ANNESS I

Fl-Ispeċifikazzjoni tad-denominazzjoni protetta tal-oriġini “Montasio”, ġiet approvata l-emenda li ġejja:

L-ewwel emenda

Is-sentenza: “Il-ħalib li jintuża għandu jkun ġej mill-ħalba ta’ filgħaxija u ta’ filgħodu, sa mhux iktar minn erba’ ħalbiet konsekuttivi” ġiet sostitwita bis-sentenza li ġejja: “Il-ħalib għandu jkun ġej minn ħalbiet konsekuttivi u għandu jinġabar fit-tmienja u erbgħin siegħa ta’ wara l-ewwel ħalba”.

Għall-ewwel, il-ħalib ikkonsenjat f’perjodu ta’ 48 siegħa kien jiġi biss minn ħalbiet tradizzjonali, li kienu jkunu erbgħa. Bl-introduzzjoni tal-ħlib awtomatiku, in-numru ta’ ħalbiet konsekuttivi li setgħu jsiru f’perjodu ta’ 48 siegħa jista’ jiżdied. B’hekk, il-perjodu ta’ żmien inżamm; kien biss in-numru totali ta’ ħalbiet li nbidel. Mil-lat tekniku u xjentifiku, l-użu ta’ sistemi ta’ ħlib awtomatiku ma jippreġudikax il-karatteristiċi tal-ħalib; b’mod partikolari, il-kompożizzjoni tiegħu hija statistikament paragunabbli, f’termini ta’ xaħam u tal-frazzjoni proteika, ma’ dik tal-ħalib miksub bi ħlib tradizzjonali. Is-saħħa tal-baqar saħansitra tittejjeb, billi dawn is-sistemi jeliminaw l-istress ikkawżat, f’perjodu fejn it-treddigħ jilħaq l-ogħla livelli tiegħu, bil-prattika ta’ żewġ ħalbiet biss. Il-possibbiltà li jinkisbu kwantitajiet kbar ta’ ħalib iktar minn darbtejn kuljum jista’ wkoll iwassal biex is-sider u l-irjus tal-bżieżel jiġu soġġetti għal inqas stress, tittejjeb il-kwalità mikrobijoloġika tal-ħalib u titnaqqas l-okkorrenza tal-mastite.

Permezz ta’ dawn is-sistemi, ikun jista’ jitjieb anki l-komportament reoloġiku tal-ħalib, li jkejjel il-kapaċità tal-koagulazzjoni li tissarraf kemm f’reazzjoni iktar rapida għall-effett enzimatiku tal-baqta kif ukoll fir-reżistenza tal-baqta għall-azzjoni mekkanika tas-sikkina għall-qtugħ tal-baqta.

It-tieni emenda

Il-kliem attwali: “Il-ħalib intiż għad-DPO ‘Montasio’ ma għandux jiġi soġġett għal trattamenti ta’ pasturizzazzjoni u għandu jkun akkumpanjat minn analiżi tal-fosfatażi b’mod ċar pożittiva.”

Test emendat: “Il-ħalib intiż għad-DPO ‘Montasio’ ma għandux jiġi soġġett għal trattamenti ta’ pasturizzazzjoni. L-analiżijiet li eventwalment isiru fuq il-ħalib ittrattat bis-sħana u intiż għall-produzzjoni tad-DPO ‘Montasio’ għandhom jirriżultaw f’reazzjoni b’mod ċar pożittiva għat-test tal-fosfatażi.”

L-azjendi tal-ġobon ilhom ħafna snin iwettqu kontrolli fuqhom infushom billi jissoġġettaw il-ħalib għal kontroll sistematiku u jirreġistraw kuljum it-temperaturi tal-passaġġ tal-ħalib. B’hekk, il-prova tal-fosfatażi tibqa’ metodu ta’ analiżi użat mill-organu ta’ spezzjoni sabiex jivverifika l-konformità mad-dispożizzjonijiet tal-Ispeċifikazzjoni. Dan il-kontroll isir abbażi tal-analiżi tar-riskju.

It-tielet emenda

Test attwali: “Il-produzzjoni tal-ġobon tad-DPO ‘Montasio’ issir skont is-sekwenza operattiva li ġejja:

Test propost:

Ġie kkonstatat li dawn iż-żewġ stadji (it-tisjir u t-tqattigħ tal-baqta suċċessiv barra min-nar) jistgħu jvarjaw ferm skont il-kundizzjonijiet tekniċi u teknoloġiċi eżistenti.

Fir-rigward tat-tagħmir, l-azjendi tal-ġobon li jipproduċu l-“Montasio” jużaw kemm kaldaruni tar-ram (ta’ bejn 1 tunnellata u 1,5 tunnellati), jew kaldaruni versatili tal-azzar b’kapaċità ta’ 3,5 tunnellati sa 8 tunnellati.

L-użu ta’ dawn iż-żewġ tipi ta’ kaldaruni huwa fattur li jiddetermina l-ħin kemm il-massa kkoagulata ddum biex tisħon, għaliex it-tisħin bil-fwar għandu ħinijiet ferm differenti minn dawk li jirriżultaw mill-ipproċessar li jkun qed isir.

Fir-rigward tal-fażi tat-tqattigħ tal-baqta barra min-nar, stadju li matulu parti mix-xorrox titneħħa mill-massa kkoagulata, din il-fażi tiddependi mit-temperatura massima milħuqa u minn kemm il-massa tiksaħ malajr; dan il-fattur tal-aħħar, min-naħa tiegħu, jiddependi mit-tip ta’ kaldarun użat, mill-kwantitajiet ipproċessati f’kull kaldarun, mid-daqs tal-frak tal-baqta u mill-kwantità ta’ ilma inkluż li jkun se jitneħħa b’effett tat-temperatura u tat-tħawwid.

Barra minn hekk, it-tneħħija tax-xorrox jew it-teħid ta’ kampjuni mill-massa kkoagulata sabiex titqiegħed fil-forma tista’ tiġi avvanzata jew imdewma skont iż-żmien meħtieġ sabiex titwettaq l-operazzjoni u l-grad ta’ awtomatizzazzjoni eżistenti.

Pereżempju, jekk ix-xorrox jitneħħa mill-massa kkoagulata fuq xorta ta’ kaxxa apposta msejħa table de moulage minn kaldarun versatili mqiegħed fuq din l-istess kaxxa, il-ħinijiet meħtieġa għall-istess kwantità jkunu ferm inqas minn dawk li teħtieġ it-tneħħija manwali tax-xorrox b’biċċa drapp tal-għażel minn kaldaruni tar-ram.

Jekk jitqies ukoll li l-aħjar mument biex jitneħħa x-xorrox mill-baqta jiġi ddefinit minn kull tekniku tal-produzzjoni tal-ġobon skont kriterji ta’ evalwazzjoni ta’ kuljum kif ukoll skont esperjenza u għarfien personali eċċ., jidher li hemm bżonn li tiġi ddefinita durata minima għat-tisjir u għat-tqattigħ tal-baqta barra min-nar.

ANNESS II

DOKUMENT UNIKU KKONSOLIDAT

Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1)

“MONTASIO”

Nru tal-KE: IT-PDO-0317-0995-26.4.2012

IĠP () DPO (X)

1.   Isem

“Montasio”

2.   Stat Membru jew pajjiż terz

L-Italja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

3.2.   Deskrizzjoni tal-prodott li għalih japplika l-isem fil-punt 1

Il-“Montasio” huwa ġobon magħmul mill-ħalib tal-baqra, b’maturazzjoni medja jew twila, li għandu forma ċilindrika, ġenb dritt jew kważi dritt u wċuħ ċatti jew kemxejn konvessi. Huwa jiġi prodott minn ħalib mhux pasturizzat u esklużivament abbażi ta’ xorrox ta’ avvjament naturali jew ta’ fermenti awtorizzati. Il-perjodu minimu tal-maturazzjoni huwa ta’ 60 jum u l-livell ta’ umdità jiġi kkontrollat billi ssir verifika fl-għaxar u fis-sittin jum tal-maturazzjoni. Fis-60 jum tal-maturazzjoni, il-ġobon bid-DPO “Montasio” għandu jkollu l-karatteristiċi li ġejjin: livell massimu ta’ umdità ta’ 36,72 % jew inqas; xaħam fuq il-materja niexfa: minimu ta’ 40 %; piż: 6 kg sa 8 kg; dijametru: forma 30 cm sa 35 cm; ġenb: massimu ta’ 8 cm; qoxra: lixxa, regolari u elastika; konsistenza: kompatta bi ftit toqob; kulur: naturali, jagħti kemxejn lejn l-isfar lewn it-tiben; riħa: tipika; togħma: pjaċevoli, li tagħti kemxejn lejn il-pikkanti meta l-“Montasio” jitħalla jimmatura fit-tul.

3.3.   Materja prima (għall-prodotti pproċessati biss)

Id-DPO “Montasio” jiġi prodott minn ħalib li ġej minn azjendi għat-trobbija tal-baqar li jinsabu fiż-żona ta’ produzzjoni.

Ir-razez ewlenin imrobbija huma l-Bruna Alpina, il-Pezzata Rossa Italiana u l-Pezzata Nera.

Ma jiġi miżjud l-ebda preżervattiv u ma huwa awtorizzat l-ebda trattament bis-sħana, ħlief għat-tkessiħ li jsir f’temperatura minima ta’ 4 °C.

3.4.   Għalf (għall-prodotti li ġejjin mill-annimali biss)

L-għalf tal-baqar huwa magħmul minn 75-85 % fuq bażi mxarrba ta’ ċereali, ta’ foraġġ niexef u aħdar u ta’ għalf tas-sajlo. Il-15 % sa 25 % fuq bażi mxarrba li jifdal huwa magħmul minn konċentrati u minn kejkijiet proteiċi. L-użu ta’ supplimenti minerali u ta’ vitamini huwa awtorizzat. 60 % tal-għalf għandu jiġi miż-żona ġeografika ddefinita. Huwa pprojbit l-għalf li t-tradizzjoni tal-produzzjoni tal-ġobon tikkunsidra li jkollu effetti ħżiena fuq l-ipproċessar tal-ħalib f’ġobon, bħall-foraġġ li jkun ġej minn pantani jew li jkun jinsab fil-ġenb ta’ toroq li minnhom jgħaddi ħafna traffiku. Lanqas il-ħxejjex, il-frott u l-kolza ma huma awtorizzati, l-istess bħall-prodotti sekondarji tal-ipproċessar tar-ross, l-għalf li joriġina mill-annimali, l-għalf industrijali b’użu mediku, il-polpa tal-pitravi friska, niedja jew maħżuna fis-sajlo, il-prodotti sekondarji tal-birra jew ta’ prodotti distillati, il-foraġġ maħżun fis-sajlo (ħlief għall-ħuxlief maħżun fis-sajlo u għall-qamħirrun maħżun fis-sajlo) u s-sustanzi ffermentati tal-ipproċessar industrijali tal-frott, tal-pitravi, tal-birra u tal-prodotti distillati.

