3.3.2017   

MT

Il-Ġurnal Uffiċjali tal-Unjoni Ewropea

L 57/1

(1)

L-integrazzjoni sħiħa tal-portijiet b’sensiela ta’ konnessjonijiet mingħajr interruzzjonijiet tat-trasport u tal-loġistika hija meħtieġa biex tikkontribwixxi għat-tkabbir kif ukoll użu u funzjonament aktar effiċjenti tan-netwerk trans-Ewropew tat-trasport u s-suq intern. Dan jeħtieġ servizzi portwarji moderni li jikkontribwixxu għall-użu effiċjenti tal-portijiet u klima favorevoli għall-investimenti biex il-portijiet jiġu żviluppati f’konformità mar-rekwiżiti attwali u tal-ġejjieni tat-trasport u tal-loġistika.

(2)

Il-portijiet jikkontribwixxu għall-kompetittività fit-tul tal-industriji Ewropej fis-swieq dinjija filwaqt li jżidu l-valur u l-impjiegi fir-reġjuni kostali kollha tal-Unjoni. Sabiex jiġu indirizzati l-isfidi li qed jiffaċċa s-settur tat-trasport marittimu u biex jittejbu l-effiċjenza u s-sostenibbiltà tas-sensiela ta’ konnessjonijiet tat-trasport u tal-loġistika, huwa essenzjali li l-azzjonijiet dwar is-simplifikazzjoni amministrattiva stabbiliti fil-Komunikazzjoni tal-Kummissjoni tat-23 ta’ Mejju 2013 bit-titlu “Portijiet: magna għat-tkabbir”, jiġu implementati flimkien ma’ dan ir-Regolament.

(3)

Fil-Komunikazzjoni tagħha tat-3 ta’ Ottubru 2012 bit-titlu “l-Att dwar is-Suq Uniku II —Flimkien għal tkabbir ġdid”, il-Kummissjoni fakkret li l-attraenza tat-trasport marittimu tiddependi fuq id-disponibbiltà, l-effiċjenza u l-affidabbiltà tas-servizzi portwarji u l-ħtieġa li jiġu indirizzati kwistjonijiet dwar it-trasparenza tal-finanzjament pubbliku u t-tariffi portwarji, kif ukoll sforzi għas-simplifikazzjoni amministrattiva fil-portijiet, u li jiġu eżaminati mill-ġdid ir-restrizzjonijiet fuq il-forniment tas-servizzi fil-portijiet.

(4)

Il-faċilitazzjoni tal-aċċess għas-suq tas-servizzi portwarji u l-introduzzjoni tat-trasparenza finanzjarja u l-awtonomija tal-portijiet marittimi ser itejbu l-kwalità u l-effiċjenza tas-servizz provdut lill-utenti tal-port u jikkontribwixxu għal klima li hija aktar favorevoli għall-investiment fil-portijiet, b’hekk jgħinu sabiex jitnaqqsu l-ispejjeż għall-utenti tat-trasport u jikkontribwixxu għall-promozzjoni tat-trasport marittimu fuq distanzi qosra u integrazzjoni aħjar tat-trasport marittimu mat-trasport bil-ferrovija, fuq il-passaġġi fuq l-ilma interni u bit-triq.

(5)

F’termini ta’ kompetittività, is-simplifikazzjoni tal-proċeduri doganali tista’ toħloq vantaġġi ekonomiċi sinifikanti għall-portijiet marittimi. Sabiex titħeġġeġ il-kompetizzjoni ġusta u biex jitnaqqsu l-formalitajiet doganali, huwa importanti li l-awtoritajiet kompetenti tal-Istati Membri jadottaw approċċ xieraq u effettiv ibbażat fuq ir-riskju. F’dan il-kuntest, huwa neċessarju li l-Kummissjoni tikkunsidra l-ħtieġa ta’ miżuri xierqa biex jitnaqqsu l-formalitajiet ta’ rappurtar fil-portijiet marittimi u biex tiġi indirizzata l-kompetizzjoni inġusta.

(6)

L-istabbiliment ta’ qafas ċar ta’ dispożizzjonijiet trasparenti, ġusti u nondiskriminatorji marbutin mal-finanzjament tal-infrastruttura portwarja u servizzi portwarji u t-tariffi fuqhom għandu rwol fundamentali biex jiġi żgurat li l-istrateġija kummerċjali u l-pjanijiet ta’ investimenti tal-port stess u, fejn rilevanti, il-qafas tal-politika nazzjonali ġenerali għall-portijiet jikkonformaw bis-sħiħ mar-regoli dwar il-kompetizzjoni. B’mod partikolari, it-trasparenza tar-relazzjonijiet finanzjarji tippermetti kontroll ġust u effettiv tal-għajnuna mill-Istat, biex b’hekk tiġi pprevenuta d-distorsjoni tas-suq. Għal dak il-fini, il-konklużjonijiet tal-Kunsill tal-5 ta’ Ġunju 2014 talbu lill-Kummissjoni biex tesplora linji gwida dwar l-għajnuna mill-Istat għall-portijiet marittimi, bil-għan li tiġi żgurata kompetizzjoni ġusta u qafas legali stabbli għall-investiment portwarju.

(7)

Il-maġġoranza ferm kbira tat-traffiku marittimu tal-Unjoni tgħaddi mill-portijiet marittimi tan-netwerk trans-Ewropew tat-trasport stabbilit bir-Regolament (UE) Nru 1315/2013 tal-Parlament Ewropew u tal-Kunsill (4). Biex jinkiseb l-għan ta’ dan ir-Regolament b’mod proporzjonat mingħajr ma jiġi impost xi piż mhux meħtieġ fuq portijiet oħrajn, dan ir-Regolament jenħtieġ li japplika għall-portijiet marittimi tan-netwerk trans-Ewropew tat-trasport, li kull wieħed minnhom għandu rwol sinifikanti għas-sistema Ewropea tat-trasport jew għaliex jittratta aktar minn 0,1% tal-merkanzija totali tal-UE jew tal-għadd totali ta’ passiġġieri jew għaliex itejjeb l-aċċessibbiltà reġjonali ta’ żoni ta’ gżejjer jew żoni periferiċi. Madankollu, dan ir-Regolament jenħtieġ li jagħti lill-Istati Membri l-possibbiltà li jiddeċiedu jekk għandhomx japplikaw jew le dan ir-Regolament għal portijiet marittimi tan-netwerk komprensiv li jinsabu fir-reġjuni ultraperiferiċi. L-Istati Membri jenħtieġ li jkollhom ukoll il-possibbiltà li jintroduċu derogi sabiex jiġu evitati piżijiet amministrattivi sproporzjonati għal dawk il-portijiet marittimi tan-netwerk komprensiv li t-traffiku merkantili annwali tagħhom ma jiġġustifikax l-applikazzjoni sħiħa ta’ dan ir-Regolament.

(8)

Servizzi ta’ pilotaġġ imwettqa fil-baħar fond ma għandhomx impatt dirett fuq l-effiċjenza tal-portijiet peress li dawn ma jintużawx għad-dħul u l-ħruġ dirett mill-portijiet u għalhekk ma jeħtiġux li jiġu inklużi f’dan ir-Regolament.

(9)

Jenħtieġ li dan ir-Regolament bl-ebda mod ma jippreġudika r-regoli fl-Istati Membri li jirregolaw is-sistema tas-sjieda ta’ proprjetà applikabbli għall-portijiet marittimi, u għandhom jippermettu strutturi portwarji differenti fl-Istati Membri.

(10)

Dan ir-Regolament ma jimponix mudell speċifiku għall-ġestjoni ta’ portijiet marittimi u ma jaffettwa bl-ebda mod il-kompetenza tal-Istati Membri biex jipprovdu, f’konformità mal-liġi tal-Unjoni, servizzi mhux ekonomiċi ta’ interess ġenerali. Jista’ jkun hemm mudelli differenti għall-ġestjoni tal-portijiet, dment li jiġu rispettati l-qafas għall-forniment ta’ servizzi portwarji u r-regoli komuni dwar it-trasparenza finanzjarja stabbiliti f’dan ir-Regolament.

(11)

F’konformità mal-prinċipji ġenerali stabbiliti fit-Trattati, jenħtieġ li l-fornituri ta’ servizzi portwarji jkunu ħielsa li jipprovdu s-servizzi tagħhom f’portijiet marittimi koperti minn dan ir-Regolament. Madankollu, jenħtieġ li jkun possibbli li jiġu imposti ċerti kondizzjonijiet fuq l-eżerċizzju ta’ dik il-libertà.

