Wara li kkunsidraw il-proposta tal-Kummissjoni Ewropea,
Billi:
|
(1) |
Il-Fond Ewropew ta' Aġġustament għall-Globalizzazzjoni (FEG) għandu l-iskop li jagħti appoġġ lill-ħaddiema li jkunu ngħataw is-sensja u lill-persuni li kienu jaħdmu għal rashom u kellhom iwaqqfu l-attività tagħhom minħabba bidliet strutturali kbar fix-xejriet tal-kummerċ dinji bħala riżultat tal-globalizzazzjoni, bħala riżultat tal-kontinwazzjoni tal-kriżi finanzjarja u ekonomika globali, jew bħala riżultat ta' kriżi finanzjarja u ekonomika globali ġdida, u li jassistihom fir-riintegrazzjoni tagħhom fis-suq tax-xogħol. |
|
(2) |
Il-FEG ma jridx jaqbeż ammont annwali massimu ta' EUR 150 miljun (prezzijiet tal-2011), kif previst fl-Artikolu 12 tar-Regolament tal-Kunsill (UE, Euratom) Nru 1311/2013 (3). |
|
(3) |
Fid-9 ta' Awwissu 2017, l-Iżvezja ssottomettiet applikazzjoni għall-mobilizzazzjoni tal-FEG, fir-rigward tas-sensji fl-Ericsson (Telefonaktiebolaget LM Ericsson) fl-Iżvezja. Din ġiet issupplimentata b'informazzjoni addizzjonali mogħtija skont l-Artikolu 8(3) tar-Regolament (UE) Nru 1309/2013. L-applikazzjoni hija konformi mar-rekwiżiti għad-determinazzjoni ta' kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013. |
|
(4) |
Għaldaqstant, il-FEG għandu jiġi mobilizzat sabiex jagħti kontribuzzjoni finanzjarja li tammonta għal EUR 2 130 400 fir-rigward tal-applikazzjoni mressqa mill-Iżvezja. |
|
(5) |
Sabiex iż-żmien li jittieħed għall-mobilizzazzjoni tal-FEG jitnaqqas kemm jista' jkun, jenħtieġ li din id-deċiżjoni tidħol fis-seħħ mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2018, il-Fond Ewropew ta' Aġġustament għall-Globalizzazzjoni għandu jiġi mmobilizzat biex jipprovdi l-ammont ta' EUR 2 130 400 f'approprjazzjonijiet ta' impenn u ta' pagament.
Artikolu 2
Din id-deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Għandha tapplika mill-14 ta' Marzu 2018.
Magħmul fi Strasburgu, l-14 ta' Marzu 2018.
Għall-Parlament Ewropew
Il-President
A. TAJANI
Għall-Kunsill
Il-President
L. PAVLOVA
(1) ĠU L 347, 20.12.2013, p. 855.
(2) ĠU C 373, 20.12.2013, p. 1.
(3) Ir-Regolament tal-Kunsill (UE, Euratom) Nru 1311/2013 tat-2 ta' Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/20 |
DEĊIŻJONI (UE) 2018/515 TAL-PARLAMENT EWROPEW U TAL-KUNSILL
tal-14 ta' Marzu 2018
dwar il-mobilizzazzjoni tal-Fond Ewropew ta' Aġġustament għall-Globalizzazzjoni wara applikazzjoni ppreżentata minn Spanja — EGF/2017/006 ES/Galicia apparel
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta' Diċembru 2013 dwar il-Fond Ewropew ta' Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 (1), u b'mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (2), u b'mod partikolari l-punt 13 tiegħu,
Wara li kkunsidraw il-proposta tal-Kummissjoni Ewropea,
Billi:
|
(1) |
Il-Fond Ewropew ta' Aġġustament għall-Globalizzazzjoni (minn hawn 'il quddiem “FEG”) għandu l-iskop li jagħti appoġġ lill-ħaddiema li jkunu ngħataw is-sensja u lill-persuni li kienu jaħdmu għal rashom u kellhom iwaqqfu l-attività tagħhom minħabba bidliet strutturali kbar fix-xejriet tal-kummerċ dinji bħala riżultat tal-globalizzazzjoni, bħala riżultat tal-kontinwazzjoni tal-kriżi finanzjarja u ekonomika globali, jew bħala riżultat ta' kriżi finanzjarja u ekonomika globali ġdida, u li jassistihom fir-riintegrazzjoni tagħhom fis-suq tax-xogħol. |
