24.10.2013

MT

Il-Ġurnal Uffiċjali tal-Unjoni Ewropea

L 282/1

---

DEĊIŻJONI TAL-KUNSILL

tas-7 ta’ Ottubru 2013

dwar il-konklużjoni tal-Ftehim bejn l-Unjoni Ewropea u r-Repubblika tal-Kap Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika tal-Kap Verde u tal-Unjoni Ewropea

(2013/521/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 77(2)(a), flimkien mal-Artikolu 218(6)(a), tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-kunsens tal-Parlament Ewropew,

Billi:

(1)

Skont id-Deċiżjoni tal-Kunsill 2012/649/UE (1), il-Ftehim bejn l-Unjoni Ewropea u r-Repubblika tal-Kap Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika tal-Kap Verde u tal-Unjoni Ewropea (minn hawn ‘il quddiem “il-Ftehim”) ġie inizjalat fis-26 ta’ Ottubru 2012, suġġett għall-konklużjoni tiegħu f’data ulterjuri.

(2)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li fihom ir-Renju Unit ma jieħux sehem, skont id-Deċiżjoni tal-Kunsill 2000/365/KE tad-29 ta’ Mejju 2000 dwar it-talba tar-Renju Unit tal-Gran Brittanja u l-Irlanda ta’ Fuq biex jieħdu parti f’xi dispożizzjonijiet tal-acquis ta’ Schengen (2); ir-Renju Unit għalhekk mhux qed jieħu sehem fl-adozzjoni tagħha u mhux marbut biha jew suġġett għall-applikazzjoni tagħha.

(3)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li fihom l-Irlanda ma tieħux sehem skont id-Deċiżjoni tal-Kunsill 2002/192/KE tat-28 ta’ Frar 2002 dwar it-talba tal-Irlanda sabiex tieħu sehem f’xi dispożizzjonijiet tal-acquis ta’ Schengen (3); għalhekk l-Irlanda mhijiex qed tieħu sehem fl-adozzjoni tagħha u mhijiex marbuta biha jew suġġetta għall-applikazzjoni tagħha.

(4)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta’ din id-Deċiżjoni u mhijiex marbuta biha jew suġġetta għall-applikazzjoni tagħha.

(5)	Il-Ftehim għandu jiġiapprovat,

ADOTTA DIN ID-DEĊIŻJONI:

Artikolu 1

Il-Ftehim bejn l-Unjoni Ewropea u r-Repubblika tal-Kap Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika tal-Kap Verde u tal-Unjoni Ewropea (minn hawn ‘il quddiem “il-Ftehim”) huwa approvat f’isem l-Unjoni.

It-test tal-Ftehim huwa mehmuż ma’ din id-Deċiżjoni.

Artikolu 2

Il-President tal-Kunsill għandu jipproċedi, f’isem l-Unjoni, għan-notifika prevista fl-Artikolu 12(1), tal-Ftehim (4).

Artikolu 3

Il-Kummissjoni, megħjuna minn esperti mill-Istati Membri, għandha tirrappreżenta lill-Unjoni fil-Kumitat Konġunt stabbilit mill-Artikolu 10 tal-Ftehim.

Artikolu 4

Din id-Deċiżjoni għandha tidħol fis-seħħ fid-data tal-adozzjoni tagħha.

---

(1)  ĠU L 288, 19.10.2012, p. 1.

(2)  ĠU L 131, 1.6.2000, p. 43.

(3)  ĠU L 64, 7.3.2002, p. 20.

(4)  Id-data tad-dħul fis-seħħ tal-Ftehim ser tiġi ippubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.

---

24.10.2013

MT

Il-Ġurnal Uffiċjali tal-Unjoni Ewropea

L 282/3

---

FTEHIM

bejn l-Unjoni Ewropea u r-Repubblika tal-Kap Verde dwar l-iffaċilitar tal-ħruġ ta’ viżi għal żjarat qosra għal ċittadini tar-Repubblika tal-Kap Verde u tal-Unjoni Ewropea

L-UNJONI EWROPEA, minn hawn ‘il quddiem imsejħa “l-Unjoni”,

U

IR-REPUBBLIKA TAL-KAP VERDE, minn hawn ‘il quddiem imsejħa “il-Kap Verde”,

minn hawn ‘il quddiem “il-Partijiet”,

BIX-XEWQA li jiffaċilitaw il-kuntatti bejn persuni bħala kundizzjoni importanti għal żvilupp sod ta’ rabtiet ekonomiċi, umanitarji, kulturali, xjentifiċi u oħrajn, billi jiffaċilitaw il-ħruġ ta’ viżi għaċ-ċittadini tagħhom fuq il-bażi ta’ reċiproċità;

WARA LI KKUNSIDRAW id-Dikjarazzjoni Konġunta tal-5 ta’ Ġunju 2008 dwar Sħubija ta’ Mobilità bejn l-Unjoni Ewropea u l-Kap Verde, skont liema l-partijiet se jieħdu passi biex jiżviluppaw djalogu dwar kwistjonijiet relatati għal viżi għal żjarat qosra, bil-ħsieb li jiffaċilitaw il-mobilità ta’ ċerti kategoriji ta’ persuni,

FILWAQT LI JFAKKRU l-Ftehim ta’ Sħubija ta’ Cotonou u l-Partenarjat Speċjali bejn l-Unjoni Ewropea u l-Kap Verde, approvat mill-Kunsill tal-Unjoni Ewropea fid-19 ta’ Novembru 2007,

FILWAQT LI JAGĦRFU li dan l-iffaċilitar m’għandux iwassal għal immigrazzjoni illegali u jagħtu attenzjoni speċjali lis-sigurtà u l-ammissjoni mill-ġdid;

FILWAQT LI JQISU l-Protokoll dwar il-pożizzjoni tar-Renju Unit u l-Irlanda fir-rigward tal-ispazju tal-libertà, sigurtà u ġustizzja, anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea u jikkonfermaw li d-dispożizzjonijiet ta’ dan il-Ftehim ma japplikawx għar-Renju Unit tal-Gran Brittanja u l-Irlanda ta’ fuq jew lejn l-Irlanda;

FILWAQT LI JQISU l-Protokoll dwar il-pożizzjoni tad-Danimarka anness mat-Trattat tal-Unjoni Ewropea u t-Trattat dwar il-Funzjonament tal-Unjoni Ewropea u jikkonfermaw li d-dispożizzjonijiet ta’ dan il-ftehim ma japplikawx għar-Renju tad-Danimarka;

QABLU KIF ĠEJ:

Artikolu 1

Għan u ambitu

L-għan ta’ dan il-Ftehim hu sabiex jiffaċilita, fuq il-bażi ta’ reċiproċità, il-ħruġ ta’ viżi għal ċittadini tal-Kap Verde u tal-Unjoni għal żjarat intiżi għal mhux aktar minn 90 jum għal kull perjodu ta’ 180 jum.

Artikolu 2

Klawżola Ġenerali

1.   Il-miżuri biex jiġi ffaċilitat il-ħruġ ta’ viżi stabbiliti f’dan il-Ftehim għandu japplika għal ċittadini tal-Kap Verde u tal-Unjoni biss safejn dawn mhumiex eżenti mill-ħtieġa ta’ viża skont il-liġijiet u r-regolamenti tal-Unjoni jew l-Istati Membri tagħha jew tal-Kap Verde, jew taħt dan il-ftehim jew ftehimiet oħrajn internazzjonali.

2.   Il-liġi nazzjonali tal-Kap Verde jew tal-Istati Membri jew il-liġi tal-Unjoni għandhom japplikaw fi kwistjonijiet li mhumiex koperti mid-dispożizzjonijiet ta’ dan il-Ftehim, bħaċ-ċaħda milli tinħareġ viża, ir-rikonoxximent ta’ dokumenti ta’ vvjaġġar, evidenza ta’ mezzi ta’ għixien suffiċjenti u ċ-ċaħda tad-dħul u miżuri ta’ espulsjoni.

Artikolu 3

Definizzjonijiet

Għall-finjiet ta’ dan il-Ftehim:

(a)	“Stat Membru” tfisser kwalunkwe Stat Membru tal-Unjoni, bl-eċċezzjoni tar-Renju tad-Danimarka, l-Irlanda, u r-Renju Unit tal-Gran Brittanja u l-Irlanda ta’ Fuq;

(b)	“ċittadin tal-Unjoni “ tfisser ċittadin ta’ Stat Membru kif deskritt fil-punt a);

(c)	“ċittadin tal-Kap Verde” tfisser persuna li għandha ċittadinanza Kap Verdiana;

(d)

“viża” tfisser awtorizzazzjoni maħruġa jew deċiżjoni meħuda minn Stat Membru jew mill-Kap Verde li hija meħtieġa bl-għan ta’ dħul, għal għanijiet ta’ transitu jew għal żjara intiża għal mhux aktar minn 90 jum b’kollox, fit-territorju ta’ dak l-Istat Membru jew ta’ diversi Stati Membri jew fit-territorju tal-Kap Verde;

(e)

“persuna legalment residenti” tfisser:   fil-każ tal-Unjoni, ċittadin tal-Kap Verde awtorizzat jew intitolat li joqgħod għal aktar minn 90 jum fit-territorju ta’ Stat Membru, fuq il-bażi ta’ leġiżlazzjoni nazzjonali jew tal-Unjoni.   fil-każ tal-Kap Verde, kull ċittadin tal-Unjoni, kif definit fil-punt b), li għandu permess ta’ residenza skont il-leġiżlazzjoni nazzjonali.

Artikolu 4

Ħruġ ta’ viżi għal dħul ta’ aktar minn darba

1.   Missjonijiet diplomatiċi u pożizzjonijiet konsulari tal-Istati Membri u tal-Kap Verde għandhom joħorġu viżi ta’ diversi dħul b’terminu ta’ validità ta’ ħames snin għal dawn il-kategoriji ta’ ċittadini:

(a)	il-membri ta’ Gvernijiet u Parlamenti nazzjonali u reġjonali u lill-membri tal-Qrati Kostituzzjonali u Qrati Supremi u tal-Qorti tal-Awdituri, jekk ma jkunux eżentati mill-ħtieġa tal-viża bil-Ftehim preżenti, fl-eżerċizzju tad-dmirijiet tagħhom;

(b)

il-membri permanenti ta’ delegazzjonijiet uffiċjali li, wara stedina uffiċjali indirizzata lill-Kap Verde, lill-Istati Membri jew lill-Unjoni, jieħdu sehem f’laqgħat, konsultazzjonijiet, negozjati jew programmi ta’ skambju, kif ukoll bħal f’avvenimenti fit-territorju tal-Istati Membri jew il-Kap Verde organizzati fuq l-inizjattiva ta’ organizzazzjonijiet intergovernattivi;

(c)	nies fin-negozju u rappreżentanti ta’ imprizi li jivvjaġġaw regolarment lejn l-Istati Membri jew il-Kap Verde;

(d)

konjugi, tfal (inklużi tfal adottati), li jkunu taħt l-età ta’ 21 jew ikunu dipendenti, u qraba li jżuru rispettivament — iċ-ċittadini tal-Kap Verde li jkunu residenti legalment fit-territorju ta’ Stat Membru jew iċ-ċittadini tal-Unjoni li huma legalment residenti fil-Kap Verde, jew — iċ-ċittadini tal-Unjoni residenti fi Stat Membru tan-nazzjonalità tagħhom, jew ċittadini tal-Kap Verde residenti fil-Kap Verde.

Madankollu, jekk il-bżonn jew l-intenzjoni li jivvjaġġaw sikwit jew regolari huwa limitat b’mod ċar ma’ limitu iqsar ta’ soġġorn, il-validità tal-viża ta’ dħul aktar minn darba għandu jkun limitat għal din il-waqfa, b’mod partikolari fejn

—	it-terminu tal-kariga, fil-każ ta’ dawk koperti mill-punt (a) hawn fuq,

—	it-tul ta’ żmien tal-kariga ta’ membru permanenti ta’ delegazzjoni uffiċjali, fil-każ ta’ dawk koperti b’punt (b) hawn fuq,

—	it-tul ta’ żmien fil-pożizzjonijiet bħala nies fin-negozju u rappreżentanti tal-kumpaniji, fil-każ ta’ dawk koperti mill-punt (c) hawn fuq, jew

—	il-permess ta’ residenza maħruġ liċ-ċittadini tal-Kap Verde li jirrisjedu fit-territorju ta’ Stat Membru u liċ-ċittadini tal-Unjoni li jirrisjedu fil-Kap Verde, fil-każ ta’ dawk koperti b’punt (d) hawn fuq,

ikun inqas minn ħames snin.

2.   Il-missjonijiet diplomatiċi u l-postazzjonijiet konsulari tal-Istati Membri u tal-Kap Verde għandhom joħorġu viżi ta’ dħul aktar minn darba b’perjodu ta’ validità ta’ sena għal dawn il-kategoriji ta’ ċittadini, jekk kemm-il darba matul is-sena ta’ qabel ikunu kisbu mill-inqas viża waħda, u jkunu użawha skont il-liġijiet ta’ dħul u residenza fit-territorju tal-Istat li żaru:

(a)	għar-rappreżentanti tal-organizzazzjonijiet tas-soċjetà ċivili li jivvjaġġaw regolarment fl-Istati Membri jew fil-Kap Verde għal raġunijiet ta’ taħriġ edukattiv, seminars, konferenzi, inkluż fil-qafas ta’ programmi ta’ skambju;

(b)	Membri tal-professjonijiet liberali li jieħdu sehem f’wirjiet internazzjonali, konferenzi, simpożji, seminars jew avvenimenti oħrajn simili li jivvjaġġaw b’mod regolari lejn l-Istati Membri jew il-Kap Verde;

(c)	Persuni li jieħdu sehem f’attivitajiet xjentifiċi, kulturali u artistiċi, inklużi programmi tal-università u programmi oħrajn ta’ skambju, li jivvjaġġaw b’mod regolari lejn l-Istati Membri jew il-Kap Verde;

(d)	parteċipanti f’avvenimenti sportivi internazzjonali u persuni li jakkumpanjawhom f’kapaċità professjonali;

(e)	ġurnalisti u persuni akkreditati li jakkumpanjawhom f’kapaċità professjonali;

(f)	tfal tal-iskola, studenti, studenti gradwati u għalliema li jakkumpanjawhom li jivvjaġġaw għall-iskop ta’ studju jew taħriġ edukattiv, inkluż il-qafas ta’ programmi ta’ skambju kif ukoll attivitajiet oħra marbuta mal-iskola;

(g)	rappreżentanti ta’ organizzazzjonijiet reliġjużi rikonoxxuti fil-Kap Verde jew fl-Istati Membri li jivvjaġġaw regolarment fl-Istati Membri jew fil-Kap Verde rispettivament;

(h)	persuni li jagħmlu żjajjar regolari minħabba raġunijiet mediċi;

(i)	parteċipanti fi programmi uffiċjali ta’ skambju organizzati minn bliet ġemellati jew awtoritajiet muniċipali;

(j)

Membri permanenti ta’ delegazzjonijiet uffiċjali li, wara stedina uffiċjali indirizzata lill-Kap Verde, l-Istati Membri jew l-Unjoni, jieħdu sehem regolarment f’laqgħat, konsultazzjonijiet, negozjati jew programmi ta’ skambju, kif ukoll bħal f’avvenimenti fit-territorju tal-Istati Membri jew il-Kap Verde organizzati fuq l-inizjattiva ta’ organizzazzjonijiet intergovernattivi;

Madankollu, jekk il-bżonn jew l-intenzjoni li jivvjaġġaw sikwit jew regolari huwa limitat b’mod ċar ma’ limitu iqsar ta’ soġġorn, il-validità ta’ viża għandu jkun limitat għal din il-waqfa.

