27.11.2009   

MT

Il-Ġurnal Uffiċjali tal-Unjoni Ewropea

L 312/1

(1)

It-titjib tat-trasparenza tal-liġi Komunitarja huwa element essenzjali tal-istrateġija għat-tfassil aħjar tal-liġijiet li l-istituzzjonijiet tal-Komunità qed jimplimentaw. F’dak il-kuntest huwa adatt li jitneħħew mil-leġislazzjoni fis-seħħ dawk l-atti li m’għadx għandhom effett reali.

(2)

Id-Deċiżjoni tal-Kunsill 91/373/KEE tat-8 ta’ Lulju 1991 dwar il-konklużjoni mill-Komunità Ekonomika Ewropea ta’ Ftehim fil-forma ta’ Skambju ta’ Ittri bejn il-Komunità Ekonomika Ewropea u l-Unjoni tar-Repubbliki Soċjalisti Sovjetiċi dwar garanzija ta’ kreditu għall-esportazzjoni ta’ prodotti agrikoli u ta’ oġġetti tal-ikel mill-Komunità lejn l-Unjoni Sovjetika (1) u r-Regolament tal-Kunsill (KEE) Nru 599/91 tal-5 ta’ Marzu 1991 li jintroduċi garanzija ta’ kreditu għall-esportazzjoni ta’ prodotti agrikoli u ta’ oġġetti tal-ikel mill-Komunità, il-Bulgarija, iċ-Ċekoslovakkja, l-Ungerija, il-Polonja, ir-Rumanija, il-Jugoslavja, il-Litwanja, il-Latvja u l-Estonja lejn l-Unjoni Sovjetika (2) kienu jittrattaw sitwazzjoni temporanja u għalhekk eżawrew l-effetti tagħhom.

(3)

Ir-Regolament tal-Kunsill (KE) Nru 3093/95 tat-22 ta’ Diċembru 1995 li jippreskrivi r-rati ta’ dazju li għandha tapplika l-Komunità bħala riżultat tan-negozjati taħt l-Artikolu XXIV.6 tal-GATT minħabba l-adeżjoni tal-Awstrija, il-Finlandja u l-Isvezja fl-Unjoni Ewropea (3) ġie inkorporat fir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (4) u b’riżultat eżawrixxa l-effetti tiegħu.

(4)

Id-Deċiżjoni tal-Kunsill 96/620/KE tal-1 ta’ Ottubru 1996 dwar il-konklużjoni ta’ Ftehim fil-forma ta’ Bdil ta’ Ittri bejn il-Komunità Ewropea u r-Renju tal-Marokk li jistabbilixxi, mill-1 ta’ Jannar 1994, l-ammont addizzjonali li għandu jitnaqqas mill-impost jew dazji fuq l-importazzjonijiet fil-Komunità taż-żejt taż-żebbuġa mhux raffinat li joriġina fil-Marokk (5) implimenta Ftehim li sussegwentement ġie sostitwit u d-Deċiżjoni tal-Kunsill 2002/958/KE tat-28 ta’ Novembru 2002 rigward it-tmiem tal-Ftehim li sar fis-sura ta’ skambju ta’ ittri bejn il-Komunità Ewropea u r-Renju tal-Marokk f’deroga proviżorja, li tirrigwardja l-importazzjoni fil-Komunità tat-tadam li ġej mill-Marokk, mill-Protokoll Nru 1 tal-Agrikoltura għall-Ftehim tal-Ewro-Mediterran fejn jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa, u r-Renju tal-Marokk min-naħa l-oħra (6), kellu natura temporanja; huma għalhekk eżawrew l-effetti tagħhom.

(5)

Ir-Regolament tal-Kunsill (KE) Nru 1804/98 tal-14 ta’ Awwissu 1998 li jistabbilixxi dazju awtonomu li jista’ jiġi applikat għall-fdalijiet mill-fabbrikazzjoni tal-lamtu mill-qamħirrun li jidħol fil-kodiċijiet NM 2303 10 19 u 2309 90 20 u li jintroduċi kwota ta’ rata tat-tariffa fuq l-importazzjonijiet tal-fdalijiet mill-fabbrikazzjoni tal-lamtu mill-qamħirrun (it-tgħam tal-gluten tal-qamħirrun) li jidħlu fil-kodiċijiet NM 2303 10 19 u 2309 90 20 li joriġinaw fl-Istati Uniti tal-Amerika (7) li kien adottat fil-qafas ta’ tilwima kummerċjali mal-Istati Uniti tal-Amerika u li, minn dak iż-żmien, ġiet solvuta u bħala riżultat dak ir-Regolament m’għad għandu l-ebda rilevanza prattika.

(6)

Ir-Regolament tal-Kunsill (KE) Nru 2249/1999 tat-22 ta’ Ottubru 1999 li jiftaħ kwota ta’ tariffa Komunitarja għall-importazzjoni ta’ laħam tal-annimali bovini, mingħajr għadam, u mnixxef (8) kien ta’ natura temporanja u għalhekk eżawrixxa l-effetti tiegħu.

(7)

Il-miżuri li ġejjin li jirrigwardaw ċerti stati ma baqgħux jintużaw wara l-adeżjoni ta’ dawk l-istati mal-Unjoni Ewropea: (i) id-Deċiżjoni tal-Kunsill 85/211/KEE tas-26 ta’ Marzu 1985 dwar il-konklużjoni ta’ bdil ta’ ittri li jestendi l-bdil ta’ ittri li għandhom x’jaqsmu ma’ klawżola 2 tal-Ftehim bejn il-Komunità Ekonomika Ewropea u r-Repubblika Soċjalista tar-Rumanija dwar il-kummerċ fil-laħam tal-muntun u tal-mogħoż (9); (ii) id-Deċiżjoni tal-Kunsill 93/722/KE tat-23 ta’ Novembru 1993 dwar il-konklużjoni ta’ Ftehim bejn il-Komunità Ewropea u r-Repubblika tal-Bulgarija dwar il-protezzjoni u l-kontroll reċiproċi tal-ismijiet tal-inbid (10); (iii) id-Deċiżjoni tal-Kunsill 93/724/KE tat-23 ta’ Novembru 1993 dwar il-konklużjoni ta’ Ftehim bejn il-Komunità Ewropea u r-Repubblika tal-Ungerija dwar il-protezzjoni u l-kontroll reċiproċi tal-ismijiet tal-inbejjed (11); (iv) id-Deċiżjoni tal-Kunsill 93/726/KE tat-23 ta’ Novembru 1993 dwar il-konklużjoni ta’ Ftehim bejn il-Komunità Ewropea u r-Rumanija dwar il-protezzjoni reċiproka u l-kontroll ta’ ismijiet ta’ nbejjed (12); (v) ir-Regolament tal-Kunsill (KE) Nru 933/95 tal-10 ta’ April 1995 li jiftaħ u jipprovdi għall-amministrazzjoni ta’ kwoti ta’ tariffi tal-Komunità għal ċerti nbejjed li joriġinaw mill-Bulgarija, mill-Ungerija u mir-Rumanija (13); (vi) ir-Regolament tal-Kunsill (KE) Nru 1926/96 tas-7 ta’ Ottubru 1996 li jistabbilixxi ċerti konċessjonijiet fil-forma ta’ kwoti ta’ tariffi Komunitarji għal ċerti prodotti agrikoli u li jipprovdi għall-aġġustament, bħala miżura awtonoma u transitorja,ta’ ċerti konċessjonijiet agrikoli li dwarhom hemm dispożizzjonijiet fil-ftehimiet dwar il-kummerċ ħieles u affarijiet li relatati mal-kummerċ mal-Estonja, il-Latvja u l-Litwanja, sabiex jitqies il-Ftehim dwar l-Agrikoltura li ntlaħaq waqt in-Negozjati Multilaterali dwar il-Kummerċ tar-Round tal-Urugwaj (14); (vii) ir-Regolament tal-Kunsill (KE) Nru 410/97 tal-24 ta’ Frar 1997 dwar ċerti proċeduri għall-applikazzjoni tal-Ftehim Interim dwar il-Kummerċ u l-Miżuri relatati mal-Kummerċ bejn il-Komunità Ewropea, il-Komunità Ewropea tal-Faħam u l-Azzar u l-Komunità Ewropea tal-Enerġija Atomika, fuq naħa, u r-Repubblika tas-Slovenja, fuq in-naħa l-oħra (15); (viii) ir-Regolament tal-Kunsill (KE) Nru 2658/98 tad-19 ta’ Jannar 1998 dwar l-approvazzjoni ta’ skambju ta’ ittri bejn il-Komunità Ewropea u r-Repubblika tal-Ungerija dwar ċerti arranġamenti fuq l-importazzjoni għall-prodotti agrikoli (16); (ix) id-Deċiżjoni tal-Kunsill 1999/86/KE tat-18 ta’ Mejju 1998 dwar il-konklużjoni ta’ Protokoll li jaġġusta aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Estonja, fuq in-naħa l-oħra, sabiex titqies l-adeżjoni tar-Repubblika tal-Awstrija, tar-Repubblika tal-Finlandja u tar-Renju tal-Isvezja fl-Unjoni Ewropea u r-riżultat tan-negozjati dwar l-agrikoltura tar-Round tal-Urugway, inkluż it-titjib tal-arranġamenti preferenzjali eżistenti (17); (x) ir-Regolament tal-Kunsill (KE) Nru 1037/1999 tas-17 ta’ Mejju 1999 dwar l-applikazzjoni ta’ miżuri speċifiċi għall-importazzjoni tal-meraq tal-għeneb u tal-most li joriġinaw f’Ċipru (18); (xi) ir-Regolament tal-Kunsill (KE) Nru 678/2001 tas-26 ta’ Frar 2001 dwar il-konklużjoni ta’ Patti ta’ Ftehim fil-forma ta’ Skambji ta’ Ittri bejn il-Komunità Ewropea u r-Repubblika tal-Bulgarija, ir-Repubblika tal-Ungerija u r-Rumanija dwar konċessjonijiet ta’ kummerċ reċiproku preferenzjali għal ċerti nbejjed u spirti (19); (xii) id-Deċiżjoni tal-Kunsill 2002/63/KE tat-23 ta’ Ottubru 2001 dwar il-konklużjoni ta’ Protokoll li jaġġusta aspetti tal-kummerċ tal-Ftehim Ewropew bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Polonja, fuq in-naħa l-oħra, sabiex titqies l-adeżjoni tar-Repubblika tal-Awstrija, tar-Repubblika tal-Finlandja u tar-Renju tal-Isvezja fl-Unjoni Ewropea u r-riżultat tan-negozjati dwar l-agrikoltura tar-Round tal-Urugway, inkluż it-titjib tal-arranġamenti preferenzjali eżistenti (20); (xiii) ir-Regolament tal-Kunsill (KE) Nru 1361/2002 tat-22 ta’ Lulju 2002 li jistabbilixxi konċessjonijiet fil-forma ta’ kwoti ta’ tariffi Komunitarji għal ċerti prodotti agrikoli u li jipprovdi għal aġġustament, bħala miżura awtonoma u transitorja, ta’ ċerti konċessjonijiet agrikoli li dwarhom hemm ipprovdut fil-Ftehim Ewropew mal-Litwanja (21); (xiv) id-Deċiżjoni tal-Kunsill 2003/18/KE tad-19 ta’ Diċembru 2002 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Rumanija, min-naħa l-oħra, biex jitqies ir-riżultat ta’ negozjati bejn il-Partijiet dwar konċessjonijiet agrikoli reċiproki ġodda (22); (xv) id-Deċiżjoni tal-Kunsill 2003/285/KE tat-18 ta’ Marzu 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa, u r-Repubblika tal-Ungerija, fuq in-naħa l-oħra, sabiex jitqies ir-riżultat tan-negozjati bejn il-Partijiet dwar konċessjonijiet agrikoli reċiproki ġodda (23); (xvi) id-Deċiżjoni tal-Kunsill 2003/463/KE tat-18 ta’ Marzu 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Estonja, fuq in-naħa l-oħra, sabiex jitqies ir-riżultat tan-negozjati bejn il-partijiet dwar konċessjonijiet agrikoli reċiproki ġodda (24); (xvii) id-Deċiżjoni tal-Kunsill 2003/286/KE tat-8 ta’ April 2003 dwar il-konklużjoni tal-Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Bulgarija, min-naħa l-oħra, biex tagħti kont tar-riżultat tan-negozjati bejn il-Partijiet dwar konċessjonijiet agrikoli reċiproki ġodda (25); (xviii) id-Deċiżjoni tal-Kunsill 2003/298/KE tal-14 ta’ April 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika Ċeka, fuq in-naħa l-oħra, sabiex jitqies ir-riżultat tan-negozjati bejn il-Partijiet dwar konċessjonijiet agrikoli reċiproki ġodda (26); (xix) id-Deċiżjoni tal-Kunsill 2003/299/KE tal-14 ta’ April 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika Slovakka, fuq in-naħa l-oħra, sabiex jitqies ir-riżultat tan-negozjati bejn il-Partijiet dwar konċessjonijiet agrikoli reċiproki ġodda (27); (xx) id-Deċiżjoni tal-Kunsill 2003/452/KE tas-26 ta’ Mejju 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, li jaġixxu fi ħdan il-qafas tal-Unjoni Ewropea, fuq naħa waħda, u r-Repubblika tas-Slovenja, fuq in-naħa l-oħra, sabiex jitqies ir-riżultat tan-negozjati bejn il-Partijiet dwar konċessjonijiet agrikoli reċiproki ġodda (28); (xxi) id-Deċiżjoni tal-Kunsill 2004/484/KE tat-22 ta’ Settembru 2003 dwar il-konklużjoni ta’ Protokoll li jaġġusta l-aspetti tal-kummerċ tal-Ftehim Ewropew li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Latvja, fuq in-naħa l-oħra, sabiex jitqies ir-riżultat tan-negozjati bejn il-Partijiet dwar konċessjonijiet agrikoli reċiproki ġodda (29);

(8)

Għal raġunijiet ta’ ċertezza u ċarezza legali, dawk ir-Regolamenti u d-Deċiżjonijiet li m’għadhomx jintużaw għandhom jitħassru,

27.11.2009   

MT

Il-Ġurnal Uffiċjali tal-Unjoni Ewropea

L 312/4

(1)

Għall-finijiet tar-ristrutturazzjoni tal-produzzjoni tal-ħalib fil-Komunità, l-Artikolu 75(1)(a) tar-Regolament (KE) Nru 1234/2007 (2) jagħti lill-Istati Membri l-possibbiltà li jingħata kumpens lill-produtturi li jintrabtu li jabbandunaw b'mod permanenti il-produzzjoni kollha tal-ħalib jew parti minnha u jpoġġi l-kwoti individwali hekk rilaxxati fir-riżerva nazzjonali.

(2)

Sabiex titħeġġeġ iktar ir-ristrutturazzjoni meħtieġa, l-imposta għaż-żejjed li għandha titħallas mill-produtturi tal-ħalib skont l-Artikolu 78(1) tar-Regolament (KE) Nru 1234/2007 għandha tiġi kkalkulata abbażi tal-kwota nazzjonali mnaqqsa mill-kwoti individwali mixtrija skont l-Artikolu 75(1)(a), soġġetta għall-kundizzjoni li dawk il-kwoti rilaxxati jibqgħu fir-riżerva nazzjoni fis-sena tal-kwoti kkonċernata.

(3)

Minħabba l-ħtieġa li jissaħħu l-istrumenti finanzjarji għal iktar ristrutturazzjoni fis-settur, l-Istati Membri għandhom jitħallew jużaw il-flus addizzjonali miġbura abbażi tal-metodu l-ġdid ta' kalkolu għall-istess raġunijiet ta' ristrutturazzjoni.

(4)

Dan il-metodu ta' kalkolu għandu japplika temporanjament, għall-perjodi ta' tnax-il xahar li jibdew mill-1 ta' April 2009 u l-1 ta' April 2010 u fir-rigward tal-kunsinni tal-ħalib biss sabiex il-miżura tiġi llimitata sakemm meħtieġ.

(5)

L-Artikolu 186 tar-Regolament (KE) Nru 1234/2007 jipprovdi li l-Kummissjoni tista' tieħu miżuri f'każijiet ta' disturbi fis-suq ta' ċerti prodotti agrikoli, fejn il-prezzijiet tas-suq intern jogħlew u jinżlu b'mod sinifikattiv. Madankollu, il-ħalib u l-prodotti tal-ħalib mhumiex koperti b'dak l-Artikolu.

(6)

Fil-kuntest tad-diffikultajiet serji u l-instabbiltà tal-prezz li qed jogħla fis-suq tal-ħalib, ikun xieraq li jitkabbar l-ambitu tal-Artikolu 186 tar-Regolament tal-Kunsill (KE) Nru 1234/2007 għall-ħalib u l-prodotti tal-ħalib, u b'hekk il-Kummissjoni tkun tista' tirreaġixxi għad-disturbi tas-suq b'mod flessibli u malajr.