|
(2) |
Il-FEG ma jridx jaqbeż ammont annwali massimu ta' EUR 150 miljun (prezzijiet tal-2011), kif previst fl-Artikolu 12 tar-Regolament tal-Kunsill (UE, Euratom) Nru 1311/2013 (3). |
|
(3) |
Fid-19 ta' Lulju 2017, Spanja ppreżentat applikazzjoni biex timmobilizza l-FEG, fir-rigward ta' sensji f'5 intrapriżi li joperaw fis-settur tal-manifattura tal-ħwejjeġ fir-reġjun tal-Galicia fi Spanja. Din ġiet issupplimentata b'informazzjoni addizzjonali mogħtija skont l-Artikolu 8(3) tar-Regolament (UE) Nru 1309/2013. L-applikazzjoni hija konformi mar-rekwiżiti għad-determinazzjoni tal-kontribuzzjoni finanzjarja mill-FEG kif stabbilit fl-Artikolu 13 tar-Regolament (UE) Nru 1309/2013. |
|
(4) |
F'konformità mal-Artikolu 4(2) tar-Regolament (UE) Nru 1309/2013, l-applikazzjoni minn Spanja titqies ammissibbli peress li s-sensji għandhom impatt serju fuq l-impjiegi u l-ekonomija lokali. |
|
(5) |
Għaldaqstant, jenħtieġ li l-FEG jiġi mobilizzat sabiex jagħti kontribuzzjoni finanzjarja li tammonta għal EUR 720 000 għall-applikazzjoni ppreżentata minn Spanja. |
|
(6) |
Sabiex iż-żmien li jittieħed għall-mobilizzazzjoni tal-FEG jitnaqqas kemm jista' jkun, jenħtieġ li din id-deċiżjoni tidħol fis-seħħ mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni Ewropea stabbilit għas-sena finanzjarja 2018, il-Fond Ewropew ta' Aġġustament għall-Globalizzazzjoni għandu jiġi mobilizzat biex jipprovdi s-somma ta' EUR 720 000 f'approprjazzjonijiet ta' impenn u ta' pagament.
Artikolu 2
Din id-deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Din għandha tapplika mill-14 ta' Marzu 2018.
Magħmul fi Strasburgu, l-14 ta' Marzu 2018.
Għall-Parlament Ewropew
Il-President
A. TAJANI
Għall-Kunsill
Il-President
L. PAVLOVA
(1) ĠU L 347, 20.12.2013, p. 855.
(2) ĠU C 373, 20.12.2013, p. 1.
(3) Ir-Regolament tal-Kunsill (UE, Euratom) Nru 1311/2013 tat-2 ta' Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/22 |
DEĊIŻJONI TA' IMPLIMENTAZZJONI TAL-KUNSILL (PESK) 2018/516
tas-27 ta' Marzu 2018
li timplimenta d-Deċiżjoni 2014/450/PESK dwar miżuri restrittivi fid-dawl tas-sitwazzjoni fis-Sudan
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 31(2) tiegħu,
Wara li kkunsidra d-Deċiżjoni tal-Kunsill 2014/450/PESK tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan u li tħassar id-Deċiżjoni tal-Kunsill 2011/423/PESK (1), u b'mod partikolari l-Artikolu 6 tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
|
(1) |
Fl-10 ta' Lulju 2014, il-Kunsill adotta d-Deċiżjoni 2014/450/PESK. |
|
(2) |
Fl-14 ta' Marzu 2018, il-Kumitat tal-Kunsill tas-Sigurtà tan-Nazzjonijiet Uniti stabbilit bis-saħħa tal-paragrafu 5 tar-Riżoluzzjoni tal-Kunsill tas-Sigurtà tan-Nazzjonijiet Uniti 1591 (2005) aġġorna l-informazzjoni relattiva għal tliet persuni soġġetti għal miżuri restrittivi. |
|
(3) |
Għalhekk jenħtieġ li l-Anness għad-Deċiżjoni 2014/450/PESK jiġi emendat skont dan, |
ADOTTA DIN ID-DEĊIŻJONI:
Artikolu 1
L-Anness għad-Deċiżjoni 2014/450/PESK huwa b'dan emendat kif indikat fl-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, is-27 ta' Marzu 2018.
Għall-Kunsill
Il-President
E. ZAHARIEVA
(1) ĠU L 203, 11.7.2014, p. 106.
