ANNESS

li jistabbilixxi l-ispeċifikazzjonijiet tekniċi u l-proċeduri msemmija fl-Artikolu 1

Fejn issir referenza hawnhekk għal “reġistri”, dawn għandhom dejjem jinftiehmu bħala “reġistri ċentrali, kummerċjali u tal-kumpaniji”.

Is-sistema ta' interkonnessjoni tar-reġistri tkun riferuta bħala s-Sistema tal-Interkonnessjoni tar-Reġistri Kummerċjali (BRIS).

1.   Metodi ta' komunikazzjoni

BRIS tuża metodi bbażati fuq is-servizzi ta' komunikazzjoni elettronika, bħal servizzi tal-Internet, għall-fini ta' interkonnessjoni tar-reġistri.

Il-komunikazzjoni bejn il-portal u l-pjattaforma, u bejn reġistru u l-pjattaforma, tkun komunikazzjoni ta' wieħed ma' wieħed. Il-komunikazzjoni mill-pjattaforma għar-reġistri tista' tkun wieħed ma' wieħed jew wieħed ma' ħafna.

2.   Protokolli ta' komunikazzjoni

Protokolli tal-Internet siguri, bħal HTTPS, jintużaw għall-komunikazzjoni bejn il-portal, il-pjattaforma, ir-reġistri u l-punti ta' aċċess fakultattiv.

Protokolli ta' komunikazzjoni standard, bħall-Protokoll ta' Aċċess ta' Oġġett Uniku (SOAP), jintużaw għat-trażmissjoni ta' dejta strutturata u l-metadejta.

3.   L-istandards tas-sigurtà

Għall-komunikazzjoni u d-distribuzzjoni ta' informazzjoni permezz tal-BRIS, il-miżuri tekniċi li jiżguraw l-istandards ta' sigurtà minimi tat-teknoloġija tal-informatika jinkludu:

(a)	Miżuri sabiex jiżguraw il-kunfidenzjalità tal-informazzjoni, inkluż billi jintużaw kanali siguri (HTTPS);

(b)	Miżuri biex tiġi żgurata l-integrità tad-dejta filwaqt li tkun qed tiġi skambjata;

(c)	Miżuri biex jiġi żgurat non-rifjut ta' oriġini ta' min qed jibgħat informazzjoni fi ħdan il-BRIS u non-rifjut ta' riċeviment ta' informazzjoni;

(d)	Miżuri biex jiġi żgurat tħaddim ta' avvenimenti ta' sigurtà f'konformità ma' rakkomandazzjonijiet internazzjonali għal standards tas-sigurtà tat-teknoloġija tal-informazzjoni;

(e)	Miżuri li jiżguraw l-awtentikazzjoni u l-awtorizzazzjoni ta' kull utent irreġistrat u miżuri biex jivverifikaw l-identità ta' sistemi konnessi mal-portal, il-pjattaforma jew ir-reġistri fil-BRIS.

4.   Metodi ta' skambju ta' informazzjoni bejn ir-reġistru tal-kumpanija u r-reġistru tal-fergħa

Il-metodu li ġej jintuża għall-iskambju ta' informazzjoni bejn ir-reġistru tal-kumpanija u r-reġistru tal-fergħa kif imsemmi fl-Artikolu 3d tad-Direttiva 2009/101/KE u fl-Artikolu 5a tad-Direttiva 89/666/KEE:

(a)	Ir-reġistru tal-kumpanija jagħmel disponibbli, mingħajr dewmien, lill-pjattaforma l-informazzjoni dwar il-ftuħ u t-tmiem ta' kull proċediment ta' stralċ jew insolvenza u fuq it-tneħħija tal-kumpanija (“l-informazzjoni żvelata”);

(b)

Biex tkun żgurata l-irċevuta mingħajr dewmien tal- informazzjoni divulgata, ir-reġistru tal-fergħa jitlob din l-informazzjoni mingħand il-pjattaforma. Din it-talba tista' tikkonsisti f'li jiġi indikat lill-pjattaforma l-kumpaniji li r-reġistru tal-fergħa huwa interessat li jirċievi l-informazzjoni żvelata;

(c)	B'din it-talba, il-pjattaforma tiżgura li r-reġistru tal-fergħa jkollu aċċess għall-informazzjoni divulgata mingħajr dewmien.

