ISSN 1977-074X
Il-Ġurnal Uffiċjali
tal-Unjoni Ewropea
L 259
Edizzjoni bil-Malti
Leġiżlazzjoni
Volum 59
27 ta' Settembru 2016
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 259 |
|
|
|
||
|
Edizzjoni bil-Malti |
Leġiżlazzjoni |
Volum 59 |
|
|
|
Rettifika |
|
|
|
* |
|
|
|
|
|
(1) Test b'rilevanza għaż-ŻEE |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
|
27.9.2016 |
MT |
Il-Ġurnal Uffiċjali tal-Unjoni Ewropea |
L 259/1 |
REGOLAMENT TAL-KUMMISSJONI (UE) 2016/1718
tal-20 ta' Settembru 2016
li jemenda r-Regolament (UE) Nru 582/2011 rigward l-emissjonijiet minn vetturi heavy-duty fir-rigward tad-dispożizzjonijiet dwar l-ittestjar permezz ta' sistemi portabbli għall-kejl tal-emissjonijiet (PEMS) u l-proċedura għall-ittestjar tad-durabilità tat-tagħmir għall-kontroll tat-tniġġis ta' sostituzzjoni
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 595/2009 tal-Parlament Ewropew u tal-Kunsill tat-18 ta' Ġunju 2009 dwar l-approvazzjoni tat-tip ta' vetturi bil-mutur u magni rigward l-emissjonijiet minn vetturi heavy-duty (Euro VI) u dwar l-aċċess għal informazzjoni dwar it-tiswija u l-manutenzjoni tal-vetturi u li jemenda r-Regolament (KE) Nru 715/2007 u d-Direttiva 2007/46/KE u li jħassar id-Direttivi 80/1269/KEE, 2005/55/KE u 2005/78/KE (1), u b'mod partikolari l-Artikolu 4(3), l-Artikolu 5(4) u l-Artikolu 12 tiegħu,
Billi:
|
(1) |
L-ittestjar tal-konformità waqt it-tħaddim jirrappreżenta wieħed mill-pilastri tal-proċedura tal-approvazzjoni tat-tip u jippermetti l-verifika tal-prestazzjoni tas-sistemi ta' kontroll tal-emissjonijiet matul il-ħajja utli tal-vetturi. Skont ir-Regolament tal-Kummissjoni (UE) Nru 582/2011 (2), it-testijiet huma mwettqa permezz ta' sistemi portabbli għall-kejl tal-emissjonijiet (PEMS) li jivvalutaw l-emissjonijiet f'operazzjonijiet normali ta' użu. L-approċċ tal-PEMS jiġi applikat ukoll biex jiġu verifikati l-emissjonijiet off-cycle waqt iċ-ċertifikazzjoni tal-approvazzjoni tat-tip. |
|
(2) |
Ir-Regolament (UE) Nru 582/2011 jiddikjara li kwalunkwe rekwiżiti addizzjonali fir-rigward tal-proċedura fis-seħħ tal-ittestjar tal-emissjonijiet off-cycle għandhom jiġu introdotti wara l-valutazzjoni tal-proċedura tal-ittestjar speċifikata f'dak ir-Regolament. |
|
(3) |
Għaldaqstant, il-Kummissjoni wettqet analiżi fil-fond tal-proċedura tal-ittestjar. Dik l-analiżi identifikat għadd ta' nuqqasijiet li jdgħajfu l-effiċjenza tal-leġiżlazzjoni Ewropea dwar l-approvazzjoni tat-tip u dawn jeħtieġu li jiġu rimedjati biex jiġi żgurat il-livell xieraq ta' protezzjoni ambjentali. |
|
(4) |
Il-prestazzjoni tal-emissjonijiet ta' vetturi waqt il-perjodu ta' tisħin attwalment mhijiex valutata skont it-test tad-dimostrazzjoni għall-approvazzjoni tat-tip jew skont it-test tal-konformità waqt it-tħaddim. Biex tiġi indirizzata l-lakuna fl-għarfien eżistenti u biex tiġi ppreparata proċedura ġdida tal-ittestjar għal operazzjonijiet tal-istartjar kiesaħ, għandha titnieda fażi ta' monitoraġġ li permezz tagħha tinġabar dejta mill-ittestjar tal-approvazzjoni tat-tip u tal-konformità waqt it-tħaddim. |
|
(5) |
Skont ir-Regolament (UE) Nru 582/2011, it-tagħmir għall-kontroll tat-tniġġis ta' sostituzzjoni għandu jiġi approvat għat-tip skont ir-rekwiżiti tal-emissjonijiet Euro VI ladarba r-rekwiżiti speċifiċi tal-ittestjar tad-durabilità jkunu introdotti f'dak ir-Regolament. |
|
(6) |
Għaldaqstant huwa neċessarju li tiġi stabbilita proċedura li tivvaluta sew id-durabilità ta' dawk il-parts tal-bdil li jidħlu fis-suq tal-Unjoni u li jiġi żgurat li dawn jissodisfaw ir-rekwiżiti ambjentali kompatibbli ma' dawk stabbiliti għal sistemi simili prodotti bħala parts oriġinali tal-vetturi. |
|
(7) |
Proċedura ta' test ibbażata fuq it-taqdim aċċellerat ta' tagħmir għall-kontroll tat-tniġġis ta' sostituzzjoni minħabba effetti termali u ta' konsum tal-lubrikant tissodisfa l-għan li d-durabilità tat-tagħmir għall-kontroll tat-tniġġis ta' sostituzzjoni tiġi indirizzata b'mod eżatt u oġġettiv u ma tkunx ta' piż eċċessiv fuq l-industrija. |
|
(8) |
Ir-Regolament (UE) Nru 582/2011 jistabbilixxi rekwiżiti relatati mal-miżuri li jridu jiġu introdotti mill-manifatturi tal-vetturi biex ma jkunx hemm tbagħbis mas-sistemi ta' kontroll tal-emissjonijiet. Dawk ir-rekwiżiti għandhom jindirizzaw b'mod effettiv l-aktar mezz komuni ta' tbagħbis mingħajr ma jimponu piż eċċessiv fuq l-industrija. |
|
(9) |
Ir-referenzi għall-istandards internazzjonali fir-Regolament (UE) Nru 582/2011 għandhom jiġu aġġornati. |
|
(10) |
Biex jiġi żgurat żmien biżżejjed bil-quddiem biex il-manifatturi ta' vetturi jimmodifikaw il-prodotti tagħhom skont ir-rekwiżit il-ġdid dwar il-limitu ta' qawwa, dak ir-rekwiżit għandu jkollu effett mill-1 ta' Settembru 2018 għal tipi ġodda u mill-1 ta' Settembru 2019 għall-vetturi ġodda kollha. |
|
(11) |
Huwa xieraq li r-rekwiżiti l-ġodda tal-ittestjar waqt it-tħaddim ma japplikawx b'mod retroattiv għal magni u għal vetturi li ma jkunux ġew approvati skont dawk ir-rekwiżiti. Għaldaqstant, id-dispożizzjonijiet il-ġodda stabbiliti fl-Anness II għandhom japplikaw għall-ittestjar tal-konformità waqt it-tħaddim ta' tipi ġodda ta' magni u vetturi li jkunu ġew approvati skont il-verżjoni emendata tar-Regolament (UE) Nru 582/2011. |
|
(12) |
Għalhekk, ir-Regolament (UE) Nru 582/2011 għandu jiġi emendat skont dan. |
|
(13) |
Il-miżuri previsti f'dan ir-Regolament huma skont l-opinjoni tal-Kumitat Tekniku — Vetturi bil-Mutur, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 582/2011 huwa emendat kif ġej:
|
(1) |
fl-Artikolu 14, jitħassar il-paragrafu 3, |
|
(2) |
fl-Artikolu 15, jitħassar il-paragrafu 5, |
|
(3) |
jiddaħħal l-Artikolu 17a li ġej: “Artikolu 17a Dispożizzjonijiet tranżizzjonali għal ċerti approvazzjonijiet tat-tip u ċ-ċertifikati tal-konformità 1. B'effett mill-1 ta' Settembru 2018, l-awtoritajiet nazzjonali għandhom jirrifjutaw, għal raġunijiet relatati mal-emissjonijiet, li jagħtu approvazzjoni tat-tip tal-KE jew approvazzjoni tat-tip nazzjonali fir-rigward ta' tipi ġodda ta' vetturi jew magni ttestjati bl-użu ta' proċeduri li ma jikkonformawx mal-punti 4.2.2.2 u 4.2.2.2.1 u 4.2.2.2.2 u 4.3.1.2 u 4.3.1.2.1 u 4.3.1.2.2 tal-Appendiċi 1 tal-Anness II. 2. B'effett mill-1 ta' Settembru 2019, l-awtoritajiet nazzjonali għandhom, fil-każ ta' vetturi ġodda li ma jikkonformawx mal-punti 4.2.2.2 u 4.2.2.2.1 u 4.2.2.2.2 u 4.3.1.2 u 4.3.1.2.1 u 4.3.1.2.2 tal-Appendiċi 1 tal-Anness II, jikkunsidraw li ċertifikati ta' konformità maħruġa fir-rigward ta' dawk il-vetturi m'għadhomx aktar validi għall-finijiet tal-Artikolu 26 tad-Direttiva 2007/46/KE u, għal raġunijiet relatati ma' emissjonijiet, għandhom jipprojbixxu r-reġistrazzjoni, il-bejgħ u d-dħul fis-servizz ta' tali vetturi. B'effett mill-1 ta' Settembru 2019 u ħlief fil-każ ta' magni ta' sostituzzjoni għal vetturi li qed jintużaw, l-awtoritajiet nazzjonali għandhom jipprojbixxu l-bejgħ jew l-użu ta' magni ġodda li ma jikkonformawx mal-punti 4.2.2.2 u 4.2.2.2.1 u 4.3.1.2 u 4.3.1.2.1 tal-Appendiċi 1 tal-Anness II.” |
|
(4) |
L-Anness I huwa emendat skont l-Anness I ta' dan ir-Regolament. |
|
(5) |
L-Anness II huwa emendat skont l-Anness II ta' dan ir-Regolament. |
|
(6) |
L-Anness VI huwa emendat skont l-Anness III ta' dan ir-Regolament. |
|
(7) |
L-Anness XI huwa emendat skont l-Anness IV ta' dan ir-Regolament. |
|
(8) |
L-Anness XIII huwa emendat skont l-Anness V ta' dan ir-Regolament; |
|
(9) |
L-Anness XIV huwa emendat skont l-Anness VI ta' dan ir-Regolament; |
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Bl-eċċezzjoni tal-punt 8(c), li għandu japplika għall-vetturi kollha mid-dħul fis-seħħ ta' dan ir-Regolament, l-Anness II għandu japplika mill-1 ta' Jannar 2017 għat-tipi ġodda ta' vetturi.
Dan ir-Regolament jorbot fl-intier tiegħu u japplika direttament fl-Istati Membri skont it-Trattati.
Magħmul fi Brussell, l-20 ta' Settembru 2016.
Għall-Kummissjoni
Il-President
Jean-Claude JUNCKER
(1) ĠU L 188, 18.7.2009, p. 1.
(2) Ir-Regolament tal-Kummissjoni (UE) Nru 582/2011 tal-25 ta' Mejju 2011 li jimplimenta u jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy duty (Euro VI) u li jemenda l-Annessi I u III għad-Direttiva 2007/46/KE tal-Parlament Ewropew u tal-Kunsill (ĠU L 167, 25.6.2011, p. 1).
ANNESS I
L-Anness I tar-Regolament (UE) Nru 582/2011 huwa emendat kif ġej:
|
(1) |
il-punt 1.1.2 jinbidel b'dan li ġej:
(*) Id-Direttiva 98/70/KE tal-Parlament Ewropew u tal-Kunsill tat-13 ta' Ottubru 1998 dwar il-kwalità tal-karburanti tal-petrol u tad-diżil u li temenda d-Direttiva tal-Kunsill 93/12/KEE (ĠU L 350, 28.12.1998, p. 58).”;" |
|
(2) |
il-punt 1.1.5 jinbidel b'dan li ġej:
|
|
(3) |
il-punt 3.1 jinbidel b'dan li ġej:
|
|
(4) |
Jiddaħħlu l-punti minn 3.2.1.1 sa 3.2.1.6 li ġejjin:
|
|
(5) |
fil-punt 4.2, il-punt (b) jinbidel b'dan li ġej:
|
|
(6) |
fl-Appendiċi 4, id-disa', l-għaxar u l-ħdax-il paragrafu jinbidlu b'dan li ġej: “Fil-każ ta' applikazzjoni għal approvazzjoni tat-tip tal-KE ta' magna jew ta' familja ta' magni bħala unità teknika separata, għandhom jimtlew il-parti ġenerali u l-Partijiet 1 u 3. Fil-każ ta' applikazzjoni għal approvazzjoni tat-tip tal-KE ta' vettura b'magna approvata fir-rigward tal-emissjonijiet u l-aċċess għall-informazzjoni dwar it-tiswija u l-manutenzjoni tal-vettura, għandhom jimtlew il-parti ġenerali u l-Parti 2. Fil-każ ta' applikazzjoni għal approvazzjoni tat-tip tal-KE ta' vettura fir-rigward tal-emissjonijiet u l-aċċess għall-informazzjoni dwar it-tiswija u l-manutenzjoni tal-vettura, għandhom jimtlew il-parti ġenerali u l-Partijiet 1, 2 u 3.” |
|
(7) |
L-Appendiċi 9 jinbidel b'dan li ġej: “Appendiċi 9 Sistema ta' Numerazzjoni taċ-Ċertifikazzjoni tal-Approvazzjoni tat-Tip tal-KE It-Taqsima 3 tan-numru tal-approvazzjoni tat-tip tal-KE maħruġ skont l-Artikoli 6(1), 8(1) u 10(1) għandha tkun komposta min-numru tal-att regolatorju implimentattiv jew mill-aktar att regolatorju ta' emenda riċenti applikabbli għall-approvazzjoni tat-tip tal-KE. In-numru għandu jkun segwit minn ittra alfabetika li tirrifletti r-rekwiżiti tas-sistemi OBD u SCR skont it-Tabella 1. Tabella 1
|
||||||||||||||||||||||||||||||||||||||||||||||||||||||||||||||||||
(1) Ir-rekwiżiti ta' monitoraġġ tal-“NOx OTL” kif stipulati fit-Tabella 1 tal-Anness X għal magni u vetturi bi tqabbid bil-kompressjoni u li jużaw żewġ tipi ta' fjuwil u fit-Tabella 2 tal-Anness X għal magni u vetturi li bi tqabbid bl-ispark plaggs.
(2) Ir-rekwiżiti ta' monitoraġġ tal-“PM OTL” kif stipulati fit-Tabella 1 tal-Anness X għal magni u vetturi bi tqabbid bil-kompressjoni u li jużaw żewġ tipi ta' fjuwil.
(3) Ir-rekwiżiti tal-“Monitoraġġ tal-prestazzjoni” kif stipulati fil-Punt 2.1.1 tal-Anness X.
(4) Ir-rekwiżiti tad-“dħul gradwali” tal-kwalità tar-reaġent kif stipulati fil-Punt 7.1 tal-Anness XIII.
(5) Ir-rekwiżiti “ġenerali” tal-kwalità tar-reaġent kif stipulati fil-Punt 7.1.1 tal-Anness XIII.
(6) Ir-rekwiżiti ta' monitoraġġ “CO OTL” kif stipulati fit-Tabella 2 tal-Anness X għal magni u vetturi bi tqabbid bl-ispark plaggs.
(7) Ir-rekwiżiti IUPR tad-“Dħul gradwali” kif stipulati fit-Taqsima 6 tal-Anness X.
(8) Ir-rekwiżiti IUPR “Ġenerali” kif stipulati fit-Taqsima 6 tal-Anness X.
(9) Għal magni bi tqabbid bl-ispark plaggs u vetturi mgħammra b'tali magni.
(10) Għal magni bi tqabbid bil-kompressjoni u li jużaw żewġ tipi ta' fjuwil u vetturi mgħammra b'tali magni.
(11) Applikabbli biss għal magni bi tqabbid bl-ispark plaggs u vetturi mgħammra b'tali magni.
(12) Id-dispożizzjonijiet addizzjonali dwar ir-rekwiżiti ta' monitoraġġ għandhom ikunu dawk stabbiliti fil-paragrafu 2.3.1.2. tal-Anness 9 A tar-Regolament Nru 49 tal-NU/KEE.
(13) L-ispeċifikazzjonijiet tal-IUPR huma stabbiliti fl-Anness X. Magni u vetturi bi tqabbid bl-ispark plaggs mgħammra b'tali magni mhumiex soġġetti għall-IUPR.
(14) Ir-rekwiżit ISC stabbilit fl-Appendiċi 1 tal-Anness II.
|
Mhux applikabbli |
Ma japplikax.”. |
ANNESS II
L-Anness II tar-Regolament (UE) Nru 582/2011 huwa emendat kif ġej:
|
(1) |
il-punt 2.1 jinbidel b'dan li ġej:
|
|
(2) |
il-punt 2.3 jinbidel b'dan li ġej:
|
|
(3) |
il-punt 4.1 jinbidel b'dan li ġej: “4.1. Tagħbija tal-vettura It-tagħbija normali hija tagħbija ta' bejn 10 % u 100 % tat-tagħbija massima. It-tagħbija massima hija d-differenza bejn il-massa massima mgħobbija teknikament permissibbli tal-vettura u l-massa tal-vettura f'kundizzjoni ta' sewqan kif speċifikat skont l-Anness I tad-Direttiva 2007/46/KE. Għall-finijiet tal-ittestjar ta' konformità waqt it-tħaddim, it-tagħbija tista' tiġi riprodotta u tista' tintuża tagħbija artifiċjali. L-awtoritajiet tal-approvazzjoni jistgħu jitolbu li tiġi ttestjata vettura b'kull tagħbija bejn 10 % u 100 % tat-tagħbija massima tal-vettura. F'każ li l-massa tat-tagħmir tal-PEMS meħtieġa għall-operazzjoni taqbeż l-10 % tat-tagħbija massima tal-vettura, din il-massa tista' titqies bħala tagħbija minima. Vetturi tal-kategorija N3 għandhom jiġu ttestjati, meta applikabbli, b'semitrejler.”; |
|
(4) |
il-punti 4.4.1 sa 4.5.5 jinbidlu b'dan li ġej: 4.4.1. Iż-żejt lubrikanti taż-żejt għandu jkun żejt tas-suq u jrid jikkonforma mal-ispeċifikazzjonijiet tal-manifattur tal-magna. Għandhom jittieħdu kampjuni taż-żejt. 4.4.2. Fjuwil Il-fjuwil tat-test għandu jkun fjuwil fis-suq kopert mid-Direttiva 98/70/KE u mill-istandards CEN rilevanti, jew il-fjuwil ta' referenza kif speċifikat fl-Anness IX ta' dan ir-Regolament. Għandhom jittieħdu kampjuni tal-fjuwil. Il-manifattur jista' jitlob li ma jittiħidx kampjun tal-fjuwil minn magna li taħdem bil-gass. 4.4.2.1. Jekk il-manifattur ikun, skont it-Taqsima 1 tal-Anness I ta' dan ir-Regolament, iddikjara l-kapaċità li jissodisfa r-rekwiżiti ta' dan ir-Regolament dwar il-fjuwils fis-suq ddikjarati fil-punt 3.2.2.2.1 tad-Dokument ta' Informazzjoni kif stabbilit fl-Appendiċi 4 tal-Anness I ta' dan ir-Regolament, tal-anqas għandu jsir test wieħed fuq kull fjuwil fis-suq iddikjarat. 4.4.3. Għal sistemi tal-posttrattament tal-egżost li jużaw reaġent biex jitnaqqsu l-emissjonijiet, ir-reaġent għandu jkun wieħed fis-suq u jrid jikkonforma mal-ispeċifikazzjonijiet tal-manifattur tal-magna. Għandu jittieħed kampjun tar-reaġent. Ir-reaġent ma għandux ikun iffriżat. 4.5. Rekwiżiti tal-vjaġġ Il-partijiet ta' operazzjoni għandhom jiġu espressi bħala perċentwal tad-durata totali tal-vjaġġ. Il-vjaġġ għandu jikkonsisti f'sewqan f'żoni urbani segwit minn sewqan f'żoni rurali u fl-awtostrada skont il-partijiet speċifikati fil-punti 4.5.1 sa 4.5.4. Meta tiġi ġġustifikata ordni oħra ta' ttestjar għal raġunijiet prattiċi u wara qbil mill-awtorità tal-approvazzjoni tista' tintuża ordni oħra, madankollu, it-test għandu jibda dejjem bis-sewqan urban. Għall-iskop ta' din it-Taqsima, “madwar” tfisser il-valur mixtieq ta' ± 5 %. Il-partijiet urbani, rurali u tal-awtostrada jistgħu jiġu determinati jew abbażi ta':
F'każ li l-kompożizzjoni tal-vjaġġ tiġi ddeterminata abbażi ta' koordinati ġeografiċi, il-vettura m'għandhiex taqbeż, għal perjodu kumulattiv ta' aktar minn 5 % tad-durata kollha ta' kull parti tal-vjaġġ, il-veloċità li ġejja:
F'każ li l-kompożizzjoni tal-vjaġġ tiġi ddeterminata abbażi tal-metodu tal-ewwel aċċellerazzjoni, l-ewwel aċċelerazzjoni ogħla minn 55 km/h (70 km/h fil-każ ta' vetturi tal-kategoriji M1 u N1) għandha tindika l-bidu tal-parti rurali u l-ewwel aċċelerazzjoni ogħla minn 75 km/h (90 km/h fil-każ ta' vetturi tal-kategoriji M1 u N1) għandha tindika l-bidu tal-parti fuq l-awtostrada. Il-kriterji għad-differenzjazzjoni bejn l-operazzjoni urbana, rurali u fuq l-awtostrada għandhom ikunu miftiehma mal-awtorità tal-approvazzjoni qabel il-bidu tat-test. Il-veloċità medja f'operazzjoni f'żona urbana għandha tkun bejn 15 u 30 km/h. Il-veloċità medja f'operazzjoni f'żoni rurali għandha tkun bejn 45 u 70 km/h (60 u 90 km/h fil-każ ta' vetturi tal-kategoriji M1 u N1). Il-veloċità medja f'operazzjoni fl-awtostrada għandha tkun aktar minn 70 km/h (90 km/h fil-każ ta' vetturi tal-kategoriji M1 u N1). 4.5.1. Għal vetturi M1 u N1 il-vjaġġ għandu jikkonsisti minn madwar 34 % tal-operazzjoni f'żoni urbani, 33 % tal-operazzjoni f'żoni rurali u 33 % tal-operazzjoni fl-awtostrada. 4.5.2. Għal vetturi tal-kategoriji N2, M2 u M3 il-vjaġġ għandu jikkonsisti minn madwar 45 % tal-operazzjoni f'żoni urbani, 25 % tal-operazzjoni f'żoni rurali u 30 % tal-operazzjoni fl-awtostrada. Il-vetturi M2 u M3 tal-Klassi I, II jew tal-Klassi A kif definiti fir-Regolament 107 tal-NU/KEE għandhom jiġu ttestjati f'madwar 70 % tal-operazzjoni f' żoni urbani u 30 % tal-operazzjoni f'żoni rurali. 4.5.3. Għal vetturi N3 il-vjaġġ għandu jikkonsisti minn madwar 20 % tal-operazzjoni f'żoni urbani, 25 % tal-operazzjoni f'żoni rurali u 55 % tal-operazzjoni fl-awtostrada. 4.5.4. Għall-finijiet tal-evalwazzjoni tal-kompożizzjoni tal-vjaġġ, id-durata tal-parti għandha tiġi kkalkulata mill-mument meta t-temperatura tal-fluwidu berried tkun laħqet it-343K (70 °C) għall-ewwel darba jew wara li t-temperatura tal-fluwidu berried tkun stabbli fuq +/– 2K tul perjodu ta' 5 minuti, skont liema minn dawn tiġi l-ewwel iżda mhux aktar tard minn 15-il minuta wara li tkun ġiet startjata l-magna. Skont il-paragrafu 4.5, il-perjodu ta' żmien biex tintlaħaq it-temperatura tal-fluwidu berried ta' 343K (70 °C) għandu jiġi operat f'kundizzjonijiet ta' sewqan urban. Huwa pprojbit it-tisħin artifiċjali tas-sistemi tal-kontroll ta' emissjonijiet qabel it-test. 4.5.5. Id-distribuzzjoni li ġejja tal-valuri karatteristiċi tal-vjaġġ mill-bażi tad-dejta tad-WHDC tista' sservi bħala gwida addizzjonali għall-evalwazzjoni tal-vjaġġ:
|
|
(5) |
il-punt 4.6.5 jinbidel b'dan li ġej:
|
|
(6) |
il-punt 4.6.10 jinbidel b'dan li ġej:
|
|
(7) |
il-punt 5.1.2.2 jinbidel b'dan li ġej:
|
|
(8) |
L-Appendiċi 1 huwa emendat kif ġej:
|
|
(9) |
fl-Appendiċi 2, il-punt 3.1 jinbidel b'dan li ġej: “3.1. Tqabbid tal-Miter tal-Fluss tal-Gass (EFM) mal-pajp tal-egżost L-installazzjoni tal-EFM m'għandhiex iżżid il-kontropressjoni b'aktar mill-valur irrakkomandat mill-manifattur tal-magna, u lanqas m'għandha żżid it-tul tal-iżbokk tal-egżost b'aktar minn 2 m. Fir-rigward tal-komponenti kollha tat-tagħmir PEMS, l-installazzjoni tal-EFM għandha tkun konformi mar-regolamenti lokali dwar is-sikurezza fit-toroq applikabbli kif ukoll mar-rekwiżiti lokali tal-assigurazzjoni.” |
ANNESS III
L-Anness VI tar-Regolament (UE) Nru 582/2011 huwa emendat kif ġej:
|
(1) |
il-punt 8 jinbidel b'dan li ġej: “8. DOKUMENTAZZJONI Il-paragrafu 11 tal-Anness 10 tar-Regolament Nru 49 tal-NU/KEE għandu jiġi mifhum kif ġej:
|
|
(2) |
L-Appendiċi 1 huwa emendat kif ġej:
|
ANNESS IV
L-Anness XI tar-Regolament (UE) Nru 582/2011 huwa emendat kif ġej:
|
(1) |
il-punt 4.3.2.4 jinbidel b'dan li ġej: “4.3.2.4. Id-durabilità tal-prestazzjoni tal-emissjonijiet Is-sistema tal-posttrattament tal-egżost ittestjata skont il-punt 4.3.2.2 u li tinkorpora t-tagħmir sostitut għall-kontroll tat-tniġġis għandha tkun soġġetta għall-proċeduri ta' durabilità deskritti fl-Appendiċi 3.”; |
|
(2) |
jiddaħħal il-punt 4.3.5 li ġej: “4.3.5. Fjuwils Fil-każ deskritt fil-punt 1.1.2 tal-Anness I, il-proċedura tat-test stabbilita fil-punti 4.3.1 sa 4.3.2.7 ta' dan l-Anness għandha titwettaq bl-użu tal-fjuwils iddikjarati mill-manifattur oriġinali tas-sistema tal-magna. Madankollu, bi qbil mal-awtorità tal-approvazzjoni tat-tip, il-proċedura tad-durabilità stabbilita fl-Appendiċi 3 u msemmija fil-punt 4.3.2.4 tista' titwettaq biss bi fjuwil li jirrapreżenta l-agħar każ possibbli fir-rigward tat-tixjiħ.”; |
|
(3) |
jiddaħħlu l-punti 4.6 sa 4.6.5 li ġejjin: “4.6. Rekwiżiti dwar il-kompatibilità mal-miżuri ta' kontroll tal-NOx (applikabbli biss għal tagħmir sostitut għall-kontroll tat-tniġġis li jiġi installat fuq vetturi mgħammra b'sensuri li jkejlu b'mod dirett il-konċentrazzjoni tan-NOx fl-egżost) 4.6.1. Id-dimostrazzjoni tal-kompatibilità tal-miżuri ta' kontrol tan-NOx hija meħtieġa biss meta t-tagħmir oriġinali għall-kontroll tat-tniġġis ikun ġie mmonitorjat fil-konfigurazzjoni oriġinali. 4.6.2. Il-kompatibbiltà tat-tagħmir sostitut għall-kontroll tat-tniġġis mal-miżuri ta' kontroll tan-NOx għandha tintwera permezz tal-proċeduri deskritti fl-Anness XIII ta' dan ir-Regolament, għal tagħmir sostitut għall-kontroll tat-tniġġis maħsub biex jiġi installat fuq magni jew vetturi ta' tip approvat skont ir-Regolament (KE) Nru 595/2009 u skont dan ir-Regolament. 4.6.3. Id-dispożizzjonijiet tar-Regolament Nru 49 tal-NU/KEE applikabbli għal komponenti għajr tagħmir ta' kontroll tat-tniġġis m'għandhomx japplikaw. 4.6.4. Il-manifattur tat-tagħmir sostitut għall-kontroll tat-tniġġis jista' juża l-istess proċedura ta' ttestjar u ta' kundizzjonament minn qabel li jintużaw għall-approvazzjoni tat-tip oriġinali. F'dak il-każ, l-awtorità tal-approvazzjoni li tkun tat l-approvazzjoni tat-tip oriġinali ta' magna ta' vettura għandha tipprovdi, fuq talba u fuq bażi mhux diskriminatorja, dokument ta' informazzjoni ppreżentat bħala appendiċi mad-Dokument ta' Informazzjoni stipulat fl-Appendiċi 4 tal-Anness I, li jkun jinkludi l-għadd u t-tip ta' ċikli ta' kundizzjonament minn qabel u t-tip ta' ċiklu ta' test użat mill-manifattur tat-tagħmir oriġinali għall-ittestjar tal-miżuri ta' kontroll tan-NOx tat-tagħmir għall-kontroll tat-tniġġis. 4.6.5. Il-punt 4.5.5 għandu japplika għall-miżuri ta' kontroll tan-NOx immonitorjati bis-sistema OBD.”; |
|
(4) |
L-Appendiċi 3 jinbidel b'dan li ġej: “Appendiċi 3 Il-proċedura tad-durabilità għall-evalwazzjoni tal-prestazzjoni ta' tagħmir sostitut għall-kontroll tat-tniġġis 1. Dan l-Appendiċi jistabbilixxi l-proċedura tad-durabilità msemmija fil-punt 4.3.2.4 tal-Anness XI, biex jiġi evalwat ir-rendiment tal-emissjonijiet ta' tagħmir sostitut għall-kontroll tat-tniġġis. 2. DESKRIZZJONI TAL-PROĊEDURA TAD-DURABILITÀ 2.1. Il-proċedura tad-durabilità għandha tikkonsisti minn fażi ta' ġbir ta' dejta u ta' skeda ta' akkumulazzjoni tas-servizz. 2.2. Il-fażi tal-ġbir ta' dejta 2.2.1. Il-magna magħżula, mgħammra b'sistemasħiħa ta' posttrattament tal-egżost u li tinkorpora t-tagħmir sostitut għall-kontroll tat-tniġġis għandha tiġi mkessħa għal temperatura ambjentali u mħaddma ċiklu tat-test WHTC wieħed bi startjar kiesaħ f'konformità mal-paragrafi 7.6.1 u 7.6.2 tal-Anness 4 tar-Regolament Nru 49 tal-NU/KEE. 2.2.2. Immedjatament wara ċ-ċiklu tat-test WHTC bi startjar kiesaħ, il-magna għandha titħalla taħdem għal disa' ċikli konsekuttivi ta' testijiet WHTC bi startjar sħun skont il-paragrafu 7.6.4 tal-Anness 4 tar-Regolament Nru 49 tal-NU/KEE. 2.2.3. Is-sekwenza tat-test stipulata fil-punti 2.2.1 u 2.2.2 għandha titwettaq skont l-istruzzjonijiet stabbiliti fil-paragrafu 7.6.5 tal-Anness 4 tar-Regolament Nru 49 tal-NU/KEE. 2.2.4. Alternattivament, id-dejta rilevanti tista' tinġabar billi l-vettura mgħobbija kompletament u mgħammra bis-sistema tal-posttrattament tal-egżost magħżula li tinkorpora t-tagħmir sostitut għall-kontroll tat-tniġġis, tinstaq. It-test jista' jitwettaq jew fi triq skont ir-rekwiżiti tal-vjaġġ tal-punti 4.5 sa 4.5.5 tal-Anness II ta' dan ir-Regolament b'reġistrazzjoni komprensiva tad-dejta tas-sewqan, jew fuq xażi dinamometriku adattat. Jekk jingħażel test fit-triq, il-vettura għandha tinstaq fuq ċiklu tat-test kiesaħ, kif stipulat fl-Appendiċi 5 ta' dan l-Anness, segwit minn disa' ċikli tat-test sħun, identiċi għal dak kiesaħ, b'mod li l-ħidma żviluppata mill-magna tkun l-istess bħal dik miksuba skont il-punti 2.2.1 u 2.2.2. Jekk jingħażel ix-xażi dinamometriku, il-gradjent tat-triq simulata taċ-ċiklu tat-test fl-Appendiċi 5 għandha tiġi adattata biex tqabbel il-ħidma żviluppata mill-magna matul id-WHTC. 2.2.5. L-awtorità tal-approvazzjoni tat-tip għandha tirrifjuta d-dejta tat-temperatura miksuba skont il-punt 2.2.4 jekk tqis li din id-dejta mhijiex realistika u għandha titlob jew għar-repetizzjoni tat-test, jew għat-twettiq ta' test skont il-punti 2.2.1, 2.2.2 u 2.2.3. 2.2.6. It-temperaturi fit-tagħmir sostitut għall-kontroll tat-tniġġis għandhom jiġu rreġistrati matul is-sekwenza kollha tat-test, fil-post bl-ogħla temperatura. 2.2.7. F'każijiet fejn il-post bl-ogħla temperatura ivarja maż-żmien, jew meta dak il-post ikun diffiċli li jiġi definit, għandhom jiġu rreġistrati temperaturi multipli tas-saff katalitiku f'postijiet xierqa. 2.2.8. L-għadd u l-postijiet ta' kejl tat-temperatura għandhom jingħażlu mill-manifattur, bi qbil mal-awtorità tal-approvazzjoni tat-tip, abbażi tal-aħjar ġudizzju tal-inġinerija. 2.2.9. Bi qbil mal-awtorità tal-approvazzjoni tat-tip, tista' tintuża t-temperatura tas-saff katalitiku wieħed jew it-temperatura tal-bokka tal-katalizzatur jekk ikun hemm prova li huwa diffiċli wisq jew mhuwiex vijabbli li jitkejlu diversi temperaturi multipli tas-saff. Grafika 1. Eżempji ta' pożizzjonamenti għas-sensuri tat-temperatura f'tagħmir tal-posttrattament ġeneriku 
Grafika 2. Eżempji ta' pożizzjonamenti għas-sensuri tat-temperatura għad-DPF 
2.2.10. It-temperaturi għandhom jitkejlu u jiġu rreġistrati b'rata minima ta' darba kull sekonda (1 Hz) matul is-sekwenza tat-test. 2.2.11. It-temperaturi mkejla għandhom jiġu tabulati f'istogramma b'intervalli tat-temperaturi li ma jkunux aktar minn 10 °C. Fil-każ imsemmi fil-punt 2.2.7, l-ogħla temperatura kull sekonda għandha tkun dik irreġistrata fl-istogramma. Kull żbarra tal-istogramma għandha tirrappreżenta l-frekwenza akkumulata f'sekondi tat-temperaturi mkejla li taqa' f'intervall speċifiku. 2.2.12. Il-ħin f'sigħat li jikkorrispondi għal kull intervall tat-temperatura jrid jiġi stabbilit u mbagħad estrapolat għall-ħajja utli tat-tagħmir sostitut għall-kontroll tat-tniġġis, skont il-valuri speċifikati fit-Tabella 1. L-estrapolazzjoni għandha tkun imsejsa fuq is-suppożizzjoni li ċiklu WHTC wieħed jikkorrispondi għal 20 km sewqan. Tabella 1. Il-ħajja utli tat-tagħmir sostitut għall-kontroll tat-tniġġis għal kull kategorija ta' vettura, u ċ-ċikli ekwivalenti tat-test WHTC u s-sigħat ta' tħaddim
2.2.13. Huwa permess li l-fażi tal-ġbir tad-dejta titwettaq għal tagħmir differenti fl-istess ħin. 2.2.14. Fil-każ ta' sistemi li joperaw fil-preżenza ta' riġenerazzjoni attiva, għandhom jiġu rreġistrati l-għadd, it-tul u t-temperaturi tar-riġenerazzjonijiet li jseħħu matul is-sekwenza tat-test definit fil-paragrafi 2.2.1 u 2.2.2. Jekk ma sseħħ l-ebda riġenerazzjoni attiva, is-sekwenza sħuna iddefinita fil-punt 2.2.2 għandha tiġi estiża biex tinkludi mill-anqas żewġ riġenerazzjonijiet attivi. 2.2.15. Il-lubrifikant totali kkunsmat matul il-perjodu tal-ġbir tad-dejta, fi g/h, għandu jiġi rreġistrat, bl-użu ta' kwalunkwe metodu xieraq, bħal pereżempju l-proċedura tat-tbattil u l-użin deskritta fl-Appendiċi 6. Għal dan l-għan, il-magna għandha titħaddem għal 24 siegħa, filwaqt li jsiru ċikli konsekuttivi tat-test WHTC. F'każijiet fejn ma jistax jinkiseb kejl preċiż tal-konsum taż-żejt, il-manifattur, bi ftehim mal-awtorità tal-approvazzjoni tat-tip, jista' juża l-għażliet li ġejjin biex jiġi stabbilit il-konsum tal-lubrifikant:
2.3. Kalkolu ta' Tr 2.3.1. It-temperaturi rreġistrati skont il-punti 2.2 sa 2.2.15 għandhom jiġu mnaqqsa għal temperatura ta' referenza Tr , mitluba mill-manifattur bi qbil mal-awtorità tal-approvazzjoni tat-tip, skont il-firxa ta' temperaturi rreġistrati matul il-fażi tal-ġbir tad-dejta. 2.3.2. Fil-każ speċifikat fil-punt 2.2.13, il-valur ta' Tr għal kull tagħmir jista' jvarja. 2.3.3. Iż-żmien ta' tiqdim ekwivalenti li jikkorrispondi mat-temperatura ta' referenza għandu jiġi kkalkulat, għal kull intervall imsemmi fil-punt 2.2.11, skont l-ekwazzjoni li ġejja: Ekwazzjoni 1:
Meta: R = ir-reattività termali tat-tagħmir sostitut għall-kontroll tat-tniġġis. Għandhom jintużaw il-kodiċijiet li ġejjin:
Tr = temperatura ta' referenza, f'K.
i = in-numru tal-intervall, fejn 1 huwa n-numru tal-intervall bl-anqas temperatura u n huwa l-valur tal-intervall bl-ogħla temperatura. 2.3.4. It-total taż-żmien ta' tiqdim ekwivalenti għandu jiġi kkalkulat skont l-ekwazzjoni li ġejja: Ekwazzjoni 2:
Meta:
AT
= iż-żmien totali ta' tiqdim ekwivalenti, f'sigħat, meħtieġ biex jinkiseb, billi t-tagħmir sostitut għall-kontroll tat-tniġġis jiġi espost għat-temperatura Tr
, l-istess ammont ta' żmien ta' tiqdim bħal dak li jirriżulta mill-esponiment tat-tagħmir sostitut għall-kontroll tat-tniġġis, matul il-ħajja utli tiegħu, għat-temperatura
i = in-numru tal-intervall, fejn 1 huwa n-numru tal-intervall bl-anqas temperatura u n huwa l-valur tal-intervall bl-ogħla temperatura. n = l-għadd totali ta' intervalli tat-temperatura. 2.3.5. Fil-każ imsemmi fil-punt 2.2.13, l-AT għandu jiġi kkalkulat għal kull tagħmir. 2.4. Skeda ta' akkumulazzjoni tas-servizz 2.4.1. Rekwiżiti ġenerali 2.4.1.1. L-iskeda ta' akkumulazzjoni tas-servizz għandha tippermetti l-aċċellerazzjoni tat-tiqdim tat-tagħmir sostitut għall-kontroll tat-tniġġis, bl-użu tal-informazzjoni miġbura matul l-fażi tal-ġbir tad-dejta stabbilita fil-punt 2.2. 2.4.1.2. L-iskeda ta' akkumulazzjoni tas-servizz għandha tikkonsisti minn skeda ta' akkumulazzjoni termika u skeda tal-akkumulazzjoni tal-konsum tal-lubrifikant skont il-punt 2.4.4.6. Il-manifattur, bi qbil mal-awtorità tal-approvazzjoni tat-tip, jista' ma jkollux għala jagħmel skeda tal-akkumulazzjoni tal-konsum tal-lubrifikant f'każ li t-tagħmir sostitut għall-kontroll tat-tniġġis jitpoġġew aktar 'l isfel minn komponent tal-filtru tal-posttrattament (eż. il-filtru tal-partikuli tad-diżil). Kemm l-iskeda tal-akkumulazzjoni termali kif ukoll l-iskeda tal-akkumulazzjoni tal-konsum tal-lubrifikant għandhom jikkonsistu minn repetizzjoni ta' serje ta' sekwenzi ta' konsum termiku u lubrifikanti, rispettivament. 2.4.1.3. Fil-każ ta' tagħmir sostitut għall-kontroll tat-tniġġis li jopera fil-preżenza ta' riġenerazzjoni attiva, is-sekwenza termali għandha tiġi kkumplimentata b'modalità ta' riġenerazzjoni attiva. 2.4.1.4. Għal skedi ta' akkumulazzjoni tas-servizz li jikkonsistu minn skedi ta' akkumulazzjoni ta' konsum termali u lubrifikanti, is-sekwenzi rispettivi tagħhom għandhom jiġu alternati, biex għal kull sekwenza termali li trid titwettaq, is-sekwenza li ġejja tkun tikkorrispondi għall-konsum tal-lubrifikant. 2.4.1.5. Huwa permess li l-iskeda ta' akkumulazzjoni tas-servizz titwettaq fl-istess ħin għal tagħmir differenti. F'dak il-każ, għandha tiġi stabbilita skeda ta' akkumulazzjoni tas-servizz għat-tagħmir kollu. 2.4.2. Skeda ta' akkumulazzjoni termika 2.4.2.1. L-iskeda ta' akkumulazzjoni termika għandha tissimula l-effett tat-tiqdim termiku rigward il-prestazzjoni tat-tagħmir sostitut għall-kontroll tat-tniġġis sa tmiem iċ-ċiklu tal-ħajja tiegħu. 2.4.2.2. Il-magna użata għat-twettiq tal-iskeda ta' akkumulazzjoni tas-servizz, mgħammra b'sistema tal-posttrattament tal-egżost li tinkorpora t-tagħmir sostitut għall-kontroll tat-tniġġis, titħaddem għal minimu ta' tliet sekwenzi termali konsekuttivi, kif stabbilit fl-Appendiċi 4. 2.4.2.3. It-temperaturi għandhom jiġu reġistrati fuq minimu ta' żewġ sekwenzi termali. L-ewwel sekwenza, imwettqa għat-tisħin, m'għandhiex titqies għall-fini tal-ġbir tat-temperatura. 2.4.2.4. It-temperaturi għandhom jiġu reġistrati f'postijiet xierqa, magħżula skont il-punti 2.2.6 sa 2.2.9, b'rata minima ta' darba kull sekonda (1 Hz). 2.4.2.5. Iż-żmien effettiv tat-tiqdim li jikkorrispondi mas-sekwenzi termali msemmija fil-punt 2.4.2.3, għandhom jiġu kkalkulati skont l-ekwazzjonijiet li ġejjin:
Meta:
Ti = it-temperatura, f'K, imkejla fit-tieni i, f'kull wieħed mis-sekwenzi termali. R = ir-reattività termali tat-tagħmir sostitut għall-kontroll tat-tniġġis. Il-manifattur għandu jiftiehem mal-awtorità tal-approvazzjoni tat-tip dwar il-valur R li għandu jintuża. Se jkun possibbli wkoll, bħala alternattiva, li jintużaw il-valuri awtomatiċi li ġejjin:
Tr = it-temperatura ta' referenza, f'K, l-istess valur bħal fl-ekwazzjoni 1. AE = iż-żmien effettiv ta' tiqdim, f'sigħat, meħtieġ biex jinkiseb, billi t-tagħmir sostitut għall-kontroll tat-tniġġis jiġi espost għat-temperatura Tr , l-istess ammont ta' żmien ta' tiqdim bħal dak li jirriżulta mill-esponiment tat-tagħmir sostitut għall-kontroll tat-tniġġis matul is-sekwenza termali.
AT
= iż-żmien totali ta' tiqdim ekwivalenti, f'sigħat, meħtieġ biex jinkiseb, billi t-tagħmir sostitut għall-kontroll tat-tniġġis jiġi espost għat-temperatura Tr
, l-istess ammont ta' żmien ta' tiqdim bħal dak li jirriżulta mill-esponiment tat-tagħmir sostitut għall-kontroll tat-tniġġis, matul il-ħajja utli tiegħu, għat-temperatura i = in-numru tal-kejl tat-temperatura. n = l-għadd totali ta' kejlijiet tat-temperatura. nc = n-numru tas-sekwenza termali, ta' dawk li saru għall-fini tal-ġbir tat-temperatura, skont il-punt 2.4.2.3. C = l-għadd totali ta' sekwenzi termali mwettqa għall-fini tal-ġbir tat-temperatura. 2.4.2.6. L-għadd totali ta' sekwenzi termali li għandhom jiġu inklużi fl-iskeda ta' akkumulazzjoni tas-servizz għandhom jiġu ddeterminati billi tiġi applikata l-ekwazzjoni li ġejja: Ekwazzjoni 5: NTS = AT/AE Meta: NTS = l-għadd totali ta' sekwenzi termali li għandhom jitwettqu matul l-iskeda ta' akkumulazzjoni tas-servizz
AT
= iż-żmien totali ta' tiqdim ekwivalenti, f'sigħat, meħtieġ biex jinkiseb, billi t-tagħmir sostitut għall-kontroll tat-tniġġis jiġi espost għat-temperatura Tr
, l-istess ammont ta' żmien ta' tiqdim bħal dak li jirriżulta mill-esponiment tat-tagħmir sostitut għall-kontroll tat-tniġġis, matul il-ħajja utli tiegħu, għat-temperatura AE = iż-żmien effettiv ta' tiqdim, f'sigħat, meħtieġ biex jinkiseb, billi t-tagħmir sostitut għall-kontroll tat-tniġġis jiġi espost għat-temperatura Tr , l-istess ammont ta' żmien ta' tiqdim bħal dak li jirriżulta mill-esponiment tat-tagħmir sostitut għall-kontroll tat-tniġġis matul is-sekwenza termali. 2.4.2.7. Huwa permess li jitnaqqas l-NTS u, konsegwentement l-iskeda ta' akkumulazzjoni tas-servizz, billi jiżdiedu t-temperaturi li fihom kull tagħmir ikun espost f'kull modalità taċ-ċiklu tat-tiqdim permezz tal-applikazzjoni ta' waħda jew aktar mill-miżuri li ġejjin:
2.4.2.8. Meta jiġu applikati l-miżuri msemmija fil-punti 2.4.4.6 u 2.4.4.7, iż-żmien tat-tiqdim ikkalkulat minn NTS m'għandux ikun anqas minn 10 % tal-ħajja utli elenkata fit-Tabella 1, pereżempju l-kategorija tal-vettura N1 m'għandux ikollha NTS ta' anqas minn 286 sekwenza termali, meta wieħed jassumi li kull sekwenza hija twila siegħa (1). 2.4.2.9. Huwa permess li l-NTS jiżdied u, konsegwentement, id-durata tal-iskeda ta' akkumulazzjoni tas-servizz, billi jitnaqqsu t-temperaturi f'kull modalità taċ-ċiklu tat-tiqdim permezz tal-applikazzjoni ta' waħda jew aktar mill-miżuri li ġejjin:
2.4.2.10. Fil-każ imsemmi fil-punt 2.4.1.5, għandu japplika dan li ġej:
2.4.2.11. Fil-każ ta' assemblaġġ ta' tagħmir sostitut għall-kontroll tat-tniġġis li jikkostitwixxi sistema fis-sens tal-Artikolu 3(25) tad-Direttiva 2007/46/KE, waħda miż-żewġ għażliet li ġejjin jistgħu jitqiesu għat-tiqdim termali:
2.4.3. L-iskeda ta' akkumulazzjoni termika modifikata għal tagħmir li jopera fil-preżenza ta' riġenerazzjoni attiva 2.4.3.1. L-iskeda ta' akkumulazzjoni termika modifikata għal tagħmir li jopera fil-preżenza ta' riġenerazzjoni attiva għandha tissimula l-effett tat-tiqdim kemm minħabba tagħbija termali kif ukoll riġenerazzjoni attiva fuq it-tagħmir sostitut għall-kontroll tat-tniġġis fi tmiem iċ-ċiklu tal-ħajja tiegħu. 2.4.3.2. Il-magna użata għall-iskeda ta' akkumulazzjoni tas-servizz, mgħammra b'sistema ta' posttrattament tal-egżost li tinkorpora t-tagħmir sostitut għall-kontroll tat-tniġġis, titħaddem għal minimu ta' tliet sekwenzi modifikati termali, li kull sekwenza tikkonsisti f'sekwenza termali kif stipulat fl-Appendiċi 4, segwita b'riġenerazzjoni attiva sħiħa, li matulha l-ogħla temperatura milħuqa tas-sistema ta' posttrattament m'għandhiex tkun anqas mill-ogħla temperatura irreġistrata fil-fażi tal-ġbir tad-dejta. 2.4.3.3. It-temperaturi għandhom jiġu rreġistrati fuq minimu ta' żewġ sekwenzi termali. L-ewwel sekwenza, imwettqa għat-tisħin, m'għandhiex titqies għall-fini tal-ġbir tat-temperatura. 2.4.3.4. Biex jitnaqqas kemm jista' jkun il-ħin li jgħaddi bejn is-sekwenza termali kif stipulata fl-Appendiċi 4 u r-riġenerazzjoni attiva sussegwenti, il-manifattur jista' jiskatta b'mod artifiċjali r-riġenerazzjoni attiva billi jħaddem, wara kull sekwenza termali kif stipulat fl-Appendiċi 4, il-magna f'modalità stabbli li tippermetti l-produzzjoni għolja ta' nugrufun mill-magna. F'dak il-każ, modalità stabbli għandha tiġi kkunsidrata wkoll bħala parti mis-sekwenza termali modifikata stabbilita fil-punt 2.4.3.2. 2.4.3.5. Iż-żmien tat-tiqdim effettiv li jikkorrispondi għal kull sekwenza termali modifikata għandu jiġi kkalkulat billi jintużaw l-ekwazzjonijiet 3 u 4. 2.4.3.6. L-għadd totali ta' sekwenzi termali modifikati li għandhom isiru matul l-iskeda ta' akkumulazzjoni tas-servizz għandu jiġi kkalkulat billi tintuża l-ekwazzjoni 5. 2.4.3.7. Huwa permess li l-NTS jitnaqqas u, konsegwentement, id-durata tal-iskeda ta' akkumulazzjoni tas-servizz, billi jiżdiedu t-temperaturi f'kull modalità tas-sekwenza termali modifikata, bl-applikazzjoni ta' waħda jew aktar mill-miżuri fil-punt 2.4.2.7. 2.4.3.8. Minbarra l-miżuri msemmija fil-punt 2.4.3.7, l-NTS jista' jitnaqqas ukoll billi tiżdied it-temperatura massima tar-riġenerazzjoni attiva fis-sekwenza modifikata termali, mingħajr ma t-temperatura tas-saff taqbeż it-800 °C taħt kwalunkwe ċirkostanza. 2.4.3.9. L-NTS m'għandu qatt ikun anqas minn 50 % tal-għadd ta' riġenerazzjonijiet attivi li t-tagħmir sostitut għall-kontroll tat-tniġġis ikun soġġett għalihom matul il-ħajja utli tiegħu, ikkalkulat skont l-ekwazzjoni li ġejja: Ekwazzjoni 5:
Meta: NAR = l-għadd ta' sekwenzi ta' riġenerazzjoni attiva matul il-ħajja utli tat-tagħmir sostitut għall-kontroll tat-tniġġis. tWHTC = l-għadd ekwivalenti ta' sigħat li jikkorrispondi għall-kategorija tal-vettura li għaliha huwa maħsub it-tagħmir sostitut għall-kontroll tat-tniġġis, miksub mit-Tabella 1. tAR = id-durata, f'sigħat, ta' riġenerazzjoni attiva. tBAR = il-ħin, f'sigħat, bejn żewġ riġenerazzjonijiet attivi konsekuttivi. 2.4.3.10. Jekk, bħala konsegwenza tal-applikazzjoni tal-għadd minimu ta' sekwenzi modifikati termali kif stipulat fil-punt 2.4.3.9, AE × NTS ikkalkulat bl-użu tal-ekwazzjoni 4 jaqbeż l-AT ikkalkulati bl-użu tal-ekwazzjoni 2, il-ħin ta' kull modalità tas-sekwenza termali stabbilit fl-Appendiċi 4, u inkorporat f'sekwenza termali modifikata kif stipulat fil-punt 2.4.3.2, jista' jitnaqqas bl-istess proporzjon, sabiex jagħmel AE × NTS = AT. 2.4.3.11. Huwa permess li l-NTS jiżdied u, konsegwentement, id-durata tal-iskeda ta' akkumulazzjoni tas-servizz, billi jitnaqqsu t-temperaturi f'kull modalità tas-sekwenza ta' riġenerazzjoni termo-attiva modifikata, bl-applikazzjoni ta' waħda jew aktar mill-miżuri fil-punt 2.4.2.9. 2.4.3.12. Fil-każ imsemmi fil-punt 2.4.1.5, għandhom japplikaw il-punti 2.4.2.10 u 2.4.2.11: 2.4.4. L-iskeda ta' akkumulazzjoni tal-konsum tal-lubrifikant 2.4.4.1. L-iskeda ta' akkumulazzjoni tal-konsum tal-lubrifikant għandha tissimula l-effett tat-tiqdim minħabba avvelenament kimiku jew il-formazzjoni ta' depożitu bħala riżultat tal-konsum tal-lubrifikant, fuq il-prestazzjoni ta' tagħmir sostitut għall-kontroll tat-tniġġis fi tmiem iċ-ċiklu tal-ħajja tiegħu. 2.4.4.2. Il-lubrifikant ikkonsmat, fi g/h, għandu jkun iddeterminat fuq minimu ta' 24 sekwenza termali jew għadd korrispondenti ta' sekwenzi termali modifikati, bl-użu ta' kwalunkwe metodu xieraq, bħal pereżempju l-proċedura tat-tbattil u l-użin deskritta fl-Appendiċi 6. Għandu jintuża lubrifikant frisk. 2.4.4.3. Il-mili supplementari, billi l-livell taż-żejt jinfluwenza r-rata tal-konsum taż-żejt. Kull metodu xieraq, bħal pereżempju dak deskritt fl-istandard ASTM D7156–09, jista' jintuża. 2.4.4.4. Il-ħin teoretiku, f'sigħat, li l-iskeda tal-akkumulazzjoni termali jew l-iskeda ta' akkumulazzjoni termika modifikata, kif tikkorrispondi, trid twettaq, biex jinkiseb l-istess konsum tal-lubrifikant bħal dak li jikkorrispondi mal-ħajja utli tat-tagħmir sostitut għall-kontroll tat-tniġġis, għandu jiġi kkalkulat billi tiġi applikata l-ekwazzjoni li ġejja: Ekwazzjoni 6:
Meta: tTAS = id-durata teoretika, f'sigħat, tal-iskeda ta' akkumulazzjoni tas-servizz meħtieġa biex jinkiseb l-istess konsum tal-lubrifikant bħal dak li jikkorrispondi mal-ħajja utli tat-tagħmir sostitut għall-kontroll tat-tniġġis, sakemm l-iskeda ta' akkumulazzjoni tas-servizz tkun magħmula biss minn serje ta' sekwenzi termali konsekuttivi jew sekwenzi termali modifikati. LCRWHTC = ir-rata tal-konsum tal-lubrifikant, fi g/h, iddeterminata kif stipulat fil-punt 2.2.15. tWHTC = l-għadd ekwivalenti ta' sigħat li jikkorrispondi għall-kategorija tal-vettura li għaliha huwa maħsub it-tagħmir sostitut għall-kontroll tat-tniġġis, miksub mit-Tabella 1. LCRTAS = ir-rata tal-konsum tal-lubrifikant, fi g/h, iddeterminata kif stipulat fil-punt 2.4.4.2. 2.4.4.5. L-għadd ta' sekwenzi termali jew ta' sekwenzi termali modifikati li jikkorrispondi għat-tTAS għandu jiġi kkalkulat bl-applikazzjoni tal-proporzjon li ġej: Ekwazzjoni 7:
Meta: N = l-għadd ta' sekwenzi jew ta' sekwenzi termali modifikati li jikkorrispondi għat-tTAS . tTAS = id-durata teoretika, f'sigħat, tal-iskeda ta' akkumulazzjoni tas-servizz meħtieġa biex jinkiseb l-istess konsum tal-lubrifikant bħal dak li jikkorrispondi mal-ħajja utli tat-tagħmir sostitut għall-kontroll tat-tniġġis, sakemm l-iskeda ta' akkumulazzjoni tas-servizz tkun magħmula biss minn serje ta' sekwenzi termali konsekuttivi jew sekwenzi termali modifikati. tTS = id-durata, f'sigħat, ta' sekwenza waħda termali jew sekwenza termali modifikata. 2.4.4.6. Il-valur N għandu jiġi kkumparat mal-valur ta' NTS ikkalkulat skont il-punt 2.4.2.6 jew, għal tagħmir li jaħdem fil-preżenza ta' riġenerazzjoni attiva, skont il-punt 2.4.3.5. Jekk N ≤ NTS , mhux meħtieġ li tiżdied l-iskeda ta' akkumulazzjoni tal-konsum tal-lubrifikant mal-iskeda ta' akkumulazzjoni termika. Jekk N > NTS , għandha tiżdied skeda ta' akkumulazzjoni tal-konsum tal-lubrifikant mal-iskeda ta' akkumulazzjoni termika. 2.4.4.7. L-iskeda ta' akkumulazzjoni tal-konsum tal-lubrifikant tista' ma jkollhiex għalfejn tiżdied jekk, meta jiżdied il-konsum tal-lubrifikant, kif deskritt fil-punt 2.4.4.8.4, ikun diġa nkiseb il-konsum meħtieġ tal-lubrifikant permezz tat-trażmissjoni tal-iskeda ta' akkumulazzjoni termika korrispondenti li tikkonsisti fil-prestazzjoni ta' sekwenzi termali jew sekwenzi termali modifikati NTS . 2.4.4.8. L-iżvilupp tal-iskeda ta' akkumulazzjoni tal-konsum tal-lubrifikant 2.4.4.8.1. L-iskeda ta' akkumulazzjoni tal-konsum tal-lubrifikant għandha tikkonsisti minn għadd ta' sekwenzi tal-konsum tal-lubrifikant ripetuti diversi drabi, kull sekwenza tal-konsum tal-lubrifikant tkun alternata ma' kull sekwenza termali jew kull sekwenza termali modifikata. 2.4.4.8.2. Kull sekwenza ta' konsum tal-lubrifikant għandha tikkonsisti f'modalità stabbli ta' tagħbija u veloċità kostanti, bit-tagħbija u bil-veloċità jingħażlu b'tali mod li l-konsum tal-lubrifikant ikun massimizzat u t-tiqdim termali effettiv ikun minimizzat. Il-modalità għandha tiġi ddeterminata mill-manifattur, bi qbil mal-awtorità tal-approvazzjoni tat-tip, abbażi tal-aħjar ġudizzju tal-inġinerija. 2.4.4.8.3. Id-durata ta' kull sekwenza tal-konsum tal-lubrifikant għandha tiġi ddeterminata kif ġej:
2.4.4.8.4. Ir-rata tal-konsum tal-lubrifikant għandha dejjem tibqa' taħt 0.5 % tar-rata tal-konsum tal-fjuwil tal-magna biex tiġi evitata akkumulazzjoni eċċessiva ta' rmied fuq il-faċċata tat-tagħmir sostitut għall-kontroll tat-tniġġis. 2.4.4.8.5. Huwa permess li jiżdied t-tiqdim termiku minħabba t-trażmissjoni tas-sekwenza tal-konsum tal-lubrifikant lill-AE ikkalkulata fl-ekwazzjoni 4. 2.4.5. L-iżvilupp tal-iskeda ta' akkumulazzjoni tas-servizz kompluta 2.4.5.1. L-iskeda ta' akkumulazzjoni tas-servizz għandha tinbena billi jiġu alternati sekwenza termali jew sekwenza termali modifikata, kif xieraq, ma' sekwenza tal-konsum tal-lubrifikant. Ix-xejra msemmija qabel għandha tiġi ripetuta NTS drabi, bil-valur NTS ikun dak ikkalkulat jew b'konformità mat-taqsima 2.4.2 jew mat-taqsima 2.4.3, kif xieraq. Qed jingħata eżempju ta' skeda ta' akkumulazzjoni tas-servizz kompluta fl-Appendiċi 7. Qed tingħata flowchart li tiddeskrivi l-iżvilupp ta' skeda ta' akkumulazzjoni tas-servizz kompluta fl-Appendiċi 8. 2.4.6. It-tħaddim tal-iskeda ta' akkumulazzjoni tas-servizz 2.4.6.1. Il-magna, mgħammra bis-sistema ta' posttrattament tal-egżost li tinkorpora t-tagħmir sostitut għall-kontroll tat-tniġġis, għandha tħaddem l-iskeda ta' akkumulazzjoni tas-servizz stipulata fil-punt 2.4.5.1. 2.4.6.2. Il-magna użata għat-twettiq tal-iskeda ta' akkumulazzjoni tas-servizz tista' tkun differenti mill-magna użata fil-fażi tal-ġbir tad-dejta, b'din tal-aħħar tkun dejjem dik li għaliha jikun ġie mfassal it-tagħmir sostitut għall-kontroll tat-tniġġis li jkun qed jiġi approvat, u dik li tkun qed tiġi ttestjata għall-emissjonijiet skont il-punt 2.4.3.2. 2.4.6.3. Jekk il-magna użata għat-twettiq tal-iskeda ta' akkumulazzjoni tas-servizz turi spostament ta' aktar minn 20 % jew aktar mill-magna użata fil-fażi tal-ġbir tad-dejta, is-sistema tal-egżost ta' qabel għandha tkun mgħammra b'sistema ta' bypass biex tirreplika kemm jista' jkun mill-qrib ir-rata tal-fluss tal-egżost ta' din tal-aħħar fil-kundizzjonijiet ta' tiqdim magħżula. 2.4.6.4. Fil-każ imsemmi fil-punt 2.4.6.2, il-magna użata għat-twettiq tal-iskeda ta' akkumulazzjoni tas-servizz għandha tkun approvati għat-tip skont ir-Regolament (KE) Nru 595/2009. Barra minn hekk, jekk it-tagħmir li jkun qed jiġi ttestjat ikun maħsub biex jiġi mgħammar b'sistema ta' magna ta' riċirkolazzjoni tal-gass tal-egżost (EGR), is-sistema tal-magna użata għall-iskeda ta' akkumulazzjoni tas-servizz għandha wkoll tkun mgħammra b'sistema tal-EGR. Barra minn hekk, jekk it-tagħmir li jkun qed jiġi ttestjat ikun maħsub biex jiġi mgħammar b'sistema ta' magna ta' riċirkolazzjoni tal-gass tal-egżost (EGR), is-sistema tal-magna użata għall-iskeda ta' akkumulazzjoni tas-servizz għandha wkoll tkun mgħammra b'sistema tal-EGR. 2.4.6.5. Il-lubrifikant u l-fjuwil użat fl-iskeda ta' akkumulazzjoni tas-servizz għandhom ikunu kemm jista' jkun simili għal dawk użati matul il-fażi tal-ġbir tad-dejta stipulata fil-punt 2.2. Il-lubrifikant irid ikun konformi mar-rakkomandazzjoni tal-manifattur tal-magna li għaliha hu mfassal it-tagħmir għall-kontroll tat-tniġġis. Il-fjuwils użati għandhom ikunu fjuwils fis-suq li jissodisfaw ir-rekwiżiti korrispondenti tad-Direttiva 98/70/KE. Fuq talba tal-manifattur, jistgħu jintużaw ukoll fjuwils ta' referenza skont dan ir-Regolament. 2.4.6.6. Il-lubrifikant għandu jinbidel għall-manutenzjoni, f'intervalli skedati mill-manifattur tal-magna użati fil-fażi tal-ġbir tad-dejta. 2.4.6.7. Fil-każ ta' SCR, għandha ssir injezzjoni tal-urea skont l-istrateġija definita mill-manifattur tat-tagħmir sostitut għall-kontroll tat-tniġġis.”; |
|
(5) |
Jiżdiedu l-Appendiċi 4 sa 8 li ġejjin: “Appendiċi 4 Sekwenza ta' tiqdim termali
Appendiċi 5 Ċiklu tat-test għax-xażi dinamometru jew għall-ġbir tad-dejta fuq it-triq
Appendiċi 6 Il-proċedura tat-tbattil u l-użin
Appendiċi 7 Eżempju tal-iskeda ta' akkumulazzjoni tas-servizz li tinkludi s-sekwenzi termali, tal-konsum tal-lubrifikant u dawk ta' riġenerazzjoni 
Appendiċi 8 Flowchart dwar il-prestazzjoni tal-iskeda ta' akkumulazzjoni tas-servizz 
|
ANNESS V
L-Anness XIII tar-Regolament (UE) Nru 582/2011 huwa emendat kif ġej:
|
(1) |
il-punti 2.1.2.2.1 u 2.1.2.2.2 jinbidlu b'dan li ġej:
|
|
(2) |
il-punti 8 u 8.1 jinbidlu b'dan li ġej: “8. KONSUM TAR-REAĠENT U ATTIVITÀ TAD-DOŻAĠĠ 8.1. Il-miżuri dwar il-monitoraġġ tal-konsum tar-reaġent u l-attività tad-dożaġġ għandhom ikunu dawk stabbiliti fil-Paragrafu 8 tal-Anness 11 tar-Regolament Nru 49 NU/KEE.”. |
ANNESS VI
L-Anness XIV tar-Regolament (UE) Nru 582/2011 huwa emendat kif ġej:
|
(1) |
il-punt 2.2.1 jinbidel b'dan li ġej:
|
|
(2) |
il-punt 2.2.4 jinbidel b'dan li ġej:
|
|
27.9.2016 |
MT |
Il-Ġurnal Uffiċjali tal-Unjoni Ewropea |
L 259/42 |
REGOLAMENT TAL-KUMMISSJONI (UE) 2016/1719
tas-26 ta' Settembru 2016
li jistabbilixxi linja gwida dwar l-allokazzjoni bil-quddiem tal-kapaċità
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 714/2009 tal-Parlament Ewropew u tal-Kunsill tat-13 ta' Lulju 2009 dwar kondizzjonijiet għall-aċċess għan-networks għall-bdil bejn il-fruntieri fl-elettriku u li jħassar ir-Regolament (KE) Nru 1228/2003 (1) u b'mod partikolari l-Artikolu 18(3)(b) u (5), tiegħu,
Billi:
|
(1) |
Sabiex jintlaħqu l-għanijiet li tinżamm is-sigurtà tal-provvista tal-enerġija, tiżdied il-kompetittività u jiġi żgurat li l-konsumaturi kollha jkunu jistgħu jixtru l-enerġija bi prezzijiet raġonevoli hemm il-bżonn urġenti li jitlesta s-suq intern tal-enerġija li jkun interkonness u jkun qed jaħdem kollu kemm hu. Jekk is-suq intern tal-elettriku jkun jiffunzjona sew, il-produtturi jkollhom inċentivi xierqa biex jinvestu f'ġenerazzjoni tal-enerġija ġdida, fosthom f'elettriku minn sorsi ta' enerġija rinnovabbli, filwaqt li tingħata attenzjoni speċjali lill-aktar Stati Membri u reġjuni iżolati fis-suq tal-enerġija tal-Unjoni. Lill-konsumaturi, suq li jkun jiffunzjona sew jagħtihom il-miżuri xierqa biex jippromwovu użu aktar effiċjenti tal-enerġija u dan jippresupponi provvista tal-enerġija sigura. |
|
(2) |
Is-sigurtà tal-provvista tal-enerġija hija element essenzjali tas-sigurtà pubblika u għalhekk hija marbuta intrinsikament mal-funzjonament effiċjenti tas-suq intern tal-elettriku u mal-integrazzjoni tas-swieq tal-elettriku iżolati tal-Istati Membri. L-uniku mod kif l-elettriku jista' jasal għand iċ-ċittadini tal-Unjoni huwa permezz tan-netwerk. Is-swieq tal-elettriku li jaħdmu sew u, b'mod partikolari, in-netwerks u l-assi l-oħra assoċjati mal-provvista tal-elettriku huma essenzjali għas-sigurtà pubblika, għall-kompetittività ekonomika u għall-benesseri taċ-ċittadini tal-Unjoni. |
|
(3) |
Ir-Regolament (KE) Nru 714/2009 jistabbilixxi regoli nondiskriminatorji għall-kundizzjonijiet tal-aċċess għan-netwerk għal skambji transfruntiera tal-elettriku u b'mod partikolari, regoli dwar l-allokazzjoni tal-kapaċità u l-ġestjoni tal-konġestjoni fir-rigward tal-interkonnessjonijiet u s-sistemi ta' trażmissjoni li jaffettwaw il-flussi tal-elettriku transfruntiera. Sabiex ikollna suq tal-elettriku tassew integrat, irid jinħolqu opportunitajiet ta' ħħeġġjar effiċjenti għall-ġeneraturi, għall-konsumaturi u għall-bejjiegħa bl-imnut biex jittaffew ir-riskji futuri fil-prezzijiet fiż-żona fejn joperaw, inkluż l-armonizzazzjoni tar-regoli tal-irkant dwar l-allokazzjoni bil-quddiem tal-kapaċità. |
|
(4) |
Il-kalkolu tal-kapaċità fit-tul għall-perjodi tas-suq ta' sena u ta' xahar minn qabel għandhom jikkoordinawh l-operaturi tas-sistema tat-trażmissjoni (minn hawn 'il quddiem “it-TSOs”) tal-anqas fil-livell reġjonali biex ikun żgurat li l-kalkolu tal-kapaċità jkun affidabbli u li jkun hemm kapaċità ottimali disponibbli għas-suq. Għal dan il-għan, it-TSOs għandhom jistabbilixxu mudell ta' grilja komuni li jiġbor id-dejta kollha meħtieġa għall-kalkolu tal-kapaċità fit-tul filwaqt li jqis l-inċertezzi inerenti għall-perjodi ta' żmien fit-tul. L-approċċ koordinat abbażi tal-kapaċità netta ta' trażmissjoni għandu japplika għall-kalkolu u għall-allokazzjoni ta' kapaċitajiet transfruntiera fit-tul. L-approċċ abbażi tal-fluss jista' jiġi applikat meta l-kapaċitajiet transżonali bejn iż-żoni tal-offerti jkunu tassew interdipendenti u l-approċċ ikun ġustifikat mil-lat ta' effiċjenza ekonomika. |
|
(5) |
Ir-regoli armonizzati dwar il-kapaċità transżonali fit-tul jeħtieġu li fil-livell Ewropew titwaqqaf u titħaddem pjattaforma unika ta' allokazzjoni. Din il-pjattaforma ċentrali għandhom jiżviluppawha t-TSOs kollha biex teħfief l-allokazzjoni ta' drittijiet tat-trażmissjoni fit-tul għall-parteċipanti fis-suq u għandha tipprovdi għat-trasferiment tad-drittijiet tat-trażmissjoni fit-tul mingħand parteċipant eliġibbli wieħed fis-suq għal ieħor. |
|
(6) |
Sabiex ikun hemm allokazzjoni trasparenti u nondiskriminatorja tad-drittijiet tat-trażmissjoni fit-tul, il-pjattaforma unika ta' allokazzjoni trid tippubblika l-informazzjoni rilevanti kollha dwar l-irkant qabel dan jinbeda. Ir-regoli dwar in-nomini għandu jkun fihom informazzjoni dettaljata dwar il-proċedura ta' nomina għal drittjiet fiżiċi tat-trażmissjoni inklużi r-rekwiżiti, iż-żminijiet, l-għeluq tan-negozju u l-eliġibbiltà għall-iskambju bejn il-parteċipanti fis-suq. |
|
(7) |
Id-detenturi tad-drittijiet tat-trażmissjoni fit-tul għandhom ikunu jistgħu jirritornaw id-drittijiet tat-trażmissjoni fit-tul lit-TSOs biex jiġu riallokati f'allokazzjoni bil-quddiem tal-kapaċità sussegwenti. Id-detenturi jistgħu jirċievu ħlas talli jirritotnaw id-drittijiet tat-trażmissjoni fit-tul. Barra minn hekk, il-parteċipanti fis-suq għandhom ikunu intitolati li jittrasferixxu jew jixtru drittijiet tat-trażmissjoni fit-tul li diġà jkunu allokati. Il-parteċipanti fis-suq għandhom jinfurmaw lit-TSOs dwar dawn it-trasferimenti jew dan ix-xiri u dwar il-kontropartijiet inklużi l-parteċipanti involuti fis-suq u t-TSOs rispettivi. |
|
(8) |
Hu importanti li l-piżijiet u l-ispejjeż amministrattivi marbutin mal-parteċipazzjoni fil-pjattaforma unika ta' allokazzjoni jinżammu f'limiti raġonevoli, l-aktar fejn tidħol l-armonizzazzjoni tal-qafas kuntrattwali mal-parteċipanti fis-suq. |
|
(9) |
Madwar l-Unjoni bħalissa jeżistu bosta regoli ta' allokazzjoni li jirregolaw l-arranġamenti kuntrattwali għad-drittijiet tat-trażmissjoni fit-tul. It-TSOs għandhom jiżviluppaw regoli armonizzati ta' allokazzjoni għad-drittijiet fiżiċi tat-trażmissjoni, drittijiet finanzjarji tat-trażmissjoni — opzjoni (minn hawn 'il quddiem “FTRs — opzjoni”) u drittijiet finanzjarji tat-trażmissjoni — obbligi (minn hawn 'il quddiem “FTRs — obbligi”) fil-livell tal-Unjoni. |
|
(10) |
Dawk ir-regoli armonizzati ta' allokazzjoni għandhom tal-anqas ikun fihom id-deskrizzjoni tal-proċess/proċedura ta' allokazzjoni għad-drittijiet tat-trażmissjoni fit-tul, inklużi r-rekwiżiti minimi għal parteċipazzjoni, kwistjonijiet finanzjarji, it-tip ta' prodotti offruti fi rkanti espliċiti, ir-regoli dwar in-nomina, ir-regoli dwar it-tnaqqis u ta' kumpens, ir-regoli għall-parteċipanti fis-suq fil-każ li jkunu qed jittrasferixxu d-drittijiet tagħhom tat-trażmissjoni fit-tul, il-prinċipju ta' uża jew bigħ (minn hawn 'il quddiem “UIOSI”), ir-regoli dwar il-forza maġġuri u r-responsabbiltà. Dawk ir-regoli armonizzati ta' allokazzjoni għandhom jiddeskrivu wkoll l-obbligi kuntrattwali li jridu jirrispettaw il-parteċipanti fis-suq. |
|
(11) |
Ir-Regolament (UE) 2015/1222 (2) jistabbilixxi skadenza għaċ-ċertezza tal-ġurnata bil-quddiem u sistema relatata ta' kumpens għad-drittijiet tat-trażmissjoni fit-tul li tnaqqsu wara din l-iskadenza. Bl-istess mod, it-TSOs għandhom jirrimborsaw jew jikkumpensaw lid-detenturi tad-drittijiet tat-trażmissjoni fit-tul li d-drittijiet tagħhom tat-trażmissjoni fit-tul ikunu tnaqqsu qabel l-iskadenza għaċ-ċertezza tal-ġurnata bil-quddiem. |
|
(12) |
Jistgħu jiddaħħlu limiti fuq il-kumpens li għandu jitħallas lid-detenturi li d-drittijiet tagħhom tat-trażmissjoni fit-tul ikunu tnaqqsu qabel l-iskadenza għaċ-ċertezza tal-ġurnata bil-quddiem, filwaqt li titqies il-likwidità tas-swieq rilevanti u l-possibbiltà li l-parteċipanti fis-suq jaġġustaw il-pożizzjonijiet tagħhom. |
|
(13) |
F'konformità mal-Artikolu 8 tar-Regolament (KE) Nru 713/2009 tal-Parlament Ewropew u tal-Kunsill (3), l-Aġenzija għall-Kooperazzjoni tar-Regolaturi tal-Enerġija (“l-Aġenzija”) għandha tieħu deċiżjoni dwar termini u kundizzjonijiet komuni għall-aċċess jew metodoloġiji komuni, meta l-awtoritajiet regolatorji nazzjonali kompetenti ma jkunux jistgħu jilħqu ftehim dwar dawk il-kwistjonijiet regolatorji. |
|
(14) |
Dan ir-Regolament ġie żviluppat b'koperazzjoni mill-qrib mal-Aġenzija, man-Netwerk Ewropew għall-Operaturi tas-Sistema tat-Trażmissjoni tal-Elettriku (“l-ENTSO tal-Elettriku”) u mal-partijiet konċernati, sabiex jiġu adottati regoli effettivi, bilanċjati u proporzjonati b'mod trasparenti u parteċipattiv. Skont l-Artikolu 18(3) tar-Regolament (KE) Nru 714/2009, qabel ma tipproponi xi emenda għal dan ir-Regolament, il-Kummissjoni għandha tikkonsulta lill-Aġenzija, lill-ENTSO tal-Elettriku u lil partijiet konċernati rilevanti oħra. |
|
(15) |
Dan ir-Regolament jissupplimenta l-Anness I tar-Regolament (KE) Nru 714/2009, skont il-prinċipji stabbiliti fl-Artikolu 16 ta' dak ir-Regolament. |
|
(16) |
Il-miżuri previsti f'dan ir-Regolament huma skont l-opinjoni tal-Kumitat imsemmija fl-Artikolu 23(1) tar-Regolament (KE) Nru 714/2009, |
ADOTTAT DAN IR-REGOLAMENT:
TITOLU I
ID-DIŻPOSIZZJONIJIET ĠENERALI
Artikolu 1
Is-suġġett u l-kamp ta' applikazzjoni
1. Dan ir-Regolament jistabbilixxi regoli dettaljati dwar l-allokazzjoni tal-kapaċità transżonali fis-swieq forward, dwar it-twaqqif ta' metodoloġija komuni biex tiġi determinata l-kapaċità transżonali fit-tul, dwar it-twaqqif ta' pjattaforma unika ta' allokazzjoni fil-livell Ewropew li toffri drittijiet tat-trażmissjoni fit-tul, u dwar il-possibbiltà li d-drittijiet tat-trażmissjoni fit-tul għal allokazzjoni bil-quddiem tal-kapaċità sussegwenti jingħataw lura jew li d-drittijiet tat-trażmissjoni fit-tul jiġu trasferiti bejn il-parteċipanti fis-suq.
2. Dan ir-Regolament għandu japplika għal kull sistema ta' trażmissjoni u kull interkonnessjoni fl-Unjoni, ħlief għas-sistemi ta' trażmissjoni fuq gżejjer li ma jkunux konnessi ma' sistemi oħra ta' trażmissjoni permezz ta' interkonnetturi.
3. Fl-Istati Membri li għandhom aktar minn TSO wieħed, dan ir-Regolament għandu japplika għat-TSOs kollha ta' dak l-Istat Membru. Meta t-TSO ma jkollux funzjoni rilevanti għal obbligu wieħed jew aktar skont dan ir-Regolament, l-Istati Membri jistgħu jipprovdu li r-responsabbiltà għall-konformità ma' dawk l-obbligi tiġi assenjata lil TSO speċifiku wieħed jew lil TSOs differenti.
4. Il-pjattaforma unika ta' allokazzjoni tista' tinfetaħ għall-operaturi fis-suq u għat-TSOs li joperaw l-Iżvizzera diment li l-liġi nazzjonali tagħha tkun timplimenta d-dispożizzjonijiet ewlenin tal-leġiżlazzjoni tal-Unjoni dwar is-suq tal-elettriku u diment li jkun hemm ftehim intergovernattiv dwar il-koperazzjoni fir-rigward tal-elettriku bejn l-Unjoni u l-Isvizzera.
5. Soġġett għall-kundizzjonijiet tal-paragrafu 4, il-parteċipazzjoni tal-Iżvizzera fil-pjattaforma unika ta' allokazzjoni għandha tiddeċidiha l-Kummissjoni abbażi ta' opinjoni tal-Aġenzija. Id-drittijiet u r-responsabbiltajiet tat-TSOs Żvizzeri li jingħaqdu mal-pjattaforma unika ta' allokazzjoni għandhom ikunu konsistenti mad-drittijiet u mar-responsabbiltajiet tat-TSOs li joperaw fl-Unjoni, sabiex ikun hemm funzjonament mingħajr xkiel tal-allokazzjoni tad-drittijiet tat-trażmissjoni fit-tul implimentati fil-livell tal-Unjoni u sabiex ikun hemm kundizzjonijiet ekwi għall-partijiet konċernati kollha.
Artikolu 2
Id-definizzjonijiet
Għall-fini ta' dan ir-Regolament, għandhom japplikaw id-definizzjonijiet fl-Artikolu 2 tar-Regolament (KE) Nru 714/2009, fl-Artikolu 2 tar-Regolament (UE) 2015/1222, fl-Artikolu 2 tar-Regolament tal-Kummissjoni (UE) Nru 543/2013 (4) kif ukoll fl-Artikolu 2 tad-Direttiva 2009/72/KE tal-Parlament Ewropew u tal-Kunsill (5).
Minbarra dawk, japplikaw ukoll dawn id-definizzjonijiet:
|
(1) |
“allokazzjoni bil-quddiem tal-kapaċità” tfisser l-attribuzzjoni ta' kapaċità transżonali fit-tul permezz ta' rkant qabel il-perjodu ta' żmien tal-ġurnata bil-quddiem; |
|
(2) |
“dritt tat-trażmissjoni fit-tul” tfisser dritt fiżiku tat-trażmissjoni jew FTR — opzjoni jew FTR — obbligu li jkun inkiseb fl-allokazzjoni bil-quddiem tal-kapaċità; |
|
(3) |
“regoli ta' allokazzjoni” tfisser ir-regoli għall-allokazzjoni bil-quddiem tal-kapaċità li jiġu applikati mill-pjattaforma unika ta' allokazzjoni; |
|
(4) |
“pjattaforma unika ta' allokazzjoni” tfisser il-pjattaforma Ewropea stabbilita mit-TSOs kollha għall-allokazzjoni bil-quddiem tal-kapaċità; |
|
(5) |
“irkant” tfisser il-proċess li matulu kapaċità transżonali fit-tul tiġi offruta u allokata lill-parteċipanti fis-suq li jippreżentaw offerti; |
|
(6) |
“UIOSI” tfisser il-prinċipju li jistabbilixxi li l-kapaċità transżonali sottostanti ta' drittjiet fiżiċi tat-trażmissjoni mixtrija u mhux nominati jsiru awtomatikament disponibbli għall-allokazzjoni tal-kapaċità ta' ġurnata bil-quddiem u li jistabbilixxi li d-detentur ta' dawn id-drittjiet fiżiċi tat-trażmissjoni jirċievi remunerazzjoni mingħand it-TSOs. |
|
(7) |
“nomina” tfisser in-notifika tal-użu ta' kapaċità transżonali fit-tul minn detentur tad-drittjiet fiżiċi tat-trażmissjoni u mill-kontroparti tiegħu, jew minn parti terza awtorizzata, lit-TSOs rispettivi; |
|
(8) |
“regoli dwar in-nomina” tfisser ir-regoli fir-rigward tan-notifika dwar l-użu tal-kapaċità transżonali fit-tul minn detentur tad-drittjiet fiżiċi tat-trażmissjoni u mill-kontroparti tiegħu, jew minn parti terza awtorizzata, lit-TSOs rispettivi; |
|
(9) |
“firxa tas-suq” tfisser id-differenza bejn il-prezzijiet kull siegħa ta' ġurnata bil-quddiem taż-żewġ żoni tal-offerti kkonċernati għall-perjodu ta' żmien tas-suq rispettiv f'direzzjoni speċifika; |
|
(10) |
“regoli ta' kumpens” tfisser ir-regoli li jipprovdu li kull TSO responsabbli għall-konfini taż-żona tal-offerti, meta jkunu ġew allokati d-drittijiet tat-trażmissjoni fit-tul, jikkumpensa lid-detenturi li d-drittijiet tagħhom tat-trażmissjoni fit-tul għal tnaqqis fid-drittijiet tat-trażmissjoni fit-tul. |
Artikolu 3
L-għanijiet tal-allokazzjoni bil-quddiem tal-kapaċità
Dan ir-Regolament għandu l-għan li:
|
(a) |
jippromwovi n-negozjar transżonali fit-tul effettiv b'opportunitajiet ta' ħħeġġjar transżonali fit-tul għall-parteċipanti fis-suq; |
|
(b) |
itejjeb il-kalkolu u l-allokazzjoni tal-kapaċità transżonali fit-tul |
|
(c) |
jipprovdi aċċess nondiskriminatorju għal kapaċità transżonali fit-tul; |
|
(d) |
jiżgura t-trattament ġust u nondiskriminatorju tat-TSOs, tal-Aġenzija, tal-awtoritajiet regolatorji u tal-parteċipanti fis-suq; |
|
(e) |
iħares il-ħtieġa ta' allokazzjoni bil-quddiem tal-kapaċità li tkun ġusta u li ssir b'mod ordnat u formazzjoni tal-prezzijiet li ssir b'mod ordnat; |
|
(f) |
jiżgura u jtejjeb it-trasparenza u l-affidabbiltà tal-informazzjoni dwar l-allokazzjoni bil-quddiem tal-kapaċità; |
|
(g) |
jikkontribwixxi għat-tħaddim u l-iżvilupp effiċjenti fit-tul tas-sistema tat-trażmissjoni tal-elettriku u tas-settur tal-elettriku fl-Unjoni. |
Artikolu 4
L-adozzjoni ta' termini u kundizzjonijiet u ta' metodoloġiji
1. It-TSOs għandhom jiżviluppaw it-termini u l-kundizzjonijiet jew il-metodoloġiji meħtieġa minn dan ir-Regolament u jippreżentawhom għall-approvazzjoni tal-awtoritajiet regolatorji kompetenti fl-iskadenzi rispettivi stabbiliti f'dan ir-Regolament. Meta proposta għal termini u kundizzjonijiet jew metodoloġiji skont dan ir-Regolament tkun trid tiġi żviluppata u maqbula minn aktar minn TSO wieħed, it-TSOs parteċipanti għandhom jaħdmu id f'id. It-TSOs, bl-għajnuna tan-Netwerk Ewropew għall-Operaturi tas-Sistema tat-Trażmissjoni tal-Elettriku, għandhom jinformaw regolarment lill-awtoritajiet regolatorji kompetenti u lill-Aġenzija dwar il-progress tal-iżvilupp ta' dawn it-termini u l-kundizzjonijiet jew il-metodoloġiji.
2. Meta ma jkunux jistgħu jaqblu bejniethom, it-TSOs li jiddeċiedu dwar proposti għat-termini u l-kundizzjonijiet jew il-metodoloġiji skont l-Artikolu 4(6) għandhom jiddeċiedu b'maġġoranza kwalifikata. Maġġoranza kwalifikata għal proposti skont l-Artikolu 4(6) għandha teħtieġ maġġoranza ta':
|
(a) |
TSOs li jirrappreżentaw tal-anqas 55 % tal-Istati Membri; u |
|
(b) |
TSOs li jirrappreżentaw l-Istati Membri li flimkien jinkludu tal-anqas 65 % tal-popolazzjoni tal-Unjoni. |
Minoranza li timblokka d-deċiżjonijiet skont l-Artikolu 4(6) għandha tinkludi TSOs li jirrappreżentaw tal-anqas erba' Stati Membri u, fin-nuqqas ta' dan, il-maġġoranza kwalifikata għandha titqies li nkisbet.
Għad-deċiżjonijiet tat-TSO skont l-Artikolu 4(6), għandu jingħata vot wieħed lil kull Stat Membru. Jekk fit-territorju ta' Stat Membru jkun hemm aktar minn TSO wieħed, l-Istat Membru għandu jalloka s-setgħat tal-votazzjoni fost it-TSOs.
3. It-TSOs li jiddeċiedu dwar proposti għat-termini u l-kundizzjonijiet jew il-metodoloġiji skont l-Artikolu 4(7) għandhom jiddeċiedu b'maġġoranza kwalifikata jekk ma jkunux jistgħu jilħqu jaqblu bejniethom u meta r-reġjuni kkonċernati jkollhom aktar minn ħames Stati Membri. Maġġoranza kwalifikata għal proposti skont l-Artikolu 4(7) għandha teħtieġ maġġoranza ta':
|
(a) |
TSOs li jirrappreżentaw tal-anqas 72 % tal-Istati Membri konċernati; u |
|
(b) |
TSOs li jirrappreżentaw Stati Membri li flimkien jinkludu tal-anqas 65 % tal-popolazzjoni tar-reġjun ikkonċernat. |
Minoranza li timblokka d-deċiżjonijiet skont l-Artikolu 4(7) għandha tinkludi tal-anqas l-għadd minimu ta' TSOs li jirrappreżentaw aktar minn 35 % tal-popolazzjoni tal-Istati Membri parteċipanti, kif ukoll TSOs li jirrappreżentaw tal-anqas Stat Membru wieħed ieħor ikkonċernat u, fin-nuqqas ta' dan, il-maġġoranza kwalifikata għandha titqies li nkisbet.
It-TSOs li jiddeċiedu dwar il-proposti għat-termini u l-kundizzjonijiet jew għall-metodoloġiji skont l-Artikolu 4(7) fir-rigward ta' reġjuni li jkollhom anqas minn ħames Stati Membri għandhom jiddeċiedu b'kunsens.
Għad-deċiżjonijiet tat-TSO skont l-Artikolu 4(7), għandu jingħata vot wieħed lil kull Stat Membru. Jekk fit-territorju ta' Stat Membru jkun hemm aktar minn TSO wieħed, l-Istati Membri għandhom jallokaw is-setgħat tal-votazzjoni fost it-TSOs.
4. Jekk xi TSOs ma jippreżentawx proposta għat-termini u l-kundizzjonijiet jew għall-metodoloġiji lill-awtoritajiet regolatorji nazzjonali fl-iskadenzi ddefiniti f'dan ir-Regolament, dawn għandhom jipprovdu l-abbozzi rilevanti tat-termini u l-kundizzjonijiet jew tal-metodoloġiji lill-awtoritajiet regolatorji kompetenti u lill-Aġenzija, u jispjegaw x'kien li waqqaf milli jintlaħaq ftehim. L-Aġenzija għandha tinforma lill-Kummissjoni u meta titlobha l-Kummissjoni għandha tikkopera mal-awtoritajiet regolatorji kompetenti biex tinvestiga r-raġunijiet għan-nuqqas u tinforma lill-Kummissjoni b'dan. Il-Kummissjoni għandha tieħu l-passi xierqa sabiex ikunu jistgħu jiġu adottati t-termini u l-kundizzjonijiet jew il-metodoloġiji meħtieġa fi żmien erba' xhur minn meta tasal l-informazzjoni mingħand l-Aġenzija.
5. Kull awtorità regolatorja għandha tkun responsabbli biex tapprova t-termini u l-kundizzjonijiet jew il-metodoloġiji msemmija fil-paragrafi 6 u 7.
6. Il-proposti għat-termini u l-kundizzjonijiet jew għall-metodoloġiji li ġejjin iridu japprovawhom l-awtoritajiet regolatorji kollha:
|
(a) |
il-metodoloġija tal-provvista tad-dejta ta' ġenerazzjoni u tagħbija skont l-Artikolu 17; |
|
(b) |
il-metodoloġija tal-mudell ta' grilja komuni skont l-Artikolu 18; |
|
(c) |
ir-rekwiżiti għall-pjattaforma unika ta' allokazzjoni skont l-Artikolu 49; |
|
(d) |
ir-regoli armonizzati ta' allokazzjoni skont l-Artikolu 51; |
|
(e) |
il-metodoloġija tal-qsim tal-introjtu mill-konġestjoni skont l-Artikolu 57; |
|
(f) |
il-metodoloġija għall-qsim tal-ispejjeż tal-istabbiliment, l-iżvilupp u t-tħaddim tal-pjattaforma unika ta' allokazzjoni skont l-Artikolu 59; |
|
(g) |
il-metodoloġija għall-kondiviżjoni tal-ispejjeż imġarrba biex tkun żgurata ċertezza u remunerazzjoni tad-drittijiet tat-trażmissjoni fit-tul skont l-Artikolu 61. |
7. Il-proposti għat-termini u l-kundizzjonijiet jew għall-metodoloġiji li ġejjin iridu japprovawhom l-awtoritajiet regolatorji kollha tar-reġjun ikkonċernat:
|
(a) |
il-metodoloġija tal-kalkolu tal-kapaċità skont l-Artikolu 10; |
|
(b) |
il-metodoloġija għall-qsim tal-kapaċità transżonali skont l-Artikolu 16; |
|
(c) |
id-disinn reġjonali tad-drittijiet tat-trażmissjoni fit-tul skont l-Artikolu 31; |
|
(d) |
it-twaqqif ta' proċeduri ta' riżerva skont l-Artikolu 42; |
|
(e) |
ir-rekwiżiti reġjonali tar-regoli armonizzati dwar l-allokazzjoni skont l-Artikolu 52, inklużi r-regoli reġjonali dwar il-kumpens skont l-Artikolu 55. |
8. Il-proposta għat-termini u l-kundizzjonijiet jew għall-metodoloġiji għandha tinkludi l-firxa proposta taż-żmien għall-implimentazzjoni tagħhom u deskrizzjoni tal-impatt li mistennija jħallu fuq l-għanijiet ta' dan ir-Regolament. Il-proposti dwar it-termini u l-kundizzjonijiet jew il-metodoloġiji soġġetti għall-approvazzjoni ta' diversi awtoritajiet regolatorji jew ta' kollha kemm huma għandhom jitressqu lill-Aġenzija fl-istess waqt meta jitressqu lill-awtoritajiet regolatorji. Meta jitolbu l-awtoritajiet regolatorji kompetenti, fi żmien tliet xhur l-Aġenzija għandha tagħti opinjoni dwar il-proposti għat-termini u l-kundizzjonijiet jew għall-metodoloġiji.
9. Meta l-approvazzjoni tat-termini u l-kundizzjonijiet jew tal-metodoloġiji tkun teħtieġ deċiżjoni ta' aktar minn awtorità regolatorja waħda, l-awtoritajiet regolatorji kompetenti għandhom jikkonsultaw u jikkoperaw u jikkoordinaw mill-qrib sabiex jilħqu ftehim. Meta applikabbli, l-awtoritajiet regolatorji kompetenti għandhom jikkunsidraw l-opinjoni tal-Aġenzija. L-awtoritajiet regolatorji għandhom jieħdu deċiżjonijiet dwar it-termini u l-kundizzjonijiet jew il-metodoloġiji skont il-paragrafi 6 u 7, fi żmien sitt xhur minn meta jaslu t-termini u l-kundizzjonijiet jew il-metodoloġiji għand l-awtorità regolatorja jew, meta jkun applikabbli, għand l-aħħar awtorità regolatorja konċernata.
10. Meta l-awtoritajiet regolatorji ma jkunx irnexxielhom jilħqu ftehim fil-perjodu msemmi fil-paragrafu 9, jew meta jitolbu dan b'mod konġunt, l-Aġenzija għandha tadotta deċiżjoni dwar il-proposti preżentati għat-termini u l-kundizzjonijiet jew għall-metodoloġiji fi żmien sitt xhur, skont l-Artikolu 8(1) tar-Regolament (KE) Nru 713/2009.
11. Jekk xi awtorità regolatorja jew aktar jitolbu emenda għall-approvazzjoni tat-termini u l-kundizzjonijiet jew tal-metodoloġiji li jkunu ġew preżentati skont il-paragrafi 6 u 7, it-TSOs rilevanti għandhom jippreżentaw proposta għal termini u kundizzjonijiet jew għal metodoloġiji emendati biex tiġi approvata fi żmien xahrejn skont ir-rekwiżit tal-awtoritajiet regolatorji. L-awtoritajiet regolatorji għandhom jiddeċiedu dwar it-termini u l-kundizzjonijiet jew il-metodoloġiji emendati fi żmien xahrejn minn meta jitressqu. Meta l-awtoritajiet regolatorji kompetenti ma jkunux jistgħu jilħqu ftehim dwar it-termini u l-kundizzjonijiet jew il-metodoloġiji skont il-paragrafi 6 u 7 fi żmien xahrejn, jew meta jitolbu dan b'mod konġunt, l-Aġenzija għandha tadotta deċiżjoni dwar it-termini u l-kundizzjonijiet jew il-metodoloġiji emendati fi żmien sitt xhur, skont l-Artikolu 8(1) tar-Regolament (KE) Nru 713/2009. Jekk it-TSOs rilevanti ma jipperżentawx proposta għal termini u kundizzjonijiet jew għall- metodoloġiji emendati, għandha tapplika l-proċedura prevista fil-paragrafu 4.
12. It-TSOs responsabbli għall-iżvilupp ta' proposta għat-termini u l-kundizzjonijiet jew għall-metodoloġiji jew l-awtoritajiet regolatorji responsabbli għall-adozzjoni tagħhom skont il-paragrafi 6 u 7, jistgħu jitolbu emendi ta' dawn it-termini u l-kundizzjonijiet jew tal-metodoloġiji.
Il-proposti għall-emenda tat-termini u l-kundizzjonijiet jew tal-metodoloġiji għandhom jiġu preżentati għal konsultazzjoni skont il-proċedura stabbilita fl-Artikolu 6 u jiġu approvati skont il-proċedura stabbilita f'dan l-Artikolu.
13. It-TSOs responsabbli biex jitwaqqfu t-termini u l-kundizzjonijiet jew il-metodoloġiji skont dan ir-Regolament għandhom jippubblikawhom fuq l-Internet wara li jkunu approvawhom l-awtoritajiet regolatorji kompetenti jew, jekk ma tkun meħtieġa l-ebda approvazzjoni, wara li jitwaqqfu, ħlief meta din l-informazzjoni tkun titqies kunfidenzjali skont l-Artikolu 7.
Artikolu 5
L-involviment tal-partijiet konċernati
L-Aġenzija, f'koperazzjoni mill-qrib man-Netwerk Ewropew għall-Operaturi tas-Sistema tat-Trażmissjoni tal-Elettriku, għandha torganizza l-involviment tal-partijiet konċernati dwar l-allokazzjoni bil-quddiem tal-kapaċità u aspetti oħrajn tal-implimentazzjoni ta' dan ir-Regolament. Dan għandu jinkludi laqgħat regolari mal-partijiet konċernati biex jinstabu problemi u jiġi propost titjib l-aktar fejn jidħlu t-tħaddim u l-iżvilupp tal-allokazzjoni bil-quddiem tal-kapaċità, fosthom l-armonizzazzjoni tar-regoli dwar l-irkant. Dan ma għandux jieħu post il-konsultazzjonijiet mal-partijiet konċernati skont l-Artikolu 6.
Artikolu 6
Il-konsultazzjoni
1. It-TSOs responsabbli għall-preżentazzjoni ta' proposti għat-termini u l-kundizzjonijiet jew għall-metodoloġiji jew għall-emendi tagħhom skont dan ir-Regolament għandhom jikkonsultaw mal-partijiet konċernati, inklużi l-awtoritajiet rilevanti ta' kull Stat Membru, dwar l-abbozz ta' proposti għal termini u kundizzjonijiet jew metodoloġiji fejn dan ikun espliċitament stabbilit f'dan ir-Regolament. Tal-anqas, din il-konsultazzjoni għandha ddum xahar.
2. Il-proposti għat-termini u l-kundizzjonijiet jew għall-metodoloġiji li jippreżentaw it-TSOs fil-livell tal-Unjoni għandhom jiġu ppubblikati u ppreżentati għal konsultazzjoni fil-livell tal-Unjoni. Proposti li jippreżentaw it-TSOs fil-livell reġjonali għandhom jiġu ppreżentati għal konsultazzjoni tal-anqas fil-livell reġjonali. Il-partijiet li jressqu proposti fil-livell bilaterali u multilaterali għandhom jikkonsultaw tal-anqas lill-Istat Membru kkonċernat.
3. L-entitajiet responsabbli għall-proposta għat-termini u l-kundizzjonijiet jew għall-metodoloġiji għandhom jikkunsidraw kif xieraq l-opinjonijiet tal-partijiet konċernati li joħorġu mill-konsultazzjonijiet li jsiru f'konformità mal-paragrafu 1, qabel ma din titressaq għall-approvazzjoni regolatorja jekk ikun mitlub skont l-Artikolu 4 jew qabel il-pubblikazzjoni fil-bqija tal-każijiet. Fil-każijiet kollha għandha tingħata ġustifikazzjoni ċara u b'saħħitha għall-inklużjoni jew le tal-opinjonijiet li joħorġu mill-konsultazzjoni u din għandha tiġi ppubblikata fi żmien xieraq qabel jew waqt il-pubblikazzjoni tal-proposta għat-termini u l-kundizzjonijiet jew għall-metodoloġiji.
Artikolu 7
L-obbligi tal-kunfidenzjalità
1. Kull informazzjoni kunfidenzjali li tasal, tinqasam jew titwassal skont dan ir-Regolament għandha tkun soġġetta għall-kundizzjonijiet tas-segretezza professjonali stabbiliti fil-paragrafi 2, 3 u 4.
2. L-obbligu tas-segretezza professjonali għandu japplika għal kull persuna soġġetta għad-dispożizzjonijiet ta' dan ir-Regolament.
3. Informazzjoni kunfidenzjali li tasal għand il-persuni msemmija fil-paragrafu 2 waqt il-qadi ta' dmirijiethom ma tistax tiġi żvelata lil xi persuna jew awtorità oħra, mingħajr preġudizzju għall-każijiet koperti bil-liġi nazzjonali, bid-dispożizzjonijiet l-oħra ta' dan ir-Regolament jew b'xi leġiżlazzjoni rilevanti oħra tal-Unjoni.
4. Mingħajr preġudizzju għall-każijiet koperti bil-liġi nazzjonali jew bil-liġi tal-Unjoni, l-awtoritajiet regolatorji, korpi jew il-persuni li jirċievu informazzjoni kunfidenzjali skont dan ir-Regolament jistgħu jużawha biss għall-fini tal-qadi tal-funzjonijiet tagħhom skont dan ir-Regolament.
TITOLU II
IR-REKWIŻITI GĦAT-TERMINI, IL-KUNDIZZJONIJIET U L-METODOLOĠIJI
IL-KAPITOLU 1
Il-kalkolu bil-quddiem tal-kapaċità
Artikolu 8
Ir-reġjuni bil-kapaċità kkalkulata
Għall-finijiet ta' dan ir-Regolament ir-reġjuni bil-kapaċità kkalkulata għandhom ikunu dawk stabbiliti skont l-Artikolu 15 tar-Regolament (UE) 2015/1222.
Artikolu 9
Il-perjodi ta' żmien għall-kapaċità kkalkulata
It-TSOs f'kull reġjun bil-kapaċità kkalkulata għandhom jiżguraw li l-kapaċità transżonali fit-tul tiġi kkalkulata għal kull allokazzjoni bil-quddiem tal-kapaċità u tal-anqas kull sena u kull xahar.
Artikolu 10
Il-metodoloġija tal-kalkolu tal-kapaċità
1. Sa sitt xhur mill-approvazzjoni tal-metodoloġija komuni tal-kalkolu tal-kapaċità koordinata msemmija fl-Artikolu 9(7) tar-Regolament (UE) 2015/1222, it-TSOs kollha f'kull reġjun bil-kapaċità kkalkulata għandhom jippreżentaw proposta għal metodoloġija komuni tal-kalkolu tal-kapaċità għall-perjodi ta' żmien fit-tul fir-reġjun rispettiv. Il-proposta għandha tkun soġġetta għal konsultazzjoni skont l-Artikolu 6.
2. L-approċċ użat fil-metodoloġija komuni tal-kalkolu tal-kapaċità għandu jkun jew approċċ koordinat tal-kapaċità netta ta' trażmissjoni jew approċċ abbażi tal-fluss.
3. Il-metodoloġija tal-kalkolu tal-kapaċità għandha tkun kompatibbli u konsistenti mal-metodoloġija tal-kalkolu tal-kapaċità stabbilita għall-perjodi ta' żmien ta' ġurnata bil-quddiem u tal-istess ġurnata skont l-Artikolu 21(1) tar-Regolament (UE) 2015/1222.
4. L-inċertezza assoċjata mal-perjodi ta' żmien għall-kalkolu tal-kapaċità fit-tul għandha tiġi kunsidrata meta tiġi applikata:
|
(a) |
analiżi tas-sigurtà bbażata fuq xenarji multipli u li tuża l-inputs tal-kalkolu tal-kapaċità, l-approċċ tal-kalkolu tal-kapaċità msemmi fl-Artikolu 21(1)(b) u l-validazzjoni tal-kapaċità transżonali msemmija fl-Artikolu 21(1)(c) tar-Regolament (UE) 2015/1222; jew |
|
(b) |
approċċ statistiku bbażat fuq kapaċità transżonali storika għal perjodi ta' żmien ta' ġurnata bil-quddiem u tal-istess ġurnata jekk ikun jista' jintwera li dan l-approċċ jista':
|
5. It-TSOs kollha f'kull reġjun bil-kapaċità kkalkulata jistgħu japplikaw flimkien l-approċċ abbażi tal-fluss għall-perjodi ta' żmien għall-kalkolu tal-kapaċità fit-tul bil-kundizzjonijiet li ġejjin:
|
(a) |
l-approċċ abbażi tal-fluss iwassal għal żieda fl-effiċjenza ekonomika fir-reġjun(i) bil-kapaċità kkalkulata bl-istess livell ta' sigurtà tas-sistema; |
|
(b) |
it-trasparenza u l-preċiżjoni tar-riżultati abbażi tal-flussi jkunu ġew ikkonfermati fir-reġjun(i) bil-kapaċità kkalkulata; |
|
(c) |
it-TSOs jagħtu ċans ta' sitt xhur lill-parteċipanti fis-suq biex jadattaw il-proċessi tagħhom. |
6. Meta tiġi applikata analiżi tas-sigurtà bbażata fuq xenarji multipli għall-iżvilupp tal-metodoloġija tal-kalkolu tal-kapaċità f'reġjun bil-kapaċità kkalkulata, għandhom japplikaw ir-rekwiżiti għall-inputs tal-kalkolu tal-kapaċità, l-approċċ tal-kalkolu tal-kapaċità u l-validazzjoni tal-kapaċità transżonali kif previst fl-Artikolu 21(1) tar-Regolament (UE) 2015/1222, ħlief l-Artikolu 21(1)(a)(iv) meta rilevanti.
7. Meta tkun qed tiġi żviluppata l-metodoloġijiesa tal-kalkolu tal-kapaċità, għandhom jitqu r-rekwiżiti għall-proċeduri ta' riżerva u r-rekwiżiti previsti fl-Artikolu 21(3) tar-Regolament (UE) 2015/1222.
Artikolu 11
Il-metodoloġija tal-marġini tal-affidabbiltà
Il-proposta għal metodoloġija komuni tal-kalkolu tal-kapaċità għandha tinkludi metodoloġija tal-marġni ta' affidabbiltà li għandha tissodisfa r-rekwiżiti stabbiliti fl-Artikolu 22 tar-Regolament (UE) 2015/1222.
Artikolu 12
Il-metodoloġiji għal-limiti u l-kontinġenzi tas-sigurtà operazzjonali
Il-proposta għal metodoloġija komuni tal-kalkolu tal-kapaċità għandha tinkludi metodoloġiji għal-limiti u l-kontinġenzi tas-sigurtà operazzjonali li għandhom jissodisfaw ir-rekwiżiti stabbiliti fl-Artikolu 23(1) u (2) tar-Regolament (UE) 2015/1222.
Artikolu 13
Il-metodoloġija tal-kjavi għat-trasponiment tal-ġenerazzjoni
Il-proposta għal metodoloġija komuni tal-kalkolu tal-kapaċità għandha tinkludi metodoloġija sabiex jiġu stabbiliti kjavi għat-trasponiment tal-ġenerazzjoni li għandha tissodisfa r-rekwiżiti stabbiliti fl-Artikolu 24 tar-Regolament (UE) 2015/1222.
Artikolu 14
Il-metodoloġija tal-azzjonijiet ta' rimedju
Jekk l-azzjonijiet ta' rimedju jittieħdu inkunsiderazzjoni fil-kalkolu tal-kapaċità fit-tul, kull TSO għandu jiżgura li dawk l-azzjonijiet ta' rimedju jkunu teknikament disponibbli f'operazzjoni f'ħin reali u jissodisfaw ir-rekwiżiti stabbiliti fl-Artikolu 25 tar-Regolament (UE) 2015/1222.
Artikolu 15
Il-metodoloġija tal-validazzjoni tal-kapaċità transżonali
Il-proposta għal metodoloġija komuni tal-kalkolu tal-kapaċità għandha tinkludi metodoloġija tal-validazzjoni transżonali li għandha tissodisfa r-rekwiżiti stabbiliti fl-Artikolu 26 tar-Regolament (UE) 2015/1222.
Artikolu 16
Il-metodoloġija għall-qsim tal-kapaċità transżonali fit-tul
1. Sa mhux aktar tard minn meta titressaq il-metodoloġija tal-kalkolu tal-kapaċità msemmija fl-Artikolu 10, it-TSOs ta' kull reġjun bil-kapaċità kkalkulata għandhom jiżviluppaw proposta b'mod konġunt għal metodoloġija għall-qsim tal-kapaċità transżonali fit-tul b'mod koordinat bejn perjodi ta' żmien fit-tul differenti fi ħdan ir-reġjun rispettiv. Il-proposta għandha tkun soġġetta għal konsultazzjoni skont l-Artikolu 6.
2. Il-metodoloġija għall-qsim tal-kapaċità transżonali fit-tul għandha tkun konformi mal-kundizzjonijiet li ġejjin:
|
(a) |
għandha tissodisfa l-ħtiġijiet ta' ħħeġġjar tal-parteċipanti fis-suq; |
|
(b) |
għandha tkun koerenti mal-metodoloġija tal-kalkolu tal-kapaċità; |
|
(c) |
ma għandhiex twassal għal restrizzjonijiet fil-kompetizzjoni, b'mod partikolari għall-aċċess għal drittijiet tat-trażmissjoni fit-tul. |
Artikolu 17
Il-metodoloġija tal-provvista ta' dejta ta' ġenerazzjoni u tagħbija
1. Sa sitt xhur wara l-approvazzjoni tal-metodoloġija tal-provvista tad-dejta ta' ġenerazzjoni u tagħbija stabbilita għall-perjodi ta' żmien ta' ġurnata bil-quddiem u fl-istess ġurnata msemmija fl-Artikolu 9(6) tar-Regolament (UE) 2015/1222, it-TSOs kollha għandhom jiżviluppaw b'mod konġunt proposta għal metodoloġija unika tal-provvista tad-dejta ta' ġenerazzjoni u tagħbija għat-twassil tad-dejta ta' ġenerazzjoni u tagħbija meħtieġa biex jitwaqqaf il-mudell ta' grilja komuni għall-perjodi ta' żmien fit-tul. Il-proposta għandha tkun soġġetta għal konsultazzjoni skont l-Artikolu 6. Il-metodoloġija għandha tqis u tikkumplimenta l-metodoloġija tal-provvista tad-dejta ta' ġenerazzjoni u tagħbija skont l-Artikolu 16 tar-Regolament (UE) 2015/1222.
2. Meta tkun qed tiġi żviluppata l-metodoloġija tal-provvista tad-dejta ta' ġenerazzjoni u tagħbija, għandhom japplikaw ir-rekwiżiti stabbiliti fl-Artikolu 16 tar-Regolament (UE) 2015/1222.
Artikolu 18
Il-metodoloġija tal-mudell ta' grilja komuni
1. Sa sitt xhur mill-approvazzjoni tal-metodoloġija tal-mudell ta' grilja komuni stabbilita għall-perjodi ta' żmien ta' ġurnata bil-quddiem u fl-istess ġurnata msemmija fl-Artikolu 9(6) tar-Regolament (UE) 2015/1222, it-TSOs kollha għandhom jiżviluppaw proposta b'mod konġunt għal metodoloġija tal-mudell ta' grilja komuni għal perjodi ta' żmien fit-tul. Il-metodoloġija tkun soġġetta għal konsultazzjoni skont l-Artikolu 6.
2. Il-metodoloġija tal-mudell ta' grilja komuni għandha tqis u tikkumplimenta l-metodoloġija tal-mudell ta' grilja komuni żviluppata skont l-Artikolu 17 tar-Regolament (UE) 2015/1222. Il-metodoloġija għandha tippermetti t-twaqqif tal-mudell ta' grilja komuni għall-perjodi ta' żmien għall-kalkolu tal-kapaċità fit-tul f'reġjuni bil-kapaċità kkalkulata fejn tkun qed tiġi applikata analiżi tas-sigurtà bbażata fuq xenarji multipli skont l-Artikolu 10.
3. Meta tkun qed tiġi żviluppata l-metodoloġija tal-mudell ta' grilja komuni, għandhom japplikaw ir-rekwiżiti stabbiliti fl-Artikolu 17 tar-Regolament (UE) 2015/1222.
Artikolu 19
Ix-xenarji
1. It-TSOs kollha f'reġjuni bil-kapaċità kkalkulata, fejn tkun qed tiġi applikata l-analiżi tas-sigurtà bbażata fuq xenarji multipli skont l-Artikolu 10, għandhom jiżviluppaw b'mod konġunt sett komuni ta' xenarji li għandhom jintużaw fil-mudell ta' grilja komuni għal kull perjodu ta' żmien għall-kalkolu tal-kapaċità fit-tul.
2. Meta jkun qed jiġi żviluppat is-sett komuni ta' xenarji, għandhom japplikaw ir-rekwiżiti rilevanti stabbiliti fl-Artikolu 18 tar-Regolament (UE) 2015/1222.
Artikolu 20
Il-mudell ta' grilja individwali
Meta jkun qed jiġi żviluppat il-mudell ta' grilja individwali għal perjodu ta' żmien għall-kalkolu tal-kapaċità fit-tul f'reġjuni bil-kapaċità kkalkulata, fejn tkun qed tiġi applikata l-analiżi tas-sigurtà bbażata fuq xenarji multipli skont l-Artikolu 10, kull TSO għandu japplika r-rekwiżiti stabbiliti fl-Artikolu 19 tar-Regolament (UE) 2015/1222.
Artikolu 21
Id-dispożizzjonijiet ġenerali
1. Il-proċess tal-fużjoni tal-mudelli ta' grilja individwali stabbilit skont l-Artikolu 27 tar-Regolament (UE) 2015/1222 għandu japplika meta l-mudelli ta' grilja individwali jkunu qed jiġu amalgamati fil-mudell ta' grilja komuni għal kull perjodu ta' żmien fit-tul. Sa sitt xhur mill-approvazzjoni tal-metodoloġija tal-provvista tad-dejta ta' ġenerazzjoni u tagħbija għal perjodi ta' żmien fit-tul imsemmija fl-Artikolu 17 u tal-metodoloġija tal-mudell tal-grilja komuni għal perjodi ta' żmien fit-tul imsemmija fl-Artikolu 18, it-TSOs kollha f'kull reġjun bil-kapaċità kkalkulata għandhom jiżviluppaw b'mod konġunt regoli operazzjonali għall-perjodi ta' żmien għall-kalkolu tal-kapaċità fit-tul li jissupplimentaw ir-regoli definiti għall-operazzjoni tal-fużjoni tal-mudelli ta' grilja individwali skont l-Artikolu 27 tar-Regolament (UE) 2015/1222.
2. Il-kalkolaturi tal-kapaċità koordinata stabbiliti fl-Artikolu 27 tar-Regolament (UE) 2015/1222 għandhom jikkalkulaw il-kapaċitajiet transżonali fit-tul għar-reġjun bil-kapaċità kkalkulata tagħhom. Għal dan il-għan, sa sitt xhur mill-aprovazzjoni tal-metodoloġija tal-kalkolu tal-kapaċità għal perjodi ta' żmien fit-tul imsemmija fl-Artikolu 10, it-TSOs kollha f'kull reġjun bil-kapaċità kkalkulata għandhom jiżviluppaw b'mod konġunt regoli operazzjonali għall-perjodi ta' żmien għall-kalkolu tal-kapaċità fit-tul li jissupplimentaw ir-regoli definiti għall-operazzjoni tal-kalkolaturi tal-kapaċità koordinata skont l-Artikolu 27 tar-Regolament (UE) 2015/1222.
3. Għall-perjodi ta' żmien għall-kalkolu tal-kapaċità fit-tul għandhom japplikaw ir-rekwiżiti rilevanti stabbiliti fl-Artikolu 27 tar-Regolament (UE) 2015/1222.
Artikolu 22
Il-ħolqien ta' mudell ta' grilja komuni
Il-proċess u r-rekwiżiti stabbiliti fl-Artikolu 28 tar-Regolament (UE) 2015/1222 għall-ħolqien ta' mudell ta' grilja komuni għandu japplika meta jkun qed jinħoloq il-mudell ta' grilja komuni għall-perjodi ta' żmien għall-kalkolu tal-kapaċità fit-tul f'reġjuni bil-kapaċità kkalkulata, fejn tkun ġiet applikata l-analiżi tas-sigurtà bbażata fuq xenarji multipli skont l-Artikolu 10.
Artikolu 23
Kolkoli reġjonali għall-kapaċitajiet transżonali fit-tul
1. Meta t-TSOs japplikaw approċċ statistiku skont l-Artikolu 10, il-proċess għall-kalkolu tal-kapaċità transżonali fit-tul tal-inqas għandu jinkludi:
|
(a) |
għażla ta' settijiet ta' dejta storika dwar il-kapaċità transżonali tal-ġurnata bil-quddiem jew tal-istess ġurnata minn perjodu uniku jew minn sett ta' perjodi u jirranġaw id-dejta f'kurva tal-ħin; |
|
(b) |
kalkolu tal-kapaċità li jikkorrispondi mal-livell tar-riskju għas-sett tad-dejta magħżul; |
|
(c) |
kalkolu tal-kapaċità transżonali fit-tul li ser tiġi offruta għall-allokazzjoni bil-quddiem tal-kapaċità filwaqt li jitqies marġni biex tiġi riflessa d-differenza bejn il-valuri storiċi tal-kapaċità transżonali u l-valuri previsti tal-kapaċità transżonali fit-tul; |
|
(d) |
regoli komuni biex jittieħed kont ta' informazzjoni disponibbli dwar perjodi pjanati ta' qtugħ, infrastruttura ġdida u mudell tal-ġenerazzjoni u tat-tagħbija għall-perjodi ta' żmien għall-kalkolu tal-kapaċità fit-tul. |
2. Meta t-TSOs japplikaw l-analiżi tas-sigurtà bbażata fuq diversi xenarji skont l-Artikolu 10, għall-perjodi ta' żmien għall-kalkolu tal-kapaċità fit-tul f'reġjuni bil-kapaċità kkalkulata għandhom japplikaw ir-rekwiżiti stabbiliti fl-Artikolu 29 tar-Regolament (UE) 2015/1222, ħlief l-Artikolu 29(4) meta rilevanti.
3. Kull kalkolatur tal-kapaċità koordinata għandu jaqsam il-kalkolu tal-kapaċità transżonali fit-tul għal kull allokazzjoni bil-quddiem tal-kapaċità billi japplika l-metodoloġija għall-qsim tal-kapaċità transżonali skont l-Artikolu 16.
4. Kull kalkolatur tal-kapaċità koordinata għandu jippreżenta l-kalkolu tal-kapaċità transżonali fit-tul u l-qsim tal-kapaċità transżonali fit-tul għal validazzjoni lil kull TSO fir-reġjun rilevanti bil-kapaċità kkalkulata skont l-Artikolu 24.
Artikolu 24
Il-validazzjoni u t-twassil tal-kapaċità transżonali fit-tul u l-qsim tal-kapaċità transżonali
1. Kull TSO għandu jivvalida r-riżultati tal-kalkolu tal-kapaċità transżonali fit-tul fil-konfini taż-żona tal-offerti tiegħu jew l-elementi kruċjali tan-netwerk għal kull perjodu ta' żmien għall-kalkolu tal-kapaċità fit-tul skont l-Artikolu 15.
2. Kull TSO għandu jivvalida r-riżultati tal-kalkolu għall-qsim tal-kapaċità transżonali fit-tul fil-konfini taż-żona tal-offerti tiegħu jew l-elementi kruċjali tan-netwerk skont l-Artikolu 16.
3. Kull TSO għandu jibgħat il-validazzjoni tal-kapaċità u l-qsim validat ta' din il-kapaċità għal kull allokazzjoni bil-quddiem tal-kapaċità lill-kalkolaturi tal-kapaċità koordinata rilevanti u lit-TSOs l-oħra ta-reġjuni rilevanti bil-kapaċità kkalkulata.
4. Kull kalkolatur tal-kapaċità koordinata għandu jipprovdi l-qsim validat tal-kapaċità transżonali fit-tul għat-twettiq tal-allokazzjoni bil-quddiem tal-kapaċità skont l-Artikolu 29.
5. Fuq talba, it-TSOs għandhom jipprovdu lill-awtoritajiet regolatorji tagħhom rapport bid-dettalji dwar kif kien inkiseb il-valur tal-kapaċità transżonali fit-tul għal perjodu ta' żmien speċifiku għall-kalkolu tal-kapaċità fit-tul.
Artikolu 25
Tnaqqis koordinat tal-kapaċità transżonali
1. It-TSOs għandhom jikkoordinaw it-tnaqqis tal-kapaċità transżonali fit-tul li tkun diġà ġiet allokata, jekk it-tnaqqis ikun jittratta perjodu itwal minn 48 siegħa qabel jibda jum it-twassil. Jekk jonqsu d-drittijiet tat-trażmissjoni fit-tul, inkluż in-nomini fir-rigward ta' dawn id-drittijiet, sa 48 siegħa qabel jibda jum it-twassil, it-TSOs f'kull reġjun bil-kapaċità kkalkulata għandhom japplikaw il-proċess ta' kalkolu tal-kapaċità ta' ġurnata bil-quddiem u tal-istess ġurnata kif imsemmi fl-Artikolu 29 tar-Regolament (UE) 2015/1222.
2. Jekk TSO jkun jeħtieġ inaqqas kapaċità transżonali fit-tul li tkun diġà ġiet allokata, għandu jibgħat talba lill-kalkulatur tal-kapaċità koordinata responsabbli biex iniedi l-kalkolu koordinat tat-tnaqqis meħtieġ tal-kapaċità transżonali fit-tul għar-reġjun bil-kapaċità kkalkulata. It-TSO għandu jsostni t-talba tiegħu bl-informazzjoni kollha rilevanti.
3. Il-kalkulatur tal-kapaċità koordinata għandu jipprovdi l-kapaċità transżonali aġġornata lit-TSOs rilevanti għall-validazzjoni.
4. Kull TSO għandu jivvalida l-kapaċità transżonali aġġornata fil-konfini taż-żona tal-offerti tiegħu jew l-elementi kruċjali tan-netwerk skont l-Artikolu 24.
5. Il-kalkulatur tal-kapaċità koordinata għandu jipprovdi l-kapaċità transżonali aġġornata u validata lit-TSOs rilevanti u lill-pjattaforma unika ta' allokazzjoni biex isir it-tnaqqis skont l-Artikolu 53.
Artikolu 26
Rapport biennali dwar il-kalkolu u l-allokazzjoni tal-kapaċità
1. Sa sentejn minn meta dan ir-Regolament jidħol fis-seħħ, in-Netwerk Ewropew għall-Operaturi tas-Sistema ta' Trażmissjoni tal-Elettriku għandu jħejji abbozz ta' rapport dwar il-kalkolu u l-allokazzjoni tal-kapaċità fit-tul u jippreżentah lill-Aġenzija.
2. Jekk l-Aġenzija titlob dan, f'kull tieni sena sussegwenti, in-Netwerk Ewropew għall-Operaturi tas-Sistema ta' Trażmissjoni tal-Elettriku għandu jħejji rapport dwar il-kalkolu u l-allokazzjoni tal-kapaċità fit-tul. Jekk applikabbli, dan ir-rapport għandu jiġi preżentat lill-Aġenzija flimkien mar-rapport biennali dwar il-kalkolu tal-kapaċità u l-allokazzjoni skont l-Artikolu 31 tar-Regolament (UE) 2015/1222.
3. Għal kull żona tal-offerti, konfini taż-żona tal-offerti u reġjun tal-kalkolu tal-kapaċità, ir-rapport dwar il-kalkolu tal-kapaċità u l-allokazzjoni għandu ta' mill-anqas jinkludi:
|
(a) |
l-approċċ tal-kalkolu tal-kapaċità użat; |
|
(b) |
l-indikaturi statistiċi dwar il-marġni ta' affidabbiltà; |
|
(c) |
l-indikaturi statistiċi dwar il-kapaċità transżonali, fejn xieraq għal kull perjodu ta' żmien għall-kalkolu tal-kapaċità; |
|
(d) |
l-indikaturi tal-kwalità għall-informazzjoni użata fil-kalkolu tal-kapaċità; |
|
(e) |
meta jkun xieraq, miżuri proposti sabiex jitjieb il-kalkolu tal-kapaċità; |
|
(f) |
rakkomandazzjonijiet għal aktar żvilupp tal-kalkolu bil-quddiem tal-kapaċità, inkluż aktar armonizzazzjoni tal-metodoloġiji, tal-proċessi u tal-arranġamenti ta' governanza. |
4. Wara konsultazzjoni mal-Aġenzija, it-TSOs kollha għandhom jiftiehmu b'mod konġunt dwar l-istatistika u l-indikaturi tal-kwalità għar-rapport. L-Aġenzija tista' titlob l-emenda ta' dawk l-indikaturi, qabel il-ftehim mit-TSOs u matul l-applikazzjoni tagħhom.
5. L-Aġenzija għandha tiddeċiedi jekk tippubblikax ir-rapport biennali kollu jew parti minnu.
IL-KAPITOLU 2
Iż-żoni tal-offerti
Artikolu 27
Id-dispożizzjonijiet ġenerali
1. Iż-żoni tal-offerti applikabbli għal negozjar ta' ġurnata bil-quddiem u tal-istess ġurnata għandhom japplikaw għall-kalkolu u l-allokazzjoni bil-quddiem tal-kapaċità.
2. Meta ma jkunx għadu jeżisti konfini taż-żona tal-offerti, id-detenturi tad-drittijiet tat-trażmissjoni fit-tul f'dak il-konfini taż-żona tal-offerti għandhom ikunu intitolati għal rimborż mingħand it-TSOs ikkonċernati li jkun bbażat fuq il-prezz inizjali mħallas għad-drittijiet tat-trażmissjoni fit-tul.
IL-KAPITOLU 3
L-allokazzjoni bil-quddiem tal-kapaċità
Artikolu 28
Il-prinċipji ġenerali
L-allokazzjoni bil-quddiem tal-kapaċità għandha ssir b'tali mod li:
|
(a) |
tuża l-prinċipju tal-ipprezzar marġinali biex jinkisbu riżultati għal kull konfini taż-żona tal-offerti, direzzjoni tal-utilizzazzjoni u unità ta' żmien tas-suq; |
|
(b) |
talloka mhux aktar mill-kapaċità transżonali fit-tul offruta skont l-Artikolu 39; |
|
(c) |
tkun tista' tiġi ripetuta. |
Artikolu 29
Inputs u riżultati
1. Il-pjattaforma unika ta' allokazzjoni għandha tuża l-inputs li ġejjin biex tiġi determinata l-allokazzjoni bil-quddiem tal-kapaċità skont il-paragrafu 2:
|
(a) |
qsim validat tal-kapaċità transżonali fit-tul ippreżentat minn kull kalkolatur tal-kapaċità koordinata u l-kapaċitajiet assoċjati ma' drittijiet tat-trażmissjoni fit-tul li jkunu ġew ritornati lura skont l-Artikolu 43; |
|
(b) |
offerti preżentati minn parteċipanti fis-suq. |
2. Għal kull allokazzjoni bil-quddiem tal-kapaċità, il-pjattaforma unika ta' allokazzjoni għandha simultanjament tiddetermina tal-anqas ir-riżultati li ġejjin għal kull konfini taż-żona tal-offerti, direzzjoni tal-utilizzazzjoni u unità ta' żmien tas-suq:
|
(a) |
il-volum tad-drittijiet tat-trażmissjoni fit-tul allokati espress f'MW; |
|
(b) |
il-prezz tad-drittijiet tat-trażmissjoni fit-tul skont l-Artikolu 40; |
|
(c) |
l-istatus ta' eżekuzzjoni tal-offerti. |
3. Il-pjattaforma unika ta' allokazzjoni għandha tiżgura li r-riżultati tal-irkant ikunu preċiżi.
4. Kull TSO għandu jiżgura li r-riżultati tal-irkant ikunu konsistenti mal-inputs provduti lill-pjattaforma unika ta' allokazzjoni skont il-paragrafu 1.
Artikolu 30
Id-deċiżjoni fuq l-opportunitajiet ta' iħħeġġjar kontra r-riskju transżonali
1. It-TSOs fil-konfini taż-żona tal-offerti għandhom joħorġu drittijiet tat-trażmissjoni fit-tul sakemm l-awtoritajiet regolatorji kompetenti tal-konfini taż-żona tal-offerti ma jkunux adottaw deċiżjonijiet koordinati biex ma jinħarġux drittijiet tat-trażmissjoni fit-tul fil-konfini taż-żona tal-offerti. Meta jiġu biex jadottaw id-deċiżjonijiet tagħhom, l-awtoritajiet regolatorji kompetenti tal-konfini taż-żona tal-offerti għandhom jikkonsultaw lill-awtoritajiet regolatorji tar-reġjun rilevanti bil-kapaċità kkalkulata u jqisu kif xieraq il-fehmiet tagħhom.
2. Jekk meta jidħol fis-seħħ dan ir-Regolament ma jkunux jeżistu drittijiet tat-trażmissjoni fit-tul f'konfini taż-żona tal-offerti, sa sitt xhur minn meta jidħol fis-seħħ dan ir-Regolament l-awtoritajiet regolatorji kompetenti tal-konfini taż-żona tal-offerti għandhom jadottaw deċiżjonijiet koordinati dwar l-introduzzjoni ta' drittijiet tat-trażmissjoni fit-tul.
3. Id-deċiżjonijet skont il-paragrafi 1 u 2 għandhom ikunu bbażati fuq valutazzjoni, li għandha tidentifika jekk is-suq forward tal-elettriku jipprovdix biżżejjed opportunitajiet ta' ħħeġġjar fiż-żoni tal-offerti konċernati. Il-valutazzjoni għandha ssir b'mod koordinat mill-awtoritajiet regolatorji kompetenti tal-konfini taż-żona tal-offerti u tal-inqas agħandha tinkludi:
|
(a) |
konsultazzjoni mal-parteċipanti fis-suq dwar il-ħtiġijiet tagħhom għal opportunitajiet ta' iħħeġġjar kontra riskju transżonali fil-konfini taż-żona tal-offerti konċernat(i); |
|
(b) |
evalwazzjoni. |
4. L-evalwazzjoni msemmija fil-paragrafu 3(b) għandha tinvestiga l-funzjonament tas-swieq tal-elettriku bl-ingrossa u għandha tkun ibbażata fuq kriterji trasparenti li mill-anqas jinkludu:
|
(a) |
analiżi dwar jekk il-prodotti jew il-kombinazzjoni ta' prodotti offruti fis-swieq forward jirrapreżentawx ħeġġ kontra l-volatilità tal-prezz ta' ġurnata bil-quddiem taż-żona tal-offerti konċernata. Dan il-prodott jew il-kombinazzjoni ta' prodotti għandhom jitqiesu bħala ħeġġ xieraq kontra r-riskju ta' tibdil fil-prezz ta' ġurnata bil-quddiem taż-żona tal-offerti konċernata meta jkun hemm korrelazzjoni suffiċjenti bejn il-prezz ta' ġurnata bil-quddiem taż-żona tal-offerti konċernata u l-prezz sottostanti li abbażi tiegħu l-prodott jew il-kombinazzjoni ta' prodotti jiġu saldati; |
|
(b) |
analiżi dwar jekk il-prodotti jew il-kombinazzjoni ta' prodotti offruti fi swieq forward humiex effiċjenti. Għal dan il-għan, tal-anqas għandhom jiġu eżaminati l-indikaturi li ġejjin:
|
5. Jekk il-valutazzjoni msemmija fil-paragrafu 3 turi li ma hemmx biżżejjed opportunitajiet ta' ħħeġġjar f'żona waħda jew f'aktar żoni tal-offerti, l-awtoritajiet regolatorji kompetenti għandhom jitolbu lit-TSOs rilevanti:
|
(a) |
biex joħorġu drittijiet ta' trażmissjoni fit-tul; jew jew |
|
(b) |
biex jiżguraw li jagħmlu disponibbli prodotti oħrajn tal-iħħeġġjar transżonali fit-tul biex jappoġġjaw il-funzjonament tas-swieq tal-elettriku bl-ingrossa. |
6. Jekk l-awtoritajiet regolatorji kompetenti jagħżlu li jagħmlu talba kif jissemma fil-paragrafu 5(b), it-TSOs rilevanti għandhom jiżviluppaw l-arranġamenti meħtieġa u jippreżentawhom għall-approvazzjoni tal-awtoritajiet regolatorji kompetenti sa sitt xhur wara t-talba mill-awtoritajiet regolatorji kompetenti. Dawk l-arranġamenti meħtieġa għandhom jiġu implimentati sa sitt xhur wara l-approvazzjoni mill-awtoritajiet regolatorji kompetenti. Meta jitolbuhom it-TSOs rilevanti, l-awtoritajiet regolatorji kompetenti jistgħu jżidu ż-żmien għall-implimentazzjoni sa b'mhux aktar minn 6 xhur.
7. Meta l-awtoritajiet regolatorji jiddeċiedu li d-drittijiet tat-trażmissjoni fit-tul ma għandhomx jinħarġu mit-TSOs rispettivi jew li t-TSOs rispettivi għandhom jagħmlu disponibbli l-prodotti transżonali l-oħra ta' ħħeġġjar fit-tul, l-Artikoli 16, 28, 29, 31 sa 57, 59 u 61 ma għandhomx japplikaw għat-TSOs tal-konfini taż-żona tal-offerti.
8. B'talba konġunta mit-TSOs tal-konfini taż-żona tal-offerti jew b'inizjattiva tagħhom stess, u tal-anqas kull 4 snin, l-awtoritajiet regolatorji kompetenti tal-konfini taż-żona tal-offerti f'kooperazzjoni mal-Aġenzija, għandhom iwettqu valutazzjoni skont il-paragrafi 3 sa 5.
Artikolu 31
It-tfassil reġjonali tad-drittijiet tat-trażmissjoni fit-tul
1. Il-pjattaforma ta' allokazzjoni għandha talloka kapaċità transżonali fit-tul lill-parteċipanti fis-suq fil-forma ta' drittjiet fiżiċi tat-trażmissjoni skont il-prinċipju UIOSI jew fil-forma ta' FTRs — opzjonijiet jew FTRs — obbligi.
2. It-TSOs kollha li joħorġu drittijiet tat-trażmissjoni fit-tul għandhom joffru kapaċità transżonali fit-tul, permezz tal-pjattaforma unika ta' allokazzjoni, lill-parteċipanti fis-suq tal-anqas kull sena u kull xahar. It-TSOs kollha f'kull reġjun bil-kapaċità kkalkulata jistgħu b'mod konġunt jipproponu li joffru kapaċità transżonali fit-tul fuq perjodi ta' żmien addizzjonali.
3. Sa sitt xhur minn meta dan ir-Regolament jidħol fis-seħħ, it-TSOs f'kull reġjun bil-kapaċità kkalkulata fejn ikunu jeżistu drittijiet tat-trażmissjoni fit-tul għandhom jiżviluppaw proposta b'mod konġunt għat-tfassil reġjonali ta' drittijiet tat-trażmissjoni fit-tul li għandha tinħareġ dwar kull konfini taż-żona tal-offerti fir-reġjun bil-kapaċità kkalkulata.
Sa sitt xhur wara wara li jittieħdu d-deċiżjonijiet koordinati tal-awtoritajiet regolatorji tal-konfini taż-żona tal-offerti biex jiddaħħlu d-drittijiet tat-trażmissjoni fit-tul skont l-Artikolu 30(2), it-TSOs tar-reġjun bil-kapaċità kalkolata konċernat għandhom jiżviluppaw proposta b'mod konġunt għat-tfassil reġjonali tad-drittijiet tat-trażmissjoni fit-tul li għandhom jinħarġu f'kull konfini taż-żona tal-offerti fir-reġjun konċernat bil-kapaċità kalkolata.
L-awtoritajiet regolatorji fl-Istat Membri fejn it-tfassil reġjonali attwali tad-drittijiet tat-trażmissjoni fit-tul hu parti minn arranġament għar-ridispaċċ transkonfinali ta' TSO għall-fini biex ikun żgurat li l-operazzjoni tibqa' ssir fil-limiti tas-sigurtà operattiva, jistgħu jiddeċiedu li jżommu drittjiet fiżiċi tat-trażmissjoni fit-tul fil-konfini taż-żona tal-offerti tagħha.
4. Il-proposta msemmija fil-paragrafu 3 għandha tinkludi skeda taż-żmien għall-implimentazzjoni u tal-anqas id-deskrizzjoni ta' dawn l-affarijiet speċifikati fir-regoli ta' allokazzjoni:
|
(a) |
it-tip tad-drittijiet tat-trażmissjoni fit-tul; |
|
(b) |
il-perjodu ta' żmien għall-allokazzjoni bil-quddiem tal-kapaċità; |
|
(c) |
il-forma tal-prodott (tagħbija bażi, tagħbija fil-ħinijiet l-aktar intensivi, tagħbija fis-sigħat kwieti); |
|
(d) |
il-konfini taż-żona tal-offerti koperti. |
5. Il-proposti għandhom ikunu soġġetti għal konsultazzjoni skont l-Artikolu 6. Biex jinħarġu d-drittijiet tat-trażmissjoni fit-tul proposti, kull TSO għandu jqis kif xieraq ir-riżultat tal-konsultazzjoni.
6. Mhijiex permessal-allokazzjoni ta' drittjiet fiżiċi ta' trażmissjoni u ta' FTRs — opzjonijiet b'mod parallel fl-istess konfini taż-żona tal-offerti. Mhijiex permessal-allokazzjoni ta' drittijiet fiżiċi ta' trażmissjoni u FTRs — obbligi b'mod parallel fl-istess konfini taż-żona tal-offerti.
7. Tista' ssir reviżjoni tad-drittijiet tat-trażmissjoni fit-tul f'konfini ta' żona tal-offerti minn:
|
(a) |
l-awtoritajiet regolatorji kollha tal-konfini taż-żona tal-offerti, b'inizjattiva tagħhom stess; jew |
|
(b) |
l-awtoritajiet regolatorji kollha ta' konfini taż-żona tal-offerti abbażi ta' rakkomandazzjoni mill-Aġenzija jew minn talba konġunta mit-TSOs kollha tal-konfini taż-żona tal-offerti konċernati. |
8. It-TSOs kollha f'kull reġjun bil-kapaċità kalkolata għandhom ikunu responsabbli għat-twettiq tar-reviżjoni kif previst fil-paragrafu 9.
9. Kull TSO involut fir-reviżjoni tad-drittijiet tat-trażmissjoni fit-tul għandu:
|
(a) |
jivvaluta d-drittijiet tat-trażmissjoni fit-tul offruti billi jqis il-karatteristiċi fil-paragrafu 4; |
|
(b) |
jekk dan jitqies neċessarju, jipproponi drittijiet tat-trażmissjoni fit-tul alternattivi, billi jqis ir-riżultat tal-valutazzjoni fis-subparagrafu (a); |
|
(c) |
iwettaq konsultazzjoni skont l-Artikolu 6 dwar:
|
10. Wara l-konsultazzjoni msemmija fil-paragrafu 9(c) u fi żmien tliet xhur mill-ħruġ tad-deċiżjoni biex tinbeda reviżjoni, it-TSOs tar-reġjun bil-kapaċità kkalkulata konċernat għandhom jippreżentaw proposta b'mod konġunt lill-awtoritajiet regolatorji kompetenti biex jinżamm jew jiġi emendat it-tip ta' drittijiet tat-trażmissjoni fit-tul.
Artikolu 32
Id-drittijiet fiżiċi tat-trażmissjoni
1. Kull detentur ta' dritt fiżiku tat-trażmissjoni għandu jkun intitolat li jinnomina d-drittjiet fiżiċi tat-trażmissjoni kollha tiegħu jew parti minnhom skont l-Artikolu 36.
2. Meta d-detenturi ta' drittijiet fiżiċi ta' trażmissjoni ma jagħmlux nomina sal-iskadenza speċifikata fir-regoli dwar in-nomina, għandhom ikunu intitolati li jiksbu renumerazzjoni skont l-Artikolu 35.
Artikolu 33
Id-drittijiet tat-trażmissjoni finanzjarja — opzjonijiet
1. Id-detenturi ta' FTRs — opzjonijiet għandhom ikunu intitolati li jingħataw rimunerazzjoni skont l-Artikolu 35.
2. L-implimentazzjoni ta' FTRs — opzjonijiet għandha tkun soġġetta għall-applikazzjoni tal-akkoppjament tal-prezz ta' ġurnata bil-quddiem skont Artikoli 38 sa 50 tar-Regolament (UE) 2015/1222.
Artikolu 34
Id-drittijiet tat-trażmissjoni finanzjarja — obbligi
1. Id-detenturi ta' FTRs — obbligi għandhom ikunu intitolati li jirċievu jew ikunu obbligati jħallsu r-rimunerazzjoni finanzjarja skont l-Artikolu 35.
2. L-implimentazzjoni ta' FTRs — obbligi għandha tkun soġġetta għall-applikazzjoni tal-akkoppjament tal-prezz ta' ġurnata bil-quddiem skont l-Artikoli 38 sa 50 tar-Regolament (UE) 2015/1222.
Artikolu 35
Il-prinċipji għar-renumerazzjoni tad-drittijiet tat-trażmissjoni fit-tul
1. It-TSOs rilevanti li jwettqu l-allokazzjoni tad-drittijiet tat-trażmissjoni fil-konfini taż-żona tal-offerti permezz tal-pjattaforma unika ta' allokazzjoni għandhom iħallsu lid-detenturi tad-drittijiet tat-trażmissjoni fit-tul fil-każ li d-differenza fil-prezz tkun pożittiva fid-direzzjoni tad-drittijiet tat-trażmissjoni fit-tul.
2. Id-detenturi ta' FTRs — obbligi għandhom iħallsu lit-TSOs rilevanti permezz tal-pjattaforma unika ta' allokazzjoni allokazzjoni tad-drittijiet ta' trażmissjoni fil-konfini taż-żona tal-offerti fil-każ li d-differenza fil-prezz tkun negattiva fid-direzzjoni tal-FTRs — obbligi.
3. Ir-remunerazzjoni tad-drittijiet tat-trażmissjoni fit-tul fil-paragrafi 1 u 2 għandha tkun konformi mal-prinċipji li ġejjin:
|
(a) |
fejn il-kapaċità transżonali tiġi allokata permezz ta' allokazzjoni impliċita jew permezz ta' metodu ieħor li jirriżulta minn sitwazzjoni ta' riżerva fil-perjodu ta' żmien tal-ġurnata bil-quddiem, ir-rimunerazzjoni tad-drittijiet tat-trażmissjoni fit-tul għandha tkun daqs il-firxa tas-suq; |
|
(b) |
fejn il-kapaċità transżonali tiġi allokata permezz ta' rkant espliċitu fil-perjodu ta' żmien tal-ġurnata bil-quddiem, ir-rimunerazzjoni tad-drittijiet tat-trażmissjoni fit-tul għandha tkun daqs il-prezz tal-ikklerjar tal-irkant ta' kuljum. |
4. Jekk fil-proċess ta' allokazzjoni tal-kapaċità ta' ġurnata bil-quddiem ikunu ddaħħlu limiti fl-allokazzjoni fuq interkonnessjonijiet bejn żoni tal-offerti f'konformità mal-Artikolu 23(3) tar-Regolament (UE) 2015/1222, dawn għandhom jitqiesu għall-kalkolu tar-remunerazzjoni tad-drittijiet tat-trażmissjoni fit-tul skont il-paragrafu 3.
Artikolu 36
Id-dispożizzjonijiet ġenerali għan-nomina tad-drittijiet fiżiċi tat-trażmissjoni
1. Meta TSOs joħorġu u japplikaw drittjiet fiżiċi ta' trażmissjoni fil-konfini taż-żona tal-offerti, għandhom jippermettu lid-detenturi ta' drittjiet fiżiċi ta' trażmissjoni u/jew il-kontropartijiet tagħhom li jinnominaw l-iskedi tagħhom għall-iskambju tal-elettriku. Id-detenturi ta' drittjiet fiżiċi ta' trażmissjoni jistgħu jawtorizzaw lil partijiet terzi eliġibbli biex jinnominaw l-iskedi tagħhom għall-iskambju tal-elettriku f'isimhom f'konformità mar-regoli dwar in-nomina skont paragrafu 3.
2. Mhux aktar tard minn tnax-il xahar mid-dħul fis-seħħ ta' dan ir-Regolament, it-TSOs kollha li joħorġu drittijiet fiżiċi ta' trażmissjoni fil-konfini taż-żona tal-offerti għandhom jissottomettu għall-approvazzjoni tal-awtoritajiet regolatorji rilevanti proposta għal regoli dwar in-nomina għall-iskedi għall-iskambju tal-elettriku bejn iż-żoni tal-offerti. Il-proposta għandha tkun soġġetta għal konsultazzjoni skont l-Artikolu 6. Ir-regoli dwar in-nomina għandu jkun fihom tal-anqas l-informazzjoni li ġejja:
|
(a) |
l-intitolament ta' detentur ta' drittijiet fiżiċi ta' trażmissjoni li jinnomina l-iskedi għall-iskambju tal-elettriku; |
|
(b) |
ir-rekwiżiti tekniċi minimi biex issir nomina; |
|
(c) |
deskrizzjoni tal-proċess ta' nomina; |
|
(d) |
iż-żmien tan-nomina; |
|
(e) |
il-format tan-nomina u l-komunikazzjoni. |
3. It-TSOs kollha għandhom progressivament jarmonizzaw ir-regoli dwar in-nomina fil-konfini taż-żona tal-offerti kollha li fihom jiġu applikati d-drittijiet fiżiċi ta' trażmissjoni.
4. Id-detenturi ta' drittijiet fiżiċi ta' trażmissjoni, il-kontropartijiet tagħhom fejn applikabbli jew parti terza awtorizzata li tkun qed taġixxi f'isimhom għandha tinnomina d-drittijiet fiżiċi ta' trażmissjoni kollha jew parti minnhom bejn iż-żoni tal-offerti f'konformità mar-regoli dwar in-nomina.
5. Fil-każ ta' limitazzjonijiet ta' allokazzjoni fuq interkonnessjonijiet bejn żoni tal-offerti jkun ġie inkluż fil-proċess ta' allokazzjoni tal-kapaċità ta' ġurnata bil-quddiem f'konformità mal-Artikolu 23(3) tar-Regolament (UE) 2015/1222, dawn għandhom jitqiesu fil-proposta għar-regoli dwar in-nomina msemmija fl-paragrafu 2.
Artikolu 37
It-termini u l-kundizzjonijiet għall-parteċipazzjoni fl-allokazzjoni bil-quddiem tal-kapaċità
1. Il-parteċipanti fis-suq għandhom ikunu reġistrati mal-pjattaforma unika ta' allokazzjoni u jissodisfaw ir-rekwiżiti kollha ta' eliġibbiltà skont ir-regoli armonizzati ta' allokazzjoni qabel ma jkunu intitolati li jipparteċipaw fl-irkanti jew jittrasferixxu d-drittijiet tagħhom tat-trażmissjoni fit-tul. Ir-rekwiżiti ta' eliġibbiltà għandhom ikunu konformi mal-prinċipji ta' nuqqas ta' diskriminazzjoni u ta' trasparenza.
2. Meta parteċipant jitlob reġistrazzjoni, il-pjattaforma unika ta' allokazzjoni għandha tinnotifika lill-parteċipant fis-suq jekk ikunx jissodisfa r-rekwiżiti kollha ta' eliġibbiltà u jekk hux intitolat li jipparteċipa fl-irkanti jew li jittrasferixxi d-drittijiet tiegħu tat-trażmissjoni fit-tul minn data speċifikata.
3. Il-parteċipanti fis-suq għandhom jikkonformaw bis-sħiħ mar-regoli armonizzati ta' allokazzjoni. Għandhom iżommu l-informazzjoni kollha relatata mal-parteċipazzjoni tagħhom aġġornata u jinnotifikaw lill-pjattaforma unika ta' allokazzjoni dwar kwalunkwe tibdil għal din l-informazzjoni mingħajr dewmien.
4. Meta parteċipant fis-suq jikser l-obbligi kuntrattwali tiegħu skont ir-regoli armonizzati ta' allokazzjoni, il-pjattaforma unika ta' allokazzjoni għandha tkun tista' tissospendi jew tirtira d-dritt tiegħu li jieħu sehem fl-irkanti jew li jittrasferixxi d-drittijiet tiegħu tat-trażmissjoni fit-tul.
5. Is-sospensjoni jew l-irtirar tad-dritt tal-parteċipant fis-suq li jieħu sehem fl-irkanti jew li jittrasferixxi d-dritt tiegħu tat-trażmissjoni fit-tul skont ir-regoli armonizzati ta' allokazzjoni ma għandux jeżonera lill-parteċipant fis-suq jew lill-pjattaforma unika ta' allokazzjoni mill-obbligi li joħorġu mid-drittijiet tat-trażmissjoni fit-tul li jkunu ġew allokati u mħallsin qabel is-sospensjoni jew l-irtirar.
Artikolu 38
Id-dejta tal-input ippreżentata fil-pjattaforma unika ta' allokazzjoni
Kull TSO għandu jiżgura li l-qsim validat tal-kapaċità transżonali fit-tul jiġi preżentat lill-pjattaforma unika ta' allokazzjoni qabel il-pubblikazzjoni tal-ispeċifikazzjoni tal-irkant skont l-Artikolu 39.
Artikolu 39
It-tħaddim tal-allokazzjoni bil-quddiem tal-kapaċità
1. Mhux aktar tard miż-żmien speċifikat fir-regoli armonizzati ta' allokazzjoni għal kull allokazzjoni bil-quddiem tal-kapaċità, speċifikazzjoni ta' rkant li tal-anqas ikun fiha l-informazzjoni li ġejja għandha tiġi definita u pubblikata fuq il-pjattaforma unika ta' allokazzjoni:
|
(a) |
id-data u l-ħin tal-ftuħ u l-għeluq tal-irkant; |
|
(b) |
il-qsim validat tal-kapaċità transżonali fit-tul u t-tip ta' drittijiet tat-trażmissjoni fit-tul li se jiġu rkantati; |
|
(c) |
il-format tal-offerti; |
|
(d) |
id-data u l-ħin tal-pubblikazzjoni tar-riżultati tal-irkant; |
|
(e) |
il-perjodu li matulu jistgħu jiġu kontestati r-riżultati tal-irkant. |
2. Il-kapaċità transżonali fit-tul ippubblikata ma għandhiex tiġi modifikata f'perjodu qabel l-għeluq tal-irkant. Ir-regoli armonizzati ta' allokazzjoni għandhom jispeċifikaw dak il-perjodu.
3. Kull parteċipant fis-suq għandu jippreżenta l-offerti tiegħu lill-pjattaforma unika ta' allokazzjoni qabel il-ħin tal-għeluq u skont il-kundizzjonijiet stabbiliti fl-ispeċifikazzjoni tal-irkant.
4. Il-pjattaforma unika ta' allokazzjoni għandha tiżgura l-kunfidenzjalità tal-offerti preżentati.
Artikolu 40
L-ipprezzar tad-drittijiet tat-trażmissjoni fit-tul
Il-prezz tad-drittijiet tat-trażmissjoni fit-tul għal kull konfini taż-żona tal-offerti, direzzjoni ta' utilizzazzjoni u unità ta' żmien tas-suq għandu jiġi determinat abbażi tal-prinċipju tal-prezz marġinali u jiġi espress f'euro għal kull megawatt. Jekk id-domanda għall-kapaċità transżonali fit-tul għal konfini taż-żona tal-offerti, direzzjoni ta' utilizzazzjoni u unità ta' żmien tas-suq ikun aktar baxx jew ugwali għall-kapaċità transżonali fit-tul offruta, il-prezz għandu jkun żero.
Artikolu 41
Ir-rekwiżiti finanzjarji u l-fatturazzjoni
1. Il-pjattaforma unika ta' allokazzjoni għandha tipprovdi proċeduri ta' fatturazzjoni jew ta' awtofatturazzjoni għas-saldu ta' debiti jew ta' krediti li jirriżultaw mill-allokazzjoni tad-drittijiet tat-trażmissjoni fit-tul, mir-ritorn tad-drittijiet tat-trażmissjoni fit-tul u mir-remunerazzjoni tad-drittijiet tat-trażmissjoni fit-tul. Ir-regoli armonizzati ta' allokazzjoni għandhom jispeċifikaw dawk il-proċeduri.
2. Sabiex jipparteċipa fl-irkanti, parteċipant fis-suq għandu jkollu biżżejjed kollaterali biex jassigura offerti u jkun alloka drittijiet tat-trażmissjoni fit-tul skont il-kundizzjonijiet stabbiliti fir-regoli armonizzati ta' allokazzjoni.
Artikolu 42
Jiġi stabbiliti proċeduri ta' riżerva
1. Jekk l-allokazzjoni bil-quddiem tal-kapaċità ma tkunx tista' tipproduċi riżultati, il-proċedura prestabbilita ta' riżerva għandha tkun il-posponiment tal-allokazzjoni bil-quddiem tal-kapaċità.
2. It-TSOs kollha f'kull reġjun bil-kapaċità kkalkulata għandhom ikunu intitolati li jimplimentaw soluzzjonijiet alternattivi koordinati ta' riżerva. F'każijiet bħal dawn, it-TSOs kollha f'kull reġjun bil-kapaċità kkalkulata għandhom jiżviluppaw proposta koordinata għal proċeduri affidabbli ta' riżerva.
Artikolu 43
Ir-ritorn ta' drittijiet tat-trażmissjoni fit-tul
1. Id-detenturi tad-drittijiet tat-trażmissjoni fit-tul jistgħu jirritornaw id-drittijiet tagħhom tat-trażmissjoni fit-tul lit-TSOs rilevanti permezz tal-pjattaforma unika ta' allokazzjoni għal allokazzjoni sussegwenti bil-quddiem tal-kapaċità.
2. Id-detenturi tad-drittijiat-trażmissjoni fit-tul li jkunu jixtiequ jirritornaw id-drittijiet tagħhom tat-trażmissjoni fit-tul għal allokazzjoni sussegwenti bil-quddiem tal-kapaċità għandhom jinnotifikaw dan direttament jew indirettament permezz ta' parti terza, lill-pjattaforma unika ta' allokazzjoni kif stabbilit fir-regoli armonizzati ta' allokazzjoni.
3. Id-detenturi tad-drittijiet tat-trażmissjoni fit-tul li jirritornaw id-drittijiet tagħhom tat-trażmissjoni fit-tul għandhom jiġu remunerati direttament jew indirettament permezz ta' parti terza, mit-TSOs rilevanti permezz tal-pjattaforma unika ta' allokazzjoni. Din ir-remunerazzjoni għandha tkun daqs il-prezz li jirriżulta mill-irkant fejn id-drittijiet tat-trażmissjoni fit-tul kienu ġew riallokati.
Artikolu 44
It-trasferiment tad-drittijiet tat-trażmissjoni fit-tul
1. Id-detenturi tad-drittijiet tat-trażmissjoni fit-tul għandhom ikunu jistgħu jittrasferixxu d-drittijiet kollha tagħhom tat-trażmissjoni fit-tul jew parti minnhom lil parteċipanti oħra fis-suq skont ir-regoli armonizzati ta' allokazzjoni.
2. Ir-regoli dwar l-ammissibbiltà u l-lista ta' parteċipanti fis-suq reġistrati mal-pjattaforma unika ta' allokazzjoni u li jkunu eliġibbli li jittrasferixxu drittijiet tat-trażmissjoni fit-tul għandhom jiġu pubblikati fuq il-pjattaforma unika ta' allokazzjoni.
3. Id-detenturi tad-drittijiet tat-trażmissjoni fit-tul għandhom jinnotifikaw it-trasferiment tad-drittijiet tat-trażmissjoni fit-tul, direttament jew indirettament, permezz ta' parti terza, lill-pjattaforma unika ta' allokazzjoni skont ir-regoli armonizzati ta' allokazzjoni.
4. Il-parteċipanti fis-suq li jakkwistaw dawk id-drittijiet tat-trażmissjoni fit-tul għandhom jikkonfermaw, skont ir-regoli armonizzati ta' allokazzjoni, direttament jew indirettament, permezz ta' parti terza, lill-pjattaforma unika ta' allokazzjoni n-notifika li jkun bagħat id-detentur preċedenti tad-drittijiet tat-trażmissjoni fit-tul.
Artikolu 45
Il-kisba tar-riżultati
1. Il-pjattaforma unika ta' allokazzjoni għandha tinnotifika lit-TSOs responsabbli għall-konfini taż-żona tal-offerti li magħha jkunu assoċjati d-drittijiet tat-trażmissjoni fit-tul, lill-parteċipanti fis-suq u lid-detenturi tad-drittijiet tat-trażmissjoni fit-tul dwar ir-riżultati tal-allokazzjoni bil-quddiem tal-kapaċità fiż-żmien previst fl-ispeċifikazzjoni tal-irkant.
2. Il-pjattaforma unika ta' allokazzjoni għandha tinforma lill-parteċipanti fis-suq dwar l-istatus ta' eżekuzzjoni u l-prezzijiet tal-ikklerjar tal-offerti tagħhom.
Artikolu 46
Jinbdew proċeduri ta' riżerva
1. Jekk il-pjattaforma unika ta' allokazzjoni ma tkunx tista' twassal l-ispeċifikazzjoni tal-irkant skont l-Artikolu 39 jew ir-riżultati kollha jew parti mir-riżultati tal-allokazzjoni bil-quddiem tal-kapaċità fiż-żmien speċifikat fir-regoli armonizzati ta' allokazzjoni, it-TSOs responsabbli fil-konfini taż-żona tal-offerti għandhom jimplimentaw il-proċeduri ta' riżerva stabbiliti skont l-Artikolu 42.
2. Malli jiġi identifikat nuqqas ta' twassil tal-oġġetti msemmija fil-paragrafu 1, il-pjattaforma unika ta' allokazzjoni għandha tinnotifika lit-TSOs responsabbli fil-konfini taż-żona tal-offerti. Il-pjattaforma unika ta' allokazzjoni għandha tinnotifika lill-parteċipanti fis-suq li jistgħu jiġu applikati proċeduri ta' riżerva.
Artikolu 47
Il-pubblikazzjoni tal-informazzjoni tas-suq
1. Fuq il-pjattaforma unika ta' allokazzjoni għandha tiġi pubblikata tal-anqas din l-informazzjoni għal kull konfini taż-żona tal-offerti u dwar id-direzzjoni tal-utilizzazzjoni:
|
(a) |
l-ispeċifikazzjoni tal-irkant skont l-Artikolu 39; |
|
(b) |
kalendarju indikattiv tal-irkanti li jistabbilixxi t-tip ta' drittijiet tat-trażmissjoni fit-tul li se jiġi offrut u d-dati meta dawk id-drittijiet tat-trażmissjoni fit-tul ikunu se jiġu offruti lill-parteċipanti fis-suq; |
|
(c) |
riżultati dwar l-allokazzjoni bil-quddiem tal-kapaċità skont l-Artikolu 29; |
|
(d) |
l-għadd ta' parteċipanti fis-suq f'kull irkant; |
|
(e) |
lista ta' parteċipanti fis-suq eliġibbli għat-trasferiment tad-drittijiet tat-trażmissjoni fit-tul; |
|
(f) |
id-dettalji ta' kuntatt tal-pjattaforma unika ta' allokazzjoni. |
2. Permezz tal-pjattaforma unika ta' allokazzjoni, it-TSOs rilevanti għandhom jippubblikaw l-informazzjoni meħtieġa msemmija fil-paragrafu 1 skont iż-żmien stabbilit fl-ispeċifikazzjoni tal-irkant u fir-Regolament (UE) Nru 543/2013.
3. Il-pjattaforma unika ta' allokazzjoni għandha tiżgura d-disponibbiltà pubblika tad-dejta storika għal perjodu ta' mhux anqas minn ħames snin.
IL-KAPITOLU 4
Il-pjattaforma unika ta' allokazzjoni
Artikolu 48
L-istabbiliment
1. It-TSOs kollha għandhom jiżguraw li l-pjattaforma unika ta' allokazzjoni hija operattiva u tikkonforma mar-rekwiżiti funzjonali speċifikati fl-Artikolu 49 fi żmien tnax-il xahar wara l-approvazzjoni tal-proposta għal sett komuni ta' rekwiżiti u għall-istabbiliment tal-pjattaforma unika ta' allokazzjoni. Meta jitolbuhom it-TSOs rilevanti, l-awtoritajiet regolatorji kompetenti jistgħu jżidu dan iż-żmien minħabba xi dewmien marbut mal-proċeduri tal-akkwist pubbliku, sa b'mhux aktar minn 6 xhur.
2. L-allokazzjonijiet bil-quddiem tal-kapaċità fuq l-interkonnetturi tal-Kurrent Dirett għandhom isiru fil-pjattaforma unika ta' allokazzjoni sa mhux aktar tard minn erbgħa u għoxrin xahar wara l-approvazzjoni kif jissemma fil-paragrafu 1.
Artikolu 49
Ir-rekwiżiri funzjonali
1. Fi żmien sitt xhur minn meta dan ir-Regolament jidħol fis-seħħ, it-TSOs kollha għandhom jissottomettu lill-awtoritajiet regolatorji kollha, proposta komuni għal sett ta' rekwiżiti u għall-istabbiliment tal-pjattaforma unika ta' allokazzjoni. Il-proposta għandha tidentifika opzjonijiet differenti għall-istabbiliment u l-governanza tal-pjattaforma unika ta' allokazzjoni, inkluż l-iżvilupp mit-TSOs jew minn partijiet terzi f'isimhom. Il-proposta mit-TSOs għandha tkopri l-kompiti ġenerali tal-pjattaforma unika ta' allokazzjoni prevista fl-Artikolu 50 u r-rekwiżiti għall-irkupru tal-ispejjeż skont l-Artikolu 59.
2. Ir-rekwiżiti funzjonali għall-pjattaforma unika ta' allokazzjoni għandhom tal-inqas jinkludu:
|
(a) |
il-konfini taż-żona tal-offerti li hija mistennija li tkun koperta; |
|
(b) |
id-disponibbiltà teknika u l-affidabbiltà tas-servizzi pprovduti; |
|
(c) |
il-proċessi operattivi; |
|
(d) |
il-prodotti li sejrin jiġu offruti; |
|
(e) |
il-perjodi ta' żmien għall-allokazzjoni bil-quddiem tal-kapaċità; |
|
(f) |
il-metodi u l-algoritmi ta' allokazzjoni; |
|
(g) |
il-prinċipji ta' saldu finanzjarju u l-ġestjoni tar-riskji ta' prodotti allokati; |
|
(h) |
qafas kuntrattwali armonizzat mal-parteċipanti fis-suq; |
|
(i) |
l-interfaċċji tad-dejta. |
Artikolu 50
Il-kompiti ġenerali
It-TSOs rilevanti għandhom jużaw il-pjattaforma unika ta' allokazzjoni, tal-inqas għall-finijiet li ġejjin:
|
(a) |
ir-reġistrazzjoni tal-parteċipanti fis-suq; |
|
(b) |
il-forniment ta' punt uniku ta' kuntatt għall-parteċipanti fis-suq; |
|
(c) |
it-tħaddim tal-proċeduri tal-irkant; |
|
(d) |
is-saldu finanzjarju tad-drittijiet allokati tat-trażmissjoni fit-tul mal-parteċipanti fis-suq, inkluż il-ġestjoni tal kollaterali; |
|
(e) |
il-kooperazzjoni ma' kamra tal-ikklirjar, jekk din tkun meħtieġa skont ir-regoli komuni għall-implimentazzjoni ta' FTRs — obbligi skont l-Artikolu 34; |
|
(f) |
l-organizzazzjoni ta' proċedura ta' riżerva skont l-Artikolu 42 u 46; |
|
(g) |
l-iffaċilitar tar-ritorn tad-drittijiet tat-trażmissjoni fit-tul skont l-Artikolu 43; |
|
(h) |
l-iffaċilitar tat-trasferiment tad-drittijiet tat-trażmissjoni fit-tul skont l-Artikolu 44; |
|
(i) |
il-pubblikazzjoni ta' informazzjoni tas-suq skont l-Artikolu 47; |
|
(j) |
il-forniment u t-tħaddim ta' interfaċċji għall-iskambju ta' dejta ma' parteċipanti fis-suq. |
IL-KAPITOLU 5
Regoli armonizzati ta' allokazzjoni
Artikolu 51
Introduzzjoni ta' regoli armonizzati ta' allokazzjoni
1. Fi żmien sitt xhur mid-dħul fis-seħħ ta' dan ir-Regolament, it-TSOs kollha għandhom jiżviluppaw b'mod konġunt proposta għal regoli armonizzati ta' allokazzjoni għad-drittijiet tat-trażmissjoni fit-tul skont l-Artikolu 52(2). Il-proposta għandha tkun soġġetta għal konsultazzjoni skont l-Artikolu 6. Din il-proposta għandha tinkludi r-rekwiżiti speċifiċi reġjonali u tal-konfini taż-żona tal-offerti, li jkunu żviluppaw it-TSOs għal kull reġjun bil-kapaċità kkalkulata skont l-Artikolu 52(3).
2. Ladarba r-rekwiżiti reġjonali jkunu daħlu fis-seħħ, dawn għandhom jieħdu preċedenza fuq ir-rekwiżiti ġenerali definiti fir-regoli armonizzati ta' allokazzjoni. Fil-każ li jiġu emendati r-rekwiżiti ġenerali tar-regoli armonizzati ta' allokazzjoni u jiġu preżentati għall-approvazzjoni tal-awtoritajiet regolatorji kollha, ir-rekwiżiti reġjonali għandhom jiġu preżentati wkoll għall-approvazzjoni tal-awtoritajiet regolatorji tar-reġjun konċernat bil-kapaċità kkalkulata.
Artikolu 52
Ir-rekwiżiti għal regoli armonizzati ta' allokazzjoni
1. Ir-rekwiżiti għal regoli armonizzati ta' allokazzjoni għal drittijiet tat-trażmissjoni fit-tul għandhom ikopru d-drittijiet fiżiċi tat-trażmissjoni, l-FTRs — opzjonijiet u l-FTRs — obbligi. It-TSOs għandhom iqisu u jixtarru kif xieraq l-ispeċifitajiet relatati ma' tipi differenti ta' prodotti.
2. Ir-regoli armonizzati ta' allokazzjoni għal drittijiet tat-trażmissjoni fit-tul għandhom isegwu l-prinċipji ta' nuqqas ta' diskriminazzjoni u ta' trasparenza u tal-anqas ikun fihom ir-rekwiżiti ġenerali li ġejjin:
|
(a) |
definizzjonijiet armonizzati u l-kamp ta' applikazzjoni tal-applikazzjonijiet; |
|
(b) |
qafas kuntrattwali bejn il-pjattaforma unika ta' allokazzjoni u l-parteċipanti fis-suq inklużi dispożizzjonijiet dwar il-liġi applikabbli, il-lingwa applikabbli, il-kunfidenzjalità, ir-riżoluzzjoni ta' tilwim, ir-responsabbiltà u l-forza maġġuri; |
|
(c) |
dispożizzjonijiet armonizzati dwar l-UIOSI fil-każ ta' drittijiet fiżiċi ta' trażmissjoni skont l-Artikolu 32; |
|
(d) |
deskrizzjoni tat-tipi ta' drittijiet tat-trażmissjoni fit-tul li qed jiġu offruti, inklużi l-prinċipji ta' rimunerazzjoni skont l-Artikolu 35; |
|
(e) |
deskrizzjoni tal-prinċipju tar-regoli applikabbli dwar in-nomina skont l-Artikolu 36; |
|
(f) |
dispożizzjonijiet armonizzati dwar l-eliġibbiltà u l-intitolament, is-sospensjoni u t-tiġdid u l-ispejjeż ta' parteċipazzjoni skont l-Artikolu 37; |
|
(g) |
deskrizzjoni tal-proċess ta' allokazzjoni bil-quddiem tal-kapaċità inkluż tal-anqas dispożizzjonijiet dwar l-ispeċifikazzjoni tal-irkant, il-preżentazzjoni ta' offerti, il-pubblikazzjoni tar-riżultati tal-irkant, il-perjodu ta' kontestazzjoni u l-proċeduri ta' riżerva skont l-Artikoli 37, 38, 39, 42, 43 u 44; |
|
(h) |
dispożizzjonijiet armonizzati dwar ir-rekwiżiti u s-saldu finanzjarju skont l-Artikolu 41; |
|
(i) |
dispożizzjonijiet armonizzati għar-ritorn ta' drittijiet tat-trażmissjoni fit-tul skont l-Artikolu 43; |
|
(j) |
dispożizzjonijiet armonizzati għan-notifika tat-trasferiment ta' drittijiet tat-trażmissjoni fit-tul skont l-Artikolu 44; |
|
(k) |
dispożizzjonijiet dwar iċ-ċertezza u r-regoli ta' kumpens skont l-Artikolu 53 u l-Artikolu 55; |
|
(l) |
dispożizzjonijiet armonizzati dwar politiki ta' nettjar u kollaterali finanzjarji għal FTRs — obbligi, fejn applikabbli. |
3. Ir-regoli armonizzati ta' allokazzjoni jista' jkun fihom ukoll rekwiżiti speċifiċi reġjonali jew tal-konfini taż-żona tal-offerti, b'mod partikolari iżda mhux limitati għal:
|
(a) |
id-deskrizzjoni tat-tip ta' drittijiet tat-trażmissjoni fit-tul li qed jiġu offruti f'kull konfini taż-żona tal-offerti fir-reġjun bil-kapaċità kkalkulata skont l-Artikolu 31; |
|
(b) |
it-tip ta' sistema ta' remunerazzjoni tad-drittijiet tat-trażmissjoni fit-tul li se tiġi applikata f'kull konfini taż-żona tal-offerti fir-reġjun bil-kapaċità kkalkulata skont l-allokazzjoni fil-perjodu ta' żmien tal-ġurnata bil-quddiem skont l-Artikolu 35; |
|
(ci) |
l-implimentazzjoni ta' soluzzjonijiet alternattivi koordinati ta' riżerva reġjonali skont l-Artikolu 42; |
|
(d) |
ir-regoli reġjonali ta' kumpens li jiddefinixxu r-reġimi ta' ċertezza skont l-Artikolu 55. |
IL-KAPITOLU 6
Iċ-ċertezza tal-kapaċità transżonali allokata
Artikolu 53
Id-dispożizzjonijiet ġenerali taċ-ċertezza
1. It-TSOs kollha għandhom ikunu intitolati li jnaqqsu d-drittijiet tat-trażmissjoni fit-tul biex jiżguraw li l-operazzjoni tibqa ssir fil-limiti tas-sigurtà operattiva qabel l-iskadenza taċ-ċertezza tal-ġurnata bil-quddiem. Meta t-TSOs inaqqsu d-drittijiet tat-trażmissjoni fit-tul, dawn għandhom jirrapportaw dwar dan lill-awtoritajiet regolatorji rispettivi u jippubblikaw ukoll ir-raġunijiet fattwali li jwasslu għat-tnaqqis.
2. It-TSOs konċernati fil-konfini taż-żona tal-offerti fejn ikunu tnaqqsu d-drittijiet tat-trażmissjoni fit-tul għandhom jikkumpensaw lid-detenturi li d-drittijiet tat-trażmissjoni fit-tul tagħhom ikunu tnaqqsu bil-firxa tas-suq.
Artikolu 54
Id-definizzjoni ta' limitu massimu
1. Fil-każ tal-interkonnetturi tal-Kurrent Dirett, it-TSOs konċernati fil-konfini taż-żona tal-offerti jistgħu jipproponu limitu massimu għall-kumpens kollu li jrid jitħallas lid-detenturi kollha li tnaqqsulhom id-drittijiet tat-trażmissjoni fit-tul fis-sena kalendarja rilevanti jew fix-xahar kalendarju rilevanti.
2. Il-limitu massimu ma għandux ikun inqas mill-ammont totali ta' introjtu mill-konġestjoni miġbur mit-TSOs konċernati fil-konfini taż-żona tal-offerti fis-sena kalendarja rilevanti. Fil-każ ta' interkonnetturi tal-Kurrent Dirett, it-TSOs jistgħu jipproponu limitu massimu li ma jkunx anqas mill-introjtu totali mill-konġestjoni miġbur mit-TSOs konċernati fil-konfini taż-żona tal-offerti fix-xahar kalendarju rilevanti.
3. Meta TSOs differenti fl-istess konfini taż-żona tal-offerti jkunu qed joperaw bosta interkonnetturi u jkunu soġġetti għal reġimi regolatorji differenti sorveljati mill-awtoritajiet regolatorji, l-introjtu totali mill-konġestjoni użat għall-kalkolu tal-kumpens limitat skont il-paragrafu 2 jista' jiġi diżassoċjat għal kull interkonnettur. Dan id-diżassoċjar għandhom jipproponuh it-TSOs konċernati u japprovawh l-awtoritajiet regolatorji kompetenti.
Artikolu 55
Ir-regoli ta' kumpens
Meta t-TSOs jipproponu l-applikazzjoni ta' limitu massimu msemmi fl-Artikolu 54, dawn għandhom jipproponu b'mod konġunt sett ta' regoli ta' kumpens fir-rigward tal-limitu massimu applikat.
Artikolu 56
Iċ-ċertezza fil-każ ta' forza maġġuri
1. Fil-każ ta' forza maġġuri, it-TSOs jistgħu jnaqqsu d-drittijiet tat-trażmissjoni fit-tul. Dan it-tnaqqis għandu jsir b'mod koordinat wara kollegament mat-TSOs kollha direttament milquta.
2. It-TSO li jinvoka l-forza maġġuri għandu jippubblika notifika li tiddeskrivi n-natura tal-forza maġġuri u t-tul probabbli tagħha.
3. Fil-każ ta' tnaqqis dovut għal forza maġġuri d-detenturi konċernati ta' drittijiet tat-trażmissjoni fit-tul għandhom jirċievu kumpens mit-TSO li jkun invoka l-forza maġġuri għall-perjodu ta' dik il-forza maġġuri. F'dan il-każ, il-kumpens għandu jkun daqs l-ammont inizjalment imħallas għad-dritt tat-trażmissjoni fit-tul konċernat matul il-proċess ta' allokazzjoni bil-quddiem.
4. It-TSO li jinvoka forza maġġuri għandu jagħmel kull sforz possibbli biex jiġu limitati l-konsegwenzi u t-tul tal-forza maġġuri.
5. Meta Stati Membru jipprovdi għal dan, jekk tintalab mit-TSO, l-awtorità regolatorja nazzjonali għandha tivvaluta jekk avveniment partikolari jkunx jikkwalifika bħala forza maġġuri.
IL-KAPITOLU 7
Il-qsim tal-introjtu mill-konġestjoni
Artikolu 57
Il-metodoloġija tal-qsim tal-introjtu mill-konġestjoni
1. Fi żmien sitt xhur mill-approvazzjoni tal-metodoloġija għall-qsim tal-introjtu mill-konġestjoni msemmija fl-Artikolu 9(6) tar-Regolament (UE) 2015/1222, it-TSOs kollha għandhom jiżviluppaw b'mod konġunt proposta għal metodoloġija għall-kondiviżjoni tal-introjtu mill-konġestjoni mill-allokazzjoni bil-quddiem tal-kapaċità.
2. Meta jkunu qed jiżviluppaw il-metodoloġija msemmija fil-paragrafu 1, it-TSOs għandhom iqisu l-metodoloġija għall-kondiviżjoni tal-introjtu mill-konġestjoni żviluppata skont l-Artikolu 73 tar-Regolament (UE) 2015/1222.
3. Meta tkun qed tiġi żviluppata l-metodoloġija għall-kondiviżjoni tal-introjtu mill-konġestjoni mill-allokazzjoni bil-quddiem tal-kapaċità, għandhom japplikaw ir-rekwiżiti stabbiliti fl-Artikolu 73 tar-Regolament (UE) 2015/1222.
IL-KAPITOLU 8
L-irkupru tal-ispejjeż
Artikolu 58
Id-dispożizzjonijiet ġenerali dwar l-irkupru tal-ispejjeż
1. L-ispejjeż imġarrba mit-TSOs li jirriżultaw mill-obbligi fir-Regolament għandhom jiġu vvalutati mill-awtoritajiet regolatorji kollha.
2. L-ispejjeż li jkunu ġew ivvalutati bħala raġonevoli, effiċjenti u proporzjonati għandhom jiġu rkuprati f'ħin propizju permezz ta' tariffi tan-netwerk jew permezz ta' mekkaniżmi xierqa oħra kif jiġi determinat mill-awtoritajiet regolatorji kompetenti.
3. Jekk jintalab mill-awtoritajiet regolatorji, fi żmien tliet xhur mit-talba, it-TSOs rilevanti għandhom jipprovdu l-informazzjoni neċessarja biex tiġi faċilitata l-valutazzjoni tal-ispejjeż imġarrba.
Artikolu 59
L-ispiża biex tiġi stabbilita, żviluppata u mħaddma l-pjattaforma unika ta' allokazzjoni
It-TSOs kollha li joħorġu drittijiet tat-trażmissjoni fit-tul fuq il-pjattaforma unika ta' allokazzjoni għandhom flimkien iħallsu l-ispejjeż relatati mat-twaqqif u mat-tħaddim tal-pjattaforma unika ta' allokazzjoni. Fi żmien sitt xhur minn meta dan ir-Regolament jidħol fis-seħħ, it-TSOs kollha għandhom jipproponu metodoloġija għall-qsim tal-ispejjeż, li tkun raġonevoli, effiċjenti u proporzjonata, ngħidu aħna abbażi ta' prinċipji simili għal dawn previsti bl-Artikolu 80 tar-Regolament (UE) 2015/1222.
Artikolu 60
L-ispiża biex jiġi stabbilit u mħaddem il-proċess tal-kalkulaturi tal-kapaċità koordinata
1. Kull TSO għandu individwalment iħallas l-ispejjeż relatati mal-provvista ta' inputs għall-kalkolu tal-kapaċità.
2. It-TSOs kollha għandhom iġarrbu flimkien l-ispejjeż relatati mat-twaqqif u mat-tħaddim tal-amalgamazzjoni tal-mudelli ta' grilja individwali.
3. It-TSOs kollha f'kull reġjun bil-kapaċità kkalkulata għandhom iħallsu l-ispejjeż tat-twaqqif u tat-tħaddim tal-kalkolaturi tal-kapaċità koordinata.
Artikolu 61
L-ispiża biex ikunu żgurati ċ-ċertezza u r-remunerazzjoni għad-drittijiet tat-trażmissjoni fit-tul
1. L-ispiża li tiżgura ċ-ċertezza għandha tinkludi l-ispejjeż li jiġġarrbu bil-mekkaniżmi ta' kumpens assoċjati mal-iżgurar taċ-ċertezza tal-kapaċitajet transżonali kif ukoll mal-ispiża għar-ridispaċċ, għall-iskambju kumpensatorju u għall-iżbilanċ assoċjati mal-parteċipanti fis-suq kumpensati u għandhom iġarrbuhom it-TSOs, sakemm possibbli f'konformità mal-Artikolu 16(6)(a) tar-Regolament (KE) Nru 714/2009.
2. Meta jkunu qed jiffissaw jew japprovaw tariffi ta' trażmissjoni jew mekkaniżmu xieraq ieħor skont l-Artikolu 37(1)(a) tad-Direttiva 2009/72/KE, u wara li jkunu kkunsidraw l-Artikolu 14(1) tar-Regolament (KE) Nru 714/2009, l-awtoritajiet regolatorji għandhom iqisu pagamenti kumpensatorji bħala spejjeż eliġibbli sakemm dawn ikunu raġonevoli, effiċjenti u proporzjonati.
3. Fi żmien sitt xhur mill-approvazzjoni tal-metodoloġija għall-qsim tal-introjtu mill-konġestjoni msemmija fl-Artikolu 57, it-TSOs kollha għandhom jiżviluppaw metodoloġija b'mod konġunt għall-qsim tal-ispejjeż imġarrba biex tiġi żgurata ċ-ċertezza u r-remunerazzjoni tad-drittijiet tat-trażmissjoni fit-tul. Din il-metodoloġija għandha tkun konsistenti mal-metodoloġija għall-kondiviżjoni tal-introjtu mill-konġestjoni minn allokazzjoni bil-quddiem tal-kapaċità kif imsemmi fl-Artikolu 57.
TITOLU III
ID-DELEGA TAL-KOMPITI U L-MONITORAĠĠ
Artikolu 62
Id-delega tal-kompiti
1. TSO jista' jiddelega kwalunkwe kompitu jew parti minnu assenjat lilu skont taħt dan ir-Regolament lil parti terza waħda jew aktar fil-każ li l-parti terza tista' twettaq il-funzjoni rispettiva tal-anqas b'mod effettiv bħat-TSO deleganti. It-TSO deleganti għandu jibqa' responsabbli għall-iżgurar tal-konformità mal-obbligi skont dan ir-Regolament, inkluż l-iżgurar ta' aċċess għal informazzjoni meħtieġa għall-monitoraġġ mill-awtorità regolatorja.
2. Qabel id-delega, il-parti terza konċernata għandha tkun uriet b'mod ċar lit-TSO deleganti l-kapaċità tagħha li tissodisfa l-obbligi kollha ta' dan ir-Regolament.
3. Fil-każ li xi kompitu jew parti minnu speċifikat f'dan ir-Regolament jiġi delegat lil parti terza, it-TSO deleganti għandu jiżgura li qabel id-delega jkunu ġew stabbiliti ftehimiet xierqa ta' kunfidenzjalità skont l-obbligi ta' kunfidenzjalità tat-TSO deleganti.
Artikolu 63
Il-monitoraġġ
1. In-Netwerk Ewropew għall-Operaturi tas-Sistema ta' Trażmissjoni tal-Elettriku għandu jissorvelja l-implimentazzjoni ta' allokazzjoni bil-quddiem tal-kapaċità u t-twaqqif ta' pjattaforma unika ta' allokazzjoni skont l-Artikolu 8(8) tar-Regolament (KE) Nru 714/2009. Il-monitoraġġ għandu jkopri b'mod partikolari l-kwistjonijiet li ġejjin:
|
(a) |
il-progress u l-problemi potenzjali bl-implimentazzjoni tal-allokazzjoni bil-quddiem tal-kapaċità, inkluż l-aċċess ġust u trasparenti għall-parteċipanti fis-suq għad-drittijiet ta' trażmissjoni fit-tul; |
|
(b) |
l-effettività tal-metodoloġiji għall-qsim tal-kapaċità transżonali fit-tul skont l-Artikolu 16; |
|
(c) |
ir-rapport dwar il-kakolu u l-allokazzjoni tal-kapaċità skont l-Artikolu 26; |
|
(d) |
l-effettività tal-operazzjoni tal-allokazzjoni bil-quddiem tal-kapaċità u l-pjattaforma unika ta' allokazzjoni. |
2. In-Netwerk Ewropew għall-Operaturi tas-Sistema ta' Trażmissjoni tal-Elettriku għandu jippreżenta pjan għall-monitoraġġ li jinkludi r-rapporti li għandhom jitħejjew u kwalunkwe aġġornament b'konformità mal-paragrafu 1, lill-Aġenzija għal opinjoni sitt xhur wara d-dħul fis-seħħ ta' dan ir-Regolament.
3. L-Aġenzija, f'kooperazzjoni min-Netwerk Ewropew għall-Operaturi tas-Sistema ta' Trażmissjoni tal-Elettriku, għandhom ifasslu fi żmien sitt xhur mid-dħul fis-seħħ ta' dan ir-Regolament lista tal-informazzjoni rilevanti li trid tiġi komunikata min-Netwerk Ewropew għall-Operaturi tas-Sistema ta' Trażmissjoni tal-Elettriku lill-Aġenzija skont l-Artikoli 8(9) u 9(1) tar-Regolament (KE) Nru 714/2009. Il-lista ta' informazzjoni rilevanti tista' tkun soġġetta għal aġġornamenti. In-Netwerk Ewropew għall-Operaturi tas-Sistema ta' Trażmissjoni tal-Elettriku għandu jżomm format komprensiv standardizzat, arkivju tad-dejta diġitali tal-informazzjoni meħtieġa mill-Aġenzija. It-TSOs kollha għandhom jippreżentaw lin-Netwerk Ewropew għall-Operaturi tas-Sistema ta' Trażmissjoni tal-Elettriku l-informazzjoni meħtieġa sabiex iwettqu l-kompiti skont il-paragrafi 1 u 3.
4. Il-parteċipanti fis-suq u l-organizzazzjonijiet rilevanti oħra dwar l-allokazzjoni bil-quddiem tal-kapaċità għandhom, fuq talba konġunta tal-Aġenzija u tan-Netwerk Ewropew għall-Operaturi tas-Sistema ta' Trażmissjoni tal-Elettriku, jippreżentaw lin-Netwerk Ewropew għall-Operaturi tas-Sistema ta' Trażmissjoni tal-Elettriku l-informazzjoni meħtieġa għall-monitoraġġ skont il-paragrafi 1 u 3, ħlief għal informazzjoni li tkun diġà nkisbet mill-awtoritajiet regolatorji, mill-Aġenzija jew min-Netwerk Ewropew għall-Operaturi tas-Sistema ta' Trażmissjoni tal-Elettriku fil-kuntest tal-kompiti rispettivi tagħhom ta' monitoraġġ tal-implimentazzjoni.
TITOLU IV
ID-DISPOŻIZZJONIJIET FINALI
Artikolu 64
Id-dħul fis-seħħ
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta' Settembru 2016.
Għall-Kummissjoni
Il-President
Jean-Claude JUNCKER
(1) ĠU L 211, 14.8.2009, p. 15.
(2) Ir-Regolament tal-Kummissjoni (UE) 2015/1222 tal-24 ta' Lulju 2015 li jistabbilixxi Linji Gwida dwar l-Allokazzjoni tal-Kapaċità u l-Ġestjoni tal-Konġestjoni (ĠU L 197, 25.7.2015, p. 24).
(3) Ir-Regolament (KE) Nru 713/2009 tal-Parlament Ewropew u tal-Kunsill tat-13 ta' Lulju 2009 li jistabbilixxi Aġenzija għall-Koperazzjoni tar-Regolaturi tal-Enerġija (ĠU L 211, 14.8.2009, p. 1).
(4) Ir-Regolament tal-Kummissjoni (UE) Nru 543/2013 tal-14 ta' Ġunju 2013 dwar is-sottomissjoni u l-pubblikazzjoni ta' dejta fis-swieq tal-elettriku u li jemenda l-Anness I tar-Regolament (KE) Nru 714/2009 tal-Parlament Ewropew u tal-Kunsill (ĠU L 163, 15.6.2013, p. 1).
(5) Id-Direttiva 2009/72/KE tal-Parlament Ewropew u tal-Kunsill tat-13 ta' Lulju 2009 dwar ir-regoli komuni għas-suq intern fil-qasam tal-elettriku u li temenda d-Direttiva 2003/54/KE (ĠU L 211, 14.8.2009, p. 55).
|
27.9.2016 |
MT |
Il-Ġurnal Uffiċjali tal-Unjoni Ewropea |
L 259/69 |
REGOLAMENT TA' IMPLIMENTAZZJONI TAL-KUMMISSJONI (UE) 2016/1720
tas-26 ta' Settembru 2016
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
|
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
|
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta' Settembru 2016.
Għall-Kummissjoni,
F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
|
(EUR/100 kg) |
||
|
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
|
0702 00 00 |
MA |
180,4 |
|
ZZ |
180,4 |
|
|
0707 00 05 |
TR |
118,8 |
|
ZZ |
118,8 |
|
|
0709 93 10 |
AR |
162,6 |
|
TR |
141,7 |
|
|
ZZ |
152,2 |
|
|
0805 50 10 |
AR |
108,6 |
|
CL |
123,7 |
|
|
TR |
109,1 |
|
|
UY |
92,6 |
|
|
ZA |
138,6 |
|
|
ZZ |
114,5 |
|
|
0806 10 10 |
TR |
129,9 |
|
ZA |
80,3 |
|
|
ZZ |
105,1 |
|
|
0808 10 80 |
AR |
148,2 |
|
BR |
97,9 |
|
|
CL |
138,1 |
|
|
NZ |
122,5 |
|
|
US |
144,0 |
|
|
ZA |
113,6 |
|
|
ZZ |
127,4 |
|
|
0808 30 90 |
CL |
126,9 |
|
CN |
92,9 |
|
|
TR |
132,1 |
|
|
ZA |
155,4 |
|
|
ZZ |
126,8 |
|
|
0809 30 10 , 0809 30 90 |
TR |
128,6 |
|
ZZ |
128,6 |
|
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
|
27.9.2016 |
MT |
Il-Ġurnal Uffiċjali tal-Unjoni Ewropea |
L 259/71 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/1721
tas-26 ta' Settembru 2016
dwar l-approvazzjoni tas-sistema ta' illuminazzjoni esterna ta' effiċjenza għolja tat-Toyota li tuża dijodi li jemettu d-dawl għall-użu f'vetturi elettriċi ibridi li ma jistgħux jiġu ċċarġjati esternament bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-Artikolu 12(4) tiegħu,
Billi:
|
(1) |
Fid-9 ta' Diċembru 2015, il-manifattur Toyota Motor Europe NV/SA (l-“Applikant”) ressaq applikazzjoni għall-approvazzjoni tad-dijodi li jemettu d-dawl (LEDs) tat-Toyota għall-użu f'vetturi M1 elettriċi ibridi li ma jistgħux jiġu ċċarġjati esternament (NOVC-HEVs) bħala teknoloġija innovattiva. Il-kompletezza ta' dik l-applikazzjoni ġiet ivvalutata f'konformità mal-Artikolu 4 tar-Regolament ta' Implimentazzjoni tal-Kummissjoni (UE) Nru 725/2011 (2). Instab li l-applikazzjoni kienet sħiħa u l-perjodu li l-Kummissjoni ngħatat biex tivvaluta l-applikazzjoni beda l-għada ta' meta waslet uffiċjalment l-informazzjoni sħiħa, jiġifieri l-10 ta' Diċembru 2015. |
|
(2) |
L-applikazzjoni ġiet ivvalutata f'konformità mal-Artikolu 12 tar-Regolament (KE) Nru 443/2009, ir-Regolament ta' Implimentazzjoni (UE) Nru 725/2011 u skont il-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (KE) Nru 443/2009 (il-verżjoni tal-Linji Gwida Tekniċi, ta' Frar tal-2013) (3). |
|
(3) |
L-applikazzjoni tirreferi għal-LEDs ta' effiċjenza għolja tat-Toyota għall-użu fil-NOVC-HEV fil-fanal ta' quddiem tar-raġġi baxxi, il-fanal ta' quddiem tar-raġġi għoljin, il-fanal ta' quddiem, il-fanal ta' quddiem kontra ċ-ċpar, il-fanal ta' wara kontra ċ-ċpar, il-fanal tal-indikaturi ta' quddiem, il-fanal tal-indikaturi ta' wara, il-fanal ta' wara kontra ċ-ċpar, il-fanal tal-pjanċi u l-fanal tar-rivers. |
|
(4) |
Il-Kummissjoni tqis li l-informazzjoni pprovduta fl-applikazzjoni turi li l-kundizzjonijiet u l-kriterji msemmija fl-Artikolu 12 tar-Regolament (KE) Nru 443/2009 u fl-Artikoli 2 u 4 tar-Regolament ta' Implimentazzjoni (UE) Nru 725/2011 ġew sodisfatti. |
|
(5) |
L-Applikant wera li l-użu tal-LEDs tat-Toyota fil-fanali rilevanti ma kienx iktar minn 3 % tal-karozzi ġodda tal-passiġġieri rreġistrati fis-sena ta' referenza 2009. B'appoġġ ta' dan, l-Applikant irrefera għal-Linji Gwida Tekniċi, li jagħtu taqsira tar-rapport CLEPA LIGHT Sight Safety. |
|
(6) |
Skont il-metodu ssimplifikat deskritt fil-Linji Gwida Tekniċi, l-Applikant uża illuminazzjoni tal-aloġenu bħala teknoloġija bażi biex juri l-kapaċità ta' tnaqqis ta' CO2 tal-LEDs tat-Toyota. |
|
(7) |
Sabiex titqies il-preżenza ta' żewġ sorsi ta' enerġija (jiġifieri l-magna b'kombustjoni interna u l-motopropulsjoni elettrika) f'NOVC-HEV jenħtieġ approċċ differenti għall-konverżjoni tal-iffrankar tal-enerġija f'iffrankar ta' CO2 bi tqabbil mal-metodoloġija stipulata fid-Deċiżjoni ta' Implimentazzjoni tal-Kummissjoni (UE) 2016/587 (4). |
|
(8) |
L-Applikant ipprovda metodoloġija speċifika għall-ittestjar tat-tnaqqis ta' CO2 minn LEDs installati f'vetturi ta' dan it-tip. Il-Kummissjoni tqis li l-metodoloġija tal-ittestjar hija xierqa biex tindirizza l-kwistjoni u li se tipprovdi riżultati tal-ittestjar li huma verifikabbli, komparabbli u li jistgħu jiġu ripetuti, filwaqt li huma kapaċi juru b'mod realistiku l-benefiċċji, b'sinifikat statistiku qawwi, tat-teknoloġija innovattiva f'termini tal-emissjonijiet ta' CO2 f'konformità mal-Artikolu 6 tar-Regolament ta' Implimentazzjoni tal-Kummissjoni (UE) Nru 725/2011. |
|
(9) |
F'dan l-isfond, il-Kummissjoni tqis li l-Applikant wera b'mod sodisfaċenti li t-tnaqqis fl-emissjonijiet miksub mill-illuminazzjoni LED tat-Toyota għall-użu fl-NOVC-HEV f'kombinazzjonijiet xierqa ta' fanal ta' quddiem tar-raġġi baxxi, fanal ta' quddiem tar-raġġi għoljin, fanal ta' quddiem, fanal ta' quddiem kontra ċ-ċpar, fanal ta' wara kontra ċ-ċpar u l-fanal tal-pjanċi huwa mill-anqas 1 g CO2/km. |
|
(10) |
Billi l-attivazzjoni tal-illuminazzjoni LED għall-fanali elenkati fl-applikazzjoni mhix meħtieġa għat-test tal-approvazzjoni tat-tip tal-emissjonijiet ta' CO2 imsemmi fir-Regolament (KE) Nru 715/2007 tal-Parlament Ewropew u tal-Kunsill (5) u fir-Regolament tal-Kummissjoni (KE) Nru 692/2008 (6), il-Kummissjoni hija sodisfatta li l-funzjonijiet ta' illuminazzjoni LED ikkonċernati mhumiex koperti miċ-ċiklu tat-test standard. |
|
(11) |
L-attivazzjoni tal-funzjonijiet ta' illuminazzjoni konċernati hija obbligatorja biex ikun żgurat it-tħaddim tal-vettura mingħajr periklu u għalhekk ma tiddependix fuq l-għażla tas-sewwieq. Abbażi ta' dan il-Kummissjoni hi tal-fehma li l-manifattur għandu jitqies responsabbli għat-tnaqqis tal-emissjoni ta' CO2 minħabba l-użu tat-teknoloġija innovattiva. |
|
(12) |
Il-Kummissjoni tqis li r-rapport ta' verifika tħejja mill-Aġenzija taċ-Ċertifikazzjoni tal-Vetturi (VCA), li huwa korp indipendenti u ċertifikat, u li r-rapport jappoġġa s-sejbiet stipulati fl-applikazzjoni. |
|
(13) |
F'dan l-isfond, il-Kummissjoni tqis li ma għandha tagħmel l-ebda oġġezzjoni fir-rigward tal-approvazzjoni tat-teknoloġija innovattiva inkwistjoni. |
|
(14) |
Bil-għan li jiġi stabbilit il-kodiċi ġenerali tal-ekoinnovazzjoni li għandu jintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (7), għandu jiġi speċifikat il-kodiċi individwali li għandu jintuża għat-teknoloġija innovattiva approvata permezz ta' din id-Deċiżjoni ta' Implimentazzjoni, |
ADOTTAT DIN ID-DEĊIŻJONI:
Artikolu 1
1. Id-dijodi tat-Toyota li jemettu d-dawl (LEDs) għall-użu f'vetturi M1 elettriċi ibridi li ma jistgħux jiġu ċċarġjati esternament (NOVC-HEV) fil-fanal ta' quddiem tar-raġġi baxxi, il-fanal ta' quddiem tar-raġġi għoljin, il-fanal ta' quddiem, il-fanal ta' quddiem kontra ċ-ċpar, il-fanal tal-indikaturi ta' quddiem, il-fanal tal-indikaturi ta' wara, il-fanal taċ-ċpar ta' wara, il-fanal tal-pjanċa tal-liċenzja u l-fanal tar-rivers huma approvati bħala teknoloġija innovattiva skont it-tifsira tal-Artikolu 12 tar-Regolament (KE) Nru 443/2009.
2. It-tnaqqis fl-emissjonijiet ta' CO2 li jirriżulta mill-użu tal-LEDs tat-Toyota f'NOVC-HEV fil-funzjonijiet kollha ta' illuminazzjoni, jew kombinazzjoni xierqa tal-funzjonijiet ta' illuminazzjoni msemmija fil-paragrafu 1, għandu jiġi ddeterminat billi tintuża l-metodoloġija stabbilita fl-Anness.
3. Il-kodiċi individwali tal-ekoinnovazzjoni li jrid jiddaħħal fid-dokumentazzjoni tal-approvazzjoni tat-tip li trid tintuża għat-teknoloġija innovattiva approvata permezz ta' din id-Deċiżjoni ta' Implimentazzjoni huwa “20”.
Artikolu 2
Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, is-26 ta' Settembru 2016.
Għall-Kummissjoni
Il-President
Jean-Claude JUNCKER
(2) Ir-Regolament ta' Implimentazzjoni tal-Kummissjoni (UE) Nru 725/2011 tal-25 ta' Lulju 2011 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 194, 26.7.2011, p. 19).
(3) https://circabc.europa.eu/w/browse/42c4a33e-6fd7-44aa-adac-f28620bd436f
(4) Id-Deċiżjoni ta' Implimentazzjoni tal-Kummissjoni (UE) 2016/587 tal-14 ta' April 2016 dwar l-approvazzjoni tat-teknoloġija użata fis-sistema ta' illuminazzjoni esterna ta' effiċjenza għolja tal-vetturi li tuża dijodi li jemettu d-dawl bħala teknoloġija innovattiva biex jonqsu l-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 101, 16.4.2016, p. 17).
(5) Ir-Regolament (KE) Nru 715/2007 tal-Parlament Ewropew u tal-Kunsill tal- 20 ta' Ġunju 2007 dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi (ĠU L 171, 29.6.2007, p. 1).
(6) Ir-Regolament tal-Kummissjoni (KE) Nru 692/2008 tat-18 ta' Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill tal-20 ta' Ġunju 2007 dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).
(7) Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' VETTURI bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali VETTURI (Direttiva Kwadru) (ĠU L 263, 9.10.2007, p. 1).
ANNESS
Metodoloġija biex jiġi kkalkulat l-iffrankar ta' CO2 tal-illuminazzjoni esterna ta' vetturi bl-użu ta' dijodi li jemettu d-dawl (LED) għall-użu f'Vetturi Elettriċi Ibridi M1 li Ma Jistgħux Jiġu Ċċarġjati Esternament (NOVC-HEV)
1. INTRODUZZJONI
Sabiex jiġi ddeterminat it-tnaqqis tal-emissjonijiet ta' CO2 li jista' jiġi attribwit lil pakkett ta' dwal LED esterni ta' effiċjenza għolja li jikkonsisti minn kombinament xieraq ta' dwal ta' vettura kif imsemmi fl-Artikolu 1 għall-użu f'Vetturi Elettriċi Ibridi tat-tip M1 li Ma Jistgħux Jiġu Ċċarġjati Esternament (NOVC-HEV), jeħtieġ li jiġu stabbiliti dawn li ġejjin:
|
(1) |
Il-kundizzjonijiet tal-ittestjar; |
|
(2) |
It-tagħmir tat-testijiet; |
|
(3) |
Kalkolu tal-iffrankar tal-enerġija; |
|
(4) |
Il-kalkolu tal-iffrankar ta' CO2; |
|
(5) |
Il-kalkolu tal-iżball statistiku. |
2. SIMBOLI, PARAMETRI U UNITAJIET
Simboli bil-Latin
|
c |
— |
Il-fattur ta' korrezzjoni għall-vultaġġ nominali tal-Batterija ta' Vultaġġ Għoli |
|
|
— |
Iffrankar ta' CO2 [g CO2/km] |
|
CO2 |
— |
Diossidu tal-karbonju |
|
|
— |
Il-fattur ta' korrezzjoni ta' CO2 [gCO2/km · Ah], kif definit fir-Regolament NU/KEE Nru 101, Anness 8 |
|
m |
— |
In-numru ta' dwal LED esterni ta' effiċjenza għolja li jiffurmaw il-pakkett |
|
n |
— |
In-numru ta' kemm il darba tkejjel il-kampjun |
|
P |
— |
Il-konsum tal-enerġija mid-dwal tal-vettura [W] |
|
|
— |
Id-devjazzjoni standard tal-konsum ta' enerġija mid-dwal LED [W] |
|
|
— |
Id-devjazzjoni standard tal-medja tal-konsum ta' enerġija mid-dwal LED [W] |
|
|
— |
Id-devjazzjoni standard tal-iffrankar totali ta' CO2 [g CO2/km] |
|
t |
— |
It-tul ta' żmien tas-sewqan tal-NEDC [s], li huwa 1 180 s |
|
UF |
— |
Il-fattur tal-użu tad-dawl tal-vettura [-] kif definit fit-Tabella 2 |
|
|
— |
Il-vultaġġ nominali tal-Batterija ta' Vultaġġ Għoli (il-batterija ta' trazzjoni) [V] |
|
|
— |
Il-vultaġġ operattiv tal-Batterija ta' Vultaġġ Għoli (il-batterija ta' trazzjoni) [V] |
|
|
— |
Is-sensittività tal-iffrankar ta' CO2 ikkalkulat b'rabta mal-konsum ta' enerġija mid-dwal LED |
|
|
— |
Is-sensittività tal-iffrankar ta' CO2 ikkalkulat b'rabta mal-fattur ta' korrezzjoni ta' CO2 |
Simboli Griegi
|
ηDCDC |
— |
Effiċjenza tal-konvertitur DC-DC |
Indikazzjonijiet taħt il-vers
L-indiċi (i) jirreferi għad-dwal tal-vettura
L-indiċi (j) jirreferi għall-kejl tal-kampjun
|
B |
— |
Referenza |
|
EI |
— |
Eko-innovattiv |
3. IL-KUNDIZZJONIJIET TAL-ITTESTJAR
Il-kundizzjonijiet tal-ittestjar għandhom jissodisfaw ir-rekwiżiti tar-Regolament NU/KEE 112 (1) rigward dispożizzjonijiet uniformi dwar l-approvazzjoni ta' fanali ta' quddiem ta' vetturi bil-mutur li jemettu raġġ baxx assimetriku jew raġġ tas-sewqan jew it-tnejn u mgħammra b'fanali tal-filament u/jew moduli tad-dijodi li jemettu d-dawl (LED). Il-konsum tal-enerġija għandu jiġi kkalkulat skont il-punt 6.1.4. tar-Regolament NU/KEE Nru 112 u l-punti 3.2.1 u 3.2.2 tal-Anness 10 tal-istess Regolament.
4. TAGĦMIR TAT-TEST
Għandu jintuża t-tagħmir li ġej, kif muri fil-Figura:
|
— |
Unità tal-provvista tal-enerġija (jiġifieri provvista ta' vultaġġ varjabbli); |
|
— |
Żewġ Multi Miters Diġitali, wieħed għall-kejl tal-kurrent dirett, u l-ieħor għall-kejl tal-vultaġġ tal-kurrent dirett. Fil-Figura tintwera konfigurazzjoni possibbli ta' test, fejn il-miter tal-vultaġġ tal-kurrent dirett huwa integrat fl-unità għall-provvista tal-enerġija. |
Konfigurazzjoni tat-test
5. KEJL U KALKOLU TAL-IFFRANKAR TA' ENERĠIJA
Għal kull tip ta' dawl LED estern ta' effiċjenza għolja inkluż fil-pakkett, il-kejl tal-kurrent għandu jsir kif muri fil-Figura b'vultaġġ ta' 13,2 V. Modulu(i) LED imħaddem(imħaddma) b'ger tal-kontroll ta' sors tad-dawl elettroniku għandu(għandhom) jitkejjel(jitkejlu) kif speċifikat mill-applikant;
Il-manifatur jista' jitlob li jsir kejl ieħor tal-kurrent f'vultaġġi addizzjonali oħra. F'dak il-każ, il-manifattur irid jgħaddi lill-awtorità tal-approvazzjoni tat-tip dokumentazzjoni verifikata dwar il-ħtieġa li jitwettaq dan il-kejl addizzjonali. Il-kalkoli tal-kurrenti f'kull wieħed minn dawn il-voltaġġi addizzjonali għandhom jitwettqu b'mod konsekuttiv għal mill-inqas ħames (5) darbiet. Il-vultaġġi installati eżatti u l-kurrent imkejjel iridu jitniżżlu f'erba' ċifri deċimali.
Il-konsum tal-enerġija għandu jiġi determinat billi l-vultaġġ installat jiġi mmultiplikat bil-kurrent imkejjel. Il-medja ta' konsum tal-enerġija għal kull dawl LED estern ta' effiċjenza għolja (
) għandha tiġi kkalkulata. Kull valur irid jitniżżel f'erba' (4) ċifri deċimali. Meta mutur ta' veloċità gradwali jew kontrollur elettroniku jintuża għall-provvista tal-elettriku fil-fanali LED, it-tagħbija elettrika ta' din il-parti tal-komponent trid tiġi eskluża mill-kejl.
L-iffrankar tal-enerġija ta' kull dawl LED estern ta' effiċjenza għolja (ΔPi) għandu jiġi kkalkulat billi tintuża l-formula li ġejja:
Formula 1
fejn il-konsum tal-enerġija tad-dawl tal-vetturi ta' referenza korrispondenti huwa definit mit-Tabella 1.
Tabella 1
Il-ħtiġijiet enerġetiċi għat-tipi differenti ta' dwal tal-vetturi ta' referenza
|
Dawl tal-vettura |
Enerġija elettrika totali (PB) [W] |
|
Il-fanal ta' quddiem tar-raġġi baxxi |
137 |
|
Il-fanal ta' quddiem tar-raġġi għoljin |
150 |
|
Il-fanali ta' quddiem |
12 |
|
Id-dwal tal-pjanċi |
12 |
|
Il-fanali ta' quddiem kontra ċ-ċpar |
124 |
|
Il-fanali ta' wara kontra ċ-ċpar |
26 |
|
Il-fanal tal-indikaturi ta' quddiem |
13 |
|
Il-fanal tal-indikaturi ta' wara |
13 |
|
Il-fanal tar-rivers |
52 |
6. IL-KALKOLU TAL-IFFRANKAR TA' CO2
L-iffrankar totali ta' CO2 tal-pakkett ta' illuminazzjoni għandu jiġi kkalkulat bl-użu tal-Formula 2.
Formula 2
fejn
|
UF |
: |
Il-fattur tal-użu tad-dawl tal-vettura [-] kif definit fit-Tabella 2. |
|
t |
: |
It-tul ta' żmien tas-sewqan tal-NEDC [s], li huwa 1 180 s |
|
|
: |
Il-fattur ta' korrezzjoni ta' CO2 [gCO2/km · Ah], kif definit fir-Regolament NU/KEE Nru 101, Anness 8 |
|
ηDCDC |
: |
Effiċjenza tal-konvertitur DC-DC [–] |
|
|
: |
Il-vultaġġ operattiv tal-Batterija ta' Vultaġġ Għoli (il-batterija ta' trazzjoni) [V], iddefinit bil-Formula 3 |
Formula 3
fejn
|
|
: |
Il-vultaġġ nominali tal-Batterija ta' Vultaġġ Għoli (il-batterija ta' trazzjoni) [V] |
|
c |
: |
Il-fattur ta' korrezzjoni għall-vultaġġ nominali tal-Batterija ta' Vultaġġ Għoli, li huwa 0.90 għal batteriji b'vultaġġ għoli tal-idrur tal-nikil-metall (NiMH) [–] |
L-effiċjenza tal-konvertitur DC-DC (ηDCDC) għandha tkun l-ogħla valur li jirriżulta mit-testijiet ta' effiċjenza mwettqa fil-medda ta' kurrent elettriku operattiva. L-intervall tal-kejl għandu jkun ugwali jew anqas minn 10 % tal-medda ta' kurrent elettriku operattiva.
Tabella 2
Il-fattur tal-użu għal tipi differenti ta' dwal tal-vetturi
|
Dawl tal-vettura |
Il-fattur tal-użu (UF) [-] |
|
Il-fanal ta' quddiem tar-raġġi baxxi |
0,33 |
|
Il-fanal ta' quddiem tar-raġġi għoljin |
0,03 |
|
Il-fanali ta' quddiem |
0,36 |
|
Id-dwal tal-pjanċi |
0,36 |
|
Il-fanali ta' quddiem kontra ċ-ċpar |
0,01 |
|
Il-fanali ta' wara kontra ċ-ċpar |
0,01 |
|
Il-fanal tal-indikaturi ta' quddiem |
0,15 |
|
Il-fanal tal-indikaturi ta' wara |
0,15 |
|
Il-fanal tar-rivers |
0,01 |
7. IL-KALKOLU TAL-IŻBALL STATISTIKU.
L-iżbalji statisiċi fir-riżultati tal-metodoloġija tal-ittestjar ikkawżati mill-kejl għandhom jiġu kkwantifikati. Għal kull dawl LED estern ta' effiċjenza għolja inkluż fil-pakkett, id-devjazzjoni standard tiġi kkalkulata kif definit mill-Formula 4.
Formula 4
fejn:
|
n |
: |
L-għadd ta' drabi ta' kejl tal-kampjun, li huwa mill-inqas ħamsa (5). |
Il-koeffiċjent ta' korrezzjoni tal-emissjonijiet 
ta' CO2 għandu jkun iddeterminat minn sett ta' kejl T li jsir mill-manifattur, kif definit fir-Regolament NU/KEE Nru 101, l-Anness 8. Għal kull kejl, il-bilanċ tal-elettriku matul it-test u l-emissjonijiet imkejla ta' CO2 għandhom jiġu rreġistrati.
Sabiex issir l-evalwazzjoni tal-iżball statistiku ta' 
, il-kombinazzjonijiet kollha T mingħajr repetizzjonijiet tal-kejl T – 1 għandhom jintużaw biex jiġu estrapolati l-valuri differenti T ta' 
(jiġifieri 
). L-estrapolazzjoni għandha ssir skont il-metodu definit fir-Regolament NU/KEE Nru 101, l-Anness 8.
Id-devjazzjoni standard ta' 
hija għaldaqstant ikkalkulata kif iddefinit fil-Formula 5.
Formula 5
fejn:
|
T |
: |
L-għadd ta' drabi ta' kejl imwettqa mill-manifattur għall-estrapolazzjoni tal- |
|
|
: |
il-medja tal-valuri T ta' |
Id-devjazzjoni standard tal-konsum tal-enerġija ta' kull dawl LED estern ta' effiċjenza għolja (
) u d-devjazzjoni standard tal-
iwasslu għal żball fl-iffrankar tas-CO2 (
). Dan l-iżball għandu jiġi kkalkulat permezz tal-Formula 6.
Formula 6
Sinifikat statistiku
Għal kull tip, varjant u verżjoni ta' vettura mgħammra bil-pakkett tad-dwal LED esterni ta' effiċjenza għolja jrid jintwera li l-iżball fl-iffrankar ta' CO2 ikkalkulat bil-Formula 6 mhuwiex ikbar mid-differenza bejn l-għadd totali ta' CO2 iffrankat u l-livell limitu minimu ta' ffrankar speċifikat fl-Artikolu 9(1) tar-Regolament ta' Implimentazzjoni (UE) Nru 725/2011 (ara l-Formula 7).
Formula 7
fejn:
|
MT |
: |
Livell limitu minimu [gCO2/km], li huwa 1 gCO2/km |
Meta, bħala riżultat tal-kalkolu bl-użu tal-Formula 2, it-total tal-iffrankar ta' emissjonijiet ta' CO2 u l-iżball fl-iffrankar ta' CO2 ikkalkulat permezz tal-Formula 6 tal-pakkett ta' dwal LED esterni ta' effiċjenza għolja jkun taħt il-limitu minimu speċifikat fl-Artikolu 9(1) tar-Regolament ta' Implimentazzjoni (UE) Nru 725/2011, japplika t-tieni subparagrafu tal-Artikolu 11(2) ta' dak ir-Regolament.
(1) E/ECE/324/Rev.2/Add.111/Rev.3 — E/ECE/TRANS/505/Rev.2/Add.111/Rev.3, id-9 ta' Jannar 2013.
Rettifika
|
27.9.2016 |
MT |
Il-Ġurnal Uffiċjali tal-Unjoni Ewropea |
L 259/79 |
Rettifika tar-Regolament ta' Implimentazzjoni tal-Kummissjoni (UE) 2016/1047 tat-28 ta' Ġunju 2016 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
( Il-Ġurnal Uffiċjali tal-Unjoni Ewropea L 170 tad-29 ta' Ġunju 2016 )
F'paġna 39, fl-Anness, fil-punt (b)(1) li jemenda r-ringieli li jikkonċernaw il-kodiċijiet NM 3215 sa 3215 90 00 tat-Tieni Parti tal-Anness I tar-Regolament (KEE) Nru 2658/87, fin-nota ta' qiegħ il-paġna (5):
minflok:
“Linka solida f'forom imfassla apposta biex tiddaħħal fl-apparat tas-subtitli 8443 31, 8443 32 jew 8443 39: B'xejn”,
aqra:
“Cartridges tal-linka (mingħajr print head integrat) biex jiddaħħlu fl-apparat tas-subtitli 8443 31, 8443 32 jew 8443 39, u li jinkorporaw komponenti mekkaniċi jew elettriċi; linka solida f'forom imfassla apposta biex tiddaħħal fl-apparat tas-subtitli 8443 31, 8443 32 jew 8443 39: B'xejn”.
”;
”;
, aġġustat għal bażi ta' ħajja utli sħiħa, eż jekk l-istogramma kienet tirrappreżenta ħames (5) sigħat, u l-ħajja utli hija ta' 4 000 siegħa skont it-Tabella 1, l-annotamenti kollha tal-ħin fl-istogramma għandhom jiġu multiplikati b'
.
matul iż-żmien 
.
matul iż-żmien 
ta' kull intervall 
matul iż-żmien 
.
matul iż-żmien 
ta' kull intervall 
matul iż-żmien 
ta' kull intervall 
kif definit fir-Regolament NU/KEE Nru 101, Anness 8
