20.12.2017

Il-Ġurnal Uffiċjali tal-Unjoni Ewropea

L 340/6

REGOLAMENT TA' IMPLIMENTAZZJONI TAL-KUMMISSJONI (UE) 2017/2382

tal-14 ta' Diċembru 2017

li jistabbilixxi standards tekniċi ta' implimentazzjoni fir-rigward ta' formoli, mudelli u proċeduri standard għat-trażmissjoni tal-informazzjoni f'konformità mad-Direttiva 2014/65/UE tal-Parlament Ewropew u tal-Kunsill

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (1), u b'mod partikolari l-Artikoli 34(9) u 35(12) tagħha,

Billi:

(1)

Ikun xieraq li jiġu stabbiliti formoli, proċeduri u mudelli standard komuni għas-sottomissjoni tal-informazzjoni mitluba minn ditti ta' investiment, operaturi tas-suq u jekk previst mid-Direttiva 2014/65/UE, istituzzjonijiet ta' kreditu li jixtiequ jipprovdu servizzi ta' investiment u li jwettqu attivitajiet fi Stat Membru ieħor taħt il-libertà li jiġu pprovduti servizzi jew taħt id-dritt ta' stabbiliment.

(2)

Jenħtieġ li d-dispożizzjonijiet f'dan ir-Regolament, fid-dawl tal-Artikoli 34(1) u 35(1) tad-Direttiva 2014/65/UE, japplikaw ukoll għal istituzzjonijiet ta' kreditu awtorizzati taħt id-Direttiva 2013/36/UE tal-Parlament Ewropew u tal-Kunsill (2) li jużaw aġenti marbuta biex jipprovdu servizzi ta' investiment bil-libertà li jiġu pprovduti servizzi ta' investiment jew bit-twaqqif ta' fergħa.

(3)

Huwa importanti li jiġu stabbiliti formoli standard li jkopru l-lingwa u l-mezz ta' komunikazzjoni ta' notifiki ta'passaport li jistgħu jintużaw minn ditti tal-investiment, operaturi tas-suq, u meta meħtieġ, istituzzjonijiet ta' kreditu, u mill-awtoritajiet kompetenti tal-Istati Membri tad-domiċilju u ospitanti sabiex jiġi ffaċilitat il-provvediment ta' servizzi u attivitajiet ta' investiment fl-Istati Membri kollha u l-prestazzjoni effiċjenti mill-awtoritajiet kompetenti tal-kompiti u r-responsabbiltajiet rispettivi tagħhom.

(4)

Hija meħtieġa valutazzjoni tal-preċiżjoni u tal-kompletezza tan-notifika mressqa mill-awtorità kompetenti tal-Istati Membru tad-domiċilju sabiex tiġi żgurata l-kwalità ta' (i) l-informazzjoni sottomessa mid-ditta tal-investiment, l-operatur tas-suq, jew, meta meħtieġ, l-istituzzjonijiet ta' kreditu lill-awtorità kompetenti tal-Istat Membru tad-domiċilju u (ii) l-informazzjoni sottomessa mill-awtorità kompetenti tal-Istat Membru ospitanti lill-awtorità kompetenti tal-Istat Membru tad-domiċilju.

(5)

Huma meħtieġa dispożizzjonijiet li jobbligaw lill-awtorità kompetenti tal-Istat Membru tad-domiċilju tindika meta n-notifika tinstab li tkun inkompluta jew żbaljata biex tkun żgurata ċ-ċarezza fl-identifikazzjoni u l-komunikazzjoni ta' kwalunkwe element nieqes jew żbaljat u biex jiġi ffaċilitat il-proċess tal-indirizzar ta' kwistjonijiet bħal dawn u tas-sottomissjoni mill-ġdid tal-informazzjoni kompluta u korretta.

(6)

Ir-rikonoxximent tal-wasla ta' notifika ta' passaport ta' fergħa sottomessa jew notifika ta' passaport ta' aġent marbut hija meħtieġa biex tiżgura ċarezza rigward id-data tal-wasla tan-notifika rilevanti u d-data eżatta li fiha ditta tal-investiment tista' tistabbilixxi l-fergħa jew tagħmel użu minn aġent marbut stabbilit fl-Istat Membru ospitanti.

(7)

Biex tiġi żgurata l-koerenza, jenħtieġ li jintużaw forom speċifiċi meta ditta tal-investiment jew operatur tas-suq, li joperaw faċilità multilaterali tan-negozjar jew li jorganizzaw faċilità tan-negozjar, ikunu jixtiequ jipprovdu fit-territorju ta' Stat Membru ieħor arranġamenti xierqa biex jiffaċilitaw l-aċċess għal dawk is-sistemi u negozjar fuqhom, minn utenti remoti, membri jew parteċipanti stabbiliti f'dak l-Istat Membru, sabiex tiġi żgurata l-adegwatezza kemm tal-informazzjoni sottomessa mid-ditta tal-investiment jew mill-operatur tas-suq lill-awtorità kompetenti tal-Istat Membru tad-domiċilju, kif ukoll tal-informazzjoni sottomessa mill-awtorità kompetenti tal-Istat Membru tad-domiċilju lill-awtorità kompetenti tal-Istat Membru ospitanti.

(8)	Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, jeħtieġ li d-dispożizzjonijiet stabbiliti f'dan ir-Regolament u d-dispożizzjonijiet nazzjonali li jittrasponu d-Direttiva 2014/65/UE japplikaw mill-istess data.

(9)	Dan ir-Regolament huwa bbażat fuq l-abbozz tal-istandards tekniċi ta' implimentazzjoni sottomess mill-Awtorità Ewropea tat-Titoli u s-Swieq (ESMA) lill-Kummissjoni.

(10)

Skont l-Artikolu 15 tar-Regolament (UE) Nru 1095/2010, tal-Parlament Ewropew u tal-Kunsill (3), l-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi ta' implimentazzjoni, analizzat l-ispejjeż u l-benefiċċji relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 ta' dak ir-Regolament,

ADOTTAT DAN IR-REGOLAMENT:

Artikolu 1

Kamp ta' applikazzjoni

1. Dan ir-Regolament għandu japplika għal ditti tal-investiment u operaturi tas-suq li joperaw faċilità multilaterali tan-negozjar (MTF) jew faċilità organizzata tan-negozjar (“OTF”).

2. Dan ir-Regolament għandu japplika wkoll għal istituzzjonijiet ta' kreditu awtorizzati skont id-Direttiva 2013/36/UE li jipprovdu servizz ta' investiment wieħed jew aktar jew iwettqu attivitajiet ta' investiment skont id-Direttiva 2014/65/UE, u jixtiequ jużaw aġenti li jorbtu skont kwalunkwe wieħed mid-drittijiet li ġejjin:

(a)	id-dritt tal-libertà li jiġu pprovduti servizzi u attivitajiet ta' investiment skont l-Artikolu 34(5) tad-Direttiva 2014/65/UE;

(b)	id-dritt tal-istabbiliment skont l-Artikolu 35(7) tad-Direttiva 2014/65/UE.

Artikolu 2

Rekwiżiti ġenerali

1. Kwalunkwe notifika jew komunikazzjoni sottomessa taħt dan ir-Regolament għandha tiġi pprovduta b'lingwa uffiċjali tal-Unjoni li tkun aċċettata kemm mill-awtorità kompetenti tal-Istat Membru, kif ukoll mill-Istat Membru tad-domiċilju.

Għandha tiġi sottomessa f'forma stampata jew, meta tkun aċċettata mill-awtorità kompetenti rilevanti, permezz ta' mezz elettroniku.

2. L-awtoritajiet kompetenti għandhom jqiegħdu l-informazzjoni gaħd-dispożizzjoni tal-pubbliku bil-lingwa/(i) u l-mezz ta' sottomissjoni aċċettati, inklużi d-dettalji tal-kuntatt għal notifiki tal-passaport.