(12)

Jenħtieġ li dan ir-Regolament ma jillimitax lill-korp ta’ ġestjoni tal-port, jew lill-awtorità kompetenti, meta jistabbilixxu s-sistema ta’ tariffi tagħhom, sakemm it-tariffi tal-infrastruttura portwarja mħallsa mill-operaturi ta’ bastimenti tat-trasport fuq l-ilma jew mis-sidien tal-merkanzija jkunu trasparenti, b’mod partikolari identifikabbli faċilment u nondiskriminatorji, u jikkontribwixxu għall-manutenzjoni u l-iżvilupp tal-infrastruttura u l-faċilitajiet tas-servizz u għall-għoti ta’ servizzi meħtieġa għat-twettiq jew għall-faċilitazzjoni ta’ operazzjonijiet ta’ trasport fiż-żona portwarja u fuq il-passaġġi fuq l-ilma li jagħtu aċċess għal dawk il-portijiet li jaqgħu taħt il-kompetenza tal-korp ta’ ġestjoni tal-port.

(13)

Fl-interess tal-ġestjoni tal-port effiċjenti, sikura u favur l-ambjent, jenħtieġ li l-korp ta’ ġestjoni tal-port, jew l-awtorità kompetenti, ikunu jistgħu jirrikjedu li l-fornituri tas-servizzi portwarji jkunu jistgħu juru li jissodisfaw ir-rekwiżiti minimi biex iwettqu s-servizz b’mod xieraq. Jenħtieġ li dawk ir-rekwiżiti minimi jkunu limitati għal sett definit b’mod ċar ta’ kondizzjonijiet sa fejn dawk ir-rekwiżiti jkunu trasparenti, oġġettivi, nondiskriminatorji, proporzjonati u rilevanti għall-forniment tas-servizz portwarju. F’konformità mal-objettivi ġenerali ta’ dan ir-Regolament,jenħtieġ li r-rekwiżiti minimi jikkontribwixxu għal kwalità għolja tas-servizzi portwarji u ma għandhomx jintroduċu ostakli għas-suq.

(14)

Huwa importanti li l-fornituri kollha tas-servizzi portwarji, fuq it-talba tal-korp ta’ ġestjoni tal-port, jkunu jistgħu juru l-kapaċità tagħhom li jservu għadd minimu ta’ bastimenti, u jagħmlu disponibbli l-persunal u t-tagħmir meħtieġ. Jenħtieġ li huma japplikaw id-dispożizzjonijiet u r-regoli rilevanti, inkluż il-liġi tax-xogħol applikabbli u ftehimiet kollettivi rilevanti u rekwiżiti tal-kwalità tal-port ikkonċernat.

(15)

Fid-deċiżjoni jekk fornitur ta’ servizzi portwarji jissodisfax ir-rekwiżiti kollha ta’ reputazzjoni tajba, jenħtieġ li l-awtorità kompetenti, jew il-korp ta’ ġestjoni tal-port, iqisu jekk hemmx xi raġuni serja li tqanqal dubju dwar l-affidabbiltà tal-fornitur tas-servizzi portwarji, bħal kundanni jew penali għal offiżi kriminali serji, jew ksur serju tal-liġijiet tal-Unjoni jew nazzjonali applikabbli.

(16)

Jenħtieġ li l-Istati Membri jkunu jistgħu jirrikjedu l-konformità mal-obbligi fil-qasam tal-liġijiet soċjali u tax-xogħol għall-operazzjoni ta’ servizzi portwarji fil-port ikkonċernat.

(17)

Jenħtieġ li l-Istati Membri jinformaw lill-Kummissjoni qabel kwalunkwe deċiżjoni li jimponu rekwiżit fir-rigward tal-bandiera għal bastimenti li fil-parti l-kbira jintużaw għal operazzjonijiet ta’ rmonk u ta’ rmiġġ. Jenħtieġ li tali deċiżjoni tkun nondiskriminatorja, tkun ibbażata fuq raġunijiet trasparenti u oġġettivi u ma tintroduċix ostakli sproporzjonati għas-suq.

(18)

Fejn tkun meħtieġa l-konformità mar-rekwiżiti minimi, jenħtieġ li l-proċedura għall-għoti tad-dritt ta’ forniment ta’ servizzi portwarji tkun trasparenti, oġġettiva, nondiskriminatorja u proporzjonata, u jenħtieġ li tippermetti li l-fornituri tas-servizzi portwarji jibdew jipprovdu s-servizzi portwarji tagħhom fil-ħin.

(19)

Billi l-portijiet huma magħmula minn żoni ġeografiċi limitati, l-għadd ta’ fornituri ta’ servizzi portwarji jista’, f’ċerti każijiet, ikun soġġett għal limitazzjonijiet relatati mal-iskarsezza tal-art jew tal-ispazju maġenb l-ilma, il-karatteristiċi tal-infrastruttura tal-port jew in-natura tat-traffiku portwarju, jew il-ħtieġa li jiġu żgurati operazzjonijiet portwarji mingħajr periklu, siguri jew ambjentalment sostenibbli.

(20)

Jenħtieġ li kwalunkwe limitazzjoni fuq l-għadd ta’ fornituri tas-servizzi portwarji tiġi ġġustifikata b’raġunijiet ċari u oġġettivi u ma għandhiex tintroduċi ostakli sproporzjonati għas-suq.

(21)

Jenħtieġ li l-korp ta’ ġestjoni tal-port, jew l-awtorità kompetenti, jippubblikaw l-intenzjoni tagħhom li jwettqu proċedura tal-għażla għall-forniment ta’ servizz portwarju, inkluż fuq l-internet u, meta xieraq, f’Il-Ġurnal Uffiċjali tal-Unjoni Ewropea. Tali pubblikazzjoni jenħtieġ li tkun fiha informazzjoni dwar il-proċedura tal-għażla, l-iskadenza għall-preżentazzjoni tal-offerti, il-kriterji tal-għoti u informazzjoni rilevanti dwar kif wieħed jista’ jaċċedi għad-dokumenti rilevanti neċessarji għat-tħejjija tal-applikazzjoni.

(22)

Sabiex jiġu żgurati t-trasparenza u t-trattament ugwali, jenħtieġ li emendi għad-dispożizzjonijiet ta’ kuntratt waqt li dan ikun fis-seħħ jitqiesu bħala li jikkostitwixxu għoti ġdid ta’ kuntratt meta dawn jagħmlu l-kuntratt materjalment differenti fin-natura tiegħu mill-kuntratt oriġinali u, għalhekk, b’mod li juri l-intenzjoni tal-partijiet li jinnegozjaw mill-ġdid il-kondizzjonijiet essenzjali ta’ dak il-kuntratt.

(23)

Jenħtieġ li dan ir-Regolament ikun mingħajr preġudizzju għad-dritt tal-Istati Membri li jimponu obbligi ta’ servizz pubbliku relatati ma’ servizzi portwarji.

(24)

L-Unjoni għandha firxa wiesgħa ta’ portijiet marittimi b’mudelli differenti għall-organizzazzjoni tas-servizzi portwarji. Għaldaqstant, mhux xieraq li jiġi impost mudell wieħed. Jenħtieġ li l-korp ta’ ġestjoni tal-port, jew l-awtorità kompetenti, ikunu jistgħu jillimitaw l-għadd ta’ fornituri ta’ servizz portwarju partikolari, fejn dan ikun ġustifikat għal xi raġuni jew raġunijiet.

(25)

L-Artikolu 34 tad-Direttiva 2014/25/UE tal-Parlament Ewropew u tal-Kunsill (5) jipprevedi li kuntratti maħsuba sabiex jippermettu ċerti tipi ta’ attività ma għandhomx ikunu soġġetti għal dik id-Direttiva jekk l-Istat Membru jew l-entitajiet kontraenti jistgħu juru li, fl-Istat Membru li fih l-attività titwettaq, l-attività hija esposta direttament għal kompetizzjoni fi swieq li l-aċċess għalihom mhuwiex ristrett. Jenħtieġ li l-proċedura biex jiġi stabbilit jekk dan ikunx il-każ għandha tkun dik stipulata fl-Artikolu 35 tad-Direttiva 2014/25/UE. Konsegwentement, jekk jiġi stabbilit permezz ta’ dik il-proċedura li settur jew sottosettur portwarju, flimkien mas-servizzi portwarji tiegħu, huwa espost direttament għal din il-kompetizzjoni, ikun xieraq li dan ma għandux ikun soġġett għar-regoli li jirregolaw il-limitazzjonijiet tal-aċċess għas-suq skont dan ir-Regolament.

(26)

Għajr meta tapplika deroga relatata mas-suq kompetittiv, jenħtieġ li kwalunkwe intenzjoni li jiġi limitat l-għadd ta’ fornituri ta’ servizzi portwarji tiġi ppubblikata minn qabel mill-entità ta’ ġestjoni tal-port jew l-awtorità kompetenti u jenħtieġ li tkun ġustifikata b’mod sħiħ, sabiex il-partijiet interessati jingħataw l-opportunità li jikkummentaw.