3.   Missjonijiet diplomatiċi u pożizzjonijiet konsulari tal-Istati Membri u tal-Kap Verde għandhom joħorġu viżi għal dħul aktar minn darba bit-terminu ta’ validità ta’ minimu ta’ sentejn u massimu ta’ ħames snin għall-kategoriji ta’ ċittadini msemmija fil-paragrafu 2 ta’ dan l-Artikolu, jekk kemm-il darba fis-sentejn ta’ qabel uikunu użaw tajjeb il-viża ta’ dħul aktar minn darba b’perjodu ta’ validità ta’ sena, skont il-liġijiet dwar id-dħul u r-residenza fit-territorju tal-Istat ospitanti.

Madankollu, jekk il-bżonn jew l-intenzjoni li jivvjaġġaw sikwit jew regolari huwa limitat b’mod ċar ma’ limitu iqsar ta’ soġġorn, il-validità ta’ viża għandha tkun limitata għal din il-waqfa.

4.   Il-perjodu totali ta’ residenza ta’ persuni msemmija fil-paragrafi 1 sa 3 ta’ dan l-Artikolu m’għandux jaqbeż id-90 jum għal kull perjodu ta’ 180 fit-territorju tal-Istati Membri jew tal-Kap Verde.

Artikolu 5

Il-miżati tal-viżi u l-ispejjeż tas-servizz

1.   Bla ħsara għad-dispożizzjonijiet tal-paragrafu 2, l-Istati Membri jew il-Kap Verde m’għandhomx jiġbru l-miżati tal-viżi minn dawn il-kategoriji ta’ persuni:

(a)

Membri permanenti ta’ delegazzjonijiet uffiċjali li, wara stedina uffiċjali indirizzata lill-Kap Verde, l-Istati Membri jew l-Unjoni, jieħdu sehem f’laqgħat, konsultazzjonijiet, negozjati jew programmi uffiċjali ta’ skambju, kif ukoll bħal f’avvenimenti organizzati fuq l-inizjattiva ta’ organizzazzjonijiet intergovernattivifit-territorju tal-Istati Membri jew il-Kap Verde;

(b)	tfal taħt l-età ta’ 12-il sena;

(c)	it-tfal tal-iskola, l-istudenti, l-istudenti fil-livell postuniversitarju u l-għalliema li jakkumpanjawhom li jagħmlu soġġorni għall-fini ta’ studju jew ta’ taħriġ edukattiv;

(d)	ir-riċerkaturi li jivjaġġaw għal raġunijiet ta’ riċerka xjentifika;

(e)	il-parteċipanti li m’għandhomx aktar minn 25 sena li jipparteċipaw f’seminars, konferenzi, avvenimenti sportivi, kulturali u edukattivi, organizzati minn organizzazzjonijiet bla skop ta’ qligħ.

2.   Fejn l-Istati Membri jew il-Kap Verde jikkooperaw ma’ fornitur estern tas-servizzi, l-ispejjeż tas-servizz jistgħu jiġu miġbura. Il-ħlas għas-servizz għandu jkun proporzjonat mal-ispejjeż li jeħel il-fornitur estern ta’ servizz meta jkun qed iwettaq il-kompiti tiegħu u m’għandux jaqbeż l-EUR 30. Il-Kap Verde, l-Istat Membru jew l-Istati Membri kkonċernati għandhom iżommu l-possibbiltà għall-applikanti kollha li jippreżentaw l-applikazzjonijiet tagħhom direttament fil-konsulati tagħhom.

Artikolu 6

Tluq f’każ ta’ dokumenti mitlufa jew misruqa

Ċittadini tal-Kap Verde u tal-Unjoni li jkunu tilfu d-dokumenti ta’ identità tagħhom, jew li jkunu nsterqulhom dawn id-dokumenti waqt iż-żjara tagħhom fit-territorju tal-Istati Membri jew tal-Kap Verde rispettivament, jistgħu jħallu dak it-territorju fuq il-bażi ta’ dokumenti ta’ identità validi maħruġa minn missjonijiet diplomatiċi jew postazzjonijiet konsulari tal-Kap Verde jew tal-Istati Membri li jippermettu l-qsim tal-fruntiera mingħajr viża jew awtorizzazzjoni oħra.

Artikolu 7

Estensjoni tal-viża f’ċirkostanzi ta’ eċċezzjoni

Iċ-ċittadini tal-Kap Verde u tal-Unjoni li m’għandhomx il-possibblità li jħallu t-territorju tal-Istati Membri jew tal-Kap Verde sad-data stabbilita fil-viżi tagħhom minħabba raġunijiet ta’ force majeure għandhom ikollhom it-terminu tal-viżi tagħhom estiż mingħajr ħlas skont il-leġiżlazzjoni applikata mill-Istat li qed jilqa’ għall-perjodu meħtieġ għar-ritorn tagħhom lejn l-Istat ta’ residenza tagħhom.

Artikolu 8

Passaporti diplomatiċi u ta’ servizz

1.   Ċittadini tal-Kap Verde jew tal-Istati Membri, titulari ta’ passaporti diplomatiċi validi jistgħu jidħlu, iħallu jew jiċċaqilqu fit-territorji tal-Istati Membri jew tal-Kap Verde mingħajr viżi.

2.   Iċ-ċittadini msemmija fil-paragrafu 1 ta’ dan l-Artikolu jistgħu joqogħdu fit-territorji tal-Istati Membri jew il-Kap Verde għal perjodu li ma jaqbiżx id-90 jum għal kull perjodu ta’ 180 jum.

Artikolu 9

Il-validità territorjali tal-viżi

Soġġetti għar-regoli u regolamenti nazzjonali dwar is-sigurtà nazzjonali tal-Istati Membri u tal-Kap Verde, u soġġetti għar-regoli tal-Unjoni dwar viżi b’validità territorjali limitata, iċ-ċittadini tal-Kap Verde u tal-Unjoni għandhom ikunu intitolati għal vjaġġar fit-territorju tal-Istati Membri u tal-Kap Verde fuq bażi ugwali maċ-ċittadini tal-Unjoni u tal-Kap Verde rispettivament.

Artikolu 10

Kumitat Konġunt għat-tmexxija tal-Ftehim

1.   Il-Partijiet għandhom jistabbilixxu Kumitat Konġunt ta’ tmexxija tal-ftehim (“il-Kumitat”) li jikkonsisti f’rappreżentanti tal-Unjoni u tal-Kap Verde. L-Unjoni għandha tkun irrappreżentata fil-Kumitat mill-Kummissjoni Ewropea, megħjuna minn esperti tal-Istati Membri.

2.   Il-Kumitat għandu, b’mod partikolari, ikollu l-funzjonijiet li ġejjin:

(a)	jissorvelja l-implimentazzjoni tal-Ftehim;

(b)	jissuġġerixxi emendi jew żidiet għall-Ftehim;

(c)	isolvi tilwimiet li jqumu mill-interpretazzjoni jew l-applikazzjoni tad-dispożizzjonijiet fil-Ftehim.

3.   Il-Kumitat għandu jiltaqa’ kull meta jkun meħtieġ, fuq talba minn waħda mill-Partijiet u għall-inqas darba f’sena.

4.   Il-Kumitat għandu jadotta r-Regoli ta’ Proċedura tiegħu.

Artikolu 11

Ir-relazzjoni ta’ dan il-Ftehim ma’ ftehimiet bilaterali bejn l-Istati Membri u l-Kap Verde

Sa mid-dħul fis-seħħ tiegħu, dan il-Ftehim għandu jieħu preċedenza fuq id-dispożizzjonijiet ta’ kwalunkwe ftehimiet bilaterali jew multilaterali mwettqa bejn l-Istati Membri u l-Kap Verde, safejn id-dispożizzjonijiet ta’ dawn il-ftehimiet jew arranġamenti jkopru kwistjonijiet li huma indirizzati mill-Ftehim preżenti.

Artikolu 12

Dispożizzjonijiet finali

1.   Dan il-Ftehim għandu jiġi rratifikat jew approvat mill-Partijiet skont il-proċeduri rispettivi tagħhom u għandu jidħol fis-seħħ fl-ewwel jum tat-tieni xahar wara d-data li fiha l-Partijiet jinnotifikaw lil xulxin li l-proċeduri msemmija hawn taħt tlestew.

2.   Permezz ta’ deroga għall-paragrafu 1 ta’ dan l-Artikolu, dan il-Ftehim għandu jidħol fis-seħħ biss fid-data tad-dħul fis-seħħ tal-Ftehim bejn l-Unjoni Ewropea u l-Kap Verde dwar riammissjoni jekk dik id-data tkun wara d-data prevista fil-paragrafu 1 ta’ dan l-Artikolu.

3.   Dan il-Ftehim huwa konkluż għal perjodu ta’ żmien indefinit, kemm-il darba ma jiġix itterminat skont il-paragrafu 6 ta’ dan l-Artikolu.

4.   Dan il-Ftehim jista’ jiġi emendat bi ftehim bil-miktub bejn il-Partijiet. L-emendi għandhom jidħlu fis-seħħ wara li l-Partijiet ikunu avżaw lil xulxin dwar it-tlestija tal-proċeduri interni tagħhom li huma meħtieġa għal dan l-għan.

5.   Kull Parti tista’ tissospendi l-applikazzjonit ta’ dan il-Ftehim parzjalment jew bis-sħiħ għal raġunijiet ta’ ordni pubbliku, protezzjoni tas-sigurtà nazzjonali u protezzjoni tas-saħħa pubblika. Id-deċiżjoni dwar is-sospensjoni għandha tiġi nnotifikata lill-Parti l-oħra mhux aktar tard minn 48 siegħa qabel ma tidħol fis-seħħ. Il-Parti li tkun issospendiet l-applikazzjoni ta’ dan il-Ftehim għandha minnufih tgħarraf lill-Parti l-oħra malli r-raġunijiet għas-sospensjoni ma jkunux għadhom japplikaw.

6.   Kull Parti tista’ tittermina dan il-Ftehim billi tavża lill-Parti l-oħra bil-miktub. Dan il-Ftehim għandu jieqaf iseħħ 90 jum wara d-data tal-wasla ta’ dan l-avviż.

---

---

---

---

---

---

---

---

24.10.2013

MT

Il-Ġurnal Uffiċjali tal-Unjoni Ewropea

L 282/13

---

DEĊIŻJONI TAL-KUNSILL

tas-7 ta’ Ottubru 2013

dwar l-iffirmar tal-Ftehim bejn l-Unjoni Ewropea u r-Repubblika tal-Kap Verde dwar ir-riammissjoni ta' persuni li jirrisjedu mingħajr awtorizzazzjoni

(2013/522/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 79(3), flimkien mal-punt (a)(v) tal-Artikolu 218(6), tiegħu,

Wara li kkunsidra l-proposta mill-Kummissjoni Ewropea,

Wara li kkunsidra l-approvazzjoni tal-Parlament Ewropew,

Billi:

(1)	Skont id-Deċiżjoni tal-Kunsill 2013/77/UE (1), il-Ftehim bejn l-Unjoni Ewropea u r-Repubblika tal-Kap Verde dwar ir-riammissjoni ta' persuni li jirrisjedu mingħajr awtorizzazzjoni ("il-Ftehim") ġie ffirmat, f'isem l-Unjoni, soġġett għall-konklużjoni tiegħu.

(2)	Il-Ftehim għandu jiġi approvat.

(3)

L-Artikolu 18 tal-Ftehim jistabbilixxi Kumitat Konġunt għar-Riammissjoni li, skont l-Artikolu 18(5) tiegħu, għandu jistabbilixxi r-regoli ta' proċedura tiegħu. Huwa opportun li tiġi prevista proċedura simplifikata biex tiġi stabbilita l-pożizzjoni tal-Unjoni fil-Kumitat Konġunt għar-Riammissjoni fir-rigward tal-adozzjoni ta' dawk ir-regoli ta' proċedura.

(4)

Skont l-Artikoli 1 u 2 tal-Protokoll (Nru 21) dwar il-pożizzjoni tar-Renju Unit u l-Irlanda fir-rigward tal-Ispazju ta' Libertà, Sigurtà u Ġustizzja anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u mingħajr preġudizzju għall-Artikolu 4 ta' dak il-Protokoll, ir-Renju Unit mhuwiex qed jieħu sehem fl-adozzjoni ta' din id-Deċiżjoni u mhuwiex marbut biha jew soġġett għall-applikazzjoni tagħha.

(5)

Skont l-Artikoli 1 u 2 tal-Protokoll (Nru 21) dwar il-pożizzjoni tar-Renju Unit u l-Irlanda fir-rigward tal-Ispazju ta' Libertà, Sigurtà u Ġustizzja anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u mingħajr preġudizzju għall-Artikolu 4 ta' dak il-Protokoll, l-Irlanda mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha.

(6)

Skont l-Artikoli 1 u 2 tal-Protokoll (Nru 22) dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta' din id-Deċiżjoni u mhijiex marbuta biha jew soġġetta għall-applikazzjoni tagħha,

ADOTTA DIN ID-DEĊIŻJONI:

Artikolu 1

Il-Ftehim bejn l-Unjoni Ewropea u r-Repubblika tal-Kap Verde dwar ir-riammissjoni ta' persuni li jirrisjedu mingħajr awtorizzazzjoni ("il-Ftehim") huwa b'dan approvat f'isem l-Unjoni.

It-test tal-Ftehim jinsab mehmuż ma' din id-Deċiżjoni.

Artikolu 2

Il-President tal-Kunsill għandu jaħtar il-persuna(i) li jkollha s-setgħa, li tipproċedi, f'isem l-Unjoni, għan-notifika prevista fl-Artikolu 22(2) tal-Ftehim sabiex tesprimi l-kunsens tal-Unjoni li tkun marbuta bil-Ftehim (2).

Artikolu 3

Il-Kummissjoni, assistita minn esperti mill-Istati Membri, tirrappreżenta lill-Unjoni fil-Kumitat Konġunt għar-Riammissjoni stabbilit bl-Artikolu 18 tal-Ftehim.

Artikolu 4

Il-pożizzjoni tal-Unjoni fil-Kumitat Konġunt għar-Riammissjoni fir-rigward tal-adozzjoni tar-regoli ta' proċedura tiegħu, skont l-Artikolu 18(5) tal-Ftehim, għandha tittieħed mill-Kummissjoni wara konsultazzjoni ma' kumitat speċjali maħtur mill-Kunsill.

Artikolu 5

Din id-Deċiżjoni għandha tidħol fis-seħħ fid-data tal-adozzjoni tagħha.

---

(1)  ĠU L 37, 8.2.2013, p. 1.

(2)  Id-data tad-dħul fis-seħħ tal-Ftehim ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.