(7)

Ir-Regolament (KE) Nru 1234/2007 għandu għalhekk jiġi emendat kif meħtieġ,

(1)

L-Artikolu 78 jiġi emendat kif ġej:

(2)

Fl-Artikolu 79, jiżdied il-paragrafu li ġej:

“Għall-perjodi ta' tnax-il xahar li jibdew mill-1 ta' April 2009 u mill-1 ta' April 2010 u fir-rigward tal-kunsinni, l-imposta għaż-żejjed għandha tkun kollha kemm hi allokata, f'konformità mal-Artikoli 80 u 83, lill-produtturi li taw kontribut għal qbiż fil-kwoti nazzjonali kif stabbiliti bl-applikazzjoni tal-Artikolu 78(1a).”;

(3)

Fl-Artikolu 186, il-punt (a) jinbidel b'dan li ġej:

27.11.2009   

MT

Il-Ġurnal Uffiċjali tal-Unjoni Ewropea

L 312/6

27.11.2009   

MT

Il-Ġurnal Uffiċjali tal-Unjoni Ewropea

L 312/8

(1)

Permezz tar-Regolament tal-Kummissjoni (KE) Nru 1126/2008 (2) ġew adottati ċerti standards internazzjonali u interpretazzjonijiet li kienu fis-seħħ fil-15 ta’ Ottubru 2008.

(2)

Fis-27 ta’ Novembru 2008, il-Kumitat tal-Interpretazzjoni Internazzjonali tar-Rappurtar Finanzjarju (IFRIC) ippubblika l-Interpretazzjoni IFRIC 17 Distribuzzjonijiet ta’ Assi Mhux Flus lis-Sidien, minn issa ‘l quddiem imsejħa l-“IFRC 17”. L-IFRIC 17 hija intepretazzjoni li tipprovdi kjarifika u gwida dwar it-trattament fil-kontabilità ta’ distribuzzjonijiet ta’ assi mhux likwidi lis-sjieda ta’ entità.

(3)

Il-konsultazzjoni mal-Grupp ta’ Esperti Tekniċi (TEG) tal-Grupp Konsultattiv Ewropew għall-Informazzjoni Finanzjarja (EFRAG) tikkonferma li l-IFRIC 17 jissodisfa l-kriterji tekniċi għall-adozzjoni kif stipulat fl-Artikolu 3(2) tar-Regolament (KE) Nru 1606/2002. F’konformità mad-Deċiżjoni tal-Kummissjoni (KE) Nru 505/2006 tal-14 ta’ Lulju 2006 li tistabbilixxi Grupp ta’ Reviżjoni tal-Konsulenza dwar Normi [Grupp Konsultattiv dwar ir-Reviżjoni tal-Istandards] fil-qasam tal-kontabilità biex jagħti parir lill-Kummissjoni dwar l-oġġettività u n-newtralità tal-opinjonijiet tal-Grupp Konsultattiv Ewropew għall-Informazzjoni Finanzjarja [dwar ir-Rappurtar Finanzjarju] (EFRAG) (3), il-Grupp Konsultattiv dwar ir-Reviżjoni tal-Istandards qies l-opinjoni tal-EFRAG dwar l-adozzjoni u lill-Kummissjoni taha l-parir li din hija bbilanċata kif xieraq u oġġettiva.

(4)

L-adozzjoni tal-emendi għall-IFRIC 17 timplika, b’konsegwenza, emendi għall-Istandard Internazzjonali tar-Rappurtar Finanzjarju (IFRS) 5 u l-Istandard Internazzjonali tal-Kontabilità (IAS ) 10 sabiex tiġi żgurata l-konsistenza bejn l-istandards ta’ kontabilità konċernati.

(5)

Għalhekk ir-Regolament (KE) Nru 1126/2008 għandu jiġi emendat skont dan.

(6)

Il-miżuri stipulati f’dan ir-Regolament huma skont l-opinjoni tal-Kumitat Regolatorju dwar il-Kontabilità,

(1)

L-Interpretazzjoni 17 tal-Kumitat tal-Interpretazzjoni Internazzjonali tar-Rappurtar (IFRIC) Distribuzzjonijiet ta’ Assi Mhux Flus lis-Sidien, qed tiddaħħal kif stabbilit fl-Anness għal dan ir-Regolament;

(2)

L-Istandard Internazzjonali tar-Rappurtar Finanzjarju (IFRS) 5 huwa emendat kif stipulat fl-Anness għal dan ir-Regolament;

(3)

L-Istandard Internazzjonali tal-Kontabilità (IAS ) 10 huwa emendat kif stipulat fl-Anness għal dan ir-Regolament.

27.11.2009   

MT

Il-Ġurnal Uffiċjali tal-Unjoni Ewropea

L 312/14

(1)

Skont l-ewwel subparagrafu tal-Artikolu 9(1), l-ewwel inċiż, u b’applikazzjoni tal-Artikolu 17(2) tar-Regolament (KE) Nru 510/2006, il-Kummissjoni eżaminat it-talba mressqa minn Franza għall-approvazzjoni ta’ emendi fl-ispeċifikazzjoni tad-denominazzjoni protetta tal-oriġini “Picodon de l’Ardèche ou Picodon de la Drôme”, irreġistrata skont ir-Regolament tal-Kummissjoni (KE) Nru 1107/96 (2).

(2)

It-tlaba għall-emenda tirrigwarda, fost oħrajn, l-emenda għad-denominazzjoni tal-prodott “Picodon de l’Ardèche ou Picodon de la Drôme” li jsir “Picodon”. Din hija denominazzjoni tradizzjonali li, skont l-Artikolu 2(2) tar-Regolament (KE) Nru 510/2006, titqies bħala denominazzjoni tal-oriġini u li twettaq il-kundizzjonijiet previsti għad-denominazzjoni protetta tal-oriġini. L-isem Picodon jikkorridpondi għall-forma mqassra, tas-soltu u li tintuża tradizzjonalment fin-negozju u fit-taħdit kurrenti sabiex tindika l-prodott miksub skont l-ispeċifikazzjoni.

(3)

L-emendi li saru jirrigwardaw ukoll kjarifiki dwar id-definizzjoni u l-prattiki użati mill-produtturi waqt l-ipproċessar tal-prodott. L-inklużjoni formali tagħhom fl-ispeċifikazzjoni għandha l-għan li tippreżerva d-denominazzjoni minn riskji potenzjali, u biex tikkaratterizza aħjar lill-prodott billi ssaħħaħlu r-rabta mal-oriġini. Finalment, l-isem tad-Digriet nazzjonali li jipproteġi d-denominazzjoni ġie aġġornat.

(4)

Minħabba li l-emendi konċernati mhumiex minuri fis-sens tal-Artikolu 9 tar-Regolament tal-Kummissjoni (KE) Nru 510/2006, il-Kummissjoni, kif jitlob l-ewwel subparagrafu tal-Artikolu 6(2) tar-Regolament imsemmi, ippubblikat it-talba għall-emendi f’Il-Ġurnal Uffiċjali tal-Unjoni Ewropea  (3). Minħabba li ma ntbagħtet l-ebda stqarrija ta’ oġġezzjoni lill-Kummissjoni skont l-Artikolu 7 tar-Regolament tal-Kummissjoni (KE) Nru 510/2006, l-emendi għandhom jiġu approvati,

27.11.2009   

MT

Il-Ġurnal Uffiċjali tal-Unjoni Ewropea

L 312/16

(1)

Ir-Regolament tal-Kummissjoni (KE) Nru 474/2006 tat-22 ta’ Marzu 2006 stabbilixxa l-lista Komunitarja ta’ kumpaniji tal-ajru [trasportaturi bl-ajru] li huma suġġetti għal projbizzjoni fuq l-operat fil-Komunità skont il-Kapitolu II tar-Regolament (KE) Nru 2111/2005 (2).

(2)

Skont l-Artikolu 4(3) tar-Regolament (KE) Nru 2111/2005, xi Stati Membri kkomunikaw lill-Kummissjoni tagħrif li huwa rilevanti fil-kuntest tal-aġġornament tal-lista Komunitarja. Ġie kkomunikat ukoll tagħrif rilevanti minn pajjiżi terzi. Abbażi ta’ dan, il-lista Komunitarja għandha tiġi aġġornata.

(3)

Il-Kummissjoni għarrfet lit-trasportaturi bl-ajru kollha kkonċernati jew b’mod dirett jew, meta dan ma setax isir, permezz tal-awtoritajiet responsabbli għas-sorveljanza regolatorja tagħhom, filwaqt li indikatilhom il-fatti u l-kunsiderazzjonijiet prinċipali li kellhom jiffurmaw il-bażi tad-deċiżjoni li tiġi imposta fuqhom projbizzjoni fuq l-operat fi ħdan il-Komunità, jew li jinbidlu l-kundizzjonijiet tal-projbizzjoni fuq l-operat imposta fuq trasportatur bl-ajru li huwa inkluż fil-lista Komunitarja.

(4)

Il-Kummissjoni lit-trasportaturi bl-ajru kkonċernati tathom l-opportunità biex jikkonsultaw id-dokumenti pprovduti mill-Istati Membri, iressqu kummenti bil-miktub u jagħmlu preżentazzjoni bil-fomm lill-Kumissjoni fi żmien għaxart ijiem tax-xogħol, kif ukoll lill-Kumitat tas-Sikurezza tal-Ajru stabbilit bir-Regolament tal-Kunsill (KEE) Nru 3922/91 tas-16 ta’ Diċembru 1991 dwar l-armonizzazzjoni tal-ħtiġijiet tekniċi u proċeduri amministrattivi fil-qasam tal-avjazzjoni ċivili (3).

(5)

L-awtoritajiet responsabbli għas-sorveljanza regolatorja tat-trasportaturi bl-ajru kkonċernati ġew ikkonsultati mill-Kummissjoni kif ukoll, f’każijiet speċifiċi, minn xi wħud mill-Istati Membri.

(6)

Il-Kumitat tas-Sikurezza tal-Ajru sema’ l-preżentazzjonijiet tal-Aġenzija Ewropea tas-Sikurezza tal-Avjazzjoni (l-EASA) u tal-Kummissjoni dwar il-proġetti ta’ għajnuna teknika mwettqin f’pajjiżi li jaffettwahom ir-Regolament (KE) Nru 2111/2005. Huwa tgħarraf dwar it-talbiet għal iktar għajnuna teknika u iktar kooperazzjoni sabiex tittejjeb il-ħila amministrattiva u teknika tal-awtoritajiet tal-avjazzjoni ċivili bil-ħsieb li jitranġa kwalunkwe nuqqas ta’ konformità mal-istandards internazzjonali applikabbli.

(7)

Il-Kumitat tas-Sikurezza tal-Ajru tgħarraf ukoll dwar l-azzjonijiet ta’ nfurzar li wettqu l-EASA u l-Istati Membri sabiex jiżguraw l-ajrunavigabbiltà kontinwa u l-manutenzjoni tal-inġenji tal-ajru rreġistrati fil-Komunità Ewropea u mħaddmin minn trasportaturi bl-ajru ċċertifikati mill-awtoritajiet tal-avjazzjoni ċivili ta’ pajjiżi terzi.

(8)

Għalhekk, ir-Regolament (KE) Nru 474/2006 għandu jiġi emendat kif xieraq.

(9)

Wara tagħrif li ħareġ minn spezzjonijiet fuq l-art (“ramp inspections”) li twettqu mis-SAFA (il-Valutazzjoni tas-Sikurezza tal-Inġenji tal-Ajru Barranin) fuq inġenji tal-ajru ta’ ċerti trasportaturi bl-ajru Komunitarji, kif ukoll minn ċerti spezzjonijiet u verifiki ta’ oqsma speċifiċi mwettqin mill-awtoritajiet nazzjonali tal-avjazzjoni tagħhom, uħud mill-Istati Membri implimentaw ċerti miżuri ta’ nfurzar. Huma għarrfu lill-Kummissjoni u lill-Kumitat tas-Sikurezza tal-Ajru dwar dawn il-miżuri: l-awtoritajiet kompetenti tal-Litwanja rrevokaw iċ-Ċertifikat ta’ Operatur tal-Ajru (l-AOC) tat-trasportatur bl-ajru “FLYLAL Lithuanian Airlines” u dawk ta’ Spanja niedew il-proċedura biex iwaqqfu l-AOC tat-trasportatur bl-ajru “Euro Continental” nhar it-30 ta’ Ottubru 2009.

(10)

Hemm evidenza vverifikata ta’ nuqqasijiet gravi fil-qasam tas-sikurezza min-naħa tat-trasportatur Albanian Airlines MAK, iċċertifikat fl-Albanija. Dawn in-nuqqasijiet ġew identifikati minn Franza, mill-Ġermanja u mill-Italja, kif ukoll minn stati oħrajn tal-Konferenza Ewropea tal-Avjazzjoni Ċivili (l-ECAC) waqt spezzjonijiet fuq l-art imwettqin bħala parti mill-programm SAFA (4). Dawn in-nuqqasijiet jikkonċernaw l-iktar inġenji tal-ajru tat-tip MD82.

(11)

It-trasportatur Albanian Airlines MAK wieġeb kif xieraq u fil-ħin għat-talba mill-awtorità tal-avjazzjoni ċivili ta’ Franza, tal-Ġermanja u tal-Italja dwar l-azzjonijiet korrettivi li ttieħdu sabiex jiġu indirizzati dawn in-nuqqasijiet fil-qasam tas-sikurezza.

(12)

Madanakollu, l-awtoritajiet kompetenti tal-Albanija (id-DGCA) kkonfermaw li n-nuqqasijiet identifikati fl-ispezzjonijiet tas-SAFA fil-verità wrew nuqqasijiet sistematiċi fl-operat u fis-sistema tal-kwalità tat-trasportatur Albanian Airlines MAK. Id-DGCA wettqu investigazzjoni ddettaljata tal-konformità tat-trasportatur bl-ajru mal-istandards applikabbli tas-sikurezza, u wara ddeċidew li jimponu restrizzjonijiet fuq l-operat tat-trasportatur bl-ajru flimkien ma’ tibdiliet strutturali fih. B’mod partikulari, id-DGCA għarrfu lill-Kumitat tas-Sikurezza tal-Ajru li l-flotta tnaqqset minn tliet għal żewġ inġenji tal-ajru u li l-inġenju tal-ajru tat-tip MD-82 bir-reġistrazzjoni ZA-ASA ġie rtirat mill-AOC tat-trasportatur Albanian Airlines u tneħħa mir-reġistru fl-1 ta’ Ottubru 2009. Barra minn hekk, fit-23 ta’ Ottubru, id-DGCA illimitaw l-operat tat-trasportatur bl-ajru għal-livell u għad-destinazzjonijiet li kienu jeżistu f’dik id-data u talbu lit-trasportatur bl-ajru jibdel l-amministraturi tiegħu minnufih u jsaħħaħ is-sistemi tal-ġestjoni tal-kwalità u tas-sikurezza tiegħu.

(13)

Fil-11 ta’ Novembru, id-DGCA għamlu preżentazzjonijiet lill-Kumitat tas-Sikurezza tal-Ajru li fihom ikkonfermaw li dawn l-azzjonijiet korrettivi kienu ġew implimentati u li dawn tqiesu li jindirizzaw b’mod effettiv in-nuqqasijiet identifikati fil-qasam tas-sikurezza.

(14)

L-awtoritajiet kompetenti tal-Albanija wrew li huma aġixxew sabiex jiżguraw is-sorveljanza tas-sikurezza tat-trasportatur Albanian Airlines MAK.

(15)

L-awtoritajiet kompetenti tal-Albanija huma mistiedna jimplimentaw il-pjan ta’ azzjoni msemmi fil-premessa (32) tar-Regolament (KE) Nru 787/2007 (5) b’pass iktar mgħaġġel u huma mfakkra fl-impenn tagħhom, imsemmi fil-premessa (33) tal-istess Regolament, li ma joħorġu l-ebda AOC ieħor sa ma jkun implimentat b’mod sodisfaċenti l-programm tal-istrutturar mill-ġdid. Fid-dawl ta’ dan kollu, l-Albanija hija mistiedna tħaffef il-pass tal-bini tal-ħila tad-DGCA, sabiex tiżgura li s-sorveljanza kontinwa tat-trasportaturi bl-ajru ċċertifikati fl-Albanija titwettaq b’mod sostenibbli u f’konformità mal-istandards applikabbli tas-sikurezza.

(16)

L-Aġenzija Ewropea tas-Sikurezza tal-Avjazzjoni se twettaq spezzjoni dwar l-istandardizzazzjoni fl-Albanija fil-bidu tal-2010 sabiex timmonitorja l-implimentazzjoni tar-rekwiżiti applikabbli tas-sikurezza min-naħa tal-awtoritajiet kompetenti u min-naħa ta’ dawk l-impriżi li jaqgħu taħt is-sorveljanza tagħhom.

