ANNESS

il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

(EUR/100 kg)
Kodiċi NM	Kodiċi tal-pajjiż terz (1)	Valur fiss tal-importazzjoni
0702 00 00	MK	24,7
	XS	31,8
	ZZ	28,3
0707 00 05	TR	98,3
	ZZ	98,3
0709 90 70	TR	98,5
	ZZ	98,5
0805 50 10	AR	54,1
	UY	48,0
	ZA	63,0
	ZZ	55,0
0806 10 10	EG	151,1
	MA	165,8
	TR	109,5
	US	141,6
	ZA	126,9
	ZZ	139,0
0808 10 80	AR	83,0
	BR	68,8
	CL	82,9
	CN	81,7
	NZ	88,6
	US	91,3
	ZA	89,3
	ZZ	83,7
0808 20 50	AR	83,4
	CL	81,2
	ZA	117,7
	ZZ	94,1
0809 10 00	TR	160,0
	ZZ	160,0
0809 20 95	CA	324,1
	TR	269,5
	US	365,2
	ZZ	319,6
0809 30	TR	158,1
	ZZ	158,1

---

(1)  In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.

ANNESS

Deskrizzjoni tal-prodotti	Klassifikazzjoni (Kodiċi tan-NM)	Raġunijiet
(1)	(2)	(3)
Figurin tal-plastik użat bħala dispenser għoli 23 ċm u li l-forma tiegħu hi tonda b’idejn u saqajn li jiffurmaw futbol plejer fuq pedestall. Il-prodott se jkun mimli bil-ħelu. Meta id waħda tiċċaqlaq il-ħelu se joħroġ minn fetħa f’forma tonda li tinsab f’ġismu.	3926 90 97	Il-klassifikazzjoni hi determinata mir-Regoli Ġenerali numru 1 u 6 dwar l-interpretazzjoni tan-Nomenklatura Magħquda, Nota 1 (v) tal-Kapitolu 95 u l-kliem tal-kodiċi NM 3926 , 3926 90 u 3926 90 97 . Id-dispenser tal-plastik tal-ħelu m’għandux il-karatteristika ta’ ġugarell peress li dan jagħti biss ħelu u m’għandux valur reali ta’ logħob waħdu. Il-prodott m’għandux il-karatteristika tal-oġġetti tal-kċina jew oġġetti oħra għad-dar tal-intestatura 3924 . Dan il-prodott, li hu wżat bħala ħażna tal-ħelu, għandu funzjoni utilitarja skont it-tifsira tan-Nota 1 (v) tal-Kapitolu 95 u għalhekk għandu jiġi kklassifikat skont il-materjal kostituenti tiegħu taħt il-kodiċi NM 3926 90 97 .

ANNESS

L-Anness I għar-Regolament (KE) Nru 881/2002 huwa emendat kif ġej:

L-annotazzjonijiet li ġejjin taħt l-intestatura “Persuni naturali” għandhom jitħassru:

(1)	Nabil Abdul Salam Sayadi (sive Abu Zeinab); Indirizz: Vaatjesstraat 29, 2580 Putte, il-Belġju, Post tat-twelid: 1.1.1966. Post tat-twelid: El Hadid, Tripoli, il-Libanu. Ċittadinanza: Belġjana mit-18.9.2001; Tagħrif ieħor: raġel ta' Patricia Vinck; iżżewġu fid-29.5.1992 f'Peschawar, il-Pakistan.

(2)	Patricia Rosa Vinck, (sive Souraya P. Vinck). Indirizz: Vaatjesstraat 29, 2580 Putte, il-Belġju. Post tat-twelid: 4.1.1965. Post tat-twelid: Berchem (Antwerp), il-Belġju. Ċittadinanza: Belġjana. Tagħrif ieħor: mart Nabil Sayadi.

ANNESS

It-tabella li ġejja għandha tiġi miżjuda fl-aħħar tat-tabella tal-Anness I tad-Direttiva 91/414/KEE:

---

(1)  Aktar dettalji dwar l-identità u l-ispeċifikazzjoni tas-sustanza attiva huma pprovduti fir-rapport ta’ reviżjoni.

ANNESS

Lista tal-awtorizzazzjonijiet imsemmija fl-Artikolu 3(2)

Kolonna A	Kolonna B
Stat Membru	Użu Diżinfettazzjoni tal-ħamrija u kontroll tal-ħaxix ħażin qabel it-taħwil/żrigħ, limitata għal utenti professjonali b’tagħmir protettiv adatt taħt kondizzjonijiet awtorizzati speċifiċi kif stabbilit fl-Artikolu 3 u soġġett għar-restrizzjonijiet li ġejjin għal kull Stat Membru:
Belġju	Ħamrija tax-Xtieli (l-għelejjel kollha). Patata (patata taż-żerriegħa, tal-ikkunsmar u tal-lamtu), pitravi taz-zokkor u tal-għalf, basal, ħxejjex, għelejjel tal-frott, ħxejjex aromatiċi, ġonna tas-siġar tal-frott (taħwil mill-ġdid), pjanti ornamentali.
Bulgarija	Użu tas-serer tal-ħġieġ (tadam, ħjar, ħass, karrotti, bżar, brunġiel u tabakk).
Ċipru	Mixtliet, ħxejjex, patata, pjanti ornamentali, frott minn siġar li jwaqqgħu l-weraq, ċitru, u għeneb.
Franza	Għelejjel tal-ħxejjex u l-frott u prinċipalment valerjanella, karrotti, tadam, frawli, asparagu, pjanti ornamentali, siġar u arbuxxelli.
Greċja	Ħamrija tax-xtieli u demel għall-ħamrija (għall-għelejjel kollha), użu ta’ ġewwa u ta’ barra għat-trattament tal-ħamrija (għall-għelejjel tal-ħxejjex u l-pjanti ornamentali), mixtliet tat-tabakk
Ungerija	Użu f’għelieqi: patata, karrotti, krafes bl-għeruq, krafes Ġermaniżi, pjanti ornamentali, berries, tuffieħ, lanġas, tabakk, għeneb tal-inbid, frott tal-għadma, mixtliet tal-frott u tad-dwieli. Użu tas-serer tal-ħġieġ: bżar aħdar, tadam, ħjar, karrotti, krafes bl-għeruq, krafes Ġermaniżi, tabakk, berries, pjanti ornamentali.
Italja	Ross, Ħass u affarijiet simili, Tadam, Bżar u Brunġiel, Għeruq tal-qara’, Karrotti, Ħxejjex tal-basal, Ħxejjex tal-għerq, Patata, Tabakk, Żrigħ mill-ġdid tal-vinji u l-ġonna tas-siġar tal-frott, Fjuri.
Irlanda	Użi tas-serer tal-ħġieġ: Tadam, Qronfol, Ħjar, Pjanti ornamentali, Chrysanthemum u Ħass. Użi f’għelieqi: Patata, Basal tal-ħxejjex, Stokk ta’ xitel li jiflaħ għall-ksieħ u l-irjieħ fil-mixtla, Frott tal-kannamiela, Turf, Frawli u Żrigħ tal-Foresti.
Malta	Tadam, brunġiel, bżar, bettieħ, dulliegħ, qara’ xitwi, ħjar u frawli
Olanda	Patata (patata taż-żerriegħa, tal-ikkunsmar u tal-lamtu), pitravi taz-zokkor u tal-għalf, ġonna tas-siġar tal-frott (taħwil mill-ġdid), pjanti ornamentali (inkluż it-tkabbir ta’ basal tal-ħxejjex), sogħda tal-ġewż isfar fl-għelejjel kollha.
Polonja	Użi f’għelieqi: frawli, kaboċċi, karrotti, ħass, basal, tewm. Użu tas-serer tal-ħġieġ: tadam, ħjar, bżar, brunġiel.
Portugall	Patata, basal, karrotti, bettieħ, frawli, ħjar, bżar, tadam, ħxejjex taċ-ċitru, pjanti ornamentali, fumigazzjoni tal-ħamrija tas-serer tal-ħġieġ, fumigazzjoni tal-ħamrija tal-mixtliet.
Rumanija	Ħxejjex u pjanti ornamentali.
Spanja	Mixtliet, Ħmiemel, Ħxejjex, Tabakk, Fjuri, Frawli, Patata taż-żerriegħa, vinji.
Renju Unit	Ħamrija tas-serer tal-ħġieġ, ħamrija tal-mixtliet, ħamrija ta’ barra u ħamrija tax-xtieli qabel it-taħwil tal-għelejjel tal-frott, għelejjel tal-ħxejjex, patata, ħxejjex aromatiċi, fjuri, basal tal-ħxejjex, pjanti ornamentali, pjanti.

ANNESS

QAFAS

L-għanijiet tal-kriterji

Dawn il-kriterji għandhom l-għan partikolari li:

—	jillimitaw il-livelli tar-residwi tossiċi,

—	jillimitaw l-emissonijiet ta’ komposti volatili organiċi, u

—	jippromwovu prodott li jservi iktar.

Il-kriterji huma ffissati fl-livelli li jippromwovu l-ittikkettar tax-xedd tas-saqajn li jkollu impatt ambjentali iktar baxx.

Ir-rekwiżiti tal-valutazzjoni u tal-verifika

Ir-rekwiżiti speċifiċi tal-valutazzjoni u tal-verifika huma indikati f’kull kriterju.

Fejn xieraq, metodi ta’ ttestjar minbarra dawk indikati għal kull kriterju jistgħu jintużaw jekk dawn huma aċċettati mill-korp kompetenti li jkun qed jivvaluta l-applikazzjoni bħala ekwivalenti.

L-unità funzjonali hija par żarbun. Ir-rekwiżiti huma bbażati fuq id-daqs taż-żarbun tal-punt 40 skont il-qies ta’ Pariġi. Ir-rekwiżiti għaż-żraben tat-tfal japplikaw għad-daqs ta’ 32 punt skont il-qies ta’ Pariġi (jew l-ikbar daqs fil-każ ta’ daqsijiet massimi iżgħar minn 32 punt skont il-qies ta’ Pariġi).

Kwalunkwe komponent tal-wiċċ taż-żarbun b’piż ta’ inqas minn 3 % tal-parti sħiħa tal-wiċċ ma għandhomx jitqiesu għall-applikazzjoni tal-kriterji. Kwalunkwe komponent tal-pett taż-żarbun b’piż ta’ inqas minn 3 % tal-pett estern ma għandhomx jitqiesu għall-applikazzjoni tal-kriterji.

Fejn xieraq, il-korpi kompetenti jistgħu jeħtieġu dokumentazzjoni ta’ evidenza u jistgħu jwettqu verifiki indipendenti.

Il-korpi kompetenti huma rrakkomandati li jikkunsidraw l-implimentazzjoni ta’ skemi amministrattivi ambjentali rikonoxxuti, bħall-EMAS jew l-ISO 14001, meta jivvalutaw applikazzjonijiet u jimmonitorjaw il-konformità mal-kriterji (nota: mhux meħtieġ li wieħed jimplimenta dawn it-tipi ta’ skemi ta’ ġestjoni).

KRITERJI

1.   Sustanzi perikolużi fil-prodott finali

(a)

Għal żraben magħmulin mill-ġilda m’għandux ikun hemm Kromju VI fil-prodott finali. Valutazzjoni u verifika: L-applikant u/jew il-formitur(i) tiegħu għandhom jipprovdu rapport tat-test magħmul bil-metodu EN ISO 17075 (limitu ta’ rilevament ta’ 3.ppm) Il-preparazzjoni tal-kampjun trid issegwi l-indikazzjonijiet tal-EN ISO 4044. (Nota: diffikultajiet fil-kejl minħabba interferenzi li wieħed jista’ jiltaqa’ magħhom meta tiġi analizzata ċerta ġilda kkulurita)

(b)

Ma għandux ikun hemm Arseniku, Kadmju u Ċomb fil-materjali użati fl-immuntar tal-prodott jew fil-prodott finali. Valutazzjoni u verifika: L-applikant u/jew il-formitur(i) għandhom jipprovdu rapport tat-test magħmul minn wieħed mill-metodi tat-testijiet tal-EN 14602 li ġejjin: — ittestjar ta’ materjali għall-immuntar tal-prodott. Is-sustanzi speċifikati fil-kriterju ma għandhomx jiġu identifikati fl-ebda wieħed mill-materjali użati fil-manifattura tal-prodott finali, — ittestjar tal-prodott finali. Is-sustanzi speċifikati fil-kriterju ma għandhomx jiġu identifikati la fil-komponenti tan-naħa ta’ fuq u lanqas f’dawk ta’ isfel tax-xedd tas-saqajn wara s-separazzjoni u t-tħin kollu. Għal prodotti tal-ġilda il-preparazzjoni tal-kampjun għandha ssegwi l-EN ISO.4044.

(c)

L-ammont ta’ formaldehyde hydrolysed u liberu tal-komponenti tax-xedd tas-saqajn ma għandux jaqbeż il-limiti li ġejjin: —   tessuti: mhux identifikabbli, —   ġilda: 150 ppm. Valutazzjoni u verifika: l-applikant u/jew il-fornitur/i tiegħu għandhom jipprovdu rapport ta’ test, magħmul bil-metodi tat-test li ġejjin: Tessuti: EN ISO 14184-1 (limitu ta’ rilevament: 20 ppm); Ġilda: EN/ISO 17226-1 jew 2

2.   Tnaqqis fil-konsum tal-ilma (għall-ikkunzar tal-ġlud biss)

Il-limiti li ġejjin għall-konsum tal-ilma għall-ikkunzar tal-ġlud ħoxnin u dawk irqaq (1) ma għandhomx jinqabżu.

—   ġlud Ħoxnin: 35 m3/t,

—   ġlud irqaq: 55 m3/t.

Valutazzjoni u verifika: l-applikant u/jew il-fornitur/i tiegħu għandhom jipprovdu dikjarazzjoni xierqa li l-limiti msemmija ma nqabżux.

3.   Emissjoniiet mill-produzzjoni ta’ materjal

(a)

Jekk l-ilma mormi li joħroġ mis-siti tal-ikkunzar tal-ġilda u mill-industriji tat-tessuti jintrema direttament f’ilmijiet nodfa, il-kontenut tas-COD ma għandux jaqbeż 250 mg COD/l tal-ilma li mormi. Fil-każ ta’ ilma mormi li joħroġ mis-siti tal-ikkunzar tal-ġilda li jintrema f’impjant/faċilità muniċipali tat-trattament tal-ilma mormi, dan il-kriterju ma japplikax, sakemm jista’ jintwera: — li r-rimi tad-drenaġġ mis-siti tal-ikkunzar għall-impjant tad-drenaġġ muniċipali huwa awtorizzat u, — li l-faċilità muniċipali tat-trattament tal-ilma mormi hija operattiva u li r-rimi eventwali tal-ilma trattat fis-sistema tal-ilma nadif hija konformi mar-rekwiżiti Komunitarji minimi skont id-Direttiva tal-Kunsill 91/271/KEE (2). Valutazzjoni u verifika: L-applikant għandu jipprovdi rapport ta’ test u dejta li tikkumplimentah, magħmul bil-metodu tat-test li ġej: COD: ISO 6060 – Kwalità tal-ilma, determinazzjoni tad-domanda tal-ossiġnu kimiku. Meta l-ilma mormi jintrema fil-faċilità muniċipali għat-trattament tal-ilma mormi, trid tkun ipprovduta dikjarazzjoni mill-awtorità relevanti li turi li r-rimi huwa awtorizzat u li l-impjant huwa operattiv u li jissodisfa r-rekwiżiti minimi tad-Direttiva 91/271/KEE.

