12.3.2013   

MT

Il-Ġurnal Uffiċjali tal-Unjoni Ewropea

L 68/1

(1)

Permezz tar-Regolament ta’ Implimentazzjoni (UE) Nru 2/2012 (2), il-Kunsill impona dazju anti-dumping definittiv ta’ 24,7 % fuq importazzjonijiet ta’ ċerti qfieli tal-azzar li ma jissaddadx u partijiet tagħhom li joriġinaw mir-Repubblika Popolari taċ-Ċina (“ir-RPĊ”) għall-kumpaniji kollha minbarra dawk imsemmija fl-Artikolu 1(2) ta’ dak ir-Regolament, wara r-reviżjoni tal-iskadenza tal-miżuri imposti mir-Regolament tal-Kunsill (KE) Nru 1890/2005 (3) (“ir-Regolament oriġinali”). Dawn il-miżuri minn issa ‘l quddiem se jissejħu “l-miżuri fis-seħħ” jew “il-miżuri oriġinali” u l-investigazzjoni li wasslet biex jiġu imposti l-miżuri mir-Regolament oriġinali minn issa ‘l quddiem se tissejjaħ “l-investigazzjoni oriġinali”.

(2)

Il-Kummissjoni Ewropea (“il-Kummissjoni”), wara li kkonsultat lill-Kumitat Konsultattiv, u wara li ddeterminat li kienet teżisti biżżejjed evidenza prima facie sabiex tinbeda investigazzjoni skont l-Artikoli 13(3) u 14(5) tar-Regolament bażiku, iddeċidiet li tinvestiga fuq inizjattiva proprja l-evażjoni possibbli tal-miżuri anti-dumping imposti fuq importazzjonijiet ta’ ċerti qafliet tal-azzar li ma jissaddadx u partijiet tagħhom li joriġinaw mir-RPĊ u li tagħmel l-importazzjonijiet ta’ ċerti qafliet tal-azzar li ma jissaddadx u partijiet tagħhom ikkonsenjati mill-Malasja, it-Tajlandja u l-Filippini, kemm jekk dikjarati bħala li joriġinaw fil-Malasja, it-Tajlandja u l-Filippini u kemm jekk le, suġġett għal reġistrazzjoni.

(3)

L-investigazzjoni inbdiet fil-15 ta’ Ġunju 2012 mir-Regolament tal-Kummissjoni (UE) Nru 502/2012 (4)“ir-Regolament ta’ ftuħ”).

(4)

L-evidenza prima facie għad-dispożizzjoni tal-Kummissjoni kienet dik li seħħet wara l-impożizzjoni tal-miżuri stabbiliti fl-investigazzjoni oriġinali ta’ bidla sinifikanti fix-xejra kummerċjali li tinvolvi esportazzjonijiet mir-RPĊ, il-Malasja, it-Tajlandja u l-Filippini lejn l-Unjoni, li għaliha ma kienx hemm raġuni valida jew ġustifikazzjoni ekonomika suffiċjenti għajr għall-impożizzjoni tal-miżuri fl-investigazzjoni oriġinali. Din il-bidla allegatament irriżultat mit-trasbord ta’ ċerti qfieli tal-azzar li ma jissaddadx u partijiet tagħhom li joriġinaw mir-RPĊ permezz tal-Malasja, it-Tajlandja u l-Filippini lejn l-Unjoni.

(5)

Barra minn hekk, l-evidenza enfasizzat il-fatt li l-effetti rimedjali tal-miżuri fis-seħħ kienu qed jiġu mminati kemm f’termini ta’ kwantità kif ukoll ta’ prezz. L-evidenza wriet li iktar importazzjonijiet mill-Malasja, it-Tajlandja u l-Filippini saru bi prezzijiet ħafna irħas mill-prezz li ma jikkawża ebda dannu stabbilit fl-investigazzjoni oriġinali, aġġustat minħabba li l-ispejjeż tal-materja prima għolew.

(6)

Fl-aħħar nett, kien hemm evidenza li l-prezzijiet ta’ ċertu qfieli tal-azzar li ma jissaddadx u partijiet tagħhom konsenjati mill-Malasja, it-Tajlandja u l-Filippini ntremew minħabba l-valur normali stabbilit qabel matul l-investigazzjoni oriġinali, aġġustat minħabba li l-ispejjeż tal-materja prima għolew.

(7)

Il-Kummissjoni avżat uffiċjalment lill-awtoritajiet tar-RPĊ, tal-Malasja, tat-Tajlandja u tal-Filippini, lill-produtturi esportaturi f’dawk il-pajjiżi, lill-importaturi fl-Unjoni magħrufa li huma kkonċernati u lill-industrija tal-Unjoni, bil-bidu tal-investigazzjoni.

(8)

Formoli ta’ eżenzjoni ntbagħtu lill-produtturi/esportaturi fil-Malasja, it-Tajlandja u l-Filippini li taf bihom il-Kummissjoni jew permezz tal-Missjonijiet tal-pajjiżi kkonċernati għall-Unjoni Ewropea. Intbagħtu kwestjonarji lill-produtturi/esportaturi fir-RPĊ li taf bihom il-Kummissjoni jew permezz tal-Missjoni tal-RPĊ għall-Unjoni. Il-kwestjonarji ntbagħtu wkoll lill-importaturi magħrufa fl-Unjoni.

(9)

Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ fiż-żmien stipulat fir-Regolament ta’ ftuħ. Il-partijiet kollha kienu infurmati li nuqqas ta’ kooperazzjoni tista’ twassal għall-applikazzjoni tal-Artikolu 18 tar-Regolament bażiku u għal sejbiet li jkunu bbażati fuq il-fatti disponibbli.

(10)

Seba’ produtturi/esportaturi mill-Malasja, sitta mit-Tajlandja u tlieta mill-Filippini u tliet kumpaniji relatati tagħhom fir-RPĊ, fejn applikabbli, ippreżentaw risposti għall-formoli ta’ eżenzjoni. Kienu rifjutati sottomissjonijiet ta’ żewġ kumpaniji mill-Malasja, waħda mit-Tajlandja u waħda mill-Filippini minħabba raġunijiet formali peress li nstab li l-kumpaniji inkwistjoni jew ma kinux il-produtturi tal-prodott investigat jew naqsu milli jikkooperaw wara s-sottomissjoni tal-formola tal-eżenzjoni jew peress li l-formola ta’ eżenzjoni kienet sottomessa fi stadju tard ħafna tal-investigazzjoni.

(11)

It-tweġibiet tal-kwestjonarju tressqu minn żewġ esportaturi Ċiniżi u erba’ importaturi/gruppi ta’ importaturi tal-Unjoni.

(12)

Il-Kummissjoni għamlet żjajjar ta’ verifika fil-bini tal-kumpaniji li ġejjin:

(13)

Il-perjodu ta’ rappurtar (PR) jiġifieri l-perjodu li għalih saru testijiet tal-valur miżjud u kalkoli ta’ dumping/bejgħ bi prezz irħas milli mistħoqq, kopra 12-il xahar mill-1 ta’ April 2011 sal-31 ta’ Marzu 2012. Il-perjodu ta’ investigazzjoni (PI), jiġifieri l-perjodu li matulu saret analiżi dwar it-tibdiliet fix-xejriet kummerċjali u kienu eżaminati prattiki possibbli ta’ evażjoni, kopra l-perjodu mill-impożizzjoni tal-miżuri oriġinali sal-aħħar tal-PR.

(14)

Skont l-Artikolu 13(1) tar-Regolament bażiku, il-valutazzjoni tal-eżistenza ta’ evażjoni saret billi ġie analizzat b’mod suċċessiv jekk kienx hemm bidla fix-xejra tal-kummerċ bejn ir-RPĊ, il-tliet pajjiżi interessati u l-Unjoni; jekk din il-bidla fix-xejra tal-kummerċ nibtitx minn xi prattika, proċess jew ħidma li għalihom ma hemmx raġuni valida jew ġustifikazzjoni ekonomika suffiċjenti għajr għall-impożizzjoni tad-dazju; jekk kienx hemm evidenza ta’ ħsara jew jekk l-effetti rimedjali tad-dazju ġewx kompromessi f’termini tal-prezzijiet u/jew tal-kwantitajiet tal-prodott investigat; u jekk kienx hemm evidenza ta’ dumping b’rabta mal-valuri normali stabbiliti qabel għall-prodotti simili fl-investigazzjoni oriġinali, jekk hemm bżonn skont id-dispożizzjonijiet tal-Artikolu 2 tar-Regolament bażiku.

(15)

Il-prodott ikkonċernat mill-evażjoni possibbli huwa ċerti qfieli tal-azzar li ma jissaddadx u partijiet tagħhom, li joriġinaw fir-Repubblika Popolari taċ-Ċina, li bħalissa huma kklassifikati fil-kodiċi NM 7318 12 10, 7318 14 10, 7318 15 30, 7318 15 51, 7318 15 61 u 7318 15 70 (“il-prodott ikkonċernat”).

(16)

Il-prodott taħt investigazzjoni huwa l-istess bħall-prodott ikkonċernat, iżda konsenjat mill-Malasja, it-Tajlandja u l-Filippini, kemm jekk dikjarat li joriġina fil-Malasja, it-Tajlandja u l-Filippini u kemm jekk le, li bħalissa jaqa’ taħt l-istess kodiċijiet NM bħala l-prodott konċernat (“il-prodott investigat”).

