8.11.2012   

MT

Il-Ġurnal Uffiċjali tal-Unjoni Ewropea

L 308/1

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni tar-Renju Unit għar-reġistrazzjoni tad-denominazzjoni “Isle of Man Queenies” ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Ladarba ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/3

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, it-talba mill-Ġermanja biex id-denominazzjoni “Abensberger Spargel/Abensberger Qualitätsspargel” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/5

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, it-talba mill-Italja biex id-denominazzjoni “Ciliegia di Vignola” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/7

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, it-talba mill-Portugall biex id-denominazzjoni “Cabrito do Alentejo” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/9

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, it-talba mill-Portugall biex id-denominazzjoni “Cordeiro Mirandês/Canhono Mirandês” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/11

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, it-talba mis-Slovenja biex id-denominazzjoni “Kraška panceta” tiddaħħal fir-reġistru ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Ladarba ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

8.11.2012   

MT

Il-Ġurnal Uffiċjali tal-Unjoni Ewropea

L 308/13

(1)

Id-Deċiżjoni tal-Kummissjoni 2007/777/KE (2) tistabbilixxi r-regoli dwar l-importazzjoni lejn l-Unjoni u t-tranżitu u l-ħażna fl-Unjoni ta’ kunsinni ta’ prodotti tal-laħam u tal-istonku, il-bżieżaq tal-awrina u l-imsaren trattati, kif definit fir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixi ċerti regoli speċifiċi ta’ iġjene għall-ikel li joriġina mill-annimali (3).

(2)

Il-Parti 2 tal-Anness II tad-Deċiżjoni 2007/777/KE tistabbilixxi l-lista ta’ pajjiżi terzi jew partijiet minnhom, minn fejn hija awtorizzata l-introduzzjoni fl-Unjoni ta’ prodotti tal-laħam u tal-istonku, il-bżieżaq tal-awrina u l-imsaren trattati, sakemm dawn il-komoditajiet ikunu konformi mat-trattament imsemmi f’dik il-Parti.

(3)

Il-Parti 4 tal-Anness II tad-Deċiżjoni 2007/777/KE tistabbilixxi t-trattamenti msemmija fil-Parti 2 ta’ dak l-Anness, filwaqt li tassenja kodiċi lil kull wieħed minn dawk it-trattamenti. Dik il-Parti tistabbilixxi trattament mhux speċifiku “A” u trattamenti speċifiċi minn “B” sa “F”, imniżżlin mill-aktar wieħed sever għall-inqas wieħed.

(4)

Ir-Regolament tal-Kummissjoni (UE) Nru 206/2010 (4) jistabbilixxi r-rekwiżiti relatati maċ-ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ annimali ħajjin jew ta’ laħam frisk. Dan jistabbilixxi wkoll il-listi ta’ pajjiżi terzi, territorji jew partijiet minnhom, li minnhom jistgħu jiġu introdotti dawk il-kunsinni fl-Unjoni.

(5)

Ir-Regolament (UE) Nru 206/2010 jistipula li kunsinni ta’ laħam frisk maħsubin għall-konsum mill-bniedem għandhom jiġu importati fl-Unjoni biss jekk ikunu ġejjin mill-pajjiżi terzi, mit-territorji jew il-partijiet minnhom elenkati fil-Parti 1 tal-Anness II ta’ dan ir-Regolament li għalih hemm mudell ta’ ċertifikat veterinarju li jikkorrispondi għall-kunsinna kkonċernata mniżżla f’dik il-Parti.

(6)

Bħalissa l-Kroazja hija mniżżla fil-Parti 1 tal-Anness II tar-Regolament (UE) Nru 206/2010 bħala pajjiż terz li minnu huma awtorizzati l-importazzjonijiet ta’ laħam frisk ta’ ċerti annimali fl-Unjoni. Madanakollu, bħalissal-Kroazja mhix imniżżla bħala pajjiż terz li minnu huma awtorizzati l-importazzjonijiet ta’ laħam frisk, inkluż laħam kapuljat, ta’ annimali porċini domestiċi fl-Unjoni.

