15.12.2017   

MT

Il-Ġurnal Uffiċjali tal-Unjoni Ewropea

L 335/1

(1)

Ir-Regolament (UE) Nru 1303/2013 tal-Parlament Ewropew u tal-Kunsill (2) jistabbilixxi d-dispożizzjonijiet komuni u ġenerali applikabbli għall-Fondi Strutturali u ta' Investiment Ewropej.

(2)

F'konformità mal-Artikolu 7(1) tar-Regolament tal-Kunsill (UE, Euratom) Nru 1311/2013 (3) u l-Artikolu 92(3) tar-Regolament (UE) Nru 1303/2013, fl-2016 il-Kummissjoni rrieżaminat l-allokazzjonijiet totali tal-Istati Membri kollha taħt il-mira tal-Investiment għat-tkabbir u l-impjiegi tal-politika ta' koeżjoni għas-snin 2017 sa 2020.

(3)

F'konformità mal-Artikolu 7(3) tar-Regolament (UE, Euratom) Nru 1311/2013 u l-Artikolu 92(3) tar-Regolament (UE) Nru 1303/2013, il-Kummissjoni ppreżentat ir-riżultati ta' dak ir-rieżami f'komunikazzjoni lill-Kunsill u lill-Parlament Ewropew tat-30 ta' Ġunju 2016 dwar l-aġġustament tekniku tal-qafas finanzjarju għas-sena 2017 f'konformità mal-varjazzjonijiet tal-introjtu nazzjonali gross (ING) u mal-aġġustament tal-pakketti għall-politika ta' koeżjoni. Il-Kummissjoni ddikjarat f'dik il-komunikazzjoni li, abbażi tal-istatistika l-aktar riċenti, kien hemm diverġenza kumulattiva ta' aktar minn +/– 5 % bejn l-allokazzjonijiet totali u dawk rieżaminati fil-Belġju, ir-Repubblika Ċeka, id-Danimarka, l-Estonja, l-Irlanda, il-Greċja, Spanja, il-Kroazja, l-Italja, Ċipru, in-Netherlands, is-Slovenja, is-Slovakkja, il-Finlandja, l-Iżvezja u r-Renju Unit. Barra minn hekk, il-Kummissjoni ddikjarat li, abbażi tal-ċifri ING per capita tiegħu għall-2012–2014, Ċipru jsir kompletament eliġibbli għal appoġġ mill-Fond ta' Koeżjoni mill-1 ta' Jannar 2017.

(4)

Kif meħtieġ mill-Artikolu 7(4) u (5) tar-Regolament (UE, Euratom) Nru 1311/2013 u l-Artikolu 92(3) tar-Regolament (UE) Nru 1303/2013, l-allokazzjonijiet ta' dawk l-Istati Membri għandhom jiġu aġġustati kif meħtieġ, dment li l-effett nett totali ta' dawk l-aġġustamenti ma jaqbiżx EUR 4 biljuni.

(5)

Safejn ir-reviżjoni kellha impatt fuq it-tqassim annwali tal-allokazzjonijiet għar-riżorsi globali skont l-Istat Membru taħt il-mira tal-Investiment għat-tkabbir u l-impjiegi u taħt il-mira tal-kooperazzjoni territorjali Ewropea, kif ukoll fuq l-Inizjattiva favur l-Impjieg taż-Żgħażagħ (“YEI”, Youth Employment Initiative), ir-reviżjoni ġiet implimentata permezz tad-Deċiżjoni ta' Implimentazzjoni tal-Kummissjoni (UE) 2016/1941 (4).

(6)

L-effett nett totali ta' dawk l-aġġustamenti huwa li r-riżorsi għall-koeżjoni ekonomika, soċjali u territorjali jiżdiedu b'EUR 4 biljun. Dik iż-żieda għandha tiġi riflessa fl-Artikolu 91(1) tar-Regolament (UE) Nru 1303/2013, li għalhekk għandu jiġi aġġustat skont dan.

(7)

Ir-riżorsi għall-mira ta' investiment għat-tkabbir u l-impjiegi u l-allokazzjoni tagħhom fost reġjuni inqas żviluppati, reġjuni ta' tranżizzjoni u reġjuni aktar żviluppati, l-Istati Membri sostnuti mill-Fond ta' Koeżjoni, u r-reġjuni ultraperiferiċi, kif stipulat fl-Artikolu 92(1) tar-Regolament (UE) Nru 1303/2013, jenħtieġu li jiġu aġġustati skont dan.

(8)

F'konformità mal-Artikolu 14(1) tar-Regolament (UE, Euratom) Nru 1311/2013, il-marġnijiet li tħallew disponibbli taħt il-limiti massimi għal approprjazzjonijiet ta' impenn tal-qafas finanzjarju pluriennali (“QFP”) għandhom jikkostitwixxu Marġini Globali tal-QFP għall-impenji, li għandhom isiru disponibbli barra mil-limiti massimi stabbiliti fil-QFP għas-snin 2016 sa 2020 għal għanijiet ta' politika marbuta mat-tkabbir u l-impjiegi, b'mod partikolari l-impjiegi taż-żgħażagħ. Il-limitazzjoni tal-marġnijiet li tħallew disponibbli taħt il-limiti massimi tal-QFP għal approprjazzjonijiet ta' impenn għas-snin 2014 sa 2017 tneħħiet permezz tar-Regolament tal-Kunsill (UE, Euratom) 2017/1123 (5), u b'hekk il-YEI setgħat tiġi estiża sal-2020 u l-allokazzjoni speċifika għall-YEI setgħet tiżdied b'ammont ta' EUR 1,2 biljun fi prezzijiet attwali għall-perjodu 2017-2020. Jenħtieġ għalhekk li l-allokazzjoni speċifika għall-YEI kif stabbilita fl-Artikoli 91(1) u 92(5) tar-Regolament (UE) Nru 1303/2013 tiġi aġġustata skont dan.

(9)

F'konformità mal-Artikolu 94(2) tar-Regolament (UE) Nru 1303/2013, il-Kummissjoni aċċettat proposta mressqa mid-Danimarka biex tittrasferixxi parti mill-approprjazzjonijiet tagħha għall-mira ta' kooperazzjoni territorjali Ewropea għall-mira tal-Investiment għat-tkabbir u l-impjiegi. Jenħtieġ li dak it-trasferiment ikun rifless f'aġġustament tar-riżorsi globali disponibbli għall-mira tal-kooperazzjoni territorjali Ewropea taħt l-Artikolu 92(9) ta' dak ir-Regolament.

(10)

Skont il-proċedura stabbilita fl-Artikolu 19(1) tar-Regolament (UE, Euratom) Nru 1311/2013, ir-Regolament tal-Kunsill (UE, Euratom) 2015/623 (6) ittrasferixxa għal snin sussegwenti ammont ta' EUR 11 216 187 326 fi prezzijiet kurrenti tal-allokazzjoni pprovduta għall-Fondi Strutturali u l-Fond ta' Koeżjoni. Jenħtieġ li dak it-trasferiment ikun rifless fl-Anness VI tar-Regolament (UE) Nru 1303/2013 li jistipula t-tqassim annwali globali tal-approprjazzjonijiet ta' impenn għas-snin 2014 sal-2020. Barra minn hekk, ammont ta' EUR 9 446 050 652 fi prezzijiet kurrenti tal-allokazzjoni prevista għall-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi u s-Sajd li ma setax jiġi impenjat fis-sena 2014 u lanqas riportat għall-2015 ġie trasferit għas-snin sussegwenti.

(11)

Minħabba l-bżonn li jiġi żgurat li l-allokazzjonijiet addizzjonali li saru disponibbli għas-sena baġitarja 2017 huma impenjati finanzjarjament, inkluż permezz ta' emendi magħmula lill-programmi kkonċernati, tqies li huwa xieraq li ssir eċċezzjoni għall-perjodu ta' tmien ġimgħat imsemmi fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika.

(12)

Minħabba l-urġenza li jiġu estiżi l-programmi li jappoġġaw il-YEI, dan ir-Regolament jenħtieġ li jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(13)

Ir-Regolament (UE) Nru 1303/2013 għandu għalhekk jiġi emendat,

(1)

fl-Artikolu 91, il-paragrafu 1 huwa sostitwit b'dan li ġej:

“1.   Ir-riżorsi għal koeżjoni ekonomika, soċjali u territorjali disponibbli għall-impenji tal-baġit għall-perjodu 2014 - 2020 għandhom ikunu EUR 329 978 401 458 fi prezzijiet tal-2011, f'konformità mat-tqassim annwali stabbilit fl-Anness VI, li minnhom EUR 325 938 694 233 jirrappreżentaw ir-riżorsi globali allokati għall-FEŻR, il-FSE u l-Fond ta' Koeżjoni, u EUR 4 039 707 225 jirrappreżentaw allokazzjoni speċifika għall-YEI. Għall-finijiet ta' programmazzjoni u tal-inklużjoni sussegwenti fil-baġit tal-Unjoni, l-ammont tar-riżorsi għal koeżjoni ekonomika, soċjali u territorjali għandu jkun indiċizzat għal 2 % kull sena.”;

(2)

l-Artikolu 92 huwa emendat kif ġej:

(3)

l-Anness VI huwa sostitwit bit-test stabbilit fl-Anness ta' dan ir-Regolament.

15.12.2017   

MT

Il-Ġurnal Uffiċjali tal-Unjoni Ewropea

L 335/6

(1)

Fid-Dikjarazzjoni konġunta dwar il-Politika ta' Żvilupp tal-Unjoni Ewropea bl-isem “Il-Kunsens Ewropew” (2), u fid-Dikjarazzjoni konġunta dwar “Il-Kunsens Ewropew Ġdid għall-Iżvilupp” (3), il-Kunsill u r-rappreżentanti tal-gvernijiet tal-Istati Membri mlaqqgħin fil-Kunsill, il-Parlament Ewropew u l-Kummissjoni għarfu r-rabta bejn is-sigurtà u l-iżvilupp.

(2)

Fl-Aġenda tal-2030 għall-Iżvilupp Sostenibbli, adottata b'Riżoluzzjoni tal-Assemblea Ġenerali tan-Nazzjonijiet Uniti fil-25 ta' Settembru 2015 ġiet issottolinjata l-importanza tal-promozzjoni ta' soċjetajiet paċifiċi u inklussivi kemm bħala Għan ta' Żvilupp Sostenibbli (SDG) 16 kif ukoll biex jinkisbu eżiti oħrajn tal-politika ta' żvilupp. L-SDG 16.a jitlob speċifikament li “Jissaħħu l-istituzzjonijiet nazzjonali rilevanti, inkluż permezz ta' kooperazzjoni internazzjonali, għat-tisħiħ ta' kapaċitajiet fil-livelli kollha, b'mod partikolari fil-pajjiżi li qed jiżviluppaw, biex jipprevjenu l-vjolenza u jiġġieldu t-terroriżmu u l-kriminalità”.

(3)

L-objettiv ewlieni tal-politika ta' żvilupp tal-Unjoni huwa t-tnaqqis u, eventwalment, il-qerda tal-faqar.

(4)

Fil-Communiqué tal-Laqgħa ta' Livell Għoli tad-19 ta' Frar 2016, il-Kumitat ta' Għajnuna għall-Iżvilupp tal-Organizzazzjoni għall-Kooperazzjoni u l-Iżvilupp Ekonomiċi aġġorna d-direttivi ta' rappurtar tal-Għajnuna Uffiċjali għall-Iżvilupp fil-qasam tal-paċi u s-sigurtà. Il-finanzjament tal-azzjonijiet meħuda skont dan ir-Regolament jikkostitwixxi Għajnuna Uffiċjali għall-Iżvilupp meta jissodisfa l-kriterji stabbiliti f'dawk id-direttivi ta' rappurtar jew kwalunkwe direttiva sussegwenti ta' rappurtar li dwarha jkun jista' jaqbel il-Kumitat ta' Għajnuna għall-Iżvilupp.

(5)

L-għoti ta' appoġġ lill-atturi tas-settur tas-sigurtà f'pajjiżi terzi, inkluż, f'ċirkostanzi eċċezzjonali, il-militar, f'kuntest ta' prevenzjoni ta' konflitti, ġestjoni ta' kriżi jew stabbilizzazzjoni huwa essenzjali biex jiżgura l-kundizzjonijiet xierqa għall-qerda tal-faqar u għall-iżvilupp. Il-governanza tajba, il-kontroll demokratiku effikaċi u s-sorveljanza ċivili tas-sistema ta' sigurtà, inklużi dawk tal-militar, kif ukoll il-konformità mal-prinċipji tad-drittijiet tal-bniedem u tal-istat tad-dritt huma attributi essenzjali ta' Stat li jiffunzjona sew fi kwalunkwe kuntest, u jeħtieġu li jkunu promossi permezz ta' appoġġ lil pajjiżi terzi għal riforma usa' tas-settur tas-sigurtà.

(6)

Fil-konklużjonijiet tiegħu tad-19-20 ta' Diċembru 2013 dwar il-Politika ta' Sigurtà u ta' Difiża Komuni (PSDK), il-Kunsill Ewropew enfasizza l-importanza ta' appoġġ lil pajjiżi sħab u lil organizzazzjonijiet reġjonali, permezz tal-għoti ta' taħriġ, pariri, tagħmir u riżorsi fejn xieraq, sabiex ikunu jistgħu jipprevjenu jew jiġġestixxu dejjem aktar il-kriżijiet waħedhom.

(7)

Fil-Komunikazzjoni Konġunta tat-28 ta' April 2015 bl-isem “It-tisħiħ tal-kapaċitajiet sabiex jitwieżnu s -sigurtà u l-iżvilupp - L-għoti tas-setgħa lis-sħab sabiex jipprevjenu u jiġġestixxu l-kriżijiet”, il-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta' Sigurtà tennew il-bżonn għal soċjetajiet stabbli u sikuri sabiex jinkisbu l-objettivi ta' żvilupp.

(8)

F'konformità mal-Approċċ Komprensiv tal-UE u sabiex jiġu massimizzati l-impatt, l-effiċjenza u l-konsistenza tal-appoġġ tal-UE, il-Kunsill, fil-konklużjonijiet tiegħu tat-18 ta' Mejju 2015 dwar il-PSDK stieden lill-Kummissjoni u lir-Rappreżentant Għoli għall-Affarijiet Barranin u l-Politika ta' Sigurtà biex jiżviluppaw, f'konsultazzjoni mal-Istati Membri, qafas strateġiku għall-Unjoni kollha biex tiġi appoġġata r-riforma tas-settur tas-sigurtà. Dak il-kunċett ta' politika jgħaqqad lill-PSDK u l-għodod rilevanti l-oħra kollha tal-Politika Estera u ta' Sigurtà Komuni (PESK) kif ukoll strumenti tal-kooperazzjoni għall-iżvilupp, filwaqt li jirrispetta l-bażijiet ġuridiċi rispettivi tagħhom, l-objettivi primarji u l-proċeduri ta' teħid ta' deċiżjonijiet.

(9)

Jenħtieġ li t-tisħiħ tal-kapaċitajiet tal-atturi militari f'pajjiżi terzi jitwettaq bħala parti mill-politika tal-Unjoni ta' kooperazzjoni għall-iżvilupp, meta din prinċipalment taħdem għal objettivi fil-qasam tal-iżvilupp u bħala parti mill-PESK tal-Unjoni meta prinċipalment taħdem għal objettivi fil-qasam tal-paċi u s-sigurtà, f'konformità mal-Artikolu 40 tat-Trattat dwar l-Unjoni Ewropea. Dan ir-Regolament jirrispetta l-applikazzjoni tal-proċeduri u d-daqs tas-setgħat tal-istituzzjonijiet taħt il-politika tal-Unjoni ta' kooperazzjoni għall-iżvilupp u l-PESK tal-Unjoni.

(10)

L-għajnuna mill-Unjoni taħt dan ir-Regolament tista' tkopri l-forniment ta' programmi ta' tisħiħ tal-kapaċitajiet b'appoġġ għall-iżvilupp u s-sigurtà għall-iżvilupp, inklużi taħriġ, mentoring u pariri dwar, pereżempju, drittijiet tal-bniedem, il-governanza u l-istat tad-dritt, il-protezzjoni tan-nisa u t-tfal, ir-rispons għall-kriżijiet ċivili, il-ġestjoni tar-riżorsi umani u l-kooperazzjoni teknika.

(11)

Il-Kummissjoni għandha tissorvelja mill-qrib il-miżuri taħt dan ir-Regolament. Il-Kummissjoni għandha żżomm lill-Parlament Ewropew infurmat kif dovut, fil-waqt opportun, dwar l-implimentazzjoni tal-għajnuna tal-Unjoni taħt dan ir-Regolament. Sa mhux aktar tard mit-30 ta' Ġunju 2020, il-Kummissjoni għandha tevalwa l-impatt, l-effikaċja u l-koerenza tal-miżuri skont dan ir-Regolament mal-SDG 16. Għal dak il-għan, il-Kummissjoni għandha tassoċja l-partijiet ikkonċernati rilevanti kollha, inklużi organizzazzjonijiet tas-soċjetà ċivili u awtoritajiet lokali, fil-fażi tal-evalwazzjoni fejn tiżgura li jaqdu rwol sinifikattiv fil-proċess. Fejn xieraq, il-Kummissjoni għandha twettaq evalwazzjonijiet konġunti ma' Stati Membri. Ir-riżultati għandhom jinfurmaw it-tfassil ta' programmi u l-allokazzjoni ta' riżorsi, u t-tisħiħ ulterjuri tal-konsistenza u l-komplementarjetà tal-azzjoni esterna tal-Unjoni.

(12)

Għalhekk jenħtieġ li r-Regolament (UE) Nru 230/2014 tal-Parlament Ewropew u tal-Kunsill (4) jiġi emendat skont dan,

(1)

fl-Artikolu 1, paragrafu 2 jiżdied is-subparagrafu li ġej:

“Fejn tingħata għajnuna mill-Unjoni lill-atturi tas-settur tas-sigurtà, din tista' tinkludi wkoll atturi militari f'ċirkostanzi ta' eċċezzjoni kif stipulat fl-Artikolu 3a fil-kuntest ta' proċess ta' riforma usa' tas-settur tas-sigurtà jew fit-tisħiħ ta' kapaċità b'appoġġ għall-iżvilupp u għas-sigurtà għall-iżvilupp f'pajjiżi terzi, f'konformità mal-għan ġenerali tal-ksib ta' żvilupp sostenibbli.”;

(2)

jiddaħħal l-Artikolu li ġej:

“Artikolu 3a

It-tisħiħ tal-kapaċitajiet ta' atturi militari b'appoġġ għall-iżvilupp u għas-sigurtà għall-iżvilupp

1.   Biex tikkontribwixxi lejn żvilupp sostenibbli, li jirrikjedi l-kisba ta' soċjetajiet stabbli, paċifiċi u inklussivi, l-għajnuna tal-Unjoni taħt dan ir-Regolament tista' tintuża biex tibni l-kapaċità ta' atturi militari f'pajjiżi sħab, fiċ-ċirkostanzi ta' eċċezzjoni stabbiliti fil-paragrafu 3, biex jitwettqu attivitajiet ta' żvilupp u sigurtà għal attivitajiet ta' żvilupp.

2.   L-għajnuna skont dan l-Artikolu tista' tkopri b'mod partikolari l-forniment ta' programmi ta' tisħiħ tal-kapaċitajiet b'appoġġ għall-iżvilupp u għas-sigurtà għall-iżvilupp, inklużi taħriġ, mentoring u pariri, kif ukoll il-forniment ta' tagħmir, titjib tal-infrastruttura u servizzi relatati direttament ma' dik l-għajnuna.

3.   L-għajnuna skont dan l-Artikolu għandha tingħata biss:

4.   L-għajnuna tal-Unjoni skont dan l-Artikolu ma għandhiex tintuża biex jiġi ffinanzjat it-tisħiħ tal-kapaċitajiet ta' atturi militari għal skopijiet oħra għajr it-twettiq ta' attivitajiet ta' żvilupp u s-sigurtà għal attivitajiet ta' żvilupp. B'mod partikolari, din ma għandhiex tintuża biex tiffinanzja:

5.   Waqt it-tfassil u l-implimentazzjoni ta' miżuri skont dan l-Artikolu, il-Kummissjoni għandha tippromwovi r-responsabbiltà tal-pajjiż sieħeb. Hija għandha tiżviluppa wkoll l-elementi neċessarji u l-prattiki tajbin meħtieġa biex tkun żgurata s-sostenibbiltà fit-terminu medju u dak twil u għandha tippromwovi l-istat tad-dritt u l-prinċipji tad-dritt internazzjonali stabbiliti.

6.   Il-Kummissjoni għandha tistabbilixxi proċeduri xierqa ta' valutazzjoni tar-riskju, monitoraġġ u evalwazzjoni għall-miżuri skont dan l-Artikolu.”;

(3)

fl-Artikolu 7, il-paragrafu 1 huwa sostitwit b'dan li ġej:

“1.   L-għajnuna tal-Unjoni skont l-Artikolu 3, u l-Artikolu 3a skont il-każ, għandha tingħata permezz ta' miżuri ta' għajnuna eċċezzjonali u ta' programmi interim ta' reazzjoni.”;

(4)

fl-Artikolu 8, il-paragrafu 1 huwa sostitwit b'dan li ġej:

“1.   Id-dokumenti ta' strateġija tematika għandhom jikkostitwixxu l-bażi ġenerali għall-implimentazzjoni tal-għajnuna skont l-Artikoli 4 u 5, u l-Artikolu 3a skont il-każ. Id-dokumenti ta' strateġija tematika għandhom jipprovdu qafas għall-kooperazzjoni bejn l-Unjoni u l-pajjiżi jew reġjuni sħab ikkonċernati.”;

(5)

fl-Artikolu 10, il-paragrafu 1 huwa sostitwit b'dan li ġej:

“1.   Il-Kummissjoni għandha tiżgura li l-miżuri adottati taħt dan ir-Regolament fir-rigward tal-ġlieda kontra t-terroriżmu u l-kriminalità organizzata, kif ukoll il-miżuri koperti taħt l-Artikolu 3a, ikunu implimentati skont id-dritt internazzjonali, inkluż id-dritt dwar id-drittijiet tal-bniedem u d-dritt umanitarju internazzjonali.”;

(6)

fl-Artikolu 13, jiżdied dan il-paragrafu li ġej:

“4.   Ammont ulterjuri ta' EUR 100 000 000 għandu jiżdied mal-pakkett finanzjarju msemmi fil-paragrafu 1 u għandu jiġi allokati għal miżuri li jaqgħu taħt l-Artikolu 3a..”

15.12.2017   

MT

Il-Ġurnal Uffiċjali tal-Unjoni Ewropea

L 335/11