31.10.2009   

MT

Il-Ġurnal Uffiċjali tal-Unjoni Ewropea

L 286/1

(1)

Ir-Regolament (KE) Nru 2037/2000 tal-Parlament Ewropew u tal-Kunsill tad-29 ta’ Ġunju 2000 dwar sustanzi li jnaqqsu s-saff tal-ożonu (3) ġie emendat sostanzjalment bosta drabi. Billi għandhom isiru iżjed emendi, għandu jiġi mfassal mill-ġdid fl-interess taċ-ċarezza.

(2)

Huwa stabbilit li l-emissjonijiet kontinwi ta’ sustanzi li jnaqqsu l-ożonu (ODS) joħolqu ħsara sinifikanti lis-saff tal-ożonu. Hemm evidenza ċara ta’ nuqqas fil-piż atmosferiku ta’ ODS, u ġew osservati xi sinjali bikrin ta’ rkupru stratosferiku. Madankollu, l-irkupru tas-saff tal-ożonu għal-livell tal-konċentrazzjonijiet li kien jeżisti qabel l-1980 mhuwiex previst li se jseħħ qabel in-nofs tas-seklu 21. Żieda fir-radjazzjoni UV-B li tirriżulta mit-tnaqqis tal-ożonu għalhekk tippersisti bħala theddida sinifikanti għas-saħħa u għall-ambjent. Fl-istess ħin, ħafna minn dawn is-sustanzi għandhom potenzjal għoli ta’ tisħin globali u huma fatturi li jikkontribwixxu biex tiżdied it-temperatura tal-pjaneta. Għalhekk jeħtieġ li jittieħdu aktar miżuri effiċjenti sabiex tkun imħarsa s-saħħa umana u l-ambjent kontra l-effetti ħżiena li jirriżultaw minn emissjonijiet bħal dawn u biex jiġi evitat ir-riskju ta’ aktar dewmien fl-irkupru tas-saff tal-ożonu.

(3)

Fid-dawl tar-responsabbiltajiet tagħha dwar l-ambjent u l-kummerċ, il-Komunità, bis-saħħa tad-Deċiżjoni tal-Kunsill 88/540/KEE (4), saret Parti mill-Konvenzjoni ta’ Vjenna dwar il-Protezzjoni tas-Saff tal-Ożonu u tal-Protokoll ta’ Montreal dwar Sustanzi li Jnaqqsu l-Ożonu (minn hawn ‘il quddiem “il-Protokoll”).

(4)

Bosta ODS huma gassijiet tal-effett serra li mhumiex ikkontrollati taħt il-Konvenzjoni Qafas għat-Tibdil fil-Klima tan-Nazzjonijiet Uniti u l-Protokoll ta’ Kjoto tagħha għaliex bosta jaħsbu li l-Protokoll se jneħħi gradwalment l-ODS. Minkejja l-progress li sar permezz tal-Protokoll, il-ħidma biex l-ODS jitneħħew gradwalment għad trid isseħħ fl-intier tagħha fl-Unjoni Ewropea u fid-dinja, filwaqt li wieħed għandu jżomm f’moħħu li bħalissa bosta alternattivi għall-ODS għandhom potenzjal għoli ta’ tisħin globali. Għalhekk, hemm bżonn li wieħed inaqqas għall-minimu u jelimina l-produzzjoni u l-użu tal-ODS kull fejn ikunu disponibbli alternattivi teknikament vijabbli li għandhom potenzjal baxx ta’ tisħin.

(5)

L-aħħar miżuri addizzjonali għall-protezzjoni tas-saff tal-ożonu kienu adottati mill-Partijiet fil-Protokoll fil-laqgħa tagħhom f’Montreal f’Settembru 2007 u f’Doha f’Novembru 2008. Huwa meħtieġ li tittieħed azzjoni fil-livell ta’ Komunità sabiex ikun hemm konformità mal-obbligi tal-Komunità skont il-Protokoll u partikolarment biex tiġi implimentata t-tneħħija aċċelerata tal-idroklorofluworokarbonji, b’kunsiderazzjoni xierqa għar-riskji li jiddaħħlu alternattivi b’potenzjali għoljin ta’ tisħin globali.

(6)

B’segwitu għat-tħassib imsemmi fir-Rapport tal-2006 tal-Panel tal-Valutazzjoni Xjentifika relatat mat-tkabbir aċċelerat tal-produzzjoni u l-konsum tal-idroklorofluworokarbonji fil-pajjiżi li qegħdin jiżviluppaw, il-Partijiet fil-Protokoll fl-2007 adottaw id-Deċiżjoni XIX/6 waqt id-dsatax-il laqgħa tagħhom bi skeda ta’ tneħħija aċċelerata tal-idroklorofluworokarbonji. Wara din id-Deċiżjoni, id-data tat-tneħħija gradwali tal-produzzjoni għandha titressaq mill-2025 għall-2020.

(7)

Taħt ir-Regolament (KE) Nru 2037/2000, mill-2010 ‘l quddiem, l-idroklorofluworokarbonji ma jistgħux jibqgħu jintużaw għall-manutenzjoni u servicing ta’ tagħmir ta’ tkessiħ u tal-arja kondizzjonata. Sabiex jitnaqqas ir-riskju ta’ użu illegali ta’ idroklorofluworokarbonji verġni bħal materjal riċiklat jew reklamat, materjal reklamat jew riċiklat għandu jintuża biss f’operazzjonijiet ta’ manutenzjoni jew servicing. Il-bejgħ mill-ġdid ta’ idroklorofluworkarbonji riċiklati għandu jkun projbit, u l-idroklorofluworokarbonji riċiklati għandhom jintużaw biss meta jkunu rkuprati minn tagħmir bħal dan u mill-intrapriża biss li tkun wettqet jew tkun inkarigata biex twettaq l-irkupru. Minħabba raġunijiet ta’ konsistenza, din l-eżenzjoni għandha tapplika wkoll għal tagħmir tas-sħana bil-pompa.

(8)

Fid-dawl tad-disponibbiltà wiesgħa ta’ teknoloġiji u sustanzi alternattivi biex jissostitwixxu ODS, huwa xieraq f’ċerti każijiet li jkunu provduti miżuri ta’ kontroll li jkunu aktar stretti minn dawk li hemm provduti fir-Regolament (KE) Nru 2037/2000 u aktar stretti minn dawk tal-Protokoll.

(9)

Permezz tar-Regolament (KE) Nru 2037/2000 il-produzzjoni u t-tqegħid fis-suq ta’ klorofluworokarbonji, klorofluworokarbonji kompletament aloġenati oħra, aloni, tetraklorur tal-karbonju, idrobromofluworokarbonji tal-1,1,1-trikloroetan, bromoklorometan u bromur tal-metil tneħħew gradwalment u għalhekk, it-tpoġġija fis-suq ta’ dawk is-sustanzi u ta’ prodotti u tagħmir li fih dawk is-sustanzi huwa projbit. Issa huwa xieraq ukoll li l-projbizzjoni tal-użu ta’ dawk is-sustanzi tkun progressivament iġġeneralizzata għall-manutenzjoni jew servicing ta’ tagħmir bħal dan.

(10)

Anke wara t-tneħħija gradwali ta’ sustanzi kontrollati l-Kummissjoni għandha taħt ċerti kondizzjonijiet tagħti eżenzjonijiet għal użi essenzjali fil-laboratorju u użi analitiċi. B’mod partikolari, id-Deċiżjoni X/14 tal-Partijiet fil-Protokoll tistabbilixxi kriterji għall-għotja ta’ eżenzjonijet għal dawk l-użi. Il-Kummissjoni għandu jkollha s-setgħa li tistabbilixxi kondizzjonijiet għal użi essenzjali fil-laboratorju u użi analitiċi. Biex tiġi evitata żieda fil-kwantitajiet użati għal dawn l-għanijiet, il-produtturi u l-importaturi m’għandux ikollhom il-permess biex iżidu b’mod sinifikanti l-kwantitajiet imqiegħda fis-suq. Kondizzjonijiet speċifiċi għat-tqegħid fis-suq ta’ sustanzi għal dawk l-użi deċiżi mill-Partijiet għandhom jiġu integrati f’dan ir-Regolament biex tkun żgurata l-konformità magħhom.

(11)

Id-disponibbiltà ta’ alternattivi tal-bromur tal-metil kienet riflessa fi tnaqqis iktar sostanzjali fil-produzzjoni u l-konsum tiegħu meta mqabbel mal-Protokoll, kif ukoll fid-Deċiżjoni tal-Kummissjoni 2008/753/KE tat-18 ta’ Settembru 2008 dwar in-nuqqas ta’ inklużjoni tal-bromur tal-metil f’Anness I tad-Direttiva 91/414/KE tal-Kunsill u l-irtirar ta’ awtoriżżazzjoni għall- prodotti li jipproteġu l-pjanti li fihom dik is-sustanza (5) u fid-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tpoġġija fis-suq ta’ prodotti bijoċidali (6) L-eżenzjoni għal użu kritiku ta’ bromur tal-metil għandha tieqaf kompletament filwaqt li temporanjament għandu jkun possibbli li tingħata deroga f’sitwazzjonijiet ta’ emerġenza mhux mistennija bħal fil-każ ta’ annimali li jeqirdu l-pjanti jew fil-każ li tfaqqa’ xi epidemija meta użu ta’ emerġenza bħal dan għandu jkun permess skont id-Direttiva tal-Kunsill 91/414/KEE tal-15 ta’ Lulju 1991 dwar it-tpoġġija fis-suq ta’ prodotti li jipproteġu lill-pjanti (7) u d-Direttiva 98/8/KE. F’każijiet bħal dawn għandhom ikunu speċifikati miżuri biex l-emissjonijiet jitnaqqsu għall-minimu, bħal pereżempju l-użu ta’ films kważi impermeabbli għall-fumigazzjoni tal-ħamrija.