(17)

L-investigazzjoni wriet li ċerti qfieli tal-azzar li ma jissaddadx u partijiet tagħhom, kif definiti hawn fuq, esportati lejn l-Unjoni mill-PRĊ u dawk ikkunsinjati mill-Malasja, it-Tajlandja u l-Filippini għall-Unjoni għandhom l-istess karatteristiċi bażiċi fiżiċi u tekniċi u l-istess użi, u għalhekk jitqiesu bħala prodotti simili fi ħdan it-tifsira tal-Artikolu 1(4) tar-Regolament bażiku.

(18)

Kif ingħad fil-premessa (10) hawn fuq, tliet kumpaniji mill-Filippini biss (iktar tard waħda minnhom instabet li mhix produttur jew esportatur tal-prodott investigat) ippreżentaw formola ta’ eżenzjoni bħala risposta. Għaldaqstant, il-kumpaniji li jikkooperaw kienu qed jirrapreżentaw 10 % tal-esportazzjonijiet Filippini tal-prodott investigat lejn l-Unjoni fir-RPĊ.

(19)

Risposta ta’ kwestjonarju kienet ippreżentata wkoll minn żewġ produtturi/esportaturi Ċiniżi; madankollu, l-ebda kumpanija minnhom ma kienet involuta fl-esportazzjoni lejn il-Filippini fil-PI.

(20)

B’kunsiderazzjoni għal-livell relattivament baxx ta’ kooperazzjoni ta’ kumpaniji Filippini u Ċiniżi, is-sejbiet fir-rigward ta’ importazzjonijiet ta’ ċeti qfieli tal-azzar li ma jissaddadx u partijiet tagħhom mill-Filippini għall-Unjoni u esportazzjonijiet tal-prodott ikkonċernat mir-RPĊ lejn il-Filippini kellhom isiru abbażi tal-fatti disponibbli skont l-Artikolu 18(1) tar-Regolament bażiku. F’dan il-każ id-dejta tal-Eurostat intużat biex tiddetermina l-volumi ta’ importazzjoni ġenerali mill-Filippini lejn l-Unjoni u l-istatistika nazzjonali Ċiniża ntużat għad-determinazzjoni tal-esportazzjonijiet ġenerali mir-RPĊ lejn il-Filippini.

(21)

Fir-rigward tal-istatistika dwar l-esportazzjonijiet Ċiniżi, għandu jkun innotat li statistiki ta’ flussi ta’ kummerċ bejn ir-RPĊ u l-Filippini jkopru kodiċijiet HS sħaħ, li huwa grupp ta’ prodotti ikbar mill-prodott ikkonċernat u l-prodott investigat. Madankollu, b’kunsiderazzjoni għax-xejra ċara ħafna li eżistiet, din id-dejta tista’ tintuża biex tistabbilixxi bidla fix-xejra kummerċjali.

(22)

Fl-aħħar nett, bħala sors addizzjonali ta’ informazzjoni, intużat id-dejta pprovduta mill-awtoritajiet Filippini. Għalkemm din id-dejta ma kenitx kompluta u dettaljata biżżejjed biex tkun bażi unika għall-analiżi, kienet adattata għal kontroverifiki fir-rigward tax-xejra tal-kummerċ.

(23)

Wara l-impożizzjoni tal-miżuri oriġinali dwar l-importazzjonijiet mir-RPĊ, l-importazzjonijiet lejn l-UE tal-prodott investigat mill-Filippini żdiedu f’daqqa u konsiderevolment. Mil-livell minimu ta’ inqas min 100 MT kull sena fl-2004-2005, l-importazzjonijiet żdiedu għal aktar minn 12 000 MT fil-PR.

(24)

Fl-istess ħin, l-esportazzjonijiet miċ-Ċina lejn il-Filippini kienu qed jiżdiedu konsiderevolment fis-snin 2004-PR minn 1 100 MT għal iktar minn 15 000 MT.

(25)

Id-dejta turi b’mod ċar li l-importazzjonijiet fl-Unjoni mill-Filippini kienu negliġibbli fl-2004 u l-2005. Madankollu, fl-2006, wara l-impożizzjoni tal-miżuri dwar ir-RPĊ, l-importazzjonijiet żdiedu f’daqqa u parzjalment issostitwixxew l-esportazzjonijiet mir-RPĊ fis-suq tal-Unjoni f’termini ta’ volum. Barra minn hekk, minn mindu ġew imposti l-miżuri fis-seħħ, it-tnaqqis tal-esportazzjonijiet mir-RPĊ lejn l-Unjoni kien wieħed sinifikanti (70 %). Qed jiġi nnutat ukoll li d-dejta li waslet mill-awtoritajiet Filippini tikkonferma li persentaġġ żgħir biss tal-importazzjonijiet mir-RPĊ kien rilaxxat għal kummerċ fit-territorju doganali tal-Filippini. Ħafna mill-importazzjonijiet kienu indirizzati għaż-żoni ekonomiċi speċjali.

(26)

L-Artikolu 13(1) tar-Regolament bażiku jitlob li l-bidla fix-xejra tal-kummerċ tinbet minn prattika, proċess jew ħidma li għalihom ma hemmx raġuni valida jew ġustifikazzjoni ekonomika suffiċjenti għajr għall-impożizzjoni tad-dazju. Il-prattika, il-proċess u l-ħidma jinkludu, fost l-oħrajn, il-konsenja tal-prodott suġġetta għall-miżuri permezz ta’ pajjiżi terzi.

(27)

Fl-RP huwa nnutat li esportazzjonijiet Filippini tal-kumpaniji li jikkooperaw ammontaw għal madwar 10 % tal-esportazzjonijiet Filippini totali lejn l-Unjoni. Il-bqija tal-esportazzjonijiet jistgħu jiġu attribwiti lill-produtturi li ma kkooperawx fl-investigazzjoni jew permezz ta’ prattiki ta’ trasbord. Il-konklużjoni tal-aħħar hija appoġġjata mill-informazzjoni u d-dejta pprovduti mill-awtoritajiet Filippini b’mod partikolari l-fatti li i) ħafna mill-importazzjonijiet mir-RPĊ tal-prodott ikkonċernat kienu indirizzati lejn żoni ekonomiċi speċjali u ma daħlux fit-territorji doganali tal-Filippini, ii) l-għadd ta’ produtturi ġenwini tal-prodott investigat fil-Filippini huwa limitat ħafna.

(28)

L-eżistenza ta’ trasbord ta’ prodotti ta’ oriġini Ċiniża mill-Filippini, għaldaqstant, kienet ikkonfermata.

(29)

L-investigazzjoni ma żvelat l-ebda raġuni adegwata jew ġustifikazzjoni ekonomika oħra għat-trasbord ħlief l-evażjoni tal-miżuri fis-seħħ tal-prodott ikkonċernat. Ma nstab l-ebda element, għajr għad-dazju, li seta’ jitqies bħala kumpens għall-ispejjeż tat-trasbord, partikolarment fir-rigward tat-trasport u t-tagħbija mill-ġdid, ta’ ċerti qfieli tal-azzar li ma jissaddadx u partijiet tagħhom li joriġinaw mir-RPĊ mill-Filippini.

(30)

Biex jiġi vvalutat jekk il-prodott importat investigat, f’termini ta’ kwantitajiet u prezzijiet, imminax l-effetti rimedjali tal-miżuri fis-seħħ fuq importazzjonijiet tal-prodott ikkonċernat, intużat id-dejta tal-Eurostat bħala l-aħjar dejta disponibbli dwar il-kwantitajiet u l-prezzijiet ta’ esportazzjonijiet minn kumpaniji li ma kkoperawx fil-Filippini. Il-prezzijiet kif kienu determinati ġew imqabbla mal-livell ta’ eliminazzjoni ta’ ħsara stabbilit għal produtturi tal-Unjoni fl-investigazzjoni oriġinali. Minħabba d-differenza sostanzjali fil-ħin bejn l-IP oriġinali u l-RP f’din l-investigazzjoni, kellhom ikunu kkunsidrati l-iżviluppi sinifikanti fl-elementi bażiċi tal-ispejjeż tal-produzzjoni. Dan kien rifless fl-aġġustament tal-prezz li ma jikkawżax ħsara abbażi taż-żieda fil-prezz tal-materja prima bażika u, għall-kumplament tal-elementi tal-ispejjeż tal-manifattura u l-bejgħ, abbażi tal-varjazzjoni fl-indiċi tal-prezz tal-konsumatur fl-Unjoni.

(31)

Iż-żieda tal-importazzjonijiet mill-Filippini lejn l-Unjoni minn 100 MT fl-2004 għal 12 000 MT fil-PR, tqieset bħala sinifikanti f’termini ta’ kwantitajiet.

(32)

It-tqabbil tal-livell aġġustat li jelimina l-ħsara u l-prezz medju ippeżat tal-esportazzjonijiet urew bejgħ bi prezz irħas milli mistħoqq.

(33)

Għaldaqstant ġie konkluż li l-effetti rimedjali tal-miżuri fis-seħħ qed jiġu mminati kemm f’termini ta’ kwantitajiet kif ukoll ta’ prezzijiet.

(34)

Finalment, b’konformità mal-Artikolu 13(1) tar-Regolament bażiku, ġie eżaminat jekk kienx hemm evidenza ta’ dumping b’rabta mal-valur normali stabbilit preċedentement fl-investigazzjoni oriġinali.

