20.1.2011   

MT

Il-Ġurnal Uffiċjali tal-Unjoni Ewropea

L 15/1

(1)

F’Awwissu 2001, permezz tar-Regolament (KE) Nru 1676/2001 (2), il-Kunsill impona dazju definittiv ta’ antidumping fuq l-importazzjonijiet tat-tertuqa tat-tereftalat tal-polietilene (PET) li joriġinaw, inter alia, fl-Indja. Il-miżuri kienu jikkonsistu f’dazju antidumping ad valorem li jvarja bejn 0 % u 62,6 % impost fuq importazzjonijiet mingħand produtturi esportaturi msemmija individwalment, b’rata ta’ dazju residwa ta’ 53,3 % fuq importazzjonijiet mingħand il-kumpaniji l-oħrajn kollha.

(2)

F’Marzu 2006, permezz tar-Regolament (KE) Nru 366/2006 (3), il-Kunsill emenda l-miżuri imposti mir-Regolament (KE) Nru 1676/2001. Id-dazju antidumping impost varja bejn 0 % u 18 %, wara li tqiesu s-sejbiet tar-reviżjoni ta’ skadenza tad-dazji kumpensatorji definittivi (ir-Regolament tal-Kunsill (KE) Nru 367/2006 (4)).

(3)

F’Awwissu 2006, permezz tar-Regolament (KE) Nru 1288/2006 (5), il-Kunsill, wara reviżjoni interim rigward is-sussidjar ta’ produttur tat-tertuqa PET Indjan, Garware Polyester Limited, emenda d-dazju antidumping definittiv impost fuq dik il-kumpanija permezz tar-Regolament (KE) Nru 1676/2001.

(4)

F’Settembru 2006, permezz tar-Regolament (KE) Nru 1424/2006 (6), fuq talba ta’ produttur esportatur ġdid, il-Kunsill emenda r-Regolament (KE) Nru 1676/2001 fir-rigward ta’ esportatur Indjan wieħed. Ir-Regolament emendat stabbilixxa marġini ta’ dumping ta’ 15,5 % u rata ta’ dazju antidumping ta’ 3,5 % għall-kumpanija kkonċernata wara li tqies il-marġini ta’ sussidju fuq l-esportazzjoni tal-kumpanija kif ġie aċċertat fl-investigazzjoni kontra s-sussidji li wasslet għall-adozzjoni tar-Regolament (KE) Nru 367/2006. Billi l-kumpanija ma kellhiex dazju kumpensatorju individwali, ġiet applikata r-rata stabbilita għall-kumpaniji l-oħrajn kollha.

(5)

F’Novembru 2007, permezz tar-Regolament (KE) Nru 1292/2007 (7), il-Kunsill impona dazju definittiv antidumping fuq importazzjonijiet tat-tertuqa PET li joriġinaw fl-Indja wara reviżjoni ta’ skadenza skont l-Artikolu 11(2) tar-Regolament bażiku. Bl-istess Regolament intemmet reviżjoni interim parzjali skont l-Artikolu 11(3) tar-Regolament bażiku, li l-ambitu tagħha kien limitat għall-eżami tad-dumping fir-rigward ta’ produttur esportatur Indjan wieħed.

(6)

F’Jannar 2009, permezz tar-Regolament (KE) Nru 15/2009 (8), il-Kunsill, wara reviżjoni interim parzjali imnedija mill-Kummissjoni fuq l-inizjattiva tagħha fir-rigward tas-sussidju lil ħames produtturi Indjani tat-tertuqa PET, emenda d-dazju definittiv antidumping impost fuq dawn il-Kumpaniji bir-Regolament (KE) Nru 1292/2007 u d-dazji kumpensatorji definittivi imposti fuq dawn il-kumpaniji permezz tar-Regolament (KE) Nru 367/2006.

(7)

Ir-Regolament (KE) Nru 1292/2007 żamm ukoll l-estensjoni tal-miżuri għall-Brażil u l-Iżrael bl-eżenzjoni ta’ ċerti kumpaniji. L-aħħar emenda għar-Regolament 1292/2007 f’dan ir-rigward saret permezz tar-Regolament tal-Kunsill (UE) Nru 806/2010 (9).

(8)

L-applikant ta’ din ir-reviżjoni interim - Garware Polyester Limited huwa attwalment soġġett għal dazju antidumping definittiv ta’ 14,7 %.

(9)

Għandu wkoll jiġi indikat li Garware Polyester Limited huwa soġġett għal dazju kumpensatorju ta’ 5,4 % fuq il-bażi tar-Regolament (KE) Nru 15/2009.

(10)

F’Awwissu 2009, il-Kummissjoni rċeviet talba għal reviżjoni interim parzjali skont l-Artikolu 11(3) tar-Regolament bażiku. It-talba, li l-ambitu tagħha kien limitat għall-eżami tad-dumping, tressqet minn Garware Polyester Limited, produttur esportatur mill-Indja (“Garware” jew “l-applikant”). Fit-talba tiegħu, l-applikant qal li ċ-ċirkostanzi li abbażi tagħhom ġew imposti l-miżuri nbidlu, u li dawn il-bidliet huma ta’ natura dejjiema. L-applikant ipprovda evidenza prima facie li l-impożizzjoni kontinwa tal-miżura fil-livell attwali tagħha ma għadhiex meħtieġa biex tpaċi d-dumping.

(11)

Wara li ddeterminat, wara konsultazzjoni mal-Kumitat Konsultattiv, li hemm biżżejjed evidenza li tiġġustifika l-bidu ta’ reviżjoni interim parzjali, il-Kummissjoni ħabbret permezz ta’ Notifika ta’ Inizjazzjoni ppubblikata fl-1 ta’ Diċembru 2009 f’Il-Ġurnal Uffiċjali tal-Unjoni Ewropea  (10), il-bidu ta’ reviżjoni parzjali interim skont l-Artikolu 11(3) tar-Regolament bażiku, li l-ambitu tagħha huwa limitat għall-eżami tad-dumping fir-rigward tal-applikant.

(12)

L-investigazzjoni tar-reviżjoni interim parzjali tivvaluta wkoll il-bżonn, skont is-sejbiet tar-reviżjoni, li tiġi emendata r-rata ta’ dazju li bħalissa hija applikata fuq l-importazzjonijiet tal-prodott ikkonċernat mill-produtturi esportaturi fil-pajjiż ikkonċernat li ma ssemmewx individwalment fl-Artikolu 2(2) tar-Regolament (KE) Nru 1292/2007, jiġifieri r-rata tad-dazju antidumping li tapplika għall-“kumpaniji l-oħra kollha” fl-Indja.

(13)

L-investigazzjoni tal-livell ta’ dumping kopriet il-perjodu mill-1 ta’ Ottubru 2008 sat-30 ta’ Settembru 2009 (“perjodu tal-investigazzjoni għar-reviżjoni” jew “PIR”).

(14)

Il-Kummissjoni infurmat uffiċjalment lill-applikant, lill-awtoritajiet tal-pajjiż esportatur u lill-industrija tal-Unjoni, dwar il-bidu tal-investigazzjoni ta’ reviżjoni interim parzjali. Il-partijiet interessati ngħataw l-opportunità li jressqu fehmiethom bil-miktub u li jinstemgħu.

(15)

Biex tikseb l-informazzjoni meħtieġa għall-investigazzjoni tagħha, il-Kummissjoni bagħtet kwestjonarju lill-applikant u rċeviet tweġiba fiż-żmien ta’ skadenza stipulat għal dan l-għan.

(16)

Il-Kummissjoni fittxet u vverifikat l-informazzjoni kollha li qieset meħtieġa għad-determinazzjoni tad-dumping. Saret żjara ta’ verifika fil-bini tal-applikant.

(17)

Il-prodott ikkonċernat f’din ir-reviżjoni huwa l-istess bħal dak definit fir-Regolament (KE) Nru 1292/2007 li jimponi l-miżuri fis-seħħ, jiġifieri t-tertuqa tat-tereftalat tal-polietilene (PET), li toriġina fl-Indja, li attwalment taqa’ fi ħdan il-kodiċijiet NM ex 3920 62 19 u ex 3920 62 90.

(18)

Bħal fl-investigazzjonijiet preċedenti, din l-investigazzjoni wriet li t-tertuqa PET prodotta fl-Indja u esportata lejn l-Unjoni u t-tertuqa PET prodotta u mibjugħa lokalment fis-suq Indjan, kif ukoll it-tertuqa PET prodotta u mibjugħa fl-UE mill-produtturi tal-UE għandhom l-istess karatteristiċi fiżiċi u kimiċi bażiċi u l-istess użi bażiċi.

(19)

Dawn il-prodotti għalhekk jitqiesu bħala simili skont it-tifsira tal-Artikolu 1(4) tar-Regolament bażiku.

(20)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-bejgħ domestiku tal-prodotti simili tal-applikant lil klijenti indipendenti kienx rappreżentattiv, jiġifieri jekk il-volum totali ta’ tali bejgħ kienx daqs minn tal-inqas 5 % tal-volum totali tal-bejgħ ta’ esportazzjonijiet korrispondenti lejn l-Unjoni.

(21)

Il-Kummissjoni mbagħad identifikat dawk it-tipi tal-prodott simili mibjugħa lokalment mill-kumpanija li kienu identiċi jew komparabbli direttament mat-tipi mibjugħa għall-esportazzjoni lejn l-Unjoni.

(22)

Sar eżami ulterjuri fuq jekk il-bejgħ lokali tal-applikant kienx rappreżentattiv għal kull tip ta’ prodott, jiġifieri jekk il-bejgħ lokali ta’ kull tip ta’ prodott kienx jikkostitwixxi mill-inqas 5 % tal-volum tal-bejgħ tal-istess tip ta’ prodott tal-Unjoni. Fil-każ ta’ dawk it-tipi ta’ prodotti mibjugħa fi kwantitajiet rappreżentattivi, imbagħad ġie eżaminat jekk tali bejgħ sarx f’sitwazzjoni ta’ kummerċ normali, skont l-Artikolu 2(4) tar-Regolament bażiku.

(23)

L-eżami dwar jekk il-bejgħ lokali ta’ kull tip ta’ prodott, mibjugħ lokalment fi kwantitajiet rappreżentattivi, jistax jitqies bħala li sar f’sitwazzjoni ta’ kummerċ normali, sar billi ġie stabbilit il-proporzjon ta’ bejgħ bi profitt lil klijenti indipendenti tat-tip inkwistjoni. Fil-każijiet kollha fejn il-bejgħ domestiku tat-tip ta’ prodott partikolari sar fi kwantitajiet suffiċjenti u f’sitwazzjoni ta’ kummerċ normali, il-valur normali kien ibbażat fuq il-prezz lokali effettiv, ikkalkulat bħala medja peżata tal-bejgħ lokali kollu ta’ dak it-tip li sar matul il-PIR.