(27)

Jekk il-korp tal-ġestjoni ta’ port, jew l-awtorità kompetenti, tipprovdi servizzi portwarji hija stess jew permezz ta’ entità legalment distinta li hija tikkontrolla direttament jew indirettament, jenħtieġ li jittieħdu miżuri biex jiġu evitati konflitti ta’ interessi u biex jiġi żgurat aċċess għas-suq trasparenti u ġust għas-servizzi portwarji meta l-għadd ta’ fornituri ta’ servizzi portwarji jiġi limitat. Dawn il-miżuri jistgħu, fost l-oħrajn, jieħdu l-forma, li l-adozzjoni tad-deċiżjoni li tillimita l-għadd ta’ fornituri ta’ servizzi portwarji tiġi fdata lil awtorità nazzjonali rilevanti li tkun indipendenti mill-entità ta’ ġestjoni tal-port jew mill-awtorità kompetenti.

(28)

Jenħtieġ li l-possibilità li jiġu imposti rekwiżiti minimi u li jiġi limitat l-għadd ta’ fornituri ta’ servizzi portwarji li l-Istat Membri jibqgħu jużaw ma timpedixxihomx milli jiżguraw libertà mingħajr restrizzjonijiet li jiġu pprovduti servizzi fil-portijiet tagħhom.

(29)

Jenħtieġ li l-proċedura biex jintgħażlu l-fornituri ta’ servizzi portwarji u r-riżultat tagħha jiġu ppubblikati u jenħtieġ li jkunu nondiskriminatorji, trasparenti u miftuħa għall-partijiet interessati kollha.

(30)

L-unika ġustifikazzjoni għar-rikors għall-obbligi ta’ servizz pubbliku li jwasslu għal limitazzjoni fl-għadd ta’ fornituri ta’ servizzi portwarji għandha tkun raġunijiet ta’ interess pubbliku sabiex tiġi żgurata l-aċċessibbiltà tas-servizz portwarju għall-utenti kollha, id-disponibbiltà tas-servizz portwarju matul is-sena kollha, l-affordabbiltà tas-servizz portwarju għal ċertu kategorija ta’ utenti, is-sikurezza, is-sigurtà jew is-sostenibbiltà ambjentali ta’ operazzjonijiet portwarji u koeżjoni territorjali.

(31)

Filwaqt li l-obbligi ta’ servizz pubbliku huma determinati u imposti mill-awtoritajiet nazzjonali, jenħtieġ li obbligu ġenerali stabbilit b’liġi tal-Unjoni jew dik nazzjonali biex port jaċċetta kwalunkwe bastiment li jkun fiżikament kapaċi jidħol u jirmiġġa mingħajr diskriminazzjoni jew xkiel ma jinftiehemx bħala obbligu ta’ servizz pubbliku għall-finijiet ta’ dan ir-Regolament.

(32)

Jenħtieġ li dan ir-Regolament ma jipprekludix lill-awtoritajiet kompetenti milli jagħtu kumpens għal azzjonijiet meħuda għat-twettiq tal-obbligi ta’ servizz pubbliku dment li dan il-kumpens jikkonforma mar-regoli applikabbli dwar l-għajnuna mill-Istat. Meta l-obbligi ta’ servizz pubbliku jikkwalifikaw bħala servizzi ta’ interess ekonomiku ġenerali, huwa neċessarju li tiġi żgurata l-konformità mad-Deċiżjoni tal-Kummissjoni 2012/21/UE (6) u r-Regolament tal-Kummissjoni (UE) Nru 360/2012 (7), kif ukoll l-osservanza tal-Komunikazzjoni tal-Kummissjoni tal-11 ta’ Jannar 2012 bit-titlu “Qafas tal-Unjoni Ewropea għal-għajnuna mill-Istat fil-forma ta’ kumpens ta’ servizz pubbliku”.

(33)

Fejn ikun hemm diversi fornituri ta’ servizzi portwarji, jenħtieġ li l-korp ta’ ġestjoni tal-port, jew l-awtorità kompetenti, ma jiddiskriminawx bejn il-fornituri ta’ servizzi portwarji, u b’mod partikolari mhux favur xi impriża jew entità li hija jkollha interess fiha.

(34)

Jenħtieġ li l-entità ta’ ġestjoni ta’ port, jew l-awtorità kompetenti jkollha l-għażla li tiddeċiedi jekk tipprovdix servizzi portwarji hija stess jew tafdax il-forniment ta’ dawk is-servizzi direttament lil operatur intern. Meta jkun hemm limitazzjoni tal-għadd ta’ fornituri ta’ servizzi portwarji, jenħtieġ li l-forniment ta’ servizzi portwarji mill-operaturi interni jkun limitat biss għall-port jew il-portijiet li għalihom ikunu ġew maħtura dawk l-operaturi interni, ħlief fejn tkun tapplika deroga relatata mas-suq kompetittiv.

(35)

Jenħtieġ li l-Istati Membri jżommu s-setgħa li jiżguraw livell adegwat ta’ protezzjoni soċjali għall-persunal tal-impriżi li jagħtu servizzi portwarji. Jenħtieġ li dan ir-Regolament ma jaffettwax l-applikazzjoni tar-regoli soċjali u tax-xogħol tal-Istati Membri. Huwa adatt li jiġi ċċarat li f’każijiet fejn ma tapplikax id-Direttiva tal-Kunsill 2001/23/KE (8), meta l-konklużjoni ta’ kuntratt ta’ servizzi portwarji tkun tirrikjedi bidla tal-fornitur ta’ servizz portwarju, jenħtieġ li l-korp ta’ ġestjoni tal-port, jew l-awtorità kompetenti, madankollu jkunu jistgħu jitolbu li d-drittijiet u l-obbligi tal-fornitur ta’ servizzi portwarji li jkun ser jispiċċa u li jirriżultaw minn kuntratt ta’ impjieg, jew minn relazzjoni industrijali, li tkun teżisti fid-data ta’ dik il-bidla, jiġu ttrasferiti lill-fornitur ta’ servizzi portwarji l-ġdid li jiġi magħżul.

(36)

Jenħtieġ li kull meta l-miżuri previsti f’dan ir-Regolament jinvolvu l-ipproċessar ta’ data personali, dan l-ipproċessar isir f’konformità mal-liġi tal-Unjoni applikabbli, u b’mod partikolari r-Regolament (UE) 2016/679 tal-Parlament Ewropew u tal-Kunsill (9).

(37)

F’settur kumpless u kompetittiv bħalma huma s-servizzi portwarji, it-taħriġ inizjali u perjodiku tal-persunal huwa essenzjali biex tiġi żgurata l-kwalità tas-servizzi u biex jiġu protetti s-saħħa u s-sikurezza tal-ħaddiema tal-portijiet. Jenħtieġ li l-Istati Membri għaldaqstant jiżguraw li l-fornituri ta’ servizzi portwarji jipprovdu taħriġ adegwat lill-impjegati tagħhom.

(38)

F’ħafna portijiet, l-aċċess għas-suq għall-fornituri ta’ servizzi ta’ mmaniġġar tal-merkanzija u tal-passiġġieri jingħata permezz ta’ kuntratti pubbliċi. Il-Qorti tal-Ġustizzja tal-Unjoni Ewropea kkonfermat li l-awtoritajiet kompetenti huma soġġetti għall-prinċipji ta’ trasparenza u ta’ nondiskriminazzjoni meta jiġu konklużi tali kuntratti. Għalhekk, filwaqt li l-Kapitolu II ta’ dan ir-Regolament jenħtieġ li ma japplikax għall-għoti ta’ servizzi ta’ mmaniġġar tal-merkanzija u servizzi tal-passiġġieri, jenħtieġ li l-Istati Membri jibqgħu ħielsa li jiddeċiedu li japplikaw ir-regoli tal-Kapitolu II għal dawk iż-żewġ servizzi jew li jżommu l-liġijiet nazzjonali eżistenti tagħhom dwar l-aċċess għas-suq fir-rigward tas-servizzi tal-immaniġġar tal-merkanzija u tal-passiġġieri filwaqt li jirrispettaw il-prinċipji ewlenin stabbiliti fil-każistika tal-Qorti tal-Ġustizzja.