3.5.   Stadji speċifiċi fil-produzzjoni li għandhom isiru fiż-żona ġeografika ddefinita

Il-proċess kollu tal-produzzjoni (it-trobbija tal-bovini u l-produzzjoni tal-ħalib, il-koagulazzjoni, it-trattamenti tal-baqta, it-tqegħid fil-forom, it-tqattir, it-tmelliħ u l-maturazzjoni) għandu jsir fiż-żona ddefinita fil-punt 4.

3.6.   Regoli speċifiċi għat-tqattigħ, għat-tħakkik, għall-ippakkjar, eċċ.

—

3.7.   Regoli speċifiċi għat-tikkettar

L-identifikazzjoni tal-prodott issir bl-immarkar, essenzjalment, f’forma speċifika li tindika l-kodiċi tal-produttur, l-akronimu tal-provinċja u d-data tal-produzzjoni (sena, xahar, jum). Il-“marka tal-oriġini” tad-DPO “Montasio” tikkonsisti fl-iskrizzjoni oblikwa tal-isem “Montasio”, bis-sew u rasha ‘l isfel (Figura 1).

Din il-“marka tal-oriġini” titwaħħal fuq il-produzzjoni kollha tal-azjendi agrikoli assoċjati u mhux, sakemm dan il-ġobon ikun sar f’konformità mal-Ispeċifikazzjoni tal-produzzjoni.

1) Immarkar bin-nar tad-denominazzjoni “Montasio” u tikketta bl-ittri “PDM”

2) Xahar tal-produzzjoni/3) Jum tal-produzzjoni/4) Kodiċi tal-azjenda tal-ġobon/5) Akronimu tal-provinċja/VI) Sena ta’ produzzjoni

Il-logo tad-denominazzjoni huwa magħmul minn ittra “M” kapitali stilizzata u bil-kelma “MONTASIO” miktuba taħtha. Dan il-logo għandu dejjem jiġi riprodott bit-tipa “HORATIO”. Għandu jirrispetta l-proporzjonijiet tal-Figura 2 (pereżempju, għandu jkun wiesa’ 8 cm u twil 6 cm).

Peress li l-proċess kollu tal-produzzjoni – mill-produzzjoni tal-ħalib sa maturazzjoni minima ta’ 60 jum – isir f’żona tal-muntanja, fis-sens tad-definizzjoni stabbilita fil-leġiżlazzjoni nazzjonali fis-seħħ, inkluża fiż-żona tal-produzzjoni tad-DPO “Montasio”, fuq it-tikketta, il-ġobon jista’ jkollu miktub “prodotto della montagna” (prodott tal-muntanja). Għalhekk, fuq il-ġenb għandha titwaħħal tikketta li fuqha jkollha l-kitba “PDM” għal “prodotto della montagna”.

Fuq il-forom tal-“Montasio” li jkollhom iktar minn 100 jum ta’ maturazzjoni, il-Consorzio per la Tutela del Formaggio Montasio jista’, fuq it-talba tal-produtturi kollha assoċjati u mhux, jimmarka bin-nar, fil-parti tal-ġenb prevista għal dan il-għan, il-logo tad-denominazzjoni, wara li jkun wettaq verifika minn qabel ta’ dan (Figura 2).

4.   Definizzjoni fil-qosor taż-żona ġeografika

Iż-żona tal-produzzjoni tad-DPO “Montasio” tinkludi: Il-Friuli-Venezia Giulia: it-territorju kollu. Il-Veneto: it-territorju kollu tal-provinċji ta’ Belluno u ta’ Treviso u parti mit-territorju tal-provinċji ta’ Padova u ta’ Venezia ddefinita kif ġej: “minn fejn il-linja tal-konfini tal-provinċja ta’ Treviso tiltaqa’ ma’ dik ta’ Padova, il-perimetru jsegwi din il-linja sal-awtostrada Serenissima. Jibqa’ sejjer tul din il-linja sal-pont tal-awtostrada fuq ix-xmara Brenta, imbagħad isegwi s-sodda tax-xmara sal-bokka tagħha”.

5.   Rabta maż-żona ġeografika

5.1.   Speċifiċità taż-żona ġeografika

Il-fatturi naturali huma marbuta mal-kundizzjonijiet klimatiċi taż-żona tal-produzzjoni, magħmula prinċipalment minn muntanji u minn żoni f’dejl il-muntanji fejn għadu jiġi prattikat ir-rigħi fuq l-Alpi u r-rigħi fil-mergħat, li jnfluwenza l-kwalità tal-foraġġ intiż bħala għalf għall-baqar tal-ħalib.

Il-“Montasio” iddaħħal fil-lista tal-prezzijiet ta’ San Daniele u ta’ Udine fl-1773/1775. Dan jixhed li l-“Montasio” kien jiġi kkummerċjalizzat u juri li din ma kinitx biss produzzjoni lokali jew intiża għall-konsum domestiku. Ir-rabta qawwija li l-“Montasio” għandu maż-żona tal-produzzjoni tirriżulta wkoll mill-ispinta kbira li l-produzzjoni ta’ dan il-ġobon tat lill-iżvilupp tal-kooperattivi. Il-“Montasio” u t-teknika ta’ produzzjoni speċifika tiegħu malajr infirxu fil-Friuli u fil-Lvant tal-Veneto, kemm minħabba fatturi umani u strutturali (bħall-ħolqien tal-azjendi kooperattivi tal-ġobon jew it-twaqqif ta’ skola għal tekniċi tal-produzzjoni tal-ġobon) – tant li fis-snin 60 kien hemm iktar minn 650 azjenda tal-ġobon attiva – kif ukoll minħabba l-istess ambjent li fih oriġinarjament żviluppat dik it-teknika.

Fejn għandhom x’jaqsmu l-karatteristiċi tat-territorju tal-produzzjoni, il-Lvant tal-Italja minn dejjem kien, u għadu, ikkaratterizzat mill-ħafna xita li tagħmel matul ir-rebbiegħa u l-ħarifa li ffavorixxiet il-mergħat u l-kultivazzjoni taċ-ċereali (qamħ u xgħir) li huma l-bażi tal-għalf tal-baqar tal-ħalib. Il-kultivazzjoni tal-qamħirrum u, għalhekk, l-użu tal-qamħirrun bħala għalf frisk u tal-għalf tas-sajlo wkoll kisbu importanza maż-żmien. Iktar reċenti, hija l-kultivazzjoni tas-sojja, suppliment proteiku, li rat żvilupp fiż-żona tal-produzzjoni.

5.2.   Speċifiċità tal-prodott

Il-karatteristika prinċipali tal-“Montasio” hija l-idoneità kbira tiegħu għal maturazzjoni twila/medja. Fil-firxa ta’ ġobnijiet nazzjonali, il-“Montasio” jiġi kklassifikat fost il-ġobnijiet b’konsistenza medjament iebsa, imma billi jista’ jitħalla jimmatura sa 36 xahar, jiġi inkluż ukoll fil-kategorija tal-ġobnijiet rari b’konsistenza iebsa li jitħallew jimmaturaw għal perjodu twil.

Karatteristika oħra tal-“Montasio” qiegħda fid-dimensjonijiet tal-forma.

Barra minn hekk, id-DPO “Montasio” fl-Ispeċifikazzjoni tiegħu żamm il-projbizzjoni li l-ħalib jiġi ppasturizzat, biex b’hekk jinżamm kemm jista’ jkun l-ammont ta’ batterji naturali tal-ħalib prodott fiż-żona tal-produzzjoni.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra speċifiċi tal-prodott (għall-IĠP)

L-idoneità għal maturazzjoni twila/medja hija l-frott ta’ teknoloġija “delikata”. Fil-fatti, id-dożi ta’ fermenti lattiċi użati huma baxxi (madwar 1 %), it-tisjir isir f’temperaturi li ma tantx ikunu għoljin (bejn 42 °C u 48 °C) u t-tqattir u l-ippressar jagħtu konsistenza medjament soda, b’indewwa wara xahrejn (li tikkorrispondi għal livell minimu għall-kummerċjalizzazzjoni tal-prodott) ta’ madwar 36 %.

L-ambjent fejn żviluppa l-“Montasio” għandu karatteristiċi mikrobijoloġiċi adattati biex dan il-ġobon jiżviluppa u jinxtered. Fil-fatt il-“Montasio” huwa karatterizzat mill-preżenza ta’ flora mikrobika termofila li permezz tagħha dejjem seta’ jinkiseb ġobon uniku tax-xorta tiegħu, li jista’ jiġi kkonsmat frisk (illum mill-inqas xahrejn ta’ maturazzjoni għaliex jiġi prodott minn ħalib mhux pasturizzat) imma li jista’ jitħalla jimmatura sa 36 xahar; dan il-ġobon għalhekk għandu karatteristiċi organolettiċi, konsistenza, togħmiet u rwejjaħ li jvarjaw maż-żmien, proprju minħabba l-ammont ta’ batterji preżenti b’mod naturali fil-mergħat u fil-foraġġ taż-żona tal-produzzjoni.

Fil-fatt, wara xahrejn maturazzjoni, il-“Montasio” jidher bħala ġobon medjatament iebes, b’togħma delikata li tfakkar f’dik tal-ħalib li huwa magħmul minnu. Skont kemm iddum il-maturazzjoni u kemm ikunu kkonċentrati s-sustanzi, il-“Montasio” jikseb togħmiet iktar netti u xi ftit pikkanti, il-konsistenza ssir iktar soda u jsir jitfarrak malajr.