(24)

Għal dawk it-tipi ta’ prodotti li fadal fejn il-bejgħ lokali ma kienx rappreżentattiv jew ma nbiegħux f’sitwazzjoni ta’ kummerċ normali, il-valur normali ġie mibni skont l-Artikolu 2(3) tar-Regolament bażiku. Il-valur normali ġie mibni biż-żieda mal-kosts tal-manifattura tat-tipi esportati, aġġustati fejn meħtieġa, ta’ perċentwali raġonevoli għall-ispejjeż ta’ bejgħ, ġenerali u amministrattivi u ta’ marġini raġjonevoli ta’ qligħ, fuq il-bażi tad-dejta attwali relatata mal-produzzjoni u l-bejgħ, f’sitwazzjoni ta’ kummerċ normali, tal-prodott simili, mill-produttur esportatur investigat skont l-ewwel sentenza tal-Artikolu 2(6) tar-Regolament bażiku.

(25)

Peress li l-bejgħ tal-esportazzjoni kollu tal-produttur Indjan li qiegħed jikkoopera u li jesporta lejn l-Unjoni sar direttament lil klijenti indipendenti, il-prezz tal-esportazzjoni ġie stabbilit abbażi tal-prezzijiet li effettivament tħallsu jew li jistgħu jitħallsu għall-prodott ikkonċernat skont l-Artikolu 2(8) tar-Regolament bażiku.

(26)

It-tqabbil bejn il-valur normali medju peżat u l-prezz medju peżat tal-esportazzjonijiet sar fuq il-bażi ta’ kif joħroġ mill-fabbrika u fl-istess livell ta’ kummerċ. Sabiex jiġi żgurat tqabbil ġust bejn il-valur normali u l-prezz tal-esportazzjoni, skont l-Artikolu 2(10) tar-Regolament bażiku, tqiesu d-differenzi fil-fatturi li kienu ppruvati li jaffetwaw il-prezzijiet u t-tqabbil tal-prezzijiet. Għan dan l-għan, ingħatat konċessjoni xierqa f’forma ta’ aġġustamenti għad-differenzi fl-ispejjeż tat-trasport, l-assigurazzjoni, l-immaniġġar, it-tagħbija u l-ispejjeż anċillari, il-kummissjonijiet, l-ispejjeż finanzjarji u l-ispejjeż tal-ippakkjar imħallsa mill-applikant fejn applikabbli u ġġustifikat.

(27)

Kif stipulat fl-Artikolu 2(11) tar-Regolament bażiku, il-valur medju normali peżat skont it-tip ġie mqabbel mal-prezz medju peżat tal-esportazzjoni tat-tip korrispondenti tal-prodott ikkonċernat. Dan it-tqabbil ma weriex l-eżistenza ta’ dumping.

(28)

Skont l-Artikolu 11(3) tar-Regolament bażiku, ġie eżaminat ukoll jekk kienx raġonevoli li wieħed iqis li ċ-ċirkustanzi mibdula għandhom natura dejjiema.

(29)

F’dan ir-rigward l-investigazzjoni wriet li wara l-investigazzjoni preċedenti, jiġifieri r-reviżjoni ta’ skadenza msemmija fil-premessa (5), Garware għamlet bidliet sinifikanti fil-proċess u fit-teknoloġija ta’ produzzjoni tiegħu. Minflok it-tereftalat tad-dimetil (DMT) il-kumpanija bdiet tuża l-aċidu tereftaliku ppurifikat (PTA) bħala l-materja prima ewlenija. Matul il-perjodu ta’ investigazzjoni ta’ dik ir-reviżjoni ta’ skadenza, Garware kien l-uniku produttur esportatur Indjan li kien għadu qiegħed juża t-teknoloġija l-antika bbażata fuq id-DMT. Din il-bidla fit-teknoloġija kif ukoll l-investiment f’impjant ġdid għall-manifattura taċ-ċipep irriżultat fi tnaqqis sinifikanti tal-ispejjeż tal-manifattura bejn ir-reviżjoni ta’ skadenza preċedenti u r-reviżjoni attwali. Dan it-tnaqqis fl-ispejjeż għandu impatt dirett fuq il-marġni tad-dumping. Din il-bidla fiċ-ċirkustanzi għalhekk tista’ titqies bħala waħda li għandha natura dejjiema.

(30)

Għandu jiġi indikat ukoll li marġni indikattiv ta’ dumping, ikkalukulat għall-bejgħ tal-esportazzjoni tal-applikant lill-pajjiżi terzi fil-PIR, kien negattiv. F’termini ta’ volum, dan il-bejgħ kien ħafna ogħla mill-bejgħ tal-esportazzjoni lejn l-Unjoni.

(31)

Għalhekk tqies li ċ-ċirkostanzi li wasslu għall-bidu ta’ din ir-reviżjoni interim mhumiex probabbli li jinbidlu fil-futur qrib b’mod li jaffettwaw is-sejbiet tar-reviżjoni interim. Għalhekk ġie konkluż li ċ-ċirkostanzi mibdula huma ta’ natura dejjiema u li l-applikazzjoni tal-miżura fil-livell attwali tagħha ma għadhiex aktar ġustifikata.

(32)

Fid-dawl tar-riżultati ta’ din l-investigazzjoni ta’ reviżjoni, jitqies xieraq li d-dazju antidumping applikabbli fuq l-importazzjoni tal-prodott ikkonċernat minn Garware jiġi emendat għal 0 %.

(33)

Skont l-Artikolu 14(1) tar-Regolament bażiku u t-tieni sottoparagrafu tal-Artikolu 24(1) tar-Regolament tal-Kunsill (KE) Nru 597/2009 (11), l-ebda prodott ma għandu jkun soġġett kemm għal dazju antidumping kif ukoll għal dazji kumpensatorji għall-fini li tiġi indirizzata sitwazzjoni waħda, u l-istess, u li tirriżulta minn dumping jew mill-issussidjar għall-esportazzjoni. Kif imsemmi fil-premessa 5 hawn fuq, l-applikant huwa soġġett għal dazju kumpensatorju. Billi d-dazju antidumping stabbilit għall-applikant huwa ta’ 0 % fir-rigward tal-prodott ikkonċernat, din is-sitwazzjoni ma tirriżultax f’dan il-każ.

(34)

Il-partijiet interessati kienu infurmati bil-fatti essenzjali u l-kunsiderazzjonijiet li abbażi tagħhom kien hemm il-ħsieb li tiġi proposta emenda għar-rata tad-dazju li tapplika għall-applikant u ngħataw l-opportunità li jikkummentaw. Ma ġew irċevutil-ebda kummenti,

20.1.2011   

MT

Il-Ġurnal Uffiċjali tal-Unjoni Ewropea

L 15/5

20.1.2011   

MT

Il-Ġurnal Uffiċjali tal-Unjoni Ewropea

L 15/7

(1)

Ir-Regolament tal-Kummissjoni (KE) Nru 620/2009 tal-Kummissjoni tat-13 ta’ Lulju 2009 li jipprovdi għall-amministrazzjoni ta’ kwota tariffarja tal-importazzjoni għaċ-ċanga ta' kwalità għolja (3) jistipula regoli dettaljati għat-tressiq u l-ħruġ tal-liċenzji tal-importazzjoni.

(2)

L-Artikolu 7(2) tar-Regolament (KE) Nru 1301/2006 jipprovdi li, f'każijiet fejn il-kwantitajiet koperti mill-applikazzjonijiet għal-liċenzji jaqbżu l-kwantitajiet disponibbli għall-perjodu tal-kwota, il-koeffiċjenti tal-allokazzjoni għandhom ikunu ffissati għall-kwantitajiet koperti minn kull applikazzjoni għal-liċenzja. L-applikazzjonijiet għal-liċenzji tal-importazzjoni li tressqu skont l-Artikolu 3 tar-Regolament (KE) Nru 620/2009 bejn l-1 u s-7 ta’ Jannar 2011 jaqbżu l-kwantitajiet disponibbli. Għalhekk, għandhom ikunu deċiżi l-estent li bih jistgħu jinħarġu l-liċenzji tal-importazzjoni u l-koeffiċjent tal-allokazzjoni,

20.1.2011   

MT

Il-Ġurnal Uffiċjali tal-Unjoni Ewropea

L 15/8

(1)

Ir-Regolament (KE) Nru 616/2007 fetaħ kwoti tariffarji għall-importazzjoni tal-prodotti tas-settur tal-laħam tat-tjur.

(2)

L-applikazzjonijiet għal-liċenzji tal-importazzjoni introdotti matul l-ewwel sebat ijiem tax-xahar ta’ Jannar 2011 għas-subperjodu mill-1 ta’ April sat-30 ta’ Ġunju 2011 huma, għal ċerti kwoti, ogħla mill-kwantitajiet disponibbli. Jeħtieġ għalhekk li jiġi determinat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta’ allokazzjoni li għandu jkun applikat għall-kwantitajiet mitluba,

20.1.2011   

MT

Il-Ġurnal Uffiċjali tal-Unjoni Ewropea

L 15/10

(1)

Il-kwantitajiet li jkopru l-applikazzjonijiet għal-liċenzji tal-importazzjoni mressqa lill-awtoritajiet kompetenti mill-1 sas-7 ta’ Jannar 2011 skont ir-Regolament tal-Kummissjoni (KE) Nru 891/2009 huma daqs il-kwantità disponibbli skont is-serje li jġibu in-numri tal-ordni 09.4317 u 09.4318.

(2)

It-tressiq ta’ iktar applikazzjonijiet għal-liċenzji għan-numri tal-ordni 09.4317 u 09.4318 għandu jkun sospiż sa tmiem is-sena tas-suq, skont ir-Regolament tal-Kummissjoni (KE) Nru 891/2009,

20.1.2011   

MT

Il-Ġurnal Uffiċjali tal-Unjoni Ewropea

L 15/12

(1)

Skont l-Artikolu 45(1) tad-Direttiva 2006/43/KE l-awtoritajiet kompetenti tal-Istati Membri huma meħtieġa jirreġistraw lill-awdituri u l-entitajiet tal-awditjar kollha li jipprovdu rapporti tal-awditjar dwar il-kontijiet annwali jew konsolidati ta’ ċerti kumpaniji kostitwiti barra l-Komunità li t-titoli trasferibbli tagħhom jkunu ammessi għan-negozju f’suq regolat fil-Komunità. L-Artikolu 45(3) tad-Direttiva 2006/43/KE jeħtieġ lill-Istati Membri jissottomettu lil dawn l-awdituri u l-entitajiet tal-awditjar għas-sistemi tagħhom ta’ sorveljanza pubblika, l-aċċertament tal-kwalità u ta’ investigazzjonijiet u penalitajiet.