Miżuri tekniċi xierqa u l-proċeduri jkunu fis-seħħ sabiex jittrattaw kull żball ta' komunikazzjoni bejn ir-reġistru u l-pjattaforma.

5.   Lista tad-dejta li trid tiġi skambjata bejn ir-reġistri

5.1.   Divulgazzjoni ta' fergħat ta' notifika

Għall-finijiet ta' dan l-Anness, l-iskambju ta' informazzjoni bejn ir-reġistri stabbiliti fl-Artikolu 3d tad-Direttiva 2009/101/KE u fl-Artikolu 5a tad-Direttiva 89/666/KEE jiġu msemmija bħala “notifika ta' divulgazzjoni tal-fergħa”. Il-proċediment li jwassal għal din in-notifika jiġi msemmi bħala “avveniment ta' divulgazzjoni tal-fergħa”.

Għal kull notifika ta' divulgazzjoni tal-fergħa msemmija fl-Artikolu 3d tad-Direttiva 2009/101/KE u fl-Artikolu 5a tad- Direttiva 89/666/KEE, l-Istati Membri jiskambjaw id-dejta li ġejja:

Tip ta' dejta	Deskrizzjoni	Kardinalità (1)	Deskrizzjoni addizzjonali
Id-data u l-ħin tal-ħruġ	Id-data u l-ħin ta' meta n-notifika kienet mibgħuta	1	Id-Data u l-Ħin
Organizzazzjoni tal-Ħruġ	L-isem/L-identifikatur tal-organizzazzjoni li toħroġ din in-notifika	1	Struttura tal-parti tad-dejta
Referenza Leġiżlattiva	Referenza għal leġiżlazzjoni nazzjonali jew tal-UE rilevanti	0…n	It-test
Dejta relatata ma' proċediment		1	Grupp ta' Elementi
Data Effettiva	Data meta l-proċediment li jaffettwa l-kumpanija daħal fis-seħħ	1	Data
Tip ta' Proċediment	It-tip ta' proċediment li jwassal għal avveniment ta' divulgazzjoni tal-fergħa kif imsemmi fl-Artikolu 5a(1) tad-Direttiva 89/666/KEE	1	Kodiċi (Ftuħ ta' Stralċ Terminazzjoni tal-Istralċ Ftuħ u Terminazzjoni tal-Istralċ Revoka tal-Istralċ Ftuħ ta' Insolvenza Terminazzjoni ta' Insolvenza Ftuħ u Terminazzjoni ta' Insolvenza Revoka ta' Insolvenza It-tneħħija)
Id-dejta tal-kumpanija		1	Grupp ta' Elementi
EUID	Identifikatur uniku tal-kumpanija li tkun is-suġġett ta' din in-notifika	1	Identifikatur Ara t-Taqsima 8 ta' dan l-Anness għall-istruttura tal-EUID
ID alternattiv	Identifikaturi oħra tal-kumpanija (pereż. Identifikatur tal-Entità Legali)	0…n	Identifikatur
Forma legali	It-tip ta' forma legali	1	Kodiċi Kif imsemmi fl-Artikolu 1 tad-Direttiva 2009/101/KE
Isem	Isem tal-kumpanija li tkun is-suġġett ta' din in-notifika	1	It-test
Uffiċċju Reġistrat	L-Uffiċċju Reġistrat tal-Kumpanija	1	It-test
Isem ir-Reġistru	L-isem tar-reġistru fejn hija rreġistrata l-kumpanija	1	It-test

Il-messaġġ ta' notifika jista' wkoll jinkludi dejta teknika meħtieġa għat-trażmissjoni xierqa tal-messaġġ.

L-iskambju ta' informazzjoni jinkludi wkoll messaġġi tekniċi meħtieġa għall-konferma tal-wasla, illoggjar u skopijiet ta' rappurtar.