Artikolu 3

Sottomissjoni tan-notifika ta' passaport ta' servizzi u attivitajiet ta' investiment

1. Id-ditta tal-investiment għandha tissottometti lill-awtorità kompetenti tal-Istat Membru tad-domiċilju notifika ta' passaport ta' servizzi u attivitajiet ta' investiment skont l-Artikolu 34(2) jew (5) tad-Direttiva 2014/65/UE il-formola stipulata fl-Anness I.

2. Id-ditta tal-investiment għandha tissottometti, għal kull Stat Membru li fih biħsiebha topera, notifika ta' passaport ta' servizzi u attivitajiet ta' investiment separata lill-awtorità kompetenti tal-Istati Membru tad-domiċilju skont il-paragrafu 1.

3. Id-ditta tal-investiment jew l-istituzzjoni ta' kreditu msemmija fl-Artikolu 1(2)(a) li tixtieq tipprovdi servizzi jew attivitajiet ta' investiment permezz ta' aġent marbut stabbilit fl-Istat Membru tad-domiċilju għandha tissottometti notifika ta' passaport ta' servizzi u attivitajiet ta' investiment lill-awtorità kompetenti tal-Istat Membru tad-domiċilju, billi timla biss dawk il-partijiet rilevanti mal-aġent marbut fil-formola stipulata fl-Anness I.

Artikolu 4

Valutazzjoni tal-kompletezza u l-preċiżjoni tan-notifika ta' passaport ta' servizzi u attivitajiet ta' investiment

1. Mal-wasla tan-notifika ta' passaport tas-servizzi u l-attivitajiet ta' investiment skont l-Artikolu 3, l-awtorità kompetenti tal-Istat Membru tad-domiċilju għandha tivvaluta l-kompletezza u l-preċiżjoni tal-informazzjoni pprovduta.

2. Meta jinstab li l-informazzjoni pprovduta tkun inkompluta jew żbaljata, l-awtorità kompetenti tal-Istat Membru tad-domiċilju għandha, minħajr dewmien żejjed, tinforma lid-ditta tal-investiment jew lill-istitutuzzjoni ta' kreditu msemmija fl-Artikolu 1(2)(a) tagħha. L-awtorità kompetenti tal-Istat Membru tad-domiċilju għandha tindika f'liema rigward partikolari l-informazzjoni nstabet li kienet inkompluta jew żbaljata.

3. Il-perjodu ta' xahar imsemmi fl-Artikolu 34(3) u t-tieni subparagrafu tal-Artikolu 34(5) tad-Direttiva 2014/65/UE għandu jibda mill-wasla ta' notifika ta' passaport tas-servizzi u l-attivitajiet ta' investiment li jkunu fiha informazzjoni li tinstab li hija kompluta u korretta.

Artikolu 5

Komunikazzjoni rigward in-notifika ta' passaport ta' servizzi u attivitajiet ta' investiment

1. L-awtorità kompetenti tal-Istat Membru tad-domiċilju għandha tinforma, fi żmien xahar mill-wasla tan-notifika skont l-Artikolu 3, lill-awtorità kompetenti tal-Istat Membru ospitanti dwar dik in-notifika, bl-użu tal-formola stipulata fl-Anness II, flimkien ma' kopja tan-notifika.

2. L-awtorità kompetenti tal-Istat Membru tad-domiċilju għandha tinforma, mingħajr dewmien żejjed, lid-ditta tal-investiment jew lill-istituzzjoni ta' kreditu msemmija fl-Artikolu 1(2)(a) dwar il-komunikazzjoni skont il-paragrafu 1, inkluż dwar id-data ta' dik il-komunikazzjoni.

Artikolu 6

Sottomissjoni tan-notifika ta' bidla fil-partikularitajiet tas-servizzi u l-attivitajiet ta' investiment

1. Fil-każ ta' bidla fi kwalunkwe partikularità f'notifika ta' passaport ta' servizzi u attivitajiet ta' investiment, id-ditta tal-investiment jew l-istituzzjoni ta' kreditu msemmija fl-Artikolu 1(2)(a) għandha tissottometti notifika lill-awtorità kompetenti tal-Istat Membru tad-domiċilju bl-użu tal-formola deskritta fl-Anness I.

2. Għall-finijiet tan-notifika skont l-ewwel paragrafu ta' dan l-Artikolu, id-ditta tal-investiment jew l-istituzzjoni ta' kreditu msemmija fl-Artikolu 1(2)(a) għandha timla biss dawk il-partijiet tal-formola stipulati fl-Anness I li huma rilevanti għall-bidliet fil-partikularitajiet tan-notifika tal-passaport tas-servizzi u l-attivitajiet ta' investiment.

3. Għall-finijiet tan-notifika ta' bidliet relatati mas-servizzi u l-attivitajiet ta' investiment, is-servizzi anċillari jew l-istrumenti finanzjarji pprovduti, id-ditta tal-investiment jew l-istituzzjoni ta' kreditu msemmija fl-Artikolu 1(2)(a) għandha telenka s-servizzi u l-attivitajiet ta' investiment, is-servizzi anċillari jew l-istrumenti finanzjarji kollha li tipprovdi fiż-żmien tan-notifika, jew li biħsiebha tipprovdi fil-futur.

Artikolu 7

Komunikazzjoni rigward in-notifika ta' bidla fil-partikularitajiet ta' servizzi u attivitajiet ta' investiment

1. Wara li tirċievi notifika skont l-Artikolu 6, l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati lill-awtorità kompetenti tal-Istat Membru tad-domiċilju, bl-użu tal-formola stipulata fl-Anness III, flimkien ma' kopja tan-notifika skont l-Artikolu 6.

2. Fil-każ li l-awtorizzazzjoni tad-ditta tal-investiment jew l-istitutuzzjoni ta' kreditu tiġi rtirata jew ikkanċellata, l-awtorità kompetenti tal-Istat Membru tad-domiċilju għandha tinnotifka lill-awtorità kompetenti tal-Istat Membru ospitanti, bl-użu tal-formola stipulata fl-Anness III.

Artikolu 8

Sottomissjoni tan-notifika għall-provvediment ta' arranġamenti biex jiġi ffaċilitat l-aċċess għal MTF jew OTF

Ditta tal-investiment jew operatur tas-suq li jopera MTF jew OTF li biħsiebu jipprovdi arranġamenti xierqa biex jiġi ffaċilitat l-aċċess għal dawk is-sistemi u negozjar fuqhom fit-territorju ta' Stat Membru ospitanti ieħor, minn utenti remoti, membri jew parteċipanti stabbiliti fl-Istat Membru ospitanti għandu jinnotifika lill-awtorità kompetenti tal-Istat Membru tad-domiċilju l-partikularitajiet tal-Istat Membru ospitanti li fih biħsiebu jipprovdi arranġamenti bħal dawn, bl-użu tal-formola stabbilita fl-Anness IV.

Artikolu 9

Komunikazzjoni rigward notifika għall-provvediment ta' arranġamenti biex jiġi ffaċilitat l-aċċess għal MTF jew OTF.

1. L-awtorità komptenti tal-Istat Membru tad-domiċilju għandha tinforma lill-awtorità kompetenti tal-Istat Membru ospitanti b'dik in-notifika fi żmien xahar minn meta tirċievi n-notifika skont l-Artikolu 8, bl-użu tal-formola stipulata fl-Anness V, flimkien ma' kopja tan-notifika.

2. L-awtorità kompetenti tal-Istat Membru tad-domiċilju għandha tinforma, mingħajr dewmien żejjed, lid-ditta tal-investiment jew lill-operatur tas-suq li joperaw MTF jew OTF dwar il-komunikazzjoni skont il-paragrafu 1, inkluż dwar id-data ta' dik il-komunikazzjoni.