---

24.10.2013

MT

Il-Ġurnal Uffiċjali tal-Unjoni Ewropea

L 282/15

---

FTEHIM

bejn l-Unjoni Ewropea u r-Repubblika tal-Kap Verde dwar r-riammissjoni ta' persuni li jirrisjedu mingħajr awtorizzazzjoni

IL-PARTIJIET KONTRAENTI L-GĦOLJIN,

L-UNJONI EWROPEA, minn hawn 'il quddiem imsejħa “l-Unjoni”,

u

IR-REPUBBLIKA TAL-KAP VERDE, minn hawn 'il quddiem imsejħa il-“Kap Verde”,

DETERMINATI li jsaħħu l-kooperazzjoni tagħhom sabiex jikkumbattu l-immigrazzjoni illegali b'mod aktar effettiv;

WARA LI KKUNSIDRAW l-obbligu li jniedu n-negozjati għall-konklużjoni ta' Ftehim ta' riammissjoni fuq talba ta' parti waħda, imsemmija fl-Artikolu 13(5)(c)(ii) tal-Ftehim ta' Sħubija bejn il-Membri tal-Grupp tal-Istati Afrikani, tal-Karibew u tal-Paċifiku, minn naħa, u l-Komunità Ewropea u l-Istati Membri tagħha min-naħa l-oħra, iffirmat f'Cotonou fit-23 ta' Ġunju 2000 u rivedut fil-Lussemburgu fil-25 ta' Ġunju 2005, minn hawn 'il quddiem imsejjaħ il-“Ftehim ta' Cotonou”;

XEWQANA li jiffaċilitaw ir-rispett mill-partijiet tal-obbligu tagħhom ta' riammissjoni taċ-ċittadini tagħhom stess, ikkonfermat mill-Artikolu 13(5)(c)(i) tal-Ftehim ta' Cotonou;

WARA LI KKUNSIDRAW id-dikjarazzjoni komuni tal-5 ta' Ġunju 2008 dwar is-sħubija għall-mobbiltà bejn l-Unjoni Ewropea u l-Kap Verde, skont liema l-partijiet għandhom jagħmlu ħilithom biex jiżviluppaw djalogu dwar il-kwistjoni ta' riammissjoni ta' persuni mingħajr awtorizzazzjoni, sabiex jiżguraw kooperazzjoni effikaċi għar-ritorn tagħhom;

XEWQANA li jistabbilixxu, permezz ta' dan il-Ftehim u fuq bażi ta' reċiproċità, proċeduri rapidi u effettivi għall-identifikazzjoni u r-ritorn sikur u ordinat ta' persuni li ma jissodisfawx, jew li ma għadhomx jissodisfaw, il-kundizzjonijiet ta' dħul, preżenza jew residenza fit-territorju tal-Kap Verde jew wieħed mill-Istati Membri tal-Unjoni, u biex jiffaċilitaw it-tranżitu ta' dawn il-persuni bi spirtu ta' kooperazzjoni;

FILWAQT LI JENFASIZZAW li dan il-Ftehim ma jaffettwax id-drittijiet, l-obbligi u r-responsabbiltajiet tal-Unjoni, tal-Istati Membri tagħha u tal-Kap Verde li jirriżultaw mil-liġi internazzjonali u, b'mod partikolari, mill-Konvenzjoni dwar l-Istatus tar-Refuġjati tat-28 ta' Lulju 1951;

FILWAQT LI KKUNSIDRAW li, skont il-Protokoll (Nru 21) dwar il-Pożizzjoni tar-Renju Unit u l-Irlanda, fir-rigward tal-Ispazju ta' Libertà, Sigurtà u Ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, ir-Renju Unit u l-Irlanda mhumiex se jieħdu sehem f'dan il-Ftehim, sakemm ma jinnotifikawx ix-xewqa tagħhom li jieħdu sehem, b'mod konformi ma' dak il-Protokoll.

FILWAQT LI KKUNSIDRAW li d-dispożizzjonijiet ta' dan il-Ftehim, li jaqa' taħt it-Titolu V tat-Tielet Parti tat-Trattat dwar il-funzjonament tal-Unjoni Ewropea, ma japplikawx għar-Renju tad-Danimarka, skont il-Protokoll (Nru 22) dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea,

FTEHMU KIF ĠEJ:

Artikolu 1

Definizzjonijiet

Għall-finijiet ta' dan il-Ftehim għandhom japplikaw id-definizzjonijiet li ġejjin:

a)	“partijiet kontraenti” tfisser il-Kap Verde u l-Unjoni;

b)	“ċittadin tal-Kap Verde” tfisser kwalunkwe persuna li għandha n-nazzjonalità tal-Kap Verde;

c)	“ċittadin ta' Stat Membru” tfisser kwalunkwe persuna li għandha n-nazzjonalità ta' Stat Membru, skont id-definizzjoni tal-Unjoni;

d)	“Stat Membru” tfisser kull Stat Membru tal-Unjoni marbut b'dan il-Ftehim;

e)	“ċittadin ta' pajjiż terz” tfisser kwalunkwe persuna li għandha nazzjonalità li mhux tal-Kap Verde jew ta' wieħed mill-Istati Membri;

f)	“apolidi” tfisser kwalunkwe persuna li ma għandhiex nazzjonalità;

g)

“permess ta' residenza” tfisser permess ta' kull tip maħruġ mill-Kap Verde jew minn wieħed mill-Istati Membri li jagħti permess lil persuna tirrisjedi fit-territorju tiegħu. Din id-definizzjoni ma tinkludix permessi temporanji biex il-persuna tibqa' f'dawn it-territorji li jingħataw fil-qafas tal-ipproċessar ta' applikazzjoni ta' ażil jew applikazzjoni għall-permess ta' residenza;

h)	“viża” tfisser awtorizzazzjoni maħruġa jew deċiżjoni meħuda mill-Kap Verde jew minn wieħed mill-Istati Membri li hija meħtieġa għad-dħul jew għat-tranżitu fit-territorju tiegħu. Din ma tinkludix il-viża ta' tranżitu tal-ajruport;

i)	“Stat Rikjedenti”tfisser l-Istat (il-Kap Verde jew wieħed mill-Istati Membri) li jkun ippreżenta applikazzjoni għar-riammissjoni skont l-Artikolu 7 jew applikazzjoni ta' tranżitu skont l-Artikolu 14 ta' dan il-Ftehim;

j)	“Stat Rikjest” tfisser l-Istat (il-Kap Verde jew wieħed mill-Istati Membri) li lilu tkun ġiet ippreżentata applikazzjoni għar-riammissjoni skont l-Artikolu 7 jew applikazzjoni ta' tranżitu skont l-Artikolu 14 ta' dan il-Ftehim;

k)	“awtorità kompetenti” tfisser kull awtorità nazzjonali tal-Kap Verde jew ta' wieħed mill-Istati Membri li għandha l-inkarigu li timplimenta dan il-Ftehim skont l-Artikolu 19(1)(a) tiegħu;

l)	“tranżitu” tfisser il-passaġġ ta' ċittadin ta' pajjiż terz jew ta' persuna apolidi mit-territorju tal-Istat Rikjest meta jkun qed jivvjaġġa mill-Istat Rikjedenti għall-pajjiż tad-destinazzjoni;

m)	“reġjun tal-fruntiera” tfisser żona li testendi sa 30 kilometru mit-territorji tal-portijiet marittimi inklużi ż-żoni doganali u tal-ajruporti internazzjonali tal-Istati Membri u tal-Kap Verde.

TAQSIMA I

OBBLIGI TA' RIAMMISSJONI TAL-KAP VERDE

Artikolu 2

Riammissjoni taċ-ċittadini tiegħu stess

1.   Skont l-Artikolu 13(5)(c)(i) tal-Ftehim ta' Cotonou, il-Kap Verde għandu jaċċetta r-riammissjoni fit-territorju tiegħu, fuq talba ta' Stat Membru u mingħajr ebda formalitajiet oħra barra minn dawk imsemmija f'dan il-Ftehim, tal-persuni kollha li ma jissodisfawx, jew li ma għadhomx jissodisfaw il-kundizzjonijiet fis-seħħ għad-dħul, il-preżenza jew ir-residenza fit-territorju tal-Istat Membru Rikjedenti meta tingħata prova, jew ikun jista' jiġi validament preżunt fuq il-bażi ta' prova prima facie miġjuba, li dawn ikunu ċittadini tal-Kap Verde.

2.   Il-Kap Verde għandu wkoll jaċċetta r-riammissjoni:

a)	tat-tfal minorenni mhux miżżewġa tal-persuni msemmija fil-paragrafu 1, irrispettivament mill-post tat-twelid jew ta' nazzjonalità tagħhom, għajr jekk ikollhom dritt indipendenti ta' residenza fl-Istat Membru Rikjedenti,

b)	tal-konjugi, li għandhom nazzjonalità oħra, tal-persuni msemmija fil-paragrafu 1, dment li għandhom jew jiksbu d-dritt li jidħlu u joqogħdu fit-territorju tal-Kap Verde, għajr jekk ikollhom dritt indipendenti ta' residenza fl-Istat Membru Rikjedenti.

3.   Il-Kap Verde għandu wkoll jaċċetta r-riammissjoni ta' kull persuna li, wara d-dħul tagħha fit-territorju ta' Stat Membru, tkun ġiet imċaħħda jew tkun irrinunzjat għan-nazzjonalità tal-Kap Verde, għajr jekk din il-persuna tkun kisbet tal-inqas il-wiegħda li tikseb in-naturalizzazzjoni minn Stat Membru.

4.   Wara li l-Kap Verde jkun ta tweġiba pożittiva għall-applikazzjoni ta' riammissjoni, il-missjoni diplomatika kompetenti jew l-uffiċċju konsulari tal-Kap Verde għandhom, irrispettivament mir-rieda tal-persuna li tkun riammessa, immedjatament u l-aktar tard fi żmien erbat ijiem ta' xogħol, joħorġu d-dokument tal-ivvjaġġar meħtieġ għar-ritorn tal-persuna li għandha tiġi riammessa, b'validità ta' sitt xhur. Jekk fi żmien erbat ijiem ta' xogħol il-Kap Verde ma jkunx ħareġ id-dokument tal-ivvjaġġar, huwa jitqies li jkun aċċetta l-użu tal-mudell standard tad-dokument tal-ivvjaġġar tal-Unjoni stabbilit għall-iskopijiet ta' tkeċċija (1).

5.   Jekk, għal xi raġunijiet legali jew fattwali, il-persuna kkonċernata ma tistax tiġi trasferita fi żmien il-perijodu ta' validità tad-dokument tal-ivvjaġġar inizjalment maħruġ, il-Missjoni Diplomatika jew l-uffiċċju konsulari kompetenti tal-Kap Verde għandu, fi żmien erbat ijiem ta' xogħol, joħroġ dokument tal-ivvjaġġar ġdid bl-istess perijodu ta' validità. Jekk fi żmien erbat ijiem ta' xogħol il-Kap Verde ma jkunx ħareġ id-dokument tal-ivvjaġġar il-ġdid, huwa jitqies li jkun aċċetta l-użu tal-mudell standard tad-dokument tal-ivvjaġġar tal-Unjoni stabbilit għall-iskopijiet ta' tkeċċija (2).

Artikolu 3

Riammissjoni taċ-ċittadini ta' pajjiż terz u persuni apolidi

1.   Il-Kap Verde għandu jirriammetti fit-territorju tiegħu, wara applikazzjoni minn Stat Membru u mingħajr ebda formalità oħra ħlief dawk previsti f'dan il-Ftehim, kull ċittadin ta' pajjiż terz jew kull persuna apolidi li ma tissodisfax, jew ma għadhiex tissodisfa l-kundizzjonijiet fis-seħħ dwar id-dħul, il-preżenza jew ir-residenza fit-territorju tal-Istat Membru Rikjedenti meta jiġi ppruvat, jew jista' jiġi preżunt b'mod validu fuq il-bażi ta' provi prima facie provduti, li din il-persuna:

a)	meta daħlet f'dan it-territorju, għandha jew kellha viża valida maħruġa mill-Kap Verde flimkien ma' prova legali tad-dħul fit-territorju tal-Kap Verde jew permess ta' residenza validu maħruġ mill-Kap Verde; jew

b)	tkun daħlet b'mod illegali fit-territorju ta' Stat Membru direttament mill-Kap Verde u li l-preżenza tagħha qabel fit-territorju tal-Kap Verde tkun ġiet stabbilita.

2.   L-obbligu tar-riammissjoni msemmi fil-paragrafu 1 ma għandux japplika fil-każijiet li ġejjin:

a)	jekk iċ-ċittadin ta' pajjiż terz jew il-persuna apolidi kienet biss fi tranżitu bl-ajru minn ajruport internazzjonali tal-Kap Verde; jew

b)

jekk l-Istat Rikjedenti jkun ħareġ liċ-ċittadin ta' pajjiż terz jew lill-persuna apolidi viża jew permess ta' residenza qabel jew wara li din il-persuna daħlet fit-territorju tiegħu, għajr fejn: i) din il-persuna jkollha viża valida maħruġa mill-Kap Verde flimkien ma' prova legali tad-dħul fit-territorju tal-Kap Verde jew permess ta' residenza validu maħruġ mill-Kap Verde, ta' perijodu ta' validità aktar twil jew li jkun għadu validu; jew ii) din il-persuna tkun qabżet it-tul ta' żmien ta' residenza awtorizzat mill-viża tagħha jew għamlet xi attivitajiet mhux awtorizzati mill-viża tagħha fit-territorju tal-Istat Membru Rikjedenti.

3.   Wara li l-Kap Verde jkun ta tweġiba pożittiva għall-applikazzjoni ta' riammissjoni, l-Istat Membru Rikjedenti għandu joħroġ lill-persuna kkonċernata l-mudell standard tad-dokument tal-ivvjaġġar tal-Unjoni għall-iskopijiet ta' tkeċċija (3).

TAQSIMA II

OBBLIGU TA' RIAMMISSJONI TAL-UNJONI

Artikolu 4

Riammissjoni taċ-ċittadini tagħha stess

1.   Skont l-Artikolu 13(5)(c)(i) tal-Ftehim ta' Cotonou, Stat Membru għandu jaċċetta r-riammissjoni fit-territorju tiegħu, fuq talba tal-Kap Verde u mingħajr ebda formalitajiet oħra barra minn dawk imsemmija f'dan il-Ftehim, tal-persuni kollha li ma jissodisfawx, jew li ma għadhomx jissodisfaw il-kundizzjonijiet fis-seħħ għad-dħul, il-preżenza jew ir-residenza fit-territorju tal-Kap Verde meta tingħata prova, jew ikun jista' jiġi validament preżunt fuq il-bażi ta' prova prima facie miġjuba, li dawn ikunu ċittadini ta' dan l-Istat Membru.

2.   Stat Membru għandu wkoll jaċċetta r-riammissjoni:

a)	tat-tfal minorenni mhux miżżewġa tal-persuni msemmija fil-paragrafu 1, irrispettivament mill-post tat-twelid jew ta' nazzjonalità tagħhom, għajr jekk ikollhom dritt indipendenti ta' residenza fil-Kap Verde;

b)	tal-konjugi, li għandhom nazzjonalità oħra, tal-persuni msemmija fil-paragrafu 1, dment li għandhom jew jiksbu d-dritt li jidħlu u joqogħdu fit-territorju tal-Istat Membru Rikjest, għajr jekk ikollhom dritt indipendenti ta' residenza fil-Kap Verde.

3.   Stat Membru għandu wkoll jaċċetta r-riammissjoni ta' kull persuna li, wara d-dħul tagħha fit-territorju tal-Kap Verde, tkun ġiet imċaħħda jew tkun irrinunzjat għan-nazzjonalità ta' Stat Membru, għajr jekk din il-persuna tkun kisbet tal-inqas il-wiegħda li tikseb in-naturalizzazzjoni mill-Kap Verde.

4.   Wara li l-Istat Membru Rikjest ikun ta tweġiba pożittiva għall-applikazzjoni ta' riammissjoni, il-missjoni diplomatika jew l-uffiċċju konsulari kompetenti ta' dak l-Istat Membru għandhom, irrispettivament mir-rieda tal-persuna li tkun riammessa, immedjatament u fi żmien erbat ijiem ta' xogħol, joħorġu d-dokument tal-ivvjaġġar meħtieġ għar-ritorn tal-persuna li għandha tiġi riammessa, b'validità ta' sitt xhur.

5.   Jekk, għal xi raġunijiet legali jew fattwali, il-persuna kkonċernata ma tistax tiġi trasferita fi żmien il-perijodu ta' validità tad-dokument tal-ivvjaġġar inizjalment maħruġ, il-Missjoni Diplomatika jew l-uffiċċju konsulari kompetenti ta' dan l-Istat Membru għandu, fi żmien erbat ijiem ta' xogħol, joħroġ dokument tal-ivvjaġġar ġdid bl-istess perijodu ta' validità.

