L-ANNESS TAL-PROTOKOLL LI JEMENDA L-FTEHIM DWAR L-AKKWIST PUBBLIKU

IL-PREAMBOLU

IL-PARTIJIET GĦAL DAN IL-FTEHIM (li minn hawn 'il quddiem ser jissejħu "il-Partijiet"),

LI JIRRIKONOXXU l-ħtieġa ta’ qafas multilaterali effettiv għall-akkwist pubbliku, bil-għan li jinkisbu liberalizzazzjoni ikbar kif ukoll espansjoni tat-twettiq ta' kummerċ internazzjonali u jitjieb il-qafas għal dan;

LI JIRRIKONOXXU li l-miżuri dwar l-akkwist tal-gvern ma għandhomx jitħejjew, jiġu adottati jew applikati sabiex tingħata protezzjoni lill-fornituri, prodotti jew servizzi domestiċi, jew sabiex issir diskriminazzjoni kontra fornituri, prodotti jew servizzi barranin;

LI JIRRIKONOXXU li l-integrità u l-previdibilità tas-sistemi ta' akkwist pubbliku huma integrali għall-ġestjoni effiċjenti u effettiva tar-riżorsi pubbliċi, għall-prestazzjoni tal-ekonomiji tal-Partijiet u għall-funzjonament tas-sistema multilaterali ta' negozjar;

LI JIRRIKONOXXU li l-impenji proċedurali f'dan il-Ftehim għandhom ikunu flessibbli biżżejjed biex jakkomodaw iċ-ċirkustanzi speċifiċi ta' kull Parti;

LI JIRRIKONOXXU l-ħtieġa li jitqiesu l-ħtiġijiet finanzjarji, kummerċjali u ta' żvilupp tal-pajjiżi fil-fażi tal-iżvilupp, b'mod partikolari l-pajjiżi l-anqas żviluppati;

LI JIRRIKONOXXU l-importanza tal-miżuri trasparenti dwar l-akkwist pubbliku, tat-twettiq tal-akkwisti b'mod trasparenti u imparzjali u l-evitar ta' kunflitti ta' interess u prattiki korrotti, skont l-istrumenti internazzjonali applikabbli, bħall-Konvenzjoni tan-Nazzjonijiet Uniti kontra l-Korruzzjoni;

LI JIRRIKONOXXU l-importanza tal-użu, u li jiġi mħeġġeġ l-użu ta', mezzi elettroniċi għall-akkwisti koperti minn dan il-Ftehim;

LI JIXTIEQU jħeġġu l-aċċettazzjoni ta’ u l-adeżjoni ma' dan il-Ftehim mill-Membri tad-WTO li mhumiex parti għalih;

HAWNHEKK JAQBLU KIF ĠEJ:

Artikolu I

Id-Definizzjonijiet

Għall-finijiet ta' dan il-Ftehim:

Artikolu II

Il-Kamp ta' Applikazzjoni u l-Kopertura

1.   Dan il-Ftehim japplika għal kwalunkwe miżura dwar l-akkwist kopert, kemm jekk jitwettaq b'mod esklussiv jew parzjali minn mezzi elettroniċi kif ukoll jekk le.

2.   Għall-finijiet ta' dan il-Ftehim, akkwist kopert tfisser l-akkwist għal finijiet tal-gvern:

3.   Minbarra fejn ikun stipulat b'mod ieħor fl-annessi għall-Appendiċi I ta' Parti, dan il-Ftehim ma japplikax għal:

4.   Kull Parti għandha tispeċifika l-informazzjoni li ġejja fl-annessi tagħha tal-Appendiċi I:

5.   F'każ li l-entità akkwirenti, fil-kuntest ta' akkwist kopert, tesiġi li l-persuni mhux koperti fl-annessi għall-Appendiċi I ta' Parti jakkwistaw skont ir-rekwiżiti partikolari, l-Artikolu IV għandu japplika mutatis mutandis għal rekwiżiti bħal dawn.

6.   Fl-istima tal-valur ta' akkwist sabiex jiġi żgurat jekk huwiex akkwist kopert, l-entità akkwirenti:

7.   Meta rekwiżit individwali għall-akkwist jirriżulta fl-għoti ta' iktar minn kuntratt wieħed, jew fl-għoti ta' kuntratti f'partijiet separati (li minn hawn 'il quddiem ser jissejħu "kuntratti rikorrenti"), il-kalkolu tal-valur totali massimu stmat għandu jkun ibbażat fuq:

8.   Fil-każ ta' akkwist b'leasing, kiri jew xiri bin-nifs ta' prodotti jew servizzi, jew l-akkwist li għalih mhuwiex speċifikat prezz totali, il-bażi għall-valutazzjoni għandha tkun:

Artikolu III

L-Eċċezzjonijiet fis-Sigurtà u Dawk Ġenerali

1.   Xejn f'dan il-Ftehim ma għandu jinftiehem li jipprevjeni lil xi Parti milli tieħu xi azzjoni jew milli ma tiddivulgax xi informazzjoni li hi tqis neċessarja għall-protezzjoni tal-interessi essenzjali tas-sigurtà tagħha relatata mal-akkwist ta' armi, munizzjoni jew materjali tal-gwerra, jew għall-akkwist indispensabbli għas-sigurtà nazzjonali jew għal fini tad-difiża nazzjonali.

2.   Soġġett għar-rekwiżit li tali miżuri ma jiġux applikati b'mod li jikkostitwixxi mezz ta' diskriminazzjoni arbitrarja jew mhux ġustifikabbli bejn il-Partijiet fejn jipprevalu l-istess kundizzjonijiet jew restrizzjoni moħbija fuq il-kummerċ internazzjonali, xejn f'dan il-Ftehim ma għandu jiftiehem li jipprevjeni lil xi Parti milli timponi jew tinforza miżuri:

Artikolu IV

Il-Prinċipji Ġenerali

1.   Fir-rigward ta' kwalunkwe miżura dwar l-akkwist kopert, kull Parti, inklużi l-entitajiet akkwirenti tagħha, għandha tagħti minnufih u mingħajr kundizzjonijiet lill-prodotti u s-servizzi ta' kwalunkwe Parti oħra u lill-fornituri ta' kwalunkwe Parti oħra li toffri l-prodotti jew is-servizzi ta' kwalunkwe Parti, trattament li ma jkun xejn inqas favoreoli mit-trattament li l-Parti, inklużi l-entitajiet akkwirenti tagħha, tagħti lil:

2.   Fir-rigward ta' kwalunkwe miżura dwar l-akkwist kopert, Parti, inklużi l-entitajiet akkwirenti tagħha, ma għandhiex:

3.   Meta twettaq akkwist kopert b'mezzi elettroniċi, l-entità akkwirenti għandha:

4.   L-entità akkwirenti għandha twettaq akkwist kopert b'mod trasparenti u imparzjali li:

5.   Għall-finijiet ta' akkwist kopert, Parti ma għandhiex tapplika r-regoli ta' oriġini għall-prodotti jew servizzi importati minn jew forniti minn Parti oħra li huma differenti mir-regoli ta' oriġini li l-Parti tapplika fl-istess ħin fil-proċes normali tan-negozju għall-importazzjonijiet jew provvisti tal-istess prodotti jew servizzi mill-istess Parti.

6.   Fir-rigward tal-akkwist kopert, Parti, inklużi l-entitajiet akkwirenti tagħha, ma għandhiex tfittex, tqis, timponi jew tinforza xi kumpens.

7.   Il-paragrafi 1 u 2 ma għandhomx japplikaw għal: dazji u imposti ta' kwalunkwe tip imposti fuq l-importazzjoni, jew b'rabta magħha; il-metodu ta' kif jiġu imposti tali dazji u imposti; regolamenti oħrajn ta' importazzjoni jew formalitajiet u miżuri li jaffettwaw il-kummerċ f'servizzi li mhumiex miżuri li jirregolaw l-akkwist kopert.

Artikolu V

Il-pajjiżi fil-fażi tal-iżvilupp

1.   Fin-negozjati dwar l-adeżjoni ma’, u fl-implimentazzjoni u l-amministrazzjoni ta', dan il-Ftehim, il-Partijiet għandhom iqisu b’mod speċjalii l-ħtiġijiet finanzjarji, kummerċjali u ta' żvilupp u ċ-ċirkustanzi tal-pajjiżi fil-fażi tal-iżvilupp u l-pajjiżi l-anqas żviluppati (li minn hawn 'il quddiem ser jissejħu b'mod kollettiv "pajjiżi fil-fażi tal-iżvilupp", sakemm ma jiġux identifikati b'mod speċifiku ieħor), filwaqt li jirrikonoxxu li dawn jistgħu jvarjaw b'mod notevoli bejn pajjiż u ieħor. Kif stipulat f'dan l-Artikolu u fuq talba, il-Partijiet għandhom jagħtu trattament speċjali u differenti:

2.   Mal-adeżjoni minn pajjiż fil-fażi tal-iżvilupp għal dan il-Ftehim, kull Parti għandha tipprovdi minnufih, għall-prodotti, is-servizzi u l-fornituri ta' dak il-pajjiż, l-iktar kopetura favorevoli li l-Parti tipprovdi fl-annessi tagħha tall-Appendiċi I għal kwalunkwe Parti oħra għal dan il-Ftehim, soġġetti għal kwalunkwe termini nnegozjati bejn il-Parti u l-pajjiż fil-fażi tal-iżvilupp biex jinżamm bilanċ xieraq ta' opportunitajiet f'dan il-Ftehim.

3.   Fuq il-bażi tal-ħtiġijiet tiegħu ta' żvilupp, u bil-qbil tal-Partijiet, pajjiż fil-fażi tal-iżvilupp jista' jadotta jew iżomm miżura tranżitorja waħda jew iktar minn dawn li ġejjin, matul perjodu ta' tranżizzjoni u skont skeda, stipulati fl-annessi relevanti għall-Appendiċi I tiegħu, u applikati b'tali mod li ma jkunx hemm diskriminazzjoni bejn il-Partijiet l-oħrajn:

4.   Fin-negozjati tal-adeżjoni għal dan il-Ftehim, il-Partijiet jistgħu jaqblu fuq l-applikazzjoni ttardjata ta' kwalunkwe obbligu speċifiku f'dan il-Ftehim, minbarra l-Artikolu IV:1(b), mill-pajjiż fil-fażi tal-iżvilupp aderenti filwaqt li dak il-pajjiż jimplimenta l-obbligu. Il-perjodu ta' implimentazzjoni għandu jkun:

5.   Kwalunkwe pajjiż fil-fażi tal-iżvilupp li nnegozja perjodu ta' implimentazzjoni għall-obbligu skont il-paragrafu 4 għandu jelenka fl-Anness 7 tiegħu tal-Appendiċi I perjodu ta' implimentazzjoni maqbul, l-obbligu speċifiku soġġett għall-perjodu ta' implimentazzjoni u kwalunkwe obbligu interim li qabel li jikkonforma miegħu matul il-perjodu ta' implimentazzjoni.

6.   Wara li dan il-Ftehim ikun daħal fis-seħħ għall-pajjiż fil-fażi tal-iżvilupp, il-Kumitat, fuq talba tal-pajjiż fil-fażi tal-iżvilupp, jista':

7.   Pajjiż fil-fażi tal-iżvilupp li nnegozja miżura tranżitorja skont il-paragrafu 3 jew 6, perjodu ta' implimentazzjoni skont il-paragrafu 4 jew kwalunkwe estensjoni skont il-paragrafu 6 għandu jieħu tali passi matul il-perjodu ta' tranżizzjoni jew il-perjodu ta' implimentazzjoni skont il-ħtieġa biex jiġi żgurat li huwa konformi ma' dan il-Ftehim fi tmiem kwalunkwe perjodu bħal dan. Il-pajjiż fil-fażi tal-iżvilupp għandu jgħarraf lill-Kumitat minnufih dwar kull pass.

8.   Il-Partijiet għandhom iqisu bir-reqqa kwalunkwe talba minn pajjiż fil-fażi tal-iżvilupp għall-kooperazzjoni teknika u tisħiħ tal-kapaċitajiet fir-rigward tal-adeżjoni ta' dak il-pajjiż f'dan il-Ftehim, jew l-implimentazzjoni tiegħu.

9.   Il-Kumitat jista' jiżviluppa proċeduri għall-implimentazzjoni ta' dan l-Artikolu. Tali proċeduri jistgħu jinkludu dispożizzjonijiet għal votazzjoni fuq deċiżjonijiet relatati ma' talbiet skont il-paragrafu 6.

10.   Il-Kumitat għandu jirrevedi l-operazzjoni u l-effettività ta' dan l-Artikolu kull ħames snin.

Artikolu VI

L-Informazzjoni dwar is-Sistema tal-Akkwist

1.   Kull Parti għandha:

2.   Kull Parti għandha telenka:

3.   Kull Parti għandha tgħarraf minnufih lill-Kumitat dwar kwalunkwe modifika fl-informazzjoni tal-Parti li hemm elenkata fl-Appendiċi II, III jew IV.

Artikolu VII

L-Avviżi

1.   Għal kull akkwist kopert, l-entità akkwirenti għandha tippubblika avviż ta' akkwist ippjanat bil-mezz elettroniku jew fuq karta xierqa kif elenkat fl-Appendiċi III, minbarra fiċ-ċirkustanzi deskritti fl-Artikolu XIII. Tali mezz għandu jitqassam u jkun użat b'mod estensiv u tali avviżi għandhom ikunu faċilment aċċessibbli għall-pubbliku, tal-inqas sakemm jiskadi l-perjodu ta' żmien indikat fl-avviż. L-avviżi:

Il-Partijiet, inklużi l-entitajiet akkwirenti tagħhom koperti fl-Anness 2 jew 3, huma mħeġġa jippubblikaw l-avviżi tagħhom b'mezzi elettroniċi b'xejn permezz ta' punt uniku ta' aċċess.

2.   Sakemm ma jiġix stipulat mod ieħor f'dan il-Ftehim, kull avviż ta' akkwist ippjanat għandu jinkludi:

3.   Għal kull każ ta' akkwist ippjanat, l-entità akkwirenti għandha tippubblika avviż tas-sommarju li huwa faċilment aċċessibbli, fl-istess ħin bħall-pubblikazzjoni tal-avviż tal-akkwist ippjanat, f'waħda mil-lingwi tad-WTO. L-avviż tas-sommarju għandu jkun fih tal-inqas l-informazzjoni li ġejja:

4.   L-entitajiet akkwirenti huma mħeġġa jippubblikaw, bil-mezz elettroniku jew fuq karta xieraq elenkat fl-Appendiċi III malajr kemm jista' jkun f'kull sena fiskali, avviż dwar il-pjanijiet tal-akkwist tagħhom għall-ġejjieni (li minn hawn 'il quddiem ser jissejjaħ "avviż ta' akkwist ippjanat"). L-avviż tal-akkwist ippjanat għandu jinkludi s-suġġett tal-akkwist u d-data ppjanata tal-pubblikazzjoni tal-avviż ta' akkwist ippjanat.

5.   L-entità akkwirenti koperta fl-Anness 2 jew 3 tista' tuża avviż ta' akkwist ippjanat bħala avviż ta' akkwist ippjanat diment li l-avviż ta' akkwist ippjanat jinkludi dik l-informazzjoni kollha msemmija fil-paragrafu 2 li hija disponibbli għall-entità u dikjarazzjoni li l-fornituri interessati għandhom jesprimu l-interess tagħhom fl-akkwist lill-entità akkwirenti.

Artikolu VIII

Il-Kundizzjonijiet għall-Parteċipazzjoni

1.   L-entità akkwirenti għandha tillimita kwalunkwe kundizzjonijiet għall-parteċipazzjoni f'akkwist għal dawk li huma essenzjali biex jiġi żgurat li fornitur għandu kapaċitajiet legali u finanzjarji u l-ħiliet kummerċjali u tekniċi biex iwettaq l-akkwist relevanti.

2.   Fl-istabbiliment tal-kundizzjonijiet għall-parteċipazzjoni, l-entità akkwirenti:

3.   Fil-valutazzjoni ta' jekk fornitur jissodisfax il-kundizzjonijiet għall-parteċipazzjoni, l-entità akkwirenti:

4.   Fejn ikun hemm evidenza ta' sostenn, Parti, inklużi l-entitajiet akkwirenti tagħha, tista' teskludi fornitur għal raġunijiet bħal:

Artikolu IX

Il-Kwalifika tal-Fornituri

1.   Parti, inklużi l-entitajiet akkwirenti tagħha, tista' tmantni sistema ta' reġistrazzjoni tal-fornituri li fiha l-fornituri interessati huma meħtieġa jirreġistraw u jipprovdu ċerta informazzjoni.

2.   Kull Parti għandha tiżgura li:

3.   Parti, inklużi l-entitajiet akkwirenti tagħha, ma għandhiex tadotta jew tapplika xi sistema ta' reġistrazzjoni jew proċedura ta' kwalifika bil-għan jew bl-effett li toħloq xkiel żejjed għall-parteċipazzjoni tal-fornituri ta' Parti oħra fl-akkwist tagħha.

4.   Fejn l-entità akkwirenti jkun beħsiebha tuża proċedura ta' offerti selettiva, l-entità għandha:

5.   L-entità akkwirenti għandha tippermetti lill-fornituri kollha kkwalifikati biex jieħdu sehem f'akkwist partikolari, sakemm l-entità akkwirenti ma tiddikjarax fl-avviż ta' akkwist ippjanat kwalunkwe limitazzjoni fuq in-numru ta' fornituri li ser jitħallew joffru u l-kriterji għall-għażla tan-numru limitat ta' fornituri.

6.   Fejn id-dokumentazzjoni tal-offerti ma titqiegħedx għad-dispożizzjoni tal-pubbliku mid-data ta' pubblikazzjoni tal-avviż imsemmija fil-paragrafu 4, l-entità akkwirenti għandha tiżgura li dawk id-dokumenti tqiegħdu għad-dispożizzjoni fl-istess ħin lill-fornituri kkwalifikati kollha magħżula skont il-paragrafu 5.

7.   L-entità akkwirenti tista' żżomm lista b'bosta użi ta' fornituri, bil-kundizzjoni li avviż li fih ikunu mistiedna l-fornituri interessati sabiex japplikaw għall-inklużjoni fil-lista jkun:

bil-mezz xieraq elenkat fl-Appendiċi III.

8.   L-avviż stipulat fil-paragrafu 7 għandu jinkludi:

9.   Minkejja l-paragrafu 7, fejn lista b'bosta użi ser tkun valida għal tliet snin jew inqas, l-entità akkwirenti tista' tippubblika l-avviż imsemmi fil-paragrafu 7 darba biss, fil-bidu tal-perjodu ta' validità tal-lista, diment li l-avviż:

10.   L-entità akkwirenti għandha tippermetti lill-fornituri japplikaw fi kwalunkwe ħin għall-inklużjoni f'lista b'bosta użi u għandha tinkludi fil-lista lill-fornituri kkwalifikati kollha fi żmien perjodu raġonevolment qasir.

11.   Meta fornitur li mhuwiex inkluż f'lista b'bosta użi jippreżenta talba għall-parteċipazzjoni f'akkwist abbażi ta' lista b'bosta użi u d-dokumenti kollha meħtieġa, fi ħdan il-perjodu ta' żmien stipulat fl-Artikolu XI:2, l-entità akkwirenti għandha teżamina t-talba. L-entità akkwirenti ma għandhiex teskludi lill-fornitur minn kunsiderazzjoni fir-rigward tal-akkwist minħabba r-raġuni li l-entità ma għandhiex biżżejjed żmien biex teżamina t-talba, sakemm, f'każijiet eċċezzjonali, minħabba l-kumplessità tal-akkwist, l-entità ma tkunx tista' tlesti l-eżaminazzjoni tat-talba fi ħdan il-perjodu ta' żmien permess għall-preżentazzjoni tal-offerti.

12.   L-entità akkwirenti koperta mill-Anness 2 jew 3 tista' tuża avviż li fih tistieden lill-fornituri japplikaw għall-inklużjoni f'lista b'bosta użi bħala avviż ta' akkwist ippjanat, bil-kundizzjoni li:

13.   L-entità akkwirenti koperta fl-Anness 2 jew 3 tista' tħalli lill-fornitur li applika għall-inklużjoni f'lista b'bosta użi skont il-paragrafu 10 sabiex jagħmel offerta f'akkwist partikolari, meta jkun hemm biżżejjed żmien sabiex l-entità akkwirenti teżamina jekk il-fornitur jissodisfax il-kundizzjonijiet għall-parteċipazzjoni.

14.   L-entità akkwirenti għandha tgħarraf minnufih lil kwalunkwe fornitur li jissottometti talba għall-parteċipazzjoni f'akkwist jew applikazzjoni għall-inklużjoni f'lista b'bosta użi tad-deċiżjoni tal-entità akkwirenti fir-rigward tat-talba jew l-applikazzjoni.

15.   Fejn l-entità akkwirenti tirrifjuta talba ta' fornitur għall-parteċipazzjoni f'akkwist jew applikazzjoni għall-inklużjoni f'lista b'bosta użi, ma tibqax tirrikonoxxi fornitur bħala kkwalifikat, jew tneħħi fornitur minn lista b'bosta użi, l-entità għandha tgħarraf minnufih lill-fornitur u, fuq talba tal-fornitur, tipprovdi minnufih lill-fornitur bi spjegazzjoni bil-miktub dwar ir-raġunijiet għad-deċiżjoni tagħha.

Artikolu X

L-Ispeċifikazzjonijiet Tekniċi u d-Dokumentazzjoni tal-Offerta

1.   L-entità akkwirenti ma għandhiex tħejji, tadotta jew tapplika xi speċifikazzjoni teknika jew tippreskrivi xi proċedura ta' valutazzjoni tal-konformità bil-għan jew l-effett li toħloq xkiel żejjed għall-kummerċ internazzjonali.

2.   Fil-preskrizzjoni tal-ispeċifikazzjonijiet tekniċi għall-prodotti jew servizzi li jkunu ser jinxtraw, l-entità akkwirenti għandha, fejn xieraq:

3.   Meta fl-ispeċifikazzjonijiet tekniċi jintużaw karatteristiċi deskrittivi jew tad-disinn, l-entità akkwirenti għandha tindika, fejn xieraq, li ser tikkunsidra offerti ta' prodotti jew servizzi ekwivalenti li jissodisfaw biċ-ċar ir-rekwiżiti tal-akkwist billi tinkludi kliem bħal "jew ekwivalenti" fid-dokumentazzjoni tal-offerta.

4.   L-entità akkwirenti ma għandhiex tippreskrivi speċifikazzjonijiet tekniċi li jeħtieġu jew jirreferu għal marka kummerċjali jew isem kummerċjali, privattiva, dritt tal-awtur, disinn, tip partikolari, oriġini, produttur jew fornitur speċifiċi, sakemm ma jkun hemm l-ebda mod ieħor preċiż jew intelliġibbli biżżejjed biex jiġu deskritti r-rekwiżiti tal-akkwist u bil-kundizzjoni li, ftali każijiet, l-entità tinkludi kliem bħal "jew ekwivalenti" fid-dokumentazzjoni tal-offerta.

5.   L-entità akkwirenti ma għandhiex tfittex jew taċċetta, b'mod li jkollu effett ta' preklużjoni tal-kompetizzjoni, avviż li jista' jintuża fit-tħejjija jew l-adozzjoni ta' xi speċifikazzjoni teknika għal akkwist speċifiku minn persuna li jista' jkollha interess kummerċjali fl-akkwist.

6.   Għal ċertezza ikbar, Parti, inklużi l-entitajiet akkwirenti tagħha, tista', b'konformità ma' dan l-Artikolu, tħejji, tadotta jew tapplika speċifikazzjonijiet tekniċi biex tippromovi l-konservazzjoni ta' riżorsi naturali jew tipproteġi l-ambjent.

7.   L-entità akkwirenti għandha tqiegħed għad-dispożizzjoni tal-fornituri dokumentazzjoni tal-offerta li tinkludi l-informazzjoni kollha meħtieġa biex il-fornituri jkunu jistgħu jħejju u jippreżentaw offerti ta' rispons. Sakemm ma tkunx diġà ngħatat fl-avviż ta' akkwist ippjanat, tali dokumentazzjoni għandha tinkludi deskrizzjoni sħiħa ta':

8.   Meta tistabbilixxi data għall-konsenja ta' prodotti jew il-forniment ta' servizzi li jkunu qegħdin jinxtraw, l-entità akkwirenti għandha tqis fatturi bħall-kumplessità tal-akkwist, kemm se jsir sottokuntrattar antiċipat u ż-żmien realistiku meħtieġ għall-produzzjoni, it-tneħħija mill-ħżin, u t-trasport tal-prodotti mill-punt tal-forniment jew għall-forniment tas-servizzi.

9.   Il-kriterji ta' evalwazzjoni stabbiliti fl-avviż ta' akkwist ippjanat jew fid-dokumentazzjoni tal-offerta jistgħu jinkludu, fost l-oħrajn, il-prezz u fatturi oħrajn ta' spejjeż, il-kwalità, il-mertu tekniku, il-karatteristiċi ambjentali u t-termini tal-konsenja.

10.   Minnufih, l-entità akkwirenti għandha:

11.   Meta, qabel l-għoti ta' kuntratt, l-entità akkwirenti timmodifika l-kriterji jew ir-rekwiżiti stipulati fl-avviż ta' akkwist ippjanat jew fid-dokumentazzjoni tal-offerta pprovduti lill-fornituri li jkunu qed jieħdu sehem, jew temenda jew terġa' toħroġ avviż jew dokumentazzjoni tal-offerta, għandha tittrasmetti bil-miktub tali modifiki kollha jew l-avviż jew id-dokumentazzjoni tal-offerta emendati jew maħruġin mill-ġdid:

Artikolu XI

Il-Perjodi ta' Żmien

1.   B'mod konsistenti mal-ħtiġijiet raġonevoli tagħha stess, l-entità akkwirenti għandha tipprovdi biżżejjed żmien sabiex il-fornituri jħejju u jerġgħu jippreżentaw talbiet għall-parteċipazzjoni u offerti ta' rispons, filwaqt li tieħu f'kunsiderazzjoni fatturi bħal:

Perjodi ta' żmien bħal dawn, inklużi kwalunkwe estensjoni tal-perjodi ta' żmien, għandhom ikunu l-istess għall-fornituri interessati jew parteċipanti kollha.

2.   L-entità akkwirenti li tuża proċedura ta' offerti selettiva għandha tistabbilixxi li d-data finali għas-sottomissjoni ta' talbiet għall-parteċipazzjoni ma għandhiex, fil-prinċipju, tkun inqas minn 25 jum mid-data ta' pubblikazzjoni tal-avviż ta' akkwist ippjanat. F'każ li stat ta' urġenza ssostanzjat kif xieraq mill-entità akkwirenti jrendi dan il-perjodu ta' żmien imprattikabbli, il-perjodu ta' żmien jista' jitnaqqas b'mhux inqas minn 10 ijiem.

3.   Għajr kif stipulat fil-paragrafi 4, 5, 7 u 8, l-entità akkwirenti għandha tistabbilixxi li d-data finali għas-sottomissjoni tal-offerti ma għandhiex tkun inqas minn 40 jum mid-data li fiha:

4.   L-entità akkwirenti tista' tnaqqas il-perjodu ta' żmien għall-proċedura ta' offerti stabbilit skont il-paragrafu 3 għal mhux inqas minn 10 ijiem meta:

5.   L-entità akkwirenti tista' tnaqqas il-perjodu ta' żmien għall-proċedura ta' offerti stabbilit skont il-paragrafu 3 b'ħamest ijiem għal kull waħda miċ-ċirkustanzi li ġejjin:

6.   L-użu tal-paragrafu 5, flimkien mal-paragrafu 4, qatt ma għandu jirriżulta fit-tnaqqis tal-perjodu ta' żmien għall-proċedura ta' offerti stabbilit skont il-paragrafu 3 għal inqas minn 10 ijiem mid-data li fiha huwa ppubblikat l-avviż ta' akkwist ippjanat.

7.   Minkejja kwalunkwe dispożizzjonijiet oħrajn f'dan l-Artikolu, meta l-entità akkwirenti takkwista prodotti jew servizzi kummerċjali, jew xi taħlita tagħhom, din tista' tnaqqas il-perjodu ta' żmien għall-proċedura ta' offerti stabbilit skont il-paragrafu 3 għal mhux inqas minn 13-il jum, bil-kundizzjoni li tippubblika b'mezzi elettroniċi, fl-istess ħin, kemm l-avviż ta' akkwist ippjanat kif ukoll id-dokumentazzjoni tal-offerta. Barra minn hekk, meta l-entità taċċetta offerti għal prodotti jew servizzi kummerċjali b'mezzi elettroniċi, tista' tnaqqas il-perjodu ta' żmien stabbilit skont il-paragrafu 3 għal mhux inqas minn 10 ijiem.

8.   Meta l-entità akkwirenti koperta fl-Anness 2 jew 3 tkun għażlet il-fornituri kkwalifikati kollha jew sehem limitat minnhom, il-perjodu ta' żmien għall-proċedura ta' offerti tista' tiġi stabbilita minn ftehim reċiproku bejn l-entità akkwirenti u l-fornituri magħżulin. Fin-nuqqas ta' ftehim, il-perjodu ma għandux ikun inqas minn 10 ijiem.

Artikolu XII

In-negozjar

1.   Parti tista' tipprovdi sabiex l-entitajiet akkwirenti tagħha jwettqu negozjati:

2.   L-entità akkwirenti għandha:

Artikolu XIII

Il-Proċedura ta' Offerti Limitata

1.   Sakemm ma tużax din id-dispożizzjoni bil-għan li tiġi evitata kompetizzjoni fost il-fornituri jew b'mod li jiddiskrimina kontra fornituri ta' xi Parti oħra jew tipproteġi fornituri domestiċi, l-entità akkwirenti tista' tuża proċedura ta' offerti limitata u tista' tagħżel li ma tapplikax l-Artikoli VII sa IX, X (paragrafi 7 sa 11), XI, XII, XIV u XV biss fi kwalunkwe waħda miċ-ċirkustanzi li ġejjin:

2.   L-entità akkwirenti għandha tħejji rapport bil-miktub fuq kull kuntratt mogħti skont il-paragrafu 1. Ir-rapport għandu jinkludi isem l-entità akkwirenti, il-valur u t-tip ta' prodotti jew servizzi mixtrija u dikjarazzjoni li tindika ċ-ċirkustanzi u l-kundizzjonijiet deskritti fil-paragrafu 1 li ġġustifikaw l-użu tal-proċedura ta' offerti limitata.

Artikolu XIV

Irkantijiet elettroniċi

Meta l-entità akkwirenti jkun beħsiebha tagħmel akkwist kopert billi tuża rkantijiet elettroniċi, l-entità għandha tipprovdi lil kull parteċipant, qabel jibda l-irkant elettroniku:

Artikolu XV

It-Trattament ta' Offerti u l-Għoti ta' Kuntratti

1.   L-entità akkwirenti għandha tirċievi, tiftaħ u tittratta l-offerti kollha bi proċeduri li jiggarantixxu ġustizzja u imparzjalità tal-proċess ta' akkwist, u l-kunfidenzjalità tal-offerti.

2.   L-entità akkwirenti ma għandhiex tippenalizza lil xi fornitur li l-offerta tiegħu tidħol wara ż-żmien speċifikat biex isiru l-offerti jekk id-dewmien ikun dovut sempliċiment għall-ġestjoni ħażina min-naħa tal-entità akkwirenti.

3.   Meta l-entità akkwirenti tipprovdi lill-fornitur b'opportunità biex jikkoreġi żbalji mingħajr intenzjoni tal-formula bejn il-ftuħ tal-offerti u l-għoti tal-kuntratt, l-entità akkwirenti għandha tipprovdi l-istess opportunità lill-fornituri kollha li jieħdu sehem.

4.   Biex tiġi kkunsidrata għall-għotja, offerta għandha tiġi ppreżentata bil-miktub u, fi żmien il-ftuħ, għandha tikkonforma mar-rekwiżiti essenzjali stabbiliti fl-avviżi u d-dokumentazzjoni tal-offerta u għandha tkun ġejja minn fornitur li jissodisfa l-kundizzjonijiet għall-parteċipazzjoni.

5.   Sakemm l-entità akkwirenti ma tiddeterminax li mhuwiex fl-interess pubbliku li jingħata kuntratt, l-entità għandha tagħti l-kuntratt lill-fornitur li l-entità għażlet bħala dak li kapaċi jissodisfa t-termini tal-kuntratt u li, abbażi biss tal-kriterji ta' evalwazzjoni speċifikati fl-avviżi u d-dokumentazzjoni tal-offerta, ippreżenta:

6.   Meta l-entità akkwirenti tirċievi offerta bi prezz li jidher b'mod mhux tas-soltu iktar baxx mill-prezzijiet fl-offerti ppreżentati l-oħrajn, tista' tivverifika mal-fornitur sabiex tara li jissodisfa l-kundizzjonijiet għall-parteċipazzjoni u li huwa kapaċi jissodisfa t-termini tal-kuntratt.

7.   L-entità akkwirenti ma għandhiex tuża għażliet, tħassar akkwist jew timmodifika kuntratti mogħtija b'tali mod li tevita l-obbligi f'dan il-Ftehim.

Artikolu XVI

It-Trasparenza tal-Informazzjoni dwar l-Akkwisti

1.   L-entità akkwirenti għandha tgħarraf minnufih lill-fornituri parteċipanti bid-deċiżjonijiet ta' għoti tal-kuntratt tal-entità u, fuq it-talba ta' fornitur, għandha tagħmel dan bil-miktub. Soġġetta għall-paragrafi 2 u 3 tal-Artikolu XVII, l-entità akkwirenti għandha, fuq talba, tipprovdi lill-fornitur li ma rebaħx bi spjegazzjoni għaliex l-entità ma għażlitx l-offerta tiegħu u l-vantaġġi relattivi tal-offerta tal-fornitur rebbieħ.

2.   Mhux iktar tard minn 72 jum wara l-għoti ta' kull kuntratt kopert minn dan il-Ftehim, l-entità akkwirenti għandha tippubblika avviż fil-mezz fuq karta jew dak elettroniku xieraq elenkat fl-Appendiċi III. Meta l-entità tippubblika l-avviż fuq mezz elettroniku biss, l-informazzjoni għandha tibqa' faċilment aċċessibbli għal perjodu ta' żmien raġonevoli. L-avviż għandu jinkludi tal-inqas l-informazzjoni li ġejja:

3.   Kull entità akkwirenti għandha, għal perjodu mhux inqas minn tliet snin mid-data li fiha tagħti kuntratt, iżżomm:

4.   Kull Partit għandha tiġbor u tirrapporta mal-Kumitat statistika fuq il-kuntratti tagħha koperti minn dan il-Ftehim. Kull rapport għandu jkopri sena u għandu jiġi ppreżentat fi żmien sentejn minn tmiem il-perjodu ta' rapportar, u għandu jkun fih:

5.   Meta Parti tippubblika l-istatistika tagħha fuq websajt uffiċjali, b'mod konsisteneti mar-rekwiżiti tal-paragrafu 4, il-Parti tista' tibdel notifika lill-Kumitat tal-indirizz tal-websajt għall-preżentazzjoni tad-dejta fil-paragrafu 4, ma' kwalunkwe struzzjonijiet meħtieġa biex tiġi aċċessata u tintuża tali statistika.

6.   Meta Parti tkun teħtieġ li avviżi dwar il-kuntratti mogħtija, skont il-paragrafu 2, jiġu ppubblikati b'mod elettroniku u meta tali avviżi jkunu disponibbli għall-pubbliku permezz ta' bażi tad-dejta unika f'għamla li tippermetti li ssir analiżi tal-kuntratti koperti, il-Parti tista' tibdel notifika lill-Kumitat tal-indirizz tal-websajt għall-preżentazzjoni tad-dejta fil-paragrafu 4, ma' kwalunkwe struzzjonijiet meħtieġa biex tiġi aċċessata u tintuża t-tali dejta.

Artikolu XVII

Id-Divulgazzjoni ta' Informazzjoni

1.   Fuq talba ta' kwalunkwe Parti oħra, Parti għandha tipprovdi minnufih kwalunkwe informazzjoni meħtieġa biex tiddetermina jekk akkwist twettaqx b'mod leali, imparzjali u skont dan il-Ftehim, inkluża informazzjoni dwar il-karatteristiċi u l-vantaġġi relattivi tal-offerta rebbieħa. F’fażijiet fejn il-ħruġ tal-informazzjoni jxekkel il-kompetizzjoni fl-offerti fil-ġejjieni, il-Parti li tirċievi l-informazzjoni ma għandhiex tiddivulgaha lil xi fornitur, ħlief wara li tikkonsulta mal-Parti li pprovdiet l-informazzjoni u wara li tikseb il-qbil ta' din tal-aħħar.

2.   Minkejja kwalunkwe dispożizzjoni ta' dan il-Ftehim, Parti, inklużi l-entitajiet akkwirenti tagħha, ma għandhiex tipprovdi lil xi fornitur partikolari informazzjoni li tista' xxekkel il-kompetizzjoni leali bejn il-fornituri.

3.   Xejn f'dan il-Ftehim ma għandu jinftiehem li qiegħed jesiġi lill-Parti, inklużi l-entitajiet akkwirenti tagħha, awtoritajiet u korpi ta' reviżjoni, sabiex jiddivulgaw informazzjoni kunfidenzjali meta d-divulgazzjoni:

Artikolu XVIlI

Proċeduri Domestiċi ta' Reviżjoni

1.   Kull Parti għandha tipprovdi proċedura ta' reviżjoni amministrattiva jew ġudizzjarja fil-ħin, effettiva, trasparenti u nondiskriminatorja li permezz tagħha fornitur jista' jappella:

li jfeġġu fil-kuntest ta' akkwist kopert, li fih il-fornitur għandu, jew kellu, interess. Ir-regoli proċedurali għall-appelli kollha għandhom isiru bil-miktub u jitqiegħdu għad-dispożizzjoni ġenerali.

2.   Fil-każ ta' lment minn fornitur, li jirriżulta fil-kuntest ta' akkwist kopert li fih il-fornitur għandu, jew kellu, interess, li hemm ksur jew nuqqas kif imsemmi fil-paragrafu 1, il-Parti tal-entità akkwirenti li twettaq l-akkwist għandha tħeġġeġ lill-entità u lill-fornitur sabiex isibu soluzzjoni għall-ilment permezz ta' konsultazzjonijiet. L-entità għandha tieħu tqis 'mod imparzjali u fil-ħin kull ilment bħal dan b'mod li ma jxekkilx il-parteċipazzjoni tal-fornitur fl-akkwist attwali jew fil-ġejjieni jew id-dritt tiegħu li jfittex miżuri korrettivi skont il-proċedura ta' reviżjoni amministrattiva jew ġudizzjarja.

3.   Kull fornitur għandu jingħata perjodu ta' żmien twil biżżejjed biex iħejji u jippreżenta appell, li fl-ebda każ ma għandu jkun inqas minn 10 ijiem miż-żmien meta l-bażi tal-appell saret magħrufa jew kellha ssir raġonevolment magħrufa għall-fornitur.

4.   Kull Parti għandha tistabbilixxi jew tagħżel tal-inqas awtorità amministrattiva jew ġudizzjarja imparzjali waħda li hija indipendenti mill-entitajiet akkwirenti tagħha sabiex tilqa' u tanalizza appell minn fornitur li jitressaq fil-kuntest ta' akkwist kopert.

5.   Meta korp li mhuwiex awtorità msemmija fil-paragrafu 4 inizjalment janalizza appell, il-Parti għandha tiżgura li l-fornitur ikun jista' jappella d-deċiżjoni inizjali quddiem awtorità amministrattiva jew ġudizzjarja imparzjali li hija indipendenti mill-entità akkwirenti li l-akkwist tagħha huwa s-suġġett tal-appell.

6.   Kull Parti għandha tiżgura li korp ta' reviżjoni li mhuwiex qorti jkollu d-deċiżjoni tiegħu soġġetta għal reviżjoni ġudizzjarja jew ikollu proċeduri li jipprovdu li:

7.   Kull Parti għandha tadotta jew iżżomm fis-seħħ proċeduri li jipprovdu għal:

Artikolu XIX

Il-Modifiki u r-Rettifiki fil-Kopertura

1.   Parti għandha tinnotifika lill-Kumitat dwar kwalunkwe rettifika proposta, trasferiment ta' entità minn Anness għall-ieħor, irtirar ta' entità jew modifika oħra fl-annessi tagħha għall-Appendiċi I (kull waħda minn dawn, minn hawn 'il quddiem, ser tissejjaħ "modifika"). Il-Parti li tipproponi l-modifika (li minn hawn 'il quddiem ser tissejjaħ "il-Parti modifikatriċi") għandha tinkludi fin-notifika:

2.   Kwalunkwe Parti li d-drittijiet tagħha f'dan il-Ftehim jistgħu jiġu affettwati minn modifika proposta nnotifikata skont il-paragrafu 1 tista' tinnotifika lill-Kumitat dwar kwalunkwe oġġezzjoni għall-modifika proposta. Tali oġġezzjonijiet għandhom isiru fi żmien 45 jum mid-data taċ-ċirkulazzjoni lill-Partijiet tan-notifika, u għandhom jispjegaw ir-raġunijiet għall-oġġezzjoni.

3.   Il-Parti modifikatriċi u kwalunkwe Parti li tagħmel oġġezzjoni (li minn hawn 'il quddiem ser tissejjaħ "il-Parti li toġġezzjona") għandhom jagħmlu kull tentattiv biex isolvu l-oġġezzjoni permezz tal-konsultazzjonijiet. Fit-tali konsultazzjonijiet, il-Parti modifikatriċi u dik li toġġezzjona għandhom iqisu l-modifika proposta:

4.   Meta l-Parti modifikatriċi u kwalunkwe Parti li toġġezzjona jsolvu l-oġġezzjoni permezz tal-konsultazzjonijiet, u l-Parti modifikatriċi tirrevedi l-modifika proposta tagħha bħala riżultat ta' dawk il-konsultazzjonijiet, il-Parti modifikatriċi għandha tinnotifika lill-Kumitat b'konformità mal-paragrafu 1, u kwalunkwe modifika reveduta bħal din għandha tkun effettiva biss wara li jiġu ssodisfati r-rekwiżiti ta' dan l-Artikolu.

5.   Il-modifika proposta għandha ssir effettiva biss meta:

6.   Meta modifika ssir effettiva skont il-paragrafu 5(c), kwalunkwe Parti li toġġezzjona tista' tirtira kopertura sostanzjalment ekwivalenti. Minkejja l-Artikolu IV:1(b), irtirar skont dan il-paragrafu jista' jiġi implimentat biss fir-rigward tal-Parti modifikatriċi. Kwalunkwe Parti li toġġezzjona għandha tgħarraf lill-Kumitat bil-miktub dwar kwalunkwe rtirar bħal dan tal-inqas 30 jum qabel isir effettiv l-irtirar. Irtirar skont dan il-paragrafu għandu jkun konsistenti ma' kwalunkwe kriterji relatati mal-livell ta' aġġustament kumpensatorju adottat mill-Kumitat skont il-paragrafu 8(c).

7.   Meta l-Kumitat ikun adotta proċeduri ta' arbitraġġ biex iħaffef ir-riżoluzzjoni ta' oġġezzjonijiet skont il-paragrafu 8, Parti modifikatriċi jew kwalunkwe Parti li toġġezzjona jistgħu jinvokaw il-proċeduri ta' arbitraġġ fi żmien 120 jum miċ-ċirkolazzjoni tan-notifika tal-modifika proposta:

8.   Il-Kumitat għandu jadotta:

Artikolu XX

Il-Konsultazzjonijiet u s-Soluzzjoni tat-Tilwim

1.   Kull Parti għandha tqis b’mod xieraq l-konsultazzjoni u għandha tagħti opportuntià adegwata għal din fir-rigward ta' kwalunkwe rappreżentazzjoni li ssir minn Parti oħra fir-rigward ta' kwalunkwe kwistjoni li taffettwa t-tħaddim ta' dan il-Ftehim.

2.   Meta kwalunkwe Parti tqis li kwalunkwe benefiċċju dovut lilha, direttament jew indirettament, skont dan il-Ftehim, qiegħed jiġi nullifikat jew imdgħajjef, jew li l-kisba ta' kwalunkwe għan ta' dan il-Ftehim qed tiġi mxekkla minħabba:

hija tista', bil-għan li ssib soluzzjoni sodisfaċenti b'mod reċiproku għall-kwistjoni, tirrikorri għad-disopżizzjonijiet tal-Ftehim dwar ir-Regoli u l-Proċeduri li Jirregolaw is-Soluzzjoni tat-Tilwim (li minn hawn 'il quddiem ser jissejjaħ "il-Ftehim dwar is-Soluzzjoni tat-Tilwim").

3.   Il-Ftehim dwar is-Soluzzjoni tat-Tilwim għandu japplika għall-konsultazzjonijiet u s-soluzzjoni ta' tilwim skont dan il-Ftehim, bl-eċċezzjoni li, minkejja l-paragrafu 3 tal-Artikolu 22 tal-Ftehim dwar is-Soluzzjoni tat-Tilwim, kwalunkwe tilwim li jirriżulta skont kwalunkwe Ftehim elenkat fl-Appendiċi 1 għall-Ftehim dwar is-Soluzzjoni tat-Tilwim minbarra dan il-Ftehim ma għandux jirriżulta fis-sospensjoni tal-konċessjonijiet jew obbligi oħrajn skont dan il-Ftehim, u kwalunkwe tilwim li jiġi minn dan il-Ftehim ma għandux jirriżulta fis-sospensjoni ta' konċessjonijiet jew obbligi oħrajn fi kwalunkwe Ftehim ieħor elenkat fl-Appendiċi 1 tal-Ftehim dwar is-Soluzzjoni tat-Tilwim.

Artikolu XXI

L-Istituzzjonijiet

1.   Għandu jkun hemm Kumitat dwar l-Akkwist Pubbliku imsawwar minn rappreżentanti minn kull waħda mill-Partijiet. Dan il-Kumitat għandu jtella' l-President tiegħu stess u għandu jiltaqa' kemm hemm bżonn, iżda mhux inqas minn darba fis-sena, bil-għan li jagħti lill-Partijiet l-opportunità li jikkonsultaw fuq kwalunkwe kwistjonijiet relatati mat-tħaddim ta' dan il-Ftehim jew l-issukktar tal-għanijiet tiegħu, u sabiex iwettaq responsabbilitajiet oħrajn bħal dawn hekk kif jistgħu jiġu assenjati lilu mill-Partijiet.

2.   Il-Kumitat jista' jwaqqaf partijiet ta' ħidma jew korpi sussidjarji oħrajn li għandhom iwettqu funzjonijiet bħal dawn hekk kif jistgħu jingħatawlhom mill-Kumitat.

3.   Darba fis-sena, il-Kumitat għandu:

4.   Kwalunkwe Membru tad-WTO li mhuwiex Parti għal dan il-Ftehim għandu jkun intitolat jieħu sehem fil-Kumitat bħala osservatur billi jippreżenta notifika bil-miktub lill-Kumitat. Kwalunkwe osservatur tad-WTO jista' jippreżenta talba bil-miktub lill-Kumitat biex jieħu sehem fil-Kumitat bħala osservatur, u jista' jingħata status ta' osservatur mill-Kumitat.

Artikolu XXII

Id-Dispożizzjonijiet Finali

1.   Dan il-Ftehim għandu jidħol fis-seħħ fl-1 ta’ Jannar 1996 għal dawk il-gvernijiet (1) li l-kopertura maqbula tagħhom tinsab fl-Annessi tal-Appendiċi I ta' dan il-Ftehim, u li, b'firma, aċċettaw il-Ftehim fil-15 ta’ April 1994, jew li, sa dik id-data, iffirmaw il-Ftehim soġġett għal ratifika u mbagħad irratifikaw il-Ftehim qabel l-1 ta’ Jannar 1996.

2.   Kwalunkwe Membru tad-WTO jista' jaċċedi għal dan il-Ftehim fuq termini li għandhom jiġu maqbula bejn dak il-Membru u l-Partijiet, b’tali termini jkunu ddikjarati f'deċiżjoni tal-Kumitat. L-adeżjoni għandha sseħħ b'depożitu mad-Direttur Ġenerali tad-WTO ta' strument ta' adeżjoni li jiddikjara t-termini maqbula hekk. Dan il-Ftehim għandu jidħol fis-seħħ għal Membru li jaċċedi fih fit-30 jum wara d-depożitu tal-istrument ta' adeżjoni tiegħu.

3.   L-ebda Parti ma tista' ddaħħal riżerva fir-rigward ta' xi dispożizzjoni ta' dan il-Ftehim.

4.   Kull Parti għandha tiżgura, mhux iktar tard mid-data ta' dħul fis-seħħ ta' dan il-Ftehim għaliha, il-konformità tal-liġijiet, ir-regolamenti u l-proċeduri amministrattivi tagħha, u r-regoli, il-proċeduri u l-prattiki applikati mill-entitajiet akkwirenti tagħha, bid-dispożizzjonijiet ta' dan il-Ftehim.

5.   Kull Parti għandha tgħarraf lill-Kumitat dwar kwalunkwe bidliet fil-liġijiet u r-regolamenti tagħha li huma relevanti għal dan il-Ftehim u fl-amministrazzjoni tat-tali liġijiet u regolamenti.

6.   Kull Parti għandha tara li tevita milli tintroduċi jew tissokta miżuri diskriminatorji li jgħawġu l-akkwist miftuħ.

7.   Mhux aktar tard minn wara li jgħaddu tliet snin mid-data ta' dħul fis-seħħ tal-Protokoll li Jemenda l-Ftehim dwar l-Akkwist Pubbliku, adottat fit-30 ta’ Marzu 2012, u b'mod perjodiku wara, il-Partijiet għandhom iwettqu iktar negozjati, bil-għan li jtejbu dan il-Ftehim, biex b'mod progressiv inaqqsu u jneħħu għalkollox miżuri diskriminatorji, u jiksbu l-ikbar firxa possibbli tal-kopertura tiegħu fost il-Partijiet kollha fuq il-bażi ta' reċiproċità reċiproka, filwaqt li jieħdu f'kunsiderazzjoni l-ħtiġijiet tal-pajjiżi fil-fażi tal-iżvilupp.

9.   Wara l-konklużjoni tal-programm ta' ħidma biex jiġu armonizzati r-regoli ta' oriġini għal prodotti li qiegħed jitwettaq skont il-Ftehim dwar ir-Regoli ta' Oriġini fl-Anness 1A għall-Ftehim tad-WTO u n-negozjati dwar il-kummerċ fis-servizzi, il-Partijiet għandhom iqisu r-riżultati ta' dak il-programm ta' ħidma u dawk in-negozjati meta jemendaw l-Artikolu IV:5, kif xieraq.

10.   Mhux iktar tard minn tmiem il-ħames sena mid-data ta' dħul fis-seħħ tal-Protokoll li Jemenda l-Ftehim dwar l-Akkwist Pubbliku, il-Kumitat għandu jeżamina l-applikabilità tal-Artikolu XX:2(b).

11.   Il-Partijiet jistgħu jemendaw dan il-Ftehim. Deċiżjoni tal-adozzjoni ta' emenda u tal-preżentazzjoni tagħha għall-aċċettazzjoni mill-Partijiet għandha tittieħed b'kunsens. Emenda għandha tidħol fis-seħħ:

12.   Kwalunkwe Parti tista' tirtira minn dan il-Ftehim. L-irtirar għandu jieħu effett wara li jgħaddu 60 jum mid-data li fiha d-Direttur Ġenerali jirċievi avviż bil-miktub dwar l-irtirar. Kwalunkwe Parti, meta tirċievi din in-notifika, tista' titlob laqgħa immedjata tal-Kumitat.

13.   Meta Parti għal dan il-Ftehim ma tibqax Membru tad-WTO, ma għandhiex tibqa' Parti għal dan il-Ftehim b'effett mid-data li fiha ma tibqax Membru tad-WTO.

14.   Dan il-Ftehim ma għandux japplika bejn kwalunkwe żewġ Partijiet meta waħda mill-Partijiet, fil-mument li kwalunkwe waħda mill-Partijiet taċċetta jew taċċedi għal dan il-Ftehim, ma tagħtix kunsens għat-tali applikazzjoni.

15.   L-Appendiċi għal dan il-Ftehim jikkostitwixxu parti integrali minnu.

16.   Dan il-Ftehim għandu jiġi ttrattat mis-Segretarjat tad-WTO.

17.   Dan il-Ftehim għandu jiġi ddepożitat mid-Direttur Ġenerali tad-WTO, li minnufih għandu jipprovdo lil kull Parti kopja vera ċċertifikata ta' dan il-Ftehim, ta' kull rettifika jew modifika fih skont l-Artikolu XIX u ta' kull emenda skont il-paragrafu 11, u notifika ta' kull adeżjoni fih skont il-paragrafu 2 u ta' kull irtirar skont il-paragrafi 12 jew 13.

18.   Dan il-Ftehim għandu jiġi rreġsitrat skont id-dispożizzjonijiet tal-Artikolu 102 tal-Karta tan-Nazzjonijiet Uniti.

(1)  Għall-fini ta' dan il-Ftehim, it-terminu "gvern" jitqies li jinkludi l-awtoritajiet kompetenti tal-Unjoni Ewropea.