(7)

Il-Kroazja ressqet talba lill-Kummissjoni biex tkun awtorizzata tesporta laħam frisk ta’ annimali porċini domestiċi fl-Unjoni. Skont l-informazzjoni li ressqet il-Kroazja, it-tilqim preventiv kontra d-deni klassiku tal-ħnieżer huwa pprojbit fit-territorju ta’ dak il-pajjiż terz sa minn Jannar 2005. Barra minn hekk, ma hemm l-ebda evidenza ta’ ċirkolazzjoni tal-vajrus tad-deni klassiku tal-ħnieżer f’annimali porċini domestiċi fit-territorju tal-Kroazja minn Marzu 2008 ’l hawn. Għalhekk l-informazzjoni disponibbli turi li l-Kroazja hija ħielsa mid-deni klassiku tal-ħnieżer f’annimali porċini domestiċi, mingħajr tilqima.

(8)

L-awtorità kompetenti Kroata tat ukoll garanziji biżżejjed rigward il-konformità mal-leġiżlazzjoni tal-Unjoni fir-rigward tad-deni klassiku tal-ħnieżer u qed timplimenta programm imtejjeb ta’ sorveljanza għall-annimali porċini domestiċi u ċingjali.

(9)

Barra minn hekk, ir-riżultati ta’ spezzjoni li għamlet il-Kummissjoni fil-Kroazja fl-2010 kienu fil-biċċa l-kbira pożittivi. Il-Kroazja ressqet ukoll lill-Kummissjoni l-konferma li ċerti azzjonijiet korrettivi ppjanati dwar in-nuqqasijiet identifikati matul dik l-ispezzjoni ġew implimentati b’mod sodisfaċenti fl-2011.

(10)

L-evalwazzjoni tal-informazzjoni mressqa mill-Kroazja twassal għall-konklużjoni li l-introduzzjoni fl-Unjoni ta’ laħam frisk ta’ annimali porċini domestiċi minn dak il-pajjiż terz ma kinitx toħloq riskju għall-qagħda tas-saħħa fl-Unjoni rigward id-deni klassiku tal-ħnieżer. Għalhekk l-importazzjonijiet mill-Kroazja ta’ laħam frisk, inkluż laħam kapuljat, ta’ annimali porċini domestiċi fl-Unjoni għandhom jiġu permessi.

(11)

Barra minn hekk, bħalissal-Kroazja hija mniżżla fil-Parti 2 tal-Anness II tad-Deċiżjoni 2007/777/KE għall-introduzzjoni fl-Unjoni ta’ prodotti tal-laħam u tal-istonku, il-bżieżaq tal-awrina u l-imsaren trattati minn annimali porċini domestiċi u annimali tal-kaċċa mrobbija bid-difer mifruq (ħnieżer) li għaddew mit-trattament speċifiku “D”.

(12)

Minħabba l-fatt li l-importazzjonijiet ta’ laħam frisk, inkluż laħam kapuljat, ta’ annimali porċini domestiċi fl-Unjoni mill-Kroazja għandhom jiġu awtorizzati, huwa xieraq li jkunu permessi wkoll importazzjonijiet fl-Unjoni minn dak il-pajjiż terz ta’ prodotti tal-laħam li nkisbu minn dan il-laħam frisk, mingħajr il-ħtieġa li jgħaddu minn trattament speċifiku. Għalhekk il-Parti 2 tal-Anness II tad-Deċiżjoni 2007/777/KE għandha tiġi emendata skont dan.

(13)

Għalhekk id-Deċiżjoni 2007/777/KE u r-Regolament (UE) Nru 206/2010 għandhom jiġu emendati skont dan.