(b)

L-ilma tal-iskart tal-konzerija wara t-trattament għandu jkun fih inqas minn 1 mg ta’ Kromju (III)/l. Valutazzjoni u verifika: L-applikant għandu jipprovdi rapport ta’ test u dejta li tikkumplimentah, magħmul bil-metodu tat-test li ġej: ISO 9174 jew EN 1233 or EN ISO 11885 għas-Cr.

4.   Użu ta’ sustanzi perikolużi (sa meta jinxtraw)

(a)

Pentachlorophenol (PCP) u Tetrachlorophenol (TCP) u l-imluħ u l-esteri tiegħu ma għandhomx jintużaw. Valutazzjoni u verifika: l-applikant u/jew il-fornitur/i tiegħu għandhom jipprovdu dikjarazzjoni illi l-materjali ma fihomx dawn il-chlorophenols flimkien ma’ rapport tat-test li sar bil-metodi tat-testijiet li ġejjin: Ġilda, EN ISO 17070 (limitu ta’ rilevament 0,1 ppm); Tessuti XP G 08-015 (limitu ta’ rilevament 0,05 ppm)

(b)

Ebda kuluri ażo ma għandhom jintużaw li jistgħu jaqbdu ma’ kwalunkwe ammini aromatiċi li ġejjin: 4-aminodiphenyl (92-67-1) benzidine (92-87-5) 4-chloro-o-toluidine (95-69-2) 2-naphthylamine (91-59-8) o-amino-azotoluene (97-56-3) 2-amino-4-nitrotoluene (99-55-8) p-chloroaniline (106-47-8) 2,4- diaminoanisol (615-05-4) 4,4’-diaminodiphenylmethane (101-77-9) 3,3’-dichlorobenzidine (91-94-1) 3,3’-dimethoxybenzidine (119-90-4) 3,3’-dimethylbenzidine (119-93-7) 3,3’-dimethyl-4,4_-diaminodiphenylmethane (838-88-0) p-cresidine (120-71-8) 4,4’-methylene-bis-(2-chloraniline) (101-14-4) 4,4’-oxydianiline (101-80-4) 4,4’-thiodianiline (139-65-1) o-toluidine (95-53-4) 2,4-diaminotoluene (95-80-7) 2,4,5-trimethylaniline (137-17-7) 4-aminoazobenzene (60-09-3) o-anisidine (90-04-0) Valutazzjoni u verifika: l-applikant u/jew il-fornitur/i tiegħu għandhom jipprovdu dikjarazzjoni illi ma ntużawx dawn il-kuluri ażo. Jekk titwettaq verifika ta’ din id-dikjarazzjoni, għandhom jintużaw il-metodi tat-testijiet li ġejjin: Ġilda – CEN ISO TS 17234; Tessuti – EN 14362 1 jew 2. Tessuti: limitu ta’ 30 ppm. (nota: huwa possibbli li jkun hemm riżultati pożittivi foloz għall-4-aminoazobenzene u għalhekk hija rrakkommandata l-konferma); Ġilda: limitu ta’ 30 ppm. (nota: huma possibbli pożittivi foloz għall-4-aminoazobenzene, 4-aminodiphenyl and 2-naphthylamine għalhekk hija rrakkommandata l-konferma).

(c)

In-N-Nitrosamines li ġejjin ma għandhomx jiġu rilevati fil-lastiku:   N-nitrosodimethylamine (NDMA)   N-nitrosodiethylamine (NDEA)   N-nitrosodipropylamine (NDPA)   N-nitrosodibutylamine (NDBA)   N-nitrosopiperidine (NPIP)   N-nitrosopyrrolidine (NPYR)   N-nitrosomorpholine (NMOR)   N-nitroso N-methyl N-phenylamine (NMPhA)   N-nitroso N-ethyl N-phenylamine (NEPhA) Valutazzjoni u verifika: l-applikant għandu jipprovvdi rapport ta’ test, magħmul bil-metodu tat-test li ġej: L-EN 12868 (1999 -12) jewEN 14602.

(d)

Il-chloralkanes C10-C13 ma għandhomx jintużaw fil-komponenti tal-ġilda, tal-lastiku jew tat-tessuti. Valutazzjoni u verifika: l-applikant u/jew il-fornitur/i tiegħu għandhom jipprovdu dikjarazzjoni illi ma ntużawx dawn il-chloralkanes.

(e)

L-ebda kulur li jissodisfa l-kriterji għall-klassifikazzjoni bħala karċinoġeniku, mutaġeniku tossiku għar-riproduzzjoni, perikoluż għall-ambjent bil-frażijiet-R li ġejjin: R40, R45, R49, R50, R51, R52, R53, R60, R61, R62, R63 jew R68 (jew kwalunkwe kombinazzjoni), ma għandu jintuża. (Regoli ta’ klassifikazzjoni skont id-Direttiva tal-Kunsill 67/548/KEE (3) jew id-Direttiva 1999/45/KE tal-Parlament Ewropew u tal-Kunsill (4). Inkella, il-klassifikazzjoni tista’ titqies skont Regolament (KE) Nru 1272/2008 tal-Parlament Ewropew u tal-Kunsill (5). F’dan il-każ l-ebda sustanza jew preparazzjoni ma tista’ tiżdied mal-materja prima li hija assenjata jew li tista’ tiġi assenjata waqt l-applikazzjoni, b’ dawn id-dikjarazzjonijiet ta’ riskju li ġejjin (jew xi kombinazzjonijiet tagħhom): H351, H350, H350i, H400, H410, H411, H412, H413, H360F, H360D, H361f, H361d, H360FD, H361fd, H360Fd, H360Df, H341. Valutazzjoni u verifika: l-applikant għandu jipprovdi dikjarazzjoni ta’ nuqqas ta’ użu ta’ dawn il-kuluri.

(f)

L-Alkylphenol ethoxylate (APE), u il-Perfluorooctane sulfonate (PFOS) ma għandhomx jintużaw. Valutazzjoni u verifika: l-applikant għandu jipprovdi dikjarazzjoni ta’ nuqqas ta’ użu ta’ dawn il-kuluri.

(g)

Ma għandhomx jintużaw kuluri li jissodisfaw il-kriterji bħala sensitizzanti għall-ġilda (R43). (Regoli ta’ klassifikazzjoni skont id-Direttiva 67/548/KEE jew id-Direttiva 1999/45/KE). Inkella, il-klassifikazzjoni tista’ titqies skont ir-Regolament (KE) Nru 1272/2008. F’dan il-każ l-ebda sustanza jew preparazzjoni ma tista’ tiżdied mal-materja prima li hija assenjata jew li tista’ tiġi assenjata waqt l-applikazzjoni, b’ din id-dikjarazzjoni ta’ riskju li ġejja: H317. Valutazzjoni u verifika: L-applikant għandu jipprovdi dikjarazzjoni ta’ nuqqas ta’ użu ta’ dawn il-kuluri.

(h)

Il-ftalati (phthalates) Dawk biss li waqt li jkunu qed jiġu applikati, jkunu ġew ivvalutati għar-riskju u ma jkunux ġew ikklassifikati bil-frażijiet (jew kombinazzjonijiet tagħhom): R60, R61, R62, R50, R51, R52, R53, R50/53, R51/53, u R52/53, skont id-Direttiva 67/548/KEE, jistgħu jintużaw fil-prodott (jekk applikabbli). Barra minn hekk, id-DNOP (di-n-octyl phthalate), id-DINP (di-isononyl phthalate), u d-DIDP (di-isodecyl phthalate) mhumiex permessi fil-prodott. Valutazzjoni u verifika: L-applikant għandu jipprovdi dikjarazzjoni dwar il-konformità ma’ dan il-kriterju.

(i)

Bijoċidi: Huma biss il-prodotti bijoċidali li fihom sustanzi bijoċidali attivi li huma inklużi fl-Anness IA tad-Direttiva 98/8/KE tal-Parlament Ewropew u tal-Kunsill (6), u awtorizzati għall-użu fix-xedd tas-saqajn, li għandhom ikunu awtorizzati li jintużaw. Valutazzjoni u verifika: L-applikant għandu jipprovdi dikjarazzjoni li r-rekwiżiti għal dan il-kriterju ġew issodisfati flimkien ma’ lista tal-prodotti bijoċidali użati.

5.   Użu tal-komposti organiċi volatili (VOCS) waqt it-tgħaqqid finali taż-żraben

Il-VOCs huma kull kompost organiku li jkollu f’293,15 K pressa tal-fwar ta’ 0.01 kPa jew iżjed, jew li jkollu volatilità korrispondenti taħt il-kondizzonijiet partikolari tal-użu.

L-użu totali tal-VOCs matul il-produzzjoni finali tax-xedd tas-saqajn, ma għandux jaqbeż bħala medja l-20 gramma VOC/par.

Valutazzjoni u verifika: l-applikant għandu jipprovdi kalkolu tal-użu totali tal-VOCs matul il-produzzjoni finali taż-żarbun, flimkien mad-dejta ta’ appoġġ, riżultati tat-testijiet u dokumentazzjoni kif xieraq, bil-kalkolu magħmul bl-użu tas-EN TC 14602. (Ir-reġistrazzjoni tal-ġilda mixtrija, kolla, irfinituri u tal-produzzjoni tax-xedd tas-saqajn matul mill-inqas l-aħħar sitt xhur hija meħtieġa.)

6.   Konsum tal-Enerġija

Il-konsum tal-enerġija fl-istadju tal-manifattura għandu jiġi ddikjarat.

Valutazzjoni u verifika: l-applikant huwa mitlub li jipprovdi informazzjoni relevanti skont l-Appendiċi tekniku A1.

7.   Imballaġġ tal-prodott finali

Meta jintużaw kaxxi tal-kartun għall-imballaġġ finali tax-xedd tas-saqajn, dawn għandhom ikunu magħmula 100 % minn materjal riċiklat. Fejn jintużaw boroż tal-plastik għall-imballaġġ finali tax-xedd tas-saqajn, dawn għandhom ikunu magħmula minn materjal riċiklat ta’ mill-inqas 75 % jew għandhom ikunu ta’ materjal bijodegradabbli jew materjal organiku skont id-definizzjonijiet provduti bil-EN 13432 (7).

Valutazzjoni u verifika: kampjun tal-imballaġġ tal-prodott għandu jkun ippreżentat mal-applikazzjoni, flimkien mad-dikjarazzjoni korrispondenti ta’ konformità ma’ dan il-kriterju. Huwa biss l-imballaġġ primarju, kif definit fid-Direttiva 94/62/KE tal-Parlament Ewropew u tal-Kunsill (8), li huwa soġġett għall-kriterju.

8.   Informazzjoni dwar l-imballaġġ

(a)   Struzzjonijiet għall-utent

It-tagħrif li ġej (jew test ekwivalenti) għandu jiġi fornit mal-prodott:

“Dan il-par żarbun ġie ttrattat sabiex tittejjeb ir-reżistenza tiegħu għall-ilma. Ma jeħtieġx trattament ulterjuri.” (Dan il-kriterju huwa applikabbli biss għax-xedd tas-saqajn li ġie ttratat għar-reżiztenza kontra l-ilma)

“Meta possibbli sewwi x-xedd tas-saqajn tiegħek minflok tarmih. Dan jagħmel inqas ħsara lill-ambjent.”

“Meta tiddisponi mix-xedd tas-saqajn, jekk jogħġbok uża l-faċilitajiet lokali tar-riċiklaġġ meta dawn ikunu disponibbli.”

(b)   Informazzjoni dwar l-eko-tikketta

It-test li ġej (jew test ekwivalenti) għandu jidher fuq l-imballaġġ:

“Għal iktar informazzjoni idħol fil-websajt tal-eko-tikketta Komunitarja: http://www.ecolabel.eu”

(c)   Informazzjoni lill-konsumaturi

Kaxxa informattiva li fiha l-applikant jispjega l-approċċ tiegħu lejn is-sostenibbiltà ambjentali għandha titqiegħed fuq l-imballaġġ.

Valutazzjoni u verifika: l-applikant għandu jagħti kampjun tal-imballaġġ tal-prodott u tal-informazzjoni fornita mal-prodott, flimkien ma’ dikjarazzjoni ta’ konformità ma’ kull parti ta’ dan il-kriterju.

9.   Informazzjoni li tidher fuq l-eko-tikketta

Il-Kaxxa 2 tal-eko-tikketta għandha tinkludi t-test li ġej:

—	tniġġis baxx tal-arja u l-ilma,

—	sustanzi ta’ ħsara mnaqqsa.

Valutazzjoni u verifika: l-applikant għandu jipprovdi kampjun tal-imballaġġ tal-prodotti juri t-tikketta, flimkien ma’ dikjarazzjoni ta’ konformità ma’ dan il-kriterju.

10.   Parametri li jikkontribwixxu għal kemm idum iservi

Ix-xedd tas-saqajn professjonali u tas-sikurezza għandu jġorr il-marka KE (skont id-Direttiva tal-Kunsill 89/686/KEE (9).

Ix-xedd tas-saqajn l-oħra kollha għandhom jissodisfaw ir-rekwiżiti fit-tabella ta’ hawn taħt.

Valutazzjoni u verifika: l-applikant għandu jipprovdi rapport ta’ test li jikkorrispondi mal-parametri indikati fit-tabella ta’ hawn taħt, billi jintużaw il-metodi tat-test:

—	EN 13512 - Reżistenza tal-Wiċċ għal-Liwi,

—	EN 13571 – Is-Saħħa tal-Wiċċ kontra t-Tqattigħ,

—	EN 17707 - Reżistenza tal-Pett tan-naħa ta’ barra għal-Liwi,

—	EN 12770 - Reżistenza tal-Pett fuq in-Naħa ta’ Barra għall-Brix,

—	EN 17708 – Pett sħiħ – Twaħħil tal-pett,

—	EN 12771 – Is-saħħa tal-Pett fuq in-Naħa ta’ Barra kontra t-Tqattigħ,

—	EN ISO 17700 – Metodi tal-ittestjar tal-uċuh, inforror u fil-kalzetti, - iż-żamma tal-kulur fil-każ tal-għorik.

