12.7.2017   

MT

Il-Ġurnal Uffiċjali tal-Unjoni Ewropea

L 179/1

(1)

F'konformità mad-Deċiżjoni tal-Kunsill 2017/479 (2), il-Ftehim bejn l-Unjoni Ewropea u r-Renju tan-Norveġja dwar regoli supplementari fir-rigward tal-istrument għall-appoġġ finanzjarju għall-fruntieri esterni u l-viża, bħala parti mill-Fond għas-Sigurtà Interna għall-perjodu 2014 sa 2020 (“il-Ftehim”) ġie ffirmat mill-Kummissjoni fit-8 ta' Diċembru 2016, soġġett għall-konklużjoni tiegħu f'data aktar tard.

(2)

Ir-Regolament (UE) Nru 515/2014 tal-Parlament Ewropew u tal-Kunsill (3) jipprevedi li l-pajjiżi assoċjati mal-implimentazzjoni, l-applikazzjoni u l-iżvilupp tal-acquis ta' Schengen għandhom jipparteċipaw fl-istrument skont id-dispożizzjonijiet tiegħu u li għandhom jiġu konklużi arranġamenti dwar il-kontribuzzjonijiet finanzjarji tagħhom u r-regoli supplimentari meħtieġa għal tali parteċipazzjoni, inklużi dispożizzjonijiet li jiżguraw il-protezzjoni tal-interessi finanzjarji tal-Unjoni u s-setgħat ta' awditu tal-Qorti tal-Awdituri.

(3)

F'konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha. Minħabba li din id-Deċiżjoni tibni fuq l-acquis ta' Schengen, id-Danimarka għandha, f'konformità mal-Artikolu 4 ta' dak il-Protokoll, tiddeċiedi fi żmien sitt xhur minn meta l-Kunsill ikun iddeċieda dwar din id-Deċiżjoni, jekk hijiex ser timplimentaha fil-liġi nazzjonali tagħha.

(4)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom ir-Renju Unit ma jieħux sehem, skont id-Deċiżjoni tal-Kunsill 2000/365/KE (4); għaldaqstant, ir-Renju Unit mhuwiex qiegħed jieħu sehem fl-adozzjoni ta' din id-Deċiżjoni u mhuwiex marbut biha jew soġġett għall-applikazzjoni tagħha.

(5)

Din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen li fihom l-Irlanda ma tiħux sehem, skont id-Deċiżjoni tal-Kunsill 2002/192/KE (5); għaldaqstant, l-Irlanda mhijiex qed tieħu sehem fl-adozzjoni ta' din id-Deċiżjoniu mhijiex marbuta biha jew soġġetta għall-applikazzjoni tagħha.

(6)

Il-Ftehim għandu jiġi approvat,

12.7.2017   

MT

Il-Ġurnal Uffiċjali tal-Unjoni Ewropea

L 179/3

(1)

L-Anness I tar-Regolament (KE) Nru 1334/2008 jistabbilixxi lista tal-Unjoni ta' aromatizzanti u ta' materjali ta' sors approvati għall-użu fl-ikel u fuq l-ikel, u l-kundizzjonijiet tal-użu tagħhom.

(2)

Ir-Regolament ta' Implimentazzjoni tal-Kummissjoni (UE) Nru 872/2012 (3) adotta lista ta' sustanzi aromatizzanti u introduċa dik il-lista fil-Parti A tal-Anness I tar-Regolament (KE) Nru 1334/2008.

(3)

Il-Parti A tal-Anness I tar-Regolament (KE) Nru 1334/2008 tista' tiġi aġġornata f'konformità mal-proċedura komuni msemmija fl-Artikolu 3(1) tar-Regolament (KE) Nru 1331/2008, kemm fuq inizjattiva tal-Kummissjoni kif ukoll wara applikazzjoni sottomessa minn Stat Membru jew minn parti interessata.

(4)

Is-sustanza aromatizzanti 4,5-epossidek-2(trans)-enal (nru FI: 16.071) hija inkluża fl-Anness I tar-Regolament (KE) Nru 1334/2008 bħala sustanza aromatizzanti taħt evalwazzjoni, u li għaliha ntalbet dejta xjentifika addizzjonali mill-Awtorità. Tali dejta ġiet sottomessa mill-applikant.

(5)

L-Awtorità Ewropea dwar is-Sigurtà fl-Ikel ivvalutat id-dejta sottomessa u kkonkludiet, fl-opinjoni xjentifika tagħha tal-4 ta' Mejju 2017 (4), li l-4,5-epossidek-2(trans)-enal (nru FI: 16.071) tqajjem kwistjoni marbuta mas-sikurezza fir-rigward tal-ġenotossiċità, peress li hemm effett ġenotossiku osservat fil-fwied tal-firien fl-assaġġ in vivo sottomess.

(6)

Għaldaqstant, l-użu ta' 4,5-epossidek-2(trans)-enal (nru FI: 16.071) ma jikkonformax mal-kundizzjonijiet ġenerali għall-użu ta' aromatizzanti stabbiliti fl-Artikolu 4(a) tar-Regolament (KE) Nru 1334/2008. Konsegwentement, dik is-sustanza jenħtieġ li titneħħa mil-lista mingħajr dewmien sabiex tiġi protetta s-saħħa tal-bniedem.

(7)

Għalhekk, il-Kummissjoni jenħtieġ li tuża l-proċedura ta' urġenza għat-tneħħija ta' sustanza li tqajjem kwistjoni marbuta mas-sikurezza mil-lista tal-Unjoni.

(8)

Għaldaqstant, il-Parti A tal-Anness I tar-Regolament (KE) Nru 1334/2008 għandha tiġi emendata skont dan.

(9)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

12.7.2017   

MT

Il-Ġurnal Uffiċjali tal-Unjoni Ewropea

L 179/6

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)

Fis-6 ta' Lulju 2017 il-Kumitat tas-Sanzjonijiet tal-Kunsill għas-Sigurtà tan-Nazzjonijiet Uniti ddeċieda li jżid entità waħda mal-lista tal-persuni, il-gruppi u l-entitajiet tiegħu li għalihom għandu japplika l-iffriżar tal-fondi u riżorsi finanzjarji. Għalhekk jenħtieġ li l-Anness I tar-Regolament (KE) Nru 881/2002 jiġi emendat skont dan,

(3)

Sabiex jiġi żgurat li l-miżuri previsti f'dan ir-Regolament ikunu effettivi, jenħtieġ li dan jidħol fis-seħħ minnufih,

12.7.2017   

MT

Il-Ġurnal Uffiċjali tal-Unjoni Ewropea

L 179/8

(1)

Fit-12 ta' Diċembru 2003 il-Kunsill Ewropew adotta l-Istrateġija tal-UE kontra l-proliferazzjoni tal-armi ta' qerda massiva, li l-Kapitolu II tagħha fiha lista ta' miżuri biex tiġi miġġielda tali proliferazzjoni li jeħtieġ li jittieħdu kemm fl-Unjoni kif ukoll f'pajjiżi terzi.

(2)

L-Unjoni qiegħda timplimenta dik l-Istrateġija attivament u qiegħda tagħti effett lill-miżuri elenkati fil-Kapitolu III tagħha, b'mod partikolari billi tagħmel disponibbli riżorsi finanzjarji b'appoġġ għal proġetti speċifiċi mmexxijin minn istituzzjonijiet multilaterali, biex b'hekk l-Istati jingħataw assistenza teknika u ħila esperta fir-rigward ta' firxa wiesgħa ta' miżuri ta' nonproliferazzjoni, u billi tippromwovi r-rwol tal-Kunsill tas-Sigurtà tan-Nazzjonijiet Uniti (NU).