(14)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

8.11.2012   

MT

Il-Ġurnal Uffiċjali tal-Unjoni Ewropea

L 308/15

(1)

Skont l-Artikolu 80(1)(a) tar-Regolament (KE) Nru 1107/2009, għandha tapplika d-Direttiva tal-Kunsill 91/414/KEE (2), fir-rigward tal-proċedura u l-kundizzjonijiet għall-approvazzjoni, għas-sustanzi attivi li għalihom ġiet adottata deċiżjoni skont l-Artikolu 6(3) ta’ dik id-Direttiva qabel l-14 ta’ Ġunju 2011. Għall-isopirażam, il-kundizzjonijiet tal-Artikolu 80(1)(a) tar-Regolament (KE) Nru 1107/2009 huma ssodisfati bid-Deċiżjoni tal-Kummissjoni 2010/132/UE (3).

(2)

Skont l-Artikolu 6(2) tad-Direttiva 91/414/KEE r-Renju Unit fil-25 ta’ Novembru 2008 rċieva applikazzjoni minn Syngenta Crop Protection AG għall-inklużjoni tas-sustanza attiva isopirażam fl-Anness I tad-Direttiva 91/414/KEE. Id-Deċiżjoni 2010/132/UE kkonfermat li l-fajl kien “komplut” fis-sens li seta’ jitqies li jissodisfa, fil-prinċipju, ir-rekwiżiti tad-dejta u tat-tagħrif tal-Annessi II u III tad-Direttiva 91/414/KEE.

(3)

Għal dik is-sustanza attiva, l-effetti fuq is-saħħa tal-bniedem u tal-annimali u fuq l-ambjent ġew ivvalutati, f’konformità mad-dispożizzjonijiet tal-Artikolu 6(2) u (4) tad-Direttiva 91/414/KEE, għall-użi proposti mill-applikant. Ir-relatur maħtur mill-Istat Membru ressaq abbozz tar-rapport ta’ valutazzjoni fl-4 ta’ Mejju 2010.

(4)

L-abbozz tar-rapport ta’ valutazzjoni saritlu evalwazzjoni mill-Istati Membri u mill-Awtorità Ewropea dwar is-Sigurtà fl-Ikel (minn hawn ‘il quddiem “l-Awtorità”). L-Awtorità ppreżentat lill-Kummissjoni l-konklużjoni tagħha dwar l-evalwazzjoni tal-valutazzjoni tar-riskju tal-pestiċidi tas-sustanza attiva isopirażam (4) fis-27 ta’ Frar 2012. L-abbozz tar-rapport ta’ reviżjoni ġie rivedut mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ġie ffinalizzat fit-28 ta’ Settembru 2012 fil-format tar-rapport ta’ evalwazzjoni tal-Kummissjoni għall-isopirażam.

(5)

Mid-diversi eżamijiet li saru deher li l-prodotti li jipproteġu l-pjanti li għandhom l-isopirażam jistgħu jiġu mistennija li jissodisfaw, b’mod ġenerali, ir-rekwiżiti stabbiliti fl-Artikolu 5(1)(a) u (b) u l-Artikolu 5(3) tad-Direttiva 91/414/KEE, partikolarment dwar l-użi tagħhom li kienu eżaminati u li ngħataw dettalji dwarhom fir-rapport ta’ evalwazzjoni tal-Kummissjoni. Għaldaqstant huwa xieraq li l-isopirażam jiġi approvat.

(6)

Madankollu, skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu u fid-dawl tal-għarfien xjentifiku u tekniku attwali, tinħtieġ l-inklużjoni ta’ ċerti kundizzjonijiet u restrizzjonijiet. B’mod partikolari, huwa xieraq li tintalab informazzjoni ta’ konferma addizzjonali.

