ISSN 1725-5104 doi:10.3000/17255104.L_2010.131.mlt |
||
Il-Ġurnal Uffiċjali tal-Unjoni Ewropea |
L 131 |
|
Edizzjoni bil-Malti |
Leġiżlazzjoni |
Volum 53 |
Werrej |
|
II Atti mhux leġislattivi |
Paġna |
|
|
REGOLAMENTI |
|
|
* |
||
|
* |
||
|
|
||
|
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġislattivi
REGOLAMENTI
29.5.2010 |
MT |
Il-Ġurnal Uffiċjali tal-Unjoni Ewropea |
L 131/1 |
REGOLAMENT TA’ IMPLIMENTAZZJONI TAL-KUNSILL (UE) Nru 467/2010
tal-25 ta’ Mejju 2010
li jimponi dazju anti-dumping definittiv fuq importazzjonijiet tas-silikon li joriġina fir-Repubblika Popolari taċ-Ċina, kif estiż għal importazzjonijiet tas-silikon kkonsenjat mir-Repubblika tal-Korea, kemm jekk iddikjarat li joriġina fir-Repubblika tal-Korea kemm jekk le, wara reviżjoni tal-iskadenza skont l-Artikolu 11(2) u reviżjoni interim parzjali skont l-Artikolu 11(3) tar-Regolament (KE) Nru 1225/2009
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KEE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”) u b’mod partikolari l-Artikoli 9 u 11(2) u 11(3) tiegħu,
Wara li kkunsidra l-proposta sottomessa mill-Kummissjoni, wara konsultazzjoni mal-Kumitat Konsultattiv,
Billi:
A. PROĊEDURA
1. Miżuri fis-seħħ
(1) |
F’Marzu 2004, wara reviżjoni ta’ skadenza, il-Kunsill, bir-Regolament (KE) Nru 398/2004 (2), impona dazju anti-dumping definittiv fuq l-importazzjonijiet tas-silikon li joriġina fir-Repubblika Popolari taċ-Ċina (“RPĊ”). Ir-rata tad-dazju definittiv applikabbli għall-prezz nett, frank fuq il-fruntiera tal-Unjoni, qabel id-dazju, kienet ta’ 49 %. Il-miżuri oriġinali kienu ġew imposti bir-Regolament tal-Kummissjoni (KE) Nru 2200/90 (3). |
(2) |
F’Jannar 2007, bir-Regolament tal-Kunsill (KE) Nru 42/2007 (4) id-dazju anti-dumping definittiv ġie estiż għal importazzjonijiet ta’ silikon ikkonsenjat mir-Repubblika tal-Korea, kemm jekk iddikjarat li joriġina mir-Repubblika tal-Korea kemm jekk le. |
2. Talba għal reviżjoni ta’ skadenza u reviżjoni interim parzjali
(3) |
Wara l-pubblikazzjoni, f’Ottubru 2008, ta’ avviż ta’ skadenza imminenti tal-miżuri anti-dumping applikabbli għal importazzjonijiet tas-silikon li joriġinaw fir-RPĊ (5), il-Kummissjoni rċeviet fl-1 ta’ Diċembru 2008 talba għal reviżjoni skont l-Artikolu 11(2) tar-Regolament bażiku. Barra minn hekk, fit-18 ta’ Diċembru 2008 l-Kummissjoni rċeviet talba għal reviżjoni interim parzjali skont l-Artikolu 11(3) tar-Regolament bażiku. |
(4) |
It-talba għal reviżjoni tal-iskadenza tressqet minn Euroalliages (Kumitat ta’ Kollegament tal-Ferro-Alloy Industry) f’isem il-produtturi tal-Unjoni li jirrappreżentaw proporzjon ewlieni, f’dan il-każ 100 %, tal-produzzjoni totali tal-Unjoni tas-silikon. It-talba kienet imsejsa fuq ir-raġuni li l-iskadenza tal-miżuri aktarx twassal għall-issoktar ta’ dumping u r-rikorrenza ta’ ħsara għall-industrija tal-Unjoni. |
(5) |
It-talba għal reviżjoni interim parzjali ġiet ippreżentata mill-EUSMET (Utenti Ewropej tal-Metall tas-Silikon), u hi limitata fl-ambitu għall-verifika tad-dumping. It-talba kienet imsejsa fuq evidenza prima facie li ċ-ċirkostanzi li abbażi tagħhom il-miżuri ġew stabbiliti nbidlu u li ċ-ċirkostanzi l-ġodda kienu għal tul ta’ żmien. |
(6) |
Wara li ġie determinat, wara konsultazzjoni mal-Kumitat Konsultattiv, li teżisti biżżejjed prova għall-bidu ta’ reviżjoni ta’ skadenza u ta’ reviżjoni interim skont l-Artikoli 11(2) u 11(3) rispettivament tar-Regolament bażiku, il-Kummissjoni ppubblikat avviż ta’ bidu ta’ dawn ir-reviżjonijiet f’Il-Ġurnal Uffiċjali tal-Unjoni Ewropea (6) (“avviż ta’ bidu”). |
3. Investigazzjoni
(7) |
Il-Kummissjoni avżat b’mod uffiċjali lill-produtturi tal-Unjoni li applikaw, lill-produtturi esportaturi fir-RPĊ, lill-importaturi/negozjanti, lill-utenti fl-Unjoni magħrufa li huma kkonċernati u lill-għaqdiet tagħhom kif ukoll lill-awtoritajiet tar-RPĊ bil-bidu tar-reviżjonijiet. |
(8) |
Fid-dawl tan-numru li jidher għoli ta’ produtturi esportaturi miċ-Ċina li tagħhom hemm lista fit-talbiet, sar ħsieb biex iseħħ it-teħid tal-kampjuni fl-avviż ta’ bidu għad-determinazzjoni tad-dumping u l-probabbiltà ta’ rikorrenza jew kontinwazzjoni ta’ dumping, skont l-Artikolu 17 tar-Regolament bażiku. |
(9) |
Sabiex il-Kummissjoni tkun tista’ tiddeċiedi jekk it-teħid ta’ kampjuni hux meħtieġ, u jekk iva, li tagħżel kampjun, il-produtturi esportaturi kollha ntalbu jippreżentaw irwieħhom quddiem il-Kummissjoni u jipprovdu, kif speċifikat fl-avviż ta’ bidu, informazzjoni bażika dwar l-attivitajiet tagħhom li huma relatati mal-prodott ikkonċernat matul il-perjodu mill-1 ta’ Jannar 2008 sal-31 ta’ Diċembru 2008. |
(10) |
Il-Kummissjoni rċeviet tweġibiet minn 11-il kumpanija jew gruppi ta’ kumpaniji fir-RPĊ. Iżda, wara eżami tal-informazzjoni mibgħuta minn dawn il-kumpaniji kien jidher li għadd żgħir biss ta’ tweġibiet kienu saru minn kumpaniji li jesportaw is-silikon prodott minnhom stess lejn l-Unjoni Ewropea. Għalhekk ittieħdet id-deċiżjoni li t-teħid ta’ kampjuni ma kienx meħtieġ fir-rigward tal-produtturi esportaturi Ċiniżi. |
(11) |
Il-kumpaniji jew gruppi ta’ kumpaniji kollha fir-RPĊ imsemmija hawn fuq stqarru wkoll il-ħsieb tagħhom li jitolbu eżami individwali b’applikazzjoni tal-Artikolu 17(3) tar-Regolament bażiku. |
(12) |
Il-Kummissjoni bagħtet formoli ta’ talba għal trattament ta’ ekonomija tas-suq (“TES”) jew trattament individwali (“TI”) lill-produtturi esportaturi Ċiniżi magħrufa li huma kkonċernati. It-talbiet għal TES, jew għal TI f’każ li l-investigazzjoni tistabbilixxi li l-produtturi esportaturi ma ssodisfawx il-kundizzjonijiet għal TES, waslu minn tliet esportaturi Ċiniżi. Iżda, wieħed minn dawn l-esportaturi rtira t-talba tiegħu sussegwentement, filwaqt li t-tnejn l-oħra nstabu li ma kinux qed jesportaw silikon prodott minnhom stess lejn l-Unjoni Ewropea matul il-PI. It-talbiet ta’ dawn iż-żewġ kumpaniji għalhekk ma tqisux. |
(13) |
Barra minn hekk, sitt kumpaniji jew gruppi ta’ kumpaniji oħra Ċiniżi bagħtu l-formoli ta’ talba għal TI. Iżda, matul l-investigazzjoni, tliet kumpaniji waqfu milli jikkooperaw. Mit-tliet gruppi ta’ kumpaniji li jifdal, waħda bigħet il-prodott ikkonċernat lil kummerċjant mhux relatat. L-investigazzjoni ma setgħetx tistabbilixxi b’ċertezza jekk is-suq tal-Unjoni kienx id-destinazzjoni aħħarija tal-bejgħ. Billi dan il-grupp ta’ kumpaniji ma jistax, għalhekk, jitqies bħala produttur esportatur, it-talba għal trattament individwali kellha tiġi miċħuda. Kif deher fil-premessa (30), għal kumpanija waħda fejn il-kooperazzjoni kienet mhux suffiċjenti fit-tifsira tal-Artikolu 18 tar-Regolament bażiku, dak li nstab kien imsejjes fuq il-fatti disponibbli. It-talba għal TI tal-kumpanija li jibqa’ nstab li ma tistax tintlaqa’. |
(14) |
Fl-aħħar nett, miż-żewġ kumpaniji li jibqa’ li qed jitolbu li jkunu inklużi fil-kampjun u li jkollhom eżami individwali, waħda biss bagħtet it-tweġiba tal-kwestjonarju fil-ħin kif indikat fl-avviż ta’ bidu. Din il-kumpanija iżda ma esportatx il-prodott ikkonċernat lejn is-suq tal-Unjoni. |
(15) |
Il-Kummissjoni bagħtet kwestjonarji lill-partijiet kollha magħrufa li huma kkonċernati u lil dawk li talbu kwestjonarju fil-limitu taż-żmien stabbilit fin-notifika ta’ bidu. |
(16) |
Il-Kummissjoni tat ukoll l-opportunità lill-partijiet interessati jippreżentaw il-fehmiet tagħhom bil-miktub u jitolbu seduta fil-limitu ta’ żmien stipulat fl-avviż ta’ bidu. |
(17) |
Waslu risposti għall-kwestjonarju mill-produtturi applikanti tal-Unjoni, 12-il utent, żewġ assoċjazzjonijiet tal-utenti, sitt esportaturi/produtturi fiċ-Ċina u tliet produtturi fil-pajjiż analogu. |
(18) |
Il-Kummissjoni fittxet u vverifikat it-tagħrif kollu li qieset meħtieġ għall-għan tad-determinazzjoni tal-possibbiltà ta’ kontinwazzjoni jew rikorrenza ta’ dumping u ħsara u għad-determinazzjoni tal-interess tal-Unjoni. Seħħu żjarat ta’ verifika fl-istabbilimenti tal-kumpaniji li ġejjin:
|
4. Perjodu ta’ investigazzjoni ta’ reviżjoni u perjodu meqjus
(19) |
L-investigazzjoni li tirrigwarda l-issoktar jew ir-rikorrenza ta’ dumping u ħsara kopriet il-perjodu mill-1 ta’ Jannar 2008 sat-31 ta’ Diċembru 2008 (“PIR” jew “Perjodu ta’ Investigazzjoni ta’ Reviżjoni”). |
(20) |
L-eżami tat-tendenzi rilevanti għall-valutazzjoni tal-probabbiltà ta’ ssoktar jew rikorrenza ta’ ħsara kopriet il-perjodu mill-1 ta’ Jannar 2005 sal-aħħar tal-PIR (“il-perjodu kkunsidrat”). |
B. PRODOTT IKKONĊERNAT U PRODOTT SIMILI
1. Il-prodott ikkonċernat
(21) |
Il-prodott ikkonċernat huwa l-istess bħal dak fl-investigazzjoni ta’ qabel, jiġifieri metal tas-silikon li joriġina mir-RPĊ, li bħalissa jaqa’ taħt il-kodiċi NM 2804 69 00 (il-kontenut tas-silikon peżat inqas minn 99,99 %). Sempliċement minħabba l-klassifika preżenti stabbilita fin-Nomenklatura Magħquda, għandu jinqara bħala “silikon”. Is-silikon li huwa iktar pur, jiġifieri li jkollu mhux inqas minn 99,99 % ta’ silikon peżat, użat l-iktar fl-industrija elettronika tas-semiconductors, jaqa’ taħt Kodiċi NM differenti u mhux kopert minn din il-proċedura. |
(22) |
Is-silikon jiġi prodott fi fran bi skarika tal-elettriku forma ta’ ark u bl-elettrodi mgħaddsa permezz tat-tnaqqis karbotermiku tal-kwarz (silika) fil-preżenza ta’ diversi tipi ta’ riduċenti tal-karbonju. Jitqiegħed fis-suq taħt forma ta’ balal, frakk żgħir, granulat jew trabb skont l-ispeċifikazzjonijiet tekniċi li jirrigwardaw il-purità tiegħu aċċettati b’mod internazzjonali. |
(23) |
Is-silikon huwa primarjament użat minn żewġ industriji: l-industrija tal-kimika għall-produzzjoni tal-metilklorosilani jew it-triklorosilani u t-tetraklorosilikon, u l-industrija tal-aluminju għall-prodotti tal-lieġa tal-aluminju, smelters primarji u sekondarji, maħsuba għall-produzzjoni ta’ lieġi fonduti għal bosta industriji, partikolarment l-industrija tal-karozzi u dik tal-bini. |
2. Prodott simili
(24) |
Bħal fir-reviżjonijiet ta’ skadenza ta’ qabel, din l-investigazzjoni wriet li s-silikon prodott fir-RPĊ u esportat lejn l-Unjoni, is-silikon prodott u mibjugħ fis-suq domestiku tal-pajjiż analogu (il-Brażil) u dak immanifatturat u mibjugħ fl-Unjoni mill-produtturi tal-Unjoni applikanti għandhom l-istess karatteristiċi bażiċi fiżiċi u kimiċi u l-istess użi bażiċi. |
(25) |
Għaldaqstant il-konklużjoni kienet li dawn il-prodotti għandhom jitqiesu li huma prodotti simili skont it-tifsira tal-Artikolu 1(4) tar-Regolament bażiku. |
C. DUMPING
1. Trattament tal-Ekonomija tas-Suq
(26) |
Kif imsemmi fil-premessa (12), matul l-investigazzjoni, it-tliet kumpaniji li talbu t-TES jew ma kinux jesportaw silikon prodott minnhom stess lejn l-Unjoni Ewropea jew irtiraw it-talba tagħhom għal TES. Għalhekk it-TES ma ngħatax lill-ebda kumpanija. |
2. Trattament individwali (“TI”)
(27) |
Bħala regola ġenerali, skont l-Artikolu 2(7)(a) tar-Regolament bażiku, dazju fuq skala nazzjonali, jekk jeżisti, jiġi stabbilit għall-pajjiżi li jaqgħu taħt dan l-Artikolu, ħlief f’dawk il-każijiet fejn il-kumpaniji jistgħu juru li jissodisfaw il-kriterji kollha stipulati fl-Artikolu 9(5) tar-Regolament bażiku u għalhekk jistgħu jingħataw TI. |
(28) |
Fil-qosor, u biss biex ir-referenza tkun eħfef, dawn il-kriterji huma ppreżentati fil-qosor hawn taħt:
|
(29) |
Ta’ min l-ewwel jinnota li l-kumpanija msemmija fil-premessa (12) li l-ewwel ressqet talba għal TES imbagħad irtirat it-talba tagħha għal TES irtirat ukoll it-talba tagħha għal TI. Din it-talba għalhekk ma ġietx eżaminata aktar. |