(3)

Fit-28 ta' April 2004, il-Kunsill tas-Sigurtà tan-NU adotta r-Riżoluzzjoni 1540 (2004) (“UNSCR 1540 (2004)”), li kienet l-ewwel strument internazzjonali biex jiġu ttrattati b'mod integrat u komprensiv l-armi ta' qerda massiva, il-mezzi ta' kunsinna tagħhom u l-materjal relatat. Il-UNSCR 1540 (2004) stabbilixxiet obbligi vinkolanti għall-Istati kollha bl-għan li timpedixxi u tiskoraġġixxi lill-atturi li mhumiex Stati milli jaċċedu għal tali armi u materjali relatati mal-armi. Permezz tal-UNSCR 1540 (2004), il-Kunsill tas-Sigurtà tan-NU ddeċieda wkoll li l-Istati kollha jieħdu u jinfurzaw miżuri effettivi biex jistabbilixxu kontrolli domestiċi għall-prevenzjoni tal-proliferazzjoni ta' armi nukleari, kimiċi jew bijoloġiċi u l-mezzi ta' kunsinna tagħhom, inkluż billi jistabbilixxu kontrolli adegwati fuq materjal relatat.

(4)

Aderenza universali mal-Konvenzjoni dwar l-Armi Kimiċi u l-UNSCR 1540 (2004) u l-implimentazzjoni sħiħa tagħhom huma fost il-prijoritajiet ewlenin tal-Ukrajna fil-qasam tan-nonproliferazzjoni ta' armi ta' qerda massiva, speċjalment fil-qafas tas-sħubija nonpermanenti mal-Kunsill tas-Sigurtà tan-NU għat-terminu 2016-2017.

(5)

Il-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u l-Ukraina, min-naħa l-oħra (1) (il-“Ftehim ta' Assoċjazzjoni”) ġie ffirmat fil-21 ta' Marzu u s-27 ta' Ġunju 2014. Il-Ftehim ta' Assoċjazzjoni jipprevedi, fost l-oħrajn, l-armonizzazzjoni malajr tal-leġislazzjoni Ukrena mal-leġislazzjoni rilevanti tal-Unjoni, inkluż dwar l-eliminazzjoni ta' kwalunkwe xkiel għall-implimentazzjoni komprensiva tal-UNSCR 1540 (2004). Il-Ftehim ta' Assoċjazzjoni ġie applikat proviżorjament, f'parti, sa minn Novembru 2014 u Jannar 2016.

(6)

Skont il-Pjan tal-Gvern tal-Ukrajna 2014-2017 għall-implimentazzjoni tal-Ftehim ta' Assoċjazzjoni, l-Ukrajna impenjat ruħha biex tiżviluppa regolamenti dwar il-kontroll ta' inċidenti kbar li jinvolvu sustanzi perikolużi. Il-Kabinett tal-Ministri tal-Ukrajna ddeċieda wkoll li jtejjeb is-sigurtà u s-sikurezza kimika billi jiżviluppa miżuri leġislattivi u regolatorji dwar il-konformità mar-rekwiżiti dwarl-immaniġġar sigur ta' sustanzi kimiċi perikolużi u l-prevenzjoni tal-kummerċjalizzazzjoni illeċita ta' prodotti kimiċi perikolużi.

(7)

Fil-11 u t-12 ta' Diċembru 2014 l-Organizzazzjoni għas-Sigurtà u l-Kooperazzjoni fl-Ewropa (OSKE), bl-appoġġ tal-Uffiċċju tan-N U għall-Affarijiet ta' Diżarm (UNODA), l-Unjoni tal-Ispeċjalististi fil-Kimika Ukreni, u ċ-Ċentru Internazzjonali għas-Sigurtà u s-Sikurezza Kimika (ICCSS), organizzat diskussjoni madwar mejda fi Kyiv dwar il-kapaċitajiet fil-qasam tas-sigurtà u s-sikurezza kimika (ICSSP) fl-Ukrajna u l-iżvilupp ta' programm integrat għas-sigurtà u s-sikurezza kimika fl-Ukrajna, inkluż il-promozzjoni tal-implimentazzjoni tal-UNSCR 1540 (2004). Id-diskussjoni madwar mejda laqqgħet flimkien udjenza magħmula minn diversi partijiet interessati mill-Ukrajna kif ukoll sħab internazzjonali, u l-eżitu tagħha ġie kkonfermat permezz tal-approvazzjoni ta' sett ta' rakkomandazzjonijiet.

(8)

Mill-24 sas-26 ta' Frar 2015 saret fi Vjenna laqgħa tal-partijiet interessati u s-sħab internazzjonali prinċipali dwar l-iżvilupp ta' ICSSP fl-Ukrajna, inkluż il-promozzjoni tal-Implimentazzjoni tal-UNSCR 1540 (2004). Il-parteċipanti mill-Ukrajna qablu dwar pjan direzzjonali għall-ICSSP fl-Ukrajna.

(9)

F'dak il-qafas, il-proposti tal-proġetti tħejjew mis-Segretarjat tal-OSKE f'kooperazzjoni mill-qrib mal-awtoritajiet kompetenti fl-Ukrajna u ġew ippreżentati lill-Unjoni għall-finanzjament mill-baġit tal-PESK.

(10)

Jenħtieġ li s-Segretarjat tal-OSKE jiġi fdat bl-implimentazzjoni teknika tal-proġetti li jridu jitwettqu skont din id-Deċiżjoni,

(a)

it-tisħiħ tal-paċi u s-sigurtà fil-viċinat tal-Unjoni permezz tat-tnaqqis tat-theddida li ġejja mill-kummerċ illeċitu ta' sustanzi kimiċi kontrollati u tossiċi fir-reġjun tal-OSKE, b'mod partikolari fl-Ukrajna;

(b)

l-appoġġ tal-multilateraliżmu effettiv fuq livell reġjonali permezz tal-appoġġ tal-azzjoni tal-OSKE biex jissaħħu l-kapaċitajiet tal-awtoritajiet kompetenti fl-Ukrajna li jipprevjenu l-kummerċ illeċitu ta' sustanzi kimiċi kontrollati u tossiċi f'konformità mal-obbligi skont l-UNSCR 1540 (2004).

(a)

it-titjib tas-sistema regolatorja tal-Ukrajna dwar is-sigurtà u s-sikurezza kimika;

(b)

l-istabbiliment ta' ċentru ta' riferiment nazzjonali Ukren għall-identifikazzjoni ta' sustanzi kimiċi kkontrollati u tossiċi;

(c)

it-tisħiħ tal-kontrolli fuq il-movimenti transkonfinali tas-sustanzi kimiċi kkontrollati u tossiċi.

12.7.2017   

MT

Il-Ġurnal Uffiċjali tal-Unjoni Ewropea

L 179/15

(1)

Fis-16 ta' Lulju 2012, il-Kunsill adotta d-Deċiżjoni 2012/392/PESK (1) li tistabbilixxi missjoni ta' PSDK tal-Unjoni Ewropea fin-Niġer (EUCAP Sahel Niger) sabiex tappoġġa t-tisħiħ tal-kapaċità tal-atturi tas-sigurtà Niġerini fil-ġlieda kontra t-terroriżmu u l-kriminalità organizzata.