5.2.   Notifika dwar il-mergers transfruntiera

Għall-finijiet ta' dan l-Anness, l-iskambju ta' informazzjoni bejn ir-reġistri kif imsemmi fl-Artikolu 13 tad-Direttiva 2005/56/KE jiġi msejjaħ bħala “notifika ta' mergers transfruntiera”. Għal kull notifika ta' mergers transtransfruntiera msemmija fl-Artikolu 13 tad-Direttiva 2005/56/KE, l-Istati Membri jiskambjaw id-dejta li ġejja:

Tip ta' dejta	Deskrizzjoni	Kardinalità	Deskrizzjoni addizzjonali
Id-Data u l-Ħin tal-Ħruġ	Id-data u l-ħin ta' meta n-notifika kienet mibgħuta	1	Id-data u l-Ħin
Organizzazzjoni tal-Ħruġ	L-organizzazzjoni li ħarġet din in-notifika	1	Struttura tal-parti tad-dejta
Organizzazzjoni Reċipjenti	Organizzazzjoni li lilha hija indirizzata din in-notifika	1	Struttura tal-parti tad-dejta
Referenza Leġiżlattiva	Referenza għal-leġiżlazzjoni nazzjonali jew tal-UE rilevanti	0…n	It-test
Dejta relatata mal-merger		1	Grupp ta' Elementi
Data Effettiva	Data meta l-merger issir effettiva	1	Data
Tip ta' merger	Tip ta' merger kif definit fl-Artikolu 2(2) tad-Direttiva 2005/56/KE	1	Kodiċi (Merger transfruntiera permezz ta' akkwist Merger transfruntiera permezz tal-formazzjoni ta' kumpanija ġdida Merger transfruntiera ta' kumpanija posseduta kollha)
Kumpanija riżultanti		1	Grupp ta' Elementi
EUID	Identifikatur uniku tal-kumpanija li tirriżulta mill-merger	1	Identifikatur Ara t-Taqsima 8 ta' dan l-Anness għall-istruttura tal-EUID
IDs Alternattivi	Identifikaturi oħra	0…n	Identifikatur
Forma legali	It-tip ta' forma legali	1	Kodiċi Kif imsemmi fl-Artikolu 1 tad-Direttiva 2009/101/KE
Isem	Isem tal-kumpanija li tirriżulta mill-merger	1	It-test
Uffiċċju Reġistrat	Uffiċju reġistrat tal-kumpanija li tirriżulta mill-merger	1	It-test
Isem ir-Reġistru	Isem ir-reġistru fejn il-kumpanija li tirriżulta mill-merger ġiet irreġistrata	1	It-test
Kumpanija li qed tingħaqad		1…n	Grupp ta' Elementi
EUID	Identifikatur uniku tal-kumpanija li qed tingħaqad	1	Identifikatur Ara t-Taqsima 8 ta' dan l-Anness għall-istruttura tal-EUID
IDs Alternattivi	Identifikaturi oħra	0…n	Identifikatur
Forma Legali	It-tip ta' forma legali	1	Kodiċi Kif imsemmi fl-Artikolu 1 tad-Direttiva 2009/101/KE
Isem	Isem tal-kumpanija li tieħu sehem fil-merger	1	It-test
Uffiċċju Reġistrat	Uffiċju reġistrat tal-kumpanija li tieħu sehem fil-merger	0…1	Test
Isem ir-Reġistru	Ir-reġistru fejn kumpanija li qed tingħaqad tkun ġiet irreġistrata	1	Test

Il-messaġġ ta' notifika jista' wkoll jinkludi dejta teknika meħtieġa għat-trażmissjoni xierqa tal-messaġġ.

L-iskambju ta' informazzjoni jinkludi wkoll messaġġi tekniċi meħtieġa għall-konferma tal-wasla, illoggjar u skopijiet ta' rappurtar.

6.   L-istruttura tal-format ta' messaġġ standard

L-iskambju ta' informazzjoni bejn ir-reġistri, il-pjattaforma u l-portal ikun ibbażat fuq metodi standard ta' strutturar tad-dejta u jiġi espress f'format ta' messaġġ standard bħal XML.

