17.2.2017

Il-Ġurnal Uffiċjali tal-Unjoni Ewropea

L 40/1

REGOLAMENT TA' IMPLIMENTAZZJONI TAL-KUMMISSJONI (UE) 2017/268

tal-14 ta' Frar 2017

dwar il-klassifikazzjoni ta' ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,

Billi:

(1)	Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), huwa meħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata, parzjalment jew kollha kemm hi, fuqha, jew li żżid xi subdiviżjoni addizzjonali magħha u li hija stabbilita b'dispożizzjonijiet speċifiċi tal-Unjoni, bl-għan li jiġu applikati tariffi u miżuri oħra relatati mal-kummerċ tal-prodotti.

(3)	Skont dawn ir-regoli ġenerali, il-prodotti deskritti fil-kolonna (1) tat-tabella mogħtija fl-Anness għandhom jiġu kklassifikati taħt il-kodiċi tan-NM indikat fil-kolonna (2) minħabba r-raġunijiet stabbiliti fil-kolonna (3) ta' dik it-tabella.

(4)

Huwa xieraq li jiġi previst li l-informazzjoni tariffarja vinkolanti maħruġa fir-rigward tal-prodotti kkonċernati minn dan ir-Regolament u li ma tikkonformax ma' dan ir-Regolament tkun tista' tibqa' tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu għandu jkun ta' tliet xhur.

(5)	Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella mogħtija fl-Anness għandhom jiġu kklassifikati fin-Nomenklatura Magħquda taħt il-kodiċi tan-NM indikat fil-kolonna (2) ta' dik it-tabella.

Artikolu 2

L-informazzjoni tariffarja vinkolanti li ma tikkonformax ma' dan ir-Regolament tista' tibqa' tiġi invokata f'konformità mal-Artikolu 34(9) tar-Regolament (UE) Nru 952/2013 għal perjodu ta' tliet xhur mid-data tad-dħul fis-seħħ ta' dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-14 ta' Frar 2017.

Għall-Kummissjoni,

F'isem il-President,

Stephen QUEST

Direttur Ġenerali

Direttorat Ġenerali għat-Tassazzjoni u l-Unjoni Doganali

(1) ĠU L 269, 10.10.2013, p. 1.

(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).

ANNESS

Deskrizzjoni tal-prodotti

Klassifikazzjoni (Kodiċi NM)

Raġunijiet

(1)

(2)

(3)

Prodott li jikkonsisti f'pilloli bojod magħmula minn dan li ġej:

—	glikosidi tal-istevjol,

—	karbonat tas-sodju,

—	ċitrat tas-sodju,

—

lewċin.

200 pillola (ta' 56 mg kull waħda) imqegħdin għall-bejgħ bl-imnut f'distributur tal-but,

Il-prodott għandu valur kalorifiku ta' 0,06 kcal għal kull pillola.

2106 90 92

Il-klassifikazzjoni hija stabbilita skont ir-regoli ġenerali 1 u 6 għall-interpretazzjoni tan-Nomenklatura Magħquda, Nota 1. (b) tal-Kapitolu 38 u l-kliem tal-kodiċi tan-NM 2106 , 2106 90 u 2106 90 92 .

F'konformità man-Nota 1. (b) tal-Kapitolu 38, il-prodott ma jistax jitqies bħala prodott kimiku tal-Kapitolu 38 peress li fih sustanzi b'valur nutrittiv, tat-tip użat fit-tħejjija tal-oġġetti tal-ikel. M'hemm l-ebda livell limitu għall-ammont tal-valur nutrittiv.

Il-glikosidi tal-istevjol u l-lewċin huma meqjusa bħala sustanzi b'valur nutrittiv (ara wkoll in-Noti ta' Spjegazzjoni tas-Sistema Armonizzata (HSEN) tal-Kapitolu 38, Ġenerali, il-paragrafu ta' qabel ta' qabel tal-aħħar u ta' qabel tal-aħħar).

Il-preparati (bħall-pilloli) li jikkonsistu f'dolċifikant u oġġett tal-ikel użati għall-fini ta' dolċifikazzjoni għandhom jiġu klassifikati taħt l-intestatura 2106 (ara wkoll l-HSEN tal-intestatura 2106 , in-numru 10).

Għaldaqstant, il-prodott għandu jiġi klassifikat taħt l-intestatura 2106 bħala preparat ieħor tal-ikel tal-kodiċi tan-NM 2106 90 92 .

17.2.2017

Il-Ġurnal Uffiċjali tal-Unjoni Ewropea

L 40/4

REGOLAMENT TAL-KUMMISSJONI (UE) 2017/269

tas-16 ta' Frar 2017

li jemenda r-Regolament (KE) Nru 1185/2009 tal-Parlament Ewropew u tal-Kunsill dwar l-istatistika li tikkonċerna l-pestiċidi, fir-rigward tal-lista ta' sustanzi attivi

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1185/2009 tal-Parlament Ewropew u tal-Kunsill tal-25 ta' Novembru 2009 dwar l-istatistika li tikkonċerna l-pestiċidi (1), u b'mod partikolari l-Artikolu 5(3) tiegħu,

Billi:

(1)	Ir-Regolament (KE) Nru 1185/2009 jistabbilixxi qafas komuni għall-produzzjoni tal-istatistika Ewropea komparabbli dwar il-bejgħ u l-użu tal-pestiċidi.

(2)

Il-Kummissjoni għandha tadatta, fuq bażi regolari u mill-inqas kull ħames snin, il-lista ta' sustanzi li għandhom jiġu koperti u l-klassifikazzjoni tagħhom fil-kategoriji ta' prodotti u klassijiet kimiċi kif stabbiliti fl-Anness III. Billi dan tal-aħħar ġie aġġornat l-aħħar fl-2011 mir-Regolament tal-Kummissjoni (UE) Nru 656/2011 (2), il-lista annessa ma' dak ir-Regolament jeħtieġ li tiġi aġġornata biex tkopri s-snin mill-2016 sal-2020.

(3)

Minħabba n-numru ta' sustanzi kkonċernati u l-proċess kumpless tal-identifikazzjoni u l-klassifikazzjoni tal-komposti rilevanti, huwa diffiċli għall-awtoritajiet tal-istatistika nazzjonali biex jiksbu l-firxa ta' għodod li jeħtieġu biex jiġbru l-informazzjoni dwar l-użu u t-tqegħid fis-suq tal-pestiċidi. Konsegwentement, is-sustanzi biss assenjati numru ta' identifikazzjoni minn waħda jew miż-żewġ istituzzjonijiet ewlenin rikonoxxuti internazzjonalment li jirreġistraw pestiċidi jew komposti kimiċi, jiġifieri l-Chemical Abstracts Service tal-American Chemical Society u l-Collaborative International Pesticides Analytical Council, għandhom ikunu inklużi.

(4)	Il-miżuri previsti f'dan ir-Regolament jikkonformaw mal-opinjoni tal-Kumitat tas-Sistema Ewropea tal-Istatistika,

ADOTTAT DAN IR-REGOLAMENT:

Artikolu 1

L-Anness III għar-Regolament (KE) Nru 1185/2009 qed jiġi sostitwit bl-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta' Frar 2017.

Għall-Kummissjoni

Il-President

Jean-Claude JUNCKER

(1) ĠU L 324, 10.12.2009, p. 1.

(2) Ir-Regolament tal-Kummissjoni (UE) Nru 656/2011 tas-7 ta' Lulju 2011 li jimplimenta r-Regolament (KE) Nru 1185/2009 tal-Parlament Ewropew u tal-Kunsill dwar l-istatistika li tikkonċerna l-pestiċidi, fir-rigward tad-definizzjonijiet u l-lista ta' sustanzi attivi (ĠU L 180, 8.7.2011, p. 3).

ANNESS

“ANNESS III

KLASSIFIKAZZJONI ARMONIZZATA TA' SUSTANZI

Gruppi ewlenin	Kategoriji ta' prodotti	Kodiċi	Klassi Kimika	Ismijiet komuni ta' sustanzi Nomenklatura komuni	CAS (1)	CIPAC (2)
Fungiċidi u Batteriċidi		PES_F
	Fungiċidi inorganiċi	F01
		F01_01	KOMPOSTI TAR-RAM
		F01_01_01		TAĦLITA BORDEAUX	8011-63-0	44.604
		F01_01_02		IDROSSIDU TAR-RAM	20427-59-2	44.305
		F01_01_03		OSSIDU TAR-RAM (I)	1319-39-1	44.603
		F01_01_04		OSSIKLORUR TAR-RAM	1332-40-7	44.602
		F01_01_05		SULFAT TAR-RAM TRIBAŻIKU	1333-22-8	44.606
		F01_01_06		MELĦ TAR-RAM IEĦOR		44
		F01_02	KUBRIT INORGANIKU
		F01_02_01		KUBRIT	7704-34-9	18
		F01_99	FUNGIĊIDI INORGANIĊI OĦRAJN
		F01_99_01		KUBRIT TAL-ĠIR (POLISULFUR TAL-KALĊJU)	1344-81-6	17
		F01_99_03		FOSFONATI TAL-POTASSJU (QABEL IMSEJJAĦ FOSFIT TAL-POTASSJU)	13977-65-6 13492-26-7	756
		F01_99_06		FOSFONAT TAD-DISODJU		808
		F01_99_07		KARBONAT IDROĠENAT TAL-POTASSJU	298-14-6	853
		F01_99_99		FUNGIĊIDI INORGANIĊI OĦRAJN
	Fungiċidi bbażati fuq il-karbammati u d-ditijokarbammati	F02
		F02_01	FUNGIĊIDI TAL-KARBANILAT
		F02_01_01		DIETOFENKARB	87130-20-9	513
		F02_02	FUNGIĊIDI TAL-KARBAMMAT
		F02_02_01		ISOPROPIL TAL-BENZJAVALIKARB	413615-35-7 177406-68-7	744
		F02_02_02		IPROVALIKARB	140923-17-7	620
		F02_02_03		PROPAMOKARB	24579-73-5	399
		F02_03	FUNGIĊIDI TAD-DITIJOKARBAMMAT
		F02_03_01		MANKOŻEB	8018-01-7	34
		F02_03_02		MANEB	12427-38-2	61
		F02_03_03		METIRAM	9006-42-2	478
		F02_03_04		PROPINEB	12071-83-9	177
		F02_03_05		TIRAM	137-26-8	24
		F02_03_06		ŻIRAM	137-30-4	31
		F02_99	FUNGIĊIDI OĦRAJN IBBAŻATI FUQ IL-KARBAMMATI U D-DITIJOKARBAMMATI
		F02_99_99		FUNGIĊIDI OĦRAJN IBBAŻATI FUQ IL-KARBAMMATI U D-DITIJOKARBAMMATI
	Fungiċidi bbażati fuq il-benżimidażoli	F03
		F03_01	FUNGIĊIDI TAL-BENŻIMIDAŻOL
		F03_01_01		KARBENDAŻIM	10605-21-7	263
		F03_01_02		FUBERIDAŻOL	3878-19-1	525
		F03_01_03		TIJABENDAŻOL	148-79-8	323
		F03_01_04		TIJOFANAT-METIL	23564-05-8	262
		F03_99	FUNGIĊIDI OĦRAJN IBBAŻATI FUQ IL-BENŻIMIDAŻOLI
		F03_99_99		FUNGIĊIDI OĦRAJN IBBAŻATI FUQ IL-BENŻIMIDAŻOLI
	Fungiċidi bbażati fuq l-imidażoli u t-triażoli	F04
		F04_01	FUNGIĊIDI TAL-KONAŻOL
		F04_01_02		BROMUKONAŻOL	116255-48-2	680
		F04_01_03		ĊIPROKONAŻOL	94361-06-5	600
		F04_01_04		DIFENOKONAŻOL	119446-68-3	687
		F04_01_05		EPOSSIKONAŻOL	106325-08-0	609
		F04_01_06		ETRIDIAŻOL	2593-15-9	518
		F04_01_07		FENBUKONAŻOL	114369-43-6	694
		F04_01_08		FLUKWINKONAŻOL	136426-54-5	474
		F04_01_10		FLUTRIAFOL	76674-21-0	436
		F04_01_11		IMAŻALIL (ENILKONAŻOL)	35554-44-0	335
		F04_01_12		IPKONAŻOL	125225-28-7	798
		F04_01_13		METKONAŻOL	125116-23-6	706
		F04_01_14		MIKLOBUTANIL	88671-89-0	442
		F04_01_15		PENKONAŻOL	66246-88-6	446
		F04_01_16		PROPIKONAŻOL	60207-90-1	408
		F04_01_17		PROTIJOKONAŻOL	178928-70-6	745
		F04_01_18		TEBUKONAŻOL	107534-96-3	494
		F04_01_19		TETRAKONAŻOL	112281-77-3	726
		F04_01_20		TRIADIMENOL	55219-65-3	398
		F04_01_21		TRIFLUMIŻOL	99387-89-0	730
		F04_01_22		TRITIKONAŻOL	131983-72-7	652
		F04_02	FUNGIĊIDI TAL-IMIDAŻOL
		F04_02_01		ĊJAŻOFAMMID	120116-88-3	653
		F04_02_02		FENAMIDON	161326-34-7	650
		F04_02_03		TRIAŻOSSIDU	72459-58-6	729
		F04_99	FUNGIĊIDI OĦRAJN IBBAŻATI FUQ L-IMIDAŻOLI U T-TRIAŻOLI
		F04_99_01		AMETOKTRADIN	865318-97-4	818
		F04_99_02		AMISULBROM	348635-87-0	789
		F04_99_03		TRIĊIKLAŻOL	41814-78-2	547
		F04_99_99		FUNGIĊIDI OĦRAJN IBBAŻATI FUQ L-IMIDAŻOLI U T-TRIAŻOLI
	Fungiċidi bbażati fuq il-morfolini	F05
		F05_01	FUNGIĊIDI MORFOLINIĊI
		F05_01_01		DIMETOMORF	110488-70-5	483
		F05_01_02		DODEMORF	1593-77-7	300
		F05_01_03		FENPROPIMORF	67564-91-4	427
		F05_99	FUNGIĊIDI OĦRAJN IBBAŻATI FUQ IL-MORFOLINI
		F05_99_99		FUNGIĊIDI OĦRAJN IBBAŻATI FUQ IL-MORFOLINI
	Fungiċidi ta' oriġini mikrobijoloġika jew botanika	F06
		F06_01	FUNGIĊIDI MIKROBIJOLOĠIĊI
		F06_01_01		AMPELOMYCES QUISQUALIS TAR-RAZZA AQ10		589
		F06_01_02		AUREOBASIDIUM PULLULANS (IR-RAZEZ DSM 14940-1)		809, 810
		F06_01_03		BACILLUS SUBTILIS TAR-RAZZA QST 713		661
		F06_01_04		CONIOTHYRIUM MINITANS		614
		F06_01_05		GLIOCLADIUM CATENULATUM TAR-RAZZA J1446		624
		F06_01_08		PSEUDOMONAS CHLORORAPHIS TAR-RAZZA MA342		574
		F06_01_09		PSEUDOZYMA FLOCCULOSA		669
		F06_01_11		TRICHODERMA HARZIANUM RIFAI (T-22) (ENTRATA 908)		816
		F06_01_12		CANDIDA OLEOPHILA TAR-RAZZA O		946
		F06_01_14		PHLEBIOPSIS GIGANTEA (BOSTA RAZEZ)		921, 922, 923, 924, 925, 926, 927, 928, 929, 930, 931, 932, 933, 934
		F06_01_15		PSEUDOMONAS SP. TAR-RAZZA DSMZ 13134		935
		F06_01_16		PYTHIUM OLIGANDRUM (M1)		936
		F06_01_17		STREPTOMYCES K61 (K61) (QABEL IMSEJJAĦ STREPTOMYCES GRISEOVIRIDIS)		937
		F06_01_18		TRICHODERMA ASPELLERUM (ICC012) (T25) (TV1) (QABEL IMSEJJAĦ T. HARZIANUM)		938, 939, 940
		F06_01_19		TRICHODERMA ASPERELLUM (IR-RAZZA T34)		941
		F06_01_20		TRICHODERMA ATROVIRIDE (IMI 206040) (T 11) (QABEL IMSEJJAĦ TRICHODERMA HARZIANUM)		942, 943
		F06_01_21		TRICHODERMA ATROVIRIDE TAR-RAZZA I-1237		944
		F06_01_22		TRICHODERMA GAMSII (QABEL IMSEJJAĦ T. VIRIDE) (ICC080)		945
		F06_01_23		TRICHODERMA POLYSPORUM (IMI 206039)		946
		F06_01_24		VERTICILLIUM ALBO-ATRUM (WCS850) (QABEL IMSEJJAĦ VERTICILLIUM DAHLIAE)		948
		F06_01_25		BACILLUS AMYLOLIQUEFACIENS MBI 600
		F06_01_26		BACILLUS AMYLOLIQUEFACIENS TAR-RAZZA FZB24
		F06_01_27		SACCHAROMYCES CEREVISIAE TAR-RAZZA LAS02
		F06_01_28		TRICHODERMA ATROVIRIDE TAR-RAZZA SC1
		F06_01_29		BACILLUS AMYLOLIQUEFACIENS SOTTOSPEĊI PLANTARUM D747
		F06_01_30		BACILLUS PUMILUS QST 2808
		F06_02	FUNGIĊIDI BOTANIĊI
		F06_02_01		EWĠENOL	97-53-0
		F06_02_02		ĠERANJOL	106-24-1
		F06_02_03		TIMOL	89-83-8	900
		F06_02_04		ESTRATT MIS-SIĠRA TAT-TE	68647-73-4	914
		F06_02_05		LAMINARIN	9008-22-4	671
		F06_02_06		FEN 560		858
		F06_02_07		ESTRATT TAR-REYNOUTRIA SACCHALINENSIS
		F06_99	FUNGIĊIDI OĦRAJN TA' ORIĠINI MIKROBIJOLOĠIKA JEW BOTANIKA
		F06_99_01		CEREVISANE		980
	Batteriċidi	F07
		F07_01	BATTERIĊIDI INORGANIĊI
		F07_01_01		IPOKLORIT TAS-SODJU	7681-52-9	848
		F07_01_02		SULFAT TAL-ALUMINJU	10043-01-3	849
		F07_99	BATTERIĊIDI OĦRAJN
	Fungiċidi u batteriċidi oħrajn	F99
		F99_01	FUNGIĊIDI TAN-NITROĠENU ALIFATIKU
		F99_01_01		ĊIMOKSANIL	57966-95-7	419
		F99_01_02		DODINA	2439-10-3	101
		F99_02	FUNGIĊIDI AMMIDIĊI
		F99_02_01		ĊIFLUFENAMID	180409-60-3	759
		F99_02_02		FLUWOPIKOLID	239110-15-7	787
		F99_02_03		PROKLORAŻ	67747-09-5	407
		F99_02_04		SILTIJOFAM	175217-20-6	635
		F99_02_05		ŻOKSAMID	156052-68-5	640
		F99_02_06		MANDIPROPAMID	374726-62-2	783
		F99_02_07		PENTIJOPIRAD	183675-82-3	824
		F99_02_08		BENŻOVINDIFLUPIR	1072957-71-1	981
		F99_02_09		ISOFETAMID	875915-78-9	972
		F99_02_10		MANDESTROBIN	173662-97-0
		F99_02_11		FLUWOPIRAM	658066-35-4	807
		F99_03	FUNGIĊIDI ANILIDIĊI
		F99_03_01		BENALAKSIL	71626-11-4	416
		F99_03_02		BOSKALID	188425-85-6	673
		F99_03_03		KARBOKSIN	5234-68-4	273
		F99_03_04		FENEŻAMID	126833-17-8	603
		F99_03_05		FLUTOLANIL	66332-96-5	524
		F99_03_06		METALAKSIL-M	70630-17-0	580
		F99_03_07		METALAKSIL	57837-19-1	365
		F99_03_08		BENALAKSIL-M	98243-83-5	766
		F99_03_09		BIKSAFEN	581809-46-3	819
		F99_03_12		ISOPIRAŻAM	881685-58-1	963
		F99_03_13		FLUKSAPIROKSAD	907204-31-3	828
		F99_03_14		PENFLUFEN	494793-67-8	826
		F99_03_15		SEDAKSAN	874967-67-6	833
		F99_05	FUNGIĊIDI AROMATIĊI
		F99_05_01		KLOROTALONIL	1897-45-6	288
		F99_05_03		2,5-ESTER METILIKU TAL-AĊIDU DIKLOROBENŻOJKU	2905-69-3	686
		F99_06	FUNGIĊIDI DIKARBOSSIMIDIĊI
		F99_06_01		IPRODIJON	36734-19-7	278
		F99_07	FUNGIĊIDI DINITROANILINIĊI
		F99_07_01		FLUWAŻINAM	79622-59-6	521
		F99_08	FUNGIĊIDI DINITROFENOLIĊI
		F99_08_02		MEPTILDINOKAP	131-72-6	811
		F99_09	FUNGIĊIDI ORGANOFOSFORIĊI
		F99_09_01		FOSETIL-AL	15845-66-6	384
		F99_09_02		TOLKLOFOS-METIL	57018-04-9	479
		F99_10	FUNGIĊIDI OSSAŻOLIĊI
		F99_10_01		FAMOKSADON	131807-57-3	594
		F99_10_02		IMEKSAŻOL	10004-44-1	528
		F99_11	FUNGIĊIDI FENILPIRROLIĊI
		F99_11_01		FLUDJOKSONIL	131341-86-1	522
		F99_12	FUNGIĊIDI FTALIMMIDIĊI
		F99_12_01		KAPTAN	133-06-2	40
		F99_12_02		FOLPET	133-07-3	75
		F99_13	FUNGIĊIDI PIRIMIDINIĊI
		F99_13_01		BUPIRIMAT	41483-43-6	261
		F99_13_02		ĊIPRODINIL	121552-61-2	511
		F99_13_03		MEPANIPIRIM	110235-47-7	611
		F99_13_04		PIRIMETANIL	53112-28-0	714
		F99_14	FUNGIĊIDI KINOLINIĊI
		F99_14_01		SULFAT TA' 8-IDROSSIKINOLINA (8-IDROSSIKINOLINA LI TINKLUDI L-OSSIKINOLEINA)	134-31-6	677
		F99_14_02		KWINOKSIFEN	124495-18-7	566
		F99_15	FUNGIĊIDI KINONIĊI
		F99_15_01		DITIJANON	3347-22-6	153
		F99_16	FUNGIĊIDI STROBILURINIĊI
		F99_16_01		AŻOSSISTROBIN	131860-33-8	571
		F99_16_02		DIMOSSISTROBIN	149961-52-4	739
		F99_16_03		FLUWOKSASTROBIN	361377-29-9	746
		F99_16_04		KRESOKSIM-METIL	143390-89-0	568
		F99_16_05		PIKOKSISTROBIN	117428-22-5	628
		F99_16_06		PIRAKLOSTROBIN	175013-18-0	657
		F99_16_07		TRIFLOKSITROBIN	141517-21-7	617
		F99_17	FUNGIĊIDI UREIĊI
		F99_17_01		PENĊIKURON	66063-05-6	402
		F99_17_02		UREA	57-13-6	913
	Fungiċidi mhux klassifikati	F99_99	FUNGIĊIDI MHUX KLASSIFIKATI
		F99_99_01		2-FENILFENOL	90-43-7	246
		F99_99_02		AĊIBENŻOLAR -S-METIL	126448-41-7	597
		F99_99_04		AĊIDU ASKORBIKU		774
		F99_99_05		AĊIDU BENŻOJKU	65-85-0	622
		F99_99_06		FENPROPIDIN	67306-00-7	520
		F99_99_08		METRAFENON	220899-03-6	752
		F99_99_09		PIRJOFENON	688046-61-9	827
		F99_99_10		SPIROKSAMMINA	118134-30-8	572
		F99_99_12		PROKWINAŻID	189278-12-4	764
		F99_99_13		VALIFENALAT (QABEL IMSEJJAĦ VALIFENAL)		857
		F99_99_14		DISULFUR TAD-DIMETIL	624-92-0
		F99_99_15		COS-OGA		979
		F99_99_16		FLUTIJANIL	958647-10-4	835
		F99_99_17		FENPIRAŻAMMINA	473798-59-3	832
		F99_99_99		FUNGIĊIDI OĦRAJN, MHUX KLASSIFIKATI
Erbiċidi. Prodotti li Jnixxfu l-Faxxina u Prodotti li Joqtlu l-Muski		PES_H
	Erbiċidi bbażati fuq il-fenossifitoormoni	H01
		H01_01	ERBIĊIDI TAL-FENOSSI
		H01_01_01		2,4-D	94-75-7	1
		H01_01_02		2,4-DB	94-82-6	83
		H01_01_03		DIKLORPROP-P	15165-67-0	476
		H01_01_04		MCPA	94-74-6	2
		H01_01_05		MCPB	94-81-5	50
		H01_01_06		MEKOPROP	7085-19-0	51
		H01_01_07		MEKOPROP-P	16484-77-8	475
		H01_99	ERBIĊIDI OĦRAJN IBBAŻATI FUQ IL-FENOSSIFITOORMONI
		H01_99_99		ERBIĊIDI OĦRAJN IBBAŻATI FUQ IL-FENOSSIFITOORMONI
	Erbiċidi bbażati fuq it-triażini u t-triażinoni	H02
		H02_02	ERBIĊIDI TRIAŻINIĊI
		H02_02_01		TERBUTILAŻINA	5915-41-3	234
		H02_03	ERBIĊIDI TRIAŻINONIĊI
		H02_03_01		METAMITRON	41394-05-2	381
		H02_03_02		METRIBUŻIN	21087-64-9	283
		H02_99	ERBIĊIDI BBAŻATI FUQ IT-TRIAŻINI U T-TRIAŻINONI
		H02_99_99		ERBIĊIDI BBAŻATI FUQ IT-TRIAŻINI U T-TRIAŻINONI
	Erbiċidi bbażati fuq l-ammidi u l-anilidi	H03
		H03_01	ERBIĊIDI AMMIDIĊI
		H03_01_01		BEFLUBUTAMID	113614-08-7	662
		H03_01_02		DIMETENAMMID-P	163515-14-8	638
		H03_01_03		ISOKSABEN	82558-50-7	701
		H03_01_04		NAPROPAMMID	15299-99-7	271
		H03_01_05		PENOKSULAM	219714-96-2	758
		H03_01_06		PETOKSAMMID	106700-29-2	665
		H03_01_07		PROPIŻAMMID	23950-58-5	315
		H03_01_08		PIROKSULAM	422556-08-9	793
		H03_02	ERBIĊIDI ANILIDIĊI
		H03_02_01		DIFLUFENIKAN	83164-33-4	462
		H03_02_02		FLORASULAM	145701-23-1	616
		H03_02_03		FLUFENAĊET	142459-58-3	588
		H03_02_04		METAŻAKLOR	67129-08-2	411
		H03_02_05		METOSULAM	139528-85-1	707
		H03_03	ERBIĊIDI KLOROAĊETANILIDIĊI
		H03_03_02		DIMETAKLOR	50563-36-5	688
		H03_03_04		S-METOLAKLOR	87392-12-9	607
		H03_99	ERBIĊIDI BBAŻATI FUQ L-AMMIDI U L-ANILIDI
		H03_99_99		ERBIĊIDI BBAŻATI FUQ L-AMMIDI U L-ANILIDI
	Erbiċidi bbażati fuq il-karbammati u l-biskarbammati	H04
		H04_01	ERBIĊIDI TAL-BISKARBAMMATI
		H04_01_01		KLORPROFAM	101-21-3	43
		H04_01_02		DESMEDIFAM	13684-56-5	477
		H04_01_03		FENMEDIFAM	13684-63-4	77
		H04_02	ERBIĊIDI TAL-KARBAMMAT
		H04_02_02		KARBETAMMID	16118-49-3	95
		H04_99	ERBIĊIDI OĦRAJN IBBAŻATI FUQ IL-KARBAMMATI U L-BISKARBAMMATI
		H04_99_99		ERBIĊIDI OĦRAJN IBBAŻATI FUQ IL-KARBAMMATI U L-BISKARBAMMATI
	Erbiċidi bbażati fuq id-derivattivi tad-dinitroanilina	H05
		H05_01	ERBIĊIDI DINITROANILINIĊI
		H05_01_01		BENFLURALIN	1861-40-1	285
		H05_01_02		PENDIMETALINA	40487-42-1	357
		H05_01_03		ORIŻALIN	19044-88-3	537
		H05_99	ERBIĊIDI OĦRAJN IBBAŻATI FUQ ID-DERIVATTIVI TAD-DINITROANILINA
		H05_99_99		ERBIĊIDI OĦRAJN IBBAŻATI FUQ ID-DERIVATTIVI TAD-DINITROANILINA
	Erbiċidi bbażati fuq id-derivattivi tal-urea, tal-uraċil jew tas-sulfonilurea	H06
		H06_01	ERBIĊIDI SULFONILUREIĊI
		H06_01_01		AMIDOSULFURON	120923-37-7	515
		H06_01_02		AŻIMSULFURON	120162-55-2	584
		H06_01_03		BENSULFURON-METIL	99283-01-9 83055-99-6	502
		H06_01_04		KLORSULFURON	64902-72-3	391
		H06_01_06		FLAŻASULFURON	104040-78-0	595
		H06_01_07		FLUPIRSULFURON-METIL	150315-10-9 144740-54-5	577
		H06_01_08		FORAMSULFURON	173159-57-4	659
		H06_01_09		IMAŻOSULFURON	122548-33-8	590
		H06_01_10		JODOSULFURON-METIL-SODJU	144550-36-7	634.501
		H06_01_11		MESOSULFURON-METIL	400852-66-6 208465-21-8	663
		H06_01_12		METSULFURON-METIL	74223-64-6	441
		H06_01_13		NIKOSULFURON	111991-09-4	709
		H06_01_14		OKSASULFURON	144651-06-9	626
		H06_01_15		PROSULFURON	94125-34-5	579
		H06_01_16		RIMSULFURON	122931-48-0	716
		H06_01_17		SULFOSULFURON	141776-32-1	601
		H06_01_18		TIFENSULFURON-METIL	79277-67-1 79227-27-3	452
		H06_01_19		TRIASULFURON	82097-50-5	480
		H06_01_20		TRIBENURON-METIL	106040-48-6 101200-48-0	546
		H06_01_21		TRIFLUSULFURON	135990-29-3 126535-15-7	731
		H06_01_22		TRITOSULFURON	142469-14-5	735
		H06_01_23		ORTOSULFAMURON	213464-77-8	781
		H06_01_24		ETAMETSULFURON-METIL	97780-06-8	834.201
		H06_01_25		ALOSULFURON METIL	100784-20-1	785
		H06_02	ERBIĊIDI URAĊILIĊI
		H06_02_01		LENAĊIL	2164-08-1	163
		H06_03	ERBIĊIDI TAL-UREIĊI
		H06_03_01		KLOROTOLURON	15545-48-9	217
		H06_03_02		DIJURON	330-54-1	100
		H06_03_03		FLUWOMETURON	2164-17-2	159
		H06_03_04		ISOPROTURON	34123-59-6	336
		H06_03_05		LINURON	330-55-2	76
		H06_03_06		METOBROMURON	3060-89-7	168
		H06_99	ERBIĊIDI OĦRAJN IBBAŻATI FUQ ID-DERIVATTIVI TAL-UREA, TAL-URAĊIL JEW TAS-SULFONILUREA
		H06_99_99		ERBIĊIDI OĦRAJN IBBAŻATI FUQ ID-DERIVATTIVI TAL-UREA, TAL-URAĊIL JEW TAS-SULFONILUREA
	Erbiċidi oħrajn	H99
		H99_01	ERBIĊIDI ARILOSSIFENOSSI-PROPJONATI
		H99_01_01		KLODINAFOP-PROPARGIL	114420-56-3 105512-06-9	683
		H99_01_02		ĊJALOFOP-BUTIL	122008-85-9	596
		H99_01_03		DIKLOFOP-METIL	40843-25-2 257-141-8	358
		H99_01_04		FENOKSAPROP-P-ETIL	113158-40-0 71283-80-2	484
		H99_01_05		FLUWAŻIFOP-P-BUTIL	79241-46-6	467
		H99_01_06		ALOSSIFOP-P	95977-29-0	526
		H99_01_07		PROPAKWIŻAFOP	111479-05-1	713
		H99_01_08		KWIŻALOFOP-P	94051-08-8	641
		H99_01_09		KWIŻALOFOP-P-ETIL	100646-51-3	641.202
		H99_01_10		KWIŻALOFOP-P-TEFURIL	119738-06-6	641.226
		H99_02	ERBIĊIDI BENŻOFURANIĊI
		H99_02_01		ETOFUMESAT	26225-79-6	233
		H99_03	ERBIĊIDI TAL-AĊIDU BENŻOJKU
		H99_03_01		DIKAMBA	1918-00-9	85
		H99_04	ERBIĊIDI BIPIRIDILIĊI
		H99_04_01		DIKWAT	85-00-7	55
		H99_05	ERBIĊIDI TAĊ-ĊIKLOEŻANDJON
		H99_05_01		KLETODIM	99129-21-2	508
		H99_05_02		ĊIKLOSSIDIM	101205-02-1	510
		H99_05_03		PROFOSSIDIM	139001-49-3	621
		H99_05_04		TEPRALOSSIDIM	149979-41-9	608
		H99_05_05		TRALKOSSIDIM	87820-88-0	544
		H99_06	ERBIĊIDI DIJAŻINIĊI
		H99_06_01		PIRIDAT	55512-33-9	447
		H99_07	ERBIĊIDI DIKARBOSSIMIDIĊI
		H99_07_02		FLUMJOKSAŻINA	103361-09-7	578
		H99_08	ERBIĊIDI TAL-ETERE TAD-DIFENIL
		H99_08_01		AKLONIFEN	74070-46-5	498
		H99_08_02		BIFENOKS	42576-02-3	413
		H99_08_03		OKSIFLUWORFEN	42874-03-3	538
		H99_09	ERBIĊIDI IMIDAŻOLINONIĊI
		H99_09_01		IMAŻAMOKS	114311-32-9	619
		H99_10	ERBIĊIDI INORGANIĊI
		H99_10_01		SULFAT TAL-ĦADID	7720-78-7 17375-41-6 7782-63-0	837
		H99_11	ERBIĊIDI ISOSSAŻOLIĊI
		H99_11_01		ISOSSAFLUTOL	141112-29-0	575
		H99_11_02		TOPRAMEŻON	210631-68-8	800
		H99_13	ERBIĊIDI NITRILIĊI
		H99_13_01		OTTANOAT U/JEW ETTANOAT TAL-BROMOKSINIL	1689-84-5 1689-99-2 56634-95-8	87
		H99_13_03		JOKSINIL	1689-83-4 3861-47-0	86
		H99_14	ERBIĊIDI ORGANOFOSFORIĊI
		H99_14_01		GLUFOSINAT TAL-AMMONJU	51276-47-2 77182-82-2	437
		H99_14_02		GLIFOSAT	1071-83-6	284
		H99_15	ERBIĊIDI FENILPIRAŻOLIĊI
		H99_15_01		PINOKSADEN	243973-20-8	776
		H99_15_02		PIRAFLUFEN-ETIL	129630-19-9	605
		H99_16	ERBIĊIDI PIRIDAŻINONIĊI
		H99_16_01		KLORIDAŻON	1698-60-8	111
		H99_16_02		FLURTAMON	96525-23-4	569
		H99_17	ERBIĊIDI TAL-PIRIDINKARBOSSAMMID
		H99_17_01		PIKOLINAFEN	137641-05-5	639
		H99_18	ERBIĊIDI TAL-AĊIDU PIRIDINKARBOSSILIKU
		H99_18_01		MELĦ TAL-MONOETANOLAMMINA KLOPIRALID	1702-17-6 57754-85-5	455
		H99_18_02		PIKLORAM	1918-02-1	174
		H99_18_03		ALAWKSIFEN-METIL	943831-98-9	970
		H99_18_04		AMINOPIRALID	150114-71-9	771
		H99_19	ERBIĊIDI TAL-AĊIDU PIRIDILOSSIAĊETIKU
		H99_19_02		FLUROSSIPIR	69377-81-7	431
		H99_19_03		TRIKLOPIR	55335-06-3	376
		H99_20	ERBIĊIDI KINOLINIĊI
		H99_20_01		KWINMERAK	90717-03-6	563
		H99_21	ERBIĊIDI TIJADIJAŻINIĊI
		H99_21_01		BENTAŻON	25057-89-0	366
		H99_22	ERBIĊIDI TIJOKARBAMMATIĊI
		H99_22_01		MOLINAT	2212-67-1	235
		H99_22_02		PROSULFOKARB	52888-80-9	539
		H99_22_03		TRI-ALLAT	2303-17-5	97
		H99_23	ERBIĊIDI TRIAŻOLIĊI
		H99_23_01		AMITROL	61-82-5	90
		H99_24	ERBIĊIDI TRIAŻOLINONIĊI
		H99_24_01		KARFENTRAŻON-ETIL	128639-02-1	587.202
		H99_25	ERBIĊIDI TRIAŻOLONIĊI
		H99_25_01		PROPOSSIKARBAŻON-SODJU	145026-81-9 181274-15-7	655
		H99_25_02		TIENKARBAŻON-METIL	936331-72-5 317815-83-1	797
		H99_26	ERBIĊIDI TRIKETONIĊI
		H99_26_01		MESOTRIJON	104206-82-8	625
		H99_26_02		SULKOTRIJON	99105-77-8	723
		H99_26_03		TEMBOTRIJON	335104-84-2	790
	Erbiċidi mhux klassifikati	H99_99	ERBIĊIDI MHUX KLASSIFIKATI
		H99_99_01		AĊIDU AĊETIKU	64-19-7	838
		H99_99_02		SODJU BISPIRIBAK	125401-92-5	748.011
		H99_99_03		KLOMAŻON	81777-89-1	509
		H99_99_04		FLUWOROKLORIDON	61213-25-0	430
		H99_99_06		OSSADIJAŻON	19666-30-9	213
		H99_99_07		AĊIDU PELARGONIKU	112-05-0	888
		H99_99_08		KWINOKLAMMINA	2797-51-5	648
		H99_99_99		ERBIĊIDI OĦRAJN, PRODOTTI LI JNIXXFU L-FAXXINA U PRODOTTI LI JOQTLU L-MUSKI
Insettiċidi u Akariċidi		PES_I
	Insettiċidi bbażati fuq il-piretrojdi	I01
		I01_01	INSETTIĊIDI TAL-PIRETROJDE
		I01_01_01		AKRINATRINA	101007-06-1	678
		I01_01_02		ALFA-ĊIPERMETRINA	67375-30-8	454
		I01_01_03		BETA-ĊIFLUTRINA	68359-37-5	482
		I01_01_04		BIFENTRINA	82657-04-3	415
		I01_01_06		ĊIPERMETRINA	52315-07-8	332
		I01_01_07		DELTAMETRINA	52918-63-5	333
		I01_01_08		ESFENVALERAT	66230-04-4	481
		I01_01_09		ETOFENPROKS	80844-07-1	471
		I01_01_10		GAMMA-ĊJALOTRINA	76703-62-3	768
		I01_01_11		LAMBDA-ĊJALOTRINA	91465-08-6	463
		I01_01_12		TAW-FLUVALINAT	102851-06-9	786
		I01_01_13		TEFLUTRIN	79538-32-2	451
		I01_01_14		ŻETA-ĊIPERMETRINA	52315-07-8	733
		I01_01_15		BETA-ĊIPERMETRINA	65731-84-2 72204-43-4 65732-07-2 83860-31-5	632
		I01_99	INSETTIĊIDI OĦRAJN IBBAŻATI FUQ IL-PIRETROJDI
		I01_99_99		INSETTIĊIDI OĦRAJN IBBAŻATI FUQ IL-PIRETROJDI
	Insettiċidi bbażati fuq l-idrokarburi klorinati	I02
		I02_01	INSETTIĊIDI TAD-DIAMMID ANTRANILIKU
		I02_01_01		ĊJANTRANILIPROL
		I02_99	INSETTIĊIDI OĦRAJN IBBAŻATI FUQ L-IDROKARBURI KLORINATI
		I02_99_99		INSETTIĊIDI OĦRAJN IBBAŻATI FUQ L-IDROKARBURI KLORINATI
	Insettiċidi bbażati fuq il-karbammati u l-ossimakarbammat	I03
		I03_01	INSETTIĊIDI TAL-OSSIMAKARBAMMAT
		I03_01_01		METOMIL	16752-77-5	264
		I03_01_02		OKSAMIL	23135-22-0	342
		I03_02	INSETTIĊIDI TAL-KARBAMMAT
		I03_02_01		FENOKSIKARB	79127-80-3	425
		I03_02_02		IDROKLORIDRAT TAL-FORMETANAT	22259-30-9 23422-53-9	697
		I03_02_03		METJOKARB	2032-65-7	165
		I03_02_04		PIRIMIKARB	23103-98-2	231
		I03_99	INSETTIĊIDI OĦRAJN IBBAŻATI FUQ IL-KARBAMMATI U L-OSSIMAKARBAMMATI
		I03_99_99		INSETTIĊIDI OĦRAJN IBBAŻATI FUQ IL-KARBAMMATI U L-OSSIMAKARBAMMATI
	Insettiċidi bbażati fuq l-organofosfati	I04
		I04_01	INSETTIĊIDI ORGANOFOSFORIĊI
		I04_01_01		KLORPIRIFOS	2921-88-2	221
		I04_01_02		KLORPIRIFOS-METIL	5589-13-0	486
		I04_01_03		DIMETOAT	60-51-5	59
		I04_01_04		ETOPROFOS	13194-48-4	218
		I04_01_07		MALATIJON	121-75-5	12
		I04_01_08		FOSMET	732-11-6	318
		I04_01_09		PIRIMIFOS-METIL	29232-93-7	239
		I04_99	INSETTIĊIDI OĦRAJN IBBAŻATI FUQ L-ORGANOFOSFATI
		I04_99_99		INSETTIĊIDI OĦRAJN IBBAŻATI FUQ L-ORGANOFOSFATI
	Insettiċidi ta' oriġini mikrobijoloġika jew botanika	I05
		I05_01	INSETTIĊIDI MIKROBIJOLOĠIĊI
		I05_01_01		ADOXOPHYES ORANA GV TAR-RAZZA BV-0001		782
		I05_01_03		BACILLUS THURINGIENSIS SUBSP. ISRAELENSIS (AM65-52)		770
		I05_01_04		METARHIZIUM ANISOPLIAE VAR. ANISOPLIAE TAR-RAZZA BIPESCO 5F/52		784
		I05_01_05		PAECILOMYCES FUMOSOROSEUS TAR-RAZZA FE9901		778
		I05_01_08		BACILLUS THURINGIENSIS SUBSP. AIZAWAI (ABTS-1857 U GC-91)		949, 950
		I05_01_09		BACILLUS THURINGIENSIS SUBSP. KURSTAKI (ABTS 351, PB 54, SA 11, SA12 U EG 2348)		951, 952, 953, 954, 955
		I05_01_10		BACILLUS THURINGIENSIS SUBSP. TENEBRIONIS (NB 176)		956
		I05_01_11		BEAUVERIA BASSIANA (ATCC 74040 U GHA)		957, 958
		I05_01_12		VAJRUS TAL-GRANULOSI TA' CYDIA POMONELLA (CPGV)		959
		I05_01_13		HELICOVERPA ARMIGERA NUCLEOPOLYHEDROVIRUS (HEARNPV)		960
		I05_01_14		LECANICILLIMUM MUSCARIUM (VE6) (QABEL IMSEJJAĦ VERTICILLIUM LECANII)		961
		I05_01_15		SPODOPTERA LITTORALIS NUCLEOPOLYHEDROVIRUS		962
		I05_01_16		BEAUVERIA BASSIANA TAR-RAZZA 147
		I05_01_17		BEAUVERIA BASSIANA TAR-RAZZA NPP11B005
		I05_01_18		ISARIA FUMOSOROSEA APOPKA TAR-RAZZA 97 (QABEL IMSEJJAĦ PAECILOMYCES FUMOSOROSEUS)		573
		I05_01_19		VAJRUS TAL-POLIEDROSI NUKLEARI TAL-ISPODOPTERA EKSIGUA		592
		I05_02	INSETTIĊIDI BOTANIĊI
		I05_02_01		ŻEJT TAL-LARINĠ		902
		I05_02_02		ŻEJT TAT-TAGETES		903
		I05_02_03		AŻADIRAKTIN	11141-17-6	627
		I05_02_04		PIRETRINI	8003-34-7	32
		I05_99	INSETTIĊIDI OĦRAJN TA' ORIĠINI MIKROBIJOLOĠIKA JEW BOTANIKA
		I05_99_99		INSETTIĊIDI OĦRAJN TA' ORIĠINI MIKROBIJOLOĠIKA JEW BOTANIKA
	Akariċidi	I06
		I06_01	AKARIĊIDI PIRAŻOLIĊI
		I06_01_01		FENPIROSSIMAT	134098-61-6	695
		I06_02	AKARIĊIDI TETRAŻINIĊI
		I06_02_01		KLOFENTEŻINA	74115-24-5	418
		I06_99	AKARIĊIDI OĦRAJN
		I06_99_01		AĊEKWINOĊIL	57960-19-7	760
		I06_99_02		ĊIFLUMETOFEN	400882-07-7	821
		I06_99_99		AKARIĊIDI OĦRAJN
	Insettiċidi oħrajn	I99
		I99_01	INSETTIĊIDI PRODOTTI BIL-FERMENTAZZJONI
		I99_01_01		ABAMEKTIN	71751-41-2	495
		I99_01_02		MILBEMEKTIN	51596-10-2 51596-11-3	660
		I99_01_03		SPINOSAD	168316-95-8	636
		I99_01_04		EMAMEKTIN	155569-91-8	791
		I99_01_05		SPINETORAM	187166-40-1	802
		I99_03	INSETTIĊIDI BENŻOJLUREIĊI
		I99_03_01		DIFLUBENŻURON	35367-38-5	339
		I99_03_03		LUFENURON	103055-07-8	704
		I99_03_05		TEFLUBENŻURON	83121-18-0	450
		I99_03_06		TRIFLUMURON	64628-44-0	548
		I99_04	INSETTIĊIDI KARBAŻATIĊI
		I99_04_01		BIFENAŻAT	149877-41-8	736
		I99_05	INSETTIĊIDI DIAŻILIDRAŻINIĊI
		I99_05_01		METOSSIFENOŻID	161050-58-4	656
		I99_05_02		TEBUFENOŻID	112410-23-8	724
		I99_05_03		KROMAFENOŻID	143807-66-3	775
		I99_06	REGOLATURI TAT-TKABBIR TAL-INSETTI
		I99_06_01		ĊIROMAŻINA	66215-27-8	420
		I99_06_02		BUPROFEŻIN	69327-76-0	681
		I99_06_03		EKSITIJAŻOKS	78587-05-0	439
		I99_08	INSETTIĊIDI TAN-NITROGWANIDINA
		I99_08_01		KLOTIJANIDIN	210880-92-5	738
		I99_08_02		TIJAMETOKSAM	153719-23-4	637
		I99_09	INSETTIĊIDI ORGANOSTANNIĊI
		I99_10	INSETTIĊIDI TAL-OSSADIJAŻIN
		I99_10_01		INDOKSAKARB	173584-44-6	612
		I99_11	INSETTIĊIDI TAL-FENILETERE
		I99_11_01		PIRIPROKSIFEN	95737-68-1	715
		I99_12	INSETTIĊIDI (FENIL-)PIRAŻOLIĊI
		I99_12_02		FIPRONIL	120068-37-3	581
		I99_12_03		TEBUFENPIRAD	119168-77-3	725
		I99_12_04		KLORANTRANILIPROL	500008-45-7	794
		I99_13	INSETTIĊIDI TAL-PIRIDINA
		I99_13_01		PIMETROŻINA	123312-89-0	593
		I99_13_02		FLONIKAMID	158062-67-0	763
		I99_13_03		SULFOKSAFLOR	946578-00-3	820
		I99_14	INSETTIĊIDI TAL-PIRIDILMETILAMMINA
		I99_14_01		AĊETAMIPRID	135410-20-7	649
		I99_14_02		IMIDAKLOPRID	138261-41-3	582
		I99_14_03		TIJAKLOPRID	111988-49-9	631
		I99_14_04		FLUPIRADIFURON	951659-40-8
		I99_15	INSETTIĊIDI TAL-ESTER TAS-SULFIT
		I99_17	INSETTIĊIDI TAL-AĊIDU TETRONIKU
		I99_17_01		SPIRODIKLOFEN	148477-71-8	737
		I99_17_02		SPIROMESIFEN	283594-90-1	747
		I99_18	ATTRATTANTI TAL-INSETTI FEROMONI TA' LEPIDOPTERI B'KATINA DRITTA (SCLPS)			895
		I99_18_01		(E,E)-8,10-DODEKADIEN-1-OL	33956-49-9	860
		I99_18_02		AĊETAT TA' (Z)-9-DODEĊEN-1-IL	16974-11-1 112-66-3	422
		I99_18_03		AĊETAT TA' (Z)-8-DODEĊEN-1-IL	28079-04-1	861
		I99_18_04		AĊETAT TA' (2E, 13Z)-OTTADEKADIEN-1-IL	86252-65-5	862
		I99_18_05		AĊETAT TA' (7E, 9E)-DODEKADIEN 1-IL	54364-63-5	863
		I99_18_06		AĊETAT TA' (7E, 9Z)-DODEKADIEN 1-IL	55774-32-8	864
		I99_18_07		AĊETAT TA' (7Z, 11E)-EŻADEKADIEN-1-IL	51606-94-4	865
		I99_18_08		AĊETAT TA' (7Z, 11Z)-EŻADEKADIEN-1-IL	53042-79-8 52207-99-5	866
		I99_18_09		AĊETAT TA' (9Z, 12E)-TETRADEKADIEN-1-IL	31654-77-0	867
		I99_18_10		AĊETAT TA' (E)-11-TETRADEKEN-1-IL	33189-72-9	868
		I99_18_11		(E)-5-DEĊEN-1-OL	56578-18-8	869
		I99_18_12		(E)-5-DEĊEN-1-IL-AĊETAT	38421-90-8	870
		I99_18_13		AĊETAT TA' (E)-8-DODEĊEN-1-IL	38363-29-0	871
		I99_18_14		AĊETAT TA' (E/Z)-8-DODEĊEN-1-IL	38363-29-0 28079-04-1	872
		I99_18_15		(Z)-11-EŻADEĊEN-1-OL	56683-54-6	873
		I99_18_16		AĊETAT TA' (Z)-11-EŻADEĊEN-1-IL	34010-21-4	874
		I99_18_17		(Z)-11-EŻADEĊENAL	53939-28-9	875
		I99_18_18		AĊETAT TA' (Z)-11-TETRADEĊEN-1-IL	20711-10-8	876
		I99_18_19		(Z)-13-OTTADEĊENAL	58594-45-9	878
		I99_18_20		(Z)-7-TETRADEĊENAL	65128-96-3	879
		I99_18_21		(Z)-8-DODEĊEN-1-OL	40642-40-8	880
		I99_18_22		(Z)-9-EŻADEĊENAL	56219-04-6	881
		I99_18_23		AĊETAT TA' (Z)-9-TETRADEĊEN-1-IL	16725-53-4	882
		I99_18_24		AĊETAT TAD-DODEĊIL	112-66-3	884
		I99_18_25		TETRADEKAN-1-OL	112-72-1	856
		I99_18_26		DODEKAN-1-OL	112-53-8
		I99_18_27		AĊETAT TA' (E/Z)-9-DODEĊEN-1-IL	16974-34-8
		I99_18_28		AĊETAT TA' (E,Z,Z)-3,8,11-TETRADEKATRIEN-1-IL
		I99_18_29		AĊETAT TA' (E,Z)-3,8-TETRADEKATRIEN-1-IL
		I99_18_30		N-TETRADEĊILAĊETAT
		I99_18_31		AĊETAT TA' (Z,E)-9,11-TETRADEKADIEN-1-IL	50767-79-8
		I99_18_32		AĊETAT TA' (E,Z)-3,13-OTTADEKADIENIL	53120-26-6
		I99_18_33		AĊETAT TA' (Z,Z)-3,13-OTTADEKADIENIL	53120-26-7
		I99_19	ATTRATTANTI TAL-INSETTI OĦRAJN
		I99_19_01		AĊETAT TAL-AMMONJU	631-61-8	842
		I99_19_02		PUTRESKINA (1,4-DIAMMINOBUTAN))	110-60-1	854
		I99_19_03		KLORIDRAT TAT-TRIMETILAMMINA	593-81-7	848
		I99_19_04		AĊETAT TA' (Z)-13-EŻADEĊEN-11YN-1-YL	78617-58-0
		I99_19_05		(Z,Z,Z,Z)-7,13,16,19-DOKOSATETRAEN-1-IL ISOBUTIRRAT	135459-81-3	883
		I99_19_06		RESKALUR	67601-06-3
		I99_19_07		PROTEINI IDROLIZZATI		901
	Insettiċidi-akariċidi mhux klassifikati	I99_99	INSETTIĊIDI-AKARIĊIDI MHUX KLASSIFIKATI
		I99_99_03		ETOSSAŻOL	153233-91-1	623
		I99_99_04		AĊIDI XAĦMIN C7-C18 U C18 OLEATI TAL-POTASSJU MHUX SATURATI (CAS 67701-09-1)	67701-09-1	889
		I99_99_05		AĊIDI XAĦMIN C8-C10 ESTERI METILIĊI (CAS 85566-26-3)	85566-26-3	890
		I99_99_06		FENAŻAKWIN	120928-09-8	693
		I99_99_07		KIESEL GUR (TRAB DIATOMAĊEU)	61790-53-2	647
		I99_99_08		AĊIDU LAWRIKU (CAS 143-07-7)	143-07-7	885
		I99_99_09		METAFLUMIŻON	139968-49-3	779
		I99_99_10		DEKANOAT TAL-METIL (CAS 110-42-9)	110-42-9	892
		I99_99_11		OTTANOAT TAL-METIL (CAS 111-11-5)	111-11-5	893
		I99_99_12		AĊIDU OLEJKU (CAS 112-80-1)	112-80-1	894
		I99_99_13		ŻEJT TAL-PARAFFINA (CAS 64742-46-7)	64742-46-7	896
		I99_99_14		ŻEJT TAL-PARAFFINA (CAS 72623-86-0)	72623-86-0	897
		I99_99_15		ŻEJT TAL-PARAFFINA (CAS 8042-47-5)	8042-47-5	898
		I99_99_16		ŻEJT TAL-PARAFFINA (CAS 97862-82-3)	97862-82-3	899
		I99_99_17		FOSFAN	7803-51-2	127
		I99_99_18		PIRIDABEN	96489-71-3	583
		I99_99_19		PIRIDALIL	179101-81-6	792
		I99_99_20		SPIROTETRAMAT	203313-25-1	795
		I99_99_21		FLUWORUR TAS-SULFURIL	2699-79-8	757
		I99_99_23		AĊIDI XAĦMIN C7 SA C20		891
		I99_99_27		FOSFUR TAL-ALUMINJU	20859-73-8	227
		I99_99_28		FOSFUR TAL-MANJEŻJU	12057-74-8	228
		I99_99_29		DIOSSIDU TAL-KARBONJU	124-38-9	844
		I99_99_30		MALTODESTRINA	9050-36-6	801
		I99_99_31		TERPENOID BLEND QRD 460		982
		I99_99_32		FLUBENDIAMMID	272451-65-7	788
		I99_99_99		INSETTIĊIDI-AKARIĊIDI OĦRAJN
Molluskiċidi		PES_M
	Molluskiċidi	M01
		M01_01	MOLLUSKIĊIDI
		M01_01_01		FOSFAT FERRIKU	10045-86-0	629
		M01_01_03		METALDEID	108-62-3	62
		M01_01_99		MOLLUSKIĊIDI OĦRAJN
Regolaturi tat-Tkabbir tal-Pjanti		PES_PGR
	Regolaturi tat-tkabbir tal-pjanti fiżjoloġiċi	PGR01
		PGR01_01	REGOLATURI TAT-TKABBIR TAL-PJANTI FIŻJOLOĠIĊI
		PGR01_01_01		1-METILĊIKLOPROPEN	3100-04-7	767
		PGR01_01_02		KLORMEKWAT	999-81-5	143
		PGR01_01_04		DAMINOŻID	1596-84-5	330
		PGR01_01_05		ETEFON	16672-87-0	373
		PGR01_01_07		ETILEN	74-85-1	839
		PGR01_01_08		FORKLORFENURON	68157-60-8	633
		PGR01_01_09		AĊIDU GIBBERELLIKU	77-06-5	307
		PGR01_01_10		GIBBERELLINA	468-44-0 510-75-8 8030-53-3	904
		PGR01_01_11		IMAŻAKWIN	81335-37-7	699
		PGR01_01_12		IDRAŻID MALEJKU	123-33-1	310
		PGR01_01_13		MEPIKWAT	24307-26-4	440
		PGR01_01_14		PAKLOBUTRAŻOL	76738-62-0	445
		PGR01_01_15		PROEŻADJON-KALĊJU	127277-53-6	567.02
		PGR01_01_16		SODJU 5-NITROGWAJAKOLAT	67233-85-6	718
		PGR01_01_17		SODJU O-NITROFENOLAT	824-39-5	720
		PGR01_01_18		SODJU P-NITROFENOLAT	824-78-2	721
		PGR01_01_19		TRINEKSAPAK-ETIL	95266-40-3	732.202
		PGR01_01_22		FLUMETRALINA	62924-70-3	971
		PGR01_99	REGOLATURI OĦRAJN TAT-TKABBIR TAL-PJANTI FIŻJOLOĠIĊI
		PGR01_99_01		AĊIDU 1-NAFTILAĊETIKU (1-NAA)	86-87-3	313
		PGR01_99_02		1-DEKANOL	112-30-1	831
		PGR01_99_03		1-NAFTILAĊETAMMID (1-NAD)	86-86-2	282
		PGR01_99_05		6-BENŻILADENINA	1214-39-7	829
		PGR01_99_07		AĊIDU INDOLILBUTIRIKU	133-32-4	830
		PGR01_99_08		SINTOFEN (MAGĦRUF UKOLL BĦALA ĊINTOFEN)	130561-48-7	717
		PGR01_99_09		1,4-DIMETILNAFTALEN		822
		PGR01_99_10		TIJOSULFAT TAL-FIDDA U TAS-SODJU		762
		PGR01_99_11		AĊIDU S-ABSKISIKU	21293-29-8
		PGR01_99_99		REGOLATURI TAT-TKABBIR TAL-PJANTI FIŻJOLOĠIĊI OĦRAJN
	Inibituri tat-tinbit	PGR02
		PGR02_02	INIBITURI TAT-TINBIT
		PGR02_02_01		KARVON	99-49-0	602
		PGR02_99	INIBITURI TAT-TINBIT OĦRAJN
		PGR02_99_99		INIBITURI TAT-TINBIT OĦRAJN
	Regolaturi tat-tkabbir tal-pjanti oħrajn	PGR03
		PGR03_99	REGOLATURI TAT-TKABBIR TAL-PJANTI OĦRAJN
		PGR03_99_01		ESTRATT TAL-ALKA TAL-BAĦAR (QABEL IMSEJJAĦ ESTRATT TAL-ALKA TAL-BAĦAR U ALGI)		920
		PGR03_99_99		REGOLATURI TAT-TKABBIR TAL-PJANTI OĦRAJN
Prodotti għall-Protezzjoni tal-Pjanti Oħrajn		PES_ZR
	Żjut minerali	ZR01
		ZR01_01	ŻJUT MINERALI
		ZR01_01_01		ŻJUT MINERALI
	Żjut veġetali	ZR02
		ZR02_01	ŻJUT VEĠETALI
		ZR02_01_01		ŻJUT TAL-PJANTI / ŻEJT TAĊ-ĊITRONELLA		905
		ZR02_01_02		ŻJUT TAL-PJANTI / ŻEJT TAL-IMSIEMER TAL-QRONFOL		906
		ZR02_01_03		ŻJUT TAL-PJANTI / ŻEJT TAL-LIFT		907
		ZR02_01_04		ŻJUT TAL-PJANTI / ŻEJT TAN-NAGĦNIEGĦ		908
		ZR02_01_99		ŻJUT VEĠETALI OĦRAJN
	Sterilanti tal-ħamrija (inklużi n-Nematiċidi)	ZR03
		ZR03_02	NEMATIĊIDI BIJOLOĠIĊI
		ZR03_02_01		PAECILOMYCES LILACINUS TAR-RAZZA 251		753
		ZR03_02_02		BACILLUS FIRMUS I-1582
		ZR03_02_99	NEMATIĊIDI BIJOLOĠIĊI OĦRAJN
		ZR03_03	NEMATIĊIDI ORGANOFOSFORIĊI
		ZR03_03_01		FENAMIFOS	22224-92-6	692
		ZR03_03_02		FOSTIJAŻAT	98886-44-3	585
		ZR03_03_99	NEMATIĊIDI ORGANOFOSFORIĊI OĦRAJN
		ZR03_99	STERILANTI TAL-ĦAMRIJA OĦRAJN
		ZR03_99_03		DAŻOMET	533-74-4	146
		ZR03_99_04		METAM-SODJU	137-42-8	20
		ZR03_99_99		STERILANTI TAL-ĦAMRIJA OĦRAJN
	Rodentiċidi	ZR04
		ZR04_01	RODENTIĊIDI
		ZR04_01_01		FOSFUR TAL-KALĊJU	1305-99-3	505
		ZR04_01_02		DIFENAKUM	56073-07-5	514
		ZR04_01_04		FOSFUR TAŻ-ŻINGU	1314-84-7	69
		ZR04_01_05		BROMADIJOLON	28772-56-7	371
		ZR04_01_99		RODENTIĊIDI OĦRAJN
	Il-prodotti l-oħrajn kollha għall-protezzjoni tal-pjanti	ZR99
		ZR99_01	DIŻINFETTANTI
		ZR99_01_99		DIŻINFETTANTI OĦRAJN
		ZR99_02	RIPELLENTI
		ZR99_02_01		SULFAT TAL-AMMONJU U TAL-ALUMINJU	7784-26-1	840
		ZR99_02_02		SILIKAT TAL-ALUMINJU (MAGĦRUF UKOLL BĦALA KAOLIN)	1332-58-7	841
		ZR99_02_03		DQIQ TAD-DEMM	68911-49-9	909
		ZR99_02_04		KARBUR TAL-KALĊJU	75-20-7	910
		ZR99_02_05		KARBONAT TAL-KALĊJU	471-34-1	843
		ZR99_02_06		DENATONJU BENŻOAT	3734-33-6	845
		ZR99_02_07		ĠEBLA TAL-ĠIR	1317-65-3	852
		ZR99_02_08		METILNONILKETON	112-12-9	846
		ZR99_02_09		RAMEL KWARZUŻ	14808-60-7	855
		ZR99_02_10		RIPELLENTI BIR-RIĦA/ŻEJT TAT-TALL GREZZ	8002-26-4	911
		ZR99_02_11		RIPELLENTI BIR-RIĦA/ŻIFT TAŻ-ŻEJT TAT-TALL	8016-81-7	912
		ZR99_02_12		SILIKAT TAS-SODJU U TAL-ALUMINJU	1344-00-9	850
		ZR99_02_13		RESIDWI MID-DISTILLAZZJONI TAX-XAĦAM		915
		ZR99_02_14		RIPELLENTI BIR-RIĦA/ŻEJT TAL-ĦUTA		918
		ZR99_02_15		RIPELLENTI BIR-RIĦA/XAĦAM TAN-NAGĦAĠ		919
		ZR99_02_16		ESTRATT TAT-TEWM		916
		ZR99_02_17		BŻAR		917
		ZR99_02_99		RIPELLENTI OĦRAJN
		ZR99_99	PRODOTTI OĦRAJN GĦALL-PROTEZZJONI TAL-PJANTI
		ZR99_99_07		AĊIDU KAPRIKU	334-48-5	886
		ZR99_99_08		AĊIDU KAPRILIKU	124-07-2	887
		ZR99_99_12		ETTAMALOSSIGLUKAN	870721-81-6	851
		ZR99_99_24		VAJRUS TAL-MOŻAJK ISFAR TAZ-ZUKKINI, TAR-RAZZA DGĦAJFA		618
		ZR99_99_34		VAJRUS TAL-MOŻAJK TAL-PEPINO, TAR-RAZZA CH2, IŻOLAT 1906
		ZR99_99_99		PRODOTTI OĦRAJN GĦALL-PROTEZZJONI TAL-PJANTI

(1) Numri tar-reġistru tal-Chemical Abstracts Service.

(2) Il-Kunsill Kollaborattiv Internazzjonali Analitiku għall-Pestiċidi.”

17.2.2017

Il-Ġurnal Uffiċjali tal-Unjoni Ewropea

L 40/48

REGOLAMENT TA' IMPLIMENTAZZJONI TAL-KUMMISSJONI (UE) 2017/270

tas-16 ta' Frar 2017

li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva sulfuryl fluoride

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari t-tieni alternattiva tal-Artikolu 21(3) u l-Artikolu 78(2) tiegħu,

Billi:

(1)

Id-Direttiva tal-Kummissjoni 2010/38/UE (2) tipprovdi aktar informazzjoni ta' konferma dwar l-istimi tat-tul tal-ħajja tal-sulfuryl fluoride fl-atmosfera, il-konċentrazzjonijiet troposferiċi tal-sulfuryl fluoride u l-kundizzjonijiet tat-tħin, meħtieġa biex jiġi żgurat li r-reżidwi tal-jon tal-fluoride fiċ-ċereali ma jeċċedux il-levelli ta' sfond naturali.

(2)	Is-sustanzi attivi inklużi fl-Anness I tad-Direttiva tal-Kunsill 91/414/KEE (3) jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4).

(3)	In-notifikatur ressaq informazzjoni addizzjonali bl-għan li tiġi kkonfermata l-valutazzjoni tar-riskju dwar id-destin tat-tul tal-ħajja tas-sulfuryl fluoride fl-atmosfera u r-residwi tal-jon tal-fluoride fi prodotti tat-tħin preżenti fil-makkinarju waqt il-fumigazzjoni.

(4)

Ir-Renju Unit wettaq valutazzjoni tal-informazzjoni addizzjonali mressqa min-notifikatur. Ir-Renju Unit ippreżenta l-valutazzjoni tiegħu, fil-forma ta' addendum tal-abbozz tar-rapport ta' valutazzjoni, lill-Istati Membri l-oħra, lill-Kummissjoni u lill-Awtorità Ewropea dwar is-Sigurtà fl-Ikel, minn hawn 'il quddiem “l-Awtorità”, fl-4 ta' Ġunju 2015.

(5)

Il-Kummissjoni tikkunsidra li, skont l-informazzjoni addizzjonali pprovduta min-notifikatur, ma setax jiġi eskluż li l-livelli ta' residwi fi prodotti tat-tħin preżenti fil-makkinarju waqt il-fumigazzjoni jistgħu ikunu ogħla mill-konċentrazzjoni ta' sfond naturali għall-jon tal-fluworur jew li ma jissodisfawx il-livelli massimi ta' residwi rilevanti. Għalhekk, il-kundizzjonijiet għall-approvazzjoni għandhom jiġu emendati sabiex jiġi żgurat li l-prodotti tat-tħin preżenti fil-faċilitajiet ta' trattament dejjem ikunu konformi mad-dispożizzjonijiet tar-Regolament (KE) Nru 396/2005 tal-Parlament Ewropew u tal-Kunsill (5). Barra minn hekk, l-EFSA qieset li l-informazzjoni mressqa ma wrietx l-istat stabbli tas-sulfuryl fluoride fit-troposfera; konsegwentement, hemm ukoll il-ħtieġa għal aktar monitoraġġ tal-konċentrazzjonijiet troposferiċi ta' din is-sustanza attiva sakemm l-istat stabbli ikun ġie ppruvat għalkollox u din l-informazzjoni tiġi ppreżentata f'dan ir-rigward lill-Kummissjoni, lill-Istati Membri u lill-Awtorità Ewropea dwar is-Sigurtà fl-Ikel fuq bażi regolari, kull ħames snin.

(6)

Is-sulfuryl fluoride huwa approvat ukoll bħala sustanza attiva bijoċidali skont id-Direttiva tal-Kummissjoni 2009/84/KE (6). Minħabba l-istess tħassib dwar id-destin ambjentali tas-sulfuryl fluoride bħal fil-każ tal-użu bħala pestiċida, kienet meħtieġa informazzjoni addizzjonali li tinkludi l-monitoraġġ tal-konċentrazzjonijiet troposferiċi. Id-dati tat-tressiq tal-informazzjoni għandhom ikunu l-istess, sabiex jiġi evitat xogħol żejjed u jiġi razzjonalizzat il-proċess ta' valutazzjoni.

(7)	Għalhekk, l-Anness tar-Regolament ta' Implimentazzjoni (UE) Nru 540/2011 jenħtieġ li jiġi emendat skont dan.

(8)	L-applikant ingħata l-opportunità li jibgħat il-kummenti tiegħu dwar ir-rapport ta' reviżjoni.

(9)	L-Istati Membri għandhom jingħataw iż-żmien biex jemendaw jew jirtiraw l-awtorizzazzjonijiet tal-prodotti għall-protezzjoni tal-pjanti li fihom is-sulfuryl fluoride li mhumiex konformi mal-kundizzjonijiet għall-approvazzjoni ristretti.

(10)	Għall-prodotti għall-protezzjoni tal-pjanti li fihom is-sulfuryl fluoride, meta l-Istati Membri jagħtu xi perjodu ta' grazzja skont l-Artikolu 46 tar-Regolament (KE) Nru 1107/2009, dan il-perjodu għandu jiskadi sa mhux aktar tard minn 18-il xahar wara d-dħul fis-seħħ ta' dan ir-Regolament.

(11)	Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Emenda tar-Regolament ta' Implimentazzjoni (UE) Nru 540/2011

L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness ta' dan ir-Regolament.

Artikolu 2

Miżuri tranżizzjonali

F'konformità mar-Regolament (KE) Nru 1107/2009, fejn ikun meħtieġ, l-Istati Membri għandhom jemendaw jew jirtiraw l-awtorizzazzjonijiet eżistenti għall-prodotti għall-protezzjoni tal-pjanti li fihom is-sulfuryl fluoride bħala sustanza attiva sad-9 ta' Settembru 2017..

Artikolu 3

Perjodu ta' grazzja

Kull perjodu ta' grazzja mogħti mill-Istati Membri skont l-Artikolu 46 tar-Regolament (KE) Nru 1107/2009 għandu jkun qasir kemm jista' jkun u għandu jiskadi sa mhux iktar tard minn 12-il xahar wara r-restrizzjoni jew l-irtirar tal-awtorizzazzjoni rispettiva.

Artikolu 4

Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta' Frar 2017.

Għall-Kummissjoni

Il-President

Jean-Claude JUNCKER

(1) ĠU L 309, 24.11.2009, p. 1.

(2) Id-Direttiva tal-Kummissjoni 2010/38/UE tat-18 ta' Ġunju 2010 li temenda d-Direttiva tal-Kunsill 91/414/KEE biex jiġi inkluż is-sulfuryl fluoride bħala sustanza attiva (ĠU L 154, 19.6.2010, p. 21).

(3) Id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (ĠU L 230, 19.8.1991, p. 1).

(4) Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).

(5) Ir-Regolament (KE) Nru 396/2005 tal-Parlament Ewropew u tal-Kunsill tal-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (ĠU L 70, 16.3.2005, p. 1).

(6) Id-Direttiva tal-Kummissjoni 2009/84/KE tat-28 ta' Lulju 2009 li temenda d-Direttiva 98/8/KE tal-Parlament Ewropew u tal-Kunsill biex tinkludi l-fluworid tas-sulfuril bħala sustanza attiva fl-Anness I tagħha (ĠU L 197, 29.7.2009, p. 67).

ANNESS

Il-kolonna “Dispożizzjonijiet speċifiċi” tar-ringiela 307, sulfuryl fluoride, tal-Parti A tal-Anness tar-Regolament ta' Implimentazzjoni (UE) Nru 540/2011 tinbidel b'dan li ġej:

“PARTI A

Jista' jiġi awtorizzat biss biex jintuża bħala insettiċida/nematiċida (fumigant) applikat minn nies professjonali fi strutturi li jistgħu jkunu ssiġillati fil-każijiet biss fejn:

(a)	dawn l-istrutturi huma vojta; jew

(b)

meta f'faċilità ffumigata jkun hemm prodotti tal-ikel jew tal-għalf, l-utenti u l-operaturi tan-negozju tal-ikel għandhom jiżguraw li l-prodotti tal-ikel jew tal-għalf li jkunu konformi mal-livelli massimi ta' residwi eżistenti għas-sulfuryl fluoride u l-jon tal-fluoride stabbiliti bir-Regolament (KE) Nru 396/2005 tal-Parlament Ewropew u tal-Kunsill (*1) jistgħu jidħlu fil-katina tal-ikel u tal-għalf; għal dan l-għan, l-utenti u l-operaturi tan-negozju tal-ikel għandhom jimplimentaw bis-sħiħ miżuri ekwivalenti għall-prinċipji tal-HACCP kif stabbiliti fl-Artikolu 5 tar-Regolament (KE) Nru 852/2004 tal-Parlament Ewropew u tal-Kunsill (*2); B'mod partikolari, l-utenti għandhom jidentifikaw il-punti ta' kontroll kritiċi li fihom il-kontroll huwa essenzjali sabiex jipprevjenu milli jinqabżu l-livelli massimi ta' residwi, u sabiex jiġu stabbiliti u implimentati proċeduri ta' monitoraġġ effettivi f'dak il-punt ta' kontroll kritiku.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta' reviżjoni dwar is-sulfuryl fluoride, u b'mod partikolari l-Appendiċijiet I u II tiegħu, kif ġew iffinalizzati fil-Kumitat Permanenti dwar il-Pjanti, l-Annimali, l-Ikel u l-Għalf fis-7 ta' Diċembru 2016.

F'din il-valutazzjoni globali, l-Istati Membri jridu jagħtu attenzjoni partikolari:

—

għar-riskju tal-fluoride inorganiku permezz ta' prodotti kkontaminati, bħad-dqiq u n-nuħħala li jibqgħu fil-makkinarju tal-mitħna waqt il-fumigazzjoni, jew permezz ta' qmuħ li jkunu maħżuna f'sajlos fil-mitħna. Għandhom jittieħdu miżuri biex jiġi żgurat li fil-katina tal-ikel jew tal-għalf jidħlu biss prodotti li jkunu konformi mal-MRLs eżistenti;

—	għar-riskju għall-operaturi u għall-ħaddiema, pereżempju meta jidħlu mill-ġdid f'bini ffumigat wara l-arjazzjoni. Huma meħtieġa miżuri li jiżguraw li dawn jilbsu apparat li jistgħu jieħdu n-nifs minnu jew xi apparat personali protettiv xieraq ieħor;

—	għar-riskju għal min jinzerta jkun fil-viċinanzi, billi japplikaw żona xierqa ta' esklużjoni madwar il-bini ffumigat.

Fejn xieraq, il-kundizzjonijiet tal-awtorizzazzjoni għandhom jinkludu miżuri li jnaqqsu r-riskju.

Kull ħames snin in-notifikatur għandu jressaq quddiem il-Kummissjoni, l-Istati Membri u l-Awtorità, dejta ta' monitoraġġ dwar il-konċentrazzjonijiet troposferiċi tas-sulfuryl fluoride, li jibdew mit-30 ta' Ġunju 2017. Il-limitu ta' detezzjoni għall-analiżi għandu jkun tal-anqas 0,5 ppt (ekwivalenti għal 2,1 ng sulfuryl fluoride/m3 ta' arja troposferika).

(*1) Ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (ĠU L 70, 16.3.2005, p. 1).

(*2) Ir-Regolament (KE) Nru 852/2004 tal-Parlament Ewropew u tal-Kunsill tad-29 ta' April 2004 dwar l-iġjene tal-oġġetti tal-ikel (ĠU L 139, 30.4.2004, p. 1).” ”

17.2.2017

Il-Ġurnal Uffiċjali tal-Unjoni Ewropea

L 40/51

REGOLAMENT TA' IMPLIMENTAZZJONI TAL-KUMMISSJONI (UE) 2017/271

tas-16 ta' Frar 2017

li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1) (“ir-Regolament bażiku”), u b'mod partikolari l-Artikolu 13(3) tiegħu,

Billi:

1. PROĊEDURA

1.1. Il-miżuri eżistenti

(1)

Permezz tar-Regolament (KE) Nru 925/2009 (2), (“ir-Regolament oriġinali”), il-Kunsill impona dazju antidumping definittiv ta' 30,0 % fuq l-importazzjonijiet ta' fuljetta tal-aluminju ta' ħxuna ta' mhux inqas minn 0,008 mm u mhux aktar minn 0,018 mm, mingħajr appoġġ, mhux maħduma aktar milli rrumblati, f'rollijiet ta' wisa' ta' mhux aktar minn 650 mm u li ma jiżnux aktar minn 10 kilogrammi (“il-prodott konċernat”) mir-Repubblika tal-Poplu taċ-Ċina (“ir-RPĊ” jew “iċ-Ċina”) għall-kumpaniji kollha l-oħrajn għajr dawk imsemmijin fl-Artikolu 1(2) ta' dak ir-Regolament.

(2)	F'Diċembru tal-2015, il-miżuri fuq l-istess prodott ġew estiżi permezz tar-Regolament ta' Implimentazzjoni tal-Kummissjoni (UE) 2015/2384 (3) (“ir-rieżami ta' skadenza”).

(3)	Dawn il-miżuri minn issa 'l quddiem se jissejħu “l-miżuri fis-seħħ” u l-investigazzjoni li wasslet biex jiġu imposti l-miżuri mir-Regolament oriġinali minn issa 'l quddiem se tissejjaħ “l-investigazzjoni oriġinali”.

1.2. Bidu wara talba

(4)	Fit-18 ta' April 2016, il-Kummissjoni Ewropea (“il-Kummissjoni”) rċeviet talba li tindika li l-miżuri fis-seħħ fuq importazzjonijiet ta' ċerta fuljetta tal-aluminju qegħdin jiġu evitati minn importazzjonijiet tal-prodotti kkonċernati ftit modifikati mir-RPĊ.

(5)	L-applikant talab li jibqa' anonimu fuq il-bażi ta' theddida ta' ritaljazzjoni kummerċjali. Il-Kummissjoni qieset li din it-talba kienet sostanzjata u qablet li żżomm l-identità tal-applikant kunfidenzjali.

(6)

It-talba pprovdiet evidenza prima facie li, wara l-impożizzjoni tal-miżuri fis-seħħ, seħħet bidla sinifikanti fit-tendenza tal-kummerċ li kienet tinvolvi l-esportazzjonijiet mir-RPĊ lejn l-Unjoni, u dan kien donnu riżultat tal-impożizzjoni tal-miżuri fis-seħħ. Allegatament ma kienx hemm raġuni valida jew ġustifikazzjoni biżżejjed għajr l-impożizzjoni tal-miżuri fis-seħħ għal din il-bidla.

(7)

Barra minn hekk, l-evidenza fil-fajl enfasizzat il-fatt li l-effetti korrettivi tal-miżuri fis-seħħ kienu qed jiġu mdgħajfa kemm f'termini ta' kwantità kif ukoll ta' prezz. L-evidenza wriet li ż-żieda fl-importazzjonijiet tal-prodott ftit modifikat saru bi prezzijiet aktar baxxi mill-prezz li ma jikkawżax dannu stabbilit fl-investigazzjoni oriġinali.

(8)

Finalment, kien hemm evidenza prima facie li l-prodotti ftit modifikati kienu oġġett ta' dumping b'rabta mal-valur normali stabbilit għall-prodott simili, jiġifieri l-prodott immanifatturat mill-industrija tal-Unjoni li għandu l-istess karatteristiċi tekniċi u fiżiċi bħall-prodott konċernat, matul l-investigazzjoni oriġinali.

(9)

Wara li informat lill-Istati Membri, il-Kummissjoni ddeterminat li kien hemm biżżejjed evidenza prima facie biex tinfetaħ investigazzjoni skont l-Artikolu 13 tar-Regolament bażiku. B'hekk fetħet din l-investigazzjoni permezz tar-Regolament ta' Implimentazzjoni tal-Kummissjoni (UE) 2016/865 (4) (“ir-Regolament tat-tnedija”). Skont l-Artikoli 13(3) u 14(5) tar-Regolament bażiku, il-Kummissjoni, permezz tar-Regolament tat-tnedija, ordnat ukoll lill-awtoritajiet tad-dwana biex jirreġistraw l-importazzjonijiet tal-prodott konċernat ftit modifikat mir-RPĊ.

1.3. Investigazzjoni

(10)	Il-Kummissjoni informat kif xieraq lill-awtoritajiet tar-RPĊ, lill-produtturi esportaturi u lin-negozjanti fir-RPĊ, lill-importaturi magħrufa fl-Unjoni li huma kkonċernati u lill-industrija tal-Unjoni dwar il-bidu tal-investigazzjoni.

(11)	Formoli ta' eżenzjoni ntbagħtu lill-produtturi esportaturi fir-RPĊ u lill-importaturi magħrufa fl-Unjoni.

(12)

Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ skont iż-żmien stipulat fir-Regolament tat-tnedija. Il-partijiet kollha ġew infurmati li nuqqas ta' kooperazzjoni jista' jwassal għall-applikazzjoni tal-Artikolu 18 tar-Regolament bażiku u għal konklużjonijiet li jkunu bbażati fuq il-fatti disponibbli.

(13)	Għamlu kuntatt ħames gruppi ta' kumpaniji mir-RPĊ u 19-il kumpanija mill-Unjoni, inklużi l-industrija tal-Unjoni u importaturi mhux relatati.

(14)	Ħames gruppi ta' kumpaniji mir-RPĊ u ħames importaturi mhux relatati wieġbu għall-kwestjonarju u talbu eżenzjoni mill-miżuri estiżi possibbli skont l-Artikolu 13(4) tar-Regolament bażiku.

(15)

Il-produtturi esportaturi li ġejjin wieġbu għall-mistoqsijiet kollha tal-kwestjonarji u sussegwentement saru żjarat ta' verifika fl-istabbilimenti tagħhom:

—	Dingsheng Aluminium Group

—	Jiangsu Zhongji Lamination Materials Co., Ltd

—	Luoyang Wanji Aluminium Processing Co., Ltd

—	Xiamen Xiashun Aluminium Foil Co., Ltd

—	Yantai Donghai Aluminum Foil Co., Ltd

(16)

Il-ħames importaturi tal-Unjoni mhux relatati li ġejjin wieġbu għall-mistoqsijiet kollha tal-kwestjonarji:

—	Coutinho Caro + Co. International Trading GmbH

—	Huhtamaki Flexible Packaging Germany GmbH & Co. KG

—	Now Plastics UK Inc (il-Fergħa ta' Milan)

—	Von Aschenbach & Voss GmbH

—	Wrap Films Systems Ltd

(17)	Wieħed mill-importaturi mhux relatati, il-kumpanija Wrap Films Systems Ltd, sussegwentement temm il-kooperazzjoni.

(18)

Saru żjarat ta' verifika fl-uffiċċji tal-importaturi mhux relatati li ġejjin:

—	Coutinho Caro + Co. International Trading GmbH

—	Von Aschenbach & Voss GmbH

(19)	Il-kumpanija Cellofix S.L. għamlet sottomissjonijiet u talbet seduta ta' smigħ bħala parti interessata.

(20)	Saru seduti ta' smigħ bejn il-Kummissjoni u l-applikant, u bejn il-Kummissjoni u l-kumpaniji li ġejjin: Cellofix S.L., Now Plastics Inc u Von Aschenbach & Voss GmbH.

(21)

Wara d-divulgazzjoni saret seduta ta' smigħ oħra bejn il-Kummissjoni u l-applikant, li warajha l-Kummissjoni ddivulgat mill-ġdid l-intenzjoni tagħha li testendi l-miżuri skont il-mekkaniżmu ta' proċedura tal-użu finali b'konformità mal-Artikolu 254 tar-Regolament (UE) Nru 952/2013 tal-Parlament Ewropew u tal-Kunsill (5) (“il-Kodiċi Doganali tal-Unjoni”).

1.4. Il-perjodu ta' investigazzjoni u ta' rapportar

(22)

Il-perjodu ta' investigazzjoni kopra l-perjodu mill-1 ta' April 2012 sal-31 ta' Marzu 2016. Inġabret data għall-perjodu ta' investigazzjoni kif ukoll għas-snin kollha mill-2009 'l hawn (meta ġew imposti l-miżuri fis-seħħ) sabiex, fost l-oħrajn, tiġi investigata l-allegata bidla fit-tendenza tal-kummerċ. Għall-perjodu bejn l-1 ta' April 2015 u l-31 ta' Marzu 2016 (“il-perjodu ta' rapportar”) inġabret data aktar dettaljata sabiex tiġi eżaminata l-possibbiltà ta' indeboliment tal-effett korrettiv tal-miżuri fis-seħħ u l-eżistenza ta' dumping.

2. IR-RIŻULTATI TAL-INVESTIGAZZJONI

2.1. Kunsiderazzjonijiet ġenerali

(23)

B'konformità mal-Artikolu 13(1) tar-Regolament bażiku, il-Kummissjoni analizzat b'mod suċċessiv jekk kienx hemm bidla fit-tendenza tal-kummerċ bejn dik tal-pajjiżi terzi u dik tal-Unjoni; jekk din il-bidla nibtitx minn xi prattika, proċess jew ħidma li għalihom ma kienx hemm raġuni valida jew ġustifikazzjoni ekonomika biżżejjed għajr l-impożizzjoni tad-dazju; jekk kienx hemm evidenza ta' dannu jew jekk l-effetti korrettivi tad-dazju kinux qed jiġu mdgħajfa f'termini ta' prezzijiet u/jew ta' kwantitajiet tal-prodott simili; u jekk kienx hemm evidenza ta' dumping b'rabta mal-valuri normali stabbiliti qabel għall-prodott simili, jekk hemm bżonnb'konformità mad-dispożizzjonijiet tal-Artikolu 2 tar-Regolament bażiku.

2.2. Il-prodott konċernat

(24)

Il-prodott konċernat mill-evażjoni possibbli huwa l-prodott soġġett għall-miżuri fis-seħħ, kif deskritt hawn fuq fil-premessa (1). Jaqa' taħt il-kodiċi NM ex 7607 11 19 (kodiċi TARIC 7607111910). Kif stabbilit mill-investigazzjoni oriġinali, dan it-tip partikolari ta' fuljetta tal-aluminju huwa ttrasformat fi prodott għall-konsumatur, fuljetta tal-aluminju tad-dar (“AHF”) użata għall-ippakkjar u għal applikazzjoni oħra fid-dar.

2.3. Il-prodott investigat

(25)	Il-prodott investigat għall-evażjoni għandu l-istess karatteristiċi essenzjali bħall-prodott konċernat. Madankollu, jista' jkun ittemprat jew le.

(26)

Il-prodott investigat ġie ddefinit fir-Regolament tat-tnedija kif ġej:

—	fuljetta tal-aluminju ta' ħxuna mhux anqas minn 0,007 mm u anqas minn 0,008 mm, indipendentement mill-wisa' tar-rombli, sew jekk ittemprata jew le, jew

—	fuljetta tal-aluminju ta' ħxuna mhux anqas minn 0,008 mm u mhux aktar minn 0,018 mm u f'rombli b'wisa' li jaqbeż is-650 mm, sew jekk ittemprata jew le, jew

—	fuljetta tal-aluminju ta' ħxuna ta' aktar minn 0,018 mm u anqas minn 0,021 mm indipendentement mill-wisa' tar-rombli, sew jekk ittemprata jew le, jew

—	fuljetta tal-aluminju ta' ħxuna mhux anqas minn 0,021 mm u mhux aktar minn 0,045, meta ppreżentati b'tal-anqas żewġ saffi, indipendentement mill-wisa' tar-rombli, sew jekk ittemprata jew le,

(27)	L-ewwel tliet prodotti deskritti aktar 'il fuq jaqgħu fil-Kodiċi NM ex 7607 11 19 (il-kodiċi TARIC 7607111930, 7607111940 u 7607111950). Ir-raba' prodott deskritt aktar “il fuq jaqa” fil-Kodiċi NM ex 7607 11 90 (il-kodiċi TARIC 7607119045 u 7607119080).

(28)

Fl-investigazzjoni oriġinali l-Kummissjoni kienet stabbilixxiet li l-fuljetta tal-aluminju konvertitur (“ACF”) ma kinitx il-prodott konċernat (6). Iż-żewġ prodotti — AHF u ACF — għandhom użu differenti. L-ACF tintuża minn industriji konvertituri li jillaminawha, jiksuha, jagħtuha l-laker u jipproċessawha b'xi mod ieħor u jintegrawha fi prodotti li jintużaw f'oqsma bħall-imballaġġ għall-ikel, għall-mediċina, għall-prodotti kożmetiċi, u għat-tabakk jew f'materjali tal-iżolament għas-settur tal-kostruzzjoni. F'Diċembru tal-2014, il-Kummissjoni fetħet investigazzjoni antidumping dwar l-ACF (7). It-talba ġiet irtirata mill-applikant u l-miżuri dwar l-ACF ma ġewx imposti (8). Għar-raġunijiet imsemmijin hawn fuq, il-Kummissjoni kkonkludiet li jkun xieraq li l-ACF tiġi eskluża mill-ambitu ta' din l-investigazzjoni.

(29)	Wara d-divulgazzjoni, l-applikant argumenta li l-ACF u l-AHF kienu interkambjabbli. Il-Kummissjoni kkunsidrat madankollu li dan l-argument ma xeħitx dubju fuq id-definizzjoni mhux kontestata tal-prodott konċernat stabbilita fl-investigazzjoni oriġinali.

(30)

Fl-investigazzjoni, il-Kummissjoni kkonkludiet madankollu, li d-definizzjoni tal-prodott investigat ma kinitx tinkludi biss il-prodott ftit modifikat ikkonċernat, iżda setgħet tinkludi wkoll l-ACF. Il-ħames produtturi esportaturi li kkooperaw esportaw l-ACF lejn l-Unjoni matul il-perjodu ta' rapportar (ara l-premessa (74) hawn taħt). B'hekk ġie deċiż li jġi kkunsidrat l-użu finali meta jitfasslu l-miżuri (ara l-premessi (58) sa (69)).

(31)	Wara d-divulgazzjoni wieħed mill-importaturi li ma kkooperawx iddikjara li l-Kummissjoni jmissha kkunsidrat is-suġġeriment tiegħu li jiġu esklużi rombli jumbo mhux ittemprati mill-ambitu tal-investigazzjoni.

(32)

Peress li l-kumpanija ma kkooperatx mal-investigazzjoni, il-Kummissjoni ma kinitx tista' tivverifika din id-dikjarazzjoni. L-ebda fatt ma wassal għall-konklużjoni li r-rombli jumbo mhux ittemprati għandhom jiġu esklużi mill-ambitu ta' din l-investigazzjoni. Għalhekk il-Kummissjoni rrifjutat din l-allegazzjoni.

2.4. Livell ta' kooperazzjoni

(33)

Kien hemm livell baxx ta' kooperazzjoni mill-produtturi esportaturi fir-RPĊ; ħames gruppi biss ta' produtturi esportaturi Ċiniżi għamlu kuntatt u talbu eżenzjoni minn xi estensjoni possibbli tal-miżuri fis-seħħ li matul il-perjodu ta' rapportar kienu jirrappreżentaw madwar 22 % tal-esportazzjonijiet Ċiniżi lejn l-Unjoni.

(34)	L-esportazzjonijiet tal-esportaturi li ma kkooperawx ġew stmati għal madwar 78 % tal-esportazzjonijiet totali Ċiniżi lejn l-Unjoni matul l-istess perjodu. B'hekk, għal dawk l-esportazzjonijiet, il-Kummissjoni użat l-aħjar fatti disponibbli skont l-Artikolu 18 tar-Regolament bażiku.

2.5. Il-bidla fit-tendenza tal-kummerċ

(35)	Sabiex tistabbilixxi l-bidla fit-tendenza tal-kummerċ, il-Kummissjoni analizzat il-volum ta' importazzjonijiet tal-prodott konċernat u l-volum ta' importazzjonijiet tal-prodott ftit modifikat ikkonċernat għall-perjodu ta' bejn l-impożizzjoni tal-miżuri oriġinali (2009) u Settembru tal-2016.

(36)	L-investigazzjoni kkonkludiet li 80 % tal-volum totali tal-importazzjonijiet tal-prodott investigat li joriġinaw mir-RPĊ kienu tal-prodott ftit modifikat ikkonċernat għall-perjodu ta' rapportar (9). Imbagħad dan il-proporzjon ġie estrapolat għas-snin ikkonċernati mill-2009 'l hawn.

(37)	Il-volum tal-importazzjonijiet tal-prodott konċernat ġie stabbilit fuq il-bażi tal-Eurostat għall-perjodu ta' bejn l-2009 u l-perjodu ta' rapportar.

(38)

It-tabella ta' hawn taħt tikkompila l-informazzjoni miġbura.

Tabella 1

Importazzjonijiet tal-prodott konċernat u tal-prodott ftit modifikat ikkonċernat mir-RPĊ fl-UE

(Unità: tunnellati)
	Il-PI tal-investigazzjoni oriġinali Lulju 2007 sa Ġunju 2008	2009	2010	2011	2012	2013	2014	PR
Il-prodott konċernat	30 318	150	1 442	3 094	1 165	1 369	1 553	1 152
Il-prodott ftit modifikat		11 393	17 115	30 960	25 648	30 962	42 578	44 522
Sors: Eurostat, produtturi esportaturi Ċiniżi li kkooperaw

(39)

Il-volum totali ta' importazzjonijiet tal-prodott konċernat mir-RPĊ naqas minn 30 318-il tunnellata matul il-PI tal-investigazzjoni oriġinali (Lulju tal-2007 sa Lulju tal-2008) għal 1 152 tunnellata matul il-perjodu ta' rapportar ta' din l-investigazzjoni. Għall-kuntrarju, l-importazzjonijiet tal-prodott ftit modifikat ikkonċernat żdiedu minn 11 393 tunnellata fl-2009 għal 44 522 tunnellata matul il-perjodu ta' rapportar ta' din l-investigazzjoni.

(40)	Iż-żieda fl-importazzjonijiet tal-prodott ftit modifikat ikkonċernat kif ukoll l-għajbien parallel tal-importazzjonijiet tal-prodott konċernat mindu ġew imposti l-miżuri, jikkostitwixxu bidla sinifikanti fit-tendenza tal-kummerċ, kif meħtieġ mill-Artikolu 13(1) tar-Regolament bażiku.

(41)

Wara d-divulgazzjoni wieħed mill-importaturi li ma kkooperawx iddikjara li l-Kummissjoni kienet użat metodoloġija żbaljata biex tiddetermina l-bidla fit-tendenza tal-kummerċ. Aktar speċifiku minn hekk, huwa ddubita s-suppożizzjoni li l-bejgħ ta' produtturi esportaturi li ma kkooperawx matul il-perjodu ta' rapportar kien bejgħ tal-prodott ftit modifikat.

(42)

Il-Kummissjoni wieġbet li hija kienet ibbażat ruħha fuq il-fatti disponibbli meta kienet qed tistabbilixxi l-volum tal-importazzjonijiet tal-prodott ftit modifikat. Minħabba l-livell baxx ħafna ta' kooperazzjoni, fid-dawl tal-informazzjoni li tinsab fit-talba u fin-nuqqas ta' kwalunkwe tagħrif li jsostni l-kuntrarju, il-Kummissjoni setgħet b'mod leġittimu tikkonkludi li l-kumpaniji li ma kkooperawx kienu qed jesportaw prodott ftit modifikat. Għalhekk il-metodoloġija użata biex tistabbilixxi l-bidla fit-tendenza tal-kummerċ ġiet ikkonfermata.

2.6. L-eżistenza ta' prattiki ta' evażjoni

(43)

L-Artikolu 13(1) tar-Regolament bażiku jirrikjedi li l-bidla fit-tendenza tal-kummerċ tkun tinbet minn prattika, proċess jew ħidma li għalihom ma hemmx raġuni valida jew ġustifikazzjoni ekonomika biżżejjed għajr l-impożizzjoni tad-dazju. Il-prattika, il-proċess jew il-ħidma jinkludu, fost l-oħrajn, il-modifika żgħira tal-prodott konċernat.

(44)	Ġew analizzati l-attivitajiet tal-produtturi esportaturi li kkooperaw. Din l-analiżi kkonfermat l-eżistenza tal-erba' prattiki ta' evażjoni.

(45)

Għall-erba' prattiki ta' evażjoni, l-evidenza kienet fil-forma ta' ittri elettroniċi mill-produtturi esportaturi Ċiniżi li taw pariri lill-klijenti dwar kif jistgħu jevadu l-miżuri attwali. Is-siltiet differenti ta' evidenza kien fihom ukoll informazzjoni li t-tali prattiki fil-fatt ġew implimentati minn uħud mill-importaturi/utenti fl-Unjoni.

(46)

Il-Kummissjoni sabet ukoll evidenza ta' sostenn meta vverifikat wieħed mill-produtturi Ċiniżi li kkooperaw, jiġifieri Dingsheng Aluminium Group. Fil-perjodu mindu ġew imposti d-dazji fl-2009, Dingsheng Aluminium Group esporta lejn l-Unjoni AHF irqaq mill-prodott konċernat, jiġifieri AHF bi ħxuna ta' anqas minn 0,008 mm u mhux anqas minn 0,007 mm. L-istess produttur esportatur esporta wkoll lejn l-Unjoni AHF eħxen mill-prodott konċernat, jiġifieri AHF ta' aktar minn 0,018 mm u anqas minn 0,021 mm. L-evidenza fil-forma ta' ittri elettroniċi mingħand produtturi esportaturi oħrajn ikkonfermat li kienet teżisti prattika bħal din.

(47)

Barra minn hekk, fl-istess perjodu, Dingsheng Aluminium Group biegħ lill-Unjoni AHF f'rombli usa' minn 650 mm. Dawn ir-rombli mbagħad inqatgħu f'rombli iżgħar fl-Unjoni. Meta vverifikat wieħed mill-importaturi li kkooperaw, il-Kummissjoni sabet li dan l-importatur, jiġifieri l-kumpanija Von Aschenbach & Voss GmbH, fl-Unjoni taqta' rombli usa' f'rombli għall-konsumaturi.

(48)

Rigward l-importazzjonijiet fl-Unjoni tal-fuljetta ta' aluminju bi ħxuna ta' bejn 0,021 mm u 0,045 mm u ppreżentata f'saffi doppji, il-Kummissjoni kellha evidenza fil-fajl fil-forma ta' ittri elettroniċi skambjati bejn il-produtturi esportaturi Ċiniżi, inkluż mingħand Dingsheng Aluminium Group, u l-produtturi tal-Unjoni. Il-Kummissjoni stabbilixxiet ukoll li wħud mill-produtturi tal-Unjoni għandhom magni li jintużaw użati biex jerġgħu jirdoppjaw il-fuljetta għall-ħxuniet standard sabiex tkun tista' tintuża bħala AHF.

(49)

Fuq il-bażi tal-konklużjonijiet fir-rigward tal-produtturi esportaturi li kkooperaw u fuq il-bażi tal-fatti disponibbli għall-produtturi esportaturi li ma kkooperawx, l-eżistenza ta' prattika ta' evażjoni fis-sens tal-Artikolu 13(1) tar-Regolament bażiku hija stabbilita fil-livell ta' pajjiż għal 80 % tal-importazzjonijiet kollha tal-prodott investigat mir-RPĊ. Din il-prattika ta' evażjoni tieħu l-forma ta' modifika ħafifa tal-prodott konċernat sabiex tagħmlu jaqa' taħt il-kodiċijiet doganali li normalment ma jkunux soġġetti għall-miżuri, jiġifieri l-prodott investigat.

2.7. L-indeboliment tal-effetti korrettivi tad-dazju f'termini ta' prezzijiet u/jew il-kwantitajiet tal-prodott simili

(50)	Iż-żieda tal-importazzjonijiet tal-prodott ftit modifikat konċernat kienet sinifikanti kif spjegat fil-premessa (36) hawn fuq u kienet tirrappreżenta 80 % tal-volum totali tal-importazzjonijiet tal-prodott investigat fil-perjodu ta' bejn l-2009 u l-perjodu ta' rapportar.

(51)

Il-Kummissjoni qabblet il-prezz tal-esportazzjoni tal-prodott ftit modifikat konċernat mal-livell ta' eliminazzjoni tad-dannu kif stabbilit fir-Regolament ta' Implimentazzjoni (UE) 2015/2384 li jimponi dazju antidumping definittiv wara rieżami ta' skadenza skont l-Artikolu 11(2) tar-Regolament bażiku.

(52)

Fir-rigward tal-produttur esportatur li kkoopera li ħaddem prattiki ta' evażjoni, il-prezz tal-esportazzjoni ġie stabbilit fuq il-bażi tal-informazzjoni vverifikata matul l-investigazzjoni. Għall-produtturi esportaturi li ma kkooperawx, il-prezz tal-esportazzjoni ġie stabbilit fuq il-bażi ta' data tal-Eurostat, wara li tnaqqas il-volum tal-esportazzjonijiet magħmula mill-produtturi esportaturi li kkooperaw.

(53)	Dan it-tqabbil wera sottokwotazzjoni sinifikanti tal-prezz tal-bejgħ.

(54)	Għaldaqstant ġie meqjus li l-effetti korrettivi tal-miżuri fis-seħħ qed jiġu mdgħajfa f'termini kemm ta' kwantità kif ukoll ta' prezzijiet.

2.8. L-evidenza ta' dumping fir-rigward tal-valur normali li ġie stabbilit preċedentement għall-prodott simili

(55)

Skont l-Artikolu 13(1) tar-Regolament bażiku u sabiex jiġi stabbilit jekk il-prezzijiet tal-esportazzjoni tal-prodott investigat kinux oġġett ta' dumping, il-prezzijiet tal-esportazzjoni tal-produttur esportatur li kkoopera li ħaddem prattiki ta' evitar kif ukoll tal-produtturi esportaturi li ma kkooperawx ġew stabbiliti kif spjegat fil-premessi (51) u (52) aktar 'il fuq u tqabblu mal-valur normali stabbilit matul l-investigazzjoni tar-rieżami ta' skadenza msemmija fil-premessa (51) u debitament aġġustati għall-flutwazzjonijiet tal-Borża tal-Metall ta' Londra (London Metal Exchange (LME)). Dan l-aġġustament kien neċessarju minħabba l-fatt li l-prezzijiet tal-prodotti tal-aluminju jirreferu għal flutwazzjonijiet fil-prezzijiet tal-materja prima bażika, l-aluminju primarju. Il-prezzijiet tal-LME jitqiesu bħala l-parametru referenzjarju globali għall-aluminju primarju.

(56)

It-tqabbil tal-valur normali u tal-prezz tal-esportazzjoni juri li l-AHF kienet importata bi prezzijiet li huma oġġett ta' dumping fl-Unjoni matul il-perjodu ta' rapportar kemm mill-produttur esportatur li kkoopera u li ħaddem prattiki ta' evażjoni kif ukoll mill-produtturi esportaturi li ma kkooperawx.

2.9. Konklużjoni

(57)	Fuq il-bażi tal-konklużjonijiet ta' hawn fuq, il-Kummissjoni kkonkludiet li saret evażjoni tad-dazji fuq l-importazzjonijiet tal-prodott konċernat kif definit fl-investigazzjoni oriġinali minn importazzjonijiet tal-prodott ftit modifikat konċernat li joriġinaw mir-RPĊ.

(58)	L-investigazzjoni wriet ukoll li kien hemm bidla fit-tendenza tal-kummerċ bejn ir-RPĊ u l-Unjoni, u li ma kienx hemm raġuni valida jew ġustifikazzjoni ekonomika biżżejjed għal din il-bidla għajr l-impożizzjoni tad-dazju.

(59)

Il-Kummissjoni rriżultalha wkoll li dawn l-importazzjonijiet jikkaġunaw dannu u li l-effetti korrettivi tad-dazju qed jiġu mhedda f'termini ta' prezzijiet u/jew ta' kwantitajiet tal-prodott simili. Instabet ukoll evidenza ta' dumping fir-rigward tal-valuri normali li ġew stabbiliti minn qabel għall-prodott simili.

3. MIŻURI

(60)	Fid-dawl tal-konklużjonijiet ta' hawn fuq, il-Kummissjoni kkonkludiet li kienet saret evażjoni tad-dazju antidumping definittiv impost fuq l-importazzjonijiet tal-prodott konċernat li joriġina mir-RPĊ permezz ta' importazzjonijiet tal-prodott investigat li joriġina mir-RPĊ.

(61)	Madankollu, fuq il-bażi tal-konklużjonijiet imsemmijin hawn fuq, ġie konkluż li l-fuljetta tal-aluminju konvertitur trid tkun eskluża mill-kamp ta' applikazzjoni tal-miżuri estiżi.

(62)	Sabiex jiġi stabbilit kif tista' ssir distinzjoni bejn l-AHF u l-ACF, il-Kummissjoni bbażat ruħha l-ewwel fuq kriterji supplementari, apparti l-ħxuna tal-fuljetta tal-aluminju u l-wisa' tar-rombli.

(63)	Il-Kummissjoni qieset li analiżi kumulattiva ta' sett ta' karatteristiċi tista' twassal għad-distinzjoni mixtieqa: il-ligi, il-kapaċità ta' tixrib u t-toqob żgħar tal-fuljetta tal-aluminju.

(64)

Il-liga tal-aluminju hija stabbilita mill-kompożizzjoni kimika tal-prodott (il-kontenut tal-aluminju proprju u ta' sustanzi kimiċi oħrajn). Fuq il-bażi tas-sottomissjonijiet mingħand partijiet interessati u fuq informazzjoni miġbura matul iż-żjarat ta' verifika, l-investigazzjoni kkonstatat li l-AFC hija ġeneralment prodotta bil-ligi tal-aluminju 1235, 8011 u 8079.

(65)

Il-grad tal-kapaċità ta' tixrib huwa ddefinit bħala l-grad ta' nxif (indafa tas-superfiċje) tal-fuljetta tal-aluminju miż-żejt li jintuża matul il-proċess ta' rromblar. Il-kapaċità ta' tixrib għall-ACF hija ġeneralment tal-grad A, peress li kwalunkwe residwu ta' żejt fis-superfiċje jġib miegħu problemi fl-istampar u fil-laminazzjoni.

(66)

It-toqob żgħar jidhru fis-sawra tal-fuljetta tal-aluminju matul il-proċess tal-irromblar. L-għadd ta' toqob żgħar fil-bejgħ tal-AHF ġeneralment ma jkunx importanti u mhuwiex parti mill-ispeċifikazzjonijiet tal-prodott. L-għadd ta' toqob huwa importanti għall-prodotti tal-ACF għaliex matul il-proċess tal-laminazzjoni, l-adeżiv jista' jippenetra minn naħa waħda tas-saff tal-fuljetta għan-naħa l-oħra permezz tat-toqob u, b'hekk, jagħmel ħsara lill-materjal tal-imballaġġ. Il-Kummissjoni kkonstatat li l-għadd massimu ta' toqob fl-AFC ġeneralment ikun relatat mal-ħxuna tal-fuljetta. L-għadd massimu ta' toqob għal kull m2 b'rabta mal-ħxuna tal-fuljetta huwa kif ġej.

Tabella 2

L-għadd massimu ta' toqob għal kull m2 b'rabta mal-ħxuna tal-fuljetta

Ħxuna (Mikroni)	In-numru ta' Toqob għal kull m2
7	400
8	300
9	200
10	100
sa 13	40
sa 15	10
sa 19	5
aktar minn 20	Xejn
Sors: Il-produtturi esportaturi Ċiniżi li kkooperaw, importaturi mhux relatati tal-UE.

(67)	Dawn il-kriterji kienu bbażati fuq il-konklużjonijiet tal-investigazzjoni u s-sottomissjonijiet minn partijiet terzi.

(68)

Wara d-divulgazzjoni l-applikant insista u tenna li abbażi tal-kriterji ta' hawn fuq ma setgħetx issir distinzjoni u għaldaqstant dan kien joħloq riskju sproporzjonat ta' evażjoni. Huwa argumenta li l-fuljetti tal-aluminju huma interkambjabbli u li wħud mill-AHF jistgħu jiġu prodotti bl-istess fuljetti tal-aluminju bħal dawk li ġeneralment jintużaw fil-produzzjoni tal-ACF. B'mod partikolari, indika l-ligi 8011 u 8079. Rigward l-għadd ta' toqob, l-applikant iddikjara li dawn mhumiex rekwiżit regolat u li, b'mod ġenerali, huma bbażati fuq qbil bejn il-bejjiegħ u x-xerrej. Rigward il-kriterju tal-kapaċità ta' tixrib, l-applikant argumenta wkoll li dan ma kienx fattur deċiżiv sabiex jiġi stabbilit jekk fuljetta tal-aluminju kinitx AFC. Matul is-seduta ta' smigħ wara d-divulgazzjoni huwa argumenta wkoll li anke l-applikazzjoni kumulattiva tat-tliet kriterji ma kinitx fattibbli biex tiġi stabbilita d-distinzjoni mixtieqa. Anki kieku ġew issodisfati t-tliet kriterji għall-ACF, l-importazzjonijiet xorta waħda setgħu jintużaw għall-użu domestiku u joħolqu distorsjoni fil-kompetizzjoni. Fl-opinjoni tal-applikant l-uniku mezz biex issir distinzjoni bejn l-AHF u l-ACF kien permezz tal-użu finali tiegħu. Wara divulgazzjoni addizzjonali l-applikant issottometta li l-produtturi esportaturi li huma eżentati skont l-Artikolu 13(4) tar-Regolament għandhom ikunu soġġetti għall-proċedura tal-użu finali skont l-Artikolu 254 tal-Kodiċi Doganali tal-Unjoni sabiex ma jibqgħux jevadu l-miżuri fil-futur.

(69)

Wieħed mill-produtturi esportaturi li kkooperaw argumenta wkoll li l-kriterji proposti mill-Kummissjoni biex tiddistingwi ACF minn AHF ma kinux komunement u ġeneralment aċċettati mill-industrija tal-aluminju. Huwa argumenta li dan jiftaħ il-bieb għall-evażjoni tad-dazji antidumping estiżi u jwassal għal tnaqqis sinifikanti fil-prezz medju tal-ACF, li jwassal għal ilment ieħor dwar antidumping.

(70)	Wara d-divulgazzjoni addizzjonali importatur esprima l-opinjoni li tabilħaqq setgħet issir distinzjoni li tkun suffiċjenti abbażi ta' analiżi kumulattiva addizzjonali ta' tliet karatteristiċi li huma l-ligi, il-kapaċità ta' tixrib u t-toqob żgħar.

(71)

B'reazzjoni għal dawn l-argumenti, il-Kummissjoni l-ewwel fakkret li l-miżuri kontra l-evażjoni ma jistgħux jiġu imposti b'mod legali abbażi biss tar-riskju ta' evażjoni, iżda biss jekk il-kundizzjonijiet stabbiliti mill-Artikolu 13 tar-Regolament bażiku jiġu ssodisfati. Għaldaqstant it-talba tal-applikant li l-produtturi esportaturi eżentati jkunu soġġetti għall-kontroll tal-użu finali ġiet miċħuda.

(72)

Wara d-divulgazzjoni inizjali u addizzjonali il-Kummissjoni kompliet tivvaluta l-approċċ inizjali tagħha spjegat fil-premessi (62) u (66) hawn fuq kif ukoll l-argumenti ppreżentati mill-importatur imsemmijin fil-premessa (70). Il-Kummissjoni sostniet il-konklużjoni tagħha li minħabba l-karatteristiċi simili tagħhom ma jistax jiġi eskluż li jekk l-ACF jissodisfa r-rekwiżiti tekniċi msemmijin fil-premessi (61) u (67) fil-fatt jibda jsir użu domestiku minnu. Għalhekk hija kkonkludiet li, minħabba ċ-ċirkostanzi speċifiċi tal-każ, l-aktar mod xieraq biex tingħaraf id-differenza bejn iż-żewġ prodotti għall-iskop li tiġi estiża l-miżura oriġinali huwa permezz tal-użu finali tagħhom. Għaldaqstant, l-importaturi li ma jagħmlux użu mill-fuljetta tal-aluminju importata għall-użu domestiku se jkollhom il-possibbiltà li jagħmlu dikjarazzjoni soġġetta għall-proċedura tal-użu finali skont l-Artikolu 254 tal-Kodiċi Doganali tal-Unjoni.

4. TALBIET GĦAL EŻENZJONI

4.1. Talba għal eżenzjoni minn gruppi ta' produtturi esportaturi

(73)	B'konformità mal-Artikolu 13(4) tar-Regolament bażiku, ħames gruppi li kkooperaw tal-produtturi esportaturi mir-RPĊ talbu li jkunu eżentati mill-miżuri estiżi possibbli u ssottomettew talba għal eżenzjoni.

(74)

L-investigazzjoni kkonkludiet li erba' gruppi ta' produtturi esportaturi Ċiniżi kienu qed jesportaw lejn l-Unjoni ACF biss u mhux il-fuljetta tal-aluminju ftit modifikata għall-użu domestiku. Għaldaqstant, dawn il-gruppi ta' produtturi esportaturi Ċiniżi ma nstabux li kienu qed jevadu id-dazji kurrenti. Għalhekk, il-Kummissjoni qieset li dawn il-kumpaniji setgħu jingħataw eżenzjoni mid-dazji estiżi skont l-Artikolu 13(4) tar-Regolament bażiku.

(75)

L-investigazzjoni żvelat ukoll li produttur minnhom li kkoopera, id-Dingsheng Aluminium Group, kien involut fit-tipi kollha ta' prattiki ta' evażjoni, ħlief f'waħda, jiġifieri li ma kienx jesporta lejn l-Unjoni fuljetta tal-aluminju bi ħxuna ta' mhux anqas minn 0,021 mm u mhux aktar minn 0,045 mm, meta ppreżentata b'tal-anqas żewġ saffi, indipendentement mill-wisa' tar-rombli.