(7)

Madankollu, bla ħsara għall-obbligi previsti fir-Regolament (KE) Nru 1107/2009 bħala konsegwenza tal-approvazzjoni, u meta titqies is-sitwazzjoni speċifika li nħolqot bit-tranżizzjoni mid-Direttiva 91/414/KEE għar-Regolament (KE) Nru 1107/2009, għandu japplika dan li ġej. L-Istati Membri għandhom jingħataw perjodu ta’ sitt xhur wara l-approvazzjoni biex jirrevedu l-awtorizzazzjonijiet tal-prodotti għall-protezzjoni tal-pjanti li jkun fihom il-isopirażam. L-Istati Membri għandhom ivarjaw, jissostitwixxu jew jirtiraw l-awtorizzazzjonijiet, kif xieraq. B’deroga minn dik l-iskadenza, għandu jingħata perjodu itwal għall-preżentazzjoni u l-valutazzjoni tal-aġġornament tal-fajl komplut tal-Anness III, kif stabbilit fid-Direttiva 91/414/KEE, ta’ kull prodott għall-protezzjoni tal-pjanti għal kull użu maħsub skont il-prinċipji uniformi.

(8)

L-esperjenza miksuba mill-inklużjonijiet fl-Anness I tad-Direttiva 91/414/KEE ta’ sustanzi attivi vvalutati fil-qafas tar-Regolament tal-Kummissjoni (KEE) Nru 3600/92 tal-11 ta’ Diċembru 1992 li jistabbilixxi r-regoli dettaljati għall-implimentazzjoni tal-ewwel stadju tal-programm ta’ xogħol imsemmi fl-Artikolu 8(2) tad-Direttiva tal-Kunsill 91/414/KEE dwar it-tqegħid fis-suq ta’ prodotti għall-protezzjoni tal-pjanti (5), uriet li jistgħu jinħolqu diffikultajiet fl-interpretazzjoni tal-obbligi tad-detenturi tal-awtorizzazzjonijiet eżistenti b’rabta mal-aċċess għad-dejta. Għalhekk, sabiex jiġu evitati aktar diffikultajiet, jidher li huwa meħtieġ li jiġu ċċarati d-dmirijiet tal-Istati Membri, speċjalment id-dmir li jivverifikaw li d-detentur tal-awtorizzazzjoni juri li għandu aċċess għal fajl li jissodisfa r-rekwiżiti tal-Anness II ta’ dik id-Direttiva. Madankollu, din il-kjarifika ma timponix obbligi ġodda fuq l-Istati Membri jew id-detenturi tal-awtorizzazzjonijiet, meta mqabbla mad-Direttivi li ġew adottati sal-lum li jemendaw l-Anness I ta’ dik id-Direttiva jew ir-Regolamenti li japprovaw is-sustanzi attivi.

(9)

Skont l-Artikolu 13(4) tar-Regolament (KE) Nru 1107/2009, l-Anness għar-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (6), għandu jiġi emendat skont dan.

(10)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

fil-każ ta’ prodotti li jkun fihom l-isopirażam bħala l-unika sustanza attiva, fejn ikun meħtieġ, jemendaw jew jirtiraw l-awtorizzazzjoni sa mhux aktar tard mit-30 ta’ Settembru 2014; jew

(b)

fil-każ ta’ prodotti li jkun fihom l-isopirażam bħala waħda minn bosta sustanzi attivi, fejn meħtieġ, jemendaw jew jirtiraw l-awtorizzazzjoni sat-30 ta’ Settembru 2014 jew sad-data stabbilita għal emenda jew irtirar bħal dan fl-att jew fl-atti rispettivi li żiedu s-sustanza jew is-sustanzi relevanti fl-Anness I tad-Direttiva 91/414/KEE, jew approvaw dik is-sustanza jew is-sustanzi, skont liema waħda tkun l-aktar riċenti.

8.11.2012   

MT

Il-Ġurnal Uffiċjali tal-Unjoni Ewropea

L 308/19

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

8.11.2012   

MT

Il-Ġurnal Uffiċjali tal-Unjoni Ewropea

L 308/21

(1)

Ir-Regolament (KE) Nru 178/2002 jistabbilixxi l-prinċipji ġenerali li jirregolaw b’mod ġenerali l-ikel u l-għalf, u b’mod partikolari s-sikurezza tal-ikel u tal-għalf, fil-livell tal-Unjoni u f’dak nazzjonali. Dan jistipula miżuri ta’ emerġenza meta huwa evidenti li ikel jew għalf impurtat minn pajjiż terz x’aktarx li jikkostitwixxi riskju serju għas-saħħa tal-bniedem, is-saħħa tal-annimali jew għall-ambjent, u li tali riskju ma jistax jiġi kkontrollat b’mod sodisfaċenti permezz ta’ miżuri meħuda mill-Istati Membri.

(2)

Id-Direttiva tal-Kunsill 96/23/KE tad-29 ta’ April 1996 dwar miżuri għall-monitoraġġ ta’ ċerti sustanzi u residwi tagħhom f’annimali ħajjin u prodotti tal-annimali (2), tistipula li l-proċess tal-produzzjoni tal-annimali u tal-prodotti primarji li joriġinaw mill-annimali għandu jkun sorveljat bl-għan li jinstabu ċerti residwi u sustanzi f’annimali ħajjin, fil-ħmieġ tagħhom u fis-sustanzi fluwidi ta’ ġisimhom u fit-tessuti, fil-prodotti tal-annimali, fl-għalf tal-annimali u fl-ilma tax-xorb.

(3)

Id-Deċiżjoni tal-Kummissjoni 2010/381/UE tat-8 ta’ Lulju 2010 dwar miżuri ta’ emerġenza li japplikaw għal kunsinni ta’ prodotti tal-akkwakultura importati mill-Indja u maħsuba għall-konsum tal-bniedem (3) tistipula li tal-anqas 20 % tal-kunsinni tal-prodotti tal-akkwakultura mill-Indja maħsuba għall-konsum mill-bniedem għandhom jiġu ttestjati għall-preżenza ta’ sustanzi farmakoloġikament attivi kif definit fl-Artikolu 2(a) tar-Regolament (KE) Nru 470/2009 tal-Parlament Ewropew u tal-Kunsill (4), u b’mod partikolari l-kloramfenikol, it-tetraċiklina, l-ossitetraċiklina u l-klortetraċiklina u l-metaboliti tan-nitrofurani.

(4)

Ir-riżultati ta’ spezzjoni fl-Indja mwettqa f’Novembru 2011, mis-Servizz ta’ spezzjoni tal-Kummissjoni, l-Uffiċċju Alimentari u Veterinarju, ikkonfermaw li sistema ta’ kontroll uffiċjali adegwata li tkopri l-produzzjoni tal-akkwakultura tinsab bħalissa fis-seħħ u li r-rakkomandazzjoni mir-rapport ta’ spezzjoni tal-2009 dwar monitoraġġ uffiċjali ta’ farms tal-akkwakultura ġiet parzjalment indirizzata.

(5)

Mill-adozzjoni tad-Deċiżjoni 2010/381/UE, in-numru ta’ kampjuni ta’ prodotti tal-akkwakultura li fihom instabu l-kloramfenicol, it-tetraċiklina, l-ossitetraċiklina u l-klortetraċiklina jew il-metaboliti tan-nitrofurani fl-Istati Membri naqas. Għalhekk, huwa xieraq li titnaqqas il-perċentwali minima ta’ konsenji li għandhom jiġu ttestjati għall-preżenza ta’ sustanzi farmakoloġikament attivi.

(6)

L-obbligu għal testijiet mandatorji għandu madanakollu jinżamm biex dawn ikomplu jipprovdu aktar informazzjoni preċiża dwar il-kontaminazzjoni possibbli tal-prodotti tal-akkwakultura li joriġinaw mill-Indja b’dawk ir-residwi. L-ittestjar għandu jkompli wkoll sabiex jiskoraġġixxi lill-produtturi fl-Indja milli jużaw ħażin dawk is-sustanzi.

(7)

Id-Deċiżjoni 2010/381/UE għandha għaldaqstant tiġi emendata skont dan.

(8)

Id-Deċiżjoni tal-Kummissjoni 2010/220/UE tas-16 ta’ April 2010 dwar miżuri ta’ emerġenza applikabbli għal kunsinni ta’ prodotti tas-sajd tal-akkwakultura importati mill-Indoneżja u li huma intenzjonati għall-konsum mill-bniedem (5) tistipula li tal-anqas 20 % tal-kunsinni tal-prodotti tas-sajd tal-akkwakultura mill-Indoneżja maħsuba għall-konsum mill-bniedem għandhom jiġu ttestjati għall-preżenza ta’ residwi ta’ sustanzi farmakoloġikament attivi ddefiniti fl-Artikolu 2(a) tar-Regolament (KE) Nru 470/2009, u b’mod partikolari l-kloramfenicol, il-metaboliti tan-nitrofurani u t-tetraċiklini.

(9)

Mill-adozzjoni tad-Deċiżjoni 2010/220/UE, ebda residwi tal-kloramfenicol, tal-metaboliti tan-nitrofurani jew tat-tetraċiklini ma nstabu f’kunsinni ta’ prodotti tas-sajd tal-akkwakultura importati mill-Indoneżja.

(10)

Ir-riżultati ta’ spezzjoni fl-Indoneżja li saret fi Frar 2012 permezz tas-servizz ta’ spezzjoni tal-Kummissjoni, l-Uffiċċju tal-Ikel u Veterinarju, ikkonkludew li s-sistema tal-kontroll tar-residwi fl-Indoneżja pprovdiet garanziji sodisfaċenti b’effett ekwivalenti għal dawk stipulati fil-liġi tal-Unjoni.

(11)

Għaldaqstant, id-Deċiżjoni 2010/220/UE għandha titħassar.

(12)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

8.11.2012   

MT

Il-Ġurnal Uffiċjali tal-Unjoni Ewropea

L 308/23

(1)

Skont l-Artikolu 8(1) tar-Regolament (UE) Nru 691/2011, il-Kummissjoni tista’ tadotta atti ta’ implimentazzjoni bil-għan li tagħti derogi lill-Istati Membri tul il-perjodi tranżizzjonali msemmija fl-Annessi tar-Regolament (UE) Nru 691/2011 sa fejn is-sistemi tal-istatistika nazzjonali jkunu jeħtieġu adattamenti kbar.

(2)

Derogi bħal dawn għandhom jingħataw, meta titressaq talba ġustifikata għalihom, lir-Renju ta’ Spanja, ir-Repubblika Franċiża, ir-Repubblika ta’ Ċipru, ir-Repubblika ta’ Malta, ir-Repubblika tal-Awstrija u r-Repubblika tal-Polonja,

(3)

Il-miżuri stipulati fid-Deċiżjoni huma konformi mal-opinjoni tal-Kumitat dwar is-Sistema tal-Istatistika Ewropea,

8.11.2012   

MT

Il-Ġurnal Uffiċjali tal-Unjoni Ewropea

L 308/25

(1)

Ir-Regolament (KE) Nru 854/2004 jistipula li prodotti li joriġinaw mill-annimali jistgħu jiġu importati biss minn pajjiż terz jew parti minn pajjiż terz li jidher jew tidher f’lista mfassla skont dak ir-Regolament.

(2)

Ir-Regolament (KE) Nru 854/2004 jistipula li, fit-tfassil u l-aġġornamenti ta’ dan it-tip ta’ listi, għandhom jitqiesu l-verifiki min-naħa tal-Unjoni f’pajjiżi terzi u l-garanziji pprovduti min-naħa tal-awtoritajiet kompetenti ta’ pajjiżi terzi rigward il-konformità jew l-ekwivalenza mal-liġi tal-Unjoni dwar l-għalf u l-ikel u regoli dwar saħħet l-annimali kif speċifikat fir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (2).

(3)

Id-Deċiżjoni tal-Kummissjoni 2006/766/KE tas-6 ta’ Novembru 2006 li tistabbilixxi l-listi ta’ pajjiżi terzi u territorji li minnhom l-importazzjonijiet ta’ molluski bivalvi, ekinodermi, tunikati, gastropodi tal-ibħra u prodotti tas-sajd huma permessi (3) telenka dawk il-pajjiżi terzi li jissodisfaw il-kriterji msemmija fir-Regolament (KE) Nru 854/2004 u għaldaqstant huma f’pożizzjoni li jiggarantixxu li dawk l-esportazzjonijiet ta’ dawk il-prodotti lejn l-Unjoni jissodisfaw il-kundizzjonijiet sanitarji stipulati fil-leġiżlazzjoni tal-Unjoni biex titħares saħħet il-konsumaturi. B ‘mod partikolari, l-Anness I ta’ dik id-Deċiżjoni jistabbilixxi lista ta’ pajjiżi terzi li minnhom huma awtorizzati l-importazzjonijiet ta’ molluski bivalvi, tunikati, ekinodermi u gastropodi tal-ibħra u l-Anness II ta’ dik id-Deċiżjoni jistabbilixxi lista ta’ pajjiżi terzi u territorji li minnhom l-importazzjonijiet tal-prodotti tas-sajd għall-konsum mill-bniedem huma permessi. Dawk il-listi jindikaw ukoll ir-restrizzjonijiet fuq dawn l-importazzjonijiet minn ċerti pajjiżi terzi.

(4)

Twettqet spezzjoni mill-Kummissjoni fil-Kroazja bejn it-23 ta’ Novembru u t-2 ta’ Diċembru 2010, biex tivvaluta s-sistema ta’ kontrolli li jirregolaw il-produzzjoni tal-molluski bivalvi ħajjin maħsuba għall-esportazzjoni lejn l-Unjoni. Ġew identifikati għadd ta’ nuqqasijiet li ġew ikkoreġuti sussegwentement. Is-sistemi ta’ kontroll fis-seħħ f’dak il-pajjiż terz attwalment jipprovdu biżżejjed garanziji biex ikun żgurat li jkun hemm protezzjoni tas-saħħa tal-konsumatur adegwata għal molluski bivalvi esportati mill-Kroazja lejn l-Unjoni. Il-Kroazja għalhekk għandha tiġi inkluża fil-lista stabbilita fl-Anness I tad-Deċiżjoni 2006/766/KE.

(5)

Twettqet missjoni ta’ spezzjoni mill-Kummissjoni fil-Brunej mill-25 sat-28 April 2012 biex tivvaluta s-sistemi ta’ kontroll fis-seħħ li jirregolaw il-produzzjoni ta’ prodotti tas-sajd maħsuba għall-esportazzjoni lejn l-Unjoni. L-ebda defiċjenza kkunsidrata li għandha implikazzjonijiet sinifikanti għal protezzjoni tas-saħħa tal-konsumatur ma ġiet identifikata matul dik l-ispezzjoni fir-rigward tal-produzzjoni tal-prodotti tal-akkwakultura. Il-Brunej għandu għalhekk jiġi inkluż fil-lista ta’ pajjiżi terzi stipulati fl-Anness II tad-Deċiżjoni 2006/766/KE, flimkien ma’ indikazzjoni li l-importazzjonijiet tal-prodotti tal-akkwakultura biss huma permessi fl-Unjoni minn dak il-pajjiż terz.

(6)

Twettqet missjoni ta’ spezzjoni mill-Kummissjoni fit-Togo mit-8 sal-11 ta’ Ġunju 2009. Kontrolli uffiċjali u ċertifikazzjoni tal-iġjene għall-esportazzjoni tal-awwisti ħajjin instabu li kienu sodisfaċenti, iżda ġew innutati nuqqasijiet fis-sistema ta’ kontroll għall-prodotti tas-sajd affumikati maħsuba għall-esportazzjoni lejn l-Unjoni. Fid-dawl ta’ dawk in-nuqqasijiet, it-Togo ġiet inkluża fil-lista stabbilita fl-Anness II tad-Deċiżjoni 2006/766/KE, kif emendata bid-Deċiżjoni tal-Kumissjoni 2009/951/UE (4), flimkien ma’ indikazzjoni li l-importazzjonijiet ta’ awwisti ħajjin biss huma permessi fl-Unjoni minn dak il-pajjiż terz.