(30) |
Mis-sit kumpaniji jew gruppi ta’ kumpaniji li għamlu talba għal TI biss, tlieta ma baqgħux jikkooperaw u waħda ma pprovditx it-tagħrif meħtieġ fiż-żmien stabbilit u għalhekk xekklet b’mod sinifikanti l-investigazzjoni skont it-tifsira tal-Artikolu 18 tar-Regolament bażiku. Għalhekk tqiesu bħala li ma kinux qed jikkooperaw u kull ma nstab dwarhom kien imsejjes fuq il-fatti disponibbli skont l-Artikolu 18(1) tar-Regolament bażiku. |
(31) |
L-erba’ kumpaniji jew gruppi ta’ kumpaniji kkonċernati ġew notifikati dwar il-probabbiltà tal-applikazzjoni tal-fatti disponibbli u r-raġunijiet l-għala u ngħataw iċ-ċans li jipprovdu aktar spjegazzjonijiet skont l-Artikolu 18(4) tar-Regolament bażiku. Iżda, ma waslet ebda evidenza jew tagħrif ġdid minn ebda waħda mill-erba’ kumpaniji li seta’ jagħmel tajjeb għan-nuqqasijiet tat-tweġibiet mibgħuta jew jibdel il-konklużjoni li għalihom għandu jiġi applikat l-Artikolu 18 tar-Regolament bażiku. |
(32) |
Miż-żewġ gruppi ta’ kumpaniji li jifdal, kif intwera fil-premessa (13), grupp wieħed ta’ kumpaniji ma jistax jitqies bħala produttur esportatur tal-prodott ikkonċernat u għalhekk it-talba tiegħu għal trattament individwali ma setgħetx tiġi vvalutata. |
(33) |
L-esportatur l-ieħor instab li kien jissodisfa l-kriterji kollha stabbiliti fl-Artikolu 9(5) tar-Regolament bażiku. |
(34) |
Minn dan ta’ hawn fuq, il-konklużjoni hi li għandu jingħata TI lil Jinneng Group. |
3. Valur normali
3.1. Pajjiż analogu
(35) |
Skont l-Artikolu 2(7)(a) tar-Regolament bażiku, il-valur normali għall-produtturi esportaturi li ma ngħatawx TES irid jiġi stabbilit fuq il-bażi tal-prezzijiet jew tal-valur mibni f’pajjiż analogu. Għalkemm intużat in-Norveġja bħala pajjiż analogu fl-investigazzjoni oriġinali u fir-reviżjonijiet tal-iskadenza ta’ wara, l-investigazzjoni preżenti wriet li ċ-ċirkustanzi fir-rigward tas-suq Norveġiż kienu nbidlu b’mod sinifikanti. Għalhekk, il-produzzjoni domestika fin-Norveġja naqset b’madwar 20 % bejn l-2005 u l-2008 u l-importazzjonijiet tas-silikon fin-Norveġja kienu jirrappreżentaw 97 % tal-konsum domestiku. Matul il-PI, kien hemm produttur domestiku wieħed biss jissupplixxi s-suq domestiku. |
(36) |
Għaldaqstant, il-Brażil, kif ġie ssuġġerit miż-żewġ applikanti, tqis bħala pajjiż b’ekonomija tas-suq xierqa fl-avviż ta’ inizjazzjoni. Tabilħaqq, l-investigazzjoni wriet li l-Brażil huwa t-tieni l-akbar produttur tas-silikon fid-dinja wara r-RPĊ u li s-suq Brażiljan huwa kompetittiv ħafna b’seba’ produtturi tas-silikon preżenti, li jipproduċu bosta gradi differenti ta’ silikon. Il-Brażil tqis ukoll li hu suq miftugħ b’volumi ta’ importazzjoni sinifikanti l-aktar mir-RPĊ. Għalkemm intalbu jikkummentaw dwar l-għażla tal-Brażil, ebda waħda mill-partijiet interessati ma għamlet dan. |
(37) |
Fid-dawl ta’ dan ta’ hawn fuq, u fuq il-bażi tat-tagħrif disponibbli meta kienet qed issir l-għażla, il-konklużjoni kienet li l-Brażil kien l-aktar pajjiż analogu xieraq. |
3.2. Determinazzjoni tal-valur normali fil-pajjiż analogu
(38) |
Tliet produtturi fil-Brażil ikkooperaw billi bagħtu tagħrif dwar il-kost u l-bejgħ tas-silikon fis-suq domestiku Brażiljan. Skont l-Artikolu 2(7)(a) tar-Regolament bażiku, il-valur normali għall-produtturi esportaturi li ma ngħatawx TES ġie stabbilit fuq il-bażi ta’ tagħrif ivverifikat li ngħata minn dawn il-produtturi kif stabbilit hawn taħt. |
(39) |
Ġie eżaminat jekk kull tip tal-prodott ikkonċernat li nbiegћ fi kwantitajiet rappreżentattivi fis-suq domestiku tal-Brażil setax jitqies li kien qed jinbiegћ fl-andament normali tal-kummerċ skont l-Artikolu 2(4) tar-Regolament bażiku. Dan sar billi gћal kull tip ta’ prodott ġie stabbilit il-proporzjon tal-bejgћ bi qligħ lill-klijenti indipendenti fis-suq domestiku matul il-perjodu tal-investigazzjoni. |
(40) |
Fejn il-volum tal-bejgħ ta’ tip ta’ prodott, mibjugħ bi prezz nett ta’ bejgħ daqs jew ogħla mill-ispiża tal-produzzjoni kkalkulata rrappreżenta aktar minn 80 % tal-volum totali ta’ bejgħ ta’ dan it-tip, u fejn il-prezz medju differenzjat ta’ dan it-tip kien daqs jew ogħla mill-ispiża tal-produzzjoni, il-valur normali ġie bbażat fuq il-prezz domestiku effettiv. Dan il-prezz ġie kkalkulat bħala l-medja differenzjata tal-prezzijiet tal-bejgħ domestiku kollu ta’ dan it-tip matul il-PI, sew jekk dan il-bejgħ kienx bi qligħ u sew jekk le. |
(41) |
Fejn il-volum ta’ bejgħ bi profitt ta’ tip ta’ prodott irrappreżenta 80 % jew inqas tal-volum totali ta’ bejgħ ta’ dan it-tip, jew fejn il-prezz medju differenzjat ta’ dan it-tip kien taħt il-kost ta’ produzzjoni, il-valur normali kien ibbażat fuq il-prezz domestiku attwali, ikkalkulat bħala medja differenzjata ta’ bejgħ bi profitt ta’ dan it-tip biss. |
(42) |
Skont it-tip ta’ prodott, il-valur normali ġie stabbilit fuq il-medja differenzjata tal-prezzijiet ta’ bejgħ tal-bejgħ kollu jew il-medja differenzjata tal-prezzijiet ta’ bejgħ tal-bejgħ bi qligħ biss, fis-suq domestiku tal-pajjiż analogu abbażi tad-data verifikata ta’ tliet produtturi f’dan il-pajjiż. |
4. Prezz ta’ esportazzjoni
Kumpanija TI
(43) |
Il-bejgħ kollu ta’ esportazzjoni lejn l-Unjoni Ewropea mill-produttur esportatur ewlieni li ngħata TI sar permezz ta’ kummerċjant relatat li jinsab fir-RPĊ u sussegwentement inbiegħ lil klijenti mhux relatati fl-Unjoni. F’dan il-każ il-prezz ta’ esportazzjoni ġie stabbilit fuq il-bażi tal-Artikolu 2(8) tar-Regolament bażiku. |
(44) |
L-industrija tal-Unjoni lmentat li l-prezzijjiet ta’ esportazzjoni ma kinux ikkalkolati b’mod ħieles skont it-tifsira tal-Artikolu 9(5)(b) tar-Regolament bażiku. B’mod partikolari, tressaq l-argument li n-“negozjati” dwar il-prezz kienu għaddejjin bejn l-awtoritajiet doganali Ċiniżi u l-esportaturi minħabba l-kalkolu ta’ livell ta’ prezz “raġonevoli”. Iżda l-evidenza li ntbagħtet f’dan ir-rigward ma kellhiex x’taqsam mas-silikon u tqis ukoll il-fatt li dawn l-hekk imsejħa “negozjati” ma kellhomx impatt fuq il-prezz mitlub lill-konsumatur aħħari, li kien ħareġ minn negozjar ħieles bejn il-partijiet. Dan l-ilment għalhekk kellu jiġi miċħud. |
(45) |
L-industrija tal-Unjoni lmentat ukoll li l-kumpanija li ngħatat TI kienet kumpanija tal-Istat, kellha s-sussidji u għadd sinifikanti ta’ attivitajiet kummerċjali li setgħu jippermettulha li tevadi l-miżuri. Iżda, l-investigazzjoni żvelat li l-esportatur ikkonċernat ma kienx aktar tal-Istat matul il-PIR u għalhekk ma kienx hemm indħil mill-Istat fl-attivitajiet kummerċjali tagħha b’tali mod li seta’ kien hemm evażjoni tal-miżuri. Għal dak li għandu x’jaqsam ma’ sussidji, l-ilment instab li kien mhux issustanzjat. Dawn l-ilmenti għalhekk kellhom jiġu miċħuda. |
5. Tqabbil
(46) |
Il-valur normali u l-prezzijiet ta’ esportazzjoni tqabblu fuq bażi ta’ kif joħorġu mill-fabbrika. Biex jiġi żgurat tqabbil ġust bejn il-valur normali u l-prezz ta’ esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u t-tqabbil tal-prezzijiet skont l-Artikolu 2(10) tar-Regolament bażiku. Saru l-aġġustamenti kif kien hemm fit-talba għar-rigward tat-trasport, karatteristiċi fiżiċi, spejjeż ta’ spezzjoni, ipproċessar u ppakkjar fejn kien applikabbli u ġġustifikat. Sar ukoll aġġustament skont l-Artikolu 2(10)(i) minħabba li l-kummerċjant relatat instab li kellu funzjonijiet ta’ aġent li jaħdem fuq kummissjoni. |
(47) |
L-investigazzjoni żvelat li nġabru dazji ta’ esportazzjoni fuq bejgħ għall-esportazzjoni tas-silikon matul il-PI. Billi d-dazji kellhom effett fuq it-tqabbil tal-prezz, instab xieraq li jiġi aġġustat il-prezz skont l-Artikolu 2(10)(k) tar-Regolament bażiku għal fatturi oħra li jaffettwaw il-komparabilità tal-prezz. |
(48) |
Ta’ min jinnota li l-valur normali u l-prezz ta’ esportazzjoni tqabblu fl-istess livell ta’ tassazzjoni indiretta, jiġifieri inkluża l-VAT. |
(49) |
Sar ilment li l-fatt li jingħataw lura l-flus imħallsa fuq il-VAT fuq xiri tal-materja prima tas-silikon għandu jiġi rifless fil-kalkolu tal-valur normali. Iżda, il-VAT imħallsa fuq dan ix-xiri nstab li kienet xorta titnaqqas kienet x’kienet is-sistema ta’ ħlas lura tal-VAT fuq l-esportazzjoni tal-prodotti esportati u kienet x’kienet id-destinazzjoni tal-prodotti. Li jitħallas lura l-VAT fuq xiri ta’ materja prima ta’ silikon huwa għalhekk fattur newtrali li ma għandux impatt fuq it-tqabbil tal-prezz ta’ esportazzjoni u l-valur normali. Għalhekk dan l-ilment kellu jiġi miċħud. |
(50) |
Sar ilment ukoll li l-metodoloġija li ntużat biex titqies it-taxxa indiretta kienet differenti minn dik li ntużat f’każijiet oħra u li l-VAT fuq il-bejgħ għall-esportazzjoni kellu jitnaqqas mill-prezz ta’ esportazzjoni. Ta’ min jinnota li l-Artikolu 2(10)(b) tar-Regolament bażiku jistipula li aġġustament għat-taxxa indiretta jista’ jsir biss lill-valur normali u fiċ-ċirkustanzi deskritti fl-Artikolu msemmi hawn fuq, li mhumiex preżenti fil-każ attwali. Dan l-ilment għallhekk kellu jiġi miċħud. |
6. Marġini ta’ dumping
6.1. Għall-kumpanija TI
(51) |
Il-marġni ta’ dumping għall-produttur esportatur ewlieni li ngħata TI ġie stabbilit billi tqabblet il-medja differenzjata tal-prezzijiet ta’ esportazzjoni kif joħorġu mill-fabbrika, skont in-NKP (numru tal-kodiċi tal-prodott) mal-valur normali rispettiv tal-pajjiż analogu kif stabbilit hawn fuq. |
(52) |
Il-marġni ta’ dumping għall-produttur esportatur ewlieni li ngħata TI, espress bħala perċentwali tal-prezz ta’ importazzjoni CIF (Cost Insurance Freight) fil-fruntiera tal-Unjoni, bid-dazju mhux imħallas, huwa 16,3 %. |
6.2. Gћall-produtturi/esportaturi l-oћra kollha
(53) |
Sabiex jiġi kkalkolat il-marġni ta’ dumping mal-pajjiż kollu applikabbli għall-esportaturi/produtturi kollha l-oħra li ma kkooperawx fir-RPĊ, ġie stabbilit l-ewwel il-livell ta’ kooperazzjoni. Il-grad ta’ kooperazzjoni kien baxx, jiġifieri inqas minn 1 % tal-importazzjonijiet totali mir-RPĊ. Għalhekk, il-marġni ta’ dumping għall-kumpaniji li ma kkooperawx ġie stabbilit bit-tqabbil tal-valur medju ta’ importazzjoni tas-silikon miċ-Ċina, kif irreġistrat fl-Eurostat, aġġustat kif xieraq wara li tħalla barra l-bejgħ magħmul mill-kumpanija TI bil-valur normali rispettiv tal-pajjiż analogu kif stabbilit hawn fuq. |
(54) |
Waħda mill-partijiet ilmentat li l-livell ta’ kooperazzjoni ma kienx ivvalutat b’mod korrett billi esportatur li kkoopera kien esporta kwantitajiet sinifikanti ta’ silikon lejn l-Unjoni. F’ċirkostanzi bħal dawn l-informazzjoni ta’ dan l-esportatur kellha tintuża biex jiġi kkalkolat il-marġni ta’ dumping mal-pajjiż kollu kif sar fir-reviżjoni msemmija fil-premessa (1). Dawn l-ilmenti kellhom jiġu miċħuda minħabba li nstab li l-prezzijiet mitluba minn din il-kumpanija lill-kumpanija marbuta magħha fl-Unjoni ma sarux b’kundizzjonijiet tas-suq. |
(55) |
Inkella, tressaq l-argument li d-data pprovduta mill-importaturi li kkooperaw kellha tintuża biex jiġi kkalkulat il-marġni ta’ dumping mal-pajjiż kollu. Kif jissemma fil-premessa (54), parti kbira tal-kwantitajiet importati minn dawn il-partijiet li kkooperaw ma sarux bil-kundizzjonijiet tas-suq u għalhekk il-prezzijiet tqiesu bħala mhux ta’ min jorbot fuqhom. L-importazzjonijiet li jibqa’ tqiesu li ma kinux biżżejjed rappreżentattivi f’termini ta’ kwantitajiet biex fuqhom jissejjes id-dazju għall-pajjiż kollu. Dan l-argument għalhekk ma ġiex aċċettat. |
(56) |