(35)

Fir-Regolament oriġinali, il-valur normali ġie stabbilit abbażi tal-prezzijiet fit-Tajwan, li fl-investigazzjoni nstab li kien pajjiż analogu b’ekonomija tas-suq adegwata għar-RPĊ. Madankollu, minħabba d-differenza sostanzjali fil-ħin bejn il-PI oriġinali u l-PR f’din l-investigazzjoni, kellhom ikunu kkunsidrati l-iżviluppi sinifikanti fl-elementi bażiċi tal-ispejjeż tal-produzzjoni. Dan kien rifless fl-aġġustament tal-valur normali abbażi taż-żieda fil-prezz tal-materja prima bażika u, għall-kumplament tal-elementi tal-ispejjeż tal-manifattura u l-bejgħ, abbażi tal-varjazzjoni fl-indiċi tal-prezz tal-konsumatur fit-Tajwan.

(36)

Il-prezz tal-esportazzjonijiet mill-Filippini kien ibbażat fuq il-fatti disponibbli, jiġifieri fuq il-prezz medju tal-esportazzjonijiet ta’ ċerti qfieli tal-azzar li ma jissaddadx u partijiet tagħhom matul il-PR kif irrappurtat fil-Eurostat. L-użu tal-fatti disponibbli kien minħabba l-livell minimu ta’ kooperazzjoni ta’ kull produttur tal-prodott investigat fil-Filippini. Il-prezz medju tal-esportazzjoni użat għall-kalkolu kien kontroverifikat mal-livell tal-prezzijiet tal-esportazzjoni taż-żewġ esportaturi Filippini u jidher li huma kompatibbli magħhom.

(37)

Biex jiġi żgurat tqabbil ġust bejn il-valur normali u l-prezz tal-esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku. Għaldaqstant saru aġġustamenti għad-differenzi fit-trasport, l-assigurazzjoni u għall-VAT mingħajr rifużjoni fuq bejgħ għall-esportazzjoni fir-RPĊ. Minħabba li ma kien hemm l-ebda kooperazzjoni mill-produtturi fil-Filippini u r-RPĊ, l-aġġustamenti kellhom jiġu stabbiliti fuq il-bażi tal-aħjar fatti disponibbli. Għaldaqstant, l-aġġustamenti għat-trasport u l-assigurazzjoni kienu bbażati fuq l-ispejjeż għat-trasport u l-assigurazzjoni għal kull tunnellata fl-investigazzjoni oriġinali.

(38)

Skont l-Artikoli 2(11) u 2(12) tar-Regolament bażiku, id-dumping ġie kkalkulat billi tqabbel il-valur normali medju peżat aġġustat kif stabbilit fir-Regolament oriġinali u l-prezzijiet medji peżati tal-esportazzjoni korrispondenti tal-importazzjoni tal-Filippini matul ir-RP ta’ din l-investigazzjoni, espress bħala perċentwal tal-prezz CIF f’dazju mhux imħallas fil-fruntiera tal-Unjoni.

(39)

It-tqabbil tal-valur normali medju peżat u l-prezzijiet medji peżati tal-esportazzjonijiet kif stabbiliti wera dumping.

(40)

Kif iddikjarat fil-premessa (10) hawn fuq, seba’ kumpaniji mill-Malasja ppreżentaw it-tweġibiet tagħhom għall-formola tal-eżenzjoni. Waħda minn dawn il-kumpaniji dehret li ma kenitx il-produttur tal-prodott investigat, filwaqt li l-oħra ssottomettiet it-tweġiba mhux kompluta tagħha fi stadju tard tal-investigazzjoni li għamlitha impossibbli li tissupplimenta n-nuqqasijiet u tivverifika l-informazzjoni u d-dejta ppreżentata. Għaldaqstant, dawn iż-żewġ tweġibiet għall-formoli ta’ eżenzjoni kellhom jitwarrbu. Madanakollu, il-ħames kumpaniji li jikkooperaw Malasjani li baqa’ kienu qed jirrapreżentaw 93 % tal-esportazzjonijiet tal-Malasja tal-prodott investigat lejn l-Unjoni fir-RPĊ.

(41)

Wara l-impożizzjoni tal-miżuri oriġinali dwar l-importazzjonijiet mir-RPĊ, l-importazzjonijiet lejn l-UE tal-prodott investigat mill-Malasja żdiedu f’daqqa u konsistentement. Mil-livell minimu ta’ inqas min 2 000 MT kull sena fl-2004-2005, l-importazzjonijiet żdiedu għal aktar minn 13 000 MT fil-PR.

(42)

Madankollu, għandu jkun enfasizzat li wara ż-żjarat ta’ verifika, kien ikkonfermat li din iż-żieda fl-esportazzjonijiet tal-Malasja lejn l-Unjoni tista’ tkun spjegata miż-żieda tal-produzzjoni ġenwina fil-Malasja matul l-istess perjodu. Il-kumpaniji li jikkooperaw, li nstab li kienu produtturi mill-Malasja mhux involuti fil-prattiki ta’ evażjoni, jirrappreżentaw 93 % tal-esportazzjoni lejn l-Unjoni. L-investigazzjoni żvelat li waħda biss minn dawn il-kumpaniji kienet qed tagħmel trasbord tal-prodott ikkonċernat iżda din il-prattika kienet tikkonċerna parti żgħira mill-bejgħ tagħha u ntemmet fl-2009. Ebda mill-kumpaniji li jikkooperaw ma nstab li kienet involuta fl-attivitajiet ta’ mmuntar fejn jintużaw partijiet jew semi prodotti ta’ oriġini Ċiniża.

(43)

B’kunsiderazzjoni għal dak imsemmi hawn fuq, qed jiġi konkluż li żieda fl-importazzjonijiet mill-Malasja hija ġġustifikata miż-żieda fil-produzzjoni domestika. Għaldaqstant, il-bidla fix-xejra tal-kummerċ bejn il-Malasja u l-Unjoni ma tirriżultax minn prattiki ta’ evażjoni.

(44)

Kif iddikjarat fil-premessa (10) hawn fuq, sitt kumpaniji mit-Tajlandja ppreżentaw it-tweġibiet tagħhom għall-formola tal-eżenzjoni. Waħda minn dawn il-kumpaniji naqset milli tikkoopera fil-proċedura ulterjuri li għamlitha impossibbli li tissupplimenta nuqqasijiet u għamlet verifiki fuq il-post tal-informazzjoni u d-dejta ppreżentata. Għaldaqstant, din it-tweġiba għall-formola tal-eżenzjoni kienet imwarrba. Madanakollu, il-ħames kumpaniji li jikkooperaw Tajlandiżi li baqa’ kienu qed jirrapreżentaw 67 % tal-esportazzjonijiet tat-Tajlandja tal-prodott investigat lejn l-Unjoni fl-RP.

(45)

Wara l-impożizzjoni tal-miżuri oriġinali dwar l-importazzjonijiet mir-RPĊ, l-importazzjonijiet lejn l-UE tal-prodott investigat mit-Tajlandja wrew ix-xejra li ġejja:

(46)

Analiżi tal-esportazzjonijiet mit-Tajlandja lejn l-Unjoni għandha ssir fl-isfond tal-fatt li minn Novembru 2005, it-Tajlandja, bħar-RPĊ, kienet suġġetta għal miżuri anti-dumping tal-Unjoni (5) Dawn il-miżuri skadew f’Novembru 2010. Wara dan, kien hemm żieda qawwija fl-esportazzjonijiet Tajlandiżi lejn l-Unjoni – minn 367 MT fl-2010 għal iktar minn 5 500 MT fl-2011 u iktar minn 6 700 MT fil-PR.

(47)

Madankollu, għandu jkun innutat li l-esportazzjonijiet Tajlandiżi tal-prodott investigat lejn l-Unjoni fil-PR huma f’termini assoluti mhux wisq ogħla minn fl-2004 qabel ma ġew imposti il-miżuri anti-dumping fuq il-RPĊ u t-Tajlandja. F’termini relattivi, (bħala sehem fl-importazzjonijiet totali tal-Unjoni), l-importazzjonijiet mit-Tajlandja saħansitra waqgħu minn 12 % għal 7 %.

(48)

L-investigazzjoni ma żvelat ebda trasbord jew attivitajiet ta’ mmuntar fejn jintużaw partijiet jew semi-prodotti ta’ oriġini Ċiniża. B’kunsiderazzjoni għall-fatt li qabel l-impożizzjoni ta’ miżuri anti-dumping l-esportazzjonijiet mit-Tajlandja definittivament kienu ta’ produzzjoni Tajlandiża ġenwina, diffiċli li jiġi konkluż li l-livell attwali ta’ esportazzjonijiet li huwa simili fil-volum, ikollu oriġini differenti. Għandu jkun enfasizzat li l-ikbar żewġ produtturi Tajlandiżi f’din l-investigazzjoni kienu preżenti wkoll fl-investigazzjoni oriġinali kontra t-Tajlandja.

(49)

B’kunsiderazzjoni għal dak imsemmi hawn fuq, qed jiġi konkluż li żieda fl-importazzjonijiet mit-Tajlandja hija b’mod ġenerali ġġustifikata miż-żieda fil-produzzjoni domestika. Għaldaqstant, il-bidla fix-xejra tal-kummerċ bejn it-Tajlandja u l-Unjoni ma tirriżultax minn prattiki ta’ evażjoni.

(50)

Fid-dawl ta’ dak li ntqal hawn fuq, ġie konkluż li d-dazju anti-dumping definittiv impost fuq l-importazzjonijiet ta’ ċerti drappijiet b’malja miftuħa tal-fibri tal-ħġieġ li joriġinaw mir-RPĊ kien ġie evitat permezz tat-trasbord mill-Filippini fis-sens tal-Artikolu 13(1) tar-Regolament bażiku.