7.   Dejta għall-pjattaforma

It-tip ta' dejta li ġejja tiġi pprovduta sabiex il-pjattaforma tkun tista' taqdi l-funzjonijiet tagħha:

(a)	Dejta li tippermetti l-identifikazzjoni ta' sistemi li huma konnessi mal-pjattaforma. Dik id-dejta tista' tikkonsisti f'URLs jew kwull numru jew kodiċi ieħor li jidentifika b'mod uniku kull sistema fil-BRIS;

(b)

Indiċi ta' dettalji elenkati fl-Artikolu 3c(2) tad-Direttiva 2009/101/KE. Din id-dejta tintuża biex tkun żgurata konsistenza u riżultati ta' malajr tas-servizz ta' tiftix. Meta d-dejta ma tkunx disponibbli għall-pjattaforma għall-indiċizzazzjoni, l-Istati Membri jagħmlu l-istess dettalji disponibbli għall-iskop tas-servizz ta' tiftix b'mod li jiggarantixxi l-istess livell ta' servizz kif ipprovdut mill-pjattaforma;

(c)	Identifikaturi uniċi ta' kumpaniji msemmija fl-Artikolu 3(1) tad-Direttiva 2009/101/KE u identifikaturi uniċi ta' fergħat imsemmija fl-Artikolu 1(4) tad-Direttiva 89/666/KEE. Dawn l-identifikaturi jintużaw biex tiġi żgurata l-interoperabbiltà tar-reġistri permezz tal-pjattaforma;

(d)

Kull dejta operattiva oħra li hija meħtieġa għall-pjattaforma sabiex tkun tista' tiżgura l-funzjonament xieraq u effiċjenti tas-servizz ta' tiftix u l-interoperabbiltà tar-reġistri. Din id-dejta tista' tinkludi listi ta' kodiċi, dejta ta' referenza, glossarji u traduzzjonijiet relatati ta' dawn il-metadejta, kif ukoll dejta ta' reġistrazzjoni u rappurtar.

Id-dejta u l-metadejta mmaniġġati mill-pjattaforma jiġu pproċessati u maħżuna f'konformità mal-istandards tas-sigurtà deskritti fit-Taqsima 3 ta' dan l-Anness.

8.   L-istruttura u l-użu tal-identifikatur uniku

L-identifikatur uniku għall-fini ta' komunikazzjoni bejn ir-reġistri jiġi msejjaħ bħala EUID (Identifikatur Uniku Ewropew).

L-istruttura tal-EUID tkun konformi mal-ISO 6523 u jkun fiha l-elementi li ġejjin:

Element EUID	Deskrizzjoni	Deskrizzjoni addizzjonali
Kodiċi tal-pajjiż	Elementi li jagħmluha possibbli li jiġi identifikat l-Istat Membru tar-reġistru	Mandatorju
L-Identifikatur tar-Reġistru	Elementi li jagħmluha possibbli li jiġi identifikat ir-reġistru domestiku tal-oriġini tal-kumpanija u tal-fergħa rispettivament	Mandatorju
Numru tar-reġistrazzjoni	In-numru tal-kumpanija/fergħa jirreferi għan-numru ta' reġistrazzjoni tal-kumpanija/fergħa fir-reġistru domestiku ta' oriġini	Mandatorju
In-numru ta' verifika	Elementi li jagħmluha possibbli li jiġu evitati żbalji ta' identifikazzjoni	Fakultattivi

L-EUID jintuża biex jiġu identifikati b'mod inekwivoku l-kumpaniji u l-fergħat għall-fini ta' skambju ta' informazzjoni bejn ir-reġistri permezz tal-pjattaforma.

9.   Metodi ta' tħaddim tas-sistema u s-servizzi tat-teknoloġija tal-informatika pprovduti mill-pjattaforma

Għad-distribuzzjoni u l-iskambju ta' informazzjoni, is-sistema tkun ibbażata fuq il-metodu ta' ħidma tekniku li ġej:

Għat-twassil ta' messaġġi fil-verżjoni tal-lingwa rilevanti, il-pjattaforma tipprovdi artefatti ta' dejta ta' referenza, bħal-listi ta' kodiċijiet, vokabularji kkontrollati u glossarji. Meta rilevanti, dawn jiġu tradotti fil-lingwi uffiċjali tal-UE. Meta possibbli jintużaw, standards rikonoxxuti u messaġġi standardizzati.

Il-Kummissjoni taqsam mal-Istat Membru aktar dettalji dwar il-metodu ta' teknika għall-implimentazzjoni u l-operazzjoni u s-servizzi tat-teknoloġija tal-informatika pprovduti mill-pjattaforma.

10.   Kriterji tat-Tfittix

Mill-inqas pajjiż wieħed għandu jintgħażel meta ssir tfittxija.

