(1)

It-Trattat dwar il-Funzjonament tal-Unjoni Ewropea (TFUE) jimmira għal unjoni dejjem eqreb fost il-popli tal-Ewropa u jagħti lill-Unjoni Ewropea l-kompitu, fost l-oħrajn, li tikkontribwixxi għat-tisbiq tal-kulturi tal-Istati Membri, filwaqt li tirrispetta d-diversità nazzjonali u reġjonali tagħhom u fl-istess waqt tagħti prominenza lill-patrimonju kulturali komuni. F'dan ir-rigward, l-Unjoni, fejn meħtieġ, tappoġġa u tissupplimenta l-azzjoni tal-Istati Membri biex jitjiebu l-għarfien u t-tixrid tal-kultura u l-istorja tal-popli Ewropej.

(2)

Il-Komunikazzjoni tal-Kummissjoni tal-10 ta' Mejju 2007 dwar aġenda Ewropea għall-kultura f'dinja li qed tigglobalizza, approvata mill-Kunsill fir-Riżoluzzjoni tiegħu tas-16 ta' Novembru 2007 (3) u mill-Parlament Ewropew fir-Riżoluzzjoni tiegħu tal-10 ta' April 2008 (4), tistabbilixxi l-objettivi għal attivitajiet futuri tal-Unjoni fil-qasam tal-kultura. Dawk l-attivitajiet għandhom jippromwovu d-diversità kulturali u d-djalogu interkulturali, il-kultura bħala katalizzatur għall-kreattività fil-qafas għat-tkabbir u l-impjiegi u l-kultura bħala element vitali fir-relazzjonijiet internazzjonali tal-Unjoni.

(3)

Il-Konvenzjoni tal-Unesco dwar il-Protezzjoni u l-Promozzjoni tad-Diversità tal-Espressjonijiet Kulturali, li daħlet fis-seħħ fit-18 ta' Marzu 2007 u li l-Unjoni tagħmel parti minnha, għandha l-għan li tipproteġi u tippromwovi d-diversità kulturali, trawwem l-interkulturalità u tkabbar l-għarfien dwar il-valur tad-diversità kulturali fil-livelli lokali, nazzjonali u internazzjonali.

(4)

Id-Deċiżjoni Nru 1622/2006/KE tal-Parlament Ewropew u tal-Kunsill (5) stabbilixxiet azzjoni għall-avveniment tal-Kapitali Ewropea tal-Kultura għas-snin 2007 sal-2019.

(5)

L-evalwazzjonijiet tal-Kapitali Ewropej tal-Kultura, kif ukoll il-konsultazzjoni pubblika dwar il-ġejjieni tal-azzjoni wara l-2019, żvelaw li din progressivament saret waħda mill-inizjattivi kulturali l-aktar ambizzjużi fl-Ewropa kif ukoll waħda mill-aktar inizjattivi apprezzati miċ-ċittadini Ewropej. Azzjoni ġdida għandha, għaldaqstant, tiġi stabbilita biex tkopri s-snin 2020-2033.

(6)

Barra mill-objettivi oriġinali tal-Kapitali Ewropej tal-Kultura, li kienu li tiġi enfasizzata r-rikkezza u d-diversità tal-kulturi Ewropej u l-karatteristiċi li dawk il-kulturi jikkondividu kif ukoll li jiġi promoss għarfien reċiproku akbar bejn iċ-ċittadini Ewropej, il-bliet detenturi tat-titolu ta' Kapitali Ewropea tal-Kultura (“it-titolu”) progressivament żiedu dimensjoni ġdida wkoll billi użaw l-effett ta' lieva tat-titolu biex jistimulaw l-iżvilupp aktar ġenerali tagħhom f'konformità mal-istrateġiji u l-prijoritajiet rispettivi tagħhom.

(7)

L-objettivi tal-azzjoni stabbilita b'din id-Deċiżjoni għandhom ikunu għalkollox konformi mal-objettivi tal-Programm Ewropa Kreattiva stabbiliti bir-Regolament (UE) Nru 1295/2013 tal-Parlament Ewropew u tal-Kunsill (6), li għandu l-għan li jissalvagwardja, jiżviluppa u jippromwovi d-diversità kulturali u lingwistika Ewropea, li jippromwovi l-patrimonju kulturali Ewropew u li jsaħħaħ il-kompetittività tas-setturi kulturali u kreattivi Ewropej, b'mod partikolari dak tas-settur awdjoviżiv, bil-għan li jsostni tkabbir intelliġenti, sostenibbli u inklużiv. Il-kisba ta' dawk l-objettivi għandha tgħin ukoll fit-tisħiħ ta' sens ta' appartenenza f'żona kulturali komuni u biex tistimola djalogu interkulturali u fehim reċiproku.

(8)

Sabiex jinkisbu tali objettivi, hu importanti li l-bliet li jkollhom it-titolu jiżviluppaw rabtiet bejniethom, minn naħa, fis-setturi kulturali u kreattivi tagħhom, u, min-naħa l-oħra, f'setturi bħall-edukazzjoni, ir-riċerka, l-ambjent, l-iżvilupp urban jew it-turiżmu kulturali. B'mod partikolari, l-esperjenza tal-imgħoddi wriet il-potenzjal tal-Kapitali Ewropej tal-Kultura bħala katalizzatur għall-iżvilupp lokali u t-turiżmu kulturali kif enfasizzat fil-Komunikazzjoni tal-Kummissjoni tat-30 ta' Ġunju 2010 intitolata “L-Ewropa, l-ewwel destinazzjoni turistika fid-dinja — qafas politiku ġdid għat-turiżmu Ewropew”, li intlaqgħet mill-Kunsill fil-konklużjonijiet tiegħu tat-12 ta' Ottubru 2010 u ġiet approvata mill-Parlament Ewropew fir-Riżoluzzjoni tiegħu tas-27 ta' Settembru 2011 (7).

(9)

Hu importanti wkoll li l-bliet detenturi tat-titolu jfittxu li jippromwovu l-inklużjoni soċjali u l-opportunitajiet indaqs u jagħmlu dak kollu possibbli biex jiżguraw l-akbar involviment possibbli tal-komponenti kollha tas-soċjetà ċivili fit-tħejjija u fl-implimentazzjoni tal-programm kulturali, u għandha tingħata attenzjoni speċjali liż-żgħażagħ, u l-gruppi emarġinati u dawk żvantaġġati.

(10)

L-evalwazzjonijiet u l-konsultazzjoni pubblika wrew ukoll b'mod konvinċenti li l-Kapitali Ewropej tal-Kultura għandhom bosta benefiċċji potenzjali meta jiġu ppjanati bir-reqqa. Jibqgħu l-ewwel u qabel kollox inizjattiva kulturali, iżda jistgħu wkoll iġibu magħhom benefiċċji ekonomiċi u soċjali sinifikanti, b'mod partikolari meta jiġu inkorporati fi strateġija ta' żvilupp fit-tul xprunata mill-kultura għall-belt ikkonċernata.

11.

L-azzjoni tal-Kapitali Ewropej tal-Kultura kienet ukoll sfida kbira. L-organizzazzjoni ta' programm ta' attivitajiet kulturali tul sena sħiħa hi impenjattiva u xi bliet detenturi tat-titolu kellhom suċċess aktar minn oħrajn fl-isfruttament tal-potenzjal. Għalhekk, dik l-azzjoni għandha tissaħħaħ biex tgħin il-bliet kollha jisfruttaw it-titolu bis-sħiħ.

(12)

It-titolu għandu jibqa' jiġi riservat għal bliet, irrispettivament mid-daqs tagħhom, iżda biex jilħqu pubbliku usa' u jamplifikaw l-impatt, għandu jkun possibbli, bħal qabel, li l-bliet ikkonċernati jinvolvu ż-żona ta' madwarhom.

(13)

L-għoti tat-titolu għandu jibqa' jkun ibbażat fuq programm kulturali maħluq speċifikament, li għandu jkollu dimensjoni Ewropea qawwija. Dak il-programm kulturali għandu jkun parti minn strateġija fit-tul li jkollha impatt sostenibbli fuq l-iżvilupp ekonomiku, kulturali u soċjali lokali.

(14)

Il-proċess ta' għażla f'żewġ stadji bbażat fuq lista kronoloġika tal-Istati Membri u mwettaq minn bord ta' esperti indipendenti wera li huwa ġust u trasparenti. Dan ippermetta li l-bliet itejbu l-applikazzjonijiet tagħhom bejn il-fażi ta' qabel l-għażla u l- fażi tal-għażla abbażi ta' parir espert minn dak il-bord, u żgura distribuzzjoni ġusta tat-titolu fl-Istati Membri kollha. Barra minn hekk, biex tkun salvagwardjata l-kontinwità tal-azzjoni tal-Kapitali Ewropej tal-Kultura u biex ikun evitat it-telf ta' esperjenza u għarfien, li jistgħu jirriżultaw jekk l-esperti kollha jinbidlu fl-istess ħin, l-esperti għandhom jinbidlu gradwalment.

(15)

L-għarfien espert nazzjonali għandu jibqa' jkun żgurat billi l-Istati Membri jingħataw is-setgħa li jaħtru sa żewġ esperti fuq bord li jwettaq il-proċeduri għall-għażla u l-monitoraġġ.

(16)

Il-kriterji tal-għażla għandhom ikunu aktar espliċiti biex jipprovdu gwida aħjar lill-bliet kandidati fir-rigward tal-objettivi u tar-rekwiżiti li jridu jikkonformaw magħhom sabiex jingħataw it-titolu. Dawk il-kriterji għandhom jitkejlu aktar faċilment biex jgħinu lill-bord fl-għażla u fil-monitoraġġ tal-bliet. F'dan ir-rigward, għandu jkun hemm enfasi partikolari fuq il-pjani tal-bliet kandidati għal attivitajiet dwar il-patrimonju inklużi fi strateġija ta' politika kulturali fit-tul, li jkunu kapaċi jiġġeneraw impatt kulturali, ekonomiku u soċjali sostenibbli.

(17)

Il-bliet kandidati għandhom jesploraw il-possibbliltà, fejn xieraq, li jfittxu li jużaw l-appoġġ finanzjarju mill-programmi u l-fondi tal-Unjoni.

(18)

Il-fażi ta' preparazzjoni bejn in-nomina ta' belt u s-sena tat-titolu hija ta' importanza kruċjali għas-suċċess tal-azzjoni tal-Kapitali Ewropea tal-Kultura. Hemm qbil ġenerali fost il-partijiet interessati li l-miżuri ta' akkumpanjament introdotti bid-Deċiżjoni Nru 1622/2006/KE kienu utli ħafna għall-bliet ikkonċernati. Dawk il-miżuri għandhom jiġu żviluppati aktar, b'mod partikolari permezz ta' laqgħat u żjarat ta' monitoraġġ aktar frekwenti fil-bliet mill-esperti tal-bord, u permezz ta' skambju ta' esperjenza aktar sod bejn il-bliet detenturi tat-titolu tal-imgħoddi, tal-preżent u tal-ġejjieni, kif ukoll il-bliet kandidati. Fil-bliet magħżula jistgħu jiżviluppaw ukoll aktar rabtiet ma' bliet detenturi tat-titolu oħrajn.

(19)

Il-premju Melina Mercouri stabbilit bid-Deċiżjoni Nru 1622/2006/KE kiseb valur simboliku qawwi li jmur sew lil hinn mill-ammont effettiv li jingħata mill-Kummissjoni. Madankollu, sabiex jiġi żgurat li l-bliet nominati jissodisfaw l-impenji tagħhom, il-kondizzjonijiet għall-ħlas ta' dak il-premju ta' flus għandhom ikunu aktar rigorużi u espliċiti.

(20)

Huwa importanti li l-bliet ikkonċernati jagħmluha ċara fil-materjal kollu ta' komunikazzjoni tagħhom li l-azzjoni stabbilita b'din id-Deċiżjoni hija azzjoni tal-Unjoni.

(21)

L-evalwazzjonijiet tal-Kummissjoni tal-Kapitali Ewropej tal-Kultura tal-imgħoddi, li huma bbażati fuq data miġbura f'livell lokali, ma setgħux jipprovdu data primarja dwar l-impatt tat-titolu. Għalhekk, il-bliet infushom għandhom ikunu l-atturi ewlenin fil-proċess tal-evalwazzjoni.

(22)

L-esperjenza tal-imgħoddi wriet li l-parteċipazzjoni tal-pajjiżi kandidati tista' tgħin biex tqarribhom aktar lejn l-Unjoni billi jiġu enfasizzati l-aspetti komuni tal-kulturi Ewropej. L-azzjoni stabbilita b'din id-Deċiżjoni għandha għalhekk tkun miftuħa għall-parteċipazzjoni tal-pajjiżi kandidati u kandidati potenzjali wara l-2019.

(23)

Madankollu, matul il-perijodu kopert b'din id-Deċiżjoni, jiġifieri mill-2020 sal-2033, għal raġunijiet ta' ekwità mal-bliet fl-Istati Membri, il-bliet fil-pajjiżi kandidati u kandidati potenzjali għandhom ikunu jistgħu jipparteċipaw biss f'kompetizzjoni waħda għat-titolu. Barra minn hekk, ukoll għal raġunijiet ta' ekwità mal-Istati Membri, kull pajjiż kandidat jew kandidat potenzjali għandu jkun jista' jospita t-titolu darba biss matul dak il-perijodu.

