26.11.2014   

MT

Il-Ġurnal Uffiċjali tal-Unjoni Ewropea

L 339/1

(1)

F'konformità mal-Artikolu 169(3) tar-Regolament (UE, Euratom) Nru 966/2012 tal-Parlament Ewropew u tal-Kunsill (2), approprjazzjonijiet mhux impenjati li jirrigwardaw l-azzjonijiet imsemmijin fl-Artikolu 3(1) tar-Regolament tal-Kunsill (KE) Nru 1290/2005 (3) jistgħu jiġu trasferiti għas-sena finanzjarja ta' wara. Dan it-trasferiment huwa limitat għal 2 % tal-approprjazzjonijiet inizjali u għall-ammont tal-aġġustament ta' pagamenti diretti msemmijin fl-Artikolu 11 tar-Regolament tal-Kunsill (KE) Nru 73/2009 (4) li kien applikat matul is-sena finanzjarja ta' qabel. Dan jista' jwassal għal pagament addizzjonali lill-benefiċjarji finali li kienu soġġetti għal dan l-aġġustament.

(2)

Skont l-Artikolu 26(5) tar-Regolament (UE) Nru 1306/2013, b'deroga mill-Artikolu 169(3) tar-Regolament (UE, Euratom) Nru 966/2012, l-Istati Membri għandhom jirrimborżaw dak it-trasferiment lid-destinatarji finali li huma soġġetti, fis-sena finanzjarja li għaliha l-approprjazzjonijiet jiġu ttrasferiti, għar-rata ta' aġġustament. Dan ir-rimborż japplika biss għall-benefiċjarji finali f'dawk l-Istati Membri fejn id-dixxiplina finanzjarja kienet tapplika (5) fis-sena finanzjarja preċedenti.

(3)

Barra minn hekk, skont l-Artikolu 26(7) tar-Regolament (UE) Nru 1306/2013, kwalunkwe ammont tar-riżerva għall-kriżijiet fis-settur agrikolu msemmija fl-Artikolu 25 ta' dak ir-Regolament mhux użat għandu jiġi rimborżat skont l-Artikolu 26(5) ta' dak ir-Regolament.

(4)

F'konformità mal-Artikolu 1(1) tar-Regolament tal-Kunsill (UE) Nru 1181/2013 (6), id-dixxiplina finanzjarja tiġi applikata għal pagamenti diretti fir-rigward tas-sena kalendarja 2013.

(5)

Ir-riżerva għall-kriżijiet ma kellhiex talbiet sal-15 ta' Ottubru 2014, li jimplika li l-ammont disponibbli fir-riżerva fil-baġit tal-FAEG għall-2014 mhux ser jintuża f'din is-sena finanzjarja. Barra minn hekk, fuq il-bażi tal-eżekuzzjoni tal-approprjazzjonijiet tal-FAEG għall-2014 taħt ġestjoni konġunta għall-perjodu mis-16 ta' Ottubru 2013 sal-15 ta' Ottubru 2014 u stima ta' eżekuzzjoni taħt immaniġġjar dirett mill-1 ta' Jannar 2014 sal-31 ta' Diċembru 2014, se jibqgħu f'approprjazzjonijiet addizzjonali mhux impenjati tal-baġit tal-FAEG għall-2014.

(6)

Skont id-dikjarazzjonijiet tan-nefqa tal-Istati Membri għall-perjodu mis-16 ta' Ottubru 2013 sal-15 ta' Ottubru 2014, it-tnaqqis tad-dixxiplina finanzjarja applikat b'mod effettiv mill-Istati Membri fis-sena finanzjarja 2014 ammonta għal EUR 868,2 miljun.

(7)

Konsegwentement, approprjazzjoniet mhux użati li jikkorrespondu għall-ammont tad-dixxiplina finanzjarja applikata fl-2014 ta' EUR 868,2 miljun li jibqa' taħt il-limitu ta' 2 % tal-approprjazzjoniet inizjali li għandhom x'jaqsmu mal-azzjonijiet imsemmija fl-Artikolu 3(1) tar-Regolament (KE) Nru 1290/2005 jistgħu jiġu ttrasferiti għas-sena finanzjarja 2015 wara deċiżjoni tal-Kummissjoni skont il-ħames subparagrafu tal-Artikolu 169(3) tar-Regolament (UE, Euratom) Nru 966/2012.

(8)

Sabiex ikun żgurat li r-rimborż ta' dawk l-approprjazzjonijiet lid-destinatarji finali jibqa' proporzjonat għall-ammont tal-aġġustament tad-dixxiplina finanzjarja, huwa xieraq li l-Kummissjoni tiddetermina l-ammonti disponibbli lill-Istati Membri għar-rimborż.

(9)

Sabiex jiġi evitat li l-Istati Membri jagħmlu pagament addizzjonali għal dan il-rimborż, dan ir-Regolament irid japplika mill-1 ta' Diċembru 2014. Konsegwentement, l-ammonti stabbiliti minn dan ir-Regolament huma definittivi u japplikaw mingħajr preġudizzju għall-applikazzjoni ta' tnaqqis skont l-Artikolu 41(1) tar-Regolament (UE) Nru 1306/2013, għal kwalunkwe korrezzjonijiet oħra kkunsidrati f'deċiżjoni dwar il-pagament ta' kull xahar li tikkonċerna n-nefqa magħmula mill-aġenziji tal-pagamenti tal-Istati Membri għal Ottubru 2014, f'konformità mal-Artikolu 18(3) tar-Regolament (UE) Nru 1306/2013, u għal kwalunkwe tnaqqis u pagamenti supplimentari li għandhom isiru skont l-Artikolu 18(4) ta' dak ir-Regolament, jew għal kwalunkwe deċiżjonijiet li se jittieħdu fil-qafas tal-proċedura tal-approvazzjoni tal-kontijiet.

(10)

F'konformità mal-Artikolu 169(3) tar-Regolament (UE, Euratom) Nru 966/2012, l-approprjazzjonijiet mhux impenjati jistgħu jiġu ttrasferiti għas-sena finanzjarja segwenti biss. Huwa għalhekk xieraq li l-Kummissjoni tistabbilixxi dati ta' eliġibilità għan-nefqa tal-Istati Membri b'rabta mar-rimborż skont l-Artikolu 26(5) tar-Regolament (UE) Nru 1306/2013, b'kunsiderazzjoni għas-sena finanzjarja agrikola kif definit fl-Artikolu 39 ta' dak ir-Regolament.

(11)

Sabiex jitqies il-perjodu ta' żmien qasir bejn il-komunikazzjoni tal-eżekuzzjoni tal-approprjazzjonijiet tal-FAEG għall-2014 taħt immaniġġjar konġunt għall-perjodu mis-16 ta' Ottubru 2013 sal-15 ta' Ottubru 2014 mill-Istati Membri u l-ħtieġa li jiġi applikat dan ir-Regolament mill-1 ta' Diċembru 2014, dan ir-Regolament għandu jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali tal-Unjoni Ewropea,

26.11.2014   

MT

Il-Ġurnal Uffiċjali tal-Unjoni Ewropea

L 339/5

(1)

Skont il-ftehimiet konklużi fi ħdan il-kuntest tan-negozjati kummerċjali multilaterali taċ-Ċiklu tal-Urugwaj (2), l-Unjoni impenjat ruħha li tippermetti lil Spanja timporta l-ammont ta' 300 000 tunnellata sorgu kull sena.

(2)

Bejn l-1 ta' Jannar 2014 u l-15 ta' Lulju 2014, il-perjodu li matulu d-dazju tal-importazzjoni għas-sorgu ġie stabbilit bħala EUR 0 kull tunnellata, skont ir-Regolament tal-Kummissjoni (UE) Nru 642/2010 (3), fi Spanja ġew importati 41 580 tunnellata sorgu. Mis-16 ta' Lulju 2014, u wara l-introduzzjoni mill-ġdid ta' dazju tal-importazzjoni ta' aktar minn żero għas-sorgu skont ir-Regolament (UE) Nru 642/2010, ma ġie importat ebda sorgu fi Spanja.

(3)

L-Artikolu 6 tar-Regolament (KE) Nru 1296/2008 tal-Kummissjoni (4) jistipola li jista' jiġi applikat tnaqqis għad-dazju tal-importazzjoni stabbilit skont ir-Regolament (UE) Nru 642/2010 sabiex ikun żgurat li l-kwoti tal-importazzjoni jiġu utilizzati b'mod sħiħ.

(4)

B'kunsiderazzjoni għall-kundizzjonijiet tas-suq tas-sorgu, partikolarment għall-fatt li l-prezz tas-sorgu fis-suq globali huwa ogħla b'mod sinifikanti minn dak tal-qamħ, jeħtieġ li jiġi applikat tnaqqis b'rata fissa ta' 100 % tad-dazju tal-importazzjoni stabbilit skont ir-Regolament (UE) Nru 642/2010.

(5)

Il-miżuri previsti f'dan ir-Regolament huma konformi mal-opinjoni tal-Kumitat għall-Organizzazzjoni Komuni tas-Swieq Agrikoli,

26.11.2014   

MT

Il-Ġurnal Uffiċjali tal-Unjoni Ewropea

L 339/7

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

26.11.2014   

MT

Il-Ġurnal Uffiċjali tal-Unjoni Ewropea

L 339/9

(1)

Sa mill-2006, id-Direttorat Ġenerali għall-Kompetizzjoni kull sena jwettaq eżerċizzju ta' monitoraġġ ex-post ta' kampjun ta' miżuri ta' għajnuna implimentati mill-Istati Membri. L-iskema Litwana ta' tnaqqis fit-taxxa tas-sisa fuq il-bijofjuwils ġiet inkluża fl-eżeċizzju ta' monitoraġġ tal-2011, u f'dan il-kuntest il-Kummissjoni eżaminat kif l-Istati Membri applikaw kampjun ta' skemi eżistenti għall-perjodu li jkopri mill-2009 sal-2010. Din l-iskema ġiet approvata mill-Kummissjoni taħt in-numru tal-każ N44/2005 permezz tad-deċiżjoni tagħha K (2005) 2957C tas-27 ta' Lulju 2005 (minn hawn 'il quddiem imsejħa bħala d-deċiżjoni tal-Kummissjoni).

(2)

Il-Kummissjoni talbet lil-Litwanja tipprovdi l-informazzjoni meħtieġa bil-ħsieb li tivvaluta l-mod li bih ġiet implimentata l-iskema fl-2009 u fl-2010, permezz tal-ittri datati s-7 ta' Ottubru 2011, is-27 ta' Jannar 2012 u s-26 ta' Ġunju 2012. Il-Litwanja pprovdiet l-informazzjoni mitluba permezz tal-ittri datati l-10 ta' Novembru 2011, l-24 ta' Frar 2012 u t-18 ta' Lulju 2012.

(3)

Permezz tal-ittra datata s-17 ta' Lulju 2013, il-Kummissjoni informat lil-Litwanja bid-deċiżjoni tagħha li tagħti bidu għall-proċedura stipulata fl-Artikolu 108(2) tat-Trattat dwar il-Funzjonament tal-Unjoni Ewropea fir-rigward tal-iskema ta' għajnuna, billi kienet imħassba dwar il-possibbiltà li l-għajnuna kienet qed tintuża ħażin. L-awtoritajiet tal-Litwanja pprovdew l-osservazzjonijiet tagħhom fit-13 ta' Awwissu 2013.

(4)

Id-deċiżjoni tal-Kummissjoni li tagħti bidu għall-proċedura ġiet ippubblikata f'Il-Ġurnal Uffiċjali tal-Unjoni Ewropea fit-8 ta' Novembru 2013. Il-Kummissjoni stiednet lill-partijiet interessati biex jissottomettu l-kummenti tagħhom.

(5)

Il-Kummissjoni ma rċeviet l-ebda kumment mingħand il-partijiet interessati.

(6)

L-iskema N 44/2005 kienet tikkonsisti minn tnaqqis fit-taxxa tas-sisa fuq il-bijofjuwils imħallta mal-fjuwils fossili. Dan it-tnaqqis kien japplika biss għall-komponent tal-bijofjuwils fit-taħlita. Konsegwentement, ir-rata tat-taxxa tad-dazju tas-sisa li għandha tiġi applikata għall-prodotti tal-bijofjuwils imħallta tnaqqset skont il-proporzjon tal-bijofjuwils fit-taħlita finali.

(7)

L-objettiv tal-iskema kien li jiġu promossi l-produzzjoni u l-użu tal-bijofjuwils. L-iskema kienet maħsuba wkoll biex tassisti lil-Litwanja tilħaq il-miri stabbiliti fid-Direttiva 2003/30/KE tal-Parlament Ewropew u tal-Kunsill tat-8 ta' Mejju 2003 dwar il-promozzjoni tal-użu tal-bijokarburanti jew karburanti oħra rinnovabbli għat-trasport (2).

(8)

It-tnaqqis fit-taxxa tas-sisa kien miftuħ għal kwalunkwe produttur tal-bijofjuwils fil-Litwanja kif ukoll għal kwalunkwe importatur tal-bijofjuwils minn xi Stat Membru ieħor jew minn pajjiżi terzi li jimportaw lejn il-Litwanja.

(9)

L-iskema ġiet approvata mill-Kummissjoni fis-27 ta' Lulju 2005 u skadiet fil-31 ta' Diċembru 2010.

(10)

Matul l-eżerċizzju ta' monitoraġġ, il-Kummissjoni nnutat li l-Litwanja kienet implimentat l-iskema b'tali mod li evidentement ma kienx totalment f'konformità mad-deċiżjoni tal-Kummissjoni.

(11)

L-ewwel nett, kif ġie indikat fid-deċiżjoni tal-Kummissjoni, il-Litwanja kienet intrabtet li tagħmel rieżami annwali tal-ispejjeż tal-produzzjoni tal-bijofjuwils eliġibbli għat-tnaqqis fit-taxxa tas-sisa kif ukoll taċ-ċaqliq fil-prezz tal-bijomassa relatat mal-prezzijiet tal-fjuwils fossili, u li, jekk ikun meħtieġ, taġġusta l-ammont tal-għajnuna biex tevita li jsir kumpens żejjed u biex iżżomm il-prezz tal-bijofjuwils fl-istess livell ta' dak tal-fjuwils konvenzjonali. Il-Litwanja intrabtet ukoll li kull sena tipprovdi lill-Kummissjoni b'rapporti ta' monitoraġġ li jkun fihom l-informazzjoni kollha rilevanti dwar l-ispejjeż tal-produzzjoni tal-bijofjuwils u l-prezz tas-suq tal-fjuwils biex tindika li ma jkunx qed isir kumpens żejjed. Il-Kummissjoni qieset dawn l-elementi kollha hi u tivvaluta l-iskema ta' għajnuna u kkonkludiet li din kienet kompatibbli mas-suq intern.

(12)

Sa mill-2005, meta ġiet adottata d-deċiżjoni tal-Kummissjoni, is-servizzi tal-Kummissjoni rilevanti (DĠ Kompetizzjoni) ma rċevew l-ebda rapport annwali bl-informazzjoni rilevanti dwar l-ispejjeż tal-produzzjoni tal-bijofjuwils u dwar il-prezz tas-suq tal-fjuwils biex jiġi muri li n-nuqqas ta' kumpens żejjed kien qed jiġi mmonitorjat u żgurat. Tali informazzjoni ngħatat mil-Litwanja fuq it-talba espliċita tal-Kummissjoni matul il-proċedura ta' monitoraġġ, iżda din kienet tkopri biss is-snin eżaminati fl-eżerċizzji ta' monitoraġġ rispettivi.

(13)

Fin-notifika tal-iskema, il-Litwanja pprovdiet dejta dwar l-ispejjeż tal-produzzjoni tal-bijoetanol u tal-bijodiżil, u din id-dejta ġiet ivvalutata mill-Kummissjoni. Il-Litwanja semmiet li minbarra għall-bijoetanol u għall-bijodiżil, l-għajnuna setgħet tingħata wkoll għaż-żejt pur veġetali u ntrabtet li twettaq analiżi hekk kif prodott tal-bijofjuwils ikun ibbenefika mit-tnaqqis tat-taxxa sabiex tiżgura li t-tnaqqis ma jkunx qed iwassal għal kumpens żejjed. Din l-informazzjoni kellha tiġi sottomessa lill-Kummissjoni fir-rapporti ta' monitoraġġ annwali. Is-servizzi tal-Kummissjoni rilevanti (DĠ Kompetizzjoni) ma rċevew l-ebda informazzjoni li tikkonferma li tali analiżi twettqet min-naħa tal-Litwanja.

(14)

It-tieni nett, matul l-eżerċizzju ta' monitoraġġ, il-Litwanja ppreżentat dokumenti li jippruvaw li fl-2009 il-Ministru għall-Ekonomija kien diġà talab li l-benefiċjarji għandhom jipprovdu informazzjoni dwar l-ispejjeż u l-prezzijiet tal-bejgħ medji tal-fjuwil għall-2008. Il-Ministru għall-Ekonomija rċieva din id-dejta fl-2009 u pprovdieha, fir-rigward ta' xi benefiċjarji magħżula, lill-Kummissjoni matul l-eżerċizzju ta' monitoraġġ tal-2011. Madankollu, il-Litwanja ma ppreżentatx dejta aggregata dwar l-ispejjeż tal-produzzjoni tal-bijofjuwils. Għaldaqstant, il-Kummissjoni ma setgħetx tivverifika kif suppost in-nuqqas ta' kumpens żejjed.

(15)

B'segwitu għall-ftuħ tal-investigazzjoni formali, il-Litwanja ppreżentat informazzjoni addizzjonali lill-Kummissjoni.

(16)

L-awtoritajiet Litwani pprovdew lill-Kummissjoni b'kopji tar-rapporti dwar il-promozzjoni tal-użu tal-bijofjuwils mill-2005 sal-2010.

(17)

L-awtoritajiet Litwani spjegaw li, minkejja li l-leġiżlazzjoni kienet tinkludi l-possibbiltà li tingħata l-għajnuna fil-qafas tal-iskema għaż-żejt pur veġetali, l-ebda bijodiżil ma kien prodott miż-żejt pur veġetali. Għalhekk, l-ebda għajnuna ta' dan it-tip ma ngħatat fil-qafas tal-iskema NN44/2005. Dan jispjega għalfejn ma ġie ppreżentat l-ebda rapport ta' dan it-tip lill-Kummissjoni.

(18)

Għas-sena 2009, ir-rapport annwali jinkludi diversi tabelli li fihom informazzjoni dwar l-ispejjeż tal-produzzjoni tal-bijofjuwils, il-prezzijiet tal-fjuwils fossili, il-prezzijiet tal-bijofjuwils u l-prezzijiet tat-taħlitiet differenti. Din l-informazzjoni hija miġbura fil-qosor fit-tabelli ta' hawn taħt, ibbażati fuq rata tal-kambju ta' EUR 1 = LTL 3,4528.

Tabella 1

L-ispejjeż tal-produzzjoni u l-prezz tal-bejgħ (qabel it-taxxa) tal-fjuwils (bijodiżil u diżil) fl-2009

Tabella 2

Il-prezz tal-bejgħ tal-fjuwil imħallat (diżil u bijodiżil)

Tabella 3

Il-prezz tal-bejgħ tad-diżil

Tabella 4

L-ispejjeż ta' produzzjoni u l-prezz tal-bejgħ tal-bijoetanol u tal-petrol (qabel it-taxxa) fl-2009

Tabella 5

Il-prezz tal-bejgħ tal-fjuwil imħallat (bijoetanol u petrol)

Tabella 6

Il-prezz tal-bejgħ tal-petrol

(19)

L-awtoritajiet Litwani argumentaw li d-dejta li pprovdew għall-2009 u għall-2010 (riflessa fit-tabelli ta' hawn fuq) turi biċ-ċar li ma kienx hemm kumpens żejjed, la għall-produzzjoni tal-bijodiżil u lanqas għal dik tal-bijoetanol.

(20)

Il-Kummissjoni, fid-deċiżjoni tagħha dwar il-każ N44/2005, diġà kienet ikkonkludiet li l-miżura inkwistjoni kienet tinvolvi għajnuna skont it-tifsira tal-Artikolu 107(3) tat-Trattat dwar il-Funzjonament tal-Unjoni Ewropea (TFUE). Il-Kummissjoni vvalutat din l-iskema ta' għajnuna abbażi tal-Linji Gwida dwar l-Għajnuna mill-Istat għall-Ħarsien tal-Ambjent (8), speċjalment it-taqsima E.3.3. tagħhom, u kkonkludiet li l-għajnuna kienet kompatibbli mas-suq intern.

(21)

L-awtoritajiet Litwani kkonfermaw lill-Kummissjoni li huma kienu ppreżentaw rapporti annwali dwar l-iskema NN44/2005. Dawn ir-rapporti ġew ippreżentati lid-DĠ Enerġija f'forma ta' anness mar-rapport dwar il-promozzjoni tal-użu tal-bijofjuwils jew ta' fjuwils rinnovabbli oħra għat-trasport.

(22)

L-awtoritajiet Litwani issa pprovdew lid-DĠ Kompetizzjoni b'kopji tar-rapporti li kienu ppreżentaw għas-snin 2005, 2006, 2007, 2008, 2009 u 2010. Dawn ir-rapporti fihom informazzjoni dettaljata dwar l-ispejjeż tal-produzzjoni tal-bijofjuwils u dwar il-prezzijiet tal-bejgħ. Barra minn hekk, hemm ukoll il-prezz ta' taħlitiet tal-fjuwil differenti.

(23)

Matul l-investigazzjoni, il-Kummissjoni setgħet tivvaluta li l-awtoritajiet Litwani kkonformaw mal-punt 34 tad-deċiżjoni N44/2005 u li lill-Kummissjoni ppreżentawlha r-rapporti ta' monitoraġġ annwali meħtieġa dwar l-iskema.

(24)

L-awtoritajiet Litwani spjegaw li l-ebda bijofjuwil ma kien ġie prodott miż-żejt pur veġetali matul il-perjodu li fih kienet għaddejja l-iskema.

(25)

Matul l-investigazzjoni, il-Kummissjoni setgħet tasal għall-konklużjoni li, ladarba l-ebda bijofjuwil ma kien ġie prodott miż-żejt pur veġetali matul il-perjodu li fih kienet għaddejja l-iskema, ma kellha għalfejn tiġi inkluża l-ebda informazzjoni fir-rapporti ppreżentati lill-Kummissjoni.

(26)

Wara li issa vvalutat l-informazzjoni kollha pprovduta min-naħa tal-Litwanja dwar l-ispejjeż tal-produzzjoni tal-bijofjuwils u dwar il-prezzijiet tal-fjuwils għall-2009 u l-2010, il-Kummissjoni taqbel li ma ngħata l-ebda kumpens żejjed fuq bażi aggregata fl-2009 jew fl-2010.

(27)

Il-Kummissjoni tqis li l-Litwanja implimentat l-iskema ta' għajnuna N44/2005 b'mod korrett, f'konformità mad-deċiżjoni tal-Kummissjoni li tapprovaha.