(2)

Fit-18 ta' Lulju 2016, il-Kunsill adotta d-Deċiżjoni (PESK) 2016/1172 (2), li testendi l-Missjoni sal-15 ta' Lulju 2018 u li tipprovdi ammont ta' referenza finanzjarja sal-15 ta' Lulju 2017.

(3)

Jenħtieġ li d-Deċiżjoni 2012/392/PESK tiġi emendata biex tipprovdi ammont ta' referenza finanzjarja għall-perijodu mis-16 ta' Lulju 2017 sal-15 ta' Lulju 2018.

(4)

L-EUCAP Sahel Niger ser titmexxa fil-kuntest ta' sitwazzjoni li tista' tiddeterjora u li tista' timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat dwar l-Unjoni Ewropea,

12.7.2017   

MT

Il-Ġurnal Uffiċjali tal-Unjoni Ewropea

L 179/16

(1)

Bid-Deċiżjoni tal-Kummissjoni C(2014)6501 tal-10 ta' Settembru 2014, ir-reġistrazzjoni ta' inizjattiva taċ-ċittadini proposta intitolata “Stop TTIP” ġiet irrifjutata. Il-Qorti Ġenerali tal-Unjoni Ewropea fis-sentenza tagħha tal-10 ta' Mejju 2017 fil-kawża T-754/14, annullat din id-Deċiżjoni. Sabiex jittieħdu l-miżuri meħtieġa sabiex tiġi rrispettata s-sentenza tal-Qorti Ġenerali, trid tiġi adottata Deċiżjoni tal-Kummissjoni ġdida dwar it-talba għar-reġistrazzjoni tal-inizjattiva taċ-ċittadini proposta.

(2)

Is-suġġett tal-inizjattiva taċ-ċittadini proposta intitolata “Stop TTIP” issir referenza għalih kif ġej: “Aħna nistiednu lill-Kummissjoni Ewropea biex tirrakkomanda lill-Kunsill biex jirrevoka l-mandat ta' negozjar għas-Sħubija Trans-Atlantika ta' Kummerċ u ta' Investiment (TTIP) u li ma jikkonkludix il-Ftehim Ekonomiku u Kummerċjali Komprensiv (CETA)”.

(3)

L-objettivi ddikjarati tal-inizjattiva taċ-ċittadini proposta huma: “Aħna nixtiequ nipprevjenu t-TTIP u s-CETA billi dawn jinkludu diversi kwistjonijiet kritiċi bħas-soluzzjoni tat-tilwim bejn l-investituri u l-Istati u regoli dwar il-kooperazzjoni regolatorja li huma ta' theddida għad-demokrazija u l-istat tad-dritt. Irridu nevitaw li l-istandards tal-impjiegi, soċjali, ambjentali u tal-konsumatur jitbaxxew u li s-servizzi pubbliċi (bħall-ilma) u l-assi kulturali jiġu dderegolati f'negozjati mhux trasparenti. L-ECI tappoġġa politika tal-kummerċ u tal-investiment alternattiva fl-UE”.

(4)

Deċiżjonijiet tal-Kunsill li jawtorizzaw il-ftuħ tan-negozjar ta' ftehimiet internazzjonali bejn l-Unjoni u pajjiżi terzi, bħas-Sħubija Trans-Atlantika tal-Kummerċ u l-Investiment u l-Ftehim Ekonomiku u Kummerċjali Komprensiv bejn il-Kanada, minn naħa waħda, u l-Unjoni Ewropea u l-Istati Membri tagħha, min-naħa l-oħra (CETA), kif ukoll deċiżjonijiet tal-Kunsill li jawtorizzaw l-iffirmar jew il-konklużjoni ta' tali ftehimiet huma atti legali tal-Unjoni għall-finijiet tal-implimentazzjoni tat-Trattati, adottati fuq il-bażi ta' rakkomandazzjoni jew proposta mill-Kummissjoni. Dawn l-atti legali jistgħu għalhekk ikunu suġġett ta' inizjattiva taċ-ċittadini Ewropej.

(5)

Madankollu, is-CETA ġie ffirmat fit-30 ta' Ottubru 2016 wara l-adozzjoni tad-Deċiżjoni tal-Kunsill (UE) 2017/37 (2). Għaldaqstant, l-inizjattiva taċ-ċittadini proposta ma għadx għandha skop billi għandha l-għan ta' proposta mill-Kummissjoni għal deċiżjoni tal-Kunsill biex ma jiġix iffirmat is-CETA.

(6)

It-Trattat dwar l-Unjoni Ewropea (TUE) jirrinforza ċ-ċittadinanza tal-Unjoni u jsaħħaħ aktar il-funzjonament demokratiku tal-Unjoni billi jipprevedi, inter alia, li kull ċittadin ikollu d-dritt li jipparteċipa fil-ħajja demokratika tal-Unjoni permezz ta' inizjattiva taċ-ċittadini Ewropej.

(7)

Għal dan il-għan, il-proċeduri u l-kundizzjonijiet meħtieġa għall-inizjattiva taċ-ċittadini jenħtieġ li jkunu ċari, sempliċi, faċli biex jintużaw u proporzjonali man-natura tal-inizjattiva taċ-ċittadini sabiex titħeġġeġ il-parteċipazzjoni taċ-ċittadini u biex l-Unjoni ssir aktar aċċessibbli.

(8)

Għal dawn ir-raġunijiet, ikun adegwat li wieħed jikkunsidra li l-inizjattiva taċ-ċittadini proposta ma taqax manifestament barra mill-qafas tas-setgħat tal-Kummissjoni, li permezz tagħhom hija tista' tressaq proposta għal att legali tal-Unjoni għall-fini tal-implimentazzjoni tat-Trattati, skont l-Artikolu 4(2)(b) tar-Regolament.

(9)

L-inizjattiva taċ-ċittadini proposta bl-isem ta' “Stop TTIP” jenħtieġ li għaldaqstant tiġi rreġistrata. Madankollu, id-dikjarazzjonijiet ta' appoġġ għal din l-inizjattiva taċ-ċittadini proposta jenħtieġ li jinġabru biss sa fejn hija mmirata għal proposti jew rakkomandazzjonijiet mill-Kummissjoni għal atti legali għajr deċiżjoni tal-Kunsill biex ma jiġix iffirmat is-CETA.

12.7.2017   

MT

Il-Ġurnal Uffiċjali tal-Unjoni Ewropea

L 179/18

(1)

Ir-Regolament (UE) 2016/589 jistabbilixxi, fost l-oħrajn, il-prinċipji bażiċi u l-kriterji għad-dħul tal-Membri u s-Sħab tal-EURES.

(2)

Skont l-Artikolu 11(1) tar-Regolament (UE) 2016/589 kull Stat Membru jenħtieġ, mingħajr dewmien żejjed iżda tal-anqas sat-13 ta' Mejju 2018, jistabbilixxi sistema li ddaħħal organizzazzjonijiet bħala Membri u Sħab tal-EURES, biex jissorvelja l-attivitajiet tagħhom u l-konformità tagħhom mal-liġi applikabbli meta jiġi applikat dan ir-Regolament u, fejn meħtieġ, iħassar l-adeżjoni tagħhom.

(3)

F'konformità mal-Artikolu 40 tar-Regolament (UE) 2016/589, l-organizzazzjonijiet huma permessi li jieħdu sehem bħala Membri u Sħab tal-EURES, waqt perjodu ta' tranżizzjoni għandhom, sabiex jibqgħu fin-netwerk EURES, wara li jkun skada l-perjodu ta' tranżizzjoni, jagħmlu applikazzjonijiet li jiġu ttrattati f'dawn is-sistemi ta' dħul.

(4)

Is-Servizzi Pubbliċi tal-Impjiegi maħturin skont l-Artikolu 10 tar-Regolament (UE) 2016/589 ma jkunux soġġetti għas-sistemi ta' adeżjoni, iżda għandhom jissodisfaw l-obbligi u l-kriterji kif stipulati f'dak l-Artikolu.

(5)

Skont l-Artikolu 11(6) u (7) tar-Regolament (UE) 2016/589, l-Istati Membri, permezz tal-Uffiċċji Nazzjonali ta' Koordinazzjoni tagħhom, għandhom jgħarrfu lill-Uffiċċju Ewropew ta' Koordinazzjoni dwar is-sistemi ta' adeżjoni tagħhom, u l-applikazzjonijiet approvati, rifjutati jew revokati u l-Uffiċċju Ewropew ta' Koordinazzjoni għandu jgħaddi din l-informazzjoni lill-Uffiċċji Nazzjonali ta' Koordinazzjoni l-oħra.

(6)

Skambju ta' informazzjoni u kooperazzjoni sistematika bejn l-Istati Membri jista' jappoġġja żieda fil-kwalità tat-tfassil tas-sistemi nazzjonali ta' dħul u l-applikazzjoni tagħhom.

(7)

Sabiex jiġi żgurat skambju miftuħ ta' informazzjoni u tagħlim reċiproku bejn l-Istati Membri, huwa neċessarju li jintuża mudell komuni biex jiġu deskritti s-sistemi nazzjonali ta' dħul u jitqiegħed fis-seħħ mekkaniżmu għall-iskambju ta' informazzjoni.

(8)

Il-mudell jista' jkollu bżonn jiġi adattat maż-żmien biex jirrifletti l-bidliet fis-suq għal servizzi ta' reklutaġġ u żviluppi oħra. Għalhekk huwa importanti li jiġi stabbilit mudell ta' governanza biex tiġi żgurata konsultazzjoni u involviment xierqa tal-Uffiċċji Nazzjonali ta' Koordinazzjoni qabel l-adozzjoni ta' emendi fil-mudell.

(a)

l-ipproċessar u l-valutazzjonijiet tal-applikazzjonijiet biex isiru Membri jew Sħab tal-EURES;

(b)

id-deċiżjonijiet li japprovaw jew jirrifjutaw dawn l-applikazzjonijiet u biex iħassru d-dħul;

(c)

it-trattament u d-deċiżjoni dwar dawn id-deċiżjonijiet imsemmija fil-punt (b) filwaqt li joffru rimedji kontra tali deċiżjonijiet;

(d)

il-monitoraġġ tal-konformità tal-Membri u s-Sħab tal-EURES ma' sistema nazzjonali ta' dħul u l-obbligi skont ir-Regolament (UE) 2016/589.

(a)

jipprovdu informazzjoni dwar is-sistema nazzjonali ta' dħul, inkluż il-kriterji u r-rekwiżiti kollha applikati, billi jimtela l-mudell komuni msemmi fl-Artikolu 6, u fejn ikun hemm bżonn, jaġġornawh;

(b)

iżommu infurmat l-Uffiċċju Ewropew ta' Koordinazzjoni bil-Membri u s-Sħab tal-EURES mdaħħla skont is-sistema nazzjonali ta' dħul;

(c)

iżommu infurmat l-Uffiċċju Ewropew ta' Koordinazzjoni b'kull rifjut ta' dħul abbażi ta' nuqqas ta' konformità, b'mod partikolari mal-punt 1 tat-Taqsima 1 tal-Anness I tar-Regolament (UE) 2016/589;

(d)

iżommu infurmat l-Uffiċċju Ewropew ta' Koordinazzjoni b'kull revoka ta' dħul tal-Membri u s-Sħab tal-EURES, u r-raġunijiet għal dan.

(a)

joħloq u jżomm taqsima ddedikata fl-Extranet tal-portal EURES biex jagħmel disponibbli għall-Uffiċċji Nazzjonali ta' Koordinazzjoni:

(b)

l-għoti ta' kwalunkwe għodda oħra, taħriġ u appoġġ meħtieġ biex jiġi faċilitat l-iskambju ta' informazzjoni u t-tagħlim reċiproku dwar sistemi ta' ammissjoni;

(c)

il-Grupp ta' Koordinazzjoni jinżamm infurmat b'mod regolari dwar l-iskambju ta' informazzjoni u, fejn meħtieġ, jiġu proposti emendi fil-mudell u fil-proċeduri.

12.7.2017   

MT

Il-Ġurnal Uffiċjali tal-Unjoni Ewropea

L 179/24

(1)

Ir-Regolament (UE) 2016/589 jitlob li jkun hemm sistema effiċjenti fil-livell tal-Unjoni għall-iskambju ta' informazzjoni dwar il-provvista u d-domanda tax-xogħol nazzjonali, reġjonali u settorjali li għandha tiġi stabbilita bejn il-Kummissjoni u l-Istati Membri u għandha tintuża bħala bażi biex l-Istati Membri jirfdu l-kooperazzjoni prattika fi ħdan in-netwerk EURES.

(2)

L-Artikolu 30(1) tar-Regolament (UE) 2016/589 jeżiġi lill-Istati Membri li jiġbru u janalizzaw informazzjoni disaggregata skont is-sess dwar in-nuqqas u l-eċċess ta' ħaddiema fi swieq tax-xogħol nazzjonali u settorjali, filwaqt li tingħata attenzjoni speċjali fuq il-gruppi l-aktar vulnerabbli tas-suq tax-xogħol u r-reġjuni l-aktar affettwati mill-qgħad, u l-attivitajiet tal-EURES fil-livell nazzjonali u, fejn xieraq, fil-livell transkonfinali.

(3)

L-Artikolu 31(1) tar-Regolament (UE) 2016/589 jeżiġi li l-Uffiċċji Nazzjonali tal-Koordinazzjoni jfasslu programmi ta' ħidma nazzjonali għall-attivitajiet tan-netwerk EURES fl-Istati Membri tagħhom. Il-kondiviżjoni tal-programmi ta' ħidma nazzjonali fiċ-ċiklu ta' programmazzjoni fost l-Istati Membri għandha tippermetti li l-Uffiċċji Nazzjonali ta' Koordinazzjoni li jallokaw ir-riżorsi tan-netwerk EURES f'azzjonijiet u proġetti xierqa, u b'hekk imexxu l-iżvilupp tan-netwerk bħala għodda aktar orjentata lejn ir-riżultati li tirreaġixxi għall-ħtiġijiet tal-ħaddiema u tal-impjegaturi skont id-dinamika tas-swieq tax-xogħol.

(4)

L-iskambji bejn l-Uffiċċji Nazzjonali ta' Koordinazzjoni u l-Uffiċċju Ewropew ta' Koordinazzjoni dwar il-programmi ta' ħidma rispettivi tagħhom u analiżi konġunta tal-abbozzi jkunu qed itejbu l-funzjonament tan-netwerk, iżidu t-trasparenza u jsaħħu l-opportunitajiet ta' kooperazzjoni fi ħdan in-netwerk.

(5)

Sabiex l-Artikolu 31 tar-Regolament (UE) 2016/589 ikollu effett, l-Uffiċċji Nazzjonali ta' Koordinazzjoni għandhom jiġbru u jeżaminaw l-informazzjoni disponibbli fil-livell nazzjonali msemmija f'din id-dispożizzjoni bħala parti mit-tħejjija tal-programm ta' ħidma nazzjonali u huma mistiedna jikkunsidraw xi rapporti relevanti u dokumenti disponibbli fil-livell tal-UE.

(6)

Skont l-Artikolu 31(2) tar-Regolament (UE) 2016/589, il-programmi ta' ħidma nazzjonali abbozzati mill-Uffiċċji Nazzjonali ta' Koordinazzjoni għandhom jiġu żviluppati fuq bażi annwali u għandhom jispeċifikaw l-attivitajiet ewlenin li għandhom jitwettqu fi ħdan in-netwerk EURES, ir-riżorsi umani u finanzjarji globali allokati għall-implimentazzjoni tagħhom u l-arranġamenti għall-monitoraġġ u l-evalwazzjoni tal-attivitajiet ippjanati.

(7)

Il-Kummissjoni Ewropea għandha tistabbilixxi mudell komuni għall-programmi ta' ħidma nazzjonali, li l-istruttura tagħhom għandha tirrifletti l-għan ġenerali tar-Regolament (UE) 2016/589, sabiex jiġi żgurat li l-Istati Membri kollha jidentifikaw l-attivitajiet ewlenin imwettqa f'termini tas-servizzi ta' appoġġ kemm għall-ħaddiema kif ukoll għall-impjegaturi msemmija fl-Artikoli 21 sa 28 tar-Regolament (UE) 2016/589.

(8)

Jenħtieġ li tiġi stabbilita skeda komuni ta' żmien għat-tħejjija tal-programmi ta' ħidma nazzjonali li tinbena fuq l-esperjenza miksuba mill-kooperazzjoni fl-ipprogrammar konġunt fost l-Uffiċċji Nazzjonali ta' Koordinazzjoni skont il-Deċiżjoni ta' Implimentazzjoni tal-Kummissjoni 2012/733/UE (2) u li tippermetti biżżejjed flessibilità in vista tal-korpi nazzjonali differenti.

(9)

Jenħtieġ li jiġu sfruttati s-sinerġiji potenzjali kollha mal-arranġamenti u l-proċeduri għall-ġbir u l-analiżi tad-dejta ta' diversi oqsma tal-attività tal-EURES imwettqa fil-livell nazzjonali skont l-Artikolu 32 tar-Regolament (UE) 2016/589, b'mod partikolari biex il-programmi ta' ħidma nazzjonali jużaw indikaturi li jibnu fuq prassi eżistenti fis-Servizzi Pubbliċi tal-Impjiegi u li huma konsistenti u li jikkontribwixxu għal dan l-eżerċizzju ta' ġbir ta' dejta msemmi fl-atti ta' implimentazzjoni adottati skont l-Artikolu 32(3) tar-Regolament (UE) 2016/589.

(10)

Membri tal-istaff tal-EURES li jaħdmu għal Membri u Sħab tal-EURES jenħtieġ li jkollhom aċċess għall-informazzjoni rilevanti dwar il-programmi ta' ħidma nazzjonali sabiex jagħtu kontribut aħjar lill-kisbiet tan-netwerk tal-EURES kif stabbilit fl-Artikolu 6 tar-Regolament (UE) 2016/589.

(11)

L-informazzjoni miġbura skont il-programmi ta' ħidma nazzjonali fuq l-attivitajiet u r-riżultati tista' tikkostitwixxi kontribut importanti għat-tħejjija tar-rapport dwar l-attività tal-EURES li l-Kummissjoni ġiet msejħa li tippreżenta kull sentejn skont l-Artikolu 33 tar-Regolament (UE) 2016/589 lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni u għalhekk hemm bżonn li jiġi eżaminat liema partijiet mill-programmi ta' ħidma jistgħu jsiru disponibbli għal dan l-għan.

(a)

Għall-ġbir, l-analiżi u l-qsim tal-informazzjoni meħtieġa skont l-Artikolu 30 tar-Regolament (UE) 2016/589 bil-għan li jitħejja l-abbozz tal-programm ta' ħidma nazzjonali tagħhom;

(b)

għall-abbozzar tal-programm ta' ħidma nazzjonali tagħhom billi jużaw il-mudell fl-Anness I;

(c)

għar-rispett tal-iskadenzi stabbiliti fl-Anness II għas-sottomissjoni tal-abbozzi ta' programmi ta' ħidma nazzjonali;

(d)

biex jagħmlu disponibbli l-abbozz tal-programm ta' ħidma nazzjonali tagħhom lin-netwerk permezz tal-mezzi previsti mill-Uffiċċju Ewropew ta' Koordinazzjoni;

(e)

biex jipparteċipaw fl-eżerċizzju ta' reviżjoni konġunta dwar l-abbozz tal-programmi ta' ħidma nazzjonali bil-ħsieb li dawn il-programmi jiġu ffinalizzati u jżidu l-kooperazzjoni prattika fl-għoti ta' servizzi ta' appoġġ lill-ħaddiema u lill-impjegaturi;

(f)

biex jiġi ffinalizzat l-programm ta' ħidma nazzjonali wara reviżjoni konġunta;

(g)

biex jaġġornaw il-programm ta' ħidma nazzjonali kull meta jkun hemm bżonn jagħmlu l-aġġornamenti disponibbli lin-netwerk permezz tal-mezzi previsti mill-Uffiċċju Ewropew ta' Koordinazzjoni;

(h)

Biex jirrappurtaw dwar l-implimentazzjoni tal-attivitajiet stabbiliti fil-programm ta' ħidma nazzjonali li tirrispetta l-iskadenzi stabbiliti fl-Anness II;

(a)

jaqsam l-informazzjoni rilevanti għall-Artikolu 30 tar-Regolament (UE) 2016/589 li hija disponibbli fil-livell tal-Unjoni mal-Uffiċċji Nazzjonali ta' Koordinazzjoni biex jgħinhom ifasslu abbozzi ta' programmi ta' ħidma nazzjonali;

(b)

jiżviluppa u jżomm għodda fuq Extranet tal-portal EURES li jagħmel disponibbli lill-Uffiċċji Nazzjonali ta' Koordinazzjoni l-mudell imsemmi fl-Artikolu 7 u kwalunkwe informazzjoni relatata dwar kif għandha timtela u tiġi ppreżentata u biex jipprovdi lill-Uffiċċji Nazzjonali ta' Koordinazzjoni bl-opportunità li jirrevedu u jikkummentaw l-abbozzi tal-programmi ta' ħidma nazzjonali ta' xulxin;

(c)

jissorvelja l-applikazzjoni tal-iskadenzi mniżżla fl-Anness II għas-sottomissjoni tal-abbozzi tal-programmi ta' ħidma nazzjonali, l-eżerċizzji ta' analiżi konġunta u r-rappurtar dwar l-implimentazzjoni tal-programmi ta' ħidma nazzjonali;

(d)

jipprovdi kwalunkwe għodda oħra, taħriġ u appoġġ meħtieġ biex jiġi ffaċilitat l-iskambju ta' informazzjoni u t-tagħlim reċiproku dwar iċ-ċiklu ta' programmazzjoni;

(e)

jagħmel l-elementi rilevanti taċ-ċiklu ta' programmazzjoni disponibbli fuq in-netwerk EURES kollu permezz ta' taqsima ddedikata fl-Extranet tal-portal EURES, bl-għan li jiżdiedu t-trasparenza u t-tagħlim reċiproku;

(f)

iħeġġeġ l-Uffiċċji Nazzjonali ta' Koordinazzjoni li jiżguraw il-konsistenza bejn l-applikazzjoni tal-Artikolu 31 u 32 tar-Regolament (UE) 2016/589;

(g)

iżomm il-Grupp ta' Koordinazzjoni informat b'mod regolari dwar il-funzjonament taċ-ċiklu ta' programmazzjoni u, fejn meħtieġ, jipproponi emendi fit-tabella u fil-proċeduri.

(a)

jipprovdu dejta dwar ir-riżorsi finanzjarji u umani disponibbli u l-attivitajiet ippjanati li se jiġu inklużi fil-programm ta' ħidma nazzjonali;

(b)

jimplimentaw l-attivitajiet rilevanti tal-programm ta' ħidma nazzjonali;

(c)

jipprovdu dejta dwar l-implimentazzjoni tal-attivitajiet tagħhom li se jiġu inklużi fil-programm ta' ħidma nazzjonali.

12.7.2017   

MT

Il-Ġurnal Uffiċjali tal-Unjoni Ewropea

L 179/32

(1)

Ir-Regolament (UE) 2016/589 jistabbilixxi, inter alia, prinċipji u regoli dwar il-kooperazzjoni bejn il-Kummissjoni u l-Istati Membri dwar il-kondiviżjoni ta' dejta disponibbli rilevanti dwar il-postijiet tax-xogħol battala, l-applikazzjonijiet għax-xogħol u s-CVs.

(2)

L-Artikolu 17 tar-Regolament (UE) 2016/589 jipprevedi t-twaqqif ta' sistema uniformi li tiġbor flimkien il-postijiet tax-xogħol battala, l-applikazzjonijiet għax-xogħol u s-CVs tal-Istati Membri fil-portal EURES.

(3)

Biex tiġi stabbilita sistema uniformi u biex ikun jista' jsir tiftix u tqabbil effiċjenti mad-dejta pprovduta, huwa meħtieġ l-użu ta' standards u formats komuni għad-dejta li trid tiġi skambjata.

(4)

Kemm jista' jkun, dawn l-istandards u l-formats għandhom ikunu bbażati fuq standards stabbiliti sew mill-industrija jew mis-settur governattiv użati mis-Servizzi Pubbliċi tal-Impjiegi u operaturi oħra tas-suq tax-xogħol u jenħtieġ li jiġu adottati abbażi ta' konsultazzjonijiet xierqa mal-Istati Membri.

(5)

Jista' jkun meħtieġ li maż-żmien, l-istandards u l-formats jiġu adattati biex jirriflettu t-tibdil teknoloġiku jew funzjonali. Għaldaqstant, huwa importanti li jidħol fis-seħħ mudell ta' governanza li jiżgura l-konsultazzjoni xierqa u l-involviment tal-Istati Membri qabel l-adozzjoni ta' standards u formats.

(6)

Biex jitħaffef ix-xogħol tal-Uffiċċji Nazzjonali ta' Koordinazzjoni fl-organizzazzjoni tat-trażmissjoni ikkoordinat tal-informazzjoni għall-portal EURES, biex jiġi ssalvagwardjat il-funzjonament tal-mekkaniżmu ta' skambju ta' dejta tajba u biex tiġi żgurata l-kwalità intrinsika u teknika tal-informazzjoni, huwa meħtieġ li jiġu identifikati u stabbiliti xi prinċipji ġenerali għat-twaqqif u għat-tħaddim tas-sistema kif ukoll tar-rwoli u tar-responsabbiltajiet tal-partijiet involuti.

(7)

Dawn il-prinċipji ġenerali jenħtieġ li jispjegaw u jiċċaraw id-drittijiet u r-responsabbiltajiet tal-oriġinaturi u tad-detenturi ta' dejta u kif jistgħu jiżguraw il-protezzjoni ta' dejta personali matul il-katina tat-trażmissjoni ta' dejta.

(8)

Biex ikun appoġġat it-tqabbil effettiv fuq il-portal EURES bejn il-postijiet tax-xogħol battala, inkluż pożizzjonijiet għal apprendisti u trainees, u l-applikazzjonijiet għax-xogħol u s-CVs, fid-dawl tal-għanijiet tar-Regolament (UE) 2016/589, huwa importanti li l-Membri u s-Sħab tal-EURES jagħmlu disponibbli l-akbar numru possibbli ta' postijiet tax-xogħol battala, applikazzjonijiet għax-xogħol u CVs xierqa fil-pussess tagħhom b'mod trasparenti.

(9)

Il-miżuri previsti f'din id-Deċiżjoni b'rabta mal-ipproċessar tad-dejta personali jenħtieġu jitwettqu f'konformità mal-liġi tal-Unjoni dwar il-protezzjoni ta' dejta personali, b'mod partikolari d-Direttiva 95/46/KE tal-Parlament Ewropew u tal-Kunsill (2), u r-Regolament (KE) Nru 45/2001 tal-Parlament Ewropew u tal-Kunsill (3), kif ukoll il-miżuri ta' implimentazzjoni nazzjonali relatati magħhom. Għandha tingħata attenzjoni partikolari għall-konformità mal-prinċipji tal-limitazzjoni tal-iskop, għall-minimizzazzjoni tad-dejta, għal-limitazzjoni tal-ħżin, għall-integrità u għall-kunfidenzjalità.

(10)

Il-miżuri previsti f'din id-Deċiżjoni huma skont l-opinjoni tal-Kumitat tal-EURES,

(a)

“applikazzjoni għax-xogħol” tfisser dokument jew sett ta' dokumenti li applikant jittrasferixxi lil impjegatur jew lil servizz tal-impjiegi bħala parti minn proċess biex jgħarraf impjegatur dwar id-disponibbiltà u x-xewqa tal-applikant li jiġi impjegat f'post tax-xogħol jew pożizzjoni partikolari;

(b)

“CV” tfisser dokument li jiddeskrivi l-profil ta' persuna f'termini ta' sommarju tal-esperjenza professjonali u tal-isfond edukattiv, flimkien ma' informazzjoni rilevanti oħra dwar il-kisbiet, il-ħiliet, il-kompetenzi, il-kwalifiki u l-interessi tal-persuna;

(c)

“profil ta' persuna li qed tfittex impjieg” tfisser il-format standard tad-dejta għall-approvazzjoni tas-CVs u tal-applikazzjonijiet għax-xogħol tal-ħaddiema kif stabbilit f'din id-Deċiżjoni;

(d)

“oriġinatur tad-dejta” tfisser il-persuna jew l-entità li oriġinarjament ħolqot sett ta' dejta li hija disponibbli fuq il-portal EURES. Impjegaturi li jkunu ppubblikaw post tax-xogħol battal u ħaddiema li jkunu ħolqu u ddeċidew li jippubblikaw profil ta' persuna li qed tfittex impjieg ma' Membru tal-EURES, jew fejn rilevanti ma' Sieħeb tal-EURES, u jkunu taw il-kunsens meħtieġ biex ikollhom l-informazzjoni ttrasferita fil-portal EURES jiġu kkunsidrati bħala oriġinaturi ta' dejta;

(e)

“detentur tad-dejta tal-EURES” tfisser il-persuna jew l-entità li għandha d-drittijiet legali li tikkontrolla min għandu jkollu aċċess għad-dejta. Id-detentur tad-dejta tal-EURES jista' jkun l-oriġinatur tad-dejta jew xi ħadd li nħatar mill-oriġinatur tad-dejta jew qed jaġixxi f'ismu;

(f)

“utent aħħari” tfisser persuna jew entità li qed tiġbor u tuża dejta dwar postijiet tax-xogħol battala u profili ta' persuni li qed ifittxu impjieg miġjuba flimkien fuq il-portal EURES skont din id-Deċiżjoni bl-għan li ssib postijiet tax-xogħol battala biex tapplika għalihom jew biex issib kandidati u toffrilhom opportunitajiet ta' xogħol;

(g)

“sistema uniformi” tfisser id-definizzjonijiet dwar id-dejta u l-ispeċifikazzjonijiet funzjonali għat-trażmissjoni u l-ipproċessar tad-dejta stipulati f'din id-Deċiżjoni bl-għan li jkun jista' jsir tqabbil bejn il-postijiet tax-xogħol battala u s-CVs;

(h)

“infrastruttura teknika” tfisser il-kombinament tas-sett ta' ħardwer, softwer, netwerks u faċilitajiet oħra meħtieġa biex jiġu żviluppati, ittestjati, imwettqa, issorveljati, ikkontrollati jew appoġġati s-servizzi tal-IT rilevanti meħtieġa għall-applikazzjoni ta' sistema uniformi;

(i)

“mezz ikkoordinat uniku” tfisser servizz li huwa stabbilit bejn il-punt ta' konnessjoni tal-portal EURES u l-punt ta' konnessjoni fi Stat Membru biex jippermetti t-trażmissjoni ta' dejta bejn il-Membri nazzjonali tal-EURES, u fejn rilevanti s-Sħab tal-EURES, u l-portal EURES skont is-sistema uniformi u bl-użu tal-infrastruttura teknika xierqa.

(a)

jissorveljaw l-istabbiliment u l-manutenzjoni tal-infrastruttura teknika meħtieġa biex jiżguraw li d-dejta rilevanti tal-Membri tal-EURES, u fejn rilevanti s-Sħab tal-EURES, tkun tista' tiġi trażmessa lill-portal EURES permezz ta' mezz ikkoordinat uniku;

(b)

jippermettu li l-Membri kollha tal-EURES, u fejn rilevanti s-Sħab tal-EURES, jikkomunikaw u jittrażmettu d-dejta permezz ta' mezz ikkoordinat uniku;

(c)

Jiżguraw li jimmonitorjaw kontinwament il-konnessjonijiet mal-portal EURES u mal-Membri u s-Sħab parteċipanti tal-EURES u billi jkunu jistgħu jaġixxu malajr biex jindirizzaw kwalunkwe kwistjoni teknika jew ta' xorta oħra li tista' tinqala' f'dak li għandu x'jaqsam mal-konnessjoni jew mad-dejta li trid tiġi trażmessa;

(d)

jiżguraw li l-attivitajiet kollha marbuta mal-iskambju u t-trażmissjoni tad-dejta jsiru f'konformità sħiħa mar-Regolament (UE) 2016/589 u l-prinċipji ġenerali stabbiliti f'din id-Deċiżjoni u jintervjenu kull meta dan ma jkunx il-każ;

(e)

jiżguraw li d-dejta kollha trażmessa tirrispetta l-istandards u l-formats maqbula kif previst fir-Regolament (UE) 2016/589 u f'din id-Deċiżjoni;

(f)

jiżguraw li jkunu fis-seħħ arranġamenti li jiżguraw li l-oriġinaturi ta' dejta jkunu informati u konxji dwar kif id-dejta tagħhom se tintuża u tiġi pproċessata;

(g)

jipprovdu u jaġġornaw regolarment l-informazzjoni dwar il-miżuri u s-sistemi fis-seħħ biex jiżguraw il-kwalità, is-sigurtà, l-integrità, il-kunfidenzjalità u t-traċċabilità tad-dejta, inkluż il-protezzjoni tad-dejta personali;

(h)

jipparteċipaw fl-iskambju ta' informazzjoni u fil-kooperazzjoni prevista fl-Artikolu 9(5) tar-Regolament (UE) 2016/589;

(i)

iżommu lill-Uffiċċju Ewropew ta' Koordinazzjoni infurmat dwar il-politiki fir-rigward tal-esklużjoni tal-postijiet tax-xogħol battala jew il-kategoriji tal-postijiet tax-xogħol battala skont L-applikazzjoni tal-Artikolu 17 tar-Regolament (UE) 2016/589;

(j)

jinnotifikaw l-appuntament ta' punt ta' kuntatt uniku, kif imsemmi fl-Artikolu 9.

(a)

jistabbilixxu u jmantnu l-infrastruttura teknika meħtieġa biex tirċievi dejta mill-Istati Membri permezz ta' mezz ikkoordinat uniku;

(b)

joperaw u jiżviluppaw aktar il-portal EURES u s-sistemi tal-IT relatati biex jipprovdu servizzi ta' tiftix u tqabbil għan-netwerk EURES u għall-utenti aħħarin permezz ta' self-services fuq il-portal EURES;

(c)

jistabbilixxu u jmantnu l-infrastruttura teknika meħtieġa biex tippermetti lill-Membri tal-EURES, u fejn rilevanti s-Sħab tal-EURES, li jkollhom aċċess għal postijiet tax-xogħol battala u profili ta' persuni li qed ifittxu impjieg fuq il-portal EURES biex dawn ikunu disponibbli u aċċessibbli għat-tiftix għall-persunal u l-utenti tagħhom fuq il-portali tagħhom tat-tiftix għall-impjiegi;

(d)

jiżguraw li l-attivitajiet kollha marbuta mal-iskambju u t-trażmissjoni tad-dejta jsiru f'konformità sħiħa mar-Regolament (UE) 2016/589 u l-prinċipji ġenerali stabbiliti f'din id-Deċiżjoni u billi jintervjenu kull meta dan ma jkunx il-każ;

(e)

jipprovdu u jaġġornaw regolarment l-informazzjoni dwar il-miżuri u s-sistemi fis-seħħ biex jiżguraw il-kwalità, is-sigurtà, l-integrità, il-kunfidenzjalità u t-traċċabilità tad-dejta, inkluż il-protezzjoni ta' dejta personali;

(f)

jipprovdu taqsima ddedikata fuq l-Extranet tal-portal EURES kif ukoll għodod oħrajn u l-appoġġ meħtieġ biex jippermetti li l-Uffiċċji Nazzjonali ta' Koordinazzjoni u l-Membri u s-Sħab tal-EURES jiskambjaw informazzjoni u biex jittrattaw l-ilmenti b'mod effiċjenti kif stabbilit fir-Regolament u f'din id-Deċiżjoni;

(g)

iħejju, jaġġornaw u jagħmlu disponibbli fuq l-Extranet tal-portal EURES id-dokumentazzjoni teknika kollha meħtieġa u dokumentazzjoni oħra meħtieġa għall-funzjonament tat-trażmissjoni u l-iskambju tad-dejta, b'mod partikolari tad-dokumenti previsti fl-Artikolu 8.

