26.6.2012   

MT

Il-Ġurnal Uffiċjali tal-Unjoni Ewropea

L 165/1

(1)

F’Marzu 2005, il-Kummissjoni bdiet investigazzjoni (2) fir-rigward tal-importazzjonijiet ta’ ċerti pajpijiet u tubi mingħajr saldaturi (“SPT”) li joriġinaw, fost l-oħrajn, mill-Ukraina (“investigazzjoni oriġinali”). F’Ġunju 2006 ġew imposti dazji antidumping definittivi mir-Regolament tal-Kunsill (KE) Nru 954/2006 (3). Barra minn hekk, fit-30 ta’ Novembru 2007, il-Kummissjoni ppubblikat Avviż f’Il-Ġurnal Uffiċjali tal-Unjoni Ewropea, li jirrifletti bidla fl-isem ta’ żewġ produtturi esportaturi Ukraini (4).

(2)

Fit-8 ta’ Settembru 2006, Interpipe Nikopolsky Seamless Tubes Plant Niko Tube u Interpipe Nizhnedneprovsky Tube Rolling Plant (“il-grupp Interpipe” jew “l-applikanti”) ressqu talba (5) quddiem il-Qorti tal-Prim’Istanza tal-Komunitajiet Ewropej (“QPI”) sabiex jiġi annullat ir-Regolament (KE) Nru 954/2006 safejn dan jaffettwa lilhom.

(3)

Fir-rigward ta’ CJSC Nikopolosky Seamless Tubes Plant Niko Tube u OJSC Nizhnedneprovsky Tube Rolling Plant (NTRP), ġie mfakkar li l-ismijiet tal-kumpaniji tagħhom tbiddlu fi Frar 2007 għal CJSC Interpipe Nikopolsky Seamless Tubes Plant Niko Tube u OJSC Interpipe Nizhnedneprovsky Tube Rolling Plant, rispettivament (6). Sussegwentement, CJSC Interpipe Nikopolsky Seamless Tubes Plant Niko Tube twaqqfet bħala entità legali u d-drittijiet u l-obbligi kollha tagħha tal-proprjetà u dawk li mhumiex tal-proprjetà ttieħdu minn LLC Interpipe Niko Tube, li ġiet stabbilita f’Diċembru 2007.

(4)

Bis-sentenza tagħha tal-10 ta’ Marzu 2009 (7), il-QPI annullat l-Artikolu 1 tar-Regolament (KE) Nru 954/2006 sakemm id-dazju antidumping iffissat għall-esportazzjonijiet mill-applikanti jaqbeż dak li kien ikun applikabbli kieku l-prezz tal-esportazzjoni ma kienx ġie aġġustat għal kummissjoni meta sar il-bejgħ permezz tal-kumpanija tal-bejgħ relatata.

(5)

Il-Kunsill tal-Unjoni Ewropea u l-Kummissjoni, kif ukoll l-applikanti, ressqu appelli li jitolbu lill-Qorti tal-Ġustizzja tal-Unjoni Ewropea (“ECJ”) biex tħassar is-sentenza tal-QPI tal-10 ta’ Marzu 2009. Fis-16 ta’ Frar 2012, l-ECJ ċaħdet l-appelli u l-kontroappell (“is-Sentenza”) (8) u għalhekk ikkonfermat is-sentenza tal-QPI (issa l-Qorti Ġenerali) tal-10 ta’ Marzu 2009.

(6)

Konsegwentement l-Artikolu 1 tar-Regolament (KE) Nru 954/2006 ġie annullat sakemm id-dazju antidumping impost fuq l-esportazzjonijiet lejn l-Unjoni Ewropea ta’ oġġetti magħmula u esportati mill-grupp Interpipe ikun qabeż dak li kien ikun applikabbli li kieku l-prezz tal-esportazzjoni ma kienx ġie aġġustat għal kummissjoni meta sar il-bejgħ permezz tal-kumpanija tal-bejgħ relatata.

(7)

Huwa rikonoxxut mill-Qrati (9) li, f’kawżi fejn il-proċediment fih bosta stadji, l-annullament ta’ wieħed minn dawn l-istadji ma jannullax il-proċediment kollu. Il-proċediment antidumping huwa eżempju ta’ proċediment b’bosta stadji. Għaldaqstant, l-annullament ta’ partijiet tar-Regolament antidumping definittiv ma jimplikax l-annullament tal-proċediment kollu qabel l-adozzjoni tar-Regolament inkwistjoni. Min-naħa l-oħra, skont l-Artikolu 266 tat-Trattat dwar il-Funzjonament tal-Unjoni Ewropea, l-istituzzjonijiet tal-Unjoni huma obbligati jikkonformaw mas-Sentenza tal-Qrati tal-Unjoni Ewropea. Għalhekk, l-Istituzzjonijiet tal-Unjoni, meta jikkonformaw mas-Sentenza, għandhom il-possibbiltà li jirrimedjaw l-aspetti tar-Regolament ikkontestat li wasslu għall-annullament tiegħu, filwaqt li ma jbiddlux il-partijiet mhux ikkontestati li mhumiex affettwati mis-Sentenza (10).

(8)

Dan ir-Regolament jara li jiġu kkoreġuti l-aspetti tar-Regolament (KE) Nru 954/2006 li nstab li kienu inkonsistenti mar-Regolament bażiku, u li għalhekk wasslu biex jiġu annullati partijiet ta’ dak ir-Regolament. Is-sejbiet l-oħra kollha li saru fir-Regolament (KE) Nru 954/2006 jibqgħu validi.

(9)

Għalhekk, skont l-Artikolu 266 tat-Trattat dwar il-Funzjonament tal-Unjoni Ewropea, ir-rata ta’ dazju antidumping għall-grupp Interpipe ġiet ikkalkulata mill-ġdid abbażi tas-Sentenza.

(10)

F’dan ir-Regolament, l-aspett indirizzat tas-Sentenza huwa l-kalkolazzjoni tal-marġni tad-dumping, b’mod iżjed speċifiku l-kalkolazzjoni tal-aġġustament li sar fil-prezz tal-esportazzjoni għal differenzi fil-kummissjonijiet skont l-Artikolu 2(10)(i) tar-Regolament bażiku.

(11)

Kif spjegat fil-premessi (131) u (134) tar-Regolament (KE) Nru 954/2006, il-prezz tal-esportazzjoni kien aġġustat għal kummissjonijiet skont l-Artikolu 2(10)(i) tar-Regolament bażiku għal bejgħ li sar permezz tal-kumpanija tal-bejgħ relatata.

(12)

Il-QPI, fis-Sentenza tagħha sabet, u iktar tard l-ECJ ikkonfermat, li l-Istituzzjonijiet tal-Unjoni, fit-tqabbil tal-valur normali mal-prezz tal-esportazzjoni, ma kellhomx jagħmlu aġġustament għal kummissjonijiet f’dan il-każ partikolari.

(13)

Għalhekk, il-marġni tad-dumping ġie kkalkulat mill-ġdid mingħajr ma ġie aġġustat il-prezz tal-esportazzjoni għal differenzi fil-kummissjonijiet.

(14)

It-tqabbil ta’ dan il-prezz medju peżat tal-esportazzjoni li ġie kkalkulat mill-ġdid mal-medja peżata tal-valur normali kif misjub waqt l-investigazzjoni oriġinali skont it-tip tal-prodott meta joħroġ mill-fabbrika wera li jeżisti dumping. Il-marġni stabbilit tad-dumping, espress bħala persentaġġ tal-prezz tal-importazzjoni tas-CIF mal-fruntiera tal-Unjoni, bid-dazju mhux imħallas, huwa ta’ 17,7 %.

(15)

Il-partijiet interessati kollha li huma kkonċernati bl-implimentazzjoni tas-Sentenza ġew mgħarrfa bil-proposta ta’ reviżjoni tar-rati tad-dazju antidumping applikabbli għall-grupp Interpipe. Huma ngħataw ukoll perjodu li matulu setgħu jagħmlu rappreżentazzjonijiet wara dan l-iżvelar skont id-dispożizzjonijiet tar-Regolament bażiku.

(16)

Abbażi tar-rata tad-dazju applikabbli hawn fuq għall-grupp Interpipe għandha tiġi emendata kif xieraq. Ir-rata emendata għandha tapplika b’lura mit-30.6.2006 (id-data meta r-Regolament (KE) Nru 954/2006 daħal fis-seħħ), f’dan is-sens: ħlas lura u remissjoni jridu jintalbu mill-awtoritajiet doganali nazzjonali skont il-leġiżlazzjoni doganali applikabbli. Pereżempju, jekk ħlas lura jew remissjoni jintalab skont l-Artikolu 236(2) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi Kodiċi Doganali Komunitarju (11), fil-prinċipju, dan irid jingħata biss jekk it-talba tkun saret meta titressaq applikazzjoni lill-uffiċċju doganali xieraq f’perjodu ta’ tliet snin mid-data li fiha l-ammont ta’ dawk id-dazji jkun ġie kkomunikat lid-debitur. (Pereżempju, jekk id-dazju nġabar ftit wara d-dħul fis-seħħ tar-Regolament (KE) Nru 954/2006, u t-talba għal rimborż saret fi żmien tliet snin mid-data li fiha l-ammont ta’ dazji jkun ġie kkomunikat lid-debitur, normalment it-talba għandha tingħata, sakemm din tissodisfa wkoll ir-rekwiżiti l-oħra kollha),

26.6.2012   

MT

Il-Ġurnal Uffiċjali tal-Unjoni Ewropea

L 165/4

(1)

Fl-1995, il-Kunsill, permezz tar-Regolament (KE) Nru 95/95 (2), impona dazju antidumping definittiv fil-forma ta’ dazju speċifiku fuq l-importazzjonijiet tal-furfuraldeid li joriġinaw mir-Repubblika Popolari taċ-Ċina (“RPĊ” jew “il-pajjiż ikkonċernat”) (“il-miżuri antidumping oriġinali”). Ir-rata speċifika ta’ dazju ġiet stabbilita għal EUR 352 kull tunnellata.

(2)

Wara reviżjoni interim li ngħatat bidu f’Mejju 1997 fuq talba ta’ esportatur Ċiniż, permezz tar-Regolament tal-Kunsill (KE) Nru 2722/1999 (3), il-miżuri nżammu għal perjodu ieħor ta’ erba’ snin.

(3)

F’April 2005, il-Kunsill, wara reviżjoni tal-iskadenza, estenda l-miżuri għal perjodu ieħor ta’ ħames snin permezz tar-Regolament (KE) Nru 639/2005 (4).

(4)

F’Mejju 2011, wara reviżjoni oħra tal-iskadenza, il-Kunsill estenda l-miżuri għal perjodu ieħor ta’ ħames snin, permezz tar-Regolament ta’ Implimentazzjoni (UE) Nru 453/2011 (5). Ir-rata speċifika tad-dazju kienet stabbilita fl-istess livell bħal fil-miżuri antidumping oriġinali, jiġifieri EUR 352 kull tunnellata.

(5)

Il-premessa (84) tar-Regolament ta’ Implimentazzjoni (UE) Nru 453/2011 tgħid li l-Kunsill qies li kien xieraq li jiġi vvalutat jekk il-livell tad-dazju kienx għadu relevanti, billi d-dazju speċifiku kien ġie stabbilit fuq il-bażi tas-sejbiet tal-investigazzjoni oriġinali fl-1995 u qatt ma ġie rivedut. Għalhekk, il-Kummissjoni tikkunsidra tagħti bidu ex officio għal reviżjoni interim konformi mal-Artikolu 11(3) tar-Regolament bażiku.

(6)

Wara li ddeterminat li kien hemm biżżejjed evidenza prima facie għad-dispożizzjoni tagħha għall-bidu ta’ reviżjoni interim ex officio, u wara konsultazzjoni mal-Kumitat Konsultattiv, il-Kummissjoni ħabbret fil-5 ta’ Lulju 2011, f’notifika ppubblikata f’Il-Ġurnal Uffiċjali tal-Unjoni Ewropea  (6) (“in-notifika ta’ bidu”), il-bidu ta’ reviżjoni interim skont l-Artikolu 11(3) tar-Regolament bażiku.

(7)

L-investigazzjoni dwar id-dumping kopriet il-perjodu bejn l-1 ta’ Lulju 2010 u t-30 ta’ Ġunju 2011 (“il-perjodu tal-investigazzjoni tar-reviżjoni” jew “il-PIR”). L-eżami tax-xejriet rilevanti għall-valutazzjoni tal-ħsara kopra l-perjodu bejn l-1 ta’ Jannar 2008 u tmiem il-perjodu tal-investigazzjoni tar-reviżjoni (“il-perjodu kkunsidrat”).

(8)

Il-Kummissjoni avżat uffiċjalment lill-industrija tal-Unjoni, lill-produtturi esportaturi fil-pajjiż ikkonċernat, lill-importaturi, lill-utenti magħrufa li huma kkonċernati, u lill-awtoritajiet tal-pajjiż ikkonċernat dwar il-bidu tar-reviżjoni interim.

(9)

Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta ta’ smigħ fil-limitu taż-żmien stipulat fin-notifika ta’ bidu.

(10)

Minħabba li jidher li hemm għadd kbir ta’ produtturi esportaturi fir-RPĊ, tqies xieraq li jiġi eżaminat jekk għandux jittieħed kampjun, skont l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk ikunx meħtieġ li jittieħed kampjun u, jekk iva, biex jintgħażel kampjun, il-produtturi esportaturi fir-RPĊ intalbu jagħtu d-dettalji tagħhom fi żmien 15-il jum mill-bidu tar-reviżjoni u jipprovdu lill-Kummissjoni bl-informazzjoni mitluba fin-notifika ta’ bidu. Billi l-ebda produttur esportatur ma ppreżenta ruħu biex jikkopera, ma kienx hemm bżonn jittieħed kampjun.

(11)

Il-Kummissjoni bagħtet kwestjonarji lill-partijiet kollha magħrufa li huma kkonċernati. L-ebda parti oħra ma ppreżentat ruħha qabel l-iskadenzi stipulati fin-notifika ta’ bidu.

(12)

Ma waslu l-ebda tweġibiet tal-kwestjonarji la miż-żewġ produtturi tal-Unjoni, la mill-produtturi esportaturi Ċiniżi u lanqas minn importaturi jew utenti. Produttur wieħed fil-pajjiż analogu, l-Arġentina, wieġeb il-kwestjonarju.

(13)

Minħabba n-nuqqas ta’ koperazzjoni mill-partijiet, ma sarux żjarat ta’ verifika.

(14)

Il-prodott ikkonċernat minn din ir-reviżjoni huwa l-istess bħal dak fl-investigazzjoni oriġinali u r-reviżjonijiet li ġejjin imsemmijin hawn fuq, jiġifieri l-furfuraldeid li joriġina mir-RPĊ, u li bħalissa għandu l-kodiċi NM 2932 12 00 (“il-prodott ikkonċernat”). Il-furfuraldeid huwa magħruf ukoll bħala 2-furaldeid jew furfural.

(15)

Il-furfuraldeid huwa likwidu isfar ċar b’riħa punġenti karatteristika li jinkiseb bl-ipproċessar ta’ tipi differenti ta’ skart tal-agrikoltura. Il-furfuraldeid għandu żewġ applikazzjonijiet ewlenin: bħala solvent selettiv fir-raffinar taż-żejt mhux maħdum għall-produzzjoni taż-żjut lubrifikanti u bħala materja prima għall-ipproċessar fl-alkoħol furfuril, li jintuża biex issir reżina sintetika għall-forom li jintużaw fil-funderiji.

