11.5.2016   

MT

Il-Ġurnal Uffiċjali tal-Unjoni Ewropea

L 121/1

(1)

Wara l-adozzjoni tar-Regolament Delegat tal-Kummissjoni (UE) 2016/341 (2), fil-parti li tikkonċerna s-simplifikazzjonijiet tal-Anness 12 ta' dak ir-Regolament Delegat, instabu ċerti inkonsistenzi mas-sistemi stabbiliti permezz tal-Kodiċi Doganali tal-Unjoni, fi tlieta mill-formoli, inklużi referenzi għall-proċeduri li ma baqgħux jeżistu. Dawn l-inkonsistenzi jaffettwaw iċ-ċarezza legali u għandhom jiġu kkoreġuti.

(2)

Barra minn hekk, ġie osservat li, fil-parti li tikkonċerna s-simplifikazzjonijiet tal-Anness 12 tar-Regolament (UE) 2016/341, ċerti formoli kienu tħallew barra bi żball.

(3)

Għalhekk ir-Regolament Delegat (UE) 2016/341 għandu jiġi kkoreġut skont dan.

(4)

Id-dispożizzjonijiet ta' dan ir-Regolament għandhom japplikaw mill-1 ta' Mejju 2016 sabiex ikun jista' jiġi applikat b'mod sħiħ il-Kodiċi Doganali tal-Unjoni,

(1)

il-formoli “Applikazzjoni għal awtorizzazzjoni tal-użu tad-dikjarazzjoni ssimplifikata u l-Entrata fir-reġistri tad-dikjarant”, “Applikazzjoni għal awtorizzazzjoni biex jintużaw is-simplifikazzjonijiet, Formola ta' tkomplija — IMPORTAZZJONI) u Noti ta' spjega għall-kaxxi differenti tal-formola ta' applikazzjoni” jinbidlu bil-formoli stabbiliti fl-Anness I ta' dan ir-Regolament.

(2)

jiżdiedu l-formoli li jinsabu fl-Anness II ta' dan ir-Regolament.

11.5.2016   

MT

Il-Ġurnal Uffiċjali tal-Unjoni Ewropea

L 121/11

(1)

Għal kull Stat Membru li jimplimenta l-iskema ta' pagament bażiku stipulata fil-Kapitolu 1 tat-Titolu III tar-Regolament (UE) Nru 1307/2013, il-limitu massimu nazzjonali annwali msemmi fl-Artikolu 22(1) ta' dak ir-Regolament għall-2016 għandu jiġi ffissat mill-Kummissjoni billi jitnaqqsu mil-limitu massimu nazzjonali annwali stabbilit fl-Anness II ta' dak ir-Regolament l-ammonti massimi ffissati skont l-Artikoli 42, 47, 49, 51 u 53 ta' dak ir-Regolament. Skont l-Artikolu 22(2) tar-Regolament (UE) Nru 1307/2013 għandhom jiġu kkunsidrati kwalunkwe żidiet applikati mill-Istati Membri skont din id-dispożizzjoni.

(2)

Għal kull Stat Membru li jimplimenta l-iiskema ta' pagament uniku skont l-erja stipulata fil-Kapitolu 1 tat-Titolu III tar-Regolament (UE) Nru 1307/2013, il-limitu massimu nazzjonali annwali msemmi fl-Artikolu 36(4) ta' dak ir-Regolament għall-2016 għandu jiġi ffissat mill-Kummissjoni billi jitnaqqsu mil-limitu massimu nazzjonali annwali stabbilit fl-Anness II ta' dak ir-Regolament l-ammonti massimi ffissati skont l-Artikoli 42, 47, 49, 51 u 53 ta' dak ir-Regolament.

(3)

Għal kull Stat Membru li jagħti l-pagament ridistributtiv previst fil-Kapitolu 2 tat-Titolu III tar-Regolament (UE) Nru 1307/2013, il-limitu massimu nazzjonali annwali msemmi fl-Artikolu 42(2) ta' dak ir-Regolament għas-sena 2016 għandu jiġi stabbilit mill-Kummissjoni fuq il-bażi tal-persentaġġ notifikat minn dawk l-Istati Membri skont l-Artikolu 42(1) ta' dak ir-Regolament.

