17.7.2009   

MT

Il-Ġurnal Uffiċjali tal-Unjoni Ewropea

L 185/1

(1)

Ir-Regolament tal-Kunsill (KE) Nru 519/94 tas-7 ta’ Marzu 1994 dwar regoli komuni għal importazzjonijiet minn ċerti pajjiżi terzi (1) ġie emendat diversi drabi b’mod sostanzjali (2). Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Il-politika kummerċjali komuni għandha tkun ibbażata fuq prinċipji uniformi.

(3)

Fl-Artikolu 14 tat-Trattat, is-suq intern jikkomprendi mill-1 ta’ Jannar 1993 spazju mingħajr fruntieri interni li fihom il-moviment ħieles tal-merkanzija, tal-persuni, tas-servizzi u tal-kapital huwa żgurat.

(4)

It-tlestija tal-politika kummerċjali komuni li tikkonċerna r-regoli dwar l-importazzjonijiet hija l-mezz waħdieni li tiżgura li r-regoli li japplikaw għall-kummerċ tal-Komunità ma’ pajjiżi terzi jirreflettu korrettament l-integrazzjoni tas-swieq.

(5)

Uniformità akbar fir-regoli għall-importazzjonijiet għandha tinkiseb billi jitniżżlu, safejn possibbli meta wieħed iqis il-fatturi partikolari tas-sistema ekonomika fil-pajjiżi terzi in kwistjoni, dispożizzjonijiet simili għal dawk applikati taħt ir-regoli komuni għal pajjiżi terzi oħra.

(6)

Ir-regoli komuni applikabbli għall-importazzjonijiet japplikaw ukoll għall-prodotti tal-faħam u l-azzar, mingħajr preġudizzju għal kull miżura li timplimenta ftehim li għandu x’jaqsam speċifikament ma’ prodotti bħal dawn.

(7)

Il-liberalizzazzjoni ta’ importazzjonijiet, jiġifieri l-assenza ta’ kull restrizzjoni kwantitattiva, għandha għalhekk tifforma l-punt tat-tluq għar-regoli tal-Komunità.

(8)

Fil-każ ta’ uħud mill-prodotti, il-Kummissjoni għandha teżamina l-kondizzjonijiet tal-importazzjonijiet, ix-xejriet ta’ importazzjoni, l-aspetti varji tas-sitwazzjoni ekonomika u kummerċjali, u l-miżuri, jekk hemm, li jkollhom jittieħdu.

(9)

Għal dawk il-prodotti, jista’ jidher li għandu jkun hemm sorveljanza mill-Komunità fuq xi wħud minn dawn l-importazzjonijiet.

(10)

Għandhom ikunu l-Kummissjoni u l-Kunsill li jadottaw il-miżuri ta’ salvagwardja skont l-interessi tal-Komunità b’ħarsien xieraq tal-obbligi internazzjonali eżistenti.

(11)

Il-miżuri ta’sorveljanza jew salvagwardja limitati għal reġjun jew aktar tal-Komunità jistgħu b’danakollu jirriżultaw aktar adattati minn miżuri li japplikaw għall-Komunità kollha. Madanakollu, miżuri bħal dawn għandhom ikunu awtorizzati biss eċċezzjonalment u meta m’hemmx alternattiva. Hu neċessarju li jkun żgurat li miżuri bħal dawn huma temporanji u jikkawżaw l-inqas tfixkil fl-operat tas-suq intern.

(12)

Jekk tiġi applikata s-sorveljanza tal-Komunità, ir-rilaxx għaċ-ċirkolazzjoni ħielsa tal-prodotti konċernati għandha ssir soġġetta għall-preżentazzjoni ta’ dokument ta’ sorveljanza li jissodisfa kriterji uniformi. Dak id-dokument għandu, wara applikazzjoni sempliċi mill-importatur, ikun maħruġ mill-awtoritajiet tal-Istati Membri f’ċertu perjodu ta’ żmien iżda mingħajr ma b’hekk l-importatur jikseb id-dritt li jimporta. Id-dokument ta’ sorveljanza għandu għalhekk ikun validu biss matul dak il-perjodu fejn ir-regoli tal-importazzjoni jibqgħu mhux mibdula.

(13)

Fl-interess ta’ ġestjoni amministrattiva tajba u sabiex jiġu assistiti l-operaturi tal-Komunità, il-kontenut u t-taqsim tad-dokument ta’ sorveljanza ghandu jkun, sa fejn hu possibli, allinejat mal-formoli tal-licenzja għall-importazzjoni komuni ipprovduti fir-Regolament tal-Kummissjoni (KE) Nru 738/94 tat-30 ta’ Marzu 1994 li jagħmel ċerti regoli għall-implimentazzjoni tar-Regolament tal-Kunsill (KE) Nru 520/94 li jistabbilixxi proċedura tal-Komunità ħalli jkunu amministrati kwoti kwantitattivi (3); ir-Regolament tal-Kummissjoni (KE) Nru 3168/94 tal-21 ta’ Diċembru 1994 li jistabilixxi fil-qasam tal-applikazzjoni tar-Regolamemt tal-Kunsill (KE) Nru 517/94 dwar regoli komuni għall-importazzjoni ta’ prodotti tat-tessuti minn pajjiżi terzi mhux koperti bi ftehim bilaterali, protokolli jew arranġamenti oħra jew b’regoli ta’ importazzjoni speċifiċi tal-Komunità liċenzja ta’ importazzjoni tal-Komunità (4); u r-Regolament tal-Kummissjoni (KE) Nru 3169/94 tal-21 ta’ Diċembru 1994 li jemenda l-Anness III għar-Regolament tal-Kunsill (KEE) Nru 3030/93 dwar regoli komuni għall-importazzjonijiet ta’ ċerti prodotti tat-tessuti minn pajjiżi terzi u li jistabilixxi liċenzja ta’ importazzjonijiet Komunitarjà fil-kamp ta’ applikazzjoni tar-Regolament (5) filwaqt li jitqiesu l-karatteristiċi tekniċi tad-dokument ta’ sorveljanza.

(14)

Huwa fl-interessi tal-Komunità li l-Istati Membri u l-Kummissjoni għandhom jagħmlu użu kemm hu possibbli ta’ tibdil ta’ informazzjoni li tirriżulta minn sorveljanza tal-Komunità.

(15)

Hu neċessarju li jkunu adottati kriterji preċiżi biex issir stima tad-dannu possibbli u li tintroduċi investigazzjoni filwaqt li tħalli lill-Kummissjoni tintroduċi miżuri xierqa f’każijiet urgenti.

(16)

Għal dan il-għan, għandhom ikunu introdotti dispożizzjonijiet dettaljati dwar il-ftuħ ta’ investigazzjonijiet, dwar il-verifika u l-ispezzjonijiet meħtieġa, dwar is-smigħ ta’ dawk konċernati, it-trattament ta’ informazzjoni miksuba u l-kriterji biex issir stima tal-ħsara.

(17)

Id-dispożizzjonijiet dwar l-investigazzjonijiet introdotti b’dan ir-Regolament ma jippreġudikawx ir-regoli tal-Komunità jew dawk nazzjonali li jikkonċernaw is-segretezza professjonali.

(18)

Huwa meħtieġ ukoll li jsiru limiti ta’ żmien għall-bidu ta’ investigazzjonijiet u għad-determinazzjonijiet dwar jekk xi miżuri humiex xierqa jew le, bil-għan li jiġi żgurat li dawn id-determinazzjonijiet isiru malajr, sabiex tiżdied iċ-ċertezza legali għall-operaturi ekonomiċi konċernati.

(19)

Fl-interessi tal-uniformità fir-regoli dwar l-importazzjonijiet, il-formalitajiet li għandhom jitwettqu mill-importaturi għandhom ikunu simplifikati u għandhom ikunu identiċi irrespettivament mill-post fejn il-merkanzija tgħaddi mid-dwana. Għalhekk huwa mixtieq li jiġi previst li kull formalità għandha tiġi mwettqa bl-użu ta’ formoli li jikkorrispondu mal-kampjun anness mar-Regolament.

(20)

Dokumenti ta’ sorveljanza maħruġa fir-rigward ta’ miżuri ta’ sorveljanza mill-Komunità għandhom ikunu validi mal-Komunità kollha irrispettivament mill-Istati Membri minn fejn ikunu nħarġu.

(21)

Il-prodotti tat-tessuti li jaqgħu taħt ir-Regolament tal-Kunsill (KE) Nru 517/94 tas-7 ta’ Marzu 1994 dwar regoli komuni għall-importazzjoni ta’ prodotti tessili minn għadd ta’ pajjiżi terzi mhux koperti minn ftehim bilaterali, Protokolli jew arranġamenti oħra, jew minn regoli ta’ importazzjoni speċifiċi oħra tal-Komunità (6), huma soġġetti għal trattament speċifiku f’livelli ta’ Komunità u internazzjonali. Huma għandhom għalhekk ikunu għal kollox esklużi mill-kamp ta’ applikazzjoni ta’ dan ir-Regolament,

(a)

termini u kondizzjonjiet tal-importazzjoni, xejriet tal-importazzjoni, u l-aspetti varji tas-sitwazzjoni ekonomika u kummerċjali f’dak li jirrigwarda l-prodott in kwistjoni;

(b)

materji li jikkonċernaw l-amministrazzjoni tal-ftehim kummerċjali bejn il-Komunità u l-pajjiżi terzi msemmija fl-Anness I;

(c)

il-miżuri, jekk meħtieġa, li għandhom jittieħdu.

(a)

tagħti sunt tal-informazzjoni riċevuta, u tipprovdi li l-informazzjoni rilevanti kollha għandha tkun ikkomunikata lill-Kummissjoni;

(b)

tiddikjara l-perjodu li fih il-partijiet interessati jkunu jistgħu jgħarrfu l-fehmiet tagħhom bil-miktub u jissottomettu informazzjoni, jekk dawn il-fehmiet u l-informazzjoni għandhom jitqiesu matul l-investigazzjoni;

(c)

tiddikjara l-perjodu li fih il-partijiet interessati jkunu jistgħu japplikaw biex jiġu mismugħin verbalment mill-Kummissjoni skont il-paragrafu 4.

(a)

il-volum tal-importazzjonijiet, partikolarment fejn kien hemm żieda sinifikanti, skont termini assoluti jew relatati ma’ produzzjoni jew konsum fil-Komunità;

(b)

il-prezz tal-importazzjonijiet, partikolarment fejn kien hemm bejgħ bi prezz sostanzjalment aktar baxx kif mqabbel mal-prezz ta’ prodott simili fil-Komunità;

(c)

l-impatt konsegwenti fuq il-produtturi tal-Komunità ta’ prodotti simili jew direttament kompetittivi kif indikat mix-xejriet f’ċerti fatturi ekonomiċi bħal:

(a)

ir-rata ta’ żieda tal-merkanzija esportata lejn il-Komunità;

(b)

il-kapaċità ta’ esportazzjoni fil-pajjiż ta’ origini jew esportazzjoni, li hi diġa eżistenti jew li ser tkun operattiva fil-futur qrib u l-probabbiltà li l-esportazzjoni li tirriżulta tkun lejn il-Komunità.