(16)

Bħalma seħħ fl-investigazzjonijiet ta’ qabel, tqies li l-furfuraldeid prodott fir-RPĊ u esportat lejn l-UE, il-furfuraldeid prodott u mibjugħ fis-suq domestiku tal-pajjiż analogu: l-Arġentina, u l-furfuraldeid immanifatturat u mibjugħ fl-UE mill-produtturi tal-Unjoni għandhom l-istess karatteristiċi fiżiċi u kimiċi bażiċi, u l-istess użi bażiċi. Għalhekk, tqiesu bħala prodotti simili skont it-tifsira tal-Artikolu 1(4) tar-Regolament bażiku.

(17)

L-ebda produttur esportatur Ċiniż ma kkopera fl-investigazzjoni u l-ebda wieħed ma bagħat informazzjoni. Għaldaqstant, is-sejbiet dwar id-dumping stipulati hawn taħt kellhom jiġu bbażati fuq il-fatti disponibbli, b’mod partikolari d-dejta tal-Eurostat, l-istatistika uffiċjali dwar l-esportazzjonijiet tar-RPĊ u l-informazzjoni mibgħuta mill-pajjiż analogu, l-Arġentina.

(18)

Skont l-Artikolu 2(7)(a) tar-Regolament bażiku, il-valur normali ġie ddeterminat skont il-prezz jew il-valur kostrutt miksub f’pajjiż terz b’ekonomija tas-suq xierqa (“il-pajjiż analogu”), jew il-prezz mill-pajjiż analogu għal pajjiżi oħra, inkluża l-Unjoni, jew, fejn dan ma jkunx possibbli, fuq kull bażi oħra raġonevoli, inkluż il-prezz imħallas realment jew li kieku jitħallas fl-Unjoni għall-prodott simili, aġġustat b’mod xieraq jekk ikun meħtieġ biex jinkludi marġni ta’ profitt raġonevoli.

(19)

Bħalma seħħ fl-investigazzjoni oriġinali, fin-notifika ta’ bidu ġiet proposta l-Arġentina bħala l-pajjiż analogu xieraq biex jiġi stabbilit il-valur normali skont l-Artikolu 2(7)(a) tar-Regolament bażiku. Wara l-pubblikazzjoni tan-notifika ta’ bidu, ma wasal l-ebda kumment li jikkonċerna l-pajjiż analogu propost.

(20)

Produttur wieħed tal-furfuraldeid fl-Arġentina kkopera mal-investigazzjoni billi wieġeb kwestjonarju. L-investigazzjoni wriet li l-Arġentina għandha suq kompetittiv għall-furfuraldeid b’madwar 90 % tas-suq fornut bi produzzjoni lokali u l-bqija fornuta bl-importazzjonijiet minn pajjiżi terzi. Il-volum tal-produzzjoni fl-Arġentina jirrappreżenta aktar minn 70 % tal-volum tal-esportazzjonijiet Ċiniżi tal-prodott ikkonċernat lill-UE għall-ipproċessar attiv. Għalhekk is-suq Arġentin tqies bħala rappreżentattiv biżżejjed sabiex jiġi ddeterminat il-valur normali għar-RPĊ.

(21)

Għaldaqstant ġie konkluż, bħal fl-investigazzjonijiet ta’ qabel, li l-Arġentina hija pajjiż analogu xieraq skont l-Artikolu 2(7)(a) tar-Regolament bażiku.

(22)

Il-valur normali ġie stabbilit skont l-informazzjoni mressqa mill-produttur li qed jikkopera fil-pajjiż analogu, jiġifieri skont il-prezz imħallas jew li kieku jitħallas fis-suq domestiku tal-Arġentina minn klijenti li mhumiex relatati, peress li dan il-bejgħ instab li jsir fl-andament normali tal-kummerċ.

(23)

B’riżultat ta’ dan, il-valur normali ġie stabbilit bħala l-prezz tal-bejgħ domestiku medju peżat lil klijenti li mhumiex relatati mill-produttur li kkopera fl-Arġentina.

(24)

L-ewwel ġie stabbilit jekk il-bejgħ domestiku totali tal-prodott simili lill-klijenti indipendenti kienx rappreżentattiv f’konformità mal-Artikolu 2(2) tar-Regolament bażiku, jiġifieri jekk kienx jirrappreżenta 5 % jew aktar tal-volum totali tal-bejgħ tal-prodott ikkonċernat esportat lejn l-UE. Il-bejgħ domestiku tal-produttur li kkopera fl-Arġentina kien rappreżentattiv biżżejjed tul il-PIR.

(25)

Il-Kummissjoni mbagħad eżaminat jekk il-bejgħ domestiku tal-prodott simili jistax jitqies li qed jinbiegħ fl-andament normali tal-kummerċ skont l-Artikolu 2(4) tar-Regolament bażiku. Dan sar billi, għall-prodott simili mibjugħ fis-suq tal-Arġentina, ġie stabbilit il-proporzjon tal-bejgħ domestiku bi profitt lil klijenti indipendenti matul il-PIR. Billi l-bejgħ kollu tal-prodott simili tul il-PIR sar bi profitt, il-valur normali kien imsejjes fuq il-medja peżata tal-bejgħ domestiku kollu.

(26)

Minħabba li l-ebda esportatur Ċiniż lejn l-UE ma kkopera fl-investigazzjoni, il-prezzijiet tal-esportazzjoni ġew stabbiliti skont il-fatti disponibbli. Il-bażi l-aktar xierqa nstabet li kienet l-informazzjoni mogħtija mid-dejta tal-Eurostat fir-rigward tal-importazzjonijiet lejn l-UE tal-prodott ikkonċernat. Għalkemm il-maġġoranza ta’ dawn l-importazzjonijiet saru b’sistema ta’ pproċessar attiv (il-furfuraldeid Ċiniż kompla jiġi pproċessat f’alkoħol furfuril għall-esportazzjoni), ma kien hemm l-ebda raġuni biex jitqies li ma kinux bażi raġonevoli sabiex jiġu stabbiliti l-prezzijiet tal-esportazzjoni.

(27)

Għall-finijiet li jkun żgurat tqabbil ġust bejn il-valur normali u l-prezz tal-esportazzjoni, skont l-Artikolu 2(10) tar-Regolament bażiku, saret konċessjoni dovuta fil-forma ta’ aġġustamenti fir-rigward ta’ ċerti differenzi fit-trasport, il-kostijiet tal-kreditu u l-assigurazzjoni, li affettwaw il-prezzijiet u t-tqabbil tal-prezzijiet.

(28)

F’konformità mal-Artikolu 2(11) tar-Regolament bażiku, il-marġni tad-dumping ġie stabbilit abbażi ta’ tqabbil tal-valur normali medju differenzjat mal-prezzijiet tal-esportazzjoni medji differenzjati fl-istess livell ta’ kummerċ. Dan it-tqabbil wera marġni ta’ dumping ta’ 5,6 %.

(29)

Minbarra l-analiżi tal-eżistenza tad-dumping matul il-PIR, ġiet investigata l-probabbiltà tal-issoktar tad-dumping f’każ li jiġu revokati l-miżuri. Minħabba l-fatt li l-ebda produttur esportatur fir-RPĊ ma kkopera f’din l-investigazzjoni, il-konklużjonijiet hawn taħt huma msejsa fuq il-fatti disponibbli skont l-Artikolu 18 tar-Regolament bażiku.

(30)

F’dan ir-rigward ġew analizzati l-elementi li ġejjin: id-domanda domestika u l-konsum domestiku fiċ-Ċina, u l-iżvilupp tal-esportazzjonijiet Ċiniżi lill-UE bis-sistema tal-ipproċessar attiv (IPR, inward processing regime).

(31)

Skont l-informazzjoni disponibbli, mill-2007 ’l hawn, il-konsum domestiku tal-furfuraldeid fir-RPĊ kien qed jiżdied b’rata iktar mgħaġġla (previżjoni tat-tkabbir annwali medju għall-perjodu bejn l-2007 u l-2012 ta’ madwar 9 %) mill-kapaċità tal-produzzjoni Ċiniża ta’ dak il-prodott (madwar + 6 %). Iż-żieda fil-konsum domestiku Ċiniż tal-furfural jista’ jiġi spjegat fil-biċċa l-kbira mid-domanda dejjem ikbar għall-prodott ipproċessat mill-furfuraldeid, l-alkoħol furfuril. Il-produzzjoni Ċiniża tal-alkoħol furfuril kienet qed tiżdied drastikament mill-1999 ’l hawn, b’mod li tirrifletti enfasi fuq il-manifattura ta’ prodotti b’valur ogħla tal-furfural u domanda ikbar għar-reżina tal-furan mill-industrija tal-funderija.

(32)

Barra minn hekk, id-domanda domestika għaċ-ċifċiegħa tal-qamħirrum, il-materja prima ewlenija li jużaw il-produtturi Ċiniżi tal-furfuraldeid, kienet qed tiżdied. Minżabba l-popolazzjoni globali dejjem ikbar, speċjalment fir-RPĊ u l-Indja, u l-bidla minn dieta bbażata fuq iċ-ċereali għal waħda bbażata fuq il-proteina, id-domanda globali għall-qamħirrum hija prevista li se tikber b’rata iktar mgħaġġla. Ir-RPĊ hija t-tieni l-ikbar konsumatur tal-qamħirrum fid-dinja. Barra miż-żieda fl-użi industrijali tal-qamiħirrum, id-domanda Ċiniża għall-produzzjoni tal-għalf u l-bhejjem qed tiżdied bi 3 % sa 6 % kull sena. Filwaqt li l-konsum tal-qamħirrum tar-RPĊ kien qed jikber b’mod rapidu f’dawn l-aħħar ftit snin, il-produzzjoni tiegħu ma kinitx qed tlaħħaq mad-domanda. Huwa mistenni li matul il-perjodu bejn l-2011 u l-2015, l-esportazzjonijiet tal-qamħirrum mill-Istati Uniti għar-RPĊ se jiżdiedu b’ħames darbiet. Wieħed għandu jinnota wkoll li l-produtturi Ċiniżi tal-furfural qed jiffaċċjaw dejjem iktar kompetizzjoni mill-produtturi tal-ksilożi u l-ksilitol, li jużaw l-istess materja prima (iċ-ċifċiegħa tal-qamħirrum).

(33)

Dwar l-esportazzjonijiet Ċiniżi lejn l-UE matul il-PIR, ta’ min jinnota li prattikament il-furfuraldeid kollu mill-pajjiż ikkonċernat jiġi impurtat esklużivament b’arranġamenti ta’ pproċessar attiv (IPR). Din il-prassi bdiet fl-2000 u madwar 75 % tal-kwantitajiet annwali Ċiniżi ta’ furfurladeid jiġu esportati lejn l-Unjoni mingħajr dazju antidumping, bil-għan li jkomplu jiġu pproċessati fl-alkoħol furfuril maħsub għall-esportazzjoni lejn pajjiżi terzi. Mill-2001, l-importazzjonijiet tas-suq ħieles mill-pajjiż ikkonċernat kważi waqfu kompletament.

(34)

Il-bidliet fit-tul fid-domanda domestika għall-furfural fir-RPĊ u s-sitwazzjoni diffiċli tal-provvista u d-domanda fis-suq tal-qamħirrum fiċ-Ċina, flimkien mal-istruttura tal-importazzjonijiet Ċiniżi lejn l-UE kif spjegat fil-premessa preċedenti, jidhru li wasslu għal bidla fil-livell tad-dumping li jsir mill-produtturi esportaturi Ċiniżi. Tqabbil tal-prezzijiet Ċiniżi tal-esportazzjoni lejn l-UE mal-valur normali tal-prodott ikkonċernat, ilkoll aġġustati kif xieraq, juri tnaqqis fil-marġni tad-dumping matul il-PIR, meta mqabbel mal-investigazzjoni preċedenti tar-reviżjoni tal-iskadenza.

(35)

B’konklużjoni, l-analiżi ta’ hawn fuq turi li l-bidliet fid-domanda domestika Ċiniża u l-konsum fiċ-Ċina taċ-ċifqiegħa tal-qamħirrum u l-furfuraldeid u, konsegwentement, tal-prezzijiet, huma ta’ natura permanenti. Għaldaqstant, jista’ jiġi konkluż li jekk il-miżuri antidumping jiġu revokati, l-esportazzjonijiet Ċiniżi fl-Unjoni mhumiex se jiżdiedu b’mod sinifikanti.

(36)

L-industrija tal-Unjoni (“IU”) tikkonsisti minn żewġ kumpaniji: Lenzing AG (l-Awstrija) u Tanin Sevnica kemicna industrija d.d (is-Slovenja), li flimkien jirrappreżentaw 100 % tal-produzzjoni tal-Unjoni tal-prodott simili fil-PIR. Abbażi ta’ dan, iż-żewġ produtturi tal-Unjoni jikkostitwixxu l-industrija tal-Unjoni skont it-tifsira tal-Artikolu 4(1) u l-Artikolu 5(4) tar-Regolament bażiku. L-ebda waħda miż-żewġ kumpaniji ma wieġbet il-kwestjonarji li ntbagħtulhom jew ikkoperat bis-sħiħ fl-investigazzjoni.

(37)

Minħabba n-nuqqas ta’ koperazzjoni mill-industrija tal-Unjoni, id-dejta għall-eżami tas-sitwazzjoni tas-suq tal-Unjoni u l-ħsara li ġarrbet l-industrija tal-Unjoni mill-importazzjonijiet oġġett tad-dumping mir-RPĊ ittieħdet mill-fatti disponibbli, inkluż id-dejta estrapolata mill-informazzjoni miġbura fir-reviżjoni tal-iskadenza riċenti li kopriet il-perjodu mill-1 ta’ Jannar 2007 sal-31 ta’ Marzu 2010. Għaldaqstant, kull sors mogħti għad-dejta fit-tabelli ta’ hawn taħt jirreferi għall-perjodu bejn l-2007 u l-2009, sakemm mhux speċifikat mod ieħor. Nutrafur, il-produttur Spanjol li ressaq l-ilment oriġinali fl-1994 bl-isem ta’ Furfural Espanol S.A., waqqaf il-produzzjoni tiegħu f’Ottubru 2008. Iċ-ċifri tal-produzzjoni ta’ Nutrafur fl-2008 ġew inklużi fil-konsum fis-suq tal-Unjoni. Għal raġunijiet ta’ kunfidenzjalità, id-dejta dwar il-prestazzjoni tal-industrija tal-Unjoni tingħata biss f’forma indiċjata.

(38)

Il-konsum fl-Unjoni tal-furfuraldeid għall-2008 u l-2009 ġie stabbilit skont il-volumi tal-bejgħ ivverifikati tal-industrija tal-Unjoni fis-suq tal-Unjoni (inkluż il-bejgħ ta’ Nutrafur sa Ottubru 2008 meta kien għadu qed jipproduċi l-furfuraldeid) flimkien mal-importazzjonijiet taħt is-Sistema ta’ Pproċessar Attiv (IPR) mir-RPĊ u l-importazzjonijiet minn pajjiżi terzi oħra f’ċirkolazzjoni ħielsa, imsejsa fuq dejta tal-importatur International Furan Chemicals BV (“IFC”) ivverifikata fl-aħħar investigazzjoni tar-reviżjoni tal-iskadenza u l-Eurostat. Billi l-Eurostat ma jiżvelax l-informazzjoni kollha minħabba raġunijiet ta’ kunfidenzjalità, id-dejta tal-Eurostat intużat biss għall-importazzjonijiet minn pajjiżi terzi oħra għajr ir-RPĊ u r-Repubblika Dominikana, billi l-IFC huwa l-uniku importatur tal-furfuraldeid minn dawn is-sorsi.

(39)

Il-fatti disponibbli ntużaw għall-2010 u l-PIR minħabba n-nuqqas ta’ koperazzjoni kemm tal-industrija tal-Unjoni kif ukoll tal-importatur uniku u l-kunfidenzjalità ta’ ammonti kbar ta’ dejta li normalment ikunu disponibbli mill-Eurostat. Fin-nuqqas ta’ indikazzjonijiet għall-kuntrarju, ma hemm ebda raġuni biex wieħed jemmen li kien hemm xi bidla notevoli fil-konsum tal-Unjoni mill-2009 ’l hawn u dan tqies li baqa’ fl-istess livelli matul l-2010 u l-PIR.

(40)

Abbażi ta’ dan, matul il-perjodu kkunsidrat, il-konsum tal-Unjoni naqas bi 17 %, minn 45 738 tunnellata fl-2008 għal 38 000 tunnellata matul il-PIR.

Tabella 1 –   Il-konsum tal-Unjoni

(41)

Skont l-istatistika tal-esportazzjoni Ċiniża, l-importazzjonijiet Ċiniżi kienu qed isiru bl-IPR matul il-PIR. Il-volum tal-IPR Ċiniż żdied minn 10 002 tunnellati fl-2008 għal 13 975 tunnellata fil-PIR, jiġifieri b’40 %. Matul il-perjodu kkunsidrat is-sehem Ċiniż mis-suq għall-IPR żdied minn 22 % għal 37 %, jiġifieri bi 15-il punt perċentwali.

(42)

Il-prezz tal-IPR Ċiniż żdied b’47 % minn EUR 1 014 kull TM fl-2008 għal EUR 1 488 fil-PIR. Ta’ min jinnota li matul il-PIR, il-prezzijiet tal-importazzjonijiet Ċiniżi żdiedu b’mod rapidu u laħqu quċċata ta’ iktar minn EUR 1 700 kull TM.

Tabella 2 –   L-importazzjonijiet mir-RPĊ

(43)

Ta’ min jinnota li, bħal fl-investigazzjoni oriġinali, l-importazzjonijiet mir-Repubblika Dominikana kienu kollha kemm huma konsenji minn kumpanija possedenti lis-sussidjarja Ewropea tagħha, sabiex tipproduċi l-alkoħol furfuril. Għalhekk, il-prezzijiet użati f’dawn it-tranżazzjonijiet huma prezzijiet ta’ trasferiment bejn kumpaniji relatati li jistgħu ma jirriflettux il-prezzijiet reali tas-suq. Minħabba n-nuqqas ta’ koperazzjoni mill-importatur ikkonċernat u l-kunfidenzjalità tad-dejta fil-Eurostat, ġie preżunt li l-importazzjonijiet u l-prezzijiet mir-Repubblika Dominikana baqgħu kostanti matul l-2010 u l-PIR.

Tabella 3 –   L-importazzjonijiet fl-Unjoni mir-Repubblika Dominikana

(44)

Skont il-Eurostat, il-volumi tal-importazzjoni tal-furfuraldeid fl-Unjoni minn pajjiżi oħra għajr ir-RPĊ, flimkien mal-prezzijiet medji tagħhom, żviluppaw kif ġej:

Tabella 4 –   L-importazzjonijiet lejn l-Unjoni minn pajjiżi terzi oħra

(45)

Matul il-perjodu meqjus, id-dejta kienet disponibbli biss għall-2008 u l-2009. Ma kinitx disponibbli statistika affidabbli biex tiġi vvalutata l-evoluzzjoni tas-sett ta’ dejta għall-2010 u l-PIR. Fin-nuqqas tal-koperazzjoni mill-industrija tal-Unjoni, intużaw il-fatti disponibbli u saret il-preżunzjoni li l-esportazzjonijiet mill-UE se jkomplu fl-istess livelli ta’ volum bħall-2009 b’żieda fil-prezz konformi ma’ dik misjuba fis-suq tal-UE.

Tabella 5 –   Il-volumi u l-prezzijiet tal-esportazzjonijiet tal-Industrija tal-Unjoni lejn pajjiżi terzi oħra

(46)

Il-qagħda ekonomika tal-industrija tal-Unjoni, jiġifieri ż-żewġ kumpaniji Lenzing u Tanin, qiegħda analizzata hawn taħt bid-dejta miġbura matul ir-reviżjoni tal-iskadenza flimkien mal-fatti disponibbli għall-perjodu tal-investigazzjoni tar-reviżjoni attwali (PIR).

(47)

Il-produzzjoni totali tal-industrija tal-Unjoni tal-prodott simili żdiedet b’5 % sal-2009. Fin-nuqqas ta’ dejta oħra, ġie preżunt li l-produzzjoni baqgħet stabbli fl-2010 u l-PIR.

Tabella 6 –   Produzzjoni tal-Unjoni

(48)

Il-kapaċità totali tal-produzzjoni tal-industrija tal-Unjoni baqgħet l-istess fl-2008 u l-2009. Minħabba n-nuqqas ta’ koperazzjoni mill-industrija tal-Unjoni, ġie preżunt li l-kapaċità u l-użu baqgħu l-istess fl-2010 u l-PIR.

Tabella 7 –   Il-kapaċitá tal-Unjoni

(49)

Minħabba n-nuqqas ta’ koperazzjoni mill-industrija tal-Unjoni, ġie preżunt li l-livelli tal-ħażniet baqgħu bħalma kienu fi tmiem l-2009.

Tabella 8 –   Il-ħażniet

(50)

Il-volum tal-bejgħ tal-industrija tal-Unjoni lil klijenti li mhumiex relatati fis-suq tal-Unjoni żdied bi 12 % mill-2008 sal-2009. Fin-nuqqas ta’ dejta mill-industrija tal-Unjoni, ġie preżunt li l-volum tal-bejgħ ma żdiedx fl-2010 jew fil-PIR.

Tabella 9 –   Il-volum tal-bejgħ u s-sehem mis-suq tal-Unjoni

(51)

Matul il-perjodu kkunsidrat il-prezzijiet medji tal-bejgħ applikati mill-industrija tal-Unjoni fis-suq tal-Unjoni żdiedu sostanzjalment b’36 %. Dan kien ikkawżat minn żieda kbira fil-prezz matul l-2010 u l-PIR.

Tabella 10 –   Il-prezz medju tal-bejgħ fl-UE

(52)

Billi l-industrija tal-Unjoni ma għamlitx disponibbli dejta tal-kostijiet tal-produzzjoni għall-2010 u d-dejta tal-PIR mir-reviżjoni preċedenti tal-iskadenza żdiedet b’6 % biex tqis l-inflazzjoni f’dak il-perjodu.

Tabella 11 –   Il-kost medju tal-produzzjoni

(53)

Il-kalkolu tal-profitti li għamlet l-industrija tal-Unjoni, abbażi tad-dejta tal-prezz u l-kost ta’ hawn fuq, wera żieda sinifikanti matul il-perjodu kkunsidrat minħabba żidiet fil-prezz fis-suq tal-Unjoni flimkien ma’ nuqqas ta’ evidenza ta’ żieda fil-kostijiet tal-produzzjoni minbarra l-inflazzjoni. Il-likwidità hija meqjusa, fin-nuqqas ta’ dejta oħra, li segwiet xejra simili għall-profittabbiltà.

Tabella 12 –   Il-profitabbiltà u l-fluss tal-flus

(54)

Fin-nuqqas ta’ dejta mill-industrija tal-Unjoni, fid-dawl taż-żidiet fil-prezzijiet fl-2010 u l-PIR, ġie preżunt li kien hemm ritorn għal-livell ta’ investiment bħal dak fl-2007. Ir-redditu fuq l-investiment ġie preżunt li kellu l-istess xejra bażika bħall-profittabbiltà murija fit-Tabella 12.

Tabella 13 –   L-investimenti u r-redditu fuq l-investimenti

(55)

Minħabba n-nuqqas ta’ informazzjoni mill-industrija tal-Unjoni għall-2010 u l-PIR, tqies li l-impjiegi u l-produttività baqgħu kostanti matul il-perjodu kkunsidrat.

Tabella 14 –   L-impjiegi u l-produttività

(56)

Minkejja n-nuqqas ta’ koperazzjoni mill-produtturi esportaturi Ċiniżi, il-volum u l-valur tal-importazzjonijiet ġie analizzat mill-Eurostat flimkien ma’ stima tas-sehem mis-suq. Iż-żieda sinifikanti fil-prezz fl-2010 u l-2011 naqqset drammatikament il-marġni tad-dumping mir-RPĊ mill-perjodu tal-investigazzjoni tar-reviżjoni tal-iskadenza ’l hawn.

(57)

Kif muri mill-evoluzzjoni pożittiva tal-biċċa l-kbira tal-indikaturi elenkati hawn fuq, matul il-perjodu kkunsidrat il-qagħda finanzjarja tal-industrija tal-Unjoni rkuprat kollha mill-effett dannuż tal-importazzjonijiet oġġett ta’ dumping sinifikanti li kienu identifikati fl-investigazzjoni preċedenti u li joriġinaw mir-RPĊ.

(58)

Il-miżuri kontra r-RPĊ kellhom impatt pożittiv fuq il-qagħda ekonomika tal-industrija tal-Unjoni, billi l-biċċa l-kbira tal-indikaturi tal-ħsara wrew żvilupp pożittiv: il-produzzjoni, il-volum tal-bejgħ u l-valur tal-bejgħ żdiedu bejn l-2008 u l-PIR. Madankollu, minħabba ż-żieda sostanzjali fil-prezzijiet fis-suq tal-Unjoni, l-industrija tal-Unjoni issa qed tagħmel profitti ferm ogħla minn dak immirat, li fl-investigazzjoni oriġinali ġie stabbilit bħala 5 %, sabiex ikun żgurat l-iżvilupp tagħha.

(59)

Minħabba ż-żieda sinifikanti fil-prezzijiet fis-suq tal-Unjoni matul il-PIR, mingħajr evidenza ta’ żieda parallela fil-kostijiet, ġie konkluż li l-industrija tal-Unjoni ma ġarrbitx ħsara materjali skont it-tifsira tal-Artikolu 3(5).

(60)

Ġie kkunsidrat jekk iż-żieda fil-prezzijiet fis-suq tal-Unjoni hix bidla permanenti fiċ-ċirkostanzi mis-sejbiet tal-investigazzjoni preċedenti tar-reviżjoni tal-iskadenza. Id-dejta disponibbli turi li l-prezzijiet fis-suq tal-Unjoni qed jirkupraw sewwa, u jilħqu l-livelli tal-2008 u mbagħad jaqbżu dawn l-ammonti, filwaqt li fl-investigazzjoni tar-reviżjoni tal-iskadenza, il-prezzijiet kienu qed jaqgħu. Barra minn hekk, bil-kontra tar-reviżjoni tal-iskadenza, ma nstabitx evidenza ta’ twaqqigħ tal-prezzijiet. Fir-reviżjoni tal-iskadenza, il-profittabbiltà kellha xejra negattiva iżda d-dejta wara tmiem dik l-investigazzjoni turi li l-profittabbiltà kienet qed tirkupra sewwa, u tilħaq il-livelli tal-2008 u mbagħad taqbiżhom.

(61)

Ġie analizzat jekk il-bidla fil-prezzijiet minn tmiem il-perjodu tal-investigazzjoni tar-reviżjoni tal-iskadenza setgħetx tkun minħabba staġun tal-ħsad partikolarment ħażin fir-RPĊ, billi l-furfuraldeid jiġi prodott mill-iskart agrikolu. Madankollu, il-prezz ma waqax b’mod sinifikanti mill-istaġun tal-ħsad fi tmiem l-2010 u għalhekk din it-teorija ġiet skartata. Deher li kien hemm żieda fil-prezzijiet tal-importazzjonijiet li joriġinaw fir-RPĊ ikkawżati mit-tkabbir fit-tul fid-domanda domestika għall-furfuraldeid u ż-żieda fil-kostijiet tal-materja prima fil-pajjiż ikkonċernat. Minħabba n-nuqqas ta’ koperazzjoni mill-produtturi esportaturi Ċiniżi, dan ma setax jiġi vverifikat, iżda l-Kummissjoni ma rċeviet l-ebda evidenza li turi li dan ma kienx il-każ.

(62)

Fid-dawl tal-evidenza disponibbli għall-Kummissjoni li tissemma hawn fuq, u n-nuqqas ta’ informazzjoni li turi li ż-żidiet fil-prezzijiet imsemmija kienu temporanji, ġie konkluż li din il-bidla hija ta’ natura permanenti.

(63)

Fid-dawl ta’ dan ta’ hawn fuq, qed jitqies li għandha titwaqqaf ir-reviżjoni preżenti kontra d-dumping u li għandhom jitneħħew il-miżuri antidumping fis-seħħ.

(64)

Il-partijiet kollha ġew infurmati dwar il-fatti u l-kunsiderazzjonijiet essenzjali li abbażi tagħhom kien maħsub li jiġi rakkomandat li jitwaqqfu l-miżuri eżistenti. Dawn ingħataw ukoll perjodu li fih setgħu jagħmlu rappreżentazzjonijiet wara dan l-iżvelar. Ma waslu l-ebda kummenti.

(65)

Minn dan ta’ hawn fuq jista’ jiġi konkluż li għandha titwaqqaf ir-reviżjoni antidumping preżenti u li għandhom jitwaqqfu l-miżuri antidumping imposti mir-Regolament ta’ Implimentazzjoni (UE) Nru 453/2011 fuq l-importazzjonijiet tal-furfuraldeid li joriġinaw mir-RPĊ u jitneħħa d-dazju eżistenti,

26.6.2012   

MT

Il-Ġurnal Uffiċjali tal-Unjoni Ewropea

L 165/12

(1)

Fit-22 ta’ Diċembru 2011, il-Kunsill adotta r-Regolament ta’ Implimentazzjoni (UE) Nru 1375/2011 li jimplimenta l-Artikolu 2(3) tar-Regolament (KE) Nru 2580/2001 (2), li jistabbilixxi lista aġġornata ta’ persuni, gruppi u entitajiet li għalihom japplika r-Regolament (KE) Nru 2580/2001.

(2)

Il-Kunsill ipprovda lill-persuni, gruppi u entitajiet kollha, li għalihom dan kien possibbli fil-prattika, b’dikjarazzjonijiet ta’ raġunijiet fejn fisser għaliex huma kienu elenkati fir-Regolament ta’ Implimentazzjoni (UE) Nru 1375/2011.

(3)

B’avviż ippubblikat f’Il-Ġurnal Uffiċjali tal-Unjoni Ewropea, il-Kunsill informa lill-persuni, gruppi u entitajiet elenkati fir-Regolament ta’ Implimentazzjoni (UE) Nru 1375/2011 li hu ddeċieda li jżommhom fuq il-lista. Il-Kunsill informa wkoll lill-persuni, gruppi u entitajiet ikkonċernati li kien possibbli li tintalab dikjarazzjoni ta’ raġunijiet tal-Kunsill għall-inklużjoni tagħhom fil-lista, fejn din ma kinitx diġà ġiet ikkomunikata lilhom. Fil-każ ta’ ċerti persuni u gruppi, ġiet magħmula disponibbli dikjarazzjoni emendata tar-raġunijiet.

(4)

Il-Kunsill wettaq reviżjoni kompleta tal-lista ta’ persuni, gruppi u entitajiet li għalihom japplika r-Regolament (KE) Nru 2580/2001, kif meħtieġ mill-Artikolu 2(3) ta’ dak ir-Regolament. Meta għamel din, huwa ħa kont ta’ osservazzjonijiet ippreżentati lill-Kunsill minn dawk ikkonċernati.

(5)

Il-Kunsill ikkonkluda li l-persuni, gruppi u entitajiet elenkati fl-Anness għal dan ir-Regolament kienu involuti f’atti terroristiċi fis-sens tal-Artikolu 1(2) u (3) tal-Pożizzjoni Komuni tal-Kunsill 2001/931/PESK tas-27 ta’ Diċembru 2001 dwar l-applikazzjoni ta’ miżuri speċifiċi fil-ġlieda kontra t-terroriżmu (3), li ttieħdet deċiżjoni fir-rigward tagħhom minn awtorità kompetenti fis-sens tal-Artikolu 1(4) ta’ dik il-Pożizzjoni Komuni, u li huma għandhom ikomplu jkunu suġġetti għall-miżuri restrittivi speċifiċi previsti fir-Regolament (KE) Nru 2580/2001.

(6)

Il-lista ta’ persuni, gruppi u entitajiet li għalihom japplika r-Regolament (KE) Nru 2580/2001 għandha tiġi aġġornata kif meħtieġ u r-Regolament ta’ Implimentazzjoni (UE) Nru 1375/2011 għandu jitħassar,

26.6.2012   

MT

Il-Ġurnal Uffiċjali tal-Unjoni Ewropea

L 165/15

(1)

Fl-1 ta’ Awwissu 2011, il-Kunsill adotta r-Regolament (UE) Nru 753/2011.

(2)

Fit-18 ta’ Mejju 2012, il-Kumitat stabbilit skont il-paragrafu 30 tar-Riżoluzzjoni 1988 (2011) tal-Kunsill tas-Sigurtà tan-Nazzjonijiet Uniti, emenda l-lista ta’ individwi, gruppi, impriżi u entitajiet soġġetti għal miżuri restrittivi.

(3)

L-Anness I għar-Regolament (UE) Nru 753/2011 għandu għalhekk jiġi emendat skont dan,

26.6.2012   

MT

Il-Ġurnal Uffiċjali tal-Unjoni Ewropea

L 165/20

(1)

Fit-18 ta' Jannar 2012, il-Kunsill adotta r-Regolament (UE) Nru 36/2012.

(2)

Fid-dawl tal-gravità tas-sitwazzjoni fis-Sirja, u f'konformità mad-Deċiżjoni ta’ Implimentazzjoni tal-Kunsill 2012/335/PESK tal-25 ta’ Ġunju 2012 li timplimenta d-Deċiżjoni 2011/782/PESK dwar miżuri restrittivi kontra s-Sirja (2), għandhom jiġu inklużi persuna waħda u entitajiet oħra fil-lista ta' persuni fiżiċi u ġuridiċi, entitajiet jew korpi soġġetti għall-miżuri restrittivi li jinsabu fl-Anness II tar-Regolament (UE) Nru 36/2012,

26.6.2012   

MT

Il-Ġurnal Uffiċjali tal-Unjoni Ewropea

L 165/23

(1)

Fit-18 ta' Jannar 2012 il-Kunsill adotta Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja (2) bil-għan li jdaħħal fis-seħħ il-parti l-kbira tal-miżuri previsti fid-Deċiżjoni 2011/782/PESK (3). Dak ir-Regolament jipprojbixxi, inter alia, l-għoti ta’ ċertu finanzjament u ċerta għajnuna finanzjarja relatati ma’ merkanzija suġġetta għall-projbizzjoni ta’ esportazzjoni.

(2)

Id-Deċiżjoni 2012/322/PESK li temenda d-Deċiżjoni 2011/782/PESK (4), tiżviluppa aktar l-applikazzjoni tal-miżuri restrittivi relatati ma’ għajnuna finanzjarja fil-kuntest tal-embargo kontra l-armi.

(3)

Dawk il-miżuri jaqgħu fl-ambitu tat-Trattat dwar il-Funzjonament tal-Unjoni Ewropea u għalhekk hija meħtieġa azzjoni regolatorja fil-livell tal-Unjoni sabiex jiġu implimentati, b’mod partikolari sabiex tkun żgurata l-applikazzjoni uniformi tagħhom mill-operaturi ekonomiċi fl-Istati Membri kollha.

(4)

Ir-Regolament (UE) Nru 36/2012 għandu għalhekk jiġi emendat kif meħtieġ.

(5)

Sabiex jiġi żgurat li l-miżuri previsti f’dan ir-Regolament ikunu effikaċi, dan ir-Regolament għandu jidħol is-seħħ immedjatament,

(1)

Il-paragrafu 1 tal-Artikolu 3 huwa ssostitwit b'dan li ġej:

“1.   Huma pprojbiti:

(*)  ĠU C 86, 18.3.2011, p. 1.”;"

(2)

Il-paragrafu 4 tal-Artikolu 3 huwa ssostitwit b'dan li ġej:

“4.   Għandha tkun meħtieġa l-awtorizzazzjoni minn qabel mill-awtoritajiet kompetenti fl-Istat Membru relevanti, kif identifikat fil-websajts imsemmija fl-Anness III, għall-għoti ta’:

L-awtoritajiet kompetenti ma għandhom jagħtu l-ebda awtorizzazzjoni għat-tranżazzjonijiet imsemmija fl-ewwel subparagrafu, jekk huma jkollhom raġunijiet validi biex jiddeterminaw li dawk it-tranżazzjonijiet huma jew jistgħu jkunu maħsuba sabiex jikkontribwixxu għal repressjoni interna jew għall-manifattura u l-manutenzjoni ta' prodotti li jistgħu jintużaw għal repressjoni interna.”.

26.6.2012   

MT

Il-Ġurnal Uffiċjali tal-Unjoni Ewropea

L 165/25

(1)

Ir-Regolament tal-Kummissjoni (UE) Nru 206/2010 (3) li jistabbilixxi r-rekwiżiti ta’ ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ annimali ħajjin jew laħam frisk. Dan jistabbilixxi wkoll il-listi ta’ pajjiżi terzi, territorji jew partijiet minnhom, li minnhom jistgħu jiġu introdotti dawk il-kunsinni fl-Unjoni.

(2)

Ir-Regolament (UE) Nru 206/2010 jistipula li kunsinni ta’ annimali ungulati għandhom jiġu introdotti fl-Unjoni biss jekk ikunu ġejjin mill-pajjiżi terzi, territorji jew partijiet minnhom elenkati fil-Parti 1 tal-Anness I tiegħu, u għal dan il-għan hemm mudell ta’ ċertifikat veterinarju li jikkorrispondi għall-kunsinna kkonċernata elenkata f’dik il-Parti. Barra minn hekk, dawk il-kunsinni għandu jkollhom magħhom ċertifikat veterinarju xieraq, imfassal skont il-mudell relevanti stabbilit fil-Parti 2 tal-Anness I tar-Regolament (UE) Nru 206/2010, filwaqt li jitqiesu l-kundizzjonijiet speċifiċi indikati fil-kolonna 6 tat-tabella fil-Parti 1 ta’ dak l-Anness.

(3)

It-territorju kollu tal-Kanada, għajr ir-reġjun tal-Okanagan Valley fil-British Columbia, bħalissa jinsab elenkat fil-Parti 1 tal-Anness I tar-Regolament (UE) Nru 206/2010 kif approvat għall-esportazzjoni lejn l-Unjoni, inter alia, ta’ annimali ovini domestiċi (Ovis aries) u annimali kaprini domestiċi (Capra hircus) maħsuba għat-tgħammir u/jew għall-produzzjoni wara l-importazzjoni u li jkollhom magħhom ċertifikat veterinarju skont il-mudell OVI-X. Madankollu, il-Kanada mhijiex elenkata fil-kolonna 6 tat-tabella fil-Parti 1 ta’ dak l-Anness bħala territorju uffiċjalment ħieles mill-bruċellożi għall-finijiet tal-esportazzjonijiet lejn l-Unjoni ta’ annimali ħajjin ċertifikati skont dak iċ-ċertifikat mudell.

(4)

Id-Direttiva tal-Kunsill 91/68/KEE tat-28 ta’ Jannar 1991 dwar il-kundizzjonijiet tas-saħħa tal-annimali li jirregolaw il-kummerċ intra-Komunitarju tan-nagħaġ u tal-mogħoż (4) tistabbilixxi, inter alia, il-kundizzjonijiet li skonthom l-Istati Membri jew ir-reġjuni tagħhom jistgħu jiġu rikonoxxuti bħala uffiċjalment ħielsa mill-bruċellożi.

(5)

Barra minn hekk, id-Direttiva 2004/68/KE tistipula li, fejn l-ekwivalenza tal-garanziji tas-saħħa uffiċjali pprovduti minn pajjiż terz tista’ tiġi rikonoxxuta formalment mill-Unjoni, il-kundizzjonijiet tas-saħħa speċifiċi għall-annimali għall-introduzzjoni ta’ annimali ungulati ħajjin minn dak il-pajjiż terz fl-Unjoni, jistgħu jkunu msejsa fuq dawk il-garanziji.

(6)

Il-Kanada ppreżentat lill-Kummissjoni dokumentazzjoni li turi l-konformità mal-kundizzjonijiet stabbiliti fid-Direttiva 91/68/KEE biex tkun rikonoxxuta bħala uffiċjalment ħielsa mill-bruċellożi (B. melitensis) għat-territorju sħiħ ta’ dak il-pajjiż terz għall-finijiet tal-esportazzjonijiet lejn l-Unjoni ta’ annimali ovini domestiċi (Ovis aries) u annimali kaprini domestiċi (Capra hircus) maħsuba għat-tgħammir u/jew għall-produzzjoni wara l-importazzjoni u li jkollhom magħhom ċertifikat veterinarju skont iċ-ċertifikat mudell OVI-X stabbilit fil-Parti 2 tal-Anness I tar-Regolament (UE) Nru 206/2010.

(7)

Wara l-valutazzjoni tad-dokumentazzjoni ppreżentata mill-Kanada, dak il-pajjiż terz għandu jiġi rikonoxxut bħala uffiċjalment ħieles mill-bruċellożi (B. melitensis). Għaldaqstant, ir-referenza xierqa għandha tkun inkluża fl-annotazzjoni għal dak il-pajjiż terz fil-kolonna 6 tat-tabella fil-Parti 1 tal-Anness I tar-Regolament (UE) Nru 206/2010.

(8)

Barra minn hekk, ir-Regolament (UE) Nru 206/2010 jipprovdi li kunsinni ta’ laħam frisk maħsuba għall-konsum mill-bniedem għandhom jiġu importati lejn l-Unjoni biss jekk ikunu ġejjin mill-pajjiżi terzi, territorji jew partijiet minnhom elenkati fil-Parti 1 tal-Anness II ta’ dak ir-Regolament u għal dan il-għan hemm mudell ta’ ċertifikat veterinarju li jikkorrispondi għall-kunsinna kkonċernata elenkata f’dik il-Parti.

(9)

Erba’ partijiet tat-territorju tal-Botswana huma elenkati fil-Parti 1 tal-Anness II tar-Regolament (UE) Nru 206/2010 bħala reġjuni li minnhom huma awtorizzati l-importazzjonijiet lejn l-Unjoni ta’ laħam dissussat u mmaturat frisk mill-annimali ungulati. Dawn ir-reġjuni jikkonsistu f’għadd ta’ żoni ta’ kontroll tal-mard veterinarju.

(10)

Wara tifqigħa tal-marda tal-ilsien u d-dwiefer fir-reġjun BW-1 tal-Botswana, ir-Regolament (UE) Nru 206/2010, kif emendat mir-Regolament ta’ Implimentazzjoni tal-Kummissjoni (UE) Nru 801/2011 (5), jistipula li l-awtorizzazzjoni tal-Botswana biex tesporta laħam dissussat u mmaturat frisk mill-annimali ungulati lejn l-Unjoni minn dak ir-reġjun, tkun sospiża mill-11 ta’ Mejju 2011. Ir-reġjun BW-1 tal-Botswana jikkonsisti f’żoni ta’ kontroll tal-mard veterinarju 3c, 4b, 5, 6, 8, 9 u 18.

(11)

Fit-2 ta’ Diċembru 2011, il-Botswana għarrfet lill-Kummissjoni dwar l-approvazzjoni b’suċċess taż-żoni ta’ kontroll tal-mard veterinarju 3c, 4b, 5, 6, 8, 9 u 18 bħala ħielsa mill-marda tal-ilsien u d-dwiefer mill-Organizzazzjoni Dinjija għas-Saħħa tal-Annimali. Għaldaqstant, is-sospensjoni tal-awtorizzazzjoni biex jiġi esportat laħam dissussat u mmaturat frisk mill-annimali ungulati lejn l-Unjoni minn dak ir-reġjun ma għadhiex meħtieġa.

(12)

Madankollu, fiż-żona 6 ta’ kontroll tal-mard veterinarju, il-Botswana ddikjarat żona qrib il-fruntiera maż-Żimbabwe bħala żona ta’ sorveljanza intensiva u għarrfet lill-Kummissjoni li l-annimali bovini domestiċi kollha f’dik iż-żona nqatlu. Dik iż-żona ma għandhiex tiġi awtorizzata għall-esportazzjonijiet lejn l-Unjoni ta’ laħam dissussat u mmaturat frisk mill-annimali ungulati. Għaldaqstant, din għandha tiġi eskluża mir-reġjun BW-1 kif elenkat fil-Parti 1 tal-Anness II tar-Regolament (UE) Nru 206/2010.

(13)

Għalhekk, ir-Regolament (UE) Nru 206/2010 għandu jiġi emendat skont dan.

(14)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

fil-Parti 1 tal-Anness I, l-annotazzjoni għall-Kanada qed titbiddel b’dan li ġej:

(2)

fil-Parti 1 tal-Anness II, l-annotazzjoni għall-Botswana qed titbiddel b’dan li ġej:

26.6.2012   

MT

Il-Ġurnal Uffiċjali tal-Unjoni Ewropea

L 165/28

(1)

Skont id-Direttiva 2009/125/KE, il-Kummissjoni għandha tiffissa r-rekwiżiti ta’ ekodisinn għal prodotti li jużaw l-enerġija li jirrappreżentaw volumi sinifikanti ta’ bejgħ u kummerċ, li għandhom impatt ambjentali sinifikanti u li jippreżentaw potenzjal sinifikanti għal titjib f’termini tal-impatt ambjentali tagħhom mingħajr ma jinvolvu spejjeż eċċessivi.

(2)

L-Artikolu 16(2) tad-Direttiva 2009/125/KE jipprovdi li skont il-proċedura msemmija fl-Artikolu 19(3) u l-kriterji stipulati fl-Artikolu 15(2), u wara konsultazzjoni mal-Forum ta’ Konsultazzjoni, il-Kummissjoni tintroduċi, kif xieraq, miżuri implimentattivi għal prodotti li jużaw sistemi b’muturi tal-elettriku, bħall-pompi tal-ilma.

(3)

Il-pompi tal-ilma li jiffurmaw partijiet ta’ sistemi b’muturi tal-elettriku huma essenzjali f’diversi proċessi tal-ippumpjar. Il-potenzjal totali għal titjib kosteffikaċi tal-effiċjenza enerġetika ta’ dawn is-sistemi ta’ ppumpjar huwa ta’ madwar 20 % għal 30 %. Għalkemm l-iffrankar jista’ jinkiseb l-aktar permezz tal-muturi, wieħed mill-fatturi li jikkontribwixxu għal titjib bħal dan huwa l-użu ta’ pompi effiċjenti fl-użu tal-enerġija. Għaldaqstant, il-pompi tal-ilma huma prodott ta’ prijorità li għalih għandhom ikunu stabbiliti rekwiżiti tal-ekodisinn.

(4)

Is-sistemi ta’ muturi tal-elettriku jinkludu għadd ta’ prodotti li jużaw l-enerġija, bħal muturi, trażmissjonijiet, pompi jew fannijiet. Il-pompi tal-ilma huma wieħed minn dawn il-prodotti. Ir-rekwiżiti minimi huma stabbiliti għall-muturi f’miżura separata, ir-Regolament tal-Kummissjoni (KE) Nru 640/2009 (2) Konsegwentement, dan ir-Regolament jistabbilixi biss rekwiżiti minimi għall-prestazzjoni idrawlika ta’ pompi tal-ilma mingħajr il-mutur.

(5)

Ħafna pompi huma integrati fi prodotti oħra mingħajr ma jitqegħdu fis-suq separatament. Sabiex jintlaħaq il-potenzjal kollu tal-iffrankar kosteffikaċi tal-enerġija, il-pompi tal-ilma li huma integrati fi prodotti oħra għandhom ikunu suġġetti għad-dispożizzjonijiet ta’ dan ir-Regolament.

(6)

Il-Kummissjoni wettqet studju ta’ tħejjija biex tanalizza l-aspetti tekniċi, ambjentali u ekonomiċi tal-pompi tal-ilma. L-istudju ġie żviluppat flimkien mal-partijiet interessati mill-Unjoni u l-pajjiżi terzi, u r-riżultati tqiegħdu għad-dispożizzjoni tal-pubbliku.

(7)

L-istudju ta’ tħejjija juri li fis-suq tal-Unjoni Ewropea jitqiegħdu pompi tal-ilma fi kwantitajiet kbar. Il-konsum tal-enerġija tagħhom fil-fażi tal-użu huwa l-iktar aspett ambjentali sinifikanti tal-fażijiet kollha taċ-ċiklu tal-ħajja, bil-konsum annwali tal-elettriku tagħhom jammonta għal 109TWh fl-2005, li jikkorrispondi għal 50Mt f’emissjonijiet tas-CO2 Jekk ma jittieħdux miżuri sabiex jiġi limitat dan il-konsum, huwa previst li l-konsum tal-enerġija se jiżdied għal 136 TWh fl-2020. Ġie konkluż li l-konsum tal-elettriku fil-fażi tal-użu jista’ jitnaqqas b’mod sinifikanti.

(8)

L-istudju ta’ tħejjija juri li l-konsum tal-elettriku fil-fażi tal-użu huwa l-uniku parametru ta’ ekodisinn sinifikanti relatat mad-disinn tal-prodott kif imsemmi fl-Anness I, il-Parti 1, tad-Direttiva 2009/125/KE.

(9)

It-tnaqqis tal-konsum tal-elettriku fil-fażi tal-użu tal-pompi tal-ilma għandu jseħħ bl-użu ta’ teknoloġiji eżistenti, kosteffikaċi u mhux brevettati li jistgħu jnaqqsu l-ispejjeż totali kkombinati tax-xiri u tat-tħaddim tagħhom.

(10)

Ir-rekwiżiti ta’ ekodisinn għandhom jarmonizzaw ir-rekwiżiti tal-konsum tal-enerġija għall-pompi tal-ilma fl-Unjoni Ewropea, u b’hekk jikkontribwixxu għall-funzjonament tas-suq intern u għat-titjib fil-prestazzjoni ambjentali ta’ dawn il-prodotti.

(11)

Għandu jingħata qafas ta’ żmien xieraq lill-manifatturi sabiex jiddisinjaw mill-ġdid il-prodotti. Iż-żmien għal din l-introduzzjoni għandu jkun tali li jiġu evitati l-impatti negattivi fuq il-funzjonalitajiet tal-pompi tal-ilma u li jqis l-impatt fuq l-ispejjeż għall-manifatturi, b’mod partikolari l-impriżi ż-żgħar u ta’ daqs medju, filwaqt li jiġi żgurat l-ilħuq f’waqtu tal-għanijiet ta’ dan ir-Regolament.

(12)

Il-konsum tal-enerġija għandu jiġi determinat permezz ta’ metodi ta’ kejl affidabbli, preċiżi u riproduċibbli, li jqisu l-metodi ta’ kejl l-aktar żviluppati rikonoxxuti inkluż, fejn dawn huma disponibbli, standards armonizzati adottati mill-korpijiet ta’ standardazzjoni Ewropej, kif imniżżla fl-Anness I għad-Direttiva 98/34/KE tal-Parlament Ewropew u tal-Kunsill tat-22 ta’ Ġunju 1998 li tistabbilixxi proċedura għall-għoti ta’ informazzjoni fil-qasam tal-istandards u tar-regolamenti tekniċi u tar-regoli dwar is-servizzi tas-Soċjetà tal-Informazzjoni (3).

(13)

Dan ir-Regolament għandu jżid il-penetrazzjoni fis-suq ta’ teknoloġiji li jtejbu l-impatt ambjentali tul iċ-ċiklu tal-ħajja tal-pompi tal-ilma, li għandu jwassal għal iffrankar stmat fl-enerġija ta’ 3,3 TWh sal-2020, imqabbel max-xenarju fejn ma tittieħed l-ebda miżura.

(14)

Skont l-Artikolu 8(2) tad-Direttiva 2009/125/KE, dan ir-Regolament għandu jispeċifika l-proċeduri applikabbli għall-valutazzjoni tal-konformità.

(15)

Sabiex jiffaċilitaw il-kontrolli tal-konformità, il-manifatturi għandhom jipprovdu informazzjoni fid-dokumentazzjoni teknika msemmija fl-Annessi IV u V għad-Direttiva 2009/125/KE.

(16)

Sabiex jiġi llimitat iktar l-impatt ambjentali tal-pompi tal-ilma, il-manifatturi tagħhom għandhom jipprovdu informazzjoni rilevanti fuq iż-żarmar, ir-riċiklaġġ u r-rimi fl-aħħar tal-ħajja ta’ dawn il-pompi.

(17)

Għandhom jiġu identifikati punti ta’ referenza għat-teknoloġiji b’effiċjenza enerġetika għolja li huma attwalment disponibbli. Dan għandu jgħin sabiex jiġu żgurati d-disponibbiltà wiesgħa u l-aċċessibbiltà faċli għall-informazzjoni, partikolarment għall-intrapriżi ż-żgħar u ta’ daqs medju, u dan għandu jiffaċilita aktar l-integrazzjoni tal-aqwa teknoloġiji disponibbli għat-tnaqqis fil-konsum tal-enerġija.

(18)

Il-miżuri pprovduti f’dan ir-Regolament huma skont l-opinjoni tal-Kumitat stabbilit bl-Artikolu 19(1) tad-Direttiva 2009/125/KE,

(a)

pompi tal-ilma ddisinjati speċifikament għall-ippumpjar ta’ ilma nadif b’temperaturi ta’ inqas minn – 10 °C jew ogħla minn 120 °C, minbarra fir-rigward tar-rekwiżiti ta’ informazzjoni tal-Anness II, il-punti 2(11) sa 2(13);

(b)

pompi tal-ilma ddisinjati biss għal applikazzjonijiet tat-tifi tan-nar;

(c)

pompi tal-ilma ta’ spostament;

(d)

pompi tal-ilma li jipprajmjaw ruħhom awtomatikament (self-priming).

(1)

“pompa tal-ilma” hija l-parti idrawlika ta’ tagħmir li tmexxi l-ilma nadif permezz ta’ azzjoni fiżika jew mekkanika u għandha wieħed minn dawn id-disinni li ġejjin:

(2)

“Pompa tal-ilma bi fluss assjali — End suction water pump” pompa tal-ilma rotodinamika, bi fluss assjali, bi stadju wieħed, glanded, iddisinjata għal pressjonijiet sa 16 bar, b’veloċità speċifika ns li tvarja bejn 6 u 80 rpm, fluss nominali minimu ta’ 6 m3/h (1,667·10–3 m3/s), b’potenza massima tax-xaft ta’ 150 kW, head massima ta’ 90 m b’veloċità nominali ta’ 1 450 rpm u head massima ta’ 140 m b’veloċità nominali ta’ 2 900 rpm;

(3)

“Fluss nominali” tfisser il-head u l-fluss li l-manifattur se jiggarantixxi taħt kundizzjonijiet ta’ tħaddim normali;

(4)

“Glanded” tfisser ġonta ssiġillata tax-xaft bejn l-impulsur fil-korp tal-pompa u l-mutur. Il-komponent tal-mutur tat-trażmissjoni jibqa’ niexef;

(5)

“Pompa tal-ilma bi fluss assjali u bil-berings tagħha — End suction own bearing water pump” (ESOB) tfisser pompa tal-ilma bi fluss assjali u bil-berings tagħha;

(6)

“Pompa tal-ilma monoblokk orizzontali — End suction close coupled water pump” (ESCC) tfisser pompa tal-ilma bi fluss assjali li x-xaft tal-mutur tagħha huwa estiż i jservi wkoll bħala x-xaft tal-pompa;

(7)

“Pompa tal-ilma monoblokk inlinja — End suction close coupled inline water pump” (ESCCi) tfisser pompa tal-ilma fejn id-dħul tal-ilma tal-pompa jinsab fuq l-istess livell tal-ħruġ tal-ilma tal-pompa;

(8)

“Pompa tal-ilma b’diversi stadji bi fluss vertikali — Vertical multistage water pump” (MS-V) tfisser pompa tal-ilma rotodinamika, glanded, b’diversi stadji (i > 1) fejn l-impulsuri huma mmuntati fuq xaft vertikali li jdur, li huwa ddisinjat biex jiflaħ għal pressjoni sa 25 bar, b’veloċità nominali ta’ 2 900 rpm u fluss massimu ta’ 100 m3/h (27,78·10–3 m3/s);

(9)

“Pompa tal-ilma sommerġibbli b’diversi stadji — Submersible multistage water pump” (MSS) tfisser pompa tal-ilma rotodinamika b’diversi stadji (i > 1) b’dijametru nominali fuq in-naħa ta’ barra ta’ 4 pulzieri (10,16 cm) jew 6 pulzieri (15,24 cm) maħsuba biex titħaddem ġo borehole b’veloċità nominali ta’ 2 900 rpm u b’temperatura li tvarja bejn 0 °C u 90 °C;

(10)

“pompa tal-ilma rotodinamika” tfisser pompa tal-ilma li tmexxi l-ilma nadif permezz ta’ forzi idrodinamiċi;

(11)

“pompa tal-ilma ta’ spostament” tfisser pompa tal-ilma li tmexxi l-ilma nadif billi tiġbor volum ta’ ilma nadif u tisforza dan il-volum lejn il-ħruġ tal-pompa;

(12)

“pompa li tipprajmja ruħha awtomatikament — self-priming water pump” tfisser pompa tal-ilma li tmexxi l-ilma nadif u li tista’ tibda taħdem u/jew topera anke meta tkun mimlija bi ftit ilma biss;

(13)

“ilma nadif” tfisser ilma b’kontenut massimu ta’ sustanzi solidi u mhux assorbenti ta’ 0,25 kg/m3, u b’kontenut massimu ta’ sustanzi solidi maħlula ta’ 50 kg/m3 sakemm il-kontenut totali tal-gass fl-ilma ma jaqbiżx il-volum ta’ saturazzjoni. Ma għandu jkun ikkunsidrat ebda adittiv li huwa meħtieġ biex ikun evitat l-iffriżar tal-ilma b’temperatura ta’ sa – 10 °C.

(1)

mill-1 ta’ Jannar 2013, il-pompi tal-ilma għandu jkollhom effiċjenza minima kif definit fl-Anness II, il-punt 1 (a);

(2)

mill-1 ta’ Jannar 2015, il-pompi tal-ilma għandu jkollhom effiċjenza minima kif definit fl-Anness II, il-punt 1 (b);

(3)

mill-1 ta’ Jannar 2013, l-informazzjoni dwar il-pompi tal-ilma għandha tkun konformi mar-rekwiżiti stipulati fl-Anness II, il-punt 2.

26.6.2012   

MT

Il-Ġurnal Uffiċjali tal-Unjoni Ewropea

L 165/37

(1)

Il-Kummissjoni Ewropea (“il-Kummissjoni”) irċeviet talba skont l-Artikoli 13(3) u 14(5) tar-Regolament bażiku biex tinvestiga l-possibbiltà ta' ċirkomvenzjoni tal-miżuri anti-dumping imposti fuq importazzjonijiet ta' lighters tal-but, tal-gass u ż-żnied, li ma jistgħux jerġgħu jimtlew, li joriġinaw fir-Repubblika Popolari taċ-Ċina u biex l-importazzjonijiet ta' lighters tal-but, tal-gass u ż-żnied, li ma jistgħux jerġgħu jimtlew, li joriġinaw fil-Vjetnam, sew jekk iddikjarati li joriġinaw fil-Vjetnam u sew jekk le, tagħmilhom soġġetti għar-reġistrazzjoni.

(2)

It-talba saret fis-17 ta' April 2012 minn Société BIC, produttur tal-Unjoni ta' lighters tal-but, tal-gass u ż-żnied, li ma jistgħux jerġgħu jimtlew.

(3)

Il-prodott ikkonċernat mill-possibbiltà ta' ċirkomvenzjoni huwa lighters tal-but, tal-gass u ż-żnied, li ma jistgħux jerġgħu jimtlew, li bħalissa jaqa' taħt il-kodiċi NM ex 9613 10 00 u li joriġina fir-Repubblika Popolari taċ-Ċina (“il-prodott ikkonċernat”).

(4)

Il-prodott li qed jiġi investigat huwa l-istess bħal dak definit fil-premessa preċedenti, iżda kkonsenjat mill-Vjetnam, sew jekk iddikjarat li joriġina fil-Vjetnam u sew jekk le, u li bħalissa jaqa' taħt l-istess kodiċi NM bħall-prodott ikkonċernat (“il-prodott li qed jiġi investigat”).

(5)

Il-miżuri fis-seħħ bħalissa u li possibbilment qed jiġu evitati huma l-miżuri anti-dumping imposti mir-Regolament tal-Kunsill (KE) Nru 1458/2007 (2).

(6)

Investigazzjoni ta' ċirkomvenzjoni fuq l-importazzjoni ta' lighters tal-but, tal-gass u ż-żnied, li ma jistgħux jerġgħu jimtlew u ta' lighters tal-but, taż-żnied, li jistgħu jerġgħu jimtlew, saret ukoll fl-1998-1999 u din wasslet biex id-dazju jiġi estiż għall-importazzjonijiet ta' lighters tal-but, tal-gass u ż-żnied, li ma jistgħux jerġgħu jimtlew li joriġinaw fir-Repubblika Popolari taċ-Ċina, għall-importazzjonijiet ta' ċerti lighters tal-but, tal-gass u ż-żnied, li jistgħu jerġgħu jimtlew u li mhumiex riutilizzabbli, li joriġinaw fir-Repubblika Popolari taċ-Ċina, jew huma kkonsenjati minn jew joriġinaw fit-Tajwan, u għall-importazzjonijiet ta' lighters li ma jistgħux jerġgħu jimtlew li huma kkonsenjati minn jew joriġinaw fit-Tajwan (3).

(7)

It-talba fiha biżżejjed evidenza prima facie li l-miżuri anti-dumping fuq l-importazzjonijiet ta' lighters tal-but, tal-gass u ż-żnied, li ma jistgħux jerġgħu jimtlew, li joriġinaw fir-Repubblika Popolari taċ-Ċina qed jiġu evitati permezz ta' operazzjonijiet tal-immuntar fil-Vjetnam.

(8)

L-evidenza prima facie mressqa hija din:

(9)

It-talba turi li wara l-impożizzjoni tal-miżuri fuq il-prodott ikkonċernat, kien hemm bidla sinifikanti fil-mod kif isir il-kummerċ li jinvolvi l-esportazzjonijiet mir-Repubblika Popolari taċ-Ċina, u l-Vjetnam lejn l-Unjoni, u din il-bidla m'għandhiex raġuni jew ġustifikazzjoni b'saħħitha biżżejjed, għajr dik tal-impożizzjoni tad-dazju.

(10)

Din il-bidla jidher li ġejja minn operazzjonijiet tal-immuntar fil-Vjetnam ta' lighters tal-but, tal-gass u ż-żnied, li ma jistgħux jerġgħu jimtlew.

(11)

Barra minn hekk, it-talba fiha biżżejjed evidenza prima facie li l-effetti ta' rimedju tal-miżuri anti-dumping eżistenti fuq il-prodott ikkonċernat qed jiddgħajfu kemm fil-kwantità kif ukoll fil-prezz. Volumi sinifikanti ta' importazzjonijiet tal-prodott li qed jiġi investigat jidher li ħadu post l-importazzjonijiet tal-prodott ikkonċernat. Barra minn hekk, hemm biżżejjed evidenza li l-importazzjonijiet tal-prodott li qed jiġi investigat qed isiru bi prezzijiet aktar baxxi mill-prezz mhux dannuż stabbilit fl-investigazzjoni li wasslet għall-miżuri eżistenti.

(12)

Fl-aħħar nett, it-talba fiha biżżejjed evidenza prima facie li l-prezzijiet tal-prodott li qed jiġi investigat huma oġġett ta' dumping fir-rigward tal-valur normali stabbilit qabel għall-prodott ikkonċernat.

(13)

Jekk il-prattiki ta' ċirkomvenzjoni mill-Vjetnam koperti mill-Artikolu 13 tar-Regolament bażiku, għajr l-operazzjonijiet tal-immuntar, ikunu identifikati matul l-investigazzjoni, l-investigazzjoni tista' tkopri wkoll dawn il-prattiki.

(14)

Fid-dawl ta' dan kollu, il-Kummissjoni kkonkludiet li hemm biżżejjed evidenza biex tiġġustifika l-bidu ta' investigazzjoni skont l-Artikolu 13(3) tar-Regolament bażiku u biex l-importazzjonijiet tal-prodott li qed jiġi investigat, sew jekk iddikjarat li joriġina fil-Vjetnam u sew jekk le, tagħmilhom soġġetti għar-reġistrazzjoni, skont l-Artikolu 14(5) tar-Regolament bażiku.

(15)

Biex tikseb l-informazzjoni li tqis meħtieġa għall-investigazzjoni tagħha, il-Kummissjoni se tibgħat kwestjonarji lill-esportaturi/produtturi magħrufa u lill-assoċjazzjonijiet magħrufa tal-esportaturi/produtturi fil-Vjetnam, lill-esportaturi/produtturi magħrufa u lill-assoċjazzjonijiet magħrufa tal-esportaturi/produtturi fir-Repubblika Popolari taċ-Ċina, lill-importaturi magħrufa u lill-assoċjazzjonijiet magħrufa tal-importaturi fl-Unjoni u lill-awtoritajiet tar-Repubblika Popolari taċ-Ċina u tal-Vjetnam. Kif xieraq, l-informazzjoni tista' tintalab ukoll mingħand l-industrija tal-Unjoni.

(16)

F'kull eventwalità, il-partijiet interessati kollha għandhom jikkuntattjaw lill-Kummissjoni minnufih, u mhux iktar tard mil-limitu taż-żmien stabbilit fl-Artikolu 3 ta' dan ir-Regolament, u jitolbu kwestjonarju fil-limitu taż-żmien stabbilit fl-Artikolu 3(1) ta' dan ir-Regolament, sakemm il-limitu taż-żmien stabbilit fl-Artikolu 3(2) ta' dan ir-Regolament japplika għall-partijiet interessati kollha.

(17)

L-awtoritajiet tar-Repubblika Popolari taċ-Ċina u tal-Vjetnam se jiġu mgħarrfa dwar il-bidu ta' investigazzjoni.

(18)

Il-partijiet kollha interessati huma b'dan mistiedna jagħtu l-fehmiet tagħhom bil-miktub u jagħtu evidenza ta' sostenn. Barra minn hekk, il-Kummissjoni tista' tisma' lill-partijiet interessati, sakemm dawn jagħmlu talba bil-miktub u juru li hemm raġunijiet partikolari għalfejn għandhom jinstemgħu.

(19)

B'konformità mal-Artikolu 13(4) tar-Regolament bażiku, l-importazzjonijiet tal-prodott li qed jiġi investigat jistgħu jiġu eżentati mir-reġistrazzjoni jew mill-miżuri jekk l-importazzjoni ma jkunx fiha ċirkomvenzjoni.

(20)

Billi l-possibbiltà ta' ċirkomvenzjoni qed isseħħ barra mill-Unjoni, jistgħu jingħataw eżenzjonijiet, skont l-Artikolu 13(4) tar-Regolament bażiku, għal produtturi fil-Vjetnam ta' lighters tal-but, tal-gass u ż-żnied, li ma jistgħux jerġgħu jimtlew, li jistgħu juru li mhumiex relatati (4) ma' kwalunkwe prodottur soġġett għall-miżuri (5) u li nstabu li mhumiex involuti fi prattiki ta' ċirkomvenzjoni kif definiti fl-Artikoli 13(1) u 13(2) tar-Regolament bażiku. Il-produtturi li jixtiequ jiksbu eżenzjoni għandhom iressqu talba sostnuta b'evidenza xierqa fil-limitu taż-żmien indikat fl-Artikolu 3(3) ta' dan ir-Regolament.

(21)

Skont l-Artikolu 14(5) tar-Regolament bażiku, l-importazzjonijiet tal-prodott li qed jiġi investigat għandhom ikunu soġġetti għar-reġistrazzjoni sabiex ikun żgurat li, jekk l-investigazzjoni tirriżulta f'sejbiet ta' ċirkomvenzjoni, ikun jista' jiġi impost ammont xieraq ta' dazji tal-anti-dumping mid-data meta tiġi imposta r-reġistrazzjoni ta' importazzjonijiet bħal dawn ikkonsenjati mil-Vjetnam.

(22)

Fl-interess ta' amministrazzjoni soda, għandhom jiġu ddikjarati limiti taż-żmien li matulhom:

(23)

Qed tinġibed l-attenzjoni fuq il-fatt li l-eżerċizzju ta' ħafna mid-drittijiet proċedurali stabbiliti fir-Regolament bażiku jiddependi mill-fatt li l-parti tippreżenta ruħha fil-limiti taż-żmien imsemmija fl-Artikolu 3 ta' dan ir-Regolament.

(24)

F'każijiet li xi parti interessata tiċħad l-aċċess jew ma tagħtix l-informazzjoni meħtieġa fil-limiti taż-żmien, jew tfixkel l-investigazzjoni b'mod sinifikanti, jistgħu jsiru sejbiet, pożittivi jew negattivi, skont l-Artikolu 18 tar-Regolament bażiku, abbażi tal-fatti disponibbli.

(25)

Fejn jinstab li xi parti interessata tkun tat informazzjoni falza jew qarrieqa, dik l-informazzjoni għandha tiġi injorata u jistgħu jintużaw il-fatti disponibbli.

(26)

Jekk parti interessata ma tikkoperax jew tikkopera biss parzjalment u għalhekk is-sejbiet ikunu ibbażati fuq il-fatti disponibbli b'konformità mal-Artikolu 18 tar-Regolament bażiku, ir-riżultat jista' jkun anqas favorevoli għal dik il-parti milli kieku din kienet ikkoperat.

(27)

L-investigazzjoni se tiġi konkluża, skont l-Artikolu 13(3) tar-Regolament bażiku, fi żmien disa' xhur mid-data tal-pubblikazzjoni ta' din in-notifika f'Il-Ġurnal Uffiċjali tal-Unjoni Ewropea.

(28)

Ta' min jinnota li kull dejta personali miġbura f'din l-investigazzjoni se tiġi trattata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-movement liberu ta' dik id-dejta (6).

(29)

Il-partijiet interessati jistgħu jitolbu l-intervent tal-Uffiċjal tas-Seduta tad-Direttorat Ġenerali għall-Kummerċ. L-Uffiċjal tas-Seduta jagħmilha ta' medjatur bejn il-partijiet interessati u s-servizzi ta' investigazzjoni tal-Kummissjoni. L-Uffiċjal tas-Seduta jirrevedi t-talbiet għall-aċċess tal-fajl, it-tilwim dwar il-kunfidenzjalità tad-dokumenti, it-talbiet għall-estensjoni tal-limiti taż-żmien u t-talbiet minn partijiet terzi għal smigħ. L-Uffiċjal tas-Seduta jista' jorganizza smigħ ma' parti interessata individwali u jagħmilha ta' medjatur biex jiżgura li d-drittijiet tad-difiża tal-partijiet interessati jkunu qed jitħaddmu b'mod sħiħ.

(30)

It-talba għal smigħ mal-Uffiċjal tas-Seduta għandha ssir bil-miktub u għandha tispeċifika r-raġunijiet tat-talba. L-Uffiċjal tas-Seduta se jagħti opportunitajiet ukoll biex isir smigħ li jinvolvi lill-partijiet u li jippermetti li jitressqu fehmiet differenti u argumenti kuntrarji.

(31)

Għal aktar informazzjoni u dettalji ta' kuntatt, il-partijiet interessati jistgħu jikkonsultaw il-paġni tal-internet tal-Uffiċjal tas-Seduta fuq il-websajt tad-Direttorat Ġenerali għall-Kummerċ: http://ec.europa.eu/trade/tackling-unfair-trade/hearing-officer/index_en.htm.

European Commission

Directorate-General for Trade

Directorate H

Office: N105 4/92

1049 Bruxelles/Brussel

BELGIQUE/BELGIË

Il-faks: +32 2 29 93988

L-indirizz elettroniku: trade-lighters-circumvention@ec.europa.eu

26.6.2012   

MT

Il-Ġurnal Uffiċjali tal-Unjoni Ewropea

L 165/41

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

26.6.2012   

MT

Il-Ġurnal Uffiċjali tal-Unjoni Ewropea

L 165/43

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2011/2012 ġew stabbiliti bir-Regolament ta’ implimentazzjoni tal-Kummissjoni (UE) Nru 971/2011 (3). Dawn il-prezzijiet u dazji ġew modifikati l-aħħar bir-Regolament ta’ implimentazzjoni tal-Kummissjoni (UE) Nru 526/2012 (4).

(2)

L-informazzjoni li l-Kummissjoni għandha llum, twassal biex dawn l-ammonti jiġu mmodifikati, skont l-Artikolu 36 tar-Regolament (KE) Nru 951/2006.

(3)

Minħabba l-ħtieġa li jiġi żgurat li din il-miżura tapplika malajr kemm jista' jkun wara li tkun disponibbli d-dejta aġġornata, dan ir-Regolament għandu jidħol fis-seħħ fil-jum tal-pubblikazzjoni tiegħu,

26.6.2012   

MT

Il-Ġurnal Uffiċjali tal-Unjoni Ewropea

L 165/45

(1)

Fl-1 ta’ Diċembru 2011, il-Kunsill adotta d-Deċiżjoni 2011/782/PESK dwar miżuri restrittivi kontra s-Sirja (1).

(2)

Jeħtieġ li tiġi żviluppata aktar l-applikazzjoni tal-Artikolu 1(3)(b) u tal-Artikolu 1a(2)(b) tad-Deċiżjoni 2011/782/PESK.

(3)

Id-Deċiżjoni 2011/782/PESK għandha tiġi emendata kif meħtieġ.

(1)

L-Artikolu 1(3)(b) huwa sostitwit b’dan li ġej:

(2)

L-Artikolu 1a(2)(b) huwa sostitwit b’dan li ġej:

26.6.2012   

MT

Il-Ġurnal Uffiċjali tal-Unjoni Ewropea

L 165/46

(1)

L-Artikolu 4 tar-Regolament (KE) Nru 1084/2006 jistipula l-kondizzjonijiet li japplikaw għall-aċċess għall-għajnuna mill-Fond ta' Koeżjoni. Taħt il-paragrafu 1 ta' dak l-Artikolu, il-Kunsill jista' jiddeċiedi li jissospendi t-totalità tal-impenji mill-Fond ta’ Koeżjoni jew parti minnhom għall-Istat Membru kkonċernat b'effett mill-1 ta' Jannar tas-sena ta' wara d-deċiżjoni ta' sospensjoni jekk ikun ġie stabbilit f'konformità mal-Artikolu 126(8) tat-Trattat dwar il-Funzjonament tal-Unjoni Ewropea (“TFUE”) li l-Istat Membru kkonċernat ma ħax azzjoni effettiva b'risposta għal Rakkomadazzjoni tal-Kunsill magħmula taħt l-Artikolu 126(7) tat-TFUE.

(2)

Fil-5 ta Lulju 2004, bid-Deċiżjoni 2004/918/KE dwar l-eżistenza ta’ defiċit eċċessiv fl-Ungerija (2) il-Kunsill iddeċieda, f'konformità mal-Artikolu 104(6) tat-Trattat li jistabbilixxi l-Komunità Ewropea (“TKE”) li fl-Ungerija kien hemm defiċit eċċessiv. Il-Kunsill adotta l-ewwel rakkomandazzjoni fil-5 ta' Lulju 2004, it-tieni rakkomandazzjoni fit-8 ta' Marzu 2005 u t-tielet rakkomandazzjoni fl-10 ta' Ottubru 2006, li kollha kienu indirizzati lill-Ungerija f'konformità mal-Artikolu 104(7) tat-TKE. Fis-7 ta' Lulju 2009 il-Kunsill adotta r-raba’ rakkomandazzjoni simili tagħha ("Rakkomandazzjoni tal-Kunsill tas-7 ta' Lulju 2009") bl-għan li tintemm il-qagħda ta' defiċit eċċessiv tal-gvern sa mhux aktar tard mill-2011.

(3)

Fl-24 ta Jannar 2012 il-Kunsill adotta d-Deċiżjoni 2012/139/UE li tistabbilixxi jekk itteħditx azzjoni effettiva mill-Ungerija b’reazzjoni għar-Rakkomandazzjoni tal-Kunsill tas-7 ta’ Lulju 2009 (3) f'konformità mal-Artikolu 126(8) tat-TFUE, li stabbilixxiet li l-Ungerija ma kinitx ħadet azzjoni effettiva biex tikkoreġi d-defiċit eċċessiv tal-gvern b'risposta għar-Rakkomandazzjoni tal-Kunsill tas-7 ta' Lulju 2009 fil-perjodu stipulat fiha.

(4)

Fit-13 ta' Marzu 2012, b'Deċiżjoni ta' Implimentazzjoni 2012/156/UE li tissospendi l-impenji mill-Fond tal-Koeżjoni għall-Ungerija b’effett mill- 1 ta’ Jannar 2013 (4), il-Kunsill iddeċieda li jissospendi parti mill-impenji mill-Fond ta' Koeżjoni b'effett mill-1 ta' Jannar 2013 f'konformità mal-Artikolu 4 tar-Regolament (KE) Nru 1084/2006. Id-deċiżjoni dwar l-ammont ta' impenji tal-Fond ta’ Koeżjoni li se jkunu sospiżi bl-għan li jiġi żgurat li s-sospensjoni tkun kemm effettiva kif ukoll proporzjonata, filwaqt li titqies il-qagħda ekonomika globali attwali fl-Unjoni u l-importanza relattiva tal-Fond ta’ Koeżjoni għall-ekonomija tal-Istat Membru kkonċernat. Il-Kunsill qies xieraq, fil-każ tal-ewwel applikazzjoni tal-Artikolu 4(1) tar-Regolament (KE) Nru 1084/2006 għal Stat Membru partikolari, jiġifieri l-Ungerija, li l-ammont ikun iffissat għal 50 % tal-allokazzjoni tal-Fond ta’ Koeżjoni għall-2013, mingħajr ma jinqabeż il-livell massimu ta' 0,5 % tal-PDG nominali ta’ dak l-Istat Membru kif previst mis-servizzi tal-Kummissjoni. Għalhekk, il-Kunsill iddeċieda li jissospendi EUR 495 184 000 f'impenji mill-Fond ta’ Koeżjoni għall-Ungerija b'effett mill-1 ta' Jannnar 2013.

(5)

Ukoll fit-13 ta’ Marzu, il-Kunsill ħareġ rakkomandazzjoni riveduta għall-Ungerija f'konformità mal-Artikolu 126(7) tat-TFUE (“Rakkomandazzjoni tal-Kunsill tat-13 ta' Marzu 2012”), li tiffissa l-2012 bħala l-iskadenza biex tintemm il-qagħda ta' defiċit eċċessiv tal-gvern. Speċifikament, ġie rrakkomandat lill-Ungerija biex tagħmel sforz fiskali addizzjonali ta' mill-inqas 0,5 % tal-PDG, abbażi tal-ispeċifikazzjoni u l-implimentazzjoni ulterjuri ta’ miżuri ta' konsolidament ta' natura strutturali, biex tiżgura l-ksib tal-mira tad-defiċit għall-2012 ta' 2,5 % tal-PDG; talloka l-gwadanji possibbli mhux previsti għat-titjib tal-bilanċ nominali; tieħu l-miżuri addizzjonali ta' natura strutturali li jkunu meħtieġa sabiex tiżgura li d-defiċit fl-2013 jibqa' ferm inqas mil-limitu tat-3 % tal-PDG; u tinkorpora biżżejjed dispożizzjonijiet ta’ riżerva fil-liġijiet dwar il-baġit li ġejjin. Fl-istess waqt, il-Kunsill issottolinja li l-aġġustament baġitarju għandu jikkontribwixxi biex jibda jsir tnaqqis fil-proporzjon tad-dejn tal-gvern u li għandu bżonn ikun appoġġat bit-titjib propost fil-qafas ta' governanza fiskali.

(6)

Fit-23 ta' April 2012, l-Ungerija ppreżentat l-aġġornament annwali tagħha tal-programm ta' konverġenza tagħha li jissottolinja l-istrateġija baġitarja tagħha biex tiżgura l-korrezzjoni sostenibbli tad-defiċit eċċessiv sal-iskadenza tal-2012. Il-miri uffiċjali ta’ defiċit u l-isforzi fiskali ppjanati jikkonformaw mar-Rakkomandazzjoni tal-Kunsill tat-13 ta' Marzu 2012. Il-programm jikkonferma l-objettiv preċedenti għal terminu medju ta' 1,5 % tal-PDG, li huwa ppjanat li jikseb sal-2013. Skont l-aġġornament, id-dejn pubbliku qiegħed kontinwament jitnaqqas matul il-perjodu tal-programm għal 77 % tal-PDG fl-2013 u taħt it-73 % tal-PDG fl-2015. Fir-rigward tar-riforma tal-governanza fiskali, l-awtoritajiet ħabbru li se jippreżentaw l-emendi meħtieġa lill-Parlament matul is-sessjoni tar-Rebbiegħa.

(7)

Abbażi ta’ informazzjoni disponibbli għall-pubbliku, il-Kummissjoni kkonkludiet, fil-Komunikazzjoni tagħha tat-30 ta' Mejju 2012, li l-Ungerija ħadet l-azzjoni korrettiva meħtieġa, li tirrappreżenta progress adegwat lejn il-korrezzjoni tad-defiċit eċċessiv. B'mod partikolari, id-defiċit tal-baġit huwa mistenni li jilħaq it-2,5 % tal-PDG fl-2012 u jibqa' ferm inqas mit-3 % tal-valur ta' referenza tal-PDG fl-2013, kif ġie rrakkomandat mill-Kunsill f'Marzu. Speċifikament, meta titqies ukoll l-informazzjoni kollha disponibbli għall-pubbliku pprovduta mill-Gvern minn nofs Marzu 'l hawn, id-defiċit tal-2013 huwa previst mis-servizzi tal-Kummissjoni li se jilħaq 2,7 % tal-PDG. B’kont meħud ukoll tal-effett tar-reviżjonijiet għat-tkabbir potenzjali tal-PDG u d-devjazzjoni prevista minn elastiċitajiet standard tat-taxxa, l-isforz fiskali fl-2012 jista' jitqies ġeneralment konformi ma' dak li kien meħtieġ. L-użu ta' introjti mhux previsti u l-inkorporazzjoni ta' biżżejjed dispożizzjonijiet ta’ riżerva fil-baġits li ġejjin għad iridu jiġu provati. Abbażi tal-previżjoni tar-Rebbiegħa għall-2012, id-dejn ġenerali tal-gvern huwa mistenni li jonqos għal 78,5 % tal-PDG fl-2012 u li jonqos kemxejn iktar fl-2013. Fl-aħħar, sar xi progress fit-titjib tal-qafas ta' governanza fiskali, iżda r-riformi importanti għad iridu jiġu mfassla u adottati qabel ma tispiċċa s-sessjoni tar-rebbiegħa tal-Parlament. F'dan il-kuntest u wkoll fid-dawl ta’ data agħar milli mistenni dwar it-tkabbir għall-ewwel tliet xhur tas-sena, il-Kummissjoni se tkompli b’monitoraġġ mill-qrib tal-iżviluppi baġitarji fl-Ungerija.

(8)

Ġeneralment, l-Ungerija ħadet l-azzjoni korrettiva meħtieġa b'risposta għar-Rakkomandazzjoni tal-Kunsill tat-13 ta' Marzu 2012 biex tikkoreġi d-defiċit eċċessiv sal-iskadenza stipulata mill-Kunsill. Għalhekk, id-Deċiżjoni ta' Implimentazzjoni 2012/156/UE li tissospendi parti mill-impenji mill-Fond ta’ Koeżjoni għandha tiġi abrogata.

(9)

Jekk, fi kwalunkwe mument, qabel l-abrogazzjoni tad-deċiżjoni dwar l-eżistenza ta' defiċit eċċessiv taħt l-Artikolu 126(12) tat-TFUE, l-azzjoni meħuda tkun qed tirriżulta bħala inadegwata, il-Kunsill għandu, fuq rakkomandazzjoni tal-Kummissjoni, jadotta Deċiżjoni ġdida taħt l-Artikolu 126(8) tat-TFUE. F’tali każ, huwa jista’, fuq proposta mill-Kummissjoni, jadotta deċiżjoni li tissospendi l-impenji tal-Fond ta’ Koeżjoni,

26.6.2012   

MT

Il-Ġurnal Uffiċjali tal-Unjoni Ewropea

L 165/48

(1)

Fl-14 ta’ Novembru 2005, il-Kunsill adotta l-Azzjoni Konġunta 2005/797/PESK dwar il-Missjoni tal-Pulizija tal-Unjoni Ewropea għat-Territorji Palestinjani (1) (EUPOL COPPS) li kienet estiża l-aħħar bid-Deċiżjoni tal-Kunsill 2009/955/PESK (2) u skadiet fil-31 ta’ Diċembru 2010.

(2)

Fis-17 ta’ Diċembru 2010, il-Kunsill adotta d-Deċiżjoni 2010/784/PESK (3) li kompliet il-missjoni EUPOL COPPS mill-1 ta’ Jannar 2011 u li ġiet emendata l-aħħar bid-Deċiżjoni 2011/858/PESK (4). Id-Deċiżjoni 2010/784/PESK tiskadi fit-30 ta’ Ġunju 2012.

(3)

Fl-4 ta’ Mejju 2012, il-Kumitat Politiku u ta’ Sigurtà (KPS) irrakkomanda estensjoni tal-EUPOL COPPS sat-30 ta’ Ġunju 2013.

(4)

L-EUPOL COPPS għandha tiġi estiża ulterjorment mill-1 ta’ Lulju 2012 sat-30 ta’ Ġunju 2013 abbażi tal-mandat attwali tagħha.

(5)

Huwa meħtieġ ukoll li jiġi stabbilit l-ammont ta’ referenza finanzjarja maħsub sabiex ikopri n-nefqa relatata mal-EUPOL COPPS għall-perijodu mill-1 ta’ Lulju 2012 sat-30 ta’ Ġunju 2013.

(6)

L-EUPOL COPPS ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbilit fl-Artikolu 21 tat-Trattat dwar l-Unjoni Ewropea,

(1)

Fl-Artikolu 13(1) jiżdied is-subparagrfu li ġej:

“L-ammont ta’ referenza finanzjarja maħsub biex ikopri n-nefqa marbuta mal-EUPOL COPPS għall-perijodu mill-1 ta’ Lulju 2012 sat-30 ta’ Ġunju 2013 għandu jkun EUR 9 330 000.”.

(2)

Fl-Artikolu 16, it-tieni paragrafu huwa sostitwit b’dan li ġej:

“Hija għandha tiskadi fit-30 ta’ Ġunju 2013.”.

26.6.2012   

MT

Il-Ġurnal Uffiċjali tal-Unjoni Ewropea

L 165/49

(1)

Fil-11 ta’ Awwissu 2010, il-Kunsill adotta d-Deċiżjoni 2010/450/PESK (1) li taħtar lis-Sinjura Rosalind MARSDEN bħala r-Rappreżentant Speċjali tal-Unjoni Ewropea għas-Sudan.

(2)

Fl-1 ta’ Awwissu 2011, il-Kunsill adotta d-Deċiżjoni 2011/499/PESK (2) li emendat il-mandat u t-titlu tar-RSUE fid-dawl tad-dikjarazzjoni tal-indipendenza mis-Sudan t’Isfel. Il-mandat tar-RSUE ser jiskadi fit-30 ta’ Ġunju 2012.

(3)

Il-mandat tar-RSUE għandu jiġi estiż għal perijodu ieħor ta’ 12-il xahar.

(4)

Ir-RSUE ser timplimenta l-mandat fil-kuntest ta’ sitwazzjoni li tista’ tiddeterjora u li tista’ xxekkel il-kisba tal-objettivi tal-azzjoni esterna tal-Unjoni kif hemm imniżżel fl-Artikolu 21 tat-Trattat,

(a)

issir ħidma mal-Gvern tas-Sudan, il-Gvern tas-Sudan t’Isfel, il-partiti politiċi Sudaniżi u tas-Sudan t’Isfel, il-movimenti armati u ribelli fis-Sudan u s-Sudan t’Isfel, kif ukoll is-soċjetà ċivili u organizzazzjonijiet mhux governattivi, bil-għan li jitwettqu l-objettivi ta’ politika tal-Unjoni;

(b)

tinżamm kooperazzjoni mill-qrib man-NU, inkluż il-Missjoni tan-NU fis-Sudan t’Isfel (UNMISS), il-Forza tas-Sigurtà Interim tan-NU għal Abyei (UNISFA) u l-Mibgħut Speċjali tan-NU, l-UA u b’mod partikolari l-Grupp ta’ Implimentazzjoni ta’ Livell Għoli tal-UA għas-Sudan (AUHIP), l-operazzjoni ibrida tal-UA/NU (UNAMID), il-Lega tal-Istati Għarab (LAS), l-Aġenzija Intergovernattiva għall-Iżvilupp (IGAD), u partijiet interessati oħra reġjonali u internazzjonali ewlenin;

(c)

tiġi rrappreżentata l-Unjoni u jiġu promossi l-objettivi ta’ politika u l-pożizzjonijiet tagħha fil-fora internazzjonali u pubbliċi, kif adatt;

(d)

isir kontribut għal aktar koerenza u effettività tal-politika tal-Unjoni lejn is-Sudan u s-Sudan t’Isfel, filwaqt li jiġi promoss approċċ internazzjonali konsistenti lejn iż-żewġ pajjiżi;

(e)

jingħata kontribut fl-isforzi ta’ medjazzjoni internazzjonali mmexxija mill-AUHIP biex jiġi ffaċilitat qbil bejn is-Sudan u s-Sudan t’Isfel dwar kwistjonijiet pendenti ta’ wara s-CPA u biex tinstab soluzzjoni politika inklussiva għall-kunflitt kontinwu fil-Kordofan tan-Nofsinhar u l-Istati tal-Blue Nile;

(f)

tiġi appoġġata l-implimentazzjoni tal-kwistjonijiet maqbulin skont is-CPA u l-implimentazzjoni eventwali tal-ftehimiet dwar kwistjonijiet ta’ wara s-CPA;

(g)

jiġi promoss il-bini tal-istituzzjonijiet fis-Sudan t’Isfel;

(h)

jingħata kontribut għal sforzi internazzjonali biex jiġi ffaċilitat ftehim ta’ paċi komprensiv, inklużiv u dejjiemi għal Darfur u tiġi promossal-implimentazzjoni tad-Dokument ta’ Doha, b’ħidma mill-qrib man-NU, l-UA, il-Gvern tal-Qatar u partijiet interessati internazzjonali oħra, kif meħtieġ;

(i)

jiġi promoss ir-rispett għad-drittijiet tal-bniedem billi jinżammu kuntatti regolari mal-awtoritajiet rilevanti fis-Sudan u s-Sudan t’Isfel, l-Uffiċċju tal-Prosekutur tal-Qorti Kriminali Internazzjonali, l-Uffiċċju tal-Kummissarju Għoli għad-Drittijiet tal-Bniedem u l-osservaturi tad-drittijiet tal-bniedem attivi fir-reġjun;

(j)

jingħata kontribut għall-implimentazzjoni tal-politika tal-Unjoni dwar id-drittijiet tal-bniedem, inkluż il-Linji Gwida tal-UE dwar id-drittijiet tal-bniedem, b’mod partikolari l-Linji Gwida tal-UE dwar it-Tfal u l-Kunflitt Armat, kif ukoll dwar il-vjolenza kontra n-nisa u l-bniet u l-ġlieda kontra l-forom kollha ta’ diskriminazzjoni kontrihom u l-politika tal-Unjoni dwar ir-Riżoluzzjoni tal-Kunsill tal-Sigurtà tan-Nazzjonijiet Uniti 1325 (2000) dwar in-Nisa, il-Paċi u s-Sigurtà, inkluż permezz tal-monitoraġġ u r-rappurtar dwar l-iżviluppi kif ukoll l-ifformular ta’ rakkomandazzjonijiet f’dan ir-rigward;

(k)

jingħata kontribut għall-implimentazzjoni ta’ approċċ komprensiv tal-Unjoni għas-Sudan u s-Sudan t’Isfel kif maqbul mill-Kunsill Affarijiet Barranin fl-20 ta’ Ġunju 2011;

(l)

jingħata kontribut, f’kooperazzjoni mill-qrib mas-Servizz Ewropew għall-Azzjoni Esterna (SEAE), lill-impenn tal-UE mal-partijiet interessati rilevanti kollha biex jingħata appoġġ lill-isforzi għall-mitigazzjoni u l-eliminazzjoni t-theddida għaċ-ċittadini u l-istabbiltà fis-Sudan t’Isfel u r-reġjun usa’ ppreżentat mil-LRA;

(m)

ikun hemm segwitu u tirrapporta dwar il-konformità tal-partiti Sudaniżi u tas-Sudan t’Isfel mar-Riżoluzzjonijiet tal-Kunsill tal-Sigurtà tan-Nazzjonijet Uniti rilevanti, partikolarment 1556 (2004), 1564 (2004), 1590 (2005), 1591 (2005), 1593 (2005), 1612 (2005), 1663 (2006), 1672 (2006), 1679 (2006), 1769 (2007), 1778 (2007), 1881 (2009), 1882 (2009), 1891 (2009), 1919 (2010), 1990 (2011), 1996 (2011), 2024 (2011), 2046 (2012).