	Sport ġenerali	Xedd tas-saqajn tal-iskola	Mhux formali	Tal-irġiel formali	Xedd tas-saqajn għal temp kiesaħ	Tan-nisa formali	Tal-moda	Tat-tfal	Ta’ ġewwa
Wiċċ reżistenti għal-liwi: (kc mingħajr ħsara li tidher)	Xott = 100 Imxarrab = 20	Xott = 100 Imxarrab = 20	Xott = 80 Imxarrab = 20	Xott = 80 Imxarrab = 20	Xott = 100 Imxarrab = 20 – 20° = 30	Xott = 50 Imxarrab = 10	Xott = 15	Xott = 15	Xott = 15
Saħħa tal-wiċċ kontra t-tqattigħ: (Forza medja tat-tqattigħ, N)
Ġilda	≥ 80	≥ 60	≥ 60	≥ 60	≥ 60	≥ 40	≥ 30	≥ 30	≥ 30
Materjali oħra	≥ 40	≥ 40	≥ 40	≥ 40	≥ 40	≥ 40	≥ 30	≥ 30	≥ 30
Reżistenza tal-pett ta’ barra għal-liwi:
Tkabbir tal-qatgħa(mm)	≤ 4	≤ 4	≤ 4	≤ 4	≤ 4	≤ 4
Nsc = mingħajr xquq spontanji	Nsc	Nsc	Nsc	Nsc	Nsc f’ – 10 °C	Nsc
Reżistenza tal-pett ta’ barra għall-brix:
D ≥ 0,9 g/cm3 (mm3)	≤ 200	≤ 200	≤ 250	≤ 350	≤ 200	≤ 400			≤ 450
D ≥ 0,9 g/cm3 (mg)	≤ 150	≤ 150	≤ 170	≤ 200	≤ 150	≤ 250			≤ 300
It-twaħħil tal-pett mal-wiċċ: (N/mm)	≥ 4,0	≥ 4,0	≥ 3,0	≥ 3,5	≥ 3,5	≥ 3,0	≥ 2,5	≥ 3,0	≥ 2,5
Saħħa tal-pett ta’ barra kontra t-tqattigħ: (Saħħa medja N/mm)
D ≥ 0,9 g/cm3	8	8	8	6	8	6	5	6	5
D ≥ 0,9 g/cm3	6	6	6	4	6	4	4	5	4
Iż-żamma tal-kulur fuq in-naħa ta’ ġewwa tax-xedd tas-saqajn (l-inforra jew i-kisi tal-wiċċ fuq ġewwa) Skala tal-griż tal-pannu wara 50 ċiklu ta’ tixrib	≥ 2/3	≥ 2/3	≥ 2/3	≥ 2/3	≥ 2/3	≥ 2/3		≥ 2/3	≥ 2/3

---

(1)  Il-Ġlud ħoxnin huma dawk definiti bħala “il-kisja esterna ta’ annimal adult ta’ xorta ikbar, pereżempju bhejjem tal-ifrat, żwiemel, iġmla, iljunfanti, eċċ…” Il-ġlud irqaq huma dawk definiti bħala “il-kisja esterna ta’ annimal ta’ xorta iżgħar, pereżempju ngħaġ u mogħoż, jew il-bhejjem żgħar ta’ speċi ikbar, pereżempju tal-għoġġiela. Ħnieżer, rettili, għasafar u ħut huma inklużi taħt ġlud irqaq” (Glossarju Internazzjonali ta’ Termini dwar il-Ġilda, ICT)

(2)  ĠU L 135, 30.5.1991, p. 40.

(3)  ĠU 196, 16.8.1967, p. 1.

(4)  ĠU L 200, 30.7.1999, p. 1.

(5)  ĠU L 353, 31.12.2008, p. 1.

(6)  ĠU L 123, 24.4.1998, p. 1.

(7)  EN 13432 “Rekwiżiti għall-imballaġġ irkuprabbli permezz ta’ proċess biex isir il-kompost u l-bijodegradazzjoni - u l-evalwazzjoni tal-kriterji għall-aċċettazzjoni finali tal-imballaġġ”.

(8)  ĠU L 365, 31.12.1994, p. 10. Artikolu 3(1)(a): “imballaġġ għall-bejgħ jew imballaġġ primarju, jiġifieri l-imballaġġ maħsub sabiex jikkostitwixxi unità ta’ bejgħ lill-utent jew lill-konsumatur finali fil-post fejn jinxtara”.

(9)  ĠU L 399, 30.12.1989, p. 18.

ANNESS

QAFAS

Għan ta’ dawn il-kriterji

Il-kriterji għandhom l-għan li jillimitaw l-impatti ambjentali ewlenin mit-tliet fażijiet taċ-ċiklu tal-ħajja tas-servizz ta’ post ta’ kampeġġ (ix-xiri, l-għoti tas-servizz, l-iskart). Partikolarment għandhom l-għan li:

—	jillimitaw il-konsum tal-enerġija,

—	jillimitaw il-konsum tal-ilma,

—	jillimitaw il-produzzjoni tal-iskart,

—	jiffavorixxu l-użu tar-riżorsi li jistgħu jiġġeddu u tas-sustanzi li huma inqas perikolużi għall-ambjent,

—	jippromwovu l-komunikazzjoni u l-edukazzjoni ambjentali.

Speċifikazzjonijiet

Strutturi ta’ akkomodazzjoni mobbli kif imsemmija fl-Artikolu 1 huma dawk bħal tined, karavans, djar mobbli u vannijiet camper. Il-faċilitajiet ta’ akkomodazzjoni xierqa għall-provvista ta’ kenn lill-kerrejja huma faċilitajiet bħal bungalows, akkomodazzjoni mobbli tal-kiri u appartamenti. Iż-żoni kollettivi għal servizzi komunali huma faċilitajiet ta’ ħasil u ta’ tisjir, supermarkits u facilitajiet ta’ tagħrif.

Rekwiżiti tal-valutazzjoni u tal-verifika

Ir-rekwiżiti speċifiċi tal-valutazzjoni u l-verifika huma indikati eżatt taħt kull wieħed mill-kriterji stabbiliti fit-Taqsimiet A u B.

Meta xieraq, jistgħu jintużaw metodi u standards oħra għajr dawk indikati għal kull wieħed mill-kriterji jekk l-ekwivalenza tagħhom tiġi aċċettata mill-Korp Kompetenti li jivvaluta l-applikazzjoni.

Meta l-applikant ikun meħtieġ li jipprovdi dikjarazzjonijiet, dokumentazzjoni, analiżi, rapporti tat-testijiet, jew evidenza oħra sabiex juri l-konformità mal-kriterji, huwa mifhum li dawn jistgħu joriġinaw mill-applikant u/jew mill-fornitur/i tiegħu, et cetera, kif xieraq.

Il-Korpi Kompetenti għandhom iwettqu spezzjonijiet fuq il-post qabel ma tingħata l-liċenzja.

Meta xieraq, il-Korpi Kompetenti jistgħu jeħtieġu dokumentazjoni ta’ appoġġ u jistgħu jwettqu verifiki indipendenti. Matul il-perjodu tal-liċenzja l-Korpi Kompetenti għandhom jissorveljaw il-konformità mal-kriterji.

Il-Korpi Kompetenti huma rakkommandati li jqisu l-implimentazzjoni ta’ skemi rikonoxxuti tal-ġestjoni ambjentali, bħalma huma l-EMAS jew l-ISO 14001, meta jivvalutaw l-applikazzjonijiet u jimmonitorjaw il-konformità mal-kriterji.

(Nota: mhux meħtieġ li jiġu implimentati dawn l-iskemi ta’ ġestjoni.).

Rekwiżiti ġenerali

Sabiex japplika għall-eko-tikketta l-applikant jeħtieġ li jikkonforma mar-rekwiżiti Komunitarji, nazzjonali u lokali. B’mod partikolari, għandu jkun garantit li:

(1)	L-istruttura fiżika tkun mibnija legalment u tirrispetta l-liġijiet jew ir-regolamenti kollha taż-żona fejn tkun mibnija, speċjalment kwalunkwe liġi jew regolament marbuta mal-konservazzjoni tal-pajżaġġ u l-bijodiversità;

(2)

L-istruttura fiżika tirrispetta l-liġijiet u r-regolamenti Komunitarji, nazzjonali u lokali li għandhom x’jaqsmu mal-konservazzjoni tal-enerġija, l-għejun tal-ilma, it-trattament u r-rimi tal-ilma, il-ġbir u r-rimi tal-iskart, il-manutenzjoni u s-servisjar tat-tagħmir, u tad-dispożizzjonijiet ta’ sikurezza u s-saħħa;

(3)	L-impriża tkun operazzjonali u reġistrata, kif rikjest mill-liġijiet nazzjonali u/jew lokali u l-persunal tagħha huwa impjegat u assigurat b’mod legali.

TAQSIMA A

KRITERJI OBBLIGATORJI IMSEMMIJA FL-ARTIKOLU 2, PARAGRAFU 1

ENERĠIJA

1.   Elettriku minn sorsi li jiġġeddu

Mill-inqas 50 % tal-elettriku użat għall-iskopijiet kollha għandu jiġi minn sorsi tal-enerġija li jiġġeddu, kif iddefinit fid-Direttiva 2001/77/KE tal-Parlament Ewropew u tal-Kunsill (1).

Dan il-kriterju ma japplikax għall-postijiet ta’ kampeġġ li ma għandhomx aċċess għal suq li joffri l-elettriku ġġenerat minn sorsi tal-enerġija li jiġġeddu.

Restrizzjonijiet kuntrattwali vinkolanti (bħall previżjonijiet ta’ penali) ta’ mill-inqas sentejn, għall-bidla ta’ fornitur tal-enerġija jistgħu jitqiesu bħala “mingħajr aċċess” għal suq li joffri elettriku ġġenerat minn sorsi tal-enerġija li jiġġeddu.

Valutazzjoni u verifika: L-applikant għandu jforni dikjarazzjoni mingħand il-fornitur tal-elettriku (jew il-kuntratt li sar miegħu) li tindika n-natura tas-sors/i tal-enerġija li jiġġedded/jiġġeddu, il-perċentwal tal-elettriku fornut li jkun ġej minn sors li jiġġedded, id-dokumentazzjoni dwar il-bojlers (il-ġeneraturi tas-sħana) użati, jekk użati u indikazzjoni tal-perċentwal massimu li jista’ jiġi fornut. Skont id-Direttiva 2001/77/KE, is-sorsi tal-enerġija li jiġġeddu għandhom ifissru s-sorsi mhux fossili tal-enerġija li jiġġeddu (mir-riħ, mix-xemx, mill-mewġa ġeotermali, mill-mewġ, mill-ilma, mill-bijomassa, mill-gassijiet tal-miżbliet, mill-gassijiet tal-impjanti tat-trattament tad-drenaġġ u mill-bijogassijiet). F’każ li l-post ta’ kampeġġ ma jkollux aċċess għal suq li joffri enerġija minn sorsi ta’ enerġija li jiġġeddu, għandha tiġi fornuta d-dokumentazzjoni li turi r-rikjesta għal enerġija li tiġġedded.

2.   Faħam u żjut tqal

Ma għandhom jiġu użati l-ebda żjut li jkun fihom kontenut tal-kubrit ogħla minn 0,1 % u l-ebda faħam bħala sors tal-enerġija. Il-faħam għall-fuklari dekorattivi huwa eskluż minn dan il-kriterju.

Dan il-kriterju japplika biss għall-postijiet ta’ kampeġġ li għandhom sistema indipendenti tas-sħana.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, fejn jindika n-natura tas-sorsi tal-enerġija użati.

3.   Effiċjenza u ġenerazzjoni tas-sħana

Jekk tiġi installata kapaċità ġdida għall-ġenerazzjoni tas-sħana matul il-perjodu taż-żmien tal-għoti tal-eko-tikketta, hi għandha tkun unità ta’ koġenerazzjoni ta’ effiċjenza għolja (kif definit bl-Artikolu 3 u bl-Anness III tad-Direttiva 2004/8/KE tal-Parlament Ewropew u tal-Kunsill (2), pompa ta’ sħana jew bojler effiċjenti. F’dan l-aħħar każ, l-effiċjenza ta’ dan il-bojler għandha tkun ta’ 4 stilel (ca. 92 % f’temperatura ta’ 50 °C u 95 % f’temperatura ta’ 70 °C), imkejla skont id-Direttiva tal-Kunsill 92/42/KEE (3), jew skont in-normi u r-regolamenti rilevanti għall-prodott għal dawk il-bojlers mhux koperti b’din id-Direttiva.

Il-bojlers tal-misħun imqabbda bil-karburanti likwidi jew tal-gass kif iddefiniti fid-Direttiva 92/42/KEE għandhom jikkonformaw mal-istandards tal-effiċjenza ekwivalenti għal mhux anqas minn tliet stilel kif hemm stipulat fid-Direttiva. Unitajiet ta’ koġenerazzjoni eżistenti għandhom jikkonformaw mad-definizzjoni ta’ effiċjenza għolja fid-Direttiva 2004/8/KE.

L-effiċjenza ta’ bojlers esklużi mid-Direttiva 92/42/KEE (4) għandhom jikkonformaw mal-istruzzjonijiet tal-manifattur u mal-leġiżlazzjoni nazzjonali u lokali dwar l-effiċjenza, iżda għal bojlers eżistenti bħal dawn (bl-eċċezzjoni ta’ bojlers tal-bijomassa) effiċjenza inqas minn 88 % ma għandhiex tiġi aċċettata.

Valutazzjoni u verifika: L-applikant għandu jipprovdi speċifikazzjoni teknika mingħand dawk responsabbli mill-bejgħ u/jew il-manutenzjoni tal-bojler li tindika l-effiċjenza tagħha.

4.   Kondizzjonament tal-arja

Kull sistema ta’ kondizzjonament tal-arja mixtrija matul il-perjodu taż-żmien tal-għoti tal-eko-tikketta għandu jkollha mill-inqas l-effiċjenza ta’ Klassi A tal-enerġija kif stabbilit fid-Direttiva tal-Kummissjoni 2002/31/KE (5), jew li jkollha effiċjenza korrispondenti tal-enerġija.

Nota: Dan il-kriterju ma japplikax għall-kondizzjonaturi tal-arja li huma tagħmir li jista’ juża wkoll sorsi oħra ta’ enerġija, jew għat-tagħmir mill-arja għall-ilma u mill-ilma għall-ilma, jew għall-unitajiet bi ħruġ (qawwa tat-tkessiħ) ta’ iktar minn 12-il kW.

Valutazzjoni u verifika: L-applikant għandu jipprovdi speċifikazzjonijiet tekniċi mingħand il-manifattur jew it-tekniċi professjonali responsabbli mill-istallazzjoni, il-bejgħ u/jew il-manutenzjoni tas-sistema tal-kondizzjonament tal-arja.

5.   Effiċjenza enerġetika tal-bini

Il-post ta’ kampeġġ għandu jikkonforma mal-leġiżlazzjoni nazzjonali u l-kodiċiijiet tal-bini lokali relatati mal-effiċjenza tal-enerġija u r-rendiment tal-enerġija tal-bini.

Valutazzjoni u verifika: l-applikant għandu jipprovdi ċ-ċertifikazzjoni tal-enerġija skont id-Direttiva 2002/91/KE tal-Parlament Ewropew u tal-Kunsill (6) jew meta mhux disponibbli fis-sistema tal-implimentazzjoni nazzjonali, ir-riżultati ta’ verifika tal-enerġija mwettqa minn espert indipendenti dwar ir-rendiment tal-enerġija tal-bini.

6.   Iżolazzjoni tat-twieqi

It-twieqi kollha fi kmamar u f’żoni komuni msaħħna u/jew bil-kondizzjonament tal-arja għandhom ikollhom livell xieraq ta’ iżolazzjoni termika skont ir-regolamenti lokali u l-kundizzjonijiet klimatiċi u għandhom jipprovdu livell xieraq ta’ iżolazzjoni akustika. (Dan ma japplikax għal karavans tal-kiri/djar mobbli meta dawn ma jkunux proprjetà ta’ min imexxi il-post ta’ kampeġġ).

It-twieqi kollha fi kmamar u f’żoni komuni msaħħna u/jew bil-kondizzjonament tal-arja miżjuda u/jew irrinnovati wara l-akkwist tal-eko-tikketta Komunitarja għandhom jikkonformaw mad-Direttiva 2002/91/KE (Artikoli 4, 5 u 6) u mad-Direttiva tal-Kunsill tal-89/106/KEE (7) u regolamenti tekniċi nazzjonali relattivi għall-implimentazzjoni tagħhom.

Valutazzjoni u verifika: L-applikant għandu jipprovdi dikjarazzjoni mingħand tekniku professjonali li tindika l-konformità ma’ dan il-kriterju li tipprovdi l-valuri ta’ trasmittanza termiċi (valur-U). Għal twieqi konformi mad-Direttiva 2002/91/KE, l-applikant għandu jipprovdi ċ-ċertifikazzjoni tal-enerġija jew meta mhux disponibbli fis-sistema tal-implimentazzjoni nazzjonali, dikjarazzjoni mill-kostruttur.