Il-portal jipprovdi l-kriterji armonizzati li ġejjin għat-tfittxija:

—	Isem il-kumpanija,

—	Numru ta' reġistrazzjoni. Dan jirreferi għan-numru ta' reġistrazzjoni ta' kumpanija jew fergħa f'reġistru domestiku.

Aktar kriterji ta' tfittxija jistgħu jkunu disponibbli fuq il-portal.

11.   Modalitajiet ta' ħlas

Għad-dokumenti u d-dettalji li għalihom l-Istati Membri jitolbu ħlas u li huma disponibbli fuq il-Portal tal-Ġustizzja elettronika permezz tal-BRIS, is-sistema tippermetti lill-utenti li jħallsu onlajn bl-użu ta' ħafna modalitajiet ta' pagament bħal karti ta' kreditu u ta' debitu.

Is-sistema tista' tipprovdi wkoll metodi alternattivi ta' ħlas onlajn, bħal trasferimenti bankarji jew kartieri virtwali (depożitu).

12.   It-tikketti ta' spjegazzjoni

F'dak li għandu x'jaqsam mad-dettalji u t-tipi ta' dokumenti elenkati fl-Artikolu 2 tad-Direttiva 2009/101/KE, l-Istati Membri jipprovdu t-tabelli spjegattivi li ġejjin:

(a)	Titolu qasir għal kull partikolari u dokument (pereżempju: “Artikoli ta' inkorporazzjoni”);

(b)	Kif xieraq, deskrizzjoni qasira tal-kontenut ta' kull dokument jew partikolari, inkluż, b'mod voluntarju, informazzjoni dwar il-valur legali tad-dokument.

13.   Disponibbiltà tas-servizzi

Iż-żmien li fih jingħata servizz għandu jkun 24/7, b'rata ta' disponibbiltà tas-sistema ta' mill-inqas 98 % eskluża l-manutenzjoni skedata.

L-Istati Membri jinnotifikaw lill-Kummissjoni dwar l-attivitajiet ta' manutenzjoni kif ġej:

(a)	ħamest ijiem ta' xogħol minn qabel għal operazzjonijiet ta' manutenzjoni li jistgħu jikkawżaw nuqqas ta' disponibbiltà sa perjodu ta' erba' sigħat;

(b)	għaxart ijiem ta' xogħol minn qabel għal operazzjonijiet ta' manutenzjoni li jistgħu jikkawżaw nuqqas ta' disponibbiltà sa perjodu ta' 12-il siegħa;

(c)	30 jum tax-xogħol bil-quddiem għal manutenzjoni tal-kamra tal-infrastruttura tal-kompjuter, li jistgħu jikkawżaw sa sitt ijiem ta' nuqqas ta' disponibbiltà f'perjodu ta' sena.

Sa fejn ikun possibbli, operazzjonijiet ta' manutenzjoni għandhom ikunu ppjanati barra mill-ħinijiet tax-xogħol (7:00pm–8:00am CET).

Fejn l-Istati Membri għandhom ħinijiet tal-operar fissi għal kull ġimgħa, huma jinfurmaw lill-Kummissjoni dwar il-ħin u l-ġurnata tal-ġimgħa meta tali ħinijiet tal-operar huma ppjanati. Mingħajr preġudizzju għall-obbligi fil-punti (a) sa (c) tat-tieni paragrafu, jekk is-sistemi tal-Istati Membri ma jibqgħux disponibbli matul tali perjodu fiss, l-Istati Membri jistgħu jagħżlu li ma jinnotifikawx lill-Kummissjoni f'kull okkażjoni.

F'każ ta' ħsara teknika mhux mistennija ta' dawn is-sistemi tal-Istati Membri, l-Istati Membri jinfurmaw lill-Kummissjoni mingħajr dewmien bin-nuqqas ta' disponibbiltà tas-sistema tagħhom, u, jekk ikunu magħrufa, meta jaħsbu li se jitkompla s-servizz.

F'każ ta' nuqqas mhux mistenni fil-pjattaforma ċentrali jew fil-Portal, il-Kummissjoni tinforma lill-Istati Membri mingħajr dewmien bin-nuqqas ta' disponibbiltà tal-pjattaforma jew tal-portal, u jekk ikun magħruf, meta jaħsbu li se jitkompla s-servizz.

