19.5.2015   

MT

Il-Ġurnal Uffiċjali tal-Unjoni Ewropea

L 123/1

(1)

Il-frammentazzjoni tas-suq intern hija ta' detriment għall-kompetittività, it-tkabbir u l-ħolqien tal-impjiegi fl-Unjoni. L-eliminazzjoni ta' ostakoli diretti u indiretti għall-funzjonament korrett u l-ikkompletar ta' suq integrat għall-pagamenti elettroniċi, mingħajr distinzjoni bejn il-pagamenti nazzjonali u transkonfinali, hija neċessarja għall-funzjonament korrett tas-suq intern.

(2)

Id-Direttiva 2007/64/KE tal-Parlament Ewropew u tal-Kunsill (4) ipprovdiet sisien legali għall-ħolqien ta' suq intern tal-pagamenti mifrux mal-Unjoni kollha billi ffaċilitat sostanzjalment l-attività tal-fornituri ta' servizzi ta' pagament, filwaqt li ħolqot regoli uniformi fir-rigward tal-forniment tas-servizzi ta' pagament.

(3)

Ir-Regolament (KE) Nru 924/2009 tal-Parlament Ewropew u tal-Kunsill (5) stabbilixxa l-prinċipju li l-imposti mħallsin minn utenti għal ħlas transkonfinali bl-euro jkunu l-istess bħal tal-pagament korrispondenti fi Stat Membru inklużitransazzjonijiet ta' pagament permezz ta' kard koperti b'dan ir-Regolament.

(4)

Ir-Regolament (UE) Nru 260/2012 tal-Parlament Ewropew u tal-Kunsill (6) ipprovda r-regoli għall-funzjonament tat-trasferimenti tal-kreditu u tad-debiti diretti bl-euro fis-suq intern iżda eskludatransazzjonijiet ta' pagament permezz ta' kard mill-kamp ta' applikazzjoni tiegħu.

(5)

Id-Direttiva 2011/83/UE tal-Parlament Ewropew u tal-Kunsill (7) timmira li tarmonizza ċerti regoli dwar kuntratti konklużi bejn konsumaturi u kummerċjanti, inklużi regoli dwar tariffi għall-użu ta' mezz ta' pagament, li abbażi tagħhom l-Istati Membri jipprojbixxu li l-kummerċjanti jimponu fuq il-konsumaturi, fir-rigward tal-użu ta' mezz partikolari ta' pagament, tariffi li jeċċedu l-ispiża mġarrba mill-kummerċjant għall-użu ta' tali mezz.

(6)

Pagamenti elettroniċi sikuri, effiċjenti, kompetittivi u innovattivi huma kruċjali biex il-konsumaturi, in-negozjanti u l-kumpanniji jgawdu l-benefiċċji sħaħ tas-suq intern, speċjalment hekk kif id-dinja miexja lejn il-kummerċ elettroniku.

(7)

Xi Stati Membri ħarġu jew qed iħejju leġislazzjoni sabiex tirregola, direttament jew indirettament, it-tariffi tal-interkambju u li tkopri għadd ta' kwistjonijiet, inklużi l-limiti fuq it-tariffi tal-interkambju f'diversi livelli, it-tariffi tan-negozjant, ir-regola li għandek Tonora l-Kards Kollha u miżuri ta' gwida. Id-deċiżjonijiet amministrattivi eżistenti f'xi Stati Membri jvarjaw b'mod sinifikanti. Sabiex il-livelli tat-tariffi tal-interkambju jsiru aktar konsistenti, hija antiċipata l-introduzzjoni ulterjuri ta' miżuri regolatorji fil-livell nazzjonali bil-għan li jiġu indirizzati l-livelli ta', jew id-diverġenzi bejn, dawk it-tariffi. Tali miżuri nazzjonali aktarx li joħolqu ostakoli sinifikanti għall-ikkompletar tas-suq intern fil-qasam tal-pagamenti bil-kards u pagamenti bl-Internet u bil-mowbajl li jsiru permezz ta' kards u għaldaqstant ifixklu l-libertà li jiġu fornuti s-servizzi.

(8)

Il-kards ta' pagament huma l-iktar strument ta' pagament elettroniku użat b'mod frekwenti għax-xiri bl-imnut. Madankollu, l-integrazzjoni tas-suq tal-kards ta' pagament tal-Unjoni għad jonqsu ħafna biex jiġi kkompletat billi ħafna soluzzjonijiet ta' pagament ma jistgħux jiżviluppaw lil hinn mill-fruntieri nazzjonali tagħhom u minħabba li operaturi ġodda pan-Unjoni ma jitħallewx jidħlu fis-suq. Hemm il-ħtieġa li jitneħħew l-ostakoli għall-funzjonament effiċjenti tas-suq tal-kards, inklużi dawk fil-qasam tal-pagamenti bil-kards u pagamenti bl-Internet u bil-mowbajl li jsiru permezz ta' kards.

(9)

Biex is-suq intern ikun jista' jiffunzjona b'mod effettiv, l-użu tal-pagamenti elettroniċi għandu jiġi promoss u ffaċilitat għall-benefiċċju tan-negozjanti u tal-konsumaturi. Il-kards u pagamenti elettroniċi oħra jistgħu jintużaw b'mod aktar versatili, inklużi l-possibbiltajiet li jsir pagament onlajn sabiex jiġi sfruttat is-suq intern u l-kummerċ elettroniku, waqt li l-pagamenti elettroniċi jipprovdu wkoll pagamenti potenzjalment sikuri lin-negozjanti. It-transazzjonijiet ta' pagament permezz ta' kard flok pagament bi flus kontanti jistgħu għalhekk ikunu ta' benefiċċju għan-negozjanti u għall-konsumaturi, dment li t-tariffi għall-użu ta' skemi ta' pagament bil-kard ikunu stabbiliti f'livell ekonomikament effiċjenti, filwaqt li jikkontribwixxu għall-kompetizzjoni ġusta, għall-innovazzjoni u għad-dħul fis-suq ta' operaturi ġodda.

(10)

It-tariffi tal-interkambju huma ġeneralment applikati bejn il-fornituri akkwirenti ta' servizzi ta' kards ta' pagament u l-fornituri emittenti ta' servizzi ta' kards ta' pagament li jappartjenu għal ċerta skema ta' pagament bil-kard. It-tariffi tal-interkambju huma parti prinċipali mit-tariffi imposti fuq in-negozjanti mill-fornituri ta' servizzi ta' pagament li qed jakkwistaw għal kull transazzjoni ta' pagament permezz ta' kard. In-negozjanti min-naħa tagħhom jinkorporaw dawk l-ispejjeż tal-kards, bħalma jsir għall-ispejjeż l-oħra kollha tagħhom, fil-prezzijiet ġenerali tal-prodotti u s-servizzi. Il-kompetizzjoni bejn l-iskemi ta' pagament li jsiru permezz ta' kards biex tikkonvinċi fornituri ta' servizzi ta' pagament joħorġu l-kards tagħhom twassal għal tariffi tal-interkambju ogħla aktar milli aktar baxxi fis-suq, b'kuntrast mal-effett dixxiplinari fuq il-prezzijiet li s-soltu jkollha l-kompetizzjoni f'ekonomija tas-suq. Flimkien ma' applikazzjoni konsistenti tar-regoli tal-kompetizzjoni għat-tariffi tal-interkambju, ir-regolamentazzjoni ta' tali tariffi ser ittejjeb il-funzjonament tas-suq intern u tikkontribwixxi biex jitnaqqsu l-ispejjeż tat-transazzjonijiet għall-konsumaturi.

(11)

Il-varjetà kbira ta' tariffi tal-interkambju u l-livell tagħhom ma jippermettux li joħorġu fis-suq atturi “ġodda” pan Unjoni abbażi ta' mudelli tan-negozju b'tariffi orħos jew l-ebda tariffa tal-interkambju, għad-detriment tal-ekonomiji potenzjali ta' skala u ta' firxa u l-effiċjenzi li jirriżultaw minnhom. Dan iħalli impatt negattiv fuq in-negozjanti u l-konsumaturi u jipprevjeni l-innovazzjoni. Billi l-atturi pan-Unjoni jkollhom, bħala minimu, joffru lill-banek emittenti l-ogħla livell ta' tariffa tal-interkambju prevalenti fis-suq li jkunu jridu jidħlu fih, dan iwassal ukoll għall-frammentazzjoni persistenti tas-suq. L-iskemi domestiċi eżistenti b'tariffi tal-interkambju iktar baxxi jew mingħajr tariffi, ukoll jistgħu jiġu furzati joħorġu mis-suq minħabba l-pressjoni mill-banek biex jiksbu dħul ikbar mit-tariffi tal-interkambju. Bħala riżultat, il-konsumaturi u n-negozjanti jiffaċċjaw għażla ristretta, prezzijiet ogħla u kwalità iktar baxxa ta' servizzi ta' pagament, waqt li hija wkoll ristretta l-abbiltà tagħhom li jużaw soluzzjonijiet ta' pagament pan-Unjoni. Barra minn hekk, in-negozjanti ma jistgħux jegħlbu d-differenzi tat-tariffi billi jagħmlu użu mis-servizzi ta' aċċettazzjoni tal-kards offruti mill-banek fi Stati Membri oħrajn. Regoli speċifiċi applikati mill-iskemi ta' kard ta' pagament jirrikjedu l-applikazzjoni tat-tariffa tal-interkambju tal-“punt tal-bejgħ” (il-pajjiż tan-negozjant) għal kull transazzjoni ta' pagament, abbażi tal-politiki ta' liċenzjar territorjali tagħhom. Dan ir-rekwiżit jimpedixxi lill-akkwirenti milli jirnexxilhom joffru s-servizzi tagħhom fuq bażi transkonfinali. Dan jista' jostakola wkoll lin-negozjanti milli jnaqqsu l-ispejjeż tal-pagament tagħhom għall-benefiċċju tal-konsumaturi.

(12)

L-applikazzjoni tal-leġislazzjoni eżistenti mill-Kummissjoni u mill-awtoritajiet nazzjonali tal-kompetizzjoni ma wasslitx biex tirrimedja din is-sitwazzjoni.

(13)

Għaldaqstant, biex tiġi evitata frammentazzjoni tas-suq intern u d-distorsjonijiet sinifikanti tal-kompetizzjoni minħabba liġijiet u deċiżjonijiet amministrattivi diverġenti, hemm il-ħtieġa, f'konformità mal-Artikolu 114 tat-Trattat dwar il-Funzjonament tal-Unjoni Ewropea, li jittieħdu miżuri li jindirizzaw il-problema ta' tariffi tal-interkambju għoljin u diverġenti, sabiex il-fornituri ta' servizzi ta' pagament jitħallew jipprovdu s-servizzi tagħhom fuq bażi transkonfinali u l-konsumaturi u n-negozjanti jitħallew jużaw servizzi transkonfinali.

(14)

L-applikazzjoni ta' dan ir-Regolament għandha tkun mingħajr preġudizzju għall-applikazzjoni tar-regoli tal-kompetizzjoni tal-Unjoni u nazzjonali. Ma għandhiex tipprevjeni lill-Istati Membri milli jżommu jew jintroduċu limiti aktar baxxi jew miżuri b'għan jew effett ekwivalenti permezz tal-leġislazzjoni nazzjonali.

(15)

Sabiex jiġi ffaċilitat il-funzjonament mingħajr xkiel ta' suq intern għal pagamenti bil-kards u pagamenti bl-Internet u bil-mowbajl li jsiru permezz ta' kards, għall-benefiċċju tal-konsumaturi u n-negozjanti, dan ir-Regolament għandu japplika għal ħruġ u akkwist transkonfinali u domestiċi ta' transazzjonijiet ta' pagament permezz tal-kards. Jekk in-negozjanti jistgħu jagħżlu akkwirent minn barra l-Istat Membru tagħhom (“akkwist transkonfinali”), li jkun iffaċilitat bl-impożizzjoni tal-istess livell massimu kemm ta' tariffi tal-interkambju transkonfinali kif ukoll domestiku għal transazzjonijiet ta' akkwist u l-projbizzjoni ta' liċenzjar territorjali, għandha tkun possibbli li tiġi pprovduta ċ-ċarezza legali meħtieġa u biex ma ssirx distorsjoni tal-kompetizzjoni bejn skemi ta' kards ta' pagament.

(16)

Bħala konsegwenza tar-rabtiet u l-impenji unilaterali aċċettati fil-qafas tal-proċedimenti dwar il-kompetizzjoni, ħafna transazzjonijiet transkonfinali ta' pagament bil-kard fl-Unjoni diġà jitwettqu filwaqt li jiġu rispettati t-tariffi massimi tal-interkambju. Sabiex tiġi prevista kompetizzjoni ġusta fis-suq għall-akkwist tas-servizzi, id-dispożizzjonijiet marbutin ma' transazzjonijiet transkonfinali u domestiċi għandhom japplikaw simultanjament u fi ħdan perijodu raġonevoli wara d-dħul fis-seħħ ta' dan ir-Regolament, b'konsiderazzjoni tad-diffikultà u l-kumplessità tal-migrazzzjoni ta' skemi ta' kards ta' pagament, li dan ir-Regolament jesiġi.

(17)

Hemm żewġ tipi ewlenin ta' kards tal-kreditu disponibbli fis-suq. Bil-kards ta' debitu differiti, l-ammont totali tat-transazzjonijiet jiġi ddebitat mill-kont tad-detentur tal-kard f'data speċifika maqbula minn qabel, normalment darba fix-xahar, mingħajr m'għandu jitħallas imgħax. B'kards ta' kreditu oħrajn, id-detentur tal-kard jista' juża faċilità ta' kreditu biex iħallas lura parti mill-ammonti dovuti f'data aktar tard minn dik speċifikata, flimkien ma' imgħaxijiet jew spejjeż oħra.

(18)

It-transazzjonijiet kollha ta' pagamenti permezz ta' kard ta' debitu u kreditu għandhom ikunu soġġetti għal rata ta' tariffa tal-interkambju massima.

(19)

Il-valutazzjoni tal-impatt turi li projbizzjoni tat-tariffi tal-interkambju għat-transazzjonijiet b'kard ta' debitu tkun ta' benefiċċju għall-aċċettazzjoni tal-kards, l-użu tal-kards u l-iżvilupp tas-suq uniku u tiġġenera iktar benefiċċji għan-negozjanti u l-konsumaturi minn limitu stabbilit fi kwalunkwe livell ogħla. Barra minn hekk, din tevita effetti negattivi li jirriżultaw minn limitu ogħla f'dawk l-iskemi nazzjonali li għandhom tariffi baxxi ħafna jew ebda tariffa ta' interkambju għal transazzjonijiet ta' debitu minħabba l-espansjoni transkonfinali jew parteċipanti ġodda fis-suq li jgħollu l-livelli tat-tariffi sal-livell tal-limitu. Projbizzjoni fuq tariffi tal-interkambju għal transazzjonijiet bil-kard ta' debitu tindirizza wkoll it-theddida ta' esportazzjoni tal-mudell għat-tariffa tal-interkambju, għal servizzi ta' pagament ġodda u innovattivi bħal sistemi mobbli u online.

(20)

Il-limiti f'dan ir-Regolament huma bbażati fuq l-hekk imsejjaħ “Test tal-Indifferenza tan-Negozjant” żviluppat fil-letteratura ekonomika, li jidentifika l-livell ta' tariffa li negozjant ikun lest li jħallas li kieku n-negozjant kellu jqabbel l-ispiża tal-użu mill-konsumatur ta' kard ta' pagament ma' dawk ta' pagamenti mhux bil-kard (bi flus kontanti) (b'kont meħud tat-tariffa għas-servizz lin-negozjant u tat-tariffa tal-interkambju). B'hekk jiġi stimolat l-użu ta' strumenti ta' pagament effiċjenti permezz tal-promozzjoni ta' dawk il-kards li jipprovdu benefiċċji transazzjonali ogħla, waqt li fl-istess ħin jipprevjenu tariffi sproporzjonati għan-negozjant, li jimponu spejjeż moħbija fuq konsumaturi oħrajn. Tariffi eċċessivi għan-negozjant jistgħu jinħolqu wkoll minħabba l-arranġamenti kollettivi għat-tariffa tal-interkambju, minħabba li n-negozjanti jsibuha diffiċli li jirrifjutaw strumenti ta' pagament għaljin għax jibżgħu li jitilfu n-negozju. L-esperjenza wriet li dawk il-livelli huma proporzjonati, għax ma jqanqlux dubju dwar l-operat ta' skemi internazzjonali ta' kards u fornituri ta' servizzi ta' pagament. Huma jipprovdu wkoll benefiċċji għan-negozjanti u għall-konsumaturi u jipprovdu ċertezza legali.

(21)

Madankollu, kif muri fil-valutazzjoni tal-impatt, f'ċerti Stati Membri, it-tariffi tal-interkambju żviluppaw biex jippermettu lill-konsumaturi jibbenefikaw minn swieq b'kard ta' debitu effiċjenti f'termini ta' użu u aċċettazzjoni tal-kards b'tariffi tal-interkambju orħos mil-livell tal-indifferenza tan-negozjant. L-Istati Membri għandhom għalhekk ikunu jistgħu jistabbilixxu tariffi tal-interkambju orħos għal transazzjonijiet domestiċi bil-kard ta' debitu.

(22)

Barra minn hekk, biex jiġi żgurat li t-tariffi tal-kard ta' debitu huma stabbiliti f'livell ekonomikament effiċjenti, filwaqt li titqies l-istruttura ta' swieq domestiċi ta' kards ta' debitu, għandha tinżamm il-possibbiltà li l-limiti fuq it-tariffi tal-interkambju jiġu espressi bħala rata fissa. Rata fissa tista' wkoll tippromwovi l-użu ta' pagamenti permezz ta' kard ta' ammonti b'valur żgħir (“mikropagamenti”). Għandu jkun possibbli wkoll li wieħed japplika din ir-rata fissa flimkien ma' rata perċentwali, sakemm is-somma ta' tali tariffi tal-interkambju ma taqbiżx il-perċentwal speċifikat tal-valur annwali totali tat-transazzjonijiet fil-livell domestiku fi ħdan kull skema ta' kards ta' pagament. Barra minn hekk għandu jkun possibbli li jiġi definit limitu perċentwali inqas tat-tariffa tal-interkambju għal kull transazzjoni, u li jimponi ammont ta' tariffa massima fissa bħala limitu għall-ammont ta' tariffa li jirriżulta mir-rata perċentwali applikabbli għal kull transażżjoni.

(23)

Barra minn hekk, b'kont meħud tal-għan ta' dan ir-Regolament li jarmonizza għall-ewwel darba t-tariffi tal-interkambju f'kuntest fejn sistemi ta' kards ta' debitu u t-tariffi tal-interkambju eżistenti huma differenti ħafna, jeħtieġ li tkun prevista l-flessibbiltà fis-swieq domestiċi tal-kards ta' pagament. Għalhekk, matul perijodu ta' transizzjoni raġonevoli, fir-rigward ta' transazzjonijiet domestiċi b'kard ta' debitu, l-Istati Membri għandhom ikunu jistgħu japplikaw għat-transazzjonijiet domestiċi kollha li jsiru bil-kards ta' debitu f'kull skema ta' kards ta' pagament tariffa tal-interkambju medja ponderata ta' mhux aktar minn 0,2 % tal-medja annwali tal-valur tat-transazzjonijiet domestiċi kollha li jsiru bil-kards ta' debitu f'kull skema ta' kards ta' pagament. Fir-rigward tal-limitu tat-tariffa tal-interkambju kkalkulat fuq il-medja annwali tal-valur ta' transazzjoni fi ħdan skema waħda ta' kards ta' pagament, huwa biżżejjed li fornitur tas-servizzi ta' pagament jipparteċipa fi skema ta' kards ta' pagament (jew f'xi tip ieħor ta' ftehimiet bejn il-fornituri ta' servizzi ta' pagament) li fihom, għat-transazzjonijiet domestiċi kollha b'kards ta' debitu, hija applikata medja ponderata tat-tariffa tal-interkambju ta' mhux aktar minn 0,2 %. Hawnhekk ukoll, tista' tiġi applikata tariffa fissa jew rata perċentwali jew kombinament ta' dawn it-tnejn bil-kondizzjoni li jiġi rispettat il-limitu massimu tal-medja ponderata.

(24)

Sabiex jiġu definiti l-limiti rilevanti tat-tariffi tal-interkambju għal transazzjonijiet domestiċi ta' kards ta' debitu, huwa xieraq li l-awtoritajiet kompetenti nazzjonali intitolati li jiżguraw il-konformità ma' dan ir-Regolament jitħallew jiġbru l-informazzjoni rigward il-volum u l-valur tat-transazzjonijiet kollha li jsiru bil-kards ta' debitu kollha fi ħdan skema ta' kard ta' pagament jew tat-transazzjonijiet bil-kards ta' debitu li jappartjenu għal fornitur ta' servizzi ta' pagament wieħed jew aktar. Bħala konsegwenza, l-iskemi ta' kards ta' pagament u l-fornituri ta' servizzi ta' pagament għandhom ikunu obbligati li jipprovdu data rilevanti lill-awtoritajiet nazzjonali kompetenti kif speċifikat minn dawk l-awtoritajiet u f'konformità mal-limiti ta' żmien stabbiliti minnhom. L-obbligi ta' rappurtar għandhom jiġu estiżi għall-fornituri ta' servizzi ta' pagament bħall-emittenti jew l-akkwirenti u mhux biss għal skemi ta' kards ta' pagament, sabiex jiġi żgurat li kwalunkwe informazzjoni rilevanti tkun disponibbli għall-awtoritajiet kompetenti li għandhom, fi kwalunkwe każ, ikunu jistgħu jirrikjedu li tali informazzjoni tinġabar permezz tal-iskema ta' kards ta' pagament. Barra minn hekk, huwa importanti li l-Istati Membri jiżguraw livell adegwat ta' żvelar tal-informazzjoni rilevanti fir-rigward tal-limiti applikabbli tat-tariffi tal-interkambju. Fid-dawl tal-fatt li l-iskemi ta' kards ta' pagament ġeneralment mhumiex fornituri ta' servizzi ta' pagament soġġetti għal superviżjoni prudenzjali, l-awtoritajiet kompetenti jistgħu jirrikjedu li l-informazzjoni mibgħuta minn dawn l-entitajiet tkun iċċertifikata minn awditur indipendenti.

(25)

Xi strumenti tal-pagament fil-livell domestiku jippermettu lill-pagatur jibda transazzjonijiet ta' pagament permezz ta' kard li mhumiex distinti bħala transazzjonijiet b'kard ta' debitu jew ta' kreditu mill-iskema ta' kards ta' pagament. L-għażliet li jsiru mid-detentur tal-kard mhumiex magħrufin mill-iskema ta' kards ta' pagament u mill-akkwirent; b'konsegwenza ta' dan, l-iskemi ta' kards ta' pagament m'għandhomx il-possibbiltà li japplikaw il-limiti differenti imposti b'dan ir-Regolament għat-transazzjonijiet b'kards tad-debitu u tal-kreditu (li huma distinti abbażi taż-żmien maqbul biex jiġu addebitati t-transazzjonijiet ta' pagament). B'kont meħud tal-ħtieġa li tinżamm il-funzjonalità tal-mudelli kummerċjali eżistenti filwaqt li jiġu evitati spejjeż mhux iġġustifikati jew eċċessivi tal-konformità legali u, fl-istess ħin, filwaqt li titqies l-importanza li jiġu żgurati kondizzjonijiet ekwivalenti ta' kompetizzjoni bejn il-kategoriji differenti ta' kards ta' pagament, huwa xieraq li tiġi applikata l-istess regola prevista minn dan ir-Regolament għal transazzjonijiet bil-kards ta' debitu għal tali transazzjonijiet ta' pagament domestiċi bil-“kards universali”. Madankollu, għandu jingħata perijodu ta' żmien itwal biex dawk l-istrumenti ta' pagament jiġu adattati. Għalhekk, bħala eċċezzjoni u matul perijodu ta' transizzjoni ta' 18-il xahar wara d-data tad-dħul fis-seħħ ta' dan ir-Regolament, l-Istati Membri għandhom ikunu jistgħu jiddefinixxu sehem massimu ta' transazzjonijiet domestiċi ta' pagament bil-kards universali li huma kkunsidrati bħala ekwivalenti għal transazzjonijiet b'kards ta' kreditu. Pereżempju, il-limitu tal-kard ta' kreditu jista' jiġi applikat għas-sehem definit tal-valur totali tat-transazzjonijiet għan-negozjanti u l-akkwirenti. Ir-riżultat matematiku tad-dispożizzjonijiet ikun konsegwentement ekwivalenti għall-applikazzjoni tal-limitu tat-tariffa tal-interkambju uniku fuq transazzjonijiet ta' pagamenti domestiċi li saru b'kards universali.

(26)

Dan ir-Regolament għandu jkopri t-transazzjonijiet kollha fejn il-fornitur ta' servizzi ta' pagament tal-pagatur u l-fornitur ta' servizzi ta' pagament tal-benefiċjarju jkunu jinsabu fl-Unjoni.

(27)

F'konformità mal-prinċipju tan-newtralità teknoloġika stipulat fl-Aġenda Diġitali għall-Ewropa, dan ir-Regolament għandu japplika għat-transazzjonijiet ta' pagament permezz ta' kard irrispettivament mill-ambjent li fih isseħħ din it-transazzjoni, inkluż permezz ta' strumenti u servizzi ta' pagament bl-imnut li jistgħu jkunu offlajn, onlajn jew bil-mowbajl.

(28)

It-transazzjonijiet permezz ta' kard ta' pagament ġeneralment isiru abbażi ta' żewġ mudelli kummerċjali ewlenin, l-hekk imsejħa “skemi tal-kard ta' pagament ta' tliet partijiet” (id-detentur tal-kard — l-iskema ta' akkwist u ta' ħruġ — in-negozjant) u “skemi tal-kard ta' pagament ta' erba' partijiet” (id-detentur tal-kard — il-bank emittenti — il-bank akkwirenti — in-negozjant). Ħafna skemi ta' kards ta' pagament ta' erba' partijiet jużaw tariffa espliċita tal-interkambju, li tkun, l-iżjed, multilaterali. Sabiex l-eżistenza ta' tariffi impliċiti tal-interkambju tkun rikonoxxuta u jingħata kontribut għall-ħolqien ta' kondizzjonijiet ekwivalenti ta' kompetizzjoni, l-iskemi ta' kards ta' pagament ta' tliet partijiet li jużaw il-fornituri ta' servizzi ta' pagament bħala emittenti jew akkwirenti għandhom jiġu kkunsidrati bħala skemi ta' kards ta' pagament ta' erba' partijiet u għandhom isegwu l-istess regoli, filwaqt li t-trasparenza u miżuri oħra marbutin mar-regoli kummerċjali għandhom japplikaw għall-fornituri kollha. Madankollu, b'kont meħud tal-ispeċifiċitajiet li jeżistu għal dawn it-tipi ta' skemi ta' tliet partijiet, huwa xieraq li jiġi permess perijodu ta' transizzjoni li matulu l-Istati Membri jistgħu jagħżlu li ma japplikawx ir-regoli dwar il-limitu tat-tariffa tal-interkambju jekk dawn l-iskemi ikollhom sehem limitat ħafna mis-suq fl-Istat Membru kkonċernat.

(29)

Is-servizz emittenti huwa bbażat fuq relazzjoni kuntrattwali bejn l-emittent tal-istrument tal-pagament u l-pagatur, irrispettivament minn jekk l-emittent hux qiegħed iżomm il-fondi f'isem il-pagatur. L-emittent jagħmel kards ta' pagament għad-dispożizzjoni tal-pagatur, jawtorizza t-transazzjonijiet fit-terminals jew l-ekwivalenti tagħhom u jista' jiggarantixxi l-pagament lill-akkwirent għal transazzjonijiet li huma f'konformità mar-regoli tal-iskema relevanti. Għalhekk, is-sempliċi distribuzzjoni ta' kards ta' pagament jew servizzi tekniċi, bħas-sempliċi proċessar u l-ħażna ta' data, ma tikkostitwixxix ħruġ.

(30)

L-akkwist ta' servizzi jikkostitwixxi katina ta' operazzjonijiet mill-bidu ta' transazzjoni ta' pagament permezz ta' kard għat-trasferiment tal-fondi lejn il-kont ta' pagament tal-benefiċjarju. Skont l-Istat Membru u l-mudell tan-negozju li għandu, is-servizz tal-akkwist huwa organizzat b'mod differenti. Għalhekk, il-fornitur ta' servizzi ta' pagament li jħallas it-tariffa tal-interkambju mhux dejjem jidħlu f'kuntratt direttament mal-benefiċjarju. L-intermedjarji li jipprovdu parti mis-servizzi tal-akkwist iżda mingħajr relazzjoni kuntrattwali diretta mal-benefiċjarji għandhom madankollu jkunu koperti fid-definizzjoni ta' akkwirent skont dan ir-Regolament. Is-servizz akkwirenti huwa provdut irrispettivament minn jekk l-akkwirent huwiex qiegħed iżomm il-fondi f'isem il-benefiċjarju. Is-servizzi tekniċi, bħas-sempliċi proċessar u ħażna tad-data jew it-tħaddim ta' terminals, ma jikkostitwixxux akkwist.

(31)

Huwa importanti li jiġi żgurat li d-dispożizzjonijiet li jirrigwardaw it-tariffi tal-interkambju li għandhom jitħallsu jew jiġu riċevuti mill-fornituri ta' servizzi ta' pagament ma jiġux evitati bi flussi alternattivi ta' tariffi lill-emittenti. Biex dan jiġi evitat, il-“kumpens nett” tat-tariffi mħallsa jew riċevuti mill-emittent, inklużi tariffi ta' awtorizzazzjoni possibbli, minn jew għal skema ta' kards ta' pagament, akkwirent jew kwalunkwe intermedjarju ieħor għandu jitqies bħala t-tariffa tal-interkambju. Meta tiġi kkalkolata t-tariffa tal-interkambju, bil-għan li jiġi vverifikat jekk tkunx qed isseħħ l-evażjoni, għandu jitqies l-ammont totali ta' pagamenti jew inċentivi riċevuti minn emittent minn skema tal-kard ta' pagament fir-rigward tat-transazzjonijiet irregolati filwaqt li jitnaqqsu t-tariffi mħallsa mill-emittent lill-iskema ta' pagamenti bil-kards. Il-pagamenti, l-inċentivi u t-tariffi kkunsidrati jistgħu jkunu diretti (jiġifieri bbażati fuq il-volum jew speċifiċi għat-transazzjoni) jew indiretti (inklużi inċentivi tal-kummerċjalizzazzjoni, bonuses, skontijiet talli jintlaħqu ċerti volumi ta' transazzjonijiet). Meta jiġi vverifikat jekk tkunx qed issir evażjoni tad-dispożizzjonijiet ta' dan ir-Regolament, għandu jittieħed kont, b'mod partikolari, tal-profitti tal-emittenti li jirriżultaw minn programmi speċjali mwettqa b'mod konġunt minn emittenti u minn skemi ta' kards ta' pagament u d-dħul mill-ipproċessar, il-liċenzjar, u tariffi oħra li jipprovdu dħul lill-organizzazzjonijiet ta' skemi ta' kards ta' pagament. Jista' jittieħed kont ukoll, kif ikun xieraq u jekk dan ikun sostnut minn elementi oġġettivi oħrajn, tal-ħruġ ta' kards ta' pagament f'pajjiżi terzi fil-verifika ta' evażjoni potenzjali ta' dan ir-Regolament.

(32)

Hemm it-tendenza li l-konsumaturi ma jkunux konxji tat-tariffi mħallsin min-negozjanti għall-istrument ta' pagament li jużaw. Fl-istess waqt, serje ta' prattiki ta' inċentiv applikati minn emittenti (bħal vouchers tal-ivvjaġġar, bonuses, skontijiet, ħlasijiet lura, assigurazzjonijiet b'xejn, eċċ.) jistgħu jħajru lill-konsumaturi jużaw strumenti tal-pagament, biex b'hekk jiġġeneraw tariffi għoljin għall-emittenti. Sabiex jiġi evitat dan, il-miżuri li jimponu restrizzjonijiet fuq it-tariffi tal-interkambju għandhom japplikaw biss għal kards ta' pagament li saru prodotti tal-massa u li n-negozjanti ġeneralment isibuha diffiċli biex jirrifjutaw minħabba l-ħruġ u l-użu mifrux tagħhom (jiġifieri kards ta' debitu u ta' kreditu tal-konsumatur). Sabiex jittejjeb il-funzjonament effettiv tas-suq fil-partijiet tas-settur li mhumiex regolati u sabiex jiġi limitat it-trasferiment tan-negozju mill-partijiet regolati tas-settur għal dawk mhux regolati, huwa meħtieġ li jiġu adottati serje ta' miżuri, li jinkludu s-separazzjoni tal-iskema u l-infrastruttura, l-iggwidar tal-pagatur mill-benefiċjarju, u l-aċċettazzjoni b'mod selettiv tal-istrumenti ta' pagament mill-benefiċjarju.

(33)

Is-separazzjoni bejn l-iskema u l-infrastruttura għandha tippermetti li l-proċessuri kollha jikkompetu għall-klijenti tal-iskemi. Billi l-ispiża tal-ipproċessar hija parti sinifikanti mill-ispiża totali tal-aċċettazzjoni tal-kards, huwa importanti għal din il-parti tal-katina ta' valur li tinfetaħ għal kompetizzjoni effettiva. Abbażi tas-separazzjoni tal-iskema mill-infrastruttura, l-iskemi ta' kards u l-entitajiet li jipproċessaw għandhom ikunu indipendenti f'termini ta' kontabbiltà, organizzazzjoni u proċess tat-teħid tad-deċiżjonijiet. Dawn ma għandhomx jiddiskriminaw, pereżempju, billi jagħtu lil xulxin trattament preferenzjali jew informazzjoni privileġġjata li ma tkunx disponibbli għall-kompetituri tagħhom fis-settur tas-suq rispettiv tagħhom, jew billi jimponu rekwiżiti eċċessivi ta' informazzjoni fuq il-kompetitur tagħhom fis-settur tas-suq rispettiv tagħhom, jew billi japplikaw sussidju inkroċjat għall-attivitajiet rispettivi tagħhom jew billi jkollhom arranġamenti komuni ta' governanza. Tali prattiki diskriminatorji jikkontribwixxu għall-frammentazzjoni tas-suq, iħallu impatt negattiv fuq id-dħul ta' atturi ġodda fis-suq u jipprevjenu li jitfaċċaw atturi pan Unjoni, u għaldaqstant ifixklu l-ikkompletar tas-suq intern tal-pagamenti bil-kard u pagamenti bl-Internet u bil-mowbajl li jsiru permezz ta' kards, għad-detriment ta' negozjanti, kumpanniji u konsumaturi.

(34)

Ir-regoli tal-iskemi applikati mill-iskemi ta' kards ta' pagament u l-prattiki applikati mill-fornituri ta' servizzi ta' pagament għandhom it-tendenza li jżommu lin-negozjanti u lill-konsumaturi fil-għama dwar id-differenzi fit-tariffi u jnaqqsu t-trasparenza tas-suq, pereżempju billi “jħalltu” t-tariffi jew billi jipprojbixxu lin-negozjanti milli jagħżlu marka ta' kard irħas fuq kards li jkunu co-badged jew milli jħajru lill-konsumaturi jużaw it-tali kards irħas. Anke jekk in-negozjanti jkunu konxji tal-ispejjeż differenti, ir-regoli tal-iskema spiss iżommuhom milli jieħdu azzjoni biex inaqqsu t-tariffi.

(35)

L-istrumenti ta' pagament jinvolvu spejjeż differenti għall-benefiċjarju, b'ċerti strumenti jkunu iktar għaljin minn oħrajn. Ħlief meta l-istrument ta' pagament partikolari ikun impost bil-liġi għal ċerti kategoriji ta' pagamenti jew ma jkunx jista' jiġi rrifjutat minħabba li jkollu status ta' valuta legali, il-benefiċjarju għandu jkun liberu skont id-Direttiva 2007/64/KE li jiggwida lill-pagatur lejn l-użu ta' strument ta' pagament speċifiku. L-iskemi ta' kards u l-fornituri ta' servizzi ta' pagament jimponu bosta restrizzjonijiet fuq il-benefiċjarji f'dan ir-rigward, fosthom restrizzjonijiet fuq ir-rifjut mill-benefiċjarju tal-użu ta' strumenti speċifiċi ta' pagament għal ammonti żgħar, fuq l-għoti ta' informazzjoni lill-pagatur dwar it-tariffi mġarrba mill-benefiċjarju għal strumenti speċifiċi ta' pagament jew limitazzjoni imposta fuq il-benefiċjarju dwar in-numru ta' kxaxen tal-flus li jaċċettaw strumenti speċifiċi ta' pagament fil-ħanut tiegħu. Dawn ir-restrizzjonijiet għandhom jitneħħew.

(36)

F'sitwazzjonijiet fejn il-benefiċjarju jiggwida lill-pagatur lejn l-użu ta' strument speċifiku ta' pagament, il-benefiċjarju ma għandu jitlob ebda imposti mill-pagatur għall-użu ta' strumenti ta' pagament li t-tariffi tal-interkambju tagħhom huma rregolati fil-kamp ta' applikazzjoni ta' dan ir-Regolament, billi f'tali sitwazzjonijiet il-vantaġġi tas-soprataxxi jsiru limitati waqt li joħolqu kumplessità fis-suq.

(37)

Ir-Regola li għandek Tonora l-Kards Kollha hija obbligu doppju impost minn emittenti u minn skemi ta' kards ta' pagament u mill-iskemi ta' kards ta' pagament fuq il-benefiċjarji sabiex jaċċettaw il-kards kollha tal-istess marka, irrispettivament mill-ispejjeż differenti ta' dawn il-kards (l-element li “Tonora l-Prodotti kollha”), u irrispettivament mill-bank emittenti individwali li jkun ħareġ il-kard (l-element li “Tonora l-Emittenti kollha”). Huwa fl-interess tal-konsumatur li għall-istess kategorija ta' kards il-benefiċjarju ma jistax jiddiskrimina bejn l-emittenti jew id-detenturi tal-kards, u l-iskemi ta' pagament bil-kards u l-fornituri ta' servizzi ta' pagamenti jistgħu jimponu tali obbligu fuqhom. Għalhekk l-element li “Tonora l-Emittenti kollha” tar-regola li għandek Tonora l-Kards kollha huwa regola ġustifikabbli fi ħdan skema ta' kards ta' pagament, minħabba li ma jħallix lill-benefiċjarji jiddiskriminaw bejn banek individwali li jkunu ħarġu kard. L-element li “Tonora l-Prodotti kollha” huwa essenzjalment prattika li torbot li għandha l-effett li torbot l-aċċettazzjoni ta' kards b'tariffa baxxa mal-aċċettazzjoni ta' kards b'tariffa għolja. It-tneħħija tal-element li “Tonora l-Prodotti kollha” mir-regola li Tonora l-Kards kollha tippermetti lin-negozjanti jillimitaw l-għażla tal-kards ta' pagament li huma joffru għal kards ta' pagament bi spejjeż (aktar) baxxi biss, li tkun ukoll ta' benefiċċju għall-konsumaturi permezz tal-ispejjeż imnaqqsa tan-negozjanti. Għalhekk, in-negozjanti li jaċċettaw kards ta' debitu ma jiġux furzati jaċċettaw ukoll kards ta' kreditu, u dawk li jaċċettaw kards ta' kreditu ma jiġux furzati jaċċettaw kards kummerċjali. Madankollu, biex jipproteġu lill-konsumatur u l-abbiltà tal-konsumatur li juża l-kards ta' pagament kemm jista' jkun ta' spiss, in-negozjanti għandhom ikunu obbligati jaċċettaw il-kards li huma soġġetti għall-istess tariffa regolata tal-interkambju biss jekk maħruġa fi ħdan l-istess marka u tal-istess kategorija (kard imħallsa minn qabel, kard ta' debitu jew kard ta' kreditu). Tali limitazzjoni tirriżulta wkoll f'ambjent aktar kompetittiv għall-kards b'tariffi tal-interkambju mhux regolati taħt dan ir-Regolament, billi n-negozjanti jiksbu iktar saħħa ta' negozjar fir-rigward tal-kondizzjonijiet li taħthom jaċċettaw tali kards. Dawk ir-restrizzjonijiet għandhom ikunu limitati u meqjusa aċċettabbli biss biex tissaħħaħ il-protezzjoni tal-konsumaturi, biex b'hekk jagħtu lill-konsumaturi livell adegwat ta' ċertezza dwar il-fatt li l-kards ta' pagament tagħhom ser jiġu aċċettati min-negozjanti.

(38)

Il-fornituri ta' servizzi ta' pagament għandhom jiżguraw li jkun hemm distinzjoni ċara bejn kards tal-konsumatur u dawk kummerċjali fuq bażi kemm teknika kif ukoll kummerċjali. Huwa għalhekk importanti li kard kummerċjali tiġi definita bħala strument ta' pagament użat biss għal spejjeż tan-negozju ddebitati direttament lill-kont tal-impriża jew l-entità tas-settur pubbliku jew persuna fi¿ika li taħdem għal rasha.

(39)

Il-benefiċjarji u l-pagaturi għandhom ikollhom il-mezzi biex jidentifikaw il-kategoriji differenti ta' kards. Għaldaqstant, id-diversi marki u l-kategoriji għandhom ikunu identifikabbli b'mod elettroniku u għall-istrumenti ta' pagament permezz ta' kard li għadhom kif inħarġu b'mod viżibbli fuq l-apparat. Barra minn dan, il-pagatur għandu jkun infurmat dwar l-aċċettazzjoni tal-istrument(i) ta' pagament tal-pagatur f'punt tal-bejgħ partikolari. Huwa meħtieġ li kwalunkwe limitazzjoni fuq l-użu ta' marka partikolari titħabbar mill-benefiċjarju lill-pagatur fl-istess ħin u taħt l-istess kondizzjonijiet bħall-informazzjoni li hija aċċettata marka partikolari.

(40)

Sabiex tkun żgurata kompetizzjoni effettiva bejn il-marki, huwa importanti li l-għażla tal-applikazzjoni tal-pagament għandha ssir mill-utenti, u mhux tiġi imposta mis-suq upstream, li jinkludi skemi ta' kards ta' pagament, fornituri jew proċessuri ta' servizzi ta' pagament. Tali ftehim ma għandux iżomm lill-pagaturi u lill-benefiċjarji milli jistabbilixxu għażla awtomatika għall-applikazzjoni, fejn teknikament possibbli, sakemm din l-għażla tista' tiġi mibdula għal kull transazzjoni.

(41)

Sabiex ikun żgurat li r-rimedju jkun possibbli fejn dan ir-Regolament ikun ġie applikat b'mod żbaljat, jew fejn jinqala' tilwim bejn l-utenti ta' servizzi ta' pagament u l-fornituri ta' servizz ta' pagament, l-Istati Membri għandhom jistabbilixxu proċeduri adegwati u effettivi ta' lment u rimedju barra l-qorti jew jieħdu miżuri ekwivalenti. L-Istati Membri, għandhom jistabbilixxu regoli dwar il-penali applikabbli għall-ksur ta' dan ir-Regolament u għandhom jiżguraw li dawk il-penali jkunu effettivi, proporzjonati u dissważivi, u li jiġu applikati.

(42)

Il-Kummissjoni għandha tippreżenta rapport għall-istudju ta' diversi effetti ta' dan ir-Regolament fuq il-funzjonament tas-suq. Jeħtieġ li l-Kummissjoni jkollha l-possibbiltà tiġbor l-informazzjoni meħtieġa biex jiġi stabbilit dan ir-rapport u li l-awtoritajiet kompetenti jikkooperaw mill-qrib mal-Kummissjoni għall-ġbir ta' data.

(43)

Minħabba li l-għanijiet ta' dan ir-Regolament li jistabbilixxi rekwiżiti uniformi għat-transazzjonijiet ta' pagament li jsiru permezz ta' kard u pagamenti bl-Internet u bil-mowbajl li jsiru bil-kard, ma jistgħux jinkisbu b'mod suffiċjenti mill-Istati Membri, iżda jistgħu pjuttost, minħabba l-iskala tagħhom, jinkisbu aħjar fil-livell tal-Unjoni, l-Unjoni tista' tadotta miżuri, f'konformità mal-prinċipju ta' sussidjarjetà kif stipulat fl-Artikolu 5 tat-Trattat dwar l-Unjoni Ewropea. F'konformità mal-prinċipju tal-proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li hu neċessarju biex jinkisbu dawk l-għanijiet.

(44)

Dan ir-Regolament huwa konformi mad-drittijiet fundamentali u josserva l-prinċipji rikonoxxuti b'mod partikolari mill-Karta tad-Drittijiet Fundamentali tal-Unjoni Ewropea, notevolment id-dritt għal rimedju effettiv jew għal proċess imparzjali, il-libertà li jitmexxa negozju, il-ħarsien tal-konsumatur u għandu jiġi applikat f'konformità ma' dawk id-drittijiet u l-prinċipji,

(a)

strumenti li jippermettu lid-detentur jakkwista prodotti u servizzi biss fil-bini tal-emittent jew fi ħdan netwerk limitat ta' fornituri tas-servizz skont ftehim kummerċjali dirett ma' emittent professjonali;

(b)

strumenti li jistgħu jintużaw biss biex jiġu akkwistati firxa limitata ħafna ta' prodotti u servizzi;

(c)

strumenti validi biss fi Stat Membru wieħed ipprovduti fuq it-talba ta' impriża jew entità tas-settur pubbliku u regolati minn awtorità pubblika nazzjonali jew reġjonali għal finijiet speċifiċi soċjali jew ta' taxxa biex jiġu akkwistati prodotti jew servizzi minn fornituri li jkollhom ftehim kummerċjali mal-emittent,

(a)

transazzjonijiet b'kards kummerċjali;

(b)

ġbid ta' flus kontanti minn magni awtomatiċi għall-ġbid tal-flus jew mal-kaxxier tal-fornitur ta' servizz ta' pagament; u

(c)

transazzjonijiet b'kards ta' pagament maħruġa minn skemi ta' pagament permezz ta' kard ta' tliet partijiet.

(1)

“akkwirent” tfisser fornitur ta' servizzi ta' pagament li jikkuntratta ma' benefiċjarju biex jaċċetta u jipproċessa transazzjonijiet ta' pagament permezz ta' kard, li jirriżultaw fi trasferiment ta' fondi lill-benefiċjarju;

(2)

“emittent” tfisser fornitur ta' servizzi ta' pagament li jaqbel li jipprovdi lil pagatur bi strument ta' pagament biex jibda u jipproċessa t-transazzjonijiet ta' pagatur ta' pagament permezz ta' kard;

(3)

“konsumatur” tfisser persuna fiżika li, f'kuntratti ta' servizzi ta'pagament koperti minn dan ir-Regolament, qed taġixxi għal finijiet li mhumiex is-sengħa, in-negozju jew il-professjoni tagħha;

(4)

“transazzjoni b'kard ta' debitu” tfisser transazzjoni ta' pagament permezz ta' kard, inklużi dawk b'kards imħallsin minn qabel, li ma tkunx transazzjoni b'kard ta' kreditu;

(5)

“transazzjoni b'kard ta' kreditu” tfisser transazzjoni ta' pagament permezz ta' kard fejn l-ammont tat-transazzjoni ikun debitat għalkollox jew f'parti minnu lill-pagatur f'data speċifika maqbula minn qabel, f'konformità ma' faċilità ta' kreditu maqbula minn qabel, bl-imgħax jew mingħajru;

(6)

“kard kummerċjali” tfisser kwalunkwe strument ta' pagament permezz ta' kard maħruġ lil impriżi jew entitajiet tas-settur pubbliku jew persuni fiżiċi li jaħdmu għal rashom li jkun limitat fl-użu għall-ispejjeż tan-negozju fejn il-pagamenti magħmula minn tali kards jitħallsu b'mod dirett mill-kont tal-impriża jew l-entità tas-settur pubbliku jew il-persuna fiżika li taħdem għal rasha;

(7)

“transazzjoni ta' pagament permezz ta' kard” tfisser servizz ibbażat fuq l-infrastruttura u r-regoli tan-negozju ta' skema ta' kards ta' pagament biex issir transazzjoni ta' pagament permezz ta' kwalunkwe kard, telekomunikazzjoni, apparat jew software diġitali jew tal-IT jekk dan jirriżulta fi transazzjoni b'kard ta' debitu jew ta' kreditu. It-transazzjonijiet ta' pagament permezz ta' kard jeskludu transazzjonijiet ibbażati fuq tipi oħra ta' servizzi ta' pagament;

(8)

“transazzjoni ta' pagament transkonfinali” tfisser transazzjoni ta' pagament permezz ta' kard fejn l-emittent u l-akkwirent ikunu jinsabu fi Stati Membri differenti jew fejn l-istrument ta' pagament permezz ta' kard jinħareġ minn emittent li jinsab fi Stat Membru differenti minn dak tal-punt tal-bejgħ;

(9)

“transazzjoni ta' pagament domestika” tfisser kwalunkwe transazzjoni ta' pagament permezz ta' kard li ma tkunx transazzjoni ta' pagament transkonfinali;

(10)

“tariffa tal-interkambju” tfisser tariffa mħallsa għal kull transazzjoni direttament jew indirettament (jiġifieri permezz ta' terza parti) bejn l-emittent u l-akkwirent involuti fi transazzjoni ta' pagament permezz ta' kard. Il-kumpens nett jew remunerazzjonijiet maqbula oħrajn jitqiesu bħala parti mit-tariffa tal-interkambju;

(11)

“kumpens nett” tfisser l-ammont nett totali ta' pagamenti, skontijiet jew inċentivi riċevuti minn emittent mill-iskema ta' kards ta' pagament, l-akkwirent jew kwalunkwe intermedjarju ieħor fir-rigward ta' transazzjonijiet ta' pagament permezz ta' kard jew attivitajiet relatati;

(12)

“tariffa għas-servizzi tan-negozjant” tfisser tariffa mħallsa mill-benefiċjarju lill-akkwirent b'rabta ma' transazzjonijiet ta' pagament permezz ta' kard;

(13)

“benefiċjarju” tfisser persuna fiżika jew ġuridika li hija r-riċevitur intiż ta' fondi li kienu s-suġġett ta' transazzjoni tal-ħlas;

(14)

“pagatur” tfisser persuna fiżika jew ġuridika li jkollha kont ta' pagament u tippermetti ordni ta' pagament minn dak il-kont ta' pagament, jew, fejn ma jkun hemm ebda kont ta' pagament, persuna fiżika jew ġuridika li tagħti ordni ta' pagament;

(15)

“kard ta' pagament” tfisser kategorija ta' strument ta' pagament li jippermetti lil pagatur jagħti bidu għal transazzjoni b'kard ta' debitu jew ta' kreditu;

(16)

“skema ta' kards ta' pagament” tfisser sett wieħed ta' regoli, prattiki, standards u/jew linji gwida għall-implimentazzjoni għall-eżekuzzjoni ta' transazzjonijiet ta' pagament permezz ta' kard u li jkun separat minn kwalunkwe sistema ta' infrastruttura jew ta' pagament li tappoġġa l-operazzjoni tiegħu, u li jinkludi kwalunkwe korp, organizzazzjoni jew entità speċifika li tieħu d-deċiżjonijiet b'responsabbiltà għall-funzjonament tal-iskema;

(17)

“skema ta' pagament permezz ta' kard ta' erba” partijiet' tfisser skema ta' pagament permezz ta' kard li fiha l-pagamenti jsiru mill-kont ta' pagament ta' pagatur fil-kont ta' pagament ta' benefiċjarju permezz tal-intermedjazzjoni tal-iskema, emittent (min-naħa tal-pagatur) u akkwirent (min-naħa tal-benefiċjarju);

(18)

“skema ta' pagament permezz ta' kard ta' tliet partijiet” tfisser skema ta' kards ta' pagament li fiha l-iskema stess tipprovdi servizzi akkwirenti u emittenti u t-transazzjonijiet ta' pagament permezz ta' kard isiru minn kont ta' pagament ta' pagatur fil-kont ta' pagament ta' benefiċjarju fl-iskema. Meta skema ta' pagament permezz ta' kard ta' tliet partijiet tilliċenzja fornituri oħrajn ta' servizzi ta' pagament għall-ħruġ ta' strumenti ta' pagament permezz ta' kards jew l-akkwist ta' transazzjonijiet ta' strumenti ta' pagament permezz ta' kard, jew it-tnejn, jew toħroġ strumenti ta' pagament permezz ta' kard flimkien ma' sieħeb f'co-branding jew permezz ta' aġent, hija titqies bħala skema ta' pagament permezz ta' kard ta' erba' partijiet;

(19)

“strument ta' pagament” tfisser kwalunkwe apparat personalizzat u/jew sett ta' proċeduri miftiehma bejn l-utent tas-servizzi ta' pagament u l-fornitur tas-servizzi ta' pagament u użat sabiex jagħti bidu għal ordni ta' pagament;

(20)

“strument ta' pagament permezz ta' kard” ifisser kwalunkwe strument ta' ħlas, inklużi kard, mowbajl, kompjuter jew kwalunkwe apparat teknoloġiku ieħor li jkun fih l-applikazzjoni adattata ta' pagament, li tippermetti lill-pagatur jibda transazzjoni ta' pagament permezz ta' kard li mhijiex trasferiment ta' kreditu jew debitu dirett kif definit fl-Artikolu 2 tar-Regolament (UE) Nru 260/2012;

(21)

“applikazzjoni ta' pagament” tfisser softwer tal-kompjuter jew ekwivalenti mtella' fuq apparat li jippermetti li jinbdew transazzjonijiet ta' pagament permezz ta' kard u li jħalli lill-pagatur joħroġ ordnijiet ta' pagament;

(22)

“kont ta' pagament” tfisser kont f'isem wieħed jew aktar fornituri ta' servizzi ta' pagament li jintuża għall-eżekuzzjoni ta' transazzjonijiet ta' pagament, inkluż permezz ta' ammont speċifiku ta' flus elettroniċi kif definit fil-punt 2 tal-Artikolu 2 tad-Direttiva 2009/110/KE tal-Parlament Ewropew u tal-Kunsill (8);

(23)

“ordni ta' pagament” tfisser kwalunkwe istruzzjoni minn pagatur lill-fornitur ta' servizzi ta' pagament tiegħu li biha jitolbu jesegwixxi transazzjoni ta' pagament;

(24)

“fornitur ta' servizzi ta' pagament” tfisser kull persuna fiżika jew ġuridika awtorizzati li jipprovdu s-servizzi ta' pagament elenkati fl-Anness tad-Direttiva 2007/64/KE jew rikonoxxuti bħala emittenti ta' flus elettroniċi skont l-Artikolu 1(1) tad-Direttiva 2009/110/KE. Fornitur ta' servizzi ta' pagament jista' jkun emittent jew akkwirent jew it-tnejn li huma;

(25)

“utent ta' servizzi ta' pagament” tfisser persuna fiżika jew ġuridika li tagħmel użu minn servizz ta' pagament fil-kapaċità jew ta' pagatur jew ta' benefiċjarju, jew it-tnejn li huma;

(26)

“transazzjoni ta' pagament” tfisser azzjoni ta' trasferiment ta' fondi, mibdija minn pagatur jew għan-nom tiegħu jew mill-benefiċjarju, irrispettivament minn kwalunkwe obbligi sottostanti bejn pagatur u l-benefiċjarju;

(27)

“ipproċessar” tfisser it-twettiq tas-servizzi ta' pproċessar ta' transazzjoni ta' pagament f'termini tal-azzjonijiet rikjesti għall-ittrattar ta' struzzjoni ta' pagament bejn l-akkwirent u l-emittent;

(28)

“entità ta' pproċessar” tfisser kwalunkwe persuna fiżika jew ġuridika li tipprovdi servizzi ta' pproċessar ta' transazzjoni ta' pagament;

(29)

“punt tal-bejgħ” tfisser l-indirizz tal-post fiżiku tan-negozjant fejn tinbeda t-transazzjoni ta' pagament. Madankollu:

(30)

“marka ta' pagament” tfisser kwalunkwe materjal jew isem, terminu, sinjal, simbolu diġitali jew kombinament tagħhom, li kapaċi jindika taħt liema skema ta' pagament permezz ta' kard isiru t-transazzjonijiet ta' pagament permezz ta' kard;

(31)

“co-badging” tfisser l-inklużjoni ta' żewġ marki jew aktar ta' pagament jew applikazzjonijiet ta' pagament tal-istess marka fuq l-istess strument ta' pagament permezz ta' kard;

(32)

“co-branding” tfisser l-inklużjoni ta' mill-inqas marka waħda ta' pagament u mill-inqas marka waħda mhux ta' pagament fuq l-istess strument ta' pagament permezz ta' kard;

(33)

“kard ta' debitu” tfisser kategorija ta' strument ta' pagament li jippermetti lil pagatur jagħti bidu għal transazzjoni b'kard ta' debitu esklużi dawk b'kards imħallsin minn qabel;

(34)

“kard ta' kreditu” tfisser kategorija ta' strument ta' pagament li jippermetti lill-pagatur jibda transazzjoni b'kard ta' kreditu;

(35)

“kard imħallsa minn qabel” tfisser kategorija ta' strument ta' pagament li fiha flus elettroniċi, kif definit fil-punt 2 tal-Artikolu 2 tad-Direttiva 2009/110/KE, ikunu maħżunin.

(a)

jiddefinixxu perċentwal tal-limitu tat-tariffa tal-interkambju għal kull transazzjoni inqas minn dak previst fil-paragrafu 1 u jistgħu jimponu ammont ta' tariffa massima fissa bħala limitu fuq l-ammont ta' tariffa li tirriżulta mir-rata perċentwali applikabbli; jew

(b)

jippermettu lill-fornituri ta' servizzi ta' pagament sabiex japplikaw tariffa tal-interkambju fuq kull transazzjoni ta' mhux aktar minn EUR 0,05, jew, fl-Istati Membri li l-munita tagħhom m'hijiex l-ewro, il-valur korrispondenti fil-munita nazzjonali fit-8 ta' Ġunju 2015, li għandha tiġi riveduta kull ħames snin jew kull meta jkun hemm varjazzjoni sinifikanti fir-rati tal-kambju. Din it-tarfiffa ta' interkambju fuq kull transazzjoni tista' wkoll tkun kombinata ma' rati perċentwali massimi ta' mhux aktar minn 0,2 %, dejjem sakemm it-total ta' tariffi tal-interkambju tal-iskema ta' kards ta' pagament ma taqbiżx 0,2 % tal-valur ta' transazzjoni annwali totali għat-transazzjonijiet domestiċi b'kards ta' debitu f'kull skema ta' kards ta' pagament.

(a)

għandhom ikunu indipendenti f'termini ta' kontabbiltà, organizzazzjoni u proċessi deċiżjonali;

(b)

ma għandhomx joffru prezzijiet għal skemi ta' kard ta' pagament u attivitajiet tal-ipproċessar b'mod konġunt u ma għandhomx jinkroċjaw is-sussidji ta' tali attivitajiet;

(c)

ma għandhom jiddiskriminaw b'ebda mod bejn is-sussidjarji jew l-azzjonisti tagħhom fuq naħa u l-utenti tal-iskemi ta' kards ta' pagament u sħab kuntrattwali oħrajn fuq in-naħa l-oħra, u b'mod partikolari ma għandhom jagħtu l-ebda servizz li huma joffru b'kwalunkwe mod soġġett għall-aċċettazzjoni mis-sieħeb kuntrattwali tagħhom ta' kwalunkwe servizz ieħor li huma joffru.

(a)

ir-referenza li tippermetti lill-benefiċjarju jidentifika t-transazzjoni ta' pagament permezz ta' kard;

(b)

l-ammont tat-transazzjoni ta' pagament fil-munita li fiha huwa kkreditat il-kont ta' pagament tal-benefiċjarju;

(c)

l-ammont ta' kwalunkwe imposta fuq it-transazzjoni ta' pagament permezz ta' kard, li jindika b'mod separat it-tariffa għas-servizzi tan-negozjant u l-ammont tat-tariffa tal-interkambju.

(a)

l-iżvilupp ta' tariffi għall-pagaturi;

(b)

il-livell ta' kompetizzjoni fost il-fornituri ta' kards ta' pagament u l-iskemi ta' kards ta' pagament;

(c)

l-effetti fuq l-ispejjeż għall-pagatur u l-benefiċjarju;

(d)

il-livelli ta' trasferiment min-negozjanti tat-tnaqqis fil-livelli tat-tariffi tal-interkambju;

(e)

ir-rekwiżiti tekniċi u l-implikazzjonijiet tagħhom għall-partijiet kollha involuti;

(f)

l-effetti tal-co-badging fuq il-faċilità ta' użu għall-utent, prinċipalment għall-anzjani u l-utenti l-iktar vulnerabbli;

(g)

l-effett fuq is-suq tal-esklużjoni ta' kards kummerċjali mill-Kapitolu II, billi titqabbel is-sitwazzjoni f'dawk l-Istati Membri fejn huma pprojbiti s-soprataxxi mas-sitwazzjoni f'dawk fejn huma permessi;

(h)

l-effett fuq is-suq tad-dispożizzjonijiet speċjali għal tariffi tal-interkambju għal transazzjonijiet domestiċi bil-kard ta' debitu;

(i)

l-iżvilupp ta' akkwisti transkonfinali u l-effett tagħhom fuq is-suq uniku, billi titqabbel is-sitwazzjoni għal kards b'tariffi limitati u kards b'tariffi mhux limitati, biex tiġi kkunsidrata l-possibbiltà li jiġi ċċarat liema tariffa tal-interkambju tapplika għall-akkwisti transkonfinali;

(j)

l-applikazzjoni fil-prattika tar-regoli dwar is-separazzjoni tal-iskema ta' kards ta' pagament u l-ipproċessar, u l-ħtieġa li terġa' tiġi kkunsidrata diżassoċjazzjoni legali.

(k)

il-ħtieġa possibbli, skont l-effett tal-Artikolu 3(1) fuq il-valur attwali ta' tariffi tal-interkambju għal transazzjonijiet b'kard ta' debitu ta' valur medju u għoli, li jiġi rivedut dak il-paragrafu billi jiġi previst li l-limitu għandu jiġi limitat għall-ammont aktar baxx ta' EUR 0,07 jew 0,2 % tal-valur tat-transazzjoni.

19.5.2015   

MT

Il-Ġurnal Uffiċjali tal-Unjoni Ewropea

L 123/16

(1)

Ir-Regolament tal-Kunsill (KE) Nru 140/2008 (3) ġie emendat (4) b'mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Ftehim ta' Stabilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Montenegro, min-naħa l-oħra, (“FSA”) ġie ffirmat fil-15 ta' Ottubru 2007 (5) u daħal fis-seħħ fl-1 ta' Mejju 2010.

(3)

Hu meħtieġ li jiġu stabbiliti l-proċeduri għall-applikazzjoni ta' ċerti dispożizzjonijiet tal-FSA.

(4)

L-FSA jistipula li prodotti tas-sajd li joriġinaw mill-Montenegro jistgħu jiġu importati fl-Unjoni b'dazju doganali mnaqqas, sal-limiti tal-kwoti tariffarji. Għalhekk hu meħtieġ li jiġu stipulati dispożizzjonijiet li jirregolaw il-ġestjoni ta' dawn il-kwoti tariffarji.

(5)

Fejn miżuri ta' ħarsien tan-negozju jsiru meħtieġa, għandhom jiġu adottati skont id-dispożizzjonijiet ġenerali stipulati fir-Regolament (UE) 2015/478 tal-Parlament Ewropew u tal-Kunsill (6), ir-Regolament 2015/479 tal-Parlament Ewropew u tal-Kunsill (7), ir-Regolament tal-Kunsill (KE) Nru 1225/2009 (8) jew, skont il-każ, ir-Regolament tal-Kunsill (KE) Nru 597/2009 (9).

(6)

Fejn Stat Membri jipprovdi informazzjoni lill-Kummissjoni dwar xi possibbiltà ta' frodi jew nuqqas milli tiġi pprovduta koperazzjoni amministrattiva, għandha tapplika l-leġiżlazzjoni tal-Unjoni rilevanti, partikolarment ir-Regolament tal-Kunsill (KE) Nru 515/97 (10).

(7)

Għall-għanijiet tal-implimentazzjoni tad-dispożizzjonijiet relevanti ta' dan ir-Regolament il-Kummissjoni għandha tiġi megħjuna mill-Kumitat tal-Kodiċi Doganali stabbilit mill-Artikolu 285 tar-Regolament (UE) Nru 952/2013 tal-Parlament Ewropew u tal-Kunsill (11).

(8)

L-implimentazzjoni tal-klawsoli bilaterali ta' salvagwardja tal-FSA titlob kundizzjonijiet uniformi għall-adozzjoni ta' miżuri ta' salvagwardja u miżuri oħrajn. Dawk il-miżuri għandhom jiġu adottati f'konformità mar-Regolament (UE) Nru 182/2011 tal-Parlament Ewropew u tal-Kunsill (12).

(9)

Il-Kummissjoni għandha tadotta atti implimentattivi li japplikaw immedjatament meta, f'każijiet debitament ġustifikati relatati ma' ċirkostanzi eċċezzjonali u kritiċi li joriġinaw fit-tifsira tal-punt (b) tal-tal-Artikolu 41(5) u l-Artikolu 42(4) tal-FSA, jekk dan ikun meħtieġ għal raġunijiet imperattivi ta' urġenza,

(a)

1 % jew anqas fil-każ ta' dazji skont il-valur, jew

(b)

EUR 1 jew anqas għal kull ammont individwali fil-każ ta' dazji speċifiċi.

(a)

fi żmien tlett ijiem ta' xogħol mill-wasla t-talba, fejn ma tkunx tapplika l-proċedura ta' riferiment prevista fl-Artikolu 41 tal-FSA; jew

(b)

fi żmien tlett ijiem minn meta jintemm il-perjodu ta' tletin jum imsemmi fil-punt (a) tal-Artikolu 41(5) tal-FSA, fejn tkun tapplika l-proċedura ta' riferiment prevista fl-Artikolu 41 tal-FSA.

(a)

tinforma lill-Kunsill; kif ukoll

(b)

tinnotifika lill-Kumitat ta' Stabilizzazzjoni u Assoċjazzjoni bis-sejba flimkien ma' informazzjoni oġġettiva, u tidħol f'konsultazzjonijiet mal-Kumitat ta' Stabilizzazzjoni u Assoċjazzjoni.

19.5.2015   

MT

Il-Ġurnal Uffiċjali tal-Unjoni Ewropea

L 123/23

(1)

Ir-Regolament tal-Kunsill (KE) Nru 779/98 (3) ġie emendat b'mod sostanzjali (4). Għal iktar ċarezza u razzjonalità, dak ir-Regolament għandu jiġu kkodifikat.

(2)

Id-Deċiżjoni Nru 1/98 tal-Assoċjazzjoni tal-Kunsill KE-Turkija (5) jistabbilixxi s-sistema ta' preferenzi li japplikaw fir-rigward ta' importazzjonijiet fl- Unjoni ta' prodotti agrikoli li ġejjin mit-Turkija.

(3)

Billi, fil-każ ta' prodotti li għalihom ir-Regolamenti tal-Unjonijeħtieġu li ċertu prezz ta' importazzjoni jkun osservata, l-applikazzjoni tas-sistema ta' tariffi preferenzjali hija soġġetta għall-osservanza ta' dak il-prezz.

(4)

Biex ikunu żgurati kundizzjonijiet uniformi għall-implimentazzjoni ta' dan ir-Regolament, għandhom jingħataw setgħat ta' implimentazzjoni lill-Kummissjoni. Dawk is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (6),

19.5.2015   

MT

Il-Ġurnal Uffiċjali tal-Unjoni Ewropea

L 123/27

(1)

Ir-Regolament tal-Kunsill (KE) Nru 774/94 (3) ġie emendat kemm-il darba b'mod sostanzjali (4). Għal iktar ċarezza u razzjonalità, l-imsemmi Regolament għandu jiġi kkodifikat.

(2)

L-Unjoni nnegozjat konċessjonijiet tat-tariffa skont Artikolu XXVIII tal-Ftehim Ġenerali dwar it-Tariffi u l-Kummerċ (GATT) u skont il-laqgħa ta' negozjati multilaterali fl-Urugwaj. Dawk in-negozjati wasslu għal ftehimiet li ġew approvati bid-Deċiżjoni tal-Kunsill 94/87/KE (5) u bid-Deċiżjoni tal-Kunsill 94/800/KE (6).

(3)

Dawk il-ftehimiet jipprovdu għall-ftuħ taħt ċerti kondizzjonijiet, tal-kwoti annwali tat-tariffa għal-laħam taċ-ċanga ta' kwalità għolja li jidħol fil-kodiċijiet tan-NM 0201 30 00, 0202 30 90, 0206 10 95 u 0206 29 91, għal-laħam tal-majjal li jidħol fil-kodiċijiet tan-NM 0203 19 13 u 0203 29 15, għal-laħam tat-tjur li jidħol fil-kodiċijiet tan-NM 0207 14 10, 0207 14 50, 0207 14 70, 0207 27 10, 0207 27 20 u 0207 27 80, għall-qamħ u l-maħlut li jidħlu fil-kodiċijiet tan-NM 1001 11 00, 1001 19 00 u 1001 99 00, u għal tipi ta' nuħħala, frak iebes u fdalijiet oħra li jidħlu fil-kodiċijiet tan-NM 2302 30 10, 2302 30 90, 2302 40 10 u 2302 40 90.

(4)

Dawk il-ftehimiet ikopru perjodu taż-żmien mhux stabbilit. Fl-interessi tar-razzjonalizzazzjoni u tal-effiċjenza, il-kwoti għandhom għalhekk jinfetħu fuq bażi multiannwali.

(5)

Tista' tiġi ppruvata approprjata sistema li tiggarantixxi n-natura, il-provenjenza u l-oriġini tal-prodotti. Għal dak il-għan, l-importazzjonijiet ġewwa l-qafas tal-konċessjonijiet tat-tariffa kif miftehma għandhom ikunu soġġetti, meta xieraq, għall-preżentazzjoni ta' ċertifikat ta' awtentiċità.

(6)

Jista' jkun approprjat illi dawk l-importazzjonijiet jiġu mifruxa għal matul is-sena kollha fuq il-bażi tal-ħtiġiet tas-suq tal-Unjoni. Għal dak il-għan, tista' tiġi ppruvata approprjata sistema sabiex jintużaw għal kollox il-kwoti msejsa fuq il-preżentazzjoni ta' liċenzja tal-importazzjoni.

(7)

Biex jiġu ssupplimentati jew emendati ċerti elementi mhux essenzjali ta' dan ir-Regolament, is-setgħa li jiġu adottati atti skont l-Artikolu 290 tat-Trattat għandha tiġi ddelegata lill-Kummissjoni fir-rigward tal-adozzjoni ta' emendi għal dan ir-Regolament, fil-każ li jiġu aġġustati l-volumi u l-kondizzjonijiet tal-arranġamenti tal-kwota, b'mod partikolari b'riżultat ta' Deċiżjoni tal-Kunsill li tikkonkludiftehim ma' pajjiż terz individwali jew aktar. Huwa ta' importanza partikolari li l-Kummissjoni jkollha konsultazzjonijiet xierqa matul il-ħidma preparatorja tagħha, inklużi dawk fil-livell tal-esperti. Il-Kummissjoni, meta tkun qiegħda tipprepara u tfassal atti delegati, għandha tiżgura trasmissjoni simultanja, f'waqtha u adatta tad-dokumenti rilevanti lill-Parlament Ewropew u lill-Kunsill.

(8)

Biex ikunu żgurati kondizzjonijiet uniformi għall-implimentazzjoni ta' dan ir-Regolament fir-rigward tar-regoli meħtieġa għall-amministrazzjoni tal-arranġamenti tal-kwota msemmija f'dan ir-Regolament, għandhom jingħataw setgħat ta' implimentazzjoni lill-Kummissjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (7),

(a)

li jiggarantixxu n-natura, il-provenjenza u l-oriġini tal-prodott rilevanti;

(b)

marbuta mar-rikonoxximent tad-dokument li jippermetti li jiġu vverifikati l-garanziji msemmija fil-punt (a); u

(c)

dwar il-ħruġ tal-liċenzji ta' importazzjoni u l-perjodu tal-validità tagħhom.

19.5.2015   

MT

Il-Ġurnal Uffiċjali tal-Unjoni Ewropea

L 123/33

(1)

Ir-Regolament tal-Kunsill (KE) Nru 625/2009 (3) ġie mibdul b'mod sostanzjali (4). Peress li jridu jsiru iżjed emendi, dak ir-Regolament għandu jiġi mfassal mill-ġdid għal iktar ċarezza.

(2)

Il-politika kummerċjali komuni għandha tkun ibbażata fuq prinċipji uniformi.

(3)

Uniformità fir-regoli għall-importazzjonijiet għandha tiġi żgurata billi jiġu previsti, safejn possibbli meta wieħed iqis il-fatturi partikolari tas-sistema ekonomika fil-pajjiżi terzi in kwistjoni, dispożizzjonijiet simili għal dawk applikati taħt ir-regoli komuni għal pajjiżi terzi oħra.

(4)

Ir-regoli komuni applikabbli għall-importazzjonijiet japplikaw ukoll għall-prodotti tal-faħam u l-azzar, mingħajr preġudizzju għal kull miżura li timplimenta ftehim li għandu x'jaqsam speċifikament ma' prodotti bħal dawn.

(5)

Il-liberalizzazzjoni tal-importazzjonijiet, jiġifieri l-assenza ta' kull restrizzjoni kwantitattiva, għandha għalhekk tifforma l-punt tat-tluq għar-regoli tal-Unjoni.

(6)

Fil-każ ta' uħud mill-prodotti, il-Kummissjoni għandha teżamina l-kundizzjonijiet tal-importazzjonijiet, ix-xejriet ta' importazzjoni, l-aspetti varji tas-sitwazzjoni ekonomika u kummerċjali, u l-miżuri, jekk hemm, li jkollhom jittieħdu.

(7)

Għal dawk il-prodotti, jista' jidher li għandu jkun hemm sorveljanza mill-Unjoni fuq xi wħud minn dawn l-importazzjonijiet.

(8)

Għandhom ikunu l-Kummissjoni u l-Kunsill li jadottaw il-miżuri ta' salvagwardja meħtieġa mill-interessi tal-Unjoni b'ħarsien xieraq tal-obbligi internazzjonali eżistenti.

(9)

Il-miżuri ta'sorveljanza jew salvagwardja limitati għal reġjun jew aktar tal-Unjoni jistgħu jirriżultaw aktar adattati minn miżuri li japplikaw għall-Unjoni kollha. Madanakollu, miżuri bħal dawn għandhom ikunu awtorizzati biss eċċezzjonalment u meta m'hemmx alternattiva. Hu neċessarju li jkun żgurat li miżuri bħal dawn huma temporanji u jikkawżaw l-inqas tfixkil fl-operat tas-suq intern.

(10)

Jekk tiġi applikata s-sorveljanza tal-Unjoni, ir-rilaxx għaċ-ċirkolazzjoni ħielsa tal-prodotti konċernati għandha ssir soġġetta għall-preżentazzjoni ta' dokument ta' sorveljanza li jissodisfa kriterji uniformi. Dak id-dokument għandu, wara applikazzjoni sempliċi mill-importatur, ikun maħruġ mill-awtoritajiet tal-Istati Membri f'ċertu perjodu ta' żmien iżda mingħajr ma b'hekk l-importatur jikseb id-dritt li jimporta. Id-dokument ta' sorveljanza għandu għalhekk ikun validu biss matul dak il-perjodu fejn ir-regoli tal-importazzjoni jibqgħu mhux mibdula.

(11)

Fl-interess ta' ġestjoni amministrattiva tajba u sabiex jiġu assistiti l-operaturi tal-Unjoni, il-kontenut u t-taqsim tad-dokument ta' sorveljanza ghandu jkun, sa fejn hu possibli, allinjat mal-formoli tal-liċenzja għall-importazzjoni komuni ipprovduti fir-Regolament tal-Kummissjoni (KE) Nru 738/94 (5); ir-Regolament tal-Kummissjoni (KE) Nru 3168/94 (6); u r-Regolament tal-Kummissjoni (KE) Nru 3169/94 (7) filwaqt li jitqiesu l-karatteristiċi tekniċi tad-dokument ta' sorveljanza.

(12)

Huwa fl-interessi tal-Unjoni li l-Istati Membri u l-Kummissjoni għandhom jagħmlu użu kemm hu possibbli ta' tibdil ta' informazzjoni li tirriżulta minn sorveljanza tal-Unjoni.

(13)

Hu neċessarju li jkunu adottati kriterji preċiżi biex issir stima tad-dannu possibbli u li tintroduċi investigazzjoni filwaqt li tħalli lill-Kummissjoni tintroduċi miżuri xierqa f'każijiet urgenti.

(14)

Għal dak il-għan, għandhom jiġu previsti dispożizzjonijiet dettaljati dwar il-ftuħ ta' investigazzjonijiet, dwar il-verifika u l-ispezzjonijiet meħtieġa, dwar is-smigħ ta' dawk konċernati, it-trattament ta' informazzjoni miksuba u l-kriterji biex issir stima tal-ħsara.

(15)

Id-dispożizzjonijiet dwar l-investigazzjonijiet jiġu previsti b'dan ir-Regolament huma mingħajr preġudizzju għar-regoli tal-Unjoni jew dawk nazzjonali li jikkonċernaw is-segretezza professjonali.

(16)

Huwa meħtieġ ukoll li jsiru limiti ta' żmien għall-bidu ta' investigazzjonijiet u għad-determinazzjonijiet dwar jekk xi miżuri humiex xierqa jew le, bil-għan li jiġi żgurat li dawn id-determinazzjonijiet isiru malajr, sabiex tiżdied iċ-ċertezza legali għall-operaturi ekonomiċi konċernati.

(17)

Fl-interessi tal-uniformità fir-regoli dwar l-importazzjonijiet, il-formalitajiet li għandhom jitwettqu mill-importaturi għandhom ikunu sempliċi u identiċi irrespettivament mill-post fejn il-merkanzija tgħaddi mid-dwana. Għalhekk huwa mixtieq li jiġi previst li kull formalità għandha tiġi mwettqa bl-użu ta' formoli li jikkorrispondu mal-kampjun anness ma' dan ir-Regolament.

(18)

Dokumenti ta' sorveljanza maħruġa fir-rigward ta' miżuri ta' sorveljanza mill-Unjoni għandhom ikunu validi mal-Unjoni kollha irrispettivament mill-Istati Membri minn fejn ikunu nħarġu.

(19)

Il-prodotti tat-tessuti li jaqgħu taħt ir-Regolament tal-Kunsill (KE) Nru 517/94 (8), huma soġġetti għal trattament speċifiku f'livelli ta' Unjoni u dawk internazzjonali. Huma għandhom għalhekk ikunu għal kollox esklużi mill-kamp ta' applikazzjoni ta' dan ir-Regolament.

(20)

Is-setgħa li tiġi emendata l-lista ta' pajjiżi terzi fl-Anness I tar-Regolament (KE) Nru 625/2009 kienet inkluża fir-Regolament tal-Kunsill (KE) Nru 427/2003 (9). Peress li d-dispożizzjonijiet tat-Titlu I tar-Regolament (KE) Nru 427/2003 dwar il-mekkaniżmu tranżitorju ta' salvagwardja speċifiku għall-prodott temmew fl-11 ta' Diċembru 2013 u peress li d-dispożizzjonijiet tat-Titlu II ta' dak ir-Regolament m'għadx fihom użu, huwa xieraq, għal iktar koerenza, ċarezza u razzjonalità, li l-Artikoli 14a u 14b ta' dak ir-Regolament jiġu mdaħħla f'dan ir-Regolament. Ir-Regolament (KE) Nru 427/2003 għandu għalhekk jiġi mħassar.

(21)

Il-Kummissjoni għandha tingħata s-setgħa li tadotta atti ddelegati f'konformità mal-Artikolu 290 tat-Trattat dwar il-Funzjonament tal-Unjoni Ewropea (TFUE) għall-għan li temenda l-Anness I ta' dan ir-Regolament., sabiex jitneħħew pajjiżi mil-lista tal-pajjiżi terzi li tinsab f'dak l-Anness meta jsiru membri tal-Għaqda Dinjija tal-Kummerċ (WTO).

(22)

L-implimentazzjoni ta' dan ir-Regolament jirrikjedi kundizzjonijiet uniformi għall-adozzjoni ta' miżuri ta' salvagwardja provviżorji u definittivi, u għall-impożizzjoni ta' miżuri ta' sorveljanza minn qabel. Dawk il-miżuri għandhom jiġu adottati mill-Kummissjoni f'konformità mar-Regolament (UE) Nru 182/2011 tal-Parlament Ewropew u tal-Kunsill (10).

(23)

Il-proċedura konsultattiva għandha tintuża għall-adozzjoni ta' miżuri ta' sorveljanza u dawk provviżorji minħabba l-effetti ta' tali miżuri u l-loġika sekwenzjali tagħhom fir-rigward tal-adozzjoni ta' miżuri ta' salvagwardja definittivi. Fejn dewmien fl-impożizzjoni tal-miżuri jikkawża dannu li jkun diffiċli li jissewwa huwa meħtieġ li l-Kummissjoni titħalla tadotta miżuri provviżorji applikabbli immedjatament.

(24)

Waqt l-emenda tar-Regolament (KE) Nru 625/2009, it-tieni subparagrafu tal-Artikolu 18(2) kien imħassar bi żball. Dik id-dispożizzjoni għandha terġà tidħol.

(25)

Peress li l-Armenja, ir-Russja, it-Taġikistan u l-Vjetnam saru membri tad-WTO, dawk il-pajjiżi terzi għandhom jiġu mħassra mill-Anness I tar-Regolament (KE) Nru 625/2009 permezz ta' att delegat tal-Kummissjoni. Għal iktar ċarezza u razzjonalità, huma mhumiex inklużi fil-lista tal-pajjiżi terzi li issa tinsab fl-Anness I ta' dan ir-Regolament,

(a)

tagħti sunt tal-informazzjoni riċevuta, u titlob li l-informazzjoni rilevanti kollha għandha tkun ikkomunikata lill-Kummissjoni;

(b)

tiddikjara l-perjodu li fih il-partijiet interessati jkunu jistgħu jgħarrfu l-fehmiet tagħhom bil-miktub u jissottomettu informazzjoni, jekk dawn il-fehmiet u l-informazzjoni għandhom jitqiesu matul l-investigazzjoni;

(c)

tiddikjara l-perjodu li fih il-partijiet interessati jkunu jistgħu japplikaw biex jiġu mismugħin verbalment mill-Kummissjoni skont il-paragrafu 4.

(a)

il-volum tal-importazzjonijiet, partikolarment fejn kien hemm żieda sinifikanti, skont termini assoluti jew relatati ma' produzzjoni jew konsum fil-Unjoni;

(b)

il-prezz tal-importazzjonijiet, partikolarment fejn kien hemm bejgħ bi prezz sostanzjalment aktar baxx kif mqabbel mal-prezz ta' prodott simili fl-Unjoni;

(c)

l-impatt konsegwenti fuq il-produtturi tal-Unjoni ta' prodotti simili jew direttament kompetittivi kif indikat mix-xejriet f'ċerti fatturi ekonomiċi bħal:

(a)

ir-rata ta' żieda tal-merkanzija esportata lejn l-Unjoni;

(b)

il-kapaċità ta' esportazzjoni fil-pajjiż ta' origini jew esportazzjoni, li hi diġa eżistenti jew li ser tkun operattiva fil-futur qrib u l-probabbiltà li l-esportazzjoni li tirriżulta tkun lejn l-Unjoni.

(a)

tiddeċiedi li tintroduċi sorveljanza retrospettiva tal-Unjoni dwar ċerti importazzjonijiet, skont il-proċedura stabbilita mill-Kummissjoni;

(b)

tiddeċiedi, għall-għanijiet ta' monitoraġġ tax-xejra ta' dawn l-importazzjonijiet, biex tagħmel ċerti importazzjonijiet soġġetti għal sorveljanza preċedenti mill-Unjoni, skont l-Artikolu 8.

(a)

l-isem sħiħ u l-indirizz tal-applikant (inkluż in-numri tat-telefon u tal-fax u kull numru ieħor li jidentifika l-applikant mal-awtorità nazzjonali kompetenti), kif ukoll in-numru ta' reġistrazzjoni tal-VAT tal-applikant jekk hu obbligat li jħallas il-VAT;

(b)

fejn hu xieraq, l-isem sħiħ u l-indirizz ta' min jagħmel id-dikjarazzjoni jew ta' xi rappreżentant maħtur mill-applikant (inkluż in-numri tat-telefon u tal-fax);

(c)

deskrizzjoni tal-merkanzija li tagħti:

(d)

il-kwantità ddikjarata, f'kilogrammi u, fejn xieraq, kull unità addizzjonali oħra (pari, oġġetti, eċċ.);

(e)

il-valur tal-merkanzija, CIF mal-fruntiera tal-Unjoni, f'euro;

(f)

id-dikjarazzjoni li ġejja, datata u ffirmata mill-applikant, bl-isem tal-applikant imniżżel b'ittri kbar:

“Jiena, hawn taħt iffirmat, niċċertifika li l-informazzjoni mogħtija f'din l-applikazzjoni hija vera u mogħtija in bona fide, u li jiena stabbilit fl-Unjoni.”

—

tillimita l-perjodu ta' validità ta' kull dokument ta' sorveljanza meħtieġ,

—

il-ħruġ ta' dak id-dokument għandu jkun soġġett għal ċerti kundizzjonijiet u, bħala miżura eċċezzjonali, soġġett għall-inklużjoni ta' klawżola dwar it-tħassir.

(a)

fil-każ ta' sorveljanza preċedenti, dettalji tas-somom ta' flus (kalkulati fuq il-bażi ta' prezzijiet CIF) u kwantitajiet ta' merkanzija li dwarhom nħarġu dokumenti ta' sorveljanza matul il-perjodu preċedenti;

(b)

f'kull każ, dettalji ta' importazzjonijiet matul il-perjodu qabel il-perjodu msemmi fil-punt (a).

(a)

teżamina l-effetti tal-miżura;

(b)

taċċerta jekk l-applikazzjoni tal-miżura għadhiex neċessarja.

(a)

projbizzjonijiet, restrizzjonijiet kwantitattivi jew miżuri ta' sorveljanza fuq bażi ta' moralità pubblika, ordni pubblika jew sigurtà pubblika; il-protezzjoni tas-saħħa u l-ħajja ta' persuni, annimali jew pjanti, il-protezzjoni ta' teżori nazzjonali li għandhom valur artistiku, storiku jew arkeoloġiku, jew il-protezzjoni ta' proprjetà industrijali u kummerċjali;

(b)

formalitajiet speċjali li jirrigwardaw il-kambju barrani;

(c)

formalitajiet introdotti bis-saħħa ta' ftehim internazzjonali skont it-TFUE.

19.5.2015   

MT

Il-Ġurnal Uffiċjali tal-Unjoni Ewropea

L 123/50

(1)

Ir-Regolament tal-Kunsill (KE) Nru 1506/98 (3) ġie emendat b'mod sostanzjali diversi drabi (4). Għal iktar ċarezza u razzjonalità, dak ir-Regolament għandu jiġu kkodifikat.

(2)

Skont il-Ftehim li jistabbilixxi Assoċjazjżoni bejn il-Komunità Ekonomika Ewropea u t-Turkija (5), (“il-Ftehim”), ingħataw konċessjonijiet lil dak il-pajjiż rigward ċerti podotti agrikoli.

(3)

Id-Deċiżjoni Nru 1/98 tal-Kunsill ta' Assoċazzjoni KE-Turkija (6) tipprovdi għal titjib u konsolidazzjoni tal-preferenzi kummerċjali li għandhom x'jaqsmu mal-importazzjoni ġewwa l-Unjoni ta' prodotti agrikoli li joriġinaw fit-Turkija u tistabbilixxi serje ta' konċessjonijiet preferenzjali għall-esportazzjonijiettal-Unjoni ta' laħam u annimali ħajjin lejn it-Turkija.

(4)

It-Turkija ilha mill-1996 tapplika projbizzjoni fuq l-importazzjoni ta' annimali ħajjin tal-ispeċje tal-ifrat (kodiċi NM 0102) u restrizzjonijiet fuq l-importazzjoni tal-laħam taċ-ċanga (kodiċijiet NM 0201-0202). Dawn il-miżuri, li huma restrizzjonijiet kwantitattivi, huma inkompatibbli mal-Ftehim u jipprevjenu lill-Unjoni milli tibbenefika mill-konċessjonijiet mogħtija lilha taħt id-Deċiżjoni Nru 1/98. Minkejja t-taħdidiet intiżi li jiksbu soluzzjoni nnegozjata mat-Turkija dwar il-problema, għadhom jeżistu restrizzjonijiet kwantitattivi.

(5)

B'riżultat ta' dawk il-miżuri, l-esportazzjonijiet lejn it-Turkija tal-prodotti fil-kwistjoni li joriġinaw fl-Unjoni huma blukkati. Sabiex jiġu protetti l-interessi kummerċjali tal-Unjoni, is-sitwazzjoni għandha tiġi kontrobilanċjata permezz ta' miżuri ekwivalenti. Il-konċessjonijiet stipulati fl-Anness I għal dan ir-Regolament għandhom għalhekk jiġu sospiżi.

(6)

Biex ikunu żgurati kundizzjonijiet uniformi għall-implimentazzjoni ta' dan ir-Regolament, għandhom jingħataw setgħat ta' implimentazzjoni lill-Kummissjoni. Dawk is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (7),

19.5.2015   

MT

Il-Ġurnal Uffiċjali tal-Unjoni Ewropea

L 123/55

(1)

Id-Direttiva 2009/29/KE tal-Parlament Ewropew u tal-Kunsill (3) u d-Deċiżjoni Nru 406/2009/KE tal-Parlament Ewropew u tal-Kunsill (4) li jsejħu għal kontribuzzjonijiet mis-setturi kollha tal-ekonomija biex jinkiseb tnaqqis fl-emissjonijiet, inkluż is-settur tat-trasport marittimu internazzjonali, ipprevedu li fil-każ li l-ebda ftehim internazzjonali li jinkludi l-emissjonijiet marittimi internazzjonali fil-miri ta' tnaqqis tiegħu permezz tal-Organizzazzjoni Marittima Internazzjonali (IMO) ma jkun ġie approvat mill-Istati Membri jew ebda tali ftehim permezz tal-Konvenzjoni Qafas tan-Nazzjonijiet Uniti dwar it-Tibdil fil-Klima ma jkun ġie approvat mill-Komunità sal-31 ta' Diċembru 2011, il-Kummissjoni għandha tressaq proposta biex ikunu inklużi l-emissjonijiet marittimi internazzjonali fl-impenn għat-tnaqqis Komunitarju, bil-għan li l-att propost jidħol fis-seħħ sal-2013. Tali proposta kellha timminimizza kull impatt negattiv fuq il-kompetittività tal-Komunità waqt li tikkunsidra l-benefiċċji ambjentali li jista' jkun hemm.

(2)

It-trasport marittimu għandu impatt fuq il-klima globali u fuq il-kwalità tal-arja, b'riżultat tal-emissjonijiet tad-diossidu tal-karbonju (CO2) u ta' emissjonijiet oħra li huwa jiġġenera, bħall-ossidi tan-nitroġenu (NOx), l-ossidi tal-kubrit (SOx), il-metan (CH4), il-materja partikolata (PM) u l-iswed tal-karbonju (BC).

(3)

It-trasport marittimu internazzjonali jibqa' l-uniku mezz ta' trasportazzjoni li mhuwiex inkluż fl-impenn tal-Unjoni għat-tnaqqis tal-emissjonijiet ta' gass b'effett ta' serra. Skont il-valutazzjoni tal-impatt li takkompanja l-proposta għal dan ir-Regolament, l-emissjonijiet tas-CO2 relatati mal-Unjoni mit-trasport marittimu internazzjonali żdiedu bi 48 % bejn l-1990 u l-2007.

(4)

Fid-dawl tal-fehim xjentifiku, li qed rapidament jiżviluppa, tal-impatt ta' emissjonijiet relatati mhux ta' CO2 mit-trasport marittimu fuq il-klima globali, għandha ssir regolarment valutazzjoni aġġornata ta' dak l-impatt fil-kuntest ta' dan ir-Regolament. Abbażi tal-valutazzjonijiet tagħha, il-Kummissjoni għandha tanalizza l-implikazzjonijiet għall-politiki u l-miżuri, sabiex dawk l-emissjonijiet jitnaqqsu.

(5)

Ir-Riżoluzzjoni tal-Parlament Ewropew tal-5 ta' Frar 2014 dwar qafas ta' politika għall-klima u l-enerġija għall-2030 appellat lill-Kummissjoni u lill-Istati Membri biex jiffissaw mira vinkolanti tal-UE għall-2030 għat-tnaqqis tal-emissjonijiet domestiċi ta' gass b'effett ta' serra ta' mill-inqas 40 % meta mqabbla mal-livelli tal-1990. Il-Parlament Ewropew indika wkoll li s-setturi kollha tal-ekonomija ser ikunu meħtieġa jikkontribwixxu għat-tnaqqis tal-emisssjonijiet ta' gass b'effett ta' serra jekk l-Unjoni trid tagħti s-sehem ġust tagħha għall-isforzi globali.

(6)

Fil-Konklużjonijiet tiegħu tat-23 u l-24 ta' Ottubru 2014, il-Kunsill Ewropew approva mira vinkolanti tal-UE ta' tnaqqis domestiku ta' mill-inqas 40 % fl-emissjonijiet ta' gass b'effett ta' serra sal-2030 meta mqabbla mal-1990. Il-Kunsill Ewropew iddikjara wkoll l-importanza li jitnaqqsu l-emissjonijiet ta' gass b'effett ta' serra u r-riskji relatati mad-dipendenza fuq il-fjuwil fossili fis-settur tat-trasport u stieden lill-Kummissjoni biex teżamina aktar l-istrumenti u l-miżuri għal approċċ komprensiv u teknoloġikament newtrali, fost oħrajn, għall-promozzjoni tat-tnaqqis tal-emissjonijiet u għall-effiċjenza fl-użu tal-enerġija fis-settur tat-trasport.

(7)

Is-Seba' Programm ta' Azzjoni Ambjentali (EAP) (5) jissottolinja li s-setturi kollha tal-ekonomija ser ikunu meħtieġa jikkontribwixxu għat-tnaqqis tal-emisssjonijiet ta' gass b'effett ta' serra jekk l-Unjoni trid tagħti s-sehem ġust tagħha għall-isforzi globali. F'dan il-kuntest is-Seba' EAP jissottolinja li l-White paper tal-2011 dwar it-trasport teħtieġ li tiġi sostnuta minn qafas ta' politika b'saħħtu.

(8)

F'Lulju 2011, l-IMO adottat miżuri tekniċi u operazzjonali, b'mod partikolari l-Indiċi tal-Effiċjenza Enerġetika tad-Disinn (EEDI) għall-bastimenti ġodda u l-Pjan ta' Ġestjoni tal-Effiċjenza Enerġetika tal-Bastimenti (SEEMP), li ser iġibu titjib f'termini ta' tnaqqis fiż-żieda mistennija ta' emissjonijiet ta' gass b'effett ta' serra, iżda li waħedhom ma jistgħux iwasslu għat-tnaqqis assolut meħtieġ fl-emissjonijiet ta' gass b'effett ta' serra mit-trasport marittimu internazzjonali biex jinżammu l-isforzi skont l-objettiv globali li ż-żidiet fit-temperaturi globali jiġu limitati għal 2 °C.

(9)

Skont id-data provduta mill-IMO, il-konsum tal-enerġija u l-emissjonijiet ta' CO2 speċifiċi tal-bastimenti jistgħu jitnaqqsu sa 75 % bl-applikazzjoni ta' miżuri operazzjonali u l-implimentazzjoni ta' teknoloġiji eżistenti; parti sinifikanti ta' dawk il-miżuri jistgħu jitqiesu bħala kosteffettivi u bħala li jistgħu joffru benefiċċji netti għas-settur, billi t-tnaqqis fl-ispejjeż tal-fjuwil jiżgura l-irkupru ta' kwalunkwe spejjeż operazzjonali jew ta' investiment.

(10)

Sabiex jitnaqqsu l-emissjonijiet ta' CO2 mit-trasport marittimu fil-livell tal-Unjoni, l-aqwa alternattiva possibbli tibqa' l-istabbiliment ta' sistema għall-monitoraġġ, ir-rappurtar u l-verifika (is-sistema MRV) tal-emissjonijiet ta' CO2 ibbażati fuq il-konsum tal-fjuwil tal-bastimenti bħala l-ewwel pass ta' approċċ fi stadji għall-inklużjoni tal-emissjonijiet tat-trasport marittimu fl-impenn tal-Unjoni għat-tnaqqis ta' gass b'effett ta' serra, flimkien ma' emissjonijiet minn setturi oħra li diġà qed jikkontribwixu għal dak l-impenn. L-aċċess pubbliku għad-data dwar l-emissjonijiet ser jikkontribwixxi biex jitneħħew l-ostakoli tas-suq li jimpedixxu t-teħid ta' ħafna miżuri b'kost negattiv li għandu jnaqqas l-emissjonijiet ta' gass b'effett ta' serra mit-trasport marittimu.

(11)

L-adozzjoni ta' miżuri għat-tnaqqis tal-emissjonijiet ta' gass b'effett ta' serra u tal-konsum tal-fjuwil hija mxekkla minħabba l-eżistenza ta' ostakoli tas-suq bħan-nuqqas ta' informazzjoni affidabbli dwar l-effiċjenza fl-użu tal-fjuwil ta' bastimenti jew dwar teknoloġiji disponibbli għall-modifikar ta' bastimenti, bħan-nuqqas ta' aċċess għal finanzi għal investimenti fl-effiċjenza tal-bastimenti u inċentivi maqsuma, billi s-sidien tal-bastimenti ma jibbenefikawx mill-investimenti tagħhom fl-effiċjenza tal-bastiment meta l-kontijiet tal-fjuwil jitħallsu mill-operaturi.

(12)

Ir-riżultati tal-konsultazzjoni mal-partijiet ikkonċernati u tad-diskussjonijiet ma' sħab internazzjonali jindikaw li approċċ fi stadji għall-inklużjoni tal-emissjonijiet tat-trasport marittimu fl-impenn tal-Unjoni għat-tnaqqis ta' gass b'effett ta' serra għandu jiġi applikat fl-implimentazzjoni ta' sistema MRV robusta għall-emissjonijiet ta' CO2 mit-trasport marittimu bħala l-ewwel pass u l-ipprezzar ta' dawk l-emissjonijiet fi stadju aktar tard. Dan l-approċċ jiffaċilita li jsir progress sinifikanti fil-livell internazzjonali fir-rigward tal-ftehim dwar miri ta' tnaqqis tal-emissjonijiet ta' gass b'effett ta' serra u dwar miżuri oħra biex dak it-tnaqqis jinkiseb bi spejjeż minimi.

(13)

L-introduzzjoni ta' sistema MRV tal-Unjoni mistennija li twassal għal tnaqqis tal-emissjonijiet li jammontaw għal sa 2 % meta mqabbla maż-żamma tal-istatus quo u tnaqqis fl-ispejjeż netti aggregati sa EUR 1,2 biljun sal-2030 billi tista' tikkontribwixxi għat-tneħħija ta' ostakoli tas-suq, b'mod partikolari dawk relatati man-nuqqas ta' informazzjoni dwar l-effiċjenza tal-bastimenti, billi tipprovdi informazzjoni komparabbli u affidabbli dwar il-konsum tal-fjuwil u l-effiċjenza fl-użu tal-enerġija għas-swieq rilevanti. Dan it-tnaqqis ta' spejjeż tat-trasport għandu jiffaċilita l-kummerċ internazzjonali. Barra minn hekk, sistema MRV robusta hija prerekwiżit għal kwalunkwe kejl ibbażat fuq is-suq, standard ta' effiċjenza jew miżura oħra, jekk tiġi applikata kemm fil-livell tal-Unjoni kif ukoll fil-livell globali. Hija tipprovdi wkoll data affidabbli biex jiġu stabbiliti miri preċiżi ta' tnaqqis tal-emissjonijiet u biex jiġi evalwat il-progress tal-kontribut tat-trasport marittimu lejn il-kisba ta' ekonomija b'livell baxx ta' karbonju. Fid-dawl tan-natura internazzjonali tat-trasport marittimu, il-metodu preferut u l-aktar effettiv għat-tnaqqis ta' emissjonijiet ta' gass b'effett ta' serra fit-trasport marittimu internazzjonali jkun bi ftehim globali.

(14)

Il-vjaġġi interni kollha tal-Unjoni, il-vjaġġi kollha li jaslu mill-aħħar port mhux tal-Unjoni lejn l-ewwel port ta' waqfa tal-Unjoni u l-vjaġġi kollha lli joħorġu minn port tal-Unjoni lejn port ta' waqfa li jmiss mhux tal-Unjoni, inklużi l-vjaġġi b'saborra,għandhom jiġu kkunsidrati rilevanti għall-finijiet ta' monitoraġġ. L-emissjonijiet ta' CO2 fil-portijiet tal-Unjoni inklużi emissjonijiet minn bastimenti li jkunu fl-irmiġġ jew li jiċċaqalqu ġewwa port, għandhom ikunu koperti wkoll, b'mod partikolari minħabba li jeżistu miżuri speċifiċi għat-tnaqqis jew l-evitar ta' dawn. Dawn ir-regoli għandhom jiġu applikati b'mod mhux diskriminatorju għall-bastimenti kollha irrispettivament mill-bandiera li jtajru. Madankollu, billi dan ir-Regolament jiffoka fuq it-trasport marittimu, huwa ma għandux jistabbilixxi rekwiżiti ta' monitoraġġ, rappurtar u verifika għall-movimenti u l-attivitajiet ta' bastimenti li ma jkunux qed iservu l-finijiet tat-trasportazzjoni ta' merkanzija jew passiġġieri għal finijiet kummerċjali, bħal tħammil, tkissir ta' silġ, tqegħid ta' pajpijiet jew attivitajiet ta' installazzjoni offshore.

(15)

Sabiex jiġu żgurati kondizzjonijiet ekwivalenti għall-bastimenti li joperaw f'kondizzjonijiet klimatiċi inqas favorevoli, għandu jkun possibbli li tiġi inkluża informazzjoni speċifika relatata mal-klassi tas-silġ ta' bastiment, u relatata man-navigazzjoni tiegħu fis-silġ, fid-data mmonitorjata abbażi ta' dan ir-Regolament.

(16)

Is-sistema MRV proposta għandha tieħu l-forma ta' Regolament minħabba n-natura kumplessa u ferm teknika tad-dispożizzjonijiet li jeħtieġu jiġu introdotti, il-ħtieġa għal regoli uniformi applikabbli fl-Unjoni kollha biex tiġi riflessa n-natura internazzjonali tat-trasport marittimu b'bosta bastimenti li jkunu mistennija li jidħlu f'portijiet fi Stati Membri differenti, u biex tiġi ffaċilitata l-implimentazzjoni fl-Unjoni kollha.

(17)

Sistema MRV robusta tal-Unjoni speċifika għall-bastimenti għandha tkun ibbażata fuq il-kalkolu ta' emissjonijiet mill-fjuwil ikkonsmat fuq vjaġġi lejn u minn portijiet tal-Unjoni, għaliex id-data dwar il-bejgħ tal-fjuwil ma tistax tipprovdi stimi preċiżi b'mod xieraq dwar il-konsum tal-fjuwil f'dan il-kamp ta' applikazzjoni speċifiku minħabba l-kapaċitajiet kbar tat-tankijiet tal-bastimenti.

(18)

Is-sistema MRV tal-Unjoni għandha tkopri wkoll informazzjoni oħra rilevanti li tippermetti d-determinazzjoni tal-effiċjenza tal-bastimenti jew l-analiżi ulterjuri tal-kawżi tal-iżvilupp ta' emissjonijiet, filwaqt li tippreserva l-kunfidenzjalità ta' informazzjoni kummerċjali jew industrijali. Dan il-kamp ta' applikazzjoni jallinja wkoll is-sistema MRV tal-Unjoni ma' inizjattivi internazzjonali ta' standards ta' effiċjenza għal bastimenti eżistenti, li jkopru wkoll miżuri operazzjonali, u jikkontribwixxi għat-tneħħija tal-ostakoli tas-suq relatati man-nuqqas ta' informazzjoni.

(19)

Sabiex jitnaqqas il-piż amministrattiv għas-sidien tal-bastimenti u għall-operaturi, b'mod partikolari għall-intrapriżi żgħar u ta' daqs medju, u biex isir l-aħjar użu mill-proporzjon tal-kost u l-benefiċċji tas-sistema MRV mingħajr ma jiġi mhedded l-objettiv li jkun kopert sehem predominanti ħafna tal-emissjonijiet ta' gass b'effett ta' serra mit-trasport marittimu, ir-regoli għall-MRV għandhom japplikaw biss għal emittenti kbar. Intagħżel limitu ta' 5 000 tunnellaġġ gross (TG) wara analiżi dettaljata oġġettiva tal-qisien u l-emissjonijiet tal-bastimenti li jmorru lejn portijiet tal-Unjoni u dawk li jiġu minnhom. Il-bastimenti b'aktar minn 5 000 TG jammontaw għal madwar 55 % tal-għadd ta' bastimenti li jidħlu f'portijiet tal-Unjoni u jirrappreżentaw madwar 90 % tal-emissjonijiet relatati. Dan il-limitu mhux diskriminatorju għandu jiżgura li jiġu koperti l-emittenti l-aktar rilevanti. Limitu aktar baxx għandu jirriżulta f'piż amministrattiv akbar filwaqt li limitu ogħla jillimita l-kopertura tal-emissjonijiet u għalhekk l-effettività ambjentali tas-sistema MRV.

(20)

Sabiex jitnaqqas aktar il-piż amministrattiv għas-sidien u l-operaturi tal-bastimenti, ir-regoli ta' monitoraġġ għandhom jiffokaw fuq is-CO2 billi huwa l-gass b'effett ta' serra l-aktar rilevanti li jiġi emess mit-trasport marittimu.

(21)

Ir-regoli għandhom jieħdu kont ta' rekwiżiti eżistenti u data li hija diġà disponibbli abbord il-bastimenti; għalhekk, il-kumpanniji għandhom jingħataw l-opportunità li jagħżlu wieħed mill-erba' metodi ta' monitoraġġ li ġejjin: l-użu ta' Noti ta' Kunsinna tal-Fjuwil tal-Bastiment, il-monitoraġġ abbord tat-tank tal-fjuwil ta' bastiment, arloġġi għall-kejl tal-flussi għal proċessi ta' kombustjoni applikabbli jew kejl dirett tal-emissjonijiet. Pjan ta' monitoraġġ speċifiku għal kull bastiment għandu jiddokumenta l-għażla magħmula u għandu jipprovdi aktar dettalji dwar l-applikazzjoni tal-metodu magħżul.

(22)

Kwalunkwe kumpannija b'responsabbiltà għal perijodu ta' rappurtar sħiħ għal bastiment li jagħmel attivitajiet tat-trasport marittimu għandha titqies li hija responsabbli mill-obbligi kollha ta' monitoraġġ u ta' rappurtar li jirriżultaw fir-rigward ta' dak il-perijodu ta' rappurtar, inkluż il-preżentazzjoni ta' rapport dwar l-emissjonijiet ivverifikati b'mod sodisfaċenti. Fil-każ ta' bidla tal-kumpannija, il-kumpannija l-ġdida għandha tkun responsabbli biss għall-obbligi ta' monitoraġġ u ta' rappurtar relatati mal-perijodu ta' rappurtar li matulu seħħet il-bidla tal-kumpannija. Sabiex tiffaċilita t-twettiq ta' dawn l-obbligi, il-kumpannija l-ġdida għandha tirċievi kopja tal-aħħar pjan ta' monitoraġġ, u dokument ta' konformità, jekk applikabbli.

(23)

Gassijiet oħra b'effett ta' serra, sustanzi b'impatti klimatiċi jew sustanzi li jniġġsu l-arja ma għandhomx ikunu koperti mis-sistema MRV tal-Unjoni f'dan l-istadju sabiex jiġu evitati r-rekwiżiti għall-installazzjoni ta' tagħmir ta' kejl li mhuwiex suffiċjentement affidabbli jew kummerċjalment disponibbli, ħaġa li tista' xxekkel l-implimentazzjoni tas-sistema MRV tal-Unjoni.

(24)

Il-Konvenzjoni Internazzjonali tal-IMO għall-Prevenzjoni tat-Tniġġis mill-Bastimenti (MARPOL) tipprovdi għall-applikazzjoni mandatorja tal-EEDI għal bastimenti ġodda u l-użu tas-SEEMPs għall-flotta tad-dinja kollha.

(25)

Sabiex jitnaqqas kemm jista' jkun il-piż amministrattiv għas-sidien u l-operaturi tal-bastimenti, ir-rappurtar u l-pubblikazzjoni ta' informazzjoni rappurtata għandhom jiġu organizzati kull sena. Permezz ta' restrizzjoni fuq il-pubblikazzjoni tal-emissjonijiet, tal-konsum ta' fjuwil u ta' informazzjoni relatata mal-effiċjenza għal medji annwali u ċifri aggregati, il-kwistjonijiet tal-kunfidenzjalità għandhom ikunu ġew indirizzati. Sabiex jiġi żgurat li ma tiġix imminata l-protezzjoni ta' interessi ekonomiċi leġittimi li ma għandhox jiġu żvelati lill-pubbliku, għandu jiġi applikat livell differenti ta' aggregazzjoni f'każijiet eċċezzjonali fuq talba ta' kumpannija. Id-data rappurtata lill-Kummissjoni għandha tiġi integrata fl-istatistika sakemm dik id-data tkun rilevanti għall-iżvilupp, il-produzzjoni u t-tixrid tal-istatistika Ewropea skont id-Deċiżjoni tal-Kummissjoni 2012/504/UE (6).

(26)

Verifiki minn verifikaturi akkreditati għandhom jiżguraw li l-pjanijiet ta' monitoraġġ u r-rapporti tal-emissjonijiet ikunu korretti u konformi mar-rekwiżiti stabbiliti f'dan ir-Regolament. Bħala element importanti għas-simplifikar tal-verifiki, il-verifikaturi għandhom jiċċekkjaw il-kredibbiltà tad-data billi jqabblu d-data rappurtata ma' data stimata abba¿i ta' data u karatteristiċi tat-traċċar tal-bastiment. Stimi bħal dawn jistgħu jiġu provduti mill-Kummissjoni. Sabiex tiġi ¿gurata l-imparzjalità, il-verifikaturi għandhom ikunu entitajiet ġuridiċi indipendenti u kompetenti u għandhom jiġu akkreditati minn korpi nazzjonali tal-akkreditazzjoni stabbiliti skont ir-Regolament (KE) Nru 765/2008 tal-Parlament Ewropew u tal-Kunsill (7).

(27)

Għandu jinżamm abbord il-bastimenti dokument ta' konformità maħruġ minn verifikatur sabiex tintwera l-konformità mal-obbligi għall-monitoraġġ, ir-rappurtar u l-verifika. Il-verifikaturi għandhom jinformaw lill-Kummissjoni bil-ħruġ ta' tali dokumenti.

(28)

Fuq il-bażi ta' esperjenza minn kompiti simili relatati mas-sikurezza marittima, l-Aġenzija Ewropea għas-Sigurtà Marittima (EMSA) għandha, fil-qafas tal-mandat tagħha, tappoġġa lill-Kummissjoni billi twettaq ċerti kompiti.

(29)

L-infurzar tal-obbligi relatati mas-sistema MRV għandu jkun ibbażat fuq strumenti eżistenti, jiġifieri dawk stabbiliti taħt id-Direttiva 2009/16/KE tal-Parlament Ewropew u tal-Kunsill (8) u d-Direttiva 2009/21/KE tal-Parlament Ewropew u tal-Kunsill (9), u fuq informazzjoni dwar il-ħruġ ta' dokumenti ta' konformità. Id-dokument li jikkonferma l-konformità tal-bastiment mal-obbligi ta' monitoraġġ u ta' rappurtar għandu jiżdied mal-lista ta' ċertifikati u dokumenti msemmija fl-Anness IV tad-Direttiva 2009/16/KE.

(30)

L-Istati Membri għandhom jagħmlu ħilithom biex jispezzjonaw il-bastimenti li jidħlu fil-portijiet li jaqgħu taħt il-ġurisdizzjoni tagħhom u li għalihom ċerta informazzjoni meħtieġa dwar id-dokument ta' konformità ma tkunx disponibbli.

(31)

In-nuqqas ta' konformità mad-dispożizzjonijiet ta' dan ir-Regolament għandu jirriżulta fl-applikazzjoni ta' penali. L-Istati Membri għandhom jistabbilixxu regoli dwar dawk il-penali. Dawk il-penali għandhom ikunu effettivi, proporzjonati u dissważivi.

(32)

Fil-każ ta' bastimenti li jkunu naqsu milli jikkonformaw mar-rekwiżiti ta' monitoraġġ u ta' rappurtar għal żewġ perijodi ta' rappurtar konsekuttivi jew aktar u fejn miżuri oħra ta' infurzar ikunu naqsu milli jiżguraw konformità, ikun xieraq li tiġi prevista l-possibbiltà ta' tkeċċija. Tali miżura għandha tiġi applikata b'tali mod li tippermetti li s-sitwazzjoni ta' non-konformità tiġi rettifikata f'perijodu ta' żmien raġonevoli.

(33)

L-Istati Membri li ma għandhomx portijiet marittimi fit-territorju tagħhom u li ma għandhomx bastimenti jtajru l-bandiera tagħhom u li jaqgħu fil-kamp ta' applikazzjoni ta' dan ir-Regolament jew li jkunu għalqu r-reġistri nazzjonali tagħhom tal-bastimenti għandhom ikunu jistgħu jidderogaw mid-dispożizzjonijiet ta' dan ir-Regolament dwar il-penali, dment li ebda tali bastiment ma jtajjar il-bandiera tagħhom.

(34)

Is-sistema MRV tal-Unjoni għandha sservi bħala mudell għall-implimentazzjoni ta' sistema MRV globali. Sistema MRV globali hija preferuta peress li tista' titqies bħala iżjed effikaċi minħabba l-ambitu usa' tagħha. F'dan il-kuntest, u bil-ħsieb li jiġi ffaċilitat l-iżvilupp ta' regoli internazzjonali fi ħdan l-IMO għall-monitoraġġ, ir-rappurtar u l-verifika tal-emissjonijiet ta' gass b'effett ta' serra mit-trasport marittimu, il-Kummissjoni għandha tikkondividi informazzjoni rilevanti dwar l-implimentazzjoni ta' dan ir-Regolamentmal-IMO u korpi internazzjonali rilevanti oħra fuq bażi regolari u għandhom isiru preżentazzjonijiet rilevanti lill-IMO. Fejn jintlaħaq ftehim dwar sistema MRV globali, il-Kummissjoni għandha tirrivedi s-sistema MRV tal-Unjoni bil-għan li tallinjaha mas-sistema MRV globali.

(35)

Sabiex jittieħed kont ta' regoli internazzjonali rilevanti u standards internazzjonali u Ewropej kif ukoll ta' żviluppi teknoloġiċi u xjentifiċi, is-setgħa għall-adozzjoni ta' atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tar-rieżami ta' ċerti aspetti tekniċi tal-monitoraġġ u tar-rappurtar tal-emissjonijiet ta' CO2 minn bastimenti u biex jiġu speċifikati aktar ir-regoli għall-attivitajiet ta' verifika u l-metodi ta' akkreditazzjoni ta' verifikaturi. Huwa partikolarment importanti li l-Kummissjoni jkollha konsultazzjonijiet adegwati waqt il-ħidma preparatorja, inkluż fil-livell tal-esperti. Meta tħejji u tfassal atti ta' delega, il-Kummissjoni għandha tiżgura li ssir trasmissjoni simultanja, f'waqtha u adegwata tad-dokumenti rilevanti lill-Parlament Ewropew u lill-Kunsill.

(36)

Sabiex jiġu żgurati kondizzjonijiet uniformi għall-użu ta' mudelli standard għall-monitoraġġ ta' emissjonijiet ta' CO2 u informazzjoni rilevanti oħra, għall-użu ta' sistemi awtomatizzati u ta' mudelli elettroniċi standard għar-rappurtar koerenti ta' emissjonijiet ta' CO2 u informazzjoni rilevanti oħra lill-Kummissjoni u lill-awtoritajiet tal-Istati tal-bandiera konċernati, għall-ispeċifikazzjoni ta' regoli tekniċi li jispeċifikaw il-parametri applikabbli għal kategoriji ta' bastimenti li mhumiex bastimenti tal-passiġġieri, bastimenti ro-ro u bastimenti tal-kontejners u għar-reviżjoni ta' dawk il-parametri, għandhom jingħataw setgħat ta' implimentazzjoni lill-Kummissjoni. Huwa meħtieġ li dawk is-setgħat jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (10).

(37)

Minħabba li l-għan ta' dan ir-Regolament, jiġifieri l-monitoraġġ, ir-rappurtar u l-verifika tal-emissjonijiet ta' CO2 mill-bastimenti bħala l-ewwel pass ta' approċċ fi stadji sabiex jitnaqqsu l-emissjonijiet ta' gass b'effett ta' serra, ma jistax jinkiseb b'mod suffiċjenti mill-Istati Membri, minħabba n-natura internazzjonali tat-trasport marittimu, iżda jista' pjuttost, minħabba l-iskala u l-effetti tiegħu, jinkiseb aħjar fil-livell tal-Unjoni, l-Unjoni tista' tadotta miżuri, f'konformità mal-prinċipju ta' sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju ta' proporzjonalità, kif stabbilit f'dak l-Artikolu, dan ir-Regolament ma jmurx lil hinn minn dak li huwa neċessarju sabiex jinkiseb dak l-għan.

(38)

Ir-regoli li jistabbilixxu s-sistema MRV għandhom jikkonformaw mad-Direttiva 95/46/KE tal-Parlament Ewropew u tal-Kunsill (11) u r-Regolament (KE) Nru 45/2001 tal-Parlament Ewropew u tal-Kunsill (12).

(39)

Jeħtieġ li dan ir-Regolament jidħol fis-seħħ fl-1 ta' Lulju 2015 biex jiġi żgurat li l-Istati Membri u l-partijiet kkonċernati jkollhom żmien biżżejjed biex jieħdu l-miżuri meħtieġa għall-applikazzjoni effettiva ta' dan ir-Regolament qabel ma jibda l-ewwel perijodu ta' rappurtar fl-1 ta' Jannar 2018,

(a)

“emissjonijiet ta' CO2” tfisser ir-rilaxx ta' CO2 fl-atmosfera minn bastimenti;

(b)

“port ta' waqfa” tfisser port fejn bastiment jieqaf biex jgħabbi jew iħott merkanzija jew biex jimbarka jew jiżbarka passiġġieri; konsegwentement, waqfiet għall-finijiet uniċi ta' riforniment ta' fjuwil, akkwist ta' provvisti, bdil ta' ekwipaġġ, dħul f'baċiri jew tiswijiet lill-bastiment u/jew lit-tagħmir tiegħu, waqfiet f'port għaliex il-bastiment ikun jeħtieġ assistenza jew jinsab fil-periklu, trasbordi barra mill-portijiet, u waqfiet għall-iskop uniku ta' rifuġju minn temp ħażin jew li jsiru meħtieġa minħabba attivitajiet ta' tiftix u salvataġġ huma esklużi;

(c)

“vjaġġ” tfisser kwalunkwe moviment ta' bastiment li joriġina minn port, jew jispiċċa f'port, ta' waqfa u li jaqdi l-funzjoni ta' trasport ta' passiġġieri jew merkanzija għal finijiet kummerċjali;

(d)

“kumpannija” tfisser is-sid ta' bastiment jew kwalunkwe organizzazzjoni jew persuna oħra, bħall-maniġer jew il-bareboat charterer, li jkunu assumu r-responsabbiltà għall-operazzjoni tal-bastiment minn sid il-bastiment;

(e)

“tunnellaġġ gross” (TG) tfisser it-tunnellaġġ gross ikkalkolat skont ir-regolamenti tal-kejl tat-tunnellaġġ li jinsab fl-Anness I mal-Konvenzjoni Internazzjonali tal-Kejl tat-Tunnellaġġ Metriku tal-Bastimenti, adottata mill-Organizzazzjoni Marittima Internazzjonali (IMO) f'Londra fit-23 ta' Ġunju 1969, jew kwalunkwe konvenzjoni suċċessura tagħha;

(f)

“verifikatur” tfisser entità ġuridika li tagħmel attivitajiet ta' verifika li tkun akkreditata minn korp ta' akkreditazzjoni nazzjonali skont ir-Regolament (KE) Nru 765/2008 u dan ir-Regolament;

(g)

“verifika” tfisser l-attivitajiet li jsiru minn verifikatur sabiex jivvaluta l-konformità tad-dokumenti mibgħuta mill-kumpannija mar-rekwiżiti ta' dan ir-Regolament;

(h)

“dokument ta' konformità” tfisser dokument speċifiku għal bastiment, maħruġ għal kumpannija minn verifikatur, li jikkonferma li dak il-bastiment sar konformi mar-rekwiżiti ta' dan ir-Regolament għal perijodu speċifiku ta' rappurtar;

(i)

“informazzjoni oħra rilevanti” tfisser informazzjoni relatata ma' emissjonijiet ta' CO2 mill-konsum ta' fjuwils, ma' xogħol ta' trasport u mal-effiċjenza enerġetika ta' bastimenti, li tiffaċilita l-analiżi tax-xejriet fl-emissjonijiet u l-valutazzjoni tal-prestazzjonijiet ta' bastimenti;

(j)

“fattur ta' emissjoni” tfisser ir-rata medja ta' emissjonijiet ta' gass b'effett ta' serra relattivament għad-data dwar l-attivitajiet ta' fluss minn sors, bil-preżunzjoni ta' ossidazzjoni kompleta għall-kombustjoni u ta' konverżjoni kompleta għar-reazzjonijiet kimiċi l-oħrajn kollha;

(k)

“inċertezza” tfisser parametru, assoċjat mar-riżultat tad-determinazzjoni ta' kwantità, li jikkaratterizza d-dispersjoni tal-valuri li jkunu jistgħu raġonevolment jiġu attribwiti lill-kwantità partikolari, inklużi l-effetti ta' fatturi sistematiċi kif ukoll ta' fatturi aleatorji, espress bħala perċentwal, u jiddeskrivi intervall ta' kunfidenza madwar il-valur medju li jinkludi 95 % tal-valuri dedotti b'kont meħud ta' kwalunkwe assimetrija tad-distribuzzjoni tal-valuri;

(l)

“konservattiv” tfisser li sett ta' suppożizzjonijiet jkun ġie definit sabiex jiġi żgurat li ma ssir l-ebda sottovalutazzjoni ta' emissjonijiet annwali jew sovravalutazzjoni ta' distanzi jew ta' ammonti ta' merkanzija li nġarru;

(m)

“perijodu ta' rappurtar” tfisser sena kalendarja waħda, li matulha jkollhom jiġu mmonitorjati u rrapportati emissjonijiet ta' CO2. Għal vjaġġi li jibdew u jispiċċaw f'sentejn kalendarji differenti, il-monitoraġġ u r-rappurtar tad-data għandhom jitqiesu taħt l-ewwel sena kalendarja kkonċernata;

(n)

“bastiment fl-irmiġġ” tfisser bastiment li jkun sorġut jew ankrat b'mod sikur f'port li jaqa' taħt il-ġurisdizzjoni ta' Stat Membru waqt li jkun qed jgħabbi, iħott jew jakkomoda persuni, inkluż il-ħin li fih ma jkunx involut fl-operazzjonijiet ta' merkanzija;

(o)

“klassi tas-silġ” tfisser in-notazzjoni mogħtija lill-bastiment mill-awtoritajiet nazzjonali kompetenti tal-Istat tal-bandiera, jew minn organizzazzjoni rikonoxxuta minn dak l-Istat, li turi li l-bastiment ġie mfassal għan-navigazzjoni f'kondizzjonijiet ta' silġ fuq il-baħar.

(a)

l-identifikazzjoni u t-tip tal-bastiment inkluż ismu, in-numru tiegħu ta' identifikazzjoni tal-IMO, il-port tiegħu ta' reġistrazzjoni jew port ta' domiċilju, u l-isem ta' sid il-bastiment;

(b)

l-isem tal-kumpannija u l-indirizz, u d-dettalji tat-telefown u l-posta elettronika għal persuna tal-kuntatt;

(c)

deskrizzjoni tas-sorsi ta' emissjonijiet ta' CO2 li ġejjin abbord il-bastiment: magni prinċipali, magni awżiljari, turbini tal-gass bojlers u ġeneraturi tal-gass inert, u t-tipi ta' fjuwils użati;

(d)

deskrizzjoni tal-proċeduri, sistemi u responsabbiltajiet użati għall-aġġornament tal-lista tas-sorsi ta' emissjonijiet ta' CO2 matul il-perijodu ta' rappurtar;

(e)

deskrizzjoni tal-proċeduri użati għall-monitoraġġ tal-kompletezza tal-lista tal-vjaġġi;

(f)

deskrizzjoni tal-proċeduri ta' monitoraġġ tal-konsum tal-fjuwil tal-bastiment, inklużi:

(g)

fatturi ta' emissjoni użati għal kull tip ta' fjuwil, jew fil-każ ta' fjuwils alternattivi, il-metodoloġiji għad-determinazzjoni tal-fatturi ta' emissjoni, inklużi l-metodoloġija għat-teħid ta' kampjuni, il-metodi ta' analiżi u deskrizzjoni tal-laboratorji użati, bl-akkreditazzjoni ISO 17025 ta' dawk il-laboratorji, fejn rilevanti;

(h)

deskrizzjoni tal-proċeduri użati għad-determinazzjoni tad-data tal-attività għal kull vjaġġ, inkluż:

(i)

deskrizzjoni tal-metodu li għandu jintuża għad-determinazzjoni tad-data ta' sostituzzjoni biex jiġu rrimedjati nuqqasijiet fid-data;

(j)

folja ta' reġistrazzjoni ta' reviżjoni biex tirreġistra d-dettalji kollha tal-istorja ta' reviżjoni.

(a)

fejn isseħħ bidla fil-kumpannija;

(b)

fejn iseħħu emissjonijiet ġodda ta' CO2 minħabba sorsi ġodda ta' emissjonijiet jew minħabba l-użu ta' fjuwils ġodda li jkunu għadhom mhux inklużi fil-pjan ta' monitoraġġ;

(c)

fejn isseħħ bidla fid-disponibbiltà tad-data, minħabba l-użu ta' tipi ġodda ta' tagħmir tal-kejl, ta' metodi ġodda għat-teħid ta' kampjuni jew ta' metodi ġodda ta' analiżi, jew għal raġunijiet oħra, li tista' taffettwa l-eżattezza tad-determinazzjoni tal-emissjonijiet ta' CO2;

(d)

fejn id-data li tirriżulta mill-metodu ta' monitoraġġ applikat tinstab li mhijiex korretta;

(e)

fejn kwalunkwe parti mill-pjan ta' monitoraġġ hija identifikata bħala mhux konformi mar-rekwiżiti ta' dan ir-Regolament u jkun meħtieġ li l-kumpannija tirrivediha skont l-Artikolu 13(1).

(a)

il-port tat-tluq u l-port tal-wasla inkluża d-data u l-ħin tat-tluq u tal-wasla;

(b)

l-ammont u l-fattur ta' emissjoni għal kull tip ta' fjuwil totalment ikkonsmat;

(c)

CO2 emess;

(d)

id-distanza vjaġġata;

(e)

il-ħin fuq il-baħar;

(f)

il-merkanzija li nġarret;

(g)

ix-xogħol ta' trasport.

(a)

il-vjaġġi kollha tal-bastiment matul il-perijodu ta' rappurtar jibdew minn port jew jintemmu f'port li jaqa' taħt il-ġurisdizzjoni ta' Stat Membru; u

(b)

il-bastiment, skont l-iskeda tiegħu, jagħmel aktar minn 300 vjaġġ matul il-perijodu ta' rappurtar.

(a)

l-ammont u l-fattur ta' emissjoni għal kull tip ta' fjuwil ikkonsmat bħala total;

(b)

l-ammont totali ta' CO2 aggregat emess fil-kamp ta' applikazzjoni ta' dan ir-Regolament;

(c)

l-emissjonijiet ta' CO2 aggregati mill-vjaġġi kollha bejn portijiet taħt il-ġurisdizzjoni ta' Stat Membru;

(d)

l-emissjonijiet ta' CO2 aggregati mill-vjaġġi kollha li telqu minn portijiet taħt il-ġurisdizzjoni ta' Stat Membru;

(e)

l-emissjonijiet ta' CO2 aggregati mill-vjaġġi kollha lejn portijiet taħt il-ġurisdizzjoni ta' Stat Membru;

(f)

l-emissjonijiet ta' CO2 li seħħew fl-irmiġġ fi ħdan il-portijiet taħt il-ġurisdizzjoni ta' Stat Membru;

(g)

it-totali tad-distanza vjaġġata;

(h)

it-totali tal-ħin ta' tbaħħir;

(i)

it-totali tax-xogħol ta' trasport;

(j)

il-medju tal-effiċjenza enerġetika.

(a)

id-data li tidentifika l-bastiment u l-kumpannija, inklużi:

(b)

l-identità tal-verifikatur li jkun ivvaluta r-rapport dwar l-emissjonijiet;

(c)

informazzjoni dwar il-metodu ta' monitoraġġ użat u l-livell ta' inċertezza relatat;

(d)

ir-riżultati mill-monitoraġġ annwali tal-parametri skont l-Artikolu 10.

(a)

il-mod kif jiġi attribwit il-konsum tal-fjuwil għal vjaġġi;

(b)

id-data dwar il-konsum tal-fjuwil irrappurtati u l-kejl u l-kalkoli relatati;

(c)

l-għażla u l-użu tal-fatturi tal-emissjonijiet;

(d)

il-kalkoli li jwasslu sabiex jiġu ddeterminati l-emissjonijiet globali ta' CO2;

(e)

il-kalkoli li jwasslu sabiex tiġi stabbilita l-effiċjenza enerġetika.

(a)

id-data rappurtata hija koerenti relattivament għal data estimata li tkun ibbażata fuq id-data tat-traċċar tal-bastimenti u karatteristiċi bħall-qawwa tal-magna installata;

(b)

id-data rrappurtata hija ħielsa minn inkonsistenzi, b'mod partikolari meta jitqabbel il-volum totali tal-fjuwil mixtri kull sena minn kull bastiment mal-aggregat tal-fjuwil ikkonsmat matul vjaġġi;

(c)

il-ġbir tad-data sar f'konformità mar-regoli applikabbli; u

(d)

ir-registri rilevanti tal-bastiment huma kompleti u konsistenti.

(a)

l-identità tal-bastiment (l-isem, in-numru ta' identifikazzjoni tal-IMO u l-port fejn hu rreġistrat jew il-port ta' domiċilju);

(b)

l-isem, l-indirizz u l-post ewlieni tan-negozju ta' sid il-bastiment;

(c)

l-identità tal-verifikatur;

(d)

id-data tal-ħruġ tad-dokument ta' konformità, il-perijodu ta' validità tiegħu u l-perijodu ta' rappurtar li għalih jirriferi.

(a)

l-identità tal-bastiment (l-isem, in-numru ta' identifikazzjoni tal-IMO u l-port fejn hu rreġistrat jew il-port ta' domiċilju);

(b)

l-effiċjenza teknika tal-bastiment (EEDI jew EIV fejn applikabbli);

(c)

l-emissjonijiet CO2 annwali;

(d)

it-total annwali tal-konsum tal-fjuwil għal vjaġġi;

(e)

il-medja annwali tal-konsum tal-fjuwil u l-emissjonijiet CO2 għal kull distanza mbaħħra fuq vjaġġi;

(f)

il-medja annwali tal-konsum tal-fjuwil u l-emissjonijiet ta' CO2 għal kull distanza mbaħħra u merkanzija għal vjaġġi;

(g)

il-ħin totali annwalment imqatta' fuq il-baħar għal vjaġġi;

(h)

il-metodu applikat għall-monitoraġġ;

(i)

id-data tal-ħruġ u d-data tal-iskadenza tad-dokument ta' konformità;

(j)

l-identità tal-verifikatur li jkun ivvaluta r-rapport dwar l-emissjonijiet.

(k)

kull informazzjoni oħra mmonitorjata u rrappurtata fuq bażi volontarja f'konformità mal-Artikolu 10.

19.5.2015   

MT

Il-Ġurnal Uffiċjali tal-Unjoni Ewropea

L 123/77

(1)

Ġiet stabbilita sistema komprensiva tal-approvazzjoni skont it-tip tal-Unjoni għal vetturi bil-mutur bid-Direttiva 2007/46/KE tal-Parlament Ewropew u tal-Kunsill (3).

(2)

Ir-rekwiżiti tekniċi għall-approvazzjoni skont it-tip ta' vetturi bil-mutur fir-rigward ta' għadd kbir ta' elementi ta' sikurezza u ambjentali ġew armonizzati fil-livell tal-Unjoni sabiex jiżguraw livell għoli ta' sikurezza fit-toroq fl-Unjoni kollha.

(3)

L-iskjerament tas-servizz eCall disponibbli fil-vetturi kollha u fl-Istati Membri kollha kienet waħda mill-objettivi ewlenin tal-Unjoni fil-qasam tas-sikurezza fit-triq sa mill-2003. Sabiex jintlaħaq dak l-objettiv, ġiet imnedija sensiela ta' inizjattivi, bħala parti minn approċċ ta' skjerament volontarju, iżda sa issa ma sarx biżżejjed progress.

(4)

Sabiex is-sikurezza fit-triq tkompli titjieb, il-Komunikazzjoni tal-Kummissjoni tal-21 ta' Awwissu 2009 bit-titolu: “eCall: Wasal il-waqt għall-Mobilizzazzjoni” proponiet miżuri ġodda biex fl-Unjoni jiġi skjerat servizz ta' sejħiet ta' emerġenza mmuntat fil-vettura. Waħda mill-miżuri proposti hija li jsir obbligatorju l-immuntar ta' sistemi ta' eCall bbażati fuq in-numru 112 fit-tipi ġodda kollha ta' vetturi, u li dan jinbeda fuq il-kategoriji ta' vetturi M1 u N1 kif iddefiniti fl-Anness II tad-Direttiva 2007/46/KE.

(5)

Fit-3 ta' Lulju 2012, il-Parlament Ewropew adotta riżoluzzjoni dwar l-eCall: servizz ġdid 112 għaċ-ċittadini, li ħeġġeġ lill-Kummissjoni tippreżenta proposta fil-qafas tad-Direttiva 2007/46/KE sabiex tiżgura l-użu obbligatorju ta' sistema pubblika eCall ibbażata fuq in-numru 112 sal-2015.

(6)

Għad hemm il-ħtieġa li l-operat tas-servizz 112 jitjieb fl-Unjoni kollha, sabiex jagħti assistenza rapida u b'mod effettiv fl-emerġenzi.

(7)

Is-sistema eCall tal-Unjoni mistennija tnaqqas l-għadd ta' mwiet fl-Unjoni kif ukoll is-severità tal-korrimenti kkawżati minn aċċidenti fit-triq, bis-saħħa tal-allert bikri lis-servizzi ta' emerġenza. Bl-introduzzjoni obbligatorja tas-sistema eCall immuntata fil-vettura bbażata fuq in-numru 112, flimkien mat-titjib meħtieġ u kkoordinat tal-infrastruttura tan-netwerks pubbliċi tal-komunikazzjoni mobbli mingħajr fil biex isiru l-eCalls u taċ-Ċentri li Jirċievu t-Telefonati ta' Emerġenza (PSAPs) li jirċievu u jittrattaw l-eCalls, is-servizz ikun disponibbli għaċ-ċittadini kollha u għalhekk jikkontribwixxi għal tnaqqis fl-imwiet u l-korrimenti gravi, l-ispejjeż relatati mal-kura tas-saħħa, il-konġestjoni kkawżata mill-inċidenti u spejjeż oħra.

(8)

F'konformità mal-Artiklu 1(1) tad-Deċiżjoni Nru 585/2014/UE tal-Parlament Ewropew u tal-Kunsill (4), l-Istati Membri għandhom jiskjeraw fit-territorju tagħhom, tal-inqas sitt xhur qabel id-data tal-applikazzjoni ta' dan ir-Regolament u fi kwalunkwe każ mhux aktar tard mill-1 ta' Ottubru 2017, l-infrastruttura tal-PSAP tal-eCall meħtieġa biex l-eCalls kollha jiġu rċevuti u ttrattati sew. F'konformità mal-Artikolu 3 tad-Deċiżjoni Nru 585/2014/UE, l-Istati Membri għandhom jibagħtu rapport lill-Kummissjoni sal-24 ta' Diċembru 2015 dwar l-istat tal-implimentazzjoni ta' dik id-Deċiżjoni. Jekk ir-rapport jikkonkludi li l-infrastruttura tal-PSAP tal-eCall mhux ser tkun operazzjonali sal-1 ta' Ottubru 2017, il-Kummissjoni għandha tieħu azzjoni adatta biex tiżgura li l-infrastruttura tal-PSAP tal-eCall tiġi skjerata.

(9)

F'konformità mal-paragrafu 4 tar-Rakkomandazzjoni tal-Kummissjoni 2011/750/UE (5), l-Istati Membri għandhom jiżguraw li l-operaturi tan-netwerks mobbli implimentaw il-mekkaniżmu sabiex jiġi ttrattat “l-element diskriminatorju tal-eCalls” fin-netwerks tagħhom sal-31 ta' Diċembru 2014. Jekk l-analiżi msemmija fil-paragrafu 6 ta' dik ir-Rakkomandazzjoni tikkonkludi li “l-element li jiddiskrimina l-eCalls” ma jkunx ser jiġi implimentat sal-31 ta' Marzu 2016, il-Kummissjoni għandha tieħu azzjoni adatta biex tiżgura li l-operaturi tan-netwerk mobbli jimplimentaw il-mekkaniżmu li jittratta “l-element diskriminatorju tal-eCalls”.

(10)

Il-provvista ta' informazzjoni preċiża u affidabbli dwar il-pożizzjonament hija element essenzjali tat-tħaddim effettiv tas-sistema eCall immuntata fil-vetturi bbażata fuq in-numru 112. Għalhekk, huwa xieraq li tiġi meħtieġa l-kompatibbiltà tagħha mas-servizzi provduti bil-programmi Galileo u Servizz Ewropew ta' Navigazzjoni b'Kopertura Ġeostazzjonarja (EGNOS) stabbiliti fir-Regolament (UE) Nru 1285/2013 tal-Parlament Ewropew u tal-Kunsill (6). Is-sistema stabbilita taħt il-programm Galileo hija sistema globali indipendenti ta' navigazzjoni bis-satellita u dik stabbilita taħt il-programm EGNOS hija sistema reġjonali ta' navigazzjoni bis-satellita li jtejbu l-kwalità tas-sinjal tas-Sistema ta' Lokalizzazzjoni bis-Satellita.

(11)

It-tagħmir obbligatorju tal-vetturi bis-sistema eCall immuntata fil-vetturi bbażata fuq in-numru 112, għall-bidu għandu japplika biss għat-tipi l-ġodda ta' karozzi tal-passiġġieri u vetturi kummerċjali ħfief (il-kategoriji M1 u N1) li għalihom diġà jeżisti mekkaniżmu ta' skattar adatt. Il-possibbiltà li fil-futur qrib, l-applikazzjoni tar-rekwiżit għas-sistema eCall immuntata fil-vettura bbażata fuq in-numru 112 tiġi estiża biex tinkludi kategoriji ta' vetturi oħra, bħal vetturi tqal tal-merkanzija, karozzi tal-linja u xarabanks, vetturi motorizzati b'żewġ roti u tratturi agrikoli, għandha tkun ivvalutata ulterjorment mill-Kummissjoni bil-ħsieb li, jekk ikun xieraq, tippreżenta proposta leġislattiva għal dak il-għan.

(12)

Sabiex tiżdied il-penetrazzjoni għandu jiġi promoss it-tagħmir bis-sistema eCall immuntata fil-vettura bbażata fuq in-numru 112 ta' vetturi ta' tipi eżistenti li ser jiġu manifatturati wara l-31 ta' Marzu 2018. Fir-rigward ta' tipi ta' vetturi approvati għat-tip qabel il-31 ta' Marzu 2018, sistema eCall tista' tiġi ffittjata wara fuq bażi volontarja.

(13)

Is-servizz pubbliku tal-eCall interoperabbli fl-Unjoni kollha bbażat fuq in-numru uniku Ewropew tal-emerġenza 112 u sistemi eCall sostnuti minn servizz ta' parti terza (servizzi ta' eCall TPS) jistgħu jikkoeżistu dment li jiġu adottati l-miżuri neċessarji biex tkun żgurata l-kontinwità tal-provvista tas-servizz lill-konsumatur. Sabiex tkun żgurata l-kontinwità tas-servizz pubbliku tal-eCall ibbażat fuq in-numru 112 fl-Istati Membri kollha matul il-ħajja tal-vettura u jkun garantit li s-servizz pubbliku tal-eCall ibbażat fuq in-numru 112 ikun dejjem disponibbli awtomatikament, il-vetturi kollha għandhom ikunu mgħammra bis-servizz pubbliku tal-eCall ibbażat fuq in-numru 112, irrispettivament minn jekk is-sid tal-vettura jagħżilx servizz tal-eCall TPS jew le.

(14)

Il-konsumaturi għandhom ikunu provduti b'ħarsa ġenerali realistika tas-sistema eCall immuntata fil-vettura bbażata fuq in-numru 112 u tas-sistema eCall TPS, jekk il-vettura tkun mgħammra b'waħda, kif ukoll b' informazzjoni komprensiva u affidabbli dwar kwalunkwe funzjonalitajiet jew servizzi addizzjonali marbuta mas-servizz privat ta' emerġenza, applikazzjoniet ta' sejħiet ta' emerġenza jew assistenza mmuntati fil-vettura li jkunu offruti u dwar il-livell ta' servizz mistenni bix-xiri ta' servizzi ta' partijiet terzi u l-ispejjeż assoċjati. is-servizz tal-eCall ibbażat fuq in-numru 112 huwa servizz pubbliku ta' interess ġenerali u għalhekk għandu jkun aċċessibbli mingħajr ħlas għall-konsumaturi kollha.

(15)

It-tagħmir obbligatorju tal-vetturi bis-sistema eCall immuntata fil-vettura bbażata fuq in-numru 112 għandu jkun mingħajr preġudizzju għad-dritt tal-partijiet ikkonċernati kollha bħall-manifatturi tal-karozzi u l-operaturi indipendenti li joffru servizzi addizzjonali ta' emerġenza u/jew ta' valur miżjud, b'mod parallel ma' jew li jkomplu jibnu fuq is-sistema eCall immuntata fil-vettura u bbażata fuq in-numru 112. Madankollu, kwalunkwe servizz addizzjonali għandu jiġi mfassal b'tali mod li ma jtellifx iżjed lis-sewwieq jew jaffettwa l-funzjonament tas-sistema eCall immuntata fil-vettura bbażata fuq in-numru 112 u l-ħidma effiċjenti taċ-ċentri li jirċievu s-sejħiet ta' emerġenza. Is-sistema eCall immuntata fil-vettura bbażata fuq in-numru 112 li tipprovdi servizzi privati jew ta' valur miżjud għandha tkun imfassla b'tali mod li ma jkun jista' jsir l-ebda skambju ta' data personali bejniethom. Meta jiġu pprovduti, dawk is-servizzi għandhom ikunu konformi mal-leġislazzjoni applikabbli dwar is-sikurezza, is-sigurtà u l-protezzjoni tad-data u għandhom dejjem jibqgħu fakultattivi għall-konsumaturi.

(16)

Sabiex tiġi żgurata għażla miftuħa għall-klijenti u kompetizzjoni ġusta, kif ukoll titħeġġeġ l-innovazzjoni u tingħata spinta lill-kompetittività tal-industrija tat-teknoloġija tal-informazzjoni tal-Unjoni fis-suq globali, is-sistemi eCall immuntati fil-vetturi għandhom ikunu bbażati fuq pjattaforma interoperabbli, standardizzata, sikura u b'aċċess miftuħ għal applikazzjonijiet jew servizzi li fil-futur jistgħu possibbilment jiġu mmuntati fil-vettura. Peress li dan jirrikjedi sostenn tekniku u legali, il-Kummissjoni għandha tevalwa mingħajr dewmien, abbażi ta' konsultazzjonijiet mal-partijiet ikkonċernati kollha involuti, inklużi l-manifatturi tal-vetturi u l-operaturi indipendenti, l-alternattivi kollha biex tiġi promossa u żgurata tali pjattaforma b'aċċess miftuħ u, jekk ikun xieraq, tippreżenta inizjattiva leġislattiva għal dan il-għan. Barra minn hekk, is-sistema eCall immuntata fil-vettura bbażata fuq in-numru 112 għandha tkun aċċessibbli għal tariffa raġonevoli li ma teċċedix ammont nominali u għall-operaturi indipendenti kollha mingħajr diskriminazzjoni għall-finijiet ta' tiswija u ta' manutenzjoni f'konformità mar-Regolament (KE) Nru 715/2007 tal-Parlament Ewropew u tal-Kunsill (7).

(17)

Sabiex tinżamm l-integrità tas-sistema tal-approvazzjoni skont it-tip, huma biss dawk is-sistemi eCall immuntati fil-vetturi bbażati fuq in-numru 112 li jistgħu jiġu ttestjati kompletament, li għandhom jiġu aċċettati għall-finijiet ta' dan ir-Regolament.

(18)

Is-sistema eCall immuntata fil-vettura bbażata fuq in-numru 112, bħala sistema ta' emerġenza, teħtieġ l-ogħla livell possibbli ta' affidabbiltà. Għandhom ikunu żgurati l-preċiżjoni tas-sett minimu ta' data u tat-trasmissjoni tal-vuċi, u l-kwalità u għandha tiġi żviluppata sistema ta' ttestjar uniformi biex tkun żgurata l-lonġevità u d-durabbiltà tas-sistema eCall immuntata fil-vettura bbażata fuq in-numru 112. Għalhekk għandhom jitwettqu testijiet perjodiċi tal-affidabbiltà stradali f'konformità mad-Direttiva 2014/45/UE tal-Parlament Ewropew u tal-Kunsill (8).

(19)

Vetturi ta' serje żgħira u vetturi approvati skont l-Artikolu 24 tad-Direttiva 2007/46/KE huma esklużi taħt dik id-Direttiva mir-rekwiżiti dwar il-protezzjoni tal-passiġġieri fl-eventwalità ta' impatt minn quddiem u ta' impatt mill-ġenb. Għalhekk, dawk il-vetturi ta' serje żgħira għandhom jiġu esklużi mill-obbligu li jikkonformaw mar-rekwiżiti tal-eCall stabbiliti f'dan ir-Regolament. Barra minn hekk, minħabba raġunijiet tekniċi, uħud mill-kategoriji ta' vetturi M1 u N1 ma jistgħux ikunu mgħammra b'mekkaniżmu adatt ta' skattar tal-eCall.

(20)

Il-vetturi ta' skop speċjali għandhom ikunu soġġetti għall-konformità mar-rekwiżiti tal-eCall stabbiliti f'dan ir-Regolament, fejn il-vettura bażi/inkompleta hija mgħammra bil-mekkaniżmu ta' skattar meħtieġ.

(21)

Kwalunkwe proċessar ta' data personali permezz tas-sistema eCall immuntata fil-vettura bbażata fuq in-numru 112 għandu jkun konformi mar-regoli dwar il-protezzjoni tad-data personali previsti fid-Direttiva 95/46/KE tal-Parlament Ewropew u tal-Kunsill (9), u fid-Direttiva 2002/58/KE tal-Parlament Ewropew u tal-Kunsill (10), b'mod partikolari biex jiġi garantit li l-vetturi mgħammra bis-sistemi eCall immuntati fil-vetturi bbażati fuq in-numru 112, fl-istat operazzjonali normali tagħhom relatat mal-eCall 112, ma jkunux traċċabbli u ma jkunux soġġetti għal kwalunkwe segwiment kontinwu u li s-sett minimu ta' data mibgħuta mis-sistema eCall immuntata fil-vettura bbażata fuq in-numru 112 ikun jinkludi l-informazzjoni minima meħtieġa għat-trattament adatt tas-sejħiet ta' emerġenza. Dan għandu jieħu kont tar-rakkomandazzjonijiet li għamel il-Grupp ta' Ħidma għall-Protezzjoni ta' Individwi dwar Ipproċessar ta' Data Personali stabbilit skont l-Artikolu 29 tad-Direttiva 95/46/KE (“L-Artikolu 29 Grupp ta' Ħidma dwar il-Protezzjoni tad-Data”) u li jinsabu fid-“Dokument ta' ħidma dwar il-ħarsien tad-data u l-implikazzjonijiet għall-privatezza fl-inizjattiva eCall”, adottat fis-26 ta' Settembru 2006.

(22)

Il-manifatturi għandhom jimplimentaw il-miżuri neċessarji kollha sabiex jikkonformaw mar-regoli dwar il-privatezza u l-protezzjoni tad-data stabbiliti f'dan ir-Regolament f'konformità mal-Artikoli 7 u 8 tal-Karta tad-Drittijiet Fundamentali tal-Unjoni Ewropea (11).

(23)

Huma u jikkonformaw mar-rekwiżiti tekniċi, il-manifatturi tal-vetturi għandhom jintegraw il-forom tekniċi ta' protezzjoni tad-data fis-sistemi mmuntati fil-vetturi u għandhom jikkonformaw mal-prinċipju tal-“privatezza fid-disinn”.

(24)

Il-manifatturi għandhom jipprovdu l-informazzjoni dwar l-eżistenza ta' sistema eCall pubblika b'xejn, ibbażata fuq in-numru uniku Ewropew tal-emerġenza 112, id-dritt ta' sid il-vettura li jagħżel li juża dik is-sistema milli sistema eCall TPS u dwar l-ipproċessar ta' data li jsir mis-sistema eCall immuntata fil-vettura bbażata fuq in-numru 112 bħala parti mid-dokumentazzjoni teknika li tingħata mal-vettura. Dik l-informazzjoni għandha tkun disponibbli wkoll fuq l-Internet minn fejn tkun tista' titniżżel.

(25)

Id-data trasmessa permezz tas-sistema eCall immuntata fil-vettura bbażata fuq in-numru 112 u pproċessata mill-PSAPs tista' tiġi trasferita lis-servizz tal-emerġenza u sħab fis-servizz imsemmija fid-Deċiżjoni 585/2014/UE biss fl-eventwalità ta' inċidenti relatati ma' eCalls u taħt il-kondizzjonijiet stabbiliti f'dik id-Deċiżjoni u tintuża esklużivament biex jintlaħqu l-objettivi ta' dik id-Deċiżjoni. Id-data pproċessata mill-PSAPs permezz tas-sistema eCall immuntata fil-vettura bbażata fuq in-numru 112 ma tiġix trasferita lil xi parti terza oħra mingħajr il-kunsens espliċitu minn qabel tas-suġġett tad-data.

(26)

L-organizzazzjonijiet Ewropej għall-istandardizzazzjoni, l-Istitut Ewropew għall-Istandards tat-Telekomunikazzjoni (ETSI) u l-Kumitat Ewropew għall-Istandarizzazzjoni (CEN), żviluppaw standards komuni għall-użu ta' servizz ta' eCall pan-Ewropew, li għandu japplika għall-finijiet ta' dan ir-Regolament, peress li dan ser jiffaċilita l-evoluzzjoni teknoloġika tas-servizz ta' eCall immuntat fil-vettura, jiżgura l-interoperabbiltà u l-kontinwità tas-servizz fl-UE kollha, u jnaqqas l-ispejjeż tal-implimentazzjoni għall-Unjoni kollha.

(27)

Sabiex tiġi żgurata l-applikazzjoni ta' rekwiżiti tekniċi komuni dwar is-sistema eCall immuntata fil-vettura bbażata fuq in-numru 112, is-setgħa li jiġu adottati atti f'konformità mal-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tal-eżenzjoni ta' ċerti klassijiet ta' vetturi tal-kategoriji M1 u N1 mill-obbligu li jinstallaw is-sistema eCall immuntata fil-vettura, tal-istabbiliment ta' rekwiżiti tekniċi dettaljati u testijiet għall-approvazzjoni KE skont it-tip ta' vetturi fir-rigward tas-sistemi eCall immuntati fil-vettura tagħhom u l-approvazzjoni KE skont it-tip ta' sistemi, komponenti u unitajiet tekniċi separati mfassla u mibnija għal tali vetturi, u tal-istabbiliment ta' regoli tekniċi dettaljati u proċeduri ta' ttestjar għall-applikazzjoni ta' ċerti regoli dwar l-ipproċessar ta' data personali u biex jiġi żgurat li ma jkun hemm l-ebda skambju ta' data personali bejn is-sistema eCall immuntata fil-vettura bbażata fuq in-numru 112 u s-sistemi ta' partijiet terzi. Huwa ta' importanza partikolari li l-Kummissjoni twettaq konsultazzjonijiet adatti matul il-ħidma preparatorja tagħha, anke fil-livell tal-esperti u mal-partijiet ikkonċernati rilevanti, konsultazzjonijiet ma' organizzazzjonijiet partikolari tal-protezzjoni tal-konsumatur, kif ukoll mal-Kontrollur Ewropew għall-Protezzjoni tad-Data u l-Grupp ta' Ħidma dwar il-Protezzjoni tad-Data tal-Artikolu 29 f'konformità mal-leġislazzjoni applikabbli. Il-Kummissjoni, meta tħejji u tfassal atti delegati, għandha tiżgura t-trasmissjoni simultanja, f'waqtha u adatta ta' dokumenti rilevanti lill-Parlament Ewropew u lill-Kunsill.

(28)

Sabiex jiġu żgurati kondizzjonijiet uniformi għall-implimentazzjoni ta' dan ir-Regolament, is-setgħat ta' implimentazzjoni relatati mal-arranġamenti prattiċi għall-valutazzjoni tal-assenza ta' traċċabilità u segwiment, l-iskeda tal-informazzjoni għall-utent u d-dispożizzjonijiet amministrattivi għall-approvazzjoni KE skont it-tip fir-rigward tal-iskeda għad-dokumenti ta' informazzjoni li għandhom jiġu pprovduti mill-manifatturi għall-finijiet tal-approvazzjoni skont it-tip, l-iskeda għaċ-ċertifikati tal-approvazzjoni KE skont it-tip u l-mudell għall-marka tal-approvazzjoni skont it-tip KE, għandhom jiġu kkonferiti lill-Kummissjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (12).

(29)

Il-manifatturi tal-vetturi għandu jingħataw żmien suffiċjenti biex jadattaw għar-rekwiżiti tekniċi ta' dan ir-Regolament.

(30)

Dan ir-Regolament huwa Regolament separat ġdid fil-kuntest tal-proċedura tal-approvazzjoni KE skont it-tip prevista fid-Direttiva 2007/46/KE u għalhekk, l-Annessi I, III, IV u XI għal dik id-Direttiva għandhom jiġu emendati skont dan.

(31)

Billi l-objettiv ta' dan ir-Regolament, jiġifieri l-ksib tas-suq intern permezz tal-introduzzjoni ta' rekwiżiti tekniċi komuni għal vetturi skont it-tip approvat ġodda mgħammra bis-sistema eCall immuntata fil-vettura bbażata fuq in-numru 112, ma jistax jintlaħaq b'mod suffiċjenti mill-Istati Membri iżda pjuttost jista', minħabba l-iskala tiegħu, jinkiseb aħjar fil-livell tal-Unjoni, l-Unjoni tista' tadotta miżuri f'konformità mal-prinċipju ta' sussidjarjetà kif stipulat fl-Artikolu 5 tat-Trattat dwar l-Unjoni Ewropea. F'konformità mal-prinċipju tal-proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv.

(32)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill (13) u ta opinjoni fid-29 ta' Ottubru 2013 (14),

(a)

vetturi prodotti f'serje żgħira approvati skont l-Artikoli 22 u 23 tad-Direttiva 2007/46/KE;

(b)

vetturi approvati f'konformità mal-Artikolu 24 tad-Direttiva 2007/46/KE;

(c)

vetturi li minħabba raġunijiet tekniċi ma jistgħux jiġu mgħammra b'mekkaniżmu ta' skattar tal-eCall, kif determinat f'konformità mal-paragrafu 2.

(1)

“sistema eCall immuntata fil-vettura bbażata fuq in-numru 112” tfisser sistema ta' emerġenza, li tinkludi tagħmir immuntat fil-vettura u l-mezzi li jiskattaw, jimmaniġġjaw u jwettqu t-trasmissjoni tal-eCall, li hija attivata b'mod awtomatiku permezz ta' sensuri mmuntati fil-vettura jew b'mod manwali, u li ġġorr, permezz ta' netwerks pubbliċi tal-komunikazzjoni mobbli mingħajr fil, sett minimu ta' data u tistabbilixxi kanal tal-awdjo bbażat fuq in-numru 112 bejn l-okkupanti tal-vettura u l-PSAP tal-eCall;

(2)

“eCall” tfisser sejħa ta' emerġenza minn ġol-vettura għan-numru 112, magħmula jew b'mod awtomatiku permezz tal-attivazzjoni ta' sensuri fil-vettura jew b'mod manwali, li għandha sett minimu ta' data u li tistabbilixxi kanal tal-awdjo bejn il-vettura u l-PSAP tal-eCall permezz ta' netwerks tal-komunikazzjoni pubbliċi u mobbli mingħajr fil;

(3)

“ċentru li jwieġeb għas-sejħiet marbutin mas-sikurezza pubblika” (jew “PSAP”) tfisser post fiżiku fejn is-sejħiet ta' emerġenza jaslu l-ewwel taħt ir-responsabbiltà ta' awtorità pubblika jew organizzazzjoni privata rikonoxxuta mill-Istat Membru;

(4)

“PSAP l-aktar adatt” tfisser PSAP determinat minn qabel mill-awtoritajiet kompetenti biex ikopri sejħiet ta' emerġenza minn żona partikolari jew għal sejħiet ta' emerġenza ta' tip partikolari;

(5)

“PSAP tal-eCall” tfisser PSAP l-aktar adatt determinat minn qabel mill-awtoritajiet biex jirċievi u jittratta l-ewwel l-eCalls;

(6)

“sett minimu ta' data” (jew “MSD”) tfisser l-informazzjoni ddefinita mis-“Sistemi ta' trasport intelliġenti — eSafety — Sett minimu ta' data (MSD) għall-eCall” standard (EN 15722:2011), li tintbagħat lill-PSAP tal-eCall;

(7)

“tagħmir immuntat fil-vettura” tfisser tagħmir installat fil-vettura b'mod permanenti li jipprovdi jew li għandu aċċess għad-data meħtieġa biex issir it-transazzjoni tal-eCall permezz ta' netwerk pubbliku tal-komunikazzjoni mobbli mingħajr fili;

(8)

“transazzjoni tal-eCall” tfisser l-istabbiliment ta' sessjoni tal-komunikazzjoni mobbli mingħajr fil fin-netwerk pubbliku kollu tal-komunikazzjoni mobbli mingħajr fil u t-trasmissjoni ta' MSD minn vettura lejn PSAP tal-eCall u l-istabbiliment ta' kanal tal-awdjo bejn il-vettura u l-istess PSAP tal-eCall;

(9)

“netwerk pubbliku tal-komunikazzjoni mobbli mingħajr fil” tfisser netwerk tal-komunikazzjoni mobbli mingħajr fil disponibbli għall-pubbliku f'konformità mad-Direttivi 2002/21/KE (15) u 2002/22/KE (16) tal-Parlament Ewropew u tal-Kunsill;

(10)

“eCall sostnuta minn servizzi terzi” (jew “eCall TPS”) tfisser sejħa ta' emerġenza minn ġol-vettura lil fornitur ta' servizz ta' parti terza, magħmula b'mod awtomatiku permezz tal-attivazzjoni ta' sensuri mmuntati fil-vettura jew b'mod manwali, li twassal, permezz ta' netwerks pubbliċi tal-komunikazzjoni mobbli mingħajr fili, l-MSD u tistabbilixxi kanal tal-awdjo bejn il-vettura u l-fornitur ta' servizzi terzi;

(11)

“Fornitur ta' servizzi terzi (TPSP)” tfisser organizzazzjoni rikonoxxuta mill-awtoritajiet nazzjonali li jkollha l-permess li tirċievi eCall TPS u tgħaddi l-MSD lill-PSAP tal-eCall;

(12)

“Sistema eCall għal servizzi terzi mmuntata fil-vettura” tfisser sistema attivata jew b'mod awtomatiku permezz ta' sensuri mmuntati fil-vettura jew b'mod manwali, li twassal, permezz ta' netwerks pubbliċi tal-komunikazzjoni mobbli mingħajr fili, l-MSD u tistabbilixxi kanal tal-awdjo bejn il-vettura u l-fornitur ta' servizzi terzi.

(a)

is-sistema eCall TPS immuntata fil-vettura għandha tkun konformi mal-istandard EN 16102:2011 “Sistemi ta' trasport intelliġenti — eCall — Rekwiżiti tal-operat għas-sostenn minn parti terza”;

(b)

il-manifatturi għandhom jiżguraw li jkun hemm sistema waħda biss attiva f'ħin wieħed u li s-sistema eCall immuntata fil-vettura bbażata fuq in-numru 112 tiġi skattata awtomatikament fil-każ li s-sistema eCall TPS immuntata fil-vettura ma tkunx qed taħdem;

(c)

is-sid tal-vettura għandu jkollu d-dritt li jagħżel li juża s-sistema eCall immuntata fil-vettura bbażata fuq in-numru 112 pjuttost milli sistema TPS immuntata fil-vettura fi kwalunkwe ħin;

(d)

il-manifatturi għandhom jinkludu informazzjoni dwar id-dritt imsemmi fil-punt (c) tal-manwal tas-sid.

(a)

EN 16072:2011 “Sistema ta' trasport intelliġenti — eSafety — rekwiżiti tal-operat ta' eCall Pan-Ewropew”;

(b)

EN 16062:2011 “Sistemi ta' trasport intelliġenti — eSafety — Rekwiżiti ta' applikazzjoni ta' livell għoli ta' eCall (HLAP)”;

(c)

CEN/TS 16454:2013 “Sistemi ta' trasport intelliġenti — ESafety — ittestjar għall-konformità minn tarf sa ieħor tal-ECall”, fir-rigward tal-konformità tas-sistema eCall immuntata fil-vettura bbażata fuq in-numru 112 mal-eCall pan-Ewropew;

(d)

EN 15722:2011 “Sistemi ta' trasport intelliġenti — eSafety — sett minimu ta' data għall-eCall (MSD)”.

(e)

EN 16102:2011 “Sistemi ta' trasport intelliġenti — eCall — Rekwiżiti tal-operat għas-sostenn minn parti terza”;

(f)

kwalunkwe standard Ewropew addizzjonali relatat mas-sistema eCall adottat f'konformità mal-proċeduri stabbiliti fir-Regolament (UE) Nru 1025/2012 tal-Parlament Ewropew u tal-Kunsill (17) jew ir-Regolamenti tal-Kummissjoni Ekonomika għall-Ewropa tan-Nazzjonijiet Uniti (Regolamenti tal-UNECE) relatati mas-sistemi eCall li l-Unjoni tkun aderixxiet.

(a)

ir-referenza għall-bażi legali tal-ipproċessar;

(b)

il-fatt li s-sistema eCall immuntata fil-vettura bbażata fuq in-numru 112 tiġi attivata b'mod awtomatiku;

(c)

l-arranġamenti tal-ipproċessar tad-data li jsir mis-sistema eCall immuntata fil-vettura bbażata fuq in-numru 112;

(d)

l-għan speċifiku tal-ipproċessar tal-eCall, li għandu jkun limitat għas-sitwazzjonijiet ta' emerġenza msemmija fl-ewwel subparagrafu tal-Artikolu 5(2);

(e)

it-tipi ta' data miġbura u pproċessati u d-destinatarji ta' dik id-data;

(f)

il-limitu ta' żmien għaż-żamma tad-data fis-sistema eCall immuntata fil-vettura bbażata fuq in-numru 112;

(g)

il-fatt li ma hemm l-ebda segwiment kostanti tal-vettura;

(h)

l-arranġamenti għall-eżerċizzju tad-drittijiet tas-suġġetti tad-data kif ukoll is-servizz ta' kuntatt responsabbli biex jittratta t-talbiet;

(i)

kwalunkwe informazzjoni addizzjonali rigward it-traċċabbiltà, is-segwiment u l-ipproċessar ta' data personali b'rabta mal-forniment ta' eCall TPS u/jew servizzi oħra ta' valur miżjud, li għandhom ikunu soġġetti għall-kunsens espliċitu tas-sid u f'konformità mad-Direttiva 95/46/KE. Għandu jitqies b'mod partikolari l-fatt li jistgħu jeżistu differenzi bejn l-ipproċessar tad-data mwettaq permezz tas-sistema eCall immuntata fil-vettura bbażata fuq in-numru 112 u s-sistemi ta' eCall TPS mmuntati fil-vetturi jew servizzi oħra ta' valur miżjud.

(a)

ir-rekwiżiti tekniċi dettaljati u l-proċeduri għat-testijiet għall-applikazzjoni tar-regoli dwar l-ipproċessar ta' data personali msemmijin fil-paragrafi 2 u 3;

(b)

ir-rekwiżiti tekniċi dettaljati u l-proċeduri għat-testijiet biex jiġi żgurat li ma jkunx hemm skambju ta' data personali bejn is-sistema eCall immuntata fil-vettura bbażata fuq in-numru 112 u s-sistemi ta' partijiet terzi kif imsemmijin fil-paragrafu 11.

(a)

l-arranġamenti prattiċi għall-valutazzjoni tan-nuqqas ta' traċċabbiltà u segwiment msemmijin fil-paragrafi 4, 5 u 6;

(b)

l-iskeda għall-informazzjoni għall-utent imsemmi fil-paragrafu 9.

(a)

l-iskedi għad-dokumenti ta' informazzjoni li għandhom jiġu pprovduti mill-manifatturi għall-finijiet tal-approvazzjoni skont it-tip;

(b)

l-iskedi għaċ-ċertifikati tal-approvazzjoni KE skont it-tip;

(c)

il-mudell(i) għall-marka tal-approvazzjoni KE skont it-tip.

(a)

dikjarazzjoni falza matul il-proċedura ta' approvazzjoni jew il-proċedura li twassal għal revoka;

(b)

iffalsifikar tar-riżultati tat-test għall-approvazzjoni skont it-tip;

(c)

iż-żamma ta' data jew ta' speċifikazzjonijiet tekniċi li jistgħu jwasslu għal revoka, rifjut jew irtirar tal-approvazzjoni skont it-tip;

(d)

il-ksur ta' dispożizzjonijiet stipulati fl-Artikolu 6;

(e)

imġiba li tmur kontra d-dispożizzjonijiet tal-Artikolu 5(7).