Artikolu 5

Riammissjoni taċ-ċittadini ta' pajjiż terz u persuni apolidi

1.   Stat Membru għandu jirriammetti fit-territorju tiegħu, wara applikazzjoni mill-Kap Verde u mingħajr ebda formalità oħra ħlief dawk previsti f'dan il-Ftehim, kull ċittadin ta' pajjiż terz jew kull persuna apolidi li ma tissodisfax, jew ma għadhiex tissodisfa l-kundizzjonijiet fis-seħħ dwar id-dħul, il-preżenza jew ir-residenza fit-territorju tal-Kap Verde meta jiġi ppruvat, jew jista' jiġi preżunt b'mod validu fuq il-bażi ta' provi prima facie provduti, li din il-persuna:

a)	meta daħlet f'dan it-territorju, għandha jew kellha viża valida maħruġa mill-Istat Membru Rikjest flimkien ma' prova legali ta' dħul fit-territorju tal-Istat Membru Rikjest jew permess ta' residenza validu maħruġ mill-Istat Membru Rikjest; jew

b)	tkun daħlet b'mod illegali fit-territorju tal-Kap Verde direttament mill-Istat Membru Rikjest u li l-preżenza tagħha qabel fit-territorju tal-Istat Membru Rikjest tkun ġiet stabbilita.

2.   L-obbligu tar-riammissjoni msemmi fil-paragrafu 1 ma għandux japplika jekk:

a)	iċ-ċittadin ta' pajjiż terz jew il-persuna apolidi kienet biss fi tranżitu bl-ajru minn ajruport internazzjonali tal-Istat Membru Rikjest; jew

b)

il-Kap Verde jkun ħareġ liċ-ċittadin ta' pajjiż terz jew lill-persuna apolidi viża jew permess ta' residenza qabel jew wara d-dħul fit-territorju tiegħu, għajr jekk: i) din il-persuna jkollha viża maħruġa mill-Istat Membru Rikjest flimkien ma' prova legali tad-dħul fit-territorju tal-Istat Membru Rikjest jew permess ta' residenza maħruġ mill-Istat Membru Rikjest, ta' perijodu ta' validità aktar twil jew li jkun għadu validu; jew ii) din il-persuna tkun qabżet it-tul ta' żmien ta' residenza awtorizzat mill-viża tagħha jew għamlet xi attivitajiet mhux awtorizzati mill-viża tagħha fit-territorju tal-Kap Verde.

3.   L-obbligu ta' riammissjoni msemmi fil-paragrafu 1 jaqa' fuq l-Istat Membru li ħareġ il-viża jew il-permess ta' residenza. Jekk bosta Stati Membri jkunu ħarġu viża jew permess ta' residenza, l-obbligu ta' riammissjoni msemmi fil-paragrafu 1 jaqa' fuq l-Istat Membru li joħroġ id-dokument bl-itwal perijodu ta' validità jew, jekk wieħed jew aktar mid-dokumenti jkunu diġà skadew, id-dokument li jkun għadu validu. Jekk id-dokumenti kollha jkunu skadew, l-obbligu ta' riammissjoni msemmi fil-paragrafu 1 jaqa' fuq l-Istat Membru li ħareġ id-dokument bid-data ta' skadenza l-aktar reċenti. Jekk l-ebda wieħed minn dawn id-dokumenti ma jkunx jista' jiġi ppreżentat, l-obbligu ta' riammissjoni msemmi fil-paragrafu 1 jaqa' fuq l-Istat Membru min fejn il-persuna tkun telqet l-aħħar.

4.   Wara li l-Istat Membru ta tweġiba pożittiva għall-applikazzjoni għar-riammissjoni, jekk ikun meħtieġ, il-Kap Verde joħroġ lill-persuna kkonċernata d-dokument tal-ivvjaġġar meħtieġ biex din tmur lura.

TAQSIMA III

PROĊEDURA TA' RIAMMISSJONI

Artikolu 6

Prinċipji

1.   Soġġett għall-paragrafi 2 u 3, kwalunkwe trasferiment ta' persuna li għandha tiġi riammessa fuq il-bażi ta' wieħed mill-obbligi li jinsabu fl-Artikoli minn 2 sa 5 għandha teħtieġ il-preżentazzjoni ta' applikazzjoni għar-riammissjoni, magħmula b'mod konformi mal-Artikolu 7, lill-awtorità kompetenti tal-Istat Rikjest.

2.   It-trasferiment tal-persuna li għandha tiġi riammessa jista' jsir mingħajr applikazzjoni għar-riammissjoni jew notifika bil-miktub imsemmija fl-Artikolu 11(1) tal-Istat Rikjedenti lill-awtorità kompetenti tal-Istat Rikjest:

a)	għaċ-ċittadini tal-Istat Rikjest stess, jekk il-persuna li għandha tiġi riammessa jkollha dokument tal-ivvjaġġar jew karta tal-identità validi;

b)	għaċ-ċittadini ta' pajjiż terz jew il-persuni apolidi, jekk il-persuna nqabdet fl-ajruport tal-Istat Rikjedenti wara li tkun waslet direttament mit-territorju tal-Istat Rikjest.

3.   Mingħajr preġudizzju għall-paragrafu 2, għaċ-ċittadini tal-pajjiżi terzi jew il-persuni apolidi li jkollhom dokument tal-ivvjaġġar validu u viża jew permess ta' residenza validi maħruġa mill-Istat Rikjest, it-trasferiment ikun jeħtieġ biss in-notifika bil-miktub imsemmija fl-Artikolu 11(1) tal-Istat Rikjedenti lill-awtorità kompetenti tal-Istat Rikjest.

4.   Mingħajr preġudizzju għall-paragrafu 1 u bħala eċċezzjoni għall-paragrafu 2, it-trasferiment ta' kull persuna li teħtieġ il-preżenza ta' skorta jeħtieġ in-notifika bil-miktub imsemmija fl-Artikolu 11(1) tal-Istat Rikjedenti lill-awtorità kompetenti tal-Istat Rikjest.

5.   Mingħajr preġudizzju għall-paragrafi 2 u 3, jekk persuna tinqabad fir-reġjun tal-fruntiera tal-Istat Rikjedenti wara li qasmet illegalment il-fruntiera direttament mit-territorju tal-Istat Rikjest, l-Istat Rikjedenti jista' jippreżenta applikazzjoni għar-riammissjoni sa jumejn ta' xogħol wara li tkun ġiet arrestata l-persuna kkonċernata (proċedura aċċellerata).

Artikolu 7

Applikazzjoni għar-riammissjoni

1.   Kull applikazzjoni għar-riammissjoni għandha ssir bil-miktub, sakemm ikun possibbli, u għandu jkun fiha l-informazzjoni li ġejja:

a)	id-dettalji tal-persuna li għandha tiġi riammessa (pereżempju l-ismijiet, il-kunjomijiet, id-data tat-twelid u – fejn possibbli – il-post tat-twelid, u l-aħħar post ta' residenza) u, fejn applikabbli, id-dettalji tat-tfal minuri mhux miżżewġa u/jew tal-konjugi;

b)	għaċ-ċittadini nnifishom, l-indikazzjoni tal-mezzi li bihom tkun se tingħata prova jew prova prima facie tan-nazzjonalità għandha tkun provduta b'mod konformi mal-Annessi 1 u 2 rispettivament;

c)	għaċ-ċittadini ta' pajjiżi terzi u l-persuni apolidi, l-indikazzjoni tal-mezzi li bihom tkun se tingħata prova jew prova prima facie tal-kundizzjonijiet għar-riammissjoni taċ-ċittadini ta' pajjiżi terzi u tal-persuni apolidi, b'mod konformi mal-Annessi 3 u 4 rispettivament;

d)	ritratt tal-persuna li tkun se tiġi riammessa.

2.   Sa fejn hu possibbli, l-applikazzjoni għar-riammissjoni għandu jkollha wkoll l-informazzjoni addizzjonali li ġejja:

a)	dikjarazzjoni li tindika li l-persuna li għandha tiġi trasferita jista' jkollha bżonn għajnuna jew kura, bil-kundizzjoni li l-persuna kkonċernata tkun tat il-kunsens espliċitu tagħha għad-dikjarazzjoni;

b)	l-indikazzjoni ta' kull miżura oħra ta' protezzjoni jew sigurtà partikolari, jew ta' informazzjoni dwar is-saħħa tal-persuna, li jistgħu jkunu meħtieġa għat-trasferiment tagħha.

3.   Formola komuni li għandha tintuża għall-applikazzjonijiet għar-riammissjoni tinsab fl-Anness 5 ta' dan il-Ftehim.

4.   L-applikazzjonijiet għar-riammissjoni jistgħu jiġu ppreżentati bi kwalunkwe mezz ta' komunikazzjoni, inklużi l-mezzi elettroniċi jew il-faks.

Artikolu 8

Mezzi ta' prova tan-nazzjonalità

1.   Il-prova tan-nazzjonalità skont l-Artikolu 2(1) u l-Artikolu 4(1) tista' b'mod partikolari tiġi provduta permezz tad-dokumenti elenkati fl-Anness 1 ta' dan il-Ftehim, anki meta l-perijodu ta' validità tagħhom ikun skada. Jekk jiġu ppreżentati dawn id-dokumenti, l-Istati Membri u l-Kap Verde għandhom jirrikonoxxu b'mod reċiproku n-nazzjonalità mingħajr ħtieġa ta' investigazzjoni ulterjuri. Il-prova tan-nazzjonalità ma tistax tiġi provduta permezz ta' dokumenti foloz.

2.   Il-prova prima facie tan-nazzjonalità rikjesta fl-Artikolu 2(1) u l-Artikolu 4(1) tista' tiġi provduta, b'mod partikolari, permezz tad-dokumenti elenkati fl-Anness 2 għal dan il-Ftehim, anki jekk il-perijodu ta' validità tagħhom ikun skada. Jekk jiġu ppreżentati dawn id-dokumenti, l-Istati Membri u l-Kap Verde għandhom iqisu li n-nazzjonalità ġiet stabbilita, sakemm ma jkunux jistgħu jippruvaw mod ieħor. Il-prova prima facie tan-nazzjonalità ma tistax tiġi provduta permezz ta' dokumenti foloz.

3.   Jekk ma jkun jista' jiġi ppreżentat l-ebda wieħed mid-dokumenti elenkati fl-Annessi 1 jew 2, il-missjoni diplomatika jew l-uffiċċju konsulari kompetenti tal-Istat Rikjest, fuq talba tal-Istat Rikjedenti li għandha tiġi inkluża fl-applikazzjoni għar-riammissjoni, għandhom jagħmlu l-arranġamenti meħtieġa biex issir intervista lill-persuna li tkun se tiġi riammessa mingħajr dewmien żejjed, u l-aktar tard fi żmien tlett ijiem kalendarji mill-jum li fih tkun ġiet ippreżentata l-applikazzjoni, sabiex tiġi stabbilita n-nazzjonalità tagħha. Il-proċedura applikabbli għal dawn l-intervisti tista' tiġi stabbilita fil-Protokolli ta' applikazzjoni previsti fl-Artikolu 19 ta' dan il-Ftehim.

Artikolu 9

Mezzi ta' provi dwar iċ-ċittadini ta' pajjiż terz u l-persuni apolidi

1.   Il-prova tal-kundizzjonijiet ta' riammissjoni taċ-ċittadini tal-pajjiżi terzi u l-persuni apolidi msemmijin fl-Artikolu 3(1) u l-Artikolu 5(1), għandha tiġi provduta b'mod partikolari permezz tal-prova elenkata fl-Anness 3 ta' dan il-Ftehim. Din ma tistax tiġi provduta permezz ta' dokumenti foloz. Tali prova għandha tiġi rikonoxxuta reċiprokament mill-Istati Membri u mill-Kap Verde mingħajr ħtieġa ta' ebda investigazzjoni ulterjuri.

2.   Il-prova prima facie tal-kundizzjonijiet għar-riammissjoni taċ-ċittadini tal-pajjiżi terzi u l-persuni apolidi msemmijin fl-Artikolu 3(1) u l-Artikolu 5(1), għandha tiġi provduta b'mod partikolari permezz tal-prova elenkata fl-Anness 4 ta' dan il-Ftehim. Din ma tistax tiġi pprovduta permezz ta' dokumenti foloz. Meta tiġi ppreżentata din il-prova prima facie, l-Istati Membri u l-Kap Verde għandhom iqisu li l-kundizzjonijiet ġew stabbiliti, sakemm ma jkunux jistgħu jipprovaw mod ieħor.

3.   L-illegalità tad-dħul, il-preżenza jew ir-residenza għandha tiġi stabbilita permezz ta' dokumenti tal-ivvjaġġar tal-persuna kkonċernata li fihom hija nieqsa l-viża jew il-permess ta' residenza meħtieġa għat-territorju tal-Istat Rikjedenti. Dikjarazzjoni mill-Istat Rikjedenti li l-persuna kkonċernata nstabet mingħajr id-dokumenti tal-ivvjaġġar, il-viża jew il-permess ta' residenza meħtieġa għandha wkoll tkun ta' prova prima facie tad-dħul, il-preżenza jew ir-residenza illegali.

Artikolu 10

Limiti ta' żmien

1.   L-applikazzjoni għar-riammissjoni ta' ċittadin ta' pajjiż terz jew ta' persuna apolidi għandha tkun ippreżentata lill-awtorità kompetenti tal-Istat Rikjest mhux aktar tard minn sena wara li l-awtorità kompetenti tal-Istat Rikjedenti tkun saret taf li l-persuna kkonċernata ma tissodisfax jew ma għadhiex tissodisfa l-kundizzjonijiet fis-seħħ għad-dħul, il-preżenza jew ir-residenza. Fejn ikun hemm ostakli fattwali jew legali li jżommu l-applikazzjoni milli ssir fil-ħin, il-limitu ta' żmien għandu, fuq talba tal-Istat Rikjedenti, jiġi estiż iżda dan biss sakemm l-ostakli ma jibqgħux jeżistu.

2.   It-tweġiba għal kwalunkwe applikazzjoni għar-riammissjoni għandha tiġi provduta bil-miktub:

a)	fi żmien jumejn ta' xogħol jekk l-applikazzjoni tkun saret skont il-proċedura aċċellerata (l-Artikolu 6(5));

b)	fi żmien tmint ijiem fil-każijiet l-oħra kollha.

Dan it-terminu jibda jgħodd mid-data tal-wasla tal-applikazzjoni għar-riammissjoni. Jekk ma jkunx hemm tweġiba f'dan il-limitu ta' żmien, it-trasferiment jitqies li jkun ġie approvat.

It-tweġibiet għall-applikazzjonijiet għar-riammissjoni jistgħu jkunu ppreżentati bi kwalunkwe mezz ta' komunikazzjoni, inklużi l-mezzi elettroniċi jew il-faks.

3.   Ir-rifjut ta' kwalunkwe applikazzjoni għar-riammissjoni għandu jiġi ġustifikat bil-miktub.

4.   Wara li tkun ingħatat l-approvazzjoni ta' riammissjoni jew, fejn xieraq, wara li jiskadi t-terminu stabbilit fil-paragrafu 2, il-persuna kkonċernata għandha tiġi ttrasferita fi żmien tliet xhur. Fuq talba tal-Istat Rikjedenti, dan it-terminu jista' jiġi estiż biż-żmien li hemm bżonn biex jiġu ttrattati l-ostakoli legali jew prattiċi.

Artikolu 11

Arranġamenti tat-trasferiment u modi ta' trasport

1.   Mingħajr preġudizzju għall-Artikolu 6(2) u (3), qabel ir-ripatrijazzjoni ta' persuna, l-awtoritajiet kompetenti tal-Istat Rikjedenti għandhom jikkomunikaw bil-miktub lill-awtoritajiet kompetenti tal-Istat Rikjest mill-inqas 48 siegħa minn qabel, id-data ta' trasferiment, il-punt ta' qsim tal-fruntiera, l-iskorti possibbli u informazzjoni oħra rigward it-trasferiment.

2.   It-trasport jista' jsir bl-ajru jew bil-baħar. Ir-ripatrijazzjoni bl-ajru ma għandux isir bilfors permezz tat-trasportaturi nazzjonali tal-Kap Verde jew l-Istati Membri u jista' jsir bl-użu ta' titjiriet skedati jew b'titjiriet ta' ajruplanicharter. Fil-każ ta' ripatrijazzjoni bl-iskorta, dawn l-iskorti ma għandhomx ikunu limitati għal persuni awtorizzati tal-Istat Rikjedenti, dment li huma persuni awtorizzati mill-Kap Verde jew minn kwalunkwe Stat Membru.