(39)

Skont ir-Riżoluzzjoni A.960 tal-Organizzazzjoni Marittima Internazzjonali, kull żona ta’ pilotaġġ teħtieġ esperjenza speċjalizzata ħafna u għarfien lokali min-naħa tal-bdot. Barra minn hekk, ġeneralment il-pilotaġġ huwa obbligatorju u spiss ikun organizzat jew ipprovdut mill-Istati Membri stess. Barra minn hekk, id-Direttiva 2009/16/KE tal-Parlament Ewropew u tal-Kunsill (10) tinkariga lill-bdoti biex jirrapportaw lill-awtoritajiet kompetenti l-anomaliji apparenti li jistgħu jippreġudikaw in-navigazzjoni sikura tal-bastiment tat-trasport fuq l-ilma, jew li jistgħu jheddu jew jagħmlu ħsara lill-ambjent tal-baħar. Barra minn hekk huwa importanti li, meta l-kondizzjonijiet ta’ sikurezza jippermettu, l-Istati Membri kollha jħeġġu l-użu ta’ Ċertifikati għall-Eżenzjoni tal-Pilotaġġ, jew mekkaniżmi ekwivalenti, sabiex itejbu l-effiċjenza fil-portijiet, b’mod partikolari biex jagħtu spinta lit-trasport marittimu fuq distanzi qosra. Sabiex jevitaw konflitti potenzjali ta’ interess bejn tali funzjonijiet ta’ interess pubbliku u konsiderazzjonijiet kummerċjali, jenħtieġ li l-Kapitolu II ta’ dan ir-Regolament ma japplikax għall-pilotaġġ. Madankollu, jenħtieġ li l-Istati Membri jibqgħu ħielsa li jiddeċiedu jekk għandhomx japplikaw il-Kapitolu II għall-pilotaġġ. Jekk jiddeċiedu favur din l-applikazzjoni, jenħtieġ li l-Kummissjoni tiġi informata sabiex tiġi żgurata d-distribuzzjoni ta’ informazzjoni rilevanti.

(40)

Mingħajr preġudizzju għar-regoli tal-Unjoni dwar il-kompetizzjoni, jenħtieġ li dan ir-Regolament ma jinterferixxix mad-dritt tal-Istati Membri, fejn applikabbli, li jirregolaw it-tariffi sabiex jiġu evitati tariffi eċċessivi għal servizzi portwarji f’każijiet fejn is-sitwazzjoni tas-suq fis-servizzi portwarji tkun tali li ma tippermettix kompetizzjoni effettiva.

(41)

Jenħtieġ li r-relazzjonijiet finanzjarji bejn il-portijiet marittimi li jirċievu fondi pubbliċi u l-fornituri ta’ servizzi portwarji, minn naħa, u l-awtoritajiet pubbliċi, min-naħa l-oħra, ikunu trasparenti sabiex jiġu żgurati kondizzjonijiet ekwi u sabiex tiġi evitata distorsjoni tas-suq. F’dan ir-rigward, dan ir-Regolament jenħtieg li jestendi, għal kategoriji oħra ta’ destinatarji, il-prinċipji ta’ trasparenza tar-relazzjonijiet finanzjarji stipulati fid-Direttiva tal-Kummissjoni 2006/111/KE (11) mingħajr preġudizzju għall-kamp ta’ applikazzjoni ta’ dik id-Direttiva.

(42)

F’dan ir-Regolament għandhom jiġu introdotti regoli dwar it-trasparenza tar-relazzjonijiet finanzjarji biex tiġi evitata l-kompetizzjoni inġusta bejn portijiet fl-Unjoni, b’mod partikolari peress li l-portijiet tan-netwerk trans-Ewropew tat-trasport huma eliġibbli biex japplikaw għal finanzjament tal-Unjoni permezz tal-Faċilità Nikkollegaw l-Ewropa stabbilita bir-Regolament (UE) Nru 1316/2013 tal-Parlament Ewropew u tal-Kunsill (12).

(43)

Sabiex jiġu żgurati kondizzjonijiet ekwi u trasparenza fl-allokazzjoni u l-użu ta’ fondi pubbliċi u sabiex jiġu evitati distorsjonijiet tas-suq, huwa neċessarju li fuq il-korp ta’ ġestjoni tal-port li jirċievi fondi pubbliċi, meta jkun qiegħed jaġixxi wkoll bħala fornitur ta’ servizz, jiġi impost obbligu li jżomm kontijiet għall-attivitajiet imwettqa fil-kapaċità tiegħu bħala korp ta’ ġestjoni tal-port separati minn kontijiet għall-attivitajiet imwettqa fuq bażi kompetittiva. Fi kwalunkwe każ, jenħtieġ li tiġi żgurata l-konformità mar-regoli dwar l-għajnuna mill-Istat.

(44)

Sabiex tkun żgurata t-trasparenza, meta port jew entità oħra tipprovdi tħammil f’żona ta’ port, il-kontijiet għat-tħammil għandhom jinżammu separati minn dawk għal attivitajiet oħra.

(45)

Mingħajr preġudizzju għal-liġi tal-Unjoni u għall-prerogattivi tal-Kummissjoni, huwa importanti li l-Kummissjoni tidentifika, f’waqtu u f’konsultazzjoni mal-partijiet interessati kollha, liema investimenti pubbliċi fl-infrastruttura tal-portijiet jaqgħu fl-ambitu tar-Regolament tal-Kummissjoni (UE) Nru 651/2014 (13) (Regolament għall-Eżenzjoni Ġenerali għal kull Kategorija), u liema infrastruttura ma taqax fl-ambitu tal-għajnuna mill-Istat, b’kont meħud tan-natura mhux ekonomika ta’ ċerta infrastruttura, inkluż l-infrastruttura tal-aċċess u tad-difiża, dment li jkunu aċċessibbli għall-utenti potenzjali kollha b’termini ugwali u nondiskriminatorji.

(46)

It-tariffi tas-servizzi portwarji applikati mill-fornituri ta’ servizzi portwarji skont obbligi ta’ servizz pubbliku u t-tariffi għas-servizzi ta’ pilotaġġ li mhumiex esposti għal kompetizzjoni effettiva jistgħu jinvolvu riskju ogħla ta’ abbuż ta’ prezzijiet f’każijiet fejn teżisti setgħa ta’ monopolju. Għal dawk is-servizzi, jenħtieġ jiġu stabbiliti arranġamenti biex jiġi żgurat li t-tariffi jkunu stabbiliti b’mod trasparenti, oġġettiv u nondiskriminatorju u li jkunu proporzjonali għall-ispiża tas-servizz provdut.

(47)

Sabiex ikunu effiċjenti, jenħtieġ li t-tariffi tal-infrastruttura portwarja ta’ kull port individwali jiġu stabbiliti b’mod trasparenti f’konformità mal-istrateġija kummerċjali u mal-pjanijiet ta’ investimenti tal-port stess u, fejn rilevanti, mar-rekwiżiti ġenerali stabbiliti fil-qafas tal-politika ġenerali dwar il-portijiet tal-Istat Membru kkonċernat.

(48)

Jenħtieġ li dan ir-Regolament ma jaffettwax id-drittijiet, fejn applikabbli, tal-portijiet u l-klijenti tagħhom li jaqblu fuq skontijiet kummerċjalment kunfidenzjali. Dan ir-Regolament mhux maħsub li jirrikjedi li kull tali skont ikun żvelat lill-pubbliku jew lill-partijiet terzi. Madankollu, jenħtieġ li l-korp ta’ ġestjoni tal-port, jew l-awtorità kompetenti, tal-inqas jippubblikaw it-tariffi standard qabel kwalunkwe divrenzjar fil-prezz.

(49)

Jenħtieġ li l-varjazzjoni tat-tariffital-infrastruttura portwarja tkun permessa sabiex tippromwovi t-trasport marittimu fuq distanzi qosra u sabiex jiġu attirati bastimenti tat-trasport fuq l-ilma li għandhom prestazzjoni ambjentali, effiċjenza enerġetika jew effiċjenza fl-emissjonijiet tal-karbonju tal-operazzjonijiet tat-trasport, b’mod partikolari operazzjonijiet tat-trasport marittimu lil hinn mill-kosta jew kostali, li tkun aħjar mill-medja. Dik għandha tikkontribwixxi għall-kisba tal-għanijiet tal-politika ambjentali u tat-tibdil fil-klima u għall-iżvilupp sostenibbli tal-port u tal-inħawi tiegħu, b’mod partikolari billi tikkontribwixxi għat-tnaqqis tal-impronta ambjentali tal-bastimenti tat-trasport fuq l-ilma li jidħlu u jibqgħu fil-port.

(50)

Skont l-istrateġija ekonomika tal-port, il-politika dwar l-ippjanar spazjali tal-port jew il-prattiki kummerċjali tal-port u, fejn rilevanti, il-politika ġenerali tal-portijiet tal-Istat Membru kkonċernat, il-varjazzjoni tat-tariffi tal-infrastruttura portwarja tista’ twassal biex ir-rati jiġu ffissati għal żero għal ċerti kategoriji ta’ utenti. Dawn il-kategoriji ta’ utenti jistgħu jinkludu, fost oħrajn, vapuri li huma sptarijiet, bastimenti f’missjonijiet xjentifiċi, kulturali jew umanitarji, bastimenti tal-irmonk u tagħmir tal-port ta’ servizz li jżomm f’wiċċ l-ilma.