(a)

tiddeċiedi li tintroduċi sorveljanza retrospettiva tal-Komunità dwar ċerti importazzjonijiet, skont il-proċedura stabbilita mill-Kummissjoni;

(b)

tiddeċiedi, għall-għanijiet ta’ monitoraġġ tax-xejra ta’ dawn l-importazzjonijiet, biex tagħmel ċerti importazzjonijiet soġġetti għal sorveljanza preċedenti mill-Komunità, skont l-Artikolu 10.

(a)

l-isem sħiħ u l-indirizz tal-applikant (inkluż in-numri tat-telefon u tal-fax u kull numru ieħor li jidentifika l-applikant mal-awtorità nazzjonali kompetenti), kif ukoll in-numru ta’ reġistrazzjoni tal-VAT tal-applikant jekk hu obbligat li jħallas il-VAT;

(b)

fejn hu xieraq, l-isem sħiħ u l-indirizz ta’ min jagħmel id-dikjarazzjoni jew ta’ xi rappreżentant maħtur mill-applikant (inkluż in-numri tat-telefon u tal-fax);

(c)

deskrizzjoni tal-merkanzija li tagħti:

(d)

il-kwantità ddikjarata, f’kilogrammi u, fejn xieraq, kull unità addizzjonali oħra (pari, oġġetti, eċċ.);

(e)

il-valur tal-merkanzija, cif mal-fruntiera tal-Komunità, f’euro;

(f)

id-dikjarazzjoni li ġejja, datata u ffirmata mill-applikant, bl-isem tal-applikant imniżżel b’ittri kbar:

“Jiena, hawn taħt iffirmat, niċċertifika li l-informazzjoni mogħtija f’din l-applikazzjoni hija vera u mogħtija in bona fide, u li jiena stabbilit fil-Komunità.”

—

tillimita l-perjodu ta’ validità ta’ kull dokument ta’ sorveljanza meħtieġ;

—

toħroġ dak id-dokument soġġett għal ċerti kondizzjonijiet u, bħala miżura eċċezzjonali, soġġett għall-inseriment ta’ klawsola ta’ revoka, jew, bil-frekwenza u għal-tul ta’ żmien indikat mill-Kummissjoni, għall-informazzjoni preċedenti u l-proċedura ta’ konsultazzjoni msemmija fl-Artikolu 3.

(a)

fil-każ ta’ sorveljanza preċedenti, dettalji tas-somom ta’ flus (kalkulati fuq il-bażi ta’ prezzijiet cif) u kwantitajiet ta’ merkanzija li dwarhom nħarġu dokumenti ta’ sorveljanza matul il-perjodu preċedenti;

(b)

f’kull każ, dettalji ta’ importazzjonijiet matul il-perjodu qabel il-perjodu msemmi fil-punt (a).

(a)

li jkunu eżaminati l-effetti tal-miżura;

(b)

li jkun aċċertat jekk l-applikazzjoni tal-miżura għadhiex neċessarja.

(a)

meta l-Kunsill ma jkunx ħa deċiżjoni fuq xi miżura meħuda mill-Kummissjoni, din tal-aħħar għandha temenda jew tirrevoka miżura tali bla telf ta’ żmien u għandha immedjatament tibgħat rapport lill-Kunsill;

(b)

fil-każijiet l-oħra kollha, il-Kummissjoni għandha tipproponi lill-Kunsill li l-miżuri adottati mill-Kunsill ikunu revokati jew emendati. Il-Kunsill għandu jaġixxi b’maġġoranza kwalifikata.

(a)

projbizzjonijiet, restrizzjonijiet kwantitattivi jew miżuri ta’ sorveljanza fuq bażi ta’ moralità pubblika, ordni pubblika jew sigurtà pubblika; il-protezzjoni tas-saħħa u l-ħajja ta’ persuni, annimali jew pjanti, il-protezzjoni ta’ teżori nazzjonali li għandhom valur artistiku, storiku jew arkeoloġiku, jew il-protezzjoni ta’ proprjetà industrijali u kummerċjali;

(b)

formalitajiet speċjali li jirrigwardaw il-kambju barrani;

(c)

formalitajiet introdotti bis-saħħa ta’ ftehim internazzjonali skont it-Trattat.

17.7.2009   

MT

Il-Ġurnal Uffiċjali tal-Unjoni Ewropea

L 185/16

(1)

Wara investigazzjoni (“l-investigazzjoni oriġinali”), il-Kunsill, bir-Regolament (KE) Nru 1629/2004 (2) impona dazju anti-dumping definittiv fuq l-importazzjonijiet ta’ ċerti sistemi ta’ elettrodi tal-grafita li joriġinaw mill-Indja.

(2)

Fuq it-talba ta’ Hindustan Electro Graphite Limited (“HEG” jew “il-kumpanija”), produttur esportatur Indjan suġġett għall-miżuri anti-dumping fis-seħħ, tnediet reviżjoni interim parzjali tar-Regolament imsemmi hawn fuq skont l-Artikolu 11(3) tar-Regolament basiku.

(3)

Din ir-reviżjoni parzjali bdiet fuq bażi ta’ evidenza prima facie provduta mill-kumpanija li, safejn taf hi, iċ-ċirkostanzi li fuqhom ġew stabbiliti l-miżuri kienu nbidlu u li dawn il-bidliet kienu ta’ natura dejjiema.

(4)

It-talba allegat li l-ispejjeż tal-produzzjoni tal-prodott ikkonċernat tnaqqas minħabba effiċjenzi ta’ produzzjoni mill-investigazzjoni oriġinali, u li l-kumpanija setgħet iżżid il-prezzijiet tal-esportazzjoni tagħhom b’mod sinifikanti. Għalhekk, huma ddikjaraw li l-impożizzjoni ssuktata tal-miżuri fil-livelli attwali, li kienu ibbażati fuq il-livell ta’ dumping stabbilit qabel, ma kenitx meħtieġa aktar biex tagħmel tajjeb għad-dumping.

(5)

Waqt li ddeterminat, wara li kkonsultat lill-Kumitat Konsultattiv, li kienet teżisti biżżejjed evidenza biex titnieda reviżjoni interim parzjali, il-Kummissjoni ppubblikat avviż (“Avviż ta’ Bidu”) (3) u bdiet investigazzjoni, limitata għall-ambitu ta’ stħarriġ tad-dumping.

(6)

Il-Kummissjoni għarrfet b’mod uffiċjali lill-HEG, kif ukoll lir-rappreżentanti tal-pajjiż esportatur u lill-industrija Komunitarja, bil-bidu tar-reviżjoni. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta ta’ smigħ.

(7)

Il-Kummissjoni bagħtet kwestjonarju lill-applikant u rċeviet tweġiba qabel l-iskadenzi stabbiliti għal dak l-għan. Il-Kummissjoni fittxet u vverifikat l-informazzjoni kollha li qieset meħtieġa għad-determinazzjoni ta’ dumping u għamlet żjara ta’ verifika fuq il-post tal-kumpanija HEG f’Blopal, India.

(8)

L-investigazzjoni tad-dumping kopriet il-perjodu ta’ bejn l-1 ta’ April 2007 u l-31 ta’ Marzu 2008 (“il-perjodu tal-investigazzjoni tar-reviżjoni” jew “il-PIR”).

(9)

Il-prodott kopert minn din ir-reviżjoni attwali huwa l-istess prodott bħal dak fl-investigazzjoni oriġinali, jiġifieri elettrodi tal-grafita tat-tip użat għall-ifran tal-elettriku, b’densità apparenti ta’ 1.65 g/cm3 jew aktar u b’reżistenza elettrika ta’ 6.0 μΩ.m jew anqas, li jaqgħu fi ħdan il-kodiċi NM ex 8545 11 00 u nipils użati għal dawn l-elettrodi, li jaqgħu fi ħdan il-kodiċi NM ex 8545 90 90 kemm jekk importati flimkien kif ukoll separatament, li joriġinaw mill-Indja.

(10)

Ir-reviżjoni attwali wriet li s-sistemi tal-elettrodi tal-grafita prodotti minn HEG u mibjugħa fuq is-suq domestiku Indjan huma simili għal dawk esportati lejn il-Komunità u għalhekk setgħu jiġu kkunsidrati li kienu simili għall-prodott ikkonċernat.

(11)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-bejgħ domestiku tal-prodott ikkonċernat lil klijenti indipendenti kienx rappreżentattiv, jiġifieri jekk l-ammont totali ta’ bejgħ bħal dan kienx ugwali jew aktar minn 5 % tal-ammont totali tal-bejgħ ta’ esportazzjoni korrispondenti lill-Komunità. Il-bejgħ domestiku ta’ HEG instab li kien rappreżentattiv waqt il-perjodu ta’ investigazzjoni.

(12)

Il-Kummissjoni mbagħad identifikat dawk it-tipi ta’ prodotti mibjugħa b’mod domestiku minn din il-kumpanija li kienu identiċi jew li kienu jitqabblu direttament mat-tipi mibjugħa għall-esportazzjoni lejn il-Komunità.

(13)

Il-bejgħ domestiku ta’ tip ta’ prodott partikolari kien ikkunsidrat rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lil klijenti indipendenti matul il-perjodu ta’ investigazzjoni kien jirrappreżenta 5 % jew aktar tal-volum totali tat-tip ta’ prodott simili mibjugħ għall-esportazzjoni lejn il-Komunità.

(14)

Il-Kummissjoni mbagħad eżaminat jekk il-bejgħ domestiku ta’ kull tip ta’ sistema ta’ elettrodi tal-grafita mibjugħ fis-suq domestiku fi kwantitajiet rappreżentattivi, setax jitqies li sar tul l-andament normali ta’ kummerċ skont l-Artikolu 2(4) tar-Regolament bażiku. Dan sar billi ġie stabbilit il-proporzjon ta’ bejgħ domestiku bi qligħ lil klijenti indipendenti, ta’ kull tip ta’ prodott esportat, fis-suq domestiku matul il-perjodu tal-investigazzjoni.

(15)

Għalhekk, għall-bejgħ domestiku ta’ kull tip ta’ sistema ta’ elettrodi tal-grafita mibjugħa domestikament fi kwantitajiet rappreżentattivi fejn il-bejgħ kien ‘il fuq minn 80 % profitabbli bil-volum, il-valur normali ssejjes fuq il-prezz domestiku attwali tat-tranżazzjonijiet kollha tul il-perjodu ta’ investigazzjoni.

