(a)

Il-verifiki tal-awtentiċità u l-kundizzjoni jsiru fl-istess proċess. F’dan il-proċess, kwalunkwe karta tal-flus tal-euro B1 għandha tiġi ssortjata f’output stacker stazzjonarja waħda, filwaqt li kemm karti tal-flus tal-kategorija A u B2 għandhom jiġu ssortjati f’output stacker stazzjonarja stazzjonarja separata li ma jkollhiex xi kuntatt fiżiku ma’ kwalunkwe karta tal-flus tal-euro tal-kategorija B1.

(b)

Jekk karta tal-flus tal-euro tal-kategorija A tiġi identifikata bħala preżenti fit-tieni output stacker, l-operatur għandu jerġa’ jgħaddi l-karta tal-flus tal-euro mit-tieni output stacker. F’dan it-tieni proċess, il-karta tal-flus tal-euro suspettati li huma foloz għandhom jiġu sseparati mill-karta tal-flus tal-euro tal-kategorija B2 billi tal-ewwel jiġu ssortjati f’output stacker iddedikata.

(a)

Kull darba karta tal-flus tal-euro tal-kategorija A, tiġi pproċessata, il-magna għandha twaqqaf l-ipproċessar immedjatament u żżomm il-karta tal-flus tal-euro tal-kategorija A f’pożizzjoni li tevita kull kuntatt fiżiku mal-karti tal-flus tal-euro awtentikati.

(b)

Ir-riżultat tal-verifika tal-awtentiċità għandu jiġi indikat għal kwalunkwe karta tal-flus tal-euro waħda tal-kategorija A fuq display.

(c)

Il-magna għandha tivverifika l-preżenza ta’ karta tal-flus tal-euro tal-kategorija A meta tieqaf tipproċessa, u l-ipproċessar jista’ jkompli biss wara t-tneħħija fiżika tal-karta tal-flus tal-euro tal-kategorija A mill-operatur.

(d)

Għal kull waqfa fil-modalità tal-ipproċessar mhux iktar minn karta tal-flus tal-euro tal-kategorija A waħda għandha tkun aċċessibbli għall-operatur.

—

Standard għall-kejl tad-densità; ISO 5 partijiet 3 u 4

—

Standard għall-filtri: DIN 16536:

—

Kejl assolut: kalibrazzjoni standard (white tile)

—

Filtru ta’ polarizzazzjoni: mixgħul

—

Apertura: 3 mm

—

Illuminazzjoni: D65/2

—

Sfond: kalibrazzjoni standard white tile

—

informazzjoni fuq stabbilimenti fejn il-flus kontanti jiġu mmaniġġjati bħal fergħat tal-uffiċini, u

—

informazzjoni fuq magni li jimmaniġġjaw il-karti tal-flus u li jagħtu l-flus kontanti.

—

informazzjoni fuq il-volum ta’ operazzjonijiet tal-flus kontanti (numru ta’ karti tal-flus tal-euro pproċessati) li jinvolvi magni li jimmaniġġjaw il-karti tal-flus u li jagħtu l-flus kontanti,

—

informazzjoni dwar fergħat imbiegħda ta’ istituzzjonijiet ta’ kreditu b’livell baxx ta’ operazzjonijiet ta’ flus kontanti fejn il-verifiki tal-kundizzjoni jsiru manwalment.

(a)

Il-parti introduttiva tinbidel b’li ġej:

“Operazzjonijiet f’suq miftuħ għandhom rwol importanti fil-politika monetarja tal-Eurosistema għall-finijiet tat-tmexxija ta’ rati ta’ mgħax, il-ġestjoni ta’ sitwazzjoni ta’ likwidità fis-suq u l-indikazzjoni tal-pożizzjoni tal-politika monetarja. Hemm ħames tipi ta’ strumenti disponibbli għall-Eurosistema għat-tmexxija ta’ operazzjonijiet f’suq miftuħ. L-aktar strument importanti huwa t-transazzjoni rriversjata (applikabbli fuq il-bażi ta’ ftehim ta’ xiri mill-ġdid jew self kollateralizzat). L-Eurosistema tista’ wkoll tuża transazzjonijiet diretti, il-ħruġ ta’ ċertifikati ta’ dejn tal-BĊE, swaps ta’ kambju barrani u l-ġbir ta’ depożiti b’terminu fiss. Operazzjonijiet f’suq miftuħ huma mibdija mill-BĊE, li jiddeċiedi wkoll dwar l-istrument li għandu jintuża u t-termini u l-kundizzjonijiet għall-eżekuzzjoni tiegħu. Jistgħu jiġu eżegwiti fuq il-bażi ta’ sejħiet għal offerti standard, sejħiet għal offerti mgħaġġla jew proċeduri bilaterali (*****). Fir-rigward tal-miri, ir-regolarità u l-proċeduri tagħhom, l-operazzjonijiet f’suq miftuħ tal-Eurosistema jistgħu jinqasmu fl-erba’ kategoriji li ġejjin (ara wkoll it-Tabella 1):

(*****)  Il-proċeduri differenti għall-eżekuzzjoni ta’ operazzjonijiet f’suq miftuħ tal-Eurosistema, jiġifieri sejħiet għal offerti standard, sejħiet għal offerti mgħaġġla u proċeduri bilaterali, huma speċifikati fil-Kapitolu 5. Għal sejħiet għal offerti standard, jgħaddu massimu ta’ 24 siegħa mit-tħabbir tas-sejħa għal offerti saċ-ċertifikazzjoni tar-riżultat tal-allokazzjoni. Il-kontropartijiet li jikkonformaw mal-kriterji ġenerali ta’ eliġibbiltà speċifikati fl-Artikolu 2.1 jistgħu jipparteċipaw f’sejħiet għal offerti standard. Sejħiet għal offerti mgħaġġla huma normalment eżegwiti fi żmien 90 minuta. L-Eurosistema tista’ tagħżel numru limitat ta’ kontropartijiet biex jipparteċipaw f’sejħiet għal offerti mgħaġġla. It-terminu ‘proċeduri bilaterali’ jirreferi għal kull każ li fih l-Eurosistema twettaq transazzjoni ma’ kontroparti waħda jew ma’ uħud mingħajr ma tuża l-proċeduri ta’ sejħiet għal offerti. Proċeduri bilaterali jinkludu operazzjonijiet eżegwiti permezz ta’ boroż jew aġenti tas-suq.”"

(b)

It-tielet punt jinbidel b’li ġej:

“Operazzjonijiet ta’ rfinar’ huma eżegwiti fuq bażi ad hoc bil-ħsieb tal-ġestjoni tas-sitwazzjoni tal-likwidità fis-suq u t-tmexxija tar-rati ta’ mgħax, b’mod partikolari sabiex jitwittew l-effetti fuq ir-rati tal-imgħax li jinqalgħu minn varjazzjonijiet mhux mistennija ta’ likwidità fis-suq. L-operazzjonijiet ta’ rfinar jistgħu jitwettqu fl-aħħar jum ta’ perijodu ta’ żamma ta’ riżerva biex jagħmlu tajjeb għall-iżbilanċi ta’ likwidità li setgħu akkumulaw mill-allokazzjoni tal-aħħar operazzjoni ta’ rifinanzjament ewlieni. Operazzjonijiet ta’ rfinar huma primarjament eżegwiti bħala transazzjonijiet irriversjati iżda jistgħu wkoll jieħdu l-forma jew ta’ swaps tal-kambju barrani jew ta’ ġbir ta’ depożiti b’terminu fiss. L-istrumenti u l-proċeduri applikati fit-twettiq ta’ operazzjonjiet ta’ rfinar huma adattati għat-tipi ta’ transazzjonijiet u l-għanijiet speċifiċi segwiti fl-operazzjonijiet. Operazzjonijiet ta’ rfinar huma normalment eżegwiti mill-BĊNi permezz ta’ sejħiet għal offerti mgħaġġla jew proċeduri bilaterali. Il-Kunsill Governattiv tal-BĊE għandu jiddeċiedi jekk, taħt ċirkostanzi eċċezzjonali, operazzjonijiet bilaterali ta’ rfinar jistgħux jiġu jsiru mill-BĊE nnifsu”.

(c)

Ir-raba’ punt jinbidel b’li ġej:

“Barra minn dan, l-Eurosistema tista’ twettaq operazzjonijiet strutturali permezz tal-ħruġ ta’ ċertifikati ta’ dejn tal-BĊE, transazzjonijiet irriversjati u transazzjonijiet diretti. Dawn l-operazzjonijiet huma eżegwiti kull meta l-BĊE jixtieq jaġġusta l-pożizzjoni strutturali tal-Eurosistema fil-konfront tas-settur finanzjarju (fuq bażi regolari jew mhux regolari). Operazzjonijiet strutturali fil-forma ta’ transazzjonijiet irriversjati u l-ħruġ ta’ strumenti ta’ dejn huma mwettqa mill-BĊNi permezz ta’ sejħiet għal offerti standard. Operazzjonijiet strutturali fil-forma ta’ transazzjonijiet diretti huma normalment eżegwiti mill-BĊNi permezz ta’ proċeduri bilaterali. Il-Kunsill Governattiv tal-BĊE għandu jiddeċiedi jekk, taħt ċirkostanzi eċċezzjonali, operazzjonijiet strutturali jistgħux jiġu eżegwiti mill-BĊE nnifsu.”