Wara l-iżvelar, il-kummenti li waslu dwar it-taħlita tal-prodotti tal-valur normali tqiesu biex jiġi stabbilit il-marġni ta’ dumping mal-pajjiż kollu. Għalhekk it-tqabbil sar bl-użu tal-informazzjoni li ntbagħtet mill-importaturi li kkooperaw fir-rigward tat-tipi ta’ prodotti. |
(57) |
Abbażi ta’ dan, il-marġni ta’ dumping mal-pajjiż kollu jammonta għal 19,0 % tal-prezz CIF fuq il-fruntiera tal-Unjoni, bid-dazju mhux imħallas. |
D. NATURA PERMANENTI TAĊ-ĊIRKUSTANZI MIBDULA U PROBABBILTÀ TAT-TKOMPLIJA TAD-DUMPING
1. In-natura permanenti taċ-ċirkostanzi mibdula
(58) |
Skont l-Artikolu 11(3) tar-Regolament bażiku, ġie eżaminat jekk kienx raġonevoli li wieħed iqis iċ-ċirkustanzi mibdula fir-rigward tad-dumping bħala ta’ natura permanenti. |
(59) |
Sabiex jiġi eżaminat jekk il-livell tal-marġni ta’ dumping misjub matul il-PIR huwiex ta’ natura permanenti, tqis l-iżvilupp tal-prezzijiet ta’ esportazzjoni u l-valur normali. |
(60) |
Ta’ min jinnota l-ewwel li l-marġni ta’ dumping li nstab fl-aħħar reviżjoni (7); jiġifieri 12,5 %, huwa eqreb tal-livell li nstab fil-proċedura preżenti milli tal-livell attwali ta’ miżuri. |
(61) |
Sa fejn huma kkonċernati l-prezzijiet ta’ esportazzjoni ta’ wara l-PIR, id-data tal-Eurostat turi li dawn naqsu b’madwar 15 % matul l-ewwel disa’ xhur tal-2009. |
(62) |
Sa fejn għandu x’jaqsam il-valur normali, l-investigazzjoni wriet li l-valur normali naqas bi proporzjonijiet simili matul l-istess perjodu. Għaldaqstant, il-marġni ta’ dumping għall-esportazzjonijiet tas-silikon matul l-ewwel disa’ xhur tal-2009 probabbli li huma ta’ livell simili bħal dak li nstab fil-PIR. |
(63) |
Dan ta’ hawn fuq juri li l-prezzijiet ta’ esportazzjoni Ċiniżi huma eqreb tal-prezzijiet dinjija milli meta ġew imposti oriġinarjament il-miżuri (8). |
(64) |
Abbażi ta’ dan ta’ hawn fuq, il-konklużjoni kienet li l-livell ta’ dumping li nstab matul l-PIR huwa ta’ natura permanenti. |
2. Il-probabbiltà tat-tkomplija ta’ dumping fil-livelli li nstabu fir-reviżjoni interim
(65) |
Skont l-Artikolu 11(2) tar-Regolament bażiku, ġie mistħarreġ jekk kienx probabbli li jkompli d-dumping fil-livell misjub fir-reviżjoni interim f’każ li l-miżuri jitneħħew. |
(66) |
Fir-rigward tal-probabbiltà ta’ tkomplija tad-dumping, ġie mistħarreġ l-iżvilupp tal-produzzjoni u tal-kapaċità ta’ produzzjoni kif ukoll l-iżvilupp probabbli tal-bejgħ ta’ esportazzjoni lejn l-Unjoni Ewropea u swieq oħra ta’ pajjiżi terzi. |
3. Kapaċità ta’ produzzjoni, volum ta’ produzzjoni u konsum fir-RPĊ
(67) |
Kellha ssir stima tal-kapaċità totali ta’ produzzjoni ta’ silikon fir-RPĊ. Filwaqt li l-istatistika (9) pprovduta mill-partijiet ikkonċernati wriet kapaċità totali ta’ 2,2 miljun tunnellata fl-2008, l-investigazzjoni żvelat li din iċ-ċifra kienet sopravvalutata b’mod ċar billi ma qisitx għadd sinifikanti ta’ fran li għalqu (minħabba pereżempju r-ristrutturazzjoni tal-industrija tas-silikon, il-kriżi ekonomika u t-terremot fil-provinċja ta’ Sichuan fl-2008) u ma qisitx ukoll il-provvista ta’ enerġija instabbli f’ċerti reġjuni li fil-fatt twassal għal kapaċità iktar baxxa minn dik reġistrata fl-istatistika disponibbli. Wara l-aġġustamenti meħtieġa, il-kapaċità attwali ta’ produzzjoni nstabet għalhekk li kienet madwar 1,5 miljun tunnellata li jikkorrispondu għal żieda ta’ mill-anqas 25 % meta mqabbla mal-kapaċità fl-2002 (il-perjodu ta’ investigazzjoni tar-reviżjoni ta’ skadenza ta’ qabel imsemmija fil-premessa (1)) fejn instabet li kienet bejn 600 000 tunnellata u 1,2 miljun tunnellata (10). |
(68) |
L-EUSMET ilmentat li kienet bagħtet kalkolu fid-dettall tal-kapaċità ta’ produzzjoni fiċ-Ċina u użat rata ta’ operazzjoni ta’ 40 %. L-istima tal-kapaċità kienet ta’ 1,16-il miljun tunnellata. Dan l-ilment iżda nstab li ma kienx sostanzjat partikolarment billi ma ġewx ipprovduti dokumenti ta’ prova dwar ir-rata ta’ operazzjoni użata. Ir-rata ta’ operazzjoni użata mill-Kummissjoni ġejja minn data vverifikata mill-produtturi ewlenin li kkooperaw fir-RPĊ u għalhekk tqieset bħala l-aktar informazzjoni ta’ min jafda fuqha li kien hemm f’dan ir-rigward. Dan l-ilment għalhekk kellu jiġi miċħud. |
(69) |
L-istess parti ressqet ukoll l-argument li l-fran li kellhom ċerta kapaċità jew li kienu taħt dan il-livell ta’ kapaċità kienu se jingħalqu minħabba deċiżjoni tal-gvern li jnaqqas dejjem aktar il-kapaċità totali fiċ-Ċina. Iżda l-investigazzjoni żvelat li din il-politika tal-gvern ma kinitx tapplika għaċ-Ċina kollha. L-EUSMET ma pprovditx evidenza li turi l-għadd ta’ fran ikkonċernati u l-impatt fuq il-kapaċità totali. L-investigazzjoni wkoll ma żvelatx xi tnaqqis sinifikanti ta’ kapaċità abbażi ta’ dan. Għalhekk dan l-ilment kellu jiġi miċħud. |
(70) |
L-EUSMET allegat ukoll li l-kapaċità ta’ produzzjoni hija qrib il-volum ta’ bejgħ tar-RPĊ fl-2008; jiġifieri 960 000 tunnellata mingħajr, iżda, ma ssostanzjat din l-istqarrija b’xi evidenza. Barra minn hekk, bosta fatturi kellhom impatt fuq il-volum ta’ bejgħ (bħall-produzzjoni għall-ħażna tal-prodotti, provvista ta’ materja prima u problemi ta’ loġistika minħabba l-Logħob Olimpiku) u għalhekk tqis li l-volum ta’ bejgħ ma setgħax jitqies li kien daqs il-kapaċità ta’ produzzjoni. Dan l-argument għalhekk kellu jiġi miċħud. |
(71) |
Sa fejn għandu x’jaqsam il-volum ta’ produzzjoni tas-silikon, skont it-tagħrif disponibbli, l-investigazzjoni żvelat li l-volum ta’ produzzjoni żdied b’mod sinifikanti b’79 % minn 535 000 tunnellata fl-2002 għal 960 000 tunnellata fil-PIR. Għalhekk skont stima konservattiva l-kapaċitajiet żejda kienu madwar 540 000 tunnellata fil-PIR li huwa qrib il-konsum totali tal-UE matul il-PIR u li kien jirrappreżenta kważi d-doppju tal-konsum domestiku Ċiniż ta’ silikon matul l-istess perjodu (ara l-premessa (72)). |
(72) |
L-investigazzjoni żvelat fl-istess żmien li l-konsum Ċiniż, li kien jirrappreżenta madwar 280 000 tunnellata fil-PIR, x’aktarx jiżdied fis-snin li ġejjin kif jidher fil-premessa (73). Iż-żieda fil-konsum wieħed irid jaraha bħala taħlita ta’ fatturi u miżuri politiċi fl-industrija tal-silikon u l-industrija tagħha aktar qrib l-istadju tal-bejgħ. L-industrija qrib l-istadju tal-bejgħ fir-RPĊ qed tikber u saru ħafna investimenti u hemm aktar ippjanat għall-ġejjieni qrib biex tiġi sodisfatta l-ħtieġa li dejjem qed tikber ta’ prodotti li fil-proċess industrijali huma qrib l-istadju tal-bejgħ. Barra minn hekk, l-awtoritajiet Ċiniżi daħħlu restrizzjonijiet fuq l-importazzjoni għal ħafna sorsi (pereżempju l-Ġermanja, ir-Renju Unit, il-Ġappun u l-Istati Uniti) fir-rigward ta’ prodott importanti li fil-proċess industrijali jinsab qrib l-istadju tal-bejgħ (is-siloxane) li nkiseb fi kwantitajiet sinifikanti minn sorsi ta’ dawn il-pajjiżi. |
(73) |
Filwaqt li huwa diffiċli li wieħed jivvaluta l-impatt eżatt tal-miżuri politiċi inkluża r-ristrutturazzjoni tal-industrija tas-silikon, ħafna partijiet interessati taw ħjiel li t-talba fir-RPĊ se tilħaq madwar 580 000 tunnellata sa tmiem l-2011. Din l-istima tqieset bħala raġonevoli. |
(74) |
Madankollu, ukoll jekk jitqies it-tbassir imsemmi hawn fuq dwar it-talba domestika u wkoll jekk l-esportazzjonijiet Ċiniżi lejn swieq oħra jilħqu l-livelli għoljin tagħhom tal-2008 (ara l-premessa (79)) is-soprakapaċità xorta tibqa’ sinifikanti (madwar 240 000 tunnellata fl-2011). Ta’ min jinnota wkoll li minħabba l-proċess ta’ ristrutturazzjoni li għaddej bħalissa mhux biss it-talba x’aktarx li tiżdied fir-RPĊ iżda wkoll il-kapaċitajiet u l-volumi ta’ produzzjoni. |
(75) |
Fir-rigward taż-żieda probabbli fil-kapaċità ta’ produzzjoni fir-RPĊ, l-EUSMET pprovdiet informazzjoni dwar bosta impjanti ta’ produzzjoni tas-silikon li kienu ppjanati u allegat li l-biċċa l-kbira ta’ dawn l-impjanti ma kinux se jimmaterjalizzaw. L-allegazzjoni kienet ibbażata biss fuq kummenti pprovduti mill-membri tagħha u ma kinitx issustanzjata. Hija wkoll ilmentat li jekk il-kapaċità ta’ produzzjoni Ċiniża x’aktarx tiżdied, dan kien se jseħħ l-aktar minħabba proġett ippjanat minn produttur tal-Unjoni li kien se jżid 100 000 MT/sena mal-kapaċità ta’ produzzjoni tar-RPĊ. L-informazzjoni pprovduta mill-EUSMET ma kinitx issostanzjata u għalhekk l-ilment ġie miċħud. |
(76) |
F’dan ir-rigward l-EUSMET ilmentat li l-konsum domestiku Ċiniż kien issupera bil-wisq iż-żieda fil-produzzjoni u kien se jkompli jiżdied. Għalhekk il-volum ta’ produzzjoni fir-RPĊ ma jistax jissodisfa sewwa t-talba tas-suq domestiku Ċiniż. Kif issemma hawn fuq, ma hemm ebda kwistjoni dwar li t-talba domestika Ċiniżi x’aktarx li tiżdied fil-ġejjieni. Iżda, kif deskritt hawn fuq, is-sejbiet tal-investigazzjoni ma kkonfermawx l-allegazzjonijiet magħmula mill-EUSMET. L-EUSMET la kkwantifikat iż-żieda fit-talba la l-volumi ta’ produzzjoni fil-ġejjieni u lanqas ma pprovdiet xi informazzjoni oħra jew evidenza biex isostni l-ilment tagħha li għalhekk kellu jiġi miċħud. Il-volum u l-prezz tal-importazzjonijiet mir-RPĊ lejn l-UE u swieq oħra ta’ pajjiżi terzi |
4. Il-volum u l-prezz tal-importazzjonijiet mir-RPĊ lejn l-UE u swieq oħra ta’ pajjiżi terzi
(77) |
Matul il-perjodu kkunsidrat, l-esportazzjonijiet Ċiniżi lejn l-UE żdiedu b’113 % minkejja l-miżuri fis-seħħ. Sa fejn għandhom x’jaqsmu l-prezzijiet u minkejja tendenza dejjem tiżdied matul il-PIR, dawn kienu, matul il-perjodu kollu kkunsidrat, taħt il-prezzijiet ta’ bejgħ tal-industrija tal-Unjoni fl-UE. Kif jidher fil-premessa (54) u (62) il-prezzijiet ta’ esportazzjoni tas-silikon lejn l-UE wkoll kienu fuq livelli ta’ dumping sinifikanti kemm matul kif ukoll wara l-PIR. |
(78) |
Il-livell tal-prezz fl-UE kien xorta fuq livelli ogħla minn kull suq ieħor ta’ pajjiż terz. Dan jispjega inparti l-interess għoli tal-esportaturi Ċiniżi fis-suq tal-Unjoni minkejja l-miżuri ta’ anti-dumping fis-seħħ. F’dan il-kuntest, ta’ min jinnota wkoll li l-esportaturi Ċiniżi kienu qed jevadu l-miżuri ta’ anti-dumping fis-seħħ bi trasbord fir-Repubblika tal-Korea (11) u dan ikompli jsaħħaħ il-konklużjoni li l-esportaturi Ċiniżi għandhom interess għoli fis-suq tal-Unjoni. |
5. Il-volumi u l-prezzijiet tal-esportazzjonijiet Ċiniżi lejn pajjiżi terzi
(79) |
L-esportazzjonijiet Ċiniżi lejn swieq oħra ta’ pajjiżi terzi kienu sinifikanti bħala volum u qabżu l-volumi esportati lejn l-Unjoni Ewropea. Iżda, ta’ min jinnota wkoll li l-prezzijiet FOB (frank on board) għal pajjiżi terzi kienu bħala medja bejn 4 % u 14 % iktar baxxi mill-prezz ta’ esportazzjoni lejn l-UE fl-2008 u l-ewwel disa’ xhur tal-2009 (12) rispettivament. |
(80) |
L-EUSMET ilmentat li s-sejba tal-Kummissjoni dwar prezzijiet ta’ esportazzjoni Ċiniżi ogħla mill-medja lejn l-Unjoni ma kinitx tqis it-taħlita ta’ prodotti fi swieq oħra. Ta’ min jinnota li l-EUSMET ma bagħtet ebda evidenza biex isostni dan l-ilment. Ma pprovditx informazzjoni jew spjegazzjoni dwar sa fejn it-taħlita ta’ prodotti għall-esportazzjoni lejn pajjiżi terzi oħra hija tabilħaqq differenti. L-evidenza pprovduta dwar id-differenzi fil-prezz bejn it-tipi ta’ prodott kienet marbuta aktar mas-suq tal-UE biss u ma’ perjodu sew qabel il-PIR, jiġifieri l-2001/02. Għalhekk ma setgħetx titqies bħala bażi biżżejjed preċiża biex jiġu kkalkulati d-differenzi fil-prezz bejn it-tipi ta’ prodott matul u wara l-PIR. Fi kwalunkwe każ, l-informazzjoni disponibbli marbuta mal-PIR ma biddlitx il-konklużjonijiet fil-premessa (79). Dan l-ilment għalhekk ġie miċħud. |
(81) |