Artikolu 10

Sottomissjoni ta' notifika ta' bidla fil-partikularitajiet tal-provvediment ta' arranġamenti biex jiġi ffaċilitat l-aċċess għal MTF jew OTF

1. Fil-każ ta' bidla f'waħda mill-partikularitajiet ta' notifika għall-provvediment tal-arranġamenti biex jiġi ffaċilitat l-aċċess għal MTF jew OTF, id-ditta tal-investiment jew l-operatur tas-suq li jopera MTF jew OTF għandu jissottometti notifika lill-awtorità kompetenti tal-Istat Membru tad-domiċilju bl-użu tal-formola stipulata fl-Anness IV.

2. Għall-finijiet tan-notifika skont il-paragrafu 1, id-ditta tal-investiment jew l-operatur tas-suq li jopera MTF jew OTF għandu jimla biss dawk il-partijiet tal-formola stipulati fl-Anness IV rilevanti għall-bidliet fil-partikularitajiet tan-notifika għall-provvediment ta' arranġamenti biex jiġi ffaċilitat l-aċċess għal MTF jew OTF.

Artikolu 11

Komunikazzjoni rigward in-notifika ta' bidla fil-partikularitajiet tal-provvediment tal-arranġamenti biex jiġi ffaċilitat l-aċċess għal MTF jew OTF

Wara li tirċievi notifika skont l-Artikolu 10(1), l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati lill-awtorità kompetenti tal-Istat Membru ospitanti, bl-użu tal-formola stabbilita fl-Anness II, flimkien ma' kopja tan-notifika.

Artikolu 12

Sottomissjoni tan-notifika ta' passaport ta' fergħa

Id-ditta tal-investiment li tixtieq tistabbilixxi fergħa fit-territorju ta' Stat Membru ieħor għandha tippeżenta lill-awtorità kompetenti ta' Stat Membru tad-domiċilju l-informazzjoni kif meħtieġa mill-Artikolu 35(2) tad-Direttiva 2014/65/UE bl-użu tal-formola stabbilita fl-Anness VI.

Artikolu 13

Sottomissjoni tan-notifika ta' passaport ta' aġent marbut

1. Id-ditta tal-investiment jew l-istituzzjoni ta' kreditu msemmija fl-Artikolu 1(2)(b) li tixtieq tuża aġent marbut stabbilit fi Stat Membru ieħor għandha tissottometti l-informazzjoni lill-awtorità kompetenti tal-Istat Membru tad-domiċilju kif meħtieġ mill-Artikolu 35(2) tad-Direttiva 2014/65/UE, bl-użu tal-formola stipulata fl-Anness VII.

2. Meta ditta tal-investiment jew istituzzjoni ta' kreditu msemmija fl-Artikolu 1(2)(b) tkun tixtieq tuża aktar minn aġent marbut wieħed fi Stat Membru ieħor, hija għandha timla notifika separata fir-rigward ta' kull aġent marbut li bi ħsiebha tuża.

3. Ditta tal-investiment li tixtieq tistabbilixxi fergħa li biħsiebha tuża l-aġenti marbuta għandha tippreżenta lill-awtorità kompetenti tal-Istat Membru tad-domiċilju notifika ta' passaport ta' aġent marbut fir-rigward ta' kull aġent marbut billi timla l-formola stipulata fl-Anness VII.

Artikolu 14

Valutazzjoni tal-kompletezza u tal-preċizjoni tan-notifika ta' passaport ta' fergħa jew tan-notifika ta' passaport ta' aġent marbut

1. Mal-wasla tan-notifika skont l-Artikolu 12 jew 13, l-awtorità kompetenti tal-Istat Membru tad-domiċilju għandha tivvaluta l-kompletezza u l-preċiżjoni tal-informazzjoni pprovduta.

2. Meta l-informazzjoni pprovduta tinstab li hi inkompluta jew żbaljata, l-awtorità kompetenti tal-Istat Membru tad-domiċilju għandha tinforma, mingħajr dewmien żejjed, lid-ditta tal-investiment jew l-istittuzzjonijiet ta' kreditu msemmija fl-Artikolu 1(2)(b) tagħha. L-awtorità kompetenti tal-Istat Membru għandha tindika f'liema rigward partikolari l-informazzjoni nstabet inkompluta u żbaljata.

3. Il-perjodu ta' tliet xhur previst fl-Artikolu 35(3) u fit-tieni subparagrafu tal-Artikolu 35(7) tad-Direttiva 2014/65/UE għandu jibda mal-wasla tan-notifika tal-passaport tal-fergħa jew tan-notifika tal-passaport tal-aġent marbut li jkun fihom informazzjoni li tinstab kompluta u korretta.

Artikolu 15

Komunikazzjoni rigward in-notifika ta' passaport ta' fergħa

1. L-awtorità kompetenti tal-Istat Membru tad-domiċilju għandha, fi żmien tlett xhur minn meta tirċievi n-notifika ta' passaport ta' fergħa skont l-Artikolu 12, tinforma lill-awtorità kompetenti tal-Istat Membru ospitanti dwar dik in-notifika, bl-użu tal-formola stipulata fl-Anness VIII, flimkien ma' kopja tan-notifika.

2. L-awtorità kompetenti tal-Istat Membru tad-domiċilju għandha tinforma, mingħajr dewmien żejjed, lid-ditta tal-investiment dwar il-komunikazzjoni skont il-paragrafu 1, inkluż dwar id-data ta' dik il-komunikazzjoni.

3. L-awtorità kompetenti tal-Istat Membru ospitanti għandha tgħarraf lill-awtorità kompetenti tal-Istat Membru tad-domiċilju, kif ukoll lid-ditta tal-investiment li tkun irċeviet in-notifika.

Artikolu 16

Komunikazzjoni rigward in-notifika ta' passaport ta' aġent marbut

1. L-awtorità kompetenti tal-Istat Membru tad-domiċilju għandha, fi żmien tliet xhur minn meta tirċievi n-notifika ta' passaport ta' aġent marbut skont l-Artikolu 13, tinforma lill-awtorità kompetenti tal-Istat Membru ospitanti dwar dik in-notifika, bl-użu tal-formola stipulata fl-Anness IX, flimkien ma' kopja tan-notifika.

2. L-awtorità kompetenti tal-Istat Membru tad-domiċilju għandha tinforma, mingħajr dewmien żejjed, lid-ditta tal-investiment jew l-istituzzjoni ta' kreditu dwar il-komunikazzjoni skont il-paragrafu 1, inkluż dwar id-data ta' dik il-komunikazzjoni.

3. L-awtorità kompetenti tal-Istat Membru ospitanti għandha tgħarraf lill-awtorità kompetenti tal-Istat Membru tad-domiċilju u lid-ditta tal-investiment jew l-istituzzjoni ta' kreditu msemmija fl-Artikolu 1(2) (b) li tkun irċeviet in-notifika.

4. L-aġent marbut ma għandux jibda s-servizzi jew l-attivitajiet ta' investiment proposti tiegħu qabel ma jkun irreġistrat fir-reġistru pubbliku fl-Istat Membru fejn huwa stabbilit dan l-aġent marbut, f'konformità mal-Artikolu 29(3) tad-Direttiva 2014/65/UE.

5. L-aġent marbut ma għandux jibda s-servizzi jew l-attivitajiet ta' investiment proposti tiegħu qabel ikun irċieva l-komunikazzjoni mill-awtorità kompetenti tal-Istat Membru ospitanti.

6. Meta ma ssirx komunikazzjoni bħal din, l-aġent marbut jista' jibda s-servizzi u l-attivitajiet ta' investiment proposti tiegħu xahrejn wara d-data tas-sottomissjoni tal-komunikazzjoni mill-awtorità kompetenti tal-Istat Membru tad-domiċilju, kif imsemmi fil-paragrafu 2.

Artikolu 17

Sottomissjoni tan-notifika ta' bidla fil-partikularitajiet tal-fergħa

1. Fil-każ ta' bidla fil-partikularitajiet tan-notifika ta' passaport ta' fergħa, id-ditta tal-investiment għandha tissottometti notifika bl-użu tal-formola stabbilita fl-Anness VI lill-awtorità kompetenti tal-Istat Membru tad-domiċilju.