(76)

Il-konklużjoni li din il-kumpanija kienet involuta fi tliet prattiki ta' evażjoni intlaħqet fuq il-bażi ta' diversi fatturi. L-ewwel nett, il-Kummissjoni identifikat il-prodotti ftit modifikati li esportat lejn l-Unjoni fuq il-bażi tal-informazzjoni pprovduta mill-kumpanija fir-rigward tal-bejgħ tagħha ta' AHF u ta' ACF lill-klijenti tagħha. It-tieni, ġie vverifikat kampjun tal-fatturi relatati mal-klijenti tal-AHF u tal-ACF. Dan l-eżerċizzju kkonferma li l-prodotti mibjugħin lill-klijenti indikati bħala AHF tabilħaqq kienu l-prodott konċernat jew l-AHF ftit modifikat. B'riżultat ta' dan, il-Kummissjoni kkonkludiet li l-AHF ftit modifikata oġġett ta' evażjoni kienet tikkostitwixxi 20 % tal-esportazzjonijiet kollha tal-prodott investigat, filwaqt li l-bqija kienu ACF ġenwina għal din il-kumpanija. It-tielet, instabet bidla ċara fit-tendenza tal-kummerċ għal din il-kumpanija li, biha, l-esportazzjonijiet tal-prodott konċernat kienu ġew sostitwiti mill-prodott ftit modifikat. Ir-raba', għal din il-bidla fit-tendenza tal-kummerċ ma nstabet ebda ġustifikazzjoni ekonomika għajr l-impożizzjoni tal-miżuri. Il-ħames, instabu kemm dumping kif ukoll l-indeboliment tal-effett korrettiv tad-dazji fir-rigward tal-prodotti mmodifikati ftit esportati minn dan il-produttur esportatur.

(77)	Fid-dawl ta' dan li ntqal hawn fuq, skont l-Artikolu 13(4) tar-Regolament bażiku, ma setgħetx tingħata eżenzjoni lid-Dingsheng Aluminium Group.

(78)	Wara d-divulgazzjoni l-applikant talab li ma tingħata l-ebda eżenzjoni mill-kamp ta' applikazzjoni tal-miżuri estiżi lill-produtturi esportaturi Ċiniżi.

(79)

Huwa argumenta li ma setax ikun li l-Kummissjoni kienet ivverifikat li l-produtturi esportaturi Ċiniżi eżentati fil-fatt kienu esportaw l-ACF, minħabba li dan ma kienx imsemmi fil-kwestjonarji. Barra minn hekk, huwa stqarr li l-prattika tal-evażjoni kienet isseħħ fl-Unjoni. Taħt dawn iċ-ċirkostanzi l-eżenzjoni ma setgħetx tingħata lill-esportaturi bħala kwistjoni ta' liġi.

(80)

Il-Kummissjoni żaret lill-produtturi esportaturi fil-post u vverifikat, fost l-oħrajn, l-karatteristiċi tekniċi u l-użi finali tal-prodott investigat li huwa mibjugħ fl-Unjoni. Għaldaqstant, hija kkonkludiet miż-żjajjar ta' verifika li l-prodott esportat mill-erba' produtturi esportaturi kien effettivament ACF, jiġifieri, prodott mhux kopert minn din l-investigazzjoni. Il-Kummissjoni osservat ukoll li l-ftit modifika fil-prodott saret fiċ-Ċina, jiġifieri fil-bini ta' wieħed mill-produtturi li kkooperaw u — abbażi tal-fatti disponibbli — fil-bini tal-produtturi li ma kkooperawx. Għaldaqstant kien possibbli u tabilħaqq meħtieġ li tingħata eżenzjoni lil dawk li ma kinux involuti f'xi forma ta' prattiki ta' evażjoni fiċ-Ċina u li jissodisfaw il-kundizzjonijiet tal-Artikolu 13(4) tar-Regolament Bażiku. B'riżultat ta' dan it-talba ġiet miċħuda.

4.2. Talba għal eżenzjoni minn importaturi mhux relatati

(81)	Meta l-prattika ta' evażjoni sseħħ fl-Unjoni, l-Artikolu 13(4) tar-Regolament bażiku jippermetti li l-importaturi jiġu eżentati mid-dazji estiżi, jekk ikunu jistgħu juru li mhumiex relatati mal-produtturi soġġetti għall-miżuri.

(82)	Fuq din il-bażi, waslu u ġew eżaminati ħames talbiet għal eżenzjoni mingħand importaturi mhux relatati. Waħda mill-kumpaniji, Wrap Films Systems Ltd, sussegwentement temmet il-kooperazzjoni.

(83)

Il-Kummissjoni kkonstatat li, għad li f'xi każijiet it-tlestija finali (il-qtugħ tal-fuljetta f'rombli iżgħar) sseħħ fl-Unjoni, il-ftit modifika tal-prodott konċernat bħala tali sseħħ barra mill-Unjoni, jiġifieri fir-RPĊ. Għal din ir-raġuni, il-Kummissjoni qieset li jista' jagħti l-każ li l-eżenzjonijiet ma jingħatawx lill-importaturi mhux relatati.

(84)

Għal tlieta mill-erba' kumpaniji li kkooperaw ikkonstatat li dawn kienu importaturi ġenwini li kienu qed jerġgħu jbigħu l-prodott investigat mingħajr ma jipproċessawh. Għalhekk, dawn il-kumpaniji ma jistgħux jiġu eżentati mid-dazji estiżi skont l-Artikolu 13(4) tar-Regolament bażiku. Waħda mill-kumpaniji biss, il-kumpanija Von Aschenbach &Voss GmbH, timporta mir-RPĊ il-prodott investigat fil-forma ta' fuljetta tal-aluminju għall-użu domestiku f'rombli li jaqbżu s-650 mm u tkompli tipproċessah. Il-fuljetta tinqata' qabel ma tinbiegħ lill-klijenti tal-kumpanija (“rewinders”).

(85)

Qabel l-impożizzjoni tal-miżuri eżistenti, il-kumpanija Von Aschenbach & Voss importat fl-Unjoni l-prodott konċernat, u nstabet bidla ċara fit-tendenza. Il-konklużjonijiet tal-Kummissjoni ma jappoġġawx il-fehma tal-kumpanija fuq l-eżistenza ta' raġuni valida jew ġustifikazzjoni ekonomika, għajr l-impożizzjoni tad-dazji. Għaldaqstant, anki li kieku l-Kummissjoni kellha taċċetta li dan kien jiġġustifika li l-prattika ta' evażjoni kienet twettqet fl-Unjoni, ma setgħetx tingħata eżenzjoni lil din il-kumpanija.

(86)	Għalhekk, ġie konkluż li l-ebda importatur mhux relatat ma jista' jkun eżentat skont l-Artikolu 13(4) tar-Regolament bażiku.

4.3. Konklużjoni

(87)	Fuq il-bażi tal-konklużjonijiet ta' hawn fuq, ġie konkluż li l-erbgħa mill-ħames gruppi li kkooperaw tal-produtturi esportaturi Ċiniżi jistgħu jkunu eżentati mid-dazji estiżi. Ġie konkluż ukoll li wieħed mill-produtturi esportaturi Ċiniżi, id-Dingsheng Aluminium Group, ma jistax jiġi eżentat.

(88)	Ġie konkluż ukoll li l-ebda wieħed mill-importaturi mhux relatati ma jista' jkun eżentat skont l-Artikolu 13(4) tar-Regolament bażiku.

5. KONKLUŻJONI

(89)	Skont l-ewwel sentenza tal-Artikolu 13(1) tar-Regolament bażiku, il-miżuri antidumping eżistenti fuq l-importazzjonijiet tal-prodott konċernat li joriġinaw mir-RPĊ għandhom jiġu estiżi għall-importazzjonijiet tal-prodott investigat li joriġina mir-RPĊ.

(90)

Skont l-Artikoli 13(3) u 14(5) tar-Regolament bażiku, li jipprevedu li kull miżura estiża għandha tapplika għall-importazzjonijiet li daħlu fl-Unjoni skont ir-reġistrazzjoni imposta mir-Regolament tat-tnedija, għandu jinġabar id-dazju antidumping fuq dawk l-importazzjonijiet fl-Unjoni ta'

—	fuljetta tal-aluminju ta' ħxuna mhux anqas minn 0,007 mm u anqas minn 0,008 mm, indipendentement mill-wisa' tar-rombli, sew jekk ittemprata jew le, jew

—	fuljetta tal-aluminju ta' ħxuna mhux anqas minn 0,008 mm u mhux aktar minn 0,018 mm u f'rombli b'wisa' li jaqbeż is-650 mm, sew jekk ittemprata jew le, jew

—	fuljetta tal-aluminju ta' ħxuna ta' aktar minn 0,018 mm u anqas minn 0,021 mm indipendentement mill-wisa' tar-rombli, sew jekk ittemprata jew le, jew

—	fuljetta tal-aluminju ta' ħxuna mhux anqas minn 0,021 mm u mhux aktar minn 0,045, meta ppreżentati b'tal-anqas żewġ saffi, indipendentement mill-wisa' tar-rombli sew jekk ittemprata jew le,

li joriġinaw mir-RPĊ.

(91)

Il-prodott deskritt fil-premessa 90 għandu jiġi eżentat mid-dazju antidumping estiż jekk jiġi importat għal użi oħrajn għajr għall-użu domestiku. Tali eżenzjoni għandha tkun soġġetta għall-kundizzjonijiet stipulati fid-dispożizzjonijiet relevanti tal-Unjoni dwar il-proċedura tal-użu finali, b'mod partikolari fl-Artikolu 254 tal-Kodiċi Doganali tal-Unjoni.

6. DIVULAGAZZJONI

(92)	Il-partijiet kollha interessati ġew mgħarrfa bil-fatti u l-kunsiderazzjonijiet essenzjali li wasslu għall-konklużjonijiet imsemmija hawn fuq u ġew mistiedna biex jikkummentaw. Dawn il-kummenti ġew indirizzati f'dan ir-Regolament.

(93)	Il-miżuri previsti f'dan ir-Regolament huma konformi mal-opinjoni tal-Kumitat stabbilit bl-Artikolu 15(1) tar-Regolament bażiku.

ADOTTAT DAN IR-REGOLAMENT:

Artikolu 1

1. Id-dazju antidumping definittiv applikabbli għall-“kumpaniji l-oħrajn kollha” impost mill-Artikolu 1(2) tar-Regolament (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina minn issa huwa estiż għall-importazzjonijiet fl-Unjoni ta'

—	fuljetta tal-aluminju ta' ħxuna mhux anqas minn 0,007 mm u anqas minn 0,008 mm, indipendentement mill-wisa' tar-rombli, sew jekk ittemprata jew le, li bħalissa taqa' fil-kodiċi NM ex 7607 11 19 (TARIC code 7607111930) jew

—	fuljetta tal-aluminju ta' ħxuna mhux anqas minn 0,008 mm u anqas minn 0,018 mm, f'rombli b'wisa' li jaqbeż is-650 mm, sew jekk ittemprata jew le, li bħalissa taqa' fil-kodiċi NM ex 7607 11 19 (il-kodiċi TARIC 7607111940) jew

—	fuljetta tal-aluminju ta' ħxuna mhux anqas minn 0,018 mm u anqas minn 0,021 mm, indipendentement mill-wisa' tar-rombli, sew jekk ittemprata jew le, li bħalissa taqa' fil-kodiċi NM ex 7607 11 19 (il-kodiċi TARIC 7607111950) jew

—	fuljetta tal-aluminju ta' ħxuna mhux anqas minn 0,021 mm u mhux aktar minn 0,045 mm, meta ppreżentata b'tal-anqas żewġ saffi, indipendentement mill-wisa' tar-rombli, sew jekk ittemprata jew le, li bħalissa taqa' fil-kodiċi NM ex 7607 11 90 (il-kodiċi TARIC 7607119045 u 7607119080).

2. Din l-estensjoni ma tapplikax għall-importazzjonijiet imsemmijin fil-paragrafu 1 ta' dan l-Artikolu prodotti mill-kumpaniji elenkati hawn taħt:

L-isem tal-kumpanija	Kodiċi TARIC addizzjonali
Jiangsu Zhongji Lamination Materials Co., Ltd	C198
Luoyang Wanji Aluminium Processing Co., Ltd	C199
Xiamen Xiashun Aluminium Foil Co., Ltd	C200
Yantai Donghai Aluminum Foil Co., Ltd	C201

3. L-applikazzjoni ta' eżenzjonijiet mogħtija lill-kumpaniji speċifikament imsemmija fil-paragrafu 2 ta' dan l-Artikolu għandha tkun soġġetta għall-preżentazzjoni lill-awtoritajiet tad-dwana tal-Istati Membri, ta' fattura kummerċjali valida maħruġa mill-produttur li fuqha tidher dikjarazzjoni ddatata u ffirmata minn uffiċjal tal-entità li qed toħroġ tali fattura, identifikat minn ismu/isimha u l-funzjoni. Din id-dikjarazzjoni għandha tiġi abbozzata kif ġej: “Jien, is-sottoskritt, niċċertifika li l-(volum) ta' ċerta fuljetta tal-aluminju mibjugħa sabiex jiġu esportati lejn l-Unjoni Ewropea koperti minn din il-fattura ġew immanifatturati minn (isem il-kumpanija u l-indirizz) (kodiċi addizzjonali TARIC) fi (pajjiż ikkonċernat). Niddikjara li l-informazzjoni pprovduta f'din il-fattura hija sħiħa u korretta.” Jekk ma tiġi ppreżentata ebda fattura bħal din, għandu japplika d-dazju antidumping kif impost mill-paragrafu 1 ta' dan l-Artikolu.

4. Il-prodott deskritt fil-paragrafu 1 għandu jiġi eżentat mid-dazju antidumping definittiv jekk jiġi importat għal użi oħrajn għajr għall-użu domestiku. Tali eżenzjoni għandha tkun soġġetta għall-kundizzjonijiet stipulati fid-dispożizzjonijiet doganali relevanti tal-Unjoni dwar il-proċedura tal-użu finali, b'mod partikolari fl-Artikolu 254 tal-Kodiċi Doganali tal-Unjoni.

5. Id-dazju estiż permezz tal-paragrafu 1 ta'dan l-Artikolu għandu jinġabar fuq l-importazzjonijiet li joriġinaw mir-Repubblika tal-Poplu taċ-Ċina, irreġistrati skont l-Artikolu 2 tar-Regolament ta' Implimentazzjoni (UE) 2016/865 u skont l-Artikoli 13(3) u 14(5) tar-Regolament (UE) 2016/1036, bl-eċċezzjoni ta' dawk manifatturati mill-kumpaniji elenkati fil-paragrafu 2 ta' dan l-Artikolu u bl-eċċezzjoni ta' dawk li għalihom jista' jintwera li ntużaw għal użi oħra għajr l-użu domestiku f'konformità mal-paragrafu 4.

6. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.

Artikolu 2

1. It-talbiet għall-eżenzjoni mid-dazju estiżi permezz tal-Artikolu 1, għandhom isiru bil-miktub f'waħda mil-lingwi uffiċjali tal-Unjoni Ewropea u jridu jkunu ffirmati minn persuna awtorizzata li tirrappreżenta lill-entità li qed titlob l-eżenzjoni. It-talba trid tintbagħat fl-indirizz li ġej:

European Commission

Directorate-General for Trade

Directorate H

Office: CHAR 04/039

1049 Brussels

Belgium

2. F'konformità mal-Artikolu 13(4) tar-Regolament (UE) 2016/1036, il-Kummissjoni tista' tawtorizza, b'deċiżjoni, l-eżenzjoni ta' importazzjonijiet minn kumpaniji li ma jevadux il-miżuri antidumping imposti mir-Regolament ta' Implimentazzjoni (UE) 2015/2384, mid-dazju estiż permezz tal-Artikolu 1 ta' dan ir-Regolament.

Artikolu 3

L-awtoritajiet doganali huma b'dan ordnati li ma jkomplux bir-reġistrazzjoni tal-importazzjonijiet stabbilita skont l-Artikolu 2 tar-Regolament ta' Implimentazzjoni (UE) 2016/865.

Artikolu 4

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta' Frar 2017.

Għall-Kummissjoni

Il-President

Jean-Claude JUNCKER

(1) ĠU L 176, 30.6.2016, p. 21.

(2) Ir-Regolament tal-Kunsill (KE) Nru 925/2009 tal-24 ta' Settembru 2009 li jimponi dazju anti-dumping definittiv u jiġbor b'mod definittiv id-dazju provviżorju impost fuq l-importazzjonijiet ta' ċerta fuljetta tal-aluminju li joriġinaw mill-Armenja, mill-Brażil u mir-Repubblika Popolari taċ-Ċina (ĠU L 262, 6.10.2009, p. 1).

(3) Ir-Regolament ta' Implimentazzjoni tal-Kummissjoni (UE) 2015/2384 tas-17 ta' Diċembru 2015 li jimponi dazju antidumping definittiv fuq l-importazzjonijiet ta' ċerti fojls tal-aluminju li joriġinaw mir-Repubblika tal-Poplu taċ-Ċina u li jtemm il-proċediment għall-importazzjonijiet ta' ċerti fojls tal-aluminju li joriġinaw fil-Brażil wara rieżami ta' skadenza skont l-Artikolu 11(2) tar-Regolament tal-Kunsill (KE) Nru 1225/2009 (ĠU L 332, 18.12.2015, p. 63).

(4) Ir-Regolament ta' Implimentazzjoni tal-Kummissjoni (UE) 2016/865 tal-31 ta' Mejju 2016 li jniedi investigazzjoni dwar l-evażjoni possibbli tal-miżuri kontra d-dumping imposti mir-Regolament ta' Implimentazzjoni (UE) 2015/2384 fuq l-importazzjonijiet ta' ċerti fojls tal-aluminju li joriġinaw mir-Repubblika tal-Poplu taċ-Ċina, permezz ta' importazzjonijiet ta' ċerti fojls tal-aluminju kemm kemm immodifikati mir-Repubblika tal-Poplu taċ-Ċina, u li jagħmel dawn l-importazzjonijiet soġġetti għar-reġistrazzjoni (ĠU L 144, 1.6.2016, p. 35).

(5) Ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(6) Premessa (89) tar-Regolament tal-Kummissjoni (KE) Nru 287/2009 tas-7 ta' April 2009 li jimponi dazju anti-dumping provviżorju fuq l-importazzjonijiet ta' ċerti folji tal-aluminju li joriġinaw mill-Armenja, il-Brażil u r-Repubblika tal-Poplu taċ-Ċina (ĠU L 94, 8.4.2009, p. 17).

(7) ĠU C 444, 12.12.2014, p. 13.

(8) Id-Deċiżjoni ta' Implimentazzjoni tal-Kummissjoni (UE) 2015/1928 tat-23 ta' Ottubru 2015 li ttemm il-proċediment antidumping dwar l-importazzjonijiet ta' ċertu fojl tal-aluminju li joriġina mir-Repubblika tal-Poplu taċ-Ċina (ĠU L 281, 27.10.2015, p. 16).

(9) Sabiex tistabbilixxi l-volum tal-prodott ftit modifikat ikkonċernat fil-prodott investigat għall-perjodu ta' rapportar, il-Kummissjoni użat il-metodoloġija li ġejja. L-ewwel, il-Kummissjoni stabbilixxiet il-volum totali ta' esportazzjonijiet tal-prodott investigat miċ-Ċina fuq il-bażi tal-Eurostat. It-tieni, mit-tweġibiet ivverifikati tal-kwestjonarju tal-produtturi esportaturi Ċiniżi li kkooperaw, il-Kummissjoni stabbilixxiet il-volum tal-esportazzjonijiet ta' ACF mill-ħames kumpaniji li kkooperaw. It-tielet, il-Kummissjoni waslet għall-volum tal-esportazzjonijiet tal-ACF magħmula mill-kumpaniji li kkooperaw mill-esportazzjonijiet totali miċ-Ċina. Minħabba l-livell għoli ta' nuqqas ta' kooperazzjoni, il-Kummissjoni kkunsidrat li għandha biżżejjed bażi biex tassumi li l-kumpaniji li ma kkooperawx qed jesportaw il-prodott ftit modifikat. Fuq din il-bażi, il-Kummissjoni kkonkludiet li 80 % tal-esportazzjonijiet totali miċ-Ċina jikkonsistu fl-esportazzjonijiet tal-prodotti ftit modifikat ftit u 20 % huma esportazzjonijiet ta' ACF. Il-Kummissjoni applikat dan il-proporzjon biex tistabbilixxi l-bidla fit-tendenza tal-kummerċ.

17.2.2017

Il-Ġurnal Uffiċjali tal-Unjoni Ewropea

L 40/64

REGOLAMENT TA' IMPLIMENTAZZJONI TAL-KUMMISSJONI (UE) 2017/272

tas-16 ta' Frar 2017

li jibda investigazzjoni dwar il-possibilità ta' evażjoni tal-miżuri antidumping imposti mir-Regolament ta' Implimentazzjoni tal-Kunsill (UE) Nru 1331/2011 fuq l-importazzjonijiet ta' ċerti pajpijiet u tubi tal-azzar inossidabbli mingħajr saldaturi li joriġinaw mir-Repubblika tal-Poplu taċ-Ċina minn importazzjonijiet mibgħuta mill-Indja, kemm jekk iddikjarati li joriġinaw mill-Indja u kemm jekk le, u li jagħmel lit-tali importazzjonijiet suġġetti għar-reġistrazzjoni

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1) u b'mod partikolari l-Artikoli 13(3) u 14(5) tiegħu,

Wara li infurmat lill-Istati Membri,

Billi:

A. TALBA

(1)

Il-Kummissjoni Ewropea (“il-Kummissjoni”) rċeviet talba skont l-Artikoli 13(3) u 14(5) tar-Regolament (UE) 2016/1036 (“ir-Regolament bażiku”) biex tinvestiga l-possibbiltà ta' evażjoni tal-miżuri antidumping imposti fuq ċerti pajpijiet u tubi tal-azzar inossidabbli mingħajr saldaturi li joriġinaw mir-Repubblika tal-Poplu taċ-Ċina minn importazzjonijiet mibgħutin mill-Indja, kemm jekk iddikjarati li joriġinaw mill-Indja u kemm jekk le, u li jagħmel lit-tali importazzjonijiet suġġetti għar-reġistrazzjoni.

(2)	It-talba kienet ippreżentata fit-3 ta' Jannar 2017 mill-Kumitat tad-Difiża tal-Industrija tat-Tubi tal-Azzar Inossidabbli mingħajr saldaturi tal-Unjoni Ewropea (“l-applikant”)

B. PRODOTT

(3)

Il-prodott ikkonċernat mill-evażjoni possibbli huma ċerti pajpijiet u tubi tal-azzar inossidabbli mingħajr saldaturi (“SSSPT”) (minbarra pajpijiet u tubi simili bit-tagħmir, tajbin għat-twassil ta' gassijiet jew likwidi għal użu f'inġenji tal-ajru ċivili). Bħalissa jaqa' taħt il-kodiċi NM 7304 11 00, 7304 22 00, 7304 24 00, ex 7304 41 00, 7304 49 10, ex 7304 49 93, ex 7304 49 95, ex 7304 49 99 u ex 7304 90 00, li joriġinaw fir-Repubblika tal-Poplu taċ-Ċina (“il-prodott ikkonċernat”). Dan huwa l-prodott li għalih japplikaw il-miżuri fis-seħħ bħalissa.

(4)	Il-prodott investigat huwa l-istess bħal dak definit fil-premessa preċedenti, iżda kkunsinnat mill-Malasja, kemm jekk iddikjarat li joriġina mill-Malasja u kemm jekk le, u li bħalissa jaqa' taħt l-istess kodiċi NM bħall-prodott ikkonċernat (“il-prodott li qiegħed jiġi investigat”).

C. MIŻURI EŻISTENTI

(5)	Il-miżuri attwalment fis-seħħ u li possibilment qed jiġu evażi huma l-miżuri antidumping imposti mir-Regolament tal-Kunsill (UE) Nru 1331/2011 (2).

D. RAĠUNIJIET

(6)	It-talba fiha biżżejjed evidenza prima facie li l-miżuri antidumping fuq importazzjonijiet tal-prodott ikkonċernat qegħdin jiġu evażi permezz ta' importazzjonijiet tal-prodott li qed jiġi investigat mibgħut mill-Indja.

(7)	L-evidenza mressqa hija kif ġej:

(8)

It-talba turi li wara l-impożizzjoni tal-miżuri fuq il-prodott ikkonċernat, kien hemm bidla sinifikanti fil-mod kif isir il-kummerċ li jinvolvi l-esportazzjonijiet mir-Repubblika tal-Poplu taċ-Ċina, mill-Indja lejn l-Unjoni, u din il-bidla m'għandhiex raġuni jew ġustifikazzjoni b'saħħitha biżżejjed, għajr dik tal-impożizzjoni tad-dazju.

(9)

Jidher li din il-bidla ġejja mill-kunsinna tal-prodott ikkonċernat permezz tal-Indja lejn l-Unjoni, kemm wara t-tlestija tal-operazzjonijiet kif ukoll jekk le. L-applikant ipprovda biżżejjed evidenza prima facie li turi li l-valur miżjud waqt it-tlestija tal-operazzjoni huwa aktar baxx mill-ispiża tal-manifattura ta' 25 %.

(10)

Barra minn hekk, it-talba fiha biżżejjed evidenza prima facie li l-effetti ta' rimedju tal-miżuri antidumping eżistenti fuq il-prodott ikkonċernat qed jiġu mminati kemm fil-kwantità kif ukoll fil-prezz. L-importazzjonijiet ta' volumi sinifikanti tal-prodott investigat jidher li ħadu post l-importazzjonijiet tal-prodott ikkonċernat. Barra minn hekk, hemm biżżejjed evidenza prima facie li turi li l-importazzjonijiet tal-prodott investigat qed isiru bi prezzijiet aktar baxxi mill-prezz mhux dannuż stabbilit fl-investigazzjoni li wasslet għall-miżuri eżistenti.

(11)	Fl-aħħar nett, it-talba fiha biżżejjed evidenza prima facie li l-prezzijiet tal-prodott investigat huma oġġett ta' dumping fir-rigward tal-valur normali stabbilit qabel għall-prodott ikkonċernat.

(12)	Jekk il-prattiki ta' evażjoni mill-Indja koperti mill-Artikolu 13 tar-Regolament bażiku, għajr l-operazzjonijiet tal-immuntar, ikunu identifikati matul l-investigazzjoni, l-investigazzjoni tista' tkopri wkoll dawn il-prattiki.

E. PROĊEDURA

(13)

Fid-dawl ta' dan ta' hawn fuq, il-Kummissjoni kkonkludiet li teżisti biżżejjed evidenza biex tiġġustifika l-bidu ta' investigazzjoni skont l-Artikolu 13(3) tar-Regolament bażiku u li tagħmel l-importazzjonijiet tal-prodotti investigati soġġetti għal reġistrazzjoni, b'konformità mal-Artikolu 14(5) tar-Regolament bażiku.

(a) Kwestjonarji

(14)

Sabiex tikseb tagħrif li tqis meħtieġ għall-investigazzjoni tagħha, il-Kummissjoni se tibgħat kwestjonarji lill-esportaturi/produtturi magħrufa fl-Indja u lill-assoċjazzjonijiet magħrufa tal-esportaturi/produtturi fir-RPĊ, lill-importaturi magħrufa u lill-assoċjazzjonijiet magħrufa ta' importaturi fl-Unjoni u lill-awtoritajiet tal-Indja u tar-RPĊ. Jekk ikun meħtieġ, jista' wkoll jintalab tagħrif mingħand l-industrija tal-Unjoni.

(15)

F'kull eventwalità, il-partijiet interessati kollha jenħtieġ li jikkuntattjaw lill-Kummissjoni minnufih, u mhux iktar tard mil-limitu taż-żmien stabbilit fl-Artikolu 3 ta' dan ir-Regolament, u jitolbu kwestjonarju fil-limitu taż-żmien stabbilit fl-Artikolu 3(1) ta' dan ir-Regolament, sakemm il-limitu taż-żmien stabbilit fl-Artikolu 3(2) ta' dan ir-Regolament japplika għall-partijiet interessati kollha.

(16)	L-awtoritajiet tal-Indja u tar-RPĊ se jiġu nnotifikati bil-bidu tal-investigazzjoni.

(b) Ġbir ta' tagħrif u seduti ta' smigħ

(17)

Il-partijiet kollha interessati huma mistiedna jippreżentaw il-fehmiet tagħhom bil-miktub u jipprovdu evidenza ta' sostenn. Barra minn hekk, il-Kummissjoni tista' tisma' lill-partijiet interessati, bil-kundizzjoni li jagħmlu talba bil-miktub u juru li hemm raġunijiet partikolari għalfejn għandhom jinstemgħu.

(18)	F'konformità mal-Artikolu 13(4) tar-Regolament bażiku, l-importazzjonijiet tal-prodotti investigati jistgħu jiġu eżentati mir-reġistrazzjoni jew mill-miżuri jekk l-importazzjoni ma tkunx tikkostitwixxi evażjoni.

(19)

Billi l-possibbiltà ta' evażjoni tista' ssir barra mill-Unjoni, jistgħu jingħataw eżenzjonijiet, skont l-Artikolu 13(4) tar-Regolament bażiku, lill-produtturi tal-prodotti investigati fl-Indja li jistgħu juru li mhuma relatati (3) ma' ebda produttur suġġett għall-miżuri (4) u li jinstab li ma jkunux involuti fi prattiki ta' evażjoni kif iddefinit fl-Artikoli 13(1) u 13(2) tar-Regolament bażiku. Il-produtturi li jixtiequ jiksbu eżenzjoni jenħtieġ li jressqu talba sostnuta kif dovut minn evidenza fil-limitu ta' żmien indikat fl-Artikolu 3(3) ta' dan ir-Regolament.

F. REĠISTRAZZJONI

(20)

Skont l-Artikolu 14(5) tar-Regolament bażiku, l-importazzjonijiet tal-prodotti investigati ikunu soġġetti għal reġistrazzjoni sabiex ikun żgurat li, jekk l-investigazzjoni tikkonkludi li jkun hemm evażjoni, ikun jista' jiġi impost ammont xieraq ta' dazji antidumping mid-data li fiha tkun ġiet imposta r-reġistrazzjoni ta' importazzjonijiet bħal dawn.

G. LIMITI TA' ŻMIEN

(21)

Sabiex ikun hemm amministrazzjoni tajba, għandhom jiġu ddikjarati l-limiti ta' żmien li fihom:

—	il-partijiet interessati jkunu jistgħu jgħarrfu lill-Kummissjoni bl-eżistenza tagħhom, jippreżentaw l-osservazzjonijiet tagħhom bil-miktub u jressqu t-tweġibiet għall-kwestjonarju jew kull tagħrif ieħor li għandu jitqies matul l-investigazzjoni,

—	il-produtturi fl-Indja jkunu jistgħu jitolbu eżenzjoni mir-reġistrazzjoni ta' importazzjonijiet jew miżuri,

—	il-partijiet interessati jistgħu jagħmlu talba bil-miktub biex jinstemgħu mill-Kummissjoni.

(22)	Ta' min jiġbed l-attenzjoni għall-fatt li l-eżerċitar tal-biċċa l-kbira tad-drittijiet proċedurali stipulati fir-Regolament bażiku jiddependi mill-fatt li l-parti tippreżenta lilha nnfisha fil-limiti ta' żmien indikati fl-Artikolu 3 ta' dan ir-Regolament.

H. NUQQAS TA' KOOPERAZZJONI

(23)

Jekk jagħti l-każ li xi parti interessata tiċħad l-aċċess jew ma tipprovdix it-tagħrif meħtieġ fil-limiti ta' żmien, jew tfixkel b'mod sinifikattiv l-investigazzjoni, il-konklużjonijiet, sew jekk pożittivi kif ukoll jekk negattivi, ikunu jistgħu jintlaħqu fuq il-bażi tal-fatti disponibbli, f'konformità mal-Artikolu 18 tar-Regolament bażiku.

(24)	Fejn jinstab illi xi parti interessata tkun ipprovdiet tagħrif mhux minnu jew qarrieqi, tali tagħrif ma jitqiesx u jistgħu jintużaw il-fatti disponibbli.

(25)	Jekk parti interessata ma tikkooperax jew tikkoopera parzjalment biss u s-sejbiet għalhekk ikunu bbażati fuq fatti disponibbli skont l-Artikolu 18 tar-Regolament bażiku, ir-riżultat jista' jkun anqas favorevoli għal dik il-parti milli kieku tkun ikkooperat.

(26)

Jekk ma tintbagħatx tweġiba bil-kompjuter, dan ma għandux jitqies bħala nuqqas ta' kooperazzjoni, dment li l-parti interessata turi li l-preżentazzjoni tat-tweġiba kif mitluba kienet tirriżulta f'piż żejjed mhux raġonevoli jew fi spejjeż żejda mhux raġonevoli. Il-parti interessata jenħtieġ li tikkuntattja lill-Kummissjoni immedjatament.

I. SKEDA TAL-INVESTIGAZZJONI

(27)	L-investigazzjoni tintemm, skont l-Artikolu 13(3) tar-Regolament bażiku, fi żmien disa' xhur minn dakinhar li dan ir-Regolament jidħol fis-seħħ.

J. PROĊESSAR TAD-DEJTA PERSONALI

(28)	Ta' min jinnota li kull dejta personali miġbura f'din l-investigazzjoni se tiġi trattata skont ir-Regolament (KE) Nru 45/2001 tal-Parlament Ewropew u tal-Kunsill (5).

K. UFFIĊJAL TAS-SEDUTA

(29)

Il-partijiet interessati jistgħu jitolbu l-intervent tal-Uffiċjal tas-Seduta fi proċedimenti kummerċjali. L-Uffiċjal tas-Seduta jagħmilha ta' medjatur bejn il-partijiet interessati u s-servizzi ta' investigazzjoni tal-Kummissjoni. L-Uffiċjal tas-Seduta jirrieżamina t-talbiet għall-aċċess tal-fajl, it-tilwim dwar il-kunfidenzjalità tad-dokumenti, it-talbiet għall-estensjoni tal-limiti taż-żmien u t-talbiet minn partijiet terzi għal smigħ. L-Uffiċjal tas-Seduta jista' jorganizza smigħ ma' parti interessata individwali u jagħmilha ta' medjatur biex jiżgura li d-drittijiet tad-difiża tal-partijiet interessati jkunu qed jitħaddmu b'mod sħiħ.

(30)

It-talba għal seduta ta' smigħ mal-Uffiċjal tas-Seduta jenħtieġ li ssir bil-miktub u għandhom jiġu speċifikati r-raġunijiet għat-talba. L-Uffiċjal tas-Seduta se jagħti wkoll opportunitajiet biex isir smigħ li jinvolvi l-partijiet u li jippermetti li jitressqu fehmiet differenti u argumenti kuntrarji.

(31)	.Għal aktar tagħrif u dettalji ta' kuntatt, il-partijiet interessati jistgħu jikkonsultaw il-paġni tal-Internet tal-Uffiċjal tas-Seduta fuq il-websajt tad-Direttorat Ġenerali għall-Kummerċ: http://ec.europa.eu/trade/trade-policy-and-you/contacts/hearing-officer/,

ADOTTAT DAN IR-REGOLAMENT:

Artikolu 1

Qed tinfetaħ investigazzjoni skont l-Artikolu 13(3) tar-Regolament (UE) 2016/1036 biex jiġi ddeterminat jekk l-importazzjonijiet fl-Unjoni ta' ċerti pajpijiet u tubi tal-azzar inossidabbli mingħajr saldaturi li bħalissa huma koperti mill-kodiċijiet NM ex 7304 11 00, ex 7304 22 00, ex 7304 24 00, ex 7304 41 00, 7304 49 10, ex 7304 49 93, ex 7304 49 95, ex 7304 49 99 u ex 7304 90 00 mibgħutin mill-Indja (Kodiċijiet TARIC: 7304110011, 7304110019, 7304220021, 7304220029, 7304240021, 7304240029, 7304410091, 7304491091, 7304499391, 7304499591, 7304499991 u 7304900091), kemm jekk iddikjarati li joriġinaw mill-Indja kif ukoll jekk le, humiex qed jevadu l-miżuri imposti mir-Regolament ta' Implimentazzjoni (UE) Nru 1331/2011.

Artikolu 2

L-awtoritajiet Doganali, skont l-Artikolu 13(3) u l-Artikolu 14(5) tar-Regolament (UE) 2016/1036, għandhom jieħdu l-passi xierqa biex jirreġistraw l-importazzjonijiet fl-Unjoni identifikati fl-Artikolu 1 ta' dan ir-Regolament.

Ir-reġistrazzjoni għandha tiskadi disa' xhur wara d-data tad-dħul fis-seħħ ta' dan ir-Regolament.

Il-Kummissjoni tista', permezz ta' regolament, titlob lill-awtoritajiet Doganali jwaqqfu r-reġistrazzjoni ta' importazzjonijiet lejn l-Unjoni ta' prodotti manifatturati minn produtturi li jkunu applikaw għal eżenzjoni mir-reġistrazzjoni u li jkunu nstabu li jissodisfaw il-kundizzjonijiet għall-għoti ta' eżenzjoni.

Artikolu 3

1. Il-kwestjonarji jridu jintalbu mill-Kummissjoni fi żmien 15-il jum mid-data tad-dħul fis-seħħ ta' dan ir-Regolament.

2. Biex ir-rappreżentazzjonijiet tagħhom jiġu kkunsidrati waqt l-investigazzjoni, il-partijiet interessati jridu jippreżentaw ruħhom billi jikkuntattjaw lill-Kummissjoni, jippreżentaw il-fehmiet tagħhom bil-miktub u jressqu t-tweġibiet għall-kwestjonarju jew kwalunkwe informazzjoni oħra fi żmien 37 jum mid-data tad-dħul fis-seħħ ta' dan ir-Regolament, sakemm mhux speċifikat mod ieħor.

3. Il-produtturi fl-Indja li jitolbu eżenzjoni mir-reġistrazzjoni tal-importazzjonijiet jew mill-miżuri, jridu jressqu talba sostnuta kif dovut minn evidenza fl-istess limitu ta' żmien ta' 37 jum.

4. Il-partijiet interessati jistgħu wkoll japplikaw sabiex jinstemgħu mill-Kummissjoni fl-istess limitu ta' żmien ta' 37 jum.

5. L-informazzjoni mibgħuta lill-Kummissjoni għall-fini tal-investigazzjonijiet għad-difiża tal-kummerċ għandha tkun ħielsa mid-drittijiet tal-awtur. Il-partijiet interessati, qabel ma jippreżentaw lill-Kummissjoni informazzjoni u/jew dejta soġġetti għad-drittijiet tal-awtur ta' partijiet terzi, iridu jitolbu permess speċifiku lid-detentur tad-drittijiet li jippermetti b'mod espliċitu a) lill-Kummissjoni tuża l-informazzjoni u d-dejta għall-iskop ta' dan il-proċediment tad-difiża tal-kummerċ u b) tipprovdi l-informazzjoni u/jew id-dejta lill-partijiet interessati għal din l-investigazzjoni f'għamla li tippermettilhom jeżerċitaw id-drittijiet tad-difiża tagħhom.

6. Il-preżentazzjonijiet kollha bil-miktub, inkluża l-informazzjoni mitluba f'dan ir-Regolament, il-kwestjonarji mimlija u l-korrispondenza pprovduta mill-partijiet interessati li jkun intalab trattament kunfidenzjali għalihom jiġu mmarkati “Ristretti” (6).

7. Il-partijiet interessati li jagħtu informazzjoni “Ristretta” huma mitluba jipprovdu taqsiriet mhux kunfidenzjali tagħha skont l-Artikolu 19(2) tar-Regolament (UE) 2016/1036 li jiġu mmarkati “Għall-ispezzjoni mill-partijiet interessati”. Dawn is-sommarji għandhom ikunu dettaljati biżżejjed biex jippermettu fehim raġonevoli tas-sustanza tal-informazzjoni mressqa b'mod kunfidenzjali. Jekk parti interessata li tippreżenta informazzjoni kunfidenzjali ma tipprovdix sommarju mhux kunfidenzjali tagħha fil-format u l-kwalità mitlubin, din l-informazzjoni tista' tiġi injorata.

8. Il-partijiet interessati huma mistiedna jressqu s-sottomissjonijiet u t-talbiet kollha permezz ta' ittra elettronika inklużi dokumenti skennjati ta' prokuri u ta' ċertifikazzjoni, bl-eċċezzjoni ta' tweġibiet voluminużi li għandhom jitressqu fuq CD-ROM jew DVD personalment jew permezz ta' ittra reġistrata. Permezz ta' ittra elettronika, il-partijiet interessati jesprimu l-qbil tagħhom mar-regoli applikabbli għas-sottomissjonijiet elettroniċi li jinsabu fid-dokument “CORRESPONDENCE WITH THE EUROPEAN COMMISSION IN TRADE DEFENCE CASES” ippubblikat fuq is-sit elettroniku tad-Direttorat Ġenerali għall-Kummerċ: http://trade.ec.europa.eu/doclib/docs/2011/june/tradoc_148003.pdf.

Il-partijiet interessati jridu jindikaw isimhom, l-indirizz, in-numru tat-telefown u indirizz tal-posta elettronika validu u għandhom jiżguraw li l-indirizz elettroniku pprovdut ikun indirizz elettroniku tax-xogħol uffiċjali operattiv u ċċekkjat kuljum. Ladarba jingħataw id-dettalji ta' kuntatt, il-Kummissjoni tikkomunika mal-partijiet interessati permezz tal-posta elettronika biss, dment li ma jkunx hemm talba speċifika li d-dokumenti kollha mill-Kummissjoni jintbagħtu b'mezz ieħor ta' komunikazzjoni jew dment li n-natura tad-dokument li għandu jintbagħat ma tkunx teħtieġ l-użu tal-posta rreġistrata. Għal aktar regoli u informazzjoni dwar il-korrispondenza mal-Kummissjoni inklużi l-prinċipji li japplikaw għas-sottomissjonijiet bil-posta elettronika, il-partijiet interessati għandhom jikkonsultaw l-istruzzjonijiet ta' komunikazzjoni mal-partijiet interessati msemmija hawn fuq.

L-indirizz tal-Kummissjoni għall-korrispondenza:

European Commission

Directorate-General for Trade

Directorate H

Office: CHAR 04/039

1049 Bruxelles/Brussel

BELGIQUE/BELGIË

Posta elettronika: TRADE-R670-SSSPT-CIRC@ec.europa.eu

Artikolu 4

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta' Frar 2017.

Għall-Kummissjoni

Il-President

Jean-Claude JUNCKER

(1) ĠU L 176, 30.6.2016, p. 21.

(2) Ir-Regolament ta' Implimentazzjoni tal-Kunsill (UE) Nru 1331/2011 tal-14 ta' Diċembru 2011 li jimponi dazju definittiv anti-dumping u li jiġbor b'mod definittiv id-dazju provviżorju impost fuq l-importazzjonijiet ta' pajpijiet u tubi mingħajr saldaturi tal-azzar li ma jissaddadx, li joriġinaw mir-Repubblika tal-Poplu taċ-Ċina (ĠU L 336, 20.12.2011, p. 6).

(3) F'konformità mal-Artikolu 127 tar-Regolament ta' Implimentazzjoni tal-Kummissjoni (UE) 2015/2447 tal-24 ta' Novembru 2015 li jistabbilixxi regoli dettaljati għall-implimentazzjoni ta' ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558), żewġ persuni għandhom jitqiesu li jkunu relalati jekk: (a) ikunu uffiċjali jew diretturi tan-negozju tal-persuna l-oħra; (b) ikunu msieħba rikonoxxuti legalment fin-negozju; (c) ikunu min iħaddem u l-impjegat; (d) parti terza tippossjedi jew tikkontrolla jew iżżomm direttament jew indirettament 5 % jew aktar tal-azzjoni bid-dritt tal-vot jew l-ishma pendenti tat-tnejn li huma; (e) wieħed minnhom direttament jew indirettament jikkontrolla lill-ieħor; (f) it-tnejn li huma jkunu direttament jew indirettament ikkontrollati minn persuna terza; (g) flimkien jikkontrollaw persuna terza, direttament jew indirettament; jew (h) ikunu membri tal-istess familja. Persuni għandhom jitqiesu li jkunu membri tal-istess familja jekk ikollhom ir-relazzjonijiet segwenti bejniethom biss: konjuġi, (ii) ġenitur u wild, (iii) aħwa (sew jekk mill-istess ġenituri jew aħwa minn ġenitur wieħed), (iv) nannu jew nanna u neputi jew neputija, (v) ziju jew zija u neputi jew neputija, (vi) ġenitur tar-rispett u wild tar-rispett, (vii) aħwa tar-rispett. F'dan il-kuntest “persuna” tfisser kull persuna fiżika jew ġuridika.

(4) Madankollu, anki jekk il-produtturi huma relatati skont kif imsemmi hawn fuq ma' kumpaniji soġġetti għall-miżuri stabbiliti fuq l-importazzjonijiet li joriġinaw mir-Repubblika tal-Poplu taċ-Ċina, xorta waħda tista' tingħata eżenzjoni jekk ma jkunx hemm evidenza li r-relazzjoni mal-kumpaniji soġġetti għall-miżuri oriġinali kienet stabbilita jew użata biex ikun hemm evażjoni tal-miżuri oriġinali.

(5) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dik id-dejta (ĠU L 8, 12.1.2001, p. 1).

(6) Dokument “Ristrett” huwa dokument meqjus kunfidenzjali skont l-Artikolu 19 tar-Regolament (UE) 2016/1036 u l-Artikolu 6 tal-Ftehim tad-WTO dwar l-Implimentazzjoni tal-Artikolu VI tal-GATT 1994 (il-Ftehim dwar l-Antidumping). Dan hu wkoll dokument protett skont l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43).

17.2.2017

Il-Ġurnal Uffiċjali tal-Unjoni Ewropea

L 40/70

REGOLAMENT TA' IMPLIMENTAZZJONI TAL-KUMMISSJONI (UE) 2017/273

tas-16 ta' Frar 2017

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),

Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,

Billi:

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-16 ta' Frar 2017.

Għall-Kummissjoni,

F'isem il-President,

Jerzy PLEWA

Direttur Ġenerali

Direttorat Ġenerali għall-Agrikoltura u l-Iżvilupp Rurali

(1) ĠU L 347, 20.12.2013, p. 671.

(2) ĠU L 157, 15.6.2011, p. 1.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	IL	337,2
	MA	110,8
	TN	194,0
	TR	130,7
	ZZ	193,2
0707 00 05	MA	64,9
	TR	183,3
	ZZ	124,1
0709 91 00	EG	128,6
0709 91 00	ZZ	128,6
0709 93 10	MA	54,7
	TR	180,1
	ZZ	117,4
0805 10 22 , 0805 10 24 , 0805 10 28	EG	47,0
	IL	74,2
	MA	50,9
	TN	56,6
	TR	76,3
	ZZ	61,0
0805 21 10 , 0805 21 90 , 0805 29 00	EG	93,2
	IL	123,2
	JM	122,7
	MA	93,3
	TR	85,5
	ZZ	103,6
0805 22 00	IL	112,1
	MA	103,8
	ZZ	108,0
0805 50 10	EG	82,4
	TR	98,6
	ZZ	90,5
0808 10 80	CN	128,2
	US	103,9
	ZZ	116,1
0808 30 90	CL	121,2
	CN	112,8
	ZA	127,0
	ZZ	120,3

(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.

17.2.2017

Il-Ġurnal Uffiċjali tal-Unjoni Ewropea

L 40/72

DEĊIŻJONI (UE) 2017/274 TAL-BANK ĊENTRALI EWROPEW

tal-10 ta' Frar 2017

li tistabbilixxi prinċipji biex jingħata feedback dwar il-prestazzjoni lil subkoordinaturi tal-awtoritajiet nazzjonali kompetenti u li tħassar id-Deċiżjoni (UE) 2016/3 (BĊE/2017/6)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (1), u b'mod partikolari l-Artikolu 6(1) u (7) tiegħu,

Billi:

(1)

L-Artikolu 6(1) tar-Regolament (UE) Nru 1024/2013 jistipula li l-Bank Ċentrali Ewropew (BĊE) huwa responsabbli għall-funzjonament effettiv u konsistenti tal-Mekkaniżmu Superviżorju Uniku (MSE). Il-premessa 79 ta' dak ir-Regolament tgħid li persunal immotivat ħafna, imħarreġ sew u imparzjali huwa indispensabbli għal superviżjoni effettiva.

(2)

Skont l-Artikoli 3 sa 6 tar-Regolament (UE) Nru 468/2014 tal-Bank Ċentrali Ewropew (BĊE/2014/17) (2), il-BĊE huwa inkarigat mill-istabbiliment u l-kompożizzjoni ta' timijiet superviżorji konġunti li huma komposti minn membri tal-persunal mill-BĊE u mill-awtoritajiet nazzjonali kompetenti. Koordinatur ta' tim superviżorju konġunt (TSK), assistit minn subkoordinatur wieħed jew iżjed tal-awtorità nazzjonali kompetenti (ANK), jiżgura l-koordinazzjoni tal-ħidma fi ħdan it-TSK.

(3)

Fid-dawl tar-rwol importanti tas-subkoordinaturi tal-ANK fil-koordinazzjoni tal-membri tat-TSK mill-ANK tagħhom, huwa neċessarju u proporzjonat li jiddaħħal proċess uniformi għall-għoti ta' feedback dwar il-prestazzjoni fir-rigward ta' subkoordinaturi tal-ANK fi ħdan it-TSK. Billi jassisti bit-titjib kontinwu tal-prestazzjoni tas-subkoordinaturi tal-ANK, dan il-feedback dwar il-prestazzjoni jista' jgħin biex jiġi żgurat il-funzjonament kif suppost tat-TSK.

(4)

L-ANK huma weħidhom responsabbli għall-evalwazzjoni tal-persunal tagħhom, u l-BĊE huwa responsabbli biss għall-evalwazzjoni tal-persunal tiegħu. Madankollu, l-ANK jistgħu jużaw il-feedback dwar il-prestazzjoni mogħti skont din id-Deċiżjoni fil-ġestjoni tal-membri tal-persunal tagħhom, u dan jista' jservi bħala input fis-sistemi ta' evalwazzjoni interni tal-ANK, jekk dan ikun permess taħt il-liġi nazzjonali relevanti.

(5)

Feedback dwar il-prestazzjoni tas-subkoordinaturi kien inizjalment ingħata matul perijodu ta' prova skont il-prinċipji stabbiliti fid-Deċiżjoni (UE) 2016/3 tal-Bank Ċentrali Ewropew (BĊE/2015/36) (3). Billi l-perijodu ta' prova ntemm, dik id-Deċiżjoni għandha titħassar fl-interessi taċ-ċertezza legali.

(6)

L-esperjenza miksuba matul il-perijodu ta' prova indikat li mekkaniżmu għal subkoordinaturi ANK jista' jkun utli sabiex jiġi żgurat il-funzjonament effettiv tat-TSK. Madankollu hemm bżonn ta' valutazzjoni ulterjuri. Il-mekkaniżmu tal-feedback dwar il-prestazzjoni għandu għalhekk jitkompla għal perijodu ta' prova ulterjuri ta' sena. Għandha ssir reviżjoni sussegwenti għall-valutazzjoni jekk ikunx utli għall-mekkaniżmu ta' feedback dwar il-prestazzjoni li jkompli fuq bażi iktar permanenti.

(7)	Ir-riżultanzi tar-reviżjoni għandhom jiġu rrapportati lill-Bord Superviżorju. Fid-dawl tar-reviżjoni, għandha ssir proposta lill-Kunsill Governattiv dwar jekk għandux jitkompla jew le l-mekkaniżmu tal-feedback dwar il-prestazzjoni.

(8)

Ġie kkonsultat is-Superviżur Ewropew tal-Protezzjoni tad-Dejta skont l-Artikolu 27 tar-Regolament (KE) Nru 45/2001 tal-Parlament Ewropew u tal-Kunsill (4) u ta opinjoni fis-7 ta' April 2015 li rrikonoxxiet li l-feedback dwar il-prestazzjoni huwa meħtieġ għall-ġestjoni tat-TSK, u filwaqt li approva l-mekkaniżmu tal-feedback dwar il-prestazzjoni ta parir li l-operazzjoni preċiża tiegħu tiġi ddefinita fi strument legali xieraq,

ADOTTA DIN ID-DEĊIŻJONI:

Artikolu 1

Definizzjonijiet

Għall-finijiet ta' din id-Deċiżjoni, għandhom japplikaw id-definizzjonijiet li jinsabu fl-Artikolu 2 tar-Regolament (UE) Nru 1024/2013 u fl-Artikolu 2 tar-Regolament (UE) Nru 468/2014 (BĊE/2014/17).

Artikolu 2

Feedback dwar il-prestazzjoni

1. Il-koordinaturi tat-TSK għandhom jipprovdu feedback dwar il-prestazzjoni lis-subkoordinaturi tal-AKN dwar il-prestazzjoni tagħhom u tat-tim tagħhom biex iwettqu l-kompiti u l-objettivi tagħhom fit-TSK, skont il-prinċipji li hemm fl-Anness I, u għandhom jieħdu inkunsiderazzjoni l-kompetenzi previsti fl-Anness II.

2. Koordinaturi tat-TSK għandhom, wara konsultazzjoni mas-subkoordinatur tal-AKN, jiffissaw il-kompiti u l-objettivi ewlenin tas-subkoordinatur tal-AKN.

3. Il-koordinaturi tat-TSK għandhom jipprovdu feedback dwar il-prestazzjoni fir-rigward taċ-ċiklu tal-feedback li jibda fil-jum tad-dħul fis-seħħ ta' din id-Deċiżjoni u jintemm 12-il xahar wara.

Artikolu 3

Reviżjoni

Wara li jintemm iċ-ċiklu ta' feedback dwar il-prestazzjoni, il-BĊE f'kollaborazzjoni mal-AKN, għandu jirrevedi l-operazzjoni tal-mekkaniżmu tal-feedback dwar il-prestazzjoni u jirrapporta r-riżultanzi tiegħu lill-Bord Superviżorju. Ir-rapport għandu jinkludi proposta dwar jekk il-mekkaniżmu tal-feedback dwar il-prestazzjoni għandux ikompli.

Artikolu 4

Revoka

Id-Deċizjoni (UE) 2016/3 (BĊE/2015/36) hija bil-prezenti rrevokata.

Artikolu 5

Dħul fis-seħħ

Din id-Deċizjoni għandha tidħol fis-seħħ fil-15 ta' Frar 2017.

Magħmul fi Frankfurt am Main, l-10 ta' Frar 2017.

Għall-Kunsill Governattiv tal-BĊE

Il-President tal-BĊE

Mario DRAGHI

(1) ĠU L 287, 29.10.2013, p. 63.

(2) Ir-Regolament (UE) Nru 468/2014 tal-Bank Ċentrali Ewropew tas-16 ta' April 2014 li jistabbilixxi l-qafas għal kooperazzjoni fi ħdan il-Mekkaniżmu Superviżorju Uniku bejn il-Bank Ċentrali Ewropew u l-awtoritajiet nazzjonali kompetenti u mal-awtoritajiet nazzjonali ddenominati (Regolament Qafas dwar l-MSU) (BĊE/2014/17) (ĠU L 141, 14.5.2014, p. 1).

(3) Id-Deċiżjoni (UE) 2016/3 tal-Bank Ċentrali Ewropew tat-18 ta' Novembru 2015 li tistabbilixxi l-prinċipji għall-għoti ta' feedback dwar il-prestazzjoni tas-subkoordinaturi tal-awtoritajiet nazzjonali kompetenti fit-timijiet superviżorji konġunti tal-Mekkaniżmu Superviżorju Uniku (BĊE/2015/36) (ĠU L 1, 5.1.2016, p. 4).

(4) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dak id-dejta (ĠU Edizzjoni Speċjali bil-Malti, Kapitolu 13, Vol 26, p. 102).

ANNESS I

Prinċipji għall-għoti ta' feedback dwar il-prestazzjoni tas-subkoordinaturi tal-awtoritajiet nazzjonali kompetenti f'timijiet superviżorji konġunti tal-mekkaniżmu superviżorju uniku

Prinċipju 1

Ambitu tal-feedback dwar il-prestazzjoni

Is-subkoordinaturi tal-awtoritajiet kompetenti nazzjonali (ANK) fit-tim superviżorju konġunt (TSK) tal-Mekkaniżmu Superviżorju Uniku (MSU) għandhom ikunu soġġetti għal feedback dwar il-prestazzjoni, sakemm jaħdmu f'TSK fuq il-bażi ta' mill-inqas 25 % ta' pożizzjoni ekwivalenti għal full-time kif iddefinit fil-qafas tal-impjieg tal-ANK relevanti.

Prinċipju 2

Skop tal-feedback dwar il-prestazzjoni

Sabiex jiġi appoġġat u mtejjeb il-funzjonament tal-MSU bħala ħaġa sħiħa, il-feedback dwar il-prestazzjoni tal-MSU għandu jivvaluta l-prestazzjoni tas-subkoordinaturi tal-ANK meta jwettqu l-kompiti tagħhom, bil-għan li jiġi żviluppat ulterjorment il-mod kif huma jifhmu l-objettivi u l-kompetenzi tal-MSU bħala subkoordinaturi tal-ANK, sabiex b'hekk ikun hemm kontribut għat-titjib tal-prestazzjoni u l-integrazzjoni tat-TSK.

Prinċipju 3

Proċess tal-feedback dwar il-prestazzjoni

Fil-bidu taċ-ċiklu tal-feedback dwar il-prestazzjoni, il-koordinatur tat-TSK, wara konsultazzjoni mas-subkoordinatur tal-ANK, jistabbilixxi l-kompiti u l-objettivi ewlenin għal kull subkoordinatur tal-ANK li huwa suġġett għall-feedback dwar il-prestazzjoni skont il-Prinċipju1. Dawn il-kompiti u l-objettivi ewlenin jiġu rreġistrati fil-formola ta' feedback tal-MSU.

Il-koordinatur tat-TSK għandu jipprovdi lil kull subkoordinatur tal-AKN bi gwida u feedback dwar il-prestazzjoni informali matul iċ-ċiklu tal-feedback dwar il-prestazzjoni. Meta jitlesta ċ-ċiklu tal-feedback, il-koordinatur tat-TSK għandu jipprovdi lil kull subkoordinatur tal-ANK b'feedback dwar il-prestazzjoni ta' tmiem iċ-ċiklu, kemm verbalment kif ukoll bil-miktub fil-formola ta' feedback dwar il-prestazzjoni tal-MSU. Qabel ma tiġi ffinalizzata l-formula tal-feedback, is-sukoordinatur jingħata l-opportunità biex jirreġistra formalment il-fehmiet u l-kummenti tiegħu fuq il-feedback dwar il-prestazzjoni pprovduta.

Il-feedback dwar il-prestazzjoni informali u ta' tmiem iċ-ċiklu jqisu l-kompiti u l-objettivi ewlenin tas-subkoordinaturi tal-AKN, il-kompetenzi tal-MSU stabbiliti fl-Anness II u l-kontribut tat-tim tagħhom għall-funzjonament ġenerali tat-TSK.

Prinċipju 4

Aċċess għall-feedback dwar il-prestazzjoni

Wara talba mill-ANK relevanti, il-feedback dwar il-prestazzjoni tal-aħħar taċ-ċiklu jsir aċċessibbli għal, u jista' jintuża minn, l-ANK rilevanti għall-finijiet tal-iffaċilitar tal-ġestjoni tal-persunal tagħha, jekk dan hu permess mil-liġi nazzjonali.

L-ANK jistgħu jagħżlu li jużaw il-feedback dwar il-prestazzjoni bħala input addizzjonali għas-sistemi interni tagħhom ta' valutazzjoni, jekk dan ikun awtorizzat mil-liġi nazzjonali applikabbli.

L-aċċess għall-feedback tal-prestazzjoni, inkluż it-trasferiment tiegħu, għandu jingħata lill-ANK skont l-Artikolu 8(a) tar-Regolament (KE) Nru 45/2001.

Prinċipju 5

Protezzjoni ta' dejta personali pproċessata fil-kuntest tal-għoti tal-feedback dwar il-prestazzjoni

Id-dejta mill-feedback dwar il-prestazzjoni tiġi pproċessata mill-BĊE skont ir-Regolament (KE) Nru 45/2001.

Id-dejta mill-feedback dwar il-prestazzjoni tista' tintuża biss għall-finijiet deskritti fil-Prinċipji 2 u 4, u tista' tinżamm għal perjodu massimu ta' ħames snin.

ANNESS II

Lista ta' kompetenzi partikolarment rilevanti għall-persunal li jaħdem fl-MSU (kompetenzi tal-MSU)

Tagħrif professjonali : Tagħrif dwar politiki, metodoloġiji u regolamenti superviżorji, speċjalment fil-kuntest tal-MSU, kif ukoll dwar il-funzjonament tal-istituzzjonijiet finanzjarji. Wieħed għandu jżomm aġġornat dwar żviluppi f'dawk l-oqsma u japplika l-għarfien għall-oqsma ta' xogħol relevanti.

Komunikazzjoni : Wieħed għandu jagħti informazzjoni b'mod ċar u konċiż lil gruppi jew individwi, jew verbalment jew bil-miktub, sabiex jiġi żgurat li huma jifhmu l-informazzjoni u l-messaġġ. Wieħed għandu jisma' u jirrispondi b'mod xieraq lil ħaddieħor.

Kooperazzjoni u kollaborazzjoni : Wieħed għandu jibni u jiżviluppa relazzjonijiet ta' ħidma kontinwi u kollaborattivi mal-kollegi tiegħu sabiex jinkisbu l-objettivi Ewropej tat-tim. Wieħed għandu jiżviluppa u jżomm relazzjonijiet effettivi ma' ħaddieħor sabiex tiġi mħeġġa u appoġġata l-ħidma bejn tim. Wieħed għandu jaqsam b'mod proattiv dejta, informazzjoni u tagħrif fi ħdan tim.

Determinazzjoni fil-kisba ta' objettivi : Wieħed għandu jwettaq kompiti b'tenaċità u perseveranza, isegwi soluzzjonijiet ta' suċċess waqt li jadatta l-imġiba tiegħu stess biex jinstab approċċ adattat għall-kisba ta' eżitu ta' suċċess.

Ġudizzju u intrużività : Wieħed għandu janalizza u jivvaluta sitwazzjonijiet, dejta u informazzjoni sabiex jiġu żviluppati strateġiji, pjanijiet u politiki xierqa. Wieħed għandu jifhem u jifformula perspettivi differenti u kuntrarji dwar kwistjoni, jekk meħtieġ, jadatta l-approċċi hekk kif jinbidlu l-ħtiġijiet ta' sitwazzjoni, waqt li jikkunsidra l-problemi minn perspettivi ġodda u jespandi fuq il-ħsieb jew is-soluzzjonijiet proposti minn ħaddieħor. Wieħed għandu jipprova jifhem bis-sħiħ il-kwistjonijiet qabel ma jagħmel rakkomandazzjoni jew jilħaq konklużjoni, waqt li jiġbor informazzjoni sħiħa u preċiża hekk kif meħtieġ, u jasal għal ġudizzju sod billi jistaqsi b'rispett serje ta' domandi intrużivi u billi jfittex kontinwament kwistjonijiet potenzjali u informazzjoni varja.

Kuxjenza wiesgħa u li wieħed ikun iħares 'il quddiem : Wieħed għandu jħares lil hinn mir-rwol tiegħu stess sabiex jistabbolixxi l-kuntest usa' li fih jopera, billi jifhem bis-sħiħ id-diversi funzjonijiet/oqsma, billi juri kuxjenza dwar diversi kuntesti kulturali u perspettivi, u billi jevalwa l-implikazzjonijiet tad-deċiżjonijiet tiegħu fuq ħaddieħor. Wieħed għandu jħares 'il quddiem u jantiċipa opportunitajiet u theddid fil-futur, jieħu azzjoni biex joħloq opportunitajiet jew biex jevita kwistjoni fil-futur.

Aġir oġġettiv b'integrità u indipendenza : Wieħed għandu jaġixxi b'mod indipendenti u oġġettiv, fl-interess tal-Unjoni bħala ħaġa sħiħa, fuq il-bażi tal-istandards professjonali tal-MSU, waqt li jivverifika ċ-ċirkustanzi biex jikseb stampa sħiħa u realistika ta' sitwazzjoni. Wieħed għandu jaħdem biex inaqqas jew jelimina preferenzi, preġudizzji jew evalwazzjonijiet soġġettivi billi jibbaża fuq dejta u fatti verifikabbli.

Immaniġġjar ta' timijiet tal-MSU (applikabbli għal maniġers biss) : Wieħed għandu jidderieġi lit-timijiet (virtwali/remoti) u jiggwidahom lejn l-objettivi tat-tim. Wieħed għandu jikkoordina l-attivitajiet tat-tim bejn fruntieri, billi jipprovdi direzzjoni u billi juża l-kompetenzi u d-diversità tagħhom bl-aktar mod effettiv u effiċjenti. Wieħed għandu jnaqqas u jimmaniġġja l-ambigwità u jsib mod kif jidderieġi u jwassal ir-riżultati taħt inċertezza.

17.2.2017

Il-Ġurnal Uffiċjali tal-Unjoni Ewropea

L 40/78

Rettifika tad-Deċiżjoni tal-Kummissjoni 2014/955/UE tat-18 ta' Diċembru 2014 li temenda d-Deċiżjoni 2000/532/KE dwar il-lista ta' skart skont id-Direttiva 2008/98/KE tal-Parlament Ewropew u tal-Kunsill

( Il-Ġurnal Uffiċjali tal-Unjoni Ewropea L 370 tat-30 ta' Diċembru 2014 )

F'paġna 44, fil-premessa (5),

minflok:

“[…] Huwa xieraq li wieħed jirreferi għar-Regolament tal-Kunsill (KE) Nru 440/2008 […]”,

aqra:

“[…] Huwa xieraq li wieħed jirreferi għar-Regolament tal-Kummissjoni (KE) Nru 440/2008 […]”.

		ISSN 1977-074X
Il-Ġurnal Uffiċjali tal-Unjoni Ewropea		L 40

Edizzjoni bil-Malti	Leġiżlazzjoni	Volum 60 17 ta' Frar 2017

Werrej		II Atti mhux leġiżlattivi	Paġna
		REGOLAMENTI
	*	Regolament ta' Implimentazzjoni tal-Kummissjoni (UE) 2017/268 tal-14 ta' Frar 2017 dwar il-klassifikazzjoni ta' ċerti prodotti fin-Nomenklatura Magħquda	1
	*	Regolament tal-Kummissjoni (UE) 2017/269 tas-16 ta' Frar 2017 li jemenda r-Regolament (KE) Nru 1185/2009 tal-Parlament Ewropew u tal-Kunsill dwar l-istatistika li tikkonċerna l-pestiċidi, fir-rigward tal-lista ta' sustanzi attivi ( 1 )	4
	*	Regolament ta' Implimentazzjoni tal-Kummissjoni (UE) 2017/270 tas-16 ta' Frar 2017 li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva sulfuryl fluoride ( 1 )	48
	*	Regolament ta' Implimentazzjoni tal-Kummissjoni (UE) 2017/271 tas-16 ta' Frar 2017 li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata	51
	*	Regolament ta' Implimentazzjoni tal-Kummissjoni (UE) 2017/272 tas-16 ta' Frar 2017 li jibda investigazzjoni dwar il-possibilità ta' evażjoni tal-miżuri antidumping imposti mir-Regolament ta' Implimentazzjoni tal-Kunsill (UE) Nru 1331/2011 fuq l-importazzjonijiet ta' ċerti pajpijiet u tubi tal-azzar inossidabbli mingħajr saldaturi li joriġinaw mir-Repubblika tal-Poplu taċ-Ċina minn importazzjonijiet mibgħuta mill-Indja, kemm jekk iddikjarati li joriġinaw mill-Indja u kemm jekk le, u li jagħmel lit-tali importazzjonijiet suġġetti għar-reġistrazzjoni	64
		Regolament ta' Implimentazzjoni tal-Kummissjoni (UE) 2017/273 tas-16 ta' Frar 2017 li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex	70
		DEĊIŻJONIJIET
	*	Deċiżjoni (UE) 2017/274 tal-Bank Ċentrali Ewropew tal-10 ta' Frar 2017 li tistabbilixxi prinċipji biex jingħata feedback dwar il-prestazzjoni lil subkoordinaturi tal-awtoritajiet nazzjonali kompetenti u li tħassar id-Deċiżjoni (UE) 2016/3 (BĊE/2017/6)	72

		Rettifika
	*	Rettifika tad-Deċiżjoni tal-Kummissjoni 2014/955/UE tat-18 ta' Diċembru 2014 li temenda d-Deċiżjoni 2000/532/KE dwar il-lista ta' skart skont id-Direttiva 2008/98/KE tal-Parlament Ewropew u tal-Kunsill ( ĠU L 370, 30.12.2014 )	78


	(1) Test b'rilevanza għaż-ŻEE.