(12)

Fl-isfond tar-Regolament tal-Kummissjni (KE) Nru 2032/2003 tal-4 ta’ Novembru 2003 dwar it-tieni fażi tal-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar it-tpoġġija fis-suq ta’ prodotti bijoċidali (8) li pprojbixxa l-użu tal-bromur tal-metil bħala bijoċidu mill-1 ta’ Settembru 2006, u d-Deċiżjoni tal-Kummissjoni 2008/753/KE li tipprojbixxi l-użu tal-bromur tal-metil bħala prodott li jipproteġi l-pjanti mit-18 ta’ Marzu 2010, l-użu tal-bromur tal-metil għall-kwarantina u għal applikazzjonijiet ta’ qabel it-trasbord, għandhom ikunu projbiti wkoll mit-18 ta’ Marzu 2010.

(13)

Il-Protokoll, fl-Artikolu 2F(7), jesiġi li l-Partijiet jagħmlu l-almu tagħhom biex jiżguraw li l-użu ta’ idroklorofluworokarbonji jkun limitat għal dawk l-applikazzjonijiet fejn ma jkunux disponibbli sustanzi jew teknoloġiji alternattivi aktar adattati għall-ambjent. Fid-dawl tad-disponibbiltà ta’ teknoloġiji alternattivi u sostituti, it-tqegħid fis-suq u l-użu ta’ idroklorofluworokarbonji kif ukoll prodotti u tagħmir li fihom jew li jiddipendu mil l-idroklorofluworokarbonji jistgħu jiġu limitati iktar. Id-Deċiżjoni VI/13 tal-Partijiet għall-Protokoll tipprovdi li l-evalwazzjoni ta’ alternattivi għall-idroklorofluworokarbonji għandha tqis fatturi bħalma huma l-potenzjal ta’ tnaqqis tal-ożonu, l-effiċjenza fl-enerġija, il-potenzjal ta’ fjammabbiltà, it-tossiċità, il-potenzjal tat-tisħin globali u l-impatti potenzjali fuq l-użu effettiv u t-tneħħija gradwali tal-klorofluworokarbonji u l-aloni. Il-Partijiet ikkonkludew f’dik id-deċiżjoni li l-kontrolli fuq l-idroklorofluworokarbonji skont il-Protokoll għandhom ikunu konsiderevolment issikkati biex is-saff tal-ożonu jkun protett u biex jirrifletti d-disponibbiltà tal-alternattivi.

(14)

Il-miżuri ta’ kontroll li għandhom x’jaqsmu mal-prodotti u t-tagħmir li fihom sustanzi kontrollati għandhom jiġu estiżi għal prodotti u tagħmir li jiddipendu minnhom dawk is-sustanzi sabiex jiġu evitati modi li bihom wieħed jaħrab mir-restrizzjonijiet skont dan ir-Regolament. Billi addizzjonalment jiġu koperti prodotti u tagħmir li għalihom id-diżinn, l-użu jew l-operat kif suppost jeħtieġ il-preżenza ta’ sustanza kontrollata, tiġi eliminata opportunità potenzjali biex jitqiegħdu fis-suq, prodotti ta’ importazzjoni jew esportazzjoni jew tagħmir li ma jkunx fihom sustanzi kontrollati f’dak il-waqt, iżda li jkun jeħtiġilhom jerġgħu jimtlew f’data aktar tard. Barra minn hekk, eżenzjonijiet għal prodotti u tagħmir immanifatturati qabel id-dħul fis-seħħ tal-miżuri ta’ kontroll għandhom jitneħħew għax m’għadhomx rilevanti u jistgħu jikkostitwixxu riskju ta’ tqegħid fis-suq jew kummerċ, u dan kollu b’mod illegali.

(15)

Sustanzi kontrollati kif ukoll prodotti u tagħmir li fihom sustanzi kontrollati jew jiddipendu minnhom minn Stati li mhumiex Parti għall-Protokoll ma għandhomx ikunu importati. Barra minn hekk, l-esportazzjoni ta’ prodotti u tagħmir li fihom l-idroklorofluworokarbonji jew jiddipendu minnhom wara d-dħul fis-seħħ ta’ projbizzjoni tal-użu ta’ dawk il-prodotti u t-tagħmir jew ta’ sustanzi kkontrollati għall-manutenzjoni jew servicing fil-Komunità għandha tkun projbita sabiex jiġi evitat l-akkumulu ta’ ħażniet ta’ dawk is-sustanzi f’pajjiżi fejn m’hemmx biżżejjed faċilitajiet disponibbli sabiex jinqerdu l-imsemmija sustanzi.

(16)

Is-sistema ta’ liċenzjar għal sustanzi kontrollati tinkludi l-awtorizzazzjoni ta’ esportazzjoni ta’ sustanzi kontrollati, sabiex jitjiebu l-monitoraġġ u l-kontroll tal-kummerċ ta’ ODS u biex jippermettu l-iskambju ta’ informazzjoni bejn il-Partijiet. Is-sistema ta’ liċenzjar għandha tiġi estiża għal prodotti u tagħmir li fihom sustanzi kontrollati jew jiddipendu minnhom.

(17)

Sabiex jitjieb il-monitoraġġ u l-kontroll tal-kummerċ il-liċenzjar għandu jkopri mhux biss id-dħul fit-territorju doganali għar-rilaxx għaċ-ċirkolazzjoni libera fil-Komunità iżda wkoll id-dħul skont proċeduri doganali oħra jew għal trattamenti u użi approvati mid-dwana. It-tranżitu mit-territorju doganali tal-Komunità, il-ħażna temporanja, l-imħażen doganali u l-proċedura ta’ żona libera għandhom jibqgħu possibbli mingħajr liċenzjar sabiex jiġi evitat piż mhux meħtieġ fuq operaturi u awtoritajiet doganali. Merkanzija minn u lejn territorju ta’ Stat Membru li ma jkunx parti mit-territorju doganali tal-Komunità jew li merkanizija li mhix koperta minn dan ir-Regolament, iżda li hija koperta mir-ratifikatal-Protokoll mill-Istat Membru, ma għandhiex toħloq piż mhux neċessarju għall-Istati Membri b’relazzjoni mal-liċenzjar u r-rappurtaġġ, sakemm ikunu osservati l-obbligi ta’ dan ir-Regolament u tal-Protokoll.

(18)

Qabel jinħarġu liċenzji ta’ importazzjoni u esportazzjoni l-Kummissjoni għandha tkun tista’ tivverifika mal-awtoritajiet kompetenti tal-pajjiż terz ikkonċernat jekk it-tranżazzjoni ppjanata hijiex se tkun konformi mar-rekwiżiti applikabbli f’dak il-pajjiż, sabiex jiġi evitat kummerċ illegali u li mhuwiex mixtieq.

(19)

Id-Direttiva tal-Kunsill 67/548/KEE tas-27 ta’ Ġunju 1967 rigward l-approssimazzjoni tal-liġijiet, tar-regolamenti u tad-dispożizzjonijiet amministrattivi dwar il-klassifikazzjoni, l-imballaġġ u l-ittikkettjar ta’ sustanzi perikolużi (9) u d-Direttiva tal-Parlament Ewropew u tal-Kunsill 1999/45/KE tat-31 ta’ Mejju 1999 li tirrigwarda l-approssimazzjoni tal-liġijiet, ir-regolamenti u d-dispożizzjonijiet amministrattivi tal-Istati Membri dwar il-klassifikazzjoni, l-imballaġġ u l-ittikettjar tal-preparazzjonjijiet perikolużi (10) u r-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar l-ikklassifikar, l-imballaġ u l-ippakkjar ta’ sustanzi u taħlitiet (11) jipprovdu għat-tikkettar ta’ sustanzi kklassifikati bħala ODS u l-ittikkettar ta’ taħlitiet li fihom sustanzi bħal dawn. Billi ODS li jkunu prodotti għal materja prima, bħala aġenti tal-proċess, għal użu fil-laboratorju u għal użi analitiċi jistgħu jiġu rilaxxati għaċ-ċirkolazzjoni libera fil-Komunità, għandhom ikunu distinti minn dawk is-sustanzi prodotti għal użi oħra, sabiex tiġi evitata kwalunkwe devjazzjoni tas-sustanzi kontrollati intenzjonati għall-materja prima, ta’ aġenti tal-proċess jew ta’ użi fil-laboratorju jew użi analitiċi għal użi oħra li huma kontrollati taħt dan ir-Regolament. Barra minn hekk, sabiex l-utenti aħħarija jiġu mgħarrfa u jiġi ffaċilitat l-infurzar ta’ dan ir-Regolament jiġi ffaċilitat, anke l-prodotti u t-tagħmir li jkun fihom sustanzi ta’ dan it-tip jew li jiddipendu minnhom għandhom jiġu ttikkettati b’dan il-mod waqt manutenzjoni jew servicing.

(20)

Sabiex jitnaqqas ir-rilaxx fl-atmosfera ta’ sustanzi kontrollati, għandha ssir dispożizzjoni għall-irkupru ta’ sustanzi kontrollati użati u għall-prevenzjoni ta’ tnixxijiet ta’ sustanzi kontrollati.

(21)

Il-Protokoll jesiġi rappurtar dwar il-kummerċ ta’ ODS. Għandu għalhekk ikun meħtieġ rappurtar annwali minn produtturi, importaturi jew esportaturi ta’ sustanzi kontrollati. Sabiex il-Kummissjoni tkun tista’ tissimplifika l-proċeduri ta’ rappurtar biex tkun konformi mal-Protokoll u biex ikunu evitati ripetizzjonijiet fil-proċess, il-faċilitajiet ta’ qerda għandhom ukoll jirrappurtaw direttament lill-Kummissjoni. Sabiex tkun żgurata l-konformità mal-obbligi ta’ rappurtar skont il-Protokoll u biex tittejjeb l-applikazzjoni prattika, il-Kummissjoni għandu jkollha s-setgħa tibdel ir-rekwiżiti ta’ rappurtar għall-Istati Membri u l-impriżi. Fl-isfond tal-iżvilupp previst ta’ strumenti ta’ rappurtar ibbażati fuq l-Internet, il-Kummissjoni, kif xieraq, għandha tħejji miżuri biex tadatta r-rekwiżiti ta’ rappurtar hekk kif l-istrumenti ta’ rappurtar relevanti jkunu introdotti.

(22)

Il-protezzjoni ta’ individwi fir-rigward tal-ipproċessar tad-data personali mill-Istati Membri hija rregolata bid-Direttiva tal-Parlament Ewropew u tal-Kunsill 95/46/KE tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ data personali u dwar il-moviment liberu ta’ dik id-data (12) u l-protezzjoni ta’ individwi fir-rigward tal-ipproċessar ta’ data personali mill-Kummissjoni hija rregolata bir-Regolament tal-Parlament Ewropew u tal-Kunsill (KE) Nru 45/2001 tat-18 ta’ Diċembru 2000 dwar il-protezzjoni ta’ individwi fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ dik id-data (13), b’mod partikolari f’dak li għandu x’jaqsam mar-rekwiżiti ta’ kunfidenzjalità u sigurtà tal-ipproċessar, it-trasferiment ta’ data personali mill-Kummissjoni għal għand l-Istati Membri, il-legalità tal-ipproċessar, u d-drittijiet tas-suġġetti tad-data għal tagħrif, l-aċċess u r-rettifika tad-data personali tagħhom.

(23)

L-Istati Membri għandhom iwettqu ispezzjonijiet billi jadottaw approċċ ibbażat fuq ir-riskji sabiex jiżguraw il-konformità mad-dispożizzjonijiet kollha ta’ dan ir-Regolament, u b’hekk jimmiraw dawk l-attivitajiet li jirrappreżentaw l-ikbar riskju għall-kummerċ illegali jew l-emissjoni ta’ sustanzi kontrollati. Ir-Rakkomandazzjoni 2001/331/KE tal-Parlament Ewropew u tal-Kunsill tal-4 ta’ April 2001 li tistipula kriterji minimi għal ispezzjonijiet ambjentali fl-Istati Membri (14) għandha tipprovdi linji gwida għat-twettiq ta’ ispezzjonijiet mill-Istati Membri.

(24)

Fl-isfond tal-innovazzjoni kontinwa fis-setturi koperti minn dan ir-Regolament, il-Kummissjoni għandha tirrivedi b’mod regolari dan ir-Regolament u tagħmel il-proposti xierqa, b’mod partikolari dwar l-eżenzjonijiet u d-derogi previsti meta jsiru disponibbli alternattivi ekonomikament u teknikament fattibbli għall-użu ta’ sustanzi kontrollati, biex tissaħħaħ iktar il-protezzjoni tas-saff tal-ożonu u fl-istess ħin biex jitnaqqsu l-emissjonijiet ta’ gassijiet serra. Sabiex tkun żgurata l-konformità mal-Protokoll, il-Kummissjoni għandu jkollha s-setgħa li tallinja l-Annessi għal dan ir-Regolament mad-deċiżjonijiet tal-Partijiet, b’mod partikolari ma’ dawk li jikkonċernaw il-metodi approvati ta’ qerda, il-kondizzjonijiet għat-tqegħid fis-suq ta’ sustanzi kontrollati għal użi essenzjali fil-laboratorju jew użi analitiċi u rigward proċessi li fihom jistgħu jintużaw sustanzi kontrollati bħala aġenti tal-proċess.

(25)

Il-miżuri meħtieġa għall-implimentazzjoni ta’ dan ir-Regolament għandhom ikunu adottati skont id-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (15).

(26)

B’mod partikolari, il-Kummissjoni għandu jkollha s-setgħa li tiddetermina l-format u l-kontenut ta’ tikketti għal sustanzi kontrollati li jkunu prodotti, imqiegħda fis-suq jew użati bħala materja prima, bħala aġenti tal-proċess, jew għal użu fil-laboratorju u għal użi analitiċi; biex temenda l-Anness III dwar proċessi li għalihom jistgħu jintużaw sustanzi kontrollati bħala aġenti tal-ipproċessar, biex temenda l-ammont massimu ta’ sustanzi kontrollati li jistgħu jintużaw bħala aġenti ta’ proċess jew jiġu emessi mill-użi tal-aġent ta’ proċess; biex temenda l-Anness V dwar il-kondizzjonijiet għat-tqegħid fis-suq u d-distribuzzjoni ulterjuri ta’ sustanzi kkontrollati għal użi fil-laboratorju jew użi analitiċi; biex tiddetermina mekkaniżmu għall-allokazzjoni ta’ kwoti għal sustanzi kkontrollati għal użi fil-laboratorju jew użi analitiċi; biex temenda l-Anness VI; tadotta modifiki u skedi taż-żmien għat-tneħħija gradwali tal-użi kritiċi tal-aloni; biex temenda l-lista ta’ eżiġenzi li għandhom jiġu speċifikati fl-applikazzjoni għall-liċenzja; biex tadotta miżuri addizzjonali ta’ monitoraġġ dwar il-kummerċ ta’ sustanzi kontrollati jew sustanzi ġodda u ta’ prodotti u tagħmir li fihom jew li jiddipendu minn sustanzi kontrollati; biex tadotta regoli applikabbli għar-rilaxx għaċ-ċirkolazzjoni libera fil-Komunità ta’ prodotti u tagħmir impurtati minn kwalunkwe Stat li ma jkunx Parti għall-Protokoll li kienu prodotti bl-użu ta’ sustanzi kontrollati; biex temenda l-Anness VII dwar teknoloġiji ta’ qerda; biex tistabbilixxi lista bi prodotti u tagħmir li għalihom l-irkupru mill-qerda jew il-qerda mingħajr irkupru preċedenti ta’ sustanzi kontrollati għandhom ikunu kkunsidrati teknikament u ekonomikament fattibbli u għalhekk obbligatorji; biex tadotta rekwiżiti ta’ kwalifiki minimi għall-persunal; biex tistabbilixxi lista ta’ teknoloġiji jew prattiki li għandhom jintużaw minn impriżi biex jevitaw u jnaqqsu kwalunkwe tnixxija u emissjoni ta’ sustanzi kontrollati; biex tinkludi sustanzi ġodda fl-Anness II u biex temenda r-rekwiżiti ta’ rappurtar għall-Istati Membri u l-impriżi. Minħabba li dawk il-miżuri huma ta’ skop ġenerali u huma mfassla biex jemendaw l-elementi mhux essenzjali ta’ dan ir-Regolament, inter alia billi jissupplimentawh b’elementi mhux essenzjali ġodda, għandhom jiġu adottati skont il-proċedura regolatorja bi skrutinju kif stipulat fl-Artikolu 5a tad-Deċiżjoni 1999/468/KE.

(27)

Id-Direttiva tal-Parlament Ewropew u tal-Kunsill 2006/12/KE tal-5 ta’ April 2006 dwar l-iskart (16) u d-Direttiva tal-Kunsill 91/689/KEE tat-12 ta’ Diċembru 1991 dwar skart perikoluż (17) jistipulaw miżuri dwar ir-rimi u l-irkupru tal-iskart b’mod li jkun tajjeb għall-ambjent u dwar il-kontrolli ta’ skart perikoluż. F’dan ir-rigward għandha tingħata attenzjoni speċjali għall-ODS u li jinsabu fl-iskart tal-kostruzzjoni u fl-iskart tal-bini mwaqqa’ u fit-tagħmir li jaqa’ fl-ambitu tad-Direttiva 2002/96/KE tal-Parlament Ewropew u tal-Kunsill dwar Skart ta’ Tagħmir Elettriku u Elettroniku (WEEE) (18). Skont il-Protokoll it-teknoloġiji approvati biss mill-Partijiet jistgħu jiġu applikati għall-qerda ta’ sustanzi kontrollati. Id-deċiżjonijiet rilevanti tal-Partijiet għandhom għalhekk jiġu inkorporati f’dan ir-Regolament biex ikun żgurat li dawn it-teknoloġiji biss huma applikati sakemm l-applikazzjoni tagħhom hija kompatibbli mal-leġiżlazzjoni nazzjonali u tal-Komunità dwar l-iskart.

(28)

Għandu jiġi stabbilit mekkaniżmu flessibbli biex ikunu introdotti obbligi ta’ rappurtar dwar sustanzi identifikati li jnaqqsu s-saff tal-ożonu, sabiex ikun jista’ jiġi evalwat id-daqs tal-impatt ambjentali tagħhom, u biex ikun żgurat li dawk is-sustanzi l-ġodda li ġew identifikati bħala sustanzi li b’mod sinifikanti jistgħu jirriżultaw fit-tnaqqis tas-saff tal-ożonu jkunu suġġetti għall-mizuri ta’ kontroll. F’dan il-kuntest, għandha tingħata attenzjoni speċjali għall-irwol ta’ sustanzi b’ħajja qasir, b’rigward partikolari tal-evalwazzjoni tal-ożonu tal-Programm Ambjentali tan-Nazzjonijiet Uniti/l-Organizzazzjoni meterjoloġika Dinjija (UNEP/WMO) fl-2006, li kkonkludiet li l-potenzjal ta’ tnaqqis tal-ożonu ta’ dawn is-sustanzi huwa akbar milli qabel kien maħsub.

(29)

L-Istati Membri għandhom jistabbilixxu regoli dwar penali applikabbli għall-ksur tad-dispożizzjonijiet ta’ dan ir-Regolament biex jiżguraw li dawn jiġu implimentati. Dawk il-penali għandhom ikunu effettivi, proporzjonati u dissważivi.

