13.5.2014   

MT

Il-Ġurnal Uffiċjali tal-Unjoni Ewropea

L 138/1

(1)

Ir-Regolament tal-Kunsill (KE) Nru 147/2003 (2) jimponi projbizzjoni ġenerali fuq l-għoti ta' finanzjament, għajnuna finanzjarja, pariri tekniċi, assistenza jew taħriġ relatati ma' attivitajiet militari lil kwalunkwe persuna, entità jew korp fis-Somalja.

(2)

Fil-5 ta' Marzu 2014, il-Kunsill tas-Sigurtà tan-NU adotta r-Riżoluzzjoni tal-Kunsill tas-Sigurtà tan-NU (UNSCR) 2142 (2014) li tafferma mill-ġdid l-embargo fuq l-armi fuq is-Somalja u li ġġedded, sal-25 ta' Ottubru 2014, id-determinazzjoni tiegħu li l-embargo tal-armi ma japplikax għal konsenji ta' armi, munizzjoni jew tagħmir militari jew l-għoti ta' pariri, għajnuna jew taħriġ, intenzjonati unikament għall-iżvilupp tal-Forzi tas-Sigurtà tal-Gvern Federali tas-Somalja biex jipprovdu sigurtà għan-nies tas-Somalja, ħlief f'dak li għandu x'jaqsam ma' konsenji ta' ċerti oġġetti kif stipulat fl-Anness tal-UNSCR 2111 (2013) li jirrikjedu approvazzjoni bil-quddiem mill-Kumitat tas-Sanzjonijiet stabbilit skont l-UNSCR 751 (1992).

(3)

L-UNSCR 2142 (2014) timmodifika l-ħtiġijiet tan-notifika fir-rigward tal-konsenji ta' armi, munizzjoni jew tagħmir militari jew l-għoti ta' pariri, għajnuna jew taħriġ lill-Forzi tas-Sigurtà tas-Somalja, kif ukoll il-proċedura għall-eżenzjoni fir-rigward tal-konsenji tal-oġġetti stipulati fl-Anness ta' UNSCR 2111 (2013).

(4)

Fit-12 ta' Mejju 2014, il-Kunsill adotta d-Deċiżjoni 2014/270/PESK (3) li temenda d-Deċiżjoni 2010/231/PESK skont UNSCR 2142 (2014). Uħud minn dawk l-emendi jaqgħu fil-kamp ta' applikazzjoni tat-Trattat u għalhekk hemm bżonn ta' azzjoni regolatorja fil-livell tal-Unjoni sabiex jiġu implimentati, partikolarment bil-għan li tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha.

(5)

Ir-Regolament (KE) Nru 147/2003 għandu għalhekk jiġi emendat skont dan,

13.5.2014   

MT

Il-Ġurnal Uffiċjali tal-Unjoni Ewropea

L 138/3

(1)

Fit-12 ta' April 2005, il-Kunsill adotta r-Regolament (KE) Nru 560/2005.

(2)

Il-Kunsill għamel reviżjoni tal-lista li tinsab fl-Anness IA għar-Regolament (KE) Nru 560/2005, skont l-Artikolu 11a(6) ta' dak ir-Regolament.

(3)

Il-Kunsill iddetermina li m'għadx hemm raġunijiet biex persuna waħda tinżamm fuq il-lista li tinsab fl-Anness IA għar-Regolament (KE) Nru 560/2005.

(4)

Barra minn hekk, l-informazzjoni marbuta ma' żewġ persuni fuq il-lista li tinsab fl-Anness IA għar-Regolament (KE) Nru 560/2005 għandha tiġi aġġornata.

(5)

Ir-Regolament (KE) Nru 560/2005 għandu għalhekk jiġi emendat skont dan,

13.5.2014   

MT

Il-Ġurnal Uffiċjali tal-Unjoni Ewropea

L 138/5

(1)

Fil-Parti Tnejn, ir-Regolament (UE) Nru 1303/2013, jistabbilixxi d-dispożizzjonijiet applikabbli għall-Fond Ewropew għall-Iżvilupp Reġjonali (FEŻR), il-Fond Soċjali Ewropew (FSE), il-Fond ta' Koeżjoni, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew Marittimu u għas-Sajd (FEMS), li issa joperaw f'qafas komuni (il-“Fondi Strutturali u ta' Investiment Ewropej” jew il-“Fondi ESI”). Addizzjonalment, il-Parti Tlieta ta' dak ir-Regolament fiha dispożizzjonijiet ġenerali applikabbli għall-FEŻR, il-FSE u l-Fond ta' Koeżjoni, iżda li ma japplikawx għall-FAEŻR u l-FEMS, u l-Parti Erbgħa ta' dak ir-Regolament fiha dispożizzjonijiet ġenerali li japplikaw għall-FEŻR, il-FSE, il-Fond ta' Koeżjoni u l-FEMS, iżda li ma japplikawx għall-FAEŻR. Għaldaqstant, dan ir-regolament jistipula dispożizzjonijiet li huma applikabbli għall-Fondi ESI kollha, kif ukoll dispożizzjonijiet applikabbli biss għall-FEŻR u l-Fond ta' Koeżjoni jew il-FEŻR, il-FSE, il-Fond ta' Koeżjoni u l-FEMS.

(2)

Huwa meħtieġ li jiġu stabbiliti regoli dettaljati dwar kriterji għad-determinazzjoni tal-livell ta' korrezzjoni finanzjarja li l-Kummissjoni tista' tapplika fil-qafas ta' prestazzjoni għal kull prijorità inkluża fil-programmi sostnuti mill-Fondi ESI.

(3)

Tali korrezzjonijiet finanzjarji jistgħu jkunu applikati biss jekk diversi kundizzjonijiet jiġu ssodisfati b'mod konġunt. Il-livell ta' korrezzjoni finanzjarja għandu jkun stabbilit fuq il-bażi ta' rati fissi relatati ma' koeffiċjent, ikkalkulat b'referenza għal-livell ta' tlestija fiżika u l-użu tal-finanzi. Fatturi esterni li jikkontribwixxu għal nuqqas serju biex jintlaħqu miri fil-qafas ta' prestazzjoni sal-2023, għajr fatturi li jeskludu l-korrezzjoni finanzjarja, għandhom ikunu kkunsidrati skont il-każ u jistgħu jkunu ta' bażi għall-applikazzjoni ta' rata iktar baxxa ta' korrezzjoni minn dik li kieku tapplika fuq il-bażi tal-koeffiċjent.

(4)

Fid-dispożizzjonijiet dwar il-kriterji għad-determinazzjoni tal-livell ta' korrezzjonijiet finanzjarji li għandhom jiġu applikati fil-qafas ta' prestazzjoni, allokazzjoni speċjali għall-Inizjattiva favur l-Impjieg taż-Żagħżagħ għandha tkun ttrattata separatament.

(5)

Regoli speċifiċi għandhom jiċċaraw id-dipożizzjonijiet dwar ix-xiri ta' art bis-sostenn ipprovdut mill-istrumenti finanzjarji.

(6)

Qafas koerenti għall-kombinazzjoni ta' għotjiet għal sostenn tekniku ma' strument finanzjarju f'operazzjoni waħda, jirrikjedi li dan ikun possibbli biss għall-iskop ta' tħejjija teknika tal-investiment prospettiv għall-benefiċċju tar-riċevitur finali.

(7)

Biex ikun żgurat li l-implimentazzjoni ta' strumenti finanzjarji hija fdata lil korpi li jkollhom kapaċità xierqa biex jimplimentawhom f'konformità mal-objettivi u l-prijoritajiet tal-Fondi ESI, u bl-aktar mod effiċjenti, il-kriterji għall-għażla ta' korpi bħal dawn għandu jkun stabilit flimkien mar-rwol, l-obbligazzjoni u r-responsabbiltajiet.

(8)

Biex tkun żgurata l-ġestjoni finanzjarja soda ta' strumenti finanzjarji li jipprovdu garanziji, il-kontribuzzjoni mill-programmi għandha tkun ibbażata fuq valutazzjoni tar-riskju ex ante prudenti, li tqis proporzjon multiplikatur xieraq.

(9)

Biex ikun żgurat li l-istrumenti finanzjarji jkunu implimentati f'konformità mal-liġi applikabbli, għandhom isiru dispożizzjonijiet speċifiċi għall-ġestjoni u l-kontroll tagħhom, inkluż l-awditjar.

(10)

Biex tkun żgurata ġestjoni finanzjarja tajba tal-kontributi tal-programm għall-istrumenti finanzjarji, kull irtirar ta' tali kontributi għandu jkun rifless kif jixraq fl-applikazzjonijiet għall-pagament rilevanti.

(11)

Biex ikun żgurat kalkolu konsistenti tas-sussidji tar-rati tal-imgħax kapitalizzati eliġibbli u tas-sussidji ta' tariffi tal-garanziji, għandhom ikunu stabbiliti regoli speċifiċi għall-kalkolu tagħhom.

(12)

Għall-promozzjoni ta' skjerament rapidu u effiċjenti ta' fondi f'ekonomija reali u ġestjoni finanzjarja soda, filwaqt li tkun żgurata remunerazzjoni raġonevoli għal korpi li jimplimentaw l-istrumenti finanzjarji, għandhom ikunu stabbiliti kriterji għad-determinazzjoni tal-ispejjeż u t-tariffi ta' ġestjoni abbażi ta' prestazzjoni, il-limiti minimi applikabbli, u regoli dwar ir-rimbors ta' spejjeż u tariffi ta' ġestjoni kapitalizzati għal strumenti bbażati fuq l-ekwità u l-mikrokreditu.

(13)

F'konformità mal-prinċipju ta' ġestjoni finanzjarja tajba, id-dħul iġġenerat bl-operazzjonijiet għandu jitqies meta tiġi kkalkulata l-kontribuzzjoni pubblika.

(14)

Huwa meħtieġ li jiġi stabbilit il-metodu għall-kalkolu tad-dħul nett skontat ta' operazzjoni, filwaqt li jitqiesu l-perjodi ta' referenza applikabbli għas-settur ta' dik l-operazzjoni, il-profittabilità normalment mistennija mit-tip ta' investiment, l-applikazzjoni tal-prinċipju li min iniġġes iħallas u, jekk xieraq, kunsiderazzjoniet tal-ekwità marbuta mal-prosperità relattiva tal-Istat Membru jew ir-reġjun ikkonċernat.

(15)

Il-perjodi ta' referenza applikabbli għas-setturi bbażati fuq dejta storika rreġistrata u maħżuna għal proġetti li jiġġeneraw dħul tal-perjodu tal-ipprogrammar 2007-2013 għandhom ikunu stabbiliti.

(16)

Huwa neċessarju li jkunu definiti l-ispejjeż u d-dħul li għandhom jitqiesu fil-kalkolu tad-dħul nett skontat kif ukoll il-kundizzjonijiet għad-determinazzjoni tal-valur residwu u r-rata ta' skont finanzjarju.

(17)

Ir-rata ta' skont ta' 4 % proposta bħala punt ta' riferiment indikattiv għandha tkun ibbażata fuq rata ta' redditu fit-tul minn portafoll internazzjonali ta' investimenti kkalkulat bħala l-medja ta' redditi ta' 3 % mill-assi aġġustati 'l fuq b'1 % li hija l-perċentwali li bih il-medja tar-rendiment tal-bonds tal-gvern fit-tul fiż-żona tal-Unjoni waqa' minn meta kienet stabbilita r-rata ta' skont finanzjarju għall-perjodu ta' programmar 2007-2013.

(18)

Il-prinċipju ta' min iniġġes iħallas jeħtieġ li l-ispejjeż ambjentali ta' tniġġis u dawk preventivi jkunu koperti minn dawk li jikkawżaw tniġġis u li s-sistemi tal-imposti jirriflettu l-ispejjeż totali, li jinkludu l-ispejjeż kapitali, tas-servizzi ambjentali, l-ispejjeż tat-tniġġis ambjentali u miżuri preventivi implimentati u l-ispejjeż marbuta mal-iskarsezza tar-riżorsi użati.

(19)

Biex jitnaqqas il-piż amministrattiv, il-benefiċjarji għandhom jitħallew jużaw metodi eżistenti u rati korrispondenti stipulati f'politiki oħra tal-Unjoni sabiex jikkalkulaw l-ispejjeż indiretti, jekk l-operazzjonijiet u l-benefiċjarji jkunu ta' tip simili.

(20)

Biex ikun żgurat li operazzjonijiet sostnuti minn Fondi ESI li jistgħu jużaw rata fissa għall-ispejjeż indiretti stabbiliti skont politiki oħra tal-Unjoni huma simili għal operazzjonijiet iffinanzjati skont dawn il-politiki l-oħra, huwa neċessarju li jkunu definiti l-kategoriji ta' intervent jew miżuri u prijoritajiet ta' investiment li jaqgħu taħthom.

(21)

Il-metodoloġija li għandha tintuża sabiex titwettaq l-analiżi tal-kwalità ta' proġetti kbar għandha tkun stabbilita. L-analiżi tal-kwalità minn esperti indipendenti hija prerekwiżit għal sottomissjoni ta' proġett ewlieni lill-Kummissjoni minn Stat Membru li juża l-proċedura ta' notifika pprovduta fir-Regolament (UE) Nru 1303/2013.

(22)

Jekk Stat Membru jagħżel li juża l-proċedura tan-notifika, huwa għandu jiddeċiedi jekk il-proġett ewlieni għandux ikun evalwat minn esperti indipendenti sostnuti minn assistenza teknika tal-Kummissjoni jew, bi qbil mal-Kummissjoni, minn esperti indipendenti oħra.

