23.8.2016   

MT

Il-Ġurnal Uffiċjali tal-Unjoni Ewropea

L 228/1

(1)

Huwa essenzjali li jiġu stabbiliti regoli dwar l-elementi minimi li għandhom jiġu inklużi fi pjan ta' riorganizzazzjoni tan-negozju għall-approvazzjoni tiegħu u dwar il-kontenut minimu tar-rapporti mfassla fil-każ ta' riorganizzazzjoni tal-istituzzjonijiet u l-entitajiet soġġetti għad-dispożizzjonijiet tad-Direttiva 2014/59/UE.

(2)

Il-linji gwida u l-komunikazzjonijiet adottati mill-Kummissjoni fir-rigward tal-valutazzjoni tal-konformità mal-qafas ta' għajnuna mill-Istat tal-Unjoni li jirrigwarda r-ristrutturar tad-ditti f'diffikultajiet fis-settur finanzjarju, skont l-Artikolu 107(3) tat-Trattat, jista' jipprovdi referenza utli għall-elaborazzjoni tal-pjan ta' riorganizzazzjoni tan-negozju anki meta ma tkun ingħatat ebda għajnuna mill-Istat, peress li huma jaqsmu mal-pjan ta' riorganizzazzjoni tan-negozju l-objettiv li jirrestawraw il-vijabbiltà fit-tul tal-istituzzjoni jew tal-entità.

(3)

Il-pjanijiet ta' riorganizzazzjoni tan-negozju għandhom ikunu jistgħu jużaw l-informazzjoni li tinsab fil-pjan ta' rkupru u fil-pjan ta' riżoluzzjoni, sal-punt li tali informazzjoni tkun rilevanti għar-restawr tal-vijabbiltà fit-tul tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE u filwaqt li tiġi kkunsidrata l-applikazzjoni tal-għodda tar-rikapitalizzazzjoni interna.

(4)

Ir-ristrutturar tal-istituzzjoni jew tal-entità msemmi fil-punti (b), (c) jew (d) tal-Artikolu 1(1) tad-Direttiva 2014/59/UE u tal-attivitajiet tagħha wara l-applikazzjoni tal-għodda tar-rikapitalizzazzjoni interna għandu jindirizza r-raġunijiet għall-falliment tagħha. Il-bażi tal-istrateġija ta' riorganizzazzjoni għandha, għalhekk, tkun il-fatturi li wasslu biex kwalunkwe istituzzjoni jew entità tidħol fi proċedura ta' riżoluzzjoni. Din l-istrateġija tista' wkoll tikkunsidra l-prevenzjoni tal-kriżijiet u l-miżuri ta' maniġment li ttieħdu u li ġew implimentati mill-awtorità kompetenti jew mill-awtorità ta' riżoluzzjoni rispettivament. Is-sors u l-kobor tad-diffikultajiet li ltaqgħet magħhom tali istituzzjoni jew entità jistgħu jintwerew billi tiġi inkluża informazzjoni dwar l-issodisfar tar-rekwiżiti regolatorji u prudenzjali rilevanti qabel ir-riżoluzzjoni.

(5)

Għalkemm il-falliment tal-istituzzjoni jew tal-entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE seta' ġie kkawżat minn sett partikolari ta' raġunijiet, tali istituzzjoni jew entità setgħu sofrew minn nuqqasijiet oħra li ma kkawżawx il-falliment, iżda li jistgħu jdgħajfu l-vijabbiltà fit-tul tagħhom. Ir-riorganizzazzjoni għandha tindirizza kull nuqqas. Strateġija ta' riorganizzazzjoni b'suċċess għandha ssegwi analiżi komprensiva kemm tal-istituzzjoni jew l-entità sottoposti għal riorganizzazzjoni u tal-punti b'saħħithom u n-nuqqasijiet tagħhom, kif ukoll tas-swieq rilevanti fejn topera dik l-istituzzjoni jew entità u tar-riskji u tal-opportunitajiet ippreżentati minn tali swieq. Sabiex pjan ta' riorganizzazzjoni tan-negozju jiġi kkunsidrat kredibbli mill-awtorità ta' riżoluzzjoni u mill-awtorità kompetenti, dan għandu jirrestawra l-vijabbiltà fit-tul tal-istituzzjoni abbażi ta' assunzjonijiet prudenti.

(6)

Ir-restawr tal-vijabbiltà fit-tul tal-istituzzjoni jew entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE wara r-riżoluzzjoni jfisser li, mhux aktar tard minn tmiem il-perjodu ta' riorganizzazzjoni, l-istituzzjoni jew l-entità tkun tista' tissodisfa l-proċess intern ta' valutazzjoni tal-adegwatezza kapitali tagħha, u r-rekwiżiti rilevanti kollha kemm prudenzjali kif ukoll rekwiżiti regolatorji oħra fuq bażi progressiva, u li jkollha mudell ta' negozju vijabbli li huwa wkoll sostenibbli fit-tul.

(7)

L-awtorità ta' riżoluzzjoni u l-awtorità kompetenti għandhom jiġu pprovduti b'informazzjoni dettaljata biżżejjed biex jivvalutaw il-pjan ta' riorganizzazzjoni tan-negozju u jimmoniterjaw l-implimentazzjoni tiegħu. Ir-rekwiżit li jipprovdi tali informazzjoni għandu jikkunsidra r-rilevanza tagħha għall-istruttura korporattiva tal-istituzzjoni jew tal-entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE, u r-rilevanza tagħha għar-riorganizzazzjoni u l-affidabbiltà tagħhom, speċjalment fil-każ ta' kriżi sistemika.

(8)

Il-fluttwazzjonijiet huma parti inerenti miċ-ċiklu ekonomiku. Kwalunkwe pjan ta' negozju għandu għalhekk ikun soġġett għal analiżijiet ta' xenarji alternattivi, b'tibdiliet adegwati fl-assunzjonijiet sottostanti prinċipali. Għalkemm il-vijabbiltà fit-tul għandha tiġi restawrata taħt kull xenarju, l-iżvilupp ta' strateġiji ta' riorganizzazzjoni jista' jwassal għal spejjeż sproporzjonati għall-istituzzjoni jew għall-entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE, filwaqt li x-xenarji alternattivi għandhom bi prinċipju jkunu anqas probabbli milli dak tax-xenarju bażi.

(9)

Il-pjan ta' riorganizzazzjoni tan-negozju għandu jippermetti lill-awtorità ta' riżoluzzjoni u lill-awtorità kompetenti jivvalutaw l-impatt tiegħu fuq il-kisba tal-objettivi ta' riżoluzzjoni, u b'mod partikolari jiżguraw il-kontinwità ta' funzjonijiet kritiċi u jevitaw effett negattiv sinifikanti fuq is-sistema finanzjarja.

(10)

Il-frekwenza u d-dettall tal-monitoraġġ tal-implimentazzjoni tal-pjan ta' riorganizzazzjoni tan-negozju għandhom jippermettu identifikazzjoni bikrija ta' kull devjazzjoni jew ta' diffikultajiet oħra. Ir-rapportar trimestrali tad-dejta u tal-prestazzjoni huwa metodoloġija komuni fis-settur finanzjarju u jippermetti tali osservazzjoni fi żmien debitu. Il-pjan ta' riorganizzazzjoni tan-negozju għandu jippermetti wkoll aġġustamenti fl-istadji importanti jew fil-miżuri ppjanati fih oriġinarjament, meta dan ikun iġġustifikat miċ-ċirkostanzi.

(11)

Dan ir-Regolament huwa msejjes fuq l-abbozz tal-istandards tekniċi regolatorji ppreżentat mill-Awtorità Bankarja Ewropea (“EBA”) lill-Kummissjoni.

(12)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat l-ispejjeż u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 15(1) tar-Regolament (UE) Nru 1093/2010 tal-Parlament Ewropew u tal-Kunsill (2),

(1)

“perjodu ta' riorganizzazzjoni” jfisser il-perjodu, li għandu jkun ta' durata raġonevoli, bejn l-applikazzjoni tal-għodda tar-rikapitalizzazzjoni interna u l-mument meta l-istituzzjoni jew l-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE soġġetti għal riżoluzzjoni huma mistennija li jkunu rrestawraw il-vijabbiltà fit-tul tagħhom, u li matulu jiġu implimentati l-miżuri previsti fil-pjan ta' riorganizzazzjoni tan-negozju;

(2)

“xenarju bażi” jfisser ix-xenarju ta' negozju li l-korp maniġjerali jew il-persuna jew persuni maħtura biex joperaw l-istituzzjoni jew l-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE jikkunsidraw bħala l-aktar probabbli li jimmaterjalizza fil-proċess ta' restawr tal-vijabbiltà fit-tul tal-istituzzjoni jew tal-entità.

(a)

rendikont storiku u finanzjarju tal-fatturi li kkontribwew għad-diffikultajiet tal-istituzzjoni jew tal-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE, li jinkludi l-indikaturi tal-prestazzjoni rilevanti li ddeterjoraw fil-perjodu qabel ir-riżoluzzjoni u r-raġuni għad-deterjorament tagħhom;

(b)

deskrizzjoni qasira tal-miżuri ta' prevenzjoni u ta' ġestjoni ta' kriżijiet, fejn tali miżuri ġew applikati mill-awtorità kompetenti, l-awtorità ta' riżoluzzjoni jew l-istituzzjoni jew l-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE qabel il-preżentazzjoni tal-pjan ta' riorganizzazzjoni tan-negozju;

(c)

deskrizzjoni tal-istrateġija ta' riorganizzazzjoni tan-negozju u l-miżuri intiżi biex jirrestawraw il-vijabbiltà fit-tul tal-istituzzjoni jew tal-entità tul il-perjodu ta' riorganizzazzjoni, inkluża deskrizzjoni ta' kull wieħed minn dawn li ġejjin:

(a)

l-entità jew il-linja operatorja rilevanti, il-metodu ta' stralċ jew tal-bejgħ, inkluż l-assunzjonijiet sottostanti u kwalunkwe telf possibbli mistenni;

(b)

id-durata mistennija;

(c)

kull finanzjament jew servizz ipprovduti minn jew lill-istituzzjoni jew entità li tibqa'.

(a)

l-ispejjeż u l-impatt tar-riorganizzazzjoni fuq il-profitt u d-dikjarazzjoni ta' telf u l-karta bilanċjali tal-istituzzjoni jew tal-entità;

(b)

deskrizzjoni tar-rekwiżiti ta' finanzjament tul il-perjodu ta' riorganizzazzjoni u s-sorsi potenzjali ta' finanzjament;

(c)

il-mod li l-istituzzjoni jew l-entità jkunu jistgħu joperaw li jkopri l-ispejjeż kollha tagħha, inkluż id-deprezzament u l-ispejjeż finanzjarji u jipprovdi rendiment finanzjarju aċċettabbli sa tmiem il-perjodu ta' riorganizzazzjoni;

(d)

karta bilanċjali ta' wara r-riżoluzzjoni li tirrifletti l-istruttura ta' dejn u kapitali l-ġdida u t-tniżżil fil-valur tal-assi abbażi tal-valutazzjoni mwettqa skont l-Artikolu 36(1) tad-Direttiva 2014/59/UE jew il-valutazzjoni definittiva ex-post msemmija fl-Artikolu 36(10) tagħha;

(e)

projezzjoni tal-metrika finanzjarja ewlenija fil-livell tal-gruppi, tal-entità u tal-linja operatorja, li tirrelata b'mod partikolari, mal-likwidità, il-prestazzjoni tas-self, il-profil ta' finanzjament, il-profittabbiltà u l-effiċjenza.

(a)

l-assunzjonijiet rigward l-iżviluppi makroekonomiċi u tas-suq mistennija fix-xenarju bażi, meta mqabbla ma' punti ta' riferiment adegwati fis-setturi kollha;

(b)

preżentazzjoni konċiża ta' strateġiji ta' riorganizzazzjoni alternattivi jew sett ta' miżuri u ġustifikazzjoni dwar ir-raġuni għaliex intgħażlu l-miżuri fil-pjan ta' riorganizzazzjoni tan-negozju biex jirrestawraw vijabbiltà fit-tul tal-istituzzjoni jew tal-entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE, filwaqt li jirrispettaw l-objettivi u l-prinċipji tar-riżoluzzjoni.

(a)

l-assunzjonijiet sottostanti, bħall-elementi varjabbli makroekonomiċi ewlenin;

(b)

il-projezzjoni tad-dikjarazzjoni tal-profitt u tat-telf u l-karti bilanċjali;

(c)

il-metrika finanzjarja ewlenija fil-livell tal-grupp, tal-entità u tal-linja operatorja.

(a)

l-istadji importanti li huma ssodisfati, il-miżuri li jiġu realizzati u kif l-impatt tagħhom jitqabbel ma' dak previst fil-pjan ta' riorganizzazzjoni tan-negozju;

(b)

il-prestazzjoni tal-istituzzjoni jew tal-entità u tqabbil mal-previżjonijiet tal-pjan ta' riorganizzazzjoni tan-negozju u rapporti ta' progress preċedenti;

(c)

ir-raġunijiet għaliex kull stadju importanti jew indikaturi tal-prestazzjoni ma ġewx miksuba u proposti biex jirrimedjaw id-dewmien jew in-nuqqasijiet;

(d)

kull kwistjoni oħra li tirriżulta mill-eżekuzzjoni tal-pjan ta' riorganizzazzjoni tan-negozju li tista' tipprevjeni r-restawr tal-vijabbiltà fit-tul tal-istituzzjoni jew tal-entità msemmija fil-punti (b), (c) u (d) tal-Artikolu 1(1) tad-Direttiva 2014/59/UE;

(e)

il-miżuri u l-istadji importanti futuri u valutazzjoni tal-probabbiltà li jiġu ssodisfati;

(f)

projezzjonijiet ta' prestazzjoni finanzjarja aġġornati;

(g)

fejn hu meħtieġ u ġġustifikat, proposta għal aġġustamenti ta' miżuri individwali, stadji importanti jew indikaturi tal-prestazzjoni, skont l-Artikolu 5(2).

23.8.2016   

MT

Il-Ġurnal Uffiċjali tal-Unjoni Ewropea

L 228/7

(1)

Id-Direttiva 2014/59/UE tagħti s-setgħa lill-awtoritajiet ta' riżoluzzjoni li jnaqqsu l-valur u jikkonvertu l-obbligazzjonijiet ta' istituzzjoni taħt riżoluzzjoni.

(2)

Il-kuntratti tad-derivattivi jistgħu jirrappreżentaw sehem sinifikanti mill-istruttura tal-obbligazzjonijiet ta' ċertu istituzzjonijiet ta' kreditu. Madankollu, il-valwazzjoni ta' tali kuntratti hija proċess kumpless minħabba li l-valur tagħhom huwa marbut mal-valur tal-istrumenti, l-assi jew l-entitajiet sottostanti, li jevolvi tul iż-żmien u li jikkristallizza biss fil-maturità jew mal-close-out.

(3)

L-esperjenza tal-passat turi li l-kumplessità tal-valwazzjoni tal-obbligazzjonijiet derivattivi malli tfalli waħda mill-kontropartijiet tista' tagħmel il-proċess ta' valwazzjoni wieħed li jieħu l-ħin, li jinvolvi kostijiet enormi u li jwassal għal litigazzjoni.

(4)

Barra minn hekk, il-prattika turi li l-kuntratti tad-derivattivi jista' jkun fihom metodoloġiji differenti biex jiġi ddeterminat l-ammont dovut bejn il-kontropartijiet mal-close-out, fejn xi wħud minnhom iħallu d-determinazzjoni tal-ammont tal-close-out jew id-data tal-close-out, jew it-tnejn li huma, għal kollox f'idejn il-kontroparti mhux inadempjenti.

(5)

B'dan il-mod, sabiex jiġi evitat periklu morali u tiġi żgurata l-effiċjenza tal-azzjonijiet ta' riżoluzzjoni, l-awtoritajiet ta' riżoluzzjoni għandhom jadottaw u jimplimentaw metodi adegwati biex ivalwaw l-obbligazzjonijiet li joriġinaw minn kuntratti tad-derivattivi f'qafas ta' żmien kompatibbli mal-ħeffa tal-proċess ta' riżoluzzjoni u abbażi ta' informazzjoni oġġettiva u, fejn prattikabbli, disponibbli mill-ewwel. Huwa importanti li l-metodu ta' valwazzjoni jistabbilixxi xi dispożizzjonijiet proċedurali dwar il-komunikazzjoni ta' deċiżjonijiet tal-close-out mill-awtorità ta' riżoluzzjoni, kif ukoll dwar kif jinkisbu tranżazzjonijiet ta' sostituzzjoni mill-kontropartijiet magħluqa (closed-out).

(6)

Il-kuntratti tad-derivattivi soġġetti għal ftehim ta' netting iwasslu għal ammont wieħed ta' close-out fil-każ ta' terminazzjoni kuntrattwali bikrija. L-Artikolu 49 tad-Direttiva 2014/59/UE jipprevedi li l-valur ta' tali kuntratti jiġi ddeterminat fuq bażi netta skont it-termini tal-ftehim. L-awtorità ta' riżoluzzjoni jew valwatur indipendenti għandhom, għalhekk, jirrispettaw is-settijiet tan-netting iddefiniti fl-arranġamenti ta' netting mingħajr ma jkunu jistgħu jagħżlu ċertu kuntratti u jeżentaw oħrajn.

(7)

Skont l-Artikolu 49 tad-Direttiva 2014/59/UE, il-valur tal-kuntratti tad-derivattivi huwa ddeterminat mill-awtorità ta' riżoluzzjoni jew minn valwatur indipendenti bħala parti mill-proċess ta' valwazzjoni mwettaq skont l-Artikolu 36 ta' dik id-Direttiva. Fir-rigward tal-obbligazzjonijiet ta' derivattivi, il-proċess ta' valwazzjoni għandu jimmira li jiddetermina valwazzjoni veloċi u ex ante għal skopijiet ta' rikapitalizzazzjoni interna, u fl-istess ħin jippermetti lill-awtorità ta' riżoluzzjoni flessibilità xierqa għal aġġustament ex post tal-ammonti ta' pretensjoni.

(8)

Il-valutazzjoni dwar jekk obbligazzjonijiet ta' derivattivi għandhomx jiġu rikapitalizzati internament jew jekk għandhomx jiġu esklużi mill-ambitu ta' rikapitalizzazzjoni interna skont l-Artikolu 44(3) tad-Direttiva 2014/59/UE għandha ssir qabel id-deċiżjoni ta' close-out bħala parti mill-proċess ta' valwazzjoni skont l-Artikolu 36 ta' din id-Direttiva.

(9)

Il-valwazzjoni ta' obbligazzjonijiet tad-derivattivi għandha tippermetti lill-awtoritajiet ta' riżoluzzjoni jivvalutaw, qabel ma tittieħed deċiżjoni ta' close-out, l-ammont potenzjali li bih tali obbligazzjonijiet jiġu soġġetti għal rikapitalizzazzjoni interna wara l-close-out, kif ukoll id-distruzzjoni potenzjali fil-valur li tista' tirriżulta mill-close-out.

(10)

Il-close-out ta' kuntratti tad-derivattivi jista' jikkristalizza f'telf addizzjonali li mhuwiex rifless fil-valwazzjoni ta' negozju avvjat, li joriġina pereżempju mill-kostijiet reali ta' sostituzzjoni sostnuti mill-kontroparti, li jżidu l-kostijiet tal-close-out li dovuti mill-istituzzjoni taħt riżoluzzjoni, jew li joriġina mill-kostijiet ssostni mill-istituzzjoni taħt riżoluzzjoni biex tistabbilixxi mill-ġdid tranżazzjonijiet dwar l-iskoperturi soġġetti għar-riskju tas-suq miftuħ li jirriżultaw mill-close-out. Jekk it-telf sostnut jew it-telf mistenni li jirriżulta minn close-out ta' derivattivi jaqbeż is-sehem tal-obbligazzjonijiet korrispondenti li jkun disponibbli effettivament għar-rikapitalizzazzjoni interna, it-telf eċċessiv jista' jżid il-piż ta' rikapitalizzazzjoni interna għal kredituri oħra tal-istituzzjoni taħt riżoluzzjoni. F'tali każijiet, l-ammont ta' telf li jiġġarrab mill-obbligazzjonijiet li ma jirriżultawx minn kuntratti tad-derivattivi f'rikapitalizzazzjoni interna jkun ogħla milli mingħajr il-close-out u r-rikapitalizzazjoni interna ta' kuntratti tad-derivattivi, u għalhekk l-awtorità ta' riżoluzzjoni tista' tikkunsidra li teżenta l-kuntratti tad-derivattivi minn rikapitalizzazzjoni interna f'konformità mal-Artikolu 44(3)(d) tad-Direttiva 2014/59/UE u mar-Regolament Delegat tal-Kummissjoni (UE) 2016/860 (2) adottat skont l-Artikolu 44(11) ta' din id-Direttiva. Kwalunkwe eżerċizzju ta' setgħa ta' rikapitalizzazzjoni interna fir-rigward ta' tali obbligazzjonijiet għandu jkun soġġett għall-eżenzjonijiet stabbiliti fl-Artikolu 44(2) tad-Direttiva 2014/59/UE u għall-eżenzjonijiet diskrezzjonali stabbiliti fl-Artikolu 44(3) ta' din id-Direttiva kif speċifikat fir-Regolament Delegat (UE) 2016/860.

(11)

Peress li hemm ħtieġa għal interpretazzjoni konsistenti tal-paragrafi (3) u (4) tal-Artikolu 49 tad-Direttiva 2014/59/UE, għandhom jiġu speċifikati l-metodoloġiji u l-prinċipji għall-valwazzjoni tad-derivattivi li jagħmlu l-valwaturi indipendenti u l-awtoritajiet ta' riżoluzzjoni.

(12)

Metodoloġija ta' valwazzjoni li tiddependi fuq kostijiet ta' sostituzzjoni reali jew ipotetiċi għall-obbligazzjonijiet magħluqa (closed-out) tista' takkwista riżultati simili għall-prattika tas-suq predominanti u tkun konsistenti mal-prinċipji li jirregolaw il-valwazzjoni meħtieġa skont l-Artikolu 74 tad-Direttiva 2014/59/UE, li hija mmirata biex tistabbilixxi jekk l-azzjonisti u l-kredituri kinux jirċievu trattament aħjar li kieku l-istituzzjoni taħt riżoluzzjoni daħlet fi proċedimenti ta' insolvenza normali (il-prinċipju “l-ebda kreditur ma jmur agħar”).

(13)

Fl-applikazzjoni tal-metodu ta' valwazzjoni, l-awtorità ta' riżoluzzjoni għandha tkun tista' tiddependi fuq diversi sorsi ta' dejta, inklużi sorsi ta' dejta pprovduti mill-istituzzjoni taħt riżoluzzjoni, mill-kontropartijiet jew minn partijiet terzi. Madankollu, ikun adegwat li jiġu stabbiliti prinċipji dwar it-tipi ta' dejta li għandhom jiġu kkunsidrati fil-kors tal-valwazzjoni sabiex tiġi żgurata determinazzjoni objettiva tal-valur.

(14)

Il-kontropartijiet ta' kuntratti tad-derivattivi magħluqa (closed-out) minn awtoritajiet ta' riżoluzzjoni jistgħu jagħżlu li jikkonkludu tranżazzjoni ta' sostituzzjoni waħda jew aktar biex jissostitwixxu l-iskopertura tagħhom mal-close-out. Tali tranżazzjoni ta' sostituzzjoni għandha tikkostitwixxi sors ta' dejta privileġġat għall-valwazzjoni sakemm tiġi konkluża f'termini kummerċjalment raġonevoli sad-data tal-close-out jew appena jkun raġonevolment prattikabbli wara. L-awtoritajiet ta' riżoluzzjoni għandhom, għalhekk, meta jikkomunikaw deċiżjoni ta' close-out, jagħtu lill-kontropartijiet il-possibiltà li jipprovdu evidenza ta' tranżazzjonijiet ta' sostituzzjoni kummerċjalment raġonevoli fi żmien skadenza konsistenti mal-waqt ta' referenza mistenni qabel il-valwazzjoni. Meta l-kontropartijiet ikunu pprovdew tali evidenza sal-iskadenza, il-valwatur għandu jiddetermina l-ammont ta' close-out bil-prezzijiet ta' dawk it-tranżazzjonijiet ta' sostituzzjoni. Jekk il-kontropartijiet ma jkunux ipprovdew evidenza ta' tranżazzjonijiet ta' sostituzzjoni kommerċjalment raġonevoli sal-iskadenza, l-awtoritajiet ta' riżoluzzjoni għandhom ikunu jistgħu iwettqu l-valwazzjoni abbażi ta' informazzjoni disponibbli tas-suq, bħal firxiet tal-prezz ta' nofs is-suq u firxiet bejn it-talba u l-offerta, sabiex jiġu vvalutati l-kostijiet ta' sostituzzjoni ipotetiċi, jiġifieri t-telf jew il-kostijiet li kienu jiġġarrbu riżultat tal-istabbiliment mill-ġdid ta' ħeġġ jew ta' pożizzjoni ta' negozjar relatata fuq bażi ta' skopertura tar-riskju nett.

(15)

Il-prodotti u s-swieq derivattivi huma eteroġeni ħafna u mhuwiex possibbli li tiġi identifikata prattika waħda tas-suq għad-dħul fi tranżazzjonijiet ta' sostituzzjoni. Għalhekk, il-kunċett ta' “tranżazzjonijiet ta' sostituzzjoni kommerċjalment raġonevoli” għandu jkun iddefinit b'mod wiesa' sabiex il-valwatur ikun jista' jwettaq il-valutazzjoni rikjesta fil-kuntesti kollha tas-suq. Dan il-kunċett għandu jiftiehem bħala tranżazzjoni ta' sostituzzjoni li wieħed jidħol fiha fuq bażi ta' skopertura għar-riskju nnettjata (netted), f'termini konsistenti mal-prattika komuni tas-suq u fejn isiru sforzi raġonevoli sabiex jinkiseb l-aħjar valur għall-flus. B'mod partikolari, il-valwatur għandu jikkonsidra, fost elementi oħrajn, l-għadd ta' negozjanti li ġew ikkontattjati mill-kontroparti, l-għadd miksub ta' kwoti ta' ditti, u jekk ingħażlitx il-kwota li toffri l-aħjar prezz. L-awtorità ta' riżoluzzjoni għandha tkun tista' tispeċifika fl-avviż tal-close-out il-kriterji li se tapplika fil-valutazzjoni tagħha.

(16)

Il-leġiżlazzjoni tal-Unjoni adottata fis-snin riċenti fittxet, skont l-istandards internazzjonali, li żżid it-trasparenza u l-mitigazzjoni tar-riskju fis-suq għal kuntratti tad-derivatativi billi tipprevedi kklerjar mandatorju permezz ta' kontropartijiet ċentrali (“CCP”) għal derivattivi barra l-Borża standardizzati (“OTC”), rekwiżi ta' valwazzjoni u marġinazzjoni għal derivattivi kklerjati minn CCP u għal firxa wiesgħa ta' derivattivi OTC, u rapportar mandatorju għal depożitorji tat-tranżazzjonijiet għad-derivattivi OTC kollha.

(17)

F'każ li membru tal-ikklerjar tas-CCP jitqiegħed taħt riżoluzzjoni, u l-awtorità ta' riżoluzzjoni tkun għalqet kuntratti tad-derivattivi qabel ir-rikapitalizzazzjoni interna, dan il-membru tal-ikklerjar ikun jikkwalifika bħala membru tal-ikklerjar f'inadempjenza fir-rigward tas-CCP f'relazzjoni mas-sett/ijiet ta' netting partikolari. Il-proċeduri interni u l-mekkaniżmi li jirregolaw l-inadempjenza ta' membru tal-ikklerjar (“proċeduri ta' inadempjenza tas-CCP”) implimentati minn CCPs fid-dawl tar-rekwiżiti tar-Regolament (UE) Nru 648/2012 tal-Parlament Ewropew u tal-Kunsill (3), joffru bażi affidabbli biex jiġi ddeterminat il-valur tal-obbligazzjoni tad-derivattiv li jinħoloq fis-sett tan-netting kollu mill-close-out, anki fil-kuntest tar-rikapitalizzazzjoni interna fi proċess ta' riżoluzzjoni.

(18)

It-twettiq ta' proċeduri ta' inadempjenza tas-CCP jistgħu jieħdu diversi jiem jew aktar wara l-event skattatur. Fil-każ partikolari tar-riżoluzzjoni, li wieħed jistenna li jitlestew il-proċeduri ta' inadempjenza fuq perjodu twil ħafna sabiex jiġi stabbilit il-valur tad-derivattivi jista' jdgħajjef l-iskeda ta' żmien u l-objettivi tar-riżoluzzjoni u jista' jirriżulta fi tfixkil mhux meħtieġ fis-swieq finanzjarji. Huwa meħtieġ, għalhekk, li l-awtorità ta' riżoluzzjoni taqbel mas-CCP u mal-awtorità kompetenti tas-CCP dwar l-iskadenza sa meta jrid jiġi ddeterminat l-ammont ta' terminazzjoni bikrija, filwaqt li jitqiesu kemm il-limitazzjoni tas-CCP, kif ukoll dawk tal-awtorità ta' riżoluzzjoni.

(19)

L-ammont ta' terminazzjoni bikrija ddeterminat mis-CCP skont il-proċeduri ta' ġestjoni ta' inadempjenza sal-iskadenza miftiehma għandu jkun appoġġat mill-valwatur. Meta s-CCP tonqos milli tiddetermina l-ammont ta' terminazzjoni bikrija sal-iskadenza miftiehma jew ma tapplikax il-proċeduri tagħha ta' inadempjenza, l-awtorità ta' riżoluzzjoni għandu jkollha l-possibiltà li tiddependi fuq l-istimi tagħha stess biex tiddetermina l-ammont ta' terminazzjoni bikrija. L-awtorità ta' riżoluzzjoni għandha tkun tista' tapplika determinazzjoni proviżorja abbażi tal-istimi tagħha stess meta tali azzjoni tkun iġġustifikata skont l-urġenza tal-proċess ta' riżoluzzjoni u sakemm tiġi aġġornata l-valwazzjoni tagħha hekk kif titlesta l-proċedura ta' inadempjenza tas-CCP fl-għeluq tal-iskadenza. L-awtorità ta' riżoluzzjoni għandha tkun tista' tikkonsidra informazzjoni pprovduta mis-CCP wara l-iskadenza tal-valwazzjoni definittiva ex post, jekk tkun disponibbli f'dak iż-żmien, u fi kwalunkwe każ meta twettaq il-valwazzjoni tad-differenza fit-trattament skont l-Artikolu 74 tad-Direttiva 2014/59/UE. Dan ir-Regolament għandu jkun mingħajr preġudizzju għall-proċeduri ta' ġestjoni ta' inadempjenza magħmula mis-CCPs skont ir-Regolament (UE) Nru 648/2012.

(20)

Id-dispożizzjonijiet f'dan ir-Regolament m'għandhomx jaffettwaw il-proċeduri interni tas-CCP għat-trasferiment tal-assi u tal-pożizzjonijiet stabbiliti bejn membru tal-ikklerjar inadempjenti u l-klijenti tiegħu, adottati skont l-Artikolu 48(4) tar-Regolament (UE) Nru 648/2012, u għandu jkun konsistenti ma' kwalunkwe dispożizzjoni jew kundizzjoni rilevanti oħra ta' awtorizzazzjoni li tista' taffettwa l-close-out tal-kuntratti tad-derivattivi rilevanti.

(21)

Il-punt ta' żmien għall-valwazzjoni tal-kuntratti tad-derivattivi għandu jirrifletti l-prinċipju ta' valwazzjoni li jikkunsidra l-kostijiet ta' sostituzzjoni reali jew ipotetiċi li jsostnu l-kontropartijiet. Sabiex il-valwazzjoni tkun kemm jista' jkun preċiża, il-valwazzjoni għandha titwettaq fid-data tal-close-out jew, jekk dan ma jkunx kommerċjalment raġonevoli, fl-ewwel jum u fil-ħin li fih ikun disponibbli prezz tas-suq għall-ass sottostanti. F'dawk il-każijiet fejn l-ammont ta' terminazzjoni bikrija jiġi ddeterminat mis-CCP jew bil-prezz tat-tranżazzjonijiet ta' sostituzzjoni, il-punt ta' referenza fiż-żmien għandu jkun dak tad-determinazzjoni tas-CCP jew dak tat-tranżazzjonijiet ta' sostituzzjoni.

(22)

Jekk l-awtorità ta' riżoluzzjoni, minħabba urġenza, tiddeċiedi li twettaq valwazzjoni proviżorja skont l-Artikolu 36(9) tad-Direttiva 2014/59/UE, l-awtorità ta' riżoluzzjoni jew il-valwatur għandhom ikunu jistgħu, bħala parti mill-valwazzjoni proviżorja, jipproduċu determinazzjoni proviżorja tal-valur tal-obbligazzjonijiet tad-derivattivi qabel dak il-punt ta' referenza ta' żmien, abbażi ta' stimi tal-valur u ta' dejta disponibbli f'dak il-ħin. Meta l-awtorità ta' riżoluzzjoni tieħu azzjoni ta' riżoluzzjoni abbażi tal-valwazzjoni proviżorja skont l-Artikolu 36(12) tad-Direttiva 2014/59/UE, l-żviluppi tas-suq rilevanti osservati jew l-evidenza ta' tranżazzjonijiet ta' sostituzzjoni reali fil-punt ta' żmien ta' referenza jkunu riflessi fil-valwazzjoni proviżorja sussegwenti jew, fil-valwazzjoni finali mwettqa skont l-Artikolu 36(10) ta' dik id-Direttiva.

(23)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Bankarja Ewropea lill-Kummissjoni.

(24)

L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqhom huwa bbażat dan ir-Regolament, ikkonsultat l-Awtorità Ewropea tat-Titoli u s-Swieq, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati Bankarji stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4).

(1)

“sett tan-netting” tfisser grupp ta' kuntratti soġġetti għal arranġament ta' netting kif iddefinit fl-Artikolu 2(1)(98) tad-Direttiva 2014/59/UE;

(2)

“valwatur” tfisser espert indipendenti maħtur biex iwettaq il-valwazzjoni f'konformità mar-rekwiżiti u mal-kriterji stabbiliti fil-Parti Erbgħa tar-Regolament Delegat tal-Kummissjoni (UE) 2016/1075 (5) jew l-awtorità ta' riżoluzzjoni meta titwettaq valwazzjoni skont il-paragrafi (2) u (9) tal-Artikolu 36 tad-Direttiva 2014/59/UE;

(3)

“kontroparti ċentrali”, jew “CCP” tfisser CCP kif iddefinita fl-Artikolu 2(1) tar-Regolament (UE) Nru 648/2012, sakemm tkun jew;

(4)

“membru tal-ikklerjar” tfisser membru tal-ikklerjar kif iddefinit fl-Artikolu 2(14) tar-Regolament (UE) Nru 648/2012;

(5)

“data tal-close-out” tfisser il-jum u l-ħin tal-close-out speċifikat fil-komunikazzjoni mill-awtorità ta' riżoluzzjoni tad-deċiżjoni ta' close-out;

(6)

“tranżazzjoni ta' sostituzzjoni” tfisser tranżazzjoni li wieħed jidħol fiha fid-data tal-close-out jew wara din id-data, ta' kuntratt tad-derivattivi biex jiġi stabbilit mill-ġdid, fuq bażi ta' skopertura għar-riskju nett, kwalunkwe ħeġġ jew pożizzjoni ta' negozjar relatata li ġew terminati fuq termini ekonomiċi ekwivalenti bħal tat-tranżazzjoni magħluqa (closed-out);

(7)

“tranżazzjoni ta' sostituzzjoni kummerċjalment raġonevoli” tfisser tranżazzjoni ta' sostituzzjoni li wieħed daħal fiha fuq bażi ta' skopertura għar-riskju innettjat, fuq termini konsistenti mal-prattika komuni tas-suq u billi jsiru sforzi raġonevoli biex jiġi akkwistat l-aħjar valur għall-flus.

(a)

l-ammont ta' telf li jiġġarrab mill-kuntratti tad-derivattivi f'rikapitalizzazzjoni interna, ikkalkulat billi jiġu mmultiplikati:

fejn

(b)

id-distruzzjoni fil-valur abbażi ta' valutazzjoni tal-ammont ta' kostijiet, spejjeż, jew indebboliment ieħor fil-valur li hu mistenni li jiġġarrab riżultat ta' close-out tal-kuntratti tad-derivattivi, u li jinkiseb billi jiġi kkalkolat it-total tal-elementi li ġejjin:

(a)

ammonti mhux imħallsa, kollaterali jew ammonti oħra dovuti mill-istituzzjoni taħt riżoluzzjoni lill-kontroparti, bit-tnaqqis tal-ammonti mhux imħallsa, ammonti kollaterali u ammonti oħra dovuti mill-kontraparti lill-istituzzjoni taħt riżoluzzjoni fid-data tal-close-out;

(b)

ammont ta' close-out li jkopri l-ammont ta' telf jew kostijiet minn kontropartijiet ta' derivattivi, jew qligħ realizzat minnhom, billi jiġu sostitwiti jew miksuba l-ekwivalenti ekonomiċi ta' termini materjali tal-kuntratti tterminati u d-drittijiet ta' opzjoni tal-partijiet fir-rigward ta' dawk il-kuntratti.

(a)

ammonti li saru pagabbli fid-data tal-close-out jew qabilha u li għadhom ma tħallsux sa dik id-data;

(b)

ammont daqs il-valur ġust tas-suq tal-ass li kien meħtieġ li jiġi fornut għal kull obbligu tal-kuntratti tad-derivattivi li meħtieġ li jiġi saldat sal-konsenja jew qabel id-data tal-close-out u li jkun għadu ma ġiex saldat sad-data tal-close-out;

(c)

ammonti fir-rigward tal-imgħax jew il-kumpens akkumulat waqt il-perjodu mid-data li fiha l-pagament rilevanti jew l-obbligi ta' forniment saru dovuti sad-data tal-close-out.

(a)

il-prezzijiet ta' nofs is-suq ta' tmiem il-jum skont il-proċessi business-as-usual fi ħdan l-istituzzjoni taħt riżoluzzjoni fid-data ddeterminata skont l-Artikolu 8;

(b)

il-firxa mid-to-bid jew mid-to-offer, skont id-direzzjoni tal-pożizzjoni ta' riskju innettjat (netted);

(c)

aġġustamenti għall-prezzijiet u l-firxiet imsemmija fil-punti (a) u (b) fejn neċessarju biex tiġi riflessal-likwidità tas-suq tar-riskji jew l-istrumenti sottostanti u d-daqs tal-iskopertura fir-rigward tal-kobor tas-suq, kif ukoll ir-riskji possibbli tal-mudell.

(a)

dejta pprovduta minn partijiet terzi, bħal dejta osservabbli tas-swieq jew dejta tal-parametri ta' valwazzjoni u kwotazzjonijiet mingħand ġeneraturi tas-suq, meta kuntratt ikun ikklerjat ċentralment, b'valuri jew stimi miksuba minn CCPs.

(b)

għal prodotti standardizzati, valwazzjonijiet iġġenerati mis-sistemi proprji tal-valwatur;

(c)

dejta disponibbli fi ħdan l-istituzzjoni taħt riżoluzzjoni, bħal mudelli interni u valwazzjonijiet inklużi verifiki tal-prezzijiet indipendenti mwettqa skont l-Artikolu 105(8) tar-Regolament (UE) Nru 575/2013 tal-Parlament Ewropew u tal-Kunsill (6);

(d)

dejta pprovduta mill-kontropartijiet, minbarra evidenza ta' tranżazzjonijiet ta' sostituzzjoni kkomunikata skont l-Artikolu 3(3), inkluż dejta dwar valwazzjoni attwali jew preċedenti fir-rigward ta' tranżazzjonijiet u kwotazzjonijiet simili jew relatati;

(e)

kwalunkwe dejta rilevanti oħra.

(a)

il-proċedura ta' inadempjenza, kif stabbilita mir-regoli ta' governanza tas-CCP f'konformità mal-Artikolu 48 tar-Regolament (UE) Nru 648/2012;

(b)

l-iskeda tar-riżoluzzjoni.

(a)

is-CCP ma tipprovdix il-valwazzjoni tal-ammont ta' terminazzjoni bikrija sal-iskadenza stabbilita mill-awtorità ta' riżoluzzjoni skont il-paragrafu 5; jew

(b)

il-valwazzjoni tas-CCP tal-ammont ta' terminazzjoni bikrija ma tkunx konformi mal-proċeduri ta' inadempjenza tas-CCP stabbiliti fl-Artikolu 48 tar-Regolament (UE) Nru 648/2012.

(a)

meta l-valwatur jiddetermina l-ammont ta' terminazzjoni bikrija bil-prezzijiet tat-tranżazzjonijiet ta' sostituzzjoni skont l-Artikolu 6(1), il-jum u l-ħin tal-konklużjoni tat-tranżazzjonijiet ta' sostituzzjoni;

(b)

f'każ fejn il-valwatur jiddetermina l-ammont ta' terminazzjoni bikrija f'konformità mal-proċeduri ta' inadempjenza skont l-Artikolu 7(1), il-jum u l-ħin meta ġie ddeterminat l-ammont ta' terminazzjoni bikrija mis-CCP;

(c)

fil-każijiet l-oħra kollha, id-data ta' close-out jew, meta din ma tkunx kummerċjalment raġonevoli, il-jum u l-ħin li fihom prezz tas-suq ikun disponibbli għall-ass sottostanti.

23.8.2016   

MT

Il-Ġurnal Uffiċjali tal-Unjoni Ewropea

L 228/16

(1)

Permezz tar-Regolament (UE) Nru 513/2013 (3), il-Kummissjoni Ewropea (“il-Kummissjoni”) imponiet dazju antidumping proviżorju fuq l-importazzjonijiet fl-Unjoni Ewropea (“l-Unjoni”) ta' moduli fotovoltajċi tas-siliċju kristallin (“moduli”) u l-komponenti ewlenin (jiġifieri ċ-ċelloli u l-wejfers) li joriġinaw jew jiġu kkunsinjati mir-Repubblika tal-Poplu taċ-Ċina (“ir-RPĊ”).

(2)

Grupp ta' produtturi esportaturi ta mandat lill-Kamra tal-Kummerċ taċ-Ċina għall-Importazzjoni u għall-Esportazzjoni ta' Makkinarju u ta' Prodotti Elettroniċi (China Chamber of Commerce for Import and Export of Machinery and Electronic Products, “CCCME”) sabiex tippreżenta impenn fuq il-prezz f'isimhom lill-Kummissjoni, kif fil-fatt għamlet. Huwa ċar mit-termini ta' dan l-impenn fuq il-prezz li huwa jikkostitwixxi ġabra ta' impenji individwali fuq il-prezz għal kull produttur esportatur, li hija, għal raġunijiet ta' prattiċità tal-amministrazzjoni, ikkoordinata mis-CCCME.

(3)

Permezz tad-Deċiżjoni 2013/423/UE (4), il-Kummissjoni aċċettat dan l-impenn fuq il-prezz fir-rigward tad-dazju antidumping proviżorju. Permezz tar-Regolament (UE) Nru 748/2013 (5), il-Kummissjoni emendat ir-Regolament (UE) Nru 513/2013 sabiex tintroduċi l-bidliet tekniċi meħtieġa minħabba l-aċċettazzjoni tal-impenn fir-rigward tad-dazju antidumping proviżorju.

(4)

Permezz tar-Regolament ta' Implimentazzjoni (UE) Nru 1238/2013 (6), il-Kunsill impona dazju antidumping definittiv fuq l-importazzjonijiet ta' moduli u ta' ċelloli fl-Unjoni li joriġinaw jew li jiġu kkunsinjati mir-RPĊ (“il-prodotti kkonċernati”). Permezz tar-Regolament ta' Implimentazzjoni (UE) Nru 1239/2013 (7), il-Kunsill impona wkoll dazju antidumping definittiv fuq l-importazzjonijiet fl-Unjoni tal-prodotti kkonċernati.

(5)

Wara n-notifika ta' verżjoni emendata tal-impenn fuq il-prezz minn grupp ta' produtturi esportaturi (“il-produtturi esportaturi”) flimkien mas-CCCME, il-Kummissjoni kkonfermat, permezz tad-Deċiżjoni ta' Implimentazzjoni 2013/707/UE (8), li aċċettat l-impenn fuq il-prezz kif emendat (“l-impenn”) għall-perjodu ta' applikazzjoni ta' miżuri definittivi. L-Anness ta' din id-Deċiżjoni jelenka b'mod partikolari il-produtturi esportaturi li għalihom ġie aċċettat l-impenn, fost l-oħrajn:

(6)

Permezz tad-Deċiżjoni ta' Implimentazzjoni 2014/657/UE (9), il-Kummissjoni aċċettat proposta mill-produtturi esportaturi flimkien mas-CCCME għal kjarifiki rigward l-implimentazzjoni tal-impenn għall-prodotti kkonċernati koperti mill-impenn, jiġifieri l-moduli u ċ-ċelloli li joriġinaw jew li jintbagħtu mir-RPĊ u li attwalment jaqgħu taħt il-kodiċijiet NM ex 8541 40 90 (il-kodiċijiet TARIC 8541409021, 8541409029, 8541409031 u 8541409039) magħmula mill-produtturi esportaturi (“il-prodott kopert”). Id-dazji antidumping u kumpensatorji msemmija fil-premessa (4) hawn fuq, flimkien mal-impenn, huma flimkien imsejħa “miżuri”.

(7)

Permezz tar-Regolament ta' Implimentazzjoni (UE) 2015/866 (10) il-Kummissjoni rtirat l-aċċettazzjoni tal-impenn għal tliet produtturi esportaturi.

(8)

Permezz tar-Regolament ta' Implimentazzjoni (UE) 2015/1403 (11) il-Kummissjoni rtirat l-aċċettazzjoni tal-impenn għal produttur esportatur ieħor.

(9)

Permezz tar-Regolament ta' Implimentazzjoni (UE) 2015/2018 (12) il-Kummissjoni rtirat l-aċċettazzjoni tal-impenn għal żewġ produtturi esportaturi.

(10)

Il-Kummissjoni bdiet investigazzjoni ta' rieżami tal-iskadenza skont l-Artikolu 11(2) tar-Regolament antidumping bażiku, permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (13) fil-5 ta' Diċembru 2015.

(11)

Il-Kummissjoni bdiet investigazzjoni ta' reviżjoni tal-iskadenza skont l-Artikolu 18 tar-Regolament bażiku ta' kontra s-sussidji, permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (14) fil-5 ta' Diċembru 2015.

(12)

Il-Kummissjoni bdiet ukoll rieżami interim parzjali skont l-Artikolu 11(3) tar-Regolament bażiku tal-antidumping u l-Artikolu 19 tar-Regolament bażiku ta' kontra s-sussidji, permezz ta' Notifika ta' Bidu ppubblikata f'Il-Ġurnal Uffiċjali tal-Unjoni Ewropea  (15) fil-5 ta' Diċembru 2015.

(13)

Permezz tar-Regolament ta' Implimentazzjoni (UE) 2016/115 (16) il-Kummissjoni rtirat l-aċċettazzjoni tal-impenn għal produttur esportatur ieħor.

(14)

Permezz tar-Regolament ta' Implimentazzjoni (UE) 2016/185 (17), il-Kummissjoni estendiet id-dazju antidumping definittiv impost bir-Regolament (UE) Nru 1238/2013 fuq importazzjonijiet tal-prodotti kkonċernati li joriġinaw mir-Repubblika tal-Poplu taċ-Ċina jew imwassla minnha għal importazzjonijiet tal-prodott ikkonċernat li jaslu mill-Malasja u mit-Tajwan, kemm jekk iddikjarati li joriġinaw mill-Malasja u mit-Tajwan kif ukoll jekk le.

(15)

Permezz tar-Regolament ta' Implimentazzjoni tal-Kummissjoni (UE) 2016/184 (18), il-Kummissjoni estendiet id-dazju kontrovalenti definittiv impost bir-Regolament tal-Kunsill (UE) Nru 1239/2013 fuq importazzjonijiet tal-prodotti kkonċernati li joriġinaw mir-Repubblika tal-Poplu taċ-Ċina jew imwassla minnha għal importazzjonijiet tal-prodott ikkonċernat li jaslu mill-Malasja u mit-Tajwan, kemm jekk iddikjarati li joriġinaw mill-Malasja u mit-Tajwan kif ukoll jekk le.

(16)

Permezz tar-Regolament ta' Implimentazzjoni (UE) 2016/1045 (19) il-Kummissjoni rtirat l-aċċettazzjoni tal-impenn għal produttur esportatur ieħor.

(17)

Permezz tar-Regolament ta' Implimentazzjoni (UE) 2016/1382 (20), il-Kummissjoni rtirat l-aċċettazzjoni tal-impenn għal ħames produtturi esportaturi oħra.

(18)

Il-produtturi esportaturi qablu, fost l-oħrajn, li ma jbigħux il-prodott kopert lill-ewwel klijent indipendenti fl-Unjoni inqas minn ċertu prezz minimu tal-importazzjoni (minimum import price, “l-MIP”), sal-limitu tal-livell annwali assoċjat tal-importazzjonijiet lejn l-Unjoni (“il-livell annwali”) stipulat fl-impenn.

(19)

Il-produtturi esportaturi qablu wkoll li jbigħu l-prodott kopert biss permezz ta' bejgħ dirett. Għall-fini tal-impenn, bejgħ dirett huwa ddefinit bħala bejgħ jew lill-ewwel klijent indipendenti fl-Unjoni jew permezz ta' parti relatata fl-Unjoni elenkati fl-impenn.

(20)

L-impenn jistabbilixxi, f'lista mhux eżawrjenti, il-ksur tal-impenn. Il-lista tinkludi, b'mod partikolari, il-ħruġ ta' fattura kummerċjali (“fattura tal-impenn” kif definita fir-Regolament ta' Implimentazzjoni msemmi fil-premessa (4)) jew fattura tal-bejgħ mill-ġdid li t-tranżazzjoni finanzjarja li tkun ibbażata fuqha (pereżempju l-ammont ta' flus li x-xerrej effettivament jirċievi wara l-aġġustamenti għal noti ta' kreditu/ta' debitu jew simili) ma tkunx konformi mal-valur nominali tal-fattura kummerċjali.

(21)

Il-lista ta' ksur jinkludi wkoll bejgħ indirett lejn l-Unjoni minn kumpaniji li mhumiex elenkati fl-impenn u li jieħdu sehem f'sistema ta' kummerċ li tista' twassal għal riskju ta' evażjoni.

(22)

L-impenn jobbliga wkoll lill-produtturi esportaturi sabiex jipprovdu lill-Kummissjoni b'informazzjoni dettaljata dwar il-bejgħ kollu tal-esportazzjoni tagħhom lejn l-Unjoni, u l-bejgħ mill-ġdid fl-Unjoni, fuq bażi trimestrali (“ir-rapporti trimestrali”). Dan ifisser li d-dejta ppreżentata f'dawn ir-rapporti trimestrali trid tkun kompluta u korretta u li t-tranżazzjonijiet irrappurtati jkunu totalment konformi mat-termini tal-impenn.

(23)

Il-produttur esportatur huwa responsabbli għall-ksur ta' kwalunkwe parti relatata, sew jekk tkun elenkata fl-impenn kif ukoll jekk le.

(24)

Waqt il-monitoraġġ fuq il-konformità mal-impenn, il-Kummissjoni vverifikat l-informazzjoni ppreżentata minn Osda Solar, Qixin Solar, u Linuo li kienet rilevanti għall-impenn. Il-Kummissjoni rċeviet ukoll assistenza mill-awtoritajiet doganali ta' Stat Membru wieħed fuq il-bażi tal-Artikolu 8(9) tar-Regolament antidumping bażiku u l-Artikolu 13(9) tar-Regolament antisussidji bażiku.

(25)

Il-kostatazzjonijiet stipulati fil-premessi minn (26) sa (34) jindirizzaw il-problemi identifikati għal Osda Solar, Qixin Solar u Linuo li jobbligaw lill-Kummissjoni tirtira l-aċċettazzjoni tal-impenn għal dawn il-produtturi esportaturi.

(26)

Fir-rapporti tagħha ta' kull tliet xhur, Osda Solar kienet irrapurtat tranżazzjoni ta' bejgħ tal-prodott kopert lil importatur allegatament mhux relatat fl-Unjoni u ħarġet fattura ta' impenn. Abbażi tal-informazzjoni disponibbli għall-Kummissjoni, l-importatur involuti fit-tranżazzjoni msemmija hawn fuq kien relatat ma' Osda Solar. Billi dan l-importatur mhuwiex elenkat bħala parti relatata fl-impenn, Osda Solar kisret it-termini tal-impenn kif deskritt fil-premessi (19) u (21).

(27)

Barra minn hekk, dan l-importatur relatat ħareġ mill-inqas fattura waħda ta' bejgħ mill-ġdid lill-klijent finali fl-Unjoni li għaliha l-MIP ma ġiex irrispettat. Għalhekk, Osda Solar kisret it-termini tal-impenn kif deskritt fil-premessi (18) u (23).

(28)

Fir-rapporti tagħha ta' kull tliet xhur, Qixin Solar kienet rappurtata tranżazzjoni ta' bejgħ tal-prodott kopert lil importatur li allegatament mhux relatat fl-Unjoni u ħarġet fattura ta' impenn. Abbażi tal-informazzjoni disponibbli għall-Kummissjoni, l-importatur involut fit-tranżazzjoni msemmija hawn fuq kien relatat ma' Qixin Solar. Billi dan l-importatur mhuwiex elenkat bħala parti relatata fl-impenn, Qixin Solar kisret it-termini tal-impenn kif deskritt fil-premessi (19) u (21).

(29)

Barra minn hekk, l-importatur relatat ħareġ mill-inqas fattura waħda ta' bejgħ mill-ġdid lill-klijent finali fl-Unjoni li għaliha l-MIP ma ġiex irrispettat. Għalhekk, Qixin Solar kisret it-termini tal-impenn kif deskritt fil-premessi (18) u (23).

(30)

Barra minn hekk, fix-xahar li fih saret it-transazzjoni msemmija fil-premessa (29), Qixin Solar għamlet bejgħ dirett tal-prodott kopert lill-istess klijent, u b'hekk daħlet f'sistema ta' kummerċ li twassal għal kumpens doppju. Għalhekk, Qixin Solar kisret it-termini tal-impenn kif deskritt fil-premessa (21).

(31)

Fir-rapporti tagħha ta' kull tliet xhur, Linuo rrappurtat tranżazzjoni ta' bejgħ tal-prodott kopert lil importatur li allegatament mhuwiex relatat fl-Unjoni u ħarġet fattura ta' impenn. Abbażi tal-informazzjoni disponibbli għall-Kummissjoni, l-importatur involut fit-tranżazzjoni msemmija hawn fuq kien relatat ma' Linuo. Billi dan l-importatur mhuwiex elenkat bħala parti relatata fl-impenn, Linuo kiser it-termini tal-impenn kif deskritt fil-premessi (19) u (21).

(32)

Barra minn hekk, dan l-importatur relatat ħareġ mill-inqas fattura waħda ta' bejgħ mill-ġdid lill-klijent finali fl-Unjoni li għaliha l-MIP ma ġiex irrispettat. Għalhekk, Linuo kisret it-termini tal-impenn kif deskritt fil-premessi (18) u (23).

(33)

L-informazzjoni li tinsab fir-rapporti ta' kull tliet xhur u l-evidenza li daħlet turi li l-fatturi tal-bejgħ mill-ġdid imsemmija fil-premessi (27), (29) u (32) u l-fatturi tal-impenn imsemmija fil-premessa (30) huma marbuta ma' dawn it-tranżazzjonijiet.

Għaldaqtstant, f'konformità mal-Artikolu 3(2)(b) tar-Regolament ta' Implimentazzjoni tal-Kunsill (UE) Nru 1238/2013, l-Artikolu 2(2)(b) tar-Regolament ta' Implimentazzjoni tal-Kunsill (UE) Nru 1239/2013, dawn il-fatturi huma ddikjarati invalidi. Id-dejn doganali mġarrab fiż-żmien tal-aċċettazzjoni tad-dikjarazzjoni għar-rilaxx f'ċirkolazzjoni libera għandu jiġi rkuprat mill-awtoritajiet doganali nazzjonali skont l-Artikolu 105(3) sa (6) tar-Regolament (UE) Nru 952/2013 tal-Parlament Ewropew u tal-Kunsill (21) meta jidħol fis-seħħ l-irtirar tal-impenn fir-rigward tat-tliet produtturi esportaturi flimkien mal-kumpaniji relatati tagħhom fl-Unjoni. L-awtoritajiet doganali nazzjonali responsabbli għall-ġbir tad-dazji se jiġu infurmati kif xieraq.

F'dan il-kuntest, il-Kummissjoni tfakkar li skont l-Artikolu 3(1)(b) moqri flimkien mal-Anness III, Nru 7 tar-Regolament ta' Implimentazzjoni (UE) Nru 1238/2013 u skont l-Artikolu 2(1)(b) moqri flimkien mal-Anness 2, Nru 7 tar-Regolament ta' Implimentazzjoni (UE) Nru 1239/2013, l-importazzjonijiet huma eżenti mid-dazji biss jekk il-fattura tindika l-prezz u tnaqqis possibbli. Meta ma jinżammux dawn il-kundizzjonijiet, id-dazji huma dovuti, anki meta l-fattura kummerċjali li takkumpanja l-prodotti ma tkunx ġiet invalidata mill-Kummissjoni.

(34)

L-impenn jistipula li ksur minn produttur esportatur individwali ma jwassalx awtomatikament għal irtirar tal-aċċettazzjoni tal-impenn għall-produtturi esportaturi kollha. F'dan il-każ, il-Kummissjoni għandha tivvaluta l-impatt ta' dak il-ksur partikolari fuq il-prattikabbiltà tal-impenn bl-effett għall-produtturi esportaturi kollha u s-CCCME.

(35)

Għalhekk il-Kummissjoni vvalutat l-impatt ta' ksur minn Osda Solar, Qixin Solar, u Linuo dwar il-prattikabbiltà tal-impenn bl-effett għall-produtturi esportaturi kollha u s-CCCME.

(36)

Għalkemm il-ksur mit-tliet produtturi esportaturi wrew xejra simili, il-Kummissjoni tqis li r-responsabbiltà għall-ksur hija tal-produtturi esportaturi inkwistjoni; s'issa, il-monitoraġġ ma żvela l-ebda ksur sistematiku ta' dan il-mudell minn għadd kbir ta' produtturi esportaturi jew mis-CCCME. Fil-preżent, il-Kummissjoni tqis li l-funzjonament ġenerali tal-impenn mhuwiex affettwat u li ma hemm l-ebda raġuni għall-irtirar tal-aċċettazzjoni tal-impenn għall-produtturi esportaturi kollha u s-CCCME.

(37)

Madankollu, permezz tal-ittra tal-11 ta' Lulju 2016 il-Kummissjoni infurmat lis-CCCME dwar il-ksur ta' hawn fuq minn tliet produtturi esportaturi li juru xejra simili u fl-istess ħin iddikjaraw li jekk fil-futur jibqa' jseħħ ksur ta' xejra simili, il-Kummissjoni tista' tivvaluta mill-ġdid il-prattikabbiltà ġenerali tal-impenn.

(38)

Il-partijiet interessati ngħataw l-opportunità li jinstemgħu u li jippreżentaw kummenti skont l-Artikolu 8(9) tar-Regolament antidumping bażiku u l-Artikolu 13(9) tar-Regolament antisussidji bażiku.

(39)

Żewġ produtturi esportaturi ssottomettew kummenti wara d-divulgazzjoni limitata dwar il-kanali tal-bejgħ jew dwar il-konformità mal-MIP. Madankollu, il-kummenti kienu ta' natura kunfidenzjali u minkejja t-talba tal-Kummissjoni l-ebda sommarji mhux kunfidenzjali ma kienu ġew ipprovduti fi żmien l-iskadenza stipulata għal dan l-għan. Skont l-Artikolu 19(3) tar-Regolament bażiku antidumping u l-Artikolu 29(3) tar-Regolament bażiku kontra s-sussidji, dawn il-kummenti jistgħu jiġu injorati. Fi kwalunkwe każ, il-kummenti li waslu ma kinux tali li jibdlu l-valutazzjoni tal-Kummissjoni rigward ksur imsemmi fil-premessi (26) sa (32) u l-annullament ta' fattura tal-impenn imsemmija fil-premessa (33).

(40)

Għaldaqstant, skont l-Artikolu 8(9) tar-Regolament antidumping bażiku, l-Artikolu 13(9) tar-Regolament antisussidji bażiku, kif ukoll skont it-termini tal-impenn, il-Kummissjoni kkonkludiet li l-aċċettazzjoni tal-impenn għal Osda Solar, Qixin Solar u Linuo flimkien mal-kumpaniji relatati magħhom fl-Unjoni, tiġi rtirata.

(41)

Għaldaqstant, skont l-Artikolu 8(9) tar-Regolament bażiku antidumping u l-Artikolu 13(9) tar-Regolament bażiku antisussidji, id-dazju antidumping definittiv impost minn Artikolu 1 tar-Regolament ta' Implimentazzjoni (UE) Nru 1238/2013 u d-dazju kumpensatorju definittiv impost mill-Artikolu 1 tar-Regolament ta' Implimentazzjoni (UE) Nru 1239/2013 japplikaw awtomatikament għall-importazzjonijiet tal-prodott ikkonċernat li joriġinaw jew jintbagħat mir-RPĊ u magħmul minn Osda Solar (kodiċi addizzjonali TARIC B859), Qixin Solar (kodiċi addizzjonali TARIC B860), u Linuo (kodiċi addizzjonali TARIC B869) mill-ġurnata tad-dħul fis-seħħ ta' dan ir-Regolament.

(42)

Għal skopijiet ta' informazzjoni, it-tabella fl-Anness ta' dan ir-Regolament telenka lill-produtturi esportaturi li għalihom l-aċċettazzjoni tal-impenn mid-Deċiżjoni ta' Implimentazzjoni 2013/707/UE mhijiex affettwata,

23.8.2016   

MT

Il-Ġurnal Uffiċjali tal-Unjoni Ewropea

L 228/30

(1)

Ir-Regolament (KE) Nru 1098/2007 jistipula dispożizzjonijiet li jistabbilixxu l-perjodi tal-għeluq tas-sajd għall-istokkijiet tal-merluzz fil-Baħar Baltiku.

(2)

Skont l-Artikolu 29(2) tar-Regolament (KE) Nru 1098/2007, il-Kummissjoni tista' teskludi s-Subdiviżjonijiet 27 u 28.2 tal-ICES mill-kamp ta' applikazzjoni tal-għeluq tas-sajd jekk l-ammont ta' merluzz maqbud fis-Subdiviżjonijiet tal-ICES 27 u 28.2 matul il-perjodu ta' rappurtar l-aktar reċenti kien taħt ċertu livell.

(3)

Fid-dawl tar-rapporti mressqa mill-Istati Membri rilevanti u tal-parir tal-Kumitat Xjentifiku, Tekniku, u Ekonomiku għas-Sajd, fl-2016, is-Subdiviżjonijiet 27 u 28.2 tal-ICES għandhom ikunu esklużi mill-kamp ta' applikazzjoni tal-perjodu tal-għeluq tas-sajd imsemmi.

(4)

Il-miżuri previsti f'dan ir-Regolament huma skont l-opinjoni tal-Kumitat dwar is-Sajd u l-Akkwakultura,

23.8.2016   

MT

Il-Ġurnal Uffiċjali tal-Unjoni Ewropea

L 228/31

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

23.8.2016   

MT

Il-Ġurnal Uffiċjali tal-Unjoni Ewropea

L 228/33

(1)

Id-Deċiżjoni ta' Implimentazzjoni tal-Kummissjoni 2014/709/UE (4) tistabbilixxi miżuri ta' kontroll tas-saħħa tal-annimali marbutin mad-deni Afrikan tal-ħnieżer f'ċertu Stati Membri. L-Anness ta' dik id-Deċiżjoni ta' Implimentazzjoni jiddemarka u jelenka ċertu żoni ta' dawk l-Istati Membri fil-Partijiet I, II, III u IV tiegħu, differenzjati permezz tal-livell tar-riskju abbażi tas-sitwazzjoni epidemjoloġika. Dik il-lista tinkludi ċerti żoni fil-Polonja.

(2)

F'Awwissu tal-2016, seħħew żewġ tifqigħat tad-deni Afrikan tal-ħnieżer fi ħnieżer domestiċi fil-powiat bialski fil-Polonja, f'żona li hija attwalment elenkata fil-Parti I tal-Anness tad-Deċiżjoni ta' Implimentazzjoni 2014/709/UE. Din it-tifqigħa flimkien mal-bidla reċenti fis-sitwazzjoni epidemjoloġika tikkostitwixxi żieda fil-livell tar-riskju li jeħtieġ li jitqies. Għaldaqstant, ċerti żoni tal-Polonja elenkati fil-Parti I tal-Anness tad-Deċiżjoni ta' Implimentazzjoni 2014/709/UE għandhom issa jiġu elenkati fil-Parti III ta' dak l-Anness.

(3)

Il-Kummissjoni tinnota li hemm bosta tifqigħat oħra fil-ħnieżer domestiċi li, abbażi ta' evidenza preliminari, jistgħu jiġu attribwiti għall-attività tal-bniedem minflok għall-ħnieżer selvaġġi u li għalhekk qed jiġu koperti minn Deċiżjoni separata tal-Kummissjoni. Ġaladarba l-evidenza korroborattiva mill-Polonja tinkiseb b'rabta ma' dawn it-tifqigħat, il-miżuri stipulati f'din id-Deċiżjoni għandhom jiġu riveduti biex jiġi eskluż ir-riskju tat-tixrid tal-marda fil-ħnieżer selvaġġi.

(4)

L-evoluzzjoni tas-sitwazzjoni epidemjoloġika attwali tad-deni Afrikan tal-ħnieżer fil-popolazzjonijiet tal-ħnieżer selvaġġi affettwati fl-Unjoni għandha titqies fil-valutazzjoni tar-riskju tas-saħħa tal-annimali rrappreżentat f'dik is-sitwazzjoni fir-rigward ta' dik il-marda fil-Polonja. Biex jiġu ffukati l-miżuri ta' kontroll tas-saħħa tal-annimali previsti fid-Deċiżjoni ta' Implimentazzjoni 2014/709/UE u biex jiġi evitat aktar tixrid tad-deni Afrikan tal-ħnieżer, kif ukoll biex jiġi evitat kull xkiel mhux meħtieġ għall-kummerċ fl-Unjoni u jiġu evitati ostakli mhux ġustifikati għall-kummerċ minn pajjiżi terzi, il-lista tal-Unjoni taż-żoni soġġetti għall-miżuri ta' kontroll tas-saħħa tal-annimali stabbilita fl-Anness ta' dik id-Deċiżjoni ta' Implimentazzjoni għandha tiġi emendata biex jitqiesu l-bidliet fis-sitwazzjoni epidemjoloġika attwali fir-rigward ta' dik il-marda fil-Polonja.

(5)

Għaldaqstant, l-Anness tad-Deċiżjoni ta' Implimentazzjoni 2014/709/UE għandu jiġi emendat skont dan.

(6)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

23.8.2016   

MT

Il-Ġurnal Uffiċjali tal-Unjoni Ewropea

L 228/46

(1)

Id-deni Afrikan tal-ħnieżer huwa marda virali infettiva li taffettwa l-popolazzjonijiet tal-ħnieżer domestiċi u selvaġġi u jista' jkollha impatt serju fuq il-profitti tan-negozji tat-trobbija tal-ħnieżer li jisfratta l-kummerċ fi ħdan l-Unjoni u l-esportazzjoni lejn pajjiżi terzi.

(2)

F'każ ta' tifqigħa tad-deni Afrikan tal-ħnieżer, hemm ir-riskju li l-aġent patoġeniku jista' jinxtered ma' rziezet oħra u mal-ħnieżer salvaġġi. B'hekk, jista' jinxtered minn Stat Membru għall-ieħor u għall-pajjiżi terzi permezz tal-kummerċ tal-ħnieżer ħajjin jew tal-prodotti tagħhom.

(3)

Id-Direttiva tal-Kunsill 2002/60/KE (3) tistabbilixxi l-miżuri minimi li għandhom jiġu applikati fl-Unjoni għall-kontroll tad-deni Afrikan tal-ħnieżer. L-Artikolu 9 tad-Direttiva 2002/60/KE jipprevedi t-twaqqif ta' żoni ta' protezzjoni u sorveljanza fil-każ ta' tifqigħat ta' dik il-marda, fejn għandhom japplikaw il-miżuri stabbiliti fl-Artikoli 10 u 11 ta' dik id-Direttiva.

(4)

Il-Polonja għarrfet lill-Kummissjoni bis-sitwazzjoni preżenti fit-territorju tagħha fir-rigward tad-deni Afrikan tal-ħnieżer u, b'konformità mal-Artikolu 9 tad-Direttiva 2002/60/KE, stabbiliet żoni ta' protezzjoni u sorveljanza fejn japplikaw il-miżuri msemmija fl-Artikoli 10 u 11 ta' dik id-Direttiva.

(5)

Sabiex jiġi evitat kull xkiel bla bżonn għall-kummerċ fi ħdan l-Unjoni u biex jiġu evitati ostakoli mhux ġustifikati għall-kummerċ minn pajjiżi terzi, jinħtieġ li jiġu deskritti fuq il-livell tal-Unjoni ż-żoni stabbiliti bħala żoni ta' protezzjoni u sorveljanza għad-deni Afrikan tal-ħnieżer fil-Polonja, f'kollaborazzjoni ma' dak l-Istat Membru.

(6)

Għaldaqstant, iż-żoni identifikati bħala żoni ta' protezzjoni u ta' sorveljanza fil-Polonja għandhom ikunu stabbiliti fl-Anness ta' din id-Deċiżjoni u għandu jiġi ffissat it-tul taż-żmien ta' dik ir-reġjonalizzazzjoni.

(7)

F'Awwissu 2016 okkorrew sitt tifqigħat fil-ħnieżer domestiċi f'powiat wysokomazowiecki, zambrowski, białostocki u bielski. Sakemm il-Polonja tipprovdi evidenza preliminari li dawn it-tifqigħat huma marbutin mal-attivitajiet tal-bniedem u li hemm evidenza li d-deni Afrikan tal-ħnieżer ma jiċċirkolax fil-popolazzjoni tal-ħnieżer selvaġġi fiż-żoni kkonċernati, huma meħtieġa miżuri speċifiċi u proporzjonati, waqt li jiġi kkunsidrat ukoll il-fatt li l-Polonja timpenja ruħha li tapplika miżuri nazzjonali għall-kontroll tal-movimenti tal-annimali u s-swieq. Dawn il-miżuri għandhom jikkonsistu fl-applikazzjoni tal-miżuri previsti mid-Direttiva 2002/60/KE, b'mod partikolari fir-rigward ta' limitazzjonijiet stretti dwar il-moviment u t-trasport tal-ħnieżer kif stipulat fl-Artikoli 10 u 11 ta' din id-Direttiva f'żoni li huma miġbura f'żewġ żoni koerenti kif deskritt fl-Anness.

(8)

B'qies tas-sitwazzjoni epidemjoloġika ġenerali u biex jiġu applikati l-miżuri adegwati, id-Deċiżjoni ta' Implimentazzjoni tal-Kummissjoni 2014/709/UE (4) għandha tiġi riveduta wkoll. Hekk kif tinkiseb evidenza korroborattiva mill-Polonja fir-rigward tat-tifqigħat deskritti hawn fuq, il-miżuri previsti f'dik id-deċiżjoni ta' implimentazzjoni għandhom jiġu riveduti wkoll sabiex jiġi eskluż ir-riskju tat-tixrid tal-marda fil-ħnieżer selvaġġi.

(9)

Id-Deċiżjoni ta' Implimentazzjoni tal-Kummissjoni (UE) 2016/1367 (5) tistabbilixxi ċerti miżuri ta' protezzjoni marbuta mad-deni Afrikan tal-ħnieżer fil-Polonja. Sa mill-adozzjoni ta' din id-Deċiżjoni s-sitwazzjoni epidemjoloġika ta' din il-marda nbidlet, u jeħtieġ li l-miżuri jiġu adattati. Għaldaqstant, għal finijiet ta' ċarezza, id-Deċiżjoni ta' Implimentazzjoni (UE) 2016/1367 għandha titħassar u tinbidel b'din id-Deċiżjoni.

(10)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,