(30)

Ladarba l-għanijiet ta’ dan ir-Regolament, jiġifieri sabiex tiġi żgurata l-konformità mal-obbligi Komunitarji bħala Parti Kontraenti tal-Protokoll u sabiex tiġi indirizzata problema ambjentali transkonfinali ta’ impatt dinji filwaqt li tirregola l-kummerċ intra-Komunitarju u dak estern ta’ ODS u prodotti u tagħmir li fihom jew li jiddipendu fuq dawk is-sustanzi, ma jistgħux jinkisbu suffiċjentement mill-Istati Membri jekk jaġixxu individwalment u jistgħu għalhekk jinkisbu aħjar fil-livell Komunitarju, il-Komunità tista’ tadotta miżuri meħtieġa, konformement mal-prinċipju ta’ sussidjarjetà kif stabbilit fl-Artikolu 5 tat-Trattat. Konformement mal-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li hu meħtieġ sabiex jinkisbu dawk l-għanijiet,

1.

“Protokoll” tfisser il-Protokoll ta’ Montreal tal-1987 dwar Sustanzi li Jnaqqsu s-Saff tal-Ożonu, kif emendat u aġġustat l-aħħar;

2.

“Parti” tfisser kwalunkwe parti għall-Protokoll;

3.

“Stat li mhuwiex parti għall-Protokoll” tfisser, f’dak li għandu x’jaqsam ma’ sustanza partikolari kkontrollata, kwalunkwe Stat jew organizzazzjoni reġjonali ta’ integrazzjoni ekonomika li ma jkunux qablu li jkunu marbutin bid-dispożizzjonijiet tal-Protokoll applikabbli għal dik is-sustanza;

4.

“sustanzi kontrollati” tfisser is-sustanzi inklużi fl-Anness I, inklużi l-iżomeri tagħhom, sewwa jekk weħidhom u sewwa jekk f’taħlita, u sewwa jekk verġni, irkuprati, irriċiklati jew irreklamati;

5.

“klorofluworokarbonji” tfisser is-sustanzi kontrollati elenkati fil-Grupp 1 tal-Anness I, inklużi l-iżomeri tagħhom;

6.

“aloni” tfisser is-sustanzi kontrollati elenkati fil-Grupp III tal-Anness I, inklużi l-iżomeri tagħhom;

7.

“tetraklorur tal-karbonju” tfisser is-sustanza kontrollata speċifikata fil-Grupp IV tal-Anness I;

8.

“bromur tal-metil” tfisser is-sustanza kontrollata speċifikata fil-Grupp VI tal-Anness I;

9.

“idroklorofluworokarbonji” tfisser is-sustanzi kontrollati elenkati fil-Grupp VIII tal-Anness I, inklużi l-iżomeri tagħhom;

10.

“sustanzi ġodda” tfisser sustanzi elenkati fl-Anness II, kemm jekk waħedhom jew f’taħlita, u kemm jekk verġni, irkuprati, irriċiklati jew irreklamati;

11.

“materja prima” tfisser kwalunkwe sustanza kontrollata jew sustanza ġdida li tgħaddi minn trasformazzjoni kimika fi proċess li fih tkun kompletament mibdula mill-kompożizzjoni oriġinali tagħha u li l-emissjonijiet tagħha jkunu insinifikanti;

12.

“aġenti ta’ proċess” tfisser sustanzi kontrollati użati bħala aġenti kimiċi tal-proċess fl-applikazzjonijiet elenkati fl-Anness III;

13.

“produttur” tfisser kull persuna naturali jew legali li tipproduċi sustanzi kontrollati jew sustanzi ġodda fil-Komunità;

14.

“produzzjoni” tfisser l-ammont ta’ sustanzi kontrollati jew sustanzi ġodda prodotti, inkluż l-ammont li ġie prodott intenzjonalment jew involontarjament, bħala prodott sekondarju, sakemm dak il-prodott sekondarju ma jkunx meqrud bħala parti mill-proċess ta’ manifattura jew wara proċedura dokumentata li tiżgura konformità ma’ dan ir-Regolament u mal-leġiżlazzjoni Komunitarja u nazzjonali dwar l-iskart. L-ebda ammont irkuprat, irriċiklat jew reklamat jew kwalunkwe ammont insinifikanti inevitabilment inkorporat fi prodotti fi kwantitajiet ta traċċa jew emessi matul il-manifattura m’għandu jkun meqjus bħala “produzzjoni”;

15.

“il-potenzjal ta’ ħsara għall-ożonu” jew “ODP” tfisser iċ-ċifra speċifikata fl-Anness I u II li tirrappreżenta dak li jista’ jkun l-effett ta’ kull sustanza kontrollata jew sustanzi ġodda fuq is-saff tal-ożonu;

16.

“il-livell ikkalkulat” tfisser kwantità determinata billi tkun immultiplikata l-kwantità ta’ kull sustanza kontrollata bil-potenzjal tagħha ta’ ħsara għall-ożonu u billi jiżdiedu flimkien, għal kull grupp ta’ sustanzi kontrollati fl-Anness I separatament, iċ-ċifri li jirriżultaw;

17.

“razzjonalizzazzjoni industrijali” tfisser it-trasferiment jew bejn Partijiet jew fi Stat Membru tal-livell ikkalkulat kollu tal-produzzjoni ta’ produttur wieħed lill-ieħor jew ta’ porzjon minnu, għall-iskop ta l-aqwa titjib tal-effiċjenza ekonomika jew b’reazzjoni għal nuqqasijiet antiċipati fil-fornitura bħala riżultat tal-għeluq ta’ impjanti;

18.

“importazzjoni” tfisser id-dħul ta’ sustanzi, prodotti u tagħmir koperti minn dan ir-Regolament fit-territorju doganali tal-Komunità, sakemm it-territorju jkun kopert mir-ratifika tal-Protokoll ta’ Stat Membru u dan ir-Regolament japplika;

19.

“esportazzjoni” tfisser il-ħruġ mit-territorju doganali tal-Komunità, sa fejn it-territorju ikun kopert mir-ratifika tal-Protokoll minn Stat Membru u minn dan ir-Regolament, ta’ sustanzi, prodotti u tagħmir koperti minn dan ir-Regolament li għandhom l-istatus ta’ oġġetti tal-Komunità jew l-esportazzjoni mill-ġdid ta’ sustanzi, prodotti jew tagħmir koperti minn dan ir-Regolament jekk għandhom status ta’ prodotti mhux tal-Komunità;

20.

“tqegħid fis-suq” tfisser il-fornitura jew id-disponibbiltà għall-partijiet terzi fi ħdan il-Komunità, bi ħlas jew mingħajr ħlas, u tinkludi r-rilaxx għaċ-ċirkolazzjoni libera fil-Komunità kif imsemmi fir-Regolament (KE) Nru 450/2008. Fir-rigward ta’ prodotti u tagħmir li jkunu parti minn proprjetà immobbli jew minn mezzi tat-trasport, din tirriferi biss għall-forniment jew għall-ewwel tqegħid għad-dispożizzjoni fi ħdan il-Komunità;

21.

“użu” tfisser l-utilizzazzjoni ta’ sustanzi kontrollati jew sustanzi ġodda fil-produzzjoni, manutenzjoni jew servicing, inkluż il-mili mill-ġdid, ta’ prodotti jew tagħmir jew fi proċessi oħra;

22.

“pompa tas-sħana” tfisser apparat jew installazzjoni li jneħħi s-sħana b’temperatura baxxa mill-arja, mill-ilma jew mill-art u jipprovdi s-sħana;

23.

“irkupru” tfisser il-ġbir u l-ħażna ta’ sustanzi kontrollati minn prodotti u tagħmir jew reċipjenti matul manutenzjoni jew servicing jew qabel ir-rimi;

24.

“riċiklaġġ” tfisser l-użu mill-ġdid ta’ sustanza kontrollata li tkun ġiet irkuprata wara proċess bażiku ta’ tindif;

25.

“reklamazzjoni” tfisser l-ipproċessar mill-ġdid ta’ sustanza kkontrollata li tkun ġiet irkuprata sabiex tilħaq il-prestazzjoni ekwivalenti ta’ sustanza verġni, b’kunsiderazzjoni għall-użu intenzjonat tagħha;

26.

“impriża” tfisser kwalunkwe persuna naturali jew legali:

27.

“applikazzjonijiet ta’ kwarantina” tfisser trattamenti biex jiġu evitati l-introduzzjoni, l-istabbiliment jew il-firxa ta’ organiżmi dannużi fi kwarantina (inkluż il-mard), jew biex jiġi żgurat il-kontroll uffiċjali tagħhom fejn:

28.

“applikazzjonijiet ta’ qabel it-trasbord” tfisser dawk l-applikazzjonijiet mingħajr kwarantina applikati mhux aktar minn 21 jum qabel l-esportazzjoni biex jiġu ssodisfatti r-rekwiżiti uffiċjali tal-pajjiż li qiegħed jimporta jew ir-rekwiżiti uffiċjali eżistenti tal-pajjiż li qiegħed jesporta li kienu jeżistu qabel is-7 ta’ Diċembru 1995. Ir-rekwiżiti uffiċjali huma dawk imwettqin minn, jew awtorizzati minn, awtorità nazzjonali għall-pjanti, l-annimali, l-ambjent, is-saħħa jew il-prodotti maħżuna;

29.

“prodotti u tagħmir li jiddipendu fuq sustanzi kontrollati” tfisser prodotti u tagħmir li ma jaħdmux mingħajr is-sustanzi kontrollati, li ma jinkludux dawk il-prodotti u t-tagħmir użati għall-produzzjoni, l-ipproċessar, l-irkupru, ir-riċiklaġġ, ir-reklamazzjoni jew il-qerda ta’ sustanzi kontrollati;

30.

“sustanzi verġni” tfisser sustanzi li ma ntużawx preċedentement;

31.