Artikolu 12

Riammissjoni bi żball

L-Istat Rikjedenti għandu jieħu lura lil kwalunkwe persuna li ġiet riammessa mill-Istat Rikjest, jekk jiġi stabbilit, fi żmien tliet xhur wara t-trasferiment tal-persuna kkonċernata, li r-rekwiżiti stabbiliti fl-Artikoli minn 2 sa 5 ta' dan il-Ftehim ma ġewx issodisfatti.

F'dawn il-każijiet ir-regoli proċedurali ta' dan il-Ftehim għandhom japplikaw mutatis mutandis u għandha tiġi provduta l-informazzjoni kollha disponibbli li tirrigwarda l-identità u n-nazzjonalità reali tal-persuna li għandha tittieħed lura.

TAQSIMA IV

OPERAZZJONIJIET TA' TRANŻITU

Artikolu 13

Prinċipji

1.   L-Istati Membri u l-Kap Verde għandhom jirrestrinġu t-tranżitu ta' ċittadini ta' pajjiżi terzi u ta' persuni apolidi għall-każijiet fejn dawn il-persuni ma jistgħux jintbagħtu lura direttament lejn l-Istat tad-destinazzjoni.

2.   Madankollu, il-Kap Verde għandu jawtorizza t-tranżitu ta' ċittadini ta' pajjiżi terzi jew persuni apolidi jekk Stat Membru jitlob dan, u Stat Membru għandu jawtorizza t-tranżitu ta' ċittadini ta' pajjiżi terzi jew persuni apolidi jekk il-Kap Verde jitlob dan, sakemm ikunu żgurati t-tkomplija tal-vjaġġ fi Stati ta' tranżitu oħrajn possibbli u r-riammissjoni mill-Istat ta' destinazzjoni.

3.   It-tranżitu jista' jiġi rifjutat mill-Kap Verde jew minn Stat Membru:

a)

jekk iċ-ċittadin ta' pajjiż terz jew persuna apolidi hija f'riskju li tkun soġġetta għat-tortura jew trattament jew kastig inuman jew degradanti jew il-piena tal-mewt jew persekuzzjoni minħabba r-razza, ir-reliġjon, in-nazzjonalità, is-sħubija f'xi grupp soċjali partikolari jew konvinzjoni politika tagħha fl-Istat ta' destinazzjoni jew Stat ieħor ta' tranżitu;

b)	jekk iċ-ċittadin ta' pajjiż terz jew il-persuna apolidi jkunu soġġetti għal sanzjonijiet kriminali fl-Istat Rikjest jew f'xi Stat ieħor ta' tranżitu; jew

c)	minħabba raġunijiet ta' saħħa pubblika, sigurtà domestika, ordni pubblika jew interessi oħra nazzjonali tal-Istat Rikjest.

4.   Il-Kap Verde jew Stat Membru jista' jirrevoka kull awtorizzazzjoni maħruġa jekk iċ-ċirkostanzi msemmija fil-paragrafu 3, jirriżultaw jew jiġu fid-deher aktar tard li jkunu ta' xkiel fl-operazzjoni ta' tranżitu, jew jekk it-tkomplija tal-ivvjaġġar fi Stati ta' tranżitu possibbli jew ir-riammissjoni mill-Istat ta' destinazzjoni ma jkunx/tkunx aktar żgurat/a. F'dan il-każ, l-Istat Rikjedenti għandu jieħu lura ċ-ċittadin ta' pajjiż terz jew il-persuna apolidi, jekk meħtieġ u mingħajr dewmien.

Artikolu 14

Proċedura ta' tranżitu

1.   Kull applikazzjoni għal tranżitu għandha tkun ippreżentata lill-awtoritajiet kompetenti tal-Istat Rikjest bil-miktub u għandu jkollha l-informazzjoni li ġejja:

a)	it-tip ta' tranżitu (bl-ajru, bil-baħar jew bl-art), l-Istati l-oħra possibbli ta' tranżitu u d-destinazzjoni finali prevista;

b)	id-dettalji tal-persuna kkonċernata (pereżempju l-kunjom, l-isem, kunjom xbubitha, l-ismijiet l-oħra użati/li bihom kienet magħrufa jew psewdonimi, id-data tat-twelid is-sess u – fejn possibbli – il-post tat-twelid, in-nazzjonalità, il-lingwa, it-tip u n-numru tad-dokument tal-ivvjaġġar);

c)	fejn hu maħsub li se jkun il-punt tad-dħul, id-data tat-trasferiment u l-użu possibbli tal-iskorti;

d)	dikjarazzjoni li tispeċifika li, fil-fehma tal-Istat Rikjedenti, il-kundizzjonijiet imsemmijin fl-Artikolu 13(2) jkunu ssodisfatti, u li ma tkun magħrufa ebda raġuni għal rifjut skont l-Artikolu 13(3).

Formola komuni li għandha tintuża għall-applikazzjonijiet ta' tranżitu hija mehmuża bħala l-Anness 6 għal dan il-Ftehim.

L-applikazzjonijiet ta' tranżitu jistgħu jiġu ppreżentati bi kwalunkwe mezz ta' komunikazzjoni, inklużi l-mezzi elettroniċi jew il-faks.

2.   Fi żmien tlett ijiem ta' xogħol mill-wasla tal-applikazzjoni, l-Istat Rikjest għandu jinforma bil-miktub lill-Istat Rikjedenti dwar l-ammissjoni, jikkonferma l-punt tad-dħul tal-fruntiera u d-data ppjanata tal-ammissjoni, jew jinfurmah dwar ir-rifjut tal-ammissjoni u r-raġunijiet għal dan ir-rifjut. Jekk ma tingħata ebda tweġiba fi żmien tlett ijiem ta' xogħol, it-tranżitu jkun meqjus li jkun approvat.

It-tweġibiet għall-applikazzjonijiet għat-tranżitu jistgħu jkunu ppreżentati bi kwalunkwe mezz ta' komunikazzjoni, inklużi l-mezzi elettroniċi jew il-faks.

3.   Jekk l-operazzjoni ta' tranżitu ssir bl-ajru, il-persuna li tkun se tkun riammessa u l-iskorti possibbli jkunu eżentati milli jkollhom viża ta' tranżitu tal-ajruport.

Jekk l-operazzjoni ta' tranżitu lejn id-destinazzjoni finali ma tkunx tista' titkompla bil-mod previst għal raġunijiet ta' forza maġġuri, jekk meħtieġ, l-Istat Rikjest għandu joħroġ il-viża rikjesta mingħajr dewmien lill-persuna li għandha tiġi riammessa u lill-iskorti possibbli għall-perijodu meħtieġ għall-operazzjoni ta' tranżitu.

4.   L-awtoritajiet kompetenti tal-Istat Rikjest għandhom, wara konsultazzjonijiet reċiproċi, jassistu fl-operazzjonijiet ta' tranżitu, partikolarment permezz tas-sorveljanza tal-persuni kkonċernati u l-għoti ta' faċilitajiet xierqa għal dak l-iskop.

TAQSIMA V

SPEJJEŻ

Artikolu 15

L-ispejjeż tat-trasport u tat-tranżitu

Mingħajr preġudizzju għad-dritt tal-awtoritajiet kompetenti li jirkupraw l-ispejjeż marbuta mar-riammissjoni mill-persuna li għandha tiġi riammessa jew minn partijiet terzi, l-ispejjeż kollha tat-trasport imġarrba sal-fruntiera tal-Istat tad-destinazzjoni finali li huma relatati mal-operazzjonijiet ta' riammissjoni u ta' tranżitu skont dan il-Ftehim għandhom jitħallsu mill-Istat Rikjedenti.

TAQSIMA VI

PROTEZZJONI TAD-DATA U KLAWSOLA TA' NUQQAS TA' EFFETT

Artikolu 16

Protezzjoni tad-Data

Il-komunikazzjoni tad-data personali għandha sseħħ biss jekk komunikazzjoni bħal din hija meħtieġa għall-implimentazzjoni ta' dan il-Ftehim mill-awtoritajiet kompetenti tal-Kap Verde jew Stat Membru skont il-każ. L-ipproċessar tad-data personali, f'dan il-każ partikolari, għandu jkun soġġett għal-liġijiet nazzjonali tal-Kap Verde u, fejn il-kontrollur huwa awtorità kompetenti ta' Stat Membru, għad-dispożizzjonijiet tad-Direttiva 95/46/KE tal-Parlament Ewropew u tal-Kunsill (4) u tal-liġi nazzjonali adottata minn dak l-Istat Membru skont din id-direttiva. Barra minn hekk, għandhom japplikaw il-prinċipji li ġejjin:

a)	id-data personali għandha tiġi pproċessata b'mod ġust u legali;

b)	id-data personali għandha tinġabar għall-għan speċifiku, espliċitu u leġittimu tal-implimentazzjoni ta' dan il-Ftehim u ma tistax terġa' tiġi pproċessata mill-awtorità li tkun qed tikkomunikaha u lanqas mill-awtorità li tkun qed tirċiviha b'mod inkompatibbli ma' dak l-għan;

c)

id-data personali għandha tkun adekwata, relevanti u mhux eċċessiva fir-relazzjoni tal-għan għalxiex qed tiġi miġbura u/jew ipproċessata aktar; b'mod partikolari, id-data personali kkomunikata tista' tkun biss dwar dan li ġej: i) id-dettalji tal-persuna li tkun se tiġi ttrasferita (pereżempju l-kunjom, l-isem, xi ismijiet preċedenti, l-ismijiet l-oħra użati/li bihom kienet magħrufa jew psewdonimi, is-sess, l-istat ċivili, id-data u l-post tat-twelid, in-nazzjonalità attwali u dik preċedenti jekk ikun il każ); ii) il-passaport, il-karta tal-identità jew il-liċenzja tas-sewqan (in-numru, il-perijodu ta' validità, id-data tal-ħruġ, l-awtorità tal-ħruġ, il-post tal-ħruġ); iii) il-postijiet ta' waqfien waqt vjaġġ u l-itinerarji; iv) informazzjoni oħra li tkun meħtieġa biex tiġi identifikata l-persuna li tkun se tiġi trasferita jew biex jiġu eżaminati l-ħtiġijiet għar-riammissjoni skont dan il-Ftehim;

d)	id-data personali għandha tkun eżatta u, fejn meħtieġ, aġġornata;

e)	id-data personali għandha tinżamm b'mod li jippermetti l-identifikazzjoni tal-persuni kkonċernati għal mhux aktar mill-perijodu neċessarju għall-fini li għalih tkun inġabret id-data jew li kompliet tiġi pproċessata;

f)

kemm l-awtorità li tikkomunika d-data personali kif ukoll l-awtorità li tirċeviha għandhom jieħdu kull pass raġonevoli biex jiżguraw kif xieraq il-korrezzjoni, it-tħassir jew l-imblukkar tad-data personali fejn l-ipproċessar tagħha ma jħarisx id-dispożizzjonijiet ta' dan l-Artikolu, b'mod partikolari għaliex dik id-data mhijiex xierqa, rilevanti, preċiża jew għaliex hija eċċessiva fir-rigward tal-iskop tal-ipproċessar. Dan jinkludi n-notifika lill-parti l-oħra ta' kwalunkwe reviżjoni, tħassir jew ibblokkjar;

g)	fuq talba, l-awtorità destinatarja għandha tinforma lill-awtorità li tikkomunika bl-użu tad-data kkomunikata u bir-riżultati miksuba minnha;

h)	id-data personali tista' tiġi kkomunikata biss lill-awtoritajiet kompetenti. Il-komunikazzjoni ulterjuri tagħha lil korpi oħra tinħtieġ il-kunsens bil-quddiem tal-awtorità li tkun qed tikkomunikaha;

i)	l-awtorità li tikkomunika u l-awtorità destinatarja huma obbligati li jagħmlu reġistrazzjoni bil-miktub tal-komunikazzjoni u tal-irċevuta tad-data personali.

Artikolu 17

Klawsola ta' nuqqas ta' effett

1.   Dan il-ftehim għandu jkun mingħajr preġudizzju għad-drittijiet, l-obbligi u r-responsabbiltajiet tal-Unjoni, l-Istati Membri u l-Kap Verde li jirriżultaw mil-liġi lnternazzjonali fosthom minn konvenzjonijiet internazzjonali li jkunu parteċipanti fihom, b'mod partikolari:

—	il-Konvenzjoni dwar l-Istatus tar-Refuġjati tat-28 ta' Lulju 1951 kif emendata bil-Protokoll dwar l-Istatus tar-Refuġjati tal-31 ta' Jannar 1967,

—	il-Konvenzjoni Ewropea tal-4 ta' Novembru 1950 dwar il-Protezzjoni tad-Drittijiet tal-Bniedem u l-Libertajiet Fundamentali,

—	il-konvenzjonijiet internazzjonali li jiddeterminaw l-Istat responsabbli li jeżamina l-applikazzjonijiet għall-ażil li jkunu ġew ippreżentati,

—	il-Konvenzjoni tal-10 ta' Diċembru 1984 kontra t-Tortura u Trattament jew Pieni Krudili, Inumani jew Degradanti,

—	il-konvenzjonijiet internazzjonali dwar l-estradizzjoni u t-tranżitu,

—	il-konvenzjonijiet u l-ftehimiet internazzjonali multilaterali dwar ir-riammissjoni ta' persuni ta' nazzjonalità barranija.

2.   Xejn f'dan il-Ftehim ma għandu jrażżan ir-ritorn ta' persuna b'arranġamenti oħrajn formali jew informali bejn l-Istat Rikjest u l-Istat Rikjedenti.

TAQSIMA VII

IMPLIMENTAZZJONI U APPLIKAZZJONI

Artikolu 18

Kumitat konġunt għar-riammissjoni

1.   Il-Partijiet Kontraenti għandhom jipprovdu lil xulxin b'għajnuna reċiproka fl-applikazzjoni u l-interpretazzjoni ta' dan il-Ftehim. Għal dan il-għan, huma għandhom jaħtru Kumitat Konġunt għar-Riammissjoni (minn issa 'l quddiem imsejjaħ il-“Kumitat”) li se jkollu, b'mod partikolari, il-kompitu:

a)	li jissorvelja l-applikazzjoni ta' dan il-Ftehim;

b)	li jiddeċiedi dwar l-arranġamenti neċessarji għall-implimentazzjoni b'mod uniformi ta' dan il-Ftehim;

c)	jara li jkun hemm skambju ta' informazzjoni regolari dwar il-Protokolli tal-implimentazzjoni mfassla mill-Istati Membri diversi u l-Kap Verde skont l-Artikolu 19;

d)	li jirrakkomanda emendi għal dan il-Ftehim u l-Annessi tiegħu.

2.   Id-deċiżjonijiet tal-Kumitat għandhom jorbtu lill-Partijiet Kontraenti.

3.   Il-Kumitat għandu jkun magħmul minn rappreżentanti tal-Unjoni u l-Kap Verde.

4.   Il-Kumitat għandu jiltaqa', jekk meħtieġ, fuq talba ta' waħda mill-Partijiet Kontraenti.

5.   Il-Kumitat għandu jistabbilixxi r-regoli ta' proċedura tiegħu.

Artikolu 19

Protokolli ta' applikazzjoni

1.   Fuq talba ta' Stat Membru jew tal-Kap Verde, il-Kap Verde u dan l-Istat Membru għandhom iħejju Protokoll ta' applikazzjoni li għandu, fost oħrajn, ikopri r-regoli dwar:

a)	il-ħatra tal-awtoritajiet kompetenti, il-punti tal-qsim tal-fruntiera u l-iskambju ta' punti ta' kuntatt;

b)	il-kundizzjonijiet li japplikaw għar-ritorn bi skorta, inkluż it-tranżitu bi skorta ta' ċittadini ta' pajjiżi terzi u persuni apolidi;

c)	il-provi u d-dokumenti addizzjonali għal dawk elenkati fl-Annessi minn 1 sa 4 ta' dan il-Ftehim;

d)	il-modalitajiet għar-riammissjoni bi proċedura aċċellerata;

e)	il-proċedura għall-intervisti.