(2)

Id-Deċiżjoni tal-Kummissjoni 2008/627/KE tad-29 ta’ Lulju 2008 li tikkonċerna perjodu ta’ tranżizzjoni għal attivitajiet ta’ verifika [awditjar] minn ċerti awdituri u entitajiet ta’ verifika [awditjar] ta’ pajjiżi terzi (2) ppermettiet lill-awdituri u l-entitajiet tal-awditjar ta’ pajjiżi terzi elenkati fl-Anness għal dik id-Deċiżjoni biex ikomplu bl-attivitajiet tagħhom fl-Unjoni Ewropea b’rabta ma’ rapporti tal-awditjar dwar il-kontijiet annwali jew konsolidati għas-snin finanzjarji li jibdew matul il-perjodu bejn id-29 Ġunju 2008 u l-1 ta’ Lulju 2010.

(3)

Il-Kummissjoni wettqet valutazzjonijiet tas-sorveljanza pubblika, l-aċċertament tal-kwalità, is-sistemi tal-investigazzjoni u l-penali għall-awdituri u l-entiatjiet tal-awditjar tal-pajjiżi terzi u t-territorji elenkati fl-Anness għad-Deċiżjoni 2008/627/KE. Il-valutazzjonijiet twettqu bl-għajnuna tal-Grupp Ewropew tal-Korpi tas-Sorveljanza tal-Awdituri. Il-prinċipji li jirregolaw is-sorveljanza pubblika, l-aċċertament tal-kwalità, is-sistemi tal-investigazzjoni u l-penali għall-awdituri u l-entitajiet tal-awditjar ta’ dawn il-pajjiżi terzi u t-territorji ġew ivvalutati fid-dawl tal-kriterji stipulati fl-Artikoli 29, 30 u 32 tad-Direttiva 2006/43/KE li tirregola s-sorveljanza pubblika, l-aċċertament tal-kwalità, is-sistemi tal-investigazzjoni u l-penali għall-awdituri u d-ditti tal-awditjar tal-Istati Membri. L-għan aħħari tal-kooperazzjoni bejn is-sistemi tas-sorveljanza pubblika, l-aċċertament tal-kwalità, u l-investigazzjoni u l-penali għall-awdituri u l-entitajiet tal-awditjar tal-Istati Membri u pajjiżi terzi għandu jkun li tinkiseb fiduċja reċiproka fis-sistemi ta’ xulxin tas-sorveljanza abbażi tal-ekwivalenza tas-sistemi.

(4)

Wara dawn il-valutazzjonijiet, jidher li l-Awstralja, il-Kanada, iċ-Ċina, il-Kroazja, il-Ġappun, Singapore, l-Afrika t’Isfel, il-Korea t’Isfel u l-Isvizzera għandhom sorveljanza pubblika, aċċertament tal-kwalità u sistemi ta’ investigazzjoni u penali għall-awdituri u l-entitajiet tal-awdituri li jaħdmu skont regoli simili għal dawk stabbilti fl-Artikoli 29, 30 u 32 tad-Direttiva 2006/43/KE. Għalhekk, huwa xieraq li s-sorveljanza pubblika, l-aċċertament tal-kwalità, u s-sistemi tal-investigazzjoni u l-penali għall-awdituri u l-entitajiet tal-awditjar ta’ dawn il-pajjiżi terzi jitqiesu bħala ekwivalenti għas-sorveljanza pubblika, l-aċċertament tal-kwalità u s-sistemi tal-investigazzjoni u l-penali għall-awdituri u d-ditti tal-awditjar tal-Istati Membri.

(5)

Fir-rigward tal-Afrika t’Isfel, il-leġiżlazzjoni tagħha tirrikjedi kunsens minn qabel tal-awditur jew tal-entità tal-awditjar għat-trasferiment ta’ informazzjoni mill-awtoritajiet kompetenti tal-Afrika t’Isfel lill-awtoritajiet kompetenti tal-Istati Membri. Dak ir-rekwiżit għal kunsens minn qabel jista’ jippreżenta diffikultajiet għall-implimentazzjoni effikaċi tal-Artikolu 46(1) tad-Direttiva 2006/43/KE. Għalhekk, sakemm isiru t-tibdiliet meħtieġa fil-leġiżlazzjoni tal-Afrika t’Isfel, l-awtoritajiet kompetenti tal-Istati Membri għandhom jirrikjedu li awdituri u entitajiet tal-awditjar jirrinunzjaw id-dritt tagħhom għal kunsens minn qabel meta jirreġistraw awdituri u entitajiet tal-awditjar li jipprovdu rapporti tal-awditjar ta’ kumpaniji kostitwiti fl-Afrika t’Isfel.

(6)

L-Istati Uniti tal-Amerika għandha sorveljanza pubblika, aċċertament tal-kwalità, u sistema tal-investigazzjoni u l-penali għall-awdituri u l-entitajiet tal-awditjar li jaħdmu skont regoli simili għal dawk stabiliti fl-Artikoli 29, 30 u 32 tad-Direttiva 2006/43/KE. Madankollu, l-awtoritajiet kompetenti fl-Istati Uniti tal-Amerika ma jqisux li l-objettiv aħħari tal-kooperazzjoni mal-Istati Membri huwa li tinkiseb fiduċja reċiproka mal-awtoritajiet kompetenti mis-sorveljanza pubblika, l-aċċertament tal-kwalità, u s-sistemi tal-investigazzjoni u l-penali għall-awdituri u l-entitajiet tal-awditjar tal-Istati Membri. Sakemm ma jkunx hemm fiduċja reċiproka, id-dispożizzjonijiet tal-Artikolu 46(1) ma jistgħux jiġu applikati bis-sħiħ fuq bażi permanenti mill-Istati Membri fir-rigward tal-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti fl-Istati Uniti tal-Amerika. Għalhekk, is-sorveljanza pubblika, l-aċċertament tal-kwalità, u s-sistemi tal-investigazzjoni u l-penali għall-awdituri u l-entitajiet tal-awditjar tal-Istati Uniti tal-Amerika għandhom jiġu eżaminati għall-iskop li jiġi vvalutat il-progress li jkunu sar biex tintlaħaq il-fiduċja reċiproka. Għal dawk ir-raġunijiet, din id-Deċiżjoni għandha tkun limitata fiż-żmien u ma għandhix tibqa’ tapplika wara l-31 ta’ Lulju 2013 fir-rigward tas-sorveljanza pubblika, l-aċċertament tal-kwalità u s-sistemi tal-investigazzjoni u l-penali għall-awdituri u l-entitajiet tal-awditjar tal-Istati Uniti tal-Amerika.

(7)

Meta l-Kummissjoni tieħu deċiżjoni li tirrikonoxxi li s-sorveljanza pubblika, l-aċċertament tal-kwalità u s-sistemi tal-investigazzjoni u l-penali għall-awdituri u l-entitajiet tal-awditjar ta’ pajjiż jew territorju terz ikunu ekwivalenti għall-fini tal-Artikolu 46(1) tad-Direttiva 2006/43/KE, l-Istati Membri jistgħu, abbażi tar-reċiproċità, ma japplikawx jew jimmodifikaw r-rekwiżiti tal-Artikolu 45(1) u (3) fir-rigward tal-awdituri u l-entitajiet tal-awditjar ta’ dak il-pajjiż jew territorju terz. Il-kundizzjonijiet skont liema r-rekwiżiti tal-Artikolu 45(1) u (3) ma jiġux applikati jew jiġu mmodifikati jridu jkunu stipulati f’arranġament ta’ kooperazzjoni kif imsemmi fl-Artikolu 46(3) tad-Direttiva 2006/43/KE bejn l-Istat Membru u l-pajjiż jew it-territorju terz u kkomunikati lill-Kummissjoni.

(8)

Abu Dhabi, il-Brażil, id-Dubai International Financial Centre, Guernsey, Ħong Kong, l-Indja, l-Indoneżja, l-Isle of Man, Jersey, il-Malasja, il-Mawrizju, ir-Russja, it-Tajwan, it-Tajlandja u t-Turkija stabbilixxew jew jinsabu fil-proċess li jistabilixxu sorveljanza pubblika, aċċertament tal-kwalità, u sistemi ta’ investigazzjoni u penali għall-awdituri u l-entitajiet tal-awditjar. Madankollu, l-informazzjoni dwar il-funzjonament u r-regoli li jirregolaw dawn is-sistemi mhix biżżejjed. Sabiex titwettaq aktar valutazzjoni għall-iskop li tittieħed deċiżjoni finali dwar l-ekwivalenza fir-rigward ta’ dawn is-sistemi, jenħtieġ tinkiseb aktar informazzjoni mingħand dawn il-pajjiżi terzi u t-territorji. Għalhekk, huwa xieraq li jittawwal il-perjodu tranżizzjonali mogħti mid-Deċiżjoni 2008/627/KE fir-rigward tal-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti f’dawn il-pajjiżi terzi u t-territorji.

(9)

Għalkemm l-Eġittu ma kienx inkluż fid-Deċiżjoni 2008/627/KE, minn dak iż-żmien stabilixxa sistema ta’ sorveljanza pubblika, aċċertament tal-kwalità, investigazzjoni u penali għall-awdituri u l-entitajiet tal-awditjar. Sabiex titwettaq aktar valutazzjoni għall-iskop li tittieħed deċiżjoni finali dwar l-ekwivalenza fir-rigward tal-Eġittu, jeħtieġ tinkiseb aktar informazzjoni mingħand dak il-pajjiż terz. Għalhekk, huwa xieraq li lill-awdituri u d-ditti tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti fl-Eġittu jiġu inklużi fil-perjodu tranżizzjonali.

(10)

Il-Bermuda, il-Gżejjer Kajman, l-Iżrael u n-New Zealand għad ma għandhomx sorveljanza pubblika, l-aċċertament tal-kwalità u sistema ta’ investigazzjoni u penali għall-awdituri u l-entitajiet tal-awditjar. Madankollu, dawn il-pajjiżi terzi u t-territorji ħadu impenn pubbliku ċar mal-Kummissjoni permezz ta’ pjan ta’ azzjoni konkrett li jistabilixxu sorveljanza pubblika, aċċertament tal-kwalità u sistemi tal-investigazzjoni u penali għall-awdituri u l-entitajiet tal-awdituri b’regoli ekwivalenti għal dawk stabiliti fl-Artikoli 29, 30 u 32 tad-Direttiva 2006/43/KE. Għalhekk, huwa xieraq li jittawwal il-perjodu tranżizzjonali mogħti mid-Deċiżjoni 2008/627/KE fir-rigward tal-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti f’dawn il-pajjiżi terzi u t-territorji. Madankollu, l-Kummissjoni għandha tirrevedi l-progress li sar fl-2011 minn dawk il-pajjiżi u t-territorji fl-adozzjoni ta’ leġiżlazzjoni li tistabbilixxi sorveljanza pubblika, aċċertament tal-assigurazzjoni u sistema ta’ investigazzjoni u penali għal awdituri u entitajiet tal-awditjar u tivvaluta l-bżonn li jitqassar il-perjodu tranżizzjonali fir-rigward ta’ dawk il-pajjiżi terzi u territorji.