Għajr għall-Istati Uniti tal-Amerika, li huma mħarsa minn dazji anti-dumping għoljin (139,49 %) kontra s-silikon li joriġina fir-RPĊ, l-esportazzjonijiet Ċiniżi kellhom aċċess ħieles għal swieq ewlenin oħra ta’ pajjiżi terzi. |
(82) |
L-EUSMET ressqet ilment li s-suq Ażjatiku huwa d-destinazzjoni ewlenija għas-silikon Ċiniż u li t-tkabbir fis-swieq Ġappuniżi u Koreani huwa sinifikanti. Ma hemmx kwsitjoni dwar li l-Ażja hija d-destinazzjoni ewlenija għas-silikon Ċiniż. Iżda, ukoll jekk il-konsum jista’ jiżdied fis-snin li ġejjin fis-swieq Ġappuniżi u Sudkoreani, din iż-żieda fil-konsum mhiex mistennija li tkun tali li tista’ tassorbi l-kapaċitajiet sinifikanti żejda Ċiniżi. Barra minn hekk, l-investigazzjoni wriet li s-suq Ġappuniż, li huwa s-suq ewlieni ta’ esportazzjoni għaċ-Ċina, huwa mifqugħ bis-silikon Ċiniż. |
(83) |
L-EUSMET allegat li, jekk jitħallew jiskadu l-miżuri, il-mudelli ta’ provvista għall-utenti kimiċi ma jiġux affettwati. Iżda, l-investigazzjoni ma kkonfermatx din l-allegazzjoni billi bosta utenti (użu fl-industrija kimika u tal-aluminju) stqarrew li tabilħaqq kienu se jiksbu aktar kwantitajiet miċ-Ċina kieku jitħallew jiskadu l-miżuri. Għalhekk dan l-argument ġie miċħud. |
(84) |
Fid-dawl ta’ dan ta’ hawn fuq, huwa mistenni li l-kapaċitajiet żejda Ċiniżi se jintbagħtu lejn is-suq tal-Unjoni f’każ li l-miżuri jitħallew jiskadu. |
(85) |
Billi l-importazzjonijiet lejn l-UE matul il-PIR kienu l-oġġett ta’ dumping, x’aktarx li d-dumping se jissokta wkoll f’każ li l-miżuri jitħallew jiskadu. Dan huwa mirfud mill-iżvilupp ta’ wara l-PIR fejn l-importazzjonijiet tas-silikon mir-RPĊ ssoktaw b’livelli ta’ prezz taħt dawk matul il-PIR (ara l-premessa (131)). |
6. Konklużjoni
(86) |
L-investigazzjoni wriet li l-volumi ta’ esportazzjoni tal-prodott ikkonċernat lejn l-UE żdiedu b’mod sinifikanti matul il-perjodu kkunsidrat u li l-livell ta’ dumping misjub għal dawn l-importazzjonijiet kien sinifikanti fil-PIR. |
(87) |
Fid-dawl tal-kapaċitajiet żejda disponibbli fir-RPĊ matul il-PIR u minkejja t-talba domestika li dejjem tiżdied, x’aktarx li kwantitajiet kbar ta’ silikon se jiġu esportati lejn l-UE bi prezzijiet ta’ dumping jekk il-miżuri jitħallew jiskadu. Tabilħaqq, it-talba domestika fir-RPĊ mhux se tkun f’qagħda li tassorbi l-kapaċitajiet żejda u s-suq tal-UE huwa l-uniku suq sinifikanti fejn jistgħu jiġu esportati l-kapaċitajiet żejda. Is-suq tal-UE huwa tabilħaqq suq tajjeb għall-esportazzjonijiet Ċiniżi billi l-prezzijiet mitluba lill-klijenti tal-UE huma bħala medja ogħla minn dawk mitluba lill-klijenti ta’ pajjiżi terzi. L-interess tal-esportaturi Ċiniżi fis-suq tal-UE huwa wkoll ikkonfermat mill-prassi ta’ evażjoni fl-imgħoddi. |
(88) |
Għalhekk il-konklużjoni hi li x’aktarx id-dumping jissokta. |
E. DEFINIZZJONI TAL-INDUSTRIJA TAL-UNJONI
(89) |
It-tliet produtturi tal-Unjoni li lmentaw wieġbu l-kwestjonarju u kkooperaw bis-sħiħ fl-investigazzjoni. Il-produzzjoni tal-produtturi li lmentaw tikkostitwixxi l-produzzjoni totali tal-Unjoni fit-tifsira tal-Artikolu 4(1) tar-Regolament bażiku. |
F. IL-QAGĦDA TAS-SUQ TAL-UNJONI
1. Kumment preliminari
(90) |
Data speċifika marbuta mal-industrija u l-konsum tal-Unjoni kellha tiġi indiċizzata, skont l-Artikolu 19 tar-Regolament bażiku, billi l-industrija tal-Unjoni għandha biss tliet produtturi, li tnejn minnhom huma fl-istess grupp. Id-data tal-Eurostat kellha tiġi aġġustata biex tqis id-data li għaliha ntalab trattament kunfidenzjali mill-Istati Membri fir-rigward tal-importazzjonijiet tagħhom ta’ silikon, u għal din ir-raġuni wkoll kellha tiġi indiċizzata. |
2. Konsum tal-Unjoni
Tabella 1
Konsum tal-Unjoni (skont il-volum tal-bejgħ)
|
2005 |
2006 |
2007 |
PIR |
Indiċi |
100 |
115 |
118 |
121 |
Xejra S/S |
— |
15 % |
3 % |
3 % |
Sors: Tweġibiet ivverifikati tal-kwestjonarju tal-industrija tal-Unjoni u l-istatistika aġġustata tal-Eurostat |
(91) |
Il-konsum tal-Unjoni kien imsejjes fuq il-volum aggregat ta’ bejgħ tal-industrija tal-Unjoni fl-Unjoni u l-volum ta’ importazzjonijiet minn pajjiżi terzi, skont data aġġustata tal-Eurostat. |
(92) |
Fuq din il-bażi u kif jidher fit-Tabella 1 hawn fuq, il-konsum tal-Unjoni żdied sewwa matul il-perjodu meqjus, jiġifieri b’21 %. |
3. Volum, sehem tas-suq u prezzijiet tal-importazzjonijiet mir-RPĊ
Tabella 2
Importazzjonijiet mir-RPĊ bil-volum, is-sehem tas-suq u l-prezz ta’ importazzjoni
Indiċijiet |
2005 |
2006 |
2007 |
PIR |
Volum ta’ importazzjonijiet |
100 |
183 |
168 |
213 |
Sehem tas-suq |
100 |
159 |
143 |
176 |
Prezz ta’ importazzjoni CIF EUR/tunnellata |
100 |
106 |
120 |
188 |
Sors: Statistika Eurostat aġġustata |
(93) |
Matul il-perjodu kkunsidrat il-volumi ta’ importazzjoni mir-RPĊ żdiedu b’113 % filwaqt li l-konsum fl-Unjoni żdied b’21 %. It-totali jinkludu l-importazzjonijiet ta’ silikon mir-Repubblika tal-Korea, billi fl-2007 l-miżuri ġew estiżi għal dan il-pajjiż wara proċedura kontra l-evażjoni. Minkejja l-miżuri ta’ anti-dumping is-sehem tas-suq Ċiniż żdied b’sitta u sebgħin punt perċentwali matul il-perjodu kkunsidrat u jinsab sew ogħla mis-sehem tas-suq ta’ 3,9 % li kien hemm fl-2002, il-PIR tal-investigazzjoni ta’ qabel din. Iżda, il-biċċa l-kbira, jiġifieri madwar 90 % tal-kwantitajiet importati mir-RPĊ, tqiegħdu taħt is-Sistema ta’ Proċessar Intern bil-ħlas tad-dazji sospiż. |
(94) |
Il-prezzijiet ta’ importazzjoni medji mir-RPĊ żdiedu bi 88 % matul il-perjodu kkunsidrat. Iżda, l-ogħla żieda fil-prezzijiet seħħet bejn l-2007 u l-PIR. |
(95) |
Il-prezz medju mill-fabbrika tal-industrija tal-Unjoni tqabbel mal-prezzijiet medji ta’ importazzjoni CIF Ċiniżi fuq il-fruntiera tal-Unjoni. Dawn il-prezzijiet instabu minn ċifri tal-Eurostat aġġustati u kienu jinkludu spejjeż ta’ wara l-importazzjoni, dazji ta’ dwana u ta’ anti-dumping. It-tqabbil wera li l-prezzijiet ta’ importazzjoni Ċiniżi ma waqqgħux il-prezz tal-bejgħ tal-industrija tal-Unjoni matul il-PIR. Il-prezzijiet ta’ importazzjoni medji Ċiniżi kienu jinkludu wkoll il-bejgħ tas-silikon Ċiniż iddestinat għall-Ipproċessar Intern. Ta’ min jinnota li l-prezzijiet tas-silikon iddestinati għall-Ipproċessar Intern, li kienu jirrappreżentaw il-biċċa l-kbira tal-importazzjonijiet Ċiniżi, instabu, bħala medja, li huma 15 % ogħla matul il-PIR mill-prezzijiet tas-silikon għaċ-ċirkolazzjoni ħielsa. |
(96) |
Abbażi ta’ dan ta’ hawn fuq instab li kieku l-miżuri ma kinux fis-seħħ il-prezzijiet ta’ importazzjoni Ċiniżi għall-kwantitajiet iddestinati għaċ-ċirkolazzjoni ħielsa kienu jwaqqgħu dawk tal-industrija tal-Unjoni bi 12 %. |
4. Volum, sehem tas-suq u prezzijiet tal-importazzjonijiet minn pajjiżi terzi oħra
Tabella 3
Importazzjonijiet minn pajjiżi terzi oħra (volum)
Indiċijiet |
2005 |
2006 |
2007 |
PIR |
In-Norveġja |
100 |
114 |
100 |
113 |
Il-Brażil |
100 |
113 |
123 |
93 |
Ir-Russja |
100 |
39 |
114 |
116 |
Bożnia Ħerzegovina |
100 |
202 |
165 |
174 |
Pajjiżi terzi oħra |
100 |
110 |
101 |
118 |
Total |
100 |
112 |
112 |
110 |
Sehem tas-suq |
100 |
97 |
95 |
91 |
Sors: Eurostat |
Tabella 4
Importazzjonijiet minn pajjiżi terzi oħra (prezzijiet medji)
Indiċijiet |
2005 |
2006 |
2007 |
PIR |
In-Norveġja |
100 |
93 |
101 |
128 |
Il-Brażil |
100 |
98 |
108 |
149 |
Ir-Russja |
100 |
130 |
116 |
170 |
Bożnja Ħerzegovina |
100 |
102 |
116 |
163 |
Pajjiżi terzi oħra |
100 |
112 |
116 |
119 |
Total |
100 |
100 |
108 |
145 |
Sors: Eurostat |
(97) |
Filwaqt li l-volumi ta’ importazzjoni totali tas-silikon minn pajjiżi terzi għajr għar-RPĊ u r-Repubblika tal-Korea żdiedu b’madwar 10 % matul il-perjodu kkunsidrat, is-sehem tas-suq ta’ dawn l-importazzjonijiet naqas b’disa’ punti perċentwali fil-PIR. L-akbar esportaturi lejn l-Unjoni kienu l-Brażil, in-Norveġja u r-Russja, filwaqt li Bożnja Ħerzegovina kien sors ġdid ta’ provvista. |
(98) |
Il-prezzijiet ta’ importazzjoni minn dawn il-pajjiżi żdiedu b’45 % matul il-perjodu kkunsidrat. Bħala medja kienu 15 % aktar mill-prezzijiet Ċiniżi għajr fil-PIR meta kienu 5 % inqas. |
5. Sitwazzjoni ekonomika tal-industrija tal-Unjoni
5.1. Produzzjoni, kapaċità ta’ produzzjoni u użu tal-kapaċità
Tabella 5
Produzzjoni, kapaċità ta’ produzzjoni u użu tal-kapaċità tal-Unjoni
Indiċi |
2005 |
2006 |
2007 |
PIR |
Produzzjoni |
100 |
94 |
108 |
107 |
Xejra S/S |
— |
–6 % |
14 % |
0 % |
Kapaċità ta’ produzzjoni |
100 |
102 |
112 |
114 |
Xejra S/S |
— |
2 % |
11 % |
2 % |
Użu ta’ kapaċità |
100 |
92 |
96 |
94 |
Xejra S/S |
— |
–8 % |
3 % |
–2 % |
Sors: Tweġibiet verifikati tal-kwestjonarju tal-industrija tal-Unjoni |
(99) |
Il-volum ta’ produzzjoni tal-industrija tal-Unjoni żdied b’7 % matul il-perjodu kkunsidrat. Il-kapaċità ta’ produzzjoni tal-industrija tal-Unjoni wriet żieda ġenerali ta’ 14 % fil-perjodu kkunsidrat bħala riżultat tal-investimenti. Madankollu l-użu tal-kapaċità naqset b’6 % matul il-perjodu kkunsidrat. Wieħed għandu jħares lejn dan l-iżvilupp fl-isfond taż-żieda sinifikanti fil-konsum tal-Unjoni b’21 % matul l-istess perjodu. |
5.2. Inventarji
Tabella 6
Inventarji
|
2005 |
2006 |
2007 |
PIR |
Indiċi |
100 |
91 |
82 |
82 |
Xejra S/S |
— |
–9 % |
–9 % |
0 % |
Sors: Tweġibiet verifikati tal-kwestjonarju tal-industrija tal-Unjoni |
(100) |
Il-prodott fl-imħażen naqas bi 18 % matul il-perjodu kunsidrat. Din kien ġej mit-talba għolja, b’mod partikolari matul l-2007 u l-PIR li kienu perjodi favorevoli b’mod eċċezzjonali fiċ-ċiklu ekonomiku. Il-prodott fl-imħażen fl-2005 kien jirrappreżenta 2 7 % tal-volum ta’ bejgħ tal-industrija tal-UE filwaqt li niżel għal 19 % tal-volum ta’ bejgħ tal-UE matul il-PIR. |
5.3. Bejgħ, sehem tas-suq u prezzijiet
Tabella 7
Volumi u valuri ta’ bejgħ
|
2005 |
2006 |
2007 |
PIR |
Volum ta’ bejgħ (indiċi) |
100 |
103 |
116 |
118 |
Xejra S/S |
— |
3 % |
13 % |
2 % |
Valur ta’ bejgħ (indiċi) |
100 |
105 |
132 |
178 |
Xejra S/S |
— |
5 % |
27 % |
45 % |
Sors: Tweġibiet verifikati tal-kwestjonarju tal-industrija tal-Unjoni |
Tabella 8
Sehem tas-suq tal-Industrija tal-Unjoni
|
2005 |
2006 |
2007 |
PIR |
Indiċi |
100 |
89 |
98 |
98 |
Xejra S/S |
— |
–11 % |
9 % |
–1 % |
Sors: Tweġibiet ivverifikati tal-kwestjonarju tal-industrija tal-Unjoni, statistika aġġustata tal-Eurostat |
Tabella 9
Prezzijiet ta’ bejgħ tal-unità tal-industrija tal-Unjoni
|
2005 |
2006 |
2007 |
PIR |
Indiċi |
100 |
102 |
114 |
150 |
Xejra S/S |
— |
2 % |
12 % |
37 % |
Sors: Tweġibiet verifikati tal-kwestjonarju tal-industrija tal-Unjoni |
(101) |
Il-volum ta’ bejgħ tal-industrija tal-Unjoni żdied bi 18 % matul il-perjodu kkunsidrat. Fl-istess żmien, il-valur ta’ bejgħ żdied bi 78 %, bl-akbar żidiet iseħħu fl-2007 u l-PIR, minħabba ż-żieda fit-talba fis-suq tas-silikon. Madankollu, is-sehem tas-suq tal-industrija tal-Unjoni naqas b’żewġ punti perċentwali fil-PIR. It-tnaqqis fis-sehem tas-suq tal-industrija tal-Unjoni kif ukoll it-tnaqqis fl-użu tal-kapaċità matul il-perjodu kkunsidrat kif imsemmi fil-premessa (99) wera li l-industrija tal-Unjoni ma rnexxilhiex tipprofitta ruħa bis-sħiħ minn domanda u konsum akbar fis-suq tas-silikon, b’mod partikolari għal dak li hu sehem tas-suq. |
(102) |
Il-prezzijiet ta’ bejgħ ta’ unità tal-industrija tal-Unjoni żdiedu b’mod sostanzjali fl-2007 u fil-PIR billi matul dawn is-sentejn kien hemm talba qawwija fis-suq tas-silikon li wasslet għal prezzijiet eċċezzjonalment għoljin. Matul il-perjodu kkunsidrat il-prezzijiet medji tal-industrija tal-Unjoni żdiedu b’50 %. Iż-żieda sostanzjali fil-prezzijiet ta’ bejgħ flimkien ma’ żieda iktar baxxa fl-ispejjeż ta’ produzzjoni kellhom rwol ewlieni fit-titjib sinifikanti tal-qagħda finanzjarja tal-industrija tal-Unjoni. |
5.4. Fatturi li jaffettwaw il-prezzijiet tal-Unjoni
(103) |
It-talba qawwija matul il-perjodu kkunsidrat wasslet biex il-prezzijiet żdiedu ferm. Il-livelli tal-prezzijiet tal-importazzjonijiet minn pajjiżi terzi, inkluża r-RPĊ, kellhom l-istess xejra ta’ żieda tal-prezzijiet tal-industrija tal-Unjoni. |
(104) |
Matul il-perjodu kkunsidrat l-ispejjeż medji ta’ unità ta’ produzzjoni żdiedu b’21 % filwaqt li ż-żieda korrispondenti fil-prezz medju ta’ unità ta’ bejgħ kien ta’ 50 %. |
5.5. Impjieg, produttività u pagi
Tabella 10
Impjieg
|
2005 |
2006 |
2007 |
PIR |
Indiċi |
100 |
93 |
91 |
100 |
Xejra S/S |
— |
–7 % |
–2 % |
9 % |
Sors: Tweġibiet verifikati tal-kwestjonarju tal-industrija tal-Unjoni |
Tabella 11
Produttività
|
2005 |
2006 |
2007 |
PIR |
Indiċi |
100 |
101 |
119 |
108 |
Xejra S/S |
— |
1 % |
18 % |
–11 % |
Sors: Tweġibiet verifikati tal-kwestjonarju tal-industrija tal-Unjoni |
Tabella 12
Pagi (EUR/impjegat)
|
2005 |
2006 |
2007 |
PIR |
Indiċi |
100 |
94 |
107 |
117 |
Xejra S/S |
— |
–6 % |
13 % |
10 % |
Sors: Tweġibiet verifikati tal-kwestjonarju tal-industrija tal-Unjoni |
(105) |
L-impjieg baqa’ stabbli b’mod ġenerali matul il-perjodu kkunsidrat, filwaqt li l-pagi medji żdiedu bi 17 %. Il-produttività żdiedet bi 8 % matul l-istess perjodu bħala riżultat taż-żieda fil-volum ta’ produzzjoni. |
5.6. Kapaċità ta’ profitt
Tabella 13
Kapaċità ta’ profitt
|
2005 |
2006 |
2007 |
PIR |
Indiċi |
100 |
161 |
389 |
671 |
Xejra S/S |
— |
61 % |
228 % |
282 % |
Sors: Tweġibiet verifikati tal-kwestjonarju tal-industrija tal-Unjoni |
(106) |
Il-kapaċità ta’ profitt tal-industrija tal-Unjoni żdiedet kważi sitt darbiet mill-2005 sal-PIR u laħqet livell għoli matul il-PIR. Din iż-żieda ta’ profitti fl-2007 u l-PIR ġew minn żieda fil-prezzijiet ta’ bejgħ minħabba talba qawwija fis-suq tas-silikon bħala riżultat tal-kundizzjonijiet ekonomiċi eċċezzjonalment favorevoli fis-seħħ dakinhar. Dan minkejja żieda ta’ 21 % fl-ispejjeż ta’ produzzjoni matul il-perjodu. |
5.7. Investimenti, qligħ fuq investimenti u kapaċità ta’ ġbir ta’ kapital
Tabella 14
Investimenti u dħul fuq l-investimenti (DFI)
|
2005 |
2006 |
2007 |
PIR |
Indiċi |
100 |
135 |
310 |
717 |
Xejra S/S |
— |
35 % |
174 % |
408 % |
DFI |
7 % |
14 % |
47 % |
96 % |
Sors: Tweġibiet verifikati tal-kwestjonarju tal-industrija tal-Unjoni |
(107) |
L-investimenti żdiedu b’mod sinifikanti matul il-perjodu kkunsidrat, jiġifieri b’sitt darbiet u dan jikkorrispondi għal madwar 30 % tal-profitti miksuba. L-industrija tal-Unjoni tat prova tal-impenn tagħha għas-suq tas-silikon tal-Unjoni hekk kif l-investimenti kienu f’rabta waħda mal-kapaċità ta’ produzzjoni, kemm bl-installazzjoni ta’ makkinarju ġdid kif ukoll bl-aġġornament ta’ makkinarju li diġà kien hemm. Barra minn hekk, investew fil-proċess metallurġiku tas-silikon b’safa għolja għall-użu fl-industriji tal-enerġija mix-xemx. Dan il-prodott ġdid għandu prospetti tajbin ħafna fil-ġejjieni. |
(108) |
L-investigazzjoni wriet ukoll li d-dħul mill-investimenti, jiġifieri l-profitt nett qabel it-taxxa tal-prodott espress bħala perċentwali tal-valur nett deprezzat tal-assi fissi allokati lill-prodott, żdied notevolment matul il-perjodu kkunsidrat. L-investigazzjoni ma kixfitx evidenza li l-industrija tal-Unjoni kellha xi problemi ewlenin biex tiġbor il-kapital. |
5.8. Likwidità
Tabella 15
Likwidità
|
2005 |
2006 |
2007 |
PIR |
Indiċi |
100 |
114 |
348 |
672 |
Xejra S/S |
— |
14 % |
233 % |
325 % |
Sors: Tweġibiet verifikati tal-kwestjonarju tal-industrija tal-Unjoni |
(109) |
Il-likwidità kellha xejra simili bħall-kapaċità ta’ profitt u żdiedet ferm matul il-perjodu kkunsidrat. |
5.9. Tkabbir
(110) |
Matul il-perjodu kkunsidrat l-industrija tal-Unjoni ma rnexxilhiex tipprofitta ruħa bis-sħiħ mit-tkabbir sinifikanti fil-konsum filwaqt li kienet qed tipproduċi bi 80 % tal-kapaċità tagħha u tilfet żewġ punti perċentwali mis-sehem tas-suq tagħha. Minkejja l-miżuri fis-seħħ, l-importazzjonijiet Ċiniżi fil-biċċa l-kbira rebħuha huma ż-żieda fil-konsum bil-kwantitajiet kbar li tqiegħdu taħt is-Sistema ta’ Proċessar Intern. |
5.10. Id-daqs tal-marġini tad-dumping
(111) |
Matul il-PIR, minkejja l-miżuri fis-seħħ, id-dumping kompla f’livelli sostanzjali, għalkemm f’livelli iktar baxxi milli stabbilit fl-investigazzjoni oriġinali, abbażi kemm tad-data mogħtija mill-uniku produttur esportatur li kkoopera u li ngħata TI kif ukoll tal-kalkoli bbażati fuq il-fatti disponibbli. |
5.11. Irkupru mill-effetti ta’ dumping tal-imgħoddi
(112) |
L-industrija tal-Unjoni, f’kuntest ekonomiku pożittiv, irnexxielha tirkupra mid-dumping tal-imgħoddi, b’mod partikolari f’termini ta’ volum ta’ bejgħ, prezzijiet ta’ bejgħ u kapaċità ta’ profitt. Ta’ min ifakkar iżda li l-marġnijiet ta’ dumping baqgħu sinifikanti. |
5.12. Attività ta’ esportazzjoni tal-industrija tal-Unjoni
Tabella 16
Volum ta’ esportazzjoni tal-industrija tal-Unjoni
|
2005 |
2006 |
2007 |
PIR |
Indiċi |
100 |
72 |
168 |
27 |
Xejra S/S |
— |
–28 % |
96 % |
– 141 % |
Sors: Tweġibiet verifikati tal-kwestjonarju tal-industrija tal-Unjoni |
(113) |
L-esportazzjonijiet tas-silikon tal-industrija tal-Unjoni naqsu b’aktar min-nofs matul il-perjodu kkunsidrat, l-aktar fil-PIR. Filwaqt li f’kuntest ta’ tqabbil dan it-tnaqqis jista’ jidher qawwi, f’termini assoluti huwa inqas sinifikanti, billi l-industrija tal-Unjoni mhiex orjentata lejn l-esportazzjoni. Il-produtturi tal-Unjoni għandhom impenn sħiħ lejn is-suq tal-Unjoni. Ta’ min jinnota iżda li xi uħud mill-produtturi tal-Unjoni għandhom kumpaniji relatati barra mill-Unjoni li jipproduċu u jbiegħu għal dawn is-swieq, u hekk tonqos il-ħtieġa għall-esportazzjoni mill-Unjoni. |
5.13. Il-konklużjoni dwar il-qagħda tal-industrija tal-Unjoni
(114) |
Il-miżuri ta’ anti-dumping kellhom impatt pożittiv ċar fuq il-qagħda tal-industrija tal-Unjoni. Matul il-perjodu kkunsidrat, l-indikaturi kollha ewlenin ta’ ħsara, bħall-produzzjoni, il-produttività, il-prodotti fl-imħażen, il-volum ta’ bejgħ, il-prezzijiet ta’ bejgħ, l-investimenti, il-kapaċità ta’ profitt u l-likwidità, urew żviluppi pożittivi. Il-profitt magħmul fil-PIR jirrifletti l-fatt li dan kien matul perjodu eċċezzjonalment favorevoli fiċ-ċiklu ekonomiku. |
(115) |
Sa fejn huwa kkonċernat is-sehem tas-suq tal-industrija tal-Unjoni, ix-xejra ta’ tnaqqis ħafif tista’ titqies li ġejja mill-ħsara fis-sens li, minkejja l-kapaċità ta’ produzzjoni disponibbli, l-industrija tal-Unjoni ma rnexxilhiex tipprofitta ruħha miż-żieda fil-konsum. |
(116) |
Fl-aħħar nett, fid-dawl tal-iżvilupp pożittiv tal-indikaturi marbuta mal-industrija tal-Unjoni, mhux meqjus li l-industrija tal-Unjoni ġarrbet ħsara materjali matul il-perjodu kkonċernat. Għalhekk saret analiżi biex jinstab jekk kienx hemm probabbiltà ta’ rikorrenza ta’ ħsara f’każ li l-miżuri jitħallew jiskadu. |
G. PROBABBILTÀ TA’ RIKORRENZA TA’ ĦSARA
1. Taqsira tal-analiżi ta’ kemm huwa probabbli li jissokta d-dumping u li jkun hemm rikorrenza ta’ dumping ta’ ħsara
(117) |
Ta’ min ifakkar li minkejja l-miżuri fis-seħħ, l-importazzjonijiet Ċiniżi żdiedu b’mod sostanzjali u rebħu l-biċċa l-kbira tas-sehem tas-suq li ntilef mill-importazzjonijiet minn pajjiżi terzi. Il-produtturi esportaturi fir-RPĊ baqgħu għaddejjin bid-dumping fuq livelli sinifikanti. Abbażi ta’ dan, ma hemm ebda raġuni biex wieħed jemmen li ċ-Ċiniżi mhux se jissoktaw bid-dumping. Barra minn hekk, matul il-PIR, kieku ma kienx hemm fis-seħħ il-miżuri, il-prezzijiet ta’ importazzjoni Ċiniżi għall-kwantitajiet intiżi għaċ-ċirkolazzjoni ħielsa kienu jwaqqgħu l-prezz tal-industrija tal-Unjoni bi 12 %. |
(118) |
Ta’ min jinnota wkoll li fl-2007, wara proċedura kontra l-evażjoni, il-miżuri ġew estiżi għal importazzjonijiet ta’ silikon ikkunsinnat mir-Repubblika tal-Korea, kemm jekk hu ddikkjarat li joriġina fir-Repubblika tal-Korea kemm jekk le. L-estensjoni tal-miżuri kellhom effett pożittiv billi l-importazzjonijiet tas-silikon mir-Repubblika tal-Korea naqqsu f’daqqa. |
(119) |
L-investigazzjoni wriet li l-produtturi Ċiniżi kellhom kapaċitajiet żejda sinifikanti matul il-PIR, jiġifieri madwar 540 000 tunnellata. Minkejja ż-żieda mistennija fid-domanda fir-RPĊ, il-kapaċità żejda, kif spjegat fil-premessa (74), mistennija li tibqa’ fis-snin li ġejjin. |
(120) |
Kif imsemmi aktar ‘il fuq, is-suq tal-Unjoni hija destinazzjoni ewlenija għar-RPĊ, billi s-suq ewlieni l-ieħor, dak tal-Istati Uniti, għandu miżuri ta’ anti-dumping għoljin kontra r-RPĊ li huwa għalhekk kważi inaċċessibbli għall-esportazzjonijiet Ċiniżi. |
(121) |
Il-prezzijiet ta’ importazzjoni Ċiniżi nstabu li kienu iktar baxxi mill-prezzijiet ta’ importazzjoni ta’ pajjiż terz b’medja ta’ 15 % u fil-PIR biss kienu ogħla b’5 %. Fid-dawl tal-interess tal-produtturi esportaturi Ċiniżi għas-suq tal-Unjoni, huwa mistenni, f’każ li l-miżuri jitneħħew, li volum kbir ta’ esportazzjonijiet bi prezzijiet taħt dawk tal-pajjiżi terzi jkunu fi triqthom lejn is-suq tal-Unjoni, b’effett qawwi ġenerali ta’ tnaqqis tal-prezzijiet. |
(122) |
L-EUSMET ilmentat li 56 % tas-sehem tas-suq f’idejn l-importazzjonijiet minn pajjiżi terzi mqabbla mas-sehem tas-suq relattivament baxx f’idejn l-importazzjonijiet Ċiniżi kien ikollu impatt aktar deċiżiv fuq is-sehem tas-suq tal-produtturi tal-Unjoni fil-PIR partikolarment billi l-importazzjonijiet minn pajjiżi terzi kienu 5 % iktar baxxi minn dawk Ċiniżi. F’dan ir-rigward instab li minkejja li l-prezzijiet tal-importazzjonijiet minn pajjiżi terzi kienu 5 % iktar baxxi fil-PIR minn dawk tal-importazzjonijiet mir-RPĊ, is-sehem tas-suq tal-importazzjonijiet ta’ dawk tal-ewwel niżlu b’4 % bejn l-2007 u l-PIR meta mqabbla ma’ żieda fis-sehem tas-suq tal-importazzjonijiet mir-RPĊ ta’ 34 % (ara t-Tabelli 2 u 3 hawn fuq). Fuq l-istess perjodu, is-sehem tas-suq tal-industrija tal-Unjoni kien stabbli. F’dawn iċ-ċirkustanzi, wieħed ma jistax jikkonkludi li l-importazzjonijiet minn pajjiżi terzi kellhom impatt deċiżiv fuq is-sehem tas-suq tal-industrija tal-Unjoni fil-PIR. |
(123) |
Sar ilment li l-Kummissjoni ma qisitx iż-żieda probabbli tal-ispejjeż ta’ produzzjoni, l-iktar minħabba spejjeż ta’ elettriku ogħla, qtugħ ta’ provvista tal-elettriku, spejjeż ikbar ta’ investiment, inflazzjoni għolja, żieda fil-prezzijiet tal-materja prima u fl-ispejjeż ta’ trasport internazzjonali, meta saret l-istima tal-iżvilupp probabbli tal-prezzijiet ta’ esportazzjoni Ċiniżi. Ukoll jekk l-ispejjeż tal-elettriku jiżdiedu fiċ-Ċina dan mhux l-uniku element sinifikanti ta’ spiża. Barra minn hekk, ma ntbagħtet ebda indikazzjoni dwar kemm kienet din iż-żieda u l-impatt preċiż tagħha fuq il-kost totali u l-prezzijiet ta’ bejgħ li jirriżultaw minn dan. Sa fejn għandhom x’jaqsmu elementi oħra, dawn jew huma kompletament spekulattivi u/jew ma kinux biżżejjed sostanzjati jew kwantifikati biex wieħed jiġbed xi konklużjoni minnhom. Ta’ min jinnota wkoll li huwa żball li tassumi li l-prezzijiet ta’ esportazzjoni bilfors huma msejsa fuq il-livell tal-kost ta’ produzzjoni, billi bosta fatturi oħra jistgħu wkoll ikollhom impatt fuq il-livell tal-prezz, bħal strateġiji politiċi tal-gvern jew kwistjonijiet ta’ provvista u talba. |
(124) |
Instab ukoll li fis-swieq tal-pajjiżi terzi fejn mhumiex fis-seħħ dazji ta’ anti-dumping, il-prezzijiet ta’ esportazzjoni Ċiniżi matul il-PIR kienu fuq livelli iktar baxxi minn dawk lejn l-Unjoni. |
(125) |
Għalhekk il-konklużjoni kienet li kien hemm issoktar ta’ dumping u probabbiltà ta’ żieda fil-volum ta’ importazzjonijiet oġġett ta’ dumping li jagħmlu pressjoni biex jwaqqgħu l-prezzijiet fl-Unjoni, tal-inqas fuq medda qasira ta’ żmien, kieku jitneħħew il-miżuri. Abbażi ta’ dan ta’ hawn fuq, mhemmx raġuni biex wieħed jaħseb li l-prezzijiet tar-RPĊ se jiżdiedu. Għaldaqstant, hemm probabbiltà ta’ rikorrenza ta’ ħsara billi dan jaffettwa b’mod negattiv il-kapaċità ta’ profitt tal-industrija tal-Unjoni kif ukoll l-irkupru finanzjarju osservat matul il-PIR. |
2. L-impatt tal-importazzjonijiet oġġett ta’ dumping fuq l-industrija tal-Unjoni – indikazzjonijiet u żvilupp probabbli matul il-perjodu ta’ wara l-PIR
(126) |
Matul perjodu ta’ konsum li dejjem jiżdied, is-sehem tas-suq tal-industrija tal-Unjoni u s-sehem tas-suq tal-importazzjonijiet minn pajjiżi terzi naqsu, filwaqt li s-sehem tas-suq tal-importazzjonijiet Ċiniżi żdied b’mod sinifikanti. Fid-dawl ta’ dawn l-indikaturi mhux ċari (jiġifieri rkupru ġenerali mill-industrija tal-Unjoni, iżda telf tas-sehem tas-suq) u l-fatt li l-PIR kien perjodu eċċezzjonalment favorevoli fiċ-ċiklu ekonomiku, l-iżviluppi ta’ wara l-PIR ġew eżaminati biex ikun hemm stampa iktar ċara tax-xejriet li x’aktarx ikun hemm fil-ġejjieni. Ta’ min ukoll ifakkar li l-probabbiltà ta’ rikorrenza ta’ ħsara kkawżata minn pressjoni biex il-prezzijiet jonqsu tista’ tkun aċċentwata mill-evoluzzjoni tal-ekonomija globali u l-effetti tagħha fuq it-talba u l-konsum. |
(127) |
Skont data aġġustata tal-Eurostat u t-tagħrif ipprovdut mill-industrija tal-Unjoni dwar l-iżvilupp tal-volumi ta’ bejgħ u l-prezzijiet fl-Unjoni għall-perjodu minn Jannar 2009 sa Settembru 2009, wieħed jista’ josserva xejra ta’ tnaqqis ċara u bla qtugħ fil-volum ta’ bejgħ tal-industrija tal-Unjoni fis-suq tal-Unjoni. Il-volum ta’ bejgħ tela’ għal 52 % tal-kwantità mibjugħa fid-disa’ xhur korrispondenti tal-2008 minkejja li l-prezzijiet medji ta’ bejgħ baqgħu fl-istess livell bħall-2008 minħabba kuntratti fuq medda twila ta’ żmien u tnaqqis fil-produzzjoni. |
(128) |
Sa fejn kellha x’taqsam il-kapaċità ta’ profitt tal-industrija tal-Unjoni l-iżvilupp negattiv kien sinifikanti. Il-livelli ta’ profitt naqsu bla waqfien u niżlu sal-livelli baxxi u anki taħt il-mira ta’ profitt ta’ 6,5 % stabbilita matul l-investigazzjoni oriġinali. |
(129) |
Ta’ min jinnota li minħabba l-kriżi ekonomika globali, it-talba fl-Unjoni naqset b’mod sinifikanti. Dan kellu impatt negattiv fuq il-volum ta’ bejgħ u l-kapaċità ta’ profitt fis-suq tal-Unjoni. Il-qagħda finanzjarja tal-industrija tal-Unjoni marret lura u l-industrija tal-Unjoni saret aktar vulnerabbli. Taħt dawn iċ-ċirkostanzi l-industrija tal-Unjoni ma tkunx f’qagħda li tegħleb l-impatt negattiv taż-żieda fl-importazzjonijiet oġġett ta’ dumping mir-RPĊ. Din il-qagħda x’aktarx li tmur iktar għall-agħar minħabba l-pressjoni minn dawn l-importazzjonijiet. |
(130) |
L-importazzjonijiet Ċiniżi naqsu kemm bħala volumi kif ukoll bħala prezzijiet, b’dawk tal-ewwel b’mod iktar sostanzjali. F’termini ta’ prezzijiet, il-prezzijiet tal-importazzjonijiet Ċiniżi naqsu aktar mill-prezzijiet tal-industrija tal-Unjoni (8 % fuq 2 % rispettivament). Ma nstabx twaqqigħ ta’ prezzijiet jew bejgħ taħt il-prezz għall-perjodu ta’ wara l-PIR. Iżda, li kieku l-miżuri ma kinux fis-seħħ il-prezzijiet ta’ importazzjoni Ċiniżi kienu jwaqqgħu dawk tal-industrija tal-Unjoni bi 3 % u kien ikun hemm bejgħ taħt il-prezz ta’ 11 %. Barra minnhekk, instab li kieku l-miżuri jitneħħew, il-prezzijiet ta’ importazzjoni għall-kwantitajiet destinati għas-suq ħieles kienu jwaqqgħu dawk tal-industrija tal-Unjoni bi 22 % u l-bejgħ taħt il-prezz kien ikun ta’ 38 %. |
(131) |
Instab ukoll li l-prezzijiet ta’ esportazzjoni Ċiniżi fis-swieq ta’ pajjiżi terzi mhux protetti minn dazji anti-dumping kienu f’livelli ħafna iktar baxxi minn dawk lejn l-Unjoni meta mqabbla ma’ dawk li nstabu matul il-PIR, kif imsemmi fil-premessa (123). Dan juri li fi żminijiet ta’ tnaqqis ta’ attività ekonomika tiżdied il-pressjoni biex il-prezzijiet jonqsu. |
(132) |
Abbażi ta’ dan ta’ hawn fuq, u minħabba x-xejra negattiva li tidher biċ-ċar tal-qagħda finanzjarja tal-industrija tal-Unjoni, il-konklużjoni hija li hemm probabbiltà kbira ta’ rikorrenza ta’ ħsara f’każ li jitħallew jiskadu l-miżuri. |
3. Il-konklużjonijiet dwar il-probabbiltà ta’ rikorrenza ta’ ħsara
(133) |
Il-konsiderazzjoni finali hi li jekk il-miżuri jitneħħew x’aktarx ikun hemm żieda sinifikanti fl-importazzjonijiet oġġett ta’ dumping mir-RPĊ lejn l-Unjoni, bi pressjoni biex il-prezzijiet jonqsu. Qagħda bħal din mhux biss tqiegħed fil-periklu l-investimenti sostanzjali magħmula mill-industrija tal-Unjoni biex tiżviluppa u taġġorna l-produzzjoni tagħha iżda wkoll l-iżvilupp ta’ produzzjoni ġdida għas-silikon għall-enerġija mix-xemx li huwa suq tajjeb fil-ġejjieni. Barra minn hekk, il-probabbiltà ta’ rikorrenza ta’ ħsara tkompli tikber minħabba t-tnaqqis fl-attività ekonomika ta’ dan l-aħħar. |
H. INTERESS TAL-UNJONI
1. Kumment preliminari
(134) |
Skont l-Artikolu 21 tar-Regolament bażiku ġie analizzat jekk l-issoktar tal-miżuri attwali ta’ anti-dumping ikunux kontra l-interess tal-Unjoni kollha kemm hi. Il-kalkolu tal-interess tal-Unjoni kien imsejjes fuq stima tal-bosta interessi involuti, jiġifieri dawk tal-industrija tal-Unjoni, importaturi/kummerċjanti u utenti tal-prodott ikkonċernat. |
(135) |
Ta’ min ifakkar li fir-reviżjonijiet preċedenti l-adozzjoni ta’ miżuri ma kinitx meqjusa bħala li tmur kontra l-interess tal-Unjoni. Barra minn hekk, billi l-investigazzjoni attwali hija reviżjoni ta’ skadenza, teħtieġ analiżi ta’ qagħda li fiha kienu diġà fis-seħħ il-miżuri anti-dumping u l-istima ta’ kull impatt negattiv mhux dovut fuq il-partijiet affettwati mill-miżuri preżenti anti-dumping. |
(136) |
Abbażi ta’ dan ġie analizzat jekk kienx hemm raġunijiet inevitabbli li jwasslu għall-konklużjoni li ma kienx fl-interess tal-Unjoni li jinżammu miżuri f’dan il-każ partikolari, minkejja l-konklużjonijiet ta’ hawn fuq dwar il-probabbiltà tal-issoktar ta’ dumping u l-probabbiltà ta’ rikorrenza ta’ ħsara. |
2. Interessi tal-industrija tal-Unjoni
(137) |
Ta’ min ifakkar li l-marġnijiet ta’ profitt għoljin miksuba fl-2007 u fil-PIR kienu riżultat taż-żieda fil-prezzijiet ta’ bejgħ. Dan il-fattur ma kienx mistenni li jkompli fis-snin li ġejjin. |
(138) |
L-industrija tal-Unjoni tat prova li hija industrija vijabbli u kompetittiva, kapaċi tadatta għall-kundizzjonijiet li qed jinbidlu tas-suq. Dan kien ikkonfermat b’mod partikolari bl-iżvilupp pożittiv tal-indikaturi kollha ewlenin ta’ ħsara matul il-perjodu kkunsidrat. L-issoktar tal-miżuri mill-aħħar reviżjoni ta’ skadenza kien ikkontribwixxa biex tinġieb lura l-qagħda finanzjarja tal-industrija tal-Unjoni u b’mod partikolari tal-livelli tal-prezzijiet fis-suq tal-Unjoni. |
(139) |
Matul il-perjodu kkunsidrat l-industrija tal-Unjoni tat prova tal-impenn tagħha lejn is-suq tas-silikon tal-Unjoni u tejbet l-effiċjenza tagħha b’mod sinifikanti. L-industrija tal-Unjoni għamlet investimenti sostanzjali fiż-żieda mhux biss tal-kapaċità ta’ produzzjoni iżda wkoll fl-iżvilupp tar-riċerka u t-teknoloġija fil-proċess metallurġiku għall-produzzjoni ta’ silikon ta’ safa għolja għall-industriji tal-enerġija mix-xemx. |
(140) |
Is-suq tas-silikon għall-enerġija mix-xemx huwa suq ġdid bi prospetti eċċellenti għall-ġejjieni fid-dawl taż-żieda mistennija fl-użu tal-enerġija mix-xemx fis-snin li ġejjin. Huwa għalhekk kwistjoni ta’ ħajja u mewt għall-industrija tal-Unjoni li tieħu sehem f’dan is-suq ġdid. F’dan ir-rigward, żewġ produtturi tal-Unjoni għandhom pjanijiet li jibnu żewġ impjanti ġodda għas-silikon għall-użu tal-enerġija mix-xemx fl-Unjoni biex ikopru parti mill-ħtiġijiet tas-suq tal-Unjoni. Ta’ min jinnota li l-investimenti magħmula f’din in-niċċa l-ġdida tas-suq jiddependu ħafna fuq l-eżistenza tal-produzzjoni tradizzjonali tas-silikon fl-UE li huwa l-materja prima ewlenija użata fil-produzzjoni tas-silikon għall-enerġija mix-xemx. |
(141) |
Barra minn hekk, wieħed mill-produtturi tal-Unjoni ħabbar pjanijiet biex jinvesti f’faċilitajiet ġodda fir-RPĊ biex ikopru ż-żieda mistennija fil-ħtiġijiet tas-suq Ċiniż kemm għas-silikon tradizzjonali kif ukoll għas-silikon għall-enerġija mix-xemx. |
(142) |
Kif imsemmi hawn fuq, jekk il-miżuri jitħallew jiskadu huwa probabbli ħafna r-riskju ta’ rikorrenza ta’ ħsara u dan iqiegħed fil-periklu l-investimenti ta’ dan l-aħħar magħmula mill-industrija tal-Unjoni. Għaldaqstant huwa fl-interessi tal-industrija tal-Unjoni li l-miżuri kontra l-importazzjonijiet oġġett ta’ dumping mir-RPĊ jinżammu. |
3. L-interessi ta’ importaturi/kummerċjanti mhux relatati
(143) |
Il-Kummissjoni bagħtet kwestjonarji lill-importaturi/kummerċjanti kollha magħrufa li mhumiex relatati. Waslu tweġibiet minn żewġ importaturi mhux relatati li kienu wkoll utenti tal-prodott ikkonċernat. Il-kummenti ta’ dawn il-kumpaniji jinsabu taħt it-taqsima dwar l-interessi tal-utenti hawn taħt. Importatur/kummerċjant wieħed ħabbar lilu nnifsu iżda ma weġibx il-kwestjonarju. |
(144) |
Fid-dawl tal-fatt li, barra milli jiksbu sorsi mir-RPĊ, l-importaturi għandhom ukoll aċċess għal provvista ta’ silikon kemm mill-produtturi tal-Unjoni kif ukoll minn sorsi ta’ pajjiżi terzi li huma ħielsa minn dazji anti-dumping, bħan-Norveġja u l-Brażil, li għandhom iktar minn 56 % tas-sehem tas-suq tal-Unjoni, il-kompetizzjoni fis-suq tal-Unjoni hija meqjusa bħala żgurata. |
(145) |
Abbażi ta’ dan ta’ hawn fuq u minħabba n-nuqqas ta’ kooperazzjoni minn xi kummerċjant jew xi sinjal li juri l-kontra ta’ dan, il-konklużjoni hija li l-miżuri attwali fis-seħħ ma kellhom ebda effett negattiv sostanzjali fuq il-qagħda finanzjarja tagħhom u l-issoktar tal-miżuri ma taffettwax l-importaturi. |
4. L-interessi tal-utenti
(146) |
Ta’ min ifakkar li l-EUSMET, għaqda ta’ utenti fis-settur kimiku, ressqu r-reviżjoni interim attwali limitata għad-dumping. Il-Kummissjoni bagħtet kwestjonarji lill-utenti kollha magħrufa li mhumiex relatati u lill-għaqdiet tagħhom. Tnax-il utent ikkooperaw fl-investigazzjoni, xi wħud minnhom importaturi ewlenin tas-silikon Ċiniż li tqiegħdu taħt is-Sistema ta’ Pproċessar Intern. Barra minn hekk għaqda oħra tal-utenti kkooperat billi bagħtet il-kummenti tagħha. |
(147) |
L-utenti industrijali ewlenin tas-silikon fl-Unjoni huma l-industriji tal-kimika u tal-aluminju li rispettivament jirrappreżentaw 60 % u 40 % tal-konsum tal-Unjoni. |
(148) |
Għall-industrija tal-kimika s-silikon huwa l-materja prima ewlenija għall-produzzjoni kemm tas-silikoni użati f’għadd kbir ta’ applikazzjonijiet, b’mod partikolari fl-industriji tal-karozzi u tal-bini u l-polisilikon użat fl-industriji tal-elettronika u tal-enerġija mix-xemx. Il-proporzjon ta’ silikon fl-ispejjeż ta’ produzzjoni tal-ħafna tipi ta’ silikoni u polisilikoni varja minn 2 sa 35 % skont il-proċess ta’ produzzjoni ta’ kull tip ta’ prodott fil-fażi ta’ produzzjoni qrib il-bejgħ. Bħala medja, iżda, il-proporzjon ta’ silikon fl-ispejjeż totali ta’ produzzjoni tas-silikoni kien jinsab f’medda bejn 11 u 21 % filwaqt li għall-polisilikoni l-medda kienet bejn 2 u 10 %. B’dazju ta’ anti-dumping ta’ 19 %, l-impatt fuq l-ispejjeż ta’ produzzjoni ta’ dawk l-utenti kimiċi li jiksbu s-silikon kollu tagħhom mir-RPĊ huwa stmat li jinsab bejn 2 u 4 %. Għal utenti oħra kimiċi l-impatt huwa iktar baxx. |
(149) |
Xi wħud mill-kumpaniji tal-kimika li kkooperaw fl-investigazzjoni kienu l-importaturi ewlenin tas-silikon Ċiniż li tqiegħed taħt is-Sistema ta’ Proċessar Intern u għalhekk ħieles mid-dazji anti-dumping. Iżda, l-argument tagħhom kien li ma setgħux jassorbu d-dazju jew jgħadduh lill-klijenti tagħhom u li s-Sistema ta’ Proċessar Intern ma neħħietx il-piż maħluq bil-miżuri fis-seħħ billi kellhom jiddedikaw ħafna riżorsi sinifikanti fi proċeduri twal ta’ dwana u oħrajn amministrattivi. Barra minn hekk, raw li kellhom bil-fors jinvestu f’faċilitajiet ġodda fir-RPĊ biex ikunu qrib sors ta’ materja prima rħisa u jkunu aktar kompetittivi fis-suq Ażjatiku. |
(150) |
Għall-industrija tal-aluminju s-silikon huwa wkoll materja prima importanti għall-produzzjoni tal-ligi mir-raffinaturi tal-aluminju. Dawn il-ligi jintużaw l-iktar mill-industriji tal-karozzi u tal-bini. Il-proporzjon ta’ silikon fl-ispejjeż ta’ produzzjoni tagħhom varja minn 8 sa 10 % skont il-kwalità tal-iskart li użaw li kien fih diġà s-silikon. Il-biċċa l-kbira tar-raffinaturi tal-aluminju li kkooperaw fl-investigazzjoni xtraw is-silikon minn pajjiżi terzi oħra li mhumiex soġġetti għal dazji anti-dumping minħabba li l-prodotti tagħhom huma destinati l-aktar għas-suq tal-Unjoni u għalhekk, ma jistgħux jużaw is-Sistema ta’ Pproċessar Intern. B’dazju anti-dumping ta’ 19 %, l-impatt fuq l-ispejjeż ta’ produzzjoni tal-utenti tal-aluminju li jiksbu s-silikon kollu tagħhom mir-RPĊ huwa stmat madwar 2 %. Għall-utenti l-oħra kollha tal-aluminju l-impatt huwa iktar baxx. L-investigazzjoni żvelat li l-kapaċità ta’ profitt tar-raffinaturi tal-aluminju ma kinitx għolja ħafna u għalhekk, iż-żidiet fil-prezzijiet tas-silikon għandhom impatt negattiv fuq il-profitti tagħhom minħabba l-marġni limitat tagħhom. |
(151) |
L-industrija tal-kimika kellha madwar 14 000 impjegat u l-industrija tal-aluminju 6 000. Matul il-perjodu kkunsidrat l-impjieg fl-industrija tal-kimika żdied bi 8 % filwaqt li fl-industrija tal-aluminju baqa’ stabbli. |
(152) |
L-utenti kollha kienu kontra l-issuktar tal-miżuri minħabba li l-miżuri kienu fis-seħħ għal żmien twil wisq, li artifiċjalment żiedu l-livelli tal-prezz tas-silikon fis-suq tal-Unjoni, kienet x’kienet l-oriġini, u li l-industrija tal-Unjoni ma ġarbitx ħsara matul il-PIR. Iżda, fid-dawl tas-sehem tas-suq estremament għoli li jinsab f’idejn l-esportaturi Ċiniżi għas-silikon ddestinat għall-ipproċessar intern u l-kompetizzjoni għas-silikon iddestinat għaċ-ċirkolazzjoni ħielsa, din l-istqarrija mhiex sostanzjata. Filwaqt li tabilħaq instab li fil-biċċa l-kbira tagħha l-industrija tal-Unjoni ma ġarbitx ħsara, il-kwsitjoni tal-probabbiltà tar-rikorrenza ta’ ħsara wkoll kellha titqies f’reviżjoni tal-skadenza. Kif intqal hawn fuq (ara l-premessa (133) b’mod partikolari), din il-probabbiltà nstabet f’dan il-każ. |
(153) |
L-EUSMET allegat li kien hemm skarsezza ta’ silikon fil-PIR fis-suq tal-Unjoni kif intwera fl-ilment tagħha li l-ordnijiet ta’ xi uħud mill-membri tagħha ma ntlaqgħux mill-produtturi tal-pajjiżi terzi. Iżda, dan l-ilment ma kienx issostanzjat. Hija u tivvaluta l-kapaċità disponibbli fis-suq, l-EUSMET qieset biss il-kapaċità tal-produtturi tal-Unjoni mingħajr ma qieset l-importazzjonijiet minn pajjiżi terzi inkluża ċ-Ċina li jitqiegħdu taħt is-Sistema ta’ Pproċessar Intern. Il-konklużjoni għalhekk hija li ma kien hemm ebda skarsezza u li t-talba fis-suq setgħet tintlaqa’ abbażi tal-bejgħ tal-industrija tal-Unjoni u l-volum ta’ importazzjonijiet. |
(154) |
L-EUSMET ilmentat ukoll li l-industrija tal-Unjoni deliberatament tillimita l-produzzjoni permezz ta’ shutdowns staġonali u għalhekk tillimita l-bejgħ fis-suq tal-Unjoni biex tikkontrolla l-prezzijiet ta’ bejgħ. Produttur wieħed tal-Unjoni rrikorra għal dawn ix-shutdowns ta’ produzzjoni iżda f’dawn il-perjodi kellhom biżżejjed prodotti maħżuna biex jissupplixxu l-klijenti tagħhom skont il-kuntratti fit-tul li kellhom. Produttur ieħor tal-Unjoni kellu xi qtugħ fil-produzzjoni iżda wara l-perjodu tal-PIR biss u din kienet ħaġa ta’ darba. Għalhekk, l-ilment tal-EUSMET li x-shutdowns kienu maħsuba biex jiġu kkontrollati l-prezzijiet tqis infondat. |
(155) |
Wieħed jifhem li l-utenti jridu aċċess ħieles għall-materja prima rħisa biex ikunu iktar kompetittivi. Huma jqiesu l-libertà li jiksbu s-sorsi bħala essenzjali billi l-aċċess mhux imxekkel għas-silikon skont il-fehma tagħhom se jsir aktar importanti fil-ġejjieni minħabba ż-żieda mistennija fit-talba għas-silikon sal-2013, l-aktar minħabba l-proġetti marbuta mal-enerġija mix-xemx. L-EUSMET ressqet l-argument li biż-żieda fit-talba mistennija fis-suq tas-silikon tal-Unjoni fis-snin sal-2013, l-iskarsezza allegata se tiżdied. Madankollu, iċ-ċifri pprovduti li fuqhom kienu msejsa s-suppożizzjonijiet, juru li l-konsum tal-Unjoni wkoll fl-2013 se jkun iktar baxx mil-livell li kien hemm matul il-perjodu kkunsidrat. Barra minn hekk, il-libertà tal-ksib tas-sorsi ma tistax minnha nnifisha tiġġustifika li tiġi aċċettata l-prassi tad-dumping. Il-kompetizzjoni fis-suq tal-Unjoni teħtieġ kundizzjonijiet ugwali għall-operaturi kollha. |
(156) |
L-utenti kimiċi wkoll ġibdu l-attenzjoni li l-industrija tal-Unjoni tibqa’ sors importanti ta’ provvista bħala garanzija għad-disponibbiltà tal-prodott ikkonċernat fuq medda qasira ta’ żmien, il-kredibbiltà tal-provvista u għal prodott ta’ kwalità ogħla minn dak Ċiniż. |
(157) |
Madankollu, l-investigazzjoni wriet li l-miżuri fis-seħħ ma kellhomx xi effetti negattivi sinifikanti fuq in-negozju tagħhom. B’mod partikolari xi utenti fl-industrija tal-kimika żiedu b’mod qawwi l-importazzjonijiet tagħhom ta’ silikon mir-RPĊ matul il-perjodu kkonċernat u l-biċċa l-kbira tagħhom kienu f’qagħda finanzjarja soda. Fil-qosor, il-konsiderazzjoni finali kienet li, bħal fir-reviżjonijiet ta’ skadenza ta’ qabel, l-issoktar tal-miżuri ma jkollux effett negattiv sinifikanti fuq l-utenti industrijali, meta wieħed iżomm ukoll quddiem għajnejh li l-livell tal-miżuri proposti jonqos b’mod konsiderevoli. |
5. Il-konklużjoni dwar l-interess tal-Unjoni
(158) |
Fid-dawl ta’ dan ta’ hawn fuq, il-konklużjoni hi li mhemmx raġunijiet inevitabbli kontra li l-miżuri ta’ anti-dumping jitwalu. |
I. MIŻURI ANTI-DUMPING
(159) |
Il-partijiet kollha ġew infurmati bil-fatti u l-kunsiderazzjonijiet essenzjali li fuq il-bażi tagħhom kien hemm ħsieb li jiġi rakkomandat li l-miżuri jinżammu iżda fuq livelli iktar baxxi. Ingħataw ukoll perjodu ta’ żmien biex jibagħtu l-kummenti u t-talbiet tagħhom wara l-iżvelar tar-riżultati. L-ilmenti rilevanti li ntbagħtu ġew analizzati iżda ma wasslux għal tibdil tal-fatti u l-kunsiderazzjonijiet essenzjali li fuq il-bażi tagħhom ġie deċiż li jinżammu l-miżuri ta’ anti-dumping. |
(160) |
Bħala riżultat tar-reviżjoni interim skont l-Artikolu 11(3) tar-Regolament bażiku u skont l-Artikolu 9(4) tar-Regolament bażiku, dazju ta’ anti-dumping għandu jiġi impost fuq l-importazzjonijiet tal-prodott ikkonċernat li joriġinaw fir-RPĊ fil-livell tal-inqas marġni ta’ ħsara li fuqu huma msejsal-miżuri fis-seħħ u l-marġnijiet ta’ dumping li nstabu fir-reviżjoni attwali. |
(161) |
Għaldaqstant, il-miżuri se jiġu stabbiliti fil-livell tal-marġnijiet ta’ dumping misjuba; jiġifieri 16,3 % għall-grupp ta’ kumpaniji waħdieni li ngħata TI u għal 19,0 % għall-kumpaniji l-oħra kollha. |
(162) |
Abbażi ta’ dan, il-miżuri estiżi bir-Regolament tal-Kunsill (KE) Nru 42/2007 (13) għall-importazzjonijiet tas-silikon kkunsinnati mir-Repubblika tal-Korea, kemm jekk dikjarati li joriġinaw fir-Repubblika tal-Korea kemm jekk le, wara investigazzjoni bi qbil mal-Artikolu 13 tar-Regolament bażiku għandhom jinżammu iżda fil-livelli stabbiliti fil-premessa (161). |
(163) |
L-esportaturi fir-Repubblika tal-Korea li beħsiebhom iressqu talba għal eżenzjoni mid-dazju anti-dumping estiż skont l-Artikolu 13(4) tar-Regolament bażiku jkunu meħtieġa li jimlew kwestjonarju biex il-Kummissjoni tkun tista’ tistabbilixxi jekk tkunx iġġustifikata eżenzjoni. Din l-eżenzjoni tista’ tingħata wara l-valutazzjoni tal-qagħda tas-suq tal-prodott ikkonċernat, il-kapaċità ta’ produzzjoni u l-użu tal-kapaċità, ix-xiri u l-bejgħ u l-probabbiltà tal-issoktar ta’ prassi li għaliha ma hemmx raġuni adegwata jew ġustifikazzjoni ekonomika suffiċjenti u l-evidenza ta’ dumping. Il-Kummissjoni normalment twettaq ukoll żjarat ta’ verifika fuq il-post. It-talba trid tkun indirizzata lill-Kummissjoni, bl-informazzjoni rilevanti kollha, partikolarment xi modifiki fl-attivitajiet tal-kumpanija marbuta mal-produzzjoni jew mal-bejgħ għall-esportazzjoni tal-prodott meqjus. |
ADOTTA DAN IR-REGOLAMENT:
Artikolu 1
1. Dazju anti-dumping definittiv huwa b’dan impost fuq l-importazzjonijiet tas-silikon, li attwalment jaqa’ taħt il-kodiċi NM 2804 69 00, li joriġina fir-Repubblika Popolari taċ-Ċina.
2. Ir-rata tad-dazju anti-dumping definittiv applikabbli għall-prezz nett, ħieles fuq il-fruntiera tal-Unjoni, qabel id-dazju, għall-prodott deskritt fil-paragrafu 1 u manufatturat mill-kumpaniji elenkati hawn taħt, għandu jkun kif ġej:
Kumpanija |
Rata ta’ dazju |
Kodiċi addizzjonali TARIC |
Datong Jinneng Industrial Silicon Co., Pingwang Industry Garden, Datong, Shanxi |
16,3 % |
A971 |
Il-kumpaniji l-oħra kollha |
19 % |
A999 |
3. L-estensjoni tad-dazju anti-dumping definittiv applikabbli għall-importazzjonijiet minn ‘il-kumpaniji l-oħra kollha’ fir-Repubblika Popolari taċ-Ċina (jiġifieri 19,0 %) għall-importazzjonijiet tal-prodott deskritt fil-paragrafu 1 kkunsinnat mir-Repubblika tal-Korea, kemm jekk dikjarat bħala li joriġina fir-Repubblika tal-Korea kemm jekk le, hija b’dan miżmuma (Kodiċi TARIC 2804690010).
4. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ li jikkonċernaw id-dazji doganali.
Artikolu 2
1. It-talbiet għall-eżenzjoni mid-dazju estiż, imsemmi fl-Artikolu 1(3), għandhom isiru bil-miktub f’waħda mil-lingwi uffiċjali tal-Unjoni u għandhom ikunu ffirmati minn persuna awtorizzata li tirrappreżenta lill-applikant.
2. It-talba trid tintbagħat fl-indirizz li ġej:
European Commission |
Directorate-General for Trade |
Directorate B |
Office: N-105 04/17 |
1049 Brussels |
Belgium |
Fax (32-2) 295 65 05 |
3. Skont l-Artikolu 13(4) tar-Regolament (KE) Nru 1225/2009, il-Kummissjoni, wara li tikkonsulta mal-Kumitat Konsultattiv, tista’ tawtorizza b’deċiżjoni l-eżenzjoni tal-importazzjonijiet minn kumpaniji li ma jevadux il-miżuri anti-dumping imposti bir-regolament attwali mid-dazju estiż imsemmi fl-Artikolu 1(3).
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea u għandu jibqa’ fis-seħħ għal perjodu ta’ ħames snin.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Mejju 2010.
Għall-Kunsill
Il-President
M. SEBASTIÁN
(1) ĠU L 343, 22.12.2009, p. 51.
(3) ĠU L 198, 28.7.1990, p. 57.
(5) ĠU C 254, 7.10.2008, p. 9.
(8) ĠU L 345, 16.12.1997, p. 1.
(9) Statistika CRU Marzu 2009.
(10) ĠU L 66, 4.3.2004, p. 15.
(11) ĠU L 13, 19.1.2007, p. 1.
(12) Sors: Statistika dwar l-esportazzjoni Ċiniża.
(13) ĠU L 13, 19.1.2007, p. 1.
