Appendiċi 1

Lista ta’ standards imsemmija f’dan ir-Regolament

Appendiċi 2

Limiti ta’ referenza għall-broadband tal-vettura

Separazzjoni bejn l-antenna u l-vettura: 10 m

Appendiċi 3

Limiti ta’ referenza għall-broadband tal-vettura

Separazzjoni bejn l-antenna u l-vettura: 3 m

Appendiċi 4

Limiti ta’ referenza għan-narrowband tal-vettura

Separazzjoni bejn l-antenna u l-vettura: 10 m

Appendiċi 5

Limiti ta’ referenza għan-narrowband tal-vettura

Separazzjoni bejn l-antenna u l-vettura: 3 m

Appendiċi 6

Subassemblaġġ elettriku/elettroniku

Limiti ta’ referenza għal broadband

Appendiċi 7

Subassemblaġġ elettriku/elettroniku

Limiti ta’ referenza għal narrowband

ANNESS 1

EŻEMPJI TAL-MARKI TAL-APPROVAZZJONI

Mudell A

(Ara l-paragrafu 5.2 ta’ dan ir-Regolament)

Il-marka tal-approvazzjoni ta’ hawn fuq imwaħħla fuq vettura jew ESA turi li t-tip ta’ vettura kkonċernat, fir-rigward tal-kompatibbiltà elettromanjetika, ġie approvat fil-Pajjiżi l-Baxxi (E4) skont ir-Regolament Nru 10 bin-Nru tal-approvazzjoni 042439 in-numru tal-approvazzjoni jindika li l-approvazzjoni ngħatat skont ir-rekwiżiti tar-Regolament Nru 10 kif emendat mis-serje ta’ emendi 04.

Mudell B

(Ara l-paragrafu 5.2 ta’ dan ir-Regolament)

Il-marka tal-approvazzjoni ta’ hawn fuq imwaħħla fuq vettura jew ESA turi li t-tip ta’ vettura kkonċernat, fir-rigward tal-kompatibbiltà elettromanjetika, ġie approvat fil-Pajjiżi l-Baxxi (E4) skont ir-Regolamenti Nri 10 u 33 (*).

In-numri tal-approvazzjoni jindikaw li, fid-data meta ngħataw l-approvazzjonijiet rispettivi, ir-Regolament Nru 10 inkluda s-serje ta’ emendi 04 u r-Regolament Nru 33 kien għadu fil-forma oriġinali tiegħu.

(*)  It-tieni numru qed jingħata sempliċement bħala eżempju

ANNESS 2A

Dokument ta’ informazzjoni għall-approvazzjoni tat-tip ta’ vettura fir-rigward tal-kompatibbiltà elettromanjetika

L-informazzjoni li ġejja għandha tiġi pprovduta fi tliet kopji u għandha tinkludi werrej.

Kull disinn irid jiġi pprovdut fi skala xierqa u b’dettall suffiċjenti fuq karta ta’ daqs A4 jew folder ta’ format A4.

Jekk ikun hemm xi ritratti għandu jkun fihom dettalji suffiċjenti.

Jekk is-sistemi, il-komponenti jew l-unitajiet tekniċi separati jkollhom kontrolli elettroniċi, trid tingħata l-informazzjoni dwar il-prestazzjoni tagħhom.

ĠENERALI

IL-KARATTERISTIĊI TA’ KOSTRUZZJONI ĠENERALI TAL-VETTURA

L-IMPJANT TAL-ENERĠIJA

IL-MAGNI LI JAĦDMU BIL-GASS (FIL-KAŻ TA’ SISTEMI LI JIDHRU B’MOD DIFFERENTI, AGĦTI L-INFORMAZZJONI EKWIVALENTI)

IT-TRAŻMISSJONI

IS-SOSPENSJONI

L-ISTERING

IL-BREJKIJIET

KARROZZERIJA

ID-DWAL U L-APPARAT TA’ SINJALAR TAD-DAWL

MIXXELLANJI

(1)  Aqta’ fejn ma japplikax.

ANNESS 2B

Dokument ta’ informazzjoni għal approvazzjoni tat-tip ta’ subassemblaġġ elettriku/elettroniku fir-rigward tal-kompatibbiltà elettromanjetika

L-informazzjoni li ġejja, jekk applikabbli, għandha tiġi pprovduta fi tliet kopji u għandha tinkludi werrej. Kull disinn irid jiġi pprovdut fi skala xierqa u b’dettall suffiċjenti fuq karta ta’ daqs A4 jew folder ta’ format A4 jekk ikun hemm xi ritratti għandu jkun fihom dettalji suffiċjenti.

Jekk is-sistemi, il-komponenti jew l-unitajiet tekniċi separati jkollhom kontrolli elettroniċi, trid tingħata l-informazzjoni dwar il-prestazzjoni tagħhom.

Appendiċi 1: Deskrizzjoni tal-ESA magħżul biex jirrappreżenta t-tip (dijagramma elettronika bi blokki u lista tal-komponenti ewlenin li jikkostitwixxu l-ESA (eż id-ditta u t-tip ta’ mikroproċessur, kristall, eċċ).

Appendiċi 2: Rapport(i) rilevanti tat-test ipprovduti mill-manifattur minn laboratorju tat-testijiet akkreditat għal ISO 17025 u rikonoxxut mill-Awtorità tal-Approvazzjoni għall-għan tal-kompilazzjoni taċ-ċertifikat tal-approvazzjoni tat-tip.

(1)  Jekk il-mezz ta’ identifikazzjoni tat-tip fih karattri mhux rilevanti biex jiddeskrivu l-komponent jew it-tipi tal-unità teknika separata koperti minn dan id-dokument ta’ informazzjoni, dawn il-karattri għandhom jiġu rrappreżentati fid-dokumentazzjoni bis-simbolu “?” (eż. ABC??123??).

(2)  Ħassar fejn ma japplikax.

ANNESS 3A

KOMUNIKAZZJONI

(Format massimu: A4 (210 × 297 mm))

ANNESS 3B

KOMUNIKAZZJONI

(Format massimu: A4 (210 × 297 mm))

ANNESS 4

Metodu ta’ kejl tal-emissjonijiet elettromanjetiċi broadband irradjati minn vetturi

1.   ĠENERALI

1.1.   Il-metodu tat-test deskritt f’dan l-anness għandu jkun applikat biss għall-vetturi.

Dan il-metodu jikkonċerna ż-żewġ konfigurazzjonijiet tal-vettura:

1.2.   Metodu tat-test

Dan it-test hu maħsub biex ikejjel l-emissjonijiet broadband iġġenerati minn sistemi elettriċi jew elettroniċi mwaħħla fuq il-vettura (eż. sistemi tal-ignixin jew muturi tal-elettriku).

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 12 (il-ħames edizzjoni 2001 u Amd1: 2005).

2.   STAT TAL-VETTURA WAQT IT-TESTIJIET

2.1.   Vettura fil-konfigurazzjonijiet għajr “il-modalità ta’ ċċarġjar RESS agganċjata man-netwerk tal-elettriku”.

2.1.1.   Il-magna

Il-magna għandha titħaddem skont is-CISPR 12 (il-ħames edizzjoni 2001 u Amd1: 2005)

2.1.2.   Sistemi oħra tal-vettura

It-tagħmir kollu li kapaċi jiġġenera emissjonijiet broadband li jistgħu jinxtegħlu b’mod permanenti mis-sewwieq jew mill-passiġġier, għandu jitħaddem b’tagħbija massima, eż. muturi tal wajpers jew fannijiet il-ħorn u l-muturi tat-twieqi elettriċi huma esklużi għax ma jintużawx kontinwament.

2.2.   Vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku”.

Din il-vettura għandha tkun fil-modalità ta’ ċċarġjar tal-batteriji bil-potenza nominali sakemm il-kurrent alternat jew il-kurrent dirett ikun laħaq mill-inqas 80 fil-mija tal-valur inizjali tiegħu il-preparazzjoni tat-test għall-konnessjoni tal-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura 3 tal-Appendiċi ta’ dan l-anness.

3.   POST TAL-KEJL

3.1   Bħala alternattiva għar-rekwiżiti ta’ CISPR 12 (il-ħames edizzjoni 2001 u Amd1: 2005) għal vetturi tal-kategorija L il-wiċċ tat-test jista’ jkun f’kull post li jissodisfa l-kundizzjonijiet li jidhru fil-Figura 1 fl-Appendiċi għal dan l-anness. F’dan il-każ, it-tagħmir tal-kejl għandu jkun barra mill-parti li tidher fil-figuri 1 tal-Appendiċi għal dan l-Anness.

3.2   Jistgħu jintużaw faċilitajiet magħluqa tat-test jekk tista’ tintwera korrelazzjoni bejn ir-riżultati miksuba fil-faċilità magħluqa tat-test u dawk miksuba f’sit ta’ barra il-faċilitajiet magħluqa tat-test ma għandhomx bżonn jissodisfaw ir-rekwiżiti dimensjonali tas-sit ta’ barra ħlief id-distanza mill-antenna sal-vettura u l-għoli tal-antenna.

4.   REKWIŻITI TAT-TEST

4.1.   Il-limiti japplikaw tul il-firxa kollha ta’ frekwenza bejn 30 u 1 000 MHz għal kejl li jsir f’kamra semianekoika jew f’sit tat-test ta’ barra.

4.2.   Il-kejl jista’ jsir b’ditekters apiċi jew kważi apiċi il-limiti mogħtija fil-paragrafi 6.2 u 6.5 ta’ dan ir-Regolament huma għal ditekters kważi apiċi jekk jintużaw ditekters apiċi għandu jiġi applikat fattur ta’ korrezzjoni ta’ 20 dB kif definit fis-CISPR 12 (il-ħames edizzjoni 2001 u Amd1: 2005).

4.3.   Kejl

Is-Servizz Tekniku għandu jwettaq it-test bl-intervalli speċifikati fl-istandard CISPR 12 (il-ħames edizzjoni 2001 u Amd1: 2005) tul il-firxa kollha ta’ frekwenza bejn 30 u 1 000 MHz.

Minflok, jekk il-manifattur jipprovdi d-dejta tal-kejl għall-medda sħiħa ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jaqsam il-firxa ta’ frekwenza f’14-il medda ta’ frekwenza 30-34, 34-45, 45-60, 60-80, 80-100, 100-130, 130-170, 170-225, 225-300, 300-400, 400-525, 525-700, 700-850, 850-1 000 MHz u jwettaq it-testijiet bl-14-il frekwenza li jagħtu l-ogħla livelli ta’ emissjonijiet f’kull medda biex jikkonferma li l-vettura tissodisfa r-rekwiżiti ta’ dan l-anness.

Fil-każ li dan il-limitu jinqabeż matul it-test, għandhom isiru investigazzjonijiet biex jiġi żgurat li dan huwa kkawżat minħabba l-vettura u mhux minħabba radjazzjoni fl-isfond.

4.4.   Il-qari

Il-massimu tal-qari relatat mal-limitu (polarizzazzjoni orizzontali u vertikali u l-post tal-antenna fuq in-naħat tax-xellug u tal-lemin tal-vettura) f’kull waħda mill-14-il medda ta’ frekwenza għandu jitqies bħala l-qari karatteristiku fil-frekwenza li fiha jkun twettaq il-kejl.

ANNESS 5

Metodu ta’ kejl tal-emissjonijiet elettromanjetiċi narrowband irradjati minn vetturi

1.   ĠENERALI

1.1.   Il-metodu tat-test deskritt f’dan l-anness għandu jkun applikat biss għall-vetturi.

Dan il-metodu jikkonċerna biss il-konfigurazzjoni tal-vettura għajr “il-modalità ta’ ċċarġjar RESS agganċjata man-netwerk tal-elettriku”.

1.2.   Metodu tat-test

Dan it-test hu maħsub biex ikejjel l-emissjonijiet elettromanjetiċi narrowband li jistgħu joħorġu minn sistema bbażata fuq mikroproċessur jew minn sors narrowband ieħor.

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 12 (il-ħames edizzjoni 2001 u Amd1: 2005) jew is-CISPR 25 (u Corrigendum: 2004).

1.3.   Bħala l-ewwel pass, il-livelli tal-emissjonijiet fil-medda ta’ Modulazzjoni ta’ Frekwenza (FM) (minn 76 sa 108 MHz) għandhom jitkejlu fl-antenna tar-radju tax-xandir tal-vettura b’ditekter medju jekk il-livell speċifikat fil-punt 6.3.2.4 ta’ dan ir-Regolament ma jinqabiżx, allura l-vettura għandha titqies li tikkonforma mar-rekwiżiti ta’ dan l-anness fir-rigward ta’ dik il-medda ta’ frekwenza u t-test sħiħ ma għandux jitwettaq.

1.4.   Bħala alternattiva għall-vetturi tal-kategorija L il-post tal-kejl jista’ jingħażel skont l-Anness 4, il-paragrafi 3.1 u 3.2.

2.   STAT TAL-VETTURA WAQT IT-TESTIJIET

2.1.   Is-swiċċ tal-ignixin għandu jkun mixgħul il-magna ma għandhiex tkun qed taħdem.

2.2.   Is-sistemi elettroniċi tal-vettura għandhom kollha jkunu f’kundizzjoni ta’ tħaddim normali bil-vettura wieqfa.

2.3.   It-tagħmir kollu li jista’ jinxtegħel b’mod permanenti mis-sewwieq jew mill-passiġġier b’oxxillaturi interni > 9 kHz jew sinjali ripetittivi għandu jaħdem b’mod normali.

3.   REKWIŻITI TAT-TEST

3.1.   Il-limiti japplikaw tul il-firxa kollha ta’ frekwenza bejn 30 u 1 000 MHz għal kejl li jsir f’kamra semianekoika jew f’sit tat-test ta’ barra.

3.2.   Il-kejl għandu jitwettaq b’ditekter medju.

3.3.   Kejl

Is-Servizz Tekniku għandu jwettaq it-test bl-intervalli speċifikati fl-istandard CISPR 12 (il-ħames edizzjoni 2001 u Amd1: 2005) tul il-firxa kollha ta’ frekwenza bejn 30 u 1 000 MHz.

Minflok, jekk il-manifattur jipprovdi d-dejta tal-kejl għall-medda sħiħa ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jaqsam il-firxa ta’ frekwenza f’14-il medda ta’ frekwenza 30-34, 34-45, 45-60, 60-80, 80-100, 100-130, 130-170, 170-225, 225-300, 300-400, 400-525, 525-700, 700-850, 850-1 000 MHz u jwettaq it-testijiet bl-14-il frekwenza li jagħtu l-ogħla livelli ta’ emissjonijiet f’kull medda biex jikkonferma li l-vettura tissodisfa r-rekwiżiti ta’ dan l-anness.

Fil-każ li l-limitu jinqabeż matul it-test, għandhom isiru investigazzjonijiet biex jiġi żgurat li dan huwa kkawżat minħabba l-vettura u mhux minħabba radjazzjoni fl-isfond, inkluża radjazzjoni broadband minn kwalunkwe ESA.

3.4.   Il-qari

Il-massimu tal-qari relatat mal-limitu (polarizzazzjoni orizzontali u vertikali u l-post tal-antenna fuq in-naħat tax-xellug u tal-lemin tal-vettura) f’kull waħda mill-14-il medda ta’ frekwenza għandu jitqies bħala l-qari karatteristiku fil-frekwenza li fiha jkun twettaq il-kejl.

ANNESS 6

Metodu ta’ ttestjar għall-immunità tal-vetturi għar-radjazzjoni elettromanjetika

1.   ĠENERALI

1.1.   Il-metodu tat-test deskritt f’dan l-anness għandu jkun applikat biss għall-vetturi. Dan il-metodu jikkonċerna ż-żewġ konfigurazzjonijiet tal-vettura:

1.2.   Metodu tat-test

It-test hu maħsub biex juri l-immunità tas-sistemi elettroniċi tal-vettura il-vettura għandha tkun suġġetta għal żoni elettromanjetiċi kif deskritt f’dan l-anness. Waqt it-testijiet, il-vettura għandha tkun immonitorjata.

Jekk ma jkunx iddikjarat mod ieħor fl-anness, it-test għandu jitwettaq skont l-ISO 11451-2, it-tielet edizzjoni 2005.

1.3.   Metodi ta’ test alternattivi

It-test jista’ jitwettaq alternattivament f’sit tat-test ta’ barra għall-vetturi kollha il-faċilità tat-test għandha tikkonforma mar-rekwiżiti legali (nazzjonali) li għandhom x’jaqsmu mal-emissjoni ta’ sinjali elettromanjetiċi.

Jekk vettura tkun itwal minn 12 m u/jew usa’ minn 2,60 m u/jew ogħla minn 4,00 m, jista’ jintuża metodu BCI (injezzjoni ta’ kurrent qawwi) skont l-ISO 11451-4 (l-ewwel edizzjoni 1995) fil-firxa ta’ frekwenza bejn 20 u 2 000 MHz b’livelli definiti fil-paragrafu 6.7.2.1 ta’ dan ir-Regolament.

2.   STAT TAL-VETTURA WAQT IT-TESTIJIET

2.1.   Vettura fil-konfigurazzjoni għajr “il-modalità ta’ ċċarġjar RESS agganċjata man-netwerk tal-elettriku”.

2.1.1.   Il-vettura għandha tkun f’kundizzjoni mhux mgħobbija ħlief għat-tagħmir neċessarju tat-test.

2.1.1.1.   Il-magna għandha normalment iddawwar ir-roti tas-sewqan b’veloċità kostanti ta’ 50 km/h jekk ma jkunx hemm raġuni teknika minħabba l-vettura biex tiġi definita kundizzjoni differenti. Għall-vetturi ta’ kategoriji L1 u L2 il-veloċità stabbli għandha normalment tiġi ffissata għal 25 km/h il-vettura għandha tkun fuq dinamometru mgħobbi kif xieraq jew alternattivament sostnut fuq stands tal-fus iżolati b’għoli minimu mill-art jekk ma jkun hemm l-ebda dinamometru disponibbli. Fejn xieraq, xaftijiet għat-trażmissjoni, ċinturini jew katini jistgħu jiġu skonnettjati (eż trakkijiet, vetturi b’żewġ roti jew bi tlieta).

2.1.1.2.   Kundizzjonijiet bażiċi tal-vettura

Il-paragrafu jiddefinixxi l-kundizzjonijiet minimi tat-test (safejn japplikaw) u l-kriterji ta’ falliment għat-testijiet ta’ immunità tal-vetturi. Sistemi oħra tal-vettura, li jistgħu jaffettwaw il-funzjonijiet relatati mal-immunità għandhom jiġu ttestjati b’mod li jistgħu jiġu stabbiliti bi ftehim bejn il-manifattur u s-Servizz Tekniku.

2.1.1.3.   It-tagħmir kollu li jista’ jinxtegħel b’mod permanenti mis-sewwieq jew mill-passiġġier għandu jaħdem b’mod normali.

2.1.1.4.   Is-sistemi l-oħra kollha li jaffettwaw il-kontroll tal-vettura min-naħa tas-sewwieq għandhom ikunu (jaħdmu) bħal waqt it-tħaddim normali tal-vettura.