(16)

Għal kull tip ieħor ta’ esportazzjoni mibjugħ ukoll fis-suq domestiku, fejn il-bejgħ kien inqas minn 80 % profitabbli bil-volum, il-valur normali ssejjes fuq il-prezz ta’ bejgħ domestiku attwali tat-tranżazzjonijiet profitabbli tul il-perjodu ta’ investigazzjoni

(17)

Fejn il-prezzijiet domestiċi tat-tip ta’ prodott partikolari ma setgħux jintużaw sabiex ikun stabbilit il-valur normali, kellu jiġi applikat metodu ieħor. Skont l-Artikolu 2(3) tar-Regolament bażiku, il-Kummissjoni, minflok, ikkalkulat valur normali kompost, kif ġej:

(18)

Il-valur normali kien mibni billi mal-ispejjeż tal-manifattura tat-tipi esportati ta’ kull esportatur, ġie miżjud ammont raġonevoli għall-bejgħ, għall-infiq ġenerali u amministrattiv (“spejjeż BĠ&A”) u marġini raġonevoli ta’ qligħ.

(19)

Fil-każijiet kollha l-ispejjeż BĠ&A u l-qligħ ġew stabbiliti bil-metodi stabbiliti fl-Artikolu 2(6) tar-Regolament Bażiku. Għal dan l-għan, il-Kummissjoni eżaminat jekk l-ispejjeż BĠ&A mġarrba u l-qligħ imsawwar mill-produttur esportaturi mill-bejgħ fis-suq domestiku tal-prodott simili kienx jikkostitwixxi dejta affidabbli u f’dan il-każ iddeterminat li dan kien xieraq biex jintuża biex jifforma l-valur normali.

(20)

Il-bejgħ tal-esportazzjoni tal-prodott ikkonċernat minn HEG sar direttament lil konsumaturi indipendenti fil-Komunità, u għalhekk il-prezz tal-esportazzjoni ġie stabbilit fuq il-bażi tal-prezzijiet li effettivament tħallsu jew li jistgħu jitħallsu għall-prodott ikkonċernat waqt il-PIR skont l-Artikolu 2(8) tar-Regolament bażiku.

(21)

It-tqabbil bejn il-valur normali u l-prezz tal-esportazzjoni sar fuq bażi ta’ kif joħroġ mill-fabbrika u fl-istess livell ta’ kummerċ. Sabiex jiġi assigurat tqabbil ġust, ġew ikkunsidrati, bi qbil mal-Artikolu 2(10) tar-Regolament bażiku, dawk id-differenzi fil-fatturi li ntwerew li jaffettwaw il-prezzijiet u t-tqabbil tal-prezzijiet. Fuq il-bażi ta’ dan, saru konċessjonijiet, fejn applikabbli u ġustifikati, għal differenzi fir-ribassi, għall-ispejjeż tat-trasport, l-assigurazzjoni, l-ispejjeż tat-tagħbija, l-ispejjeż tal-imballaġġ, l-ispejjeż ta’ kreditu u ġew stabbiliti dazji doganali.

(22)

QKif previst fl-Artikolu 2(11) tar-Regolament bażiku, il-valur normali medju bil-piż differenzjat skont it-tip tqabbel mal-prezz medju bil-piż differenzjat tal-esportazzjoni tat-tip korrispondenti tal-prodott ikkonċernat.

(23)

Il-marġini tad-dumping ta’ HEG espress bħala perċentwali tal-prezz nett, bla ħlas fil-fruntieri tal-Komunità, id-dazju mhux imħallas, instab li kien de minimis skont l-Artikolu 9(3) tar-Regoalment baziku.

(24)

Skont l-Artikolu 11(3) tar-Regolament bażiku, ġie eżaminat ukoll jekk kienx raġjonevoli li ċ-ċirkostanzi mibdula jitqisu bħala ta’ natura dejjiema.

(25)

Filwaqt li l-ispejjeż tal-produzzjoni tal-kumpanija ma kinux naqsu b’mod sinifikanti mill-investigazzjoni oriġinali, il-prezz tal-esportazzjoni tal-prodott ikkonċernat kien żdied sostanzjalment waqt il-PIR, u b’hekk tneħħew is-sejbiet dwar id-dumping mill-investigazzjoni oriġinali.

(26)

L-aħħar data disponibbli miġbura għall-perjodu wara l-PIR wriet li l-prezzijiet ta’ importazzjoni minn HEG baqgħu kemm għoljin kif ukoll stabbli, u b’hekk ġie kkonfermat li l-kumpanija kompliet ma tiddampjax wara l-PIR.

(27)

Instab ukoll li, waqt il-PIR, esportazzjonijiet minn HEG għas-swieq oħra minbarra l-UE saru bi prezzijiet ‘l fuq mill-prezzijiet fis-suq domestiku Indjan.

(28)

F’dawn iċ-ċirkostanzi, is-sejbiet mill-PIR jistgħu jitqiesu dejjiema.

(29)

Kif iddikjarat hawn fuq, HEG instab li kien qed jiddampja f’livell de minimis waqt il-PIR. Madankollu, ġie innutat li, waqt li l-marġini tad-dumping stabbilit għall-kumpanija kkonċernata fl-investigazzjoni oriġinali kien ta’ 22,4 %, id-dazju tal-anti-dumping attwalment fis-seħħ għal din il-kumpanija huwa ta’ 0 % (4). Dan jirriżulta mill-fatt li hemm dazji kumpensatorji paralleli fis-seħħ fuq importazzjonjiet tal-prodott ikkonċernat. F’dawn iċ-ċirkostanzi, is-sejba ta’ dumping de minimis m’għandu l-ebda impatt immedjat fuq il-livell ta’ miżuri attwalment fis-seħħ (5).

(30)

Il-partijiet interessati ġew informati bil-fatti, il-konsiderazzjonjiet u s-sejbiet essenzjali tal-investigazzjoni u ngħataw l-opportunità li jikkumentaw. Ma waslu l-ebda kummenti,

17.7.2009   

MT

Il-Ġurnal Uffiċjali tal-Unjoni Ewropea

L 185/19

17.7.2009   

MT

Il-Ġurnal Uffiċjali tal-Unjoni Ewropea

L 185/21

(1)

Ir-Regolament (KE) Nru 616/2007 fetaħ kwoti tariffarji għall-importazzjoni tal-prodotti tas-settur tal-laħam tat-tjur.

(2)

L-applikazzjonijiet għal-liċenzji tal-importazzjoni introdotti natul l-ewwel sebat ijien tax-xahar ta’ Lulju 2009 għas-subperjodu mill-1 ta’ Ottubru sal-31 ta’ Diċembru 2009 huma, għal ċerti kwoti, ogħla mill-kwantitajiet disponibbli. Jeħtieġ għalhekk li jiġi determinat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent ta’ allokazzjoni li għandu jkun applikat għall-kwantitajiet mitluba,

17.7.2009   

MT

Il-Ġurnal Uffiċjali tal-Unjoni Ewropea

L 185/23

17.7.2009   

MT

Il-Ġurnal Uffiċjali tal-Unjoni Ewropea

L 185/24

(1)

Fil-5 ta’ Lulju, il-Kummissjoni rċeviet ilment dwar programm imwaqqaf minn Spanja sabiex tgħin lill-industrija tat-tessuti tagħha (“Plan de apoyo al sector textil y de la confección”, minn hawn ‘il quddiem “il-Pjan tat-Tessuti”).

(2)

Permezz tal-ittra tal-1 ta’ Awwissu 2006, il-Kummissjoni talbet lill-awtoritajiet Spanjoli biex jipprovdu kull informazzjoni meħtieġa dwar il-Pjan tat-Tessuti, li għaliha wieġbu permezz tal-ittra tad-29 ta’ Settembru 2006, irreġistrata li waslet fit-2 ta’ Ottubru 2006.

(3)

Fit-13 ta’ Novembru 2007, il-Kummissjoni bdiet il-proċedura ta’ investigazzjoni formali. Wara l-pubblikazzjoni tagħha, il-Kummissjoni rċeviet kummenti minn żewġ partijiet interessati, li xtaqu jibqgħu anonimi, fit-22 ta’ Frar 2008 u fid-9 ta’ April 2008 rispettivament. Il-Kummissjoni talbet kjarifiki permezz tal-ittra tat-18 ta’ April 2008, li għaliha l-awtoritajiet Spanjoli wieġbu permezz tal-ittra tat-30 ta’ Mejju 2008. Il-Kummissjoni bagħtet il-kummenti tal-partijiet interessati lill-awtoritajiet Spanjoli fis-6 ta’ Mejju 2008, li għalihom wieġbu permezz tal-ittra tat-12 ta’ Ġunju 2008.

(4)

Fil-11 ta’ Settembru 2008, saret laqgħa bejn il-Ministeri differenti Spanjoli u l-Kummissjoni. L-awtoritajiet Spanjoli pprovdew iktar informazzjoni permezz tal-ittra tas-17 ta’ Settembru 2008.

(5)

Fit-3 ta’ Ottubru u fid-19 ta’ Frar 2009, il-Kummissjoni talbet iktar informazzjoni permezz ta’ e-mail, li għaliha l-awtoritajiet Spanjoli wieġbu fil-21 ta’ Ottubru 2008 u l-20 ta’ Frar 2009.

(6)

L-għan tal-Pjan tat-Tessuti hu li jgħin lill-kumpaniji tat-tessuti biex jaddattaw għal-liberalizzazzjoni sħiħa tal-kummerċ fit-tessuti u jrawmu l-kompetittività tagħhom, filwaqt li jżommu l-ogħla numru possibbli ta’ kumpaniji u impjiegi fi ħdan is-settur. Il-pjan kien imfassal ukoll biex jikkumpensal-effetti ħżiena tal-liberalizzazzjoni tal-kummerċ fil-prodotti tat-tessuti u tal-ħwejjeġ fuq il-ħaddiema u żoni sħaħ ta’ attività.

(7)

Dan inkluda miżuri diretti biex jgħinu l-kumpaniji (riċerka teknika, proġetti innovattivi, u promozzjoni tal-esportazzjoni). Miżuri oħrajn kienu mmirati b’mod iktar speċifiku lejn kwistjonijiet ta’ taħriġ u ta’ reklutaġġ iżda kienu wkoll ta’ benefiċċju indirett għall-kumpaniji u għenu biex jippromwovu l-iżvilupp industrijali mill-ġdid ta’ reġjuni affettwati minn kumpaniji fis-settur li jmorru f’post ieħor.