Bit-titjib tat-tekniki tat-trobbija, bir-razzjonalizzazzjoni tal-kultivazzjonijiet u bl-introduzzjoni ta’ metodi ta’ ħlib dejjem iktar iġjeniċi, inħasset il-ħtieġa li mal-ħalib jiġu miżjuda mikroorganiżmi tal-ġobon li jkunu utli għall-produzzjoni tal-“Montasio”. Huwa b’hekk li bdew jintużaw il-fermenti lattiċi (b’ħafna kukki imma bi ftit baċilli) tal-ħalib taż-żona tal-produzzjoni, prattika li sussegwentement infirxet.

Referenza għall-pubblikazzjoni tal-ispeċifikazzjoni

(L-Artikolu 5(7) tar-Regolament (KE) Nru 510/2006)

Din l-amministrazzjoni tat bidu għall-proċedura nazzjonali ta’ oġġezzjoni bil-pubblikazzjoni tal-applikazzjoni għal emenda tad-DPO “Montasio” fil-Gazzetta Ufficiale della Repubblica Italiana Nru 271 tal-21.11.2011.

It-test ikkonsolidat tal-Ispeċifikazzjoni tal-prodott huwa disponibbli fuq is-sit elettroniku:

http://www.politicheagricole.it/flex/cm/pages/ServeBLOB.php/L/IT/IDPagina/3335

jew billi wieħed imur direttament fil-paġna ewlenija tas-sit elettroniku tal-Ministeru għall-Politika Agrikola, l-Ikel u l-Forestrija (www.politicheagricole.it) u mbagħad jikklikkja fuq il-kliem “Qualità e sicurezza” [Kwalità u sikurezza] (fuq in-naħa ta’ fuq tal-lemin tal-iskrin), u mbagħad fuq “Disciplinari di Produzione all’esame dell’UE” [Speċifikazzjonijiet soġġetti għal eżami mill-UE].

(1)  ĠU L 93, 31.3.2006, p. 12. Sostitwit bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS I

Fl-Ispeċifikazzjoni tad-denominazzjoni protetta tal-oriġini “Morbier” ġiet approvata l-emenda li ġejja:

1.1.   Deskrizzjoni tal-prodott

Karatteristiċi organolettiċi

Id-deskritturi kollha tal-ġobon ġew analizzati sabiex ir-realtà tal-prodott tiġi deskritta aħjar:

Għall-istrixxa sewda, il-kelma “sew” wara “amalgamata” tneħħiet għaliex hija suġġettiva.

Għall-qoxra, il-kelmiet “lixxa u omoġenja” ġew sostitwiti b’“magħruka, b’dehra regolari, imtebba’ u li tħalli tidher il-marka tal-forma”, li huma iktar preċiżi. Fir-rigward tal-lewn tagħha, il-frażi “griż ċar jagħti fil-beige-oranġjo” ġiet sostitwita b’“beige li jagħti fl-oranġjo bi sfumaturi ta’ oranġjo fil-kannella, ta’ oranġjo fl-aħmar u ta’ oranġjo fir-roża”, li hija deskrizzjoni iktar preċiża.

Għall-konsistenza ta’ ġewwa, ġie miżjud li hija “omoġenja” u ġie ppreċiżat li hija ratba “meta tmissha”. It-toqob ġew deskritti b’mod eqreb tar-realtà: minflok “jista’ jkollha toqob sottili” inkiteb “ta’ spiss xi toqob mifruxa kbar daqs passolina ħamra jew bżieżaq żgħar iċċattjati”. Ġie miżjud li l-konsistenza ta’ ġewwa “teħel xi ftit mal-ħalq” u li hija “lixxa”.

Min-naħa tat-togħma, minflok “b’togħma ħafifa tal-krema; Ir-riħa tiegħu hija friska, tfakkar fil-frott u persistenti”, jingħad “It-togħma hija friska bi sfumaturi lattiċi, tal-karamella, tal-vanilja u tal-frott. Maż-żmien, il-firxa aromatika tistagħna bi sfumaturi ta’ xiwi, ta’ ħwawar u ta’ ħxejjex. It-togħmiet huma bbilanċjati.”

Karatteristiċi analitiċi

Ġie miżjud livell minimu għall-kontenut tal-ilma fil-ġobon mingħajr ix-xaħam (HFD - Humidité dans le Fromage Dégraissé) ta’ 58 % sabiex jiġu evitati ġobniet wisq nexfin li mhumiex tipiċi.

1.2.   Prova tal-oriġini

L-intestatura “Evidenza li l-prodott joriġina fiż-żona ġeografika” ġiet ikkonsolidata u tiġbor fiha, b’mod partikolari, l-obbligi ta’ dikjarazzjoni u ta’ żamma ta’ reġistri li jirrigwardaw it-traċċabbiltà tal-prodott u l-monitoraġġ tal-kundizzjonijiet tal-produzzjoni.

Barra minn hekk, din l-intestatura fiha xi żidiet u tissupplimenta diversi dispożizzjonijiet relatati mar-reġistri u mad-dokumenti ta’ dikjarazzjoni li jippermettu li tiġi żgurata t-traċċabbiltà tal-ġobniet.

1.3.   Metodu ta’ produzzjoni

Il-produzzjoni tal-ħalib

Il-ħlib

Il-flora naturali tal-ħalib għandha tiġi ppreservata. Iż-żieda fin-numru ta’ ħalbiet ta’ kuljum tagħmel ħsara lill-flora naturali tal-ħalib. Ħalba waħda kuljum twassal għal żbilanċ tal-mikroflora. “Il-ħlib isir darbtejn kuljum, filgħodu u filgħaxija. Huwa pprojbit li ħalba minnhom ma ssirx. Sabiex il-flora tal-ħalib naturali tal-ħalib ma ssirilhiex ħsara, il-prodotti użati ma għandux ikun fihom diżinfettanti ħlief fil-każ ta’ anomalija kkonstatata.”

L-ipproċessar

Il-maturazzjoni

L-injam huwa l-aħjar qafas għall-maturazzjoni għaliex jippermetti skambji eċċellenti b’mod partikolari mal-ilma u mal-melħ filwaqt li jirregolahom. L-injam isaħħaħ ukoll ir-rabta mat-territorju billi jiffavorixxi l-mikroflora tas-superfiċje. Għalhekk, qed tiġi miżjuda s-sentenza li ġejja: “Il-maturazzjoni tal-ġobon issir fuq twavel tal-injam.” Ma hemm l-ebda obbligu marbut mal-provenjenza ta’ dawn il-twavel.

Madankollu, biex ma tiġix ippenalizzata azjenda tal-ġobon li bħalissa qed twettaq il-maturazzjoni fuq l-azzar inossidabbli, ġiet proposta l-miżura tranżitorja li ġejja: “Bħala deroga, l-oqfsa tal-azzar inossidabbli li kienu jintużaw għall-produzzjoni tal-Morbier qabel l-1 ta’ Jannar 2006 jistgħu jibqgħu jintużaw sakemm jitbiddlu u sa mhux iktar mill-31 ta’ Diċembru 2014.”

Ġie miżjud li l-perjodu minimu huwa ta’ 45 jum “mingħajr interruzzjoni taċ-ċiklu”.

Ġie ppreċiżat: “Matul il-ħażna qabel il-kummerċjalizzazzjoni, il-ġobniet maturi għandhom jiġu kkonservati f’temperatura pożittiva”.

1.4.   It-tikkettar

L-obbligu li jintuża l-logo nazzjonali “INAO” (Institut National de l’Origine et de la Qualité) ma għadux japplika, filwaqt li ġie miżjud l-obbligu li jintuża l-logo tal-Unjoni Ewropea “AOP” (DPO). L-obbligu li jingħataw id-dettalji ta’ kuntatt tal-manifattur ġie sostitwit b’dak li jingħataw id-dettalji ta’ kuntatt tal-affineur (il-persuna li tieħu ħsieb il-maturazzjoni tal-ġobon).

Ġie ppreċiżat li minbarra l-informazzjoni li l-ġobniet kollha irid ikollhom fuqhom bil-liġi, fuq it-tikketta, fir-reklamar, fuq il-fatturi jew fuq id-dokumenti kummerċjali huwa pprojbit l-użu ta’ kwalunkwe deskrizzjoni jew indikazzjoni oħra li takkumpanja d-denominazzjoni tal-oriġini, għajr għal marki kummerċjali jew trademarks partikolari.

1.5.   Rekwiżiti nazzjonali

Fir-“Rekwiżiti nazzjonali” tqies li kien utli li jiġu indikati l-“punti prinċipali li għandhom jiġu kkontrollati” flimkien mal-valuri ta’ referenza u l-metodi ta’ evalwazzjoni tagħhom.

1.6.   Oħrajn

Għandhom jingħataw id-dettalji ta’ kuntatt tal-istrutturi li jwettqu l-kontroll tal-kundizzjonijiet ta’ produzzjoni u b’mod partikolari d-dettalji ta’ kuntatt tal-korp ta’ ċertifikazzjoni l-ġdid magħżul mill-grupp bħala korp ta’ kontroll. L-Institut National de l’Origine et de la Qualité ma għadux ikopri dan ir-rwol.

ANNESS II

DOKUMENT UNIKU KKONSOLIDAT

Ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1)

“MORBIER”

Nru tal-KE: FR-PDO-0205-0933-29.12.2011

IĠP ( ) DPO (X)

1.   Isem

“Morbier”

2.   Stat Membru jew pajjiż terz

Franza

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

3.2.   Deskrizzjoni tal-prodott li għalih japplika l-isem fil-punt 1

Il-“Morbier” huwa ġobon magħmul minn ħalib mhux ippasturizzat tal-baqra, ippressat u mhux imsajjar, bis-sura ta’ ċilindru ċatt b’dijametru ta’ bejn it-30 u l-40 ċentimetru, għoli minn 5 sa 8 ċentimetri, li jiżen minn 5 kg sa 8 kg, u li għandu uċuħ ċatti u ġenb xi ftit konvess.

Dan il-ġobon għandu strixxa sewda ċentrali orizzontali, amalgamata, tul il-qatgħa kollha.