ANNESS
L-entrati li jikkonċernaw il-persuni elenkati hawn taħt huma sostitwiti bl-entrati li ġejjin:
“2. ALNSIEM, Musa Hilal Abdalla
Psewdonimu: a) Sheikh Musa Hilal; b) Abd Allah; c) Abdallah; d) AlNasim; e) Al Nasim; f) AlNaseem; g) Al Naseem; h) AlNasseem; i) Al Nasseem
Nomina: a) eks-Membru tal-Assemblea Nazzjonali tas-Sudan mid-distrett ta' Al-Waha, b) eks-konsulent speċjali tal-Ministeru għall-Affarijiet Federali, c) Kap Suprem tat-Tribù ta' Mahamid fit-Tramuntana tad-Darfur
Data tat-twelid: a) 1 ta' Jannar 1964; b) 1959;
Post tat-twelid: Kutum;
Indirizz: a) Kabkabiya, is-Sudan; b) Kutum, is-Sudan (Residenti f'Kabkabiya u l-belt ta' Kutum, fit-Tramuntana ta' Darfur u għex f'Khartoum).
Nazzjonalità: Is-Sudan
Passaport: a) Passaport Diplomatiku D014433, maħruġ fil-21 ta' Frar 2013 (Skada fil-21 ta' Frar 2015);
b) Passaport Diplomatiku D009889, maħruġ fis-17 ta' Frar 2011 (Skada fis-17 ta' Frar 2013)
Nru ta' identifikazzjoni nazzjonali: Ċertifikat ta' Nazzjonalità A0680623.
Data tan-nomina min-NU: 25 ta' April 2006.
Informazzjoni oħra: Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link tal-Internet tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5795065
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Rapport mill-Human Rights Watch jiddikjara li għandhom memorandum iddatat it-13 ta' Frar 2004 minn uffiċċju tal-gvern lokali fit-Tramuntana ta' Darfur li jordna lill-“unitajiet tas-sigurtà fil-lokalità” biex “jippermettu li l-attivitajiet tal-mujahideen u l-voluntiera taħt il-kmand tax-Xejk Musa Hilal jipproċedu fiż-żoni tat-[Tramuntana ta' Darfur] u jiżguraw il-ħtiġijiet vitali tagħhom”. Fit-28 ta' Settembru 2005, 400 milizzja Għarbija attakkaw il-villaġġi ta' Aro Sharrow (inkluż il-kamp tiegħu ta' persuni spostati f'pajjiżhom (IDP)), Acho, u Gozmena f'Darfur tal-Punent. Aħna nemmnu wkoll li Musa Hilal kien preżenti waqt l-attakk fuq il-kamp tal-IDP ta' Aro Sharrow: ibnu kien inqatel waqt l-attakk tal-Armata tal-Liberazzjoni Sudaniża (SLA) fuq Shareia, jiġifieri issa kien involut fi ġlieda personali marbuta mal-familja. Hemm raġunijiet validi biex wieħed jemmen li bħala l-Kap Suprem huwa kellu responsabbiltà diretta għal dawn l-azzjonijiet u huwa responsabbli għal ksur tad-dritt internazzjonali umanitarju u dwar id-drittijiet tal-bniedem u għal atroċitajiet oħra.
3. SHAREIF Adam
Psewdonimu: a) Adam Yacub Shant; b) Adam Yacoub
Nomina: Kmandant tal-Armata għal-Liberazzjoni tas-Sudan (ALS).
Data tat-twelid: 1 ta' Jannar 1970
Post tat-twelid: El-Fasher
Nazzjonalità: Is-Sudan
Nru tal-passport: P00182993, maħruġ fid-19 ta' Lulju 2010 (skada fit-18 ta' Lulju 2015)
Nru ta' identifikazzjoni nazzjonali: 103-0037-6235 (kif imsemmi fil-passaport)
Data tan-nomina min-NU: 25 ta' April 2006.
Informazzjoni oħra: Allegatament deċedut fis-7 ta' Ġunju 2012. Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link tal-Internet tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5283783
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Suldati tal-ALS taħt il-kmand ta' Adam Yacub Shant kisru l-ftehim ta' waqfien mill-ġlied billi attakkaw kontinġent militari tal-Gvern tas-Sudan li kien qed jakkumpanja konvoj ta' trakkijiet qrib Abu Hamra, f'Darfur tat-Tramuntana fit-23 ta' Lulju 2005, fejn qatlu tliet suldati. Wara l-attakk insterqu armi u munizzjoni militari tal-Gvern. Il-Grupp ta' Esperti għandu informazzjoni li tistabbilixxi li l-attakk mis-suldati tas-SLA sar u kien organizzat b'mod ċar; konsegwentement, dan kien ippjanat sew. Huwa għalhekk raġonevoli li wieħed jassumi li, kif ikkonkluda l-Grupp, li Shant, bħala l-Kmandant konfermat tas-SLA fiż-żona, bilfors kellu għarfien ta' u approva/jew ordna l-attakk. Għalhekk, huwa direttament responsabbli mill-attakk u jilħaq il-kriterji biex jitniżżel fil-lista.
4. MAYU, Jibril Abdulkarim Ibrahim
Psewdonimu: a) General Gibril Abdul Kareem Barey; b) ‘Tek’; c) Gabril Abdul Kareem Badri
Nomina: Kmandant Operattiv tal-Moviment Nazzjonali għar-Riforma u l-Iżvilupp (NMRD)
Data tat-twelid: 1 ta' Jannar 1967
Post tat-twelid: El-Fasher, it-Tramuntana tad-Darfur
Nazzjonalità: Sudaniż mit-twelid
Indirizz: Tine, Sudan (Residenti f'Tine, fuq in-naħa Sudaniża tal-fruntiera maċ-Chad)
Numru ta' Identifikazzjoni Nazzjonali: a) 192-3238459-9, b) Ċertifikat ta' nazzjonalità akkwistat permezz tat-twelid 302581
Data tan-nomina min-NU: 25 ta' April 2006.
Informazzjoni oħra: Ritratt disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link tal-Internet tal-Avviż Speċjali tal-Kunsill tas-Sigurtà tan-NU-INTERPOL: https://www.interpol.int/en/notice/search/un/5795071
Informazzjoni mit-taqsira narrattiva tar-raġunijiet għall-elenkar fil-lista pprovduta mill-Kumitat tas-Sanzjonijiet:
Mayu huwa responsabbli għall-ħtif ta' persunal tal-Missjoni tal-Unjoni Afrikana fis-Sudan (AMIS) f'Darfur matul Ottubru 2005. Mayu jagħmel tentattiv bil-miftuħ li jisfratta l-missjoni tal-AMIS permezz ta' intimidazzjoni; pereżempju huwa hedded li jispara fuq ħelikopters tal-Unjoni Afrikana (UA) u jwaqqagħhom fiż-żona ta' Jebel Moon f'Novembru 2005. Permezz ta' tali azzjonijiet Mayu kiser biċ-ċar SCR 1591(2005) billi huwa jikkostitwixxi theddida għall-istabbiltà f'Darfur u jissodisfa l-kriterji biex jiġi nominat mill-Kumitat biex ikun soġġett għal sanzjonijiet.”
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/25 |
DEĊIŻJONI TAL-KUMMISSJONI (UE) 2018/517
tal-21 ta' Marzu 2018
dwar l-inizjattiva taċ-ċittadini proposta bl-isem ta' “Ħbieb Brittaniċi — ibqgħu magħna fl-UE”
(notifikata bid-dokument C(2018) 1730)
(It-test bl-Ingliż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 211/2011 tal-Parlament Ewropew u tal-Kunsill tas-16 ta' Frar 2011 dwar l-inizjattiva taċ-ċittadini (1), u b'mod partikolari l-Artikolu 4 tiegħu,
Billi:
|
(1) |
Is-suġġett tal-inizjattiva proposta bl-isem ta' “Ħbieb Brittaniċi — ibqgħu magħna fl-UE” huwa: “Brexit fl-2016 ma kienx plebixxit vinkolanti, iżda sempliċiment referendum pubbliku sabiex il-Parlament Brittaniku jevalwa l-opinjoni tal-popolazzjoni Brittanika dak iż-żmien.” |
|
(2) |
L-objettivi ewlenin tal-inizjattiva proposta huma: “L-għan tagħna huwa li noħolqu pjattaforma li tippermetti liċ-ċittadini Ewropej kollha jieħdu sehem f'din l-inizjattiva u biex nilħqu l-parti l-kbira taċ-Ċittadini Brittaniċi (inklużi dwak li jgħixu fl-UE li ġew effettivament imċaħħda mid-drittijiet tagħhom fir-referendum oriġinali) u b'hekk nagħtu opportunità liċ-ċittadini Brittaniċi kollha li jagħtu l-opinjoni tagħhom.” |