(8)

Il-Pjan tat-Tessuti kien applikat għall-kumpaniji kollha fis-settur tat-tessuti u tal-ħwejjeġ li l-attivitajiet industrijali tagħhom kienu affettwati minn ftehimiet kollettivi ġenerali fis-settur tat-tessuti u tal-ħwejjeġ jew li ġew taħt l-intestaturi 17, 18,1 u 2 tal-Klassifikazzjoni Nazzjonali tal-Attivitajiet Ekonomiċi (CNAE). Skont l-iformazzjoni pprovduta mill-awtoritajiet Spanjoli kien hemm 15 438 kumpanija bi 211 831 ħaddiem fis-settur fl-2001; sal-2007 dawn iċ-ċifri naqsu għal 11 554 kumpanija bi 140 541 ħaddiem u fl-2008 kien għad baqa’ biss 127 354 ħaddiem. Dan jikkorrispondi għal tnaqqis ta’ 25 % fin-numru ta’ kumpaniji bejn l-2001 u l-2007 minħabba l-globalizzazzjoni tas-settur.

(9)

75 % tas-settur tat-tessuti u tal-ħwejjeġ Spanjol hu magħmul minn kumpaniji b’inqas minn 10 ħaddiema u 35 % tal-kumpaniji fis-settur għandhom impjegat 1 jew 2.

(10)

Il-Kummissjoni bdiet proċedura ta’ investigazzjoni formali fir-rigward ta’ dawn il-miżuri li ġejjin:

(11)

L-għan ta’ din il-miżura speċifika kien li jippromwovi l-proġetti ta’ riċerka industrijali u ta’ żvilupp teknoloġiku li jżidu l-kapaċità teknoloġika tal-kumpaniji u jrawmu l-kooperazzjoni għar-riċerka u l-iżvilupp (R&Ż) bejn il-kumpaniji fis-settur tat-tessuti u tal-ħwejjeġ u l-entitajiet tar-riċerka u jħeġġeġ wkoll it-tixrid tar-riżultati.

(12)

Il-proġetti li jikkwalifikaw għal din il-miżura ta’ għajnuna kienu proġetti R&Ż, investiment f’assi tanġibbli jew mhux tanġibbli (għall-SMEs biss, bl-għan li jkunu inkorporati teknoloġiji avvanzati fil-proċessi ta’ produzzjoni tagħhom), proġetti li jxerrdu r-riżultati tal-attivitajiet tal-R&Ż u proġetti li joħolqu u jiżviluppaw ftehimiet ta’ kooperazzjoni bejn il-kumpaniji.

(13)

Skont l-awtoritajiet Spanjoli, dan il-programm kien ibbażat fuq skema ta’ għajnuna approvata N 415/04 (2). Il-programm fittex li jippromwovi r-riċerka teknika fis-settur tat-tessuti u tal-ħwejjeġ. Bejn l-2005 u l-2007 il-baġit tiegħu kien ta’ EUR 12,5 miljun fil-forma ta’ għotjiet u EUR 51 miljun fil-forma ta’ self mingħajr imgħax, li jridu jitħallsu fuq perjodu ta’ 12-il sena, li jinkludu perjodu ta’ konċessjoni ta’ sentejn.

(14)

L-għan ta’ din il-miżura kien li jgħin l-iżvilupp mill-ġdid industrijali ta’ żoni affettwati min bidliet strutturali. Dawn il-proġetti li ġejjin kienu eliġibbli:

(15)

Bejn l-2006 u l-2008 kien provdut finanzjament ta’ EUR 11,1 miljun fil-forma ta’ għotjiet u EUR 155,2 miljun fil-forma ta’ self mingħajr imgħax b’terminu ta’ 15-il sena u perjodu ta’ konċessjoni ta’ 5 snin. L-awtoritajiet Spanjoli indikaw li l-miżura kienet ibbażata fuq skema approvata N 101/2005 (3).

(16)

Il-miżura pprovdiet għal self preferenzjali ekwivalenti għall-kontribuzzjoni tal-kapital sabiex tippromwovi l-immodernizzar tal-prodotti, proċessi u ġestjoni tal-SMEs u l-ħolqien ta’ kumpaniji ġodda tat-teknoloġija f’żoni affettwati minn bidliet strutturali. SMEs ekonomikament u finanzjarjament tajbin kienu eliġibbli; kumpaniji kbar u kumpaniji li jinsabu f’diffikultà kienu esklużi. ENISA tat sussidju tar-rata ta’ imgħax ta’ 0,5 % lill-proġetti magħżula. Ir-rata fissa ta’ imgħax kienet Euribor sena + 0,25 % għas-self b’terminu ta’ 4-8 snin u perjodu ta’ konċessjoni ta’ 2-6 snin. Is-sussiju massimu għal kull kumpanija kien EUR 30 000.

(17)

Il-miżura kienet allokata baġit ta’ EUR 4,07 miljun bejn l-2006 u l-2008. Kien maħsub li l-element ta’ għajnuna (sussidju tar-rata ta’ imgħax ta’ 50 punti bażi) għandu jkun fi ħdan il-limitu de minimis ta’ EUR 200 000 (5).

(18)

Taħt din il-miżura, kumpaniji bbenefikaw minn self b’rati preferenzjali għall-investimenti produttivi innovattivi. Dan is-self kien ibbażat fuq ftehim bejn il-Ministeru tal-Industrija, it-Turiżmu u l-Kummerċ u, mill-5 ta’ Settembru 2006, l-entità pubblika tal-finanzi Instituto de Crédito Oficial (ICO). L-ICO aġixxa bħala intermedjarju bejn il-banek kummerċjali involuti, filwaqt li l-Ministeru tal-Industrija, it-Turiżmu u l-Kummerċ iffinanzja r-rati preferenzjali. Il-kundizzjonijiet tal-finanzjament kienu kif ġej:

Kumpaniji jew gruppi ta’ kumpaniji li l-attività ewlenija tagħhom tinvolvi distribuzzjoni kienu esklużi. Il-baġit ippjanat għal din il-miżura kien ta’ EUR 450 miljun.

(19)

L-Istitut Spanjol għall-Kummerċ Barrani (ICEX) implimenta diversi miżuri ta’ għajnuna taħt il-Pjan tat-Tessuti:

(20)

Il-miżuri kienu implimentati bħala parti mill-inizjattivi bħal pereżempju l-Pjan ta’ Moda Globali (Plan Global de la Moda), il-Pjan ta’ Abitat Spanjol (Plan Hábitat de España), stands uffiċjali, pjanijiet settorjali, konsorzji tal-esportazzjoni, pjanijiet għat-twaqqif ta’ negozji barra, pjanijiet għall-promozzjoni ta’ ditti Spanjoli, pjanijiet introdutorji għall-promozzjoni ta’ kummerċ barrani (PIPE), għajnuna għall-parteċipazzjoni fil-fieri, laqgħat ta’ rappreżentanti, missjonijiet ta’ kummerċ, investiment tan-negozju u forums tal-kooperazzjoni, ħolqien u aġġornament ta’ dejtabases ta’ operaturi, komunikazzjoni u kampanji pubbliċitarji.

(21)

L-għan ta’ din il-miżura kien li jipprovdi taħriġ lill-ħaddiema impjegati fis-settur tat-tessuti u tal-ħwejjeġ Spanjol sabiex itejbu l-ħiliet tagħhom u b’hekk issaħħu l-kompetittività tal-kumpanija u jleħħqu mal-modernizzazzjoni.

(22)

Taħt il-leġiżlazzjoni nazzjonali (6), sabiex jgħinu jiffinanzjaw il-programmi ta’ taħriġ speċifiċi tagħhom, il-kumpaniji setgħu jużaw parti tal-kontribuzzjonijiet imħallsa matul is-sena preċedenti lill-Fond Ġenerali tas-Sigurtà Soċjali għall-programmi ta’ taħriġ speċifiċi billi jnaqssuhom mill-kontribuzzjonijiet tas-sigurtà soċjali ordinarji. Xi persentaġġi kienu imtejba għas-settur tat-tessuti u tal-ħwejjeġ:

(23)

Il-kumpaniji kienu wkoll intitolati għall-kreditu addizzjonali ta’ 5 % biex jikkumpensal-ħin ta’ ħidma mitluf matul it-taħriġ.

(24)

Sabiex jibbenefikaw minn dawn il-miżuri l-kumpaniji kellhom jippreżentaw pjan ta’ taħriġ mill-ġdid lis-Servizz tal-Impjieg Spanjol li jiddeskrivi l-bidliet fil-proċess tal-produzzjoni, l-introduzzjoni ta’ struttura ta’ organizzazzjoni ġdida, taħriġ għall-makkinarju ġdid u taħriġ mill-ġdid għall-ħaddiema ssensjati. Huma kellhom ukoll jagħtu miri ta’ produttività u manteniment tal-impjieg f’karta separata u jindikaw l-ammont tal-investiment u l-kontribuzzjoni tagħhom stess. Dan il-pjan ta’ taħriġ mill-ġdid kellu bżonn ukoll l-approvazzjoni tal-Kumitat Konġunt tas-settur (50 % rappreżentanti tan-negozju u 50 % mill-unjins tas-settur tat-tessuti).

(25)

B’konformità mal-leġiżlazzjoni ġenerali ta’ Spanja, kumpanija li timpjega ħaddiem li għandu iktar minn 60 sena hi intitolata għall-tnaqqis ta’ 50 % fil-kontribuzzjonijiet tas-sigurtà soċjali. Fil-Pjan tat-Tessuti l-età tressqet ‘il quddiem għall-55 sena għall-ħaddiema b’kuntratt miftuħ u li ħadmu mal-kumpanija għal mill-inqas 5 snin.

(26)

Taħt il-leġiżlazzjoni tas-sigurtà soċjali ġenerali ta’ Spanja (Artikolu 33(4) tad-Digriet Irjali 1415/2004 tal-11 ta’ Ġunju 2004) id-dejn tas-sigurtà soċjali jista’ jkun differit u mħallas f’pagamenti jekk ikunu sodisfatti ċerti kundizzjonijiet, inkluża d-dispożizzjoni ta’ garanziji biex ikopru dan id-dejn. Madankollu, id-dispożizzjonijiet ta’ implimentazzjoni tagħha (7) jippermettu lill-awtoritajiet Spanjoli biex jawtorizzaw rinunzja tal-garanzija għad-dejn tas-sigurtà soċjali f’“ċirkustanzi eċċezzjonali”.

(27)

Il-bażi legali għall-miżura 1 (premessi 11 sa 13) hi l-Ordni ITC/217/2005 tal-4 ta’ Frar 2005 (8), li hi bbażata fuq ir-Regolament tal-Kummissjoni (KE) Nru 70/2001 tat-12 ta’ Jannar 2001 dwar l-applikazzjoni tal-Artikolu 87 u 88 tat-Trattat tal-KE għall-għajnuna mill-Istat lill-impriżi żgħar u ta’ daqs medju (9).

(28)

Miżura 2 (premessi 14 u 15) kienet ibbażata fuq miżuri ta’ għajnuna N 101/05 approvati mid-Deċiżjoni tal-Kummissjoni C(2005) 1523 (premessa 15) u XR/70/2007 taħt l-iskema ta’ għajnuna għall-investiment reġjonali (10).