(23)

Il-kapaċità, il-kompetenza u l-imparzjalità tal-esperti indipendenti li jwettqu l-analiżi tal-kwalità huma fost il-fatturi prinċipali li jiddeterminaw jekk l-eżitu tal-analiżi jkunx ta' kwalità tajba u kredibbli. Għalhekk, għandhom jiġu stabbiliti ċerti rekwiżiti għall-esperti indipendenti biex ikun żgurat li xogħolhom fuq l-analiżi tal-kwalità jkun kredibbli u ta' kwalità għolja. L-esperti indipendenti kollha għandhom jissodisfaw dawn ir-rekwiżiti kemm jekk xogħolhom hu sostnut permezz ta' assistenza teknika b'inizjattiva tal-Kummissjoni kif ukoll minn Stat Membru. Għandha tkun ir-responsabbiltà tal-Istat Membru li jivverifika li l-esperti indipendenti jissodisfaw dawn ir-rekwiżiti qabel ma jfittex li jikseb il-qbil tal-Kummissjoni dwar għażla ta' esperti indipendenti.

(24)

Minħabba li huma biss proġetti ewlenin li ġew ivvalutati pożittivament mill-esperti indipendenti li jistgħu jintgħażlu għas-sottomissjoni lill-Kummissjoni bl-użu tal-proċedura ta' notifika, huwa neċessarju li jiġu stabbiliti kriterji ċari għal dan l-għan. Huwa wkoll meħtieġ li jkunu ffissati l-istadji ta' dan il-proċess ta' analiżi u l-parametri għall-valutazzjoni ta' kwalità biex jintużaw fl-analiżi, sabiex jiġi żgurat li l-analiżi tal-kwalità ta' kull proġett maġġuri tkun ibbażata fuq l-istess approċċ metodoloġiku u li l-analiżi tal-kwalità ssir b'mod li tikkontribwixxi għat-titjib fil-kwalità tal-proġetti ewlenin analizzati.

(25)

Ir-Regolament (UE) Nru 1303/2013 jitlob lill-awtorità maniġerjali biex tistabbilixxi sistema sabiex tirreġistra u taħżen f'forma kompjuterizzata dejta dwar kull operazzjoni meħtieġa għall-monitoraġġ, l-evalwazzjoni, il-ġestjoni finanzjarja, l-verifika u l-awditjar, inkluż dejta dwar parteċipanti individwali. Huwa għalhekk meħtieġ li tiġi stabbilita lista ta' dejta li għandha tiġi rreġistrata u maħżuna f'din is-sistema.

(26)

Ċerta dejta hija rilevanti għal tipi partikolari ta' operazzjonijiet jew għal xi Fondi ESI biss; l-applikabilità tar-rekwiżiti tad-dejta għandha għalhekk tkun speċifikata. Ir-Regolament (UE) Nru 1303/2013 u r-Regolament (UE) Nru 1304/2013 tal-Parlament Ewropew u tal-Kunsill (2) jistabbilixxu ħtiġijiet speċifiċi ta' reġistrazzjoni u ħażna ta' dejta dwar parteċipanti individwali fl-operazzjonijiet sostnuti mill-FSE, li jeħtieġ li jitqiesu.

(27)

Il-lista tad-dejta għandha tqis ir-rekwiżiti ta' rappurtar stabbiliti skont ir-Regolament (UE) Nru 1303/2013 u r-Regolamenti speċifiċi għall-Fond sabiex ikun żgurata li d-dejta meħtieġa għal ġestjoni finanzjarja u l-monitoraġġ, inkluża dik meħtieġa biex jitħejjew l-applikazzjonijiet għall-ħlas, il-kontijiet u r-rapporti ta' implimentazzjoni teżisti għal kull operazzjoni f'forma li fiha tista' tiġi faċilment aggregata u rikonċiljati. Il-lista għandha tqis li ċerta dejta bażika dwar operazzjonijiet f'forma kompjuterizzata hija meħtieġa għal ġestjoni finanzjarja effettiva tal-operazzjonijiet u biex ikun sodisfatt ir-rekwiżit għall-pubblikazzjoni ta' informazzjoni bażika dwar l-operazzjonijiet. Ċerta dejta oħra hija meħtieġa biex effettivament ikunu ppjanati u jitwettqu verifiki u x-xogħol ta' awditjar.

(28)

Il-lista tad-dejta li għandha tiġi rreġistrata u maħżuna ma għandhiex tippreġudika l-karatteristiċi tekniċi jew l-istruttura tas-sistemi kompjuterizzati mwaqqfa mill-awtoritajiet ta' ġestjoni jew tiddetermina minn qabel il-format tad-dejta rreġistrata u maħżuna, sakemm ma jkunux indikati speċifikament f'dan ir-Regolament. Lanqas ma għandha tippreġudika l-mezzi li bihom id-dejta tiddaħħal jew tkun iġġenerata fis-sistema; f'xi każijiet, id-dejta inkluża fil-lista tista' teħtieq li jiddaħħlu valuri multipli. Madankollu, huwa neċessarju li jiġu stabbiliti ċerti regoli dwar in-natura ta' din id-dejta, sabiex jiġi żgurat li l-awtorità maniġerjali tista' taqdi r-responsabbiltà tagħha għall-monitoraġġ, l-evalwazzjoni, il-ġestjoni finanzjarja, il-verifika u l-awditjar, inkluż fejn dan jeħtieġ l-ipproċessar ta' dejta dwar parteċipanti individwali.

(29)

Sabiex jiġi żgurat li n-nefqa taħt il-programmi operattivi tista' tiġi vverifikata u awditjata b'mod xieraq, huwa meħtieġ li jiġu stabbiliti l-kriterji li magħhom għandu jkun konformi r-rekord għall-awditjar sabiex jitqies li huwa adegwat.

(30)

Fir-rigward tax-xogħol ta' awditjar skont ir-Regolament (UE) Nru 1303/2013,huwa neċesasrju li l-Kummissjoni u l-Istati Membri għandhom jipprevjenu kwalunkwe żvelar jew aċċess mhux awtorizzat ta' dejta personali, u li jkunu speċifikati l-iskopijiet li għalihom il-Kummissjoni u l-Istati Membri jistgħu jipproċessaw tali dejta.

(31)

L-awtorità tal-awditjar hija responsabbli mill-awditjar tal-operazzjonijiet. Biex ikun żgurat li l-iskop u l-effettività ta' tali awditi hu adegwat u li jsiru skont l-istess standards fl-Istati Membri kollha, jeħtieġ li jiġu stipulati l-kundizzjonijiet li huma għandhom jissodisfaw.

(32)

Huwa meħtieġ li tiġi stabbilita fid-dettall il-bażi gћall-kampjunar tal-operazzjonijiet li għandhom ikunu awditjati, li l-awtorità tal-awditjar għandha tosserva fl-istabbiliment jew fl-approvazzjoni tal-metodu ta' kampjunar, inkluża d-determinazzjoni tal-unità ta' kampjunar, ċerti kriterji tekniċi li għandhom jintużaw għall-kampjun u fejn meħtieġ il-fatturi li għandhom jitqiesu għat-teħid ta' kampjuni addizzjonali.

(33)

L-awtorità tal-awditjar għandha tfassal opinjoni tal-awditjar li tkopri l-kontijiet msemmija fir-Regolament (UE) Nru 1303/2013. Biex ikun żgurat li l-iskop u l-kontenut tal-awditi fuq il-kontijiet ikunu adegwati u li l-awditi jsiru skont l-istess standards fl-Istati Membri kollha, jeħtieġ li jiġu stipulati l-kundizzjonijiet li huma għandhom jissodisfaw.

(34)

Biex tkun żgurata ċertezza legali u trattament ugwali tal-Istati Membri kollha meta jsiru korrezzjonijiet finanzjarji, konsistenti mal-prinċipju ta' proporzjonalità, huwa meħtieġ li jiġu ffissati kriterji għad-determinazzjoni ta' nuqqasijiet serji fil-funzjonament effettiv tas-sistemi ta' ġestjoni u ta' kontroll, jiġu definiti t-tipi ewlenin ta' nuqqasijiet serji u jiġu ffissati l-kriterji għall-istabbiliment tal-livell ta' korrezzjoni finanzjarja li għandha tiġi applikata u l-kriterji għall-applikazzjoni ta' rati fissi jew ta' korrezzjonijiet finanzjarji estrapolati.

(35)

Sabiex jingħata lok għall-applikazzjoni immedjata tal-miżuri stipulat f'dan ir-Regolament, dan ir-Regolament għandu jidħol fis-seħħ fil-jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

(a)

dispożizzjonijiet li jissuplimentaw il-Parti Tnejn ta' dak ir-Regolament applikabbli għall-FEŻR, il-FSE, il-Fond ta' Koeżjoni, il-FAEŻR u l-FEMS (minn issa 'l quddiem imsejħa “Fondi ESI”) fir-rigward tas-segwenti:

(b)

dispożizzjonijiet li jissuplimentaw il-Parti Tlieta ta' dak ir-Regolament applikabbli għall-FEŻR u l-Fond ta' Koeżjoni fir-rigward tal-metodoloġija li għandha tintuża fit-twettiq tal-analiżi tal-kwalità ta' proġetti kbar;

(c)

dispożizzjonijiet li jissupplimentaw il-Parti Erbgħa ta' dak ir-Regolament applikabbli għall-FEŻR, il-FSE, il-Fond ta' Koeżjoni u l-FEMS fir-rigward tas-segwenti:

(a)

il-valur finali miksub għal kull indikatur tal-output u pass ewlieni fl-implimentazzjoni magħżula għall-qafas tal-prestazzjoni f'ċerta prijorità jkun diviż bil-valuri ta' mira rispettiva tagħhom sabiex tinkiseb ir-rata finali tagħhom espressa bħala perċentwal tal-mira;

(b)

il-medja tar-rati ta' kisba finali kollha għall-indikaturi kollha ta' output u l-pass ewlieni fl-implimentazzjoni magħżula għall-qafas ta' prestazzjoni fi prijorità speċifika tkun iddeterminata. Għal dan l-iskop, fejn rata ta' kisba finali hija kkalkulata li taqbeż il-100 %, hija tgħodd bħala 100 %;

(c)

il-valur finali miksub għal kull indikatur finanzjarju magħżul għall-qafas tal-prestazzjoni f'ċerta prijorità jkun diviż bil-valur ta' mira rispettiv tiegħu sabiex tinkiseb ir-rata finali tiegħu espressa bħala perċentwal tal-mira; Għal dan l-iskop, fejn rata ta' kisba finali hija kkalkulata li taqbeż il-100 %, hija tgħodd bħala 100 %;

(d)

il-medja tar-rati ta' kisba finali kollha għall-indikaturi kollha ta' output u l-passi ewlenin tal-implimentazzjoni magħżula għall-qafas ta' prestazzjoni fi prijorità speċifika tkun diviża bir-rata ta' kisba finali għall-indikatur finanzjarju magħżul għall-qafas ta' prestazzjoni fi prijorità speċifika.

(a)

għal koefiċjent ta' kisba/użu ta' inqas minn 65 % iżda mhux inqas minn 60 %, tkun applikata rata fissa ta' 5 %;

(b)

għal koefiċjent ta' kisba/użu ta' inqas minn 60 % iżda mhux inqas minn 50 %, tkun applikata rata fissa ta' 10 %;

(c)

għal koefiċjent ta' kisba/użu ta' inqas minn 50 %, tkun applikata rata fissa ta' 25 %;

(a)

riċevituri finali li jirċievu sostenn minn strumenti finanzjarji huma magħżula waqt li titqies b'mod dovut in-natura tal-istrument finanzjarju u l-vijabilità ekonomika potenzjali tal-proġetti ta' investiment li għandhom ikunu ffinanzjati. L-għażla tkun trasparenti u ġġustifikata b'motivazzjonijiet oġġettivi u ma twassalx għal kunflitt ta' interessi;

(b)

ir-riċevituri finali jkunu infurmati li l-finanzjament huwa pprovdut fi programmi kkofinanzjati mill-Fondi ESI, skont ir-rekwiżiti stabbiliti fl-Artikolu 115 tar-Regolament (UE) Nru 1303/2013 għall-FEŻR, il-FSE u l-Fond ta' Koeżjoni, l-Artikolu 66(1)(c)(i) tar-Regolament (UE) Nru 1305/2013 tal-Parlament Ewropew u tal-Kunsill (3) għall-FAEŻR u f'att legali tal-Unjoni futur li jistabbilixxi l-kundizzjonijiet għas-sostenn finanzjarju għall-politika marittima u tas-sajd għall-perjodu ta' programmar 2014-2020 għall-FEMS (ir-“Regolament FEMS”);

(c)

strumenti finanzjarji jipprovdu sostenn b'mod li jkun proporzjonat u li jkollu l-inqas effett distortiv fuq il-kompetizzjoni;

(d)

remunerazzjoni preferenzjali ta' investituri privati jew investituri pubbliċi li joperaw skont il-prinċipju ta' ekonomija tas-suq, kif imsemmi fl-Artikolu 37(2)(c) u l-Artikolu 44(1)(b) tar-Regolament (UE) Nru 1303/2013, hija proporzjonali mar-riskji meħuda minn dawn l-investituri u limitata għall-minimu neċesarju biex jiġu attirati dawn l-investituri, li jkun żgurat permezz ta' patti u kundizzjonijiet u salvagwardji proċedurali.

(a)

l-irregolaritajiet seħħew fil-livell tar-riċevitur finali jew, fil-każ ta' fondi ta' fondi, fil-livell tal-intermedjarji finanzjarji jew tar-riċevituri finali;

(b)

il-korpi li jimpliementaw strumenti finanzjarji kkonformaw mal-paragrafu 1 ta' dan l-Artikolu fir-rigward tal-kontribuzzjonijiet tal-programm affettwati mill-irregolarità;

(c)

l-ammonti affettwati mill-irregolarità ma setgħux ikunu rkuprati minkejja li l-korpi li jimplimentaw l-istrument finanzjarju segwew il-miżuri kuntrattwali u legali kollha bid-diliġenza dovuta.

(a)

id-dritt li jwettaq kompiti ta' implimentazzjoni rilevanti skont il-liġi tal-Unjoni u dik nazzjonali;

(b)

vijabbiltà ekonomika u finanzjarja adegwata;

(c)

kapaċità adegwata biex jimplimenta l-istrument finanzjarju, inkluż l-istruttura organizzazzjonali u qafas ta' governanza li jipprovdi l-assigurazzjoni meħtieġa lill-awtorità maniġerjali;

(d)

l-eżistenza ta' sistema effettiva u effiċjenti ta' kontroll intern;

(e)

l-użu ta' sistema ta' kontabilità li tipprovdi informazzjoni akkurata, sħiħa u kredibbli mingħajr dewmien;

(f)

il-ftehim għandu jkun awditjat mill-korpi tal-awditjar tal-Istat Membru, il-Kummissjoni u l-Qorti tal-Awdituri Ewropea.

(a)

metodoloġija robusta u kredibbli għall-identifikazzjoni u l-valutazzjoni ta' intermedjarji finanzjarji jew riċevituri finali kif applikabbli;

(b)

il-livell tal-ispejjeż u t-tariffi ta' ġestjoni għall-implimentazzjoni tal-istrument finanzjarju u l-metodoloġija proposta għall-kalkolu tagħhom;

(c)

il-patti u l-kundizzjonijiet applikati fir-rigward ta' sostenn ipprovdut lir-riċevituri finali, inkluż l-ipprezzar;

(d)

l-abilità li li jinġabtu riżorsi għal investimenti addizzjonali mal kontribuzzjonijiet tal-programm, fir-riċevituri finali;

(e)

l-abbiltà li tintwera attività addizzjonali meta mqabbla mal-attività preżenti;

(f)

f'każijiet fejn il-korp li jimplimenta l-istrument finanzjarju jalloka r-riżorsi finanzjarji proprji għall-istrument finanzjarju jew jikkondividi r-riskju, jipproponi miżuri biex ikunu allinjati l-interessi u biex jittaffew il-kunflitti possibbli ta' interess.

(a)

proporzjon multiplikatur xieraq jinkiseb bejn l-ammont tal-kontribuzzjoni tal-programm imwarrba biex jiġi koprut telf mistenni u dak mhux mistenni minn self ġdid jew strumenti oħra ta' kondiviżjoni tar-riskju li għandhom ikunu koperti minn garanziji u l-valur ta' telf ġdid żburżat jew strumenti oħra ta' kondiviżjoni tar-riskju;

(b)

il-proporzjon multiplikatur ikun stabbilit permezz ta' valutazzjoni tar-riskju ex ante prudenti għall-prodott ta' garanzija speċifiku li għandu jkun offrut, waqt li jitqiesu l-kundizzjonijiet speċifiċi tas-suq, l-istrateġija ta' investiment tal-istrument finanzjarju, u l-prinċipji tal-ekonomija u l-effiċjenza. Il-valutazzjoni tar-riskju ex ante tista' tkun riveduta meta dan ikun iġġustifikat minn kundizzjonijiet sussegwenti tas-suq;

(c)

il-kontribuzzjoni tal-programm impenjata sabiex jiġu onorati l-garanziji tirrifletti dik il-valutazzjoni tar-riskju ex ante;

(d)

jekk l-intermedjarju finanzjarju, jew l-entità li jibbenefikaw mill-garanziji ma żburżawx l-ammont ippjanat ta' self ġdid jew strumenti oħra għall-kondiviżjoni tar-riskju lir-riċevituri finali, in-nefqa eliġibbli titnaqqas proporzjonalment.

(a)

l-operazzjoni tikkonforma mal-liġi applikabbli, il-programm relevanti u l-ftehim relevanti ta' finanzjament, kemm waqt il-proċess ta' valutazzjoni u għażla tal-operazzjoni kif ukoll waqt it-twaqqif u l-implimentazzjoni tal-istrument finanzjarju;

(b)

ftehimiet ta' finanzjament ikun fihom dispożizzjonijiet dwar ir-rekwiżiti tal-awditjar u r-rekord għall-awditjar skont il-punt 1(e) tal-Anness IV tar-Regolament (UE) Nru 1303/2013;

(c)

verifiki ta' ġestjoni jitwettqu matul il-perjodu ta' programmar u matul it-twaqqif u l-implimentazzjoni tal-istrumenti finanzjarji skont l-Artikolu 125(4) tar-Regolament (UE) Nru 1303/2013 għall-FEŻR, il-FSE, il-Fond ta' Koeżjoni u l-FEMS, u skont l-Artikolu 58(1) u (2) tar-Regolament (UE) Nru 1305/2013 għall-FAEŻR;

(d)

dokumenti ta' sostenn għan-nefqa ddikjarata bħala eliġibbli huma:

(e)

id-dokumenti ta' sostenn li jippermettu verifika tal-konformità mal-liġi tal-Unjoni u nazzjonali u mal-kundizzjonijiet tal-finanzjament jinkludu mill-inqas:

(a)

l-awtorità maniġerjali tqabbad kumpanija li topera f'qafas komuni kif stabbilit mill-Kummissjoni biex twettaq verifiki fuq il-post fuq l-operazzjoni skont it-tifsira tal-Artikolu 125(5)(b) tar-Regolament (UE) Nru 1303/2013;

(b)

l-awtorità tal-awditjar tqabbad kumpanija li topera f'qafas komuni kif stabbilit mill-Kummissjoni biex twettaq awditi fuq l-operazzjoni.

(a)

l-iżborż tal-kontribuzzjonijiet ipprovduti mill-programm tal-Fondi ESI;

(b)

ir-riżorsi mħallsa lura mill-investimenti jew mir-rilaxx tar-riżorsi impenjati għal kuntratti ta' garanzija;

(c)

il-kwalità tal-miżuri li jakkumpanjaw l-investiment qabel u wara d-deċiżjoni ta' investiment biex ikun massimizzat l-impatt tiegħu; kif ukoll

(d)

il-kontribuzzjoni tal-istrument finanzjarju għall-objettivi u r-riżultati tal-programm.

(a)

3 % għall-ewwel 12-il xahar wara l-iffirmar ta' ftehim ta' finanzjament, 1 % għat-tieni 12-il xahar u minn hemm 'l hemm 0,5 % kull sena, tal-kontribuzzjonijiet tal-programm imħallsa lill-fond ta' fondi, ikkalkulati pro rata temporis minn meta jsir il-pagament effettiv għall-fond ta' fondi sa tmiem il-perjodu ta' eliġibilità, il-ħlas lura lill-awtorità maniġerjali jew id-data ta' stralċ, liema minnhom tkun l-ewwel; kif ukoll

(b)

0,5 % kull sena tal-kontribuzzjonijiet tal-programm imħallsa mill-fond ta' fondi lil intermedjarji finanzjarji, ikkalkulati pro rata temporis mill-mument meta jsir il-pagament effettiv mill-fond ta' fondi sal-ħlas lura lill-fond ta' fondi, tmiem il-perjodu ta' eliġibilità jew id-data ta' stralċ, liema minnhom tkun l-ewwel.

(a)

remunerazzjoni bażi li tkun ikkalkulata kif ġej:

(b)

remunerazzjoni bbażata fuq il-prestazzjoni li tkun ikkalkulata kif ġej:

(a)

għal fond ta' fondi, 7 % tal-ammont totali tal-kontribuzzjonijiet tal-programm imħallsa lill-fond ta' fondi;

(b)

għal strument finanzjarju li jipprovdi l-ekwità, 20 % tal-ammont totali tal-kontribuzzjonijiet tal-programm imħallsa fl-istrument finanzjarju;

(c)

għal strument finanzjarju li jipprovdi self, 8 % tal-ammont totali tal-kontribuzzjonijiet tal-programm imħallsa lill-istrument finanzjarju;

(d)

għal strument finanzjarju li jipprovdi garanziji, 10 % tal-ammont totali tal-kontribuzzjonijiet tal-programm imħallsa fl-istrument finanzjarju;

(e)

għal strument finanzjarju li jipprovdi mikrokreditu, 10 % tal-ammont totali tal-kontribuzzjonijiet tal-programm imħallsa fl-istrument finanzjarju;

(f)

għal strument finanzjarju li jipprovdi għotjiet, sussidji tar-rati tal-imgħax jew sussidji tat-tariffi ta' garanzija skont l-Artikolu 37(7) tar-Regolament (UE) Nru 1303/2013, 6 % tal-ammont totali tal-kontribuzzjonijiet tal-programm imħallsa lill-istrument finanzjarju.

(a)

fejn applikabbli, l-imposti tal-utent ikunu ffissati f'konformità mal-prinċipju ta' min iniġġeż iħallas, u, jekk xieraq, iqisu kunsiderazzjonijiet ta' affordabbiltà;

(b)

id-dħul ma jinkludix trasferimenti minn baġits nazzjonali jew reġjonali jew minn sistemi ta' assigurazzjoni pubblika nazzjonali;

(c)

fejn operazzjoni żżid assi ġodda li jikkomplementaw servizz li kien diġà jeżisti, kemm il-kontribuzzjonijiet mingħand utenti ġodda kif ukoll dawk addizzjonali mingħand l-utenti eżistenti u kontribuzzjonijiet tas-servizz jew l-infrastruttura l-ġodda jiġu kkunsidrati.

(a)

l-ispejjeż ta' sostituzzjoni ta' tagħmir ta' żmien qasir li jiżgura l-funzjonament tekniku tal-operazzjoni;

(b)

l-ispejjeż stabbiliti tal-operat, inklużi spejjeż tal-manutenzjoni, bħal persunal, manutenzjoni u tiswija, ġestjoni ġenerali u l-amministrazzjoni, u l-assigurazzjoni;

(c)

l-ispejjeż varjabbli tal-operat, inkluż il-konsum tal-manutenzjoni, bħal konsum tal-materja prima, l-enerġija, oġġetti ta' konsum għall-proċess, u kull manutenzjoni u tiswija meħtieġa biex tiġi estiża l-ħajja tal-operazzjoni.

(a)

il-kundizzjonijiet makroekonomiċi speċifiċi tal-Istat Membru u x-xejriet u ċ-ċirkustanzi makroekonomiċi internazzjonali; jew

(b)

in-natura tal-investitur jew l-istruttura tal-implimentazzjoni, bħal sħubijiet pubbliċi-privati; jew

(c)

in-natura tas-settur ikkonċernat;

(a)

l-operazzjonijiet appoġġati mill-FEŻR taħt il-kodiċi tal-oqsma tal-intervent 056, 057 jew 060-065 kif ippreżentati fit-Tabella 1 tal-Anness tar-Regolament tal-Kummissjoni (UE) Nru 215/2014 (5) u mwettqa skont waħda mill-prijoritajiet ta' investiment stabbiliti fl-Artikolu 5(1)(a) u (b), (2)(b), 3(a) u (c), u (4)(f) tar-Regolament (UE) Nru 1301/2013 tal-Parlament Ewropew u tal-Kunsill (6);

(b)

l-operazzjonijiet appoġġati mill-FSE skont il-kodiċi ta' intervent tal-qasam 04 kif stabbilit fit-Tabella 6 tal-Anness tar-Regolament ta' Implimentazzjoni tal-Kummissjoni (UE) Nru 215/2014 u li jikkontribwixxu għat-tisħiħ tar-riċerka, l-iżvilupp teknoloġiku u l-innovazzjoni skont l-Artikolu 3(2)(c) tar-Regolament (UE) Nru 1304/2013;

(c)

l-operazzjonijiet appoġġati mill-FAEŻR skont l-Artikoli 17, 26 jew 35 tar-Regolament (UE) Nru 1305/2013 li jikkontribwixxu għall-prijorità tal-Unjoni stipulata fl-Artikolu 5(1) ta' dak ir-Regolament. Meta l-operazzjoni tkun ipprogrammata skont l-Artikolu 17 u 26 tar-Regolament (UE) Nru 1305/2013, jitqiesu biss l-operazzjonijiet implimentati permezz ta' grupp operattiv tas-Sħubija Ewropea għall-Innovazzjoni ffinanzjati skont l-Artikolu 35(1)(c) ta' dak ir-Regolament;

(d)

l-operazzjonijiet appoġġati mill-FEMS u programmati skont l-Artikoli 28, 37 jew 41(5) tal-att legali futur tal-Unjoni li jistabbilixxi l-kundizzjonijiet għall-appoġġ finanzjarju għall-politika għall-affarijiet marittimi u s-sajd għall-perjodu ta' programmar 2014-2020.