2.   Il-protokolli ta' applikazzjoni msemmija fil-paragrafu 1 għandhom jidħlu fis-seħħ biss wara li l-Kumitat tar-Riammissjoni, previst fl-Artikolu 18 ikun ġie notifikat dwarhom.

3.   Il-Kap Verde jaqbel li għandha tiġi applikata kwalunkwe dispożizzjoni ta' Protokoll ta' applikazzjoni magħmul ma' Stat Membru partikolari wkoll fir-relazzjonijiet tiegħu ma' kwalunkwe Stat Membru ieħor fuq talba minn dan tal-aħħar.

Artikolu 20

Relazzjoni mal-ftehimiet jew l-arranġamenti bilaterali dwar ir-riammissjoni tal-Istati Membri

Id-dispożizzjonijiet ta' dan il-Ftehim għandu jkollhom preċedenza fuq id-dispożizzjonijiet ta' kull strument legalment vinkolanti dwar ir-riammissjoni ta' persuni li jirresjedu mingħajr awtorizzazzjoni, li jkun ġie jew jista' jiġi konkluż, skont l-Artikolu 19, bejn l-Istati Membri individwali u l-Kap Verde, u dan safejn id-dispożizzjonijiet ta' dan l-istrument ikunu inkompatibbli ma' dawk ta' dan il-Ftehim.

TAQSIMA VIII

DISPOŻIZZJONIJIET FINALI

Artikolu 21

Applikazzjoni territorjali

1.   Soġġett għall-paragrafu 2, dan il-ftehim għandu japplika fit-territorju li fih huma applikabbli t-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea u għat-territorju tal-Kap Verde.

2.   Dan il-Ftehim għandu japplika fit-territorju tal-Irlanda u tar-Renju Unit biss jekk issir notifika indirizzata mill-Unjoni lill-Kap Verde dwar dan. Dan il-Ftehim ma għandux japplika għat-territorju tar-Renju tad-Danimarka.

Artikolu 22

Dħul fis-seħħ, tul ta' żmien u terminazzjoni

1.   Dan il-Ftehim għandu jiġi rratifikat jew approvat mill-Partijiet Kontraenti skont il-proċeduri rispettivi tagħhom.

2.   Dan il-Ftehim għandu jidħol fis-seħħ fl-ewwel jum tat-tieni xahar wara d-data li fiha l-Partijiet Kontraenti jinnotifikaw lil xulxin li l-proċeduri msemmija fil-paragrafu 1 intemmu.

3.   Dan il-Ftehim jibda japplika għall-Irlanda u r-Renju Unit fl-ewwel jum tat-tieni xahar wara d-data tan-notifika msemmija fl-Artikolu 21(2).

4.   Dan il-Ftehim huwa konkluż għal żmien illimitat.

5.   Kull Parti Kontraenti tista' tiċħad dan il-Ftehim billi b'mod uffiċjali tinnotifika lill-Parti Kontraenti l-oħra. Dan il-Ftehim ma għandux jibqa' japplika wara sitt xhur mid-data ta' dik in-notifika.

Artikolu 23

Annessi

L-Annessi minn 1 sa 6 għandhom jifformaw parti integrali ta' dan il-Ftehim.

---

(1)  Skont il-formola prevista fir-rakkomandazzjoni tal-Kunsill tat-30 ta' Novembru 1994, ĠU KE C 274, 19.9.1996, p. 18.

(2)  Ibidem.

(3)  Ibidem.

(4)  ĠU L 281, 23.11.1995, p. 31.

---

---

---

---

---

---

---

---

---

---

---

---

24.10.2013

MT

Il-Ġurnal Uffiċjali tal-Unjoni Ewropea

L 282/35

---

DEĊIŻJONI TAL-KUNSILL

tat-18 ta’ Ottubru 2013

dwar l-iffirmar, f’isem l-Unjoni Ewropea, tal-Memorandum ta’ Qbil rivedut mal-Istati Uniti tal-Amerika Rigward l-Importazzjoni taċ-Ċanga ġejja minn Annimali li Ma Jkunux Ġew Ittrattati b’Ċerti Ormoni tat-Tkabbir u Rigward id-Dazji Ogħla Applikati mill-Istati Uniti għal Ċerti Prodotti tal-Unjoni Ewropea

(2013/523/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4), flimkien mal-Artikolu 218(5) tiegħu,

Wara li kkunsidra l-proposta mill-Kummissjoni Ewropea,

Billi:

(1)

Il-Fażi 2 tal-Memorandum ta’ Qbil bejn l-Istati Uniti tal-Amerika u l-Kummissjoni Ewropea Rigward l-Importazzjoni taċ-Ċanga ġejja minn Annimali li Ma Jkunux Ġew Ittrattati b’Ċerti Ormoni tat-Tkabbir u Rigward id-Dazji Ogħla Applikati mill-Istati Uniti għal Ċerti Prodotti tal-Komunitajiet Ewropej (l-“MoU”), adottat bejn l-Istati Uniti u l-Komunità Ewropea fit-13 ta’ Mejju 2009 u approvat mill-Kunsill tal-Unjoni Ewropea bħala ftehim internazzjonali tal-Unjoni, intemmet fl-1 ta’ Awwissu 2013.

(2)	Huwa fl-interess tal-Unjoni li testendi l-Fażi 2 tal-MoU filwaqt li tibqa’ tfittex riżoluzzjoni tad-disputa tad-WTO, Komunitajiet Ewropej — Miżuri li Jikkonċernaw il-Laħam u Prodotti tal-Laħam (Ormoni).

(3)	Il-Kummissjoni nnegozjat abbozz ta’ emendi għall-MoU għal dan il-għan, f’konformità mal-awtorizzazzjoni ta’ negozjar espressa fih.

(4)	L-MoU rivedut għandu jiġi ffirmat,

ADOTTA DIN ID-DEĊIŻJONI:

Artikolu 1

L-iffirmar, f’isem l-Unjoni, tal-Memorandum ta’ Qbil rivedut mal-Istati Uniti tal-Amerika Rigward l-Importazzjoni taċ-Ċanga ġejja minn Annimali li Ma Jkunux Ġew Ittrattati b’Ċerti Ormoni tat-Tkabbir u Rigward id-Dazji Ogħla Applikati mill-Istati Uniti għal Ċerti Prodotti tal-Unjoni Ewropea (l-“MoU rivedut”) huwa b’dan awtorizzat soġġett għall-konklużjoni tal-MoU rivedut imsemmi.

It-test tal-MoU rivedut huwa mehmuż ma’ din id-Deċiżjoni (1).

Artikolu 2

Il-President tal-Kunsill huwa b’dan awtorizzat jinnomina l-persuna jew persuni li jkollhom is-setgħa li jiffirmaw l-MoU rivedut f’isem l-Unjoni.

Artikolu 3

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

---

(1)  It-test tal-MoU rivedut se jiġi ppubblikat flimkien mad-deċiżjoni dwar il-konklużjoni tiegħu.

---

24.10.2013

MT

Il-Ġurnal Uffiċjali tal-Unjoni Ewropea

L 282/36

---

REGOLAMENT TA’ IMPLIMENTAZZJONI TAL-KUMMISSJONI (UE) Nru 1016/2013

tat-23 ta’ Ottubru 2013

li jikkonċerna l-awtorizzazzjoni ta’ preparazzjoni ta’ razza ta’ mikroorganiżmu DSM 11798 tal-familja Coriobacteriaceae bħala addittiv fl-għalf għall-ħnieżer

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)	Ir-Regolament (KE) Nru 1831/2003 jistipula l-awtorizzazzjoni tal-addittivi għall-użu fin-nutrizzjoni tal-annimali u għar-raġunijiet u l-proċeduri għall-għoti ta’ tali awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni ta’ razza ta’ mikroorganiżmu tad-DSM 11798 tal-familja Coriobacteriaceae. Dik l-applikazzjoni kienet akkumpanjata mill-partikolaritajiet u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)	Din l-applikazzjoni tikkonċerna l-awtorizzazzjoni ta’ preparazzjoni tar-razza ta’ mikroorganiżmu DSM 11798 tal-familja Coriobacteriacea bħala addittiv fl-għalf għall-ħnieżer, biex jiġi kklassifikat fil-kategorija tal-addittivi “addittivi teknoloġiċi”.

(4)

Fl-opinjoni tagħha tas-16 ta’ April 2013 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjoni ta’ razza ta’ mikroorganiżmu tad-DSM 11798 tal-familja Coriobacteriacea ma għandhiex effett negattiv fuq saħħet l-annimali, saħħet il-bniedem jew l-ambjent. Din irrikonoxxiet li għandha l-kapaċità tittrasforma bijoloġikament it-trikoteċeni minn għalf kontaminat għall-ħnieżer. L-Awtorità tqis li ma hemmx bżonn ta’ rekwiżiti speċifiċi għal monitoraġġ wara l-kummerċjalizzazzjoni. Ivverifikat ukoll ir-rapport dwar il-metodu tal-analiżi tal-addittivi fl-għalf li ġie ppreżentat mil-Laboratorju ta’ Referenza mwaqqaf bir-Regolament (KE) Nru 1831/2003.

(5)

Il-valutazzjoni tal-preparazzjoni ta’ razza ta’ mikroorganiżmu DSM 11798 tal-familja Coriobacteriacea turi li l-kundizzjonijiet għall-awtorizzazzjoni, kif stabbiliti fl-Artikolu 5 tar-Regolament (KE) Nru 1831/2003, intlaħqu. Għaldaqstant, l-użu ta’ din il-preparazzjoni għandu jiġi awtorizzat, kif speċifikat fl-Anness ta’ dan ir-Regolament.

(6)	Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, li tifforma parti mill-kategorija ta’ “addittivi teknoloġiċi” u mill-grupp funzjonali “sustanzi għat-tnaqqis tal-kontaminazzjoni tal-għalf permezz tal-mikotossini”, hija awtorizzata bħala addittiv fin-nutriment tal-annimali suġġetta għall-kundizzjonijiet stipulati f’dak l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 268, 18.10.2003, p. 29.

(2)  The EFSA Journal 2013; 11(5):3203.

---

---

24.10.2013

MT

Il-Ġurnal Uffiċjali tal-Unjoni Ewropea

L 282/39

---

REGOLAMENT TAL-KUMMISSJONI (UE) Nru 1017/2013

tat-23 ta’ Ottubru 2013

li jirrifjuta l-awtorizzazzjoni ta’ ċerti stqarrijiet dwar l-effetti tal-prodotti tal-ikel fuq is-saħħa, minbarra dawk li jirreferu għat-tnaqqis tar-riskju tal-mard u għall-iżvilupp u s-saħħa tat-tfal

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1924/2006 tal-Parlament Ewropew u tal-Kunsill tal-20 ta’ Diċembru 2006 dwar indikazzjonijiet dwar in-nutrizzjoni u s-saħħa mogħtija fuq l-ikel (1), u b’mod partikulari l-Artikolu 18(5) tiegħu,

Billi:

(1)	Skont ir-Regolament (KE) Nru 1924/2006 l-istqarrijiet dwar l-effetti tal-prodotti tal-ikel fuq is-saħħa huma pprojbiti sakemm dawn ma jkunux awtorizzati mill-Kummissjoni skont dak ir-Regolament u ma jkunux inklużi f’lista ta’ stqarrijiet permessi.

(2)

Ir-Regolament (KE) Nru 1924/2006 jistipula wkoll li l-applikazzjonijiet għall-awtorizzazzjonijiet tal-istqarrijiet dwar l-effetti fuq is-saħħa jistgħu jitressqu mill-operaturi tan-negozji tal-ikel lill-awtoritajiet kompetenti nazzjonali ta’ Stat Membru. L-awtorità kompetenti nazzjonali għandha tibgħat l-applikazzjonijiet li jkunu validi lill-Awtorità Ewropea dwar is-Sigurtà fl-Ikel (l-EFSA), minn hawn ‘il quddiem imsejħa “l-Awtorità”.

(3)	Wara li tirċievi applikazzjoni, l-Awtorità għandha tgħarraf bla dewmien lill-Istati Membri l-oħra u lill-Kummissjoni dwar dan u għandha tagħti l-opinjoni tagħha fir-rigward tal-istqarrija dwar l-effetti fuq is-saħħa kkonċernata.

(4)	Il-Kummissjoni għandha tiddeċiedi dwar l-awtorizzazzjoni tal-istqarrijiet dwar l-effetti fuq is-saħħa filwaqt li tqis l-opinjoni mogħtija mill-Awtorità.

(5)

Wara applikazzjoni mill-kumpanija “Ceprodi KOT”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-“ikliet ħfief ipokalorifiċi (prodotti tal-KOT)” fuq it-tnaqqis tad-daqs tal-adipoċit fil-livell addominali fil-kuntest ta’ dieta bi ftit kaloriji (il-mistoqsija bin-numru EFSA-Q-2011-00016) (2). L-istqarrija proposta mill-applikant kienet tgħid dan li ġej: “Jikkontribwixxu biex inaqqsu d-daqs tal-adipoċiti fil-livell addominali, fil-kuntest ta’ dieta bi ftit kaloriji”.

(6)

Fit-30 ta’ Settembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-“ikliet ħfief ipokalorifiċi (prodotti tal-KOT)” u effett fiżjoloġiku ta’ benefiċċju marbut mat-tnaqqis tad-daqs tal-adipoċit taħt il-ġilda fil-livell addominali. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(7)

Wara applikazzjoni mill-kumpanija “Valio Ltd.”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-isolewċil-prolil-prolina (IPP) u tal-valil-prolil-prolina (VPP) fuq iż-żamma ta’ pressjoni tad-demm normali (il-mistoqsija bin-numru EFSA-Q-2011-00121) (3). L-istqarrija proposta mill-applikant kienet tgħid dan li ġej: “Il-peptidi IPP u VPP jgħinu biex tinżamm pressjoni tad-demm normali”.

(8)

Fit-30 ta’ Settembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-IPP u tal-VPP u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(9)

Wara applikazzjoni mill-kumpanija “Diana Naturals”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-estratt polifenoliku tat-tuffieħ fil-forma ta’ trab imsejjaħ ‘Appl’In’® (Malus domestica) fuq it-tnaqqis tar-reazzjonijiet glikimiċi ta’ wara l-pranzu (il-mistoqsija bin-numru EFSA-Q-2011-00190) (4). L-istqarrija proposta mill-applikant kienet tgħid dan li ġej: “L-estratt ‘Appl’In’® jikkontribwixxi biex titnaqqas ir-reazzjoni glikimika fin-nisa”.

(10)

Fil-5 ta’ Ottubru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-estratt “Appl’In”® u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(11)

Wara applikazzjoni mill-kumpanija “Tchibo GmbH”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-konsum tal-kafè tat-tip “C21” u t-tnaqqis tal-ksur spontanju fil-ktajjen tad-DNA (il-mistoqsija bin-numru EFSA-Q-2011-00783) (5). L-istqarrija proposta mill-applikant kienet tgħid dan li ġej: “Il-konsum regolari tal-kafè tat-tip ‘C21’ jikkontribwixxi biex tinżamm l-integrità tad-DNA fiċ-ċelloli tal-ġisem”.

(12)

Fil-5 ta’ Diċembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-kafè tat-tip “C21” u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(13)

Wara applikazzjoni mill-kumpanija “Kao Corporation”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti taż-żejt tad-diaċilgliċerol (DAG) u t-tnaqqis tal-piż tal-ġisem (il-mistoqsija bin-numru EFSA-Q-2011-00751) (6). L-istqarrija proposta mill-applikant kienet tgħid dan li ġej: “Jekk tuża ż-żejt tad-diaċilgliċerol (DAG) minflok iż-żejt veġetali li tuża s-soltu tkun qed tgħin biex tikkontrolla l-piż ta’ ġismek, billi titlef il-piż”.