7.   Tifi tas-sħana jew tal-kondizzjonament tal-arja

Jekk tisħin u/jew il-kondizzjonament tal-arja ma jintfewx awtomatikament meta jinfetħu t-twieqi, għandu jkun hemm disponibbli tagħrif li jfakkar lill-klijent sabiex jagħlaq it-tieqa/twieqi jekk is-sħana jew il-kondizzjonament tal-arja jkunu mixgħula. Sistemi individwali tat-tisħin/kondizzjonament tal-arja akkwistati wara ċ-ċertifikazzjoni mal-eko-tikketta Komunitarja għandhom jiġu mgħammra bi swiċċ li jitfi awtomatikament meta t-twieqi jkunu miftuħa.

Dan il-kriterju japplika biss għall-postijiet ta’ kampeġġ li għandhom it-tisħin u/jew il-kondizzjonament tal-arja.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mat-test tat-tagħrif għall-klijenti (jekk applikabbli).

8.   Tifi tad-dwal

Jekk ma jkunx hemm swiċċ awtomatiku għat-tifi tad-dawl/dwal fl-akkomodazzjoni tal-kiri, għandu jkun hemm tagħrif disponibbli b’mod ħafif għall-klijenti li jitlobhom biex jitfu d-dwal meta joħorġu mill-akkomodazzjoni.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mal-proċeduri tat-tagħrif.

9.   Bozoz tad-dawl ta’ enerġija effiċjenti

(a)

Mill-inqas 80 % tal-bozoz tad-dawl fil-post ta’ kampeġġ għandu jkollhom effiċjenza tal-enerġija tal-Klassi A kif iddefiniti fid-Direttiva tal-Kummissjoni 98/11/KE (8). Dan ma għandux japplika għall-apparat tad-dawl li l-karatteristiċi fiżiċi tiegħu ma jippermettux l-użu ta’ bozoz tad-dawl li jiffrankaw l-enerġija.

(b)

100 % tal-apparat tad-dawl li jinstab f’post fejn x’aktarx jinxtegħel għal iktar minn ħames sigħat kuljum għandu jkollu l-effiċjenza tal-enerġija tal-Klassi A kif iddefinit bid-Direttiva 98/11/KE. Dan ma għandux japplika għall-apparat tad-dawl li l-karatteristiċi fiżiċi tiegħu ma jippermettux l-użu ta’ bozoz tad-dawl li jiffrankaw l-enerġija. Valutazzjoni u verifika: L-applikant għandu jipprovdi dikjarazzjoni tal-konformità maż-żewġ partijiet ta’ dan il-kriterju, flimkien ma’ indikazzjoni tal-klassi tal-effiċjenza tal-enerġija għall-bozoz tad-dawl differenti użati.

10.   Tagħmir ta’ tisħin għal barra

Il-post ta’ kampeġġ għandu juża biss tagħmir li jieħu l-enerġija minn sorsi ta’ enerġija li jiġġeddu biex isaħħan żoni fuq barra bħaż-żoni allokati għat-tipjip u ż-żoni tal-ikel esterni.

Valutazzjoni u l-verifika: L-applikant għandu jipprovdi dikjarazzjoni tal-konformità ma’ dan il-kriterju, fejn jindika n-natura tas-sorsi tal-enerġija użati f’każ ta’ tagħmir li jieħu l-enerġija minn sorsi tal-enerġija li jiġġeddu.

ILMA

11.   Fluss tal-ilma minn viti u doċoċ

Il-fluss medju tal-ilma mill-viti u mill-irjus tad-doċoċ, esklużi l-viti tal-banjijiet, il-viti tal-kċina u stazzjonijiet għall-mili ma għandux jaqbeż it-9 litri/minuta.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, u d-dokumentazzjoni rilevanti flimkien ma’ spjega dwar kif il-post ta’ kampeġġ jissodisfa l-kiterju.

12.   Kontenituri tal-iskart fil-kmamar tat-tojlits

Kull waħda mill-kmamar tat-tojlits għandu jkollha kontenitur xieraq għall-iskart u l-klijent għandu jiġi mistieden li juża l-kontenitur tal-iskart minflok it-toilet għall-iskart xieraq.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ dokumentazzjoni xierqa rigward it-tagħrif lill-klijent.

13.   Tindif tal-awrinari bil-flaxing

L-awrinari kollha għandhom ikunu mgħammra jew b’sistemi ta’ flaxing awtomatiċi (bil-ħin) jew b’sistemi manwali biex ma jkunx hemm flaxing kontinwu.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni rilevanti dwar l-awrinari installati.

14.   Bdil ta’ xugamani u lożor

Il-klijenti għandhom jiġu mgħarrfa dwar il-politika ambjentali tal-post ta’ kampeġġ mal-wasla tagħhom. Dan it-tagħrif għandu jispjega li l-lożor u x-xugamani fl-akkomodazzjoni tal-kiri għandhom jinbidlu fuq it-talba tagħhom, jew fin-nuqqas ta’ dan bil-frekwenza stabbilita mill-politika ambjentali tal-post ta’ kampeġġ jew kif meħtieġ bil-liġi u/jew ir-regolamenti nazzjonali. Dan japplika biss għall-post ta’ kampeġġ fejn is-servizz jinkludi l-provvista ta’ xugamani u/jew lożor.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni rilevanti li turi kif jiġi mgħarraf il-klijent u kif il-post ta’ kampeġġ jtirrispetta t-talbiet tal-klijenti.

15.   Rimi korrett tal-ilma tal-iskart

Il-post ta’ kampeġġ għandu jinforma lill-klijenti u lill-persunal dwar l-użu korrett tad-dranaġġ tal-ilma tal-iskart, sabiex jiġi evitat ir-rimi ta’ sustanzi li jistgħu jevitaw it-trattatment tal-ilma tal-iskart skont il-pjan muniċipali tal-ilma tal-iskart u r-regolamenti Komunitarji. Meta ma jkunx hemm pjan tal-ilma tal-iskart disponibbli mill-Muniċipalità, il-post ta’ kampeġġ għandu jipprovdi lista ġenerali ta’ sustanzi li ma għandhomx jintremew mal-ilma tal-iskart skont id-Direttiva 2006/118/KE tal-Parlament Ewropew u tal-Kunsill (9).

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, u d-dokumentazzjoni rilevanti (jekk applikabbli, pjan tal-ilma tal-iskart u komunikazzjoni lill-klijenti u lill-persunal).

DETERĠENTI U DIŻINFETTANTI

16.   Post fejn jintrema l-iskart ta’ tojlits kimiċi (CDP)

Meta l-post ta’ kampeġġ ikun imqabbad ma’ tank settiku, l-iskart minn tojlits kimiċi għandu jiġi sseparat jew inkella jinġabar u jiġi ttrattat korrettament. Meta l-post ikun imqabbad ma’ sistema ta’ dranaġġ pubblika, kontenitur speċjali jew unità tar-rimi bil-għan li jiġi evitat it-tixrid għandu jkun biżżejjed.

Valutazzjoni u verifika: L-applikant għandu jipprovdi dikjarazzjoni dwar il-konformità ma’ dan il-kriterju, u d-dokumentazzjoni xierqa inkluż kwalunkwe ħtieġa ta’ rimi speċifika mill-awtorità lokali flimkien ma’ tagħrif dwar il-kontenitur kimiku.

17.   Diżinfettanti

Id-diżinfettanti għandhom jintużaw biss fejn huma meħtieġa sabiex jikkonformaw mal-ħtiġiet iġjeniċi legali.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ indikazzjoni dwar fejn u meta jintużaw id-diżinfettanti.

SKART

18.   Separazzjoni tal-iskart mill-klijenti

Il-klijenti għandhom jiġu infurmati kif u fejn jistgħu jisseparaw l-iskart skont l-aħjar sistemi lokali u nazzjonali fiż-żoni li jappartjeni għalihom l-post ta’ kampeġġ. Il-kontenituri xierqa għas-separazzjoni tal-iskart għandhom ikunu disponibbli faċilment daqs kontenitur għall-iskart ġenerali.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni rilevanti dwar it-tagħrif indirizzat lill-klijenti u jispjega fejn jinstabu l-kontenituri fil-post ta’ kampeġġ.

19.   Separazzjoni tal-iskart

L-iskart għandu jiġi sseparat f’kategoriji li jistgħu jitqandlu separatament mill-faċilitajiet lokali jew nazzjonali tal-ġestjoni tal-iskart, b’attenzjoni partikolari għall-iskart perikoluż, li għandu jiġi sseparat, jinġabar u jintrema kif elenkat fid-Deċiżjoni tal-Kummissjoni 2000/532/KE (10), u għandu jitfittex mod xieraq kif dan jintrema. Din il-lista tinkludi t-toners, il-linka, it-tagħmir tar-refriġerazzjoni u dak elettriku, il-batteriji, il-bozoz tad-dawl li jiffrankaw l-enerġija, il-farmaċewtiċi, ix-xaħmijiet/iż-żjut, u l-apparat elettriku kif speċifikat fid-Direttiva 2002/96/KE (11) u fid-Direttiva 2002/95/KE tal-Parlament Ewropew u tal-Kunsill (12).

Jekk l-amministrazzjoni lokali ma toffrix il-ġbir u/jew ir-rimi separat tal-iskart, il-post ta’ kampeġġ għandu jiktbilha biex jesprimi r-rieda tiegħu li jissepara l-iskart, u biex jesprimi t-tħassib tiegħu dwar in-nuqqas tal-ġbir u/jew tar-rimi separat. Jekk l-awtorità lokali ma tipprovdix ir-rimi tal-iskart perikoluż, l-applikant għandu jipprovdi, kull sena, dikjarazzjoni mill-awtorità lokali li ma hemmx sistema ta’ rimi ta’ skart riskjuż fejn ikun jaħdem.

It-talba lill-awtoritajiet lokali sabiex jipprovdu l-ġbir u/jew ir-rimi tal-iskart separat għandha ssir kull sena.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ indikazzjoni dwar il-kategoriji differenti tal-iskart aċċettati mill-awtoritajiet lokali, u/jew il-kuntratti rilevanti ma’ aġenziji privati. Meta xieraq, l-applikant għandu jipprovdi kull sena d-dikarazzjoni korrispondenti lill-awtorit lokali.

20.   Prodotti li jintremew wara l-użu

Għajr jekk meħtieġ bil-liġi, l-oġġetti tal-indafa personali li jintremew wara l-użu (li ma jintlewx mill-ġdid) bħal xampu u sapun, jew prodotti oħra (li jintużaw darba) bħal brieret tad-doċċa, xkupilji, limi tad-dwiefer, eċċ. ma għandhomx jintużaw. Meta tali prodotti huma rikjesti bil-liġi l-applikant għandu joffri lill-klijenti żewġ soluzzjonijiet u jħeġġiġhom b’komunikazzjoni xierqa biex jużaw il-prodotti li ma jintremewx wara l-użu.

Sistemi għax-xorb (kikkri u tazzi), platti u pożati li jintremew wara l-użu għandhom jintużaw biss jekk ikunu magħmula minn materji primi li jiġġeddu u li jkunu bijodegradabbli u li jista’ jiġi mibdul f’kompost skont EN 13432.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ dokumentazzjoni rilevanti li tispjega kif il-kriterju huwa sodisfatt (inkluż kwalunkwe leġiżlazzjoni li teħtieġ l-użu ta’ prodotti li jintremew wara l-użu), u dokumentazzjoni konsistenti rigward il-prodotti li jistgħu jimtlew mill-ġdid u/jew dwar tagħrif indirizzat lill-klijenti, dwar it-tħeġġiġ biex isir użu minn prodotti li ma jintremewx wara l-użu (jekk applikabbli).

Biex jintwera li sistemi għax-xorb (kikkri u tazzi), platti u pożati li jintremew wara l-użu jissodisfaw dawn il-kriterji għandhom jiġu provduti provi ta’ konformità mal-EN 13432.

21.   Ippakkjar tal-Kolazzjon

Għajr fejn meħtieġ bil-liġi, ma għandhomx jintużaw pakketti ta’ doża waħda għall-kolazzjon jew għal servizz tal-ikel ieħor, bl-eċċezzjoni tax-xaħmijiet tal-ħalib tat-tidlik (bħall-butir, marġerina u ġobon artab), ċikkulata u butir tal-karawett tat-tidlik, u ġammijiet u priżervi tad-dieta jew għad-dijabetiċi.

Valutazzjoni u verifika: L-applikant għandu jipprovdi dikjarazzjoni ta’ konformità mal-kriterju u spjega ddettaljata dwar kif l-akkommodazzjoni tissodisfah, flimkien ma’ lista ta’ prodotti ta’ doża waħda użati u l-leġiżlazzjoni li teħtieġ dan.

SERVIZZI OĦRAJN

22.   Projbizzjoni tat-tipjip fiż-żoni komuni

Għandha tkun disponibbli taqsima mingħajr tipjip fiż-żoni komuni kollha ġewwa l-bini.

Valutazzjoni u verifika: L-applikant għandu jipprovdi dikjarazzjoni ta’ konformità ma’ dan il-kriterju.

23.   Trasport pubbliku

Għandu jkun hemm tagħrif faċilment disponibbli għall-klijenti u l-personal dwar kif jużaw it-trasportazzjoni pubblika lejn u mill-post ta’ kampeġġ permezz tal-mezzi prinċipali ta’ komunikazzjoni. Meta ma jeżisti l-ebda trasport pubbliku xieraq, għandu xorta waħda jiġi pprovvdut it-tagħrif dwar mezzi oħra tat-trasport preferibbilment ambjentali.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ kopji tal-materjal disponibbli ta’ tagħrif.

ĠESTJONI ĠENERALI

L-applikanti ma’ Sistema tal-Ġestjoni Ambjentali rreġistrata taħt ir-Regolament (KE) Nru 761/2001 tal-Parlament Ewropew u tal-Kunsill (13) jew iċċertifikata skont l-ISO 14001 awtomatikament jissodisfaw il-kriterji tal-ġestjoni ġenerali li ġejjin bl-eċċezzjoni tal-kriterji 28, 29 u 30 (il-ġbir ta’ dejta u tagħrif). F’każijiet bħal dawn, il-mezzi tal-verifika tal-konformità ma’ dawk il-kriterji hija r-registrazzjoni tal-EMAS jew iċ-ċertifikazzjoni tal-ISO 14001.

24.   Manutenzjoni u servisjar tal-bojlers u tas-sistemi tal-kondizzjonament tal-arja

Il-manutenzjoni u s-servisjar tal-bojlers u tas-sistemi tal-kondizzjonament tal-arja għandhom jitwettqu mill-inqas darba fis-sena, jew iktar spiss jekk hekk meħtieġ bil-liġi jew mill-ħtieġa, minn persuni professjonali kkwalifikati kif xieraq, billi jsegwu s-CEI u l-istandards nazzjonali meta dawn japplikaw, jew skont l-istruzzjonijiet tal-manifattur.