(a)

It-tieni punt tal-ewwel paragrafu jinbidel b’li ġej:

“Il-kontropartijiet għandhom ikunu finanzjarjament sodi. Għandhom ikunu suġġetti għal tal-anqas forma waħda ta’ superviżjoni armonizzata bejn l-UE/ż-ŻEE mill-awtoritajiet nazzjonali (******). Minħabba n-natura istituzzjonali speċifika taħt id-dritt tal-UE, istituzzjonijiet finanzjarjament sodi fit-tifsira tal-Artikolu 123(2) tat-Trattat li huma suġġett għas-superviżjoni ta’ standard paragunabbli mas-superviżjoni minn awtoritajiet nazzjonali kompetenti jistgħu jiġu aċċettati bħala kontrapartijiet. Istituzzjonijiet finanzjarjament sodi li huma suġġetti għas-superviżjoni mhux armonizzata mill-awtoritajiet nazzjonali ta’ standard paragunabbli mas-superviżjoni armonizzata UE/ŻEE jistgħu jiġu aċċettati wkoll bħala kontrapartijiet, eż. fergħat stabbiliti fiż-żona tal-euro ta’ istituzzjonijiet inkorporati barra ż-ŻEE.

(******)  Is-superviżjoni armonizzata ta’ istituzzjonijiet ta’ kreditu hija bbażata fuq id-Direttiva 2006/48/KE tal-Parlament Ewropew u tal-Kunsill tal-20 ta’ Marzu 2000 dwar il-bidu u l-eżerċizzju tan-negozju ta’ istituzzjonijiet ta’ kreditu (riformulazzjoni), (ĠU L 177, 30.6.2006, p. 1).”"

(b)

It-tielet paragrafu jinbidel b’li ġej:

“Istituzzjoni jista’ jkollha aċċess għall-faċilitajiet permanenti u l-operazzjonijiet ta’ suq miftuħ tal-Eurosistema bbażati fuq sejħiet għal offerti standard biss permezz tal-BĊN tal-Istat Membru fejn tkun inkorporata. Jekk istituzzjoni jkollha stabbilimenti (uffiċċju prinċipali jew fergħat) f’aktar minn Stat Membru wieħed, kull stabbiliment ikollu aċċess għal dawn l-operazzjonijiet permezz tal-BĊN tal-Istat Membru li fih hija stabbilita minkejja l-fatt li offerti għas-sejħiet għal offerti ta’ istituzzjoni jistgħu jintbagħtu biss minn stabbiliment wieħed (jew l-uffiċċju prinċipali jew fergħa nominata) f’kull Stat Membru.”

(a)

It-tieni paragrafu qed jinbidel b’li ġej:

“Għal swaps tal-kambju barrani eżegwit għal għanijiet ta’ politika monetarja, il-kontropartijiet għandhom ikunu jistgħu jwettqu operazzjonijiet ta’ kambju barrani fuq volum kbir b’mod effiċjenti taħt il-kundizzjonijiet kollha tas-suq. Il-firxa ta’ kontropartijiet għal swaps ta’ kambju barrani tikkorrispondi mal-kontropartijiet stabbiliti fiż-żona tal-euro li jintgaħżlu għal operazzjonijiet ta’ intervent ta’ kambju barrani tal-Eurosistema. Il-proċeduri u l-kriterji applikati għall-għażla ta’ kontropartijiet għal operazzjonijiet ta’ intervent ta’ kambju barrani huma ppreżentati fl-Appendiċi 3.”

(b)

Il-ħames paragrafu jinbidel b’li ġej:

“Il-Kunsill Governattiv tal-BĊE jista’ jiddeċiedi jekk, taħt ċirkostanzi eċċezzjonali, operazzjonijiet bilaterali ta’ rfinar jistgħux jiġu eżegwiti mill-BĊE nnifsu. Jekk il-BĊE jkollu jwettaq operazzjonijiet bilaterali, l-għażla tal-kontropartijiet għandha f’dawk il-każi ssir mill-BĊE skont skema ta’ rotazzjoni fost dawk il-kontropartijiet fiż-żona tal-euro li huma eliġibbli għal sejħiet għal offerti mgħaġġla u operazzjonijiet bilaterali sabiex jiġi assigurat aċċess ekwu.”

(a)

It-tielet paragrafu jinbidel b’li ġej:

“Dan jirrigwarda l-każijiet ta’ ksur ta’ (a) regoli tas-sejħiet għal offerti, jekk il-kontroparti tonqos milli tittrasferixxi ammont suffiċjenti ta’ assi jew flus kontanti sottostanti (*******) biex isir il-ħlas (f’jum il-ħlas), jew li tiggarantixxi, sal-maturità tal-operazzjoni permezz ta’ sejħiet ta’ marġni korrispondenti, l-ammont ta’ likwidità li ġiet allokata f’operazzjoni li tipprovdi likwidità, jew jekk tonqos milli tittrasferixxi ammont suffiċjenti ta’ flus kontanti biex tħallas is-somma li ġiet allokata f’operazzjoni ta’ assorbiment ta’ likwidità; u (b) regoli ta’ transazzjoni bilaterali, jekk kontroparti tonqos milli tittrasferixxi ammont suffiċjenti ta’ assi sottostanti, jew jekk tonqos milli tittrasferixxi ammont suffiċjenti ta’ flus kontanti biex jitħallas l-ammont miftiehem f’transazzjonijiet bilaterali, jew jekk tonqos milli tiggarantixxi transazzjoni bilaterali pendenti f’xi ħin sal-maturità tagħha permezz ta’ sejħiet ta’ marġni korrispondenti.

(*******)  Meta japplika, fir-rigward ta’ sejħiet ta’ marġni.”"

(b)

Il-ħames paragrafu jinbidel b’li ġej:

“Barra minn hekk, miżura ta’ sospensjoni meħuda fil-konfront tal-kontroparti li ma tikkonformax tista’ tiġi applikata għall-fergħat tal-istess istituzzjoni stabbilita fi Stati Membri oħrajn. Fejn, bħala miżura eċċezzjonali, dan ikun meħtieġ minħabba s-serjetà tal-każ ta’ non-konformità, kif ippruvat mill-frekwenza tagħha jew mit-tul ta’ żmien, pereżempju, kontroparti tista’ tiġi sospiża mill-operazzjonijiet futuri kollha ta’ politika monetarja għal ċertu perjodu ta’ żmien.”

(a)

It-tieni paragrafu qed jinbidel b’li ġej:

“Iċ-ċertifikati ta’ dejn tal-BĊE jikkostitwixxu obbligu ta’ dejn tal-BĊE fil-konfront tad-detentur taċ-ċertifikat. Dawn jinħarġu u jinżammu fil-forma ta’ daħla fil-ktieb f’depożiti ta’ titoli fiż-żona tal-euro. Il-BĊE ma jimponi l-ebda restrizzjoni dwar it-trasferibbiltà taċ-ċertifikati. Aktar dispożizzjonijiet marbutin maċ-ċertifikati ta’ dejn tal-BĊE għandhom jiddaħħlu fit-termini u l-kundizzjonijiet ta’ dawn iċ-ċertifikati.”

(b)

It-tielet paragrafu jinbidel b’li ġej:

“Iċ-ċertifikati ta’ dejn tal-BĊE jinħarġu bi skont, jiġifieri jinħarġu taħt l-ammont nominali u jinfdew mal-maturità fl-ammont nominali. Id-differenza bejn l-ammont tal-ħruġ u l-ammont tal-fidi hija ugwali għall-imgħax akkumulat fuq l-ammont tal-ħruġ, bir-rata miftiehma ta’ mgħax, fuq il-maturità taċ-ċertifikat. Ir-rata ta’ imgħax applikata hija ta’ mgħax sempliċi bbażata fuq il-konvenzjoni tal-għadd ta’ kull ġurnata ‘attwali/360’. Il-kalkolu tal-ammont tal-ħruġ jidher fil-Kaxxa 1.”