“prodotti u tagħmir” tfisser il-prodotti u t-tagħmir kollha minbarra l-kontenituri użati għat-trasport jew il-ħażna ta’ sustanzi kontrollati.

(a)

temenda l-Anness III,

(b)

temenda l-ammont massimu ta’ sustanzi kontrollati li jistgħu jintużaw bħala aġenti ta’ proċess jew jiġu emessi mill-użi tal-aġent ta’ proċess kif imsemmi fit-tieni u tielet subparagrafi tal-paragrafu 4.

(a)

il-livell ikkalkulat tal-produzzjoni tiegħu tal-idroklorofluworokarbonji fil-perijodu mill-1 ta’ Jannar 2010 sal-31 ta’ Diċembru 2010 u minn dakinhar f’kull perijodu ta’ 12-il xahar sal-31 ta’ Diċembru 2013 ma jeċċedix 35 % tal-livell ikkalkulat tal-produzzjoni tiegħu ta’ idroklorofluworokarbonji fl-1997;

(b)

il-livell ikkalkulat tal-produzzjoni tiegħu ta’ idroklorofluworokarbonji fil-perijodu mill-1 ta’ Jannar 2014 sal-31 ta’ Diċembru 2014 u minn dakinhar f’kull perijodu ta’ 12-il xahar sal-31 ta’ Diċembru 2016 ma jeċċedix 14 % tal-livell ikkalkulat tal-produzzjoni tiegħu ta’ idroklorofluworokarbonji fl-1997;

(c)

il-livell ikkalkulat tal-produzzjoni tiegħu ta’ idroklorofluworokarbonji fil-perijodu mill-1 ta’ Jannar 2017 sal-31 ta’ Diċembru 2017 u minn dakinhar f’kull perijodu ta’ 12-il xahar sal-31 ta’ Diċembru 2019 ma jeċċedix 7 % tal-livell ikkalkulat tal-produzzjoni tiegħu ta’ idroklorofluworokarbonji fl-1997;

(d)

li ma jipproduċix idroklorofluworokarbonji wara l-31 ta’ Diċembru 2019.

(a)

sustanzi kontrollati biex jintużaw għall-użi fil-laboratorju jew użi analitiċi msemmija fl-Artikolu 10 u fl-Artikolu 11(2);

(b)

sustanzi kontrollati biex jintużaw bħala materja prima;

(c)

sustanzi kontrollati biex jintużaw bħala aġenti ta’ proċess;

(d)

sustanzi kontrollati għall-qerda, permezz ta’ teknoloġiji msemmijin fl-Artikolu 22(2);

(e)

sal-31 ta’ Diċembru 2019, l-idroklorofluworokarbonji li jiġu mballati mill-ġdid u sussegwentement esportati mill-ġdid sa mhux aktar tard mill-31 ta’ Diċembru tas-sena kalendarja ta’ wara lejn il-Parti fejn il-konsum jew l-importazzjoni ta’ dak l-idroklorofluworokarbonju mhux projbit;

(f)

bromur tal-metil għal użi ta’ emerġenza msemmija fl-Artikolu 12(3) jew, sal-31 ta’ Diċembru 2014, għall-ippakkjar mill-ġdid u sussegwentement għall-esportazzjoni mill-ġdid għal applikazzjonijiet ta’ kwarantina jew ta’ qabel it-trażbord sakemm l-esportazzjoni mill-ġdid isseħħ matul is-sena tal-importazzjoni;

(g)

aloni rkuprati, irriċiklati jew irreklamati, bil-kondizzjoni li huma importati biss għall-użi kritiċi msemmija fl-Artikolu 13(1) minn faċilitajiet awtorizzati mill-awtorità kompetenti tal-Istat Membru kkonċernat li taħżen l-aloni għall-użi kritiċi;

(h)

prodotti u tagħmir li jinkludu jew li jiddipendu minn sustanzi għall-qerda fejn applikabbli mit-teknoloġiji msemmija fl-Artikolu 22(2);

(i)

prodotti u tagħmir li fihom jew li jiddipendu minn sustanzi kontrollati sabiex jissodisfaw użi fil-laboratorju u użi analitiċi msemmija fl-Artikoli 10 u 11(2);

(j)

prodotti u tagħmir li fihom jew li jiddipendu mill-alon sabiex jissodisfaw użi kritiċi msemmija fl-Artikolu 13(1);

(k)

prodotti u tagħmir li fihom l-idroklorofluworokarbonji li għalihom it-tqegħid fis-suq ġie awtorizzat skont l-Artikolu 11(5).

(a)

sustanzi kontrollati jekk ikunu użati għal użi fil-laboratorju u użi analitiċi jew kritiċi msemmija fl-Artikolu 10, fl-Artikolu 11(2) u fl-Artikolu 13;

(b)

sustanzi kontrollati jekk ikunu użati bħala materja prima;

(c)

sustanzi kontrollati biex jintużaw bħala aġenti ta’ proċess.

(a)

sustanzi kontrollati għall-użi essenzjali fil-laboratorju u użi analitiċi msemmija fl-Artikolu 10;

(b)

sustanzi kontrollati biex jintużaw bħala materja prima;

(c)

sustanzi kontrollati biex jintużaw bħala aġenti ta’ proċess;

(d)

prodotti u tagħmir li jkun fihom sustanzi kontrollati jew li jiddipendu minnhom prodotti skont l-Artikolu 10(7) jew impurtati taħt il-punti (h) u (i) tal-Artikolu 15(2);

(e)

aloni rkuprati, riċiklati jew riklamati maħżuna għal użi kritiċi msemmija fl-artikolu 13(1) minn impriżi awtorizzati mill-awtorità kompetenti ta’ Stat Membru u prodotti u tagħmir li fihom jew li jiddipendu mill-alon sabiex jissodisfaw użi kritiċi;

(f)

idroklorofluworkarbonji verġni jew irreklamati għal użi għajr dawk għall-qerda;

(g)

sal-31 ta’ Diċembru 2014, il-bromur tal-metil esportat mill-ġdid għal applikazzjonijiet ta’ kwarantina u ta’ qabel it-trasbord;

(h)

l-inalaturi ta’ doża mkejla manifatturati bil- klorofluworokarbonju, li l-użu tagħhom ġie awtorizzat abbażi tal-Artikolu 3(1) tar-Regolament (KE) Nru 2037/2000.

(a)

l-ismijiet u l-indirizzi tal-importatur u l-esportatur;

(b)

il-pajjiż tal-importazzjoni u tal-esportazzjoni;

(c)

fil-każ tal-importazzjoni jew l-esportazzjoni ta’ sustanzi kontrollati deskrizzjoni ta’ kull sustanza kontrollata, inkluż:

(d)

fil-każ ta’ importazzjoni jew esportazzjoni ta’ prodotti u tagħmir li fihom jew li jiddipendu mis- sustanzi kontrollati:

(e)

l-iskop tal-importazzjoni proposta inkluż it-trattament u l-użu mid-dwana, u fejn xieraq tkun speċifikata l-proċedura doganali maħsuba;

(f)

Il-post u d-data mistennija tal-importazzjoni jew esportazzjoni proposta;

(g)

l-uffiċċju tad-dwana fejn tiġi dikjarata l-merkanzija;

(h)

fil-każ ta’ importazzjoni ta’ sustanzi kkontrollati jew prodotti jew tagħmir għall-qerda, l-isem u l-indirizz tal-faċilità fejn dawn se jinqerdu;

(i)

kwalunkwe informazzjoni oħra meqjusa neċessarja mill-awtorità kompetenti ta’ Stat Membru.

(a)

fil-każ ta’ liċenzja tal-importazzjoni, fejn jiġi stabbilit abbażi ta’ tagħrif minn awtoritajiet kompetenti tal-pajjiż konċernat li l-esportatur mhuwiex impriża awtorizzata biex tinnegozja s-sustanza rispettiva f’dak il-pajjiż,

(b)

fil-każ ta’ liċenzja tal-esportazzjoni, fejn l-awtoritajiet kompetenti tal-pajjiż li qiegħed jimporta jkunu għarrfu l-Kummissjoni li l-importazzjoni tas-sustanza kontrollata tkun tikkostitwixxi każ ta’ kummerċ illegali, jew ikollha impatt negattiv fuq l-implimentazzjoni ta’ miżuri ta’ kontroll tal-pajjiż li qiegħed jimporta sabiex ikun konformi mal-obbligi tiegħu skont il-Protokoll jew tista’ twassal għal eċċess tal-limiti kwantitattivi skont il-Protokoll għal dak il-pajjiż.

(a)

b’likwidu li fih 3 kg jew aktar ta’ sustanzi kontrollati jiġu eżaminati għal xi tnixxija għallinqas darba kull tnax-il xahar; dan m’għandux japplika għal tagħmir b’sistemi ssiġillati ermetikament, li huma tikkettati bħala tali u li fihom inqas minn 6 kg ta’ sustanzi kontrollati;

(b)

b’likwidu li fih 30 kg ta’ sustanzi kontrollati jew aktar, għandhom jiġu eżaminati għal xi tnixxija għallinqas darba kull sitt xhur;

(c)

b’likwidu li fih 300 kg jew aktar ta’ sustanzi kontrollati għandhom jiġu eżaminati għal xi tnixxija għallinqas darba kull tliet xhur;

(a)

il-kwantitajiet ta’ bromur tal-metil awtorizzat skont l-Artikolu 12(2) u (3), għal trattamenti differenti għal skopijiet ta’ kwarantina u qabel it-trasbord użati fit-territorju tagħhhom, fejn jispeċifikaw għal liema skopijiet intuża l-bromur tal-metil, u l-progress fl-evalwazzjoni u l-użu ta’ alternattivi;

(b)

il-kwantitajiet ta’ aloni installati użati u maħżuna għal użi kritiċi, skont l-Artikolu 13(1), il-miżuri meħuda sabiex titnaqqas l-emissjoni tagħhom u stima ta’ dawn l-emissjonijiet, u l-progress biex jiġu evalwati u użati alternattivi adegwati;

(c)

il-każijiet ta’ kummerċ illegali, b’mod partikolari dawk individwati waqt ispezzjonijiet imwettqa skont l-Artikolu 28.