(11)

L-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti fl-Arġentina, il-Baħamas, iċ-Ċili, il-Kazakistan, il-Morokk, il-Messiku, il-Pakistan u l-Ukraina, ibbenefikaw minn perjodu tranżizzjonali mogħti mid-Deċiżjoni 2008/627/KE. Minn dan iż-żmien ma pprovdewx informazzjoni dwar is-sistemi tagħhom ta’ regolamentazzjoni u sorveljanza tal-awditjar. Dawn iċ-ċirkustanzi jindikaw li dawn il-pajjizi terzi ma għandhomx rieda jkomplu fit-triq biex ir-regolamentazzjoni tagħhom tal-awditjar tiġi rrikonoxxuta mill-Kummissjoni bħala ekwivalenti għas-sorveljanza pubblika, l-aċċertament tal-kwalità, u s-sistemi tal-investigazzjoni u l-penali għall-awdituri u l-entitajiet tal-awditjar tal-Istati Membri. Għalhekk, il-perjodu tranżizzjonali li ngħatalhom mid-Deċiżjoni 2008/627/KE ma għandux jiġi estiż fir-rigward tal-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti f’dawn il-pajjiżi terzi.

(12)

Sabiex jiġu protetti l-investituri, l-awdituri u l-entitajiet tal-awditjar li jipprovdu rapporti tal-awditjar dwar kontijiet annwali jew konsolidati ta’ kumpaniji kostitwiti fil-pajjiżi terzi elenkati fl-Anness għal din id-deċiżjoni għandhom ikunu jistgħu jkomplu l-attivitajiet ta’ awditjar tagħhom matul il-perjodu tranżizzjonali fl-Unjoni Ewropea mingħajr ma jkunu reġistrati skont l-Artikolu 45 tad-Direttiva 2006/43/KE biss jekk jipprovdu l-informazzjoni meħtieġa. Jekk jipprovdu l-informazzjoni, dawk l-awdituri u l-entitajiet ta’ awditjar għandhom ikunu jistgħu jkomplu bl-attivitajiet tagħhom marbuta ma’ rapporti ta’ awditjar dwar il-kontijiet annwali jew konsolidati għas-snin finanzjarji li jibdew matul il-perjodu bejn it-2 ta’ Lulju 2010 u l-31 ta’ Lulju 2012. Din id-Deċiżjoni ma għandhiex taffettwa d-drittijiet tal-Istati Membri li japplikaw is-sistemi tagħhom tal-investigazzjonijiet u l-penalajiet fir-rigward ta’ dawn l-awdituri u l-entitajiet tal-awditjar.

(13)

Meta kumpanija li tkun ikkostitwita f’wieħed mill-pajjiżi jew it-territorji terzi elenkati fl-Artikolu 1 ta’ din id-Deċiżjoni u li t-titoli trasferibbli tagħha jkunu ammessi biex jiġu nnegozjati f’suq regolat ta’ Stat Membru, iżda li ma jkunux ammessi biex jiġu nnegozjati fil-pajjiż jew fit-territorju terz fejn tkun ikkostitwita, l-Istati Membri għandhom jiżguraw li l-inkarigi kollha tal-awditjar relatati mar-rapporti finanzjarji ta’ din il-kumpanija jkunu koperti mill-arranġamenti ta’ kooperazzjoni konklużi mal-pajjiż jew t-territorju terz konċernat sabiex jiġi ddeterminat liema sorveljanza pubblika, aċċertament tal-kwalità u sistemi tal-investigazzjoni u penali ser japplikaw għall-awdituri ta’ din il-kumpanija. F’każ fejn dawn l-inkarigi tal-awditjar jittieħdu minn awditur jew entità tal-awditjar ta’ Stat Membru ieħor, l-Istati Membri għandhom jikkooperaw sabiex jiżguraw li l-inkarigu tal-awditjar ikun inkluż fl-ambitu ta’ waħda mis-sorveljanza pubblika, l-aċċertament tal-kwalità u s-sistemi tal-investigazzjoni u l-penali.

(14)

Meta kumpanija li tkun ikkostitwita f’wieħed mill-pajjiżi jew it-territorji terzi elenkati fl-Anness għal din id-Deċiżjoni u li t-titoli trasferibbli tagħha jkunu ammessi biex jiġu nnegozjati f’suq regolat ta’ Stat Membru, iżda li ma jkunux ammessi biex jiġu nnegozjati fil-pajjiż jew fit-territorju terz fejn tkun ikkostitwita, l-Istati Membri għandhom jikkooperaw mal-pajjiż jew it-territorju terz konċernat sabiex jiżguraw li l-inkarigi kollha tal-awditjar relatati mar-rapporti finanzjarji ta’ din il-kumpanija jkunu koperti mis-sorveljanza pubblika, l-aċċertament tal-kwalità u sistemi tal-investigazzjoni u penali. F’każ fejn dawn l-inkarigi tal-awditjar jittieħdu minn awditur jew entità tal-awditjar ta’ Stat Membru ieħor, l-Istati Membri għandhom jikkooperaw sabiex jiżguraw li l-inkarigu tal-awditjar ikun inkluż fl-ambitu ta’ waħda mis-sorveljanza pubblika, l-aċċertament tal-kwalità u s-sistemi tal-investigazzjoni u l-penali.

(15)

Matul il-perjodu tranżizzjonali, ma għandhomx jittieħdu deċiżjonijiet dwar l-ekwivalenza mill-Istati Membri fil-livell nazzjonali. Il-fatt li l-awdituri u l-entitajiet tal-awditjar li jipprovdu rapporti tal-awditjar dwar il-kontijiet annwali jew konsolidati ta’ kumpaniji kostitwiti fil-pajjiżi terzi u t-territorji elenkati fl-Anness għal din id-Deċiżjoni jistgħu, skont din id-Deċiżjoni, ikomplu bl-attivitajiet tagħhom tal-awditjar fir-rigward tal-kumpaniji msemmiji fl-Artikolu 45 tad-Direttiva 2006/43/KE, ma għandux iżomm lill-Istati Membri milli jistabilixxu arranġamenti kooperattivi dwar l-eżamijiet individwali tal-aċċertament tal-kwalità bejn l-awtoritajiet kompetenti ta’ Stat Membru u l-awtorità kompetenti ta’ pajjiż jew territorju terz.

(16)

Il-Kummissjoni għandha timmonitorja l-operat tal-arranġamenti tranżizzjonali u teżamina l-progress li jkun sar mill-pajjiżi u t-territorji terzi li jkun ingħatalhom perjodu tranżizzjonali jew li jkun ġie estiż. Fi tmiem il-perjodu tranżizzjonali, il-Kummissjoni tista’ tiddeċiedi dwar l-ekwivalenza tas-sorveljanza pubblika, l-aċċertament tal-kwalità, is-sistemi tal-investigazzjoni u l-penali għall-awdituri u l-entitajiet tal-awdituri tal-pajjiżi terzi u t-territorji konċernati. Il-Kummissjoni għandha teżamina jekk l-Istati Membri sabux diffikultajiet biex jiksbu rikonoxximent tal-ekwivalenza mill-pajjiżi jew it-territorji terzi konċernati minn din id-Deċiżjoni f’rabta mas-sorveljanza pubblika, l-aċċertament tal-kwalità u s-sistemi tal-investigazzjoni u l-penali għall-awdituri u l-entitajiet tal-awditjar tal-Istati Membri.

(17)

Il-miżuri provduti f’din id-Deċiżjoni huma skont l-opinjoni tal-Kumitat stabilit mill-Artikolu 48(1) tad-Direttiva 2006/43/KE,

1.

l-Awstralja

2.

Il-Kanada

3.

Iċ-Ċina

4.

Il-Kroazja

5.

Il-Ġappun

6.

Singapor

7.

L-Afrika t’Isfel

8.

Il-Korea t’Isfel

9.

L-Isvizzera

10.

L-Istati Uniti tal-Amerika

(a)

l-isem u l-indirizz tal-awditur jew l-entità tal-awditjar konċernata u l-informazzjoni dwar l-istruttura legali tagħha;

(b)

meta l-awditur jew l-entità tal-awditjar tkun tagħmel parti minn xi netwerk, deskrizzjoni tan-netwerk;

(c)

l-istandards tal-awditjar u r-rekwiżiti tal-indipendenza li ġew applikati għall-awditjar konċernat;

(d)

deskrizzjoni tas-sistema interna ta’ kontroll tal-kwalità tal-entità tal-awditjar;

(e)

indikazzjoni ta’ jekk u meta sar l-aħħar eżami tal-aċċertament tal-kwalità tal-awditur jew tal-entità tal-awditjar u sakemm din l-informazzjoni ma tkunx qiegħda tingħata mill-awtorità kompetenti tal-pajjiż terz, l-informazzjoni meħtieġa dwar l-eżitu tal-eżami. Meta l-informazzjoni meħtieġa dwar ir-riżultat tal-aħħar eżami tal-aċċertament tal-kwalità ma jkunx pubbliku, l-awtoritajiet kompetenti tal-Istati Membri għandhom jittrattaw din l-informazzjoni fuq bażi kunfidenzjali.

(a)

jinkludi t-twettiq ta’ eżamijiet tal-aċċertament tal-kwalità abbażi ta’ trattament ugwali;

(b)

ġie kkomunikat lill-Kummissjoni minn qabel;

(c)

ma jeskludi minn qabel l-ebda deċiżjoni tal-Kummissjoni skont l-Artikolu 47 tad-Direttiva 2006/43/KE.

(a)

is-sistemi huma indipendenti mill-professjoni tal-awditjar;

(b)

jiżguraw sorveljanza adegwata għall-awditi ta’ kumpaniji elenkati;

(c)

l-operat tagħhom huwa trasparenti u jiżgura l-affidabbiltà tar-riżultat tal-eżamijiet tal-aċċertament tal-kwalità;

(d)

huma sostnuti minn investigazzjonijiet u penalitajiet b’mod effikaċi.

20.1.2011   

MT

Il-Ġurnal Uffiċjali tal-Unjoni Ewropea

L 15/17

(1)

Fit-22 ta’ Diċembru 2009, il-Kummissjoni Ewropea (il-“Kummissjoni”) ħabbret permezz ta’ avviż ippubblikat f’Il-Ġurnal Uffiċjali tal-Unjoni Ewropea  (2) (“Notifika tal-inizjazzjoni”), it-tnedija ta’ proċediment tal-antidumping fir-rigward ta’ importazzjonijiet fl-Unjoni tal-aċidu tereftaliku ppurifikat u l-imluħa tiegħu (“PTA”) li joriġinaw mit-Tajlandja (“il-pajjiż ikkonċernat”).

(2)

Il-proċediment biex ma jingħatawx sussidji tnieda wara li tressaq ilment, fit-13 ta’ Novembru 2009, minn BP Aromatics Limited NV u CEPSA Quimica S.A. (“il-kwerelanti”) li jirrappreżentaw proporzjon kbir ħafna, f’dan il-każ ta’ iktar minn 50 % tal-produzzjoni totali tal-Unjoni ta’ PTA. L-ilment kien jinkludi evidenza prima facie ta’ għoti ta’ sussidji għall-prodott ikkonċernat li joriġina mill-pajjiż ikkonċernat u tal-ħsara materjali li tirriżulta minn dan, li kienet ikkunsidrata bħala ġustifikazzjoni tajba biżżejjed biex jitnieda proċediment.

(3)

Fl-istess jum, il-Kummissjoni ħabbret, permezz ta’ notifika ppubblikata f’Il-Ġurnal Uffiċjali tal-Unjoni Ewropea  (3), it-tnedija ta’ proċediment tal-antidumping fir-rigward ta’ importazzjonijiet fl-Unjoni ta’ PTA li joriġinaw mit-Tajlandja. Din l-investigazzjoni ntemmet permezz tad-Deċiżjoni tal-Kummissjoni 2011/32/UE (4).

(4)

Qabel it-tnedija tal-proċediment u skont l-Artikolu 10(7) tar-Regolament bażiku, il-Kummissjoni għarrfet lill-Gvern tat-Tajlandja li kienet irċeviet ilment dokumentat kif suppost li jallega li importazzjonijiet ta’ PTA ssussidjati li joriġinaw mit-Tajlandja kienu qed jikkawżaw ħsara materjali lill-industrija tal-Unjoni. Il-Gvern tat-Tajlandja ġie mistieden għal konsultazzjonijiet bl-għan li tiġi ċċarata s-sitwazzjoni fir-rigward tal-kontenut tal-ilment u li tintlaħaq soluzzjoni li dwarha jkun hemm qbil reċiproku. Il-Gvern tat-Tajlandja laqa’ l-offerta għall-konsultazzjonijiet u għaldaqstant saru dawn il-konsultazzjonijiet. Matul il-konsultazzjonijiet, ma setgħet tinstab l-ebda soluzzjoni bi qbil reċiproku. Madankollu, il-kummenti, fir-rigward tal-allegazzjonijiet li jinsabu fl-ilment rigward l-iskemi li mhumiex kumpensatorji, li saru mill-awtoritajiet tat-Tajlandja tqiesu kif xieraq. Waqt il-konsultazzjonijiet, tressqu sottomissjonijiet mill-Gvern tat-Tajlandja.

(5)

Il-Kummissjoni għarrfet uffiċjalment lill-kwerelanti, lil produtturi oħra magħrufa fl-Unjoni, lill-produtturi esportaturi magħrufa fit-Tajlandja, lir-rappreżentanti tal-pajjiż esportatur ikkonċernat u lil importaturi u utenti magħrufa, bit-tnedija tal-proċediment. Il-partijiet interessati ngħataw l-opportunità li jesprimu l-fehmiet tagħhom bil-miktub u li jitolbu smigħ fil-limitu taż-żmien stabbilit fin-Notifika tal-inizjazzjoni. Il-partijiet interessati kollha li talbu dan u li ppreżentaw raġunijiet partikolari għaliex għandhom jinstemgħu, ngħataw seduta ta’ smigħ.

(6)

Il-Kummissjoni bagħtet kwestjonarji lill-awtoritajiet tal-pajjiż esportatur, lill-kwerelanti, lil produtturi magħrufa oħra fl-Unjoni, lill-produtturi esportaturi magħrufa fit-Tajlandja u lill-importaturi u l-utenti magħrufa tal-prodott ikkonċernat u lill-partijiet l-oħra kollha li talbu li jintbagħtilhom kwestjonarju, fil-limitu taż-żmien stipulat fin-Notifika tal-inizjazzjoni.

(7)

Waslu tweġibiet għall-kwestjonarju mill-awtoritajiet tat-Tajlandja, mit-tliet esportaturi Tajlandiżi magħrufa, minn tliet produtturi tal-Unjoni, minn importaturi tal-Unjoni, u minn ħames utenti mill-Unjoni.

(8)

Il-Kummissjoni fittxet u vverifikat it-tagħrif kollu li qieset meħtieġ biex jiġi determinat l-għoti ta’ sussidji, il-ħsara li tirriżulta u l-interess tal-Unjoni.

(9)

Saru żjarat ta’ verifika fil-bini tal-awtoritajiet Statali li ġejjin:

L-uffiċċju tal-Bord tal-Investiment, Bangkok, it-Tajlandja

(10)

Saru żjarat ta’ verifika fil-bini tal-kumpaniji li ġejjin:

(11)

Minħabba li kemm TPT u kemm Indorama huma tal-istess kumpanija possedenti, f’dan id-dokument se ssir referenza għalihom bħala “il-grupp Indorama”.

(12)

L-investigazzjoni tal-għoti ta’ sussidji u l-ħsara kopriet il-perjodu mill-1 ta’ Diċembru 2008 sat-30 ta’ Novembru 2009 (il-“perjodu ta’ investigazzjoni” jew “PI”). L-eżami tat-tendenzi rilevanti gћall-valutazzjoni tal-ħsara kopra l-perjodu mill-1 ta’ Jannar 2006 sa tmiem il-perjodu tal-investigazzjoni (“il-perjodu kkunsidrat”).

(13)

Il-prodott ikkonċernat huwa l-aċidu tereftaliku u l-imluħa tiegħu ta’ purità bil-piż ta’ 99,5 % jew iktar, li attwalment jaqa’ taħt il-kodiċi NM ex 2917 36 00 (“il-prodott ikkonċernat”).

(14)

Il-PTA jifforma permezz tal-purifikazzjoni tal-aċidu tereftaliku mhux ippurifikat, li hija riżultat tar-reazzjoni tal-parasillin (PX) ma’ solvent u ma’ soluzzjoni katalista.

(15)

Il-prodott ikkonċernat u l-PTA mmanifatturat u mibjugħ fis-suq domestiku tat-Tajlandja, kif ukoll il-PTA mmanifatturat u mibjugħ fl-Unjoni mill-industrija tal-Unjoni, instab li għandhom l-istess karatteristiċi bażiċi fiżiċi u kimiċi u l-istess użi. Għalhekk, jitqies li dawn huma simili skont it-tifsira tal-Artikolu 2(c) tar-Regolament bażiku.

(16)

Abbażi tat-tagħrif li jinsab fl-ilment u tat-tweġibiet għall-kwestjonarju tal-Kummissjoni, l-iskemi li ġejjin, li allegatament jinvolvu l-għoti ta’ sussidji minn awtorità tal-Gvern, ġew investigati:

(17)

Att dwar il-Promozzjoni tal-Investment B.E. 2544 (“IPA”) jistabbilixxi inċentivi għall-promozzjoni tal-iżvilupp tal-ekonomija Tajlandiża. L-IPA, li huwa amministrat mill-Bord tal-Investiment tat-Tajlandja (“BOI”), jagħti l-benefiċċji li jirriżultaw mill-iskemi msemmija fit-taqsima 3.1. hawn fuq fir-rigward tal-proġetti li jikkwalifikaw. Sabiex tirċievi benefiċċji tal-IPA, kull kumpanija tibgħat applikazzjoni lill-BOI għal “Ċertifkat ta’ promozzjoni”, li jispeċifika l-oġġetti li għandhom jiġu mmanifatturati u l-benefiċċji mogħtija.

(18)

L-Att dwar il-Kumpens għat-Taxxa u d-Dazju fuq l-Oġġetti Esportati Mmanifatturati fir-Renju B.E. 2524 (1981) jippreskrivi l-kriterji u l-kondizzjonijiet għall-parteċipazzjoni fl-iskema ta’ kumpens għat-taxxa u d-dazju fuq il-merkanzija esportata. Din l-iskema hija amministrata mill-Ministeru Tajlandiż tal-Finanzi.

(19)

It-total tas-sussidji kollha kkalkolati għal kull kumpanija individwali huwa taħt il-livell limitu de minimis, jiġifieri inqas minn 2 % ad valorem. Għaldaqstant, skont l-Artikoli 14(3) u 14(5) tar-Regolament bażiku kontra l-għoti tas-sussidji, anki li kieku s-sussidji kollha inkwistjoni kienu kumpensabbli, ma seta’ jiġi imponut l-ebda dazju kontra s-sussidji fuq l-esportaturi Tajlandiżi. Minħabba s-sussidjarjetà de minimis, l-ispeċifiċità tal-iskemi tas-sussidji li ssemmew fil-premessa (16) ma ġietx eżaminata.

(20)

Madankollu għal finijiet ta’ ċarezza, id-dettalji tal-iskemi u r-rati ta’ sussidji korrispondenti għal kumpaniji individwali huma stabbiliti hawn taħt, mingħajr ħsara għal jekk is-sussidji humiex ikkunsidrati kumpensatorji jew le.

(21)

L-Artikolu 28 tal-IPA jipprovdi l-bażi legali għal eżenwzjoni mid-dazji fuq l-importazzjonijiet tal-makkinarju. Skont din l-iskema, il-kumpaniji huma intitolati għal eżenzjoni totali mill-ħlas tad-dazju fuq l-importazzjonijiet tal-makkinarju kif approvat mill-BOI, sakemm ma jkun qed jiġi mmanifatturat jew mibni l-ebda makkinarju bħal dan, ta’ kwalità paragunabbli fit-Tajlandja. L-Artikolu 29 tal-IPA jipprovdi il-bażi legali għat-tnaqqis ta’ 50 % mid-dazji fuq il-makkinarju impurtat.

(22)

Sabiex tibbenefika minn din l-iskema, il-kumpanija għandu jkollha f’idejha Ċertifikat ta’ promozzjoni li jispeċifika li hija intitolata għal eżenzjoni jew tnaqqis mid-dazji fuq l-importazzjonijiet ta’ makkinarju skont l-Artikoli 28 u 29 tal-IPA. Id-Dipartiment tad-Dwana se jirċievi kopja tal-liċenzja u l-hekk imsejħa “Lista prinċipali ta’ Makkinarju”, li jkunu ġew approvati minn qabel mill-BOI, u meta l-makkinarju jkun se jiġi importat se jirrilaxxa dan il-makkinarju mingħajr il-ħlas tad-dazju tal-importazzjoni.

(23)

Il-benefiċċju għall-esportaturi ġie kkalkulat fuq bażi tal-ammont mhux imħallas ta’ dazju dovut fuq oġġetti kapitali importati, billi dan l-ammont infirex tul perjodu li jirrifletti d-deprezzament normali ta’ oġġetti kapitali bħal dawn fl-industrija tal-prodott ikkonċernat. Ġie stabbilit li dan il-perjodu huwa ta’ 15-il sena, li huwa konformi mal-perjodi ta’ deprezzment użati mill-maġġoranza tal-kumpaniji li jimmanifatturaw il-prodott ikkonċernat, kemm fit-Tajlandja u kemm fl-UE. L-ammont ikkalkolat b’dan il-mod li jista’ jkun attribwit għall-perjodu tal-investigazzjoni ġie aġġustat billi ngħadd l-interess matul il-perjodu tal-investigazzjoni sabiex jiġi stabbilit il-benefiċċju kollu lir-reċipjent skont din l-iskema; waqt li r-rata ta’ interess kummerċjali fit-Tajlandja tul il-perjodu ta’ investigazzjoni titqies bħala adegwata. Dan l-ammont ġie allokat fuq il-bejgħ totali matul il-perjodu tal-investigazzjoni.

(24)

Il-Grupp Indorama rċieva benefiċċju ta’ 0,3 %, u Siam Mitsui PTA Co., Ltd irċeviet benefiċċju ta’ 0,19 %

(25)

L-Artikolu 31 tal-IPA jipprovdi bażi legali għall-eżenzjoni mit-taxxa tal-kumpaniji fuq id-dħul. It-taxxa normali tal-kumpaniji fuq id-dħul fit-Tajlandja hija ta’ 30 %.

(26)

L-ebda waħda mill-kumpaniji li ġew investigati ma bbenefikat minn din l-iskema waqt il-perjodu tal-investigazzjoni. Il-produtturi esportaturi Tajlandiżi kollha pattew għat-telf li kienu għamlu f’perjodi ta’ kontabbiltà preċedenti bil-profitti ġġenerati waqt il-perjodu tal-investigazzjoni. Din il-prattika hija permessa mill-Kodiċi tad-Dħul Tajlandiża għall-kumpaniji kollha, kemm dawk promossi mill-BOI u kemm dawk mhux promossi minnu, u ma tikkostitwixxix sussidju. Minħabba dan il-fatt il-kumpaniji investigati ma użawx l-iskema ta’ eżenzjoni mit-taxxa tal-kumpaniji fuq id-dħul.

(27)

L-Artikolu 35(2) tal-IPA jistabbilixxi bażi legali għat-tnaqqis doppju mid-dħul taxxabbli tal-ispejjeż tat-trasport, l-elettriku u l-ilma għal 10 snin mid-data tal-ewwel dħul mill-attività promossa.

(28)

Sabiex tibbenefika minn din l-iskema, il-kumpanija għandu jkollha f’idejha Ċertifikat ta’ promozzjoni li jispeċifika li hija intitolata għal tnaqqis doppju mill-ispejjeż tad-dħul taxxabbli tat-trasport, l-elettriku, u l-ilma skont l-Artikolu 35(2) tal-IPA. Barra mit-tnaqqis tas-soltu tal-ispejjeż li ssemmew hawn fuq, il-kumpaniji promossi mill-BOI jistgħu jnaqqsu l-istess ammont għat-tieni darba mill-profitt tagħhom fuq iċ-ċertifikat tar-ritorn tat-taxxa. Il-kumpanija trid timla kolonna speċjali fir-ritorn tat-taxxa annwali tagħha li tkun apposta għall-attività promossa. Konsegwentement il-profitt nett taxxabbli jitnaqqas b’dan l-ammont; jew it-telf nett jiżdied b’dan l-ammont.

(29)

Il-benefiċċju ta’ din l-iskema għandu jiġi kkalkolat abbażi tal-ammont imnaqqas għat-tieni darba mill-profitt nett kif jidher fir-ritorn tat-taxxa fil-kolonna speċjali għall-attivitajiet promossi. Għall-attivitajiet li ma jkunux promossi dan l-ammont għandu jkun parti mill-profitt nett suġġett għat-taxxa fuq id-dħul tal-kumpaniji, għalhekk 30 % ta’ dan l-ammont (ir-rata normali tat-taxxa tal-kumpaniji fit-Tajlandja) jifforma l-benefiċċju għall-kumpaniji. Dan l-ammont ġie allokat fuq il-bejgħ totali matul il-perjodu tal-investigazzjoni.

(30)

Il-Grupp Indorama rċieva benefiċċju ta’ 0,55 %, u Siam Mitsui PTA Co., Ltd irċeviet benefiċċju ta’ 0,57 %

(31)

L-Artikolu 35(3) tal-IPA jistabbilixxi l-bażi legali għal din l-iskema. L-iskema tinvolvi permess biex jitnaqqas mill-profitt nett, barra mid-deprezzament normali, ammont li ma jaqbiżx il-25 % tal-ispejjeż tal-proġett tal-installazzjoni jew tal-bini tal-faċilitajiet użati fl-attività promossa. Il-benefiċjarju għandu juża l-benefiċċju fi żmien 10 snin mid-data li fiha ikun hemm dħul mill-attività promossa.

(32)

L-ebda waħda mill-kumpaniji li ġew investigati ma bbenefikat minn din l-iskema waqt il-perjodu tal-investigazzjoni. Fil-perjodi ta’ qabel il-perjodu tal-investigazzjoni l-produtturi esportaturi kollha jew ma bbenefikawx mill-iskema ta’ eżenzjoni mit-taxxa fuq id-dħul (peress li kienu qed jikkalkolaw il-valur nett tal-profitti meta mqabbel mat-telf kumulat mill-passat) jew kienu qed jagħmlu t-telf. Għal dawn ir-raġunijiet ma setgħux jieħdu benefiċċji minn din l-iskema.

(33)

L-Artikolu 36(1) tal-IPA jistabbilixxi l-bażi legali għal din l-iskema. Skont din l-iskema, il-BOI huwa awtorizzat jagħti eżenzjoni mid-dazji tal-importazzjoni fuq il-materja prima u l-materjali essenzjali użati fil-manifattura tal-oġġetti għall-esportazzjoni. Il-kumpaniji fi kwalunkwe żona huma eleġibbli għal din l-iskema sakemm ikunu promossi.

(34)

L-ebda waħda mill-kumpaniji li ġew investigati ma bbenefikat minn din l-iskema waqt il-perjodu tal-investigazzjoni. M’hemmx dazju tal-importazzjoni fuq il-materja prima prinċipali użata fil-produzzjoni tal-PTA. Għalhekk ma kienx hemm benefiċċji minn din l-iskema għall-esportaturi investigati Tajlandiżi.

(35)

Notifika dwar il-Kumpens għat-Taxxa tal-Merkanzija Esportata Mmanifatturata fir-Renju 1/2547 – Ir-Rata ta’ Kumpens tipprovdi għall-benefiċċju minn din l-iskema.

(36)

Il-kumpaniji jirċievu rimbors li huwa ta’ 0,38 % tal-valur FOB tal-prodotti esportati. Il-benefiċċju huwa kkalkolat għal kull tranżazzjoni ta’ esportazzjoni, iżda l-kumpaniji normalment jissottomettu diversi applikazzjonijiet għal rimbors fl-istess żmien. Il-kumpaniji jissottomettu applikazzjonijiet għal rimborsi lill-awtoritajiet rilevanti u jirċievu r-rimbors.

(37)

Il-benefiċċju għal din l-iskema huwa l-ammont proprju li jingħata bħala rimbors u li konsegwentement jiġi rreġistrat fil-kontijiet tal-kumpaniji bħala dħul. Dan l-ammont ġie allokat fuq il-bejgħ f’esportazzjoni matul il-perjodu tal-investigazzjoni.

(38)

Il-Grupp Indorama rċieva benefiċċju ta’ 0,36 %, u Siam Mitsui PTA Co., Ltd ukoll irċeviet benefiċċju ta’ 0,36 %.

(39)

L-ammonti provviżorji ta’ sussidji skont id-dispożizzjonijiet tar-Regolament bażiku, espressi ad valorem, għall-produtturi esportaturi Tajlandiżi huma:

—   Indorama Petrochem Limited: 1,3 %

—   TPT Petrochemical Public Company Limited: 1 %

—   Siam Mitsui PTA Co., Ltd: 1,1 %

(40)

Minħabba l-fatt li Indorama Petrochem Limited u TPT Petrochemical Public Company Limited huma parti mill-istess grupp, ir-rata ta’ dazju ta’ kontra s-sussidji komuni kienet stabbilita għalihom. Ir-rata finali għall-grupp Indorama/TPT kien ta’ 1,2 %.

Tabella ta’ sommarju

(41)

Fid-dawl tal-ammonti de minimis tas-sussidji kumpensatorji għall-produtturi esportaturi Tajlandiżi, il-miżuri provviżorji fuq l-importazzjonijiet tal-PTA li joriġinaw mit-Tajlandja ma għandhomx jiġu imposti.

(42)

Fid-dawl tas-sejbiet li ssemmew hawn fuq fir-rigward tas-sussidji, mhuwiex ikkunsidrat neċessarju li tiġi ppreżentata analiżi dwar il-ħsara, il-kawżalità u l-interess tal-Unjoni.

(43)

Il-proċediment għalhekk għandu jintemm billi l-ammonti ta’ sussidji kumpensatorji għall-produtturi esportaturi Tajlandiżi huma inqas minn 2 % ad valorem. Il-partijiet interessati ġew mgħarrfa b’dan u ngħataw l-opportunità li jikkummentaw.

(44)

Fir-rigward tal-aspetti tas-sussidji, waslu kummenti mill-Gvern tat-Tajlandja (“GOT”) u mingħand wieħed mill-kwerelanti.

(45)

Il-GOT argumenta li l-iskemi investigati ma jistgħux jiġu kkunsidrati bħala skemi speċifiċi ta’ sussidju minħabba li billi jiffurmaw parti mill-politika ta’ deċentralizzazzjoni tal-pajjiż, mhumiex eventwali f’każ ta’ esportazzjoni u ma jillimitawx l-aċċess għal ċerti setturi jew reġjuni tan-negozju. F’dan ir-rigward huwa nnutat li l-investigazzjoni stabbilixxiet biċ-ċar li l-iskemi investigati li l-produtturi esportaturi użaw waqt il-PI (eżenzjoni mid-dazju fuq l-importazzjoni tal-makkinarju, tnaqqis doppju mid-dħul taxxabbli, kumpens għat-taxxa tal-esportazzjoni) huma sussidji kumpensatorji skont id-dispożizzjonijiet tar-Regolament bażiku kontra l-għoti tas-sussidji. Għalhekk, it-talbiet tal-GOT għandhom jiġu rrifjutati.

(46)

Wieħed mill-kwerelanti argumenta li ċerti sussidji, partikolarment l-iskema tal-eżenzjoni mit-taxxa fuq id-dħul, għandhom jinfirxu fuq perjodu iqsar. Dan kellu jiġi rrifjutat billi l-ebda wieħed mill-produtturi esportaturi ma bbenefika minn din l-iskema matul il-PI.

(47)

Fir-rigward tal-aspetti ta’ ħsara, l-ebda parti interessata ma ssottomettiet rappreżentazzjoni.

(48)

Finalment, in-nuqqas ta’ kummenti mill-partijiet interessati jdgħajjef is-sejbiet li l-miżuri protettivi mhumiex neċessarji.

(49)

Fid-dawl ta’ dak li ntqal fuq, il-Kummissjoni għalhekk tikkonkludi li l-proċediment kontra l-għoti tas-sussidji li jikkonċerna l-importazzjonijiet fl-Unjoni tal-aċidu tereftaliku purifikat u l-imluħa tiegħu li joriġinaw mit-Tajlandja għandu jintemm mingħajr l-impożizzjoni ta’ miżuri għal kontra l-għoti ta’ sussidju,

20.1.2011   

MT

Il-Ġurnal Uffiċjali tal-Unjoni Ewropea

L 15/22

(1)

Fit-22 ta’ Diċembru 2009, il-Kummissjoni Ewropea (“il-Kummissjoni”) ħabbret, permezz ta’ avviż li ġie ppubblikat f’Il-Ġurnal Uffiċjali tal-Unjoni Ewropea  (2) (“Avviż ta’ tnedija”), it-tnedija ta’ proċediment ta’ antidumping li jikkonċerna l-importazzjonijiet fl-Unjoni ta’ ċertu aċidu tereftaliku ppurifikat (“PTA”) li joriġina mit-Tajlandja (“il-pajjiż ikkonċernat”).

(2)

Il-proċediment ta’ antidumping tnieda wara li fit-13 ta’ Novembru 2009 tressaq ilment minn BP Aromatics Limited NV u CEPSA Quimica S.A. (“il-kwerelanti”) li jirrappreżentaw proporzjon kbir ħafna, f’dan il-każ iktar minn 50 %, tal-produzzjoni kollha tal-Unjoni ta’ PTA. L-ilment inkluda evidenza prima facie ta’ dumping tal-prodott ikkonċernat li joriġina mill-pajjiż ikkonċernat u ta’ ħsara materjali li tirriżulta minn dan, li kienet ikkunsidrata bħala ġustifikazzjoni xierqa għat-tnedija ta’ proċediment.

(3)

Fl-istess jum, il-Kummissjoni ħabbret, permezz ta’ avviż ippubblikat f’Il-Ġurnal Uffiċjali tal-Unjoni Ewropea  (3), it-tnedija ta’ proċediment kontra l-għoti ta’ sussidji fir-rigward tal-importazzjonijiet fl-Unjoni ta’ PTA li joriġinaw mit-Tajlandja. Din l-investigazzjoni twaqqfet permezz tad-Deċiżjoni tal-Kummissjoni 2011/31/UE (4).

(4)

Il-Kummissjoni avżat uffiċjalment bit-tnedija tal-proċediment lill-kwerelanti, lil produtturi oħra magħrufa fl-Unjoni, lill-produtturi esportaturi magħrufa fit-Tajlandja, lir-rappreżentanti tal-pajjiż esportatur ikkonċernat u lill-importaturi u l-utenti magħrufa. Il-partijiet interessati ngħataw l-opportunità li jippreżentaw il-fehmiet tagħhom bil-miktub u li jitolbu smigħ fil-limitu taż-żmien stabbilit fl-Avviż tat-tnedija. Il-partijiet interessati kollha li talbu dan u li wrew li kien hemm raġunijiet partikolari għaliex għandhom jinstemgħu, ngħataw seduta ta’ smigħ.

(5)

Il-Kummissjoni bagħtet kwestjonarji lill-kwerelanti, lil produtturi oħra magħrufa fl-Unjoni, lill-produtturi esportaturi magħrufa fit-Tajlandja u lill-importaturi u l-utenti magħrufa tal-prodott ikkonċernat u lill-partijiet l-oħra kollha li talbu li jintbagħtilhom kwestjonarju fil-limitu taż-żmien stabbilit fl-Avviż tat-tnedija.

(6)

Waslu tweġibiet għall-kwestjonarju mingħand it-tliet produtturi esportaturi Tajlandiżi magħrufa, mingħand tliet produtturi mill-Unjoni, mingħand importatur mill-Unjoni u mingħand ħames utenti mill-Unjoni.

(7)

Il-Kummissjoni fittxet u vverifikat l-informazzjoni kollha li hija qieset meħtieġa għad-determinazzjoni ta’ dumping, il-ħsara li tirriżulta u l-interess tal-Unjoni. Saru żjarat ta’ verifika fil-bini tal-kumpaniji li ġejjin:

(8)

Minħabba li kemm TPT u kemm Indorama huma tal-istess kumpanija possedenti, f’dan id-dokument se ssir referenza għalihom bħala “il-grupp Indorama”.

(9)

L-investigazzjoni tad-dumping u l-ħsara kopriet il-perjodu mill-1 ta’ Diċembru 2008 sat-30 ta’ Novembru 2009 (il-“perjodu ta’ investigazzjoni” jew “PI”). L-eżami tat-tendenzi rilevanti gћall-valutazzjoni tal-ħsara kopra l-perjodu mill-1 ta’ Jannar 2006 sa tmiem il-perjodu ta’ investigazzjoni (“il-perjodu kkunsidrat”).

(10)

Il-prodott ikkonċernat huwa aċidu tereftaliku u l-imluħa tiegħu ta’ purità bl-użin ta’ 99,5 % jew iktar, li attwalment jaqgħu taħt il-kodiċi NM ex 2917 36 00 (“il-prodott ikkonċernat”).

(11)

Il-PTA jinkiseb permezz tal-purifikazzjoni ta’ aċidu tereftaliku mhux raffinat, li tirriżulta mir-reazzjoni bejn il-parassilin (PX) u solvent u soluzzjoni katalista.

(12)

Il-prodott ikkonċernat u l-PTA mmanifatturat u mibjugħ fis-suq domestiku tat-Tajlandja, kif ukoll il-PTA mmanifatturat u mibjugħ fis-suq tal-Unjoni mill-industrija tal-Unjoni, instab li għandhom l-istess karatteristiċi fiżiċi u kimiċi bażiċi u l-istess użi. Għalhekk huma meqjusa bħala simili skont it-tifsira tal-Artikolu 1(4) tar-Regolament bażiku.

(13)

It-tliet produtturi esportaturi Tajlandiżi li ssemmew fl-ilment issottomettew tweġibiet għall-kwestjonarji. L-investigazzjoni żvelat li ma jeżisti l-ebda produttur esportatur Tajlandiż tal-PTA u li t-tweġibiet kienu jkopru 100 % tal-esportazzjonijiet Tajlandiżi lejn is-suq tal-UE.

(14)

It-tliet kumpaniji talbu li l-kalkoli tad-dumping isiru abbażi ta’ dejta ta’ kull xahar minħabba li l-ispejjeż tal-materja prima prinċipali u konsegwentement il-prezzijiet għall-prodott ikkonċernat varjaw b’mod sinifikanti tul il-PI. Għar-raġunijiet imsemmija fil-premessa (26) hawn taħt, l-użu tal-metodoloġija mitluba ma kinitx ikkunsidrata bħala ġġustifikata.

(15)

Għandu jiġi nnutat li l-bejgħ fis-swieq domestiċi u tal-UE kien ibbażat fuq prezzijiet attwali jew fuq kuntratti bbażati fuq l-ispiża tal-PX (il-materja prima prinċipali) jew formola bbażata fuq indiċi tal-prezzijiet tal-PTA fiċ-Ċina. Fil-każ tal-aħħar, kien għadda perjodu ta’ żmien sinifikanti, f’ħafna mill-istanzi, li warajh l-indiċi finali kien disponibbli. Sabiex tiġi implimentata l-formola, kellu jiġi implimentat arranġament ta’ ħruġ ta’ fatturi li bih il-prezz finali seta’ jiġi stabbilit xi xhur wara l-ħruġ tal-ewwel fattura provviżorja. Inħarġu noti ta’ debitu/kreditu biex il-prezz finali stabbilit fil-kuntratt jiġi rranġat.

(16)

Il-metodoloġija ġenerali stabbilita hawn taħt ġiet applikata għall-produtturi esportaturi kollha li kkooperaw fit-Tajlandja.

(17)

Skont l-Artikolu 2(2) tar-Regolament bażiku, il-Kummissjoni l-ewwel stabbilixxiet jekk il-bejgħ domestiku tal-produtturi Tajlandiżi kienx rappreżentattiv biżżejjed, jiġifieri jekk il-volum totali ta’ dan il-bejgħ irrappreżentax mill-inqas 5 % tal-volum totali tagħhom ta’ bejgħ ta’ esportazzjoni tal-prodott ikkonċernat lejn l-Unjoni. Il-bejgħ domestiku tal-produtturi Tajlandiżi tqies bħala rappreżentattiv biżżejjed waqt il-perjodu ta’ investigazzjoni.

(18)

Sussegwentement, il-Kummissjoni eżaminat jekk il-bejgħ domestiku tal-prodott simili jistax jitqies bħala bejgħ b’mod kummerċjali normali skont l-Artikolu 2(4) tar-Regolament bażiku. Dan sar billi, għall-prodott simili mibjugħ fis-suq domestiku, ġie stabbilit il-proporzjon ta’ bejgħ domestiku bi profitt lil klijenti indipendenti matul il-PI.

(19)

Billi l-volum ta’ bejgħ bi profitt tal-prodott simili rrappreżenta inqas minn 80 % tal-volum ta’ bejgħ totali tal-prodott simili għat-tliet produtturi, il-valur normali kien ibbażat fuq il-prezz domestiku reali, ikkalkulat bħala medja peżata tal-bejgħ domestiku kollu.

(20)

Din l-investigazzjoni wriet li wieħed mill-prodotturi esportaturi li kkooperaw (SMPC) biegħ lis-suq tal-UE permezz tal-ikbar parti interessata tiegħu (MCI, kumpanija li qiegħda l-Ġappun), li mbagħad biegħet mill-ġdid lil serje ta’ negozjanti Ġappuniżi, li min-naħa tagħhom biegħu lil partijiet fis-suq tal-UE. Ġie investigat jekk MCI u l-ikbar negozjant Ġappuniż kinux relatati u jekk relazzjoni bħal din kellhiex impatt fuq il-prezzijiet.

(21)

Instab li l-iktar relazzjoni importanti kienet tikkonċerna ishma komuni f’persentaġġ baxx ħafna miżmuma mill-banek Ġappuniżi f’isem għadd ta’ fiduċjarji. Kien għalhekk stabbilit li r-relazzjoni ma kinitx ta’ natura li taffettwa l-livelli tal-prezzijiet. Tabilħaqq, fid-dawl (i) tal-arranġamenti tal-ipprezzar/kuntrattwali li ssemmew hawn fuq li huma tipiċi għal din l-industrija u (ii) in-natura tar-relazzjoni bejn il-kumpaniji deskritti fuq, il-prezzijiet huma aċċessibbli għal kulħadd bl-istess mod. Għalhekk kien iddeterminat li l-prezz tal-esportazzjoni tal-prodott ikkonċernat seta’ jiġi stabbilit abbażi tal-bejgħ ta’ MCI lin-negozjanti Ġappuniżi.

(22)

Intbagħtet ittra lil MCI, li infurmatha bil-konsegwenzi tan-nuqqas ta’ kooperazzjoni, peress li waqt il-verifika f’Tokyo l-persuni li kienu qed jinvestigaw il-każ ma ngħatawx aċċess sħiħ għall-informazzjoni dwar il-kontijiet relatata ma’ ċerti għotjiet.

(23)

Għalhekk, ġie deċiż li l-għotjiet jiġu kkalkolati abbażi tal-fatti disponibbli, skont l-Artikolu 18 tar-Regolament bażiku. Minħabba dan kollu, intużat il-metodoloġija li ġejja. Għall-ispejjeż tal-ġarr tal-merkanzija, l-għotjiet ġew aġġustati ‘l fuq abbażi tal-informazzjoni li nġabret mill-post. Għall-bqija tal-għotjiet l-ammonti rrappurtati kif ukoll il-prezzijiet tal-bejgħ nett kienu ċċekkjati billi saret referenza għal sorsi indipendenti oħra, f’dan il-każ informazzjoni stabbilita għaż-żewġ produtturi esportaturi Tajlandiżi l-oħra u nstab li kienu konformi għall-istess tip ta’ bejgħ. Ġie kkunsidrat metodu alternattiv ta’ użu tal-prezzijiet tal-Eurostat bħala sostituti, iżda ma ntużax minħabba li għal dan il-prodott, il-valur tal-Eurostat kien il-prezz tas-CIF fid-data tal-importazzjoni u mhux il-prezz finali aġġustat stabbilit skont il-kuntratt tal-bejgħ u s-sistemi ta’ ħruġ ta’ fatturi li ġew deskritti hawn fuq. Dan l-approċċ kien eċċezzjonalment adegwat minħabba l-istruttura tas-suq kif spjegata fil-premessa (15) hawn fuq. Ta’ min jinnota li l-maġġoranza assoluta ta’ għotjiet kienet diġà ġiet ivverifikata fit-Tajlandja.

(24)

Il-paragun bejn il-valur normali u l-prezz tal-esportazzjoni sar fuq bażi tal-prezzijiet mill-fabbrika.

(25)

Sabiex ikun żgurat paragun ġust bejn il-valur normali u l-prezz tal-esportazzjoni, ittieħdet kunsiderazzjoni xierqa fil-forma ta’ aġġustamenti għad-differenzi li jaffettwaw il-prezzijiet u l-paragunabbiltà tal-prezzijiet skont l-Artikolu 2(10) tar-Regolament bażiku. Abbażi ta’ dan, fejn kien applikabbli u ġġustifikat, saru aġġustamenti għad-differenzi fl-ispejjeż tat-trasport, tal-assigurazzjoni, tal-imballaġġ, tal-kreditu, tal-immaniġġjar u tal-kummissjonijiet.

(26)

Il-paragun bejn il-prezz tal-esportazzjoni u l-valur normali sar fuq bażi annwali. It-talba tal-produtturi esportaturi biex isir paragun kull xahar kienet ikkunsidrata iżda ma twettqitx peress li kien evidenti li ma kinitx se tibdel il-konklużjoni ġenerali fir-rigward tad-dumping, jiġifieri dumping de minimis mifrux mal-pajjiż.

(27)

Skont l-Artikolu 2(11) u (12) tar-Regolament bażiku, il-marġni tad-dumping għall-produtturi esportaturi li jikkooperaw fit-Tajlandja kien stabbilit abbażi ta’ paragun ta’ valur normali medju peżat ma’ prezz tal-esportazzjoni medju peżat kif ġie stabbilit hawn fuq.

(28)

Abbażi tal-metodoloġija li semmiet fuq, il-marġnijiet ta’ dumping, espressi bħala perċentwali tal-prezz tas-CIF fil-fruntiera Komunitarja, bid-dazju mhux imħallas, ġew stabbiliti hekk:

(29)

It-tliet produtturi esportaturi (it-tnejn mill-Grupp Indorama u SMPC) jirrappreżentaw l-esportazzjonijiet totali li joriġinaw mit-Tajlandja meta mqabbla mad-dejta tal-Eurostat. Sabiex jiġi vvalutat jekk, abbażi tal-pajjiż kollu il-marġni tad-dumping kienx iktar baxx mid-de minimis, ġie stabbit marġini tad-dumping medju ppeżat tal-pajjiż kollu. Instab li dan il-marġni kien iktar baxx mid-de minimis, jiġifieri 1,8 %.

(30)

Fir-rigward tal-marġni tad-dumping de minimis ma għandhomx jiġu imposti miżuri provviżorji fuq l-importazzjonijiet tal-PTA li joriġinaw mit-Tajlandja.

(31)

Fid-dawl tas-sejbiet li ssemmew hawn fuq fir-rigward tad-dumping mhuwiex ikkunsidrat neċessarju li tiġi ppreżentata analiżi dwar il-ħsara, il-kawżalità u l-interess tal-Unjoni.

(32)

Il-proċediment għalhekk għandu jitwaqqaf peress li l-marġni tad-dumping determinat għat-Tajlandja huwa inqas minn 2 %. Il-partijiet interessati ġew mgħarrfa b’dan u ngħataw l-opportunità li jikkummentaw.

(33)

Fir-rigward tal-kwistjonijiet tad-dumping, waslu kummenti mingħand wieħed mill-kwerelanti li kkunsidra li l-Kummissjoni kellha tattribwixxi l-marġni tad-dumping stabbilit għaż-żewġ produtturi esportaturi l-oħra (3,7 %) lil SMC, bħala riżultat tal-fatti disponibbli. Ġie argumentat li f’każ bħal dan kieku kien se jkun hemm marġni ta’ dumping de minimis. Il-Kummissjoni tabilħaqq applikat il-fatti disponibbli fir-rigward tal-kumpanija Ġappuniża relatata billi użat id-dejta disponibbli tal-kumpanija, filwaqt li aġġustatha ‘l fuq u qabblitha ma’ sorsi varjabbli oħra. F’dawn iċ-ċirkostanzi ma kienx ikun hemm konformità mad-dispożizzjonijiet tal-Artikolu 18 li kieku ġie attribwit il-marġni ta’ dumping tal-esportaturi oħra.

(34)

L-istess kwerelant argumenta wkoll li gvernijiet oħra għandhom opinjoni differenti dwar l-investigazzjonijiet dwar il-PTA għal PI simili. Dan kellu jiġi miċħud. F’dan ir-rigward, huwa nnutat li l-evidenza li ngħatat mill-parti tirreferi għal dazju tal-antidumping impost mir-Repubblika Popolari taċ-Ċina fuq l-importazzjonijiet tal-PTA mill-Korea u t-Tajlandja. L-informazzjoni mogħtija ma tistax tikkorrobora t-talba tal-parti peress li ma teżistix evidenza dwar kif il-valur normali u l-prezz tal-esportazzjoni ġew stabbiliti f’din l-investigazzjoni dwar l-antidumping fiċ-Ċina. Barra minn hekk, fl-investigazzjoni mill-awtoritajiet Ċiniżi, il-PI jibda mill-1 ta’ Ottubru 2007 sat-30 ta’ Settembru 2008, filwaqt li l-PI fl-investigazzjoni attwali tal-UE jibda mill-1 ta’ Diċembru 2008 sat-30 ta’ Novembru 2009. Għalhekk il-perjodi li ġew ikkunsidrati fl-investigazzjonijiet fl-UE u fiċ-Ċina kienu differenti ħafna.

(35)

Fir-rigward tal-aspetti ta’ ħsara, l-ebda parti interessata ma ressqet rappreżentazzjonijiet.

(36)

Bħala konklużjoni, il-fatt li l-ebda parti interessata ma ressqet kummenti jdgħajjef is-sejba li l-miżuri protettivi mhumiex neċessarji.

(37)

Fid-dawl ta’ dak li ntqal fuq, il-Kummissjoni għalhekk tikkonkludi li l-proċediment tal-antidumping rigward l-importazzjonijiet fl-Unjoni tal-aċidu tereftaliku purifikat u l-imluħa tiegħu li joriġinaw mit-Tajlandja għandu jitwaqqaf mingħajr l-impożizzjoni ta’ miżuri tal-antidumping,

20.1.2011   

MT

Il-Ġurnal Uffiċjali tal-Unjoni Ewropea

L 15/26

1.

Fil-Punt 4.1, jiżdied il-paragrafu li jmiss:

“Għalhekk l-Istati tal-EFTA għandhom juru li l-miżuri ta’ għajnuna mill-Istat li huma nnotifikati lill-Awtorità skont dan il-qafas huma neċessarji, xierqa u proporzjonati biex jirrimedjaw tfixkil serju fl-ekonomija ta’ Stat tal-EFTA u li l-kundizzjonijiet kollha jkunu rispettati bis-sħiħ.”

2.

Il-punt 4.3.2 hu emendat kif ġej:

3.

Il-Punt 4.4.1. huwa mibdul b’li ġej:

4.

Il-Punt 4.5.1. huwa mibdul b’li ġej:

5.

L-Anness li jmiss hu miżjud: