30.11.2016   

MT

Il-Ġurnal Uffiċjali tal-Unjoni Ewropea

L 324/1

(1)

L-Artikolu 19 tal-Ftehim dwar iż-Żona Ekonomika Ewropea jipprevedi li l-Partijiet kontraenti jimpenjaw ruħhom li jkomplu bl-isforzi tagħhom biex jiksbu liberalizzazzjoni progressiva tal-kummerċ agrikolu ta' bejniethom.

(2)

Fl-24 ta' April 2012 il-Kunsill awtorizza lill-Kummissjoni tiftaħ negozjati mal-Iżlanda bil-għan li tinkiseb liberalizzazzjoni akbar tal-kummerċ bilaterali fi prodotti agrikoli skont l-Artikolu 19 tal-Ftehim dwar iż-Żona Ekonomika Ewropea. In-negozjati ġew konklużi b'suċċess fis-17 ta' Settembru 2015 u ġie inizjalat Ftehim fil-forma ta' skambju ta' ittri bejn l-Unjoni Ewropea u l-Iżlanda li jikkonċerna preferenzi kummerċjali addizzjonali fi prodotti agrikoli (“il-Ftehim”).

(3)

Għalhekk, il-Ftehim għandu jiġi ffirmat f'isem l-Unjoni, soġġett għall-konklużjoni tiegħu f'data iktar tard,

30.11.2016   

MT

Il-Ġurnal Uffiċjali tal-Unjoni Ewropea

L 324/3

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

30.11.2016   

MT

Il-Ġurnal Uffiċjali tal-Unjoni Ewropea

L 324/5

(1)

Il-Kapitolu III(3) tar-Regolament tal-Kummissjoni (KE) Nru 1187/2009 (2) jiddetermina l-proċedura għall-allokazzjoni ta' liċenzji tal-esportazzjoni għal ċerti prodotti tal-ħalib li għandhom ikunu esportati lejn ir-Repubblika Dominikana skont kwota miftuħa għal dak il-pajjiż.

(2)

L-Artikolu 29 tar-Regolament (KE) Nru 1187/2009 jipprevedi l-possibbiltà li l-operaturi jressqu applikazzjonijiet għal-liċenzji tal-esportazzjoni mill-1 sal-10 ta' Novembru, jekk, wara l-perjodu ta' tressiq ta' applikazzjonijiet ta' liċenzji kif imsemmi fl-ewwel paragrafu ta' dak l-Artikolu, tibqa' disponibbli kwalunkwe kwantità taħt il-kwota.

(3)

L-Artikolu 1 tar-Regolament ta' Implimentazzjoni (UE) 2016/1027 (3) jispeċifika li l-kwantità totali li jifdal għas-sena ta' kwota 2016/2017 hija ta' 8 095 tunnellati.

(4)

L-applikazzjonijiet imressqa bejn l-1 u l-10 ta' Novembru 2016 għall-perjodu li jifdal tas-sena ta' kwota kurrenti 2016/2017 jkopru kwantitajiet iktar baxxi minn dawk disponibbli. B'riżultat ta' dan, jixraq, skont ir-raba' subparagafu tal-Artikolu 31(3) tar-Regolament (KE) Nru 1187/2009, li tiġi prevista l-allokazzjoni tal-kwantità li jifdal. Il-ħruġ tal-liċenzji ta' esportazzjoni għal dik il-kwantità li jifdal għandu jkun soġġett li l-awtorità kompetenti tiġi nnotifikata bil-kwantità supplimentari aċċettata mill-operatur ikkonċernat u li ssir garanzija min-naħa tal-operaturi interessati,

30.11.2016   

MT

Il-Ġurnal Uffiċjali tal-Unjoni Ewropea

L 324/7

(1)

Il-punt (14) tal-Artikolu 287 tad-Direttiva 2006/112/KE jawtorizza lir-Repubblika tal-Polonja (il-“Polonja”) teżenta mit-taxxa fuq il-valur miżjud (VAT) persuni taxxabbli li l-fatturat annwali tagħhom mhuwiex ogħla mill-ekwivalenti ta' EUR 10 000 fil-munita nazzjonali bir-rata tal-konverżjoni fil-jum tal-adeżjoni tagħha.