(a)

il-produzzjoni totali tiegħu ta’ kull sustanza msemmija fil-paragrafu 1;

(b)

kwalunkwe produzzjoni mqiegħda fis-suq jew użata mill-produttur stess fil-Komunità, waqt li separatament jidentifika l-produzzjoni ta’ sustanzi li jintużaw bħala materja prima, aġenti tal-ipproċessar u użi oħra;

(c)

kwalunkwe produzzjoni biex jintlaħqu l-użi essenzjali fil-laboratorju u użi analitiċi fil-Komunità, liċenzjati skont l-Artikolu 10(6);

(d)

il-produzzjoni awtorizzata skont l-Artikolu 10(8) biex ikunu ssodisfatti l-użi essenzjali għal-laboratorju jew użi analitiċi tal-Partijiet;

(e)

kwalunkwe żieda fil-produzzjoni awtorizzata skont l-Artikolu 14 (2), (3) u (4) b’konnessjoni mar-razjonalizzazzjoni industrijali;

(f)

kwalunkwe kwantità riċiklata, reklamata jew meqruda, u t-teknoloġija użata għall-qerda, inklużi ammonti prodotti u meqruda bħala prodotti sekondarji msemmija fl-Artikolu 3(14);

(g)

kwalunkwe ħażna;

(h)

kull xiri u bejgħ minn jew lill-produtturi fil-Komunità.

(a)

kwalunkwe kwantità rilaxxata għaċ-ċirkolazzjoni libera fil-Komunità, waqt li separatament jidentifika l-importazzjoni għal użi bħala materja prima u aġenti tal-ipproċessar, għal użi essenzjali fil-laboratorju jew użi analitiċi liċenzjati skont l-Artikolu 10(6), għal użu f’applikazzjonijiet ta’ kwarantina jew ta’ qabel it-trażbord u għal qerda. Importaturi li mportaw s-sustanzi kkontrollati għall-qerda għandhom jikkomunikaw d-destinazzjoni jew id-destinazzjonijiet finali attwali ta’ kull sustanza, kif ukoll jipprovdu separatament għal kull destinazzjoni l-kwantità ta’ kull sustanza u l-isem u l-indirizz ta’ faċilità tal-qerda fejn is-sustanza ġiet imwassla;

(b)

kwalunkwe kwantitajiet impurtati skont proċeduri doganali oħra, li jidentifikaw separatament il-proċeduri doganali u l-użi speċifikati;

(c)

kwalunkwe kwantità ta’ sustanzi użati msemmija fil-paragrafu 1, impurtati għal riċiklaġġ jew reklamazzjoni;

(d)

kwalunkwe ħażna;

(e)

kull xiri u bejgħ minn jew lill-impriżi fil-Komunità;

(f)

pajjiż ta’ esportazzjoni.

(a)

kwalunkwe kwantità ta’ tali sustanzi esportati, waqt li separatament jidentifika l-kwantitajiet esportati lejn kull pajjiż destinatarju u l-kwantitajiet esportati għall-użu bħala materja prima u aġenti tal-ipproċessar, użi essenzjali fil-laboratorju u użi analitiċi, użi kritiċi u għal applikazzjonijiet ta’ kwarantina u qabel it-trażbord;

(b)

kwalunkwe ħażna;

(c)

kull xiri u bejgħ minn jew lill-impriżi fil-Komunità;

(d)

pajjiż ta’ destinazzjoni.

(a)

kwalunkwe kwantità meqruda ta’ sustanzi ta’ dan it-tip, inklużi l-kwantitajiet f’prodotti jew tagħmir;

(b)

kwalunkwe ħażniet meqruda ta’ sustanzi ta’ dan it-tip li se jinqerdu, inklużi l-kwantitajiet f’prodotti jew tagħmir;

(c)

it-teknoloġija użata għall-qerda.

(a)

kwalunkwe kwantità ta’ sustanzi bħal dawn użata bħala materja prima jew aġenti ta’ proċess;

(b)

kwalunkwe ħażna ta’ sustanzi bħal dawn;

(c)

il-proċessi u l-emissjonijiet involuti.

31.10.2009   

MT

Il-Ġurnal Uffiċjali tal-Unjoni Ewropea

L 286/31

(1)

Il-provvista annwali ta’ statistika dwar is-soċjetà tal-Informazzjoni kif previst fir-Regolament (KE) Nru 808/2004 tal-Parlament Ewropew u tal-Kunsill (2) hija limitata għal massimu ta’ ħames snin ta’ referenza wara d-data tad-dħul fis-seħħ ta’ dak ir-Regolament u tintemm fl-2009. Mandanakollu, hemm bżonn kontinwu fuq livell Komunitarju għall-provvista annwali ta’ informazzjoni tal-istatistika koerenti dwar il-qasam tas-soċjetà tal-informazzjoni.

(2)

Il-Kunsill Ewropew ta’ Marzu 2005 enfasizzal-importanza li tinbena soċjetà tal-informazzjoni inklussiva, ibbażata fuq l-użu wiesa’ tat-teknoloġiji tal-informatika u tal-komunikazzjoni (ICT) fis-servizz pubbliku, intrapriżi żgħar u medji (IŻM) u fid-djar.

(3)

Il-Kunsill Ewropew ta’ Marzu 2006 rrikonoxxa l-importanza ta’ użu aktar produttiv tal-ICTs fl-intrapriżi u organizzazzjonijiet amministrattivi u ħeġġeġ lill-Kummissjoni u l-Istati Membri sabiex jimplimentaw l-istrategija i2010 b’mod vigoruż. Din l-istrateġija tippromwovi wkoll ekonomija diġitali miftuħa u kompetittiva, u enfasizza l-ICT bħala mutur tal-inklużjoni u kwalità tal-ħajja. Huwa meqjus element importanti fil-qbil il-ġdid ta’ Liżbona għat-tkabbir u l-impjiegi.

(4)

F’April tal-2006, il-Grupp ta’ Livell Għoli tal-i2010 stabbilit mid-Deċiżjoni tal-Kummissjoni 2006/215/KE (3) approva l-qafas ta’ normi tal-i2010, li jistipula lista ta’ indikaturi prinċipali sabiex jiġi mkejjel l-iżvilupp tas-soċjetà tal-informazzjoni Ewropea kif stabbilit fl-istrateġija i2010.

(5)

Id-Deċiżjoni Nru 1639/2006/KE tal-Parlament Ewropew u tal-Kunsill tal-24 ta’ Ottubru 2006 li twaqqaf Programm ta’ Qafas għall-Kompetittività u l-Innovazzjoni (mill-2007 sal-2013) (4) tgħin sabiex titjieb il-kompetittività u l-kapaċità innovattiva fil-Komunità, sabiex tippromwovi l-iżvilupp tas-soċjetà bbażata fuq it-tagħrif, u sabiex trabbi żvilupp sostenibbli bbażat fuq tkabbir ekonomiku bilanċjat. Dik id-Deċiżjoni tirrikjedi li l-Komunità tibni bażi soda ta’ analiżi sabiex tgħin l-ippjanar tal-politika f’numru ta’ setturi. Il-programm ta’ qafas stabbilit minn b’dik id-Deċiżjoni jinkoraġġixxi azzjonijiet għall-analiżi tal-politika bbażati fuq statistika uffiċjali.

(6)

Id-Dikjarazzjoni Ministerjali dwar l-e-inklużjoni, adottata f’Riga fil-11 ta’ Ġunju 2006, tagħmel sejħa għal soċjetà tal-informazzjoni inklużiva. Tistipula l-qafas għal politika komprensiva dwar l-e-inklużjoni, filwaqt li tindirizza kwistjonijiet rigward is-soċjetà li qiegħda tixjieħ, il-qasma diġitali ġeografika, l-aċċessibbiltà, il-litteriżmu u l-kompetenzi diġitali, id-diversità kulturali u servizzi pubbliċi inklużivi online. Tistieden lill-Kummissjoni biex tagħti appoġġ għall-ġbir ta’ provi u l-benchmarking ġewwa u barra l-Unjoni Ewropea.

(7)

L-indikaturi għal valutazzjoni tal-iżvilupp tas-soċjetà tal-informazzjoni kif espressi fl-istrateġiji politiċi tal-Komunità, bħall-qafas ta’ valutazzjoni i2010 tal-istrateġija tal-i2010 u l-iżviluppi ulterjuri tagħha taħt l-istrateġija ta’ Liżbona għandhom ikunu bbażati fuq informazzjoni statistika koerenti.

(8)

L-emendament tar-Regolament (KE) Nru 808/2004 għandu jieħu kont tar-Regolament (KE) 223/2009 tal-11 ta’ Marzu 2009 dwar l-istatistika Ewropea (5).

(9)

Dan ir-Regolament m’għandux iżid il-piż fuq min iwieġeb u fuq l-awtoritajiet nazzjonali tal-istatistika, imkejjel bl-għadd ta’ fatturi varjabbli mandatorji jew bit-tul tal-intervisti, fir-rigward tal-ġbir u t-trażmissjoni ta’ statistika armonizzata fil-konfront tas-sitwazzjoni eżistenti qabel id-dħul fis-seħħ ta’ dan ir-Regolament.

(10)

Ir-Regolament (KE) Nru 808/2004 għandu għalhekk jiġi emendat kif meħtieġ.

(11)

Il-Kumitat tal-Programm tal-Istatistika, stabbilit mid-Deċiżjoni tal-Kunsill 89/382/KEE, Euratom (6), ġie kkonsultat,

(1)

L-Artikolu 3(1) għandu jiġi ssostitwit b’dan li ġej:

“1.   L-istatistiċi li għandhom jiġu miġbura għandhom jinkludu informazzjoni li hi bżonnjuża għall-indikaturi strutturali u neċessarja għall-valutazzjoni tal-istrateġiji politiċi tal-Komunità dwar l-iżvilupp tal-ispazju tal-informazzjoni Ewropew, innovazzjoni fil-kummerċ u s-soċjetà tal-informazzjoni Ewropea, bħall-qafas ta’ valutazzjoni tal-i2010 u l-iżviluppi tiegħu taħt l-istrateġija ta’ Liżbona, u informazzjoni oħra neċessarja sabiex tkun provduta bażi uniformi fuq liema tkun analizzata is-soċjetà tal-informazzjoni.”.

(2)

L-Artikolu 6 għandu jiġi emendat b’dan li ġej:

“Artikolu 6

It-trattament, it-trażmissjoni u d-disseminazzjoni ta’ data

1.   L-Istati Membri għandhom jittrażmettu d-data u l-metadata meħtieġa taħt dan ir-Regolament, u l-miżuri implimentattivi tiegħu, lill-Kummissjoni (Eurostat) skont l-Artikolu 21 tar-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea (*) dwar it-trażmissjoni ta’ data kunfidenzjali.

2.   L-Istati Membri għandhom jittrasmettu d-data u l-metadata meħtieġa taħt dan ir-Regolament fil-forma elettronika, skont standard ta’ skambju miftiehem bejn il-Kummissjoni u l-Istati Membri.

3.   Il-Kapitolu V tar-Regolament (KE) Nru 223/2009 għandu japplika għat-trattament u d-disseminazzjoni ta’ data kunfidenzjali.

(*)  * ĠU L 87, 31.3.2009, p. 164.”."

(3)

L-Artikolu 7 għandu jiġi ssostitwit b’dan li ġej:

“Artikolu 7

Il-kwalità tal-istatistika u rapporti

1.   L-Istati Membri għandhom jiżguraw il-kwalità tad-data trażmessa.

2.   Għall-finijiet ta’ dan ir-Regolament, il-kriterji tal-kwalità kif stipulati fl-Artikolu 12(1) tar-Regolament (KE) Nru 223/2009 għandhom japplikaw.

3.   Kull sena, l-Istati Membri għandhom jipprovdu lill-Kummissjoni (Eurostat) b’rapport dwar il-kwalità tad-data trażmessa kif ukoll dwar kwalunkwe tibdil metodoloġiku li jkun sar. Ir-rapport għandu jkun ipprovdut xahar wara t-trażmissjoni tad-data.”.

(4)

L-Annessi I u II għandhom jiġu ssostitwiti bit-test li jidher fl-Anness ta’ dan ir-Regolament.

31.10.2009   

MT

Il-Ġurnal Uffiċjali tal-Unjoni Ewropea

L 286/36

(1)

Il-foki huma ħlejjaq senzjenti li jistgħu jħossu wġigħ, dwejjaq, biża’ u forom oħra ta’ tbatija. Fid-dikjarazzjoni tiegħu tas-26 ta’ Settembru 2006 dwar il-projbizzjoni ta’ prodotti li āejjin mill-foki fl-Unjoni Ewropea (3), il-Parlament Ewropew talab lill-Kummissjoni biex tfassal immedjatament regolament biex jiġu pprojbiti l-importazzjoni, l-esportazzjoni u l-bejgħ ta’ kull prodott derivat mill-foki tat-tip “harp” u “hooded”. Fir-riżoluzzjoni tiegħu tat-12 ta’ Ottubru 2006 dwar Pjan ta’ Azzjoni Komunitarju dwar il-Protezzjoni u l-Benesseri tal-Annimali 2006-2010 (4), il-Parlament Ewropew stieden lill-Kummissjoni biex tipproponi projbizzjoni totali fuq l-importazzjoni ta’ prodotti derivati mill-foki. Fir-Rakkomandazzjoni 1776 (2006) tagħha tas-17 ta’ Novembru 2006 dwar il-kaċċa għall-foki, l-Assemblea Parlamentari tal-Kunsill tal-Ewropa rrakkomandat li l-Istati Membri tal-Kunsill tal-Ewropa li jipprattikaw il-kaċċa għall-foki jiġu mistiedna biex jipprojbixxu l-metodi kollha ta’ kaċċa krudili li ma jiggarantixxux il-mewt istantanja, bla tbatija, tal-annimali, biex jipprojbixxu l-isturdament tal-annimali bi strumenti bħall-“hakapiks”, dbiebes u armi tan-nar, u biex jippromwovu inizjattivi mmirati lejn il-projbizzjoni tal-kummerċ fil-prodotti derivati mill-foki.

(2)

L-importazzjoni fl-Istati Membri għal skopijiet kummerċjali tal-ġlud ta’ ċerti frieħ tal-foki tat-tip “harp” u “hooded” u l-prodotti derivati minnhom hi pprojbita taħt id-Direttiva 83/129/KEE tal-Kunsill tat-28 ta’ Marzu 1983 li tirrigwarda l-importazzjoni tal-ġlud ta’ ċerti friegħ tal-foki u ta’ prodotti ġejjin minnhom fl-Istati Membri (5).

(3)

Il-foki huma kkaċċati fil-Komunità u barra minnha, u użati biex jinkisbu prodotti u oġġetti, bħal laħam, żejt, xaħam, organi, ġlud tal-fêr u oġġetti magħmulin minnhom, li jinkludu prodotti li jvarjaw sew, bħall-kapsuli ta’ Omega-3 u ħwejjeġ li jinkorporaw il-ġlud u l-pil tal-foki. Dawn il-prodotti jinbiegħu kummerċjalment fi swieq differenti, inkluż fis-swieq Komunitarji. Minħabba n-natura nnifisha ta’ dawk il-prodotti, huwa diffiċli jew impossibbli għall-konsumatur biex jiddistingwihom minn prodotti simili li mhumiex derivati mill-foki.

(4)

Il-kaċċa għall-foki wasslet għall-espressjoni ta’ tħassib serju mill-membri tal-pubbliku u mill-gvernijiet dwar il-kunsiderazzjonijiet tat-trattament xieraq tal-annimali, minħabba l-fatt li l-mod l-aktar frekwenti kif il-foki jinqatlu u jinselħu jikkawża uġigħ, dwejjaq, biża’ u forom oħra ta’ tbatija lil dawk l-annimali.

(5)

B’reazzjoni għat-tħassib taċ-ċittadini u l-konsumaturi dwar l-aspetti tat-trattament xieraq tal-annimali fil-qtil u s-slieħ tal-foki u l-possibilità li fis-suq hemm preżenti prodotti miksubin minn annimali maqtula u misluħa b’mod li jikkawża uġigħ, dwejjaq, biża’ u forom oħra ta’ tbatija, bosta Stati Membri adottaw, jew fi ħsiebhom jadottaw, leġiżlazzjoni li tirregola l-kummerċ ta’ prodotti derivati mill-foki, billi jiġu pprojbiti l-importazzjoni u l-produzzjoni tagħhom filwaqt li ma hemm l-ebda restrizzjoni fuq il-kummerċ ta’ dawn il-prodotti fi Stati Membri oħra.

(6)

Għalhekk hemm differenzi bejn id-dispożizzjonijiet nazzjonali li jirregolaw il-kummerċ, l-importazzjoni, il-produzzjoni u l-kummerċjalizzazzjoni tal-prodotti derivati mill-foki. Dawk id-differenzi jaffettwaw ħażin l-operazzjoni tas-suq intern fi prodotti li jinkludu jew li jistgħu jinkludu prodotti derivati mill-foki u jikkostitwixxu xkiel għall-kummerċ fil-prodotti ta’ dan it-tip.

(7)

L-eżistenza ta’ dawn il-rekwiżiti legali varji tista’ tiskoraġġixxi ulterjurment lill-konsumatur milli jixtri prodotti li mhumiex magħmulin mill-foki, imma li jista’ jkun li ma jkunux jistgħu jintgħarfu faċilment minn oġġetti simili magħmulin mill-foki, jew prodotti li jistgħu jinkludu elementi jew ingredjenti miksuba mill-foki mingħajr ma dan ikun jista’ jintgħaraf b’mod ċar, bħal fêr, kapsuli u żejt ta’ Omega-3 u oġġetti tal-ġilda.

(8)

Il-miżuri previsti f’dan ir-Regolament għandhom għalhekk jarmonizzaw ir-regoli madwar il-Komunità fir-rigward tal-attivitajiet kummerċjali dwar il-prodotti derivati mill-foki u b’hekk jiġi evitat it-taqlib tas-suq intern għall-prodotti kkonċernati, inklużi l-prodotti ekwivalenti għall-prodotti derivati mill-foki jew li jistgħu jissostitwuhom.

(9)

Skont il-Protokoll dwar il-ħarsien u t-trattament xieraq tal-annimali, anness mat-Trattat, il-Komunità għandha tagħti attenzjoni partikolari għar-rekwiżiti tat-trattament xieraq tal-annimali meta tkun qed tiġi fformulata u implimentata, inter alia, il-politika interna tas-suq. Ir-regoli armonizzati previsti f’dan ir-Regolament għandhom iqisu kompletament il-kunsiderazzjonijiet tat-trattament xieraq tal-annimali.

(10)

Biex tiġi eliminata l-frammentazzjoni attwali tas-suq intern, hemm il-ħtieġa li jkunu previsti regoli armonizzati filwaqt li jitqiesu l-kunsiderazzjonijiet tat-trattament xieraq tal-annimali. Sabiex ma jkunx hemm xkiel għall-moviment liberu tal-prodotti kkonċernati b’mod effettiv u proporzjonat, it-tqegħid fis-suq tal-prodotti derivati mill-foki, bħala regola ġenerali, m’għandux ikun permess, sabiex jerġa’ jkun hemm kunfidenza min-naħa tal-konsumatur, waqt li, fl-istess ħin, jiġi żgurat li jiġi sodisfatt it-tħassib dwar it-trattament xieraq tal-annimali. Ladarba t-tħassib taċ-ċittadini u l-konsumaturi jestendi għall-qtil u tqaxxir tal-foki, hemm bżonn ukoll ta’ azzjoni biex titnaqqas id-domanda li twassal għall-kummerċjalizzazzjoni tal-prodotti derivati mill-foki u, b’hekk, id-domanda ekonomika li tixpruna l-kaċċa kummerċjali għall-foki, bil-ħsieb li dak it-tħassib jiġi rispettat. Sabiex jiġi żgurat infurzar effettiv, dawk ir-regoli armonizzati għandhom jiġu infurzati fil-waqt jew fil-punt ta’ importazzjoni għall-prodotti importati.

(11)

Għalkemm jista’ jkun possibbli li l-foki jinqatlu u jistelħu b’mod li jevita l-uġigħ, id-dwejjaq, il-biża’ jew forom oħra ta’ tbatija bla bżonn, minħabba l-kondizzjonijiet li fihom isseħħ il-kaċċa għall-foki, fil-prattika mhumiex fattibbli l-ivverifikar u l-kontroll konsistenti tar-rispett min-naħa tal-kaċċaturi tar-rekwiżiti tat-trattament xieraq tal-annimali, jew għall-inqas huwa diffiċli li jinkisbu b’mod effettiv, kif ġie konkluż mill-Awtorità Ewropea dwar is-Sigurtà fl-Ikel fis-6 ta’ Diċembru 2007.

(12)

Huwa ċar ukoll li forom oħra ta’ regoli armonizzati, bħal rekwiżiti ta’ tikkettar, ma jiksbux l-istess riżultat. Barra minn hekk, jekk il-manifatturi, id-distributuri jew il-bejjiegħa bl-imnut jiġu rikjesti li jagħmlu tikketta fuq il-prodotti li huma kompletament jew parzjalment derivati mill-foki, dan ikun jinvolvi l-impożizzjoni ta’ piż sinifikanti fuq dawn l-operaturi ekonomiċi, u jinvolvi wkoll spejjeż sproporzjonati fil-każi fejn il-prodotti derivati mill-foki jkunu jirrapreżentaw parti minuri biss tal-prodott ikkonċernat. Għall-kuntrarju, il-miżuri inklużi f’dan ir-Regolament se jkunu aktar faċli biex wieħed ikun konformi magħhom, waqt li jserrħu moħħ il-konsumatur ukoll.

(13)

Sabiex jiġi żgurat li r-regoli armonizzati previsti f’dan ir-Regolament ikunu kompletament effettivi, dawn ir-regoli m’għandhomx japplikaw biss għal dawk il-prodotti tal-foki li joriġinaw mill-Komunità, iżda anke dawk introdotti fil-Komunità minn pajjiżi terzi.

(14)

L-interessi ekonomiċi u soċjali fundamentali tal-komunitajiet Inuit li jikkaċċaw il-foki bħala mezz biex jiggarantixxu l-għajxien tagħhom ma għandhomx jiġu affettwati ħażin. Il-kaċċa hija parti integrali mill-kultura u l-identità tal-membri tas-soċjetà tal-Inuit u, bħala tali, hija mħarsa mid-Dikjarazzjoni tan-Nazzjonijiet Uniti dwar id-Drittijiet tal-Popli Indiġeni. Għalhekk, għandu jkun permissibli li jitqiegħdu fis-suq il-prodotti mill-foki li jirriżultaw mill-kaċċa mwettqa tradizzjonalment mill-komunitajiet Inuit u minn komunitajiet indiġeni oħra u li jikkontribwixxu għall-għajxien tagħhom.

(15)

Dan ir-Regolament jistabbilixxi regoli armonizzati dwar it-tqegħid fis-suq ta’ prodotti derivati mill-foki. Hu, għalhekk, bla ħsara għar-regoli Komunitarji jew nazzjonali oħra li jirregolaw il-kaċċa għall-foki.

(16)

Il-miżuri neċessarji għall-implimentazzjoni ta’ dan ir-Regolament għandhom jiġu adottati skont id-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (6).

(17)

B’mod partikolari, il-Kummissjoni għandha tingħata s-setgħa li tiddefinixxi l-kondizzjonijiet għat-tqegħid fis-suq tal-prodotti li jirriżultaw mill-foki li jirriżulta minn kaċċa mwettqa b’mod tradizzjonali mill-komunitajiet Inuit u minn komunitajiet indiġeni oħra u li jikkontribwixxu għall-għajxien tagħhom; li tiddefinixxi l-kondizzjonijiet skont liema hi permessal-importazzjoni tal-prodotti li jirriżultaw mill-foki li tkun ta’ natura okkażjonali u li tkun tikkonsisti esklussivament minn oġġetti għall-użu personali tal-vjaġġaturi jew il-familji tagħhom; u li tiddefinixxi l-kondizzjonijiet għat-tqegħid fis-suq tal-prodotti li jirriżultaw mill-kaċċa regolata mill-liġi nazzjonali bl-iskop waħdieni ta’ mmaniġġjar sostenibbli tar-riżorsi tal-baħar. Billi dawk il-miżuri għandhom kamp ta’ applikazzjoni ġenerali u huma maħsuba biex jemendaw elementi mhux essenzjali ta’ dan ir-Regolament billi jissupplimentawhb’elementi mhux essenzjali ġodda, dawn għandhom jiġu adottati skont il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(18)

Bil-għan li jiġu ffaċilitati l-operazzjoni ta’ infurzar imwettqa mill-awtoritajiet nazzjonali relevanti, il-Kummissjoni għandha toħroġ noti ta’ gwida teknika li jipprovdu indikazzjonijiet li ma jorbtux dwar il-kodiċijiet tan-Nomenklatura Magħquda li jistgħu jkopru l-prodotti derivati mill-foki li huma suġġetti għal dan ir-Regolament.

(19)

L-Istati Membri għandhom jistipulaw regoli dwar il-pieni applikabbli għall-ksur tad-dispożizzjonijiet ta’ dan ir-Regolament u jiżguraw li dawn jiġu implimentati. Dawn il-pieni għandhom ikunu effettivi, proporzjonati u dissważivi.

(20)

L-Istati Membri għandhom jirrappurtaw fuq bażi regolari dwar l-azzjonijiet meħuda biex dan ir-Regolament jiġi implimentat. Fuq il-bażi ta’ dawk ir-rapporti, il-Kummissjoni għandha tirrapporta lill-Parlament Ewropew u l-Kunsill dwar l-implimentazzjoni ta’ dan ir-Regolament.

(21)

Ladarba l-għan ta’ dan ir-Regolament, jiġifieri l-eliminazzjoni tal-ostakli għall-operat tas-suq intern permezz tal-armonizzazzjoni tal-projbizzjonijiet nazzjonali dwar il-kummerċ tal-prodotti derivati mill-foki fil-livell Komunitarju, ma jistax jinkiseb suffiċjentement mill-Istati Membri u għalhekk jista’ jinkiseb aħjar fil-livell Komunitarju, il-Komunità tista’ tadotta miżuri, konformement mal-prinċipju ta’ sussidjarjetà kif stabbilit fl-Artikolu 5 tat-Trattat. Konformement mal-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-għan,

(1)

“foka” tfisser eżemplari tal-ispeċi kollha tal-pinnipedi (Phocidae, Otariidae u Odobenidae);

(2)

“prodott derivati mill-foki” tfisser il-prodotti kollha, kemm jekk proċessati jew mhux proċessati, derivati jew miksuba mill-foki, inkluż laħam, żejt, xaħam, organi u ġlud tal-fer mhux maħduma u ġlud tal-fer, ikkonzat jew imlibbes, inkluż ġlud tal-fer armati f’folji, slaleb u forom simili u oġġetti magħmulin mill-ġlud tal-fer;

(3)

“tqegħid fis-suq” tfisser l-introduzzjoni fis-suq Komunitarju, li bih isir disponibbli għall-partijiet terzi bi skambju għall-ħlas;

(4)

“Inuit” tfisser il-membri indiġeni tat-territorju Inuit – speċifikament dawk l-inħawi Artiċi u sub-Artiċi fejn, attwalment jew tradizzjonalment, l-Inuit għandhom drittijiet u interessi aboriġini – rikonoxxuti mill-Inuit bħala membri tal-poplu tagħhom u li jinkludu l-Inupiat, il-Yupik (Alaska), l-Inuit, l-Inuvialuit (Kanada), il-Kalaallit (Greenland) u l-Yupik (Russja);

(5)

“importazzjoni” tfisser kwalunkwe dħul ta’ oġġetti fit-territorju doganali tal-Komunità.

(a)

l-importazzjoni ta’ prodotti derivati mill-foki għandha tkun permessa wkoll meta tkun ta’ natura okkażjonali u tkun tikkonsisti esklussivament minn oġġetti għall-użu personali tal-vjaġġaturi jew il-familji tagħhom. In-natura u l-kwantità ta’ oġġetti ta’ dan it-tip m’għandhomx ikunu tali li jindikaw li qed jiġu importati għal raġunijiet kummerċjali;

(b)

it-tqegħid fis-suq għandu jkun permess ukoll għall-prodotti mill-foki li jirriżultaw mill-prodotti sekondarji tal-kaċċa li tkun regolata taħt il-liġi nazzjonali u li titwettaq għall-iskop waħdieni ta’ mmaniġġjar sostenibbli tar-riżorsi tal-baħar. Tqegħid fis-suq ta’ dan it-tip għandu jkun permess biss fuq il-bażi li ma jkunx għal skopijiet ta’ qligħ. In-natura u l-kwantità ta’ prodotti mill-foki m’għandhomx ikunu tali li jindikaw li qed jitqiegħdu fis-suq għal raġunijiet kummerċjali.