(14)

Fil-5 ta’ Diċembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum taż-żejt tad-diaċilgliċerol (DAG) (bħala sostitut taż-żjut tat-triaċilgliċerol) u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(15)

Wara applikazzjoni mill-kumpanija “Giuliani S.p.A.”, imressqa skont l-Artikolu 13(5) tar-Regolament (KE) Nru 1924/2006, li tinkludi talba għall-protezzjoni tad-dejta riżervata, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-ispermidina u t-titwil tal-fażi tat-tkabbir (l-anaġen) taċ-ċiklu tax-xagħar (il-mistoqsija bin-numru EFSA-Q-2011-00896) (7). L-istqarrija proposta mill-applikant kienet tgħid dan li ġej: “L-ispermidina ttawwal il-fażi tat-tkabbir (l-anaġen) taċ-ċiklu tax-xagħar”.

(16)

Fis-7 ta’ Diċembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, l-effett mistqarr huwa marbut ma’ kundizzjonijiet patoloġiċi li jwasslu għat-tqassir tal-fażi tal-anaġen tat-tkabbir tax-xagħar u għaldaqstant huwa marbut mat-trattament ta’ marda.

(17)

Ir-Regolament (KE) Nru 1924/2006 jikkumplimenta l-prinċipji ġenerali mogħtija fid-Direttiva 2000/13/KE tal-Parlament Ewropew u tal-Kunsill tal-20 ta’ Marzu 2000 fuq l-approssimazzjoni ta’ liġijiet tal-Istati Membri li għandhom x’jaqsmu ma’ tikkettar, preżentazzjoni u riklamar ta’ oġġetti tal-ikel (8). L-Artikolu 2(1)(b) tad-Direttiva 2000/13/KE jistipula li t-tikkettar m’għandux jattribwixxi lil kwalunkwe prodott tal-ikel il-kwalità li jipprevjeni, jittratta jew jikkura marda umana, jew jirreferi għal kwalitajiet simili. Għaldaqstant, billi l-attribuzzjoni ta’ kwalitajiet mediċinali lill-prodotti tal-ikel hija pprojbita, l-istqarrija marbuta mal-effetti tal-ispermidina m’għandhiex tiġi awtorizzata.

(18)

Wara applikazzjoni mill-kumpanija “Clasado Ltd.”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-galaktooligosakkaridi mill-prodott imsejjaħ “Bimuno”® (“Bimuno® GOS”) u t-tnaqqis tal-iskumdità gastrointestinali (il-mistoqsija bin-numru EFSA-Q-2011-00401) (9). L-istqarrija proposta mill-applikant kienet tgħid dan li ġej: “Jekk tikkonsma kuljum, u b’mod regolari, 1,37 grammi ta’ galaktooligosakkaridi mill-prodott imsejjaħ ‘Bimuno’®, tista’ tnaqqas l-iskumdità intestinali”.

(19)

Fit-8 ta’ Diċembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-prodott imsejjaħ “Bimuno® GOS” u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(20)

Wara applikazzjoni mill-kumpanija “Nordic Sugar A/S”, imressqa skont l-Artikolu 13(5) tar-Regolament (KE) Nru 1924/2006, l-Awtorità ntalbet tagħti opinjoni fir-rigward ta’ stqarrija dwar l-effetti fuq is-saħħa marbuta mal-effetti tal-fibra tal-pitravi u t-tnaqqis fil-ħin tat-tranżitu intestinali (il-mistoqsija bin-numru EFSA-Q-2011-00971) (10). L-istqarrija proposta mill-applikant kienet tgħid dan li ġej: “Il-fibra tal-pitravi tnaqqas il-ħin tat-tranżitu intestinali”.

(21)

Fit-8 ta’ Diċembru 2011, il-Kummissjoni u l-Istati Membri rċevew l-opinjoni xjentifika tal-Awtorità, li kkonkludiet li, abbażi tad-dejta mressqa, ma ġietx stabbilita rabta ta’ kawża u effett bejn il-konsum tal-fibra tal-pitravi u l-effett mistqarr. Għaldaqstant, billi l-istqarrija ma tikkonformax mar-rekwiżiti tar-Regolament (KE) Nru 1924/2006, din m’għandhiex tiġi awtorizzata.

(22)

L-istqarrija dwar l-effetti fuq is-saħħa marbuta mal-effetti tal-ispermidina u t-titwil tal-fażi tat-tkabbir (l-anaġen) taċ-ċiklu tax-xagħar, hija stqarrija dwar l-effetti fuq is-saħħa li tattribwixxi kwalitajiet mediċinali lill-prodott tal-ikel li għalih tapplika l-istqarrija u għalhekk hija pprojbita għall-prodotti tal-ikel.

(23)

L-istqarrijiet dwar l-effetti fuq is-saħħa marbutin mal-“ikliet ħfief ipokalorifiċi (prodotti tal-KOT)” u maż-żejt tad-diaċilgliċerol (DAG) huma stqarrijiet dwar l-effetti fuq is-saħħa bħall-istqarrijiet imsemmijin fl-Artikolu 13(1)(ċ) tar-Regolament (KE) Nru 1924/2006, li huma suġġetti għall-perjodu ta’ tranżizzjoni stabbilit fl-Artikolu 28(6) ta’ dak ir-Regolament. Madankollu, minħabba li l-applikazzjonijiet ma sarux qabel id-19 ta’ Jannar 2008, ir-rekwiżit stipulat fl-Artikolu 28(6)(b) ta’ dak ir-Regolament mhuwiex issodisfat, u għalhekk dawk l-istqarrijiet ma jistgħux jibbenefikaw mill-perjodu ta’ tranżizzjoni stipulat f’dak l-Artikolu.

(24)

L-istqarrijiet l-oħrajn dwar l-effetti fuq is-saħħa li huma suġġetti għal dan ir-Regolament huma stqarrijiet dwar l-effetti fuq is-saħħa kif imsemmijin fl-Artikolu 13(1)(a) tar-Regolament (KE) Nru 1924/2006, li huma suġġetti għall-perjodu ta’ tranżizzjoni stabbilit fl-Artikolu 28(5) ta’ dak ir-Regolament sa ma tiġi adottata l-lista tal-istqarrijiet permessi dwar l-effetti fuq is-saħħa, dejjem jekk dawn l-istqarrijiet ikunu konformi ma’ dak ir-Regolament.

(25)

Il-lista tal-istqarrijiet permessi dwar l-effetti fuq is-saħħa ġiet stabbilita fir-Regolament tal-Kummissjoni (UE) Nru 432/2012 (11) u ilha li bdiet tapplika mill-14 ta’ Diċembru 2012. F’dak li għandu x’jaqsam mal-istqarrijiet imsemmijin fl-Artikolu 13(5) tar-Regolament (KE) Nru 1924/2006, li l-evalwazzjoni tagħhom mill-Awtorità jew il-kunsiderazzjoni tagħhom mill-Kummissjoni kien għadha ma tlestietx sal-14 ta’ Diċembru 2012 u li, bis-saħħa ta’ dan ir-Regolament, mhumiex inklużi fil-lista tal-istqarrijiet permessi dwar l-effetti fuq is-saħħa, huwa xieraq li jiġi stipulat perjodu ta’ tranżizzjoni li matulu jkunu jistgħu jibqgħu jintużaw, sabiex kemm l-operaturi tan-negozji tal-ikel u kemm l-awtoritajiet kompetenti nazzjonali jkunu jistgħu jadattaw ruħhom għall-projbizzjoni tat-tali stqarrijiet.

(26)	Hija u tistabbilixxi l-miżuri stipulati f’dan ir-Regolament, il-Kummissjoni qieset il-kummenti li rċeviet mingħand l-applikanti u mingħand il-membri tal-pubbliku skont l-Artikolu 16(6) tar-Regolament (KE) Nru 1924/2006.

(27)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponihom,

ADOTTAT DAN IR-REGOLAMENT:

Artikolu 1

1.   L-istqarrijiet dwar l-effetti fuq is-saħħa mniżżlin fl-Anness ta’ dan ir-Regolament m’għandhomx jiġu inklużi fil-lista tal-Unjoni tal-istqarrijiet permessi dwar l-effetti fuq is-saħħa kif previst fl-Artikolu 13(3) tar-Regolament (KE) Nru 1924/2006.

2.   Madanakollu, l-istqarrijiet dwar l-effetti fuq is-saħħa msemmijin fil-paragrafu 1 li kienu jintużaw qabel ma daħal fis-seħħ dan ir-Regolament jistgħu jibqgħu jintużaw għal perjodu massimu ta’ sitt xhur wara d-dħul fis-seħħ ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 404, 30.12.2006, p. 9.

(2)  The EFSA Journal 2011: 9(9):2381.

(3)  The EFSA Journal 2011: 9(9):2380.

(4)  The EFSA Journal 2011: 9(10):2383.

(5)  The EFSA Journal 2011: 9(12):2465.

(6)  The EFSA Journal 2011: 9(12):2469.

(7)  The EFSA Journal 2011: 9(12):2466.

(8)  ĠU L 109, 6.5.2000, p. 29.

(9)  The EFSA Journal 2011: 9(12):2472.

(10)  The EFSA Journal 2011: 9(12):2467.

(11)  ĠU L 136, 25.5.2012, p. 1.

---

---

24.10.2013

MT

Il-Ġurnal Uffiċjali tal-Unjoni Ewropea

L 282/43

---

REGOLAMENT TAL-KUMMISSJONI (UE) Nru 1018/2013

tat-23 ta’ Ottubru 2013

li jemenda r-Regolament (UE) Nru 432/2012 li jistabbilixxi lista ta’ indikazzjonijiet permessi dwar is-saħħa li jsiru fuq l-ikel, barra dawk li jirreferu għat-tnaqqis fir-riskju tal-mard u għall-iżvilupp u s-saħħa tat-tfal

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1924/2006 tal-Parlament Ewropew u tal-Kunsill tal-20 ta’ Diċembru 2006 dwar indikazzjonijiet dwar in-nutrizzjoni u s-saħħa mogħtija fuq l-ikel (1), u b’mod partikulari l-Artikolu 13(3) tiegħu,

Billi:

(1)

Skont l-Artikolu 13(3) tar-Regolament (KE) Nru 1924/2006, il-Kummissjoni adottat ir-Regolament (UE) Nru 432/2012 tas-16 ta’ Mejju 2012 li jistabbilixxi lista ta’ indikazzjonijiet permessi dwar is-saħħa li jsiru fuq l-ikel barra dawk li jirreferu għat-tnaqqis fir-riskju tal-mard u għall-iżvilupp u s-saħħa tat-tfal (2).

(2)	Madankollu, fiż-żmien tal-adozzjoni tal-lista tal-indikazzjonijiet permessi dwar is-saħħa, kien hemm għadd ta’ indikazzjonijiet dwar is-saħħa li ma ġewx iffinalizzati l-evalwazzjoni tagħhom mill-Awtorità Ewropea għas-Sikurezza fl-Ikel (“l-Awtorità”) jew l-analiżi tagħhom mill-Kummissjoni (3).

(3)

Fost dawn l-indikazzjonijiet, l-Awtorità tat valutazzjoni tajba tal-indikazzjoni dwar is-saħħa li kienet tirreferi għall-effett tal-karboidrati fil-manteniment tal-funzjoni tal-moħħ, u dwar din l-indikazzjoni pproponiet li bħala kundizzjonijiet xierqa għall-użu jinkiteb “l-inġestjoni ta’ 130 g ta’ karboidrati glikimiċi kuljum hija stmata li tissodisfa l-eżiġenza ta’ glukożju mill-moħħ” (4).

(4)

L-Artikolu 13(3) tar-Regolament (KE) Nru 1924/2006 jistipula li l-indikazzjonijiet permessi dwar is-saħħa jridu jkunu akkumpanjati mill-kundizzjonijiet kollha meħtieġa (inklużi r-restrizzjonijiet) għall-użu tagħhom. Għaldaqstant, il-lista ta’ indikazzjonijiet permessi għandha tinkludi l-kliem tal-indikazzjoni u l-kundizzjonijiet speċifiċi tal-użu tal-indikazzjonijiet, u fejn applikabbli, il-kundizzjonijiet jew ir-restrizzjonijiet tal-użu u/jew dikjarazzjoni jew twissija addizzjonali, skont ir-regoli stabbiliti fir-Regolament (KE) Nru 1924/2006 u b’konformità mal-opinjonijiet tal-Awtorità.

(5)

Iżda kien hemm għadd ta’ Stati Membri li espremew it-tħassib li din l-awtorizzazzjoni bil-kundizzjonijiet ta’ użu tagħha tista’ tippromwovi u tinkoraġġixxi l-konsum ta’ oġġetti tal-ikel li jkun fihom zokkor miżjud minbarra z-zokkor li fihom naturali. Barra minn hekk, tkun qed tagħti messaġġ konfliġġenti u li jħawwad lill-konsumaturi, partikolarment fid-dawl tal-parir li jingħata f’livell nazzjonali biex il-konsumaturi jnaqqsu miz-zokkor li jieħdu. Huwa meqjus li, għal din l-indikazzjoni speċifika dwar is-saħħa, il-problema ta’ għanijiet konfliġġenti tista’ tiġi indirizzata jekk l-indikazzjoni tkun awtorizzata li tintuża biss f’kundizzjonijiet speċifiċi limitati għal oġġetti tal-ikel li jkun fihom ftit zokkor jew li ma jkunz żdiedilhom zokkor, iżda jista’ jkun fihom zokkor naturali.

(6)	Biex l-operaturi tan-negozju tal-ikel ikunu jistgħu jaddattaw ruħhom għar-rekwiżiti ta’ dan ir-Regolament dan għandu jibda japplika sitt xhur wara d-dħul fis-seħħ tiegħu.

(7)	B’konformità mal-Artikolu 20(1) tar-Regolament (KE) Nru 1924/2006, ir-Reġistru tal-indikazzjonijiet dwar in-nutrizzjoni u s-saħħa li fih l-indikazzjonijiet dwar is-saħħa awtorizzati kollha, għandu jiġi aġġornat fid-dawl tar-Regolament preżenti.

(8)	Meta stabbiliet il-miżuri stipulati f’dan ir-Regolament, il-Kummissjoni qieset il-kummenti u l-pożizzjonijiet li rċeviet mingħand il-membri tal-pubbliku u l-partijiet interessati.

(9)	Għaldaqstant, ir-Regolament (UE) Nru 432/2012 għandu jiġi emendat skont dan.

(10)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u la l-Parlament Ewropew u lanqas il-Kunsill ma opponewhom,

ADOTTAT DAN IR-REGOLAMENT:

Artikolu 1

L-Anness tar-Regolament (UE) Nru 432/2012 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan għandu japplika mit-13 ta’ Mejju 2014.

---

(1)  ĠU L 404, 30.12.2006, p. 9.

(2)  ĠU L 136, 25.5.2012, p. 1.

(3)  Jikkorrispondu għal 2232 annotazzjoni (IDs) fil-lista kkonsolidata.