(4)

Fir-rigward tal-pagament għal prattiki agrikoli li huma ta' benefiċċju għall-klima u l-ambjent previst fil-Kapitolu 3 tat-Titolu III tar-Regolament (UE) Nru 1307/2013 fl-2016, il-limiti massimi nazzjonali annwali msemmija fl- Artikolu 47(3) ta' dak ir-Regolament għall-2016 għandhom jiġu kkalkulati skont l-Artikolu 47(1) ta' dak ir-Regolament u jammontaw għal 30 % tal-limitu massimu nazzjonali tal-Istat Membru rilevanti kif stabbilit fl-Anness II ta' dak ir-Regolament.

(5)

Għal Stati Membri li jagħtu l-pagament għal żoni b'restrizzjonijiet naturali previst fil-Kapitolu 4 tat-Titolu III tar-Regolament (UE) Nru 1307/2013, il-limiti massimi nazzjonali annwali msemmija fl-Artikolu 49(2) ta' dak ir-Regolament għall-2016 għandhom jiġu stabbiliti mill-Kummissjoni fuq il-bażi tal-persentaġġ notifikat mill-Istati Membri rilevanti skont l-Artikolu 49(1) ta' dak ir-Regolament.

(6)

Fir-rigward tal-pagament għal bdiewa żgħażagħ, previst fil-Kapitolu 5 tat-Titolu III tar-Regolament (UE) Nru 1307/2013, il-limiti massimi nazzjonali annwali msemmija fl-Artikolu 51(4) ta' dak ir-Regolament għall-2016 għandhom jiġu stabbiliti mill-Kummissjoni fuq il-bażi tal-persentaġġ notifikat mill-Istati Membri skont l-Artikolu 51(1) ta' dak ir-Regolament u ma għandhomx ikunu ogħla minn 2 % tal-limitu massimu annwali ffissat fl-Anness II.

(7)

Meta l-ammont totali tal-pagament għal bdiewa żgħażagħ applikat fl-2016 fi Stat Membru jaqbeż il-limitu massimu stabbilit skont l-Artikolu 51(4) tar-Regolament (UE) Nru 1307/2013 għal dak l-Istat Membru, id-differenza għandha tiġi ffinanzjata mill-Istat Membru f'konformità mal-Artikolu 51(2) ta' dak ir-Regolament filwaqt li jiġi rrispettat l-ammont massimu stabbilit fl-Artikolu 51(1) ta' dak ir-Regolament. Għal raġunijiet ta' ċarezza, huwa xieraq li jiġi stabbilit dan l-ammont massimu għal kull Stat Membru.

(8)

Għal kull Stat Membru li jagħti l-appoġġ akkoppjat volontarju previst fil-Kapitolu 1 tat-Titolu IV tar-Regolament (UE) Nru 1307/2013 fl-2016, il-Kummissjoni għandha tistabbilixxi l-limitu massimu nazzjonali annwali msemmi fl-Artikolu 53(7) ta' dak ir-Regolament għall-2016 fuq il-bażi tal-persentaġġ notifikat mill-Istat Membru rilevanti skont l-Artikolu 54(1) ta' dak ir-Regolament.

(9)

Fir-rigward tas-sena 2016, l-implimentazzjoni tal-iskemi diretti ta' appoġġ previsti fir-Regolament (UE) Nru 1307/2013 bdiet fl-1 ta' Jannar 2016. Għal raġunijiet ta' konsistenza bejn l-applikabbiltà ta' dak ir-Regolament għas-sena tat-talba 2016 u l-applikabbiltà tal-limiti massimi baġitarji korrispondenti, dan ir-Regolament għandu japplika mill-istess data.

(10)

Il-miżuri stipulati f'dan ir-Regolament huma konformi mal-opinjoni tal-Kumitat għall-Pagamenti Diretti,

11.5.2016   

MT

Il-Ġurnal Uffiċjali tal-Unjoni Ewropea

L 121/20

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

11.5.2016   

MT

Il-Ġurnal Uffiċjali tal-Unjoni Ewropea

L 121/22

(1)

Ir-Regolament (KE) Nru 999/2001 jistipula li l-Istati Membri, il-pajjiżi terzi jew ir-reġjuni tagħhom (“il-pajjiżi jew ir-reġjuni”) għandhom jiġu kklassifikati skont l-istatus tagħhom tal-enċefalopatija sponġiformi bovina (il-BSE), f'waħda minn tliet kategoriji: riskju negliġibbli tal-BSE, riskju kkontrollat tal-BSE, u riskju indeterminat tal-BSE.

