(1)

Il-Kumitat Xjentifiku dwar is-Sigurtà tal-Konsumatur (SCCS) ikkonkluda fl-opinjoni tiegħu tas-26–27 ta' Ġunju 2012 (2) li 3- u 4-(4-Idrossi-4-metilpentil) ċikloeż-3-en-1-karbaldeid (HICC), bl-isem INCI Idrossisoeżil 3-Ċikloeżen Karboksaldeid, 2,6-Diidrossi-4-metil-benżaldeid (atranol) u 3-Kloro-2,6-Diidrossi-4-metil-benżaldeid (kloroatranol) ma għandhomx jintużaw fi prodotti kosmetiċi għaliex huma allerġeni tal-fwejjaħ li kkawżaw l-ogħla numru ta' każijiet tal-allerġiji bil-kuntatt f'dawn l-aħħar snin.

(2)

Konsegwentement, hemm riskju potenzjali għas-saħħa tal-bniedem u jenħtieġ għalhekk li dawk is-sustanzi jiġu pprojbiti fil-prodotti kosmetiċi.

(3)

L-HICC huwa rregolat bl-entrata Nru 79 tal-Anness III tar-Regolament (KE) Nru 1223/2009, fejn jipprovdi li l-preżenza tiegħu trid tiġi indikata fil-lista ta' ingredjenti msemmija fl-Artikolu 19(1)(g) ta' dak ir-Regolament meta l-konċentrazzjoni tiegħu taqbeż il-0,001 % fi prodotti li ma jitlaħalħux u 0,01 % fi prodotti li jitlaħalħu. Billi l-HICC jenħtieġ ikun ipprojbit fil-prodotti kosmetiċi, huwa neċessarju li titħassar dik l-entrata.

(4)

L-SCCS indika fl-opinjoni tiegħu tas-26-27 ta' Ġunju 2012 li atranol u kloroatranol huma komponenti naturali tal-ħażiż tas-siġar tal-ballut (Evernia prunastri) u estratti tal-ħażiż tas-siġar (Evernia furfuracea) regolat bl-entrati Nri 91 u 92, rispettivament, tal-Anness III tar-Regolament (KE) Nru 1223/2009.

(5)

Huwa xieraq li jingħataw perjodi ta' żmien raġonevoli sabiex l-industrija tadatta għall-projbizzjonijiet ġodda u għal din ir-raġuni ma jibqgħux jitqiegħdu jew isiru disponibbli fis-suq il-prodotti konċernati li jkun fihom waħda jew aktar mis-sustanzi pprojbiti. Meta jiġu biex jiddeterminaw dawn il-perjodi taż-żmien, jenħtieġ li jitqies ukoll ir-riskju potenzjali ta' dawk il-prodotti għas-saħħa tal-bniedem. Ir-restrizzjoni għall-HICC stabbilita fl-entrata 79 tal-Anness III tar-Regolament (KE) Nru 1223/2009 jenħtieġ tibqa' tapplika sakemm id-disponibilità tal-prodotti li fihom din is-sustanza ma tibqax permessa. Għalhekk it-tħassir ta' din l-entrata għandu jiġi diferit.

(6)

B'mod partikolari, il-proċedura eċċezzjonalment ikkumplikata u twila għar-riformulazzjoni tal-fwieħa u t-tħassib tal-konsumaturi dwar il-bidla tal-proprjetajiet olfattivi tal-fwejjaħ għandha tkun riflessa fit-tul taż-żmien itwal mis-soltu tal-iskadenza mogħtija lill-industrija għall-aġġustamenti ta' prodotti. Il-manifestazzjonijiet ta' allerġiji bil-kuntatt għall-fwejjaħ huma normalment limitati għall-ġielda. Il-konsumaturi li jbatu mill-allerġija bil-kuntatt għall-allerġeni tal-fwejjaħ ta' spiss ikunu jafu li ma jistgħux jittolleraw il-prodotti tal-fwieħa fuq il-ġilda tagħhom u għalhekk jistgħu jevitawhom.

(7)

Jenħtieġ għalhekk li l-Annessi II u III tar-Regolament (KE) Nru 1223/2009 jiġu emendati skont dan.

(8)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi,

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)

Fit-28 ta' Lulju 2017, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jneħħi persuna fiżika mil-lista ta' persuni, gruppi u entitajiet li għalihom japplika l-iffriżar ta' fondi u ta' riżorsi ekonomiċi. Għalhekk jenħtieġ li l-Anness I tar-Regolament (KE) Nru 881/2002 jiġi emendat skont dan,

(1)

Skont id-Direttiva 2008/106/KE, l-Istati Membri jistgħu jiddeċiedu li jirrikonoxxu b'approvazzjoni ċ-ċertifikati xierqa ta' kompetenza tal-baħħara, li jkunu nħarġu minn pajjiżi terzi, sakemm il-pajjiż terz ikkonċernat ikun rikonoxxut mill-Kummissjoni. Dawk il-pajjiżi terzi jridu jissodisfaw ir-rekwiżiti kollha tal-Konvenzjoni tal-Organizzazzjoni Marittima Internazzjonali dwar Standards ta' Taħriġ, Ċertifikazzjoni u Għassa għall-Baħħara, tal-1978 (il-“Konvenzjoni STCW”).

(2)

Fit-18 ta' Frar 2011, il-Ġermanja talbet ir-rikonoxximent ta' Fiġi. Wara dik it-talba, il-Kummissjoni kkuntattjat lill-awtoritajiet ta' Fiġi bil-għan li twettaq valutazzjoni tas-sistema ta' taħriġ u ċertifikazzjoni tagħhom biex tivverifika jekk Fiġi jissodisfax ir-rekwiżiti kollha tal-Konvenzjoni STCW u jekk ittiħdux il-miżuri xierqa biex tiġi evitata l-frodi konnessa maċ-ċertifikati. Kien spjegat li l-valutazzjoni se tkun ibbażata fuq ir-riżultati ta' spezzjoni għall-ġbir ta' informazzjoni li għandha titwettaq mill-esperti tal-Aġenzija Ewropea għas-Sigurtà Marittima (l-Aġenzija) f'Fiġi.

(3)

Abbażi tar-riżultati ta' spezzjoni li saret f'Ġunju 2013, u b'kont meħud ta' pjan volontarju ta' azzjoni korrettiva mibgħut mill-awtoritajiet ta' Fiġi f'Settembru 2014 u ssupplimentat f'Diċembru 2014, il-Kummissjoni għamlet valutazzjoni tas-sistema ta' taħriġ u ċertifikazzjoni f'Fiġi.

(4)

Fl-evalwazzjoni tagħha, il-Kummissjoni identifikat għadd ta' oqsma li kellhom bżonn jiġu indirizzati sewwa mill-awtoritajiet ta' Fiġi, inklużi n-nuqqasijiet marbutin mad-dispożizzjonijiet nazzjonali, bħal dispożizzjonijiet nieqsa għall-kwalifiki ta' ċerti kategoriji ta' ħarrieġa, u rekwiżiti ta' ċertifikazzjoni kif ukoll proċeduri tal-ġestjoni ta' kwalità insuffiċjenti jew inkompleti.

(5)

F'April 2015, il-Kummissjoni pprovdiet lill-awtoritajiet ta' Fiġi b'rapport ta' valutazzjoni li kien ibbażat fuq ir-riżultati tal-ispezzjoni ta' Ġunju 2013 u qieset il-pjan ta' azzjonijiet korrettivi ssupplimentat.

(6)

F'Ġunju 2015, l-awtoritajiet ta' Fiġi ressqu pjan ta' azzjonijiet korrettivi aġġornat.

(7)

Abbażi tal-informazzjoni kollha disponibbli, il-Kummissjoni tikkonkludi li l-awtoritajiet ta' Fiġi, bl-eċċezzjoni ta' sejba dwar ir-rekwiżiti taċ-ċertifikazzjoni, ħadu miżuri biex jagħmlu s-sistema tat-taħriġ u ċ-ċertifikazzjoni tal-baħħara ta' Fiġi konformi mar-rekwiżiti tal-Konvenzjoni STCW.

(8)

B'mod partikolari, Fiġi adotta leġiżlazzjoni ġdida li tindirizza n-nuqqasijiet identifikati b'rabta mad-dispożizzjonijiet nazzjonali u aġġorna l-proċeduri tal-kwalità tal-amministrazzjoni u tal-istituzzjonijiet tal-edukazzjoni marittima u l-kurrikula u l-programmi ta' taħriġ tal-istituzzjonijiet tal-edukazzjoni marittima tiegħu.

(9)

Id-dipartimenti tal-Kummissjoni talbu lill-awtoritajiet ta' Fiġi għal kjarifika dwar is-sejba tal-Kummissjoni msemmija fil-premessa 7 b'rabta mar-rekwiżiti taċ-ċertifikazzjoni. Din is-sejba ma tistax, f'kull każ, tqajjem dubji dwar il-valutazzjoni pożittiva ġenerali.

(10)

Ir-riżultat finali tal-valutazzjoni juri li Fiġi huwa konformi mar-rekwiżiti tal-Konvenzjoni STCW, u li dan il-pajjiż ħa l-miżuri xierqa biex tiġi evitata l-frodi konnessa maċ-ċertifikati.

(11)

L-Istati Membri ngħataw rapport dwar ir-riżultati tal-valutazzjoni.

(12)

Il-miżuri stipulati f'din id-Deċiżjoni huma skont l-opinjoni tal-Kumitat dwar l-Ibħra Protetti u l-Prevenzjoni ta' Tniġġis minn Bastimenti,