14.   Punti ta' aċċess opzjonali

14.1.   Proċedura

L-Istati Membri jipprovdu informazzjoni dwar iż-żmien ippjanat tal-istabbiliment tal-punti ta' aċċess fakultattivi, in-numru ta' punti ta' aċċess fakultattiv li jgħaqqdu l-pjattaforma, u d-dettalji ta' kuntatt tal-persuna(i) li tista' tiġi kkuntattjata għall-iskop li tiġi stabbilita konnessjoni teknika.

Il-Kummissjoni tipprovdi lill-Istati Membri bid-dettalji tekniċi neċessarji u appoġġ għall-ittestjar u l-użu ta' konnessjoni għal kull punt ta' aċċess fakultattiv mal-pjattaforma.

14.2.   Rekwiżiti tekniċi

Għall-konnessjoni ta' punti ta' aċċess fakultattiv mal-pjattaforma, l-Istati Membri jikkonformaw mal-ispeċifikazzjonijiet tekniċi rilevanti definiti f'dan l-Anness, inklużi l-ħtiġijiet ta' siġurtà għat-trażmissjoni ta' dejta permezz tal-punti ta' aċċess fakultattiv.

Meta l-ħlas ikun meħtieġ permezz ta' punt ta' aċċess fakultattiv, l-Istati Membri jipprovdu metodi ta' pagament tal-għażla tagħhom u jiġġestixxu operazzjonijiet ta' ħlas relatati.

L-Istati Membri jwettqu ttestjar xieraq qabel mal-konnessjoni mal-pjattaforma ssir operattiva u qabel ma jsiru xi bidliet sinifikanti ma' konnessjoni eżistenti.

Wara konnessjoni b'suċċess tal-punt ta' aċċess fakultattiv mal-pjattaforma, l-Istati Membri jinfurmaw lill-Kummissjoni dwar kwull tibdil sinifikanti li jmiss tal-punt ta' aċċess li jista' jaffettwa l-funzjonament tal-pjattaforma, b'mod partikolari l-għeluq tal-punt ta' aċċess. L-Istati Membri jipprovdu biżżejjed dettalji tekniċi b'rabta mal-bidla, sabiex jippermettu integrazzjoni xierqa ta' kwalunkwe bidliet relatati.

L-Istati Membri jindikaw dwar kull punt ta' aċċess fakultattiv li s-servizz ta' tiftix huwa pprovdut permezz tas-sistema ta' interkonnessjoni tar-reġistri.

---

(1)  Kardinalità 0 tfisser li d-dejta hija fakultattiva. Kardinalità 1 tfisser li d-dejta hija obbligatorja. Kardinalità 0…n jew 1…n tfisser li aktar minn parti waħda tal-istess tip ta' dejta tista' tiġi pprovduta.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	MA	128,2
	MK	79,9
	TN	138,3
	TR	72,2
	ZZ	104,7
0707 00 05	MK	39,4
	TR	121,3
	ZZ	80,4
0709 93 10	TR	121,6
	ZZ	121,6
0805 50 10	AR	111,5
	BO	147,7
	TR	67,0
	ZA	137,7
	ZZ	116,0
0808 10 80	AR	104,6
	BR	94,4
	CL	154,9
	NZ	140,2
	US	124,3
	ZA	128,9
	ZZ	124,6
0809 10 00	TR	266,2
	ZZ	266,2
0809 29 00	TR	451,2
	US	525,9
	ZZ	488,6

---

(1)  In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.

ANNESS

L-Anness tad-Deċiżjoni 2014/312/UE huwa emendat kif ġej:

(1)

fil-kriterju 3 (effiċjenza fl-użu), Tabella 2 l-isem tal-kriterju 3a huwa sostitwit b'dan li ġej: “3(a) Rata ta' tixrid (għaż-żebgħa l-bajda u għaż-żebgħa ta' kulur ċar biss, inkluża ż-żebgħa ta' bażi l-bajda li tintuża fis-sistemi li jagħtu l-lewn)) — ISO 6504/1. Ma japplikax għall-verniċ, għal-lażuri (il-likwidi li jlewnu l-injam), għaż-żebgħa trasparenti ta' adeżjoni tal-ewwel passata jew għal kwalunkwe kisi trasparenti ieħor.”