(51)

Skont l-ewwel sentenza tal-Artikolu 13(1) tar-Regolament bażiku, il-miżuri fis-seħħ fuq l-importazzjonijiet tal-prodott ikkonċernat għandhom jiġu estiżi għall-importazzjonijiet tal-prodott investigat, jiġifieri l-istess prodott imma kkonsenjat mill-Filippini sew jekk iddikjarat li joriġina mill-Filippini u sew jekk le.

(52)

Fid-dawl tal-livell baxx ta’ kooperazzjoni f’din l-investigazzjoni, il-miżuri li jridu jiġu estiżi għandhom ikunu l-miżuri stabbiliti fl-Artikolu 1(2) tar-Regolament ta’ Implimentazzjoni (UE) Nru 2/2012 għall-“kumpaniji l-oħrajn kollha”, li bħalissa huwa dazju definittiv anti-dumping ta’ 27,4 % applikabbli għall-prezz nett, ħieles fil-fruntiera tal-Unjoni, qabel id-dazju.

(53)

Skont l-Artikoli 13(3) u 14(5) tar-Regolament bażiku, li jistipulaw li kull miżura estiża għandha tapplika għall-importazzjonijiet li daħlu fl-Unjoni skont ir-reġistrazzjoni imposta mir-Regolament tal-ftuħ, għandhom jinġabru d-dazji fuq dawk l-importazzjonijiet irreġistrati ta’ ċerti qfieli tal-azzar li ma jissaddadx u partijiet tagħhom ikkunsinjati mill-Filippini.

(54)

Fid-dawl tas-sejbiet rigward il-Malasja u t-Tajlandja, għandha tiġi tterminata l-investigazzjoni dwar evażjoni possibbli ta’ miżuri anti-dumping permezz tal-importazzjonijiet ta’ ċerti qfieli tal-azzar li ma jissaddadx u partijiet tagħhom konsenjati mill-Malasja u t-Tajlandja u r-reġistrazzjoni ta’ importazzjonijiet ta’ ċerti qfieli tal-azzar li ma jissaddadx u partijiet tagħhom konsenjati mill-Malasja u t-Tajlandja, introdotta mir-Regolament tal-ftuħ, ma għandhiex titkompla.

(55)

Kif spjegat fil-premessa (10), 16-il kumpanija li jinsabu fil-Malasja, it-Tajlandja u l-Filippini ppreżentaw tweġibiet għall-formola ta’ eżenzjoni filwaqt li talbu eżenzjoni mill-miżuri estiżi possibbli f’konformità mal-Artikolu 13(4)tar-Regolament bażiku.

(56)

It-talbiet għal eżenzjoni tal-kumpaniji mill-Malasja u t-Tajlandja ma kinux valutati peress li l-miżuri mhumiex estiżi għal dawn iż-żewġ pajjiżi.

(57)

Waħda mit-tliet kumpaniji Filippini li talbet eżenzjoni nstabet li ma kenitx tipproduċi u tesporta l-prodott investigat matul il-PI u ma setgħu jinstiltu ebda konklużjonijiet dwar in-natura tal-attivitajiet tagħha. Għalhekk, f’dan l-istadju ma tistax tingħata eżenzjoni lil din il-kumpanija. Madankollu, jekk jidher, wara l-estensjoni tal-miżuri b’rabta mal-anti-dumping fis-seħħ, li l-kundizzjonijiet fl-Artikolu 11(4) u 13(4) tar-Regolament bażiku huma sodisfatti, il-kumpanija tista’ titlob li s-sitwazzjoni tagħha tiġi riveduta.

(58)

Wara ż-żjarat ta’ verifika ġie kkonfermat li ż-żewġ produtturi esportaturi Filippini li baqa’ kienu ġenwini. Għaldaqstant ġie konkluż li ma kinux involuti fi prattiki ta’ evażjoni u b’hekk dawn il-kumpaniji jistgħu jingħataw eżenzjoni.

(59)

Huwa meqjus li huma meħtieġa miżuri speċjali f’dan il-każ sabiex jiżguraw l-applikazzjoni korretta ta’ dawn l-eżenzjonijiet. Dawn il-miżuri speċjali huma r-rekwiżit li huwa ppreżentat lill-awtoritajiet tad-dwana tal-Istati Membri tal-fattura kummerċjali valida, li tkun konformi mar-rekwiżiti stipulati fl-Anness għal dan ir-Regolament. L-importazzjonijiet li ma jkunux akkumpanjati b’tali fattura għandhom ikunu soġġetti għad-dazju anti-dumping estiż.

(60)

Produtturi oħra Filippini li ma fornewx tagħrif dwarhom f’dan il-proċediment u li ma esportawx il-prodott li qed jiġi investigat tul il-PI, u li beħsiebhom iressqu talba għal eżenzjoni mid-dazju estiż b’rabta mal-anti-dumping skont l-Artikoli 11(4) u 13(4) tar-Regolament bażiku, se jkunu mitluba jimlew formola ta’ eżenzjoni sabiex jippermettu lill-Kummissjoni tivvaluta din it-talba. Il-Kummissjoni normalment tagħmel ukoll żjara ta’ verifika fuq il-post. Sakemm jiġu ssodisfati l-kundizzjonijiet stipulati fl-Artikoli 11(4) u 13(4) tar-Regolament bażiku, l-eżenzjoni tista’ tingħata. Meta tingħata eżenzjoni, il-Kummissjoni tista’, wara li tikkonsulta mal-Kumitat Konsultattiv, tawtorizza b’deċiżjoni l-eżenzjoni ta’ importazzjonijiet minn kumpaniji li ma jevadux il-miżuri anti-dumping imposti mir-Regolament ta’ Implimentazzjoni (UE) Nru 2/2012, mid-dazju estiż minn dan ir-Regolament,

(61)

Il-partijiet kollha interessati ġew mgħarrfa bil-fatti u l-kunsiderazzjonijiet essenzjali li wasslu għall-konklużjonijiet imsemmija u ġew mistiedna biex jikkummentaw. Wara d-divulgazzjoni ma waslu l-ebda kummenti,

European Commission

Directorate-General for Trade

Directorate H

Office: N-105 08/20

1049 Bruxelles/Brussel

BELGIQUE/BELGIË

Fax: +32 22956505

12.3.2013   

MT

Il-Ġurnal Uffiċjali tal-Unjoni Ewropea

L 68/9

(1)

Fl-12 ta' April 2011, il-Kunsill adotta r-Regolament (UE) Nru 359/2011.

(2)

Fid-dawl tal-abbużi li qed isiru kontra d-drittijiet tal-bniedem fl-Iran, aktar persuni u entità oħra għandhom jiġu inklużi fil-lista ta' persuni, entitajiet u korpi soġġetti għal miżuri restrittivi kif tinsab fl-Anness I mar-Regolament (UE) 359/2011,

12.3.2013   

MT

Il-Ġurnal Uffiċjali tal-Unjoni Ewropea

L 68/14

(1)

Skont l-Artikolu 68(8) tar-Regolament (KE) Nru 73/2009, sal-1 ta’ Settembru 2012, l-Istati Membri setgħu jirrevedu d-deċiżjoni li hemm referenza għaliha fl-Artikolu 69(1) ta’ dak ir-Regolament u jiddeċiedu, b’effett mill-2013, li jimmodifikaw l-ammonti għall-finanzjament tal-appoġġ speċifiku provdut fl-Artikolu 68(1) jew li l-applikazzjoni ta’ dak l-appoġġ tiġi fi tmiemha.

(2)

Bħala riżultat taż-żieda kontinwa tal-prezzijiet tal-ikel minħabba l-kundizzjonijiet klimatiċi avversi li affettwaw uħud mill-fornituri l-iktar importanti tal-qmuħ fl-Unjoni u fid-dinja fl-2012, l-Istati Membri qegħdin jiffaċċjaw l-aggravazzjoni tas-sitwazzjoni ekonomika ta’ impriżi agrikoli, b’mod partikolari fis-setturi tal-ħalib, iċ-ċanga u l-vitella u n-nagħaġ u l-mogħoż. Dawk is-setturi kienu qegħdin, fl-aħħar ta’ dik is-sena, jiffaċċjaw diffikultajiet finanzjarji severi minħabba s-sehem sinifikanti tal-prezzijiet tal-għalf fl-ispejjeż tal-produzzjoni tagħhom. Tfaċċat sitwazzjoni ta’ emeġenza fejn jeżisti r-riskju reali tat-tnaqqis jew is-sospensjoni tal-attività li eventwalment iwasslu għal tnaqqis jew abbandunar tal-produzzjoni f’dawk is-setturi. Is-sitwazzjoni preżenti ma setgħetx tiġi prevista fiż-żmien meta d-deċiżjonijiet għas-sena 2013 setgħu jiġu riveduti mill-Istati Membri skont l-Artikolu 68(8) tar-Regolament (KE) Nru 73/2009.

(3)

L-appoġġ speċifiku provdut fl-Artikolu 68(1) jidher li hu għodda tajba biex tiġi indirizzata tali sitwazzjoni billi jingħata appoġġ lill-impriżi li l-vijabbiltà tagħhom tkun mhedda. Biex tiġi indirizzata l-aggravazzjoni tas-sitwazzjoni tal-bdiewa fis-setturi tal-ħalib, iċ-ċanga u l-vitella u n-nagħaġ u l-mogħoż u biex jiġu evitati problemi prattiċi u speċifiċi serji li jistgħu jikkonsistu fil-konverżjoni mill-ġdid f’attivitajiet agrikoli oħra jew it-trasferiment tal-impriżi, l-Istati Membri għandhom jitħallew jirrevedu d-deċiżjonijiet meħudin għas-sena 2013 f’perjodu ta’ żmien ġdid.

(4)

Għall-istess raġuni, id-data ta’ skandenza stabbilita fl-Artikolu 50(3) tar-Regolament tal-Kummissjoni (KE) Nru 1120/2009 tad-29 ta’ Ottubru 2009 li jistabbilixxi regoli dettaljati għall-implimentazzjoni tal-iskema ta’ pagament uniku li hemm provvediment dwarha fit-Titolu III tar-Regolament tal-Kunsill (KE) Nru 73/2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-Politika Agrikola Komuni u li jistabbilixxi ċerti skemi ta’ appoġġ għall-bdiewa (2) għan-notifika ta’ tali reviżjonijiet għall-Kummissjoni għandhom jiġu estiżi.

(5)

Għaldaqstant huwa xieraq li jkun hemm deroga mir-Regolament (KE) Nru 73/2009 u r-Regolament (KE) Nru 1120/2009.

(6)

Billi d-derogi jikkonċernaw is-sena 2013, dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

(7)

Il-miżuri pprovduti f’dan ir-Regolament huma skont l-opinjoni tal-Kumitat tal-Ġestjoni għall-Pagamenti Diretti,

12.3.2013   

MT

Il-Ġurnal Uffiċjali tal-Unjoni Ewropea

L 68/16

(1)

Ir-Regolament (KE) Nru 178/2002 jistabbilixxi l-prinċipji ġenerali li jirregolaw l-ikel u l-għalf b’mod ġenerali, u s-sikurezza tal-ikel u tal-għalf b’mod partikolari, fil-livell tal-Unjoni u f’dak nazzjonali. L-Artikolu 18 ta’ dak ir-Regolament jistipula li t-traċċabbiltà tal-ikel, tal-għalf u tal-annimali li jipproduċu l-ikel, u ta’ kull sustanza oħra maħsuba, jew mistennija, li tkun inkorporata f’ikel jew f’għalf għandha tkun stabbilita fl-istadji kollha tal-produzzjoni, tal-ipproċessar u tad-distribuzzjoni.

(2)

Dak l-Artikolu jistipula wkoll li l-operaturi tan-negozji tal-ikel għandhom ikunu jistgħu jidentifikaw kull persuna li tkun fornitilhom l-ikel u għandu jkollhom ukoll fis-seħħ sistemi u proċeduri biex jidentifikaw in-negozji l-oħra li lilhom ikunu ġew fornuti l-prodotti tagħhom. Din l-informazzjoni għandha tkun disponibbli għall-awtoritajiet kompetenti meta jkun hemm talba għaliha.

(3)

Wara t-tifqigħa fl-Unjoni tal-E.coli (STEC) li jipproduċi t-tossina Shiga, f’Mejju 2011, il-konsum tan-nebbieta ġie identifikat bħala l-oriġini l-iktar probabbli tat-tifqigħat.

(4)

Fl-20 ta’ Ottubru 2011, l-Awtorità Ewropea dwar is-Sigurtà fl-Ikel (“EFSA”) adottat Opinjoni Xjentifika dwar ir-riskju li jippreżenta l-Escherichia coli li jipproduċi t-tossina Shiga (STEC) u batterji patoġeniċi oħra fiż-żrieragħ u ż-żrieragħ bin-nebbieta (2). Fl-Opinjoni tagħha, l-EFSA tikkonkludi li l-kontaminazzjoni taż-żrieragħ niexfa bil-patoġeni batterjoloġiċi hija l-iktar sors inizjali probabbli tat-tifqigħat assoċjati man-nebbieta. Barra minn hekk, l-Opinjoni tiddikjara li, minħabba l-livell għoli ta’ umdità u t-temperatura favorevoli waqt it-tnibbit, il-patoġeni batterjoloġiċi preżenti fuq iż-żrieragħ niexfa jkunu jistgħu jimmultiplikaw waqt it-tnibbit u dan jirriżulta f’riskju għas-saħħa pubblika.

(5)

It-traċċabbiltà hija għodda effiċjenti għall-iżgurar tas-sigurtà fl-ikel, billi din tippermetti li ikel partikolari jiġi traċċat tul l-istadji kollha tal-produzzjoni, tal-ipproċessar u tad-distribuzzjoni u dan jippermetti azzjoni rapida fil-każ ta’ tifqigħat mill-ikel. B’mod partikolari, it-traċċabbiltà ta’ ċertu ikel li ma joriġinax mill-annimali tista’ tgħin biex jitneħħa l-ikel mhux sikur mis-suq, u b’hekk jiġu protetti l-konsumaturi.

(6)

Sabiex tiġi żgurata t-traċċabbiltà, skont l-Artikolu 18 tar-Regolament (KE) Nru 178/2002, dejjem għandu jkun hemm disponibbli l-ismijiet u l-indirizzi kemm tal-operatur tan-negozju tal-ikel li jforni n-nebbieta jew iż-żrieragħ maħsubin għall-produzzjoni tan-nebbieta u kemm tal-operatur tan-negozju tal-ikel li lilu jkunu ġew fornuti tali żrieragħ jew nebbieta. Ir-rekwiżit jiddependi fuq l-approċċ “pass lura”-“pass ‘il quddiem” li jimplika li l-operaturi fin-negozju tal-ikel ikollhom sistema li tippermettilhom jidentifikaw il-fornitur(i) immedjat(i) u l-klijent(i) immedjat(i) tagħhom, ħlief meta huma jkunu l-konsumaturi finali.

(7)

Il-kondizzjonijiet għall-produzzjoni tan-nebbieta jistgħu jippreżentaw riskju potenzjalment għoli għas-saħħa pubblika, billi jistgħu jirriżultaw f’multiplikazzjoni sinifikanti ta’ patoġeni fl-ikel. Fil-każ ta’ tifqigħa mill-ikel marbuta mal-konsum tan-nebbieta, it-traċċar rapidu tal-prodotti kkonċernati huwa għalhekk essenzjali biex jiġi limitat l-impatt ta’ tifqigħa bħal din fuq is-saħħa pubblika.

(8)

Barra minn hekk, il-kummerċ fiż-żrieragħ maħsubin għall-produzzjoni tan-nebbieta huwa mifrux, u dan iżid il-bżonn għat-traċċabbiltà.

(9)

Għaldaqstant, f’dan ir-Regolament għandhom jiġu stabbiliti regoli speċifiċi għat-traċċabbiltà tan-nebbieta u taż-żrieragħ maħsubin għall-produzzjoni tan-nebbieta.

(10)

B’mod partikolari, huwa xieraq li jiġi stabbilit ir-rekwiżit li l-operaturi tan-negozji tal-ikel jipprovdu tagħrif addizzjonali dwar il-volum jew il-kwantità ta’ żrieragħ jew nebbieta bħal din, id-data tal-kunsinna, flimkien ma’ referenza li tidentifika l-lott u deskrizzjoni dettaljata taż-żrieragħ jew tan-nebbieta.

(11)

Sabiex jitnaqqas il-piż amministrattiv fuq l-operaturi tan-negozji tal-ikel, huwa xieraq li jkun hemm lok għall–flessibbiltà fir-rigward tal-format li fih l-operaturi tan-negozji tal-ikel iżommu r-rekords u jibagħtu t-tagħrif rilevanti, bħala parti mir-rekwiżiti tat-traċċabbiltà.

(12)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(i)

in-nebbieta;

(ii)

iż-żrieragħ maħsubin għall-produzzjoni tan-nebbieta.

(a)

“nebbieta” ifisser il-produzzjoni mill-ġerminazzjoni taż-żrieragħ u l-iżvilupp tagħha fl-ilma jew f’materjal ieħor, maħsuda qabel l-iżvilupp ta’ weraq reali u li hija maħsuba biex tittiekel sħiħa biż-żerriegħa b’kollox;

(b)

“lott” ifisser kwantità ta’ nebbieta jew żrieragħ maħsubin għall-produzzjoni tan-nebbieta, bl-istess isem tassonomiku, li tintbagħat mill-istess stabbiliment għall-istess destinazzjoni fl-istess jum. Lott wieħed jew aktar jistgħu jikkostitwixxu kunsinna. Madankollu, iż-żrieragħ b’isem tassonomiku differenti, li jitħalltu fl-istess pakkett u li jkunu maħsuba għal ġerminazzjoni flimkien, u n-nebbieta tagħhom ukoll huma kkunsidrati bħala lott wieħed.

(a)

deskrizzjoni preċiża taż-żrieragħ jew tan-nebbieta, inkluż l-isem tassonomiku tal-pjanta;

(b)

il-volum jew il-kwantità taż-żrieragħ jew tan-nebbieta fornuta;

(c)

f’każ li ż-żrieragħ jew in-nebbieta jkunu ntbagħtu minn operatur ta’ negozju tal-ikel ieħor, l-isem u l-indirizz ta’:

(d)

l-isem u l-indirizz tal-operatur tan-negozju tal-ikel li lilu jintbagħtu ż-żrieragħ jew in-nebbieta;

(e)

l-isem u l-indirizz tal-ispeditur (is-sid), jekk dan ikun differenti mill-operatur tan-negozju tal-ikel li lilu jintbagħtu ż-żrieragħ jew in-nebbieta;

(f)

referenza li tidentifika l-lott, kif ikun xieraq;

(g)

id-data tal-kunsinna.

12.3.2013   

MT

Il-Ġurnal Uffiċjali tal-Unjoni Ewropea

L 68/19

(1)

Ir-Regolament (KE) Nru 852/2004 jistabbilixxi regoli ġenerali għall-operaturi kummerċjali tal-ikel dwar l-iġjene tal-prodotti tal-ikel, b’kunsiderazzjoni partikolari għall-proċeduri msejsa fuq l-analiżi tal-prinċipji tal-analiżi tal-perikli u l-punti kritiċi ta’ kontroll (HACCP). L-Artikolu 4 ta’ dan ir-Regolament jistipula li l-operaturi kummerċjali tal-ikel għandhom jadottaw miżuri speċifiċi tal-iġjene fir-rigward, fost oħrajn, tal-konformità mal-kriterji mikrobijoloġiċi għall-prodotti tal-ikel u r-rekwiżiti tal-kampjunar u l-analiżi tar-rekwiżiti.

(2)

Ir-Regolament tal-Kummissjoni (KE) Nru 2073/2005 tal-15 ta’ Novembru 2005 dwar il-kriterji mikrobijoloġiċi għall-prodotti tal-ikel (2) jistipula l-kriterji mikrobijoloġiċi għal ċerti mikroorganiżmi u r-regoli ta’ implimentazzjoni li jridu jikkonformaw magħhom l-operaturi kummerċjali tal-ikel fl-implimentazzjoni tal-miżuri ġenerali u speċifiċi tal-iġjene msemmija fl-Artikolu 4 tar-Regolament (KE) Nru 852/2004.

(3)

Il-Kapitolu 1 tal-Anness I tar-Regolament (KE) Nru 2073/2005 jistipula l-kriterji tas-sikurezza tal-ikel li ċerti kategoriji tal-ikel għandhom jikkonformaw magħhom, inklużi pjanijiet ta’ kampjunar, metodi analitiċi ta’ referenza u limiti għall-mikroorganiżmi jew it-tossini u l-metaboliti tagħhom. Dak il-Kapitolu jelenka l-kriterji tas-sikurezza tal-ikel għal żerriegħa mnibbta, fir-rigward tas-Salmonella.

(4)

Wara t-tifqigħa tal-E. coli li jipproduċi t-tossina Shiga (STEC) f’Mejju 2011 fl-Unjoni, il-konsum tan-nibet ġie identifikat bħala l-aktar oriġini probabbli tat-tifqigħat.

(5)

Fl-20 ta’ Ottubru 2011, l-Awtorità Ewropea dwar is-Sigurtà fl-Ikel (“EFSA”) adottat Opinjoni Xjentifika dwar ir-riskju li jippreżenta l-Escherichia coli li jipproduċi t-tossina Shiga u batterji patoġenika oħra fiż-żerriegħa u ż-żerriegħa mnibbta (3). Fl-Opinjoni tagħha, l-EFSA tikkonkludi li l-kontaminazzjoni taż-żerriegħa niexfa bil-patoġeni batterjoloġiċi hija l-iktar sors inizjali probabbli tat-tifqigħat assoċjati man-nibet. Barra minn hekk, l-Opinjoni tiddikjara li, minħabba l-livell għoli ta’ umdità u t-temperatura favorevoli waqt it-tnibbit, il-patoġeni batterjoloġiċi preżenti fuq iż-żerriegħa niexfa jistgħu jimmultiplikaw waqt it-tnibbit u dan jirriżulta f’riskju għas-saħħa pubblika.

(6)

Fl-opinjoni tagħha, l-EFSA tirrakkomanda, fost l-oħrajn, li l-kriterji mikrobijoloġiċi għandhom jissaħħu bħala wieħed mill-komponenti ta’ xi sistema tal-immaniġġjar tas-sikurezza tal-ikel għaż-żerriegħa mnibbta fil-katina tal-produzzjoni. Dik ir-rakkomandazzjoni tikkonċerna kriterji mikrobijoloġiċi eżistenti dwar is-Salmonella għal żerriegħa mnibbta u l-kunsiderazzjoni tal-kriterji mikrobijoloġiċi fuq patoġeni oħra. L-EFSA tiddikjara wkoll li d-dejta disponibbli tindika riskju ogħla għal nebbieta meta mqabbla ma’ żerriegħa mnibbta oħra.

(7)

Fl-Opinjoni tagħha, l-EFSA tikkunsidra għażliet differenti għall-kriterji mikrobijoloġiċi għall-E. coli patoġenika għaż-żrieragħ: qabel ma jinbeda l-proċess tal-produzzjoni, matul it-tnibbit u fil-prodott finali. F’dak il-kuntest, l-EFSA tiddikjara li l-individwazzjoni u l-mitigazzjoni aktar bikrija ta’ problema ta’ kontaminazzjoni fil-katina tal-produzzjoni ta’ żerriegħa mnibbta jista’ jkollha vantaġġi minħabba li tevita li l-kontaminazzjoni tkun amplifikat matul il-proċess tat-tnibbit. Hija tirrikonoxxi wkoll li l-ittestjar taż-żrieragħ waħdu ma jippermettix l-individwazzjoni tal-kontaminazzjoni li tista’ sseħħ fi stadju aktar avvanzat tal-proċess tal-produzzjoni. L-EFSA għaldaqstant tikkonkludi li l-kriterji mikrobijoloġiċi jistgħu jkunu utli matul il-proċess tat-tnibbit u/jew għall-prodott finali. Meta jitqiesu l-kriterji mikrobijoloġiċi għaż-żerriegħa mnibbta finali, l-EFSA tinnota li l-ħin meħtieġ għal metodi ta’ individwazzjoni ta’ batterji patoġeniċi flimkien mal-konservabilità qasira jistgħu ma jippermettux l-irtirar tal-prodott f’każ ta’ nuqqas ta’ konformità. Fl-opinjoni tagħha l-EFSA tikkunsidra li bħalissa mhuwiex possibbli li tivvaluta l-estent tal-protezzjoni tas-saħħa pubblika mogħtija permezz ta’ kriterji mikrobijoloġiċi speċifiċi għal żrieragħ u żrieragħ imnibbta. Dan jenfasizza l-ħtieġa ta’ ġbir ta’ dejta għat-twettiq ta’ valutazzjoni kwantitattiva tar-riskju. Għalhekk, dan il-kriterju għandu jiġi rivedut sabiex jitqies l-progress fix-xjenza, it-teknoloġija u l-metodoloġija, il-mikroorganiżmi patoġeniċi li qed jitfaċċaw fil-prodotti tal-ikel, u l-informazzjoni mill-valutazzjoni tar-riskju.

(8)

Sabiex tiġi żgurata l-protezzjoni tas-saħħa pubblika fl-Unjoni u fid-dawl ta’ dik l-opinjoni tal-EFSA, ġew adottati r-Regolament tal-Kummissjoni (UE) Nru 211/2013 tal-11 ta’ Marzu 2013 dwar ir-rekwiżiti ta’ ċertifikazzjoni għall-importazzjonijiet fl-Unjoni ta’ nebbieta u żrieragħ maħsuba għall-produzzjoni ta’ nebbieta (4) u r-Regolament ta’ Implimentazzjoni tal-Kummissjoni (UE) Nru 208/2013 tal-11 ta’ Marzu 2013 dwar ir-rekwiżiti ta’ traċċabilità għal nebbieta u żrieragħ maħsuba għall-produzzjoni ta’ nebbieta (5).

(9)

Minbarra l-miżuri stabbiliti f’dawk l-atti u meta jitqies ir-riskju potenzjali ewlieni għas-saħħa li ġġib magħha l-preżenza possibbli ta’ patoġeni fin-nebbieta, għandhom jiġu stabbiliti dispożizzjonijiet dwar kriterji mikrobijoloġiċi addizzjonali wara r-rakkomandazzjonijiet tal-EFSA, b’mod partikolari dwar is-serogruppi STEC li huma kkunsidrati bħala l-aktar sors importanti ta’ tħassib dwar is-saħħa pubblika.

(10)

Il-kriterji mikrobijoloġiċi huma waħda minn diversi għażliet ta’ kontroll fl-oqsma tas-sikurezza tal-ikel u għandhom jintużaw mill-operaturi kummerċjali tal-ikel bħala mezz ta’ verifika tal-implimentazzjoni effettiva tas-sistema tal-immaniġġjar tas-sikurezza tal-ikel. Madankollu, minħabba l-prevalenza baxxa u d-distribuzzjoni eteroġenja ta’ xi patoġeni fiż-żrieragħ u ż-żrieragħ imnibbta, il-limitazzjonijiet tal-istatistika ta’ pjanijiet għall-kampjunar u n-nuqqas ta’ informazzjoni dwar l-applikazzjoni ta’ prattiki agrikoli tajbin fil-produzzjoni taż-żrieragħ, hemm bżonn li jiġu ttestjat il-lottijiet kollha taż-żrieragħ għall-preżenza ta’ patoġeni f’każijiet fejn l-operaturi kummerċjali tal-ikel ma jkunux ħejjew sistemi ta’ ġestjoni tas-sikurezza tal-ikel, inklużi passi li jnaqqsu r-riskju mikrobijoloġiku. Jekk ikunu fis-seħħ sistemi tal-immaniġġar tal-ikel u jekk l-effettività tagħhom tkun ikkonfermata permezz ta’ dejta storika, ikun jista’ jiġi kkunsidrat tnaqqis fil-frekwenza tal-kampjunar. Madankollu, tali frekwenza ma għandha qatt tkun anqas minn darba fix-xahar.

(11)

Meta jkunu qed jiġu stabbiliti l-kriterji mikrobijoloġiċi għan-nebbieta, għandha tingħata flessibbiltà fir-rigward tal-istadji tal-kampjunar u t-tip ta’ kampjuni li għandhom jittieħdu, sabiex dawn ikunu jqisu d-diversità tas-sistemi tal-produzzjoni, filwaqt li jinżammu standards ekwivalenti ta’ sikurezza alimentari. B’mod partikolari, huwa xieraq li wieħed jipprovdi alternattivi għall-kampjuni ta’ nebbieta f’każijiet fejn il-kampjunar ikun teknikament diffiċli. L-ittestjar tal-ilma tat-tisqija użat għall-batterji patoġeniċi ġiet proposta bħala strateġija alternattiva, għaliex jidher li hija indikatur tajjeb tat-tipi ta’ mikroorganiżmi fin-nebbieta stess. Minħabba l-inċertezzi fir-rigward tas-sensittività ta’ din l-istrateġija, huwa meħtieġ li l-operaturi kummerċjali tal-ikel li jużaw din l-alternattiva, jistabbilixxu pjan ta’ kampjunar, inklużi proċeduri tal-kampjunar u punti tal-ilma tat-tisqija użat.

(12)

Ċerti serogruppi STEC (jiġifieri O157, O26, O103, O111, O145 u O104:H4) huma rikonoxxuti bħala l-kaġun tal-maġġoranza tal-każijiet tas-Sindromu Uremiku Emolitiku (Haemolytic Uremic Syndrome, HUS) li jseħħu fl-UE. Barra minn hekk, is-serogrupp O104:H4 kkawża t-tifqigħa f’Mejju 2011 fl-Unjoni. Għalhekk il-kriterji mikrobijoloġiċi għandhom jiġu kkunsidrati għal dawn is-sitt serogruppi. Ma jistax jiġi eskluż li serogruppi STEC oħra jistgħu jkunu patoġeniċi għall-bnedmin ukoll. Tabilħaqq, it-tali STEC jistgħu jikkawżaw forom inqas gravi tal-mard bħad-dijarea u/jew id-dijarea bid-demm jew jistgħu jikkawżaw ukoll il-HUS u għalhekk jippreżentaw periklu għas-saħħa tal-konsumatur.

(13)

In-nebbieta għandhom ikunu meqjusa bħala ikel lest biex jittiekel, minħabba li dawn jistgħu jiġu kkonsmati mingħajr ma jissajru jew jiġu pproċessati mod ieħor, li li kieku jkunu effettivi biex jeliminaw jew inaqqsu l-mikroorganiżmi patoġeniċi għal livell aċċettabbli. L-operaturi kummerċjali tal-ikel li jipproduċu n-nebbieta għandhom għalhekk jikkonformaw mal-kriterji tas-sikurezza tal-ikel għal ikel lest biex jittiekel stabbiliti fil-leġiżlazzjoni tal-Unjoni, inkluż il-kampjunar ta’ żoni tal-ipproċessar u tagħmir bħala parti mill-iskema tagħhom tal-kampjunar.

(14)

Ir-Regolament (KE) Nru 2160/2003 tal-Parlament Ewropew u tal-Kunsill tas-17 ta’ Novembru 2003 fuq il-kontroll tas-Salmonella u aġenti Zoonotiċi oħra speċifiċi li jkun hemm ġewwa l-ikel (6), għandu l-għan li jiżgura li jittieħdu miżuri xierqa u effettivi biex tinstab u tiġi kkontrollata s-Salmonella u aġenti żoonotiċi oħra fl-istadji kollha rilevanti tal-produzzjoni, l-ipproċessar u d-distribuzzjoni sabiex titnaqqas il-prevalenza tagħhom u r-riskju li jippreżentaw għas-saħħa pubblika.

(15)

Ir-Regolament (KE) Nru 2160/2003, kif emendat mir-Regolament tal-Kummissjoni (UE) Nru 1086/2011 (7), jistabbilixxi regoli dettaljati dwar kriterju tas-sikurezza tal-ikel tas-Salmonella għal-laħam frisk tat-tjur. Bħala konsegwenza tal-emendi li saru għar-Regolament (KE) Nru 2160/2003, ir-Regolament (KE) Nru 2073/2005 ġie wkoll emendat bir-Regolament (UE) Nru 1086/2011. Madankollu, b’dik l-emenda, ċerti ambigwitajiet terminoloġiċi ġew introdotti fit-test tar-Regolament (KE) Nru 2073/2005. Dawk l-ambigwitajiet għandhom, fl-interess taċ-ċarezza u l-konsistenza tal-leġiżlazzjoni tal-Unjoni, jiġu ċċarati.

(16)

Ir-Regolament (KE) Nru 2073/2005 għandu għalhekk jiġi emendat skont dan.

(17)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,

(1)

Fl-Artikolu 2 jiżdied il-punt (m) li ġej:

(*)  Ara paġna 16 ta' dan il-Ġurnal Uffiċjali.”"

(2)

L-Anness I huwa emendat skont l-Anness ta’ dan ir-Regolament.

12.3.2013   

MT

Il-Ġurnal Uffiċjali tal-Unjoni Ewropea

L 68/24

(1)

Ir-Regolament (KE) Nru 852/2004 jistabbilixxi regoli ġenerali għall-operaturi tan-negozji tal-ikel dwar l-iġjene tal-oġġetti tal-ikel, inter alia, għall-produzzjoni primarja u l-operazzjonijiet assoċjati. Ir-Regolament jistabbilixxi li l-operaturi tan-negozji tal-ikel għandhom jiżguraw li l-istabbilimenti jkunu approvati mill-awtorità kompetenti wara li tkun saret tal-inqas żjara waħda fl-istabbiliment, meta tkun meħtieġa approvazzjoni skont il-leġiżlazzjoni nazzjonali, f’konformità mar-Regolament (KE) Nru 853/2004 tal-Parlament Ewropew u tal-Kunsill (2) jew skont deċiżjoni adottata f’konformità mar-Regolament (KE) Nru 852/2004.

(2)

Wara t-tifqigħat fl-Unjoni tal-E.coli li jipproduċi t-tossina Shiga, f’Mejju 2011, il-konsum tan-nebbieta ġie identifikat bħala l-oriġini l-iktar probabbli tat-tifqigħat.

(3)

Fl-20 ta’ Ottubru 2011, l-Awtorità Ewropea dwar is-Sigurtà fl-Ikel (“EFSA”) adottat Opinjoni Xjentifika dwar ir-riskju li jippreżenta l-Escherichia coli li jipproduċi t-tossina Shiga (STEC) u batterja patoġenika oħra fiż-żerriegħa u ż-żerriegħa li tkun qed tnibbet (3) Fl-Opinjoni tagħha, l-EFSA tikkonkludi li l-kontaminazzjoni taż-żerriegħa niexfa bil-patoġeni batterjoloġiċi hija l-iktar sors inizjali probabbli tat-tifqigħat assoċjati man-nebbieta. Barra minn hekk, l-Opinjoni tiddikjara li, minħabba il-livell għoli ta’ umdità u t-temperatura favorevoli waqt it-tnibbit, il-patoġeni batterjoloġiċi preżenti fuq iż-żerriegħa niexfa jkunu jistgħu jimmultiplikaw waqt it-tnibbit u dan jirriżulta f’riskju għas-saħħa pubblika.

(4)

Sabiex jiġi żgurat il-ħarsien tas-saħħa pubblika fl-Unjoni u fid-dawl ta’ dik l-Opinjoni tal-EFSA, ġew adottati r-Regolament tal-Kummissjoni (UE) Nru 209/2013 (4) li jemenda r-Regolament tal-Kummissjoni (KE) Nru 2073/2005 tal-15 ta’ Novembru 2005 dwar il-kriterji mikrobijoloġiċi għall-oġġetti tal-ikel (5), ir-Regolament tal-Kummissjoni (UE) Nru 211/2013 (6) u r-Regolament ta’ Implimentazzjoni tal-Kummissjoni (UE) Nru 208/2013 (7).

(5)

Barra mill-miżuri stipulati f’dawk l-atti, l-istabbilimenti li jipproduċu n-nebbieta għandhom jiġu suġġetti għal approvazzjoni skont ir-Regolament (KE) Nru 852/2004. Approvazzjonijiet bħal dawn, li jingħataw wara tal-inqas żjara waħda fuq il-post, jiżguraw li stabbilimenti bħal dawn ikunu konformi mar-regoli rilevanti tal-iġjene, biex b’hekk jiġi żgurat livell għoli ta’ ħarsien tas-saħħa pubblika. L-approvazzjoni ta’ stabbilimenti bħal dawn għandha tingħata biss jekk dawn ikunu konformi ma’ għadd ta’ rekwiżiti sabiex jiġi żgurat li l-possibbiltà ta’ kontaminazzjoni fil-faċilità li tipproduċi n-nebbieta titnaqqas.

(6)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

12.3.2013   

MT

Il-Ġurnal Uffiċjali tal-Unjoni Ewropea

L 68/26

(1)

Ir-Regolament (KE) Nru 882/2004 jistipula r-regoli ġenerali għat-twettiq ta’ kontrolli uffiċjali biex tkun ivverifikata l-konformità mar-regoli li jimmiraw, b'mod partikolari, li jwaqqfu, jeliminaw jew inaqqsu għal livelli aċċettabbli r-riskji għall-bnedmin u għall-annimali, jew b'mod dirett jew permezz tal-ambjent.

(2)

Ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta' sigurtà tal-ikel (2), jistipula l-prinċipji ġenerali li jirregolaw l-ikel u l-għalf b'mod ġenerali, u s-sikurezza tal-ikel u l-għalf b'mod partikolari, fil-livell tal-Unjoni u f'dak nazzjonali. Dak ir-Regolament jistipula li l-ikel u l-għalf impurtati fl-Unjoni għat-tqegħid fis-suq fl-Unjoni jridu jikkonformaw mar-rekwiżiti rilevanti tal-liġi tal-ikel jew mal-kundizzjonijiet rikonoxxuti mill-Unjoni bħala tal-inqas ekwivalenti għalihom.

(3)

Ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-oġġetti tal-ikel (3) jistipula r-regoli ġenerali għall-operaturi tan-negozju tal-ikel dwar l-iġjene tal-oġġetti tal-ikel. Dak ir-Regolament jipprevedi li l-operaturi tan-negozju tal-ikel jridu jiżguraw li l-istadji kollha tal-produzzjoni, tal-ipproċessar u tat-tqassim tal-ikel fil-kontroll tagħhom ikunu jissodisfaw ir-rekwiżiti tal-iġjene rilevanti stipulati fih. B’mod partikolari, ir-Regolament (KE) Nru 852/2004 jistipula li l-operaturi tan-negozju tal-ikel li joperaw fil-produzzjoni primarja u f'dawk l-operazzjonijiet assoċjati elenkati fl-Anness I tiegħu jridu jikkonformaw mad-dispożizzjonijiet ġenerali dwar l-iġjene stabbiliti fil-parti A ta' dak l-Anness.

(4)

Wara t-tifqigħa tal-E.coli li tipproduċi t-tossina Shiga (STEC) f’Mejju 2011 fl-Unjoni, il-konsum taż-żrieragħ nebbieta ġie identifikat bħala dak li x'aktarx wassal għat-tifqigħat.

(5)

Fl-20 ta’ Ottubru 2011, l-Awtorità Ewropea dwar is-Sigurtà fl-Ikel (“EFSA”) adottat Opinjoni Xjentifika dwar ir-riskju maħluq mill-Escherichia coli li tipproduċi t-tossina Shiga (STEC) u minn batterji patoġeniċi oħrajn fiż-żrieragħ u fiż-żrieragħ nebbieta (4). Fl-Opinjoni tagħha, l-EFSA tikkonkludi li l-kontaminazzjoni taż-żrieragħ niexfa b'patoġeni batterjoloġiċi hija dik li x'aktarx tat bidu għat-tifqigħat assoċjati man-nebbieta. Barra minn hekk, l-Opinjoni tiddikjara li, minħabba l-livell għoli ta’ umdità u t-temperatura favorevoli waqt it-tinbit, il-patoġeni batterjoloġiċi preżenti fuq iż-żrieragħ niexfa jkunu jistgħu jimmultiplikaw waqt it-tinbit u dan jirriżulta f'riskju għas-saħħa pubblika.

(6)

Sabiex tiġi żgurata l-protezzjoni tas-saħħa pubblika fl-Unjoni u fid-dawl ta' din l-Opinjoni tal-EFSA, ġie adottat ir-Regolament ta’ Implimentazzjoni tal-Kummissjoni (UE) Nru 208/2013 (5). Dan ir-Regolament ta' Implimentazzjoni jistabbilixxi r-regoli dwar it-traċċabilità ta' kunsinni tan-nebbieta u ż-żrieragħ maħsuba għall-produzzjoni tan-nebbieta.

(7)

Sabiex jiġi żgurat livell tajjeb ta' ħarsien tas-saħħa pubblika, ikun f'loku li nebbieta u żrieragħ maħsuba għall-produzzjoni tan-nebbieta importati fl-Unjoni jikkonformaw ukoll mar-rekwiżiti stabbiliti fir-Regolament (KE) Nru 852/2004 u, fil-każ tan-nebbieta, mar-rekwiżiti tat-traċċabilità stipulati fir-Regolament tal-Kummissjoni (UE) Nru 208/2013 u mal-kriterji mikrobijoloġiċi stabbiliti fir-Regolament tal-Kummissjoni (KE) Nru 2073/2005 (6). Għaldaqstant għal tali prodotti impurtati fl-Unjoni għandhom jiġu stabbiliti rekwiżiti ta' ċertifikazzjoni xierqa.

(8)

Fil-preżent il-leġiżlazzjoni tal-Unjoni ma tistipulax ċertifikati għall-importazzjoni fl-Unjoni tan-nebbieta u ż-żrieragħ maħsuba għall-produzzjoni tan-nebbieta. Għaldaqstant ikun f'loku li f'dan ir-Regolament jiġi stabbilit mudell ta' ċertifikat għall-importazzjoni ta' dawn il-prodotti fl-Unjoni.

(9)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,

(a)

għandha tapplika d-definizzjoni ta' "nebbieta” fl-Artikolu 2(a) tar-Regolament ta' Implimentazzjoni (KE) Nru 208/2013;

(b)

"kunsinna" tfisser kwantità ta' nebbieta jew żrieragħ intiża għall-produzzjoni tan-nebbieta u li:

12.3.2013   

MT

Il-Ġurnal Uffiċjali tal-Unjoni Ewropea

L 68/30

(1)

Numru ta’ Stati Membri talbu l-modifiki u ż-żidiet fl-Anness I tar-Regolament (KE) Nru 396/2005, fil-kolonna “Eżempji ta’ varjetajiet li jiġu minn xulxin jew prodotti oħra li għalihom japplika l-istess MRL”.

(2)

Dawn il-modifiki huma meħtieġa biex jiġu inklużi fl-Anness I tar-Regolament (KE) Nru 396/2005 il-frott, il-ħxejjex u ċ-ċereali l-ġodda li saru disponibbli fis-swieq tal-Istati Membri.

(3)

Huwa xieraq li jiżdiedu l-frott, il-ħxejjex, iċ-ċereali u l-prodotti mill-annimali li ġejjin: Buddha’s hand, tangor, tamal aħmar/tamal Ċiniż/żinżel Ċiniż, tayberries, longan, langsat, salak, crosne, lappa li tittiekel, basal ieħor tal-basla, basal ieħor aħdar, antroewa/brunġiel abjad, sopropo/bettieħ morr,angled luffa/teroi, snake gourd, lauki, chayote, qara’ (varjetà mwaħħra), qamħirrun żgħir, mung bean sprouts, alfalfa sprouts, weraq taċ-ċikwejra salvaġġa, weraq tal-ġidra, weraq tal-pjanta Tajer, bitterblad, bitawiri, malabar nightshade, weraq tal-banana, kampanella/konvolvulu Ċiniż/konvolvulu tal-ilma/spinaċi tal-ilma/kangkung, silla tal-ilma, mimoża tal-ilma, ċilantro/stinking/kosbor twil/stink weed, weraq tat-tursin tuberuż, ħabaq sagru, ħabaq ħelu, ħabaq bis-suf, lemon grass, ombrellini, werqa tal-betel salvaġġa, weraq tal-kàri, fjura tal-banana, fażola tal-gwar, fażola tas-sojja friska, ross Indjan/salvaġġ, weraq u zkuk tal-fiddloqom, climbing wattle, fungus mycelium, purple viper’s bugloss/Canary flower, millieġ Afrikan, millieġ perla, skalora, bżar aħdar, ċerv u għasel tax-xehda.

(4)

Għall-konsistenza jixraq li l-kaċċa salvaġġa titressaq mill-kategorija “Annimali oħra tar-razzett” għal dik “Prodotti minn annimali terrestri oħra”, u l-fjuri li jittieklu mill-kategorija “oħrajn” għall-kategorija li tirrappreżenta eżempju ta’ għelejjel.

(5)

Sabiex jiġu applikati aħjar ir-regoli dwar in-nomenklatura internazzjonali tassonomika huwa xieraq li jiġu adattati l-ismijiet Latini għal pistaċċi, tuffieħ, ċiras, frawli, dewberries, blueberries, larinġ tal-qsari (kumquats), patata, jamm, pitravi, okra, brokkoli, kaboċċa bir-ras, kaboċċa Ċiniża, kale, kohlrabi, scarole, rukola, weraq u nebbieta tal-Brassica, weraq tal-pitravi, witloof, weraq tal-karfus, ħabaq, qlub tal-palm, sorgu, żrieragħ tal-kafè, petali tal-ward, fjuri tal-ġiżimin, xkomp (linden), weraq tar-Rooibos, xibt, bżar tas-Sichuan, kannella, żagħfran tal-Indja, zokkor tal-pitravi u banana.

(6)

B’kunsiderazzjoni tat-talbiet mill-partijiet interessati u l-korpi tal-infurzar u fid-dawl tal-forma ta’ kif joħorġu l-prodotti fis-swieq, għandhom isiru xi emendi fir-rigward tal-partijiet tal-prodotti li għalihom japplikaw l-MRLs.

(7)

Ikun xieraq li t-tali emendi jiġu stipulati rigward tè, żrieragħ tal-kakaw, ħops, ġdur u prodotti li joriġinaw mill-animali.

(8)

Fl-interess taċ-ċarezza, jixraq li jinbidel l-Anness I tar-Regolament (KE) Nru 396/2005.

(9)

Ir-Regolament (KE) Nru 396/2005 għandu għaldaqstant jiġi emendat skont dan.

(10)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,