(17)

Skont ir-Regolament (KE) Nru 619/2009 (6) u wara l-preżentazzjoni tal-Pjan ta’ Azzjoni Korrettiva f’Ġunju 2009, l-awtoritajiet kompetenti tal-Eġittu ressqu erba’ rapporti ta’ kull xahar li jkopru x-xhur ta’ Lulju, Awwissu, Settembru u Ottubru 2009 biex juru l-istat tal-implimentazzjoni tal-pjan kif ivverifikat minnhom. B’referenza għal dawn ir-rapporti li ffukaw fuq l-ispezzjonijiet fuq l-art tal-inġenji tal-ajru tat-trasportatur Egypt Air, l-awtoritajiet kompetenti tal-Eġittu ntalbu jipprovdu r-rapporti tal-verifiki dwar il-manutenzjoni, l-ajrunavigabbiltà kontinwa u l-operat waqt it-titjira li huma wettqu fuq it-trasportatur bl-ajru. Fl-10 ta’ Novembru, l-awtoritajiet kompetenti tal-Eġittu bagħtu r-rapport tal-ispezzjoni tal-bażi tat-trasportatur Egypt Air li saret f’Ottubru 2009 u li wasslet biex jiġġedded l-AOC tat-trasportatur. Ir-rapporti tal-verifiki dwar l-ajrunavigabbiltà kontinwa, l-operat waqt it-titjira u l-operat ta’ mal-art ma ntbagħtux. Id-dokumenti pprovduti juru li, filwaqt li t-trasportatur bl-ajru għamel progress sinifikanti, huwa mistenni li jkun hemm iktar titjib fl-oqsma tal-manutenzjoni, tal-inġinerija u tal-operat.

(18)

L-awtoritajiet kompetenti tal-Eġittu ntrabtu wkoll li jipprovdu lill-Kummissjoni b’tagħrif dwar l-għeluq sodisfaċenti ta’ sejbiet li kienu ħarġu qabel waqt spezzjonijiet fuq l-art tal-inġenji tal-ajru tat-trasportatur Egypt Air li kienu twettqu fl-2008 u fl-2009. Għal dak il-għan, huma indirizzaw il-korrispondenza rilevanti lil ċerti Stati Membri li fihom l-inġenji tal-ajru tat-trasportatur Egypt Air kienu suġġetti għal spezzjonijiet fuq l-art fil-perjodu mill-1 ta’ Jannar 2008 sat-30 ta’ Settembru 2009. Il-proċess biex jingħalqu dawn is-sejbiet għadu għaddej u għandu jiġi vverifikat b’mod regolari.

(19)

Il-Kumitat tas-Sikurezza tal-Ajru jagħraf l-isforzi li għamel it-trasportatur sabiex ilesti l-azzjonijiet meħtieġa biex titranġa l-qagħda tiegħu fil-qasam tas-sikurezza, kif ukoll ir-rieda qawwija ta’ kooperazzjoni murija kemm mit-trasportatur kif ukoll mill-awtoritajiet kompetenti tal-Eġittu. Madanakollu, minħabba l-ambitu u l-firxa tal-pjan ta’ azzjoni korrettiva u l-ħtieġa li jiġu pprovduti soluzzjonijiet sostenibbli għan-nuqqasijiet li kienu identifikati qabel fil-qasam tas-sikurezza, l-awtoritajiet kompetenti tal-Eġittu ntalbu jkomplu jibagħtu rapporti ta’ kull xahar dwar il-verifika tal-implimentazzjoni ta’ dak il-pjan u dwar l-għeluq tas-sejbiet identifikati matul l-ispezzjonijiet tas-SAFA, flimkien ma’ kwalunkwe rapporti oħra ta’ verifiki li jwettqu fuq it-trasportatur Egypt Air.

(20)

Wara li jitlesta l-pjan ta’ azzjoni korrettiva, l-awtoritajiet kompetenti tal-Eġittu għandhom iwettqu verifika aħħarija u jibagħtu r-riżultati lill-Kummissjoni, flimkien ma’ kwalunkwe rakkomandazzjoni li jkunu għamlu. Il-Kummissjoni tirriżerva d-dritt li tipproċedi bil-verifika tal-implimentazzjoni tal-miżuri korrettivi li jkun wettaq it-trasportatur bl-ajru permezz ta’ żjara li għandha titwettaq mill-Aġenzija Ewropea tas-Sikurezza tal-Avjazzjoni bl-għajnuna tal-Istati Membri. Sadanittant, l-Istati Membri għandhom ikomplu jiżguraw li l-għadd ta’ spezzjonijiet tat-trasportatur Egypt Air jiġi intensifikat sabiex dawn jipprovdu l-bażi għal valutazzjoni mill-ġdid ta’ dan il-każ matul il-laqgħa tal-Kumitat tas-Sikurezza tal-Ajru li jmiss.

(21)

Skont ir-Regolamenti (KE) Nru 715/2008 u 1131/2008 (7), l-Istati Membri komplew jivverifikaw il-konformità effettiva tat-trasportatur Yemenia mal-istandards rilevanti tas-sikurezza permezz ta’ spezzjonijiet regolari fuq l-art tal-inġenji tal-ajru tiegħu li jinżlu f’ajruporti tal-Komunità. Fl-2009, Franza, il-Ġermanja, l-Italja u r-Renju Unit irrappurtaw it-tali spezzjonijiet. Il-Kummissjoni rċeviet dokumentazzjoni li turi li t-trasportatur bl-ajru rreaġixxa b’mod xieraq u fil-ħin sabiex isolvi s-sejbiet li ħarġu minn dawn l-ispezzjonijiet.

(22)

Wara l-adozzjoni tar-Regolament (KE) Nru 619/2009, il-Kummissjoni rċeviet iktar tagħrif mingħand l-awtoritajiet kompetenti tar-Repubblika tal-Jemen kif ukoll mingħand it-trasportatur Yemenia Yemen Airways dwar l-implimentazzjoni tal-pjan ta’ azzjonijiet korrettivi fl-oqsma tal-manutenzjoni u tal-operat.

(23)

L-awtoritajiet kompetenti tar-Repubblika tal-Jemen għarrfu lill-Kummissjoni dwar il-verifiki li wettqu fuq il-faċilitajiet tal-manutenzjoni tat-trasportatur Yemenia wara s-sospensjoni tal-approvazzjoni tal-organizzazzjoni tal-manutenzjoni tiegħu bin-numru EASA.145.0177 bil-għan li tiġi vvalutata l-konformità tat-trasportatur Yemenia mal-istandard tal-Jemen bin-numru YCAR-145. L-awtoritajiet kompetenti tar-Repubblika tal-Jemen bagħtu pjan irrivedut ta’ azzjoni korrettiva tat-trasportatur Yemenia li jġib id-data tal-15 ta’ Settembru 2009, wara l-verifika tal-organizzazzjoni tal-manutenzjoni li wettqet l-Awtorità tal-Avjazzjoni Ċivili u tal-Meteoroloġija (il-CAMA) skont ir-rekwiżiti nazzjonali (YCAR-145) u l-verifika ta’ segwitu li l-CAMA wettqet fl-20 ta’ Settembru 2009. Iż-żewġ dokumenti wrew li s-sejbiet kollha ngħalqu. Barra minn hekk, il-CAMA pprovdiet dokumentazzjoni individwali li tappoġġaha l-għeluq tas-sejbiet waqt il-laqgħa tal-Kumitat tas-Sikurezza tal-Ajru li saret fl-10 ta’ Novembru 2009.

(24)

Barra minn hekk, il-Kumitat tas-Sikurezza tal-Ajru tgħarraf dwar il-valutazzjoni pożittiva, f’dan l-istadju, mill-EASA u mill-awtoritajiet kompetenti ta’ Franza dwar l-implimentazzjoni tal-azzjonijiet korrettivi tat-trasportatur Yemenia sabiex dan jerġa’ jikseb l-approvazzjoni Ewropea tiegħu tal-manutenzjoni.

(25)

Qed jingħarfu l-isforzi li għamel it-trasportatur Yemenia sabiex jirranġa n-nuqqasijiet fil-qasam tas-sikurezza identifikati fid-diversi verifiki. Qed tiġi nnutata t-tlestija tal-pjan ta’ azzjoni korrettiva fil-qasam tal-manutenzjoni min-naħa tat-trasportatur Yemenia hekk kif irrappurtat fil-valutazzjonijiet li l-CAMA wettqet f’dan il-qasam. L-EASA u l-Istati Membri se jorganizzaw żjara fuq il-post fil-Jemen mill-iktar fis possibbli sabiex tiġi vverifikata l-qagħda tat-trasportatur Yemenia fil-qasam tas-sikurezza bil-għan li tiġi evalwata l-konformità tiegħu, fil-verità, mal-istandards internazzjonali tas-sikurezza u sabiex tiġi evalwata l-ħila tal-CAMA li tiżgura s-sorveljanza tas-sikurezza tal-avjazzjoni ċivili fil-Jemen.

(26)

L-Istati Membri għandhom jivverifikaw b’mod sistematiku l-konformità tat-trasportatur Yemenia, fil-verità, mal-istandards rilevanti tas-sikurezza permezz tal-prijoritizzazzjoni tal-ispezzjonijiet fuq l-art li għandhom jitwettqu fuq l-inġenji tal-arju ta’ dan it-trasportatur skont ir-Regolament (KE) Nru 351/2008. Il-Kumitat tas-Sikurezza tal-Ajru se jerġa’ janalizza dan il-każ matul il-laqgħa tiegħu li jmiss.

(27)

Ir-Repubblika Demokratika tal-Kongo għarrfet lill-Kummissjoni li qed tirtira l-liċenzji tal-operat tat-trasportaturi bl-ajru li ġejjin: Virunga Air Charter, Air Navette, Air Beni, Air Boyoma, Butembo Airlines, Sun Air services, Rwakabika Bushi Express, Aigle Aviation, Kivu Air, Comair, Free Airlines, Great Lake Business Company, Air Infini, Bel Glob Airlines, Safari Logistics, Tembo Air Services, Katanga Airways, Cargo Bull, Africa One, Malila Airlift, Transport Aérien Congolais (TRACO), El Sam Airlift, Thom’s Airways, Piva Airlines, u Espace Aviation Service. Dawn it-trasportaturi bl-ajru ilhom li temmew l-attivitajiet tagħhom mit-30 ta’ Lulju 2009.

(28)

Barra minn hekk, l-awtoritajiet kompetenti tar-Repubblika Demokratika tal-Kongo għarrfu li rtiraw il-liċenzji tal-operat tat-trasportaturi bl-ajru li ġejjin, li l-Kummissjoni ma kinitx ġiet mgħarrfa minn qabel li kellhom liċenzja tal-operat: Air Fox, Trans Kasai Air, Wetrafa, Adala Airways, Executive Aviation, Flight Express, Katana Airways, Showa Air Cargo, Gloria Airways, Soft Trans Air, Lomami Aviation, Pegassus Aviation, African Trading and Transport, u Brooks Trading. Dawn it-trasportaturi bl-ajru ilhom li temmew l-attivitajiet tagħhom mit-30 ta’ Lulju 2009.

(29)

Għalhekk, abbażi tal-kriterji komuni, qed jitqies li t-trasportaturi bl-ajru msemmija hawn fuq, li għandhom liċenzja maħruġa mir-Repubblika Demokratika tal-Kongo, għandhom jitneħħew mill-Anness A.

(30)

Hemm evidenza vverifikata tan-nuqqas ta’ ħila tal-awtoritajiet responsabbli għas-sorveljanza regolatorja tat-trasportaturi bl-ajru lliċenzjati f’Ġibuti li jindirizzaw in-nuqqasijiet fil-qasam tas-sikurezza, kif muri mir-riżultati tal-verifika ta’ Ġibuti li l-ICAO wettqet f’Marzu 2008 fil-qafas tal-Programm Universali ta’ Verifika tas-Sorveljanza tas-Sikurezza (l-USOAP). Din il-verifika rrappurtat għadd kbir ta’ nuqqasijiet sinifikanti f’dak li għandu x’jaqsam mal-ħila tal-awtoritajiet tal-avjazzjoni ċivili ta’ Ġibuti li jwettqu r-responsabbiltajiet tagħhom ta’ sorveljanza tas-sikurezza tal-ajru. Meta tlestiet il-verifika tal-ICAO, ma kinux implimentati aktar minn 96 % tal-istandards tal-ICAO.

(31)

Hemm evidenza li l-awtoritajiet kompetenti ta’ Ġibuti mhumiex kapaċi biżżejjed li jirranġaw b’mod effettiv is-sejbiet ta’ nuqqas ta’ konformità li sabet l-ICAO, kif jidher mill-fatt li fir-rapport finali tagħha ta’ Frar 2009, l-ICAO tqis li parti sinifikanti ħafna mill-azzjonijiet korrettivi li dawn l-awtoritajiet ipproponew jew implimentaw fil-fatt ma jindirizzawx in-nuqqasijiet osservati. B’mod partikulari fil-qasam tal-operat tal-inġenji tal-ajru, iżjed minn żewġ terzi tal-azzjonijiet proposti minn Ġibuti ma tqisux li setgħu jiġu aċċettati bis-sħiħ mill-ICAO.

(32)

Barra minn hekk, l-ICAO ħabbret tħassib sinifikanti dwar is-sikurezza lill-istati kollha msieħba fil-Konvenzjoni ta’ Ċikago sabiex tgħarrafhom li Ġibuti la kien stabbilixxa sistema affidabbli għas-sorveljanza tat-trasportaturi bl-ajru li l-awtoritajiet kompetenti ta’ Ġibuti kienu ħarġulhom Ċertifikat ta’ Operatur tal-Ajru (AOC) u lanqas ma kien stabbilixxa pjan ta’ azzjoni aċċettabbli biex jirranġa din il-qagħda.

(33)

Il-Kummissjoni, wara li qieset dan ta’ hawn fuq, bdiet konsultazzjoni mal-awtoritajiet kompetenti ta’ Ġibuti, li fiha esprimiet tħassib serju dwar is-sikurezza tal-operat tat-trasportaturi bl-ajru lliċenzjati f’dan l-istat u li fiha talbet għal kjarifiki dwar l-azzjonijiet meħudin mill-awtoritajiet kompetenti ta’ Ġibuti sabiex iwieġbu għas-sejbiet u għall-osservazzjonijiet tal-ICAO dwar l-aċċettabbiltà tal-azzjonijiet korrettivi.

(34)

L-awtoritajiet kompetenti ta’ Ġibuti (id-DACM) għarrfu lill-Kummissjoni li kien hemm dewmien fl-implimentazzjoni tal-pjan ta’ azzjoni mmirat sabiex jiġu indirizzati s-sejbiet tal-ICAO, u li kien hemm biss għadd limitat ta’ sejbiet li tqiesu li ngħalqu. Id-DACM la taw dettalji dwar l-azzjonijiet li ttieħdu u lanqas ma taw evidenza dwar l-għeluq sodisfaċenti tas-sejbiet relatati. Id-DACM ma weġbux għall-osservazzjonijiet li għamlet l-ICAO dwar ir-rilevanza tal-34 azzjoni li hija qieset li ma kinux biżżejjed biex jindirizzaw is-sejbiet.

(35)

Id-DACM ikkonfermaw li ġraw żewġ inċidenti fatali fl-2002 u fl-2007, li kellhom x’jaqsmu ma’ inġenji tal-ajru tat-tip Let 410 u Antonov 26. Madanakollu, huma ma tawx tagħrif dwar l-investigazzjonijiet tal-inċidenti tal-inġenji tal-ajru u lanqas dwar l-azzjonijiet tagħhom sabiex jiġi indirizzat dak li kkaġuna dawn l-inċidenti.

(36)

Id-DACM għarrfu lill-Kummissjoni li huma ħassru l-AOC tat-trasportatur Djibouti Airlines fit-30 ta’ Lulju 2009 u li f’dik id-data l-linja tal-ajru kienet diġà waqqfet l-attivitajiet tagħha. Huma għarrfu wkoll li ħassru l-AOC tat-trasportatur Daallo Airlines fil-15 ta’ Settembru. Madanakollu, t-trasportatur Daallo Airlines għad għandu liċenzja tal-operat u juża inġenji tal-ajru tat-tip DC9 irreġistrati fil-Komoros, inġenji tal-ajru tat-tip Antonov 24 irreġistrati fl-Armenja, u inġenji tal-ajru tat-tip Ilyushin 18 irreġistrati fil-Każakstan. Ma ngħatatx l-identità ta’ min iħaddem verament dawn l-inġenji tal-ajru. L-awtoritajiet kompetenti ta’ Ġibuti ma wrewx li huma jinsabu f’qagħda li jwettqu b’mod effettiv ir-responsabbiltajiet tagħhom f’dak li għandu x’jaqsam mas-sorveljanza tas-sikurezza tat-trasportaturi bl-ajru ċċertifikati f’Ġibuti.

(37)

Għalhekk, abbażi tal-kriterji komuni, qed jitqies li t-trasportaturi bl-ajru kollha ċċertifikati f’Ġibuti għandhom jiġu inklużi fl-Anness A.

(38)

F’Novembru tal-2008 l-ICAO wettqet verifika tal-USOAP fir-Repubblika tal-Kongo. Is-sejba li ġejja wasslet għal tħassib sinifikanti dwar is-sikurezza: “L-ANAC (l-Aġenzija Nazzjonali tal-Avjazzjoni Ċivili) ħarġet għadd ta’ ċertifikati ta’ operaturi tal-ajru (AOCs) mingħajr ma l-ewwel stabbiliet u implimentat proċess għaċ-ċertifikazzjoni u s-sorveljanza kontinwa tal-operaturi tal-ajru. B’hekk, dawn l-AOCs inħarġu mingħajr ma l-ANAC kienet żgurat li l-operaturi kienu konformi mal-Istandards mogħtija fl-Anness 6 għall-Konvenzjoni ta’ Ċikago jew mad-dispożizzjonijiet tad-Dokument nru 8335 tal-ICAO. Barra minn hekk, hemm operaturi li qegħdin jaħdmu b’liċenzja provviżorja tal-operat u mingħajr AOC”. Dan it-tħassib sinifikanti dwar is-sikurezza għadu fis-seħħ.

(39)

Matul din il-verifika tal-ICAO, ħarġu 63 sejba li juru n-nuqqas ta’ implimentazzjoni effettiva tal-istandards internazzjonali tas-sikurezza. Wara dan, ir-Repubblika tal-Kongo ressqet pjan ta’ azzjonijiet korrettivi. Madanakollu, l-ICAO m’aċċettatx iżjed minn terz tal-azzjonijiet korrettivi proposti.

(40)

Fis-26 ta’ Awwissu 2009, ajruplan tal-merkanzija mħaddem mit-trasportatur bl-ajru Aero Fret Business iċċertifikat fir-Repubblika tal-Kongo kien involut f’inċident qrib l-ajruport ta’ Brazzaville, li fih mietu s-sitt passiġġieri kollha. Bħala l-Istat fejn seħħ l-inċident, ir-Repubblika tal-Kongo hija responsabbli għall-investigazzjoni tas-sikurezza li trid titwettaq skont id-dispożizzjonijiet tal-Anness 13 għall-Konvenzjoni ta’ Ċikago sabiex jiġi identifikat dak li kkaġuna l-inċident u jiġi evitat li jerġa’ jseħħ inċident simili. Madanakollu, il-verifika tal-ICAO identifikat ukoll ħdax-il nuqqas fil-qasam tal-investigazzjoni tal-inċidenti fir-Repubblika tal-Kongo, li minnhom sitt azzjonijiet korrettivi proposti ma tqisux li kienu sodisfaċenti.

(41)

Waqt żewġ laqgħat li saru fi Brussell, l-awtoritajiet kompetenti tar-Repubblika tal-Kongo għarrfu lill-Kummissjoni li kien beħsiebhom jipproċedu għaċ-ċertifikazzjoni mill-ġdid ta’ tliet operaturi bl-għajnuna tal-esperti tal-ICAO. Barra minn hekk, dawn l-awtoritajiet bagħtu d-deċiżjonijiet tagħhom tal-15 ta’ Ottubru 2009, li permezz tagħhom l-operaturi Aero-Service, Equaflight Services, Société Nouvelle Air Congo u Trans Air Congo ngħataw Ċertifikati ta’ Operaturi tal-Ajru għal sena. Fl-istess data, l-awtorità kompetenti tar-Repubblika tal-Kongo għarrfet lill-kumpaniji Aero Fret Business, Canadian Airways, Congo Airways (WAC), Emeraude, Equajet, Heli-Union Congo, Mani Air Fret, Mistral Aviation u Protocole Aviation li l-AOCs tagħhom kienu ġew irtirati sakemm tiġi eżaminata d-dokumentazzjoni neċessarja meħtieġa sabiex jinkiseb AOC ġdid. Barra minn hekk, ġew irtirati ċ-Ċertifikati ta’ Operaturi tal-Ajru tal-kumpaniji li ġejjin: Air Cargo International, BIP Congo, Brazza Airways, Clesh Aviation, Finalair, Heavy Lift Congo, Ligne Aérienne Colombe, Locair Craft, Maouene, Natalco Airlines u United Express Service. Madanakollu, dawn l-awtoritajiet la wrew li l-proċess ta’ ċertifikazzjoni segwit għall-ħruġ ta’ kwalunkwe AOC huwa konformi mal-istandards rilevanti tal-ICAO u lanqas li s-sorveljanza tat-trasportaturi bl-ajru li nħarġilhom AOC minnhom qed titwettaq f’konformità ma’ dawn l-istandards.

(42)

L-awtoritajiet kompetenti tar-Repubblika tal-Kongo ressqu kummenti bil-miktub lill-Kumitat tas-Sikurezza tal-Ajru dwar il-miżuri meħudin sabiex jiġi solvut it-tħassib sinifikanti dwar is-sikurezza li qajmet l-ICAO kif ukoll biex jiġu solvuti n-nuqqasijiet l-oħrajn tal-konformità mniżżlin fir-rapport tal-verifika tal-USOAP li wettqet l-ICAO. Il-Kummissjoni tinnota l-miżuri kollha li l-awtoritajiet kompetenti tar-Repubblika tal-Kongo ħadu sal-lum u tħeġġiġhom biex iżidu l-isforzi tagħhom sabiex jimplimentaw azzjonijiet korrettivi sostenibbli. Il-Kummissjoni se timmonitorja mill-qrib, flimkien mal-ICAO, kwalunkwe żvilupp fil-qasam tal-avjazzjoni ċivili fir-Repubblika tal-Kongo, u hija lesta toffri għajnuna teknika bil-għan li tittejjeb il-ħila amministrattiva u teknika tal-awtorità responsabbli għas-sorveljanza f’dan il-pajjiż.

(43)

Madanakollu, l-awtoritajiet kompetenti tar-Repubblika tal-Kongo ma wrewx li għandhom biżżejjed ħila jimplimentaw l-istandards rilevanti tas-sikurezza. Għalhekk, u sakemm jiġu solvuti b’mod sostenibbli n-nuqqasijiet ta’ konformità mal-istandards internazzjonali, inkluż it-tħassib sinifikanti dwar is-sikurezza, abbażi tal-kriterji komuni, qed jitqies li t-trasportaturi bl-ajru kollha ċċertifikati fir-Repubblika tal-Kongo għandhom ikunu suġġetti għal projbizzjoni fuq l-operat u għandhom jiġu inklużi fl-Anness A.

(44)

Hemm evidenza vverifikata ta’ nuqqasijiet gravi fil-qasam tas-sikurezza min-naħa tat-trasportatur Executive Jet Services, iċċertifikat f’Sao Tome u Prinċipe. Dawn in-nuqqasijiet ġew identifikati mill-Belġju u minn Franza waqt spezzjonijiet fuq l-art imwettqin bħala parti mill-programm SAFA (8). It-trasportatur Executive Jet Services ma weġibx b’mod xieraq u ma wriex li dawn in-nuqqasijiet tranġaw b’suċċess u b’mod sostenibbli.

(45)

Hemm evidenza vverifikata ta’ nuqqasijiet gravi fil-qasam tas-sikurezza min-naħa tat-trasportatur STP Airways, iċċertifikat f’Sao Tome u Prinċipe. Dawn in-nuqqasijiet ġew identifikati minn Franza u mir-Renju Unit waqt spezzjonijiet fuq l-art imwettqin bħala parti mill-programm SAFA (9). Madanakollu, it-trasportatur STP Airways wieġeb kif xieraq u fil-ħin għat-talba mill-awtorità tal-avjazzjoni ċivili ta’ Franza dwar l-aspett tas-sikurezza tal-operat tiegħu.

(46)

Hemm evidenza li xi trasportaturi bl-ajru li dal-ħin huma suġġetti għal projbizzjoni fuq l-operat fi ħdan il-Komunità Ewropea ċaqalqu parti mill-attivitajiet tagħhom lejn Sao Tome u Prinċipe.

(47)

B’mod partikulari, hemm evidenza vverifikata li turi li t-trasportatur bl-ajru Hewa Bora Airways, iċċertifikat fir-Repubblika Demokratika tal-Kongo u li dal-ħin huwa suġġett għal projbizzjoni fuq l-operat fi ħdan il-Komunità, għadu qed juża, skont ftehim ta’ twellija lura (“lease-back”), l-inġenju tal-ajru tat-tip Boeing 767 bin-numru tas-serje 23178, li tneħħa mir-reġistru tar-Repubblika Demokratika tal-Kongo u ġie rreġistrat f’Sao Tome u Prinċipe bil-marka tar-reġistrazzjoni S9-TOP (10).

(48)

Barra minn hekk, it-trasportatur bl-ajru Africa’s Connection juża l-inġenju tal-ajru tat-tip Dornier 228 bin-numru tas-serje 8068 irreġistrat f’Sao Tome u Prinċipe bil-marka tar-reġistrazzjoni S9-RAS, inġenju tal-ajru li qabel kien irreġistrat fil-Gabon u li kien jitħaddem mit-trasportatur SCD Aviation li huwa ċċertifikat fil-Gabon, u li dal-ħin huwa suġġett għal projbizzjoni fuq l-operat fi ħdan il-Komunità.

(49)

Barra minn hekk, hemm evidenza vverifikata li t-trasportatur bl-ajru British Gulf International iċċertifikat f’Sao Tome huwa l-istess trasportatur British Gulf International li qabel kien iċċertifikat fil-Kirgiżtan u li kien suġġett għal projbizzjoni fuq l-operat f’Ottubru 2006 (11). It-trasportatur British Gulf International qed ikompli juża wkoll inġenji tal-ajru tat-tip Antonov 12 u bin-numru tas-serje 401901. Inġenju tal-ajru ta’ dan it-tip imħaddem mit-trasportatur bl-ajru kien involut f’inċident f’Al Habniaya (fl-Iraq) fit-13 ta’ Novembru 2008, li wassal biex l-inġenju tal-ajru ġie distrutt kompletament u biex sitt persuni tilfu ħajjithom.

(50)

Il-Kummissjoni, wara li qieset is-sitwazzjoni msemmija hawn fuq, bdiet konsultazzjoni mal-awtoritajiet kompetenti ta’ Sao Tome u Prinċipe, li fiha esprimiet tħassib serju dwar is-sikurezza tal-operat tat-trasportaturi Executive Jet Services u STP Airways, kif ukoll dwar iċ-ċaqliq ta’ inġenji tal-ajru wżati minn trasportaturi bl-ajru li dal-ħin huma suġġetti għal projbizzjoni fuq l-operat fi ħdan il-Komunità lejn ir-reġistru ta’ Sao Tome, u li fiha talbet għal kjarifiki dwar l-azzjonijiet meħudin mill-awtoritajiet kompetenti sabiex iwieġbu għal dan it-tħassib.

(51)

L-awtoritajiet kompetenti ta’ Sao Tome (l-INAC) għarrfu lill-Kummissjoni li, matul il-proċess taċ-ċertifikazzjoni mill-ġdid tat-trasportatur Executive Jet Services, huma ddeċidew, fis-26 ta’ Ottubru 2009, li jwaqqfu b’mod provviżorju l-operat tal-inġenju tal-ajru tat-tip Boeing 767 bin-numru tas-serje 23178 u bil-marka tar-reġistrazzjoni S9-TOP imħaddem minn dan it-trasportatur.

(52)

It-trasportatur bl-ajru Executive Jet Services talab li jagħmel preżentazzjonijiet lill-Kumitat tas-Sikurezza tal-Ajru u rrapporta dwar l-azzjonijiet li ttieħdu sabiex jiġu indirizzati n-nuqqasijiet innutati mill-programm tas-SAFA.

(53)

L-INAC għarrfu lill-Kummissjoni li, matul il-proċess taċ-ċertifikazzjoni mill-ġdid tat-trasportatur STP Airways, huma ddeċidew, fis-26 ta’ Ottubru, li jwaqqfu l-operat ta’ żewġ inġenji tal-ajru tat-tip Boeing 767, wieħed bin-numru tas-serje 25411 (b’marka tar-reġistrazzjoni mhix magħrufa) u l-ieħor bin-numru tas-serje 26208 (bil-marka tar-reġistrazzjoni S9-DBY), li wara tneħħew mir-reġistru. L-INAC irrappurtaw li għalkemm it-trasportatur STP Airways għandu AOC validu, m’hemm l-ebda inġenju tal-ajru fuq dan iċ-ċertifikat dal-ħin.

(54)

It-trasportatur bl-ajru STP Airways talab li jagħmel preżentazzjonijiet lill-Kumitat tas-Sikurezza tal-Ajru u rrapporta dwar l-azzjonijiet li ttieħdu sabiex jiġu indirizzati n-nuqqasijiet innutati mill-programm tas-SAFA. Huwa kkonferma li m’hu qed jitħaddem l-ebda inġenju tal-ajru iktar u li beħsiebu jitlob biex l-AOC tiegħu jitwaqqaf.

(55)

L-INAC għarrfu li ħarġu tlettax-il AOC, li tlieta minnhom qalu li kienu mwaqqfin jew irrevokati. Madanakollu, l-INAC naqsu milli jipprovdu evidenza dwar it-twaqqif jew ir-revoka taċ-ċertifikati tat-trasportaturi bl-ajru Sky Wind, Styron Trading u Jet Line.

(56)

Id-dokumentazzjoni li ressqu l-INAC turi li iktar minn nofs it-trasportaturi bl-ajru li għandhom AOC validu maħruġ minn dawn l-awtoritajiet għandhom il-post ewlieni tan-negozju tagħhom ’il barra minn Sao Tome u Prinċipe. B’mod partikulari, it-trsaportaturi British Gulf International Company Ltd, Global Aviation Operation, Goliaf Air, Transafrik International Ltd, Transcargo u Transliz Aviation m’għandhomx il-post ewlieni tan-negozju tagħhom f’Sao Tome, kif muri mit-tweġiba tagħhom għat-talba tal-Kummissjoni kif ukoll mill-indirizzi msemmijin fuq l-AOCs rispettivi tagħhom.

(57)

L-INAC ma wrewx li huma jwettqu l-obbligi tagħhom f’dak li għandu x’jaqsam mas-sorveljanza tas-sikurezza tat-trasportaturi bl-ajru ċċertifikati f’Sao Tome u Prinċipe f’konformità mar-rekwiżiti internazzjonali tas-sikurezza, minħabba li parti sostanzjali minn dawn it-trasportaturi m’humiex qed jaħdmu b’mod regolari f’Sao Tome u li l-INAC stqarrew li huma jiddependu, b’mod parzjali, fuq is-sorveljanza tal-awtoritajiet kompetenti tal-Istati li fihom jitwettaq l-operat fil-verità. Madanakollu, l-INAC naqsu milli jipprovdu ftehimiet xierqa ma’ dawn l-awtoritajiet.

(58)

Barra minn hekk, analiżi tal-AOCs maħruġin mill-awtoritajiet kompetenti ta’ Sao Tome u Prinċipe wriet nuqqasijiet sinifikanti ta’ konsistenza f’dak li għandu x’jaqsam mal-approvazzjoni tal-ajrunavigabbiltà kontinwa tal-flotot imħaddmin, mal-approvazzjoni għall-ġarr ta’ prodotti perikolużi, u mal-awtorizzazzjoni għall-operat f’viżibbiltà baxxa, li ma setgħux jiġu ċċarati matul il-konsultazzjonijiet.

(59)

Hemm evidenza ta’ rata għolja ta’ inċidenti li qed jaffettwaw trasportaturi bl-ajru ċċertifikati f’Sao Tome u Prinċipe. L-INAC ikkonfermaw li kien hemm erba’ inċidenti fatali b’inġenji tal-ajru tat-tip Antonov 12, Ilyushin 76 u DHC 6 imħaddmin minn trasportaturi bl-ajru rreġistrati f’Sao Tome u Prinċipe. Bi tweġiba għal din is-sitwazzjoni, l-INAC indikaw li, fil-21 ta’ Frar 2009, huma ddeċidew li jwaqqfu l-operat kollu tal-inġenji tal-ajru tat-tip Antonov 12 irreġistrati f’Sao Tome u Prinċipe. Madanakollu, l-INAC ikkonfermaw li t-trasportaturi bl-ajru British Gulf International, Transliz Aviation u Goliaf Air, iċċertifikati f’Sao Tome u Prinċipe, għadhom qed iħaddmu nġenji tal-ajru ta’ dan it-tip.

(60)

Hemm evidenza li l-awtoritajiet kompetenti ta’ Sao Tome u Prinċipe ma jridux juru li huma konformi mal-istandards internazzjonali tas-sikurezza, kif muri mill-fatt li Sao Tome u Prinċipe ppospona b’mod kontinwu l-verifika tiegħu mill-ICAO fil-qafas tal-Programm Universali ta’ Verifika tas-Sorveljanza tas-Sikurezza (l-USOAP). Il-verifika tal-ICAO li kellha ssir f’Mejju 2007u mbagħad f’April 2008 ma setgħetx issir f’dawk id-dati.

(61)

Għalhekk, abbażi tal-kriterji komuni, qed jitqies li t-trasportaturi bl-ajru ċċertifikati f’Sao Tome u Prinċipe ma jissodisfawx l-istandards rilevanti tas-sikurezza u għaldaqstant għandhom jiġu inklużi fl-Anness A.

(62)

Fit-22 ta’ Settembru, l-awtoritajiet kompetenti tal-Ukraina għarrfu lill-Kummissjoni bid-deċiżjoni tagħhom Nru 574 tas-17 ta’ Awwissu 2009 li jtemmu l-operat tat-trasportatur Ukraine Cargo Airways skont l-AOC tiegħu tal-20 ta’ Novembru 2008 bin-numru 145, b’effett mid-data tad-deċiżjoni. Waqt il-preżentazzjoni tagħhom quddiem il-Kumitat tas-Sikurezza tal-Ajru tal-11 ta’ Novembru 2009, l-awtoritajiet kompetenti tal-Ukraina kkonfermaw li “l-kumpanija Ukraine Cargo Airways ma tagħmilx parti mil-linji tal-ajru rreġistrati fl-Ukraina”.

(63)

Għalhekk, abbażi tal-kriterji komuni, it-trasportatur Ukraine Cargo Airways għandu jitneħħa mill-Anness A.

(64)

Fil-31 ta’ Lulju 2009, l-awtoritajiet kompetenti tal-Ukraina għarrfu lill-Kummissjoni bid-deċiżjoni tagħhom Nru 357 tal-25 ta’ Mejju 2009 li jirrevokaw b’effett immedjat l-AOC tat-trasportatur bl-ajru tal-Ukraina Volare.

(65)

Għalhekk, abbażi tal-kriterji komuni, it-trasportatur bl-ajru Volare għandu jitneħħa mill-Anness A.

(66)

Wara l-adozzjoni tar-Regolament (KE) Nru 619/2009, fis-27 ta’ Ottubru 2009, tim ta’ esperti mill-KE, immexxi mill-Aġenzija Ewropea tas-Sikurezza tal-Avjazzjoni, żar lit-trasportatur bl-ajru tal-Ukraina Motor Sich (MSI) biex jivverifika l-istat tal-implimentazzjoni tal-azzjonijiet korrettivi u l-għeluq effettiv tan-nuqqasijiet fil-qasam tas-sikurezza li kienu nnutati qabel, bil-għan li dawn in-nuqqasijiet jiġu solvuti b’mod sostenibbli.

(67)

Fir-rapport taż-żjara tat-tim intqal li t-trasportatur MSI wera li għamel analiżi tal-kawżi ewlenin tas-sejbiet identifikati waqt l-ispezzjonijiet tas-SAFA. Jidher li l-analiżi tal-kawżi ewlenin kif ukoll il-pjanijiet ta’ azzjonijiet korrettivi li ħarġu minnha qed jindirizzaw is-sejbiet b’mod xieraq. Matul iż-żjara, it-trasportatur MSI stqarr li s-sejbiet li tqajmu qabel mis-SAFA dwar il-flotta tiegħu tal-inġenji tal-ajru kollha kienu ġew indirizzati u rranġati, inklużi s-sistema tat-twissija għall-viċinanza tal-art (l-EGPWS), iċ-ċinturini tas-sikurezza tas-sits tal-kabina tal-ekwipaġġ, u x-xbieki biex iżommu l-merkanzija f’postha. Barra minn hekk, intqal ukoll li ġew stabbiliti ċ-ċarts għall-kalkolu tal-prestazzjoni waqt it-tluq għat-tipi kollha ta’ inġenji tal-ajru u għar-“runways” kollha wżati. Wara spezzjoni fiżika u/jew analiżi tad-dokumenti, it-tim immexxi mill-Aġenzija Ewropea tas-Sikurezza tal-Avjazzjoni huwa sodisfatt li: (a) is-sits tal-kabini tal-ekwipaġġ tal-inġenji tal-ajru tat-tip AN-12, AN-72 u YAK-40 ġew mgħammra biċ-ċinturini tas-sikurezza; (b) l-inġenji tal-ajru tat-tip AN-12 ġew mgħammra b’maskri tal-ossiġnu li jintlibsu malajr (meta saret iż-żjara, kienet qed issir l-istallazzjoni fuq l-inġenju tal-ajru UR-11316 u t-tim analizza din l-istallazzjoni); (c) l-EGPWS ġiet stallata fuq l-inġenji tal-ajru tat-tip AN-12 u AN-140; (d) ġew stabbiliti ċ-ċarts tal-prestazzjoni waqt it-tluq għar-“runways” kollha li qed jintużaw dal-ħin għall-inġenji tal-ajru tat-tip AN-12 u YAK-40. Waqt il-preżentazzjoni tagħhom quddiem il-Kumitat tas-Sikurezza tal-Ajru, l-awtoritajiet kompetenti tal-Ukraina kkonfermaw li t-trasportatur għandu l-ħila japplika s-sistema tal-ġestjoni tal-kwalità u ntrabtu li jgħarrfu lill-Kummissjoni dwar ir-riżultati tal-verifika li għandha titwettaq dwar din il-kwistjoni.

(68)

F’dak li għandu x’jaqsam mal-operat waqt it-titjira, matul iż-żjara, t-tim ħa kampjuni tal-Listi tat-tagħmir minimu (l-MELs), tal-manwali tal-operazzjonijiet, tal-iskeda tal-limiti tal-ħinijiet tat-titjiriet, id-dokumenti u l-proċeduri tal-kontroll tal-operat u tal-bgħit tat-titjiriet, u ħa kampjuni tal-fowlders tat-titjira rritornati u lesti. Ma ġew innutati l-ebda differenzi mill-istandards tal-ICAO. Barra minn hekk, matul iż-żjara, it-trasportatur MSI wera lit-tim li huwa jwettaq analiżi tad-dejta dwar it-titjiriet irreġistrata għat-titjiriet kollha mwettqin b’kull inġenju tal-ajru li huwa jħaddem.

(69)

It-trasportatur bl-ajru talab li jinstema’ mill-Kumitat tas-Sikurezza tal-Ajru u, fil-11 ta’ Novembru 2009, għamel preżentazzjonijiet li fihom ressaq tagħrif bil-miktub li jappoġġa l-azzjonijiet korrettivi implimentati sabiex jiġu solvuti n-nuqqasijiet fil-qasam tas-sikurezza li kienu nnutati qabel.

(70)

Wara l-preżentazzjonijiet li saru fil-11 ta’ Novembru 2009 mill-awtoritajiet kompetenti tal-Ukraina u mit-trasportatur bl-ajru, il-Kumitat tas-Sikurezza tal-Ajru talab lill-Amministrazzjoni tal-Avjazzjoni tal-Istat tipprovdi d-dokumentazzjoni li ġejja sabiex ikun jista’ jiddeċiedi jekk it-tneħħija tat-trasportatur Motor Sich kinetx iġġustifikata f’dan l-istadju: (a) il-verifika tas-sistema tal-ġestjoni tal-kwalità tat-trasportatur bl-ajru; (b) konferma li l-inġenji tal-ajru kollha tat-trasportatur Motor Sich użati għal titjiriet internazzjonali huma mgħammra f’konformità mal-istandards tal-ICAO, b’mod partikulari: (i) biċ-ċinturini tas-sikurezza fis-sits tal-kabini tal-ekwipaġġ tal-inġenji tal-ajru tat-tip AN-12, AN-72 u YAK-40; (ii) b’maskri tal-ossiġnu li jintlibsu malajr fil-kabini tal-ekwipaġġ tal-inġenji tal-ajru tat-tip AN-12; (iii) bl-EGPWS fuq l-inġenji tal-ajru tat-tip AN-12 u AN-140; (c) konferma li d-dejta dwar il-prestazzjoni waqt it-tluq għar-“runways” kollha li qed jintużaw dal-ħin mit-trasportatur Motor Sich għall-inġenji tal-ajru tat-tip AN-12 u YAK-40 hija disponibbli fil-manwal tal-operazzjonijiet tat-trasportatur; (d) evidenza li t-38 sejba mqajma mill-Amministrazzjoni tal-Avjazzjoni tal-Istat tal-Ukraina matul l-2009 waqt l-attivitajiet tagħha ta’ sorveljanza fuq it-trasportatur ġew solvuti b’mod sodisfaċenti. L-awtoritajiet kompetenti tal-Ukraina ressqu dan it-tagħrif fis-16 ta’ Novembru.

(71)

Wara li wasal it-tagħrif mitlub mill-awtoritajiet kompetenti tal-Ukraina, abbażi tal-kriterji komuni, qed jitqies li t-trasportatur Motor Sich għandu jitneħħa mill-Anness A.

(72)

Wara l-adozzjoni tar-Regolament (KE) Nru 619/2009, fit-28 ta’ Ottubru 2009, tim ta’ esperti mill-KE żar lit-trasportatur bl-ajru tal-Ukraina UMAir biex jivverifika l-istat tal-implimentazzjoni tal-azzjonijiet korrettivi u l-għeluq effettiv tan-nuqqasijiet fil-qasam tas-sikurezza li kienu nnutati qabel, bil-għan li dawn in-nuqqasijiet jiġu solvuti b’mod sostenibbli.

(73)

Waqt iż-żjara, it-tim ingħata pjan ta’ azzjonijiet korrettivi aġġornat li wera li l-maniġer tal-kwalità tagħhom kien lesta analiżi tal-azzjonijiet korrettivi li kienu implimentaw. Madanakollu, l-verifika tal-istat tas-sejbiet li qajjem tim ta’ esperti mill-KE waqt żjara lil dan it-trasportatur bl-ajru fit-28 ta’ Mejju 2009 wriet li, filwaqt li kienu saru sforzi sinifikanti minn meta saret dik iż-żjara ’l hawn sabiex is-sejbiet li tqajmu jkunu indirizzati b’mod xieraq, ċerti sejbiet li jaffettwaw is-sikurezza tat-titjiriet (il-monitoraġġ tad-dejta dwar it-titjiriet għal inġenji tal-ajru tat-tip DC-9) u l-ajrunavigabbiltà kontinwa, l-manutenzjoni u l-inġinerija (il-programm tal-monitoraġġ tal-kundizzjoni tal-magna għadu ma bediex jintuża għal inġenji tal-ajru tat-tip DC-9 u MD-80) għadhom ma jistgħux jitqiesu bħala magħluqa. Barra minn hekk, f’dak li għandu x’jaqsam mal-operat waqt it-titjira, tqajmet sejba ġdida minħabba differenza li ġiet innutata fil-Lista approvata tat-tagħmir minimu (l-MEL) tal-inġenji tal-ajru tat-tip DC-9.

(74)

Matul il-laqgħa tal-Kumitat tas-Sikurezza tal-Ajru tal-11 ta’ Novembru 2009, it-trasportatur UMAir stqarr li kien talab li l-AOC tiegħu jkun ristrett sabiex jiġu esklużi t-titjiriet lejn il-Komunità b’inġenji tal-ajru tat-tip DC-9. Fil-11 ta’ Novembru 2009, l-awtoritajiet kompetenti tal-Ukraina ħarġulu AOC ġdid li kien jeskludi t-titjiriet lejn l-UE b’inġenji tal-ajru ta’ dan it-tip.

(75)

Qed jiġu nnutati t-titjib li għamel it-trasportatur bl-ajru UMAir fil-perjodu miż-żjara tal-esperti tal-KE f’Mejju 2009 u r-restrizzjonijiet imposti fuq l-AOC tiegħu. Minħabba l-isforzi sinifikanti li t-trasportatur bl-ajru għamel sabiex tkun żgurata s-sikurezza tal-operat f’konformità mal-istandards internazzjonali, għandu jitħalla jerġa’ jibda l-operat tiegħu lejn il-Komunità b’parti mill-flotta tiegħu.

(76)

Għalhekk, abbażi tal-kriterji komuni, it-trasportatur UMAir għandu jitressaq mill-Anness A għall-Anness B u b’hekk għandu jitħalla jkompli l-operat tiegħu lejn il-Komunità bl-inġenju tal-ajru tat-tip MD-83 bil-marka tar-reġistrazzjoni UR-CFF.

(77)

Kif ipprovdut fir-Regolament (KE) Nru 619/2009, il-Kummissjoni kompliet timmonitorja mill-qrib l-implimentazzjoni tad-diversi miżuri ppreżentati mill-awtoritajiet kompetenti tal-Ukraina lill-Kumitat tas-Sikurezza tal-Ajru fl-1 ta’ Lulju 2009. Għal dak il-għan, bejn is-26 u d-29 ta’ Ottubru, esperti mill-KE żaru lill-Amministrazzjoni tal-Avjazzjoni tal-Istat tal-Ukraina. L-għan ta’ din iż-żjara kien li jiġi vverifikat l-istat tal-implimentazzjoni tal-azzjonijiet korrettivi proposti sabiex jingħalqu s-sejbiet li kienu ħarġu mir-rapport taż-żjara tal-esperti tal-KE li kienet saret bejn il-25 u d-29 ta’ Mejju 2009 kif ukoll dawk ippreżentati fil-pjan ta’ azzjonijiet korrettivi ppreżentat mill-Amministrazzjoni tal-Avjazzjoni tal-Istat tal-Ukraina fit-23 ta’ Ġunju sabiex tittejjeb is-sorveljanza tas-sikurezza tat-trasportaturi bl-ajru taħt il-kontroll regolatorju tagħha.

(78)

Ir-rapport taż-żjara indika li 14 mit-33 sejba li kienu ħarġu matul iż-żjara li saret f’Mejju 2009 jistgħu jitqiesu magħluqa abbażi tal-evidenza pprovduta mill-awtoritajiet kompetenti tal-Ukraina matul iż-żjara. 19-il sejba għadhom miftuħin.

(79)

Qed jiġi nnutat it-titjib li għamlu l-awtoritajiet kompetenti fil-perjodu minn meta saret iż-żjara f’Mejju 2009 ’l hawn u b’mod partikulari taż-żieda fl-attivitajiet ta’ sorveljanza tat-trasportaturi bl-ajru tal-Ukraina, kif ukoll it-tneħħija ta’ għadd sinifikanti ta’ inġenji tal-ajru mir-reġistru Ukrain (aktar minn 800 inġenju tal-ajru mill-1 600 inġenju tal-ajru li kien hemm fl-2008). L-awtoritajiet huma mistiedna jżidu aktar l-isforzi tagħhom sabiex isaħħu s-sorveljanza tagħhom tas-sikurezza.

(80)

Abbażi tad-dokumentazzjoni mressqa mit-trasportatur, il-Kummissjoni nnutat li t-trasportatur Ariana Afghan Airlines kien wettaq tibdil fl-amministrazzjoni, kien qabbad esperti esterni sabiex igħinuh fit-tfassil mill-ġdid tal-politiki, tal-proċeduri u tal-manwali tiegħu, u kien xtara żewġ inġenji tal-ajru tat-tip Airbus A310 u kien qed jiġi megħjun fl-operat tiegħu mill-kumpanija Turkish Technic. Innutat ukoll l-intenzjoni tat-trasportatur li jiġi suġġett għal verifika mill-Assoċjazzjoni Internazzjonali tat-Trasport bl-Ajru.

(81)

Il-Ministeru Afgan tat-Trasport u l-Avjazzjoni Ċivili (il-MoTCA) kiteb u spjega l-progress li sar kemm mill-MoTCA u kif ukoll mit-trasportatur Ariana lejn l-ilħiq tal-istandards internazzjonali. Ikkonferma li t-trasportatur Ariana Afghan Airlines wettaq tibdiliet sinifikanti fit-tagħmir tal-inġenji tal-ajru, fil-ġestjoni u fid-dokumentazzjoni, iżda kkonferma li għad trid titwettaq verifika tal-operatur, għalkemm kien hemm waħda li kienet ippjanata li titlesta sal-aħħar tal-2009. Għalhekk il-MoTCA għadu mhux qiegħed f’pożizzjoni li jikkonferma li t-trasportatur Ariana Afghan Airlines huwa konformi mal-istandards tal-ICAO u li implimenta sistema effettiva għall-ġestjoni tas-sikurezza. Għalkemm il-MoTCA stqarr li matul din is-sena twettqu diversi attivitajiet ta’ sorveljanza (per eż. spezzjonijiet tat-titjiriet u tal-bażijiet), ma pprovdiex evidenza dwar ir-riżultati ta’ dawn l-ispezzjonijiet.

(82)

Il-Kummissjoni tinnota l-progress li qed jagħmel it-trasportatur Ariana Afghan Airlines biex ikun konformi mal-istandards internazzjonali tas-sikurezza. Madanakollu, sakemm tiġi pprovduta evidenza addizzjonali li t-trasportatur bl-ajru indirizza l-kawżi ewlenin tan-nuqqasijiet fil-qasam tas-sikurezza li kienu identifikati qabel, qed jitqies, abbażi tal-kriterji komuni, li t-trasportatur bl-ajru għandu jibqa’ fl-Anness A.

(83)

Minn Lulju 2009 ’l hawn, it-trasportatur TAAG Angolan Airlines kellu permess jopera fil-Portugall biss bl-inġenji tal-ajru tat-tip Boeing 777-200 bil-marki tar-reġistrazzjoni D2-TED, D2-TEE u D2-TEF bil-kundizzjonijiet mogħtija fil-premessi (58) u (59) tar-Regolament (KE) Nru 619/2009 (12).

(84)

Il-Kummissjoni talbet lill-awtoritajiet kompetenti tal-Angola (l-INAVIC) jipprovdulha tagħrif dwar is-sorveljanza tat-trasportatur bl-ajru TAAG Angolan Airlines, b’mod partikulari fir-rigward taż-żieda fis-sorveljanza tat-titjiriet lejn il-Portugall u dwar ir-riżultati tagħhom.

(85)

L-INAVIC għarrfu lill-Kummissjoni li saħħew is-sorveljanza kontinwa tat-trasportatur TAAG Angolan Airlines, b’mod partikulari permezz ta’ spezzjonijiet fuq l-art, u li r-riżultati ta’ dawk l-ispezzjonijiet fuq l-art ma jurux nuqqasijiet fis-sikurezza jew nuqqasijiet ripetittivi.

(86)

It-trasportatur TAAG Angolan Airlines talab li jinstema’ mill-Kummissjoni u mill-Kumitat tas-Sikurezza tal-Ajru u għamel preżentazzjonijiet fl-10 ta’ Novembru 2009, bil-ħsieb li jipprovdi tagħrif dwar il-progress tal-pjan ta’ azzjoni tiegħu u dwar il-prestazzjoni tas-sikurezza tal-operat tiegħu lejn Liżbona. Kien innutat li twettqu aktar minn 100 titjira b’inġenji tal-ajru tat-tip Boeing 777 lejn Liżbona mingħajr tħassib dwar is-sikurezza u li t-trasportatur TAAG ġie ċċertifikat fit-23 ta’ Ottubru 2009 mill-INAVIC biex iwettaq operat skont l-ETOPS 120 min bil-Boeing 777. It-trasportatur bl-ajru talab ukoll biex il-flotta tal-B737-700 tiegħu tgawdi wkoll mill-istess dispożizzjonijiet bħall-flotta B777.

(87)

L-awtoritajiet kompetenti tal-Portugall ikkonfermaw li r-riżultati tal-ispezzjonijiet fuq l-art tat-trasportatur TAAG Angolan Airlines li wettqu kemm ilu li reġa’ beda jopera lejn Liżbona ma żvelawx nuqqasijiet fis-sikurezza jew nuqqasijiet ripetittivi.

(88)

Għalhekk, abbażi tal-kriterji komuni, qed jitqies li t-trasportatur TAAG għandu jibqa’ fl-Anness B bil-kundizzjoni li ma jwettaqx iktar minn għaxar titjiriet fil-ġimgħa bl-inġenji tal-ajru tat-tip Boeing B-777 bil-marki tar-reġistrazzjoni D2-TED, D2-TEE u D2-TEF jew bl-inġenji tal-ajru tat-tip Boeing B-737-700 bil-marki tar-reġistrazzjoni D2-TBF, D2-TBG, D2-TBH u D2-TBJ minn Luanda lejn Liżbona. Dawn it-titjiriet għandhom jiġu operati biss wara li l-awtoritajiet tal-Angola jkunu wettqu spezzjonijiet fuq l-art tal-inġenji tal-ajru qabel kull titjira li titlaq mill-Angola u wara li l-awtoritajiet Portugiżi jkunu wettqu spezzjonijiet fuq l-art tal-inġenji tal-ajru fil-Portugall. Din hija miżura temporanja u l-Kummissjoni għandha tirrevedi s-sitwazzjoni abbażi tat-tagħrif kollu disponibbli u, b’mod partikulari abbażi ta’ evalwazzjoni mill-awtoritajiet kompetenti tal-Portugall.

(89)

L-INAVIC irrappurtaw progress sinifikanti fir-riżoluzzjoni tas-sejbiet li kien fadal wara l-aħħar żjara ta’ valutazzjoni tas-sikurezza mill-UE li saret mit-8 sal-11 ta’ Ġunju 2009. B’mod partikulari, huma aġġornaw aktar ir-regolamenti speċifiċi dwar l-operat f’konformità mar-rekwiżiti tal-ICAO u komplew jimpjegaw persunal ikkwalifikat, speċjalment spetturi tal-operat waqt it-titjira kkwalifikati fuq inġenji tal-ajru tat-tip Boeing 737-700, li wassal għal żieda ġenerali ta’ 30 % fl-attivitajiet ta’ sorveljanza.

(90)

L-INAVIC irrappurtaw progress fiċ-ċertifikazzjoni mill-ġdid tat-trasportaturi bl-ajru mill-Angola, proċess li huwa mistenni li jitlesta sal-aħħar tal-2010, madanakollu, apparti t-trasportatur TAAG Angolan Airlines, s’issa ma ġie ċċertifikat mill-ġdid l-ebda trasportatur bl-ajru ieħor.

(91)

Il-Kummissjoni tħeġġeġ lill-INAVIC biex tkompli ċ-ċertifikazzjoni mill-ġdid tat-trasportaturi bl-ajru mill-Angola b’determinazzjoni u b’kunsiderazzjoni xierqa għat-tħassib potenzjali dwar is-sikurezza li ġie identifikat f’dan il-qafas. Sakemm titlesta ċ-ċertifikazzjoni mill-ġdid tat-trasportaturi Aerojet, Air26, Air Gemini, Air Gicango, Air Jet, Air Nave, Alada, Angola Air Services, Diexim, Gira Globo, Heliang, Helimalongo, Mavewa, Pha, Rui & Conceicao, Sal, Servisair u Sonair f’konformità sħiħa mar-Regolamenti l-ġodda tal-Angola dwar is-sikurezza tal-avjazzjoni, abbażi tal-kriterji komuni, qed jitqies li dawn it-tmintax-il trasportatur bl-ajru għandhom jibqgħu fl-Anness A.

(92)

It-trasportatur Berkut State Aircompany għarraf lill-Kummissjoni li neħħa nġenju tal-ajru wieħed tat-tip IL-76 u nġenju tal-ajru wieħed tat-tip AN-12 mill-flotta tiegħu u li f’Awwissu 2009 iddeċieda li jirrestrinġi l-operat tiegħu għal titjiriet interni biss.

(93)

L-awtoritajiet kompetenti tal-Każakstan ikkonfermaw din is-sitwazzjoni u pprovdew evidenza li fit-30 ta’ Ottubru 2009 ħarġu “Ċertifikat tal-Operat” lit-trasportatur Berkut State Aircompany li jeskludi t-titjiriet kummerċjali.

(94)

Għalhekk, abbażi tal-kriterji komuni, qed jitqies li t-trasportatur Berkut State Aircompany għandu jitneħħa mill-Anness A.

(95)

It-trasportatur Prime Aviation, iċċertifikat fil-Każakstan, talab li jinstema’ mill-Kummissjoni u mill-Kumitat tas-Sikurezza tal-Ajru u għamel preżentazzjonijiet fil-11 ta’ Novembru 2009. Iddikjara li l-flotta kummerċjali tiegħu hija limitata għal inġenju tal-ajru wieħed tat-tip Challenger 604 bil-marka tar-reġistrazzjoni P4-CHV irreġistrat barra l-Każakastan (f’Aruba).

(96)

L-awtorità kompetenti ta’ Aruba hija responsabbli għas-sorveljanza tal-inġenju tal-ajru tat-tip Challenger 604 bil-marka tar-reġistrazzjoni P4-CHV skont id-dispożizzjonijiet tal-Anness 1 u 8 għall-Konvenzjoni ta’ Ċikago kif ukoll tal-Anness 6 għall-aspetti tal-ajrunavigabbiltà kontinwa. Huma wettqu verifika tat-trasportatur Prime Aviation f’Marzu 2009 li żvelat ħafna nuqqasijiet. Id-dokumentazzjoni mressqa mit-trasportatur bl-ajru lill-Kumitat tas-Sikurezza tal-Ajru ma fihiex evidenza li l-azzjonijiet korrettivi kollha tlestew b’mod sodisfaċenti. Fir-rigward tar-rekwiżiti tal-Anness 6 tal-ICAO, din il-verifika ma tipprovdix evidenza li s-sorveljanza tal-operat qed titwettaq b’mod effettiv. B’mod partikulari, ma ngħatatx evidenza li l-Lista tat-Tagħmir Minimu (l-MEL) hija approvata b’mod adegwat u l-kundizzjonijiet biex jiġu ddiferiti d-difetti għad iridu jiġu kkjarifikati.

(97)

Għalhekk, abbażi tal-kriterji komuni, qed jitqies li dan it-trasportatur għandu jibqa’ fl-Anness A.

(98)

L-awtoritajiet kompetenti tal-Każakastan talbu li jinstemgħu mill-Kummissjoni u mill-Kumitat tas-Sikurezza tal-Ajru u għamlu preżentazzjonijiet fil-11 ta’ Novembru 2009 sabiex jirrappurtaw dwar it-titjib fis-sorveljanza tagħhom tas-sikurezza.

(99)

Huma għarrfu lill-Kumitat tas-Sikurezza tal-Ajru bl-azzjonijiet li ttieħdu sabiex jissolvew iż-żewġ kwistjonijiet ta’ tħassib sinifikanti dwar is-sikurezza, li kienu tressqu lill-ICAO fit-30 ta’ Ottubru 2009. Dawn l-azzjonijiet qegħdin jiġu implimentati bil-mod il-mod, bil-ħsieb li l-azzjonijiet relatati mal-inġenji tal-ajru involuti fit-trasport kummerċjali bl-ajru jitlestew sa Ottubru 2010.

(100)

Barra minn hekk, l-awtoritajiet kompetenti tal-Każakstan għarrfu li kienu bdew sensiela ta’ miżuri ta’ nfurzar, li wasslu għat-twaqqif jew għar-revoka ta’ diversi Ċertifikati ta’ Operaturi tal-Ajru. B’mod partikulari, huma waqqfu l-AOCs tat-trasportaturi Pankh Center Kazakhstan, Air Flamingo, Arkhabay, Air Company Atyrau Aue Joly u Turgay Avia. Huma waqqfu wkoll iċ-ċertifikati tal-ajrunavigabbiltà ta’ 66 inġenju tal-ajru tat-tip Antonov 2 u neħħew mir-reġistru tal-Każakstan tlettax-il inġenju tal-ajru, fosthom għaxra tat-tip Ilyushin 76, wieħed tat-tip Illyushin 62, wieħed tat-tip Antonov 28 u wieħed tat-tip Antonov 2.

(101)

L-awtoritajiet kompetenti tal-Każakstan għarrfu lill-Kummissjoni wkoll u pprovdew evidenza li ġew irrevokati l-AOCs tal-għaxar trasportaturi bl-ajru ċċertifikati fil-Każakstan li ġejjin: Irbis, Aerotur, MAK Air, Excellent Glide, Tulpar Avia Service, Takhmid Air, Starline KZ, Olimp Air, EOL Air (irrekovat fl-1 ta’ April 2009), u Sayat Air (irrevokat fid-19 ta’ Awwissu 2009). Għalhekk, abbażi tal-kriterji komuni, dawn it-trasportaturi bl-ajru għandhom jitneħħew mill-Anness A.

(102)

Abbażi tal-kriterji komuni, qed jitqies li t-trasportaturi bl-ajru kollha lliċenzjati fil-Każakstan, ħlief għat-trasportatur Air Astana, għandhom jibqgħu fl-Anness A.

(103)

Qed jiġi nnutat li l-Każakstan intrabat li jwettaq riforma ambizzjuża tas-settur tal-avjazzjoni tiegħu, b’mod partikulari bil-ħsieb li tittejjeb is-sikurezza. Qed jintlaqgħu bil-ferħ ir-reviżjoni li għaddejja bħalissa tal-leġiżlazzjoni tal-avjazzjoni u t-twaqqif ta’ Ċentru għall-Valutazzjoni tat-Titjiriet. Dawn ser jipprovdu għal regolamentazzjoni aħjar tal-avjazzjoni ċivili fil-Każakstan u għandhom iwittu t-triq għal titjib sinifikanti lejn il-konformità mal-istandards internazzjonali tas-sikurezza. F’dak ir-rigward, l-awtoritajiet kompetenti tal-Każakstan huma mistiedna jikkooperaw bis-sħiħ mal-ICAO biex jiżguraw li l-pjanijiet ta’ azzjoni proposti jkunu aċċettabbli għall-ICAO u jkunu implimentati fil-ħin.

(104)

L-awtoritajiet kompetenti tal-Kirgiżtan għamlu preżentazzjonijiet fil-11 ta’ Novembru 2009 u rrappurtaw dwar il-progress tagħhom fl-implimentazzjoni tal-pjan ta’ azzjoni tagħhom stabbilit biex jitranġaw il-kwistjonijiet ta’ tħassib identifikati fil-qasam tas-sikurezza. B’mod partikulari, huma indikaw li l-leġiżlazzjoni tas-sikurezza tal-avjazzjoni ġiet riveduta, li qiegħda titwaqqaf aġenzija indipendenti tas-sikurezza fl-avjazzjoni ċivili u li l-kundizzjonijiet għaċ-ċertifikazzjoni bħala trasportatur tal-ajru saru aktar stretti. Huma stqarrew ukoll li parti sinifikanti mill-AOC wara ġiet irrevokata u li l-biċċa l-kbira tal-inġenji tal-ajru fil-fatt kienu tneħħew mir-reġistru.

(105)

L-awtoritajiet kompetenti tal-Kirgiżtan għarrfu li lit-trasportatur bl-ajru Asian Air kienu ħarġulu AOC ġdid. Abbażi tal-kriterji komuni, qed jitqies li t-trasportatur Asian Air għandu jiġi inkluż fl-Anness A.

(106)

Qed jingħaraf li l-Kirgiżtan wettaq riforma ambizzjuża tas-settur tal-avjazzjoni tiegħu, b’mod partikulari bil-ħsieb li tittejjeb is-sikurezza. Qed tiġi enfasizzata l-importanza tal-verifika mwettqa mill-ICAO f’April 2009 bħala parti mill-Programm Universali ta’ Verifika tas-Sorveljanza tas-Sikurezza (l-USOAP). L-awtoritajiet kompetenti tal-Kirgiżtan huma mistiedna jikkooperaw bis-sħiħ mal-ICAO biex jiżguraw li l-pjanijiet ta’ azzjoni proposti jkunu aċċettabbli għal din l-organizzazzjoni u jkunu implimentati fil-ħin.

(107)

Kien deċiż li l-Aġenzija Ewropea tas-Sikurezza tal-Avjazzjoni għandha twettaq spezzjoni tal-Kirgiżtan sabiex timmonitorja l-implimentazzjoni tar-rekwiżiti applikabbli tas-sikurezza min-naħa tal-awtoritajiet kompetenti u min-naħa tal-impriżi li tissorvelja. L-ispezzjoni ser titwettaq ladarba jkun hemm ftehim mal-ICAO dwar il-pjan ta’ azzjoni u ladarba dan ikun implimentat.

(108)

Abbażi tal-evidenza vverifikata (13) ta’ nuqqasijiet ewlenin tas-sikurezza nnutati u li jaffettwaw l-operat waqt it-titjira tat-trasportatur bl-ajru YAK Service, iċċertifikat mill-awtoritajiet kompetenti tal-Federazzjoni Russa, il-Kummissjoni nediet investigazzjoni formali ta’ dak it-trasportatur fil-15 ta’ Lulju 2009. Fl-4 ta’ Awwissu 2009, l-awtoritajiet kompetenti tal-Federazzjoni Russa għarrfu lill-Kummissjoni li, wara spezzjonijiet li wettqu u li kkonfermaw dawn is-sejbiet, l-operat ta’ dan it-trasportatur bl-ajru b’inġenji tal-ajru tat-tip YAK-42 u YAK-40 ġew ristretti skont deċiżjoni tagħhom tal-24 ta’ Lulju 2009.

(109)

Fis-6 ta’ Ottubru 2009 l-awtoritajiet kompetenti tal-Federazzjoni Russa għarrfu lill-Kummissjoni li wara l-implimentazzjoni ta’ miżuri korrettivi mit-trasportatur bl-ajru huma rtiraw ir-restrizzjonijiet fuq l-operat fuq l-inġenji tal-ajru tiegħu. It-trasportatur bl-ajru, megħjun mill-awtorità tiegħu, instema’ mill-Kummissjoni u minn Stat Membru fit-30 ta’ Ottubru.

(110)

L-awtoritajiet kompetenti tal-Federazzjoni Russa għamlu preżentazzjonijiet lill-Kumitat tas-Sikurezza tal-Ajru fil-11 ta’ Novembru, li fihom spjegaw id-diversi attivitajiet ta’ sorveljanza u azzjonijiet ta’ nfurzar li kienu wettqu biex jiżguraw li dak it-trasportatur bl-ajru jsolvi, b’mod sostenibbli, n-nuqqasijiet fil-qasam tas-sikurezza li kienu nnutati qabel. Barra minn hekk, huma stqarrew li l-inġenji tal-ajru mħaddmin mit-trasportatur YAK Services ser isirulhom spezzjonijiet regolari fuq l-art sabiex tkun żgurata l-konformità mal-istandards internazzjonali. Abbażi ta’ dan it-tagħrif, il-Kummissjoni u l-membri tal-Kumitat tas-Sikurezza tal-Ajru jqisu li n-nuqqasijiet li kienu identifikati qabel fil-qasam tas-sikurezza min-naħa tat-trasportatur YAK Services ġew indirizzati taħt ir-responsabbiltà tal-awtoritajiet kompetenti tal-Federazzjoni Russa.

(111)

Abbażi tat-tagħrif ippreżentat minn dawn l-awtoritajiet, abbażi tal-kriterji komuni, qed jitqies li, f’dan l-istadju, ma jeħtieġx li tittieħed iktar azzjoni. L-Istati Membri ser jivverifikaw b’mod sistematiku l-konformità effettiva tat-trasportatur YAK Services mal-istandards rilevanti tas-sikurezza permezz tal-prijoritizzazzjoni tal-ispezzjonijiet fuq l-art li għandhom jitwettqu fuq l-inġenji tal-arju ta’ dan it-trasportatur skont ir-Regolament (KE) Nru 351/2008.

(112)

Permezz ta’ korrispondenza tad-9 ta’ Novembru 2009, l-awtoritajiet kompetenti tal-Federazzjoni Russa għarrfu lill-Kummissjoni bid-deċiżjoni tal-kumitat taċ-ċertifikazzjoni tagħhom tas-6 ta’ Novembru 2009 li jirtira r-restrizzjonijiet imposti qabel fuq l-operat tat-trasportatur bl-ajru Aeroflot Nord.

(113)

Fid-9 ta’ Novembru 2009, l-awtoritajiet kompetenti tal-Federazzjoni Russa għarrfu lill-Kummissjoni li kienu bidlu d-deċiżjoni tagħhom tal-25 ta’ April 2008, li biha kienu eskludew mill-operat lejn il-Komunità inġenji tal-ajru fl-AOC ta’ tlettax-il trasportatur bl-ajru Russu. Dawn l-inġenji tal-ajru ma kinux mgħammra biex iwettqu titjiriet internazzjonali skont l-istandards tal-ICAO (ma kinux mgħammra bis-sistemi TAWS/E-GPWS) u ċ-ċertifikati tagħhom tal-ajrunavigabbiltà kienu skadew u ma kinux iġġeddu.

(114)

Skont id-deċiżjoni l-ġdida, l-inġenji tal-arju li ġejjin ma jistgħux joperaw lejn il-Komunità, ġo fiha jew ’il barra minnha:

(115)

S’issa ma ntbagħtet l-ebda evidenza lill-Kummissjoni dwar l-implimentazzjoni sħiħa tal-azzjonijiet korrettivi x-xierqa mit-trasportaturi bl-ajru l-oħrajn inklużi fil-lista Komunitarja, aġġornata fit-13 ta’ Lulju 2009, u mill-awtoritajiet responsabbli għas-sorveljanza regolatorja tagħhom, minkejja t-talbiet speċifiċi li għamlet il-Kummissjoni. Għalhekk, abbażi tal-kriterji komuni, qiegħed jitqies li dawn it-trasportaturi bl-ajru għandhom jibqgħu suġġetti għal projbizzjoni fuq l-operat (l-Anness A) jew għal restrizzjonijiet fuq l-operat (l-Anness B), skont il-każ.

(116)

Il-miżuri pprovduti f’dan ir-Regolament huma skont l-opinjoni tal-Kumitat tas-Sikurezza tal-Ajru,

1.

L-Anness A għandu jinbidel bit-test imniżżel fl-Anness A għal dan ir-Regolament.

2.

L-Anness B għandu jinbidel bit-test imniżżel fl-Anness B għal dan ir-Regolament.

27.11.2009   

MT

Il-Ġurnal Uffiċjali tal-Unjoni Ewropea

L 312/38

(1)

Ir-Regolament tal-Kunsill (KE) Nru 1359/2008 tat-28 ta’ Novembru 2008 li jiffissa għall-2009 u l-2010 l-opportunitajiet ta’ sajd ta’ bastimenti tas-sajd Komunitarji għal ċerti stokkijiet ta’ ħut tal-baħar fond (3) jistipula kwoti għall-2009 u l-2010.

(2)

Skont l-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata għall-2009.

(3)

Għalhekk jeħtieġ li s-sajd għal dak l-istokk, kif ukoll iż-żamma tiegħu abbord, it-trażbord u l-ħatt tiegħu l-art ikunu pprojbiti,

27.11.2009   

MT

Il-Ġurnal Uffiċjali tal-Unjoni Ewropea

L 312/40

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2009/10 ġew stabbiliti bir-Regolament tal-Kummissjoni (KE) Nru 877/2009 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 1104/2009 (4).

(2)

L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

27.11.2009   

MT

Il-Ġurnal Uffiċjali tal-Unjoni Ewropea

L 312/42

(1)

Ir-Regolament tal-Kummissjoni (KE) Nru 676/2009 (2) fetaħ sejħa għall-offerti għat-tnaqqis massimu fid-dazju tal-importazzjoni fi Spanja tal-qamħirrum minn pajjiżi terzi.

(2)

Skont l-Artikolu 8 tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3), il-Kummissjoni tista', skont il-proċedura prevista fl-Artikolu 195(2) tar-Regolament (KE) Nru 1234/2007, tiddeċiedi li tistabbilixxi tnaqqis massimu fid-dazju tal-importazzjoni. Biex din il-kwantità tiġi stabbilita, għandhom jitqiesu l-kriterji mniżżla fl-Artikoli 7 u 8 tar-Regolament (KE) Nru 1296/2008.

(3)

Il-konċessjoni tingħata lil kull min tefa' offerta li ma taqbiżx l-ammont tat-tnaqqis massimu fid-dazju tal-importazzjoni.

(4)

Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni tiegħu fil-limitu tażżmien stabbilit mill-president tiegħu,

27.11.2009   

MT

Il-Ġurnal Uffiċjali tal-Unjoni Ewropea

L 312/43

(1)

Bir-Regolament tal-Kummissjoni (KE) Nru 677/2009 (2) ħarġet sejħa għall-offerti għat-tnaqqis massimu fid-dazju fuq il-qamħirrum impurtat fil-Portugall minn pajjiżi terzi.

(2)

Skont l-Artikolu 8 tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3), il-Kummissjoni tista', skont il-proċedura pprovduta fl-Artikolu 195(2) tar-Regolament (KE) Nru 1234/2007, tiddeċiedi li ma tilqa' l-ebda waħda mill-offerti.

(3)

B'qies partikulari għall-kriterji msemmija fl-Artikoli 7 u 8 tar-Regolament (KE) Nru 1296/2008, mhuwiex f'loku li jsir tnaqqis massimu fid-dazju.

(4)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

27.11.2009   

MT

Il-Ġurnal Uffiċjali tal-Unjoni Ewropea

L 312/44

(1)

Il-kwistjonijiet dwar il-bijodiversità u l-konservazzjoni ta’ riżorsi ġenetiċi tal-pjanti kibru fl-importanza tagħhom matul dawn l-aħħar snin, kif huwa rifless fi żviluppi differenti fuq livell internazzjonali u Komunitarju. L-eżempji jinkludu d-Deċiżjoni tal-Kunsill 93/626/KEE tal-25 ta’ Ottubru 1993 dwar il-konklużjoni tal-Konvenzjoni fuq id-Diversità Bijoloġika (2), id-Deċiżjoni tal-Kunsill 2004/869/KE tal-24 ta’ Frar 2004 dwar il-konklużjoni, f’isem il-Komunità Ewropea, tat-Trattat Internazzjonali dwar ir-Riżorsi Ġenetiċi tal-Pjanti għall-Ikel u l-Agrikoltura (3), ir-Regolament tal-Kunsill (KE) Nru 870/2004 tal-24 ta’ April 2004 li jistabbilixxi programm tal-Komunità dwar il-ħarsien, karatterizzazzjoni, ġbir u l-użu ta’ riżorsi ġenetiċi fl-agrikoltura u li jħassar ir-Regolament (KE) Nru 1467/94 (4) u r-Regolament tal-Kunsill (KE) Nru 1698/2005 tal-20 ta’ Settembru 2005 dwar l-appoġġ għall-iżvilupp rurali tal-Fond Agrikolu Ewropew għall-Iżvilupp Rurali (EAFRD) (5). Għandhom jiġu stabbiliti kundizzjonijiet speċifiċi skont id-Direttiva 2002/55/KE biex jittieħdu inkunsiderazzjoni dawn il-kwistjonijiet fir-rigward tat-tqegħid fis-suq taż-żrieragħ tal-ħxejjex.

(2)

Biex ikunu żgurati l-konservazzjoni in situ u l-użu sostenibbli ta’ riżorsi ġenetiċi tal-pjanti, għandhom jitkabbru u jitqiegħdu fis-suq landraces u varjetajiet tradizzjonalment imkabbar f’lokalitajiet u f’reġjuni partikulari u li huma mhedda mit-tagħwir ġenetiku (varjetajiet ta’ konservazzjoni) ukoll fejn ma jkunux konformi mar-rekwiżiti ġenerali fir-rigward tal-approvazzjoni ta’ varjetajiet u t-tqegħid fis-suq taż-żrieragħ. Flimkien mal-iskop ġenerali ta’ protezzjoni tar-riżorsi ġenetiċi tal-pjanti, l-interess partikulari ta’ konservazzjoni ta’ dawn il-varjetajiet huwa marbut mal-fatt li huma partikolarment adattati tajjeb għal kundizzjonijiet partikulari lokali.

(3)

Biex jiġi żgurat l-użu sostenibbli tar-riżorsi ġenetiċi tal-pjanti, il-varjetajiet li ma għandhom l-ebda valur intrinsiku għall-produzzjoni kummerċjali tal-għelejjel iżda li ġew żviluppati biex jikbru f’kundizzjonijiet partikulari (varjetajiet żviluppati biex jitkabbru f’kundizzjonijiet partikulari) għandhom jitkabbru u jitqiegħdu fis-suq ukoll fejn ma jkunux konformi mar-rekwiżiti ġenerali fir-rigward tal-approvazzjoni ta’ varjetajiet u t-tqegħid fis-suq taż-żrieragħ. Flimkien mal-iskop ġenerali ta’ protezzjoni tar-riżorsi ġenetiċi tal-pjanti, l-interess partikulari ta’ konservazzjoni ta’ dawn il-varjetajiet huwa marbut mal-fatt li huma adattati biex jitkabbru f’kundizzjonijiet klimatiċi, pedagoġiċi jew agrotekniċi partikulari (bħalma huma kura manwali, u ħsad ripetut).

(4)

Biex jiġu ppreservati varjetajiet ta’ konservazzjoni u varjetajiet żviluppati biex jitkabbru f’kundizzjonijiet partikulari, jeħtieġ li jingħataw derogi fir-rigward tal-approvazzjoni ta’ dawk il-varjetajiet kif ukoll għall-produzzjoni u t-tqegħid fis-suq taż-żerriegħa ta’ dawk il-varjetajiet.

(5)

Dawk id-derogi għandhom ikunu dwar ir-rekwiżiti sustantivi għall-approvazzjoni ta’ varjetà u r-rekwiżiti proċedurali previsti fid-Direttiva tal-Kummissjoni 2003/91/KE tas-6 ta’ Ottubru 2003 li tistabbilixxi miżuri ta’ implimentazzjoni għall-iskopijiet tal-Artikolu 7 tad-Direttiva tal-Kunsill 2002/55/KE fir-rigward tal-karatteristiċi li għandhom jiġu koperti bħala minimu mill-eżaminar u l-kundizzjonijiet minimi għall-eżaminar ta’ ċerti varjetajiet ta’ speċi ta’ pjanti agrikoli (6).

(6)

L-Istati Membri għandhom, b’mod partikulari, ikunu awtorizzati li jadottaw id-dispożizzjonijiet tagħhom stess fir-rigward ta’ preċiżjoni, stabilità u uniformità. Dawn id-dispożizzjonijiet għandhom, fir-rigward tal-preċiżjoni u l-istabilità, minn tal-inqas ikunu msejsa fuq il-karatteristiċi elenkati fil-kwestjonarju tekniku li jrid jimtela mill-applikant b’konnessjoni mal-applikazzjoni għall-approvazzjoni tal-varjetà kif imsemmi fl-Annessi I u II tad-Direttiva 2003/91/KE. Fejn l-uniformità hija stabbilita fuq il-bażi ta’ entitajiet mhux tipiċi, id-dipożizzjonijiet għandhom jissejsu fuq standards definiti.

(7)

Għandhom jiġu previsti r-rekwiżiti proċedurali li skonthom varjetà ta’ konservazzjoni jew varjetà żviluppata biex titkabbar f’kundizzjonijiet partikulari tista’ tiġi aċċettata mingħajr investigazzjoni uffiċjali. Barra dan, fir-rigward tad-denominazzjoni ta’ dawk il-varjetajiet, huwa meħtieġ li jiġu previsti ċerti derogi mir-rekwiżiti stipulati fid-Direttiva 2002/55/KE u r-Regolament tal-Kummissjoni (KE) Nru 637/2009 tat-22 ta’ Lulju 2009 li jwaqqaf regoli ta’ implimentazzjoni dwar l-adattabilità tad-denominazzjonijiet ta’ varjetajiet ta’ speċi ta’ pjanti agrikoli u speċi ta’ ħxejjex (7).

(8)

F’dak li għandu x’jaqsam ma’ varjetajiet ta’ konservazzjoni, għandhom jiġu previsti restrizzjonijiet dwar il-produzzjoni u t-tqegħid fis-suq taż-żerriegħa, partikolarment fir-rigward tar-reġjun tal-oriġini, biex jiġi żgurat li t-tqegħid fis-suq taż-żerriegħa jsir fil-kuntest ta’ konservazzjoni in situ u l-użu tar-riżorsi ġenetiċi tal-pjanti. F’dan il-kuntest, l-Istati Membri għandu jkollhom il-possibilità li japprovaw reġjuni addizzjonali fejn żerriegħa li taqbeż il-kwantitajiet meħtieġa biex tkun żgurata l-konservazzjoni tal-varjetà kkonċernata fir-reġjun ta’ oriġini tagħha tista’ titqiegħed fis-suq, bil-kundizzjoni li dawn ir-reġjuni addizzjonali huma komparabbli fir-rigward ta’ ambjenti naturali u seminaturali. Biex ikun żgurat li titħares ir-rabta mar-reġjun ta’ oriġini, dan ma għandux japplika fejn Stat Membru japprova reġjuni addizzjonali ta’ produzzjoni.

(9)

Għandhom jiġu ffissati restrizzjonijiet kwantitattivi għat-tqegħid fis-suq ta’ kull varjetà ta’ konservazzjoni u kull varjetà żviluppata biex titkabbar f’kundizzjonijiet partikulari.

(10)

Fil-każ ta’ varjetajiet ta’ konservazzjoni, il-kwantitajiet ta’ żerriegħa li jitqiegħdu fis-suq għal kull varjetà ma għandhomx jaqbżu l-kwantità meħtieġa biex tipproduċi ħxejjex tal-varjetà kkonċernata fuq wiċċ limitat stipulat skont l-importanza tal-kultivazzjoni tal-ispeċi kkonċernata. Biex ikun żgurat li dawn il-kwantitajiet ikunu rispettati, l-Istati Membri għandhom jobbligaw lill-produtturi biex jinnotifikaw il-kwantitajiet ta’ żerriegħa tal-varjetajiet ta’ konservazzjoni li beħsiebhom jipproduċu u għandhom jallokaw il-kwantitajiet lill-produtturi fejn dan ikun xieraq.

(11)

Għal varjetajiet żviluppati biex jitkabbru f’kundizzjonijiet partikulari, ir-restrizzjonijiet kwantitattivi għandu jkollhom l-għamla ta’ obbligu li ż-żerriegħa titqiegħed fis-suq f’imballaġġi żgħar, billi l-ispiża relattivament għolja taż-żerriegħa mibjugħa f’imballaġġi żgħar ikollha l-effett ta’ limitazzjoni kwantitattiva.

(12)

Għal varjetajiet ta’ konservazzjoni u l-varjetajiet żviluppati biex jitkabbru f’kundizzjonijiet partikulari, it-traċċabilità taż-żerriegħa għandha tiġi żgurata permezz ta’ rekwiżiti xierqa ta’ siġillar u tikkettar.

(13)

Biex jiġi żgurat li din id-Direttiva tiġi applikata kif suppost għelejjel taż-żerriegħa ta’ varjetajiet ta’ konservazzjoni u varjetajiet żviluppati biex jitkabbru f’kundizzjonijiet partikulari għandhom jikkonformaw mal-kundizzjonijiet speċifiċi f’dak li għandu x’jaqsam maċ-ċertifikazzjoni u l-verifika taż-żerriegħa. Għandhom jitwettqu kontrolli uffiċjali ta’ segwitu fuq iż-żerriegħa. Għandu jitwettaq monitoraġġ uffiċjali fl-istadji kollha ta’ produzzjoni u tqegħid fis-suq. L-ammonti ta’ żerriegħa ta’ varjetajiet ta’ konservazzjoni li jitqiegħdu fis-suq għandhom jiġu rrapurtati mill-fornituri lill-Istati Membri u mill-Istati Membri lill-Kummissjoni.

(14)

Wara tliet snin il-Kummissjoni għandha tivvaluta jekk il-miżuri previsti f’din id-Direttiva, partikolarment, id-dispożizzjonijiet li jikkonċernaw ir-restrizzjonijiet kwantitattivi għat-tqegħid fis-suq ta’ żerriegħa ta’ varjetajiet ta’ konservazzjoni u varjetajiet żviluppati biex jitkabbru f’kundizzjonijiet partikulari, humiex effettivi.

(15)

Il-miżuri stipulati f’din id-Direttiva huma skont l-opinjoni tal-Kumitat Permanenti dwar iż-Żrieragħ u Materjal ta’ Propagazzjoni għall-Agrikultura, l-Ortikultura u l-Forestrija,

(a)

għall-approvazzjoni tal-inklużjoni fil-katalgi nazzjonali ta’ varjetajiet ta’ speċi tal-ħxejjex, kif previsit fid-Direttiva 2002/55/KE, ta’ landraces u varjetajiet tradizzjonalment imkabbra f’lokalitajiet u f’reġjuni partikulari u li huma mhedda minn tagħwir ġenetiku, minn issa ‘l quddiem “varjetajiet ta’ konservazzjoni”, u

(b)

għall-approvazzjoni għall-inklużjoni fil-katalgi msemmija fil-punt (a) ta’ varjetajiet bl-ebda valur intrinsiku kummerċjali għal produzzjoni kummerċjali tal-għelejjel iżda żviluppati biex jitkabbru f’kundizzjonijiet partikulari, minn issa ‘l quddiem “varjetajiet żviluppati biex jikbru f’kundizzjonijiet partikulari”, u

(c)

għat-tqegħid fis-suq ta’ żerriegħa ta’ varjetajiet ta’ konservazzjoni u varjetajiet żviluppati biex jitkabbru f’kundizzjonijiet partikulari bħal dawn.

(a)

“konservazzjoni in situ” tfisser il-konservazzjoni ta’ materjal ġenetiku fl-ambjent naturali tiegħu u, fil-każ ta’ speċi ta’ pjanti kkultivati, f’ambjent ikkultivat fejn dawn żviluppaw il-proprjetajiet distintivi tagħhom;

(b)

“tgħawwir ġenetiku” tfisser telf ta’ diversità ġenetika bejn u ġewwa populazzjonijiet u varjetajiet tal-istess speċi biż-żmien, jew tnaqqis fil-bażi ġenetika ta’ speċi kawża ta’ intervenzjoni umana jew bidla fl-ambjent;

(c)

“landrace” tfisser sett ta’ popolazzjonijiet jew kloni ta’ speċi ta’ pjanti li huma adattati b’mod naturali għall-kundizzjonijiet ambjentali tar-reġjun tagħhom.

(a)

L-Istati Membri jistgħu jaċċettaw varjetà bħala varjetà ta’ konservazzjoni li ż-żerriegħa tagħha tkun jew iċċertifikata bħala “żerriegħa ċċertifikata ta’ varjetà ta’ konservazzjoni” jew verifikata bħala “żerriegħa standard ta’ varjetà ta’ konservazzjoni”. Varjetà bħal din għandha tiddaħħal f’katalgu komuni ta’ varjetajiet ta’ speċi tal-ħxejjex bħala “varjetà ta’ konservazzjoni li ż-żerriegħa tagħha għandha tiġi ċċertifikata skont l-Artikolu 10 tad-Direttiva tal-Kummissjoni 2009/145/KE jew tiġi verifikata skont l-Artikolu 11 ta’ din id-Direttiva”;

(b)

L-Istati Membri jistgħu jaċċettaw varjetà bħala varjetà li ż-żerriegħa tagħha tista’ tiġi verifikata biss bħala “żerriegħa standard ta’ varjetà ta’ konservazzjoni”. Varjetà bħal din għandha tiddaħħal f’katalgu komuni ta’ varjetajiet ta’ speċi tal-ħxejjex bħala “varjetà ta’ konservazzjoni li ż-żerriegħa tagħha għandha tiġi verifikata skont l-Artikolu 11 tad-Direttiva tal-Kummissjoni 2009/145/KE”.

(a)

fil-kwestjonarji tekniċi assoċjati mal-protokolli tat-test tal-Uffiċċju Komunitarju dwar il-Varjetà tal-Pjanti (CPVO), għall-ispeċi elenkati fl-Anness I tad-Direttiva 2003/91/KE, li japplikaw għal dawk l-ispeċi, jew

(b)

fil-kwestjonarji tekniċi tal-Linjigwida tal-Unjoni Internazzjonali għall-Ħarsien ta’ Varjetajiet Ġodda ta’ Pjanti (UPOV), għall-sipeċi elenkati fl-Anness II tad-Direttiva 2003/91/KE, li tapplika għal dawk l-ispeċi.

(a)

id-deskrizzjoni tal-varjetà ta’ konservazzjoni u d-denominazzjoni tagħha;

(b)

ir-riżultati ta’ testijiet mhux uffiċjali;

(c)

l-għarfien li nkiseb minn esperjenza prattika matul il-kultivazzjoni, ir-riproduzzjoni u l-użu kif innotifikat mill-applikant għall-Istat Membru kkonċernat;

(d)

tagħrif ieħor, b’mod partikulari minn awtoritajiet ta’ riżorsi ġenetiċi tal-pjanti jew minn organizzazzjonijiet rikonoxxuti għal dan l-iskop mill-Istati Membri.

(a)

hija diġà elenkata fil-katalgu komuni ta’ varjetajiet ta’ speċi tal-ħxejjex bħala varjetà li mhijiex varjetà ta’ konservazzjoni, jew tħassret minn dak il-katalgu komuni fl-aħħar sentejn, jew il-perjodu li ngħata skont l-Artikolu 15(2) tad-Direttiva 2002/55/KE skada inqas minn sentejn ilu; jew

(b)

hija protetta minn dritt esklussiv tal-Komunità tal-varjetà tal-pjanta, kif previst fir-Regolament tal-Kunsill (KE) Nru 2100/94 (8), jew minn dritt esklussiv nazzjonali tal-varjetà tal-pjanta, jew hemm applikazzjoni pendenti għal dritt bħal dan.

(a)

iż-żerriegħa mnissla minn żerriegħa prodotta skont prassi definita sewwa għall-preservazzjoni tal-varjetà;

(b)

iż-żerriegħa tikkonforma mar-rekwiżiti ta’ ċertifikazzjoni ta’ “żerriegħa ċertifikata” prevista fl-Artikolu 2(1)(d) tad-Direttiva 2002/55/KE, bl-eċċezzjoni tar-rekwiżiti fir-rigward tal-purità minima tal-varjetà u r-rekwiżiti dwar l-investigazzjoni uffiċjali jew investigazzjoni taħt superviżjoni uffiċjali;

(c)

iż-żerriegħa għandha purità biżżejjed tal-varjetà.

(a)

iż-żerriegħa tikkonforma mar-rekwiżiti għat-tqegħid fis-suq ta’ “żerriegħa standard” previst fid-Direttiva 2002/55/KE, bl-eċċezzjoni tar-rekwiżiti fir-rigward tal-purità minima tal-varjetà;

(b)

iż-żerriegħa għandha purità biżżejjed tal-varjetà.

(a)

hija ġiet prodotta fir-reġjun ta’ oriġini tagħha jew f’reġjun imsemmi fl-Artikolu 13;

(b)

it-tqegħid fis-suq isir fir-reġjun ta’ oriġini tagħha.

(a)

il-kliem “regoli u standards tal-KE”;

(b)

l-isem u l-indirizz tal-persuna reponsabbli li twaħħal it-tikketti jew il-marka tal-identifikazzjoni tiegħu;

(c)

is-sena ta’ siġill miktuba bħala: “siġill fi …”(is-sena), jew is-sena tal-aħħar teħid ta’ kampjuni għall-iskopijiet tal-aħħar ittestjar tal-ġerminazzjoni miktuba bħala: “meħud bħala kampjun fi …”(is-sena);

(d)

l-ispeċi;

(e)

id-denominazzjoni tal-varjetà tal-konservazzjoni;

(f)

il-kliem “żerriegħa ċertifikata ta’ varjetà ta’ konservazzjoni” jew “żerriegħa standard ta’ varjetà ta’ konservazzjoni”;

(g)

ir-reġjun tal-oriġini;

(h)

meta r-reġjun ta’ produzzjoni taż-żerriegħa jkun differenti mir-reġjun tal-oriġini, l-indikazzjoni tar-reġjun tal-produzzjoni taż-żerriegħa;

(i)

in-numru ta’ referenza tal-lott mogħti mill-persuna responsabbli li twaħħal it-tikketti;

(j)

il-piż nett jew gross iddikjarat, jew l-għadd dikjarat ta’ żrieragħ;

(k)

meta l-piż ikun indikattiv u jintużaw pestiċidi granulati, sustanzi fl-għamla ta’ pretkuni jew addittivi solidi oħra, in-natura tat-trattament kimiku jew l-addittiv u l-proporzjon approssimattiv bejn il-piż tal-ħbub jew żrieragħ puri u l-piż totali.

(a)

fil-kwestjonarji tekniċi assoċjati mal-protokolli tat-testijiet tal-Uffiċċju tal-Komunità tal-Varjetà tal-Pjanti (UKVP), għall-ispeċi elenkati fl-Anness I tad-Direttiva 2003/91/KE, li japplikaw għal dawk l-ispeċi, jew

(b)

fil-kwestjonarji tekniċi tal-Linjigwida tal-Unjoni Internazzjonali għall-Ħarsien ta’ Varjetajiet Ġodda tal-Pjanti (UPOV), għall-ispeċi elenkati fl-Anness II tad-Direttiva 2003/91/KE, li japplikaw għal dawk l-ispeċi.

(a)

id-deskrizzjoni tal-varjetà żviluppata biex titkabbar f’kundizzjonijiet partikulari u d-denominazzjoni tagħhom;

(b)

ir-riżultati tat-testijiet mhux ufffiċjali;

(c)

l-għarfien li nkiseb mill-esperjenza prattika waqt il-kultivazzjoni, ir-riproduzzjoni u l-użu, kif innotifikat mill-applikant lill-Istat Membru kkonċernat;

(d)

tagħrif ieħor, partikolarment minn awtoritajiet tar-riżorsi tal-ġenetika tal-pjanti jew minn organizzazzjonijiet rikonoxxuti għal dan l-iskop mill-Istati Membri.

(a)

hija diġà elenkata fil-katalgu komuni ta’ varjetajiet ta’ speċi tal-ħxejjex bħala varjetà li mhijiex varjetà żviluppata biex titkabbar f’kundizzjonijiet partikulari, jew tħassret minn dak il-katalgu komuni fl-aħħar sentejn, jew il-perjodu li ngħata skont l-Artikolu 15(2) tad-Direttiva 2002/55/KE skada inqas minn sentejn ilu; jew

(b)

hija protetta minn dritt esklussiv tal-Komunità tal-varjetà tal-pjanta, kif previst fir-Regolament tal-Kunsill (KE) Nru 2100/94, minn dritt esklussiv nazzjonali tal-varjetà tal-pjanta, jew jekk hemm applikazzjoni pendenti għal dritt bħal dan.

(a)

iż-żerriegħa tikkonforma mar-rekwiżiti għat-tqegħid fis-suq ta’ ‘żerriegħa standard’ previst fid-Direttiva 2002/55/KE, bl-eċċezzjoni tar-rekwiżiti fir-rigward tal-purità minima tal-varjetà;

(b)

iż-żerriegħa għandha purità biżżejjed tal-varjetà.

(a)

il-kliem “regoli u standards tal-KE”;

(b)

l-isem u l-indirizz tal-persuna reponsabbli li twaħħal it-tikketti jew il-marka tal-identifikazzjoni tiegħu;

(c)

is-sena ta’ siġill espressa bħala: “siġill fi …”(is-sena), jew is-sena tal-aħħar teħid ta’ kampjuni għall-iskopijiet tal-aħħar ittestjar tal-ġerminazzjoni miktuba bħala: “meħud bħala kampjun fi …”(is-sena);

(d)

l-ispeċi;

(e)

id-denominazzjoni tal-varjetà;

(f)

il-kliem “varjetà żviluppata biex titkabbar f’kundizzjonijiet partikulari”;

(g)

in-numru ta’ referenza tal-lott mogħti mill-persuna responsabbli li twaħħal it-tikketti;

(h)

il-piż nett jew gross iddikjarat, jew l-għadd dikjarat ta’ żrieragħ;

(i)

meta l-piż ikun indikattiv u jintużaw pestiċidi granulati, sustanzi fl-għamla ta’ pretkuni jew addittivi solidi oħra, in-natura tat-trattament kimiku jew l-addittiv u l-proporzjon approssimattiv bejn il-piż tal-ħbub puri taż-żrieragħ u l-piż totali.

27.11.2009   

MT

Il-Ġurnal Uffiċjali tal-Unjoni Ewropea

L 312/55

(1)

Id-Direttiva tal-Kummissjoni 2008/125/KE (2) fiha żbalji terminoloġiċi fir-rigward tal-użi li jistgħu jiġu awtorizzati għall-aluminium phosphide, il-calcium phosphide u l-magnesium phosphide. Dawn l-iżbalji jridu jiġu kkoreġuti.

(2)

Il-miżuri previsti f’din id-Direttiva huma f’konformità mal-opinjoni tal-Kumitat Permanenti dwar il-Katina tal-Ikel u s-Saħħa tal-Annimali,

(1)

F’parti A tas-seba’ kolonna (dispożizzjonijiet speċifiċi) tar-ringiela Nru 266 (aluminium phosphide) l-ewwel u t-tieni sentanza huma sostitwiti b’dan li ġej:

“Jistgħu jiġu awtorizzati biss użi bħala insettiċida, rodentiċida, talpiċida jew leporiċida fil-forma ta’ prodotti lesti għall-użu li fihom aluminium phosphide.

Għall-użu bħala rodentiċida, talpiċida jew leporiċida l-użi ta’ barra biss jistgħu jiġu awtorizzati.”

(2)

F’parti A tas-seba’ kolonna (dispożizzjonijiet speċifiċi) tar-ringiela Nru 267 (calcium phosphide) l-ewwel u t-tieni sentenza huma sostitwiti b’dan li ġej:

“Jistgħu jiġu awtorizzati biss użi bħala rodentiċida u talpiċida fil-forma ta’ prodotti lesti għall-użu li fihom calcium phosphide.”

(3)

F’parti A tas-seba’ kolonna (dispożizzjonijiet speċifiċi) tar-ringiela Nru 268 (magnesium phosphide) l-ewwel u t-tieni sentenza huma sostitwiti b’dan li ġej:

“Jistgħu jiġu awtorizzati biss użi bħala insettiċida, rodentiċida, talpiċida jew leporiċida fil-forma ta’ prodotti lesti għall-użu li fihom magnesium phosphide.

Għall-użu bħala rodentiċida, talpiċida jew leporiċida l-użi ta’ barra biss jistgħu jiġu awtorizzati.”

27.11.2009   

MT

Il-Ġurnal Uffiċjali tal-Unjoni Ewropea

L 312/56

(1)

Skont l-Artikolu 22(1) tad-Direttiva 2006/66/KE, l-Istati Membri għandhom jirrappurtaw regolarment permezz ta’ kwestjonarju dwar l-implimentazzjoni ta’ dik id-Direttiva.

(2)

Sabiex jiġi evitat piż amministrattiv żejjed marbut mat-tħejjija ta’ dak ir-rapport, huwa xieraq li tkun limitata l-lista tal-informazzjoni meħtieġa għal dik id-dejta li hija l-iktar ta’ ħtieġa biex il-Kummissjoni tivvaluta l-ħtieġa għal titjib fl-implimentazzjoni tad-Direttiva 2006/66/KE.

(3)

Il-miżuri pprovduti f’din id-Deċiżjoni huma konformi mal-opinjoni tal-Kumitat stabbilit skont l-Artikolu 18(1) tad-Direttiva 2006/12/KE tal-Parlament Ewropew u tal-Kunsill (2),

27.11.2009   

MT

Il-Ġurnal Uffiċjali tal-Unjoni Ewropea

L 312/59

(1)

Ir-Regolament (KE) Nru 852/2004 li jistabbilixxi regoli ġenerali għall-operaturi tan-negozju tal-ikel dwar l-iġjene tal-prodotti tal-ikel imsejsa, fost l-oħrajn, fuq il-prinċipji tal-analiżi tal-perikli u l-punti kritiċi ta’ kontroll. Dan jipprevedi li l-operaturi tan-negozji tal-ikel għandhom jikkonformaw ma’ ċerti proċeduri msejsa fuq dawn il-prinċipji.

(2)