|
(3) |
It-Trattat dwar l-Unjoni Ewropea (TUE) jirrinforza ċ-ċittadinanza tal-Unjoni u jsaħħaħ aktar il-funzjonament demokratiku tal-Unjoni billi jipprovdi, inter alia, li kull ċittadin ikollu d-dritt li jipparteċipa fil-ħajja demokratika tal-Unjoni permezz ta' inizjattiva taċ-ċittadini Ewropej. |
|
(4) |
Għal dan il-għan, il-proċeduri u l-kondizzjonijiet meħtieġa għall-inizjattiva taċ-ċittadini għandhom ikunu ċari, sempliċi, faċli biex jintużaw u proporzjonati man-natura tal-inizjattiva taċ-ċittadini sabiex titħeġġeġ il-parteċipazzjoni taċ-ċittadini u biex l-Unjoni ssir aktar aċċessibbli. |
|
(5) |
Id-dritt li kwalunkwe Stat Membru jirtira mill-Unjoni Ewropea huwa mnaqqax fl-Artikolu 50(1) tat-TUE, li skontu kull Stat Membru jista' jiddeċiedi, skont il-ħtiġijiet kostituzzjonali tiegħu, li joħroġ mill-Unjoni. |
|
(6) |
Filwaqt li l-Kummissjoni Ewropea jiddispjaċiha għad-deċiżjoni tar-Renju Unit li jirtira mill-Unjoni Ewropea, kif iddikjarat minn Jean-Claude Juncker, il-President tal-Kummissjoni Ewropea flimkien ma' Martin Schulz, il-President tal-Parlament Ewropew, Donald Tusk, il-President tal-Kunsill Ewropew u Mark Rutte, id-Detentur tal-Presidenza tal-Kunsill tal-Unjoni Ewropea, fl-24 ta' Ġunju 2016 (2), ma hemm l-ebda bażi ġuridika fit-Trattati li tippermetti l-adozzjoni ta' att ġuridiku relatat mal-proċess ta' teħid ta' deċiżjonijiet fi Stat Membru b'rabta man-notifika tal-intenzjoni tal-Istat Membru li jirtira mill-Unjoni skont l-Artikolu 50 tat-TUE. |
|
(7) |
Għal dawn ir-raġunijiet, l-inizjattiva taċ-ċittadini proposta bl-isem ta' “Ħbieb Brittaniċi — ibqgħu magħna fl-UE” manifestament taqa' barra mis-setgħat tal-Kummissjoni li tippreżenta proposta għal att ġuridiku tal-Unjoni għall-iskop li timplimenta t-Trattati fis-sens tal-Artikolu 4(2)(b) tar-Regolament, moqri flimkien mal-punt 1 tal-Artikolu 2 tiegħu. |
ADOTTAT DIN ID-DEĊIŻJONI:
Artikolu 1
Ir-reġistrazzjoni tal-inizjattiva proposta bl-isem ta' “Ħbieb Brittaniċi - ibqgħu magħna fl-UE” hija b'dan irrifjutata.
Artikolu 2
Din id-Deċiżjoni hija indirizzata lill-organizzaturi (il-membri tal-kumitat taċ-ċittadini) tal-inizjattiva taċ-ċittadini proposta bl-isem ta' “Ħbieb Brittaniċi — ibqgħu magħna fl-UE”, irrappreżentata minn [Dejta personali mħassra wara konsultazzjoni mal-organizzaturi] li jaġixxu bħala l-persuni ta' kuntatt.
Magħmul fi Brussell, il-21 ta' Marzu 2018.
Għall-Kummissjoni
Frans TIMMERMANS
L-ewwel Viċi President
(2) http://europa.eu/rapid/press-release_STATEMENT-16-2329_mt.htm
|
28.3.2018 |
MT |
Il-Ġurnal Uffiċjali tal-Unjoni Ewropea |
L 84/27 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/518
tas-26 ta' Marzu 2018
li tistabbilixxi l-kundizzjonijiet tas-saħħa tal-annimali u taċ-ċertifikazzjoni veterinarja biex jiddaħħlu mill-ġdid iż-żwiemel reġistrati għall-kompetizzjoni wara esportazzjoni temporanja lejn l-Indoneżja, li temenda l-Anness I tad-Deċiżjoni 93/195/KEE fir-rigward tal-entrata tal-Indoneżja u li temenda l-Anness I tad-Deċiżjoni 2004/211/KE fir-rigward tal-entrata tal-Indoneżja fil-lista ta' pajjiżi terzi u partijiet minnhom minn fejn huma awtorizzati l-importazzjonijiet fl-Unjoni ta' ekwidi ħajjin u ta' semen, ova u embrijuni tal-ispeċi ekwina
(notifikata bid-dokument C(2018) 1725)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2009/156/KE tat-30 ta' Novembru 2009 dwar kundizzjonijiet tas-saħħa tal-annimali li jirregolaw il-moviment u l-importazzjoni minn pajjiżi terzi ta' ekwidi (1), u b'mod partikolari l-Artikolu 12(1) u (4), l-Artikolu 16(2) u l-punti (a) u (b) tal-Artikolu 19 tagħha,
Billi:
|
(1) |
Id-Direttiva 2009/156/KE tistabbilixxi l-kundizzjonijiet tas-saħħa tal-annimali għall-importazzjoni tal-ekwidi ħajjin fl-Unjoni. Hija tipprevedi li l-importazzjonijiet ta' ekwidi fl-Unjoni jiġu awtorizzati biss minn pajjiżi terzi li jissodisfaw ċerti rekwiżiti dwar is-saħħa tal-annimali. |
|
(2) |
L-Anness I tad-Deċiżjoni tal-Kummissjoni 93/195/KEE (2) jistipula listi ta' pajjiżi terzi assenjati lill-gruppi sanitarji A u E. L-Anness VII ta' dik id-Deċiżjoni jinkludi, fost l-oħrajn, mudell ta' ċertifikat tas-saħħa li għandu jintuża għad-dħul mill-ġdid taż-żwiemel reġistrati wara esportazzjoni temporanja għal inqas minn 60 ġurnata, biex jipparteċipaw fl-avvenimenti ekwestri tal-Asian Games u l-Endurance World Cup. |
|
(3) |
L-avvenimenti ekwestri tat-18-il edizzjoni tal-Asian Games se jsiru f'Jakarta, l-Indoneżja mit-18 ta' Awwissu sat-2 ta' Settembru 2018. Dawn l-avvenimenti se jinkludu kompetizzjonijiet tax-Show Jumping, tad-Dressage u tal-Eventing taħt il-patroċinju tal-Fédération Equestre Internationale u se jattiraw ukoll kombinazzjonijiet bejn żiemel u kavallier stabbiliti fl-Unjoni. |
|
(4) |
Sabiex jiġi awtorizzat id-dħul mill-ġdid fl-Unjoni bejn l-10 ta' Awwissu 2018 u l-10 ta' Settembru 2018 ta' żwiemel reġistrati għall-kompetizzjoni wara esportazzjoni temporanja bl-għan li jieħdu sehem fl-Asian Games, u sabiex jiġi provdut mudell ta' ċertifikat tas-saħħa li jakkumpanja lil dawn iż-żwiemel reġistrati, huwa meħtieġ li jiġi stabbilit li dawk iż-żwiemel jistgħu biss jidħlu mill-ġdid fl-Unjoni jekk ikunu akkumpanjati b'ċertifikat tas-saħħa skont il-mudell stipulat fl-Anness VII tad-Deċiżjoni 93/195/KEE. Għal dak il-għan, huwa wkoll meħtieġ li l-Indoneżja tiġi inkluża fil-grupp sanitarju xieraq fl-Anness I ta' dik id-Deċiżjoni. |
|
(5) |
Peress li l-Anness I ġie emendat diversi drabi, jenħtieġ li jiġi aġġornat u sostitwit fl-intier tiegħu għal raġunijiet ta' ċarezza legali. |
|
(6) |
Għalhekk, id-Deċiżjoni 93/195/KEE jenħtieġ li tiġi emendata skont dan. |
|
(7) |
L-Anness I tad-Deċiżjoni tal-Kummissjoni 2004/211/KE (3) jistabbilixxi lista ta' pajjiżi terzi, jew ta' partijiet minnhom fejn tapplika r-reġjonalizzazzjoni, li minnhom l-Istati Membri jawtorizzaw l-importazzjoni ta' ekwidi u ta' semen, ova u embrijuni tagħhom, u jindika l-kundizzjonijiet l-oħra li huma applikabbli għal dawn l-importazzjonijiet. |
|
(8) |