Għas-sistemi tal-kondizzjonament tal-arja l-manutenzjoni (kontroll għal tnixxija jew tiswija) għandha titwettaq skont ir-Regolament (KE) Nru 842/2006 tal-Parlament Ewropew u tal-Kunsill (14), f’konformità mal-ammont ta’ gass F (serra flworinat) li jinsab fl-applikazzjoni, kif ġej:

—	Għall-inqas darba kull tnax-il xahar għal applikazzjonijiet li jkollhom 3 kg jew aktar ta’ gassijiet F (dan ma għandux japplika għal tagħmir b’sistemi issiġġillati ermetikament, li huma ttikkettati b’dak il-mod u jkollhom anqas minn 6 kg ta’ gassijiet serra flworinati),

—	Għall-inqas darba kull sitt xhur għal applikazzjonijiet li jkollhom 30 kg jew aktar ta’ gassijiet F,

—	Għall-inqas darba kull tliet xhur għal applikazzjonijiet li jkollhom 300 kg jew aktar ta’ gassijiet F.

Valutazzjoni u verifika: L-applikant għandu jipprovdi dikjarazzjoni tal-konformità maż-żewġ partijiet ta’ dan il-kriterju, flimkien ma’ deskrizzjoni tal-bojlers u l-programm tal-manutenzjoni tagħhom, u dettalji dwar il-persuni/kumpaniji li jwettqu l-manutenzjoni, u x’jiġi kkontrollat matul il-manutenzjoni.

Għas-sistemi tal-kondizzjonament tal-arja li jkollhom 3 kg jew aktar ta’ gassijiet F l-applikant għandu jipprovdi r-reġistri dwar il-kwantità u t-tip ta’ gassijiet F installati, kull kwantità miżjuda u l-kwantità rkuprata matul il-manutenzjoni, is-servisjar u r-rimi finali kif ukoll l-identifikazzjoni tal-kumpanija jew tat-tekniku li wettaq is-servisjar jew l-manutenzjoni, kif ukoll id-dati u r-riżultati tal-kontrolli għat-tnixxija u t-tagħrif rilevanti li speċifikament jidentifika t-tagħmir stazzjonarju separat b’aktar minn 30 kg ta’ gassijiet F.

25.   Iffissar tal-politika u programm ta’ azzjoni

Il-ġestjoni għandu jkollha politika ambjentali u għandha tfassal prospett sempliċi dwar il-politika ambjentali u programm preċiż ta’ azzjoni sabiex tiżgura l-applikazzjoni tal-politika ambjentali.

Il-programm ta’ azzjoni għandu jidentifika l-miri dwar ir-rendiment ambjentali li għandu x’jaqsam mal-enerġija, l-ilma, il-kimiċi u l-iskart, li għandhom jiġu stipulati kull sentejn, filwaqt li jiqiesu l-kriterji fakultattivi u d-dejta miġbura meta possibli. Għandu jidentifika l-persuna li taġixxi bħala l-manager ambjentali tal-post ta’ kampeġġ u li tkun responsabbli li tieħu kull azzjoni meħtieġa u li tilħaq il-miri. Il-politika ambjentali għandha tkun disponibbli għall-konsultazzjoni mill-pubbliku. Għandhom jitqiesu l-kummenti u r-reazzjonijiet mill-klijenti miġbura permezz ta’ kwestjonarju jew lista ta’ kontroll.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ kopja tal-politika ambjentali jew id-dikjarazzjoni politika u l-programm ta’ azzjoni, u l-proċeduri biex jitqiesu l-kontribut mill-klijenti.

26.   Taħriġ tal-persunal

Il-post ta’ kampeġġ għandu jipprovdi t-tagħrif u t-taħriġ lill-personal, inklużi l-proċeduri bil-miktub jew il-manwali, sabiex jiżgura l-applikazzjoni tal-miżuri ambjentali u jqajjem il-kuxjenza dwar imġieba ambjentalment responsabbli. Partikolament, għandhom jitqiesu l-kwistjonijiet li ġejjin:

Fir-rigward tal-iffrankar tal-enerġija — Il-persunal għandu jitħarreġ dwar kif tiġi ffrankata l-enerġija.

Fir-rigward tal-iffrankar tal-ilma: — Il-personal għandu jiġi mħarreġ jiċċekkja kuljum għal tnixxijiet viżibbli u li jieħu l-azzjoni xierqa kif meħtieġ, — Il-fjuri u l-ġonna għandhom normalment jissaqqew qabel l-aqwa tax-xemx jew wara nżulha, meta l-kundizzjonijiet reġjonali jew klimatiċi jagħmlu dan xieraq, — Il-persunal għandu jiġi infurmat bil-politika tal-post ta’ kampeġġ fir-rigward tal-kriterju 14 dwar il-bdil tax-xugamani u jiġi mgħarraf kif jikkonforma miegħu.

Fir-rigward tas-susutanzi kimiċi perikolużi: — Il-personal għandu jiġi mħarreġ biex ma jaqbiżx l-ammont rakkommandat ta’ deterġent u diżinfettant kif indikat fuq il-pakkett.

Fir-rigward ta’ skart: — Il-persunal għandu jitħarreġ biex jiġbor, jissepara u jarmi l-iskart b’mod xieraq f’kategoriji li jistgħu jitqandlu separatament mill-faċilitajiet lokali jew nazzjonali tal-ġestjoni tal-iskart kif iddefinit mill-kriterju 19, — Il-persunal għandu jiġi mħarreġ biex jiġbor, jissepara u jarmi b’mod xieraq l-iskart perikoluż kif imniżżel fid-Deċiżjoni 2000/532/KE u ddefinit mill-kriterju 19.

Għandu jiġi pprovvdut taħriġ adegwat lill-personal ġdid kollu fi żmien erba’ ġimgħat mill-bidu tal-impjieg u għall-personal kollu mill-inqas darba fis-sena.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dettalji tal-programm ta’ taħriġ, il-kontenut tiegħu, u indikazzjoni dwar liema mill-personal irċieva t-taħriġ, liema taħriġ u meta. l-applikant għandu jiħħrovdi wkoll kopji ta’ proċeduri u komunikazzjoni għall-persunal dwar il-kwistjonijiet imsemmija.

27.   Tagħrif lill-klijenti

Il-post ta’ kampeġġ għandu jipprovdi tagħrif lill-klijenti, inklużi lill-parteċipanti fil-konferenzi, dwar il-politika ambjentali tiegħu, inklużi l-aspetti ta’ sikurezza u s-sikurezza f’każijiet ta’ nirien, u jistedinhom biex jikkontribwixxu fl-implimentazzjoni tagħha. Dan it-tagħrif mogħti lill-klijenti għandu jirreferi għall-azzjonijiet meħuda f’isem il-politika ambjentali tiegħu u għandu jipprovdi tagħrif dwar l-eko-tikketta Komunitarja. Dan it-tagħrif għandu jingħata b’mod attiv lill-klijenti fir-reception, flimkien ma’ kwestjonarju li jkopri l-opinjonijiet tagħhom dwar l-aspetti ambjentali tal-post ta’ kampeġġ. L-avviżi li jistiednu lill-klijenti biex jappoġġjaw l-għanijiet ambjentali għandhom ikunu viżibbli għall-klijenti, speċjalment fiż-żoni komuni u fl-akkomodazzjoni tal-kiri.

Azzjonijiet speċifiċi għaż-żoni differenti għandhom ikunu:

Fir-rigward tal-enerġija: — Meta applikabbli, skont il-kriterji 7 u 8, il-klijenti jiġu informati biex jitfu s-sħana jew il-kondizzjonament tal-arja u d-dwal.

Fir-rigward tal-ilma u l-ilma tal-iskart: — Għandu jkun hemm tagħrif adegwat fiż-żoni sanitarji u l-kmamar tal-banju lill-klijenti dwar kif jgħinu lill-post ta’ kampeġġ jiffranka l-ilma, — Il-klijenti għandom jiġu mistiedna li jgħarrfu lill-personal dwar kull tnixxija, — Fil-kmamar tat-tojlits, is-simboli għandhom jitolbu lill-klijenti biex jarmu l-iskart fil-kontenitur tal-iskart minflok fit-tojlits, — Il-klijenti għandhom jiġu mgħarrfa dwar in-neċessitajiet u l-obbligi ta’ rimi korrett tal-ilma tal-iskart mill-mezzi mobbli tagħhom ta’ akkomodazzjoni.

Fir-rigward ta’ skart: — Il-klijent għandu jiġi mgħarraf dwar il-politika għat-tnaqqis tal-iskart tal-post ta’ kampeġġ u dwar l-użu ta’ alternattivi ta’ prodotti ta’ kwalità għar-rimi u ta’ prodotti ta’ doża waħda, u għandu jiġi mħeġġeġ biex juża prodotti li ma jintremewx wara l-użu, f’każ fejn xi leġiżlazzjoni teħtieġ l-użu ta’ prodotti li jintremew wara l-użu. — Huma għandhom jiġu mgħarrfa kif u fejn jistgħu jisseparaw l-iskart skont is-sistemi lokali jew nazzjonali fiż-żoni li jappartjeni għall-post ta’ kampeġġ u fejn jarmu s-sustanzi perikolużi tagħhom.

Valutazzjoni u verifika: L-applikant għandu jipprovdi dikjarazzjoni ta’ konformità ma’ dan il-kriterju, flimkien ma’ kopji tas-sinjali ta’ tagħrif u l-avviżi provvduti lill-klijenti, u jindika l-proċeduri tiegħu għat-tqassim u l-ġbir tat-tagħrif u l-kwestjonarju, u dwar kif jitqiesu r-reazzjonijiet.

28.   Dejta dwar il-konsum tal-enerġija u tal-ilma

Il-post ta’ kampeġġ għandu jkollu proċeduri għall-ġbir u l-monitoraġġ tat-tagħrif dwar il-konsum ġenerali tal-enerġija (kWh), il-konsum tal-elettriku (kWh), l-enerġija użata għas-sħana (kWh), u l-konsum tal-ilma (litri).

Id-dejta għandha tinġabar fejn possibli, kull xahar jew għal inqas kull sena, għall-perjodu meta l-post ta’ kampeġġ ikun miftuħ, u għandha wkoll tiġi espressa bħala konsum jew produzzjoni għal kull waqfa matul il-lejl u għal kull m2 taż-żona ġewwa l-bini.

Il-post ta’ kampeġġ għandu jirrapporta r-riżultati ta’ kull sena lill-Korp Kompetenti li jkun għamel l-istima tal-applikazzjoni.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ deskrizzjoni tal-proċeduri. Mal-applikazzjoni, l-applikant għandu jippovdi d-dejta għall-konsum elenkat hawn fuq għal mill-inqas is-sitt xhur ta’ qabel (jekk disponibbli), u minn dak in-nhar ‘il quddiem għandu jipprovdi din id-dejta kull sena għas-sena ta’ qabel jew għal perjodu ta’ ftuħ. Għaż-żona residenzjali (akkomodazzjoni għal żmien twil), l-għadd ta’ ljieli jista’ jiġi bbażat fuq stima mis-sid tal-post ta’ kampeġġ.

29.   Ġbir ta’ dejta oħra

Il-post ta’ kampeġġ għandu jkollu proċeduri għall-ġbir u l-monitoraġġ tad-dejta dwar il-konsum ta’ kimiċi espressi f’kg u/jew litri li jispeċifikaw jekk il-prodott kienx ikkonċentrat jew le u l-kwantità ta’ skart ipproduċut (litri u/jew kg ta’ skart mhux magħżul).

Id-dejta għandha tinġabar meta possibli, kull xahar jew mill-inqas kull sena, u għandha wkoll tiġi espressa bħala konsum jew produzzjoni għal kull waqfa matul il-lejl u għal kull m2 taż-żona ġewwa l-bini.

Il-post ta’ kampeġġ għandu jirrapporta r-riżultati ta’ kull sena lill-Korp Kompetenti li jkun għamel l-istima tal-applikazzjoni.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ deskrizzjoni tal-proċeduri. Mal-applikazzjoni, l-applikant għandu jippovdi d-dejta għall-konsum elenkat hawn fuq għal mill-inqas is-sitt xhur ta’ qabel (jekk disponibbli), u minn dak in-nhar ‘il quddiem għandu jipprovdi din id-dejta kull sena għas-sena ta’ qabel jew għal perjodu ta’ ftuħ. L-applikant għandu jispeċifika s-servizzi offruti u jekk is-servizz tal-ħasil tal-ħwejjeġ jitwettaqx fuq il-post.

30.   Tagħrif li jidher fuq l-eko-tikketta

Il-kaxxa 2 tal-eko-tikketta għandu jkollha l-kliem li ġej:

—	Dan il-post ta’ kampeġġ qed jieħu miżuri b’mod attiv biex jagħmel użu minn sorsi tal-enerġija li jiġġeddu, jiffranka l-enerġija u l-ilma, biex inaqqas l-iskart, u biex itejjeb l-ambjent lokali.

Valutazzjoni u verifika: L-applikant għandu jipprovdi kampjun ta’ kif ser isir użu mit-tikketta, flimkien ma’ dikjarazzjoni dwar il-konformità ma’ dan il-kriterju.

TAQSIMA B

KRITERJI FAKULTATTIVI MSEMMIJA FL-ARTIKOLU 2, PARAGRAFI 1 U 2

Kull kriterju stabbilit f’din it-Taqsima ġiet attribwita valur espress f’punti jew fi frazzjonijiet ta’ punti Sabiex jikkwalifikaw għall-għoti tal-eko-tikketta, il-postijiet ta’ kampeġġ għandhom iġibu għadd minimu ta’ punti. Jekk il-post ta’ kampeġġ ma joffrix akkomodazzjonijiet oħrajn xierqa għall-provvista ta’ kenn lill-kerrejja bħala parti tas-servizzi tiegħu, l-għadd minimu meħtieġ huwa 20; jekk joffri, l-għadd minimu meħtieġ huwa 24.

L-għadd totali meħtieġ għandu jiġi miżjud bi 3 punti għal kull wieħed mit-tliet servizzi addizzjonali li ġejjin offruti mill-maniġment jew mis-sid tal-post ta’ kampeġġ:

—	servizzi tal-ikel (li jinkludu l-kolazzjon),

—	attivitajiet ta’ passatemp/għas-saħħa tal-ġisem, li jinkludu sawna, pixxini u kwalunkwe faċilitajiet oħra li huma fiż-żona tal-post ta’ kampeġġ. Jekk l-attivitajiet ta’ passatemp/għas-saħħa tal-ġisem jikkonsistu f’ċentru ta’ benessri, l-għadd rikjest għandu jiżdied b’5 punti minflok 3,

—	żoni fejn hemm il-ħdura li mhumiex parti mill-istruttura tal-post ta’ kampeġġ, bħal parks, boskijiet u ġonna li huma miftuħa għall-klijenti.

ENERĠIJA

31.   Ġenerazzjoni tal-elettriku minn sorsi tal-enerġija li jistgħu jiġġeddu (sa 4 punti)

Il-post ta’ kampeġġ għandu jkollu ġenerazzjoni elettrika b’sistema fotovoltajka (pannelli solari) jew sistema lokali idroelettrika, ġeotermika, ta’ bijomassa, jew mill-enerġija tar-riħ li tissupplixxi jew għad trid tissupplixxi mill-inqas 20 % tal-konsum ġenerali tal-elettriku fis-sena. (2 punti).

Il-post ta’ kampeġġ għandu jindroduċi fis-sistema ta’ distribuzzjoni ammont nett ta’ enerġija elettrika prodotta minn sorsi tal-enerġija li jiġġeddu (2 punti).

Valutazzjoni u verifika: L-applikant għandu jipprovdi dikjarazzjoni ta’ konformità ma’ dan il-kriterju, flimkien mad-dokumentazzjoni dwar is-sistema ta’ enerġija fotovoltajka, idroelettrika, ġeotermika, mill-bijomassa jew mir-riħ u dejta kemm dwar il-potenzjal kif ukoll dwar il-ħruġ attwali tagħha u d-dokumentazzjoni fir-rigward tal-flussi elettriċi mis-sistema ta’ distribuzzjoni jew għaliha bħala prova ta’ kwalunkwe kontribut nett jew elettriku minn sorsi tal-enerġija li jiġġeddu lis-sistema ta’ distribuzzjoni.

32.   Enerġija minn sorsi tal-enerġija li jiġġeddu (sa 2 punti)

Mill-inqas 70 % tal-enerġija totali użata biex issaħħan jew tkessaħ il-kmamar jew biex issaħħan l-ilma sanitarju għandha tiġi minn sorsi tal-enerġija li jiġġeddu. (1.5 punti, 2 punti għall-100 % tal-enerġija tal-post ta’ kampeġġ użata għal dak l-iskop, li ġejja minn sorsi tal-enerġija li jiġġeddu).

Valutazzjoni u verifika: L-applikant għandu jipprovdi dkjarazzjoni tal-konformità ma’ dan il-kriterju, flimkien mad-dejta dwar l-enerġija kkonsmata għat-tisħin tal-kmamar u għall-misħun u d-dokumentazzjoni li turi li mill-inqas 70 % jew 100 % ta’ din l-enerġija ġejja minn sorsi tal-enerġija li jiġġeddu.

33.   Effiċjenza tal-enerġija tal-bojler (1,5 punti)

Il-post ta’ kampeġġ għandu jkollu bojler(s) ta’ erba’ stilel kif iddefinit bid-Direttiva 92/42/KE.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni xierqa.

34.   Emissjonijiet NOx tal-bojler (1,5 punti)

Il-bojler(s) għandu(hom) jkun(u) tal-klassi 5 tan-norma EN 297 prA3 li tirregola l-emissjonijiet tan-NOx, u għandu(hom) jarmi(u) inqas minn 60 mg NOx/kWh (bojlers li jikkondensaw il-gass) jew 70 mg Nox/kWh (bojlers li ma jikkondensawx il-gass bi ħruġ nominali ta’ 120 kW).

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ rapport jew speċifikazzjonijiet tekniċi mit-tekniċi professjonali responsabbli mill-bejgħ u/jew il-manutenzjoni tal-bojler.

35.   Tisħin distrettwali (1,5 punti)

It-tisħin tal-post ta’ kampeġġ għandu jiġi pprovdut permezz ta’ tisħin distrettwali effiċjenti, għall-finijiet tal-eko-tikketta ddefiniti kif ġej.

Il-ġenerazzjoni tas-sħana ssir jew f’unitajiet ta’ koġenerazzjoni ta’ effiċjenza għolja kif iddefinit mid-Direttiva 2004/8/KE u minn kwalunkwe strument ieħor tal-Kummissjoni adottat b’applikazzjoni ta’ dik id-Direttiva, jew f’bojlers tas-sħana biss b’effiċjenza ugwali jew ogħla mill-valur ta’ referenza applikabbli stabbilit bid-Deċiżjoni tal-Kummissjoni 2007/74/KE (15);

u minbarra dan:

—	Il-pajpijiet fin-netwerk ta’ distribuzzjoni tat-tisħin distrettwali għandhom jilħqu r-rekwiżiti kif stipulat fl-istandards tas-CEN applikabbli għal tali pajpijiet.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni li turi l-konnessjoni mat-tisħin distrettwali.

36.   Sħana u enerġija magħquda – (koġenerazzjoni) (1,5 punti)

L-elettriku u t-tisħin tal-faċilitajiet sanitarji, iż-żoni komuni u l-akkomodazzjoni tal-kiri għandhom jiġu pprovduti minn unità ta’ koġenerazzjoni b’effiċjenza għolja skont id-Direttiva 2004/8/KE. Jekk is-servizz tal-post ta’ kampeġġ għandu tali unità ta’ koġenerazzjoni fuq il-post, il-ħruġ ta’ sħana u elettriku għandu jforni mill-inqas 70 % tal-konsum totali ta’ sħana u elettriku fuq il-post. Il-provvista għandha tiġi kkalkulata skont il-metodoloġija pprovduta mid-Direttiva 2004/8/KE.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni dwar l-impjant tas-sħana u l-enerġija magħquda.

37.   Pompa tas-sħana (sa 2 punti)

Il-post ta’ kampeġġ għandu jkollu pompa tas-sħana li tipprovdi s-sħana u/jew il-kondizzjonament tal-arja (1,5 punti). Il-post ta’ kampeġġ għandu jkollu pompa tas-sħana bl-eko-tikketta Komunitarja jew eko-tikketta oħra ISO tat-tip I (2 punti)

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni dwar il-pompa tas-sħana.

38.   Irkupru tas-sħana (sa 1,5 punti)

Il-post ta’ kampeġġ għandu jkollu sistema ta’ rkupru ta’ sħana għall-1 (punt 1) jew 2 (1,5 punti) mill-kategoriji li ġejjin: is-sistemi tar-refriġerazzjoni, il-ventilaturi, il-maġni tal-ħasil tal-ħwejjeġ, il-magni tal-ħasil tal-platti, il-pixxina/i, l-ilma sanitarju tal-iskart.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni dwar is-sistemi tal-irkupru tas-sħana.

39.   Regolazzjoni termali (1,5 punti)

It-temperatura f’kull żoni komuni u akkomoddazzjoni tal-kiri għandha tkun irregolata individwalment.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni dwar is-sistemi ta’ regolazzjoni termali.

40.   Verifiki tar-rendiment tal-enerġija tal-bini (1,5 punti)

Il-post ta’ kampeġġ għandu jkun soġġett għal verifika kull sentejn tar-rendiment tal-enerġija mwettqa minn espert indipendenti u jimplimenta mill-anqas żewġ rakkomandazzjonijiet dwar it-titjib tar-rendiment tal-enerġija tal-bini li jirriżultaw mill-verifika.

Valutazzjoni u verifika: l-applikant għandu jipprovdi rapport tal-verifika tar-rendiment tal-enerġija u jipprovdi d-dokumentazzjoni ddettaljata dwar kif il-post ta’ kampeġġ jissodisfa dan il-kriterju.

41.   Kondizzjonament tal-arja (sa 2 punti)

Kull sistema domestika tal-kondizzjonament tal-arja fil-post ta’ kampeġġ jkollha effiċjenza tal-enerġija 15 % ogħla mil-limitu biex tikkwalifika għall-klassi A fid-Direttiva 2002/31/KE (1,5 punti). Kull sistema domestika tal-kondizzjonament tal-arja fil-post ta’ kampeġġ jkollha effiċjenza tal-enerġija 30 % jew ogħla mil-limitu biex tikkwalifika għall-klassi A fid-Direttiva 2002/31/KE (2 punti).

Dan il-kriterju ma japplikax għall-apparat li jista’ juża wkoll sorsi oħra tal-enerġija, apparat li jitwaħħal mill-arja għall-ilma jew mill-ilma għall-ilma, jew l-unitajiet bi ħruġ (qawwa tat-tkessih) ta’ iktar minn 12-il kW.

Valutazzjoni u verifika: L-applikant għandu jipprovdi d-dokumentazzjoni rilevanti li turi konformità ma’ dan il-kriterju.

42.   Tifi awtomatiku tal-kondizzjonament tal-arja u s-sistemi ta’ tisħin (1,5 punti)

Għandu jkun hemm sistema awtomatika li titfi l-kondizzjonament tal-arja u tat-tisħin tal-akkomodazzjoni tal-kiri meta t-twieqi jkunu miftuħa.

Valutazzjoni u verifika: L-applikant għandu jipprovdi speċifikazzjoni teknika mingħand it-tekniċi professjonali responsabbli mill-installazzjoni, il-bejgħ u/jew il-manutenzjoni tas-sistema tal-kondizzjonament tal-arja.

43.   Arkitettura bijoklimatika (3 punti)

Il-post ta’ kampeġġ għandu jimbena skont il-prinċipji arkitettoniċi bijoklimatiċi.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa.

44.   Refriġeraturi ta’ enerġija effiċjenti (1 punt), fran (1 punt), magni tal-ħasil tal-platti (1 punt), magni tal-ħasil tal-ħwejjeġ (1 punt) magni tat-tnixxif tal-ħwejjeġ/tumblers (1 punt) u tagħmir tal-uffiċċji (massimu ta’ tliet punti)

(a)

(1 punt): Ir-refriġeraturi kollha tad-dar għandhom ikunu tal-effiċjenza tal-Klassi A + jew A++ skont id-Direttiva tal-Kummissjoni 94/2/KE (16), u l-frigo-bars u l-mini-bars kollha għandhom ikunu ta’ effiċjenza mill-inqas tal-Klassi B. Valutazzjoni u verifika: L-applikant għandu jipprovdi d-dokumentazzjoni li tindika l-klassi tal-enerġija tar-refriġeraturi u l-frigo-bars jew il-mini-bars kollha.

(b)

(1 punt): Il-fran domestiċi kollha tal-elettriku għandhom ikunu tal-effiċjenza tal-enerġija tal-Klassi A kif stabbilit fid-Direttiva tal-Kummissjoni 2002/40/KE (17). Valutazzjoni u verifika: L-applikant għandu jipprovdi d-dokumentazzjoni li tindika l-klassi tal-enerġija tal-fran tal-elettriku domestiċi kollha. Nota: Il-kriterju ma japplikax għal fran li ma jaħdmux bl-enerġija elettrika jew b’mod ieħor li mhux kopert mid-Direttiva 2002/40/KE (eż. fran industrijali).

(c)

(1 punt): Il-magni kollha tal-ħasil tal-platti tad-dar għandhom ikunu tal-effiċjenza tal-enerġija tal-Klassi A kif stabbilit fid-Direttiva tal-Kummissjoni 97/17/KE (18). Valutazzjoni u verifika: L-applikant għandu jipprovdi d-dokumentazzjoni li tindika l-klassi tal-enerġija tal-magni tal-ħasil tal-platti kollha. Nota: Il-kriterju ma japplikax għall-magni tal-ħasil tal-platti li mhumiex koperti bid-Direttiva 97/17/KE (eż. il-magni tal-ħasil tal-platti industrijali).

(d)

(1 punt): Il-magni kollha tal-ħasil tal-ħwejjeġ għandhom ikunu tal-effiċjenza tal-enerġija tal-Klassi A kif stabbilit fid-Direttiva tal-Kummissjoni 95/12/KE (19). Valutazzjoni u verifika: L-applikant għandu jipprovdi d-dokumentazzjoni li tindika l-klassi tal-enerġija tal-magni tal-ħasil tal-ħwejjeġ kollha. Nota: Il-kriterju ma japplikax għall-magni tal-ħasil tal-ħwejjeġ li mhumiex koperti bid-Direttiva 95/12/KE (eż. il-magni tal-ħasil tal-ħwejjeġ industrijali).

(e)

(1 punt): Mill-inqas 80 % tat-tagħmir tal-uffiċċju (PCs, moniters, faks, printers, skanners, magni tal-istampar) għandhom jikkwalifikaw għall-istilla tal-enerġija kif stabbilit fir-Regolament (KE) Nru 106/2008 tal-Parlament Ewropew u tal-Kunsill (20) u fid-Deċiżjoni tal-Kummisjoni 2003/168/KE (21). Valutazzjoni u verifika: L-applikant għandu jipprovdi d-dokumentazzjoni li tindika l-kwalifika għall-istilla tal-enerġija tat-tagħmir tal-uffiċċju.

(f)

(1 punt): Il-magni kollha tat-tnixxif tal-ħwejjeġ għandhom ikunu tal-effiċjenza tal-enerġija tal-Klassi A kif stabbilit fid-Direttiva tal-Kummissjoni 1995/13/KE (22). Valutazzjoni u verifika: L-applikant għandu jipprovdi d-dokumentazzjoni li tindika l-klassi tal-enerġija tal-magni tat-tnixxif tal-ħwejjeġ kollha. Nota: Il-kriterju ma japplikax għall-magni tat-tnixxif tal-ħwejjeġ tal-elettriku li mhumiex koperti bid-Direttiva 1995/13/KE (eż. il-magni tat-tnixxif tal-ħwejjeġ industrijali).

45.   Magni tal-elettriku għat-tnixxif tal-idejn u dawk għat-tnixxif tax-xagħar b’sensuri ta’ qrubija (sa 2 punti)

Il-magni kollha tal-elettriku għat-tnixxif tal-idejn (1 punt) u dawk kollha għat-tnixxif tax-xagħar (1 punt) għandhom jiġu mgħammra b’sensuri ta’ qrubija jew ikunu ġew mogħtija l-eko-tikketta tat-Tip I tal-ISO.

Valutazzjoni u verifika: L-applikant għandu jipprovdi dokumentazzjoni xierqa ta’ appoġġ dwar kif il-post ta’ kampeġġ jissodisfa dan il-kriterju.

46.   Pożizzjonar tar-refriġeratur (1 punt)

Ir-refriġeratur(i) tal-kċina, tal-kjosk u tal-ħanut għandu(hom) jiġi(u) ppożizzjonat(i) u rregolat(i) skont il-prinċipji tal-iffrankar tal-enerġija, sabiex titnaqqas il-ħela tal-enerġija.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju.

47.   Tifi awtomatiku tad-dwal fl-akkomodazzjoni tal-kiri (1,5 punt)

Għandhom jiġu installati sistemi awtomatiċi tat-tifi tad-dwal meta l-klijenti joħorġu mill-akkomodazzjoni f’95 % tal-akkomodazzjoni tal-kiri fil-post ta’ kampeġġ.

Valutazzjoni u verifika: L-applikant għandu jipprovdi speċifikazzjoni teknika mingħand it-tekniċi professjonali responsabbli mill-installazzjoni u/jew il-manutenzjoni ta’ dawn is-sistemi.

48.   Arloġġ ta’ kontroll tas-sawna (1 punt)

L-unitajiet kollha tas-sawna u tal-ħammam għandu jkollhom arloġġ ta’ kontroll jew proċedura tal-personal li tirregola meta dawn jixegħlu u jintfew.

Valutazzjoni u verifika: L-applikant għandu jipprovdi speċifikazzjoni teknika mingħand it-tekniċi professjonali responsabbli mill-installazzjoni u/jew il-manutenzjoni ta’ dawn is-sistemi.

49.   Tisħin tal-pixxina permezz ta’ sorsi tal-enerġija li jiġġeddu (sa 1,5 punti)

L-enerġija użata biex issaħħan l-ilma tal-pixxina għandha tiġi minn sorsi tal-enerġija li jiġġeddu. Mill-inqas 50 %: (1 punt), 100 %: 1.5 punti.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dejta dwar l-enerġija kkonsmata għat-tisħin tal-ilma tal-pixxina u d-dokumentazzjoni li turi l-ammont tal-enerġija użat li ġej minn sorsi tal-enerġija li jiġġeddu.

50.   Tifi awtomatiku tad-dwal ta’ barra (1,5 punti)

Id-dawl ta’ barra li mhuwiex meħtieġ għal raġunijiet ta’ sigurtà għandu jintefa awtomatikament wara ħin definit, jew jiġi attivat permezz ta’ sensur ta’ qrubija.

Valutazzjoni u verifika: L-applikant għandu jipprovdi speċifikazzjoni teknika mingħand it-tekniċi professjonali responsabbli mill-installazzjoni u/jew il-manutenzjoni ta’ dawn is-sistemi.

ILMA

51.   Użu tal-ilma tax-xita (2 punti) u tal-ilma rriċiklat (2 punti)

(a)

(2 punti): L-ilma tax-xita għandu jinġabar u jintuża għal finijiet mhux sanitarji u għal dawk mhux ta’ xorb. Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, u l-assigurazzjonijiet xierqa li l-provvista tal-ilma sanitarju u tal-ilma tax-xorb tinżamm separata għal kollox.

(b)

(2 punti): L-ilma rriċiklat għandu jinġabar u jintuża għal finijiet mhux sanitarji u għal dawk mhux tax-xorb. Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, u l-assigurazzjonijiet xierqa li l-provvista tal-ilma sanitarju u tal-ilma tax-xorb tinżamm separata għal kollox.

52.   Sistemi ta’ tisqija awtomatiċi għaż-żoni fuq barra (1,5 punti)

Il-post ta’ kampeġġ għandu juża sistema awtomatika li ttejjeb il-ħinijiet ta’ tisqija u l-konsum tal-ilma għall-pjanti/ħxejjex fuq barra.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

53.   Fluss tal-ilma mill-viti u mill-irjus tad-doċoċ (1,5 punti)

Il-fluss medju tal-ilma mill-viti u mill-irjus tad-doċoċ kollha esklużi l-viti tal-banju u stazzjonijiet għall-mili ma għandux jaqbeż it-8 litri/minuta.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

54.   Flaxing tad-“WC” (1,5 punti)

Mill-inqas 95 % tad-“WC”s għandhom jikkonsmaw sitt litri għal kull flaxing jew inqas.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

55.   Konsum tal-ilma tal-magni tal-ħasil tal-platti (1 punt)

Il-konsum tal-ilma tal-magna tal-ħasil tal-platti (espress bħala W(imkejjel)) għandu jkun iktar baxx mil-limitu jew daqsu kif iddefinit bl-ekwazzjoni ta’ hawn taħt bl-użu tal-istess metodu tat-test EN 50242 u ċ-ċiklu tal-programm kif magħżul għad-Direttiva 97/17/KE:

W(imkejjel) ≤ (0,625 × S) + 9,25

meta:

il-W(imkejjel)= il-konsum imkejjel tal-konsum tal-ilma tal-magna tal-ħasil tal-platti f’litri għal kull ċiklu, espress sal-ewwel ċifra deċimali,

S= in-numru applikabbli ta’ settijiet standard għall-magna tal-ħasil tal-platti.

Il-kriterju japplika biss għall-magni tal-ħasil tal-platti domestiċi.

Valutazzjoni u verifika: L-applikant għandu jipprovdi speċifikazzjoni teknika mingħand tekniċi professjonali responsabbli mill-fabbrikazzjoni, il-bejgħ jew il-manutenzjoni tal-magni tal-ħasil tal-platti jew prova li l-magni tal-ħasil tal-platti kienu ngħataw l-eko-tikketta Komunitarja.

56.   Konsum tal-ilma tal-magni tal-ħasil tal-ħwejjeġ (1 punt)

Il-magni tal-ħasil tal-ħwejjeġ użati fil-post ta’ kampeġġ mill-klijenti u l-personal jew dawk użati mill-fornitur tas-servizz tal-ħasil tal-ħwejjeġ tal-post ta’ kampeġġ ma għandhomx jużaw aktar minn 12-il litru ilma għal kull ħasla ta’ kilogramma mkejla skont l-EN 60456, filwat li jużaw l-istess standard taċ-ċiklu ta’ 60 °C għall-ħwejjeġ tal-qoton kif magħżul fid-Direttiva 95/12/KE.

Valutazzjoni u verifika: L-applikant għandu jipprovdi speċifikazzjoni teknika mingħand it-tekniċi professjonali responsabbli mill-fabbrikazzjoni, il-bejgħ jew il-manutenzjoni tal-magni tal-ħasil tal-ħwejjeġ jew provi li l-magni tal-ħasil tal-ħwejjeġ ikunu ngħataw l-eko-tikketta Komunitarja. Il-maniġment tal-post ta’ kampeġġ għandu jipprovdi dokumentazzjoni teknika mingħand il-fornitur tas-servizz tal-ħasil tal-ħwejjeġ tiegħu li l-magna tal-ħasil tal-ħwejjeġ tiegħu tikkonforma ma’ dan il-kriterju.

57.   Temperatura u fluss tal-ilma tal-vit (1 punt)

Mill-inqas 95 % tal-viti tal-ilma għandhom jippermettu regolazzjoni preċiża u minnufih tat-temperatura tal-ilma u tal-fluss tal-ilma.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

58.   Arloġġ ta’ kontroll fid-doċċa (1,5 punt)

Kull doċċa fil-faċilitajiet sanitarji/iż-żoni komuni fuq barra għandu jkollha strument li jżomm il-ħin/ta’ qrubija, li jwaqqaf il-fluss tal-ilma wara ħin definit jew jekk ma jkunx qed jintuża.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

59.   Għata tal-pixxina (1 punt)

Matul il-lejl jew meta l-pixxina mimlija ma tkunx intużat għal aktar minn ġurnata, hi għandha titgħatta biex jiġi evitat li jiksaħ l-ilma fil-pixxina u biex titnaqqas l-evaporazzjoni.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

60.   Tneħħija tas-silġ (sa 1,5 punti)

Meta jkun hemm bżonn li jitneħħa s-silġ, għandhom jintużaw meżżi mekkaniċi jew ramel/żrar sabiex it-toroq fil-post ta’ kampeġġ jkunu sikuri f’każ ta’ silġ/borra (1,5 punti).

Jekk is-silġ jitneħħa permezz ta’ kimika, għandhom jintużaw sustanzi li ma jkollhomx aktar minn 1 % jonju tal-klorur (Cl-) (1 punt) jew preparati għat-tneħħija tas-silġ li jkunu ngħataw l-eko-tikketta Komunitarja jew eko-tikketti oħra nazzjonali jew reġjonli tat-Tip I tal-ISO (1,5 punt).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

61.   Indikazzjonijiet dwar il-livell ta’ minerali fl-ilma (sa 2 punti)

Fil-viċinanza ta’ żoni sanitarji/magni tal-ħasil tal-ħwejjeġ/magni tal-ħasil tal-platti għandhom jintwerew spjegazjonijiet dwar il-livell ta’ minerali fl-ilma lokali (1 punt) biex ikun possibli l-aħjar użu ta’ deterġent mill-klijenti u l-personal jew sistema awtomatika ta’ dożaġġ (1 punt) għandha tintuża li ttejjeb l-użu ta’ deterġent skont il-livelli ta’ minerali fl-ilma.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni rilevanti dwar kif jiġi mgħarraf il-klijent.

62.   Iffrankar tal-ilma fl-awrinari (1,5 punti)

L-awrinari kollha għandhom jużaw sistema mingħajr ilma jew għandhom sistema ta’ flaxing manwali/elettronika, li tippermetti li awrinar wieħed jiġi flaxxjat darba meta jintuża biss.

Valutazzjoni u verifika: L-applikant għandu jipprovdi dokumentazzjoni xierqa ta’ appoġġ dwar kif il-post ta’ kampeġġ jissodisfa dan il-kriterju.

63.   Speċi indiġeni użati għat-tħawwil fuq barra (1 punt)

Kwalunkwe tħawwil ta’ siġar u sisien tal-ħaxix fiż-żoni fuq barra għandhom ikunu magħmula minn speċji indiġeni ta’ veġetazzjoni.

Valutazzjoni u verifika: L-applikant għandu jipprovdi speċifikazzjoni rilevanti dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ mingħand espert.

DETERĠENTI U DIŻINFETTANTI

64.   Deterġenti (sa 3 punti)

Mill-inqas 80 % fil-piż tad-deterġenti tal-ħasil tal-platti bl-idejn u/jew id-deterġenti tal-magni tal-ħasil tal-platti u/jew id-deterġenti tal-ħasil tal-ħwejjeġ u/jew id-deterġenti sanitarji u/jew sapun u xampu użat mill-post ta’ kampeġġ għandom ikunu ngħataw l-eko-tikketta Komunitarja jew eko-tikketti oħra nazzjonali jew reġjonali tat-Tip I tal-ISO (1 punt għal kull waħda minn dawn il-kategoriji ta’ deterġenti sa massimu ta’ 3 punti).

Valutazzjoni u verifika: L-applikant għandu jipprovdi dejta u dokumenti (inklużi fatturi rilevanti) li jindikaw il-kwantitajiet ta’ tali prodotti użati u l-kwantitajiet li għandhom l-eko-tikketta.

65.   Żebgħa u verniċi ta’ ġewwa u ta’ barra (sa 2 punti)

Mill-inqas 50 % taż-żebgħa ta’ ġewwa u/jew ta’ barra ta’ strutturi u akkomodazzjoni tal-kiri, esklużi karavans tal-kiri u djar mobbli, għandha tkun saret b’żebgħa u verniċijiet ta’ ġewwa u/jew ta’ barra mogħtija l-eko-tikketta Komunitarja jew eko-tikketti nazzjonali jew reġjonali tat-Tip I tal-ISO. (1 punt għal żebgħa u verniċi ta’ ġewwa, u 1 għal dawk ta’ barra).

Valutazzjoni u verifika: L-applikant għandu jipprovdi dejta u dokumenti (inklużi fatturi rilevanti) li jindikaw il-kwantitajiet ta’ tali prodotti użati u l-kwantitajiet li għandhom l-eko-tikketta.

66.   Ħasil ta’ karozzi f’żoni mgħammra speċjali biss (1 punt)

Il-ħasil ta’ karozzi ma għandux jiġi permess, jew għandu jitħalla biss f’żoni li huma mgħammra speċjalment biex jiġbru l-ilma u d-deterġenti użati u jitfagħhom f’sistema ta’ dranaġġ.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni xierqa ta’ appoġġ.

67.   Appoġġ għal alternattivi ta’ modi artifiċjali kif jinxtegħel il-barbikju (1 punt)

Esklużi l-prodotti artifiċjali biex jinxtegħel barbikju, fil-ħwienet għandhom jinbiegħu prodotti miż-żejt tal-kolza jew mill-qanneb.

Valutazzjoni u verifika: L-applikant għandu jipprovdi dikjarazzjoni ta’ konformità ma’ dan il-kriterju.

68.   Pixxini: Doża ta’ diżinfettanti (1 punt) jew pixxini naturali/ekoloġiċi (1 punt)

Il-pixxina għandu jkollha sistema awtomatika tad-dożaġġ li tuża l-ammont minimu ta’ diżinfettant għar-riżultat iġjeniku xieraq (1 punt).

Jew

Il-pixxina għandha tkun ta’ tip ekoloġiku/naturali b’elementi naturali biss li jiggarantixxu għall-iġjene u s-sikurezza tal-għawwiema (1 punt).

Valutazzjoni u verifika: L-applikant għandu jipprovdi d-dokumenti tekniċi li jikkonċernaw is-sistema tad-doża awtomatika jew it-tip ta’ pixxina ekoloġika/naturali u l-manutenzjoni tagħha.

69.   Tindif mekkaniku (1 punt)

Il-post ta’ kampeġġ għandu jkollu proċeduri preċiżi sabiex juża tindif ħieles mill-kimiċi, bħalma huma l-użu tal-prodotti tal-mikro-fibra jew materjali oħra tad-tindif mhux kimiku jew attivitajiet b’effett simili.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, jekk rilevanti.

70.   Ġonna organiċi (2 punti)

Iż-żoni fuq barra għandhom jiġu ġestiti jew mingħajr l-ebda użu ta’ pestiċidi jew skont il-prinċipji tal-biedja organika, kif stabbiliti fir-Regolament tal-Kunsill (KE) Nru 834/2007 (23), jew kif stabbiliti fil-liġijiet nazzjonali jew fi skemi organiċi nazzjonali rikonoxxuti.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, jekk rilevanti.

71.   Insetti u sustanzi li jkeċċu l-pesti (sa 2 punti)

L-ippjanar arkitettoniku tal-akkomodazzjoni u l-prassi iġjeniċi (bħall-bini fuq kolonni biex jevitaw li jidħlu l-firien fil-post, l-użu ta’ xbieki u kojls tan-nemus) għandhom jiżguraw li l-użu ta’ insettiċidi u sustanzi li jkeċċu l-pesti fil-post ta’ kampeġġ jinżamm strettament fil-minimu (1 punt).

Jekk jintużaw insettiċidi u sustanzi li jkeċċu l-pesti, għandhom jintużaw biss sustanzi li huma permessi għall-biedja organika (kif stipulati fir-Regolament (KE) Nru 834/2007) jew li jkunu ngħataw l-eko-tikketta Komunitarja jew eko-tikketti oħra nazzjonali jew reġjonali tat-Tip I tal-ISO (1 punt).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, jekk rilevanti.

SKART

72.   Ikkompostar(sa 2 punti)

Il-post ta’ kampeġġ għandu jissepara l-iskart organiku rilevanti (l-iskart tal-ġnien 1 punt; l-iskart tal-kċina 1 punt) u għandu jiżgura li jiġi magħmul kompost skont il-linji gwida tal-awtorità lokali (eż. mill-amministrazzjoni lokali, fuq il-post jew minn aġenzija privata).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ, jekk rilevanti.

73.   Kontenituri tax-xorb li jintremew wara l-użu (2 punti)

Ma għandhomx jiġu offruti kontenituri tax-xorb li jintremew wara l-użu fiż-żoni li jkunu propjetà jew taħt il-maniġment dirett tal-post ta’ kampeġġ.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma’ indikazzjoni li fihom jintużaw tali prodotti li jistgħu jintremew wara l-użu, jekk ikun hemm minnhom, u l-leġislazzjoni li teħtieġ dan.

74.   Rimi ta’ xaħmijiet/żjut (sa 2 punti)

Għandhom jiġu installati separaturi tax-xaħmijiet u għandhom jinġabru u jintrememew b’mod xieraq ix-xaħmijiet u ż-żjut tal-qali bil-għads (1 punt). Lill-klijenti għandu jiġi offrut rimi xieraq tax-xaħam/żejt użat minnhom (1 punt).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

75.   Ċarċir minn żoni ta’ parkeġġ għall-karozzi (1 punt)

Żejt jew ċarċir simili minn vetturi fil-parkeġġ tal-karozzi għandu jinġabar u jintrema b’mod xieraq.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

76.   Tessili, għamara u prodotti oħra użati (sa 3 punti)

Għamara, tessili u prodotti oħra użati bħal tagħmir elettroniku, għandhom jingħataw għall-karità skont il-politika tal-post ta’ kampeġġ (2 punti) jew jinbiegħu (1 punt) lill-assoċjazzjonijiet oħra li jiġbru jew iqassmu mill-ġdid tali oġġetti.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ mingħand l-assoċjazzjonijiet.

SERVIZZI OĦRAJN

77.   Kontroll ta’ traffiku f’post ta’ kampeġġ (1 punt)

It-traffiku kollhu (tal-klijenti u ta’ manutenzjoni/trasport) fiż-żona tal-kampeġġ għandu jiġi llimitat għal ħinijiet u żoni definiti.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

78.   Traffiku ġġenerat f’post ta’ kampeġġ (1 punt)

Il-post ta’ kampeġġ ma għandux juża vetturi b’mutur kombustibbli għal trasport jew manutenzjoni fiż-żona tal-kampeġġ.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

79.   Trolis għall-klijenti fuq il-post ta’ kampeġġ (1 punt)

Għat-trasport ta’ bagalji jew għal xiri fiż-żona, għandu jkun hemm trolis jew meżżi oħra mingħajr mutur disponibbli għall-klijenti mingħajr ħlas.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

80.   Art mikxufa (1punt):

Mill-inqas 90 % tal-art fiż-żona tal-post ta’ kampeġġ ma tkunx mgħottija b’asfalt/siment jew xi materjali oħra li jissiġillaw, li jxekklu l-fluss tal-ilma u l-ħamrija milli tieħu l-arja kif suppost.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

81.   Tisbiħ tas-saqaf (2 punti).

Mill-inqas 50 % tal-bini tal-post ta’ kampeġġ li għandu soqfa xierqa (soqfa ċatti jew soqfa b’angolu ta’ inklinazzjoni żgħir) u mhumiex użati għal finijiet oħra, għandhom jinksew bil-ħaxix jew pjanti.

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ.

82.   Komunikazzjoni u l-edukazzjoni ambjentali (3 punti)

Il-post ta’ kampeġġ għandu jipprovdi lill-klijenti avviżi ta’ komunikazzjoni u ta’ edukazzjoni ambjentali dwar il-miżuri ta’ bijodiversità, il-pajżaġġ u l-konservazzjoni tan-natura (1.5 pubti). Id-divertiment tal-klijent jinkludi elementi tal-edukazzjoni ambjentali (1,5 punti).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa.

83.   Projbizzjoni tat-tipjip fiż-żoni komuni u fl-akkomodazzjoni tal-kiri (sa 1,5 punti)

It-tipjip ma għandux ikun permess f’100 % taż-żoni komuni fuq ġewwa u mill-inqas 70 % tal-kmamar(1 punt) jew mill-inqas 95 % (1,5 punti) tal-akkomodazzjoni tal-kiri.

Valutazzjoni u verifika: L-applikant għandu jindika l-għadd u n-natura taż-żoni u għandu jindika f’liema minn dawn ma għandux isir tipjip.

84.   Roti (1,5 punti)

Għandhom ikunu disponibbli roti għall-klijenti. (Mill-inqas 3 roti għal kull 50 spazju u/jew unitajiet ta’ akkomodazzjoni tal-kiri).

Valutazzjoni u verifika: L-applikant għandu jipprovdi spjega ddettaljata dwar kif l-akkommodazzjoni tissodisfa dan il-kriterju.

85.   Servizz ta’ twassil (1 punt)

Il-post ta’ kampeġġ għandu joffri lill-klijenti li qed jivjaġġaw bit-trasport pubbliku servizz ta’ trasport mal-wasla tagħhom b’mezz ta’ trasport li ma jagħmilx ħsara għall-ambjent bħall-karozzi elettroniċi jew slitti miġbudin minn żwiemel.

Valutazzjoni u verifika: L-applikant għandu jipprovdi spjega dwar kif il-post ta’ kampeġġ jissodisfa dan il-kriterju u eżempju ta’ kif se tiġi kkomunikata lill-klijenti.

86.   Fliexken li jistgħu jiġu ritornati jew jintlew mill-ġdid (sa 3 punti)

Il-post ta’ kampeġġ għandu joffri xorb fi flixkien li jistgħu jiġu ritornati/jimtlew mill-ġdid: ix-xorb mhux alkoliku (1 punt), il-birra (1 punt), l-ilma (1 punt).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ mingħand il-fornituri tal-fliexken.

87.   Użu ta’ prodotti li jistgħu jiġu ċċarġjati (sa 2 punti)

Il-post ta’ kampeġġ għandu juża batteriji li jistgħu jiġu ċċarġjati biss għall-kontroll mill-bogħod tat-TV (1 punt), u/jew kontenituri li jistgħu jiġu ċċarġjati għal towner għal stampaturi u fotokopjatriċi (1 punt).

Valutazzjoni u verifika: L-applikant għandu jipprovdi spjega ddettaljata dwar kif il-post ta’ kampeġġ jissodisfa dan il-kriterju, flimkien mad-dokumentazzjoni xierqa ta’ appoġġ mingħand il-fornituri tal-batteriji u/jew il-kontenitur li jimla mill-ġdid il-kontenituri tat-towner.

88.   Prodotti tal-karta (sa 3 punti)

Mill-inqas 80 % tal-karti tat-tojlit/karta fina u/jew il-karti tal-uffiċċju u/jew karta tal-istampar għandhom ikunu ngħataw l-eko-tikketta Komunitarja u/jew eko-tikketti nazzjonali jew reġjonali tat-Tip I tal-ISO (1 punt għal kull waħda minn dawn it-tliet kategoriji ta’ prodotti tal-karta).

Valutazzjoni u verifika: L-applikant għandu jipprovdi dejta u dokumentazzjoni (inklużi l-fatturi rilevanti) li jindikaw il-kwantitajiet ta’ tali prodotti użati u l-kwantitajiet li għandhom l-eko-tikketta.

89.   Oġġetti reżistenti (sa 3 punti)

Mill-inqas 30 % ta’ kull kategorija ta’ oġġetti reżistenti (bħalma huma l-lożor tas-sodda, ix-xugamani, id-dvalji tal-mejda, il-PCs, portatili, it-televiżjonijiet, is-saqqijiet, l-għamara, il-magni tal-ħasil tal-ħwejjeġ, il-magni tal-ħasil tal-platti, ir-refriġeraturi, vacuum cleaners, l-għatjiet tal-art, il-bozoz tad-dawl) preżenti fil-post ta’ kampeġġ, inkluża l-akkomodazzjoni tal-kiri għandhom ikunu ngħataw l-eko-tikketta Komunitarja jew eko-tikketti oħra nazzjonali jew reġjonali tat-Tip I tal-ISO (1 punt għal kull waħda, sa tliet kategoriji, tal-oġġetti reżistenti).

Valutazzjoni u verifika: L-applikant għandu jipprovdi dejta u dokumentazzjoni li jindikaw il-kwantitajiet ta’ tali prodotti fil-pussess u l-kwantitajiet li għandhom eko-tikketta.

90.   Prodotti lokali tal-ikel (sa 3 punti)

Għal kull ikla inkluż il-kolazzjon għandhom jiġu offruti mill-inqas żewġ prodotti tal-ikel li ġejjin mil-lokal u li mhumiex barra mill-istaġun tagħhom (1,5 punti).

Meta applikabbli, il-konsum ta’ speċji lokali bħal ħut speċifiku u speċji ta’ krustaċji u “laħam tal-annimali selvaġġi” u gambli minn foresti tal-mangrovja li huwa ta’ perikolu għall-kultivazzjoni għandu jiġi pprojbit fil-ħwienet tal-ikel (1,5 punti) u fil-ħwienet (1,5 punti).

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni xierqa ta’ appoġġ.

91.   Ikel organiku (sa 3 punti)

L-ingredjenti prinċipali ta’ mill-inqas żewġ platti tal-ikel (1punt) jew il-menu kollu inkluż il-kolazzjon (2 punti) u mill-inqas 4 prodotti għall-bejgħ fil-ħanut (punt 1) għandhom ikunu prodotti minn metodi organiċi tal-biedja, kif stabbilit fir-Regolament (KE) Nru 834/2007 jew prodotti skont eko-tikketta tat-Tip I tal-ISO.

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni xierqa ta’ appoġġ.

92.   Kwalità tal-arja ta’ ġewwa (sa 4 punti)

Il-post ta’ kampeġġ għandu jipprovdi l-aħjar kwalità tal-arja ta’ ġewwa permezz ta’ waħda jew taż-żewġ miżuri li ġejjin:

—

Il-kmamar u l-akkomodazzjoni tal-kiri u ż-żoni komuni għandhom jikkorrispondu għar-rekwiżiti stabbiliti fil-punt 3 tal-Anness I tad-Direttiva tal-Kunsill 89/106/KEE (24) u għandu jkollhom biss żebgħa, dekorazzjoni, għamara u materjali oħra ċċertifikati bl-eko-tikketta Komunitarja jew tikketta oħra ekwivalenti ta’ emissjoni baxxa tat-Tip I tal-ISO (2 punti),

—	Il-kmamar, l-akkomodazzjoni tal-kiri u ż-żoni komuni għandhom ikunu mingħajr fwieħa, il-lożor, ix-xugamani u t-tessili għandhom jinħaslu b’deterġenti mingħajr fwieħa (1 punt) u t-tindif għandu jitwettaq b’mezzi mingħajr fwieħa (1 punt).

Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien mad-dokumentazzjoni xierqa ta’ appoġġ. Fir-rigward tal-ħtiġijiet ta’ mingħajr fwieħa, lista ta’ komponenti/ingredjenti ta’ ħasil u tindif mingħajr fwieħa għandha titqies bħala suffiċjenti.

ĠESTJONI ĠENERALI

93.   Reġistrazzjoni tal-EMAS (3 punti), ċertifikazzjoni tal-ISO (2 punti) tal-post ta’ kampeġġ

Il-post ta’ kampeġġ għandu jkun irreġistrat taħt l-ekoġestjoni Komunitarja u l-iskema tal-verifika (EMAS) (3 punti) jew iċċertifikata skont l-istandard tal-ISO 14001 (2 punti).

Valutazzjoni u verifika: L-applikant għandu jipprovdi provi xierqa tar-reġistrazzjoni tal-EMAS jew taċ-ċertifikazzjoni tal-ISO 14001.

94.   Reġistrazzjoni tal-EMAS (1,5 punti) jew ċertifikazzjoni tal-ISO (punt 1) tal-fornituri

Mill-inqas wieħed mill-fornituri prinċipali jew mill-fornituri tas-servizzi tal-post ta’ kampeġġ għandu jkun irreġistrat mal-EMAS (1,5 punti) jew iċċertifikat skont l-ISO 14001 (1 punt).

Valutazzjoni u verifika: L-applikant għandu jipprovdi provi xierqa tar-reġistrazzjoni tal-EMAS jew iċ-ċertrifikazzjoni tal-ISO 14001 mingħand mill-inqas wieħed mill-fornituri prinċipali tiegħu.

95.   Konformità tas-sottokuntratturi mal-kriterji obbligatorji (sa 4 punti)

Meta s-servizzi addizjonali ta’ ikel jew l-attivitajiet ta’ passatemp/għas-saħħa tal-ġisem huma mgħoddija b’kuntratt, dawk is-servizzi għandhom jikkonformaw mal-kriterji obbligatorji ta’ dan l-Anness, li japplikaw lil dawk is-servizzi speċifiċi(2 punti għal kull servizz tal-ikel u tax-xorb u/jew faċilitajiet ta’ passatemp li hemm preżenti fil-post ta’ kampeġġ).

Valutazzjoni u verifika: L-applikant għandu jipprovdi dokumentazzjoni xierqa tal-ftehim kontrattwali mas-sottokuntratturi tiegħu dwar il-konformità tagħhom mal-kriterji obbligatorji.

96.   Arloġġi tal-enerġija u tal-ilma (2 punti)

Il-post ta’ kampeġġ għandu jkollu arloġġi addizzjonali tal-eneġija u tal-ilma installati sabiex jippermettu l-ġbir tad-dejta dwar il-konsum ta’ attivitajiet differenti u/jew magni, bħal kmamar, servizz tal-ħasil tal-ħwejjeġ u servizz ta’ kċina u/jew magni speċifiċi bħal refriġeraturi, magni tal-ħasil tal-ħwejjeġ, eċċ. (punt 1). Kull spazju jkollu l-arloġġ tal-enerġija u/jew l-ilma tiegħu (1 punt).

Valutazzjoni u verifika: L-applikant għandu jipprovdi spjega ddettaljata dwar kif l-akkommodazzjoni tissodisfa dan il-kriterju, flimkien ma’ analiżi tad-dejta miġbura (jekk diġà disponibbli).

97.   Azzjonijiet ambjentali addizzjonali (massimu ta’ 3 punti)

Jew:

(a)

Azzjonijiet ambjentali addizzjonali (sa 1.5 punti kull waħda, sa massimu ta’ 3 punti): Il-maniġment tal-post ta’ kampeġġ għandu jieħu azzjonijiet, b’żieda ma’ dawk previsti permezz tal-kriterji f’din it-Taqsima jew fit-Taqsima A, biex ittejjeb il-prestazzjoni ambjentali tal-post ta’ kampeġġ. Il-Korp Kompetenti li jivvaluta l-applikazzjoni għandu jattribwixxi punti lil dawk l-azzjonijiet li ma jaqbżux il-1.5 għal kull azzjoni. Valutazzjoni u verifika: L-applikant għandu jipprovdi dikjarazzjoni tal-konformità ma’ dan il-kriterju, flimkien ma deskrizzjoni sħiħa ta’ kull azzjoni addizzjonali li l-applikant jixtieq li titqies. Jew:

(b)	Għoti tal-eko-tikketta (3 punti): Il-post ta’ kampeġġ għandu jingħata waħda mill-eko-tikketti nazzjonali jew reġjonali tat-Tip I tal-ISO. Valutazzjoni u verifika: L-applikant għandu jipprovdi provi xierqa li jkun ingħata eko-tikketta.

---

(1)  ĠU L 283, 27.10.2001, p. 33.

(2)  ĠU L 52, 21.2.2004, p. 50.

(3)  ĠU L 167, 22.6.1992, p. 17.

(4)  L-Artikolu 3 tad-Direttiva 92/42/KEE jeskludi l-bojlers li ġejjin: bojlers tal-misħun li jistgħu jitqabbdu b’karburanti differenti, inklużi karburanti solidi; tagħmir għat-tħejjija instantanja ta’ misħun; bojlers maħsuba li jitqabbdu b’karburanti li l-proprjetajiet tagħhom ivarjaw b’mod sostanzjali mill-proprjetajiet tal-karburanti likwidi u gassużi li komunament jinsabu fis-suq (gass minn skart industrijali, biogass, eċċ); kukers u apparat disinjati prinċipalment sabiex isaħħnu l-post fejn ikunu installati u li, bħala funzjoni sussidjarja, jissupplixxu misħun għas-sistema tas-sħana ċentrali u misħun sanitarju.

(5)  ĠU L 86, 3.4.2002, p. 26.

(6)  ĠU L 1, 4.1.2003, p. 65.

(7)  ĠU L 40, 11.2.1989, p. 12.

(8)  ĠU L 71, 10.3.1998, p. 1.

(9)  ĠU L 372, 27.12.2006, p. 19.

(10)  ĠU L 226, 6.9.2000, p. 3.

(11)  ĠU L 37, 13.2.2003, p. 24.

(12)  ĠU L 37, 13.2.2003, p. 19.

(13)  ĠU L 114, 24.4.2001, p. 1.

(14)  ĠU L 161, 14.6.2006, p. 1.

(15)  ĠU L 32, 6.2.2007, p. 183.

(16)  ĠU L 45, 17.2.1994, p. 1.

(17)  ĠU L 128, 15.5.2002, p. 45.

(18)  ĠU L 118, 7.5.1997, p. 1.

(19)  ĠU L 136, 21.6.1995, p. 1.

(20)  ĠU L 39, 13.2.2008, p. 1.

(21)  ĠU L 67, 12.3.2003, p. 22.

(22)  ĠU L 136, 21.6.1995, p. 28.

(23)  ĠU L 189, 20.7.2007, p. 1.

(24)  ĠU L 40, 11.2.1989, p. 12.

ANNESS

(EUR/tunnellata/jum)
Prodott	Ammont massimu ta’ għajnuna
Żejt extra-verġini taż-żebbuġa	1,3
Żejt verġni taż-żebbuġa	1,3

ANNESS