2.1.2.   Jekk ikun hemm sistemi elettriċi/elettroniċi tal-vettura li jiffurmaw parti integrali mill-kontroll dirett tal-vettura, li ma jaħdmux fil-kundizzjonijiet deskritti fil-paragrafu 2.1, il-manifattur jista’ jipprovdi rapport jew evidenza addizzjonali lis-Servizz Tekniku li s-sistema elettrika/elettronika tal-vettura tissodisfa r-rekwiżiti ta’ dan ir-Regolament. Evidenza bħal din għandha tinżamm fid-dokumentazzjoni tal-approvazzjoni tat-tip.

2.1.3.   Waqt il-monitoraġġ tal-vettura għandu jintuża biss tagħmir li ma jġibx perturbazzjoni il-parti ta’ barra tal-vettura u l-kompartiment tal-passiġġier għandhom ikunu mmonitorjati biex ikun stabbilit jekk ir-rekwiżiti ta’ dan l-anness humiex sodisfatti (eż. bl-użu ta’ vidjokamera(s), mikrofonu, eċċ).

2.2.   Vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku”.

2.2.1.   Il-vettura għandha tkun f’kundizzjoni mhux mgħobbija ħlief għat-tagħmir neċessarju tat-test.

2.2.1.1.   Il-magna għandha tkun immobilizzata, il-magna mitfija u fil-modalità ta’ ċċarġjar.

2.2.1.2.   Kundizzjonijiet bażiċi tal-vettura

Il-paragrafu jiddefinixxi l-kundizzjonijiet minimi tat-test (safejn japplikaw) u l-kriterji ta’ falliment għat-testijiet ta’ immunità tal-vetturi. Sistemi oħra tal-vettura, li jistgħu jaffettwaw il-funzjonijiet relatati mal-immunità, għandhom jiġu ttestjati b’mod li jista’ jiġi stabbilit bi ftehim bejn il-manifattur u s-Servizz Tekniku.

2.2.1.3.   It-tagħmir kollu l-ieħor li jista’ jinxtegħel b’mod permanenti mis-sewwieq jew mill-passiġġier għandu jkun mitfi.

2.2.2.   Waqt il-monitoraġġ tal-vettura għandu jintuża biss tagħmir li ma jġibx perturbazzjoni il-parti ta’ barra tal-vettura u l-kompartiment tal-passiġġier għandhom ikunu mmonitorjati biex ikun stabbilit jekk ir-rekwiżiti ta’ dan l-anness humiex sodisfatti (eż. bl-użu ta’ vidjokamera(s), mikrofonu, eċċ).

3.   PUNT TA’ REFERENZA

3.1.   Għall-finijiet ta’ dan l-anness il-punt ta’ referenza huwa l-punt li fih għandha tkun stabbilita l-qawwa tal-kamp u għandha tkun definita kif ġej:

3.2.   Għall-vetturi tal-kategorija M, N, O skont l-ISO 11451-2, it-tielet edizzjoni 2005.

3.3.   Għall-vetturi tal-kategorija L:

4.   REKWIŻITI TAT-TEST

4.1.   Il-firxa ta’ frekwenza, il-ħinijiet ta’ esponiment, il-polarizzazzjoni

Il-vettura għandha tkun esposta għal radjazzjoni elettromanjetika fil-firxiet ta’ frekwenza bejn 20 u 2 000 MHz f’polarizzazzjoni vertikali.

Il-modulazzjoni tas-sinjal għat-test għandha tkun:

Jekk mhux maqbul mod ieħor bejn is-Servizz Tekniku u l-manifattur tal-vettura.

Id-daqs tal-intervalli bejn il-frekwenzi u t-tul tal-esponiment għandhom jintgħażlu skont l-ISO 11451-1, it-tielet edizzjoni 2005 u Amd1: 2008.

4.1.1.   Is-Servizz Tekniku għandu jwettaq it-test bl-intervalli speċifikati fl-ISO 11451-1, it-tielet edizzjoni 2005 u Amd1: 2008 tul il-firxa kollha ta’ frekwenza minn 20 sa 2 000 MHz.

Minflok, jekk il-manifattur jipprovdi kejl għad-dejta għall-medda sħiħa ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum 2006) u rikonoxxut mill-Awtorità tal-Approvazzjoni, is-Servizz Tekniku jista’ jagħżel numru inqas ta’ frekwenzi karatteristiċi fil-firxa, eż. 27, 45, 65, 90, 120, 150, 190, 230, 280, 380, 450, 600, 750, 900, 1 300, u 1 800 MHz biex jikkonferma li l-vettura tissodisfa r-rekwiżiti ta’ dan l-anness.

Jekk vettura ma tgħaddix mit-test definit f’dan l-anness, din għandha tkun ivverifikata li falliet taħt il-kundizzjonijiet tat-test rilevanti u mhux bħala riżultat tal-ġenerazzjoni ta’ kampijiet mhux ikkontrollati.

5.   ĠENERAZZJONI TAL-QAWWA TAL-KAMP MEĦTIEĠA

5.1.   Metodoloġija tat-test

5.1.1.   Il-metodu ta’ sostituzzjoni skont l-ISO 11451-1, it-tielet edizzjoni 2005 u l-Amd1: 2008, għandu jintuża biex jistabbilixxi l-kundizzjonijiet tal-kamp tat-test.

5.1.2.   Kalibrazzjoni

Għat-TLS għandha tintuża sonda tal-kamp fil-punt ta’ referenza tal-faċilità.

Għall-antenni, għandhom jintużaw erba’ sondi tal-kamp fil-linja ta’ referenza tal-faċilità.

5.1.3.   Il-fażi tat-test

Il-vettura għandha titqiegħed bil-linja taċ-ċentru tal-vettura fuq il-punt jew il-linja ta’ referenza tal-faċilità. Normalment, il-vettura għandha tħares lejn antenna fissa. Madankollu, meta l-unitajiet ta’ kontroll elettroniċi u s-sistema tal-wajers assoċjati jinsabu fil-biċċa l-kbira fuq in-naħa ta’ wara tal-vettura, it-test normalment għandu jsir bil-vettura tħares lil hinn mill-antenna. Fil-każ ta’ vetturi twal (jiġifieri minbarra l-vetturi tal-kategoriji L, M1 u N1) li għandhom unitajiet ta’ kontroll elettroniċi u s-sistema tal-wajers assoċjati fil-biċċa l-kbira lejn in-nofs tal-vettura, jista’ jkun stabbilit punt ta’ referenza ibbażat fuq il-wiċċ tan-naħa tal-lemin jew il-wiċċ tan-naħa tax-xellug tal-vettura. Dan il-punt ta’ referenza għandu jkun il-punt fin-nofs tat-tul tal-vettura jew il-punt matul in-naħa tal-vettura magħżula mill-manifattur flimkien mal-Awtorità Kompetenti wara li tkun ikkunsidrata d-distribuzzjoni tas-sistemi elettroniċi u t-tqassim ta’ kull sistema tal-wajers.

Testijiet bħal dawn jistgħu jsiru biss jekk il-kostruzzjoni fiżika tal-kompartiment tippermetti dan il-post tal-antenna għandu jkun innutat fir-rapport tat-test.

ANNESS 7

Metodu ta’ kejl tal-emissjonijiet elettromanjetiċi broadband irradjati minn subassemblaġġi elettriċi/elettroniċi

1.   ĠENERALI

1.1.   Il-metodu tat-test deskritt f’dan l-anness jista’ jkun applikat għall-ESAs, li jistgħu sussegwentement jitwaħħlu ma’ vetturi, li jkunu konformi mal-Anness 4.

1.2.   Metodu tat-test

Dan it-test hu maħsub biex ikejjel emissjonijiet elettromanjetiċi broadband minn ESAs (eż. sistemi tal-ignixin, mutur tal-elettriku, eċċ).

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 25 (it-tieni edizzjoni 2002 u l-Corrigendum 2004).

2.   STAT TAL-ESA WAQT IT-TESTIJIET

2.1.   L-ESA li jkun ittestjat għandu jkun f’kundizzjoni ta’ tħaddim normali, preferibbilment b’tagħbija massima.

3.   ARRANĠAMENTI TAT-TEST

3.1.   It-test għandu jitwettaq skont is-CISPR 25 (it-tieni edizzjoni 2002 u l-Corrigendum 2004) il-klawżola 6.4. - il-metodu ALSE.

3.2.   Post tal-kejl alternattiv

Bħala alternattiva għall-għeluq protett anekoiku (ALSE - absorber lined shielded enclosure), jista’ jintuża sit tat-test f’żona miftuħa (OATS), li jikkonforma mar-rekwiżiti tas-CISPR 16-1-4 (it-tielet edizzjoni 2010) (ara l-Appendiċi ta’ dan l-anness).

3.3.   Ambjent

Biex jiġi żgurat li ma hemm l-ebda ħoss jew sinjal estranju ta’ intensità biżżejjed li jaffettwa materjalment il-kejl, għandu jittieħed kejl qabel jew wara t-test prinċipali. F’dan il-kejl, il-ħoss jew is-sinjal estranju għandu jkun tal-anqas 6 dB taħt il-limiti ta’ interferenza indikati fil-paragrafu 6.5.2.1 ta’ dan ir-Regolament, għajr it-trażmissjonijiet intenzjonati narrowband fl-ambjent.

4.   REKWIŻITI TAT-TEST

4.1.   Il-limiti japplikaw tul il-firxa kollha ta’ frekwenza bejn 30 u 1 000 MHz għal kejl li jsir f’kamra semianekoika jew f’sit tat-test ta’ barra.

4.2.   Il-kejl jista’ jsir b’ditekters apiċi jew kważi apiċi il-limiti mogħtija fil-paragrafi 6.2 u 6.5 ta’ dan ir-Regolament huma għal ditekters kważi apiċi jekk jintużaw ditekters apiċi għandu jiġi applikat fattur ta’ korrezzjoni ta’ 20 dB kif definit fis-CISPR 12 (il-ħames edizzjoni 2001 u Amd1: 2005).

4.3.   Kejl

Is-Servizz Tekniku għandu jwettaq it-test bl-intervalli speċifikati fl-istandard CISPR 12 (il-ħames edizzjoni 2001 u Amd1: 2005) tul il-firxa kollha ta’ frekwenza bejn 30 u 1 000 MHz.

Minflok, jekk il-manifattur jipprovdi l-kejl għad-dejta għall-medda kollha ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jaqsam il-firxa ta’ frekwenza f’14-il medda ta’ frekwenza 30 – 34, 34 – 45, 45 – 60, 60 – 80, 80 – 100, 100 – 130, 130 – 170, 170 – 225, 225 – 300, 300– 400, 400 – 525, 525 – 700, 700 – 850, 850 – 1 000 MHz u jwettaq it-testijiet bl-14-il frekwenza li jagħtu l-ogħla livelli ta’ emissjonijiet f’kull medda biex jikkonferma li l-ESA jissodisfa r-rekwiżiti ta’ dan l-anness.

Fil-każ li dan il-limitu jinqabeż matul it-test, għandhom isiru investigazzjonijiet biex jiġi żgurat li dan huwa kkawżat minħabba l-ESA u mhux minħabba radjazzjoni fl-isfond.

4.4.   Il-qari

Il-qari massimu rreġistrat relatat mal-limitu (polarizzazzjoni orizzontali/vertikali) f’kull waħda mill-14-il medda ta’ frekwenza għandu jittieħed bħala l-qari karatteristiku fil-frekwenza li fiha jkun sar il-kejl.

ANNESS 8

Metodu ta’ kejl tal-emissjonijiet elettromanjetiċi narrowband irradjati minn subassemblaġġi elettriċi/elettroniċi

1.   ĠENERALI

1.1.   Il-metodu tat-test deskritt f’dan l-anness jista’ jkun applikat għall-ESAs, li jistgħu sussegwentement jitwaħħlu ma’ vetturi li jikkonformaw mal-Anness 4.

1.2.   Metodu tat-test

Dan it-test hu maħsub biex ikejjel l-emissjonijiet elettromanjetiċi narrowband li jistgħu joħorġu minn sistema bbażata fuq mikroproċessur.

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 25 (it-tieni edizzjoni 2002 u l-Corrigendum: 2004).

2.   STAT TAL-ESA WAQT IT-TESTIJIET

L-ESA li jkun ittestjat għandu jkun f’kundizzjoni ta’ tħaddim normali.

3.   ARRANĠAMENTI TAT-TEST

3.1.   It-test għandu jitwettaq skont is-CISPR 25 (it-tieni edizzjoni 2002 u l-Corrigendum: 2004) il-klawżola 6.4 - il-metodu ALSE.

3.2.   Post tal-kejl alternattiv

Bħala alternattiva għall-għeluq protett anekoiku (ALSE), jista’ jintuża sit tat-test f’żona miftuħa (OATS) li jikkonforma mar-rekwiżiti tas-CISPR 16-1-4 (it-tielet edizzjoni 2010) (ara l-Appendiċi tal-Anness 7).

3.3.   Ambjent

Biex jiġi żgurat li ma hemm l-ebda ħoss jew sinjal estranju ta’ intensità biżżejjed li jaffettwa materjalment il-kejl, għandu jittieħed kejl qabel u wara t-test prinċipali. F’dan il-kejl, il-ħoss jew is-sinjal estranju għandu jkun tal-anqas 6 dB taħt il-limiti ta’ interferenza indikati fil-paragrafu 6.6.2.1 ta’ dan ir-Regolament, għajr it-trażmissjonijiet intenzjonati narrowband fl-ambjent.

4.   REKWIŻITI TAT-TEST

4.1.   Il-limiti japplikaw tul il-firxa kollha ta’ frekwenza bejn 30 u 1 000 MHz għal kejl li jsir fi kmamar semianekoiċi jew f’siti tat-test ta’ barra.

4.2.   Il-kejl għandu jitwettaq b’ditekter medju.

4.3.   Kejl

Is-Servizz Tekniku għandu jwettaq it-test bl-intervalli speċifikati fl-istandard CISPR 12 (il-ħames edizzjoni 2001 u Amd1: 2005) tul il-firxa kollha ta’ frekwenza bejn 30 u 1 000 MHz.

Minflok, jekk il-manifattur jipprovdi l-kejl għad-dejta għall-medda kollha ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jaqsam il-firxa ta’ frekwenza f’14-il medda ta’ frekwenza 30-34, 34-45, 45-60, 60-80, 80-100, 100-130, 130-170, 170-225, 225-300, 300-400, 400-525, 525-700, 700-850, 850-1 000 MHz u jwettaq it-testijiet bl-14-il frekwenza li jagħtu l-ogħla livelli ta’ emissjonijiet fi ħdan kull medda biex jikkonferma li l-ESA jissodisfa r-rekwiżiti ta’ dan l-anness. Fil-każ li l-limitu jinqabeż matul it-test, għandhom isiru investigazzjonijiet biex jiġi żgurat li dan huwa dovut għall-ESA u mhux għar-radjazzjoni fl-isfond, inkluża r-radjazzjoni broadband mill-ESA.

4.4.   Il-qari

Il-qari massimu rreġistrat relatat mal-limitu (polarizzazzjoni orizzontali/vertikali) f’kull waħda mill-14-il medda ta’ frekwenza għandu jittieħed bħala l-qari karatteristiku fil-frekwenza li fiha jsir il-kejl.

ANNESS 9

Metodu jew metodi ta’ ttestjar għall-immunità ta’ subassemblaġġi elettriċi/elettroniċi għar-radjazzjoni elettromanjetika

1.   ĠENERALI

1.1.   Il-metodu jew metodi tat-test deskritti f’dan l-anness japplikaw għall-ESAs.

1.2.   Metodi tat-test

1.2.1.   L-ESAs jistgħu jikkonformaw mar-rekwiżiti ta’ kull kombinazzjoni tal-metodi tat-test li ġejjin skont id-diskrezzjoni tal-manifattur, sakemm dan iwassal biex tkun koperta l-firxa sħiħa ta’ frekwenza speċifikata fil-paragrafu 3.1 ta’ dan l-anness:

(Il-firxa ta’ frekwenza u l-kundizzjonijiet ġenerali tat-test għandhom ikunu bbażati fuq l-ISO 11452-1, it-tielet edizzjoni 2005 u Amd1: 2008).

2.   STAT TAL-ESA WAQT IT-TESTIJIET

2.1.   Il-kundizzjonijiet tat-test għandhom ikunu skont l-ISO 11452-1, it-tielet edizzjoni 2005 u Amd1: 2008.

2.2.   L-ESA li jkun ittestjat għandu jinxtegħel u jrid jiġi stimulat biex ikun f’kundizzjoni ta’ tħaddim normali. Dan għandu jiġi rranġat kif definit f’dan l-anness sakemm il-metodi tat-test individwali ma jindikawx mod ieħor.

2.3.   Kull tagħmir estranju meħtieġ biex jitħaddem l-ESA li jkun ittestjat għandu jkun f’postu matul il-fażi ta’ kalibrazzjoni. Matul il-kalibrazzjoni, l-ebda tagħmir estranju ma għandu jkun eqreb minn 1 m mill-punt ta’ referenza.

2.4.   Biex ikun żgurat li jinkisbu riżultati tal-kejl riproduċibbli meta t-testijiet u l-kejl ikunu ripetuti, it-tagħmir li jiġġenera s-sinjal tat-test u t-tqassim tiegħu għandhom ikunu tal-istess speċifikazzjoni bħal dawk użati waqt kull fażi ta’ kalibrazzjoni adattata.

2.5.   Jekk l-ESA li jkun ittestjat jikkonsisti f’aktar minn unità waħda, il-kejbils tal-konnessjoni ta’ bejniethom għandhom idealment ikunu t-tagħmir tas-sistema tal-wajers kif maħsuba għall-użu fil-vettura jekk dawn mhumiex disponibbli, it-tul bejn l-unità ta’ kontroll elettroniku u l-AN għandu jkun kif definit fl-istandard il-kejbils kollha fis-sistema tal-wajers għandhom jiġu tterminati b’mod kemm jista’ jkun realistiku u preferibbilment b’tagħbija u attivaturi reali.

3.   REKWIŻITI TAT-TEST ĠENERALI

3.1.   Il-firxa ta’ frekwenza, it-tul tal-esponiment

Il-kejl għandu jsir fil-firxa ta’ frekwenza bejn 20 u 2 000 MHz b’intervalli ta’ frekwenza skont l-ISO 11452-1, it-tielet edizzjoni 2005 u Amd1: 2008.

Il-modulazzjoni tas-sinjal għat-test għandha tkun:

Id-daqs tal-intervalli bejn il-frekwenzi u t-tul tal-esponiment għandhom jintgħażlu skont l-ISO 11452-1, it-tielet edizzjoni 2005 u Amd1: 2008.

3.2.   Is-Servizz Tekniku għandu jwettaq it-test bl-intervalli speċifikati fl-ISO 11452-1, it-tielet edizzjoni 2005 u Amd1: 2008 tul il-firxa kollha ta’ frekwenza bejn 20 u 2 000 MHz.

Minflok, jekk il-manifattur jipprovdi kejl għad-dejta għall-medda sħiħa ta’ frekwenza minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum 2006) u rikonoxxut mill-Awtorità tal-Approvazzjoni, is-Servizz Tekniku jista’ jagħżel numru inqas ta’ frekwenzi karatteristiċi fil-firxa, eż. 27, 45, 65, 90, 120, 150, 190, 230, 280, 380, 450, 600, 750, 900, 1 300, u 1 800 MHz biex jikkonferma li l-ESA jissodisfa r-rekwiżiti ta’ dan l-anness.

