7.10.2016   

MT

Il-Ġurnal Uffiċjali tal-Unjoni Ewropea

L 272/1

7.10.2016   

MT

Il-Ġurnal Uffiċjali tal-Unjoni Ewropea

L 272/2

(1)

L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom.

(2)

Dik il-lista tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), jew bl-inizjattiva tal-Kummissjoni jew inkella wara applikazzjoni.

(3)

Fid-19 ta' Jannar 2015 tressqet applikazzjoni għall-awtorizzazzjoni tal-użu tas-sukralożju (E 955) bħala tejjieb il-benna fiċ-ċuwingamm biz-zokkrijiet jew il-polijoli miżjuda. Sussegwentement l-applikazzjoni tpoġġiet għad-disponibbiltà tal-Istati Membri skont l-Artikolu 4 tar-Regolament (KE) Nru 1331/2008.

(4)

Is-sukralożju ġie evalwat fl-2000 mill-Kumitat Xjentifiku dwar l-Ikel tal-Unjoni Ewropea (SCF) li stabbilixxa doża aċċettabbli ta' kuljum (ADI) ta' 15 mg/kg ta' piż tal-ġisem/kuljum (3).

(5)

L-użu tas-sukralożju (E 955) bħala tejjieb il-benna fiċ-ċuwingamm biz-zokkrijiet jew il-polijoli miżjuda żżid l-intensità globali fit-togħma taċ-ċuwingamm, u żżomm l-intensità tul perjodu itwal ta' żmien hekk kif wieħed jomgħod iċ-ċuwingamm, meta mqabbla ma' formulazzjonijiet ta' addittiv(i) tal-ikel oħrajn. Żieda fl-intensità u l-lonġevità tat-togħma għalhekk tipprovdi lill-klijent esperjenza ġenerali taċ-ċuwingamm aktar sodisfaċenti hekk kif ikun qed jomgħodu.

(6)

L-awtorizzazzjoni tas-sukralożju fil-livell ta' 1 200 mg/kg fiċ-ċuwingamm biz-zokkrijiet jew il-polijoli miżjuda twassal għal żieda fil-konsum ta' E955 fil-limiti li ġejjin: bejn 0 sa 0,1 % tad-DAK fil-każ ta' konsum intermedju u bejn 0 sa 4,3 % tad-DAK f'każ ta' livell għoli ta' konsum. Dan huwa kkunsidrat bħala esponiment minuri addizzjonali għall-konsumatur u għalhekk mhuwiex ta' tħassib għas-sikurezza.

(7)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha tfittex l-opinjoni tal-Awtorità Ewropea dwar is-Sigurtà fl-Ikel (“l-Awtorità”) sabiex taġġorna l-lista tal-Unjoni tal-addittivi tal-ikel stipulata fl-Anness II għar-Regolament (KE) Nru 1333/2008, ħlief meta dak l-aġġornament ma jkunx mistenni li jħalli effett fuq is-saħħa tal-bniedem. Peress li l-awtorizzazzjoni tal-użu tas-sukralożju (E 955) bħala tejjieb il-benna fiċ-ċuwingamm biz-zokkrijiet jew il-polijoli miżjuda tikkostitwixxi aġġornament ta' dik il-lista li mhux mistenni jħalli effett fuq saħħet il-bniedem, m'hemmx bżonn tintalab l-opinjoni tal-Awtorità.

(8)

Għalhekk, huwa xieraq li jkun awtorizzat l-użu tas-Sukralożju (E 955) bħala tejjieb il-benna f'livell massimu ta' 1 200 mg/kg fiċ-ċuwingamm biz-zokkrijiet jew il-polijoli miżjuda (sottokategorija tal-ikel 5.3).

(9)

L-Anness II għar-Regolament (KE) Nru 1333/2008 għandu għalhekk jiġi emendat skont dan.

(10)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

7.10.2016   

MT

Il-Ġurnal Uffiċjali tal-Unjoni Ewropea

L 272/5

(1)

Fit-13 ta' Frar 2016, il-Kummissjoni Ewropea (“il-Kummissjoni”) bdiet investigazzjoni dwar antidumping fuq l-importazzjonijiet fl-Unjoni Ewropea (“l-Unjoni”) ta' prodotti ċatti ta' azzar illigat jew mhux illigat (bl-esklużjoni tal-azzar inossidabbli, azzar tas-siliċju-elettriku, azzar tal-għodda u azzar għal veloċità għolja), b'laminazzjoni termali, mhux miksijin, indurati jew mgħottijin, mhux f'kolji, bi ħxuna ta' aktar minn 10 mm u wisa' ta' 600 mm jew aktar jew bi ħxuna ta' 4,75 mm jew aktar iżda mhux aktar minn 10 mm u wisa' ta' 2 050 mm jew aktar (“pjanċa tqila”) li joriġinaw mir-Repubblika tal-Poplu taċ-Ċina (“ir-RPĊ”) fuq il-bażi tal-Artikolu 5 tar-Regolament tal-Kunsill (KE) Nru 1225/2009 (2).(“ir-Regolament bażiku”).

(2)

Il-Kummissjoni ppubblikat Notifika ta' Bidu f'Il-Ġurnal Uffiċjali tal-Unjoni Ewropea  (3) (“in-Notifika ta' Bidu”).

(3)

Il-Kummissjoni bdiet l-investigazzjoni wara lment ippreżentat fl-4 ta' Jannar 2016 mill-Assoċjazzjoni Ewropea tal-Azzar, (“il-Eurofer” jew “l-ilmentatur”) f'isem il-produtturi li jirrappreżentaw aktar minn 25 % tal-produzzjoni totali tal-Unjoni ta' pjanċi tqal.

(4)

L-ilment kien fih evidenza ta' dumping u ta' dannu materjali li jirriżulta li kienet biżżejjed biex tiġġustifika l-bidu tal-investigazzjoni.

(5)

Wara talba mill-ilmentatur, sostnuta bl-evidenza meħtieġa, fl-10 ta' Awwissu 2016 il-Kummissjoni ppubblikat ir-Regolament ta' Implimentazzjoni (UE) 2016/1357 (4) li bih għamlet l-importazzjonijiet ta' pjanċi tqal li joriġinaw mir-RPĊ soġġetti għar-reġistrazzjoni mill-11 ta' Awwissu 2016 (“ir-Regolament dwar ir-reġistrazzjoni”).

(6)

Fin-Notifika ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni għarrfet b'mod speċifiku lill-ilmentatur, lill-produtturi magħrufa oħrajn tal-Unjoni, lill-produtturi esportaturi magħrufa, lill-awtoritajiet tar-RPĊ, lill-importaturi, il-fornituri u l-utenti, in-negozjanti u l-assoċjazzjonijiet magħrufa li huma kkonċernati dwar il-bidu tal-investigazzjoni u stednithom jieħdu sehem.

(7)

Il-partijiet interessati ngħataw l-opportunità jagħtu l-opinjonijiet tagħhom bil-miktub dwar il-bidu tal-investigazzjoni u jitolbu smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali.

(8)

Il-Kummissjoni għarrfet ukoll lill-produtturi fl-Awstralja, il-Brażil, il-Kanada, l-Indja, il-Ġappun, ir-Repubblika tal-Korea, il-Malasja, il-Messiku, ir-Russja, l-Eks-Repubblika Jugoslava tal-Maċedonja, l-Ukrajna u l-Istati Uniti tal-Amerika dwar il-bidu u stidnithom jieħdu sehem.

(9)

Fin-Notifika ta' Bidu, il-Kummissjoni għarrfet lill-partijiet interessati li kienet qiegħda tipprevedi l-użu tal-Istati Uniti tal-Amerika bħala l-pajjiż terz b'ekonomija tas-suq (“pajjiż analogu”) skont it-tifsira tal-Artikolu 2(7)(a) tar-Regolament bażiku.

(10)

Il-partijiet interessati kellhom opportunità jikkummentaw fuq kemma hija adatta l-għażla tal-pajjiż analogu u li jitolbu seduta mal-Kummissjoni u/jew mal-Uffiċjal tas-Seduta fil-proċeduri kummerċjali.

(11)

Fin-Notifika ta' Bidu, il-Kummissjoni ddikjarat li hija tista' tieħu kampjun ta' produtturi esportaturi, produtturi mill-Unjoni u importaturi mhux relatati fl-Unjoni skont l-Artikolu 17 tar-Regolament bażiku.

(12)

Fin-Notifika ta' Bidu, il-Kummissjoni ħabbret li hija kienet għażlet b'mod provviżorju kampjun ta' produtturi tal-Unjoni. Il-Kummissjoni għażlet il-kampjun fuq il-bażi tal-aktar volumi ta' bejgħ rappreżentattivi tal-prodott simili fil-perjodu tal-investigazzjoni filwaqt li żgurat firxa ġeografika.

(13)

Dan il-kampjun provviżorju kien jikkonsisti fi tliet produtturi tal-Unjoni li jinsabu fi tliet Stati Membri differenti u kien ikopri 26 % mill-bejgħ totali tal-pjanċi tqal mill-produtturi tal-Unjoni li wieġbu għal dan l-eżerċizzju. Il-Kummissjoni stiednet lill-partijiet interessati sabiex jagħtu l-kummenti tagħhom fuq dan il-kampjun provviżorju.

(14)

L-ilmentatur u l-kumpanija kampjonata stess sostnew li ma kienx xieraq li Metinvest Trametal SpA (“Trametal”) tkun inkluża fil-kampjun, peress li din il-kumpanija mhijiex maċinatur integrat iżda riromblatur ta' qatgħat tal-azzar mixtrija mingħand kumpanija relatata fl-Ukrajna u għalhekk allegatament ma kinitx rappreżentattiva tal-industrija tal-Unjoni.

(15)

L-industrija tal-Unjoni tikkonsisti kemm f'maċinaturi integrati kif ukoll f'riromblaturi u dawn iż-żewġ tipi ta' produtturi tal-Unjoni huma fost dawk li ilmentaw. Madankollu l-maġġoranza vasta ta' pjanċi ħoxnin prodotti mill-industrija tal-Unjoni huma prodotti minn maċinaturi integrati.

(16)

Il-Kummissjoni stabbilixxiet ukoll li Trametal tikseb il-qatgħat, il-materjal ewlieni li tuża u li tipikament jammonta għal madwar 70 % tal-ispejjeż totali, mill-kumpanija relatata tagħha fl-Ukrajna. Għalhekk, b'mod partikolari l-indikaturi tal-kostijiet u l-profittabbiltà huma affettwati direttament minn din ir-relazzjoni, kif inhuma affettwati wkoll il-prestazzjoni u s-sitwazzjoni partikolari tal-kumpanija Ukrena li tforni l-qatgħat.

(17)

Il-Kummissjoni tinnota madankollu li s-sitwazzjoni taż-żewġ tipi ta' produtturi tal-Unjoni — il-maċinaturi integrati u r-riromblaturi hija rifless bis-sħiħ fl-indikaturi makroekonomiċi deskritti fil-premessi (105) sa (124) hawn taħt.

(18)

Għar-raġunijiet elenkati fil-premessi (14) sa (16) hawn fuq, il-Kummissjoni madankollu tikkunsidra proviżorjament li s-sitwazzjoni partikolari ta' Trametal mhijiex rappreżentattiva tal-industrija tal-Unjoni u li l-indikaturi mikroekonomiċi deskritti fil-premessi (125) sa (138) hawn taħt m'għandhomx ikunu affettwati minnha..

(19)

Il-Kummissjoni sabet li dan il-kumment kien iġġustifikat u, wara li kkunsidrat l-informazzjoni preliminari għad-dispożizzjoni dwar id-dannu, biddlet lil Trametal ma' Ilsenburger Grobblech GmbH fil-kampjun, it-tieni l-ikbar produttur fl-Unjoni fi klassifikazzjoni skont il-volum ta' bejgħ fl-Unjoni fil-perjodu tal-investigazzjoni kif definit fil-premessa (28) hawn taħt.

(20)

Fis-7 ta' Marzu 2016, il-Kummissjoni għamlet disponibbli għall-partijiet interessati nota li tispjega r-raġunijiet tal-bidla fil-kampjun u elenkat il-kumpaniji inklużi fil-kampjun rivedut. L-ebda waħda mill-partijiet interessati ma kkummentat fuq il-kampjun finali.

(21)

Il-Kummissjoni talbet lill-importaturi mhux relatati sabiex jipprovdu l-informazzjoni speċifikata fin-Notifika ta' Bidu sabiex tiddeċiedi jekk kienx meħtieġ li jittieħed kampjun u, jekk iva, sabiex tagħżel il-kampjun.

(22)

Sitt importaturi ressqu t-tagħrif mitlub u qablu li jiġu inklużi fil-kampjun. Ġew kampjunati tlieta minnhom.

(23)

Sabiex tiddeċiedi jekk it-teħid ta' kampjuni kienx meħtieġ u, jekk iva, biex tagħżel kampjun, il-Kummissjoni talbet lill-produtturi esportaturi fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni staqsiet lill-Missjoni tar-Repubblika tal-Poplu taċ-Ċina għall-Unjoni Ewropea sabiex tidentifika u/jew tikkuntattja lill-produtturi esportaturi li jistgħu jkunu interessati li jieħdu sehem fl-investigazzjoni.

(24)

Erbatax-il produttur esportatur fir-RPĊ ipprovdew l-informazzjoni mitluba u qablu li jkunu inklużi fil-kampjun. Skont l-Artikolu 17(1) tar-Regolament bażiku, il-Kummissjoni għażlet kampjun ta' tliet kumpaniji bbażat fuq l-ikbar volum rappreżentattiv ta' esportazzjonijiet lejn l-Unjoni li jista' jiġi investigat b'mod raġonevoli fiż-żmien disponibbli. Skont l-Artikolu 17(2) tar-Regolament bażiku, il-produtturi esportaturi magħrufa u kkonċernati kollha, u l-awtoritajiet tar-RPĊ, ġew ikkonsultati dwar l-għażla tal-kampjun. Ma wasal l-ebda kumment u għaldaqstant il-kampjun kien ikkonfermat.

(25)

Seba' produtturi esportaturi fir-RPĊ indikaw li xtaqu jitolbu eżami individwali skont l-Artikolu 17(3) tar-Regolament bażiku. Madankollu, l-ebda wieħed minnhom ma wieġeb għall-kwestjonarju u, b'hekk, ma daħlet l-ebda talba għal eżami individwali.

(26)

Il-Kummissjoni bagħtet kwestjonarji lill-partijiet kollha magħrufa li huma konċernati u lill-kumpaniji kollha l-oħrajn li ppreżentaw ruħhom sal-iskadenzi taż-żmien stabbiliti fin-Notifika ta' Bidu. Daħlu tweġibiet għall-kwestjonarju mingħand tliet produtturi tal-Unjoni, sitt importaturi mhux relatati, għaxar utenti, grupp ta' ċentri tas-servizzi tal-azzar, it-tliet produtturi esportaturi kampjunati fir-RPĊ, u żewġ produtturi f'pajjiżi analogi differenti.

(27)

Il-Kummissjoni fittxet u vverifikat l-informazzjoni kollha li qieset neċessarja għal determinazzjoni provviżorja tad-dumping, tad-dannu li jirriżulta u tal-interess tal-Unjoni. Iż-żjarat ta' verifika skont l-Artikolu 16 tar-Regolament bażiku saru fil-bini tal-partijiet li ġejjin:

(28)

L-investigazzjoni tad-dumping u tad-dannu kopriet il-perjodu mill-1 ta' Jannar 2015 sal-31 ta' Diċembru 2015 (“il-perjodu tal-investigazzjoni” jew il-“PI”).

(29)

L-analiżi tax-xejriet relevanti għall-valutazzjoni tad-dannu kopriet il-perjodu ta' bejn l-1 ta' Jannar 2012 u tmiem il-perjodu tal-investigazzjoni (“il-perjodu kkunsidrat”).

(30)

Il-prodott ikkonċernat huwa prodotti ċatti ta' azzar illigat jew mhux (bl-esklużjoni tal-azzar inossidabbli, azzar tas-siliċju-elettriku, azzar tal-għodda u azzar għal veloċità għolja), b'laminazzjoni termali, mhux miksijin, indurati jew mgħottijin, mhux f'kolji, bi ħxuna ta' aktar minn 10 mm u wisa' ta' 600 mm jew aktar jew bi ħxuna ta' 4,75 mm jew aktar iżda mhux aktar minn 10 mm u wisa' ta' 2 050 mm jew aktar, li fil-preżent jaqgħu fil-kodiċijiet NM ex 7208 51 20, ex 7208 51 91, ex 7208 51 98, ex 7208 52 91, ex 7208 90 20, ex 7208 90 80, 7225 40 40, ex 7225 40 60 u ex 7225 99 00 (“pjanċa tqila”) u li joriġinaw mir-RPĊ.

(31)

Il-pjanċa tqila tintuża fil-manifattura ta' tagħmir għall-bini, għall-estrazzjoni u għall-qtugħ tas-siġar għall-injam; reċipjenti taħt pressjoni; pipelines taż-żejt u tal-gass; bini ta' bastimenti u pontijiet u bini.

(32)

L-investigazzjoni uriet li l-prodotti li ġejjin għandhom l-istess karatteristiċi fiżiċi bażiċi kif ukoll l-istess użi bażiċi:

(33)

Għaldaqstant, il-Kummissjoni ddeċidiet b'mod provviżorju li dawn il-prodotti huma prodotti simili skont l-Artikolu 1(4) tar-Regolament bażiku.

(34)

Parti interessata minnhom argumentat li l-ambitu tal-prodott għandu definizzjoni wiesgħa wisq. B'mod partikolari, targumenta li l-ambitu tal-prodott għandu jkun limitat għall-hekk imsejħin “pjanċi tqal tal-komoditajiet”, filwaqt li l-hekk imsejħin “pjanċi tqal speċjali” għandhom ikunu esklużi mid-definizzjoni tal-prodott. B'appoġġ tad-dikjarazzjoni tagħha, hija tuża primarjament żewġ argumenti.

(35)

L-ewwel nett, targumenta li l-informazzjoni pprovduta fl-ilment fil-parti l-kbira hija marbuta mal-“pjanċi tqal tal-komoditajiet”, li jgħoddu għall-maġġoranza tal-esportazzjonijiet mir-RPĊ. It-tieni, targumenta li l-ambitu tal-prodott huwa usa' mid-definizzjoni tal-prodott simili fl-Artikolu 1(4) tar-Regolament bażiku.

(36)

F'dan ir-rigward, il-Kummissjoni tosserva li fl-istadju tal-ilment trid tiġi pprovduta biss biżżejjed evidenza li tikkonċerna d-dumping, id-dannu u rabta kawżali. Għaldaqstant, ma hemmx bżonn li tiġi pprovduta informazzjoni dwar il-firxa sħiħa tal-prodotti f'dan l-istadju. Il-limitar tal-analiżi għall-iktar gradi komuni mibjugħin esportati ma jfissirx li d-definizzjoni tal-prodott trid tkun limitata għal dawk it-tipi ta' prodotti.

(37)

It-tieni, l-Artikolu 1(4) tar-Regolament bażiku jipprovdi li l-prodott simili jrid ikun l-istess jew jixbah ħafna l-prodott ikkunsidrat. Madankollu, dan ma jirreferix għad-definizzjoni tal-prodott ikkunsidrat bħala tali. Id-diversi tipi tal-prodott ikkunsidrati jridu sempliċiment ikollhom l-istess karatteristiċi bażiċi, li huwa l-każ kif spjegat fil-premessa (32) iktar 'il fuq.

(38)

Il-parametri li allegatament jiddifferenzjaw bejn “pjanċi tqal speċjali” minn pjanċi tqal tal-komoditajiet huma l-kompożizzjoni kimika, il-kompożizzjoni mekkanika/teknoloġika, il-kundizzjoni tal-kunsinna, il-ħxuna u ċ-ċertifikazzjoni u l-ispezzjoni għal skopijiet ta' bini ta' bastimenti.

(39)

Apparti l-ħxuna, l-ebda wieħed minn dawn il-parametri ma jikkonċerna l-proprjetajiet bażiċi tal-prodott. Il-parti targumenta li l-prodotti kollha bi ħxuna ta' > 50,8 mm għandhom ikunu esklużi mill-ambitu tal-prodott. B'appoġġ tal-limitu tal-ħxuna, l-uniku argument li ressqet il-parti huwa li l-ilment allegatament jiffoka biss fuq il-pjanċi tqal bi ħxuna ta' < 50,8 mm, peress li l-evidenza prima facie pprovduta f'wieħed mill-Annessi tal-ilment rigward il-kalkolu tad-dumping hija limitata għal dawn il-prodotti.

(40)

Madankollu, jidher ċar li d-definizzjoni tal-prodott fl-ilment tkopri wkoll prodotti bi ħxuna ta' > 50,8 mm, peress li d-definizzjoni tal-prodott ma fiha l-ebda limitu massimu tal-ħxuna. Kif iddikjarat iktar 'il fuq, is-sempliċi raġuni li l-evidenza prima facie dwar id-dumping tkopri biss l-iktar tipi ta' prodott esportati komuni ma jfissirx li d-definizzjoni tal-prodott hija limitata għal dawk it-tipi.

(41)

Għaldaqstant, il-Kummissjoni tikkonkludi b'mod provviżorju li d-definizzjoni tal-prodott titħalla kif inhi.

(42)

Kif stipulat fl-Artikolu 2(7)(b) tar-Regolament bażiku, jekk produttur esportatur fir-RPĊ jikkonforma mal-kriterji fl-Artikolu 2(7)(c) u għaldaqstant jingħata TES, il-Kummissjoni mbagħad tiddetermina l-valur normali għal dik il-kumpanija skont l-Artikoli 2(1) sa (6).

(43)

Il-Kummissjoni bagħtet formola ta' pretensjoni ta' TES lill-produtturi esportaturi kampjunati kollha sabiex ikunu jistgħu jitolbu li għandhom jingħataw TES. L-ebda wieħed minnhom ma rritorna l-formola ta' pretensjoni u għalhekk l-ebda wieħed minnhom ma seta' jingħata TES.

(44)

Għaldaqstant il-valur normali ġie stabbilit fuq il-bażi tal-prezz jew il-valur maħdum f'pajjiż terz b'ekonomija tas-suq kif stipulat fl-Artikolu 2(7)(a) tar-Regolament bażiku. Għal dan il-għan, ried jintgħażel pajjiż analogu.

(45)

Fin-Notifika ta' Bidu, il-Kummissjoni indikat li kienet ipprevediet li tuża lill-Istati Uniti tal-Amerika bħala l-pajjiż analogu u stiednet lill-partijiet interessati jikkummentaw. Ma wasal l-ebda kumment.

(46)

Il-kwestjonarji ntbagħtu lill-produtturi magħrufin kollha tal-pjanċa tqila fil-pajjiżi msemmijin fil-premessa (8) iktar 'il fuq, u waslu żewġ tweġibiet: waħda mingħand produttur fl-Awstralja u waħda mingħand produttur fl-Istati Uniti tal-Amerika.

(47)

It-tweġiba mill-produttur fl-Istati Uniti tal-Amerika weriet evidenza tal-produzzjoni u l-bejgħ fis-suq domestiku tal-Istati Uniti.

(48)

Fit-tweġiba tiegħu għall-kwestjonarju, il-produttur mill-Istati Uniti għarraf lill-Kummissjoni li d-dazju doganali normali tal-Istati Uniti fuq l-importazzjonijiet tal-pjanċa tqila huwa żero. Jeżistu dazji antidumping fuq importazzjonijiet mir-RPĊ kif ukoll dazji antidumping u dazji antisussidji fuq importazzjonijiet mill-Indja, mill-Indoneżja u mir-Repubblika tal-Korea.

(49)

Hemm 7 produtturi mill-Istati Uniti fis-suq domestiku tal-Istati Uniti, u l-importazzjonijiet mir-Repubblika tal-Korea, mill-Ġermanja, minn Franza u mill-Kanada għandhom sehem mis-suq ta' 20 %.

(50)

It-tweġiba mill-produttur mill-Awstralja kien fiha evidenza tal-produzzjoni u l-bejgħ fis-suq domestiku Awstraljan, u li huwa l-uniku produttur fl-Awstralja. Madankollu, l-importazzjonijiet fl-Awstralja għandhom sehem mis-suq ta' 35 %. Dazji antidumping huma fis-seħħ fuq importazzjonijiet mir-RPĊ, mill-Indoneżja, mill-Ġappun, mir-Repubblika tal-Korea u mit-Tajwan, iżda dawn id-dazji huma baxxi u għal ċerti kumpaniji huma żero.

(51)

Is-suq domestiku Awstraljan jista' jitqies li huwa aktar kompetittiv għaliex l-importazzjonijiet jieħdu sehem akbar mis-suq u d-dazji fuq l-importazzjonijiet huma inqas.

(52)

B'hekk, f'dan l-istadju, il-Kummissjoni kkonkludiet li l-Awstralja kienet pajjiż analogu xieraq skont l-Artikolu 2(7)(a) tar-Regolament bażiku.

(53)

L-informazzjoni li waslet mingħand il-produttur li kkoopera fil-pajjiż analogu ntużat bħala bażi għad-determinazzjoni tal-valur normali għall-produtturi esportaturi li ma ngħatawx TES, skont l-Artikolu 2(7)(a) tar-Regolament bażiku.

(54)

Il-Kummissjoni l-ewwel eżaminat jekk il-volum totali tal-bejgħ domestiku tal-produttur li kkoopera fil-pajjiż analogu kienx rappreżentattiv, skont l-Artikolu 2(2) tar-Regolament bażiku.

(55)

Il-bejgħ domestiku jkun rappreżentattiv jekk il-volum totali tal-bejgħ domestiku tal-prodott simili mill-produttur tal-pajjiż analogu għall-klijenti indipendenti fis-suq domestiku jkun jirrappreżenta tal-inqas 5 % tal-volum totali tal-bejgħ b'esportazzjoni tal-prodott ikkonċernat lejn l-Unjoni ta' kull produttur esportatur kampjunat fir-RPĊ matul il-perjodu tal-investigazzjoni.

(56)

Fuq din il-bażi, il-bejgħ totali tal-produttur tal-prodott simili li kkoopera fis-suq domestiku tal-pajjiż analogu kien rappreżentattiv.

(57)

Imbagħad il-Kummissjoni identifikat it-tipi ta' prodotti mibjugħa f'livell domestiku li kienu identiċi jew paragunabbli għat-tipi tal-prodott mibjugħa għall-esportazzjoni fl-Unjoni mill-produtturi esportaturi fil-kampjun.

(58)

Imbagħad il-Kummissjoni eżaminat jekk il-bejgħ domestiku mill-produttur tal-pajjiż analogu fis-suq domestiku tiegħu għal kull tip ta' prodott li kien identiku jew komparabbli ma' tip ta' prodott mibjugħ għall-esportazzjoni lejn l-Unjoni minn kull produttur esportatur fil-kampjun fir-RPĊ kienx rappreżentattiv, skont l-Artikolu 2(2) tar-Regolament bażiku.

(59)

Il-bejgħ domestiku ta' tip ta' prodott huwa rappreżentattiv jekk il-volum totali ta' bejgħ domestiku ta' dak it-tip ta' prodott lil konsumaturi indipendenti matul il-perjodu tal-investigazzjoni jirrappreżenta mill-inqas 5 % tal-volum totali tal-bejgħ għall-esportazzjoni minn kull produttur esportatur fil-kampjun fir-RPĊ lejn l-Unjoni tat-tip ta' prodott identiku jew komparabbli.

(60)

Il-Kummissjoni sabet li wħud mit-tipi ta' prodotti kienu rappreżentattivi fuq din il-bażi, iżda oħrajn ma kinux, jew minħabba kwantitajiet baxxi jew għaliex it-tip ta' prodott esportat ma kienx jinbiegħ b'mod domestiku mill-produttur tal-pajjiż analogu.

(61)

Imbagħad, il-Kummissjoni ddefinixxiet il-proporzjon tal-bejgħ bi profitt lill-konsumaturi indipendenti fis-suq domestiku għal kull tip ta' prodott matul il-perjodu tal-investigazzjoni biex tiddeċiedi jekk tużax il-bejgħ domestiku attwali għall-kalkolu tal-valur normali, skont l-Artikolu 2(4) tar-Regolament bażiku.

(62)

Il-valur normali huwa bbażat fuq il-prezz domestiku reali għal kull tip ta' prodott, irrispettivament minn jekk dan il-bejgħ irendix profitt jew le, jekk:

(63)

F'dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta' dak it-tip ta' prodott matul il-perjodu tal-investigazzjoni.

(64)

Il-valur normali huwa l-prezz domestiku attwali għal kull tip ta' prodott tal-bejgħ domestiku profittabbli tat-tipi ta' prodotti biss, matul il-perjodu tal-investigazzjoni, jekk:

(65)

Meta prodott ma jkunx inbiegħ fi kwantitajiet rappreżentattivi jew mhux mibjugħ affattu jew il-bejgħ kollu sar bit-telf fis-suq domestiku mill-produttur tal-pajjiż analogu, il-Kummissjoni ħadmet il-valur normali skont l-Artikolu 2(3) u (6) tar-Regolament bażiku.

(66)

Għal kull tip ta' prodott mhux mibjugħ fi kwantitajiet rappreżentattivi fis-suq domestiku, il-valur normali nħadem billi żdiedu l-ispejjeż medji għall-bejgħ, ġenerali u amministrattivi (SG&A — selling, general, administrative) u l-profitt tat-tranżazzjonijiet li saru matul il-perkors normali tan-negozju fis-suq domestiku għal kull wieħed minn dawk it-tipi mal-kost medju tal-produzzjoni tagħhom.

(67)

Għal tipi ta' prodotti mhux mibjugħin affattu jew li l-bejgħ kollu tagħhom sar bit-telf fis-suq domestiku, il-valur normali nħadem billi żdiedu l-ispejjeż medji għall-bejgħ, ġenerali u amministrattivi (SG&A) u l-profitt li saru matul il-perkors normali tan-negozju tal-prodott simili fis-suq domestiku mal-kost medju tal-produzzjoni ta' kull tip.

(68)

F'każ li fih tip ta' prodott ma kienx inbiegħ affattu fis-suq domestiku tal-pajjiż analogu, il-kost tal-produzzjoni ġie stabbilit fuq il-bażi tal-kost tal-eqreb irħas tip.

(69)

Il-prezz tal-esportazzjoni ġie vverifikat għal kull produttur esportatur fil-kampjun matul iż-żjara tal-verifika. Meta saret l-esportazzjoni lejn l-Unjoni lill-ewwel klijent mhux relatata direttament jew permezz ta' kumpanija tan-negozjar relatata, il-prezz tal-esportazzjoni kien il-prezz li tħallas realment jew dak pagabbli għall-prodott ikkonċernat meta nbiegħ għall-esportazzjoni lejn l-Unjoni, skont l-Artikolu 2(8) tar-Regolament bażiku.

(70)

Wieħed mill-produtturi esportaturi fil-kampjun esporta l-pjanċa tqila permezz ta' importatur relatat fl-Unjoni. Il-prezz tal-esportazzjoni għal dak il-bejgħ inħadem skont l-Artikolu 2(9) tar-Regolament bażiku.

(71)

Il-Kummissjoni qabblet il-valur normali mill-produttur tal-pajjiż analogu u l-prezz tal-esportazzjoni tal-produtturi esportaturi fil-kampjun fuq il-bażi tal-prezz mill-fabbrika.

(72)

Fejn iġġustifikata mill-ħtieġa li jiġi żgurat paragun ġust, il-Kummissjoni aġġustat il-valur normali u/jew il-prezz tal-esportazzjoni għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku. Saru aġġustamenti għal kostijiet marbutin mat-trasport, l-immaniġġjar, it-tagħbija u l-ispejjeż anċillari, it-taxxi indiretti, il-kummissjonijiet, il-kostijiet tal-kreditu u t-tariffi tal-bank.

(73)

Għal dawk il-produtturi esportaturi fil-kampjun li biegħu lill-Unjoni permezz ta' kumpaniji tan-negozjar relatati b'funzjonijiet simili għal dawk ta' aġent li jaħdem fuq bażi tal-kummissjonijiet, sar aġġustament skont l-Artikolu 2(10)(i) tar-Regolament bażiku.

(74)

Għall-produtturi esportaturi fil-kampjun li kkooperaw, il-Kummissjoni qabblet il-valur normali medju ponderat ta' kull tip ta' prodott simili mal-prezz tal-esportazzjoni medju ponderat tat-tip korrispondenti tal-prodott konċernat, skont l-Artikolu 2(11) u (12) tar-Regolament bażiku.

(75)

Fuq il-bażi ta' dan, il-marġnijiet tad-dumping medji ponderati proviżorji espressi bħala perċentwal tal-prezz CIF (l-assigurazzjoni tal-kost u l-merkanzija) fil-fruntiera tal-Unjoni, bid-dazju mhux imħallas, huma kif ġej:

Tabella 1

Il-kampjun tal-marġnijiet tad-dumping

(76)

Għall-produtturi esportaturi li ma kinux inklużi fil-kampjun, il-Kummissjoni kkalkolat il-marġni tad-dumping medju ponderat tal-produtturi esportaturi fil-kampjun, skont l-Artikolu 9(6) tar-Regolament bażiku.

(77)

Fuq il-bażi ta' dan, il-marġini tad-dumping provviżorju tal-produtturi esportaturi li kkooperaw u li ma kinux inklużi fil-kampjun kien ta' 125,5 %.

(78)

Għall-produtturi esportaturi l-oħrajn kollha fir-RPĊ, il-Kummissjoni stabbilixxiet il-marġini tad-dumping fuq il-bażi tal-fatti disponibbli skont l-Artikolu 18 tar-Regolament bażiku.

(79)

L-ewwel il-Kummissjoni stabbilixxiet il-livell ta' kooperazzjoni mill-produtturi esportaturi fir-RPĊ. Il-livell ta' kooperazzjoni huwa bbażat fuq il-volum tal-esportazzjonijiet lejn l-Unjoni tal-produtturi esportaturi li kkooperaw bħala perċentwal tal-volum totali tal-esportazzjonijiet — kif irrapportat fl-istatistika dwar l-importazzjoni tal-Eurostat — mir-RPĊ lejn l-Unjoni.

(80)

Il-livell ta' kooperazzjoni f'dan il-każ huwa għoli minħabba li l-esportazzjonijiet tal-produtturi esportaturi li kkooperaw jammontaw għal madwar 87 % tal-esportazzjonijiet totali lejn l-Unjoni matul il-perjodu tal-investigazzjoni. Fuq din il-bażi, il-Kummissjoni ddeċidiet li tibbaża l-marġni tad-dumping għall-kumpaniji kollha l-oħrajn fil-livell tal-kumpanija fil-kampjun bl-ogħla marġni tad-dumping.

(81)

Il-marġnijiet provviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 2

Il-marġnijiet tad-dumping kollha

(82)

Il-prodott simili kien manifatturat minn 30 produttur fl-Unjoni matul il-perjodu tal-investigazzjoni. Huma jikkostitwixxu “l-industrija tal-Unjoni” skont it-tifsira tal-Artikolu 4(1) tar-Regolament bażiku.

(83)

26 minnhom ikkooperaw fl-eżerċizzju tal-kampjunar. Dawn il-produtturi tal-Unjoni li kkooperaw jirrappreżentaw madwar 94 % tal-produzzjoni industrijali totali tal-Unjoni u l-bejgħ industrijali totali tal-Unjoni tal-prodott simili fil-perjodu tal-investigazzjoni.

(84)

Il-produzzjoni totali tal-Unjoni tal-prodott simili matul il-perjodu tal-investigazzjoni huwa ta' madwar 10,3 miljun tunnellata. Il-Kummissjoni stabbilixxiet il-figura fuq il-bażi tal-informazzjoni disponibbli kollha dwar l-industrija tal-Unjoni bħall-ilment, it-tweġibiet verifikati għall-kwestjonarju mill-produtturi tal-Unjoni kampjunati u s-sottomissjoni verifikata mill-Eurofer.

(85)

Kif indikat fil-premessa (1) iktar 'il fuq, intgħażlu tliet produtturi tal-Unjoni fil-kampjun li jirrappreżentaw 28,5 % tal-bejgħ totali tal-industrija tal-Unjoni u l-volum tal-produzzjoni totali tal-Unjoni tal-prodott simili matul il-perjodu tal-investigazzjoni.

(86)

Il-Kummissjoni stabbilixxiet il-konsum tal-Unjoni fuq il-bażi tal-istatstiki dwar l-importazzjoni tal-Eurostat u d-dejta verifikata dwar il-bejgħ mill-industrija tal-Unjoni.

(87)

Il-konsum tal-Unjoni tal-pjanċa tqila żviluppa kif ġej:

Tabella 3

Il-konsum tal-Unjoni (MT)

(88)

Il-konsum tal-Unjoni żdied b'5 % matul il-perjodu kkunsidrat. Analiżi sena b'sena turi tnaqqis inizjali ta' 6 % bejn l-2012 u l-2013 u rkupru sussegwenti fl-2014 u l-perjodu tal-investigazzjoni ta' 11-il punt perċentwali jew iktar minn miljun (1) tunnellata.

(89)

L-użu ristrett mill-produtturi tal-Unjoni huwa insinifikanti peress li jammonta għal inqas minn 0,5 % tal-konsum tal-Unjoni matul il-perjodu kkunsidrat. Għaldaqstant, l-indikaturi tad-dannu huma vvalutati għas-suq sħiħ tal-Unjoni, inklużi kwantitajiet użati b'mod ristrett mill-produtturi tal-Unjoni.

(90)

Il-Kummissjoni stabbilixxiet il-volum tal-importazzjonijiet abbażi tal-bażi tad-dejta tal-Eurostat. Is-sehem mis-suq tal-importazzjonijiet ġie stabbilit billi tqabblu l-volumi tal-importazzjonijiet mal-konsum tal-Unjoni kif muri fit-tabella 3 tal-premessa (87) aktar 'il fuq.

(91)

L-importazzjonijiet ta' pjanċi tqal fl-Unjoni żviluppa kif ġej:

Tabella 4

Il-volum tal-importazzjonijiet (MT) u s-sehem mis-suq

(92)

Il-volum tal-importazzjonijiet mir-RPĊ lejn l-Unjoni żdied b'231 % matul il-perjodu kkunsidrat. Wara tnaqqis ta' 16 % bejn l-2012 u l-2013, l-importazzjonijiet mir-RPĊ irpiljaw sostanzjalment fl-2014 b'85 punt perċentwali u żdiedu saħansitra aktar fil-perjodu tal-investigazzjoni b'162 punt perċentwali ieħor.

(93)

It-tnaqqis inizjali fl-esportazzjonijiet mir-RPĊ bejn l-2012 u l-2013 kien xprunat mill-konsum dejjem inqas fis-suq tal-Unjoni kif muri fit-tabella 3 tal-premessa (87) aktar 'il fuq. Wara l-2013, is-suq tal-Unjoni ra żieda dinamika, u kiber b'iktar minn miljun (1) tunnellata bejn l-2013 u l-perjodu tal-investigazzjoni. Dan it-tkabbir kien assorbit b'mod kważi esklussiv mill-importazzjonijiet mir-RPĊ, li wkoll żdiedu b'miljun (1) tunnellata matul dan il-perjodu.

(94)

B'mod parallel, is-sehem mis-suq tal-Unjoni li kellhom l-importazzjonijiet mir-RPĊ żdied b'iktar mit-tripplu minn 4,6 % fl-2012 għal 14,4 % fil-perjodu tal-investigazzjoni.

(95)

Il-Kummissjoni stabbilixxiet il-prezzijiet tal-importazzjonijiet fuq il-bażi tad-dejta tal-Eurostat. Il-prezz medju ponderat tal-importazzjonijiet tal-pjanċi tqal lejn l-Unjoni mir-RPĊ żviluppa hekk:

Tabella 5

Il-prezz tal-importazzjoni (EUR/tunnellata)

(96)

Il-prezzijiet medji tal-importazzjoni mir-RPĊ naqsu b'29 % matul il-perjodu kkunsidrat. Kien hemm tnaqqis kostanti minn EUR 647/tunnellata fl-2012 għal EUR 460/tunnellata matul il-perjodu tal-investigazzjoni.

(97)

Il-Kummissjoni ddeterminat it-twaqqigħ tal-prezz matul il-perjodu tal-investigazzjoni billi qabblet:

(98)

It-tqabbil tal-prezzijiet sar fuq bażi ta' tip b'tip għal tranżazzjonijiet fl-istess livell ta' kummerċ, aġġustati kif dovut meta meħtieġ, u wara t-tnaqqis tar-roħs u l-iskontijiet. Ir-riżultat tat-tqabbil ingħata bħala perċentwal tal-fatturat tat-tliet produtturi tal-Unjoni fil-kampjun matul il-perjodu tal-investigazzjoni.

(99)

Fuq il-bażi ta' dan li ntqal hawn fuq, instab li l-importazzjonijiet oġġett ta' dumping mir-RPĊ waqqgħu l-prezzijiet tal-industrija tal-Unjoni b'medja ta' 29 %.

(100)

Skont l-Artikolu 3(5) tar-Regolament bażiku, l-eżaminazzjoni tal-impatt tal-importazzjonijiet oġġett ta' dumping fl-industrija tal-Unjoni kien jinkludi evalwazzjoni tal-indikaturi ekonomiċi kollha li influwenzaw l-istat tal-industrija tal-Unjoni matul il-perjodu kkunsidrat.

(101)

Għad-determinazzjoni tad-dannu, il-Kummissjoni għamlet distinzjoni bejn l-indikaturi tad-danni makroekonomiċi u dawk mikroekonomiċi.

(102)

Il-Kummissjoni evalwat l-indikaturi makroekonomiċi (il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, l-impjiegi, il-kostijiet lavorattivi, it-tkabbir, il-produttività u d-daqs tal-marġnijiet tad-dumping u l-irkupru mid-dumping fl-imgħoddi) fil-livell tal-industrija kollha tal-Unjoni. Il-valutazzjoni kienet ibbażata fuq l-informazzjoni li pprovdew l-ilmentatur, il-produtturi tal-Unjoni u l-istatistiki uffiċjali disponibbli (Eurostat). Id-dejta makroekonomika marbuta mal-produtturi kollha tal-Unjoni.

(103)

Il-Kummissjoni evalwat l-indikaturi mikroekonomiċi (il-prezzijiet medji tal-bejgħ ta' unità, il-kost unitarju, l-inventarji, il-profittabilità, il-fluss tal-flus, l-investimenti, ir-redditu fuq l-investimenti, u l-ħila li jiġi ġġenerat kapital) fuq il-bażi tad-dejta li tinsab fit-tweġibiet għall-kwestjonarju mill-produtturi tal-Unjoni fil-kampjun, verifikati kif xieraq, u l-istatistiki uffiċjali disponibbli (Eurstat). Id-dejta relatata mal-produtturi tal-Unjoni fil-kampjun.

(104)

Il-Kummissjoni tosserva li wieħed mill-produtturi tal-Unjoni fil-kampjun issospenda l-produzzjoni tal-pjanċi tqal f'Diċembru tal-2015. Din is-sospensjoni ma għandha l-ebda impatt fuq xi indikatur tad-dannu peress li seħħet fi tmiem il-perjodu tal-investigazzjoni u, għalhekk, iż-żewġ settijiet tad-dejta nstabu li huma rappreżentattivi tas-sitwazzjoni ekonomika tal-industrija tal-Unjoni.

(105)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppaw matul il-perjodu kkunsidrat kif ġej:

Tabella 6

Il-produzzjoni, il-kapaċità tal-produzzjoni u l-użu tal-kapaċità

(106)

Il-volum tal-produzzjoni tal-industrija tal-Unjoni naqas bi 12 % fil-perjodu kkunsidrat. Wara tnaqqis ta' 12 % bejn l-2012 u l-2013, il-volum tal-produzzjoni żdied ftit fl-2014 b'5 punti perċentwali sabiex reġa' niżel fl-2015 b'5 punti perċentwali lura għal-livell tal-2013.

(107)

It-tnaqqis inizjali fil-volum tal-produzzjoni bejn l-2012 u l-2013 kien xprunat mill-konsum dejjem inqas fis-suq tal-Unjoni kif irrapportat fit-Tabella 3 tal-premessa (87) iktar 'il fuq. Madankollu, l-industrija tal-Unjoni ma setgħetx tibbenefika mit-tkabbir sussegwenti fil-konsum bejn l-2013 u l-perjodu tal-investigazzjoni. Filwaqt li l-konsum żdied bi 11 % jew iktar minn miljun (1) tunnellata, il-produzzjoni mill-industrija tal-Unjoni żdiedet b'mod temporanju bi ftit biss fl-2014 u reġgħet niżlet għal-livell baxx tal-2013 fil-perjodu tal-investigazzjoni.

(108)

Iċ-ċifri tal-kapaċità tal-produzzjoni rapportati tal-industrija tal-Unjoni jirreferu għall-kapaċità teknika, li timplika li tqiesu l-aġġustamenti, meqjusin bħala standards mill-industrija, għaż-żmien meħtieġ għall-istabbiliment, il-manutenzjoni, l-ostakoli u perjodi normali oħra ta' waqfien.

(109)

Fuq din il-bażi, il-kapaċità tal-produzzjoni naqset b'mod moderat bi 2 % tul il-perjodu kkunsidrat f'suq li kiber b'6 % matul l-istess perjodu.

(110)

Peress li t-tnaqqis fil-kwantità tal-produzzjoni tisboq it-tnaqqis fil-kapaċità tal-produzzjoni, l-użu tal-kapaċità tal-industrija tal-Unjoni naqas b'10 % matul il-perjodu kkunsidrat.

(111)

Il-volum tal-bejgħ u s-sehem mis-suq tal-industrija tal-Unjoni żviluppaw matul il-perjodu kkunsidrat kif ġej:

Tabella 7

Il-volum tal-bejgħ u s-sehem mis-suq

(112)

Il-volum ta' bejgħ tal-industrija tal-Unjoni naqas b'7 % matul il-perjodu kkunsidrat. Wara tnaqqis ta' 7 % bejn l-2012 u l-2013 u saħansitra tnaqqis ieħor fl-2014 b'2 punti perċentwali, il-volum tal-bejgħ żdied bi ftit b'2 punti perċentwali fil-perjodu tal-investigazzjoni.

(113)

B'mod simili għall-iżvilupp tal-kwantità tal-produzzjoni, it-tnaqqis inizjali fil-kwantità tal-bejgħ bejn l-2012 u l-2013 kien xprunat mill-konsum dejjem inqas fis-suq tal-Unjoni kif spjegat fil-premessa (87) aktar 'il fuq. Madankollu, l-industrija tal-Unjoni ma setgħetx tibbenefika mit-tkabbir sussegwenti fil-konsum bejn l-2013 u l-perjodu tal-investigazzjoni. Filwaqt li l-konsum tal-Unjoni żdied b'iktar minn miljun (1) tunnellata, il-kwantità tal-bejgħ mill-industrija tal-Unjoni baqa' fil-livell baxx tal-2013.

(114)

Minħabba li l-kwantità tal-bejgħ naqset b'7 % b'suq li kiber b'5 %, is-sehem mis-suq tal-industrija tal-Unjoni naqas bi 12 % matul il-perjodu kkunsidrat.

(115)

L-impjiegi u l-produttività tal-industrija tal-Unjoni żviluppaw matul il-perjodu kkunsidrat kif ġej:

Tabella 8

L-impjiegi u l-produttività

(116)

L-industrija tal-Unjoni naqqset il-livell ta' impjiegi bi 17 % matul il-perjodu kkunsidrat. Dan it-tnaqqis kellu żewġ raġunijiet ewlenin:

(117)

Il-Kummissjoni tosserva li l-konsum fis-suq tal-Unjoni żdied b'5 % matul il-perjodu kkunsidrat. Għalhekk, fin-nuqqas ta' volumi dejjem ikbar ta' importazzjonijiet oġġett ta' dumping mir-RPĊ, l-industrija tal-Unjoni kienet tkun tista' żżomm l-impjiegi peress li l-gwadanji fl-effiċjenza kienu jkunu assorbiti mid-domanda akbar.

(118)

Il-kostijiet lavorattivi medji tal-industrija tal-Unjoni żviluppaw kif ġej matul il-perjodu kkunsidrat:

Tabella 9

Il-kostijiet lavorattivi medji għal kull FTE (Ekwivalenti għall-full time)

(119)

Minħabba t-tnaqqis sostanzjali fil-manodopera kif irrapportat fil-premessa (115) aktar 'il fuq, il-kost lavorattiv medju għal kull impjegat żdied bi 13 % matul il-perjodu kkunsidrat. Fil-fatt, filwaqt li ċerta parti mill-kost lavorattiv akbar hija marbuta ma' żidiet obbligatorji fil-pagi minħabba ftehimiet ta' negozjar kollettiv, dan il-kost lavorattiv akbar huwa kkaġunat fil-parti l-kbira tiegħu mill-kostijiet marbutin mat-tnaqqis tal-forza tax-xogħol u l-ħinijiet tax-xogħol. Kostijiet bħal dawn jinkludu pagamenti għall-għoti tas-sensja u l-kost akbar imġarrab f'sitwazzjonijiet ta' xogħol part-time minħabba anqas produzzjoni kkaġunata minn kwantitajiet ta' importazzjonijiet oġġett ta' dumping li bdew jiżdiedu b'mod kostanti.

(120)

Għall-ewwel il-konsum tal-Unjoni naqas mill-2012 għall-2013 b'6 % jew bi kważi 600 000 tunnellata. Dan it-tnaqqis inizjali kellu impatt negattiv fuq is-sitwazzjoni tal-bejgħ u l-kwantitajiet tal-produzzjoni tal-industrija tal-Unjoni.

(121)

Bejn l-2013 u l-perjodu tal-investigazzjoni, is-sitwazzjoni kienet differenti. Il-konsum tal-Unjoni ra tkabbir dinamiku ta' 11-il punt perċentwali jew iktar minn miljun (1) tunnellata. Madankollu, l-industrija tal-Unjoni ma setgħetx tibbenefika minn dan it-tkabbir dinamiku. Tabilħaqq, il-produzzjoni u l-kwantitajiet tal-bejgħ baqgħu fil-livelli baxxi ħafna tal-2013. It-tkabbir tas-suq tal-Unjoni kien assorbit għalkollox minn kwantitajiet dejjem ikbar ta' importazzjonijiet oġġett ta' dumping bi prezzijiet baxxi mir-RPĊ li bl-istess mod żdiedu b'iktar minn miljun (1) tunnellata bejn l-2013 u l-perjodu tal-investigazzjoni, kif muri fil-premessa (91) aktar 'il fuq.

(122)

Il-marġnijiet tad-dumping tal-produtturi esportaturi kollha mir-RPĊ qabżu l-100 %. L-impatt tad-daqs ta' dawn il-marġnijiet ferm għoljin tad-dumping fuq l-industrija tal-Unjoni kien serju, meta jitqies il-volum u l-prezzijiet tal-importazzjonijiet mir-RPĊ.

(123)

Fl-2000, il-Kunsill impona dazju antidumping definittiv fuq l-importazzjonijiet ta' ċerti prodotti ċatti llaminati bis-sħana tal-azzar mhux illigat li joriġinaw mir-Repubblika tal-Poplu taċ-Ċina, l-Indja u r-Rumanija. Dawn il-miżuri kienu jkopru ambitu ta' prodott simili ħafna għal dak tal-investigazzjoni attwali. Dawn il-miżuri skadew fil-11 ta' Awwissu 2005.

(124)

Kif indikat fil-premessa (221) hawn taħt, l-industrija tal-Unjoni kisbet profittabilità li taqbeż il-profitt fil-mira. Għaldaqstant, il-Kummissjoni tikkonkludi b'mod provviżorju li l-industrija tal-Unjoni rkuprat mid-dumping tal-imgħoddi.

(125)

Il-prezzijiet tal-bejgħ tal-unitajiet medji ponderati lil konsumaturi mhux relatati fl-Unjoni u l-kost unitarju tal-produzzjoni tal-produtturi tal-Unjoni fil-kampjun żviluppaw matul il-perjodu kkunsidrat kif ġej:

Tabella 10

Il-prezzijiet tal-bejgħ fl-Unjoni

(126)

Il-prezzijiet medji tal-bejgħ tal-produtturi tal-Unjoni fil-kampjun issoktaw jonqsu b'25 %, filwaqt li l-kost unitarju medju tal-produzzjoni ssokta jonqos bi 19 % matul il-perjodu kkunsidrat. Il-prezzijiet tal-bejgħ bdew jonqsu b'rata akbar u bħala medja, baqgħu b'dejjem anqas mill-kost unitarju tal-produzzjoni.

(127)

Sabiex jiġi limitat it-telf fis-sehem mis-suq, il-produtturi tal-Unjoni kellhom jimitaw it-tnaqqis fil-prezz u jnaqqsu l-prezz tal-bejgħ tagħhom b'mod sinifikanti. It-tnaqqis fil-prezz jisboq b'mod sinifikanti t-tnaqqis fil-kost tal-produzzjoni tagħhom, li rriżulta primarjament mit-tnaqqis fil-prezzijiet tal-materja prima matul il-perjodu kkunsidrat u l-gwadanji fil-produttività miksubin permezz tat-tnaqqisiet fil-forza tax-xogħol kif muri fil-premessa (115) aktar 'il fuq.

(128)

Il-livelli tal-istokk tal-produtturi tal-Unjoni fil-kampjun żviluppaw kif ġej matul il-perjodu kkunsidrat:

Tabella 11

L-inventarji

(129)

Il-livell ta' stokkijiet tal-għeluq tat-tliet produtturi tal-Unjoni fil-kampjun issoktaw jiżdiedu b'26 % matul il-perjodu kkunsidrat. Fl-istess ħin, il-livell tal-istokkijiet tal-għeluq tagħhom bħala perċentwal tal-produzzjoni ssokta jiżdied b'35 % ukoll.

(130)

Ir-raġuni ewlenija għaż-żieda fl-inventarji kienet li minkejja li l-industrija tal-Unjoni pprovat tipprevjeni t-tnaqqis fil-volumi tal-produzzjoni, il-volumi tal-bejgħ naqsu saħansitra b'ħeffa akbar peress li l-industrija tal-Unjoni ma setgħetx tibbenefika mit-tkabbir tas-suq minħabba l-volumi dejjem ikbar ta' importazzjonijiet oġġett ta' dumping bi prezzijiet baxxi.

(131)

Il-Kummissjoni stabbilixxiet il-profittabbiltà tal-produtturi tal-Unjoni fil-kampjun billi esprimiet it-telf nett qabel it-taxxa tal-bejgħ tal-prodott simili lill-konsumaturi mhux relatati fl-Unjoni bħala perċentwal tal-fatturat ta' dak il-bejgħ.

(132)

Il-profittabbiltà, il-fluss tal-flus, l-investimenti u r-redditu fuq l-investimenti tal-produtturi tal-Unjoni fil-kampjun żviluppaw kif ġej matul il-perjodu kkunsidrat:

Tabella 12

Il-profittabbiltà, il-fluss tal-flus, l-investimenti u r-redditu fuq l-investimenti

(133)

Il-profittabilità naqset b'758 % matul il-perjodu kkunsidrat. Wara li raw profitt ta' 1,6 % fl-2012, il-produtturi tal-Unjoni fil-kampjun bdew jagħmlu telf fis-snin ta' wara kollha.

(134)

Filwaqt li t-telf kbir ta' 12,2 % fl-2013 huwa influwenzat mid-domanda partikolarment baxxa f'dik is-sena, il-pressjoni konsiderevoli fuq il-prezzijiet u l-volumi eżerċitata fuq l-industrija tal-Unjoni mill-importazzjonijiet dejjem aktar mir-RPĊ matul l-2014 u l-perjodu tal-investigazzjoni ma ħallewx lill-industrija tibbenefika mit-tkabbir dinamiku tal-konsum tal-Unjoni bi 11-il punt perċentwali. Kif indikat fil-premessa (93) aktar 'il fuq, dan it-tkabbir kien assorbit kważi għalkollox mill-importazzjonijiet oġġett ta' dumping mir-RPĊ.

(135)

Il-fluss tal-flus nett jirrappreżenta l-kapaċità tal-produtturi tal-Unjoni li jiffinanzjaw huma stess l-attivitajiet tagħhom. Il-fluss tal-flus naqas b'226 % matul il-perjodu kkunsidrat. Wara t-tnaqqis ta' 310 % bejn l-2012 u l-2013, li kien influwenzat mid-domanda partikolarment baxxa f'dik is-sena, tjieb u ġie ftit pożittiv fl-2014. Minkejja dan, ix-xejra negattiva kompliet matul il-perjodu tal-investigazzjoni, fejn reġa' qaleb ferm fin-negattiv.

(136)

Ir-redditu fuq l-investimenti huwa l-profitt f'perċentwal tal-valur kontabilistiku nett tal-investimenti. Ir-redditu fuq l-investimenti naqas b'282 % matul il-perjodu kkunsidrat. Wara t-tnaqqis drammatiku ta' 397 % bejn l-2012 u l-2013, li kien influwenzat mid-domanda partikolarment baxxa f'dik is-sena, żdied xi ftit matul l-2014 u l-perjodu tal-investigazzjoni iżda xorta waħda baqa' negattiv.

(137)

Konsegwentement, l-industrija tal-Unjoni naqqset il-livell ta' investimenti tagħha b'31 % matul il-perjodu kkunsidrat. Wara li żiedet l-investimenti bejn l-2012 u l-2013 b'7 %, l-industrija tal-Unjoni kienet imġiegħla tnaqqashom fl-2014 b'26 punt perċentwali u matul il-perjodu tal-investigazzjoni bi 12-il punt perċentwali ieħor. Kif muri fit-tabella 6 tal-premessa (105) aktar 'il fuq, dawn l-investimenti ma ntużawx sabiex tiżdied il-kapaċità tal-produzzjoni.

(138)

Il-kapaċità li jiġi ġġenerat il-kapital kienet affettwata mit-telf imġarrab matul il-perjodu kkunsidrat u finalment sarrfet fil-waqfien tal-operazzjonijiet ta' produttur tal-Unjoni minnhom fil-kampjun.

(139)

Il-perjodu kkunsidrat huwa kkaratterizzat minn żewġ perjodi partikolari: L-2012 sal-2013 u l-2014 sa tmiem il-perjodu tal-investigazzjoni.

(140)

Għall-ewwel, bejn l-2012 u l-2013, il-konsum tal-Unjoni naqas b'mod sinifikanti b'6 %. Dan il-konsum li baqa' jonqos kellu effett negattiv fuq ħafna indikaturi tad-dannu, bħall-volum u l-prezzijiet tal-bejgħ, il-produzzjoni, il-kapaċità u l-użu tal-kapaċità, l-impjiegi, il-produttività, il-profittabilità, il-fluss tal-flus u r-redditu fuq l-investimenti.

(141)

Imbagħad, fl-2014 u fil-perjodu tal-investigazzjoni l-konsum tal-Unjoni ra tkabbir dinamiku ta' 11-il punt perċentwali jew aktar minn miljun (1) tunnellata. Madankollu, l-industrija tal-Unjoni ma setgħetx tibbenefika minn dan it-tkabbir, li kien assorbit għalkollox mill-volumi dejjem akbar ta' importazzjonijiet oġġett ta' dumping mir-RPĊ.

(142)

Tabilħaqq, f'dan il-kuntest ta' konsum ikbar tal-Unjoni, l-industrija tal-Unjoni ma rnexxilhiex iżżid il-volumi tal-bejgħ jew il-volumi tal-produzzjoni, filwaqt li l-użu tal-kapaċità saħansitra naqas bi ftit f'suq li kien qiegħed jikber.

(143)

It-tentattivi li saru sabiex jinżammu l-livelli tal-produzzjoni rriżultaw f'żieda fl-inventarji ta' 24 punt perċentwali. L-industrija tal-Unjoni tilef ukoll 9,3 punti perċentwali mis-sehem fis-suq minħabba l-importazzjonijiet mir-RPĊ li fl-istess ħin iggwadanjaw 10,3 punti perċentwali fis-sehem mis-suq. Il-prezzijiet tal-bejgħ ta' unità naqsu b'9 punti perċentwali u l-kost tal-produzzjoni naqas bi 13-il punt perċentwali.

(144)

Dan wassal għal titjib żgħir fl-indikaturi finanzjarji bħall-profittabilità, il-fluss tal-flus u r-redditu fuq l-investiment, li madankollu baqgħu fil-parti l-kbira negattivi matul dan il-perjodu. L-impjiegi żdiedu b'9 punti perċentwali, filwatq li l-industrija tal-Unjoni rnexxielha żżid il-produttività bi 11-il punt perċentwali. Barra minn hekk, l-industrija tal-Unjoni kellha tnaqqas l-investimenti bi 38 punt perċentwali fid-dawl tal-profittabilità u redditu fuq l-investiment konsistentement negattivi.

(145)

B'mod ġenerali, l-industrija tal-Unjoni sħiħa naqqset il-produzzjoni tagħha u ħadet azzjonijiet propji sabiex ittejjeb l-effiċjenza billi naqqset il-forza tax-xogħol, il-kapaċità tal-produzzjoni u rnexxielha tnaqqas b'mod sinifikanti l-kostijiet tal-manifattura tagħha.

(146)

Minkejja dawn l-azzjonijiet mill-industrija tal-Unjoni matul il-perjodu kkunsidrat sabiex ittejjeb il-prestazzjoni ġenerali tagħha, is-sitwazzjoni ekonomika u finanzjarja tagħha kompliet tmur għall-agħar peress li mill-2013 'il quddiem beda jakkumula t-telf.

(147)

Fuq il-bażi ta' dak li ntqal aktar 'il fuq, il-Kummissjoni f'dan l-istadju kkonkludiet li l-industrija tal-Unjoni sofriet dannu materjali skont it-tifsira tal-Artikolu 3(5) tar-Regolament bażiku.

(148)

F'konformità mal-Artikolu 3(6) tar-Regolament bażiku, il-Kummissjoni eżaminat jekk l-importazzjonijiet oġġett ta' dumping mir-RPĊ ikkawżawx dannu materjali lill-industrija tal-Unjoni. Skont l-Artikolu 3(7) tar-Regolament bażiku, il-Kummissjoni eżaminat ukoll jekk fatturi magħrufin oħrajn setgħux kienu fl-istess ħin ta' dannu għall-industrija tal-Unjoni.

(149)

Il-Kummissjoni żgurat li kull dannu possibbli kkawżat minn fatturi oħrajn barra l-importazzjonijiet oġġett ta' dumping mir-RPĊ ma kienx attribwit għall-importazzjonijiet oġġett ta' dumping. Dawn il-fatturi huma: kompetizzjoni ħarxa kkaġunata minn problemi fid-domanda fis-suq tal-Unjoni, użu baxx tal-kapaċità tal-industrija tal-Unjoni, importazzjonijiet minn pajjiżi terzi oħrajn, il-prestazzjoni tal-bejgħ tal-esportazzjonijiet tal-produtturi tal-Unjoni u l-kompetizzjoni bejn produtturi integrati vertikalment u riromblaturi.

(150)

Il-prezzijiet tal-bejgħ tal-produtturi esportaturi mir-RPĊ naqsu b'25 % minn EUR 647/tunnellata fl-2012 għal EUR 460/tunnellata matul il-perjodu tal-investigazzjoni. Billi baxxew kontinwament il-prezz tal-bejgħ għal kull unità tagħhom matul il-perjodu kkunsidrat, il-produtturi mir-RPĊ setgħu jżidu b'mod sinifikanti s-sehem mis-suq tagħhom minn 4,6 % fl-2012 għal 14,4 % fil-perjodu tal-investigazzjoni.

(151)

Filwaqt li t-tnaqqis fid-domanda affettwa b'mod negattiv il-prestazzjoni tal-industrija tal-Unjoni bejn l-2012 u l-2013, iż-żieda sussegwenti, kważi kontinwa, fl-importazzjonijiet mir-RPĊ li jwaqqgħu bil-kbir il-prezzijiet kellha effett negattiv ċar fuq il-prestazzjoni tal-industrija tal-Unjoni.

(152)

Tabilħaqq, filwaqt li l-industrija tal-Unjoni kienet qiegħda tnaqqas il-kostijiet tagħha billi tnaqqas l-impjiegi u tibbenefika mit-tnaqqis fil-prezzijiet tal-materja prima, l-importazzjonijiet oġġett ta' dumping baqgħu jiżdiedu u ġiegħlu lill-industrija tal-Unjoni tnaqqas saħansitra iktar il-prezzijiet tal-bejgħ tagħha fl-Unjoni sabiex tillimita t-telf mis-sehem tagħha tas-suq, għad li għad-detriment tal-profittabilità.

(153)

Barra minn hekk, il-profittabilità tal-industrija tal-Unjoni wriet titjib żgħir billi fl-2014 it-telf naqas, il-volum tal-importazzjonijiet żdied iktar u l-prezzijiet komplew jonqsu fil-perjodu tal-investigazzjoni li komplew ibaxxu l-prezzijiet u l-profittabilità tal-industrija tal-Unjoni.

(154)

Barra minn hekk, it-tnaqqis progressiv fir-ritmu ekonomiku u kapaċità żejda sinifikanti ħafna tal-industrija tal-azzar fir-RPĊ ġiegħlu lill-produtturi tal-azzar Ċiniżi biex jimmiraw il-produzzjoni eċċessiva tagħhom lejn swieq tal-esportazzjoni (6) u s-suq tal-Unjoni huwa destinazzjoni attraenti għall-esportazzjonijiet.

(155)

Tabilħaqq, numru kbir ta' swieq tal-esportazzjoni tradizzjonalment importanti oħrajn imponew jew qegħdin jikkunsidraw li jimponu miżuri kontra prodotti tal-azzar mir-RPĊ, inklużi pjanċi tqal (7), għaliex il-prezzijiet qed jitwaqqgħu b'mod artifiċjali minħabba importazzjonijiet inġusti li jwasslu għal kompetizzjoni dannuża.

(156)

Bl-impożizzjoni ta' dejjem aktar miżuri ta' difiża kummerċjali madwar id-dinja, is-suq tal-Unjoni sar wieħed mill-iktar destinazzjonijiet attraenti għall-importazzjonijiet oġġett ta' dumping mir-RPĊ, għad-detriment tal-industrija tal-Unjoni.

(157)

Din il-konklużjoni hija kkonfermata mill-iktar statistiċi riċenti tal-Eurostat dwar l-importazzjonijiet li juru li l-importazzjonijiet mir-RPĊ komplew jiżdiedu mindu ntemm il-perjodu tal-investigazzjoni. Il-volumi tal-importazzjonijiet għall-perjodu bejn Marzu u Mejju 2016 żdiedu b'madwar 15 % meta mqabblin mal-volumi tal-importazzjonijiet matul il-perjodu tal-investigazzjoni, filwaqt li l-prezzijiet medji ta' dawn l-importazzjonijiet baqgħu jonqsu b'madwar 30 %.

(158)

Parti interessata minnhom argumentat li d-dannu tal-industrija tal-Unjoni mhuwiex ikkaġunat minn importazzjonijiet mir-RPĊ, iżda mill-problemi fid-domanda fis-suq tal-Unjoni. Argumentat li filwaqt li d-domanda fl-Unjoni rkuprat fl-2014 u matul il-perjodu tal-investigazzjoni, fl-2012 kienet 32 % anqas mill-ogħla livell tal-2007, u fl-2014 kienet 17 % anqas mis-sena allegatament “normali” tal-2004.

(159)

Din id-dgħjufija fid-domanda allegatament irriżultat f'kompetizzjoni ħarxa fir-rigward tal-kwantitajiet limitati meħtieġa fis-suq, u din xeħtet pressjoni kbira fuq il-prezzijiet tal-bejgħ tal-Unjoni.

(160)

Madankollu, din il-kompetizzjoni ħarxa kkaġunata mill-problemi allegati fid-domanda ma affettwawx b'mod negattiv il-ħila tal-esportaturi mir-RPĊ li jbigħu kwantitajiet dejjem ikbar ta' pjanċi tqal oġġetti ta' dumping fis-suq tal-Unjoni, u b'hekk iżidu s-sehem mis-suq tagħhom minn 4,6 % għal 14,4 %, filwaqt li kkaġunaw telf kważi korrispondenti bl-eżatt għas-sehem mis-suq tal-industrija tal-Unjoni u xeħtu pressjoni sinifikanti fuq il-prezzijiet fl-industrija tal-Unjoni li wasslet għall-profittabilità negattiva tagħha.

(161)

Filwaqt li l-problemi fid-domanda għall-ewwel kellhom impatt negattiv sinifikanti fuq il-prestazzjoni tal-industrija tal-Unjoni l-2013, huma l-importazzjonijiet oġġett ta' dumping mir-RPĊ li huma l-kawża ewlenija għall-kompetizzjoni ħarxa fis-suq tal-Unjoni, speċjalment fl-2014 u matul il-perjodu tal-investigazzjoni.

(162)

Tabilħaqq, fl-2014 u matul il-perjodu tal-investigazzjoni, l-industrija tal-Unjoni setgħet tibbenefika mill-irkupru tas-suq. Ma tħallietx tagħmel dan minħabba żieda sostanzjali fl-importazzjonijiet mir-RPĊ li żdiedu b'iktar mit-tripplu matul dawn is-sentejn, u ħadu sehem sinifikanti mis-suq għad-detriment tal-industrija tal-Unjoni.

(163)

Għaldaqstant, il-Kummissjoni tikkonkludi li l-problemi fid-domanda fis-suq tal-Unjoni mhumiex fl-għeruq tad-dannu lill-industrija tal-Unjoni u li dawn ma jkissrux il-kawżalità bejn l-importazzjonijiet oġġett ta' dumping u d-dannu lill-industrija tal-Unjoni.

(164)

Parti interessata minnhom argumentat li d-dannu tal-industrija tal-Unjoni huwa kkaġunat ukoll minn użu baxx tal-kapaċità, ikkaġunat minn kapaċitajiet eċċessivi sinifikanti tal-produtturi tal-Unjoni. Jargumentaw li mill-2012, meta l-importazzjonijiet mir-RPĊ kienu f'livell relattivament baxx, l-użu tal-kapaċità diġà kien baxx ħafna, u li l-industrija tal-Unjoni ma naqqsitx il-kapaċitajiet tagħha kif xieraq.

(165)

Madankollu, id-domanda fl-Unjoni żdiedet b'mod sinifikanti wara, speċjalment fl-2014 u matul il-perjodu tal-investigazzjoni, meta qabżet id-domanda tal-2012 b'6 %. Fin-nuqqas ta' kwantitajiet dejjem akbar ta' importazzjonijiet oġġett ta' dumping mir-RPĊ, din id-domanda dejjem ikbar kienet twassal għal użu dejjem akbar tal-kapaċità tal-industrija tal-Unjoni, speċjalment peress li kienet naqqset il-kapaċità tal-produzzjoni tagħha bi 2 % f'suq li kien qiegħed jikber.

(166)

Għaldaqstant, il-Kummissjoni tikkonkludi li l-użu baxx tal-kapaċità, speċjalment fl-2014 u matul il-perjodu tal-investigazzjoni, huwa kkaġunat fil-parti l-kbira minn kwantitajiet ta' importazzjonijiet oġġett ta' dumping mir-RPĊ li bdew jiżdiedu ħafna.

(167)

Il-Kummissjoni stabbilixxiet il-volum tal-importazzjonijiet fuq il-bażi tal-bażi ta' dejta tal-Eurostat. Apparti r-RPĊ, l-importazzjonijiet ġew primarjaemnt mill-Ukrajna u r-Russja. Is-sehem mis-suq tal-importazzjonijiet ġie stabbilit billi tqabblu l-volumi tal-importazzjonijiet mal-konsum tal-Unjoni kif irrapportat fit-tabella 3 tal-premessa (87) aktar 'il fuq.

(168)

L-importazzjonijiet fl-Unjoni minn pajjiżi terzi oħrajn żviluppaw matul il-perjodu kunsidrat kif ġej:

Tabella 13

L-importazzjonijiet minn pajjiżi terzi (MT) u l-ishma mis-suq

(169)

Is-sehem mis-suq tal-importazzjonijiet minn pajjiżi terzi oħrajn baqa' relattivament stabbli matul il-perjodu kkunsidrat filwaqt li dak tal-importazzjonijiet mir-RPĊ żdied b'214 %.

(170)

Barra minn hekk, is-sehem mis-suq tal-Ukrajna u r-Russja żdied bi ftit biss matul il-perjodu kkunsidrat. Għall-Ukrajna, is-sehem mis-suq tela' minn 4,7 % għal 6,2 % u għar-Russja minn 1,7 % għal 2,4 % u dan kien għad-detriment ta' pajjiżi importaturi oħrajn apparti r-RPĊ.

(171)

Fil-kuntest tal-konsum tal-Unjoni li żdied b'5 % u sehem mis-suq tal-industrija tal-Unjoni li naqas b'10 punti perċentwali matul il-perjodu kkunsidrat, dan ifisser li l-importazzjonijiet mir-RPĊ iggwadanjaw sehem mis-suq mill-industrija tal-Unjoni biss.

(172)

Konsegwentement, l-importazzjonijiet mir-RPĊ ammontaw għal madwar 54 % tal-importazzjonijiet kollha fl-Unjoni matul il-perjodu tal-investigazzjoni, filwaqt li l-importazzjonijiet mill-Ukrajna ammontaw għal madwar 23 % u mir-Russja għal 9 %.

(173)

Il-prezz medju tal-importazzjonijiet minn pajjiżi terzi oħrajn naqas b'rata ferm inqas mgħaġġla mill-prezzijiet tal-importazzjoni mir-RPĊ. Naqsu bi 19 % filwaqt li l-prezzijiet tal-importazzjoni mir-RPĊ naqsu b'29 %.

(174)

Għad li l-prezzijiet tal-importazzjoni mill-Ukrajna u r-Russja għadhom bħala medja ftit inqas mill-prezzijiet tal-importazzjoni mir-RPĊ, naqsu b'rata ferm inqas mgħaġġla mill-prezzijiet tal-importazzjonijiet mir-RPĊ matul il-perjodu kkunsidrat. Barra minn hekk, dawn il-prezzijiet mhux bilfors huma direttament komparabbli, peress li l-prezz medju huwa affettwat minn taħlita ta' prodotti differenti.

(175)

Barra minn hekk, il-volumi tal-importazzjonijiet mill-Ukrajna u r-Russja b'mod partikolari, jew mill-pajjiżi terzi kollha l-oħrajn inġenerali, ma żdidux b'mod sostanzjali bħal dawk mir-RPĊ. Filwaqt li l-volum tal-importazzjonijiet mir-RPĊ żdied bi kważi miljun (1) tunnellata matul il-perjodu kkunsidrat, il-volum tal-importazzjonijiet mill-Ukrajna żdied b'madwar 160 000 tunnellata, dak mir-Russja b'madwar 75 000 tunnellata u dak mill-pajjiżi terzi kollha l-oħrajn (inklużi r-Russja u l-Ukrajna) b'madwar 90 000 tunnellata.

(176)

Fuq il-bażi ta' dan li ntqal hawn fuq, u fid-dawl tal-volumi ta' importazzjoni ferm iżgħar mill-Ukrajna u r-Russja meta mqabblin ma' dawk mir-RPĊ, ma hemm ebda indikazzjoni li l-importazzjonijiet minn dawn iż-żewġ pajjiżi kienu qegħdin jikkaġunaw dannu għall-industrija tal-Unjoni.

(177)

Bħala medja, l-importazzjonijiet mill-pajjiżi terzi kollha l-oħrajn (inklużi r-Russja u l-Ukrajna) għandhom prezzijiet ogħla mir-RPĊ u ggwadanjaw biss sehem mis-suq insinifikanti ta' punt perċentwali wieħed.

(178)

Għaldaqstant, il-Kummissjoni tikkonkludi li l-importazzjonijiet tal-pjanċi tqal minn pajjiżi terzi mhumiex fl-għeruq tad-dannu lill-industrija tal-Unjoni u li dawn ma jkissrux il-kawżalità bejn l-importazzjonijiet oġġett ta' dumping mir-RPĊ u d-dannu lill-industrija tal-Unjoni.

(179)

Il-volum u l-medja tal-prezzijiet tal-esportazzjonijiet tal-industrija tal-Unjoni żviluppaw kif ġej matul il-perjodu kkunsidrat:

Tabella 14

Il-prestazzjoni tal-esportazzjonijiet

(180)

Il-volum tal-esportazzjonijiet lil konsumaturi mhux relatati barra l-Unjoni naqas bi 18 % matul il-perjodu kkunsidrat. Wara li naqas bi 28 % bejn l-2012 u l-2013, żdied b'25 punt perċentwali fl-2014, u reġa' naqas fil-perjodu tal-investigazzjoni bi 15-il punt perċentwali.

(181)

F'dak li għandu x'jaqsam mal-prezzijiet, dawn naqsu b'mod sinifikanti b'24 % matul il-perjodu kkunsidrat, u żammew il-pass tat-tnaqqis fil-prezz fis-suq tal-Unjoni (– 25 %).

(182)

B'mod ġenerali, il-prestazzjoni tal-esportazzjoni tal-industrija tal-Unjoni tirrifletti l-prestazzjoni tagħha fis-suq tal-Unjoni. Madankollu, is-suq tal-Unjoni huwa ferm aktar importanti għall-industrija tal-Unjoni mis-swieq tal-esportazzjoni. Matul il-perjodu kkunsidrat, il-bejgħ fis-suq tal-Unjoni kien madwar 4 darbiet ogħla mill-bejgħ esportat.

(183)

Għaldaqstant, il-Kummissjoni tqis li minħabba s-sinifikat limitat ta' dan il-bejgħ esportat, il-prestazzjoni tal-esportazzjoni tal-industrija tal-Unjoni ma tistax tkisser ir-rabta kawżali bejn l-importazzjonijiet oġġett ta' dumping mir-RPĊ u d-dannu mġarrab mill-industrija tal-Unjoni.

(184)

Parti interessata minnhom argumentat li l-marġni tal-profitt tal-produtturi tal-Unjoni integrati vertikalment jitnaqqas minħabba l-prezzijiet inferjuri debitati mir-riromblaturi fl-Unjoni, li allegatament jiddebitaw prezzijiet bejn 6 % u 9 % orħos mill-prezzijiet debitati mill-produtturi integrati vertikalment.

(185)

Riromblatur huwa kumpanija li ma tipproduċix il-materjal tal-input tagħha stess, jiġifieri l-qatgħat tal-azzar. Il-produtturi kollha tal-Unjoni fil-kampjun jipproduċu l-qatgħat tal-azzar tagħhom stess u, għalhekk, huma produtturi integrati vertikalment.

(186)

F'dan ir-rigward, il-Kummissjoni tosserva li l-prezzijiet tal-importazzjonijiet oġġett ta' dumping mir-RPĊ iwaqqgħu l-prezzijiet tal-industrija tal-Unjoni b'medja ta' 29 % matul il-perjodu tal-investigazzjoni, kif stipulat fil-premessa (99) aktar 'il fuq. Fuq din il-bażi, il-prezzijiet tal-importazzjonijiet oġġett ta' dumping mir-RPĊ xorta waħda jibqgħu tal-inqas 20 % orħos mill-prezzijiet tar-riromblaturi fl-Unjoni.

(187)

L-istess parti argumentat ukoll li l-kwantità prodotta mir-riromblaturi fl-Unjoni qiegħda tonqos, peress li ħafna minnhom jiddependu mill-provvisti ta' qatgħat tal-azzar mill-Ukrajna. Madankollu, din il-provvista mill-Ukrajna naqset minħabba nuqqas ta' provvisti matul il-perjodu kkunsidrat, u li dan it-tnaqqis fil-provvista ma ġiex ikkumpensat mill-produzzjoni tal-produtturi l-oħrajn tal-Unjoni minkejja l-użu baxx tal-kapaċità tagħhom.

(188)

F'dan ir-rigward, il-parti ma pprovdiet ebda evidenza li l-produtturi tal-Unjoni ma kinux interessati jew ma kinux lesti li jfornu dawn il-kwantitajiet addizzjonali. Għaldaqstant, jidher ċar li b'mod partikolari dawn il-konsumaturi sensittivi għall-prezz tbiegħdu minn prodotti mmanifatturati mill-industrija tal-Unjoni favur importazzjonijiet oġġett ta' dumping bi prezzijiet orħos mir-RPĊ.

(189)

Għalhekk, il-Kummissjoni tikkonkludi li t-tnaqqis fil-profittabilità tal-produtturi tal-Unjoni integrati vertikalment jista' jkun li huwa affettwat b'mod limitat ħafna mill-kwantitajiet dejjem inqas ta' pjanċi tqal bi prezz moderat prodotti mir-riromblaturi fl-Unjoni. Tikkonkludi wkoll li t-tnaqqis fil-profittabilità tagħhom huwa dovut l-aktar għall-importazzjonijiet oġġett ta' dumping bi prezzijiet ferm orħos li ġejjin mir-RPĊ, li żdiedu fil-kwantità b'mod sinifikanti wkoll.

(190)

Kawżalità kienet stabbilita b'mod provviżorju bejn id-dannu mġarrab mill-produtturi tal-Unjoni u l-importazzjonijiet oġġett ta' dumping mir-RPĊ.

(191)

Il-Kummissjoni ddistingwiet u sseparat l-effetti tal-fatturi magħrufa kollha dwar is-sitwazzjoni tal-industrija tal-Unjoni mill-effetti dannużi tal-importazzjonijiet oġġett ta' dumping.

(192)

Instab li l-fatturi identifikati l-oħrajn, bħall-kompetizzjoni ħarxa kkaġunata minn problemi fid-domanda, użu baxx tal-kapaċità, l-importazzjonijiet minn pajjiżi terzi, il-prestazzjoni tal-bejgħ b'esportazzjoni tal-produtturi tal-Unjoni, il-kompetizzjoni bejn produtturi integrati vertikalment u riromblaturi, ma jkissrux il-kawżalità, anki fid-dawl tal-effett kombinat possibbli tagħhom.

(193)

It-tnaqqis temporanju fil-konsum fl-2013 seta' kkontribwixxa mhux ħażin għad-dannu f'dik is-sena, iżda fin-nuqqas ta' volumi dejjem akbar ta' importazzjonijiet oġġett ta' dumping bi prezzijiet dejjem anqas, l-industrija tal-Unjoni ċertament li kienet tkun tista' tibbenefika wkoll mit-tkabbir fis-suq fis-snin sussegwenti. B'mod partikolari, il-volumi ta' bejgħ kienu jirkupraw, il-prezzijiet tal-bejgħ ma kinux jonqsu f'livelli tant baxxi u kienet tinkiseb profittabilità aħjar.

(194)

Fuq il-bażi ta' dan ta' hawn fuq, il-Kummissjoni kkonkludiet f'dan l-istadju li d-dannu materjali għall-industrija tal-Unjoni kien ikkawżat mill-importazzjonijiet oġġett ta' dumping mir-RPĊ u li l-fatturi l-oħra, meqjusin b'mod individwali jew kollettivament ma kissrux il-kawżalità.

(195)

F'konformità mal-Artikolu 21 tar-Regolament bażiku, il-Kummissjoni eżaminat jekk setgħetx b'mod ċar tikkonkludi li ma kienx fl-interess tal-Unjoni li tadotta miżuri f'dan il-każ, minkejja d-determinazzjoni ta' dumping dannuż. Id-determinazzjoni tal-interess tal-Unjoni kienet ibbażata fuq valutazzjoni tal-bosta interessi involuti, inklużi dawk tal-industrija tal-Unjoni, tal-importaturi u tal-utenti.

(196)

L-industrija tal-Unjoni tinsab f'14-il Stat Membru (l-Awstrija, il-Belġju, ir-Repubblika Ċeka, id-Danimarka, il-Finlandja, Franza, il-Ġermanja, l-Italja, il-Polonja, ir-Rumanija, is-Slovenja, Spanja, l-Iżvezja, ir-Renju Unit) u kienet tħaddem madwar 20 000 impjegat b'rabta mal-pjanċi tqal matul il-perjodu kkunsidrat.

(197)

26 produttur tal-Unjoni kkooperaw matul l-investigazzjoni. Ħadd mill-produtturi magħrufin ma oppona li tinbeda investigazzjoni. Kif intwera aktar 'il fuq fl-analiżi tal-indikaturi tad-dannu, l-industrija kollha tal-Unjoni esperjenzat deterjorament tas-sitwazzjoni tagħha u ntlaqtet b'mod negattiv mill-importazzjonijiet oġġett ta' dumping.

(198)

Il-Kummissjoni tistenna li l-impożizzjoni tad-dazji antidumping provviżorji sejra tirrestawra kundizzjonijiet tal-kummerċ ġust fis-suq tal-Unjoni, u twaqqaf id-dipressjoni tal-prezzijiet u tippermetti lill-industrija tal-Unjoni tirkupra. Dan jista' jirriżulta f'titjib tal-profittabbiltà tal-industrija tal-Unjoni lejn livelli meqjusin neċessarji għal din l-industrija b'użu intensiv ta' kapital.

(199)

L-industrija tal-Unjoni sofriet dannu materjali kkawżat mill-importazzjonijiet li huma oġġett ta' dumping mir-RPĊ. Il-Kummissjoni tfakkar li ħafna mill-indikaturi ta' dannu wrew tendenza negattiva matul il-perjodu kkunsidrat. B'mod partikolari, l-indikaturi tad-dannu relatati mal-prestazzjoni finanzjarja tal-produtturi tal-Unjoni fil-kampjun, bħall-profittabilità u r-redditu fuq l-investiment, ġew affettwati serjament.

(200)

Għalhekk huwa importanti li l-prezzijiet jitreġġgħu lura għal-livell mhux oġġett ta' dumping jew tal-anqas mhux dannuż sabiex il-produtturi kollha jkunu jistgħu joperaw f'kundizzjonijiet ta' kummerċ ġust fis-suq tal-Unjoni. Fin-nuqqas ta' miżuri, huwa probabbli ħafna li jkun hemm deterjorament ulterjuri fis-sitwazzjoni ekonomika tal-industrija tal-Unjoni.

(201)

Għaldaqstant, il-Kummissjoni kkonkludiet b'mod provviżorju li l-impożizzjoni ta' dazji antidumping tkun fl-interess tal-industrija tal-Unjoni. Kull impożizzjoni ta' miżuri antidumping sejra tippermetti lill-industrija tal-Unjoni tirkupra mill-effetti tad-dumping dannuż li nstab.

(202)

Kif indikat fil-premessa (22) aktar 'il fuq, sitt importaturi jikkooperaw fl-investigazzjoni, u tlieta minnhom iddaħħlu fil-kampjun. Wieħed mill-importaturi fil-kampjun huwa favur il-miżuri filwaqt li ż-żewġ importaturi l-oħrajn fil-kampjun kienu kontra l-impożizzjoni tal-miżuri. It-tliet importaturi l-oħrajn li ma ddaħħlux fil-kampjun ma esprimewx opinjoni.

(203)

L-investigazzjoni wriet li żieda fil-prezzijiet minħabba l-impożizzjoni ta' miżuri ma jkollhiex impatt dirett fuq l-importaturi mhux relatati. Il-pjanċa tqila tkopri 20 % jew inqas min-negozju tagħhom.

(204)

Barra minn hekk, ħafna mill-importaturi jinnegozjaw prodotti minn diversi sorsi, inkluża l-industrija tal-Unjoni. Ma hemm ebda indikazzjoni li l-importaturi ma jkunux jistgħu jibqgħu jaqdu lill-konsumaturi tagħhom li kieku kellhom jiġu imposti l-miżuri.

(205)

Fid-dawl ta' dan li ntqal hawn fuq, il-Kummissjoni tikkonkludi b'mod provviżorju li l-impożizzjoni ta' miżuri mhijiex ser ikollha effetti sostanzjalment negattivi fuq l-interess tal-importaturi tal-Unjoni.

(206)

L-industriji tal-utenti finali ewlenin għall-pjanċi tqal huma dawk tat-tagħmir għall-bini, għall-estrazzjoni u għall-qtugħ tas-siġar għall-injam; reċipjenti taħt pressjoni; pipelines taż-żejt u tal-gass; bini ta' bastimenti u pontijiet u bini.

(207)

Seba' utenti u tliet ċentri tas-servizzi għan-negozjanti/tal-azzar issottomettew tweġiba għall-kwestjonarju għall-utenti. Madankollu, erba' mit-tweġibiet kien fihom nuqqasijiet serji, u tnejn minnhom biss kienu kontra l-impożizzjoni tal-miżuri. Madankollu, il-Kummissjoni ma tistax tittratta dawn is-sottomissjonijiet bħala rappreżentattivi għar-raġunijiet li ġejjin:

(208)

Il-Kummissjoni tosserva wkoll li d-dazji għandhom jikkontribwixxu għal sigurtà kontinwa tal-provvista fis-suq tal-Unjoni. Mingħajr dazji, uħud mill-produtturi tal-Unjoni jaf ikollhom jagħlqu jew inaqqasu l-attivitajiet tal-produzzjoni tagħhom u jħallu lil ħafna utenti tal-Unjoni b'sorsi aktar limitati ta' provvista.

(209)

Tabilħaqq, wieħed mill-produtturi fil-kampjun waqqaf il-produzzjoni tal-pjanċi tqal fi tmiem il-perjodu tal-investigazzjoni, kif ġie indikat fil-premessa (104) aktar 'il fuq.

(210)

Barra minn hekk, il-livell ta' miżuri sejjer iwassal għal kundizzjonijiet ekwi għall-produtturi kollha fl-Unjoni u f'pajjiżi terzi, li jista' jippermetti lil dan il-produttur tal-Unjoni jerġa' jibda jipproduċi pjanċi tqal.

(211)

Fid-dawl ta' dan, il-Kummissjoni tikkonkludi b'mod provviżorju li l-impożizzjoni ta' miżuri mhuwiex sejjer ikollha xi impatt negattiv sproporzjonat fuq l-utenti.

(212)

Fid-dawl ta' dan li ntqal hawn fuq, il-Kummissjoni tikkonkludi b'mod provviżorju li l-impożizzjoni tal-miżuri tikkontribwixxi għall-irkupru tal-industrija tal-Unjoni u tippermetti għal investimenti akbar sabiex il-produtturi fl-Unjoni tal-pjanċa tqila jkunu ppreparati aħjar għall-ġejjieni u jsaħħu l-kompetittività tagħhom.

(213)

L-industrija tal-Unjoni diġà għamlet ristrutturar qawwi fl-imgħoddi (riċenti). Mingħajr dazji, produtturi mill-Unjoni oħrajn tal-pjanċa tqila jaf ikollhom jagħlqu jew inaqqsu l-attivitajiet tal-pjanċi tqal tagħhom, jagħtu s-sensja lil mijiet ta' impjegati u jħallu lil ħafna utenti tal-Unjoni b'sorsi limitati ta' provvista.

(214)

L-impatt tal-miżuri fuq il-ftit partijiet l-oħrajn tal-Unjoni li daħlu f'kuntatt ma jistax jitqies li huwa sostanzjali. Ma hemm xejn fil-fajl li juri li l-impatt potenzjali fuq partijiet ikkonċernati oħrajn li ma daħlux f'kuntatt jista' jisboq l-effett pożittiv tal-miżuri fuq l-industrija tal-Unjoni. L-utenti finali u l-konsumaturi huma mistennijin jibbenefikaw minn suq kompetittiv ġust, inkluż sors lokali tal-provvista, li kapaċi jaqdi l-ħtiġijiet u t-talbiet tagħhom. Il-prezz sejjer jibqa' jkun determinant importanti, iżda fuq bażi ġusta.

(215)

Wara li qieset kollox, f'dan l-istadju tal-investigazzjoni l-Kummissjoni tikkonkludi li ma hemmx raġunijiet persważivi li mhuwiex fl-interess tal-Unjoni li timponi miżuri provviżorji fuq importazzjonijiet ta' pjanċi tqal li joriġinaw mir-RPĊ.

(216)

Fuq il-bażi tal-konklużjonijiet li waslet għalihom il-Kummissjoni fir-rigward tad-dumping, id-dannu, il-kawżalità u l-interess tal-Unjoni, għandhom jiġu imposti miżuri antidumping provviżorji sabiex ma jippermettux li ssir aktar dannu lill-industrija tal-Unjoni mill-importazzjonijiet oġġett ta' dumping.

(217)

Sabiex jiġi ddeterminat il-livell ta' dawn il-miżuri, il-Kummissjoni l-ewwel stabbilixxiet l-ammont ta' dazju neċessarju sabiex jiġi eliminat id-dannu mġarrab mill-industrija tal-Unjoni.

(218)

Id-dannu jiġi eliminat jekk l-industrija tal-Unjoni tkun kapaċi tkopri l-ispejjeż tal-produzzjoni tagħha u tagħmel profitt qabel it-taxxa mill-bejgħ tal-prodott simili fis-suq tal-Unjoni li jista' jinkiseb b'mod raġonevoli f'kundizzjonijiet normali ta' kompetizzjoni minn industrija ta' dan it-tip fis-settur, jiġifieri fin-nuqqas ta' importazzjonijiet oġġett ta' dumping.

(219)

Sabiex jiġi stabbilit dan il-profitt li jista' jinkiseb b'mod raġonevoli f'kundizzjonijiet normali tal-kompetizzjoni, il-Kummissjoni talbet lill-produtturi tal-Unjoni fil-kampjun jipprovdu dejta dwar il-profittabilità fir-rigward tal-prodott simili meta nbiegħ fis-suq tal-Unjoni mis-sena 2006 sal-perjodu tal-investigazzjoni. Din l-informazzjoni ġiet ipprovduta u vverifikata.

(220)

Il-profitabbiltà tal-industrija tal-Unjoni kienet negattiva bejn l-2013 u l-perjodu tal-investigazzjoni. Filwaqt li l-profitt fl-2012 kien ftit pożittiv b'1,6 %, diġà kien hemm preżenza sinifikanti ta' importazzjonijiet oġġett ta' dumping mir-RPĊ, u dan il-marġni ta' profitt kien ferm inqas mill-marġni ta' profitt fis-snin ta' qabel.

(221)

Madankollu, fis-sena ta' qabel, fl-2011, inkiseb marġni ta' profitt ta' 7,9 %, li huwa ogħla mill-marġnijiet ta' profitt fl-2009 u fl-2010, jiġifieri l-agħar snin tal-kriżi finanzjarja, iżda anqas mill-marġnijiet ta' profitt fl-2006 sal-2008, jiġifieri qabel il-kriżi finanzjarja. Barra minn hekk, din hija l-aktar dejta riċenti disponibbli raġonevoli li fiha l-imporazzjonijiet mir-RPĊ lejn l-Unjoni ma kinux għadhom fi kwantitajiet sinifikanti. Għaldaqstant, il-Kummissjoni tqis li dan il-marġni ta' profitt huwa wieħed li jista' jinkiseb b'mod raġonevoli f'kundizzjonijiet normali tal-kompetizzjoni.

(222)

Imbagħad, il-Kummissjoni ddeterminat il-livell tal-eliminazzjoni tad-dannu fuq il-bażi ta' tqabbil tal-prezz ta' importazzjoni medju ponderat tal-produtturi esportaturi tar-RPĊ li kkooperaw fil-kampjun, aġġustat kif xieraq għall-ispejjeż tal-importazzjoni u d-dazji doganali, kif stabbilit għall-kalkoli tat-twaqqigħ tal-prezzijiet, mal-prezz mingħajr dannu medju ponderat tal-prodott simili mibjugħ mill-produtturi tal-Unjoni fil-kampjun fis-suq tal-Unjoni matul il-perjodu tal-investigazzjoni. Kwalunkwe differenza li tirriżulta minn dan it-tqabbil ingħatat bħala perċentwal tal-valur CIF medju ponderat tal-importazzjoni.

(223)

Il-livell tal-eliminazzjoni tad-dannu għal “kumpaniji oħrajn li kkooperaw” u għal “kumpaniji kollha l-oħrajn” huwa definit bl-istess mod bħall-marġini tad-dumping għal dawn il-kumpaniji (ara l-premessi (76)-(80) aktar 'il fuq).

(224)

Għandhom jiġu imposti miżuri antidumping provviżorji fuq l-importazzjonijiet tal-prodott ikkonċernat li joriġinaw mir-RPĊ, skont ir-regola tal-irħas dazju fl-Artikolu 7(2) tar-Regolament bażiku. Il-Kummissjoni qabblet il-marġnijiet tad-dannu u l-marġnijiet tad-dumping. L-ammont tad-dazji għandu jkun stabbilit fil-livell il-baxx tal-marġnijiet tad-dumping u dak tad-dannu.

(225)

Fuq il-bażi ta' dan li ntqal hawn fuq, ir-rati ta' dazju antidumping provviżorji, mogħtija skont il-prezz CIF fil-fruntiera tal-Unjoni, bid-dazji doganali mhux imħallsa, għandhom ikunu kif ġej:

(226)

Ir-rati tad-dazju antidumping ta' kumpaniji individwali speċifikati f'dan ir-Regolament ġew stabbiliti abbażi tal-konklużjonijiet ta' din l-investigazzjoni. Gћaldaqstant, dawn jirriflettu s-sitwazzjoni li nstabet matul din l-investigazzjoni fir-rigward ta' dawn il-kumpaniji.

(227)

Dawn ir-rati ta' dazju huma esklussivament applikabbli għall-importazzjonijiet tal-prodott ikkonċernat li joriġina mir-RPĊ u prodott mill-entitajiet ġuridiċi msemmija. L-importazzjonijiet tal-prodott ikkonċernat immanifatturat minn kwalunkwe kumpanija oħra mhux imsemmija b'mod speċifiku fil-parti operattiva ta' dan ir-Regolament, inklużi entitajiet relatati ma' dawk imsemmijin b'mod speċifiku, għandhom ikunu soġġetti għar-rata ta' dazju applikabbli għall-“kumpaniji l-oħrajn kollha”. Dawn ma għandhomx ikunu soġġetti għal xi rata individwali ta' dazju antidumping.

(228)

Kumpanija tista' titlob l-applikazzjoni ta' dawn ir-rati tad-dazju antidumping individwali jekk tibdel l-isem tal-entità tagħha jew tistabbilixxi entità ta' produzzjoni jew ta' bejgħ ġdida. It-talba trid tkun indirizzata lill-Kummissjoni (8). It-talba jrid ikun fiha l-informazzjoni rilevanti kollha li tippermetti li jintwera li l-bidla ma taffettwax id-dritt tal-kumpanija li tibbenefika mir-rata tad-dazju li tapplika għaliha. Jekk il-bidla fl-isem tal-kumpanija ma jaffettwax id-dritt tagħha li tibbenefika mir-rata tad-dazju li tapplika għaliha, avviż dwar il-bidla tal-isem jiġi ppubblikat f'Il-Ġurnal Uffiċjali tal-Unjoni Ewropea.

(229)

Biex ikun żgurat infurzar xieraq tad-dazji antidumping, ir-rata tad-dazju antidumping għall-“kumpaniji l-oħrajn kollha” għandha tkun applikata mhux biss għall-produtturi esportaturi li ma kkooperawx f'din l-investigazzjoni, imma anki għall-produtturi li ma kellhomx esportazzjonijiet lejn l-Unjoni matul il-perjodu ta' investigazzjoni.

(230)

Kif intqal fil-premessa (5) aktar 'il fuq, il-Kummissjoni għamlet l-importazzjonijiet tal-prodott ikkonċernat li joriġinaw mir-RPĊ soġġetti għar-reġistrazzjoni permezz tar-Regolament ta' Implimentazzjoni tal-Kummissjoni (UE) 2016/1357.

(231)

Dan sar fid-dawl tal-possibbiltà tal-applikazzjoni retroattiva tal-miżuri antidumping, skont l-Artikolu 10(4) tar-Regolament bażiku. Ir-reġistrazzjoni tal-importazzjonijiet għandha tieqaf. F'dan l-istadju tal-proċediment ma tista' tittieħed l-ebda deċiżjoni dwar applikazzjoni retroattiva possibbli tal-miżuri antidumping.

(232)

Fl-interessi ta' amministrazzjoni tajba, il-Kummissjoni sejra tistieden lill-partijiet interessati sabiex iressqu kummenti bil-miktub u/jew jitolbu seduta mal-Kummissjoni u/jew l-Uffiċjal tas-Seduta għad-DĠ Kummerċ fi żmien skadenza fissa.

(233)

Il-konklużjonijiet li jikkonċernaw l-impożizzjoni ta' dazji provviżorji huma provviżorji u jistgħu jiġu emendati fl-istadju definittiv tal-investigazzjoni,

(a)

jitolbu l-iżvelar tal-fatti u l-kunsiderazzjonijiet essenzjali li fuq il-bażi tagħhom ġie adottat dan ir-Regolament;

(b)

jippreżentaw il-kummenti tagħhom bil-miktub lill-Kummissjoni; kif ukoll

(c)

jitolbu smigħ mal-Kummissjoni u/jew mal-Uffiċjal tas-Seduta fil-proċeduri kummerċjali.

7.10.2016   

MT

Il-Ġurnal Uffiċjali tal-Unjoni Ewropea

L 272/33

(1)

Fl-4 ta' Jannar 2016, il-European Steel Association (“Eurofer” jew “l-ilmentatur”) ressqet ilment f'isem il-produtturi li jirrappreżentaw aktar minn 90 % tal-produzzjoni totali tal-Unjoni ta' ċerti prodotti ċatti b'laminazzjoni termali tal-ħadid, mhux illigat jew liga oħra tal-azzar. L-ilment kien fih evidenza ta' dumping u theddida konsegwenti ta' dannu materjali li kienet biżżejjed biex tiġġustifika t-tnedija tal-investigazzjoni.

(2)

Wara dan l-ilment, fit-13 ta' Frar 2016, il-Kummissjoni Ewropea (“il-Kummissjoni”) tat bidu għal investigazzjoni kontra d-dumping dwar importazzjonijiet fl-Unjoni ta' ċerti prodotti ċatti b'laminazzjoni termali tal-ħadid, mhux illigat jew liga oħra tal-azzar li joriġinaw fir-Repubblika tal-Poplu taċ-Ċina (“ir-RPĊ” jew “il-pajjiż ikkonċernat”) fuq il-bażi tal-Artikolu 5 tar-Regolament tal-Kunsill (UE) 2009/1225 (2) (“ir-Regolament bażiku”). Hija ppubblikat Notifika ta' bidu fil-Ġurnal Uffiċjali tal-Unjoni Ewropea (3) (“in-Notifika ta' Bidu”).

(3)

Sussegwentement, il-Kummissjoni bdiet ukoll iż-żewġ investigazzjonijiet li ġejjin:

(4)

Fil-5 ta' April 2016, min għamel l-ilment issottometta talba għar-reġistrazzjoni tal-importazzjonijiet mir-RPĊ tal-prodott ikkonċernat. Fit-2 ta' Ġunju 2016, min għamel l-ilment aġġorna t-talba billi pprovda dejta finanzjarja aktar riċenti, iżda fil-11 ta' Awwissu 2016, irtiraha.

(5)

Fin-Notifika ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Hija speċifikament infurmat lil min għamel l-ilment, lill-produtturi magħrufa oħrajn tal-Unjoni, lill-produtturi esportaturi magħrufa, lill-awtoritajiet Ċiniżi, lill-importaturi magħrufa, lill-fornituri u lill-utenti, lin-negozjanti u lill-assoċjazzjonijiet magħrufa li huma kkonċernati dwar il-bidu u stednithom jieħdu sehem.

(6)

Il-partijiet interessati ngħataw l-opportunità jagħtu l-opinjonijiet tagħhom bil-miktub u jitolbu smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali. Il-partijiet kollha interessati li talbu dan u wrew li kien hemm raġunijiet partikolari biex jinstemgħu ngħataw seduta ta' smigħ.

(7)

Fin-Notifika ta' Bidu, il-Kummissjoni ddikkjarat li hija tista' tieħu kampjuni mill-partijiet interessati skont l-Artikolu 17 tar-Regolament bażiku.

(8)

Fin-Notifika ta' Bidu, il-Kummissjoni ddikkjarat li hija kienet ser tagħżel kampjun ta' produtturi tal-Unjoni fid-dawl tal-għadd kbir tagħhom. Il-Kummissjoni sussegwentement għażlet kampjun fuq il-bażi tal-ogħla volumi rappreżentattivi ta' produzzjoni u bejgħ waqt li żgurat firxa ġeografika. Hija infurmat lil dawn il-kumpaniji provviżorjament magħżula u lil min għamel l-ilment. Il-Kummissjoni stiednet lill-partijiet interessati biex jikkumentaw dwar dan il-kampjun provviżorju.

(9)

Produttur wieħed tal-Unjoni provviżorjament magħżul informa lill-Kummissjoni li huwa ma kienx se jkun jista' jikkoopera. Barra minn hekk, kemm l-assoċjazzjoni tal-ħadid u tal-Azzar Taljan (Federacciai) kif ukoll Eurofer ikkummentaw li n-Nofsinhar tal-Ewropa ma kienx irrappreżentat fil-kampjun provviżorju. Biex tiġi żgurata firxa ġeografika aħjar, il-Kummissjoni ssostitwiet il-produttur tal-Unjoni li ddeċieda li ma jikkooperax ma' produttur tal-Unjoni min-Nofsinhar tal-Ewropa.

(10)

Bħala riżultat, il-kampjun finali kien jikkonsisti minn ħames produtturi tal-Unjoni li jinsabu f'ħames Stati Membri differenti. Dan jammonta għal aktar minn 45 % tal-produzzjoni tal-Unjoni.

(11)

Il-Kummissjoni talbet lill-importaturi mhux relatati sabiex jipprovdu l-informazzjoni speċifikata fin-Notifika ta' Bidu sabiex tiddeċiedi jekk kienx meħtieġ li jittieħed kampjun u, jekk iva, biex tagħżel il-kampjun.

(12)

Erba' importaturi pprovdew l-informazzjoni mitluba. Għalhekk, l-ebda teħid ta' kampjuni ma kien meħtieġ u ntbagħtu kwestjonarji lill-importaturi kollha.

(13)

Madankollu, minkejja li l-Kummissjoni kkuntattjathom fi sforz biex tinġabar informazzjoni rilevanti, l-ebda importatur mhux relatat ma pprovda tweġiba kompluta għall-kwestjonarju għall-finijiet ta' din l-investigazzjoni.

(14)

Sabiex tiddeċiedi jekk it-teħid ta' kampjuni kienx meħtieġ u, jekk iva, biex tagħżel kampjun għar-RPĊ, il-Kummissjoni talbet lill-produtturi esportaturi fir-RPĊ sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-Missjoni tar-Repubblika tal-Poplu taċ-Ċina għall-Unjoni Ewropea sabiex tidentifika u/jew tikkuntattja lil produtturi esportaturi li setgħu kienu interessati jipparteċipaw fl-investigazzjoni.

(15)

Tlettax-il grupp ta' produtturi esportaturi fir-RPĊ pprovdew l-informazzjoni mitluba u qablu li jkunu inklużi fil-kampjun. Il-Kummissjoni pproponiet kampjun ta' tliet gruppi ta' kumpaniji fuq il-bażi tal-akbar volum rappreżentattiv ta' esportazzjonijiet lejn l-Unjoni, li raġonevolment seta' jiġi investigat fiż-żmien disponibbli. Hija stiednet lill-produtturi esportaturi kollha kkonċernati u lill-awtoritajiet tar-RPĊ biex jikkummentaw fuq il-kampjun propost.

(16)

Produttur esportatur wieħed, Jiangsu Tiangong Tool Company Limited (“Tiangong Tools”), iddikjara li għandu jiġi inkluż fil-kampjun minħabba li, kuntrarju għall-produtturi esportaturi magħżula, huwa jipproduċi l-azzar tal-għodda u l-azzar b'veloċità għolja. Huwa sostna li, jekk il-prodott tiegħu huwa kkunsidrat bħala prodott ikkonċernat, il-kampjun għandu jkun aktar rappreżentattiv u jkun inkluż.

(17)

Din it-talba ġiet miċħuda. Tiangong Tools esportat biss kwantitajiet żgħar ta' tip ta' prodott partikolari fl-Unjoni. Għalhekk, l-inklużjoni ta' dan il-produttur esportatur fil-kampjun ma kenitx tagħmel il-kampjun aktar rappreżentattiv. Il-Kummissjoni analizzat il-kwistjoni tar-rappreżentattività ulterjorment fil-kuntest tal-ambitu tal-produzzjoni.

(18)

Għaldaqstant, il-Kummissjoni ddeċidiet li żżomm il-kampjun propost ta' tliet gruppi ta' produtturi esportaturi. Il-produtturi esportaturi fil-kampjun jammontaw għal 57 % tal-importazzjonijiet totali fl-Unjoni tal-prodott ikkonċernat mir-RPĊ u għal 58 % tal-importazzjonijiet totali tal-Unjoni tal-prodott ikkonċernat mill-produtturi esportaturi Ċiniżi li kkooperaw.

(19)

Produttur esportatur wieħed, Tiangong Tools, talab eżami individwali skont l-Artikolu 17(3) tar-Regolament bażiku u bagħat tweġiba għall-kwestjonarju għal dak il-għan. Il-Kummissjoni aċċettat din it-talba b'mod preliminarji u vverifikat l-informazzjoni pprovduta fuq il-post.

(20)

Madankollu, l-investigazzjoni wriet li din il-kumpanija tipproduċi u tesporta biss lejn l-Unjoni azzar tal-għodda u azzar ta' veloċità għolja. Minħabba li, kif spjegat fil-premessi (29) sa (35) hawn taħt, il-Kummissjoni ddeċidiet provviżorjament li teskludi azzar tal-għodda u azzar ta' veloċità għolja mill-ambitu ta' din l-investigazzjoni, l-ebda marġini provviżorju tad-dumping ma ġie stabbilit għal Tiangong Tools. Madankollu, jekk il-Kummissjoni tibdel id-deċiżjoni tagħha fir-rigward tal-ambitu tal-prodott fl-istadju definittiv, it-talba għal eżami individwali ta' dan il-produttur esportatur terġa' tiġi kkunsidrata.

(21)

Il-Kummissjoni bagħtet kwestjonarji lill-partijiet kollha magħrufin li huma kkonċernati u lill-kumpaniji l-oħrajn kollha li ppreżentaw ruħhom sal-iskadenzi taż-żmien stabbiliti fin-Notifika ta' Bidu. Tweġibiet tal-kwestjonarju waslu mingħand Eurofer, ħames produtturi tal-Unjoni u ċ-ċentri relatati tagħhom tas-servizz tal-azzar, utent wieħed, tliet gruppi ta' produtturi esportaturi fir-RPĊ, u produttur wieħed f'pajjiż analogu.

(22)

Il-Kummissjoni fittxet u vverifikat l-informazzjoni kollha li tqieset meħtieġa għal determinazzjoni provviżorja tad-dumping, tat-theddida ta' dannu li tista' tirriżulta u tal-interess tal-Unjoni. Żjarat ta' verifika skont l-Artikolu 16 tar-Regolament bażiku saru fl-istabbilimenti tal-kumpaniji/l-assoċjazzjoni li ġejjin:

(23)

L-investigazzjoni ta' dumping u dannu kopriet il-perjodu mill-1 ta' Jannar 2015 sal-31 ta' Diċembru 2015 (“il-perjodu ta' investigazzjoni”). L-eżami tax-xejriet rilevanti għall-valutazzjoni tad-dannu kopra l-perjodu mill-1 ta' Jannar 2012 sat-tmiem tal-perjodu ta' investigazzjoni (“il-perjodu kkunsidrat”).

(24)

Il-prodotti kkonċernati huma ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar, f'koljaturi jew le (inklużi prodotti “cut-to-length” u “strixxi dojoq”), mhux maħdumin aktar ħlief b'laminazzjoni termali, mhux miksijin, indurati jew mgħottijin.

Il-prodott ikkonċernat ma jinkludix:

Il-prodott ikkonċernat bħalissa jaqa' taħt il-kodiċijiet NM 7208 10 00, 7208 25 00, 7208 26 00, 7208 27 00, 7208 36 00, 7208 37 00, 7208 38 00, 7208 39 00, 7208 40 00, 7208 52 10, 7208 52 99, 7208 53 10, 7208 53 90, 7208 54 00, 7211 13 00, 7211 14 00, 7211 19 00, ex 7225 19 10, 7225 30 90, ex 7225 40 60, 7225 40 90, ex 7226 19 10, 7226 91 91 u 7226 91 99 u li joriġinaw fir-RPĊ.

(25)

prodotti ċatti b'laminazzjoni termali tal-azzar huma prodotti permezz ta' laminazzjoni termali; dan huwa proċess li jiffurma l-metall li bih metall sħun jiġi mgħoddi minn par wieħed jew aktar ta' laminaturi termali biex titnaqqas il-ħxuna u biex il-ħxuna ssir uniformi, li permezz tiegħu t-temperatura tal-metall tkun ogħla mit-temperatura ta' rikristallizzazzjoni tiegħu. Dawn jistgħu jiġu pprovduti f'bosta forom: f'koljaturi (mogħtija ż-żejt jew le, ippreżervati jew mhux ippreżervati), maqtugħin f'tulijiet (folji) jew fi strixxi rqaq.

(26)

Hemm żewġ użi prinċipali tal-prodotti tal-azzar ċatti b'laminazzjoni termali. L-ewwel, dawn huma l-materjal ewlieni għall-produzzjoni ta' diversi prodotti tal-azzar downstream li għandhom valur miżjud, li jibdew minn prodotti tal-azzar b'laminazzjoni kiesħa (7) ċatti u miksija. It-tieni, huma użati bħala input industrijali mixtrija mill-utenti aħħarin għal diversi applikazzjonijiet, inkluż fil-kostruzzjoni (il-produzzjoni ta' tubi tal-azzar), il-bini ta' bastimenti, kontenituri tal-gass, karozzi, reċipjenti taħt pressjoni u pipelines tal-enerġija.

(27)

L-investigazzjoni wriet li l-prodotti li ġejjin għandhom l-istess karatteristiċi fiżiċi bażiċi kif ukoll l-istess użi bażiċi:

(28)

F'dan l-istadju l-Kummissjoni ddeċidiet li dawn il-prodotti huma prodotti simili skont it-tifsira tal-Artikolu 1(4) tar-Regolament bażiku.

(29)

L-ewwel, produttur esportatur wieħed (Jiangsu Tiangong Tool Company Limited) u importatur wieħed relatat ma' produttur esportatur ieħor Ċiniż (Duferco S.A.) talbu li ċerti tipi ta' prodotti ċatti b'laminazzjoni termali tal-azzar, magħrufa fl-industrija bħala azzar tal-għodda u azzar ta' veloċità għolja, għandhom jiġu esklużi mill-ambitu tal-prodott. Huma sostnew li l-azzar tal-għodda u l-azzar ta' veloċità għolja għandhom proprjetajiet u prezzijiet sinifikament differenti, u speċifikazzjonijiet u użi differenti.

(30)

Fil-21 ta' April 2016, sar smigħ ma' dan il-produttur esportatur Ċiniż fil-preżenza tal-Uffiċjal tas-Seduta fi proċedimenti kummerċjali. Barra minn hekk, fit-22 ta' Ġunju 2016, sar smigħ mal-importatur dwar it-talba ta' esklużjoni għall-prodott tiegħu.

(31)

Min għamel l-ilment kien tal-fehma li dawn it-talbiet ma kinux fondati u li hemm riskju ta' evażjoni fil-każ li dawn il-pretensjonijiet ikunu aċċettati mill-Kummissjoni.

(32)

Il-Kummissjoni sabet li tabilħaqq hemm differenzi fiżiċi u kimiċi kbar bejn fuq naħa waħda tipi oħra tal-prodott ikkonċernat għajr azzar tal-għodda u azzar ta' veloċità għolja, u fuq in-naħa l-oħra azzar tal-għodda u azzar ta' veloċità għolja. Hemm diversi elementi kimiċi (8) inerentement preżenti fl-azzar tal-għodda u l-azzar ta' veloċità għolja, li ma jinstabux fil-prodott ikkonċernat.

(33)

Barra minn hekk, hemm differenzi fil-proċess tal-produzzjoni, użi differenti u differenzi sinifikanti fil-prezz bejn azzar tal-għodda u azzar ta' veloċità għolja fuq naħa waħda u tipi oħra tal-prodott ikkonċernat fuq in-naħa l-oħra. Pereżempju, azzar tal-għodda u azzar ta' veloċità għolja, kuntrarjament għal tipi oħra tal-prodott ikkonċernat, huma użati għax-xogħol, l-immakkinar, l-estrużjoni, il-qtugħ, l-ittimbrar u l-perforazzjoni ta' materjali oħra, li mhuwiex l-użu konvenzjonali tat-tipi l-oħra tal-prodott ikkonċernat. Barra minn hekk, il-produzzjoni tal-azzar tal-għodda ssegwi proċess ieħor tal-produzzjoni, fejn il-proprjetajiet speċifiċi jinkisbu matul l-istadji kollha tal-proċess tal-produzzjoni. Din id-differenza fil-proċess tal-produzzjoni tagħmel il-proċess ta' produzzjoni għall-azzar tal-għodda u l-azzar ta' veloċità għolja aktar kost-intensiv, li jispjega wkoll sa ċertu punt id-differenza fil-prezz tal-bejgħ ma' tipi oħra tal-prodott ikkonċernat.

(34)

Importazzjonijiet ta' azzar tal-għodda u ta' azzar ta' veloċità għolja rappreżentaw mill-aspett ta' volum madwar 1,25 % tal-importazzjonijiet totali Ċiniżi matul is-sena 2015. L-azzar tal-għodda u l-azzar ta' veloċità għolja jitqiegħdu wkoll taħt kodiċijiet NM speċifiċi differenti.

(35)

Għalhekk, il-Kummissjoni provviżorjament eskludiet l-azzar tal-għodda u l-azzar ta' veloċità għolja, waqt li avżat lill-awtoritajiet doganali nazzjonali dwar riskji possibbli ta' evażjoni.

(36)

It-tieni, fil-5 ta' Awwissu 2016, utent Taljan wieħed, Marcegaglia Carbon Steel Spa, sostna li t-tipi tal-prodott ikkonċernat li ġejjin għandhom jiġu esklużi mill-ambitu tal-prodott: Tipi ta' azzar Liberi mill-Interstizji (IF), tipi ta' azzar b'fażi doppja, tipi ta' azzar tal-karbonju għoli, u tipi ta' azzar mhux bil-granijiet orjentati. Ir-raġunament għat-talba ta' esklużjoni tal-prodott għal dawn it-tipi kien prinċipalment kif ġej:

(37)

L-istess utent talab ukoll li t-tipi ta' prodotti li jintużaw għal-laminazzjoni kiesħa għandhom jiġu esklużi abbażi tal-użu downstream ulterjuri tagħhom.

(38)

Dwar it-talba ta' esklużjoni tal-prodott għal tipi ta' azzar Liberi mill-Interstizji (IF), tipi ta' azzar b'fażi doppja, tipi ta' azzar tal-karbonju għoli, u tipi ta' azzar mhux bil-granijiet orjentati tal-prodott ikkonċernat, il-Kummissjoni sabet li ma kienx intwera li dawn il-prodotti għandhom proprjetajiet u użi differenti. Ukoll, it-talba dettaljata finali għat-talba ta' esklużjoni tal-prodott daħlet fi stadju tard ħafna. Għalhekk, f'dan l-istadju l-Kummissjoni ċaħdet din it-talba, iżda se tinvestiga din il-pretensjoni ulterjorment.

(39)

Rigward it-tipi ta' prodotti li jintużaw għal-laminazzjoni mill-ġdid, dan huwa wieħed mill-użi ewlenin tal-prodott ikkonċernat, kif imsemmi fil-premessa (26) hawn fuq. Użu differenti waħdu mhuwiex raġuni għall-esklużjoni. Ukoll, l-esklużjoni ta' dawn it-tipi ta' prodotti twassal għall-esklużjoni ta' maġġoranza tat-tipi kollha importati tal-prodott ikkonċernat, minbarra monitoraġġ amministrattiv kumpless, jekk mhux impossibbli, biex jiddistingwi l-prodott ikkonċernat bejn dawk li jintużaw għal-laminazzjoni mill-ġdid u dawk li ma jintużawx. Għalhekk, f'dan l-istadju l-Kummissjoni ċaħdet din it-talba wkoll.

(40)

Skont l-Artikolu 2(7)(b) tar-Regolament bażiku, il-Kummissjoni tiddetermina l-valur normali skont l-Artikolu 2(1) sa (6) tar-Regolament bażiku għall-produtturi esportaturi fir-RPĊ li jikkonformaw mal-kriterji fl-Artikolu 2(7)(c) tar-Regolament bażiku u jistgħu jingħataw trattament ta' ekonomija tas-suq. Madankollu, ebda wieħed mill-produtturi esportaturi li kkooperaw ma applika għal tali trattament.

(41)

Għalhekk, skont l-Artikolu 2(7)(b) tar-Regolament bażiku il-valur normali kellu jkun iddeterminat fuq il-bażi tal-prezzijiet jew tal-valur normali maħdum f'pajjiż terz b'ekonomija tas-suq xierqa (il-“pajjiż analogu”).

(42)

Fin-Notifika ta' Bidu, il-Kummissjoni pproponiet l-użu ta' pajjiż terz b'ekonomija tas-suq xierqa (il-“pajjiż analogu”) fi ħdan it-tifsira tal-Artikolu 2(7)(a) tar-Regolament bażiku. Il-Kummissjoni bagħtet kwestjonarji lill-produtturi magħrufa kollha fil-11-il pajjiż b'ekonomija tas-suq imsemmija fin-Notifika ta' Bidu (9) u lil tmien pajjiżi oħra fejn kien hemm indikazzjonijiet ta' produzzjoni u bejgħ ta' prodott simili, jiġifieri l-Arġentina, l-Awstralja, l-Eġittu, l-Iran, il-Ġappun, l-Afrika t'Isfel, ir-Repubblika tal-Korea u t-Tajwan. B'kollox, ġew ikkuntattjati 62 produttur fid-19-il pajjiż analogu potenzjali. Madankollu, kumpanija waħda biss fl-Istati Uniti (ArcelorMittal USA) esprimiet ir-rieda tagħha li tikkoopera — u ssottomettiet tweġiba għall-kwestjonarju.

(43)

L-Istati Uniti hija meqjusa bħala suq analogu adattat, billi hija suq miftuħ, b'għaxar produtturi domestiċi tal-prodott simili u l-importazzjonijiet minn pajjiżi oħra jammontaw għal aktar minn 10 % tal-konsum totali. Għalhekk, u minħabba li produttur wieħed biss mill-Istati Uniti esprima r-rieda li jikkoopera, l-Istati Uniti ntgħażlet b'mod provviżorju bħala pajjiż analogu xieraq.

(44)

Il-partijiet interessati ġew mistiedna jikkumentaw dwar din l-għażla. Billi ma kinux riċevuti kummenti, l-Istati Uniti kienet magħżula bħala pajjiż analogu.

(45)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-bejgħ tal-prodott simili fl-Istati Uniti lil klijenti indipendenti kienx rappreżentattiv. Instab li l-bejgħ tal-prodott simili mill-produttur li kkoopera kien qed jinbiegħ fi kwantitajiet rappreżentattivi fis-suq domestiku meta mqabbel mal-prodott ikkonċernat esportat lejn l-Unjoni mill-produtturi esportaturi Ċiniżi fil-kampjun.

(46)

Sussegwentement, il-Kummissjoni eżaminat jekk dak il-bejgħ setax jitqies bħala li sar fl-andament normali tal-kummerċ skont l-Artikolu 2(4) tar-Regolament bażiku. Dan sar billi ġie stabbilit il-proporzjon tal-bejgħ profittabbli lil klijenti indipendenti. It-tranżazzjonijiet tal-bejgħ tqiesu bħala profittabbli meta l-prezz unitarju kien ugwali jew ogħla mill-ispiża tal-produzzjoni. L-ispiża tal-produzzjoni tal-produttur Amerikan matul il-perjodu ta' investigazzjoni kienet għalhekk determinata.

(47)

Għal dawk it-tipi ta' prodotti fejn aktar minn 80 % tal-volum tal-bejgħ fis-suq domestiku tat-tip inkwistjoni kien ogħla mill-ispiża u l-prezz tal-bejgħ medju peżat ta' dak it-tip kien daqs jew ogħla mill-ispiża unitarja tal-produzzjoni, il-valur normali, skont it-tip ta' prodott, ġie kkalkolat bħala l-medja peżata tal-prezzijiet domestiċi attwali tal-bejgħ kollu tat-tip tal-prodott inkwistjoni, irrispettivament minn jekk il-bejgħ kienx profittabbli jew le.

(48)

Meta l-volum tal-bejgħ profitabbli ta' tip ta' prodott irrappreżenta 80 % jew inqas tal-volum tal-bejgħ totali ta' dak it-tip, jew meta l-prezz medju peżat ta' dak it-tip kien taħt l-ispiża ta' unità ta' produzzjoni, il-valur normali kien ibbażat fuq il-prezz domestiku attwali, li ġie kkalkolat bħala l-prezz medju peżat tal-bejgħ domestiku profittabbli biss ta' dak it-tip magħmul matul il-perjodu ta' investigazzjoni.

(49)

Rigward it-tipi ta' prodott li ma kinux profittabbli, il-valur normali nħadem skont l-Artikolu 2(3) tar-Regolament bażiku billi ntużaw l-ispiża tal-manifattura tal-produttur Amerikan flimkien mal-SG&A u l-profitt għat-tipi ta' prodotti tal-produttur Amerikan li huma profitabbli.

(50)

Xi tipi ta' prodott manifatturati fil-pajjiż analogu ma setgħux jiġu mqabbla mat-tipi ta' prodotti esportati mir-RPĊ lejn l-Unjoni minħabba li mhumiex mibjugħa mill-produttur Amerikan. Għalhekk, il-valur normali għat-tipi ta' prodotti li ma jaqblux kellu jinbena skont l-Artikolu 2(3) tar-Regolament bażiku fuq il-bażi tal-ispejjeż tal-manifattura tal-produttur tal-pajjiż analogu. Il-Kummissjoni ħadet dawn l-ispejjeż tal-aktar prodott li jixxiebaħ, u aġġustathom għall-ispiża tax-xogħol ta' modifika (tixqiq jew tqattigħ) meħtieġa sabiex jiġi żgurat tqabbil ġust. Il-Kummissjoni mbagħad żiedet ammont raġonevoli għall-SG&A (7 % — 13 %) bbażati fuq dejta attwali li tirrigwarda l-produzzjoni u l-bejgħ, kif stipulat fl-Artikolu 2(6) tar-Regolament bażiku. Hija fl-aħħar nett żiedet ammont raġonevoli ta' profitt (10 % — 15 %) billi użat il-marġni medju ta' profitt tal-prodotti profittabbli.

(51)

Il-produtturi esportaturi fil-kampjun esportaw lejn l-Unjoni kemm direttament lil konsumaturi indipendenti kif ukoll permezz ta' kumpaniji relatati.

(52)

Għall-bejgħ dirett, il-prezzijiet tal-esportazzjoni kienu bbażati fuq il-prezzijiet attwalment imħallsa jew li huma pagabbli għall-prodott ikkonċernat, skont l-Artikolu 2(8) tar-Regolament bażiku.

(53)

Fejn il-produtturi esportaturi esportaw il-prodott ikkonċernat lejn l-Unjoni permezz ta' kumpaniji relatati li jaġixxu bħala importatur, il-prezz tal-esportazzjoni ġie stabbilit fuq il-bażi tal-prezz li bih il-prodott importat reġa' nbiegħ għall-ewwel darba lil konsumaturi indipendenti fl-Unjoni skont l-Artikolu 2(9) tar-Regolament bażiku. F'dan il-każ, l-aġġustamenti għall-prezz saru għall-ispejjeż kollha mġarrba bejn l-importazzjoni u l-bejgħ mill-ġdid.

(54)

Il-valur normali u l-prezz tal-esportazzjoni tqabblu fuq bażi mill-fabbrika. Il-marġnijiet tad-dumping ġew stabbiliti permezz ta' paragun tal-prezzijiet individwali mill-fabbrika tal-produtturi esportaturi fil-kampjun mal-prezzijiet tal-bejgħ domestiku tal-produttur tal-pajjiż analogu jew mal-valur normali maħdum skont kif xieraq.

(55)

Sabiex ikun żgurat paragun ġust bejn il-valur normali u l-prezz tal-esportazzjoni, ittieħed kont xieraq fil-forma ta' aġġustamenti għad-differenzi li jaffettwaw il-prezzijiet u l-paragunabilità tal-prezzijiet skont l-Artikolu 2(10) tar-Regolament bażiku.

(56)

Fuq din il-bażi, saru aġġustamenti, fejn xieraq, għat-trasport, l-assigurazzjoni, l-immaniġġjar, it-tagħbija u l-ispejjeż anċillari (4 %), spejjeż bankarji (0,02 %), spejjeż ta' kreditu (0,05 %), kummissjonijiet (0,6 %) u tassazzjoni indiretta (4 %).

(57)

Għall-produtturi esportaturi fil-kampjun, il-valur normali medju peżat ta' kull tip ta' prodott simili fl-Istati Uniti kien imqabbel mal-prezz medju peżat tal-esportazzjoni tat-tip ta' prodott korrispondenti, kif previst fl-Artikolu 2(11) u (12) tar-Regolament bażiku.

(58)

Il-marġni tad-dumping għall-produtturi esportaturi li kkooperaw u li ma kinux inklużi fil-kampjun kien stabbilit skont id-dispożizzjonijiet tal-Artikolu 9(6) tar-Regolament bażiku. Dan il-marġini ġie kkalkulat bħala medja peżata fuq il-bażi tal-marġnijiet stabbiliti għall-produtturi esportaturi fil-kampjun.

(59)

Fir-rigward tal-produtturi esportaturi l-oħrajn kollha fir-RPĊ, il-Kummissjoni ddeterminat il-livell ta' kooperazzjoni fir-RPĊ. Dan tkejjel billi ġie evalwat il-proporzjon tal-volum tal-esportazzjonijiet tal-produtturi li kkooperaw lejn l-Unjoni mill-volum totali ta' esportazzjoni mill-pajjiż ikkonċernat lejn l-Unjoni.

(60)

Il-livell ta' kooperazzjoni huwa għoli. Fuq din il-bażi, il-marġini ta' dumping residwu applikabbli għall-produtturi esportaturi l-oħrajn kollha fir-RPĊ ġie stabbilit fuq livell li jikkorrispondi għall-ogħla marġini ta' dumping misjub għall-produtturi esportaturi fil-kampjun li kkooperaw.

(61)

Il-marġnijiet provviżorji ta' dumping, espressi bħala persentaġġ tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 1

Marġnijiet ta' dumping, ir-RPĊ

(62)

Fl-Unjoni, 17-il kumpanija pprovdew dejta dwar il-produzzjoni u l-bejgħ fl-eżerċizzju permanenti u indikaw li pproduċew il-prodott simili matul il-perjodu tal-investigazzjoni. Fuq il-bażi tal-informazzjoni disponibbli mill-ilment, dawn is-17-il kumpanija qed jirrappreżentaw madwar 90 % tal-produzzjoni tal-prodott simili fl-Unjoni.

(63)

Apparti minn dawn is-17-il kumpanija, kien hemm ħames kumpaniji oħra jipproduċu l-prodott simili waqt il-perjodu ta' investigazzjoni.

(64)

Il-produzzjoni totali tal-Unjoni waqt il-perjodu tal-investigazzjoni ġiet stabbilita għal madwar 74,7 miljun tunnellata. Il-Kummissjoni stabbiliet iċ-ċifra fuq il-bażi tal-informazzjoni kollha disponibbli li tirrigwarda l-industrija tal-Unjoni, bħal informazzjoni minn min għamel l-ilment u mill-prodotturi kollha magħrufin fl-Unjoni. Kif indikat fil-premessa (10), ħames produtturi tal-Unjoni ntgħażlu fil-kampjun li jirrappreżentaw 45 % tal-produzzjoni totali tal-Unjoni tal-prodott simili. Dan huwa kampjun rappreżentattiv.

(65)

Il-produtturi tal-Unjoni li jirrappreżentaw il-produzzjoni totali tal-industrija jikkostitwixxu l-industrija tal-Unjoni fis-sens tal-Artikolu 4(1) tar-Regolament bażiku u huma msejħa bħala l-“industrija tal-Unjoni”.

(66)

Il-mudell kummerċjali tal-produtturi tal-Unjoni u l-livell ta' integrazzjoni vertikali tagħhom ivarja. Madanakollu, l-industrija tal-Unjoni tista' b'mod ġenerali tkun karatterizzata bħala industrija b'livell għoli ta' integrazzjoni vertikali, bħal ma huwa spjegata ulterjorment fil-premessa (68) hawn taħt.

(67)

Kif imsemmi fil-premessa (24) hawn fuq, il-prodott ikkonċernat jaqa' fi ħdan għadd ta' kodiċijiet NM inklużi ċerti ex kodiċijiet. Sabiex ma jiġix sottovalutat il-konsum tal-Unjoni, u fid-dawl tal-impatt marġinali apparenti ta' tali kodiċijiet fuq il-konsum totali, il-volumi tal-importazzjoni tal-ex kodiċijiet NM ġew ikkunsidrati kollha sabiex jiġi kkalkolat il-konsum tal-Unjoni.

(68)

Billi l-industrija tal-Unjoni fil-biċċa l-kbira tagħha hija integrata vertikalment u l-prodott ikkonċernat jitqies bħala materjal ewlieni għall-produzzjoni ta' diversi prodotti downstream b'valur miżjud, li jibdew bi prodotti b'laminazzjoni kiesħa, il-konsum fis-suq magħluq u s-suq ħieles ġew analizzati separatament.

(69)

Id-distinzjoni bejn is-suq magħluq u s-suq ħieles hija relevanti għall-analiżi tad-dannu għaliex il-prodotti maħsuba għall-użu ristrett mhumiex esposti għall-kompetizzjoni diretta mill-importazzjonijiet, u l-prezzijiet ta' trasferiment huma ffissati fi ħdan il-grupp skont politiki differenti tal-prezzijiet. Għall-kuntrarju, il-produzzjoni destinata għas-suq ħieles hija f'kompetizzjoni diretta mal-importazzjonijiet tal-prodott ikkonċernat, u l-prezzijiet huma prezzijiet tas-suq ħieles.

(70)

Biex tipprovdi stampa tal-industrija tal-Unjoni li hija kemm jista' jkun kompluta, il-Kummissjoni kisbet dejta għall-attività kollha tal-prodott simili u ddeterminat jekk il-produzzjoni kinitx iddestinata għall-użu ristrett jew għas-suq ħieles. Il-Kummissjoni sabet li madwar 60 % tal-produzzjoni totali tal-produtturi tal-Unjoni kienet iddestinta għas-suq magħluq.

(71)

Il-Kummissjoni stabbiliet il-konsum magħluq tal-Unjoni fuq il-bażi tal-użu ristrett u l-bejgħ ristrett fis-suq tal-Unjoni tal-produtturi kollha magħrufin fl-Unjoni. Fuq din il-bażi, il-konsum magħluq tal-Unjoni żviluppa kif ġej:

Tabella 2

Il-konsum magħluq fis-suq tal-Unjoni (tunnellati)

(72)

Matul il-perjodu kkunsidrat, il-konsum magħluq tal-Unjoni fis-suq tal-Unjoni żdied b'madwar 4 %. Din iż-żieda hija prinċipalment dovuta għat-tkabbir tas-swieq magħluqa, inkluża l-manifattura tal-parts pereżempju għall-industrija tal-karozzi.

(73)

Il-Kummissjoni stabbiliet il-konsum tas-suq ħieles tal-Unjoni fuq il-bażi ta' (a) il-bejgħ fis-suq tal-Unjoni tal-produtturi kollha magħrufin fl-Unjoni u (b) l-importazzjonijiet fl-Unjoni mill-pajjiżi terzi kollha kif rapportat mill-Eurostat, u b'hekk qieset ukoll id-dejta sottomessa mill-produtturi esportaturi li kkooperaw fil-pajjiż ikkonċernat. Fuq din il-bażi, il-konsum tas-suq ħieles tal-Unjoni żviluppa kif ġej:

Tabella 3

Konsum tas-suq liberu (tunnellati)

(74)

Matul il-perjodu kkunsidrat, il-konsum tas-suq ħieles tal-Unjoni żdied b'madwar 12 %. Iż-żieda hi prinċipalment dovuta għall-irkupru ekonomiku tal-industrija downstream.

(75)

Il-Kummissjoni stabbiliet il-volum tal-importazzjonijiet abbażi tad-database tal-Eurostat. Is-sehem mis-suq tal-importazzjonijiet ġie stabbilit billi tqabblu l-volumi tal-importazzjonijiet mal-konsum tas-suq ħieles tal-Unjoni kif irrapportat fit-tabella (73) hawn fuq.

(76)

L-importazzjonijiet fl-Unjoni mir-RPĊ żviluppaw kif ġej:

Tabella 4

Il-volum tal-importazzjonijiet (tunnellati) u s-sehem mis-suq

(77)

It-tabella ta' hawn fuq turi li f'ċifri assoluti l-importazzjonijiet mill-pajjiż ikkonċernat żdiedu b'mod sinifikanti matul il-perjodu kkunsidrat. B'mod parallel, is-sehem totali tas-suq tal-importazzjonijiet Ċiniżi fl-Unjoni żdied b'aktar minn ħames darbiet matul il-perjodu kkunsidrat.

(78)

Il-Kummissjoni stabbiliet il-prezzijiet tal-importazzjonijiet abbażi tad-dejta tal-Eurostat. Il-prezz medju peżat tal-importazzjonijiet fl-Unjoni mill-pajjiż ikkonċernat żviluppa kif ġej:

Tabella 5

Prezzijiet tal-importazzjoni (EUR/tunnellata)

(79)

Il-prezzijiet medji tal-importazzjonijiet naqsu minn EUR 600/tunnellata fl-2012 għal EUR 404/tunnellata matul il-perjodu ta' investigazzjoni. Matul il-perjodu kunsidrat, it-tnaqqis fil-prezz medju unitarju tal-importazzjonijiet oġġett ta' dumping kien ta' madwar 33 %.

(80)

Il-Kummissjoni vvalutat it-twaqqigħ fil-prezzijiet matul il-perjodu tal-investigazzjoni billi qabblet:

(81)

It-tqabbil tal-prezzijiet sar fuq bażi ta' tip b'tip għal tranżazzjonijiet fl-istess livell ta' kummerċ, aġġustati kif dovut meta meħtieġ, u wara t-tnaqqis tar-rifużjonijiet u l-iskontijiet. Ir-riżultat tat-tqabbil kien espresss bħala persentaġġ tal-fatturat tal-produtturi tal-Unjoni matul il-perjodu tal-investigazzjoni. L-aġġustamenti ewlenin relatati mal-ispejjeż ta' kunsinna (li jvarjaw bejn 2,7 % u 6,3 % għal kull produttur tal-Unjoni fil-kampjun) u l-iskontijiet (li jvarjaw bejn 0,1 % u 19,5 %). Billi l-ebda importatur mhux relatat ma ppreżenta ruħu f'dan il-każ, ġew miżjuda wara l-importazzjoni EUR 7 għal kull tunnellata, li kien l-aġġustament użat fl-investigazzjoni dwar ċerti prodotti tal-azzar ċatti b'laminazzjoni kiesħa (10). Dan kien meqjus li jkun l-aktar mod xieraq minħabba l-fatt li l-prodott ikkonċernat tal-investigazzjoni kurrenti huwa simili f'ħafna modi għal ċerti prodotti tal-azzar ċatt b'laminazzjoni kiesħa, kif spjegat fil-premessa (221).

(82)

Abbażi ta' dan ta' hawn fuq, l-importazzjonijiet Ċiniżi oġġett ta' dumping instabu li waqqgħu l-prezzijiet tal-industrija tal-Unjoni fil-firxa bejn 2,7 % u 5,6 %.

(83)

Skont l-Artikolu 3(5) tar-Regolament bażiku, l-eżami tal-impatt tal-importazzjonijiet oġġett ta' dumping fl-industrija tal-Unjoni kien jinkludi evalwazzjoni tal-indikaturi ekonomiċi kollha li influwenzaw l-istat tal-industrija tal-Unjoni matul il-perjodu kkunsidrat.

(84)

L-indikaturi makroekonomiċi (il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, l-istokk, it-tkabbir, is-sehem mis-suq, l-impjiegi, il-produttività u d-daqs tal-marġnijiet tad-dumping) ġew ivvalutati fil-livell tal-industrija kollha tal-Unjoni. Il-valutazzjoni kienet ibbażata fuq l-informazzjoni li pprovda min għamel l-ilment, u ġiet kontroverifikata bid-dejta pprovduta mill-produtturi tal-Unjoni u l-istatistiċi uffiċjali disponibbli (Eurostat).

(85)

L-analiżi tal-indikaturi mikroekonomiċi (il-prezzijiet tal-bejgħ, il-profittabbiltà, il-fluss tal-flus, l-investimenti, ir-redditu fuq l-investimenti, il-possibbiltà li jiżdied il-kapital, il-pagi u l-ispiża tal-produzzjoni) twettqet fil-livell tal-produtturi tal-Unjoni fil-kampjun. Il-valutazzjoni kienet ibbażata fuq l-informazzjoni tagħhom, ivverifikata kif xieraq.

(86)

Biex tipprovdi stampa tal-industrija tal-Unjoni li hija kemm jista' jkun kompluta, il-Kummissjoni kisbet dejta għall-produzzjoni kollha tal-prodott ikkonċernat u ddeterminat jekk il-produzzjoni kinitx iddestinata għal użu ristrett jew għas-suq ħieles. Għal uħud mill-indikaturi tad-dannu relatati mal-industrija tal-Unjoni, il-Kummissjoni analizzat b'mod separat id-dejta relatata mas-suq ħieles u dik relatata mas-suq magħluq u għamlet analiżi komparattiva. Dawn il-fatturi huma: il-bejgħ, is-sehem mis-suq, il-prezzijiet tal-unità, l-ispiża tal-unità, il-profittabbiltà u l-fluss tal-flus. Madankollu, indikaturi ekonomiċi oħrajn jistgħu jiġu eżaminati b'mod siewi biss b'riferiment għall-attività kollha, inkluż l-użu ristrett tal-industrija tal-Unjoni għaliex jiddependu fuq l-attività kollha, kemm jekk il-produzzjoni hija magħluqa kif ukoll jekk tinbiegħ fis-suq ħieles. Dawn il-fatturi huma: il-produzzjoni, il-kapaċità, l-użu tal-kapaċità, l-investimenti, ir-redditu fuq l-investimenti, l-impjiegi, il-produttività, l-istokkijiet u l-ispejjeż tax-xogħol. Għal dawn il-fatturi, ikun iġġustifikat li ssir analiżi tal-industrija kollha tal-Unjoni sabiex tiġi stabbilita stampa sħiħa tad-dannu tal-industrija tal-Unjoni, peress li d-dejta inkwistjoni ma tistax tiġi separata bejn bejgħ ristrett u bejgħ ħieles.

(87)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppaw matul il-perjodu kkunsidrat kif ġej:

Tabella 6

Il-produzzjoni, il-kapaċità tal-produzzjoni u l-użu tal-kapaċità

(88)

Matul il-perjodu kkunsidrat, il-volum ta' produzzjoni tal-industrija tal-Unjoni żdied bi 2 %, minkejja l-fatt li produttur Taljan wieħed tal-Unjoni naqqas konsiderevolment il-produzzjoni tiegħu matul l-istess perjodu (– 3 miljun tunnellata).

(89)

Iċ-ċifri tal-kapaċità rapportati jirreferu għall-kapaċità teknika, li jimplika li aġġustamenti, meqjusin bħala standards mill-industrija, għall-ħin tal-istabbiliment, il-manutenzjoni, l-ostakoli u perjodi oħrajn normali ta' waqfien ma ġewx ikkunsidrati. Il-kapaċità tal-produzzjoni naqset matul il-perjodu kkunsidrat minħabba l-waqfien tal-produzzjoni fil-Belġju u fl-Italja.

(90)

Iż-żieda fir-rata tal-utilizzazzjoni tal-kapaċità rriżultat minn żieda żgħira fil-volum tal-produzzjoni prinċipalment minħabba ż-żieda fil-konsum magħluq (+ 4 %) u l-konsum ħieles (+ 12 %) u dan minkejja t-tnaqqis sinifikanti tal-volum ta' produzzjoni prinċipalment minn produttur wieħed tal-Unjoni Taljan.

(91)

Il-volum ta' bejgħ u s-sehem mis-suq tal-industrija tal-Unjoni fis-suq ħieles żviluppaw matul il-perjodu kkunsidrat kif ġej:

Tabella 7

Il-volum tal-bejgħ u s-sehem mis-suq (suq ħieles)

(92)

Il-volum tal-bejgħ tal-industrija fis-suq tal-Unjoni baqa' relattivament stabbli matul il-perjodu kkunsidrat, jiġifieri bejn 27 u 28 miljun tunnellata.

(93)

Matul il-perjodu kkunsidrat, is-sehem mis-suq tal-industrija tal-Unjoni f'termini ta' konsum tal-Unjoni naqas b'aktar minn disa' punti perċentwali, jiġifieri minn 86,8 % għal 77,7 %. It-tnaqqis tas-sehem mis-suq tal-industrija tal-Unjoni qabeż b'mod sinifikanti ż-żieda żgħira fil-bejgħ tagħha fis-suq ħieles tal-Unjoni.

(94)

Safejn is-suq magħluq fis-suq tal-Unjoni huwa kkonċernat, il-volum ristrett u s-sehem mis-suq żviluppaw matul il-perjodu kkunsidrat kif ġej:

Tabella 8

Volum ristrett fis-suq tal-Unjoni u s-sehem mis-suq

(95)

Il-volum ristrett tal-industrija tal-Unjoni (magħmul minn użu ristrett u bejgħ ristrett fis-suq tal-Unjoni) fis-suq tal-Unjoni żdied b'4 % matul il-perjodu kkunsidrat, minn madwar 40,7 miljun tunnellata metrika fl-2011 għal 42,2 miljun tunnellata matul il-perjodu tal-investigazzjoni.

(96)

Is-sehem mis-suq magħluq tal-industrija tal-Unjoni (espress bħala persentaġġ tal-produzzjoni totali) baqa' stabbli matul il-perjodu kkunsidrat, u jvarja bejn 55,7 % u 56,7 %.

(97)

L-impjieg ġie kkalkulat billi ttieħdu biss il-ħaddiema li jaħdmu direttament għall-prodott simili fil-funderiji tal-azzar differenti tal-produtturi tal-Unjoni. Dan il-metodu pprovda dejta preċiża li hija relattivament faċli li tiġi ddeterminata.

(98)

L-impjiegi u l-produttività żviluppaw matul il-perjodu kkunsidrat kif ġej:

Tabella 9

L-impjiegi u l-produttività

(99)

Il-livell tal-impjiegi fl-industrija tal-Unjoni naqas matul il-perjodu kkunsidrat sabiex jitnaqqsu l-ispejjeż tal-produzzjoni u tiġi ggwadanjata effiċjenza fid-dawl taż-żieda fil-kompetizzjoni minn importazzjonijiet Ċiniżi u oħrjan fis-suq. Dan irriżulta fi tnaqqis tal-ħaddiema b'5 % matul il-perjodu kkunsidrat, mingħajr ma jittieħed inkunsiderazzjoni l-ebda impjieg indirett. Bħala konsegwenza u minħabba l-volum ta' produzzjoni li qed jiżdied ftit (+ 2 %) matul il-perjodu kkunsidrat, il-produttività tal-ħaddiema tal-industrija tal-Unjoni, imkejla bħala produzzjoni għal kull persuna impjegata fis-sena, żdiedet ħafna iktar (+ 7 %) miż-żieda fil-produzzjoni attwali. Dan juri li l-industrija tal-Unjoni kienet lesta tadatta ruħha għall-kundizzjonijiet tas-suq li kienu qegħdin jinbidlu sabiex tibqa' kompetittiva.

(100)

Il-livelli tal-istokkijiet tal-produtturi tal-Unjoni żviluppaw kif ġej matul il-perjodu kkunsidrat:

Tabella 10

Inventarji

(101)

Matul il-perjodu kkunsidrat il-livell tal-istokkijiet tal-għeluq naqas bi ftit. Il-maġġoranza tat-tipi tal-prodott simili huma mmanifatturati mill-industrija tal-Unjoni skont ordnijiet speċifiċi tal-utenti. Għalhekk, l-istokkijiet ma jitqisux bħala indikatur importanti ta' dannu għal din l-industrija. Dan huwa kkonfermat ukoll mill-analiżi tal-evoluzzjoni tal-istokkijiet tal-għeluq bħala persentaġġ tal-produzzjoni. Kif jidher hawn fuq, dan l-indikatur baqa' relattivament stabbli b'madwar 3,5 % sa 4 % tal-volum tal-produzzjoni.

(102)

Il-marġnijiet kollha tad-dumping kienu ogħla b'mod sinifikanti mil-livell de minimis. L-impatt tad-daqs tal-marġnijiet għoljin attwali ta' dumping fuq l-industrija tal-Unjoni ma kienx negliġibbli, meta tqis il-volum u l-prezzijiet tal-importazzjonijiet mill-pajjiż ikkonċernat.

(103)

Il-konsum tal-Unjoni (suq ħieles) żdied b'madwar 12 % matul il-perjodu kkunsidrat, filwaqt li l-volum tal-bejgħ tal-industrija tal-Unjoni fis-suq tal-Unjoni baqa' stabbli. L-industrija tal-Unjoni għalhekk tilfet sehem mis-suq, għall-kuntrarju tas-sehem mis-suq tal-importazzjonijiet mill-pajjiż ikkonċernat li żdied b'mod sinifikanti matul il-perjodu kkunsidrat.

(104)

Il-prezzijiet medji peżati ta' unità tal-bejgħ tal-produtturi tal-Unjoni fis-suq ħieles fl-Unjoni żviluppaw matul il-perjodu kkunsidrat kif ġej:

Tabela 11

Prezzijiet tal-bejgħ fis-suq ħieles fl-Unjoni

(105)

It-tabella ta' hawn fuq turi l-evoluzzjoni tal-prezz tal-bejgħ ta' unità fis-suq ħieles tal-Unjoni meta mqabbla mal-ispiża tal-produzzjoni korrispondenti. Bħala medja l-prezzijiet tal-bejgħ kienu inqas mill-ispiża unitarja tal-produzzjoni, bl-eċċezzjoni tal-2014 meta s-suq beda jiżdied u meta s-sehem mis-suq tal-importazzjonijiet Ċiniżi kien inqas milli fil-perjodu ta' investigazzjoni.

(106)

Fl-2012 u l-2013, il-konsegwenza tal-kriżi tad-dejn fiż-żona tal-Euro, flimkien ma' tnaqqis fid-domanda għall-azzar fl-2012, affettwaw b'mod negattiv il-prestazzjoni tal-industrija tal-Unjoni. Fl-2014, kif ukoll fl-ewwel nofs tal-2015, l-industrija tal-Unjoni bdiet tirkupra, minħabba l-isforzi akbar biex tibqa' kompetittiva, b'mod partikolari billi żdiedet il-produttività tal-ħaddiema tal-industrija tal-Unjoni, kif stabbilit fil-premessa (99), li rriżulta fi gwadanji tal-produttività u f'utilizzazzjoni aħjar tal-kapaċità.

(107)

Minkejja dawn l-isforzi, l-ispejjeż tal-produzzjoni baqgħu ġeneralment ogħla mill-prezzijiet tal-bejgħ, li qed jonqsu, u sabiex jiġi limitat it-telf fis-sehem mis-suq, il-produtturi tal-Unjoni segwew l-ispiral 'l isfel fil-prezzijiet u naqqsu b'mod sinifikanti l-prezz tal-bejgħ tagħhom, b'mod partikolari matul l-2015. Peress li l-prodott ikkonċernat huwa prodott bażiku, il-produtturi tal-Unjoni kellhom isegwu l-ispiral tat-tnaqqis fil-prezz.

(108)

Fost il-produtturi fil-kampjun, ċerti prodotti ċatti b'laminazzjoni termali tal-ħadid, mhux illigat jew azzar ieħor illigat għall-konsum magħluq ġew trasferiti jew kunsinnati bi prezzijiet ta' trasferiment għal aktar proċessar downstream bl-użu ta' politiki ta' pprezzar differenti (spiża, spiża b'żieda, prezz tas-suq). Għaldaqstant, ma tista' tinħareġ ebda konklużjoni siewja mill-evoluzzjoni tal-prezz tal-użu ristrett.

(109)

L-ispejjeż medji tax-xogħol tal-produtturi tal-Unjoni żviluppaw matul il-perjodu kkunsidrat kif ġej:

Tabella 12

Spejjeż medji tax-xogħol għal kull impjegat

(110)

Matul il-perjodu kkunsidrat, il-paga medja għal kull impjegat żdiedet b'4 %.

(111)

Il-profittabbiltà, il-fluss tal-flus, l-investimenti u r-redditu fuq l-investimenti tal-produtturi tal-Unjoni żviluppaw kif ġej matul il-perjodu kkunsidrat:

Tabella 13

profittabbiltà, fluss tal-flus, investimenti u redittu fuq l-investimenti

(112)

Il-Kummissjoni stabbiliet il-profittabbilità tal-produtturi tal-Unjoni billi esprimiet it-telf nett qabel it-taxxa tal-bejgħ tal-prodott simili fis-suq ħieles fl-Unjoni bħala persentaġġ tal-fatturat ta' dan il-bejgħ.

(113)

Il-profittabbiltà żviluppat b'mod negattiv matul il-perjodu kkunsidrat: it-telf ġie sostnut matul it-tliet snin kollha, bl-eċċezzjoni tal-2014. Filwaqt li l-telf fis-snin 2012 u 2013 huwa marbut parzjalment mal-konsegwenzi tal-kriżi tad-dejn fiż-żona tal-Euro (apparti tnaqqis fid-domanda għall-azzar fl-2012), il-produtturi tal-Unjoni setgħu jirkupraw parzjalment matul l-2014 u fl-ewwel nofs tal-2015.

(114)

Il-fluss tal-flus nett jirrappreżenta l-kapaċità tal-produtturi tal-Unjoni li jiffinanzjaw huma stess l-attivitajiet tagħhom. Ix-xejra fil-fluss nett tal-flus tvarja ħafna waqt il-perjodu kkunsidrat, iżda baqgħet ġeneralment pożittiva ħafna, l-aktar minħabba spejjeż mhux fi flus likwidi bħad-deprezzament.

(115)

Peress li r-redditu fuq l-investiment baqa' negattiv b'mod ġenerali matul is-snin kollha, ħlief l-2014, l-industrija tal-Unjoni naqqset il-livell tal-investimenti tagħha bi 13 % bejn l-2012 u l-2015. Il-kapaċità li jiġi ġġenerat il-kapital ġiet affettwata mit-telf imġarrab matul il-perjodu kkunsidrat, kif jista' jidher mit-tnaqqis fl-investimenti.

(116)

Fl-aħħar nett, it-tabella ta' hawn taħt fiha analiżi dettaljata tal-2015 kull trimestru kif allega min għamel l-ilment fl-ilment tiegħu li kien hemm deterjorament sinifikanti fit-tieni nofs tal-2015. Id-dejta fit-tabella tabilħaqq tikkonferma deterjorament sinifikanti, fit-tieni nofs tal-2015, tal-profittabbiltà u tal-valur tal-bejgħ nett minħabba tnaqqis ulterjuri fil-prezzijiet tal-bejgħ fuq is-suq ħieles tal-Unjoni.

Tabella 14

Il-profittabbiltà kull trimestru tal-produtturi tal-Unjoni fil-kampjun

(117)

Min-naħa waħda, l-industrija tal-Unjoni kollha tista' żżid bi ftit il-volumi tal-produzzjoni tagħha (minkejja t-tnaqqis sinifikanti tal-produzzjoni prinċipalment minn produttur wieħed Taljan) u ttejjeb ir-rata tagħha tal-utilizzazzjoni tal-kapaċità minħabba żieda fil-konsum mgħluq u ħieles. Hija ħadet ukoll azzjonijiet konkreti biex ittejjeb l-effiċjenza billi żżomm kontroll iebes fuq l-ispejjeż tal-manifattura (prinċipalment il-materja prima) u billi żżid il-produzzjoni għal kull impjegat. Bħala riżultat, l-ispiża tal-produzzjoni naqset b'25 %. Barra minn hekk, il-likwidità tagħha baqgħet pożittiva matul il-perjodu kollu kkunsidrat. Il-produtturi tal-Unjoni fil-kampjun xorta setgħu jagħmlu investimenti ta' madwar 250 — 330 miljun euro fis-sena matul il-perjodu kkunsidrat.

(118)

Min-naħa l-oħra, minkejja l-isforzi tal-industrija tal-Unjoni matul il-perjodu kkunsidrat biex ittejjeb il-prestazzjoni ġenerali, indikaturi oħra ta' dannu juru deterjorament tas-sitwazzjoni fis-suq ħieles: Bl-eċċezzjoni tal-2014 u l-bidu tal-2015, meta l-industrija tal-Unjoni bdiet tirkupra ftit, kien hemm telf matul il-perjodu kollu kkunsidrat, li laħaq livelli mhux sostenibbli fit-tieni nofs tal-2015. Tabilħaqq, minkejja l-fatt li l-volumi tal-bejgħ baqgħu relattivament stabbli fis-suq ħieles tal-Unjoni, l-industrija tal-Unjoni tilfet sehem mis-suq u kellha tnaqqas l-investimenti fid-dawl tar-redditu negattiv fuq l-investiment.

(119)

Fid-dawl ta' dan, huwa konkluż f'dan l-istadju li d-dejta ta' hawn fuq turi li l-industrija tal-Unjoni kienet f'sitwazzjoni dgħajfa fl-aħħar tal-perjodu ta' investigazzjoni iżda mhux sal-punt li l-industrija tal-Unjoni sofriet dannu materjali matul il-perjodu kkunsidrat fis-sens tal-Artikolu 3(5) tar-Regolament bażiku.

(120)

Fl-analiżi ta' theddida ta' dannu materjali lill-industrija tal-Unjoni, skont l-Artikolu 3(9), it-tieni subparagrafu, tar-Regolament bażiku, qed jiġu kkunsidrati hawn taħt tali fatturi bħal:

(121)

Kif tindika l-kelma “bħal” fl-Artikolu 3(9), it-tieni subparagrafu, flimkien ma' dawn l-erba' fatturi, fatturi oħra jistgħu jiġu analizzati wkoll għad-determinazzjoni ta' theddida ta' dannu. B'mod partikolari, il-Kummissjoni analizzat ulterjorment fatturi bħal profittabbiltà u dħul tal-ordnijiet, li għalihom kellha disponibbli dejta tal-perjodu tal-investigazzjoni u ta' wara l-perjodu tal-investigazzjoni.

(122)

Fir-rigward tal-perjodu kkunsidrat, il-Kummissjoni rrevediet id-dejta miġbura għal 2012-2015, billi huwa neċessarju li jkun hemm fehim tas-sitwazzjoni kurrenti tal-industrija tal-Unjoni sabiex tkun tista' tiddetermina jekk hemmx theddida ta' dannu lill-industrija tal-Unjoni (11). Imbagħad wettqet analiżi prospettiva għall-fatturi kollha. Barra minn hekk, hija setgħet tiġbor dejta dwar l-importazzjonijiet oġġett ta' dumping, il-kapaċità Ċiniża u l-prezzijiet tal-importazzjoni għall-perjodu Jannar — Ġunju 2016 sabiex tikkonferma jew tinvalida l-previżjonijiet, kif mitlub mill-Qorti (12). Iżda għall-profittabbiltà u d-dħul tal-ordnijiet, dejta komprensiva ma kinitx disponibbli għall-perjodu Jannar-Ġunju 2016 u dejta parzjali biss kienet disponibbli sal-aħħar ta' Marzu 2016. Għal-livell ta' inventarji, l-ebda dejta komprensiva ma setgħet tinstab sal-aħħar ta' Ġunju 2016, b'mod partikolari għall-industrija tal-Unjoni. Minkejja dan, din id-dejta ser tiġi aġġornata wara l-pubblikazzjoni ta' dan ir-Regolament u fejn ikun possibbli, se jiġu analizzati wkoll fatturi oħra. F'dan l-istadju, id-dejta għall-profitt, id-dħul tal-ordnijiet u l-livell ta' inventarji kienu l-aħjar dejta disponibbli.

(123)

Fl-aħħar nett, l-Artikolu 3(9) l-ewwel subparagrafu, it-tieni sentenza, tar-Regolament bażiku jitlob li l-bidla fiċ-ċirkustanzi trid tkun ġiet imbassra b'mod ċar u trid tkun imminenti.

(124)

L-importazzjonijiet mill-pajjiż ikkonċernat żdiedu b'mod sinifikanti minn 246 720 għal 1 519 304 tunnellata bejn l-2012 u l-perjodu ta' investigazzjoni, kif muri fit-tabella fil-premessa (76) hawn fuq. Dawn l-importazzjonijiet seħħew konsistentement bi prezzijiet kontinwament jitbaxxew. Iż-żieda sostanzjali fis-sehem mis-suq miżmum minn dawn l-importazzjonijiet Ċiniżi oġġett ta' dumping (+ 550 %) tikkonferma li l-iżvilupp ta' dawn l-importazzjonijiet ma kienx biss il-konsegwenza ta' żieda fid-domanda (+ 12 %). Il-produtturi esportaturi Ċiniżi qed jippenetraw suq ġdid u jiksbu ishma tas-suq b'importazzjonijiet bi prezz baxx għad-detriment ta' atturi ekonomiċi oħra, inklużi l-produtturi tal-Unjoni. Il-volum tal-importazzjonijiet Ċiniżi żdied ulterjorment (bi 8,5 %) fl-ewwel nofs tal-2016 (773 275 tunnellata) (sors: Eurostat), meta mqabbel mal-ewwel nofs tal-2015 (712 390 tunnellata). Id-dejta disponibbli turi li mhux biss l-importazzjonijiet Ċiniżi oġġett ta' dumping urew żieda sostanzjali matul il-perjodu kkunsidrat, iżda wkoll li din ix-xejra ma twaqqfitx jew treġġgħet lura waqt il-perjodu ta' wara l-investigazzjoni.

(125)

Rigward il-kapaċità tal-azzar mhux maħdum Ċiniża, l-informazzjoni disponibbli tindika li l-kapaċità tal-azzar Ċiniża ilha tiżdied rapidament għal żmien twil. Billi r-RPĊ ammontat għal 25,6 % tal-produzzjoni totali dinjija tal-azzar mhux maħdum fl-2004 (13), hija kważi rdoppjat il-produzzjoni attwali tagħha u rrappreżentat 50,3 % fl-2015. F'dan ir-rigward, il-Komunikazzjoni tal-Azzar mill-Kummissjoni tiddikjara dan li ġej: “… Il-kapaċità ta' produzzjoni żejda f'ċerti pajjiżi terzi, notevolment fiċ-Ċina, żdiedet b'mod drammatiku. Il-kapaċità żejda fiċ-Ċina biss kienet stmata għal madwar 350 miljun tunnellata, kważi d-doppju tal-produzzjoni annwali tal-Unjoni. (14).”

(126)

F'dan ir-rigward, l-OECD stmat li l-kapaċità totali tal-produzzjoni tal-azzar Ċiniża tkun ta' 1 140 miljun tunnellata (15) fl-2014, filwaqt li l-produzzjoni Ċiniża attwali ikkalkolata kienet ta' 822,8 miljun tunnellata (16). Bħala riżultat, il-kapaċità eċċessiva Ċiniża disponibbli hija ċertament aktar minn 300 miljun tunnellata.

(127)

Tali kapaċità żejda tal-azzar ukoll mhijiex konformi mad-domanda għall-prodott simili fir-RPĊ jew f'pajjiżi oħra. Fil-fatt it-tkabbir fid-domanda fis-swieq globali qed jonqos u d-differenza bejn il-kapaċità/domanda qed tkompli titwessa', skont studju reċenti tal-OECD (17).

(128)

Il-fatt li l-pajjiż ikkonċernat għandu kapaċità żejda massiva tal-azzar mhuwiex ikkontestat mill-awtoritajiet Ċiniżi: L-ewwel, fl-1 ta' Frar 2016, il-Kunsill tal-Istat Ċiniż ħareġ “Opinjoni għall-industrija tal-azzar biex issolvi l-kapaċità eċċessiva” li tistabbilixxi l-approċċ ġenerali Ċiniż biex tiġi indirizzata b'aktar determinazzjoni l-kapaċità żejda fl-industrija tal-azzar Ċiniża. Il-miżuri jkunu fost l-oħrajn it-tnaqqis tal-kapaċità tal-azzar mhux maħdum b'100-150 miljun tunnellata fuq ħames snin u l-projbizzjoni stretta ta' kapaċità ta' produzzjoni ġdida. It-tieni, l-Assoċjazzjoni Ċiniża tal-Ħadid u l-Azzar (CISA) fis-sottomissjoni tagħha semmiet ukoll li “fl-aħħar ftit snin il-gvern Ċiniż u l-assoċjazzjoni Ċiniża tal-azzar ħadu miżuri effettivi...Mill-2011 iċ-Ċina attivament eliminat il-kapaċitajiet obsoleti u rrinforzat miżuri għall-iffrankar tal-enerġija (18).”

(129)

Madankollu, riċentement ġew irrapportati inkonsistenzi bejn it-tħabbir Ċiniż dwar it-tnaqqis ta' kapaċità msemmi hawn fuq fil-perjodu ta' wara l-investigazzjoni u s-sitwazzjoni attwali, kif ġej:

(130)

Finalment, il-Kummissjoni analizzat il-wegħdiet u l-impenji tal-awtoritajiet Ċiniżi kif imsemmi fil-premessa (128). Minkejja dan it-tħabbir fil-bidu tal-2016, dawn għadhom ma seħħewx.

(131)

Bħala riżultat, huwa meqjus li l-kwistjoni tal-kapaċità żejda fis-settur tal-azzar fir-RPĊ hija magħrufa sew u hija wkoll rikonoxxuta mill-awtoritajiet Ċiniżi.

(132)

Il-prodott simili huwa vvalutat li huwa parti kbira mill-produzzjoni totali tal-azzar mhux maħdum għar-raġuni li ġejja: filwaqt li l-produzzjoni totali tal-azzar mhux maħdum Ċiniż kienet ta' 822 000 miljun tunnellata u 822 698 miljun tunnellata, il-produzzjoni Ċiniża totali tal-prodotti ċatti b'laminazzjoni termali kienet ta' 311 564 miljun tunnellata (jew madwar 37,9 % tal-produzzjoni globali tal-azzar mhux maħdum) u 317 387 miljun tunnellata (jew madwar 38,6 % tal-produzzjoni globali tal-azzar mhux maħdum) rispettivament fis-snin 2013 u 2014 (22). Għalhekk, id-dejta ta' hawn fuq dwar l-azzar mhux maħdum tipprovdi indikazzjoni tajba wkoll tal-kapaċità żejda tal-prodott simili fir-RPĊ.

(133)

It-tieni, qed issir referenza għat-tabella fil-premessa (185) fejn il-produzzjoni attwali tal-prodott simili tar-RPĊ hija mqabbla mal-produzzjoni attwali ta' pajjiżi oħra għas-snin 2014 u 2013. Din it-tabella turi pereżempju li l-produzzjoni attwali tal-2014 tal-prodott simili fir-RPĊ (317,4 miljun tunnellata) hija madwar ħames darbiet il-produzzjoni totali aggregata tar-Russja, l-Ukraina, l-Iran u l-Brażil magħquda (57,4 miljun tunnellata). Din hija indikazzjoni tal-kapaċità enormi tal-produzzjoni simili fir-RPĊ.

(134)

It-tielet, l-investigazzjoni kkonfermat li matul il-perjodu ta' investigazzjoni, il-produtturi esportaturi Ċiniżi fil-kampjun jaħdmu fuq medja, b'rata ta' utilizzazzjoni tal-kapaċità ta' 65 %. Dan jammonta għal aktar minn 14-il miljun tunnellata metrika ta' kapaċità libera biżżejjed tal-prodott ikkonċernat fost tliet kumpaniji biss. Dan huwa indikatur ieħor tal-kapaċità żejda tal-prodott simili. Jekk wieħed jassumi proporzjonijiet simili minn produtturi oħra Ċiniżi ta' prodotti tal-azzar ċatti b'laminazzjoni termali, wieħed jista' jissoponi li teżisti kapaċità żejda għolja totali HRF fiċ-Ċina.

(135)

Barra minn hekk, is-suq tal-Unjoni huwa suq miftuħ b'ħafna importazzjonijiet minn diversi pajjiżi, kif muri fit-tabella fil-premessa (177). Kif muri fit-tabella 4 taħt il-premessa (76), il-produtturi esportaturi Ċiniżi ilhom jesportaw lejn is-suq tal-Unjoni prinċipalment mill-2012 'il quddiem u malajr qed jiksbu ishma tas-suq b'importazzjonijiet bi prezz baxx għad-detriment ta' atturi ekonomiċi oħra, inklużi l-produtturi tal-Unjoni. Dan juri li l-penetrazzjoni kienet relativament faċli u ta' suċċess kbir matul il-perjodu kkunsidrat għall-produtturi esportaturi Ċiniżi u hija bħala tali indikazzjoni tal-attrazzjoni tas-suq tal-Unjoni għall-produtturi esportaturi Ċiniżi u oħrajn.

(136)

F'konformità mal-Artikolu 3(9), it-tieni subparagrafu, (b) tar-Regolament bażiku, il-Kummissjoni analizzat id-disponibbiltà ta' swieq oħra ta' esportazzjoni għall-prodotturi esportaturi Ċiniżi biex jassorbu kwalunkwe esportazzjonijiet addizzjonali.

(137)

Ċerti swieq ta' esportazzjoni (kbar) qed isiru dejjem aktar diffiċli għall-aċċess għall-produtturi esportaturi Ċiniżi minħabba miżuri ta' difiża kummerċjali (pajjiżi bħall-Istati Uniti, il-Malasja, l-Indja, u l-Messiku) u/jew investigazzjonijiet (pajjiżi bħat-Tajlandja) jew żieda fid-dazji doganali (l-Afrika t'Isfel).

(138)

Dejta statistika tal-esportazzjoni — għall-2015 u għall-ewwel sitt xhur tal-2016 — għal kampjun (23) ta' kodiċijiet NM rigward il-prodott simili — madankollu turi status quo fil-volumi ta' esportazzjonijiet Ċiniżi lill-bqija tad-dinja:

(139)

L-ewwel, il-pajjiż ikkonċernat esporta madwar l-istess volumi matul l-ewwel sitt xhur tal-2016, kieku dawn il-figuri kellhom ikunu annwalizzati u mqabbla mal-2015. Madankollu, il-prezz medju tal-bejgħ għal kull unità kien iktar baxx matul l-ewwel sitt xhur tal-2016 meta mqabbla mal-2015. It-tieni, it-telf tas-sehem mis-suq f'xi pajjiżi (bħall-Indoneżja u l-Vjetnam) matul l-ewwel sitt xhur tal-2016 meta mqabbla mal-2015 huwa kkumpensat minn żieda fis-sehem mis-suq f'pajjiżi oħra (bħall-Bangladexx u r-Repubblika Demokratika tal-Poplu tal-Korea). Il-Kummissjoni għalhekk ikkonkludiet li mhuwiex probabbli li l-pajjiżi terzi jassorbu huma stess l-ammont kbir ta' kapaċità Ċiniża liberament disponibbli. Anke jekk bħalissa hemm status quo fl-esportazzjonijiet Ċiniżi lejn pajjiżi terzi oħra, is-suq attraenti tal-Unjoni, kif imsemmi taħt il-premessa (135) x'aktarx li jkompli jkun fost il-miri ewlenin ta' esportazzjonijiet Ċiniżi oġġetti ta' dumping.

(140)

Ma hemm kapaċità ta' assorbiment suffiċjenti lanqas fir-RPĊ. Id-domanda domestika fir-RPĊ għall-azzar qiegħda tonqos: Skont l-Assoċjazzjoni Dinjija tal-Azzar, id-domanda taċ-Ċina għall-azzar għall-ewwel kienet mistennija tonqos bi – 3,5 % fl-2015 u bi – 2,0 % fl-2016, wara li laħqet il-quċċata tagħha fl-2013 (24). Madankollu, dawn iċ-ċifri wara kienu aġġustati mill-istess organizzazzjoni kif ġej: “it-tnaqqis fid-domanda tal-azzar fiċ-Ċina huwa mistenni li jkun – 4.0 % fl-2016 segwit minn – 3,0 % fl-2017. Dan jissuġġerixxi domanda ta' 626,1 Mt tal-azzar (15 % inqas mill-2013) għall-2017, kontrazzjoni għal 41,9 % tal-użu dinji tal-azzar minn 47,9 % fl-2009 u 44,8 % fl-2015” (25).

(141)

Bħala konklużjoni, huwa probabbli li volumi sinifikanti tal-kapaċità massiva eżistenti tal-azzar, inkluż il-prodott simili, ser ikomplu jiġu diretti lejn is-suq tal-Unjoni. Il-kapaċitajiet żejda attwali u l-kapaċità ta' assorbiment insuffiċjenti ta' stati terzi jew ir-RPĊ nfisha jindikaw il-probabbiltà ta' żieda sostanzjali ta' esportazzjonijiet Ċiniżi lejn l-Unjoni fejn irriżulta li l-penetrazzjoni kienet relativament faċli u ta' suċċess kbir matul il-perjodu kkunsidrat.

(142)

Matul il-perjodu kkunsidrat, kif stabbilit fil-premessa (78), il-prezzijiet medji tal-importazzjoni mill-pajjiż ikkonċernat naqsu bi 33 %, minn EUR 600/tunnellata fl-2012 għal EUR 404/tunnellata fl-2015.

(143)

It-tabella ta' hawn taħt tqabbel il-prezzijiet ta' importazzjoni medji unitarji Ċiniżi mal-prezzijiet unitarji tal-bejgħ tal-ħames produtturi tal-Unjoni fil-kampjun:

Tabella 15

Prezzijiet tal-bejgħ fis-suq ħieles fl-Unjoni meta mqabbla mal-prezzijiet ta' importazzjoni Ċiniżi matul il-perjodu kkunsidrat