(29)

Il-bażi legali għall-miżura 3 (premessi 16 u 17) hi l-Liġi 30/2005 tad-29 ta’ Diċembru 2005 (11).

(30)

Il-bażi legali għall-miżura 4 hi l-21 dispożizzjoni addizzjonali tal-Liġi msemmija hawn fuq 30/2005 – Azzjoni mill-Istitut tal-Kreditu Uffiċjali dwar self għall-kumpaniji fis-settur tat-tessuti, żraben, għamara u ġugarelli.

(31)

Miżura 5 (premessi 19 u 20) kienet ibbażata fuq l-Artikoli 14(1)(d) u 17(3)(m) tal-Liġi 38/2003 tas-17 ta’ Novembru 2003.

(32)

Miżura 6 (premessi 21 sa 24) hi rregolata mid-Digriet Irjali 1046/2003 tal-1 ta’ Awwissu 2003, l-Ordni TAS/500/2004 tat-13 ta’ Frar 2004.

(33)

Id-dispożizzjoni ġenerali li tkopri l-miżura 7 (premessa 25) tinsab fil-Liġi tad-Digriet Irjali 5/2006 tad-9 ta’ Ġunju 2006.

(34)

Il-miżura 8 (premessa 26) hi koperta mill-Artikolu 33(4) tad-Digriet Irjali 1415/2004 tal-11 ta’ Ġunju 2004.

(35)

Il-Pjan tat-Tessuti kien apparentament iffirmat f’Ġunju 2006 u applikat sal-31 ta’ Diċembru 2008. Skont l-informazzjoni provduta mill-awtoritajiet Spanjoli fis-17 ta’ Settembru 2008, m’hemm l-ebda pjan biex ikun estiż iktar (kif imsemmi taħt l-Artikolu I(2) tal-Pjan tat-Tessuti innifsu). Madankollu, il-miżura 1 applikat mill-2005 sal-2007.

(36)

Fid-deċiżjoni tagħha tat-13 ta’ Novembru 2007 li tibda proċedura ta’ investigazzjoni formali (“deċiżjoni sabiex tinbeda l-proċedura”), il-Kummissjoni uriet id-dubji tagħha dwar il-kompatibbiltà tal-miżuri mas-suq komuni u semmiet il-possibbiltà ta’ kombinazzjoni bla bżonn tal-miżuri differenti taħt il-Pjan tat-Tessuti.

(37)

L-awtoritajiet Spanjoli sostnew li d-deċiżjoni li tinbeda proċedura kienet tvarja mal-każistika Italgrani II (14).

(38)

L-awtoritajiet Spanjoli spjegaw li minbarra l-bażi legali ta’ N 415/2004, skema għall-kumpaniji kbar, li skadiet fil-31 ta’ Diċembru 2007 u li kienet issemmiet f’korrispondenza preċedenti, applikat ukoll, kif ukoll l-iskema XS 50/2005 (15) għall-SMEs, u li skadiet fit-30 ta’ Ġunju 2007.

(39)

Il-baġit attwalment imħallas kien ta’ EUR 14,24 miljun f’għotjiet u EUR 36,72 miljun f’self mingħajr imgħax b’terminu ta’ 12-il sena. Fil-21 ta’ Ottubru 2008, l-awtoritajiet Spanjoli tennew il-konformità tagħhom mal-kondizzjonijiet stipulati fl-iskema u kkonfermaw li l-iskema N 415/04 ma kinitx u mhux ser tkun applikata wara l-31 ta’ Diċembru 2007 u li l-iskema XS 50/05 ma kinitx u mhux ser tkun applikata wara t-30 ta’ Ġunju 2008.

(40)

L-awtoritajiet Spanjoli spjegaw li l-iskema N 101/2005 skadiet ladarba r-Regolament 1628/2006 daħal fis-seħħ (16). L-awtoritajiet Spanjoli sussegwentement innotifikaw l-iskema N 430/2006 li kienet irtirata fis-26 ta’ Jannar 2007. Minn dakinhar, skont l-informazzjoni pprovduta mill-awtoritajiet Spanjoli fit-30 ta’ Mejju 2008, il-miżuri kienu bbażati fuq XR/70/2007 (17). L-industrija tal-fibri sintetiċi ma kinitx eliġibbli għall-iskemi N 101/2005 u XR/70/2007 skont il-paragrafu 4 tal-Ordni ITC/1014/2005 u paragarfu 4 tal-Ordni ITC/3098/2006, kif emendati mill-paragrafu 3 tal-Ordni ITC/643/2007.

(41)

L-awtoritajiet Spanjoli kkonfermaw ukoll li l-miżura tista’ tikkwalifika bħala investiment inizjali, skont l-Ordni Ministerjali ITC/643/2007 tat-2 ta’ Ottubru 2007 li temenda l-Ordni ITC/3098/2006 (18). Id-deskrizzjoni tar-riċevituri fil-paragrafu 4 tal-Ordni Ministerjali ITC/643/2007 ikkorrespondiet mad-definizzjoni tal-investiment inizjali kif provdut mil-linji gwida dwar l-Għajnuna Reġjonali (19) u r-Regolament Nru 1628/2006.

(42)

Il-baġit imħallas kien ta’ EUR 10,97 miljun f’għotjiet u EUR 150,8 miljun f’self li jrid jitħallas.

(43)

L-awtoritajiet Spanjoli kkonfermaw li r-riċevituri kienu esklussivament SMEs. L-ammont massimu stmat ta’ għajnuna ta’ EUR 30 000 għal kull kumpanija kien ikkalkulat fuq il-bażi ta’ self massimu ta’ EUR 1 000 000. Mill-1 ta’ Jannar 2006 sat-13 ta’ Jannar 2008, għaxar kumpaniji bbenefikaw mill-miżura, filwaqt li 23 kumpanija kienu miċħuda. Is-sussidju tar-rata ta’ mgħax ta’ 0,5 punti perċentwali ma kienx mogħti.

(44)

Fit-30 ta’ Mejju u fil-laqgħa fil-11 ta’ Settembru 2008, l-awtoritajiet Spanjoli enfasizzaw li l-finanzjament kien mogħti fuq termini ta’ suq normali iżda li kumpaniji kbar u dawk li jinsabu f’diffikultà kienu esklużi. L-awtoritajiet Spanjoli kkonfermaw dan bil-kitba permezz tal-ittra tal-21 ta’ Ottubru 2008 u impenjaw ruħhom biex ma japplikawx din il-miżura sal-iskadenza tal-Pjan tat-Tessuti.

(45)

Il-bażi legali għal din il-miżura kien ir-Regolament de minimis. Is-self massimu għal kull riċevitur kien stabbilit għal EUR 2,3 miljuni. Il-limiti de minimis kienu rispettati dejjem. Dawn l-ammonti ma setgħux ikunu kombinati ma’ għajnuna oħra jekk dan ifisser li l-limitu de minimis permess kien maqbuż. Għaldaqstant, kull riċevitur ried jimla formola ta’ dikjarazzjoni annwali. L-ICO fassal rapporti annwali tal-miżura, li kienu ntbagħtu lill-istituzzjonijiet tal-kreditu li kkollaboraw mal-ICO.

(46)

Sa Settembru 2008, EUR 54,79 miljun mill-EUR 450 miljun kienu mħallsa. L-ammont massimu tas-self kien ta’ EUR 2,3 miljun. Ir-rati ta’ mgħax kienu bejn 5,59 % u 4,94 % wara li r-rata ta’ referenza Ewropea għal Spanja saret 5,19 %. L-awtoritajiet Spanjoli kkonfermaw li huma kienu applikaw il-Komunikazzjoni ġdida dwar ir-Rati ta’ Referenza (20) mill-1 ta’ Lulju 2008. Skont l-awtoritajiet Spanjoli, l-entitajiet finanzjarji li qed jipparteċipaw iddeterminaw il-marġini li kien miżjud mar-rata ta’ referenza. L-ICO pprovdilhom wkoll l-informazzjoni dwar il-marġini medji applikati fi Spanja fuq il-bażi ta’ dejta pprovduta mill-Bank ta’ Spanja.

(47)

Fil-21 ta’ Ottubru 2008, l-awtoritajiet Spanjoli ppreżentaw ħarsa ġenerali tal-għajnuna de minimis mogħtija fl-2006, 2007 u 2008, flimkien mad-dikjarazzjonijiet korrispondenti. L-awtoritajiet Spanjoli impenjaw ruħhom biex fil-futur ikunu konformi mar-Regolament de minimis.

(48)

Il-miżuri ikkonċernati kienu miżuri ġenerali miftuħa għas-setturi kollha. L-attivitajiet issussidjati kienu simili għal dawk imsemmija fl-Artikolu 5 tar-Regolament dwar l-SME Kien ferm diffiċli li jkun stmat l-ammont tal-għajnuna peress li l-iskema kienet applikata b’mod intermittenti, indirettament u b’mod mhux ċar.

(49)

Bejn l-2006 u l-2008 kienu mħallsa fondi li jammontaw għal EUR 7,5 miljun. L-awtoritajiet Spanjoli indikaw li din il-miżura, li bbenefikaw minnha wkoll impriżi kbar, kienet koperta mir-Regolament de minimis.

(50)

Fir-rigward tal-applikazzjoni tar-Regolament de minimis, l-awtoritajiet Spanjoli spjegaw li ICEX talab minn kull riċevitur dikjarazzjoni tal-għajnuna rċevuta bbażata fuq spejjeż eliġibbli skont l-Artikolu 14(1)(d) tal-Liġi 38/2003 tas-17 ta’ Novembru 2003. Ir-riċevituri kienu mitluba biex jinfurmaw lil ICEX dwar sussidji futuri. B’konformità mal-Artikolu 17(3)(m), ICEX kellu jiċċekkja l-kompatibbiltà ma’ għajnuna oħra rċevuta fuq il-bażi tal-istess spejjeż eliġibbli. L-awtoritajiet Spanjoli pprovdew tabella li turi li l-għajnuna de minimis mogħtija mill-ICO u mill-ICEX mill-2006 sal-2008 fis-settur tat-tessuti u tal-ħwejjeġ ma qabżitx il-limitu ta’ EUR 200 000 għal kull kumpanija matul tliet snin ta’ taxxa.

(51)

Il-miżura kienet ta’ natura ġenerali, minkejja li kienet primarjament immirata lejn l-SMEs. B’hekk kumpaniji b’inqas minn 5 impjegati biss setgħu jirċievu ammonti ogħla minn dawk imħallsa fis-sena preċedenti lill-Fond Ġenerali tas-Sigurtà Soċjali. Riċevituri oħrajn setgħu biss jirkupraw persentaġġ tal-kontribuzzjoni imħallsa għall-għanijiet ta’ taħriġ personali fis-sena finanzjarja attwali. Skont l-awtoritajiet Spanjoli, l-intensità tal-għajnuna għall-SMEs kienet madwar 11,3 % u 20 % għall-impriżi kbar. Il-baġit pjanat kien ta’ EUR 50 000 kull sena.

(52)

Sat-13 ta’ Jannar 2008, kumpanija waħda biss kienet magħżula għall-miżura. L-awtoritajiet Spanjoli kkonfermaw li skont il-Linji gwida tas-salvataġġ u ristrutturazzjoni (21), kumpaniji li jinsabu f’diffikultà kienu esklużi mill-iskema.

(53)

L-awtoritajiet Spanjoli enfasizzaw li l-kumpaniji kienu biss eliġibbli jekk l-impjegati tagħhom li kellhom iktar minn 55 sena kienu impjegati mill-kumpanija għal ta’ mill-inqas 5 snin, li naqqset l-eliġibbiltà għal madwar 50 %. Il-biċċa l-kbira tar-riċevituri (53 %) kienu nisa, filwaqt li 76 % kellhom livell ta’ ħila u ta’ taħriġ vera baxx, li kien jagħmila diffiċli għalihom biex isibu xogħol ieħor.

(54)

L-awtoritajiet Spanjoli enfesizzaw li l-Artikolu 137(1) u l-Artikolu 4 tat-Trattat tal-KE taw l-Istati Membri awtonomija fi kwistjonijiet ta’ sigurtà soċjali.

(55)

Sal-1 ta’ Jannar 2008, 6 313-il impjegat fi 2 015 kumpanija bbenefikaw mill-iskema, u dan jikkorrispondi għal 16,6 % ta’ kumpaniji u 4,5 % ta’ impjegati fis-settur. 56 % tal-kumpaniji riċevituri bbenefikaw mill-miżura għal ħaddiem wieħed biss, 30 % għal 2,3 u 4 ħaddiema u 13 % għal bejn 5 u 30 ħaddiem; 1 % biss bbenefika mill-mizura għal iktar minn 30 ħaddiem; 1 428 kumpanija rċeviet sussidju ta’ inqas minn EUR 500. Il-baġit għal din il-miżura kien EUR 15-il miljun għal kull sena. L-għajnuna medja għal kull ħaddiem li kellu bejn 55-58 sena kienet EUR 151/xahar, li tikkorrispondi għal intensità ta’ 8,3 % tal-ispejjeż tax-xogħol. L-għajnuna għall-ħaddiema ta’ 59 sena ammontat għal EUR 44/xahar, jiġifieri 2,6 % tal-ispejjeż tax-xogħol. 5,2 % biss tal-ħaddiema fis-settur kienu eliġibbli għal din il-miżura. L-impatt medju għal kumpanija kien 0,3 % tal-ispejjez tax-xogħol tagħha.

(56)

Minkejja isimha, din ma kinitx miżura mmirata biex iżomm l-impjieg iżda alternattiva għall-irtirar kmieni. L-awtoritajiet Spanjoli sostnew ukoll li l-ammont ta’ EUR 151/kien inċentiv biżejjed biex persuna tinżamm impjegata pjuttost milli l-istess persuna tkun impjegata u mhux iddikjarata.

(57)

Il-miżura ma setgħetx tkun applikata għall-industrija tal-fibri sintetiċi jekk il-kumpanija kellha l-attività ewlenija tagħha fis-settur tat-tessuti u jekk kienet inkluża fin-negozjar kollettiv għas-settur tat-tessuti u tal-ħwejjeġ pjuttost milli l-industrija tal-kimika. Konsegwentement kien hemm biss possibbiltà żgħira li l-produtturi tal-fibri sintetiċi ser jibbenefikaw mill-miżura.

(58)

Permezz tal-ittra tas-17 ta’ Settembru 2008 l-awtoritajiet Spanjoli kkonfermaw li din kienet miżura ġenerali u li l-ebda differimenti tat-taxxa ma ngħataw lil kumpaniji fis-settur tat-tessuti taħt il-Pjan tat-Tessuti.

(59)

Fil-21 ta’ Ottubru 2008, l-awtoritajiet Spanjoli ftehmu li fil-każ mhux mistenni li kumpanija tat-tessuti u tal-ħwejjeġ titlob eżenzjoni ta’ garanzija għal differementi ta’ taxxa, it-talba ser tkun ittrattata fuq il-bażi ta’ leġiżlazzjoni ġenerali u mhux tal-Pjan tat-tessuti.

(60)

Fl-aħħar nett, l-awtoritajiet Spanjoli impenjaw ruħhom biex ikunu konformi mal-leġiżlazzjoni Komunitarja dwar il-kombinazzjoni tal-miżuri de minimis.

(61)

Il-Kummissjoni rċeviet kummenti minn żewġ partijiet, li xtaqu jibqgħu anonimi.

(62)

L-ewwel sett ta’ kummenti ċaħdu l-għajnuna mill-Istat settorjali lill-industrija tat-tessuti minħabba li kienet tfixkel il-kompetizzjoni. L-awtoritajiet iffavorixxew il-linja meħuda mill-Kummissjoni fid-deċiżjoni tagħha li tibda proċedura u enfasizzaw li l-Pjan tat-Tessuti ma stabbilixxiex limiti fuq is-sussidji li kull kumpanija setgħet tirċievi. Il-ġustifikazzjonijiet imressqa mill-awtoritajiet Spanjoli ma kinux biżejjed. Għajnuna għal R&Ż kienet utli, iżda għandha tkun limitata għal SMEs. Huma kkunsidraw li l-għajnuna mill-Istat għall-assi intanġibbli għandha tkun miċħuda minħabba li kienet użata wisq faċilment b’mod ħażin. Barra minn hekk, minkejja li miżuri ta’ taħriġ għall-impjegati mkeċċija mill-industrija tat-tessuti kienu ta’ benefiċċju, l-għotja ta’ 80 % skont fuq il-kontribuzzjonijiet ta’ sigurtà soċjali ser jibbenefikaw biss l-impjegati indirettament u dan mhux aċċetabbli. Jekk il-kumpaniji tat-tessuti kellhom iktar vantaġġi minn setturi oħra fir-rigward tal-ħlas f’pagamenti tas-self tas-sigurtà soċjali, dan ser jikkostitwixxi għajnuna mill-Istat illegali.

(63)

Il-kummenti l-oħra rreferew għall-prezzijiet vera baxxi ta’ Geotexan fis-suq Spanjol, li jistgħu jkunu minħabba l-implimentazzjoni tal-Pjan tat-Tessuti Spanjol.

(64)

L-awtoritajiet Spanjoli argumentaw li l-Kummissjoni ma kklassifikatx l-miżuri bħala għajnuna mill-Istat fid-deċiżjoni li tinbeda proċedura iżda sempliċiment rreferiet għal dik il-possibbiltà. Spanja wieġbet ukoll li s-sussidju għat-taħriġ għall-kumpaniji b’50-249 impjegat ammonta għal 20 % pjuttost milli żieda ta’ 80 %. L-intensità kienet konformi mal-limiti mogħtija fl-Artikolu 4 tar-Regolament tal-Kummissjoni (KE) No 68/2001 tat-12 ta’ Jannar 2001 dwar it-tħaddim tal-Artikoli 87 u 88 tat-Trattat tal-UE dwar l-għajnuna għat-taħriġ (22). Barra minn hekk, ir-riċevitur tal-miżura tat-taħriġ kien il-ħaddiem, li jew seta’ jibqa’ fil-kumpanija jew inkella jtejjeb it-taħriġ tiegħu sabiex ifittex xogħol ġdid.

(65)

Fir-rigward tat-tieni kumment, l-awtoritajiet Spanjoli argumentaw li l-allegazzjonijiet kienu sottomessi tard u l-ebda prova ma kienet provduta. L-għan tal-pjan tat-tessuti kien li jadatta l-kumpaniji fis-settur għal-liberalizzazzjoni tas-suq u mhux biex jiffavorixxi l-pożizzjoni ta’ kumpanija speċifika. Fir-rigward tal-kumpanija imsemmija b’mod espress, Geotexan twaqqfet fl-2004. Skont il-kriterju tal-eliġibbiltà għall-manteniment ta’ ħaddiema ta’ età ikbar f’xogħolhom, huma jridu jkunu ħadmu fil-kumpanija għal tal-inqas ħames snin, li ma kienx possibbli f’dan il-każ. M’hemmx rekord ta’ Geotexan li bbenefika mill-miżuri tal-għajnuna għat-taħriġ. Fi kwalunkwe każ, kieku kien ikun irċieva sussidju ta’ EUR 970 kull sena, li ma jkunx fattur deċiżiv fl-iżvilupp ta’ politika ta’ prezzar aggressiva.

(66)

Fi ftit kliem, il-kummenti ma kellhomx fatti jew raġunijiet legali u kienu ppreżentati f’termini ġenerali mingħajr ma pprovdew prova. B’hekk m’għandhomx ikunu kkunsidrati.

(67)

Kif stipulat fl-Artikolu 87(1) tat-Trattat, kull għajnuna mogħtija minn Stat Membru jew permezz tar-riżorsi tal-Istat fi kwalunkwe forma li tfixkel jew thedded li tfixkel il-kompetizzjoni billi tiffavorixxa ċerti impriżi jew il-produzzjoni ta’ ċerti prodotti għandha, safejn taffettwa l-kummerċ bejn Stati Membri, tkun inkompatibbli mas-suq komuni.

(68)

Skont l-awtoritajiet Spanjoli, il-miżura 3 ma ġietx applikata: Is-sussidju tar-rata ta’ mgħax ta’ 0,5 % ma kienx mogħti u l-finanzjament kien ibbażżat fuq kundizzjonijiet tas-suq normali. Il-Kummissjoni talbet lill-awtoritajiet Spanjoli għall-informazzjoni dwar ir-rati ta’ mgħax attwalment mogħtija lill-għaxar riċevituri. L-awtoritajiet Spanjoli wieġbu fit-13 ta’ Marzu 2009. Ir-rata ta’ mgħax kienet inqas mill-inqas rata ta’ referenza tas-sena f’żewġ każijiet biss (self ta’ EUR 300 000 u ieħor ta’ EUR 100 000 b’rata ta’ mgħax ta’ 4114 % fl-2007, meta l-inqas rata ta’ referenza kienet 4,62 %). Minħabba d-differenza żgħira bejn iż-żewġ rati, il-Kummissjoni trid tikkonkludi li l-għajnuna mill-Istat kienet ser tkun tant żgħira li kieku taqa’ taħt il-limitu de minimis. L-awtoritajiet Spanjoli impenjaw ruħhom biex ma japplikawx din il-miżura sakemm jiskadi l-Pjan. F’dawn iċ-ċirkustanzi, il-Kummissjoni trid tikkonkludi li l-ammont ta’ għajnuna kien inqas mil-limitu de minimis u li dan ma kienx kwistjoni ta’ għajnuna mill-Istat.

(69)

Dwar il-miżuri 4 u 5 l-awtoritajiet Spanjoli qalu li dawk kienu koperti mir-Regolament tal-Kummissjoni dwar l-għajnuna de minimis u b’hekk ma jikkostitwux għajnuna mill-Istat. Il-Kummissjoni trid għaldaqstant teżamina jekk il-kundizzjonijiet tar-Regolament de minimis kienux sodisfatti.

(70)

Fir-rigward tal-miżura 4 l-awtoritajiet Spanjoli pprovdew evidenza ta’ konformità mar-Regolament de minimis fil-passat u impenjaw ruħhom biex jagħmlu l-istess fil-futur. Huma taw ukoll assigurazzjonijiet li huma kkonformaw mal-Komunikazzjoni l-ġdida dwar ir-rati ta’ Referenza mill-1 ta’ Lulju 2008.

(71)

Fir-rigward tal-miżura 5, ir-Regolament de minimis jeskludi għajnuna għall-promozzjoni tal-esportazzjoni. B’mod ġenerali, l-għajnuna għall-esportazzjoni hi tradizzjonalment imfissra fl-Artikolu 1(d) bħala “għajnuna marbuta direttament mal-kwantitajiet esportati, mal-istabbiliment u operazzjoni tan-netwerk ta’ distribuzzjoni jew mal-ispejjeż attwali marbuta mal-attività tal-esportazzjoni”. Ir-Regolament de minimis jiċċara iżjed fil-premessa 6 li “l-għajnuna lejn l-ispejjeż tal-parteċipazzjoni f’fieri kummerjċali jew ta’ studji jew servizzi ta’ konsulenza meħtieġa għat-tnedija ta’ prodott ġdid jew eżistenti f’suq ġdid normalment ma tikkostitwix għajnuna għall-esportazzjoni”. B’hekk, jekk l-għajnuna hi mogħtija għall-parteċipazzjoni ta’ grupp f’fieri kummerjċali, din hi koperta mir-Regolament de minimis (23). Permezz tal-ittra tat-30 ta’ Mejju 2008 l-awtoritajiet Spanjoli kkonfermaw li l-miżura kienet maħsuba biex tħeġġeġ kumpaniji li sal-lum ma kienux esportaw biex jiġu għall-fieri internazzjonali. B’hekk issodisfat dik il-kundizzjoni. Għajnuna għat-twaqqif ta’ infrastruttura tal-informazzjoni permezz ta’ portals tal-Internet mhix għajnuna għall-esportazzjoni u b’hekk taqa’ fi ħdan l-ambitu tar-regolament de minimis. Fl-aħħar nett, id-dispożizzjoni ta’ servizzi ta’ konsulenza biex trawwem il-potenzjal ta’ esportazzjoni tal-kumpaniji hi koperta mir-Regolament de minimis u b’hekk ma taqax taħt id-definizzjoni tal-għajnuna għall-esportazzjoni.

(72)

Madankollu, il-Kummissjoni baqgħet bid-dubji dwar jekk l-awtoritajiet Spanjoli kienux konformi mar-Regolament de minimis fil-passat. Għalhekk talbet lill-awtoritajiet Spanjoli biex jagħtu prova fuq il-bażi tal-Artikolu 3(3) tar-Regolament de minimis li kienu kkonformaw miegħu fil-passat fir-rigward tal-miżuri 4 u 5. Il-Kummissjoni talbet ukoll lill-awtoritajiet Spanjoli biex jimpenjaw ruħhom biex jirrispettaw ir-Regolament fil-futur, skont l-Artikolu 3(1). Dan jimplika li l-limitu ta’ EUR 200 000 għal kull impriża kien rispettat fit-tliet snin kollha ta’ taxxa, b’mod speċjali fir-rigward tal-kombinazzjoni possibbli ma’ miżuri oħrajn fil-Pjan tat-Tessuti bbażat fuq l-istess spejjeż eliġibbli. Kif diġà imsemmi fil-premessa 47, l-awtoritajiet Spanjoli pprovdew evidenza li r-Regolament de minimis kien irrispetat fil-passat u impenjaw ruħhom biex jirrispettawh fil-futur. B’hekk, il-miżuri 4 u 5 ma jikkostitwux għajnuna mill-Istat.

(73)

Il-miżura 8 hi miżura ġenerali pprovduta mil-liġi Spanjola li, skont l-awtoritajiet Spanjoli, qatt ma kienet applikata taħt il-Pjan tat-Tessuti. Jekk kumpanija titlob differiment ta’ taxxa fil-futur, l-awtoritajiet Spanjoli impenjaw ruħhom biex japplikaw ir-regoli ġenerali u ma jużawx din il-miżura. Peress li l-miżura 8 ma ġietx applikata, l-ebda għajnuna mill-Istat ma kienet involuta.

(74)

Il-miżuri 1, 2, 6 u 7 kienu mogħtija permezz ta’ riżorsi tal-Istat. Dawn il-miżuri jidhru li joffru vantaġġ selettiv aħjar lill-kumpaniji mis-settur tat-tessuti u tal-ħwejjeġ mill-kondizzjonijiet applikati taħt ir-regoli ġenerali u konsegwentement biex jiffavorixxu dawk l-impriżi. Hemm kummerċ estensiv fis-settur tat-tessuti u tal-ħwejjeġ għalhekk il-miżuri jistgħu jaffettwaw il-kummerċ bejn l-Istati Membri. Għalhekk, dawn il-miżuri jikkostitwixxu għajnuna mill-Istat fi ħdan it-tifsira tal-Artikolu 87(1) tat-Trattat.

(75)

Fir-rigward tal-miżura 1, il-Kummissjoni nnotat li l-iskema ta’ għajnuna approvata N 415/2004 hi applikabbli biss għall-impriżi kbar u attivitajiet R&Ż eliġibbli: spejjeż tal-persunal, strumenti u tagħmir rilevanti, spejjeż ta’ konsulenza esterna, spejjeż operattivi u spejjeż ġenerali addizzjonali li ġejjin mill-attività ta’ riċerka. Il-baġit kien EUR 16-il miljun fil-forma ta’ għotjiet u EUR 74.45 miljun fil-forma ta’ self sussidjat.

(76)

Il-Pjan tat-Tessuti ddefinixxa dawn li ġejjin bħala proġetti eliġibbli għall-impriżi kbar: proġetti R&Ż, proġetti għat-tixrid tar-riżultati tal-attivitajiet R&Ż u proġetti biex iwaqqfu u jiżviluppaw ftehim ta’ kooperazzjoni bejn il-kumpaniji. Il-baġit kien ta’ EUR 12.5 miljun fil-forma ta’ għotjiet u EUR 51 miljun fil-forma ta’ self sussidjat.

(77)

Fit-13 ta’ Jannar 2008 l-awtoritajiet Spanjoli tennew li huma ser jirrispettaw il-kundizzjonijiet imposti fuq l-iskema. Fuq din il-bażi, il-Kummissjoni trid tikkonkludi li l-miżura 1 għall-impriżi kbar tissodisfa l-kriterji stabbiliti fl-iskema.

(78)

Fir-rigward tal-miżura 1 għall-SMEs, li skont il-Pjan tat-Tessuti hija l-enfażi ewlenija tal-miżura 1, l-awtoritajiet Spanjoli spjegaw li din tkun koperta mill-iskema ta’ għajnuna XS 50/2005. L-għanijiet tal-iskema XS 50/2005 huma li jippromwovu proġetti ta’ riċerka għall-SMEs, itejbu l-kooperazzjoni bejn l-SMEs u l-entitajiet ta’ riċerka u li jxerrdu r-riżultati ta’ riċerka. Bħall-iskema preċedenti, din tkopri spejjeż personali, strumenti u tagħmir rilevanti, spejjeż ta’ konsulenza esterna, spejjeż operattivi u spejjeż ġenerali addizzjonali li ġejjin mill-attività ta’ riċerka, kif ukoll investiment f’assi tanġibbli u intanġibbli u servizzi ta’ konsulenza. Il-baġit annwali kien EUR 22 miljun f’forma ta’ għotjiet u self sussidjat.

(79)

Il-proġetti eliġibbli tal-Pjan tat-Tessuti kienu proġetti R&Ż, investimenti f’assi tanġibbli u intanġibbli maħsuba biex jinkorporaw teknoloġiji avvanzati fil-proċessi ta’ produzzjoni tagħhom, proġetti għat-tixrid tar-riżultati tal-attivitajiet R&Ż u proġetti biex iwaqqfu u jiżviluppaw ftehim ta’ kooperazzjoni bejn il-kumpaniji.

(80)

Il-Kummissjoni hi tal-fehma li l-miżura 1 applikabbli għal SMEs tissodisfa l-kriterji stabbiliti fl-iskema tal-għajnuna N 415/2004, li diġà kienet approvata, u fl-iskema tal-għajnuna XS 50/2005.

(81)

Fir-rigward tal-miżura 2, din kienet ibbażata fuq l-iskema tal-għajnuna approvata N 101/2005, li damet mill-1 ta’ Ġunju sal-1 ta’ Novembru 2006. L-għan ta’ din l-iskema kien li jħeġġeġ l-istrutturar ta’ żoni industrijali li sejrin lura f’reġjuni megħjuna. L-iskema kienet miftuħa għall-impriżi industrijali kollha li investew f’reġjuni megħjuna minbarra s-setturi tal-faħam, l-azzar u l-fibri sintetiċi. L-għajnuna kellha titħallas bħala self mingħajr imgħax ta’ tul ta’ żmien massimu ta’ 10 snin inkluż perjodu ta’ konċessjoni ta’ 5 snin. Il-baġit pjanat kien EUR 400 miljun.

(82)

Il-Pjan tat-Tessuti jissodisfa l-kriterji bażiċi minbarra dak għas-self mingħajr imgħax. Dawn kellhom tul ta’ żmien massimu ta’ 15-il sena b’perjodu ta’ konċessjoni ta’ 5 snin minflok t-tul ta’ żmien massimu ta’ 10 snin kif speċifikat fil-punt 11 tal-iskema. Wara li eżaminat dan il-punt il-Kummissjoni trid taċċettah peress li l-Kapitolu I 7.2 tal-Ordni ITC/3098/2006 jistipula li t-tul ta’ żmien massimu hu 10 snin kif ukoll perjodu ta’ konċessjoni ta’ 5 snin. Għalhekk il-Kummissjoni trid tikkonkludi li l-miżura 2 tissodisfa l-kriterji stabbiliti fl-iskema.