3.3.   Jekk ESA ma jgħaddix mit-test definit f’dan l-anness, dan għandu jiġi vverifikat li falla taħt il-kundizzjonijiet tat-test rilevanti u mhux bħala riżultat tal-ġenerazzjoni ta’ kampijiet mhux ikkontrollati.

4.   REKWIŻITI TAT-TEST SPEĊIFIĊI

4.1.   Test tal-kamra anekoika

4.1.1.   Metodu tat-test

Dan it-test jippermetti li jkunu ttestjati s-sistemi elettriċi/elettroniċi tal-vettura billi jesponu l-ESA għal radjazzjoni elettromanjetika ġġenerata minn antenna.

4.1.2.   Metodoloġija tat-test

Il-“metodu ta’ sostituzzjoni” għandu jintuża sabiex jistabbilixxi l-kundizzjonijiet tal-kamp tat-test skont l-ISO 11452-2, it-tieni edizzjoni 2004.

It-test għandu jitwettaq bil-polarizzazzjoni vertikali.

4.2.   Ittestjar taċ-ċellula TEM (ara l-Appendiċi 2 ta’ dan l-anness)

4.2.1.   Metodu tat-test

Iċ-ċellula TEM (b’mod elettromanjetiku trasversali) tiġġenera kampijiet omoġenji bejn il-konduttur intern (septum) u l-kisi ta’ protezzjoni (pjan ta’ massa).

4.2.2.   Metodoloġija tat-test

It-test għandu jitwettaq skont l-ISO 11452-3, it-tielet edizzjoni 2001.

Skont l-ESA li għandu jiġi ttestjat, is-Servizz Tekniku għandu jagħżel il-metodu tal-akkoppjar tal-kamp massimu mal-ESA jew mas-sistema tal-wajers ġewwa ċ-ċellula TEM.

4.3.   Ittestjar bl-injezzjoni ta’ kurrent qawwi

4.3.1.   Metodu tat-test

Dan hu metodu ta’ kif isiru t-testijiet tal-immunità billi wieħed jinjetta kurrenti direttament fis-sistema tal-wajers bl-użu ta’ sonda tal-injezzjoni tal-kurrent.

4.3.2.   Metodoloġija tat-test

It-test għandu jitwettaq skont l-ISO 11452-4, it-tielet edizzjoni 2005 u l-Corrigendum 1:2009 fuq bank tat-testijiet. Bħala alternattiva, l-ESA jista’ jiġi ttestjat waqt li jkun installat fil-vettura skont l-ISO 11451-4 (l-ewwel edizzjoni 1995) bil-karatteristiċi li ġejjin:

4.4.   Ittestjar tal-istripline

4.4.1.   Metodu tat-test

Dan it-test jikkonsisti f’li wieħed jissuġġetta s-sistema tal-wajers li jikkonnettjaw il-komponenti f’ESA għal qawwiet speċifikati tal-kamp.

4.4.2.   Metodoloġija tat-test

It-test għandu jitwettaq skont l-ISO 11452-5, it-tieni edizzjoni 2002.

4.5.   Ittestjar ta’ stripline ta’ 800 mm

4.5.1.   Metodu tat-test

L-istripline tikkonsisti f’żewġ pjanċi metalliċi paralleli sseparati bi 800 mm it-tagħmir li jkun ittestjat jitqiegħed b’mod ċentrali bejn il-pjanċi u jkun suġġett għal kamp elettromanjetiku (ara l-Appendiċi 1 għal dan l-anness).

Dan il-metodu jista’ jittestja sistemi elettroniċi kompluti li jinkludu sensers u attivaturi kif ukoll il-kontrollur u n-newl tal-wajers. Dan hu adattat għal apparat li l-akbar dimensjoni tiegħu hija inqas minn terz tas-separazzjoni tal-pjanċa.

4.5.2.   Metodoloġija tat-test

4.5.2.1.   Il-pożizzjoni tal-istripline

L-istripline għandha tinżamm ġo kamra protetta (biex ma jkunx hemm emissjonijiet esterni) u titqiegħed 2 m ‘il bogħod mill-ħitan u minn xi għeluq metalliku biex ma jkunx hemm riflessjonijiet elettromanjetiċi jista’ jintuża materjal assorbent RF biex jitnaqqsu dawn ir-riflessjonijiet. L-istripline għandha titpoġġa fuq appoġġ mhux konduttiv tal-anqas 0,4 m ‘il fuq mill-art.

4.5.2.2.   Kalibrazzjoni tal-istripline

Is-sonda li tkejjel il-kamp għandha titqiegħed fit-terz ċentrali tad-dimensjonijiet lonġitudinali, vertikali u trasversali tal-ispazju bejn il-pjanċi paralleli fin-nuqqas tas-sistema li tkun ittestjata.

It-tagħmir ta’ kejl assoċjat għandu jitqiegħed ‘il barra mill-kamra protetta. F’kull frekwenza tat-test mixtieqa, għandu jkun alimentat livell ta’ enerġija fl-istripline biex tkun prodotta l-qawwa tal-kamp meħtieġa fl-antenna. Dan il-livell ta’ enerġija diretta, jew parametru ieħor relatat direttament mal-enerġija diretta meħtieġ biex ikun definit il-kamp, għandu jintuża għat-testijiet tal-approvazzjoni tat-tip sakemm ma jkunx hemm bidliet fil-faċilitajiet jew fit-tagħmir, li jitolbu li din il-proċedura tkun ripetuta.

4.5.2.3.   Installazzjoni tal-ESA li jkun ittestjat

L-unità ta’ kontroll prinċipali għandha titqiegħed fit-terz ċentrali tad-dimensjonijiet lonġitudinali, vertikali u trasversali tal-ispazju bejn il-pjanċi paralleli. Din għandha sserraħ fuq pedestall magħmul minn materjal mhux konduttiv.

4.5.2.4.   Newl tal-wajers prinċipali u l-kejbils tas-senser/tal-attivatur

In-newl tal-wajers prinċipali u kull kejbil tas-senser/tal-attivatur għandhom jitilgħu vertikalment mill-unità tal-kontroll għall-pjanċa ta’ mal-art ta’ fuq nett (dan jgħin biex jimmassimizza l-akkoppjar mal-kamp elettromanjetiku) imbagħad, dawn għandhom isegwu n-naħa ta’ taħt tal-pjanċa sa waħda mit-trufijiet liberi tagħha fejn għandhom iduru ‘l fuq u jsegwu n-naħa ta’ fuq tal-pjanċa ta’ mal-art sal-konnessjonijiet ta’ alimentazzjoni tal-istripline il-kejbils għandhom imbagħad jiġu diretti għat-tagħmir assoċjat, li għandhom jitqiegħdu f’żona ‘l barra mill-influwenza tal-kamp elettromanjetiku, eż.: fuq il-paviment tal-kamra protetta 1 m ‘il bogħod b’mod lonġitudinali mill-istripline.

ANNESS 10

Metodu jew metodi ta’ ttestjar għall-immunità għall-kurrenti qosra tas-subassemblaġġi elettriċi/elettroniċi u l-emissjoni tagħhom

1.   Ġenerali

Dan il-metodu tat-test għandu jiżgura l-immunità tal-ESAs għall-kurrenti qosra trażmessi fuq il-provvista tal-elettriku tal-vettura u jillimita l-kurrenti qosra trażmessi mill-ESAs għall-provvista tal-elettriku tal-vettura.

2.   Immunità kontra interferenzi tranżitorji fil-kurrent trażmessi tul il-linji tal-provvista

Applika l-pulsazzjonijiet tat-test 1, 2a, 2b, 3a 3b u 4 skont l-Istandard Internazzjonali ISO 7637-2, (it-tieni edizzjoni 2004 u Amd1: 2008) għal-linji tal-provvista kif ukoll għal konnessjonijiet oħra tal-ESAs li jistgħu jiġu konnessi b’mod operattiv mal-linji tal-provvista.

3.   L-emissjoni tal-interferenzi tranżitorji fil-kurrent iġġenerati mill-ESAs tul il-linji tal-provvista

Kejl skont l-Istandard Internazzjonali ISO 7637-2, (it-tieni edizzjoni 2004 u Amd1: 2008) fuq il-linji tal-provvista kif ukoll għal konnessjonijiet oħra tal-ESAs li jistgħu jiġu konnessi b’mod operattiv mal-linji tal-provvista.

ANNESS 11

Metodu jew metodi ta’ ttestjar għall-emissjoni armonika ġġenerata fuq il-linji tal-kurrent alternat minn vettura

1.   ĠENERALI

1.1.   Il-metodu tat-test deskritt f’dan l-anness għandu jiġi applikat għal vetturi fil-konfigurazzjoni “modalità ta’ ċċarġjar RESS agganċjata man-netwerk tal-elettriku”

1.2.   Metodu tat-test

It-test hu maħsub biex ikejjel il-livell ta’ armoniċi ġġenerati mill-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” permezz tal-linji tal-kurrent alternat sabiex jassigura l-kompatibbiltà mal-ambjenti residenzjali, kummerċjali u industrijali ħfief.

Jekk ma jkunx iddikjarat mod ieħor f’dan l-anness, it-test għandu jitwettaq skont:

2.   STAT TAL-VETTURA WAQT IT-TESTIJIET

2.1.   Din il-vettura għandha tkun fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-potenza nominali sakemm il-kurrent alternat ikun laħaq mill-inqas 80 fil-mija tal-valur inizjali tiegħu.

3.   ARRANĠAMENTI TAT-TEST

3.1.   Il-ħin ta’ osservazzjoni li jrid jintuża għall-kejl għandu jkun bħal dak għat-tagħmir kważi wieqaf kif definit fl-IEC 61000-3-2 (l-edizzjoni 3.2 - 2005 + Amd1: 2008 + Amd2: 2009) it-Tabella 4.

3.2.   Il-preparazzjoni tat-test għall-vettura b’fażi waħda fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura 1 tal-Appendiċi ta’ dan l-anness.

3.3.   Il-preparazzjoni tat-test għall-vettura bi tliet fażijiet fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura 2 tal-Appendiċi ta’ dan l-anness.

4.   REKWIŻITI TAT-TEST

4.1.   Il-kejl tal-armoniċi kurrenti biż-żewġ u bil-fart għandu jitwettaq sal-erbgħin armonika.

4.2.   Il-limiti għall-“modalità ta’ ċċarġjar RESS agganċjata man-netwerk tal-elettriku” f’fażi waħda jew fi tliet fażijiet bil-kurrent tad-dħul ≤ 16 A għal kull fażi, huma indikati fil-paragrafu 7.3.2.1 it-Tabella 3.

4.3.   Il-limiti għall-“modalità ta’ ċċarġjar RESS agganċjata man-netwerk tal-elettriku” f’fażi waħda bil-kurrent tad-dħul > 16 A u ≤ 75 A għal kull fażi, huma indikati fil-paragrafu 7.3.2.2 it-Tabella 4.

4.4.   Il-limiti għall-“modalità ta’ ċċarġjar RESS agganċjata man-netwerk tal-elettriku” fi tliet fażijiet bil-kurrent tad-dħul > 16 A u ≤ 75 A għal kull fażi, huma indikati fil-paragrafu 7.3.2.2 it-Tabella 5.

4.5.   Għall-“modalità ta’ ċċarġjar RESS agganċjata man-netwerk tal-elettriku” fi tliet fażijiet bil-kurrent tad-dħul > 16 A u ≤ 75 A għal kull fażi, meta jiġi sodisfatt mill-inqas wieħed mit-tliet kundizzjonijiet (a), (b), (c) deskritti fl-IEC 61000-3-12 (l-edizzjoni 1.0 – 2004) il-klawżola 5.2, allura jistgħu jiġu applikati l-limiti mogħtija fil-paragrafu 7.3.2.2 it-Tabella 6.

ANNESS 12

Il-metodu jew metodi ta’ ttestjar għall-emissjoni tat-tibdil fil-vultaġġ, fluttwazzjonijiet fil-vultaġġ u teptip fuq il-linji tal-kurrent alternat mill-vettura

1.   Ġenerali

1.1.   Il-metodu tat-test deskritt f’dan l-anness għandu jiġi applikat għal vetturi fil-konfigurazzjoni “modalità ta’ ċċarġjar RESS agganċjata man-netwerk tal-elettriku”

1.2.   Metodu tat-test

It-test hu maħsub biex ikejjel il-livell ta’ tibdil fil-vultaġġ, fluttwazzjonijiet fil-vultaġġ u teptip iġġenerat mill-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” permezz tal-linji tal-kurrent alternat sabiex jassigura l-kompatibbiltà mal-ambjenti residenzjali, kummerċjali u industrijali ħfief.

Jekk ma jkunx iddikjarat mod ieħor f’dan l-anness, it-test għandu jitwettaq skont:

2.   Stat tal-Vettura waqt it-testijiet

2.1.   Din il-vettura għandha tkun fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-potenza nominali sakemm il-kurrent alternat ikun laħaq mill-inqas 80 fil-mija tal-valur inizjali tiegħu.

3.   Arranġamenti tat-Test

3.1.   It-testijiet għall-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-kurrent nominali ≤ 16 A għal kull fażi u mhux suġġetta għall-konnessjoni kondizzjonali, għandhom jitwettqu skont l-IEC 61000-3-3 (l-edizzjoni 2.0 - 2008) il-paragrafu 4.

3.2.   It-testijiet għall-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-kurrent nominali > 16 A u ≤ 75 A għal kull fażi u suġġetta għall-konnessjoni kondizzjonali, għandhom jitwettqu skont l-IEC 61000-3-11 (l-edizzjoni 1.0 - 2000) il-paragrafu 6.

3.3.   Il-preparazzjoni tat-test għall-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura tal-Appendiċi ta’ dan l-anness.

4.   Rekwiżiti tat-Test

4.1.   Il-parametri li jridu jiġu determinati fl-ambitu tal-ħin huma l-“valur tat-teptip ta’ ħin qasir”, “il-valur tat-teptip ta’ ħin twil” u “varjazzjoni relattiva tal-vultaġġ”.

4.2.   Il-limiti għall-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-kurrent tad-dħul ≤ 16 A għal kull fażi, u mhux suġġetta għall-konnessjoni kondizzjonali huma indikati fil-paragrafu 7.4.2.1 tabella 7.

4.3.   Il-limiti għall-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” > 16 A u ≤ 75 A għal kull fażi u suġġetta għall-konnessjoni kondizzjonali huma indikati fil-paragrafu 7.4.2.2 tabella 8.

ANNESS 13

Metodu jew metodi ta’ ttestjar għall-emissjoni ta’ interferenzi trażmessi mill-frekwenzi tar-radju fuq linji tal-kurrent alternat jew tal-kurrent dirett mill-vettura

1.   ĠENERALI

1.1.   Il-metodu tat-test deskritt f’dan l-anness għandu jiġi applikat għal vetturi fil-konfigurazzjoni “modalità ta’ ċċarġjar RESS agganċjata man-netwerk tal-elettriku”.

1.2.   Metodu tat-test

It-test hu maħsub biex ikejjel il-livell ta’ interferenzi trażmessi mill-frekwenzi tar-radju ġġenerati mill-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” permezz tal-linji tal-kurrent alternat jew tal-kurrent dirett sabiex jassigura l-kompatibbiltà mal-ambjenti residenzjali, kummerċjali u industrijali ħfief.

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 16-2-1 (l-edizzjoni 2.0 – 2008).

2.   STAT TAL-VETTURA WAQT IT-TESTIJIET

2.1.   Il-vettura għandha tkun fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-potenza nominali sakemm il-kurrent alternat jew il-kurrent dirett ikun laħaq mill-inqas 80 fil-mija tal-valur inizjali tiegħu.

3.   ARRANĠAMENTI TAT-TEST

3.1.   It-test għandu jitwettaq skont is-CISPR 16-2-1 (l-edizzjoni 2.0 - 2008) il-klawżola 7.4.1 bħala tagħmir wieqaf fl-art.

3.2.   In-netwerk artifiċjali tal-kurrenti elettriċi li jrid jintuża għall-kejl fuq il-vettura huwa definit fis-CISPR 16-1-2 (l-edizzjoni 1.2: 2006), il-klawżola 4.3.

3.3.   Il-preparazzjoni tat-test għall-konnessjoni tal-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura tal-Appendiċi ta’ dan l-anness.

3.4.   Il-kejl għandu jsir b’analizzatur tal-ispettru jew b’riċevitur tal-iskennjar il-parametri li jridu jintużaw huma definiti rispettivament fis-CISPR 25 (it-tieni edizzjoni 2002 u l-Corrigendum 2004) il-klawżola 4.5.1 (it-Tabella 1) u 4.5.2 (it-Tabella 2).

4.   REKWIŻITI TAT-TEST

4.1.   Il-limiti japplikaw tul il-firxa kollha ta’ frekwenza bejn 0,15 u 30 MHz għal kejl li jsir f’kamra semianekoika jew f’sit tat-test ta’ barra.

4.2.   Il-kejl għandu jsir b’ditekters medji u apiċi jew kważi apiċi il-limiti huma indikati fil-paragrafu 7.5 it-Tabella 9 għal-linji tal-kurrent alternat u t-Tabella 10 għal-linji tal-kurrent dirett jekk jintużaw ditekters apiċi għandu jiġi applikat fattur ta’ korrezzjoni ta’ 20 dB kif definit fis-CISPR 12 (il-ħames edizzjoni, 2001 u Amd1: 2005).

ANNESS 14

Metodu jew metodi ta’ ttestjar għall-emissjoni ta’ interferenzi trażmessi mill-frekwenzi tar-radju fuq l-aċċess għat-telekomunikazzjoni u n-netwerk mill-vettura

1.   ĠENERALI

1.1.   Il-metodu tat-test deskritt f’dan l-anness għandu jiġi applikat għal vetturi fil-konfigurazzjoni “modalità ta’ ċċarġjar RESS agganċjata man-netwerk tal-elettriku”.

1.2.   Metodu tat-test

It-test hu maħsub biex ikejjel il-livell ta’ interferenzi trażmessi mill-frekwenzi tar-radju ġġenerati mill-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” permezz tal-aċċess għat-telekomunikazzjoni u n-netwerk tagħha sabiex jassigura li hi kompatibbli mal-ambjenti residenzjali, kummerċjali u industrijali ħfief.

Jekk ma jkunx iddikjarat mod ieħor f’dan l-anness, it-test għandu jitwettaq skont is-CISPR 22 (l-edizzjoni 6.0 – 2008).

2.   STAT TAL-VETTURA WAQT IT-TESTIJIET

2.1.   Il-vettura għandha tkun fil-konfigurazzjoni “modalità ta’ ċċarġjar RESS agganċjata man-netwerk tal-elettriku” bil-potenza nominali sakemm il-kurrent alternat jew il-kurrent dirett ikun laħaq mill-inqas 80 fil-mija tal-valur inizjali tiegħu.

3.   ARRANĠAMENTI TAT-TEST

3.1.   Il-preparazzjoni tat-test għandha ssir skont is-CISPR 22 (l-edizzjoni 6.0 - 2008) il-paragrafu 5 għall-emissjonijiet trażmessi.

3.2.   L-istabbilizzazzjoni tal-impedenza li trid tintuża għall-kejl fuq il-vettura hija definita fis-CISPR 22 (l-edizzjoni 6.0 - 2008) il-paragrafu 9.6.2.

3.3.   Il-preparazzjoni tat-test għall-konnessjoni tal-vettura fil-konfigurazzjoni “modalità ta’ ċċarġjar RESS agganċjata man-netwerk tal-elettriku” tidher fil-Figura tal-Appendiċi ta’ dan l-anness.

3.4.   Il-kejl għandu jsir b’analizzatur tal-ispettru jew b’riċevitur tal-iskennjar il-parametri li jridu jintużaw huma definiti rispettivament fis-CISPR 25 (it-tieni edizzjoni 2002 u l-Corrigendum 2004) il-klawżola 4.5.1 (it-Tabella 1) u 4.5.2 (it-Tabella 2).

4.   REKWIŻITI TAT-TEST

4.1.   Il-limiti japplikaw tul il-firxa kollha ta’ frekwenza bejn 0,15 u 30 MHz għal kejl li jsir f’kamra semianekoika jew f’sit tat-test ta’ barra.

4.2.   Il-kejl għandu jsir b’ditekters medji u apiċi jew kważi apiċi il-limiti huma indikati fil-paragrafu 7.6 tabella 11 jekk jintużaw ditekters apiċi għandu jiġi applikat fattur ta’ korrezzjoni ta’ 20 dB kif definit fis-CISPR 12 (il-ħames edizzjoni 2001 u Amd1: 2005).

ANNESS 15

Il-metodu jew metodi ta’ ttestjar għall-immunità tal-vetturi għall-interferenzi tranżitorji elettriċi rapidi/tal-fqigħ trażmessi tul il-linji tal-kurrent alternat u tal-kurrent dirett

1.   ĠENERALI

1.1.   Il-metodu tat-test deskritt f’dan l-anness għandu jkun applikat biss għall-vetturi. Dan il-metodu jikkonċerna biss il-konfigurazzjoni tal-vettura bil-“modalità ta’ ċċarġjar RESS agganċjata man-netwerk tal-elettriku”.

1.2.   Metodu tat-test

It-test hu maħsub biex juri l-immunità tas-sistemi elettroniċi tal-vettura il-vettura għandha tkun suġġetta għal interferenzi tranżitorji elettriċi rapidi/tal-fqigħ trażmessi tul il-linji tal-kurrent alternat u tal-kurrent dirett tal-vettura kif deskritt f’dan l-anness. Waqt it-testijiet, il-vettura għandha tkun immonitorjata.

Jekk ma jkunx iddikjarat mod ieħor f’dan l-anness, it-test għandu jitwettaq skont l-IEC 61000-4-4: it-tieni edizzjoni 2004.

2.   L-ISTAT TAL-VETTURA WAQT IT-TESTIJIET FIL-KONFIGURAZZJONI “MODALITÀ TA’ ĊĊARĠJAR RESS AGGANĊJATA MAN-NETWERK TAL-ELETTRIKU”

2.1.   Il-vettura għandha tkun f’kundizzjoni mhux mgħobbija ħlief għat-tagħmir neċessarju tat-test.

2.1.1.   Il-magna għandha tkun immobilizzata, il-magna mitfija u fil-modalità ta’ ċċarġjar.

2.1.2.   Kundizzjonijiet bażiċi tal-vettura

Dan jiddefinixxi l-kundizzjonijiet minimi tat-test (safejn japplikaw) u l-kriterji ta’ falliment għat-testijiet ta’ immunità tal-vetturi. Sistemi oħra tal-vettura, li jistgħu jaffettwaw il-funzjonijiet relatati mal-immunità, għandhom jiġu ttestjati b’mod li jista’ jiġi stabbilit bi ftehim bejn il-manifattur u s-Servizz Tekniku.

2.1.3.   It-tagħmir kollu l-ieħor li jista’ jinxtegħel b’mod permanenti mis-sewwieq jew mill-passiġġier għandu jkun mitfi.

2.2.   Waqt il-monitoraġġ tal-vettura għandu jintuża biss tagħmir li ma jġibx perturbazzjoni il-parti ta’ barra tal-vettura u l-kompartiment tal-passiġġier għandhom ikunu mmonitorjati biex ikun stabbilit jekk ir-rekwiżiti ta’ dan l-anness humiex sodisfatti (eż. bl-użu ta’ vidjokamera(s), mikrofonu, eċċ).

3.   TAGĦMIR TAT-TEST

3.1.   It-tagħmir tat-test jikkonsisti fi pjan ta’ massa ta’ referenza (mhijiex meħtieġa kamra protetta), ġeneratur tal-kurrenti qosra/tal-fqigħ, netwerk tal-agganċjar u l-iżganċjar (CDN) u morsa tal-agganċjar kapaċitattiva.

3.2.   Il-ġeneratur tal-kurrenti qosra/tal-fqigħ għandu jissodisfa l-kundizzjoni definita fil-paragrafu 6.1 tal-IEC 61000-4-4: it-tieni edizzjoni, 2004.

3.3.   In-netwerk tal-agganċjar u l-iżganċjar għandu jissodisfa l-kundizzjoni definita fil-paragrafu 6.2 tal-IEC 61000-4-4: it-tieni edizzjoni, 2004. Meta n-netwerk tal-agganċjar u l-iżganċjar ma jkunx jista’ jintuża fuq linji tal-kurrent alternat u tal-kurrent dirett, tista’ tintuża l-morsa tal-agganċjar kapaċitattiva definita fil-paragrafu 6.3 tal-IEC 61000-4-4: it-tieni edizzjoni, 2004.

4.   PREPARAZZJONI TAT-TEST

4.1.   Il-preparazzjoni tat-test tal-vettura hi msejsa fuq il-preparazzjoni tat-tip tal-laboratorju kif deskritta fil-paragrafu 7.2 tal-IEC 61000-4-4: it-tieni edizzjoni, 2004.

4.2.   Il-vettura għandha titqiegħed direttament fuq il-pjan ta’ massa.

4.3.   Is-Servizz Tekniku għandu jwettaq it-test kif speċifikat fil-paragrafu 7.7.2.1.

Minflok, jekk il-manifattur jipprovdi kejl minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jagħżel li ma jwettaqx it-test biex jikkonferma li l-vettura tissodisfa r-rekwiżiti ta’ dan l-anness.

ANNESS 16

Metodu jew metodi ta’ ttestjar għall-immunità tal-vetturi għat-turbulenzi trażmessi tul il-linji tal-kurrent alternat u tal-kurrent dirett

1.   ĠENERALI

1.1.   Il-metodu tat-test deskritt f’dan l-anness għandu jkun applikat biss għall-vetturi. Dan il-metodu jikkonċerna biss il-konfigurazzjoni tal-vettura bil-“modalità ta’ ċċarġjar RESS agganċjata man-netwerk tal-elettriku”.

1.2.   Metodu tat-test

It-test hu maħsub biex juri l-immunità tas-sistemi elettroniċi tal-vettura il-vettura għandha tkun suġġetta għal turbulenzi trażmessi tul il-linji tal-kurrent alternat u tal-kurrent dirett tal-vettura kif deskritt f’dan l-anness. Waqt it-testijiet, il-vettura għandha tkun immonitorjata.

Jekk ma jkunx iddikjarat mod ieħor f’dan l-anness, it-test għandu jitwettaq skont l-IEC 61000-4-5: it-tieni edizzjoni 2005.

2.   L-ISTAT TAL-VETTURA WAQT IT-TESTIJIET FIL-KONFIGURAZZJONI “MODALITÀ TA’ ĊĊARĠJAR RESS AGGANĊJATA MAN-NETWERK TAL-ELETTRIKU”

2.1.   Il-vettura għandha tkun f’kundizzjoni mhux mgħobbija ħlief għat-tagħmir neċessarju tat-test.

2.1.1.   Il-magna għandha tkun immobilizzata, il-magna mitfija u fil-modalità ta’ ċċarġjar.

2.1.2.   Kundizzjonijiet bażiċi tal-vettura

Dan jiddefinixxi l-kundizzjonijiet minimi tat-test (safejn japplikaw) u l-kriterji ta’ falliment għat-testijiet ta’ immunità tal-vetturi. Sistemi oħra tal-vettura, li jistgħu jaffettwaw il-funzjonijiet relatati mal-immunità, għandhom jiġu ttestjati b’mod li jista’ jiġi stabbilit bi ftehim bejn il-manifattur u s-Servizz Tekniku.

2.1.3.   It-tagħmir kollu l-ieħor li jista’ jinxtegħel b’mod permanenti mis-sewwieq jew mill-passiġġier għandu jkun mitfi.

2.2.   Waqt il-monitoraġġ tal-vettura għandu jintuża biss tagħmir li ma jġibx perturbazzjoni il-parti ta’ barra tal-vettura u l-kompartiment tal-passiġġier għandhom ikunu mmonitorjati biex ikun stabbilit jekk ir-rekwiżiti ta’ dan l-anness humiex sodisfatti (eż. bl-użu ta’ vidjokamera(s), mikrofonu, eċċ).

3.   TAGĦMIR TAT-TEST

3.1.   It-tagħmir tat-test jikkonsisti fi pjan ta’ massa ta’ referenza (mhijiex meħtieġa kamra protetta), ġeneratur tat-turbulenzi u netwerk tal-agganċjar/tal-iżganċjar (CDN).

3.2.   Il-ġeneratur tat-turbulenzi għandu jissodisfa l-kundizzjoni definita fil-paragrafu 6.1 tal-IEC 61000-4-5: it-tieni edizzjoni, 2005.

3.3.   In-netwerk tal-agganċjar u l-iżganċjar għandu jissodisfa l-kundizzjoni definita fil-paragrafu 6.3 tal-IEC 61000-4-5: it-tieni edizzjoni, 2005.

4.   PREPARAZZJONI TAT-TEST

4.1.   Il-preparazzjoni tat-test tal-vettura hi msejsa fuq il-preparazzjoni deskritta fil-paragrafu 7.2 tal-IEC 61000-4-5: it-tieni edizzjoni, 2005.

4.2.   Il-vettura għandha titqiegħed direttament fuq il-pjan ta’ massa.

4.3.   Is-Servizz Tekniku għandu jwettaq it-test kif speċifikat fil-paragrafu 7.8.2.1.

Minflok, jekk il-manifattur jipprovdi kejl minn laboratorju tat-testijiet akkreditat għall-partijiet applikabbli tal-ISO 17025 (it-tieni edizzjoni 2005 u l-Corrigendum: 2006) u rikonoxxut mill-Awtorità tal-Approvazzjoni, is-Servizz Tekniku jista’ jagħżel li ma jwettaqx it-test biex jikkonferma li l-vettura tissodisfa r-rekwiżiti ta’ dan l-anness.

5.   ĠENERAZZJONI TAL-LIVELL TAT-TEST MEĦTIEĠ

5.1.   Metodoloġija tat-test

5.1.1.   Il-metodu tat-test skont l-IEC 61000-4-5: it-tieni edizzjoni 2005, għandu jintuża biex jiġu stabbiliti r-rekwiżiti tal-livell tat-test.

5.1.2.   Il-fażi tat-test

Il-vettura għandha titqiegħed fuq il-pjan ta’ massa it-turbulenzi tal-elettriku għandhom jiġu applikati fuq il-vettura fuq il-linji tal-kurrent alternat u tal-kurrent dirett bejn kull linja u ert u bejn il-linji billi jintuża CDN kif deskritt fl-Appendiċi ta’ dan l-anness.

"QATT tuża trażżin għat-tfal li jħares lejn in-naħa ta’ wara fuq sit protett b’AIRBAG ATTIV quddiemu; dan jista’ jikkawża l-MEWT jew ĠRIEĦI SERJI lit-TFAL"

ANNESS 1

(format massimu: A4 (210 x 297 mm))

KOMUNIKAZZJONI

ANNESS 2

L-ARRANĠAMENTI TAL-MARKA TAL-APPROVAZZJONI

Mudell A

(Ara l-paragrafu 4.4 ta’ dan ir-Regolament)

Il-marka tal-approvazzjoni t’hawn fuq, imwaħħla ma’ vettura, turi li t-tip ta’ vettura konċernat, fejn għandha x’taqsam il-protezzjoni ta’ dawk li jokkupawha fil-każ ta’ ħabta fontali, ġie approvat fl-Olanda(E4) skont ir-Regolament Nru 94 taħt in-numru ta’ approvazzjoni 021424. In-numru tal-approvazzjoni jindika li l-approvazzjoni ngħatat skont ir-rekwiżiti tar-Regolament Nru 94 kif emendat bis-serje 02 ta’ emendi.

Mudell B

(Ara l-paragrafu 4.5 ta’ dan ir-Regolament)

Il-marka tal-approvazzjoni ta’ hawn fuq, imwaħħla ma’ vettura, turi li t-tip ta’ vettura kkonċernat ġie approvat fl-Olanda (E4) skont ir-Regolamenti Nru 94 u 11. (1) L-ewwel żewġ numri tan-numri tal-approvazzjoni jindikaw li, fid-dati meta ngħataw l-approvazzjonijiet rispettivi, ir-Regolament Nru 94 kien jinkorpora s-serje 02 ta’ emendi u r-Regolament Nru 11 kien jinkorpora s-serje 02 ta’ emendi.

(1)  In-numru tal-aħħar hu mogħti biss bħala eżempju.

ANNESS 3

IL-PROĊEDURA TAT-TEST

1.   L-ISTALLAZZJONI U L-PREPARAZZJONI TAL-VETTURA

1.1.   Il-post fejn isir it-test

L-erja tat-test għandha tkun kbira biżżejjed biex ikun hemm spazju għall-mogħdija tar-rankatura, l-ostaklu u l-istallazzjonijiet tekniċi neċessarji għat-test. L-aħħar parti tal-mogħdija, għal mill-inqas 5 m qabel l-ostaklu, għandha tkun orizzontali, ċatta u lixxa.

1.2.   L-ostaklu

Il-faċċata ta’ quddiem tal-ostaklu tikkonsisti minn struttura li tista’ tkun iddeformata kif definit fl-Anness 9 ta’ dan ir-Regolament. Il-faċċata ta’ quddiem tal-istruttura li tista’ tiġi iddeformata hija perpendikulari b’varjazzjoni ta’ ± 1° għad-direzzjoni li fiha qed tivvjaġġa l-vettura tat-test. L-ostaklu huwa marbut ma’ massa ta’ mhux inqas minn 7 × 104 kg, li l-faċċata ta’ quddiem tagħha hija vertikali b’varjazzjoni ta’ ± 1°. Il-massa hija ankrata mal-art jew impoġġija fuq l-art, jekk ikun neċessarju, bi strumenti addizzjonali li jwaqqfu sabiex jirrestrinġu l-moviment tagħha.

1.3.   L-orjentament tal-ostaklu

L-orjentament tal-ostaklu huwa tali li l-ewwel kuntatt tal-vettura mal-ostaklu jkun fuq in-naħa tal-kolonna tal-istering. Fejn hemm għażla bejn li jsir it-test b’vettura li tinsaq fuq il-lemin jew vettura li tinsaq fuq ix-xellug, it-test għandu jsir bin-naħa tas-sewqan l-inqas favorevoli kif iddeterminat mis-servizz tekniku responsabbli għat-testijiet.

1.3.1.   L-allinjament tal-vettura mal-ostaklu

Il-vettura għandha tirkeb il-faċċata tal-ostaklu b’40 fil-mija ± 20 mm.

1.4.   L-istat tal-vettura

1.4.1.   L-ispeċifikazzjoni ġenerali

Il-vettura tat-test għandha tkun rappreżentattiva tal-produzzjoni f’serje, għandha tinkludi t-tagħmir kollhu li jkun installat normalment u għandha tkun lesta biex titħaddem bħas-soltu. Xi komponenti jistgħu jinbidlu b’mases ekwivalenti fejn jidher b’mod ċar li din is-sostituzzjoni ma għandha l-ebda effett evidenti fuq ir-riżultati mkejla taħt il-paragrafu 6.

Bi ftehim bejn il-fabbrikant u s-Servizz Tekniku tista' ssir xi modifika lis-sistema tal-fjuwil hekk li ammont xieraq ta’ fjuwil ikun jista’ jintuża biex titħaddem il-magna jew is-sistema ta’ konverżjoni ta’ enerġija elettrika.

1.4.2.   Il-massa tal-vettura

1.4.2.1.   Għat-test, il-massa tal-vettura mressqa għandha tkun il-massa mingħajr tagħbija u mingħajr nies ġo fiha;

1.4.2.2.   It-tank tal-fjuwil għandu jkun mimli bl-ilma b’massa daqs 90 fil-mija tal-massa ta’ tank mimli kif speċifikat mill-fabbrikant b’tolleranza ta’ ± 1 fil-mija;

Dan ir-rekwiżit ma japplikax għat-tankijiet tal-fjuwil tal-Idroġenu.

1.4.2.3.   Is-sistemi l-oħra kollha (tal-brejk, tat-tkessiħ, eċċ.) jistgħu jkunu vojta f’dan il-każ, il-massa tal-likwidi għandha tkun ikkumpensata b’attenzjoni;

1.4.2.4.   Jekk il-massa tal-apparat tal-kejl fil-vettura teċċedi l-25 kg konċessi, din tista’ tkun ikkumpensata bi tnaqqis li ma għandux effett evidenti fuq ir-riżultati mkejla taħt il-paragrafu 6 aktar ’l isfel;

1.4.2.5.   Il-massa tal-apparat tal-kejl ma għandhiex tbiddel kull tagħbija ta’ referenza tal-fus tar-rota b’aktar minn 5 %, b’kull varjazzjoni ma teċċedix l-20 kg.

1.4.2.6.   Il-massa tal-vettura li tirriżulta mid-dispożizzjonijiet tal-paragrafu 1.4.2.1 t’hawn fuq għandha tkun indikata fir-rapport.

1.4.3.   L-aġġustamenti fil-kompartiment tal-passiġġieri

1.4.3.1.   Il-pożizzjoni tal-istering

L-istering, jekk ikun jista’ jiġi aġġustat, għandu jitqiegħed fil-pożizzjoni normali indikata mill-fabbrikant jew, jekk dan ma jsirx, fin-nofs bejn il-limiti tal-medda ta’ aġġustamenti. Fi tmiem vjaġġ bis-sewqan, l-istering għandu jitħalla ħieles, bl-imagħżel tiegħu fil-pożizzjoni li skont il-fabbrikant tikkorrispondi mal-moviment tal-vettura dritt ’il quddiem.

1.4.3.2.   It-twieqi

It-twieqi li jistgħu jiċċaqalqu għandhom ikunu magħluqa. Għal finijiet ta’ kejl għat-test u bi ftehim mal-fabbrikant, jistgħu jkunu mniżżla, sakemm il-pożizzjoni tal-manku li jħaddimhom tikkorrispondi ma’ pożizzjoni magħluqa.

1.4.3.3.   Il-liver għat-tibdil tal-gerijiet

Il-liver għat-tibdil tal-gerijiet għandu jkun fil-pożizzjoni newtrali.

1.4.3.4.   Il-pedali

Il-pedali għandhom ikunu fil-pożizzjoni normali tagħhom ta’ serħan. Jekk jistgħu jiġu aġġustati, għandhom jitqiegħdu fil-pożizzjoni tan-nofs sakemm l-ebda pożizzjoni oħra ma hija speċifikata mill-fabbrikant.

1.4.3.5.   Il-bibien

Il-bibien għandhom ikunu magħluqa imma mhux imsakkra.

1.4.3.6.   Is-saqaf li jinfetaħ

Jekk huwa stallat saqaf li jinfetaħ jew li jista’ jitneħħa, dan għandu jkun f’postu u magħluq. Għal finijiet ta’ kejl tat-test u bi ftehim mal-fabbrikant, dan jista’ jitħalla miftuħ.

1.4.3.7.   Il-viżiera tax-xemx

Il-viżieri tax-xemx għandhom ikunu stivati.

1.4.3.8.   Il-mera li turi x’ġej minn wara

Il-mera ta’ fuq ġewwa li turi x’ġej minn wara għandha tkun fil-pożizzjoni normali tal-użu.

1.4.3.9.   Id-dirgħajn tas-sîts

Id-dirgħajn tas-sîts fuq quddiem u fuq wara, jekk jiċċaqalqu, għandhom ikunu fil-pożizzjoni mniżżla, sakemm dan ma jistax isir minħabba l-pożizzjoni tal-manikini fil-vetturi.

1.4.3.10.   It-trażżin għar-ras

It-trażżin għar-ras li jista’ jiġi aġġustat skont it-tul għandhom ikunu fil-pożizzjoni l-aktar għolja tagħhom.

1.4.3.11.   Is-sîts

1.4.3.11.1.   Il-pożizzjoni tas-sîts ta’ quddiem

Sîts li jistgħu jiġu aġġustati b’mod lonġitudinali għandhom jitqiegħdu b’tali mod li l-punt “H” tagħhom, iddeterminat skont il-proċedura stabbilita fl-Anness 6, huwa fil-pożizzjoni tan-nofs ta’ kemm huwa possibli li jiċċaqalqu jew fl-eqreb pożizzjoni li tillokkja għal din, u fl-għoli ddefinit mill-fabbrikant (jekk jista’ jkun aġġustat b’mod indipendenti mill-għoli). Fil-każ ta’ sit ta’ wara f’vettura għal tnejn minn-nies jew aktar, ir-referenza ser tkun għall-punt “H” tal-post tas-sewwieq.

1.4.3.11.2.   Il-pożizzjoni tad-dahar tas-sîts ta’ quddiem

Jekk jistgħu jiġu aġġustati, id-dahar tas-sîts għandhom ikunu aġġustati b’tali mod li l-inklinazzjoni li tirriżulta tat-torso tal-manikin tkun kemm jista’ jkun qrib dik irrikkmandata mill-fabbrikant għall-użu normali jew, fin-nuqqas ta’ xi rakkomandazzjoni partikolari mill-fabbrikant, f’25° lura mill-vertikal.

1.4.3.11.3.   Is-sîts ta’ wara

Jekk jistgħu jiġu aġġustati, is-sîts ta’ wara jew is-sîts sħaħ ta’ wara għandhom jitqiegħdu fil-pożizzjoni l-aktar lura tagħhom.

1.4.4.   Aġġustament tal-motopropulsiv elettriku

1.4.4.1.   Ir-RESS irid ikun fi stat kwalunkwe ta’ ċċarġjar, li jippermetti t-tħaddim normali tal-motopropulsiv kif rakkomandat mill-fabbrikant.

1.4.4.2.   Il-motopropulsiv elettriku jrid ikun enerġizzat bit-tħaddim tas-sorsi oriġinali tal-enerġija elettrika jew mingħajrhom (eż. il-ġeneratur tal-magna, ir-RESS jew is-sistema ta’ konverżjoni tal-enerġija elettrika), madankollu:

1.4.4.2.1.   Bil-Ftehim bejn is-Servizz Tekniku u l-Fabbrikant għandu jkun possibbli li jitwettaq test mal-motopropulsiv kollha inkella ma’ parts tagħha li ma jkunux qegħdin jiġu enerġizzati kemm-il darba ma jkunx hemm influwenza negattiva fuq ir-riżultat tat-test. Għall-parts tal-motopropulsiv elettriku mhux enerġizzati, il-protezzjoni minn xokk elettriku trid tiġi ppruvata jew bi protezzjoni fiżika jew b’reżistenza għall-iżolazzjoni u b’evidenza addizzjonali xierqa.

1.4.4.2.2.   Fil-każ fejn tkun ipprovduta diskonnessjoni awtomatika, b'talba tal-fabbrikant għandu jkun possibbli li t-test jitwettaq waqt li titħaddem id-diskonnessjoni awtomatika. F’dan il-każ irid jintwera li d-diskonnessjoni awtomatika kienet taħdem waqt it-test tal-impatt. Dan jinkludi s-sinjal ta’ attivazzjoni awtomatiku kif ukoll is-separazzjoni galvanika b’kunsiderazzjonin tal-kundizzjonijiet kif jidhru waqt l-impatt.

2.   IL-MANIKINI

2.1.   Is-sîts ta’ quddiem

2.1.1.   Manikin li jikkorrispondi għall-ispeċifikazzjonijiet ta’ HYBRID III (1) mogħni b’għaksa ta’ 45° u li jissodisfa l-ispeċifikazzjonijiet għall-aġġustament tiegħu għandu jkun stallat f’kull wieħed mill-postijiet ta’ quddiem lejn in-naħa ta’ barra skont il-kundizzjonijiet speċifikati fl-Anness 5. L-għaksa tal-manikin trid tkun ċertifikata skont il-proċeduri fl-anness 10.

2.1.2.   Il-karrozza ser tkun ittestjata b’sistemi ta’ trażżin, kif ipprovduti mill-fabbrikant.

3.   IL-PROPULSJONI U R-ROTTA TAL-VETTURA

3.1.   Il-vettura għandha tkun immexxija jew mill-istess magna tagħha jew minn kwalunkwe mezz ieħor li jimbuttaha.

3.2.   Fil-mument tal-impatt il-vettura ma għandhiex tibqa’ suġġetta għall-azzjoni ta’ kwalunkwe mezz addizzjonali li jiddiriġieha jew jimbuttaha.

3.3.   Ir-rotta tal-vettura għandha tkun tali li tissodisfa l-kundizzjonijiet meħtieġa tal-paragrafi 1.2 u 1.3.1.

4.   L-ISPID WAQT IT-TEST

L-ispid tal-vettura fil-waqt tal-impatt għandu jkun 56 - 0, + 1 km/h. Madankollu, jekk it-test twettaq bi spid ta’ impatt ogħla u l-vettura ssodisfat il-kundizzjonijiet meħtieġa, it-test għandu jitqies sodisfaċenti.

5.   IL-QISIEN LI JRIDU JITTIEĦDU MILL-MANIKIN FIS-SÎTS TA’ QUDDIEM

5.1.   Il-qisien kollha neċessarji għall-verifika tal-kriterji ta’ prestazzjoni għandhom isiru b’sistemi ta’ kejl li jikkorrispondu mal-ispeċifikazzjonijiet fl-Anness 8.

5.2.   Il-parametri differenti għandhom ikunu rreġistrati permezz ta’ kanali indipendenti ta’ dejta tal-CFC (Klassi tal-Frekwenza tal-Kanal) li ġejja:

5.2.1.   Il-qisien fir-ras tal-manikin

L-aċċellerazzjoni (a) li tirreferi għaċ-ċentru ta’ gravità hija kkalkulata mill-komponenti bi tliet assi tal-aċċellerazzjoni titkejjel b’CFC ta’ 1 000.

5.2.2.   Il-qisien fl-għonq tal-manikin

5.2.2.1.   Il-forza tat-tensjoni tal-assi u l-forza ta’ pressjoni fuq quddiem/wara fil-parti fejn jiltaqgħu l-għonq u r-ras jitkejlu b’CFC ta’ 1 000.

5.2.2.2.   Il-mument ta’ meta tintlewa lura l-parti fejn jiltaqgħu l-għonq u r-ras fuq assi laterali jitkejjel b’CFC of 600.

5.2.3.   Il-qisien fit-toraċi tal-manikin

Il-liwja tas-sider bejn l-isternu u s-sinsla tad-dar jitkejlu b’CFC ta’ 180.

5.2.4.   Il-kejl fil-femuri u fit-tibja tal-manikin

5.2.4.1.   Il-forza ta’ kompressjoni tal-assi u l-mumenti li jintlewew lura jitkejlu b’CFC ta’ 600.

5.2.4.2.   L-ispostament tat-tibja imqabbel mal-femuri jitkejjel fil-ġogi tal-irkoppa li jiċċaqalqu b’CFC ta’ 180.

6.   IL-QISIEN LI JRIDU JITTIEĦDU MILL-VETTURA

6.1.   Sabiex ikun jista’ jsir it-test semplifikat deskritt fl-Anness 7, ir-rekord ta’ ħin ta’ tnaqqis fl-ispid tal-istruttura għandu jkun iddeterminat fuq il-bażi tal-valur tal-aċċelerometri lonġitudinali fil-qiegħ tal-pilastru “B” fuq in-naħa l-milquta tal-vettura b’CFC ta’ 180 permezz ta’ kanali tad-dejta li jikkorrispondu mal-kundizzjonijiet meħtieġa deskritti fl-Anness 8;

6.2.   Ir-rekord tal-ħin u l-ispid li ser jintuża fil-proċedura tat-test deskritta fl-Anness 7 għandu jinkiseb mill-aċċelerometru lonġitudinali, fil-pilastru “B”, fuq in-naħa l-milquta.

(1)  L-ispeċifikazzjonijiet tekniċi u d-disinni dettaljati ta’ Hybrid III, li jikkorrispondu mad-dimensjonijiet prinċipali ta’ ħamsin fil-mija tal-irġiel fl-Istati Uniti tal-Amerika, u l-ispeċifikazzjonijiet għall-aġġustament ta’ dan għal dan it-test huma ddepożitati mas-Segretarju Ġenerali tan-Nazzjonijiet Uniti u jistgħu jkunu kkonsultati, meta jintalbu, fis-segretarjat tal-Kummissjoni Ekonomika għall-Ewropa, Palais des Nations, Ġinevra, L-Isvizzera.

ANNESS 4

ID-DETERMINAZZJONI TAL-KRITERJI TAL-PRESTAZZJONI

1.   IL-KRITERJU TAL-PRESTAZZJONI TAR-RAS (HPC) U AĊĊELLERAZZJONI TAR-RAS TA’ 3 ms

2.   IL-KRITERJU TAL-KORRIMENT FL-GĦONQ (NIC)

3.   IL-KRITERJU TA’ KOMPRESSJONI TAT-TORAĊI (ThCC) U L-KRITERJU VISKUŻ (V * C)

4.   IL-KRITERJU TAL-FORZA TAL-FEMUR (FFC)

5.   IL-KRITERJU TAL-FORZA TA’ KOMPRESSJONI TAL-QASBA TAS-SIEQ (TCFC) U L-INDIĊI TAL-QASBA TAS-SIEQ (TI)

6.   IL-PROĊEDURA BIEX IKUNU KKALKULATI L-KRITERJI VISKUŻI (V * C) GĦALL-MANIKIN HYBRID III

ANNESS 5

L-ARRANĠAMENT U L-ISTALLAZZJONI TA’ MANIKINI U L-AĠĠUSTAMENT TAS-SISTEMI TA’ TRAŻŻIN

1.   L-ARRANĠAMENT TAL-MANIKINI

1.1.   Is-sîts separati

Il-pjan ta’ simetrija tal-manikin għandu jikkoinċidi mal-pjan medjan vertikali tas-sit.

1.2.   Is-sit ta’ quddiem sħiħ

1.2.1.   Is-sewwieq

Il-pjan ta’ simetrija tal-manikin għandu jkun fil-pjan vertikali li jgħaddi miċ-ċentru tal-istering u parallel għall-pjan medjan lonġitudinali tal-vettura. Jekk il-pożizzjoni bilqiegħda hija ddeterminata mill-forma tas-sit f’vettura għal tnejn minn-nies jew aktar, sit bħal dan għandu jitqies bħala sit separat.

1.2.2.   Il-passiġġier li jkun bilqiegħda fuq in-naħa ta’ barra

Il-pjan ta’ simetrija tal-manikin għandu jkun simetriku ma’ dak tas-sewwieq manikin relattiv għall-pjan medjan lonġitudinali tal-vettura. Jekk il-pożizzjoni bilqiegħda hija ddeterminata mill-forma tas-sit f’vettura għal tnejn minn-nies jew aktar, sit bħal dan għandu jitqies bħala sit separat.

1.3.   Is-sit sħiħ għall-passiġġieri ta’ quddiem (is-sewwieq mhux inkluż)

Il-pjani ta’ simetrija tal-manikin għandhom jikkoinċidu mal-pjani medjani tal-pożizzjonijiet bilqiegħda ddefiniti mill-fabbrikant.

2.   L-ISTALLAZZJONI TAL-MANIKINI

2.1.   Ir-ras

Il-pjattaforma tal-istrumenti tal-kejl trasversali tar-ras għandha tkun orizzontali b’varjazzjoni ta’ 2,5° grad. Sabiex tkun illivellata r-ras tal-manikin tat-test f’vetturi b’sîts dritti b’dahar li ma jistax jiġi aġġustat, iridu jkunu segwiti s-sekwenzi li ġejjin. L-ewwelnett aġġusta l-pożizzjoni tal-punt “H” fil-limiti stabbiliti fil-paragrafu 2.4.3.1 aktar ’l isfel sabiex tillivella l-pjattaforma tal-istrumenti tal-kejl trasversali tar-ras tal-manikin tat-test. Jekk il-pjattaforma tal-istrumenti tal-kejl trasversali tar-ras għadha mhix ta’ livell, allura aġġusta l-angolu pelviku tal-manikin tat-test sal-limiti provduti fil-paragrafu 2.4.3.2 aktar ’l isfel. Jekk il- pjattaforma tal-istrumenti tal-kejl trasversali tar-ras għadha mhix livell, allura aġġusta l-qafla tal-għonq tal-manikin tat-test dak l-ammont minimu neċessarju sabiex tassigurali l-pjattaforma tal-istrumenti tal-kejl trasversali tar-ras hija orizzontali b’varjazzjoni ta’ 2,5°.

2.2.   Id-dirgħajn

2.2.1.   Il-parti ta’ fuq ta’ dirgħajn is-sewwieq għandhom ikunu maġenb it-torso bil-linji taċ-ċentru viċin kemm jista’ jkun tal-pjan vertikali.

2.2.2.   Il-parti ta’ fuq ta’ dirgħajn il-passiġġier għandhom ikunu f’kuntatt mad-dahar tas-sit u l-ġnub tat-torso.

2.3.   L-idejn

2.3.1.   Il-kfief ta’ idejn il-manikin sewwieq tat-test għandhom ikunu f’kuntatt mal-parti ta’ barra tax-xifer tal-istering fil-linja taċ-ċentru orizzontali tax-xifer. Is-swaba’ l-kbar tal-idejn għandhom ikunu fuq ix-xifer tal-istering u għandhom ikunu marbuta ħafif bit-tejp max-xifer tal-istering sabiex jekk l-id tal-manikin tat-test tiġi mbuttata ’l fuq b’forza mhux inqas minn 9 N u mhux aktar minn 22 N, it-tejp għandu jħoll l-id minn max-xifer tal-istering.

2.3.2.   Il-kfief ta’ jdejn il-manikin tat-test passiġġier għandhom ikunu f’kuntatt mal-parti ta’ barra tal-koxxa. Is-seba’ ż-żgħir għandu jkun f’kuntatt mal-kuxxin tas-sit.

2.4.   It-torso

2.4.1.   F’vetturi mgħammra b’sîts sħaħ, il-parti ta’ fuq tat-torso tal-manikini tat-test tas-sewwieq u tal-passiġġier għandhom jistrieħu mad-dahar tas-sit. Il-pjan saġittali tan-nofs tal-manikin tas-sewwieq għandu jkun vertikali u parallel għal-linja taċ-ċentru lonġitudinali tal-vettura, u jgħaddi miċ-ċentru tax-xifer tal-istering. Il-pjan saġittali tan-nofs tal-manikin passiġġier għandu jkun vertikali u parallel għal-linja taċ-ċentru lonġitudinali tal-vettura u fl-istess distanza mil-linja taċ-ċentru lonġitudinali tal-vettura bħall-pjan saġittali tan-nofs tal-manikin tas-sewwieq.

2.4.2.   F’vetturi mgħammra b’sit(s) individwali, il-parti ta’ fuq tat-torso tal-manikin tat-test sewwieq u l-manikin tat-test passiġġier għandhom jistrieħu mad-dahar tas-sit. Il-pjan saġittali tan-nofs tal-manikin tal-manikin sewwieq u tal-manikin passiġġier għandhom ikunu vertikali u għandhom jikkoinċidu mal-linja taċ-ċentru lonġitudinali tas-sit(s) individwali.

2.4.3.   Il-parti t’isfel tat-torso

2.4.3.1.   Il-punt “H”

Il-punt “H” tal-manikin tat-test sewwieq u tal-manikin tat-test passiġġier għandhom jikkoinċidu b’varjazzjoni ta’ 13 mm fid-dimensjoni vertikali u 13 mm fid-dimensjoni orizzontali, b’punt 6 mm aktar ’l isfel mill-pożizzjoni tal-punt “H” iddeterminat bl-użu tal-proċedura deskritta fl-Anness 6, ħlief li t-tul tas-segmenti tal-parti t’isfel tar-riġel u tal-koxxa tal-magna tal-punt “H” għandhom ikunu aġġustati għal 414 u 401 mm, minflok għal 417 u 432 mm rispettivament.

2.4.3.2.   L-angolu pelviku

Kif iddeterminat bl-użu tad-disinn 78051-532 tal-kejl tal-angolu pelviku (GM) inkorporat b’referenza fil-Parti 572 li tiddaħħal fit-toqba tal-kejl tal-punt “H” tal-manikin, l-angolu mkejjel mill-orizzontali fuq il-wiċċ ċatt ta’ 76,2 mm tal-istrument tal-kejl għandu jkun ta’ 22,5 gradi b’2,5 gradi aktar jew inqas.

2.5.   Is-saqajn

Il-partijiet ta’ fuq ta’ saqajn il-manikin tat-test sewwieq u l-manikin tat-test passiġġier għandhom jistrieħu kontra l-kuxxin tas-sit sakemm jitħallew jagħmlu dan mit-tqegħid tas-saqajn. Id-distanza inizjali bejn il-wiċċ ta’ barra tal-irkoppa tal-flanġ b’ħolqa forma ta’ U għandha tkun ta’ 270 mm ± 10 mm. Sakemm huwa prattikabbli, is-sieq tax-xellug tal-manikin sewwieq u s-saqajn tal-manikin passiġġier għandhom ikunu fi pjani vertikali lonġitudinali. Sakemm huwa prattikabbli, is-sieq tal-lemin tal-manikin sewwieq għandha tkun fi pjan vertikali. Jitħalla jsir aġġustament finali sabiex ikun hemm fejn jitqiegħdu s-saqajn skont il-paragrafu 2.6, għall-konstampazzjonijiet differenti tal-kompartiment tal-passiġġieri.

2.6.   Ir-riġlejn

2.6.1.   Ir-riġel il-lemini tal-manikin tat-test sewwieq għandu jistrieħ fuq l-aċċeleratur mhux magħfus bil-punt l-aktar fuq wara tal-għarqub fuq il-wiċċ tal-art fil-pjan tal-pedala. Jekk ir-riġel ma jistax jitqiegħed fuq il-pedala tal-aċċeleratur, dan jitqiegħed perpendikulari għat-tibja u ’l quddiem kemm jista’ jkun fid-direzzjoni tal-linja taċ-ċentru tal-pedala bil-punt l-aktar fuq wara tal-għarqub jistrieħ fuq il-wiċċ tal-art. L-għarqub tar-riġel il-lemini għandu jitqiegħed ’il quddiem kemm jista’ jkun u għandu jistrieħ fit-toqba fl-art. Ir-riġel ix-xellugi għandu jitqiegħed ċatt kemm jista’ jkun taħt id-daxbord maġenb il-pedali. Il-linja taċ-ċentru lonġitudinali tar-riġel ix-xellugi għandha titqiegħed parallela kemm jista’ jkun għal-linja taċ-ċentru lonġitudinali tal-vettura.

2.6.2.   L-għarqbejn tar-riġlejn tal-manikin tat-test passiġġier għandhom jitqiegħdu ’l quddiem kemm jista’ jkun u għandhom jistrieħu fuq id-daħla mal-art. Ir-riġlejn għandhom jitiqegħdu ċatti kemm jista’ jkun taħt id-daxbord maġenb il-pedali. Il-linja taċ-ċentru lonġitudinali tar-riġlejn għandha titqiegħed parallela kemm jista’ jkun għal-linja taċ-ċentru lonġitudinali tal-vettura.

2.7.   L-istrumenti tal-kejl istallati ma għandhom jaffettwaw bl-ebda mod il-moviment tal-manikin matul l-impatt.

2.8.   It-temperatura tal-manikini u s-sistema ta’ strumenti tal-kejl għandha tkun stabbilizzata qabel it-test u miżmuma sakemm huwa possibbli fil-marġni bejn 19 °C u 22 °C.

2.9.   L-ilbies tal-manikini

2.9.1.   Il-manikini bl-istrumenti għandhom jitlibbsu bi ħwejjeġ li jiġġebdu skont il-forma magħmulin mid-drapp tal-qoton bi kmiem qosra u bi qliezi twal sa nofs il-pexxun tar-riġel kif speċifikat f’FMVSS 208, fid-disinni 78051-292 u 293 jew l-ekwivalenti tagħhom.

2.9.2.   Żarbun ta’ daqs 11XW, li għandu l-ispeċifikazzjonijiet ta’ daqs, qiegħ u ħxuna tal-għarqub tal-istandard militari fl-Istati Uniti MIL S 13192, reviżjoni P u li l-piż tiegħu huwa ta’ 0,57 ± 0,1 kg, għandu jitqiegħed u jintrabat fuq kull sieq tal-manikini tat-test.

3.   L-AĠĠUSTAMENT TAS-SISTEMA TAT-TRAŻŻIN

Bil-manikin tat-test bilqiegħda fil-post indikat għalih kif speċifikat mill-kundizzjonijiet meħtieġa xierqa tal-paragrafi 2.1 sa 2.6, poġġi ċ-ċinturin madwar il-manikin tat-test u aqfel il-lukkett. Issikka l-partijiet merħija taċ-ċinturin ta’ fuq il-ħoġor. Iġbed l-istrixxi tal-parti ta’ fuq tat-torso 'l barra mill-apparat li jiġbed lura u ħallihom jinġibdu lura. Irrepeti din il-proċedura erba’ darbiet. Applika piż ta’ tensjoni ta’ bejn 9 u 18 N fuq iċ-ċinturin tal-ħoġor. Jekk is-sistema taċ-ċinturin hija mgħammra bi strument li jerħi t-tensjoni, introduċi l-ammont massimu ta’ telqa fiċ-ċinturin tal-parti ta’ fuq tat-torso li huwa rrikkmandat mill-fabbrikant għall-użu normali fil-manwâl tal-propjetrju tal-vettura. Jekk is-sistema taċ-ċinturin mhix mgħammra bi strument li jerħi t-tensjoni, ħalli l-istrixxa taċ-ċinturin tal-ispalla żejda tinġibed lura bil-forza mill-apparat li jiġbed lura.

ANNESS 6

IL-PROĊEDURA BIEX JIĠI STABBILIT IL-PUNT "H" U L-ANGOLU REALI TAT-TORSO GĦALL-POŻIZZJONIJIET BILQIEGĦDA F’VETTURI MOTORIZZATI

1.   L-GĦAN

Il-proċedura deskritta f’dan l-anness hija użata sabiex ikun stabbilit fejn jinsab il-punt "H" u l-angolu reali tat-torso għal pożizzjoni waħda jew aktar bilqiegħda f’vettura bil-magna u għall-verifika tar-relazzjoni ta’ dejta mkejla skont l-ispeċifikazzjonijiet tad-disinn mogħtija mill-fabbrikant tal-vettura (1)

2.   ID-DEFINIZZJONIJIET

Għall-finijiet ta’ dan l-Anness:

3.   IL-KUNDIZZJONIJIET MEĦTIEĠA

3.1.   Il-preżentazzjoni tad-dejta

Għal kull pożizzjoni bilqiegħda, fejn tintalab dejta ta’ referenza sabiex tintwera konformità mad-dispożizzjonijiet tar-Regolament preżenti, id-dejta li ġejja kollha jew parti xierqa minnha għandha tkun ippreżentata fil-formola indikata fl-Appendiċi 3 ta’ dan l-Anness:

3.2.   Ir-relazzjoni bejn dejta mkejla u l-ispeċifikazzjonijiet skont id-disinn

3.2.1.   Il-koordinati tal-punt "H" u l-valur tal-angolu reali tat-torso miksub mill-proċedura ddikjarata fil-paragrafu 4 aktar ’l isfel għandhom jitqabblu, rispettivament, mal-koordinati tal-punt "R" u l-valur tal-angolu tat-torso skont id-disinn indikat mill-fabbrikant tal-vettura.

3.2.2.   Il-pożizzjonijiet relattivi tal-punt "R" u tal-punt "H" u r-relazzjoni bejn l-angolu tat-torso skont id-disinn u l-angolu reali tat-torso għandhom jitqiesu sodisfaċenti għall-pożizzjoni bilqiegħda konċernata jekk il-punt "H", kif iddefinit mill-koordinati tiegħu, qiegħed fi ħdan kwadru b’ġenb twil 50 mm, bi ġnub orizzontali u vertikali li d-dijagonali tagħhom jaqtgħu lil xulxin fil-punt "R", u jekk l-angolu reali tat-torso għandu varjazzjoni ta’ 5° mill-angolu tat-torso skont id-disinn.

3.2.3.   Jekk jintlaħqu dawn il-kundizzjonijiet, il-punt "R" u l-angolu tat-torso skont id-disinn, għandhom jintużaw sabiex juru konformità mad-dispożizzjonijiet ta’ dan ir-Regolament.

3.2.4.   Jekk il-punt "H" jew l-angolu reali tat-torso ma jissodisfawx il-kundizzjonijiet tal-paragrafu 3.2.2 t’hawn fuq, il-punt "H" u l-angolu reali tat-torso għandhom jerġgħu jkunu ddeterminati darbtejn oħra (tliet darbiet b’kollox). Jekk ir-riżultati ta’ tnejn minn dawn it-tliet operazzjonijiet jissodisfaw il-kundizzjonijiet meħtieġa, għandhom japplikaw il-kundizzjonijiet tal-paragrafu 3.2.3 t’hawn fuq.

3.2.5.   Jekk ir-riżultati ta’ mill-inqas tnejn mit-tliet operazzjonijiet deskritti fil-paragrafu 3.2.4 t’hawn fuq ma jissodisfawx il-kundizzjonijiet tal-paragrafu 3.2.2 t’hawn fuq, jew jekk il-verifika ma tistax isseħħ għax il-fabbrikant tal-vettura ma pprovdiex l-informazzjoni dwar il-pożizzjoni tal-punt "R" jew dwar l-angolu tat-torso skont id-disinn għandha tintuża u tkun ikkunsidrata bħala applikabbli fil-każijiet kollha fejn hemm referenza għall-punt "R" jew għall-angolu tat-torso skont id-disinn f’dan ir-Regolament, il-forma ta’ ċirku magħmula mit-tliet punti mkejla jew il-medja tat-tliet angoli mkejla.

4.   IL-PROĊEDURA GĦAD-DETERMINAZZJONI TAL-PUNT "H" U TAL-ANGOLU REALI TAT-TORSO

4.1.   Il-vettura għandha tkun ikkundizzjonata minn qabel fid-diskrezzjoni tal-fabbrikant, f’temperatura ta’ 20 ± 10°C sabiex ikun assigurat li l-materjal tas-sîts laħaq it-temperatura normali tal-kamra. Jekk is-sit li għandu jkun ikkontrollat qatt ħadd ma poġġa fuqu, persuna jew strument li tiżen 70 sa 80 kg għandha tpoġġi fuq is-sit darbtejn għal minuta sabiex tgħawweġ il-kuxxin u d-dahar. B’talba tal-fabbrikant, l-immuntar kollu tas-sîts għandu jibqa’ mhux mgħobbi għal perjodu minimu ta’ 30 minuta qabel l-istallazzjoni tal-magna 3-D H.

4.2.   Il-vettura għandha tkun fil-pożizzjoni tal-kejl iddefinita fil-paragrafu 2.11 aktar ’il fuq.

4.3.   Is-sit, jekk jista’ jkun aġġustat, għandu jkun aġġustat l-ewwelnett għall-pożizzjoni normali l-aktar lura tas-sewqan jew dik tal-irkib kif indikat mill-fabbrikant tal-vettura, dejjem jitqies biss l-aġġustament lonġitudinali tas-sit, eskluż iċ-ċaqliq tas-sit għal finijiet oħra li mhux il-pożizzjonijiet normali tas-sewqan jew tal-irkib. Fejn jeżistu modi oħra ta’ aġġustament tas-sit (vertikali, angulari, tad-dahar tas- sit, eċċ.) dawn imbagħad għandhom ikunu aġġustati għall-pożizzjoni speċifikata mill-fabbrikant tal-vettura. Għal sîts tas-suspenxin, il-pożizzjoni vertikali għandha tkun iffissata b’mod riġidu li tikkorrispondi għal pożizzjoni normali ta’ sewqan kif speċifikata mill-fabbrikant.

4.4.   L-erja tal-pożizzjoni bilqiegħda f’kuntatt mal-magna 3-D H għandha tinkesa bil-musulina, ta’ daqs suffiċjenti u b’nisġa xierqa, deskritta bħala materjal ordinarju tal-qoton li għandu 18,9 ħajtiet għal kull cm2 u li jiżen 0,228 kg/m2 jew materjal innittjat jew mhux minsuġ b’karatteristiċi ekwivalenti. Jekk it-test isir fuq sit barra mill-vettura, l-art li fuqu jitqiegħed is-sit għandu jkollha l-istess karatteristiċi essenzjali (2) bħall-art tal-vettura li fiha s-sit huwa maħsub li se jintuża.

4.5.   Poġġi l-immuntar tas-sit u tad-dahar tal-magna 3-D H ħalli l-pjan taċ-ċentru ta’ dak li jokkupah (C/LO) jikkoinċidi mal-pjan taċ-ċentru tal-magna 3-D H. Fuq talba tal-fabbrikant, il-magna 3-D H tista’ titressaq ’il ġewwa l-vettura meta mqabbla mal-C/LO jekk il-magna 3-D H tinsab tant ’il barra li t-tarf tas-sit mhux ser iħalli l-illivellar tal-magna 3-D H.

4.6.   Waħħal l-immuntar tas-sieq u tal-parti t’isfel tar-riġel mal-immuntar tad-daħla fis-sit, jew b’mod individwali jew bl-użu tat-T-bar u l-immuntar tal-parti t’isfel tar-riġel. Linja li tgħaddi mis-sight buttons tal-punt "H" għandha tkun parallela għall-art u perpendikulari għall-pjan taċ-ċentru lonġitudinali tas-sit.

4.7.   Aġġusta l-pożizzjonijiet tas-saqajn u tar-riġlejn tal-magna 3-D H kif ġej:

4.7.1.   Il-pożizzjoni bilqiegħda indikata: sewwieq u l-passiġġier ta’ quddiem tan-naħa ta’ barra

4.7.2.   Il-pożizzjoni bilqiegħda indikata: fuq in-naħa ta’ barra fuq wara

Għas-sîts ta’ wara jew għas-sîts awżiljarji, ir-riġlejn jitqiegħdu kif speċifikat mill-fabbrikant. Jekk is-saqajn imbagħad jistrieħu fuq partijiet mill-art li huma f’livelli differenti, is-sieq li tiġi l-ewwel f’kuntatt mas-sit ta’ quddiem għandha sservi ta’ referenza u s-sieq l-oħra għandha tkun irranġata b’mod li l-invell li jagħti l-orjentament trasversali tas-sit tal-istrument jindika dak orizzontali.

4.7.3.   Pożizzjonijiet bilqiegħda indikati oħra:

Il-proċedura ġenerali indikata fil-paragrafu 4.7.1 t’hawn fuq għandha tkun segwita għajr għal li s-saqajn għandhom jitqiegħdu kif speċifikat mill-fabbrikant tal-vettura.

4.8.   Applika piżijiet mal-parti t’isfel tar-riġel u mal-koxox u llivella l-magna 3-D H.

4.9.   Inklina d-daħla fid-dahar “il quddiem sal-waqqafa ta’ quddiem u iġbed il-magna 3-D H lil hinn mid-dahar tas-sit bl-użu tat-T-bar. Erġa” qiegħed il-magna 3-D H fuq is-sit b’wieħed mill-metodi li ġejjin:

4.10.   Applika piż ta’ 100 ± 10 N fuq l-immuntar tad-dahar u tad-daħla tal-magna 3-D H fl-intersezzjoni tal-kwadrant tal-angolu tal-ġenb u tal-kisi tat-T-bar. Id-direzzjoni tal-applikazzjoni tal-piż għandha tinżamm tul linja li tgħaddi minn ħdejn l-intersezzjoni t’hawn fuq għal punt eżatt fuq il-kisi tal-iżbarra tal-koxxa (ara l-stampa 2 tal-Appendiċi 1 ta’ dan l-Anness). Imbagħad reġġa’ lura b’attenzjoni id-daħla fid-dahar lejn id-dahar tas-sit. Trid tingħata attenzjoni matul il-bqija tal-proċedura sabiex il-magna 3-D H ma titħalliex tiżżerżaq ’il quddiem.

4.11.   Istalla l-piżijiet tan-natka tal-lemin u tax-xellug u wara, b’mod alternat, it-tmien piżijiet tat-torso. Żomm il-magna 3-D H livell.

4.12.   Inklina d-daħla fid-dahar ’il quddiem biex teħles it-tensjoni ta’ fuq id-dahar tas-sit. Bandal il-magna 3-D H minn-naħa għall-oħra f’ark ta’ 10° (5° kull naħa tal-pjan taċ-ċentru vertikali) għal tliet ċikli kompleti sabiex terħi kwalunkwe frizzjoni miġmugħa bejn il-magna 3-D H u s-sit.

Waqt it-tbandil, it-T-bar tal-magna 3-D H jista’ jkollha t-tendenza li titbiegħed mill-allinjament orizzontali u vertikali speċifikat. It-T-bar għalhekk trid tkun imrażżna billi jkun applikat piż laterali xieraq matul it-tbandil. It-T-bar għandha tinżamm b’ċerta attenzjoni, bl-istess attenzjoni tingħata meta tiġi mbandla l-magna 3-D H sabiex ikun assigurat li l-ebda piż esterjuri involontarju ma jkun applikat f’direzzjoni vertikali jew ’il quddiem u lura.

Is-saqajn tal-magna 3-D H ma għandhomx ikunu mrażżna jew miżmuma matul dan il-pass. Jekk is-saqajn ibiddlu l-pożizzjoni tagħhom, dawn għandhom jitħallew f’dik il-pożizzjoni għal dak il-mument.

Irritorna b’attenzjoni id-daħla fid-dahar lejn id-dahar tas-sit u kkontrolla ż-żewġ invelli għall-pożizzjoni żero. Jekk kien hemm kwalunkwe moviment tas-saqajn matul l-operazzjoni ta’ tbandil tal-magna 3-D H, dawn iridu jerġgħu jitqiegħdu kif ġej:

L-ewwel għolli sieq mill-art, imbagħad għolli l-oħra l-ammont minimu neċessarju sakemm ma jkun hemm l-ebda moviment addizzjonali tas-saqajn. Matul dan l-irfigħ, is-saqajn iridu jitħallew liberi li jduru; u ma għandu jkun applikatl-ebda piż fuq quddiem jew laterali. Meta kull sieq titqiegħed lura fil-pożizzjoni t’isfel, l-għarqub irid ikun f’kuntatt mal-istruttura maħsuba għal dan.

Ikkontrolla l-invell laterali għall-pożizzjoni żero; jekk ikun neċessarju, applika piż laterali fil-quċċata tad-daħla fid-dahar suffiċjenti biex tillivella d-daħla fis-sit tal-magna 3-D H fuq is-sit.

4.13.   Filwaqt li żżomm it-T-bar biex ma tħallix li l-magna 3-D H tiżżerżaq ’il quddiem fuq il-kuxxin tas-sit, kompli kif ġej:

4.14.   Ħu l-kejl kollu:

4.15.   Jekk tkun mixtieqa ripetizzjoni tal-istallazzjoni tal-magna 3-D H, l-immuntar tas-sit għandu jibqa’ mhux mgħobbi għal perjodu minimu ta’ 30 minuta qabel ir-ripetizzjoni. Il-magna 3-D H ma għandhiex titħalla mgħobbija fuq l-immuntar tas-sit għal aktar ħin minn dak neċessarju sabiex jitwettaq it-test.

4.16.   Jekk is-sîts fl-istess filliera jistgħu jitqjiesu bħala simili (sit ta’ wara f’vettura għal tnejn minn-nies jew aktar, sîts identiċi, eċċ.) punt “H” wieħed u “angolu reali tat-torso” wieħed biss għandhom ikunu ddeterminati għal kull filliera ta’ sîts, il-magna 3-D H deskritta fl-Appendiċi 1 ta’ dan l-Anness titqiegħed bilqiegħda f’post meqjus bħala rappreżentattiv għal dik il-filliera. Dan il-post għandu jkun:

(1)  Fi kwalunkwe post bilqiegħda barra mis-sîts ta’ quddiem fejn il-punt "H" ma jistax ikun iddeterminat bl-użu tal-"Magna tridimensjonali tal-punt "H"" jew bil-proċeduri, bil-punt "R" indikat mill-manifattur jista’ jittieħed bħala referenza fid-diskrezzjoni tal-awtorità kompetenti.

(2)  L-angolu ta’ inklinazzjoni, id-differenza fl-għoli ma’ l-immuntar tas-sît, il-konsistenza tal-wiċċ, eċċ.

ANNESS 7

IL-PROĊEDURA TAT-TEST BIT-TROLI

1.   L-ISTALLAZZJONI U L-PROĊEDURA TAT-TEST

1.1.   It-Troli

It-troli għandu jkun mibni b’tali mod li l-ebda deformazzjoni permanenti ma għandha tidher wara t-test. Għandu jkun iggwidat b’tali mod li, matul il-fażi tal-impatt, id-devjazzjoni fil-pjan vertikali ma teċċedix il-5° u ż-2° fil-pjan orizzontali.

1.2.   L-istat tal-istruttura

1.2.1.   Ġenerali

L-istruttura ttestjata għandha tkun rappreżentattiva tal-produzzjoni f’serje tal-vetturi konċernati. Uħud mill-komponenti jistgħu jkunu sostitwiti jew imneħħija fejn tali sostituzzjoni jew tneħħija jidher biċ-ċar li mhu se jkollha l-ebda effett fuq ir-riżultati tat-test.

1.2.2.   Aġġustamenti

L-aġġustamenti għandhom ikunu konformi ma’ dawk stabbiliti fil-paragrafu 1.4.3 tal-Anness 3 ta’ dan ir-Regolament, skont dak li huwa ddikjarat fil-paragrafu 1.2.1.

1.3.   It-twaħħil tal-istruttura

1.3.1.   L-istruttura għandha tkun imwaħħla sew mat-troli b’tali mod li ma jkun hemm l-ebda spostament relattiv waqt it-test.

1.3.2.   Il-metodu użat għall-irbit tal-struttura mat-troli ma għandux ikollu l-effett li jsaħħaħ l-ankoraġġi tas-sîts jew l-istrumenti tat-trażżin, jew li jipproduċi kwalunkwe deformazzjoni mhux normali tal-istruttura.

1.3.3.   L-istrument għat-twaħħil irrikkmandat huwa dak fejn struttura tistrieħ fuq appoġġi mqiegħda bejn wieħed u ieħor fl-assi tar-roti jew, jekk huwa possibbli, fejn l-istruttura hija marbuta mat-troli bl-irbit tas-sistema tas-suspensjoni.

1.3.4.   L-angolu bejn l-assi lonġitudinali tal-vettura u d-direzzjoni tal-moviment tat-troli għandha tkun ta’ 0° ± 2°.

1.4.   Il-manikini

Il-manikini u l-pożizzjoni tagħhom għandhom jikkonformaw mal-ispeċifikazzjonijiet fil-paragrafu 2 tal-Anness 3.

1.5.   L-apparat għall-kejl

1.5.1.   Tnaqqis fl-ispid tal-istruttura

Il-pożizzjoni tat-transducers (apparati maħsuba biex jikkonvertu l-enerġija) li jkejlu it-tnaqqis fl-ispid tal-istruttura waqt l-impatt għandha tkun parallela mal-assi lonġitudinali tat-troli skont l-ispeċifikazzjonijiet fl-Anness 8 (CFC ta’ 180).

1.5.2.   Qisien li jrid isir fuq il-manikini

Il-qisien kollha neċessarji għall-kontroll tal-kriterji elenkati huwa ddikjarat fil-paragrafu 5 tal-Anness 3.

1.6.   Il-kurva tat-tnaqqis fl-ispid tal-istruttura

Il-kurva tat-tnaqqis fl-ispid tal-istruttura matul il-fażi tal-impatt għandha tkun tali li l-kurva tal-"varjazzjoni fl-ispid relatata mal-ħin", miksuba mill-integrazzjoni, fl-ebda punt ma tvarja b’iktar minn ± 1 m/s mill-kurva ta’ referenza tal-"varjazzjoni fl-ispid relatata mal-ħin" tal-vettura konċernata, kif iddefinita fl-appendiċi ta’ dan l-Anness. Spostament fl-assi tal-ħin tal-kurva ta’ referenza jista’ jintuża biex tinkiseb il-veloċità tal-istruttura fil-kuritur.

1.7.   Il-kurva ta’ referenza ΔV = f(t) tal-vettura kkonċernata

Din il-kurva ta’ referenza tinkiseb bl-integrazzjoni tal-kurva tat-tnaqqis fl-ispid tal-vettura konċernata mkejla fit-test tal-ħabta fontali kontra ostaklu kif ipprovdut fil-paragrafu 6 tal-Anness 3 ta’ dan ir-Regolament.

1.8.   Metodu ekwivalenti

It-test jista’ jitwettaq b’xi metodu ieħor differenti minn dak tat-tnaqqis fl-ispid tat-troli, sakemm tali metodu huwa konformi mal-kundizzjoni meħtieġa li tikkonċerna l-marġni ta’ varjazzjoni fl-ispid deskritt fil-paragrafu 1.6.

Appendiċi

Il-kurva tal-ekwivalenza – il-firxa tat-tolleranza għall-kurva ΔV = f(t)

ANNESS 8

IT-TEKNIKA TAL-KEJL FIT-TESTIJIET TAL-KEJL: L-ISTRUMENTI TAL-KEJL

1.   ID-DEFINIZZJONIJIET

1.1.   Il-kanal tad-dejta

Il-kanal tad-dejta jkun jinkludi l-istrumenti kollha tal-kejl minn transducer (jew transducers multipli li l-prodotti tagħhom huma magħquda b’xi mod speċifikat) sa, u inkluża, kwalunkwe proċedura ta’ analiżi li tista’ tbiddel il-kontenut ta’ frekwenza jew il-kontenut ta’ estensjoni tad-dejta.

1.2.   It-transducer

L-ewwel strument f’kanal tad-dejta użat biex jikkonverti kwantità fiżika li trid titkejjel fi kwantità oħra (bħal per eżempju vultaġġ elettriku) li jista’ jkun ipproċessat mill-bqija tal-kanal.

1.3.   Il-klassi tal-estensjoni tal-kanal: CAC

L-isem għal kanal tad-dejta li jilħaq ċerti karatteristiċi ta’ estensjoni kif speċifikati f’dan l-Anness. In-numru tal-CAC huwa daqs, b’mod numeriku, il-limitu ta’ fuq tal-marġni tal-kejl.

1.4.   Il-frekwenzi karatteristiċi FH, FL, FN

Dawn il-frekwenzi huma ddefiniti fl-istampa.

1.5.   Il-klassi ta’ frekwenzi tal-kanali: CFC

Il-klassi ta’ frekwenza tal-kanal hija indikata minn numru li juri li r-reazzjoni tal-frekwenza tal-kanal tinsab fil-limiti speċifikati fl-istampa. Dan in-numru u l-valur tal-frekwenza FH f’Hz huma indaqs b’mod numeriku.

1.6.   Il-koeffiċjent tas-sensitività

Iż-żerżieqa tal-linja dritta li tirrapreżenta bl-aqwa mod il-valuri tal-kalibrar iddeterminati mill-metodu tal-inqas kwadru fil-klassi tal-estensjoni tal-kanal.

1.7.   Il-fattur tal-kalibrar ta’ kanal tad-dejta

Il-valur medju tal-koeffiċjenti tas-sensitività kkalkulat fuq frekwenzi li huma mqassmin b’mod bilanċjat tul skala logaritmika bejn FL and FH/2,5

1.8.   Żball fil-kwalità lineari

Il-proporzjon, f’persentaġġ, tad-differenza massima bejn il-valur tal-kalibrar u l-valur korrispondenti li jinqara mil-linja dritta ddefinita fil-paragrafu 1.6. fil-limitu ta’ fuq tal-klassi tal-estensjoni tal-kanal.

1.9.   Is-sensitività trasversali

Il-proporzjon tas-sinjal prodott għas-sinjal tal-input,meta jkun applikat kurrent elettriku lit-transducer b’mod perpendikulari għall-assi tal-kejl. Dan huwa rrappreżentat bħala persentaġġ tas-sensitività tul l-assi tal-kejl.

1.10.   Il-ħin ta’ dewmien il-fażi

Il-ħin ta’ dewmien il-fażi ta’ kanal tad-dejta huwa daqs dewmien il-fażi (f’unitajiet ta’ angoli li huma ugwali għall-angolu fiċ-ċentru ta’ ċirku, radians) ta’ sinjal sinusojdali, diviż mill-frekwenza angulari ta’ dak is-sinjal (f’unitajiet ta’ angoli li huma ugwali għall-angolu fiċ-ċentru ta’ ċirku/sekonda).

1.11.   L-ambjent

Is-somma, f’mument speċifikat, tal-kundizzjonijiet u l-influwenzi esterni kollha li għalihom ikun suġġett il-kanal tad-dejta.

2.   IL-KUNDIZZJONIJIET TA' PRESTAZZJONI MEĦTIEĠA

2.1.   Żball fil-kwalità lineari

Il-valur assolut tal-iżball fil-kwalità lineari tal-kanal tad-dejta fi kwalunkwe frekwenza fil-CFC, għandha tkun daqs għal jew inqas minn 2,5 fil-mija tal-valur tal-CAC, fuq il-marġni kollu tal-kejl.

2.2.   L-estensjoni kontra l-frekwenza

Ir-reazzjoni tal-frekwenza ta’ kanal tad-dejta għandu jkun fil-kurvi li jillimitaw li jidhru fl-istampa. Il-linja dB żero hija ddeterminata mill-fattur tal-kalibrar.

2.3.   Il-ħin ta’ dewmien il-fażi

Il-ħin ta’ dewmien il-fażi bejn is-sinjal tal-input u s-sinjal ta’ dak li ġie prodott ta’ kanal tad-dejta għandu jkun iddeterminat u ma għandux ivarja b’iktar minn 1/10 FH sekondi bejn 0,03 FH u FH.

2.4.   Il-ħin

2.4.1.   Il-bażi tal-ħin

Bażi ta’ ħin għandha tkun irreġistrata u għandha tagħti tal-inqas 1/100 s b’eżattezza ta’ 1 fil-mija.

2.4.2.   Id-dewmien relattiv fil-ħin

Id-dewmien relattiv fil-ħin bejn is-sinjal ta’ żewġ kanali tad-dejta jew aktar, mingħajr ma jingħata kas tal-klassi tal-frekwenza tagħhom, ma għandux jeċċedi 1 ms eskluż id-dewmien ikkawżat minn bidla fil-fażi.

Żewġ kanali tad-dejta jew aktar li s-sinjali tagħhom ingħaqdu flimkien għandu jkollhom l-istess klassi ta’ frekwenza u ma għandux ikollhom dewmien relattiv fil-ħin ta’ aktar minn 1/10 FH sekondi.

Din il-kundizzjoni meħtieġa tapplika għas-sinjali analogi u wkoll għall-vibrazzjonijiet ta’ sinkronizzazzjoni u għas-sinjali diġitali.

2.5.   Is-sensitività trasversali tat-transducer

Is-sensitività trasversali tat-transducer għandha tkun ta’ inqas minn 5 fil-mija fi kwalunkwe direzzjoni.

2.6.   Il-kalibrar

2.6.1.   Ġenerali

Il-kanal tad-dejta għandu jkun ikkalibrat mill-inqas darba fis-sena ma’ tagħmir ta’ referenza traċċabbli għal standards magħrufa. Il-metodi użati biex isir paragun ma’ tagħmir ta’ referenza ma għandux jintroduċi żball akbar minn 1 fil-mija tas-CAC. L-użu ta’ tagħmir ta’ referenza huwa llimitat għall-marġni ta’ frekwenza li għalih ġew ikkalibrati. Is-sottosistemi ta’ kanal tad-dejta jistgħu jkunu vvalutati b’mod individwali u r-riżultati jinqasmu f’fatturi jew komponenti fl-eżattezza tal-kanal tad-dejta totali. Dan jista’ jsir, per eżempju, b’sinjal elettriku ta’ estensjoni magħrufa li jirriproduċi b’mod artifiċjali is-sinjal tal-prodott tat-transducer li jippermetti li jsir kontroll tal-fattur tal-amplifikazzjoni tal-kanal tad-dejta, minbarra t-transducer.

2.6.2.   L-eżattezza tat-tagħmir ta’ referenza għall-kalibrar

L-eżattezza tat-tagħmir ta’ referenza għandu jkun iċċertifikat jew approvat minn servizz ta’ metroloġija uffiċjali.

2.6.2.1.   Il-kalibrar statiku

2.6.2.1.1.   L-aċċellerazzjonijiet

L-iżbalji għandhom ikunu inqas minn ± 1,5 fil-mija tal-klassi tal-estensjoni tal-kanal.

2.6.2.1.2.   Il-forzi

L-iżball għandu jkun ta’ inqas minn ± 1 fil-mija tal-klassi tal-estensjoni tal-kanal.

2.6.2.1.3.   L-ispostamenti

L-iżball għandu jkun ta’ inqas minn ± 1 fil-mija tal-klassi tal-estensjoni tal-kanal.

2.6.2.2.   Il-kalibrar dinamiku

2.6.2.2.1.   L-aċċellerazzjonijiet

L-iżball fl-aċċellerazzjonijiet ta’ referenza rrapreżentati bħala persentaġġ tal-klassi tal-estensjoni tal-kanal għandu jkun ta’ inqas minn ± 1,5 fil-mija ’l isfel minn 400 Hz, inqas minn ± 2 fil-mija bejn 400 Hz u 900 Hz, u inqas minn ± 2,5 fil-mija ’l fuq minn 900 Hz.

2.6.2.3.   Il-ħin

L-iżball relattiv fil-ħin ta’ referenza għandu jkun ta’ inqas minn 10–5.

2.6.3.   Il-koeffiċjent ta’ sensitività u l-iżball fil-kwalità lineari

Il-koeffiċjent ta’ sensitività u l-iżball fil-kwalità lineari għandhom ikunu ddeterminati billi jitkejjel is-sinjal tal-prodott tal-kanal tad-dejta meta mqabbel ma’ sinjal ta’ input magħruf għal valuri differenti ta’ dan is-sinjal. Il-kalibrar tal-kanal tad-dejta għandu jkopri l-marġni kollu tal-klassi tal-estensjoni.

Għall-kanali b’żewġ direzzjonijiet, għandhom jintużaw kemm il-valuri pożittivi u kemm dawk negattivi.

Jekk it-tagħmir tal-kalibrar ma jistax jipproduċi l-input meħtieġ minħabba l-valuri wisq għolja tal-kwantità li trid titkejjel, il-kalibrar għandu jsir fil-limiti tal-istandards tal-kalibrar u dawn il-limiti għandhom ikunu rreġistrati fir-rapport tat-test.

Il-kanal totali tad-dejta għandu jkun ikkalibrat bi frekwenza jew b’firxa ta’ frekwenzi li għandhom valur sinifikanti bejn FL u (FH/2,5)

2.6.4.   Il-kalibrar tar-reazzjoni tal-frekwenza

Il-kurvi tar-reazzjoni tal-fażi u tal-estensjoni mqabbla mal-frekwenza għandhom ikunu ddeterminati billi jitkejlu s-sinjali tal-prodott tal-kanal tad-dejta f’termini ta’ fażi u estensjoni meta mqabbla ma’ sinjal ta’ input magħruf, għal valuri differenti ta’ dan is-sinjal li jvarjaw bejn FL u 10 darbiet il-CFC jew 3 000 Hz, liema minnhom huwa l-aktar baxx.

2.7.   L-effetti tal-ambjent

Għandu jsir kontroll regolari sabiex tkun identifikata kwalunkwe influwenza mill-ambjent (bħal fluss elettriku jew manjetiku, veloċità tal-kejbil, eċċ.). Dan jista’ jsir, per eżempju, billi tkun irrekordjata l-produzzjoni ta’ kanali żejda mgħammra bi transducers finti. Jekk jinkisbu sinjali ta’ produzzjoni sinifikanti għandha tittieħed azzjoni korrettiva, per eżempju billi jinbidlu l-kejbils.

2.8.   L-għażla u l-indikazzjoni tal-kanal tad-dejta

Il-CAC u l-CFC jiddefinixxu kanal tad-dejta.

Il-CAC għandu jkun 1, 2 jew 5 immultiplikat bih innifsu għal għaxar darbiet.

3.   L-IMMUNTAR TAT-TRANSDUCERS

It-transducers għandhom ikunu mwaħħlin sew ħalli l-irrekordjar tagħhom ikunu affettwati l-inqas possibbli mill-vibrazzjoni. Kwalunkwe immuntar li għandu l-iktar frekwenza baxxa ta’ reżonanza daqs, mill-inqas, 5 darbiet il-frekwenza FH tal-kanal tad-dejta kkunsidrat għandu jitqies validu. It-transducers tal-aċċellerazzjoni, b’mod partikolari, għandhom ikunu mmuntati b’tali mod li l-angolu inizjali tal-assi tal-kejl reali mal-assi korrispondenti tas-sistema tal-assi ta’ referenza ma jkunx ikbar minn 5°, sakemm ma ssirx valutazzjoni analitika jew sperimentali tal-effett tal-immuntar fuq id-dejta miġbura. Meta għandhom jitkejlu l-aċċellerazzjonijiet ta’ diversi assi f’punt wieħed, kull assi ta’ transducer tal-aċċellerazzjoni għandu jgħaddi mhux aktar minn 10 mm minn dak il-punt, u ċ-ċentru tal-massa sismika ta’ kull aċċelerometru trid tkun ta’ mhux aktar minn 30 mm minn dak il-punt.

4.   L-IRREĠISTRAR

4.1.   Ir-rekorder analogu manjetiku

L-ispid tat-tejp trid tkun stabbli sa mhux aktar minn 0,5 fil-mija tal-ispid tat-tejp użat. Il-proporzjon tas-sinjal għal tfixkil tar-rekorder irid ikun ta’ mhux inqas minn 42 dB fl-ispid massimu tat-tejp. It-tagħwiġ armoniku totali irid ikun ta’ mhux inqas minn 3 fil-mija u l-iżball tal-kwalità lineari jrid ikun inqas minn 1 fil-mija tal-marġni tal-kejl.

4.2.   Ir-rekorder diġitali manjetiku

L-ispid tat-tejp irid ikun stabbli sa mhux aktar minn 10 fil-mija tal-ispid tat-tejp użat.

4.3.   It-tejprikorder tal-karti

F’każ ta’ reġistrazzjoni diretta tad-dejta, l-ispid tal-karta f’mm/s irid ikun ta’ mill-inqas 1,5 drabi tan-numru li jirrappreżenta FH f’Hz. F’każijiet oħra, l-ispid tal-karta għandu jkun tali li tintlaħaq riżoluzzjoni ekwivalenti.

5.   L-IPROĊESSAR TAD-DEJTA

5.1.   L-iffiltrar

L-iffiltrar li jikkorrispondi għall-frekwenzi tal-klassi tal-kanal tad-dejta jista’ jsir jew matul ir-reġistrazzjoni jew l-ipproċessar tad-dejta. Madankollu, qabel ir-reġistrazzjoni, għandu jsir iffiltrar analoġiku f’livell ogħla mill-CFC sabiex jintuża mill-inqas 50 fil-mija tal-limitu dinamiku tar-rekorder u biex jitnaqqas ir-riskju li r-rekorder ma jlaħħaqx ma’ frekwenzi għolja jew li dawn iwasslu għal żbalji li jġibu tagħwiġ statiku fil-ħoss diġitali minħabba r-rata baxxa ta’ teħid ta’ kampjun.

5.2.   Il-konverżjoni f’sinjal diġitali

5.2.1.   Il-frekwenza tal-ġbir ta’ kampjuni

Il-frekwenza tal-ġbir ta’ kampjuni għandha tkun daqs, mill-inqas, 8 FH. Fil-każ ta’ reġistrazzjoni analoġika, meta l-veloċitajiet tal-irreġistrar u tal-qari huma differenti, il-frekwenza tal-ġbir ta’ kampjuni tista’ tkun diviża bil-proporzjon tal-ispid.