(c)

Il-Kaxxa 1 tinbidel b’dan li ġej:

(a)

Tiżdied in-nota ta’ qiegħ il-paġna (*) fl-aħħar tat-tielet paragrafu (l-ewwel paragrafu taħt l-intestatura “Kundizzjonijiet għall-aċċess”:

(b)

In-nota ta’ qiegħ il-paġna 12 fis-seba' paragrafu (it-tieni paragrafu taħt l-intestatura' Maturità u kundizzjonijiet ta’ imgħax) tinbidel b’li ġej:

(a)

Il-parti introduttiva tal-ewwel paragrafu tinbidel b’dan li ġej:

“Sejħiet għal offerti standard tal-Eurosistema jitħabbru pubblikament permezz ta’ servizzi tal-aħbarijiet u s-sit elettroniku tal-BĊE. Barra minn hekk, il-BĊNi jistgħu jħabbru l-operazzjoni ta’ sejħa għal offerti direttament lill-kontropartijiet mingħajr aċċess għas-servizzi tal-aħbarijiet. Il-messaġġ li jħabbar is-sejħa pubblika għal offerti normalment ikun fih l-informazzjoni li ġejja:”

(b)

L-għaxar punt tal-ewwel paragrafu jinbidel b’li ġej:

“id-data tal-bidu u d-data tal-maturità tal-operazzjoni (jekk applikabbli) jew id-data tal-valur u d-data tal-maturità tal-istrument (fil-każ tal-ħruġ ta’ ċertifikati tad-dejn tal-BĊE);”

(c)

Is-sbatax-il punt tal-ewwel paragrafu jinbidel b’li ġej:

“id-denominazzjoni taċ-ċertifikati (fil-każ ta’ ħruġ ta’ ċertifikati ta‘ dejn tal-BĊE); u”

(d)

It-tmintax-il punt tal-ewwel paragrafu jinbidel b’li ġej:

“il-kodiċi ISIN tal-ħruġ (fil-każ tal-ħruġ taċ-ċertifikati ta‘ dejn tal-BĊE).”

(a)

It-tielet paragrafu jinbidel b’li ġej:

“F’sejħiet għal offerti b’rata varjabbli, il-kontropartijiet jistgħu jibagħtu offerti ta’ sa 10 livelli differenti ta’ punti ta’ rati/imgħax/prezzijiet/swaps. F’ċirkustanzi eċċezzjonali l-Eurosistema tista’ timponi limitu fuq in-numru ta’ offerti li jistgħu jiġu sottomessi fir-rigward tas-sejħiet b’rata varjabbli. F’kull offerta, il-kontropartijiet għandhom jiddikjaraw l-ammont ta’ flus li huma lesti jinnegozjaw mal-BĊNi u r-rata ta’ imgħax rilevanti (*********)  (**********). L-offerta tar-rati ta’ imgħax għandha tiġi espressa f’multipli ta’ punti ta’ perċentwali ta’ 0,01. Fil-każ ta’ sejħa għal offerti ta’ swaps ta’ kambju barrani b’rata varjabbli, il-punti tas-swaps għandhom ikunu kkwotati skont il-konvenzjonijiet standard tas-suq u l-offerti għandhom ikunu espressi bħala multipli ta’ 0,01 ta’ punti ta’ swaps.

(*********)  Fir-rigward tal-ħruġ ta’ ċertifikati ta‘ dejn tal-BĊE, il-BĊE jista’ jiddeċiedi li l-offerti jiġu espressi fil-forma ta’ prezz pjuttost milli f’rata ta’ imgħax. F’dawn il-każijiet, il-prezzijiet għandhom ikunu kkwotati bħala perċentwali tal-ammont nominali."

(**********)  Fi swaps ta’ kambju barrani b’rata varjabbli, l-ammont tal-munita miżmum fiss li l-kontroparti hija lesta li tinnegozja mal-Eurosistema u l-livell rispettiv tal-punt ta’ swaps għandhom ikunu dikjarati.”"

(b)

Is-seba’ paragrafu qed jinbidel b’li ġej:

“‛Il-kontropartijiet huma dejjem mistennija li jkun f’pożizzjoni li jkopru l-ammonti allokati lilhom b’ammont suffiċjenti ta’ assi eliġibbli sottostanti (***********). L-arranġamenti kuntrattwali jew regolatorji applikati mill-BĊN rilevanti jippermettu l-impożizzjoni ta’ pieni jekk kontroparti tonqos milli tittrasferixxi ammont suffiċjenti ta’ assi sottostanti jew flus kontanti biex jitħallas l-ammont li tkun ġiet allokata f‘operazzjoni tas-sejħa għal offerti.

(***********)  Jew li jħallsu fi flus kontanti fil-każ ta’ operazzjonijiet li jassorbu l-likwidità.”"

(a)

Il-parti introduttiva tal-ewwel paragrafu tinbidel b’dan li ġej:

“Ir-riżultati tas-sejħiet għal offerti standard u mgħaġġla jitħabbru pubblikament permezz ta’ servizzi tal-aħbarijiet u s-sit elettroniku tal-BĊE. Barra minn hekk, il-BĊNi jistgħu jħabbru r-riżultat tal-allokazzjoni direttament lill-kontropartijiet mingħajr aċċess għas-servizzi tal-aħbarijiet. Il-messaġġ tar-riżultat tas-sejħa għal offerti pubblika għandu jkun fih l-informazzjoni li ġejja:”

(b)

It-tlettax-il punt jinbidel b’li ġej:

“id-data tal-bidu u d-data tal-maturità tal-operazzjoni (jekk applikabbli) jew id-data tal-valur u d-data tal-maturità tal-istrument (fil-każ tal-ħruġ ta’ ċertifikati ta‘dejn tal-BĊE);”

(c)

Is-sittax-il punt jinbidel b’li ġej:

“id-denominazzjoni taċ-ċertifikati (fil-każ ta’ ħruġ ta’ ċertifikati ta‘dejn tal-BĊE); u”

(d)

Is-sbatax-il punt jinbidel b’li ġej:

“il-kodiċi ISIN tal-ħruġ (fil-każ tal-ħruġ ta‘ċertifikati ta‘dejn tal-BĊE).”

(a)

Il-ħames paragrafu jinbidel b’li ġej:

“L-assi li jiġġeneraw l-fluss tal-kontanti li jsostnu t-titoli sostnuti minn assi għandhom jissodisfaw dawn ir-rekwiżiti:

(*************)  Dan ir-rekwiżit ma jeskludix titoli sostnuti minn assi fejn l-istruttura tal-ħruġ tinkludi żewġ vetturi ta’ għan speċjali u r-rekwiżit tal-‘bejgħ veru’ jiġi sodisfatt fir-rigward ta’ dawk il-vetturi ta’ għan speċjali biex l-istrumenti ta’ dejn maħruġin mit-tieni vettura ta’ għan speċjali ikunu sostnuti direttament jew indirettament mill-pool oriġinali ta’ assi u l-flussi kollha tal-flus kontanti mill-fluss tal-flus kontanti li jiġġeneraw l-assi jiġu ttrasferiti mill-ewwel għat-tieni vettura ta’ għan speċjali."

(**************)  Din ir-restrizzjoni ma tinkludix swaps użati fi transazzjonijiet ta’ titoli sostnuti minn assi strettament għal finijiet ta’ hedging."

(***************)  Titoli sostnuti minn assi li huma fuq il-lista ta’ assi negozjabbli eliġibbli sa mill-10 ta’ Ottubru 2010 huma eżentati minn dan ir-rekwiżit u jibqgħu eliġibbli sal-9 ta’ Ottubru 2011."

(***************)  Titoli sostnuti minn assi li huma fuq il-lista ta’ assi negozjabbli eliġibbli sa mill-10 ta’ Ottubru 2010 huma eżentati minn dan ir-rekwiżit u jibqgħu eliġibbli sal-9 ta’ Ottubru 2011."

(***************)  Titoli sostnuti minn assi li huma fuq il-lista ta’ assi negozjabbli eliġibbli sa mill-10 ta’ Ottubru 2010 huma eżentati minn dan ir-rekwiżit u jibqgħu eliġibbli sal-9 ta’ Ottubru 2011."

(b)

Is-sitt paragrafu jinbidel b’dan li ġej:

“Fi ħdan ħarġa strutturata, biex tkun eliġibbli, tranche (jew sub-tranche) tista’ ma tkunx subordinata għal tranches oħra tal-istess ħarġa. Tranche (jew sub-tranche) titqies li mhijiex subordinata fil-konfront ta’ tranches oħra (jew sub-tranches) tal-istess ħarġa jekk, skont il-prijorità tal-ħlas applikabbli wara n-notifika tal-avviż ta’ infurzar, kif stabbilit fil-prospett, l-ebda tranche oħra (jew sub-tranche) ma tingħata prijorità fuq dik it-tranche jew sub-tranche fir-rigward ta’ meta jiġi rċevut il-ħlas (il-kapital u l-imgħax), u għalhekk dik it-tranche (jew sub-tranche) hija l-aħħar li ġġarrab telf fost it-tranches jew sub-tranches differenti ta’ ħarġa strutturata. Għal ħarġiet strutturati meta l-prospett jipprovdi għal notifika ta’ avviż ta’ aċċelerazzjoni u infurzar, in-non-subordinazzjoni ta’ tranche (jew sub-tranche) għandha tiġi żgurata kemm taħt prijorità ta’ ħlas b’avviż relatat ta’ aċċellerazzjoni kif ukoll taħt dak ta’ infurzar.”