(2)

fil-kriterju 3 (Effiċjenza fl-użu), Tabella 2, fit-tmien u d-disa' kolonni li jirreferu għal “Żebgħa tal-ewwel passata (g)” u “Żebgħa ta' taħt u żebgħa tal-ewwel passata (h)” it-test “6 m2/L (mingħajr opaċità)” huwa sostitwit fiż-żewġ kolonni b'dan li ġej: “6 m2/L (mingħajr opaċità jew b'karatteristiċi speiċifiċi”.

(3)

fil-kriterju 3(a), il-ħames paragrafu huwa sostitwit b'dan li ġej: “Iż-żebgħa tal-ewwel passata u ta' taħt semitrasparenti għandu jkollhom rata ta' tixrid ta' mill-inqas 6 m2 u dawk opaki ta' mill-inqas 8 m2. Iż-żebgħa tal-ewwel passata opaka li jkollha karatteristiċi speċifiċi sabiex tibblokka/tissiġilla u tippenetra/tgħaqqad u ż-żebgħa tal-ewwel passata li jkollha karatteristiċi speċjali ta' adeżjoni għandu jkollha rata ta' tixrid ta' mill-inqas 6 m2 għal kull litru tal-prodott.”

(4)

il-kriterju 4 huwa emendat kif ġej: (a) fir-raba' paragrafu, is-sentenza li ġejja “L-indikaturi mogħtija fit-Tabella 4 għandhom jintużaw bħala l-bażi għad-delimitazzjoni tar-riżultati tal-kromatografija b'fażi gassuża għall-KOSV” hija sostitwita b'dan li ġej “It-test għandu jsir bl-użu tas-sistema analitika kif identifikat fil-Manwal tal-Utenti dwar il-Kriterji.”; (b) it-Tabella 4 titħassar; (c) fit-taqsima Valutazzjoni u verifika, it-tieni paragrafu, it-tieni sentenza hija sostitwita b'dan li ġej: “It-test għandu jitwettaq b'referenza għall-modifki għall-ISO 11890-2 disponibbli fil-Manwal tal-Utenti dwar il-Kriterji.”;

(5)

fil-kriterju 5, il-punt (a)(i) huwa sostitwit b'dan li ġej: “Għall-użu ta' dan il-grupp ta' prodotti, ingħataw derogi għal gruppi definiti ta' sustanzi li jistgħu jinsabu fil-prodott finali. Dawn id-derogi jistipulaw il-klassifikazzjonijiet ta' periklu li ngħataw deroga għal kull grupp ta' sustanzi speċifiku u l-kundizzjonijiet tad-deroga assoċjati u l-limiti tal-konċentrazzjoni li japplikaw. Id-derogi huma stipulati fl-Appendiċi.” ;

(6)

fil-kriterju 5(a)(ii), it-tieni paragrafu, it-tieni inċiż huwa sostitwit b'dan li ġej: “— L-ingredjenti tal-formula taż-żebgħa jew tal-verniċ li jaqgħu fi ħdan il-gruppi ta' sustanzi elenkati hawn taħt: (1) Preżervattivi miżjudin mas-sustanzi li jagħtu l-kulur, mal-binders u mal-prodott finali (a) Preżervattivi ta' ġol-bottijiet, (b) Preżervattivi użati fil-magni tal-lewn, (c) Preżervattivi b'saff niexef, (d) Stabbilizzaturi tal-preżervattivi, (2) Aġenti li jnixxfu u għal kontra t-tqaxxir, (a) Aġenti li jnixxfu, (b) Aġenti għal kontra t-tqaxxir, (3) Inibituri tal-korrużjoni, (a) Inibituri tal-korrużjoni, (b) Prevenzjoni tal-firdirram, (4) Tensjoattivi, (a) Tensjoattivi ta' użu ġenerali, (b) Alkilfenoletoksilati (APEOs), (c) Tensjoattivi perfluworinati, (5) Sustanzi funzjonali mixxellanji b'applikazzjoni ġenerali, (a) Emulsjoni tar-raża tas-siliċju fiż-żebgħa l-bajda, s-sustanzi li jagħtu l-kulur u l-bażijiet għall-għoti ta' lewn ħafif, (b) Metalli u l-komposti tagħhom, (c) Materja prima minerali, inkluż materjal għall-mili, (d) Aġenti li jinnewtralizzaw, (e) Luminanti ottiċi, (f) Pigmenti, (6) Sustanzi funzjonali mixxellanji b'applikazzjonijiet speċjalizzati, (a) Protetturi UV u stabbilizzaturi, (b) Plastifikanti, (7) Fdalijiet li jista' jkun hemm fil-prodott finali, (a) Formaldeid, (b) Solventi, (c) Monomeri li ma jirreaġixxux, (d) Komposti Aromatiċi Volatili u komposti aloġenati, (8) Sustanzi f'binders u d-dispersjonijiet tal-polimeri, (a) Binders u aġenti li jgħaqqdu traversali, (b) Prodotti tar-reazzjoni u residwi, u li huma preżenti f'konċentrazzjonijiet ta' aktar minn 0,010 %” ;

(7)

fl-Appendiċi 5, l-entrati għall-formaldeid għandhom jiġu sostitwiti b'dan li ġej: “7.   Fdalijiet ta' sustanzi li jista' jkun hemm fil-prodott finali (a) Formaldeid Applikabbiltà: Il-prodotti kollha. Il-formaldeid liberu ma għandux jiżdied intenzjonalment mal-prodott finali. Il-prodott finali għandu jiġi ttestjat sabiex jiġi stabbilit il-kontenut ta' formaldeid liberu fih. Ir-rekwiżiti tal-kampjunar għall-ittestjar għandhom jirriflettu l-firxa tal-prodotti. Għandu japplika l-valur ta' limitu tal-għadd totali li ġej: Id-derogi li ġejjin huma magħmula mir-rekwiżit stabbilit fl-ewwel paragrafu: (i) Fejn huma meħtieġa preżervattivi li huma donaturi tal-formaldeid bħala preżervattivi ta' ġol-bottijiet biex jipproteġu tip speċifiku ta' żebgħa jew verniċ u fejn il-formaldeid donatur jintuża minflok il-preżervattivi tal-iżotijażolinon. (ii) Fejn id-dispersjonijiet tal-polimeri (binders) jipprovdu, permezz tal-livelli tal-formaldeid li jibqa', il-funzjoni ta' donaturi tal-formaldeid minflok il-preżervattivi ta' ġol-bottijiet. Fiż-żewġ każijiet (i) u (ii) l-għadd totali ma għandux jaqbeż il-valur ta' limitu li ġej:   Verifika: Il-kontenut tal-formaldeid liberu għandu jiġi stabbilit għall-bażi l-bajda jew għall-bażi trasparenti għall-għoti ta' lewn ħafif li tkun maħsuba li jkun fiha l-ogħla ammont teoretiku ta' formaldeid. Għandu jiġi stabbilit ukoll il-kontenut tal-bażi li tagħti l-lewn li tkun maħsuba li jkun fiha l-ogħla ammont teoretiku ta' formaldeid. Metodu tat-test:   Valur ta' limitu ta' 0,0010 %: Determinazzjoni tal-konċentrazzjoni ta' ġol-bottijiet bl-użu tal-metodu Merckoquant. Jekk l-eżitu ma jkunx definittiv bl-użu ta' dan il-metodu, allura għandha tintuża l-kromatografija likwida ta' prestazzjoni għolja (HPLC) biex tiġi kkonfermata l-konċentrazzjoni ta' ġol-bottijiet.   Valur ta' limitu ta' 0,010 %: (1) Iż-żebgħa kollha: Determinazzjoni tal-konċentrazzjoni ta' formaldeid ta' ġol-bottijiet permezz ta' analiżi bl-użu tal-VdL-RL 03 jew tal-kromatografija likwida ta' rendiment għoli (HPLC). (2) Iż-żebgħa u l-verniċ ta' ġewwa: Determinazzjoni permezz ta' analiżi skont l-istandard ISO 16000-3. L-emissjonijiet ma għandhomx ikunu ta' iktar minn 0,25 ppm mal-ewwel applikazzjoni u għandhom ikunu ta' inqas minn 0,05 ppm wara 24 siegħa mill-ewwel applikazzjoni.” 0,0010 % 0,010 %