(51)

Jenħtieġ li l-Kummissjoni, f’kooperazzjoni mal-Istati Membri, tfassal gwida dwar il-kriterji ta’ klassifikazzjoni komuni għall-bastimenti għall-fini ta’ tariffi ambjentali volontarji, b’kont meħud ta’ standards maqbula internazzjonalment.

(52)

Huwa neċessarju li jiġi żgurat li l-utenti tal-port u partijiet ikkonċernati oħra jiġu kkonsultati dwar kwistjonijiet essenzjali relatati mal-iżvilupp sod tal-port, il-politika dwar it-tariffi tiegħu, il-prestazzjoni tiegħu u l-kapaċità tiegħu li jattira u jiġġenera attivitajiet ekonomiċi. Tali kwistjonijiet essenzjali jinkludu l-koordinazzjoni ta’ servizzi portwarji ġewwa ż-żona tal-port, l-effiċjenza tal-konnessjonijiet mal-intern tal-pajjiż u l-effiċjenza tal-proċeduri amministrattivi fil-portijiet, kif ukoll kwistjonijiet ambjentali. Tali konsultazzjonijiet jenħtieġ li jkunu mingħajr preġudizzju għal kwalunkwe kompetenza speċifika li tirrigwarda dawk il-kwistjonijiet, kif ukoll għall-possibbiltà li l-Istati Membri jkollhom dawk il-konsultazzjonijiet fuq livell nazzjonali. Jenħtieġ li l-korp ta’ ġestjoni tal-port b’mod partikolari jikkonsulta mal-utenti tal-port u partijiet ikkonċernati rilevanti oħra rigward pjanijiet ta’ żvilupp tal-port.

(53)

Sabiex tiġi żgurata l-applikazzjoni tajba u effettiva ta’ dan ir-Regolament, jenħtieġ li l-Istati Membri jiżguraw li tiġi stabbilita proċedura effettiva biex jiġu trattati l-ilmenti.

(54)

Jenħtieġ li l-awtoritajiet tal-Istati Membri jikkooperaw fit-trattament ta’ ilmenti f’tilwim bejn partijiet stabbiliti fi Stati Membri differenti u jiskambjaw informazzjoni ġenerali dwar it-trattament tal-ilmenti sabiex tiġi ffaċilitata l-applikazzjoni uniformi ta’ dan ir-Regolament.

(55)

Billi l-objettivi ta’ dan ir-Regolament, jiġifieri li jiġi żgurat qafas għall-forniment ta’ servizzi portwarji kif ukoll qafas adatt biex jiġu attirati investimenti neċessarji fil-portijiet marittimi kollha tan-netwerk trans-Ewropew tat-trasport, ma jistgħux jinkisbu b’mod suffiċjenti mill-Istati Membri minħabba d-dimensjoni Ewropea, jew in-natura internazzjonali u transfruntiera tal-portijiet u tal-kummerċ marittimu relatat, iżda jistgħu, minħabba l-ħtieġa li jiġu żgurati kondizzjonijiet ekwi fl-Ewropa, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà, kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa neċessarju sabiex jinkisbu dawk l-objettivi.

(56)

Il-Kumitat ta’ Djalogu Soċjali Settorjali tal-UE fis-Settur tal-Portijiet jipprovdi lis-sħab soċjali b’qafas biex jiġi żviluppat approċċ konġunt għall-isfidi soċjali relatati mar-relazzjonijiet tax-xogħol tal-port, inkluż il-kondizzjonijiet tax-xogħol, kwistjonijiet ta’ saħħa u sikurezza, rekwiżiti ta’ taħriġ u kwalifiki professjonali. Jenħtieġ li dak il-qafas jiġi żviluppat b’mod partikolari, fid-dawl ta’ żviluppi bbażati fuq is-suq u żviluppi teknoloġiċi, u jenħtieġ li jsaħħaħ l-attraenza tas-settur għall-ħaddiema żgħażagħ u ħaddiema nisa, filwaqt li jitqiesu l-importanza li tiġi protetta l-kompetittività tal-portijiet marittimi Ewropej u l-promozzjoni ta’ kondizzjonijiet tajba tax-xogħol. B’rispett sħiħ għall-awtonomija tas-sħab soċjali, u filwaqt li jitqiesu l-progress u l-avvanzi teknoloġiċi fil-loġistika tat-trasport, il-Kumitat ta’ Djalogu Soċjali Settorjali tal-UE fis-Settur tal-Portijiet huwa mistieden jiżviluppa linji gwida dwar l-iżvilupp ta’ rekwiżiti għat-taħriġ sabiex jiġu evitati inċidenti fuq il-post tax-xogħol u jiġi żgurat l-ogħla livell ta’ saħħa u sikurezza għall-ħaddiema tal-portijiet. Jenħtieġ li s-sħab soċjali jesploraw ukoll mudelli differenti għall-organizzazzjoni tax-xogħol fil-portijiet marittimi li jiżguraw impjiegi ta’ kwalità u kondizzjonijiet tax-xogħol sikuri u li jindirizzaw il-fluttwazzjoni fid-domanda għax-xogħol fil-portijiet. Huwa importanti li l-Kummissjoni tappoġġa u tiffaċilita l-ħidma tal-Kumitat ta’ Djalogu Soċjali Settorjali tal-UE fis-Settur tal-Portijiet.

(57)

Dan ir-Regolament jirrispetta d-drittijiet fundamentali u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea,

(a)

qafas għall-forniment tas-servizzi portwarji;

(b)

regoli komuni dwar it-trasparenza finanzjarja u t-tariffi għas-servizzi portwarji u l-infrastruttura portwarja.

(a)

bunkering;

(b)

immaniġġar tal-merkanzija;

(c)

irmiġġ;

(d)

servizzi tal-passiġġieri;

(e)

ġbir tal-iskart iġġenerat mill-bastimenti u l-fdalijiet mill-merkanzija;

(f)

pilotaġġ; u

(g)

irmonk.

(1)

“bunkering” tfisser il-forniment ta’ fjuwil solidu, likwidu jew gassuż jew ta’ xi sors ta’ enerġija ieħor użat għall-propulsjoni tal-bastiment tat-trasport fuq l-ilma kif ukoll għal forniment ġenerali jew speċifiku ta’ enerġija abbord il-bastiment tat-trasport fuq l-ilma filwaqt li jkun irmiġġat;

(2)

“immaniġġar tal-merkanzija” tfisser l-organizzazzjoni u l-immaniġġar tal-merkanzija bejn il-bastiment tat-trasport fuq l-ilma li jġorr u x-xatt, kemm jekk ikunu għall-importazzjoni, esportazzjoni jew tranżitu ta’ merkanzija, inklużi l-ipproċessar, l-irbit, il-ħall, l-istivar, it-trasport jew il-ħżin temporanju tal-merkanzija fit-terminal rilevanti ta’ mmaniġġar tal-merkanzija u direttament relatati mat-trasport tal-merkanzija, iżda esklużi, dment li l-Istati Membri ma jiddeterminawx mod ieħor, il-ħżin fl-imħażen, it-tneħħija tal-imballaġġ, l-imballaġġ mill-ġdid jew kwalunkwe servizz ieħor ta’ valur miżjud relatat mal-merkanzija;

(3)

“awtorità kompetenti” tfisser kwalunkwe korp pubbliku jew privat li, fil-livell lokali, reġjonali jew nazzjonali, għandu d-dritt li jwettaq, skont il-liġi jew l-istrumenti nazzjonali, attivitajiet marbuta mal-organizzazzjoni u l-amministrazzjoni ta’ attivitajiet portwarji, flimkien ma’ jew minflok il-korp ta’ ġestjoni tal-port;

(4)

“tħammil” tfisser it-tneħħija ta’ ramel, naqal jew sustanzi oħrajn mill-qiegħ tal-aċċess tal-passaġġ fuq l-ilma lejn il-port, jew fiż-żona tal-port li taqa’ taħt il-kompetenza tal-korp ta’ ġestjoni tal-port, inkluż ir-rimi tal-materjali li tneħħew, sabiex bastimenti tat-trasport fuq l-ilma jkunu jistgħu jkollhom aċċess għall-port; dan jinkludi kemm it-tneħħija inizjali (tħammil tal-bidu) kif ukoll it-tħammil ta’ manutenzjoni li jsir biex il-passaġġ fuq l-ilma jibqa’ aċċessibbli, filwaqt li ma jkunx servizz tal-port offrut lill-utent;

(5)