(c)

Fid-disa' paragrafu (taħt l-intestatura “Post ta’ ħruġ”), in-nota ta’ qiegħ il-paġna 7 (l-ewwel nota ta’ qiegħ il-paġna f’dak il-paragrafu, għandha tinbidel b’dan li ġej:

(d)

L-għaxar paragrafu (l-ewwel paragrafu taħt l-intestatura “Proċeduri ta’ ħlas”) jinbidel b’li ġej:

“L-istrument ta’ dejn għandu jkun trasferibbli f’forma ta’ dħul fil-kotba. Għandu jinżamm u jitħallas fiż-żona tal-euro permezz ta’ kont mal-Eurosistema jew ma’ SSS li jissodisfa l-istandards stabbiliti mill-BĊE, biex il-perfezzjoni u t-twettiq ikunu suġġetti għal-liġi ta’ Stat Membru.”

(e)

Fit-tnax-il paragrafu (l-uniku paragrafu taħt l-intestatura “Swieq aċċettabbli”), in-nota ta’ qiegħ il-paġna (l-aħħar nota ta’ qiegħ il-paġna) tinbidel b’li ġej:

(f)

Il-ħmistax-il paragrafu (it-tieni paragrafu taħt l-intestatura “Post ta’ stabbiliment ta’ min għamel il-ħruġ/garanti”) jinbidel b’li ġej:

“Il-garanti għandu jkun stabbilit fiż-ŻEE, sakemm ma tkunx meħtieġa garanzija biex tistabbilixxi l-istandards ta’ kreditu għoljin għal assi negozjabbli, kif jidher fit-Taqsima 6.3.2.”

(a)

It-tieni punt tat-tieni paragrafu (l-ewwel paragrafu taħt l-intestatura “Klejms ta’ kreditu”) jinbidel b’li ġej:

“Tip ta’ debitur/garanti: Debituri eliġibbli u garanti huma korporazzjonijiet mhux finanzjarji (****************), entitajiet fis-settur pubbliku u istituzzjonijiet internazzjonali jew sovranazzjonali. Kull debitur huwa responsabbli individwalment u solidarment għall-ħlas lura sħiħ tal-klejm ta’ kreditu in kwistjoni (ko-debituri responsabbli flimkien għal klejms ta’ kreditu individwali huma esklużi).

(****************)  Kif definit fl-ESA 95.”"

(b)

It-tielet punt tat-tieni paragrafu jinbidel b’li ġej:

“Post ta’ stabbiliment tad-debitur u tal-garanti: Id-debitur għandu jkun stabbilit fiż-żona tal-euro. Il-garanti għandu jkun stabbilit ukoll fiż-żona tal-euro, sakemm ma tkunx meħtieġa garanzija biex tistabbilixxi standards ta’ kreditu għoljin għal assi mhux negozjabbli, kif stabbilit fit-Taqsima 6.3.3. Dan ir-rekwiżit ma japplikax għall-istituzzjonijiet internazzjonali jew sovranazzjonali.”

(c)

Ir-raba’ punt tat-tieni paragrafu jinbidel b’li ġej:

“Standards ta’ kreditu: Il-kwalità ta‘ klejms ta’ kreditu hija vvalutata permezz tal-affidabbiltà finanzjarja sottostanti tad-debitur jew garanti. Il-klejms għandhom jissodisfaw standards ta’ kreditu għolja speċifikati fir-regoli ECAF għal assi mhux negozzjabbli, kif stabbilit fit-Taqsima 6.3.3.”

(d)

Is-seba’ punt tat-tieni paragrafu jinbidel b’li ġej:

“Liġijiet li jirregolaw: Il-ftehim ta’ klejm ta’ kreditu u l-ftehim bejn il-kontroparti u l-BĊN li jimmobilizza l-klejm ta’ kreditu bħala garanzija (‘ftehim ta’ mobilizzazzjoni’) għandhom ikunu rregolati t-tnejn bil-liġi ta’ Stat Membru. Barra minn hekk, in-numu totali ta’ liġijiet differenti li jirregolaw u li huma applikabbli għal (a) il-kontroparti; (b) il-kreditur; (c) id-debitur; (d) il-garanti (jekk rilevanti); (e) il-ftehim ta’ klejm ta’ kreditu; u (f) il-ftehim ta’ mobilizzazzjoni m’għandux jaqbeż tnejn.”

(e)

Fit-tmien punt tat-tieni paragrafu n-nota ta’ qiegħ il-paġna 20 tinbidel b’li ġej:

(f)

Ir-raba “punt tat-tielet paragrafu (l-ewwel paragrafu taħt l-intestatura' Strumenti ta’ dejn sostnuti minn ipoteki bl-imnut mhux negozjabbli”) jinbidel b’li ġej:

“Post ta’ stabbiliment ta’ min jagħmel il-ħruġ: Min jagħmel il-ħruġ għandu jkun stabbilit fiż-żona tal-euro.”

(g)

In-nota ta’ qiegħ il-paġna 22 fis-sitt punt tat-tielet paragrafu tinbidel b’li ġej:

(a)

Jiddaħħal il-paragrafu li ġej wara l-ħames paragrafu (it-tielet paragrafu taħt l-intestatura “Regoli għall-użu ta’ assi eliġibbli”):

“Għall-finijiet tal-implimentazzjoni tal-politika monetarja, partikolarment għall-monitoraġġ tal-konformità mar-regoli għall-użu ta’ assi eliġibbli dwar ir-rabtiet mill-qrib, l-Eurosistema internament taqsam l-informazzjoni fuq investimenti kapitali provduti mill-awtoritajiet superviżorji għal dawn il-finijiet. L-informazzjoni hija suġġetta għall-istess standards ta’ segretezza applikati mill-awtoritajiet superviżorji.”

(b)

Is-sitt paragrafu (ir-raba' paragrafu taħt l-intestatura “Regoli għall-użu ta’ assi eliġibbli”) jinbidel b’li ġej:

“Id-dispożizzjonijiet ta’ hawn fuq li jikkonċernaw rabtiet mill-qrib ma japplikawx għal: (a) rabtiet mill-qrib bejn il-kontroparti u entità fis-settur pubbliku taż-ŻEE li għandha d-dritt li timponi t-taxxi, jew f’każ fejn strument tad-dejn huwa garantit minn entità fis-settur pubbliku taż-ŻEE li għandha d-dritt li timponi t-taxxi; (b) bonds tal-bank koperti maħruġin skont il-kriterji stabbiliti fl-Artikolu 22(4) tad-Direttiva UCITS; jew (c) każijiet fejn strumenti ta’ dejn huma protetti minn salvagwardji legali speċjali paragunabbli ma’ dawk l-istrumenti mogħtija taħt (b) bħal fil-każ ta’ (i) strumenti ta’ dejn sostnuti mill-ipoteki bl-imnut negozjabbli (RMBDs) li mhumiex titoli; jew (ii) bonds koperti strutturati sostnuti minn self ta’ proprjetà immobbli residenzjali (jiġifieri ċerti bonds koperti ddikjarati bħala mhux konformi mal-UCITS mill-Kummissjoni Ewropea) li jissodisfaw il-kriterji kollha li japplikaw għal titoli sostnuti minn assi, kif stabbilit fit-Taqsimiet 6.2 u 6.3 u l-kriterji addizzjonali li ġejjin (*****************):

(*****************)  Il-bonds koperti strutturati mibgħuta qabel 10 ta’ Ottubru 2010 li ma jikkonformawx ma’ dawn il-kriterji jistgħu jibqgħu jintużaw sal-31 ta’ Marzu 2011.”"

(c)

It-Tabella 4 tinbidel b’li ġej:

“Tabella 4

Assi eliġibbli għall-operazzjonijiet tal-Eurosistema

(a)

Ir-raba’ paragrafu qed jinbidel b’li ġej:

“Fir-rigward tas-sors ECAI, il-valutazzjoni għandha tkun ibbażata fuq klassifika pubblika. L-Eurosistema tirriżerva d-dritt li titlob kull kjarifika li tqis meħtieġa. Għal titoli sostnuti minn assi, il-klassifika għandha tiġi spjegata f’rapport tal-klassifika tal-kreditu disponibbli pubblikament, jiġifieri rapport ta’ qabel il-bejgħ jew ħarġa ġdida, inkluż, inter alia, analiżi komprensiva ta’ aspetti strutturali u legali, valutazzjoni dettaljata tal-pool kollaterali, analiżi tal-parteċipanti tat-transazzjoni, kif ukoll analiżi ta’ kull detall rilevanti ieħor ta’ transazzjoni. Barra minn dan, l-ECAIs għandhom jippubblikaw rapporti regolari ta’ sorveljanza għal titoli sostnuti minn assi. Il-pubblikazzjoni ta’ dawn ir-rapporti għandha tkun skont il-frekwenza u l-ħin tal-ħlas tal-kupuni. Dawn ir-rapporti għandhom tal-inqas ikollhom aġġornament tad-dejta tat-transazzjoni ewlenija (eż. il-kompożizzjoni tal-pool kollaterali, il-parteċipanti tat-transazzjoni, struttura kapitali), kif ukoll dejta tal-prestazzjoni.”