(4)  http://www.efsa.europa.eu/en/efsajournal/doc/2226.pdf

---

---

24.10.2013

MT

Il-Ġurnal Uffiċjali tal-Unjoni Ewropea

L 282/46

---

REGOLAMENT TAL-KUMMISSJONI (UE) Nru 1019/2013

tat-23 ta’ Ottubru 2013

li jemenda l-Anness I tar-Regolament (KE) Nru 2073/2005 fir-rigward l-istamina fi prodotti tas-sajd

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-oġġetti tal-ikel, (1) u partikolarment l-Artikoli 4(4) tiegħu,

Billi:

(1)

Ir-Regolament tal-Kummissjoni (KE) Nru 2073/2005 tal-15 ta’ Novembru 2005 dwar kriterji mikrobijoloġiċi għall-oġġetti tal-ikel (2) jistipula kriterji mikrobijoloġiċi għal ċerti mikroorganiżmi u r-regoli ta’ implimentazzjoni li jridu jkunu konformi magħhom l-operaturi tan-negozju tal-ikel fl-implimentazzjoni tal-miżuri ġenerali u speċifiċi ta’ iġjene msemmija fl-Artikolu 4 tar-Regolament (KE) Nru 852/2004. B’mod partikolari, huwa jipprevedi kriterji ta’ sikurezza tal-ikel għall-istamina u pjanijiet ta’ kampjunar għal prodotti tas-sajd minn speċi ta’ ħut li huma assoċjati ma’ ammont għoli ta’ istidina.

(2)

Zalza tal-ħut prodotta bil-fermentazzjoni hija prodott likwidu tas-sajd. Il-Kummissjoni tal-Codex Alimentarius (3) stabbiliet il-livelli massimi rakkomandati ġodda ta’ istamina f’tali zalza tal-ħut li huma differenti minn dawk stabbiliti fl-Anness I tar-Regolament (KE) Nru 2073/2005. Dik ir-Rakkomandazzjoni hija skont l-informazzjoni dwar id-dejta ta’ esponiment tal-konsumatur ppreżentata mill-Awtorità Ewropea dwar is-Sigurtà fl-Ikel (“EFSA”) fl-opinjoni xjentifika tagħha dwar kontroll imsejjes fuq il-valutazzjoni tar-riskji ta’ formazzjoni amini bijoġeniċi f’ikel iffermentat (4).

(3)	Billi z-zalza tal-ħut hija prodott tas-sajd likwidu, jista’ jkun mistenni li l-istamina titqassam b’mod indaqs. Il-pjan għat-teħid tal-kampjuni jista’ għalhekk ikun aktar sempliċi milli għal prodotti tas-sajd li jseħħu f’forma oħra.

(4)

Huwa xieraq li jiġi stabbilit kriterju tas-sikurezza tal-ikel separat għal zalza tal-ħut prodotta permezz ta’ fermentazzjoni ta’ prodotti tas-sajd sabiex il-kriterju jiġi allinjat mal-istandard il-ġdid tal-Codex Alimentarius u l-opinjoni tal-EFSA. In-nota ta’ qiegħ il-paġna (2) għandha tiġi emendata wkoll.

(5)

Il-pjan normali għat-teħid tal-kampjuni għall-preżenza tal-istamina fil-prodotti tas-sajd jikkonsisti minn disa’ kampjuni li jeħtieġu ħafna materjal tal-kampjuni. In-nota ta’ qiegħ il-paġna 18 i tas-sikurezza tal-ikel 1.26 għall-prodotti tas-sajd tiddikjara li jistgħu jittieħdu kampjuni individwali fil-livell tal-bejgħ bl-imnut. F’dawn il-każijiet, il-grupp kollu m’għandux jitqies mhux sikur minħabba riżultat ta’ kampjun wieħed. Madankollu, jekk wieħed mid-disa’ kampjuni analizzati jinstab li jkun ‘il fuq minn M il-grupp kollu għandu jitqies mhux sikur. Dan għandu jkun ukoll il-każ meta kampjuni singoli jinstabu li jkunu ogħla minn M. Konsegwentement, huwa xieraq li n-nota ta’ qiegħ il-paġna (18) tiġi emendata. In-nota ta’ qiegħ il-paġna (18) għandha tiġi applikata wkoll għaż-żewġ kriterji tas-sikurezza tal-ikel 1.26 u 1.27.

(6)	Ir-Regolament (KE) Nru 2073/2005 għandu għalhekk jiġi emendat skont dan.

(7)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 2073/2005 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 139, 30.4.2004, p. 1.

(2)  ĠU L 338, 22.12.2005, p. 1.

(3)  Il-Codex Alimentarius standard għal Zalza tal-Ħut (CODEX STAN 302 – 2011).

(4)  The EFSA Journal 2011; 9(10):2393.

---

---

24.10.2013

MT

Il-Ġurnal Uffiċjali tal-Unjoni Ewropea

L 282/48

---

REGOLAMENT TA’ IMPLIMENTAZZJONI TAL-KUMMISSJONI (UE) Nru 1020/2013

tat-23 ta’ Ottubru 2013

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),

Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,

Billi:

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  ĠU L 299, 16.11.2007, p. 1.

(2)  ĠU L 157, 15.6.2011, p. 1.

---

---

24.10.2013

MT

Il-Ġurnal Uffiċjali tal-Unjoni Ewropea

L 282/50

---

DEĊIŻJONI TAL-KUNSILL

tas-17 ta’ Ottubru 2013

dwar il-pożizzjoni li għandha tiġi adottata, f’isem l-Unjoni Ewropea, fil-Kumitat Konġunt UE-EFTA dwar it-tranżitu komuni li tikkonċerna l-adozzjoni ta’ Deċiżjoni li temenda l-Konvenzjoni tal-20 ta’ Mejju 1987 dwar proċedura komuni ta’ tranżitu, fir-rigward tal-modifika ta’ kodiċijiet HS u kodiċijiet tal-imballaġġ

(2013/524/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4) flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

(1)

L-Artikolu 15 tal-Konvenzjoni tal-20 ta’ Mejju 1987 dwar proċedura komuni ta’ tranżitu (1) (il-“Konvenzjoni”) jagħti s-setgħa lill-Kumitat Konġunt UE-EFTA dwar it-tranżitu komuni imwaqqaf mill-Konvenzjoni sabiex jirrakkomanda u jadotta, permezz ta’ deċiżjonijiet, emendi għall-Konvenzjoni u l-Appendiċi tagħha.

(2)

Fis-26 ta’ Ġunju 2009, il-Kunsill għall-Kooperazzjoni Dognanali adotta Rakkomandazzjoni li temenda n-nomenklatura tas-Sistema Armonizzata. Bħala konsegwenza ta’ dik ir-Rakkomandazzjoni, fl-1 ta’ Jannar 2012 ir-Regolament ta’ Implimentazzjoni tal-Kummissjoni (UE) Nru 1006/2011 (2) daħal fis-seħħ u ssostitwixxa l-kodiċi HS 1701 11 b’żewġ kodiċijiet HS ġodda, jiġifieri 1701 13 u 1701 14, kif ukoll il-kodiċi HS 2403 10 b’żewġ kodiċijiet HS ġodda, jiġifieri 2403 11 u 2403 19.

(3)	Minħabba s-sostituzzjoni tal-kodiċijiet HS 1701 11 and 2403 10 permezz tar-Regolament ta’ Implimentazzjoni (UE) Nru 1006/2011, dawk il- kodiċijiet għandhom jiġu emendati wkoll fl-Anness I (Merkanzija li tinvolvi riskju ogħla ta’ frodi) għall-Appendiċi I għall-Konvenzjoni.

(4)

Il-Kummissjoni Ekonomika għall-Ewropa tan-Nazzjonijiet Uniti ħarġet reviżjoni 8.1 tar-Rakkomandazzjoni Nru 21 dwar, inter alia, kodiċijiet tal-imballaġġ. Huwa għalhekk neċessarju li l-lista ta’ kodiċijiet tal-imballaġġ li tinsab fl-Anness A2 għall-Appendiċi III għall-Konvenzjoni tiġi adattata f’konformità ma’ dik ir-reviżjoni.

(5)	Billi l-format tal-kodiċiiet tal-imballaġġ inbidel minn alphabetic2 (a2) għal alphanumeric2 (an2), it-Tip/Tul tat-tip ta’ tal-pakki (kaxxa 31) previst fl-Anness A1 għall-Appendiċi III għall-Konvenzjoni għandu wkoll jiġi emendat skont dan.

(6)	Għalhekk, il-pożizzjoni tal-Unjoni Ewropea dwar l-emenda proposta għandha tiġi determinata,

ADOTTA DIN ID-DEĊIŻJONI:

Artikolu 1

Il-pożizzjoni li għandha tiġi adottata mill-Unjoni Ewropea fil-Kumitat Konġunt UE-EFTA dwar it-tranżitu komuni li tikkonċerna l-adozzjoni tad-Deċiżjoni Nru 2/2013 mill-Kumitat Konġunt UE-EFTA dwar it-tranżitu komuni li temenda l-Konvenzjoni tal-20 ta’ Mejju 1987 dwar proċedura komuni ta’ tranżitu għandha tkun ibbażata fuq l-abbozz ta’ Deċiżjoni anness ma’ din id-Deċiżjoni.

Jista’ jintlaħaq qbil dwar bidliet żgħar għall-abbozz ta’ Deċiżjoni mir-rappreżentanti tal-Unjoni Ewropea fil-Kumitat Konġunt UE-EFTA dwar it-tranżitu komuni wara li jkunu debitament infurmaw lilll-Kunsill.

Artikolu 2

Il-Kummissjoni għandha tippubblika d-Deċiżjoni tal-Kumitat Konġunt UE-EFTA dwar it-tranżitu komuni msemmija fl-Artikolu 1, meta tiġi adottata, f’Il-Ġurnal Uffiċjali tal-Unjoni Ewropea.

Artikolu 3

Din id-Deċiżjoni hija indirizzata lill-Istati Membri.

---

(1)  ĠU L 226, 13.8.1987, p. 2 (Edizzjoni Speċjali bil-Malti: Kapitolu 02 Volum 02 p. 291).

(2)  Regolament ta’ Implimentazzjoni tal-Kummissjoni (UE) Nru 1006/2011 tas-27 ta’ Settembru 2011 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Komuni Doganali (Edizzjoni Speċjali bil-Malti: Kapitolu 02 Volum 02 p. 382).

---

---

24.10.2013

MT

Il-Ġurnal Uffiċjali tal-Unjoni Ewropea

L 282/71

---

DEĊIŻJONI TA’ IMPLIMENTAZZJONI TAL-KUNSILL

tat-22 ta’ Ottubru 2013

li temenda d-Deċiżjoni ta’ Implimentazzjoni 2011/77/UE dwar l-għoti ta’ assistenza finanzjarja tal-Unjoni lill-Irlanda

(2013/525/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 407/2010 tal-11 ta’ Mejju 2010 li jistabbilixxi mekkaniżmu Ewropew ta’ stabbilizzazzjoni finanzjarja (1), u b’mod partikolari l-Artikolu 3(2) tiegħu,

Wara li kkunsidra l-proposta mill-Kummissjoni Ewropea,

Billi:

(1)

Fuq talba tal-Irlanda, il-Kunsill ta assistenza finanzjarja lill-Irlanda permezz tad-Deċiżjoni ta’ Implimentazzjoni 2011/77/UE (2) bħala sostenn għal programm ekonomiku u ta’ riforma b’saħħtu biex terġa’ tinkiseb il-fiduċja, bil-għan li l-ekonomija tmur lura għal sitwazzjoni ta’ tkabbir sostenibbli, u bil-għan li tiġi ssalvagwardjata l-istabbiltà finanzjarja fl-Irlanda, fiż-żona tal-euro u fl-Unjoni.

(2)	Il-Kummissjoni temmet l-għaxar reviżjoni tal-programm ta’ riforma ekonomika Irlandiża fl-10 ta’ Lulju 2013.

(3)

Tenħtieġ estenzjoni qasira tal-perjodu ta’ disponibbiltà tal-assistenza finanzjarja biex din tkun tippermetti li ssir valutazzjoni komprensiva u intera tal-konformità tal-programm fil-qafas tar-reviżjoni finali b’diliġenza dovuta u biex tiżgura li d-deċiżjoni dwar ir-rilaxx tal-aħħar pagament tkun tista’ tipproċedi f’waqtha.

(4)	Id-Deċiżjoni ta’ Implimentazzjoni 2011/77/UE għandha għalhekk tiġi emendata kif meħtieġ,

ADOTTA DIN ID-DEĊIŻJONI:

Artikolu 1

L-Artikolu 1(2) tad-Deċiżjoni ta’ Implimentazzjoni 2011/77/UE huwa sostitwit b’dan li ġej:

Artikolu 2

Din id-Direttiva għandha ssir effettiva fil-jum tan-notifika tagħha.

Artikolu 3

Din id-Deċiżjoni hija indirizzata lill-Irlanda.

---

(1)  ĠU L 118, 12.5.2010, p. 1.

(2)  Id-Deċiżjoni ta’ Implimentazzjoni tal-Kunsill 2011/77/UE tas-7 ta’ Diċembru 2010 dwar l-għoti ta’ assistenza finanzjarja tal-Unjoni lill-Irlanda (ĠU L 30, 4.2.2011, p. 34).

---

24.10.2013

MT

Il-Ġurnal Uffiċjali tal-Unjoni Ewropea

L 282/72

---

DEĊIŻJONI TAL-AWTORITÀ TA' SORVELJANZA TAL-EFTA

Nru 394/11/COL

tal-14 ta’ Diċembru 2011

li temenda, għat-tlieta u tmenin darba, ir-regoli proċedurali u sostantivi fil-qasam tal-għajnuna mill-Istat billi tintroduċi kapitolu ġdid dwar l-applikazzjoni, mill-1 ta’ Jannar 2012, tar-regoli ta’ għajnuna mill-Istat għal miżuri ta’ sostenn favur il-banek fil-kuntest tal-kriżi finanzjarja

L-AWTORITÀ TA' SORVELJANZA TAL-EFTA ("L-AWTORITÀ"),

Billi:

Skont l-Artikolu 5(2)(b) tal-Ftehim dwar is-Sorveljanza u l-Qorti, l-Awtorità għandha toħroġ avviżi jew linji gwida dwar kwistjonijiet trattati fil-Ftehim taż-ŻEE, jekk dan ikun previst espliċitament fil-Ftehim jew fil-Ftehim dwar is-Sorveljanza u l-Qorti jew jekk l-Awtorità tikkunsidra li hu meħtieġ,

Fl-1 ta’ Diċembru 2011, il-Kummissjoni Ewropea adottat Komunikazzjoni dwar l-applikazzjoni, mill-1 ta’ Jannar 2012, tar-regoli dwar l-għajnuna mill-Istat għal miżuri ta' sostenn favur il-banek fil-kuntest tal-kriżi finanzjarja (1),

Din il-Komunikazzjoni hija wkoll rilevanti għaż-Żona Ekonomika Ewropea,

Għandha tiġi żgurata l-applikazzjoni uniformi tar-regoli taż-ŻEE dwar għajnuna mill-Istat madwar iż-Żona Ekonomika Ewropea kollha skont l-objettiv ta’ omoġeneità stabbilit fl-Artikolu 1 tal-Ftehim taż-ŻEE,

Skont il-punt II taħt it-titolu "ĠENERALI" fil-paġna 11 tal-Anness XV tal-Ftehim taż-ŻEE, l-Awtorità, wara konsultazzjoni mal-Kummissjoni, għandha tadotta atti li jkunu jikkorrispondu ma' dawk adottati mill-Kummisssjoni Ewropea,

L-Awtorità kkonsultat mal-Kummissjoni Ewropea u mal-Istati tal-EFTA permezz ta' ittri bid-data tad-2 ta' Diċembru 2011 dwar dan is-suġġett,

ADOTTAT DIN ID-DEĊIŻJONI:

Artikolu 1

Il-Linji Gwida dwar l-għajnuna mill-Istat għandhom jiġu emendati bl-introduzzjoni ta’ kapitolu ġdid dwar l-applikazzjoni, mill-1 ta’ Jannar 2012, tar-regoli ta' għajnuna mill-Istat għal miżuri ta' sostenn favur il-banek fil-kuntest tal-kriżi finanzjarja.

Il-kapitolu l-ġdid jinsab fl-Anness ta’ din id-Deċiżjoni.

Artikolu 2

Il-verżjoni Ingliża ta’ din id-deċiżjoni hija l-unika waħda meqjusa bħala awtentika.

---

(1)  ĠU C 356, 6.12.2011, p. 7.

---

---