9.5.2012   

MT

Il-Ġurnal Uffiċjali tal-Unjoni Ewropea

L 123/1

(1)

Id-Direttiva 2010/30/UE tistipula li l-Kummissjoni għandha tadotta atti ddelegati għat-tikkettar ta’ prodotti marbutin mal-enerġija li jirrappreżentaw potenzjal sinifikanti għall-iffrankar tal-enerġija u li jippreżentaw differenzi kbar fil-livelli ta’ prestazzjoni għal funzjonalitajiet ekwivalenti.

(2)

Id-dispożizzjonijiet għat-tikkettar dwar il-konsum tal-enerġija tal-magni domestiċi tat-tnixxif tal-ħwejjeġ (“tumble driers”) ġew stabbiliti mid-Direttiva tal-Kummissjoni 95/13/KE tat-23 ta’ Mejju 1995 li timplimenta d-Direttiva tal-Kunsill 92/75/KEE rigward l-indikazzjoni tal-konsum ta’ enerġija tal-magni tad-dar tal-elettriku għat-tnixxif tal-ħwejjeġ (2).

(3)

L-enerġija li tintuża mill-magni domestiċi tat-tnixxif tal-ħwejjeġ tammonta għal parti sinifikanti mid-domanda totali tad-djar fl-Unjoni Ewropea għall-enerġija. Minbarra t-titjib fl-effiċjenza fl-użu tal-enerġija li nkiseb diġà, hemm possibbiltà sostanzjali li jkun hemm aktar tnaqqis fil-konsum tal-enerġija mill-magni tat-tnixxif tal-ħwejjeġ domestiċi.

(4)

Id-Direttiva tal-Kummissjoni 95/13/KE għandha titħassar u dan ir-Regolament għandu jistabbilixxi dispożizzjonijiet ġodda sabiex ikun żgurat li t-tikketta dwar il-konsum tal-enerġija tipprovdi inċentivi dinamiċi biex il-fornituri jkomplu jtejbu l-effiċjenza fl-użu tal-enerġija tal-magni domestiċi tat-tnixxif tal-ħwejjeġ u jħaffu l-bidla tas-suq lejn teknoloġiji li jużaw l-enerġija b’mod effiċjenti.

(5)

Il-magni tal-ħasil tal-ħwejjeġ domestiċi li jistgħu jintużaw ukoll għat-tnixxif tal-ħwejjeġ huma ttrattati fid-Direttiva 96/60/KE tad-19 ta’ Settembru 1996 li timplimenta d-Direttiva tal-Kunsill 92/75/KEE rigward it-tikketti li jindikaw il-konsum tal-enerġija ta’ magni tad-dar għall-ħasil u għat-tnixxif tal-ħwejjeġ f’daqqa (3). Dawn għandhom karatteristiċi partikolari u għalhekk m’għandhomx jaqgħu fl-ambitu ta’ dan ir-Regolament.

(6)

L-informazzjoni mogħtija fuq it-tikketta għandha tinkiseb permezz ta’ proċeduri tal-kejl affidabbli, preċiżi u li jistgħu jiġu riprodotti, li jqisu l-aktar metodi tal-kejl moderni rrikonoxxuti, inklużi, fejn ikunu disponibbli, l-istandards armonizzati adottati mill-korpi Ewropej tal-istandardizzazzjoni, kif imniżżla fl-Anness I għad-Direttiva 98/34/KE tal-Parlament Ewropew u tal-Kunsill tat-22 ta’ Ġunju 1998 li tistabbilixxi proċedura għall-għoti ta’ informazzjoni fil-qasam tal-istandards u tar-Regolamenti Tekniċi (4).

(7)

Dan ir-Regolament għandu jispeċifika disinn u kontenut uniformi għat-tikketta tal-magni tat-tnixxif tal-ħwejjeġ domestiċi, fosthom għall-magni tat-tnixxif tal-ħwejjeġ li jaħdmu bil-gass.

(8)

Dan ir-Regolament għandu jispeċifika wkoll ir-rekwiżiti dwar id-“dokumentazzjoni teknika” u l-“iskeda tal-prodott” għall-magni tat-tnixxif tal-ħwejjeġ domestiċi.

(9)

Barra minn hekk, dan ir-Regolament għandu jispeċifika r-rekwiżiti dwar l-informazzjoni li għandha tingħata għal kwalunkwe forma ta’ bejgħ mill-bogħod u riklamar ta’ magni domestiċi tat-tnixxif tal-ħwejjeġ u għal kwalunkwe forma ta’ materjal promozzjonali tekniku għal dan l-apparat.

(10)

Huwa xieraq li tiġi prevista reviżjoni ta’ dan ir-Regolament sabiex jitqies il-progress teknoloġiku.

(11)

Sabiex tiġi ffaċilitata t-tranżizzjoni mid-Direttiva 95/13/KE għal dan ir-Regolament, il-magni domestiċi tat-tnixxif tal-ħwejjeġ li jkollhom tikketta skont dan ir-Regolament għandhom jitqiesu bħala konformi mad-Direttiva 95/13/KE.

(12)

Għalhekk, id-Direttiva 95/13/KE għandha titħassar,

(1)

“magna domestika tat-tnixxif tal-ħwejjeġ “ tfisser apparat li fih il-ħwejjeġ jitnixxfu billi jiddawru f’tanbur (“drum”) li jdur, li minnu tgħaddi arja msaħħna, u li huwa ddisinjat biex jintuża prinċipalment għal skopijiet mhux professjonali;

(2)

“magna domestika tat-tnixxif tal-ħwejjeġ li tkun immuntata fl-għamara” tfisser magna domestika tat-tnixxif tal-ħwejjeġ magħmula biex tiġi installata f’armarju, f’daħla fil-ħajt jew f’xi post simili u li teħtieġ finitura ta’ għamara;

(3)

“magna domestika tal-ħasil tal-ħwejjeġ li tista’ tintuża wkoll għat-tnixxif tal-ħwejjeġ” tfisser magna domestika tal-ħasil tal-ħwejjeġ li tinkludi kemm funzjoni ta’ estrazzjoni bit-tidwir kif ukoll mezz biex tnixxef il-ħwejjeġ, normalment permezz tat-tisħin u t-tidwir fit-tanbur;

(4)

“magna domestika tat-tnixxif tal-ħwejjeġ bid-dawran”, li kummerċjalment tissejjaħ ukoll “spindrajer” (“spin-drier”), tfisser apparat li fih l-ilma jitneħħa minn ġol-ħwejjeġ f’tanbur li jdur permezz ta’ azzjoni ċentrifuga u jinħareġ permezz ta’ pompa awtomatika, u li huwa ddisinjat biex jintuża prinċipalment għal skopijiet mhux professjonali;

(5)

“magna tat-tnixxif tal-ħwejjeġ b’vent tal-arja” tfisser magna tat-tnixxif tal-ħwejjeġ li tiġbed l-arja friska ‘l ġewwa, tgħaddiha minn fuq il-ħwejjeġ u tarmi ‘l barra l-arja niedja li tinħoloq għal ġol-kamra jew għal barra;

(6)

“magna tat-tnixxif tal-ħwejjeġ b’kondensatur” tfisser magna tat-tnixxif tal-ħwejjeġ li tinkludi tagħmir (li juża l-kondensazzjoni jew kwalunkwe mezz ieħor) biex ineħħi l-indewwa mill-arja li tintuża għall-proċess tat-tnixxif;

(7)

“magna tat-tnixxif tal-ħwejjeġ awtomatika” tfisser magna tat-tnixxif tal-ħwejjeġ li titfi l-proċess tat-tnixxif meta jiġi nnutat ċertu kontenut ta’ ndewwa fit-ħasla, pereżempju permezz tal-kejl tal-konduttività jew tat-temperatura;

(8)

“magna tat-tnixxif tal-ħwejjeġ mhux awtomatika” tfisser magna tat-tnixxif tal-ħwejjeġ li titfi l-proċess tat-tnixxif wara perjodu stabbilit minn qabel, li ġeneralment ikun ikkontrollat minn arloġġ, iżda li jista’ jintefa wkoll manwalment;

(9)

“programm” tfisser serje ta’ operazzjonijiet li huma stabbiliti minn qabel u li l-fornitur jiddikjara li huma adattati biex jitnixxfu ċerti tipi ta’ ħwejjeġ;

(10)

“ċiklu” tfisser proċess sħiħ tat-tnixxif, kif iddefinit għall-programm magħżul;

(11)

“tul tal-programm” tfisser il-ħin li jgħaddi minn x’ħin jibda l-programm sa ma jitlesta, minbarra kwalunkwe dewmien ipprogrammat min-naħa tal-utent finali;

(12)

“kapaċità nominali” tfisser il-massa massima f’kilogrammi, kif iddikjarata mill-fornitur, f’żidiet ta’ 0,5 kilogrammi ta’ ħwejjeġ xotti ta’ tip partikolari, li tista’ tiġi ttrattata f’magna domestika tat-tnixxif tal-ħwejjeġ bil-programm magħżul, meta din titgħabba skont l-istruzzjonijiet tal-fornitur;

(13)

“ħasla parzjali” tfisser nofs il-kapaċità nominali ta’ magna domestika tat-tnixxif tal-ħwejjeġ għal programm partikolari;

(14)

“effiċjenza tal-kondensazzjoni” tfisser il-proporzjon tal-massa tal-indewwa kkondensata minn magna tat-tnixxif tal-ħwejjeġ b’kondensatur meta mqabbla mal-massa tal-indewwa mneħħija mill-ħasla meta jintemm iċ-ċiklu;

(15)

“modalità mitfija” tfisser kundizzjoni fejn il-magna domestika tat-tnixxif tal-ħwejjeġ tintefa permezz ta’ kontrolli jew swiċċijiet fl-apparat li huma aċċessibbli għall-utent finali u maħsubin biex jintużaw minnu waqt l-użu normali tal-magna sabiex jinkiseb l-inqas konsum tal-elettriku possibbli, li tista’ tinżamm għal tul ta’ żmien indefinit waqt li l-magna domestika tat-tnixxif tal-ħwejjeġ tkun imqabbda mal-elettriku u tkun qed tintuża skont l-istruzzjonijiet tal-fornitur; fejn ma jkunx hemm kontrolli jew swiċċ li jkun aċċessibbli għall-utent finali, “modalità mitfija” tfisser il-kundizzjoni milħuqa wara li l-magna domestika tat-tnixxif tal-ħwejjeġ tmur lura weħidha għal stat stabbli ta’ konsum tal-enerġija;

(16)

“modalità mixgħula u inattiva” tfisser il-modalità bl-aktar konsum baxx tal-elettriku li tista’ tinżamm għal tul ta’ żmien indefinit wara li jitlesta l-programm mingħajr ebda intervent ieħor min-naħa tal-utent finali apparti t-tbattil tal-magna domestika tat-tnixxif tal-ħwejjeġ;

(17)

“magna domestika tat-tnixxif tal-ħwejjeġ ekwivalenti” tfisser mudell ta’ magna domestika tat-tnixxif tal-ħwejjeġ li jitqiegħed fis-suq bl-istess kapaċità nominali, l-istess karatteristiċi tekniċi u ta’ prestazzjoni, l-istess konsum tal-enerġija, l-istess effiċjenza tal-kondensazzjoni fejn dan ikun applikabbli, l-istess tul tal-programm standard għall-qoton u l-istess ammont ta’ storbju akustiku fl-arja matul it-tnixxif bħal dawk ta’ mudell ieħor ta’ magna domestika tat-tnixxif tal-ħwejjeġ mqiegħed fis-suq mill-istess fornitur b’numru differenti tal-kodiċi kummerċjali;

(18)

“utent finali” tfisser konsumatur li jixtri jew li jkun mistenni jixtri magna domestika tat-tnixxif tal-ħwejjeġ;

(19)

“punt tal-bejgħ” tfisser post fejn jintwerew magni tat-tnixxif tal-ħwejjeġ domestiċi, jew fejn dawn jiġu offruti għall-bejgħ, għall-kiri jew għax-xiri bin-nifs.

(20)

‘programm standard għall-qoton’ tfisser iċ-ċiklu li jnixxef ħasla tal-qoton b’kontenut inizjali ta’ ndewwa tal-ħasla ta’ 60 % sa kontenut ta’ ndewwa li jkun fadal fil-ħasla ta’ 0 %.

(a)

kull magna domestika tat-tnixxif tal-ħwejjeġ jkollha magħha tikketta stampata fil-format mogħti fl-Anness I, li tkun tinkludi l-informazzjoni stipulata fih;

(b)

tkun disponibbli skeda tal-prodott, kif stabbilita fl-Anness II;

(c)

id-dokumentazzjoni teknika kif stabbilita fl-Anness III tingħata lill-awtoritajiet tal-Istati Membri u lill-Kummissjoni f’każ li jitolbuha;

(d)

kwalunkwe riklam għal mudell speċifiku ta’ magna domestika tat-tnixxif tal-ħwejjeġ juri l-klassi tal-effiċjenza enerġetika, jekk ir-riklam jiżvela informazzjoni marbuta mal-enerġija jew mal-prezz;

(e)

kwalunkwe materjal promozzjonali tekniku dwar mudell speċifiku ta’ magna domestika tat-tnixxif tal-ħwejjeġ li jiddeskrivi l-parametri tekniċi speċifiċi tiegħu jkun jinkludi l-klassi tal-effiċjenza enerġetika ta’ dak il-mudell.

(a)

fil-punt tal-bejgħ, kull magna domestika tat-tnixxif tal-ħwejjeġ jkollha t-tikketta pprovduta mill-fornituri skont l-Artikolu 3(a) fuq barra tagħha, fuq quddiem jew fil-parti ta’ fuq, b’mod li tkun tidher sewwa;

(b)

il-magni domestiċi tat-tnixxif tal-ħwejjeġ offruti għall-bejgħ, għall-kiri jew għax-xiri bin-nifs f’postijiet fejn l-utent finali ma jkunx mistenni jara l-prodott għall-wiri, kif speċifikat fl-Artikolu 7 tad-Direttiva 2010/30/UE, jiġu kkummerċjalizzati bl-informazzjoni pprovduta mill-fornituri skont l-Anness IV għal dan ir-Regolament;

(c)

kwalunkwe riklam għal mudell speċifiku ta’ magna domestika tat-tnixxif tal-ħwejjeġ jinkludi referenza għall-klassi tal-effiċjenza enerġetika, jekk ir-riklam jiżvela informazzjoni marbuta mal-enerġija jew mal-prezz;

(d)

kwalunkwe materjal promozzjonali dwar mudell speċifiku ta’ magna domestika tat-tnixxif tal-ħwejjeġ li jiddeskrivi l-parametri tekniċi speċifiċi tiegħu jkun jinkludi referenza għall-klassi tal-effiċjenza enerġetika ta’ dak il-mudell.

9.5.2012   

MT

Il-Ġurnal Uffiċjali tal-Unjoni Ewropea

L 123/27

(1)

Ir-Regolament tal-Kunsill (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom hija permessal-importazzjoni u t-tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (2), jistipula li l-komoditajiet koperti b’dak ir-Regolament għandhom ikunu importati fl-Unjoni u jgħaddu minnha jekk ikunu ġejjin biss minn pajjiżi terzi, territorji, żoni jew kumpartimenti elenkati fil-Parti 1 tal-Anness I tiegħu.

(2)

It-Tajlandja hija attwalment elenkata fit-tabella fil-Parti 1 tal-Anness I tar-Regolament (KE) Nru 798/2008 bħala awtorizzata għal importazzjonijiet fl-Unjoni ta’ bajd u prodotti tal-bajd speċifikati ħielsa mill-patoġeni. Minħabba tifqigħa ta’ influwenza avjarja b’patoġeniċità għolja fl-2004, l-importazzjonijiet fl-Unjoni ta’ laħam tat-tjur, ratiti mrobbija u għasafar tal-kaċċa selvaġġi u bajd kienu projbiti kif indikat bl-annotazzjoni fil-kolonni 6 u 6 A tat-tabella fil-Parti 1 tal-Anness I ta’ dak ir-Regolament.

(3)

Barra minn hekk, id-Deċiżjoni tal-Kummissjoni 2005/692/KE tas-6 ta’ Ottubru 2005 li tikkonċerna ċerti miżuri ta’ protezzjoni fir-rigward tal-influwenza avjarja f’bosta pajjiżi terzi (3) tistipula li l-Istati Membri għandhom jissospendu l-importazzjoni mit-Tajlandja ta’ ċerti prodotti inklużi laħam tat-tjur, ratiti mrobbija u għasafar tal-kaċċa selvaġġi, u bajd.

(4)

Is-sitwazzjoni tas-saħħa tal-annimali fit-Tajlandja minn dak iż-żmien tjiebet, b’mod partikolari fir-rigward tal-kontroll tal-influwenza avjarja b’patoġeniċità għolja fit-tjur. Esperti tal-Kummissjoni wettqu bosta missjonijiet ta’ spezzjoni fit-Tajlandja sabiex jevalwaw is-sitwazzjoni tas-saħħa tal-annimali u s-sistemi ta’ kontroll tal-mard li qed jintużaw f’dak il-pajjiż terz. Il-konklużjoni li ħarġet mill-aħħar missjoni mwettqa fit-Tajlandja hija li s-sistema ġenerali tagħti garanziji suffiċjenti li l-prodotti kkonċernati jissodisfaw ir-rekwiżiti rilevanti tal-Unjoni.

(5)

Fid-dawl ta’ dan, id-Deċiżjoni 2005/692/KE kif emendata mid-Deċiżjoni ta’ Implimentazzjoni tal-Kummissjoni 2012/248/UE tas-7 ta’ Mejju 2012 li temenda d-Deċiżjonijiet 2005/692/KE, 2005/734/KE, 2007/25/KE u 2009/494/KE rigward l-influwenza tat-tjur (4) ma għadhiex tissospendi l-importazzjonijiet fl-Unjoni mit-Tajlandja tal-prodotti koperti bid-Deċiżjoni 2005/692/KE inkluż laħam tat-tjur, ratiti mrobbija u għasafar tal-kaċċa selvaġġi, u bajd.

(6)

Għaldaqstant, l-annotazzjoni għat-Tajlandja fil-Parti 1 tal-Anness I tar-Regolament (KE) Nru 798/2008 għandha tiġi emendata sabiex tirrifletti li l-importazzjonijiet fl-Unjoni ta’ laħam tat-tjur, ratiti mrobbija u għasafar tal-kaċċa selvaġġi u bajd, u dawk fi tranżitu, mit-Tajlandja ma għadhomx projbiti.

(7)

Madankollu, l-importazzjonijiet ta’ bajd mit-Tajlandja għandhom ikunu soġġetti għas-sottomissjoni ta’ programm ta’ kontroll tas-Salmonella minn dak il-pajjiż terz.

(8)

Ir-Regolament (KE) Nru 798/2008 għandu għalhekk jiġi emendat skont dan.

(9)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

9.5.2012   

MT

Il-Ġurnal Uffiċjali tal-Unjoni Ewropea

L 123/30

(1)

Skont l-Artikolu 61, l-ewwel paragrafu, il-punt (d) tar-Regolament (KE) Nru 1234/2007, iz-zokkor jew l-isoglukożju li l-produzzjoni tiegħu taqbeż il-kwota msemmija fl-Artikolu 56 ta’ dak ir-Regolament jista’ jiġi esportat biss fil-limitu kwantitattiv li għandu jiġi ffissat.

(2)

Regoli dettaljati tal-implimentazzjoni għall-esportazzjonijiet barra mill-kwota, b’mod partikolari fir-rigward tal-ħruġ ta’ liċenzji tal-esportazzjoni, huma stipulati permezz tar-Regolament tal-Kummissjoni (KE) Nru 951/2006 (2). Madankollu, għal kull sena tas-suq, il-limitu kwantitattiv għandu jkun iffissat abbażi tal-opportunitajiet possibbli fis-swieq tal-esportazzjoni.

(3)

Għal ċerti produtturi taz-zokkor u l-isoglukożju fl-Unjoni, l-esportazzjonijiet mill-Unjoni jirrappreżentaw parti importanti tal-attivitajiet ekonomiċi tagħhom, u dawn stabbilixxew swieq tradizzjonali barra mill-Unjoni. L-esportazzjonijiet taz-zokkor u l-isoglukożju lejn dawk is-swieq jistgħu jkunu ekonomikament vijabbli anke mingħajr l-għoti ta’ rifużjonijiet tal-esportazzjoni. Għal dan il-għan jeħtieġ li jiġi ffissat limitu kwantitattiv għall-esportazzjonijiet taz-zokkor u tal-isoglukożju barra mill-kwota sabiex il-produtturi kkonċernati tal-UE jkunu jistgħu jkomplu jfornu lis-swieq tradizzjonali tagħhom.

(4)

Għas-sena tas-suq 2012/2013, huwa stmat li inizjalment l-iffissar tal-limitu kwantitattiv għal 650 000 tunnellata, f’ekwivalenti ta’ zokkor abjad, għall-esportazzjonijiet taz-zokkor barra mill-kwota, u għal 70 000 tunnellata, f’materja niexfa, għall-isoglukożju barra mill-kwota, ikun jikkorrispondi għad-domanda tas-suq.

(5)

L-esportazzjonijiet taz-zokkor mill-Unjoni lejn ċerti destinazzjonijiet fil-qrib u lejn pajjiżi terzi li jagħtu trattament preferenzjali tal-importazzjoni lill-prodotti tal-Unjoni, attwalment jinsabu f’pożizzjoni kompetittiva partikolarment favorevoli. Fid-dawl tan-nuqqas ta’ strumenti xierqa ta’ assistenza reċiproka fil-ġlieda kontra l-irregolaritajiet u sabiex jiġi minimizzat ir-riskju tal-frodi u biex jiġi evitat kwalunkwe abbuż assoċjat mal-importazzjoni mill-ġdid jew mad-dħul mill-ġdid fl-Unjoni ta’ zokkor barra mill-kwota, ċerti destinazzjonijiet fil-qrib għandhom jiġu eskluzi mid-destinazzjonijiet eliġibbli.

(6)

Fid-dawl tal-istima ta’ anqas riskji ta’ frodi eventwali fir-rigward tal-isoglukożju minħabba n-natura tal-prodott, mhuwiex meħtieġ li jkunu ristretti d-destinazzjonijiet eliġibbli għall-esportazzjoni tal-isokglukożju barra mill-kwota.

(7)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(a)

pajjiżi terzi: Andorra, il-Liechtenstein, is-Santa Sede (l-Istat tal-Belt tal-Vatikan), San Marino, il-Kroazja, il-Bosnja-Ħerzegovina, is-Serbja (3), il-Montenegro, l-Albanija u dik li kienet ir-Repubblika Jugoslava tal-Maċedonja;

(b)

it-territorji tal-Istati Membri li ma jiffurmawx parti mit-territorju doganali tal-Unjoni: il-Gżejjer Faeroe, il-Groenlandja, Heligoland, Ceuta, Melilla, il-komuni ta’ Livigno u Campione d’Italia, u ż-żoni tar-Repubblika ta’ Ċipru fejn il-Gvern tar-Repubblika ta’ Ċipru ma jeżerċitax kontroll effettiv;

(c)

it-territorji Ewropej li għar-relazzjonijiet esterni tagħhom huwa responsabbli Stat Membru li ma jiffurmax parti mit-territorju doganali tal-Unjoni: Ġibiltà.

9.5.2012   

MT

Il-Ġurnal Uffiċjali tal-Unjoni Ewropea

L 123/32

(1)

Sabiex jiġi żgurat li l-provvisti meħtieġa għall-produzzjoni tal-prodotti msemmija fl-Artikolu 62(2) tar-Regolament (KE) Nru 1234/2007 jkunu disponibbli bi prezz li jikkorrispondi mal-prezz tas-suq dinji, huwa fl-interess tal-Unjoni li, għas-sena tas-suq 2012/2013, tissospendi d-dazji tal-importazzjoni fuq iz-zokkor maħsub għall-produzzjoni ta’ dawk il-prodotti, għal kwantità li tikkorrispondi għal nofs il-ħtiġijiet tagħha taz-zokkor industrijali.

(2)

Ir-Regolament tal-Kummissjoni (KE) Nru 891/2009 tal-25 ta’ Settembru 2009 li jiftaħ u jipprovdi għall-amministrazzjoni ta’ ċerti kwoti tariffarji tal-Komunità fis-settur taz-zokkor (2) jipprovdi għall-amministrazzjoni tal-kwoti tariffarji għall-importazzjoni ta’ prodotti taz-zokkor skont l-Artikolu 142 tar-Regolament (KE) Nru 1234/2007 bin-numru tas-serje 09.4390 (zokkor ta’ importazzjoni industrijali). Madankollu, skont l-Artikolu 11 tar-Regolament (KE) Nru 891/2009 il-kwantitajiet ta’ dawk il-prodotti li għalihom għandhom jiġu sospiżi d-dazji fuq l-importazzjoni għandhom jiġu ddeterminati permezz ta’ att legali separat.

(3)

Il-kwantitajiet ta’ importazzjoni ta’ zokkor industrijali li mhumiex se jiġu soġġetti għad-dazju fuq l-importazzjoni għas sena tas-suq 2012/2013 jeħtieġu jiġu stipulati skont dan.

(4)

Il-miżuri pprovduti f’dan ir-Regolament huma konformi mal-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

9.5.2012   

MT

Il-Ġurnal Uffiċjali tal-Unjoni Ewropea

L 123/33

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

9.5.2012   

MT

Il-Ġurnal Uffiċjali tal-Unjoni Ewropea

L 123/35

(1)

Il-kwantitajiet koperti bl-applikazzjonijiet għaċ-ċertifikati għaz-zokkor barra mill-kwota mressqin mill-1 ta' Mejju 2012 sat-2 ta' Mejju 2012 u nnotifikati lill-Kummissjoni l-4 ta' Mejju 2012 jaqbżu l-limitu stabbilit fl-Artikolu 1 tar-Regolament ta' Implimentazzjoni (UE) Nru 367/2012.

(2)

Għalhekk, f'konformità mal-Artikolu 5 tar-Regolament ta' Implimentazzjoni (UE) Nru 367/2012, huwa meħtieġ li jiġi stabbilit koeffiċjent tal-allokazzjoni li l-Istati Membri għandhom japplikaw għall-kwantitajiet koperti minn kull applikazzjoni nnotifikata għaċ-ċertifikat, jiġu rrifjutati l-applikazzjonijiet li jkunu għadhom ma ġewx innotifikati u jingħalaq il-perjodu għat-tressiq tal-applikazzjonijiet.

(3)

Sabiex tiġi żgurata l-ġestjoni effiċjenti tal-miżura, dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea,

9.5.2012   

MT

Il-Ġurnal Uffiċjali tal-Unjoni Ewropea

L 123/36

(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bl-għan li possibbilment jiġu inklużi fl-Anness I, IA jew IB għad-Direttiva 98/8/KE. Din il-lista tinkludi l-metilnonilketon.

(2)

Skont ir-Regolament (KE) Nru 1451/2007, il-metilnonilketon ġie evalwat skont l-Artikolu 11(2) tad-Direttiva 98/8/KE għall-użu fi prodotti tat-tip 19, repellenti u attrattanti, kif iddefinit fl-Anness V għal dik id-Direttiva.

(3)

Spanja nħatret bħala l-Istat Membru Rapporteur u ressqet ir-rapport tal-awtorità kompetenti, flimkien ma’ rakkomandazzjoni, quddiem il-Kummissjoni fit-8 ta' April 2009 skont l-Artikolu 14(4) u (6) tar-Regolament (KE) Nru 1451/2007.

(4)

Ir-rapport tal-awtorità kompetenti ġie analizzat mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, fid-9 ta' Diċembru 2011, is-sejbiet tal-analiżi ġew inkorporati f’rapport ta’ valutazzjoni mill-Kumitat Permanenti dwar il-Prodotti Bijoċidali.

(5)

Skont l-evalwazzjonijiet li saru, jidher li l-prodotti bijoċidali użati bħala repellenti u li fihom il-metilnonilketon jissodisfaw ir-rekwiżiti stipulati fl-Artikolu 5 tad-Direttiva 98/8/KE. Għalhekk huwa xieraq li l-metilnonilketon jiġi inkluż fl-Anness I għal dik id-Direttiva.

(6)

Ma ġewx evalwati l-użi potenzjali kollha fil-livell tal-Unjoni. Għaldaqstant huwa xieraq li l-Istati Membri jivvalutaw dawk ix-xenarji ta' użu jew esponiment u dawk ir-riskji għall-popolazzjonijiet umani u l-kompartimenti ambjentali li għadhom ma ġewx indirizzati b'mod rappreżentattiv fil-valutazzjoni tar-riskji li saret fil-livell tal-Unjoni u li, meta jkunu qed jagħtu l-awtorizzazzjonijiet tal-prodotti, jiżguraw li jittieħdu miżuri xierqa jew li jiġu imposti kundizzjonijiet speċifiċi sabiex ir-riskji identifikati jitnaqqsu għal livelli aċċettabbli.

(7)

Id-dispożizzjonijiet ta’ din id-Direttiva għandhom jiġu applikati fl-istess ħin fl-Istati Membri kollha sabiex jiġi żgurat trattament ugwali fis-suq tal-Unjoni tal-prodotti bijoċidali li fihom is-sustanza attiva metilnonilketon u wkoll biex jiġi ffaċilitat l-operat kif suppost tas-suq ġenerali tal-prodotti bijoċidali.