(b)

Il-ħames paragrafu jinbidel b’li ġej:

“Il-punt ta’ referenza tal-Eurosistema biex jiġi stabbilit ir-rekwiżit minimu għal standards ta’ kreditu għoljin (‘il-limitu ta’ kwalità ta’ kreditu’) huwa ddefinit bħala valutazzjoni tal-kreditu ‘single A’ (******************). L-Eurosistema tikkunsidra PD fuq perijodu ta’ sena ta’ 0,10 % bħala ekwivalenti għal valutazzjoni tal-kreditu ‘single A’, suġġett għal evalwazzjoni regolari. L-ECAF issegwi d-definizzjoni ta’ ġrajja ta’ inadempjenza mogħtija fid-Direttiva dwar ir-Rekwiżiti Kapitali (CRD) (*******************). L-Eurosistema tippubblika l-inqas klassifikazzjoni li tissodisfa l-limitu ta’ kwalità ta’ kreditu meħtieġ għal kull ECAI aċċettat, mingħajr ma tassumi responsabbiltà għall-valutazzjoni tagħha tal-ECAI, ukoll suġġetta għal evalwazzjoni regolari. Fir-rigward ta’ titoli sostnuti minn assi, il-punt ta’ referenza tal-Eurosistema biex tistabbilixxi r-rekwiżiti minimi tagħha għal standards ta’ kreditu għoljin huwa definit f’termini ta’ valutazzjoni tal-kreditu ‘triple A’ fil-ħruġ (********************). Matul il-ħajja ta’ titolu sostnut minn assi, għandu jinżamm il-limitu minimu tal-Eurosistema ta’ ‘single A’.

(******************)  ‘Single A’ tfisser klassifika fit-tul minima ta ‘A-’ minn Fitch jew Standard & Poor's, jew ‘A3’ minn Moody, jew ‘AL’ minn DBRS."

(*******************)  Is-CRD tikkomprendi d-Direttiva 2006/48/KE tal-Parlament Ewropew u tal-Kunsill tal-14 ta’ Ġunju 2006 dwar il-bidu u l-eżerċizzju tan-negozju ta’ istituzzjonijiet ta’ kreditu (riformulazzjoni) (ĠU L 177, 30.6.2006, p. 1) u d-Direttiva 2006/49/KE tal-Parlament Ewropew u tal-Kunsill tal-14 ta’ Ġunju 2006 dwar l-adegwatezza tal-kapital tal-kumpaniji tal-investiment u l-istituzzjonijiet tal-kreditu (riformulazzjoni) (ĠU L 177, 30.6.2006, p. 201)."

(********************)  ‘Triple A’ tfisser klassifika fit-tul ‘AAA’ minn Fitch, Standard & Poor jew DBRS jew ‘Aaa’ minn Moody jew, jekk din mhux disponibbli, klassifika għal żmien qasir ta’ ‘F1+’ minn Fitċh, jew ‘A-1+’ minn Standard & Poor, jew ‘R-1H’ minn DBRS.”"

(c)

Is-seba’ paragrafu qed jinbidel b’li ġej:

“Assi maħruġin jew iggarantiti minn entitajiet suġġetti għal iffriżar ta’ fondi u/jew miżuri oħrajn imposti mill-UE taħt l-Artikolu 75 tat-Trattat jew minn Stat Membru tal-UE li jirrestrinġi l-użu tal-fondi tagħhom, jew li fir-rigward tagħhom il-Kunsill Governattiv tal-BĊE ħareġ deċiżjoni li tissospendi jew teskludi l-aċċess tagħhom għal operazzjonijiet ta’ suq miftuħ jew il-faċilitajiet permanenti tal-Eurosistema, jistgħu jiġu esklużi mil-lista ta’ assi eliġibbli.”

(a)

It-tieni punt tal-ewwel paragrafu jinbidel b’li ġej:

“Valutazzjoni tal-kreditu ECAI ta’ titoli sostnuti minn assi: Għal titoli sostnuti minn assi maħruġin fi jew wara l-1 ta’ Marzu 2010, l-Eurosistema teħtieġ tal-inqas żewġ valutazzjonijiet ta’ kreditu minn kwalunkwe ECAI aċċettat għall-ħruġ. Biex tiġi ddeterminata l-eliġibbiltà ta’ dawn it-titoli, tiġi applikata r-‘regola tat-tieni l-aħjar’ li tfisser li mhux biss l-aħjar, imma wkoll il-valutazzjoni tal-kreditu ECAI tat-tieni l-aħjar għandha tikkonforma mal-limitu tal-kwalità tal-kreditu għal titoli sostnuti minn assi. Fuq il-bażi ta’ din ir-regola, l-Eurosistema teħtieġ kemm għaż-żewġ valutazzjonijiet ta’ kreditu livell ‘AAA’/ ‘Aaa’ mal-ħruġ u livell ‘single A’ matul il-ħajja tat-titolu biex it-titoli jkunu eliġibbli.

Mill-1 ta’ Marzu 2011 it-titoli kollha sostnuti minn assi, irrispettivament mid-data tal-ħruġ tagħhom, għandhom kollhom mill-inqas żewġ valutazzjonijiet ta’ kreditu minn kull ECAI aċċettat għall-ħruġ, u r-regola tat-tieni l-aħjar għandha tiġi sodisfatta biex it-titoli jibqgħu eliġibbli.

Fir-rigward tat-titoli sostnuti minn assi maħruġin qabel l-1 ta’ Marzu 2010 li għandhom valutazzjoni tal-kreditu waħda biss, għandha ssir it-tieni valutazzjoni qabel l-1 ta’ Marzu 2011. Għal titoli sostnuti minn assi maħruġin qabel l-1 ta’ Marzu 2009 iż-żewġ valutazzjonijiet tal-kreditu għandhom jikkonformaw mal-livell ‘single A’ matul il-ħajja tat-titolu. Għal titoli sostnuti minn assi maħruġin bejn l-1 ta’ Marzu 2009 u t-28 ta’ Frar 2010, l-ewwel valutazzjoni tal-kreditu għandha tikkonforma mal-livell ‘AAA’/ ‘Aaa’ mal-ħruġ u l-livell ‘single A’ matul il-ħajja tat-titolu, filwaqt li t-tieni valutazzjoni tal-kreditu għandha tikkonforma mal-livell ‘single A’ kemm mal-ħruġ (*********************) kif ukoll matul il-ħajja tat-titolu.

Ħruġ funġibbli tap ta’ titoli sostnuti minn assi huwa kkunsidrat li huwa ħruġ ġdid ta’ titoli sostnuti minn assi. It-titoli kollha sostnuti mill-assi maħruġin taħt l-istess kodiċi ISIN għandhom jikkonformaw mal-kriterji ta’ eliġibbiltà fis-seħħ fid-data tal-aħħar ħruġ funġibbli tap. Għal ħruġ funġibbli tap ta’ titoli sostnuti minn assi li ma jikkonformawx mal-kriterji ta’ eliġibbiltà fis-seħħ fid-data tal-aħħar ħruġ funġibbli tap, it-titoli kollha sostnuti minn assi maħruġin taħt l-istess kodiċi ISIN huma kkunsidrati bħala mhux eliġibbli. Din ir-regola m’għandhiex tapplika fil-każ ta’ ħruġ funġibbli tap ta’ titoli sostnuti minn assi li kienu fuq il-lista ta’ assi eliġibbli tal-Eurosistema fil-10 ta’ Ottubru 2010 jekk l-aħħar ħruġ funġibbli tap seħħ qabel dik id-data. Ħruġ mhux funġibbli tap huwa kkunsidrat li huwa differenti minn titoli sostnuti minn assi.

(*********************)  Dwar it-tieni valutazzjoni ECAI, il-valutazzjoni tal-kreditu mal-ħruġ jirriferi għall-valutazzjoni ta‘ kreditu meta tinħareġ l-ewwel jew tiġi ppubblikata mill-ECAI.”"

(b)

It-tielet inċiż tat-tielet punt tal-ewwel paragrafu jinbidel b’li ġej:

“Il-garanzija għandha tiġi rregolata bil-liġi ta’ Stat Membru tal-UE u tkun valida legalment, u torbot u infurzabbli kontra l-garanti.”

(c)

Il-parti introduttiva tal-ewwel punt tat-tieni paragrafu tinbidel b’dan li ġej:

“Min jagħmel il-ħruġ jew il-garanti tas-settur pubbliku taż-żona tal-euro: Jekk assi negozjabbli jinħareġ jew jiġi ggarantit minn gvern reġjonali, awtorità lokali jew entità fis-settur pubbliku (PSE) stabbiliti fiż-żona tal-euro kif definit fis-CRD, tapplika l-proċedura li ġejja:”

(d)

It-tieni punt tat-tieni paragrafu jinbidel b’li ġej:

“Min jagħmel il-ħruġ jew il-garanti ta’ kumpanniji mhux finanzjarji taż-żona tal-euro: Jekk l-istandards ta’ kreditu għoljin għal assi negozjabbli li jinħarġu/jiġu ggarantiti minn korporazzjonijiet mhux finanzjarji (**********************) stabbiliti fiż-żona tal-euro ma jistgħux jiġu stabbilti fuq il-bażi ta’ valutazzjoni tal-kreditu ECAI għall-ħruġ, min jagħmel il-ħruġ jew il-garanti, ir-regoli ECAF għall-klejms ta’ kreditu ikunu applikabbli u l-kontropartijiet huma permessi li jużaw is-sistema IRB tagħhom stess, is-sistemi ta’ valutazzjoni tal-kreditu in-house tal-BĊNi jew għodod ta’ klassifika ta’ terzi. L-istrumenti tad-dejn negozjabbli mhux klassifikati maħruġin minn korporazzjonijiet mhux finanzjarji mhumiex inklużi fil-lista pubblika ta’ assi negozjabbli eliġibbli.