29.5.2010 |
MT |
Il-Ġurnal Uffiċjali tal-Unjoni Ewropea |
L 131/22 |
REGOLAMENT TAL-KUMMISSJONI (UE) Nru 468/2010
tat-28 ta’ Mejju 2010
li jistabbilixxi l-lista tal-UE ta' bastimenti involuti f'sajd illegali, mhux rappurtat u mhux regolat
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1005/2008 tad-29 ta' Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat u, jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u jħassar ir-Regolamenti (KE) Nru 1093/94 u (KE) Nru 1447/1999 (1) u b’mod partikolari l-Artikoli 27 u 30 tiegħu,
Billi:
(1) |
Il-Kapitolu V tar-Regolament (KE) Nru 1005/2008 jistipula proċeduri għall-identifikazzjoni ta' bastimenti tas-sajd involuti f'sajd illegali mhux rappurtat u mhux regolat (bastimenti tas-sajd IUU) kif ukoll proċeduri għall-istabbiliment ta' lista tal-UE ta' dawn il-bastimenti. L-Artikolu 37 ta' dak ir-Regolament jipprovdi għat-teħid ta' azzjonijiet kontra bastimenti tas-sajd inklużi f'dik il-lista. |
(2) |
Skont l-Artikolu 27 tar-Regolament (KE) Nru 1005/2008, il-lista tal-UE għandu jkun fiha l-bastimenti tas-sajd IUU identifikati mill-Kummissjoni. |
(3) |
Skont l-Artikolu 30 ta' dak ir-Regolament il-lista tal-UE għandha tinkorpora wkoll bastimenti tas-sajd inklużi fil-listi ta' bastimenti IUU adottati min organizzazzjonijiet reġjonali tal-ġestjoni tas-sajd. |
(4) |
Sakemm il-Kummissjoni tidentifika direttament bastimenti oħra tas-sajd involuti f'sajd illegali, mhux rappurtat u mhux regolat, il-lista tal-UE se jkun fiha biss bastimenti inklużi fil-listi ta' bastimenti IUU adottati minn organizzazzjonijiet reġjonali tal-ġestjoni tas-sajd. |
(5) |
Il-miżuri pprovduti f’dan ir-Regolament huma skont l-opinjoni tal-Kumitat ta' Ġestjoni tas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
Għall-finijiet ta' dan ir-Regolament “Lista tal-UE ta' bastimenti IUU” tfisser lista ta' bastimenti tas-sajd involuti f'sajd illegali, mhux rappurtat u mhux regolat, kif jissemma fl-Artikolu 27 tar-Regolament (KE) Nru 1005/2008
Artikolu 2
Il-lista tal-UE ta' bastimenti IUU hija stabbilita fl-Anness.
Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Mejju 2010.
Għall-Kummissjoni
Il-President
José Manuel BARROSO
(1) ĠU L 286, 29.10.2008, p. 1.
ANNESS
Lista tal-UE ta' bastimenti IUU
PARTI A
Bastimenti elenkati f'konformità mal-Artikolu 27 tar-Regolament (KE) Nru 1005/2008
PARTI B
Bastimenti elenkati f'konformità mal-Artikolu 30 tar-Regolament (KE) Nru 1005/2008
Numru tal-OMI (1) għall-identifikazzjoni tal-bastiment/Referenza tal-RFMO |
Isem il-bastiment (isem preċedenti) (2) |
Stat tal-Bandiera (2) |
Elenkat fl-RFMO (2) |
20080003 |
ABDI BABA 1 (EROL BÜLBÜL) |
Il-Bolivja (bandiera preċedenti: It-Turkija) |
ICCAT |
20060010 |
ACROS NO. 2 |
Mhux magħruf (l-aħħar bandiera magħrufa: Il-Ħonduras) |
ICCAT |
20060009 |
ACROS NO. 3 |
Mhux magħruf (l-aħħar bandiera magħrufa: Il-Ħonduras) |
ICCAT |
7306570 |
ALBORAN II (WHITE ENTERPRISE) |
Il-Panama |
NEAFC, NAFO, SEAFO |
|
ALDABRA |
Togo |
CCAMLR, SEAFO |
7036345 |
AMORINN |
Togo |
CCAMLR, SEAFO |
|
BALENA |
Mhux magħruf (l-aħħar bandiera magħrufa: Vanwatu) |
IOTC |
|
BHASKARA No 10 |
Mhux magħruf (l-aħħar bandiera magħrufa: L-Indoneżja) |
IATTC |
|
BHASKARA No 9 |
Mhux magħruf (l-aħħar bandiera magħrufa: L-Indoneżja) |
IATTC |
|
BHINEKA |
L-Indoneżja |
IATTC |
|
BIGARO |
Togo |
CCAMLR, SEAFO |
20060001 |
BIGEYE |
Mhux magħruf |
ICCAT |
20040005 |
BRAVO |
Mhux magħruf |
ICCAT |
|
CAMELOT |
Mhux magħruf |
IATTC |
6803961 |
CARMELA (GOLD DRAGON) |
Togo (bandiera preċedenti: Il-Ginea Ekwatorjali) |
CCAMLR, SEAFO |
20080002 |
CEVAHIR (SALIH BAYRAKTAR) |
Il-Bolivja (bandiera preċedenti: It-Turkija) |
ICCAT |
|
CHIA HAO No 66 |
Mhux magħruf (l-aħħar bandiera magħrufa: Il-Beliże) |
IATTC |
8713392 |
CHU LIM |
Togo |
CCAMLR, SEAFO |
6607666 |
CONSTANT |
Il-Ginea Ekwatorjali |
CCAMLR, SEAFO |
7322897 |
CORVUS |
Il-Panama |
CCAMLR, SEAFO |
20080001 |
DANIAA (CARLOS) |
Mhux magħruf (l-aħħar bandiera magħrufa: Il-Ginea Konakri) |
ICCAT |
8422852 |
DOLPHIN (OGNEVKA) |
Ir-Russja |
NEAFC, NAFO, SEAFO |
9042001 |
DRACO-1 |
Il-Panama |
CCAMLR, SEAFO |
|
DRAGON III |
Mhux magħruf |
IATTC |
8604668 |
EROS DOS (FURABOLOS) |
Il-Panama |
NEAFC, NAFO, SEAFO |
20080005 |
GALA 1 (MANARA II/ROAGAN) |
Mhux magħruf (l-aħħar bandiera magħrufa: Il-Libja) |
ICCAT |
|
GOIDAU RUEY No 1 |
Il-Panama |
IATTC |
7020126 |
GOOD HOPE |
In-Niġerja |
CCAMLR, SEAFO |
6719419 |
GORILERO (GRAN SOL) |
Mhux magħruf (l-aħħar bandiera magħrufa: Is-Sjerra Leone) |
NEAFC, NAFO, SEAFO |
|
GUNUAR MELYAN 21 |
Mhux magħruf |
IOTC |
7322926 |
HEAVY SEA |
Il-Panama |
CCAMLR, SEAFO |
|
HIROYOSHI 17 |
L-Indoneżja |
IATTC |
|
HOOM XIANG 11 |
Il-Malażja |
IOTC |
7332218 |
IANNIS 1 |
Mhux magħruf |
NEAFC, NAFO, SEAFO |
|
JIMMY WIJAYA 35 |
L-Indoneżja |
IATTC |
|
JINN FENG TSAIR No 1 |
It-Taipei Ċiniża |
WCPFC |
|
JYI LIH 88 |
Mhux magħruf |
IATTC |
20060007 |
LILA NO. 10 |
Mhux magħruf (l-aħħar bandiera magħrufa: Il-Panama) |
ICCAT |
7815337 |
LINA (SEIFUKU MARU NO 35) |
L-Indoneżja (bandiera preċedenti: Il-Ġappun) |
WCPFC |
|
LINGSAR 08 |
L-Indoneżja |
IOTC |
20040007 |
MADURA 2 |
Mhux magħruf |
ICCAT |
20040008 |
MADURA 3 |
Mhux magħruf |
ICCAT |
8707240 |
MAINE |
Il-Ginea Konakri |
NEAFC, NAFO, SEAFO |
20060002 |
MARIA |
Mhux magħruf |
ICCAT |
|
MARTA LUCIA R |
Il-Kolombja |
IATTC |
20060005 |
MELILLA NO. 101 |
Mhux magħruf (l-aħħar bandiera magħrufa: Il-Panama) |
ICCAT |
20060004 |
MELILLA NO. 103 |
Mhux magħruf (l-aħħar bandiera magħrufa: Il-Panama) |
ICCAT |
|
MINAKO |
L-Indoneżja |
WCPFC |
|
MING YU SHENG 8 |
Mhux magħruf (l-aħħar bandiera magħrufa: Il-Beliże) |
IATTC |
7385174 |
MURTOSA |
Togo |
NEAFC, NAFO, SEAFO |
8721593 |
NEMANSKIY |
Mhux magħruf |
NEAFC, NAFO, SEAFO |
20060003 |
No. 101 GLORIA (GOLDEN LAKE) |
Mhux magħruf (l-aħħar bandiera magħrufa: Il-Panama) |
ICCAT |
20060008 |
No. 2 CHOYU |
Mhux magħruf (l-aħħar bandiera magħrufa: Il-Ħonduras) |
ICCAT |
20060011 |
No. 3 CHOYU |
Mhux magħruf (l-aħħar bandiera magħrufa: Il-Ħonduras) |
ICCAT |
9230658 |
NORTH OCEAN |
Iċ-Ċina |
CCAMLR, SEAFO |
20040006 |
OCEAN DIAMOND |
Mhux magħruf |
ICCAT |
7826233 |
OCEAN LION |
Mhux magħruf (l-aħħar bandiera magħrufa: Il-Ginea Ekwatorjali) |
IOTC |
|
ORCA |
Mhux magħruf (l-aħħar bandiera magħrufa: Il-Beliże) |
IATTC |
20060012 |
ORIENTE NO. 7 |
Mhux magħruf (l-aħħar bandiera magħrufa: Il-Ħonduras) |
ICCAT |
9404285 |
PARSIAN SHILA |
L-Iran |
IOTC |
|
PERMATA |
Mhux magħruf (l-aħħar bandiera magħrufa: L-Indoneżja) |
IATTC |
|
PERMATA 1 |
L-Indoneżja |
IATTC |
|
PERMATA 138 |
Mhux magħruf (l-aħħar bandiera magħrufa: L-Indoneżja) |
IATTC |
|
PERMATA 2 |
L-Indoneżja |
IATTC |
|
PERMATA 6 |
L-Indoneżja |
IATTC |
|
PERMATA 8 |
L-Indoneżja |
IATTC |
|
PERMATA 102 |
Mhux magħruf (l-aħħar bandiera magħrufa: L-Indoneżja) |
IATTC |
6622642 |
PERSEVERANCE |
Il-Ginea Ekwatorjali |
CCAMLR, SEAFO |
6706084 |
RED (KABOU) |
Il-Panama |
NEAFC, NAFO, SEAFO |
6818930 |
REX |
Togo |
CCAMLR, SEAFO |
|
REYMAR 6 |
Mhux magħruf (l-aħħar bandiera magħrufa: Il-Beliże) |
IATTC |
7388267 |
ROSS |
Togo |
CCAMLR, SEAFO |
8221947 |
SENTA (SHIN TAKARA MARU) |
Il-Panama (bandiera preċedenti: Il-Ġappun) |
WCPFC |
20080004 |
SHARON 1 (MANARA I/POSEIDON) |
Mhux magħruf (l-aħħar bandiera magħrufa: Il-Libja) |
ICCAT |
20050001 |
SOUTHERN STAR 136 (HSIANG CHANG) |
Mhux magħruf (l-aħħar bandiera magħrufa: St. Vincent u l-Grenadini) |
ICCAT |
7347407 |
SUNNY JANE |
Mhux magħruf |
NEAFC, NAFO, SEAFO |
|
TA FU 1 |
Mhux magħruf |
IATTC |
|
TCHING YE No 6 |
Mhux magħruf (l-aħħar bandiera magħrufa: Il-Beliże) |
IATTC |
9319856 |
TROSKY (PALOMA V) |
Il-Kambodja |
CCAMLR, SEAFO |
6905408 |
TYPHOON-1 |
Togo |
CCAMLR, SEAFO |
|
WEN TENG No 688 |
Mhux magħruf (l-aħħar bandiera magħrufa: Il-Beliże) |
IATTC |
9230672 |
WEST OCEAN |
Iċ-Ċina |
CCAMLR, SEAFO |
|
YU FONG 168 |
It-Taipei Ċiniża |
WCPFC |
|
YU MAAN WON |
Mhux magħruf (l-aħħar bandiera magħrufa: il-Ġeorġja) |
IOTC |
7321374 |
YUCATAN BASIN (ENXEMBRE) |
Il-Panama |
NEAFC, NAFO, SEAFO |
9037537 |
ZEUS (TRITON-1) |
Togo (bandiera preċedenti: Is-Sjerra Leone) |
CCAMLR, SEAFO |
(1) L-Organizzazzjoni Marittima Internazzjonali.
(2) Għal kwalunkwe tagħrif ieħor ikkonsulta s-sit tal-RFMO.
29.5.2010 |
MT |
Il-Ġurnal Uffiċjali tal-Unjoni Ewropea |
L 131/27 |
REGOLAMENT TAL-KUMMISSJONI (UE) Nru 469/2010
tat-28 ta’ Mejju 2010
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-29 ta’ Mejju 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Mejju 2010.
Għall-Kummissjoni, f'isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
MA |
49,9 |
MK |
50,2 |
|
TN |
87,1 |
|
TR |
62,4 |
|
ZZ |
62,4 |
|
0707 00 05 |
AL |
41,0 |
MA |
37,3 |
|
MK |
70,2 |
|
TR |
119,7 |
|
ZZ |
67,1 |
|
0709 90 70 |
TR |
109,3 |
ZZ |
109,3 |
|
0805 10 20 |
EG |
61,8 |
IL |
52,4 |
|
MA |
57,5 |
|
US |
60,2 |
|
ZA |
65,8 |
|
ZZ |
59,5 |
|
0805 50 10 |
AR |
100,8 |
BR |
112,1 |
|
TR |
74,4 |
|
ZA |
94,0 |
|
ZZ |
95,3 |
|
0808 10 80 |
AR |
69,2 |
BR |
79,1 |
|
CA |
113,1 |
|
CL |
80,0 |
|
CN |
71,3 |
|
MK |
26,7 |
|
NZ |
107,8 |
|
US |
148,6 |
|
ZA |
87,8 |
|
ZZ |
87,1 |
|
0809 20 95 |
TR |
541,2 |
US |
328,1 |
|
ZZ |
434,7 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
29.5.2010 |
MT |
Il-Ġurnal Uffiċjali tal-Unjoni Ewropea |
L 131/29 |
REGOLAMENT TAL-KUMMISSJONI (UE) Nru 470/2010
tat-28 ta’ Mejju 2010
li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (KE) Nru 877/2009 għas-sena tas-suq 2009/10
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,
Billi:
(1) |
L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2009/10 ġew stabbiliti bir-Regolament tal-Kummissjoni (KE) Nru 877/2009 (3). Dawn il-prezzijiet u dazji ġew emendati l-aħħar mir-Regolament tal-Kummissjoni (UE) Nru 457/2010 (4). |
(2) |
L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (KE) Nru 877/2009 għas-sena tas-suq 2009/10, huma b'dan mmodifikati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fid-29 ta’ Mejju 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Mejju 2010.
Għall-Kummissjoni, f'isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
(3) ĠU L 253, 25.9.2009, p. 3.
(4) ĠU L 128, 27.5.2010, p. 7.
ANNESS
L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti bil-kodiċi NM 1702 90 95 , applikabbli mid-29 ta’ Mejju 2010
(EUR) |
||
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
1701 11 10 (1) |
39,80 |
0,00 |
1701 11 90 (1) |
39,80 |
2,96 |
1701 12 10 (1) |
39,80 |
0,00 |
1701 12 90 (1) |
39,80 |
2,67 |
1701 91 00 (2) |
39,23 |
5,70 |
1701 99 10 (2) |
39,23 |
2,57 |
1701 99 90 (2) |
39,23 |
2,57 |
1702 90 95 (3) |
0,39 |
0,29 |
(1) Stabbilit għall-kwalità standard kif iddefinita fl-Anness IV, il-punt III, tar-Regolament (KE) Nru 1234/2007.
(2) Stabbilit għall-kwalità standard kif iddefinita fl-Anness IV, il-punt II, tar-Regolament (KE) Nru 1234/2007.
(3) Stabbilit bħala 1 % tal-kontenut f'sukrożju.