(2)

L-Anness tad-Deċiżjoni tal-Kummissjoni 2007/453/KE (2) jelenka l-pajjiżi jew ir-reġjuni skont l-istatus tagħhom tal-BSE.

(3)

L-Organizzazzjoni Dinjija għas-Saħħa tal-Annimali (l-OIE) taqdi rwol ewlieni fil-kategorizzazzjoni tal-pajjiżi jew tar-reġjuni skont ir-riskju tagħhom tal-BSE.

(4)

Fis-26 ta' Mejju 2015, l-Assemblea Ġenerali tal-OIE adottat ir-Riżoluzzjoni Nru 21 dwar ir-Rikonoxximent tal-Istatus tar-Riskju tal-BSE tal-Pajjiżi Membri (3), li rrikonoxxiet lil Franza bħala pajjiż li għandu status ta' riskju negliġibbli tal-BSE. Fl-4 ta' Awwissu 2015, id-Deċiżjoni 2007/453/KE ġiet emendata bid-Deċiżjoni ta' Implimentazzjoni tal-Kummissjoni (UE) 2015/1356 (4) biex tirrifletti l-istatus ta' riskju negliġibbli tal-BSE ta' Franza, u ta' pajjiżi oħra, fil-liġi tal-UE.

(5)

Fl-24 ta' Marzu 2016, Franza nnotifikat lill-Kummissjoni, lill-Istati Membri l-oħra u lill-OIE, bis-sejba ta' każ tal-BSE klassika, f'annimal bovin fi Franza imwieled f'April 2011.

(6)

Skont l-Artikolu 11.4.3 tal-Kodiċi tas-Saħħa tal-Annimali Terrestri tal-OIE (5), waħda mill-kundizzjonijiet għall-għoti u għaż-żamma tal-istatus ta' riskju negliġibbli tal-BSE ta' pajjiż hija li, jekk ikun hemm każ indiġenu tal-BSE klassika fil-pajjiż, l-annimal ikkonċernat irid ikun twieled iktar minn 11-il sena ilu. Għalhekk, wara li saret in-notifika minn Franza li kkonfermat il-każ ta' BSE klassika f'annimal bovin ta' ħames snin, il-Kummissjoni Xjentifika għall-Mard tal-Annimali tal-OIE ssospendiet l-istatus ta' riskju negliġibbli tal-BSE ta' Franza, kif rikonoxxut mir-Riżoluzzjoni Nru 21, u reġgħet tatha l-istatus ta' pajjiż b'riskju kkontrollat tal-BSE, b'effett mill-25 ta' Marzu 2016.

(7)

Għalhekk, għandha tiġi emendata l-lista tal-pajjiżi fl-Anness tad-Deċiżjoni 2007/453/KE ħalli tirrifletti dik id-deċiżjoni.

(8)

Għalhekk, id-Deċiżjoni 2007/453/KE għandha tiġi emendata skont dan.

(9)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

l-entrata “— Franza” titneħħa mill-Parti “A. Pajjiżi jew reġjuni b'riskju negliġibbli tal-BSE”;

(2)

l-entrata “— Franza” tiddaħħal fil-Parti “B. Pajjiżi jew reġjuni b'riskju kkontrollat tal-BSE”, wara “— Spanja” u qabel “— il-Litwanja”.

11.5.2016   

MT

Il-Ġurnal Uffiċjali tal-Unjoni Ewropea

L 121/24

(1)

Deċiżjoni (UE) 2015/774 tal-Bank Ċentrali Ewropew (BĊE/2015/10) (1) stabbilixxiet programm ta' xiri ta' assi tas-settur pubbliku mis-swieq sekondarji (iktar 'il quddiem il-“PSPP”), li espanda l-programmi ta' xiri ta' assi eżistenti biex jinkludi titoli tas-settur pubbliku. Flimkien mat-tielet programm ta' xiri ta' bonds iggarantiti, il-programm ta' xiri ta' titoli ggarantiti b'assi u l-programm li ġej ta' xiri mis-settur korporattiv, il-PSPP huwa parti mill-programm ta' xiri ta' assi estiż (APP). L-għan tal-APP huwa li jkompli jtejjeb it-trasmissjoni tal-politika monetarja, sabiex jiffaċilita l-għoti ta' kreditu lill-ekonomija taż-żona tal-euro, iħaffef il-kundizzjonijiet għat-teħid ta' self minn unitajiet domestiċi u ditti u jikkontribwixxi sabiex ir-rati tal-inflazzjoni jinġiebu lura għal livelli li huma taħt iżda qrib għal 2 % fuq medda ta' żmien medju, b'mod konsistenti mal-objettiv primarju tal-Bank Ċentrali Ewropew li jżomm l-istabbiltà tal-prezzijiet.