Id-ditta tal-investiment jew l-istituzzjoni ta' kreditu għandha timla biss dawk il-partijiet tal-formola stipulati fl-Anness VI li jkunu rilevanti għall-bidliet fil-partikularitajiet tan-notifika tal-passaport tal-fergħa.

2. Meta d-ditta tal-investiment jew l-istituzzjoni ta' kreditu tkun biħsiebha tagħmel bidliet fis-servizzi u l-attivitajiet ta' investiment, is-servizzi anċillari jew l-istrumenti finanzjarji pprovduti permezz ta' aġenti marbuta, hija għandha tinnotifika, bl-użu tal-formola stabbilita fl-Anness VI, lista tas-servizzi u attivitajiet ta' investiment, servizzi anċillari jew strumenti finanzjarji li tipprovdi permezz ta' aġenti marbuta fiż-żmien ta' dik in-notifika jew li biħsiebha tipprovdi fil-futur permezz ta' aġenti marbuta.

3. Bidliet fil-partikularitajiet tan-notifika ta' passaport ta' fergħa li jirrigwardaw it-terminazzjoni tal-operazzjoni tal-fergħa għandhom jiġu notifikati bl-użu tal-formola stabbilita fl-Anness X.

Artikolu 18

Preżentazzjoni tan-notifika ta' bidla fil-partikularitajiet tal-aġent marbut

1. Fil-każ ta' bidla f'xi waħda mill-partikularitajiet tan-notifika tal-passaport tal-aġent marbut, id-ditta tal-investiment jew l-istituzzjoni ta' kreditu msemmija fl-Artikolu 1(2) għandha tissottometti notifika lill-awtorità kompetenti tal-Istat Membru tad-domiċilju, bl-użu tal-formola stipulata fl-Anness VII.

Id-ditta tal-investiment jew l-istituzzjoni ta' kreditu għandha timla dawk il-partijiet tal-formola stipulati fl-Anness VII rilevanti għall-bidliet fil-partikularitajiet tan-notifika tal-passaport tal-aġent marbut.

2. Meta d-ditta tal-investiment tkun biħsiebha tagħmel bidliet fis-servizzi u l-attivitajiet ta' investiment, jew fl-istrumenti finanzjarji soġġetti għal notifika tal-passaport tal-aġent marbut, hija għandha tinnotifika, fil-formola stipulata fl-Anness VI, lista tas-servizzi u l-attivitajiet ta' investiment, l-istrument finanzjarji kollha li tipprovdi permezz ta' aġent marbut fiż-żmien tan-notifika jew li bi ħsiebha tipprovdi fil-futur.

3. Bidliet fil-partikularitajiet ta' notifika tal-passaport tal-aġent marbut li jikkonċernaw il-waqfien tal-użu ta' aġent marbut stabbilit fi Stat Membru ieħor għandhom jiġu notifikati bl-użu tal-formola stabbilita fl-Anness X.

Artikolu 19

Komunikazzjoni rigward in-notifika ta' bidla fil-partikularitajiet tal-fergħa

1. Wara l-wasla tan-notifika skont l-Artikolu 17(1), l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati lill-awtorità kompetenti tal-Istat Membru ospitanti, bl-użu tal-formola stabbilita fl-Anness XI, flimkien ma' kopja tan-notifika.

2. Wara li tirċievi n-notifika skont l-Artikolu 17(3), l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati lill-Istat Membru ospitanti,bl-użu tal-formola stipulata fl-Anness XIII, flimkien ma' kopja tan-notifika.

Artikolu 20

Komunikazzjoni rigward notifika ta' bidla fil-partikularitajiet ta' aġent marbut

1. Wara li tirċievi notifika skont l-Artikolu 18(1), l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati tal-awtorità kompetenti tal-Istat Membru ospitanti, bl-użu tal-formola stipulata fl-Anness XII, flimkien ma' kopja tan-notifika.

2. Wara li tirċievi notifika skont l-Artikolu 18(3), l-awtorità kompetenti tal-Istat Membru tad-domiċilju għandha tikkomunika, mingħajr dewmien żejjed, il-bidliet notifikati lill-awtorità kompetenti tal-Istat Membru ospitanti, bl-użu tal-formola stipulata fl-Anness XIII, flimkien ma' kopja tan-notifika.

Artikolu 21

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara l-pubblikazzjoni ta' Il-Ġurnal Uffiċjali tal-Unjoni Ewropea.

Huwa għandu japplika mit-3 ta' Jannar 2018.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta' Diċembru 2017.

Għall-Kummissjoni

Il-President

Jean-Claude JUNCKER

(1) ĠU L 173, 12.6.2014, p. 349.

(2) Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(3) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).

ANNESS I

Formola għan-notifika ta’ passaport ta’ servizzi u attivitajiet ta’ investiment u għan-notifika ta’ bidla tal-partikularitajiet dwar servizzi u attivitajiet ta’ investiment (1)

[L-Artikolu 3 u 6 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Parti 1 – Informazzjoni ta’ Kuntatt

Tip ta’ notifika:

Notifika ta’ passaport ta’ servizzi u attivitajiet ta’ investiment/notifika ta’ bidla fil-partikularitajiet ta’ servizzi u attivitajiet ta’ investiment

Stat Membru li fih id-ditta tal-investiment/l-istituzzjoni ta’ kreditu biħsiebha topera:

Isem tad-ditta tal-investiment/istituzzjoni ta’ kreditu

Isem kummerċjali

Indirizz:

Numru tat-telefown:

Email:

Isem tal-persuna ta’ kuntatt fid-ditta tal-investiment/istituzzjoni ta’ kreditu:

Stat Membru tad-Domiċilju

Stat ta’ Awtorizzazzjoni:

Awtorizzat minn [Stat Membru tad-Domiċilju Awtorità Kompetenti]

Data tal-Awtorizzazzjoni:

Parti 2 — Programm ta’ operazzjonijiet

Servizzi u attivitajiet ta’ investiment u servizzi anċillari previsti*

Servizzi u attivitajiet ta’ investiment

Servizzi anċillari

Strumenti Finanzjarji

C10

C11

(*) Jekk jogħġbok immarka (x) fil-kaxex xierqa.

(1) Għall-finijiet ta’ notifika ta’ bidla fil-partikularitajiet ta’ servizzi u attivitajiet ta’ investiment, jekk jogħġbok imla biss il-partijiet tal-formola li huma rilevanti għall-bidliet notifikati. Jekk l-intenzjoni hija li tagħmel bidliet fis-servizzi u l-attivitajiet ta’ investiment, is-servizzi anċillari jew l-istrumenti finanzjarji, niżżel is-servizzi ta’ investiment, l-attivitajiet, is-servizzi anċillari jew l-istrumenti finanzjarji kollha li se tipprovdi d-ditta.

Dettalji tal-Aġent Marbut li jinsab fl-Istat Membru tad-domiċilju (*)

Isem tal-aġent marbut

Indirizz

Telefown

Email:

Kuntatt

(*) Jekk jogħġbok ipprovdi matriċi separata bis-servizzi ta’ investiment previsti għal kull aġent marbut li biħsiebha tuża d-ditta tal-investiment.

Servizzi ta’ investiment intiżi previsti li jiġu pprovduti mill-aġent marbut (*):

Servizzi u attivitajiet ta’ investiment

Servizzi anċillari

Strumenti Finanzjarji

C10

C11

(*) Jekk jogħġbok immarka (x) fil-kaxxa/(ex) xierqa. Jekk biħsiebek tagħmel bidliet fis-servizzi u l-attivitajiet ta’ investiment jew fl-istrumenti finanzjarji pprovduti mill-aġent marbut, jekk jogħġbok elenka s-servizzi u l-attivitajiet ta’ investiment, is-servizzi aċċessorji jew l-istrumenti finanzjarji li se jiġu pprovduti mill-aġent marbut.

ANNESS II

Formola għall-komunikazzjoni tan-notifika ta’ passaport ta’ servizzi u attivitajiet ta’ investiment mill-awtorità kompetenti tal-Istat Membru tad-domiċilju lill-awtorità kompetenti tal-Istat Membru ospitanti

[L-Artikolu 5 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Komunikazzjoni f’konformità mal-Artikolu 34(3) tad-Direttiva 2014/65/UE (1)

MINGĦAND:

Stat Membru:

Awtorità kompetenti tal-Istat Membru tad-domiċilju:

Indirizz:

Punt ta’ kuntatt maħtur:

Numru tat-telefown:

Email:

LIL:

Stat Membru:

Awtorità kompetenti tal-Istat Membru ospitanti:

Indirizz:

Punt ta’ kuntatt maħtur:

Numru tat-telefown:

Email:

F’konformità mal-Artikolu 34(3) tad-Direttiva 2014/65/UE, nixtiequ ninfurmawk li [Isem tad-ditta], (1) ditta tal-investiment awtorizzata minn [isem tal-awtorità kompetenti tal-Istat Membru tad-domiċilju], biħsiebha tipprovdi servizzi tal-investiment u/jew attivitajiet tal-investiment kif ukoll servizzi anċillari elenkati fin-notifika tal-passaport mehmuża għall-ewwel darba fl-eżerċizzju tad-dritt tal-libertà biex tipprovdi servizzi jew attivitajiet ta’ investiment; jew (2) istituzzjoni ta’ kreditu awtorizzata minn [l-isem tal-awtorità kompetenti tal-Istat Membru tad-domiċilju] biħsiebha tipprovdi, permezz tal-użu ta’ aġent marbut, is-servizzi jew attivitajiet ta’ investiment elenkati fin-notifika ta’ passaport mehmuża għall-ewwel darba, fl-eżerċizzju tad-dritt ta’ libertà li jiġu pprovduti servizzi u attivitajiet ta’ investiment.

Jekk għandek xi mistoqsija, toqgħodx lura milli tikkuntattjana.

Dejjem tiegħek,

[Firma]

(1) Jekk jogħġbok emenda kif xieraq.

ANNESS III

Formola għall-komunikazzjoni ta’ bidla ta’ notifika fil-partikularitajiet ta’ notifika ta’ passaport ta’ servizzi u attivitajiet ta’ investiment għall-provvediment ta’ arranġamenti biex jiġi ffaċilitat l-aċċess għal MTF jew OTF mill-awtorità kompetenti tal-Istat Membru tad-domiċilju lill-awtorità kompetenti tal-Istat Membru ospitanti

[L-Artikoli 7 u 8 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Komunikazzjoni f’konformità mal-Artikolu 34(4) jew l-Artikolu 34(7) tad-Direttiva 2014/65/UE (1)

MINGĦAND:

Stat Membru:

L-awtorità kompetenti tal-Istat Membru tad-domiċilju:

Indirizz:

Punt ta’ kuntatt maħtur:

Numru tat-telefown:

Email:

LIL:

Stat Membru:

L-awtorità kompetenti tal-Istat Membru ospitanti:

Indirizz:

Punt ta’ kuntatt maħtur:

Numru tat-telefown:

Email:

F’konformità mal-Artikolu 34(4) tad-Direttiva 2014/65/UE, nixtiequ ninfumawk li [l-Isem tad-ditta], ditta tal-investiment/istituzzjoni ta’ kreditu/operatur tas-suq awtorizzat/sorveljat minn [l-isem tal-awtorità kompetenti tal-Istat Membru tad-domiċilju]:

(a) emendat is-servizzi u l-attivitajiet ta’ investiment/servizzi anċillari/strumenti finanzjarji li biħsiebha tkompli fit-territorju tiegħek fuq bażi transfruntiera

(b) biddlet isimha minn [isem qadim] għal [isem ġdid] b’ effett minn [id-data tal-bidla]

(d) biddlet l-informazzjoni ta’ kuntatt l-oħra tiegħu kif ġej [żid kull bidla li saret fl-informazzjoni ta’ kuntatt tal-Parti 1 tal-Anness I] b’effett [id-data tal-bidla]

(e) impenjat aġent marbut irreġistrat addizzjonali fi [l-isem tal-Istat Membru tad-domiċilju] biex jipprovdi servizzi u attivitajiet tal-investiment fit-territorju tiegħek fuq bażi transfruntiera.

(f) emendat l-arranġamenti pprovduti fi [l-isem tal-Istat Membru ospitanti] sabiex tiffaċilita l-aċċess għal [l-isem tal-MTF jew l-OTF] u n-negozjar tiegħu

(g) waqfet milli tipprovdi servizzi ta’ investiment u/jew twettaq attivitajiet ta’ investiment minħabba irtirar/kanċellazzjoni tal-awtorizzazzjoni tagħha b’effett minn [id-data tal-irtirar/kanċellazzjoni].

Sib mehmuża kopja tal-bidla ta’ [notifika tad-dettalji dwar is-servizzi u l-attivitajiet tal-investiment/id-dettalji dwar il-provvediment ta’ arranġamenti biex jiġi ffaċilitat aċċess għal notifika ta’ MTF jew OTF] bil-bidliet rilevanti. Jekk għandek xi mistoqsijiet, toqgħodx lura milli tikkuntattjana.

Dejjem tiegħek,

[Firma]

(1) Jekk jogħġbok biddel fuq il-bażi tal-bidliet li jridu jiġu notifikati.

ANNESS IV

Formola għan-notifika tal-provvediment ta’ arranġamenti biex jiġi ffaċilitat l-aċċess għal MTF jew OTF

[L-Artikoli 8 u 10 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Parti 1 — Informazzjoni ta’ Kuntatt:

Tip ta’ notifika:

Il-provvediment ta’ arranġamenti biex jiffaċilitaw l-aċċess għal MTF/OTF/bidliet f’dettalji tan-notifika għall-provvediment ta’ arranġamenti biex jiġi ffaċilitat l-aċċess għal MTF/OTF

L-Istat(i) Membru/(i) li fihom id-ditta tal-investiment/l-operatur tas-suq biħsiebu jipprovdi arranġamenti:

Isem tad-ditta tal-investiment/operatur tas-suq:

Indirizz:

Numru tat-telefown:

Email:

Isem tal-persuna ta’ kuntatt fid-ditta tal-investiment/l-operatur tas-suq:

Stat Membru tad-domiċilju

Stat tal-Awtorizzazzjoni (tad-ditta tal-investiment)/Dritt applikabbli (tal-operatur tas-suq):

Awtorizzata/Liċenzjata/Sorveljata minn [l-Awtorità Kompetenti tal-Istat Membru tad-Domiċilju]

Data tal-Awtorizzazzjoni (għad-ditti tal-investiment):

Isem l-MTF/OTF:

Data minn meta se jiġu pprovduti l-arranġamenti:

B’effett immedjat

Parti 2 – Deskrizzjoni tal-mudell kummerċjali ta’ [l-isem tal-MTF/OTF]:

[Jekk jogħġbok minn tal-inqas inkludi l-informazzjoni li ġejja]

Tip ta’ strumenti finanzjarji elenkati fil-Borża:

[trid timtela mid-ditta tal-investiment/operatur tas-suq]

Tip ta’ parteċipanti elenkati fil-Borża:

[trid timtela mid-ditta tal-investiment/operatur tas-suq]

Tip ta’ arranġamenti xierqa:

[trid timtela minn ditta tal-investiment/operatur tas-suq]

Kummerċjalizzazzjoni:

[trid timtela minn ditta tal-investiment/operatur tas-suq]

ANNESS V

Formola għall-komunikazzjoni rigward notifika għall-provvediment ta’ arranġamenti biex jiġi ffaċilitat l-aċċess għal MTF jew OTF mill-awtorità kompetenti tal-Istat Membru tad-domiċilju lill-awtorità kompetenti tal-Istat Membru ospitanti

[L-Artikolu 9 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Komunikazzjoni f’konformità mal-Artikolu 34(7) tad-Direttiva 2014/65/UE (1)

MINGĦAND:

Stat Membru:

L-awtoritajiet kompetenti tal-Istat Membru tad-domiċilju:

Indirizz:

Punt ta’ kuntatt maħtur:

Numru tat-telefown:

Email:

LIL:

Stat Membru:

l-awtorità kompetenti tal-Istat Membru ospitanti:

Indirizz:

Punt ta’ kuntatt maħtur:

Numru tat-telefown:

Email:

F’konformità mal-Artikolu 34(7) tad-Direttiva 2014/65/UE, nixtiequ ninfurmawk li [l-isem tal-Operatur tas-suq/Ditta tal-Investiment] li jopera [l-isem tal-MTF jew l-OTF] taħt [l-isem tad-dritt nazzjonali applikabbli] fl-[isem tal-Istat Membru tad-domiċilju], biħsiebu jipprovdi arranaġmenti fi [l-isem tal-Istat Membru li fih jipprovdi l-arranġamenti] sabiex jiffaċilita l-aċċess għal u n-negozjar fuq [l-isem tal-MTF/OTF] minn utenti remoti, membru jew partċipanti stabbiliti fi [l-istem tal-Istat Membru li fih bi ħsiebu jipprovdi l-arranġamenti],

Jekk għandek xi mistoqsijiet, toqgħodx lura milli tikkuntattjana.

Dejjem tiegħek,

[Firma]

(1) Jekk jogħġbok emenda kif meħtieġ.

ANNESS VI

Formola għan-notifika ta’ passaport ta’ fergħa u għan-notifika ta’ bidla fil-partikularitajiet ta’ fergħa (1)

L-Artikoli 12, 17 u 19 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Parti 1 — Informazzjoni ta’ Kuntatt

Tip ta’ notifika:

Notifika ta’ passaport ta’ fergħa/bidla fin-notifika tad-dettalji tal-fergħa

L-Istat Membru li fih id-ditta tal-investiment biħsiebha tistabbilixxi fergħa (2):

Isem id-ditta tal-investiment:

Indirizz tad-ditta tal-investiment:

Numru tat-telefown tad-ditta tal-investiment:

Email tad-ditta tal-investiment:

Isem tal-persuna ta’ kuntatt tad-ditta tal-investiment:

Isem il-fergħa:

L-indirizz tal-fergħa:

Numru tat-telefown tal-fergħa:

Email tal-fergħa:

Isem/(ismijiet) ta’ dawk responsabbli għall-immaniġġjar tal-fergħa:

Stat Membru tad-domiċilju:

Status tal-Awtorizzazzjoni:

Awtorizzat minn [l-Awtorità Kompetenti tal-Istat Membru tad-domiċilju]

Data tal-awtorizzazzjoni:

(1) Għall-finijiet tal-bidliet fin-notifika tal-partikularitajiet tal-fergħa jekk jogħġbok imla biss il-partijiet tal-formoli li huma rilevanti għall-bidliet notifikati. Meta d-ditta tal-investiment tkun biħsiebha tagħmel bidliet fis-servizzi u l-attivitajiet tal-investiment, fis-servizzi anċillari jew l-istrumenti finanzjarji pprovduti mill-fergħa, id-ditta għandha telenka s-servizzi u l-attivitajiet ta’ investiment, is-servizzi anċillari jew l-istrumenti finanzjarji kollha li se tipprovdi l-fergħa.

(2) Jekk jogħġbok innota li d-dritt korporattiv nazzjonali jista’ jirrikjedi r-reġistrazzjoni preċedenti f’reġistru kummerċjali qabel il-bidu tal-operazzjonijiet mill-fergħa.

Parti 2 – Programm ta’ operazzjonijiet

Servizzi u attivitajiet ta’ investiment, servizzi anċillari previsti li jiġu pprovduti mill-fergħa (*)

Servizzi u attivitajiet ta’ investiment

Servizzi anċillari

Strumenti finanzjarji

C10

C11

(*) Jekk jogħġbok immarka (x) fil-kaxxa/(ex) xierqa.

Pjan ta’ Direzzjoni tan-Negozju u organizzazzjoni strutturali tal-fergħa

Pjan ta’ direzzjoni tan-negozju

1. Il-fergħa kif se tikkontribwixxi għall-istrateġija tad-ditta/grupp?

2. X’se jkunu l-funzjonijiet ewlenin tal-fergħa?

3. Iddeskrivi l-objettivi ewlenin tal-fergħa;

Strateġija kummerċjali

1. Iddeskrivi t-tip ta’ klijenti/kontropartijiet li se tkun qed tindirizza l-fergħa;

2. Iddeskrivi kif id-ditta se tikseb u tindirizza dawn il-klijenti;

Struttura organizzazzjonali

1. Iddeskrivi fil-qasir kif il-fergħa tiffittja fl-istruttura korporattiva tad-ditta/grupp? (Dan jista’ jiġi ffaċilitat billi tehmeż ċart organizzazzjonali)

2. Indika l-istruttura organizzazzjonali tal-fergħa, li turi l-linji funzjonali, ġeografiċi u ġuridiċi tar-rapportar;

3. Identifika min se jkun responsabbli mill-operazzjonijiet tal-fergħa fuq bażi ta’ kuljum? Ipprovdi dettalji dwar l-esperjenza professjonali tal-persuni responabbli mill-ġestjoni tal-fergħa (Jekk jogħġbok ehmeż is-CV);

4. Identifika min se jkun responsabbli mill-funzjonijiet tal-kontroll intern tal-fergħa?

5. Identifika min se jkun responsabbli biex jindirizza l-ilmenti fir-rigward tal-fergħa?

6. Spjega kif il-fergħa se tirrapporta lill-uffiċċju prinċipali?

7. Agħti dettalji ta’ xi arranġamenti kritiċi tal-esternalizzazzjoni

Aġenti Marbuta (*)

1. Il-fergħa se tuża aġent marbut?

2. X’inhi l-identità tal-aġent marbut?

Isem

Indirizz

Telefown

Punt ta’ kuntatt

Referenza jew hyperlink għar-reġistru pubbliku fejn hu rreġistrat l-aġent marbut

Sistemi u Kontrolli

Ipprovdi sommarju qasir tal-arranġamenti għal:

1. is-salvagwardjar tal-flus u l-assi tal-klijent;

4. Il-konformità mal-imġiba tan-negozju u obbligi oħrajn li jaqgħu taħt ir-responsabbiltà tal-Awtorità Kompetenti tal-Istat Membru ospitanti skont l-Artikolu 35(8) u ż-żamma tar-rekords taħt l-Artikolu 16(6);

5. il-kodiċi tal-Imġiba tal-persunal, inkluż in-negozjar għan-nom proprju;

6. il-ġlieda kontra l-ħasil tal-flus;

7. Il-monitoraġġ u l-kontroll ta’ arranġamenti kritiċi tal-esternalizzazzjoni (jekk applikabbli);

8. l-isem, l-indirizz u d-dettalji tal-kuntatt tal-iskema tal-kumpens akkreditata li hija membru tagħha d-ditta tal-investiment jew l-istituzzjoni ta’ kreditu;

It-tbassir finanzjarju

Ehmeż dikjarazzjoni ta’ previżjoni għall-profitt u t-telf u l-fluss tal-flus kontanti, it-tnejn matul il-perjodu inizjali ta’ sitta u tletin xahar;

(*) Id-ditta tal-investiment għandha tippreżenta notifika ta’ passaport separata fir-rigward ta’ kull aġent marbut li l-fergħa biħsiebha tuża.

ANNESS VII

Formola għan-notifika ta’ passaport ta’ aġent marbut u għan-notifika ta’ bidla fil-partikularitajiet ta’ aġent marbut (1)

[L-Artikoli 13, 14 u 18 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Parti 1 – Informazzjoni ta’ Kuntatt

Tip ta’ notifika:

Notifika ta’ passaport ta’ aġent marbut/notifika ta’ bidla fil-partikularitajiet ta’ aġent marbut

L-Istat Membru li fih id-ditta tal-investiment/istituzzjoni ta’ kreditu biħsiebha tuża l-aġent marbut stabbilit fl-Istat(i) Membru/(i) ospitanti:

Isem tad-ditta tal-investiment/istituzzjoni ta’ kreditu:

Indirizz tad-ditta tal-investiment/istituzzjoni ta’ kreditu:

Isem tal-persuna ta’ kuntatt fid-ditta tal-investi-ment/istituzzjoni ta’ kreditu:

Numru tat-telefown tad-ditta tal-investiment/istituzzjoni ta’ kreditu

Email tad-ditta tal-investiment/istituzzjoni ta’ kreditu

Isem tal-aġent marbut:

Indirizz tal-aġent marbut:

Numru tat-telefown tal-aġent marbut:

Email tal-aġent marbut:

Isem/(ismijiet) ta’ dawk responsabbli għall-ġestjoni tal-fergħa:

Stat Membru tad-domiċilju:

Status tal-Awtorizzazzjoni:

Awtorizzat minn [Awtorità Kompetenti tal-Istat Membru tad-domiċilju]

Data tal-Awtorizzazzjoni:

Referenza jew hyperlink għar-reġistru pubbliku fejn hu rreġistrat l-aġent marbut

(1) Għall-finijiet ta’ notifika ta’ bidla fil-partikularitajiet ta’ aġent marbut, jekk jogħġbok imla biss il-partijiet tal-formoli rilevanti għall-bidliet notifikati. Fejn saru bidliet fis-servizzi u l-attivitajiet ta’ investiment jew l-istrumenti finanzjarji, id-ditta għandha telenka s-servizzi u l-attivitajiet ta’ investiment jew l-istrumenti finanzjarji kollha li se jiġu pprovduti mill-aġent marbut.

Parti 2 – Programm ta’ operazzjonijiet

Servizzi jew attivitajiet ta’ investiment previsti li se jiġu pprovduti mill-aġent marbut (*):

Is-servizzi u l-attivitajiet tal-investiment

Servizzi anċillari

Strumenti Finanzjarji

C10

C11

(*) Jekk jogħġbok immarka (x) fil-kaxxa/(ex) xierqa.

Pjan ta’ Direzzjoni tan-Negozju u organizzazzjoni strutturali tal-aġent marbut

Pjan ta’ direzzjoni tan-negozju

1. Spjega kif l-aġent marbut se jikkontribwixxi għall-istrateġija tad-ditta/grupp.

2. Iddeskrivi x’se jkunu l-funzjonijiet ewlenin tal-aġent marbut.

3. Iddeskrivi l-objettivi ewlenin tal-aġent marbut.

Strateġija kummerċjali

1. Iddeskrivi t-tipi ta’ klijenti/kontropartijiet li se jindirizza l-aġent marbut.

2. Iddeskrivi kif id-ditta se tikseb u tindirizza dawn il-klijenti.

Struttura organizzazzjonali

1. Iddeskrivi fil-qasir kif l-aġent marbut jiffittja fl-istruttura korporattiva tad-ditta/grupp. (Dan jista’ jiġi ffaċilitat billi tinhemeż ċart organizzazzjonali)

2. Indikat l-istruttura organizzazzjonali tal-aġent marbut, li turi kemm il-linji funzjonali kif ukoll dawk ġuridiċi.

3. Identifika min se jkun responsabbli mill-operazzjonijiet tal-aġent marbut fuq bażi ta’ kuljum? Ipprovdi dettalji tal-esperjenza professjonali tal-persuni responsabbli għall-ġestjoni tal-aġent marbut (Jekk jogħġbok ehmeż is-CV).

4. Identifika min se jkun responsabbli mill-funzjonijiet ta’ kontroll intern tal-aġent marbut.

5. Identifika min se jkun responsabbli biex jindirizza l-ilment fir-rigward tal-aġent marbut.

6. Identifika kif l-aġent marbut se jirrapporta lill-uffiċċju prinċipali.

7. Agħti dettalji tal-arranġamenti kritiċi tal-esternalizzazzjoni.

Sistemi u Kontrolli

Ipprovdi sommarju qasir tal-arranġamenti għal:

1. salvagwardjar tal-flus u tal-assi tal-klijent (fejn applikabbli);

2. konformità mal-imġiba tan-negozju u ma’ obbligi oħrajn li jaqgħu taħt ir-responsabbiltà tal-Awtorità Kompetenti tal-Istat Membru tad-domiċilju skont l-Artikolu 35(8) u ż-żamma tar-rekords taħt l-Artikolu 16(6);

3. il-kodiċi tal-persunal għall-Imġiba, li tinkludi n-negozjar għan-nom proprju;

4. il-ġlieda kontra l-ħasil tal-flus;

5. il-monitoraġġ u l-kontroll tal-arranġamenti kritiċi tal-esternalizzazzjoni (fejn applikabbli);

6. l-isem, l-indirizz u d-dettalji tal-kuntatt tal-iskema tal-kumpens akkreditata li hija membru tagħha d-ditta tal-investiment jew l-istituzzjoni ta’ kreditu;

It-tbassir finanzjarju:

Ehmeż dikjarazzjoni ta’ previżjoni għall-profitt u t-telf u l-fluss tal-flus kontanti, it-tnejn fuq perjodu inizjali ta’ sitta u tletin xahar.

ANNESS VIII

Formola għall-komunikazzjoni rigward notifika ta’ passaport ta’ fergħa mill-awtoritajiet kompetenti tal-Istat Membru tad-domiċilju lill-awtoritajiet kompetenti tal-Istat Membru ospitanti

[L-Artikolu 15 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Komunikazzjoni f’konformità mal-Artikolu 35(3) tad-direttiva 2014/65/UE (1)

MINGĦAND:

Stat Membru:

L-awtorità kompetenti tal-Istat Membru tad-domiċilju:

Indirizz:

Punt ta’ kuntatt maħtur:

Numru tat-telefown:

Email:

LIL:

Stat Membru:

L-Awtorità Kompetenti tal-Istat Membru ospitanti:

Indirizz:

Punt ta’ kuntatt maħtur:

Numru tat-telefown:

Email:

F’konformità mal-Artikolu 35(3) tad-Direttiva 2014/65/UE, nixtiequ ninfurmawk li [Isem tad-ditta], ditta tal-investiment awtorizzata minn [Awtorità Kompetenti tal-Istat Membru tad-domiċilju], biħsiebha tistabbilixxi fergħa li tinsab fi [l-isem tal-Istat Membru ospitanti] biex tipprovdi s-servizzi jew l-attivitajiet ta’ investiment kif ukoll servizzi anċillari elenkati fin-notifika ta’ passaport mehmuża.

[Isem tad-ditta tal-investiment] hija parteċipant fi [l-isem tal-iskema ta’ kumpens akkreditat tal-Istat Membru tad-domiċilju], li tipprovdi kopertura għal investituri eliġibbli kif meħtieġ mil-leġiżlazzjoni ta’ [l-isem tal-Istat Membru tad-domiċilju] fir-rigward tas-servizzi u l-attivitajiet ta’ investiment imwettqa mid-ditta minn stabbiliment fi [l-isem tal-Istat Membru tad-domiċilju] u permezz tal-fergħa tagħha fiż-Żona Ekonomika Ewropea.

Jekk għandek xi mistoqsijiet, toqgħodx lura milli tikkuntattjana.

Dejjem tiegħek,

[Firma]

(1) Jekk jogħġbok emenda kif meħtieġ.

ANNESS IX

Formola għall-komunikazzjoni rigward notifika ta’ passaport ta’ aġent marbut mill-awtoritajiet kompetenti tal-Istat Membru tad-domiċilju lill-awtorità kompetenti tal-Istat Membru ospitanti

[L-Artikolu 16 tar-Regolament ta’ Implimentazzjoni tal-Kummissjoni (UE) 2017/2382]

Numru ta’ referenza:

Data:

Komunikazzjoni f’konformità mal-Artikolu 35(3) jew l-Artikolu 35(7) tad-Direttiva 2014/65/UE (1)

MINGĦAND:

Stat Membru:

L-awtorità kompetenti tal-Istat Membru tad-domiċilju:

Indirizz:

Punt ta’ kuntatt maħtur:

Numru tat-telefown:

Email:

LIL:

Stat Membru:

L-Awtorità Kompetenti tal-Istat Membru ospitanti:

Indirizz:

Punt ta’ kuntatt maħtur:

Numru tat-telefown:

Email:

F’konformità mal-Artikolu 34(3)/l-Artikolu 35(7) tad-Direttiva 2014/65/UE, nixtiequ ninnotifikaw li [Isem tad-ditta], ditta tal-investiment/istituzzjoni ta’ kreditu awtorizzata minn [isem tal-awtorità kompetenti tal-Istat Membru tad-domiċilju], biħsiebha tuża aġent marbut li jinsabu fi [isem tal-Istat Membru ospitanti] biex tipprovdi s-servizzi jew l-attivitajiet ta’ investiment fin-notifika ta’ passaport mehmuża.

[Isem tad-ditta tal-investiment/istituzzjoni ta’ kreditu] hija parteċipant fl-[isem tal-iskema ta’ kumpens akkreditata tal-Istat Membru tad-domiċilju], li tipprovdi kopertura għal investituri eliġibbli kif meħtieġ mil-leġiżlazzjoni tal-[isem tal-Istat Membru tad-domiċilju] fir-rigward tas-servizzi u l-attivitajiet ta’ investiment imwettqa mid-ditta minn stabbiliment fl-[isem tal-Istat Membru tad-domiċilju] u permezz tal-aġent marbut tagħha fiż-Żona Ekonomika Ewropea.

Jekk għandek xi mistoqsijiet, toqgħodx lura milli tikkuntattjana.

Dejjem tiegħek,

[Firma]

(1) Jekk jogħġbok emenda kif meħtieġ.

ANNESS X

		ISSN 1977-074X
Il-Ġurnal Uffiċjali tal-Unjoni Ewropea		L 340

Edizzjoni bil-Malti	Leġiżlazzjoni	Volum 60 20 ta' Diċembru 2017

Werrej		I Atti leġiżlattivi	Paġna
		DEĊIŻJONIJIET
	*	Direttiva (UE) 2017/2380 tal-Parlament Ewropew u tal-Kunsill tat-12 ta' Diċembru 2017 li temenda d-Direttiva 2010/40/UE fir-rigward tal-perijodu għall-adozzjoni ta' atti delegati ( 1 )	1

	II Atti mhux leġiżlattivi
	FTEHIMIET INTERNAZZJONALI
*	Deċiżjoni tal-Kunsill (UE) 2017/2381 tal-5 ta' Diċembru 2017 dwar l-iffirmar, f'isem l-Unjoni, tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud	4
	REGOLAMENTI
*	Regolament ta' Implimentazzjoni tal-Kummissjoni (UE) 2017/2382 tal-14 ta' Diċembru 2017 li jistabbilixxi standards tekniċi ta' implimentazzjoni fir-rigward ta' formoli, mudelli u proċeduri standard għat-trażmissjoni tal-informazzjoni f'konformità mad-Direttiva 2014/65/UE tal-Parlament Ewropew u tal-Kunsill ( 1 )	6
*	Regolament ta' Implimentazzjoni tal-Kummissjoni (UE) 2017/2383 tad-19 ta' Diċembru 2017 li jestendi d-deroga mir-Regolament tal-Kunsill (KE) Nru 1967/2006 dwar id-distanza minima mill-kosta u l-fond minimu tal-baħar għall-bastimenti tat-tkarkir volantina fl-ibħra territorjali tas-Slovenja	32
*	Regolament ta' Implimentazzjoni tal-Kummissjoni (UE) 2017/2384 tad-19 ta' Diċembru 2017 li jispeċifika l-karatteristiċi tekniċi tal-modulu ad hoc tal-2019 dwar l-organizzazzjoni tax-xogħol u l-arranġamenti tal-ħin tax-xogħol fir-rigward tal-istħarriġ ta' kampjuni tal-forza tax-xogħol skont ir-Regolament tal-Kunsill (KE) Nru 577/98 ( 1 )	35
	Regolament ta' Implimentazzjoni tal-Kummissjoni (UE) 2017/2385 tad-19 ta' Diċembru 2017 li jiffissa l-koeffiċjent tal-allokazzjoni li għandu jiġi applikat għall-kwantitajiet koperti mill-applikazzjonijiet għal liċenzji tal-importazzjoni mressqin mill-1 sas-7 ta' Diċembru 2017 u li jistipula l-kwantitajiet li għandhom jiżdiedu mal-kwantità ffissata għas-subperjodu mill-1 ta' April sat-30 ta' Ġunju 2018 fil-qafas tal-kwoti tariffarji miftuħin bir-Regolament (KE) Nru 533/2007 fis-settur tal-laħam tat-tjur	41
	Regolament ta' Implimentazzjoni tal-Kummissjoni (UE) 2017/2386 tad-19 ta' Diċembru 2017 li jiffissal-koeffiċjent tal-allokazzjoni li għandu jiġi applikat għall-kwantitajiet koperti mill-applikazzjonijiet għal-liċenzji tal-importazzjoni mressqin mill-1 sas-7 ta' Diċembru 2017 u li jistabbilixxi l-kwantitajiet li għandhom jiżdiedu mal-kwantità ffissata għas-subperjodu mill-1 ta' April sat-30 ta' Ġunju 2018 fil-qafas tal-kwoti tariffarji miftuħin bir-Regolament tal-Kummissjoni (KE) Nru 1385/2007 fis-settur tal-laħam tat-tjur	43
	Regolament ta' Implimentazzjoni tal-Kummissjoni (UE) 2017/2387 tad-19 ta' Diċembru 2017 li jiffissa l-kwantitajiet li għandhom jiżdiedu mal-kwantità stabbilita għas-subperjodu mill-1 ta' April sat-30 ta' Ġunju 2018 fil-qafas tal-kwota tariffarja miftuħa bir-Regolament (KE) Nru 536/2007 għal-laħam tat-tjur li ġej mill-Istati Uniti tal-Amerka	45
	Regolament ta' Implimentazzjoni tal-Kummissjoni (UE) 2017/2388 tad-19 ta' Diċembru 2017 li jiddetermina l-kwantitajiet li għandhom jiżdiedu mal-kwantità stabbilita għas-subperjodu mill-1 ta' April sat-30 ta' Ġunju 2018 fil-qafas tal-kwoti tariffarji miftuħa bir-Regolament (KE) Nru 1384/2007 għal-laħam tat-tjur li joriġina fl-Iżrael	47
	DEĊIŻJONIJIET
*	Deċiżjoni tal-Kunsill (UE) 2017/2389 tal-5 ta' Diċembru 2017 li tistabbilixxi li ma ttieħdet l-ebda azzjoni effikaċi mir-Rumanija b'reazzjoni għar-Rakkomandazzjoni tal-Kunsill tal-16 ta' Ġunju 2017	49
*	Deċiżjoni ta' Implimentazzjoni tal-Kummissjoni (UE) 2017/2390 tal-15 ta' Diċembru 2017 dwar in-nuqqas ta' konformità tar-rati unitarji fiż-żona tal-imposti tal-Iżvizzera għall-2017 skont l-Artikolu 17 tar-Regolament ta' Implimentazzjoni (UE) Nru 391/2013 (notifikata bid-dokument C(2017) 8498)	51


	(1) Test b'rilevanza għaż-ŻEE.