(**********************)  Ara n-nota ta’ qiegħ il-paġna 12 f’dan il-kapitlu”"

(a)

Fil-punt (ii) fl-ewwel punt (Debituri jew garanti tas-settur pubbliku) tal-ħames paragrafu in-nota ta’ qiegħ il-paġna 35 tinbidel b’dan li ġej:

(b)

Fil-punt (iii) fl-ewwel punt tal-ħames paragrafu nota ta’ qiegħ il-paġna 36 tinbidel b’li ġej:

(c)

Fit-tieni punt (Debituri jew garanti tal-kumpanniji mhux finanzjarji) tal-ħames paragrafu n-nota ta’ qiegħ il-paġna 37 (l-ewwel nota ta’ qiegħ il-paġna f’dak il-punt) tinbidel b’li ġej:

(d)

It-tielet punt tas-sitt paragrafu jinbidel b’li ġej:

“Il-garanzija għandha tiġi rregolata bil-liġi ta’ Stat Membru tal-UE u tkun valida legalment, u torbot u infurzabbli kontra l-garanti.”

(a)

It-tielet punt jinbidel b’li ġej:

“L-Eurosistema tillimita l-użu ta’ strumenti ta’ dejn mhux garantiti maħruġin minn istituzzjoni ta’ kreditu jew minn kull entità oħra li magħha l-istituzzjoni ta’ kreditu għandha rabtiet mill-qrib kif definit fit-Taqsima 6.2.3. Dawn l-assi jistgħu jintużaw biss bħala garanzija minn kontroparti sa fejn il-valur allokat lill-garanzija mill-Eurosistema wara l-applikazzjoni ta’ haircuts ma jaqbiżx l-10 % tal-valur totali tal-garanzija sottomessa minn dik il-kontroparti wara l-haircuts. Dan il-limitu ma japplikax għal dawk l-assi li huma garantiti minn entità fis-settur pubbliku li jkollha dritt timponi t-taxxi, jew jekk il-valur wara l-haircuts tal-assi ma jaqbiżx EUR 50 miljun. F’każ ta’ inkorporazzjoni bejn tnejn jew iżjed li jagħmlu l-ħruġ ta’ dawn l-assi jew it-twaqqif ta’ rabta mill-qrib bejn dawn li jagħmlu l-ħruġ, dawn tal-aħħar jiġu ttrattati bħala grupp wieħed li għamel il-ħruġ, fil-kuntest ta’ din il-limitazzjoni, sa sena biss wara d-data tal-inkorporazzjoni jew it-twaqqif tar-rabta mill-qrib.”

(b)

Fit-Tabella 6 n-nota ta’ qiegħ il-paġna 4 tinbidel b’li ġej;

(a)

Fit-tieni paragrafu, in-nota ta’ qiegħ il-paġna 52 tinbidel b’li ġej:

(b)

Fit-tielet paragrafu, in-nota ta’ qiegħ il-paġna 53 tinbidel b’li ġej:

—

l-istituzzjoni hija awtorizzata taqdi funzjonijiet b’għanijiet speċjali biss;

—

l-istituzzjoni hija ipprojbita milli teżerċita funzjonjijiet bankarji attivi f’kompetizzjoni ma’ istituzzjonijiet ta’ kreditu oħrajn; u/jew

—

l-istituzzjoni hija taħt obbligu legali li jkollha d-depożiti kollha tagħha maħsuba għal għanijiet relatati ma’ assistenza reġjonali u/jew assistenza għal żvilupp internazzjonali.

(a)

Fir-seba' paragrafu (it-tieni paragrafu taħt l-intestatura' Kalkolu tar-rekwiżiti ta’ riżerva), in-nota ta’ qiegħ il-paġna 7 tinbidel b’li ġej:

(b)

Fil-Kaxxa 9, in-nota ta’ qiegħ il-paġna (*) tinbidel b’li ġej:

(a)

Id-definizzjoni ta’ “rabtiet mill-qrib” tinbidel b’li ġej:

“Rabtiet mill-qrib: sitwazzjoni fejn il-kontroparti hija marbuta ma’ min jagħmel ħruġ/debitur/garanti ta’ assi eliġibbli minħabba l-fatt li: (a) il-kontroparti għandha direttament, jew indirettament permezz ta’ impriża waħda jew iżjed, 20 % jew iżjed tal-kapital ta’ min jagħmel il-ħruġ/debitur/garanti; jew (b) min jagħmel il-ħruġ/debitur/garanti għandu direttament, jew permezz impriża waħda jew iżjed, 20 % jew iżjed tal-kapital tal-kontroparti; jew (c) terza parti għandha iżjed minn 20 % tal-kapital tal-kontroparti u iżjed minn 20 % tal-kapital ta’ min jagħmel il-ħruġ/debitur/garanti, jew direttament jew indirettament permezz ta’ impriża waħda jew iżjed.”

(b)

Id-definizzjoni ta’ “istituzzjoni ta’ kreditu” tinbidel b’li ġej:

“Istituzzjoni ta’ kreditu: istituzzjoni ta’ kreditu skont it-tifsira tal-Artikoli 2 u 4(1) tad-Direttiva 2006/48/KE tal-Parlament Ewropew u tal-Kunsill tal-14 ta’ Ġunju 2006 dwar il-bidu u l-eżerċizzju tan-negozju ta’ istituzzjonijiet ta’ kreditu (riformulazzjoni) (**************************), kif implimentata fil-liġi nazzjonali, li huwa suġġett għas-superviżjoni minn awtorità kompetenti; jew istituzzjoni ta’ kreditu oħra skont it-tifsira tal-Artikolu 123(2) tat-Trattat li hija suġġetta għas-superviżjoni ta’ standard paragunabbli mas-superviżjoni minn awtorità nazzjonali kompetenti.

(**************************)  ĠU L 177, 30.6.2006, p. 1.”"

(c)

Id-definizzjoni ta’ “Flus elettroniċi” hija mħassra.

(d)

Tiddaħħal definizzjoni ta’ “Sostenn ta’ likwidità f'transazzjoni ABS”:

“Sostenn ta’ likwidità f’transazzjoni ABS: kull karatteristika strutturali li tista’ tintuża biex tkopri kwalunkwe nuqqas fil-fluss tal-flus kontanti li jista’ jseħħ matul il-ħajja tat-transazzjoni.”

(e)

Id-definizzjoni ta’ “Għodod ta’ klassifikazzjoni” tinbidel b’li ġej:

“Għodod ta’ klassifikazzjoni (RTs): sors ta’ valutazzjoni ta’ kwalità ta’ kreditu provdut fl-ECAF li jiġi pprovdut minn dawk l-entitajiet li jivvalutaw il-kwalità ta‘ kreditu tad-debituri primarjament bl-użu ta’ mudelli kwantitattivi b’mod sistematiku u mekkaniku, billi joqgħodu, fost informazzjoni oħra, fuq kontijiet ivverifikati, u li l-valutazzjonijiet ta’ kreditu tagħhom mhumiex intiżi biex jiġu żvelati lill-pubbliku in ġenerali. Dawn l-entitajiet għandhom jiġu aċċettati individwalment mill-Eurosistema qabel ma jsiru parti mill-ECAF.”

(f)

Id-definizzjoni ta’ “Trattat” tinbidel b’li ġej:

“Trattat: it-Trattat dwar il-Funzjonament tal-Unjoni Ewropea.”

(a)

Fit-Taqsima 1, in-nota ta’ qiegħ il-paġna li ġejja (*) tiżdied fl-aħħar tat-titolu tar-Regolament (KE) Nru 2533/98:

(b)

L-ewwel paragrafu tat-Taqsima 2 jinbidel b’li ġej:

“L-għan tar-Regolament (KE) Nru 25/2009 tal-Bank Ċentrali Ewropew tad-19 ta’ Diċembru 2008 dwar il-karta tal-bilanċ tas-settur tal-istituzzjonijiet finanzjarji monetarji (riformulazzjoni) (BĊE/2008/32) (***************************), huwa li jippermetti lill-BĊE u, skont l-Artikolu 5.2 tal-Istatut tas-SEBĊ, lill-BĊNi — li jwettqu x-xogħol sal-limitu possibbli — biex jiġbru l-materjal statistiku meħtieġ għat-twettiq tal-kompiti tas-SEBĊ u, b’mod partikolari l-kompitu li jiddefinixxu u jimplimentaw il-politika monetarja tal-Unjoni skont l-ewwel inċiż tal-Artikolu 127(2) tat-Trattat dwar il-Funzjonament tal-Unjoni Ewropea. L-informazzjoni statistika miġbura skont ir-Regolament BĊE/2008/32 tintuża biex tistabbilixxi karta tal-bilanċ konsolidata tas-settur tal-istituzzjonijiet finanzjarji monetarji (MFI), li l-mira prinċipali tagħha hija li tipprovdi lill-BĊE bi stampa statistika komprensiva ta’ żviluppi monetarji li jkopru l-assi aggregati finanzjarji u l-passiv tal-MFIs li jinsabu fl-Istati Membri parteċipanti, li huma meqjusa bħala territorju ekonomiku wieħed.

(***************************)  ĠU L 15, 20.1.2009, p. 14.”"

(c)

Ir-raba’ paragrafu tat-Taqsima 2 jinbidel b’li ġej:

“It-tieni, l-obbligi ta’ rappurtar imniżżla fir-Regolament BĊE/2008/32 għandhom josservaw il-prinċipji ta’ trasparenza u ċertezza legali. Ir-raġuni għal dan hija li dak ir-Regolament jorbot kollu kemm hu u japplika direttament fiż-żona tal-euro kollha. Jimponi obbligi direttament fuq persuni naturali jew legali li fuqhom il-BĊE jista’ jimponi sanzjonijiet kull meta r-rekwiżiti ta’ rappurtar tal-BĊE ma’ jiġux imħarsa (ara l-Artikolu 7 tar-Regolament (KE) Nru 2533/98). L-obbligi ta’ rappurtar huma għalhekk definiti b’mod ċar u kull diskrezzjoni eżerċitata mill-BĊE fil-verifika jew il-ġbir obbligatorju ta’ informazzjoni statistika issegwi prinċipji identifikabbli. It-tielet, il-BĊE għandu jimminimizza l-piż ta’ rappurtar involut, skont il-prinċipji statistiċi li jirregolaw l-iżvlupp, il-produzzjoni u t-tixrid ta’ statistika mis-SEBĊ (ara l-Artikolu 3a tar-Regolament (KE) Nru 2533/98). Dawn il-prinċipji huma definiti iktar fl-impenn pubbliku fuq l-istatistika Ewropea mis-SEBĊ, kif ippubblikat fis-sit elettroniku tal-BĊE.”

(d)

Il-ħames paragrafu tat-Taqsima 2 jinbidel b’li ġej:

“Għalhekk, il-materjal ta’ statistika miġbur mill-BĊNi taħt ir-Regolament (KE) BĊE/2008/32 huwa użat ukoll għall-kalkolu tal-bażi tar-riżerva skont ir-Regolament (KE) Nru 1745/2003 tal-BĊE tal-1 ta’ Diċembru 1998 dwar l-applikazzjoni ta’ riżervi minimi (BĊE/2003/9) (****************************).

(****************************)  ĠU L 250, 2.10.2003, p. 10.”"

(e)

Is-sitt paragrafu tat-Taqsima 2 jinbidel b’dan li ġej:

“Ir-Regolament BĊE/2008/32 jiddefinixxi biss, f’termini ġenerali, il-popolazzjoni ta’ rappurtar attwali u l-obbligi ta’ rappurtar tagħha, u l-prinċipji li skont dawn il-BĊE u l-BĊNi normalment jeżerċitaw il-kompetenzi tagħhom biex jivverifikaw jew jiġbru b’mod obbligatorju l-informazzjoni statistika. Id-dettalji tal-informazzjoni statistika li għandhom ikunu rapportati biex jikkonformaw mar-rekwiżiti ta’ rappurtar statistiku tal-BĊE u l-istandards minimi li għandhom ikunu segwiti huma speċifikati fl-Annessi I sa IV tar-Regolament BĊE/2008/32.”

(f)

It-Taqsima 3 tinbidel b’li ġej:

“MFIs jikkomprendu istituzzjonijiet ta’ kreditu residenti kif definiti fil-liġijiet tal-Unjoni, u l-istituzzjonijiet finanzjarji residenti l-oħra kollha li n-negozju tagħhom huwa li jirċievu depożiti u/jew sostituti viċini għal depożiti minn entitajiet oħra għajr l-MFIs u li, għall-kontijiet tagħhom (għall-inqas f’termini ekonomiċi) jikkonċedu krediti u/jew jinvestu f'titoli. Il-BĊE jistabbilixxi u jżomm lista ta’ istituzzjonijiet skont din id-definizzjoni u skont il-prinċipji għall-klassifika speċifikati fl-Anness I tar-Regolament BĊE/2008/32. Il-kompetenza biex tiġi stabbilita u miżmuma din il-lista ta’ MFIs għal finijiet statistiċi hija tal-Bord Eżekuttiv tal-BĊE. Il-popolazzjoni ta’ MFIs residenti fiż-żona tal-euro tikkostitwixxi l-popolazzjoni attwali ta’ rappurtar. Il-BĊNi huma intitolati li jagħtu derogi lil MFIs żgħar skont l-Artikolu 8 tar-Regolament BĊE/208/32. Dawn id-derogi jippermettu lill-BĊNi li japplikaw l-metodu ta’ ‘cutting off the tail’.”

(g)

It-Taqsima 4 tinbidel b’li ġej:

“Biex tiġi stabbilita l-karta tal-bilanċ konsolidata, il-popolazzjoni attwali residenti ta’ rappurtar għandha tirrapporta informazzjoni statistika relatata mal-karta tal-bilanċ tagħhom fuq bażi ta’ kull xahar. Aktar informazzjoni hija meħtieġa fuq il-bażi trimestrali. L-informazzjoni statistika li għandha tiġi rappurtata hija speċifikata iktar fl-Anness I tar-Regolament BĊE/2008/32. Id-dejta statistika rilevanti tinġabar mill-BĊNi, li għandhom jiddefinixxu l-proċeduri ta’ rappurtar li għandhom jiġu segwiti.

Ir-Regolament BĊE/2008/32 ma jżommx lill-BĊNi milli jiġbru, mill-popolazzjoni attwali ta’ rappurtar, l-informazzjoni statistika meħtieġa biex tikkonforma mar-rekwiżiti statistiċi tal-BĊE bħala parti minn qafas ta’ rappurtar statistiku aktar wiesa’ li l-BĊNi jistabbilixxu taħt ir-responsabbiltà tagħhom stess skont id-dritt tal-Unjoni jew nazzjonali jew prattika stabbilita u li sservi finijiet oħra ta’ statistika. Madankollu, dan għandu jkun mingħajr preġudizzju għar-rekwiżiti statistiċi li hemm fir-Regolament BĊE/2008/32. F’każijiet speċifiċi, il-BĊE jista’ jiddependi fuq informazzjoni statistika miġbura għal dawn l-iskopijiet biex jiġu sodisfatti r-rekwiżiti tiegħu.

Il-konsegwenza li tingħata deroga minn BĊN kif definit hawn fuq hija li l-MFIs żgħar konċernati jkunu suġġetti għal obbligi mnaqqsa ta’ rappurtar (li jimplika, fost ħwejjeġ oħra, rappurtar trimestrali biss) li huma obbligatorji fil-kuntest ta’ riżervi minimi u huma speċifikati fl-Anness III li tar-Regolament BĊE 2008/32. Rekwiżiti għal dawk l-MFIs żgħar li mhumiex istituzzjonijiet ta’ kreditu huma stabbiliti fl-Artikolu 8 ta’ dak ir-Regolament. Madankollu, l-MFIs li jkunu ngħataw deroga għandhom l-għażla li jikkonformaw mar-rekwiżiti ta’ rappurtar sħiħ.”

(h)

L-ewwel sat-tmien paragrafi tat-Taqsima 5 huwa mibdulin b’li ġej:

“Biex jiġi minimizzat il-piż tar-rappurtar u biex tiġi evitata kull duplikazzjoni fil-ġbir ta’ informazzjoni statistika, l-informazzjoni statistika dwar il-karta ta’ bilanċ rappurtata mill-MFIs taħt ir-Regolament BĊE/2008/32 tintuża wkoll biex tiġi kkalkulata l-bażi ta’ riżerva taħt ir-Regolament BĊE/2003/9.

Tassew, għall-finijiet ta’ statistika, l-aġenti għar-rappurtar għadhom jirrapportaw dejta lill-BĊN rispettiv tagħhom skont il-qafas tat-Tabella 1 iktar ’l isfel, li hija inkluża fl-Anness III tar-Regolament BĊE/2008/32. Fit-Tabella 1, il-kaxxi mmarkati b' ‘*’ huma użati mill-istituzzjonijiet tar-rappurtar biex jikkalkulaw il-bażi tar-riżerva tagħhom (ara l-Kaxxa 9 fil-Kapitlu 7).

Sabiex isir kalkolu korrett tal-bażi tar-riżerva li għaliha huwa applikat proporzjon pożittiv ta’ riserva, tqassim dettaljat huwa meħtieġ għal depożiti b’maturità miftiehma ta’ aktar minn sentejn, għal depositi li jistgħu jinfdew b’avviż ta’ aktar minn sentejn u għal passiv repo ta’ istituzzjonijiet ta’ kreditu vis-à-vis d-(‘domestiċi’ u ‘Stati Membri parteċipanti oħrajn’) ‘MFIs’, ‘istituzzjonijiet ta’ kreditu suġġetti għal riżervi minimi, il-BĊE u l-BĊNi’ u s-setturi tal-‘Gvern Ċentrali’, u fil-konfront tal-‘bqija tad-dinja’.

Barra minn dan, skont is-sistemi nazzjonali ta’ ġbir u mingħajr preġudizzju għall-konformità sħiħa mad-definizzjonijiet u l-prinċipji ta’ klassifika tal-karta tal-bilanċ tal-MFI stabbiliti f’dan ir-Regolament BĊE/2008/32, istituzzjonijiet ta’ kreditu suġġetti għar-rekwiżiti ta’ riżervi minimi jistgħu alternattivament jirrappurtaw deja meħtieġa biex jikkalkolaw il-bażi tar-riżerva, minbarra dawk fi strumenti negozjabbli, skont it-Tabella 1a, iżda m’għandhomx jiġu affettwati l-pożizzjonijiet stampati bil-grassett tat-Tabella 1.

L-Anness III tar-Regolament BĊE/2008/32 fih dispożizzjonijiet speċifiċi u tranżitorji u dispożizzjonijiet dwar inkorporazzjonijiet li jinvolvu istituzzjonijiet ta’ kreditu fir-rigward tal-applikazzjoni tas-sistema ta’ riżervi minimi.

L-Anness III tar-Regolament BĊE/2008/32 jinkludi, b’mod partikolari, skema ta’ rappurtar għall-istituzzjonijiet ta’ kreditu fid-‘denb’. Istituzzjonijiet tal-kreditu fid-‘denb’ għandhom jirrapportaw, bħala minimu, id-dejta trimestrali meħtieġa għall-kalkolu tal-bażi tar-riżerva skont it-Tabella 1a. Dawn l-istituzzjonijiet jiżguraw li r-rappurtar skont it-Tabella 1a huwa konsistenti għal kollox mad-definizzjonijiet u l-klassifiki applikabbli fit-Tabella 1. Id-dejta tal-bażi tar-riżerva tal-istituzzjonijiet tad-denb għal tliet perijodi ta’ żamma ta’ riżerva huma bbażati fuq dejta tal-aħħar tat-trimestru miġbura mill-BĊNi.

L-Anness III jinkludi wkoll dispożizzjonijiet dwar ir-rappurtar fuq bażi aggregata bħala grupp mill-istituzzjonijiet ta’ kreditu. Meta jirċievu awtorizzazzjoni mill-BĊE, l-istituzzjonijiet ta’ kreditu suġġetti għar-riżervi minimi ġewwa territorju nazzjonali wieħed jistgħu jirrapportaw deja statistika dwar il-bażi ta’ riżerva konsolidata bħala grupp, sakemm l-istituzzjonijiet kollha kkonċernati jkunu kollha rrinunzjaw għall-benefiċċju ta’ kull allowance f’somma waħda mir-rekwiżit ta’ riżerva. Il-benefiċċju ta’ allowance f’somma waħda jibqa’, madankollu, għall-grupp kollu in ġenerali. Jekk grupp ta’ istituzzjonijiet ta’ kreditu tħalla jżomm riżervi minimi permezz ta’ intermedjarju imma ma jibbenefikax minn dan ir-rappurtar ta’ grupp, il-BĊN rilevanti jista’ jawtorizza l-intermedjarju biex jagħmel rappurtar statistiku aggregat (li ma jkunx tal-bażi ta’ riżerva) f’isem dan il-grupp ta’ istituzzjonijiet ta’ kreditu. F’dan il-każ, il-benefiċċju ta’ allowance f’somma f’daqqa jibqa’ għal kull membru tal-grupp. L-istituzzjonijiet kollha ikkonċernati huma inklużi separatament fil-lista tal-MFIs tal-BĊE.

Barra minn hekk, l-anness jinkludi dispożizzjonijiet li għandhom jiġu applikati fil-każ ta’ inkorporazzjonijiet li jinvolvu istituzzjonijiet ta’ kreditu. It-termini ‘inkorporazzjoni’, ‘istituzzjonijiet li qed jinkorporaw’ u ‘istituzzjoni li takkwista’ għandhom l-istess tifsira stabbilita fl-Artikolu 1 tar-Regolament BĊE/2003/9. Għall-perijodu ta’ żamma li fih isseħħ inkorporazzjoni, ir-rekwiżiti ta’ riżerva tal-istituzzjoni li takkwista huma kkalkulati u għandhom jiġu sodisfatti kif stabbilit fl-Artikolu 13 ta’ dak ir-Regolament. Għal perjodi konsekuttivi ta’ żamma ta’ riżerva, ir-rekwiżiti tar-riżerva tal-istituzzjoni li takkwista huma kalkolati fuq il-bażi tal-bażi ta’ riżerva u fuq l-informazzjoni statistika skont ir-regoli speċifiċi (ara t-tabella fl-Anness III tar-Regolament BĊE/1998/16), jekk applikabbli. Jekk le, japplikaw ir-regoli normali għar-rappurtar ta’ informazzjoni statistika u l-kalkolu tar-rekwiżiti ta’ riżerva, kif stabbilit fl-Artikolu 3 tar-Regolament BĊE/2003/9. Barra minn dan, il-BĊN relevanti jista’ jawtorizza lill-istituzzjoni li takkwista li twettaq l-obbligi tagħha biex tirrapporta informazzjoni statistika permezz ta’ proċeduri temporanji. Din id-deroga mill-proċeduri normali ta’ rappurtar għandha tkun limitata għall-anqas żmien possibbli u, f’kull każ, m’għandhiex taqbeż is-sitt xhur minn mindu tkun seħħet l-inkorporazzjoni. Din id-deroga hija mingħajr preġudizzju għall-obbligu tal-istituzzjoni li takkwista li twettaq l-obbligi tagħha ta’ rappurtar skont ir-Regolament BĊE/2008/32 u, jekk applikabbli, l-obbligu tagħha li tassumi l-obbligi tar-rappurtar ta’ istituzzjonijiet li qed jinkorporaw.”

(i)

It-Taqsima 6 tinbidel b’li ġej:

“Il-BĊE nnifsu u l-BĊNi normalment jeżerċitaw il-kompetenza li jivverifikaw u jiġbru b’mod obbligatorju l-informazzjoni statistika kull meta l-istandards minimi għat-trasmissjoni, il-preċiżjoni, il-konformità konċettwali u r-reviżjonijiet ma jkunux imħarsa. Dawn l-istandards minimi huma stabbiliti fl-Anness IV tar-Regolament BĊE/2008/32.”

(j)

It-Taqsima 7 tinbidel b’li ġej:

“Billi regolament taħt l-Artikolu 34.1 tal-Istatut tas-SEBĊ ma jikkonferixxix drittijiet jew ma jimponi l-ebda obbligu fuq l-Istati Membri b’deroga (l-Artikolu 42.1 tal-Istatut tas-SEBĊ) u fuq id-Danimarka (l-Artikolu 2 tal-Protokoll dwar ċerti dispożizzjonijiet li jirrigwardaw id-Danimarka) u mhux applikabbli għar-Renju Unit (l-Artikolu 8 tal-Protokoll dwar ċerti dispożizzjonijiet li jirrigwardaw ir-Renju Unit tal-Gran Brittanja u l-Irlanda ta’ Fuq), ir-Regolament BĊE/2008/32 japplika biss għall-Istati Membri parteċipanti.

Madankollu, l-Artikolu 5 tal-Istatut li jikkonċerna l-kompetenza tal-BĊE u l-BĊNi fil-qasam tal-istatistika u r-Regolament (KE) Nru 2533/98 japplikaw fl-Istati Membri kollha. Dan jimplika wkoll, flimkien mat-tieni u t-tielet inċiżi tal-Artikolu 4(3) tat-Trattat, obbligu fuq l-Istati Membri li ma jipparteċipawx biex jiddisinjaw u jimplimentaw fil-livell nazzjonali l-miżuri kollha li huma jqisu xierqa sabiex iwettqu l-ġbir tal-informazzjoni kollha statistika meħtieġa biex jissodisfaw ir-rekwiżiti tar-rappurtar statistiku tal-BĊE u l-preparazzjonijiet f’waqthom fil-qasam tal-istatistika sabiex ikunu jistgħu jsiru Stati Membri parteċipanti. Dan l-obbligu huwa espliċitu fl-Artikolu 4 u fil-premessa 17 tar-Regolament (KE) Nru 2533/98. Għal raġunijiet ta’ trasparenza, dan l-obbligu speċjali jiġi mtenni fil-premessi tar-Regolament BĊE/2008/32.”

(k)

It-tabella tinbidel b’din li ġejja:

“Tabella 1

Stokks tax-xahar (6)