(a)

tistabbilixxi pjan ta’ sigurtà speċifiku għall-missjoni bbażat fuq gwida mis-SEAE, li jinkludi miżuri ta’ sigurtà fiżiċi, organizzattivi u proċedurali speċifiċi għall-missjoni, li jirregolaw l-immaniġġar tal-moviment mingħajr periklu tal-persunal lejn, u ġewwa, iż-żona tal-missjoni, kif ukoll l-immaniġġar ta’ inċidenti ta’ sigurtà u pjan ta’ kontinġenza u evakwazzjoni tal-missjoni;

(b)

tiżgura li l-persunal kollu mmobbilizzat barra mill-Unjoni jkun kopert b’assigurazzjoni ta’ riskju għoli kif meħtieġ mill-kondizzjonijiet fiż-żona tal-missjoni;

(c)

tiżgura li l-membri kollha tal-grupp tar-RSUE li jkunu ser jiġu skjerati barra l-Unjoni, inkluż persunal ikkuntrattat lokalment, ikunu rċevew taħriġ adatt fir-rigward tas-sigurtà qabel ma jaslu fiż-żona tal-missjoni jew kif jaslu, abbażi tal-klassifikazzjonijiet tar-riskju assenjati liż-żona tal-missjoni mis-SEAE;

(d)

tiżgura li jiġu implimentati r-rakkomandazzjonijiet kollha miftehmin, magħmula wara valutazzjonijiet regolari ta’ sigurtà, u jippreżenta lill-Kunsill, lir-RGħ u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapport ta’ progress u r-rapport dwar l-implimentazzjoni tal-mandat.

26.6.2012   

MT

Il-Ġurnal Uffiċjali tal-Unjoni Ewropea

L 165/53

(1)

Fil-25 ta’ Awwissu 2011, il-Kunsill adotta d-Deċiżjoni 2011/518/PESK (1) li taħtar lis-Sur Philippe LEFORT bħala r-Rappreżentant Speċjali tal-Unjoni Ewropea (RSUE) għall-Kawkasu tan-Nofsinhar u l-kriżi fil-Ġeorġja. Il-mandat tar-RSUE ser jiskadi fit-30 ta’ Ġunju 2012.

(2)

Il-mandat tar-RSUE għandu jiġi estiż għal perijodu ulterjuri ta’ 12-il xahar.

(3)

Ir-RSUE ser jimplimenta l-mandat fil-kuntest ta’ sitwazzjoni li tista’ tiddeterjora u li tista’ xxekkel il-kisba tal-objettivi tal-azzjoni esterna tal-Unjoni kif previst fl-Artikolu 21 tat-Trattat,

(a)

f’konformità mal-mekkaniżmi eżistenti, inklużi l-Organizzazzjoni għas-Sigurtà u Kooperazzjoni fl-Ewropa (OSCE) u l-Grupp ta’ Minsk tagħha, li ssir prevenzjoni ta’ konflitti fir-reġjun, li jingħata kontribut għal soluzzjoni paċifika tal-konflitti fir-reġjun, inklużi l-kriżi fil-Ġeorġja u l-konflitt f’Nagorno-Karabakh, permezz tal-promozzjoni tar-ritorn tar-refuġjati u ta’ persuni spostati f’pajjiżhom u permezz ta’ mezzi oħra adatti, u li tiġi appoġġata l-implimentazzjoni ta’ tali soluzzjoni f’konformità mal-prinċipji tad-dritt internazzjonali;

(b)

li jkun hemm impenn kostruttiv mal-atturi ewlenin interessati fir-rigward tar-reġjun;

(c)

li titħeġġeġ u tiġi appoġġata aktar il-kooperazzjoni bejn l-Armenja, l-Azerbajġan u l-Ġeorġja, u, skont il-każ, il-pajjiżi ġirien tagħhom;

(d)

li jittejbu l-effikaċja u l-viżibbiltà tal-Unjoni fir-reġjun.

(a)

li jiżviluppa kuntatti mal-gvernijiet, il-parlamenti, atturi politiċi ewlenin oħra, il-ġudikatura u s-soċjetà ċivili fir-reġjun;

(b)

li iħeġġeġ lill-pajjiżi fir-reġjun biex jikkooperaw dwar temi reġjonali ta’ interess komuni, bħal theddid komuni għas-sigurtà, il-ġlieda kontra t-terroriżmu, it-traffikar illeċitu u l-kriminalità organizzata;

(c)

li jikkontribwixxi għas-soluzzjoni paċifika tal-konflitti f’konformità mal-prinċipji tad-dritt internazzjonali u jiffaċilita l-implimentazzjoni ta’ tali soluzzjoni f’koordinazzjoni mill-qrib man-Nazzjonijiet Uniti, mal-OSCE u l-Grupp ta’ Minsk tagħha;

(d)

fir-rigward tal-kriżi fil-Ġeorġja:

(e)

li jiffaċilita l-iżvilupp u l-implimentazzjoni ta’ miżuri ta’ bini ta’ fiduċja;

(f)

li jgħin fit-tħejjija, skont il-każ, tal-kontributi tal-Unjoni għall-implimentazzjoni ta’ soluzzjoni possibbli tal-konflitt;

(g)

li jintensifika d-djalogu tal-Unjoni mal-atturi ewlenin ikkonċernati fir-rigward tar-reġjun;

(h)

li jassisti lill-Unjoni fl-iżvilupp ulterjuri ta’ politika komprensiva lejn il-Kawkasu tan-Nofsinhar;

(i)

li, fil-qafas tal-attivitajiet stabbiliti f’dan l-Artikolu, jikkontribwixxi għall-implimentazzjoni tal-politika tal-Unjoni dwar id-drittijiet tal-bniedem u l-Linji Gwida tal-UE dwar id-Drittijiet tal-Bniedem, b’mod partikolari fir-rigward tat-tfal u n-nisa f’żoni milquta minn konflitti, speċjalment bil-monitoraġġ u t-trattament tal-iżviluppi f’dan ir-rigward.

(a)

jistabbilixxi pjan ta’ sigurtà speċifiku għall-missjoni bbażat fuq il-gwida mis-SEAE, li jipprovdi għal miżuri ta’ sigurtà fiżiċi, organizzattivi u proċedurali speċifiċi għall-missjoni, li jirregolaw l-immaniġġar tal-moviment mingħajr periklu tal-persunal lejn, u ġewwa, iż-żona tal-missjoni, kif ukoll l-immaniġġar ta’ inċidenti ta’ sigurtà, u li jipprovdi għal pjan ta’ kontinġenza u pjan ta’ evakwazzjoni tal-missjoni;

(b)

jiżgura li l-persunal kollu skjerat barra mill-Unjoni jkun kopert b’assigurazzjoni ta’ riskju għoli kif ikunu jeħtieġu l-kondizzjonijiet fiż-żona tal-missjoni;

(c)

jiżgura li l-membri kollha tal-iskwadra tar-RSUE li jkunu ser jiġu skjerati barra mill-Unjoni, inkluż persunal ikkuntrattat lokalment, ikunu rċevew taħriġ adatt fir-rigward tas-sigurtà qabel jaslu fiż-żona tal-missjoni jew kif jaslu, abbażi tal-klassifikazzjonijiet tar-riskju assenjati liż-żona tal-missjoni mis-SEAE;

(d)

jiżgura li jiġu implimentati r-rakkomandazzjonijiet miftehmin kollha, magħmula wara valutazzjonijiet regolari ta’ sigurtà, u jippreżenta lill-Kunsill, lir-RGħ u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tar-rapport ta’ progress u tar-rapport dwar l-implimentazzjoni tal-mandat.

26.6.2012   

MT

Il-Ġurnal Uffiċjali tal-Unjoni Ewropea

L 165/56

(1)

Fit-18 ta’ Lulju 2011, il-Kunsill adotta d-Deċiżjoni 2011/424/PESK (1) li taħtar lis-Sur Bernardino LEÓN bħala r-Rappreżentant Speċjali tal-Unjoni Ewropea (ir-RSUE) għar-reġjun tan-Nofsinhar tal-Mediterran. Il-mandat tar-RSUE ser jiskadi fit-30 ta’ Ġunju 2012.

(2)

Il-mandat tar-RSUE għandu jiġi estiż għal perijodu ulterjuri ta’ 12-il xahar.

(a)

t-tisħiħ tad-djalogu politiku tal-Unjoni, li jikkontribwixxi għas-sħubija u r-relazzjoni usa’ mal-pajjiżi tan-Nofsinhar tal-Mediterran, partikolarment dawk li għaddejin minn riforma politika u transizzjoni għad-demokrazija.

(b)

kontribut għar-rispons tal-Unjoni għall-iżviluppi fil-pajjiżi tan-Nofsinhar tal-Mediterran, partikolarment dawk li għaddejin minn riforma politika u transizzjoni għad-demokrazija b’mod partikolari billi jsaħħu d-demokrazija u t-tiswir ta’ istituzzjonijiet, tal-istat tad-dritt, tal-governanza tajba, tar-rispett għad-drittijiet tal-bniedem u għal-libertajiet fundamentali, tal-paċi u ta’ kooperazzjoni reġjonali, anke permezz tal-politika tal-Viċinat Ewropew u tal-Unjoni għall-Mediterran;

(c)

it-tisħiħ tal-effikaċja, preżenza u viżibbiltà tal-Unjoni fir-reġjun u fil-fora internazzjonali rilevanti.

(d)

l-istabbiliment ta’ koordinazzjoni mill-qrib ma’ msieħba lokali rilevanti u ma’ organizzazzjonijiet internazzjonali u reġjonali bħall-Unjoni Afrikana, il-Kunsill ta’ Kooperazzjoni għall-Istati Għarab tal-Golf, l-Organizzazzjoni tal-Kooperazzjoni Islamika, il-Lega tal-Istati Għarab, l-Unjoni tal-Magreb Għarbi, istituzzjonijiet finanzjarji internazzjonali rilevanti, in-Nazzjonijiet Uniti u s-settur privat.

(a)

isaħħaħ ir-rwol politiku ġenerali tal-Unjoni fir-rigward tal-pajjiżi tan-Nofsinhar tal-Mediterran partikolarment dawk li għaddejin minn riforma politika u transizzjoni għad-demokrazija, b’mod partikolari billi jsaħħaħ id-djalogu mal-gvernijiet u l-organizzazzjonijiet internazzjonali kif ukoll mas-soċjetà ċivili u interlokuturi rilevanti oħrajn, u jippromwovi l-għarfien fost l-imsieħba fl-approċċ tal-Unjoni;

(b)

iżomm kuntatt mill-qrib mal-partijiet kollha involuti fil-proċess ta’ trasformazzjoni demokratika fir-reġjun, jippromwovi l-istabbilizzazzjoni u r-rikonċiljazzjoni b’rispett sħiħ tal-appartenenzi lokali u jikkontribwixxi għall-maniġġar u l-prevenzjoni ta’ kriżijiet;

(c)

jikkontribwixxi għal koerenza, konsistenza u koordinazzjoni aħjar tal-linji ta’ politika u l-azzjonijiet tal-Unjoni u tal-Istati Membri fir-rigward tar-reġjun;

(d)

jikkontribwixxi għall-promozzjoni tal-koordinazzjoni ma’ msieħba u organizzazzjonijiet internazzjonali u għas-sostenn tal-kooperazzjoni reġjonali. Jgħin lir-RGħ, b’koordinazzjoni mal-Kummissjoni u mill-Istati Membri, b’kontribut fil-ħidma tat-Task Force u laqgħat ta’ segwitu għar-reġjun tan-Nofsinhar tal-Mediterran;

(e)

jikkontribwixxi għall-implimentazzjoni tal-politika tal-Unjoni dwar id-drittijiet tal-bniedem fir-reġjun, anke tal-Linji Gwida tal-UE dwar id-drittijiet tal-bniedem, partikolarment tal-Linji Gwida tal-UE dwar it-Tfal u l-Konflitt Armat, kif ukoll dwar il-vjolenza kontra n-nisa u tfajliet u fil-ġlieda kontra kull forma ta’ diskriminazzjoni kontrihom, u għall-politika tal-Unjoni dwar in-Nisa, il-Paċi u s-Sigurtà, anke bil-monitoraġġ u r-rappurtar dwar żviluppi, u bit-tfassil ta’ rakkomandazzjonijiet f’dan ir-rigward.

(a)

jiġi stabbilit pjan ta’ sigurtà li jkun speċifiku għall-missjoni bbażat fuq gwida mis-SEAE, li jipprevedi miżuri ta’ sigurtà fiżiċi, organizzattivi u proċedurali speċifiċi għall-missjoni, li jirregolaw l-immaniġġar tal-moviment mingħajr periklu tal-persunal lejn, u ġewwa, iż-żona tal-missjoni, u l-immaniġġar ta’ inċidenti ta’ sigurtà, u li jipprevedi pjan ta’ kontinġenza u pjan ta’ evakwazzjoni tal-missjoni;

(b)

jiġi żgurat li l-persunal kollu skjerat barra mill-Unjoni jkun kopert b’assigurazzjoni ta’ riskju għoli kif meħtieġ mill-kondizzjonijiet fiż-żona tal-missjoni;

(c)

jiġi żgurat li l-membri kollha tal-iskwadra tar-RSUE li jkunu ser jiġu skjerati barra l-Unjoni, inkluż persunal ikkuntrattat lokalment, ikunu rċevew taħriġ adatt fir-rigward tas-sigurtà qabel jaslu fiż-żona tal-missjoni jew kif jaslu, abbażi tal-klassifikazzjonijiet tar-riskju assenjati liż-żona tal-missjoni mis-SEAE;

(d)

jiġi żgurat li jiġu implimentati r-rakkomandazzjonijiet miftehmin kollha, magħmula wara valutazzjonijiet regolari ta’ sigurtà, u li l-Kunsill, ir-RGħ u l-Kummissjoni jingħatawlhom rapporti bil-miktub dwar l-implimentazzjoni tagħhom u dwar kwistjonijiet oħra ta’ sigurtà fil-qafas tan-nofs it-terminu u tar-rapport dwar l-implimentazzjoni tal-mandat.

26.6.2012   

MT

Il-Ġurnal Uffiċjali tal-Unjoni Ewropea

L 165/59

(1)

Fil-5 ta’ Ottubru 2006, il-Kunsill adotta d-Deċiżjoni 2006/670/PESK (1) biex jaħtar lis-Sur Pierre MOREL bħala r-Rappreżentant Speċjali tal-Unjoni Ewropea (RSUE) għall-Asja Ċentrali. Il-mandat tar-RSUE għandu jiskadi fit-30 ta’ Ġunju 2012.

(2)

Il-ħatra ta’ RSUE għall-Asja Ċentrali hija meħtieġa għall-perijodu mill-1 ta’ Lulju 2012 sat-30 ta’ Ġunju 2013.

(3)

Il-mandat tar-RSUE ser jiġi implimentat fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbilit fl-Artikolu 21 tat-Trattat,

(a)

il-promozzjoni ta’ relazzjonijiet tajba u mill-qrib bejn il-pajjiżi tal-Unjoni u tal-Asja Ċentrali abbażi ta’ valuri u interessi komuni kif jinsabu fi ftehimiet rilevanti;

(b)

kontribut għat-tisħiħ tal-istabbiltà u l-kooperazzjoni bejn il-pajjiżi fir-reġjun;

(c)

kontribut għat-tisħiħ tad-demokrazija, l-istat tad-dritt, il-governanza tajba u r-rispett għad-drittijiet tal-bniedem u l-libertajiet fundamentali fl-Asja Ċentrali;

(d)

l-indirizzar ta’ minaċċji ewlenin, speċjalment ta’ problemi speċifiċi b’implikazzjonijiet diretti għall-Ewropa;

(e)