Sabiex jospitaw l-avvenimenti ekwestri tal-Asian Games għall-2018, l-awtoritajiet kompetenti tal-Indoneżja talbu li parti mit-territorju ta' dak il-pajjiż, peress li hija żona li tinsab fuq u madwar korsa tat-tiġrijiet kompletament magħluqa f'żona residenzjali fiċ-ċentru tal-belt ta' Jakarta u li ilha li ġiet żvujtjata mill-ekwini minn Mejju 2016, tiġi rikonoxxuta bħala żona ħielsa mill-mard tal-ekwini. Din iż-żona ħielsa mill-mard tal-ekwini ġiet stabbilita skont ir-rakkomandazzjonijiet tal-Organizzazzjoni Dinjija għas-Saħħa tal-Annimali (OIE) (4) u bl-assistenza ta' esperti. |
|
(9) |
L-awtoritajiet kompetenti tal-Indoneżja pprovdew għadd ta' garanziji, b'mod partikolari fir-rigward tan-notifikabbiltà tal-mard elenkat fl-Anness I tad-Direttiva 2009/156/KE f'pajjiżhom, u wrew l-impenn li jikkonformaw b'mod sħiħ mal-Artikolu 12(2)(f) ta' dik id-Direttiva fir-rigward tan-notifika immedjata ta' mard lill-Kummissjoni u lill-Istati Membri. |
|
(10) |
Skont l-informazzjoni disponibbli mill-Indoneżja u l-Organizzazzjoni Dinjija għas-Saħħa tal-Annimali (OIE), il-marda Afrikana taż-żwiemel, l-enċefalomjelite ekwina tal-Venezwela u l-istomatite vexxikulari qatt ma ġew irrapportati fl-Indoneżja. |
|
(11) |
Filwaqt li ma hemm l-ebda rapporti disponibbli rigward l-okkorrenza ta' durina u ta' glanders matul is-snin preċedenti, l-Indoneżja wettqet stħarriġ seroloġiku komprensiv fuq il-popolazzjoni ekwina fiż-żoni ta' protezzjoni u ta' sorveljanza u ż-żona ta' madwar il-parti ewlenija taż-żona ħielsa mill-mard tal-ekwini fil-parti metropolitana ta' Jakarta, liema stħarriġ kellu riżultati negattivi għall-każijiet kollha tal-marda Afrikana taż-żwiemel u tad-durina. Madankollu, wieħed mis-600 żiemel inklużi fl-istħarriġ ġie djanjostikat bil-glanders permezz tas-seroloġija. |
|
(12) |
Għal perjodu ta' 6 xhur, li formalment beda fil-15 ta' Frar 2018, iż-żona ewlenija li tinkludi l-post magħżul għall-Asian Games se tibqa' ħielsa mill-ekwini u l-miżuri kollha ta' kontroll u ta' bijosigurtà li għandhom x'jaqsmu maż-żona ħielsa mill-marda tal-ekwini se jkunu fis-seħħ sakemm iż-żwiemel parteċipanti jiġu introdotti skont il-protokoll ta' kwarantina miftiehem. |
|
(13) |
Sabiex jiżguraw il-ħarsien sostenibbli tal-istatus tas-saħħa tal-popolazzjoni ekwina fiż-żona ħielsa mill-mard tal-ekwini, l-awtoritajiet Indoneżjani ntrabtu biex iħaddmu faċilità ta' kwarantina f'din iż-żona biex jikkontrollaw id-dħul ta' ekwini minn stabbilimenti f'partijiet oħrajn tal-Indoneżja u minn pajjiżi terzi mhux imsemmija fl-Anness I tad-Deċiżjoni 2004/211/KE. Matul din il-kwarantina ta' qabel id-dħul, l-annimali se jkunu soġġetti għat-testijiet tas-saħħa tal-annimali f'konformità mal-kundizzjonijiet tal-importazzjoni tal-Unjoni applikabbli għall-pajjiżi tal-istess grupp sanitarju. |
|
(14) |
Wara li l-informazzjoni u l-garanziji rrapportati mill-Indoneżja tqiesu bħala sodisfaċenti, jenħtieġ li l-Indoneżja tiġi inkluża fil-lista tal-pajjiżi terzi stipulata fl-Anness I tad-Deċiżjoni 2004/211/KE għad-dħul mill-ġdid ta' żwiemel reġistrati matul il-perjodu bejn l-10 ta' Awwissu u l-10 ta' Settembru 2018. Fl-istess ħin, jenħtieġ li l-Indoneżja tiġi reġjonalizzata għal ċertu mard tal-ekwini. Mil-lat epidemjoloġiku, jenħtieġ li ż-żona ħielsa mill-mard tal-ekwini fl-Indoneżja tiġi assenjata lill-grupp sanitarju C fil-lista fl-Anness I ta' dik id-Deċiżjoni. |
|
(15) |
Għalhekk, id-Deċiżjoni 2004/211/KE jenħtieġ li tiġi emendata skont dan. |
|
(16) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Istati Membri għandhom jawtorizzaw id-dħul mill-ġdid taż-żwiemel reġistrati għall-kompetizzjoni wara esportazzjoni temporanja lejn parti mit-territorju tal-Indoneżja reġjonalizzata għall-parteċipazzjoni fl-Asian Games tal-2018 f'Jakarta, sakemm kull żiemel ikun akkumpanjat minn ċertifikat tas-saħħa debitament mimli skont il-mudell ta' ċertifikat tas-saħħa stipulat fl-Anness VII tad-Deċiżjoni 93/195/KEE, u sakemm ukoll iż-żwiemel u ċ-ċertifikati sanitarji li jakkumpanjawhom ikunu ppreżentati lill-post ta' spezzjoni fil-fruntiera ta' dħul fl-Unjoni fil-perjodu ta' żmien indikat fl-Anness I tad-Deċiżjoni 2004/211/KE.
