6.5.2011   

MT

Il-Ġurnal Uffiċjali tal-Unjoni Ewropea

L 118/1

(1)

Il-Kummissjoni adottat ir-Regolament (KE) Nru 951/2007 tad-9 ta’ Awwissu 2007 li jistabbilixxi r-regoli ta’ implimentazzjoni tal-programmi ta’ kooperazzjoni transkonfinali ffinanzjati fil-qafas tar-Regolament (KE) Nru 1638/2006 tal-Parlament Ewropew u tal-Kunsill li jistabbilixxi dispożizzjonijiet ġenerali għat-twaqqif ta’ Strument Ewropew ta’ Viċinat u Sħubija (2).

(2)

Minħabba d-dewmien tal-bidu tal-programmi ta’ kooperazzjoni transkonfinali tal-Istrument Ewropew ta’ Viċinat u Sħubija, estensjoni ta’ sena tal-fażi ta’ implimentazzjoni għall-proġetti tkun tista’ tippermetti lill-programmi jirrispettaw il-programmi ta’ xogħol u jlestu l-implimentazzjoni ta’ proġetti fuq skala kbira.

(3)

Ir-Regolament (KE) Nru 951/2007 għalhekk għandu jiġi emendat skont dan.

(4)

Il-miżuri previsti f’dan ir-Regolament huma konformi mal-opinjoni tal-Kumitat stabbilit permezz tar-Regolament (KE) Nru 1638/2006,

“(b)

fażi ta’ implimentazzjoni għal proġetti ffinanzjati permezz tal-programm operazzjonali konġunt li jibda fl-istess żmien tal-fażi ta’ implimentazzjoni għall-programm u li jispiċċa mhux aktar tard mill-31 ta’ Diċembru 2015. L-attivitajiet kollha tal-proġetti ffinanzjati permezz tal-programm għandhom jispiċċaw sa mhux aktar tard minn dik id-data”.

6.5.2011   

MT

Il-Ġurnal Uffiċjali tal-Unjoni Ewropea

L 118/2

(1)

Bir-Regolament (KE) Nru 690/2008 (2) ċerti Stati Membri jew ċerti żoni fi Stati Membri ġew rikonoxxuti bħala żoni protetti fir-rigward ta’ ċerti organiżmi ta’ ħsara. F’ċerti każijiet ir-rikonoxximent ingħata għal perjodu ta’ żmien limitat biex jippermetti lill-Istat Membru kkonċernat jipprovdi l-informazzjoni kollha meħtieġa biex juri li l-organiżmi ta’ ħsara kkonċernati ma kinux jeżistu fl-Istat Membru jew fiż-żona kkonċernata jew biex itemm l-isforzi biex jeqred l-organiżmu inkwistjoni.

(2)

It-territorju kollu tal-Greċja ġie rikonoxxut bħala żona protetta fir-rigward tad-Dendroctonus micans Kugelan, il-Gilpinia hercyniae (Hartig), il-Gonipterus scutellatus Gyll., l-Ips amitinus Eichhof, l-Ips cembrae Heer u l-Ips duplicatus Sahlberg sal-31 ta’ Marzu 2011.

(3)

Fl-2010 l-Greċja wettqet stħarriġ u infurmat lill-Kummissjoni bir-riżultati f’konformità mat-tielet u l-ħames subparagrafu tal-Artikolu 2(1)(h) tad-Direttiva 2000/29/KE. Żjara fil-Greċja mill-esperti tal-Kummissjoni mill-24 sal-31 ta’ Jannar 2011 kkonfermat li dak l-Istat Membru kompla jagħmel progress sinifikanti fir-rigward tal-organizzazzjoni u t-twettiq ta’ dak l-istħarriġ u fir-rigward tan-notifikazzjoni tar-riżulati tiegħu. Madankollu, huwa meħtieġ li l-Greċja tagħti prova li l-progress li sar huwa sostenibbli.

(4)

Skont ir-riżultati tal-istħarriġ li sar fil-Greċja fl-2010, kien hemm sejba waħda biss ta’ Ips cembrae Heer, u ma kienx hemm sejbiet tal-ħames organiżmi l-oħra kkonċernati. Filwaqt li jiġu kkunsidrati dawk ir-riżultati u l-eżitu ta’ dik iż-żjara tal-esperti tal-Kummissjoni fil-Greċja, huwa xieraq li l-Greċja tkompli tiġi rikonoxxuta bħala żona protetta fir-rigward ta’ dawk l-organiżmi għal tliet snin oħra, sabiex tagħti lill-Greċja ż-żmien meħtieġ biex tiġbor u tressaq informazzjoni li tikkonferma li dawk l-organiżmi, minbarra l-Ips cembrae Heer, ma jeżistux fit-territorju tagħha u, biex fir-rigward tal-Ips cembrae Heer, tkompli l-isforzi biex teqirdu u biex tiġbor u tissottometti l-informazzjoni li tikkonferma li dak l-organiżmu ma jeżistix aktar fit-territorju tagħha.

(5)

It-territorju kollu tal-Greċja ġie rikonoxxut bħala żona protetta fir-rigward tal-vajrus tas-Citrus tristeza (varjanti Ewropej). Fir-rapport annwali għall-2010 dwar l-istħarriġ uffiċjali li sar dwar il-preżenza ta’ dak l-organiżmu ta’ ħsara, il-Greċja rrappurtat 104 siġra li rriżultaw pożittivi għal dak l-organiżmu ta’ ħsara fil-Prefettura ta’ Argolida. Osservazzjonijiet magħmula mill-Kummissjoni matul iż-żjara fil-Greċja mill-24 sal-31 ta’ Jannar 2011 ikkonfermaw li l-vajrus tas-Citrus tristeza (varjanti Ewropej) kien preżenti f’dik il-prefettura tal-inqas għal dawn l-aħħar tliet snin minkejja l-miżuri ta’ eradikazzjoni li wettqu l-awtoritajiet Griegi, li rriżultaw mhux effettivi. Konsegwentament, il-vajrus tas-Citrus tristeza (varjanti Ewropej) għandu jiġi kkunsidrat bħala stabbilit fil-Prefettura ta’ Argolida. Għaldaqstant, dik il-prefettura ma għandhiex tibqa’ tiġi rrikonoxxuta bħala żona protetta fir-rigward ta’ dak l-organiżmu ta’ ħsara.

(6)

It-territorju kollu ta’ Spanja ġie rikonoxxut bħala żona protetta fir-rigward ta’ Erwinia amylovora (Burr.) Winsl. et al.. Spanja ressqet informazzjoni li turi li l-Erwinia amylovora (Burr.) Winsl. et al. issa hija stabbilita fil-komunità awtonoma ta’ Castilla y León. Il-miżuri meħuda għal perjodu ta’ sentejn suċċessivi, l-2009 u l-2010, bil-għan li jeqirdu l-organiżmu li jagħmel ħsara wrew li ma kinux effettivi. Għaldaqstant, Castilla y León m’għandhiex tibqa’ tiġi rrikonoxxuta bħala żona protetta fir-rigward ta’ dan l-organiżmu ta’ ħsara.

(7)

It-territorju kollu tar-Repubblika Ċeka, ċerti reġjuni ta’ Franza (Alsace, Champagne-Ardenne u Lorraine) u reġjun wieħed fl-Italja (Basilicata) ġew rikonoxxuti bħala żoni protetti fir-rigward tal-Grapevine flavescence dorée MLO sal-31 ta’ Marzu 2011. Minn meta ngħata dak ir-rikonoxximent, L-informazzjoni mibgħuta mir-Repubblika Ċeka, Franza u l-Italja, mindu ngħata dak ir-rikonoxximent tat evidenza li dak l-organiżmu ta’ ħsara ma jinstabx fiż-żoni protetti kkonċernati. Għaldaqstant it-territorju kollu tar-Repubblika Ċeka, ir-reġjuni ta’ Alsace, Champagne-Ardenne u Lorraine fi Franza u r-reġjun ta’ Basilicata fl-Italja għandhom ikomplu jiġu rikonoxxuti bħala żoni protetti fir-rigward ta’ dak l-organiżmu.

(8)

L-Italja talbet li r-reġjun ta’ Sardenja jkun rikonoxxut bħala żona protetta fir-rigward tal-organiżmu ta’ ħsara Grapevine flavescence dorée MLO. Fuq il-bażi tal-istħarriġ li sar bejn l-2004 u l-2010, l-Italja ressqet evidenza li l-organiżmu kkonċernat ta’ ħsara ma jeżistix fir-reġjun ta’ Sardenja minkejja kundizzjonijiet favorevoli għal dak l-organiżmu biex jistabbilixxi lilu nnifsu hemm. Madankollu, huwa meħtieġ li jsir aktar stħarriġ. Dak l-istħarriġ għandu jiġi monitorjat minn esperti taħt l-awtorità tal-Kummissjoni. Għalhekk Sardenja għandha tiġi rikonoxxuta bħala żona protetta fir-rigward tal-Grapevine flavescence dorée MLO għal perjodu ta’ tliet snin biss.

(9)

Għaldaqstant, ir-Regolament (KE) Nru 690/2008 għandu jiġi emendat kif xieraq.

(10)

Ir-rikonoxximent attwali ta’ wħud minn dawn iż-żoni protetti jiskadi fil-31 ta’ Marzu 2011. Għaldaqstant, dan ir-Regolament għandu japplika mill-1 ta’ April 2011 sabiex jippermetti rikonoxximent mhux interrott taż-żoni kollha protetti.

(11)

Il-miżuri stipulati f’dan ir-Regolament huma f’konformità mal-opinjoni tal-Kumitat Permanenti dwar is-Saħħa tal-Pjanti,

(1)

Fit-tieni kolonna tal-punti 4, 5 u 7 sa 10 tal-intestatura (a), wara l-kelma “Greċja”, il-kliem “(sal-31 ta’ Marzu 2011)” huma sostitwiti bil-kliem “(sal-31 ta’ Marzu 2014)”.

(2)

Fit-tieni kolonna tat-2 punt tal-intestatura (b), wara l-kelma “Spanja” il-kliem “(minbarra l-komunità awtonoma ta’ Castilla y León),” huma miżjuda.

(3)

L-intestatura (d) hija emendata kif ġej:

6.5.2011   

MT

Il-Ġurnal Uffiċjali tal-Unjoni Ewropea

L 118/4

6.5.2011   

MT

Il-Ġurnal Uffiċjali tal-Unjoni Ewropea

L 118/6

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2010/11 ġew stabbiliti bir-Regolament tal-Kummissjoni (UE) Nru 867/2010 (3). Dawn il-prezzijiet u dazji ġew emendati l-aħħar mir-Regolament tal- Kummissjoni (UE) Nru 430/2011 (4).

(2)

L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

6.5.2011   

MT

Il-Ġurnal Uffiċjali tal-Unjoni Ewropea

L 118/8

(1)

Fit-13 ta’ Settembru 2010 il-Kunsill adotta d-Deċiżjoni 2010/570/UE, Euratom li taħtar il-membri tal-Kumitat Ekonomiku u Soċjali Ewropew għall-perijodu mill-21 ta’ Settembru 2010 sal-20 ta’ Settembru 2015 (1).

(2)

Post ta’ membru tal-Kumitat Ekonomiku u Soċjali Ewropew sar vakanti wara t-tmiem tal-mandat tas-Sur Jeliazko CHRISTOV.

6.5.2011   

MT

Il-Ġurnal Uffiċjali tal-Unjoni Ewropea

L 118/9

(1)

Fl-aħħar tal-2008 l-Kummissjoni saret taf mill-midja dwar miżuri ppjanati mill-Ungerija favur Péti Nitrogénművek Zrt. (minn hawn 'il quddiem: “Nitrogénművek”). Wara diversi skambji ta’ informazzjoni, fid-29 ta’ April 2009 il-Kummissjoni fetħet il-proċedura ta’ investigazzjoni formali dwar miżuri li allegatament jikkostitwixxu għajnuna mill-Istat.

(2)

L-Ungerija ressqet il-kummenti tagħha għad-deċiżjoni tal-ftuħ tal-Kummissjoni fit-3 u s-17 ta’ Awwissu 2009.

(3)

Id-deċiżjoni tal-ftuħ ġiet ippubblikata f'Il-Ġurnal Uffiċjali tal-Unjoni Ewropea fis-17 ta’ Lulju 2009 (3). Tressqu kummenti minn erba' partijiet interessati: mminn Nitrogénművek, il-benefiċjarju tal-miżuri li allegatament jikkonstitwixxu għajnuna mill-Istat, fit-18 ta’ Awwissu 2009; minn żewġ partijiet interessati li talbu li l-identità tagħhom ma tiġix żvelata, fis-17 u t-18 ta’ Awwissu 2009, u minn ZAK S.A. fid-19 ta’ Awwissu 2009.

(4)

Il-Kummissjoni ttrasmettiet il-kummenti lill-Ungerija permezz ta’ ittra tal-21 ta’ Settembru 2009. L-Ungerija wieġbet għall-kummenti tal-parti terza permezz ta’ ittra tal-20 ta’ Ottubru 2009.

(5)

Il-Kummissjoni talbet aktar informazzjoni mill-awtoritajiet Ungeriżi fit-3 ta’ Novembru 2009, li għaliha l-Ungerija wieġbet permezz ta’ ittra tal-4 ta’ Diċembru 2009. Skambju informali ieħor ta’ informazzjoni seħħ permezz tal-posta elettronika f'Ġunju 2010 bejn is-servizzi tal-Kummissjoni u l-awtoritajiet Ungeriżi.

(6)

Nitrogénművek hija produttur ta’ fertilizzanti sintetiċi. L-uffiċċju prinċipali tagħha jinstab f'Pétfürdő, il-kontea ta’ Veszprém, l-Ungerija, li hija żona megħjuna skont l-Artikolu 107(3)(a) tat-TFUE. Il-kumpanija hija l-produttur prinċipali tal-fertilizzant fl-Ungerija u l-fornitur prinċipali tas-suq Ungeriż.

(7)

Fl-2008 Nitrogénművek kellha dħul ta’ HUF 64,8 biljun (madwar EUR 232 miljun), li minnu 74 % twettaq fl-Ungerija u 26 % ġie esportat (prinċipalment lejn swieq tal-UE). Fl-2008, kienet timpjega 508 impjegat. Il-kapital irreġistrat tal-kumpanija jammonta għal HUF 528 miljun (madwar EUR 1,92 miljun). Fl-2008 l-ekwità kienet tammonta għal HUF 11-il biljun (madwar EUR 40 miljun).

Tabella 1

Id-dejta finanzjarja ewlenija ta’ Nitrogénművek

(8)

Fit-18 ta’ Ottubru 2008, Nitrogénművek waqqfet l-attività ta’ produzzjoni tagħha.

(9)

Fit-18 ta’ Diċembru 2008, il-Gvern Ungeriż ħabbar (4) li, sabiex tiġi żgurata l-kontinwazzjoni tal-produzzjoni tal-fertilizzant fl-Ungerija u għall-finijiet tal-preservazzjoni tal-impjieg, l-Istat għandu “jsalva” Nitrogénművek billi jipprovdi fondi sabiex terġa' tibda l-produzzjoni u sabiex ikopri l-kostijiet tal-operat.

(10)

Fl-20 ta’ Diċembru 2008, il-Gvern approva (5) żewġ garanziji separati tal-Istat biex ikopru żewġ selfiet li għandhom jingħataw mill-Bank Ungeriż tal-Iżvilupp li jappartjeni 100 % lill-Istat (Magyar Fejlesztési Bank Zrt., “MFB”). Iż-żewġ garanziji ngħataw kontra primjum ta’ darba, bil-quddiem ta’ 2 % tal-ammont garantit.

(11)

Bl-appoġġ ta’ dawn il-garanziji tal-Istat, fis-26 ta’ Jannar 2009 MFB u Nitrogénművek ikkonkludew żewġ ftehimiet ta’ self:

Tabella 2

Sommarju tal-miżuri tal-Istat favur Nitrogénművek

(12)

Nitrogénművek reġgħet bdiet il-produzzjoni fis-26 ta’ Frar 2009.

(13)

Fid-deċiżjoni tal-ftuħ tad-29 ta’ April 2009, il-Kummissjoni staqsiet jekk Nitrogénművek kinitx ditta f'diffikultà skont il-linji gwida tal-Komunità dwar għajnuna mill-Istat għas-salvataġġ u r-ristrutturar ta’ ditti f'diffikultà (9) (minn hawn 'il quddiem: “linji gwida ta’ salvataġġ u ristrutturar”) u, jekk dan huwa l-każ, jekk setgħetx kisbet finanzjament fis-suq bl-istess kondizzjonijiet bħal dawk offruti mill-awtoritajiet Ungeriżi. Il-Kummissjoni adottat il-fehma preliminari li l-miżuri li ġejjin mogħtija lill-kumpanija setgħu jikkostitwixxu għajnuna mill-Istat inkompatibbli minħabba li dehru li ngħataw b'rata iżjed baxxa mir-rata tas-suq:

(14)

Il-Kummissjoni kkunsidrat ukoll li l-garanzijia tal-Istat ta’ 100 % li qed tappoġġja s-self ta’ investiment tista' tikkostitwixxi għajnuna favur MFB safejn jiggarantixxi self eżistenti.

(15)

B'mod ġenerali, l-Ungerija targumenta li l-miżuri ma setgħux jiġu kklassifikati bħala għajnuna mill-Istat minħabba li kienu jikkonformaw mas-suq u għaldaqstant ma pprovdew l-ebda vantaġġ lill-benefiċjarju. L-Ungerija ma tikkontestax il-kriterji kumulattivi l-oħra ta’ għajnuna mill-Istat, jiġifieri it-trasferiment ta’ riżorsi tal-Istat, is-selettività, id-distorsjoni tal-kompetizzjoni u l-effett fuq il-kummerċ.

(16)

B'mod partikolari, l-Ungerija tikkontesta li Nitrogénművek tista' tiġi ddefinita bħala ditta f'diffikultà fis-sens tal-Linji gwida ta’ salvataġġ u ristrutturar. L-awtoritajiet Ungeriżi jiddikjaraw li l-kumpanija kienet tagħmel qligħ u kellha prospettiva stabbli ta’ negozju fl-2008. L-Ungerija ssostni li l-affidabbiltà finanzjarja tal-kumpanija tista' titqies bħala “sodisfaċenti” fil-ħin tal-għoti tal-miżuri, li tikkorrispondi għal “BB” skont il-kategoriji ta’ klassifikazzjoni stabbiliti fil-Komunikazzjoni mill-Kummissjoni dwar ir-reviżjoni tal-metodu għall-istipular tar-rati ta’ referenza u ta’ skont (10) (minn hawn 'il quddiem “Komunikazzjoni tar-rata ta’ referenza”).

(17)

Fir-rigward tal-għeluq tal-produzzjoni tal-kumpanija fil-Ħarifa tal-2008, l-awtoritajiet Ungeriżi jispjegaw li ġeneralment l-industrija tal-fertilizzant hija karatterizzata minn staġjonalità għolja. Barra minn hekk, minħabba fil-kriżi finanzjarja u ekonomika li qed tevolvi, id-domanda naqqset. Il-kumpanija ddeċidiet li twaqqaf il-produzzjoni tagħha fid-dawl tal-prezzijiet għoljin tal-gass (li jirrappreżentaw element prinċipali ta’ kost fil-produzzjoni tal-fertilizzant u kienu mistennija li jaqgħu) u l-inventarji sostanzjalment akkumulati. L-Ungerija tosserva wkoll li l-waqfa ma kinitx fenomenu rari fis-suq Ewropew; diversi siti ta’ manifattura jagħlqu jew jillimitaw il-produzzjoni fl-istess perjodu.

(18)

Fir-rigward tal-imgħax imħallas u l-miżata ta’ garanzija, l-Ungerija ssostni li dawk huma konformi mas-suq: (i) fil-każ tas-self B ma jikkwalifikawx bħala għajnuna fid-dawl tal-komunikazzjoni tar-rata ta’ Referenza u (ii) fil-każ tas-self A ir-rata ta’ imgħax hija taħt dik li kienet titqies bħala konformi mas-suq taħt il-komunikazzjoni tar-rata ta’ Referenza, iżda meta jitqiesu l-kollaterali ta’ valur għoli, ma tistax titqies madankollu bħala konformi mas-suq. L-Ungerija ssostni wkoll li kien hemm diversi kuntratti ta’ self u ta’ linji ta’ kreditu konklużi bejn il-kumpanija u banek privati fl-ewwel nofs tal-2008 fuq kondizzjonijiet simili, li – targumenta – juri li l-primjums u l-kondizzjonijiet ta’ self A u B ma jipprovdux lill-kumpanija bi kwalunkwe vantaġġ meta pparagunat mal-finanzjament tas-suq.

(19)

Il-Kummissjoni rċeviet kummenti għad-deċiżjoni ta’ ftuħ minn tliet kompetituri (11). Il-partijiet kollha appoġġjaw l-investigazzjoni tal-Kummissjoni u argumentaw li s-self fil-fatt ikkostitwixxa l-għajnuna mill-Istat.

(20)

Il-benefiċjarju kkummenta wkoll, u kkontesta li l-miżuri se jinvolvu għajnuna illegali mill-Istat. L-argumenti tiegħu kkoinċidew fuq skala wiesgħa ħafna ma’ dawk imressqa mill-awtoritajiet Ungeriżi.

(21)

Fit-tweġiba tagħha għall-kummenti tal-partijiet interessati, l-Ungerija twarrab il-kummenti tal-partijiet terzi u ttenni l-argumenti tagħha li Nitrogénművek ma bbenefikatx minn għajnuna mill-Istat.

(22)

Sabiex taċċerta jekk miżura tikkostitwix għajnuna mill-Istat, il-Kummissjoni trid tivvaluta jekk il-miżura kontestata tissodisfax il-kondizzjonijiet tal-Artikolu 107(1) tat-TFUE. Dan l-Artikolu jiddikjara li: “Ħlief għad-derogi previsti fit-Trattati, kull għajnuna, ta’ kwalunkwe forma, mogħtija minn Stat Membru jew permezz ta’ riżorsi tal-Istat li twassal għal distorsjoni jew theddida ta’ distorsjoni għall-kompetizzjoni billi tiffavorixxi ċerti impriżi jew ċerti produtturi għandha, safejn tolqot il-kummerċ bejn l-Istati Membri, tkun inkompatibbli mas-suq intern”.

(23)

Fid-dwal ta’ din id-dispożizzjoni, il-Kummissjoni se tivvaluta hawn isfel jekk il-miżuri kkontestati favur Nitrogénművek jikkostitwixxux għajnuna mill-Istat.

(24)

Ir-regoli li jirregolaw il-funzjonament tal-MFB nbidlu mill-għoti tal-miżuri. Il-valutazzjoni preżenti tirreferi għas-sitwazzjoni legali fil-ħin tal-konklużjoni tal-ftehimiet ta’ self inkwistjoni.

(25)

MFB huwa istituzzjoni finanzjarja speċjalizzata, li jappartjeni lill-Istat, li twaqqaf u li l-funzjonament tiegħu kien, fil-ħin tal-għoti tal-miżuri, irregolat minn att legali (b'għan speċjali) (minn hawn 'il quddiem “l-Att dwar l-MFB”) (12). Taħt l-Att, il-bank isegwi ċerti għanijiet ta’ politika pubblika; b'mod partikolari, il-funzjoni ewlieni tiegħu huwa li jippromwovi żvilupp ekonomiku u jikkontribbwixxi effettivament għall-implimentazzjoni tal-politika ekonomika u ta’ żvilupp tal-Istat. Parti mir-regoli prudenzjali li jappartjenu għall-banek kummerċjali mhijiex applikata għall-MFB, minħabba li dan huwa soġġett għal regoli prudenzjali speċjali taħt l-Att dwar l-MFB.

(26)

Il-kapital azzjonarju tal-MFB, li jammonta għal HUF 60 biljun, jappartjeni 100 % għall-Istat Ungeriż, l-ishma tiegħu mhumiex soġġetti għal kummerċ kif stipulat mill-Att dwar l-MFB. Xi wħud mill-obbligazzjonijiet tal-MFB huma koperti mill-Baġit Ċentrali tal-Istat; il-liġi baġitarja tistipula s-self massimu tal-MFB u l-ammonti li għandha permess li tiggarantixxi. Barra minn hekk, kwalunkwe dividends imħallsa jidħlu fil-Baġit Ċentrali. Konsegwentement, il-Kummissjoni ssib li miżuri mogħtija mill-MFB jinvolvu riżorsi tal-Istat.

(27)

Id-drittijiet għas-sjieda tal-Istat f'MFB huma eżerċitati mill-Ministru kompetenti. L-MFB jirrapporta b'mod annwali lill-Ministru kompetenti dwar l-operati tagħha; l-awditur jinħatar ukoll mill-Ministru kompetenti. Il-membri u l-President tal-bordijiet ta’ ġestjoni u superviżorji, kif ukoll l-Uffiċjal Eżekuttiv Prinċipali, jinħatru u jiġu rrevokati mill-Ministru kompetenti.

(28)

Għalkemm il-kontroll pubbliku ta’ istituzzjoni ma jirrendix awtomatikament l-azzjonijiet ta’ dan tal-aħħar imputabbli lill-Istat (13), f'dan il-każ inkisbu l-kondizzjonijiet meħtieġa stabbiliti mill-Qorti tal-Ġustizzja (14), li jissuġġerixxi li l-imġiba tal-MFB hija imputabbli lill-Istat. L-MFB jsegwi għanijiet ta’ politika pubblika, l-istat legali tiegħu huwa rregolat minn leġiżlazzjoni separata, li hija eżentata parzjalment minn regolament superviżorju finanzjarju u hemm intensità għolja tas-superviżjoni eżerċitata mill-awtoritajiet pubbliku fuq il-maniġment. B'mod partikolari, il-kuntest li fih il-miżuri jkunu ġew deċiżi (jiġifieri deċiżjoni tal-gvern li toħroġ il-garanzija espliċitament għal self mogħti mill-MFB u li tistipula li l-MFB jista', bi skambju, jiddelega żewġ membri għall-bord ta’ Nitrogénművek u ppreċeduta minn dikjarazzjonijiet pubbliċi mill-kelliem tal-Gvern li ħabbar li l-miżuri se jingħataw) juri li l-awtoritajiet Ungeriżi jridu jitqiesu bħala li ġew involuti fl-adozzjoni.

(29)

Abbażi ta’ dak imsemmi hawn fuq, il-Kummissjoni tikkunsidra li l-azzjonijiet tal-MFB huma imputabbli lill-Istat.

(30)

Minħabba li s-self innifsu huwa imputabbli direttament lill-Istat, il-garanziji addizzjonali tal-Istat ma jżidux il-piż finanzjarju li jġorr l-Istat jew il-vantaġġ għall-Nitrogénművek. Għalhekk jidher xieraq li jiġi nkorporat is-self u l-garanziji fil-kwistjoni taħt iż-żewġ miżuri jiġu vvalutati bhħala self sempliċi mill-Istat (li għalih il-kost għal Nitrogénművek ikun l-imgħax fuq is-self miżjud mal-primjum għall-garanzija).

(31)

Konsegwentement, il-valutazzjoni tal-għajnuna mill-Istat se ssir fid-dawl tal-komunikazzjoni tar-rata ta’ Referenza li tapplika għas-self.

(32)

L-Ungerija ssostni li Nitrogénművek ma kkwalifikatx bħala kumpanija f'diffikultà fis-sens tal-linji gwida ta’ salvataġġ u ristrutturar fil-ħin tal-għoti tal-miżuri. Fir-rigward tal-waqfa tal-produzzjoni tal-kumpanija f'Ottubru 2008, l-awtoritajiet Ungeriżi ddikjaraw li din kienet deċiżjoni strateġika u staġjonali u li diversi parteċipanti oħra fis-suq waqqfu l-produzzjoni fil-Ħarifa tal-2008. L-Ungerija tiddikjara li l-kumpanija għandha tiġi kkunsidrata korrettament li hija kklassifikat bħala BB f'dak il-mument.

(33)

Il-Kummissjoni tosserva li minkejja l-problemi evidenti ta’ likwidità tal-kumpanija, u kif tissuġġerixxi l-evidenza mressqa mill-Ungerija, l-ekwità totali tal-kumpanija qabżet il-kapital irreġistrat tagħha, ma ssodisfatx il-kriterji taħt il-liġi domestika li tkun is-suġġett ta’ proċeduri kollettivi ta’ falliment, u kellha operat pożittiv kif ukoll riżultati netti għas-sena kollha tal-2008. Għalhekk, punti 9-11 tal-Linji gwida ta’ salvataġġ u ristrutturar ma jidhrux li qed jintlaħqu.

(34)

Huwa ċar, madankollu, mill-investigazzjoni, notevolment mid-dikjarazzjonijiet finanzjarji tal-2008 tal-kumpanija, li Nitrogénművek kellha bżonn il-flus tal-pubbliku sabiex terġa' tibda topera. Fil-fatt, id-dikjarazzjonjiet finanzjarji tal-2008 enfasizzaw li: “Fit-tieni nofs tal-[2008] il-kriżi finanzjarja u ekonomika laħqet il-kumpanija. Il-klijenti tagħha esperjenzaw diffikultajiet finanzjarji u għalhekk il-kummerċjalizzazzjoni tal-prodotti ta’ Nitrogénművek waqa' għal livell minimu. Fit-18 ta’ Ottubru 2008 l-kumpanija waqqfet il-produzzjoni għal raġunijiet finanzjarji u ekonomiċi. Sabiex iniedi mill-ġdid il-produzzjoni, is-sid tal-kumpanija beda taħdidiet mal-Gvern. Bħala riżultat, il-Gvern ħareġ il-garanzija bl-għan ta’ provvista sigura ta’ fertilizzant Ungeriż” (15) Il-kontijiet finanzjarji jissuġġerixxu wkoll li s-self ta’ faċilitajiet kurrenti kien meħtieġ sabiex jerġgħu jinbdew l-operati u li parti mill-ammont intuża sabiex jitħallsu krediti tal-fornitur dovuti fil-31 ta’ Diċembru 2008 (16).

(35)

Il-Kummissjoni tikkunsidra li kumpanija li, wara li twaqqaf il-produzzjoni tagħha, ma tistax tibda topera mill-ġdid mingħajr għajnuna pubblika – irrispettivament mir-raġunijiet li wasslu għall-waqfa tagħha – ma tistax titqies bħala kumpanija b'saħħitha u vijabbli. Jidher ċar mill-kontijiet finanzjarji li l-kumpanija kellha nuqqas serju ta’ likwidità u li l-intervent tal-Istat kien essenzjali sabiex jiżdiedu l-fondi.

(36)

Fir-rigward tal-affidabbiltà finanzjarja tal-kumpanija, il-Kummissjoni tiddubita li l-klassifikazzjoni allegata tal-BB tirrifletti s-sitwazzjoni finanzjarja reali ta’ Nitrogénművek fil-ħin tal-għoti tal-miżuri. L-ewwel nett, il-Kummissjoni tosserva li l-Ungerija ma pprovdietx valutazzjoni ta’ kreditu minn aġenzija ta’ klassifikazzjoni indipendenti jew istituzzjoni finanzjarja. Il-klassifikazzjoni allegata ta’ BB hija attribwita għal MFB li, għall-finijiet tal-miżuri fil-kwistjoni, aġixxiet bħala strument tal-Istat (tabilħaqq f'konformità mad-deċiżjoni espliċità tal-Gvern) u mhux bħala istituzzjoni finanzjarja indipendenti li qed tfittex li tagħmel valutazzjoni kummerċjali b'saħħitha. Dan huwa fih innifsu responsabbli li jitfa' f'dubju l-valur tal-“klassifikazzjoni”. It-tieni, l-Ungerija ma tipprovdi l-ebda informazzjoni tkun xi tkun dwar il-metodoloġija u l-informazzjoni sottostanti użati mill-MFB sabiex tiġi stabbilita s-saħħa finanzjarja tal-kumpanija. It-tielet, fid-dawl tal-fatt li Nitrogénművek kienet, fil-ħin tal-għoti tal-miżura, kumpanija mingħajr l-ebda attività tal-produzzjoni u li evidentament kellha bżonn urġenti ta’ finanzjament li fin-nuqqas tiegħu ma setgħetx tibda mill-ġdid il-produzzjoni (ara fid-dettall il-premessi 34-35 hawn fuq), mhuwiex kredibbli lis-sitwazzjoni finanzjarja tista' titqies bħala “sodisfaċenti”. F'dan l-isfond speċifiku, u irrispettivament mill-prestazzjoni tal-kumpanija fil-passat, il-Kummissjoni hija tal-opinjoni li fil-każ preżenti l-klassifikazzjoni allegata tal-BB ma tistax tiġi applikata għall-valutazzjoni tal-għajnuna mill-Istat tal-miżuri taħt il-komunikazzjoni tar-rata ta’ Referenza.

(37)

Bħala konklużjoni, il-Kummissjoni hija tal-opinjoni li l-kumpanija ma tistax titqies bħala kumpanija b'saħħa finanzjarja soda. Mis-sottomissjonijiet, jidher ċar li din kienet sofriet problemi severi ta’ likwidità u ma setgħetx tibda topera mill-ġdid (ara l-premessi 34-35 hawn fuq). Għaldaqstant tista' tiġi kkunsidrata li tinstab fi stat finanzjarju ħażin, li jikkorrispondi għall-kategorija l-aktar baxxa tal-komunikazzjoni tar-rata ta’ Referenza (kategorija CCC).

(38)

L-assi offruti bħala kollaterali jinkludu l-art, il-bini u l-magni fuq diversi impjanti tal-produzzjoni differenti (17) ta’ Nitrogénművek.

(39)

Fir-rigward tal-valur tal-assi ppleġġjat, l-Ungerija ressqet rapport ta’ evalwazzjoni mid-ditta […]  (**) , imħejji f'nofs l-2008. Skont din l-evalwazzjoni, l-assi ppleġġjati kellhom valur tas-suq ta’ madwar EUR […] miljun u valur ta’ likwidazzjoni b'ordni ta’ madwar EUR […] miljun. L-MFB ikkalkola l-valur ta’ likwidazzjoni mkejjel skont ir-riskju tal-assi bħala madwar EUR […] miljun.

(40)

Meta jitqies li l-valur kombinat totali taż-żewġ selfiet inkwistjoni huwa EUR 88 miljun (jiġifieri kollaterali għandhom valur ta’ [aktar minn 70]% tas-self skont l-istima l-aktar prudenti), il-Kummissjoni tikkunsidra li t-tranżazzjonijiet huma kollateralizzati ħafna. Anke jekk il-pleġġijiet għas-self A huma fit-tieni grad, kwalunkwe talba li tirriżulta minn din it-tranżazzjoni tista' tiġi sodisfatta wara dawn mis-self B.

(41)

Il-fatt li l-kollateral huwa ppleġġjat lil MFB u mhux lill-Istat direttament mhuwiex materjali. Skont il-liġi Ungeriża (18), jekk garanti jkollu jissodisfa talbiet minn garanzija, id-drittijiet kollha li jappartjenu għas-self sottostanti jiġu trasferiti lilu. Għaldaqstant, jekk Nitrogénművek tonqos milli tħallas lura s-self u MFB jsejjaħ il-garanzija, l-Istat jista' jissodisfa t-talbiet tiegħu mill-pleġġijiet taħt il-ftehim tas-self.

(42)

Barra minn hekk, fir-rigward tas-self B, l-Istat kellu d-dritt li jaħtar żewġ membri fuq il-bord eżekuttiv tal-kumpanija, bid-dritt tal-veto fuq kwalunkwe deċiżjoni sabiex jitħallsu dividends, li jagħtu aktar pleġġijiet lill-pajjiżi terzi jew li jieħdu aktar self li jaqbeż il-HUF 100 miljun.

(43)

Fid-dawl ta’ dawn l-elementi, il-Kummissjoni tikkunsidra li ż-żewġ tranżazzjonijiet, self A u self B, kienu kollateralizzati ħafna għall-finijiet tal-komunikazzjoni tar-rata ta’ Referenza.

(44)

Fis-sottomissjoni tagħha l-Ungerija ppreżentat diversi self allegatament “komparabbli” konkluż bejn banek privati u Nitrogénművek, bil-għan li jintwera li l-imposti finanzjarji taħt il-miżuri pubbliċi kienu konformi mas-suq.

(45)

Madankollu, dawn l-eżempji mhumiex komparabbli u għaldaqstant irrelevanti għall-finijiet ta’ din il-valutazzjoni. L-ewwel nett, jikkonċernaw l-aktar ammonti aktar baxxi u linji tal-kreditu tal-kont kurrenti (19). It-tieni, ir-rati imposti mill-banek huma ogħla minn dawk taħt valutazzjoni (20). Fl-aħħar nett, u aktar importanti, kollha kemm huma ngħataw qabel il-kriżi, prinċipalment fl-ewwel nofs tal-2008. Il-kondizzjonijiet kummerċjali f'dak il-perjodu mhumiex komparabbli mal-perjodu Diċembru 2008-Jannar 2009, li kien l-eqqel perjodu tal-kriżi finanzjarja.

(46)

Sabiex jiġi stabbilit jekk self jinvolvix għajnuna mill-Istat u, jekk dan huwa l-każ, kemm, il-Kummissjoni tapplika prokura għal rati ta’ imgħax tas-suq fil-komunikazzjoni ta’ rati ta’ Referenza. Skont il-komunikazzjoni tar-rata ta’ Referenza, marġini differenzjati għandhom jiġu applikati fuq ir-rati bażi, skont il-klassifikazzjoni tal-kreditur u l-kollaterali disponibbli.

(47)

Fir-rigward tad-data rilevanti ta’ valutazzjoni, meta jitqies li l-atti “tal-għoti” finali vinkolanti (jiġifieri il-ftehimiet tas-self) ġew konklużi fis-26 ta’ Jannar 2009, ir-rata ta’ referenza (rata bażi miżjuda mal-marġini rilevanti) ta’ dak il-jum trid tiġi mqabbla mar-rimunerazzjoni effettiva korrispondenti tal-pakkett ta’ finanzjament.

(48)

Dwar il-marġini li għandha tiġi applikata, kif stipulat fid-dettall hawn fuq, il-Kummissjoni tikkunsidra li Nitrogénművek waqgħet fil-kategorija l-aktar baxxa tal-“grad” tar-rata ta’ referenza u li t-tranżazzjonijiet ġew kollateralizzati ħafna. Konsegwentement, marġini ta’ 400 punt bażiku miżjuda fuq ir-rata bażi rilevanti tista' tiġi kkunsidrata bħala rata normattiva tas-suq.

(49)

Fir-rigward tas-self A (EUR), il-kost ta’ finanzjament totali u effettiva ammonta għal 4,362 % fis-26 ta’ Jannar 2009 (21). Meta tiġi mqabbla, ir-rata ta’ referenza normattiva rilevanti f'dik id-data kienet 8,99 % (22). Il-kost ta’ finanzjament totali ta’ self A huwa għaldaqstant taħt ir-rata normattiva, u konsegwentement il-miżura tagħti vantaġġ fuq il-kumpanija.

(50)

Fir-rigward tas-self B (HUF), il-kost ta’ finanzjament totali u effettiva jammonta għal 12,44 % (23). B'kuntrast, ir-rata ta’ referenza rilevanti f'dik id-data kienet 14,01 % (24). Il-kost ta’ finanzjament totali tas-self B huwa għaldaqstant taħt ir-rata normattiva, u konsegwentement il-miżura tagħti vantaġġ fuq il-kumpanija.

(51)

Kif jidher hawn fuq, il-miżuri huma ffinanzjati minn riżorsi tal-Istat u imputabbli lill-Istat.

(52)

Nitrogénművek kisbet finanzjament fuq kondizzjonijiet aħjar milli fuqhom kienet tiġbor fondi fis-swieq. Il-miżuri għalhekk jagħtu vantaġġ lill-kumpanija.

(53)

Barra minn hekk, il-vantaġġ huwa selettiv minħabba li l-miżuri huma limitati għal Nitrogénművek.

(54)

Dawn il-miżuri selettivi x'aktarx jikkaġunaw distorsjoni tal-kompetizzjoni, billi jipprovdu lill-kumpanija b'vantaġġ fir-rigward tal-kompetituri, u m'hemmx kummerċ estensiv bejn l-Istati Membri fil-fertilizzanti.

(55)

Konsegwentement, is-self A u B jikkostitwixxi għajnuna mill-Istat fis-sens tal-Artikolu 107(1) tat-TFUE.

(56)

Fid-deċiżjoni tal-ftuħ il-Kummissjoni qajmet il-possibbiltà li l-garanzija ta’ 100 % fuq is-self A tista' tkun għajnuna mill-Istat għall-benefiċċju ta’ MFB fid-dawl tal-fatt li informazzjoni kontradittorja kienet issuġġeriet li s-self ta’ investiment kien wieħed eżistenti (f'dan il-każ il-garanzija msemmija l-aħħar tista' tiġi kkunsidrata bħala għajnuna għall-bank fir-rigward tat-titjib tal-probabbiltà tagħha li jitħallas mill-ġdid). Madankollu, l-investigazzjoni wriet li s-self A huwa self ġdid li ma ġiex iffirmat fis-26 ta’ Jannar 2009, għaldaqstant il-garanzija 100 % fuq is-self A ma nkudietx għajnuna mill-istat għall-MFB.

(57)

L-Artikoli 107(2) u 107(3) tat-TFUE jipprovdu għal eżenzjonijiet għar-regola ġenerali li l-għajnuna mill-Istat hija inkompatibbli mas-suq intern kif iddikjarat fl-Artikolu 107(1).

(58)

F'dan li ġej il-Kummissjoni se tivvaluta l-kompatibilità tal-miżuri taħt dawn l-eċċezzjonijiet. Madankollu, għandu jiġi osservat mill-bidu li l-Ungerija ma ressqet l-ebda argument rigward il-kompatibilità tagħhom mas-suq intern.

(59)

L-eżenzjonijiet fl-Artikolu 107(2) tat-TFUE ma japplikaw fil-każ preżenti minħabba li din il-miżura m'għandhiex karattru soċjali, ma ngħatatx lil klijenti individwali, mhijiex imfassla sabiex tagħmel tajjeb għal ħsara kkawżata minn diżastri naturali jew avvenimenti straordinarji u ma ngħatatx lill-ekonomija ta’ ċerti żoni tar-Repubblika Federali tal-Ġermanja affettwata mid-diviżjoni ta’ dak il-pajjiż.

(60)

Aktar eżenzjonijiet huma stabbiliti fl-Artikolu 107(3) tat-TFUE. F'dan li ġej, il-Kummissjoni l-ewwel se tivvaluta l-kompatibbiltà potenzjali tal-miżuri taħt l-Artikolu 107(3)(a), (c) u (d) u fl-aħħar taħt l-Artikolu 107(3)(b).

(61)

L-Artikolu 107(3)(a) jiddikjara li “għajnuna maħsuba sabiex tippromwovi l-iżvilupp ekonomiku ta’ reġjun fejn il-livell tal-għajxien huwa baxx b'mod anormali jew fejn ikun hemm stat serju ta’ nuqqas ta’ impjieg” jista' jiġi ddikjarat kompatibbli mas-suq intern. It-territorju kollu tal-Ungerija ġie meqjus bħala reġjun bħal dan fil-ħin tal-adeżjoni, u ħafna mir-reġjuni tagħha għadhom eliġibbli għal din l-għajnuna (25).

(62)

Il-kompatibbiltà tal-għajnuna mill-Istat għal reġjuni megħjuna hija rregolata mil-linji gwida tal-Kummissjoni dwar għajnuna reġjonali nazzjonali għall-2007-2013 minn hawn 'il quddiem: ‧il-Linji Gwida tal-Għajnuna Reġjonali‧) (26). Il-miżuri, madankollu, ma jikkonformawx mal-Linji Gwida tal-Għajnuna Reġjonali. Fir-rigward tas-self ta’ investiment, ingħata għal investiment li kien diġà tlesta (27), u għaldaqstant m'hemm l-ebda effett ta’ inċentiv kif meħtieġ mil-Linji Gwida tal-Għajnuna Reġjonali. Fir-rigward ta’ għajnuna possibbli għall-operat, din l-għajnuna ma tiffaċilitax l-iżvilupp ta’ kwalunkwe attività jew reġjun ekonomiku u mhijiex limitata fiż-żmien, digressiva jew proporzjonata ma dak li huwa meħtieġ biex jiġu rrimedjati nuqqasijiet ekonomiċi speċifiċi (28).

(63)

Fid-dawl ta’ dan, il-Kummissjoni tikkonkludi li l-għajnuna mhijiex eliġibbli għad-deroga provduta fl-Artikolu 107(3)(a) tat-TFUE.

(64)

L-Artikolu 107(3)(c) jipprovdi għall-awtorizzazzjoni tal-għajnuna mill-Istat sabiex tiffaċilita l-iżvilupp ta’ ċerti attivitajiet jew ta’ ċerti reġuni ekonomiċi, fejn din l-għajnuna ma taffettwax ħażin il-kondizzjonijiet ta’ kummerċ sa grad li jkun kuntrarju għall-interess komuni. Il-Kummissjoni żviluppat diversi linji gwida u komunikazzjonijiet li jispjegaw kif se tapplika d-deroga li tinstab fid-dispożizzjoni imsemmija aktar 'il fuq.

(65)

Fir-rigward tal-Linji gwida ta’ salvataġġ u ta’ strutturar mill-ġdid, il-Kummissjoni tosserva li (irrispettivament minn jekk il-kumpanija hijiex eliġibbli sabiex tirċievi għajnuna taħt il-linji gwida) il-kriterji għall-għajnuna kompatibbli ma jidhrux li qed jiġu sodisfatti. Fir-rigward tal-għajnuna tas-salvataġġ, il-miżuri mhumiex ristretti għall-minimu meħtieġ minħabba li huma itwal minn sitt xhur; ma ntweriex li jkunu ġġustifikati għar-raġunijiet ta’ diffikultajiet soċjali serji jew ma jkollhomx kwalunkwe effett sekondarju indebitament negattiv fuq Membri oħra. Fir-rigward ta’ għajnuna għar-ristrutturar, fin-nuqqas sta' pjan ta’ ristrutturar, il-Kummissjoni ma tistax tevalwa jekk l-għajnuna tirrestawrax il-vijabbiltà fuq skont twil, jekk tinżammx minima, u li distorsjonijiet ta’ kompetizzjoni mhux xierqa jiġu evitati.

(66)

Il-Kummissjoni għaldaqstant tikkonkludi li l-miżuri mhumiex kompatibbli bħala għajnuna ta’ salvataġġ jew ristrutturar.

(67)

Il-Kummissjoni tikkunsidra li minħabba fin-natura u l-karatteristiċi tal-għajnuna, l-ebda waħda mill-eżenzjonijiet imniżżla f'linji gwida oħra u komunikazzjonijiet maħruġa taħt l-Artikolu 107(3)(c) ma hija applikabbli għall-każ preżenti.

(68)

L-Artikolu 107(3)(d) tat-TFUE jiddikjara li għajnuna sabiex tiġi promossal-kultura u l-preservazzjoni tal-patrimonju tista' tiġi ddikjarata kompatibbli mat-TFUE meta din l-għajnuna ma tolqotx kondizzjonijiet tal-kummerċ u tal-kompetizzjoni fl-UE sa grad li jkun kuntrarju għall-interess komuni. Dan ovvjament ma japplikax għall-każ kurrenti.

(69)

L-Artikolu 107(3)(b) tat-TFUE jiddikjara li “għajnuna maħsuba sabiex tippromwovi l-eżekuzzjoni ta’ proġetti importanti ta’ interess komuni Ewropew jew sabiex tirrimedja taħwid serju fl-ekonomija ta’ Stat Membru” tista' tiġi ddikjarata kompatibbli mas-suq intern.

(70)

Il-Kummissjoni tosserva li l-għajnuna inkwistjoni mhijiex imfassla sabiex tippromwovi l-eżekuzzjoni ta’ proġett importanti ta’ interess komuni Ewropew.

(71)

Fir-rigward tar-rimedjar ta’ taħwid serju fl-ekonomija ta’ Stat Membru, il-Kummissjoni adottat Qafas Komunitarju Temporanju għal miżuri ta’ għajnuna mill-Istat sabiex tappoġġja aċċess għal finanzi fil-kriżi finanzjarja u ekonomika attwali (29) (minn hawn 'il quddiem “il-Qafas Temporanju”).

(72)

Il-Kummissjoni tikkunsidra li abbażi taċ-ċifri finanzjarji mressqa mill-awtoritajiet Ungeriżi (30), il-kumpanija ma wrietx sinjali ta’ diffikultajiet qabel ma faqqgħet il-kriżi globali finanzjarja u ekonomika. B'mod aktar speċifiku, kif diġà stipulat fil-premessa 33 hawn fuq, l-ekwità totali qabżet il-kapital irreġistrat tagħha, ma ssodisfatx il-kriterji taħt il-liġi domestika biex ikunu s-suġġett ta’ proċedimenti kollettivi għall-insolvenza, u kellha operat pożittiv kif ukoll riżultati netti fir-rigward tas-sena kollha tal-2008. Il-problemi li wasslu għall-għeluq tal-produzzjoni nħolqu wara l-bidu tal-kriżi. Il-Kummissjoni għalhekk tikkunsidra li Nitrogénművek ma kkwalifikatx bħala ditta f'diffikultà fis-sens tal-Linji gwida ta’ salvataġġ u ristrutturar fl-1 ta’ Lulju 2008. Għalhekk, hija eliġibbli għall-għajnuna taħt il-Qafas Temporanju.

(73)

Il-miżuri, madankollu, ma jikkonformawx mal-punt 4.2 tal-Qafas Temporanju bħala “ammont kompatibbli limitat ta’ għajnuna” minħabba li ma ngħatawx fil-forma ta’ skema għall-għajnuna u l-ammont tal-għajnuna jidher li jaqbeż il-EUR 500 000. Barra minn hekk, anke jekk il-garanziji tqiesu f'iżolament, ma jikkonformawx mal-punt 4.3 tal-Qafas Temporanju bħala miżuri fil-forma ta’ garanziji, minħabba li l-miżati tal-garanziji (31) imħallsa huma taħt il-primjums safe harbour applikabbli (32) taħt il-Qafas Temporanju. Barra dan, l-Ungerija ma wrietx li ġie mħares il-kriterju tal-pagi. Il-pakkett finanzjarju mhuwiex għajnuna għall-produzzjoni ta’ prodotti ekoloġiċi (punt 4.5) lanqas m'huwa kapital ta’ riskju (punt 4.6).

(74)

Fir-rigward tal-miżura tas-self issussidjat taħt punt 4.4 tal-Qafas Temporanju, dan japplika għal self b'tul ta’ żmien mingħajr limitu kuntrattat qabel il-31 ta’ Diċembru 2010 (33). Il-miżuri inkwistjoni ġew ikkuntrattati wara d-dħul fis-seħħ tal-Qafas Temporanju u qabel il-31 ta’ Diċembru 2010 u għalhekk jistgħu jkunu eliġibbli.

(75)

Il-Kummissjoni tosserva, madankollu, li r-rimunerazzjoni effettiva tat-tranżazzjonijiet hija taħt ir-rata minima ta’ imgħax meqjusa kompatibbli taħt il-Qafas Temporanju.

(76)

Skont id-dispożizzjoni rilevanti, ‧il-Kummissjoni se taċċetta li jingħata self pubbliku jew privat b'rata ta’ imgħax li tkun minn tal-anqas ekwivalenti għar-rata overnight tal-bank ċentrali miżjuda bi primjum ekwivalenti għad-differenza bejn ir-rata medja ta’ fost il-banek għal sena waħda u r-rata medja overnight tal-bank ċentrali matul il-perjodu mill-1 ta’ Jannar 2007 sat-30 ta’ Ġunju 2008, flimkien mal-primjum għar-riskju tal-kreditu li jikkorrispondi għall-profil ta’ riskju tal-benefiċjarju, kif stipulat mill-Komunikazzjoni tal-Kummissjoni dwar ir-reviżjoni tal-metodu kif jiġu stabbiliti r-rata ta’ referenza u r-rata tal-iskont.‧

(77)

Fir-rigward tas-self EUR (self A), id-differenza bejn ir-rata medja ta’ fost il-banek għal sena waħda u r-rata medja overnight ta’ fost il-banek matul il-perjodu mill-1 ta’ Jannar 2007 sat-30 ta’ Ġunju 2008 hija ta’ 64 punt bażiku. Barra minn hekk, ir-rata overnight tal-Bank Ċentrali Ewropew (EONIA) fis-26 ta’ Jannar 2009 (34) kienet 1,228 %. Meta titqies il-klassifikazzjoni tal-benefiċjarju u l-kollateralizzazzjoni tat-tranżazzjoni (ara premessa 48 hawn fuq), marġini addizzjonali ta’ 400 punt bażiku trid tiġi applikata fuq din il-bażi. Għalhekk, ir-rata sussidjata ta’ imgħax permessa taħt il-Qafas Temporanju tkun 5,868 %. Il-kost ta’ finanzjament effettiv tat-tranżazzjoni (4,362 %) huwa taħt din ir-rata.

(78)

Fir-rigward tas-self HUF (self B), fil-każ N 78/09 (35) l-awtoritajiet Ungeriżi kkonfermaw li d-differenza bejn ir-rata medja ta’ fost il-banek għal sena waħda u r-rata medja overnight ta’ fost il-banek matul il-perjodu mill-1 ta’ Jannar 2007 sat-30 ta’ Ġunju 2008 hija ta’ 26 punt bażiku. Barra minn hekk, ir-rata overnight tal-Bank Ċentrali Ungeriż fis-26 ta’ Jannar 2009 (36) kienet 9,14 %. Meta titqies il-klassifikazzjoni tal-benefiċjarju u l-kollateralizzazzjoni tat-tranżazzjoni, marġini addizzjonali ta’ 400 punt bażiku trid tiġi applikata fuq din il-bażi. Għalhekk, ir-rata sussidjata ta’ imgħax permessa taħt il-Qafas Temporanju tkun 13,40 %. Il-kost ta’ finanzjament effettiv tat-tranżazzjoni (12,44 %) huwa taħt din ir-rata.

(79)

Fid-dawl ta’ dan, il-Kummissjoni tikkonkludi li s-self A u s-self B huma parzjalment kompatibbli bħala miżuri ta’ self issussidjat taħt il-Qafas Temporanju.

(80)

Speċifikament, il-Kummissjoni tikkunsidra li d-differenza bejn ir-rimunerazzjoni effettiva tat-tranżazzjonijiet u r-rata sussidjata hija inkompatibbli; fil-waqt li d-differenza bejn ir-rata sussidjata u r-rata normattiva tas-suq hija kompatibbli abbażi tal-Qafas Temporanju.

(81)

Skont it-TFUE u l-każistika stabbilita tal-Qorti tal-Ġustizzja, fejn issib li l-għajnuna hija inkompatibbli mas-suq intern, il-Kummissjoni hija kompetenti li tiddeċiedi li l-Istat ikkonċernat irid jirrevokaha jew ibiddilha (37). Il-Qorti konsistentement ikkonkludiet ukoll li l-obbligu fuq Stat li jirrevoka għajnuna meqjusa mill-Kummissjoni bħala inkompatibbli mas-suq intern hija mfassla biex tirrestawra s-sitwazzjoni li kienet teżisti qabel (38). F'dan il-kuntest, il-Qorti stabbiliet li dak l-għan jinkiseb meta l-benefiċjarju jkun ħallas lura l-ammonti mogħtija permezz ta’ għajnuna illegali, biex b'hekk jintilef il-vantaġġ li kien igawdi fuq il-kompetituri tiegħu fis-suq, u s-sitwazzjoni qabel il-ħlas tal-għajnuna tkun ġiet irrestawrata (39).

(82)

B'segwitu ta’ dik il-każistika, l-Artikolu 14 tar-Regolament tal-Kunsill (KE) Nru 659/1999 (40) stabbilixxa li “fejn jittieħdu deċiżjonijiet negattivi f'każijiet ta’ għajnuna illegali, il-Kummissjoni għandha tiddeċiedi li l-Istat Membru kkonċernat għandu jieħu l-miżuri kollha meħtieġa sabiex jirkupra l-għajnuna mill-benefiċjarju”.

(83)

Għaldaqstant, meta jitqies li l-miżuri fil-kwistjoni huma kkunsidrati bħala illegali u għajnuna parzjalment inkompatibbli, il-parti inkompatibbli trid tiġi rkuprata sabiex tirrestawra s-sitwazzjoni li kienet teżisti fis-suq qabel ma ngħatat l-għajnuna. L-irkupru, għalhekk, irid jiġi effettwat mid-data meta sar il-vantaġġ favur il-benefiċjarju, jiġifieri meta l-għajnuna saret disponibbli għall-benefiċjarju, u għandu jħallas imgħax ta’ rkupru sal-irkupru effettiv.

(84)

Fid-dawl tat-taqsima X.5 hawn fuq, l-element ta’ għajnuna inkompatibbli tal-miżuri jiġi kkalkolat bħala d-differenza bejn ir-rata sussidjata tal-Qafas Temporanju kompatibbli u l-kostijiet ta’ finanzjament totali effettivi (jiġifieri rata ta’ imgħax miżjuda mal-primjum tal-garanzija) li bihom il-finanzjament ġie provdut.

(85)

L-ammont eżatt tal-irkupru jrid jinħadem mill-awtoritajiet Ungeriżi.

(86)

Abbażi ta’ dak imsemmi hawn fuq, il-Kummissjoni tikkonkludi li l-miżuri ta’ self A u B favur Nitrogénmuvek jikkostitwixxu għajnuna mill-Istat fis-sens tal-Artikolu 107(1) tat-TFUE.

(87)

Barra minn hekk, il-Kummissjoni tikkonkludi li s-self A u s-self B huma parzjalment kompatibbli mas-suq intern bħala miżuri ta’ self issussidjat taħt il-Qafas Temporanju. B'mod partikolari, id-differenza bejn ir-rata sussidjata tal-Qafas Temporanju u r-rata normattiva tas-suq hija kompatibbli. Mill-banda l-oħra, id-differenza bejn ir-rimunerazzjoni effettiva tat-tranżazzjonijiet u r-rata sussidjata hija inkompatibbli mas-suq intern.

(88)

Meta jitqies li s-self A u s-self B iridu jiġu kkunsidrati bħala illegali u għajnuna parzjalment inkompatibbli, il-parti inkompatibbli trid tiġi rkuprata minn Nitrogénművek sabiex tiġi rrestawrata s-sitwazzjoni li kienet teżisti fis-suq qabel ma ngħatat l-għajnuna.

(89)

L-ammont eżatt tal-irkupri jrid jinħadem mill-awtoritajiet Ungeriżi. Jiġi kkalkolat bħala d-differenza bejn ir-rata sussidjata tal-Qafas Temporanju kompatibbli u l-kostijiet ta’ finanzjament totali effettivi (jiġifieri r-rata tal-imgħax miżjuda mal-primjum tal-garanzija) li bihom ġie provdut il-finanzjament.

(90)

Il-Kummissjoni tikkonkludi wkoll li l-garanzija ta’ 100 % fuq is-self A ma kinitx tikkostitwixxi għajnuna mill-Istat fis-sens tal-Artikolu 107(1) tat-TFUE favur l-MFB.

(a)

l-ammont totali (is-somma kapitali ewlenija u mgħax ta’ rkupru) li jrid jiġi rkuprat mill-benefiċjarju;

(b)

deskrizzjoni ddettaljata tal-miżuri li diġà ttieħdu u dawk ippjanati sabiex jikkonformaw ma’ din id-Deċiżjoni;

(c)

dokumenti ta’ appoġġ li juru li l-benefiċjarju ġie ordnat li jħallas l-għajnuna mill-ġdid;