Il-qoxra tiegħu hija naturali, magħruka, b’dehra regolari, imtebba’ u li tħalli tidher il-marka tal-forma. Il-lewn tagħha huwa beige li jagħti fl-oranġjo bi sfumaturi ta’ oranġjo fil-kannella, ta’ oranġjo fl-aħmar u ta’ oranġjo fir-roża. Il-konsistenza ta’ ġewwa tiegħu hija omoġenja, lewn l-avorju li jagħti fl-isfar ċar u spiss b’xi toqob mifruxa kbar daqs passolina ħamra jew bżieżaq żgħar iċċattjati. Hija ratba meta tmissha, kremuża, li tinħall, teħel xi ftit mal-ħalq u hija wkoll lixxa u fina. It-togħma hija friska bi sfrumaturi lattiċi, tal-karamella, tal-vanilja u tal-frott. Maż-żmien, il-firxa aromatika tistagħna bi sfumaturi ta’ xiwi, ta’ ħwawar u ta’ ħxejjex. It-togħmiet huma bbilanċjati. Dan il-ġobon fih mill-inqas 45 gramma ta’ xaħam għal kull 100 gramma wara li jitnixxef kompletament. Il-kontenut tal-ilma fil-ġobon mingħajr ix-xaħam (HFD - Humidité dans le Fromage Dégraissé) għandu jkun ta’ bejn 58 % u 67 %. Il-maturazzjoni tal-ġobon issir matul perjodu minimu ta’ 45 jum, li jibda jiddekorri minn jum il-produzzjoni tiegħu, mingħajr interruzzjoni taċ-ċiklu.

3.3.   Materja prima (għall-prodotti pproċessati biss)

Il-ħalib użat għall-produzzjoni tal-ġobon “Morbier” għandu jiġi biss minn merħla tal-ħalib b’baqar Montbéliarde tat-tip razzjali 46, jew b’baqar Simmental Franċiżi tat-tip razzjali 35, jew mill-prodotti tat-taħlit taż-żewġ razez bin-nisel iċċertifikat.

3.4.   Għalf (għall-prodotti li ġejjin mill-annimali biss)

Ir-razzjon bażiku tal-baqar tal-ħalib huwa magħmul minn ħaxix li l-baqar jirgħu waqt il-perjodu kollu tar-raqda, u matul il-perjodu xitwi minn ħuxlief jew mit-tieni wiċċ tal-ħuxlief maħsuda wkoll fiż-żona ġeografika.

Sabiex tiġi żgurata rabta mill-qrib bejn it-territorju u l-prodott permezz ta’ għalf speċifiku taż-żona ġeografika, l-għalf supplimentari huwa limitat għal 1 800 kg għal kull baqra tal-ħalib fis-sena. Fl-azjenda agrikola, l-art li tabilħaqq tintuża għall-mergħa għandha tkun mill-inqas ta’ 1 ettaru għal kull baqra tal-ħalib.

Sabiex tinżamm il-prattika tradizzjonali tal-mergħa, huma pprojbiti s-sistemi tal-azjenda agrikola fejn l-għalf kollu jingħata fil-ħawt. Il-baqar tal-ħalib jirgħu wara li jinħall is-silġ u malli l-kapaċità tal-ħamrija tiflaħ għal dan. Għall-istaġun tar-ragħa, il-baqar li jkunu qed jipproduċu l-ħalib jużaw mill-inqas 20 ares ta’ bur għal kull baqra tal-ħalib. Dawn il-limitazzjonijiet jimplikaw li mill-inqas 70 % tal-għalf ikun ġej miż-żona ġeografika.

Matul is-sena kollha, il-merħla tal-ħalib ma tistax tingħata għalf iffermentat, fil-forma ta’ għalf tas-sajlo u mhux, minħabba riskji teknoloġiċi waqt il-produzzjoni u l-maturazzjoni tal-ġobniet marbuta ma’ dawn il-prattiki.

Fl-għalf tal-merħla tal-ħalib huma awtorizzati biss il-materja prima u l-għalf supplimentari li jkunu magħmula minn prodotti mhux transġeniċi, sabiex tinżamm in-natura tradizzjonali tal-għalf.

3.5.   Stadji speċifiċi fil-produzzjoni li għandhom isiru fiż-żona ġeografika ddefinita

Il-produzzjoni tal-ħalib, il-produzzjoni u l-maturazzjoni tal-ġobniet isiru fiż-żona ġeografika.

3.6.   Regoli speċifiċi għat-tqattigħ, għat-tħakkik, għall-ippakkjar, eċċ.

—

3.7.   Regoli speċifiċi għat-tikkettar

Fuq it-tikketta tal-ġobniet bid-denominazzjoni tal-oriġini “Morbier” għandu jidher l-isem tad-denominazzjoni miktub b’ittri mill-inqas daqs dawk tal-ikbar ittri li jidhru fuq it-tikketta.

Fuq it-tikketta għandu jkun hemm bilfors is-simbolu “AOP” (DPO) tal-Unjoni Ewropea.

Fuq il-forom tal-ġobon, l-identifikazzjoni tal-azjenda tal-maturazzjoni (l-isem jew l-isem tal-kumpanija u l-indirizz) għandha tidher b’mod ċar.

Minbarra l-informazzjoni li l-ġobniet kollha jrid ikollhom fuqhom bil-liġi, fuq it-tikketta, fir-reklamar, fuq il-fatturi jew fuq id-dokumenti kummerċjali huwa pprojbit l-użu ta’ kwalunkwe deskrizzjoni jew indikazzjoni oħra li takkumpanja din id-denominazzjoni tal-oriġini, għajr għal marki kummerċjali jew trademarks partikolari.

4.   Definizzjoni fil-qosor taż-żona ġeografika

Iż-żona ġeografika tkorpi t-territorju tal-muniċipalitajiet (communes) li ġejjin:

Id-Dipartiment (Département) ta’ Ain: il-muniċipalitajiet ta’ Apremont, Bellegarde-sur-Valserine għall-parti li tikkorrispondi għal dik li qabel kienet il-muniċipalità ta’ Coupy, Belleydoux, Champfromier, Charix, Chezery-Forens, Confort, Echallon, Giron, Lancrans, Leaz, Lelex, Mijoux, Plagne, Montanges u Saint-Germain-de-Joux.

Id-Dipartiment ta’ Doubs: il-muniċipalitajiet kollha tad-dipartiment.

Id-Dipartiment ta’ Jura: il-muniċipalitajiet kollha ħlief għal Annoire, Aumur, Champdivers, Chemin, Longwy-sur-le-Doubs, Molay, Peseux, Petit-Noir, Saint-Aubin, Saint-Loup u Tavaux.

Id-Dipartiment ta’ Saône et Loire: il-muniċipalitajiet ta’ Beaurepaire-en-Bresse, Beauvernois, Bellevesvre, Champagnat, Cuiseaux, Flacey-en-Bresse, Fretterans, Joudes, Mouthier-en-Bresse, Sagy, Saillenard, Savigny-en-Revermont u Torpes.

5.   Rabta maż-żona ġeografika

5.1.   Speċifiċità taż-żona ġeografika

Fatturi naturali

Iż-żona ġeografika hija l-Arc Jurassien, ġabra ta’ plateaux tal-ġir, u estensjoni tiegħu f’parti żgħira mill-pjanura fil-qrib. L-altitudni hija ta’ spiss għolja. Il-pajsaġġ huwa magħmul kemm minn bwar kif ukoll minn foresti. Il-flora adattata għall-ħamrija tal-ġir naturali tal-bwar hija ferm varjata.

Iż-żona kollha hija kkaratterizzata minn klima ta’ tip kontinentali, b’varjazzjonijiet kbar fit-temperaturi bejn ix-xitwa u s-sajf, u xita li minkejja li tkun imqassma matul is-sena, tinżel sew fis-sajf. Iż-żona kollha għandha wkoll klima tat-Tramuntana b’temperatura medja annwali baxxa (minkejja perjodi ta’ sħana kbira fis-sajf) u numru kbir ta’ ġranet ta’ ġlata. Dan huwa ambjent ta’ muntanja jew ta’ żona taħt il-muntanja fejn tinżel ħafna xita tant li l-ammont annwali ta’ xita dejjem ikun ogħla minn 900 mm u ġeneralment ikun ogħla minn 1 000 mm. Dan l-ammont ta’ xita diġà huwa sinifikanti f’altitudni baxxa u jikber hekk kif wieħed jidħol iktar ‘il ġewwa fiż-żoni muntanjużi. Id-distribuzzjoni staġjonali hija kkaratterizzata min-nuqqas ta’ staġun ta’ nixfa. Din il-klima hija partikolament adattata biex jikber il-ħaxix.

Fatturi umani

Fiċ-ċentru u fit-Tramuntana taż-żoni muntanjużi ta’ Jura (il-Massif Jurassien), l-importanza tal-mergħat ikkundizzjonat l-ekonomija reġjonali bbażata essenzjalment fuq it-trobbija tal-bhejjem u fuq kollox fuq il-produzzjoni tal-ħalib.

L-eqdem dokument li jsemmi l-“Morbier” huwa tal-1799. Dak iż-żmien, il-ġobon diġà kien magħruf f’Pariġi, li jagħti lil wieħed x’jifhem li l-oriġini tiegħu tmur iktar lura fiż-żmien.

Oriġinarjament, kien jiġi prodott meta l-livell tal-ħalib kien wieħed baxx u b’mod partikolari ma kienx biżżejjed għall-produzzjoni ta’ forma ta’ “Comté”. Dawn iż-żewġ produzzjonijiet tal-“Morbier” u tal-“Comté” huma marbuta mill-qrib ma’ xulxin.

Jeżistu diversi ipoteżijiet dwar l-oriġini tal-produzzjoni tal-“Morbier”. Skont waħda minnhom, il-“Morbier” kien jiġi prodott minħabba li, fl-irziezet, kien hemm bżonn li jintużaw żewġ ħalbiet suċċessivi biex issir ġobna ta’ bejn it-8 u l-10 kilogrammi. L-ewwel forma tal-baqta kienet tinkesa bin-nugrufun ta’ taħt il-kaldarun sabiex din tiġi protetta mill-kontaminazzjonijiet esterni u sabiex tiġi evitata alterazzjoni superfiċjali qabel ma tiġi assemblata mal-baqta tal-produzzjoni segwenti. Is-saff li kien jifdal kien jimmarka l-ġonta bejn iż-żewġ produzzjonijiet.