Artikolu 2
L-Anness I tad-Deċiżjoni 93/195/KEE huwa sostitwit bit-test li jinsab fl-Anness I ta' din id-Deċiżjoni.
Artikolu 3
L-Anness I tad-Deċiżjoni 2004/211/KE huwa emendat skont l-Anness II ta' din id-Deċiżjoni.
Artikolu 4
Din id-Deċiżjoni hija indirizzata lill-Istati Membri.
Għandha tapplika sat-30 ta' Settembru 2018.
Magħmul fi Brussell, is-26 ta' Marzu 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 192, 23.7.2010, p. 1.
(2) Id-Deċiżjoni tal-Kummissjoni 93/195/KEE tat-2 ta' Frar 1993 dwar is-saħħa tal-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta' żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja (ĠU L 86, 6.4.1993, p. 1).
(3) Id-Deċiżjoni tal-Kummissjoni 2004/211/KE tas-6 ta' Jannar 2004 li tistabbilixxi l-lista ta' pajjiżi terzi u ta' partijiet mit-territorju tagħhom li minnhom l-Istati Membri jawtorizzaw l-importazzjoni ta' ekwini ħajjin u ta' semen, ova u embrijuni tal-ispeċi ekwina, u li temenda d-Deċiżjonijiet 93/195/KEE u 94/63/KE (ĠU L 73, 11.3.2004, p. 1).
(4) http://www.oie.int/our-scientific-expertise/specific-information-and-recommendations/international-competition-horse-movement/equine-disease-free-zones/
ANNESS I
ANNESS I
Grupp Sanitarju A (1)
L-Iżvizzera (CH), Greenland (GL), l-Iżlanda (IS)
Grupp Sanitarju B (1)
L-Awstralja (AU), il-Belarussja (BY), il-Montenegro (ME), l-Eks-Repubblika Jugoslava tal-Maċedonja (2) (MK), New Zealand(NZ), is-Serbja (RS), ir-Russja (3) (RU), l-Ukrajna (UA)
Grupp Sanitarju C (1)
Il-Kanada (CA), iċ-Ċina (3) (CN), Hong Kong (HK), l-Indoneżja (3) (4) (ID), il-Ġappun (JP), ir-Repubblika tal-Korea (KR), il-Macao (MO), il-Malasja (peniżola) (MY), Singapore (SG), it-Tajlandja (TH), l-Istati Uniti tal-Amerka (US)
Grupp Sanitarju D (1)
L-Arġentina (AR), Barbados (BB), il-Bermuda (BM), il-Bolivja (BO), il-Brażil (3) (BR), iċ-Ċili (CL), il-Costa Rica (3) (CR), Kuba (CU), il-Ġamajka (JM), il-Messiku (3) (MX), il-Perù (3) (PE), il-Paragwaj (PY), l-Urugwaj (UY)
Grupp Sanitarju E (1)
L-Emirati Għarab Magħquda (AE), il-Bahrain (BH), l-Alġerija (DZ), l-Iżrael (5) (IL), il-Ġordan (ĠO), il-Kuwajt (KW), il-Libanu (LB), il-Marokk (MA), l-Oman (OM), il-Qatar (QA), l-Arabja Sawdija (3) (SA), it-Tuneżija (TN), it-Turkija (3) (TR).
ANNESS II
L-Anness I tad-Deċiżjoni 2004/211/KE huwa emendat kif ġej:
|
(1) |
Fit-tabella, tiddaħħal l-entrata li ġejja għall-Indoneżja, fl-ordni alfabetika tal-Kodiċi ISO, bejn l-entrati għal Honk Kong u l-Iżrael:
|
|
(2) |
Tiżdied il-Kaxxa 9 li ġejja:
|
||||||||||||