“korp ta’ ġestjoni tal-port” tfisser kull korp pubbliku jew privat li, skont il-liġi jew l-istrumenti nazzjonali għandu l-objettiv li jwettaq, jew ikun mogħti s-setgħa, biex iwettaq, fil-livell lokali, kemm jekk flimkien ma’ attivitajiet oħrajn kemm jekk le, l-amministrazzjoni u l-ġestjoni tal-infrastruttura tal-port u wieħed jew aktar mill-kompiti li ġejjin fil-port ikkonċernat: il-koordinazzjoni tat-traffiku portwarju, l-immaniġġar tat-traffiku portwarju, il-koordinazzjoni tal-attivitajiet tal-operaturi preżenti fil-port ikkonċernat, u/jew il-kontroll tal-attivitajiet tal-operaturi preżenti fil-port ikkonċernat;

(6)

“irmiġġ” tfisser is-servizzi ta’ rbit u ħall mill-irbit fl-irmiġġ, inkluż ċaqliq tul il-moll, li huma meħtieġa għat-tħaddim sikur ta’ bastiment tat-trasport fuq l-ilma fil-port jew fl-aċċess tal-passaġġ fuq l-ilma lejn il-port;

(7)

“servizzi tal-passiġġieri” tfisser l-organizzazzjoni u l-immaniġġar ta’ passiġġieri, il-bagalji tagħhom u l-vetturi tagħhom bejn il-bastiment tat-trasport fuq l-ilma li jġorr u x-xatt, u tinkludi wkoll l-ipproċessar ta’ data personali u t-trasport tal-passiġġieri fit-terminal rilevanti tal-passiġġieri;

(8)

“pilotaġġ” tfisser is-servizz ta’ gwida ta’ bastiment tat-trasport fuq l-ilma minn bdot jew stazzjon ta’ pilotaġġ biex jippermetti d-dħul jew il-ħruġ sikur tal-bastiment tat-trasport fuq l-ilma fl-aċċess tal-passaġġ fuq l-ilma lejn il-port jew navigazzjoni sikura ġewwa l-port;

(9)

“tariffa tal-infrastruttura portwarja” tfisser tariffa imposta, għall-benefiċċju dirett jew indirett tal-korp ta’ ġestjoni tal-port, jew tal-awtorità kompetenti, għall-użu tal-infrastruttura, il-faċilitajiet u s-servizzi, inklużi l-passaġġi fuq l-ilma li jagħtu aċċess għall-portijiet ikkonċernati, kif ukoll aċċess għall-ipproċessar ta’ passiġġieri u merkanzija, iżda esklużi r-rati u t-tariffi tal-kiri tal-art li jkollhom effett ekwivalenti;

(10)

“ġbir tal-iskart iġġenerat mill-bastimenti u l-fdalijiet mill-merkanzija” tfisser ir-riċeviment ta’ skart iġġenerat mill-bastimenti u mill-fdalijiet tal-merkanzija permezz ta’ kwalunkwe faċilità, li hija fissa, li tifflowtja jew li hija mobbli u li kapaċi tirċievi skart iġġenerat mill-bastimenti jew mill-fdalijiet mill-merkanzija kif definit fid-Direttiva 2000/59/KE tal-Parlament Ewropew u tal-Kunsill (16);

(11)

“tariffa tas-servizzi portwarji” tfisser tariffa imposta għall-benefiċċju tal-fornitur tas-servizzi portwarji u mħallas mill-utenti tas-servizz rilevanti;

(12)

“kuntratt ta’ servizz portwarju” tfisser ftehim formali u legalment vinkolanti jew xi att ieħor b’effett legali ekwivalenti bejn fornitur ta’ servizzi portwarji u korp ta’ ġestjoni tal-port, jew awtorità kompetenti, li għandu bħala s-suġġett tiegħu l-forniment ta’ servizz portwarju wieħed jew aktar, mingħajr preġudizzju għall-forma ta’ għażla tal-fornituri tas-servizzi portwarji;

(13)

“fornitur ta’ servizzi portwarji” tfisser kwalunkwe persuna fiżika jew ġuridika li tipprovdi, jew li tixtieq tipprovdi, bi ħlas waħda mill-kategoriji ta’ servizzi portwarji;

(14)

“obbligu ta’ servizz pubbliku” tfisser rekwiżit definit jew determinat sabiex jiġi żgurat il-forniment ta’ dawk is-servizzi jew attivitajiet portwarji ta’ interess ġenerali li operatur, kieku kellu jikkunsidra l-interessi kummerċjali tiegħu stess, ma jipprovdix jew ma jipprovdihomx bl-istess mod jew bl-istess kondizzjonijiet;

(15)

“trasport marittimu fuq distanzi qosra” tfisser iċ-ċaqliq ta’ merkanzija u passiġġieri bil-baħar bejn portijiet li jinsabu fl-Ewropa ġeografika jew bejn dawk il-portijiet u l-portijiet li jinsabu f’pajjiżi mhux Ewropej bi xtut fl-ibħra magħluqin li jmissu mal-Ewropa;

(16)

“port marittimu” tfisser żona ta’ art u ilma magħmula minn infrastruttura u tagħmir li jippermettu, prinċipalment, l-ilqugħ ta’ bastimenti tat-trasport fuq l-ilma, it-tagħbija u l-ħatt tagħhom, il-ħżin ta’ prodotti, ir-riċevuta u l-forniment ta’ dawk il-prodotti u l-imbark u l-iżbark tal-passiġġieri, l-ekwipaġġ u persuni oħrajn u kwalunkwe infrastruttura oħra meħtieġa għall-operaturi tat-trasport fi ħdan iż-żona tal-port;

(17)

“irmonk” tfisser l-assistenza mogħtija lil bastiment tat-trasport fuq l-ilma permezz ta’ bastiment tal-irmonk biex ikunu jistgħu jsiru d-dħul jew il-ħruġ sikur mill-port jew in-navigazzjoni sikura fil-port billi tingħata assistenza fl-immanuvrar tal-bastiment tat-trasport fuq l-ilma;

(18)

“aċċess tal-passaġġ fuq l-ilma” tfisser aċċess fuq l-ilma lejn il-port mill-baħar miftuħ, bħal approċċi tal-portijiet, kanali navigabbli, xmajjar, kanali fl-ibħra u fjords, sakemm tali passaġġ fuq l-ilma jaqa’ taħt il-kompetenza tal-korp ta’ ġestjoni tal-port.

(a)

rekwiżiti minimi għall-forniment ta’ servizzi portwarji;

(b)

limitazzjonijiet dwar l-għadd ta’ fornituri;

(c)

obbligi ta’ servizz pubbliku;

(d)

restrizzjonijiet li jikkonċernaw l-operaturi interni.

(a)

il-kwalifiki professjonali tal-fornitur tas-servizzi portwarji, il-persunal tiegħu jew il-persuni fiżiċi li fil-fatt u kontinwament jimmaniġġjaw l-attivitajiet tal-fornitur tas-servizzi portwarji;

(b)

il-kapaċità finanzjarja tal-fornitur tas-servizzi portwarji;

(c)

it-tagħmir meħtieġ biex jiġi pprovdut is-servizz portwarju rilevanti f’kondizzjonijiet normali u sikuri u l-kapaċità li dan it-tagħmir jinżamm fil-livell meħtieġ;

(d)

id-disponibbiltà tas-servizz portwarju rilevanti għall-utenti kollha, fl-irmiġġi kollha u mingħajr interruzzjonijiet, lejl u nhar, matul is-sena kollha;

(e)

il-konformità mar-rekwiżiti dwar is-sikurezza marittima jew is-sikurezza u s-sigurtà tal-port jew l-aċċess għalih, l-installazzjonijiet, it-tagħmir u l-ħaddiema tiegħu u persuni oħrajn;

(f)

il-konformità mar-rekwiżiti lokali, nazzjonali, tal-Unjoni u internazzjonali dwar l-ambjent;

(g)

il-konformità mal-obbligi fil-qasam tal-liġi soċjali u tax-xogħol li japplikaw fl-Istat Membru tal-port ikkonċernat, inklużi t-termini ta’ ftehimiet kollettivi applikabbli, ir-rekwiżiti tal-ekwipaġġ u r-rekwiżiti li jirrigwardaw is-sigħat tax-xogħol u s-sigħat ta’ mistrieħ għall-baħħara, u ma’ regoli applikabbli dwar l-ispezzjonijiet tax-xogħol;

(h)

ir-reputazzjoni tajba tal-fornitur tas-servizzi portwarji, kif stabbilit skont kwalunkwe liġi nazzjonali applikabbli dwar ir-reputazzjoni tajba, filwaqt li tqis kwalunkwe raġuni serja li tqanqal dubju dwar l-affidabbiltà tal-fornitur tas-servizzi portwarji.

(a)

ikunu trasparenti, oġġettivi, nondiskriminatorji, proporzjonati, u rilevanti għall-kategorija u n-natura tas-servizz portwarju kkonċernat;

(b)

jiġu rispettati sa meta jiskadi d-dritt ta’ forniment ta’ servizz portwarju.

(a)

l-iskarsezza jew l-użu riżervat ta’ art jew l-ispazju maġenb l-ilma, dment li l-limitazzjoni tkun konformi mad-deċiżjonijiet jew il-pjani definiti mill-korp ta’ ġestjoni tal-port u, fejn xieraq, kwalunkwe awtorità pubblika oħra li tkun kompetenti skont il-liġijiet nazzjonali;

(b)

in-nuqqas ta’ tali limitazzjoni jostakola t-twettiq tal-obbligi ta’ servizz pubbliku kif previst fl-Artikolu 7, inkluż meta dan in-nuqqas iwassal għal spejjeż għoljin b’mod eċċessiv marbuta mat-twettiq ta’ dawn l-obbligi għall-korp ta’ ġestjoni tal-port, l-awtorità kompetenti, jew l-utenti tal-port;

(c)

in-nuqqas ta’ tali limitazzjoni imur kontra l-ħtieġa li jiġu żgurati operazzjonijiet portwarji sikuri, siguri jew ambjentalment sostenibbli;

(d)

il-karatteristiċi tal-infrastruttura tal-port jew in-natura tat-traffiku tal-port ikunu tali li l-operazzjonijiet ta’ għadd ta’ fornituri tas-servizzi portwarji fil-port ma jkunux possibbli;

(e)

fejn ġie stabbilit skont l-Artikolu 35 tad-Direttiva 2014/25/UE li settur jew sottosettur ta’ port, flimkien mas-servizzi portwarji tiegħu, fi Stat Membru jwettaq attività li hija direttament esposta għall-kompetizzjoni f’konformità mal-Artikolu 34 ta’ dik id-Direttiva. F’dawn il-każijiet, il-paragrafi 2 u 3 ta’ dan l-Artikolu ma għandhomx japplikaw.

(a)

id-disponibbiltà tas-servizz portwarju għall-utenti kollha tal-port, fl-irmiġġi kollha, mingħajr interruzzjoni, lejl u nhar, matul is-sena kollha;

(b)

id-disponibbiltà tas-servizz għall-utenti kollha bl-istess kondizzjonijiet;

(c)

l-affordabbiltà tas-servizz għal ċerti kategoriji ta’ utenti;

(d)

is-sikurezza, is-sigurtà jew is-sostenibbiltà ambjentali tal-operazzjonijiet portwarji;

(e)

il-forniment ta’ servizzi tat-trasport adegwati lill-pubbliku; u

(f)

l-koeżjoni territorjali.

(a)

fondi pubbliċi pprovduti direttament mill-awtoritajiet pubbliċi lill-korpi ta’ ġestjoni tal-port ikkonċernati;

(b)

fondi pubbliċi pprovduti mill-awtoritajiet pubbliċi permezz ta’ intermedjarji ta’ impriżi pubbliċi jew istituzzjonijiet finanzjarji pubbliċi; u

(c)

l-użu li għalih ġew attribwiti dawk il-fondi pubbliċi.

(a)

l-ispejjeż u d-dħul kollha jiġu assenjati jew allokati b’mod korrett abbażi ta’ prinċipji tal-kontabbiltà tal-ispejjeż applikati b’mod konsistenti u oġġettivament ġustifikabbli; u

(b)

il-prinċipji tal-kontabbiltà tal-ispejjeż li skonthom jinżammu kontijiet separati jkunu stabbiliti b’mod ċar.

(a)

il-koordinazzjoni tas-servizzi portwarji fiż-żona tal-port;

(b)

miżuri biex jittejbu l-konnessjonijiet maż-żoni interni, inkluż miżuri biex tiġi żviluppata u tittejjeb l-effiċjenza tat-trasport ferrovjarju u fil-passaġġi fuq l-ilma interni;

(c)

l-effiċjenza tal-proċeduri amministrattivi fil-port u miżuri li jissimplifikawhom;

(d)

materji ambjentali;

(e)

ippjanar spazjali; u

(f)

miżuri li jiżguraw is-sikurezza fiż-żona tal-port, inkluż, fejn adatt, is-saħħa u s-sikurezza tal-ħaddiema tal-portijiet.

3.3.2017   

MT

Il-Ġurnal Uffiċjali tal-Unjoni Ewropea

L 57/19

(1)

L-Annessi A u B għar-Regolament (UE) 2015/848 tal-Parlament Ewropew u tal-Kunsill (2) jelenkaw l-ismijiet mogħtija fil-liġijiet nazzjonali tal-Istati Membri lill-proċedimenti ta’ insolvenza u l-prattikanti fl-insolvenza li dak ir-Regolament japplika għalihom. L-Anness A jelenka l-proċedimenti ta’ insolvenza msemmija fil-punt (4) tal-Artikolu 2 ta’ dak ir-Regolament u l-Anness B jelenka l-prattikanti fl-insolvenza msemmija fil-punt (5) ta’ dak l-Artikolu.

(2)

Fl-4 ta’ Diċembru 2015, il-Polonja nnotifikat lill-Kummissjoni dwar emendi ulterjuri għal-listi li jinsabu fl-Annessi A u B għar-Regolament (UE) 2015/848. Dawk l-emendi jikkonformaw mar-rekwiżiti stipulati f’dak ir-Regolament.

(3)

F’konformità mal-Artikolu 3 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, ir-Renju Unit innotifika, permezz ta’ ittra datata l-1 ta’ Settembru 2016, x-xewqa tiegħu li jieħu sehem fl-adozzjoni u fl-applikazzjoni ta’ dan ir-Regolament.

(4)

F’konformità mal-Artikoli 1 u 2 u l-Artikolu 4a(1) tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u mingħajr preġudizzju għall-Artikolu 4 ta’ dak il-Protokoll, l-Irlanda mhijiex qed tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.

(5)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.

(6)

L-Annessi A u B għar-Regolament (UE) 2015/848 għandhom għalhekk jiġu emendati skont dan,

3.3.2017   

MT

Il-Ġurnal Uffiċjali tal-Unjoni Ewropea

L 57/31

(1)

Ir-Regolament (UE) 2015/936 tal-Parlament Ewropew u tal-Kunsill (2) jistipula r-regoli komuni għall-importazzjonijiet ta’ prodotti tessili minn għadd ta’ pajjiżi terzi mhux koperti minn ftehim bilaterali, protokolli jew arranġamenti oħra, jew minn regoli speċifiċi ta’ importazzjoni tal-Unjoni oħrajn.

(2)

Il-ħelsien ta’ priġunieri politiċi fir-Repubblika tal-Belarussja fit-22 ta’ Awwissu 2015 kien pass importanti li, flimkien ma’ numru ta’ inizjattivi pożittivi meħuda mir-Repubblika tal-Belarussja matul dawn l-aħħar sentejn, bħall-issoktar tad-Djalogu dwar id-Drittijiet tal-Bniedem bejn l-UE u l-Belarussja, ikkontribwixxa għat-titjib tar-relazzjonijiet bejn l-Unjoni u r-Repubblika tal-Belarussja.

(3)

Ir-relazzjonijiet bejn l-UE u l-Belarussja jenħtieġ li jkunu msejsin fuq valuri komuni, b’mod partikolari fir-rigward tad-drittijiet tal-bniedem, id-demokrazija u l-istat tad-dritt u ta’ min jiftakar li s-sitwazzjoni tad-drittijiet tal-bniedem fir-Repubblika tal-Belarussja għadha ta’ tħassib għall-Unjoni, b’mod partikolari fir-rigward ta’ kwistjonijiet bħall-piena tal-mewt, li jeħtieġ li tiġi abolita.

(4)

Dawk l-iżviluppi politiċi pożittivi bejn l-Unjoni u r-Repubblika tal-Belarussja għandhom ikunu rikonoxxuti u r-relazzjonijiet bilaterali għandhom jitjiebu aktar. Għaldaqstant, dan ir-Regolament għandu jħassar il-kwoti awtonomi fuq l-importazzjonijiet ta’ tessuti u ħwejjeġ li joriġinaw mir-Repubblika tal-Belarussja, previsti fl-Annessi II u III tar-Regolament (UE) 2015/936, mingħajr preġudizzju għall-kapaċità tal-Unjoni li tirrikorri għall-kwoti fil-ġejjieni jekk is-sitwazzjoni tad-drittijiet tal-bniedem fir-Repubblika tal-Belarussja tmur serjament għall-agħar.

(5)

It-tneħħija ta’ kwoti awtonomi fuq l-importazzjonijiet ta’ tessuti u ħwejjeġ li joriġinaw fir-Repubblika tal-Belarussja timplika li l-kwoti fuq it-traffiku ta’ proċessar passiv m’għadhomx meħtieġa. B’riżultat ta’ dan, l-Artikolu 4(2) u l-Kapitolu V tar-Regolament (UE) 2015/936, flimkien mal-Anness V tiegħu għandhom jitħassru. L-Artikolu 31 ta’ dak ir-Regolament dwar l-adozzjoni ta’ atti delegati għandu wkoll jiġi emendat kif meħtieġ. L-użu limitat ta’ kwoti awtonomi u ta’ proċessar passiv fuq l-importazzjonijiet ta’ tessuti u ħwejjeġ li joriġinaw mir-Repubblika tal-Belarussja jimplika li t-tneħħija ta’ dawn il-kwoti jkollha impatt limitat fuq il-kummerċ tal-Unjoni.

(6)

Sabiex jiġu kkoreġuti kodiċijiet żbaljati tan-Nomenklatura Magħquda fil-kategoriji 12, 13, 18, 68, 78, 83 (Grupp II B), 67, 70, 94, 96 (Grupp III B) u 161 (Grupp V), l-Anness I tar-Regolament (UE) 2015/936 għandu jiġi emendat.

(7)

L-isem uffiċjali tar-Repubblika Demokratika tal-Poplu tal-Korea għandu jintuża fl-Annessi II, III u IV tar-Regolament (UE) 2015/936.

(8)

Sabiex jiġu faċilitati l-proċeduri amministrattivi, il-perijodu ta’ validità tal-awtorizzazzjonijiet tal-importazzjoni stabbilit fl-Artikolu 21(2) tar-Regolament (UE) 2015/936 għandu jiżdied minn sitta għal disa’ xhur,

(1)

L-Artikolu 4(2) jitħassar.

(2)

L-Artikolu 21(2) huwa sostitwit b’dan li ġej:

‘2.   Il-perijodu ta’ validità tal-awtorizzazzjonijiet tal-importazzjoni maħruġa mill-awtoritajiet kompetenti tal-Istati Membri għandu jkun ta’ disa’ xhur. Dak il-perijodu ta’ validità jista’ jiġi modifikat fejn ikun meħtieġ, skont il-proċedura ta’ eżami msemmija fl-Artikolu 30(3).’.

(3)

Il-Kapitolu V jitħassar.

(4)

Fl-Artikolu 31, il-paragrafi (2) u (3) huma sostitwiti b’dawn li ġejjin:

‘2.   Is-setgħa li tadotta atti delegati msemmija fl-Artikolu 3(3), l-Artikolu 5(2), l-Artikolu 12(3), l-Artikolu 13 u l-Artikolu 35 hija mogħtija lill-Kummissjoni għal perijodu ta’ ħames snin mill-20 ta’ Frar 2014. Il-Kummissjoni għandha tfassal rapport fir-rigward tad-delega ta’ setgħa sa mhux aktar tard minn disa’ xhur qabel it-tmiem tal-perijodu ta’ ħames snin. Id-delega ta’ setgħa għandha tiġi estiża b’mod taċitu għal perijodi ta’ tul ta’ żmien identiku, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perijodu.

3.   Id-delega ta’ setgħa msemmija fl-Artikolu 3(3), l-Artikolu 5(2), l-Artikolu 12(3), l-Artikolu 13 u l-Artikolu 35 tista’ tiġi revokata fi kwalunkwe żmien mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Hija għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Din m’għandhiex taffettwa l-validità ta’ kwalunkwe att delegat li jkun diġà fis-seħħ.’.

(5)

L-Artikolu 31(6) huwa sostitwit b’dan li ġej:

‘6.   Att delegat adottat skont l-Artikolu 3(3) jew l-Artikolu 12(3) għandu jidħol fis-seħħ biss jekk ma tiġi espressa ebda oġġezzjoni mill-Parlament Ewropew jew mill-Kunsill fi żmien perijodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perijodu għandu jiġi estiż b’erba’ xhur fuq l-inizjattiva tal-Parlament Ewropew jew tal-Kunsill.’.

(6)

It-Taqsima A tal-Anness I hija emendata skont l-Anness ta’ dan ir-Regolament u l-Annessi II, III u IV huma sostitwiti bit-testi li jinsabu fl-Anness ta’ dan ir-Regolament.

(7)

L-Anness V jitħassar.

3.3.2017   

MT

Il-Ġurnal Uffiċjali tal-Unjoni Ewropea

L 57/59

(1)

Il-Ftehim ta’ Stabbilizzazzjoni u Assoċjazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u l-Kosovo (*1), min-naħa l-oħra (2), (il-“Ftehim”) ġie ffirmat fis-27 ta’ Ottubru 2015. Il-Ftehim daħal fis-seħħ fl-1 ta’ April 2016.

(2)

Huwa neċessarju li jiġu stabbiliti regoli għall-implimentazzjoni ta’ ċerti dispożizzjonijiet tal-Ftehim, kif ukoll il-proċeduri għall-adozzjoni ta’ regoli ddettaljati ta’ implimentazzjoni.

(3)

Biex ikunu żgurati kundizzjonijiet uniformi għall-implimentazzjoni tal-Ftehim, jinħtieġ li l-Kummissjoni tingħata setgħat ta’ implimentazzjoni. Jinħtieġ li dawn is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (3). F’konformità ma’ dak ir-Regolament, il-proċedura ta’ eżami tapplika, b’mod partikolari, għall-adozzjoni ta’ atti ta’ implimentazzjoni relatati mal-politika kummerċjali komuni. Madankollu, il-proċedura konsultattiva tista’ tapplika f’każijiet debitament ġustifikati. Fejn il-Ftehim jipprovdi l-possibbiltà, f’ċirkostanzi eċċezzjonali u kritiċi, li jiġu applikati minnufih miżuri meħtieġa biex tiġi indirizzata s-sitwazzjoni, jinħtieġ li l-Kummissjoni tadotta tali atti ta’ implimentazzjoni immedjatament. Jinħtieġ li l-Kummissjoni tadotta atti ta’ implimentazzjoni li jkunu immedjatament applikabbli fejn, f’każijiet debitament ġustifikati relatati ma’ miżuri li jikkonċernaw prodotti agrikoli u tas-sajd, hekk ikun meħtieġ għal raġunijiet imperattivi ta’ urġenza.

(4)

Il-Ftehim jistipula li ċerti prodotti agrikoli u tas-sajd li joriġinaw mill-Kosovo jistgħu jiġu importati fl-Unjoni b’dazju doganali mnaqqas, fil-limiti tal-kwoti tariffarji. Għalhekk, hu meħtieġ li jiġu stabbiliti dispożizzjonijiet li jirregolaw il-ġestjoni u r-rieżami ta’ dawk il-kwoti tariffarji sabiex tkun tista’ ssir valutazzjoni bir-reqqa tagħhom.

(5)

Fejn ikunu meħtieġa miżuri għad-difiża tal-kummerċ, jinħtieġ li dawn jiġu adottati skont ir-Regolament (UE) 2015/478 tal-Parlament Ewropew u tal-Kunsill (4), ir-Regolament (UE) 2016/1036 tal-Parlament Ewropew u tal-Kunsill (5) jew, jekk ikun il-każ, ir-Regolament (UE) 2016/1037 tal-Parlament Ewropew u tal-Kunsill (6).

(6)

Fejn Stat Membru jipprovdi informazzjoni lill-Kummissjoni dwar il-possibbiltà ta’ frodi jew nuqqas milli tiġi pprovduta kooperazzjoni amministrattiva, għandha tapplika l-leġiżlazzjoni rilevanti tal-Unjoni, b’mod partikolari r-Regolament tal-Kunsill (KE) Nru 515/97 (7).

(7)

Dan ir-Regolament fih miżuri ta’ implimentazzjoni għall-Ftehim, u għalhekk jinħtieġ li japplika mid-dħul fis-seħħ tal-Ftehim,

(a)

1 % jew inqas fil-każ ta’ dazji ad valorem;

(b)

EUR 1 jew inqas għal kull ammont individwali fil-każ ta’ dazji speċifiċi.

(a)

fi żmien tlett ijiem ta’ xogħol minn meta tasal it-talba, fejn il-proċedura ta’ riferiment prevista fl-Artikolu 43 tal-Ftehim ma tapplikax; jew

(b)

fi żmien tlett ijiem ta’ xogħol mit-tmiem tal-perjodu ta’ 30 jum imsemmi fl-Artikolu 43(5)(a) tal-Ftehim, fejn tkun tapplika l-proċedura ta’ riferiment prevista fl-Artikolu 43 tal-Ftehim.

(a)

tinforma lill-Parlament Ewropew u lill-Kunsill; u

(b)

tinnotifika lill-Kumitat ta’ Stabbilizzazzjoni u Assoċjazzjoni bis-sejba tagħha flimkien mal-informazzjoni oġġettiva li fuqha hija bbażata, u tidħol f’konsultazzjonijiet fil-Kumitat ta’ Stabbilizzazzjoni u Assoċjazzjoni.