(8)

Għandu jitħalla jgħaddi perjodu raġonevoli qabel ma sustanza attiva tiddaħħal fl-Anness I għad-Direttiva 98/8/KE, sabiex l-Istati Membri u l-partijiet interessati jkunu jistgħu jitħejjew biex jissodisfaw ir-rekwiżiti l-ġodda involuti u biex ikun żgurat li l-applikanti li ppreparaw id-dokumentazzjoni jistgħu jibbenefikaw bis-sħiħ mill-perjodu ta’ għaxar (10) snin ta’ protezzjoni tad-dejta, li skont l-Artikolu 12(1)(c)(ii) tad-Direttiva 98/8/KE, jibda mid-data tal-inklużjoni.

(9)

Wara l-inklużjoni, l-Istati Membri għandhom jingħataw perjodu raġonevoli biex jimplimentaw l-Artikolu 16(3) tad-Direttiva 98/8/KE.

(10)

Id-Direttiva 98/8/KE għalhekk għandha tiġi emendata skont dan.

(11)

Il-miżuri pprovduti f’din id-Direttiva huma skont l-opinjoni tal-Kumitat Permanenti dwar il-Prodotti Bijoċidali,

9.5.2012   

MT

Il-Ġurnal Uffiċjali tal-Unjoni Ewropea

L 123/39

(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bil-għan li possibbilment jiġu inklużi fl-Anness I, IA jew IB għad-Direttiva 98/8/KE. Dik il-lista tinkludi l-estratt tal-margosa.

(2)

Skont ir-Regolament (KE) Nru 1451/2007, l-estratt tal-margosa ġie evalwat skont l-Artikolu 11(2) tad-Direttiva 98/8/KE għall-użu fi prodotti tat-tip 18, insettiċidi, akariċidi u prodotti għall-kontroll ta' artropodi oħra, kif iddefinit fl-Anness V għal dik id-Direttiva. L-evalwazzjoni kienet tikkonċerna l-estratt tal-margosa mill-qalba tal-Azadirachta indica permezz ta' estrazzjoni bl-ilma u pproċessar ulterjuri b'solventi organiċi. Kwalunkwe sustanza oħra possibbli konformi mad-definizzjoni ta' estratt tal-margosa fil-lista ta' sustanzi attivi li għandhom jiġu vvalutati fir-Regolament (KE) Nru 1451/2007, ma ġietx evalwata, u għalhekk ma għandhiex tiġi inkluża fl-Anness I għad-Direttiva 98/8/KE abbażi ta' din l-evalwazzjoni.

(3)

Il-Ġermanja nħatret bħala l-Istat Membru Rapporteur u ressqet ir-rapport tal-awtorità kompetenti, flimkien ma’ rakkomandazzjoni, lill-Kummissjoni fis-26 ta' Novembru 2009 skont l-Artikolu 14(4) u (6) tar-Regolament (KE) Nru 1451/2007.

(4)

Ir-rapport tal-awtorità kompetenti ġie analizzat mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, is-sejbiet mill-analiżi ġew inkorporati, fi ħdan il-Kumitat Permanenti dwar il-Prodotti Bijoċidali fid-9 ta' Diċembru 2011, f’rapport ta’ valutazzjoni.

(5)

Mill-evalwazzjonijiet li saru, jidher li l-prodotti bijoċidali użati bħala insettiċidi, akariċidi u prodotti għall-kontroll ta' artropodi oħra u li fihom l-estratt tal-margosa jistgħu jiġu preżunti li jissodisfaw ir-rekwiżiti stipulati fl-Artikolu 5 tad-Direttiva 98/8/KE. Għalhekk huwa xieraq li l-estratt tal-margosa jiġi inkluż fl-Anness I għal dik id-Direttiva.

(6)

Ma ġewx evalwati l-użi potenzjali kollha fil-livell tal-Unjoni. Għaldaqstant huwa xieraq li l-Istati Membri jivvalutaw dawk ix-xenarji ta' użu jew ta' esponiment u dawk ir-riskji għall-popolazzjonijiet umani u l-kompartimenti ambjentali li għadhom ma ġewx indirizzati b'mod rappreżentattiv fil-valutazzjoni tar-riskji li saret fil-livell tal-Unjoni, u li, meta jkunu qed jagħtu l-awtorizzazzjonijiet tal-prodott, jiżguraw li jittieħdu miżuri xierqa jew li jiġu imposti kundizzjonijiet speċifiċi sabiex ir-riskji identifikati jitnaqqsu għal livelli aċċettabbli.

(7)

Fid-dawl tar-riskji identifikati għall-ilma tal-wiċċ, għas-sediment u għall-artropodi li ma jkunux fil-mira, huwa xieraq li jkun meħtieġ li l-awtorizzazzjonijiet tal-prodotti jkunu soġġetti għal miżuri xierqa ta' mitigazzjoni tar-riskji.

(8)

Id-dispożizzjonijiet ta’ din id-Direttiva għandhom jiġu applikati fl-istess ħin fl-Istati Membri kollha sabiex jiġi żgurat trattament ugwali fis-suq tal-Unjoni tal-prodotti bijoċidali li fihom is-sustanza attiva tal-estratt tal-margosa u wkoll biex jiġi ffaċilitat l-operat kif suppost tas-suq tal-prodotti bijoċidali inġenerali.

(9)

Għandu jitħalla jgħaddi perjodu raġonevoli qabel ma sustanza attiva tiddaħħal fl-Anness I għad-Direttiva 98/8/KE, sabiex l-Istati Membri u l-partijiet interessati jkunu jistgħu jitħejjew biex jissodisfaw ir-rekwiżiti l-ġodda involuti u biex ikun żgurat li l-applikanti li ppreparaw id-dokumentazzjoni jistgħu jibbenefikaw bis-sħiħ mill-perjodu ta’ 10 snin ta’ protezzjoni tad-dejta, li skont l-Artikolu 12(1)(c)(ii) tad-Direttiva 98/8/KE, jibda mid-data tal-inklużjoni.

(10)

Wara l-inklużjoni, l-Istati Membri għandhom jingħataw perjodu raġonevoli biex jimplimentaw l-Artikolu 16(3) tad-Direttiva 98/8/KE.

(11)

Id-Direttiva 98/8/KE għalhekk għandha tiġi emendata skont dan.

(12)

Il-miżuri pprovduti f’din id-Direttiva huma skont l-opinjoni tal-Kumitat Permanenti dwar il-Prodotti Bijoċidali,

9.5.2012   

MT

Il-Ġurnal Uffiċjali tal-Unjoni Ewropea

L 123/42

(1)

Il-Kummissjoni adottat għadd ta’ miżuri ta’ protezzjoni marbuta mal-influwenza tat-tjur wara t-tifqigħat ta’ din il-marda fix-xlokk tal-Asja li bdew f’nofs l-2003 u li ġew ikkawżati mill-virus b’patoġeniċità għolja tal-influwenza tat-tjur tas-sottotip H5N1.

(2)

Dawk il-miżuri huma stabbiliti, partikolarment, fid-Deċiżjoni tal-Kummissjoni 2005/692/KE tas-6 ta’ Ottubru 2005 li tikkonċerna ċerti miżuri ta’ protezzjoni fir-rigward tal-influwenza tat-tjur f’bosta pajjiżi terzi (5), id-Deċiżjoni tal-Kummissjoni 2005/734/KE tad-19 ta’ Ottubru 2005 li tistabbilixxi miżuri ta’ bijosigurtà sabiex jitnaqqas ir-riskju ta’ trażmissjoni tal-influwenza tat-tjur b’patoġeniċità għolja kkawżata mis-sottotip H5N1 tal-virus A tal-Influwenza minn għasafar slavaġ fl-ambjent naturali tagħhom għal tjur tal-irziezet u għasafar oħra mrobbija mill-bniedem u li tipprevedi sistema ta’ ditezzjoni minn kmieni f’żoni b’riskju partikolari (6), id-Deċiżjoni tal-Kummissjoni 2007/25/KE tat-22 ta’ Diċembru 2006 fir-rigward ta’ ċerti miżuri ta’ ħarsien relatati mal-influwenza tat-tjur li għandha patoġeniċità għolja u l-movimenti ta’ għasafar domestiċi li huma akkumpanjati mis-sid tagħhom fil-Komunità (7) u d-Deċiżjoni tal-Kummissjoni 2009/494/KE tal-25 ta’ Ġunju 2009 li tikkonċerna ċerti miżuri ta’ ħarsien marbuta mal-influwenza tat-tjur b’patoġeniċità għolja tas-sottotip H5N1 fil-Kroazja u l-Isvizzera (8).

(3)

Il-miżuri stipulati f’dawk id-Deċiżjonijiet japplikaw sat-30 ta’ Ġunju 2012. Madankollu, tifqigħat tal-influwenza tat-tjur b’patoġeniċità għolja tas-sottotip H5N1 f’għasafar slavaġ u fit-tjur baqgħu jfaqqgħu f’pajjiżi terzi u b’hekk ipoġġu wkoll f’riskju s-saħħa tal-annimali u tal-bniedem ġewwa l-Unjoni.

(4)

Minħabba s-sitwazzjoni epidemjoloġika fir-rigward tal-influwenza tat-tjur, huwa xieraq li r-riskji li jirriżultaw mill-importazzjonijiet tat-tjur, tal-prodotti tat-tjur, tal-għasafar domestiċi u prodotti oħra koperti minn dawk id-Deċiżjonijiet, jibqgħu jiġu limitati, kif ukoll sabiex jinżammu l-miżuri tal-bijosigurtà, is-sistemi ta’ skoperta bikrija u ċerti miżuri ta’ protezzjoni fir-rigward ta’ influwenza tat-tjur b’patoġeniċità għolja tas-sottotip H5N1.

(5)

Għaldaqstant, il-perjodu ta’ applikazzjoni tad-Deċiżjonijiet 2005/692/KE, 2005/734/KE, 2007/25/KE u 2009/494/KE għandu jiġi estiż sal-31 ta’ Diċembru 2013.

(6)

Fl-2004, ġew skoperti tifqigħat ta’ influwenza tat-tjur b’patoġeniċità għolja fit-Tajlandja. Għaldaqstant, miżuri ta’ protezzjoni dwar l-importazzjoni ta’ ċerti prodotti li joriġinaw minn tjur u għasafar mit-Tajlandja ġew adottati mill-Kummissjoni.

(7)

Għaldaqstant, l-Artikolu 1 tad-Deċiżjoni 2005/692/KE jipprevedi li l-Istati Membri għandhom jissospendu l-importazzjoni mit-Tajlandja ta’ ċerti prodotti inkluż laħam tat-tjur, għasafar tal-irziezet li ma jtirux u għasafar slavaġ tal-kaċċa, u bajd.

(8)

It-Tajlandja implimentat politika rigoruża ta’ qerda sabiex teqred l-influwenza tat-tjur b’patoġenoċità għolja mit-territorju tagħha. L-aħħar tifqigħa ta’ dik il-marda ġiet irrappurtata f’Novembru 2008 u t-Tajlandja ddikjarat lilha nnifisha ħielsa mill-influwenza tat-tjur b’patoġeniċità għolja b’effett mill-11 ta’ Frar 2009.

(9)

Esperti tal-Kummissjoni wettqu bosta missjonijiet ta’ spezzjoni ġewwa t-Tajlandja sabiex jevalwaw is-sitwazzjoni tas-saħħa tal-annimali u s-sistemi tal-kontroll tal-mard fis-seħħ f’dak il-pajjiż terz. Il-konklużjoni li ħarġet mill-aħħar missjoni fit-Tajlandja hija li s-sistema ġenerali tagħti biżżejjed garanziji li l-prodotti kkonċernati jissodisfaw r-rekwiżiti rilevanti tal-Unjoni.

(10)

Fid-dawl tas-sitwazzjoni favorevoli tas-saħħa tal-annimali, b’mod partikolari fir-rigward tal-kontroll tal-influwenza tat-tjur b’patoġeniċità għolja fit-tjur u l-garanziji li pprovdiet it-Tajlandja, is-sospensjoni tal-importazzjonijiet prevista fl-Artikolu 1 tad-Deċiżjoni 2005/692/KE ma għandhomx jibqgħu japplikaw.

(11)

Għaldaqstant, id-Deċiżjonijiet 2005/692/KE, 2005/734/KE, 2007/25/KE u 2009/494/KE għandhom jiġu emendati skont dan.

(12)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

1.

L-Artikolu 1 jitħassar.

2.

Fl-Artikolu 7, id-data “30 ta’ Ġunju 2012” tinbidel bid-data “31 ta’ Diċembru 2013”.

9.5.2012   

MT

Il-Ġurnal Uffiċjali tal-Unjoni Ewropea

L 123/44

(1)

Id-Direttiva 2010/75/UE ma tiddeterminax il-perjodi tal-bidu u tat-tmiem tat-tħaddim, filwaqt li dawk il-perjodi huma relatati ma’ diversi dispożizzjonijiet f’dik id-Direttiva.

(2)

Għall-impjanti tal-kombustjoni koperti mill-Kapitolu III tad-Direttiva 2010/75/UE, jeħtieġ li l-perjodi tal-bidu u tat-tmiem tat-tħaddim jiġu ddeterminati biex tiġi vvalutata l-konformità mal-valuri ta’ limitu tal-emissjonijiet stipulati fl-Anness V għad-Direttiva 2010/75/UE, filwaqt li titqies il-Parti 4 ta’ dak l-Anness, kif ukoll biex jiġi ddeterminat l-għadd tas-sigħat ta’ tħaddim tal-impjanti tal-kombustjoni, fejn huwa rilevanti għall-implimentazzjoni ta’ dik id-Direttiva.

(3)

L-Artikolu 14(1)(f) tad-Direttiva 2010/75/UE jitlob li l-permess jinkludi miżuri relatati mal-kundizzjonijiet tat-tħaddim minbarra l-kundizzjonijiet ta’ tħaddim normali, bħall-operazzjonijiet tal-bidu u tat-tmiem tat-tħaddim. Skont l-Artikolu 6 tad-Direttiva 2010/75/UE, miżuri bħal dawn jistgħu jiġu inklużi f’regoli ġenerali li jorbtu.

(4)

L-emissjonijiet minn impjanti ta’ kombustjoni matul il-perjodi tal-bidu u tat-tmiem tat-tħaddim huma ġeneralment f’konċentrazzjonijiet elevati meta mqabbla ma’ kondizzjonijiet normali ta’ tħaddim. Fid-dawl tal-għan tad-Direttiva 2010/75/UE li jiġu evitati l-emissjonijiet, dawk il-perjodi għandhom ikunu qosra kemm jista’ jkun.

(5)

Il-miżuri previsti f’din id-Deċiżjoni huma skont l-opinjoni tal-Kumitat stabbilit bl-Artikolu 75 tad-Direttiva 2010/75/UE,

1.

“tagħbija minima tal-bidu tat-tħaddim għal ġenerazzjoni stabbli” tfisser it-tagħbija minima kompatibbli mat-tħaddim stabbli tal-impjant tal-kombustjoni li jkun qed jiġġenera, li ssegwi l-bidu tat-tħaddim fejn wara l-impjant ikun jista’ jwassal l-output tiegħu b’mod sikur u affidabbli lil netwerk, grilja, akkumulatur tas-sħana jew sit industrijali;

2.

“tagħbija minima tat-tmiem tat-tħaddim għal ġenerazzjoni stabbli” tfisser it-tagħbija minima fil-punt li fih l-impjant ma jkunx jista’ jibqa’ jforni l-produzzjoni tiegħu b’mod sikur u affidabbli lil netwerk, grilja, akkumulatur tas-sħana jew sit industrijali u li jitqies li qiegħed fil-punt tat-tmiem tat-tħaddim.

1.

il-kriterji jew il-parametri li jintużaw biex jiġu ddeterminati l-perjodi tal-bidu u tat-tmiem tat-tħaddim għandhom ikunu trasparenti u verifikabbli esternament;

2.

il-perjodi tal-bidu u tat-tmiem tat-tħaddim għandhom jiġu ddeterminati abbażi tal-kundizzjonijiet li jippermettu proċess ta’ ġenerazzjoni stabbli li jissalvagwardja s-saħħa u s-sikurezza;

3.

fil-perjodi tal-bidu u t-tmiem tat-tħaddim, wara l-bidu tat-tħaddim, ma għandhomx jiġu inklużi l-perjodi li fihom impjant tal-kombustjoni, ikun qiegħed jopera b’mod stabbli u sikur bi provvista ta’ fjuwil iżda mingħajr ma jesporta s-sħana jew l-elettriku jew l-enerġija mekkanika.

(a)

għall-inqas waħda minn dawn li ġejjin:

(b)

miżuri li jiżguraw li l-perjodi tal-bidu u tat-tmiem tat-tħaddim jiġu minimizzati sa fejn dan huwa prattikabbli,

(c)

miżuri li jiżguraw li t-tagħmir kollu tat-tnaqqis tal-emissjonijiet jibda jitħaddem malli dan ikun teknikament prattikabbli.

(a)

il-valuri mkejla matul il-perjodu tal-bidu tat-tħaddim tal-ewwel unità li tkun qed tibda u matul il-perjodu tat-tmiem tat-tħaddim tal-aħħar unità tal-kombustjoni li tkun ser tieqaf taħdem għandhom jiġu injorati;

(b)

Il-valuri determinati matul il-perjodi tal-bidu u tat-tmiem tat-tħaddim oħra ta’ unitajiet individwali għandhom jitwarrbu biss jekk huma mkejla jew, fejn l-ebda kejl ma jkun teknikament jew ekonomikament fattibbli, ikkalkulati separatament għal kull waħda mill-unitajiet ikkonċernati.

1.

proċessi diskreti stabbiliti fl-Anness jew proċessi ekwivalenti li jissodisfaw il-karatteristiċi tekniċi tal-impjant;

2.

limiti għal parametri operattivi stabbiliti fl-Anness, jew parametri operattivi ekwivalenti li huma applikabbli għall-karatteristiċi tekniċi tal-impjant.