(2)

Permezz tad-Deċiżjoni tal-Kunsill 2009/790/KE (2), il-Polonja kienet awtorizzata, sal-31 ta' Diċembru 2012 u bħala deroga, li teżenta mill-VAT persuni taxxabbli li l-fatturat annwali tagħhom mhuwiex ogħla mill-ekwivalenti ta' EUR 30 000 fil-munita nazzjonali bir-rata tal-konverżjoni fil-jum tal-adeżjoni tagħha (“il-miżura ta' deroga”). Il-miżura ta' deroga ġiet sussegwentement estiża permezz tad-Deċiżjoni ta' Implimentazzjoni tal-Kunsill 2012/769/UE (3) sal-31 ta' Diċembru 2015 u permezz tad-Deċiżjoni ta' Implimentazzjoni tal-Kunsill (UE) 2015/1173 (4) sal-31 ta' Diċembru 2018.

(3)

F'ittra rreġistrata mal-Kummisjoni fl-1 ta' Ġunju 2016, il-Polonja talbet awtorizzazzjoni biex iżżid dak il-limitu minn EUR 30 000 għal EUR 40 000. Permezz ta' dik iż-żieda, għadd addizzjonali ta' negozji żgħar ħafna jistgħu jiġu eżentati minn ċerti obbligi, jew mill-obbligi kollha, fir-rigward tal-VAT stipulati fil-Kapitoli 2 sa 6 tat-Titolu XI tad-Direttiva 2006/112/KE. Għaldaqstant il-piż fuq l-awtoritajiet tat-taxxa fir-rigward tal-awditjar ta' negozji żgħar ħafna ser jonqos ukoll.

(4)

F'konformità mat-tieni subparagrafu tal-Artikolu 395(2) tad-Direttiva 2006/112/KE, il-Kummissjoni infurmat lill-Istati Membri l-oħra bit-talba magħmula mill-Polonja permezz ta' ittri datati t-22 ta' Settembru 2016. Permezz ta' ittra datata t-23 ta' Settembru 2016, il-Kummissjoni għarrfet lill-Polonja li hija kellha l-informazzjoni kollha meħtieġa biex tqis it-talba.

(5)

L-informazzjoni pprovduta mill-Polonja tindika li, 24 000 persuna taxxabbli addizzjonali jistgħu potenzjalment jagħmlu użu mill-miżura ta' deroga sabiex inaqqsu l-obbligi tal-VAT tagħhom. L-impatt baġitarju f'termini tad-dħul tal-VAT kien stmat mill-Polonja għal PLN 300 miljun.

(6)

Minħabba li l-iffissar ta' żieda fil-limitu ser inaqqas ulterjorment l-obbligi tal-VAT għal negozji żgħar ħafna u li dawk in-negozji xorta għadhom ikunu jistgħu jagħżlu l-arranġamenti normali tal-VAT f'konformità mal-Artikolu 290 tad-Direttiva 2006/112/KE, il-Polonja għandha tiġi awtorizzata biex tapplika ż-żieda fil-limitu għall-perijodu ta' applikazzjoni li jifdal tad-Deċiżjoni 2009/790/KE, li jispiċċa fil-31 ta' Diċembru 2018. Madankollu l-Artikoli 281 sa 294 tad-Direttiva 2006/112/KE dwar skema speċjali għall-impriżi ż-żgħar huma soġġetti għal rieżami, u għaldaqstant, qabel dik id-data, tista' tidħol fis-seħħ direttiva li temenda dawk l-Artikoli.

(7)

Il-deroga mhux ser ikollha impatt fuq ir-riżorsi proprji tal-Unjoni li ġejjin mill-VAT peress li l-Polonja ser twettaq kalkolu ta' kumpens f'konformità mal-Artikolu 6 tar-Regolament tal-Kunsill (KEE, Euratom) Nru 1553/89 (5).

(8)

Għalhekk jenħtieġ li d-Deċiżjoni 2009/790/KE tiġi emendata skont dan,

30.11.2016   

MT

Il-Ġurnal Uffiċjali tal-Unjoni Ewropea

L 324/9

(1)

F'konformità mal-Artikolu 59(3) tar-Regolament (KE) Nru 1907/2006, fl-24 ta' Awwissu 2015, l-Iżvezja ppreżentat dossier lill-Aġenzija Ewropea għas-Sustanzi Kimiċi (“l-Aġenzija”) skont l-Anness XV ta' dak ir-Regolament (“id-dossier tal-Anness XV”) għall-identifikazzjoni tad-diakrilat tal-eżametilen (eżan-1,6-diol diakrilat) (HDDA) (Nru KE 235-921-9, Nru CAS 13048-33-4) bħala sustanza ta' tħassib serju ħafna skont l-Artikolu 57(f) ta' dak ir-Regolament. Min ressaq id-dossier qies li hemm evidenza xjentifika ta' probabbiltà ta' effetti serji għas-saħħa tal-bniedem minħabba l-proprjetajiet tal-HDDA ta' sensitizzazzjoni għall-ġilda li jagħti lok għal livell ta' tħassib ekwivalenti għal dak ikkawżati mis-sustanzi l-oħra elenkati fil-punti minn (a) sa (c) tal-Artikolu 57; l-aktar sustanzi li jissodisfaw il-kriterji għall-klassifikazzjoni fil-kategorija 1A jew 1B tal-karċinoġeni, fil-kategorija 1A jew 1B tal-mutaġeniċità għaċ-ċelloli ġerminali, jew fil-kategorija 1A jew 1B tat-tossiċi għar-riproduzzjoni.

(2)

Fl-10 ta' Diċembru 2015, il-Kumitat tal-Istati Membri tal-Aġenzija (l-MSC) adotta l-opinjoni tiegħu (2) dwar id-dossier tal-Anness XV, wara l-approċċ ġenerali tal-Aġenzija għall-identifikazzjoni ta' sustanzi ta' tħassib serju ħafna skont l-Artikolu 57(f) (3). Fl-opinjoni tiegħu, l-MSC irrikonoxxa unanimament li hemm evidenza xjentifika li tissuġġerixxi li l-HDDA huwa sensitizzatur b'saħħtu tal-ġilda. Minkejja li l-maġġoranza tal-membri tal-MSC qiesu li l-HDDA jeħtieġ li jiġi identifikat bħala sustanza ta' tħassib serju ħafna skont l-Artikolu 57(f) ta' dak ir-Regolament, l-MSC ma laħaqx qbil unanimu. Tliet membri astjenew mill-vot, filwaqt li disa' membri ma qablux li l-informazzjoni mogħtija fid-dossier tal-Anness XV kienet biżżejjed biex tikkostitwixxi livell ta' tħassib ekwivalenti għal dak ikkawżat mis-sustanzi l-oħra elenkati fil-punti minn (a) sa (e) tal-Artikolu 57. Fl-opinjoni tagħhom tal-minoranza, dawk id-disa' membri qalu li l-effetti tal-HDDA fuq is-saħħa tal-bniedem ma jistgħux jitqiesu bħala komparabbli għal dawk is-sustanzi li huma karċinoġeniċi, mutaġeniċi jew tossiċi għar-riproduzzjoni, f'termini kemm ta' severità u ta' irriversibbiltà.

(3)

Fil-15 ta' Jannar 2016, skont l-Artikolu 59(9) tar-Regolament (KE) Nru 1907/2006, l-MSC irrefera l-opinjoni tiegħu lill-Kummissjoni għal deċiżjoni dwar l-identifikazzjoni tal-HDDA bħala sustanza li dwarha hemm evidenza xjentifika li probabbli tikkawża effetti serji fuq is-saħħa tal-bniedem li jagħtu lok għal livell ta' tħassib ekwivalenti għas-sustanzi CMR (il-Kategorija 1A jew 1B) skont l-Artikolu 57(f) ta' dak ir-Regolament.

(4)

Il-Kummissjoni tinnota li l-klassifikazzjoni tal-HDDA bħala sensitizzatur tal-ġilda tal-kategorija 1 fl-Anness VI tar-Regolament (KE) Nru 1272/2008 tal-Parlament Ewropew u tal-Kunsill (4) jimplika li l-HDDA u l-akrilati krossreattivi għandhom il-potenzjal li jikkawżaw effetti negattivi serji fuq il-ġilda. Il-Kummissjoni tinnota wkoll li s-sensitizzazzjoni tal-ġilda mill-HDDA hija irriversibbli. Madankollu, għalkemm fil-każijiet dokumentati fid-dossier tal-Anness XV, ġew irrappurtati effetti negattivi moderatament serji u xi drabi serji ħafna fuq il-ġilda, fir-rapporti tal-każijiet ippubblikati kollha l-ħsara fuq il-ġilda sparixxiet kompletament wara t-tmiem tal-espożizzjoni, u dan ġara fil-parti l-kbira tal-każijiet fi żmien relattivament qasir. Għaldaqstant, il-Kummissjoni tqis li l-evidenza xjentifika ppreżentata fid-dossier tal-Anness XV ma turix li l-effetti serji probabbli tal-HDDA fuq is-saħħa huma ta' tħassib ekwivalenti għal dak mis-sustanzi li huma kklassifikati bħala karċinoġeniċi, mutaġeniċi jew tossiċi għar-riproduzzjoni.

(5)

Din id-Deċiżjoni hija mingħajr preġudizju għall-eżitu ta' kwalunkwe valutazzjoni li għaddejja jew futura fi ħdan l-Aġenzija jew fil-Kummissjoni ta' sustanzi sensitizzanti tal-ġilda fil-kuntest tal-Artikolu 57(f) u ma jippreġudikax il-potenzjal tal-identifikazzjoni bħall-SVHC.

(6)

Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 133 tar-Regolament (KE) Nru 1907/2006,

30.11.2016   

MT

Il-Ġurnal Uffiċjali tal-Unjoni Ewropea

L 324/11

(1)

Id-Direttiva 96/23/KE tistabbilixxi miżuri għall-monitoraġġ tas-sustanzi u tal-gruppi ta' residwi elenkati fl-Anness I tagħha. L-Artikolu 29 ta' dik id-Direttiva jeħtieġ li l-pajjiżi terzi li minnhom l-Istati Membri huma awtorizzati jimportaw l-annimali u l-prodotti tal-annimali koperti minn dik id-Direttiva jissottomettu pjan ta' monitoraġġ tar-residwi li jipprovdi l-garanziji meħtieġa (“il-pjan”). Il-pjan jenħtieġ li mill-inqas japplika għall-gruppi ta' residwi u s-sustanzi elenkati f'dak l-Anness I.

(2)

Id-Deċiżjoni tal-Kummissjoni 2011/163/UE (2) tapprova l-pjanijiet sottomessi minn ċerti pajjiżi terzi dwar l-annimali u l-prodotti tal-annimali speċifikati kif elenkati fl-Anness ta' dik id-Deċiżjoni.

(3)

Fid-dawl tal-pjanijiet li tressqu dan l-aħħar minn ċerti pajjiżi terzi u tal-informazzjoni addizzjonali miksuba mill-Kummissjoni minn dawk il-pajjiżi terzi, jeħtieġ li tiġi aġġornata l-lista tal-pajjiżi terzi li minnhom l-Istati Membri huma awtorizzati jimportaw ċerti annimali u prodotti tal-annimali, kif stipulat fid-Direttiva 96/23/KE, kif huma elenkati attwalment fl-Anness tad-Deċiżjoni 2011/163/UE (“il-lista”).

(4)

Filwaqt li l-Emirati Għarab Magħquda ma pprovdewx pjan ta' monitoraġġ tar-residwi għall-akkwakultura prodotta domestikament, l-Emirati Għarab Magħquda pprovdew garanziji fir-rigward ta' materja prima tal-akkwakultura li toriġina mill-Istati Membri jew minn pajjiżi terzi li huma approvati għall-esportazzjoni ta' din il-materja prima lejn l-Unjoni Ewropea. Għalhekk, jenħtieġ li tiżdied entrata fil-lista għall-Emirati Għarab Magħquda għall-akkwakultura bin-nota f'qiegħ il-paġna xierqa.

(5)

Il-Gambja fil-preżent hija inkluża fil-lista għall-akkwakultura. Madankollu, il-Gambja ma pprovdietx pjan kif meħtieġ mill-Artikolu 29 tad-Direttiva 96/23/KE u ddikjarat li l-esportazzjoni lejn l-UE ma għadhiex isseħħ. Għalhekk, jenħtieġ li l-entrata għal dak il-pajjiż terz li tikkonċerna l-akkwakultura titħassar mil-lista. Il-Gambja ġiet infurmata skont dan.

(6)

Il-Georgia ppreżentat pjan għall-għasel lill-Kummissjoni. Dan il-pjan jagħti biżżejjed garanziji u jenħtieġ li jiġi approvat. Għalhekk jenħtieġ li tiġi inkluża entrata fil-lista għall-Georgia għall-għasel.

(7)

Il-Kenja fil-preżent hija inkluża fil-lista għall-ħalib. Madankollu, il-Kenja ma pprovdietx pjan kif meħtieġ mill-Artikolu 29 tad-Direttiva 96/23/KE u ddikjarat li l-ittestjar tar-residwi mhux qed jiġi mwettaq u mhux mistenni li jiġi implimentat fl-2016 u li l-esportazzjoni lejn l-UE ma setgħetx tibqa' sseħħ. Għalhekk, jenħtieġ li l-entrata għal dak il-pajjiż terz li tikkonċerna l-ħalib titħassar mil-lista. Il-Kenja ġiet infurmata skont dan.

(8)

Il-Libanu fil-preżent huwa inkluż fil-lista għall-għasel. Madankollu, il-Libanu ma pprovdiex pjan kif meħtieġ mill-Artikolu 29 tad-Direttiva 96/23/KE. Għalhekk, jenħtieġ li l-entrata għal dak il-pajjiż terz li tikkonċerna l-għasel titħassar mil-lista. Il-Libanu ġie infurmat skont dan.

(9)

Sabiex jiġi evitat kwalunkwe tfixkil għall-kummerċ, jenħtieġ li jiġi stabbilit perjodu ta' tranżizzjoni biex ikopri l-konsenji rilevanti mil-Libanu, li ġew iċċertifikati u mibgħuta lill-Unjoni qabel id-data ta' applikazzjoni ta' din id-Deċiżjoni.

(10)

Il-miżuri stipulati f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

30.11.2016   

MT

Il-Ġurnal Uffiċjali tal-Unjoni Ewropea

L 324/18

(1)

B'konformità mal-Anness VI tad-Deċiżjoni 2013/755/UE, il-proċedura l-ġdida għaċ-ċertifikazzjoni tal-oriġini u l-metodi ta' kooperazzjoni amministrattiva, is-sistema tal-Esportaturi Reġistrati (REX), se tapplika mill-1 ta' Jannar 2017. Is-sistema preżenti ta' ċertifikazzjoni u kooperazzjoni amministrattiva tapplika sal-31 ta' Diċembru 2016.

(2)

Il-pajjiżi u t-territorji extra-Ewropej (OCTs) elenkati fl-Anness II tat-Trattat ilkoll indirizzaw ittra lill-Kummissjoni fejn iddikjaraw li huma ma humiex lesti li jibdew japplikaw ir-REX mill-1 ta' Jannar 2017 u talbu li s-sistema tiġi applikata minn data iktar tard. L-ittri kollha jindikaw li l-OCTs se jkunu f'pożizzjoni li jistgħu japplikaw is-sistema REX mill-1 ta' Jannar 2020.

(3)

B'konsiderazzjoni ta' dawn it-talbiet u biex l-OCTs ikollhom biżżejjed żmien jippreparaw biex ikunu f'pożizzjoni li japplikaw is-sistema REX, jixraq li tingħata deroga mis-sistema tal-esportaturi reġistrati lil dawk l-OCTs u biex ikunu jistgħu japplikaw l-Artikoli 21 sa 35 u l-Artikoli 54, 55 u 56 tal-Anness VI tad-Deċiżjoni 2013/755/UE wara l-1 ta' Jannar 2017.

(4)

Il-miżuri previsti f'din id-Deċiżjoni huma konformi mal-opinjoni tal-Kumitat tal-Kodiċi Doganali,