5.2.2.   Ir-riżoluzzjoni tal-estensjoni

Id-daqs tal-kliem diġitali ma għandux ikun ta’ inqas minn 7 bits u bit ta’ parità (il-kwalità biż-żewġ jew bil-fart tan-numri 1 jew 0 f’kowd binarju, ta’ spiss użat biex tkun iddeterminata l-integrità tad-dejta, l-aktar wara t-trażmissjoni).

6.   IL-PREŻENTAZZJONI TAR-RIŻULTATI

Ir-riżultati jridu jkunu ppreżentati fuq karta ta’ daqs A4 (ISO/R 216). Ir-riżultati ppreżentati bħala dijagrammi għandu jkollhom l-assi skont il-qisien b’unità ta’ kejl li tikkorrispondi għal multiplu xieraq tal-unità magħżula (per eżempju, 1, 2, 5, 10, 20 millimetri). Għandhom jintużaw unitajiet SI, għajr għall-veloċità tal-vettura, fejn jista’ jintuża km/s, u għal aċċellerazzjonijiet kkawżati minn impatt fejn tista’ tintuża g, b’g = 9,81 m/s2.

Il-kurva tar-rispons tal-frekwenza

ANNESS 9

ID-DEFINIZZJONI TAL-OSTAKLU LI JISTA’ JIĠI DDEFORMAT

1.   L-ISPEĊIFIKAZZJONIJIET GĦALL-KOMPONENTI U GĦALL-MATERJALI

Id-dimensjonijiet tal-ostaklu jintwerew fl-Istampa 1 ta’ dan l-Anness. Id-dimensjonijiet tal-komponenti individwali tal-ostaklu huma elenkati b’mod separat aktar ’l isfel.

1.1.   Il-blokka prinċipali tal-arranġament ta’ sezzjonijiet eżagonali

Dimensjonijiet:

Id-dimensjonijiet kollha t’hawn fuq għandhom jippermettu tolleranza ta’ ± 2,5 mm

1.2.   L-element tal-bamper

Dimensjonijiet:

Id-dimensjonijiet kollha t’hawn fuq għandhom jippermettu tolleranza ta’ ± 2,5 mm

1.3.   Il-folja ta’ wara

Dimensjonijiet

1.4.   Il-folja tal-kisi

Dimensjonijiet

1.5.   Il-folja ta’ kisi tal-bamper

2.   IĊ-ĊERTIFIKAZZJONI TAL-ALUMINJU F’ARRANĠAMENT TA’ SEZZJONIJIET EŻAGONALI

Proċedura sħiħa tal-ittestjar għaċ-ċertifikazzjoni ta’ aluminju f’arranġament ta’ sezzjonijiet eżagonali tingħata f’NHTSA TP-214D. Dan li ġej huwa ġabra fil-qosor tal-proċedura li trid tkun applikata għall-materjali għall-ostaklu tal-impatt frontali, b’dawn il-materjali jkollhom saħħa tat-tfarrik ta’ 0,342 MPa u 1,711 MPa rispettivament.

2.1.   Fejn jinsabu l-kampjuni

Sabiex tkun assigurata uniformità ta’ saħħa tat-tfarrik mal-faċċata kollha tal-ostaklu, għandhom jittieħdu tmien kampjuni minn erba’ postijiet spazjati b’mod uniformi mal-blokka b’arranġament tas-sezzjonijiet eżagonali. Biex il-blokka tgħaddi miċ-ċertifikazzjoni, seba’ minn dawn it-tmien kampjuni għandhom jissodisfaw l-obbligi tas-saħħa ta’ tfarrik tas-sezzjonijiet li ġejjin.

Fejn jinsabu l-kampjuni jiddependi mid-daqs tal-blokka b’arranġament tas-sezzjonijiet eżagonali. L-ewwelnett, erba’ kampjuni, kull wieħed b’daqs ta’ 300 mm × 300 mm × 50 mm ta’ ħxuna għandhom jitqattgħu mill-blokka tal-materjal tal-faċċata tal-ostaklu. Jekk jogħġbok irreferi għall-Istampa 2 sabiex tara kif issib fejn qegħdin dawn is-sezzjonijiet fil-blokka b’arranġament tas-sezzjonijiet eżagonali. Kull wieħed minn dawn il-kampjuni aktar kbar għandu jitqatta’ f’kampjuni għall-ittestjar ta’ ċertifikazzjoni (150 mm × 150 mm × 50 mm). Iċ-ċertifikazzjoni għandha tkun ibbażata fuq l-ittestjar ta’ żewġ kampjuni minn kull wieħed minn dawn l-erba’ postijiet. It-tnejn l-oħra jridu jkunu disponibbli għall-applikant, meta jintalbu.

2.2.   Id-daqs tal-kampjun

Għandhom jintużaw kampjuni b’dawn id-daqsijiet għall-ittestjar:

Il-ġnub ta’ ċelluli mhux kompluti madwar it-tarf tal-kampjun għandhom ikunu mnaqqsa kif ġej:

2.3.   Il-kejl tal-erja

It-tul tal-kampjun għandu jitkejjel fi tliet postijiet, 12.7 mm minn kull tarf u fin-nofs, u rreġistrat bħala L1, L2 u L3 (l-Istampa 3). Bl-istess mod, il-wisa’ għandha titkejjel u tkun irreġistrata bħala W1, W2 u W3 (l-Istampa 3). Dawn il-qisien għandhom jitkejlu mil-linja taċ-ċentru tal-ħxuna. L-erja tat-tfarrik għandha għalhekk tkun ikkalkulata bħala:

2.4.   Ir-rata u d-distanza tat-tfarrik

Il-kampjun għandu jkun imfarrak b’rata ta’ mhux inqas minn 5,1 mm/min u mhux aktar minn 7,6 mm/min. Id-distanza minima ta’ tifrik għandha tkun ta’ 16,5 mm.

2.5.   Il-ġbir tad-dejta

Id-dejta dwar il-forza kontra l-liwi għandha tinġabar jew f’forma analoga jew f’forma diġitali għal kull kampjun ittestjat. Jekk tinġabar dejta analoga allura għandu jkun disponibbli mezz kif din tinqaleb għal forma diġitali. Id-dejta diġitali kollha għandha tinġabar b’rata ta’ mhux inqas minn 5 Hz (5 punti għal kull sekonda).

2.6.   Id-determinazzjoni tas-saħħa ta’ tfarrik

Injora kull dejta ta’ qabel is-6,4 mm ta’ tfarrik u wara s-16.5 mm ta’ tfarrik. Iddividi d-dejta li tibqa’ fi tliet sezzjonijiet jew intervalli ta’ spostament (n = 1, 2, 3) (ara l-Istampa 4) kif ġej:

Sib il-medja għal kull sezzjoni kif ġej:

; m = 1,2,3

fejn m tirrappreżenta n-numru ta’ punti ta’ dejta mkejla f’kull wieħed mit-tliet intervalli. Ikkalkula s-saħħa tat-tfarrik ta’ kull sezzjoni kif ġej:

; n = 1,2,3

2.7.   L-ispeċifikazzjoni għas-saħħa tat-tfarrik tal-kampjun

Sabiex kampjun b’arranġament ta’ sezzjonijiet eżagonali jgħaddi minn din iċ-ċertifikazzjoni, għandhom jintlaħqu l-kundizzjonijiet li ġejjin:

2.8.   L-ispeċifikazzjoni għas-saħħa tat-tfarrik tal-blokka

Tmien kampjuni jridu jiġu ttestjati minn erba’ postijiet, spazjati b’mod uniformi tul il-blokka. Sabiex blokka tgħaddi miċ-ċertifikazzjoni, sebgħa mit-tmien kampjuni għandhom jilħqu l-ispeċifikazzjoni ta’ saħħa tat-tfarrik tas-sezzjoni ta’ qabel.

3.   IL-PROĊEDURA TAL-IRBIT B’SUSTANZA LI TWAĦĦAL

3.1.   Immedjatament qabel jintrabtu, l-uċuh tal-folji tal-aluminju li jridu jintrabtu għandhom jitnaddfu sew bl-użu ta’ solvent xieraq, bħall-1-1-1 Trikloroetan. Dan għandu jsir mill-inqas darbtejn jew kemm ikun meħtieġ sabiex jitneħħew depożiti ta’ griż jew ħmieġ. L-uċuh imnaddfa mbagħad għandhom jinbarxu bl-użu ta’ karta għall-brix biż-żrar 120. Ma għandhiex tintuża karta tal-brix Metallika/Karbur tas-Silikon. L-uċuh għandhom jinbarxu sew u l-karta tal-brix għandha tinbidel b’mod regolari matul il-proċess sabiex ikun evitat li jistaddu, li jista’ jwassal biex l-uċuh ikunu llustrati. Wara l-brix, l-uċuh għandhom jitnaddfu sew għal darb’oħra, kif imsemmi hawn fuq. B’kollox, l-uċuh għandhom jitnaddfu permezz ta’ solvent għal mill-inqas erba’ darbiet. Il-ħmieġ u d-depożiti kollha li jibqgħu mill-proċess tal-brix għandhom jitneħħew, għaliex dawn jaffettwaw l-irbit b’mod ħażin.

3.2.   Is-sustanza li twaħħal għandha tkun applikata ma’ faċċata waħda biss, bl-użu ta’ romblu tal-lastku bil-linji mqabbża ’l barra. Fil-każi fejn arranġament ta’ sezzjonijiet eżagonali ser tintrabat ma’ folja tal-aluminju, is-sustanza li twaħħal għandha tkun applikata biss fuq il-folja tal-aluminju.

Għandu jkun applikat b’mod uniformi massimu ta’ 0,5 kg/m2 fuq il-faċċata, li jagħti ħxuna massima tal-filament ta’ 0,5 mm.

4.   IL-KOSTRUZZJONI

4.1.   Il-blokka prinċipali b’arranġament ta’ sezzjonijiet eżagonali għandha tintrabat mal-folja ta’ wara b’sustanza li twaħħal tali li l-assi taċ-ċelluli jkunu perpendikulari għall-folja. Il-kisi għandu jitwaħħal mal-faċċata ta’ quddiem tal-blokka b’arranġament ta’ sezzjonijiet eżagonali. L-uċuh ta’ fuq u t’isfel tal-folja tal-kisi ma għandhomx jintrabtu mal-blokka b’arranġament ta’ sezzjonijiet eżagonali prinċipali imma għandhom jitiqiegħdu qribha. Il-folja tal-kisi għandha tintrabat b’sustanza li twaħħal mal-folja ta’ wara mal-flanġi tal-immuntar.

4.2.   L-element tal-bamper għandu jintrabat permezz ta’ sustanza li twaħħal mal-parti ta’ quddiem tal-folja tal-kisi b’tali mod li l-assi taċ-ċelluli jkunu perpendikulari għall-folja. Il-qiegħ tal-element tal-bamper għandu jkun flaxx mal-wiċċ tal-qiegħ tal-folja tal-kisi. Il-folja tal-kisi tal-bamper għandha tintrabat b’sustanza li twaħħal mal-parti ta’ quddiem tal-element tal-bamper.

4.3.   L-element tal-bamper għandu mbagħad jitqassam fi tliet sezzjonijiet indaqs permezz ta’ żewġ xquq orizzontali. Dawn ix-xquq għandhom jinqatgħu tul il-fond kollu tas-sezzjoni tal-bamper u jestendu għall-wisa’ kollu tal-bamper. L-ixquq għandhom jinqatgħu permezz ta’ serrieq; il-wisa’ tagħhom għandha tkun il-wisa’ tax-xafra użata u ma għandhiex tkun aktar minn 4,0 mm.

4.4.   It-toqob biex jiġi mmuntat l-ostaklu għandhom jittaqqbu bit-trapan fil-flanġi tal-immuntar (kif muri fl-Istampa 5). It-toqob għandu jkollhom dijametru ta’ 9,5mm. Għandhom jittaqqbu bit-trapan ħames toqbiet fil-flanġ ta’ fuq f’distanza ta’ 40 mm mix-xifer ta’ fuq u ħamsa fil-flanġ t’isfel, 40 mm mix-xifer tal-qiegħ ta’ dak il-flanġ. It-toqob għandhom ikunu f’100 mm, 300 mm, 500 mm, 700 mm, 900 mm minn kull naħa tal-ostaklu. It-toqob kollha għandhom jittaqqbu bit-trapan b’varjazzjoni ta’ ± 1 mm mid-distanzi nominali. Il-postijiet tat-toqob li ngħataw huma biss rakkomandazzjoni. Jistgħu jintużaw pożizzjonijiet alternattivi li tal-inqas joffru saħħa għall-immuntar u sigurtà pprovduta mill-ispeċifikazzjonijiet għall-immuntar imsemmija hawn fuq.

5.   L-IMMUNTAR

5.1.   L-ostaklu li jista’ jiġi ddeformat għandu jitwaħħal sew tant li ma jiċċaqlaqx mat-tarf ta’ massa ta’ mhux inqas minn 7 x 104 kg jew ma’ xi struttura mwaħħla ma’ dan. It-twaħħil tal-faċċata tal-ostaklu għandu jkun tali li l-vettura ma tidħol f’kuntatt mal-ebda parti tal-istruttura għal aktar minn 75 mm mis-wiċċ ta’ fuq tal-ostaklu (eskluż il-flanġ ta’ fuq) matul kwalunkwe stadju tal-impatt (2). Il-faċċata ta’ quddiem tal-wiċċ li miegħu huwa mwaħħal l-ostaklu li jista’ jiġi ddeformat għandha tkun ċatta u kontinwa fuq l-għoli u l-wisa’ tal-faċċata u għandha tkun vertikali b’varjazzjoni ta’ ± 1° u perpendikulari b’varjazzjoni ta’ ± 1° għall-assi tal-mogħdija tar-rankatura. Il-wiċċ imwaħħal ma għandux ikun imċaqlaq minn postu b’iktar minn 10 mm matul it-test. Jekk ikun neċessarju, għandu jintuża aktar ankoraġġ jew tagħmir li jwaqqaf sabiex ma jħallix li l-blokka tal-konkrit tiċċaqlaq minn postha. It-tarf tal-ostaklu li jista’ jiġi ddeformat għandu jinġieb f’linja mat-tarf tal-blokka tal-konkrit xierqa għall-ġenb tal-vettura li ser ikun ittestjat.

5.2.   L-ostaklu li jista’ jiġi ddeformat għandu jitwaħħal mal-blokka tal-konkrit permezz ta’ għaxar viti, ħamsa fil-flanġ tal-immuntar ta’ fuq u ħamsa f’tal-qiegħ. Dawn il-viti għandu jkollhom dijametru ta’ mill-inqas 8 mm. Strixxi tal-azzar li jrossu b’morsa għandhom jintużaw kemm għall-flanġi tal-immuntar ta’ fuq u kemm għal dawk t’isfel (ara l-Istampi 1 u 5). Dawn l-istrixxi għandhom ikunu għoljin 60 mm u wesgħin 1 000 mm u jkollhom ħxuna ta’ mill-inqas 3 mm. It-truf tal-istrixxili jrossu b’morsa għandhom ikunu llixxati sabiex l-ostaklu ma jitqattax mal-istrixxa waqt l-impatt. It-tarf tal-istrixxa għandu jitqiegħed mhux aktar minn 5 mm ’il fuq mill-bażi tal-flanġ li jiġi mmuntat fuq il-parti ta’ fuq tal-ostaklu, jew 5 mm ’l isfel mill-parti ta’ fuq tal-flanġ li jiġi mmuntat fuq il-parti t’isfel tal-ostaklu. Ħames toqob biex jiġi mmuntat l-ostaklu b’dijametru ta’ 9,5 mm jridu jittaqqbu bit-trapan fiż-żewġ strixxi sabiex jikkorrispondu ma’ dawk fil-flanġ tal-immuntar ta’ fuq l-ostaklu (ara l-paragrafu 4). L-istrixxa tal-immuntar u t-toqob tal-flanġ tal-ostaklu jistgħu jitwessgħu minn 9,5 mm sa massimu ta’ 25 mm sabiex jikkumpensaw għad-differenzi fl-arranġamenti tal-pjanċa ta’ wara u/jew il-konstampazzjonijiet tat-toqob fil-ħajt taċ-ċelluli tal-piż. L-ebda wieħed mill-apparat ma għandu jfalli fit-test tal-impatt. Fil-każ fejn l-ostaklu li jista’ jiġi ddeformat huwa mmuntat fuq ħajt taċ-ċelluli tal-piż (LCW) ta’ min jinnota li l-kundizzjonijiet meħtieġa għad-dimensjonijiet tal-immuntar t’hawn fuq huma maħsuba bħala l-minimu. Fejn huwa preżenti LCW, l-istrixxi tal-immuntar jistgħu jkunu estiżi sabiex jiġu adatti t-toqob tal-immuntar ogħla għall-viti. Jekk hemm bżonn li l-istrixxi jkunu estiżi, allura għandu jintuża azzar eħxen skont il-ħtieġa, b’tali mod li l-ostaklu ma jinġibidx mill-ħajt, jitgħawweġ jew jitqatta’ matul l-impatt. Jekk jintuża metodu alternattiv għall-immuntar tal-ostaklu, għandu jkun tal-inqas żgur daqs dak speċifikat fil-paragrafi t’hawn fuq.

Stampa 1

L-ostaklu li jista’ jiġi ddeformat għall-ittestjar ta’ impatt frontali

Stampa 2

Fejn jinsabu l-kampjuni għaċ-ċertifikazzjoni

Stampa 3

L-assi tal-arranġament b’sezzjonijiet eżagonali u d-dimensjonijiet imkejla

Stampa 4

Il-forza tat-tfarrik u l-ispostament

Stampa 5

Il-pożizzjonijiet tat-toqob biex jiġi mmuntat ostaklu

(1)  Skont il-proċedura ta' ċertifikazzjoni deskritta fil-paragrafu 2 ta' dan l-anness.

(2)  Massa li tarfha huwa bejn 125 mm u 925 mm għoli u mill-inqas 1 000 mm fond titqies li tissodisfa r-rekwiżit.

ANNESS 10

IL-PROĊEDURA TA’ ĊERTIFIKAZZJONI GĦALL-PARTI T’ISFEL TAR-RIĠEL U TAS-SIEQ TAL-MANIKIN

1.   IT-TEST TAL-IMPATT TAL-PARTI TA’ FUQ TAS-SIEQ

1.1.   L-għan ta’ dan it-test huwa li titkejjel ir-reazzjoni tas-sieq u tal-għaksa tal- Hybrid III għall-impatti frontali qawwija b’moviment ta’ pendlu li huma ddefiniti sew.

1.2.   L-immuntar komplet tal-parti t’isfel tar-riġel tal-Hybrid III, tax-xellug (86-5001-001) u tal-lemin (86-5001-002), mgħammar bl-immuntar tas-sieq u tal-għaksa, tax-xellug (78051-614) u tal-lemin (78051-615), għandu jintuża, inkluż l-immuntar tal-irkoppa.

Is-simulatur taċ-ċellula tat-tagħbija (78051-319 Rev A) għandu jintuża biex jorbot sew l-immuntar tal-irkoppa (79051-16 Rev B) mal-apparat tat-test.

1.3.   Il-proċedura tat-test