(24)

Id-Deċiżjoni Nru 1622/2006/KE għandha titħassar. Madankollu, id-dispożizzjonijiet tagħha għandhom ikomplu japplikaw fir-rigward tal-bliet kollha li diġà ġew nominati jew huma fil-proċess li jiġu nominati għas-snin sal-2019.

(25)

Billi l-objettivi ta' din id-Deċiżjoni, jiġifieri li tiġi ssalvagwardjata u promossa d-diversità ta' kulturi fl-Ewropa, biex jiġu enfasizzati l-karatteristiċi komuni li jikkondividu u jiġi promoss il-kontribut tal-kultura għall-iżvilupp fit-tul tal-bliet, ma jistgħux jinkisbu b'mod suffiċjenti mill-Istati Membri minħabba l-ħtieġa, b'mod partikolari, ta' kriterji u proċeduri komuni, ċari u trasparenti għall-għażla u l-monitoraġġ, kif ukoll ta' koordinazzjoni b'saħħitha bejn l-Istati Membri, imma jistgħu pjuttost, minħabba l-firxa u l-effetti mistennija tal-azzjoni, jinkisbu aħjar fil-livell tal-Unjoni, l-Unjoni tista' tadotta miżuri, f'konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju tal-proporzjonalità kif stabbilit f'dak l-Artikolu, din id-Deċiżjoni ma tmurx lil hinn minn dak li hu meħtieġ biex jintlaħqu dawk l-objettivi,

(1)

fir-rigward tal-kategorija “kontribut għall-istrateġija fit-tul”, għandu jittieħed kont tal-fatturi li ġejjin:

(2)

fir-rigward tal-kategorija “dimensjoni Ewropea”, il-fatturi li ġejjin għandhom jiġu vvalutati:

(3)

fir-rigward tal-kategorija “kontenut kulturali u artistiku”, il-fatturi li ġejjin għandhom jiġu vvalutati:

(4)

fir-rigward tal-kategorija “kapaċità ta' rendiment”, il-bliet kandidati għandhom juru li:

(5)

fir-rigward tal-kategorija “komunikazzjoni”, il-fatturi li ġejjin għandhom jiġu vvalutati:

(6)

fir-rigward tal-kategorija “ġestjoni”, il-fatturi li ġejjin għandhom jiġu vvalutati:

(a)

tiżgura l-koerenza ġenerali tal-azzjoni;

(b)

tiżgura l-koordinazzjoni bejn l-Istati Membri u l-bord;

(c)

fid-dawl tal-objettivi msemmijin fl-Artikolu 2 u tal-kriterji, tistabbilixxi linji gwida biex jassistu fl-għażla u l-proċeduri ta' monitoraġġ f'kooperazzjoni mill-qrib mal-bord;

(d)

tipprovdi appoġġ tekniku lill-bord;

(e)

tippubblika, fuq is-sit tal-Internet tagħha, ir-rapporti kollha tal-bord;

(f)

tirrendi ppubblika l-informazzjoni rilevanti kollha u tikkontribwixxi għall-viżibbiltà tal-azzjoni fil-livelli Ewropej u internazzjonali;

(g)

trawwem l-iskambju tal-esperjenza u l-prattiki tajba bejn bliet detenturi tat-titolu tal-imgħoddi, tal-preżent u tal-ġejjieni, kif ukoll il-bliet kandidati, u tippromwovi disseminazzjoni aktar mifruxa tar-rapporti ta' evalwazzjoni tal-bliet u l-lezzjonijiet meħuda.

(1)

Ir-Regolament (KE) Nru 295/2008 stabbilixxa qafas komuni għall-ġbir, it-trażmissjoni u l-valutazzjoni ta' statistiċi Ewropej fuq l-istruttura, l-attività, il-kompetittività u l-prestazzjoni tan-negozji fl-Unjoni.

(2)

Ir-Regolament tal-Kummissjoni (KE) Nru 251/2009 (2) stabbilixxa l-frekwenza tal-kompilazzjoni tal-istatistiċi strutturali kummerċjali pluriennali u l-analiżi tar-riżultati għall-produzzjoni ta' statistiċi strutturali kummerċjali sabiex tkun prodotta dejta paragunabbli u armonizzata bejn l-Istati Membri.

(3)

Ir-Regolament tal-Kummissjoni (UE) Nru 275/2010 (3) stabbilixxa l-kriterji għall-valutazzjoni tal-kwalità u l-kontenut tar-rapporti tal-kwalità li għandhom jiġu pprovduti mill-Istati Membri.

(4)

Jinħtieġ li tiġi aġġornata l-lista ta' karatteristiċi billi tiġi speċifikata serje ta' dejta dwar id-demografija tal-intrapriżi li jkollhom tal-anqas impjegat wieħed li jirrispondi għall-bżonn ta' żieda fil-paragunabbiltà internazzjonali tar-riżultati, speċjalment għall-istatistiċi fuq l-intraprenditorija. Għandhom jiġu stabbiliti wkoll l-ewwel sena ta' referenza, il-frekwenza u l-analiżi tar-riżultati għal dawn il-karatteristiċi. Għaldaqstant, l-Anness IX tar-Regolament (KE) Nru 295/2008 u l-Anness I għar-Regolament (KE) Nru 251/2009 għandhom jiġu emendati skont dan.

(5)

L-esperjenza wriet li l-karatteristiċi stabbiliti fl-Annessi V sa VII tar-Regolament (KE) Nru 295/2008 mhumiex meħtieġa fil-frekwenza annwali attwali. Għaldaqstant, il-frekwenza għandha tinbidel għal kompilazzjoni li ssir darba kull 10 snin. L-Anness I tar-Regolament (KE) Nru 251/2009 għandu jiġi emendat skont dan.

(6)

Ir-rapporti tal-kwalità dwar l-istatistiċi kkumpilati skont l-Annessi V sa VII tar-Regolament (KE) Nru 295/2008, ma għadhomx meħtieġa fuq bażi annwali. Għalhekk, il-frekwenza tagħhom għandha tinbidel għal sottomissjoni kull 10 snin f'konformità mar-rekwiżiti tad-dejta. L-Anness tar-Regolament (UE) Nru 275/2010 għandu jiġi emendat skont dan.

(7)

Sabiex jiġi żgurat monitoraġġ aħjar tal-progress fl-innovazzjoni fil-kuntest tal-Istrateġija Ewropa 2020, l-Unjoni u l-partijiet interessati nazzjonali talbu għal indikatur integrat uniku. Dan l-indikatur huwa, inter alia, maħsub biex l-impjiegi jkunu punt ta' riferiment f'intrapriżi innovattivi u ta' tkabbir għoli madwar l-Ewropa u internazzjonalment. Il-provvista tad-dejta li fuqha huwa bbażat dan l-indikatur il-ġdid hija urġenti sabiex ikun jista' jsir użu minnu fis-Semestru Ewropew 2014. Għaldaqstant, ir-Regolament (KE) Nru 295/2008 għandu jiġi emendat skont dan.

(8)

Il-miżuri stabbiliti f'dan ir-Regolament huma skont l-opinjoni tal-Kumitat tas-Sistema Ewropea tal-Istatistika,

(1)

Ir-Regolament (UE) Nru 236/2014 tal-Parlament Ewropew u tal-Kunsill (2) jistabbilixxi regoli u proċeduri għall-implimentazzjoni ta' assistenza li huma komuni għad-disa' strumenti għal azzjoni esterna. Għandhom jiġu stabbiliti regoli speċifiċi addizzjonali biex jindirizzaw sitwazzjonijiet speċifiċi b'mod partikolari għal ġestjoni indiretta, għal programmi ta' kooperazzjoni transfruntieri ffinanzjati taħt il-qasam ta' politika “kooperazzjoni reġjonali u territorjali” u programmi ta' żvilupp rurali ffinanzjati taħt il-qasam ta' politika “żvilupp agrikolu u rurali”.

(2)

Sabiex ikun żgurat li l-assistenza ta' qabel l-adeżjoni tiġi implimentata fil-pajjiżi benefiċjarji kollha elenkati fl-Anness I għar-Regolament (UE) Nru 231/2014 (minn hawn 'l quddiem “il-benefiċjarji tal-IPA II”) bl-istess mod u li jitħarsu l-prinċipji ta' ġestjoni finanzjarja soda, il-Kummissjoni u l-benefiċjarji tal-IPA II għandhom jikkonkludu arranġamenti fil-forma ta' ftehimiet ta' qafas u ftehimiet speċifiċi għas-settur li jistabbilixxu l-prinċipji għall-kooperazzjoni bejniethom skont dan ir-Regolament.

(3)

Il-Kummissjoni għandha tappoġġa l-benefiċjarji tal-IPA II fl-isforzi tagħhom biex jiżviluppaw il-kapaċità tagħhom li jiġġestixxu l-fondi tal-Unjoni skont il-prinċipji u r-regoli previsti fil-leġiżlazzjoni tal-Unjoni. Għal dan l-għan u fejn xieraq, il-Kummissjoni għandha tafda l-kompiti ta' implimentazzjoni tal-baġit lill-benefiċjarji tal-IPA II.

(4)

Is-sjieda tal-programmazzjoni u l-implimentazzjoni tal-assistenza tal-IPA II għandha primarjament tkun tal-benefiċjarji tal-IPA II li għandhom jistabbilixxu l-istrutturi u l-awtoritajiet meħtieġa u jressqu talbiet lill-Kummissjoni biex ikunu nkarigati bil-kompiti ta' implimentazzjoni baġitarja.

(5)

Għaldaqstant huwa meħtieġ li jiġu stabbiliti r-regoli speċifiċi li jinkarigaw lill-benefiċjarji tal-IPA II bil-kompiti ta' implimentazzjoni baġitarja skont ir-Regolament (UE, Euratom) Nru 966/2012 tal-Parlament Ewropew u tal-Kunsill (3) u r-Regolament ta' Delega tal-Kummissjoni (UE) Nru 1268/2012 (4).

(6)

Il-kundizzjonijiet li jeħtieġ li jiġu ssodisfati minn pajjiż aderenti huma meħtieġa biex tiġi żgurata l-kwalità ġenerali fil-ġestjoni tal-finanzi pubbliċi.

(7)

Huwa meħtieġ li jiġu definiti regoli speċifiċi biex jiġu stabbiliti l-korrezzjonijiet finanzjarji u l-proċedura li għandha tapplika għall-benefiċjarji tal-IPA II meta tiġi implimentata l-assistenza tal-Unjoni taħt il-ġestjoni indiretta.

(8)

Sabiex tiġi żgurata l-effikaċja, l-effiċjenza, il-koerenza u l-koordinazzjoni tal-implimentazzjoni ta' assistenza finanzjarja ta' qabel l-adeżjoni tal-Unjoni prevista fir-Regolament (UE) Nru 231/2014 (minn hawn 'l quddiem “l-assistenza tal-IPA II”), ir-Regolament (UE) Nru 236/2014 għandu jiġi kkumplimentat minn regoli ddettaljati dwar il-monitoraġġ u l-evalwazzjoni.

(9)

Regoli speċifiċi għar-rappurtar huma meħtieġa sabiex ir-rekwiżiti tar-rapportar li jrid jikkonforma magħhom il-benefiċjarju tal-IPA II ikunu aktar dettaljati.

(10)

Regoli speċifiċi rigward it-trasparenza u l-viżibbiltà tal-assitenza tal-IPA II għandhom jiġu definiti sabiex jikkonformaw b'mod effettiv mar-Regolament (KE) Nru 45/2001 tal-Parlament Ewropew u tal-Kunsill (5), ir-Regolament (UE, Euratom) Nru 966/2012 u r-Regolament ta' Delega (UE) Nru 1268/2012.

(11)

L-assistenza tal-IPA II għandha tintuża fost l-oħrajn biex tippromwovi l-kooperazzjoni transfruntiera bejn il-benefiċjarji tal-IPA II kif ukoll bejn il-benefiċjarji tal-IPA II u l-Istati Membri jew il-pajjiżi li jaqgħu fl-ambitu tal-Istrument Ewropew ta' Viċinat stabbilit mir-Regolament (UE) Nru 232/2014 tal-Parlament Ewropew u tal-Kunsill (6). Ir-rwoli u r-responsabilitajiet ta' atturi li jintervjenu jeħtieġ li jiġu speċifikati, biex jikkunsidraw is-sitwazzjonijiet differenti b'mod partikolari fir-rigward ta' koperazzjoni transfruntiera bejn il-benefiċjarji tal-IPA II u l-Istati Membri.

(12)

L-assistenza tal-IPA II fil-qasam ta' politika tal-“agrikoltura u l-iżvilupp rurali” għandha tippromwovi l-allinjament gradwali mal-acquis fil-Politika Agrikola Komuni. Regoli speċifiċi huma meħtieġa sabiex jiġu ffinanzjati operazzjonijiet finanzjarji ta' natura simili għal dawk taħt il-Fond Agrikolu Ewropew għall-Iżvilupp Rurali, permezz ta' sistemi ta' ġestjoni u kontroll li jixbhu lill-istrutturi rispettivi b'funzjonijiet ta' natura simili fl-Istati Membri.

(13)

Sabiex jippermetti għall-programmazzjoni u l-applikazzjoni f'waqthom tal-programmi tal-IPA II għall-2014, dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(14)

Il-miżuri previsti f'dan ir-Regolament huma skont l-opinjoni tal-Kumitat tal-IPA II,

(1)

Ir-Regolament ta' Implimentazzjoni tal-Kummissjoni (UE) Nru 1035/2011 (3) jistabbilixxi regoli ta' implimentazzjoni għall-forniment ta' servizzi tan-navigazzjoni tal-ajru. Dawk ir-regoli ta' implimentazzjoni jagħtu effett għall-istandards u l-obbligi previsti fil-Konvenzjoni dwar l-Avjazzjoni Ċivili Internazzjonali, iffirmata f'Chicago fis-7 ta' Diċembru 1944 (“il-Konvenzjoni ta' Chicago”), skont l-għanijiet stabbiliti fl-Artikolu 1(3) tar-Regolament (KE) Nru 549/2004 tal-Parlament Ewropew u tal-Kunsill (4) u l-Artikolu 2(2)(d) tar-Regolament (KE) Nru 216/2008.

(2)

L-Organizzazzjoni tal-Avjazzjoni Ċivili Internazzjonali (ICAO) riċentement emendat l-Annessi 3, 4, 10, 11, 14 u 15 tal-Konvenzjoni ta' Chicago. L-emendi tal-Annessi 3, 4, 10, 11, l-emenda 11-A tal-Anness 14 u l-Anness 15 daħlu fis-seħħ fl-14 ta' Novembru 2013, filwaqt li l-emenda 11-B tal-Anness 14 hija prevista li tidħol fis-seħħ fl-14 ta' Novembru 2014.

(3)

Kif stabbilit fil-premessa 14 tar-Regolament ta' Implimentazzjoni (UE) Nru 1035/2011, sakemm ikun hemm traspożizzjoni sħiħa tal-istandards rilevanti tal-ICAO fil-liġi tal-Unjoni, is-servizzi tan-navigazzjoni tal-ajru għandhom joperaw b'konformità mal-istandards rilevanti tal-ICAO. Dan japplika wkoll fir-rigward tal-istandards riveduti li jirriżultaw mill-emendi riċenti tal-Annessi tal-Konvenzjoni ta' Chicago. Ir-referenzi għall-Konvenzjoni li jinsabu fir-Regolament ta' Implimentazzjoni (UE) Nru 1035/2011 għandhom għalhekk jiġu emendati skont dan..

(4)

Il-miżuri previsti f'dan ir-Regolament huma skont l-opinjoni tal-Kumitat dwar l-Ajru Uniku li ġie stabbilit bl-Artikolu 5 tar-Regolament (KE) Nru 549/2004,

(1)

Fit-22 ta' Awwissu 2012, il-Federazzjoni Russa ssieħbet fl-Organizzazzjoni Dinjija tal-Kummerċ. L-impenji tal-Federazzjoni Russa jinkludu l-kwoti tar-rati tariffarji għall-esportazzjoni ta' tipi speċifikati ta' injam koniferuż, li sehem minnu kien allokat għall-esportazzjonijiet lejn l-Unjoni. Il-modalitajiet għall-amministrazzjoni ta' dawk il-kwoti b'rati tariffarji huma stabbiliti fil-Ftehim f'għamla ta' Skambju ta' Ittri bejn l-Unjoni Ewropea u l-Federazzjoni Russa b'rabta mal-amministrazzjoni tal-kwoti tar-rati tariffarji li japplikaw għall-esportazzjonijiet ta' injam mill-Federazzjoni Russa lejn l-Unjoni Ewropea (2) (il-Ftehim) u fil-Protokoll (3) bejn l-Unjoni Ewropea u l-Gvern tal-Federazzjoni Russa dwar il-modalitajiet tekniċi skont il-Ftehim (il-Protokoll). Il-Ftehim u l-Protokoll ġew iffirmati fis-16 ta' Diċembru 2011. Dawn ġew applikati provviżorjament mid-data tal-adeżjoni tal-Federazzjoni Russa mal-Organizzazzjoni Dinjija tal-Kummerċ.

(2)

Skont l-Artikolu 4 tad-Deċiżjoni 2012/105/UE, ir-Regolament ta' Implimentazzjoni tal-Kummissjoni (UE) Nru 498/2012 (4) stabbilixxa r-regoli dwar l-allokazzjoni ta' kwoti tar-rati tariffarji li japplikaw għall-esportazzjonijiet ta' injam mill-Federazzjoni Russa lejn l-Unjoni Ewropea. Dan ir-Regolament se jieqaf japplika fid-data li fiha tieqaf l-applikazzjoni provviżorja tal-Protokoll.

(3)

Filwaqt li l-Ftehim u l-Protokoll ikomplu jiġu applikati b'mod provviżorju, sakemm jitlestew il-proċeduri meħtieġa għall-konklużjoni tagħhom, l-esperjenza miksuba bl-implimentazzjoni tar-Regolament ta' Implimentazzjoni (UE) Nru 498/2012 matul l-ewwel tliet perjodi tal-kwota żvelat il-ħtieġa li jiġi emendat l-Artikolu 15 ta' dak ir-Regolament biex titqies ir-rata baxxa ta' utilizzazzjoni tal-kwoti tar-rati tariffarji matul l-ewwel tliet perjodi tal-kwota. Is-sospensjoni tat-tnaqqis tal-limiti massimi tal-importazzjonijiet previsti fl-Artikoli 13 u 14 matul il-perjodu tal-kwota tal-2015 hija meħtieġa għall-promozzjoni tal-utilizzazzjoni sħiħa minn importaturi tradizzjonali b'mod partikolari tal-kwoti tar-rati tariffarji allokati għall-esportazzjonijiet lejn l-Unjoni.

(4)

Għaldaqstant, ir-Regolament ta' Implimentazzjoni (UE) Nru 498/2012 għandu jiġi emendat kif ġej:

(5)

Il-miżuri stipulati f'dan ir-Regolament huma skont l-opinjoni tal-Kumitat tal-Injam stabbilit mid-Deċiżjoni tal-Kunsill 2012/105/UE,

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dan ir-Regolament.

(2)

Fl-15 ta' April 2014, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti (KSNU) iddeċieda li jneħħi persuna waħda mil-lista tiegħu ta' persuni, gruppi u entitajiet li għalihom għandu japplika l-iffriżar ta' fondi u ta' riżorsi ekonomiċi, wara li kkunsidra t-talba li għamlet din il-persuna biex titneħħa minn fuq il-lista u r-Rapport Komprensiv tal-Ombudsperson li ġie stabbilit skont ir-Riżoluzzjoni Nru 1904(2009) tal-KSNU.

(3)

L-Anness I tar-Regolament (KE) Nru 881/2002 għandu għalhekk jiġi emendat skont dan,

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

Skont l-Artikolu 10(2) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu d-deċiżjonijiet rilevanti dwar l-aċċettazzjoni tal-kontributi proposti minn Stati terzi.

(2)

Wara rakkomandazzjoni dwar kontribut min-New Zealand mill-Kmandant tal-Operazzjoni tal-UE fil-11 ta' Marzu 2014 u l-parir mill-Kumitat Militari tal-Unjoni Ewropea fil-25 ta' Marzu 2014, il-kontribut minn New Zealand għandu jiġi aċċettat.

(3)

Id-Deċiżjoni tal-Kumitat Politiku u ta' Sigurtà ATALANTA/3/2009 għandha għalhekk tiġi emendata sabiex jitneħħa l-Anness li jelenka l-Istati Terzi li l-kontributi tagħhom ġew aċċettati.

(4)

F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implementazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża,

(1)

fit-tieni inċiż tal-Artikolu 2(1) il-frażi “, kif imsemmi fl-Anness” titħassar;

(2)

l-Anness jitħassar.

(1)

Fit-22 ta' Ottubru 2012, il-Kummissjoni tat mandat lill-Awtorità Ewropea tat-Titoli u s-Swieq (ESMA) u talbet il-parir tagħha dwar il-valutazzjoni teknika tal-qafas legali u superviżorju tal-Brażil rigward l-aġenziji tal-klassifikazzjoni tal-kreditu (CRAs).

(2)

Fil-parir tekniku tagħha mogħti fil-31 ta' Mejju 2013, l-ESMA indikat li fir-riżultati tagħha, il-qafas legali u superviżorju Brażiljan fir-rigward tal-aġenziji ta' klassifikazzjoni tal-kreditu huwa paragunabbli ma' dak li hemm stabbilit fir-Regolament (KE) Nru 1060/2009.

(3)

Skont it-tieni subparagrafu tal-Artikolu 5(6) tar-Regolament (KE) Nru 1060/2009, sabiex il-qafas legali u superviżorju ta' pajjiż terz ikun ikkunsidrat bħala ekwivalenti skont dan ir-Regolament, jeħtieġ li jkun ivvalutat jekk ġewx issodisfati tliet kundizzjonijiet.

(4)

Skont l-ewwel kundizzjoni, is-CRAs f'pajjiżi terzi għandhom ikunu soġġetti għall-awtorizzazzjoni jew għar-reġistrazzjoni, u jkunu soġġetti għal superviżjoni u infurzar effikaċi fuq bażi kontinwa. Il-qafas legali u regolatorju Brażiljan għall-aġenziji ta' klassifikazzjoni tal-kreditu jikkonsisti mir-Regolament ICVM 521 tal-Kummissjoni dwar is-Sigurtajiet u l-Kambju tal-Brażil (Comissão de Valores Mobiliários, CVM), li ġie adottat fil-25 ta' April 2012 abbażi tal-Liġi Nru 6.385 tal-1976. Il-qafas regolatorju jobbliga lis-CRAs biex jikkonformaw mad-dispożizzjonijiet kollha tal-Kodiċi ta' Kondotta tal-Organizzazzjoni Internazzjonali tal-Kummissjonijiet tat-Titoli (IOSCO). Daħlu fis-seħħ il-liġijiet u r-regolamenti rilevanti kollha. Skont dan il-qafas regolatorju, is-CRAs iridu jkunu rreġistrati, u huma superviżjonati fuq bażi kontinwa mis-CVM. Il-qafas legali u superviżorju Brażiljan jikkonferixxi fuq is-CVM firxa komprensiva ta' setgħat li jippermettulha tinvestiga jekk is-CRAs humiex qegħdin jikkonformaw mal-obbligi ġuridiċi tagħha. Is-CMV tista' teżamina u tieħu eżempji ta' rekords, kotba jew dokumenti ta' kontabilità, kif ukoll kwalunkwe fajl ieħor, u tista' titlob informazzjoni jew kjarifiki, punibbli b'multa, bla ħsara għal sanzjonijiet oħra. Is-CMV għandha s-setgħa wkoll twettaq spezzjonijiet, b'avviż minn qabel kif ukoll mingħajru, sabiex twettaq superviżjoni u infurzar effikaċi fuq is-CRAs, u għandha s-setgħa li tissanzjona s-CRAs li jkunu qed jiksru r-regoli applikabbli. Is-CVM tista' timponi għadd ta' sanzjonijiet fuq is-CRAs u kull min hu direttament involut fil-proċess ta' klassifikazzjoni tal-kreditu, li jvarjaw minn twissijiet, multi u sospensjonijiet sat-tneħħija mir-reġistru tas-CRAs. Jekk is-CVM tivverifika li twettaq reat, din trid tressaq il-każ quddiem l-Uffiċċju tal-Prosekutur Pubbliku (“Ministério Público”). Is-CVA, fuq talba, tista' wkoll tinvolvi ruħha f'litiġji legali marbutin mas-suq tat-titoli, fejn l-attivitajiet tagħha jistgħu jvarjaw mill-ġbir ta' evidenza sal-għoti ta' opinjonijiet legali. Is-CRAs jridu jissottomettu għand is-CVM formola ta' referenza annwali kif ukoll informazzjoni marbuta ma' avvenimenti bħal meta pereżempju sseħħ bidla sinifikanti fil-metodoloġija; jiġi deċiż li l-klassifikazzjoni tal-kreditu titwaqqaf; jew meta emittent ma jkunx ħareġ opinjoni preliminari meta qed jinforma bi tranżazzjoni. Minn Settembru 2013, is-CRAs kollha ssottomettew il-formoli ta' referenza aġġornati tagħhom għand is-CVM, li rċeviet tagħrif marbut mal-avvenimenti. Is-CVM irrevediet id-dokumenti u talbet lil CRA sabiex tiċċara kunflitt ta' interess li ġie identifikat, liema talba ġiet milqugħa mis-CRA. Fil-ftehim ta' kooperazzjoni konkluż bejn l-ESMA u s-CVM huwa previst skambju ta' informazzjoni fir-rigward ta' miżuri ta' infurzar u dawk superviżorji meħuda fil-konfront ta' CRAs transfruntieri. Fuq din il-bażi, għandu jiġi kkunsidrat li s-CRAs fil-Brażil huma suġġetti għall-awtorizzazzjoni jew għar-rekwiżiti ta' reġistrazzjoni li huma ekwivalenti għal dawk stabbiliti fir-Regolament (KE) Nru 1060/2009, u l-arranġamenti superviżorji u ta' infurzar tal-Brażil li huma applikabbli għas-CRAs jiġu applikati u infurzati b'mod effikaċi.

(5)

Skont it-tieni kundizzjoni, is-CRAs f'pajjiż terz iridu jkunu suġġetti għal regoli legalment vinkolanti li huma ekwivalenti għal dawk stipulati fl-Artikoli minn 6 sa 12 u fl-Anness I tar-Regolament (KE) Nru 1060/2009, bl-eċċezzjoni tal-Artikoli 6a, 6b, 8a, 8b, 8c u 11a, il-punt (ba) tal-punt 3 u l-punti 3a u 3b tat-Taqsima B tal-Anness I ta' dan ir-Regolament. Meta jiġi vvalutat jekk din il-kundizzjoni tintlaħaqx, għandu jiġi kkunsidrat l-Artikolu 2(1) tar-Regolament (UE) Nru 462/2013 tal-Parlament Ewropew u tal-Kunsill (2) rigward id-data tal-applikazzjoni għal ċerti dispożizzjonijiet tar-Regolament (KE) Nru 1060/2009. Fir-rigward tal-governanza korporattiva, il-qafas legali u superviżorju Brażiljan jitlob lis-CRAs, bħala parti mill-proċedura ta' reġistrazzjoni tagħhom, li jkollhom struttura ta' governanza korporattiva bil-minimu ta' żewġ diretturi, li wieħed minnhom għandu jkun indipendenti u responsabbli għall-konformità mar-regoli. Il-qafas legali u superviżorju Brażiljan, li jesiġi konformità obbligatorja mal-Kodiċi tal-IOSCO, jobbliga lis-CRAs li jkollhom fis-seħħ arranġamenti adegwati għall-ġestjoni tal-kunflitti ta' interess. Il-kodiċi ta' kondotta ta' CRA jrid jipprevedi l-adozzjoni ta' mekkaniżmi li jidentifikaw, jeliminaw, jimmaniġġjaw u jiżvelaw sitwazzjonijiet li jinvolvu kunflitti ta' interess. Il-qafas Brażiljan fih wkoll regoli ddettaljati dwar l-esternalizzazzjoni, iż-żamma tar-rekords u l-kunfidenzjalità. Is-CRAs iridu jistabbilixxu funzjoni ta' rieżami sabiex il-metodoloġiji ta' klassifikazzjoni jiġu rieżaminati, u l-qafas Brażiljan jinkludi firxa wiesgħa ta' rekwiżiti għad-divulgazzjoni fir-rigward tal-klassifikazzjoni tal-kreditu u l-attivitajiet ta' klassifikazzjoni tal-kreditu, pereżempju r-rekwiżit li jitqassmu fil-ħin id-deċiżjonijiet dwar il-klassifikazzjoni tal-aġenziji tal-klassifikazzjoni tal-kreditu, li jiġi ppubblikat dokument ibbażat fuq il-prestazzjoni storika tal-klassifikazzjoni u li rapport annwali li jinkludi informazzjoni dwar l-attivitajiet tagħhom joħroġ għall-pubbliku. Għaldaqstant, il-qafas legali u superviżorju Brażiljan għandu jilħaq l-istess riżultati tar-Regolament (KE) Nru 1060/2009 rigward il-ġestjoni tal-kunflitti ta' interess, il-proċessi organizzattivi u l-proċeduri li CRA għandu jkollha mwaqqfin, il-kwalità tal-klassifikazzjoni u l-metodoloġiji tal-klassifikazzjoni, id-divulgazzjoni tal-klassifikazzjoni tal-kreditu u d-divulgazzjoni ġenerali u perjodika tal-attivitajiet ta' klassifikazzjoni tal-kreditu. Għalhekk, dan għandu jipprovdi l-istess protezzjoni f'dak li għandu x'jaqsam ma' integrità, trasparenza, governanza tajba tal-aġenziji tas-CRAs u l-affidabbiltà tal-attivitajiet ta' klassifikazzjoni tal-kreditu.

(6)

Skont it-tielet kundizzjoni, is-sistema regolatorja fil-pajjiż terz trid tevita l-indħil fil-kontenut tal-klassifikazzjoni tal-kreditu u fil-metodoloġiji mill-awtoritajiet superviżorji u minn awtoritajiet pubbliċi oħra ta' dan il-pajjiż terz. Kwalunkwe interferenza bħal din tmur kontra l-prinċipju ta' legalità stabbilit fil-Kostituzzjoni tal-Brażil, li tipprevedi li l-awtoritajiet pubbliċi jistgħu jaġixxu biss jekk ikunu stabbiliti bil-liġi. Sa fejn jista' jiġi aċċertat ma hemm l-ebda dispożizzjoni legali li tagħti s-setgħa lill-CVM jew xi awtorità pubblika oħra l-awtorità li tinfluwenza l-kontenut tal-klassifikazzjoni tal-kreditu jew tal-metodoloġiji.

(7)

Fl-isfond tal-fatturi eżaminati, il-kundizzjonijiet stipulati fit-tieni subparagrafu tal-Artikolu 5(6) tar-Regolament (KE) Nru 1060/2009 jistgħu jitqiesu li huma ssodisfati mill-qafas legali u superviżorju Brażiljan għall-aġenziji ta' klassifikazzjoni tal-kreditu. Għalhekk, il-qafas legali u superviżorju Brażiljan għas-CRAs għandu jitqies ekwivalenti għall-qafas legali u superviżorju stabbilit mir-Regolament (KE) Nru 1060/2009. Il-Kummissjoni, mgħarrfa mill-ESMA, għandha tkompli timmonitorja l-evoluzzjoni tal-qafas legali u superviżorju Brażiljan għas-CRAs u l-issodisfar tal-kundizzjonijiet li abbażi tagħhom ittieħdet din id-deċiżjoni.

(8)

Il-miżuri previsti f'din id-Deċiżjoni huma skont l-opinjoni tal-Kumitat Ewropew tat-Titoli,

(1)

Fit-22 ta' Ottubru 2012, il-Kummissjoni tat mandat lill-Awtorità Ewropea tat-Titoli u s-Swieq (ESMA), li bih talbet il-parir tagħha dwar il-valutazzjoni teknika tal-qafas legali u superviżorju tal-Arġentina fir-rigward tal-aġenziji li jikklassifikaw il-kreditu (CRAs).

(2)

Fil-parir tekniku tagħha mogħti fil-31 ta' Mejju 2013 u fl-aġġornament ta' dak il-parir tekniku mogħti fit-18 ta' Diċembru 2013, l-ESMA indikat li fir-riżultati tagħha, il-qafas legali u superviżorju Arġentin fir-rigward tal-aġenziji li jikklassifikaw il-kreditu huwa komparabbli ma' dak stipulat fir-Regolament (KE) Nru 1060/2009.

(3)

Skont it-tieni subparagrafu tal-Artikolu 5(6) tar-Regolament (KE) Nru 1060/2009, iridu jintlaħqu tliet kundizzjonijiet sabiex il-qafas legali u superviżorju ta' pajjiż terz ikun ikkunsidrat bħala ekwivalenti mal-ħtiġijiet ta' dan ir-Regolament.

(4)

Skont l-ewwel kundizzjoni, CRAs f'pajjiżi terzi għandhom ikunu soġġetti għall-awtorizzazzjoni jew għar-reġistrazzjoni u għal superviżjoni u infurzar effettivi fuq bażi kontinwa. Il-qafas legali u regolatorju Arġentin ilu fis-seħħ mill-1992. Riċentement ġie rieżaminat u msaħħaħ, u bħalissa jikkonsisti fil-Liġi Nru 26.831 (il-“Liġi dwar is-Swieq ta' Kapital”), adottata fid-29 ta' Novembru 2012, ikkomplementata bid-Digriet Nru 1023/13 tad-29 ta' Lulju 2013, li jistabbilixxi prinċipji ġenerali dwar is-swieq ta' kapital Arġentini inklużi prinċipji f'livell għoli biex jiġu applikati għas-CRAs, u r-regolamenti l-ġodda tal-Kummissjoni Nazzjonali ta' implimentazzjoni tat-Titoli (Comision Nacional de Valores, CNV), li ġew adottati permezz tar-Riżoluzzjoni Ġenerali Nru 622/2013, kollha fis-seħħ. Is-CRAs għandhom jikkonformaw ukoll mad-dispożizzjonijiet kollha tal-Kodiċi ta' Kondotta tal-Organizzazzjoni Internazzjonali tal-Kummissjonijiet tat-Titoli (IOSCO). Skont dan il-qafas regolatorju, is-CRAs għandhom ikunu rreġistrati u taħt superviżjoni fuq bażi kontinwa mis-CNV. Il-Liġi Nru 26.831 tistabbilixxi l-kompetenzi ta' superviżjoni u ta' sanzjonar tas-CNV. Is-CNV għandha s-setgħa li twettaq spezzjonijiet u investigazzjonijiet fir-rigward ta' persuni fiżiċi jew legali soġġetti għall-awtorità superviżorja tagħha, titlob l-għajnuna tal-awtoritajiet tal-infurzar tal-liġi, tibda azzjonijiet legali u tirrapporta reati. Is-CNV twettaq spezzjonijiet fuq il-post u mhux fuq il-post għal kull CRA rreġistrata darbtejn fis-sena. Is-CNV tista', f'każ ta' ksur tad-dispożizzjonijiet applikabbli, timponi penali bħal multi jew projbizzjoni għal perjodu minimu ta' ħames snin sabiex jitwettqu l-attivitajiet bħala direttur, maniġer, awditur jew membru tal-kumitat tal-klassifikazzjoni. Is-CNV tista' wkoll tissospendi temporanjament jew b'mod permanenti dawk responsabbli kif ukoll tirtira reġistrazzjonijiet jew awtorizzazzjonijiet tas-CRAs. Is-CNV iżżomm reġistru pubbliku ta' kawżi ta' infurzar fuq il-websajt tagħha, li tindika meta l-kawżi jinbdew, id-deċiżjoni finali li titlaħaq u l-penali imposti. Il-ftehim ta' kooperazzjoni konkluż bejn l-ESMA u s-CNV jipprovdi għal skambju ta' informazzjoni fir-rigward ta' miżuri ta' infurzar u superviżorji meħuda fil-konfront ta' CRAs transfruntieri. Fuq din il-bażi, għandu jiġi kkonsidrat li s-CRAs fl-Arġentina huma suġġetti għall-ħtiġijiet tar-reġistrazzjoni ekwivalenti għal dawk stipulati fir-Regolament (KE) Nru 1060/2009 u l-arranġamenti superviżorji u ta' infurzar Arġentini applikabbli għas-CRAs huma applikati u infurzati effettivament.

(5)

Skont it-tieni kundizzjoni, is-CRAs fil-pajjiż terz għandhom ikunu soġġetti għal regoli li jorbtu legalment li huma ekwivalenti għal dawk stipulati fl-Artikoli 6 sa 12 tal-Anness I tar-Regolament (KE) Nru 1060/2009, bl-eċċezzjoni tal-Artikoli 6a, 6b, 8a, 8b, 8c u 11a, il-punt (ba) tal-punt 3 u l-punti 3a u 3b tat-Taqsima B tal-Anness I ma' dak ir-Regolament. Meta jiġi vvalutat it-twettiq ta' din il-kundizzjoni għandha tingħata attenzjoni mistħoqqa lill-Artikolu 2(1) tar-Regolament (UE) Nru 462/2013 tal-Parlament Ewropew u tal-Kunsill (2) fir-rigward tad-data tal-applikazzjoni ta' ċerti dispożizzjonijiet tar-Regolament (KE) Nru 1060/2009. Il-qafas superviżorju u legali tal-Arġentina jeħtieġ li s-CRAs ikunu regolati minn bord ta' diretturi, responsabbli biex jiżgura maniġġjar sod u prudenti tas-CRA, li l-attivitajiet ta' klassifikazzjoni jkunu indipendenti u li l-kunflitti ta' interess ikunu identifikati, immaniġġjati, divulgati u eliminati b'mod adegwat. Is-CRAs għandhom jadottaw arranġamenti organizzattivi u amministrattivi adegwati u effiċjenti għal dan l-għan, kif ukoll jissottomettu u jżommu informazzjoni dwar kunflitti ta' interess reali u potenzjali relatati mal-membri tal-kumitat tal-klassifikazzjoni, il-membri tal-bord, il-maniġers u l-impjegati permezz tal-Infostrada ta' Informazzjoni Finanzjarja (“Autopista de la informacion financiera”). Is-CRAs għandhom jistabbilixxu u jżommu funzjoni ta' konformità permanenti u effiċjenti li topera indipendentement u tirrapporta direttament lill-bord. Fir-rigward ta' proċessi u proċeduri organizzattivi, il-qafas legali u superviżorju tal-Arġentina jinkludi regoli ddettaljati dwar tal-esternalizzazzjoni, iż-żamma tar-reġistri u l-kunfidenzjalità. Is-CRAs huma meħtieġa jwettqu rieżami tal-metodoloġiji ta' klassifikazzjoni, tal-mudelli u tas-suppożizzjonijiet ta' klassifikazzjoni prinċipali tagħhom, mill-inqas darba fis-sena u jagħmlu monitoraġġ u rieżami tal-klassifikazzjonijiet tagħhom mill-inqas erba' darbiet fis-sena. Il-qafas Arġentin jinkludi firxa wiesgħa ta' ħtiġijiet ta' divulgazzjoni fir-rigward tal-klassifikazzjonijiet tal-kreditu u attivitajiet ta' klassifikazzjoni, bħall-użu obbligatorju ta' kategoriji ta' klassifikazzjoni, il-ħtieġa għal klassifikazzjonijiet tal-kreditu li jiġu ppubblikati minnufih wara deliberazzjoni tal-kumitat ta' klassifikazzjoni u l-klassifikazzjonijiet kollha u r-rapporti ta' klassifikazzjoni tagħhom li jiġu sottomessi għal pubblikazzjoni permezz tal-Infostrada ta' Informazzjoni Finanzjarja fuq il-paġna web tas-CNV. Għaldaqstant, il-qafas legali u superviżorju Arġentin għandu jilħaq l-istess għanijiet tar-Regolament (KE) Nru 1060/2009 fir-rigward tal-immaniġġjar ta' kunflitti ta' interess, il-proċessi u l-proċeduri organizzattivi li CRA għandha tistabbilixxi, il-kwalità tal-klassifikazzjonijiet u tal-metodoloġiji tal-klassifikazzjonijiet, id-divulgazzjoni tal-klassifikazzjonijiet tal-kreditu u d-divulgazzjoni ġenerali u perjodika tal-attivitajiet ta' klassifikazzjoni tal-kreditu. Għalhekk jipprovdi għal protezzjoni ekwivalenti f'termini ta' integrità, trasparenza, governanza tajba tas-CRAs u affidabbiltà tal-attivitajiet ta' klassifikazzjoni tal-kreditu.

(6)

Skont it-tielet kundizzjoni, ir-reġim regolatorju fil-pajjiż terz għandu jevita ndħil mill-awtoritajiet superviżorji u awtoritajiet pubbliċi oħra ta' dak il-pajjiż terz mal-kontenut tal-klassifikazzjonijiet tal-kreditu u tal-metodoloġiji. Is-CNV hija entità amministrattiva u konsegwentement hija suġġetta għal-Liġi 19.549 tat-3 ta' April 1972, il-Liġi tal-Proċedura Amministrattiva. Is-CNV taġixxi permezz ta' atti amministrattivi, fl-ambitu tas-setgħat delegati lilha. Sakemm jista' jiġi aċċertat ma hemm l-ebda dispożizzjoni legali li tagħti s-setgħa lis-CNV jew kull awtorità pubblika oħra biex tinfluwenza l-kontenut tal-klassifikazzjoni jew tal-metodoloġiji tal-kreditu.

(7)

Fl-isfond tal-fatturi eżaminati, il-kundizzjonijiet stipulati fit-tieni subparagrafu tal-Artikolu 5(6) tar-Regolament (KE) Nru 1060/2009 jistgħu jitqiesu li huma milħuqa mill-qafas legali u superviżorju Arġentin għas-CRAs. Għalhekk, il-qafas legali u superviżorju Arġentin għall-aġenziji ta' klassifikazzjoni tal-kreditu għandu jitqies bħala ekwivalenti għall-qafas legali u superviżorju stabbilit mir-Regolament (KE) Nru 1060/2009. Il-Kummissjoni, infurmata mill-ESMA, għandha tkompli ssegwi l-evoluzzjoni tal-qafas legali u superviżorju Arġentin għas-CRAs u t-twettiq tal-kundizzjonijiet li abbażi tagħhom ittieħdet din id-deċiżjoni.

(8)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

(1)

Fit-22 ta' Ottubru 2012, il-Kummissjoni tat mandat lill-Awtorità Ewropea tat-Titoli u s-Swieq (ESMA), li bih talbet il-parir tagħha dwar il-valutazzjoni teknika tal-qafas legali u superviżorju tal-Messiku fir-rigward tal-aġenziji li jikklassifikaw il-kreditu (CRAs).

(2)

Fil-parir tekniku tagħha mogħti fil-31 ta' Mejju 2013, l-ESMA indikat li fir-riżultati tagħha, il-qafas legali u superviżorju tal-Messiku fir-rigward tas-CRAs huwa komparabbli ma' dak stipulat fir-Regolament (KE) Nru 1060/2009.

(3)

Skont it-tieni subparagrafu tal-Artikolu 5(6) tar-Regolament (KE) Nru 1060/2009, iridu jintlaħqu tliet kundizzjonijiet sabiex il-qafas legali u superviżorju ta' pajjiż terz ikun ikkunsidrat bħala ekwivalenti mal-ħtiġijiet ta' dan ir-Regolament.

(4)

Skont l-ewwel kundizzjoni, CRAs f'pajjiżi terzi għandhom ikunu soġġetti għall-awtorizzazzjoni jew għar-reġistrazzjoni u għal superviżjoni u infurzar effettivi fuq bażi kontinwa. Is-CRAs ilhom regolati u supervizzati mill-Kummissjoni Messikana Bankarja u tat-Titoli (Comisión Nacional Bancaria y de Valores, CNBV) minn Lulju 1993. Minn Diċembru 1999, huma jridu jiksbu awtorizzazzjoni minn qabel tas-CNBV sabiex joperaw u jipprovdu servizzi ta' klassifikazzjoni tal-kreditu. Fis-17 ta' Frar 2013, ir-Regolament emendat applikabbli attwalment dwar l-aġenziji tal-klassifikazzjoni tal-kreditu (Disposiciones Aplicables a las Institutiones Calificadoras de Valores) ġie ppubblikat mis-CNBV fil-ġurnal uffiċjali tagħha u daħal fis-seħħ. Is-CNBV għandha s-setgħa li tinvestiga kwalunkwe azzjoni jew kwistjonijiet li jistgħu jikkostitwixxu ksur tal-liġi. Is-CNBV għandha s-setgħa li titlob kull tip ta' informazzjoni u dokumenti, twettaq spezzjonijiet fuq il-post u ssejjaħ quddiema kull persuna li tista' tikkontribwixxi għall-investigazzjoni. Is-CRAs jistgħu jiġu esklużi b'mod permanenti jew temporanju, sospiżi jew tiġi rtirata l-liċenzja tagħhom. Is-CNBV għandha wkoll is-setgħa li timponi multi amministrattivi. Is-CNBV implimentat rieżaminazzjonijiet ta' konformità annwali tas-CRAs irreġistrati, li fuq il-bażi tagħhom għamlet osservazzjonijiet u imponiet sanzjonijiet. Il-ftehim ta' kooperazzjoni konkluż bejn l-ESMA u s-CNBV jipprovdi għal skambju ta' informazzjoni fir-rigward ta' miżuri ta' infurzar u superviżorji meħuda fil-konfront ta' CRAs transfruntieri. Fuq din il-bażi, għandu jiġi kkonsidrat li s-CRAs fil-Messiku huma suġġetti għall-awtorizzazzjoni jew għall-ħtiġijiet ta' reġistrazzjoni ekwivalenti għal dawk stipulati fir-Regolament (KE) Nru 1060/2009 u l-arranġamenti superviżorji u ta' infurzar tal-Messiku applikabbli għas-CRAs huma applikati u infurzati effettivament.

(5)

Skont it-tieni kundizzjoni, is-CRAs fil-pajjiż terz għandhom ikunu soġġetti għal regoli li jorbtu legalment li huma ekwivalenti għal dawk stipulati fl-Artikoli 6 sa 12 u l-Anness I tar-Regolament (KE) Nru 1060/2009, bl-eċċezzjoni tal-Artikoli 6a, 6b, 8a, 8b, 8c u 11a, il-punt (ba) tal-punt 3 u l-punti 3a u 3b tat-Taqsima B tal-Anness I ma' dan ir-Regolament. Meta jiġi vvalutat it-twettiq ta' din il-kundizzjoni għandha tingħata attenzjoni mistħoqqa lill-Artikolu 2(1) tar-Regolament (UE) Nru 462/2013 tal-Parlament Ewropew u tal-Kunsill (2) fir-rigward tad-data tal-applikazzjoni ta' ċerti dispożizzjonijiet tar-Regolament (KE) Nru 1060/2009. Il-qafas Messikan fir-rigward tal-governanza korporattiva jitlob li s-CRAs ikollhom bord ta' diretturi, li jikkonsisti f'massimu ta' 21 direttur u li minnhom mill-inqas 25 % jissodisfaw il-ħtiġijiet ta' indipendenza. Id-diretturi indipendenti fost oħrajn ikunu kompetenti għall-iżvilupp tal-politika ta' klassifikazzjoni tal-kreditu u tal-metodoloġiji, l-effettività tas-sistema ta' kontroll intern u l-monitoraġġ tal-konformità u ta' proċessi ta' governanza. Il-kunflitti ta' interess għandhom jiġu identifikati u eliminati u, jekk applikabbli, l-uffiċjal għall-konformità għandu jiġi infurmat dwar kwalunkwe kunflitt ta' interess potenzjali li jista' jinfluwenza l-klassifikazzjonijiet. Meta CRA tidentifika kunflitt ta' interess li jista' jinfluwenza l-klassifikazzjonijiet tagħha, għandha tastjeni milli tipprovdi s-servizzi tagħha. Il-qafas tal-Messiku jinkludi ħtiġijiet organizzattivi estensivi li jikkonċernaw iż-żamma ta' reġistri u l-kunfidenzjalità, u jipprovdi li s-CRAs jibqgħu kompletament responsabbli għal kull attività esternalizzata. Entitajiet li jipprovdu servizzi esternalizzati lis-CRAs huma wkoll soġġetti għal superviżjoni mis-CNBV. Is-CRAs huma meħtieġa jistabbilixxu funzjoni ta' rieżami formali għar-rieżami ta' metodoloġiji u mudelli ta' klassifikazzjoni u l-qafas Messikan jinkludi firxa wiesgħa ta' ħtiġijiet ta' divulgazzjoni fir-rigward tal-klassifikazzjonijiet tal-kreditu u l-attivitajiet ta' klassifikazzjoni. Għaldaqstant, il-qafas legali u superviżorju Messikan għandu jilħaq l-istess għanijiet tar-Regolament (KE) Nru 1060/2009 fir-rigward tal-immaniġġjar tal-kunflitti ta' interess, il-proċessi u l-proċeduri organizzattivi li CRA għandha tistabbilixxi, il-kwalità tal-klassifikazzjonijiet u tal-metodoloġiji tal-klassifikazzjonijiet, id-divulgazzjoni tal-klassifikazzjonijiet tal-kreditu u d-divulgazzjoni ġenerali u perjodika tal-attivitajiet ta' klassifikazzjoni tal-kreditu. Għalhekk dan jipprovdi protezzjoni ekwivalenti f'termini ta' integrità, trasparenza, governanza tajba tal-aġenziji ta' klassifikazzjoni tal-kreditu u affidabbiltà tal-attivitajiet ta' klassifikazzjoni tal-kreditu.

(6)

Skont it-tielet kundizzjoni, ir-reġim regolatorju fil-pajjiż terz għandu jevita ndħil mill-awtoritajiet superviżorji u awtoritajiet pubbliċi oħra ta' dak il-pajjiż terz mal-kontenut tal-klassifikazzjonijiet tal-kreditu u tal-metodoloġiji. Il-Kostituzzjoni Messikana tistabbilixxi li awtoritajiet amministrattivi huma permessi jaġixxu biss meta jkollhom awtorità espliċita jew setgħa stabbilita skont il-liġi applikabbli. Sakemm jista' jiġi aċċertat ma hemm l-ebda dispożizzjoni legali li tagħti s-setgħa lis-CNBV jew kwalunkwe awtorità pubblika oħra biex tinfluwenza l-kontenut tal-klassifikazzjoni jew tal-metodoloġiji tal-kreditu.

(7)

Fl-isfond tal-fatturi eżaminati, il-kundizzjonijiet stipulati fit-tieni subparagrafu tal-Artikolu 5(6) tar-Regolament (KE) Nru 1060/2009 jistgħu jitqiesu li huma milħuqa mill-qafas legali u superviżorju Messikan għas-CRAs. Għalhekk, il-qafas legali u superviżorju Messikan għas-CRAs għandu jitqies bħala ekwivalenti għall-qafas legali u superviżorju stabbilit mir-Regolament (KE) Nru 1060/2009. Il-Kummissjoni, infurmata mill-ESMA, għandha tkompli ssegwi l-evoluzzjoni tal-qafas legali u superviżorju Messikan għas-CRAs u t-twettiq tal-kundizzjonijiet li abbażi tagħhom ittieħdet din id-deċiżjoni.

(8)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

(1)

Fit-22 ta' Ottubru 2012, il-Kummissjoni tat mandat lill-Awtorità Ewropea tat-Titoli u s-Swieq (ESMA), li bih talbet il-parir tagħha dwar il-valutazzjoni teknika tal-qafas legali u superviżorju ta' Singapor fir-rigward tal-aġenziji li jikklassifikaw il-kreditu (CRAs).

(2)

Fil-parir tekniku tagħha mogħti fil-31 ta' Mejju 2013, l-ESMA indikat li fir-riżultati tagħha, il-qafas legali u superviżorju Singaporjan fir-rigward tas-CRAs huwa komparabbli ma' dak stipulat fir-Regolament (KE) Nru 1060/2009.

(3)

Skont it-tieni subparagrafu tal-Artikolu 5(6) tar-Regolament (KE) Nru 1060/2009, iridu jintlaħqu tliet kundizzjonijiet sabiex il-qafas legali u superviżorju ta' pajjiż terz ikun ikkunsidrat bħala ekwivalenti għall-ħtiġijiet ta' dan ir-Regolament.

(4)

Skont l-ewwel kundizzjoni, CRAs f'pajjiżi terzi għandhom ikunu soġġetti għall-awtorizzazzjoni jew għar-reġistrazzjoni u għal superviżjoni u infurzar effettivi fuq bażi kontinwa. Il-qafas legali u regolatorju għas-CRAs Singaporjani daħal fis-seħħ fis-17 ta' Jannar 2012. L-Awtorità Monetarja ta' Singapor (MAS), li huwa l-bank ċentrali ta' Singapor, għandu s-setgħa li joħroġ leġiżlazzjoni sekondarja fuq il-bażi tas-Securities and Futures Act (SFA). Is-CRAs huma meħtieġa jiksbu liċenzja tas-servizzi tas-swieq kapitali (CMS) skont l-SFA biex iwettqu servizzi ta' klassifikazzjoni tal-kreditu f'Singapor u huma supervizzati fuq bażi kontinwa mill-MAS. Regolamenti tal-MAS applikabbli għas-CRAs, bħala detenturi tal-liċenzji tas-CMS, jinkludu s-Securities and Futures (Liċenzjar u Kondotta ta' Negozju) Regulations u s-Securities and Futures (Ħtiġijiet Finanzjarji u ta' Marġini għad-Detenturi tal-Liċenzji tas-Servizzi tas-Swieq Kapitali) Regulations, kif ukoll Kodiċi ta' Kondotta għas-CRAs li torbot legalment. Il-qafas legali u superviżorju Singaporjan jipprovdi l-MAS b'varjetà komprensiva ta' setgħat li jippermettulha tinvestiga jekk is-CRAs humiex konformi mal-obbligi legali tagħhom, apparti l-obbligi tas-CRAs li jinformaw lill-MAS dwar kwalunkwe kambjament fid-dettalji tiegħu fuq bażi kontinwa u li jirreġistraw informazzjoni finanzjarja mal-MAS. L-MAS għandha s-setgħa li tispezzjona detentur tal-liċenzja ta' CMS u s-CRAs għandhom jippermettu l-MAS taċċedi b'mod sħiħ il-kotba, il-kontijiet u d-dokumenti tagħhom u jagħtu tali informazzjoni u faċilitajiet kif jista' jkun meħtieġ biex titmexxa l-ispezzjoni. L-MAS għandha l-awtorità tagħmel kopji jew tieħu fil-pussess tagħha kull wieħed mill-kotba ppreżentati u tista' tinvoka setgħat ta' investigazzjoni biex titlob il-produzzjoni tad-dokumenti. Sa April 2012, kienu liċenzjati tliet CRAs f'Singapor u fl-ewwel tmien xhur tal-2013, l-MAS wettqet spezzjoni fuq il-post waħda. Barra minn hekk, l-MAS għandha s-setgħa li toħroġ struzzjonijiet bil-miktub lil CRA li m'għandhomx x'jaqsmu mal-kontenut ta' klassifikazzjoni tal-kreditu, prospetti ta' klassifikazzjoni jew metodoloġiji, jekk tikkonsidra li huwa neċessarju jew xieraq fl-interessi tal-pubbliku jew għall-protezzjoni ta' investituri, tirtira l-liċenzja jew tissospendi l-attivitajiet ta' CRA, tippubblika informazzjoni relatata ma' kwalunkwe ksur minn CRA tal-obbligi tagħha. L-MAS tista' tirreferi l-kwistjonijiet lill-awtoritajiet nazzjonali rilevanti għal investigazzjoni u prosekuzzjoni kriminali. Il-ftehim ta' kooperazzjoni konkluż bejn l-ESMA u l-MAS jipprovdi għal skambju ta' informazzjoni fir-rigward ta' miżuri ta' infurzar u superviżorji meħuda fil-konfront ta' CRAs transfruntieri. Fuq din il-bażi, għandu jiġi kkonsidrat li s-CRAs f'Singapor huma suġġetti għall-ħtiġijiet tal-awtorizzazzjoni jew tar-reġistrazzjoni ekwivalenti għal dawk stipulati fir-Regolament (KE) Nru 1060/2009 u l-arranġamenti superviżorji u ta' infurzar Singaporjani applikabbli għas-CRAs huma applikati jew infurzati effettivament.

(5)

Skont it-tieni kundizzjoni, is-CRAs fil-pajjiż terz għandhom ikunu soġġetti għal regoli li jorbtu legalment li huma ekwivalenti għal dawk stipulati fl-Artikoli 6 sa 12 tal-Anness I tar-Regolament (KE) Nru 1060/2009, bl-eċċezzjoni tal-Artikoli 6a, 6b, 8a, 8b, 8c u 11a, il-punt (ba) tal-punt 3 u l-punti 3a u 3b tat-Taqsima B tal-Anness I ma' dak ir-Regolament. Meta jiġi vvalutat it-twettiq ta' din il-kundizzjoni għandha tingħata attenzjoni mistħoqqa lill-Artikolu 2(1) tar-Regolament (UE) Nru 462/2013 tal-Parlament Ewropew u tal-Kunsill (2) fir-rigward tad-data tal-applikazzjoni ta' ċerti dispożizzjonijiet tar-Regolament (KE) Nru 1060/2009. Fir-rigward ta' governanza korporattiva, il-qafas legali u superviżorju Singaporjan jipprovdi għal obbligu ġenerali għas-CRAs, l-uffiċjali u l-persunal tagħhom biex iwettqu d-dmirijiet tagħhom b'mod indipendenti u l-indipendenza effettiva tad-diretturi hija miksuba permezz ta' ħtiġijiet għal politiki speċifiċi u tkun murija lill-MAS. Is-CRAs għandhom ifittxu l-approvazzjoni tal-MAS għall-ħatra ta' CEO jew direttur, mentri l-MAS tikkonsidra l-esperjenza, l-għarfien espert u l-prestazzjoni tal-passat tal-individwu. L-MAS għandha wkoll is-setgħa li tesiġi t-tneħħija tas-CEO, tad-diretturi jew ta' uffiċjali oħra tas-CRA jekk tikkonsidra li dawn il-persuni jkunu naqsu milli jwettqu d-dmirijiet tagħhom, bħal fir-rigward ta' kunflitti ta' interess u l-funzjoni ta' rieżami u ta' konformità. Dispożizzjonijiet estensivi huma fis-seħħ fil-qafas legali u superviżorju Singaporjan rigward l-identifikazzjoni, l-eliminazzjoni, l-immaniġġjar u d-divulgazzjoni ta' kunflitti ta' interess reali jew potenzjali. Dan il-qafas jeħtieġ ukoll li s-CRAs jistabbilixxu funzjoni ta' rieżami bir-reqqa u formali għar-rieżami ta' metodoloġiji ta' klassifikazzjoni u jinkludi numru ta' ħtiġijiet organizzattivi sabiex tiġi żgurata konformità mal-liġijiet u r-regoli applikabbli kif ukoll ħtiġijiet ta' divulgazzjoni bħal dwar l-informazzjoni li għandha tiġi ppubblikata meta jinħarġu klassifikazzjonijiet tal-kreditu u d-divulgazzjonijiet annwali li jikkonċernaw l-attivitajiet ta' klassifikazzjoni tagħha. Għaldaqstant, il-qafas legali u superviżorju Singaporjan għandu jilħaq l-istess għanijiet tar-Regolament (KE) Nru 1060/2009 fir-rigward tal-immaniġġjar tal-kunflitti ta' interess, il-proċessi u l-proċeduri organizzattivi li CRA għandha tistabbilixxi, il-kwalità tal-klassifikazzjonijiet u tal-metodoloġiji tal-klassifikazzjonijiet, id-divulgazzjoni tal-klassifikazzjonijiet tal-kreditu u d-divulgazzjoni ġenerali u perjodika tal-attivitajiet ta' klassifikazzjoni tal-kreditu. Għalhekk jipprovdi għal protezzjoni ekwivalenti f'termini ta' integrità, trasparenza, governanza tajba tas-CRAs u affidabbiltà tal-attivitajiet ta' klassifikazzjoni tal-kreditu.

(6)

Skont it-tielet kundizzjoni, ir-reġim regolatorju fil-pajjiż terz għandu jevita ndħil mill-awtoritajiet superviżorji u awtoritajiet pubbliċi oħra ta' dak il-pajjiż terz mal-kontenut tal-klassifikazzjonijiet tal-kreditu u tal-metodoloġiji. Sakemm jista' jiġi aċċertat ma hemm l-ebda dispożizzjoni legali li tagħti s-setgħa lill-MAS jew kull awtorità pubblika oħra biex tinfluwenza l-kontenut tal-klassifikazzjoni jew tal-metodoloġiji tal-kreditu. Kull att mill-MAS barra mis-setgħat tagħha jista' jkun soġġett għal rieżami ġudizzjarju.

(7)

Fl-isfond tal-fatturi eżaminati, il-kundizzjonijiet stipulati fit-tieni subparagrafu tal-Artikolu 5(6) tar-Regolament (KE) Nru 1060/2009 jistgħu jitqiesu li huma milħuqa mill-qafas legali u superviżorju Singaporjan għas-CRAs. Għalhekk, il-qafas legali u superviżorju Singaporjan għas-CRAs għandu jitqies bħala ekwivalenti għall-qafas legali u superviżorju stabbilit mir-Regolament (KE) Nru 1060/2009. Il-Kummissjoni, infurmata mill-ESMA, għandha tkompli ssegwi l-evoluzzjoni tal-qafas legali u superviżorju ta' Singapor għas-CRAs u t-twettiq tal-kundizzjonijiet li abbażi tagħhom ittieħdet din id-deċiżjoni.

(8)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

(1)

Fit-22 ta' Ottubru 2012, il-Kummissjoni tat mandat lill-Awtorità Ewropea tat-Titoli u s-Swieq (ESMA), li bih talbet il-parir tekniku tagħha dwar il-valutazzjoni teknika tal-qafas legali u superviżorju ta' Ħong Kong fir-rigward tal-aġenziji ta' klassifikazzjoni tal-kreditu (CRAs).

(2)

Fil-parir tekniku tagħha mogħti fil-31 ta' Mejju 2013, ESMA indikat li fir-riżultati tagħha, il-qafas legali u superviżorju ta' Ħong Kong fir-rigward tas-CRAs huwa komparabbli ma' dak stipulat fir-Regolament (KE) Nru 1060/2009.

(3)

Skont it-tieni subparagrafu tal-Artikolu 5(6) tar-Regolament (KE) Nru 1060/2009, iridu jintlaħqu tliet kundizzjonijiet sabiex il-qafas legali u superviżorju ta' pajjiż terz ikun ikkunsidrat bħala ekwivalenti mal-ħtiġijiet ta' dak ir-Regolament.

(4)

Skont l-ewwel kundizzjoni, CRAs f'pajjiżi terzi għandhom ikunu soġġetti għall-awtorizzazzjoni jew għar-reġistrazzjoni u għal superviżjoni u infurzar effettivi fuq bażi kontinwa. Il-qafas legali u regolatorju ta' Ħong Kong għas-CRAs jikkonsisti fis-Securities and Futures Ordinance (SFO) u l-Code of Conduct for Persons Providing Credit Rating Services (COC), li l-emendi rilevanti tagħhom daħlu fis-seħħ fl-1 ta' Ġunju 2011. Is-CRAs u l-analisti ta' klassifikazzjoni tagħhom li jipprovdu servizzi ta' klassifikazzjoni tal-kreditu f'Ħong Kong huma meħtieġa li jkunu liċenzjati biex jipprovdu servizzi ta' klassifikazzjoni tal-kreditu u huma soġġetti għal superviżjoni mis-Securities and Futures Commission (SFC) ta' Ħong Kong. Il-qafas legali u superviżorju ta' Ħong Kong jipprovdi lill-SFC b'varjetà komprensiva ta' setgħat li jippermettulha tinvestiga jekk is-CRAs humiex konformi mal-obbligi legali tagħhom. L-SFC tista' ġġiegħel kemm persuni mhux regolati u kemm dawk regolati biex jipproduċu informazzjoni u dokumenti rilevanti għall-investigazzjoni, inklużi reġistri tal-kummerċ, reġistri tal-bank, reġistri tat-telefown, reġistri tal-Internet u informazzjoni tas-sjieda benefiċjarja. Din is-setgħa tapplika għaż-żewġ persuni taħt investigazzjoni jew għal min l-SFC għandha kawża raġonevoli biex temmen li huma fil-pussess ta' informazzjoni rilevanti għall-investigazzjoni. Barra minn hekk, fejn hemm biża' ta' tħassir jew tneħħija ta' evidenza, ħarba tal-persuna fil-mira jew tħassib ieħor, l-SFC għandha s-setgħa li taċċessa proprjetà privata ta' persuni kemm mhux regolati u kemm dawk regolati fuq il-ħruġ ta' mandat ta' perkwiżizzjoni minn awtorità ġudizzjarja. Barra minn hekk, l-SFC għandha varjetà sħiħa ta' setgħat biex tieħu azzjonijiet kriminali, ċivili, amministrattivi u azzjonijiet oħrajn. Dawn jinkludu s-setgħa amministrattiva li timponi sanzjonijiet dixxiplinarji kontra persuni liċenzjati jew reġistrati mal-SFC, li timponi restrizzjonijiet fuq persuni liċenzjati jew reġistrati rigward l-attivitajiet tan-negozju tagħhom, li tirtira jew tissospendi liċenzji jew reġistrazzjoni ta' persuna liċenzjata jew reġistrata u li twissi, timponi obbligi jew timmulta persuni liċenzjati jew reġistrati sa massimu ta' 10 miljun dollaru ta' Ħong Kong jew tliet darbiet il-qligħ gwadanjat jew telf evitat. L-SFC għandha wkoll is-setgħa li tirrikorri għand il-qorti rilevanti għal ordnijiet inġuntivi jew rimedjali. L-SFC tmexxi, barra minn spezzjonijiet fuq il-post, superviżjoni barra mis-sit permezz ta' interazzjonijiet ma' CRAs liċenzjati biex tifhem il-mudelli u l-pjanijiet tan-negozju tagħhom u r-riskji inerenti f'tali attivitajiet, bil-ħsieb li tidentifika u tivvaluta r-riskji li jkunu ġejjin mill-attivitajiet tan-negozju tagħhom. Informazzjoni dwar CRAs liċenzjati hija miġbura permezz ta' reġistri mal-SFC, inklużi iżda mhux limitata għal kontijiet annwali verifikati u rapporti ta' analiżi tal-kontroll annwali. L-SFC issegwi wkoll fuq ilmenti u ksur irrappurtat mill-persuna stess. Peress li r-reġim tas-CRA ta' Ħong Kong sar effettiv mill-1 ta' Ġunju 2011, is-CRAs liċenzjati kollha huma suġġetti għal superviżjoni kurrenti u setgħat ta' infurzar tal-SFC. Il-ftehim ta' kooperazzjoni konkluż bejn l-ESMA u l-SFC jipprovdi għal skambju ta' informazzjoni fir-rigward ta' miżuri ta' infurzar u superviżorji meħuda fil-konfront ta' CRAs transfruntieri. Fuq din il-bażi, għandu jiġi kkonsidrat li s-CRAs f'Ħong Kong huma suġġetti għall-ħtiġijiet tal-awtorizzazzjoni jew tar-reġistrazzjoni ekwivalenti għal dawk stipulati fir-Regolament (KE) Nru 1060/2009 u l-arranġamenti superviżorji u ta' infurzar ta' Ħong Kong applikabbli għas-CRAs huma applikati jew infurzati effettivament.

(5)

Skont it-tieni kundizzjoni, is-CRAs fil-pajjiż terz għandhom ikunu soġġetti għal regoli li jorbtu legalment li huma ekwivalenti għal dawk stipulati fl-Artikoli 6 sa 12 tal-Anness I tar-Regolament (KE) Nru 1060/2009, bl-eċċezzjoni tal-Artikoli 6a, 6b, 8a, 8c u 11a, il-punt (ba) tal-punt 3 u l-punti 3a u 3b tat-Taqsima B tal-Anness I ma' dak ir-Regolament. Meta jiġi vvalutat it-twettiq ta' din il-kundizzjoni għandha tingħata attenzjoni mistħoqqa lill-Artikolu 2(1) tar-Regolament (UE) Nru 462/2013 tal-Parlament Ewropew u tal-Kunsill (2) fir-rigward tad-data tal-applikazzjoni ta' ċerti dispożizzjonijiet tar-Regolament (KE) Nru 1060/2009. Il-qafas legali u superviżorju ta' Ħong Kong jistipula l-ħtiġijiet ta' governanza korporattiva dettaljati. Il-bord tad-diretturi u uffiċjali responsabbli għall-attivitajiet regolati jġorr reponsabbiltà primarja biex jiżgura ż-żamma ta' standards ta' kondotta xierqa u aderenza mal-proċeduri xierqa mis-CRA. Is-CRAs għandu jkollhom żewġ uffiċjali responsabbli, it-tnejn li huma għandhom ikunu approvati mill-SFC, u tal-inqas wieħed minnhom għandu jkun direttur eżekuttiv taħt l-SFO. Dispożizzjonijiet estensivi huma fis-seħħ rigward kunflitti ta' interess, li jeħtieġu li s-CRAs jidentifikaw u jeliminaw jew jimmaniġġjaw kunflitti ta' interess u li jkunu organizzati f'manjiera li tiżgura li l-interess tan-negozju tagħhom ma jxekkilx l-indipendenza u l-preċiżjoni tal-klassifikazzjoni tal-kreditu kif ukoll ħtiġijiet organizzattivi, inklużi l-esternalizzazzjoni, iż-żamma tar-reġistri u l-kunfidenzjalità. F'termini ta' ħtiġijiet organizzattivi, il-Kodiċi Ġenerali tal-SFC u l-COC jistipulaw il-ħtiġijiet li s-CRAs għandhom jilħqu bħalma huma dawk rigward politiki u proċeduri sabiex tiġi żgurata konformità mal-obbligazzjonijiet legali u funzjoni ta' konformità permanenti u effettiva. Is-CRAs huma meħtieġa wkoll jistabbilixxu funzjoni ta' rieżami responsabbli sabiex tirrieżamina perjodikament il-metodoloġiji u l-mudelli ta' klassifikazzjoni u kambjamenti sinifikanti relatati magħhom. Il-qafas legali u superviżorju ta' Ħong Kong jinkludi varjetà wiesgħa ta' ħtiġijiet ta' divulgazzjoni, bħal divulgazzjoni pubblika tal-klassifikazzjonijiet u divulgazzjoni pubblika annwali dwar il-klassifikazzjoni u attivitajiet anċillari. Għaldaqstant, il-qafas legali u superviżorju ta' Ħong Kong għandu jilħaq l-istess għanijiet tar-Regolament (KE) Nru 1060/2009 fir-rigward tal-immaniġġjar tal-kunflitti ta' interess, il-proċessi u l-proċeduri organizzattivi li CRA għandha tistabbilixxi, il-kwalità tal-klassifikazzjonijiet u tal-metodoloġiji tal-klassifikazzjonijiet, id-divulgazzjoni tal-klassifikazzjonijiet tal-kreditu u d-divulgazzjoni ġenerali u perjodika tal-attivitajiet ta' klassifikazzjoni tal-kreditu. Għalhekk għandu jipprovdi għal protezzjoni ekwivalenti f'termini ta' integrità, trasparenza, governanza tajba tas-CRAs u affidabbiltà tal-attivitajiet ta' klassifikazzjoni tal-kreditu.

(6)

Skont it-tielet kundizzjoni, ir-reġim regolatorju fil-pajjiż terz għandu jevita ndħil mill-awtoritajiet superviżorji u awtoritajiet pubbliċi oħra ta' dak il-pajjiż terz mal-kontenut tal-klassifikazzjonijiet tal-kreditu u tal-metodoloġiji. It-Taqsimiet 4 u 5 tal-SFO stipulaw l-objettivi regolatorji u l-funzjonijiet u s-setgħat tal-SFC rispettivament, li ma jinkludu l-ebda setgħa biex l-SFC tindaħal fi kwalunkwe klassifikazzjoni tal-kreditu maħruġa minn CRA jew f'metodoloġija tal-klassifikazzjoni ta' dik is-CRA. Sakemm jista' jiġi aċċertat ma hemm l-ebda dispożizzjoni legali li tagħti s-setgħa lill-SFC jew kull awtorità pubblika oħra biex tinfluwenza l-kontenut tal-klassifikazzjoni jew tal-metodoloġiji tal-kreditu.

(7)

Fl-isfond tal-fatturi eżaminati, il-kundizzjonijiet stipulati fit-tieni subparagrafu tal-Artikolu 5(6) tar-Regolament (KE) Nru 1060/2009 jistgħu jitqiesu li huma milħuqa mill-qafas legali u superviżorju ta' Ħong Kong għas-CRAs. Għalhekk, il-qafas legali u superviżorju ta' Ħong Kong għas-CRAs għandu jitqies bħala ekwivalenti għall-qafas legali u superviżorju stabbilit mir-Regolament (KE) Nru 1060/2009. Il-Kummissjoni, infurmata mill-ESMA, għandha tkompli ssegwi l-evoluzzjoni tal-qafas legali u superviżorju ta' Ħong Kong għas-CRAs u t-twettiq tal-kundizzjonijiet li abbażi tagħhom ittieħdet din id-deċiżjoni.

(8)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

(1)

Id-Deċiżjoni tal-Kummissjoni 2010/221/UE (2) tippermetti li ċerti Stati Membri japplikaw restrizzjonijiet fuq it-tqegħid fis-suq u l-importazzjoni ta' konsenji tal-annimali akkwatiċi sabiex jevitaw l-introduzzjoni ta' ċertu mard fit-territorju tagħhom.

(2)

L-Istati Membri jistgħu japplikaw dawn ir-restrizzjonijiet jekk ikunu wrew li t-territorju tagħhom, jew ċerti żoni demarkati tat-territorju tagħhom, huma ħielsa minn dan il-mard jew li dawn stabilixxew programm ta' qerda biex jiksbu t-tali ħelsien.

(3)

L-Annessi I u III tad-Deċiżjoni 2010/221/UE jelenkaw żoni fl-Irlanda u r-Renju Unit b'miżuri nazzjonali approvati biex jikkontrollaw l-ostreid herpesvirus 1 μvar (OsHV-1 μVar).

(4)

Billi l-OsHV-1 μVar kienet għadha meqjusa bħala marda emerġenti b'ħafna inċertezzi dwarha u l-programmi ta' sorveljanza approvati bid-Deċiżjoni 2010/221/UE ma kinux ġew ivvalutati għal kollox, id-Deċiżjoni ta' Implimentazzjoni tal-Kummissjoni 2013/213/UE (3) awtorizzat li r-restrizzjonijiet relatati mal-OsHV-1 μVar jiġu applikati għal dawk iż-żoni sat-30 ta' April 2014.

(5)

L-għarfien xjentifiku attwalment disponibbli jindika li l-OsHV-1 μVar għadu l-aġent misjub f'ħafna mill-kampjuni miġbura minn avvenimenti ta' mortalità tal-gajdri żgħar u l-larvi tal-gajdri, u li r-rata ta' mortalità globali minħabba din il-marda naqset u stabbilizzat matul l-aħħar sentejn. Barra minn hekk, il-programmi ta' sorveljanza tal-Irlanda u r-Renju Unit juru li hemm numru sinifikanti ta' żoni ta' produzzjoni għall-gajdri tal-Paċifiku li baqgħu ħielsa mill-marda. Dawk il-programmi jindikaw li l-applikazzjoni tar-restrizzjonijiet ta' moviment attwalment fis-seħħ kienet fil-fatt effettiva. Madankollu, għad baqa' xi inċertezzi fir-rigward tal-epidemjoloġija tal-marda, u fir-rigward tal-aktar miżuri adegwati meħtieġa biex jiżguraw kontroll effettiv. Għalhekk, hija meħtieġa evalwazzjoni xjentifika aktar komprensiva tas-sitwazzjoni, inkluża opinjoni xjentifika ġdida mill-Awtorità Ewropea dwar is-Sigurtà fl-Ikel (European Food Safety Authority — EFSA).

(6)

Fuq bażi tal-evidenza xjentifika u epidemjoloġika disponibbli dwar l-evoluzzjoni tal-OsHV-1 μVar fl-Unjoni, u sakemm tingħata opinjoni xjentifika ġdida mill-EFSA, huwa xieraq li jittawwal il-perjodu ta' validità tal-miżuri attwalment fis-seħħ li bihom l-Istati Membri jistgħu japplikaw restrizzjonijiet speċifiċi relatati ma' din il-marda. Dan il-perjodu għandu jkun limitat għal sentejn oħra sat-30 ta' April 2016.

(7)

Id-Deċiżjoni ta' Implimentazzjoni tal-Kummissjoni 2014/12/UE (4) kkonfermat l-istatus ta' ħelsien mill-marda tal-OsHV-1 μVar tat-territorji tar-Renju Unit li ġejjin, elenkati fl-Anness I tad-Deċiżjoni 2010/221/UE: (i) it-territorju tal-Gran Brittanja ħlief il-Bajja ta' Whitstable f'Kent, l-Estwarju ta' Blackwater f'Essex u l-Port ta' Poole f'Dorset; (ii) iż-żona ta' Larne Lough fit-territorju tal-Irlanda ta' Fuq; u (iii) it-territorju ta' Guernsey.

(8)

Skont id-dikjarazzjoni notifikata lill-Kummissjoni mir-Renju Unit, il-programm ta' sorveljanza għall-OsHV-1 μVar juri status ta' ħelsien mill-marda bl-eċċezzjoni taż-żoni infettati u mhux se jibqa' jiġi applikat kif indikat fl-Anness III tad-Deċiżjoni 2010/221/UE.

(9)

L-annotazzjoni tar-Renju Unit fl-Anness III tad-Deċiżjoni 2010/221/UE għandha għalhekk titneħħa.

(10)

Id-Deċiżjoni 2010/221/UE għandha tiġi emendata kif meħtieġ.

(11)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

It-tieni subparagrafu tal-Artikolu 119(1) tar-Regolament (UE) Nru 1306/2013 kif emendat mill-Artikolu 8 tar-Regolament (UE) Nru 1310/2013 tal-Parlament Ewropew u tal-Kunsill tas-17 ta' Diċembru 2013, li jistabbilixxi ċerti dispożizzjonijiet tranżitorji dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR), li jemenda r-Regolament (UE) Nru 1305/2013 tal-Parlament Ewropew u tal-Kunsill rigward ir-riżorsi u d-distribuzzjoni tagħhom fir-rigward tas-sena 2014 u li jemenda r-Regolament tal-Kunsill (KE) Nru 73/2009 u r-Regolamenti (UE) Nru 1307/2013, (UE) Nru 1306/2013 u (UE) Nru 1308/2013 tal-Parlament Ewropew u tal-Kunsill fir-rigward tal-applikazzjoni tagħhom fis-sena 2014 (4), jipprovdi li l-Artikolu 30 tar-Regolament (KE) Nru 1290/2005 japplika għal approvazzjoni finanzjarja tan-nefqa mġarrba u l-pagamenti magħmula għas-sena finanzjarja agrikola 2013.

(2)

Skont l-Artikolu 30 tar-Regolament (KE) Nru 1290/2005 (kif imsemmi fl-Artikolu 119(1), it-tieni subparagrafu tar-Regolament (UE) Nru 1306/2013, emendat bl-Artikolu 8 tar-Regolament (UE) Nru 1310/2013), il-Kummissjoni, abbażi tal-kontijiet annwali mressqa mill-Istati Membri, flimkien mat-tagħrif meħtieġ għall-approvazzjoni tal-kontijiet u ċertifikat rigward il-kompletezza, il-preċiżjoni u l-veraċità tal-kontijiet u r-rapporti stabbiliti mill-korpi taċ-ċertifikazzjoni, il-Kummissjoni tapprova l-kontijiet tal-aġenziji tal-pagamenti msemmija fl-Artikolu 6 tar-Regolament imsemmi.

(3)

Skont l-Artikolu 5 tar-Regolament tal-Kummissjoni (KE) Nru 883/2006 tal-21 ta' Ġunju 2006 li jistipula l-modalitajiet ta' implimentazzjoni tar-Regolament tal-Kunsill (KE) Nru 1290/2005, rigward iż-żamma tal-kotba tal-aġenziji tal-pagamenti, id-dikjarazzjonijiet tan-nefqa u tad-dħul u l-kundizzjonijiet tar-rifużjoni tan-nefqa skont il-FAEG u l-FAEŻR (5), is-sena finanzjarja għall-kontijiet tal-FAEG tibda fis-16 ta' Ottubru tas-sena N — 1 u tispiċċa fil-15 ta' Ottubru tas-sena N. Fil-qafas tal-approvazzjoni tal-kontijiet, sabiex jiġi alinjat il-perjodu ta' referenza għan-nefqa tal-FAEŻR ma' dak tal-FAEG, għandha titqies is-sena finanzjarja 2013 tan-nefqa imġarrba mill-Istati Membri bejn is-16 ta' Ottubru 2012 u l-15 ta' Ottubru 2013.

(4)

It-tieni subparagrafu tal-Artikolu 10(2) tar-Regolament (KE) Nru 885/2006 jistipula li l-ammonti li jistgħu jiġu rkuprati mingħand kull Stat Membru jew imħallsa lilhom, skont id-deċiżjoni tal-approvazzjoni tal-kontijiet imsemmija fl-ewwel subparagrafu tal-Artikolu 10(1) tar-Regolament imsemmi, għandhom jiġu stabbiliti billi jitnaqqsu l-pagamenti intermedji fir-rigward tas-sena finanzjarja kkonċernata min-nefqa rikonoxxuta għall-istess sena skont il-paragrafu 1. Il-Kummisjoni għandha tnaqqas dak l-ammont mill-pagament intermedju li jkun imiss jew iżżidu miegħu.

(5)

Il-Kummissjoni vverifikat it-tagħrif li ressqu l-Istati Membri u kkomunikat ir-riżultati tal-verifiki tagħha lill-Istati Membri qabel il-31 ta' Marzu 2014, flimkien mal-emendi meħtieġa.

(6)

Il-kontijiet annwali u d-dokumenti anċillari jippermettu li l-Kummissjoni għal ċerti aġenziji tal-pagamenti, tieħu deċiżjoni dwar il-kompletezza, il-preċiżjoni u l-veraċità tal-kontijiet annwali mressqa. L-Anness I jelenka l-ammonti approvati mill-Istati Membri u l-ammonti li għandhom jiġu rkuprati mingħand l-Istati Membri jew imħallsa lilhom.

(7)

It-tagħrif imressaq minn ċerti aġenziji tal-pagamenti oħra jeħtieġ aktar stħarriġ u l-kontijiet tagħhom ma jistgħux jiġu approvati f'din id-Deċiżjoni. L-Anness II jelenka l-aġenziji tal-pagamenti kkonċernati.

(8)

Il-Kummissjoni tista' tnaqqas jew tissospendi temporanjament il-pagamenti interim lill-Istati Membri, skont l-Artikolu 27 tar-Regolament (KE) Nru 1290/2005. Din għandha tinforma lill-Istat Membru kif xieraq. Fit-teħid ta' din id-Deċiżjoni, il-Kummissjoni għandha tqis l-ammonti mnaqqsa jew sospiżi sabiex jiġi evitat kull pagament mhux xieraq jew mhux f'waqtu, ir-rifużjoni ta' ammonti li iktar tard jistgħu jkunu l-oġġett ta' korrezzjoni finanzjarja. B'mod partikolari, it-tieni u t-tielet dikjarazzjonijiet trimestrali tal-2013 inklużi rispettivament l-ammonti ta' EUR 753 591,20 u EUR 532 237,50 għall-Programm tal-Iżvilupp Rurali Lazio (CCI 2007IT06RP0005). Dawn l-ammonti ġew inklużi wkoll fid-dikjarazzjoni annwali għas-sena finanzjarja 2013. L-ammonti inkwistjoni kienu soġġetti għal tnaqqis skont l-Artikolu 27(3) tar-Regolament (KE) Nru 1290/2005 u l-Artikolu 41 tar-Regolament (UE) Nru 1306/2013 bid-Deċiżjoni tal-Kummissjoni C(2013)8989 abbażi ta' finanzjament irregolari u tad-Deċiżjoni tal-Kummissjoni C(2014)1278 abbażi li ma ġewx irrispettati l-limiti taż-żmien għal verifika obbligatorja. Billi l-proċedura skont l-Artikolu 31 tar-Regolament (KE) Nru 1290/2005 għadha għaddejja, dan it-tnaqqis għandu jinżamm.

(9)

It-tieni u t-tielet subparagrafu tal-Artikolu 10(1) tar-Regolament tal-Kummissjoni (KE) Nru 885/2006 jipprovdi li d-deċiżjoni tal-approvazzjoni finanzjarja tiddetermina l-ammonti li għandhom jintalbu mingħand l-UE u l-Istat Membru kkonċernat skont l-Artikoli 32 u 33 tar-Regolament tal-Kunsill (KE) Nru 1290/2005. Skont it-tieni subparagrafu tal-Artikolu 119(1) tar-Regolament (UE) Nru 1306/2013, il-proċedura skont l-Artikolu 30 tar-Regolament tal-Kunsill (KE) Nru 1290/2005 tkompli tapplika għan-nefqa mġarrba u l-pagamenti li saru għas-sena finanzjarja 2013. Matul is-sena finanzjarja agrikola 2013, l-Artikoli 32 u 33 kienu fis-seħħ, u għalhekk l-ammonti li jirriżultaw mill-applikazzjoni tagħhom għandhom jitqiesu fid-deċiżjoni ta' approvazzjoni finanzjarja fir-rigward tas-sena finanzjarja 2013.

(10)

Skont l-Artikolu 33(8) tar-Regolament (KE) Nru 1290/2005, 50 % tal-konsegwenzi finanzjarji tan-nuqqas ta' rkupru tal-irregolaritajiet għandhom jitħallsu mill-Istat Membru kkonċernat jekk l-irkupru ta' dawk l-irregolaritajiet ma jkunx sar qabel l-għeluq tal-programm tal-iżvilupp rurali fi żmien erba' snin mis-sejba amministrattiva jew ġudizzjarja primarja, jew fi żmien tmien snin jekk l-irkupru jitressaq quddiem il-qrati nazzjonali, jew meta jingħalaq il-programm jekk dawk l-iskadenzi jkunu jagħlqu qabel jagħlaq il-programm stess. L-Artikolu 33(4) tar-Regolament imsemmi jobbliga lill-Istati Membri biex flimkien mal-kontijiet annwali jissottomettu lill-Kummissjoni rapport fil-qosor dwar il-proċeduri tal-irkupru meħuda b'reazzjoni għall-irregolaritajiet. Ir-Regolament (KE) Nru 885/2006 jistipula regoli ddettaljati għall-applikazzjoni tal-obbligu tal-Istati Membri li jirrappurtaw l-ammonti li għandhom jiġu rkuprati. L-Anness III tar-Regolament imsemmi jagħti t-tabella li kellha tingħata mill-Istati Membri fl-2014. Abbażi tat-tabelli mimlija mill-Istati Membri, il-Kummissjoni għandha tiddeċiedi dwar il-konsegwenzi finanzjarji min-nuqqas ta' rkupru ta' irregolaritajiet li jmorru lura għal iktar minn erba' snin jew tmienja, rispettivament. Għal dan l-għan, din id-deċiżjoni hija mingħajr preġudizzju għad-deċiżjonijiet ta' approvazzjoni ta' konformità addizzjonali possibbli li l-Kummissjoni tista' tieħu skont l-Artikolu 33(5) tar-Regolament (KE) Nru 1290/2005.

(11)

Skont l-Artikolu 33(7) tar-Regolament tal-Kunsill (KE) Nru 1290/2005 u bis-saħħa tal-Artikolu 10 tar-Regolament tal-Kummissjoni(KE) Nru 885/2006, wara l-għeluq tal-programm tal-iżvilupp rurali, l-Istati Membri jistgħu jiddeċiedu li ma jiħdux passi għall-irkupru. Deċiżjoni bħal din tista' tittieħed biss jekk it-total tal-ispejjeż li jkunu saru diġà jew li aktarx ikunu se jiġġarrbu, ikun jaqbeż l-ammont li għandu jiġi rkuprat jew jekk jirriżulta li l-irkupru mhux possibbli li jsir minħabba insolvenza, irreġistrata u rrikonoxxuta skont il-liġi nazzjonali, tad-debitur jew tal-persuni legalment responsabbli għall-irregolarità. Jekk dik id-deċiżjoni tittieħed fi żmien erba' snin mis-sejba amministrattiva jew ġudizzjarja primarja, jew fi żmien tmien snin jekk l-irkupru jitressaq quddiem il-qrati nazzjonali, il-baġit tal-UE għandu jagħmel tajjeb għal 100 % tal-konsegwenzi finanzjarji tan-nuqqas tal-irkupru. Ir-rapport fil-qosor imsemmi fl-Artikolu 33(4) tar-Regolament (KE) Nru 1290/2005 juri l-ammonti li għalihom l-Istat Membru ddeċieda li ma jiħux passi għall-irkupru u fuq liema bażi ttieħdet id-deċiżjoni. Dawn l-ammonti mhumiex iddebitati lill-Istati Membri kkonċernati u konsegwentement għandhom jiġġarrbu mill-baġit tal-UE. Għal dan l-għan, din id-deċiżjoni hija mingħajr preġudizzju għad-deċiżjonijiet ta' approvazzjoni ta' konformità addizzjonali possibbli li l-Kummissjoni tista' tieħu skont l-Artikolu 33(5) ta' dak ir-Regolament.

(12)

Skont l-Artikolu 24(4) tar-Regolament tal-Kunsill (KE) Nru 1290/2005 (kif imsemmi fl-Artikolu 34(2) tar-Regolament (UE) Nru 1306/2013, emendat mill-Artikolu 8 tar-Regolament (UE) Nru 1310/2013), l-ammont totali ta' prefinanzjament u pagamenti intermedji ma għandux jaqbeż il-95 % tal-kontribuzzjoni mill-FAEŻR għal kull programm tal-iżvilupp rurali.

(13)

Skont l-Artikolu 26(3)(b) tar-Regolament tal-Kunsill (KE) Nru 1290/2005 (kif imsemmi fl-Artikolu 36(3)(b) tar-Regolament (UE) Nru 1306/2013, il-pagamenti intermedji għandhom isiru mingħajr ma tinqabeż il-kontribuzzjoni programmata finanzjarja totali tal-FAEŻR għal kull prijorità. Barra minn hekk, skont l-Artikolu 17(4) tar-Regolament (KE) Nru 883/2006, mingħajr preġudizzju għal-limitu stipulat fl-Artikolu 24(4) tar-Regolament tal-Kunsill (KE) Nru 1290/2005 (kif imsemmi fl-Artikolu 34(2) tar-Regolament (UE) Nru 1306/2013, fejn it-total tad-dikjarazzjonijiet tal-ispejjeż jaqbeż it-total ipprogrammat għal prijorità tal-programm ta' żvilupp rurali, l-ammont li jrid jitħallas huwa limitat għall-ammont totali pprogrammat għal din it-tema. Il-pjan finanzjarju tal-Assi 2 tal-Programm għall-Iżvilupp Rurali 2007PT06RP0001 inqabeż b'EUR 913 212,81 fid-dikjarazzjoni trimestrali għall-Q3 2013. Dan l-ammont ma kienx tħallas mill-Kummissjoni. Pjan finanzjarju ġdid ma ġiex approvat u adottat mill-Kummissjoni. L-ammont ta' EUR 913 212,81 inkluż fid-dikjarazzjoni annwali għas-sena finanzjarja 2013 għandu għalhekk jiġi eskluż mid-deċiżjoni ta' approvazzjoni finanzjarja għas-sena finanzjarja 2013. Dan ikun soġġett għal rimborż aktar tard mill-Kummissjoni wara l-adozzjoni tal-pjan finanzjarju l-ġdid.

(14)

Skont l-Artikolu 30(2) tar-Regolament (KE) Nru 1290/2005, din id-deċiżjoni hija mingħajr preġudizzju għal deċiżjonijiet ta' approvazzjoni ta' konformità addizzjonali possibbli li l-Kummissjoni tista' tieħu biex teskludi mill-finanzjament tal-Unjoni Ewropea nfiq li ma jiġix effettwat skont ir-regoli tal-Unjoni Ewropea,