(a)

l-operazzjonijiet appoġġati mill-FEŻR f'kodiċijiet ta' oqsma ta' intervent 085, 086 jew 087, kif stabbilit fit-Tabella 1 tal-Anness tar-Regolament ta' Implimentazzjoni tal-Kummissjoni (UE) Nru 215/2014 u mwettqa taħt waħda mill-prijoritajiet ta' investiment stabbiliti fl-Artikolu 5(5)(a) u (6)(d) tar-Regolament (UE) Nru 1301/2013;

(b)

l-operazzjonijiet appoġġati mill-FSE skont il-kodiċi ta' intervent tal-qasam 01 kif stabbilit fit-Tabella 6 tal-Anness tar-Regolament ta' Implimentazzjoni tal-Kummissjoni (UE) 215/2014 u li jikkontribwixxu għall-bidla lejn ekonomija b'anqas użu ta' karbonju, reżiljenti għall-klima, effiċjenti fl-użu tar-riżorsi u ekoloġikament sostenibbli skont l-Artikolu 3(2)(a) tar-Regolament (UE) Nru 1304/2013;

(c)

l-operazzjonijiet appoġġati mill-FAEŻR skont l-Artikolu 17 u 25 tar-Regolament (UE) Nru 1305/2013 li jikkontribwixxu għall-prijorità tal-Unjoni stipulata fl-Artikolu 5(4) jew (5) ta' dak ir-Regolament;

(d)

l-operazzjoni appoġġata mill-FEMS u programmata skont l-Artikoli 36, 38, 39(1), 46(1)(e) u (i), 54, 79c(1)(b) tal-futur att legali tal-Unjoni li jistabbilixxi l-kundizzjonijiet għall-appoġġ finanzjarju għall-politika għall-affarijiet marittimi u s-sajd għall-perjodu ta' programmar 2014-2020,

(a)

esperjenza teknika sinifikanti ta' kull stadju taċ-ċiklu tal-proġetti;

(b)

esperjenza internazzjonali wiesgħa tas-setturi tal-investiment ikkonċernati;

(c)

għarfien espert sinifikanti fl-analiżi u l-evalwazzjoni tal-benefiċċji soċjo-ekonomiċi;

(d)

għarfien u esperjenza sinifikanti tal-liġi, politiki u proċeduri rilevanti tal-Unjoni;

(e)

indipendenza mill-awtoritajiet kollha involuti direttament jew indirettament fl-approvazzjoni, l-implimentazzjoni, jew l-operazzjoni tal-proġett ewlieni;

(f)

l-ebda kunflitt ta' interess fi kwalunkwe livell b'relazzjoni mal-proġett ewlieni;

(g)

ebda interess kummerċjali fir-rigward tal-proġett ewlieni;

(h)

il-kompetenza lingwistika meħtieġa.

(a)

l-esperti indipendenti jivverifikaw li l-operazzjoni hija proġett ewlieni fit-tifsira tal-Artikolu 100 tar-Regolament (UE) Nru 1303/2013, li l-proġett ewlieni mhuwiex operazzjoni kkompletata fis-sens tal-Artikoli 2(14) u 65(6) ta' dak ir-Regolament, u li l-proġett importanti huwa inkluż fil-programm operattiv rilevanti;

(b)

l-esperti indipendenti jivverifikaw il-kompletezza, il-konsistenza u l-akkuratezza tal-informazzjoni skont il-punti minn (a) sa (i) tal-ewwel subparagrafu tal-Artikolu 101 tar-Regolament (UE) Nru 1303/2013 kif stipulat fil-format imsemmi fil-ħames paragrafu tal-Artikolu 101 tar-Regolament (UE) Nru 1303/2013;

(c)

l-esperti indipendenti jivvalutaw il-kwalità tal-proġett ewlieni fuq il-bażi tal-kriterji stabbiliti fl-Anness II ta' dan ir-Regolament.

(d)

l-esperti indipendenti jipproduċu rapport indipendenti ta' eżami tal-kwalità (minn hawn 'il quddiem “ir-Rapport IQR”) fil-format stipulat fit-tielet subparagrafu tal-Artikolu 102(1) tar-Regolament (UE) Nru 1303/2013. Fir-rapport IQR, l-esperti indipendenti jifformulaw u jiġġustifikaw id-dikjarazzjonijet tagħhom b'mod mhux ambigwu għall-elementi msemmija f'dan il-paragrafu.

(a)

ir-rekords tal-awditjar jippermettu li tiġi vverifikata l-applikazzjoni tal-kriterji tal-għażla stabbiliti mill-kumitat ta' monitoraġġ għall-programm operattiv;

(b)

fir-rigward tal-għotjiet u l-għajnuna li tista' titħallas lura skont l-Artikolu 67(1)(a) tar-Regolament (UE) Nru 1303/2013, ir-rekord għall-awditjar jippermetti li l-ammonti kumplessivi ċċertifkati lill-Kummissjoni jkunu jaqblu mar-reġistri ddettaljati tal-kontabilità u mad-dokumenti ta' appoġġ miżmuma mill-awtorità ta' ċertifikazzjoni, l-awtorità maniġerjali, il-korpi intermedjarji u l-benefiċjarji fir-rigward tal-operazzjonijiet kofinanzjati permezz tal-programm operattiv;

(c)

fir-rigward tal-għotjiet u l-għajnuna li tista' titħallas lura skont l-Artikoli 67 (1)(b) u (c) u 109 tar-Regolament (UE) Nru 1303/2013 u skont l-Artikolu 14(1) tar-Regolament (UE) Nru 1304/2013, ir-rekord għall-awditjar jippermetti li l-ammonti aggregati ċċertifikati lill-Kummissjoni jiġu rikonċiljati mad-dejta dettaljata relatata mal-outputs jew ir-riżultati u mad-dokumenti ta' appoġġ miżmuma mill-awtorità taċ-ċertifikazzjoni, l-awtorità maniġerjali, l-entitajiet intermedjarji u l-benefiċjarji, inkluż, fejn japplika, dokumenti dwar il-metodu biex jiġu stabbiliti skali standard ta' spejjeż għal kull unità u somom f'daqqa, rigward l-operazzjonijiet kofinanzjati permezz tal-programm operattiv;

(d)

fir-rigward tal-ispejjeż determinati skont l-Artikoli 67(1)(d) u 68(1)(a) tar-Regolament (UE) Nru 1303/2013, ir-rekord għall-awditjar juri u jiġġustifika l-metodu ta' kalkolu, fejn applikabbli, u l-bażi li fuqha r-rati fissi ġew deċiżi, u l-ispejjeż diretti eliġibbli jew l-ispejjeż iddikjarati taħt kategoriji magħżula oħra li għalihom tapplika r-rata fissa;

(e)

fir-rigward tal-ispejjeż stabbiliti skont l-Artikolu 68(1)(b) u (c) tar-Regolament (UE) Nru 1303/2013, l-Artikolu 14(2) tar-Regolament (UE) Nru 1304/2013 u l-Artikolu 20 tar-Regolament (UE) Nru 1299/2013, ir-rekord għall-awditjar jippermetti li l-ispejjeż diretti eliġibbli li għalihom tapplika r-rata fissa jiġu ssostanzjati;

(f)

ir-rekord għall-awditjar jippermetti li l-ħlas tal-kontribuzzjoni pubblika lill-benefiċjarju jkun ivverifikat;

(g)

għal kull operazzjoni, kif ikun xieraq, ir-rekord għall-awditjar jinkludi l-ispeċifikazzjonijiet tekniċi u l-pjan ta' finanzjament, dokumenti li jikkonċernaw l-approvazzjoni tal-għotja, dokumenti relatati mal-proċeduri ta' akkwist pubbliku, rapporti mill-benefiċjarju u rapporti dwar il-verifiki u l-awditjar imwettqa;

(h)

ir-rekord għall-awditjar jinkludi informazzjoni dwar verifiki u awditjar tal-maniġment imwettqa fuq l-operazzjoni;

(i)

mingħajr preġudizzju għall-Artikolu 19(3) u l-Annessi I u II tar-Regolament (UE) Nru 1304/2013, ir-rekord għall-awditjar jippermetti li d-dejta fir-rigward tal-indikaturi ta' produzzjoni għall-operazzjoni tiġi rrikonċiljata mal-miri u d-dejta rrappurtata u r-riżultat għall-programm;

(j)

fil-każ ta' strumenti finanzjarji, ir-rekord għall-awditjar jinkludi d-dokumenti ta' sostenn imsemmija fl-Artikolu 9(1)(e) ta' dan ir-Regolament.

(a)

li l-operazzjoni kienet magħżula skont il-kriterji tal-għażla għall-programm operattiv, ma kenitx tlestiet fiżikament jew ġiet implimentata b'mod sħiħ qabel ma l-benefiċjarju bagħat l-applikazzjoni għal finanzjament skont il-programm operattiv, ġiet implimentata skont id-deċiżjoni tal-approvazzjoni u ssodisfat kwalunkwe kundizzjoni applikabbli fiż-żmien tal-awditu dwar il-funzjonalità, l-użu, u l-għanijiet li kellhom jintlaħqu;

(b)

li n-nefqa ddikjarata lill-Kummissjoni tikkorrispondi mar-rekords tal-kontabbiltà u li d-dokumentazzjoni ta' appoġġ meħtieġa turi rekord adegwat għall-awditjar kif stipulat fl-Artikolu 25 ta' dan ir-Regolament;

(c)

li għan-nefqa ddikjarata lill-Kummissjoni stabbilita skont l-Artikolu 67(1)(b) u (c) u l-Artikolu 109 tar-Regolament (UE) Nru 1303/2013 u l-Artikolu 14(1) tar-Regolament (UE) Nru 1304/2013, l-outputs u r-riżultati li jirfdu l-ħlasijiet lill-benefiċjarju ġew ikkunsinjati, id-dejta tal-parteċipanti jew rekords oħra relatati mal-outputs u r-riżultati huma konsistenti mal-informazzjoni ppreżentata lill-Kummissjoni u li d-dokumentazzjoni ta' sostenn meħtieġa turi rekord adegwat għall-awditjar kif stipulat fl-Artikolu 25 ta' dan ir-Regolament.

(i)

għażla aleatorja tal-elementi tal-kampjun;

(ii)

l-użu tat-teorija tal-probabbiltà għall-evalwazzjoni tar-riżultati tal-kampjun, inkluż il-kejl u l-kontroll tar-riskju tal-kampjunar u tal-preċiżjoni ppjanati u miksuba.

(a)

l-ammont totali ta' nfiq eliġibbli ddikjarat skont l-Artikolu 137(1)(a) tar-Regolament (UE) Nru 1303/2013 jaqbel man-nefqa u l-kontribuzzjoni pubblika korrispondenti inkluża fl-applikazzjonijiet ta' pagament sottomessi lill-Kummissjoni għas-sena fiskali rilevanti u, jekk ikun hemm differenzi, li ngħataw spjegazzjonijiet adegwati fil-kontijiet għall-ammonti tar-rikonċiljazzjoni;

(b)

l-ammonti rtirati u rkuprati matul is-sena fiskali, l-ammonti li jridu jiġu rkuprati fl-aħħar tas-sena fiskali, l-irkupri mwettqa skont l-Artikolu 71 tar-Regolament (UE) Nru 1303/2013, u l-ammonti irrekuperabbli ppreżentati fil-kontijiet jikkorrispondu mal-ammonti mdaħħla fis-sistemi tal-kontabilità tal-awtorità taċ-ċertifikazzjoni u huma bbażati fuq deċiżjonijiet mill-awtorità maniġerjali jew mill-awtorità taċ-ċertifikazzjoni responsabbli;

(c)

in-nefqa tkun ġiet eskluża mill-kontijiet skont l-Artikolu 137(2) tar-Regolament (UE) Nru 1303/2013, fejn applikabbli, u li l-korrezzjonijiet meħtieġa kollha jkunu riflessi fil-kontijiet għas-sena fiskali kkonċernata;

(d)

il-kontribuzzjonijiet tal-programm imħallsa għal strumenti finanzjarji u avvanzi tal-għajnuna mill-Istat imħallsa lil benefiċjarji huma appoġġati mill-informazzjoni disponibbli mingħand l-awtorità maniġerjali u l-awtorità taċ-ċertifikazzjoni.

(a)

l-importanza relattiva tan-nuqqas serju jew nuqqasijiet serji fil-kuntest tas-sistema ta' ġestjoni u kontroll inġenerali;

(b)

il-frekwenza u l-firxa tan-nuqqas serju jew nuqqasijiet serji;

(c)

il-grad ta' riskju ta' telf għall-baġit tal-Unjoni.

(a)

fejn in-nuqqas serju jew nuqqasijiet serji fis-sistemi ta' ġestjoni u kontroll tant huwa fundamentali, frekwenti jew mifrux li jirrappreżenta falliment assolut tas-sistema li jpoġġi f'riskju l-legalità u r-regolarità tan-nefqa kollha kkonċernata, tiġi applikata rata fissa ta' 100 %;

(b)

meta n-nuqqas serju jew nuqqasijiet serji fis-sistema ta' ġestjoni u kontroll huma tant frekwenti u mifruxa li jirrappreżentaw falliment estremament serju tas-sistema li jpoġġi f'riskju l-legalità u r-regolarità ta' proporzjon għoli ħafna tal-infiq ikkonċernat, tiġi applikata rata fissa ta' 25 %;

(c)

meta n-nuqqas serju jew nuqqasijiet serji fis-sistema ta' ġestjoni u kontroll qegħdin hemm minħabba li s-sistema ma tkunx qed tiffunzjona għal kollox, jew tkun qed tiffunzjona tant ħażin jew b'mod tant infrekwenti li tqiegħed fir-riskju l-legalità u r-regolarità ta' proporzjon għoli tan-nefqa kkonċernata, tiġi applikata rata fissa ta' 10 %;

(d)

meta n-nuqqas serju jew nuqqasijiet serji fis-sistemi ta' ġestjoni u kontroll huma minħabba li s-sistema ma taħdimx b'mod konsistenti b'tali mod li tqiegħed fir-riskju l-legalità u r-regolarità ta' proporzjon sinifikanti tan-nefqa kkonċernata, tiġi applikata rata fissa ta' 5 %.

13.5.2014   

MT

Il-Ġurnal Uffiċjali tal-Unjoni Ewropea

L 138/45

(1)

Skont l-Artikolu 18(1) tar-Regolament (UE) Nru 1299/2013, jeħtieġ li jiġu stipulati regoli speċifiċi dwar l-eliġibbiltà tan-nefqa għall-programmi ta' kooperazzjoni fir-rigward tal-kostijiet marbuta mal-persunal, tan-nefqa għall-uffiċċji u dik amministrattiva, tal-kostijiet tal-ivvjaġġar u tal-akkomodazzjoni, tal-kostijiet għall-għarfien espert u s-servizzi esterni u tan-nefqa marbuta mat-tagħmir (minn hawn 'il quddiem ”kategoriji ta' nefqa”).

(2)

Sabiex ikun hemm flessibbiltà fl-applikazzjoni tar-regoli dwar l-eliġibbiltà għall-programmi ta' kooperazzjoni l-Istati Membri li qed jipparteċipaw fi programm ta' kooperazzjoni partikolari għandhom jitħallew jiddeċiedu li ċerta kategorija ta' nefqa ma tapplikax għal assi prijoritarju speċifiku ta' programm ta' kooperazzjoni partikolari.

(3)

Għandu jiġi speċifikat kif ir-regoli speċifiċi dwar l-eliġibbiltà tan-nefqa għall-programmi ta' kooperazzjoni stipulati f'dan ir-Regolament, jidħlu fil-qafas legali ġenerali dwar ir-regoli tal-eliġibbiltà applikabbli għall-Fondi Ewropej Strutturali u ta' Investiment (ESI) kollha, kif stipulat fl-Artikoli 65 sa 71 tar-Regolament (UE) Nru 1303/2013 tal-Parlament Ewropew u tal-Kunsill (2).

(4)

Għal kull kategorija ta' nefqa, għandha tiġi stabbilita lista ta' elementi differenti ta' nefqa.

(5)

Għandu jiġi ċċarat li, bħala regola ġenerali, ir-rigali huma ineliġibbli. Madankollu, id-distribuzzjoni ta' oġġetti żgħar relatati mal-promozzjoni, il-komunikazzjoni, ir-reklamar jew l-informazzjoni għandha tkun eliġibbli.

(6)

Għandhom jiġu determinati l-elementi differenti tal-kostijiet marbuta mal-persunal, flimkien ma' regoli dwar il-kalkolu, il-kontabilità u r-rimborż tal-kostijiet tal-persunal b'mod ġenerali u dwar l-assenjar ta' karigi part-time jew kuntratti ta' servizz fuq bażi ta' kull siegħa b'mod partikolari.

(7)

L-elementi differenti tan-nefqa amministrattiva u għall-uffiċċji għandhom jiġu elenkati, flimkien ma' regoli dwar il-kalkolu, il-kontabilità u r-rimborż ta' tali elementi ta' kostijiet, bħala kostijiet diretti jew indiretti, b'mod partikolari fejn ikkombinati mar-rati fissi skont ir-Regolament (UE) Nru 1303/2013.

(8)

L-elementi differenti tal-kostijiet ta' vvjaġġar u ta' akkomodazzjoni għandhom jiġu elenkati, flimkien mar-regoli dwar il-kalkolu, il-kontabilità u r-rimborż, irrispettivament minn jekk din in-nefqa tiġġarrabx mill-benefiċjarju jew direttament mill-persunal tiegħu. Għandhom jiġu ċċarati wkoll il-kundizzjonijiet li taħthom jiġu kkontabilizzati l-kostijiet ta' vvjaġġar u ta' akkomodazzjoni jekk dawn jintefqu 'l barra mill-parti tal-Unjoni taż-żona tal-programm, kif imsemmi fl-Artikolu 20 tar-Regolament (UE) Nru 1299/2013.

(9)

Għandhom jiġu elenkati l-elementi differenti ta' kostijiet għall-għarfien espert u s-servizzi esterni.

(10)

L-elementi differenti tan-nefqa marbuta mat-tagħmir għandhom jiġu elenkati, flimkien mar-regoli dwar l-eliġibbiltà ta' tagħmir użat.

(11)

Sabiex tkun tista' ssir applikazzjoni fil-pront tal-miżuri previsti f'dan ir-Regolament, dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea,

(a)

il-kostijiet marbuta mal-persunal;

(b)

in-nefqa amministrattiva u għall-uffiċċji;

(c)

il-kostijiet ta' vvjaġġar u ta' akkomodazzjoni;

(d)

il-kostijiet għall-għarfien espert u s-servizzi esterni; kif ukoll

(e)

in-nefqa marbuta mat-tagħmir.

(a)

multi, penalitajiet finanzjarji u n-nefqa fuq tilwim legali u l-litigazzjoni;

(b)

kostijiet ta' rigali, apparti dawk li l-valur unitarju tagħhom ma jkunx ogħla minn EUR 50, meta jkunu jirrigwardaw il-promozzjoni, il-komunikazzjoni, ir-reklamar jew l-informazzjoni;

(c)

il-kostijiet marbuta ma' fluttwazzjoni tar-rata tal-kambju.

(a)

full time;

(b)

part-time b'perċentwali fiss ta' ħin maħdum għal kull xahar;

(c)

part-time b'numru flessibbli ta' sigħat maħduma għal kull xahar; jew

(d)

fuq bażi ta' kull siegħa.

(a)

il-pagamenti ta' salarji relatati mal-attivitajiet li l-entità ma twettaqx jekk l-operazzjoni kkonċernata ma tkunx saret, stabbiliti f'kuntratt ta' impjieg/xogħol, f'deċiżjoni ta' ħatra (minn hawn 'il quddiem imsejħa t-tnejn li huma “dokument ta' impjieg”) jew bil-liġi, u marbuta mar-responsabbiltajiet speċifikati fid-deskrizzjoni tal-impjieg tal-membru tal-persunal ikkonċernat;

(b)

kwalunkwe kostijiet oħra direttament marbuta mal-pagamenti ta' salarji mġarrba u mħallsa mill-impjegatur, bħalma huma t-taxxi fuq l-impjieg u s-sigurtà soċjali inklużi l-pensjonijiet, kif kopert mir-Regolament (KE) Nru 883/2004 tal-Parlament Ewropew u tal-Kunsill (3) sakemm:

(i)

abbażi tal-kost reali (ipprovat permezz tad-dokument ta' impjieg u tar-rendikonti tas-salarju); jew

(ii)

abbażi tal-opzjonijiet relatati mal-kostijiet simplifikati, kif stabbilit fl-Artikolu 67(1), minn (b) sa (d) tar-Regolament (UE) Nru 1303/2013; jew billi

(iii)

bħala rata fissa f'konformità mal-Artikolu 19 tar-Regolament (UE) Nru 1299/2013.

(a)

perċentwali fiss tal-kost tal-impjieg gross, f'konformità mal-perċentwali fiss tal-ħin maħdum waqt l-operazzjoni, mingħajr obbligu li tiġi stabbilita sistema separata ta' reġistrazzjoni tal-ħin tax-xogħol; jew billi

(b)

sehem flessibbli tal-kost tal-impjieg gross, f'konformità mal-għadd ta' sigħat li jvarjaw minn xahar għal ieħor, maħduma waqt l-operazzjoni, abbażi ta' sistema ta' reġistrazzjoni ta' ħin li tkopri 100 % tal-ħin tax-xogħol tal-impjegat.

(i)

jiġi diviż il-kost gross tal-impjieg ta' kull xahar bil-ħin tax-xogħol ta' kull xahar stabbilit fid-dokument ta' impjieg u espress f'sigħat; jew billi

(ii)

jiġi diviż il-kost tal-impjieg gross annwali, dokumentat l-aktar riċenti, b'1 720 siegħa, f'konformità mal-Artikolu 68(2) tar-Regolament (UE) Nru 1303/2013.

(a)

il-kirja tal-uffiċċji;

(b)

l-assigurazzjoni u t-taxxi relatati mal-bini fejn ikun qiegħed il-persunal u mat-tagħmir tal-uffiċċji (pereż. assigurazzjonijiet fuq is-serq u kontra n-nar);

(c)

l-utilitajiet (pereż. l-elettriku, it-tisħin, l-ilma);

(d)

il-provvisti tal-uffiċċju;

(e)

il-kontabilità ġenerali pprovduta fl-organizzazzjoni benefiċjarja;

(f)

l-arkivji;

(g)

il-manutenzjoni, it-tindif u t-tiswijiet;

(h)

is-sigurtà;

(i)

is-sistemi tal-IT;

(j)

il-mezzi ta' komunikazzjoni (pereż. it-telefown, il-faks, l-Internet, is-servizzi postali, il-biljetti ta' kuntatt);

(k)

l-imposti bankarji għall-ftuħ u l-amministrazzjoni ta' kont jew kontijiet, meta l-implimentazzjoni ta' operazzjoni tkun tirrikjedi li jinfetaħ kont separat;

(l)

l-imposti għal tranżazzjonijiet finanzjarji tranżnazzjonali.

(a)

il-kostijiet ta' vvjaġġar (pereż. il-biljetti, l-assigurazzjoni tal-ivvjaġġar u tal-karozzi, il-fjuwil, il-kilometraġġ, in-nollijiet, u l-miżati għall-parkeġġ);

(b)

l-ispejjeż tal-ikliet;

(c)

il-kostijiet ta' akkomodazzjoni;

(d)

il-kostijiet tal-viża;

(e)

Kumpensi għas-sussistenza ta' kuljum.

(a)

studji jew stħarriġiet (pereż. evalwazzjonijiet, strateġiji, dokumenti kunċettwali, pjanijiet ta' disinn, manwali);

(b)

it-taħriġ;

(c)

it-traduzzjonijiet:

(d)

is-sistemi tal-IT u l-iżvilupp ta' websajts, il-modifiki u l-aġġornamenti;

(e)

il-promozzjoni, il-komunikazzjoni, ir-reklamar jew l-informazzjoni marbuta ma' operazzjoni jew ma' programm ta' kooperazzjoni bħala tali;

(f)

l-immaniġġjar finanzjarju;

(g)

servizzi relatati mal-organizzazzjoni u mal-implimentazzjoni ta' avvenimenti jew laqgħat (inkluż il-kiri, il-forniment tal-ikel jew l-interpretazzjoni);

(h)

il-parteċipazzjoni f'avvenimenti (pereż. il-miżati ta' reġistrazzjoni);

(i)

il-konsulenza legali u s-servizzi notarili, l-għarfien espert tekniku u finanzjarju, servizzi oħra ta' konsulenza u kontabilità;

(j)

id-drittijiet ta' proprjetà intellettwali;

(k)

il-verifiki skont l-Artikolu 125(4)(a) tar-Regolament (UE) Nru 1303/2013 u l-Artikolu 23(4) tar-Regolament (UE) Nru 1299/2013;

(l)

il-kosti ta' ċertifikazzjoni u ta' awditu fuq il-livell ta' programm skont l-Artikoli 126 u 127 tar-Regolament (UE) Nru 1303/2013;

(m)

l-għoti ta' garanziji minn bank jew istituzzjoni finanzjarja oħra, fejn ikun mitlub mil-liġi tal-Unjoni jew mil-liġi nazzjonali, jew f'xi dokument ta' programmar adottat mill-kumitat ta' monitoraġġ;

(n)

l-ivvjaġġar u l-akkomodazzjoni għall-esperti esterni, il-kelliema, il-presidenti tal-laqgħat u l-fornituri tas-servizz;

(o)

għarfien espert u servizzi speċifiċi oħra meħtieġa għall-operazzjonijiet.

(a)

l-apparat tal-uffiċċju;

(b)

il-ħardwer u s-softwer tal-IT;

(c)

l-għamara u l-fittings;

(d)

l-apparat tal-laboratorju;

(e)

il-magni u l-istrumenti;

(f)

l-għodod jew l-apparat;

(g)

il-vetturi;

(h)

tagħmir speċifiku ieħor meħtieġ għall-operazzjonijiet.

(a)

ma tkun ingħatat l-ebda assistenza oħra għalih mill-Fondi ESI;

(b)

il-prezz tiegħu ma jaqbiżx il-prezz ġeneralment aċċettat fis-suq inkwistjoni;

(c)

ikollu l-karatteristiċi tekniċi meħtieġa għall-operazzjoni u jkun konformi ma' normi u standards applikabbli.

13.5.2014   

MT

Il-Ġurnal Uffiċjali tal-Unjoni Ewropea

L 138/51

(1)

Il-manifattur tal-vetturi kummerċjali ħfief, Great Wall Motor Company Limited, għarraf lill-Kummissjoni li l-emissjonijiet speċifiċi medji ta' CO2 fl-2010 speċifikati għal dak il-manifattur fir-Regolament ta' Delega tal-Kummissjoni (UE) Nru 114/2013 (2) mhumiex korretti. Il-manifattur ipprovda evidenza dettaljata li turi li l-emissjonijiet speċifiċi medji ta' CO2 fl-2010 kienu ogħla sew mill-valur indikat f'dak ir-Regolament.

(2)

Il-Kummissjoni vvalutat l-evidenza pprovduta minn Great Wall Motor Company Limited u tikkunsidra li huwa xieraq li l-valur jiġi kkoreġut.

(3)

Għaldaqstant, ir-Regolament ta' Delega (UE) Nru 114/2013 għandu jkun emendat skont dan,

13.5.2014   

MT

Il-Ġurnal Uffiċjali tal-Unjoni Ewropea

L 138/52

(1)

L-Artikolu 22(1) tad-Direttiva 97/78/KE jipprevedi li jekk fit-territorju ta' pajjiż terz marda jew fenomenu ieħor jew kwalunkwe ċirkustanza li kapaċi jkunu ta' theddida serja għas-saħħa tal-annimali jimmanifestaw ruħhom jew jinxterdu, jew jekk kull raġuni oħra serja ta' saħħa tal-annimali hekk titlob, il-Kummissjoni, fuq inizjattiva tagħha stess jew fuq talba ta' Stat Membru, għandha tadotta miżuri mingħajr dewmien, inkluż kundizzjonijiet speċjali fir-rigward ta' prodotti li ġejjin mill-pajjiż terz jew minn parti tal-pajjiż terz ikkonċernat.

(2)

Ir-Regolament (KE) Nru 1069/2009 tal-Parlament Ewropew u tal-Kunsill (2) jistabbilixxi regoli dwar is-saħħa pubblika u dik tal-annimali għall-prodotti sekondarji tal-annimali u prodotti derivati minnhom, biex jiġu milqugħa minn qabel u minimizzati r-riskji għas-saħħa pubblika u dik tal-annimali li ġejjin minn dawn il-prodotti, u b'mod partikolari biex titħares is-sikurezza tal-katina tal-għalf. Huwa wkoll jikkategorizza dawk il-prodotti f'kategoriji speċifiċi li jirriflettu l-livell ta' riskju għas-saħħa pubblika u dik tal-annimali.

(3)

L-Artikolu 41(3) tar-Regolament (KE) Nru 1069/2009, jistipula r-rekwiżiti għall-importazzjoni ta' prodotti sekondarji tal-annimali u prodotti derivati ta' materjal tal-Kategorija 3.

(4)

Ir- Regolament tal-Kummissjoni (UE) Nru 142/2011 (3), jistabbilixxi regoli ta' implimentazzjoni għar-Regolament (KE) Nru 1069/2009, inklużi r-rekwiżiti speċifiċi għat-trattament jew l-ipproċessar ta' prodotti sekondarji tal-annimali u prodotti dderivati destinati għat-tagħlif ta' annimali fl-irziezet, minbarra annimali bil-pil.

(5)

Prodotti tad-demm maħsubin għall-produzzjoni tal-għalf għal annimali mrobbijin fi rziezet, inkluż sprej ta' demm niexef u plażma tal-annimali porċini, għandhom ikunu ġew prodotti skont it-Taqsima 2 tal-Kapitolu II tal-Anness X tar-Regolament tal-Kummissjoni (UE) Nru 142/2011. B'referenza għall-punt B ta' dik it-Taqsima, il-prodotti tad-demm għandhom jiġu sottomessi għal xi wieħed mill-metodi tal-ipproċessar minn 1 sa 5 jew mill-metodu tal-ipproċessar 7, kif stabbilit fil-Kapitolu III tal-Anness IV ta' dak ir-Regolament, jew metodu ieħor li jiżgura li l-prodotti tad-demm jkunu konformi mal-istandards mikrobijoloġiċi għal prodotti derivati stabbilit fil-Kapitolu I tal-Anness X tar-Regolament tal-Kummissjoni (UE) Nru 142/2011. Ir-Regolament (UE) Nru 142/2011 jipprevedi wkoll, b'mod partikolari f'kolonna 6 tar-ringiela 2 tat-Tabella 1 tat-Taqsima 1 tal-Kapitolu I tal-Anness XIV, li prodotti tad-demm mhux maħsuba għall-konsum mill-bniedem li jistgħu jintużaw bħala għalf maħsuba biex jintbagħtu lejn jew jgħaddu mill-Unjoni għandhom ikollhom magħhom ċertifikat tas-saħħa skont il-mudell taċ-ċertifikat tas-saħħa stabbilit fil-Kapitolu 4(B) tal-Anness XV.

(6)

Id-dijarea tal-porċini kkawżata minn deltakoronavirus sseħħ fl-Asja u fl-Amerika ta' Fuq. Dan il-vajrus qatt ma nstab fl-Unjoni. L-isprej ta' demm imnixxef u plażma tad-demm ta' annimali porċini huwa ingredjent tradizzjonali tal-għalf għall-ħnienes. Trattament ta' sħana mhux adegwat jew kontaminazzjoni wara t-trattament bis-sħana jistgħu jwasslu għal tixrid tal-vajrus fit-tali prodotti.

(7)

Għalhekk huwa neċessarju li jiġu riveduti r-rekwiżiti għall-importazzjoni ta' sprej ta' demm imnixxef u plażma tad-demm ta' annimali porċini maħsuba għall-produzzjoni tal-għalf għall-annimali porċini mrobbija.

(8)

Osservazzjoni xjentifika tindika li koronaviruses tal-porċini jiġu inattivati f'feċi tal-majjali jekk jissaħħnu għal u jinżammu f'temperatura ta' 71 °C għal 10 minuta jew jitħallew f'temperatura ambjentali ta' 20 °C għal sebat ijiem. Il-virus ma kampax f'għalf niexef infettat għall-għan sperimentali maħżun f'temperatura ta' 24 °C għal aktar minn ġimgħatejn. F'pajjiżi terzi, it-temperatura applikata b'mod komuni għal tnixxif bi sprej ta' demm u plażma tad-demm hija 80 °C fis-sustanza kollha.

(9)

Fuq il-bażi ta' din l-informazzjoni disponibbli, jidher opportun li jinħtieġ li l-isprej ta' demm imnixxef u plażma tad-demm ta' oriġini porċina introdott minn pajjiżi terzi u maħsub għat-tmigħ ta' annimali porċini jkun ġie suġġett għal trattament f'temperatura għolja segwita minn ħażna sussegwenti għal ċertu żmien f'temperatura ambjentali sabiex jitnaqqas ir-riskju ta' kontaminazzjoni wara t-trattament.

(10)

Minħabba l-ħtieġa li titħares is-saħħa tal-annimali fl-Unjoni u t-theddid serju ġej mill-prodotti tad-demm kkonċernati, il-Kummissjoni għandha tadotta miżuri ta' salvagwardja provviżorji. Għaldaqstant, l-introduzzjoni fl-Unjoni ta' dawk il-prodotti għandha tkun akkumpanjata minn ċertifikat tas-saħħa skont il-mudell stabbilit fl-Anness għal dan ir-Regolament.

(11)

Il-miżuri ta' salvagwardja provviżorji għandhom japplikaw mill-jum wara l-pubblikazzjoni ta' dan ir-Regolament u jdumu għal perjodu ta' 12-il xahar. Dawn jistgħu jiġu emendati fid-dawl ta' valutazzjoni tar-riskju bbażata fuq informazzjoni xjentifika ġdida.

(12)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

13.5.2014   

MT

Il-Ġurnal Uffiċjali tal-Unjoni Ewropea

L 138/57

(1)

Skont ir-Regolament (UE) Nru 575/2013 tal-Parlament Ewropew u tal-Kunsill (2) l-istituzzjonijiet li huma stabbiliti fl-Unjoni qegħdin attwalment jirrapurtaw il-konformità tagħhom mar-rekwiżiti tal-fondi proprji kull tliet xhur. Sabiex jiġu mminimizzati l-inkonsistenzi bejn id-dati ta' referenza stabbiliti għall-istituzzjonijiet u d-dati stabbiliti għall-kontropartijiet ċentrali (CCPs) għall-kalkolu u għar-rapportar tal-informazzjoni marbuta mal-kapital ipotetiku, id-dati ta' referenza stabbiliti għal CCPs għandhom ikopru mill-inqas id-dati ta' referenza diġà stabbiliti għall-istituzzjonijiet. Madankollu, frekwenza ogħla ta' rapportar tal-informazzjoni marbuta mal-kapital ipotetiku tkun takkomoda wkoll il-fatt li l-membri tal-ikklerjar stabbiliti f'pajjiżi terzi jista' jkollhom dati differenti ta' rapportar. Barra minn hekk, jista' jkun hemm varjazzjonijiet kbar fir-rekwiżiti ta' fondi proprji u biex il-membri tal-ikklerjar u l-awtoritajiet kompetenti tagħhom ikollhom għarfien aġġornat ta' dawk ir-rekwiżiti, dawn jistgħu ikunu jridu jimmonitorjaw dawk l-iskoperturi aktar spiss minn kull tliet xhur.

(2)

F'sitwazzjonijiet normali, id-dati tar-rapportar għas-CCPs ma għandhomx jiddewmu b'aktar minn ġimgħa mid-data tal-kalkolu. Ġimgħa tipprovdi lis-CCPs b'biżżejjed żmien sabiex iwettqu l-kontrolli interni kollha u jlestu l-proċess meħtieġ ta' approvazzjoni qabel ma jirrapportaw id-dejta meħtieġa. Jekk CCP tiżviluppa sistema awtomatizzata b'mod sħiħ, id-data tar-rapportar tista' tkun qrib id-data tal-kalkolu. Bħalissa, madankollu, is-CCPs ma għandhomx il-kapaċità li jlestu l-proċess kollu f'dan iż-żmien u jistgħu għalhekk ikollhom bżonn jiżviluppaw il-proċessi u l-infrastrutturi interni tagħhom sabiex ikunu jistgħu jagħmlu dan. F'dan l-isfond, għandha tiġi introdotta dispożizzjoni transizzjonali li tagħti lis-CCPs biżżejjed żmien biex jiżviluppaw il-proċessi u l-infrastrutturi interni meħtieġa u, fl-istess ħin, biex jibdew jirrapportaw l-informazzjoni marbuta mal-kapital ipotetiku lill-membri tal-ikklerjar tagħhom.

(3)

Skont ir-Regolament (UE) Nru 648/2012, it-telf wara l-inadempjenza ta' membru tal-ikklerjar, fl-ewwel istanza, ikun kopert mill-marġini inizjali u mill-kontribuzzjoni tal-fond tal-inadempjenza tal-membru inadempjenti nnifsu. Fejn dawk ma jkunux biżżejjed, it-telf huwa kopert mir-riżorsi finanzjarji prefinanzjati li jiġu kkontribwiti mis-CCPs għall-kaskati ta' inadempjenza rispettivi tagħhom u mill-kontribuzzjonijiet tal-fond ta' inadempjenza prefinanzjati tal-membri mhux inadempjenti. Matul dan il-perjodu, il-frekwenza tar-rapportar għandha tiżdied sabiex il-membri tal-ikklerjar l-oħrajn li mhumiex inadempjenti u l-awtoritajiet kompetenti jinżammu aġġornati fuq l-informazzjoni kollha relatata mal-kapital ipotetiku meħtieġa biex jiġu kkalkulati r-rekwiżiti ta' fondi proprji tal-membri tal-ikklerjar. Is-CCPs għandu jkollhom il-kapaċitajiet tekniċi u l-proċessi interni fis-seħħ sabiex jaħdmu u jwasslu l-informazzjoni dwar il-kapital ipotetiku taħt dawn is-sitwazzjonijiet ta' stress.

(4)

Skont ir-Regolament (UE) Nru 648/2012, CCP jkollha tirriforni r-riżorsi finanzjarji prefinanzjati proprji fil-kaskata tal-inadempjenza fi żmien xahar. Għal din ir-raġuni, il-frekwenzi tal-kalkolu u r-rapportar f'dawn is-sitwazzjonijiet għandha tkun ogħla min-normal. Ir-rapportar ta' kuljum tal-informazzjoni marbuta mal-kapital ipotetiku jista' jkun inqas sinifikanti minħabba li jista' jgħaddi ż-żmien qabel ma jiġi stabbilit id-daqs totali tat-telf warainadempjenza ta' membru tal-ikklerjar. Minħabba li l-awtoritajiet kompetenti jistgħu jiltaqgħu ma' firxa wiesgħa ta' xenarji differenti, dawn għandu jkollhom ukoll l-għażla li jitolbu frekwenza ogħla f'perjodi ta' stress fuq bażi ta' valutazzjoni tas-sitwazzjoni li għandha tieħu kont tal-grad ta' tnaqqis, attwali jew previst, tar-riżorsi finanzjarji prefinanzjati disponibbli għas-CCP (kemm dawk ikkontribwiti mis-CCP stess kif ukoll dawk kontribwiti mill-membri tal-ikklerjar). Din il-frekwenza ogħla għandha tapplika sakemm dawk ir-riżorsi jerġgħu jinġiebu għal-livelli meħtieġa mil-leġislazzjoni relevanti.

(5)

Il-frekwenza għolja ta' rapportar f'perjodi ta' stress tista' tkun ferm esiġenti minħabba li ġie introdott rekwiżit ta' rapportar il-ġdid. Dan jista' joħloq sfidi fir-rigward tal-implimentazzjoni teknika għal mill-inqas xi CCPs. Biex dan jittaffa, huwa xieraq li jkun hemm data aktar tard għall-applikazzjoni tar-rekwiżiti ta' frekwenza ogħla ta' rapportar. Dak se jippermetti lis-CCPs ittejbu l-proċessi interni tagħhom u jaġġornaw is-sistemi tagħhom.

(6)

Id-dispożizzjonijiet f'dan ir-Regolament huma marbuta mill-qrib, billi jittrattaw il-kalkolu u r-rapportar tal-kapital ipotetiku ta' CCP. Biex jiżguraw koerenza bejn dawk id-dispożizzjonijiet, li għandhom jidħlu fis-seħħ fl-istess ħin, u biex jiffaċilitaw perspettiva komprensiva u aċċess kumpatt għalihom minn persuni suġġetti għal dawk l-obbligi, huwa mixtieq li l-istandards tekniċi ta' implimentazzjoni relevanti kollha meħtieġa mir-Regolament (UE) Nru 648/2012 jkunu inklużi f' Regolament wieħed.

(7)

Dan ir-Regolament huwa bbażat fuq l-abbozz tal-istandards tekniċi ta' implimentazzjoni ppreżentat mill-Awtorità Bankarja Ewropea lill-Kummissjoni.

(8)

L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz tal-istandards tekniċi ta' implementazzjoni li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3),

(a)

il-jiem ta' referenza għal dak il-kalkolu jkunu kif ġej:

il-31 ta' Jannar, it-28 ta' Frar (jew id-29 ta' Frar f'sena biżestili), il-31 ta' Marzu, it-30 ta' April, il-31 ta' Mejju, it-30 ta' Ġunju, il-31 ta' Lulju, il-31 ta' Awwissu, it-30 ta' Settembru, il-31 ta' Ottubru, it-30 ta' Novembru, il-31 ta' Diċembru;

(b)

il-jum meta CCP twettaq dak il-kalkolu (il-jum tal-kalkolu) ikun rispettivament:

l-1 ta' Frar, l-1 ta' Marzu, l-1 ta' April, l-1 ta' Mejju, l-1 ta' Ġunju, l-1 ta' Lulju, l-1 ta' Awwissu, l-1 ta' Settembru, l-1 ta' Ottubru, l-1 ta' Novembru, l-1 ta' Diċembru, l-1 ta' Jannar.

(a)

fejn, wara l-inadempjenza ta' membru tal-ikklerjar wieħed, CCP hija obbligata tuża kwalunkwe porzjon ta' riżorsi finanzjarji prefinanzjati li kkontribwixxiet għall-kaskata tal-inadempjenza skont l-Artikolu 43 tar-Regolament (UE) Nru 648/2012;

(b)

fejn, wara l-inadempjenza ta' membru tal-ikklerjar wieħed, CCP hija obbligata li tuża l-kontribuzzjonijiet tal-fond ta' inadempjenza tal-membri tal-ikklerjar mhux inadempjenti skont l-Artikolu 42 tar-Regolament (UE) Nru 648/2012.

13.5.2014   

MT

Il-Ġurnal Uffiċjali tal-Unjoni Ewropea

L 138/65

(1)

Skont l-Artikolu 80(1)(a) tar-Regolament (KE) Nru 1107/2009, għandha tapplika d-Direttiva tal-Kunsill 91/414/KEE (2) fir-rigward tal-proċedura u l-kundizzjonijiet għall-approvazzjoni tas-sustanzi attivi li għalihom ġiet adottata deċiżjoni skont l-Artikolu 6(3) ta' dik id-Direttiva qabel l-14 ta' Ġunju 2011. Għal Bacillus pumilus QST 2808, il-kundizzjonijiet tal-Artikolu 80(1)(a) tar-Regolament (KE) Nru 1107/2009 huma sodisfatti bid-Deċiżjoni ta' Implimentazzjoni tal-Kummissjoni 2011/253/UE (3).

(2)

Skont l-Artikolu 6(2) tad-Direttiva 91/414/KEE, fit-3 ta' Diċembru 2010 il-Pajjiżi l-Baxxi rċevew applikazzjoni mingħand l-AgraQuest Inc., issa Bayer CropScience, għall-inklużjoni tas-sustanza attiva Bacillus pumilus QST 2808 fl-Anness I tad-Direttiva 91/414/KEE. Id-Deċiżjoni ta' Implimentazzjoni 2011/253/UE kkonfermat li d-dossier kien “komplut” fis-sens li seta' jitqies bħala wieħed li jissodisfa, fil-prinċipju, ir-rekwiżiti tad-dejta u tal-informazzjoni tal-Annessi II u III tad-Direttiva 91/414/KEE.

(3)

Għal dik is-sustanza attiva, ġew ivvalutati l-effetti fuq is-saħħa tal-bniedem u tal-annimali u fuq l-ambjent, skont id-dispożizzjonijiet tal-Artikolu 6(2) u (4) tad-Direttiva 91/414/KEE, għall-użi proposti mill-applikant. L-Istat Membru relatur maħtur ressaq abbozz tar-rapport ta' valutazzjoni fit-8 ta' Mejju 2012.

(4)

L-abbozz tar-rapport ta' valutazzjoni ġie analizzat mill-Istati Membri u mill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”). L-Awtorità ppreżentat lill-Kummissjoni l-konklużjoni tagħha (4) dwar il-valutazzjoni tar-riskju tas-sustanza attiva Bacillus pumilus QST 2808 bħala pestiċida fis-26 ta' Lulju 2013. L-abbozz tar-rapport tal-valutazzjoni u l-konklużjoni tal-Awtorità ġew analizzati mill-Istati Membri u mill-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u ġew iffinalizzati fl-20 ta' Marzu 2014 fil-format ta' rapport ta' reviżjoni tal-Kummissjoni għall-Bacillus pumilus QST 2808.

(5)

Minn bosta eżamijiet li saru deher li l-prodotti għall-protezzjoni tal-pjanti li fihom il-Bacillus pumilus QST 2808 huma mistennija jissodisfaw, b'mod ġenerali, ir-rekwiżiti stabbiliti fl-Artikolu 5(1)(a) u (b) u fl-Artikolu 5(3) tad-Direttiva 91/414/KEE, b'mod partikolari fir-rigward tal-użi li kienu eżaminati u ddettaljati fir-rapport ta' reviżjoni tal-Kummissjoni. Għalhekk, hu xieraq li l-Bacillus pumilus QST 2808 jiġi approvat.

(6)

Madankollu, skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu u fid-dawl tal-għarfien xjentifiku u tekniku attwali, hemm bżonn li jiġu inklużi ċerti kundizzjonijiet u restrizzjonijiet. B'mod partikolari, jixraq li tintalab iktar informazzjoni konfermatorja.

(7)

Għandu jitħalla jgħaddi perjodu raġonevoli qabel l-approvazzjoni sabiex l-Istati Membri u l-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-approvazzjoni.

(8)

Madankollu, bla preġudizzju għall-obbligi stabbiliti fir-Regolament (KE) Nru 1107/2009 bħala konsegwenza tal-approvazzjoni u meta titqies is-sitwazzjoni speċifika li nħolqot bit-tranżizzjoni mid-Direttiva 91/414/KEE għar-Regolament (KE) Nru 1107/2009, għandu japplika dan li ġej. L-Istati Membri għandhom jingħataw perjodu ta' sitt xhur wara l-approvazzjoni biex jirrevedu l-awtorizzazzjonijiet tal-prodotti għall-protezzjoni tal-pjanti li fihom il-Bacillus pumilus QST 2808. L-Istati Membri għandhom, kif xieraq, ivarjaw, jissostitwixxu jew jirtiraw l-awtorizzazzjonijiet. B'deroga minn dik l-iskadenza, għandu jingħata perjodu itwal għas-sottomissjoni u għall-valutazzjoni tad-dossier komplut tal-Anness III, kif stipulat fid-Direttiva 91/414/KEE, ta' kull prodott għall-protezzjoni tal-pjanti għal kull użu intenzjonat skont il-prinċipji uniformi.

(9)

L-esperjenza miksuba minn inklużjonijiet fl-Anness I tad-Direttiva 91/414/KEE ta' sustanzi attivi evalwati fil-qafas tar-Regolament tal-Kummissjoni (KEE) Nru 3600/92 (5) uriet li jistgħu jinqalgħu xi diffikultajiet fl-interpretazzjoni tal-obbligi ta' detenturi ta' awtorizzazzjonijiet eżistenti dwar l-aċċess għad-dejta. Għalhekk, sabiex jiġu evitati aktar diffikultajiet, jidher li huwa meħtieġ li jiġu ċċarati l-obbligi tal-Istati Membri, speċjalment l-obbligu li jkun ivverifikat li d-detentur tal-awtorizzazzjoni juri li għandu aċċess għal dossier li jissodisfa r-rekwiżiti tal-Anness II ta' dik id-Direttiva. Madankollu, din il-kjarifika ma timponi l-ebda obbligu ġdid fuq l-Istati Membri jew id-detenturi tal-awtorizzazzjonijiet, meta mqabbla mad-Direttivi li ġew adottati s'issa li jemendaw l-Anness I ta' dik id-Direttiva jew ir-Regolamenti li japprovaw is-sustanzi attivi.

(10)

Skont l-Artikolu 13(4) tar-Regolament (KE) Nru 1107/2009, l-Anness tar-Regolament ta' Implimentazzjoni tal-Kummissjoni (UE) Nru 540/2011 (6) għandu jiġi emendat skont dan.

(11)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

fil-każ ta' prodott li jkun fih il-Bacillus pumilus QST 2808 bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sa mhux aktar tard mid-29 ta' Frar 2016; jew

(b)

fil-każ ta' prodott li fih il-Bacillus pumilus QST 2808 bħala waħda minn diversi sustanzi attivi, fejn meħtieġ, għandhom jemendaw jew jirtiraw l-awtorizzazzjoni sad-29 ta' Frar 2016 jew sad-data stabbilita għal tali emenda jew revoka fl-att jew fl-atti rispettivi, li bis-saħħa tagħhom ikunu ġew inklużi s-sustanza jew is-sustanzi attivi rilevanti fl-Anness I tad-Direttiva 91/414/KEE jew ġew approvati, skont liema wieħed ikun l-iktar reċenti.

13.5.2014   

MT

Il-Ġurnal Uffiċjali tal-Unjoni Ewropea

L 138/70

(1)

Id-Direttiva tal-Kummissjoni 2011/30/UE (2) tinkludi l-ossidu tal-fenbutatin bħala sustanza attiva fl-Anness I tad-Direttiva tal-Kunsill 91/414/KEE (3) bil-kundizzjoni li l-Istati Membri kkonċernati jiżguraw li l-applikant, li fuq talba tiegħu ġie inkluż l-ossidu tal-fenbutatin, jipprovdi iktar informazzjoni konfermatorja dwar il-potenzjal ġenotossikoloġiku u r-rilevanza ekotossikoloġika tal-impurità SD 31723 u l-ispettri, l-istabbiltà waqt il-ħżin u l-metodi ta' analiżi fil-formulazzjoni sal-31 ta' Mejju 2013.

(2)

Is-sustanzi attivi li kienu inklużi fl-Anness I tad-Direttiva 91/414/KEE jitqiesu bħala approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4).

(3)

L-applikant, li fuq talba tiegħu l-ossidu tal-fenbutatin kien ġie approvat, ma ppreżentax informazzjoni konfermatorja sal-iskadenza tal-31 ta' Mejju 2013. Permezz ta' ittra tas-27 ta' Ġunju 2013 informa lill-Kummissjoni bl-intenzjoni tiegħu li ma jippreżentax tali informazzjoni.

(4)

B'hekk huwa xieraq li tiġi rtirata l-approvazzjoni tal-ossidu tal-fenbutatin.

(5)

Għalhekk id-Direttiva tal-Kummissjoni 2011/30/UE għandha titħassar.

(6)

L-Anness tar-Regolament ta' Implimentazzjoni (UE) Nru 540/2011 għandu għalhekk jiġi emendat kif xieraq.

(7)

L-Istati Membri għandhom jingħataw żmien biex jirtiraw l-awtorizzazzjonijiet tal-prodotti għall-protezzjoni tal-pjanti li fihom l-ossidu tal-fenbutatin.

(8)

Għal prodotti għall-protezzjoni tal-pjanti li fihom l-ossidu tal-fenbutatin, meta l-Istati Membri jagħtu xi perjodu ta' grazzja skont l-Artikolu 46 tar-Regolament (KE) Nru 1107/2009, dan il-perjodu għandu jiskadi sa mhux aktar tard minn tmintax-il xahar wara d-dħul fis-seħħ ta' dan ir-Regolament.

(9)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

13.5.2014   

MT

Il-Ġurnal Uffiċjali tal-Unjoni Ewropea

L 138/72

(1)

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusin li ġew approvati skont ir-Regolament (KE) Nru 1107/2009.

(2)

L-approvazzjoni tas-sustanzi attivi Bacillus subtilis (Cohn 1872) Varjant QST 713, identiku għall-varjant AQ 713, klodinafop, metrafenon, pirimikarb, rimsulfuron, spinosad, tijametossam, tolklofos-metil u tritikonażol se jiskadi fil-31 ta' Jannar 2017. Ġew ippreżentati l-applikazzjonijiet għat-tiġdid tal-approvazzjonijiet ta' dawn is-sustanzi attivi. Billi r-rekwiżiti stabbiliti fir-Regolament ta' Implimentazzjoni tal-Kummissjoni (UE) Nru 844/2012 (3) japplikaw għal dawk is-sustanzi attivi, huwa meħtieġ li l-applikanti jingħataw żmien biżżejjed biex ilestu l-proċedura tat-tiġdid skont dak ir-Regolament. Għaldaqstant, l-approvazzjonijiet ta' dawk is-sustanzi attivi x'aktarx li se jiskadu qabel ma tittieħed deċiżjoni dwar it-tiġdid tagħhom. Huwa għalhekk meħtieġ li l-perjodi tal-approvazzjoni tagħhom jiġu estiżi.

(3)

Ir-Regolament ta' Implimentazzjoni (UE) Nru 540/2011 għandu għalhekk jiġi emendat skont dan.

(4)

Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, fir-rigward ta' każijiet fejn l-ebda dossier supplimentari skont ir-Regolament ta' Implimentazzjoni (UE) Nru 844/2012 ma jiġi ppreżentat mhux aktar tard minn 30 xahar qabel id-data tal-iskadenza rispettiva stabbilita fl-Anness ta' dan ir-Regolament, il-Kummissjoni se tistabilixxi d-data ta' skadenza fl-istess data bħal dik ta' qabel dan ir-Regolament jew fl-eqreb data minn hemm 'il quddiem.

(5)

Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, fir-rigward ta' każijiet fejn il-Kummissjoni se tadotta Regolament li jistipula li l-approvazzjoni ta' sustanza attiva msemmija fl-Anness ta' dan ir-Regolament ma tiġġeddidx minħabba li l-kriterji għall-approvazzjoni mhumiex issodisfati, il-Kummissjoni se tistabbilixxi d-data ta' skadenza fl-istess data bħal ta' qabel dan ir-Regolament jew fid-data tad-dħul fis-seħħ tar-Regolament sakemm ma tiġġeddidx l-approvazzjoni tas-sustanza attiva, skont liema data tkun l-aktar tard.

(6)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

13.5.2014   

MT

Il-Ġurnal Uffiċjali tal-Unjoni Ewropea

L 138/75

(1)

Ir-Regolament tal-Kummissjoni (KE) Nru 1881/2006 (2) jistabbilixxi l-livelli massimi tal-kadmju f'firxa ta' oġġetti tal-ikel.

(2)

Il-Bord Xjentifiku dwar il-Kontaminanti fil-Katina Alimentari (il-Bord CONTAM) tal-Awtorità Ewropea dwar is-Sigurtà tal-Ikel (EFSA) adotta opinjoni dwar il-kadmju fl-ikel fit-30 ta' Jannar 2009 (3). F'dik l-opinjoni, l-EFSA stabbilixxiet doża tollerabbli fil-ġimgħa (TWI) għall-kadmju ta' 2,5 μg għal kull kg ta' piż tal-ġisem. Fir-rapport tagħha “Dikjarazzjoni dwar id-doża tollerabbli fil-ġimgħa għall-kadmju” (Statement on tolerable weekly intake for cadmium) (4), l-EFSA qieset il-valutazzjoni tar-riskju li saret dan l-aħħar mill-Kumitat Konġunt ta' Esperti tal-FAO/WHO dwar l-Addittivi tal-Ikel (JECFA) (5) u kkonfermat it-TWI ta' 2,5 μg għal kull kg ta' piż tal-ġisem.

(3)

Fl-opinjoni xjentifika dwar il-kadmju fl-ikel, il-Bord CONTAM ikkonkluda li l-espożizzjonijiet medji għall-kadmju fl-ikel fil-pajjiżi Ewropej huma viċin ta' jew jaqbżu bi ftit it-TWI ta' 2,5 μg għal kull kg ta' piż tal-ġisem. Ċerti sottogruppi tal-popolazzjoni jistgħu jaqbżu t-TWI b'madwar 2 darbiet. Il-Bord CONTAM ikkonkluda wkoll li, għalkemm mhuwiex probabbli li jkun hemm effetti negattivi fuq il-funzjoni tal-kliewi f'individwi esposti għal dan il-livell, l-espożizzjoni għall-kadmju fuq livell ta' popolazzjoni għandha titnaqqas.

(4)

Skont l-opinjoni xjentifika tal-Bord CONTAM dwar il-kadmju fl-ikel, il-gruppi tal-ikel li jikkontribwixxu għall-parti l-kbira tal-espożizzjoni għall-kadmju fl-ikel, primarjament minħabba rata għolja ta' konsum, huma ċ-ċereali u l-prodotti taċ-ċereali, ħxejjex, il-ġewż u żrieragħ tal-legumi, l-għeruq lamti jew il-patata u il-laħam u l-prodotti tal-laħam. L-ogħla konċentrazzjonijiet ta' kadmju ġew individwati fil-prodotti tal-ikel tal-alka, fil-ħut u fil-frott tal-baħar, fiċ-ċikkulata u fl-ikel għal użi speċjali relatati mal-ikel kif ukoll fil-faqqiegħ, fiż-żrieragħ taż-żejt u fil-ġewwieni tal-annimali li jittiekel.

(5)

F'valutazzjoni dwar l-espożizzjoni li saret mill-EFSA fir-rapport xjentifiku tagħha dwar “L-espożizzjoni għall-kadmju fl-ikel fost il-popolazzjoni Ewropea” (Cadmium dietary exposure in the European population) (6) bl-użu tal-bażi tad-dejta Komprensiva l-ġdida dwar il-Konsum tal-Ikel li fiha informazzjoni aġġornata rigward iċ-ċifri dwar il-konsum tal-ikel għad-diversi Stati Membri u għal gruppi differenti ta' età tal-popolazzjoni, tingħata informazzjoni aktar dettaljata dwar il-prodotti tal-ikel partikolari li jikkontribwixxu għall-espożizzjoni skont il-grupp ta' età. Għall-adulti, l-akbar kontributuri għall-espożizzjoni huma l-għeruq u t-tuberi lamti, il-ħbub u prodotti magħmula mill-ħbub, kif ukoll il-ħxejjex u l-prodotti tal-ħaxix. Għat-tfal u l-adoloxxenti, l-akbar kontributuri għall-espożizzjoni huma l-għeruq u t-tuberi lamti, il-ħbub u l-prodotti magħmula mill-ħbub, kif ukoll iz-zokkor u l-ħelu filwaqt li għat-trabi u t-trabi li jkunu telqu jimxu l-akbar kontributuri għall-espożizzjoni huma l-għeruq u t-tuberi lamti, il-ħbub u l-prodotti magħmula mill-ħbub, il-ħxejjex u l-prodotti tal-ħaxix, il-ħalib u l-prodotti magħmula mill-ħalib kif ukoll l-ikel għat-trabi u t-tfal żgħar. Il-valutazzjoni tal-espożizzjoni turi li l-espożizzjoni kumplessiva hija r-riżultat mhux biss ta' għadd żgħir ta' kontributuri ewlenin, iżda ta' akkumulazzjoni ta' kontribuzzjonijiet ta' għadd ta' gruppi differenti tal-ikel.

(6)

Il-livelli massimi għall-kadmju ġew stabbiliti għal firxa wiesgħa ta' prodotti tal-ikel, inkluż ċereali, ħxejjex, laħam, ħut, frott tal-baħar, ġewwieni tal-annimali u supplimenti tal-ikel. Il-livelli massimi għal ċertu oġġetti tal-ikel li huma kontributuri importanti għall-espożizzjoni għal ċertu gruppi tal-popolazzjoni (prodotti taċ-ċikkulata u tal-kakaw, ikel għat-trabi u t-tfal żgħar) għadhom ma ġewx stabbiliti. Għalhekk jeħtieġ li jiġu stabbiliti l-livelli massimi tal- kadmju għal dawk l-oġġetti tal-ikel.

(7)

Il-livelli massimi għall-kontaminanti huma stabbiliti skont il-prinċipju ALARA (“l-aktar baxx raġonevolment possibbli”) kemm għall-prodotti li bħalissa għalihom diġà jeżistu livelli massimi għall-kadmju (bħall-ħxejjex, il-laħam, il-ħut, il-frott tal-baħar, ġewwieni tal-annimali u supplimenti tal-ikel) kif ukoll għal prodotti li għalihom għadhom kemm ġew stabbiliti livelli massimi ġodda (bħal prodotti tal-kawkaw u taċ-ċikkulata) bl-użu ta' dejta ta' okkorrenza u bl-użu tax-xejriet tal-konsum tal-ikel taċ-ċittadini tal-Unjoni Ewropea.

(8)

Trab taċ-ċikkulata u tal-kawkaw li jinbiegħ lill-konsumatur finali jista' jkun fih livelli għolja ta' kadmju u huwa sors importanti ta' espożizzjoni tal-bniedem. Dan jiġi kkunsmat mit-tfal, eż. bħala ċikkulata jew bħala trab tal-kawkaw imħallat maz-zokkor biex jintuża f'xarbiet tal-kawkaw. Meta jiġu stabbiliti l-livelli massimi għall-kadmju għandha tiġi kkunsidrata d-dejta ta' okkorrenza għal tipi differenti ta' ċikkulata u trab tal-kawkaw mibjugħa lill-konsumaturi finali. Billi l-livelli tal-kadmju fi prodotti tal-kawkaw huma relatati mal-kontenut tagħhom ta' kawkaw, huwa xieraq li jiġu stabbiliti livelli massimi differenti ta' kadmju għall-prodotti li fihom perċentwali differenti ta' kawkaw. Dan għandu jiżgura li tkun tista' tintlaħaq ukoll konformità minn tipi ta' ċikkulata li jkun fihom perċentwali ogħla ta' kawkaw.

(9)

F'ċertu reġjuni ta' pajjiżi fejn jiġi prodott il-kawkaw, il-livelli naturali tal-kadmju fil-ħamrija jistgħu jkunu għoljin. Għalhekk, id-dejta ta' okkorrenza ta' prodotti tal-kawkaw u taċ-ċikkulata fornuti minn pajjiżi b'ħamrija b'livelli għolja ta' kadmju għandha tiġi kkunsidrata meta jiġu stabbiliti l-livelli massimi tal-kadmju.

(10)

Il-ħalib tat-trab għat-trabi żgħar u l-ħalib tat-trab għat-trabi ta' età ta' minn erba' xhur 'il fuq jikkontribwixxu b'mod sinifikanti għall-espożizzjoni tat-trabi u tat-tfal żgħar għall-kadmju. Il-ħalib tat-trab għat-trabi żgħar u l-ħalib tat-trab għat-trabi ta' età ta' minn erba' xhur 'il fuq magħmula mill-iżolati tal-proteina tas-sojja, kemm jekk waħedhom kif ukoll jekk imħallta ma' proteini tal-ħalib tal-baqar, jista' jkun fihom livelli ta' kadmju ogħla minn dawk li jkun fihom prodotti magħmula mill-ħalib minħabba li l-fażola tas-sojja tassorbi l-kadmju mill-ħamrija b'mod naturali. Il-ħalib tat-trab għat-trabi u t-tfal iż-żgħar magħmul mis-sojja huwa alternattiva importanti għal trabi li jbatu minn intolleranzi għal-lattożju, u b'hekk għandu jiġi żgurat li jkun hemm provvista suffiċjenti tiegħu fis-suq. Għaldaqstant, ikun xieraq li jiġi stabbilit livell massimu ogħla għal prodotti magħmulin mis-sojja.

(11)

Ikel ipproċessat magħmul miċ-ċereali, kif ukoll ikel ieħor għat-trabi u t-tfal iż-żgħar huwa sors importanti ta' espożizzjoni għall-kadmju għat-trabi u għat-tfal iż-żgħar. Għaldaqstant għandu jiġi stabbilit livell massimu partikolari għall-kadmju fl-ikel ipproċessat magħmul miċ-ċereali u f'ikel ieħor għat-trabi.

(12)

Espożizzjoni mnaqqsa ta' grupp vulnerabbli ħafna ta' konsumaturi tista' tinkiseb billi jiġi stabbilit livell massimu għal ċerti kategoriji ta' ikel għal użi nutrizzjonali partikolari (eż. ikel għat-trabi għal skopijiet mediċi speċjali). Madankollu, fin-nuqqas ta' dejta li tista' tintuża biex jiġi stabbilit dan il-livell massimu, id-dejta ta' okkorrenza għandha tinġabar fid-dawl tal-iffissar possibbli ta' livell massimu speċifiku fil-ġejjieni.

(13)

Fir-rigward ta' ċerti ħxejjex speċifiċi (il-leħjet il-bodbod, iz-zunnarija bajda, il-karfus, l-għerq mustarda), huwa diffiċli li jkun hemm konformità mal-livelli massimi attwali, u d-dejta ta' okkorrenza pprovduta mill-Istati Membri turi li l-livelli ta' bażi naturali huma ogħla, u li dawn il-livelli huma komparabbli ma' dawk tal-krafes (celeriac). Billi l-konsum ta' dawk il-prodotti huwa baxx u billi l-effetti fuq l-espożizzjoni tal-bniedem huma negliġibbli, ikun xieraq li l-livelli massimi tal-kadmju għaz-zunnarija bajda, għal-leħjet il-bodbod, għall-karfus u għall-għerq mustarda jiżdiedu għal dak tal-krafes.

(14)

Ċerti speċijiet ta' ħut bħalissa huma eżenti mil-livell massimu standard ta' 0,05 mg/kg għall-ħut. Għall-ispeċijiet ta' ħut bonito (Sarda sarda), xirgħien (Diplodus vulgaris), sallura (Anguilla anguilla), mulett griż (Mugil labrosus labrosus), sawrella (Trachurus species), louvar (Luvarus imperialis), sardinops (Sardinops species) u lingwata tar-rigi (Dicologoglossa cuneata), id-dejta ta' okkorrenza ġdida turi li l-eżenzjoni ma għadhiex meħtieġa, u li jista' jkun hemm konformità mal-livell massimu standard billi jiġu segwiti prattiki tas-sajd tajba. Għaldaqstant, il-livelli massimi speċifiċi għal dawk l-ispeċijiet ta' ħut ma għadhomx meħtieġa.

(15)

Għat-tumbrell (Auxis species), l-inċova (Engraulis species) u l-pixxispad (Xiphias gladius), dejta ta' okkorrenza ġdida turi li jista' jkun hemm konformità ma' livell massimu aktar baxx billi jiġu segwiti prattiki tas-sajd tajba. Għaldaqstant, il-livelli massimi għal dawk l-ispeċijiet ta' ħut għandhom jiġu aġġustati.

(16)

Għas-sardin (Sardina pilchardus) u l-bichique (Sicyopterus lagocephalus), id-dejta ta' okkorrenza turi li hu diffiċli li jkun hemm konformità mal-livelli massimi eżistenti, minħabba li l-livelli ta' bażi naturali jistgħu jkunu ogħla. Il-konsum huwa baxx għaż-żewġ speċijiet ta' ħut, u għandu effetti negliġibbli fuq l-espożizzjoni tal-bniedem. Għalhekk huwa xieraq li jiġu stabbiliti livelli massimi ogħla għal dawk iż-żewġ speċijiet ta' ħut sabiex tiġi żgurata l-provvista fis-suq.

(17)

Għaldaqstant, ir-Regolament (KE) Nru 1881/2006 għandu jiġi emendat skont dan.

(18)

L-Istati Membri u l-operaturi tan-negozju tal-ikel għandhom jingħataw żmien biex jadattaw għal-livelli massimi l-ġodda stabbiliti b'dan ir-Regolament rigward il-prodotti tal-kawkaw u rigward l-ikel għat-trabi u għat-tfal żgħar. Għalhekk, id-data tal-applikazzjoni tal-livelli massimi għall-kadmju għal dawk il-prodotti għandha tiġi differita.

(19)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,