(2)

B'mod konformi mal-mandat tal-Kunsill Governattiv biex jiżgura l-istabilità tal-prezzijiet, ċerti karatteristiċi tal-PSPP għandhom jiġu mmodifikati sabiex jiġi żgurat aġġustament sostnut fit-trajettorja tal-inflazzjoni lejn livelli li huma taħt, iżda qrib it-2 %, fuq medda ta' żmien medju. Il-bidliet huma konformi mal-mandat tal-politika monetarja tal-Kunsill Governattiv u jirriflettu kif suppost kunsiderazzjonijiet tal-ġestjoni tar-riskju.

(3)

B'mod aktar speċifiku, sabiex tikseb l-objettivi tal-PSPP, il-likwidità pprovduta lis-suq permezz tax-xiri kkombinat ta' kull xahar taħt l-APP għandha tiżdied għal EUR 80 biljun.

(4)

Barra minn hekk, għandhom jiżdiedu l-limiti ta' ishma għall-emittent u l-ħarġa għal titoli negozjabbli maħruġa minn organizzazzjonijiet internazzjonali eliġibbli u banek multilaterali tal- iżvilupp. Il-limitu minimu ġdid kien iddeterminat sabiex jiġi żgurat li x-xirjiet previsti jkomplu jkunu proporzjonati mal-għanijiet tal-PSPP, ukoll meta jitqies li r-riskju ta' xkiel għal ristrutturar tad-dejn ordnat huwa limitat.

(5)

B'bidu f'April 2016, l-allokazzjoni bejn xirjiet ta' titoli ta' dejn negozjabbli eliġibbli maħruġa minn organizzazzjonijiet internazzjonali u banek multilaterali tal-iżvilupp u xirjiet ta' titoli t'a dejn negozjabbli eliġibbli oħrajn taħt il-PSPP għandhom jiġu mmodifikati sabiex jinkisbu l-objettivi tal-PSPP u tiġi żgurata l-implimentazzjoni tiegħu bla xkiel għat-tul kollu tal-PSPP u l-volum ta' xiri miżjud tiegħu.

(6)

Barra minn hekk, għall-finijiet tal-valutazzjoni tal-kreditu mill-istituzzjoni esterna ta' valutazzjoni tal-kreditu (ECAI) ta' strumenti ta' dejn negozjabbli, il-klassifikazzjonijiet tal-ħarġiet minn ECAI għandhom jiġu meqjusa meta la l-emittent u lanqas il-garanti ma jkollhom klassifikazzjoni minn ECAI. Madankollu, it-titolu negozjabbli għandhu xorta waħda jkollu l-klassifikazzjoni tal-ħarġa meħtieġa sabiex jikkonforma mal-kriterji ta' eliġibbiltà għal assi negozjabbli għal operazzjonijiet tal-kreditu tal-Eurosistema. Id-Deċiżjoni (UE) 2015/774 (BĊE/2015/10) għandha tqis il-fatt li dawk il-kriterji ta' eliġibbiltà issa jinsabu fil-Parti Erbgħa tal-Linja Gwida (UE) 2015/510 tal-Bank Ċentrali Ewropew (BĊE/2014/60) (2).

(7)

Għalhekk, id-Deċiżjoni (UE) 2015/774 (BĊE/2015/10) għandha tiġi emendata kif meħtieġ,

1.

fl-Artikolu 3, il-paragrafu 2 huwa mibdul b'li ġej:

“2.   Sabiex ikunu eliġibbli għal xiri taħt il-PSPP, it-titoli ta' dejn negozjabbli għandhom jikkonformaw mal-kriterji ta' eliġibbiltà għal assi negozjabbli għal operazzjonijiet ta' kreditu tal-Eurosistema skont il-Parti Erbgħa tal-Linja Gwida (UE) 2015/510 tal-Bank Ċentrali Ewropew (BĊE/2014/60) (*), bla ħsara għar-rekwiżiti li ġejjin:

(*)  Linja Gwida (UE) 2015/510 tal-Bank Ċentrali Ewropew tad-19 ta' Diċembru 2014 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (ĠU L 91, 2.4.2015, p. 3)."

(**)  Linja Gwida BĊE/2014/31 tal-Bank Ċentrali Ewropew tad-9 ta' Lulju 2014 dwar miżuri temporanji addizzjonali fir-rigward ta' operazzjonijiet ta' rifinanzjament tal-Eurosistema u l-eliġibbiltà tal-kollateral u li temenda l-Linja Gwida BĊE/2007/9 (ĠU L 240, 13.8.2014, p. 28).”;"

2.

L-Artikolu 5 huwa ssostitwit b'dan li ġej:

“Artikolu 5

Limiti tax-xiri

1.   Bla ħsara għall-Artikolu 3, limitu ta' ħruġ ta' ishma skont in-numru tal-identifikazzjoni ta' titoli internazzjonali (ISIN) għandu japplika taħt il-PSPP għal titoli ta' dejn negozjabbli li jissodisfaw il-kriterji stabbiliti fl-Artikolu 3, wara li jiġu kkonsolidati l-investimenti fil-portafolli tal-banek ċentrali tal-Eurosistema. Il-limitu tal-ħruġ ta' ishma għandu jkun skont kif ġej:

2.   Kull titolu ta' dejn negozjabbli eliġibbli għal xiri taħt il-PSPP u li jkollu l-maturitajiet rimanenti speċifikati fl-Artikolu 3 għandhom ikunui soġġetti għal limitu aggregat, wara l-konsolidazzjoni ta' parteċipazzjonijiet fil-portafolji kollha tal-banek ċentrali tal-EUrosistema, ta':

3.   Fir-rigward tat-titoli ta' dejn imsemmijin fil-punt (d) tal-Artikolu 3(2), japplikaw limiti ta' ishma differenti għall-emittenti u l-ħruġ. Dawn il-limiti għandhom jiġu ffissati mill-Kunsill Governattiv waqt li jqis kif meħtieġ kunsiderazzjonijiet ta' ġestjoni tar-riskju tal-funzjonament tas-suq.”;

3.

fl-Artikolu 6, il-paragrafu 1 huwa mibdul b'li ġej:

“1.   Mill-valur nominali totali ta' xierjiet ta' titoli ta' dejn negozjabbli eliġibbli taħt il-PSPP, 10 % għandhom jinxtraw f'titoli maħruġin minn organizzazzjonijiet internazzjonali eliġibbli u banek multilaterali tal-iżvilupp, u 90 % ta' dak il-valur nominali għandhom jinxtraw f'titoli maħruġin minn gvernijiet ċentrali, reġjonali jew lokali eliġibbli u aġenziji rikonoxxuti jew, fejn applikabbli skont l-Artikolu 3(4) ta' din id-Deċiżjoni, f'titoli maħruġa minn korporazzjonijiet pubbliċi eliġibbli mhux finanzjarji. Din l-allokazzjoni hija suġġetta għal reviżjoni mill-Kunsill Governattiv. Xirjiet ta' titoli ta' dejn maħruġin minn organizzazzjonijiet internazzjonali u banek multilaterali tal-iżvilupp u gvernijiet reġjonali u lokali eliġibbli għandhom isiru biss mill-BĊNi.”;

4.

fl-Artikolu 6, il-paragrafu 2 huwa mibdul b'li ġej:

“2.   Is-sehem tal-BĊNi tal-valur nominali totali ta' xierjiet ta' titoli ta' dejn negozjabbli eliġibbli taħt il-PSPP għandu jkun ta' 90 %, u l-10 % li jifdal għandhom jinxtraw mill-BĊE. It-tqassim tax-xirjiet bejn il-ġurisdizzjonijiet għandu jkun skont l-iskema għas-sottoskrizzjoni tal-kapital tal-BĊE kif imsemmi fl-Artikolu 29 tal-Istatut tas-SEBĊ.”.