(7)

In-nuqqasijiet identifikati matul iż-żjara ta’ spezzjoni tal-Kummissjoni fit-Togo ġew indirizzati sussegwentement. Twaqqfu sistemi ta’ kontroll sabiex jiġu kondotti analiżi kimiċi u tal-mikrobi ta’ prodotti tas-sajd affumikati. Rapporti analitiċi u informazzjoni oħra mressqa mill-awtorità kompetenti jipprovdu biżżejjed garanziji biex ikun żgurat li jkun hemm biżżejjed protezzjoni tas-saħħa tal-konsumatur għal prodotti tas-sajd kollha għall-konsum mill-bniedem, ħlief molluski bivalvi, ekinodermi, tunikati u gastropodi marini, ħajjin, imkessħa, iffriżati jew ipproċessati esportati mit-Togo lejn l-Unjoni.

(8)

Wara r-riforma interna tar-Renju tal-Pajjiżi l-Baxxi, effettiva mill-10 ta’ Ottubru 2010, l-Antilli Olandiżi ma baqax jeżisti bħala pajjiż awtonomu fi ħdan dak ir-Renju. Fl-istess data, Curaçao u Sint Maarten kisbu l-istatus ta’ pajjiżi awtonomi fi ħdan ir-Renju tal-Pajjiżi l-Baxxi, filwaqt li Bonaire, Sint Eustatius u Saba saru muniċipalitajiet speċjali tal-parti Ewropea tar-Renju tal-Pajjiżi l-Baxxi.

(9)

Bonaire, Sint Eustatius u Saba se jibqgħu madankollu inklużi fil-lista ta’ pajjiżi u territorji barranin stipulati fl-Anness II tat-Trattat dwar il-Funzjonament tal-Unjoni Ewropea. Għalhekk dawn huma pajjiżi u territorji barranin li għalihom japplikaw id-dispożizzjonijiet tal-parti erbgħa tat-Trattat.

(10)

Minħabba li tikkostitwixxi parti mill-parti Ewropea tar-Renju tal-Pajjiżi l-Baxxi, l-implimentazzjoni tat-Trattati għal dawk it-territorji hija żgurata mill-Pajjiżi l-Baxxi u l-kompiti tal-awtorità kompetenti għal kwistjonijiet sanitarji f’dawk il-muniċipalitajiet speċjali huma mwettqa mill-awtoritajiet kompetenti tal-Pajjiżi l-Baxxi. L-awtoritajiet kompetenti tal-Pajjiżi l-Baxxi ppreżentaw l-informazzjoni meħtieġa lill-Kummissjoni biex jippruvaw li s-sistema ta’ kontroll sanitarja fis-seħħ f’Bonaire, Sint Eustatius u Saba tipprovdi biżżejjed garanziji ta’ konformità mar-rekwiżiti tal-Unjoni. L-informazzjoni pprovduta turi wkoll li dawk l-awtoritajiet għandhom l-istess setgħat legali li jwettqu kontrolli daqs kemm kien ikollha l-awtorità kompetenti tal-Antilli Olandiżi u li l-operaturi tan-negozju tal-ikel huma marbutin bl-istess obbligi. Barra minn hekk, skont dik l-informazzjoni, il-kontrolli sanitarji uffiċjali f’dawk il-pajjiżi awtonomi għadhom jissoktaw fl-istess livelli bħal fil-perjodu qabel l-Antilli Olandiżi ma baqax jeżisti.

(11)

Id-Deċiżjoni 2006/766/KE għandha għalhekk tiġi emendata skont dan.

(12)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

fl-Anness I, l-annotazzjoni li ġejja tiddaħħal bejn l-entrati għal Greenland u l-Ġamajka:

(2)

L-Anness II huwa emendat kif ġej: