11.7.2014

MT

Il-Ġurnal Uffiċjali tal-Unjoni Ewropea

L 203/1

---

REGOLAMENT TAL-KUNSILL (UE) Nru 747/2014

tal-10 ta' Lulju 2014

dwar miżuri restrittivi fid-dawl tas-sitwazzjoni fis-Sudan u li jħassar ir-Regolamenti (KE) Nru 131/2004 u Nru 1184/2005

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2014/450/PESK tal-10 ta' Lulju 2014 rigward miżuri restrittivi fid-dawl tas-sitwazzjoni fis-Sudan u li tħassar id-Deċiżjoni 2011/423/PESK (1),

Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u mill-Kummissjoni Ewropea,

Billi:

(1)	Fl-10 ta' Jannar 2004, il-Kunsill adotta l-Pożizzjoni Komuni 2004/31/PESK (2) u żamm l-embargo fuq l-armi fuq is-Sudan impost mid-Deċiżjoni tal-Kunsill 94/165/PESK (3). Fis-26 ta' Jannar 2004, il-Kunsill adotta r-Regolament (KE) Nru 131/2004 (4) li jimplimenta l-Pożizzjoni Komuni 2004/31/PESK.

(2)

Fit-30 ta' Lulju 2004, il-Kunsill tas-Sigurtà tan-Nazzjonijiet Uniti adotta r-Riżoluzzjoni tal-Kunsill tas-Sigurtà tan-NU (UNSCR)1556 (2004) li timponi embargo tal-armi fuq is-Sudan. Fid-29 ta' Marzu 2005, il-Kunsill tas-Sigurtà tan-Nazzjonijiet Uniti adotta l-UNSCR1591 (2005) li timponi ċerti restrizzjonijiet fuq dawk li jimpedixxu l-proċess ta' paċi, jikkostitwixxu theddida għall-istabbiltà fid-Darfur u r-reġjun, iwettqu ksur tal-liġi umanitarja internazzjonali jew tal-liġi tad-drittijiet tal-bniedem jew atroċitajiet oħrajn, jiksru l-embargo tal-armi jew huma responsabbli għal ċerti titjiriet militari offensivi fir-reġjun u li jgħaddu fuq ir-reġjun ta' Darfur.

(3)	Fit-30 ta' Mejju 2005, il-Kunsill adotta l-Pożizzjoni Komuni 2005/411/PESK (5) li integrat il-miżuri imposti mill-Pożizzjoni Komuni 2004/31/PESK u l-miżuri li għandhom jiġu implimentati skont l-UNSCR 1591 (2005) f'att legali wieħed.

(4)	Fit-18 ta' Lulju 2005, il-Kunsill adotta r-Regolament (KE) Nru 1184/2005 (6)li jimplimenta l-Pożizzjoni Komuni 2005/411/PESK u jimponi ċerti miżuri restrittivi diretti kontra ċerti persuni li jxekklu l-proċess ta' paċi u li jiksru l-liġi internazzjonali fil-konflitt tar-reġjun tad-Darfur fis-Sudan.

(5)	Fit-18 ta' Lulju 2011, il-Kunsill adotta d-Deċiżjoni 2011/423/PESK (7) li estendiet il-kamp tal-applikazzjoni tal-embargo tal-armi għas-Sudan t'Isfel.

(6)	Fl-10 ta' Lulju 2014, il-Kunsill adotta d-Deċiżjoni 2014/450/PESK li tissepara l-miżuri dwar is-Sudan u tintegrahom f'att legali wieħed.

(7)

Għal raġunijiet ta' ċarezza, il-miżuri li jikkonċernaw lis-Sudan għandhom ikunu separati minn miżuri dwar is-Sudan t'Isfel. Ir-Regolament (KE) Nru 131/2004 u r-Regolament (KE) Nru 1184/2005 għandhom għalhekk jiġu mħassra u sostitwiti b'dan ir-Regolament sa fejn jikkonċernaw lis-Sudan. Ir-Regolament (KE) Nru 131/2004 għandu wkoll jiġi sostitwit bir-Regolament (UE) Nru 748/2014 (8) sa fejn jikkonċerna s-Sudan t'Isfel.

(8)

Is-setgħa li tiġi emendata l-lista fl-Anness I għal dan ir-Regolament għandha tiġi eżerċitata mill-Kunsill, fid-dawl tat-theddida speċifika għall-paċi u s-sigurtà internazzjonali fir-reġjun maħluqa mis-sitwazzjoni fis-Sudan u sabiex tiġi żgurata l-konsistenza mal-proċess għall-emendar u r-reviżjoni tal-Anness għad-Deċiżjoni 2014/450/PESK.

(9)

Għall-implimentazzjoni ta' dan ir-Regolament, u sabiex tinħoloq l-ogħla ċertezza legali fl-Unjoni, l-ismijiet u data rilevanti oħra dwar il-persuni ġuridiċi u fiżiċi, l-entitajiet u l-korpi li l-fondi u r-riżorsi ekonomiċi tagħhom għandhom jiġu ffriżati skont dan ir-Regolament, għandhom jiġu ppubblikati. Kwalunkwe pproċessar ta' data personali għandu jkun konformi mar-Regolament (KE) Nru 45/2001 tal-Parlament Ewropew u tal-Kunsill (9) u d-Direttiva 95/46/KE tal-Parlament Ewropew u tal-Kunsill (10).

(10)	Sabiex jiġi żgurat li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ immedjatament,

ADOTTA DAN IR-REGOLAMENT:

Artikolu 1

Għall-finijiet ta' dan ir-Regolament, għandhom japplikaw id-definizzjonijiet li ġejjin:

(a)

“servizzi ta' senserija” tfisser: (i) in-negozjar jew l-arranġament ta' tranżazzjonijiet għax-xiri, il-bejgħ jew il-provvista ta' beni u teknoloġija, jew ta' servizzi finanzjarji u tekniċi, minn pajjiż terz lil kull pajjiż terz ieħor; jew (ii) il-bejgħ jew ix-xiri ta' beni u teknoloġija, jew ta' servizzi finanzjarji u tekniċi, li jkunu f'pajjiżi terzi biex jiġu ttrasferiti lejn xi pajjiż terz ieħor;

(b)

“pretensjoni” tfisser kull talba, sew asserita bi proċeduri legali jew le, magħmula qabel jew wara d-data tad-dħul fis-seħħ ta' dan ir-Regolament, taħt jew b'rabta ma' kuntratt jew tranżazzjoni, u b'mod partikolari tinkludi: (i) pretensjoni għat-twettiq ta' kull obbligu li jirriżulta skont kuntratt jew tranżazzjoni, jew b'rabta ma' wieħed minnhom; (ii) talba għall-estensjoni jew għall-ħlas ta' bond, ta' garanzija finanzjarja jew ta' indennizz ta' kull forma; (iii) talba għal kumpens marbut ma' kuntratt jew tranżazzjoni; (iv) kontro-talba; (v) talba għar-rikonoxximent jew l-infurzar, inkluż bil-proċedura ta' exequatur, ta' sentenza, ta' deċiżjoni bl-arbitraġġ jew ta' deċiżjoni ekwivalenti, irrispettivament minn fejn tittieħed jew tingħata;

(c)

“kuntratt jew tranżazzjoni” tfisser kwalunkwe tranżazzjoni ta' liema forma hi u tkun xi tkun il-liġi applikabbli, sew jekk tikkonsisti f'kuntratt wieħed jew aktar jew obbligi simili magħmula bejn l-istess partijiet jew differenti; għal dak l-iskop, “kuntratt” jinkludi bond, garanzija jew indennità, b'mod partikolari garanzija finanzjarja jew indennità finanzjarja, u kreditu, sew jekk legalment indipendenti jew le, kif ukoll kwalunkwe dispożizzjoni relatata li taqa' taħt, jew b'konnessjoni ma', it-tranżazzjoni;

(d)	“awtoritajiet kompetenti” tirreferi għall-awtoritajiet kompetenti tal-Istati Membri kif identifikati fuq il-websites elenkati fl-Anness II;

(e)	“riżorsi ekonomiċi” tfisser assi ta' kwalunkwe tip, kemm dawk tanġibbli kif ukoll dawk intanġibbli, mobbli jew immobbli, li mhumiex fondi iżda jistgħu jintużaw biex jinkisbu fondi, oġġetti jew servizzi;

(f)	“l-iffriżar ta' riżorsi ekonomiċi” tfisser il-prevenzjoni tal-użu ta' riżorsi ekonomiċi għall-akkwist ta' fondi, beni jew servizzi b'kull mod, inkluż, iżda mhux limitat għall-bejgħ, il-kiri jew l-użu tagħhom bħala ipoteka;

(g)

“l-iffriżar ta' fondi” tfisser il-prevenzjoni ta' kull moviment, trasferiment, alterazzjoni, użu ta', aċċess għal, jew negozju b'fondi li b'kull mod jirriżulta fi xi bidla fil-volum, fl-ammont, fil-post, fid-dritt tal-proprjetà, fil-pussess, fil-karattru, fid-destinazzjoni tagħhom jew f'bidla oħra li tippermetti li l-fondi jintużaw, inkluż l-immaniġġar ta' portafolji;

(h)

“fondi” tfisser assi finanzjarji u benefiċċji ta' kull xorta, li jinkludu, iżda mhux limitati għal: (i) flus kontanti, ċekkijiet, pretensjonijiet ta' flus, kambjali, ordnijiet ta' flus u strumenti oħra ta' ħlas; (ii) depożiti ma' istituzzjonijiet finanzjarji jew entitajiet oħra, bilanċi fuq kontijiet, dejn u obbligi ta' dejn; (iii) titoli u strumenti ta' dejn innegozjati pubblikament u privatament, inklużi l-istokks u l-ishma, iċ-ċertifikati li jirrappreżentaw titoli, bonds, noti, warrants, obbligazzjonijiet u kuntratti tad-derivattivi; (iv) imgħax, dividends jew introjtu ieħor minn assi jew valur li jakkumula minnhom jew iġġenerat minnhom; (v) kreditu, dritt ta' tpaċija, garanziji, garanziji tal-eżekuzzjoni jew impenji finanzjarji oħra; (vi) ittri ta' kreditu, poloz tat-tagħbija, poloz ta' bejgħ; u (vii) dokumenti li jagħtu prova ta' interess f'fondi jew f'riżorsi finanzjarji;

(i)	“Kumitat tas-Sanzjonijiet” tfisser il-Kumitat tal-Kunsill tas-Sigurtà tan-Nazzjonijiet Uniti stabbilit skont il-paragrafu 3 tal-UNSCR 1591 (2005);

(j)

“assistenza teknika” tfisser kwalunkwe appoġġ tekniku relatat ma' tiswijiet, żvilupp, manifattura, immuntar, ittestjar, manutenzjoni, jew kwalunkwe servizz tekniku ieħor, u tista' tkun f'forma ta' struzzjoni, parir, taħriġ, trażmissjoni ta' għarfien operazzjonali jew ħiliet jew servizzi ta' konsulenza, tinkludi forom verbali ta' assistenza;

(k)	“territorju tal-Unjoni” tfisser it-territorji tal-Istati Membri li għalihom huwa applikabbli t-Trattat, taħt il-kondizzjonijiet stabbiliti fit-Trattat, inkluż l-ispazju tal-ajru tagħhom.

Artikolu 2

Għandu jkun ipprojbit:

(a)

l-għoti ta' assistenza teknika jew servizzi ta' senserija relatati ma' attivitajiet militari u għall-fornitura, manifattura, manutenzjoni u l-użu ta' armi u materjal relatat ta' kull tip, inklużi armi u munizzjon, vetturi u tagħmir militari, tagħmir paramilitari, u l-partijiet ta' sostituzzjoni għalihom, direttament jew indirettament lil kull persuna fiżika jew ġuridika, entità jew korp fi, jew għall-użu fis-Sudan;

(b)

l-għoti ta' finanzi jew assistenza finanzjarja relatati ma' attivitajiet militari, inklużi b'mod partikolari għotjiet, self u assigurazzjoni ta' kreditu fuq esportazzjoni, kif ukoll assigurazzjoni u riassigurazzjoni għal kull bejgħ, forniment, trasferiment jew esportazzjoni ta' armi u materjal relatat, jew għal forniment ta' assistenza teknika relatata, direttament jew indirettament lil kull persuna fiżika jew ġuridika, entità jew korp fi, jew għall-użu fis-Sudan.

Artikolu 3

B'deroga mill-Artikolu 2, l-awtoritajiet kompetenti tal-Istati Membri, jistgħu jawtorizzaw il-forniment ta' finanzjar u assistenza finanzjarja, assistenza teknika u servizzi ta' senserija fir-rigward ta':

(a)	tagħmir militari mhux letali maħsub biss għall-użu umanitarju, użu ta' monitoraġġ tad-drittijiet tal-bniedem jew użu protettiv, jew għall-programmi tan-NU, l-Unjoni Afrikana (UA) u l-Unjoni Ewropea għall-bini ta' istituzzjonijiet;

(b)	materjal maħsub għall-operazzjonijiet ta' maniġġar ta' kriżijiet tal-Unjoni Ewropea, in-NU u tal-UA;

(c)	tagħmir għat-tneħħija tal-mini u materjal għall-użu f'operazzjonijiet tat-tenħħija tal-mini.

Artikolu 4

L-Artikolu 2 ma għandux japplika għal ilbies protettiv, inklużi ġkieket rinforzati bil-metall u elmi militari, temporanjament esportati lejn is-Sudan mill-persunal tan-NU, persunal tal-Unjoni Ewropea jew l-Istati Membri tagħha, rappreżentanti tal-medja, ħaddiema umanitarji u tal-iżvilupp u l-persunal assoċjat għall-użu personali tagħhom biss.

Artikolu 5

1.   Il-fondi u r-riżorsi ekonomiċi kollha li jappartjenu lil, huma proprjetà ta' jew ikkontrollati, direttament jew indirettament, minn persuni fiżiċi jew ġuridiċi, entitajiet jew korpi elenkati fl-Anness I għandhom jiġu ffriżati.

2.   L-ebda fondi jew riżorsi ekonomiċi ma għandu jsir disponibbli, direttament jew indirettament, għal persuni fiżiċi jew ġuridiċi, entitajiet jew korpi elenkati fl-Anness I jew għall-benefiċċju tagħhom.

3.   L-Anness I għandu jinkludi persuni fiżiċi jew ġuridiċi, entitajiet jew korpi li jxekklu l-proċess ta' paċi, jikkostitwixxu theddida għall-istabbiltà tad-Darfur u r-reġjun, li jiksru tal-liġi umanitarja internazzjonali jew tal-liġi dwar id-drittijiet tal-bniedem u jew iwettqu atroċitajiet oħrajn, jiksru l-embargo fuq l-armi u/jew huma responsabbli għal titjir militari offensiv fi u fuq ir-reġjun tad-Darfur, kif indikati mill-Kumitat tas-Sanzjonijiet.

Artikolu 6

1.   B'deroga mill-Artikolu 5, l-awtoritajiet kompetenti fl-Istati Membri, jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jew li jsiru disponibbli ċerti fondi jew riżorsi ekonomiċi ffriżati, skont kundizzjonijiet li jitqiesu xierqa, dejjem jekk jintlaħqu dawn il-kundizzjonijiet:

(a)

l-awtorità kompetenti kkonċernata ddeterminat li l-fondi jew ir-riżorsi ekonomiċi huma: (i) meħtieġa għall-ħtiġijiet bażiċi ta' persuni fiżiċi jew ġuridiċi, entitajiet jew korpi elenkati fl-Annessi I, u tal-membri dipendenti tal-familji ta' dawn il-persuni fiżiċi, inklużi ħlasijiet għal oġġetti tal-ikel, kera jew ipoteki, mediċini u trattament mediku, taxxi, primjums tal-assigurazzjoni, u spejjeż tas-servizzi pubbliċi; (ii) maħsuba esklussivament għall-ħlas ta' tariffi professjonali raġonevoli jew għar-rimborż ta' spejjeż marbutin mal-għoti ta' servizzi legali; jew (iii) maħsuba esklussivament għall-ħlas ta' onorarji jew imposti għal servizzi għall-kustodja normali jew għall-manutenzjoni normali ta' fondi jew riżorsi ekonomiċi ffriżati; u

(b)	l-Istat Membru kkonċernat ikun innotifika lill-Kumitat tas-Sanzjonijiet bid-deċiżjoni msemmija fil-punt (a) u bl-intenzjoni tiegħu li jagħti l-awtorizzazzjoni, u li l-Kumitat tas-Sanzjonijiet ma jkunx oġġezzjona għal din l-azzjoni fi żmien jumejn ta' xogħol min-notifika.

2.   B'deroga mill-Artikolu 5, l-awtoritajiet kompetenti tal-Istati Membri jistgħu jawtorizzaw ir-rilaxx ta' ċerti fondi u riżorsi ekonomiċi ffriżati jew jagħmlu disponibbli ċerti fondi jew riżorsi ekonomiċi, wara li jiddeterminaw li l-fondi jew ir-riżorsi ekonomiċi huma meħtieġa minħabba spejjeż straordinarji, u dejjem jekk l-Istat Membru kkonċernat ikun innotifika lill-Kumitat tas-Sanzjonijiet b'din id-deċiżjoni, u l-Kumitat tas-Sanzjonijiet ikun approva din id-deċiżjoni.

Artikolu 7

B'deroga mill-Artikolu 5, l-awtoritajiet kompetenti tal-Istati Membri jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jekk ikunu sodisfatti l-kondizzjonijiet li ġejjin:

(a)

il-fondi jew ir-riżorsi ekonomiċi kkonċernati huma s-suġġett ta' garanzija ġudizzjarja, amministrattiva jew arbitrali stabbilita qabel id-data li fiha l-persuna, l-entità jew il-korp imsemmijin fl-Artikolu 5 jkunu ġew inklużi fl-Anness I, jew ta' sentenza ġudizzjarja, amministrattiva jew arbitrali mogħtija qabel dik id-data;

(b)

il-fondi jew ir-riżorsi ekonomiċi ser jintużaw esklussivament sabiex jintlaħqu l-pretensjonijiet żgurati minn tali rahan jew rikonoxxuti bħala validi f'tali sentenza, fil-limiti stabbiliti mil-liġijiet u r-regolamenti applikabbli li jirregolaw id-drittijiet ta' persuni li jkollhom tali pretensjonijiet;

(c)	il-garanzija jew is-sentenza mhijiex għall-benefiċċju ta' persuna, entità jew korp elenkati fl-Anness I;

(d)	ir-rikonoxximent li l-garanzija jew is-sentenza ma tmurx kontra l-politika pubblika fl-Istat Membru kkonċernat; u

(e)	il-Kumitat tas-Sanzjonijiet ikun ġie nnotifikat mill-Istat Membru bil-garanzija jew bis-sentenza.

Artikolu 8

1.   L-Artikolu 5(2) ma għandux jipprevjeni l-akkreditament tal-kontijiet iffriżati minn istituzzjonijiet finanzjarji jew ta' kreditu li jirċievu fondi trasferiti minn partijiet terzi fil-kont tal-persuna, entità jew korp elenkati fl-Anness I, bil-kondizzjoni li kwalunkwe żjieda bħal dawn lil tali kontijiet tiġi ffriżata wkoll. L-istituzzjonijiet finanzjarji jew ta' kreditu għandhom jgħarrfu mingħajr dewmien lill-awtorità kompetenti rilevanti dwar kwalunkwe tali operazzjoni.

2.   L-Artikolu 5(2) ma għandux japplika maż-żieda mal-kontijiet iffriżati ta':

(a)	imgħax jew qligħ ieħor fuq dawn il-kontijiet;

(b)	pagamenti dovuti taħt kuntratti, ftehimiet jew obbligi li jkunu ġew konklużi jew li nħolqu qabel id-data li fiha l-persuna fiżika jew ġuridika, entità jew korp imsemmija fl-Artikolu 5 ġew inklużi fl-Anness I; jew

(c)	pagamenti dovuti taħt garanzija jew sentenza ġudizzjarja, amministrattiva jew arbitrali, kif imsemmi fl-Artikolu 7;

bil-kondizzjoni li kwalunkwe imgħax, dħul ieħor u ħlasijiet bħal dawn ikunu ffriżati skont l-Artikolu 5(1).

Artikolu 9

1.   Mingħajr preġudizzju għar-regoli applikabbli dwar ir-rappurtar, il-kunfidenzjalità u s-segretezza professjonali, il-persuni fiżiċi u ġuridiċi, l-entitajiet u l-korpi għandhom:

(a)

jagħtu minnufih kull tali informazzjoni li tiffaċilita l-konformità ma' dan ir-Regolament, bħall-informazzjoni fuq kontijiet u l-ammonti ffriżati skont l-Artikolu 5 lill-awtoritajiet kompetenti tal-Istati Membri fejn ikunu residenti jew fejn jinsabu, u jittrażmettu tali informazzjoni, direttament jew permezz tal-awtoritajiet kompetenti lill-Kummissjoni; u

(b)	jikkoperaw mal-awtoritajiet kompetenti elenkati fl-Anness II fi kwalunkwe verifika ta' dan it-tagħrif.

2.   Kwalunkwe informazzjoni addizzjonali li tirċievi l-Kummissjoni b'mod dirett għandha issir disponibbli lill-Istati Membri.

3.   Kull informazzjoni li tingħata jew li tiġi riċevuta skont dan l-Artikolu għandha tintuża biss għall-finijiet li għalihom tkun ġiet pprovduta jew riċevuta.

Artikolu 10

Il-parteċipazzjoni, konsapevolment u intenzjonalment, f'attivitajiet li għandhom l-għan jew l-effett li jevitaw il-miżuri msemmija fl-Artikoli 2 u 5 għandha tkun ipprojbita.

Artikolu 11

1.   L-iffriżar ta' fondi u riżorsi ekonomiċi jew ir-rifjut li dawn il-fondi jew ir-riżorsi ekonomiċi jsiru disponibbli, imwettqin bona fede u abbażi li dawn l-azzjonijiet ikunu konformi ma' dan ir-Regolament, ma għandhom joħolqu l-ebda tip ta' responsabbiltà fuq il-persuna fiżika jew ġuridika, l-entità jew il-korp li jkunu qed jimplimentawhom, la għad-diretturi u lanqas għall-impjegati tagħhom, sakemm ma jiġix ippruvat li l-fondi u r-riżorsi ekonomiċi ġew iffriżati jew miżmuma minħabba negliġenza.

2.   L-azzjonijiet mill-persuni fiżiċi jew ġuridiċi, entitajiet jew korpi ma għandhomx jagħtu lok għal responsabbiltà tal-ebda xorta fuq in-naħa tagħhom jekk huma ma kinux jafu, u ma kellhom l-ebda raġuni valida biex jissuspettaw, li l-azzjonijiet tagħhom kienu se jiksru l-miżuri stabbiliti f'dan ir-Regolament.

Artikolu 12

1.   Ebda pretensjoni b'konnessjoni ma' kwalunkwe kuntratt jew tranżazzjoni fejn il-prestazzjoni ta' dawn ġiet affettwata, direttament jew indirettament, b'mod sħiħ jew parzjalment, mill-miżuri imposti skont dan ir-Regolament inklużi pretensjonijiet għal indennizz jew kwalunkwe pretensjoni oħra ta' dan it-tip, bħal pretensjoni għal kumpens jew pretensjoni taħt garanzija, b'mod partikolari pretensjoni għal estensjoni jew ħlas ta' bond, garanzija jew indennizz, b'mod partikolari garanzija finanzjarja jew indennizz finanzjarja, ta' kwalunkwe għamla, ma tiġi sodisfatta, jekk din issir minn:

(a)	mill-persuni fiżiċi jew ġuridiċi, mill-entitajiet jew mill-korpi nnominati, elenkati fl-Anness I;

(b)	minn kull persuna, entità jew korp li jaġixxu permezz ta' waħda mill-persuni, l-entitajiet jew il-korpi jew li jaġixxu f'isimhom, imsemmija fil-punt (a).

2.   Fi kwalunkwe proċedura għall-infurzar ta' pretensjoni, l-obbligu biex ikun ippruvat li l-issodisfar tal-pretensjoni mhux ipprojbit bil-paragrafu 1, għandu jkun fuq il-persuna fiżika jew ġuridika, l-entità jew il-korp li jkunu qed ifittxu l-infurzar ta' dik il-pretensjoni.

3.   Dan l-Artikolu huwa bla preġudizzju għad-dritt tal-persuni fiżiċi jew ġuridiċi, l-entitajiet u l-korpi msemmija fil-paragrafu 1 għal reviżjoni ġudizzjarja tal-legalità tan-non adempiment ta' obbligi kuntrattwali skont dan ir-Regolament.

Artikolu 13

1.   Il-Kummissjoni u l-Istati Membri għandhom jinfurmaw minnufih lil xulxin dwar il-miżuri meħuda taħt dan ir-Regolament u għandhom jikkondividu kull informazzjoni oħra rilevanti li jkollhom għad-dispożizzjoni tagħhom b'rabta ma' dan ir-Regolament, partikolarment informazzjoni fir-rigward ta':

(a)	fondi ffriżati taħt l-Artikolu 5 u awtorizzazzjonijiet mogħtija taħt l-Artikoli 6, 7 u 8;

(b)	ksur u problemi ta' infurzar u sentenzi mogħtija mill-qrati nazzjonali.

2.   L-Istati Membri għandhom jinfurmaw minnufih lil xulxin u lill-Kummissjoni dwar kull informazzjoni oħra relevanti li jkollhom għad-dispożizzjoni tagħhom li tista' taffettwa l-implimentazzjoni effettiva ta' dan ir-Regolament.

Artikolu 14

1. Il-Kummissjoni hija mogħtija s-setgħa li temenda l-Anness II abbażi tal-informazzjoni mogħtija mill-Istati Membri.

Artikolu 15

1.   Fejn il-Kunsill ta' Sigurtà tan-NU jew il-Kumitat tas-Sanzjonijiet jelenka persuna fiżika jew ġuridika, entità jew korp u jkun ipprovda dikjarazzjoni tar-raġunijiet għall-elenakar, il-Kunsill għandu jinkludi lil dik il-persuna fiżika jew ġuridika, entità jew korp fl-Anness I. Il-Kunsill għandu jikkomunika d-deċiżjoni tiegħu u d-dikjarazzjoni ta' raġunijiet lill-persuna fiżika jew ġuridika, entità jew korp ikkonċernat, jew direttament, jekk l-indirizz ikun magħruf, jew permezz tal-pubblikazzjoni ta' avviż, fejn dik il-persuna fiżika jew ġuridika, entità jew korp jingħataw l-opportunità li jippreżentaw osservazzjonijiet.

2.   Meta jitressqu osservazzjonijiet jew meta tiġi ppreżentata evidenza ġdida sostanzjali, il-Kunsill għandu jirrevedi d-deċiżjoni tiegħu u jinforma lill-persuna fiżika jew ġuridika, l-entità jew l-korp skont dan.

3.   Fejn in-Nazzjonijiet Uniti jiddeċiedu li jneħħu mil-lista persuna, entità jew korp, jew li jemendaw id-data ta' identifikazzjoni ta' persuna fiżika jew ġuridika, entità jew korp elenkat, il-Kunsill għandu jemenda l-Anness I skont dan.

Artikolu 16

L-Anness I għandu jinkludi, fejn disponibbli, informazzjoni pprovduta mill-Kunsill ta' Sigurtà tan-NU jew mill-Kumitat tas-Sanzjonijiet neċessarja biex jiġu identifikati l-persuni fiżiċi jew ġuridiċi, l-entitajiet jew il-korpi kkonċernati. Fir-rigward tal-persuni fiżiċi, tali informazzjoni tista' tinkludi ismijiet, inklużi psewdonomi, data u post tat-twelid, ċittadinanza, numru tal-passaport u numru tal-identità, sess, indirizz, jekk magħruf, u funzjoni jew professjoni. Fir-rigward ta' persuni ġuridiċi, entitajiet jew korpi tali informazzjoni tista' tinkludi ismijiet, post u data ta' reġistrazzjoni, numru ta' reġistrazzjoni u post ta' negozju. L-Anness I għandu jinkludi wkoll id-data ta' elenkar mill-Kunsill ta' Sigurtà jew mill-Kumitat tas-Sanzjonijiet.

Artikolu 17

1.   L-Istati Membri għandhom jistabbilixxu r-regoli dwar il-penalitajiet applikabbli għall-ksur ta' dan ir-Regolament u għandhom jieħdu l-miżuri kollha meħtieġa biex jiżguraw li dawn jiġu implimentati. Il-pieni mogħtija għandhom ikunu effettivi, proporzjonati u dissważivi.

2.   L-Istati Membri għandhom jinnotifikaw dawn ir-regoli lill-Kummissjoni mingħajr dewmien wara d-dħul fis-seħħ ta' dan ir-Regolament, u jinnotifikawha b'kull emenda sussegwenti.

Artikolu 18

1.   L-Istati Membri għandhom jinnominaw lill-awtoritajiet kompetenti msemmija f'dan ir-Regolament u jidentifikawhom fuq il-websites elenkati fl-Anness II. L-Istati Membri għandhom jinnotifikaw lill-Kummissjoni b'kull tibdil fl-indirizzi tal-websites tagħhom elenkati fl-Anness II.

2.   L-Istati Membri għandhom jinnotifikaw lill-Kummissjoni dwar l-awtoritajiet kompetenti tagħhom, inklużi d-dettalji ta' kuntatt ta' dawn l-awtoritajiet kompetenti, mingħajr dewmien wara d-dħul fis-seħħ ta' dan ir-Regolament, u għandhom jinnotifikawha b'kull emenda sussegwenti.

3.   Fejn dan ir-Regolament jistabbilixxi rekwiżit li l-Kummissjoni tiġi nnotifikata jew infurmata, jew li għandha ssir xi komunikazzjoni magħha xorta oħra, l-indirizz u d-dettalji l-oħrajn tal-kuntatt li jintużaw għal din il-komunikazzjoni għandhom ikunu dawk indikati fl-Anness II.

Artikolu 19

Dan ir-Regolament għandu japplika:

(a)	fit-territorju tal-Unjoni, inkluż l-ispazju tal-ajru tagħha;

(b)	abbord kull inġenju tal-ajru jew kull bastiment fil-ġuriżdizzjoni ta' Stat Membru;

(c)	għal kwalunkwe persuna fit-territorju tal-Unjoni jew lil hinn minnu li tkun ċittadina ta' Stat Membru;

(d)	għal kull persuna ġuridika, entità jew korp, ġewwa jew barra mit-territorju tal-Unjoni, li jkunu inkorporati jew kostitwiti taħt il-liġi ta' Stat Membru;

(e)	għal kwalunkwe persuni, entità jew korp fir-rigward ta' kull negozju li jsir kompletament jew parzjalment fl-Unjoni.

Artikolu 20

Ir-Regolamenti (KE) Nru 131/2004 u (KE) Nru 1184/2005 huma b'dan imħassra. Ir-referenzi għar-Regolamenti mħassra għandhom jitqiesu bħala referenzai għal dan ir-Regolament u għar-Regolament (UE) Nru 748/2014.

Artikolu 21

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  Ara paġna 106 ta' dan il-Ġurnal Uffiċjali.

(2)  Pożizzjoni Komuni tal-Kunsill 2004/31/PESK tad-9 ta' Jannar 2004 dwar l-imposizzjoni ta' embargo fuq l-armi, il-munizzjoni u t-tagħmir militari fuq is-Sudan (ĠU L 6, 10.1.2004, p. 55).

(3)  Deċiżjoni tal-Kunsill 94/165/PESK tal-15 ta' Marzu 1994 dwar il-Pożizzjoni Komuni ddefinita fuq il-bażi tal-Artikolu J.2 tat-Trattat dwar l-Unjoni Ewropea li tikkonċerna l-impożizzjoni ta' embargo fuq l-armi, il-munizzjoni u t-tagħmir militari fuq is-Sudan (ĠU L 75, 17.3.1994, p. 1).

(4)  Regolament tal-Kunsill (KE) Nru 131/2004 tas-26 ta' Jannar 2004 jimponi ċerti miżuri restrittivi fir-rigward tas-Sudan u s-Sudan t'Isfel (ĠU L 21, 28.1.2004, p. 1).

(5)  Pożizzjoni Komuni tal-Kunsill 2005/411/PESK tat-30 ta' Mejju 2005 dwar miżuri restrittivi kontra s-Sudan u li tħassar il-Pożizzjoni Komuni 2004/31/PESK (ĠU L 139, 2.6.2005, p. 25).

(6)  Regolament tal-Kunsill (KE) Nru 1184/2005 tat-18 ta' Lulju 2005 li jimponi ċerti miżuri restrittivi speċifiċi diretti kontra ċerti persuni li jfixklu l-proċess ta' paċi u jiksru d-dritt internazzjonali fil-kunflitt fir-reġjun tad-Darfur fis-Sudan (ĠU L 193, 23.7.2005, p. 9).

(7)  Deċiżjoni tal-Kunsill 2011/423/PESK tat-18 ta' Lulju 2011 dwar miżuri restrittivi kontra s-Sudan u li tirrevoka l-Pożizzjoni Komuni 2005/411/PESK (ĠU L 188, 19.7.2011, p. 20).

(8)  Regolament tal-Kunsill (UE) Nru 748/2014 tal-10 ta' Lulju 2014 dwar miżuri restrittivi fir-rigward tas-sitwazzjoni fis-Sudan t'Isfel (ara paġna 13 ta' dan il-Ġurnal Uffiċjali).

(9)  Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-movement liberu ta' dak id-data (ĠU L 8, 12.1.2001, p. 1).

(10)  Direttiva 95/46/KE tal-Parlament Ewropew u tal-Kunsill tal-24 ta' Ottubru, 1995 dwar il-protezzjoni ta' individwi fir-rigward tal-ipproċessar ta' data personali u dwar il-moviment liberu ta' dik id-data (ĠU L 281, 23.11.1995, p. 31).

---

---

---

11.7.2014

MT

Il-Ġurnal Uffiċjali tal-Unjoni Ewropea

L 203/13

---

REGOLAMENT TAL-KUNSILL (UE) Nru 748/2014

tal-10 ta' Lulju 2014

dwar miżuri restrittivi fir-rigward tas-sitwazzjoni fis-Sudan t'Isfel

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2014/449/PESK tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan t'Isfel (1),

Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u mill-Kummissjoni Ewropea,

Billi:

(1)	Fit-18 ta' Lulju 2011, il-Kunsill adotta d-Deċiżjoni 2011/423/PESK (2) li estendiet l-embargo tal-armi fuq is-Sudan sabiex ikopri s-Sudan t'Isfel.

(2)	Fl-24 ta' Novembru 2011, il-Kunsill adotta r-Regolament (UE) Nru 1215/2011 (3) li estenda l-kamp ta' applikazzjoni tal-embargo tal-armi għas-Sudan t'Isfel.

(3)

Fl-10 ta' Lulju 2014, il-Kunsill adotta d-Deċiżjoni 2014/449/PESK li tissepara l-miżuri li jirrigwardaw is-Sudan t'Isfel u tintegrahom f'att legali uniku u tipprovdi għal restrizzjonijiet fuq l-ammissjoni u l-iffriżar ta' fondi u riżorsi ekonomiċi ta' persuni li jostakolaw il-proċess politiku fis-Sudan t'Isfel, inkluż permezz ta' atti ta' vjolenza jew ksur ta' ftehim ta' waqfien mill-ġlied, kif ukoll ta' persuni responsabbli għal vjolazzjonijiet serji tad-drittijiet tal-bniedem fis-Sudan t'Isfel.

(4)

Dawk il-miżuri jaqgħu fil-kamp ta' applikazzjoni tat-Trattat dwar il-Funzjonament tal-Unjoni Ewropea u, għalhekk, bil-ħsieb, b'mod partikolari, li tkun żgurata l-applikazzjoni uniformi tagħhom fl-Istati Membri kollha, hija meħtieġa azzjoni regolatorja fil-livell tal-Unjoni sabiex dawn ikunu implimentati.

(5)

Għal raġunijiet ta' ċarezza, il-miżuri li jikkonċernaw is-Sudan t'Isfel għandhom ikunu separati minn miżuri dwar is-Sudan. Għalhekk, ir-Regolament tal-Kunsill (KE) Nru 131/2004 għandu jiġi sostitwit b'dan ir-Regolament sa fejn jikkonċerna s-Sudan t'Isfel. Ir-Regolament (KE) Nru 131/2004 (4) għandu wkoll jiġi sostitwit bir-Regolament tal-Kunsill (UE) Nru 747/2014 (5) sa fejn jikkonċerna s-Sudan t'Isfel.

(6)

Dan ir-Regolament jirrispetta d-drittijiet fundamentali u josserva l-prinċipji rikonoxxuti b'mod partikolari mill-Karta tad-Drittijiet Fundamentali tal-Unjoni Ewropea u b'mod partikolari d-dritt għal rimedju effettiv u għal smigħ ġust u d-dritt għall-protezzjoni tad-dejta personali. Dan ir-Regolament għandu jiġi applikat skont dawk id-drittijiet.

(7)

Is-setgħa biex tiġi emendata l-lista fl-Anness I ta' dan ir-Regolament għandha tiġi eżerċitata mill-Kunsill, fid-dawl tat-theddida speċifika għall-paċi internazzjonali u s-sigurtà fir-reġjun maħluqa bis-sitwazzjoni fis-Sudan t'Isfel u sabiex tiġi żgurata l-konsistenza mal-proċess għall-emendar u r-reviżjoni tal-Anness tad-Deċiżjoni 2014/449/PESK.

(8)

Għall-implimentazzjoni ta' dan ir-Regolament, u sabiex tinħoloq ċertezza ġuridika massima fl-Unjoni, l-ismijiet u dejta oħra relevanti li jikkonċernaw persuni fiżiċi u ġuridiċi, entitajiet u korpi li l-fondi u r-riżorsi ekonomiċi tagħhom iridu jiġu ffriżati f'konformità ma' dan ir-Regolament, iridu jsiru pubbliċi. Kull ipproċessar ta' dejta personali għandu jkun konformi mar-Regolament (KE) Nru 45/2001 tal-Parlament Ewropew u tal-Kunsill (6) u mad-Direttiva 95/46/KE tal-Parlament Ewropew u tal-Kunsill (7).

(9)	Sabiex jiġi żgurat li l-miżuri previsti f'dan ir-Regolament ikunu effettivi, huwa għandu jidħol fis-seħħ minnufih,

ADOTTA DAN IR-REGOLAMENT:

Artikolu 1

Għall-finijiet ta' dan ir-Regolament, japplikaw id-definizzjonijiet li ġejjin:

(a)

“servizzi ta' senserija” tfisser: (i) in-negozjar jew l-arranġament ta' tranżazzjonijiet għax-xiri, il-bejgħ jew il-provvista ta' beni u teknoloġija jew ta' servizzi finanzjarji u tekniċi, minn pajjiż terz lil xi pajjiż terz ieħor; jew (ii) il-bejgħ jew ix-xiri ta' oġġetti u teknoloġija, jew ta' servizzi finanzjarji u tekniċi, li jkunu f'pajjiżi terzi biex jiġu ttrasferiti lejn xi pajjiż terz ieħor;

(b)

“pretensjoni” tfisser kull talba, kemm jekk asserita bi proċeduri ġuridiċi kif ukoll jekk le, magħmula qabel jew wara d-data tad-dħul fis-seħħ ta' dan ir-Regolament, taħt jew b'rabta ma' kuntratt jew tranżazzjoni, u b'mod partikolari tinkludi: (i) pretensjoni għat-twettiq ta' kull obbligu li jirriżulta skont kuntratt jew tranżazzjoni, jew b'rabta ma' wieħed minnhom; (ii) talba għall-estensjoni jew għall-ħlas ta' bond, ta' garanzija finanzjarja jew ta' indennizz ta' kull forma; (iii) talba għal kumpens fir-rigwardta' kuntratt jew tranżazzjoni; (iv) kontro-talba; (v) talba għar-rikonoxximent jew l-infurzar, inkluż bil-proċedura ta' exequatur, ta' sentenza, ta' deċiżjoni bl-arbitraġġ jew ta' deċiżjoni ekwivalenti, irrispettivament minn fejn tittieħed jew tingħata;

(c)

“kuntratt jew tranżazzjoni” tfisser kull forma ta' tranżazzjoni u tkun xi tkun il-liġi applikabbli għaliha, kemm jekk tinkludi kuntratt, jew obbligu simili, wieħed kif ukoll aktar magħmula bejn l-istess partijiet jew bejn partijiet differenti; għal dak l-iskop, “kuntratt” tinkludi bond, garanzija jew indennità, b'mod partikolari garanzija finanzjarja jew indennità finanzjarja, u kreditu, kemm jekk legalment indipendenti kif ukoll jekk le, kif ukoll kwalunkwe dispożizzjoni relatata li taqa' taħt, it-tranżazzjoni jew b'konnessjoni magħha;

(d)	“awtoritajiet kompetenti” tirreferi għall-awtoritajiet kompetenti tal-Istati Membri kif identifikati fuq il-websajts elenkati fl-Anness II;

(e)	“riżorsi ekonomiċi” tfisser assi ta' kull xorta, kemm jekk tanġibbli kif ukoll jekk intanġibbli, mobbli jew immobbli, li mhumiex fondi iżda li jistgħu jintużaw biex jinkisbu fondi, beni jew servizzi;

(f)	“iffriżar ta' riżorsi ekonomiċi” tfisser il-prevenzjoni tal-użu ta' riżorsi ekonomiċi għall-akkwist ta' fondi, oġġetti jew servizzi bi kwalunkwe mod, inklużi, iżda mhux biss, il-bejgħ, il-kiri jew l-ipotekar tagħhom

(g)

“l-iffriżar ta' fondi” tfisser il-prevenzjoni ta' kull moviment, trasferiment, alterazzjoni, użu ta', aċċess għal, jew negozju b'fondi li b'xi mod jirriżulta f'xi bidla fil-volum, fl-ammont, fil-post, fis-sjieda, fil-pussess, fil-karattru, fid-destinazzjoni tagħhom jew f'bidla oħra li tippermetti li l-fondi jintużaw, inkluż l-immaniġġar ta' portafolji;

(h)

“fondi” tfisser assi finanzjarji u benefiċċji ta' kull xorta, li jinkludu, iżda mhumiex limitati għal: (i) flus kontanti, ċekkijiet, pretensjonijiet ta' flus, kambjali, ordnijiet ta' flus u strumenti oħra ta' ħlas; (ii) depożiti ma' istituzzjonijiet finanzjarji jew entitajiet oħra, bilanċi fuq kontijiet, dejn u obbligi ta' dejn; (iii) titoli u strumenti ta' dejn innegozjati pubblikament u privatament, inklużi l-istokks u l-ishma, iċ-ċertifikati li jirrappreżentaw titoli, bonds, noti, warrants, obbligazzjonijiet u kuntratti tad-derivattivi; (iv) imgħax, dividends jew introjtu ieħor minn assi jew valur li jakkumula minnhom jew iġġenerat minnhom; (v) kreditu, dritt ta' tpaċija, garanziji, garanziji tal-eżekuzzjoni jew impenji finanzjarji oħra; (vi) ittri ta' kreditu, poloz tat-tagħbija, poloz ta' bejgħ; u (vii) dokumenti li jagħtu prova ta' interess f'fondi jew f'riżorsi finanzjarji;

(i)

“assistenza teknika” tfisser kull appoġġ tekniku relatat ma' tiswijiet, żvilupp, manifattura, immuntar, ittestjar, manutenzjoni, jew kull servizz tekniku ieħor, u tista' tkun f'forma ta' istruzzjoni, parir, taħriġ, trażmissjoni ta' konoxxenza operazzjonali jew ħiliet jew servizzi ta' konsulenza, inklużi forom verbali ta' assistenza;

(j)	“territorju tal-Unjoni” tfisser it-territorji tal-Istati Membri li għalihom huwa applikabbli t-Trattat, taħt il-kondizzjonijiet stabbiliti fit-Trattat, inkluż l-ispazju tal-ajru tagħhom.

Artikolu 2

Huma pprojbiti:

(a)

l-għoti ta' assistenza teknika jew servizzi ta' senserija relatati ma' attivitajiet militari u għall-fornitura, manifattura, manutenzjoni u l-użu ta' armi u materjal relatat ta' kull tip, inklużi armi u munizzjon, vetturi u tagħmir militari, tagħmir paramilitari, u l-partijiet ta' sostituzzjoni għalihom, direttament jew indirettament lil kull persuna fiżika jew ġuridika, entità jew korp fis-Sudan t'Isfel jew għall-użu fih;

(b)

l-għoti ta' finanzjament jew assistenza finanzjarja relatati ma' attivitajiet militari, inklużi b'mod partikolari għotjiet, self u assigurazzjoni ta' kreditu fuq l-esportazzjoni, kif ukoll assigurazzjoni u riassigurazzjoni, għal kull bejgħ, fornitura, trasferiment jew esportazzjoni ta' armi u materjal relatat, jew għal kull għotja ta' assistenza teknika relatata, direttament jew indirettament lejn kull persuna fiżika jew ġuridika, entità jew korp fis-Sudan t'Isfel jew għall-użu fih.

Artikolu 3

B'deroga mill-Artikoli 2, l-awtoritajiet kompetenti tal-Istati Membri jistgħu jawtorizzaw il-forniment ta' finanzjament u assistenza finanzjarja, assistenza teknika u servizzi ta' senserija fir-rigward ta':

(a)	apparat militari mhux letali maħsub unikament għall-użu umanitarju, ta' monitoraġġ tad-drittijiet tal-bniedem jew għal użu protettiv, jew għal programmi ta' bini ta' istituzzjonijiet tan-NU, l-Unjoni Afrikana (UA), l-Unjoni Ewropea u l-Awtorità Intergovernattiva għall-Iżvilupp (IGAD);

(b)	materjal maħsub għall-Operazzjonijiet għall-ġestjoni tal-kriżijiet tal-Unjoni Ewropea, in-NU u l-UA;

(c)	apparat għat-tneħħija tal-mini u materjal għall-użu f'operazzonijiet tat-tneħħija tal-mini;

(d)	għajnuna għal proċess ta' Riforma fis-Settur tas-Sigurtà fis-Sudan t'Isfel.

Artikolu 4

L-Artikoli 2 ma għandhomx japplikaw għal ilbies protettiv, inklużi ġkieket rinforzati bil-metall u elmi militari, temporanjament esportati lejn is-Sudan t'Isfel mill-persunal tal-Unjoni Ewropea, mill-persunal tan-NU jew tal-IGAD jew minn rappreżentanti tal-midja, ħaddiema umanitarji u tal-iżvilupp u l-persunal assoċjat għall-użu personali tagħhom biss.

Artikolu 5

1.   Il-fondi u r-riżorsi ekonomiċi kollha li jappartjenu, li huma l-proprjetà, jew li huma fil-pussess jew taħt il-kontroll ta' xi persuna fiżika jew ġuridika, entità jew korp elenkat fl-Anness I jiġu ffriżati.

2.   L-ebda fond jew riżorsa ekonomika ma jitqiegħdu għad-disposizzjoni, direttament jew indirettament, jew għall-beneficċju ta' persuni fiżiċi jew ġuridiċi, entitajiet jew korpi kif elenkati fl-Anness I.

3.   L-Anness I għandu jinkludi persuni fiżiċi jew ġuridiċi, entitajiet u korpi li qed ixekklu l-proċess politiku fis-Sudan t'Isfel, inkluż b'atti ta' vjolenza jew ksur ta' ftehimiet ta' waqfien mill-ġlied, kif ukoll persuni responsabbli għal ksur serju ta' drittijiet tal-bniedem fis-Sudan t'Isfel, u persuni fiżiċi jew ġuridiċi, entitajiet jew korpi assoċjati magħhom.

4.   L-Anness I għandu jinkludi r-raġunijiet għall-elenkar tal-persuni fiżiċi jew ġuridiċi, entitajiet jew korpi konċernati.

5.   L-Anness I għandu jinkludi, fejn disponibbli, informazzjoni meħtieġa biex jiġu identifikati l-persuni fiżiċi jew ġuridiċi, entitajiet jew korpi konċernati. Fir-rigward tal-persuni fiżiċi, tali informazzjoni tista' tinkludi ismijiet, inklużi psewdonimi, id-data u l-post tat-twelid, in-nazzjonalità, in-numru tal-passaport u tal-karta tal-identità, is-sess, l-indirizz, jekk magħruf, u l-funzjoni jew il-professjoni. Fir-rigward ta' persuni ġuridiċi, entitajiet jew korpi, tali informazzjoni tista' tinkludi ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju.

Artikolu 6

1.   B'deroga mill-Artikolu 5, l-awtoritajiet kompetenti tal-Istati Membri jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati jew li jsiru disponibbli ċerti fondi jew riżorsi ekonomiċi, taħt dawk il-kondizzjonijiet li jidhrilhom xierqa, wara li jkunu ddeterminaw li l-fondi jew riżorsi ekonomiċi kkonċernati huma:

(a)

meħtieġa biex jissodisfaw il-ħtiġijiet bażiċi ta' persuni fiżiċi jew ġuridiċi, entitajiet jew korpi elenkati fl-Annessi I, u tal-membri dipendenti tal-familji ta' dawn il-persuni fiżiċi, inklużi ħlasijiet għal oġġetti tal-ikel, kera jew ipoteki, mediċini u trattament mediku, taxxi, primjums tal-assigurazzjoni, u spejjeż tal-utilitajiet pubbliċi;

(b)	maħsuba esklussivament għall-ħlas ta' tariffi professjonali raġonevoli jew għar-rimborż ta' spejjeż marbutin mal-għoti ta' servizzi legali;

(c)	maħsuba esklussivament għall-ħlas ta' tariffi jew imposti fuq servizz taż-żamma normali jew manteniment normali ta' fondi jew riżorsi ekonomiċi ffriżati; jew

(d)

meħtieġa għal spejjeż straordinarji, bil-kondizzjoni li l-awtorità kompetenti relevanti tkun innotifikat lill-awtoritajiet kompetenti tal-Istati Membri l-oħrajn u lill-Kummissjoni bir-raġunijiet li għalihom hija tikkunsidra li għandha tingħata awtorizzazzjoni speċifika, mill-inqas ġimagħtejn qabel l-awtorizzazzjoni.

2.   L-Istat Membru kkonċernat għandu jinforma lill-Istati Membri l-oħrajn u lill-Kummissjoni dwar kull awtorizzazzjoni mogħtija taħt il-paragrafu 1.

Artikolu 7

1.   B'deroga mill-Artikolu 5, l-awtoritajiet kompetenti fl-Istat Membru jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jekk ikunu sodisfatti l-kondizzjonijiet li ġejjin:

(a)

il-fondi jew ir-riżorsi ekonomiċi huma l-oġġett ta' deċiżjoni arbitrarja stabbilita qabel id-data li fiha l-persuna fiżika jew ġuridika, l-entità jew korp imsemmijin fl-Artikolu 5 ġew elenkati fl-Anness I, jew ta' deċiżjoni ġudizzjarja jew amministrattiva mogħtija fi Stat Membru tal-UE, jew deċiżjoni ġudizzjarja infurzabbli fl-Istat Membru kkonċernat, qabel jew wara dik id-data;

(b)

il-fondi jew riżorsi ekonomiċi ser jintużaw esklussivament biex jagħmlu tajjeb għal pretensjonijiet assigurati minn tali deċiżjoni jew rikonoxxuti bħala validi f'tali deċiżjoni, fil-limiti stabbiliti mil-liġijiet u regolamenti applikabbli li jirregolaw id-drittijiet ta' persuni li jkollhom tali pretensjoni;

(c)	id-deċiżjoni mhijiex għall-benefiċċju ta' persuna fiżika jew ġuridika, entità jew korp elenkati fl-Anness I; u

(d)	ir-rikonoxximent tad-deċiżjoni ma jmurx kontra l-ordni pubbliku fl-Istat Membru kkonċernat.

2.   L-Istat Membru kkonċernat għandu jinforma lill-Istati Membri l-oħrajn u lill-Kummissjoni dwar kull awtorizzazzjoni mogħtija skont il-paragrafu 1.

Artikolu 8

1.   B'deroga mill-Artikolu 5, u bil-kondizzjoni li pagament minn persuna fiżika jew ġuridika, entità jew korp elenkati fl-Anness I ikun dovut taħt kuntratt jew ftehim li ġie konkluż minn, jew skont obbligu li rriżulta għal, il-persuna fiżika jew ġuridika, entità jew korp ikkonċernati qabel id-data meta tali persuna fiżika jew ġuridika, entità jew korp ġew elenkati fl-Anness I, l-awtoritajiet kompetenti tal-Istati Membri jistgħu jawtorizzaw, taħt dawk il-kondizzjonijiet li huma jqisu adattati, ir-rilaxx ta' ċerti fondi ffriżati jew ta' riżorsi ekonomiċi, sakemm l-awtorità kompetenti kkonċernata tkun iddeterminat li:

(a)	il-fondi jew ir-riżorsi ekonomiċi jintużaw għal pagament minn persuna fiżika jew ġuridika, entità jew korp elenkati fl-Anness I; u

(b)	il-pagament mhuwiex bi ksur tal-Artikolu 5(2);

2.   L-Istat Membru kkonċernat għandu jinforma lill-Istati Membri l-oħrajn u lill-Kummissjoni dwar kull awtorizzazzjoni mogħtija taħt il-paragrafu 1.

Artikolu 9

1.   L-Artikolu 5(2) ma għandux jimpedixxi l-ikkreditar ta' kontijiet iffriżati minn istituzzjonijiet finanzjarji jew istituzzjonijiet ta' kreditu li jirċievu fondi ttrasferiti minn partijiet terzi fil-kont ta' persuna fiżika jew ġuridika, tal-entità jew tal-korp elenkati, sakemm kull żieda f'dawn il-kontijiet tiġi ffriżata wkoll. L-istituzzjoni finanzjarja jew ta' kreditu għandha tinforma lill-awtorità kompetenti rilevanti bi kwalunkwe tranżazzjoni bħal din, mingħajr dewmien.

2.   L-Artikolu 5(2) ma japplikax għaż-żieda mal-kontijiet iffriżati ta':

(a)	imgħax jew qligħ ieħor fuq dawn il-kontijiet;

(b)	ħlasijiet dovuti taħt kuntratti, ftehimiet jew obbligi li jkunu ġew konklużi jew li nħolqu qabel id-data li fiha l-persuna fiżika jew ġuridika, l-entità jew il-korp imsemmijin fl-Artikolu 5 jkunu ġew elenkati fl-Anness I; jew

(c)	ħlasijiet dovuti taħt deċiżjonijiet ġudizzjarji, amministrattivi jew arbitrali mogħtija fi Stat Membru tal-UE jew infurzabbli fl-Istat Membru kkonċernat;

sakemm kull imgħax, qligħ u pagament ieħor bħal dawn ikun iffriżat skont l-Artikolu 5(1).

Artikolu 10

1.   Mingħajr preġudizzju għar-regoli applikabbli dwar ir-rappurtar, il-kunfidenzjalità u s-segretezza professjonali, il-persuni fiżiċi u ġuridiċi, l-entitajiet u l-korpi għandhom:

(a)

jagħtu minnufih kull informazzjoni bħal din li tiffaċilita l-konformità ma' dan ir-Regolament, bħal informazzjoni dwar kontijiet u ammonti ffriżati skont l-Artikolu 5 lill-awtorità kompetenti tal-Istat Membru fejn ikunu residenti jew fejn jinsabu, u jittrażmettu kull informazzjoni bħal din, direttament jew permezz tal-Istat Membru, lill-Kummissjoni; u

(b)	jikkooperaw mal-awtorità kompetenti f'kull verifika ta' din l-informazzjoni.

2.   Kull informazzjoni addizzjonali riċevuta direttament mill-Kummissjoni għandha titqiegħed għad-dispożizzjoni tal-Istati Membri.

3.   Kull informazzjoni li tingħata jew li tiġi riċevuta skont dan l-Artikolu għandha tintuża biss għall-finijiet li għalihom tkun ġiet ipprovduta jew riċevuta.

Artikolu 11

Il-parteċipazzjoni, xjentement u intenzjonalment, f'attivitajiet li l-għan jew l-effett tagħhom huwa ċ-ċirkonvenzjoni tal-miżuri msemmija fl-Artikoli 2 u 5 hija pprojbita.

Artikolu 12

1.   L-iffriżar ta' fondi u riżorsi ekonomiċi, jew ir-rifjut li dawn il-fondi jew riżorsi ekonomiċi jsiru disponibbli, li jsiru bona fede u fuq il-bażi li tali azzjoni hija konformi ma' dan ir-Regolament, ma għandhom joħolqu ebda tip ta' responsabbiltà għall-persuna fiżika jew ġuridika, jew l-entità jew il-korp li jkunu qed jimplimentawhom, jew għad-diretturi jew impjegati tagħhom, sakemm ma jiġix ippruvat li l-fondi u r-riżorsi ekonomiċi ġew iffriżati jew miżmuma bħala riżultat ta' negliġenza.

2.   L-azzjonijiet minn persuni fiżiċi jew ġuridiċi, entitajiet jew korpi ma għandhomx joħolqu ebda tip ta' responsabbiltà fuq in-naħa tagħhom jekk huma ma kinux jafu, u ma kellhom l-ebda raġuni valida biex jissuspettaw, li l-azzjonijiet tagħhom kienu se jiksru l-miżuri stabbiliti f'dan ir-Regolament.

Artikolu 13

1.   L-ebda pretensjoni b'konnessjoni ma' xi kuntratt jew tranżazzjoni li l-adempimenttagħhom ġie affettwat, direttament jew indirettament, b'mod sħiħ jew parzjalment, mill-miżuri imposti taħt dan ir-Regolament, inklużi pretensjonijiet għal indennizz jew kwalunkwe pretensjoni oħra ta' dan it-tip, bħal pretensjoni għal kumpens jew pretensjoni taħt garanzija, b'mod partikolari pretensjoni għal estensjoni jew ħlas ta' bond, garanzija jew indennizz, b'mod partikolari garanzija finanzjarja jew indennizz finanzjarju, ta' kwalunkwe għamla, ma għandha tiġi sodisfatta, jekk din issir:

(a)	minn persuni fiżiċi jew ġuridiċi, entitajiet jew korpi nnominati, elenkati fl-Anness I;

(b)	minn kull persuna fiżika jew ġuridika, entità jew korp li jaġixxu permezz ta', jew f'isem, waħda mill-persuni, entitajiet jew korpi msemmija fil-punt (a).

2.   Fi kwalunkwe proċedura għall-infurzar ta' pretensjoni, l-oneru tal-prova li l-adempiment tat-talba mhuwiex ipprojbit mill-paragrafu 1 għandu jkun fuq il-persuna fiżika jew ġuridika, l-entità jew il-korp li jitolbu l-infurzar ta' dik il-pretensjoni.

3.   Dan l-Artikolu huwa bla preġudizzju għad-dritt tal-persuni fiżiċi jew ġuridiċi, l-entitajiet u l-korpi msemmijin fil-paragrafu 1 għal reviżjoni ġudizzjarja tal-legalità tan-non adempiment ta' obbligi kuntrattwali skont dan ir-Regolament.

Artikolu 14

1.   Il-Kummissjoni u l-Istati Membri għandhom jinfurmaw minnufih lil xulxin dwar il-miżuri meħuda taħt dan ir-Regolament u jikkondividu kull informazzjoni oħra rilevanti li jkollhom għad-dispożizzjoni tagħhom b'rabta ma' dan ir-Regolament, partikolarment informazzjoni fir-rigward ta':

(a)	fondi ffriżati taħt l-Artikolu 5 u awtorizzazzjonijiet mogħtija skont l-Artikoli 6, 7 u 8;

(b)	ksur u problemi ta' infurzar u sentenzi mogħtija mill-qrati nazzjonali.

2.   L-Istati Membri għandhom jinfurmaw minnufih lil xulxin u lill-Kummissjoni dwar kull informazzjoni oħra relevanti li jkollhom għad-dispożizzjoni tagħhom li tista' taffettwa l-implimentazzjoni effettiva ta' dan ir-Regolament.

Artikolu 15

Il-Kummissjoni hija mogħtija s-setgħa li temenda l-Anness II abbażi tal-informazzjoni mogħtija mill-Istati Membri.

Artikolu 16

1.   Fejn il-Kunsill jiddeċiedi li jagħmel persuna fiżika jew ġuridika, entità jew korp soġġetta għall-miżuri msemmija fl-Artikolu 5, għandu jemenda l-Anness I kif meħtieġ.

2.   Il-Kunsill għandu jikkommunika d-deċiżjoni tiegħu, inklużi r-raġunijiet għall-elenkar, lill-persuna fiżika jew ġuridika, entità jew korp imsemmijin fil-paragrafu 1, direttament jekk l-indirizz ikun magħruf, jew permezz tal-pubblikazzjoni ta' avviż, billi tingħata lill-persuna fiżika jew ġuridika, entità jew korp l-opportunità li jressqu osservazzjonijiet.

3.   Fejn jitressqu osservazzjonijiet, jew tiġi ppreżentata evidenza sostanzjali ġdida, il-Kunsill għandu jirrivedi d-deċiżjoni tiegħu u jinforma b'dan lill-persuna fiżika jew ġuridika, entità jew korp.

4.   Il-lista fl-Anness I għandha tiġi riveduta f'intervalli regolari u għall-inqas kull 12-il xahar.

Artikolu 17

1.   L-Istati Membri għandhom jistabbilixxu r-regoli dwar il-penalitajiet applikabbli għall-ksur ta' dan ir-Regolament u jieħdu l-miżuri kollha meħtieġa biex jiżguraw li dawn jiġu implimentati. Il-pieni għandhom ikunu effettivi, proporzjonati u dissważivi.

2.   L-Istati Membri għandhom jinnotifikaw dawn ir-regoli lill-Kummissjoni mingħajr dewmien wara d-dħul fis-seħħ ta' dan ir-Regolament, u jinnotifikawha b'kull emenda sussegwenti.

Artikolu 18

1.   L-Istati Membri għandhom jinnominaw lill-awtoritajiet kompetenti msemmija f'dan ir-Regolament u jidentifikawhom fuq il-websajts elenkati fl-Anness II. L-Istati Membri għandhom jinnotifikaw lill-Kummissjoni b'kull tibdil fl-indirizzi tal-websajts tagħhom elenkati fl-Anness II.

2.   L-Istati Membri għandhom jinnotifikaw lill-Kummissjoni dwar l-awtoritajiet kompetenti tagħhom, inklużi d-dettalji ta' kuntatt ta' dawn l-awtoritajiet kompetenti, mingħajr dewmien wara d-dħul fis-seħħ ta' dan ir-Regolament, u għandhom jinnotifikawha b'kull emenda sussegwenti.

3.   Fejn dan ir-Regolament jistabbilixxi rekwiżit li l-Kummissjoni tiġi nnotifikata jew infurmata, jew li għandha ssir xi komunikazzjoni magħha xorta oħra, l-indirizz u d-dettalji l-oħrajn ta' kuntatt li jintużaw għal din il-komunikazzjoni għandhom ikunu dawk indikati fl-Anness II.

Artikolu 19

Dan ir-Regolament japplika:

(a)	fit-territorju tal-Unjoni, inkluż l-ispazju tal-ajru tagħha;

(b)	abbord kull inġenju tal-ajru jew kull bastiment fil-ġuriżdizzjoni ta' Stat Membru;

(c)	għal kwalunkwe persuna fit-territorju tal-Unjoni jew lil hinn minnu li tkun ċittadina ta' Stat Membru;

(d)	għal kwalunkwe persuna ġuridika, entità jew korp, ġewwa jew barra mit-territorju tal-Unjoni, li jkunu inkorporati jew kostitwiti taħt il-liġi ta' Stat Membru;

(e)	għal kwalunkwe persuna ġuridika, entità jew korp fir-rigward ta' kull negozju li jsir kompletament jew parzjalment fl-Unjoni.

Artikolu 20

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  Ara paġna 100 ta' dan il-Ġurnal Uffiċjali.

(2)  Deċiżjoni tal-Kunsill 2011/423/PESK tat-18 ta' Lulju 2011 dwar miżuri restrittivi kontra s-Sudan u s-Sudan t'Isfel u li tħassar il-Pożizzjoni Komuni 2005/411/PESK (ĠU L 188, 19.7.2011, p. 20).

(3)  Regolament tal-Kunsill (UE) Nru 1215/2011 tal-24 ta' Novembru 2011 li jemenda r-Regolament (KE) Nru 131/2004 dwar ċerti miżuri restrittivi fir-rigward tas-Sudan (ĠU L 310, 25/11/2011, p. 1).

(4)  Regolament tal-Kunsill (KE) Nru 131/2004 tas-26 ta' Jannar 2004 dwar ċerti miżuri ristrettivi dwar is-Sudan (ĠU L 21, 28.1.2004, p. 1).

(5)  Regolament tal-Kunsill (UE) Nru 747/2014 tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan u li jħassar ir Regolament (KE) Nru 131/2004 u r-Regolament (KE) Nru 1184/2005 (ara paġna 1 ta' dan il-Ġurnal Uffiċjali).

(6)  Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-movement liberu ta' dak id-dejta (ĠU L 8, 12.1.2001, p. 1).

(7)  Direttiva 95/46/KE tal-Parlament Ewropew u tal-Kunsill tal-24 ta' Ottubru 1995 dwar il-protezzjoni ta' individwi fir-rigward tal-ipproċessar ta' dejta personali u dwar il-moviment liberu ta' dik id-dejta (ĠU L 281, 23.11.1995, p. 31).

---

---

---

11.7.2014

MT

Il-Ġurnal Uffiċjali tal-Unjoni Ewropea

L 203/23

---

REGOLAMENT TA' IMPLIMENTAZZJONI TAL-KUMMISSJONI (UE) Nru 749/2014

tat-30 ta' Ġunju 2014

dwar l-istruttura, il-format u l-proċessi tat-tressiq u r-reviżjoni tal-informazzjoni rrappurtata mill-Istati Membri skont ir-Regolament (UE) Nru 525/2013 tal-Parlament Ewropew u tal-Kunsill

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 525/2013 tal-Parlament Ewropew u tal-Kunsill tal-21 ta' Mejju 2013 dwar mekkaniżmu għall-monitoraġġ u r-rapportar ta' emissjonijiet ta' gassijiet serra u għar-rapportar ta' informazzjoni oħra relatata mat-tibdil fil-klima fil-livelli nazzjonali u tal-Unjoni u li jħassar id-Deċiżjoni Nru 280/2004/KE (1), u b'mod partikolari l-Artikolu 7(7), 7(8), 8(2), 12(3), 17(4) u 19(5) tiegħu,

Billi:

(1)

L-informazzjoni rrappurtata lill-Kummissjoni skont ir-Regolament (UE) Nru 525/2013 hija meħtieġa sabiex tkun tista' ssir il-valutazzjoni tal-progress proprju li jsir fir-rigward tal-ilħiq tal-impenji tal-Unjoni u tal-Istati Membri rigward il-limitazzjoni jew it-tnaqqis tal-emissjonijiet kollha ta' gassijiet serra skont il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) approvata bid-Deċiżjoni tal-Kunsill 94/69/KE (2), il-Protokoll tagħha ta' Kjoto approvat permezz tad-Deċiżjoni tal-Kunsill 2002/358/KE (3) u s-sett ta' atti legali tal-Unjoni, li ġie adottat fl-2009, imsemmija b'mod kollettiv bħala l-“Pakkett ta' Azzjoni dwar il-Klima u l-Enerġija”. Dan jippermetti wkoll it-tħejjija ta' rapporti annwali mill-Unjoni skont l-obbligi tagħha b'konformità mal-UNFCCC u l-Protokoll ta' Kjoto.

(2)

Id-Deċiżjoni 19/CMP.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta' Kjoto tistabbilixxi l-linji gwida għas-sistemi nazzjonali ta' inventarji ta' gassijiet serra li l-Partijiet għall-Konvenzjoni għandhom japplikaw. Fid-Deċiżjoni 24/CP.19 tal-Konferenza tal-Partijiet għall-UNFCCC dwar ir-reviżjoni ta' gwida UNFCCC tar-rappurtaġġ dwar inventarji annwali għall-Partijiet inklużi fl-Anness I għall-UNFCCC, il-Konferenza tal-Partijiet għall-UNFCCC qablu dwar tal-Linji Gwida mill-Partijiet għall-UNFCCC tal-Grupp Intergovernattiv dwar it-Tibdil fil-Klima tal-2006 (l-IPCC) għall-Inventorji Nazzjonali tal-Gassijiet Serra, l-użu ta' valuri ta' potenzjal ta' tisħin globali ġodda tal-IPCC u tabelli tal-format tar-rappurtar komuni riveduti f'Anness ta' dik id-Deċiżjoni.

(3)

Wara s-sostituzzjoni tad-Deċiżjoni Nru 280/2004/KE (4) bir-Regolament (UE) Nru 525/2013, jeħtieġ li d-Deċiżjoni tal-Kummissjoni Nru 2005/166/KE (5) li tistabbilixxi r-regoli li jimplimentaw id-Deċiżjoni 280/2004/KE tiġi aġġornata sabiex jitqiesu l-bidliet fil-linji gwida miftiehma f'livell internazzjonali u biex jiġu żgurati kundizzjonijiet uniformi għall-implimentazzjoni ta' dawn id-dispożizzjonijiet li huma ġodda fir-Regolament (UE) Nru 525/2013 meta mqabbla mad-Deċiżjoni 280/2004/KE. Tali dispożizzjonijiet ta' implimentazzjoni uniformi għandhom ikopru r-rappurtar ta' inventarji tal-gassijiet serra, inventarji tal-gassijiet serra approssimizzati, informazzjoni dwar sistemi għal politiki u miżuri u projezzjonijiet, l-użu tad-dħul mill-irkant u l-krediti tal-proġetti u għall-finijiet tad-Deċiżjoni Nru 529/2013/UE tal-Parlament Ewropew u tal-Kunsill (6). Minħabba l-għadd ta' tibdiliet li huma meħtieġa fid-Deċiżjoni Nru 2005/166/KE, huwa xieraq li din titħassar u tiġi sostitwita.

(4)

Biex jiġi żgurat li l-konformità mad-Deċiżjoni Nru 406/2009/KE tal-Parlament Ewropew u tal-Kunsill (7) tiġi vvalutata b'mod kredibbli, konsistenti, trasparenti u f'waqtu, ir-Regolament (UE) Nru 525/2013 jistabbilixxi, fil-livell tal-Unjoni, proċess ta' eżami tal-inventarji tal-gassijiet serra mressqa mill-Istati Membri. Huwa meħtieġ li jiġi determinat iż-żmien u l-passi għat-twettiq tal-eżamijiet annwali u komprensiv tal-inventarji tal-gassijiet serra tal-Istati Membri biex tiġi żgurata l-implimentazzjoni f'waqtha u effettiva tal-proċess ta' eżami.

(5)

Ir-Regolament Delegat tal-Kummissjoni (UE) Nru C(2014) 1539 (8) jistabbilixxi rekwiżiti sostantivi għas-sistema tal-inventarji tal-Unjoni sabiex ikunu jistgħu jiġu ssodisfati l-obbligi stabbiliti fid-Deċiżjoni 19/CMP.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta' Kjoto. Biex tiġi żgurata l-implimentazzjoni f'waqtha u effettiva tal-obbligi, jeħtieġ li jiġu stabbiliti l-perjodi ta' żmien għall-kooperazzjoni u l-koordinazzjoni bejn il-Kummissjoni u l-Istati Membri fit-tħejjija tar-rapport tal-inventarju tal-gassijiet serra tal-Unjoni.

(6)	Biex tiġi żgurata ċ-ċertezza legali dwar l-obbligi ta' rappurtar tal-Unjoni u tal-Istati Membri hekk kif jiskadi l-perjodu addizzjonali biex jiġu ssodisfati l-impenji tal-Protokoll ta' Kjoto, l-effetti tal-Artikoli 18, 19 u 24 tad-Deċiżjoni Nru 2005/166/KE għandhom jinżammu.

(7)	Il-miżuri stipulati f'dan ir-Regolament huma skont l-opinjoni tal-Kumitat dwar it-Tibdil fil-Klima,

ADOTTAT DAN IR-REGOLAMENT:

KAPITOLU I

SUĠĠETT U DEFINIZZJONIJIET

Artikolu 1

Suġġett

Dan ir-Regolament jistabbilixxi r-regoli li jimplimentaw ir-Regolament (UE) Nru 525/2013/KE fir-rigward ta' dan li ġej:

(a)

Ir-rappurtar tal-Istati Membri ta' inventarji ta' gassijiet serra, inventarji tal-gassijiet serra approssimizzati u ta' informazzjoni dwar politiki, miżuri u projezzjonijiet, dwar l-użu ta' dħul mill-irkantar u ta' krediti ta' proġetti skont l-Artikoli 7, 8, 12, 13, 14, u 17 tar-Regolament (UE) Nru 525/2013;

(b)	Ir-rappurtar tal-Istati Membri għall-finijiet tad-Deċiżjoni Nru 529/2013/UE;

(c)	iż-żmien u l-passi għat-twettiq ta' eżamijiet annwali u komprensiv tal-inventarji tal-gassijiet serra tal-Istati Membri skont l-Artikolu 19 tar-Regolament (UE) Nru 525/2013;

(d)	l-iskedi taż-żmien għall-kooperazzjoni u l-koordinazzjoni bejn il-Kummissjoni u l-Istati Membri fit-tħejjija tar-rapport tal-inventarju tal-gassijiet serra tal-Unjoni.

Artikolu 2

Definizzjonijiet

Għall-finijiet ta' dan ir-Regolament, għandhom japplikaw id-definizzjonijiet li ġejjin:

(1)

“tabella tal-format tar-rappurtar komuni” tfisser tabella għal informazzjoni dwar l-emissjonijiet tal-gassijiet serra antropoġeniċi minn sorsi u l-assorbimenti minn bjar inklużi fl-Anness II tad-Deċiżjoni 24/CP.19 tal-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) (Deċiżjoni 24/CP.19) u fl-Anness tad-Deċiżjoni 6/CMP.9 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta' Kjoto;

(2)

“approċċ ta referenza” tfisser l-approċċ ta' referenza mill-Grupp Intergovernattiv ta' Esperti dwar it-Tibdil fil-Klima (IPCC), kif jinsab fil-Linji Gwida tal-2006 tal-IPCC dwar Linji Gwida għall-Inventarji Nazzjonali dwar il-Gassijiet Serra kif applikabbli skont l-Artikolu 6 tar-Regolament Delegat (UE) Nru C(2014) 1539.

(3)	“approċċ 1” tfisser il-metodu bażiku inkluż fil-Linji Gwida tal-2006 tal-IPCC jew il-Linji Gwida tal-Aħjar Prattika tal-2003 tal-IPCC;

(4)

“kategorija ewlenija” tfisser kategorija li għandha influwenza sinifikanti fuq l-inventarju totali ta' Stat Membru jew tal-Unjoni ta' gassijiet serra f'termini tal-livell assolut ta' emissjonijiet u assorbiment, ix-xejra tal-emissjonijiet u t-tneħħija, jew l-inċertezza fl-emissjonijiet u t-tneħħija;

(5)	“approċċ settorjali” tfisser l-approċċ settorjali tal-IPCC, kif jinsab fil-Linji Gwida tal-2006 tal-IPCC.

KAPITOLU II

RAPPURTAR MILL-ISTATI MEMBRI

Artikolu 3

Regoli ġenerali għar-rappurtar ta' inventarji tal-gassijiet serra

1.   L-Istati Membri għandhom jirrappurtaw l-informazzjoni msemmija fl-Artikolu 7(1) sa (5) tar-Regolament (UE) Nru 525/2013 lill-Kummissjoni b'kopja lill-Aġenzija Ewropea għall-Ambjent billi jlestu, skont l-Artikolu 6 tar-Regolament Delegat (UE) Nru C(2014) 1539 u skont ir-regoli stipulati f'dan ir-Regolament:

(a)	it-tabelli tal-format ta' rappurtar komuni billi jipprovdu sett sħiħ ta' spread sheets jew fajls ta' lingwaġġ tal-immarkar estensibbli (XML), li jiddependu fuq id-disponibbiltà tas-softwer xieraq, u li jkopru l-ambitu ġeografiku ta' dak l-Istat Membru skont ir-Regolament (UE) Nru 525/2013;

(b)	il-format elettroniku standard għar-rappurtar tal-unitajiet tal-Protokoll ta' Kjoto u l-istruzzjonijiet ta' rappurtar relatati kif adottati mill-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta' Kjoto;

(c)	l-Annessi I sa VIII u X sa XV ta' dan ir-Regolament.

2.   Ir-rapport komplut dwar l-inventarju nazzjonali msemmi fl-Artikolu 7(3) tar-Regolament (UE) Nru 525/2013 għandu jiġi abbozzat abbażi tal-istruttura stabbilita fl-Appendiċi tal-linji gwida ta' rappurtar tal-UNFCCC dwar l-inventarji tal-gassijiet serra annwali kif inklużi fl-Anness I tad-Deċiżjoni 24/CP.19 u skont ir-regoli stipulati f'dan ir-Regolament.

Artikolu 4

Rappurtar fir-Rapport tal-Inventarju Nazzjonali jew f'anness tar-Rapport tal-Inventarju Nazzjonali

1.   L-Istati Membri għandhom jinkludu l-informazzjoni u l-formati tabulari meħtieġa mill-Artikoli 6, 7, 9 sa 16 fir-Rapport tal-Inventarju Nazzjonali jew f'anness separat tar-Rapport tal-Inventarju Nazzjonali, kif speċifikat fl-Anness I.

2.   Fejn l-Istati Membri jistgħu jagħżlu jekk l-informazzjoni u l-formati tabulari li għandhom jiġu rrappurtati huma inklużi fir-Rapport tal-Inventarju Nazzjonali jew f'anness separat tar-Rapport tal-Inventarju Nazzjonali, l-Istati Membri għandhom jindikaw b'mod ċar fejn hija mogħtija l-informazzjoni billi jimlew Anness I.

Artikolu 5

Il-proċessi ta' rappurtar

L-Istati Membri għandhom jużaw l-għodod tar-ReportNet tal-Aġenzija Ewropea għall-Ambjent, ipprovduti skont ir-Regolament (KE) Nru 401/2009 tal-Parlament Ewropew u tal-Kunsill (9), biex titressaq l-informazzjoni skont l-Artikoli 4, 5, 7, 8, 12 sa 17 tar-Regolament (UE) Nru 525/2013.

Artikolu 6

Rappurtar dwar sistemi ta' inventarju nazzjonali

1.   L-Istati Membri għandhom jirrappurtaw l-informazzjoni fis-sistemi ta' inventarju nazzjonali tagħhom imsemmija fl-Artikolu 5(1) tar-Regolament (UE) Nru 525/2013 f'format testwali, u jispeċifikaw:

(a)	l-isem u l-informazzjoni tal-kuntatt għall-entità nazzjonali bir-responsabbiltà ġenerali għall-inventarju nazzjonali tal-Istat Membru;

(b)	ir-rwoli u r-responsabbiltajiet ta' diversi aġenziji u entitajiet fir-rigward tal-ippjanar tal-inventarju, il-proċess tat-tħejjija u tal-ġestjoni, kif ukoll arranġamenti istituzzjonali, legali u proċedurali magħmula biex jitħejja l-inventarju;

(c)	deskrizzjoni tal-proċess għall-ġbir ta' dejta tal-attivitajiet, għall-għażla ta' fatturi ta' metodi u fatturi tal-emissjonijiet, u għall-iżvilupp ta' stimi tal-emissjonijiet;

(d)	deskrizzjoni tal-approċċi użati u r-riżultati ta' identifikazzjoni tal-kategoriji ewlenin;

(e)	deskrizzjoni tal-proċessi li jiddeterminaw meta jitwettqu l-kalkoli mill-ġdid tad-dejta tal-inventarju ppreżentata qabel;

(f)

deskrizzjoni tal-pjan ta' garanzija tal-kwalità u ta' kontroll tal-kwalità, l-implimentazzjoni tiegħu u l-għanijiet ta' kwalità stabbiliti, kif ukoll informazzjoni dwar l-evalwazzjoni u r-reviżjoni interna u esterna tal-proċessi u r-riżultati tagħhom f'konformità mal-linji gwida għas-sistemi nazzjonali stabbiliti fl-Anness tad-Deċiżjoni 19/CMP.1 tal-Konferenza tal-Partijiet għall-UNFCCC li sservi bħala l-laqgħa tal-Partijiet għall-Protokoll ta' Kjoto;

(g)	deskrizzjoni tal-proċeduri għall-kunsiderazzjoni u l-approvazzjoni uffiċjali tal-inventarju.

2.   L-Istati Membri għandhom jirrappurtaw deskrizzjoni tal-arranġamenti magħmula biex jiġi żgurat l-aċċess tal-awtoritajiet tal-inventarju kompetenti għall-informazzjoni msemmija fl-Artikolu 5(2) tar-Regolament (UE) Nru 525/2013 inkluża informazzjoni dwar l-organizzazzjonijiet li jipprovdu l-informazzjoni, l-iskedar regolari tal-aċċess għall-informazzjoni, il-livell ta' diżaggregazzjoni u l-kompletezza li għaliha jingħata aċċess.

Artikolu 7

Rappurtar dwar il-konsistenza tad-dejta rappurtata dwar sustanzi li jniġġsu

1.   L-Istati Membri għandhom jirrappurtaw l-informazzjoni testwali dwar ir-riżultati tal-verifiki msemmija fl-Artikolu 7(1)(m)(i) tar-Regolament (UE) Nru 525/2013 u dwar il-konsistenza tad-dejta skont l-Artikolu 7(1)(b) tar-Regolament (UE) Nru 525/2013, inklużi:

(a)

valutazzjoni qasira dwar jekk l-istimi tal-emissjonijiet ta' monossidu tal-karbonju (CO), id-diossidu tal-kubrit (SO2), ossidi tan-nitroġenu (NOx) u komposti organiċi volatili, fl-inventarji mressqa mill-Istat Membru skont id-Direttiva 2001/81/KE tal-Parlament Ewropew u tal-Kunsill (10) u skont il-Konvenzjoni tal-UNECE dwar it-Tniġġis Transkonfini tal-Arja fuq Distanza Twila huma konsistenti mal-istimi tal-emissjonijiet f'inventarji tal-gassijiet serra skont ir-Regolament (UE) Nru 525/2013.

(b)	id-dati tat-tressiq tar-rapporti skont id-Direttiva 2001/81/KE u skont l-Konvenzjoni tal-UNECE dwar it-Tniġġis Transkonfini tal-Arja fuq Distanza Twila li tqabblu mal-inventarju li tressaq skont ir-Regolament (UE) Nru 525/2013.

2.   Meta l-kontrolli msemmija fil-paragrafu 1 ta' dan l-Artikolu jirriżultaw f'differenzi ta' aktar minn +/–5 % bejn l-emissjonijiet totali eskluż l-Użu tal-Art, it-Tibdil fl-Użu tal-Art u l-Forestrija (LULUCF) għal sustanza partikolari li tniġġes l-arja skont ir-Regolament (UE) Nru 525/2013 u rispettivament skont id-Direttiva 2001/81/KE jew il-Konvenzjoni tal-UNECE dwar it-Tniġġis Transkonfinali tal-Arja fuq Distanza Twila, għas-sena X–2, l-Istat Membru kkonċernat għandu jirrapporta skont format tabulari stabbiliti fl-Anness II għal dan ir-Regolament minbarra l-informazzjoni testwali skont il-paragrafu 1 ta' dan l-Artikolu għal dik is-sustanza li tniġġes l-arja.

3.   L-Istati Membri jistgħu jirrappurtaw l-informazzjoni testwali biss jekk id-differenza ta' aktar minn +/– 5 % imsemmija fil-paragrafu 2 tirriżulta minn korrezzjoni ta' żbalji fid-dejta, differenzi fil-kopertura ġeografika jew fil-kamp ta' applikazzjoni bejn l-istrumenti legali rispettivi.

Artikolu 8

Rappurtar dwar kalkoli mill-ġdid

L-Istati Membri għandhom jirrappurtaw ir-raġuni għal kalkoli mill-ġdid fis-sena jew il-perjodu bażi u tas-sena X–3 imsemmija fl-Artikolu 7(1)(e) tar-Regolament (UE) Nru 525/2013 fil-format tabulari stabbilit fl-Anness III ta' dan ir-Regolament.

Artikolu 9

Rappurtar dwar l-implimentazzjoni tar-rakkomandazzjonijiet u l-aġġustamenti

1.   Skont l-Artikolu 7(1)(j) tar-Regolament (UE) Nru 525/2013, l-Istati Membri għandhom jirrappurtaw dwar l-istatus tal-implimentazzjoni ta' kull aġġustament u ta' kull rakkomandazzjoni elenkati fir-rapport ta' reviżjoni individwali tal-UNFCCC li ġie ppubblikat l-aħħar, inklużi r-raġunijiet għaliex tali rakkomandazzjoni ma ġietx implimentata, skont il-format tabulari speċifikat fl-Anness IV ta' dan ir-Regolament.

2.   L-Istati Membri għandhom jirrappurtaw dwar l-istatus tal-implimentazzjoni ta' kull rakkomandazzjoni elenkata fl-aktar rapport ta' eżami riċenti skont l-Artikolu 35(2) skont il-format tabulari speċifikat fl-Anness IV.

Artikolu 10

Rappurtar dwar il-konsistenza tal-emissjonijiet irrappurtati b'dejta mill-iskema ta' skambju ta' kwoti tal-emissjonijiet

1.   L-Istati Membri għandhom jirrappurtaw l-informazzjoni msemmija fl-Artikolu 7(1)(k) tar-Regolament (UE) Nru 525/2013 skont il-format tabulari stabbilit fl-Anness V ta' dan ir-Regolament.

2.   L-Istati Membri għandhom jirrappurtaw l-informazzjoni testwali dwar ir-riżultati tal-kontrolli mwettqa skont l-Artikolu 7(1)(l) tar-Regolament (UE) Nru 525/2013.

Artikolu 11

Rappurtar dwar il-konsistenza tad-dejta rrappurtata dwar gassijiet serra fluworurati.

L-Istati Membri għandhom jirrappurtaw l-informazzjoni testwali dwar ir-riżultati tal-kontrolli mwettqa skont l-Artikolu 7(1)(m)(ii) tar-Regolament (UE) Nru 525/2013 inklużi:

(a)	deskrizzjoni tal-kontrolli mwettqa mill-Istat Membru dwar il-livell ta' dettall, is-settijiet ta' dejta u s-sottomissjonijiet li ġew imqabbla;

(b)	deskrizzjoni tar-riżultati prinċipali tal-verifiki u l-ispjegazzjonijiet għall-inkonsistenzi ewlenin;

(c)	informazzjoni dwar jekk id-dejta miġbura minn operaturi skont l-Artikolu 3(6) tar-Regolament (KE) Nru 842/2006 (11) ġietx użata, u kif intużat;

(d)	fejn il-kontrolli ma twettqux, spjegazzjoni tar-raġunijiet għaliex il-kontrolli ma tqiesux li huma rilevanti.

Artikolu 12

Rappurtar dwar konsistenza mad-dejta tal-enerġija

1.   Skont l-Artikolu 7(1)(m)(iii) tar-Regolament (UE) Nru 525/2013, l-Istati Membri għandhom jirrappurtaw l-informazzjoni testwali dwar it-tqabbil bejn l-approċċ ta' referenza kkalkulat abbażi tad-dejta inkluża fl-inventarju tal-gass b'effett serra u l-approċċ ta' referenza kkalkulat abbażi tad-dejta rrappurtata skont l-Artikolu 4 tar-Regolament (KE) Nru 1099/2008 tal-Parlament Ewropew u tal-Kunsill (12) u l-Anness B ta' dak ir-Regolament.

2.   L-Istati Membri għandhom jipprovdu informazzjoni kwantitattiva u spjegazzjonijiet għad-differenzi ta' aktar minn +/– 2 % fil-konsum totali nazzjonali li jidher ta' karburant fossili f'livell aggregat għal kategoriji kollha għall-karburanti fossili, għas-sena X–2 skont il-format tabulari stabbilit fl-Anness VI.

Artikolu 13

Rappurtar dwar bidliet f'deskrizzjonijiet ta' sistemi ta' inventarju nazzjonali jew reġistri

L-Istati Membri għandhom jiddikjaraw b'mod ċar fil-kapitoli rilevanti tar-rapport dwar l-inventarju nazzjonali jekk sarx xi tibdil fid-deskrizzjoni tas-sistemi ta' inventarju nazzjonali tagħhom jew tar-reġistri nazzjonali tagħhom imsemmija fl-Artikolu 7(1)(n) u (o) tar-Regolament (UE) Nru 525/2013 mit-tressiq preċedenti tar-rapport tal-inventarju nazzjonali.

Artikolu 14

Rappurtar dwar l-inċertezza u l-kompletezza

1.   Għall-finijiet tar-rappurtar dwar l-inċertezza skont l-Artikolu 7(1)(p) tar-Regolament (UE) Nru 525/2013, l-Istati Membri għandhom jirrappurtaw l-approċċ 1 stimi tal-inċertezza għal

(a)	il-livelli u x-xejriet tal-emissjonijiet u

(b)	id-dejta tal-attivitajiet u l-fatturi tal-emissjonijiet jew parametri oħra ta' stima użati fil-livell tal-kategorija xierqa bl-użu ta' format tabulari stabbilit fl-Anness VII għal dan ir-Regolament.

2.   Il-valutazzjoni ġenerali tal-kompletezza msemmija fl-Artikolu 7(1)(p) tar-Regolament (UE) Nru 525/2013 għandha tinkludi:

(a)

deskrizzjoni ġenerali tal-kategoriji li ġew irrappurtati bħala mhux stmati (MS), kif definit fil-linji gwida ta' rappurtar tal-UNFCCC dwar inventarji annwali tal-gassijiet b'effett serra inklużi fl-Anness I tad-Deċiżjoni 24/CP.19, u spjegazzjonijiet dettaljati dwar l-użu ta' din l-ispjega tas-simboli speċjalment fejn il-Linji Gwida tal-2006 tal-IPCC għall-Inventarji Nazzjonali dwar il-Gassijet Serra jipprovdu metodi għall-istima ta' gassijiet serra;

(b)	deskrizzjoni tal-kopertura ġeografika tal-inventarju tal-gassijiet serra.

3.   Fejn Stat Membru jressaq inventarji b'kopertura ġeografika differenti skont il-UNFCCC u l-Protokoll ta' Kjoto u skont ir-Regolament (UE) Nru 525/2013, dak l-Istat Membru għandu jipprovdi deskrizzjoni qasira tal-prinċipji u l-metodi applikati biex issir distinzjoni bejn l-emissjonijiet u l-assorbimenti rrappurtati fit-territorju tal-Unjoni u l-emissjonijiet u l-assorbimenti rrappurtati għal territorji mhux tal-Unjoni waqt il-kompilazzjoni tal-inventarju għat-territorju tal-Unjoni fl-Istat Membru rispettiv.

Artikolu 15

Rappurtar dwar elementi oħra għat-tħejjija ta' rapport tal-inventarju tal-Unjoni tal-gassijiet serra

1.   Sabiex tkun permessa t-tħejjija tar-rapport tal-inventarju tal-Unjoni tal-gassijiet serra, kif imsemmi fl-Artikolu 7(1)(p) tar-Regolament (UE) Nru 525/2013, l-Istati Membri għandhom jirrappurtaw l-informazzjoni dwar il-metodi u l-fatturi tal-emissjoni li jkunu ntużaw għal dawk il-kategoriji identifikati bħala kategorija ewlenija tal-Unjoni fil-fajl XML rilevanti u t-tabelli tal-format ta' rappurtar komuni.

2.   Għall-finijiet tal-paragrafu 1, il-Kummissjoni għandha tipprovdi l-lista ta' kategoriji ewlenin tal-Unjoni l-aktar riċenti sal-31 ta' Ottubru tas-sena qabel it-tressiq tal-inventarju.

3.   L-Istati Membri għandhom jispjegaw u jinterpretaw xejriet imgħoddija fl-emissjonijiet u l-varjazzjonijiet bejn is-snin f'livell aggregat f'kull settur inkluż referenza għall-muturi ewlenin identifikati li għandhom impatti sinifikanti fuq ix-xejriet. L-enfasi għandha tkun fuq l-ispjegazzjoni dwar bidliet fl-aktar sena tal-inventarju riċenti meta mqabbla mal-1990, u fuq spjegazzjonijiet ta' varjazzjonijiet sinifikanti bejn is-snin għall-aktar snin reċenti ta' rappurtar, b'mod partikulari mis-sena X–3 sas-sena X–2.

Artikolu 16

Rappurtar dwar tibdiliet kbar fid-deskrizzjonijiet metodoloġiċi

Sal-15 ta' Marzu ta' kull sena, l-Istati Membri għandhom jirrappurtaw it-tibdiliet ewlenin fid-deskrizzjonijiet metodoloġiċi fir-rapport dwar l-inventarju nazzjonali minn meta dan ikun tressaq fil-15 ta' April tas-sena ta' qabel, fil-format tabulari stabbilit fl-Anness VIII.

Artikolu 17

Rappurtar tal-inventarji tal-gassijiet serra approssimizzati

1.   L-Istati Membri għandhom jirrappurtaw inventarji tal-gassijiet serra approssimizzati kif imsemmija fl-Artikolu 8(1) tar-Regolament (UE) Nru 525/2013, skont it-tabella tal-format komuni tar-rappurtar — Tabella sommarja 2 kif ġej:

(a)	f'livell ta' diżaggregazzjoni ta' kategoriji tas-sors li jirriflettu d-dejta tal-attività u l-metodi disponibbli għat-tħejjija tal-istimi għas-sena X–1;

(b)	bl-esklużjoni tat-total approssimat ta' emissjonijiet u assorbimenti ekwivalenti għas-CO2 minn LULUCF;

(c)

billi jiġu miżjuda żewġ kolonni għar-rappurtar tal-qasma bejn l-emissjonijiet inklużi fil-kamp ta' applikazzjoni tal-iskema tal-Unjoni għan-negozjar ta' kwoti ta' emissjonijiet stabbiliti permezz tad-Direttiva 2003/87/KE tal-Parlament Ewropew u tal-Kunsill (13) u l-emissjonijiet koperti permezz tad-Deċiżjoni 406/2009/KE skont il-kategorija tas-sors, fejn disponibbli.

2.   L-Istati Membri għandhom jagħtu spjegazzjonijiet, inkluż dwar il-muturi ewlenin għax-xejriet fl-emissjonijiet irrappurtati fit-Tabella sommarja 2 meta mqabbla mal-inventarju diġà rrappurtat; Tali spjegazzjoni għandha tirrifletti biss l-informazzjoni disponibbli għat-tħejjija tal-istimi għas-sena X–1.

Artikolu 18

Il-perjodi ta' żmien għall-kooperazzjoni u għall-koordinazzjoni fit-tħejjija tar-rapport tal-inventarju tal-gassijiet serra tal-Unjoni

L-Istati Membri u l-Kummissjoni għandhom jikkooperaw u jikkoordinaw fit-tħejjija tal-inventarju tal-gassijiet serra tal-Unjoni u fit-tħejjija tar-rapport dwar l-inventarju tal-Unjoni, u għandhom josservaw il-limiti ta' żmien stabbiliti fl-Anness IX.

Artikolu 19

Rappurtar dwar id-determinazzjoni tal-kwantità assenjata

L-Istati Membri għandhom iressqu rapport bl-informazzjoni meħtieġa biex jiffaċilitaw il-kalkolu tal-kwantità assenjata konġunta u l-ammont allokat tal-Unjoni skont l-Artikolu 3, il-paragrafi 7bis, 8 u 8bis tal-Protokoll ta' Kjoto għat-tieni perjodu ta' impenn skont l-Anness I tad-Deċiżjoni 2/CMP.8 b'rabta ma' dak ir-rapport, lill-Kummissjoni tliet xhur qabel dan il-limitu taż-żmien għat-tressiq ta' dan ir-rapport lill-UNFCCC.

Artikolu 20

Rappurtar dwar is-sistemi nazzjonali għall-politiki u miżuri u projezzjonijiet

L-Istati Membri għandhom jirrappurtaw dwar is-sistemi nazzjonali għal politiki u miżuri u projezzjonijiet imsemmija fl-Artikolu 13(1)(a) tar-Regolament (UE) Nru 525/2013, inkluż:

(a)

informazzjoni dwar l-arranġamenti istituzzjonali, legali u proċedurali, inkluża l-ħatra tal-entità nazzjonali xierqa jew l-entitajiet fdati bir-responsabbiltà ġenerali tal-politika ta' valutazzjoni tal-Istat Membru kkonċernat u dwar il-projezzjonijiet tal-emissjonijiet antropoġeniċi ta' gassijiet serra;

(b)	deskrizzjoni tal-arranġamenti istituzzjonali, legali u proċedurali rilevanti stabbiliti fi Stat Membru għall-evalwazzjoni tal-politika u għat-twettiq ta' projezzjonijiet ta' emissjonijiet antropoġeniċi ta' gassijiet serra minn sorsi u assorbimenti minn bjar;

(c)	deskrizzjoni tal-arranġamenti proċedurali rilevanti u l-għażla taż-żmien biex jiġu żgurati l-puntwalità, it-trasparenza, il-preċiżjoni, il-konsistenza, il-komparabbiltà u l-kompletezza tal-informazzjoni rrappurtata dwar il-politiki u l-miżuri u l-informazzjoni rrappurtati dwar il-projezzjonijiet;

(d)

deskrizzjoni tal-proċess ġenerali għall-ġbir u l-użu ta' dejta, flimkien ma' valutazzjoni ta' jekk il-proċessi konsistenti għall-ġbir u l-użu ta' dejta humiex isostnu l-evalwazzjoni ta' politiki u miżuri u projezzjonijiet kif ukoll tat-tiswir ta' projezzjonijiet kif ukoll is-setturi projettati differenti fit-tiswir tal-projezzjonijiet;

(e)	deskrizzjoni tal-proċess tal-għażla tas-suppożizzjonijiet, il-metodoloġiji u l-mudelli għall-evalwazzjoni tal-politika, u għat-twettiq ta' projezzjonijiet ta' emissjonijiet antropoġeniċi ta' gassijiet serra;

(f)	deskrizzjoni tal-attivitajiet ta' garanzija tal-kwalità u tal-kontroll tal-kwalità u tal-analiżi tas-sensittività għall-projezzjonijiet imwettqa.

Artikolu 21

Ir-rappurtar dwar aġġornamenti tal-istrateġiji ta' żvilupp b'emissjonijiet baxxi ta' karbonju tal-Istati Membri

L-Istati Membri għandhom jirrappurtaw dwar aġġornamenti fl-istrateġiji tal-iżvilupp b'emissjonijiet baxxi ta' karbonju msemmija fl-Artikolu 13(1)(b) tar-Regolament (UE) Nru 525/2013, inkluża informazzjoni dwar:

(a)	l-għan u deskrizzjoni qasira tal-aġġornament imwettaq;

(b)	l-istatus legali tal-istrateġija ta' żvilupp b'emissjonijiet baxxi ta' karbonju, u l-istatus legali tal-aġġornamenti tagħha;

(c)	il-bidliet u l-impatti mistennija tal-aġġornament dwar l-implimentazzjoni tal-istrateġija ta' żvilupp b'emissjonijiet baxxi ta' karbonju;

(d)	l-iskeda ta' żmien u deskrizzjoni tal-progress għall-implimentazzjoni tal-istrateġija ta' żvilupp b'emissjonijiet baxxi ta' karbonju u l-aġġornament tagħha, u fejn disponibbli, valutazzjoni tal-ispejjeż u l-benefiċċji projettati assoċjati mal-aġġornament;

(e)	il-mod li bih l-informazzjoni tkun magħmula disponibbli għall-pubbliku skont l-Artikolu 4(3) tar- Regolament (UE) Nru 525/2013.

Artikolu 22

Rappurtar dwar politiki u miżuri

1.   L-Istati Membri għandhom jirrappurtaw l-informazzjoni dwar politiki u miżuri msemmija fl-Artikolu 13(1)(c), (d) u (e) tar-Regolament (UE) Nru 525/2013 skont il-formati tabulari stabbiliti fl-Anness XI ta' dan ir-Regolament u bl-użu tal-mudell ta' rappurtar ipprovdut u l-proċess ta' tressiq introdott mill-Kummissjoni.

2.   L-Istati Membri għandhom jirrappurtaw informazzjoni kwalitattiva rigward ir-rabtiet bejn il-politiki differenti u l-miżuri rrappurtati skont il-paragrafu 1, u l-mod kif dawn il-politiki u miżuri jikkontribwixxu għal xenarji differenti inkluż valutazzjoni tal-kontribut tagħhom għall-kisba ta' strateġija ta' żvilupp b'emissjonijiet baxxi ta' karbonju, f'format testwali flimkien mal-format tabulari msemmi fil-paragrafu 1.

Artikolu 23

Rappurtar dwar projezzjonijiet

1.   L-Istati Membri għandhom jirrappurtaw l-informazzjoni dwar emissjonijiet ta' gassijiet serra antropoġeniċi minn sorsi u assorbimenti minn bjar imsemmija fl-Artikolu 14 tar-Regolament (UE) Nru 525/2013 skont il-formati tabulari stabbiliti fl-Anness XII ta' dan ir-Regolament u bl-użu tal-mudell ta' rappurtar ipprovdut u l-proċess ta' tressiq introdott mill-Kummissjoni.

2.   L-Istati Membri għandhom jipprovdi informazzjoni addizzjonali, f'format testwali, dwar:

(a)	ir-riżultati tal-analiżi tas-sensittività għat-total irrappurtat ta' emissjonijiet ta' gassijiet serra, flimkien ma' spjegazzjoni qasira dwar liema parametri kienu varjati u kif.

(b)

Ir-riżultati tal-analiżi tas-sensittività maqsuma dwar l-emissjonijiet totali koperti permezz tad-Deċiżjoni 406/2009/KE, l-emissjonijiet totali inklużi fl-ambitu tal-iskema tal-iskambju tal-kwoti tal-emissjonijiet tal-Unjoni stabbiliti permezz tad-Direttiva 2003/87/KE u t-total tal-emissjonijiet tal-LULUCF meta din l-informazzjoni tkun disponibbli;

(c)	is-sena tad-dejta tal-inventarju (sena bażi) u s-sena ta' rapport tal-inventarju użati bħala punt ta' tluq għall-projezzjonijiet;

(d)	il-metodoloġiji użati għall-ipprojettar, inkluż deskrizzjoni qasira tal-mudelli użati u l-kopertura settorjali, ġeografika u temporali, referenzi għal aktar informazzjoni dwar il-mudelli u informazzjoni dwar is-suppożizzjonijiet u l-parametri eżoġeni ewlenin użati.

3.   Disa' xhur qabel l-iskadenza għat-tressiq ta' rapport dwar il-projezzjonijiet skont l-Artikolu 14(1) tar-Regolament Nru 525/2013 u f'konsultazzjoni mal-Istati Membri, il-Kummissjoni għandha tirrakkomanda l-valuri armonizzati għal parametri supranazzjonali ewlenin, inklużi l-prezzijiet tal-karbonju taħt skema għall-iskambju ta' kwoti ta' emissjonijiet, il-prezzijiet tal-importazzjoni taż-żejt u tal-faħam internazzjonali, bil-ħsieb li tiġi żgurata konsistenza tal-projezzjonijiet aggregati tal-Unjoni.

Artikolu 24

Ir-rappurtar dwar l-użu tad-dħul mill-irkant

L-Istati Membri għandhom jirrappurtaw l-informazzjoni dwar l-użu tad-dħul mill-irkant imsemmija fl-Artikolu 17(1)(b) u (c) u l-Artikolu 17(2) tar-Regolament (UE) Nru 525/2013 skont il-formati tabulari stabbiliti fl-Anness XIII ta' dan ir-Regolament.

Artikolu 25

Rappurtar dwar il-krediti tal-proġetti użati għall-konformità mad-Deċiżjoni Nru 406/2009/KE

L-Istati Membri għandhom jirrappurtaw l-informazzjoni dwar il-krediti tal-proġetti użati għall-konformità mad-Deċiżjoni Nru 406/2009KE imsemmija fl-Artikolu 17(1) (a) u (d) tar-Regolament (UE) Nru 525/2013 skont il-formati tabulari stabbiliti fl-Anness XIV ta' dan ir-Regolament.

Artikolu 26

Rappurtar dwar informazzjoni fil-qosor dwar trasferimenti konklużi

1.   L-Istati Membri għandhom jirrappurtaw l-informazzjoni fil-qosor dwar trasferimenti konklużi skont l-Artikolu 3(4) u (5) tad-Deċiżjoni Nru 406/2009/KE skont il-format tabulari stabbilit fl-Anness XV ta' dan ir-Regolament.

2.   Is-servizzi tal-Kummissjoni għandhom jiġbru u jagħmlu disponibbli f'format elettroniku rapport li jiġbor fil-qosor l-informazzjoni pprovduta mill-Istati Membri fuq bażi annwali. Dan ir-rapport għandu jipprovdi biss dejta aggregata u ma għandux jiżvela informazzjoni minn Stati Membri individwali dwar prezzijiet għal kull unità ta' allokazzjoni ta' allokazzjoni annwali tal-emissjonijiet.

KAPITOLU III

L-EŻAMIESPERT TAL-UNJONI TAL-EMISSJONIJIET TA' GASSIJIET SERRA

Artikolu 27

L-Organizzazzjoni tal-Eżamijiet

1.   Fit-twettiq ta' eżamijiet imsemmija fl-Artikolu 19(1) u (2) tar-Regolament (UE) Nru 525/2013, il-Kummissjoni u l-Aġenzija Ewropea għall-Ambjent għandhom jiġu appoġġati minn tim ta' eżami magħmul minn esperti tekniċi.

2.   L-Aġenzija Ewropea għall-Ambjent għandha taġixxi bħala Segretarjat għar-reviżjonijiet.

3.   Il-Kummissjoni u l-Aġenzija Ewropea għall-Ambjent għandhom jagħżlu biżżejjed esperti tal-eżami li jkopru s-setturi xierqa tal-inventarju sabiex tiġi żgurata eżami xierqa tal-inventarji ta' gassijiet serra inkwistjoni fil-perjodu ta' żmien disponibbli.

4.   L-esperti tal-eżami magħżula skont il-paragrafu 3 għandu jkollhom esperjenza fil-qasam tal-kompilazzjoni tal-inventarji tal-gassijiet serra u, preferibbilment għandhom ikunu attivi fi proċessi ta' reviżjoni ta' gassijiet serra.

5.   Membru tat-tim ta' reviżuri esperti tekniċi li kkontribwixxa għall-kompilazzjoni ta' inventarju ta' gassijiet serra ta' Stat Membru individwali, jew li huwa ċittadin tal-Istat Membru li l-inventarju huwa kkonċernat, ma għandhomx jieħdu sehem fl-eżami ta' dak l-inventarju.

6.   Il-Kummissjoni u l-Aġenzija Ewropea għall-Ambjent għandhom jagħmlu ħilithom biex jiżguraw li l-analiżi tal-inventarji tal-gassijiet serra ssir b'mod konsistenti madwar l-Istati Membri kollha kkonċernati u b'mod oġġettiv, sabiex tkun żgurata l-kwalità għolja tal-valutazzjonijiet tekniċi li jirriżultaw.

7.   L-eżamijiet għandhom jitwettqu bħala eżamijiet ibbażati fuq id-dokumentazzjoni jew ċentralizzati.

8.   Is-Segretarjat jista' jiddeċiedi li jorganizza:

(a)	eżami bbażat fuq id-dokumentazzjoni u ċentralizzat fl-istess sena;

(b)	żjara fil-pajjiż flimkien mal-eżamijiet bbażati fuq id-dokumentazzjoni jew ċentralizzati fuq ir-rakkomandazzjoni tat-tim ta' reviżjoni tal-esperti tekniċi u f'konsultazzjoni mal-Istat Membru kkonċernat.

Artikolu 28

Il-Kompiti tas-Segretarjat

Il-kompiti tas-Segretarjat imsemmi fl-Artikolu 27(2) għandhom jinkludu:

(a)	it-tħejjija tal-pjan ta' ħidma għall-eżami;

(b)	il-ġbir u l-għoti tal-informazzjoni meħtieġa għall-ħidma tat-tim ta' eżami ta' esperti tekniċi;

(c)	il-koordinazzjoni tal-attivitajiet ta' eżami kif sabbilit f'dan ir-Regolament, inkluża l-komunikazzjoni bejn it-tim ta' eżami ta' esperti tekniċi u l-persuna ta' kuntatt maħtura jew persuni tal-Istat Membru li jkun qed jiġi eżaminat, kif ukoll arranġamenti prattiċi oħra;

(d)	il-konferma ta' każijiet fejn l-inventarji tal-gassijiet serra tal-Istati Membri jippreżentaw kwistjonijiet sinifikanti skont it-tifsira tal-Artikolu 31, f'konsultazzjoni mal-Kummissjoni;

(e)	il-kompilazzjoni u l-editjar tar-rapporti ta' eżami interim u finali u l-komunikazzjoni tagħhom lill-Istat Membru kkonċernat u lill-Kummissjoni.

Artikolu 29

L-ewwel pass tal-eżami annwali

Il-kontrolli biex jiġu verifikati t-trasparenza, il-preċiżjoni, il-konsistenza, il-komparabbiltà u l-kompletezza tal-informazzjoni mressqa msemmija fl-Artikolu 19(3)(a) tar-Regolament (UE) Nru 525/2013 jistgħu jinkludu:

(a)	valutazzjoni dwar jekk l-kategoriji tas-sorsi ta' emissjoni u l-gassijiet kollha meħtieġa skont ir-Regolament (UE) Nru 525/2013 huma rappurtati;

(b)	valutazzjoni dwar jekk serje ta' żmien tad-dejta tal-emissjonijiet humiex konsistenti;

(c)	valutazzjoni dwar jekk fatturi tal-emissjonijiet implikati madwar l-Istati Membri humiex komparabbli meta jitqiesu l-fatturi tal-emissjoni prestabbiliti tal-IPCC għal ċirkostanzi nazzjonali differenti;

(d)

valutazzjoni tal-użu tal-ispjegi tas-simboli “Mhux Stmati” fejn metodoloġiji ta' grad 1 tal-IPCC jeżistu u fejn l-użu tal-ispjega tas-simboli mhix ġustifikata skont il-paragrafu 37 tal-linji gwida ta' rappurtar tal-UNFCCC dwar inventarji annwali tal-gassijiet serra kif inklużi fl-Anness I tad-Deċiżjoni 24/CP.19;

(e)	analiżi tal-kalkoli mill-ġdid imwettqa għat-tressiq tal-inventarju, b'mod partikolari jekk il-kalkoli mill-ġdid huma bbażati fuq bidliet metodoloġiċi;

(f)

tqabbil tal-emissjonijiet verifikati rrappurtati skont is-Sistema għall-Iskambju tal-Emissjonijiet tal-Unjoni bl-emissjonijiet ta' gassijiet serra irrappurtati skont l-Artikolu 7 tar-Regolament (UE) Nru 525/2013 bil-għan li jiġu identifikati oqsma fejn id-dejta u xejriet tal-emissjonijiet kif mressqa mill-Istat Membru li qed ikun eżaminat tiddevja konsiderevolment minn dawk ta' Stati Membri oħra;

(g)	tqabbil tar-riżultati tal-approċċ ta' referenza tal-Eurostat mal-approċċ ta' referenza tal-Istati Membri;

(h)	tqabbil tar-riżultati tal-approċċ settorjali tal-Eurostat mal-approċċ settorjali tal-Istati Membri;

(i)	valutazzjoni dwar jekk rakkomandazzjonijiet minn eżamijiet iktar bikrin tal-Unjoni jew eżamijiet tal-UNFCCC, mhux implimentati mill-Istat Membru jistgħu jwassli għal korrezzjoni teknika;

(j)	valutazzjoni dwar jekk hemmx stimi ogħla mill-valur reali jew stimi iktar baxxi mill-valur reali potenzjali relatati ma' kategorija ewlenija f'inventarju ta' Stat Membru.

Artikolu 30

Bidu għat-tieni stadju tar-reviżjoni annwali

Fil-qafas tal-eżami annwali, fejn il-kontrolli skont l-Artikolu 29 jidentifikaw kwistjonijiet sinifikanti fit-tifsira tal-Artikolu 31, fuq talba ta' Stat Membru, f'każ ta' tresiq tardiv tal-inventarju li timpedixxi t-twettiq tal-ewwel stadju tal-kontrolli tal-eżami tal-ewwel stadju skont l-iskeda taż-żmien kif stabbilita fl-Anness XVI jew f'każ ta' nuqqas ta' reazzjoni għar-riżultati tal-eżami tal-ewwel stadju, għandhom jitwettqu l-kontrolli stabbiliti fl-Artikolu 32.

Artikolu 31

Livell limitu ta' sinifikat

1.   Rakkomandazzjonijiet minn eżamijiet iktar bikrin tal-Unjoni jew tal-UNFCCC li ma ġewx implimentati għandhom jikkostitwixxu kwistjoni sinifikanti skont l-Artikolu 19(4)(a) tar-Regolament Nru (UE) Nru 525/2013 jekk ir-rakkomandazzjoni jew il-kwistjoni jirrigwardaw stimi ogħla mill-valur reali jew stimi iktar baxxi mill-valur reali tad-dejta tal-inventarju ta' gassijiet serra li jistgħu jwasslu għal korrezzjoni teknika u jekk dak l-Istat Membru ma pprovdiex spjegazzjoni sodisfaċenti għan-nuqqas ta' implimentazzjoni ta' dik ir-rakkomandazzjoni.

2.   Stima ogħla mill-valur reali jew stima iktar baxxi mill-valur reali tad-dejta tal-inventarju li tammonta għal anqas minn 0.05 fil-mija tat-total tal-emissjonijiet ta' gassijiet serra ta' Stat Membru mingħajr LULUCF għas-sena tal-inventarju taħt eżami jew li ma taqbiżx l-ekwivalenti ta' 500 kt CO2, skont liema huwa l-iżgħar, ma għandhomx jitqiesu bħala kwistjoni sinifikanti skont l-Artikolu 19(4)(b) tar-Regolament (UE) Nru 525/2013.

Artikolu 32

It-tieni pass tal-eżami annwali

1.   Il-kontrolli biex jiġu identifikati każijiet fejn id-data tal-inventarju titħejja b'mod li huwa inkonsistenti mad-dokumentazzjoni ta' gwida tal-UNFCCC jew mar-regoli tal-Unjoni msemmija fl-Artikolu 19(3)(b) tar-Regolament (UE) Nru 525/2013 jistgħu jinkludu:

(a)	eżami ddettaljat tal-istimi tal-inventarju inklużi l-metodoloġiji użati mill-Istat Membru fit-tħejjija tal-inventarji;

(b)

Analiżi dettaljata tal-implimentazzjoni tal-Istat Membru tar-rakkomandazzjonijiet b'rabta mat-titjib tal-istimi tal-inventarju kif elenkati fl-aktar rapport ta' eżami annwali riċenti tal-UNFCCC disponibbli għal dak l-Istat Membru qabel it-tressiq taħt eżami, jew inkella fir-rapport ta' eżami finali skont l-Artikolu 35(2) ta' dan ir-Regolament; fejn ir-rakkomandazzjonijiet ma ġewx implimentati analiżi dettaljata tal-ġustifikazzjoni mogħtija mill-Istat Membru għala ma implimentahomx;

(c)	valutazzjoni dettaljata tal-konsistenza tas-serje taż-żmien tal-istimi ta' emissjonijiet ta' gassijiet serra;

(d)	valutazzjoni dettaljata jekk il-kalkoli mill-ġdid li ġew magħmula minn Stat Membru fit-tressiq tal-inventarju partikolari meta mqabbla ma' dak preċedenti huma rrappurtati bi trasparenza u magħmula f'konformità mal-Linji Gwida tal-IPCC tal-2006 għall-Inventarji Nazzjonali tal-Gassijiet Serra;

(e)	segwitu tar-riżultati tal-kontrolli msemmija fl-Artikolu 29 ta' dan ir-Regolament u dwar kwalunkwe informazzjoni addizzjonali mressqa mill-Istat Membru taħt eżami b'risposta għal mistoqsijiet li jsiru mit-tim ta' eżami ta' esperti tekniċi u kontrolli rilevanti oħra.

2.   Stat Membru li jixtieq li jsirulu l-kontrolli msemmija fil-paragrafu 1 fuq talba, għandu jinnotifikaw lill-Kummissjoni sal-31 ta' Ottubru tas-sena ta' qabel is-sena meta sseħħ ir-reviżjoni rilevanti.

Artikolu 33

Reviżjoni komprensiva

1.   Ir-reviżjoni komprensiva msemmija fl-Artikolu 19(1) tar-Regolament (UE) Nru 525/2013 għandha tinkludi l-kontrolli skont l-Artikoli 29 u 32 ta' dan ir-Regolament għal inventarju kollu.

2.   Ir-reviżjoni komprensiva tista' tinkludi kontrolli li jidentifikaw jekk il-problemi identifikati għal Stat Membru wieħed fl-eżamijiet tal-UNFCCC jew tal-Unjoni jistgħux jikkostitwixxu wkoll problema għal Stati Membri oħra.

Artikolu 34

Korrezzjonijiet tekniċi

1.   Korrezzjoni teknika għandha titqies meħtieġa fis-sens tal-Artikolu 19(3)(c) tar-Regolament (UE) Nru 525/2013 jekk stima ogħla mill-valur reali jew stima iktar baxxa mill-valur reali taqbeż il-livell limitu ta' sinifikanza skont l-Artikolu 31 ta dan ir-Regolament. Il-korrezzjonijiet tekniċi biss meqjusa meħtieġa biss għandhom jiġu inklużi fir-rapport ta' eżami finali msemmi fl-Artikolu 35(2) ta' dan ir-Regolament flimkien ma' ġustifikazzjoni bbażata fuq l-evidenza.

2.   Jekk korrezzjoni teknika taqbeż il-livell limitu ta' sinifikat għal mill-inqas sena tal-inventarju taħt eżami iżda mhux għas-snin kollha tas-serje ta' żmien, il-korrezzjoni teknika għandha tiġi kkalkulata tas-snin finanzjarji l-oħra kollha taħt eżami sabiex tkun żgurata l-konsistenza tas-serje taż-żmien.

Artikolu 35

Rapporti ta' Eżami

1.   Sal-20 ta' April ta' kull sena b'reviżjoni annwali, is-Segretarjat għandu jinforma lill-Istat Membru kkonċernat dwar kwalunkwe kwistjonijiet sinifikanti skont l-Artikoli 30 u 31 permezz ta' rapport ta' eżami interim. Tali rapport għandu jindirizza kwistjonijiet li tqajmu mhux aktar tard mill-31 ta' Marzu.

2.   Is-Segretarjat għandu jinforma lill-Istat Membru kkonċernat dwar it-tmiem tal-eżami permezz ta' rapport ta' eżami finali kif ġej:

(a)	sal-20 ta' April fil-każ fejn l-ebda rapport interim ma kien mibgħut skont il-paragrafu 1;

(b)	sat-30 ta' Ġunju fit-tmiem tat-tieni stadju ta' eżami annwali;

(c)	sat-30 ta' Awwissu fi tmiem l-analiżi komprensiva.

Artikolu 36

Kooperazzjoni mal-Istati Membri

1.   L-Istati Membri għandhom:

(a)	jieħdu sehem fl-istadji kollha tal-eżami skont l-iskeda kif stabbilit fl-Anness XVI;

(b)	jaħtru punt ta' kuntatt Nazzjonali għal eżami tal-Unjoni;

(c)	jieħdu sehem u jiffaċilitaw f'kooperazzjoni mill-qrib mas-Segretarjat l-organizzazzjoni ta' żjara fil-pajjiż, jekk ikun meħtieġ;

(d)	jagħtu tweġibiet u informazzjoni addizzjonali u jikkummentaw dwar ir-rapporti ta' eżami kif rilevanti.

2.   Fuq talba mill-Istati Membri, kummenti dwar is-sejbiet tal-eżami għandhom jiġu inklużi fir-rapport ta' eżami finali.

3.   Il-Kummissjoni għandha tinforma lill-Istati Membri dwar il-kompożizzjoni tat-tim ta' esperti tekniċi ta' eżami.

Artikolu 37

L-iskeda għall-eżamijiet

L-eżamijiet komprensivi u annwali għandhom jitwettqu skont l-iskedi stabbiliti fl-Anness XVI.

KAPITOLU IV

RAPPURTAR GĦALL-FINIJIET TAD-DEĊIŻJONI NRU 529/2013/UE

Artikolu 38

L-evitar ta' rappurtar doppju

Sal-punt li Stat Membru jinkludi informazzjoni fir-rapport tal-inventarju nazzjonali tiegħu u skont l-Artikolu 3 ta' dan ir-Regolament li hija meħtieġa wkoll skont id-Deċiżjoni 529/2013/UE, dak l-Istat Membru għandu jitqies li kkonforma mal-obbligi ta' rappurtar rispettivi tiegħu skont dik id-Deċiżjoni.

Artikolu 39

Ir-rekwiżiti ta' rappurtar fuq sistemi għall-ġestjoni tar-raba' u l-ġestjoni tal-imriegħi

1.   Sakemm Stat Membru ma jkunx inkluda informazzjoni fir-rapport tal-inventarju nazzjonali tiegħu kif stabbilit fl-Artikolu 38 ta' dan ir-Regolament, għandu jirraporta informazzjoni testwali fuq is-sistemi eżistenti u li qed jiġu żviluppati sabiex jiġu stmati l-emissjonijiet u l-assorbimenti mill-ġestjoni tar-raba' u l-ġestjoni tal-imriegħi kif imsemmi fil-punt (a) tat-tieni sottoparagrafu tal-Artikolu 3(2) tad-Deċiżjoni Nru 529/2013/UE, inklużi l-elementi li ġejjin:

(a)

deskrizzjoni tal-arranġamenti istituzzjonali, legali u proċedurali li saru f'konformità mar-rekwiżiti għal sistemi nazzjonali skont il-Protokoll ta' Kjoto kif stabbilit fl-Anness tad-Deċiżjoni 19/CMP.1 u skont ir-rekwiżiti għal arranġamenti nazzjonali skont il-linji ta' gwida ta' rappurtar tal-UNFCCC tal-inventarji nazzjonali tal-gassijiet serra, kif stabbilit fl-Anness I tad-Deċiżjoni 24/CP.19.

(b)

deskrizzjoni tal-mod li fih is-sistemi implimentati huma konsistenti mar-rekwiżiti metodoloġiċi tar-rapport tal-IPCC “Metodi Supplimentari Riveduti u l-Gwida ta' Prattika Tajba Riveduta li Jirriżultaw mill-Protokoll ta' Kjoto tal-2013”, l-“Inventarji Nazzjonali tal-Gassijiet b'Effett ta' Serra tal-2006 tal-IPCC”; u, kif applikabbli, mas-“Suppliment tal-2013 għall-Inventarji Nazzjonali tal-Gassijiet b'Effett ta' Serra tal-2006 tal-IPCC”: Artijiet Mistagħdra.

2.   L-Istati Membri għandhom iressqu l-informazzjoni stabbilita fil-paragrafu 1 bħala rapport separat lill-Kummissjoni skont l-iskeda li ġejja:

(a)	l-ewwel rapport fis-sena 2016 għas-sena ta' rappurtar 2014 inklużi l-iżviluppi kollha mill-1 ta' Jannar 2013,

(b)	it-tieni rapport fis-sena 2017 għas-sena ta' rappurtar 2015 u,

(c)	it-tielet rapport fis-sena 2018 għas-sena ta' rappurtar 2016.

3.   L-Istati Membri għandhom jiffukaw l-informazzjoni inkluża fir-rapporti wara l-ewwel rapport dwar kwalunkwe tibdiliet u żviluppi li seħħew għas-sistemi tagħhom meta mqabbla mal-informazzjoni inkluża fir-rapport preċedenti tagħhom.

Artikolu 40

Rekwiżiti ta' rappurtar ta' stimi annwali ta' emissjonijiet u assorbimenti mill-ġestjoni tar-raba' u l-ġestjoni tal-imriegħi

1.   L-Istati Membri li ma għażlux il-ġestjoni tar-raba' jew il-ġestjoni tal-imriegħi skont il-Protokoll ta' Kjoto għandhom jirrappurtaw stimi inizjali, preliminari u nonvinkolanti annwali tal-emissjonijiet u l-assorbimenti mill-ġestjoni tar-raba' jew il-ġestjoni tal-imriegħi kif imsemmi fil-punt (b) tat-tieni sottoparagrafu tal-Artikolu 3(2) tad-Deċiżjoni Nru 529/2013/UE billi tiġi inkluża informazzjoni għas-sena ta' bażi rilevanti jew perjodu speċifikat fl-Anness VI tad-Deċiżjoni Nru 529/2013/UE.

2.   L-ewwel rapport annwali għanu jitressaq fis-sena 2015 għas-sena ta' rappurtar 2013.

3.   L-Istati Membri li għalihom japplika l-paragrafu 1 ta' dan l-Artikolu għandhom iressqu l-istimi annwali finali tal-emissjonijiet u l-assorbimenti mill-ġestjoni tar-raba' u l-ġestjoni tal-imriegħi skont il-punt (c) tat-tieni sottoparagrafu tal-Artikolu 3(2) tad-Deċiżjoni Nru 529/2013/UE għas-snin kollha ta' rappurtar għall-perjodu mill-1 ta' Jannar 2013 sal-31 ta' Diċembru 2020, billi tiġi inkluża informazzjoni finali għas-sena ta' bażi rilevanti jew perjodu speċifikat fl-Anness VI tad-Deċiżjoni Nru 529/2013/UE.

4.   Meta jagħtu l-informazzjoni speċifikata fil-paragrafi 1 u 2 ta' dan l-Artikolu, l-Istati Membri għandhom jikkonformaw mar-rekwiżiti li ġejjin:

(a)

jimlew it-tabelli tal-format tar-rappurtar komuni rilevanti kollha kif inkluż fl-Anness tad-Deċiżjoni 6/CMP.9 għall-attività rispettiva skont il-Protokoll ta' Kjoto għat-tieni perjodu ta' impenn, inklużi tabelli trasversali dwar il-kopertura tal-attività, il-matriċi tat-tranżizzjoni tal-art u t-tabella tal-informazzjoni dwar il-kontabbiltà, u

(b)	jinkludu informazzjoni ta' spjegazzjoni dwar il-metodoloġiji u d-dejta użati kif meħtieġ għar-rapport tal-inventarju nazzjonali skont id-Deċiżjoni 2/CMP.8 skont il-Protokoll ta' Kjoto u l-Anness II tiegħu.

Artikolu 41

Ir-rekwiżiti dettaljati tar-rapportar

1.   Permezz ta' deroga mill-Artikolu 38 ta' dan ir-Regolament, meta Stat Membru jirrapporta, għall-obbligi ta' kontabbiltà tiegħu skont il-Protokoll ta' Kjoto, informazzjoni f'konformità mad-dispożizzjonijiet dwar il-pjantaġġuni tal-foresti stabbiliti fil-paragrafi 37 sa 39 tal-Anness tad-Deċiżjoni 2/CMP.7, dan għandu jressaq għall-fini tal-obbligi tiegħu skont id-Deċiżjoni Nru 529/2013/UE tabelli tal-format tar-rappurtar komuni separati għall-attivitajiet tal-ġestjoni tal-foresti u d-deforestazzjoni kompluti mingħajr l-applikazzjoni tad-dispożizzjonijiet fil-paragrafi 37 sa 39 tal-Anness tad-Deċiżjoni 2/CMP.7.

2.   Permezz ta' deroga mill-Artikolu 38 ta' dan ir-Regolament, fejn Stat Membru li ma għażilx il-ġestjoni tar-raba' jew il-ġestjoni tal-imriegħi skont il-Protokoll ta' Kjoto jirrapporta informazzjoni dwar l-ixxuttar u t-tixrib mill-ġdid ta' artijiet mistagħdra għall-kontabbiltà tiegħu skont dak il-protokoll u meta dak l-Istat Membru japplika l-Artikolu 3(3) tad-Deċiżjoni Nru 529/2013/UE, dan għandu jressaq tabelli tal-format tar-rappurtar komuni separati għal dawk l-attivitajiet kompluti f'konformità ma' dik id-Deċiżjoni.

Artikolu 42

Tressiq tal-informazzjoni

1.   L-informazzjoni li tikkorrispondi għar-rekwiżiti ta' rappurtar stabbiliti fl-Artikoli 39, 40 u 41 ta' dan ir-Regolament għandha titressaq lill-Kummissjoni bħala anness separat tar-rapport tal-inventarju nazzjonali msemmi fl-Artikolu 7(3) tar-Regolament (UE) Nru 525/2013.

2.   Sal-punt li l-Artikolu 38 ta' dan ir-Regolament ma japplikax, għall-obbligi ta' rappurtar tagħhom skont l-ewwel sottoparagrafu tal-Artikolu 3(2) u l-Artikolu 3(3) tad-Deċiżjoni 529/2013/UE, l-Istati Membri għandhom jirrappurtaw f'konformità mal-Artikolu 3 ta' dan ir-Regolament u jinkludi l-informazzjoni korrispondenti fl-Anness tar-rapport dwar l-inventarju nazzjonali msemmi fl-Artikolu 7(3) tar-Regolament (UE) Nru 525/2013.

Artikolu 43

Rappurtar fit-tmiem il-perjodu tal-kontabbiltà

Għall-finijiet tal-Artikolu 7(2) tar-Regolament (UE) Nru 525/2013, l-Istati Membri għandhom iressqu l-informazzjoni f'konformità mal-Artikolu 3 ta' dan ir-Regolament u skont id-dispożizzjonijiet stabbiliti f'dan il-Kapitolu.

KAPITOLU V

DISPOŻIZZJONIJIET TRANSITORJI U FINALI

Artikolu 44

Tħassir u dispożizzjonijiet transitorji

Id-Deċiżjoni Nru 2005/166/KE titħassar. L-effetti tal-Artikoli 18, 19 u 24 għandhom jinżammu.

Artikolu 45

Id-dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  ĠU L 165, 18.6.2013, p. 13.

(2)  Id-Deċiżjoni tal-Kunsill 94/69/KE tal-15 ta' Diċembru 1993 dwar il-konklużjoni tal-Konvenzjoni Qafas tan-Nazzjonijiet Uniti dwar il-Kambjamenti tal-Klima (ĠU L 33, 7.2.1994, p. 11).

(3)  Id-Deċiżjoni tal-Kunsill 2002/358/KE tal-25 ta' April 2002 dwar l-approvazzjoni f'isem il-Komunità Ewropea, tal-Protokoll ta' Kjoto għall-Konvenzjoni Kwadru tan-Nazzjonijiet Uniti dwar it-Tibdil fil-Klima u t-twettiq konġunt tal-obbligi tiegħu (ĠU L 130, 15.5.2002, p. 1).

(4)  Id-Deċiżjoni Nru 280/2004/KE tal-Parlament Ewropew u tal-Kunsill tal-11 ta' Frar 2004 li tikkonċerna l-mekkaniżmu għall-moniteraġġ l-emissjonijiet ta' gassijiet serra tal-Komunità u biex jiġi implimentat il-Protokoll ta' Kyoto (ĠU 49, 19.2.2004, p. 1).

(5)  Id-Deċiżjoni tal-Kummissjoni Nru 2005/166/KE tal-10 ta' Frar 2005 li tistabbilixxi r-regoli li jimplimentaw id-Deċiżjoni Nru 280/2004/KE tal-Parlament Ewropew u tal-Kunsill li tikkonċerna l-mekkaniżmu għall-monitoraġġ tal-emissjonijiet ta' gassijiet serra tal-Komunità u biex jiġi implimentat il-Protokoll ta' Kjoto, (ĠU L 55, 1.3.2005, p. 57).

(6)  Id-Deċiżjoni Nru 529/2013/UE tal-Parlament Ewropew u tal-Kunsill tal-21 ta' Mejju 2013 dwar regoli tal-kontabilità dwar l-emissjonijiet u l-assorbimenti tal-gassijiet serra li jirriżultaw mill-attivitajiet relatati mal-użu tal-art, mat-tibdil fl-użu tal-art u mal-forestrija u dwar informazzjoni li tikkonċerna l-azzjonijiet relatati ma' dawk l-attivitajiet (ĠU L 165, 18.6.2013, p. 80).

(7)  Id-Deċiżjoni Nru 406/2009/KE tal-Parlament Ewropew u tal-Kunsill tat-23 ta' April 2009 dwar l-isforz tal-Istati Membri biex inaqqsu l-emissjonijiet tagħhom tal-gassijiet serra biex jonoraw l-impenji tal-Komunità għat-tnaqqis tal-emissjonijiet tal-gassijiet serra sal-2020 (ĠU L 140, 5.6.2009, p. 136).

(8)  Ir-Regolament Delegat tal-Kummissjoni (UE) Nru C(2014) 1539 li jistabbilixxi rekwiżiti sostantivi għal sistema ta' inventarju tal-Unjoni filwaqt li jitqiesu l-bidliet fil-potenzjali ta' tisħin globali u l-linji gwida ta' inventarji li sar ftehim dwarhom f'livell internazzjonali skont ir-Regolament (UE) Nru 525/2013 tal-Parlament Ewropew u tal-Kunsill.

(9)  Ir-Regolament (KE) Nru 401/2009 tal-Parlament Ewropew u tal-Kunsill tal-23 ta' April 2009 dwar l-Aġenzija Ewropea għall-Ambjent u n-Netwerk Ewropew ta' Informazzjoni u Osservazzjoni tal-Ambjent (ĠU L 126, 21.5.2009, p. 13).

(10)  Id-Direttiva 2001/81/KE tal-Parlament Ewropew u tal-Kunsill tat-23 ta' Ottubru 2001 dwar il-livelli nazzjonali massimi tal-emissjonijiet ta' ċerti inkwinanti atmosferiċi (ĠU L 309, 27.11.2001, p. 22).

(11)  Ir-Regolament (KE) Nru 842/2006 tal-Parlament Ewropew u tal-Kunsill tas-17 ta' Mejju 2006 dwar ċerti gassijiet serra flworinati (ĠU L 161, 14.6.2006, p. 1).

(12)  Ir-Regolament (KE) Nru 1099/2008 tal-Parlament Ewropew u tal-Kunsill tat-22 ta' Ottubru 2008 dwar l-istatistika dwar l-enerġija (ĠU L 304, 14.11.2008, p. 1).

(13)  Id-Direttiva 2003/87/KE tal-Parlament Ewropew u tal-Kunsill tat-13 ta' Ottubru 2003 li tistabbilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità u li temenda d-Direttiva tal-Kunsill 96/61/KE (ĠU L 275, 25.10.2003, p. 32).

---

---

---

---

---

---

---

---

---

---

---

---

---

---

---

---

---