L-applikazzjoni manwali tal-faħam tal-kannol jippreżumi bilanċ ġust bejn il-kisi fuq baqta wisq niexfa u l-kisi fuq baqta wisq umda. Il-fatt li din il-fażi baqgħet issir bl-idejn huwa garanzija tal-preservazzjoni ta’ għarfien dwar il-produzzjoni tal-ġobon assoċjat mal-“Morbier”, u r-rispett tat-tradizzjoni.

Il-bdiewa ta’ Jura li jrabbu l-bhejjem gradwalment għażlu ġenerazzjonijiet ta’ razza ta’ baqar, il-“Montbéliarde”, partikolarment adattata għall-kundizzjonijiet naturali lokali u li l-ħalib tagħha huwa idoneu għat-teknoloġiji tal-produzzjoni tal-ġobon reġjonali. It-tieni għażla tagħhom kienet is-“Simmental” li madankollu hija inqas preżenti.

5.2.   Speċifiċità tal-prodott

Il-“Morbier” huwa ġobon magħmul mill-ħalib tal-baqra b’piż li jvarja minn 5 kg sa 8 kg.

Il-“Morbier” huwa ġobon li jingħaraf minn strixxa sewda ċentrali orizzontali, amalgamata, tul il-qatgħa kollha. L-istrixxa sewda tinkiseb esklużivament billi l-wiċċ ta’ waħda mill-forom tal-baqta jinkesa bil-faħam tal-kannol veġetali qabel l-ippressar. Immarkat fiċ-ċentru tiegħu b’din il-magħrufa strixxa sewda, il-konsistenza ta’ ġewwa tiegħu hija omoġenja, lewn l-avorju li jagħti fl-isfar ċar u spiss b’xi toqob mifruxa.

It-togħma tiegħu hija friska bi sfumaturi lattiċi, tal-karamella, tal-vanilja u tal-frott. Maż-żmien, il-firxa aromatika tistagħna bi sfumaturi ta’ xiwi, ta’ ħwawar u ta’ ħxejjex.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra speċifiċi tal-prodott (għall-IĠP)

Is-sehem prinċipali tal-ħaxix fl-għalf tal-baqar tal-ħalib jinfluwenza l-karatteristiċi tal-ħalib kif ukoll il-partikolaritajiet organolettiċi tal-“Morbier”. Kull varjazzjoni fil-kompożizzjoni tal-flora tal-bwar tissarraf f’varjazzjonijiet fl-isfumaturi aromatiċi tal-ġobon. Dan l-effett jiġi faċilment ivverifikat matul l-istaġuni. Din hija r-raġuni għaliex diversi kundizzjonijiet tal-produzzjoni tal-ispeċifikazzjoni għandhom l-għan li jippreservaw id-diversità tal-flora naturali. Din ir-riżorsa tal-ħaxix ġiet ippreservata bil-projbizzjoni ta’ kultivazzjonijiet ġenetikament immodifikati li jistgħu jbiddlu l-kompożizzjoni tal-flora jew jillimitaw id-diversità tagħha. Il-varjetà kbira ta’ flora tal-bwar tiġi wkoll protetta bil-limitazzjoni tal-ammonti ta’ elementi fertilizzanti.

Is-sura tal-ġobon (ċilindru ta’ daqs medju) oriġinarjament kienet adattata għal produzzjoni fl-irziezet tal-muntanji. Permezz ta’ żewġ produzzjonijiet, li jikkorrispondu għal żewġ ħalbiet, seta’ jinkiseb daqs relattivament kbir, biex b’hekk jiġi limitat it-telf matul il-ħażna. Dan id-daqs reġa’ ntuża sussegwentement mill-fruitières (il-kooperattivi tal-azjendi tal-ġobon), biex b’hekk ingħata lok għal produzzjoni tal-ġobon meta l-livell tal-produzzjoni tal-ħalib ikun wieħed baxx. Din ir-rabta mal-produzzjoni ta’ ġobon ippressat u msajjar u b’mod partikolari mal-“Comté”, tinstab fit-tekniki għat-titbigħ tal-qoxra. Din it-tip ta’ attenzjoni, lil hinn mid-dehra, tagħti togħma partikolari lill-ġobon.

L-użu tal-injam għall-maturazzjoni huwa marbut direttament, min-naħa l-waħda, mar-rekwiżiti teknoloġiċi u, mill-oħra, mal-eżistenza qrib foresti kbar ta’ siġar tar-raża marbuta mal-ambjent naturali.

Biex tinkiseb konsistenza fina u lixxa u biex fit-togħma tal-“Morbier” jiġu espressi sfumaturi fini, huwa indispensabbli li jintuża ħalib mhux ippasturizzat bi flora lattika partikolari. Permezz tat-tneħħija tal-lattożju, minbarra li tinkiseb il-konsistenza tal-“Morbier”, ikunu jistgħu jiġu espressi dawn l-isfumaturi aromatiċi sekondarji.

L-istrixxa sewda ċentrali għall-ewwel kienet tinkiseb bin-nugrufun tal-kaldarun. Din it-teknika tafferma r-rabta mal-produzzjonijiet ta’ ġobon ippressat u msajjar tal-Franche-Comté.

Referenza għall-pubblikazzjoni tal-Ispeċifikazzjoni

(L-Artikolu 5(7) tar-Regolament (KE) Nru 510/2006)

https://www.inao.gouv.fr/fichier/CDCMorbier.pdf

(1)  ĠU L 93, 31.3.2006, p. 12. Sostitwit bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS

Prodotti agrikoli maħsuba għall-konsum mill-bniedem elenkati fl-Anness I tat-Trattat:

Il-kategorija 1.7.   Ħut, molluski u krustaċi friski, u prodotti magħmulin minnhom

IR-RENJU UNIT

Fal Oyster (DPO)

ANNESS

Prodotti agrikoli u oġġetti tal-ikel elenkati fil-punt I tal-Anness I tar-Regolament (UE) Nru 1151/2012:

Klassi 2.7.   Għaġin

L-ITALJA

Maccheroncini di Campofilone (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Il-kategorija 1.6.   Frott, ħaxix u ċereali, friski jew ipproċessati

IL-BELĠJU

Poperingse hopscheuten/Poperingse hoppescheuten (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.3.   Ġobnijiet

L-ITALJA

Stelvio/Stilfser (DPO)

ANNESS I

Fl-ispeċifikazzjoni tad-denominazzjoni protetta tal-oriġini “Kaki Ribera del Xúquer”, hija approvata l-emenda li ġejja:

Il-parti tad-deskrizzjoni tal-prodott li tirreferi għall-imperfezzjonijiet li jista’ jkun hemm fil-prodott tgħid hekk:

“Il-laħma tal-frotta ma għandix tkun maqsuma, għalkemm ċerti imperfezzjonijiet ħfief tal-qoxra li ma jaffettwawx il-kundizzjoni ġenerali tal-prodott, il-kwalità, il-preservazzjoni u l-konservazzjoni tiegħu fl-imballaġġ huma permessi skont il-limiti li ġejjin:

ANNESS II

DOKUMENT UNIKU KKONSOLIDAT

Ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1)

“KAKI RIBERA DEL XÚQUER”

Nru tal-KE: ES-PDO-0105-0114 - 1.4.2011

IĠP ( ) DPO (X)

1.   Isem

“Kaki Ribera del Xúquer”

2.   Stat Membru jew pajjiż terz

Spanja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

3.2.   Deskrizzjoni tal-prodott li għalih japplika l-isem fil-punt 1

Il-frott tas-siġra tal-kaki (Diospyros kaki) tal-varjetà “Aħmar brillanti”, irid jiġi kkunsmat frisk. Il-frotta hija berry li ġeneralment tifforma mingħajr fertilizzazzjoni, proċess li jissejjaħ partenokarpja. Fil-fatt, peress li l-frotta ma tiġix mdakkra, din ma jkollix żerriegħa.

Karatteristiċi tal-frotta: meta tinġabar tkun ta’ kulur isfar fl-oranġjo filwaqt li meta tkun misjura tkun ta’ kulur aħmar skur. Il-qoxra tinqala’ pjuttost faċilment u hija ta’ ħxuna medja. Il-laħma tinħass soda u tkun ta’ kulur isfar fl-oranġjo meta tinġabar u ta’ kulur aħmar skur meta tkun misjura. Sakemm issir, il-frotta tkun qarsa iżda maż-żmien tikseb togħma ħelwa. Meta tinqasam min-nofs il-frotta hija tonda filwaqt li meta tinqasam għat-tul din tkun kemxejn tawwalija.

Għall-kunsinna, il-kaki jridu jiġu ppreżentati:

Il-frott eliġibbli għad-denominazzjoni tal-oriġini jrid ikollu dijametru ta’ mill-inqas 61 mm.

“Il-laħma tal-frotta ma għandix tkun maqsuma, għalkemm ċerti imperfezzjonijiet estetiċi ħfief tal-qoxra li ma jaffettwawx il-kundizzjoni ġenerali tal-prodott, il-kwalità, il-preservazzjoni u l-konservazzjoni tiegħu fl-imballaġġ huma permessi skont il-limiti li ġejjin:

3.3.   Materja prima (għall-prodotti pproċessati biss)

—

3.4.   Għalf (għall-prodotti li ġejjin mill-annimali biss)

—

3.5.   Stadji speċifiċi tal-produzzjoni li għandhom iseħħu fiż-żona ġeografika identifikata

L-istadji kollha tal-produzzjoni jridu jsiru fiż-żona ġeografika identifikata.

3.6.   Regoli speċifiċi dwar it-tqattigħ, it-tħakkik, l-ippakkjar, eċċ.

—

3.7.   Regoli speċifiċi għat-tikkettar

It-tikketti kummerċjali ta’ kull operatur jistgħu jiġu eżaminati mill-korp ta’ spezzjoni sabiex jiċċekkja li n-nomenklatura u l-logos tad-denominazzjoni protetta tal-orġini jkunu qed jintużaw tajjeb. It-tikketti jrid ikun fihom il-kliem “denominación de origen protegida ‘Kaki Ribera del Xúquer’ ”.

4.   Definizzjoni fil-qosor taż-żona ġeografika

Iż-żona ta’ produzzjoni tinkludi art bi kwalitajiet xierqa għal din il-kultivazzjoni fil-muniċipalitajiet li ġejjin: Albalat de la Ribera, Alberic, Alcàntera de Xúquer, L'Alcúdia, Alfarp, Algemesí, Alginet, Almussafes, Alzira, Antella, Beneixida, Benicull de Xúquer, Benifaió, Benimodo, Benimuslem, Carcaixent, Cárcer, Carlet, Catadau, Corbera, Cullera, Lènova, Favara, Fortaleny, Gavarda, Guadassuar, Llaurí, Llombai, Manuel, Masalavés, Monserrat, Montroy, La Pobla Llarga, Polinyà de Xúquer, Rafelguaraf, Real de Montroi, Riola, San Juan de Énova, Sellent, Senyera, Sollana, Sueca, Sumacàrcer, Tous, Turís, Villanueva de Castellón, li kollha kemm huma jiffurmaw parti mill-provinċja ta’ Valencia, fil-Komunità ta’ Valencia.

F’din iż-żona, madwar 1 300 ettaru jintużaw għat-tkabbir tal-kaki.

5.   Rabta maż-żona ġeografika

5.1.   Speċifiċità taż-żona ġeografika

Storja

Is-siġra tal-kaki hija siġra tal-frott li tifforma parti mill-familja Ebenaceae. Din oriġinat fiċ-Ċina, fejn il-kultivazzjoni tagħha bdiet fis-seklu VIII. Il-kultivazzjoni tal-kaki kienet introdotta fl-Ewropa tal-Punent fit-tieni nofs tas-seklu XIX u dehret l-ewwel darba fi Spanja madwar l-1870. Illum, il-produzzjoni nazzjonali ta’ Spanja ssir fil-biċċa l-kbira fil-Komunità ta’ Valencia, fejn tinsab iż-żona protetta tad-denominazzjoni tal-oriġini “Kaki Ribera del Xúquer”. Fil-fatt, nofs il-produzzjoni kollha ta’ din il-frotta hija kkonċentrata f’din iż-żona.

Il-kaki tal-varjetà “Aħmar brillanti” tfaċċa b’mod spontanju wara li żerriegħa ġiet miżrugħa fit-tarf ta’ art tal-muniċipalità ta’ Carlet. Snin wara, lejn l-1960, fil-muniċipalità ta’ Alcudia tlaqqam l-ewwel pjantaġġun omoġenju tal-kaki. Dan witta t-triq għall-iżvilupp mgħaġġel tal-varjetà fir-reġjun.

Naturali

Ir-Ribera del Xúquer huwa reġjun naturali tal-Provinċja ta’ Valencia. Huwa mdawwar b’wied kwaternarju kbir jew bi pjanura alluvjali li minnhom tgħaddi x-Xmara Júcar (Xúquer bil-Valenzjan) u t-tributarja tagħha, ix-Xmara Magro.

Il-biċċa l-kbira tal-art agrikola tinsab fil-pjanura t’isfel fuq ix-xtut tax-Xmajjar Júcar u Magro, fejn il-ħamrija hija rikka u kompatta ħafna minħabba l-akkumulazzjoni tad-depożiti alluvjali mix-Xmara Júcar u t-tributarji tagħha li jinżlu minn reġjuni muntanjużi. Barra minn hekk, fil-parti l-baxxa tax-xaqliba tal-widien, fejn l-inklinazzjoni hija minima, hemm ħamrija kolluvjali ta’ kulur roża u mifruxa, li hija partikolarment tajba għall-kultivazzjoni intensiva.

Il-muniċipalità tibbenefika minn klima moderata. It-temperatura mejda annwali hija ta’ 17 C, b’temperatura medja li tvarja bejn 9-10 C f’Jannar u 24-25 C f’Awwissu. It-temp imsaħħab mhuwiex frekwenti, u l-medja annwali ta’ xita kważi qatt ma tkun iktar minn 400 sa 500 mm. Barra dan, l-għoljiet tal-madwar jipproteġu l-għelejjel mill-ġlata, speċjalment fil-widien tributarji.

5.2.   Speċifiċità tal-prodott

Il-varjetà “Aħmar brillanti” hija varjetà nativa taż-żona. Din hija r-riżultat tal-bidla spontanja ta’ varjetà lokali oħra u għalhekk adattat ruħha perfettament għar-reġjun ta’ Ribera del Xúquer, fejn din l-għalla tiġi sfruttata b’mod ottimali.

Il-kaki kkultivati fiż-żona protetta għandhom proporzjon akbar bejn it-tul u d-dijametru u l-forma tagħhom ġejja iktar għall-ponta. Il-“Kaki Ribera del Xúquer” jingħaraf mill-forma tiegħu li ġejja għall-ponta u li hija kemxejn iktar tawwalija minn normal, u mill-proporzjon akbar bejn it-tul u d-dijametru li jagħtu l-forma karatteristika tal-frott ikkultivat fiż-żona protetta. Barra minn hekk, dan il-frott huwa fil-medja akbar mill-frott ikkultivat f’żoni protetti oħra minħabba l-klima moderata u n-nuqqas ta’ temperaturi estremi.

Il-“Kaki Ribera del Xúquer” għandu kulur karatteristiku ta’ aħmar skur u togħma ħelwa meta jkun misjur, li tinkiseb fi stadju iktar bikri minħabba l-kundizzjonijiet eżistenti fiż-żona. Il-frotta tista’ tinħasad ukoll qabel ma tkun misjura. Permezz tal-metodu li jintuża biex titneħħa t-togħma morra, huwa possibbli li l-frott jiġi kkumerċjalizzat meta l-laħma tiegħu tkun soda u ħelwa ħafna u jkun kiseb it-togħma tipika tal-kaki prodott fir-reġjun tar-Ribera del Xúquer.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP)

Jingħad li r-reġjun tar-Ribera del Xúquer huwa l-bidu tal-kaki tal-varjetà “Aħmar brillanti”, peress li hija ż-żona fejn nibtet din il-varjetà bħala riżultat ta’ bidla spontanja. Illum il-ġurnata, hija stabbilita sew fir-reġjun u fis-suq.

Il-kundizzjonijiet partikolari tal-klima u tal-ħamrija fiż-żona ġeografika identifikata huma riflessi fil-karatteristiċi tal-kaki.

Il-klima moderata minħabba l-viċinanza tal-Baħar Mediterran u l-art agrikola kolluvjali li tirriżulta mill-kanali tal-ilma ta’ Júcar u Magro li jdawru r-reġjun, jingħaqdu flimkien biex jagħtu lill-“Kaki Ribera del Xúquer” il-karatteristiċi distintivi ewlenin tiegħu, jiġifieri l-forma aktar tawwalija li twassal għal proporzjon akbar bejn it-tul u d-dijametru kif ukoll id-daqs akbar u l-kulur distint tiegħu meta jkun misjur.

Referenza għall-pubblikazzjoni tal-ispeċifikazzjoni

[L-Artikolu 5(7) tar-Regolament (KE) Nru 510/2006]

http://www.agricultura.gva.es/documents/170659/179611/030712+Pliego+de+condiciones+kaki+def.pdf/b354d4a8-425e-40fa-8e8b-0ae6d3588fe6

(1)  ĠU L 93, 31.3.2006, p. 12. Mibdul bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Il-kategorija 1.7.   Ħut, molluski u krustaċi friski, u prodotti magħmulin minnhom

SPANJA

Caballa de Andalucía (IĠP)

ANNESS I

Fl-Ispeċifikazzjoni tad-denominazzjoni protetta tal-oriġini “Prosciutto Toscano”, hija approvata l-emenda li ġejja:

L-użu ta’ addittivi jew ta’ preżervattivi fil-produzzjoni tal-“Prosciutto Toscano” m’għadux awtorizzat. L-ipproċessar tal-“Prosciutto Toscano” skont il-metodu tipiku jiggarantixxi n-nuqqas ta’ dak it-tip ta’ sustanzi. B’mod partikulari, il-projbizzjoni tal-użu ta’ nitriti u nitrati sseddaq ir-rabta mal-metodu storiku ta’ produzzjoni tal-“Prosciutto Toscano”, u twarrab il-preżenza ta’ addittivi u preżervattivi (E251 - E252) fil-prodott aħħari.

ANNESS II

Dokument uniku kkonsolidat

Ir-Regolament tal-kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1)

“PROSCIUTTO TOSCANO”

Nru tal-KE: IT-DPO-0317-01009-2.7.2012

IĠP () DPO (X)

1.   Isem

“Prosciutto Toscano”

2.   Stat Membru

L-Italja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

3.2.   Deskrizzjoni tal-prodott li għalih japplika l-isem f’(1)

Meta jitqiegħed fis-suq għall-konsum, il-“Prosciutto Toscano” jkollu l-karatteristiċi fiżiċi, organolettiċi, kimiċi u fiżikokimiċi li ġejjin: għamla tonda bil-wiċċ ta’ fuq imżaqqaq minħabba x-xifer imlaħħam li ma jisporġix aktar minn 8 cm ‘il barra mill-għadma tal-koxxa; piż ta’ madwar 8-9 kg, iżda qatt inqas minn 7,5 kg; meta jitqatta’, il-kulur tal-qalba jvarja bejn l-aħmar skur u l-aħmar ċar u jidher ftit xaħam bejn il-muskoli; ix-xaħam ta’ taħt il-ġilda jkun ta’ lewn abjad pur b’vini rqaq roża, kumpatt, ma jinsilitx bejn is-safef tal-muskoli, u mqabbad sew mal-wiċċ tal-muskoli ta’ taħtu. Il-“Prosciutto Toscano” jista’ jitqiegħed fis-suq f’perjodu ta’ mhux aktar minn 30 xahar minn meta jkun inbeda l-ipproċessar tal-koxox friski. Il-“Prosciutto Toscano” jista’ jitqiegħed fis-suq anki mingħajr għadma, imqatta’, jiġifieri mqatta’ f’biċċiet ta’ għamla u piż differenti, jew f’qatgħat.

Ikollu togħma delikata u bnina ħafna, u r-riħa tfuħ tiegħu hija karatteristika dovuta għall-metodi tradizzjonali li bihom jiġi pproċessat u mmaturat.

Il-karatteristiċi fiżikokimiċi huma kif ġej:

3.3.   Materja prima (għall-prodotti pproċessati biss)

Il-koxox friski użati għall-produzzjoni tal-“Prosciutto Toscano” jiġu minn ħnieżer imwielda, imrobbija u maqtula fiż-żona ddefinita fil-punt 4 ta’ dan id-dokument. Il-ħnieżer għandu jkollhom piż minimu ta’ 160 kg, b’marġni ta’ 10 %, u għandu jkollhom età ta’ mill-inqas disa’ xhur. Il-“Prosciutto Toscano” jsir minn koxox friski ta’ ħnieżer ta’ piż kbir li jiġu minn razez puri jew mir-razez tradizzjonali ta’ oriġini Large White u Landrace. Il-piż tal-koxxa friska mirquma ma għandux ikun inqas minn 11,8 kg.

3.4.   Għalf (għall-prodotti li ġejjin mill-annimali biss)

L-għalf użat jiġi prinċipalment miż-żona ddefinita, li tikkorrispondi għaż-żona tat-trobbija tal-ħnieżer iddefinita fil-punt 4 ta’ dan id-Dokument Uniku, billi huma soġġetti għal ġestjoni msejsa fuq sistema integrata speċifika għas-settur.

3.5.   Stadji speċifiċi tal-produzzjoni li għandhom isiru fiż-żona ġeografika ddefinita

L-istadji speċifiċi tal-produzzjoni tal-“Prosciutto Toscano” - it-tmelliħ, it-tnixxif, it-tixħim u l-maturazzjoni - għandhom isiru fiż-żona ta’ produzzjoni tradizzjonali, li tħaddan it-territorju kollu tar-reġjun tat-Toscana.

3.6.   Regoli speċifiċi għat-tqattigħ, għat-taħkik, għall-ippakkjar, eċċ.

It-tipi kollha tal-prodott - bl-għadam imneħħi, maqtugħ f’biċċiet jew f’fetet -, immarkati minn qabel, għandhom jitqiegħdu fis-suq wara li jkunu ġew ippakkjati f’kontenituri jew imballaġġi xierqa u ssiġillati sew. It-tqattigħ u l-ippakkjar tal-“Prosciutto Toscano” għandhom isiru hekk kif jintemm il-perjodu tal-maturazzjoni, fiż-żona ta’ produzzjoni indikata fil-punt 4, bil-għan li jiġi żgurat li jinżammu d-diversi perjodi ta’ maturazzjoni previsti għall-prodott imqatta’, u li jinżammu l-karatteristiċi fir-rigward tal-umdità u d-dehra tal-parti muskolari u dik xaħmija tal-qatgħa tal-perżut, kif deskritt fil-punt 3.2. Il-possibbiltà li l-koxox li jkunu se jitqattgħu u jiġu ppakkjati jinħażnu f’qatgħat mingħajr għadam għal żmien mhux magħruf f’kundizzjonijiet ta’ ambjent differenti minn dawk previsti, tista’ tagħti lok għal karatteristiċi li ma jaqblux ma’ dawk li l-“Prosciutto Toscano” huwa magħruf għalihom, fosthom, il-formazzjoni ta’ moffa anomala, id-degradazzjoni anomala tal-proteini u l-varjazzjoni fl-indici ta’ proteolisi li din id-degradazzjoni ġġib magħha, kif ukoll is-sniħ tat-tessut xaħmi, tali li jagħti riħa u togħma differenti minn dawk li l-konsumatur imdorri japprezza. Barra minn hekk, l-esponiment tal-porzjon tal-laħam u tal-qatgħa għall-arja qabel ma jiġu ppakkjati jista’ jwassal għal ossidazzjoni qawwija tal-wiċċ li jittiekel, bil-konsegwenza li l-laħam irabbi skorċa, li l-wiċċ tal-parti muskolari mikxufa jixxotta, jew li l-laħam jitlef mill-kumpattezza tiegħu jekk ikun f’ambjent umdu wisq.

3.7.   Regoli speċifiċi għat-tikkettar

Id-denominazzjoni protetta tal-oriġini “Prosciutto Toscano” għandha tidher fuq it-tikketta b’ittri ċari u li ma jistgħux jitħassru, u b’mod li tingħaraf sew minn kull kliem ieħor. Għandha tkun segwita immedjament mill-kliem “Denominazzjoni protetta tal-oriġini” jew l-akronimu “DPO”. Ma tista’ tiżdied l-ebda kwalifikazzjoni li ma tkunx espressament prevista. Madankollu, huwa permess li jiżdiedu indikazzjonijiet li jirreferu għal ismijiet, marki kummerċjali jew marki privati, għajr fejn dawn ikunu ta’ tifħir jew x’aktarx iqarrqu bil-konsumatur. Bl-istess mod, isem l-azjenda fejn ikunu trabbew il-ħnieżer li minnhom ġejjin il-prodotti jista’ jidher fuq il-koxxa, bil-kundizzjoni li l-materja prima tkun ġejja kollha kemm hi mill-azjendi ta’ trobbija msemmija.

4.   Definizzjoni fil-qosor taż-żona ġeografika

L-azjendi tal-ħnieżer li jipproduċu l-laħam tal-“Prosciutto Toscano” jridu jinsabu fir-reġjuni li ġejjin: Lombardia, Emilia Romagna, Le Marche, Umbria, Lazio u Toscana. Il-“Prosciutto Toscano” jiġi pproċessat, imqatta’ u ppakkjat fiż-żona tradizzjonali ta’ produzzjoni, li tinkludi t-territorju kollu tar-reġjun tat-Toscana.

5.   Rabta maż-żona ġeografika

5.1.   Speċifiċità taż-żona ġeografika

Il-fatturi ambjentali huma relatati mill-qrib mal-karatteristiċi taż-żona ta’ produzzjoni, li fiha jispikkaw il-widien friski u b’ħafna ilma u l-għoljiet miksija minn boskijiet, li jinfluwenzaw ħafna l-klima u l-karatteristiċi tal-prodott aħħari. Il-produzzjoni lokalizzata tal-“Prosciutto Toscano” hija ġġustifikata mill-kundizzjonijiet tal-mikrożona delimitata: ir-reġjun tat-Toscana, minħabba l-għamla u l-karatteristiċi ġeografiċi tiegħu, huwa idoneu għall-produzzjoni ta’ prieżet ta’ kwalità. Anki l-klima ta’ dan ir-reġjun, li hija differenti ħafna minn dik tar-reġjuni li jmissu miegħu, hija xierqa ħafna biex il-prodott jikseb l-aħjar maturazzjoni tiegħu. Għalhekk, hija klima ideali li tiffavorixxi relazzjoni ta’ ġid bejn l-ambjent u l-prodotti tipiċi tar-reġjun, li tippermettilhom maturazzjoni bil-mod u bnina, bħal fil-każ tal-inbid, iż-żejt, il-ġobon u, sintendi, il-perżut. Huwa f’dan l-ambjent li l-attivitajiet tal-bniedem ippermettew il-perfezzjonament tat-tekniki speċifiċi tal-ipproċessar għat-tirqim jew għat-tmelliħ, li huma adattati aħjar għall-karatteristiċi ambjentali, u li baqgħu jitnisslu sal-lum, tant li jinfluwenzaw b’mod determinanti l-karatteristiċi tal-“Prosciutto Toscano” msemmija fil-punt 3.2.

5.2.   Speċifiċità tal-prodott

Il-“Prosciutto Toscano” jingħaraf b’aroma tfuħ u karatteristika, b’togħma delikata u b’palat tipiku.

Il-“Prosciutto Toscano” huwa perżut nej, li l-perjodu ta’ maturazzjoni tiegħu, mit-tmelliħ tat-tqegħid fis-suq, ma għandux idum inqas minn 10 xhur għall-prieżet b’piż finali ta’ bejn 7,5 u 8,5 kg, u mhux inqas minn 12-il xahar għall-prieżet b’piż ikbar minn 8,5 kg. Il-“Prosciutto Toscano” li jkun maħsub għat-tqattigħ f’fetet għandu jiġi mmaturat għal xahrejn aktar minn dak indikat fil-paragrafu ta’ qabel, jiġifieri għal mill-inqas 12-il xahar fil-każ ta’ piżijiet ta’ bejn 7,5 u 8,5 kg, u għal mill-inqas 14-il xahar għal piżijiet ta’ aktar minn 8,5 kg.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra speċifiċi tal-prodott (għall-IĠP)

Il-klima taż-żona ta’ produzzjoni tippermetti l-ksib ta’ prodotti agroalimentari ta’ valur għoli ħafna, u b’hekk tiffavorixxi u fl-istess ħin tikkaratterizza l-proċess ta’ maturazzjoni u l-perfezzjonament tal-“Prosciutto Toscano”. L-istorja wriet ir-rabta profonda u mill-qrib bejn il-produzzjoni agrikola u l-ipproċessar tal-prodott u bejn iż-żoni ta’ referenza. Din ir-rabta ssaħħet u sseddqet bl-evoluzzjoni tal-fatturi soċjali, ekonomiċi u produttivi, kif ukoll bis-saħħa tal-esperjenza tal-bniedem li baqgħet titfannad tul is-sekli. F’dak li jirrigwarda ż-żona ddefinita tal-oriġini tal-materja prima, il-fatturi marbuta mal-ġeografija, mal-ambjent u mal-għarfien espert miksub fil-produzzjoni fis-settur tat-trobbija, huma tabilħaqq kostanti u karatteristiċi. Fiż-żona ta’ forniment tal-materja prima, l-iżvilupp taż-żooteknika huwa relatat mal-preżenza kbira ta’ tkabbir ta’ ċereali u mal-metodi ta’ produzzjoni li b’mod partikolari ħajru l-aktar it-trobbija tal-ħnieżer.

