21.3.2018   

MT

Il-Ġurnal Uffiċjali tal-Unjoni Ewropea

L 78/1

21.3.2018   

MT

Il-Ġurnal Uffiċjali tal-Unjoni Ewropea

L 78/2

(1)

Ir-Regolament (UE) 2015/2283 jipprevedi li huwa biss l-ikel ġdid awtorizzat u inkluż fil-lista tal-Unjoni li jista' jitqiegħed fis-suq fl-Unjoni.

(2)

Ir-Regolament ta' Implimentazzjoni tal-Kummissjoni (UE) 2017/2470 (2), li jistabbillixxi lista tal-Unjoni ta' ikel ġdid awtorizzat, ġie addottat skont l-Artikolu 8 tar-Regolament (UE) 2015/2283.

(3)

Skont l-Artikolu 12 tar-Regolament (UE) 2015/2283, il-Kummissjoni għandha tissottometti abbozz ta' att ta' implimentazzjoni dwar it-tqegħid fis-suq tal-Unjoni ta' ikel ġdid u dwar l-aġġornament tal-lista tal-Unjoni.

(4)

Skont l-Artikolu 35(1) tar-Regolament (UE) 2015/2283, kwalunkwe talba għat-tqegħid fis-suq ta' ikel ġdid fi ħdan l-Unjoni ippreżentata lil Stat Membru skont l-Artikolu 4 tar-Regolament (KE) Nru 258/97 tal-Parlament Ewropew u tal-Kunsill (3) u li għaliha ma tteħditx deċiżjoni finali qabel l-1 ta' Jannar 2018 għandha tiġi trattata bħala applikazzjoni sottomessa skont ir-Regolament (UE) 2015/2283.

(5)

Fl-14 ta' Mejju 2015, il-kumpanija Botamedi Inc. għamlet talba lill-awtorità kompetenti tal-Irlanda biex tqiegħed fis-suq il-florotannini estratti mill-alga marina li tittiekel Ecklonia cava (“florotannini Ecklonia cava”) bħala ingredjent ġdid fi ħdan it-tifsira tal-punt (c) tal-Artikolu 1(2) tar-Regolament (KE) Nru 258/97. L-applikazzjoni titlob biex il-florotannini Ecklonia cava jintużaw bħala supplimenti tal-ikel għall-popolazzjoni ġenerali, minbarra għat-tfal ta' taħt it-12-il sena.

(6)

Filwaqt li t-talba għat-tqegħid tal-florotannini Ecklonia cavabħala ingredjent ġdid tal-ikel fis-suq tal-Unjoni ġiet sottomessa skont l-Artikolu 4 tar-Regolament (KE) Nru 258/97, l-applikazzjoni tissodisfa wkoll ir-rekwiżiti stabbiliti fir-Regolament (UE) 2015/2283.

(7)

Fid-29 ta' Marzu 2016, l-awtorità kompetenti tal-Irlanda ħarġet ir-rapport ta' valutazzjoni inizjali tagħha. F'dak ir-rapport din waslet għall-konklużjoni li skont l-Artikolu 6(3) tar-Regolament (KE) Nru 258/97 hija meħtieġa valutazzjoni addizzjonali għall-florotannini Ecklonia cava.

(8)

Fl-10 ta' Mejju 2016, il-Kummissjoni għaddiet ir-rapport ta' valutazzjoni inizjali lill-Istati Membri l-oħra. L-Istati Membri, fi żmien il-perjodu ta' 60 jum stabbilit fl-ewwel subparagrafu tal-Artikolu 6(4) tar-Regolament (KE) Nru 258/97, qablu mar-rapport ta' valutazzjoni inizjali tal-Irlanda.

(9)

Fid-dawl tar-rapport ta' valutazzjoni inizjali maħruġ mill-Irlanda, li l-Istati Membri l-oħra qablu miegħu, fit-22 ta' Lulju 2016, il-Kummissjoni kkonsultat lill-Awtorità Ewropea dwar is-Sigurtà fl-Ikel (l-EFSA) u talbitha tagħmel valutazzjoni oħra għall-florotannini Ecklonia cava bħala ingredjent tal-ikel ġdid skont ir-Regolament (KE) Nru 258/97.

(10)

Fl-20 ta' Settembru 2017, l-EFSA adottat “Scientific Opinion on the safety of Ecklonia cava phlorotannins as a novel food pursuant to Regulation (KE) Nru 258/97” (4). Din l-opinjoni, għalkemm elaborata u adottata mill-EFSA skont ir-Regolament (KE) Nru 258/97, hija konformi mar-rekwiżiti tal-Artikolu 11 tar-Regolament (UE) 2015/2283.

(11)

L-opinjoni tal-EFSA enfasizzat li l-konsum tal-jodju minn supplimenti tal-ikel li fihom il-florotannini Ecklonia cava jista' jkun ta' tħassib għan-nies f'riskju li jimirdu bit-tirojde, u li, jekk persuni li mhumiex f'riskju li jimirdu bit-tirojde, jieħdu supplimenti tal-ikel li fihom il-florotannini Ecklonia cava minbarra supplimenti tal-ikel oħrajn li fihom il-jodju, il-konsum ta' jodju ġenerali tagħhom jista' jaqbeż il-limitu massimu stabbilit għall-jodju (5). Supplimenti tal-ikel li fihom il-florotannini Ecklonia cava għandhom għalhekk jiġu ttikkettati kif xieraq.

(12)

Barra minn hekk, filwaqt li jiġi kkunsidrat l-użu maħsub u l-fatt li t-talba għall-awtorizzazzjoni teskludi t-tfal taħt l-età ta' 12-il sena, is-supplimenti tal-ikel li fihom il-florotannini Ecklonia cava għandhom ukoll ikunu ttikkettati b'mod xieraq f'dan ir-rigward.

(13)

Minn dan isegwi, li l-opinjoni tal-EFSA tagħti biżżejjed raġunijiet biex jiġi stabbilit li l-florotannini Ecklonia cava fl-użi u l-livelli tal-użu proposti meta użati bħala ingredjent fis-supplimenti tal-ikel, jikkonformaw mal-kriterji stabbiliti fl-Artikolu 12(1) tar-Regolament (UE) 2015/2283.

(14)

Id-Direttiva 2002/46/KE tal-Parlament Ewropew u tal-Kunsill (6) jistipula r-rekwiżiti dwar is-supplimenti tal-ikel. L-użu tal-florotannini Ecklonia cava għandu jkun awtorizzat mingħajr preġudizzju għal dik id-Direttiva.

(15)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

21.3.2018   

MT

Il-Ġurnal Uffiċjali tal-Unjoni Ewropea

L 78/7

(1)

Ir-Regolament (UE) 2015/2283 jipprevedi li ikel ġdid jista' jitqiegħed fis-suq tal-Unjoni biss jekk ikun ġie awtorizzat u inkluż fil-lista tal-Unjoni.

(2)

Skont l-Artikolu 8 tar-Regolament (UE) 2015/2283, ġie adottat ir-Regolament ta' Implimentazzjoni tal-Kummissjoni (UE) 2017/2470 (2), li jistabbilixxi lista tal-Unjoni tal-ikel ġdid awtorizzat.

(3)

Skont l-Artikolu 12 tar-Regolament (UE) 2015/2283, il-Kummissjoni għandha tissottometti abbozz ta' att ta' implimentazzjoni dwar it-tqegħid fis-suq tal-Unjoni ta' ikel ġdid, kif ukoll dwar l-aġġornament tal-lista tal-Unjoni.

(4)

Fit-23 ta' Awwissu 2010, il-kumpanija Ametis JSC bagħtet talba lill-awtorità kompetenti tar-Renju Unit biex tqiegħed fis-suq tal-Unjoni l-estratt rikk fit-tassifolina mill-injam tal-Lerċi tad-Daħurja (Larix gmelinii (Rupr.) Rupr) bħala ingredjent ta' ikel ġdid fit-tifsira tal-punt (e) tal-Artikolu 1(2) tar-Regolament (KE) Nru 258/97 tal-Parlament Ewropew u tal-Kunsill (3). L-applikazzjoni talbet li l-estratt rikk fit-tassifolina jkun jista' jintuża f'supplimenti tal-ikel għal popolazzjoni ikbar minn 14-il sena, kif ukoll f'xorb mhux alkoħoliku, fil-jogurt u f'dolċerija taċ-ċikkulata għall-popolazzjoni ġenerali għajr it-trabi, it-tfal żgħar u t-tfal sal-età ta' disa' snin.

(5)

Fit-13 ta' Diċembru 2016, l-EFSA adottat l-opinjoni tagħha “Scientific Opinion on the safety of taxifolin-rich extract as a novel food pursuant to Regulation (KE) Nru 258/97” (4), fejn ikkonkludiet li l-estratt rikk fit-tassifolina huwa sikur għall-użi u għal-livelli ta' użu proposti.

(6)

Id-Deċiżjoni ta' Implimentazzjoni tal-Kummissjoni (UE) 2017/2079 (5) awtorizzat, skont ir-Regolament (KE) Nru 258/97, it-tqegħid fis-suq tal-estratt rikk fit-tassifolina mill-injam tal-Lerċi tad-Daħurja (Larix gmelinii (Rupr.) Rupr) bħala ikel ġdid għall-użu f'supplimenti tal-ikel maħsubin għall-popolazzjoni ġenerali, għajr it-trabi, it-tfal iż-żgħar, it-tfal u l-adolexxenti li jkollhom inqas minn 14-il sena.

(7)

Dan ir-Regolament ta' Implimentazzjoni jittratta l-bqija tal-użi u tal-livelli ta' użu li għalihom l-applikant kien qed jitlob l-awtorizzazzjoni. Il-Kummissjoni bdiet evalwazzjoni ulterjuri qabel ma ħadet deċiżjoni aħħarija dwar l-ambitu sħiħ tal-applikazzjoni, sabiex tiżgura li l-estratt rikk fit-tassifolina huwa sikur ukoll meta jiġi kkonsmat f'forom oħra għajr supplimenti tal-ikel mit-trabi, mit-tfal żgħar, u mit-tfal ta' inqas minn disa' snin.

(8)

Fit-3 ta' Mejju 2017, l-applikant ġie infurmat bit-talba addizzjonali tal-Kummissjoni lill-EFSA, u qabel magħha. Fl-istess ħin, l-applikant talab ukoll estensjoni ulterjuri għall-użu u għall-kundizzjonijiet tal-użu tal-estratt rikk fit-tassifolina biex ikun kopert ukoll l-użu bħala ikel ġdid fi prodotti tal-ħalib għall-popolazzjoni ġenerali, kif ukoll l-inklużjoni, fl-informazzjoni dwar l-ispeċifikazzjonijiet tal-ikel ġdid, ta' isem kimiku li ma kienx inkluż fl-applikazzjoni oriġinali iżda ġie inkluż fl-opinjoni tal-EFSA tal-2016. Għal dawn l-estensjonijiet tal-użu, l-applikant ipprovda informazzjoni addizzjonali lill-EFSA.

(9)

Fit-28 ta' Ġunju 2017, il-Kummissjoni kkonsultat mal-EFSA, u talbitha twettaq valutazzjoni supplimentari tas-sikurezza għall-estratt rikk fit-tassifolina fix-xorb mhux alkoħoliku, fid-dolċerija taċ-ċikkulata u fil-prodotti tal-ħalib għal kull grupp tal-popolazzjoni.

(10)

Skont l-Artikolu 35(1) tar-Regolament (UE) 2015/2283, kull talba biex ikel ġdid jitqiegħed fis-suq tal-Unjoni, imressqa lil Stat Membru skont l-Artikolu 4 tar-Regolament (KE) Nru 258/97, u li għaliha ma tkunx ittieħdet deċiżjoni aħħarija qabel l-1 ta' Jannar 2018, għandha tiġi ttrattata bħala applikazzjoni mressqa skont ir-Regolament (UE) 2015/2283.

(11)

Fil-25 ta' Ottubru 2017, l-EFSA adottat l-opinjoni “Scientific Opinion on the safety of taxifolin-rich extract” (6). Din l-opinjoni, anki jekk ġiet elaborata u adottata mill-EFSA skont ir-Regolament (KE) Nru 258/97, hija konformi mar-rekwiżiti tal-Artikolu 11 tar-Regolament (UE) 2015/2283.

(12)

L-opinjoni tagħti biżżejjed raġunijiet biex jiġi stabbilit li l-estratt rikk fit-tassifolina, meta jintuża bħala ingredjent fix-xorb mhux alkoħoliku, fil-prodotti tal-ħalib u fid-dolċerija taċ-ċikkulata, u filwaqt li jitqies kull grupp tal-popolazzjoni, huwa konformi mal-Artikolu 12(1) tar-Regolament (UE) 2015/2283.

(13)

Ir-Regolament (UE) Nru 1308/2013 tal-Parlament Ewropew u tal-Kunsill (7) jistipula rekwiżiti għall-ħalib u għall-prodotti tal-ħalib, li japplikaw għall-estratt rikk fit-tassifolina meta jintuża bħala ingredjent fil-prodotti tal-ħalib. Skont il-punt 2 tal-Parti III tal-Anness VII tiegħu, l-estratt rikk fit-tassifolina ma jista' jintuża fil-prodotti tal-ħalib biex jissostitwixxi, għalkollox jew parzjalment, lil ebda kostitwent tal-ħalib. Għaldaqstant, l-użu tal-estratt rikk fit-tassifolina bħala ikel ġdid fil-prodotti tal-ħalib għandu jiġi limitat skont dan.

(14)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

21.3.2018   

MT

Il-Ġurnal Uffiċjali tal-Unjoni Ewropea

L 78/11

(1)

Ir-Regolament (UE) 2015/2283 jistipula li ikel ġdid jista' jitqiegħed fis-suq tal-Unjoni biss jekk ikun ġie awtorizzat u huwa inkluż fil-lista tal-Unjoni.

(2)

Ir-Regolament ta' Implimentazzjoni tal-Kummissjoni (UE) 2017/2470 li jistabbilixxi lista tal-Unjoni ta' ikel ġdid awtorizzat (2), ġie adottat skont l-Artikolu 8 tar-Regolament (UE) 2015/2283.

(3)

Skont l-Artikolu 12 tar-Regolament (UE) 2015/2283, jenħtieġ li l-Kummissjoni tissottometti abbozz ta' att ta' implimentazzjoni dwar it-tqegħid fis-suq tal-Unjoni ta' ikel ġdid, kif ukoll dwar l-aġġornament tal-lista tal-Unjoni.

(4)

Fil-25 ta' Lulju 2013, il-kumpanija Tetrahedron għamlet talba lill-awtoritajiet kompetenti ta' Franza biex tqiegħed l-L-ergotijoneina sintetika (“L-ergotijoneina”) fis-suq tal-Unjoni bħala ingredjent tal-ikel ġdid skont it-tifsira tal-punt (c) tal-Artikolu 1(2) tar-Regolament (KE) Nru 258/97 tal-Parlament Ewropew u tal-Kunsill (3). Fl-applikazzjoni ntalab li biex l-L-ergotijoneina tkun tista' tintuża f'supplimenti tal-ikel għall-popolazzjoni ġenerali, minbarra nisa tqal u li jreddgħu, u għat-tfal li għandhom iktar minn tliet snin, u biex tintuża f'xorb mhux alkoħoliku, fi prodotti tal-ħalib frisk, f'xarbiet magħmula mill-ħalib, fil-bars taċ-ċereali u fiċ-ċikkulata għall-popolazzjoni ġenerali, minbarra nisa' tqal u li jreddgħu, trabi u tfal żgħar.

(5)

Fis-26 ta' Ottubru 2016, l-EFSA adottat l-opinjoni tagħha “Scientific Opinion on the safety of L-ergothioneine as a novel food pursuant to Regulation (KE) Nru 258/97” (4), fejn ikkonkludiet li l-L-ergotijoneina hija sikura għall-użi u għal-livelli ta' użu proposti.

(6)

Id-Deċiżjoni ta' Implimentazzjoni tal-Kummissjoni (UE) 2017/1281 (5) awtorizzat, f'konformità mar-Regolament (KE) Nru 258/97, it-tqegħid fis-suq tal-L-ergotijoneina bħala ingredjent tal-ikel ġdid biex jintuża fis-supplimenti tal-ikel maħsuba għall-popolazzjoni ġenerali, minbarra t-trabi u t-tfal żgħar, in-nisa tqal u li jreddgħu.

(7)

Dan ir-Regolament ta' Implimentazzjoni jittratta l-bqija tal-użi u tal-livelli ta' użu li għalihom l-applikant kien qed ifittex l-awtorizzazzjoni. Il-Kummissjoni bdiet evalwazzjoni ulterjuri qabel ma ħadet deċiżjoni aħħarija dwar l-ambitu sħiħ tal-applikazzjoni, sabiex tiżgura li l-L-ergotijoneina tkun sikura anki meta tiġi kkonsmata f'forom oħra apparti supplimenti tal-ikel mit-trabi, mit-tfal żgħar, min-nisa tqal u li jreddgħu.

(8)

Fis-26 ta' April 2017, l-applikant ġie infurmat bit-talba addizzjonali tal-Kummissjoni lill-EFSA, u qabel magħha.

(9)

Fid-19 ta' Mejju 2017, il-Kummissjoni kkonsultat lill-EFSA u talbitha twettaq valutazzjoni tas-sikurezza supplimentari għal-L-ergotijoneina f'xorb mhux alkoħoliku, fi prodotti tal-ħalib frisk, f'xarbiet magħmula mill-ħalib, fil-bars taċ-ċereali u fiċ-ċikkulata għal nisa tqal u li jreddgħu, trabi u tfal żgħar.

(10)

Skont l-Artikolu 35(1) tar-Regolament (UE) 2015/2283, kull talba biex ikel ġdid jitqiegħed fis-suq tal-Unjoni, imressqa lil Stat Membru skont l-Artikolu 4 tar-Regolament (KE) Nru 258/97 dwar l-ikel il-ġdid u l-ingredjenti tal-ikel il-ġdid, u li għaliha ma tkunx ittieħdet deċiżjoni qabel l-1 ta' Jannar 2018, għandha tiġi ttrattata bħala applikazzjoni mressqa skont ir-Regolament (UE) 2015/2283.

(11)

Fil-25 ta' Ottubru 2017, l-EFSA adottat l-opinjoni “Scientific Opinion on the safety of L-ergothioneine” (6). Din l-opinjoni, anki jekk ġiet elaborata u adottata mill-EFSA skont ir-Regolament (KE) Nru 258/97, hija bi qbil mar-rekwiżiti tal-Artikolu 11 tar-Regolament (UE) 2015/2283.

(12)

L-opinjoni tagħti biżżejjed raġunijiet biex jiġi stabbilit li l-L-ergotijoneina, meta tintuża bħala ingredjent fix-xorb mhux alkoħoliku, fil-prodotti tal-ħalib frisk, fix-xarbiet magħmula mill-ħalib, fil-bars taċ-ċereali u fid-dolċerija taċ-ċikkulata, filwaqt li jitqies kull grupp tal-popolazzjoni, hija konformi mal-Artikolu 12(1) tar-Regolament (UE) 2015/2283.

(13)

Ir-Regolament (UE) Nru 1308/2013 tal-Parlament Ewropew u tal-Kunsill li jistabbilixxi organizzazzjoni komuni tas-swieq fi prodotti agrikoli (7) jistipula rekwiżiti għall-ħalib u l-prodotti tal-ħalib, li japplikaw għal-L-ergotijoneina meta tintuża bħala ingredjent fil-prodotti tal-ħalib. Skont il-punt 2 tal-Parti III tal-Anness VII tiegħu, l-L-ergotijoneina ma tistax tintuża fil-prodotti tal-ħalib biex tissostitwixxi, għalkollox jew parzjalment, lil kwalunkwe kostitwent tal-ħalib. Għaldaqstant, l-użu tal-L-ergotijoneina bħala ikel ġdid fil-prodotti tal-ħalib irid jiġi limitat kif xieraq.

(14)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

21.3.2018   

MT

Il-Ġurnal Uffiċjali tal-Unjoni Ewropea

L 78/15

(1)

Fl-20 ta' Diċembru 2017, il-Kummissjoni, wara s-smigħ tal-Bord Uniku ta' Riżoluzzjoni (“il-Bord”), fis-sessjoni plenarja tagħha, adottat lista qasira ta' kandidati għall-kariga ta' membru tal-Bord u pprovdietha lill-Parlament Ewropew.

(2)

Il-Kunsill ġie infurmat bil-lista qasira fl-istess jum.

(3)

Skont l-Artikolu 56(5) tar-Regolament (UE) Nru 806/2014, il-mandat ta' membru full-time tal-Bord huwa ta' ħames snin.

(4)

Fl-14 ta' Frar 2018, il-Kummissjoni adottat proposta għall-ħatra ta' Boštjan Jazbec bħala membru tal-Bord u ppreżentatha lill-Parlament Ewropew għall-approvazzjoni,

21.3.2018   

MT

Il-Ġurnal Uffiċjali tal-Unjoni Ewropea

L 78/16

(1)

Il-livelli massimi (MLs) għall-arseniku, il-kadmju u ċ-ċomb f'diversi oġġetti tal-ikel ġew stabbiliti skont ir-Regolament tal-Kummissjoni (KE) Nru 1881/2006 (1). Madankollu, bħalissa ma ġew stabbiliti l-ebda MLs għal dawn is-sustanzi fl-alka tal-baħar u l-pjanti li jgħixu fl-ilma mielaħ, ħlief għall-MLs stabbiliti skont dan ir-Regolament għas-supplimenti tal-ikel li huma magħmulin esklussivament mill-alka tal-baħar jew mill-prodotti li ġejjin mill-alka tal-baħar jew prinċipalment minnhom.

(2)

Għall-merkurju bħalissa hemm stabbilit limitu massimu ta' residwi (MRL) għall-algi u l-organiżmi prokarjotiċi f'livell predefinit ta' 0,01 mg/kg skont ir-Regolament (KE) Nru 396/2005 tal-Parlament Ewropew u tal-Kunsill (2).

(3)

Fl-2006 il-Kumitat Xjentifiku għall-ikel stabbilixxa l-limitu massimu għat-teħid tal-jodju ta' 600 μg kuljum għall-adulti u ta' 200 μg kuljum għat-tfal ta' bejn sena u tliet snin (3). Il-kumitat indika li l-inġestjoni tal-prodotti tal-alga rikki bil-jodju, b'mod partikolari l-prodotti mnixxfa, tista' twassal għal teħid eċċessiv tal-jodju b'mod perikoluż, jekk dawn il-prodotti fihom aktar minn 20 mg jodju/kg ta' materja niexfa u l-popolazzjoni esposta tgħix f'żona b'nuqqas ta' jodju endemiku.

(4)

Id-dejta tal-okkorrenza disponibbli turi li l-alki tal-baħar fihom konċentrazzjonijiet sinifikanti arseniku, kadmju, jodju, ċomb u merkurju. Peress li l-pjanti li jgħixu fl-ilma mielaħ jikbru wkoll f'ambjent tal-baħar, jista' raġonevolment jiġi preżunt li dawn juru xejra simili tal-użu ta' dawn is-sustanzi u għaldaqstant xejra simili ta' kontaminazzjoni.

(5)

L-alka tal-baħar u l-pjanti li jgħixu fl-ilma mielaħ isawru kontribut dejjem aktar importanti lix-xejriet tal-konsum ta' ċerti konsumaturi tal-UE. Għalhekk huwa meħtieġ li jiġi vvalutat jekk il-kontribut tal-arseniku, tal-kadmju, tal-jodju, taċ-ċomb u tal-merkurju mill-alka tal-baħar u l-pjanti li jgħixu fl-ilma mielaħ għall-esponiment totali ta' dawn is-sustanzi ikunx jirrikjedi l-istabbiliment ta' MLs għall-arseniku, il-kadmju u ċ-ċomb għal dawn il-komoditajiet jew l-emenda tal-MRL għall-merkurju tal-algi u l-organiżmi prokarjotiċi jew li tittieħed xi azzjoni marbuta mal-esponiment għall-jodju minn dawn il-prodotti.

(6)

Għall-addittivi tal-ikel ibbażati fuq l-alka tal-baħar, l-ispeċifikazzjonijiet ġew stipulati fl-annessi tar-Regolament tal-Kummissjoni (UE) Nru 231/2012 (4). Għal uħud minn dawn l-addittivi, l-EFSA rrakkomandat li jeħtieg li jiġu riveduti l-limiti għall-impuritajiet tal-elementi tossiċi sabiex jiġi żgurat li l-użu ta' dawn l-addittivi ma jiffurmawx sors sinifikanti ta' esponiment għal dawn l-elementi tossiċi b'mod partikolari għat-trabi u t-tfal żgħar (5). Għalhekk, l-esponiment għall-arseniku, il-kadmju, il-jodju, iċ-ċomb u l-merkurju fl-addittivi tal-ikel ibbażati fuq l-alka tal-baħar u l-algi jenħtieġ li jiġi vvalutat.

(7)

Għall-arseniku, iċ-ċomb, il-kadmju u l-merkurju, il-livelli massimi fl-għalf huma stabbiliti skont id-Direttiva 2002/32/KE tal-Parlament Ewropew u tal-Kunsill (6). Peress li ċerti speċijiet tal-alka tal-baħar jintużaw bħala għalf, il-kontenut tal-metall ta' dawn l-ispeċijiet jentħieġ jiġi investigat ukoll, kemm għal raġunijiet ta' saħħa tal-annimali kif ukoll fid-dawl tat-trasferiment ta' dawn il-metalli lil prodotti tal-ikel li joriġinaw mill-annimali.

(8)

Jenħtieġ li tinġabar id-dejta ta' okkorrenza għall-arseniku, il-kadmju, il-jodju, iċ-ċomb u l-merkurju f'diversi speċijiet tal-alka, il-pjanti li jgħixu fl-ilma mielaħ u l-prodotti bbażati fuq l-alka tal-baħar biex issostni l-valutazzjoni ta' esponiment dijetetiku.

1.

Li l-Istati Membri, matul is-snin 2018, 2019 u 2020, b'kollaborazzjoni mal-operaturi tan-negozju tal-ikel u tal-għalf, iwettqu monitoraġġ fuq il-preżenza tal-arseniku, il-kadmju, il-jodju, iċ-ċomb u l-merkurju fl-alka tal-baħar, fil-pjanti li jgħixu fl-ilma mielaħ u fil-prodotti bbażati fuq l-alka tal-baħar. Dan il-monitoraġġ jenħtieġ li jkopri l-pjanti li jgħixu fl-ilma mielaħ tajbin għall-ikel li jinkludu Salicorna europaea u Tetragonia tetragonoides u varjetà wiesgħa ta' speċijiet tal-alka tal-baħar li jirriflettu t-tendenzi tal-konsum u l-użi tal-għalf, inklużi l-arame (Ecklonia bicyclis), għeneb il-baħar (Fucus vesiculosus), id-darusu (Palmaria palmata), il-hijiki (Hizikia fusiforme), il-likeni tal-baħar (Chondrus crispus), il-laminarja tas-swaba' (Laminaria digitata), il-kombu (Laminaria japonica, Saccharina japonica), in-nori (Porphyra u Pyropia spp.), l-alga kannella (Ascophyllum nodosum), ħass il-baħar (Ulva sp.), l-ispagetti tal-baħar (Himanthalia elongata), l-alka tas-snien (Fucus serratus), is-swaba' tal-baħar (Codium sp.) laminarja zokkrija (Sacharina latissima) il-wakame (Undaria pinnatifida) u l-alarja tittiekel (Alaria esculenta), sabiex ikun hemm stima preċiża tal-esponiment. Barra minn hekk, jenħtieġ li tinġabar id-dejta ta' okkorrenza għall-addittivi tal-ikel ibbażati fuq l-alka tal-baħar, inklużi E400, E401, E403, E404, E405, E406, E407, E407a u E160a(iv).

2.

Għall-monitoraġġ tal-ikel, jenħtieġ li jiġu segwiti l-proċeduri tat-teħid tal-kampjuni kif stabbiliti fir-Regolament tal-Kummissjoni (KE) Nru 333/2007 (7) sabiex jiġi żgurat li l-kampjuni huma rappreżentattivi tal-lott tal-kampjun.

3.

Għall-monitoraġġ tal-għalf, jenħtieġ li jiġu segwiti d-dispożizzjonijiet previsti fir-Regolament tal-Kummissjoni (KE) Nru 152/2009 (8).

4.

L-analiżijiet jenħtieġ li jitwettqu f'konformità mal-Anness III tar-Regolament (KE) Nru 882/2004 tal-Parlament Ewropew u tal-Kunsill (9) billi jintuża metodu ta' analiżi li ġie ppruvat li jagħti riżultati affidabbli.

5.

L-analiżi tal-merkurju, preferibbilment jenħtieġ li ssir billi jiġi ddeterminat il-kontenut tal-metilmerkurju u l-merkurju totali u l-analiżi tal-arseniku jenħtieġ li ssir billi jiġi ddeterminat il-kontenut tal-inorganiku u tal-arseniku totali u, jekk ikun possibbli, speċijiet oħra rilevanti ta' arseniku.

6.

L-ispeċi jew l-għadd tal-addittivi jenħtieġ li jiġi rrapportat u jekk ġewx analizzati prodotti friski, mnixxfa jew ipproċessati. Fejn ikun possibbli wkoll, jenħtieġ li jiġu rrappurtati l-oriġini tal-prodotti (selvaġġi jew ikkultivati), id-data u l-lok tal-ħsad, il-parti tal-alka tal-baħar, li ġiet analizzata, u informazzjoni possibbli fuq it-tikketta tal-prodotti finali.

7.

Id-dejta ta' monitoraġġ jenħtieġ li tiġi pprovduta fuq bażi regolari lill-EFSA, bl-informazzjoni u fil-format ta' rapportar elettroniku kif stipulat mill-EFSA għall-ġabra f'bażi tad-dejta waħda.