(a)

iwaqqfu l-infrastruttura teknika meħtieġa biex wieħed jikkonnettja mal-mezz ikkoordinat uniku pprovdut fil-pajjiż rispettiv tagħhom;

(b)

jimmonitorjaw kontinwament il-konnessjonijiet u jkunu jistgħu jaġixxu malajr biex jindirizzaw kwalunkwe kwistjoni teknika jew ta' xorta oħra li tista' tinqala' f'dak li għandu x'jaqsam mal-konnessjoni jew mad-dejta li trid tiġi trażmessa;

(c)

jiżguraw li l-attivitajiet kollha marbuta mal-iskambju u t-trażmissjoni tad-dejta jsiru f'konformità sħiħa mar-Regolament (UE) 2016/589 u l-prinċipji ġenerali stabbiliti f'din id-Deċiżjoni u billi jintervjenu kull meta dan ma jkunx il-każ;

(d)

jiżguraw li d-dejta kollha trażmessa tirrispetta l-istandards u l-formats maqbula kif previst fir-Regolament (UE) 2016/589 u f'din id-Deċiżjoni;

(e)

jiżguraw li l-oriġinaturi tad-dejta jkunu informati u konxji bis-sħiħ dwar kif id-dejta tagħhom se tintuża u tiġi pproċessata;

(f)

jipprovdu u jaġġornaw regolarment l-informazzjoni dwar il-miżuri u s-sistemi fis-seħħ biex jiżguraw il-kwalità, is-sigurtà, l-integrità, il-kunfidenzjalità u t-traċċabilità tad-dejta, inkluż il-protezzjoni ta' dejta personali;

(g)

iżommu lill-Uffiċċju Nazzjonali ta' Koordinazzjoni infurmat b'mod ċar u trasparenti dwar l-applikazzjoni tal-politiki dwar l-esklużjoni mit-trażmissjoni tal-postijiet tax-xogħol battala kollha disponibbli pubblikament bl-applikazzjoni tal-Artikolu 17 tar-Regolament (UE) 2016/589;

(h)

jipprovdu Kuntatt tas-Servizzi biex tiġi ffaċilitata l-koordinazzjoni fil-livell nazzjonali mill-Uffiċċju Nazzjonali ta' Koordinazzjoni. Il-funzjoni tas-servizz ta' kuntatt tista' titwettaq mill-uffiċċju tal-informazzjoni (helpdesk) jew minn servizz simili.

(a)

“Speċifikazzjoni tal-formats u tal-istandards tal-EURES”, li tiddeskrivi l-format tad-dejta, id-definizzjonijiet tad-dejta, l-istandards li għandhom jintużaw u r-regoli ta' validazzjoni li għandhom jiġu rrispettati waqt it-trażmissjoni ta' post tax-xogħol battal jew ta' profil ta' persuna li qed tfittex impjieg għall-portal EURES permezz tas-sistema uniformi;

(b)

“Speċifikazzjonijiet tal-iskambju ta' messaġġi funzjonali tal-EURES” li jiddeskrivu l-infrastruttura teknika li teħtieġ tiġi pprovduta u l-ispeċifikazzjonijiet tal-iskambju li għandhom jiġu implimentati biex jiġi żgurat l-iskambju ta' dejta;

(c)

“Manwal għall-proċess tal-interoperabbiltà tal-EURES”, li jiddeskrivi l-proċessi, l-azzjonijiet u l-interventi biex iħaddmu l-mezz ikkoordinat uniku, biex jieħdu ħsieb il-ġestjoni tal-bidla u jassiguraw il-kwalità, is-sigurtà, it-traċċabilità u l-protezzjoni tad-dejta inkluż il-protezzjoni ta' dejta personali.

12.7.2017   

MT

Il-Ġurnal Uffiċjali tal-Unjoni Ewropea

L 179/39

(1)

Skont l-ewwel sentenza tal-Artikolu 8(4a) tar-Regolament (KE) Nru 2533/98, is-Sistema Ewropea ta' Banek Ċentrali (SEBĊ) tista' tibgħat informazzjoni statistika kunfidenzjali lil awtoritajiet jew korpi tal-Istati Membri u tal-Unjoni responsabbli għas-superviżjoni ta' istituzzjonijiet finanzjarji, swieq u infrastrutturi jew għall-istabbiltà tas-sistema finanzjarja skont il-liġi tal-Unjoni jew dik nazzjonali u lill-Mekkaniżmu Ewropew ta' Stabbiltà (MES) sal-punt u fil-livell ta' dettall meħtieġ għat-twettiq tal-kompiti rispettivi tagħhom. Il-Bord Uniku ta' Riżoluzzjoni jikkwalifika bħala tali awtorità jew korp.

(2)

Skont it-tieni sentenza tal-Artikolu 8(4a) tar-Regolament (KE) Nru 2533/98, l-awtoritajiet jew korpi li jirċievu informazzjoni statistika kunfidenzjali għandhom jieħdu l-miżuri kollha meħtieġa ta' natura regolatorja, amministrattiva, teknika u organizzattiva sabiex jiżguraw il-protezzjoni fiżika u loġika ta' informazzjoni statistika kunfidenzjali. Il-Kunsill Governattiv evalwa li l-Bord Uniku ta' Riżoluzzjoni ħa dawk il-miżuri.

(3)

Sabiex jiġi ffaċilitat il-proċess ta' teħid ta' deċiżjonijiet b'rabta ma' deċiżjonijiet dwar it-trasmissjoni ta' informazzjoni statistika kunfidenzjali lill-Bord Uniku ta' Riżoluzzjoni, hija meħtieġa deċiżjoni ta' delegazzjoni. Skont l-Artikolu 12.1 tal-Istatut tas-Sistema Ewropea tal-Banek Centrali u tal-Bank Ċentrali Ewropew, il-Kunsill Governattiv jista' jiddeċiedi li jiddelega ċerti setgħat lill-Bord Eżekuttiv. Skont il-prinċipji ġenerali dwar id-delegazzjoni kif żviluppati u kkonfermati mill-Qorti tal-Ġustizzja tal-Unjoni Ewropea, id-delegazzjoni ta' setgħat ta' teħid ta' deċiżjonijiet għandha tkun limitata, proporzjonata u bbażata fuq kriterji speċifikati. Peress li d-deċiżjonijiet li għandhom jittieħdu huma ta' natura teknika aktar milli ta' natura politika, dawk il-kriterji jistgħu jibqgħu relattivament ġenerali.

(4)

Meta l-kriterji għall-adozzjoni ta' deċiżjoni ddelegata, kif stipulat f'din id-deċiżjoni ta' delegazzjoni, meta jkunux sodisfatti, deċiżjonijiet dwar it-trasmissjoni ta' informazzjoni statistika kunfidenzjali lill-Bord Uniku ta' Riżoluzzjoni għandhom jiġu adottati mill-Kunsill Governattiv fuq proposta mill-Bord Eżekuttiv.

(5)

Minħabba l-volum konsiderevolment ogħla ta' talbiet mill-Bord Uniku ta' Riżoluzzjoni biex tintbagħat informazzjoni statistika kunfidenzjali, id-deċiżjoni għandha tiġi adottata bħala kwistjoni ta' urġenza u għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea,

(1)

“informazzjoni statistika kunfidenzjali” tfisser informazzjoni statistika kunfidenzjali kif iddefinita fil-punt (12) tal-Artikolu 1 tar-Regolament (KE) Nru 2533/98;

(2)

“deċiżjoni ddelegata” tfisser deċiżjoni meħuda fuq il-bażi ta' delegazzjoni ta' setgħat mill-Kunsill Governattiv skont din id-deċiżjoni.

(a)

meta l-informazzjoni tkun meħtieġa għall-Bord Uniku ta' Riżoluzzjoni biex iwettaq Test tal-Interess Pubbliku sabiex jevalwa jekk u kif il-miżuri ta' riżoluzzjoni ser ikollhom impatt fuq il-kontropartijiet minn perspettiva ta' stabbiltà finanzjarja u sabiex jiġi evalwat l-istat ta' interkonnettività finanzjarja ma' istituzzjonijiet finanzjarji u kontropartijiet oħrajn;

(b)

meta t-trażmissjoni ta' din l-informazzjoni ma tkunx ta' preġudizzju għat-twettiq tal-kompiti tas-SEBĊ.