(83)

Fit-3 ta’ Lulju 2006, l-awtoritajiet Spanjoli nnotifikaw mill-ġdid l-iskema sabiex iġibuha konformi mal-linji gwida tal-għajnuna reġjonali ġodda (24) (N 430/2007) u fis-26 ta’ Jannar 2007 huma rtirawha sabiex jibbażawha fuq ir-Regolament tal-Kummissjoni (KE) Nru 1628/2006 tal-24 ta’ Ottubru 2006 dwar l-applikazzjoni għall-Artikolu 87 u 88 tat-Trattat għall-għajnuna tal-investiment reġjonali nazzjonali (25). Fl-20 ta’ Marzu 2007 l-iskema XR/70/2007 kienet adottata.

(84)

Skont l-Ordni ITC/3098/2006 u l-Ordni ITC/643/2007, proġetti eliġibbli inkludu: infrastruttura teknika, twaqqif ta’ parks teknoloġiċi, trasferiment ta’ għarfien speċjalizzat, tisħiħ u diversifikazzjoni tal-ekonomija lokali, ħolqien ta’ attivitajiet industrijali ġodda, żvilupp ta’ setturi fis-sod u ħolqien u espansjoni ta’ setturi emerġenti. L-industrija tal-fibri sintetiċi ma kinitx eliġibbli u l-miżura kkwalifikat bħala investiment inizjali.

(85)

Il-Kummissjoni hi għalhekk tal-fehma li l-miżura 2 tissodisfa l-kriterji stabbiliti fl-iskemi ta’ għajnuna approvati N 101/2005 u XR/70/2007.

(86)

L-awtoritajiet Spanjoli impenjaw ruħhom ukoll biex ma japplikawx il-miżuri wara l-iskadenza tal-iskemi li kienu bbażati fuqhom. Il-Kummissjoni b’hekk tikkunsidra li l-miżuri 1u 2 kienu koperti minn dawk l-iskemi u għandhom għalhekk jikostitwixxu għajnuna kompatibbli.

(87)

Il-Kummissjoni tikkunsidra li din il-miżura dwar taħriġ speċifiku mhix koperta kemm mir-Regolament tal-Kummissjoni (KE) Nru 800/2008 tas-6 ta’ Awwissu 2008 li jiddikjara ċerti kategoriji ta’ għajnuna bħala kompatibbli mas-suq komuni (Regolament għal Eżenzjoni Ġenerali Sħiħa) skont l-Artikoli 87 u 88 tat-Trattat (26) jew ir-Regolament preċedenti dwar l-għajnuna għat-taħriġ, peress li l-miżura ma tikkonċernax “impjieg ġdid” u impriżi kbar jibbenefikaw minnha wkoll.

(88)

Għalhekk il-Kummissjoni trid tivvalutaha direttament fuq il-bażi tal-Artikolu 87(3)(c) tat-Trattat. Għaldaqstant, għajnuna biex tiffaċilita l-iżvilupp ta’ ċerti attivitajiet ekonomiċi tista’ tkun ikkunsidrata kompatibbli mas-suq komuni, fejn ma taffettwax b’mod ħażin il-kondizzjonijiet tal-kummerċ sa punt li jmur kontra l-interess komuni.

(89)

Il-Kummissjoni ser tivvaluta l-kompatibbilità tal-miżura 6 b’analoġija (27) mar-Regolament tal-Għajnuna għat-Taħriġ bejn l-2006 u l-1 ta’ Awwissu 2008 u mar-Regolament għal Eżenzjoni Ġenerali Sħiħa mid-29 ta’ Awwissu 2008 sal-31 ta’ Diċembru 2008.

(90)

L-intensità tal-għajnuna għal taħriġ speċifiku kienet ta’ 19,96 % għal SMEs u 20 % għal impriżi kbar. Din l-intensità ta’ għajnuna hi inqas sew mil-limitu ta’ 35 % li r-Regolament tal-Għajnuna għat-Taħriġ jimponi fuq l-applikazzjoni għall-għajnuna għat-taħriġ u il-25 % impost mill-Artikolu 39 tar-Regolament għal Eżenzjoni Ġenerali Sħiħa.

(91)

Barra minn hekk, l-ammonti bilkemm ivarjaw mir-regoli ġenerali. Iż-żieda tiddependi fuq in-numru ta’ persunal impjegat u l-kontribuzzjoni imħallsa lis-sistema tas-sigurtà soċjali s-sena preċedenti. Il-kondizzjonijiet għal intitolament għall-miżura kienu restrittivi ħafna, peress li l-kumpaniji kellhom jistabbilixxu pjan, li kellu jkun approvat mill-Kumitat Konġunt (ara l-premessa 24).

(92)

Fl-20 ta’ Frar 2009, l-awtoritajiet Spanjoli kkonfermaw li l-effett tal-inċentiv addizzjonali għall-impriżi kbar skont l-Artikolu 8(3) tar-Regolament għal Eżenzjoni Ġenerali Sħiħa kien diġà ġie kkunsidrat fil-paragrafu I. 1.A c) tal-Pjan tat-Tessuti. Għaldaqstant, il-kumpaniji li applikaw kellhom jippreżentaw pjan ta’ taħriġ mill-ġdid lis-Servizz tal-Impjieg Pubbliku fejn jagħtu detall dwar l-għanijiet tal-impjieg u l-miżuri speċifiċi. Is-Servizz tal-Impjieg Pubbliku ċċekkja li wieħed jew iktar mir-rekwiżiti fl-Artikolu ta’ hawn fuq tar-Regolament għal Eżenzjoni Ġenerali Sħiħa kienu sodisfatti. Dan il-pjan inkluda dokument fejn jagħti l-għanijiet tal-produttività u tal-manteniment tax-xogħol u d-daqs tal-investiment ikkonċernat. Il-Kumitat Konġunt ħareġ ukoll rapport dwar il-pjan ta’ taħriġ mill-ġdid sottomess minn kull kumpanija jew grupp. Fuq il-bażi tal-informazzjoni pprovduta fil-pjan u fir-rapport sottomessi mill-Osservatorji Industrijali, l-Istat Membru ċċekkja li l-kriterji għall-effett tal-inċentiv għal impriżi kbar kienu sodisfatti.

(93)

Il-Kummissjoni trid tikkonkludi li l-effett tal-għajnuna fuq il-kompetizzjoni u l-kummerċ hu limitat ħafna. Għalhekk il-Kummissjoni tikkunsidra li l-miżura ma taffettwax b’mod ħażin il-kondizzjonijiet tal-kummerċ sa punt li jmur kontra l-interess komuni B’hekk il-Kummissjoni tikkunsidra din il-miżura kompatibbli mas-suq komuni fuq il-bażi tal-Artikolu 87(3)(c) tat-Trattat.

(94)

Il-miżura 7 hi wkoll mogħtija permezz ta’ riżorsi tal-Istat u apparentament tiffavorixxi s-settur. Fir-rigward tal-kompatibbilità, ma jidhirx li hi koperta kollha mill-Artikolu 15 tar-Regolament (KE) Nru 800/2008 (Regolament għal Eżenzjoni Ġenerali Sħiħa) jew mir-Regolament tal-Kummissjoni (KE) Nru 2204/2002 tat-12 ta’ Diċembru 2002 dwar dwar l-applikazzjoni tal-Artikoli 87 u 88 tat-Trattat KE dwar għajnuna mill-Istat għax-xogħol (28), minħabba li 27 kumpanija minn total ta’ 11 544 attivi fis-settur fl-2007 huma impriżi kbar u l-miżura ma tikkonċernax impjieg ġdid. Għalhekk, din il-miżura hi vvalutata fuq il-bażi tal-Artikolu 87(3)(c) (29).

(95)

Għajnuna mill-Istat fil-forma ta’ sussidji tal-pagi maħsuba biex iżidu d-domanda għall-ħaddiema żvantaġġjati “tista’ tipprovdi inċentivi addizzjonali lill-impriżi biex iżidu l-livelli ta’ impjieg tagħhom ta’ din il-kategorija ta’ ħaddiema.” Il-ħaddiema kkonċernati jaqgħu fi ħdan il-kategorija ta’ ħaddiema żvantaġġjati billi jkollhom iktar minn 50 sena. 76 % tal-ħaddiema li għandhom bejn 55 u 59 sena kellhom taħriġ u ħiliet baxxi, fatt li ma ppermettiex it-trasferiment tagħhom lejn setturi oħra jekk kienu ssensjati. Fir-rigward tan-numru ta’ ħaddiema kkonċernati, 10 215 il impjegat biss minn 123 574 fis-settur fl-2008 kellhom bejn 55 u 59 u kienu biss 6 700 ħaddiem li ħadmu mal-kumpanija għal iktar minn 5 snin u kellhom kuntratt miftuħ. Din iċ-ċifra tikkorrispondi għal 5,2 % tal-ħaddiema kollha fis-settur u l-intensità tal-miżura għal kull kumpanija kienet stmata għal 0,3 % tal-ispejjeż tax-xogħol tagħhom, li hu ferm inqas mil-limitu ta’ 50 % tal-ispejjeż eliġibbli pprovduti fl-Artikolu 40 tar-Regolament għal Eżenzjoni Ġenerali Sħiħa. L-impatt tal-miżura kien ukoll żgħir peress li kkonċerna l-iktar il-mikroimpriżi (74 %) u l-ammont tal-miżura kien minimu (0,3 % tal-ispejjeż tax-xogħol). Minkejja li l-impatt finanzjarju għall-kumpanija kien minimu, skont l-awtoritajiet Spanjoli dan ipprovda inċentiv sabiex l-impjegati kkonċernati jinżammu f’xogħolhom għal xi ftit iktar snin pjuttost milli jitkeċċew jew ikunu impjegati b’mod mhux iddikjarat. B’hekk, l-għajnuna dehret li kienet meħtieġa, proporzjonata u mmirata sew lejn il-grupp ta’ età ta’ ħaddiema żvantaġġjati.

(96)

Fir-rigward tal-effetti negattivi tal-għajnuna, wieħed għandu jinnota li l-miżura hi ffukata biss fuq is-settur tat-tessuti u tal-ħwejjeġ, industrija li sejra lura b’telf ta’ 40 % ta’ impjiegi mill-2001.

(97)

Wara li jitqiesu l-effetti pożittivi u negattivi, kien konkluż li l-għajnuna kellha effetti pożittivi għaliex hi ħeġġet lil kumpaniji – l-iktar mikroimpriżi – sabiex iżommu f’xogħolhom il-ħaddiema tagħhom b’età ta’ iktar minn 55 sena (minflok jimpjegawhom b’mod mhux iddikjarat), sakemm jagħlqu 60 sena, filwaqt li t-tfixkil tal-kompetizzjoni kien x’aktarx ikun limitat minħabba l-ammont żgħir ħafna tal-għajnuna.

(98)

Il-Miżura 7 hi għalhekk kompatibbli mas-suq komuni u konformi mal-Artikolu 87(3)(c) tat-Trattat.