F’dak li jirrigwarda ż-żona tal-ipproċessar, iktar limitata, it-tlaqqigħ ta’ diversi fatturi ekonomiċi, klimatiċi, naturali u umani wassal għall-kodifikazzjoni tal-metodu tradizzjoni ta’ produzzjoni, billi ddetermina t-tekniki speċifiċi għall-ksib tal-karatteristiċi tad-DPO “Prosciutto Toscano”. L-aroma u t-togħma karatteristiċi huma dovuti għat-tekniki speċifiċi ta’ produzzjoni, li ilhom irregolati mis-seklu 15, u li jinkludu b’mod partikulari: it-tirqim bit-tond, li jingħaraf b’qatgħa f’forma ta V mill-bidu tas-sieq, u li jippermetti tnixxif tal-laħam aktar effikaċi u aktar mifrux tul il-perjodu ta’ tmelliħ; it-tmelliħ li jsir fin-niexef, bil-melħ, bil-bżar u bi ħwawar naturali ta’ oriġini veġetali; it-tixħim, dejjem bil-kżar u bi ħwawar naturali ta’ oriġini veġetali, u fl-aħħar nett, il-maturazzjoni, li tgawdi mill-kundizzjonijiet ambjentali taż-żona ta’ produzzjoni. Il-maturazzjoni twila li tesponi l-koxox għall-umdità naturali, flimkien mal-użu, skont id-drawwiet lokali, tal-bżar u ta’ ħwawar tul l-istadji ta’ tmelliħ u tixħim, jiddeterminaw l-aroma tfuħ, it-togħma delikata u l-palat tipiku tal-“Prosciutto Toscano”.

Referenza għall-pubblikazzjoni tal-ispeċifikazzjoni

[L-Artikolu 5(7) tar-Regolament (KE) Nru 510/2006]

It-test sħiħ tal-Ispeċifikazzjoni tal-prodott emendat huwa disponibbli fuq:

http://www.politicheagricole.it/flex/cm/pages/ServeBLOB.php/L/IT/IDPagina/3335

jew billi tmur direttament għall-paġna ewlenija tal-Ministeru għall-Agrikoltura, l-Ikel u l-Foresterija (www.politicheagricole.it) u tagħfas fuq “Qualità e sicurezza” (fil-parti ta’ fuq u tal-lemin tal-iskrin), imbagħad fuq “Disciplinari di Produzione all’esame dell’UE”.

(1)  ĠU L 93, 31.3.2006, p. 12. Sostitwit bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS

Il-Parti A tal-Anness mar-Regolament ta’ Implimentazzjoni (UE) Nru 540/2011 hija emendata kif ġej:

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(1)  In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.

ANNESS

(a)   L-Applikanti u d-Detenturi tal-awtorizzazzjoni

f’isem Dow AgroSciences LLC, 9330 Zionsville Road, Indianapolis, IN 46268-1054, United States;

u wkoll

F’isem Monsanto Company - Monsanto Company - 800 N. Lindbergh Boulevard - St. Louis, Missouri 63167 - United States of America.

(b)   Id-denominazzjoni u l-ispeċifikazzjoni tal-prodotti

Il-qamħirrum modifikat ġenetikament MON-89Ø34-3 × DAS-Ø15Ø7-1 × MON-ØØ6Ø3-6, kif deskritt fl-applikazzjoni, hu prodott minn taħlit bejn il-qamħirrum li fih eventi ta’ MON-89Ø34-3, DAS-Ø15Ø7-1 u MON-ØØ6Ø3-6 u jesprimi l-proteini Cry1 A.105, Cry2Ab2, Cry1F li jilqgħu kontra ċerti organiżmi ta’ ħsara lepidotterani, il-proteina CP4 EPSPS li twassal għat-tolleranza tal-erbiċidi tal-glifosat u l-proteina PAT li twassal għat-tolleranza tal-erbiċidi tal-ammonju tal-glufosinat.

(c)   Tikkettar

(d)   Metodu ta’ detezzjoni

(e)   Identifikatur uniku

MON-89Ø34-3 × DAS-Ø15Ø7-1 × MON-ØØ6Ø3-6;

(f)   Tagħrif meħtieġ skont l-Anness II tal-Protokoll ta’ Kartaġena dwar il-Bijosikurezza fir-rigward tal-Konvenzjoni dwar id-Diversità Bijoloġika

Clearing House tal-Bijosikurezza, Rekord ID: ara [għandu jimtela meta jiġi notifikat].

(g)   Il-kundizzjonijiet jew ir-restrizzjonijiet dwar it-tqegħid fis-suq, l-użu jew it-trattament tal-prodotti

Mhux meħtieġa.

(h)   Il-pjan ta’ monitoraġġ

Il-pjan ta’ monitoraġġ għall-effetti ambjentali konformi mal-Anness VII tad-Direttiva 2001/18/KE.

[Link: il-pjan ippubblikat fuq l-Internet]

(i)   Rekwiżiti ta’ monitoraġġ wara t-tqegħid fis-suq għall-użu tal-ikel għall-konsum mill-bniedem

Mhux meħtieġa.

Nota: il-links għal dokumenti rilevanti jista’ jkollhom bżonn jiġu emendati minn żmien għall-ieħor. Dawk il-modifiki ser ikunu mpoġġija għad-dispożizzjoni tal-pubbliku permezz tal-aġġornament tar-reġistru Komunitarju tal-ikel u l-għalf ġenetikament modifikati.

ANNESS

(a)   L-Applikant u d-Detentur tal-awtorizzazzjoni

F’isem Monsanto Company, fl-Istati Uniti tal-Amerika.

(b)   Id-denominazzjoni u l-ispeċifikazzjoni tal-prodotti

Polline prodott minn MON-ØØ81Ø-6, bħala ikel jew fl-ikel u fl-ingredjenti tal-ikel.

Il-qamħirrum MON-ØØ81Ø-6 modifikat ġenetikament, kif deskritt fl-applikazzjoni, jesprimi l-proteina Cry1Ab li tipprovdi ħarsien kontra ċerti parassiti lepidotteri.

(c)   Tikkettar

Għall-finijiet tar-rekwiżiti speċifiċi dwar it-tikkettar previsti fl-Artikolu 13(1) tar-Regolament (KE) Nru 1829/2003, l-“isem tal-organiżmu” huwa “qamħirrum”.

(d)   Metodu ta’ detezzjoni

(e)   Identifikatur uniku

MON-ØØ81Ø-6

(f)   Tagħrif meħtieġ skont l-Anness II tal-Protokoll ta’ Kartaġena dwar il-Bijosikurezza fir-rigward tal-Konvenzjoni dwar id-Diversità Bijoloġika

Mhux meħtieġa.

(g)   Kundizzjonijiet u restrizzjonijiet fuq it-tqegħid fis-suq, l-użu jew l-immaniġjar tal-prodotti

Mhux meħtieġa.

(h)   Il-pjan ta’ monitoraġġ

Mhux meħtieġa.

(i)   Rekwiżiti ta’ monitoraġġ wara t-tqegħid fis-suq għall-użu tal-ikel għall-konsum mill-bniedem

Mhux meħtieġa.

Nota: il-links għal dokumenti rilevanti jista’ jkollhom bżonn jiġu emendati minn żmien għall-ieħor. Dawk il-modifiki ser ikunu mqiegħda għad-dispożizzjoni tal-pubbliku permezz tal-aġġornament tar-reġistru Komunitarju tal-ikel u l-għalf modifikati ġenetikament.

ANNESS

(a)   L-Applikant u d-Detenturi tal-awtorizzazzjoni

F’isem Dow AgroSciences LLC, 9330 Zionsville Road, Indianapolis, IN 46268-1054, l-Istati Uniti;

u wkoll

f’isem Monsanto Company - 800 N. Lindbergh Boulevard – St. Louis, Missouri 63167 - l-Istati Uniti tal-Amerika.

(b)   Id-denominazzjoni u l-ispeċifikazzjoni tal-prodotti

Il-qamħirrum MON-89Ø34-3 li jesprimi proteini Cry1 A.105 u Cry2Ab2 li jagħtu protezzjoni kontra ċerti parassiti lepidotteri.

Il-qamħirrum DAS-Ø15Ø7-1 jesprimi l-proteina CRY1F li tagħti protezzjoni kontra ċerti organiżmi ta’ ħsara lepidotterani u tipproduċi l-proteina PAT, li tagħti t-tolleranza għall-erbiċida glufosinat tal-ammonju.

Il-qamħirrum MON-88Ø17-3 jesprimi l-proteina Cry3Bb1 li tagħti protezzjoni kontra ċerti organiżmi ta’ ħsara koleopterani tipproduċi l-proteina CP4 EPSPS, li tagħti t-tolleranza għall-erbiċida glufosinat.

Il-qamħirrum DAS-59122-7 jesprimi l-proteini Cry34Ab1 u Cry35Ab1 li jagħtu protezzjoni kontra ċerti organiżmi ta’ ħsara lepidotterani u jipproduċu l-proteina PAT, li tagħti t-tolleranza għall-erbiċida glufosinat tal-ammonju.

(c)   Tikkettar

(d)   Metodi ta’ detezzjoni

(e)   Identifikaturi partikolari

(f)   Tagħrif meħtieġ skont l-Anness II tal-Protokoll ta’ Kartaġena dwar il-Bijosikurezza fir-rigward tal-Konvenzjoni dwar id-Diversità Bijoloġika

Clearing House tal-Bijosikurezza, Rekord ID: ara [għandu jimtela meta jiġi notifikat].

(g)   Il-kundizzjonijiet jew ir-restrizzjonijiet dwar it-tqegħid fis-suq, l-użu jew it-trattament tal-prodotti

Mhux meħtieġa.

(h)   Il-pjan ta’ monitoraġġ

Il-pjan ta’ monitoraġġ għall-effetti ambjentali konformi mal-Anness VII tad-Direttiva 2001/18/KE.

[Link: il-pjan se jiġi ppubblikat fuq l-Internet]

(i)   Rekwiżiti ta’ monitoraġġ wara t-tqegħid fis-suq għall-użu tal-ikel għall-konsum mill-bniedem

Mhux meħtieġa.

Nota: il-links għal dokumenti rilevanti jista’ jkollhom bżonn jiġu emendati minn żmien għall-ieħor. Dawk il-modifiki ser ikunu mqiegħda għad-dispożizzjoni tal-pubbliku permezz tal-aġġornament tar-reġistru Komunitarju tal-ikel u l-għalf ġenetikament modifikati.

“Il-kundizzjonijiet tas-saħħa tal-annimali f’din il-kunsinna jikkonformaw mad-Deċiżjoni ta’ Implimentazzjoni tal-Kummissjoni 2013/651/UE (*).